rKTs


H34

(e-text produced by ACIP)

see text in Tibetan script
388a
//rgya gar skad du/ A TA nA Ti ya sU tra/ bod skad du/ lcang lo can gyi pho brang gi mdo/ 'phags pa dkon mchog gsum la gus pas phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i khab bya rgod phung po'i ri la bzhugs so/ /de nas rgyal po chen po bzhi po gnod sbyin mang po'i sde dang / dri za mang po'i sde dang / grul bum gyi sde mang po dang / klu'i sde mang po rnams phyogs
388b
bzhi bsrung zhing gnas so/ /phyogs bzhir tshan tshan du gnas so/ /phyogs bzhi skyob cing gnas so/ /mtshan mo 'ongs te/ kha dog sna tshogs pa can gyis bya rgod phung po'i ri 'ba' zhig snang bar byas te/ bcom ldan 'das ga la ba der song nas/ bcom ldan 'das la phyag byas nas phyogs gcig tu 'khod do/ /gnod sbyin de rnams las kyang / gang la las bcom ldan 'das la phyag byas nas phyogs gcig tu 'khod do/ /gang su dag gis bcom ldan 'das la bsnyun gsol te/ bsnyun gsol nas/ ji ltar snying po dang / snying po med pa'i gtam 'dri zhing phyogs gcig tu 'khod do/ /gang su dag gis bcom ldan 'das la thal mo sbyar ba'i phyag byas nas phyogs gcig tu 'khod do/ /gang su dag gis ming dang rigs spyod cing phyogs gcig tu 'khod do/ /gang su dag cang mi smra bar phyogs gcig tu 'khod do/ /phyogs gcig tu 'khod nas de nas rgyal po chen po rnam thos kyi bus| bcom ldan 'das la 'di skad ces gsol to/ /gnod sbyin ma rungs pa gang la la zhig bcom ldan 'das la ma dad par gyur to/ /gnod sbyin ma rungs pa gang la la zhig bcom ldan 'das la dad par gyur to/ /gnod sbyin 'bring po gang la la zhig btsun pa bcom ldan 'das lam dad par gyur to/ /gnod sbyin 'bring po gang la la zhig
389a
@#/ /btsun pa bcom ldan 'das la dad par gyur to/ /gnod sbyin dman pa gang la la zhig btsun pa bcom ldan 'das la ma dad par gyur to/ / gnod sbyin dman pa gang la la zhig btsun pa bcom ldan 'das la dad par gyur to/ /gnod sbyin gang la la zhig btsun pa bcom ldan 'das la ma dad par gyur pa'i rgyu gang lags/ btsun pa bcom ldan 'das kyis srog gcod pa spong ba'i chos bstan pa dang / ma byin bar len pa spong ba'i chos bstan pa dang / 'dod pa log par spyod pa spong ba'i chos bstan pa dang / brdzun du smra ba sbong ba'i chos bstan pa dang / myos bar 'gyur ba'i chang gi btung ba spong ba'i chos bstan pa mdzad la/ gnod sbyin gang de rnams srog gcod pa spong ba la mi dga' bar gyur ba dang / ma byin par len pa spong ba la mi dga' bar gyur pa dang / 'dod pa log par spyod pa spong ba la mi dga' bar gyur pa dang / brdzun du smra ba spong ba la mi dga' bar gyur pa dang / myos bar 'gyur ba'i chang gi btung ba spong ba la mi dga' bar gyur pas/ de rnams la mi dga' zhing mi 'dod par gyur to/ /btsun pa bcom ldan 'das kyi nyan thos ji snyed yod pa rnams 'brog dgon pa'i lam du zhugs nas nyal ba dang / 'dug pa la
389b
brten no/ /sgra med cing dbyangs med par dben par gnas shing 'du 'dzi'i 'tshe ba med do/ /so sor dge sbyong rnams mthun par gnas so/ /de na gnod sbyin ma rungs pa rnams kyi gnas yod do/ /gang zhig gis bcom ldan 'das kyi gsung rab la ma dad par gyur te/ de rnams dad par bya ba'i phyir btsun pa bcom ldan 'das la bslab par bya ste/ lcang lo can gyi pho brang gis bsrung du gsol/ dge slong ngam/ dge slong ma'am/ dge bsnyen nam/ dge bsnyen ma rnams la bsrung ba dang / sba ba dang / 'tshe ba med pa dang / bde ba dang / legs par gnas so/ /bcom ldan 'das kyis cang mi gsung ba'i tshul gyis gnang ngo / /de nas rgyal po chen po rnam thos kyi bus bcom ldan 'das kyis gnang ba shes te/ de'i tshe 'di ltar lcang lo can gyi pho brang gis srungs shig ces gsol to/ /spyan ldan dpal dang ldan pa yi/ /rnam par gzigs la phyag 'tshal lo/ /'byung po rnams la brtse ba yi/ /gtsug tor can la'ang phyag 'tshal lo/ /mgon med rnams la gdung ba yi/ /thams cad skyob la phyag 'tshal lo/ /bdud kyi sde rnams 'joms pa yi/ /'khor ba 'jig la phyag 'tshal lo/ /bram ze dpal dang ldan pa yi/ /gser thub la ni phyag 'tshal lo/ /sems can rnam grol mdzad pa yi/ /'od srung la ni phyag 'tshal lo/ /
390a
@#/ /shAkya'i sras ni dbal dang ldan/ /nyi ma'i rgyud la phyag 'tshal lo/ /sdug bsngal kun las sgrol mdzad ba/ /gang zhig chos ni rab ston mdzad/ / gang yang 'jig rten par gyur pa/ /ji lta ba bzhin gzigs gyur ba'i/ /de rnams la ni phram med/ /'jigs pa med pa chen po'o/ /gang zhig gau tam phyag byed pa/ /lha dang mi la phan pa yin/ /rig pa dang ni zhabs su ldan/ /'jigs pa med pa chen po ste/ /nyi ma'i dkyil 'khor chen po ni/ /gang zhig tu ni nub cing 'char/ /gang du nyi ma nub gyur pa/ / de ni mtshan mor 'gyur ba yin/ /gang du nyi ma shar gyur pa/ /de ni nyin mo zhes brjod do/ /gting ni zab ba'i rgya mtsho yi/ /de ni chu yi bcud bzang ngo / /de ltar der ni skyes gyur pa'i/ /rgya mtsho'i chu yi bcud bzhin no/ /'dir ni shar gyi phyogs kyi ni/ /skye bo rnams la 'di brjod de/ /de yi phyogs ni kun skyong ba'i/ /rgyal po chen po grags chen ldan| |dri za rnams kyi bdag po ste/ /ming ni rgyal po yul 'khor skyong / /dri za 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang ngo zhes bya stobs dang ldan/ /de ni dgu bcu rtsa gcig go /de yang sangs rgyas mthong ba dang / /nyi ma'i gnyan gyi sangs rgyas ni/ /'jigs dang
390b
bral ba chen po la/ /thag ring nas ni phyag bgyi'o/ /skyes bu cang mkhyen khyed phyag 'tshal| |skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyod phyag 'tshal/ /rtag tu 'di ni nyan pa'o/ /de phyir de ltar 'di brjod do/ /rgyal ba gau tam phyag gyis shig /rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /gang yang yi dwags rjod byed pa/ /phra ma rgyab kyi sha can dang / /srog gcod pa la chags pa dang / /skye bo ma lus 'joms pa'o/ /'dir ni lho yi phyogs gnas pa'i/ /skye bo rnams la 'di skad brjod/ /de yi gnas ni yongs skyong ba/ /rgyal po chen po grags ldan pa/ /grul bum rnams kyi bdag po ste/ /ming ni 'phags skyes po zhes bya| |grul bum 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go /de yang sangs rgyas mthong ba dang / /nyi ma'i rgyud kyis sangs rgyas ni/ /'jigs dang bral ba chen po la/ /thag ring nas ni phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan pa'o/ /de phyir de ltar 'di brjod
391a
@#/ /de/ /rgyal ba gau tam phyag gyis shig/ rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /nyi ma'i dkyil 'khor chen po ni/ /gang nas gang du shar gyur pa/ /der ni nyin mor 'gyur ba ste/ /nyin mo zhes ni brjod pa yin/ /gang du nyi ma nub gyur pa/ /de ni mtshan mor rjod par byed/ /gting ni zab pa'i rgya mtsho yi/ /de yi chu ni bcud bzang ngo / /de ltar der ni skyes gyur pa'i/ /rgya mtsho'i chu yi bcud bzhin no/ /'dir ni nub kyi phyogs kyi ni// skye bo rnams la 'di brjod de/ /de yi phyogs ni kun skyong ba'i/ /rgyal po chen po grags chen ldan/ /klu rnams kyi ni bdag po ste/ /'di yi ming ni mig mi bzang / /klu yi 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go /de yang sangs rgyas mthong ba dang / /nyi ma'i gnyen gyi sangs rgyas ni/ /'jigs dang bral ba chen po la/ /thag ring nas ni phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan pa'o/ /de phyir
391b
de ltar 'di brjod de/ /rgyal ba gau tam phyag gyis shig/ rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /gang zhig byang phyogs sgra mi snyan/ /lhun po bltan sdug ri dga'/ /der skyes ba yi mi rnams ni/ /bdag gis yongs su bzung ba med/ /de rnams sa bon 'debs pa med/ /rmo ba yang ni med pa yin/ / dka' spyad med par 'bras smin zhing / /mi rnams yongs su longs spyod do/ /spun med ma grugs shin tu dag /dri bzang 'bras ni 'bras bur ldan/ /'bras kyi 'o ma la 'tshed cing / /de bzhin bcos nas longs spyod do/ /ba lang rkang gcig la zhon nas/ /yul dang phyogs su 'gro bar byed/ /rkang pa gcig ba'i phyug zhon nas/ /yul dang phyogs su 'gro bar byed/ /bud med kyi ni bzhon pa la/ /zhon nas yul dang phyogs su 'gro/ skyes pa'i gzhon pa la zhon nas/ /yul dang phyogs su 'gro bar byed/ /gzhon nu ma yi bzhon pa la/ /zhon nas yul dang phyogs su 'gro /gzhon nu'i gzhon pa la zhon nas/ /yul dang phyogs su 'gro bar byed/ /bzhon pa de rnams la zhon nas/ /phyogs kun du ni rjes su 'gro/ gtso bo rgyal po khyed med do/ /glang chen bzhon dang rta yi bzhon/ /lha yi gzhon pa la gnas nas/ /khang bzang dang ni phyogs dang ni/ /rgyal po chen bo
392a
@#/ /grags dang ldan/ /de'i yang grub pa'i grong khyer ni/ /dri med bar snang la gnas pa/ /lcang lo can dang ku sha'i grong / /pha rol ku sha'i grong dang ni/ / nA TA'i grong dang pha rol gyi/ /ku shi ta yi grong yin no/ /byang gi phyogs na thams cad rgyas/ /skye bo'i tshogs pa mang po gnas/ /dgu bcu rtsa dgu grong mkha' la/ /rgyal po'i pho brang lcang lo can/ /slar yang drang srong chen po dang / /rgyal po chen po lus ngan bo/ /bi sA NA zhes ba rgyal po'i pho brang ngo / /de'i phyir rgyal po chen po rnam thos kyi bu dang / lus ngan po zhes brjod do/ /so sor rab tu gsal zhing zhi ba dang / de dang der ni de dang de mdangs dang / de'i gzi brjid dang / dpa' zhing stobs dang ldan pa'i rgyal po stobs dang ldan pa'i ming ngo / /sa gzhi yang ni bcud ldan no/ /gnas der sprin rnams char 'bebs par byed do/ /der ni b+ha ga la ba tI zhes pa'i rdzing bu'o/ /gang du gnod sbyin tshogs dang lhan cig tu gnas so/ /der ni rtag tu shing gi 'bras/ /sna tshogs bya rnams lhan cig gnas/ /rma bya khrung khrung sgra sgrogs shing / /khu byug rnams ni tshan tshan gnas/ /shang shang te'u sgra sgrogs shing / /de nas yang ni ngur pa dang / /gong mo nags kyi bya gag ni/ /nags kyi rdzing bur gnas pa'o/ /ne tso ri
392b
skegs de sgra 'byin/ /daN+Da mA Ta bya dkar ni/ /dus kun du ni mdzes par byed/ /lus ngan rgyal po'i rdzing rtag mdzes/ /'di ni byang gi phyogs kyi yul/ /skye bo rnams ni 'di bzhin brjod/ /de yi phyogs ni yongs skyong ba'i/ /rgyal po chen po grags dang ldan/ /gnod sbyin rnams kyi bdag bo ste/ /'di yi ming ni lus ngan po/ /gnod sbyin 'khor dang bcas pa ni| |glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go/ de yang sangs rgyas mthong ba dang / /nyi ma'i gnyen gyi sangs rgyas ni/ /'jigs dang bral ba chen po la/ /thag ring nas ni phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan pa'o/ /de phyir de ltar 'di brjod de/ /rgyal ba gau tam phyag gyis shig /rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /'dir ni drang srong chen pos lcang lo can gyi pho brang dang bcas pas srungs shig /dge slong ngam/ dge slong ma 'am/ dge bsnyen nam/ /dge bsnyen ma rnams la bsrung ba dang / sba ba dang / 'tshe ba med pa dang / bde ba dang / legs
393a
@#/ /bar gnas so/ /drang srong chen po/ gang su dag dge slong dang bcas pa'am/ dge slong ma dang bcas pa'am/ dge bsnyen dang bcas pa'am/ dge bsnyen ma dang bcas pa rnams la/ 'dir lcang lo can gyi pho brang gis de bsrung ba dang yongs su rdzogs pa thams cad yid la zungs shig /de'i yang mi ma yin rnams so/ / gnod sbyin nam/ gnod sbyin mo'am/ gnod sbyin gyi bu pho'am/ gnod sbyin gyi bu mo'am/ gnod sbyin gyi blon po chen po'am/ gnod sbyin gyi 'khor rma/ gnod sbyin gyi g.yog 'khor ram/ dri za pho'am/ dri za mo'am/ dri za'i bu mo'am/ dri za'i blon po chen po'am/ dri za'i 'khor ram/ dri za'i g.yog 'khor ram/ grul bum pho'am/ grul bum mo'am/ grul bum gyi bu pho'am/ grul bum gyi bu mo'am/ grul bum gyi blon po chen po'am/ grul bum gyi 'khor ram/ grul bum gyi g.yog 'khor ram/ klu pho 'am/ klu mo'am/ klu'i bu pho'am/ klu'i bu mo'am/ klu'i blon po chen po'am/ klu'i 'khor ram/ klu'i g.yog 'khor ram/ rab tu sdang ba'i sems kyis 'gro'am/ rjes su 'gro'am/ rjes su 'gro ba dang / sdod pa dang / lhan cig tu sdod pa dang / gnas pa dang / lhan cig tu gnas pa dang / nyal ba dang / lhan cig tu nyal ba rnams
393b
ni| drang srong chen po/ 'di rnams ni mi ma yin zhes bya'o/ /grong ngam/ grong rdal lam/ bkur stir byed pa'am/ bsti stang du byed pa la/ drang srong chen po/ mi ma yin rnams kyis de thob pa ma yin no/ /rgyal po'i pho brang lcang lo can zhes bya ba la gzhi 'am/ gnas sa med do/ /drang srong chen po/ mi ma yin rnams dang / gnod sbyin rnams kyis lhan cig tu gnas pa'ang mi thob bo/ /drang srong chen po/ gzhan yang / mi ma yin rnams kyis bka' mnyan par bya'o/ /drang srong chen po/ gzhan yang / mi ma yin rnams kyis bdag la phan pa rdzogs pa dang / pha rol la smod pa dang / rtsod pa dang / drang srong chen po/ gzhan yang / mi ma yin rnams la snod mer rab tu 'bar ba mgo la bskon pa dang / drang srong chen po/ gzhan yang / mi ma yin rnams kyi mgo po tshal ba bdun du gshegs par byed do/ /drang srong chen po/ gzhan yang / mi ma yin ni gtum pa dang / drang pa dang / khro ba'o/ /de rnams kyis 'di ltar rgyal po chen po la rjod par byed do/ /rgyal po chen po la brjod par ma nus na skyes bu la sogs pa la rjod par byed do/ /rgyal po'i skyes bu la brjod par ma nus na/ de'i 'og ma'i skyes bu rnams la rjod par byed do/ /drang srong chen po/ de yang mi ma yin rnams rgyal po chen po la 'gal ba smra ba'o/ /drang srong chen po/ 'di lta ste/ mang ga d+ha'i
394a
@#/ /yul gyi rgyal po la chom rkun byung na de ma thag tu rgyal po la rjod par byed do/ /rgyal po la brjod par ma nus na/ rgyal po'i skyes bu la rjod bar byed do/ / skyes bu la brjod par ma nus na de'i 'og ma'i skyes bu la rjod par byed pa bzhin no/ /drang srong chen po/ de yang ma ga d+ha'i rgyal po la chom rkun gyis gnod pa byed par brjod do/ / drang srong chen po/ 'di lta bu mi ma yin yod pa rnams gtum pa dang / drag pa dang / khro ba'o/ /de ma thag tu rgyal po rnams la rjod par byed do/ /rgyal bo chen po la brjod par ma nus na rgyal po'i skyes bu la rjod par byed do/ /skyes bu la brjod par ma nus na de 'og ma'i skyes bu la rjod par byed do/ /drang srong chen po/ de ni mi ma yin rnams rgyal po chen po rnams la 'gal bar rjod par byed do/ /drang srong chen po/ mi ma yin gang zhig gnod sbyin pho'am/ gnod sbyin mo'am/ gnod sbyin gyi bu pho'am/ gnod sbyin gyi bu mo'am/ gnod sbyin gyi blon po chen po'am/ gnod sbyin gyi 'khor ram/ gnod sbyin gyi g.yog 'khor ram/ dri za pho'am/ dri za mo'am/ dri za'i bu pho'am/ dri za'i bu mo'am/ dri za'i blon po chen po'am/ dri za'i g.yog 'khor ram/ grul bum pho'am/ grul bum mo'am/ grul bum gyi bu pho'am/ grul bum gyi bu mo'am/ grul
394b
bum gyi blon po chen po'am/ grul bum gyi 'khor ram/ grul bum gyi g.yog 'khor ram/ klu pho 'am/ klu mo 'am/ klu'i bu pho'am/ klu'i bu mo'am/ klu'i blon po chen po'am/ klu'i 'khor ram/ klu'i g.yog 'khor ram/ rab tu sdang ba'i sems kyis dge slong ngam/ dge slong ma'am/ dge bsnyen nam/ dge bsnyen ma rnams 'gro ba'am/ rjes su 'gro ba'am/ rjes su 'gro ba dang / sdod pa dang / lhan cig tu sdod pa dang / gnas pa dang / lhan gcig tu gnas pa dang / nyal ba dang / lhan cig tu nyal ba dang / 'di rnams ni gnod sbyin rnams dang / gnod sbyin chen po rnams dang / sde dpon rnams dang / sde dpon chen po rnams la gsol bar byed pa dang / nga ro sgrogs par byed pa dang / sgra cher sgrogs par byed pa'o/ /'dir gnod sbyin gyis bzung nas gnod sbyin 'dis tshe 'phrog par byed pa dang / gnod sbyin 'dis 'tshe bar byed pa dang / gnod sbyin 'di rnam par 'tho 'tsham par byed pa dang / gnod sbyin 'di gnod par byed pa dang / gnod sbyin 'di rnam par gnod par byed pa dang / gnod sbyin 'dis ni mi gtong bar byed do/ /gnod sbyin rnams dang / gnod sbyin chen po rnams dang / sde dpon rnams dang / sde dpon chen po rnams gang zhe na/ dbang po zla ba chu za dang / /b+hA ra dwa dza skye dgu'i bdag /tsin+dan dang ni 'od mchog
395a
@#/ /dang / /mgul ba mdzes dang mgul nges dang / /skye dgu'i bla mar gyur ba dang / /lha las byung ba'i kha lo ba/ /dri za sna tshogs sde dang ni/ /mi rgyal rgyal ba'i khyu mchog dang / /de bzhin ri dang gangs can dang / /gang ba smin drug phug dang ni/ /'tsho ba dang ni btang bzung dang / /sna tshogs bshes gnyen gnya' shing 'dzin/ / sa skyong rab tu rtogs ba dang / /ngo tsha mig dang khang pa dang / /lnga len gtum po A la pa ka/ srid sgrub yid bzang bzhin bzang dang / /zho gdong nor bu spyod/ /de bzhin dbang phyug dang bcas so/ /'di rnams ni gnod sbyin rnams dang / gnod sbyin chen po rnams dang / sde dpon rnams dang / sde dpon chen po rnams la gsol bar byed pa dang / nga ro sgrogs par byed pa dang / sgra cher sgrogs par byed pa'o/ /'dir gnod sbyin gyis bzung nas/ gnod sbyin 'dis tshe 'phrog par byed pa dang / gnod sbyin 'di 'tshe bar byed pa dang / gnod sbyin 'dis rnam par mtho 'tsham par byed pa dang / gnod sbyin 'dis gnod par byed pa dang / gnod sbyin 'di rnam par gnod par byed pa dang / gnod sbyin 'dis ni mi gtong bar byed do/ /drang srong chen po/ 'dis ni lcad lo can gyi pho brang gis srungs shig/ dge slong dang / dge
395b
slong ma dang / dge bsnyen dang / dge bsnyen ma rnams la bsrung ba dang / sba ba dang / 'tsho ba med pa dang / bde ba dang legs par gnas so/ /drang srong chen po/ da ni bdag cag rnams 'gro bar bgyi'o/ /bdag cag rnams ni bya ba mang ba dang / byed pa mang bas so/ /bcom ldan 'das kyis bka' stsal pa/ rgyal po chen po khyed rnams da ni 'gro bar gyis shig / de nas rgyal po chen po bzhi po rnams langs nas/ bcom ldan 'das la phyag byas te bskor ba byas nas der mi snang bar gyur to/ /gnod sbyin de rnams kyang langs nas gang su dag gis| bcom ldan 'das la phyag byas te bskor ba byas nas de nyid du mi snang bar gyur to/ /gang su dag gis bcom ldan 'das la bsnyun gsol ste/ bsnyun gsol nas snying po dang| snying po med pa ji ltar zhes zhus pa de rnams de nyid du mi snang bar gyur to/ /gang su dag gis bcom ldan 'das ga la ba der thal mo sbyar nas de nyid du mi snang bar gyur to/ / gang la la zhig gis ming dang / rigs rnam par dpyad nas de nyid du mi snang bar gyur to/ /gang la la zhig cang mi smra bar gyur te de nyid du mi snang bar gyur to/ /lcang lo can gyi pho blang gi mdo las/ skabs rab mchog dang po'o// //de nas yang bcom ldan 'das kyis de'i mtshan ma 'das nas/ dge slong rnams bos nas/ dge
396a
@#/ /slong dag/ 'di'i mtshan mo rgyal po chen po bzhi po rnams dang / gnod sbyin gyi sde dpon chen po rnams dang / dri za'i sde mang po dang / grul bu ma gyi sde mang po dang / klu'i sde mang po dang / phyogs bzhi bsrung zhing gnas so/ /phyogs bzhir tshon tshan du gnas so/ /phyogs bzhi skyong zhing gnas so/ /mtshan mo 'ongs te kha dog sna tshogs pa can gyis bya rgod phung po'i ri 'ba' zhig snang bar byas te/ bcom ldan 'das ga la ba der song ste song nas/ nga la phyag byas nas phyogs gcig tu 'khod do/ / dge slong dag dang / gnod sbyin de rnams gang la la zhig gis nga la phyag byas nas phyogs gcig tu 'khod do/ /gang su dag gis nga la bsnyun gsol te/ bsnyun gsol nas ji ltar snying po dang / snying po med pa'i gtam 'dri zhing phyogs gcig tu 'khod do/ /gang su dag gis nga la thal mo sbyar nas phyogs gcig tu 'khod do/ /gang su dag gis ming dang rigs dpyod cing phyogs gcig tu 'khod do/ /gang su dag cang mi smra bar phyogs gcig tu 'khod do/ /phyogs gcig tu 'khod nas dge slong dag dang / rgyal po chen po rnam thos kyi bus nga la 'di skad ces gsol nas/ gnod sbyin ma rungs pa yod pa rnams btsun pa bcom ldan 'das la ma dad par gyur to/ /gnod sbyin ma rungs pa
396b
gang la zhig bcom ldan 'das la dad par gyur to/ /gnod sbyin 'bring po gang la la zhig btsun pa bcom ldan 'das lam dad par gyur to/ /gnod sbyin 'bring po gang la la zhig btsun pa bcom ldan 'das la dad par gyur to/ /gnod sbyin dman pa gang la la zhig btsun pa bcom ldan 'das la ma dad par gyur to/ /gnod sbyin dman pa gang la la zhig btsun pa bcom ldan 'das la dad par gyur to/ /gnod sbyin gang la la zhig btsun pa bcom ldan 'das la ma dad par gyur pa'i rgyu gang lags/ btsun pa bcom ldan 'das kyis srog gcod pa spong ba'i chos bstan pa dang / ma byin par len pa spong ba'i chos bstan pa dang / 'dod pas log par spyod pa spong ba'i chos bstan pa dang / brdzun du smra ba spong ba'i chos bstan pa dang / myos par 'gyur ba'i chang gi btung ba spong ba'i chos bstan pas so/ /gnod sbyin gang dag de rnams btsun pas srog gcod pa spong ba la mi dga' bar gyur pa dang / ma byin par len pa spong ba la mi dga' bar gyur pa dang / 'dod pas log par spyod pa spong ba la mi dga' bar gyur pa dang / brdzun du smra ba spong ba la mi dga' bar gyur pa dang / myos par 'gyur ba'i chang gi btung ba spong ba la mi dga' bar gyur pas so/ /de rnams la mi dga' zhing mi 'dod par gyur to/ /btsun pa bcom
397a
@#/ /ldan 'das/ nyan thos ji snyed yod pa rnams 'brog dgon pa'i lam du zhugs nas nyal ba dang / 'dug pa dang brten to/ /sgra med cing dbyangs med par dben par gnas shing 'du 'dzi'i 'tshe ba med do/ /so sor dge sbyong rnams mthun zhing gnas so/ /de na gnod sbyin ma rungs rnams kyi gnas yod do/ /gang zhig bcom ldan 'das kyi gsung rang lam dad par gyur te/ de rnams dad par bya ba'i phyir btsun pa bcom ldan 'das la bslab par bya ste/ lcang lo can gyi pho brang gis bsrung du gsol/ dge slong ngam/ dge slong ma'am/ dge bsnyen nam/ dge bsnyen ma rnams la bsrung ba dang / sba ba dang / 'tshe ba med pa dang / bde ba dang / legs par gnas so/ /dge slong rnams la bdag gis cang mi gsung ba'i tshul gyis gnang ba byin no/ /de nas rgyal po chen po rnam thos kyi bus gnang ba byin par shes te/ de'i tshe 'di ltar lcang lo can gyi pho brang gis srungs shig ces gsol to/ /spyan ldan dpal dang ldan pa yi/ /rnam par gzigs la phyag 'tshal lo/ /sems can rnams la brtse ba yi| |gtsug tor can la phyag 'tshal lo/ /mgon med rnams la gdung ba yi/ /thams cad skyob la phyag 'tshal lo/ /'dud kyi sde rnams 'joms pa yi/ /'khor ba
397b
'jig la phyag 'tshal lo/ /bram ze dpal dang ldan pa yi/ /gser thub la ni phyag 'tshal lo/ /sems can rnam grol mdzad pa yi/ /'od srung la ni phyag 'tshal lo/ /shAkya'i sras ni dpal dang ldan/ /nyi ma'i rgyud la phyag 'tshal lo/ /sdug bsngal kun las grol mdzad pa/ /gang zhig chos ni rab ston mdzad/ /gang yang 'jig rten par gyur pa| |ji ltar ba bzhin gzigs gyur pa'i/ /de rnams la ni phra ma med/ /'jigs pa med pa chen po ni/ /gang zhig gau tam phyag byed pa/ /lha dang mi la phan pa yin/ /rig pa dang ni zhabs su ldan/ /'jigs pa med pa chen po ste/ /nyi ma'i dkyil 'khor chen po ni/ /gang zhig tu ni nub cing 'char/ /gang du nyi ma nub gyur pa/ /der ni mtshan mor 'gyur ba yin/ /gang du nyi ma shar gyur pa/ /der ni nyin mo zhes brjod do/ /gting ni zab pa'i rgya mtsho yi/ /de yi chu yi bcud bzang ngo / /de ltar der ni skyes gyur pa'i// rgya mtsho'i chu yi bcud bzhin no/ /'dir ni shar gyi phyogs kyi ni/ /skye bo rnams la 'di rjod do/ /de yi phyogs ni yongs skyong ba'i/ /rgyal po chen po grags chen ldan/ /dri za rnams kyi bdag po ste/ /ming ni rgyal po yul 'khor skyong / /dri za 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni
398a
@#/ /gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go /de yang sangs rgyas mthong ba dang / /nyi ma'i gnyen gyi sangs rgyas ni| |'jigs dang bral ba chen po la/ /thag ring nas ni phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung pa la// mi ma yin rnams khyed phyag 'tshal/ /rtag tu 'di ni nyan pa'o/ /de phyir de ltar 'di brjod do/ /rgyal ba gau tam phyag gyis shig /rgyal ba gau tam phyag bgyi'o/ /rig pa dang ni zhabs su ldan/ /rgyal ba gau tam phyag 'tshal lo/ /gang yang yi dwags rjod byed pa/ /phra ma rgyab kyi sha can dang / /srog gcod pa la chags pa dang / /skyes bu ma lus 'joms pa'o| |'dir ni lho yi phyogs gnas pa'i/ /skye bo rnams la 'di skad brjod/ /de yi gnas ni yongs skyong ba/ /rgyal po chen po grags ldan pa/ /grul bum rnams kyi bdag po ste// ming ni 'phags skyes po zhes bya/ /grul bum 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go /de yang sangs rgyas mthong ba dang / /nyi ma'i rgyud kyi sangs rgyas ni/ /'jigs dang bral ba chen po la/ /thag ring nas ni
398b
phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan pa'o/ /de phyir de ltar 'di brjod do/ /rgyal ba gau tam phyag gyis shig /rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo| |nyi ma'i dkyil 'khor chen po ni/ /gang nas gang du shar gyur pa/ /der ni nyin mor 'gyur ba ste/ /nyin mor zhes ni brjod pa yin/ /gang du nyi ma nub gyur pa/ /de ni mtshan mor rjod par byed/ /gting ni zab pa'i rgya mtsho yi/ /de'i chu yi bcud bzang ngo / /de ltar der ni skyes gyur pa'i/ /rgya mtsho'i chu yi bcud bzhin no/ /'dir ni nub kyi phyogs kyi ni// skye bo rnams la 'di brjod de/ /de'i phyogs ni kun bskyod pa'i/ /rgyal po chen po grags chen ldan/ /klu rnams kyi ni bdag po ste/ /'di yi ming ni mig mi bzang / /klu yi 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go/ de yang sangs rgyas mthong ba dang / /nyi ma'i gnyen gyi sangs rgyas ni/ /'jigs dang bral ba chen po la/ /thag ring nas ni phyag bgyid do/ /skyes bu cang mkhyen khyed phyag 'tshal/ /
399a
@#/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan ba'o/ /de phyir de ltar 'di brjod do/ /rgyal ba gau tam phyag gyis shig /rgyal ba gau tam phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /gang zhig byang phyogs sgra mi snyan| lhun po blta na sdug ri dga'/ /der skyes pa yi mi rnams ni/ /bdag gir yongs su bzung ba med/ /de rnams sa bon 'debs pa med/ /rmo ba yang ni med pa yin/ / dka' spyad med par 'bras smin nas/ /mi rnams yongs su longs spyod do/ /spun med ma grugs shin tu dag /dri bzang 'bras ni 'bras bur ldan/ /'bras kyi 'o ma la 'tshed cing / /de bzhin btsos nas longs spyod do/ /ba lang rkang gcig la zhon nas/ /yul dang phyogs su 'gro bar byed/ /rkang pa gcig pa'i phyugs zhon nas/ /yul dang phyogs su 'gro bar byed/ /bud med kyi ni bzhon pa la/ /zhon nas yul dang phyogs su 'gro /skyes ba'i bzhon pa la zhon nas/ /yul dang phyogs su 'gro bar byed/ /gzhon nu ma yi bzhon pa la/ /zhon nas yul dang phyogs su 'gro/ gzhon nu'i bzhon pa la zhon nas/ /yul dang phyogs su 'gro bar byed/ /bzhon pa de rnams la zhen nas/ /phyogs
399b
kun du ni rjes su 'gro /gtso bo rgyal po khyad med do/ /glang chen bzhon dang rta yi bzhon/ /lha'i bzhon pa la gnas nas/ /khang bzang dang ni khyogs rnams ni/ /rgyal po chen po grags chen ldan/ /de'i yang grub pa'i grong khyer ni/ /dri med par snang la gnas pa/ /lcang lo can dang ku sha'i grong / /pha rol ku sha'i grong dang ni/ /nA TA'i grong dang pha rol gyi/ / ku sha'i ta yi grong yin no/ /byang gi phyogs na thams cad rgyas/ /skye bo'i tshogs pa mang po gnas/ /dgu bcu rtsa dgu grong mkha' la/ /rgyal po'i pho brang lcang lo can/ /slar yang drang srong chen po dang / /rgyal po chen po lus ngan po/ /cog ldan zhes pa rgyal po chen po'i pho brang ngo / /de'i phyir rgyal po chen po rnam thos kyi bu dang / lus ngan po zhes brjod do// so sor rab tu gsal zhing zhi ba dang / de dang der ni de dang de mdangs dang / de'i gzi brjid dang / dpa' zhing stobs dang ldan pa'i rgyal po stobs dang ldan pa'i ming ngo / /sa gzhi yang ni bcud ldan no/ /gnas der sprin rnams char 'bebs par byed do/ /der ni b+ha ga la ba tI zhes pa'i rdzing bu'o/ /gang du gnod sbyin tshogs dang lhan cig tu gnas so| |der ni rtag tu shing gi 'bras/ /sna tshogs bya rnams lhan cig gnas/ /rma bya khrung khrung sgra sgrogs shing / /khu byug rnams ni tshan tshan gnas/ /shang shang te'u sgra sgrogs
400a
@#/ /shing / /de nas yang ni dur pa dang / /gong mo nags kyi bya gag rnams/ /nags kyi rdzing bur gnas pa'o/ /ne tso ri skegs de sgra 'byin/ /daN+Da mA na bya dkar dang / /dus kun du ni mdzes par byed/ /lus ngan rgyal po'i rdzing rtag mdzes/ /'di ni byang gi phyogs kyi yul/ /skye bo rnams ni 'di bzhin brjod/ /de yi phyogs ni yongs skyong ba'i/ /rgyal po chen po grags dang ldan/ /gnod sbyin rnams kyi bdag po ste/ /'di yi ming ni lus ngan bo/ /gnod sbyin 'khor dang bcas pa ni/ /glu dang gar gyis dga' bar byed/ /de yi bu ni mang po rnams/ /ming ni gcig tu thos pa ste/ /dbang po zhes bya stobs dang ldan/ /de ni dgu bcu rtsa gcig go /de yang sangs rgyas mthong ba dang / /nyi ma'i gnyen gyis sangs rgyas ni/ /'jigs dang bral ba chen po la/ /thag ring nas ni phyag bgyi'o/ /skyes bu cang mkhyen khyed phyag 'tshal/ /skyes bu mchog khyod phyag 'tshal lo/ /dge ba rtag tu gsung ba la/ /mi ma yin rnams khyed phyag 'tshal/ /rtag tu 'di ni nyan pa'o/ /de phyir de ltar nyan pa'o/ /de phyir de ltar 'di brjod do| |rgyal ba gau tam phyag gyis shig /rgyal ba gau ta ma phyag bgyid do/ /rig pa dang ni zhabs su ldan/ /sangs rgyas gau tam phyag 'tshal lo/ /'dir ni drang srong chen pos
400b
lcang lo can dang bcas pas srungs shig /dge slong ngam/ dge slong ma'am/ dge bsnyen nam/ dge bsnyen ma rnams bsrung ba dang / sba ba dang / 'tshe bar med pa dang / bde ba dang / legs par gnas so/ /drang srong chen po/ gang su dag /dge slong dang bcas pa'am/ dge slong ma dang bcas pa'am/ dge bsnyen dang bcas pa'am/ dge bsnyen ma dang bcas pa rnams dang / 'dir lcang lo can gyi pho brang gis de bsrung ba dang / yongs su rdzogs pa thams cad yongs su gzung zhig /de yang mi ma yin rnams so/ /gnod sbyin nam/ gnod sbyin mo'am/ gnod sbyin gyi bu pho'am/ gnod sbyin gyi bu mo'am/ gnod sbyin gyi blon po chen po'am/ gnod sbyin gyi 'khor ram/ gnod sbyin gyi g.yog 'khor ram/ dri za pho'am/ dri za mo'am/ dri za'i phu pho'am/ dri za'i bu mo'am/ dri za'i blon po chen po'am/ dri za'i 'khor ram/ dri za'i g.yog 'khor ram/ grul bum pho'am/ grul bum mo'am/ grul bum gyi bu pho'am/ grul bum gyi bu mo'am/ grul bum gyi blon po chen po'am/ grul bum gyi 'khor ram/ grul bum gyi g.yog 'khor ram/ klu pho'am/ klu mo'am/ klu'i bu pho'am/ klu'i bu mo 'am/ klu'i blon po chen po'am/ klu'i 'khor ram/ klu'i g.yog 'khor rnams/ rab tu sdang ba'i sems kyis 'gro ba'am/ rjes
401a
@#/ /su 'gro ba'am/ rjes su 'gro ba dang / sdod pa dang / lhan cig tu sdod pa dang / gnas pa dang / lhan cig tu gnas pa dang / nyal ba dang lhan cig tu gnas pa dang / nyal ba dang / lhan cig tu nyal ba rnams la/ drang srong chen po/ 'di rnams ni mi ma yin rnams zhes bya'o/ /grong ngam/ grong rdal lam/ bkur stir byed pa'am/ bsti stang du byed pa rnams/ drang srong chen po/ mi ma yin rnams kyis de thob pa ma yin no/ /rgyal po chen po'i pho brang lcang lo can zhes bya ba gzhi'am/ gnas sa med do/ /drang srong chen po/ mi ma yin rnams kyis gnod sbyin dang lhan cig tu gnas pa'ang mi 'thob bo/ /drang srong chen po/ gzhan yang mi ma yin rnams kyis bka' mnyan par bya'o/ /drang srong chen po/ gzhan yang / mi ma yin rnams kyis bdag la phan pa rdzogs pa dang / pha rol la smod pa dang / rtsod ba dang / drang srong chen po/ gzhan yang / mi ma yin rnams la snod mer rab tu 'bar ba mgo la bskon pa dang / drang srong chen po/ gzhan yang / mi ma yin rnams kyi mgo bo tshal ba bdun du gshegs par byed do/ /drang srong chen po/ gzhan yang / mi ma yin ni gtum ba dang / drag pa dang / khro ba'o/ /de rnams kyis 'di ltar rgyal po chen po la rjod do/ /rgyal po chen po la brjod par ma nus na skyes bu la sogs pa la rjod par byed do/ /
401b
rgyal po chen po'i skyes bu la brjod par ma nus na/ de'i 'og ma'i skyes bu la rjod par byed do/ /drang srong chen po/ de yang mi ma yin rnams rgyal po chen po la 'gal ba smra ba'o/ /drang srong chen po/ 'di lta ste/ ma ga d+ha'i yul gyi rgyal po la chom rkun byung na/ de ma thag tu rgyal po la rjod par byed do/ /rgyal po la brjod par ma nus na rgyal po'i skyes bu la rjod par byed do/ /skyes bu la brjod par ma nus na/ de'i 'og ma'i skyes bu brjod par byed pa bzhin no/ /drang srong chen po/ yang ma ga d+ha'i rgyal po la chom rkun gyis gnod pa byed par brjod do| |drang srong chen po/ 'di lta bu'i mi ma yin yod pa rnams gtum pa dang / drag pa dang / khro ba'o/ /de ma thag tu rgyal po chen po rnams la rjod par byed do/ /rgyal po chen po la brjod par ma nus na rgyal po'i skyes bu la rjod par byed do/ /skyes bu la brjod par ma nus na de'i 'og ma'i skyes bu la rjod par byed do/ /drang srong chen po/ mi ma yin rnams rgyal po chen po rnams la 'gal ba rjod par byed do/ /drang srong chen po/ mi ma yin gang zhig gnod sbyin nam/ gnod sbyin mo 'am/ gnod sbyin gyi bu'am/ gnod sbyin gyi bu mo'am/ gnod sbyin gyi blon po chen po'am/ gnod sbyin gyi 'khor ram/ gnod sbyin gyi g.yog 'khor ram/ dri za pho'am/ dri za mo'am/ dri za'i bu pho'am/
402a
@#/ /dri za'i bu mo 'am/ dri za'i blon po chen po 'am/ dri za'i 'khor ram/ dri za'i g.yog 'khor ram/ grul bum po'am/ grul bum mo'am/ grul bum gyi bu pho 'am/ grul bum gyi bu mo'am/ grul bum gyi blon po chen po'am/ grul bum gyi 'khor ram/ grul bum gyi g.yog 'khor ram/ klu pho 'am/ klu mo 'am/ klu'i bu pho 'am/ klu'i bu mo 'am/ klu'i blon po chen po'am/ klu'i 'khor ram/ klu'i g.yog 'khor rnams rab tu sdang ba'i sems kyis dge slong ngam/ dge slong ma'am/ dge bsnyen nam/ dge bsnyen ma rnams 'gro ba 'am/ rjes su 'gro ba'am/ rjes su 'gro ba dang / sdod pa dang / lhan cig tu sdod pa dang / nyal ba dang / lhan cig tu nyal ba dang / 'di rnams ni gnod sbyin rnams dang / gnod sbyin chen po rnams dang / sde dpon rnams dang / sde dpon chen po rnams la gsol bar byed pa dang / nga ro sgrogs par byed pa dang / sgra cher sgrogs par byed pa'o/ /'dir gnod sbyin gyis bzung nas gnod sbyin 'dis tshe 'phrog par byed pa dang / gnod sbyin 'dis 'tshe bar byed pa dang / gnod sbyin 'dis rnam par mtho 'tsham par byed pa dang / gnod sbyin 'dis gnod par byed pa dang / gnod sbyin 'dis rnam par gnod par byed pa dang / gnod sbyin 'dis mi gtong par
402b
byed do/ /gnod sbyin rnams dang / gnod sbyin chen po rnams dang / sde dpon rnams dang / sde dpon chen po rnams gang zhe na/ dbang po zla ba chu zla dang / /b+hA ra dwa dza skye dgu'i bdag /tsan+dan dang ni 'dod mchog dang / /mgul pa mdzes dang mgul nges dang / /skye dgu'i bla mar gyur pa dang / /lha las byung ba'i kha lo ba/ /dri za sna tshogs sde dang ni/ /mi rgyal rgyal ba'i khyu mchog dang / /de bzhin ri dang gangs can dang / /gang ba smin drug phug dang ni/ /'tshe ba dang ni btang bzung dang / /sna tshogs bshes gnyen gnya' shing 'dzin// sa skyong rab tu rtogs pa dang / /ngo tsha mig dang khang pa dang / /lnga len gtum po A la pa ka /srid sgrub yid bzang bzhin bzang dang / /zho sdong nor bu nor bu spyod/ /de bzhin dbang phyug dang bcas so/ /'di rnams ni gnod sbyin rnams dang / gnod sbyin chen po rnams dang / sde dpon rnams dang / sde dpon chen po rnams la gsol bar byed pa dang / nga ro sgrogs par byed pa dang / sgra cher sgrogs par byed pa'o/ /'dir gnod sbyin gyis bzung nas/ gnod sbyin 'dis tshe 'phrog par byed pa dang / gnod sbyin 'dis 'tshe bar byed pa dang / gnod sbyin 'dis rnam par mtho 'tsham par byed pa dang / gnod sbyin 'dis gnod par byed ba dang / gnod sbyin 'dis rnam par gnod par byed pa dang / gnod sbyin 'dis ni
403a
@#/ /mi gtong bar byed do/ /drang srong chen po/ 'dis ni lcang lo can gyi pho brang gis srungs shig /dge slong dang / dge slong ma dang / dge bsnyen dang / dge bsnyen ma dang / dge bsnyen ma rnams la bsrung ba dang / sba ba dang / 'tshe ba med pa dang / bde ba dang / legs par gnas so/ /drang srong chen po/ da ni bdag cag rnams 'gro bar bgyi'o/ /bdag cag rnams ni bya ba mang ba dang / byed pa mang bas so/ /dge slong dag /bdag gis da ni rgyal po chen po rnams la 'gro ba'i gnang ba byin no/ /de nas rgyal po chen po bzhi po rnams langs nas/ bdag la phyag byas te/ bskor ba byas nas de nyid du mi snang bar gyur to/ /dge slong dag /gnod sbyin rnams kyis kyang langs nas bdag la phyag byas bskor ba byas nas de nyid du mi snang bar gyur to/ /gang su dag gis bdag la bsnyun gsol te/ bsnyun gsol nas snying po dang /snying po med pa ji ltar zhes zhus pa de rnams de nyid du mi snang bar gyur to/ /gang su dag gis bdag ga la ba der thal mo sbyar nas 'dud pa byas te mi snang bar gyur to/ /gang la la zhig gis ming dang / rigs rnam par dpyad nas de nyid du mi snang bar gyur to/ /gang la la zhig cang mi smra bar gyur te/ de nyid du mi snang bar gyur to/ /dge slong dag/ kha ton du
403b
zungs la lcang lo can gyi pho brang gis srungs shig / dge slong dag /chongs la lcang lo can gyi pho brang gis srungs shig /dge slong dag /don dang bcas pas lcang lo can gyi pho brang gis srungs shig /dge slong ngam/ dge slong ma 'am/ dge bsnyen nam/ dge bsnyen ma rnams la bsrung ba dang / sba ba dang / 'tshe ba med pa dang / bde ba dang / legs par gnas so/ / bcom ldan 'das kyis de skad ces bka' stsal ba dang / dge slong de rnams bcom ldan 'das kyis gsungs pa la mngon par bstod do/ /skabs rabs mchog gnyis pa ste lcang lo can gyi pho brang gi mdo rdzogs so// //paN+Di ta A nand shrI'i zhal snga nas/ mang du thos pa'i lots+tsha ba shAkya'i dge slong nyi ma rgyal mtshan dpal bzang pos/ skad gnyis smra ba rnams kyi gdan sa gtsug lag khang chen po dpal thar pa gling du bsgyur cing zhus te gtan la phab pa'o/ /sa'i steng du nyi zla ltar gyur cig/