//'khar gsil 'chang ba'i kun tu spyod pa'i cho ga /'khar gsil yang dag par len par 'dod pas/ btsun pa zhig gi drung du pus mo btsugs te 'di skad du bya'o/ /btsun pa dgongs su gsol/ bdag ming 'di zhes bgyi ba deng btsun pa las 'khar gsil 'chang ba'i slob dpon du gsol lo zhes lan gsum du bzlas par bya'o/ /des kyang 'di skad du dgongs shig /tshe dang ldan pa/ khyod bla na med pa'i byang chub tu sems bskyed nas 'khar gsil yang dag blangs te chos bzhin du spyod par byed dam/ lag pa yongs su mi gtsang bas de gzung bar mi bya/ dge 'dun gyi gnas su 'jug pa'i tshe mgo dang ma rtsed byung bar byas la bzhag par mi bya/ gal te khyim pa'i khyim du 'jug nam rtse rgyab logs su bstan par bya/ gal te snga dro khyim pa'i khyim du bsod snyoms la 'gro dgos 419a @#/ /pa'i rkyen tshogs byung na 'khar gsil lan gsum du dkrol bar bya'o/ /lan gsum du dkrol te ma 'ongs na lan lnga'i bar du dkrol bar bya'o// lan lnga'i bar du dkrol te ma 'ongs na lan bdun gyi bar du dkrol bar bya'o/ /lan bdun gyi bar du dkrol te ma 'ongs na khyim gzhan du lan bdun gyi bar du dkrol bar bya'o/ /khyim bdun gyi bar du phyin te chog par gyur na'ang der zas kyi bya ba bya'o zhes lan gsum gyi bar du bzlas par bya'o/ /'khar gsil bcang ba'i chos ni nyi shu rtsa lnga yod de/ sa la sbrul yod pa bsrung ba'i phyir bcang bar bya ba dang / brgal ba'i phyir bcang bar bya ba dang / bsod snyoms spyod pa'i phyir bcang bar bya ba dang / 'byung zhing 'jug pa'ang sku gzugs mthong ba'i tshe sgra dbyung bar bya ba dang / 'khar gsil thogs nas dge 'dun gyi nang du 'jug par mi bya ba dang / dro yol phan chad 'khar gsil thogs nas 'gro bar mi bya ba dang / phrag pa gnyis la bkal te mgo bo gnyis la dpyang bar mi bya ba dang / phrag par bskur bar mi bya ba dang / lag pas skyog par mi bya ba dang / 'khar gsil thogs nas bshang ci'i sar 'gro bar mi bya ba dang / mkhan po dang / srob dpon 'khar gsil thogs te 419b 'gro ba'i rjes bzhin du 'gro bar mi bya ba dang / gang zag bzhi yan chod 'khar gsil thogs te 'gro ba'i rjes nas 'khar gsil thogs te 'gro bar mi bya ba dang / yon bdag gi khyim du phyin nas 'khar gsil lus dang bral bar mi bya ba dang / yon bdag gi sgor phyin pa dang lan gsum gyi bar du dkrol bar bya'o/ /gal te ma 'ongs na lan lnga'i bar du dkrol bar bya'o/ /lan de lnga'i bar du dkrol te ma 'ongs na lan bdun gyi bar du dkrol bar bya'o/ /lan bdun gyi bar du dkrol te ma 'ongs na khyim gzhan du dkrol bar bya ba dang / bdag phyir phyung na 'khar gsil lag pa g.yas pa la bsnyes te bzhag par bya ba dang / gnas khang na bzhag pa'i tshe sa la reg par mi bya ba dang /rtag tu gar nyal ba'i khri'i drung du nye bar bzhag par bya ba dang / skabs skabs su phyi bdar bya ba dang / 'khar gsil gyi mgo ya yo med par bya ba dang / bsod snyoms la 'gro ba'i tshe dge tshul lam khyim pa las bral bar mi bya ba dang / nad pa'i sar mtshan mo gnas na 'khar gsil bskur bar bya ba dang / lam ring bor skyel du 'gro na 'khar gsil bskur bar bya ba dang / lam ring po nas mgron du gnyer ba yod de/ der 'gro zhing 'dug dgos par gyur na'ang 'khar 420a @#/ /gsil bskur bar bya ba dang / gshed du 'gro dgos par gyur na'ang 'khar gsil bskur bar bya ba dang / bdag gi drung du bsnyen par bya ba'i phyir gzhan la reg cing sa la ri mo bri bar bya'o/ /'khar gsil 'chang ba'i kun tu spyod pa'i cho ga rdzogs so// |