H359

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H359</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H359&coll=lhasa">see text in Tibetan script</a></table>87b<br><font size=+1>


//bod skad du/ 'phags pa rgyal bu don grub gyi mdo/ 'di skrad bdag gis thos pa'i dus gcig na bcom </font><hr>88a<br><font size=+1>


@#/ /ldan 'das mnyan du yod pa na/ dze ta'i tshal mgon med zas sbyin gyi kun dga' ra ba na/ dge slong dang / dge slong ma dang / dge bsnyen pha dang / dge bsnyen ma grangs med pa dang thabs gcig tu bzhugs so/ /de'i tshe bcom ldan 'das 'dzum pa mdzed nas zhal gyi sgo nas/ 'od zer kha dog sna lnga dang ldan pa bkye ba dang / tshe dang ldan pa kun dga' bo stan las langs te/ gos tshangs bcos nas thal mo sbyar te bcom ldan 'das la 'di skad ces gsol to/ /bdag gis sangs rgyas kyi zhabs 'bring lo nyi shu bgyis kyi bar du de 'dra bar bzhad pa ma mthong na/ bcom ldan 'das kyis sangs rgyas sngon 'das pa'am/ ma byon pa'am/ da ltar bzhugs pa'i sangs rgyas la dgongs sam/ de ma lags pa ci la dgongs pa don bstan du gsol/ bcom ldan 'das kyis kun dga' bo la bka' stsal pa/ sangs rgyas 'das pa'am/ ma 'ongs pa'am/ da ltar bzhugs pa la dgongs pa ma yin gyi/ mngon par dran pa/ nga sngon bskal pa grangs med pa 'das pa'i pha rol na / sbyin pa byin pa'i dngos po la dgongs te/ de'i tshe de'i dus na yul ya ba zhes bya bar rgyal po dge ba zhes bya ba/ drang po'i chos kyis yul gyi srid 'dzin te / </font><hr>88b<br><font size=+1>


'gro ba mang po skyong ba zhig byung ngo / /rgyal po de la blon po ni bzhi stong zhig yod de/ rgyal phran drug cu la dbang bskur ro/ /grong khyer chen po brgyad brgya dang / bal gyi glang po che lnga brgya yod de/ rgyal po la btsun mo nyi khri yod kyang sras mi mnga' bas ri dang / klung gi lha gnyan po la mchod 'brang byas nas btsun mo dam pa la sras mnga' bar gyur te/ btsun mo'i mal cha dang / zas dang / skom la sogs pa yo byad bdam zhing bzang por sbyar nas/ rgyal po nyid kyis rim gro byas te/ zla ba bcur tshad nas rgyal bu gcig btsas so| |pho brang gi btsun mo nyi khri snyed kyang rgyal bu zhig btsas zhes thos nas thams cad dga' mgu rangs te/ nu zho'ang rang byung bas rgyal bu'i mtshan yang don grub ces btags so/ /rgyal bu la nu zho snun cing rim gro byed pa bzhi zhig bskos te/ gcig ni nu zho snun pa'i las byed/ gcig ni rgyal bu pang du khyer bar bskos| gcig ni rgyal bu bkru ba'i las byed par bskos/ gcig ni rgyal bu rtser 'gro ba'i las su bskos so/ /de ltar bskos nas rgyal bu lo bcu drug lon pa dang / yig rtsis dang / 'phong rtsal dang / bzo dpyad dang / rol mo la sogs pa gang yang mi shes pa med de/ thams cad kyang lobs/ rgyal po yab </font><hr>89a<br><font size=+1>


@#/ /dang / yum la'ang lha btsun 'dra bar rim gro byed do/ /rgyal pos kyang rgyal bu'i pho brang logs shig tu brtsigs so/ /rgyal bu de chung ngu nas sbyin pa la dga' nas/ mi la sogs te/ ri dwags dang / 'dab chags bya'i bar du sems can thams cad bde skyid par dga' ste/ tshig tu yang gang mi shes pa gti mug can ni sbyin pa la mi dga' bas/ bdag gis bdag bslus te phan pa'i don med kyi/ mkhas pa shes rab can ni 'jig rten na gnas kyang sbyin pa la yon tan cher mthong ste / sbyin pa byin pas snga ma 'das pa dang / ma byon pa dang / da ltar bzhugs pa'i sangs rgyas dang / rang sangs rgyas dang / 'phags pa dgra bcom pa thams cad kyis bstod cing bsngags par 'gyur ro zhes smras so/ /rgyal bu phags kyis cher skyes nas/ rgyal po zhig gi bu mo man te zhes bya ba mnga' byad bzang la sdug pa/ dpe zla med pa/ gser dang / dngul dang / bai DUR+Ya dang / rin po che sna tshogs kyi rgyan gyis brgyan pa gcig btsun mor blangs na/ bu ming sring gnyis shig yod par gyur to| |de nas rgyal bu de sbyin pa'i pha rol tu phyin pa'i don sems pa la zhugs nas/ yab rgyal po la bdag ni rtse zhing ltad mo ltar mchi zhes gsol pa dang / rgyal pos </font><hr>89b<br><font size=+1>


kyang de bzhin du gnang ngo / /de nas rgyal bu pho brang nas byung ba dang / brgya byin lha'i dbang pos grong khyer gyi sgo lam srang dag na/ dbul phongs pa/ long ba 'on pa/ lkugs pa'i slong mo pa dag cing sprul nas sdod du bcug go /rgyal bus de dag mthong ba dang / de ma thag tu phyir log nas pho brang du zhugs te/ mya ngan chen pos non nas mi dga' zhing 'dug pa la| yab rgyal pos sras rgyal bu la 'di skad ces bsgo'o/ /rtse zhing ltad mo ltar btang na/ ci'i phyir mi dga' zhing mya ngan byed par gyur ces dris pa dang / rgyal bus yab rgyal po la 'di skad ces gsol to/ /bdag rtse zhing ltad mo ltar mchis pa las/ slong mo pa/ long ba/ 'on pa/ lkugs pa mang po dang mjal bas mya ngan gyis non par gyur te/ nga yab rgyal po la gsol ba rnam pa gcig gsol na/ rgyal pos gnang ngam/ yab rgyal pos kyang / rgyal bu/ khyod ci dang / ci 'dod pa smos shig dang gnang bar bya'o/ /zhes bsgo ba dang / rgyal bus yab rgyal po la 'di skad ces gsol to/ /bdag ni yab rgyal po la mnga' ba'i bang mdzod na rin po che mchis pa rnams grong khyer gyi sgo bzhi dang / tshong 'dus su spungs te/ slong mo pa thams cad la yid dang mi 'gal bar sbyin pa bgyid par 'tshal lo zhes gsol pa dang / rgyal pos sras rgyal bu la khyod ci dang / ci dga' ba yid </font><hr>90a<br><font size=+1>


@#/ /dang mi 'gal bar gnang ngo zhes bsgo'o/ /de nas rgyal bus blon po rnams la bsgo nas/ nor dbyig rin po che rnams shing rtas bskyas te/ grong khyer gyi sgo bzhi dang / tshong dus su spungs nas pha rol po 'dod pa bzhin sbyin pa byin pa dang / yul khams phyogs brgyad kun tu rgyal bu'i yon tan grags par gyur pas/ kha cig ni/ dpag tshad brgya/ kha cig ni dpag tshad stong / kha cig ni dpag tshad khri'i pha rol nas lhags te/ kha zas dang / skom 'dod pa la ni zas skom byin/ gang gos dang / bog ba 'dod pa la ni gos dang / bgo ba byin/ gang gser dang / dngul dang / rin po che 'dod pa la'ang ci 'dod pa bzhin yid dang mi 'gal bar gang yang mi gtang ba med do/ /de'i tshe de'i dus na| dgra zlar gyur pa'i rgyal khams gcig cig yod pa des/ rgyal bu sbyin pa byin pa la dga' bas pha rol po ci 'dod pa bzhin yid dang mi 'gal bar yongs su gtong ngo zhes thos nas blon po rnams dang / mkhas pa blo dang ldan pa kun la sogs pa bsdus te/ 'di skad ces bgros so/ /yul ya ba'i rgyal po la bal gyi glang po che pad+mo'i steng nas 'gro ba su nga ya zhes bya ba/ stobs dang ldan pa zhig yod de/ de dag nam dgra zla'i rgyal khams gzhan dang 'thab pa'i tshe bal gyi glang po che des rtag tu rgyal bar gyur </font><hr>90b<br><font size=+1>


bas na| khyed las su zhig der song ste/ slong bar nus zhes bgros na/ blon po las gang yang 'gro nus pa ma byung ngo / /de'i nang nas bram ze mi brgyad zhig gis rgyal po la 'di skad ces gsol to/ /bdag cag gis slong zhing mchi bar 'tshal na/ bdag cag gi tshogs dang / rgyags sbyor cig ces gsol pa dang / rgyal pos de'i tshogs dang rgyags sbyar nas/ bram ze de dag la 'di skad ces bsgo'o/ /gal te khyod kyis bal glang de khugs te 'ongs na/ bya dga' cher sbyin no zhes gcigs byas so/ /de nas bram ze brgyad pos 'khar ba thogs te/ la lung bgrod nas/ yul yab gang na ba der song ngo / /yul der phyin nas rgyal po'i sgor 'khar ba la rkom tshugs bcas te/ rkang pa ya gcig gis 'greng zhing sdod do/ /de nas rgyal bu'i sgo srung pho brang nang du song nas/ phyi rol na bram ze dag cig lhags te/ 'khar ba la rkom tshugs bcas nas/ rkang pa ya gcig gis 'greng zhing sdod de/ bdag cag ni lam ring po nas chad du 'dir slong du 'ongs so zhes mchi'o/ /rgyal bus de skad ces smras pa thos na rab tu dga' ste/ mod la phyi rol tu byung nas bsus te phyag byas so/ /dper na/ pha dang / bu phrad pa tsam du gcig la gcig gis spro ba'i tshig gis khyed gang phyogs nas 'ongs/ lam du nyon ma mongs sam/ ci 'dod/ ci slong na </font><hr>91a<br><font size=+1>


@#/ /rkang pa ya gcig gis 'greng zhes dris so/ /bram ze brgyad pos smras pa/ bdag cag ni rgyal bu khyod sbyin pa byin pa la rab tu dga' bas pha rol po ci slong yang yid dang 'gal bar mi mdzad do zhes rgyal bu'i yon tan phyogs mtshams brgyad dang / yar ni steng gi gnam la thug/ mar ni sa'i mthil la thug pa man chad du grags pas na/ khyod kyi sbyin pa'i yon tan ni bsam gyis mi khyab ste/ nye ring thams cad kyis bstod cing bsgrags pas/ gang yang ma thos pa'am/ mi shes pa med de/ kun gyi brjod pa'ang rdzun pa ma yin la/ da lha'i sras su gyur pas na/ lha ni ci smra'ang rdzun pa ma yin te/ da rgyal bus sbyin pa mi mdzad na bdag cag gi yid dang 'gal bar mdzad dam/ bdag cag ni rgyal bu las me tog pad+mo'i steng nas 'gro ba bal gyi glang po che slong du 'ongs so zhes smras pa dang / rgyal bus de dag bal glang gi lhas su khrid de/ bal glang gzhan zhig byin no/ /bram ze brgyad pos smras pa/ bdag cag ni pad+ma'i steng nas 'gro ba'i bal gyi glang po che su da ya na 'dod do/ /rgyal bus smras pa/ bal gyi glang po che 'di ni bdag gi yab rgyal po la gces gshing gnang ba yin te/ bal glang 'di dang / bdag tu tha mi dad par dgongs pas/ khyed la sbyin du mi </font><hr>91b<br><font size=+1>


rlung ngo / /gal te bdag gis khyed la byin na/ rgyal po'i dgongs pa dang 'gal bas/ gal te bal glang 'di'i rkyen gyis bdag yul 'di nas skrod par 'gyur ro zhes smras nas / rgyal bu yang 'di snyam du bsams so/ /bdag sngon yi dam bcas pa na pha rol po ci slong yang yid dang mi 'gal ba bya'o zhes dam bcas na/ da bdag gi sngar bsams pa las bzlog ste/ sbyin pa 'di ma byin na/ ci ltar yang bla na med pa mnyam snyoms pa'i sbyin pa'i pha rol tu phyin pa rdzogs par mi 'gyur/ gal te sbyin pa 'di byin na/ bla na med pa mnyam snyoms pa'i sbyin sems su 'gyur ro snyam bsams nas/ rgyal bus 'di skad ces smras so/ /shin tu dka' ste/ de bzhin du sbyin par bya'o zhes smras nas/ drung na 'dug pa'i g.yog la bal gyi glang po che la gser dngul gyi sga bstad de/ myur du khrid de shog cig ces bsgo ba dang / bal glang khrid de 'ongs nas/ rgyal bus lag pa g.yon pas ni chu'i snod thogs te/ bram ze'i lag pa bkrus/ lag pa g.yas bas ni bal glang gi sna thag nas bzung ste/ bram ze brgyad po la byin pa dang / bram ze brgyad pos rgyal bu la smon lam btab bo/ /smon lam btab ma thag tu bal gyi glang po che la sprul ste dga' bzhin du dong ngo / /de nas rgyal bus bram ze de dag la/ yang 'di skad </font><hr>92a<br><font size=+1>


@#/ /ces bsgo'o/ /khyed myur du mgyogs par song zhig/ gal te yab rgyal pos gsan na snyegs mi gtong ste 'phrog tu 'ong zhes bsgo ba dang / de'i tshe bram ze de dag gis de ma thag tu mgyogs su dong ngo / /blon po rnams kyis rgyal bus bal gyi glang po che dgra zla la byin no zhes thos nas thams cad skrag ste/ khri las rab tu lhung nas mya ngan gyis non te/ 'di snyam du yul 'di ni bal glang 'di la ltos na de dgra gzhan la byin par gyur to snyam du bsams nas/ rgyal po ga la ba der song ste/ 'di skad ces gsol to| |rgyal byas \?\ ni phyi'i dgra thub pa'i bal glang rin chen pha rol gyi dgra zla la byin no zhes gsol pa dang / rgyal po yab yed por gyur pa las/ blon pos yang 'di skad ces gsol to/ /da ltar rgyal po la bal gyi glang po che 'di mnga' bas/ chab srid che ba lags te/ bal gyi glang po che de ni pa la glang drug cu snyed kyi mthu stobs dang ldan pa lags na/ rgyal bus dgra la stsal te/ dgra zlas 'tshal bas chab srid kyang stong du mchi na/ ci ltar mdzad pa'i rigs/ 'di lta bu rang nyams su sbyin pa byin pas bang mdzod kyang stongs shing / yul gyi srid dang / btsun mo dang / sras kyi bar du sbyin pa bgyid par dgos so zhes gsol pa dang / rgyal pos de skad ces smras pa </font><hr>92b<br><font size=+1>


thos nas/ lhag par mi dga' bar gyur te/ blon po gzhan zhig bos nas/ blon po de la rgyal bus bal gyi glang po che dgra zlar byin pa bden nam zhes dris pa dang / blon po des kyang byin pa bden no zhes gsol to/ /rgyal pos de skad smras pa thos ma thag tu cher dngangs nas/ gdan khri las lhung ste/ mi dran par brgyal bar gyur pa las chus gtor nas/ ring zhig lon pa dang / phyis sangs par gyur/ btsun mo nyi khri snyed kyang thams cad mya ngan gyis non par gyur to/ /de nas rgyal po rnams dang / blon po rnams 'dus nas/ da rgyal bu 'di la ci ltar bya zhes bgros pa dang / de'i nang na blon po gcig gis ni/ bal glang gi lhas su song ba ni rkang pa gcag par rigs/ bal glang bzung ba ni lag pa gcag par rigs| mig gis bal glang la bltas na yang mig dbyung ba'i rigs zhes gsol/ kha cig gis ni mgo bcad par rigs so zhes blon po rnams so so nas bgros te gsol ba'i tshig rgyal pos thos nas/ rab tu mi dga' zhing mya ngan gyis non te/ blon po rnams la 'di skad ces bsgo'o/ /nga'i bu 'di legs pa'i don la mos te/ sbyin pa la dga' ba yin na| ci ltar mtho 'tsham zhing gzung bar bya/ de'i nang na blon po gcig gis blon po snga ma rnams kyis bgros pa mi rung ngo zhes dpyas nas 'di skad ces gsol to/ /rgyal </font><hr>93a<br><font size=+1>


@#/ /po la sras gcig pu zhig mnga' ba la rab tu sdug cing gtses pas rgyal bu rgyal tshab lags na/ de la mtho ba tsam zhing bzung gdags bya ba'i sems bskyed pa mi rigs te/ bdag ni rgyal po chen po'i sras la bzung gdags bya bar mi gsol gyi/ rgyal bu 'di yul 'di nas spyugs te/ lo bcu gnyis kyi bar du dgon par spangs nas/ sma bab cing ngo tsha bar 'gyur ro/ /zhes gsol pa dang / rgyal pos kyang blon po chen po'i tshig mnyan to/ /de nas rgyal pos rgyal bu rgyal tshab bkug ste/ 'di skad ces smras so/ /khyod kyis nga'i bal gyi glang po cha dgra zla la byin pa bden nam zhes dris pa dang / rgyal bus gsol pa/ bdag gis stsal ba mad do zhes gsol to| |rgyal pos smras pa/ rgyal bu/ khyod ci'i phyir nga la ma zhus par nga'i bal gyi glang po che dgra zla la byin zhes dris pa dang / rgyal bus rgyal po la 'di skad ces gsol to/ / sngar yab rgyal po dang dam bcas pa na/ sbyin pa ci sbyin na yang mi 'gal bar mdzad do zhes gsungs pas/ da rgyal po la ma zhus pa lags so/ /rgyal pos smras pa/ sngar dam bcas pa ni/ nor dbyig dang / rin po che la dbang bar byas na/ bal gyi glang po che ci gtogs/ rgyal bus gsol pa/ de dag thams cad rgyal po mnga' ba'i dkor </font><hr>93b<br><font size=+1>


lags na/ ci'i slad du 'di bkol te ma gtogs zhes gsungs/ rgyal pos rgyal bu rgyal tshab la smras pa/ khyod rid \?\ na tig tu lo bcu gnyis spangs kyi/ yul 'di nas myur du byung ste song zhig/ rgyal bus/ rgyal po la gsol pa/ bdag rgyal po chen pos bka' stsal pa'i bka' ni mi gcog na/ da dung yang zhag bdun zhig sbyin pa bgyis te/ bdag gis bsam pa rdzogs nas yul 'di nas byung ste/ mchi bar 'tshal lo zhes gsol/ rgyal pos smras pa/ khyod kyis sbyin pa ma 'os par byas pas yul gyi bang mdzod kun stongs te/ nga'i bal glang rin po che yang med par byas pas khyod spangs pa yin te/ da phyir 'dug cing zhag bdun sbyin pa byar mi gnang gi/ myur du song zhig ces bsgo'o/ /rgyal bus gsol pa/ rgyal po chen po'i bka' bdag mi gcog ste/ rgyal po'i btsun mo nyi khri snyed kyang rgyal po gang na ba der lhags nas/ rgyal bu rgyal tshab zhag bdun zhig sbyin pa byin te| yul nas mchi bar gsol pas rgyal pos kyang de bzhin du gnang ngo / /de nas rgyal bu rgyal tshab kyis so so bran g.yog mngags te/ phyogs bzhi nas nor rdzas 'dod pa rnams pho brang sgor 'dus shig/ nor zas thams cad ni rtags dang / brtan du rang ba ma yin te/ mthar 'jig cing med pa'i chos can no zhes bsgo bas/ phyogs bzhi nas </font><hr>94a<br><font size=+1>


@#/ /slong ba mang po lhags pa la rgyal bu rgyal tshab kyis/ zas dang / skom dang / nor dang / rin po che rnams zhag bdun gyi bar du yid bzhin du byin nas| dbul phongs pa rnams longs spyod dang ldan zhing / thams cad bde skyid par byas so/ /de nas rgyal bu rgyal tshab kyis/ chung ma la smras pa/ bzhin bzang / longs la bdag ci zer ba nyon cig/ rgyal po chen pos ni/ bdag lo bcu gnyis kyi bar du ri dan tig ces bya bar spangs so/ /chung mas rgyal bus smras pa'i tshig thos nas yid ces dngangs te/ langs nas 'di skad ces smras so/ /rgyal bu la nyes pa ci zhig mchis na rgyal pos de ltar de ltar mdzad par gyur/ rgyal bus smras pa/ bdag gis sbyin pa ma 'os pa zhig byas te/ rgyal po'i bang mdzod kyang stongs/ bal glang rin po che yang dgra zla la byin zhes rgyal po dang / blon po rnams khros nas bdag spangs pa yin no| |btsun mo man tes smras pa/ rgyal po'i yul du lo legs pa dang / rgyal po chen po dang / blon po dang / 'bangs kyi bar du bde skyid pa dang / longs spyod che bar smon lam legs par btab pa/ bdag cag ri la sgom du 'dong ngo / /rgyal bus smras pa/ bzhin bzang / ri ni 'jigs pa'i gnas yin te/ shin tu bya dka' ba gsum </font><hr>94b<br><font size=+1>


dgos la/ seng ge dang / stag la sogs pa gcan gzan ma rungs pa yod pas/ rab tu 'jigs na khyod ni longs spyod myong ba yin pas/ khyod de lta bu bdag la bzod dam/ khyod pho brang gi nang na gos su ni phra ba dang / 'jam pa gyon pa/ gnas su ni gur dang / yol bas bskor ba na 'dug/ zas su ni ci la dga' ba bzhin zhim pa dang / mngar ba la za na ri la ni stan du ni rtswa 'dings/ zas su ni 'bras bu za na/ khyod de la mos shing dga' ba ci zhig yod/ de ma yin pa/ gzhan yang / rlung dang / char pa dang / 'brug dang / ser ba che zhing / ba mo dang / zil pas mi'i spu yang langs pa tsam du grang ba'i tshe na ni grang rab la/ tsha ba'i tshe na ni tsha rab ste/ shing gi gseb na 'dug pa'i gnas su yang mi rung na/ sa la gze ma dang / gseg ma dang / rdo ba yang mang zhing / sprul gdug pa yang yod na/ khyod de lta bu dag bzod dam/ man tes smras pa/ bdag la mnyen zhing 'jam pa dang / gur dang / yol ba dang / mngar ba dang / zhim pas ci zhig bgyis/ rgyal bu dang bral zhing so sor mchi ba bdag mi bzod de/ nam du yang rgyal bu dang mi 'bral zhing lhan cig 'grogs par dga'o/ /rgyal po'i thog mar 'gro ba ni rgyal mtshan/ me'i thog mar 'gro ba ni dud pa/ chung ma'i thog mar 'gro ba ni khyim thab yin pas bdag ni rgyal </font><hr>95a<br><font size=+1>


@#/ /bu la yid brtan te skyabs su mchi'o/ /rgyal bu ni bdag gi lha lags te/ rgyal bus phyogs bzhi nas 'dus pa la sbyin pa byin pa'i tshe/ bdag gis kyang rgyal bu'i grogs bgyi bas/ da rgyal bu lam ring du 'gro ba las/ gal te pha rol po slong ba 'ongs na/ bdag gis de bzhin du grogs bgyi/ rgyal bus sbyin pa mdzad na/ bdag gi srog la bab kyang phyir mi nur bas the tshom mi mdzad du gsol/ rgyal bus smras pa/ bdag ni sbyin pa la dga' bas/ pha rol gyi sems mi zlogs te/ pha rol bos bdag la gal te bu'am/ khyod nyid slong ba 'ong na yang / bdag gis mi gtong mi nus so/ /ci ste bdag gis bsams pa khyod kyis de bzhin ma byas na ni/ bdag gi dge ba'i sems 'khrugs par gyur pas 'gro ba mi rigs so/ /man tes smras pa/ rgyal bus sbyin pa mdzad pa ni/ 'jig rten na gang yang 'di 'dra ba med pas/ yid bzhin du sbyin pa mdzad du gsol/ rgyal bus smras pa/ khyod de ltar nus na shin tu legs so/ /zhes rgyal bu dang / btsun mo dang / sras gnyis dang bcas 'grogs te/ yum gang na ba der song nas| da bdag cag mchi'o zhes mchi phyag byas nas/ yum la 'di skad ces gsol to/ /yum gyis skabs skabs su rgyal po chen po la/ ci nas dkar po'i chos kyis </font><hr>95b<br><font size=+1>


yul gyi srid bde zhing 'bangs mang po gtams las mi gcad par gros gdab par gsol lo/ /yum gyis rgyal bu 'gro'o zhes mchi phyag byas pa mthong nas/ lhag par mya ngan gyis gdungs te drung na 'dug la 'di skad ces smras so/ /kho mo'i lus 'di ni rngo ba yin pa lta/ snying ni rdo rje yin pa lta ste/ bdag gi rgyal po chen po'i rim gro bya ba la skyon ma byung na| da kho mo'i gcig bu 'di dang bye bral te/ 'gro na ci'i phyir kho mo'i snying 'di gas te shi bar ma gyur/ bu 'di kho mo'i khong pa na 'dug pa na/ skyed shing gi 'dab ma ltar nyin mtshan cher skyes te/ da skyed rdzogs nas/ kho mo bor te song bas na/ btsun mo thams cad kyang bdag la snying tshim mo zhes brjod la rgyal pos kyang bkur bar mi 'gyur na/ gal te lha rnams kyis bdag gis smon lam bzhin mi 'gal bar mdzad na/ bdag gi bu phyir yul du 'khor bar shog cig/ ces smon lam btab bo/ /de nas rgyal bu btsun mo dang / sras gnyis dang bcas te/ yab dang / yum la mchi phyag byas te dong ngo / /de'i tshe btsun mo nyi khris ni so so nas mu tig gi chun po re re brdzangs so/ /blon po chen po bzhi stong gis ni rin po che sna bdun las byas pa'i me tog pad+mo re re rgyal bu la brdzangs so/ /de nas rgyal bu pho brang nang nas byung ste/ grong khyer gyi byang sgor phyin nas/ </font><hr>96a<br><font size=+1>


@#/ /rin po che sna bdun gyi me tog dang / do shal yang rim gyis phyogs bzhi nas 'dus pa la ma lus par byin no/ /yul de na gnas pa'i mi mang po khri phrag du mas rgyal bu bskyal te/ de dag 'di skad ces gtam du brjod do/ /rgyal bu 'di ni shin tu dge ba/ yul gyi lha mnyan lta bu yin na/ ci'i phyir yab yum gyis sras rin po che 'di lam ring du spangs zhes mthong ba thams cad kyis phangs so zhes smras so/ /de'i tshe rgyal bu grong khyer gyi phyi rol tu skyed shing gi drung na 'dug ste/ skyel ba'i mi rnams la 'di nas phyir dengs shig ces spro ba'i tshig smras pa dang / skyel skyel ba che chung thams cad mchi ma blags te/ dus nas phyir dong ngo / /de nas rgyal bus btsun mo dang / sras gnyis shing rta'i nang du bzhag nas/ rgyal bu nyid kyis shing rta kha lo bsgyur te song ba las rgyangs chad par phyin te/ skyed shing gi drung na ngal bso zhing 'dug pa las/ bram ze dag cig lhags nas/ rgyal bu las shing rta khrid pa'i rta bslangs so/ /rgyal bus slong ba la rta sbyin nas/ sras bu gnyis shing rta'i steng du bzhag ste/ btsun mos ni shing rta'i phyi nas phul/ rgyal bus ni mdun nas drangs te/ rkang pas shing rta 'dren cing song ba las/ ring po ma lon par yang bram ze zhig dang phrad nas shing rta bslangs </font><hr>96b<br><font size=+1>


pa dang / rgyal bus shing rta yang bram ze la byin no/ /de nas yang song ba las/ ring po ma lon par yang bram ze slong ba dang phrad nas/ rgyal bus de dag la 'di skad ces smras so| |gal te bdag gis khyod la ma byin na ni/ chags shing ser sna byed par 'gyur na/ da ni bdag la nor zas zad de ci yang med do zhes smras pa dang / bram ze na re/ nor rdzas med na lus la gyon pa'i gos de nga la byin cig ces smras pa dang / rgyal bus lus la gyon pa'i gos rin po che yang slong ba la byin te/ gos rnying pa zhig gyon te dong ba las ring po ma lon par bram ze yang slong ba zhig dang phrad nas rgyal bus btsun mo'i gos byin no/ /de nas dong ba las/ ring po ma lon par bram ze slong ba dang phrad nas rgyal bus sras gnyis kyi gos kyang byin no/ /de ltar rgyal bus rta dang / shing rta dang / nor rdzas dang / bgo ba'i gos kyi bar du ma lus pa zad par byin pa yang / thog ma nas 'gyod pa'i sems skra'i nyag ma tsam mam/ ba spu tsam yang med do/ /rgyal bus ni sras bu khur du thogs/ btsun mos ni sras mo pang du khyer nas/ rkang pas song yang rgyal bu dang / btsun mo dang| sras gnyis kyis bar du dga' ba'i mdangs dang bcas te/ rig la ba der song ngo / /ri dan tig ces bya bar yul ya ba nas lam so rab tu ring ste/ dpag tshad phrag stong </font><hr>97a<br><font size=+1>


@#/ /zhig yod do/ /de ltar song song ba las/ 'brog dgon par phyin nas bkres pa dang / skom pa'i sdug bsngal gyis nyen pa las/ sum cu rtsa gsum gnam gyi lha'i dbang pos 'brog dgon pa der/ grong khyer khyim bzang po tshong dus dang / lam srang yod pa/ rol mo dang / gos dang / bza' ba dang / btung ba dang ldan pa/ grong khyim de na mi dag gis/ rgyal bu bsu ba dag sprul to/ /mi mang pos rgyal bu grong khyim du bsus te/ zas dang / skom dang / bde ba'i yo byad kyis bstabs pa dang / btsun mos rgyal bu la smras pa/ lam ring por bgrod pas rab tu ngal/ da thal byung 'dug tu mi rung ngam/ rgyal bus smras pa/ yab rgyal pos bdag cag la/ ri dan tig tu song zhig ces bka' stsal te/ da 'dir 'dug par gyur na/ yab rgyal po'i bka' dang 'gal bar 'gyur te/ bu sri zhu can ma yin no zhes gsungs nas grong khyer de nas byung ste/ mod la song ngo / /de ltar song ba las ring po ma lon par/ ri dan tig gi drung du phyin pa dang / ri de'i drung na chu chen po shin tu zab pa/ rgal bar mi thar pa zhig dang phrad do/ / de nas btsun mos rgyal bu la re zhig 'dir bsdad do/ /chu chen po bri nas brgal te 'dong / zhes smras pa dang / rgyal bus smras pa/ yab rgyal pos bdag cag la ri dan </font><hr>97b<br><font size=+1>


tig tu song zhig ces bka' stsal pas/ da 'dir 'dug par gyur na/ rgyal po'i bka' dang 'gal te/ bu sri zhu can ma yin no zhes smras pas/ rgyal bu de ma thag tu byams pa'i sems kyis ting nge 'dzin du zhugs pa dang / mod la chu'i nang nas ri chen po zhig byung nas/ chu'i rgyun bcad do/ /de nas rgyal bu dang btsun mo gos brjes te/ chu brgal nas| phar brgal ma thag tu rgyal bus yang 'di snyam du bsams so/ /thal byung song bar gyur na/ chu 'khyil ba 'dis sems can mang du 'chi ste/ grog spur mang po chus khyer bar 'gyur snyam bsams nas/ rgyal bu phyir chu la bltas te/ 'di skad ces smras so/ /chu khyod snga mkho ba bzhin du rgyun du 'bab cing gal te bdag 'dod pa zhig 'ongs na yang thar bar byos shig ces byas ma thag tu chu yang snga mkho ba bzhin du 'bab par gyur to/ /de nas song ba las ri dan tig tu phyin nas/ rgyal bus ri de la bltas na/ ri de rang rong dang / zad zed du 'dug la/ shing mang po rab tu rgyas shing / bya sna tshogs kyang snyan pa'i sgra 'byin/ 'bab chu dang / chu mig dang / mtshe'u dang / lteng kar ldan te/ chu ni mngar/ 'bras bu ni zhim| chu bya dang / ngang ngur dang / 'jol mo dang / ri skegs la sogs pa bya rnam pa sna tshogs dag kyang gnas pa mthong nas/ rgyal bus btsun mo la/ yang 'di skad ces smras so/ / </font><hr>98a<br><font size=+1>


@#/ /ri 'di la bltas na/ shing dang / tshal gnam la reg pa tsam du skyes na yang brdas pa'am/ bcad pa med pas/ chu mig zhim po la 'thung zhing / 'bras bu mngar ba za ba ste/ ri 'di la sgom pa dag yod pas/ 'dir gnas par bya'o/ /rgyal bu ri de la phyin pa dang / ri de la gnas pa'i 'dab chags bya dang / gcan gzan dang / ri dwags thams cad rab tu dga' nas/ rgyal bu bsus so/ /de'i tshe ri la sgom pa'i dge slong a tsu ta zhes bya ba/ lo lnga brgya lon pa/ yon tan mchog dang ldan pa zhig gnas te| rgyal bu de'i drung du song nas phyag byas te phyogs gcig tu 'dug nas/ 'di skad ces smras so/ /ri 'di la gang phyogs na 'bras bu dang / chu mig bzang pos ldan pa gnas su rung ba ci yod ces dris pa dang / a tsu tas smras pa/ ri 'di gnas thams cad du bsod nams dang ldan pa'i sa gzhi yin pas gang du gnas kyang rung ste/ ri 'di ni shin tu dben pa'i gnas gtsang ba yin pas na /ci rgyal bu/ khyod chung ma dang bu smad du bcas te/ chos slob tu 'ongs sam/ de la rgyal bus smram khom par/ btsun mo man tes smras pa/ dge slong la 'di skad ces smras so/ /btsun pa/ ri la lam bsgoms nas ji srid cig lon/ dge slong gis smras pa/ ri 'dir phyin nas lo bzhi brgya'am/ lnga brgya tsam lon no/ / </font><hr>98b<br><font size=+1>


btsun mo man tes smras pa/ da dung bdag dang / bdag gi bar du 'dzin na/ nam zhig lam thob par 'gyur/ de srid du ri la gnas kyang / rdo shing dang tham dad de/ bdag dang bdag gir mi 'dzin na gdod lam thob par 'gyur ro zhe'o/ /dge slong gis smras pa/ bdag gis yang dag par don de lta bu mi shes so/ /de nas rgyal bus dge slong la smras pa/ btsun pa/ yul ya \?\ ba'i rgyal bu rgyal tshab don grub ces bya ba thos sam/ dge slong gis smras pa/ bdag gis rgyun du thos kyi mthong pa ma yin no/ /rgyal bus smras pa/ bdag ni rgyal bu rgyal tshab don grub ces bya ba yin no/ /dge slong gis rgyal bu khyod gar 'gro /ci 'dod ces dris pa dang / rgyal bus smras pa/ bdag ni theg pa chen po'i lam 'dod do zhes smras so/ /dge slong gis smras pa/ rgyal bu'i yon tan dang sbyar na/ ring por mi thogs par theg pa chen po'i lam thob par 'gyur te/ rgyal bu bla na med pa'i byang chub mngon par sangs rgyas pa na/ bdag ni nye gnas rdzu 'phrul gyi mchog tu gyur cig ces smras nas/ rgyal bu khrid de 'dug pa'i gnas bstan to/ /de nas dge slong gis chos bzhin du rgyal bu'i ska slas nas mdud pa bor nas/ zas su ni shing gi 'bras bu shing tog za/ skom du ni chu mig 'thung ngo / /de nas rgyal bus shing dang / rtswa bsdus te/ bdag 'dug pa'i rtsa'i spyil po chung du ma gcig byas/ btsun mo man te </font><hr>99a<br><font size=+1>


@#/ /bu ming sring gnyis 'dug pa'i spyil po re re yang byas so/ /de'i tshe na khye'u'i ming ni ya ri zhes bya ba ste/ lo bdun lon nas/ gos rang gyon nus te pha'i phyi bzhin du 'gro'o/ /bu mo'i ming ni ge no yan zhes bya ste/ lo drug lon pas ri dwags gyi lpags pa gyon cing / mi'i phyi bzhin 'gro'o/ /ri de la gnas pa'i gcan gzan dang / ri dwags dang / 'dab chags bya la sogs pa thams cad kyang rab tu dga' nas/ rgyal bu la rten cing gnas so/ /rgyal bu ri de la phyin nas zhag cig lon pa dang / sngon bskams pa'i chu mig dang / rdzing yang chus gang bar gyur/ skyed shing skams pa rnams kyang thams cad me tog dang / 'dab ma skyes par gyur te/ srin bu gdug pa rnams kyang med par gyur nas gcan gzan gcig la gcig za ba yang so so nas rtsa la za bar gyur/ 'bras bu'i shing rnams kyang rgyas shing bzang por gyur/ bya sna tshogs snying rje'i skad kyi sgra skad snyan pa 'byin par gyur to/ /btsun mo man tes ni shing gi 'bras bu dang / shing tog rnga zhing rgyal bu la phul te sras ming sring gnyis kyang snyod do/ /sras bu ming sring gnyis ni skabs skabs su pha ma gnyis dang bral te ha cang yang mi ring ba'i chu mig 'gram dag tu gcan gzan nam/ ri dwags dag dang lhan cig rtse ste/ bar 'ga' zhag lon par yang rtse'o/ /phyis dus gzhan zhig </font><hr>99b<br><font size=+1>


na sras khye'u ya ri seng ge la zhon pa las/ seng ge brgal nas rdab ci bsnun pas sras bu'i gdong pa cung zad snad de khrag phyung pa las spre'u zhig gis shing gis lo ma blangs te gdong gi khrag phyis nas/ chu 'gram du khrid de khrag bskus pa'ang / rgyal bus rgyang ma nas mthong ngo / /de'i tshe yul ke le zhes bya bar bram ze dbul po zhig /lo bzhi bcu lon nas chung ma blangs so/ /chung ma ni rab tu bzang zhing sdug la/ bram ze de ni rab tu mi sdug pa'i mtshon ma bcu gnyis rdzogs par yod de/ de'i lus mdog sol ba ltar gnag la/ gdong la 'bur po 'bur po gsum yod pa/ sna 'khyor zhing / mig gnyis shel ltar sdo ba/ gdong gnyer ma can la/ ma mchu 'phyang ba/ smra ba'i skad mi snyan pa/ gsus pa che la rkub 'bur ba/ rkang pa gnyis gyol ba/ mgo shu ba can la/ skra med pa/ 'dre ltar mi sdug pa zhig ste/ chung mas kyang mthong mi 'dod pa tsam du shi yang bla zhes rgyun du dmod mo byed pa zhig yod do/ /dus gzhan zhig na chung ma de chu chur song song ba las/ lam du khyo ga gzhon nu ma dag kha cig dang phrad nas/ khyo ga rnams kyis khyim thab kyi kha gzugs 'di 'dra'o/ /zhes co 'dri zhing bgad nas/ khyod ni dpe med par bzang zhing sdug na/ ci ltar 'di 'dra ba'i chung ma byed nus zhes smras pa dang / chung mas khyo ga de dag la 'di skad ces smras so/ /rgan po'i mgo ni </font><hr>100a<br><font size=+1>


@#/ /shing la ba mo chags pa ltar skya ba de nang nub shi bar dga' na shir mi btub ci ltar bya/ de nas chu snod thogs nas/ phyir khyim du 'ongs te/ khyim thab la 'di skad ces smras so/ /bdag chu chur song song ba las/ lam du khyog gzhon nu dag cig dang phrad de/ de dag bdag la co 'dri zhing bgad nas/ da khyod kyis bkol ba'i bran khol yod na/ chu chu yang mi dgos te/ gzhan gyis dpyas par yang mi 'gyur ro/ /khyim thab kyis smras pa/ bdag cag ni shin tu dbul phongs pa yin na/ bran khol ga las rnyed par 'gyur/ chung mas smras pa/ gal te bdag gis phyir bran khol ma btsal na/ bdag kyang 'gro ste khyod dang lhan cig mi gnas so zhes chung mas/ yang 'di skad ces smras so/ /kho mos thos na rgyal bu don grub sbyin pa ma 'os par byin pas/ yab rgyal pos ri dan tig ces bya bar spangs so/ /rgyal bu de la bu khye'u gcig dang / bu mo gcig yod ces grag gi khyod de slong du song zhig /khyim thab kyis smras pa/ ri dan tig ces bya ba 'di nas dpag tshad drug stong lhag tsam gcig gi lam so yod la/ sngon la lung bgrod kyang ma myong na/ da ci ltar bgrod par bya/ chung mas smras pa/ bdag gi phyir bran khol ma btsal na/ bdag 'gegs te 'chi'o/ /zhes smras pa dang / khyim thab kyis smras </font><hr>100b<br><font size=+1>


pa| nyes na kho bo ni gcig gis bsad kyang sla'o/ /khyod shi bar mi 'dod do zhes smras nas /khyod kyis bdag slong du 'gro bar dad na/ kho bo'i rgyags dang / dgos pa sbyor cig ces bsgo'o/ /chung mas smras pa/ da song zhig rgyags dang dgos pa yang med do zhes smras na/ bram zes rgyags rang sbyar te/ rkang pas lam du zhugs te song ngo / /de nas bram ze yul ya ba zhes bya ba ga la ba der song ste/ der phyin pa dang / rgyal po'i pho brang gi sgor 'ongs nas/ sgo srung ba la/ rgyal bu don grub da ltar ga la 'dug cas dris pa dang / sgo srung de pho brang gi nang du song nas/ rgyal bu la da ltar phyi rol na/ bram ze zhig rgyal bu don grub ga re zhes 'dri'o/ /rgyal pos rgyal bu don grub ga re zhes smras pa'i tshig thos pa tsam gyis sems 'khrugs shing khros nas/ 'di snyam du 'di 'dra ba sha dag gi phyir nga'i sras spangs par gyur na/ da yang slong du 'ong snyam bsams nas/ dpe \?\ 'di skad ces brjod par gyur to/ /dper na/ me ni rang bzhin gyis tsha zhing 'bar ba yin na/ de'i steng du shing bsnan pa dang 'dra ste/ bdag kyang da ltar mya ngan gyis gdungs te me dang 'dra ba las/ da yang rgyal bu ga re zhes 'dri ba ni me la shing gis bsnan pa dang 'dra'o/ /bram zes gsol pa/ bdag ni lam ring po nas 'ongs pa yang / rgyal bu rgyal tshab mi'i yid dang mi 'gal bar sbyin pa bgyid do zhes ming yang snyan </font><hr>101a<br><font size=+1>


@#/ /pa steng du gnam la thug /'og tu chu mig gi gting la thug gi bar du grags pa/ bdag lam ring po nas ra ba yod par 'ongs so/ /rgyal pos smras pa/ rgyal bu don grub ni da ltar ri shin tu dben pa na gnas te/ rab tu dbul zhing ci yang med na/ khyod la ci zhig sbyin du yod/ bram zes smras pa/ rgyal bu la ci yang med kyang bdag phrad par dga'o zhes smras pa dang / rgyal pos kyang gzhan zhig la lam ston cig ces bsgo'o/ /de nas bram ze de song song ba las/ dan tig gi ri drung du chu chen po zhig yod par phyin nas/ rgyal bu 'ba' zhig bsams shing yid la byas pas chu'i pha rol tu phyin par gyur to/ /de nas bram ze ri der phyin nas/ thog ma rngon pa zhig dang phrad de/ rngon pa de la/ khyod ri la rgyal bu don grub ces bya ba mthong ngam zhes dris pa dang / rngon pa des kyang rgyal bu sbyin pa la dga' bas bram ze 'di dag gi phyir ri la spangs par shes pas| rngon pa des kyang bram ze bzung nas shing la bcings te/ brdegs pas lus la rma yang byung ngo / /rngon pas/ yang smras pa/ khyod rgyal bu dris te ci zhig bya/ mda' 'phang ngo zhes byas pa dang / bram ze de 'di snyam du/ da ni 'dis bdag gsod yang dag na/ rdzun zhig bya'o snyam bsams nas/ rngon pa la khyod bdag la 'dri na ci nyes zhes smras so/ / </font><hr>101b<br><font size=+1>


de nas rngon pas/ 'o na ci zhig smra bar sems shes dris pa dang / bram ze rdzun tshig 'di skad ces smras so/ /rgyal po yab rgyal bu mthong bar dga' bas/ bdag 'dir rgyal bu phyir 'gugs su 'ongs so/ /zhes smras ma thag tu rngon pas kyang bkrol te btang nas sngar ma rtogs te/ rgyus ma shes so zhes bzod pa gsol nas/ rgyal bu gang na 'dug pa'i gnas bstan to/ /de nas bram ze de rgyal bu'i thad du phyin pa dang / rgyal bus kyang rgyang ma nas bram ze 'ongs pa mthong nas/ rab tu dga' ba'i sems skyes te/ bsus nas gus par phyag byas te| khyod ga las 'ongs/ lam du nyon mongs shing ngal bar ma gyur tam/ ci 'dod ces spro ba'i gtam byas so/ /bram zes smras pa/ bdag lam ring po nas 'ongs te/ lus thams cad rtse zhing ngal te/ bkres skom mo zhes smras pa dang / rgyal bus nang du khrid nas/ stan la 'dug tu bcug ste/ shing tog dang / shing gi 'bras bu dang / btung ba'i skom mdun du phab nas/ bram zes kyang skom 'thungs/ shing tog zos te/ thal byung rgyal bu la 'di skad ces smras so/ /bdag ni yul ke le zhes bya ba'i yul mi yin te/ snga zhig nas rgyal bu sbyan pa la dga'o zhes phyogs bcur grags shing thos pas/ bdag ni dbul phongs te/ rgyal bu la slong du 'ongs so/ /rgyal bus smras pa/ bdag la yod pa las khyod la ma </font><hr>102a<br><font size=+1>


@#/ /byin na ni/ chags shing ser sna byed par yang 'gyur na/ bdag la ci bdog pa sngar btang bas/ da ni ci yang sbyin du med do/ /bram zes smras pa/ de ltar nor rdzas sbyin du med na khyod kyi bu ming sring gnyis bdag rgad po'i 'khol ba'am/ bran du byin cig ces de bzhin du lan gnyis lan gsum gyi bar du smras nas/ rgyal bus kyang khyod lam ring po nas 'ongs la/ bdag gi bu ming sring gnyis 'dod pa rab tu legs kyi/ sbyin no zhes smras so/ /de'i tshe na bu ming sring gnyis rtser song song ba las/ rgyal bus bos nas/ bu la 'di skad ces bsgo'o/ /bram ze 'di lam ring po nas/ bu khyod gnyis slong ngo zhes zer nas/ kho bos kyang sbyin pa yin gyi/ khyed gnyis 'di'i phyi bzhin song zhig ces bsgo ba dang / bu gnyis rgyal bu'i mchan du bros nas/ ngu ste 'di skad ces smras so/ /bdag cag gis bram ze du ma yang mthong na/ 'di 'dra dag ma mthong ste/ 'di ni bram ze ma lags kyi/ yang dag par yi dwags lags pas/ da bdag cag gi ma shing tog tshol du mchis pa las/ slar ma 'khor bar bdag cag gnyis yi dwags 'di'i zas su stsal na/ gdon mi 'tshal bar 'gum mo/ /bdag gi ma slar mchis te bu dang ma 'jal na/ ji ltar ba dang be'u bral ba ltar du zhing cho nges 'debs te/ mi </font><hr>102b<br><font size=+1>


dga' ba'i mya ngan gyis gdungs par 'gyur ro/ /rgyal bus bu la bsgo ba/ kho bos sbyin par gnang bas bsdad du mi rung ste/ 'di bram ze yin gyi/ yi dwags ma yin pas mi zos kyi/ khyed gnyis 'di'i phyi bzhin song zhig/ bram zes smras pa/ bdag ni da chas te 'gro'o/ /gal te bu'i ma 'ongs na 'gror med de/ ma btang na rgyal bus bdag la byin pa'i dge ba'i sems| bu'i mas zlog cing nyams par 'gyur du dogs so/ /rgyal bus smras pa/ bdag gis sbyin pa ci byas kyang thog ma nas ci la yang 'gyod pa'i sems byung ma myong ngo / /de nas rgyal bus chu snod thogs te bram ze'i lag par chu blugs nas/ bu gnyis kyi lag pa nas bzung ste/ bram ze la phul ba na sa yang rab tu g.yos so/ /bu gnyis bram ze'i phyi bzhin mchir ma btub nas/ phyir pha rgyal bu'i drung du 'ongs te/ pus mo sa la btsugs nas/ pha rgyal bu la 'di skad ces gsol to/ /bdag cag gnyis kyis tshe rabs snga ma la mi dge ba'i sdig pa ci bgyis na/ 'di \?\ lta bu'i sdug bsngal myong bar gyur/ bdag cag ni rgyal po'i rigs su skyes nas/ ci'i slad du pha rol po'i bran khol du gyur ces/ pha rgyal bu la sdig bshags nas/ 'di'i rgyu 'di'i rkyen gyis sdig pa byang zhing / bsod nams skyes te/ gang nas gang du skyes kyang 'di lta bu'i sdug bsngal dang phrad par ma gyur cig ces smras </font><hr>103a<br><font size=+1>


@#/ /so/ /rgyal bus bu la smras pa/ 'jig rten na mdza' zhing sdug go cog /mthar bye bral bar gyur te/ thams cad mi rtag pas yid brtan du mi rung / kho bo nam bla na med pa'i mnyam snyoms pa'i byang chub thob pa na/ khyod thar pa'i don bya'o zhes bsgo'o/ /bu gnyis kyis yang yab rgyal bu la smras pa/ bus ni ma la mchi phyag bgyi ba lags na| da gzhar yang mi phrad de/ ma'i ngo ma mthong ba yang bdag cag gi sngon gyi sdig pa'i las kyis gdungs par zad na/ bdag cag gi ma ci'i phyir mya ngan gyis gdungs shing / sdug bsngal bar mi 'gyur zhes smre sngags 'don to/ /bram zes smras pa/ bdag rgas la nyam chung bas/ bus pa 'di gnyis bdag bor te/ ma'i thad du bros par gyur na/ bdag gir byar med par 'gyur gyi/ khyod kyis chings la dkris shig ces smras pa dang / rgyal bus kyang bu gnyis kyi lag ba phying ka log tu bzung ste bram ze nyid 'ching du bcug nas/ phyin ka log tu bcings pa'i thag pa bram ze'i lag par byin te/ sbrel nas khrid do/ /bu gnyis ni de ltar khrid kyang 'gror ma btub ste/ 'then pa las/ bram zes lcag thogs te/ ded nas bzhus pa'i lam du/ khrag phyung ba yang sa la 'chal par gang ngo / /rgyal bus de ltar mthong nas/ mchi ma byung ste/ mchi ma sa la po </font><hr>103b<br><font size=+1>


bas sa yang khol bar gyur to/ /rgyal bu dang / ri dwags dang / gcan gzan mang po thams cad kyis bu gnyis bskyal te/ mi snang bar gyur pa dang / gzod phyir log go /ri dwags dang / gcan gzan la sogs pas rgyal bu bskyal te/ phyir rgyal bu dang rtse ba'i gnas su phyin nas/ snying rje'i skad phyung ste/ lus sa la rdebs shing 'gro'o/ /bram ze des lam du zhugs te song song ba las lam gar skyed shing zhig yod pa la bu gnyis btags te 'dug go/ de nas chas pa dang / bu gnyis ma dang phrad du re nas shing gi phag 'khri zhing 'gror ma btub nas| bram zes yang bzhus pa las/ bu gnyis kyis 'di skad ces smras so/ /bdag cag la ma rdegs shig /bdag cag rang 'gro'o zhes gnam la yar bltas te/ yang 'di skad ces smras so/ /ri mnyan gyi lha dang / nags tshal gyi shing gi lha rnams/ bdag cag la cung zad thugs brtse ba'am/ dgongs pa mi mnga'am/ bdag cag ni lam ring por gzhan gyi bran khol byed du 'gro ste/ ma dang bral bar gyur na/ bdag cag gi ma ri la shing thog tshol zheng brngar btang ste myur du bdag cag dang ngo phrad par shog cig ces mi sbran nam zhes de skad smras pa dang / bu'i ma ri la 'dug pa'i rkang pa g.yon pa'i rkang mthil g.ya' zhing g.yo ba dang / mig g.yon pa yang 'gul/ nu ma gnyis nas nu zho yang rang zag par gyur nas 'di snyam du 'di 'dra ba'i </font><hr>104a<br><font size=+1>


@#/ /ltas ngan pa gna' nas ma byung na/ bdag gi bu gnyis la yi 'brog ma byung ngam snyam bsams nas/ shing tog gis ci zhig bya snyam ste/ shing thog len ba'ang btang nas| myur bar phyir gnas su 'gro bar chas so/ /de'i tshe sum cu rtsa gsum pa'i gnam gyi lha'i dbang pos rgyal bus gzhan la bu byin par shes nas/ btsun mos dge bar bsams pa'i sems kyi bar chad byed du dogs pas seng ge zhig tu sprul nas/ lam gyi srang du bsdad do/ /btsun mos seng ge la smras pa/ khyod ni gcan zan gyi rgyal po/ kho mo ni mi'i rgyal mo yin te/ ri la 'khod par 'dra na/ cung zad lam las byol te bdag thongs shig /bdag la bu chung du ma shed ma bye ba gnyis shig yod de/ da tsam gyi bar du ci yang ma zos pas| bdag 'ong du re ste sdod do/ /seng ges kyang / bram ze de rgyang ring du thal bar shes nas/ lam las byol te btsun mo btang ngo / /btsun mo phyir gnas su 'ongs nas/ rgyal bu 'ba' zhig snang gi /bu gnyis ma mthong bas bdag nyid 'dug pa'i sbyil bur bltas na yang bu ma mthong / bu gnyis 'dug pa'i spyil bor la bltas na yang bu ma mthong ste/ de nas bu rtse ba'i gnas chu 'gram du btsal na yang bu ma mthong ngo / /sngon bu dang rtse ba'i ri dwags sha ba dang / kha dang / gcan gzan seng ge dang / spre'u la </font><hr>104b<br><font size=+1>


sogs te/ mdun nas lus sa la rdebs shing sgra 'byin la/ sngon rtse ba'i rdzing bu'i chu yang bskams par mthong nas/ phyir rgyal bu gang na ba der song ste phyin pa dang / rgyal bu la bdag gi bu gnyis ga re zhes dris na/ rgyal bu cang mi smra'o/ /btsun mos yang smras pa/ bdag nam shing thog thogs te phyir gnas su 'khor ba na/ bdag gi bu gnyis rgyang nas rgyug cing / mdun du bsus te/ rdeg 'chos na'ang phyir langs te/ dkyu mchong zhing / a ma 'ongs/ a ma 'ongs so zhes 'bod do/ /bdag 'dug pa na gnyis ka g.yas g.yon na 'dug cing / phrag pa'am/ lus la rdul gos na yang 'phyi zhing sprug /da bdag gi bu re ma mthong na/ gzhan la ma byin nam/ 'di ltar ma mthong bas bdag gi snying gas bar 'gyur gyi/ bdag gi bu ga la 'dug myur du smros shig bdag myos par 'gyur ro zhes de ltar lan gnyis lan gsum gyi bar du dris kyang lan ma smras so/ /btsun mos yang smras pa/ lhag par sdug bsngal gyis gdungs te/ bu gnyis ma mthong ba lta tshod yod na/ rgyal bus lan ma ster bas lhag par myos shing 'khrugs par gyur to/ /rgyal bus smras pa/ yul ke le zhes bya ba nas/ bram ze zhig 'ongs te/ bdag la bu gnyis bslangs pa las/ bdag gi byin no/ /btsun mos/ rgyal bus smras pa thos ma thag tu/ ri rdi ba pa ltar sa la 'gyel te/ 'gre zhing </font><hr>105a<br><font size=+1>


@#/ /cho nges btab bo/ /rgyal bus smras pa/ re zhig sdod cig /khyod sngon 'das pa'i dus na sangs rgyas mar me mdzad kyi tshe/ dam ji ltar bcas pa mi dran nam de'i tshe de'i dus na bdag ni bram ze'i bu gzhon nu zhes bya ba/ khyod ni bram ze'i bu mo sun ta ri zhes bya ste/ khyod ni de'i tshe me tog pad+mo bdun zhig thogs/ bdag la dngul gyi dong tshe lnga zhig yod de/ khyod las pad+mo lnga zhig nyos nas/ sangs rgyas la phul bar byas pa las/ khyod kyis pad+mo lhag ma gnyis po yang nga la byin te/ sangs rgyas la 'bul gyi| smon lam du yang / bdag skye ba pha rol tu rtag par khyod kyi chung mar shog cig /ces smon lam btab pa las/ bdag de'i tshe khyod dang 'di skad ces dam ma bcas sam| khyod bdag gi chung mar dga' na/ bdag gi yid dang 'gal bar ma byed cig /bdag sbyin pa zhig byed na/ pha ma gnyis ma gtogs par gzhan sbyin yang / bdag gi yid bzhin du sbyin pa las 'gal bar ma byed cig ces dam bcas pa las de'i tshe/ khyod na re/ de bzhin du bya'o zhes mi zer ram/ da khyod kyi bu gnyis gzhan la byin pa| bdag gi dge ba'i sems dkrug tu yang ci zhig yod ces/ rgyal bu sa smras ma thag tu/ btsun mos thos pa tsam gyis/ sems dang / yid kyis sngon gyi gnas dran pa'i mngon </font><hr>105b<br><font size=+1>


par shes pa tshor bar gyur te/ rgyal bu'i bsam pa myur du rdzogs par 'dod pas yid bzhin du sbyin pa la rjes su yi rang bar gyur te/ de nas lha'i dbang po brgya byin rgyal bus sbyin pa byin pa/ ci ltar sems pa bsam pa'i phyir/ bram ze zhig tu sprul te/ bram ze de yang mi sdug pa rnam pa bcu gnyis dang ldan te/ rgyal bu ga la ba der song nas/ 'di skad ces smras so/ /rgyal bu/ khyod sbyin pa la dga' bas/ pha rol po'i yid dang 'gel bar mi byed ces grag ste/ bdag kyang ched du 'dir slong du 'ongs kyi/ khyod la btsun mo yod pa de bdag la byin cig /rgyal bus smras pa/ shin tu legs te/ de bzhin du sbyin no zhes smras so/ /btsun mos smras pa/ bdag kyang pha rol po la byin na/ rgyal bu'i g.yog sus bya/ rgyal bus smras pa/ da khyod kyang sbyin pa ma byas na/ ci ltar yang bla na med pa mnyam snyoms pa'i byang chub thob par 'gyur/ de nas rgyal bus chu snod thogs te/ bram ze'i lag pa bkru ba'i phyir lag par chu blugs nas/ btsun mo yang bram ze la phul lo/ /de ltar rgyal bu la 'gyod pa'i sems cung zad kyang med par brgya byin gyis rtogs nas/ lha rnams kyis bstod bsngags te/ gnam sa yang cher g.yos so/ /de nas bram zes btsun mo khrid do/ gom pa bdun tsam du phyin pa dang / phyir log nas/ btsun mo 'di rgyal bu la phyir gtams kyi sul </font><hr>106a<br><font size=+1>


@#/ /yang ma byin cig ces smras so/ /rgyal bus slar smras pa/ ci'i phyir mi khrid/ mi 'dod dam/ ci mir skyes pa'i chung ma'i nang na/ chung ma 'di ni shin tu yang bzang zhing mdzes te/ rgyal bo'i bu mo yin la/ rgyal po de la bu mo 'di gcig bu las med de/ chung ma 'di bdag la chu gang che bas/ kha zas btso ba dang / bsreg pa yang lag dar te byed/ bza' ba dang / btung ba ngan kyang ngan ces mi 'khang ste/ rtag tu 'grub che la/ byad bzhin yang bzang la mdzes pas/ khyod khyer na bdag dga'o zhes smras so| |bram zes rgyal bu la smras pa/ bdag ni bram ze ma yin gyi brgya byin lha'i dbang po yin te/ ched du khyod bag ma pa'i phyir 'ongs pa yin no zhes phyir brgya byin gyi lus bzang por bsgyur nas khyod ci dang cir smon ces smras so/ /de nas btsun mos gus par phyag 'tshal te/ smon lam rnam pa gsum zhig gsol te/ gang zhe na/ gcig tu bu khrid pa'i bram ze phyir yang bdag gi yul du phyin par gyur cig /gnyis su na bdag gi bu gnyis bkres pa dang / skom pas sdug bsngal bar ma gyur cig /gsum du na rgyal bu dang / bdag cag gnyis kyang bdag gi yul du myur du 'khor par gyur cig ces smras pa dang / brgya byin lha'i dbang pos kyang / de bzhin du smon lam grub par gyur cig ces smras so/ /rgyal </font><hr>106b<br><font size=+1>


bus smras pa/ bdag ni sems can thams cad skye ba dang / rga ba dang / na ba dang / 'chi ba'i sdug bsngal las sgrol bar gyur cig ces smon lam btab pa dang / brgya byin lha'i dbang pos smras pa/ smon lam 'di ni shin tu yang rgya che ste/ bla na med pa yin no/ /gal te mtho ris su skye zhing nyi zla la dbang ba'i bdag por 'dod dam/ 'jig rten gyi rgyal por 'dod dam| tshe ring zhing yun du gnas par 'dod na/ bdag gis sbyin nus kyi/ khyod kyis smras pa'i smon lam khams gsum las mchog tu 'das pa yin pas/ bdag gis nus pa ma yin no/ /rgyal bus smras pa/ da ltar re zhig mchog tu phyug por gyur te/ sngon pas kyang lhag par rtag par sbyin pa byin zhing / yab rgyal po dang / blon po rnams dang / bdag cag phrad par shog cig ces smras pa dang / brgya byin gyis smon pa bzhin du nges par grub par gyur cig ces smras ma thag tu mi snang bar gyur to/ /yul kai la'i bram ze des byis pa gnyis khrid de khyim du 'ongs na/ chung mas 'di skad du/ khyod ngo so 'di lta bus 'khor te 'ongs pa lta ngo mi tsha'am/ bus pa 'di gnyis ni rgyal po'i gdung la gtogs pa yin na/ snying rje'i sems kyang med de/ 'di ltar btsogs brdegs shing lus la rma dang / rnag khrag gis btsog btsog ltar byas pa bzod dam zhes spyos brgyad nas/ bus pa 'di gnyis tshongs la / </font><hr>107a<br><font size=+1>


@#/ /bkol du rung ba khrid de shog cig ces bsgo ba dang / khyim thab kyang chung mas bsgo ba bzhin/ tshong dus su song ba las/ brgya byin lha'i dbang po sprul te// tshong dus su 'ongs nas/ bram ze de la bus pa 'di ni shin tu rin che bas/ su yang nyo mi nus so zhes smras so/ /bus pa de gnyis bkres shing skom pa las/ brgya byin gyis lha'i rdzu 'phrul gyis lha'i dri bsung sprul te/ bus pa gnyis kyi ba spu'i khung bu nas/ lto 'drangs par byas te/ brgya byin gyis bram ze'i sems kyang bsgyur nas/ yul ya bar phyin par byas so| |yul de'i blon po dang / yul mi thams cad kyis/ rgyal bu'i sras/ rgyal po chen po'i tsha bo yin par mi shes pa med pas/ yul mi thams cad kyang mya ngan gyis gdungs te| blon po la sogs pas/ bu 'di gnyis ga las 'ongs zhes dris pa dang / bram ze na re/ bdag gis bslangs te 'ongs pa la/ khyed kyis drir ci yod ces smras so/ /blon po rnams kyis smras pa/ bdag cag gi yul du 'ongs pas na/ bdag cag gis 'dri bar rigs kyi/ mi 'dri ba ma yin no zhes blon po dang / yul mi rnams kyis bgros te/ bram ze las bu gnyis dbrog par byas pa las/ de'i nang na khyim bdag gcig gis 'di skad ces gros btab bo/ /'di ni rgyal bus sbyin par bsams te/ sbyin pa 'di la rgyal bus bsams </font><hr>107b<br><font size=+1>


ba'i yid dang 'gal zhing dbrog par mi rigs kyi/ nyos na rgyal po chen po la gsol na/ rgyal po chen po nyid kyis rin gyis bslu bar 'gyur ro zhes byas pa dang / gros snga ma btang nas| blon po rnams kyis rgyal po la 'di skad ces gsol to/ /rgyal po chen po'i dbon po gnyis da ltar bram ze zhig 'tshong zhing mchis zhes gsol pa dang / rgyal pos tshig de thos ma thag tu cher dngangs te/ bram ze dang bu gnyis pho brang nang du khrid de shog cig ces bsgo nas/ bu gnyis pho brang nang du 'ongs pa'i tshe/ rgyal po dang / btsun mo dang / pho brang gis las dang| blon po rnams kyis bu gnyis mthong nas/ thams cad dbugs kyis brangs pa tsam du ma dus pa med do/ /de nas rgyal pos bram ze de la khyod kyis bu 'di gnyis ci ltar tho ba ces dris na/ bram ze na re/ bdag gis rgyal bu la bslangs te thob bo zhes zer ro/ /rgyal pos bu gnyis bos te/ \?\ bar bar blang snyam pa las bu gnyis 'ong du ma btub bo/ /de nas rgyal pos bu 'di gnyis kyis rin ci tsam 'dod ces dris na/ bram zes smra ma khom par/ khye'u yis 'di skad ces gsol to/ /bdag bu pho ni dngul gyi dong che stong dang / ba lang brgya zhig ri'o| |bu mo 'di ni gser gyi dong tshe stong dang / ba bzhon nyis brgya ri'o zhes gsol pa dang / rgyal pos khye'u la 'di skad ces smras so/ /'jig rten gyi chos kyis mi'i nang na pho ni rin po </font><hr>108a<br><font size=+1>


@#/ /che dbyig ltar rin che ba yin na/ ci'i phyir bu pho ni rin chung / bu mo ni rin che bar 'debs/ bu khye'u yis gsol pa/ pho brang gi slas lta bu rgyal po dang nye ba ma lags la/ ma rabs bran las slas su bzhes te/ de la thugs dgyes pas/ bkur zhing btsun par mdzad de rin po che'i gos bskon zhing / bza' ba dang / btung ba ro brgya dang ldan pa bstabs na/ sras gcig pu zhig mnga' ba ri la spangs te/ ya mtshan pho brang gis slas dang rol cing rol mo mdzad kyang / slas la cung zad tsam yang dgongs pa'i thugs kyang mi mnga' bas/ de bas ni bu pho ni rin chung la/ bu mo ni rin che bar mngon no/ /rgyal pos de skad ces smras pa thos nas/ lhag par mi dga' ba'i mya ngan skyes te mchi ma blags na 'di skad du/ bdag ni rab tu gnong na/ khyed ci'i phyir kho bo'i pang du mi 'ong / khyed nga la mi dga'am/ 'on te bram zes 'jigs zhes dris na/ byis pa na re/ bdag cag ni rgyal po chen po la mi dga' ba'am/ bram zes skrag pa yang ma lags na/ thog ma rgyal po chen po'i tsha bo las/ da ltar mi'i bran khol du gyur pas| gang na yang mi'i bran khol/ rgyal po'i pang du 'dug pa'i chos med pas mi spobs so/ /rgyal pos de skad ces smras pa thos nas/ lhag par mya ngan gyis gdungs par gyur </font><hr>108b<br><font size=+1>


te| mi dga' bar gyur nas bus gsol pa bzhin du/ bram ze la rin byin cig ces bsgo nas/ bu gnyis gdod rgyal po'i pang du blangs so/ /bu gnyis rgyal pos blangs nas/ phyag gis bu gnyis kyi mgo nas byugs te/ 'di skad ces smras so/ /khyed ri la gnas pa na/ zas su ni ci za/ gos su ni ci gyon ces dris na/ bu gnyis na re/ zas su ni shing gi 'bras bu shing tog za/ gos su ni lpags pa dang / snam bu gyon te/ bya mang po dang / rtse dga' bas mya ngan gyi sems med do zhes gsol to/ /de nas rgyal pos bram ze de la phyi rol du song zhig ces bsgo ba dang / bu gnyis kyis rgyal po la 'di skad ces gsol to/ /bram ze 'di rab tu bkres skom gyis nyen na/ de la kha zas kyis tshim par mdzad du gsol| rgyal pos smras pa/ khyed la mi dga' ba'am/ khon du 'dzin pa med par phyir kha zas sbyin par sems/ bus smras pa/ bdag gi ba byang chub kyi lam la dga' bas/ nor rdzas kyi sbyin du med de/ bdag gi lus kyis slong ba la byin pa yang bdag cag la dbang ba'i bdag po lags te/ 'dis bdag cag la bkol ba'i las tsam byed du ma bcug pa'ang thog ma phas bsam pa ltar ma gyur te/ de snying rje'i sems tsam yang ma mchis te/ ltogs shing skom pa bzhin du 'dug pa 'di/ mig gis kyang su zhig gis bzod/ bdag gi phas </font><hr>109a<br><font size=+1>


@#/ /ni bu yang mi phangs par pha rol bo la sbyin pa byed na/ rgyal po chen pos mi gcig gis kha zas tsam la ser sna mdzad dam zhes gsol pa dang / rgyal pos kyang bram ze de la kha zas kyis tshim par byin nas/ bram ze yang rab tu dga' ste/ phyir bdag gi yul du song ngo / /de nas rgyal pos/ rgyal bu 'gugs pa'i pho nya btang nas/ pho nya yang de ma thag tu chas te/ rgyal bu ga la ba der song ngo / /der phyin pa dang / chu zhig la mthar nas/ pho nya des rgyal bu nyid la yid la byas te/ bsams ma thag tu chu de las thar nas| rgyal bu gang na ba der phyin te/ rgyal po'i bkas rgyal bu slar yul du gshegs su gsol zhes bsgo'o/ /rgyal bus pho nya la smras pa/ thog ma rgyal pos lo bcu gnyis kyi bar du ri la sgoms shig ces bsgo ste/ da dung lo gcig ma tshang bas/ de lo tshang nas bdag 'gro'o zhes bsgo'o/ /de nas pho nya yang phyir log nas/ rgyal po la de bzhin du gsol pa las/ rgyal po nyid phyag dar te/ yi ge bris nas/ phyir pho nya la bskur te/ 'di skad ces bsgo'o/ /khyod ni mi'i nang na mkhas pa shes rab can yin pas/ 'gro ba la yang bzod cing / 'ong ba la yang bzod pa yin na/ ci'i phyir khyod khros te 'ong du mi btub/ khyod dang lhan cig bza' ba dang / btung ba btang dgos kyi/ myur du shog cig ces </font><hr>109b<br><font size=+1>


pho nya 'gugs su btang ngo / /de nas pho nya yi ge thogs te/ rgyal bu gang na ba der song nas phyin pa dang rgyal bu la yi ge phul lo/ /rgyal bus yi ge blangs nas/ mgo bo sa la gtugs te yi ge la phyag 'tshal nas lan bdun bskor ba byas te/ mod la phyir yul du 'gro bar chas so/ /de'i tshe ri de nas chas pa dang / ri de la gnas pa'i ri dwags dang / gcan zan la sogs ba rgyal bu 'gro'o zhes thos nas/ thams cad lus sa la brdabs nas/ sa la 'gro zhing ngu ba'i skad phyung ngo / /chu mig rnams kyang bskams te/ gcan zan dang / ri dwags kyi phru gu yang mi nu / 'dab chags bya mang po yang snying rje'i skad kyi sgra phyung ngo / /de nas rgyal bu gos gyon nas/ btsun mo dang 'grogs te/ phyir yul du song ba las/ dgra zla'i yul gyis rgyal pos/ rgyal bu phyir 'ong ngo zhes thos nas/ bal gyi glang po che dkar po la gser gyi sga bstad de/ gser gyi snod du ni dngul gyi nye'u yis bkang / dngul gyi snod du ni gser gyi nye'u yis bkang pa bshams nas/ rgyal bu bsu ba'i phyir nam mkha' la stod de/ rgyal bu bsus nas/ rgyal po'i 'phrin du 'di skad ces gsol to/ /bdag ni mi shes ma'i dbang du gyur te/ rgyal bu las bal gyi glang po che bslangs pas/ de'i rkyen gyis rgyal bu spangs par gyur pa da 'gyod pas na/ mthol tshangs su gsol lo/ /da rgyal bu slar gshegs zhes thos nas/ rab tu dga' </font><hr>110a<br><font size=+1>


@#/ /ste| bal gyi glang po che de nyid kyang slar phul zhing gser dngul gyi nye bu rnams kyang phul na/ 'di dag rnams kyang bzhes shing / nongs pa'i skyon rnams kyang sbyang bar gsol to/ /rgyal bus smras pa/ dper na/ mi zhig gis kha zas ro brgya dang ldan pa sbyar te/ pha rol po gcig la byin pa las/ mi des kha zas zos nas/ phyir sa la skyugs na/ phyir skyugs pa'i kha zas dri bsung dang ldan pa de/ bzar rung bar 'gyur ram/ bdag gis sbyin pa byas pa yang / skyugs pa dang 'dra bas phyir mi 'dod do/ /pho nya khyod bal gyi glang po che 'di la zhon la bdag gi yul du song zhig /yul du khyod kyi rgyal po 'di ltar bdag bsu zhing / spro ba'i tshig gis snyan par smras pa/ rab tu dga'o zhes gsol cig ces bsgo ba dang / pho nya de yang bal gyi glang po che la zhon te/ phyir bdag gi yul du song nas/ rgyal po la de bzhin du gsol pa las/ bal gyi glang po che de'i rkyen gyis 'thab pa'i dgra zla de gcig la gcig byams shing sdug pa'i sems su gyur te/ rgyal po dang / yul mi thams cad bla na med pa'i mnyam snyoms pa'i sems bskyed par gyur to/ /de'i tshe rgyal po yab kyang / bal gyi glang po che la bcibs te/ rgyal bu bsus so/ /rgyal bus mgo dang / gdong gis phyag btsal nas/ rgyal po'i phyi bzhin phyir yul du song ste/ yul </font><hr>110b<br><font size=+1>


mi thams cad kyang rab tu dga' mgur rangs nas/ me tog dang / bdug spos dang / ba dan dang / rgyal mtshan dang / bla re la sogs pas mchod pa bya ba'i phyir bshams te/ sa gzhi'ang spos chus chag chag btab nas bsdad do/ /rgyal bu pho brang gi nang du 'ongs nas/ yum gyi drung du phyin pa dang / mgo bos phyag btsal nas/ spro ba'i tshig gis snyun gsol to/ /de nas rgyal pos rin po che'i bang mdzod thams cad rgyal bu la gtad de/ yid bzhin du sbyin pa byed du bcug nas/ sbyin pa snga ma bas kyang lhag par rgyun ma chad par sbyin pa byed du bcug pas mngon par sangs rgyas kyi byang chub thob par gyur te/ bcom ldan 'das kyis kun dga' bo la bka' stsal pa/ ngas sngon gyi sbyin pa byas pa mngon du dran pa ni de lta bu yin no/ /de'i tshe de'i dus na/ rgyal bu don grub ces bya ba ni da ltar nga nyid yin no/ /de'i tshe yab rgyal por gyur pa de ni da ltar nga'i yab rgyal po zas gtsang ma yin no/ /de'i tshe yum du gyur pa de ni da ltar yum lha mdzes yin no/ /de'i tshe na btsun mor gyur pa de ni da ltar grags 'dzin nyid yin no/ /de'i tshe dge slong a tsu ta zhes bya ba da ltar mo'u dgal gyi bu chen po yin no/ /de'i tshe brgya byin lha'i dbang por gyur pa de ni da ltar shA ri'i bu yin no/ /de'i tshe rngon bar gyur pa de ni da ltar kun dga' bo khyod yin no/ /de'i tshe khye'u ya ri zhes bya ba ni da ltar nga'i sras sgra </font><hr>111a<br><font size=+1>


@#/ /gcan 'dzin no/ /de'i tshe bu mor gyur pa de ni yum sru go'u ta mI zhes bya ba yin no/ /de'i tshe bram ze slong mo ba de ni da ltar lha sbyin nyid yin no/ /de'i tshe bram ze ze'i chung mar gyur pa de ni da ltar bram ze mo tsan tsam na yin no/ /de ltar na nga shin tu byed dka' ba yang grangs med dpag tu med/ dge ba'i las byas pa yang grangs med dpag tu med de/ de bas na mdo sde 'di dge slong dang / bram ze la sogs pa la rgyas bar ston cig /byang chub sems dpa' sems dpa' chen pos sbyin pa byas pa'i sbyin pa'i pha rol tu phyin pa 'di lta bu dag yin no/ /'phags pa rgyal bu don grub kyi mdo zhes bya ba'i bam po gcig pa rdzogs so// //sngon rgya las 'gyur ba'i brda rnying par 'dug/ // </font><hr>

</table>