H365

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H365</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H365&coll=lhasa">see text in Tibetan script</a></table>349a<br><font size=+1>


//rgya gar skad du/ AR+Ya go shr-i nga ga byA ga ra Na nA ma ma hA yA na sU tra /bod skad </font><hr>349b<br><font size=+1>


du| 'phags pa ri glang ru lung bstan pa zhes bya ba theg pa chen po'i mdo/ bam po gcig go /bcom ldan 'das 'jam dpal gzhon nur gyur pa la phyag 'tshal lo/ /'di skad bdag gis thos pa'i dus gcig na lha'i yang lha sangs rgyas shAkya thub pa/ bskal pa grangs med pa gsum nas bsod nams kyi tshogs kyis rnam par smin pas yang dag par rdzogs pa'i sangs rgyas brnyes te/ 'dzam bu'i gling gi ljongs kyi yul gzhan du 'dul ba'i sems can yongs su smin par mdzad nas/ yul yangs pa can gyi phyogs thub pa drang srong chen po'i gnas rgyal po'i khab na/ byang chub sems dpa' sems dpa' chen po 'phags pa byams pa la sogs pa byang chub sems dpa' du ma dang / gnas brtan shA ri'i bu dang / mo'u dgal gyi bu la sogs pa nyan thos chen po stong nyis brgya lnga bcu dang / tshangs pa dang / brgya byin la sogs pa lha du ma dang / lha'i rgyal po rnam thos kyi bu la sogs pa 'jig rten skyong ba du ma dang / klu yi rgyal po chen po du ma dang / gnod sbyin mthu chen po mang po dang / dri za'i rgyal po gtsug phud lnga pa la sogs pa dri za mang po dang / mi'am ci'i rgyal po yid 'ong la sogs pa mi'am ci du ma dang / rgyal po gzugs can snying po la sogs pa 'dzam bu'i gling gi mi'i rgyal po mang po'i 'khor du ma </font><hr>350a<br><font size=+1>


@#/ /dang thabs gcig tu bzhugs so/ /de nas de'i tshe lha'i yang lha sangs rgyas shAkya thub pas/ phyi ma'i dus kyi yul dge ba la rjes su dgongs shing / mngon sum du mdzad nas/ 'khor mang po la bka' stsal pa/ rigs kyi bu/ byang phyogs logs na ri glang ru dang nye ba chu bo go ma'i 'gram na/ thub pa drang srong chen po'i pho brang mchod rten go ma sa la gan da zhes bya ba zhig yod de/ de gdon mi za bar bya dgos pa'i 'phrin las zhig yod pas da gshegs pa'i dus la bab bo/ /de nas de'i tshe lha'i yang lha sangs rgyas bcom ldan 'das 'khor phal po che dang nam mkha' la 'phags te/ dri za'i rgyal po gtsug phud lnga pa la sogs pa dri za grangs med pa ni mdun na lha'i rol mo sna tshogs byed/ mi'am ci'i rgyal po yid 'ong la sogs pa mi'am ci du ma ni steng nas mchod pa'i las byed cing / sangs rgyas bcom ldan 'das la dbyangs dang / lha'i skad yid du 'ong bas bstod bzhin du 'khor de dag dang / mchod pa de dag dang bcas te/ ri rlang ru ga la ba der gshegs so/ /gshegs nas lha'i yang lha sangs rgyas bcom ldan 'das bzhengs bzhin du/ zhal byang phyogs su mtsho chen po yun ring po nas rgya mtsho ltar 'dug pa la gzigs te/ sku drang por bsrung nas/ </font><hr>350b<br><font size=+1>


de bzhin gshegs pa'i ting nge 'dzin bye ba brgya phrag brgya stong du ma la snyoms par zhugs te/ bskal pa grangs med pa gsum nas bdag nyid kyi sangs rgyas kyi spyod pa smon lam dang / bsod nams mngon du mdzad do/ /de nas de'i tshe lha'i yang lha sangs rgyas bcom ldan 'das kyis/ ri glang ru dang / yul dge ba dang / gser gyi dkyil 'khor nas srid pa'i rtse mo'i bar du byin gyis brlabs te/ bsrung ba dang / gtsang ba dang / bkra shis dang / mtshams bcad pa dang / bzlas brjod dang / yul dge bar mdzad do/ /de nas de'i tshe lha'i yang lha sangs rgyas bcom ldan 'das kyis 'khor de dag thams cad la bka' stsal pa/ ri glang ru bcom ldan 'das kyi pho brang mchod rten go ma sa la gnad dang bcas/ yul dge ba dang bcas pa 'di ni/ bskal pa bzang po'i sangs rgyas bcom ldan 'das thams cad kyi phyag mtshan dang / ma 'dres pa dang / thun mong ma yin pa dang / dben pa yin te/ rgyu des na yul 'di ni dge ba zhes bya'o/ /de nas de'i tshe lha'i yang lha sangs rgyas bcom ldan 'das kyis yul dge ba dang / mkhar dge ba can dang / dge 'dun so so'i kun dga' ra ba dang / gtsug lag khang dang / dgon pa'i gnas dang / yul der so sor nas bsod nams bya ba'i dngos po dge ba byed par 'gyur ba'i rgyal po dang / chos </font><hr>351a<br><font size=+1>


@#/ /dang ldan pa'i dad pa can dang / sbyin bdag dang / li thams cad 'byung bar lung bstan to/ /de nas bcom ldan 'das kyis byang chub sems dpa' rnams la bka' stsal pa/ rigs kyi bu/ khyed rnams kyis kyang ma 'ongs pa'i dus na 'byung ba'i yul 'dir ci nas kyang / sems can rnams dam pa chen po myur du thob par 'gyur ba dang / ting nge 'dzin 'grub par 'gyur bar byin gyis rlobs shig /de nas de'i tshe bcom ldan 'das mtsho rol nas cung zad cig slar bskyed de/ de'i mod la ri glang ru'i steng du gdan khri bshams pa la skyil mo krung bcas te bzhugs nas/ zhal nub phyogs su bcom ldan 'das kyi pho brang mchod rten go ma sa la gan da gang na ba de logs su gzigs so/ /de nas de'i tshe 'jig rten gyi khams gzhan dang / gzhan nas byang chub sems dpa' nyi khri mngon par shes pa lnga dang ldan pa'i drang srong mang po dang thabs gcig tu bcom ldan 'das ga la ba der lhags so/ /lhags nas bcom ldan 'das kyi pho brang mchod rten go ma sa la gan da la yang phyag 'tshal skyabs su song / sangs rgyas bcom ldan 'das 'khor dang bcas pa la yang phyag 'tshal skyabs su song nas phyogs gcig tu 'khod do/ /de nas de'i tshe na sangs rgyas bcom ldan 'das kyis 'khor </font><hr>351b<br><font size=+1>


phal po che 'dus par mkhyen nas/ 'khor de dag la 'di skad ces bka' stsal to/ /bskal pa bzang po 'di la sngon sangs rgyas bcom ldan 'das bzhi byung ste/ de dag gis kyang mchod rten go ma sa gan da yul dang bcas par byin gyis brlabs so/ /bskal pa bzang po 'di nyid la ma 'ongs pa'i dus na yang sangs rgyas stong rtsa gcig 'byung bar 'gyur te/ de dag thams cad kyang 'khor dang bcas te 'dir gshegs nas mchod rten go ma sa la gan da yul dang bcas par byin gyis rlob cing / mtshams gcad pa dang / bkra shis pa dang / dge bar mdzad par 'gyur ro/ /nga yang da ltar byin gyis rlob pa'i dus la bab pas byin gyis rlob par mdzad do/ /de nas de'i tshe lha'i yang lha sangs rgyas bcom ldan 'das ting nge 'dzin da ltar gyi sangs rgyas mngon sum du bzhugs pa zhes bya ba dang / gzhan yang / de bzhin gshegs pa'i ting nge 'dzin grangs med pa la snyoms par zhugs so/ /de'i tshe ting nge 'dzin la snyoms par 'jug pa rnams dang / bsam gtan pa rnams yongs su skyong bar byed pa byang chub sems dpa' mthu chen thob kyis kyang / sangs rgyas 'od srung gi mchod rten gyi drung du bzhugs te/ yul de byung bar gyur pa'i tshe bdag gi gzugs brnyan byed par 'gyur bar sa gzhi de byin gyis brlabs so/ /de bzhin du smon lam chen pos gnas pa byang chub </font><hr>352a<br><font size=+1>


@#/ /sems dpa' 'jam dpal gzhon nur gyur pas kyang / ri glang ru la gtsug lag khang spong byed ces bya ba 'byung bar 'gyur ba'i sa gzhi der/ bsnyen pa byed pa rnams 'grub par 'gyur bar byin gyis brlabs so/ /de bzhin du nam mkha' ltar stobs dpag tu med pa byang chub sems dpa' nam mkha'i snying pos kyang / gtsug lag khang 'jig tshogs spong byed ces bya ba 'byung bar 'gyur ba'i sa gzhi de mchod gnas su 'gyur bar byin gyis brlabs so/ /de bzhin du thugs rje chen po dang ldan pa byang chub sems dpa' 'phags pa spyan ras gzigs dbang phyug gis kyang / gtsug lag khang 'od can zhes bya ba 'byung bar 'gyur ba'i sa gzhi der/ dngos grub 'grub par 'gyur bar byin gyis brlabs so/ /de bzhin du rtag tu byams pa dang ldan pa byang chub sems dpa' byams pas kyang / gtsug lag khang bi si mo nya zhes bya ba 'byung bar 'gyur ba'i sa gzhi der/ bdag nyid bzhugs par byin gyis brlabs so/ /de bzhin du spyod pa shin tu rnam par dag pa byang chub sems dpa' sa'i snying pos kyang / gtsug lag khang ye shes ri zhes bya ba 'byung bar 'gyur ba'i sa gzhi de phyag bya bar 'os par 'byung bar 'gyur bar byin gyis brlabs so/ /de bzhin du gdul </font><hr>352b<br><font size=+1>


ba'i skye bo rnams grol bar mdzad pa la thags thogs mi mnga' ba byang chub sems dpa' sman gyi rgyal bos kyang / gtsug lag khang ba no co zhes bya ba 'byung bar 'gyur ba'i sa gzhi der dngos grub 'grub par byin gyis brlabs so/ /de bzhin du rdzu 'phrul chen po dang ldan pa byang chub sems dpa' kun tu bzang pos kyang / gtsug lag khang dge 'dun skyong zhes bya ba 'byung bar 'gyur ba'i sa gzhi der dngos grub 'grub par 'gyur bar byin gyis brlabs so/ /de bzhin du sangs rgyas bcom ldan 'das la sogs pa/ byang chub sems dpa' gzhan dag dang / dgra bcom pa chen po rnams kyis kyang / li yul gang dang / gang du gtsug lag khang dang / skyed mos tshal dang / dgon pa'i gnas 'byung bar 'gyur ba'i sa gzhi thams cad/ dper na/ zla ba nya ba la skar ma'i tshogs rnams kyis yongs su bskor nas/ steng gi bar snang dag pa la rgyu ba bzhin du mdzes pa dang / yid du 'ong ba dang / rgyas pa dang / dga' dga' ltar 'dug par byin gyis brlabs so/ /yang de'i tshe ri glang ru la sangs rgyas bcom ldan 'das bzhugs pa dang / byang chub sems dpa' sems dpa' chen po rnams dang / dgra bcom pa chen po rnams kyis 'od zer rnam pa sna tshogs du ma bkye bas/ li yul thams cad snang ba chen pos khyab par byas so/ /de nas skad </font><hr>353a<br><font size=+1>


@#/ /cig de nyid la mtsho chen po de'i nang nas pad+ma sum brgya lnga bcu rtsa gsum byung bar gyur te/ pad+ma re re'i steng na yang sangs rgyas dang / byang chub sems dpa'i sku gzugs 'od dang bcas pa bzhugs pa snang bar gyur to/ /de nas de'i tshe lha rnams kyis sngon ma mthong ba'i mtshan ma mthong nas/ sangs rgyas bcom ldan 'das la zhus pa dang / bcom ldan 'das kyis bka' stsal pa/ rigs kyi bu/ mtsho'i nang nas pad+ma sum brgya lnga bcu rtsa gsum sangs rgyas dang / byang chub sems dpa'i sku gzugs dang bcas te byung ba 'di ni ma 'ongs pa'i dus na/ yul 'di 'byung bar 'gyur ba'i tshe/ yul 'di nyid du pad+ma ji snyed pa'i dgon pa'i gnas dang / gtsug lag khang na gaN+Di brdung bar 'gyur ba dang / gnas gang dang / gang du byang chub sems dpa' sems dpa' chen po rnams dang / nyan thos chen po rnams 'od zer rnam pa sna tshogs 'gyed cing / yul byin gyis brlabs pa'i sa gzhi de dag dang / de bzhin du ngas de bzhin gshegs pa'i pho brang mchod rten go ma sa la gan da yul dge ba dang bcas pa byin gyis brlabs pa'i sa gzhi 'dir/ dad pa can gyi sbyin bdag rnams kyis so so nas/ sangs rgyas la sogs pa'i gzugs brnyan byed par 'gyur zhing / gnas de </font><hr>353b<br><font size=+1>


dang / de dag tu bsnyen pa byas na/ ci dang / ci 'dod pa 'grub par 'gyur ba'i snga ltas yin no/ /yang de'i tshe lha rnams stan las langs nas/ bcom ldan 'das la 'di skad ces gsol to/ /btsun pa bcom ldan 'das/ yul 'di dus ji tsam zhig na 'byung bar 'gyur ba/ su zhig gis 'byin par bgyid pa lags/ btsun pa bcom ldan 'das/ da ltar ni dgon pa chab chen po'i gter lags na/ su zhig gis ji ltar 'byin pa bka' stsal du gsol/ bcom ldan 'das kyis bka' stsal pa/ rigs kyi bu nyon cig/ nga mya ngan las 'das nas lo brgya lon pa'i tshe/ rgya'i yul du rgya'i rgyal po cha yang zhes bya ba bu stong tshang bar bdog pa zhig 'byung bar 'gyur te/ bu re re yang yul re re gsar du tshol du bcug go /phyis nub phyogs logs na/ ri glang ru dang / bcom ldan 'das kyis pho brang mchod rten goms la gan da yod pa'i yul de bzhin gshegs pa du mas byin gyis brlabs pa zhig yod de zhes thos nas/ de 'di snyam du/ ma la/ bdag la bu gcig yod na/ sangs rgyas phal po ches byin gyis brlabs pa'i gnas der yul 'debs su gzhug go snyam du bsams nas/ de'i tshe rgya'i rgyal pos rnam thos kyi bu la bu gcig bslangs so/ /rnam thos kyi bus kyang 'dzam bu'i gling 'di na/ </font><hr>354a<br><font size=+1>


@#/ /rgyal po mya ngan med ces bya ba'i bu zhig btsas pa byin te/ bu de ni gzugs bzang ba/ dbyibs mdzes pa/ blta na sdug pa zhig yin no/ /bu de'i don du sa las nu ma zhig byung ba dang / bu de sngon gyi bsod nams dang / dge ba'i rtsa ba'i mthus nu ma de la nu bar byed pas/ des na bu de'i ming sa las nu ma nu zhes bya'o// bu de myur bar skyes nas/ pha rgya'i rgyal pos rgyal srid kyi dbang ni bskur/ nor mang po ni byin/ blon po phal po che ni lus kyi rim gro bar bskos nas/ rgyal po sa las nu ma nu de/ blon po chen po jang sho zhes bya ba la sogs pa dmag du ma dang lhan cig tu rgya'i yul nas byung ste/ yul 'dir 'ong bar 'gyur ro/ /'ongs nas 'dir yul 'debs par 'gyur te/ rgyal po sa las nu ma nu des yul btab pa'i phyir/ rgyu des na yul 'di'i ming ni sa las nu ma nu'i yul zhes bya bar 'gyur ro/ /dus de'i tshe na nub phyogs logs nas rgya gar gyi mi phal po che 'dir 'ong bar 'gyur te/ rgyal po sa las nu ma nu'i 'bangs su mchid kyi 'tshal zhing / chu srid gcig par du ma par 'gyur nas/ rgya'i blon po chen po jang sho la sogs pas rim gyis rgya dang / rgya gar gyi grong dang / grong khyer dang / grong rdal 'debs par 'gyur ro/ /de ltar rgyal pos las nu ma nu de/ mi </font><hr>354b<br><font size=+1>


rabs du ma'i bar du yul 'di'i rgyal po byed par 'gyur ro/ /rgyal po de rnams kyis kyang rim gyis so so nas/ yul 'dir dgon pa'i gnas dang / gtsug lag khang byas/ zhing chu dang / 'bangs dang / zhal ta byed pa yang 'bul zhing / la la ni bdag nyid kyang rab tu 'byung bar byed do/ /la la ni bu dang / bu mo rab tu 'byung bar byed do/ /la la ni 'bangs las grangs med pa zhig rab tu 'byung bar gnang bar byed do/ /yul 'dir mi byang chub sems dpa'i rigs can mang po zhig 'byung ste/ rtag tu dkon mchog gsum las dge ba'i rtsa ba gsog cing / bsod nams bya ba'i dngos po byed par 'gyur ro/ /de ltar na yul 'di ni rgyal pos las nu ma nus yul gtod pa'i tshul de lta bus 'byung bar 'gyur ro/ / yul 'di ni sangs rgyas 'byung ba re re'i tshe yang 'byung zhing rgyas par 'gyur ro/ /ci'i phyir yul gzhan dang / gzhan dag gi ni zhig nas/ yun ring mo zhig tu stong zhing dgon par 'dug la/ yul dge ba ni sangs rgyas 'byung ba re re'i tshe mi rnams kyis brgyan cing mdzes par 'gyur zhe na/ 'di ltar yul 'di ni thub pa drang srong chen po'i gnas/ de bzhin gshegs pa'i spyod yul mchod rten goms la gnad zhes bya ba ri glang ru dang nye ba/ chu bo go ma'i 'gram na yod pa'i phyir ro/ /mchod rten 'di mdo sde'i nang nas ni ming goms </font><hr>355a<br><font size=+1>


@#/ /la gan da zhes bya yi/ 'jig rten phal gyi tha snyad du ni chu bo go ma'i 'gram zhes bya bar 'dogs par 'gyur te/ 'di ltar ji srid du mchod rten chu bo go ma'i 'gram zhes bya ba dang / 'od srung gi mchod rten 'di gnyis rgyas shing mchod gnas su byed pa de srid du ni/ yul dge ba yang rgyas shing bzang por 'gyur ro/ /nam mchod rten 'di gnyis rgud pa de'i tshe/ yul yang rgud cing stongs par 'gyur ro/ /de nas de'i tshe 'khor der 'dus pa'i lha rnams kyis/ bcom ldan 'das kyis bka' stsal pa'i gsung de thos nas/ mchod rten go ma sa la gan da dang / ri glang ru la dad pa dang / gus pa chen po rnyed de/ sangs rgyas bcom ldan 'das la mgo bos phyag btsal skyabs su song nas/ spyan sngar 'di skad du bdag cag kyang dus de'i tshe yul 'dir rigs mthon por skyes nas/ bde bar gshegs pa'i bstan pa srung zhing / yul chos kyi bka' khrims mi nyams par gyur cig ces smon lam btab bo/ /de nas de'i tshe bcom ldan 'das kyis lha'i rgyal po rnam thos kyi bu dang / byang chub sems dpa' sems dpa' chen po 'du shes can zhes bya ba dang / lha'i lha mi pham pa zhes bya ba dang / klu'i rgyal po khyim tshig ces bya ba dang / lha nam mkha'i dbyings zhes bya ba dang / </font><hr>355b<br><font size=+1>


lha gser gyi phreng ba can zhes bya ba dang / lha mo lcags kyu can zhes bya ba dang / lha mo gnas can zhes bya ba rnams la 'di skad ces bka' stsal to/ /rigs kyi bu/ khyed rnams la mchod rten go ma sa la gan da dang / ri glang ru yul dang bcas pa dang / nga'i bstan pa dang / sras rnams yongs su gtad kyi/ yongs su bsrung ba dang / bskyab pa dang / bskyang ba dang / mchod gnas su 'gyur bar gyis shig /yul 'di'i rgyal po dang / yul 'dzin pa'i blon po dang / sbyin bdag chos dang mthun pa rnams kyang yongs su gtad kyi/ de bzhin du gyis shig /ri glang ru lung bstan pa'i mdo 'di yang yongs su gtad kyi/ 'phel zhing rgyas par gyis shig /gang gi tshe yul 'di me'am/ chu'am/ pha rol gyi dmag gis nyen cing phongs par gyur pa na/ mdo 'di bklag pa dang / kha ton dang / mchod pa dang / bsam pa dang / bsgom pa byas na/ des na yul de'i gnod pa zhi bar 'gyur ro/ /ma 'ongs pa'i dus na sems can rnams kyis las kyi rnam par smin pas/ yul 'dir sum pa rnams dang / bod rnams 'ong bar 'gyur gyi/ de'i tshe mdo 'di lhogs shig dang / mdo 'di thos nas mdo 'di'i mthu dang / lha rnams kyi byin gyi rlabs kyis/ dad pa med pa de rnams yul 'jig par mi byed cing / yid kyang 'gyod par </font><hr>356a<br><font size=+1>


@#/ /'gyur ro/ /ma 'ongs pa'i dus na yul 'dir rgya rnams kyang 'ong bar 'gyur gyi/ de'i tshe mdo 'di lhogs shig dang / mdo 'di thos nas de dag dad pa skye bar 'gyur ro/ /dad pa'i stobs kyis yul mi 'jig cing / phyir zhing bsrung ba dang / bsod nams bya ba'i dngos po yang byed par 'gyur te/ rgyu des ni mdo 'di ni yul la phan 'dogs pa byed pa yin no/ /mdo 'di ni phan yon gzhan yang mang du yod de/ yun thung dus ni brjod par mi nus so/ /de'i phyir mdo 'di khyed rnams la yongs su gtad do/ /de nas de'i tshe rnam thos kyi bu la sogs pa lha rnams dang / klu yi rgyal po dang / lha mo de dag thams cad 'khor dang bcas te langs nas| bcom ldan 'das kyi spyan sngar pu smo'i lha nga sa la btsugs te/ thal mo sbyar nas 'di skad ces gsol to/ /btsun pa bcom ldan 'das/ bdag cag rnams kyis bcom ldan 'das kyi bka' spyi bos len par 'tshal lo/ /yang gsol ba/ ston pa bcom ldan 'das kyis ji skad bka' stsal pa bzhin du mchod rten go ma sa la gan da dang / ri glang ru yul dang bcas pa thams cad kyang yongs su bsrung bar 'tshal/ bde bar gshegs pa'i bstan pa dang / chos dang mthun pa'i rgyal </font><hr>356b<br><font size=+1>


po dang / rab tu byung ba dang / chos dang mthun par yul 'dzin pa dang / chos dang mthun pa'i sbyin bdag dang / gang zhig bsod nams bya ba'i dngos po bgyid par 'gyur ba de dag thams cad kyang yongs su bsrung bar ni 'tshal na/ bcom ldan 'das/ ji srid du yul 'dir dkon mchog gsum mchod gnas su bgyid pa dang / yul 'dzin bas kyang chos dang mthun par yul skyong zhing / chos dang mi mthun pa'i sems can rnams kyi mgon mi bgyid pa de srid du ni bdag cag gis yongs su bsrung bar rngo thogs te/ mdo 'di yang li yul ring du gnas par bgyi ba'i slad du/ li yul nas nyi 'og tu gyur pa'i rgyal po dang / blon po rnams la mdo sde 'di ni bcom ldan 'das kyis li yul gyi ched du ri glang ru la bshad pa yin no zhes rnar grags par bgyi/ sug par thob par bgyi/ sems bsgyur bar bgyi'o/ /bcom ldan 'das/ nam yul 'dir dkon mchog gsum mchod gnas su mi bgyid cing / chos dang mi mthun pa rnams kyi mgon lhag par bgyid pa de'i tshe/ bdag cag rnams kyi gzi brjid dang / mthu stobs nyams par 'gyur bas yul 'di'i ched dang / bsrung bar ni rngo mi thogs so/ /de ci'i slad du zhe na/ bdag cag rnams kyi mthu stobs dang / gzi brjid ni bde bar gshegs pa'i bstan pa </font><hr>357a<br><font size=+1>


@#/ /dang| chos dang mthun par yul chos bzhin du skyong ba dang / bsod nams bya ba'i dngos po dge ba'i rtsa ba'i mthus 'phel bar 'gyur ba lags so| |de nas de'i tshe sangs rgyas bcom ldan 'das gdan las bzhengs nas/ ri glang ru'i steng gi 'gram nas mchod rten go mas la gan da gang na ba de logs su gzigs nas| yang nas yang du de bzhin gshegs pa'i spyod yul mchod rten go ma sa la gan da dang / ri glang ru dang / yul dang bcas pa lan gnyis lan gsum gyi bar du byin gyis brlabs nas/ li yul thams cad dang / mtsho'i nang na gnas pa'i sems can grangs med ba rnams la 'od zer dang / thugs rje chen pos khyab par mdzad de/ 'od zer de dang / thugs rje chen po des chu na gnas pa'i sems can de dag thams cad kyi sdug bsngal ni zhi bar gyur/ kho ba dang / 'khon du 'dzin pa dang ni bral te/ byams pa'i sems dang ldan par gyur cing / lha'i bde ba dang ldan nas skad cig de nyid la sems can de dag las grangs med pa zhig tshe 'phos nas/ lha dang / mi rnams kyi nang du skyes te/ sangs rgyas nyid du 'gyur ba'i sa bon rnyed cing / byang chub las phyir mi ldog par gyur to/ /de nas de'i tshe bcom ldan 'das kyis lha rnams la lan gsum gyi bar du bos nas/ 'di </font><hr>357b<br><font size=+1>


skad ces bka' stsal to/ /rigs kyi bu/ khyed kyis dam bcas pa rnams ni brtson 'grus med par mi 'grub bo/ /rigs kyi bu/ ngas bskal pa grangs med pa gsum gyi bar du dka' ba spyad pa'i bstan pa 'di dang / mchod rten go ma sa la gnad yul dang bcas pa khyed rnams la yongs su gtad kyi yongs su srungs shig /khyed rnams las gang zhig gis nga rjes su dran zhing gzungs yod pa dang / bstan pa bsrung ba des ni bstan pa 'di la rab tu byung ba rnams yongs su bsrung bar gyis shig /de ci'i slad du zhe na/ mi khyim pa la la zhig lo brgya'i bar du nyin re zhing dge ba'i rtsa ba bsod nams chen po byed la/ 'ga' zhig nyin gcig rab tu byung nas bstan pa la gnas na/ snga mas phyi ma'i bsod nams kyi brgya'i char yang mi chog go /de ci'i slad du zhe na/ sangs rgyas gang+gA'i klung gi bye ma snyed thams cad kyang sngar khyim gyi gnas spangs te rab tu byung nas/ spyod lam de nyid kyis byang chub chen po brnyes so/ /nga yang pha rol tu phyin pa drug yongs su rdzogs te/ sa bcu brnyes nas srid pa tha ma'i tshe/ nam phyed 
 rgyal po'i khab nas byung ste/ nags tshal du gshegs so| |nags tshal nas bzhon pa rgyal po yab kyi thog tu dkri nas/ rang gi skra ral gris bregs te/ nga'i gos gya nom pa rin thang med pa rngon pa de dag las chos gos ngur smrig tu </font><hr>358a<br><font size=+1>


@#/ /brjes so/ /ngas chos gos de gyon nas dus gsum gyi sangs rgyas thams cad la phyag btsal skyabs su song nas/ rab tu byung ba'i spyod lam bzung ba dang / lha thams cad nga la phyag 'tshal/ skyabs su song nas phyi bzhin du 'brang ngo / /nga yang spyod lam de nyid kyis yang dag par rdzogs pa'i sangs rgyas brnyes so/ /de'i phyir bde bar gshegs pa'i bstan pa ni dam pa yin par shes par bya'o/ /rab tu byung ba ni bsod nams dang ldan par shes par bya'o/ /'jig rten na rab tu byung bas thob pa ma gtogs par khyim pa'i cha lugs kyis dgra bcom pa'am/ rang sang rgyas sam/ bla na med pa'i byang chub 'thob pa ni sus kyang ma thos ma mthong ngo / /rab tu byung ba'i spyod lam dam pa 'di ni 'jig rten na lha la sogs pa thams cad kyi mchod gnas yin no/ /de nas de'i tshe lha dang / lha mo de dag thams cad stan las langs te/ dbyangs gcig tu sangs rgyas bcom ldan 'das la 'di skad ces gsol to/ /btsun pa bcom ldan 'das/ bdag cag rnams kyis bcom ldan 'das kyis ji ltar bka' stsal pa bzhin 'tshal zhing / bsam bzhin du bka' las 'gal bar mi 'tshal lo/ /yul 'dir sangs rgyas kyi bstan pa dang / de bzhin gshegs pa'i spyod yul mchod rten dang bcas pa yang kun tu bsrung ba dang / </font><hr>358b<br><font size=+1>


bskyang ba dang / rjes su gzung bar 'tshal gyi/ bcom ldan 'das kyis kyang bdag cag rnams la mthu bstang du gsol/ /de ci'i slad du zhe na/ ma 'ongs pa rtsod pa'i dus na byin gyis brlabs pa'i yul 'dir dgra mang po dang / ma dad pa dang / phyir rgol ba/ bde bar gshegs pa'i bstan pa la dad pa'i khyad par mi rnyed cing / bstan pa gzhig pa'i slad du brtson pa dag 'byung ba'i slad du'o/ /de nas de'i tshe bcom ldan 'das kyis lha de dag la legs so zhes bya ba gnang ste/ skyes bu dam pa rnams legs so/ /legs so/ /ngas kyang yul 'di byin gyis brlabs zin te/ byin gyis brlabs pa de nyid kyis mtshams bcad pa yang yin no/ /ma 'ongs pa rtsod pa'i dus na yul 'di gzhom pa'i phyir/ sum pa'i dmag phal po che dang / drug gu rus sna tshogs dang / hor dang / gzhan yang / dad pa med pa dag 'ong bar 'gyur te/ de'i tshe yul gzhan dang / gzhan dag nas de bzhin gshegs pa'i gzugs brnyan byin gyis brlabs pa dag yul 'dir gshegs nas/ yul gyi sa mtshams bsrung bar mdzad de/ bsod nams kyi stobs des na yul 'di gtan brlag par mi 'gyur ro/ /gzugs brnyan de dag gi phyi bzhin du byang chub sems dpa' dang / lha dang / klu dang / mthu stobs dang ldan pa mang po dag 'ong zhing / yul yul du gnod pa rnams </font><hr>359a<br><font size=+1>


@#/ /zlog par byed/ dgra rnams kyis yul mi choms par byed de/ dge ba can zhes bya ba'i mkhar nas/ de bzhin gshegs pa bde ba'i 'byung gnas zhes bya ba'i gzugs brnyan gshegs nas/ nub phyogs mkhar ko shed du bzhugs shing / yul gyi sa mtshams bsrung bar 'gyur ro/ /byang phyogs yul she na zha zhes bya ba'i de bzhin gshegs pa'i gzugs brnyan she na zha zhes bya ba sa'i 'og nas 'byung bar 'gyur zhing / yul gyi sa mtshams bsrung bar 'gyur ro/ /de bzhin gshegs pa'i gzugs brnyan ki'u lang zhes bya bar gshegs nas shar phyogs yul phye ma zhes bya ba'i mkhar du bzhugs shing / yul gyi sa mtshams bsrung bar 'gyur ro/ /de bzhin gshegs pa'i gzugs brnyan phye se zhes bya bar gshegs nas/ byang phyogs kyi ri glang ru la 'od srung gi mchod rten gyi drung du bzhugs shing / dge slong dgon pa pa rnams kyi dge ba'i rtsa ba bskyed cing / de bzhin gshegs pa'i bstan pa dang / yul gyi sa mtshams bsrung bar 'gyur ro/ /mkhar dge ba can zhes bya ba'i nang na/ tshong 'dus ka sa di ze zhes bya bar de bzhin gshegs pa'i gzugs brnyan rgyal po'i pho brang gnas zhes bya bar bzhugs shing / mkhar dge ba yul dang bcas pa'i sa mtshams bsrung </font><hr>359b<br><font size=+1>


bar 'gyur ro/ /sa gzhi nyo mo nya zhes bya ba gang du rgyal po yol zhes bya ba mkhar brtsig pa'i gros byed par 'gyur ba der/ de bzhin gshegs pa'i gzugs brnyan cu gon pa na zhes bya ba bzhugs shing / mkhar dge ba can zhes bya ba yul dang bcas pa'i sa mtshams bsrung bar 'gyur ro/ /gtsug lag khang di na dz+ya zhes bya bar de bzhin gshegs pa mar me mdzad kyi gzugs brnyan thor kong du byas pa gshegs par 'gyur te/ gzugs brnyan de ni dzam+bu'i gling gis gzugs brnyan thor kong du byas pa thams cad kyi thog mar 'byung ba yin no/ / gzugs brnyan de la/ mi rnams kyis ni mtshan 'khor ba'i mar me mdzad ces bya bar 'dogs par 'gyur te/ de ni/ li yul gyi gzugs brnyan thor kong du byed pa thams cad kyi dper 'byung zhing / bde bar gshegs pa'i bstan pa yul dang bcas pa yongs su bsrung bar 'gyur ro/ /gzhan yang / de bzhin gshegs pa rin chen mang gi gzugs brnyan yul 'di'i dbus su gshegs nas/ phyogs bcu'i mtshams gcod par mdzad de/ ji srid du de bzhin gshegs pa'i gzugs brnyan phyogs phyogs na bzhugs pa de dag mchod gnas su byed pa de srid du yul 'di brlag par mi 'gyur ro/ /yul 'di nas skyes pa'i mi'am/ yul gzhan nas skyes pa'i mi la la zhig de bzhin gshegs pa'i gzugs brnyan de dag </font><hr>360a<br><font size=+1>


@#/ /la snying thag pa nas dad pa dang / gus pa dang / rab tu dang bar byed cing / 'di snyam du bde bar gshegs pa'i gzugs brnyan 'di dag ni/ yul 'di bsrung ba'i slad du gshegs so snyam du yang sems na/ gzugs brnyan de dag kyang sangs rgyas bzhugs pa bzhin du don mdzad par 'gyur ro/ /de ci'i slad du zhe na/ gzugs brnyan de dag nga dang 'dra bar dus gsum du gtogs pa'i sangs rgyas thams cad kyis byin gyis brlabs pa'i phyir ro/ /gzhan yang / yul 'dir nga'i gzugs brnyan chen po shing rtas 'dren pa byas te/ mkhar dge ba can zhes bya ba'i nang du bzhag nas/ mchod gnas chen por byed par 'gyur ro/ /de na yul 'dir phyogs dang / phyogs mtshams nas/ tshong dpon chen po rnams 'ong bar 'gyur zhing / gnod pa rnams kyang zhi bar 'gyur ro/ /gzhan yang / yul 'dir de bzhin gshegs pa'i gzugs brnyan nyis brgya rtsa brgyad/ 'od srung gi mchod rten dang bcas par 'byung bar 'gyur te/ de dag thams cad kyang cho 'phrul chen po stong cing sems can rnams kyi sdig pa chen po yongs su sbyong ba dang / gnod pa sel ba mdzad par 'gyur ro/ /yul 'dir gnod pa dang / 'jigs pa dang / skrag pa 'ga' zhig byung na/ yul 'di ched du phyogs lngar sbyor ba byas te/ rgyal po dang / </font><hr>360b<br><font size=+1>


blon po rnams yul 'dzin pa gang zhig 'jigs pa dang bral bar bya ba'i phyir/ bde bar gshegs pa'i bstan pa las bsod nams skyed par 'dod na/ gtsug lag khang tshar ma zhes bya bar bsod nams bya'o/ /de ci'i phyir zhe na/ yul 'di'i mi rnams kyi dad pa dang / yang dag pa'i lta ba ni dang po'i gtsug lag khang de nas skye bar 'gyur ro/ /nam zhig li'i rgyal po dang / blon po dang / yul 'dzin pa rnams la gnod pa rnam pa sna tshogs zhig byung na/ ri glang ru la sngon yang dag par rdzogs pa'i sangs rgyas gang na bzhugs bzhugs pa'i sa gzhi de bskor bar bya'o/ /yul 'di'i sems can rnams las mi dge ba 'chags par 'dod na/ mchod rten go ma sa la gan da'i drung du bshags par bya'o/ /de ci'i phyir zhe na/ mchod rten de ni sangs rgyas bcom ldan 'das bzhugs pa bzhin du gang dag gis bskor ba'am/ me tog gam/ bdug pa'am/ dbyangs sam/ rol mo'i sgras mchod pa byas na| de'i mtshams med pa lnga yang nyams dmas par 'gyur na gzhan lta smos kyang ci dgos/ yul 'di rgyal po dang / blon po dang / yul 'dzin pa gang zhig brtul zhugs chen po'i sdom pa len par 'dod pa des/ ri glang ru la gang na de bzhin gshegs pa'i gzugs brnyan pi se zhes bya ba dang / 'od srung gi mchod rten yod pa de'i dge 'dun las </font><hr>361a<br><font size=+1>


@#/ /mnod par bya'o/ /de ci'i phyir zhe na/ yul 'dir chos spyod pa yongs su rdzogs pa dang / tshul khrims yongs su dag pa ni de nas 'byung bar 'gyur ba'i phyir ro/ /yul 'di'i mi la la zhig chad pa chen po zhig la thug na/ des ri glang ru la gnas pa'i 'phags pa'i dge 'dun la skyabs su 'gro ba byas te/ des na chad pa chen po de las thar bar 'gyur ro/ /de ci'i phyir zhe na/ gnas de na thar pa thob pa stong phrag du ma phyi ma'i mtha'i bar du gnas shing mi stongs pa'i phyir te/ rgyu des na ri glang ru dang| mchod rten go ma sa la gan da yul dang bcas pa de bzhin gshegs pa rnams kyi chang khyu yin no/ /de nas de'i tshe phyogs bcu'i sangs rgyas kyi zhing dag nas/ byang chub sems dpa' nyi khri lhags nas/ bcom ldan 'das gang na ba de logs su thal mo sbyar ba btud de/ dbyangs gcig tu 'di skad ces gsol to/ /bcom ldan 'das/ bdag cag rnams kyis kyang thabs sna tshogs kyis de bzhin gshegs pa'i spyod yul dang / yul 'di yongs su bskyang bar bgyi/ bsrung bar bgyi zhing / ji srid du bde bar gshegs pa'i bstan pa dang / dkon mchog gsum la gnas shing / rgyal po dang / blon po la sogs pa mi tshul khrims dang ldan pa dad pa can dang / yul chos dang </font><hr>361b<br><font size=+1>


mthun par bgyid pa mchis de srid du yongs su mi gtang zhing / yul 'dir dus dus spyod lam dang / cha lugs ci dang / ji lta bus sems can mang po'i bsod nams chen po yongs su smin par 'gyur ba dang / sangs rgyas nyid du sems bskyed par 'gyur ba dang / bsam gtan dang / ting nge 'dzin la snyoms par 'jug par 'gyur ba dang / sangs rgyas nyid las phyir mi ldog par 'gyur ba de lta bu'i skye ba blang ba'i slad du/ kha cig gis ni rgyal rigs yongs su gzung bar bgyi/ kha cig gis ni rab tu byung ba dang / khyim pa gzhan gyi cha lugs yongs su gzung bar bgyi'o/ /bcom ldan 'das kyis bka' stsal pa/ rigs kyi bu/ legs so/ /legs so/ /rigs kyi bu/ khyed rnams kyis 'di ltar bskal pa bzang po'i sangs rgyas thams cad kyi spyod yul dang / yul 'di gang du sems can rnams sangs rgyas nyid las phyir mi ldog par 'gyur bar de lta bu chu gang thob cig| yang de'i tshe lha rnam thos kyi bu zhes bya ba dang / mi pham pa zhes bya ba la sogs pa lha thams cad kyis/ bcom ldan 'das la 'di skad ces gsol to/ /bcom ldan 'das da ni byang chub sems dpa' sems dpa' chen po rnams kyis yul 'di bsrung ba'i slad du mthu bstang ba dang / bcom ldan 'das kyi byin gyis brlabs pa dang / mthus bdag </font><hr>362a<br><font size=+1>


@#/ /cag rnams kyis kyang de bzhin gshegs pa'i spyod yul dang / byin gyis brlabs brlabs pa'i yul 'di/ kun tu bsrung zhing yal bar mi gtang bar bgyi ba'i slad du brtson 'grus chen po'i shugs kyis 'bad par 'tshal lo/ /gal te yul 'dir gru gu la sogs pa gtum po dad pa ma mchis pa rnams dang / hor dang / sum pa'i dmag dag mchi bar 'gyur na/ de dag phan tshun nang 'khrugs 'byung ba dang / de dag gi 'khor nang mi mthun par 'gyur ba dang / 'gum par 'gyur bar bgyi'o/ /yang na de dag ci nas kyang 'dir mchi zhing / de bzhin gshegs pa'i bstan pa 'jig mi nus par bgyi ba'i slad du/ gzhan gyi dbang du 'gyur bar bgyi'o/ /gal te rgya'i dmag dag mchis par gyur na/ de dag gi sems dad par bgyi zhing slar yul 'di la phan 'dogs pa dang / phyis yul 'dir bsod nams bgyi ba'i dngos po dge ba rgya chen po bgyid du stsal to/ /nam zhig yul 'di'i sems can rnams la gnod par bgyid pa de'i tshe na yang phyir dad par bgyi zhing mdo 'di yang khong du chud par bgyid du stsal to/ / gang gi tshe de dag ma 'ongs pa'i dkon mchog gsum gyi yo byad la dbang 'tshal zhing mnga' 'phrog pa dang / sems can bsod nams dang ldan pa rnams la 'tshe ba de'i che </font><hr>362b<br><font size=+1>


ni| bdag cag gi 'khor gnod sbyin dad pa can dang / dad pa ma mchis pa du ma zhig dbang bskur te/ bkye nas yul der ci nas kyang yun ring mo zhig gi bar du rgud par bgyi zhing| yul 'di 'jig mi nus par bgyi ba'i slad du mu ge dang / nad dang / pha rol gyi dmag mchi bar bgyid du stsal to/ /li yul gyi nor rdzas de dag gis 'tshal ba rnams kyang bkra mi shis par bgyi zhing / gang dang / gang du phyin pa'i yul de thams cad du yang sman yon mi thogs shing 'khrug par bgyi'o/ /de dag gi yul 'dzin pa dang / dmag dpon yang rgud par bgyi'o/ /bod kyi dmag rnams la yang de bzhin du rig par bgyi ste/ de gang gi tshe de dag chos dang mthun par yul 'di 'dzin cing srung na ni/ bdag cag rnams kyis kyang de dag yongs su bskyang zhing rgyal bar 'gyur bar bgyi'o/ /nam zhig de dag bde bar gshegs pa'i bstan pa 'jig pa dang / yul gyi mi la gnod par bgyi ba de'i tshe na/ dmag rnams nang 'khrug 'byung ba dang / dmag gi dpon yang tshe thung du rgud par bgyi ste/ rgyas par ni snga ma bzhin no/ /ma 'ongs pa'i dus na yul 'di'i rgyal po dang / blon po sems gya gyu can/ bsod nams chung ba dang / dad pa med pa/ dkon mchog gsum gyi dkor la 'jol nyog tu rlom zhing / yul gyi rtsis mgo dang 'gal bar bgyid pa/ nor rdzas ma </font><hr>363a<br><font size=+1>


@#/ /brtags pas go 'phang tshol la/ sems can bsod nams dang ldan pa rnams la sun 'byin du rgol ba/ ngo tsha med pa/ mngon dus can/ 'dod pa'i yon tan gyis ngoms mi myong ba/ rab tu 'byung ba dag gis sems skyo ba la la dag 'byung bar 'gyur na/ de dag ni bdag cag gis kyang yul 'di nas dbyung zhing yul ngan pa gzhan dang / gzhan dag tu spyugs par bgyis te/ tshul de lta bus yul 'di yongs su bskyang ba dang / bsrung bar bgyi'o/ /bcom ldan 'das/ slad ma rtsod pa'i dus na/ yul 'di gzhig par brtson pa'i sems can bdud kyi phyogs sdig pa bgyid pa/ mthu stobs dang ldan pa/ yul dag tu sems can rnams kyi dad pa zlog par bgyid pa/ sems gdug cing brlang ba'i lha dang / klu dang / gnod sbyin dang / srin po du ma zhig 'byung bar 'gyur la/ de dag kyang bdag cag gi dbang du mi 'gyur na/ de la bdag cag gis thabs ji ltar 'tshal/ bcom ldan 'das kyis bka' stsal pa/ rigs kyi bu/ khyed yid skyo bar ma byed cig /de ci'i phyir zhe na/ gling bzhi pa 'di na/ byang chub sems dpa' rnams dang / lha mthu stobs che ba dang / klu dang / gnod sbyin sa thob pa du ma zhig gnas pa de dag la sems 'jam pos mchod pa chen po byas te/ mchod rten go ma sa la gan da dang / gtsug </font><hr>363b<br><font size=+1>


lag khang tshar ma la sogs pa/ yul byin gyis brlabs brlabs pa rnams su theg pa chen po'i sde snod shes rab kyi pha rol tu phyin pa dang / 'dus pa chen po dang / sangs rgyas phal po che dang| dkon mchog brtsegs pa la sogs pa shin tu rgyas pa'i sde mang po lhogs shig dang / yul so so nas byang chub sems dpa' sa bcu pa la sogs pa dang / mthu stobs che ba'i sems can de dag yul 'dir 'ongs nas chos kyi ro mnos shing / dus gsum du gtogs pa'i de bzhin gshegs pa rnams kyi dam tshig las mi 'gal bar byed/ bskal pa bzang po'i sangs rgyas rnams kyi spyod yul dang / yul yang srung bar byed/ yul 'di'i mi dang / bstan pa yang srung bar byed par 'gyur ro/ /gzhan yang / ma 'ongs pa'i dus na/ yul dge ba 'di'i rgyal po mthu chung bar 'gyur te/ mthu chung ba des na rang gi mthu stobs kyis yul mi thub pas/ rgyal po dad pa can gzhan/ 'di lta ste/ bod kyi rgyal po dang| rgya'i rgyal po la sogs pa la skyabs btsal nas yul srung bar byed do/ /de ci'i phyir zhe na/ ma 'ongs pa'i dus na rgya dang / bod kyi yul du dkon mchog gsum gnas shing| mchod gnas chen por byed pa dang / yul de dag kyang byang chub sems dpa' chen po'i gnas su 'gyur zhing / sems can de dag kyang byang chub chen po'i lam tshol </font><hr>364a<br><font size=+1>


@#/ /pa'i ngang tshul can/ theg pa chen po la dad pa/ ting nge 'dzin la gzhol bar 'gyur te/ de dag gi mthu stobs kyis li yul gyi mi dang / dkon mchog gsum brlags par mi 'gyur ro/ /skyes bu dam pa khyed rnams kyis kyang bod dang / rgya'i rgyal po dang / blon po dag ci nas kyang mchod rten go ma sa la gan da dang / yul dge ba 'di la ri mo byed par 'gyur ba dang / yul 'dir bsod nams bya ba'i dngos po dge ba rgya chen po byed par 'gyur ba dang / yul 'di'i mi nyi 'og dad pa med pa'i yul gzhan du 'khyams pa rnams kyang sdug bsngal dang dbral zhing bde bar rang gi yul du bskyal nas/ phyir yang dag pa'i lta ba can dang / bsod nams la dga' bar 'gyur bar sems sgyur cig dang / dge ba'i rtsa ba de'i stobs kyis skyes bu dam pa khyed rnams kyi dge ba'i rtsa ba dang / mdangs dang / gzi brjid dang / 'khor 'phel bar 'gyur zhing sangs rgyas nyid du yang nye bar 'gyur gyi/ dus gsum du gtogs pa'i de bzhin gshegs pa rnams kyi gdams ngag la byas pa gzo bar gyis shig /'di ltar yul 'di'i sems can rnams ni phyir mi ldog pa/ byang chub sems dpa'i las dang ldan pa/ snying rje dang ldan pa/ bden pa dang ldan pa/ gtong phod pa/ phrag dog dang / 'khon du 'dzin pa rnam </font><hr>364b<br><font size=+1>


par spangs pa/ byas pa gzo ba/ chos la dga' ba/ yang dag pa'i lta ba can/ log par lta ba thams cad rnam par spangs pa/ sems 'jam par 'gyur te/ rgyu des na dge ba rnams zhes bya'o/ /yul 'di mkhar yang mi byams pa dang / 'jam pa sems dang ldan pa rnams dang / mchod rten dang / gtsug lag khang du mas brgyan par 'gyur te| de'i phyir mkhar dge ba can zhes bya'o/ /gzhan yang / yul gzhan dag nas sems can dad pa med pa sdang ba 'khon du 'dzin pa dag yul 'dir 'ongs pa kun/ yul 'di'i rdul gyis reg cing / yul 'di nas 'khrungs pa'i 'tsho ba la longs spyod na/ de dag thams cad kyis sems bsgyur nas/ sems 'jam pa dang / mnyen pa dang / byams pa'i bsam pa dang / khrob dang / 'khon du 'dzin pa spangs pa dang / dad pa dang / yang yul 'dir sdig pa mi byed par 'gyur ste/ yul 'di ni yon tan mang po 'di dag dang ldan pa yin no/ /de nas de'i tshe sngar sangs rgyas bcom ldan 'das kyis lan gsum gyi bar du byin gyis brlabs nas/ 'od zer thugs rje chen po dang bcas te bkye ba des/ chu na gnas pa'i sems can rnams kyi yongs su dag pa dang / bde ba dang ldan par byas nas chu'i nang nas slar 'thon te/ phyogs bcu'i sangs </font><hr>365a<br><font size=+1>


@#/ /rgyas kyi zhing thams cad du khyab par gyur to/ /yang 'od zer de dag slar log nas byang chub sems dpa' sems dpa' chen po rnams kyis yul byin gyis brlabs pa dang / nyan thos chen po rnams kyis yul byin gyis brlabs pa dang / mtsho'i nang nas byung ba'i pad mo'i steng na/ de bzhin gshegs pa'i gzugs brnyan bzhugs pa de dang / de dag gi 'od zer de dang 'dres nas nam mkha' las 'phags te/ steng gi nam mkha' khebs par gyur cing / li yul thams cad du lha'i me tog gi char phab bo/ /lha'i me tog de dag phan tshun du reg pa las chos kyi sgo mo/ 'di lta ste/ sangs rgyas dang / chos dang / dge 'dun gyi mtshan dang / yang dag pa'i lta ba dang / shes rab dang / tshul khrims dang / dge ba'i rtsa ba dang / de bzhin gshegs pa rnams kyi dka' ba spyad pa dang / smon lam dang / byang chub sems dpa'i rdzu 'phrul dang / sems can yongs su smin par byed pa dang / dge sbyong gi 'bras bu bzhi po rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / khams gsum gyi srid pa las nges par 'byin pa dang / rnam par thar pa'i sgo gsum dang / 'du byed 'jig pa dang / dran pa nye bar gzhag pa dang / 'phags pa'i bden pa dang / rdzu </font><hr>365b<br><font size=+1>


'phrul gyi rkang pa dang / bsam gtan dang / bsdu ba'i dngos po dang / so so yang dag par rig pa dang / gzugs med pa'i snyoms par 'jug pa bzhi dang / dbang po yongs su dag pa dang / byang chub kyi phyogs dang mthun pa'i chos mtha' dag gi sgra 'byin par gyur to/ /gzhan yang / sems yongs su dag pa dang / byang chub kyi yan lag dang / 'phags pa'i lam dang / snyoms par 'jug pa dang / sa dang / stobs dang / thugs rje dang / byams pa chen po dang / rten cing 'brel bar 'byung ba dang / the tshom sel ba dang / sangs rgyas nyid las mi ldog pa dang / ting nge 'dzin dang / mngon par rtogs pa dang / mi skye ba'i chos la bzod pa dang / ma 'dres pa dang / sangs rgyas nyid du 'gyur ba dang / mi rtag pa dang / sdug bsngal ba dang / bdag med pa dang / stong pa dang / ma byas pa dang / ma skyes pa dang / phyin ci ma log pa dang / yang dag pa'i mtha' dang / de bzhin gshegs pa'i snying po khongs su gtogs pa rnam par mi rtog pa'i ye shes rtogs pa dang / rnal 'byor pa rnams kyis so so rang gis rig pa'i spyod yul dang / skye ba sdug bsngal ba dang / rga ba dang / sdug pa dang bral ba dang / mi sdug pa dang phrad pa dang / 'dod pa btsal te ma rnyed pa'i sdug bsngal gyi sgra yang byung bar gyur to/ /gzhan yang / phung po lnga po dag las sems can </font><hr>366a<br><font size=+1>


@#/ /med pa dang / gso ba dang / gang zag dang / srog med pa dang / chos bden pa skye ba med pa dang / 'gag pa med pa/ rtag pa med pa/ chad pa med pa/ 'ongs pa med pa/ 'gro ba med pa dang / dkon mchog gsum gyi gdung dang / byin gyis brlabs dang / 'gro ba lnga po dag gi 'phrul pa/ rmi lam lta bu dang / 'khor ba'i 'du byed btson ra lta bu dang / sgyu ma dang / smig rgyud dang / chu zla dang / brag cha lta bu zhes bya ba'i sgra byung bar gyur to/ /gzhan yang / dad pa dang / mngon par rtogs pa dang / brtson 'grus dang / dge ba bcu'i las kyi lam dang / 'khor bas skyo bar gyur pa dang / de lta bu la sogs pa sgra brgya stong du ma byung bar gyur to/ /'khor 'dus pa mang po de dag dang / byang chub sems dpa' phyogs phyogs nas lhags pa de dag thams cad sa la gnas pa'i lha dang / klu dang / nam mkha' la gnas pa'i lha dang / gnod sbyin thams cad sems ngo mtshar du gyur nas rangs pa skyes te/ chos kyi sgo mo'i sgra de dag la yid mi phyed par gyur to/ /de nas de'i tshe 'khor de dag gis khong du chud par bya ba'i phyir| byang chub sems dpa' sems dpa' chen po 'jam dpal gzhon nur gyur pas/ bcom ldan 'das la 'di skad ces gsol to/ /bcom ldan 'das/ ci'i slad </font><hr>366b<br><font size=+1>


du| cho 'phrul chen po 'di lta bu bstan pa lags/ bcom ldan 'das kyis tshangs pa'i dbyangs kyis bka' stsal pa/ 'jam dpal/ chos kyi sgo mo 'di dag ni/ yul dge ba nas skyes pa'i sems can rnams kyi ched dang / 'khor bzhi po rnams kyi ched du yang lhag par byin gyis brlabs nas bstan pa yin te/ chos kyi sgo mo 'dis ni/ byang chub sems dpa' rnams tshegs chung ngu dang / 'bad pa chung dus dbang po dang / shes pa yongs su dag par 'gyur zhing chos kyi sgo mo de dang de dag kyang mngon par rtogs par 'gyur ro/ / ma 'ongs pa'i skye bo de dag ni byis pa chung du yan chad chos mngon par rtogs par dga' zhing / rtsed mor yang chos kyi sgo mo 'di dag smra bar 'gyur ro/ /sems can de dag dbang po yongs su brtas nas/ chos kyi mig rnam par dag pas de bzhin gshegs pa'i sku yang mthong bar 'gyur/ chos kyi rna ba rnam par dag pas chos yang dag pa ma nor ba yang thos par 'gyur/ de dag 'khor ba nas 'du byed dang / chos thams cad las kyang sems rnam par grol bar 'gyur te/ sems de lta bu des na yul dgon pa byin gyis brlabs pa 'dir dge ba'i phyogs la brtson pa'am/ yang ri glang ru la de dag thams cad dngos grub thob par gyur te/ bdud sdig can gyis kyang glags mi rnyed na/ gzhan dag gis lta smos kyang </font><hr>367a<br><font size=+1>


@#/ /ci dgos/ 'di lta ste/ lha rnams kyis 'khor gnod sbyin nam/ dri za'am/ mi 'am ci chad pas bcad par gyur na yang mchod rten go ma sa la gan da dang| ri glang ru la 'khras na/ de dag gis mi mthong bar 'gyur ro/ /brgya la mthong na yang sems zhi bar 'gyur te/ rgyu des na ri glang ru dang / mchod rten go ma sa la gan da ni| mtshams gcad pa dang / gtsang byed dang / skyabs dang / 'jig rten gyi khams gzhan dag na gnas pa'i sems can rnams kyis kyang phyag bya bar 'os pa yin no// mchod rten go ma sa la gan da dang / ri glang ru dang / yul dge ba dang / mkhar dge ba can dang / dgon pa byin gyis brlabs pa'i ming thos nas/ dad pa skyes pa tsam gyis kyang sdig pa chen po 'byang bar 'gyur ro/ /de nas de'i tshe bcom ldan 'das kyis tshe dang ldan pa shA ri'i bu dang / rnam thos kyi bu la bka' stsal pa/ rigs kyi bu khyed gnyis song la/ mtsho chen po 'dir sha'i ri drol te/ byang phyogs logs su gyi sho gtsang po'i nang du pho la/ chu la gnas pa'i sems can rnams la mi gnod par srung ba dang / yul 'di mtshams mngon par gyis shig /de nas nyan thos chen po shA ri'i bu dang / rnam thos kyi bus de bzhin 'tshal lo zhes gsol nas/ rdzu 'phrul gyis </font><hr>367b<br><font size=+1>


nam mkha' las sha'i ri gang na ba de logs su chas te/ shA ri'i bus ni lag na 'khar gsil thogs/ rnam thos kyi bus ni lag na mdung thogs te/ sha'i ri phyed skam pas blangs te/ nub phyogs su bzhag nas/ chu srol chen po gtod do/ /mtsho srog chags dang bcas par gyi sho gtsang po'i nang du pho ste/ tshul de lta bus mchod rten go ma sa la gan da dang / ri glang ru dang / li yul de mngon par byas so/ /de nas bcom ldan 'das kyis 'phags pa spyan ras gzigs dbang phyug dang / byams pa la sogs pa/ byang chub sems dpa' sems dpa' chen po brgyad dang / byang chub sems dpa' nyi khri drang srong dang bcas pa dang / rnam thos kyi bu dang / khyim tshig la sogs pa lha chen po brgyad dang / 'khor sum khri lnga stong lnga brgya dang bcas pa la/ mchod rten go ma sa la gan da la sogs pa yongs su gtad de/ lha de dag gis kyang de bzhin du gnas so/ /bcom ldan 'das kyis kyang de bzhin du gnang ngo / /bcom ldan 'das kyis de skad ces bka' stsal pa dang / 'khor de dag thams cad kyis bcom ldan 'das kyis gsungs pa la yi rangs te mngon par bstod do/ /'phags pa ri glang ru lung bstan pa zhes bya ba theg pa chen po'i mdo rdzogs so// </font><hr>

</table>