rKTs


H366

(e-text produced by ACIP)

see text in Tibetan script
367b
//rgya gar skad du/ shArdUl rna a pa dA na/ bod skad du/
368a
@#/ /stag rna'i rtogs pa brjod pa/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas tshe dang ldan pa kun dga' bo snga dro'i dus kyi tshe chos gos dang / lhung bzed thogs nas mnyan yod du bsod snyoms la zhugs so/ /de nas tshe dang ldan pa kun dga' bo bsod snyoms spyad de zas kyi bya ba byas nas chu mig gzhan zhig tu chu'i phyir phyin no/ /der phyin pa dang / yang de'i tshe chu mig de la gdol pa'i bu mo gzugs bzang mo zhes bya ba chu chu zhing 'dug go /de nas tshe dang ldan pa kun dga' pos gdol pa'i bu mo gzugs bzang mo la 'di skad ces smras so/ /sring mo/ bdag la chu byin cig /de nas gdol pa'i bu mo gzugs bzang mos tshe dang ldan pa kun dga' bo la 'di skad ces smras so/ /btsun pa kun dga' bo/ bdag ni gdol pa'i bu mo lags so/ /sring mo/ rus dang / rigs 'dri ba ma yin gyi/ 'on kyang de nas chu chus la byin cig btung bar bya'o/ /de nas gdol ba'i bu mo gzugs bzang mos tshe dang ldan pa kun dga' bo la chu byin no/ /de nas tshe dang ldan pa kun dga' bo chu 'thungs nas song ngo / /de nas
368b
gdol pa'i bu mo gzugs bzang mos tshe dang ldan pa kun dga' bo'i bzhin dang / lus dang / skad gdangs rnams rab tu legs par mtshan mar bzung ste/ tshul ma yin pa'i yid la byed pas kun tu chags pa skyes par gyur te/ tshe dang ldan pa kun dga' bo la kho mo'i 'dod pa skyes na/ bdag gi mas rig sngags shes pas de'i mthus/ 'phags pa kun dga' bo bkug la khyo bya'o snyam du bsams so/ /de nas gdol pa'i bu mo gzugs bzang mo chu thogs nas/ gdol pa'i khyim gang na ba der song ste phyin nas/ chu bum phyogs gcig tu bzhag nas rang gi ma la 'di skad ces smras so/ /kye yum/ mkhyen par mdzod cig /kun dga' bo zhes bya ba'i dge slong dge sbyong gau ta ma'i nyan thos bsnyen bkur ba de bdag khyor 'tshal gyi/ yum khyod kyis dpyad kyis de 'dir khug cig /de'i mas smras pa/ ngas kun dga' bo zhi ba dang / 'dod chags dang bral ba ma yin na dgug par nus mod kyi/ 'on kyang ko sa la'i rgyal po gsal rgyal dge sbyong gau ta ma la mchog tu dad pas bsten zhing bsnyen bkur byed pas/ gal te des shes na des gdol pa'i rigs rnams brlag par 'gyur ro/ / dge sbyong gau ta ma ni 'dod chags dang bral ba thams cad zil gyis gnon zhes thos so/ /de skad ces smras pa dang / gdol pa'i bu mo gzugs bzang mos ma la 'di skad ces smras
369a
@#/ /so| |gal te dge slong gau ta ma de 'dod chags dang bral ba yin yang rung / de'i nye gnas dge slong kun dga' bo de ma bkug na bdag lceb bo/ /gal te de khugs na ni bdag 'tsho bar 'gyur ro/ /mas smras pa/ dge sbyong kun dga' bo dgug gi srog ma dor cig /de nas gdol pa'i bu mo gzugs bzang mo'i mas khang pa'i dbus lci bas byugs nas gru bzhir byas te/ dUr ba brngas nas me spar zhing me tog dang / arga brgya rtsa brgyad la sngags bzlas nas re re nas mer bskyur ro/ /de la rig sngags ni 'di yin te/ a ma le/ bi ma le/ ku ku su/ ma ma ne ye na/ ban d+ho smi bin du na/ i tsu yA de bo ba ri sha Sha ti bi d+yo ta ti ga ra dza ti basma ya pa rA dza ya ma b+hi bar+d+ha yaM tuM de be b+h+yo ma nu She b+h+yo gan d+ha ra be b+h+yaH shi ki khi gra ha de b+ha bi shi ka gri ha do pa a nan ta s+ya a A ga ma na ya dzu ho ma swAhA/ de nas tshe dang ldan pa kun dga' bo sems g.yos te/ gtsug lag khang de nas langs nas gdol pa'i khyim gang na ba der song ngo / /de nas tshe dang ldan pa kun dga' bo rgyang ring mo nas 'ong ba gdol pa mos mthong ngo / /mthong nas kyang gzugs bzang mo la 'di skad ces smras so/ /bu 'ong ba 'o ni ni dge sbyong kun dga' bo yin gyi shes par gyis shig /de nas gdol pa'i bu mo gzugs bzang mo dga' zhing
369b
mgu la yi rangs te/ tshe dang ldan pa kun dga' bo'i mal bshams so/ /de nas tshe dang ldan pa kun dga' bo gdol pa'i khyim gang na ba der song ste phyin nas/ phyogs gcig tu 'dug ste/ tshe dang ldan pa kun dga' bo ngu zhing 'di skad smras so/ /bdag gis nyam nga ba'i gnas skabs 'di thob na da ltar bcom ldan 'das bdag la mi dgongs so/ /de nas bcom ldan 'das kyis tshe dang ldan pa kun dga' bo la dgongs par mdzad do/ /dgongs ma thag tu yang dag par rdzogs pa'i sangs rgyas kyi sngags kyis gdol pa'i sngags nyams par mdzad do/ /de'i sngags ni 'di yin te/ s+thi tir tsu ti ra Ni swa ti sarba prA Ni b+h+ya/ sa ra pra saM naM ni rda shaM taM sarba to pA yaM i ta yo ya tra shA sh+yan+ta b+ha yA ni tsa li ta ni tsa taM be de ba na ma sh+yaM ti sarba sid+d+ha tsa yo ga ni e te na sa t+ya bA kye na swA s+t+ya a nan+ta ya ba k+Sha be/ de nas tshe dang ldan pa kun dga' bo gdol pa'i rig sngags bkrol nas gdol pa'i khyim nas byung nas rang gi gtsug lag khang gang na ba der 'gro bar brtsams so/ /gdol pa'i bu mo gzugs bzang mos mthong nas/ tshe dang ldan pa kun dga' bo la bltas nas rang gi ma la 'di skad ces smras so/ /kye yum/ dge slong kun dga' bo 'di mchi zhing gda'o/ /de'i mas smras pa/ bu nges par dge sbyong gau ta ma sa dran par byas pas de na bdag gi sngags
370a
@#/ /nyams par gyur to/ /gzugs bzang mos smras pa/ yang ci yum/ dge slong gau ta ma'i sngags khyad par du stobs dang ldan la bdag cag gi de lta ma yin nam| de la mas slar smras pa/ bu| dge slong gau ta ma'i sngags khyad par du stobs dang ldan pa yin gyi/ bdag cag gi de lta ma yin no/ /bu/ 'jig rten na sngags mthu dang ldan pa'i sngags gang yin pa de dag thams cad dge sbyong gau ta ma 'dod na rab tu 'joms par byed do/ /yang 'jig rten pa'i sngags mthu dang ldan pa thams cad kyis ni dge sbyong gau ta ma'i sngags rab tu gzhom par mi nus so/ /de lta bas na dge sbyong gau ta ma'i sngags ni ches stobs dang ldan pa yin no/ /de nas tshe dang ldan pa kun dga' bo bcom ldan 'das ga la ba der song ste/ rim gyis phyin nas bcom ldan 'das kyi zhabs la spyi bos gtugs nas phyogs gcig tu 'dug go /phyogs gcig tu 'dug nas/ bcom ldan 'das la tshe dang ldan pa kun dga' bos gnas skabs de gsol pa dang / bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis yi ge drug pa'i rig sngags 'di bstan gyi gzung la chongs shig /lhogs la kun tu bzung na bdag nyid la phan pa dang / bde bar 'gyur zhing / dge slong dang / dge slong ma dang / dge bsnyen
370b
dang| dge bsnyen ma rnams la phan pa dang / bde ba 'thob par 'gyur ro/ /kun dga' bo/ yi ge drug pa'i rigs sngags ni 'di yin te/ de bzhin gshegs pa dgra bcom pa yang dag par rdzogs pa'i sangs rgyas drug gis gsungs shing / rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / da ltar yang dag par rdzogs pa'i sangs rgyas ngas kyang gsungs pa yin gyi/ de lta bas na khyod kyis zungs shig /thon cig /kun tu lhogs shig /'di lta ste/ aN Da re ke yU re d+hi ha ste sa ra ge be ban+d+ha ma ti d+ha ri bi Sha tsi li mi li sA d+ha nA yu snA thA ya saM b+ha gi la go la pa ti ka DaM tsi la/ kun dga' bo/ yi ge drug pa'i rig sngags 'di ni yongs su srung ba dang / bdag nyid bkra shis par byed pa yin te/ gsad pa'i ni chad pas grol bar 'gyur ro/ /chad pas gcod pa ni brgyad pas bral bar 'gyur ro/ /brgyad par 'os pa ni yang de bzhin du smas pas bral bar 'gyur ro/ /kun dga' bo/ ngas lha dang bcas pa/ bdud dang bcas pa/ tshangs pa dang bcas pa'i 'jig rten na/ dge sbyong dang / bram zer bcas pa'i skye rgu'i tshogs dang / lha dang / mi rnams las gang zhig yi ge drug pa'i rig sngags 'dis bsrung ba byas nas/ srung skud dpung pa la btags na bkra shis par byed do/ las kyi rnam par smin pa ma gtogs par gzhan zil gyis gnon par
371a
@#/ /nus pa de lta bu yang dag par rjes su ma mthong ngo / /de nas gdol ba'i bu mo gzugs bzang mos de nyid kyi mtshan mo lus khrus byas/ gos sar pa bgos nas mu tig gi do shal gyis brgyan te/ grong khyer mnyan yod ga la ba de nas byung ste song nas/ grong khyer gyi sgo drung du bsdad de/ tshe dang ldan pa kun dga' bo 'ong ba la sdod cing nges par 'dir dge slong kun dga' bo 'ong ngo zhes sems so/ /de nas yang tshe dang ldan pa kun dga' bo snga dro'i dus su chos gos dang / lhung bzed thogs nas/ mnyan yod du bsod snyoms la zhugs so/ /gdol pa'i bu mo des tshe dang ldan pa kun dga' bo rgyang ring po nas 'ong ba mthong ngo / /mthong nas kyang tshe dang ldan pa kun dga' bo'i phyi bzhin du 'brang ngo / /'dug na 'dug cing 'gro na 'gro bar byed do/ /khyim gang dang / gang du bsod snyoms la zhugs pa de dang / der skor cing mi smra bar sdod do/ /de nas tshe dang ldan pa kun dga' bos gdol pa'i bu mo gzugs bzang mo phyi bzhin du 'brang ba mthong ngo / /mthong nas kyang ngo tsha zhing khrel gyis dogs pas sdug bsngal zhing yid mi bde bas myur du mnyan yod nas byung nas/ rgyal byed kyi tshal ga la ba der song ngo / /de nas gdol pa'i bu mo gzugs bzang mo tshe dang ldan pa kun dga' bo'i phyi bzhin phyi bzhin du rjes su 'brang ngo / /tshe dang ldan pa
371b
kun dga' bo bcom ldan 'das ga la ba der song ste phyin nas/ bcom ldan 'das kyis zhabs la mgo bos phyag btsal te/ phyogs gcig tu 'dug go /de nas tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das/ gdol pa'i bu mo gzugs bzang mo 'di phyi bzhin du rjes su 'brang zhing mchis la mchis na| khyim gang dang / gang du bsod snyoms la zhugs pa'i khyim de dang / de'i sgor mchis nas sa tsang mi smra bar mchis so/ /bcom ldan 'das/ bdag la bskyab tu gsol/ bde bar gshegs pa| bdag la bskyab tu gsol/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /ma 'jigs/ ma 'jigs shig |de nas bcom ldan 'das kyis gdol pa'i bu mo gzugs bzang mo la 'di skad ces bka' stsal te/ ci gzugs bzang mo/ dge slong kun dga' bo khyim thab tu bya bar 'dod dam/ btsun pa/ 'tshal lags so/ /bcom ldan 'das kyis bka' stsal pa/ gzugs bzang mo pha mas dge slong kun dga' bo la rjes su 'gro bar gnang ngam/ bcom ldan 'das/ gnang lags so/ /bde bar gshegs pa/ gnang lags so/ /bdag gis slar yang go bar bgyi'o/ /de nas gdol pa'i bu mo gzugs bzang mos
372a
@#/ /bcom ldan 'das la rab tu mnyan nas/ bcom ldan 'das kyi zhabs la spyi bos gtugs nas lan gsum bskor ba byas te/ bcom ldan 'das kyi thad nas slar song ste/ gang na rang gi pha ma yod pa der song ste phyin nas/ pha ma'i rkang pa la mgo bos phyag byas nas/ phyogs gcig tu 'dug go /rang gi pha ma la 'di skad ces smras so/ /yab yum/ dge sbyong gau ta ma rang gis dge slong kun dga' bo stsal to/ /de nas pha mas gdol pa'i bu mo gzugs bzang mo khrid nas/ bcom ldan 'das ga la ba der song ste phyin nas/ bcom ldan 'das kyi zhabs la spyi bos phyag btsal te/ phyogs gcig tu 'dug go /gdol pa'i bu mo gzugs bzang mos kyang bcom ldan 'das kyi zhabs la spyi bos phyag btsal nas/ phyogs gcig tu 'dug go /phyogs gcig tu 'dug nas kyang gdol pa'i bu mo gzugs bzang mos bcom ldan 'das la 'di skad ces gsol to/ /'di gnyis ni bdag gi pha ma lags so/ /de nas bcom ldan 'das kyis gdol pa'i bu mo gzugs bzang mo'i pha ma la 'di skad ces bka' stsal to/ /bu mo gzugs bzang mo dge slong kun dga' bo la ster ram/ de gnyis kyis gsol pa/ bcom ldan 'das/ stsal lo/ /bde bar gshegs
372b
pa| stsal lo/ /de lta na khyed gnyis rang gi khyim du slar song zhig /de nas gdol pa'i bu mo gzugs bzang mo'i pha mas bcom ldan 'das kyi zhabs la spyi bos phyag btsal nas/ bcom ldan 'das la lan gsum bskor ba byas te/ bcom ldan 'das kyi thad nas song ngo / /de nas bcom ldan 'das kyis gdol pa'i bu mo gzugs bzang mo'i pha ma song nas ring po ma lon par thugs su chud nas/ gdol pa'i bu mo gzugs bzang mo la 'di skad ces bka' stsal to/ /gzugs bzang mo/ dge slong kun dga' bo don du gnyer ram/ bcom ldan 'das/ don du gnyer lags so/ /bde bar gshegs pa/ don du gnyer lags so/ /de lta yin na gzugs bzang mo dge slong kun dga' bo'i cha byad du gyis shig /bcom ldan 'das/ gzung bar bgyi'o/ /bde bar gshegs pa/ gzung lags so/ /bcom ldan 'das/ rab tu dbyung du gsol/ bde bar gshegs pa/ bdag rab tu dbyung du gsol/ de nas bcom ldan 'das kyis gdol pa'i bu mo gzugs bzang mo la 'di skad ces bka' stsal to/ /dge slong ma 'dir legs par tshangs par spyod cig ces bcom ldan 'das kyis bka' stsal pa dang / gdol pa'i bu mo gzugs bzang mo skra byi zhing snam sbyar bgos par gyur to/ /de bcom ldan 'das kyis gdol pa'i bu
373a
@#/ /mo gzugs bzang mo de ltar dge slong mar gyur cing rab tu byung pa la chos kyi gtam yang ston pa mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad de/ gang zhig 'di ltar yun ring por 'khor bar bying ba'i sems can rnams kyi gnyen por gyur par mnyan par bya ba/ 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa'i ro myang bar bya ba ma yin zhing smad pa'i gtam dang / nges par 'byung ba'i gtam dang / 'jig pa dang / nyon mongs pa dang / kun nas nyon mongs pa dang / rnam par byang ba dang / byang chub kyi phyogs kyi chos rnams dge slong ma de la bcom ldan 'das kyi yang dag par bstan pas/ de nas dge slong ma gzugs bzang mo de la/ bcom ldan 'das kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad/ sems dga' ba lus su rung ba dang / rab tu dga' ba'i sems dang / sgrib pa med pa'i sems dang| tha ba med pa'i sems kyis bcom ldan 'das kyi bka' gang yin pa shes nas dge slong ma gzugs bzang mo dga' ba'i bsam pa dang / lus su rung ba'i sems dang /
373b
rab tu dga' ba'i sems dang / sgrib pa med pa'i sems dang / tha ba med pa'i sems kyis bsgoms pa'i stobs rab tu ldan pa yang dag par gsal bar byed pa'i chos bstan pa kun tu shes te/ de'i tshe sangs rgyas bcom ldan 'das kyis kun gsal bar byed pa'i chos bstan pa/ 'di lta ste/ sdug bsngal dang / kun 'byung dang / 'gog pa dang / lam rnams bcom ldan 'das kyis dge slong ma gzugs bzang mo la rgya cher bstan pas/ de nas dge slong ma gzugs bzang mo stan de nyid la 'dug bzhin du 'phags pa'i bden pa bzhi po sdug bsngal dang / kun 'byung dang / 'gog pa dang / lam mngon par rtogs par gyur te/ 'di lta ste/ gos bkrus pa dri ma med pa tshon gyis bsgyur na tshon yang dag par len pa bzhin du/ dge slong ma gzugs bzang mo stan de nyid du 'dug nas bden pa bzhi po sdug bsngal dang / kun 'byung dang / 'gog pa dang / lam rnams mngon par rtogs par gyur to/ /de nas dge slong ma gzugs bzang mos chos mthong zhing chos thob la chos rtogs shing chos mthar thug par khong du chud nas the tshom las brgal zhing som nyi spangs te/ tha snyad rnams dang bral zhing dri ma med pa thob pas gzhan gyi rkyen gyis mi bkri bar ston pa'i bstan pa la chos kyi rjes su 'brang bas bcom ldan 'das kyi zhabs
374a
@#/ /la spyi bos gtugs te/ bcom ldan 'das la 'di skad ces gsol to/ /bcom ldan 'das/ bdag gis ni nongs lags so/ /bde bar gshegs pa| bdag gis nongs lags te/ 'di ltar byis pa/ 'di ltar rmongs pa/ 'di ltar mi gsal ba/ 'di ltar mi dge ba/ bdag ni shes rab 'chal ba'i rang bzhin can lags te| gang bdag gis dge slong kun dga' bo khyim thab tu 'tshal ba kun nas tshul ma lags so/ /de lta bas na/ btsun pa/ bdag gis nongs pa la nongs par khums shing yang nongs pa la mchog tu nongs par khums nas nongs pa de bshags par bgyis/ slan chad kyang nongs pa bsdam par bgyi'o/ /de lta bas na bcom ldan 'das kyis nongs par bzung nas nongs pa bsdam par bgyi'o/ /gzugs bzang mo/ khyod kyis nyes pa la nyes par shes nas/ 'di ltar byis pa/ 'di ltar rmongs pa/ 'di ltar mi gsal ba 'di ltar mi dge ba/ shes rab 'chal pa'i rang bzhin gyis gang khyod kyis dge slong kun dga' bo la khyim thab tu 'dzin zhing tshul bzhin ma yin pa byas pa la chos 'dul ba rtogs nas gang khyod kyis nyes pa la nyes par yang dag par lta zhing nyes pa la nyes par yang dag par mthong nas/ de bzhin du nyes pa 'chags shing phyin chad sdom pa
374b
ni ngas kyang khyod kyi nyes pa la nyes par gzung bar bya'o/ /phyin chad sdom la dge ba'i chos rnams 'phel ba nyid bsgrub par bya yi/ nyams par ni mi bya'o/ /de nas dge slong ma gzugs bzang mo la bcom ldan 'das kyis bstan zhing khyad par du rjes su gdams pas/ gcig pu dben par gnas shing bag yod pas gdams shing dran pa dang / shes bzhin rab tu nyams pa med pa'i bdag nyid gnas gcig pu dben par bag yod par bsdams shing dran pa dang shes bzhin nyams pa med pas bdag nyid gnas pas gang gi don du rigs kyi bu mo skra bregs nas chos gos bgos te/ yang dag par dad pas khyim nas khyim med par rab tu byung ba de bla na med pa'i tshangs par spyod pa la kun tu gnas pa ni/ mthong ba'i chos nyid la rang gis mngon par shes pa mngon du byas shing bskyed nas lung ston par byed pa yin pas/ des tshangs par spyad pas bya ba byas shing skye bzad de/ srid par skye ba gzhan mi len par gyur to/ /mnyan yod kyi bram ze dang / khyim bdag rnams kyis bcom ldan 'das kyis gdol ba'i bu mo rab tu phyung ngo zhes thos so/ /thos nas kyang ji ltar gdol ba'i bu mo dge slong rnams dang yang dag par spyod par byed ces smod par byed do/ /de bzhin du dge slong rnams dang / dge slong ma rnams dang / dge snyen dang / dge bsnyen rnams dang yang dag par spyad pa spyod par byed ces smos par byed cing / ji ltar gdol ba'i bu mo la
375a
@#/ /bram ze dang / rgyal rigs dang / khyim bdag shing sA la chen po lta bu rnams blta bar bya zhes zer ro/ /ko sa la'i rgyal po gsal rgyal gyis bcom ldan 'das kyis gdol pa'i bu mo rab tu phyung zhes grag pa thos so/ /thos nas kyang ji ltar gdol ba'i bu mo zhes bya ba dang dge slong rnams yang dag par spyad pa spyod par byed/ dge slong ma rnams dang / dge bsnyen dang / dge bsnyen ma rnams dang yang dag par spyad pa spyod par byed/ ji ltar bram ze dang / rgyal rigs dang / khyim bdag shing sA la chen po lta bu rnams kyis blta bar bya zhes smod la sems par byed cing bzhon pa bzang po sbyar te/ bzhon pa bzang po la zhon nas mnyan yod kyi bram ze dang / khyim bdag gi tshogs chen pos yongs su bskor te mdun du bdar nas mnyan yod nas 'phags te/ rgyal bu rgyal byed kyi tshal mgon med zas sbyin gyi kun dga' ra ba ga la ba der song ste/ ji srid bzhon pas 'gro ba'i sa de srid du bzhon pas phyin nas bzhon pa la babs nas rkang thang gi 'khor gyis bskor te/ mgon med zas sbyin gyi kun dga' ra bar zhugs so/ /zhugs nas kyang bcom ldan 'das ga la ba der song ste phyin nas/ bcom ldan 'das kyi zhabs la spyi bos phyag btsal nas/ phyogs gcig tu 'dug go /mnyan yod kyi bram ze
375b
dang| khyim bdag gi tshogs chen po de dag kyang tha snyad lnga dang ldan pas 'khod do/ /yang bcom ldan 'das dang lhan cig mngon du phyogs te yang dga' ba dang / mgu bar gyur ba'i gtam sna tshogs mdzad de/ mjug brtul ba dang phyogs gcig tu 'dug go /yang gzhan dag gis bcom ldan 'das la rang rang gi pha ma'i rgyus dang| ming dang / rigs dang / rus rnams bsnyad nas phyogs gcig tu 'dug go /yang gzhan dag gis lhan cig tu bcom ldan 'das ga la ba der logs su thal mo sbyar te phyag byas nas phyogs gcig tu 'dug go /gzhan dag ni yang mthun par cang mi smra bar phyogs gcig tu 'khod do/ /de nas bcom ldan 'das kyis ko sa la'i rgyal po gsal rgyal dang / mnyan yod kyi bram ze dang| khyim bdag gi tshogs chen po de rnams kyi sems thugs kyis mkhyen dge slong ma gzugs bzang mo'i sngon gyi gnas skabs bstan par mdzad pa'i phyir dge slong ma de bkug nas dge slong rnams la/ dge slong dag /de bzhin gshegs pa las mngon sum du dge slong ma gzugs bzang mo'i sngon gyi gnas skabs las brtsams nas chos kyi gtam nyan par 'dod dam/ dge slong rnams kyis bcom ldan 'das la gsol ba dang / bcom ldan 'das/ de'i dus la bab lags so/ /bde bar gshegs pa/ de'i dus
376a
@#/ /la bab lags te/ bcom ldan 'das gang dge slong ma gzugs bzang mo'i sngon gyi gnas skabs las brtsams nas chos kyi gtam bstan du gsol/ bcom ldan 'das la slar mnyan nas gzung bar 'tshal lo/ /dge slong dag /de lta bas na legs par rab tu nyon la yid la gzung zhig dang ngas bshad do/ /bcom ldan 'das/ legs so| |legs so zhes gsol te/ dge slong de dag bcom ldan 'das la slar nyan to/ /de dag la bcom ldan 'das kyis 'di skad ces bka' stsal to/ /dge slong dag /sngon byung ba 'das pa'i dus na/ chu bo gang+gA'i 'gram na a ti mug ta ka dang / sA la'i tshal gyi nags kyi phyogs gcig yod de/ de na tre shang ku zhes bya ba'i gdol ba'i rgyal po yod de/ gdol pa stong phrag du ma'i tshogs chen po dang lhan cig gnas so/ /yang de'i tshe/ dge slong dag /gdol ba'i rgyal po tre shang ku zhes bya ba des skye ba snga ma'i rig byed kyi yan lag dang| nye ba'i yan lag dang bcas pa dang / gsang ba dang bcas pa dang / nges par sbyar ba'i brda dang bcas pa dang / yi ge'i rab tu dbye ba dang bcas pa rnams dang / bzhad gad ces bya ba dang / lnga pa dang / bstan bcos gzhan yang rkyang ba dang / byA ka ran dang / rgyan phan ba'i gtsug lag dang / mchod sbyin gyi rabs dang / skyes bu chen po'i
376b
mtshan rnams la rjes su mkhas shing ji ltar chos bshad pa dang / rig byed kyi brtul zhugs dang / rten pa med par bshad pa la mkhas pa zhig ste/ yang rgyal po tre shang ku de la gzhon nu stag rna zhes bya ba'i bu yod pa de gzugs dang ldan pa/ rigs dang ldan pa/ tshul khrims dang ldan pa/ yon tan dang ldan pa/ yon tan thams cad dang ldan pa/ gzugs bzang zhing blta na sdug pa/ kha dog mdzad shing mchog tu kha dog rgyas pa dang ldan pa zhig yod do/ /de nas rgyal po tre shang ku gzhon nu stag rna la skye ba snga ma'i rig byed dran pa bslabs te| 'di lta ste/ yan lag dang / nye ba'i yan lag dang / gsang ba dang bcas pa dang / nges par sbyar ba'i brda dang bcas pa dang / yi ge'i rab tu dbye ba dang bcas pa dang / bzhad gad ces bya ba dang / lnga pa dang / bstan bcos gzhan yang chos ji ltar bshad pa dang / rig byed kyis brtul zhugs bslabs nas/ de nas rgyal po tre shang kus 'di snyam du bsams te/ bdag gi bu gzhon nu stag rna 'di ni gzugs dang ldan pa/ rigs dang ldan pa/ tshul khrims dang ldan pa/ yon tan dang ldan pa/ yon tan thams cad kyis brgyan pa| gzugs bzang zhing blta na sdug pa/ kha dog mdzad shing mchog tu kha dog rgyas pa dang ldan pa/ sngags dang / rig byed kyi pha rol tu phyin pa yin gyi/ khyim bya ste yang gang bdag
377a
@#/ /gis gzhon nu stag rna dang mthun par gzugs dang ldan pa/ rigs dang ldan pa/ tshul khrims dang ldan pa/ yon tan dang ldan pa de lta bu'i bu mo zhig gang nas btsal snyam mo/ /yang dus gzhan zhig gi tshe/ bram ze pad+ma'i snying po zhes bya ba gyen du 'byung ba'i lung pa'i sgo zhes bya ba na/ khyab par sa dang / chu dang / shing dang ldan pa/ rtag tu 'bru rnams smin pa/ rigs dang / rus ma smad pa/ pa mes dang / ma mes bdun brgyud kyi mkhan por gyur pa/ klog pa dang / gsang sngags 'dzin pa/ rig byed gsum gyi pha rol tu phyin pa yan lag dang bcas pa dang / nye ba'i yan lag dang bcas pa dang / brda nges par sbyar ba dang bcas pa dang / bzhad gad ces bya ba dang / lnga pa dang / rkang ba dang / bya ka ra na dang / 'jig rten rgyang ban pa'i gtsug lag dang / mchod sbyin gyi rabs dang / skyes bu chen po'i mtshan rnams rjes su sbyar ba rgyas shing grol bar ston pa zhig go /yang bram ze pad+ma'i snying po de la gzugs bzang mo zhes bya ba'i bu mo yid du 'ong ba/ gzugs dang ldan pa/ tshul khrims dang ldan pa/ yon tan dang ldan pa/ yon tan thams cad kyis brgyan pa/ gzugs bzang zhing blta na sdug pa/ mdzas shing mchog tu kha dog rgyas pa dang ldan pa/ bdag gi gzhon nu stag rna dang mthun
377b
pas chung mar 'os so zhes bsams te/ de nas rgyal po tre shang kus don de nyid mtshan mo phal cher sems shing mtshan mo 'das nas nam nangs te/ thams cad dkar ba'i shing rta la zhon nas/ gdol ba'i blon po'i tshogs kyis bskor nas gdol ba'i pho brang nas byung nas byang phyogs su chas te/ gyen du 'byung ba'i lung ba'i sgo ga la ba der song ste/ de nas gdol pa'i rgyal po tre shang kus gyen du 'byung ba'i lung pa'i sgo byang shar gyi mtshams na yid bde ba zhes bya ba'i skyed mos tshal shing sna tshogs pas khyab pa/ shing sna tshogs pa'i me tog dang ldan/ bya sna tshogs pa sgra snyan pa sgrogs pa/ lha rnams kyi dga' ba'i tshal ltar mdzes pa zhig yod de/ der phyin nas bram ze pad+ma'i snying po 'ong ba la sdod do/ /bram ze pad+ma'i snying po bram ze'i khye'u rnams la bram ze'i sngags 'chad do/ /de nas bram ze pad+ma'i snying po de nyid kyi mtshan mo 'das nas thams cad dkar ba'i rta'i shing rta la zhon nas/ bram ze'i khye'u lnga brgya'i slob ma'i tshogs kyis yongs su bskor te/ gyen du 'byung ba nas 'phags te/ bram ze'i khye'u rnams la bram ze'i sngags 'chad do/ /gdol ba'i rgyal po tre shang kus bram ze pad+ma'i snying po nyi ma'i 'od zer gyi tshogs kyis bskor ba lta bu/ me 'bar ba 'od kyis bskor ba lta bu/ mchod sbyin byed pa bram ze'i tshogs kyis bskor ba lta bu/ gangs can sman
378a
@#/ /gyi tshogs kyis mdzes lta bu/ rgya mtsho rin po ches mdzes pa lta bu/ zla ba rgyu skar gyi tshogs kyis yongs su bskor ba lta bu/ rnam thos sras gnod sbyin gyi tshogs kyis yongs su bskor ba lta bu/ brgya byin lha'i tshogs kyis yongs su bskor ba lta bu/ bram ze slob ma'i tshogs kyis yongs su bskor ba mdzes pa rgyang ring po nas mthong ngo / /mthong nas kyang bsu ste chos bzhin du byas nas 'di skad ces smras so/ /kye pad+ma'i snying po/ legs par 'dir byon gyis bya ba cung zhig smrar yod kyi/ de nyon cig /de skad ces smras pa dang / bram ze pad+ma'i snying pos gdol pa'i rgyal po tre shang ku la 'di skad ces smras so/ /kye tre shang ku/ bram ze ma yin pas kye zhes bod par mi nus shing rigs pa ma yin no/ /pad+ma'i snying po/ bdag gis kye zhes pod par mi nus shing byar rung ste/ gang gis nus par byar rung bar 'gyur la/ gang gis de ltar mi nus pa ni de ltar yang mi bya'o/ / kye pad+ma'i snying po/ skyes bu'i mnyam par rtsom pa ni sngon gyi mnyam par rtsom pa las 'gyur ro/ /'di lta ste/ bdag gi don dang / gzhan gyi don dang / bdag gi 'khor gyi don dang| 'byung po thams cad kyi don bsdus pa ni da ltar 'dir khyad par du don che ba gang yin pa smra yi nyon cig /bdag la bu stag rna zhes bya ba yod kyi de'i chung mar bu mo byin cig /
378b
rin gang zhig 'dod pa de sbyin par bya'o/ /tshig de lta bu yang thos pa dang / gdol pa'i rgyal po tre shang ku la bram ze pad+ma'i snying po mchog tu khros 'khrugs shing sdang bas de'i rkyen gyis dpral bar khro gnyer gsum bsdus nas bzhin rnam par gyur pas mig rnam par 'gyur zhing ne le ltar ser skyar gyur te/ gdol pa'i rgyal po tre shang ku la 'di skad ces smras so/ /tha mal pa'i gdol pa/ dman pa/ smad pa/ du ma za ba/ ngan pa ni gang bram ze rig byed kyi pha rol tu phyin pa la gdol pa dman pa gcugs pa med par 'joms par byed pa khyod kyis tshig 'di lta bu smra ba'i rigs sam| kye| blo ngan mngon pa'i nga rgyal gyis tha mal pa yin par sems sam/ dman pa don ma yin pa la don du ma gnyer/ gser nam yang thal bar mi 'gyur ro/ /snang ba dang / mun pa gnyis sam/ gdol pa'i skye gnas su skyes pa yang bram ze dam pa rnams dang / dman pa khyod dang 'brel bar 'dod pa ji ltar ma rmongs/ gdol pa'i skye gnas su skyes pa dang| kho bo dam par skyes pas dman pa dang / mchog gnyis 'brel par mi 'dod do/ /bram ze mchog dang / mchog tu 'brel par byed par 'dod kyi/ mchog dang / dman pa gnyis su 'brel par mi 'dod do/ /rigs phun sum tshogs shing rigs yongs su dag cing 'khrugs med pa/ sngags kyi pha rol tu phyin pa klog pa dang / sngags mchog las byung zhing
379a
@#/ /rig byed kyi pha rol tu son pa/ brda nges par spyar ba dang bcas pa/ bram ze gang gis rig byed bklags pa de lta bu'i bram ze dang 'brel par bya ba yin gyi/ rigs mchog dang / dman par 'brel bar byar ni mi 'dod do/ /don du gnyer bar bya ba ma yin pa don du gnyer ba ni rlung zhags pas 'dzin par rtsom pa la 'jug pa yin te/ gang nga dang khyod 'brel par byed par 'dod pa de bzhin no/ /ro dang / rigs dman pa gnyis ni 'jig rten thams cad la mi gtsang ba yin gyi dman pa myur du phar khyed cig /'di lta bu nyid ji ltar sems/ gdol pa dang / gdol par lhan cig pa yin la/ dur srung rnams dang ni dur srung lhan cig pa yin te/ rigs gang dang / gang yin pa de dang / de 'brel par byed pa yin te/ rgyal rigs rnams dang ni rgyal rigs lhan cig pa yin la/ bram ze rnams dang bram ze lhan cig pa yin la/ de bzhin du rje'u rigs rnams kyang rje'u rigs dang lhan cig pa yin la/ de bzhin du dmangs rigs rnams kyang dmangs rigs dang lhan cig tu 'dra ba rnams phan tshun 'jug pa yin gyi/ gdol pa rnams dang bram ze ni 'brel pa med do/ /rigs thams cad las dman pa dang / rigs mchog rnams ji ltar 'brel du 'dod/ bram ze pad+ma'i snying pos lan du de lta bu'i tshig thos pa dang / gdol pa'i rgyal po
379b
tre shang kus 'di skad ces smras so/ /ji ltar gser dang / thal ba'i khyad par dmigs pa ltar bram ze rnams dang / rigs gzhan de lta bu khyad par ni mi dmigs so/ /ji ltar mun pa dang / snang ba'i khyad par dmigs pa ltar bram ze rnams dang / rigs gzhan de lta bu'i khyad par ni mi dmigs so/ /gang bram ze rnams nam mkha' dang / rgya mtsho las skyes pa ni ma yin no/ /gtsug shing gis me phyung ba ltar sa rnams las skyes pa'ang ma yin no/ /bram ze'i skye gnas gang yin pa de nas gdol pa'i rigs kyang skyes pa yin te/ mchog nyid dang / dman pa nyid du bram ze rnams la ci dmigs/ bram ze mchog rnams kyi ro'ang spong zhing mi gtsang bar byed do/ /rigs rnams la de lta bas na gzhan dang de la khyad par ci zhig yod/ 'di ltar sdig pa'i las cung zad byed cing rnyog pa dang / rtsod pas sems can rnams la gnod pa bya bar bram ze rnams rab tu ston to/ /byad dang / ro langs kyi las bram ze rnams rab tu ston to/ /las mi bzad pa rnams la yang bsod nams yin par bram ze rnams ston to/ /sha za bar 'dod pas bram ze rnams kyi cho ga sbyar ba sngags bzlas nas ra lug bsad na mtho ris su 'gro bar smra'o/ /gang de lta bu mtho ris kyi lam yin na ci'i phyir bram ze bdag nyid dang / gzhan yang nye du dang / pha dang / ma dang / spun zla dang /
380a
@#/ /sring mo dang / de bzhin du bu dang / bu mo dang / chung ma rnams sngags bzlas nas bsad par mi ston/ mdza' bo dang / gnyen dang / bdag nyid kyang yul na gnas pa sngags de bzlas nas yang mtho ris su 'gro ba drug po rnams ci'i phyir mi gtong / thams cad chom pas dus gcig tu dag cing bde 'gro mchog tu 'gro bar 'gyur na/ ci'i phyir phyugs rnams kyi mchod sbyin byed kyi bdag nyid kyis ci'i phyir mi byed/ bde 'gro mtho ris su ra lug 'gro bar bstan par mi bya ste/ mtho ris kyi lam de dag pa ma yin te/ rdzun bstan pa yin no/ /bram ze rnams sdang ba'i sems kyis sha bza' ba 'dod pa rnam grangs du mas thabs bsams te/ phyugs rnams bsad pa'i cho ga bstan pa yin no/ /gzhan yang / bdag gis bram ze rnams kyi cho ga gang yin pa brjod par bya ste/ rig byed bzhi las sdig pa'i bya bar bstan te/ gser rku ba dang chang 'thung dang / /bla ma'i chung ma spyod pa dang / /sdom pa'i tshogs ni 'jig pa ste/ /sdig pa bzhi ru bram ze 'dod/ /gser rku ba ni spang bar bya/ /de bzhin las gzhan sdig yod min/ bram ze gang gis gser brkus na/ /de dag bram ze min par 'dod/ /chang ni btung bar mi bya ste/ /gzhan ni btud bar bya bar 'dod/ /bram ze gang zhig chang 'thung ba/ /de dag
380b
bram zer mi 'gyur ro/ /bla ma'i chung ma spyad mi bya/ /gzhan gyi chung ma bgrod par bya/ /bla ma'i chung ma la bgro ba/ /de dag bram zer mi 'gyur ro/ /bram ze gcig kyang gsad mi bya/ / bram ze min pa du ma gsad/ /gang zhig bram ze gsod byed pa/ /de dag bram zer mi 'gyur ro/ /bzhi po de dag gang yin pa/ /bram ze rnams la sdig par gyur/ /de dag las gzhan sdig med 'dod/ /bzhi po de las gcig byas na/ /de ni bram ze yin mi 'gyur/ /bram ze rnams ni tshogs pa ru/ /chud min phyag kyang mi bya'o/ /stan dang chu rnams mi btab cing / /bsu bar yang ni mi bya'o/ /bram ze nyams pa de la yang / /de ni 'byung ba'i thabs snang ste/ /de yis lo ni bcu gnyis su/ /bong bu'i pags pa bgo bya zhing / /kha T+wAM kha ni thogs par bya/ /thod pa'i nang du bza' bar bya/ /dka' thub 'di ni bzung bar bya/ /nges par rgyun ni ma bcad par/ /gang gis brtul zhugs yang dag blangs/ /phyir yang bram zer 'gro bar 'gyur/ /lo ni bcu gnyis tshang ba na/ /phyi nas de ni bram zer 'gyur/ /de ni 'byung ba'i thabs su bstan/ /bram ze yi ni dka' thub yin/ /rmongs pas las ni ngan pa ste/ /'byung ba med par bstan par bya/ / bram ze de ni 'di lta ste/ /'di shes tha mal tsam nyid du/ /'jig rten gang yin rjod par byed/ /bram ze'ang de lta'o/ /rgyal rigs kyang de lta bu'o/ /rje'u rigs kyang de lta bu'o/ /dmangs rigs
381a
@#/ /kyang de lta bu yin no/ /de dag thams cad de lta bu yin pas rnam pa thams cad du bdag gi bu gzhon nu stag rna la bram ze'i bu mo gzugs bzang mo chung ma'i don du byin cig /rin gang bab pa de 'dod pa de bzhin du btsal bar bya'o/ /gdol pa'i rgyal po tre shang ku las de lta bu'i tshig thos pa dang / bram ze pad+ma'i snying po mchog tu khros 'khrugs shing / don de la yid sdang bas de'i rkyen gyis dpral ba'i khro gnyer gsum bsdus nas/ kha nas du ba 'thul zhing ne le ltar ser skyar gyur pas mig rnam par bsgyur zhing gdol pa'i rgyal po tre shang ku la 'di skad ces smras so/ /dmangs rigs khyod ma brtags par 'di lta bu'i tha snyad kyis 'jig rten rnams mnyam zhing rigs gcig cing tha dad pa ma yin par ston nam/ 'di ltar ji ltar dman pa'i rigs/ /bram ze rig byed pha rol phyin/ /dman pa'i rigs su gyur pa yis/ /rnam par nyams par khyod 'dod dam/ /rgyal por gyur nas de dman la/ /bye brag gyur par shes pa med/ /'di lta ste/ yul khrims dang / grong khyer gyi khrims dang / grong gi khrims dang / ljongs kyi khrims dang / sho gam gyi lugs dang / bag ma gtong ba'i khrims dang / bag ma len pa'i khrims dang / sngon gyi las kyi chos rnams kyang mi shes so/ /rigs ni bzhi po
381b
'di dag yin te/ 'di lta ste/ bram ze'i rigs dang / rgyal rigs dang / rje'u rigs dang / dmangs rigs zhes bya ba ste/ de dag gi bag ma len pa'i khrims kyang bram ze rnams kyi chung ma ni rnam pa bzhir 'gyur te/ 'di lta ste/ bram ze mo dang / rgyal rigs mo dang / rje'u rigs mo dang / dmangs rigs mo yin no/ /kye dman pa/ rgyal rigs kyi chung ma ni rnam pa gsum du 'gyur te/ rgyal rigs mo dang / rje'u rigs mo dang / dmangs rigs mo zhes bya ba yin no/ /rje'u rigs kyi chung ma ni rnam pa gnyis su 'gyur te/ rje'u rigs dang / dmangs rigs mo'o| |dmangs rigs kyi chung ma ni gcig ste/ dmangs rigs mo nyid yin no/ /kye dman pa/ bram ze rnams kyi bu ni rnam pa bzhir gyur te/ 'di lta ste/ bram ze mo dang / rgyal rigs mo dang / rje'u rigs mo dang / dmangs rigs mo las skyes pa yin no/ /rgyal rigs rnams kyi bu ni rnam pa gsum du 'gyur te/ rgyal rigs mo dang / rje'u rigs mo dang / dmangs rigs mo las skyes pa yin no/ /rje'u rigs rnams kyi bu ni gnyis su 'gyur te/ rje'u rigs mo dang / dmangs rigs mo las skyes pa yin no/ /dmangs rigs rnams kyi bu ni gcig tu 'gyur te/ dmangs rigs mo las skyes pa yin no/ /kye dman pa/ bram ze rnams kyi bu ni lus kyi stod kha nas skyes pa yin no/ /brang las ni rgyal rigs skyes pa yin
382a
@#/ /no| |lte ba la ni rje'u rigs skyes pa yin no/ /rkang pa nas ni dmangs rigs skyes pa yin te/ kye dman pa/ nges par bram ze rnams ni 'jig rten thams cad sgrub par byed pa de las bdag cag skyes pa yin no/ /de nas ni rgyal rigs rnams so/ /de nas ni rje'u rigs te gsum pa'o/ /de nas ni dmangs rigs te/ bzhi pa yin par 'dod do/ /kye dman pa/ khyod rigs de lta bu bzhi pa yin par mi mthong ngam/ bdag rigs kyi mchog /rigs kyi gtso bo/ phul du byung ba rigs kyi rab mchog dam par gyur pa dang / yang dag par 'brel bar 'dod dam/ dman pa khyod spang bar bya ba yin gyi/ bdag gi drung nas phyir khyed cig /yang tshig de lta bu bram ze pad+ma'i snying po las thos pa dang / gdol pa'i rgyal po tre shang kus 'di skad ces smras so/ /bram ze nyon cig /'dir khyod kyis 'jig rten thams cad sgrub par byed pa de las bdag cag skyes pa yin pas thu bo bdag cag yin la/ de nas rgyal rigs rnams so/ /de nas rje'u rigs te gsum pa'o/ /de nas ni dmangs rigs te bzhi pa yin par 'dod do/ /zhes bstan pa la rkang pa dang bcas pa/ brla dang bcas pa dang / lag pa dang / rtsib logs dang bcas pa/ mir gyur pa yin na/ yang cha gcig la khyed par ci zhig yod de/ de bas na rigs bzhi ni mi 'grub
382b
bo/ /de lta bas na de dag la bye brag gang gis khyad par byed pa smos shig /de bas na khyad par med pa de'i phyir yang rigs rnam bzhi 'grub pa ma yin no/ /gang zhig 'di ltar byis pa rtse ba ni lam po cher 'jim ba'i gong bu las bsgongs nas bdag nyid ming 'dogs par byed de/ 'di ni 'o ma'o/ /'di ni zho'o/ /'di ni mar ro/ /'di ni sha'o zhes brjod pas byis pa de dag la 'o ma la sogs pa bzhir 'gyur ba ni ma yin no/ /yang 'jim pa bsgongs pa'i sbyor ba'i bye brag yin par shes pa ltar skras ma yin/ rna bas ma yin| mgo bos ma yin/ mig gis ma yin/ khas ma yin/ snas ma yin/ mgrin pas ma yin/ dpung bas ma yin/ brang gis ma yin/ rtsib logs kyis ma yin/ lto dang rgyab kyis ma yin te/ /brla dang de bzhin sgyid pas min/ /rkang pa lag pas kyang ma yin/ /dbyibs kyis ma yin kha dog min/ /gnas dang 'dod pa spyod pas min/ / sna tshogs khyad par thams cad ni/ /mi rnams la ni gang yod pa/ /de ltar rang gi bsod nams rigs/ /skyes pa bud med mtshan mas phye/ /rkang pa lag pa mthun pas na| |de la rigs su gang gis 'dod/ /mgo bo dang ni brang rnams dang / /pags pa dbang po'i bya bar bcas/ /lto ba ldan la yod ma yin/ /cha gcig gnas la bye brag med/
383a
@#/ /rigs bzhir gnas pa gang gis rtogs/ /de lta'i mchog ni gang zhig yod/ /khyad par gang 'dod 'di ru smros/ /rab mchog bye brag 'dir yod min/ / rigs bzhi bye brag med par bshad/ /'dir nyes pa de lta bu yod pas gang gi tshe/ khyod kyis brjod pa de lta bu de ni rigs pa ma yin no/ /kye shes ldan/ bdag la slar nyon cig dang / legs par bshad pa mchog tu dkar zhing mthar thug pa'i chos kyi gleng gzhi bstan pa bshad par bya yi/ thos nas rigs pa dang mi ldan na slar smros shig dang / gang yang 'dir bstan pa nges pa dang ldan zhing rigs pa med pa smra na phyi phyir bdag las thos nas shes ldan khong du chud na mi rnams la mchog tu gyur pa'i chos kyi bye brag ni med do/ /bram ze khyod kyis rjes su dpag pa'i tshad ma gang gis de la rnam par dpyad na bram ze rnams dang gcig yin te/ 'dir de lta bas na skye dgu rnams rigs gcig pa nyid de/ bdag dang yang rigs gcig pa nyid ma yin no/ /bdag dang rigs tha dad pa nyid ma yin no/ /tshangs pas 'jig rten 'di thams cad bskyed do zhes smra ba ni/ gal te tshangs pas bskyed ces bya ba 'di tshad mas rigs pa ma yin te/ rigs bzhi po bstan pa bram ze dang / rgyal rigs dang / rje'u rigs dang / dmangs rigs kyi tshangs
383b
pa ni rgyu ma yin te/ bram ze rnams la yang dag par dpyad na/ mi rnams kyi rigs sna tshogs pa'i rgyu 'dus pa yin te/ 'di lta ste/ mgo bo dang / kha dang / mig dang / rna ba dang / sna dang / bzhin dang / kha dog dang / dbyibs dang / rnam pa dang / skye gnas dang / zas kyi bye brag tu gyur pa rnams kyis sna tshogs par shes par bya'o/ /kye pad+ma'i snying po/ 'di lta ste| ba lang dang / rta dang / bong bu dang / khyi dang / rnga mo dang / ri dwags dang / bya dang / ra lug rnams sgo nga las skyes pa dang / mngal nas skyes pa dang / drod gsher las skyes pa dang / brdzus te skyes pa rnams kyis sems can rnams tha dad par shes par bya'o/ /'di lta ste/ yang rkang pa dang / gdeng pa dang / kha dog dang / dbyibs dang / zas dang / skyes gnas kyi sna tshogs par yang shes par bya'o/ /yang de lta bas na rigs bzhi po rnams tha dad par shes par mi bya'o/ /de lta bas na 'di dag bram ze rnams dang 'dra zhing gcig pa yin no/ /shing 'di dag kyang gang gi 'bras bu a mra dang / 'dzam bu dang / khardzu ra dang / pa na sa dang / pha le pa dang / dge tsa ka dang / rgun 'brum dang / dpyi zor dang / ka pi ta dang / starga dang / na le ke ra dang / ting ni ka dang / sardza ka dang / 'bras bu dang ldan pa sna tshogs par rig par bya'o/ /'di lta ste/ rtsa ba dang / sdong bu dang / shun lpags kyi
384a
@#/ /cha dang / me tog dang / mtha' yas pa ste/ lo ma dang / me tog dang / 'bras bu dang / sna tshogs par rig par bya'o/ /'bras bu med pa'i me tog rnams sna tshogs par rig par bya'o/ /yang de bas rigs bzhi po rnams tha dad pa ma yin no/ /bram ze/ 'di lta ste/ 'di dag ni skam las skyes pa'i shing ste/ sa la dang / na da dang / ta ma la dang / kar ni ka dang / lo ma bdun pa dang / sha ri sha dang / 'o bo da ra dang / tsan+dan dang / sha ba dang / da pa dang / seng ldeng la sogs pa sna tshogs par rig par bya'o| |'di lta ste/ rtsa ba dang / sdong bu dang / shun lpags kyi cha dang / me tog tsam dang / snying po dang / lo ma dang / me tog dang / 'bras bu sna tshogs par rig par bya'o| /yang de bas na rigs bzhi po'i rigs rnams la tha dad pa med par shes par bya'o/ /'di lta ste/ 'di dag ni 'o ma can gyi shing ste/ u dum ba ra dang / pa la k+Sha dang / a shwad tha dang / n+ya gro d+ha dang / bal gu zhes bya ba la sogs pa sna tshogs par rig par bya'o/ /'di lta ste/ rtsa ba dang / sdong bu dang / shun lpags kyi cha dang / me tog tsam dang / snying po dang / lo ma dang / me tog dang / 'bras bu rnams tha dad par rig par bya'o/ /yang de bas na rigs bzhi po'i rigs rnams la tha dad pa med par shes par
384b
bya'o| |pad+ma'i snying po/ 'di lta ste/ yang 'di dag ni 'bras bu sman du gyur pa'i shing rnams te/ a ma la dang / a ru ra dang / skyu ru ra dang / ba ru ra dang / a ru sha ka la sogs pa dang / gzhan yang / sna tshogs pa'i sman rigs sna tshogs pa las skyes pa dang / rtswa dang / nags nas skyes par tha dad med par shes par rig par bya'o/ /yang de bas na rigs bzhi po rnams la tha dad med par shes par bya'o/ /bram ze/ 'di lta ste/ 'di dag ni thang las skyes pa'i me tog rnams te/ a ti mug ta ka dang / tsam pa ka dang / pa ta la dang / su ma na dang / pa ri sha ka dang / da tsu ka ra la sogs pa sna tshogs par rig par bya'o/ /'di lta ste/ gzugs dang / kha dog dang / dri dang / dbyibs sna tshogs par rig par bya'o/ /bram ze/ 'di lta ste/ 'di dag ni chu las skyes pa'i me tog ste/ pad+ma dang / ut+pa la dang / ku mu ta dang / sau gan+di ka dang / dri zhim la sogs pa sna tshogs par rig par bya'o/ /'di lta ste/ gzugs dang / dri dang / kha dog dang / dbyibs tha dad par rig par bya'o/ /yang de bas na rigs bzhi po'i rigs rnams la tha dad pa med par shes par bya'o/ /bram ze/ bram ze'i rigs kyang de lta bu'o/ /rje'u rigs kyang de lta bu'o/ /dmangs rigs kyang de lta bu yin te/ de bas na thams cad gcig pa yin no/ /gzhan yang / khyod la bram ze rnams
385a
@#/ /kyi rtogs pa brjod par bya ste/ 'di ltar skye dgu'i bdag po tshangs pa'i nam mkha' skar ma'i tshogs dang bcas pa ni mgo bo yin no/ /lto ba ni ri rnams yin no/ /brla gnyis dang / rkang pa gnyis ni sa'o/ /mig gnyis ni nyi ma dang zla'o/ /ba spu rnams ni rtsa dang / nags kyi tshogs so/ /nam mkha' las char 'bab pa ni mchi ma'o/ / chu bo rnams ni de'i gcin no/ /mtsho rnams ni de'i mi gtsang ba yin no/ /de lta bu ni skye dgu'i bdag po tshangs par 'dod do/ /tshangs pa rang gi mtshan nyid ni de lta yin par rigs sam/ khyod rang gis dpyod cig /tshangs pa gang yin pa de las bram ze rnams kyang byung / rgyal rigs rnams kyang byung / rje'u rigs kyang byung / dmangs rigs rnams kyang byung bar gyur cing / de ltar na gal te skyes par nges par gyur na yang 'di ltar 'gyur zhing rigs bye brag tu byas par 'gyur te/ bram ze rnams tshangs pa'i 'jig rten du 'gro bar 'gyur zhing rigs gsum po mtho ris su mi 'gro na ni de ltar na rigs bye brag tu byas par 'gyur ro/ /de lta ma yin na rigs bzhir mi 'gyur ro/ /gang gi phyir rigs bzhi po tha dad pa rnams ni dge ba'i las byas pas mtho ris su 'gro bar 'gyur te/ yang des na drang srong rnams kyang zhi ba'i dka' thub spyod par 'gyur ro/ /de'i phyir bram ze rnams
385b
la khyad par du gyur pa med do/ /gal te bram ze gcig la 'dir lce gnyis yod par 'gyur zhing / de bzhin dbang po gnyis dang / rwa bzhi dang / mgo bo gnyis yod na de lta na bram ze'i rigs khyad par du byas par 'gyur ro/ /chags pas phyin nas gzhan dag gsod pa dang / de lta bur 'gro zhing gnod par byed pa dang / sems can rnams la las kyi sun 'byin zhing des yang 'di ltar bram ze rnams ni mi dge ba'i bshes gnyen yin no/ /'thab cing rtsod pa dang / pha dang yang 'khrug cing ba lang gsod par sems pa ni 'dir bram ze rnams kyi lugs so/ /srid srung gi rig byed las sngags kyis skrag par byed pa ni bram ze rnams kyi bya ba yin par bstan to/ /sdig pa byed pa dang / skye bo du ma slu ba dang / sgyu dang / mi bzad pa de lta bu'i rnyog pas 'di ltar pha rol la gnod pa rjes su sems shing de'i rjes la mtho ris nyid du 'gro bar 'dod na de mtho ris kyi lam ma yin te/ bram ze/ gang zhig dka' thub mchog gis thul zhing brtul zhugs dang / tshul khrims dang ldan pa mi 'tshe zhing zhi ba la mngon par dga' ba'i bram ze ni tshangs pa'i gnas su skye'o/ /sha dang rus par bcas pa dang / sen mo dang bcas pa dang / pags pa dang bcas pa dang / bde ba dang / sdug bsngal dang / gcin dang / phyis ldan par gcig la dbang po rnams la khyad par med pas de'i phyir rigs
386a
@#/ /bzhi nyid du ma grub pa'o/ /bram ze/ 'di lta ste/ yang skyes bu 'ga' zhig la bu bzhi yod par gyur la/ de dag la ming dga' byed ces bya ba dang / 'tsho byed ces bya ba dang / mya ngan med ces bya ba dang / tshe brgya pa zhes bya bar btags pas/ pad+ma'i snying po/ skyes bu de'i bur gyur pa de las dga' byed ces bya ba des dga' bar byed dam| 'tsho byed ces bya ba des 'tsho bar byed dam/ mya ngan med ces bya ba des yid bde bar byed dam/ gang tshe brgya pa zhes bya ba des lo brgya 'tsho bar byed pa ni ma yin gyi/ yang bram ze de dag ni ming gis tha dad par rig par bya'o/ /rigs kyis ni ma yin no/ /de ci'i phyir zhe na/ 'di ltar pha yang gcig las skyes pa'i bu yin te/ de la 'dir bod pa'i ched du pha dang / ma dang / spun zla dang / nye dus btags pa de nyid rigs yin te/ gang de ltar rnam par shes pa de las gzhan du gyur pa ni 'ga' yang med do/ /bram ze/ bdag nyid legs par dpyod cing / bram ze'i rigs zhes bya ba dang / rje'u rigs zhes bya ba dang / dmangs rigs zhes bya ba gang zhig yin/ rgyu thams cad kyis lag pa 'jas pa dang / sgur po dang / 'gog pa dang / 'brum bu dang / mdze dang / sha bkra dang / tha dad pa rab tu gnas te/ sha dang / klad pa dang / pags pa dang / gzhung pa dang / rtsib logs dang /
386b
gsum pa dang / bzhin rang rang gi las kyis grub pa yin te/ de lta bu'i 'gro ba la bram zer gyur pa ni yod pa ma yin/ gang gis rigs khyad par du byas pa de bas na rigs yod pa ma yin/ bye brag yod pa ma yin te/ rigs bzhi nyid du ma grub bo/ /de lta bas na bram ze khyod la bdag 'di skad smra ste/ gang 'jig rten 'di'i bram ze zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes bya ba 'di dag gcig pa yin te/ thams cad la tha dad pa ni med do/ /de bas na bdag gi bu gzhon nu stag rna la bu mo gzugs bzang mo chung ma'i don du byin cig /rin du gang phab cing 'dod pa de sbyin par bya'o/ /de lta bu'i tshig gdol pa'i rgyal po tre shang ku las thos pa dang / bram ze pad+ma'i snying pos 'di skad ces smras so/ /yang ci khyod kyis nges brjod kyi rig byed kyang bklags/ mchod sbyin gyi rig byed kyang bklags/ snyan dngags kyi rig byed kyang bklags/ srid srung gi rig byed kyang bklags/ tshe'i rig byed kyi cho ga yang bklags/ nang gi zla ba'i dkyil 'khor khyod kyis bklags sam/ gzhan yang / yan lag gi rig pa dang / dngos po brtag pa dang / bkra shis pa'i ltas dang / la nye brtag pa yang bslabs shing / gzhan yang / khyod kyis sgra gcan 'dzin gyi 'gros dang / gza'i 'gros dang / pa ba sangs kyi 'gros khyod kyis
387a
@#/ /bklags sam/ gzhan yang / khyod kyis 'jig rten rgyang phan pa dang / rnam par bshad pa'i gsung rab dang / bya ka ra Na rnams dang / zla ba phyed pa rnams bklags sam/ de skad ces dris pa dang / gdol pa'i rgyal po tre shang kus/ bram ze pad+ma'i snying po la 'di skad ces smras so/ /bram ze/ de bzhin te/ bdag gis de dag yang dang yang du rgya cher bklags te/ bram ze/ 'di ltar bdag ni 'dir rig pa'i pha rol tu phyin pa thob par gyur pa yin te/ de lta bas na khyod la bram ze'i lhan cig pa'i chos de dag rjes su dpag pa'i sgo nas bshad par bya'o/ /bram ze/ bskal pa dang po sngon byung ba na/ 'di lta ste/ bram ze'i rigs zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes bya ba 'di thams cad gcig ste/ tha dad pa med do/ /sems can mi 'dra ba rnams dang / de bzhin 'dra ba de dag ni nang nas sems can 'ga' zhig gis 'bras kyi zhing gcig tu rmos shing bsrungs nas bdag gir byas so/ /de lta bu de rnams la rgyal rigs rgyal rigs zhes tha snyad du bya'o/ /bram ze/ gzhan yang / de dag gi nang nas sems can 'ga' zhig gis 'di snyam du bsams nas/ nad kyis yongs su bar du gcod pa dang / lba ba'i bar chad dang / zug rngu'i bar chad
387b
gang yin pa bdag gis bar chad rnams spangs nas dgon par phyin la rtswa dang / shing dang / lo ma dang / 'dab ma dang / yal ga rnams las rtswa'i spyil bu dang / lo ma'i spyil bu byas nas bsam gtan byed cing gnas te/ dus tshigs su zas don du gnyer bar nang par grong du bsod snyoms su rgyu'o/ /de nas grong khyer na gnas pa'i sems can rnams 'di snyam du sems te/ kye ma/ sems can 'di dag ni mchog tu dga' ba byed pa ste/ bdag tu 'dzin pa yongs su spangs nas grong dang / grong khyer dang / ljongs dang / yul nas 'phags pas| de dag la phyi rol tu dga' ba/ phyi rol tu dga' ba zhes tha snyad du byas so/ /de la yang / grong khyer la dga' ba'i sems can rnams bkur stir byed/ bla mar byed/ phu dud du byed/ mchod par byed cing de dag la sbyin par sems so/ /de na sems can de dag nyid sems can gzhan khrims la gnas pa'i nor don du gnyer bar grong khyer du babs nas sngags kyi tshig klog tu 'jug go /de la grong khyer na gnas pa rnams 'di skad du 'di 'ba' zhig yin gyi/ sems can gzhan klog tu 'jug pas sems can de la klog tu 'jug pa/ klog tu 'jug pa zhes 'jig rten gyi tha snyad du byas so/ /rgyu 'di dang / rkyen 'dis 'jig rten du bram ze'i rigs byung bar gyur to/ /sems can gzhan dag ni/ dus la bab na rigs pas las
388a
@#/ /kyi mtha' byed pas de dag la rje rigs/ rje rigs zhes tha snyad du byas so/ /rgyu 'di dag/ rkyen 'dis 'jig rten du rje'u rigs byung bar gyur to/ /sems can gzhan dag ni smad pa'i las byed pas bdag 'tsho bas na de dag la/ dmangs rigs/ dmangs rigs zhes tha snyad du byas so/ /rgyu 'di dang / rkyen 'dis 'jig rten du dmangs rigs byung bar gyur to/ /bram ze/ sngon byung ba na skye dgu gzhan zhig bag ma len du shing rta zhon nas dgon pa'i phyogs gzhan zhig du phyin pa dang / phyogs der shing rta chag pas de bas na gdol pa/ gdol pa zhes tha snyad du byas so/ /zhing rmo ba la zhing pa/ zhing pa zhes tha snyad du byas so/ /de dag la sems can 'ga' zhig gis tshong byas nas 'tsho bar byed pas tshong pa/ tshong pa zhes tha snyad du byas so/ /chos dang ldan pa'i tshig gis 'khor rnams dga' bar byed pas na 'jig rten gyi tha snyad du ngag 'jam pa la rgyal po/ rgyal po zhes 'jig rten gyi tha snyad du byas so/ /yang de dag las sems can gzhan dag gis rab tu byung nas gzhan las rgyal bas na rab tu byung ba zhes bya ste/ rab tu byung ba/ rab tu byung ba zhes 'jig rten gyi tha snyad du byas so/ /gzhan yang / bram ze/ gcig ti tha snyad du byas pa de khyod la rab tu bshad par bya'o/ /tshangs pa'i 'jig rten du de rig byed klog par byed pas
388b
tshangs pa'o/ /lha'i dka' thub mchog tu gyur pas lha'i dbang po'i kau shi ka'i rig byed klog par byed cing lha'i dbang po gau ta ma'i rig byed klog pas nas mnyes byed gau ta ma/ dkar gnas gau ta ma/ dkar gnas gau ta ma zhes brjod cing dkar gnas gau ta ma zhes zer ro/ /mkhas pa bzang po las rig byed klog pas na bzang po'i rig byed klog ces bya'o/ /'di lta ste/ rig byed rnam par 'byed cing 'di ltar rgyas par rnam par 'grel zhing phyogs dang / sdeb sbyor gyi tshogs ston pa'i slob dpon ni nyi shu rtsa gcig go /lam gyi mchod sbyin dang / srid srung gi sde rnams rnam par 'grel pas na bram ze de dag thams cad la 'chad pa zhes bya'o/ /gcig tu gyur pa las nyi shu rtsa lngar phye ba ni/ 'di lta ste/ skem 'dzin dang |rgyas 'dzin dang / snying po zhes bya ste/ de la skem 'dzin ni bcu'o/ /rgyas 'dzin ni brgyad do/ /snying po ni bdun no/ /'di dag ni bram ze rnams kyis gcig tu gyur pa las bye brag nyi shu rtsa lnga ru rnam par 'grel to/ /bram ze/ rjes su dpag pa'i tshad mas sdeb sbyor 'don pa'o/ /phyogs gcig tu gyur pa las rnam pa stong du bstan te/ 'di lta ste/ tshul khrims shing shun dang| dgon pa dang / 'jig rten gyi mig dang / gau ta ma dang / bram ze dang mnyam pa dang / chen po dang mnyam pa dang / bzhon pa chen po dang ldan pa dang / bden drag dang / rig byed
389a
@#/ /thams cad pa'o/ /de nas tshul khrims shing shun la ni nyi shu'o/ /dgon pa la ni mtshan ma nyi shu'o/ /'jig rten gyi mig la ni nyi shu rtsa bzhi'o/ /gau ta ma la ni brgya'o// bram ze dang mnyam pa la ni brgya'o/ /chen po dang mnyam pa la ni lnga brgya'o/ /bzhon pa chen po la ni brgya'o/ /bden drag la ni brgya'o/ /rig byed thams cad pa la yang brgya ste/ 'di dag ni bram ze'i sdeb sbyor gyi 'don pa'i cha'i phyogs gcig tu gyur pa'i las rnams stong du phye nas bstan pa'o/ /bram ze rnams kyi rjes su dpag pa'i tshad ma 'dis lam mtshon pa ni bram ze thams cad kyi lam mo/ /lam gcig tu gyur pa las nyi shu rtsa gcig tu phye ba ni/ 'di lta ste/ ka tha dang / yid sdug dang / gnas sde dang / rgyal ba'i rna dang / rang gi rkang mchog go /de las ka tha ni bcu'o/ /yid sdud la ni bcu'o/ /gnas sde la ni bcu gcig go /rgyal ba'i rna ba la ni bcu gsum mo/ /rang gi rkang mchog la ni bcu drug go /drang srong ni bzhi cu rtsa gcig ste/ 'di ltar bram ze lam gyi cha ni nyi shu rtsa gcig tu gyur pa las nyi shu rtsa gcig tu phye ba yin no/ /bram ze rnams kyi rjes su dpag pa'i tshad ma ni srid srung gi sde tshan rnams te/ bdag ni bram ze rnams kyi srid srung gi sde tshan yin no/ /mchod sbyin gcig tu gyur pa las gnyis su dbye'o/ /'byung ba rnam pa bzhi las dbye ba byas pas brgyad
389b
do| |brgyad pa las dbye ba byas bas nyi shu rtsa gnyis so/ /bram ze/ 'di dag ni srid srung gi dbye ba'i mchod sbyin gcig tu bsdus pa la yang nyi shu rtsa gnyis so/ /bram ze rnams kyi rjes su dpag pa'i tshad ma la tha dad par phye na brgya nyi shu rtsa gnyis so/ /yang rig byed bcu drug gi dbye ba sngon gyi bram ze gang yin pa rnams kyis yang dag par bstan to/ /'don pa ni gnas dang| byA ka ra na dang / 'jig rten rgyang phan pa'i gtsug lag dang / rkang pa dang / spyod pa'i gtsug lag dang / 'di dag rnams las mi shes pa med de/ khong du chud do/ /de bas na 'di dag thams cad gcig nyid du shes par byas te/ gcig tu grub pa yin te/ bram ze de bas na 'di dag ni 'jig rten gyi ming tsam te/ tha snyad tsam du bstan te/ bram ze'i rigs zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes bya ba 'di dag thams cad ni gcig pa yin te/ tha dad pa med kyi bdag gi bu gzhon nu stag rna la bu mo gzugs bzang mo chung ma'i don du byin cig /rin gang phab cing 'dod pa de bzhin du gzhal bar bya'o/ /gdol ba'i rgyal po tre shang kun las de lta bu'i tshig thos pa dang / bram ze pad+ma'i snying po cang mi smra bar gyur to/ /zhum zhing phrag pa glod nas mgo smad de/ lan la spobs pa med pa de ni tha chad kyi gnas yin no/ /de nas gdol ba'i rgyal po
390a
@#/ /tre shang kus bram ze pad+ma'i snying po zhum par gyur cing phrag pa'i ga sha glod de mgo smad nas lan la spobs pa med par gnas shing cang mi smra bar gyur pa mthong ngo / /mthong nas kyang 'di skad ces smras so/ /bram ze/ khyod gang gi tshe 'di ltar mi 'dra ba med pas bdag dang lhan cig tu 'brel bar gyur par shes par bya'o/ /'on te/ de ltar ma yin na bram ze khyod kyis 'di ltar shes par bya ste/ de la ji snyam du sems/ bram ze/ gang thos pa dang / tshul khrims dang / shes rab dang / yon tan rnams dang ldan pa bram ze yin no/ /mchog gang yin pa de bdag gi bu gzhon nu stag rna la yang yon tan de dag nyid yod pas bram ze nyid du 'gyur ro/ /gang zhig snod ldan gyi mchod sbyin byin cing / rta bsang gi mchod sbyin dang / mi bsang gi mchod sbyin dang / yang dag par spyod pa'i mchod sbyin dang / gtan pa med pa'i mchod sbyin byed pas de dag thams cad lus dang bral nas bde 'gro mtho ris kyi 'jig rten du skye zhing 'di byed pa bram ze yin par 'dod pa ni/ bram ze yang de ltar ni blta bar mi bya ste/ de ci'i phyir zhe na/ bram ze rnams snod ldan gyi mchod sbyin byed cing / rta bsang gi mchod sbyin dang / mi bsang gi mchod sbyin dang / yang dag par spyod pa'i mchod sbyin dang / gtan pa med pa'i mchod sbyin byed cing
390b
sna tshogs pa'i sngags kyis srog gcod pa la 'jug par byed de/ de lta bas na bram ze khyod la bshad par bya ste/ de ni mtho ris kyi lam ma yin te/ bdag gis bram ze khyod kyi lam bshad par bya yi nyon cig /tshul khrims srung zhes blo gros don du gnyer bas bde ba gsum gyis sems rab tu zhi bar gnas pa ni 'jig rten pha rol tu bde 'gro dag thob bo/ /bram ze| 'di ltar snga ma bzhin du snod ldan gyi mchod sbyin la dga' ba dang / rta bsang gi mchod sbyin dang / mi bsang gi mchod sbyin dang / yang dag par spyod pa'i mchod sbyin dang / gtan pa med pa'i mchod sbyin dag sbyin pa la dga' zhing yongs su 'dzin pa de dag ni med pa la mos pa ste/ mtho ris la dga' zhing 'dod pas bram ze 'di ltar phyis kyang snod ldan gyi mchod sbyin byed cing / rta bsang gi mchod sbyin dang / mi bsang gi mchod sbyin dang / yang dag par spyod pa'i mchod sbyin dang / gtan pa med pa'i mchos sbyin byed pa no don med cing mchog tu bcom pa chen por 'gyur ro/ /bram ze/ bdag gis smras pa de lta bu yin pa'i phyir 'dir bdag dang khyod lhan cig 'brel par bya ste/ de ci'i phyir zhe na/ chos kyi gdol ba mi gtsang ba ni ma yin no/ /gzhan yang / bram ze/ dad pa tshul khrims dka' thub dang / /thos dang shes rab de bzhin dang / /lta ba mtho ris brtul zhugs gnas/ /rnam
391a
@#/ /pa brgyad po de dag gis/ /mtho ris gnas su 'gro ba 'dod/ /phal cher shes pa'i khyad par gyis/ /sna tshogs du ma'i mchod sbyin 'dir/ /rnam pa brgyad du nges par bstan/ /ma mnyam sring mo'i 'jig rten te/ /rab tu 'jug ldan 'di lta ste/ /nyi ma'i lhas las skyes pa yin/ /mi skyes rnams ni mi las skyes/ /bskyes pa yi gzhon pa las/ /gser mdog ldan las skyes pa dang / /klu rnams las ni skyes pa dang / /ma chen sa las bskyed pa ni/ /chen po'i chen po 'od srung ste/ /drang srong bde ba'i yid kyis shes/ /de nas yang bram ze pad+ma'i snying po la/ bdag gis bram ze rnams kyi rigs bshad par bya yi de nyon cig /rigs ni 'di lta ste/ gau ta ma dang / bad sa dang / kod sa dang / kau shi ka dang / 'od srung dang / rgyas pa dang / snying po'i rigs te 'di dag ni bram ze'i rigs rnam pa bdun no/ /rigs de dag re re la yang rnam pa bdun bdun du 'gyur te| de la gau ta ma ni/ kau thu ma dang / de dag rgya dang / ba ra dwa dza dang / be ra brgyad pa dang / be ka na sa dang / rdo rje rkang pa ste de dag go /de la pad sa la ni a dre ya na dang / me tre ya dang / brga dang / sa ma la ni dang / mang po skyes dang / sa pa rna dang / a nya tsa ste de dag go /de la ko sa las ni mo'u dgal ya na dang / go na ya na dang / lang cha la ba dang / bdun
391b
tshad lag na dang / so na pu ga na ste de dag go /de la kau shi ka las ni ka na ya na dang / ba ki na dang / lo ka a kha dang / lo ki ha da ste de dag go /de la 'od srung las ni pa na dwa ra dang / shu ka ra dang / san ti la dang / ro tsa ni ya dang / a na pa khra dang / ag+ni be sha ste de dag go /de la rgyas pa las ni dza tu ka na dang / d+ha na ma dang / dza ya ya na dang / pa ra sa ra dang / bya khra na ga dang| kAn tA ya na dang / o pa man nya ste de dag go /de la snying po las ni man da ya na dang / do mra ya na dang / ka ta ya na dang / sha ka ya na dang / yu gan da ya na dang / kha na ya na dang / ka pi sta la ya na ste de dag go /de la bram ze 'di lta bu'i rigs lnga bcur gcig gis ma tshang ba yin no/ /yang dag pa'i lta ba dang / sdeb sbyor gyi 'don pa dang / byA ka ra Na dang / rkang pa dang| spyod pa'i gtsug lag dang / rigs pa gzhan pa dag rgyas par bdag gis bklags kyi/ gzhan gyis ni ma yin par rig par bya ba'o/ /'di ltar gnyen du bya ba la nges pa med pas khyod kyis shes par gyis shig /de lta bas na bram ze'i rigs zhes bya ba ni 'jig rten tha mal bas tha snyad du byas pa yin no/ /'di ltar bram ze'i rigs zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes bya ba yang de ltar shes par bya'o/ /de lta bas na 'di dag thams cad ni gcig pa yin te/ tha dad pa ni
392a
@#/ /med do/ /bdag gi bu gzhon nu stag rna la bu mo gzugs bzang mo chung ma'i don du byin cig /gang rin phab pa 'dod pa de bzhin du sbyin par bya'o/ /yang tshig de lta bu gdol ba'i rgyal po tre shang ku las thos pa dang / bram ze pad+ma'i snying po zhum par gyur cing phrag pa bcu ma nas mgo smad de/ lan la spobs pa med pa 'di ni tha chad kyi gnas yin pas cang mi smra bar gyur to/ /de nas gdol ba'i rgyal po tre shang kus bram ze pad+ma'i snying po zhum par gyur cing phrag pa bcum nas mgo smad de/ lan la spobs pa med pa ni tha chad kyi gnas yin pas cang mi smra bar gyur pa mthong ngo / /mthong nas kyang 'di skad ces smras so/ /ci 'di 'dra ba'i sa bon btab/ /de 'dra ba yi 'bras bur gyur/ /skye dgu 'di ni gcig yin te/ /khyad par gyur pa de la med/ /dbang po sna tshogs de dag gis/ /bya ba tha dad mthong bar bstan/ /bram ze dang ni rigs gzhan la/ /bye brag cung zad yod ma yin/ /bdag nyid kun tu bstod byed kyang / /'dir ni rigs pa ma yin te/ /skye gnas gnyis ni phrad pa las/ /khu ba khrag gnyis 'dus pa yin/ /rigs bzhi dag ni rab bstan pa/ /de ltar yin na dud 'gro ltar/ /khyod ni sring mo la 'jug pa/ /sring mo chung mar rigs ma yin/ /gang tshe re zhig 'jig rten 'di/ /tshangs pas skyes par rang gis
392b
shes| |bram ze'i chung ma sring mo nyid/ /rgyal rigs rgyal po'i sring mo nyid/ /de bzhin rje'u rigs rje rigs mo/ /dmangs rigs dmangs rigs de rigs min/ /gal te bram zes shes na ni/ /chung mar rigs pa ma yin no/ /sems can bram ze'i rigs min te/ /'di dag nyon mongs las skyes/ /dman pa dag ni mchog tu snang / /sems can sna tshogs rten tha dad/ /khyod ltar 'di dag rigs mchog ste/ /bram ze rgyal rigs de bzhin du/ /rje'u rigs dmangs rigs de dag dang / /tha snyad 'jug pa yod ma yin/ /nges brjod rig byed mchod sbyin dang / /snyan dngags rig byed srid srung ste/ /'di ltar bzhad gad des sbyar dang / /sdeb sbyor ji ltar don med min/ /bdag nyid kyis ni brjod byas pa/ /byams rigs de bzhin gso ba dang / /go rims dang ni rmongs byed dang / /'dod pa'i gzugs dang yid mgyogs dang / /dri za 'jigs dang shang ka dang / /sprul dang rin chen sngags dang ni| |mig 'phrul rnams ni 'jigs pa dang / /grangs la mkhas par gyur pa dang / /bdag la skyes bu'i rigs yod de/ /mtsho yi snying po rin chen dang / /rang gi sring mo rnams la dga'/ /lha yi rdzu 'phrul yang dag 'thob/ /gso ba yi ni rig pa rnams/ /gdol pa yid ni ma bslabs shing / /bram ze'i rig byed pha rol phyin/ /ser skya la sogs skyes
393a
@#/ /nas ni/ /sngags mchog gi ni pha rol phyin/ /bram ze'i bu ni ma yin no/ /bram ze min yang bsam par gyis/ /rigs ngan las skye drang srong nag /thub pa byi ba ya na dang / /drag shul las skyes gzi brjid ldan/ /'jigs byed mngon shes lnga ldan pa/ /thub pa chen po de dag ni/ /bram ze las skyes ma yin no/ /ci yin bram ze yang brjod kyi/ /tha snyad du ni btags pa ste/ /rdul ldan ma ni rgyal rigs las/ /mkhas shing dul dang ldan pa dang / /bstan bcos thams cad legs rtogs pa/ /thub pa dga' byed de las skyes/ /bram ze'i bu ni ma yin no/ /bram ze ci yang mi brjod kyi/ /gzi brjid dka' thub dang ldan la/ /mkhas shing dul dang ldan pa ste/ /drang srong 'jig rten du grags pa/ / gang yin de ni ma nus skyed/ /bram ze'i bu ni ma yin no/ /ci yin bram ze yang brjod kyi/ /'di dag 'jig rten tha snyad de/ /bram ze rgyal rigs de bzhin te/ /da ltar rje'u rigs dmangs rigs ni/ /tha snyad du ni 'jigs pa yin/ /de la bram ze khyod kyis smras/ /'di dag 'jig rten tha snyad tsam/ /'di lta ste/ bram ze'i rigs zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes bya ba 'di dag ni thams cad gcig cing de la tha dad pa med do/ /bdag gi bu gzhon nu stag rna la bu mo
393b
gzugs bzang mo chung ma'i don du byin cig /rin gang phab pa de 'dod pa bzhin du gzhal bar bya'o/ /gdol pa'i rgyal po tre shang ku las 'di lta bu'i tshig thos nas bram ze pad+ma'i snying pos gdol pa'i rgyal po tre shang ku la 'di skad ces smras so/ /khyod kyi rigs ci yin/ bdag gi a tre ya'o/ /sngar ci zhig/ sngar ming ngo / /ci zhig spyod par byed/ byams pa mang du'o| |rabs du yin/ gsum ste/ 'di lta ste/ bad sa dang / ko'u sa dang / ba ra dwa dz+wa'o/ /ci zhig la goms/ tshangs par spyod pa dang bcas pa'i sdeb sbyor 'don pa la'o/ /sdeb sbyor gyi gdon pa du zhig /drug po 'di lta ste/ gau ta ma dang / ra ma ya ni dang / lang ga li dang / sau pad tsa la dang / ka pi tsa laM ya dang / a ra shi sen zhes bya ba yin no/ /khyod kyi ma'i rigs ci yin| pa ra sha ri yum mo/ /khyod kyis sa bya ti bklags sam/ ji ltar yin/ de la yi ge du zhig /gdon pa ni du zhig /tshig ni du zhig /rkang pa ni du zhig /yi ge ni nyi shu rtsa bzhi'o/ /gdon pa ni gsum mo/ /tshig ni gsum mo/ /rkang pa ni brgyad do/ /khyod kyis sa byin tra thon cig /pad+ma'i snying po/ de bzhin te/ lhan cig skyes pa'i sngags bshad par bya yi nyon cig /khyod kyis shod cig| smras pa/ bram ze/ sngon byung ba 'das pa'i dus na/ bsu zhes bya ba'i drang srong mngon par shes pa lnga dang ldan pa gzi brjid 'bar zhing mthu che ba/ bsam gtan rnams thob pa
394a
@#/ /zhig byung ste/ des shing mkhan gyi bu mo ser skya ma zhes bya ba chung ma'i don du blangs so/ /de la kun tu chags pa'i sems kyis bu mo de dang lhan cig chags pa spyad pas rdzu 'phrul las nyams shing bsam gtan shor ro/ /de bdag nyid kyi nyes par spyod pas nyams pas rjes su 'gyod do/ /de'i tshe sngags 'di dag smras so/ /'di lta ste/ oM b+hur b+hu ba swa tad sa pi tur pa re N+ya b+har g+ho d+he ba sa/ di ma hi ts+ho yo yo na pra tsod ya yad/ bram ze/ sngags 'dis rtogs pa med par bcos nas de nyid kyi nyin zhag la bram ze sngags bzlas te/ sngon byung ba'i skye dgu'i bdag pos ral pa dang / dka' thub byas te nags kyi nang na 'dug ste/ dben pa'i gnas su yang de dang bdag dga' bar byed cing dka' thub byas pas lhas zas mchog byin nas gnas shing sngags 'di bzlas so/ /baM nya ka a ta sA ka n+ya ar ta tha phra khri na/ 'di ni rgyal rigs kyi dag byed kyi sngags yin te/ oM tsi na tra ma hid de be sha ka paM sha sha taM sha tra daM sha daM/ 'di ni rje'u rigs rnams kyi dag byed kyi sngags yin te/ aM a ta ba pra ta pa dze me d+ha ha ma/ 'di ni dmangs rigs rnams kyi dag byed kyi sngags yin te/ aM kA mA hi/ lo ki bra ba ram ma pha dzra naM/ de sham a pra ha na/ tsa b+hu bla na ta ra ya/ de lta bas na khyod kyis 'dod pa rab tu spangs nas/ mnyam pa med pa'i
394b
tshangs pa'i 'jig rten thob bo/ /bram ze/ 'di ni tshangs pa'i mi mjed kyi bdag pos dag byed du smras pa yin te/ sngon gyi yang dag par rdzogs pa'i sangs rgyas rnams kyis rjes su yi rang bar mdzad pa yin no/ /kye tre shang ku/ khyod kyis rgyu skar gyi dbang po rnams bklags sam/ kye| de bzhin te/ bdag gis rgyu skar gyi dbang tshad rnams khyod la bshad kyi nyon cig /'di lta ste/ smin drug dang / snar ma dang / mgo dang / lag dang / nam so dang / rgyal dang / skag dang / mchu dang / gre dang / dbo dang / me bzhi dang / nag pa dang / sa ri dang / sa ga dang / lha mtshams dang / snron dang / snubs dang / chu stod dang / chu smad dang / gro bzhin dang / byi bzhin dang / mon gru dang / mon gre dang / khrums stod dang / khrums smad dang / nam gru dang| tha skar dang / bra nye rnams te/ kye bram ze pad+ma'i snying po/ de dag ni rgyu skar nyi shu rtsa brgyad do/ /de la rgyu skar ni du/ dbyibs ni ji snyed yod/ yud tsam dang ldan pa ni ji snyed/ zas ni ci| rus ni ci/ lha rnams ni gang / kye bram ze pad+ma'i snying po can/ smin drug ni skar ma drug ste/ dbyibs ni spu gri lta bu'o/ /yud tsam sum cu'i cha dang ldan pa'o/ /zas ni zhe'o/ / lha ni me'o/ /rus ni rje'u rigs so/ /rgyu skar snar ma ni skar ma lnga ste/ dbyibs ni shing rta'i 'phang lo gnyis pa lta bu'o/ /yud tsam ni bzhi bcu rtsa lnga'i cha dang ldan pa'o/ /zas ni ri dwags
395a
@#/ /kyi sha'o/ /lha ni skye dgu'i bdag po'o/ /rus ni pa ra dwa dza'o/ /rgyu skar mgo ni skar ma gsum ste/ dbyibs ni ri dwags kyi mgo lta bu'o/ /yud tsam bco lnga'i cha dang ldan pa'o/ /zas ni 'bras bu dang / rtsa ba'o/ /lha ni zla ba'o/ /rus ni mig ya na'o/ /rgyu skar lag ni skar ma gcig ste/ dbyibs ni thig le lta bu'o/ /yud tsam sum cu rtsa lnga'i cha dang ldan pa'o/ /zas ni mar gyi nyid khu'o/ /lha ni nyi ma'o/ /rus ni rgyas pa'o/ /rgyu skar nam so ni skar ma gnyis te/ dbyibs ni rkang pa lta bu'o/ /yud tsam bco lnga'i cha dang ldan pa'o/ /zas ni sbrang rtsi'o/ /lha ni phur bu'o/ /rus ni dbang byed do/ /rgyu skar rgyal ni skar ma gsum ste/ dbyibs ni ril pa lta bu'o/ /yud tsam sum cu'i cha dang ldan pa'o// zas ni sbrang rtsi dang yos so/ /lha ni phur bu'o/ /rus ni yid nyi'o/ /rgyu skar skag ni skar ma gcig ste/ dbyibs ni thig le lta bu'o/ /yud tsam bco lnga'i cha dang ldan pa'o/ /zas ni 'o ma dang / 'bras chan no/ /lha ni rlung lha'o/ /rus ni sprul lo/ /bram ze pad+ma'i snying po/ rgyu skar 'di bdun ni shar sgor gtogs pa'o/ /rgyu skar mchu ni skar ma lnga ste/ dbyibs ni chu bo'i mgur lta bu'o/ /yud tsam sum cu'i cha dang ldan pa'o/ /zas ni til gyi ri lu dang / 'o ma'o/ /lha ni spen pa'o/ /rus ni ser skya'o/ /rgyu skar gre ni skar ma gnyis te/ dbyibs
395b
ni rkang pa lta bu'o/ /yud tsam sum cu'i cha dang ldan pa'o/ /kha zas ni bil ba'o/ /lha ni skal ldan no/ /rus ni gau ta ma'o/ /rgyu skar dbo ni skar ma gnyis te/ dbyibs ni khri lta bu'o/ / yud tsam bzhi bcu rtsa lnga'i cha dang ldan pa'o/ /kha zas ni rdo sbal gyi sha'o/ /lha ni 'phags pa'o/ /rus ni kau shi ka'o/ /rgyu skar me bzhi ni skar ma lnga ste/ dbyibs ni lag pa lta bu'o// yud tsam sum cu'i cha dang ldan pa'o/ /zas ni bya sna tshogs dang / sred da'o/ /lha ni nyi ma'o/ /rus ni sred da ldan no/ /rgyu skar nag pa ni skar ma gcig ste/ dbyibs ni pad+ma'i snying po lta bu'o/ /yud tsam sum cu'i cha dang ldan pa'o/ /kha zas ni shing tog sna tshogs za'o/ /lha ni nyi ma'o/ /rus ni nags pa ya na'o/ /rgyu skar sa ri ni skar ma gcig ste/ dbyibs ni thig le lta bu'o/ /yud tsam bco lnga'i cha dang ldan pa'o/ /kha zas ni mon sran sde'u dang / 'bras dang mar ro/ /lha ni rlung lha'o/ /rigs ni yid can gyi rgyud do/ /rgyu skar sa ga ni skar ma bzhi ste/ dbyibs ni rwa'i rten mgo lta bu'o/ /yud tsam ni bzhi bcu rtsa lnga'i cha dang ldan pa'o/ /kha zas ni me tog go /lha ni dbang bo dang / me lha'o/ /rus ni bsdus pa ya na'o/ /kye pad+ma'i snying po/ rgyu skar bdun po 'di dag ni lho phyogs kyi sgor gtogs pa'o/ /rgyu skar lha mtshams ni skar ma bzhi ste/ dbyibs ni glang po che'i mgo dang / sna lta bu'o/ /yud tsam
396a
@#/ /sum cu'i cha dang ldan pa'o/ /zas ni sha dang / chang ngo / /lha ni phur bu'o/ /rus ni dmigs pa ya na'o/ /rgyu skar snron ni skar ma gsum ste/ dbyibs ni them skas lta bu'o/ /yud tsam bco lnga'i cha dang ldan pa'o/ /kha zas ni 'bras dang / nas dang / gro'o/ /lha ni dbang po'o/ /rus ni ring pa'i rgyud do/ /rgyu skar snubs ni skar ma dgu ste/ dbyibs ni sdig pa lta bu'o/ /yud tsam sum cu'i cha dang ldan pa'o/ /zas ni rtsa ba dang / 'bras bu'o/ /lha ni dmangs rigs gdol pa can no/ /rus ni ka ta ya na'i rgyud do/ /rgyu skar chu stod ni skar ma bzhi ste/ dbyibs ni ba lang gi mjug ma sgreng ba lta bu'o/ /yud tsam sum cu'i cha dang ldan pa'o/ /kha zas ni n+ya gro d+ha'i thang chu'o/ /lha ni chu lha'o/ /rus ni dur ba'i rgyud do/ /rgyu skar chu smad ni skar ma bzhi ste/ dbyibs ni glang po che'i mchod ba lta bu'o/ /yud tsam bzhi bcu rtsa lnga'i cha dang ldan pa'o/ /kha zas ni sbrang rtsi dang yos so/ /lha ni rgyas pa'o| |rus ni mo'u dgal ya na'o/ /rgyu skar byi bzhin ni skar ma gsum ste/ dbyibs ni ba lang gi mgo lta bu'o/ /yud tsam drug gi cha dang ldan pa'o/ /kha zas ni rlung ngo / /lha ni tshangs pa'o/ /rus ni tshangs pa dang ldan pa'o/ /rgyu skar gro bzhin ni skar ma gsum ste/ dbyibs ni rnga lta bu/ yud tsam sum cu'i cha dang ldan pa'o/ /zas ni bya sha'o/ /lha ni
396b
khyab 'jug go /rus ni kA t+yA ya na gsum pa'o/ /kye bram ze pad+ma'i snying po/ rgyu skar bdun po de dag ni nub kyi sgor gtogs pa'o/ /rgyu skar mon gre ni skar ma bzhi ste/ dbyibs ni bya lta bu'o| |yud tsam sum cu'i cha dang ldan pa'o/ kha zas ni rgya sran dang / sran chung ngo / /lha ni nor lha'o/ /rus ni kauN+Di n+ya'o/ /rgyu skar mon gru ni skar ma gcig ste/ dbyibs ni thig le lta bu'o// yud tsam bco lnga'i cha dang ldan pa'o/ kha zas ni nas dang / gro'o/ /lha ni chu lha'o/ /rus ni da na na ya na'o/ /rgyu skar khrums stod ni skar ma gnyis te/ dbyibs ni rta pa 'dra ba'o/ /yud tsam sum cu'i cha dang ldan pa'o/ /kha zas ni lug gi sha dang / khrag go /lha ni klu dang / gza' lag go /rus ni bram ze rna can no/ /rgyu skar khrums smad ni skar ma gnyis te/ dbyibs ni rkang pa lta bu'o/ /yud tsam bzhi bcu rtsa lnga'i cha dang ldan pa'o/ kha zas ni bal sran no/ /lha ni 'phags pa'o/ /rus ni nor rgyas kyi rgyud do/ /rgyu skar nam gru ni skar ma gcig ste/ dbyibs ni thig le lta bu'o/ /yud tsam sum cu'i cha'o/ kha zas ni zho'o/ /lha ni rgyal po'o/ /rus ni sring mo brgyad kyi rgyud do/ /rgyu skar tha skar ni skar ma gnyis te/ dbyibs ni rta 'gro ba lta bu'o/ /yud tsam sum cu'i cha dang ldan pa'o/ kha zas ni sbrang rtsi'i thug pa'o/ /lha ni dri za'o/ /rus ni rna 'jigs nas kyi rgyud do/ /rgyu skar bra nye ni skar ma gsum ste/ dbyibs
397a
@#/ /ni mo mtshan lta bu'o/ /yud tsam sum cu'i cha dang ldan pa'o/ /zas ni til dang / 'bras so/ /lha ni gshin rje'o/ /rus ni brga'i rgyud do/ /kye pad+ma'i snying po| rgyu skar bdun po de rnams ni byang gi sgor gtogs pa'o/ /kye pad+ma'i snying po/ rgyu skar nyi shu rtsa brgyad po de dag las rgyu skar drug ni/ yud tsam bzhi bcu rtsa lnga'i cha dang ldan te| 'di lta ste/ snar ma dang / nam so dang / gre dang / sa ga dang / chu smad dang / khrums smad ces bya ba 'di dag go /rgyu skar lnga ni yud tsam bco lnga'i cha dang ldan te/ 'di lta ste/ lag dang / skag dang / sa ri dang / snron dang / sa ga zhes bya ba de dag go /drag po'i yud tsam gyi cho ga dang ldan pa gang zhe na/ snga ma las gzhan pa ste/ yud tsam sum cu'i cha dang ldan no/ /kye pad+ma'i snying po/ bdun po 'di dag ni shar gyi sgo ba ste/ smin drug ni dang po'o/ /skag ni tha ma'o/ /bdun po 'di dag ni lho'i sgo ba ste/ mchu ni dang po'o/ / sa ga ni tha ma'o/ /rgyu skar bdun po 'di dag ni nub kyi sgo ba ste/ lha mtshams ni dang po'o/ /byi bzhin ni tha ma'o/ /rgyu skar bdun po 'di dag ni byang phyogs kyi sgo ba ste/ mon gre ni dang po'o/ /bra nye ni tha ma'o/ /kye pad+ma'i snying po/ rgyu skar nyi shu rtsa brgyad po de dag las bdun ni stobs dang ldan pa ste/ bdun gang zhe na/ 'di lta ste/ shar phyogs kyi bzhi dang /
397b
sa ga dang / lha mtshams dang / sa ri'o/ /gsum ni drag po ste/ lag dang / skag dang / bra nye zhes bya ba'o/ /bzhi ni mchod par bya ba ste/ byang phyogs kyi gsum dang / snar ma'o/ /lnga ni 'jam pa ste/ gro bzhin dang / nam gru dang / mon gre dang / snron dang / snubs zhes bya ba'o/ /lnga ni 'dzin pa'i rigs te/ me bzhi dang / nag pa dang / skag dang / mchu dang / byi bzhin no// bzhi ni myur bar byed pa ste/ smin drug dang / mgo dang / rgyal dang / tha skar ro/ /kye pad+ma'i snying po/ rgyu skar nyi shu rtsa brgyad po de dag ni rim gyis 'jug pa gsum dang ldan te/ khyu mchog gi 'jug pa dang / be'u'i 'jug pa dang / zung lhan cig tu 'jug pa'o/ /de la rgyu skar sngon du 'gro zhing / zla ba phyi nas 'gro ba ni khyu mchog gi 'jug pa zhes bya'o/ /gang gi tshe zla ba sngon du 'gro zhing rgyu skar phyir 'byung ba la ni be'u 'jug pa zhes bya'o/ /yang gang gi tshe zla ba dang / rgyu skar gnyis lhan cig du 'jug pa de lta bu ni 'dir zung du 'jug pa zhes bya'o/ / gzhan yang / pad+ma'i snying po/ gza' rnams bshad par bya yi nyon cig /'di lta ste/ pa bsangs dang / gza' lhag pa dang / spen pa dang / phur bu dang / mig dmar dang / sgra gcan dang| mjug ring dang / nyi ma dang / zla ba zhes bya ba yin no/ /'di dag dang / rgyu skar 'jig rten du 'dzom pa bshad cing ji ltar nyin mtshan ring ba yang bshad par bya ste/ de la dgun
398a
@#/ /gyi zla ba gnyis pa'i tshes brgyad la/ rgyu skar snar ma nyin mo la yud tsam bcu gnyis su 'gyur ro/ /mtshan mo la yud tsam bco brgyad do/ /sos ga'i zla ba tha ma'i tshes brgyad la rgyu skar ni snar ma'o/ /nyin mo la ni yud tsam bco brgyad du 'gyur ro/ /mtshan mo la ni yud tsam bcu gnyis so/ /dbyar gyi zla ba tha ma'i tshes brgyad la rgyu skar ni snar ma'o| |nyin mo la ni yud tsam bcu bzhi'o/ /mtshan mo la ni yud tsam bcu drug go /kye tre shang ku/ nyin par rnams nyin par dang / phyi de nyin par rjes su 'gro ba yin nam/ ci yar ngo dang| mar ngo rjes su 'gro ba yin nam/ ci lo rnams dgun zla tha chung gis 'phel ba yin nam/ ci dus rnams dbyar zla ra bas 'phel ba yin nam/ kye tre shang kun/ skad cig ma rnams kyi tshad grub pa ji lta bu yud tsam rnams kyi ni ji lta ba yin/ kye pad+ma'i snying po/ bud med ras bal 'khal ba 'da' ba shin tu ring ba dang / thung bar 'dren pa ma yin pa de lta bu ni de nyid de'i skad cig ma de'i tshad do/ /de'i skad cig ma nyi shu rtsa drug la skad cig gcig /skad cig drug la ni thang cig gcig go /thang cig gsum la ni yud tsam gcig go /de lta bu'i rim pas rjes su 'brel pa'i yud tsam sum cu la ni nyin zhag tu shes par bya'o/ /yud tsam de dag la 'di lta bu'i ming du 'gyur te/ nyi ma shar ba na skyes bu drug cu rtsa dgu'i grim ma
398b
'jal ba ni 'thon po bzhi pa zhes bya ba'i yud tsam du 'gyur ro/ /skyes bu drug cus gzhal ba'i grib ma ni dkar po zhes bya ba'i yud tsam du 'gyur ro/ /skyes bu bcu gnyis kyis gzhal ba'i grib ma'i yun la yang dag par 'phel ba zhes bya ba'i yud tsam du 'gyur ro/ /skyes bu drag gis bcal ba'i grib ma'i yun la ston zhes bya ba'i yud tsam du 'gyur ro/ /skyes bu lnga yis bcal ba'i grib ma'i yun la mngon par 'phel ba zhes bya ba'i yud tsam du 'gyur ro/ /skyes bu bzhi yis bcal ba'i grib ma'i yun la gang gsum zhes bya ba'i yud tsam du 'gyur ro/ /skyes bu gsum gyis bcal ba'i grib ma'i yun la bzhin legs zhes bya ba'i yud tsam du 'gyur ro/ /nyi ma gung na gnas pa ni gang gi rdo rje zhes bya ba'i yud tsam du 'gyur ro| |de'i rjes la ni srin po zhes bya ba'i yud tsam du 'gyur ro/ /dbus nas cung zhig yol ba skyes bu gcig gis bcal ba'i grib ma'i yun ni ro hi ta zhes bya ba'i yud tsam du 'gyur ro/ / skyes bu bzhi yis bcal ba'i grib ma'i yun ni stobs zhes bya ba'i yud tsam du 'gyur ro/ /skyes bu lngas bcal ba'i grib ma'i yun ni rnam par rgyal ba zhes bya ba'i yud tsam du 'gyur ro| |skyes bu drug gis bcal ba'i grib ma'i yun ni ro thams cad pa zhes bya ba'i yud tsam du 'gyur ro/ /skyes bu bcu gnyis kyis bcal ba'i grib ma'i yun ni nor zhes bya ba'i yud
399a
@#/ /tsam du 'gyur ro/ /skyes bu brgyad kyis bcal ba'i grib ma'i yun ni blta na sdug ces bya ba'i yud tsam du 'gyur ro/ /skyes bu drug cu rtsa dgus bcal ba'i grib ma'i yun ni gzhan 'jigs zhes bya ba'i yud tsam du 'gyur ro/ /de dag ni nyi ma nub par rtsom pa zhes bya ba'i yud tsam du 'gyur ro/ /de dang nyin mo rnams kyi yud tsam yin no/ / kye pad+ma'i snying po/ mtshan mo rnams kyi yud tsam bshad par bya ste/ 'di lta ste/ nyi ma nub pa ni drang po zhes bya ba'i yud tsam du 'gyur ro/ /de'i rjes la ni skar ma rgyu ba zhes bya ba'i yud tsam du 'gyur ro/ /de nas yang dag zung zhes bya ba'i yud tsam mo/ /de nas da ltar zhes bya ba'i yud tsam mo/ /de nas mtha' med ces bya ba'i yud tsam mo/ /de nas bong bu zhes bya pa'i yud tsam du 'gyur ro/ /de nas srid mo zhes bya ba'i yud tsam mo/ /nam gyi gung la gnas pa na ni cha shas zhes bya ba'i yud tsam mo/ /nam gyi gung 'das pa na bram ze zhes bya ba'i yud tsam mo/ /de nas nyis skyed ces bya ba'i yud tsam mo/ /de nas ma rga zhes bya ba'i yud tsam mo/ /de nas mun 'jigs zhes bya ba'i yud tsam mo/ /de nas ma zhes bya ba'i yud tsam mo/ /de nas nyi ma'i gdung ba zhes bya ba'i yud tsam mo/ /de nas byi bzhin zhes bya ba'i yud tsam mo/ /pad+ma'i snying po/ yud tsam sum cu po de dag ni nyin zhag yin
399b
par shes par bya'o/ /de yi skad cig thang cig yud tsam ni/ /yud tsam sum cu'i cha mchog thang gcig go/ thang cig cham chog drug che skad cig go/ skad cig nyi shu brgya cha de skad cig /ji ltar bud med ring thung gis/ /ras bal 'da' ba 'dren spangs pa/ /'dir de skad cig ring po ste/ /de yi skad cig brgya nyi shu/ /skad cig gcig de drug thang cig /thang cig sum cu yud tsam gcig / de lta bu yi spyor ba yis/ /yud tsam sum cu nyin zhag gcig /nyin zhag sum cu zla gcig ste/ zla ba bcu gnyis lo gcig go /bzhi mthong dkar dang 'jam bcas dang / /nyi skyes bzhin legs spong byed dang / /ro hi stobs ldan rnam rgyal dang / /thams cad ro pa nor dang ni/ /mnan da ra dang gzhan 'jigs dang / /drag po dang ni skar ma spyod/ /yang dag gzung dang da ltar dang / /mtha' yas dang ni bong bu dang / /srin po cha shas bram ze dang / /nyid skyes arga man 'jigs dang / /me dang nyi mas gdungs pa dang / /byi bzhin zhes ni bya ba rnams// yud tsam rnams kyi ming yin no/ /yang bram ze/ dus rnams kyi 'byung ba bshad par bya yi nyon cig /dus rnams ji ltar 'gyur ba yang brjod par bya'o/ /mig 'byed 'dzum gnyis la thang cig gcig go /thang cig bzhi la mchog dka' gcig go /mchog dka' bcu drug la ni dus tshod gcig go /dus tshod sum cu la chu tshod gcig go /de la chu tshod gnyis la ni yud tsam gcig
400a
@#/ /go| yud tsam gcig gi tshad ci tsam zhe na/ chu srang brgya bum par blugs nas 'dzag pa'i tshad do/ /chu tshod kyi bum pa'i tshad ci tsam zhe na/ 'ol ma se gcig gis gser sor bzhi bsnyad de/ phyogs bzhi nas mnyam par bzlums pa'i tshad kyi bum pa'i zhabs su brtol nas/ chu zad pa de nyi chu tshod gcig gi tshad do/ /chu tshod gnyis ni yud tsam gcig go/ bram ze/ de lta bu'i yud tsam sum cu la ni zhag gcig tu 'dod do/ /mig 'byed 'dzum bcu drug ni mchog dka'o/ /mchog dka' bcu drug la ni dus tshod gcig go /dus tshod drug cu rtsa bzhi la ni yud tsam gcig go /yud tsam sum cu la nyin zhag gcig go /nyin zhag sum cu la zla ba gcig go/ zla ba bcu gnyis la ni lo gcig go| 'di ltar mig phye ba dang / btsums pa bye ba phrag bcu drug pa 'bum phrag lnga bcu rtsa brgyad dang / stong phrag brgyad cu la ni lo gcig go /yang de lta bu de ni re zhig/ bram ze/ dus 'byung ba bshad pa yin no/ /bram ze/ rgyang grags dang / dpag tshad bskyed pa nyon cig /rdul phra rab bdun la ni rdul phran gcig go/ rdul phran bdun la ni mthong ba thams cad las phra ba'i nyi zer gcig go /nyi zer gyi rdul bdun la ni ri bong gi rdul gcig go /ri bong gi rdul bdun la ni lug rdul gcig go /lug rdul bdun la ni glang rdul gcig go /
400b
glang rdul bdun la ni sro ma gcig go /sro ma bdun la ni shig gcig go /shig bdun la ni nas gcig go /nas bdun la ni sor gcig go /sor bcu gnyis la ni mtho gang ngo / /mtho do la ni khru gang ngo / /khru bzhi la ni gzhu gang ngo / /gzhu stong la ni rgyang grags gcig go /rgyang grags bzhi la ni ma ga d+ha'i dpag tshad gcig go /dpag tshad gcig la rdul phra rab bye ba phrag 'bum phrag nyi shu rtsa bzhi dang / bye ba brgya stong phrag sum cu rtsa dgu yod de/ yang de lta bu ni dpag tshad do/ /bram ze/ gser bskyed pa'i tshad bshad par bya yi nyon cig / nas bcu gnyis la ni ma sha ka gcig go /ma sha ka bcu drug la ni zho gcig ste/ gser gyi tshad do/ /bram ze nyon cig /zho gcig la rdul phra rab bye ba phrag gnyis dang / stong phrag nyi shu rtsa lnga dang / brgya phrag lnga dang nyag brgyad yod do/ /bram ze/ yang de lta bu de ni gser bskyed pa'i tshad yin no/ /bram ze/ srang gi tshad nyon cig /ma sha ka drug cu rtsa bzhi la ni/ ma ga d+ha'i srang gi srang gcig go /de ni srang gi tshad mdor bsdus pa yin no/ /srang gcig la rdul phra rab bye ba phrag brgyad dang / brgya stong phrag bzhi bcu rtsa bzhi dang / bdun stong nyis brgya dang nyag brgyad cu yod de/ bram ze/ yang de lta bu de ni srang gi tshad yin no/ /bram ze/ khu ba gzhal pa rnams kyi tshad nyon cig /ma ga d+ha'i srang nyi shu rtsa bzhi bre gang ste/ khu ba rnams bcal ba'i
401a
@#/ /tshad do/ /ma ga d+ha pa rnams kyang srang dang / bre mdor bstan pa yin te/ bre gang la rdul phra rab bye ba phrag nyis brgya rtsa gsum dang / brgya stong phra gsum cu rtsa dgu dang / stong phrag bdun cu rtsa bzhi dang / bdun brgya dang / nyag nyi shu yod do/ /bram ze/ yang de lta bu de ni khu ba rnams bcal ba yin no/ /bram ze 'bru rnams bcal ba'i tshad nyon cig /srang nyi shu rtsa dgu dang / zho gnyis ni ma ga d+ha'i bre gang ste/ 'bru bcal ba'i tshad do/ /ma sha ka drug cu ni yang bre'i tshad do/ /mdor bstan pa yin no/ /bre gang la rdul phra rab bye ba phrag brgya lnga bcu dang / brgya stong phrag brgyad cu rtsa gnyis dang / stong phrag drug cu rtsa gcig dang / lnga brgya yod do/ /yang bram ze/ de lta bu de ni 'bru bcal ba'i tshad yin no| |yang kye tre shang ku/ rgyu skar rnams kyi lung bstan bklags na smos shig /kye| gzhan yang / bdag gis rgyu skar rnams kyi lung bstan pa'i le'u zhes bya ba bshad kyi nyon cig / kye bram ze/ smin drug la skyes pa ni grags pa dang ldan par 'gyur ro/ /snar ma la skyes pa ni legs shing skal ba dang ldan par 'gyur ro/ /mgo las skyes pa ni 'thab mo don du gnyer bar 'gyur ro/ /lag las skyes pa ni zas skom 'byung bar 'gyur ro/ /nam so las skyes pa ni zhing rmo zhing ba lang skyong bar 'gyur ro/ /rgyal las skyes pa ni tshul khrims
401b
dang ldan par 'gyur ro/ /skag las skyes pa ni 'dod chags che bar 'gyur ro/ /mchu las skyes pa ni mthu che bar 'gyur ro/ /gre las skyes pa ni tshe thung bar 'gyur ro/ /dbo las skyes pa ni bsnyen gnas la gnas shing tshul khrims dang ldan par pha rol tu mtho ris su 'gyur ro/ /me bzhi las skyes pa ni lag pa nas rku bar 'gyur ro/ /nag pa las skyes pa ni glu dang / gar la mkhas shing cho ga dang / rig pa dang ldan par 'gyur ro/ /sa ri las skyes pa ni rtsis la mkhas shing tshogs chen po'i gtso bor 'gyur ro/ /sa ga las skyes pa ni rgyal po'i mngag gzhug par 'gyur ro/ /lha mtshams la skyes pa ni zong dang bcas pa'i tshong par 'gyur ro/ /snron las skyes pa ni longs spyod chung bar 'gyur ro/ /snubs las skyes pa ni grags pa bsten cing bu dang ldan par 'gyur ro/ /chu stod las skyes pa ni rnal 'byor par 'gyur ro/ /chu smad las skyes pa ni rigs btsun zhing dbang phyug dang ldan par 'gyur ro/ /byi bzhin las skyes pa ni grags pa dang ldan par skyes bur 'gyur ro/ /gro bzhin las skyes pa ni rgyal pos mchod par 'gyur ro/ /mon gre las skyes pa ni rig pa chung bar 'gyur ro/ /mon gru las skyes pa ni grib rgyud mngan du 'gyur ro/ /khrums stod la skyes pa ni chom rkun pa'i sde dpon du 'gyur ro/ /khrums smad la skyes pa ni dri zhim par 'gyur ro/ /nam gru la skyes pa ni gru par
402a
@#/ /'gyur ro/ /tha skar la skyes pa ni rta 'tshong bar 'gyur ro/ /bra nye la skyes pa ni shan par 'gyur ro/ /kye pad+ma'i snying po/ de ni rgyu skar lung bstan pa'i le'u yin no/ /kye tre shang ku/ rgyu skar nges par bstan pa'i le'u bklags na shod cig /pad+ma'i snying po/ gzhan yang / rgyu skar nges par bstan pa zhes bya ba'i le'u bstan par bya yi de nyon cig /smin drug la nges par brtsams pa'i grong khyer de ni dpal 'bar zhing rin po che'i 'od kyis gsal ba nyid du nges par bstan to/ /snar ma la des par brtsams ba'i grong khyer ni rnam par ston cing chos dang ldan pa'i skye bos gang bar 'gyur zhing nor mang po gsog la rang bzhin gyi rig pa dang ldan pa la rang gi chung mas chog shes par 'gyur ro/ /mgol nges par brtsams pa'i grong khyer ni dpal dang ldan zhing ba lang dang / nor dang / phreng ba dang / longs spyod dang ldan pa khyu mchog gis gang bar 'gyur ro/ / lag la nges par brtsams pa'i grong khyer ni bza' ba dang / bca' ba mang po dang ldan par 'gyur zhing rmongs pa'i rang bzhin gyis gang bar 'gyur ro/ /nam so la nges par brtsams pa'i grong khyer ni dpal 'bar zhing nor dang / 'bru mang po dang ldan par 'gyur zhing phyis ni 'jig par 'gyur ro/ /rgyal la nges par brtsams pa'i grong khyer ni yang dpal dang ldan
402b
zhing skye bo mi bzad pa yang sems zhi bar 'gyur la/ skye bo dam pa mang zhing chos dang ldan pa la der tshe ring ba dang / mi gzi brjid dang ldan la dar phyis ni 'bru'i bcud thams cad nub par 'gyur ro/ /skag la nges par brtsams pa'i grong khyer ni bsod nams chung zhing 'thab mo la dga' la skal pa dman zhing tshul khrims dang / sdug bsngal dang bcas pa dang / shin tu skal ba dman zhing skye bo ma dul bas gang bar 'gyur ro/ /mchu la nges par brtsams pa'i grong khyer gang yin pa de ni rig pa dang / nor che ba dang / rang gi chung mas chog shes pa skyes bu mchog tu rnam par rgyal par gnas par 'dod do/ /gre la nges par brtsams pa'i grong khyer ni bud med dang / phreng ba dang / zas dang / gos bzang po dang / ba lang dang / nor dang ldan par 'gyur ro/ /dbo la nges par brtsams pa'i grong khyer ni nor dang / 'bru dang ldan zhing skyes bu dang / bud med rmongs pas gang bar 'gyur ro/ /me bzhi la nges par brtsams pa'i grong khyer ni rig pa dang ldan zhing nor mang la phan tshun gzugs shing ma la stan dang ldan par 'gyur ro/ /nag pa la nges par brtsams pa'i grong khyer ni bud med dang / skyes bu thams cad dpal dang ldan zhing phyis grong khyer mes tshig par 'gyur ro/ /sa ri la nges par brtsams pa'i grong khyer ni nor mang po tshogs shing bkram chags dang / zhe sdang dang ldan zhing rmongs
403a
@#/ /pa mang bar 'gyur ro/ /sa ga la des par brtsams pa'i grong khyer ni dpal gyis 'bar zhing mchod sbyin byed pa dang / bstan bcos la mkhas pa sdug par 'gyur zhing phyis der 'bru dang / bcud mes bsregs nas 'jig par 'gyur ro/ /lha mtshams la nges par brtsams pa'i grong khyer ni chos dang / tshul khrims kyis dbang po las rgyal zhing rang gi chung mas chog shes la skyes bu rnams la bzlas pa dang / sbyin sreg gis pha rol don du gnyer bar 'gyur ro/ /snon la des par brtsams pa'i grong khyer ni rin po che dang / 'bru rnams dang ldan zhing rtag tu rig byed dang ldan pas gang bar 'gyur ro/ /snubs la nges par brtsams pa'i grong khyer ni nor dang / 'bru gsog cing tshul khrims 'chal ba'i skye bos gang zhing phyis ni sas 'jig par 'gyur ro/ /chu stod la nges par brtsams pa'i grong khyer ni nor gyi skal ba dang ldan zhing brkam chags dang / zhe sdang che la rmongs shing ma dul ba'i skye bos gang bar 'gyur ro/ /chu smad la nges par brtsams pa'i grong khyer ni nor dang / 'bru mang zhing rang bzhin gyis rig pa phun sum tshogs pa dang ldan la skye bo rtsod pa la dga' bar 'gyur ro/ /gro bzhin la nges par brtsams pa'i grong khyer ni nor dang / 'bru sten cing nad med la skye bo 'brel ba'i bstan bcos la mkhas shing goms par 'gyur ro/ /mon gre la
403b
nges par brtsams pa'i grong khyer ni bud med las rgyal zhing gos dang / phreng ba dang / 'dod pa'i longs spyod mang po med par 'gyur ro/ /mon gru la nges par brtsams pa'i grong khyer ni de dag rig pa dang mi ldan zhing g.yo la dga' zhing bud med dang / btung ba dang ldan zhing phyis ni chu yis 'jig par 'gyur ro/ /khrums stod la nges par brtsams pa'i grong khyer ni de dag bde ba la dga' zhing pha rol la gnod pa sbyor ba la rmongs pas bde ba spong bar 'gyur ro/ /khrums smad la nges par brtsams pa'i grong khyer ni rin po che dang / 'bru dang / zas skom gyis phyug cing rtag tu khyad par du 'phel bar 'gyur ro/ /nam gru la nges par brtsams pa'i 'grong khyer ni skye bo rnams blta na sdug cing bong bu dang / rnga mo dang / ba lang dang / nor dang / 'bru mang po dang ldan par 'gyur ro/ /tha skar la nges par brtsams pa'i grong khyer ni shis pa la sogs pa rten cing skye bo nad med cing blta na sdug pas gang bar 'gyur ro/ /bra nye la nges par brtsams pa'i grong khyer ni rtsod pa la dga' zhing skal ba chung la tshul khrims nyams shing sdug bsngal 'byung ba'i skye bo ma dul ba gnas par 'gyur ro/ /grong dang / rgyal po'i pho brang dang / de bzhin grong rnams rgyu skar gang la brtsams pa yang mkhas pas de bzhin du rab tu brtag par bya'o/ /bzang po la dga' zhing 'jug pa de ni bdag gis skyeb snga ma la shes par byas pa
404a
@#/ /yin no/ /kye pad+ma'i snying po/ de dag ni rgyu skar des par bstan pa'i le'u yin no/ /kye pad+ma'i snying po/ gzhan yang / rgyu skar nyi shu rtsa brgyad po de dag gi gnas nges par bshad par byas te/ kye pad+ma'i snying po/ rgyu skar smin drug gi gnas ni mang ga d+ha dang / yul ka ling+ka 'o/ /snar ma ni skye dgu thams cad la gnas so/ /mgo ni lus 'phags dang| rgyal po'i zhabs 'bring ba la gnas so/ /lag dang / nam so dang / rgyal dang / skag rnams ni klung dang / gangs can la gnas so/ /mchu ni shar phyogs kyi mi rnams la gnas so/ /gre ni rku ma rnams la gnas so/ /dbo ni sa bon 'di rnams la gnas so/ /me bzhi ni yul 'khor ba rnams la gnas so/ /rgyu skar nag pa ni bya dang / rkang gnyis pa rnams la gnas so/ /sa ri ni rab tu byung ba rnams la gnas so/ /sa ga ni chu la gnas pa'i sems can rnams la gnas so/ /lha mtshams ni tshong pa zong dang ldan pa rnams la gnas so/ /snron ni sgo srung rnams la gnas so/ /snubs ni 'dron po rnams la gnas so/ /chu stod ni bah+ni ka pa la rnams la gnas so/ /chu smad ni ka ma po tse'i gling na gnas so/ /gro bzhin ni rkun ma dang / pho nya rnams la gnas so/ /byi bzhin ni lho phyogs pa thams cad dang / zangs gling pa rnams la gnas so/ /mon gru ni/ kau'u shi ka pa dang / srid srung pa rnams la
404b
gnas so/ /mon gre ni ku ru dang / lnga mtshan na gnas pa'o/ /khrums stod ni gan d+ha ra pa rnams dang / nas gling pa rnams dang / ka ma po tse rnams la gnas so/ /khrums smad ni dri za rnams la gnas so/ /nam gru ni gru pa rnams la gnas so/ /tha skar ni rta 'tsho ba rnams la gnas so/ /bra nye ni zhing pa bzang po rnams la gnas so/ /kye pad+ma'i snying po/ de dag ni rgyu skar rnams kyi gnas nges par bstan pa'i le'u'o/ /kye tre shang ku/ dus gang la char 'bab pa zhes bya ba'i le'u bklags sam/ bklags so/ /kye|de ltar yin na khyod kyis shod cig /kye pad+ma'i snying po| de ltar na dus gang la char 'bab pa zhes bya ba'i le'u bshad kyi de nyon cig /smin drug dang ldan pa'i sos ka'i zla ba tha ma la char bab pa ni a lang ka drug cu'i char nub bcu'i bar du 'bab cing pa bsangs sngon du gnas pa ni char rgyun chad med par mtshan mo char 'bab par yang dag par shes par bya ste/ dgun dang / dpyid kyi bar gsum bzung bar gyur pa ni ma'i stobs zhes bya bar 'gyur te/ smin drug gi yin par bstan no/ /snar ma dang ldan pa sos ka'i zla ba tha ma la gang du char bab pa de a lang ka nyi shu rtsa gcig 'bab cing der zhing rmos na las byed pa des 'bras bu dang bcas shing 'bru rnams phun sum tshogs shing der nad gnyis 'byung bar 'gyur te/ pho ba'i nad dang / mig nad dang / yun du rkun po mang ba ni snar ma'i yin par ston to/ /mgo dang
405a
@#/ /ldan pa'i sos ka'i zla ba tha ma la gang du char pa bab pa de ni a lang ka drug cu rtsa bzhi char pa bab cing 'bras bu dang bcas shing phyis kyang yang dag pa 'bab par shes par bya zhing rgyal po'i chad pa med cing bde ba dang / gnod pa med par gyur pas ljongs rnams dga' bar gyur pa ni mgo'i yin par bstan to/ /lag dang ldan pa'i sos ka'i zla ba tha ma la gang char bab pa ni a lang ka bco brgyad kyi char 'bab cing der zhing las la sbyor bas rlan chung ba spang bar bya zhing yul du rkun ma mad la der yang nad gsum stobs dang ldan par 'gyur te/ rims dang / tsha ba dang / lkog nad kyis bu chung dang / khye'u dang / bu mo rnams 'chi bar 'gyur te/ lag gi yin par bstan to/ /nam so dang ldan ba'i sos ka'i zla ba tha ma la gang du char bab pa de ni a lang ka dgu bcu'i char 'bab cing sbrin chen po 'byung zhing dpyid zla ba tha chung la bab pa bde bar 'bab cing bar dang bcas shing rgyun du 'bab par 'gyur zhing rgyal po'i chad pa med par 'gyur te/ nam so yin par bstan to/ /rgyal dang ldan pa'i sos ka'i zla ba tha ma la gang du char bab pa de na a lang ka sum cu rtsa gnyis kyi char 'bab par 'gyur te/ dma' bar zhing las bya zhing skam sa sbar bar bya'o/ /nges par nyin dang / mtshan du 'bru bzang po phun sum tshogs shing bram ze dang / rgyal rigs der
405b
phan tshun rtsod cing mche ba can stobs dang ldan par 'gyur la nad gsum stobs dang ldan par 'gyur te/ 'brum bu dang / 'brum bu phra mo dang / shu ba'o/ /'di ni rgyal du shes par bya'o| |skag dang ldan pa'i sos ka'i zla ba tha ma la gang du char bab pa de ni a lang ka nyi shu rtsa gcig 'bab cing de la dma' bar zhing las bya zhing skams spang bar bya ste/ rlung mi bzad par ldang zhing rig pa dang ldan pa la bar chad 'byung zhing char des 'bru thams cad phun sum tshogs shing rgyal po dang / blon po 'khrug par 'gyur te/ skag gi yin par bstan to| |mchu dang ldan pa'i sos ka'i zla ba tha ma la gang du char bab pa der ni a lang ka drug cu rtsa bzhi'i char 'bab cing char des 'bru thams cad phun sum tshogs shing bya dang / phyugs dang| ri dwags rnams kyi mngal 'jig par 'gyur zhing skye ba dang / 'chi bar 'gyur te/ mchu yin par bstan to/ /gre dang ldan pa'i sos ka'i zla ba tha ma la gang du char bab pa der ni a lang ka brgyad cu'i char 'bab cing char des 'bru thams cad phun sum tshogs shing 'bru de dag kyang gzhan gyi dmag gis khyer zhing mi rnams sdug bsngal dang ldan la mi dang / phyugs rnams kyi mngal 'jig par 'gyur te/ gre'i yin par bstan to/ /dbo dang ldan pa'i sos ka'i zla ba tha ma la gang du char bab pa der ni a lang ka lnga bcu rtsa dgu'i chur 'bab
406a
@#/ /cing 'bru thams cad phun sum tshogs shing rgyal po'i mtshon gyis char ba 'bebs shing bram ze dang / rgyal rigs rnams rtsod par 'gyur zhing myur bar tshul ma yin pas skye dgu rnams brlag par 'gyur te/ dbo'i yin par bstan to/ /me bzhi dang ldan pa'i sos ka'i zla ba tha ma'i nyi ma la gang du char pa bab pa der ni a lang ka lnga bcu rtsa dgu 'bab cing de la/ 'di lta ste/ skye bo rnams bden pa med pa dang / nad kyis mchog tu gnod cing 'bras bu chung zhing chu med pas lo nyes par 'gyur te/ me bzhi'i yin par bstan to/ /nag pa dang ldan pa'i sos ka'i zla ba tha ma la char bab pa der ni a lang ka drug cu rtsa bzhi'i char 'bab cing snying po dang ldan la phyis kyang 'bab cing rgyal po'i mtshon skrangs shing ljongs kyi skye bo rnams dga' bar 'gyur te/ nag pa'i yin par bstan to/ /sa ri dang ldan pa'i sos ka'i zla ba tha ma'i nyi ma la gang du char bab pa der ni a lang ka nyi shu rtsa gcig gi char 'bab cing rgyal po'i mtshon cha dang bral bar 'gyur zhing rkun ma stobs dang ldan par 'gyur te/ sa ri'i yin par bstan to/ /sa ga dang ldan pa'i sos ka'i zla ba tha ma la gang du char pa bab pa der ni a lang ka lnga bcu'i char 'bab cing 'bru thams cad phun sum tshogs shing rgyal po dang / skye bo rnams dngangs par 'gyur te/ me mched
406b
pa dang / mche ba can stobs dang ldan pas zad par 'gyur te/ sa ga'i yin par bstan to/ /lha mtshams dang ldan pa'i sos ka'i zla ba tha ma la a lang ka drug cu'i char 'bab cing 'bru rnams phun sum tshogs la lo ma rnams rgyas par 'gyur te/ lha mtshams kyi yin par bstan to/ /snon dang ldan pa'i sos ka'i zla ba tha ma la a lang ka bcu drug gi char 'bab cing der las kyi mtha' spang bar bya zhing gshol thogs pa spangs shing de nas 'gro bar bya ste/ gzhan gyi dmag tshogs kyis ljongs de 'jigs par 'gyur te/ snron gyi yin par bstan to/ /snubs dang ldan pa'i sos ka'i zla ba tha ma la a lang ka drug cu rtsa bzhi'i char 'bab cing 'bru rnams phun sum tshogs la yul der rkun po mang bar 'gyur zhing pha rol dang / rtsib logs gzer ba dang / mig na ba 'byung la me tog dang / 'bras bu phun sum tshogs pa dang / rgyal pos mtshon spong bar 'gyur te/ snubs kyi yin par bstan to/ / chu stod dang ldan pa'i sos ka'i zla ba tha ma la a lang ka drug cu rtsa bzhi'i char 'bab cing gza' gnyis sngon du 'gro bas/ rta 'thab pa'i zla ba phyed kyi char 'bab cing der 'bru rnams phun sum tshogs shing lto ba'i nad dang / mig gi nad gnyis der rab tu stobs dang ldan par 'gyur te/ chu stod kyi yin par bstan to/ /chu smad dang ldan pa'i sos ka'i zla ba tha ma
407a
@#/ /la a lang ka rdzogs pa'i brgya'i char 'bab cing de la mtho bar zhing las bya zhing dma' bar spang bar bya'o/ /chu bo rnams cher 'bab cing dang po'i char bab pas/ 'bru rnams phun sum tshogs shing g.yan pa dang / 'brum bu dang / phol mig ste nad gsum stobs dang ldan par 'gyur te/ chu smad kyi yin par bstan to/ /gros bzhin dang ldan pa'i sos ka'i zla ba tha ma la a lang ka drug cu rtsa bzhi'i char 'bab cing yul gcig tu bab par gyur nas/ phyis char phun sum tshogs par 'gyur zhing chu na gnas pa rnams la gnod par 'gyur la nad mang ba dang / rgyal po'i chad pa drag por 'gyur te/ gro bzhin gyi yin par bstan to/ /mon gre dang ldan pa'i sos ka'i zla ba tha ma la a lang ka drug cu rtsa gcig gi char 'bab cing char gle gar bab pas de la ni dma' bar zhing las byed cing mtho ba spang bar bya'o/ /mtshan mo gnod pa'i sgor 'gyur zhing 'bru rnams phun sum tshogs la nad gcig stobs dang ldan te g.yan pa'o/ /rgyal po mtshan thogs par 'gyur te/ mon gre'i yin par bstan to/ /mon gru dang ldan pa'i sos ka'i zla ba tha ma la char cung zhig 'bab pas dma' bar zhing las bya zhing mtho ba spang bar bya ste/ char des 'bru thams cad phun sum tshogs shing dmag gi tshogs kyis ljongs
407b
bskor bar gyur pas mi rnams bu phrag par thogs nas yul gzhan du 'gro bar bstan to/ mon gru'i yin par bstan to/ /khrums stod dang ldan pa'i sos ka'i zla ba tha ma la a lang ka drug cu rtsa bzhi'i char bab cing dus dang po'i mtshan mo nyi shu rtsa dgu'i bar du 'thab mo 'byung zhing me tog dang / 'bru rnams nyams par 'gyur zhing dus der rkun ma mang zhing nad chen po gnyis 'byung ste/ dang por ni mkhris pa'i rims dang / phyis ni gza' chen po'i stobs kyis gnod pas bud med dang / skyes pa rnams 'chi bar 'gyur te/ khrums stod kyi yin par bstan to/ /khrums smad dang ldan pa'i sos ka'i zla ba tha ma la a lang ka rdzogs par brgya'i char 'bab par 'gyur zhing chu bo rnams cher 'bab la nad chen po bzhi stobs dang ldan par 'gyur te/ 'di lta ste/ pho ba'i nad dang / mig gi nad dang / cham pa dang / rims byung bas khye'u dang / bu mo rnams 'chi bar 'gyur zhing der mthon por zhing las bya zhing dma' ba spang bar bya'o/ /nad chen pos 'chi ba mang zhing me tog dang / 'bras bu phun sum tshogs par 'gyur te/ khrums smad kyi yin par bstan to/ / nam gru dang ldan pa'i sos ka'i zla ba tha ma la a lang ka drug cu'i char 'bab cing gang du dma' bar zhing las bya zhing mtho ba ni spang bar bya'o/ /char des lo thog thams cad phun sa
408a
@#/ /tshogs shing rgyal pos mtshon spangs pas 'bru de dag kyang mdza' bo dang / gnyen mi rnams kyis longs spyod cing ljongs la gnod pa med par gyur pas mdza' bo dang ldan par 'gyur te/ nam gru'i yin par bstan to/ /tha skar dang ldan pa'i sos ka'i zla ba tha ma la a lang ka bzhi bcu rtsa bzhi'i char 'bab cing bar du char che bas der ni dma' bar zhing las bya zhing mtho ba spang bar bya'o/ /gnyis su char phun sum tshogs shing skye bo rnams 'dus pa ldan zhing rkun ma stobs dang ldan par 'gyur te/ tha skar gyi yin par bstan to/ /bra nye dang ldan pa'i sos ka'i zla ba tha ma la gang du char bab pa der a lang ka rdzogs par brgya 'bab pa de mtho bar zhing las bya zhing dma' ba spang bar bya'o/ /de lo nyes pas skye bo rnams 'chi bar 'gyur zhing rgyal po phan tshun 'thab cing bu dang / bu mo rnams 'chi bar 'gyur te/ bra nye'i yin par bstan to/ /kye pad+ma'i snying po/ de dag ni dus gang la char pa bab pa'i le'u'o/ /kye pad+ma'i snying po/ rgyu skar de rnams dang / gza' sgra gcan du ldan pas 'bras bu smin par bshad par bya'o/ /kye pad+ma'i snying po/ smin drug dang gza' sgra gcan du ldan pas ni yul ka ling ka dang / ma ga d+he pa rnams la nad nye bar 'byung bar 'gyur ro/ /gang gi tshe snar ma dang sgra gcan du ldan pas ni skye
408b
dgu rnams la nad nye bar 'byung bar 'gyur ro/ /gang gi tshe mgo dang gza' sgra gcan du ldan pas ni lus 'phags pa rnams dang / rgyal po'i zham 'bring pa rnams la nad nye bar 'byung bar 'gyur ro/ /de bzhin du lag dang / nam so dang / rgyal dang / skag dang / gang gi tshe sgra gcan du ldan pas ni klu rnams dang / gangs can pa rnams la nad nye bar 'byung bar 'gyur ro/ /gang gi tshe mchu dang sgra gcan du ldan pas ni shar phyogs pa rnams la nad nye bar 'byung bar 'gyur ro/ /gang gi tshe gre dang gza' sgra gcan du ldan pas ni rkun ma'i gnas nye bar 'byung bar 'gyur ro/ /gang gi tshe dbo dang gza' sgra gcan du ldan pas ni a ba na ti ba rnams la nad nye bar 'byung ngo / /gang gi tshe me bzhi dang sgra gcan du ldan pas ni yul 'khor ba rnams la nad nye bar 'byung ngo / /gang gi tshe nag pa dang sgra gcan du ldan pas ni bya dang rkang gnyis pa rnams la nad nye bar 'byung ngo / /gang gi tshe sa ri dang sgra gcan du ldan pas ni rab tu byung ba thams cad la nad 'byung ngo / /gang gi tshe sa ga dang sgra gcan du ldan pas ni chu'i sems can rnams la nad 'byung ngo / /gang gi tshe lha mtshams dang sgra gcan du ldan pas ni zong dang ldan pa'i tshong pa rnams la nad 'byung ngo / /gang gi tshe snron dang sgra gcan du ldan pas ni sgo srung rnams la nad 'byung ngo / /gang gi tshe snrubs dang
409a
@#/ /sgra gcan du ldan pas ni 'dron po rnams la nad 'byung ngo / /gang gi tshe chu stod dang sgra gcan du ldan pas ni a ban ti pa rnams la nad 'byung ngo / /gang gi tshe chu smad dang sgra gcan du ldan pas ni kam po tse'i gling pa rnams dang / na ba ti pa rnams la nad 'byung ngo / /gang gi tshe byi bzhin dang sgra gcan du ldan pas ni lho phyogs pa thams cad dang / zangs gling pa rnams la nad 'byung ngo / /gang gi tshe gro bzhin sgra gcan du ldan pas ni rkun ma la nad 'byung ngo / /gang gi tshe mon gre dang sgra gcan du ldan pas ni ku ru pa dang| rna can pa rnams la nad 'byung ngo / /gang gi tshe mon gru dang sgra gcan du ldan pas ni gser 'tshong ba rnams la nad 'byung ngo / /gang gi tshe khrums smad dang sgra gcan du ldan pas ni rol mo ba rnams la nad 'byung ngo / /gang gi tshe nam gru dang sgra gcan du ldan pas ni gru pa rnams la nad 'byung ngo / /gang gi tshe tha skar dang sgra gcan du ldan pas ni rta 'tshong pa rnams la nad 'byung ngo / /gang gi tshe bra nye dang sgra gcan du ldan pas ni zhing bzang po rnams la nad 'byung ngo / /kye pad+ma'i snying po/ 'di dag ni gza' sgra gcan dang ldan pas 'bras bu rnam par smin pa zhes bya ba'i le'u'o/ /rgyu skar so so'i las kyi dgos pa bshad pa khong du chud par bya ste/ rgyu skar gang gis las gang yin pa'i drang srong rnams ni 'di ltar 'dod
409b
do| |smin drug ni skar ma drug yin par rig par bya ste/ de la ni me'i bya ba bya ste/ me lha mnyes par bya ba dang / sbyin sreg byas na 'phel bar 'gyur ro/ /de la ba lang gi gnas bya zhing zho dkrogs na mar che la/ ra dang / lug nyo bar bya zhing ba glang dgye bar bya'o/ /lcags bzhu ba dang / snod thams cad bya ba dang / rin po che bcang ba dang / las kyi mtha' bya ba dang / mtshon bcang ba dang / nang khang dang / khyim du me sbar ba dang / me tog ser po dang / dmar po'i sa bon gdab pa dang / khyim byas pa la der 'dug par bsgrub pa dang / gos sar pa bgo bar bya zhing rin gyis ni nyo bar mi bya'o/ /las drag po bsgrub pa g.yul 'gyed pa dang / bcing ba rnams la bzang zhing mkhas pas pha rol dang rtsod pa'i sbyor ba ni mi bya'o/ / spu gri bya ba dang / bca' ba thams cad bya zhing me dang ldan pa'i snod der bya zhing tshe spel ba dang / skra bkru ba dang / bud med rnams la sgeg pa dang / nyi ma de la char pa bab na dgra ldang zhing khro ba dang / dga' ba dang / drag po'i las brtsams zhing rkun ma 'gyed pa bzang zhing de la skyes pa tshe ring ba dang / grags pa dang ldan pa dang / mchod spyin byed cing tshul khrims dang ldan par 'gyur te/ de dag ni smin drug la bya'o/ /snar ma la ni sa gzhi la zhing las thams cad bya ba dang / zhing dang / dngos po dang / gtsug lag khang
410a
@#/ /dang| khyim gsar bya ba dang / bdag nyid kyi drag shul bya dgos pa rnams dang / phyugs kyi gnas dang / sa bon thams cad gdab pa dang / gos bgo bar bya bar bstan to/ /bu lon brdar mi rung ste/ dgra 'phel ba dang / ston mo dang / chang gi sbyor ba gnyis spang bar bya'o/ /nyin par de la bab nas gang skyes kyang bkra shis shing snying rje dang / bzod pa ldan zhing bud med dga' ba dang / zas la brkam pa dang / tshe ring zhing phyugs mang la nor dang / 'bru mang zhing longs spyod che zhing de la rgyal bar 'gyur te| snar ma la bya'o/ /zla ba dang mgor ldan pa la rig pa tshegs chung dus khyad par du 'phags pa dang / dal ba'i las thams cad bya ste/ las gang snar ma la bya bar bstan pa de dag thams cad la bya'o/ /'o ma dang ldan pa'i shing las bzho ba dang / 'o ma can gyi sa bon gdab pa dang / rgyal po rgyal sar 'jug pa dang / gnas kyi don du 'gro ba dang / rta dang / glang po dang / ba lang gdul ba la mchog tu bzang ngo / /gos sar ba bgo ba dang / rgyan gyis brgyan par mi bya zhing bram ze rnams kyi las thams cad de la bya bar rung ngo / /nyi ma de la char bab pa de ni legs par bab par bstan to/ /nyi ma de la skyes pa gnyid che zhing yid g.yengs par 'gyur te/ mgo'i yin par
410b
bstan to/ /lag la ni don gnyer ba dang / las bzang po bya ba dang / drag po'i las rnams 'grub pas mkhas pas 'bad par bya'o/ /khron pa dang / 'obs dang / rdzing bu de la bya bar bzang ngo / /ba thul ma gsar ma nyo na 'grub/ mar khu btsir ba'i las dang / chang btsong ba dang / bur shing gi sa bon gzugs pa dang / nyi ma de la char pa bab na char mang du 'bab par shes par bya'o/ /nyi ma de la skyes pa khro zhing ri dwags kyi rngon pa byed par 'gyur te/ lag la bya'o/ /nam so la ni kha dog bcang bar bya ba dang / ba lang spyin pa dang / gtsug phud bzhag pa la rung zhing sngags thams cad 'grub bo/ /bu don du gnyer bar chung ma blang ba dang / yang dang / yang du bya bar 'dod pa'i las de rnams bya bar bzang ste/ gal te 'chi ba'i dogs pa yod pas g.yo ba'i las mi bya'o/ /nyin zhag de la skyes pa mchog tu shis shing 'dod pa chung la bud med kyi chags pa skyes bu de che zhing sna tshogs pa shes shing gcig la mi 'jug par bstan te/ nam so la bya'o/ /rgyal la ni bsod nams dang / grags pa dang / tshe bsring ba dang / mchod pa rtag tu bya bar bzang ngo / /bram ze'i las thams cad bya bar rung zhing rgyal po dang / blon po gzhug pa dang / bla ma la bsnyen bkur bya ba dang / dul ba spyad pa dang / rgyal po dbang bskur ba dang / rang gi
411a
@#/ /bu la rgyan gdags pa dang / kha spu bregs pa'i bya ba rnams de la mkhas par bya'o/ /mdun na 'don bsko ba dang / /rgyal mtshan gzugs par bya'o/ nyi ma de la char pa bab pa ni kun tu gnod par 'bab cing rkun ma dang / nad med pas rtag tu bde bar 'gyur zhing rgyal la las thams cad bya bar rung ngo / /dgra dang 'khon pa'i sbyor ba spang bar bya'o/ /de la skyes pa tshe ring ba dang / grags pa dang / longs spyod che bar 'gyur te/ rgyal la bya'o/ /skag la drag po'i las rnams byas na khyad par du 'grub ste| rgyan brdung ba dang / ra ba brtsigs pa dang / rdzing dang / lam bcad pa bzang ngo / /de la sbrang bu dang / mchu sbrang mang zhing char gnod par 'bab cing de la skyes pa ni khro zhing gnyid che bar 'gyur te/ skag la bya'o/ /mchu la ni 'bru thams cad kyi sa bon bya ba dang / bsdu bar bya ba dang / sa bon gzugs pa dang / mdzod bya zhing 'bru rnams gzhug pa dang / pha'i bya ba dang / dad pas bya ba thams cad de la bya zhing / nyi ma de la char bab pas ni/ 'bru rnams 'phel bar 'gyur zhing nye du'i don du dad pas bya ba dang| bcud rnams bskyed pa dang / rang 'dod pa bya'o/ /nyi ma de la skyes pa ni tshe ring zhing bu mang ba dang / bud med la chags pa che zhing zas la gdung ba dang / g.yul
411b
du thog mar 'gro zhing rgyal bar 'gyur te/ drag po'i las thams cad la mkhas pas de la spang bar bya'o/ /mchu la bya'o/ /gre la ni dge ba dang / zhing pa'i las don du gnyer bar bya'o/ / de la skyu ru ra la sogs pa 'bras bu khyad par mnyam pa rnams kyi las bya ba dang / gzhon pa rnams bkra shis kyi khrus bya ba dang / bag phebs par bya ba dang / gnas bya ba dang / skal ba dang ldan zhing nye bar 'tsho ba'i las rnams bya ba dang / byis pa'i skra bkru ba dang / skra mdzes par bya ba dang / skal ba dang ldan pa'i las dang / nyi ma de la char bab pa legs par bab pa bstan te gre la'o/ /dbo la ni las thams cad bya ste/ khang pa rnying pa gso ba la sogs pa thams cad bya'o/ /de la skyes pa yid gzhungs pa dang / grags pa dang ldan par 'gyur te/ gzhan yang / de la byin mi nyams shing thams cad brtan par bstan to/ /de la char bab na ni thams cad phun sum tshogs par rig par bya ste/ dbo la bya'o/ /me bzhi la las phra ba thams cad byang zhing bram ze'i las thams cad bya bar bzang ngo / /glang po dang / glang po mchog zhon pa dang / rdzing bu bya ba dang / brkus na 'grub ste/ mkhas pas gzhan ni spang bar bya'o/ /nyi ma de la char ba bab pa mchog tu 'grub par 'gyur zhing de la skyes pa ni dpa' zhing rku ba dang / blo dang ldan la rig pa thams cad la mkhas shing nad med
412a
@#/ /cing yun ring du 'tsho ste me bzhi la bya'o/ /nag pa la ni gos bzang po bgo ba dang / rgyan gdags pa dang / rgyal po rgyan gyis brgyan pa dang / dmag chas pa la bzang bar blta'o/ /gser dang / dngul dang / rdzas dang / grong khyer rnams gzhal ba dang / bdag nyid rgyan gyis brgyan pa dang / dri dang / spos kyis byug pa dang / yon tan gyi las glu dang / gar bya ba dang / rnga rdung ba dang / lder so bya ba dang / bsrung ba dang / rol mo dang / zhal zhal dang / lag gi bzo rnams bya bar bzang ngo / /nyi ma de la char bab pas sna tshogs kyi las 'grub par bstan to/ /de la skyes na yid gzhungs pa dang / mkhas shing 'dod pa chung ba dang / tshol ba'i dang tshul can dang / skal ba dang ldan zhing blo rgod par 'gyur te/ tshe ring zhing bsod nams che la bud med la dga' bar 'gyur te/ nag pa'i bya'o/ /sa ri la ni rta dang / bong bu dgye ba'i dgos pa dang / tshogs la ston mo sbyin pa dang / kha zas phra mo dgye ba dang / rnga dang / rdza rnga dang / khar rnga dang / glu rnams bya ba la myur zhing 'grub bo/ /bag ma blang ba dang / bag ma btang ba dang / gnyen bya ba dang / gnas dang / grogs po dang / mal cha dang / khyim du 'jug pa la bzang ngo / /nyi ma de la char bab na rlung mi 'chad par ldang ngo / /nyi ma de la skyes pa ni yid gzhungs zhing nad mang la mkhas par
412b
'gyur te/ sa ri'i bya ba'o/ /sa ga la ni zhing las kyi mtha' rnams bya ba dang / nas dang / gro'i las kyi mtha' spang bar bya'o/ /lgang bu can rnams spang bar bya zhing / 'bru dang / til dang| sran ma dang / de dag dang / shing dang / tshod ma rnams gdab cing khang pa'i las rnams bya ba dang / skra bkru ba dang / gtsang sbra bya ba la bzang ngo / /nyi ma de la char bab pa ni bskal pa'i chu dang 'dra bar rig par bya'o/ /de la skyes pa ni yid bde bar lta zhing blo rno ba dang / khro zhing skal ba dma' ba la bu med par 'gyur te/ sa ga'i bya ba'o/ /lha mtshams la ni sdums bya ba dang / dal ba'i las thams cad bya ba dang / brtson 'grus brtsams la mkhas pas bsngags so/ /de la skra breg pa dang / mtshon gyi las bya ba dang / bsdu ba'i sbyor ba rnams 'grub pas bya ste/ de la brtan par 'gyur ro/ /gzhan ni nyon mongs pas gdungs shing nyams par bstan to/ /nyi ma de la char bab pa legs par 'bab par bstan to// de la skyes pa gnyen dang grogs por ldan la chos dang / tshul khrims su bcas par 'gyur te/ lha mtshams kyi bya ba'o/ /snron la ni thog mar rgyal po dbang bskur bar bya zhing gzhan ni nyon mongs pas gdungs par 'gyur ro/ /grong dang / grong khyer dang / ljongs rnams bgo bsha' bya ba dang / rgyal po'i las thams cad bya ba la bzang zhing / de la skyes pa ni spun rnams kyi phu bo
413a
@#/ /'gyur zhing / tshe ring ba dang / grags pa dang ldan zhing / ngo mtshar du mkhas par 'gyur ro/ /rta dang / glang po zhon pa dang / khang bzang du 'jug pa dang / grong dang| grong khyer dang / yul 'khor rnams bzung ba la mchog tu bsngags so/ /yang de la skyes pa ni mi 'tsho bar bstan to/ /drag po'i las rnams 'grub par bstan to/ /mkhas pas gzhan ni spang bar bya'o/ /nyi ma de la char bab pa ni legs par 'bab par bstan te/ snron gyi bya ba'o/ /snrubs la ni rtsa ba dang / la phug dang / rtsa ba don du gnyer bas rtsa ba'i sa bon gzugs pa'i sbyor ba rung zhing rtsa ba ma yin pa rnams la ni ma yin no/ /bu lon rnying pa bdas na mdun na nor gnas par 'gyur ro/ /rtsa ba don du gnyer bar grub cing / de bzhin du bud med thams cad dang / gso ba'i rigs dang / bud med dang / khye'u dang / bu mo dang / khyo ga rnams khrus bya ba dang / rtsa ba thams cad sbyar ba dang / bkra shis kyi las bya ba dang / drag po'i las rnams 'grub cing phye btags pa dang / chang gi sbyor ba la rtag tu bzang zhing / de la skyes pa nor dang ldan zhing bu mang la 'bras bu dang ldan par 'gyur te/ de la snad pa mi 'tsho bar bstan to/ /de la char bab pa legs par 'bab par mngon par bstan te/ snrubs kyi bya ba'o/ /chu stod la ni chu bsgyur ba dang /
413b
yur ba drang ba dang / zhing la chu blug pa dang / khron pa bya ba dang / lam du sbyin pa'i chu gzhag pa dang / rdzing bu bya ba dang / 'bras bu dang / me tog la chu blug pa dang / skyed mos tshal bya ba dang| slong ba dgos pa la sbyar ba la bzang zhing drang ba'i las rnams 'grub cing de las gzhan ni mkhas pas mi bya'o/ /de la mes tshig pa dang / rims kyis btab pa mi 'tsho bar bstan to/ /nyi ma de la skyes pa ni tshe ring zhing tshul khrims kyi ngang tshul can dang / blta na sdug par 'gyur te/ chu stod kyi bya ba'o/ /chu smad la ni dgra mi bya zhing gos drub pa bya zhing bgo bar ni mi bya'o/ /bsdu bskyog mi bya zhing / khyim mi dbub ste/ byas na 'grub par mi 'gyur ro/ /phyugs kyi gnas dang / de bzhin du grong dpon bsko ba dang / tshong dpon bsko ba dang| rgyal po'i dgos pa rnams de la bya bar bzang ngo / /nyi ma de la skyes pa 'khor mang po'i ngang tshul can dang / byas pa gzo bar 'gyur ba dang / grogs po dang gcugs shing bsod nams dman zhing mkhas par 'gyur ro/ /tsha bas btab pa mi sos shing brtan par bstan to/ /nyi ma de la char bab pa legs par 'bab par bstan te/ chu smad kyi bya ba'o/ /byi bzhin la tshangs pa'i lha'i mchod pa mi bya zhing / gro bzhin la ni g.yul sprad par bya yi/ rol mo bslab pa dang / bklags pa rnams myur bar 'grub bo/ /rna cha gdags pa dang /
414a
@#/ /rgyal por dbang bskur ba dang / bram ze'i las thams cad de la bya zhing gtor ma gtong ba dang / dpung la lta bar bzang ngo / /de la skyes pa ni nad med pa dang| stobs dang ldan pa dang / mchog sbyin gyi ngang tshul can du 'gyur ro/ /nyi ma de la char bab pa ni legs par 'bab par 'gyur ro/ /de la gro bzhin dang zla bar 'dzom na stor ba phyir rnyed par 'gyur te/ gro bzhin gyi bya ba'o/ /mon gre ni myur ba'i rgyu skar te/ mchod pa'i las thams cad dang / bram ze'i rig byed bklags pa dang / khrus bya ba dang / rgyal por dbang bskur ba dang / bram ze'i las bya ba dang / tshong dpon bsko ba dang / grong khyer gyi tshogs kyi dpon bsko ba la bzang ngo / /de la skyes pa ni yid gzhungs zhing grags pa dang ldan pa longs sbyod che la nor mang dang / bu mang zhing dul ba'i bdag nyid can du 'gyur ro/ /stor ba dang / tshig pa dang / bsngams pa dang / bcings pa rnams dka' bas phyir thob bo/ /nyi ma de la char bab pa ni zhag bzhi'i bar du 'bab ste/ mon gre'i bya ba'o/ /mon gru la ni rtag tu sman sbyar ba dang / grags pa'i las dang / srid srung gi las rnams byas na 'grub cing zong btsong ba dang / chang btsong ba dang / de la chu 'byung ba dang / til dang / sran ma btab pa dang / rgya mtshor tshong pa chas pa bzang ngo / /de la rgyal po'i bka' gsal ba dang / sdig
414b
pa'i las mi bya'o/ /pho nya btang ba dang / sgo srung dang / yi ge ba bsko ba dang / sman btu ba dang / sman btang ba dang / nyi ma de la gter brko zhing brdzang ba ni mi bya'o/ /gter sar ba bzhag cing sman bza' bar bzang zhing / stor ba yun ring po nas btsal ba rnyed par 'gyur ro/ /de la skyes pa ni nad med pa dang / khro zhing gnyid che bar 'gyur te/ /nyi ma de la char bab pa ni legs par 'bab par bstan to/ /mon gru'i bya ba'o/ /khrums stod la ni drag po'i sbyor ba thams cad 'grub par brjod do/ /smas pa dang / rims kyis btab pa de dag mi 'tsho bar bstan te/ de la skyes pa dag ni rna ba gsang zhing longs spyod che la gnyen rnams yid du 'ong zhing nor che la las mthun par byed cing spro thung bar 'gyur ro/ /nyi ma de la char bab pa ni drag por 'bab par bstan to/ /khrums stod kyi bya ba'o/ /khrums smad la ni tshe ring ba dang / rgyas pa'i las bya'o/ /lho phyogs su mi 'gro zhing mi brtsam mo/ /de la skyes pa ni tshe ring zhing grags pa dang / tshe dang ldan pa dang / sum 'gyur gyis lto che zhing 'jigs pa med par 'gyur ro/ /nyi ma de la char bab pa ni bde bar 'bab par bstan to/ /khrums smad kyi bya ba'o/ /nam gru la ni gser dang / dngul dang / rin po che dang / 'bru bsgrub pa dang / mdzod bya ba dang / rigs rgyud kyi bya ba dang / chang gi las kyi bya bar bzang zhing btang ba'i las
415a
@#/ /mi bya'o/ /lam sar pa gtod pa dang / chu bsgyur ba dang / khang par 'jug pa dang / mig sman sbyar ba dang / gos sar ba bgo ba dang / dbyig blang ba bzang ngo / /de la skyes pa ni slong zhing sbyin pa dang / tshul khrims dang ldan la phongs shing gnyen rnams kyis bsten cing chos shes par 'gyur ro/ /char legs par 'bab cing stor ba rnyed par 'gyur bar bstan to/ /nam gru'i bya ba'o/ /tha skar la ni skyes pa dang / bud med dang / rta sbyar ba dang / me thab bya ba dang / rta bsgrub pa dang / shing rta bya ba dang / bu lon bya ba dang / sa bon gdab pa dang / rta dang / glang po gdul ba dang / gar bya ba dang / sman sbyar ba dang / sman btang bar bzang ngo / /de la skyes pa ni blta na sdug pa dang / yid gzhungs pa dang / rgyal po'i gnang chen phun sum tshogs pa dang / nad med pa la bu skye zhing skal pa bzang po ldan par 'gyur ro/ /char legs par 'bab cing stor pa rnyed par 'gyur te/ tha skar gyi bya ba'o/ /bra nye la ni skar ma gsum yod pas/ drag po'i las byas pa dang / bran dang / gla ba bsko ba dang / gla ba btsal pa dang / chung ma blang bar bzang ngo / /de la skyes pa ni 'thab krol dang / bslus pa byed pa dang / gya gyu can dang / rdzun che ba dang / blo rno ba dang / sdig pa spyod pa dang / gtsang
415b
sme chung bar 'gyur ro/ /de la snad pa dang / nad kyis btab pa sdug bsngal bar 'gyur ro/ /'gro ba spang bar bya'o/ /de la char nges par 'bab par de ltar drang srong chen po rnams kyis bstan to/ /rgyu skar de'i lha gshin rje yin pas shi ba'i phyir zas sbyin no/ /de la skyes pa ni tshul khrims nyams shing bla ma la gnod pa dang / pha rol la gnod pa byed pa dang / brkam chags che ba dang / pha rol la dgra byed par 'gyur ta/ bra nye'i bya ba'o/ /smin drug la sogs pa'i rgyu skar bdun dang / bra nye'i bar 'di dag las 'di ni bsdu bar bya ste/ de dag gi nang nas gang dag 'bru thams cad dang / sman thams cad phun sum tshogs pa la gnod par byed pa'i gza' gnas pas bsrung bar bya'o/ /gzhan yang / rgyu skar rnams kyi ming gi le'u bshad par bya ste/ kye| pad+ma'i snying po/ 'di lta ste/ rgyu skar bzhi po 'di dag ni bde bar byed pa ste/ smad gsum dang / snar ma'o/ /de bram ze gnas par byed pa ste/ de la gnas bya ba dang / rgyal po dbang bskur ba dang / gang so sor bstan pa'i las rnams bya bar bzang zhing / gzhan yang / de la bshig pa dang / bsreg pa dang / bcing ba rnams byas na bkra shis par 'gyur bar bstan to/ /gzhan yang / de la skyes pa bkra shis pa dang / sbyor ba chen po dang ldan par rig par bya'o/ /kye/ pad+ma'i snying po/ rgyu skar bzhi po 'di dag
416a
@#/ /ni bde bar byed pa ste/ rgyal dang / me bzhi dang / byi bzhin dang / tha skar ste/ las bya ba la myur zhing kha ton brtsams pa dang / lam du 'gro ba dang / rgod ma bzhon pa dang / las rnams myur bar bya zhing mtshon gyi las dang / sman gyi las rnams bya zhing zla ba bzhi pa'i mchod sbyin bya bar brtsam mo/ /gzhan yang / de la bshig pa dang / bsreg pa dang / bcing ba rnams bkra shis par brjod par rig par bya'o/ /gzhan yang / de la skyes pa ni bkra shis shing longs spyod dang ldan pa'i rgyal por 'gyur ba dang / dbang phyug dang / longs spyod du ldan zhing gong ma la sbyin pa dang / tshul khrims dang ldan pa'i rgyal rigs su 'gyur ba'am/ yang bram ze zhig mdun na 'don du 'gyur ro/ /kye| pad+ma'i snying po/ rgyu skar lnga po 'di dag drag po ste/ 'di lta ste/ mchu dang / stod gsum dang / bra nye dang lnga ste/ yang de dag la bshig pa dang / bsreg pa dang / bcing ba rnams mi 'tsho bar brjod do/ /'di dag ni mngon sum ste/ 'di lta ste/ lag dang / skag dang / sa ri dang / snron dang / mon gru zhes bya ba ste/ cha shas dgu dang / dum bu drug go /bra nye ni zhing gnyis so/ /nam so dang / smad gsum gyi gnyis kyi cha'o/ /zhing ni bco lnga'o/ /mchu dang / snrubs dang / stod gsum po de dag ni cha nges pa yin no/ /
416b
mgo dang / rgyal dang / me bzhi dang / nag pa dang / lha mtshams dang / gro bzhin dang / nam gru dang / tha skar te/ rgyu skar 'di dag cha phyi ma'o/ /yud tsam sum cu'i zhing dang / byi bzhin gyi yud tsam mnyam pas rgyal rigs so/ /gzhan yang / bram ze/ dge ba'i yud tsam du 'gyur ba dang / mi dge ba'i yud tsam dang / rgyu skar thams cad dang ldan zhing / gang gi gnyis ka dge ba'i yud tsam dang ldan pa'i dge bar 'gyur ro/ /yang gang gi tshe dge ba dang / mi dge bar 'gyur ba de'i tshe thun mong ma yin par 'gyur ro/ /ji ltar nyin par dang / mtshan mo ring thung du 'gyur bar bshad par bya'o/ /dbyar zla ra ba dang / rgyu skar mchu dang / tshes gnam stong du ldan par gyur la/ gnam stong snga ma gro bzhin dang 'dzom na/ nyin par la yud tsam bcu bdun yod do/ /mtshan mo la yud tsam bcu gsum du 'gyur ro/ /shing bu sor drug pa nyi ma phyed la btsugs nas grib ma la sor phyed phyed kyis 'phel zhing nyi ma 'gyur la| chu stod dang mtshan mo ldan la nyi ma dang mgo 'grogs shing dbyar gyi zla ba gnyis pa'i gnam stong dang mchur 'dzom pa na/ dbyar gyi gnyis pa'i bco lnga dang khrums stod du ldan na nyin par ni yud tsam bcu drug tu 'gyur ro/ /mtshan mo la ni yud tsam bcu bzhir 'gyur ro/ /sor gnyis kyi grib ma 'phel zhing bgyid do/ /gro bzhin dang mtshan mor
417a
@#/ /ldan pa la nyi ma dang rgyal du 'grogs shing dbyar zla tha chung gi gnam stong dang chu stong du 'dzon par 'gyur zhing tshes bco lnga la tha skar du 'dzom na yud tsam bco lnga nyin par la yod do/ /mtshan mo la'ang yud tsam bco lnga yod do/ /sor gsum gyis grib ma 'phel zhing nyi ma 'gyed do/ /chu stod dang mtshan mor ldan la mchu dang nyin mor 'grogs shing nag pa dang / dbyar gyi zla ba bzhi pa'i gnam stong du 'dzom la smin drug dang tshes bco lngar 'dzom na nyin par la yud tsam bcu gsum yod do/ /mtshan mo la ni yud tsam bcu bdun yod do/ /sor bzhi'i grib mas nyi ma 'gyed la rgyu skar tha skar dang mtshan mor ldan la chu stong dang nyin mor 'grogs na dgun gyi zla ba dang po'i gnam stong dang lha mtshams su 'dzom zhing mgo dang bco lngar ldan na nyin par la yud tsam bcu gsum yod do/ /mtshan mo la yud tsam bcu bdun yod do/ /sor lnga'i grib mas nyi ma 'gyed cing smin drug dang mtshan mor 'dzom la/ nag pa dang nyin par 'grogs shing dgun gyi zla ba gnyis pa'i gnam stong dang snron du 'dzom par 'gyur zhing rgyal dang bco lngar ldan na/ nyin par la yud tsam bcu gnyis yod do/ /mtshan mo la ni yud tsam bco brgyad yod do/ /sor drug gi grib
417b
mas nyi ma 'gyur zhing mgo dang mtshan mor 'dzom la/ sa ga dang nyi mar 'grogs shing dgun gyi zla ba gnyis pa'i gnam stod dang chu stod du 'dzom la mchu dang bco lngar ldan na/ nyin par la ni yud tsam bcu gsum yod do/ /mtshan mo la ni yud tsam bcu bdun yod do/ /sor lnga'i grib ma 'grib pas nyi ma 'gyur zhing rgyal dang mtshan mor 'dzom la snron dang nyi ma 'grogs shing dgun gyi zla ba bzhi pa'i gnam stong dang gro bzhin du 'dzom la chu stod dang bco lngar 'dzom na nyin par la yud tsam bcu bzhi'o/ /mtshan mo la ni yud tsam bcu drug go / sor bzhi'i grib mas nyi ma 'gyur zhing mchu dang mtshan mor 'dzom la chu stod dang nyi ma 'grogs shing dpyid zla ra ba'i gnam stong dang khrums stod du 'dzom par 'gyur zhing / nag pa dang bco lngar 'dzom na nyin bar la ni yud tsam bco lngar 'gyur ro/ /mtshan mo la'ang yud tsam bco lngar 'gyur zhing sor gsum gyi grib mas nyi ma 'gyur zhing chu stod dang mtshan mor 'dzom la gro bzhin dang nyi mar 'grogs par 'gyur zhing dpyid kyi zla ba gnyis pa'i gnam stong dang tha skar du 'dzom la sa ga dang bco lngar 'dzom na nyin par la ni yud tsam bcu drug tu 'gyur ro/ /mtshan mo la ni yud tsam bcu bzhi'o/ /sor gnyis kyi grib mas nyi ma 'gyur zhing nag pa dang mtshan mor 'dzom la khrums stod dang nyi mar 'grogs
418a
@#/ /par 'gyur zhing dpyid kyi zla ba gsum pa'i gnam stong dang smin drug tu 'dzom par gyur la snrubs dang bco lngar 'dzom na nyin par la ni yud tsam bcu bdun du 'gyur ro/ /mtshan mo la ni yud tsam bcu gsum mo/ /sor gnyis kyi grib mas nyi ma 'gyur zhing snron dang mtshan mor 'dzom la smin drug dang nyi mar 'dzom par gyur cing dpyid kyi zla ba bzhi pa'i gnam stong dang rgyal du 'dzom par gyur la/ chu stod dang bco lngar 'dzom na nyin par la ni yud tsam bco brgyad du 'gyur ro/ /mtshan mo la ni yud tsam bcu gnyis su 'gyur ro/ /nyi ma phyed skad la sor phyed pa'i grib mas nyi ma 'gyur zhing chu stod dang mtshan mor 'dzom la rgyal dang nyin par 'grogs par 'gyur zhing / lo btsal bas yud tsam gyi bye brag rnams kyis rgyu skar de thams cad la cha dang / cha ru bgo zhing gnam stong dang / bco lngar phye bas mtshan mo dang / nyin zhag tu shes par bya'o/ /lo lnga lnga zhing zla ba re re lhag par 'gyur zhing / zla ba drug na nyin mtshan mnyam par gyur la/ de las gzhan zla ba drug ni nyi ma ring la yang zla ba drug na mtshan mo ring ngo / /zla ba drug drug ni yud tsam de dag mnyam par rig par bya ste/ zla ba drug ni nyi ma byang phyogs su 'gro la/ zla ba drug ni lho phyogs su rgyu'o/ /zla ba drug ni
418b
rgya mtsho la lhag par 'bab par 'gyur zhing zla ba'i 'gros dang / nyi ma'i 'gros kyis dus 'phel bar 'gyur zhing / rtsis dang bral bas shes par mi nus pa de ni 'di ltar lo yin par bshad par 'gyur ro/ /nyi ma dang / zla ba dang / sgra gcan dang / phur bu dang / spen pa dang / mig dmar dang / gza' lhag pa dang / 'di rnams kyi gtso bo ni phur bu'o/ /spen pa dang / gza' lag pa dang / mig dmar dang / pa ba sangs te de dag ni dkyil 'khor 'gros so/ /bra nye dang / smin drug dang / snar ma dang / mgo ste de dag ni thu na mong gi dang po'i dkyil 'khor ro/ /lag dang / nam so dang / rgyal dang / skag dang de dag ni thun mong ba ste/ dkyil 'khor gnyis pa'o/ /mchu dang / gre dang / dbo gnyis dang / me bzhi dang / nag pa ste/ de dag ni thun mong gi dkyil 'khor gsum pa'o/ /sa ri dang / sa ga dang / lha mtshams dang / de dag ni thun mong pa dkyil 'khor bzhi pa'o/ /snron dang / snrubs dang / chu smad dang / chu stod dang / gro bzhin te/ de dag ni 'jigs pa chen por gyur pa'i dkyil 'khor lnga pa'o/ /mon gre dang / mon gru dang / khrums gnyis dang / nam gru dang / tha skar dang / bra nye ste/ de dag ni thun mong ba'i dkyil 'khor drug pa'o/ /gang gi tshe rgyu skar gyi dkyil 'khor las nad de dang de'i ljongs su de'i nad yin
419a
@#/ /par lta'o/ /yud tsam bcu gnyis pa'i nyin par ni gza' bcu gnyis te/ mtshan mo yud tsam drug drug rgyu ste/ drug gang zhe na/ dbyar zla ba rdzogs pa dang / nyin par la yud tsam bcu bdun yod cing nyi ma shar nas bzhi mthon zhes bya ba'i yud tsam du 'gyur ro/ /nyi ma 'phags nas ni rnam par 'gro ba zhes bya ba'i yud tsam du 'gyur ro/ /yud tsam bcu gsum dang ldan pa'i mtshan mo la yud tsam drug la yang dag par sbyor ba zhes bya ba'i yud tsam du 'gyur ro/ /tsha bas gdungs pa zhes bya ba'i yud tsam du nam nangs pa dang 'gyur ro/ /dbyar gyi zla ba gnyis pa'i bco lnga la yud tsam bcu drug nyin par la yod cing nyi ma shar ba na bzhi mthon zhes bya ba'i yud tsam du 'gyur ro// phyed la ni mi pham zhes bya ba'i yud tsam du 'gyur ro/ /nyi ma 'phags nas ni drag po zhes bya ba'i yud tsam du 'gyur ro/ /yud tsam bcu bzhi dang ldan pa'i mtshan mo la ni nyi ma nub par rtsom pa rnam par rgyu ba zhes bya ba'i yud tsam du 'gyur ro/ /mtshan phyed la ni sgyu ma chen mo zhes bya ba'i yud tsam du 'gyur ro/ /nam nangs pa na ni me yis gdungs pa zhes bya ba'i yud tsam du 'gyur ro/ /rta 'thab pa'i bco lnga ni yud tsam bco lnga dang ldan pa'i nyin par la nyi ma 'char ba la ni bzhi mthon zhes bya ba'i yud tsam du 'gyur ro//
419b
nyi ma 'phags nas ni mi pham zhes bya ba'i rjes thogs la dbus ma zhes bya ba'i yud tsam du 'gyur ro/ /nyi ma de las 'phags pa'i lha'i char zhes bya ba'i yud tsam du 'gyur ro/ /yud tsam bco lnga dang ldan pa'i mtshan mo nyi ma nub pa dang / drag po zhes bya ba'i yud tsam du 'gyur ro/ /mi pham pa zhes bya ba'i yud tsam dang / 'gro ba zhes bya ba'i yud tsam gyi rjes thogs la mtshan mo phyed du gyur nas nam nangs pa ni me yis gdungs pa zhes bya ba'i yud tsam du 'gyur ro/ /rta 'thab pa'i tshes bco lnga la nyin mtshan mnyam pa zhes bya ba'i nyin par la/ yud tsam bco lngar 'gyur zhing mtshan mo la yud tsam bco lnga'o/ /yud tsam nyin mtshan mnyam pa na nyi ma shar ba na bzhi mthon zhes bya ba'i yud tsam du 'gyur ro/ /cha mnyam par dbus na gnas pa na mnyam pa zhes bya ba'i yud tsam du 'gyur ro/ /nyi ma nub nas mtshan mo la bab pa na lha'i cha shas zhes bya ba'i yud tsam du 'gyur ro/ /mtshan phyed la ni mi pham pa zhes bya ba'i yud tsam du 'gyur ro/ /nam nangs pa na ni me yis gdungs pa zhes bya ba'i yud tsam du 'gyur ro/ /ston zla 'bring po'i bco lnga la yud tsam bcu bzhi'i nyin mo la yod cing nyi ma shar ba na bzhi mthon zhes bya ba'i yud tsam du 'gyur ro/ /dga' bral dang mnyam pa'i sgo zhes bya ba'i yud tsam gyi rjes la dbus su 'gyur nas nyi ma nub pa na chu zla zhes bya ba'i
420a
@#/ /yud tsam du 'gyur ro/ /mtshan mo la yud tsam bcu drug dang ldan la nyi ma nub na rgyud ces bya ba'i yud tsam du 'gyur ro/ /srid po zhes bya ba dang / mi pham pa zhes bya ba de'i rjes la mtshan mo phyed du gyur nas nam nangs pa na me yis gdungs pa zhes bya ba'i yud tsam du 'gyur ro/ /dgun zla ra ba'i bco lnga la yud tsam bcu gsum dang nyin par ldan la nyi ma shar ba na bzhi mthon zhes bya ba'i yud tsam du 'gyur ro/ /phyed la ni dga' bral zhes bya ba'i yud tsam du 'gyur ro/ /nyi ma nub pa la ni bden bral zhes bya ba'i yud tsam du 'gyur ro/ /yud tsam bcu bdun dang ldan pa'i mtshan mo la nyi ma nub pa tsam na chu lha zhes bya ba'i yud tsam du 'gyur ro/ /mtshan phyed la ni srin po zhes bya ba'i yud tsam du 'gyur ro/ /nam nangs pa me yis gdungs pa zhes bya ba'i yud tsam du 'gyur ro/ /dgun zla 'bring po'i bco lnga la ni yud tsam bcu gnyis dang ldan pa'i nyin par nyi ma shar ba na bzhi mthon zhes bya ba'i yud tsam du 'gyur ro/ /dga' byed dang / dga' bral zhes bya ba'i rjes la dbus su 'gyur nas/ nyi ma nub pa na rdul med ces bya ba'i yud tsam du 'gyur ro/ /yud tsam bco brgyad dang ldan pa'i mtshan mo nyi ma nub tsam na bden bral zhes bya ba'i yud tsam du 'gyur ro/ /bong bu dang /
420b
srin po zhes bya ba'i rjes la mtshan phyed du gyur nas nam nangs pa na me yis gdungs pa zhes bya ba'i yud tsam du 'gyur ro/ /ji ltar sos ga'i dang po de ltar dbyar dang po/ /ji ltar dpyid ka'i gnyis pa de ltar dbyar gnyis pa/ /ji ltar dpyid ka'i dang po de ltar ston dang po/ /ji ltar dgun gyi bzhi pa'i de ltar ston tha chung / /ji ltar dgun 'bring de ltar dgun dang po/ /ji ltar dgun 'bring de ltar sos ka'i gnyis/ /de lta bur ni rgyu skar rnams/ /rgyu zhing rgyu bar shes par bya/ /rgyu skar rgyu ba dang po'i le'u 'o/ /ji ltar rgyu skar de dag gi nang nas nyin mtshan du ldan pas 'phel ba dang / 'grib par 'gyur bas 'gribs pa las nyin par 'phel ba'i bco lnga la zla ba phyed las gnyis pa dang / drug pa dang / dgu pa dang / bcu gnyis pa de dag mtshams kyi zhag 'das nas/ nub mos 'dzin pa'i rgyal po chen po bzhi po shin tu 'chi ba zhes bya ba dang / rnam par dag pa zhes bya ba dang / 'phel ba zhes bya ba dang / tha dad pa'i rim pa zhes bya ba de dag 'thab pas 'byung ba chen po bzhi g.yo ba las sa 'gul lo/ /chu dang / dbang po dang / rlung dang / me ste/ legs ldan rnam pa bzhi po'ang gang du zla ba phyed la lan gsum g.yos te/ zla ba gcig la lan drug g.yos par gyur na pha rol gyi dmag tshogs 'ong bar 'gyur te/ dpyid zla 'bring po
421a
@#/ /la g.yos na zhag bcu'i bar du 'jigs pa 'byung ngo / /sos ka'i zla ba dang po la yang dang yang du g.yos na zhag bcu gnyis kyi bar du 'jigs pa 'byung ngo / /sos ka'i zla ba gnyis pa la yang yang g.yos na nyi shu rtsa lnga'i bar du 'jigs pa 'byung ngo / /dbyar zla ra ba la yang yang g.yos na zhag bdun cu rtsa lnga'i bar du 'jigs pa 'byung ngo / /dbyar zla 'bring po la yang yang g.yos na zla ba gsum dang zhag bcu'i bar du 'jigs pa 'byung ngo / /ston zla tha chung la yang yang g.yos na zhag lnga'i bar du 'byung ngo / /dgun gyi zla ba gnyis pa la yang yang g.yos na zhag lnga bcu rtsa lnga'i bar du 'byung ngo / /dgun gyi zla ba gsum pa la yang yang g.yos na zhag brgya'i bar du 'jigs pa 'byung ngo / /dgun gyi zla ba bzhi pa la yang yang g.yos na zhag nyi shu rtsa lnga'i bar du 'jigs pa 'byung ngo / /dpyid zla ra ba la yang yang g.yos na zhag sum cu'i bar du 'jigs pa 'byung ngo / /de dag nis g.yos pa'i dus ji tsam na smin pa yin par bstan to/ /de dag gi las kyi 'jug pa ni 'di ltar zla ba thams cad la dus rtag tu sa g.yo zhing shing dang / ri dang / chu rnams g.yo zhing shing rnams kyi lo ma ltar g.yon bskal ba lha bu'i 'jigs pa 'byung bar bstan to/ /grong khyer
421b
dang / grong dang / 'brog rnams na gnas pa'i mi rnams myur du 'pho zhing dgon par lo bco lnga'i bar du gnas par 'gyur ro/ /phyogs rnams nas sa rnam par g.yos na mi bde ba mi 'byung ngo / /smin drug la sa g.yos na grong khyer dang / grong rnams yang dang yang du mes bsregs pas rtswa 'ang mi lus par 'gyur ro/ /de las rnam par g.yos na sol ba mkhan dang / nor bu mkhan dang / khye'u dang / mes skor byas pa'i gza' dang / de la skyes pa dang / lam du zhugs pa na zhing sdug bsngal bar 'gyur ro/ /snar ma la sa g.yos na sa bon thams cad nyams pas 'bru rnams 'thob par mi 'gyur zhing sdug bsngal bar 'gyur ba dang / bud med sbrum ma rnams mngal na nad 'byung ba dang / mu ge 'byung ba dang / smas pa dang / nad kyis btab pa'i mi rnams sum cha 'tsho bar 'gyur/ bdag nyid chen po dang / rgyal po dang / dpal dang ldan pa'i mi dang / mi'i mchog rnams nad kyis btab par 'gyur ro/ /mgo la sa g.yos na sman rnams nyams shing sman pa dang / mchod sbyin rtsom pa dang / mchod sbyin byed pa dang / bram ze nags na gnas pa dang / dka' thub pa de dag la nad 'byung bar 'gyur ro/ /lag las rnam par g.yos na 'o ma can gyi shing rnams nyams shing / zas dang skom dkon zhing 'gron po yul 'khor chas pa dang / dong dang / 'obs brko
422a
@#/ /ba dang / sdig pa can dang / rgun ma rnams las g.yos pa'i nad kyis 'debs par 'gyur ro/ /yang nam so las rnam par g.yos na dkyil 'khor byed pa'i zhal ta pa dang / lam gyi nor can dang / lam du 'gro ba pa dang / 'khor lo ba dang / byis pa dang / srus mkhan dang / shan pa dang / dung 'tsho ba rnams las rnam par g.yos pas nad kyis 'debs par 'gyur zhing / rgyal la sa rnam par g.yos na bram ze rnams dang / de bzhin du gtso bo rnams dang / tshong pa rnams dang / ded dpon rnams dang / tshong pa ring por 'gro ba rnams la nad 'byung bar 'gyur zhing ser bas 'bru rnams rlog cing ri khrod na gnas pa'i rgyal po'i bsnyen bkur ba rnams sa rnam par g.yos pas nad kyis 'debs par 'gyur ro/ /skag la sa rnam par g.yos na klu rnams dang / sbrul kha sdig pa rnams dang / grog mo rnams dang / grog phran rnams dang / sril rnams dang / khyim rnams dang / klu mgo gcig pa rnams dang / dug sngags mkhan rnams dang / dug byed pa rnams dang / sems can khung du 'jug pa rnams sa rnam par g.yos pas nad kyis 'debs par 'gyur ro/ /mchu las rnam bar g.yos na rgyal po rnams la nad 'byung zhing mchod sbyin dang / shing
422b
las log pa rnams dang / 'dus pa'i ston mo las log pa rnams dang / lha'i mchod sbyin las log pa rnams dang / de la log pa thams cad dang / gang zhig de la skyes pa dang / bskyed pa dang / gang mkhas pa'i mchog tu gyur pa dang / glu mkhan rnams 'chi bar 'gyur zhing / de dag dang / rigs mthon po rnams nad kyis thebs par 'gyur ro/ /chu stod la sa rnam par g.yos na dus 'gyur zhing chos la dga' ba dang / sho gam gyis 'tsho ba rnams la sa g.yos na nad kyis 'thebs par 'gyur ro/ /gal te chu smad la sa rnam par g.yos na tshod pa gling du 'gro ba rnams dang / ded dpon rnams dang / ri khrod na 'tsho ba rnams ang ga dang / lus 'phags po dang / ma ga d+ha pa rnams dang / ni ti'i bud med blangs pa rnams sa rnam par g.yos pa'i nad kyis thebs par 'gyur ro/ /me bzhi la sa rnam par g.yos pas na rdza mkhan rnams dang / sman pa rnams dang / tshogs kyi gtso bo rnams dang / blon po chen po rnams dang / dmag dpon rnams sa rnam par g.yos pa'i nad kyis thebs par 'gyur ro/ /'di ltar nam so la sa g.yos pa yang snga ma bzhin du blta'o/ /sa ri la sa rnam par g.yos na rkun ma tshul khrims nyams pa rnams dang / sha na pa dang / shan pa la dga' ba rnams dang / shan pa'i bdag
423a
@#/ /po dang / rlung za'i dka' thung pa rnams g.yos nas nad kyis thebs par 'gyur ro/ /sa ga la sa rnam par g.yos na ri chen po rnams 'chad par 'gyur ro/ /rta rgyug pa rnams dang / lam na 'gro ba la rlung drag pos rdo rnams 'thor bas stobs med par byed la sa g.yos pas de dag nad kyis 'debs par 'gyur ro/ /yang nag pa la sa g.yos na rkun ma chen pos gnod pa byed pa 'ong zhing / byi rgyug pa dang / cho lo pa rnams dang / mdud pa 'grol ba'i mi rnams dang / an dra pa rnams dang / bu ram shing 'phel ba rnams dang / phu lin pa rnams la skyabs med pa'i 'jigs pa 'ong zhing grogs dang 'bral zhing stobs che ba 'byung ngo / /snron la sa g.yos na rgyal po chen po la gnod pa 'byung zhing khra dang / byi ba dang / sbrul dang / de bzhin du gcan gzan gdug pa can rnams dang / gzhan gnod pa byed pa rnams dang / sur se na ba dang / ma la ba rnams dang / ba lhi ba gra ha pa dang / gnod pa med pa dang / de la gus pa'i mi rnams myur bar sa g.yos pas nad kyis 'debs par 'gyur ro/ /snrubs la sa g.yos na rkang bzhi pa rnams dang / rkang gnyis pa dang / de bzhin du gnod sbyin rnams dang / yi dwags rnams dang / sems can de dag dang / ri khrod pa rnams dang / chu med pas lo
423b
nyes shing myur du mu ge 'byung zhing ri rnams 'chad par 'gyur ro/ /chu stod la sa g.yos na chu la gnas pa'i nya rnams dang / shu shu ma dang / nya phyis rnams dang / chu srin rnams dang / rus sbal dang / rigs dang / rus btsun pa rnams dang / nor dang ldan pa rnams dang / mkhas pa rnams dang / gnyis pa rigs dang ldan pa rnams la 'jigs pa chen po 'byung zhing sa g.yos pas de dag nad kyis 'debs par 'gyur ro/ /chu smad la sa g.yos na bzo mkhas pa rnams la gnod pa mi 'byung zhing mgar ba dang / zhal mkhan rnams dang / mda' mkhan rnams dang / shing mkhan rnams dang / dbul po rnams dang / gzhan yang bzo sna tshogs pa byed pa dang / grong dang nye ba'i skam la gnas pa la gnod par 'gyur ro/ /gro bzhin la sa g.yos na mi gang zhig rgyal pho mchod pa dang / klog pa rnams dang / bstan bcos mkhas pa rnams dang / snyan dang gas mkhan rnams dang / glu mkhan rnams dang / su ra se na ba dang / rjes su 'jug pa rnams dang / gos 'tshong pa dang / gi sha ta dang / sa ra dan dang / de dag gi bsam pa 'grub bo// mon gre la sa g.yos na nor can rnams la gnod pa 'byung zhing phyug po rnams dang / grong khyer chen po dang / tshong dpon rnams dang / spyi cer rnams dang / bkra shis pa dang / /
424a
@#/ /bzang po sngags mkhan dang / ri khrod pa rnams dang / pa ri ka pa dang / ma la pa dang / grong khyer che ba gzhan rnams la gnod pa 'byung bar 'gyur ro| |mon gru la sa g.yos na chu la gnas pa rnams la gnod pa chen po 'byung zhing glang po dang / rta dang / pong bu dang / rnga mo rnams la cher sdug bsngal 'byung ngo / /de bzhin du so ri ra ka pa dang / ma dra ba dang / bi li kan pa dang / ke ka yan pa dang / rten med pa dang / 'khor lo gcig pa dang / yul de dag gi skye bo rnams la nad 'byung ngo / /me bzhi la sa rnam par g.yos na srin po'i gdon gyis 'dzin cing / de bzhin du shan pa dang / phag 'tshong pa dang / so pa ri pa rnams 'chi bar 'gyur ro| |tshong gis 'tsho ba'i rje'u rigs dang / dmangs rigs dang / zlos gar mkhan dang / nas gling pa dang / rta rnams dang / gyad kyi yud pa rnams dang / khu lo dang ldan pa'i bud med rnams dang / mdud pa 'grol ba rnams med par 'gyur ro/ /mon gru la sa g.yos na tshong pa rnams la nad 'byung zhing chos la dga' ba dang / grub pa rnams dang / sho gam gyi las byed pa rnams dang / rgyal rigs srid sgrub kyi rgyud dang / mdza' ba rnams dang / sin du ba'i rgyal po dang / mda' gzhu thogs pa rnams yun
424b
ring por don med par 'gyur ro/ /nam gru la sa g.yos na g.yul drag po shom par 'gyur zhing grong 'joms par 'gyur ba dang / grong gis grong phung ba dang / nir ta pa rnams dang rgya yul pa dang / ra ma ta ma gnas pa rnams dang / zhing las bzang po byed pa rnams dang| lung pa gnas pa'i gtso bo rnams dang / dmag dpon thams cad nges par sreg par 'gyur/ ro| |tha skar la sa rnam par g.yos na rta rnams la nad 'byung zhing grong rnams 'jig par 'gyur/ spun zla gsod par 'gyur zhing de la mngal chags pa dang / de la skyes pa dang gsum sdug bsngal dang / rgyun du ldan par 'gyur zhing mdun rgyud dang / mngal na gnas pa dang / bza' btung 'thung ba dang / srid sgrub kyi rgyal rigs rnams phan tshun gsod par 'gyur ro/ /bra nye la sa g.yos na rkun ma rnams la nad chen po 'byung zhing rtsod pa 'byung ngo / /cho lo mkhan dang / mdud pa 'grol ba dang / me long gi 'khor los slu bar byed pa rnams dang / de bzhin du btson srung rnams dang / zas sdom pa dang / gnod pa byed pa'i skye bo mi bzad pa rnams 'chi bar 'gyur ro/ /sa g.yos nas zhag bdun na sprin chen po g.yo bar 'gyur te/ snum zhing gnag la ri bo lta bu ldang bar 'gyur ro zhes drang srong rnams kyis bshad do/ /gnyid 'phel ba dang / gzhan yang / bkra
425a
@#/ /shis kyi dbyangs dang / dbang po rdo rje lta bu dang / de bzhin du der dus tshigs ltar nyi ma dang / zla ba sgrib cing de la kun nas sprin chen po'i mtshan nyid dang ldan zhing de dang 'dra bar mthong zhing the tshom bskyed pa'i sprin ldang zhing 'brug bsgrags pa 'byung bar rig par bya'o zhes drang srong rnams kyis bshad do/ /de ltar shes nas gdon mi za bar sa bon rnams gdab par bya'o/ /bya rnams bsrung na tshong pa rnams kyi bya ba 'grub bo/ /de lta bu'i sa g.yos na thams cad du bkra shis par brjod do/ /yang sa g.yos nas de'i rjes la zhag bdun na sprin ldang ste/ yang 'di ltar ka shi ka'i gos 'dra ba'i sprin gyis khyab cing mi mthun pa'i sgra sgrogs pas nub phyogs su 'gro la chu la gnas pa'i shu shu ma ra dang / ba lu ka dang / nya dang / chu srin 'dra ba'i sprin snang zhing nyi ma dang / zla ba sgrib pa de lta bu'i mtshan nyid dang ldan pa snang na de ni chus sprul pa yin par rig par bya'o zhes drang srong chen po rnams kyis de skad bstan pa yin no/ /sgang dang / ri'i rtse mo dang / zhing rlan dang bral ba de dag rnams la sa bon gdab par bya ste/ dma' bar nyams par 'gyur/ de bzhin du 'dam dang / chur 'gyur zhing dma' bar 'dus par 'gyur ro/ /de lta bu'i sa g.yos na ni chu'i yin pas shes pa yin par rig par bya'o/ /yang 'di ltar sa g.yos
425b
nas de'i rjes la zhag bdun gyi nang du rlung drag po mi bzad pa ldang / dus tshigs ltar ser skyar snang la nyi ma dang / zla ba dmar por mthong zhing mtshan nyid de lta bu dang ldan par snang na/ de ni rlung gis sa g.yos pa yin par rig par bya'o/ /de lta bur gyur pa ni drang srong rnams kyis bstan pa yin no/ /de lta bu la mkhas pas 'gro bar mi bya ste/ /bdag nyid bsrung bar bya zhing dgra zla las 'jigs pa chen po 'byung bas ra ba dang / 'obs kyis mchog tu bsrung bar bya'o/ /de lta bu ni sa'i sa g.yos pa'i yon tan thams cad bstan pa yin no/ / mi rnams kyis me yi sa g.yos pa'i khyad par rig par bya ste/ gal te sa g.yos nas de'i rjes la zhag bdun gyi nang du skar mda' drag po ltung zhing dus tshigs ltar dmar la nyi ma dang / zla ba'ang dmar bar snang ba de lta bu'i mtshan nyid dang ldan par snang ba ni me yis sa g.yos pa yin par rig par bya'o/ /bud shing las me mched par 'gyur bas nor bsregs shing du ba'i phreng ba snang zhing mtshon mchog tu 'bab pa chu 'khyil ba snang ba zla ba dgu'i bar du char mi 'bab bo/ /de lta bu'i sa g.yos pa mi bzad pa ni me yis sa g.yos pa yin te/ rgyal po dang / rgyal rigs rnams la snga dro'i tsha ba'i gnod pa 'byung bar 'gyur zhing rta dang / glang po dang / blon po chen po rnams
426a
@#/ /la ni phyed la tsha ba'i nad 'byung la phyi dro ni ba lang dang / phyugs rnams la nad 'byung ngo / /mtshan mo rkun ma rnams la gnod pa 'byung ngo / /nam nangs pa na mtha' khob pa rnams la 'chi ba'i 'jigs pa 'byung ngo / /de bzhin du nam phyed na ni zhag brgyad kyi bar du na bar 'gyur zhing de nas sos par 'gyur te/ de nas yang bud med dang / skyes pa la 'byung zhing thun gsum ni zhing rmo ba'i rang bzhin gyi las byed pa rnams la gnod par 'byung ngo / /mar ngo la ni drag shul gyi las byed pa'i gtum po rnams la nad 'byung ngo / /yar ngo la ni bram ze mchod sbyin byed pa dang / zhing pa rnams dang / byis pa rnams dang / rgan mo rnams dang / chos la gnas pa'i gtso bo rnams la tsha ba'i nad 'byung bar 'gyur ro/ /dman pa dang / dge ba dang / dma' bar 'gyur ba rnams shes shing gang gis snga ma'i rang bzhin du gyur pa shes pa'i bram ze'i nyi mar gyur par blta'o/ /yang phur bu'i mnyam pa'i dge ba'i las rnam pa bzhi dang / dmangs rigs kyi las rnam pa bzhi dang / mnyam pa'i snyan dngags kyi las rnams shes pa dang / so ma'i las rnam pa bzhi dang / tshangs pa'i las des mnyam par shes pa rnams la gnod pa 'byung ngo / /kye| gzhan yang / pad+ma'i snying po/ rgyu skar nyi shu rtsa
426b
brgyad po de dag gi nad kyi le'u bshad par bya'o/ /smin drug la skyes pa'am/ bud med nad kyis btab pa zhag bzhi nas sos par bstan no/ /de'i lha ni me lha yin pas zho'i gtor ma btang na/ gtor ma des nad las ldang bar bshad do/ /snar ma la skyes pa'am/ bud med nad kyis btab pa ni zhag lnga'i bar du na bar 'gyur ro/ /de nas sos par 'gyur ro/ /de'i lha ni skye dgu'i bdag po yin pas me tog gi phreng ba gtsang ma'i gtor ma btang bas gtor ma'i las des nad las ldang bar 'gyur ro/ /mgo la skyes pa'am/ bud med nad kyis btab pa ni zhag brgyad nas nad de las sos par 'gyur ro/ /de'i lha ni zla ba yin pas sran sngon gyi 'khur ba'i gtor ma btang na/ gtor ma des nad las ldang bar 'gyur ro/ /lag la skyes pa'am/ bud med nad kyis btab na ni zhag bcu'i bar du na bar 'gyur zhing de nas sos par 'gyur ro/ /de'i lha ni drag po yin pas 'bras dang / 'o thug gi gtor ma btang na/ gtor ma des nad de las ldang bar 'gyur/ /nam so la skyes pa'am/ bud med nad kyis btab pa ni zhag brgyad kyi bar du na bar 'gyur zhing de nas sos par 'gyur ro/ /de'i lha ni nyi ma yin pas spos dang / byug pa'i gtor ma btang na/ gtor ma des nad de las ldang bar 'gyur ro/ /rgyal la skyes pa'am/ bud med nad kyis
427a
@#/ /btab pa ni zhag lnga'i bar du na zhing de nas sos par 'gyur ro/ /de'i lha ni phur bu yin pas byug pa dang / phreng ba'i gtor ma btang na/ gtor ma des nad de las ldang bar 'gyur ro/ /skag la skyes pa'am/ bud med nad kyis btab pa ni sman gyi gso bas mi sos te/ lha ni sbrul yin pa'i phyir ro/ /mchu la skyes pa'am/ bud med nad kyis btab pa ni zhag brgyad kyi bar du na zhing / de nas sos par 'gyur te/ de'i lha ni mtshun yin pas 'bru dang til btags pa'i ri lu'i gtor ma btang na/ gtor ma des nad de las ldang bar 'gyur ro/ /gre la skyes pa'am/ bud med nad kyis btab pa ni zhag bdun na bar 'gyur zhing de nas nad de las sos par 'gyur te/ de'i lha ni klu yin pas byug pa dang / phreng ba'i gtor ma btang na/ gtor ma des nad de las ldang bar 'gyur ro/ /dbo la skyes pa'am/ bud med nad kyis btab pa ni gso ba'i sman gyis sos par mi 'gyur te/ de'i lha ni gshin rje yin pa'i phyir ro/ /me bzhi la skyes pa'am/ bud med nad kyis btab pa ni zhag ldan par 'gyur zhing / de nas sos par 'gyur te/ de'i lha ni nyi ma yin pas byug pa dang / phreng ba'i gtor ma btang na/ gtor ma des nad de las ldang bar 'gyur ro/ /nag pa la skyes pa'am/ bud
427b
med nad kyis btab pa sos par 'gyur te/ de'i lha ni dri za yin pas nas kyi ljang bu'i gtor ma btang na/ gtor ma des nad de las ldang bar 'gyur ro/ /sa ri la skyes pa'am/ bud med nad kyis btab pa ni zug zer che la zhag nyi shu rtsa brgyad kyi bar dun bar 'gyur zhing de'i lha ni rlung lha yin pas sna tshogs phreng ba'i gtor ma btang na/ gtor ma des nad de las ldang bar 'gyur ro/ /sa ga la skyes pa'am/ bud med nad kyis btab pa ni nad lci zhing zhag nyi shu rtsa gcig gi bar du na bar 'gyur zhing de nas sos par 'gyur ro/ /de'i lha ni me lha dang / dbang po yin pas byug pa dang / phreng ba'i gtor ma btang na/ gtor ma des nad de las ldang bar 'gyur ro/ /lha mtshams la skyes pa'am/ bud med nad kyis btab pa ni zla ba phyed kyi bar du na bar 'gyur zhing / de nas sos par 'gyur te de'i lha nyi ma yin pas mar gyis gang ba'i gtor ma btang na/ gtor ma des nad de las ldang bar 'gyur ro/ /snron la skyes pa'am/ bud med nad kyis btab pa ni nad tshabs che zhing zhag bcu gsum na bar 'gyur zhing de nas sos par 'gyur te/ de'i lha ni dbang po yin te/ byug pa dang / phreng ba'i gtor ma btang na/ gtor ma des nad de las ldang bar 'gyur ro/ /snubs la skyes pa'am/ bud med nad kyis btab pa ni zla ba gcig na bar
428a
@#/ /'gyur zhing / de nas sos par 'gyur te/ de'i lha ni dmangs rigs yin pas sha'i gtor ma btang na gtor ma des nad de las ldang bar 'gyur ro| |chu stod la skyes pa'am/ bud med nad kyis btab pa ni nad tshabs che zhing zla ba brgyad kyi bar du na bar 'gyur zhing de nas sos par 'gyur te/ de'i lha ni chu lha yin pas 'bras dang / til btags pa'i gtor ma btang na/ gtor ma des nad de sos par 'gyur ro/ /chu smad la skyes pa'am/ bud med nad kyis btab pa ni zhag bdun gyi bar du na zhing de nas sos par 'gyur te/ de'i lha ni sna tshogs pa yin pas 'bras dang / 'o thug gi gtor ma btang na/ gtor ma des nad de las ldang bar 'gyur ro/ /gro bzhin la skyes pa'am/ bud med nad kyis btab pa ni nad lci zhing lo gcig gi bar du na bar 'gyur te/ de'i lha ni khyab 'jug yin pas byug pa dang / phreng ba'i gtor ma gtang na| gtor ma des nad de las sos par 'gyur ro/ /mon gre la skyes pa'am/ bud med nad kyis btab pa ni nad lci zhing zla ba bcu gsum gyi bar du na bar 'gyur te/ de'i lha ni ba su de ba yin pas byug pa dang / phreng ba'i gtor ma btang na/ gtor ma des nad de las ldang bar 'gyur ro/ /mon gru la skyes pa'am/ bud med nad kyis btab
428b
na zhag bcu bdun gyi bar du na par 'gyur zhing de nas sos par 'gyur te/ de'i lha ni chu lha yin pas 'bras dang / 'o thug gi gtor ma btang na/ gtor ma des nad de las ldang bar 'gyur ro/ /khrums stod la skyes pa'am/ bud med nad kyis btab par 'gyur na/ zhag bdun na bar 'gyur zhing de nas sos par 'gyur te/ de'i lha ni klu yin pas byug pa dang / phreng ba'i gtor ma btang na/ gtor ma des nad de las ldang bar 'gyur ro/ /nam gru la skyes pa'am/ bud med nad kyis btab na nad yang zhing zhag nyi shu rtsa brgyad na bar 'gyur zhing de nas sos par 'gyur te/ de'i lha ni rgyal yin pas spos dang / me tog gi phreng ba'i gtor ma btang na/ gtor ma des nad de las ldang bar 'gyur ro/ /tha skar la skyes pa'am/ bud med nad kyis btab par 'gyur na zug zer che la zhag nyi shu rtsa brgyad kyi bar du na bar 'gyur la/ de'i lha ni nyi ma yin pas mar dang / sran sngon gyi gtor ma btang na/ gtor ma des nad de las ldang bar 'gyur ro/ /bra nye la skyes pa'am/ bud med gang nad kyis btab par gyur na sman gyis mi 'tsho ste/ de'i lha ni gshin rje yin pa'i phyir ro/ / mkhas pas tshul khrims la sbyar bar bya ste/ des mtho ris su 'gro bar 'gyur ro/ /kye| pad+ma'i snying po/ de ni nad kun nas 'byung ba zhes bya ba'i le'u yin no/ /gzhan yang
429a
@#/ /kye| pad+ma'i snying po/ bcings pa thar pa zhes bya ba'i le'u bshad kyi nyon cig /kye| pad+ma'i snying po/ smin drug la btson du bzung ba ni zhag gsum nas thar bar 'gyur ro zhes bstan to/ /snar ma la btson du bzung ba ni yang zhag gsum nas thar bar 'gyur ro/ /mgo la btson du bzung ba ni zhag nyi shu nas thar bar 'gyur ro/ /lag la btson du bzung ba ni zla ba phyed nas thar bar 'gyur ro/ /nam so la btson du bzung ba ni zhag gcig nas thar bar 'gyur ro/ /rgyal la btson du bzung ba ni zhag gsum nas thar par 'gyur ro/ /skag la btson du bzung ba ni yang zhag gsum nas thar bar 'gyur ro/ /mchu la btson du bzung ba ni zhag bcu drug nas thar bar 'gyur ro/ /gre la btson du bzung ba ni zhag bcu nas thar par 'gyur ro/ /dbo la btson du bzung ba ni zhag bdun nas thar bar 'gyur ro/ /me bzhi la btson du bzung ba ni zhag lnga nas thar par 'gyur ro/ /nag pa la btson du bzung ba ni zhag bdun nas thar bar 'gyur ro/ /sa ri la btson du bzung ba ni bcu gnyis nas thar bar 'gyur ro/ /sa ga la btson du bzung ba ni zhag nyi shu rtsa drug nas thar bar 'gyur ro/ /lha mtshams la btson du bzung ba ni zhag nyi shu rtsa dgu nas thar bar 'gyur
429b
ro| |snron la brtson du bzung ba ni zhag bcu nas thar bar 'gyur ro/ /snrubs la btson du bzung ba ni zhag nyi shu rtsa drug nas thar bar 'gyur ro/ /chu stod la btson du bzung ba ni zhag bcu bzhi nas thar bar 'gyur ro/ /de bzhin du chu smad la yang brjod par bya'o/ /gro bzhin dang / mon gre dang / mon gru dang / khrums stod dang / khrums smad dang / nam gru ste/ de dag la btson du bzung ba ni zhag bcu bzhi nas thar par 'gyur ro/ /tha skar la btson du bzung ba ni zhag gsum nas thar par 'gyur ro/ /bra nye la btson du bzung ba ni nyon mongs shing mi shor bar bstan to/ /kye/ pad+ma'i snying po/ de dag ni bcings pa thar pa zhes bya ba'i le'u yin no/ /kye| pad+ma'i snying po/ gzhan yang / sme ba'i mtshan ma bshad par bya yi nyon cig / mgo dkyil na sme ba phra zhing sa dkar po'i kha dog lta bu yod na/ bud med de ni rgyal po'i btsun mor 'gyur ro/ /de ni mchu pad+ma ltar dmar bar 'gyur ro/ /bud med kyi mgo la smre ba phra zhing lig pu mig gi kha dog lta bu yod na/ de ni dmag dpon gyi chung mar 'gyur te/ nu ma gnyis kyi dkyil na thig le lta bu'i sme ba yod par 'gyur ro/ /smin ma gnyis kyi mtshams na sme ba yod na de ni khyim thab las 'phyo zhing bag med par spyod la/ khyo lnga yod par 'gyur zhing zas dang / sgo ma mang du rnyed par 'gyur ro/ /gsang ba'i gnas ba sme
430a
@#/ /ba'i thig le yod na khyo lnga yod par 'gyur ro/ /gang gi mkhur tshos la sme ba yod na/ de ni khyim thab las 'phyog zhing bzod par dka' ba'i sdug bsngal thob par 'gyur ro/ /brla'i phyi bsham na sme ba thig le lta bu yod pa dang / rna ba la sme ba yod pa ni thos pa mang zhing bag med par bstan to/ /gang gi mjug to na thig le lta bu'i sme ba yod pa ni thos pa mang zhing khyim thab kyi brtul zhugs can du 'gyur ro/ /gang gi ya mchu la sme ba nag po yod pa de ni rdzun smra zhing khyim thab las 'phyo la sdug bsngal mi bzad pa myong bar 'gyur ro/ /gang gi brla la sme ba yod pa ni snga ma dang 'dra'o/ /gang gi mchu la sme ba yod pa de ni bag chung zhing khyim thab las 'phyo bar bstan to/ /gang gsang ba'i nang na sme ba yod pa de ni zas dang / skom mang du rnyed par 'gyur ro/ /kos ko dang / gsang ba'i nang na sme ba yod pa de ni khyim thab las 'phyo zhing zas dang / gos mang du rnyed par 'gyur ro/ /kye| pad+ma'i snying po/ de ni sme ba lung bstan pa zhes bya ba'i le'u'o/ /kye| pad+ma'i snying po/ gzhan yang / skyes pa'i yon tan gyi le'u bshad kyi nyon cig /smin drug la skyes pa'i mi ni dka' thub dang ldan zhing rkun ma la dga' la dpa' zhing gtum pa lugs ston pa'i skyes bur 'gyur ro/ /snar ma la skyes pa'i
430b
skyes bu ni nor dang ldan pa dang / chos la dga' zhing brtson 'grus brtan zhing dpa' la bde ba dang ldan par 'gyur ro/ /mgo la skyes pa'i skyes bu ni 'jam zhing mdzes la blta bar 'os pa dang / khyad par du bud med la dga' bar 'gyur ro/ /lag la skyes pa ni gsod cing gdung la pha rol 'jigs par byed cing las drag po la sbyor la khang pa bzang po rnyed par 'gyur ro/ /nam so la skyes pa ni 'dod pa chung zhing blo dang ldan la/ chos dang tshul khrims dang bcas shing spro thung bar 'gyur ro/ /rgyal la skyes pa ni bram ze chen po gzi brjid dang ldan pa'am/ rgyal rigs su gyur nas rje'u rigs dang / dmangs rigs kyis mchod par 'gyur ro/ /skag la skyes pa ni sna 'bud cing khro la spro thung zhing skyes bu ngan pa rnams la lung gsal bar bstan to/ /mchu la skyes pa ni shes rab dang ldan zhing lag pa gtsang la bsod nams che zhing de bzhin du nor dang / longs spyod du ldan par 'gyur ro/ /gre la skyes pa ni chos ma yin pa'i blo dang ldan zhing rtag tu bla ma la smod par 'gyur ro/ /dbo la skyes pa ni longs spyod dang ldan zhing lha'i mngon par shes pa dang ldan pa'i bsod nams kyi skal ba can gyi skyes bur 'gyur ro/ /me bzhi la skyes pa ni bdag nyid skyon med cing rnam par gnon la zas bzang po za zhing dmag
431a
@#/ /dpon byed cing 'joms par 'gyur ro/ /nag pa la skyes pa ni mig mdzes shing gtam sna tshogs la mkhas la/ blta na sdug cing dbang dang ldan la tshul khrims dang ldan par 'gyur ro/ /sa ri la skyes pa ni gnyen dang ldan zhing mkhas la 'jam zhing dad pa che la grogs dad che bar 'gyur ro/ /sa ga la skyes pa'i skyes bu ni gzi brjid dang ldan la nor mang zhing dpa' zhing pha rol gnon la gtong ba dang ldan zhing skal ba che bar 'gyur ro/ /lha mtshams la skyes pa'i skyes bu ni grogs po dang ldan zhing khyim dang ldan la/ dag cing byas pa gzo la chos kyi bdag nyid can du 'gyur ro/ /snron la skyes pa'i skyes bu ni grogs dang che la kun nas rgyal zhing 'phong gi bstan bcos la mkhas shing / bud med la dga' ba'i blo can du 'gyur ro/ /snubs la skyes pa ni byas pa mi gzo la chos la mi dga'/ dpa' zhing brtan la sdig pa can du 'gyur ro/ /chu stod la skyes pa'i skyes bu ni ser sna che la dbang po rgod pa dang / nya'i sha la sred cing shan par 'gyur ro/ /chu smad la skyes pa'i skyes bu ni spro thung zhing gtong ba la dga' zhing mkhas la/ dga' mdza' dang ldan zhing gnyen bshes mang bar 'gyur ro/ /gro bzhin la skyes pa ni bstan bcos la mkhas shing bya ba dang
431b
ldan la tshe ring bar 'gyur ro/ /mon gre la skyes pa ni blo rgod cing nor mang la skyes bu thams cad 'joms par 'gyur ro/ /mon gru la skyes pa ni zhe sdang che zhing tshul khrims dang mi ldan la byi rgyug par 'gyur ro/ /khrums stod la skyes pa ni spyod pa'i yon tan dang ldan zhing byas pa gzo la de kha ra bar 'gyur ro/ /khrums smad la skyes pa ni shin tu mkhas shing blo dang ldan la bu mang zhing chos dang / tshul khrims dang ldan zhing nor mang bar 'gyur ro/ /nam gru la skyes pa ni chos shes shing rig pa sten la dbul zhing nor nyung la gtong ba la dga' bar 'gyur ro/ /tha skar la skyes pa ni mkhas shing skye bo'i tshogs dga' zhing dpa' la skal ba dang ldan par 'gyur ro/ /bra nye la skyes pa ni sdig pa la spyod cing mi mkhas la sngar zhing sbyin pa la dga'| zhing gzhan la rten pas 'tsho bar 'gyur ro/ /kye| pad+ma'i snying po/ de ni skyes pa'i yon tan gyi le'u'o/ /gzhan yang / bram ze/ bdag gis gnas rjes su dran pa'i shes pas mngon sum du byas nas/ sems kyis rig pa rnams gtan la phab cing sna tshogs pa'i sngon gyi gnas rjes su dran te/ tshangs pa mchog tu gyur pa de gzhan zhig yin snyam na/ de ltar blta bar mi bya ste/ nga nyid de'i tshe de'i dus na lha rnams kyi tshangs pa mchog tu gyur to/ /bdag de nas shing 'phos nas
432a
@#/ /lha'i dbang po brgya byin du gyur to/ /de nas shi 'phos nas bram ze dgon pa ba mu khyud gau ta ma zhes bya bar gyur to/ /de nas shi 'phos nas drang srong dkar po'i tog ces bya bar gyur to/ /de nas shi 'phos nas tha mal pa'i paN+Di ta ne tso zhes bya bar gyur to/ /de'i tshe bdag gis rig byed bzhi bklags te/ 'di lta ste / rgyal zhes bya ba'i gnod pa'i phyogs dang / sdeb sbyor gyi gnod pa'i phyogs dang / cha nyi shu rtsa gcig pa byas shing srid srung rnams bdag gis byas so/ /bram ze/ khyod yang de'i tshe de'i dus na drang srong ba su zhes bya bar 'gyur ba de gzhan zhig yin snyam du de de ltar mi lta ste/ nga nyid de'i tshe de'i dus na drang srong ba su zhes bya bar gyur to| |de'i tshe ngas shing mkhas gyi bu mo ser skya mo zhes bya ba chung ma'i don du blangs so/ /de la bdag kun tu chags pas rdzu 'phrul nyams shing bsam gtan dang bral te| des bdag nyid 'gyod nas de'i tshe dag byed kyi sngags 'di dag smras so/ /oM b+hur b+hu ba swa/ ta da sa b+hi tu ra ba re N+yaM b+har go de ba sa d+h+wi ma hi di yo na bra rdzod ya/ de bas na/ bram ze/ ngas khyod la bshad par bya ste/ bdag ni tha mal pa tsam nyid de/ 'jig rten du 'di ltar bram ze zhes bya ba dang / rgyal rigs zhes bya ba dang / rje'u rigs
432b
zhes bya ba dang / mdangs rigs zhes bya ba 'di thams cad gcig pa nyid de/ thams cad tha dad pa ma yin no/ /de bas na bdag gi bu gzhon nu stag rnal 'bu mo gzugs bzang mo chung ma'i don du byin cig /gang rin ji snyed phab pa de 'dod pa bzhin du gzhal bar bya'o/ /gdol pa'i rgyal po tre shang ku las tshig de lta bu de thos pa dang / bram ze pad+ma'i snying pos 'di skad ces smras so/ /khyod ni gcig tu gyur pa'i gtso bo mnyam pa med pa lha dang bcas pa'i 'jig rten na mnyam pa med pa'i bram ze chen por gyur te| khyod kyi bu la nga'i bu mo gzugs bzang mo sbyin par bya ste/ gzhon nu stag rna dang / gzugs bzang mo gnyis tshul khrims dang / gzugs dang / yon tan dang ldan zhing / bzang zhing mdzes pa yin te/ 'di ni bdag kyang 'dod pa yin no/ /de nas bram ze khye'u lnga brgya po de dag gis sgra chen pos/ kye| rig pa dang ldan pa'i bram ze rnams gdol pa dang gnyen ma mdzad cig /mkhan po rig pa dang ldan pa'i bram ze rig pa gsum pa rnams gdol pa dang lhan cig tu gnyen mdzad dam/ de nas bram ze pad+ma'i snying pos gleng gzhi bshad cing lan gyi tshigs su bcad pa rnams smras pa/ tre shang ku des gang smras pa/ /de bzhin de nyid de lta bur/ /de nyid yin te rdzun pa min//
433a
@#/ /yang dag mthar gyur bden pa nyid/ /de nas bram ze pad+ma'i snying pos bram ze'i khye'u de dag la smras nas gdol ba'i rgyal po tre shang ku la 'di skad ces smras so/ /kye tre shang ku tshangs pa 'di/ /mi mdzad bdag pos 'byung bzhi las/ /skyes bu rnam par sprul pa ste/ /mgo ni skar tshogs nam mkha' yin/ / de bzhin lto ba bar snang yin/ /ri bo rnams ni brla gnyis te/ /rkang pa gnyis ni sa ru gnas/ /nyi ma zla ba mig gnyis yin/ /rtswa dang shing rnams ba spu ste/ /mtshim bar snang char pa'o/ /rgya mtsho rnams ni gcin du 'dod/ /ri bo rnams ni phyi sa yin/ /de ni tshangs pa mi mjed bdag /khyod dang shes pa mnyam pa med/ /de de bzhin du bdag gis brjod/ /kye| tre shang ku /de la ni 'dir bdag nyid ci zhig smra ru yod/ yang rang gi mtshan nyid mngon sum du dpyad pas pha dang / mas sbyor ba byas pa las gyur cing / bde ba 'dod pas bslus nas sems can rnams mngal du 'jug pa yin te/ 'ga' yang ma skyes pa ni med do/ /'jig rten thams cad ni skye ba yin te/ bram ze'i rigs dang / rgyal rigs dang / rje'u rigs dang / dmangs rigs de dag thams cad la zhar ba dang / lag pa 'jas pa dang / theng bo
433b
dang| mdze dang / 'brum bu dang / brjed byed rnams dang / sha bkra dang / de bzhin du sems can thams cad thams cad tha dad par gnas pa'i phyir te/ rus pa dang / pags pa dang / sen mo dang / sha dang / bde ba dang / sdug bsngal dang / bshang ba dang / gci ba dang ldan zhing / dbang po rnams ni rnam par dbye ba med pa'i phyir rigs bzhi 'grub par mi 'gyur ro/ /bram ze/ gal te bram ze'i sngags kyi 'bras bu mtho ris su 'gro ba yin na/ dge sdig gi las kyi 'bras bu med cing chud za bar 'gyur ro/ /gang zhig 'gro ba lnga rnams la dge sdig las kyi 'bras bu rnam par smin par ni mthong ngo / /de nas gdol pa'i rgyal po tre shang kus bram ze pad+ma'i snying po grags pa tshar bcad do/ /de nas bram ze des gdol pa'i rgyal po tri shang ku la smras pa/ khyod ni tshangs pa dang / lha'i dbang po kau shi ka dang / gau ta ma rtsibs kyi mu khyud dang / dkar po'i tog dang / ne tso mkhas pas rig byed rnams bshad par gyur cing / lha'i drang srong chen por grags pa dang ldan pa'i mchog dang ltar yang khyod nyid yin te/ 'dir rig pa mchog gis bstan bcos thams cad byed cing / mchog tu khyad par can 'jig rten 'di'i mchog tu gyur pa/ rigs pa dang ldan par spyod pa khyod yin
434a
@#/ /pas tshul khrims dang ldan pa/ gzugs dang ldan pa/ yon tan dang ldan pa'i bu mo gzugs bzang mo mna' ma'i don du bdag gis khyod la sbyin par bya'o/ /gzhon nu stag rna dang / gzugs bzang mo gnyis mdzes shing mthun pas kyang 'di la mos shing dga'o zhes smras nas/ gser gyi bum pa chus bkang ba thogs nas bram ze mngon par dad cing dga' ba dang / mgu ba dang ldan pas chu sbrengs nas bu mo byin te/ 'di skad du'ang bu mo gzugs bzang mo 'di gzhon nu stag rna'i chung ma ru dga' ba'i sems kyis long zhig /de nas gdol pa'i rgyal po tre shang kus bu mo de rang gi bu de la blangs nas/ rang gi grong khyer du phyir log ste chos dang ldan par grags pas rang gi rgyal srid bskyangs par gyur to/ /yang dge slong dag /khyed de'i tshe de'i dus na gdol pa'i rgyal po tre shad ku zhes bya ba de gzhan zhig yin snyam du sems na/ de ltar blta bar mi bya ste/ nga nyid de'i tshe de'i dus na gdol pa'i rgyal po tre shang ku zhes bya bar gyur to/ /yang de'i tshe de'i dus na/ gzhon nu stag rna zhes bya ba gdol ba'i rgyal po tre shang ku zhes bya ba'i bur gyur pa de bzhan zhig yin snyam du sems na/ de ltar blta bar mi bya ste/ dge
434b
slong kun dga' bo 'di nyid de'i tshe de'i dus na/ gzhon nu stag rna zhes bya bar gyur to/ /yang khyod de'i tshe de'i dus na/ bram ze pad+ma'i snying po zhes bya bar gyur pa de gzhan zhig yin snyam du sems na/ de ltar blta bar mi bya ste/ dge slong shA radwa ti'i bu de'i tshe de'i dus na/ bram ze pad+ma'i snying po zhes bya bar gyur to/ /yang de'i tshe de'i dus na bu mo gzugs bzang mo zhes bya ba bram ze pad+ma'i snying po'i bu mor gyur pa de gzhan zhig yin pa snyam du sems na/ de ltar blta bar mi bya ste/ dge slong ma gzugs bzang mo 'di nyid de'i tshe de'i dus na/ pad+ma'i snying po'i bu mor gyur to/ /der gcugs pa dang / mdza' ba'i rgyus da ltar dge slong kun dga' bo 'gro na rjes su 'gro zhing 'dug na 'dug la khang pa gang dang / gang du bsod snyoms la zhugs pa na/ sgo de dang / der mi smra bar gnas par gyur to/ /de nas bcom ldan 'das gleng gzhi'i rnam pa 'di nyid bstan nas/ de'i tshe tshigs su bcad de bka' stsal pa/ skye ba sngon gyi bag chags kyis/ /de ltar yang ni brtse nyid de/ /de yid gtsugs pa skyes gyur pa/ /chu nang nas skyes ci bzhin no/ /de lta bas na/ dge slong dag /'phags pa'i bden pa bzhi mngon par rtogs pa mngon du ma byas pas brtson 'grus dang / mngon par 'bad pa
435a
@#/ /dang| spro ba dang / 'dun pa drag pos tshig tu ma yin pa rtogs par bya zhing dran pa dang / shes bzhin gyis spyad par bya'o/ /bzhi po de dag gang zhe na/ sdug bsngal 'phags pa'i bden pa/ sdug bsngal kun 'byung 'phags pa'i bden pa/ sdug bsngal dang / 'gog pa 'phags pa'i bden pa/ sdug bsngal dang lam 'phags pa'i bden pa sdug bsngal te/ 'phags pa'i bden pa bzhi po de dag mngon par ma rtogs pa mngon par rtogs pa'i phyir brtson 'grus dang / mngon par 'bad pa dang / spro ba dang / 'dun pa drag pos tshig tu ma yin par rtogs par bya zhing dran pa dang / shes bzhin gyis sbyar bar bya'o/ /chos kyi rnam grangs 'di bshad pa na dge slong drug cu len pa med par zag pa rnams las sems rnam par grol lo/ /mnyan yod kyi skye bo'i tshogs chen po bram ze dang / khyim bdag rnams chos kyi mig rdul med cing dri ma dang bral bar gyur to/ /dge slong de dag dang / ko sa la'i rgyal po gsal rgyal dang / mnyan yod kyi skye bo'i tshogs chen po dang / bram ze dang / khyim bdag dang / lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po dang /
435b
dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa stag rna'i mdo rdzogs so// //rgya gar gyi mkhan po dge slong a dzi ta shrI b+ha dra dang / zhus chen gyi lots+tsha ba dge slong shAkya 'od kyis bsgyur//