H372

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H372</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H372&coll=lhasa">see text in Tibetan script</a></table>186b<br><font size=+1>


/rgya gar skad du/ shrI kA la tsa kra ta natro t+ta ra tan+t+ra hri da ya nA ma/ bod skad du/ dpal dus kyi 'khor lo'i rgyud phyi ma rgyud kyi snying po zhes bya ba/ 'jam pa'i dbyangs la phyag 'tshal lo/ /'di ltar chos dbyings dkyil 'khor dri med sku la 'jam dpal gyis ni dge dang mi dge bas/ /sangs rgyas pa dang mu stegs pa dag lha rnams dang ni dmyal ba nyid ces gang thob pa/ /rgyal mchog pho brang sham+b+ha lar grags ka lA pa ru ngag gi dbang phyug seng+ge yi/ /gdan la bzhugs nas rgyal pos rgyud kyi rgyal po slar yang thub pa rnams la gsal bar bstan/ /byung gyur ces sogs bden te lha mchog bla ma khyab 'jug lha yi dbang phyug lha yi dbang po dang / /zla ba nyi ma sgra gcan ma lha sa steng lha yul nam mkha' bsod nams sdig las 'byung / /mi rnams pha rol srid par yi dwags dmyal ba gang zhig bkag pa sha yi dam tshig can/ /rig byed pa dang thod pa </font><hr>187a<br><font size=+1>


@#/ /can gyi rgyud kyi sdig pa'i bya ba de ni rdzun pa ste/ /gang du gcan chen bdun la sogs pa dge dang mi dge'i dbang gis bram ze rnams kyang der/ /skyes la sngar gyi lus po spangs nas lus gzhan bsam pas nges par 'dzin par 'gyur pa ni/ /thub pa shed bu'i tshig las srog chags rnams kyi gsod byed za ba'i mthar thug brgyad du 'gyur/ / sha zos pa las bram ze rnams kyang lha las sa steng 'dir lhung de ni bden pa ste/ /bzang po tshangs pa dbang phyug khyab 'jug rnams kyi rig byed zhi chos khyab 'jug ches bla ma/ /sha yi kha zas bkag la sha yi dam tshig can la rnal 'byor ma dang rnal 'byor rgyud/ /rdzogs sangs rgyas kyis bco lnga sogs par bde gshegs dam tshig can la sangs rgyas byang chub ni/ / sangs rgyas pa yis kun nas sha mi bza' zhing bdag gi ba yis rtag tu bsrung mi bya/ /srog chags rnams la srog chags 'du shes gsod pa'i yid kyis nye bar brtsams pas 'di nyams pa/ /yan lag lnga yis srog gcod 'gyur gyi nam mkha' tsam ni srog chags rnams kyi byed po min/ /srog gcod lus dang ngag dang yid kyis rgyu rnams gsum gyis 'grub la de la longs spyod cing / /skyed byed bdag nyid sems kyi rgyal po srog chags rnams ni las longs spyod pas 'jig par 'gyur/ /seng+ge sprul dang ne la stag dang bya rog skye </font><hr>187b<br><font size=+1>


gnas yan lag lnga yis srog gcod 'gyur/ /rgyal po dang ni skye rgu rnams ni byed dam byed du 'jug dang yi rang gsum gyis 'gyur/ /dge slong snying rje med pas lce la sha yi ro myong ro la rjes su tshol byed cing / /bdag nyid gsod pa la sogs skyon gyis dge slong rnams dang dge tshul yang ni dmyal bar 'gro/ /dge slong nad pa la ni sman pas sha bstan na yang bya khra rnams kyis bsad pa dang / /pha yi ched du bsad dang mchod sbyin thog dang me dang chu dang ma zhu'i skyon gyis shi ba rnams/ /sbyor ba 'di rnams med par gyur na gang du de tshe bza' bar bya bar gsungs pa rnams/ /dge slong rnams la sha gang de ni stobs bcu ldan pas nad 'joms phyir yin 'chi bslu min/ /sha la sogs pa zos na nges par sa yi 'og tu lus chen rnams su sdug bsngal 'gyur| |srog chags yi dwags la sogs skye gnas dka' thub khyim ba rgyal po nges par rang khyim du/ /gzhan gyi khyim dang chung ma longs spyod dang ni bu mo gnyen 'dun tshogs dang rang khyim rnams| |shi ba rnams kyi lus ni gang yin chung ma bu dang bu mo gnyen 'dun tshogs ni gang / /'dir ni rdo la gzugs dang sgra dang dri dang ro dang reg bya nyid ni rnam par blta/ /tho yor shes pa yod la rang gzhan rnam pa bral ba nyid las rdo ba'i tho yor phung por 'gyur/ /sa steng gnas su srog chags rnams kyi rig pa nyams pa'i lus la'ang yod pa nyid/ /srog chags rnams kyi srog rgyu ba ni </font><hr>188a<br><font size=+1>


@#/ /rang gzhan rnam par bral bar legs par sad las shes/ /shaM b+ha la yi nyi ma'i shing rta la sogs phung po khams dang dbang po 'gro ba rnams/ /'gro ba'i gzugs kyi khams la sogs pa phung po thams cad rdul phran rnams kyi rnam 'gyur te/ /longs spyod byed pa rnam par rig pa tsam ste rang gzhan bral zhing rtog med de rnams kyis/ /longs spyod byed min srog chags rnams kyi snang byed gang gis mun pa bral nas sad par 'gyur/ /zla ba nyi ma sgra gcan dus kyi me dang mun pa gcig tu snang bar byed pa yang / /sa sogs dri sogs mig la sogs dang gzhu dang char pa glog dang rlung sogs drug pa gnyis/ /de ni lus la phung po drug dang yul dang yul can de yi bya ba drug pa gnyis/ /de rnams longs spyod byed po srog chags phung po gnyid log gyur 'dir snang byed kyis bslang ba/ /phyi yi bdag dang nang gi bdag dang gsum pa mchog gi bdag rnams bzhi pa las rab byung / /sprul sku longs sku dang ni de bzhin chos kyi sku rnams bzhi po las ni rab tu byung / /khong stong min zhing gcig pu mchog gyur 'byung ba las gyur tsam gyis gsum sogs thim par 'gyur/ /de bzhin gsum la sogs pa gcig pu mchog gyur chos kyi dbyings su nges par thim par 'gyur/ /phung po khams dang dbang po'i yan lag skye mched mun pa stug po snang ba 'od kyi mdog /rnam par shes </font><hr>188b<br><font size=+1>


pa srog gi de nyid srid gsum 'gro bar gtogs pa'i mtha' yas byang chub chos/ /dri rnams nam mkha'i me tog bzhin du yod min mkha' tsam rdul phran chos kyi dbyings la gnas/ /gang phyir 'gro ba 'di rnams bdag dang gsum la sogs pa sangs rgyas sku gsum la sogs pa/ /yan lag nang nas nyon mongs ma rig par 'gyur slar yang len pa dang ni sred pa yang / / las ni 'du byed srid par 'gyur la 'dir ni gsum po zung bcas rgyu chos sdug bsngal ni/ /rnam shes la sogs rnam pa lngar 'gyur de bzhin bcu gcig pa dang bcu gnyis pa yang yin| |gsum las zung la zung las dpag tu med pa'i srid par chos bdun 'bras bu'i yan lag rnams/ /shing las me tog me tog las kyang 'bras bzhin gang zhig 'gro ba'i nyon mongs pa las las/ /de las sdug bsngal sdug bsngal de las nyon mongs mtha' yas 'khor lo ma lus rgyu las byung / /chos rnams 'gag pa med pa nam mkha' tsam las 'byung ba'ang med pa nyid pas de yi phyir/ /srog chags srog gi rdul phran phung por bcas shing 'gro ba gzhan du rtag min mi rtag min/ /sbyin pa la sogs gang zhig dge bcur ldan pa gtong zhing byang chub phyogs kyi stong pa nyid/ /gang zhig de dag byed pa por 'gyur rgyal mchog sras bcas srog chags rnams kyi bdud kyi ris/ /de las phung po rnams las de las slar yang srid gzhan </font><hr>189a<br><font size=+1>


@#/ /'pho min phung po'i mtshams sbyor ni/ /mar me kha ton rgya dang dri med chu dang sgra dang nyi ma chu shel sa bon skyur/ /gang du rgyal ba rnams kyi chos sku dkar po'i chos kyi tshogs las byung ngo zhes bya bden/ /chos las longs spyod rdzogs sku mtshan dang dpe byad ldan pa ma lus sgra yi tshogs rnams te/ /phung po sprul pa'i sku la mchog tu 'gyur med bde ba chos sku min zhing de yi phyir/ /gang zhig sku yi mtshan nyid 'dir ni sangs rgyas pa yi slob dpon klu yis gang gsungs pa/ /gang zhig gcig min du ma min la bdag gzhan la phan phun tshogs chen po'i rten gyur pa/ /dngos med dngos po med min nam mkha' bzhin du ro mnyam rnam par dpyad ka'i rang bzhin nyid/ /gos med rnam par 'gyur med zhi ba mtshungs pa med pa mnyam zhing khyab la spros pa med/ /dpe med so sor rang gis rig bya rgyal ba rnams kyi chos kyi sku la bdag phyag 'tshal/ /gang zhig 'jig rten las 'das bsam mi khyab pa legs spyad 'bras bu bdag nyid phun sum tshogs/ /blo ldan chen por gyur pa mnyes pa'i rgyur gyur 'khor gyi dbus su sna tshogs gsung mdzad cing / /'jig rten kun la khyab pa rgyun mi 'chad pa rgya che'i dam chos sangs rgyas rnams kyis gsungs/ /longs spyod rdzogs sku chos kyi rgyal po chen por gnas pa de la 'dir ni bdag phyag 'tshal/ / </font><hr>189b<br><font size=+1>


gang zhig sems can rnams kyi smin pa'i rgyur gyur la lar me bzhin gsal bar snang ba dang / /slar yang la lar mngon par byang chub chos kyi 'khor lo rab tu zhi ba gang mthong ba/ /rnam pa du mar 'gro ba'i gzugs kyi thabs kyis 'jug cing srid pa gsum gyi 'jigs pa 'joms/ /phyogs bcu'i rjes su 'jug pa don chen thub pa rnams kyi sprul pa'i sku la phyag 'tshal lo/ / khams gsum spyod pa las grol mkha' dang mnyam par gyur pa dngos po kun gyi rang bzhin nyid/ /dag cing zhi la rnam dben mchog tu zhi la rang bzhin rnal 'byor nyid kyis rtogs bya ba/ /rtogs dka' brtag par dka' la zhi ba mi mnyam mnyam par khyab cing mtshan ma med pa nyid/ /mi mnyam bde ba rnam par mi rtog sku gcig rgyal ba rnams kyi sku la phyag 'tshal lo/ /sangs rgyas zhing khams mtha' yas rdul phran yon tan las byung ma lus 'jig rten khams rnams su/ /zla ba nyi ma la sogs skye gnas lha yul sa steng nam mkha' rdo rje btsun mo'i mthar/ /bud med skye gnas chos kyi dbyings su bde 'gro ngan 'gro dus kun tu ni rnam par bzhugs/ /rdzogs pa'i sangs rgyas srog chags phung po yul gyi yon tan ldan pa bsod nams sdig pa'i mthus| |khu ba khrag dag rig ma'i b+ha ga'i pad+mar chud cing srog gi rlung dang rtsol ba'i rlung / /de ni ye shes lnga yi rang bzhin can du gyur pa'i skyes bu rig ma yang dag ldan/ /yul </font><hr>190a<br><font size=+1>


@#/ /gyi yon tan las byung de long spyod pa'i gzugs sku ma yin khams la rab brten nas/ /skyes pa bud med ma ning lha klu khyab 'jug rgyal ba thub ba rang las mthu las byung / /gang gi de nyid de nyid lnga dang rigs gsum go 'phang yang ni gcig tu gsang ba yi/ /zhal brgya rig 'dzin dbang po zla ba sa sogs yul dang yul can bdag po chos kyi dbyings/ /zhal brgya pa de rgyu las gnyis skyes lag pa rkang pa'i yan lag sor mo'i tshigs rnams la/ /de la tshor ba gsum la sogs pa nub par 'gyur ba sgra bzhin myur du 'gro bar 'gyur/ /gang zhig lnga dang gsum las yul dang yul can dri dang lus la sogs pa 'byung bar 'gyur/ /sa la sogs pa lnga dang zla ba nyi ma mun pa rnams kyis khams rnams rgyas btab des/ /gcig gi du ma'i khams las gnyis skyes lag ba rkang pa sor mo'i tshogs rnams gang zhig tu/ /thams cad zla ba'i rgyu las mchog gi rigs brgya rgyas btab skyes pa dang ni bud med dag /rten gyi 'byung ba'i tshogs ni rang bzhin yon tan yang ni 'jig med rdul gyi phung po ste/ /srog gi rgyu ni dbyangs yig la sogs rang bzhin yang ni 'jig pa med pa srog gi khams/ /khu ba'i rten ni zla ba nyi ma yang ni rdul yin las ni srog chags phung po yi/ /de yi thabs kyis sad par byas pas bsod nams sdig pa'i mthu las </font><hr>190b<br><font size=+1>


'bras bu sa gzhan du/ /rang gi las kyi phung po lngar longs spyod cing slar yang gzhan du 'ang slar yang yang gsog par byed/ /de yi dkar po'i bsam gtan bstod pa nges par brgya yis las kyi phung po zad pa min/ /gcer bu la ni las kyi phung po rnam par 'jig 'gyur sreg byed ma ni 'ba' zhig gis/ /dkar po'i bsam gtan dgra bcom sngags pa dang bstod pa nges pa brgya phrag sems can lus ngag las/ /pad+ma khyab byed snying po'i ze'i 'bru'i dbang phyug dgra bcom thig le bzang po sgom par byed/ /de dbus lus po sbas ba rtse mo brgya phrag 'bar ba kun nas gsal bar byed pa can/ /lha rnams gsang ba'i mdzod gyur mchog gi go 'phang 'di ni brgya byin rgyal po mchod 'os pa/ /bsam gtan 'di ni sreg blugs za bas ma lus las kyi phung po sreg par 'gyur ba mthong / /gang zhig gnod pa'i bsam gtan la zhugs gyur pas nyin dang mtshan du de yi sdig 'phel 'gyur/ /gang zhig gnod pa'i bsam gtan las ldog gyur pas nyin dang mtshan du de yi sdig nyams 'gyur/ /gang zhig drag po'i bsam gtan la zhugs gyur pas nyin dang mtshan du de yi sdig pa 'phel/ /gang zhig drag po'i bsam gtan las ldog gyur pas nyin dang mtshan du dre yi sdig pa nyams/ /gang zhig chos kyi bsam gtan la zhugs gyur pas nyin dang mtshan du de yi sdig pa nyams/ /gang zhig chos kyi bsam </font><hr>191a<br><font size=+1>


@#/ /gtan las ldog gyur pas nyin dang mtshan du de yi sdig pa 'phel/ /gang zhig dkar po'i bsam gtan la zhugs gyur pas nyin dang mtshan du de yi sdig pa nyams/ /gang zhig dkar po'i bsam gtan las ldog gyur pas nyin dang mtshan du de yi sdig pa 'phel/ /gang zhig nyin dang mtshan du 'cho ba la zhugs gyur pa de rnams sdig pa 'phel bar 'gyur/ /gang zhig nyin dang mtshan du 'tshe ba ldog par gyur pa de rnams kyi ni bsod nams 'phel/ /de bzhin shad nag chang dang gzhan gyi nor 'phrog pa dang 'dod pas log par g.yems pa dang / /'dod chags zhe sdang gti mug rnams dang nges par khro ba nga rgyal 'dod pa rnams kyis 'gyur/ /gang zhig sbyin pa la zhugs gyur pas nyin dang mtshan du de yi bsod nams 'phel bar 'gyur/ /gang zhig sbyin pa las ldog gyur pas nyin dang mtshan du de yi sdig pa 'phel bar 'gyur/ /de bzhin tshul khrims bzod pa nyin dang mtshan du 'gyur la rdo rje'i brtson 'grus de bzhin du/ /shes rab thabs dang smon lam stobs kyi sbyor bar ldan zhing stong nyid ye shes rdor je rnams/ /dngos dang dngos med byed po bsgribs dang nam mkha' 'phrog par byed pa dang ni mchog gi bdag /nam mkha' med na byed po gnas min 'dir ni gang zhig stong nyid smra ba rnams kyi tshig /sems can rnams </font><hr>191b<br><font size=+1>


kyi byed por ma byas bsod nams sdig pa dus rnams kun tu rnam par 'phel/ /rgyal ba stobs bcu ldan pa ye shes can dang lha rnams longs ma spyad par 'jig pa min/ /so sor sdud la sogs pa drug po stobs bcu'i stobs dang ldan pas stong nyid sgom par gsungs/ /mtshan mo du ba la sogs sbyor bas slar yang nyin mo nam mkha' 'bar ba la sogs pas| |so sor sdud pas rnal 'byor pa yis dus gsum dngos po nam mkha'i dkyil du son par mthong / /bsam gtan gyis kyang de la shin tu sems brtan byas pas phyi rol dngos po rnam par spong / /srog rtsol gyis ni srog gi rlung dag nyi ma zla ba bral nas mun par rgyu bar byed/ /dbugs kyi 'byung 'jug bral zhing slar yang 'dzin pa'i yan lag gis ni thig le 'dzin par byed/ /rjes su dran pas rang gi gzugs las zla ba bzhin du nam mkhar 'od mang 'phro bar byed/ /ting nge 'dzin gyis khu ba rdo rje nas brtsams mgo bro dri med bde bas rab gang 'gyur/ /nam mkhar bltas pas gti mug rnam par 'jig par 'gyur te sna tshogs stong pa nyid mthong bas/ /nang gi bdag nyid bltas pas 'dod chags 'jig par 'gyur te srog gi rlung dag bkag pas so/ /yan lag med par bltas pas zhe sdang 'jig par 'gyur te khu ba dri med bde ba yis/ /sna rtser bltas pas nga rgyal 'jig par 'gyur te </font><hr>192a<br><font size=+1>


@#/ /gzhom du med pa tshangs pa'i gsung las so/ /srog dang rtsol ba bkag pas sangs rgyas gzugs brnyan dri ma bral ba'i dkyil 'khro yang dag pa/ /gsal ba lte ba snying ga mgrin pa mgo bo rdo rje rnams su rim bzhin sa bung re/ khu ba gyen du song zhing khrag kyang 'og tu 'gro la tshangs dbyangs gzhom du med pa las/ /sku gsung thugs kyi rdo rje dri ma gsum dang bral ba gang gis ston pa sangs rgyas nyid/ khyi la sogs pa'i sha yi mig dang rang bzhin yon tan dbang gis lha la sogs pa'i lha yi spyan/ /rang rgyal nyan thos dag gis gzhan gyi sems rtogs shes pa sangs rgyas spyan te gsum pa'o/ /byang chub sems dpa' rnams kyi dri ma bral ba rnams dag bzhin pa shes rab spyan du 'gyur/ / sangs rgyas rnams kyi thams cad gzigs pa dri ma gsum dang bral ba lnga pa ye shes spyan/ /chu mthun dga' ba khu ba rdo rje yang ste de 'dzin pas na nges par rdo rje 'dzin/ /lus kyi sa bon khu ba 'pho ste 'khor lo 'dzin pa lte ba'i 'khor lo'i bde ba gang / /mtshon bya de nyid mtshon bzhin pa yi snying ga sgra bcas bde ba mgon po 'khor ba 'jig /gang gis mgrin pa de rig g.yo med bde ba 'dzin pa de ni tshor byed rin chen 'dzin/ /gang gis mgo bor zla ba 'dzin pa 'di ni khu ba dri bral bde par shes rab 'dzin/ /gtsug tor tshangs pa'i </font><hr>192b<br><font size=+1>


bu gar 'gyur med mchog gi bde ba dga' ba bcu drug rab gang ba/ /gang gis shes rab rang bzhin med pa mchog gi zla ba cha shas bcu drug rdzogs pa'i mtha'/ /de ni dpag med gang gis rig pa mgo bor rdor je dang bcas drug pa rdor je sems/ /snang ba ye shes khams su 'gyur te gang zhig spyi bor 'gyur med rdo rje skyes bu la/ /dri bral sa yi thig le mgo bo'i skyes bu de ni chu dang nyi ma mgrin par yang / /sgra gcan me dang rnam smin snying ga sgra bcas bde ba rlung dang lte ba mjug ring ste/ /gsang ba'i 'khor lor mun can bcom pa'i bde ba stong pa can ni stong pa mun pa'i khams/ /gang zhig mig la sogs pa yul can drug po lha mo rnams las sa snying la sogs gang / /gzugs ni phung po la sogs gang zhig yul drug rnams kyang lha ru brtags pa de rnams kyi/ /dag pa'i dbang po la sogs yul can drug po gang zhig ga rbod mdzes rgyal po la sogs pa/ /de rnams khu ba mi 'pho la sogs yul drug rnams kyang sngon mo la sogs de rnams so/ /gang zhig khro bo gshin rje gshed ni zla ba dang bcas srog rlung rab tu bcom gyur pa/ /nyi ma dang bcas srog rlung rab tu bcom 'gyur gang zhig khro bo pad+ma mthar byed do/ /sgrag can dang bcas srog rlung rab tu bcom pa gang zhig khro bo bgegs mthar byed pa ste/ /mjug ring dang bcas srog rlung nges par bcom pa gang zhig </font><hr>193a<br><font size=+1>


@#/ /khro bo shes rab mthar byed do/ /srog rlung 'gags pas phyag gnyis dgyes rdor zhi ba 'dir ni nga rgyal 'joms pa rdo rje sems/ /srog rlung bkag pas phyag bzhi pa yi dgyes rdor byin za zhe sdang 'joms la byang chub sems/ /dgyes pa'i rdor je 'dod chags 'joms pa zhal gsum phyag drug dbang phyug sems dpa' chen por 'gyur/ /zhal brgyad pa la zhabs bzhi gti mjug 'joms pa tshangs pa bde ba dang bcas dam tshigs sems/ /lte bar srog rlung bkag pas dri ma gsum bral rdo rje sems dpa' de ni sangs rgyas nyid/ / snying gar bkag pas dri ma gsum bral byang chub sems dpa' rang rgyal de ni sangs rgyas nyid/ /mgrin par nyi ma de ni dri ma gsum bral sems dpa' chen po nyan thos nyid du 'gyur// dbral bar rlung gi dbang po 'gags pas bde ba dang bcas dam tshig sems dpa' ston pa'i sras/ /lte ba'i 'khor lor mi 'gyur mchog gi bde ba gang zhig khro bo'i dbang po'i rtsa bzhi dang / /sum cu rtsa gnyis dang ldan ro la ro yis bsgyur ba gang zhig bde mchog 'khor lo gsum/ /lag pa rkang pa'i rus pa'i dum bu brgyad dang lag mthil sor tshigs dum bu rnams/ /'khor lo drug gi rtsa rnams 'dir ni nyis 'gyur bde mchog chen po'i rnal 'byor ma rnams la/ /gtsug tor rtsa bzhi rnams su 'pho pa rnam par bral dang de bzhin chos </font><hr>193b<br><font size=+1>


kyi 'khor lor brgyad/ /mgrin par sum cu rtsa gnyis rnams su 'gyur te drug cu rtsa bzhi lte ba'i 'khor lo ru/ /gang zhig zla ba'i cha yis gang ba mgo bor dkar po de 'dir gsang bar dkar po'i cha| |'khor lo'i rtsa rnams kyang ni mchog tu mi 'gyur bde ba dus kyi 'khor lo lag pa'i lha/ /dus ni drug cus lhag dang bcas pa'i brgya phyag gsum ste tshig mtshams rnams kyang rdo rje'i sku/ /rgyu skar rnams kyi dbyug gu nam mkha' lag pa rgyal po de yang dang po'i sangs rgyas gsungs/ /zla ba'i cha shas sum cu nam mkha' nam mkha' gdengs can zla ba'i rtsa ni zla bzang po/ /rtsa dang ba spu gang zhig ma lus lus la gnas pa rdo rje myu gu'i mang can te/ /rdo rje chu dang bshang pa khrag rnams lus kyi stong pa nyid kyis lce yis bldag par 'gyur/ /byams pa 'i tshems kyis gtong dang lag pa rkang pa'i sha rnams zos pas des na drag po la/ /mngon shes lnga yi zhal chen yul gyi phyugs kyi tshogs rnams zos pas nges na seng+ge ste/ /bsod nams ye shes tshul khrims dam pa dri ma gsum bral dus kyi 'khor lo spyan gsum pa/ /dpal ldan 'dus par sku rnams gang zhig yul dang yul can srog chags las kyi mthu las byung / /der ni 'ga' zhig khams rnams de dag lha ru rtag tu bdud kyi rigs la gsal bar mdzad/ /rtsa dang shad nag rus pa khu ba khrag rnams rdul phran 'dus pas lha rnams kyi ni gnas/ /srog chags so </font><hr>194a<br><font size=+1>


@#/ /so'i sangs rgyas lha yul bar snang sa steng rang rang gnas su gtso bo'i gnas/ /mdor byas rdzun gyis rim pas 'gyur la yul dang yul can sgrub byed rdo rje'i bzlas pa yin/ /rang byin brlab pas srog rlung ri bong can du bzhi pa 'dir ni mngon par byang chub 'dod/ /'dir ni lnga pa zung 'jug rim pa mchog tu gyur pa dpal ldan gsang ba 'dus par yang / /bdud rnams yang dag gzung phyir srid pa gsum gyi bla mas lha yi bskyed pa'i rim pa gsungs/ /gang zhig byang chub sems dpa' dge ba bcu yi lam dang sbyin dang tshul khrims sogs las skyes/ /skyes pa skye bar 'dod par 'gyur gyi yid tsam min la btags pa dang ni bdag kyang ngo / /bdud kyi tshig 'di dag ni rang gi yid la byed cing de 'dra'i khyab pa'i rang bzhing yis/ /bsam gtan rje bo 'ga' yang yod min lha yul sa steng bsod nams tshul khrims rnam par dman/ /stobs bcu mchog dang ldan pas rdzogs pa'i lha dag chos kyi dbyings la yang dag gnas pa de/ /bsten par bya yi lcags kyu rdo rje mda' gzhu dril bu ral gri zhags pas bsgrub pa yin/ /bkug cing 'dir ni gzhug dang mchog tu 'jigs par gyur pa brdung zhing lag pa bcing ba yi/ /bsam gtan 'dis ni dge ba rnam par bral nas bdud rnams shi nas ngan 'gror 'gro </font><hr>194b<br><font size=+1>


bar 'gyur/ /sangs rgyas pa yi lha rnams dri ma gsum dang bral zhing sems can kyi gyi don mdzad pa/ /de ni shin tu dri zhi ma me tog dri dang spos dang mar me dang ni lha ba shos dang / /gsang sangs bzlas dang bstod pa nges pa brgya yis bsten bya sgrub pa po la rab dgyes nas/ /sa 'og 'jig rten lha yul sa steng bar snang rnams su grub pa'i rig pa 'dzin pa ster/ /zla ba nyi ma'i rtsa dag bkag cing nyin mtshan dus su srog gi gsang sngags gang zhig ni/ /zla ba gcig la nam mkha' nam mkha' stong pa brang 'gro dus ro mun par dbyer med bzlas// steng dang 'og gnyis 'dzin pas lan gsum bral nas srog rlung gang pas rlung dag khyer bzhin pas/ /grub par 'gyur te ri bong 'dzin pa lta bur nam mkhar 'gro bas rig pa 'dzin pa de| |bsod nams don du byang chub sems dpa' thugs rjes rgyal srid chung ma bdag gi sha yang gtong / /ye shes don du dus gsum dngos po stong pa'i gzugs brnyan mi g.yo dri bral blo byed cing / /tshul khrims don du khu ba rdor je mgo bor khyer la mgo nas tshangs pa'i bu ga ru/ /bsod nams ye shes tshul khrims yang dag dri ma rnams par bral nas rdo rje sems dbar 'gyur/ /shin tu skyon can skye bo gang zhig rgyal srid sems kyis ster ba len pas longs mi spyod/ /yon tan ma lus ldan pa'i chung ma sems kyis byin kyang gang zhig len </font><hr>195a<br><font size=+1>


@#/ /pas longs spyod min/ /sha dag sems kyis byin mang gang zhig sha yi dam tshig can gyis len pas longs spyod min/ /de yis byang chub sems dpa' gal te stobs bcu ldan pa de tshe dman rigs cis mi 'gyur/ /byams pas dka' thub mchog ni tho rangs dus su chang gi don du chang tshong khyim du 'gro/ /nyin phyed dus su mchog gi thugs rjes nya yi don du nya pa rnams kyi tshong dus su/ /dgongs kyi dus su bud med la 'jug phyir du dga' bas bran mo rnams kyi khyim du 'gro/ /chang nya bud med rnams kyi dri ma gsum bral a ba d+hU ti dmang rigs cis ma yin/ /gang dag dngos po du mar gyur pa ser skya pa ni gcig pu nyid du dam 'cha' la/ /gang gis bsgrub bya med pa nyid la brtan g.yo'i 'gro ba yod pa nyid du dam '+ca' ba/ /gang tshe gtan tshigs bsgrub bya dang mtshungs gyur pa de tshe sgrub pa po yis bsgrub bya min/ /gal te bsgrub bya gzhan la gtan tshigs kyang gzhan gyur pa de tshe de yi dam bca' nyams/ /sgra rnams rtag par dam bca' nam mkha' lta bur byas pa'i lus med par grub de bzhin du/ /sgra rnams mi rtag dam bca' bum pa lta bur byas te shin tu rtsol bas byung ba'i phyir/ /nams mkha' las ni rtag bar grub kyang khyod kyi kha las sgra rnams mi rtag nges par grub/ /gzugs dang reg bya dri dan </font><hr>195b<br><font size=+1>


ro yi yul rnams bzhin du lnga pa sgra yang cis ma yin/ /de ni gang gis thog mar rtogs pas sa steng bar snang khams su sgra des slar yang ni/ /rna bas don rnams rab tu rtogs par 'gyur ba de ni sgra nams rtag pa nyid yin lo/ /gang gis thog mar don rtogs gyur pas sa steng bar snang khams su slar yang de tshul gyis/ /rna bas don rnams nges par rtogs par gyur pas de ci gzugs rnams rtag pa nyid yin nam/ /rtag pa gsal bya gcig pu yon tan ma lus rang bzhin sgra zhig rna ba'i bug par gnas/ /mgrin pa nas brjod gsal byed sgra yi tshogs rnams slar yang rtag par gyur pa ma yin la/ /gang zhig brjod pa gcig gis nyan byed rna ba'i bu gar sgra yi ku cor 'gyur min nam/ /rtag par mngon par gsal bya de ltar 'gyur gyi gzhan la ltos pas nus pa'ang min/ /dngos po'i byed po'i rgyu ni slar yang mun pa gsal bar byed pa gzhan na gnas pas ni/ /rtag pa mngon par gsal bar byas pa gang zhig rgyu yis bskyed pa 'dir ni byas pas te/ /byas pa dang ni gzhan pa gang dag chos mi mthun pas grub par 'gyur ba nyid ma yin/ /chos mi mthun par de phyir byas ba rnams ni yod par 'gyur la gcig shos de med do/ /gang zhig mngon par gsal bya'i rgyur gyur mngon par gsal byed de ni ci yis rgyu ma yin/ /mun par thim par gyur pa gang dag de yis mngon par </font><hr>196a<br><font size=+1>


@#/ /gsal byas de yi 'bras bu cis ma yin/ /sgra dang don dag gal te gcig par gyur na de tshe don nyams pa na sgra nyams 'gyur/ /spyi dang gsal ba'ang de bzhin 'gyur te nam mkha' tsam dang gzhan pa nyid dang gcig pa nying / /stong ba sgra dang ldan par gyur na de tshe 'jig rten gsum por rtag tu sgra med 'gyur/ /gang gis nam mkha' yod pa nyid na brtan dang g.yo ba'i 'gro ba des na med pa nyid/ /gal te nam mkha' dang ni 'byung ba'i tshogs kyi rgyu dag chos mi mthun las grub gyur na/ /de yi rgyu las sgra dang sgra min dman par nges par sgrub pa po la nges par 'gyur/ /nam mkha' sa steng dag tu gza' dang rgyu skar dag dang byol song dang ni mi rnams dang / /lha dang srin po dang ni rang gi rigs kyi dam tshig can gyi yi dwags lha min klu/ /sngags kyi yi ge rnams kyi rang bzhin yon tan dbang las dbyibs dang kha dog rang bzhin gyi/ /don gcig du ma'i sgra yis kha cig tu yang don rnams mang po de ni sgra gcig gis/ /dngos med stong pa'i rgyu las brtan dang g.yo ba'i dngos po rgyu rnams las ni grub pas na/ /dpe ni nam mkha'i me tog dang ni sa dang shing dang me tog de der rang rang grub/ /mo gsham bu mo nam mkha' tsam las skyes pa nam mkhar 'gyur la bu ldan las skyes pa/ /bu ni 'gro ba ma lus par 'gyur shin tu phra ba'i rdul phra na phung po'i sa </font><hr>196b<br><font size=+1>


bon las/ /sa dang chu dang me rnams lha yi de nyid khyad par rnams ni phyi dang tha dad min/ /gal te lhan cig rab tu 'jig par gyur na de tshe tha dad gzugs dang lhan cig tu/ /sa dang chu me rnams lha yi de nyid gcig pa nyid du rab tu 'jig pa min/ /srog chags so so'i lus ni 'jig pa rnam par bral ba'i 'byung ba'i tshogs kyi lha rnams te/ /sa dang chu dang byin za rlung dang nam mkha' sbyor bas gang zhig rnam lnga'i bdag nyid lus/ /lus can rnams la yon tan bral ba'i lha rnams rnam lnga der ni mthong min yod ces grags/ /srog chags rnams ni sngon gyi lus po spangs nas slar yang lus gzhan bsam pas 'dzin par 'gyur/ /gang zhig sa la sogs pa'i lha rnams de yi sngon gyi lus po zhig pas rab 'jig 'gyur/ /srog chags gzugs gzhan glog gi phreng ba chen po bzhin du rab tu rgya chen gzugs can te/ /sprin bor nas ni bar snang dag la phyogs dang phyogs mtshams rnams su mgyogs pa'i shugs kyis 'gro/ /srog chags srog dang lhan cig bem po'i lus dang bral ba tshor ba la sogs rab ldan pa/ /srid pa sum cu rtsa gcig rnams su dge dang mi dge'i dbang gis gcig pu kho nar 'gro/ /gcig min rnam pa lnga po yul dang bral ba nang gi bdag dang mchog gi bdag nyid ni/ /nam mkha' las 'das mi gsal min zhing mi gsal 'bras bu med min nus pa dman pa min/ /sems las 'dod pas </font><hr>197a<br><font size=+1>


@#/ /rang bzhin skyes bu 'byung ba min zhing srog rlung med na sems med la/ /srog chags sems dang lhan cig bde 'gro ngan 'gro dag tu las kyi 'brel pas 'jug /phan tshun ltos phyir rig pa dang ni bem po dag dang rgyu dang 'bras bu nyid dag dang / /phan tshun ltos phyir gang tshe 'byung ba'i tshogs rnams yongs su gyur par rab tu 'byung bas na| |ther zug pa yang 'gyur ba nyid pas de tshe 'byung ba'i chos rnams 'gyur bar nges pa yin/ /thams cad 'gyur med rtag pa'i rang bzhin du 'gyur yang na gang zhig rtag pa nyid ni 'gyur ba med/ /ther zug pa dang ther zug dman pa'i skyes bu khyab bdag gis ni srid sgrub la bshad de/ /phan tshun ltos phyir rig pa dang ni rig bdag kyang ni rgyu dang 'bras bu nyid du 'gyur/ /phan tshun ltos phyir byas pa min dang byas pa dag kyang rgyu dang 'bras bu nyid du 'gyur/ /phan tshun ltos phyir byas pa dag dang byas pa yang ni rgyu dang 'bras bu nyid du 'gyur/ / thams cad rnam par rig pa tsam ste sa dang chu dang me dang rlung dang nam mkha'i khams/ /gzugs dang reg bya sgra dang dri dang bcas pa'i bde ba rdul phran phung por gyur pa min/ /rnam par shes las 'bras bu'i dngos po rang byung ba las min zhing med dang 'dren mas min/ /sa bon las ni myu gu la sogs bzhin du 'gyur gyi rang las min zhing rgyu med min/ /rkang dang rus pa </font><hr>197b<br><font size=+1>


chu ba sha dang khu khrag tshil bu pags pa rdul phran phung bo min/ /rnam par rig pa tsam zhig spangs nas slar yang srid pa gzhan du rnam rig tsam zhig 'gro/ /der ni lus len slar yang srid ba gzhan du de yang rnam rig tsam pa de nyid de/ /'dod chags gnyid log gyur na rang gzhan bral ba rnam rig tsam po rnam par nyams/ /gal te 'gro ba rnam rig tsam du gyur na 'dir ni don gzhan rnam par rig tsam du/ /de 'gyur gal te 'gro ba rnam rig tsam na de tshe gnyis med min te de gnyis phyir/ /gang zhig 'di yi ma rig blo bur ba ste lhan skyes gyur pa de ni rnam rig min| |sngon du rnam par dag pa lhan skyes bem po yang ni rig pa rnam dag 'gyur/ /bem po ma lus rnam par rig pa tsam du 'gro bas sad pa'i tshe na rab tu rtogs pas grub/ /de yi rnam rig mi snang bar 'gyur yang na rang gnas tshangs pa dbang phyug la sogs 'gyur/ /bye brag par 'gyur yang na ser skya'i 'dod par 'gyur te sa bon nang na myu gu sogs/ /gcig phyir 'bras bu yod par smra bar 'gyur te brgya la rtag pa cung zad yod ma yin/ /thog mar phra rab rdul gyi phung po 'gro ba'i cha med gang gi rdul phran nam mkha' la/ /phra rab rdul rnams 'dus pa'i 'gro ba las kyang 'gro ba'i srid pa rdul phran phung po min/ /rdul phran bral te nam mkhar gnas pa las gzhan 'gro ba rnams kyi rnam par 'jig pa min/ /gal te lus po rdul phran </font><hr>198a<br><font size=+1>


@#/ /phung por gyur na de tshe su yi lus po 'jig par 'gyur/ /'byung ba brtags pa med las gzhan du rdul phran bral min gang gi rdul phran de rdul kyang / /sdud dang skyed pa bral bas nam mkha'i dkyil la gnas te rlung dang ldan dang mi ldan pas/ /phra rab rdul rnams cha shas drug la slar yang cha shas drug ste slar yang gang gi cha shas drug / de yi cha shas phra rab cha yis nam mkha'i khams 'di gang bar cis mi 'grub/ /dngul chu nor bu'i rdul phran cha bcas cha med tshad ma dag gis bsgrub byar gyur pa min/ /cha dang bcas na zangs ma 'bigs min rdo yang min la rdul phran phung po cha med min/ /dngul chus zangs ma reg cing gnyis skyes nor bus rdo ba lha yi rin po cher 'gyur la/ /rnam par shes pa rnam rtog drug gi nye bar nyams pa rdul phran phung po'i rnam 'gyur min/ /phyi rol sngon po'i gzugs la gang zhig rdul phran phung por de yi tshad mas grub pa min/ /rnam par shes pa'i bag chags dag las nam mkha'i dkyil du rmi lam dang mtshungs mthong zhes grags/ /gang phyir dmus long mig med yid kyis de ni mig dang ldan zhing ma yin te phyir min/ /mig gi rnam shes khams las mig dang bcas pas phyi rol gzugs las yin gyi bag chags min/ /gang zhig sgra rnams ma lus rna bas thos pa de yang 'on pa rnams </font><hr>198b<br><font size=+1>


kyis thos pa min/ /sna nad bcas bas gang zhig dri yi rdul phran 'dus pa min zhing nad med pas de 'dzin/ /lce yi nad can ro mi myong la de nyid la yang nad med lce yis myong bar byed/ /rnam par shes pa skye mched bcu gnyis rnam par bral ba tshad mas bsgrub par bya ba min/ /rdul phran 'dus pa'i 'gro bas kyang ni 'gro ba mthong nas mi shes pa yis tshad ma yis/ /drag po dang ni tshangs pa'am seng+ges kyang ni shes pa rnam par rig pa tsam du byas/ /rdul phran rnams kyi bral ba mthong nas thim par 'gyur ram bsdus sam yang na 'gags par 'gyur/ /skye ba med cing 'gag pa med la mang po 'dus sam 'dus pa min par rab tu byung / /'di ni thub pas nam mkha'i chad ma byas la rgyal ba rnams kyi stong pa nyid kyi yang / /rang rgyal rnams dang nyan thos lha dang lha min klu dang bdag lta bu yi rgyal sras rnams/ /gza' dang rgyu skar rnams dang nam mkha' sa steng dag tu skyes pa bud med drang srong rnams/ /khro bo rnams dang srin po sha yi dam tshig can gyi stag gzig byol song dmyal ba rnams/ /gang zhig rnam par mi rtog dang ldan rang gzhan bral ba stong nyid dus gsum ngo bo nyid/ /rnam pa thams cad rdul phran gyis stong nam mkha'i dkyil ltar son pa'am rmi lam sgyu ma bzhin/ /gang zhig thams cad mkhyen pa gzigs pa dri ma gsum bral rnam par mi rtog de ma yin/ /gang gis de rtogs sems la dri med dri ma ldan pa mkhyen pa nyid ni sangs rgyas </font><hr>199a<br><font size=+1>


@#/ /te| |gang zhig sbyin pa la sogs lam dang dge bcu lam dang byang chub phyogs sogs chos rnams dang / /byams pa la sogs gnas dang rang bzhin bral ba stong pa la sogs rnam par thar pa dang / /tshul khrims la sogs phung po gang zhig yul dang bral ba'i rnam pa kun tu mi rtog pa/ /de rnams byed po gang zhig stobs bcu'i stobs ldan nyan thos rnams dang byang chub sems dpa' min/ /gang zhig gzugs sogs khams drug dang ni yul drug kyang ste rdul phran phung po'i rnam 'gyur ro/ /phyi rol sngon po'i gzugs la sogs pa'i yul can rang lus sa dang dri la sogs pa drug /stong pa snang dang mun pa sa gsum gnas su rnam pa kun nas rnam par mi rtog pa/ /snang bas rab tu sad pa rab rib rnam par bral ba 'gro drug gnas pa'i srog chags min/ /'phags pa'i yul gyi rgyal po bde gshegs dam tshig can la sangs rgyas lam ston mdzad pa po/ /klu sgrub rdo rje can yang srid pa gsum gyi bla mas chos kyi dbyings su lung bstan cing / /nyams pa rnams kyi gos sngon can la sha yi dam tshig can gyi ston pa byang chub rdo rje ste/ /ye shes mtha' can nag po'i ming can gzhan yang ma d+hu ma ti srin po'i dbang po 'byung / /ye shes ming can rdo rje dril bu lag rdub dag kyang de bzhin thod par chang 'thung zhing / /kha T+wAM ga dang rus pa'i rgyan cha chang snod cang te'u ster ba </font><hr>199b<br><font size=+1>


nag po'i ming can no/ /slob ma rnams la ges sngon dang ni kun tu rgyu ba ster ba na bza' sngon po can/ /sha yi dam tshig can gyi thod pa can la rdo rje'i phyag rgya ster ba byang chub rdo rje 'o/ /gos sngon can ni rta mchog bdag po dpal ldan ha la sogs pa'i ming can gyis bsnun 'gyur/ /ye shes rdo rje'i skyon gyis slob dpon rab tu 'khrugs pas mig gnyis sa la ltung bar 'gyur/ /rab tu khros pa'i kha can thod pa can gyi pho nya gzhon nus nag po'i khrag 'thung byed/ /sha yi dam tshig can gyi spyod pa 'gal ba de dag sangs rgyas pa rnams spong mi 'gyur/ /mchog gi thugs rje can gyi 'jigs byed kyis bstan thod pa can gyis rgyal po la 'doms pa/ /gang gi ming gis rnam rtog yid kyis thugs rje min zhing sems can phung po byams pa min/ /de rnams bzang po'i thabs ni sna tshogs sha yi kha zas gzhan gyi nor 'phrog 'dod pa ni/ /log par g.yem pa dge ba rnam par bral bas skye ba 'di nyid la ni 'grub par 'gyur/ /skyes bus mtho ris gnyis skyes 'jigs byed la sogs phyugs kyi sha yis mchod pa'i mchod sbyin gyis/ /de thos sangs rgyas lam ni seng+ge 'phrog byed kyis bshad tshangs pa'i chos ni rnam par spangs/ /khro bo'i dbang po srin po'i dbang po gnyis skyes phyugs kyi sha yis rgyal pos mchod par 'gyur/ /gang yang rung pa blo gros dman pa dge ba rnams bral de ni bdud kyis bslu bar 'gyur/ /khro bo'i dbang po srin </font><hr>200a<br><font size=+1>


@#/ /po'i sha yi dam tshig can gyi rgyal pos mchod par 'gyur/ /mtho ris dbang phyug 'dod phyir gnyis skyes phyugs kyi sha dang khrag gis bgos pa'i mgo bo yis| |nges par mnar med dmyal bar rtag tu'ang sdug bsngal dmyal ba ba la ster bar 'gro bar 'gyur/ /gang las bskal pa'i rgyal po stong phrag sum cu rtsa drug rnams kyis nges par thon par 'gyur/ /bdud kyis sha yi dam tshig can gyi yi dwags mkha' 'gro rnams la sgyu ma byed par 'gyur/ /sems can bslu phyir kha cig tu ni 'jigs pa min bar bdag nyid gzugs ni ston par byed/ /lha rnams sha yi dam tshig can gyi lha ma yin rnams zad par bya phyir sgyu ma byed/ /sems can rnams ni bskyang phyir kha cig tu yang bdag nyid gzugs ni 'jigs byed ston par byed/ /long ba brlag phyir 'jig pa'i dus kyi ma lha'i 'jig byed dus ni me lha rab tu byung / /bde byed kyis bsad lha ma yin te khrag kyang srin po rnams kyis 'thud bar 'gyur/ / nya dang rus sbal phag rgod mi yi seng+ge lha ma yin rnams brlag phyir khyab 'jug skyes/ /nya dang de bzhin ri dwags la sogs 'o ma nags tshal dgon par khyab 'jug gis mi bza'/ / sa gsum bla mas yi dwags mkha' 'gro rnams ni smin phyi \?\su byas/ /mtshan mo rgyu ba'i bdag pos rA ma Na yi chud ma dbrog phyir gnas 'jig gzugs su byas/ / </font><hr>200b<br><font size=+1>


'jigs sde med pas skyabs seng bu rnams sha yi dam tshig can gyi bram ze'i gzugs kyis bcings/ /kir mi ri yis sha yi ched du sum cu'i stobs can srin po'i rigs kyi chos byed cing / / lha dang klu yi dbang po rnams kyi dam tshig 'dir ni rgyal po chen po rig par byos/ /lha bshos 'bras chan khur ba zho dang 'o ma mar dang bcas pa 'o thug sha khar rnams/ /khro bo rnams dang srin po rnams la phyugs kyi sha yi gtor ma 'bras chan khrag dang chang / /sangs rgyas rnams la snying po lnga dang bu ram zhor bcas 'bras chan lhung bzed dka' thub la/ /khrus bcas sbrang rtsi mar gsar za zhing tsan+dan me tog dag gis mgon por bcas pa mchod/ /gang gis chang sogs mchod pa de dag lha dang 'jigs byed dam ni he ru ka la min/ /srin po'i dbang po mtshan mo rgyu ba'i dam tshig dpal ldan rgyal po zla ba seng+ges spyad/ /mdung can ma dang drau ba ti dang 'di dag rigs skyes bu bud med min te khyo mo lnga lnga yang / /gzhan yang thod pa can gyi chang snod nang gi chu yi gtsang sbra an+ta la sogs yul/ /sin+d+hu'i yul na ba lang sha za kha ba can ri gnyis skyes rgyal bo'i mi rnams chang 'thung zhing / /gA ri la sogs na ma he d+hu sha ma kha bar mi se re na rta glang sha/ /de dzid stag dang mi sha za la po kar yul na bong bu rnga mo khyi yi sha/ /bram ze la sogs rnams kyis sha mi bza' ba yul 'khor chen po gar+N+Na ra yi yul/ /nyin dang mtshan gyi dus su mdangs rigs la sogs </font><hr>201a<br><font size=+1>


@#/ /khyim du chang 'thung bkag la rigs skyes 'thung / /bud med rnams kyi dbang po skyes pas mo rtags 'jib par byed cing gnyis skyes kyis bshad pa'i/ /khrus dang gtsang sbra mi byed 'dir ni chags pa spyod pa'i pi ra'i yul la sogs pa rnams/ /pha dag shi na ma dag bu yi chung mar bag ma len pa ngas par go kha'i yul/ /rug mar spun zla'i tsha mo len la ma khar yang ni spun zla'i bu mo rang gi bus/ /so ra me dang tsam pa ka la sogs par tsha mo'i bu mo dang na tshi mo'ang yin/ /spun zla'i bu mo chung mar len pa'i yul 'khor chen po kar+N+Na ta la sogs par ro/ /ma ya tshi mo chung mar len la ma la yang ste khol mo len par ra'i yul/ /bod na khrus dang gtsang sbra med la pa ru ku len+ta ra go stan rigs ngan yul/ /skyes pa'i bka' yis gdengs can dbang po nyin dang mtshan gyi dus su chu yi char 'bebs byed/ /gal te yul chos spyod pas grub par gyur na de tshe rig byed ngag dag bden pa min/ /sha yi dam tshig can gyis sha za'i yul can phru gu sha dag spong bar 'gyur ba yin/ /gang zhig rig byed byed pa drang srong mchog gi dka' thub can gyi rig byed ngag de gnyis/ /mtho ris don du mi dang ba lang gsod cing b+ha gar dkrugs pa zhi ba'i btung / /zhi ba'i rig byed dag de dag gis sems can sun 'byin pa la rab tu mkhas pa rnams/ /ba lang pags pa'i zhi ba'i btung ba b+hag </font><hr>201b<br><font size=+1>


mchog tu dkrugs pa rta yi pho rtags bcad pa la/ /khu ba khrag gis rnams par bgegs pa sbrang dang mar du bcas pa lce yig bsdag par bye/da /de lta'i sha za'i spyod bas gal te mchod sbyin rig byed dag gis gnyis skyes rnams kyi sgrub/ /nges pa dang ldan zhi ba'i sems dang snying rje ldan pa'i daN+Di mtho ris rnam phar nyams/ /pha la sogs pa'i don du 'tsho ba byed cing khyim pa mchod sbyin dus su phyugs dag gsod/ /dka' thub rnams ni 'tshe ba spong zhing dka' thub nges par gdung zhing gong ma goms sogs yod/ /daN+Di dka' thub rnams kyis mtho ris mchod sbyin 'gegs par 'gyur te de yang gang gi phyir/ /shes pas grol bas de phyir sna tshogs phyugs ngag gsod pa gnyis skyes rnams ni du 'bod 'gro/ /lha la sogs pa mchod pa nyid pas gal te sha zos pa la nyes pa mi skyes na| |bcu gnyis pa dang nya dang bcu bzhi klu yi tshes dang nyi ma 'pho ba'i dus dag tu/ /khyab 'jug la sogs mchod phyir 'di rnams nyi ma bram ze rnams kyis ci phyir sha mi bza'/ /pha la gnas su sha dang rnam par bral ba'i chang bu ci phyir ster byed mkhas pa rnams/ /'tsho ba'i pha dang ma dag gang zhig shi bar gyur na sngon gyi rigs rgyud rnam par spangs/ /bsod nams sdig pa'i mthu yis mtho ris ngan song dag tu rab tu skye la lus bsregs nas/ /gnas dang gnas su rus pa'i dum bu'i 'jog cing chang bu dag kyang ster byed su zhig ni/ /ma yin su zhig pha yin de ni lus </font><hr>202a<br><font size=+1>


@#/ /dang bral nas gang zhig skye gnas gzhan bzhugs pa/ /bram ze la sogs mchod pas gal te de yi pha ma mchod par rig byed las grub na/ /bram ze la sogs ma zhu ba yis de tshe shi ba la yang ma zhus gnod par 'gyur/ /gang gi pha dag dge dang mi dge'i dbang gis yi dwags skyes nas dad pa'i kha zas slong / /nges pa'i bu yis rab tu byin pa'i chang bu len par 'gyur la chu yang len par byed/ /tshangs pa la sogs pa gtso bo nyi ma lha mchog bdag po nyi ma de ni ci yis bza'/ /sems can rnams la sdug bsngal ster ba 'chi ba'i 'jigs skyed lha rnams ci yis zhi bar 'gyur/ /zla ba lha min dbang po'i gtso bo sems can dang bcas gtso bo ci zhig zla ba bza' de ni/ /sems can rnams la bde ba ster zhing mchog tu 'jigs 'joms ci yis lha ma yin rnams skrag /gang zhig mtho ris lha rnams mi dang phyugs kyi sha yis bram ze rnams kyi mchod bya ba/ /gang zhig yi dwags yi khor yug gtogs par yod pa de rnams gnyis skyes spyod yul min/ /sa la sogs pa lha yi de nyid nye bar zhig par gyur ba dbang po'i spyod yul min/ /tshangs gzugs sna tshogs nam mkha' tsam yang seng+ge dbang phyug gtso bo tshangs pa de nyid de/ /yi dwags la sogs rlung gi lus po rang bzhin yon tan dbang las rags pa'i kha dog dman/ /sa dang chu dang me yi lus </font><hr>202b<br><font size=+1>


can sa dang bar snang dag tu kha dog rags sogs ldan/ /rlung gi reg bya'i lus can sa dang chu dang me rnams mig gis gzung bya'i kha dog gzugs/ /dri ni sna yis gzung bya 'dir ni lce yis ro myang dag pa'i rna bas sgra rnams so/ /rig byed tshig las gal te rlung gi gzugs ma grub cing rig byed rtog ge'i tshad ma yis/ /gzugs med de yis sa dang bar snang dag tu de tshe 'byung ba'i tshogs rnams bskyod pa min/ /mo gsham bu dang mtshungs pa nam mkha' tsam la nam mkha'i rgyu tsam yon tan med pa gang / /gzhan dag gzugs can bzhi ste sa dang chu dang byin za rlung rnams ro yi dbang po gnyis/ /bram ze sogs kyis mthong 'gyur khyim ni mun pa can du mtshan mor me med na yang / /byi ba la sogs phyogs dang mtshams su son pa'i gzugs kyi dngos po ma lus snang bar 'gyur| |srin po dang ni yi dwags la sogs tshogs pa mtshan mo'i dus su lha rnams ma lus kyang / /bram ze la sogs rnams kyis de ni mthong zhing nyi ma shar na skar ma ma lus kyang / /bya rog srin bya lca spyad khyi rnams ma lus 'byung dang 'gyur 'gyur byung ba ma lus ston/ /de bzhin lhag pa'i chang bus bsgrubs pa'i the brang dag gis k+s+yes bu rnams la yang / /byol srod rnams ni gang du rang gi sems la babs pa'i sa phyogs der ni gnas 'cha' la/ /de dag shes pa bram ze rnams la srid pa gang las mig gis gzung bya'i rgyu gzhan min/ /lha mo gzhon nu ma la zhugs na byung dang 'byung 'gyur </font><hr>203a<br><font size=+1>


@#/ /'byung ba ma lus ston par byed/ /bram ze shi nas yi dwags gyur bas rmongs pa'i lus la zhugs nas rig byed 'don par byed/ /sbyin bdag srin por gyur na khyim du bong ba so phag rus pa'i dum bu 'phen par byed/ /blo dang ldan pa'i spyod btsan rnams nye bar nyams par 'gyur ba'i yi dwags spyod pa ltos/ /mun pa bsal ba min par gyur la mun las khwa ta de yi bshad pa las byung ba/ /mya ngan med skyes khyab 'jug 'phrog byed skyes byed des na mes po khwa ta mchod par 'os/ /ba lang rgyab dpar yi kha dang gnyis skyes bong bu'i rkang pa bud med b+ha gar phyag byed cing / /khams rnams gtong la gnyis pa mar dang sbrang rtsir bcas pa b+l+ngag pa gang zhig bram ze rnams/ /sgra med yi ge med las nam mkhar 'gyur te nam mkha' rlung gi rten du gyur pa las/ /rlang las me la me las chu yin chu las sa ste sa las 'bras bu'i kha zas rnams/ /zas dang chu dag zos dang 'thungs las rdul phran yon tan rang bzhin g.yo ba'i lus 'de dag /bsod nams sdig pa'i mthu yis bde 'gro rnams dang ngan 'gro'i srog chags phun po rab tu 'byung / / mo gsham bu yi thu bo mchog las mchog gyur mchog gang rtul phran 'bum gyi cha ltar phra/ /nam mkha' las ni mchog gi bdag nyid yul dang bral zhing yon tan med pa nam </font><hr>203b<br><font size=+1>


mkha'i rtags/ /rtags kyi gnas ni sa dang chu dang me dang rlung dang nam ma ba'i dngos po de rnams so/ /gang yang 'di dag kun nas thim zhing nam mkha'i sa steng rtag tu zhi ba'i grub mthar ldan| |gang zhig de yi nus pa b+ha ga zhes bya ba rnams gsum lam ldan sgrub mo 'jigs byed ma/ /de ni nam mkha' las 'das nam mkha'i dbang phyug mchog gi mchog gyur rtswa bcings 'khyil ba can| |nam mkha'i mtha' can thig le'i phreng ba mgo nas bshad lam bar du ba thag dang mtshungs ma/ /mchu 'phyang skar ma'i mig can gnas dang 'jigs pa skyes byed za byed rnams kyi za byed ma// gsal dang mi gsal gcig ma rig ma rigs min gzhan yang gcig tu mkha' spyod 'khor lo ma/ /rig ma'i 'khor lo'i dbang phyug rigs dang rigs min gyur ba'i thar ba ster ba'i dbang gis 'bigs/ /mi gsal bya rog ra yi gzhu la 'dir ni rang gi yon tan rus spal sbu yis byas/ /nam mkha'i me tog lcags mda'i mda' gzhus gang dag 'bigs pa des ni rgyal po dbang bskur 'gyur/ /gal te skye dang 'jig pa'i rgyu ru sgyu ma chen mo byed dam he ru kar 'gyur na/ /sangs rgyas pa dang mu stegs pa dag khyab 'jug gam ni rtag pa'i sgyu ma ji ltar min/ /'di ni thub pa'i tshig las srog chags srog ni rdul phran byed dam byed du 'jug pa med/ /sems can rnams kyi bsod nams sdig las bde dang sdug bsngal rnag bzhin 'bras bu byin par </font><hr>204a<br><font size=+1>


@#/ /'gyur| |gang zhig srin po yi dwags mkha' 'gro bdud kyi rigs kyi sha yi dam tshigs can gyis bsgrubs/ /grub pa'i tshig gis skye bo gzhan rnams kyis ni de rnams nges par 'bebs par byed pa ste/ /stag la sogs pa 'ges la chu la me 'bar glang chen rengs byed mtshon bya sogs kyis min/ /sngags kyis tha brang la sogs rnams kyis sa yi 'khor yug gtogs par rje bo'i bya ba byed/ /byang chub sems dpa' 'jigs rten dbang phyug lha min lha klu rnams ni sangs rgyas pas bsgrubs nas/ /gang gis grub pa'i ngag gis de rnams sa yi steng du 'dod pa'i dngos grub skye bo rnams la ster/ /skal ba ngan dang nad kyis sdug bsngal 'chi ba'i 'jigs pa byed pa thams cad 'joms par byed/ /seng+ge la sogs 'jigs pa rab tu dang ba'i yid kyis zhi ba la sogs byed par 'gyur/ /byang chub don du gcig tu sbyin pa la sogs lam ni dge bcu ldan las gzhan ma gsungs/ /dbu ma'i dga' ba gcig pu b+ha gar dkrugs pa dang ldan 'grub 'gyur lam gzhan gyis ma yin/ /bde gshegs dam tshig can gyi rdzogs pa'i byang chub rdo rje'i sa gzhi byang chub shing las gzhan du min/ /sha yi dam tshig can gyi grub pa yi dwags sa gzhir shing gcig las ni gzhan du min/ /bde gshegs dam tshig can gyis </font><hr>204b<br><font size=+1>


byang chub lha las gshegs nas chos kyi 'khor lo bskor la 'jug /sha yi dam tshig can gyis grub pa'i yi dwags 'jug pas phran tshegs las la rab tu 'jug /sangs rgyas lhas 'jug pa na bde gshegs dam tshig can la chos kyi 'khor lo bskor bar ston/ /grub pa'i yi dwags 'jug pa sha yi dam tshig can gyi ma mo'i 'khor lo ston byed/ /sangs rgyas rnams kyi stobs bcu skyed par mdzad pa bya rgod phung po las gzhan ri la min/ /grub pa rnams kyis ri dwags rigs bskyed ston pa 'jigs byed ri las ri gzhan la ma yin/ /dpal ldan 'bras phung chos kyi dbyings su stobs bcu'i stobs mnga' sangs rgyas pa yi rgyud rnams bstan/ /gang zhig drag po dur khrod dag tu phyugs kyi skye bo stobs can thod pa can rgyud ston| |rgyal po'i rgyal srid lha khang sa steng las ni 'byung ba de rjes lha yi rgyal srid do/ /gsal bar mgon po'i 'khor lo legs par bzhag par gyur bas thar pa rab tu 'byung bar 'gyur| |rgyal po srog gcod pa las dmyal bar 'jug par 'gyur gyi gzhan du sangs rgyas bka' ma yin/ /rgyal po bram ze la sogs gsod pas mtho ris 'jug gi gzhan du grub pa'i tshig ma yin/ /sha yi kha zas longs spyod byed pas slar yang srid ba gzhan du lha min rigs su skyes/ /sha yi kha zas longs spyod byed pas slar yang sdig gzhan lha yi </font><hr>205a<br><font size=+1>


@#/ /rigs su 'di skye'o/ /mgo zlum dang ni yugs sa mngon spyod byed pas slar yang bong bu nyid du rab tu 'gro/ /mgo zlum dang ni yugs sa mngon spyod byed pas slar yang srid gzhan 'jigs byed nyid du 'gro/ /sems can phan pa byas pas bsod nams nyid la gnod pas sdig par bde bar gshegs pas gsungs/ /sems can gnod pa byas pas bsod nams nyid la phan pas sdig par nam mkha' tsam pos ston/ /sangs rgyas rnams dang 'jigs byed skyes pa bud med gdengs can rnams kyis bstan pa lha rten gang / /g.yul du zhugs pa'i stag gzig rnams kyi rta yi tshogs kyis de rnams ma lus 'jigs par byed/ /de rnams rigs gzhi gzhan gyi nor mi len cing bden par smra dang gtsang smra rab tu 'jug /gzhon nu gzhan gyi chung ma spong zhing dka' thub nges pa dang ldan rang gi chung ma bsten/ /khrus byas gang zhig 'dod pa'i sgra gcan mtshan mo so so'i dus su nyin gung phyed yol dang / /srod dang thun gsum dang dang nyi ma ri la sha ra bar gyur nas lan lngar phyag byed cing / /sa steng lha yul dag tu stag gzig mu stegs dag la mun can dbang pos gcig tu skyob/ /drag po'i g.yul ngor pha ltar skyob par byed cing bu dang bran bzhin 'gyur la rgyal po ni/ /rgyal po 'thab mo yin </font><hr>205b<br><font size=+1>


pas gnyis skyes phyugs kyi sha yis 'jigs byed la sogs mchod nas su/ /sna tshogs sems can gnod pa byed cing gzhan gyi nor 'phrog pa yis gdung rgyud 'chad pa 'byung / /grub pa bya Di dbang po sbyin pa mi phyug sa zhabs dang dum bu zhes bya thod pa can/ /dge slong klu sgrub zhes bya yon tan ma lus 'byung khungs sems can kun la phan 'dogs pa/ /slob dpon 'od brtan zhes bya gcod byed chu yis grub pa stong phrag bcu dang bcas pa rnams/ /gzhan yang de ltar rab tu grags kyang kye ma de lha ta yang dam par gyur pa rmongs pa yod/ /dge bcu'i lam gyis grub par gyur ba 'phags pa'i lha dang swa ba'i na bza' rta dbyangs dang / /phyogs kyi glang po gzhan la phan pa'i bsam pa btsun pa zla ba pad+ma'i myu gu zhes/ /pod go sa la rtog pa'i rgyal po ma lus nag po rgyal po in+d+ra bo d+hi dang / /de bzhin gzhan dang de rnams mthong yang mi bdag 'jigs byed 'phrog byed sogs kyis byin gyis brlabs/ /sa dang chu dang byin za rlung dang nam mkha' mkha' tsam gdong lnga pa la yan lag drug /de yi dbyangs yig ring dang thung bas 'gyur gyi gzhan la dbyangs yig yon tan la sogs min/ /nyi ma gang du tshangs pa'i sa bon nye bar 'jigs par 'gyur ba des na dus kyi phyar/ /sa gzhi skyong ba mchod na 'dir ni g.yul ngor kla klo dang ni mu stegs 'jigs par 'gyur/ /thung dang ring ba </font><hr>206a<br><font size=+1>


@#/ /lnga rnams rang bzhin yon tan mtshungs pa dbyangs yig yon tan la sogs min/ /a sogs ma ning dbyangs yig stobs bcu mnga' bas gsung ste nyi ma 'thab mo zad phyir ra/ /ring dang thung ba mtshungs pa gang du a ko ka ni ring po phyugs bdag tshig las 'gyur/ /de phyir ma ning yod la i ko ya na tsa mi byed po'i phyogs nas nges par bskyod| |thog ma'i lo nas nam mkha' mkha' dang gzhan yang zla ba tsin tsi ni yi dbang phyug 'byung / /de yi bka' yis yi dwags dbang bsgyur dus la ka sogs grogs ldan sgur mor byin brlabs pa/ /phyi nas sa stong son pa'i gnas dang zhing gi lha gang drug cu rtsa brgyad kla klo yi/ /mgon po ma d+hu ma ti bu dang bu mo sbun zla skyes pa rnams kyis 'jigs par byed/ /der ni bco brgyad lo la brgya yis brgya la bsgyur bas ma kha la sogs 'phags pa'i yul/ /kla klo rnams kyi lha khang mun can nyi mar rtogs pa gang de nga yis brlag par bya/ /sangs rgyas chos dang dge 'dun rnams la skyabs gsum cho gas skye rgu rnams ni der bzhag nas/ /bde la bkod de ka lA pa gang lha gnas dga' ldan mchog tu nyi ma 'gro bar bya/ /nam mkha' mkha' dang dus dang dbang po mig gis dus kyi dus su son pa'i lo yi tshad/ /slar yang skye bo rnams ni kla klor 'jug ste ji srid bco brgyad lo la bsgyur dang bcas pa'i bar/ / </font><hr>206b<br><font size=+1>


yang nas yang \?\ du nga yis rtsod pa'i dus der byung nas de rnams gzhig par bya ba nyid/ /ji srid sa dang chu dang me rlung nam mkha'i yon tan nam mkha' nyi zla skar ma rnams/ /phyogs skyong phyogs kyi gdon dang phyogs lha nam mkha' sa gzhir yi dwags bram ze ba lang sogs/ /sa 'og klu dang lha min rnams ni sa yi bdag pos zhi ba'i don du 'di rnams mchod/ /don kun grub phyir rtag tu rgyal po mi dang bcas pas sangs rgyas pa dang rgyal ba rnams/ /sa dang chu dang me dang rlung dang stong ba nyi mar bcas pa mchod rdzas rnams kyis mchod/ /slob dpon mchog la gzhol bas srung ba lnga po rab tu dri zhim me tog rnams kyis mchod/ /sngon du khrus byas gos sngon snga dro gso sbyong blangs pas nyin dang mtshan du nges par gdon/ /klog mkha' bzhi dang lnga pa gang zhig zhi \?\ byed pas nyin dang mtshan du bya bar 'gyur/ /slar yang de la bsrung ba bya zhing nyi ma bcu ru zhi dang rgyas pa dag kyang bya/ /zho dang 'bras chan nyi mar rta dang glang po'i gtor ma 'bras chan 'o ma zla bas \?\/ /'bras chan la sogs mig dmar gza' la me tog bcud dang bcas pa'i 'bras chan gza' lag la/ /'bras chan ser po bu ram sogs kyi gtor na lha yi bla ma 'o thug sha khar gyis/ /pa ba sangs la zan dron mar nag bcas pas spen pa'i nyi ma bdun par de bskyon la/ /nyi ma slar yang phyogs su glang po rnams kyi gtor ma bya zhing khur </font><hr>207a<br><font size=+1>


@#/ /ba 'bras chan gyis/ /glang po rta mchog rnams kyis zhi dang rgyas pa'i don du sbyin sreg nyi ma la sogs gzar/ /'bru dang mar gsar so ma dur ba mda' yi yam shing brgya dang 'o ma'i mchod yon btung / /sbyin sreg rjes la dung phor gang ba'i zhi ba'i chu yis rta dang glang po khrus bya 'o/ /yi dwags la sogs gtor ma sran tshan sha dang chang rnams nyin mtshan dus su sbyin par 'gyur/ /srin po la sogs yungs kar dang ni rdo rje phur bus phyogs mtshams gtogs par phur bus gdab/ /slob dpon gyis ni srung ba lnga yi cho gas rgyal po 'khor dang bcas pa bsrung bar bya/ /gang dang gang gis yul mtha'i bar gyi skye rgu nyin dang mtshan du zhi dang rgyas 'gyur ba/ /thog mar dbus su bsgrub bya'i ming dag rang bzhin yon tan dbang las pad+ma lnga yis bskor/ /gang zhig rang bzhin yon tan dbang las sa dag kha sbyar zur brgyad de bzhin phyi rol tu/ /gang zhig zur rnams dar dbyangs bcings pa phyogs dang phyogs mtshams de las rdo rje'i phreng bar 'gyur/ /rgyal chen phyogs kyi zur la ma lus yon tan rang bzhin ri yi rgyal po phyogs mtshams rnams/ /de nang zlum po'i snam bu phyogs dang phyogs mtshams rnams su de la snod dang rtse mo'i phreng du 'gyur/ /pad+ma'i ge sar cha la 'dir ni dgra sta lcags kyu zhags pa dang ni dung nyid do/ /chu skyes 'dab mar srung </font><hr>207b<br><font size=+1>


'khor gang zhig snying po yang ni de bzhin gnyis pa gsum par de/ /de ltar pad+ma gnyis la 'gyur te nye ba'i snying po chu skyes 'dab ma rnam gnyis der/ /klu rnams zung gi bar du phyogs dang mtshams kyi 'dab mar bar du de bzhin lha dang lha min dang / /gnod sbyin rnams dang gza' dang ma lus 'jigs pa 'joms pa'i ma mo rdo rje mkha' 'gro rnams/ /srung 'khor 'dis ni thams cad srung bar 'gyur te khrag dang gi wang la sogs rnams kyis bri/ /rdzogs sangs rgyas dang ma lus rgyas sras rnams kyis srung ba lnga sogs ma lus srung 'khor gsungs/ /bud med bu 'dod pa las bu dang rgyal po dgra dang g.yul 'gyed pa rnams rgyal bar 'gyur/ /nad pa nad las grol bar 'gyur te sa yi steng du dbul po rnams kyis nor rnyed 'gyur/ /skyes pa bud med rnams kyis 'bras bu ster bar 'gyur ba sngon gyi bsod nams mthu yis so/ /bsod nams sems can rnams la phan gtags dge bcu'i lam gyis mchod las nam mkha' sogs la min/ /bram ze gang zhig chang 'thung gyur dang gcer bu pa'am ral pa can nam dbyug gu can/ /dge tshul dang ni tshogs dpon dge slong dge ba rnam par bral bas grub mtha'i spyod pa nyams/ /sum cu'i dam tshig can gyi mi yi dbang pos de rnams yul nas bskrad par bya/ /gang phyir de dag rnams kyis dge dang mi dge'i las byas drug cu'i cha shas rgyal po yin/ /yugs sa mo rnams gang zhig 'khrig pa spyad </font><hr>208a<br><font size=+1>


@#/ /nas ngan pa dmyal ba'i 'bras ster me la btso bar byed/ /gang du yul na bdud ris de yod mi bdag dpung bcas der ni nam yang grub ma yin/ /rgyal po sa yi steng du rgyal srid dang ni dgra dag 'joms dang nor rnyed bsod nams kyis/ /skal pa bzang dang tshe dang grags pa dpal ldan lha yul sa steng grub pa'i rig pa 'dzin/ /sa steng ma lus mi yi rgyal po sbyin las byung ba tshul khrims dang bcas lha rgyal po/ /bzod pa tshul khrims skyong la nyin dang mtshan du rtsod pa las ni sbyin pa 'phel bar 'gyur/ /skyes bu bsam gtan la gnas mchog tu rang bzhin rnam par bral ba shes rab kyis thabs 'phel/ /shes rab thabs kyi mthu las smon lam dang yang stobs dang stong nyid ye shes rdo rje 'o/ /chos kyi dbyings su gshegs pa'i sangs rgyas rnams kyang gal te 'khor bar byon pa ma yin na/ /rdzogs sangs rgyas dang byang chub sems dpa' yul dang yul can lhan cig nam mkha'i khams rnams su| |de ni rdzun gyi tshig las de bzhin bcom ldan rdo rje btsun mo'i b+ha gang bzhugs zhes pa/ /'dod chags la sogs skyon spangs dri ma gsum dang rnam bral rdo rje sems las gzhan du min| |changs pa la sogs lha rnams sa steng dmyal ba'i dmyal bas 'dir ni zhi ba la sogs kyi/ /sangs rgyas rnams kyis ma lus tshe yi tshad rnams rang rang grub mtha'i chos su </font><hr>208b<br><font size=+1>


gsal bar byas/ /tshangs pa la sogs bsod nams longs spyod mthar ni lha yul sa steng dag nas ltung bar 'gyur/ /srin pos byin brlabs rnams kyis de las thar pa 'dod pa de ni nam mkha'i shing 'bras bzhin/ /byis pa rnams la rang rang ma yis rdzun tshig 'jam pos bdag nyid drung du 'khrid par byed/ /chang pa stong pa ston cing bdag gi lag la ril bu yod pa longs shig bu zhes brjod/ /rdzogs sangs rgyas kyis bdud kyi lag nas shin tu snyan pa'i tshig gis bdag nyid drung du 'khrid/ /nam mkha' tsam zhig ston cing bdag gi rigs kyi mya ngan las 'das longs shig bu zhes gsungs/ /sems can rnams kyi bsam pa'i dbang las rgyal bas srin po rnams la gso sbyong gsal bar mdzad/ /de rnams de yis sangs rgyas nyid ni thub pa'i bka' yi gsang sngags theg pa bden pa yin/ /gang zhig bskal pa dpag med byams dang dge bcu'i lam dang sbyin dang tshul khrims rab rdzogs pas/ /rdzogs sangs rgyas dang byang chub sems dpa' stobs bcu ldan pas sangs rgyas byang chub lung bstan to/ /mo gsham bu ni lus med ma lus yon tan rang bzhin gang zhig rdul phran 'dus pa rnams/ /srog ni nam mkha'i me tog min te gong du rags pa'i lus la zhugs nas klo ga cing dgod/ /srog chags bya rog rwa min bsod nams sdig pa'i dbang gis gang zhig 'gro ba rnams su 'khor/ /srog chags gang zhig </font><hr>209a<br><font size=+1>


@#/ /rdul phran phung po'i lus ni sa steng 'chi ba'i tshe na mi ltung med/ /rgyud kyi rgyal po stobs bcu'i stobs dang ldan pas sangs rgyas pa yi gang zhig lam bstan pas/ / rgyal ba stobs bcu dang ldan ston pa'i sras dang sangs rgyas pa dang lha klu dri za lha min dang / /khro bo srin po sha yi dam tshig can dang stag gzig rnams dang mu stegs spyod pa rnams/ / de kun shaM b+ha la zhes bya bar rgyal mchog bzhugs gnas der ni nyi ma bdag gis bstan/ /dpal ldan 'bras phung chos kyi dbyings su stobs bcu mnga' bas gang zhig bdud rnams btul mdzad pa/ /de kun shaM b+ha la yi dpal ldan kA la pa yi skyed mos tshal gyi dus 'khor gyi/ /don chen gser gyi dkyil 'khor khang pa'i sgo yi phyi rol thub pa nyi ma'i shing rtas dris| |dpal ldan 'jam dbyangs rin chen seng+ge'i khri la bzhugs pa stobs bcu mnga' ba'i mdzad spyod gsungs/ /dpal dang po'i sangs rgyas kyi rgyud las phyung ba dpal dus kyi 'khor lo'i rgyud phyi ma rgyud kyi snying po zhes bya ba rdzogs so// //lo tsA ba shAkya'i dge slong gnyan chung dar ma grags kyis bsgyur cing zhus te gtan la phab pa'o// // </font><hr>

</table>