rKTs


H373

(e-text produced by ACIP)

see text in Tibetan script
209a
rgya gar skad du/ shrI kA la tsa kra la gu tan+t+ra rA dza hri d+ya nA ma/ bod skad du/ dpal dus kyi 'khor lo bsdus pa'i rgyud kyi rgyal po'i snying po zhes bya ba/ dpal dus kyi 'khor lo la phyag
209b
'tshal lo/ /thams cad mkhyen dang ye shes sku dang nyin byed sku ste pad+ma'i 'dab ma bzhin du yangs pa'i spyan/ /sangs rgyas seng+ge'i gdan la bzhugs phyir lha yi mchog gi sa phyag 'tshal ba dang zla ba bzang po yis/ /spyi bos btud de lag pa'i pad+mo thal mo sbyar nas yan lag mchog gi steng du rab bzhag nas/ /a sogs ka sogs 'dus rim dpal ldan dus kyi 'khor lo'i rnal 'byor mi rnams 'grol ba'i rgyu ru zhus/ /stong pa dang ni ye shes thig le rdo rje mchog 'dzin sangs rgyas lha dang lha ma yin rnams dang / /phyi rol dang ni nang dang gzhan la rang bzhin rnams dang skyes bu nyi shu rtsa lnga'i bdag nyid dang / /lus la sna tshogs pa yi tshad dang srid pa gsum gyi spros pa lha dang lha min bza' ba dang / /dkyil 'khor dbang dag de lta bu rnams thams cad lha dang mi yi bla mas yang dag bshad du gsol/ /zla ba bzang po bdag dgyes de ni rab mchog lha dang mi dang srin po lha ma yin dang klu/ /gang zhig 'dod chags bral ba rnams dang mchog gi drang srong rigs kyi mya ngan 'das pa la sogs pa'i/ /'dzin ma'i mthar thug khyod kyis zhus pa de mi shes pas tshig gi gnas ldan lus dbus ma lus pa/ /rnal 'byor 'di nyid dkyil 'khor dang ni dbang dag rnam par bshad par bya yi mi bdag shin tu nyon/ /dus kyi stong pa rnams las rlung dang me dang chu dang sa dang gling dang ri dang rgya mtsho rnams/ /rgyu skar rnams dang nyi zla skar
210a
@#/ /ma gza' yi tshogs dang drang srong lha dang 'byung po klu rnams dang / /byol song skye gnas rnam bzhi rnam pa sma tshogs sa dang sa 'og dag la mi dang dmyal ba dang chu las tshwa 'byung bzhin du sgong las kyang yin te stong pa las ni 'byung ba nyid rnams bskyed/ /sku dang ye shes nam mkha' sgrib bral rlung dang me dang chu dang sa dang brtan dang skye 'gro dang / / mi mthong ba yi lha nyid skye ba rnams dang gnas ni rnam pa bcu ru brjod pa rdo rje'i sku/ /sngags kyi skya gnas de ltar yang dag 'byung ba 'di nyid slar log pa las 'jig ste mi bdag kye/ / de ltar gang gis yang dag rig pa de ni phyugs ma yin te sems kyi rnam rtog grol ba'o/ /dpal dus kyi 'khor lo bsdus pa'i rgyud kyi rgyal po las/ /phyi 'jig rten khams kyi le'u mdor bsdus pa ste le'u dang po'i rgyud kyi snying po'o// //khu ba las ni rkang mar rus pa rtsa ru 'gyur te rdul las nges par pags pa khrag dang sha/ /mngal dbus zla ba gcig tu khrag dang sa bon dag las rab tu bskyed pa'i bdud rtsi ror gyur pas/ /phyi nas sa bon myu gu las ni rang gi snying khar rtsa ni shin tu phra ba rnam pa bcu/ /lte bar brgyad pa brgyad de gzhan yang lag pa rkang pa gdong rnams phyi ru 'phel bar 'gyur ba ni/ /zla ba gnyis pa rdzogs nas lag pa rkang pa gdong rnams cung zad 'di ni mdo ru bstan pa'o/ /zla ba gsum pa rdzogs nas lag pa rkang
210b
ma mgrin pa rnams kyi rtse mo ma lus mnyam par 'gyur/ /zla ba bzhi pa la ni rkang lag gdong dang mgrin pa rnams kyi phyogs su rtsa ni phra mo rnams/ /zla ba lnga par sha rnams la ni brten pa'i rus pa nam mkha' ro dang me dang tshigs rnams kyang / /zla ba drug pa la yang sha dang khrag dang tshor ba bde ba dang ni sdug bsngal rnams su 'gyur/ /thub pa mchog la smin ma dang ni skra dang bug pa spu rnams kyang ni zla ba'i rjes nyid la/ /nyin zhag so so'i dus su rtsa rnams rab tu 'phel ba stong ba stong ba mig gi grangs rnams kyis/ /tshigs dang rus pa rnams dang rkang dang ro ldan dri chen dri chu rnams ni brgyad pa nyid la 'o/ /bug pa zhes byar skye ba'i dus su de la skye gnas kyis bsdams mi bzad sdug bsngal chen por 'gyur/ /mngal du mngal gnas nyid dang skye ba'i dus dang byis pa'i rang bzhin rnams kyis mi bzad sdug bsngal lo/ /gzhon nu lang tsho dag la bud med nor dang bkra shis 'dod pa nyon mongs sdug bsngal chen pos gang / /rga dang 'chi ba'i sdug bsngal chen po dag ste slar yang du 'bod la sogs 'gro drug 'jigs ster ba/ /'gro ba 'di rnams ma lus sgyu ma la rmongs gyur pas sdug bsngal ba las sdug bsngal 'gyur ba'o/ /'khor ba'i nang nas gal te mi nyid dag tu gyur kyang chos kyi blo ni brgya la ma zhig na 'ong / /de las dge ba'i dbang gris sangs rgyas nyid la rjes chags 'gyur zhing dang po'i theg par rab tu 'jug /de las
211a
@#/ /dpal ldan rdo rje theg pa dang ni ma lus snying po sgom pa'i blo 'jug brgya lam na/ /de las sangs rgyas nyid de 'dod mchog bde ba'i go 'phang la 'jug e ma shin tu dka' ba'o/ /mngal du yang dag dag pa'i sku ste rab tu skye ba'i dus nas so skye'i bar nyid chos kyi skye/ /so rnams ba rjes pa'i bar gyis rgyal ba'i longs spyod rdzogs skur nges par 'gyur ro mi yi bdag po kye/ /de nas mi rnams nges par 'chi ba'i mtha' ru sprul pa'i sku ru rab tu gsal bar brjod pa ste/ /de ltar 'di ni ye shes rnam shes dbye bas mngal dang phyi ru rnam pa bzhi ru 'gyur ba'o/ /slar yang rnam shes zla ba nyi ma pad+mar 'dres par gyur pa rnams ni mngal du dag pa'i sku/ /khams dang phung po rnam pa bcu po skye bar 'gyur ba gang zhig rgyal ba'i chos skur 'gyur ba ste/ /de nas rna ba sgra la sogs pa skye ba yon tan dbang las longs spyod rdzogs pa'i sku ru 'gyur/ /de nas skra la sogs pa skye ste mngal nas skye ba'i dus 'di sprul pa'i sku ru brjod pa'o/ /gang zhig skyes nas dbugs 'byung ba ni nges par de nyid dag pa'i sku ru rab tu 'gyur ba nyid/ /de nas gang zhig so skyes gyur nas tshig mi gsal bar slar yang de bzhin chos kyi sku ru brjod/ /de nas gnyis skyes pa rnams brjes pa rgyal ba longs spyod rdzogs par 'gyur ro mi yi bdag po kye/ /so rnams
211b
brjes nas 'chi ba'i mthar thug rgyal ba'i bdag po sprul pa'i sku ru 'gyur ba phyi rol tu/ /ye shes dang ni rnam shes 'dres pa'i nyi ma ri bong can bcas ye shes rdo rje la sogs rnams/ /mngal du sku yi rdo rje la sogs skye ba stobs dang ldan pa rim pas 'byung bar 'gyur ba ni/ /dang por mngal 'dir dpal ldan sku yi rdo rjer 'gyur te gsung gi rang bzhin rab tu skye ba'i dus/ /so rnams skyes pa nges par thugs te slar yang lhung nas skye ba ye shes rdo rjer 'gyur ba'o/ /dpal ldan dag pa las ni chos skur 'gyur te chos las nges par longs spyod rdzogs pa'i sku ru 'gyur/ /longs spyod las ni sprul pa'i sku ru 'gyur te rgyal ba'i bdag pa sems can kun gyi don mdzad phyir/ /'khrig dus gnas skabs dang ni shin tu gnyid log pa dang sku yi dbye ba gzhan dang sad pa rnams/ /de ltar sku yi dbye ba rnams kyis yid ni gnas te srog chags rnams kyi lus la rnam pa bzhi/ /sprul ba yid dang lus dang ngag dang dbang po rnams kyis longs spyod byed pa po ru 'gyur ba'o/ /longs spyod rdzogs pa yon tan dbang las sems kyis mthong bar 'gyur te chos kyi sku ni gnyid log pa/ /dag pa 'di ni nyin mtshan dus su thig le gsum nyid grol ba'i mtha' ru bde bar 'gyur ba yis/ /de phyir rnal 'byor pa yis nyin mtshan dus su de nyid mi 'gyur ba yi don du bsgom par bya/ /gang zhig g.yon nas srog nyid rab tu rgyu na de bzhin g.yas su bskum par rab tu 'gyur ba ni/ /g.yon brkyang
212a
@#/ /'dug stangs brjod de de ltar me dang nyi mar rgyu ba mnyam dang g.yas brkyang 'dug stangs so/ /sa ga zlum po dag dang nges par mchog tu rol pa rnams dang pad+ma rdo rje'i 'dug stangs rnams/ /mnyam dang mi mnyam la gnas nam mkha' la sogs srog gi rlung lnga rnams ni rab tu rgyu ba'o/ /gsang ba gtsug tor dang ni lte ba rnams la lhan cig skyes pa rgyal ba'i sku ni rang bzhin med/ /snying ga'i 'khor lor chos kyi sku ru 'gyur te mgrin par longs spyod rdzogs pa'i sku ru yang dag 'gyur/ /thig le pad+mar yang ni sprul pa'i sku nyid 'gyur te yon tan dbang las rim gyis lhag pa'i lha/ /snying ga'i 'khor lo mgrin pa'i 'khor lo spyi bo'i pad+mar chos dang longs spyod rdzogs dang dag pa'o/ /lte ba mgrin pa gsang ba spyi po snying ga rnams dang de bzhin gtsug tor dbus nyid rnams la ni/ /yum dang gtso bo'i sku gsung thugs kyi rdo rje'i rim pas rnam pa gsum du yang ni 'gyur ba ste/ /pad+ma rnams la 'khor lo rin chen gri gug chu skyes ral gri rdo rje rnam ldan rigs drug mchog /de rnams steng 'og rtsa gsum rnams la zla ba nyi ma ma yi dbye ba rnam pa gsum du 'gyur/ /ser skya phra mo lug ste rtsa rnams lam gsum nyid du gnas pa snar ma dang ni glang chen lce/ /rgyal nyid drug pa dang ni rgyal ba 'gro med 'phyang pa nor te dpal ldan ku ha dgu pa'o/ /dung can phyogs kyi grangs te gang zhig byang chub sa bon bde ba'i mthar ni 'dzag go mi
212b
bdag kye/ /de ltar dpal ldan rtsa yi 'khor lo chigs kyi dbye ba du mas rnam pa mang por 'gyur ba'o/ /dbang po me dang gshin rje bden bral chu lhar bcas pa rlung dang nor dang dbang ldan nyid rnams kyi| |gnas 'di rnams su nus pa nyin mo mtshan mo la ni de yi rang bzhin rgyu zhing longs spyod do/ /de steng mgrin pa'i 'khor lor gza' tshogs dang bcas rgyu skar 'khor lo yang dag gnas par brjod pa'o/ /changs pa'i gnas gyur dpal ldan dpral bar dbyangs kyis yongs bskor ba las thig le dkar po nges par 'dzag /spyi gtsug tu ni rgya mtsho snying gar brgyad dang spyi bor mi bdag mgrin par so yi grangs rnams dang / /lte bar brgyad kyis brgyad bsgyur rnams dang mi yi bdag po nyis 'gyur gsang ba'i dbus su rab tu grub/ /rtsa drug 'khor lor 'gog 'gyur bcu yi yul rnams 'joms te de rnams 'dus pa'i rang bzhin rnams su brjod/ /yang dang yang du nyis 'gyur du yang bsgyur bas bad kan dang ni mkhris pa rlung gi cha rnams so/ /de rnams kyis ni nges par 'chi ba ster zhing bla ma'i nges pa'i dbang las tshe dang nad med ster/ /'khor lo drug la dus kyi rtsa yis 'chi ba'i 'jigs 'joms rnal 'byor rnams la 'dir ni ngo mtshar che/ /spyi gtsug tu ni rgya mtsho dpral bar chu gter dus kyis bsgyur bas bad kan khams rnams rab 'khrug byed/ /mgrin par so dang snying ga'i chu skyes la ni mig gis dus bsgyur mkhris pa'i khams
213a
@#/ /rnams rab 'khrug byed/ /lte bar rgya mtsho drug cu slar yang gsang bar mi bdag de bzhin rlung gi khams rnams rab 'khrug byed/ /gzhan yang gsang bar phyogs dang drug po gsungs pa rnams kyis nges par 'dus par 'gyur zhing 'gog pa'o/ /lte ba'i chu skyes nyi ma'i 'dab mar mchog gi rtsa rnams 'khor ba'i rim pas 'pho bar 'gyur ba ni/ / srog zung rnams kyi 'pho ba dgu brgya nyis 'gyur rnams kyis karka Ta yi dus sbyor mi dbang skye/ /dus sbyor gang la nyi ma gnas pa nyin mtshan 'khor ba 'di nyid de ru reg par bya ba ni/ dus sbyor tshad rnams shes par bya ste bu lon nor du g.yas dang g.yon du rnam par bgrod pa'o/ /pad+ma'i 'dab ma re re nub kyi phyogs su sa dang byang du chu dag rab tu rgyu pa 'o/ /lho ru me dang shar du rab tu rgyu ba rlung ste gzhan yang 'dab ma'i dbus su stong pa'o/ /'pho ba lnga yi dbye ba rnams kyi mtshams nas rab tu rgyu ba'i cu'i dbugs las dman pa'o/ /de ltar 'pho ba'i dbye ba rnams ni nyin zhag so so'i dus su dus sbyor rnams kyis dbye bar 'gyur/ /stong pa la sogs de nyid lnga rnams byang nas nges par rab tu rgyu ste sa la sogs pa g.yas/ / sgra gcan dus me dag dang zla ba nyi ma gza' lag sa skyes pa ba sangs dang bla ma dang / /mjug ring dal ba rnams ni nam mkha' la sogs dkyil 'khor rnams la bdag po bcu rnams
213b
zhing can 'gyur/ /g.yon du zla drug zla ba dbang por 'gyur te g.yas phyogs su ni nyi ma nyid do mi bdag kye/ /de steng snying ga'i phyogs na nor gyi 'dab ma'i rtsa yi 'khor lo rnams ni yang dag gnas pa'o/ /srog la sogs pa rlung gi tshogs rnams ri bong can dang nyi ma me rnams g.yon dang g.yas dang dbus/ /g.yon gyi zla ba'i rtsa nas ri bong can mtshan yin te g.yas kyi nyi ma las ni khrag nyid do/ /dbus nas dus me'i rang bzhin dus sbyor rnams kyi mtshams su drug cu'i dbugs las dman pa rgyu ba'o/ /nor gyi pad+ma'i 'dab mar srog dang thur du rgyu dang mnyam gnas gyen du rgyu ba'i rlung rnams dang / /khyab byed dang ni klu dang rus sbal dag dang rtsangs pa gzhan yang lha sbyin nor rgyal rlung rnams te/ /de ltar rtsa yi 'khor lor las kyi dbye bas rlung rnams rnam pa bcu ru yang dag gnas pa ni/ /snar ma la sogs dung can mthar thug rtsa yi 'khor lo mtha' dag rnams ni snying ga'i pad+ma la'o/ /ye shes khams su thur sel rnam pa gsum zhes bya par 'gyur te stong pa las kyang srog gi rlung / /rlung gi dbus gnas mnyam dang me las slar yang gyen du rgyu bar brjod de chu las khyab byed nyid/ /sa las klu dang de nas rus sbal rtsangs pa lha sbyin nor rnams las ni rgyal ba rnams kyi rlung / /bzhi po rnams kyi rlung dang me dang chu dang sa rnams nyid las rim pas rab tu 'gyur ba'o/ /srog gi srog ldan byad cing nyi ma ri bong can nyid lam nas 'gro
214a
@#/ /ste bza' btung mtha' dag rnams/ /'og tu khyer ba thur du rgyu ba yin te lus la ma lus ro mnyam byed pa mnyam par brjod/ /lus la skyod byed pas shu rgyu bar brjod pa kha dang lag pa rkang pas glu gar byed pas so/ /nad nyid byed pas khyab byed ces pas rang bzhin yon tan dbang las de bzhin lus 'joms byed pas so/ /klu yis sgrags pa nyid de gsal bar lag pa dang ni rkang pa skum par byed pa rus sbal lo/ /khro dang 'khrug pa mtha' dag rtsangs pa'i rlung gis byed de glal bar byed pa lha sbyin nyid kyis so/ /lus la lnga 'gyur mthar byed rlung gcig gis ni mi gtong ba de nor rgyal nyid kyis mi bdag kye/ /de ltar srog la sogs pa'i rlung rnams thams cad kyis ni rang bzhin gyur pa'i yon tan rnams mi 'dor/ /rtsa bar sa dang g.yon du chu nyid rab tu yin te g.yas su byin za dang ni steng du rlung / /dbus su nam mkha' yin te sna bug gnyis po dag nas rim pas mnyam par rab tu rgyu ba'o/ /'di rnams nus pas rab tu phug nas mchog gi rang bzhin 'gro zhing bcu gnyis mtha' nas cha mthar 'gro/ /zhing la sogs pa lag pa rkang pa dag gi pad+ma gnyis po sor mo ma lus rnams kyi mthar/ /'khor lo can ni rang gi lus la rdo rje can te lha mchog bdag po yan lag bcu gnyis 'gog /rigs gcig yang dag ye shes yin te glang rta shing rta mngag gzhug 'khor rnams 'phags pa'i
214b
tshad med do/ /drag po so so'i rang rgyal ming can nyid du 'gyur te ha nu man+d+ha nyan thos srog chags so/ /ma rungs kla klo'i dbang po sdig pa nye ste byed pa'i blo gros sdug bsngal stong nyid mi dge'i las| /rta yi stobs nyid ma rag pa ste lha min stobs ni bdud kyi phyogs rnams bzhi po ma lus pa/ /de rnams 'thab pas sdud pa srid pa'i 'jigs 'joms pa ste rgyal bas dpal dang ldan pa thar pa'i lam/ /kai la sha ru chos sbyin srid pa'i 'jigs 'joms pa ste rdzas kyis gang ba'i sa nyid khams dag pa/ /bu dag lha dang mi yi bla ma changs pa lha dbang rgyab dang mdun du 'byung bar 'gyur ba'o/ /srid gsum rnam par rgyal ba 'jam dpal 'jig rten mgon dang dpal ldan rdul dang byang chub sa bon no/ /sa steng rgyab tu tshangs pa la sogs sna tshogs rigs ni rnam par dag pa'i sangs rgyas du ma'o/ /de ltar kla klo'i dbang po nges par 'thab par 'gyur ba lus can rnams kyi lus kyi dbus su'o/ /phyi ru sgyu ma'i ngo bo nyid kyis nges yin mkha'i yul du kla klo 'thab mo 'thab pas min/ /dpal dus kyi 'khor lo bsdus ba'i rgyud kyi rgyal po las/ /nang sems can khams kyi mdor bsdus pa ste le'u gnyis pa'i rgyud kyi snying po'o// // dang por yang dag bsten bya'i bla ma rnams ni dam tshig ldan dang rdo rje'i theg la lhag par gnas/ /de nyid sgom dang ldan dang ma chags sdig pa rnam par spangs dang bzod dang rang bzhin lam
215a
@#/ /la gnas/ /slob ma rnams la lam ster dmyal ba'i 'jigs pa 'joms dang de kho na yi tshangs par spyod pa dang / /de rnams ldan pa bdud rnams rdo rje'i dbyug pa sa yi steng du rdo rje sems dpa' rab tu 'grub/ /nga rgyal ldan dang khro ba mngon du gyur dang dam tshig bral dang rdzas la chags dang thos pa med/ /slob ma rnams ni bslu ba dang ste bde ba dam pa'i gnas la 'jigs sems dang ni dbang mthob/ /longs spyod la zhen bag med pa dang tshig rtsub bcas pa dang ste 'dod can dbang po don gnyer rnams/ /slob ma rnams kyis rdzogs pa'i byang chub rgyu ru de rnams dmyal ba bzhin du blo yis spang par bya/ /zab cing rgya che'i sems dang bla ma'i nges pa la dga' gtong ba'i ngang tshul ldan dang yon tan shes/ /thar pa don du gnyer dang rgyud la gus dang g.yo med sems dang de nyid snyed pa zhes bya gsang / /gdug pa rnams kyi dge 'dun 'joms pas de nyid rig pa'i bla ma shin tu tshol ba dang bcas pas| |shes rab ye shes dbang sogs rgyu ru yin te gzhan zhes bya dang 'bring po bsod nams rgyu ru'o/ /'dir ni dbang nyid rnam pa gnyis te bu yi yon tan dbang las 'jig rten pa dang 'das pa'o/ /gang zhig shes rab kyi ni nu mar reg ba nyid dang gzhan yang bdud rtsi myong dang 'khyud pa'o/ /shes rab dang ni 'dus pas byang chub sems ni zhu ba skad
215b
cig ma bzhir bdud rtsir gyur pa gang / /de rnams thams cad 'jig rten pa yi lam gyi rgyu ru snying rje mchog gis nges par bstan pa'o/ /phyogs kyi lo ni gcig nas rnam pa bcu yi bar du lta dang reg par bya ba yin pa ste/ /de rnams 'khyud bya rnams ni rgya mtsho rnams dang ro bcas bsten par bya ba g.yo ba la sogs pa/ /nyi shu'i lo yi 'og ma phyag rgya rnams ni mchog tu 'jigs byed khro bo 'byung po lha min rigs/ /dbang gi don du drug dang gsum gyis bde mnyam 'bras ster ba dang gzhan ni bsgom pa'i don du'o/ /skrag dang 'khrul pa'i sems dang g.yo dang gzhan gyi dbang du 'gro ba dang ni nad can bu bcas dang / /khro ldan khengs shing 'dod la chags dang rdzun dang rtsod pa la dga' yan lag nyams dang ma dag pa/ /de lta bu rnams shes rab ye shes dbang du shin tu 'bad de bla mas spang bya mi dbang kye/ /sngar gsungs sangs rgyas bla ma dag pa gus ldan dam tshig 'dzin pa phyag 'tshal ba dang mchod par bya/ /sems kyis bsam par bya ba ma ste reg par bya zhing 'khyud pa yis ni sring mor 'gyur ba'o/ /rdo rje rang zhugs bu mor brjod de byed pa dang bcas shin tu bde bar gyur ba tsha mo'o/ /thig le lhung ba chung mar 'gyur te chags bral gzhan gyi rigs su gyur pa'i rnal 'byor ma nyid do/ /de ltar rnal 'byor phyag rgya drug ni sa dang chu dang me dang rlung dang nam mkha' chad pa'i dngos/ /chu skyes su ni rdo rje rab zhugs sa dang me ru
216a
@#/ /rlung dang thig le ma lhung rim pa ste/ /de ltar rnal 'byor gsum gyis rab tu gsal bar nges par sku dang gsung dang thugs kyi phyag rgya'o/ /chags dang chags bral mtha' dang sngon du bde ba dam pa gter ni sbyor bas go cha bzhi pa'o/ /phyag rgya rnams las yum gyi mchog gyur rnam pa bcu po de ni dpal ldan bla ma'i zhal 'di'o/ /gang zhig dang por yang ni dpal ldan shes rab nu mar reg pa de nyid bum pa'i dbang du brjod/ /ri bong 'dzin pa myangs dang gsang ba mthong bar byas pa gsang ba'i dbang du rab tu 'gyur ba'o| |mtha' dag rgyal ba'i rigs kyis yan lag kha rnams sbyangs par byas te shes rab ye shes dbang sbyin bya/ /rgyal ba dbang por byas te slob ma'i don du phyag rgya sbyin dang gzhan yang bla ma la yang 'dir/ /'dod dang dga' dang g.yo ba dang ni mi 'gyur ba ste bzhi rnams kyis ni de yi sbyor ba gcig /gang ba nus pa dang ni skye ba nges par yin te mchog tu dga' ba nyid rnams gnyis pa'o/ /'bar ba dang ni thig le dag dang yur ba dang ste khyad par dga' ba nyid rnams gsum pa'o/ /oD+Da dang ni sgra cam nyid de gnyid dang lhan cig skyes pa'i dga' ba nyid rnams bzhi pa'o/ /de nas skye gnas rdul spangs med de yul 'jig 'gyur bas re zhig sa las dbang bsgyur yod pa min/ /'on kyang shes rab ye shes dbang ni
216b
rgyal ba'i bdag po'i bka' yis sa bon zhig la sbyin par bya/ /de nyid rnams la sa chu me rlung nam mkha'i yon tan rgyal ba'i yan lag don du btsal bar bya/ /'di ni bsod nams don rnams byed pas byang chub sems kyi bsnyen pa 'bras bu du mar 'gyur ba'o/ /gang zhig 'jig rten las 'das dbang ni rgyal ba'i bdag bo dam pa'i phyag rgya bzang dang rjes 'dus pa/ / sems kyi snang ba tsam ste rang gi yid la skyes pa me long gi ni gzugs brnyan lta bur nges/ /ma lus rgyal sras rnams dang sangs rgyas rnams kyis bsten pa rnal 'byor dbang po rnams kyis bsten byas na/ /ye shes snang ba de nyid rab tu shar bas bdud dpung g.yul dang bcas pa mtha' dag sreg pa dang / /chags pa la sogs rnams kyis rnal 'byor pa rnams lus la lo gcig sbyor bas bde mnyam 'bras ster byed/ /shes rab ye shes zhes pa sems kyi snang ba nyid de de yang rnam pa bcu du 'gyur ba'o/ /dbang 'dir zhugs pa gang zhig dri ma med pa'i ri bong can mtshungs me long gzugs brnyan lta bur nges/ /des na bde ba 'dzag pa med pa lhan cig skyes pa 'gyur med bzhi pa mya ngan 'das par nges/ /des na sangs rgyas zhal ni gang gi thugs dang zhal la gnas pa de nyid dpal ldan bla ma'o/ /gang zhig khrag gi btung ba byed pa'i sha sbrang de ni rab mchog lha dang mi yi bdud rtsi dang / /skyug pa zos pa gsang
217a
@#/ /ba'i zhal nas rdo rje nor bur gyur pa chu skyes nang du ma zhugs pa/ /bshad dang gci dang khrag dang sha ni mchog tu ro mnyam skyug pa rnams ni nang du zhugs pa'o/ /de ltar ye shes bdud rtsi 'di ni srid pa gsum gyi bla mas rgyud rnams thams cad du ni bstan/ /gang tshe shes rab chos 'byung du ni bde ba lhung nas slar yang rab tu bza' bas bsrung bar bya/ /de yas sems can gang zhig de rnams rgyal ba'i rigs su gyur pa'i byang chub sems dpa' cung zad 'gyur/ /de phyir nyi ma so so'i dus su de nyid za bar byed dang shes rab me tog dang ldan pa'i zhi ba'i bde 'bras ster ba ston byed srin po dang ni bdud kyi pho nya rnams kyis za ru 'jug /rdo rje pad+ma las ni dbyung bar mi bya mchog gi bde bar gyur pa ma 'khums pa ru bya/ /de la sangs rgyas byin gyis brlabs par gang tshe rab tu gyur pa de tshe 'dod pa'i dngos grub nges/ /rdo rje chu skyes dag tu rab tu bcug pas rang rang rdo rje snying gar ye shes 'khor lor zhugs/ /'khor lo'i rnam par bya zhing slar yang gnyis ka'i lus su gyur pa 'od zer rnams kyis gang bar bya/ /gal te 'di yis grub par ma gyur rdo rje nor bu yang dag gnas pa bza' bas bsrung bar bya/ / shes rab chos 'byung la gnas bskrun pa'i don du mtha' dag rgyal ba'i rigs rnams dgod par bya ba'o/ /shes rab ldan pa nyid dam yang na gcig nyid dag ni sangs rgyas sku yi zhabs
217b
su yang dag brjod/ /rmongs pa gang zhig 'di la 'jigs par mngon par 'dod pa de ni rdo rje can byis gsod par 'gyur/ /lus nang gnas pa'i lag pa dang ni rkang pa lus nyid rnams dang drug cha dbral ba yan lag mchog /las kyi dbang po rnams las dag ste gzhan yang dbang po rnams kyi nang nas yon tan bcas pa'i yid/ /khams kyi nang nas khams kyi cha ste bran dang phyugs rnams de yi cha yis 'gyur ro gzhan dag kyang / /phyag rgya bzang mo slob dpon ched du rab tu phul na bde ba'i gnas su myur du 'gro bar 'gyur/ /srid pa rnam gsum la gnas 'jig rten khams kyi sems can gang zhig ye shes rdo rje'i lcags kyu yis/ /de rnams ma lus kun nas bkug ste snying rje mchog gi dkyil 'khor du ni dbang bskur byas pa dang / /sangs rgyas rnams dang rdo rje'i bdud rtsi nyid de dri med rdo rje can lus rdo rje can rnams 'thob/ /dri ma rnam par bral rnams rang rang gnas su btang ste byang chub spyod la rjes su gnas par bsam/ /rdzas rnams spangs pa'i a ba d+hU ti rnams la rgyal ba'i bdag po'i bka' yis dbang rnams sbyin par bya/ /de ltar du ba la sogs lam dang yon tan ma lus gtar ni rtsa yi rnal 'byor ldan pa'o/ /bsten pa'i don du lag pa'i phyag rgyas rang sems dbang las nyes pa thams cad rnam par grol bar byed/ /gzhan yang rgyal mchog thugs gyur yum gyi mchod pa rnam par bral ba rnams la sbyin par bya ba min/ /de nas
218a
@#/ /slob dpon slob mar bcas pa ma lus tshogs kyi rigs rnams ji ltar 'dod bzhin mnyes par bya/ /slob ma rnams la gnang ba byin nas rab mchog chogs kyi rigs rnams rang rang gnas su gshegs su gsol/ /dgra dang seng+ge dang ni glang chen me dang lto 'phye'i rgyal po chom rkun zhags pas 'ching ba dang / /rgya mtsho 'khrug par byed dang sha za'i 'jigs pa nad kyis 'chi bar byed dang dbang pos 'che ba dang / /dbul bo dang ni bud med bral dang rgyal po khros pas 'jigs dang rdo rje ltung dang don nyams rnams/ /rnal 'byor ma yi zhabs gyur de nyid gang gis gsal par dran pas 'di rnams rab tu 'jig par 'gyur/ /dpal dus kyis 'khor lo bsdus pa'i rgyud kyi rgyal po las/ /dbang bskur ba'i le'u mdor bsdus pa ste le'u gsum pa'i rgyud kyi snying po'o// //gtum mo'i lte ba'i 'khor lor lto 'gro dgu yis bsgyur ba tsa rtsi ka sogs lhag pa'i lha dang ldan/ /dbus kyi ho yig ye shes glog gi 'od dang mtshungs pa'i ye shes me yis rab tu sad pa las/ /mi yi bdag po lte bar nges par snang mdzad sogs dang spyan ma sogs ni mig la sogs pa rnams/ /thams cad bsregs te spyi bo'i zla ba bzang las 'dzag thig le'i gzugs gyur gang zhig rdo rje can nyid do/ /shes rab chos 'byung la gnas thag le slar yang de bzhin nges par ma lus spro bar bya ba ste//
218b
rgyan rnams sna tshogs rnams dang ldan pas me long nang gnas lta bur ye shes 'khor lo rab tu 'byung / /'dod pa dang ni gzugs dang gzugs med rnams te srid pa rnam gsum dag kyang rim pas sbyang bar bya/ /phyi nang ye shes 'bar bas srid gsum ma lus lan gcig gis ni nges par 'gugs par byed pa'o/ /zla ba nyi mar a sogs ka sogs rnam gsum 'gro 'gyur sku rdo rje la sogs pa'i bzlas pa ste/ /so sor sdud pa la sogs drug gis gser bzang pad+mar sku dang gsung dang thugs kyi sbyor ba dang / /rdo rje gsum sgom byas pas dga' ba la sogs rdo rje dang ni chu skyes ro mnyam gyur pa'o/ /shes rab chu skyes las ni thugs kyi thig le lhan cig skyes ba de'i dbang las gzhom du med par bsgom/ /bsnyen pa bdud rtsi lnga la sogs dang chu gter rdo rje rnams dang so sor sdud sogs rnam kyis so/ /sngags bzlas la sogs rnams dang rdo rje pad+ma las skyes bdud rtsi yis ni nye bar bsgrub par 'gyur/ /dga' ba la sogs rdo rje gsum gyis chu skyes ro mnyam gyur par bsgom pa sgrub par gyur pa'o/ /shes rab ldan 'dus 'jigs med yang dag gyur pa phra mo'i rnal 'byor nges par sgrub ba chen por 'gyur/ /dang por stong pa'i byang chub nges par 'gyur te slar yang de nas zla ba thig le sdud pa'o/ /gzugs bskyed pa dang de nas rab mchog ro yi rigs la yi ge rnams ni dgod ba nyid du 'gyur/ /chu gter rdo rje 'di ni spyi yi bsnyen par 'gyur te gzhan
219a
@#/ /yang sgrub pa zhes pa dbu ma'o/ /'dir ni snyi dang mkhregs pa thabs ni rnam pa bzhi 'gyur de bzhin bsnyen dang sgrub pa'i yan lag brjod/ /so sor sdud pa rgyal ba'i dbang po nyid dang bsam gtan mi bskyod pa dag rnam pa bcu ru 'gyur/ /srog sdud pa ni ral gri can dang 'dzin pa rin po che yi phyag can dag kyang rnam pa bcu/ /rtsol pa rjes su dran pa pad+ma 'jin par yang ni 'gyur te dpal ldan ting 'dzin 'khor lo can/ /de nas slar yang re re la yang wa lnga yi dbye ba rnams kyis a sogs ka sogs rnams kyis dbye/ /so sor sdud pa yul dang yul can rnam pa bcu po 'brel ba rnams kyis rab tu mi 'jug nyid/ /shes rab rtog pa dang ni dpyod dang dga' dang bde ba mi g.yo rtse gcig sems ni bsam gtan no/ / srog nyid rtsol bas lam gnyis mnyam par 'gyur gyi bar du bya ste dbu mar srog rnams gzhug pa'o/ /thig le ru ni srog gzhug pa ste gnyis ka'i 'gro ba gzhom zhing rtse gcig sems kyad 'dzin pa'o/ /gang zhig lte bar gzhum mor gyur pas nges par lus dang nam mkha' ru ni rjes su dran par 'gyur/ /thabs dang shes rab bdag nyid kyis ni mi 'gyur bde ba'i dbang las ye shes sku ni ting nge 'dzin/ /de ltar chung du la sogs dbye ba rnams kyis sna tshogs gtso bo'i sgrub pa rnam pa gsum du 'gyur/ /phyag rgya gsum ni rnam gsum 'gyur ba'i
219b
dbang las skabs gsum zhes bya yang dag rtog pa bzang mo rnams/ /so sor sdud pa'i rnal 'byor pa ni yul dang rnam par bral zhing sngags rnams kun gyis byin gyis brlabs/ /mi yi bdag po bsam gtan sbyor ba dag pas mngon par shes pa lnga rnams thob par 'gyur ba'o/ /srog dang rtsol ba dag pas ri bong can nyi bral nas byang chub sems dpa' rnams kyis mchod par byed/ / 'dzin pa'i stobs kyis bdud dang nyon mongs la sogs tshogs rnams rab tu bcom nas stobs bcur zhugs pa'o/ /rjes dran rab tu dag pas dri ma med pa'i 'od kyi dkyil 'khor dang ni ye shes gzugs su 'gyur/ /de nas ting nge 'dzin gyis dag pas cung zad nyin zhag rnams kyis ye shes sku ni 'grub par 'gyur/ /dang por rgyal ba ma lus pa yi lus nyid sngags pa rnams kyis dngos grub don du yang dag bsrung / /lus med na ni dngos grub med de bde ba dam pa skye ba 'di la thob pa yod pa min/ /de phyir lus kyi don du nyi ma so so'i dus su rtsa yi sbyor ba bsgom par bya ba yin| |lus grub pas ni dngos grub gzhan ma srid gsum gnas su mngag gzhug nyid du rab tu 'gyur ba'o/ /rtsa drug 'khor lor dgag gsungs lam nyid rnam gsum 'gro ba zla ba nyi ma me yi dbye bas so/ /de dag lus la srung bar 'gyur ba bla ma'i nges pa'i dbang gis srog chags gang la 'chi ster ba/ /drug rnams su ni gang tshe srog 'jug gyur nas mi rnams nyid la rgyun du 'chi
220a
@#/ /ba spong bar nges/ /phra mo ru ni srog mi 'jug na rnal 'byor pa rnams 'chi ba'i yul nyid gang gis gcod par byed/ /nyi ma zla bdag ni dgag cing mnyam dang mi mnyam 'gro ba dbu ma dang ni dus mer gzhug /srog dang thur rgyu gnyis po dag tu nyin zhag dang bo song bas dus min 'chi ba blu ba ste/ /srog gis kun tu gang bar bya ba nyid ni lag rkang mthe bo'i chigs dang sen mthar bcas par ro/ /'khor lo drug tu sangs rgyas dang ni lha mo mi 'jigs phyag dang pad 'dzin rnal 'byor ba yis bsgom/ /g.yas las g.yon dang g.yon las g.yas su skad cig nyid la rtsa ni rab tu rgyu bar bya ba ni/ /mchan khung g.yas dang g.yon dang nu mar yang ni stobs ldan bcir te srog ni 'gog dang bcas pa yis/ /zla ba phyed kyis kyang ni dus min 'chi ba ster las 'joms pa rnal 'byor ldan pa'i rnal 'byor gyis/ /thur du rgyu ba kun nas bskum par byed par gyur na lus mchog rlung nas ma lus pa rnams 'joms/ /srog sdom bad kan la ni yin te slar yang de dag rnam par btang ba mkhris pa'i nad la'o/ /steng dang 'og ni yang dag 'gog pas 'dus pa dang ni rim gyis nad rnams bde bar byed pa ste/ /lte ba'i 'og tu srog rlung 'gog pa nad rnams mtha' dag 'joms te lte ba'i rtsa bar gzhan ma'o/ /thur rgyu'i rlung ni rnam gsum lam du song bas kun nas bcings te de bzhin srog nyid steng du yang / /yang dag bsdu ba'i
220b
par du stobs ldan gyis ni lus po ma lus me yis khyab par byas pas na/ /skran dang mchin nad gzhad nad rnams dang gzhan yang dmu chu la sogs rnams la zla ba'i sbyor bas 'joms/ / dbugs mi bad dang glo yin da dang rnam pa gsum gyi dug dang mig nad la sogs rnams la yang / /lag pa dag ni 'chang bar byas la dang pa'i pad+ma mnyam par byas te srog rlung 'gog pa'o/ / ji srid sa la lus po ma lhung ba yi bar ram gzhan yang rigs rnams bral gyi bar du ste/ /yang dang yang du ting nge 'dzin la gnas pas 'chi ba'i 'jigs byed tsher ma can ni nges par 'joms/ / snying ga'i pad+mar zla ba'i steng du dri med ri bong can nyid lta bu'i sna tshogs yum bsgom bya/ /shes rab dang ni 'dus bas rang gi byang sems babs pa rgyun du srog rlung yang dag bkag pa yis/ / sngags pa rnams kyis lo phyed nyid kyis lus kyi mchog la mdze dkar 'joms na gzhan lta ci zhig smos/ /de ltar lo gnyis rdzogs bas bdun cu'i lo la skra dkar gnyer mar bcas pa'i rgas pa nges par 'joms/ /de yi rjes la cung zad nyin zhag rnams kyis lam sems rab tu 'des pas phyag rgya'i dngos grub 'gyur/ /rkang pa dag ni rdo rje'i skyil krung gnas las lag pa'i pad+mas bzung bas rgyab kyi zug rdu 'joms/ /steng du rkang bdag dang mgo bo 'og tu byas na bad kan nad rnams mtha' dag rnam par 'joms/ /rab tu 'dzag la nyin zhag cung zad rnams su srog nyid bkag na
221a
@#/ /gcin nad nges par 'joms par byed/ /tho rangs chu bral kha nyid srin lag gis ni so rnams rim par rab tu gsal bar brdar ba yis/ /mig gi mig sman 'gyur te chu yis gtor ba yis kyang mig gi sdug bsngal 'joms par byed pa'o/ /gan rkyal nyal nas lte bar lag pa'i pad+ma bzung ba dag ni ma zhu ba yi zug rdu 'joms/ /skrangs 'bur byung ba rnams la nges par tshwa dang mar bcas rnams kyis bdug na 'phel ba 'jigs par byed/ /arka'i 'o mas rab tu byugs pas kyang ste cung zad so yi srin bu zug rdur bcas pa la/ /stag shing sa bon gyi ni du ba la sogs sbu gu yis ni bdug na srin sogs 'joms par byed/ /mi bskyod pa ni cung zad dro bas kha yi nad dang so yi zug rdu dang bcas zhi bar byed/ /tho rangs mi bskyod sna yis 'thungs na mgo bo'i sdug bsngal 'joms te sna yi chu yang de bzhin no/ /rna ba dang ni mig tu mi bskyod dro dang grang mo blugs pas gnyis ka'i sdug bsngal rab tu 'joms/ /'byung bos bzung la mi bskyod che \?\ ba gsum ldan sna ru blugs na bde ster sos btab pa la yang / /lan tshwa dang ni skyur pa yis ni rlung rnams 'joms par 'gyur te mdar dang bas ba mkhris pa'i dgra/ /kha ba ma lus pa dang tsha ba gsum gyis de bzhin sman rnams bcud kyis bad ka na 'joms par byed/ /ra yi 'o ma tsha ba gsum
221b
dang ldan pas bad kan 'joms te ma he'i 'o ma mkhris pa'i dgra/ /rnga mo'i 'o ma rlung 'joms pa ste ba yi 'o ma mar gyis sdug bsngal rnam gsum 'joms pa'o/ /dza ti bskol ba'i tshu ni dron pos kha nad zhi ste so yi zug rdu mi bzod pa yang ngo / /mar khu dang ni dngos po'i chu bskol tsha ba gsum dang tshwa yis rna ba'i nad rnams 'joms pa'o/ /mar dang 'om bskol bar a hi ni dang dmar po rnam par blugs pas sna yi nad rnams 'jig /karko Ti dang thod pa in+d+ra bong bu'i chur bcas 'bras dang sha ro dag la byugs pas 'joms/ /bshad ba gci ba khrag dang khu ba mi shar bcas rnams zes pas tshe ni ster bar 'gyur ba'o/ /bsam gtan dang bcas me tog snas 'thungs pa yis rgas pa'i yan lag skra dkar gnyer ma la sogs 'joms/ / mar me lnga dang sgrang bu'i skyug pa bsres pa zos pa yis ni sdug bsngal mtha' dag 'joms par 'gyur/ /bud med me tog khu ba nyid dang bsres pa lo gcig zos pa yis ni rgas pa 'joms pa'o/ /karko Ti dang de pa dA li tsha ba gsum dang bri ha ti dang nim pa tig+ta rnams/ /bskol ba'i khu ba nyin zhag gsum 'thungs pa yis 'ju bar 'gyur te dwangs pa'i bar du smyung bar bya/ /de bzhin zla ba'i chu la sogs pa mi yi chu dang dug chu rdo chu b+hal+lA ta yi chu/ /dri ngan ri bong sa rdo gzhan yang lo ma la sogs lto ba la bsdags sngags pas brtag par bya/ /so sor sdud sogs rnams
222a
@#/ /kyis sngags ba rnams kyi 'dod pa'i dngos grub gal te thob bar ma gyur na/ /sgra tsam goms pa rdo rje nor bu'i thig le chu skyes 'gro ba'i stobs kyis bzung ste bsgrub par bya/ /mi mchog gang zhig rnams kyi snying ga'i gnas su gyur dang sgra ni rna ba'i bug par thos byed pa/ /de la mi rnams sems nyid yang dag ro mnyam gcig tu gyur pa'i sbyor bas 'byung bar 'gyur ba ste/ /'jig rten rnams su gson pos sgra rnams gang zhig smras ba thob ba dang ste khyab bdag rnam shes kyis/ /rnam par shes pa ring bor gnas pa yang ni rnal 'byor pa yis bsgom par bya ste khyab bdag gis/ /skyil krung bcings bar byas te kha phye ba dang so rnams phan tshun du ni reg pa min pa dang / /bdud rtsi ldan byas nas ni phyi rol rlung rnams bkug ste lte ba'i dbus su rab tu gzhug byas nas/ /mchog gi lus la yang dag gdung ba dang ni ltogs dang skom dang dug rnams nges par yang dag 'joms/ /dpral bar thig le dkar po dbyangs kyis yongs su bskor ba bsams nas bdud rtsi rnams ni 'dzag par byed/ /kha btsum pa ru byas nas phyir song dag gi rlung rnams mtha' dag sna yi bu ga gnyis nas ni/ / srog nyid stobs kyis mgyogs par rab bkug dri med glog mtshungs thur rgyu'i rlung dang yang dag sbrad de gzung / /rnal 'byor goms pa'i dus su zla ba nyi ma dag ni me yi dbus su
222b
ro mnyam 'gyur ba ste/ /lus la zas la sogs pa'i bkres ba dang ni skom pa 'joms shing 'chi ba med pa ster bar byed/ /dbus su srog gzhug pa ni nyi ma dang bcas zla bar gyur ba g.yas dang g.yon pa bcing ba dang / /phyag rgya dang ni sbyor ba'i sems kyis mchog tu bde bar gyur pa rdo rje yang dag sad pa dang / /bde bad ma ba'i don du pad+mar rdo rje bskyod dam rang gi lag pa'i pad+mas gsor ba yis| |sa bon ma btang bde ba de ni 'chi ba'i 'jigs pa 'joms pa dpal ldan bla ma'i zhal nyid do/ /snang ba la gnas gzhan du phyogs te nyi 'od la gnas rang gi grib ma'i phyogs su lta bas blta/ /phyi nas nam mkha' dag la mngon par bltas pa las ni skyes bu rom nyam du ba'i mdog sogs mthong / /rnal 'byor zla drug goms pas sa la gnas pa'i gter ni sa yi bug ba rnams nas mthong bar 'gyur/ /yang na ljon shing grib ma las ni rab tu zhugs nas nam mkha'i mthil du thig le'i phreng ba bsgom/ /srog gi nus pa gang zhig lte ba'i dbus gnas bcud gnyis mtha' dang cha yi mtha' yi gnas gzhan 'gro/ /de ni lte ba'i gnas nas dri med glog dang mtshungs pa dbyug pa'i gzugs kyis yang dag langs nas ni/ /'khor lo las ni 'khor lo'i mtha' ru nges par dal bar mdzes par 'gro ba dbus ma'i rtsar song nas/ /ji srid stobs kyis sbyi gtsug phye nas phyi yi pags pa 'bugs par byed pa khab nyid bzhin du ste/ /dus der rtsol ba
223a
@#/ /dang bcas mchog gi stobs kyis steng gi lam du yang dag phul bar byas pa yis/ /spyi gtsug nges par phug nas zung gi rlung rnams 'gags te gzhan gyi lus la 'gro bar 'gyur ba ni/ /de nyid rdo rje'i mthu yis yid kyi spyod yul de ltar mkha' la spyod pa nyid du 'gyur ba dang / /gzhan yang rnal 'byor pas ni mngon shes lnga yi rang bzhin nyid la sna tshogs yum du brjod pa'o/ /phyag rgya sgyu ma'i rjes su mthun pa nam mkhar sems nyid me long nang gi gzugs brnyan bzhin du ste/ /dri med glog dang mtshungs pa'i 'od zer du ma 'phro bar byed pas 'jig rten gsum rnams snang gyur pa/ /phyi dang lus rnams la ni tha dad med bar yul dang bral ba'i snang ba tsam na ni ma mkhar gnas/ /'gro ba du ma'i sems kyi gzugs la sems nyid kyis ni 'khyud par byed pa de dag gcig pa'o/ /las kyi phyag rgya dri ma dang bcas sems kyi g.yeng byed ye shes phyag rgya rnam par rtog yin pas/ /yang dag spangs te rdzogs pa'i byang chub rgyur ni rgyal mchog skyed byed phyag rgya bzang mo bsgom pa ni/ /gos pa med cing mi 'gyur mun 'joms kun la khyab pa'i mkha' mtshungs rnal 'byor pa yis bgrod bya ba| |lus la gnas pa'i ye shes gzi brjid srid pa'i dri ma 'joms pa dus kyi 'khor lo rjes su bsgom/ /rdul phran dngos bo med na rnam shes nyid de de bzhin srid gsum med na
223b
rnam par shes pa med/ /sangs rgyas nyid la shes pa cung zad yod pa min zhes tshig ni ston 'gyur sangs rgyas pa rnams te/ /mi rnams gang gis 'gyur med bral ba'i stong ba de nyid bzung ba de ni steng bar mi 'gyur bas/ /de phyir gtso bos 'dzag med gang zhig lhan cig skyes pa'i sku yi bde bar sngags kyi theg par gsungs/ /bla ma'i nges pa'i dbang gis stong par du ba la sogs gzugs brnyan lam ni bsgom par bya ba 'o/ /de nas rtsa yi 'khor lo rnams su srog dang thur rgyu'i rlung rnams yang ni brtan par dag kyang bya/ /gzhan yang zla ba gza' yis 'gog par byed pa bzhin du byang chub sems kyang rnal 'byor pa yis te/ /gang zhig de las khyad par 'dod pa yin te cung zad nyin zhag rnams kyi skye ba 'di ru thob/ /dang por dpal ldan dus kyi 'khor lo dang ni srid gsum skyed mdzad 'bad pas bsgrubs par byas pa dang / /phyi nas sa steng gnas su gyur par zhi ba la sogs las rnams gang zhig bsgrub par bya ba ste/ /pha dang ma dag bral ba'i bu nyid 'grub par mi 'gyur ba ni 'jig rten pa rnams kun la grags/ /de phyir bde mnyam 'bras bu ster ba gnyis bo bsgrub par bya ste gzhan du las rnams 'grub pa yin| |srog rtsol rab tu bya ba snying ga dang ni mgo bo de bzhin ji srid mer 'gyur bar du ste/ /de steng stobs kyis rtsol ba mi bya byas nas bzang po'i pad+mar shin tu rgyal bar gyur nas kyang / /
224a
@#/ /spyi gtsug dbye ba byas nas phung po dang ni khams rnams rnam par spangs te shi bar gyur pa na/ /phyag rgya'i sbyor ba zhig pas skyes bu rnams la tshe 'dir bde mnyam 'bras bu dag ni ster ba ma ni/ /nyin mtshan dus su phyag rgya bsten pa bsgom pa'i \?\ du bshad kyi 'dod chags zad ba'i don du min/ /chang ni sngags pa rnams kyi gsung gi rdo rje tshim pa'i don du gsungs kyi nges par 'thung don min/ /nyin zhag so so'i dus su bza' ba thams cad bde ba'i don du gsungs kyi mi 'ju'i rgyur ma gsungs/ /dpal ldan dur khrod mtshan mo bskor zhing spyod pa byed pa dngos grub don du yin te rtse don min/ /bsnyen par dang po'i rnal 'byor pa yis nam mkhar rnam bcu 'khor lo can gyi khro bo'i lta stangs kyis/ /nye bar bsgrub la bgegs mthar byed kyi lta stangs kyis ni bdud rtsi'i gnas su gyur dang yan lag drug /shes rab las skyes zla ba'i thig le yis kyang rdo rje nor bu'i 'gyur med gsum ni bsgrub par bya/ / bde ba mi 'dzag rtse gcig zhi ba lhan cig skyes pa'i ye shes sbyor 'di sgrub pa chen po'o/ /rnal 'byor pa yis srog gcod pa ste srog rlung nyin mchan 'jig par byed ba de la gsungs pa'o| |gang zhig zhal gyi sgra rnams sems la rab 'jug 'gyur ba de ni brdzun du smra ba'i tshig nyid do/ /thams cad mkhyen pa'i ye shes pa nyid bsgrubs pa dag kyang rnal 'byor pa
224b
rnams ma byin len par gsungs/ /bde ba'i theg le ma lhung ba ru gyur pa gzhan gyi bud med bsten no 'dod chags ma bral bas/ /srog bsdus pa yi me yis ri bong can las zhu ba'i ltung ba rnams ni chang gi btung ba'o/ /mthe bo'i tshigs nas gtsug tor bar la tshes kyi dbang las nya yi mthar ni rang sems 'gro ba dang / /slar yang spyi gtsug nas ni sor mo rnams la nag po'i phyogs kyi mtha' ru 'di nyid 'gro ba ste/ /gang zhig spyod pa'i rnal 'byor de la nges par nyin mtshan so so'i dus su 'dod pa'i dngos grub ster/ /sems dang 'dod dang yan lag tsha dang pad+ma'i zhal mchog rab tu bskams dang zas mi zhim pa dang / /'dar ba dang ste smyo dang rmongs par gyur dang yid ni rnam par 'khrul dang rab tu brgyal ba ltar/ /rdo rje can gyi du ba la sogs rnam bcu po rnams rab gsal srog chags lus kyi gnas skabs te/ /'jig rten du ni de rnams yid bsrubs pa las rgyal ba gang dang gang 'dod nges par rab tu 'byung / /gang zhig thig le dkar po'i rgyun rnams nyin mtshan dag la 'bab pa chang ste chang gzhan cung zad min/ /rig \?\ la sogs pa nyin mtshan so sor sgro ba sha ste go ku la sogs sha gzhan cung zad min/ / bsnyen pa dag la rang rig pa nas lha rnams dag pa'i sku ni bdud rtsi lnga rnams bsten pa'o/ /stong \?\ bar sems ni zhugs pas ro mnyam bde bas khyab pa 'khrig pa yin te skye gnas la
225a
@#/ /ma yin| |nor rnams spangs pa sbyin pa yin te bud med dang ni 'dus kyang sems mi 'dzag pa tshul khrims so/ /sgra sogs sems mi 'jug pa bzod pa yin te gnyis su 'gro ba'i rlung 'jig pa ni brtson 'grus so/ /lhan cig skyes bder gyur dang 'gro kun sems dang thams cad skad shes pa dag bsam gtan shes rab ste/ /de las sems can don dang rdzu 'phrul srid 'joms pa dang skye med thob pa gzhan ma bzhi rnams so/ /gcig la sogs pa zhal mtha' yas dang phyag dang zhabs dang kha dog rnams ni du ma mun pa'i mtha'| |thabs dang shes rab bdag nyid dag dang zla ba nyi ma'i rtsa ni 'gog pas bde mnyam 'bras ster byed/ /kun nas dri med nor bu dang mtshungs khyab byed sa la sogs pa rnams la stong pa gcig bu yis/ /thog ma med cing mtha' med dbus med pa yi yul med yul ni sgrub pa dus kyi 'khor lo 'o/ /sa ni chu la 'jug 'gyur chu yang de bzhin me la me ni rlung la 'jug par 'gyur ba 'o/ /rlung ni stong pa la ste stong pa mtshan ma rnam pa bcur 'gyur mtshan ma rnam pa kun ldan du/ /rnam pa kun ldan mi 'gyur bde ba dam pa gzhom du med pa ye shes sku ru 'gyur ba 'o/ /mi yi bdag po ye shes las ni rdzu 'phrul dngos grub 'gyur ro skyes bu rnams kyi skye ba 'dir/ /nam mkhar chags pa'i sems kyis mig mi 'dzun
225b
pa dang ni rdo rje'i lam du rab tu zhugs rnams kyis/ /stong pa las ni du ba smig rgyu srin bu me khyer mar me dri med rab tu gsal ba nyid/ /chu 'dzin bral ba'i mkha' la snang ba rnal 'byor rtse gcig gnas pas khongs pa'i lta bas blta bar bya/ /'bar ba zla ba nyi ma rdo rje rnams dang mchog gi cha dang gzhan yang thig le nyid rnams so/ /de dbus sangs rgyas sku ni yul dang rnam par bral ba sprul dang longs spyod rdzogs sku du ma 'o/ /ji srid nges par ri mo nag po dri med 'od zer 'phor ba dus kyi rtsa la mthong gi bar/ /de la thams cad mkhyen pa'i sku ni chu nang nyi ma rnyog bral ba zhin du brjod med sna tshogs mdog /yul dang rnam par bral ba'i rnam pa ma lus rang gi sems te gzhan gyi sems nyid ma yin no/ /sa yi rnam par snang yang sra min chu \?\ yi gzugs su snang yang chu min gsher pa med pa'i phyir/ /me yi rnam par snang yang me min rlung gi gzugs su snang yang g.yo ba med pas rlung ma yin/ /stong pa'i rnam pa yin yang mthong ste dkar dang sngo ba la sogs sna tshogs mthong yang kha dog min/ /rnam pa kun ldan yin yang mi mthong rang sems dri ma nyon mongs dang ni bdud kyi mthu stobs kyis/ / rnal 'byor dbang po rab tu g.yo ba'i yid ldan gal te sbyor ba ma thob 'chi bar 'gyur ba na/ /dpal ldan mi yi 'jig rten du ni rab mchog thub pa'i rigs su rnal 'byor ldan pa
226a
@#/ /skye bar 'gyur/ /de yis sngon du goms pas slar yang ye shes rnal 'byor mchog tu rgya chen nyams su len par 'gyur/ /ye shes thob par gyur nas mi bzad mchog gi gnas te slar yang gang du'ang skye ba ma yin no/ /sangs rgyas zhing du gyur pa srid gsum ma lus skyed par byed pa'i las dang bral ba la gnas pa/ /sangs rgyas rnams dang dag pa'i rdul phran ro mnyam pa ste byang chub sems nyid rtag tu bcings pa'o/ /rdo rje'i sras te so so re re'i rdul phran rnams kyi gnyi ga'i rigs kyi dbang las bcings pa las// sa sogs nam mkha'i mthar thug rdul phran ma lus rigs rnams mi g.yo ba la sogs pa rab tu zhugs/ /de rnams kyi ni lhan cig rdo rje sems dpa' nam mkhar zhugs te 'chags pa'i dus kyi bar du'o/ /gtsug tor snying kha'i phyogs dang mgrin pa dang ni mgor gyur pa dang lte ba gsang ba'i 'khor lo rnams/ /'khor lo rtsibs brgyad steng 'og nyin mtshan so so'i chu srin nas brtsams dus sbyor gnyis gnyis bar du 'o/ /nus ma dang ni sangs rgyas gtso mor \?\ byas pa nyi ma zla ba'i dbye ba rigs ldan bslu ba ste/ /de yang nyi ma'i gnas nas lus las skyes pa'i srin bu mi dang 'byung bo lha dang lha min rnams/ /thabs dang shes rab yi ge dag ni gnyis ka'i rigs kyi dbang las mkha' 'gro ma dang mkha' 'gro'i
226b
ming / /bzlas pa rdo rje gsum dang rkang pa gzhan pa la ste thog ma dang ni dbus dang tha mar byed/ /gang gi phyir na srog gis byin brlabs gnyis kar bgrod pa'i dbang las rang rang las kyi rjes mthun pa/ /myur du 'grub par 'gyur ba ro yi 'gro rnams la gnas mkha' 'gro ma dang rdo rje mkha' 'gro ma/ /gang zhig skye ba'i dus su dbus nas dbugs rnams rkang ba dang bcas ro dang mda' ru 'gyur ba ste/ /de rnams 'khor lo brgyad pa rnams su 'gyur te steng 'og dbang las sgo dbus la gnas lha mo rnams/ /rkang pa gcig las skyes pa'i srid gsum skyed mdzad phyag na gri gug dang ni nya phyis ba snams pa yis/ /nyi ma zla ba'i steng du bdud rtsi bde ba'i cha la g.yas brkyang dus kyi 'khor lo nyid kyi sa 'khyud/ /sgra tsam thig le'i cha dang ye shes rnams ni bdud rtsi'i gnas su 'gro dang lu gu rgyud bcings rtsa/ /srog dang thur sel lam gsum rnams las rdo rje dang bcas pad+ma rdo rje chu skyes ldan pa yis/ /dbus su rlung dge 'gro dang 'jug pa yang dag 'dus pas yul dang yul can med par 'gyur ba dang / /du ba la sogs mtshan ma rnams ni gang zhig gzung dang 'di rnams thams cad gsang ba chen po 'o/ /sku mthong gyur nas nyin mtshan so so'i dus su srog gi rlung nyid rab tu dgag par byas pa dang / /ji srid nges par rang gi lus la 'od zer 'khor los yongs su 'khor bar byed pa mthong gi bar/ /brtul zhugs
227a
@#/ /can rnams lam gyi sems na zla ba dus kyis reg bya bral nas bde mnyam 'gyur ba 'o/ /chags dang chags bral mtha' dang dang por song ba'i skad cig ma nas khyab bdag dbugs kyis grangs 'phel lo/ /srog sdud pa yis kun nas bde mnyam 'bras bu ster ba spyi bo'i bar ni de srid 'dod pa ste/ /de las steng du 'dod pa min pa phung po nges par nyams nas 'chi bas 'jigs par byed pa'i rgyu/ /gtsug tor dbye ba byas te 'gro na bde ba dam pa'i gnas su nges par sbyor bar byed pa nyid/ /phung po dngos po med kyang rnal 'byor pa ni bde mnyam 'gro ste 'on kyang 'jig rten pa rnams 'phya/ /l-i sogs dbyangs brgyad gang dag yul dang yon tan du 'gyur dbyangs phyed kyis ni rnam par dman pa rnams/ /phan tshun dbye bas tha dad rkang pa dang bcas ro dang mnga' rnams dbus ma'i dbugs rnams rgyu ba 'o/ /dus sbyor gnyis par yul dang yon tan dbang gis thung ring rnams te dus sbyor dbye bas shes par bya| |phyis ni thun mtshams gsum par yul dang yon tan dbye bas shin tu ring po dbu ma'i dbugs su rgyu/ /de ltar thun mtshams bzhi la mda' dang bcas pa'i ri dang ro yi dbyangs bcas dbu ma'i dbugs kyi tshad/ /gtso bo'i chu skyes rnams la rdo rje thig le ma lus 'gyur med rdo rje nor bur gnas pa yin/ /dga' ba thams cad kun nas bde ba mnyam par gnas te rdo
227b
rje can las dus rnams thams cad du/ /zla ba zhu ba gang zhig zhugs pa de dag bla ma'i zhal te de nyid dus kyi 'khor lo 'o/ /'chi ba'i dus las grol bar byed dang bdud rnams 'jigs par byed pa mkha' 'gro ma yi 'khor lo 'di/ /dang po'i dbugs rnams yul dang yon tan dbye ba brgyad kyis mkha' 'gro ma rnams nyid kyis bskor nas gnas/ /'gro ba drug la gnas pa rnams ni 'khyams te rgyun du rnam gsum btang bas du ba la sogs pa/ /de rnams dbus su dus kyi 'khor lo dag pa'i sku ni bdud rtsi'i cha 'phro ba yis 'khyud pa ste/ /gang gis dbugs rnams bcad pas rgyal ba'i sku la 'jug pa de nyid dus kyi 'khor lo zhes su brjod/ /dbugs rnams bcad pa'i mthar ni rnam gsum bgrod pa 'di dang 'gro ba drug po 'di yang yod pa min/ /thig le kun nas bkag pas khyab bdag dam pa'i bde ba bskal pa mtha' yas gnas par gyur pa yis/ /'khor ba'i bde ba spangs te mchog gi bla ma'i zhal nas gsungs pa'i rnal 'byor bsgom par bya ba'o/ /spyod pa dag ni sgeg pa'i gzugs kyis mchog tu 'jig par byed pa rnal 'byor ma rnams mnyes pa min/ /pho nya mo rnams kyi ni lus dang pad+ma'i dri lnga rnams su 'gyur zhing de rnams rigs ldar brjod/ /gla rtsi dang ni pad+ma dri chu sha dang rnag gi dri rnams rang bzhin yon tan dbang las te/ /dpal ldan bzang mo pad+ma can dag nges yin chu spyod ma dang ri mo can ma glang chen
228a
@#/ /ma| |dpal ldan sgrol ma gos dkar mo dang mA ma kI dang spyan ma rnams ni rigs kyi dbang las 'gyur/ /lus po phra la skra rnams phra dang rkang lag 'jam zhing brtse ldan dpal ldan shin tu bzad mo'o/ /cung zad lus po phra la ring zhing skra rnams 'khyil dang mig mi g.yo ba pad+ma can nyid do/ /do tsha med cing 'dod chags drag la rtsod pa mang po byed cing skra rnams nyud ba dung can ma/ /bong ring yan lag thams cad rgyas la skra ring 'dod chags chung rnams nges par ri mo can du brjod/ /lus po sbom la thud zhing mkhregs te shin tu yul sra skra rnams 'thug pa glang po ma ru nges/ /pho nya mo rnams dag pa'i rigs ni brgya lam na ste rigs rnams thams cad 'dir ni 'dres par 'gyur/ /rnal 'byor pa ni seng+ge ri dwags rta dang khyu mchog glang po che yi rigs rnams dbye ba yis/ /mi bskyod pa dang don grub dang ni dri med nor bu'i phyag dang pad phyag 'khor lo can rnams so/ /seng+ge dag kyang yul dang bral zhing dben pa la gnas 'jigs pa med gtong 'dod dang tshul khrims ldan/ /ri dwags myur du 'gro dang 'dzag dang yul yang ba dang skrag pa'i sems dang shin tu 'jigs pa'o/ /rta ni des par 'dod la chags shing gzhan gyi dbang 'gyur gcin gyi dri ste pha rol don du gnyer/ /khengs pa'i mig dang dal bar 'gro dang rang bzhin yon tan blun po nya yi dri ldan khyu mchog 'gyur/ /'dod
228b
pa can dang ngal bar 'gro 'gyur rnag gi dri dang shin tu rmongs rnams nges par glang chen grags/ /sa steng gnas su sum cu rtsa drug dbye bas tha dad pa ni rigs dang dri yi rang bzhin no/ /mchod pa'i don du 'dod pa'i bstan bcos yon tan kun gyi gnas ni rnal 'byor pa yis rig par bya/ /shin tu bde bas dgyes pa med na rnal 'byor pa la rnal 'byor ma yis dngos grub ster mi 'gyur| |dbu mar srog ni rab gzhug pa dang yul dang rnam par bral ba'i sna tshogs yum la 'khyud pa ste/ /rang gi rdo rje pad+mar gzhug cing spro ba dag kyang de bzhin zla nyi'i dbus su rab gzhug pa| |bde ba'i sa bon ma lhung pa las shin tu bde bar gyur 'di rnal 'byor pa yi rnal 'byor te/ /bsgrub par bya ba phyag rgya'i don du gtso bo mchog tu gyur pa dpal ldan gsang chen las gsang chen/ /'dir ni ye shes dgug par byed pa shin tu stobs can gyis te slar yang gzhug pa rmongs byed kyis/ /rengs byed kyis ni 'ching ste nges par mchog tu bde ba'i dbang las nga rgyal byed pas mnyes par bya/ /'khor lo la ni ye shes 'khor lo ro mnyam par ni byed pa rdo rje shugs kyi byed pa'o/ /de ltar rnal 'byor ma yi rgyud du khro bo'i lha mo rnams kyis nges par rab tu gsal par bya/ /srid gsum gnas su bdud rnams ma lus rdung par byed pa dbyug pa sngon po can gyis mdzad pa ste/ /dus mtha'i nyi ma dang mtshungs khro bo mi g.yo ba yis 'ching ste phur
229a
@#/ /'debs shin tu brtson 'grus so/ /Tak+kis de yi brtson 'grus 'jig ste sa steng gyur pa gnod mdzes rgyal po rengs par byed pa'o/ /gtsug tor can gyis rdzu 'phrul 'jig ste nges par khro bo'i lha mo rnams kyis snga ma bzhin du 'o/ /gzhan yang gang zhig cung zad yod pa spros te khyab bdag dkyil 'khor du ni 'byung skyes mthar thug go /sems can kun gyi don du mchog gi yon tan rnams pa sna tshogs rang gi lus la rig par bya/ /de ltar rgyud rnams dang ni sngags rnams sna tshogs rigs gyur rnal 'byor ma dang rnal 'byor dbye bas so/ /rdo rje pad+ma dag gis gnyis sbyor gang yin de yis gnas pa'i bde ba 'phel bar rab tu bya/ /bla ma'i nges pa'i stobs kyis mtha' dang 'bar ba'i dbu sa dang mchog tu dga' dang lhan cig skyes mtshams dang / /gnyid dang brgyal ba'i dbus dang ye shes dang ni rnam shes dbus su 'di nyid 'phel bar the tshom med/ /bdud dang nyon mongs 'joms shing rgyal ba'i bdag po la gnas rnal 'byor pa yis lo gcig sbyor ba yis/ /sad dang rmi lam rang bzhin gzhan yang de bzhin gnyid log pa dang 'khrig dus ru t+ya'i rang bzhin rnams/ /lus gnas pa dang dbugs nyid thim pa rnam par rgyu dang yul la bskyod pa med pa'i sems thim pa/ /ye shes gnas dang bud med dang ni rab 'dus pa
229b
las byang chub sems zhu gyur pa'i skad cig ni/ /sprul pa la sogs rim pas thugs kyi rdo rje rnam pa bzhi ru nges par rab tu 'gyur ba 'o/ /bag gi rnam par rtog pa'i rang bzhin mon tan gyur pas 'chid ba dar gyi srin bu ji bzhin no/ /gzhan yang bdag gi rnam par mi rtog pa yi yid kyi nges par bdag nyid grol bar 'gyur ba'o/ /de phyir rang gi las kyis rang bzhin yon tan gyur pas bde dang sdug bsngal byed do rgyal po kye/ /rang bzhin bral la byed pa po gang bya ba gang ste 'jig rten pa rnams mi shes pa yis bsgribs/ /a sogs ka sogs ri bong can dang nyi ma dag dang gcig nyid rdo rje can gyi rten ma yin/ /hUM yig las ni mtshan mar yongs gyur pa dang gzhan yang kha dog dang ni gzugs rnams 'dod pa min/ /mchog tu mi 'gyur ba yis 'gyur ba bcom ste skyes par gyur pa 'di ni lha yi dbang po ste/ /rnam ba kun gyi thig le sna tshogs sgyu ma 'dzin pa rgyal ba ma lus rnams kyi bdag po 'o/ /srid gsum 'jig par byed pa phung po khams dang dbang po rnams dang las kyi dbang po lnga rnams dang / /de tsam dang ni las kyi skyon dang yon tan yid dang blo dang dar 'dzin dang bcas la sogs pa/ /'di rnams kyis bcings ro yi gnas su srog nyid 'khyams pa dang ste slar yang phra mo'i rang bzhin gyis/ /bsam pa dor nas mi 'gyur mchog gi gnas su
230a
@#/ /gang zhig rab tu gshegs na slar yang skye ba min/ /de ltar sems ni rnam pa bzhi rnams srid pa rnam gsum gyur pa'i srog chags rnams kyi thig la'i dbus/ /khyab byed bde mnyam 'bras ster thar pa'i rgyu ru rnal 'byor dbang po rnams kyis bsrung bar bya ba ni/ /rnal 'byor rnams la mchog gi bde ba skyed byed sa bon thig le btab na thar par ga la 'gyur/ /da phyir 'khor ba'i bde ba skad cig ma 'di brtul zhugs can rnams kyis ni rgyun du spang bar bya/ /mngon sum dang ni rjes su dpag pa rnam gnyis gyur pa gang dag de rnams lha yi dmigs pa ste/ /mngon sum de kho na yi rnal 'byor mkha' la rgyu skar dang mtshungs longs spyod rdzogs sku du ma 'o/ /mngon sum min pa'i rjes su dpag pa shi ba'i lus bzhin de nyid med pas de ni rtog pa ste/ /rnal 'byor yongs su ma gyur blo can rnams kyis bsgom pa'i don du ras bris la sogs bstan par bya/ /gzugs sam dkyil 'khor dag ni dang por yang dag bris la de nyid med pa rnams kyis bsgom par bya/ /mkha' la de kho na yi rnal 'byor pa yis mtha' dag tshang bar gyur pa rang sems mthong ba 'o/ /lo phyed dang ni lo gcig dag tu bla ma'i nges pa'i dbang las ji srid brtan par 'gyur gyi bar/ /de nas phyag rgya'i
230b
sbyor ba yin te nyin zhag cung zad rnams kyis 'gyur ba med pa nyid du 'gyur/ /rlung rnams yang dag bsdu bar byas pas glog gi me lces spyi bo las ni zla ba 'ju bar byed/ /gang dang gang gis thig le zhu nas de las mgrin pa snying ga lte ba gsang ba rnams su 'gog /thig le zhu ba gang zhig 'dzag nas rdo rje nor bur song ba rgyal mtshan rtse mor yang dag 'gag shes rab ye shes skad cig gang tshe thig le'i phreng ba mi 'dzag de tshe bad ba yang dag ster/ /de phyir 'dzag pa med pa'i bde ba skad cig 'di ni lhan cig skyes pa chos kyi dbyings ster ba| |ro yi 'gro ba rnams su gyur pa'i srog rnams thams cad bkug ste nyon mongs bdud rnams bcom byas nas/ /rdzu 'phrul dang ni thams cad mkhyen pa'i sa dang srid gsum bla ma nyid rnams rnal 'byor skye bar 'gyur/ /gal te lam du zhugs pa 'chi bar gyur pa de tshe zhen pa de yis skye ba gzhan la 'o/ /rgyud kyi rgyal po thams cad du ni nges par rdo rje'i tshig 'di rnal 'byor pa la gsungs pa ste/ /byis pa rnams ni smin par bya ba'i don du sna tshogs gtso bos snying rje mchog gis sbas pa'o/ /de phyir de nyid dbye ba byas la nyin zhag so so'i dus su rnal 'byor pa yis bsgom par bya/ /phyag rgya bsgrub pa'i don du rgyal mchog skyed par byed pa gzhom du med pa dus kyi 'khor lo'o/ /dpal dus kyi 'khor
231a
@#/ /lo pa bsdus pa'i rgyud kyi rgyal po las/ sgrub thabs kyi le'u mdor bsdus pa ste le'u bzhi pa'i rgyud kyi snying po'o// //khyab bdag sku yi stobs kyis rnal 'byor pa rnams lus kyi mchog la lha yi mig nyid du ni 'gyur ba'o/ /de yi gsung gi stobs kyis lha yi snyan dang de yi thugs kyis gzhan gyi sems la gnas pa shes/ /shes rab sku yi stobs kyis srid gsum la gnas 'gyur ba skye ba snga ma rjes su dran par 'gyur/ /shes rab gsung gi stobs kyis nam mkha' dang mtshungs ma lus pa la kun 'gro rdzu 'phrul ston par byed| |shes rab thugs kyi rang bzhin stobs kyis gang zhig ma lus bde mnyam gzhom du med par 'gyur pa ste/ /lha yi mig gi stobs kyis srid pa gsum gyi mig gis ma mthong ba yang mthong bar 'gyur ba'o/ /lha yi rna ba'i stobs kyis srog chags rnams kyis smras pa'i zhal gyi sgra thos 'gyur zhing dbugs kyis kyang / /de ltar reg bya la sogs thams cad sku gsung thugs kyi sbyor bas 'gyur ro mi yi bdag po kye/ /gang zhig dbus kyi rtsa nas thur rgyu'i lam gsum gyur pa gcin dang bshad pa khu ba 'bab pa rnams/ /srog lam rab tu rgyu ba rnam pa dgu dang mtha' ma sangs rgyas zhal nyid rnams su gyur pa ni/ /rna ba sna dang mig rnams rnam pa gnyis gnyis zhes byar 'gyur zhing lce chung lce dang bcas pa dang / /thig le dang ni gtsug tor rnams kyi bug par 'gyur
231b
zhing rgyas btab ye shes can gyur bcu pa ste/ /srog dang thar du rgyu ba 'gag na g.yo ba'i ri bong 'dzin pa nyi ma'i gzugs su 'gro ba ste/ /pad+mar rdo rje rab tu sbyangs pa las kyang nyi ma'i gzugs kyi 'od zer rnams kyis 'dir zhu 'gyur/ /nyi ma zla ba'i rlung rnams 'gag par gyur pa na yang shes dang shes bya gcig par 'gyur ba ste/ /de ltar de bzhin yang ni de ltar rnam gsum du yang 'gyur te cung zad dang / nyid yod pa min/ /zla ba nyi ma bzung ba'i gzugs ni nam mkha' nyin mo min te mtshan mo nyid kyang cung zad min/ /thun mtshams der ni rnal 'byor ba rnams lus kyi dbus su dus rnams kun tu bdud rtsi gnas gyur pa/ /zla ba phyed pa zad pa'i nam mkha' la gnas nyi ma bzhin du lus nyid ro mnyam 'gyur ba'o| |lus la srog dang thur rgyu res par zad de 'gag pa'i dus na gsal bar grub par brjod pa'o/ /lam gnyis srog rlung rgyun du 'gog pas zla ba nyi ma'i gzugs dag rab tu 'jig par 'gyur ba ste/ /pad+mar rdo rje rab tu sbyangs pas ri bong can nyid zhu nas nyi ma'i gzugs la rab tu zhugs/ /yang dag rab tu sbyangs pas dngos dang dngos med gcig gyur pa dang rnam gsum gcig gyur gzhom du med/ /de ltar cung zad dus kyi rnal 'byor pa de gnyis su med pa'i go 'phang mchog la 'gro byed pa/ /khro bo dang ni sangs rgyas lha mor bcas dang nges par ro yi rdo rje ma dang sa'i snying po/ /mkha' la mngon sum nyid du 'gyur te rnal 'byor pa yi rab tu dga' ba'i thugs ni grub pa'i dus/ /
232a
@#/ /ri bong can gyi nyin mtshan dag gi tho rangs dang ni nam phyed de la 'dod pa'i dngos grub 'gyur/ /dus sbyor khyad par 'phags pas rin chen me tog char pa rnams ni sa yi steng du 'bab par 'gyur/ /sku ni rdul phran rab tu zhig pa nam mkha' dang mtshungs dwangs pa'i mtshan la sogs pa rdzogs par 'gyur/ /'jig rten gsum la sgrib pa rnam par bral ba rmi lam lta bur dwangs pa sna tshogs mthong ba'o/ /gsung ni kun nas rgyun mi chad par skad gzhan rnams kyis gzhan gyi snying la 'jug par 'gyur ba ste/ /thugs ni bde ba dam pas gang ste 'gyur ba med pa lhan cig skyes pas dus kun 'khyud pa'o/ /shes rab ma yin thabs ma yin te lhan cig skyes sku 'di las chos kyi skur ni 'gyur ba'o/ /thabs dang shes rab rang bzhin nges par mun pa bral bar ye shes dang ni rnam shes dbye ba yis/ /de las longs spyod rdzogs pa'i sku yis brag ca bzhin du sems can du ma'i don rnams mdzad pa'o/ /'dir yang sems can ma lus smin bya'i don du sangs rgyas las ni sprul pa'i sku ru 'gyur ba'o/ /'dod pa sprul pa'i sku ru nges par 'gyur te gang ba rdzogs pa de yi gsung du 'gyur ba'o/ /'bar ba sprul pa'i thugs te oT+Ta las ni mchog tu bde bar mdzad pa'i ye shes zhes su brjod/ /dga' ba longs spyod rdzogs pa'i sku ste mchog dga' khyad par dga' dang bcas pa 'di dag rim pa yis/ /gsung dang
232b
thugs te lhan cig skyes pa'i dga' ba sogs las ye shes rdo rje la sogs 'byung bar byed/ /g.yo ba nges par chos kyi sku ste srid gsum phyag byas pa dang 'byung bar 'gyur ba de yi gsung / /gnyid ni nges par chos kyi thugs te 'khrig dus ru t+ya ye shes nyid yin srid pa'i 'jigs pa 'joms/ /yi ge nges par dag pa'i sku ste dbyangs dang bral ba'i cha dang thig le sgra dang rim pa yis/ /gsung dang thugs dang ye shes rdo rje srid pa rnam gsum la gnas dag pa'i sku ru skyed par byed/ /dus nyid dag pa dpal ldan rdo rje can du 'gyur te lo zla la sogs dang dbye'o mi bdag kye/ /sems kyi rnam pa nyin mtshan min te nyin mtshan so so'i dbye ba rnam par dag pa sna tshogs yum/ /rdo rje sems dpa' gcig pu 'di las dus mtha'i sprin dang mtshungs pa'i he ru ka ni nges par 'gyur/ /de yang gdugs rnams smin bya'i don te rmongs pa rnams ni bde ba'i don du rgyal ba'i dam tshig go/ /rin chen 'byung ba sdug 'phongs rnams kyi 'gyur te pad+ma 'dzin pa chags can rnams kyis chags pa'i phyir/ /bgegs rnams gzhom pa'i don nyid du ni phyag gi pad+mar ral gri 'dzin pa'i don yod grub par 'gyur/ /gang zhig zhe sdang las ni sna tshogs yum ste de nyid dus mtha'i me mtshungs mkha' 'gro ma ru 'gyur/ /gti mug las ni spyan mar brjod de mchog gi snying rjes nga rgyal rgyu las mA ma kI ru gsungs/ /'dod chags las ni gos dkar mor gsungs yon tan ma lus gter gyur phrag dog nyid las sgrol ma'o/ /'di nyid gnyis po dag ni sna tshogs gzugs te yul dang
233a
@#/ /yul can 'di dag thams cad gzhan du 'gyur/ /sbyin pa la sogs drug bzhi'i rnam pa bde mnyam 'bras bu ster bde ba de rnams nus ma bcu ru gsungs/ /de rnams thabs ni byang sems mchog tu dag pas gang ba'i bum pa rnam pa bcu po rnams su 'gyur/ /bdud dang nyon mongs nges par zad pa 'dod lha bde byed dag ste rdo rje'i tshogs ni ljon pa sogs/ /phyag rgya drug ni stong pa drug ste srid gsum skyed par byed pa shes dang shes bya gcig pa'o/ /gang gis nges par rigs kyi gzugs su gyur pa rtsom pa de la gzugs ni chen por gsungs pa'o/ /'khor ba'i sdug bsngal rab tu bcom par gyur pa gang yin de ni tshor ba chen por gsungs pa'o/ /'khor ba'i 'du shes bcom par gyur pa gang yin de ni rdo rje chen po'i 'du shes nyid du gsungs/ /gang du 'khor ba'i 'phel ba bcom par gyur pa gang yin de ni rdo rje'i 'du byed kho na'o/ /gnyid la sogs pa'i gnas skabs bcom par gyur pa gang yin de ni rnam par shes par gsungs pa'o/ /mi shes pa yi dngos po bcom par gyur pa gang yin de ni thub pa'i ye shes nyid du gsungs/ /de rnams rnam par snang mdzad la sogs rgyal mchog dam pa rnams te rnam pa drug ni rigs drug go/ /gzhan yang khams drug dbye ba rnams ni sa dang chu dang me dang rlung dang nam mkha' bzhi rnams las/ /gti mug mtha' dag bcom par gyur pa gang yin de ni spyan ma yin te de nyid sa ru gsungs/ /nga rgyal mtha' dag bcom
233b
par gyur pa gang yin rnams ni mA ma kI ste de nyid chu ru gsungs/ /'dod chags mtha' dag bcom par gyur pa gang yin rnams ni gos dkar mo ste de nyid me ru gsungs/ /phrag dog mtha' dag bcom par gyur pa gang yin rnams ni sgrol ma nyid de de nyid rlung du gsungs/ /zhe sdang mtha' dag bcom par gyur pa gang yin rnams ni rdo rje dbyings kyi dbang phyug ma ste mkha'/ /ser sna mtha' dag bcom par gyur pa gang yin rnams ni sna tshogs yum ste mi 'gyur bde ba'o/ /yid kyis nam mkhar nges par gzugs mthong ba ste ma mthong ba nyid ba gang yin de ni mig /ring nas sgra brjod rab tu gsal bar thos par gyur pa 'di ni rgyal ba yi ni rna chen po/ /dri rnams thams cad 'dzin pa nyid de mchog tu bde bar gyur pa de ni khyab bdag dam pa'i sna/ /rang gi zla bzang bdud rtsi rtag tu myangs pas yang dag bde ba ster ba gang yin de ni lce/ /rdo rje reg bya kun nas rgyun du 'phrog pa de ni rdo rje lus kyi dbang por 'gyur ba'o/ /thabs dang shes rab 'dus pa chos te de las bde ba mnyam par zhugs pa gang yin de ni yid| |drug po 'di rnams dbye bas phye na yul dang yul can dag ste byang chub sems dpa' btsun mor bcas/ /gzugs sogs 'di rnams rgyal ba mchog gi yul te rnam pa drug rnams gzugs brnyan bzhin du sprul pa rnams/ /dang zhing mi skye mi 'gag pa dang mchog tu bde ba 'dzag med rnyog med ye shes go bya ba/ /'gro ba gzhan gyis bzung bar mi nus khams gsum kun gyi dbang po'i
234a
@#/ /sgo yis yang dag go ba min/ /phung po lnga yi rang bzhin rdo rje btsun mo'i b+ha ga nyid du snying rje yis ni bzhugs gyur pa/ /nges pa bral dang bsod nams ma yin bsags pa'i sems can ma lus smin par bya ba'i don du'o/ /gtsang ma'i gnas sogs rnams su bcom ldan 'das nyid bzhugs pa nyan thos gang zhig rnams kyi don du'o/ e waM rnam par gang bzhugs mchog gi nges pa dang ldan ma lus gang du dgod pa'i don du'o/ /sems can rnams ni smin par bya ba'i don du sku gsung thugs kyi dbye bas bzhugs pa rnam pa gsum/ /nges par rdo rje can rnams phyi dang nang dang gzhan gyi dus rnams kun la rtag par rab byung ba/ /phyi rol rnams la sna tshogs ma ru 'gyur te lus la rlung gis rab tu rgyu ba gang zhig rnams/ /sa la sogs pa'i dkyil 'khor rnams dang gtso bo gang zhig rdo rje btsun mo'i b+ha gar rab tu yin/ /gzhan ni gang zhig sgra la sogs pa'i yul gyur rnams la sems mi 'gro dang de bzhin de kho na/ /gang zhig e waM yi ger zhugs kyang mchog tu bde ba'i go 'phang las ni sku gsung thugs bzhugs pa/ /rdo rje can nyid gcig la gsum gyi dbye bar 'gyur ba yul dang yul can khams kyis bskor ba yis/ /srid pa gsum gyi sems can du ma rnams kyi don phyir dus gsum bde gshegs gnas gsum
234b
rnams pa bzhugs/ /rgyud rnams su ni 'di skad bdag gis thos pa zhes bya'i tshig rnams 'di ltar bdag gis shes pa ste/ /mgo mgrin snying ga lte ba gsang ba rnams kyi pad+mar zla ba zhu ba rdo rje can gyi dus/ /mchog gi pad+ma de la thig le gsum gyis thar par gshegs pa rdo rje btsun mo'i b+ha gar brjod/ /sangs rgyas zhing du rab tu zhugs pa de 'dir bcom ldan 'das su rnal 'byor pa yis rig par bya/ /gcig ni du mar mthong ste smon lam yon tan dbang las zhi dang chags pa la sogs rang bzhin gyis/ /'khor lo la gnas skye ba snga ma nyid kyi bag chags stobs gyur rnams kyi sems las byung ba ni/ /don gcig la ni ma lus gsung rnams srog chags rnams kyi rang rang bsam pa dang sbyar rab tu 'jug /'khor lo la gnas khyim na gnas pa rnams kyi bsod nams don du bsod snyoms mdzad du gshegs pa ste/ /dud 'gro yi dwags lha min brang 'gro lha dang 'phags pa mi dang du 'bod la sogs pa rnams la/ /'das dang ma byon da ltar byung ba rnam pa gsum du rtag par bden pa'i chos rnams gsungs pa ni/ /srid gsum ma lus rang rang skad rnams kyis ni lam la yang dag gnas par byed do gzhan gyis min/ /bde mnyam 'bras bu ster ba thams cad mkhyen pa'i gsung 'di yin te lha skad rnams kyis 'byung ba min/ /rgyud kyi rgyal po thams
235a
@#/ /cad du ni nges par rdo rje can gyis rdo rje'i tshig rnams sbas pa las/ /srog chags rnams kyi thar pa'i don du dang po'i sangs rgyas rgyud du ma lus mngon su ma gsungs pa yis/ /de phyir 'jig rten pa yi rgyud kyi bla ma ma lus ma tshang med pa 'jig rten las 'das pa/ /dpal ldan dang po'i sangs rgyas rgyud du rgyal ba mchog gi bdag po mngon par rjod byed zla bzang kye/ /'di yan sangs rgyas kyi bka'/ /mi yi 'jig rten rnams su nyon mongs rnams bral dpal ldan bla ma gang dag rdo rje 'dzin bdag nyid/ /'di man bka bsdu ba 'jam grags kyi gsung yin 'dra/ /de la nyes pa byed pa'i srog chags rnams ni nges par 'dir ni dmyal bar 'gyur te ngo mtshar med/ /de mnyes pa yis bdag mnyes pa ste de la khro ba'i me chen byed na bdag la khro ba yin/ /sems can rnams la de yis bde mnyam 'bras bu'i thar ba ster bas phyag rgya mchod bya sras rnams kyis/ /dpal ldan bla ma'i zhabs bzang pad+mar dus gsum rnams la phyag mi 'tshal ba las ni sdig can gang / /dus gsum rnams su sna tshogs me tog rnam pa mang pos maN+Dal mi byed de las rmongs pa gang / / myur bar bde ba ster ba'i bla ma skyo ba skyed pa gang yin gang zhig mnar med pa ru 'gro/ /shes rab ye shes thob pa gang ni mchog gi bla ma'i zhabs gang mi spong ba de nyams
235b
pa min/ /su zhig nyams na gang zhig rtsa gsum la gnas rlung rnams dpag med dus su gsod byed nyams pa'o/ /dpa' bo gang na mnyam dang mi mnyam lam du srog dang thur du rgyu ba'i rlung rnams gsod byed gang / /sbyin bdag gang na dpal ldan bla ma rnams la rang lus bu dang chung ma la sogs gang 'bul rnams/ /ngan pa gang na slu byed rang snying nyon mongs pa yi sems kyis 'gugs pa'i g.yo sgyu can rnams gang / /dpal ldan chos kyi 'khor lo kha dog sna tshogs pa yi gdan de la ni sangs rgyas nyer bzhugs pa/ /lha mchog rnams kyis btud nas mi yi bdag po zla bas zhus pa lha dang mi yi bal ma yis/ /khong du chung nas sems can kun gyi don rgyur rgyud kyi rgyal po dang po'i sangs rgyas de nyid gsungs/ /de yang A li kA li dang ldan bsdus pa'i rgyud snying nga yis nyi ma khyod la gtad de kye/ /sangs rgyas rnams kyis gsungs pa las ni nga yis dus kyi 'khor lo me tog phreng ba 'dzin bsdebs pa/ /pad+ma dkar po khyod kyis bsngags pa rnams la nges par drang srong nyi ma'i shing rta yin 'dra/ /rdo rje'i tshig 'dzin 'di nyid brtan par gyis/ /'di yis nyi ma dang bcas thub rigs rnams kyis ji lta ba bzhin shes rab ye shes thob gyur cig /de ltar dus kyi 'khor lo'i drin gyis srid gsum la gnas sems can rnams kyang de ltar 'gyur bar shog /nyi ma khyod dam mi bdag phyi mar gyur pa'i srid par dus kya
236a
@#/ /'khor lo'i rnal 'byor kho na las/ /bram ze'i rigs su skyes dag mi dbang grags pa bdag ni 'jam dbyangs nyid de bdag gi dga' ma ni/ /dpal ldan sgrol ma pad dkar mtha' dag yon tan gter gyur 'jig rten mgon po pad+ma'i phyag mtshan can/ /ut+pal yi sdong po bdag gzhan snga ma'i srid pa thams cad ji lta ba bzhin nges par ltos/ /bdag gzhan kun gyi srid pa snga ma'i ut+pal yi sdong bu ji lta ba bzhin mthong nas ni/ /nyi ma dang bcas thub dbang rnams kyis dbu rgyan bcas pa'i dbu yis rigs gcig zhabs kyi pad+ma la/ / lag gnyis thal mo sbyar te btud nas smras pa thub pa'i rigs rnams mi bzad 'khor ba'i sdug bsngal las/ /gdon phyir ye shes lam la mchog gi snying rje yis ni 'god par byed pa ston pa gcig pu kye/ /bgres dang gzhon pa nyid kyang khyod de ma lus rgyal ba'i sras dang dang po'i sangs rgyas nyid kyang khyod/ /bud med dang 'dus pa dang tshangs par spyod dang mchog gi snying rjes 'jig rten gnyen dang gshin rje'i gshed/ /khyod ni zhi dang mchog gi mchog ste khyod nyid 'chi ba'i 'jigs pa 'joms pa dang ni bdud kyi bdud/ /grol ba yang ni khyod de 'gro ba smin bya'i don du srid pa 'dir 'jug pa yang grags pa khyod/ /nyi ma bdag dang bram ze thub pa'i rigs rnams kun gyi zhabs kyi drung du phyag byas lhung pa dang / /
236b
\?\ las can ma lus sgrol ba'i don rgyur dus kyi 'khor lo mtha' dag sa steng gsal por bsgrags par mdzad/ /dpal ldan ka lA pa ru nyi mtshungs rigs gcig rigs la sa yi bdag pos phyag byas pa yang khyod/ /mi bzad 'khor bas 'jigs pas khyod kyi zhabs kyi pad+ma la ni skyabs su lhag par mchis pa dang / /dpyid zla tha chung nya yi mtshan mo 'das nas nyin mor rab tu ma zhugs pa yi dus nyid la/ /sna tshogs gtso bo'i byin gyi rlabs kyis nyi ma thub pa'i skye bor bcas pas phyag rgya'i dngos grub thob/ /bdag gi sems kyi rdo rjes steng ma lus song bas sems can rnams kyi thar pa'i rgyur 'gyur ltar/ /dus kyi 'khor lo'i drin gyis srid pa rnam gsum sems can rnams kyi don la 'gro bar byed par shog /mchog gi snying rje sems can kun gyi don rnams mdzad pa po yi rgyud kyi don rnams bstan mdzad nas/ /rab mchog yon tan kun gyi gter ldan sras po pad+ma dkar po nyid la bka' stsal gnang nas ni/ /rgyud kyi rgyal po mtha' dag tshangs pa nges par glegs bam la gnas byas pa 'di la 'jig rten gnyen/ /khyod kyis dang por nges par rgya cher 'grel pa gyis la de nas mchog gi go 'phang 'gro bar mdzod/ /steng na byang chub sems dpa' gang zhig rnams kyis bdud kyi phyogs gyur rnams dang lha min ma lus rnams/ /mchog tu 'jigs mdzad mi yi 'jig rten phyogs mtshams la gnas khro rgyal btsun mor bcas pas srin po rnams/ /sa 'og
237a
null or empty text, DD should have text \DD\ e.g.
237b
\?\ gnyis/ 'gyur chad 'gyur lhag gnyis/ 'gyur 'khrug 'gyur log gnyis/ 'gyur dman 'gyur bcos gnyis te 'gyur skyon brgyad dang bral ba'o/ /dus 'khor bsdus rgyud kyi snying po 'di snye thang rin chen gling bla mas shod smad 'jang phu lha khang gi dpe khrod nas rnyed pa paN chen dpal ldan ye shes la gzigs su phul bas/ khong gi zhal nas 'di ni/ rigs ldan 'jam dpal grags pas dus 'khor bsdus rgyu/ las kyang shin tu snying por bka' bsdu mdzad pa/ byang sham+b+ha lar rigs kyi bu'am rigs kyi bu mo thams cad kyis kha ton du klog pa/ bod kyi bka' 'gyur gyi nang du ma tshud pa ngo mtshar bye ba'i 'byung gnas yin/ zhes gsungs so//