H406

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H406</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H406&coll=lhasa">see text in Tibetan script</a></table>174a<br><font size=+1>


rgya gar skad du/ shrI tsa tur+pI Tha bi khyA ta tan+t+ra rA dza nA ma/ bod skad du/ dpal gdan bzhi pa'i rnam par bshad pa'i rgyud kyi rgyal po zhes bya ba/ bcom ldan 'das rnal 'byor nam mkha' dang / /rdo rje rnal 'byor dang / rdo rje rnal 'byor ma'i tshogs gang gA klung gi bye ma snyed kyi grangs dang mnyam pa thams cad la gus pas phyag 'tshal lo/ /byang chub sems dpa' sems dpa' chen po thugs rje chen po dang ldan pa 'phags pa spyan ras gzigs dbang phyug la gus par phyag 'tshal lo/ /dpal rdo rje sems dpa' la phyag 'tshal lo/ /rnal 'byor rnal 'byor dbang phyug nyid/ /de bzhin rnal 'byor mchog nyid dang / /drang srong rnams kyi ye shes dbang / /rnal 'byor ma yi dra mchog bde/ /gnas gtsang ma na bzhugs nas su/ /thams cad mkhyen pas 'di skad gsungs/ /rnal 'byor gyi dbang phyug bye ba phrag brgyad cu'i dbus nas phyag na rdo rjes thal mo sbyar nas bcom ldan </font><hr>174b<br><font size=+1>


'das la 'di skad ces gsol to/ /gsang ba sbyor ba'i khyad par dang / /bdag ni de nyid ji ltar lha/ /chu dang me ni ji ltar lags/ /ji ltar rab mdzes nam mkha' dang / /ye shes ji ltar 'tshal bgyi ba/ /ye shes dbang la nyan par 'tshal/ /'khor ba las bsgral mtshan nyid dag /nyon cig dpal ldan rdo rje 'chang / /dang por dbang gi mtshan nyid dang // gnyis par yi ge gcig dang ni/ /gsum par sa bon brgyad pa dang / /bzhi par rtsa yi lha nyid do/ /bdag nyid lus kyi ye shes me/ /blo ldan rnal 'byor pas shes bya/ /lto ba me yi thab khung du/ /de yi me la sbyin sreg bya/ /steng dang 'og dang dbus su ni/ /rnam shes rtsa ni bsdam par bya/ /thog mar bdag nyid lto ba ru/ /rtsa yi lha ni rnam par bsgom/ /lte ba'i me ni 'bar ba la/ /khyad par kha dog bsgom pa ni/ /lte ba'i me ni dkar pa'o/ /g.yon pa'i me ni de bzhin ser/ /lho ni sngon po'i ming can te/ /lhag ma 'di ni dmar por sbyang // de dbus kha dog sngo bsangs su/ /me yi du bar rab tu grags/ /me yi dbus su pad+ma nyid/ /nyi ma'i dkyil 'khor gyis brgyan pa/ /de yi dbus su ye shes lha/ /'khor ba kun las grol bar mdzad/ /phyag gnyis sbyor ba'i gdan la ni/ /rdo rje dril bus rnam par brgyan/ /g.yas kyi lag na rdo rje dang / /rgyan rnams mthon ka'i rtse mo can/ /bzhad dang khro </font><hr>175a<br><font size=+1>


@#/ /bas hUM sgrogs shing / /'di yi ye shes dbang phyug lha/ /de yi dbus su rab tu grags/ /shar du lha mo sgrol ma dang / /byang du de bzhin gos dkar mo/ / nub tu lha mo mA ma kI/ sangs rgyas spyan ni lho ru'o/ /gzugs ni mthe bo'i tshad tsam du/ /bdag nyid lha yi lha nyid do/ /lce la mchu ni sbyar bar bya/ /nam mkha' rna ba sna dag la'o// mig la sa 'di rnam par shes/ /de bzhin tshangs par 'bar ba'i me/ /mgrin par rmongs pa'i sa nyid dang / /g.yo ba snying la gnas pa nyid/ /thams cad nyon mongs brang dang ni/ / phyugs gnyis lte ba'i rtsa bar ro/ /yan lag brgyad du bkod nas ni/ /'di nyid lha ni shes par bya/ /rnam shes rtsa nas drangs pa yi/ /de bzhin du ni bdud rtsi dgu /steng gi mche ba gnyis pa'i rtsa/ /kun tu tshwa bzhin zhu ltar babs/ /ji bzhin chu ni 'o ma'i ming / /lce yi steng du bsten pa yi/ /nyi ma thig le 'bar ba yis/ /'khor lo phra rab rdul bzhin no/ / steng gi nam mkha' nam mkha' ni/ /bsreg pa'i bdag nyid du ni thim/ /g.yon pa'i dbugs ni bud med nyid/ /g.yas pa de bzhin skyes bu'o/ /'og dang steng ni 'di yi rtsa/ /'og ni sngon du rab tu grags/ /dbugs dang dri ni mnyam drangs nas/ /rgyas pa'i lnga yi steng du ni/ /rnam shes gnyis kyi rtsa nas drang / /bdud rtsi de la rnam par thim/ /ye shes dbang phyug </font><hr>175b<br><font size=+1>


de'i steng du/ /de la bdud rtsis bkru bar bya/ /de ltar kun tu bzhin rdubs nas/ /dbugs mi g.yo bar bsgom par bya/ /lag mthil zla ba nyi ma bsgom/ /ye shes yi ges de dbus so/ / ri dwags mgo bo'i phyag rgya yis/ /khams lnga'i bdag nyid bsreg pa'o/ /sngon du sa bon hUM byas nas/ /gnyis par de bzhin gsum dang ni/ /gsum par bzod pas bza' ba'o/ /de bzhin rlung min bzhi pa dang / /lnga par dad pa'i sa bon gyis/ /mkhas pas khams lnga'i sbyin sreg bya/ /bdag gi de nyid me la ni/ /bdag nyid sbyor bas bsregs pa nyid/ /ji ltar ye shes me de ni/ /bsreg pa'i bdag nyid rab tu grags/ /sbyin sreg byas pa'i sbyor ba'i le'u zhes bya ba dang po rdzogs so// //stong pa'i bdag nyid dge ba yis/ /skye ba'i dra ba rnam 'jig pas/ /'khor ba ru ni mi gnas pa/ /bcom ldan 'das la mnyan par 'tshal/ /stong pa'i de nyid rang bzhin gyis/ /nyon cig rgyal po rdo rje 'chang / /gling gzhan de bzhin ri rab dang / /sa ni nam mkhar kun tu bsam/ /rgya mtsho chu yi dbyibs dang ni/ /yid 'ong pad+ma 'byung bar ldan/ /stong pa'i mtshan nyid sngon 'gro bas/ /me yi bdag nyid bsgom par bya/ /shar du lha mo sgrol ma 'di/ /de bzhin byang du gos dkar mo/ /mA ma kI ni nub phyogs su/ /lhor ni lha mo sangs rgyas spyan/ /chu ni sgrol mar kun </font><hr>176a<br><font size=+1>


@#/ /tu thim/ /me ni gos dkar ma la thim/ /mA ma kI ni nub nas sa/ /rlung ni sangs rgyas spyan la thim/ /chu shing me tog pad+ma 'di/ /sgong skyes ye shes kyi ni gdan/ /de yi ye shes rgyal dbang mo/ /sgong skyes 'og tu 'byed pa can/ /gzugs med srid pa'i dbyibs can/ /ye shes rgyal po nyid du thim/ /de ltar bdag nyid stong pa nyid| |de nyid de nyid stong pa nyid/ /'jigs pa med cing 'tshe med par/ /dngos pos dngos po bsgom par bya/ /ji ltar stong nyid de bsgoms la/ /lus kyi dri ma rab tu bkru| |phyis ni chu yi gzugs su bsgom/ /dmar bo 'dab ma brgyad dang ni/ /ge sar lte bar bcas pa yis/ /dbus su pad+mas rnam par brgyan/ /'dab brgyad la ni lha mo yi| |sa bon brgyad kyis rnam par brgyan/ /shar du si ka zhes bya dang / /byang du bzod pa'i sa bon bzhin/ /nub tu rlung gi sa bon gsungs/ /lho ru hUM gi dbang phyug go / dbang ldan du ni dbang po'i dbyangs/ /me phyogs sgra dang rnam shes so/ /bden bral dbyangs yig brgyad pa dang / /rlung du dbyangs yig lnga pa'o/ /dbus su ye shes rgyal po 'di/ /sgong skyes ye shes dbang phyug ni/ /nyi ma'i dkyil 'khor gyis dkris pa/ /bdud rtsi sa bon 'bar ba'o/ /kha dog bdun pa'i me 'di ni/ /go 'phang mchog gis </font><hr>176b<br><font size=+1>


bsgom par bya/ /dbugs mi g.yo ba'i sems dpa' yis/ /dngos pos dngos po bsgom byas nas/ /phyis ni rtsa nyid lha yi gdan/ /mig la sa yi sa bon dang / /nam mkha' sna dang rna ba la'o/ /lce la bdud rtsi'i sa bon 'di/ /snying gar hUM zhes bya ba'i ming / /yan lag drug 'dzin sa bon gyis/ /rnal 'byor lus ni rnam par bsrung / /ye shes lus 'di shes byas pas/ /ci yi phyir na skye bo'i ming / /gzugs med ye shes gzugs can dang / /kha dog med cing mtshon kun dngos/ /gnas med gnas kyi dbyibs can dang / /mi rigs de bzhin rigs pa nyid/ /stong pa nyid kyi le'u zhes bya ba ste gnyis pa rdzogs so// //bdag nyid lnga yi bye brag nyid/ /bcom ldan 'das la mnyan par 'tshal/ /nyon cig rgyal po rdo rje 'chang / /gnyis dang gnyis med la brten nas/ /bskal pa bzang po brgya yi sngon/ /dag pa'i gnas la kun tu gnas/ /ri rab lha mo sangs rgyas spyan/ /mA ma kI ni lho phyogs gnas/ /lha mo sgrol ma nub kyi gling / /de bzhin byang du gos dkar mo/ /shar du lha mo snyan ma 'di/ /lha mo rnam pa lnga yi gnas/ /de ltar snying ga ri rab dang / /de bzhin mgo bo mA ma kI/ /sgrol ma lho yi gnas dang ni/ /g.yon pa de bzhin gos dkar mo/ /snyan pa mo 'di bdag gis gnas/ /lha mo lnga yis byin gyis </font><hr>177a<br><font size=+1>


@#/ /brlab/ /pad+ma'i dbus su rdo rje dang / /rdo rje'i dbus su pad+ma can/ /rdo rje bdud rtsi kun thim pa/ /lus po kun nas dkris pa'o/ /yan lag brgyad kyi rtsa nyid du/ /bdud rtsi'i chu ni rnam par thim/ /lha yi gnas ni nam mkha' nyid/ /rdo rje'i sa bon du rab shes/ /bdag nyid lus la bsgoms pa ni/ /rdo rje'i rtse zhes rab tu grags/ /de yi lus kyi khrag dang ni/ /lus dang lhan cig bcas par gnas/ /khrag dang chu ni kun sbyor bas/ /blo ldan yan lag brgyad nas 'dzag /ji ltar bdag gis sa bon lnga/ /de ltar pad+ma yi yang bsgom/ /ji ltar bdag nyid lus 'di ni/ /nam mkha' rdo rje 'jig byed do/ /rkang pas rkang pa dkri bya zhing / /mchu yis mchu ni btsir byas la| |gnyi ga'i lag pa phyag rgya ni/ /rtse mo gsum pa'i rdo rje brtag /rang bzhin gyis ni so sra dang / /snying ga'i rnam shes bsgom pa yi/ /ye shes rgyal po'i lus can 'di/ /skyes bus khros pas hUM byas nas/ /de ltar rdo rje pad+ma 'di/ /rnal 'byor bsdus pas bskyod par bya/ /gnyi ga dga' zhing tshim pa yis/ /lha rnams thams cad mchod par bya/ /khrag dang khu ba las byung ba'i/ /sa bon myu gus 'gro ba la/ /lha rnams lus ni yang dag 'byung / /'dod la dga' nyid ma yin te/ /longs spyod phyir yang gnas </font><hr>177b<br><font size=+1>


mi bya/ /sems can don phyir 'dod pa'i phyir/ /yongs su rdzogs pa'i yid 'od sku/ /gnyis med sbyor ba la gnas par/ /gtor ma sngon du sbyin par bya/ /sbyor ba'i le'u zhes bya ba gsum pa rdzogs so// //nyon cig rgyal po rdo rje 'chang / /de nyid bcu yi bye brag nyid/ /yi ge bcu ru sngon sbyar bya/ /lnga yi bdag nyid du rdzogs bya/ /lnga pa lnga yi bdag nyid kyi/ /lnga yi lus ni yongs su bsrungs/ /yi ge bcu ni ji ltar lags/ /ji ltar bdag nyid la 'di sbyar/ /ji ltar sbyang zhing bsgom pa dang / /ji ltar sa bon myu gu ste/ /ji ltar thar pa la gnas gnyis/ /ngo mtshar lha la nyan par 'tshal/ /gsang ba gsang ba zhes bya ba/ /rgyal po ji bzhin de nyid nyon/ /thog mar stong pa de kho na/ /stong par chu ni bsam par bya/ /kha dog bdun gyi pad+ma ni/ /gsar dang bcas yid 'ong ba/ /stong phrag brgya yi khyon tsam gyis/ /pad+ma'i gzugs ni snying po bcas/ /pad+ma rgya cher rab mdzes pa/ /rin chen bdun gyis mngon par spras/ /dril bu dra ba'i phreng ba dang / /dar dang na bza' mngon par 'phyang / /seng ge'i gdan ni mngon par bsam/ /de steng nyi ma'i dkyil 'khor ro/ /pad+ma rdo rje'i ngo bo 'di/ /'od zer nyi ma bye ba yi/ /sangs rgyas lnga yi sa bon gyis/ /rdo rje rtse mo rnam par bsam/ /dbus su rnam par snang mdzad dgyes/ /shar du de bzhin mi bskyod </font><hr>178a<br><font size=+1>


@#/ /pa| |rin chen sa bon lho nyid du/ /de bzhin nub tu 'od dpag med/ /byang phyogs su ni don yod grub/ /sa bon lnga ni rnam par bsgom/ /pad+ma byang chub yan lag brgyad/ /ji bzhin sa la rab tu brtag /dbus su snying po sgo nga la/ /rnam par shes pa'i bdag nyid thim/ /pad+ma brgyad pa'i rtse mor ni/ /mnga' bdag de bzhin rnam snang mdzad| |shar du lha mo sgrol ma 'di/ /byang du lha mo sangs rgyas spyan/ /nub tu bsam pa gos dkar mo/ /de bzhin lho ru mA ma kI/ /'od zer 'bar ba rnam mang por/ /'jigs pa med par bsgom par bya/ /rdo rje las ni lha yi lus/ /bzhugs pa ru ni rnam par bsam/ /spyan gsum phyag ni drug pa'o/ /kha dog sngon po rab tu mdzes/ /rdo rje yi ni cod pan can| |dar gyis bcings shing rnam par 'phyang / /rgod cing khro dang sgeg pa dang / /sems dpa'i skyil mo krung gis bzhugs/ /steng du ral gri 'phyar ba dang / /gnyis pa la ni de bzhin gzhu/ /gsum par rdo rje gdengs pa gsor/ /g.yon pa'i steng du kha T+wAM dang / /gnyis pas lha mo'i nu ma 'tshir/ /gsum pas dril bu'i sgra sgrogs shing / /rab tu mdzes pa'i na bza' mnabs/ /stag gi pags pa'i sham thabs can/ /rgyan kun phun sum tshogs pa dang / /me tog phreng bas rab tu brgyan/ /g.yon du lha mo sgrol ma ni/ /phyag gcig </font><hr>178b<br><font size=+1>


gis ni 'khyud pa dang / /gcig gi phyag na thod pa ni/ /bdud rtsi'i chu dang yang dag ldan/ /mA ma kI yang de bzhin du/ /gcig gi phyag gis mngon par 'khyud/ /gcig gi phyag gi thod pa na/ /khrag dang sha yis gang ba'o/ /spyan ma rgyab tu kun nas bsam/ /phreng bas phyag ni brgyan pa dang / /gtor ma sbyangs pa'i phyag gnyis pa/ /mdun du snod la rnam par blta| |de ltar bdag nyid lnga yi lus/ /lus la kun nas yang dag gnas/ /shar du lha mo me tog ma/ /lho ru spos dang yang dag ldan/ /nub tu mar me'i lag pa ma/ /byang du dri yi lha mo'o| |dbang ldan du ni sgeg mo nyid/ /de bzhin me phyogs phreng ba ma/ /bden bral phyogs su dbyangs ma dang / /rlung du gar ma brgyad pa'o/ /nyi ma bye ba brgya stong gi /'od zer rnam pa mang po'i mdog /sangs rgyas sprin ltar 'phro ba ni/ /sems can sgrol la mchog tu brtson/ /bdag nyid lha dang lha gzhan ni/ /bdag nyid lha ni mchog yin no/ /bdag nyid gzugs su mi nus pas/ /gzugs brnyan la sogs bsgom par bya/ /phyis ni de yi mdun nyid du/ /mkhas pa yis ni mchod par bya/ /de nyid pad+ma bsam pa dang / /de nyid gzhal yas khang pa bsam/ /sngon du gsungs pa'i gdan la ni/ /der ni nyi mas mngon par g.yogs/ /sna tshogs rin chen mchod pa dang / /sna tshogs dar ni mngon par dbyangs/ /lag </font><hr>179a<br><font size=+1>


@#/ /gnyis thal mo sbyar byas nas/ /pad+ma'i tshul du kha phye la/ /oM ka ma la ud b+ha bi shrI swAhA/ pad+ma'i sngags dang phyag rgya 'o/ /rang gi dbugs las phyung nas ni/ /rdo rje mdun du rnam par bsgom/ /lag gnyis khu tshur bcangs nas ni/ /sdigs mdzub g.yon pa'i mthe'u chung dkri/ /lcags kyu yi ni rnam pa'o/ /oM badz+ra aM ku sha dzaH rdo rje lcags kyu'i sngags dang phyag rgya'o/ /lag gnyis rdo rje khu tshur byas/ /sdigs mdzub gnyis ni dkri byas pa/ /zhags pa yi ni rnam pa'o/ /oM badz+ra pA sha hUM/ zhags pa'i sngags dang phyag rgya'o/ /ji ltar bdag nyid gzugs brnyan bzhin/ /de ltar mdun du'ang rab bsam bya/ /lha mo brgyad ni kun rdzogs pa/ /khro bo'i rgyal po bzhi par ro/ / shar du gshin rje mthar byed dngos/ /lho ru da bzhin bgegs mthar byed/ /nub tu pad+ma mthar byed pa/ /byang du khro bo skyong ba'o/ /lag gnyis rdo rje khu tshur bcings/ /rgyab dang rgyab tu sbyar bar bya/ /oM badz+ra s+pho Ta baM/ rdo rje lcags sgrog gi sngags dang phyag rgya'o/ /lag gnyis rdo rje khu tshur bcangs/ /mthe'u chung gnyis ni sbyar bar bya/ /oM badz+ra g+haN+De hoH rdo rje dril bu'i sngags dang phyag rgya'o/ /lag pa lcags sgrog phyag rgya las/ /sor mo dbus ma brkyang byas la/ /na mo rat+na tra yA ya/ oM bai ro tsa na sa mA d+hi/ bi shwa ye g+hu </font><hr>179b<br><font size=+1>


ya ba dza b+hi Shai swAhA/ oM hUM hUM hUM/ ho ho ho ho ho ho/ hri hri hri hri swAhA/ bcom ldan 'das rnal 'byor nam mkha'i sngags dang phyag rgya'o/ /oM tA re tut+tA re sa ta k+Shi ta hUM swAhA/ lha mo sgrol ma'i sngags so/ /oM hi li hi li ba li swAhA/ gos dkar mo'i sngags so/ /oM ta ra sarba ta na hUM phaT/ mA ma kI'i sngags so/ /oM bud+d+ha bi bud+d+ha ya hUM/ sangs rgyas spyan gyi sngags so| |sdigs mdzub gnyis dang gung mo ni/ /dbus dang dbus su sbyar bar bya/ /mthe bong dngos su sbyar ba ni/ /lha mo bzhi yi phyag rgya 'o/ /ma ning yi ge bzhi pa ni/ /me tog ma la sogs pa dang / /sgeg mo yi ni sngags nyid yin/ /g.yas brkyang rkang pa yang dag gnas/ /sdigs mdzub snying gar spyin byas nas/ /dpung pa mdun nas brkyang byas nas/ /se gol hUM gi rnam pa dang / /lhan cig tu ni sbyar byas pa/ /'di ni khro bo'i phyag rgya'o/ /oM A yuH pA la pra ti rak+Sha duk+Sha b+han d+ha la hUM phaT/ shar phyogs kyi sgor zhi ba yi'o/ /oM A kaR+Sha ya swatwa d+hA tu nA kro swAhA/ byang du rgyas pa yi'o/ /oM mo ha ya mo ha ya/ sarba satwa nAM shrI swAhA/ nub tu dbang gi'o/ /oM shak+Sha sarba duSh+Ta g+hA ta ya hri phaT/ lho ru mngon par spyod pa yi'o/ / oM su gan d+ha hUM haM swAhA/ lag pa g.yas pa brkyang pa dri'i phyag rgya'o/ /oM su so bid puSh+pe b+h+yaH swAhA/ sdigs mdzub dang / mtheb mo sbyar ba ni me tog gi sngags dang / phyag rgya'o/ / </font><hr>180a<br><font size=+1>


@#/ /oM d+hU pa mA la ku le swAhA/ sor mo dbus ma bsgreng ba ni/ /bdug pa'i sngags dang phyag rgya'o/ /oM tIk+Sha Na dI pe pra ti gr-ih+Na swAhA/ khu tshur bcangs nas mthe be bsgreng ba ni/ mar me'i sngags dang phyag rgya'o/ /oM ku ru ku ru bi dza ye swAhA/ lag pa gnyis brkyang nas dbus su sbyar ba ni gtor ma'i sngags dang phyag rgya'o/ /ji ltar sngon du sbyor ba yis/ /mkhas pa yis ni mchod par bya/ /hUM gi glu yi rnam pa yis/ /sangs rgyas kun nas mnyes par bya/ /lag gnyis rdo rje khu tshur byas/ /rked pa'i phyogs su gzung byas la/ /pi wang tshul gyis bsgreng ba dang / /gling bu'i tshul gyis 'bud pa dang / /sil snyan tshul gyis dkrol ba dang / /brdabs pa'i tshul gyis rdzogs pa dang / /gar gyi tshul gyis bskyod pa dang / /rlung g.yab tshul gyis g.yob pa dang / /rgyal mtshan tshul gyis bsgreng ba dang / /bla re'i tshul gyis bre ba dang / /ba dan tshul gyis 'phyar ba dang // gdugs kyi tshul gyis dgab pa dang / /cang te'u'i tshul gyis 'khrol ba dang / /'khar rnga'i tshul gyis brdung ba dang / /bzhad pa'i tshul gyis 'dzum pa dang / /khro bo'i stangs stabs yan lag bskyod/ /de ltar de nyid rnal 'byor pas/ /glu yi mchod pa'i khyad par nyid/ /hUM hUM hUM/ bdag med rnal 'byor bsgoms pa yis/ /'byin pa'i sa bon </font><hr>180b<br><font size=+1>


gzung byas pa/ /spyi yi rnal 'byor ston pa'o/ /dbang po mchog gi mchod pa che/ /thar pa chen po gnas chen po/ /gsang zhing de nyid gsang ba yi/ /gsang ba'i bdag po dga' chen po/ /rnam snang mdzad la phyag 'tshal 'dud/ /lus kyi rtsa ni lnga nyid las/ /lha dang lha min mngon par sprul/ /bde ba bsgrub pa zhes bya ba/ /sbyor ba'i sku la phyag 'tshal 'dud// glu dang bstod pas nyer mchod nas/ /ji ltar las la mngon bde bar/ /rang gi sngags kyi yi ge yis/ /phreng ba la ni bzlas par bya/ /ji ltar nus pas mchod byas la/ /slar yang gshegs su gsol ba'o/ /dbugs kyis bdag nyid lus bkang ste/ /lhan cig thim par bsam par bya/ /ji ltar rnal 'byor nam mkha' nyid/ /de ltar rnam par snang mdzad bdag /ji ltar rnam par snang mdzad lha/ /de bzhin rgyab kyi rtsa nyid do/ /ji ltar sngon gyi rtsa nyid las/ /de bzhin ye shes skye ba 'di/ /chu ni sgrol ma zhes su bshad/ /me la gos dkar yang dag ldan/ /rlung la lha mo sangs rgyas 'di/ /de bzhin rab mdzes mA ma kI/ /dkar po chu yi rtsa dang ni/ /dud pa yang ni me yi gnas/ /dung gi rtsa 'di rlung gi 'o/ /de bzhin du ni pad+ma dang / /ye shes 'byin pa yi ni rtsa/ /lnga yi bdag nyid khyad par ni/ /gdan bzhi nyan par mi nus pa/ /gzhung nyung ba ni bstan pa yis/ /gzugs brnyan gyi rab tu sbyor </font><hr>181a<br><font size=+1>


@#/ /ba'i le'u zhes bya ba bzhi pa rdzogs so// //rdo rje'i chu ni ji ltar lags/ /bdud rtsi'i chu ni ji ltar skye/ /gang gi dbye ba ji ltar myang / /gang gis ji ltar 'tshal bar bgyi/ /'di yi rab tu dgos pa'ang ci/ /ngo mtshar lha la mnyan par 'tshal/ /nyon cig rgyal po rdo rje 'chang / /gnyis dang gnyis med spangs pa yi/ /gsang zhing gsang ba rab sbas pa'i/ /'gro ba'i 'bras bu de de nyid/ /bskal pa bye ba stong phrag tu/ /sangs rgyas ye shes kyis bskul ba/ /sangs rgyas lam ni mthong ba 'o/ /ye shes snang ba de bdun nyid/ /ji ltar me yis mnyam par bsregs pa'i spyod pa dang / /nyi ma ji ltar mnyam par lta bar ston pa dang / /ji ltar rlung ni mnyam pa nyid du len par ltar/ /rnam rtog rmongs pa'i rgya mtsho bsrings pa'i rnal 'byor pas/ /pad+ma'i dbang phyug sku ni gser gyi mdog /dri chu'i ngo bo shin tu snang mdzad dang / /ro ni rdo rje dbang phyug rdo rje phyag /lha gsum dag gi cho ga shes par bya/ /ha zhes pa yis kha dog 'phrog /ho zhes pa yis dri med cing / /dpa' bo hrIHyis bcom pa yi/ /de dag rim bzhin shes par bya/ /pad+ma'i gdan ni rtag tu mnyam pa nyid du bsgom/ /mthe bo rdo rje srin lag gnyis su kun ldan pas/ /sngags gsum yi ge gsum gyis cho ga bsrung bar </font><hr>181b<br><font size=+1>


bya| |gang zhes ro 'di myang ba blo ldan rnal 'byor ma'o/ /rdo rje chu yi khyad par ni/ /nyon cig dpal ldan rdo rje 'chang / /'dzag pa yi ni lus kyi chu/ /bdag nyid lnga yis byin gyis brlabs/ /dro ba'i rang bzhin me ru mthong / /zhi ba chu ru rab tu brtag /rlung dang rlung ni du ba 'o/ /sa ni gzugs su snang ba 'o/ /gang zhig de nyid kyis myangs na/ /dri ma can lus dri med 'gyur| |rin chen bzang dga' rnal 'byor pa/ /sbyangs pa'i rdo rje 'jigs byed kyi/ /gtsang dang mi gtsang de bzhin rdzas/ /dang po rnal 'byor mtshan nyid do/ /nyon mongs de bzhin mun pa de/ /rnam shes lhan cig snang ba 'o/ /ye shes rdo rjes bcom nas ni/ /rnal 'byor pa ni de la snang / /bdud rtsi bsten 'dod lus can gyis/ /gnyis med kha sbyar sbyar bar bya| |rnal 'byor chen po'i sgrub pa po/ /sngon du A li kA li bsam/ /A li zhes bya bung bar gsungs/ /kA li de bzhin gshegs ma nyid/ /sbyor ba'i ye shes sgra yis ni/ / gnyi gas 'khyud par bsam par bya/ /ji ltar sde tshan gsum pa yi/ /yi ge gsum pa gzung byas te/ /rdo rje ra ba tsam zhig gis/ /'od dpag med ni dkri bar bya/ /lha mo gsum pa nyid kyis ni/ /dbyug pa tsam zhig rdo rje 'dzin/ /dbus su dam tshig zhags pa yis/ /kund mgo la mchog tu brtson/ /de ltar sngags zlos rnal 'byor pa/ /pad+ma rdo rje can gyis </font><hr>182a<br><font size=+1>


@#/ /bskyod| |rang bzhin gyis ni sa sgra dang / /bdud rtsi chu dang 'dres pa yi/ /de nyid 'di yis myang byas pa/ /rnal 'byor chos la rab tu shis/ /bden pa'i chos ni mchog tu bden/ /rnal 'byor chos ni rab tu bstod/ /de nyid dman pa'i rnam rtog yid/ /sbyor ba ji ltar 'grub par 'gyur/ /bye ba brgyad cu'i rnal 'byor ma/ /gdan gzhi pa yi rgyud 'di nyid/ /mkhas pa yis ni rnam bltas la/ /sbyor ba brgyad cu'i rnal 'byor ma/ /sbyor ba'i chos kyis gtor ma sbyin/ /bdud rtsi lnga mdor bsdus le'u zhes bya ba lnga pa rdzogs so// //'byung ba'i dbugs kyi the tshom ni/ /rdzogs pa'i sangs rgyas mngon par 'dri/ /'chi ltas ji ltar 'tshal bgyi zhing / /gang gis shes nas rab tu sbyar| |bcom ldan 'das kyis bka' stsal pa/ /'gro ba lus can sems can don/ /'chi bdag kun nas bslu ba ni/ /nyon cig rgyal po rdo rje bdag /gang zhig rnam par shes tsam gyis/ /'chi bdag lus ni gnas pa nyid/ /dang por snga dro'i dus nyid la/ /dbugs ni rnam par dgod bshad pa/ /lus can zla drug nas 'chi bar/ /ngas gsungs pa la the tshom med/ /gal te dus la bab gyur na/ /dbugs ni chad cing 'chad par 'gyur/ /de bzhin 'jigs pa chung mthong na/ /'gram pa'i tshigs ni yo bar 'gyur/ /lus kyi </font><hr>182b<br><font size=+1>


mtshan ma shes byas la/ /rnal 'byor pa yis zhi bar bya/ /rna ba'i u da rnam chad na/ /chu tshod lnga las mi thub bo/ /mig gi aM ba ra yi rtsa/ /tro ta de bzhin nyi ma lnga/ /sna yi ma si ka chad na| |nyi ma bdun gyis gdon mi za/ /steng 'og so ni 'thams gyur na/ /nyi ma gsum gyis the tshom med/ /'di yi lce la thig nag na/ /zhag gnyis kyis 'chi lus can rnams// mgrin pa'i glo yi phyi rol rtsa/ /zla phyed las ni mi thub bo/ /brang gi lhe'u 'og zhom gyur na/ /zla phyed sman pas gso spyad yod/ /sen mo khrag ni med pa na/ /chu tshod lnga las mi thub bo/ |pho nya brgyad kyi 'chi ltas ni/ /'chi ba'i rma sogs rnam par spangs/ /rna ba'i u da'i bdag nyid ni/ /rnal 'byor dbye bas bsten par bya/ /mig gi aM ba ra chad na/ /mkhas pas dkar po'i sa bon bzla/ /sna yi ma si ka la ni/ /dbugs bsdams me yi dud pa'o/ /so dang so 'thams rtsa la ni/ /dung gi sa bon bzlas pas 'phrog /lce yi thig nag 'di la ni| |bdag nyid sbyor bas mnan par bya/ /mgrin pa glo yi phyi rol rtsa/ /pad+ma'i sa bon gyis rtse bya/ /brang gi lhe'u zhom pa la/ /sgong skyes ye shes bsgom pa 'o/ /sen mo khrag ni med pa la/ /lag pa bsdus la bzlas par bya/ /bug pa dgu yi sgo ru ni/ /sa bon dgu yis rtse bar bya/ /rtsa dgu la ni sa bon dgu /sgo dgu sa bon dgu yis bsdam/ /de </font><hr>183a<br><font size=+1>


@#/ /ltar bsdams pa tsam gyis ni/ /rnam par shes pa mi 'gro 'o/ /ma bsregs snod ni gnyis gzung ste/ /gur gum dang ni gi wang gis/ /bcu gnyis tshad ni yang dag bri/ /sa bon dbyangs yig bskor bar bya/ /lha mo brgyad kyis sa bon 'di/ /mtshams su ma ning sa bon dang / /dbus su ye shes sa bon ni/ /mkhas pa yis ni bskor bar bya/ /de bzhin ming ni dbus su bri/ /hUM gi dbus su gnas pa nyid/ /gnyi ga dang yang sbyar byas nas/ /skud pa dmar pos dkri bar bya/ /mA ma kI ni 'dab mar bsam/ /steng du de bzhin rdo rje'i bdag /gnyis med gtor mar ldan pa yis/ /nus pa yi ni mngon par mchod/ /rdo rje khu tshur gnyis bcings nas/ /rtse dang rtse ni sprad par bya| |rnam shes ye shes sa bon ni/ /brgyad brgya ru ni bzlas pa yis/ /rnam shes bsdams pa'i dngos po dang / /rnal 'byor bsrung pa'i khyad par gyis/ /yi dwags srin po 'byung po dang / /dus ma yin par 'chi ba nyid/ /rnal 'byor pa yis bsrungs tsam gyis/ /grol bar 'di la the tshom med/ /tshe zad pa yi lus can ni/ /zla ba drug tu gnas par 'gyur| |'chi ba'i mtshan ma yongs su brtag pa'i le'u zhes bya ba bya ba drug pa rdzogs so// //rnal 'byor bstan bcos cho ga'i rim/ /de nas ye shes dbang </font><hr>183b<br><font size=+1>


gis bsrungs/ /'khrig pa'i dngos po bsten pa las/ /khrag dang khu ba 'byung bar 'gyur/ /ye shes ngo bos 'byung ba yi/ /'byin pa'i rtsa ni mngon par sems/ /bdun par khu bar gyur pa yis/ /dkar po'i rtsa ni rab tu bskyed/ /khrag gis mtshan mo brgyad na ni/ /du ba'i rtsa ni mngon du gso/ /mtshan mo phyed dang bzhir bsnyen pas/ /dung gi rtsa ni byin gyis brlab| |gong du mtshan mo bcu gnyis kyis/ /pad+ma'i rtsa ni rab tu sbyar/ /nyi ma drug cu'i grangs 'di yis/ /mkhas pas gi wang gi ni rtsa/ /mkhrang 'gyur dgu zhes bshad pa ni// dri med gsum gyi rtsa ni bskyed/ /mtshan mo bcu dang drug gi ro/ /'byed pa'i rtsa ni rab tu bskyed/ /sa gdugs ye shes rnam shes ni/ /yongs su rdzogs pa'i lus can no/ /sa gdugs bcu dang brgyad nyid kyis/ /mkhas pa zla dgur kun tu gnas/ /skye ba skra bra la sogs ldan/ /sen mo khog pa rus pa dang / /zhag dang srin bu gci ba dang / /bshad pa bad kan mchi ma sogs| |brgyad ni mngal na nga rgyal ba/ /rtsa yi brgyad pa zhes bya la/ /lhag par lha dgu gnas pa nyid/ /bdag nyid lha dang pha rol mchod/ /bdag nyid lha ni mchog yin no/ /dkar po lha mo sgrol ma 'di/ /dud pa la ni gos dkar gnas/ /lha mo sangs rgyas ngu nyid la/ /mA ma kI ni pad+mar gnas/ /lha mo snyan ma gi wang la/ /rdo rje sgeg mo dri med la/ /'byed </font><hr>184a<br><font size=+1>


@#/ /par rin chen yid 'ong ba/ /sa yi gdugs la pad+ma'i rtsa/ /'di ltar spros pa'i ye shes rtsa/ /thams cad 'byin cing sdud pa yi/ /ji ltar rgyal po rnam snang mdzad/ /de ltar rgyab tu rab tu grags/ /mnyam pa'i cha ru de byas pas/ /mnyam pa'i gzugs ni 'od dang bcas/ /stong phrag dgu yi grangs nyid ni/ /re re las ni gyes pa 'o/ /stong phrag bdun cu rtsa gnyis ni/ /lus po yi ni rtsa nyid do/ /dgu pa yis ni 'byin cing sdud/ /dgu yi rtsa ni rtag pa'i sa/ /dgu dang lnga yis dga' bar bcas/ /lnga po'i lha 'di 'gro ba 'o/ /gcig gis 'byin ci sdug pa dang / /gcig gis lha ni ye shes can/ /chos kyi dbyings kyi rang bzhin te/ /gcig gi lus dang lus can dang / /gzugs med ye shes gzugs can dang / /mi stong pa dang stong pa nyid/ /ring min thung min gzhan ma yin/ /dngos med dngos po tsam ma yin/ /kha dog med la tshon kun dngos/ /ye shes lus can rnal 'byor pas| |lam gnyis pa ni srid pa'i skyon/ /lam gcig pa yi rnal 'byor pas/ /rnam par rtog pa kun spangs la/ /gcig gi lam nyid shes par bya/ /shel ltar dag pa'i lus kyis ni/ /dag pa'i lam du yang dag bgrod/ /rtsa bskyed pa'i le'u zhes bya ba bdun pa rdzogs so// //sbyor ba'i mdo ru bsdus pa nyid/ /bcom </font><hr>184b<br><font size=+1>


ldan 'das la nyan par 'tshal/ /phyag na rdo rje khyod nyon cig /sbyor ba'i bstan bcos sgrub pa pos/ /gdan bzhi pa las btus pa yis/ /stong phrag bcu gnyis yang dag ldan/ / de yi don ni mdor bsdus pa'o/ /gzhung mang pa yis 'jigs pa yis/ /de nyid mdor bsdus pa yi tshig /sbyor ba'i rnams la nye bar gsungs/ /rnal 'byor pa la rab dgod pa'i// de nas zhi ba yang dag bshad/ /thog mar bya ba stong pa nyid/ /stong pa'i dbus su pad+ma ni/ /pad+ma sa bon myu gu can/ /kha dog bdun pa rgya chen po/ /sde tshan bzhi pa'i tshig la ni/ / steng du ma ning thig ler bcas/ /de yi sa bon mnyam bsgoms nas/ /de bzhin khro gnyer can ma bskyed/ /zla ba'i dkyil 'khor gnas la ni/ /gdugs dkar po yis mngon par g.yogs/ /dag pa'i sku dang spyan gsum pa/ /phyag bzhi yis ni rnam par spras/ /mchog sbyin dang ni dbyug pa dang / /bgrang phreng ril ba spyi blugs bsnams/ /rgyan rnams kun gyis brgyan pa'i sku/ /rab tu mdzes pa'i na bzar mnabs/ /bzlas dang bsgom pa'i sbyor ba yis/ /mkhas pa mchog gi yi ge gcig /khro gnyer mchog gi yi ge ni// 'bum phrag gcig zlos sngags pa yis/ /rnal 'byor pa yis brtsams tsam gyis/ /tshe ni 'phel bar rab tu grags/ /lha nyid dmigs par bya ba yis/ /de nas rgyas pa'i </font><hr>185a<br><font size=+1>


@#/ /las 'di nyon/ /ti se gangs kyi rtse mo dang / /gser gyi ri bo'i ngos dang ni/ /rin chen bdun rang bzhin gnas su/ /gzhal yas khang pa nyer mdzes pa'i/ /seng ge'i gdan la gnas pa ni/ /nyi ma'i dkyil 'khor la bzhugs pa/ /gdugs dkar po dang bla re dang / /dril bu dra bas mngon par mdzes/ /bdun pa yi ni mtha' bzung ste/ /gsum pa yis ni sbyar bar bya/ /sde tshan mtha' yis steng du 'o/ /ye shes can gyis sa bon gcig /dbugs mi g.yo zhing 'od zer bcas/ /ser po'i mdog tu rnam par bsgom/ /phyis ni nor rgyun zhes bya ba'i/ /lha mo'i gzugs su rnam par bsam/ /phyag drug sems dpa'i skyil mo krung / /rgyan kun gyis ni rnam par brgyan/ /kha dog 'bar bar bsgom par bya/ /rin chen shing dang za ma tog /gnyis pa na ni rab tu 'phel/ /gsum pas mchod sbyin lag pa dang / /steng du shes rab phyag dang ni/ /gnyis pa la ni bgrang phreng dang / /gsum pa ril ba spyi blugs so/ /bsgom dang bzlas pa'i sbyor ba yis/ /dbugs ni 'dren pa'i khams nyid do/ /rgyas pa'i le'u zhes bya ba brgyad pa rdzogs so// //de nas gzhan yang bshad bya ba/ /dmar po'i las kyi khyad par ni/ /sngon gyi mtshan nyid yang dag ldan/ /stong </font><hr>185b<br><font size=+1>


pa'i mtshan nyid dmigs nas ni/ /stong par pad+ma yang dag bshad/ /nyi ma'i dkyil 'khor la brten cing / /gdugs dkar po yis mngon par brgyan/ /dbyangs yig dang po'i yi ge gcig /steng du sde tshan tha ma dang / /mnyam par gzhag pas sa bon dmar/ /'od zer dmar po 'bar ba 'di/ /sems can 'gugs par byed pa'i dngos/ /lha mo'i gzugs brnyan 'di bsams la/ /btso ma gser gyi mdog lta bur/ /mA ma kI bsam yang dag 'byung / /phyag gnyis rgyan gyis rnam par mdzes/ /gcig gis lcags kyu yang dag 'dzin// g.yon pas dril bu mngon sgrogs pa/ /thams cad rgyan gyis brgyan pa'i sku/ /shin tu mdzes pa'i na bza' gsol/ /bsgom zhing bzlas pa tsam gyis ni/ /sems can dbang du 'ong bar 'gyur/ /de nas nag po'i las 'di ni/ /rlung gi dkyil 'khor la brten cing / /rlung gi dbus su rlung gi ni/ /rlung gi sa bon bsam par bya/ /du ba du ba rab 'bar ba/ / sgra dang thig les rnam par brgyan/ /nag po drag po yi ni gdan/ /yi dwags gdan la kun gnas pa/ /bsam pa ral gcig ma yi gzugs/ /kha dog sngon po mnyam pa'i 'od| |dbu skra gyen brdzes lha mo che/ /drag par rgod pas 'jigs par mdzad/ /spyan gsum zhal ni gcig pa la/ /phyag bzhi yi ni rnam par spras/ /gcig ni phyag na ral </font><hr>186a<br><font size=+1>


@#/ /gri dang / /gnyis pa na ni rdo rje gser/ /g.yas na mdung ni 'dzin mdzad cing / /gnyis par de bzhin sdigs mdzub bo/ /'phan pa'i rol pas rnam par bzhugs/ /me 'bar ba dang mnyam pa'i 'od/ /zhags pa 'phen pas 'ching mdzad cing / /hUM sgra'i rnam par 'jigs par byed/ /sa bon dbus su ming dang ni/ /phaT kyi rnam pa de bzhin mthar/ /dkon mchog gsum la gnod pa dang / /rnal 'byor bstan pa 'jig byed pa/ /lha mo ral pa gcig ma 'dis/ /nus pas brlag par byed par gsungs/ /sngags dang rgyud ni mnyam bzung la/ /lha mo 'od zer can sa bon/ /dug dang khrag tu bsres pa yis/ /rdo rje phag mo kun nas bri/ /de yi mchu la ming dang yang // mgo la yi ge'i sa bon dang / /steng du me yi yi ge dang / /kha la rlung gnyis de bzhin no/ /'dis ni skrod par byed par gsungs/ /las kyi dkyil 'khor gyi le'u zhes bya ba dgu pa rdzogs so// //sems can kun la phan mdzad pa/ /ye shes dbang gis de nas gsungs/ /nyon cig rgyal po rdo rje 'dzin/ /'khor ba'i lam nas grol ba yi/ /mtha' yas sbyor ba mngon phyogs pas/ /mtha' yas sgo zhes bya ba'i ming / /stong pa nyid kyi bdag nyid lus/ /ji ltar stong pa de nyid 'dis/ /phyi </font><hr>186b<br><font size=+1>


dang nang du bcas pa ni/ /de bzhin nam mkha'i khams su ni/ /rgya mtsho'i chu yi dbyibs dang ni/ /de yi dbus su rab gang ba'i/ /kun nas ji ltar 'dod bzhin du/ /gzhal yas khang pa rnam par bsam/ /seng ge'i gdan la bzhugs pa ni/ /nyi ma'i dkyil 'khor gyis brgyan cing / /sna tshogs dar ni rnam par 'phyang / /yi ge gcig gis sa bon ni/ /'od zer 'bar ba tshon gyi dngos/ /dang po'i dbyangs yig kun bzung la/ /steng du bdud rtsi thig le can/ /lha mo bdag nyid lhan cig dang / /phyi nas gzugs ni mnyam par bsam/ /phyag gnyis sems dpa'i skyil mo krung / /sangs rgyas lnga yis mngon par brgyan/ /rgyan kun gyis ni brgyan pa'i sku/ /rab tu mdzes pa'i na bza' gsol/ /gcig gi phyag gis rdo rje 'dzin/ /g.yon pa dril bu mngon par sgrogs/ /yi ge brgyad kyi ngo bo nyid/ /spyod bcas mi spyod gsang ba dang / /chu dang me dang de bzhin rlung / /sa ni mig gi yi ge 'o/ /sgo bzhi dang ni phung po bzhi/ /sgong skyes rdzi lir gnas pa nyid/ /bzhi pa nyon mongs me dang ni/ /yi ge bzhi pa de bzhin du/ /rmongs pa sa dang nyon mongs dang / /sngon du phyugs ni mnyam pa dang // chu shing me tog pad+ma ni/ /'di yi sgong skyes stan nyid do/ /ba lang rmig pa'i steng du ni/ /bdud rtsi brgyad kyis rnam par dbye/ /shel bzhin du ni dag pa yi/ /snying po yi ni snying po'i </font><hr>187a<br><font size=+1>


@#/ /mchog /lce la chu ni 'di nyid dang / /nam mkha' rna ba sna dag la'o/ /sa ni mig la sbyar byas te/ /tshangs par me ni de bzhin 'bar/ /rmongs pa'i sa ni mgrin par ro/ /g.yo ba snying la gnas pa dang / /nyon mongs sems can brang dang ni/ /phyugs ni lte ba'i rtsa bar ro/ /yan lag brgyad la dgod pa yis/ /lce la chu ni 'di nyid dang / / nam mkha' rna ba sna dag la'o/ /'di yis lha nyid yang dag shes/ /yi ge brgyad kyi sngags 'di ni/ /phyag rgya brgyad du rab tu grags/ /dkar dang ser dang de bzhin dmar/ /gnag cing 'bar ba'i las 'di ni/ /las rnams bzhi yi lha mo ni/ /mkhas pas 'bum phrag gsum du bzlas/ /ye shes las byung snying po nyid/ /mchog tu rtag cing zhi ba dang / / phra zhing rags pa'i 'gro ba kun/ /las dang las kyi khyad par nyid/ /thams cad chu yi dbyibs dang ni/ /mnyam par 'jigs byed mi dang yang / /ji ltar rtag pa rlung dag dang| |dad pa'i don dang sa dbang po/ /lhag ma brtsegs pa las byung ba/ /bzhi pa yi ge drug pa 'o/ /'gro ba'i don phyir yi ge brgyad/ /lha brgyad du ni yongs su grags/ /mnyam gzhag bzlas shing bsgoms pa yis/ /'grub par 'di la the tshom med/ /ba dan gsum pa'i phyag rgya yis/ /sngon du reg cing reg pa nyid/ /'jig rten 'dir ni bde ba dang / / </font><hr>187b<br><font size=+1>


rtag tu mchod pa rnyed par 'gyur/ /'chi ba'i dus su ye shes ni/ /gzugs med srid par rab tu gnas/ /bdag gi de nyid dman pa yis/ /ji ltar sngags ni 'grub par 'gyur// de phyir nan tan thams cad kyis/ /sbyor ba'i bstan bcos rtogs par bya/ /dri zhim rab grags me tog kun nas gnas pa dang / /nag po'i a ka ru dang gu gul mar me dang / / gnyis med gtor ma gcig gis yang dag yid ldan gyis/ /lha mo ma mo gzhan rnams kun nas rab tu mchod/ /steng du rnam par snang mdzad bsam/ /mchu la phyag na rdo rje 'o/ /yid kyis nam mkha'i snying po ni/ /rna ba gnyis la rab tu sbyar/ /lce la 'jig rten mgon po dang / /mgrin par 'jam pa'i dbyangs kyi sras/ /byang du byams pa yang dag sbyar/ /snying gar kun tu bzang po gnas/ /lte bar khro bo'i rgyal po ni/ /gshin rje mthar byed rab tu grags/ /de nyid rnam pa'i bye brag nyid/ /lha mo'i gdan nyid du ni bsgom/ /snying gar sems dang ye shes ni/ /mkhas pa yi ni bsam par bya/ /'od zer bye ba rnam mang po/ /sangs rgyas sprin ni rab tu 'phro/ /mnyam par bzhag cing bsgoms pa yis/ /'grub 'gyur 'di la the tshom med/ /mtha' yas pa'i sgo'i lha mo'i gzungs kyi le'u zhes bya ba bcu pa rdzogs so// //rdo rje sems dpa' de bzhin gshegs/ /bcom ldan rdo rje 'dzin pas gsungs// </font><hr>188a<br><font size=+1>


@#/ /srin mo dang ni ro langs mo/ /mi med gnas su sgrub pa pos/ /oM b+hi tsa ma ba ta hUM phaT swAhA/ nye bar spyod pa'i sngags so/ /sdigs mdzub snying gar sbyin byas la/ /g.yas pa rdo rje khu tshur byas/ /rked pa'i phyogs su gzung byas la/ /'di ni tsham ngam mchog gi rgya/ /ra nag po yi pags pa la/ /dur khrod ras kyi skud pa yis/ /zhal gsum phyag ni drug pa nyid/ /kha dog sngon po spyan gsum pa/ /dmar po'i skra yis rnam par 'dzings/ /rgyan rnams kun gyis brgyan pa nyid/ /rgod cing mche ba gtsigs pa dang / /'bar ba'i me yis rnam par brgyan/ /dang por mdung gi lag pa dang / /gnyis par de bzhin mi mgo 'o/ /gsum pa la ni rdo rje gser/ /g.yon pa steng du sdigs mdzub dang / /gnyis pa'i lag na thod pa 'o/ /gsum par dril bu'i sgra sgrogs shing / /sham thabs stag gi pags pa dang / /glang chen pags pa rab tu mnabs/ /rol pa'i stabs kyis bzhugs pa ni/ /yi dwags gdan la rab tu bzhugs/ /'bar ba dmar po'i rang bzhin lus/ /gdugs dkar po ni rnam par 'phyang // ral pa gcig pa'i srin mo ni/ /rdo rje pho nya mngon par bri/ /sen mos khrag ni mngon par blang / /lha mo'i lte ba bya bar gsungs/ /de yi sha yis sbyin sreg bya/ /de bzhin </font><hr>188b<br><font size=+1>


dur khrod kyis ni bskor/ /mgo bor oM/ mig tu hUM/ sna la ha/ rna bar hri/ lce la hra/ snying gar hriH/ rdo rje khu tshur mnyam byas te/ /dbu ma gnyis ni rab tu brkyang / /yan lag drug gi sngags dang phyag rgya'o/ /snying gar sdigs mdzub sbyin byas la/ /dpung pa g.yas pa rab tu brkyang / /hUM gi rnam pas se gol dang / /lhan cig nyid du sbyar byas la/ /g.yas brkyang ba yi rkang pas mnan/ /oM ma tha ma tha duSh+Ta hUM phaT/ 'di ni lha mo'i rtsa ba'i sngags dang phyag rgya'o/ /ra sha 'o mar bsres pa yis/ /dur khrod gnas pa'i lha mo la/ /brgyad brgya ru ni dbul bya zhing / /sna tshogs mchod pas tshim byas la/ /phyis ni las rnams brtsam par bya/ /sA lu'i 'bras la gzugs brnyan bya/ /ming gi dbus su gzhag byas la/ /seng ldeng phur bu sor brgyad pas/ /lhan cig dngos pos brdung bar bya/ /rdo rje 'ang de ru gzhag byas na/ /gcin ni mchog tu sdom par 'gyur/ /ba lci las ni gzugs brnyan bya/ /khyi yi spu yis dgang byas la/ /ming ni hUM gi rnam par sbyar/ /brgyad brgya ru ni bzlas bya zhing / /rdo rje pad+mas brdung byas la/ /gdug pa ji bzhin 'tshe bar 'gyur/ /lha dgra las ni pad+ma bya/ /ming gi sa bon gzhug \?\/ /gang zhig bsams pa'i bud med rnams/ /de bzhin nges par dbang du 'gyur/ /rdo rje sems dpa' de bzhin gshegs/ /rdo rje 'dzin pas slar yang gsungs </font><hr>189a<br><font size=+1>


@#/ /gzhan yang las kyi khyad par nyid/ /phyag na rdo rje nyid nyon cig /srog chags kyis brkos sa las ni/ /blo dang ldan pas gzugs brnyan bya/ /lha mo'i sa bon yi ges bskor/ /snying gar ming gi rnam par bya/ /rkang pa g.yon pas mnan nas ni/ /blo dang ldan pas brgyad brgyar bzlas/ /sbrul gyi pags pas bkang byas na/ / sbrul gyis rab tu gang bar 'gyur/ /sbal pa'i 'dab \?\ mas bkang byas na/ /sbal pas rab tu gang bar 'gyur/ /til mar nag pos bkang byas na/ /sbrang bus rab tu gang bar 'gyur/ /sen mo yis ni bkang byas na/ /srin bus mngon par gang bar 'gyur/ /sha yis kun nas bkang byas na/ /mod la gzer bas yongs su 'dzin/ /sbyor bas 'jig par byed pa dang / /slob dpon dang ni gsang dmod pa'i/ /shin tu gdug pa'i sems can rnams/ /'di yi lam gyis sbyar bar bya/ /sdig gis gos par mi 'gyur ro/ /lha mo pho nya rdo rje 'chang / /sbyor ba bsrung ba'i don du gsungs/ /las 'di yi ni khyad par nyid/ /nyon cig rgyal po rdo rje 'chang / /gdan bzhi pa dang mnyam ldan pas/ /yid mi gzhungs pas rtogs bya'i phyir/ /mdor bsdus sbyor ba byed pa'o/ /slob mas shes pas don dam smra ba'i seng ge yis/ /rnal 'byor cho gas nyon mongs g.yos pas gcad pa'i phyir/ / </font><hr>189b<br><font size=+1>


nyon mongs sred pa'i nyes pa skye rtsa 'joms mdzad pa/ /rnal 'byor don dam rgyal po nyid du 'grub gyur cig /sbyor ba'i tshig gi le'u zhes bya ba bcu gcig pa rdzogs so// // dpal ldan shes rab dbang po sbas pa'i nyi ma'i 'od kyis 'jig rten khams su snang bar mdzad/ /dngos po du ma'i khyad par bsags pa'i rab rib gang gi mthu yis 'jig mdzad pa| |rtag tu kun nas rdubs pa'i nga rgyal mi mthun dgra yi dus dang dus su g.yul 'gyed pa'i/ /chags pa med pa'i ye shes ri bo mnyam nyid mnyam pa'i sa bon chen po gcig gis mdzad/ / 'khor bar thim par gsungs pa yi/ /rtsa ba'i 'khor lo la phyag 'tshal/ /gsang ba'i ngo bo mnyam shes phyir/ /gsang ba bsgom pa'i rnal 'byor pa/ /hUM gi rnam pa 'byin byed dngos/ /hUM gi rnam pa mchog gi lha/ /hUM gi rnam pa stong gyur pa/ /yi ge hUM la phyag 'tshal bstod/ /sngon du rtsa ni kun sbyar la/ /phyis ni sa bon rnam par 'phrul/ /lte bar phyugs kyi zhags pa ni/ /phyugs kyis grol zhing shin tu grol/ /shar gyi phyogs su gzhu rgyal ni/ /pad+ma yi ni dkyil 'khor nyid/ /gsher ba yang ni nub kyi phyogs/ /rnam par shes pa'ang lhan cig 'byin/ /nam mkha'i dbus su bdag nyid bya/ /bdag nyid dbus su nam mkha'o/ /gnyi ga'i dbu ma shes byas la/ /grol ba nyid du the tshom med/ /stong pa'i dbus su bdag </font><hr>190a<br><font size=+1>


@#/ /gi ni/ /bdag nyid rtags ni mtshon pa'o/ /rtags kyi bdag nyid 'byin pa ni/ /bsgoms pas sa yi 'byin pa'o/ /gzhu las rgyal zhing gsher ba nyid// skam po pad+ma 'byin pa las/ /bdun cu rtsa gnyis mnyam 'byin pa/ /rtsa dgu yi ni ming 'di nyid/ /rtsa dgu'i sa ni rtag gyur pa/ /gsum po 'byin cing yang dag sdud/ /gsher dang skam po zhes bya ba/ /rtsa ba gzhu las rgyal ba nyid/ /dngos po yi ni mtshan nyid pa'i/ /'di yis 'byin cing yang dag sdud/ /pad+ma dgur ni mnyam bshad pa/ /rnam par shes pa lhan cig gnas/ /steng 'og phyogs kyang stong pa nyid/ /dbu ma stong pa nyid du ni/ /rtag tu stong pa gsum bsgom pa/ /gang gis de shes mkhas pa'o/ /g.yon gyi glo ru ser skya dang / /g.yas par nag po chen po gnas/ /rtsa lnga las ni mnyam 'byin pa/ /lnga nyid du ni sbyar bar bya/ /chu dang me dang nam mkha' dang / /sa nyid bzhi ste mnyam pa'i gdan/ /chu shing me tog lta bu ni/ /lta ba'i dbus su rnam par gnas/ /rtag tu kha ni rab zlum pa/ /mkhas pa yis ni rgyas par bya/ /'dab ma brgyad par rtag tu gyur// gsungs pa'i ge sar dang ldan par/ /de yi dbus su bshad pa ni/ /rnam shes lhan cig bsgom pa ni/ /phra rab rdul gyi rnam pa ltar/ /rnam par shes pa mtshon par bya'o/ /skra </font><hr>190b<br><font size=+1>


yi rtse mo brgya yi char/ /'od zer g.yo ba med par gnas/ /kun nas sbyor ba gsum pas dkri/ /dkris pa'i mtshan nyid 'khor lo 'dra/ /rdza mkhan 'khor lo lta bur 'khor/ /gnas su bzlog pa ye shes so/ /rang bzhin brgyad pa'i dbye ba yis/ /skyes bu dbus su sbyar ba'i don/ /dbus mas 'byin cing yang dag sdud/ /thams cad lta ba 'joms par byed/ /rtsa brgyad mngon par kun nas ldan/ /dkar po dud pa pad+ma dung / /gi wang dri med 'byed pa dang / /sa gdugs brgyad pa'i dbye ba'o/ /bdag med chos dang yang dag sbyor/ /bdag med pas ni rnam par dkris/ /khams gsum skyes pa zad byed rnams/ /ye shes nus pa yis ni 'joms/ /dang por dkar por yang dag bsgom/ /gnyis par ser por bsgom pa dang / / gsum par kun nas dmar por bsgom/ /bzhi pa la ni nag po nyid/ /rtsa'i 'khor lo bsgom pa ste le'u dang po zhes bya ba rdzogs so// //de na gzhan yang rab bshad pa| |dkyil 'khor sa bon bsgom pa ni/ /sa bon nges par de bzhin gshegs/ /dbyangs kyi yi ge'i mtshan nyid do/ /rnam rtog rmongs pa chen po ste/ /'khor ba'i rgya mtsho pha rol 'gro| |dag pa'i lus kyi ngo bo yis/ /ye shes lus ni dag pa'i dngos/ /dag cing dag pa de bzhin dngos/ /dang po'i rnal 'byor mtshan nyid do/ /de bzhin nyon mongs mun pa ni/ /rnam </font><hr>191a<br><font size=+1>


@#/ /shes lhan cig snang ba'o/ /ye shes rdo rjes bcom nas ni/ /snang ba la sogs thob par 'gyur/ /dag pa'i lus dang sems kyis ni/ /blo ldan dkyil 'khor mtshon par bya/ /slob dpon dang bral 'di yis ni/ /rtag tu sa steng dngos grub med/ /slob dpon yon tan gzung bya zhing / /skyon ni nam yang ma yin no/ /dkyil 'khor cho ga'i mtshan nyid ni/ /de bzhin mnyam par brtags la bya/ /grwa zhi pa la sgo bzhi pa/ /rta babs bzhi yi rnam par brgyan/ /de dbus pad+ma mnyam par bri/ /dbus su mchog gi yi ge ni/ /yi ge'i gzugs dang dbyibs su ni/ /yi ge ru ni rnam shes bya/ /shar du dkar po kun nas bsam/ /nub tu du ba'i sa bon bzhin/ /lhor ni dung gi sa bon dang / / byang du pad+ma'i sa bon no/ /dbang ldan mtshams su ro tsa na/ /me ru dri med gsum 'byung ba'o/ /bden bral du ni 'byed pa shes/ /thams cad las la rlung nyid do/ /'di ltar dkyil 'khor mnyam shes bya/ /rtag tu dkyil 'khor bsam par bya/ /dkyil 'khor bsams pa tsam gyis ni/ /sdig pa spangs shing rnam par grol/ /rnal 'byor sbyor ba tsam gyis ni| |bza' ba rnal 'byor brtag par bya/ /dbang po lnga ni tshim byas pas/ /mi 'chi mdzes par gyur pa 'o/ /dang por bdag nyid sbyang ba dang / /gnyis par rtag tu dkyil 'khor </font><hr>191b<br><font size=+1>


nyid| |gsum par bdag gi gdan dang ni/ /bzhi pa la ni sbyor ba'i gdan/ /sa bon gyi dkyil 'khor bsgom pa'i rab tu byed pa zhes bya ba le'u gnyis pa rdzogs so// // de nas gzhan yang rab bshad pa/ /yi ge'i mtshan nyid ces bya ba/ /yig don dbyangs las yang dag 'byung / /yi ge ru ni rnam shes bya/ /mgrin pa mchu dang rkan \?\ dang ni/ /yi ge lce yis yongs bsgyur pa'o/ /ka tshan dud pa las byung nyid/ /tsa tshan dkar po yang dag mtshungs/ /Ta tshan dung las yang dag 'byung / /pad+ma nyid las ta yi tshogs/ /dbyangs bzhi yi ni 'du shes su/ /so sor dbyangs ni 'byung ba'o/ /yi ge gnyis las kun 'byung ba/ /dbyangs kyi yi ge dman pa nyid/ /kha dog med cing kha dog 'byung / /gzugs med gzugs kyi ngo bo nyid/ /ring ba ma yin thung ba min/ /rigs pa dang ni rigs min nyid/ /stong min stong pa'i yang dag dngos/ /gang gis de shes mkhas pa'o/ /gzugs dang stong pa de bzhin dbus/ /blo dang ldan pas gzung bar bya/ /srog gi yer lhan cig bas/ /ji lta gzugs don mdzes pa dang / /yid 'ong 'od zer yi ge ni/ /dus las 'das pa phyag 'tshal 'dud/ /stong pa dang ni pad+ma rgyal/ /pad+ma dkar po'i yi ge ni/ /de bzhin gang shes rnal 'byor ba/ /sbyor ba'i gdan gyi ming nyid yin/ /stong pas lus ni sbyang byas la/ / </font><hr>192a<br><font size=+1>


@#/ /stong pa nyid du lhan cig bskrun/ /sa bon bskrun pa tsam gyis ni/ /yi ge'i mtshan nyid lhan cig go /yi ge'i mtshan nyid rab tu byed pa zhes bya ba ste le'u gsum pa rdzogs so// //brdzun gyi tshig ni mi smra ste/ /brdzun du smra bar rab goms pas/ /bslab pa thams cad rnam par mnan/ /nyes pa thams cad kun gyi gnas/ /chags pa'i thag pa'i rang bzhin gyis/ /'khor ba'i phur pa la rab btags/ /mi gtsang bum pa'i mar lta bu/ /thams cad du ni rtag tu spang / /lus kyi rnam pa gsum nyid dang / /ngag gi yang ni rnam pa bzhi/ /yid kyi rnam pa gsum nyid ni/ /mkhas pa yis ni rtag tu bsdam/ /ngag gi mchod pa mngon rdzogs pa'o/ /de nyid dman pa'i sgrub pa pos/ / bsgrub bya 'grub par mi 'gyur bas/ /rnal 'byor sbyor ba'i mtshan nyid kyis/ /de phyir de nyid la mnyam brten/ /bla ma bsnyen bkur bsten la rig /ci 'byor pa yi rdzas nyid dang / /yang na rig dang rig par brje/ /bzhi pa nye bar rnyed mi 'gyur/ /bcu bzhi dang ni bco lnga dang / /khyad par du ni tshes brgyad la/ /dngos grub 'dod pa'i rnal 'byor pas/ / 'bad pas gtor ma sbyin par bya/ /bdun gyi sde tshan tsa muN+Di /khro gnyer can la nyi shu lnga/ /sde tshan brgyad pa mA ma kI/ /sgrol ma sde tshan lnga par bshad/ /mkha' 'gro ma yang </font><hr>192b<br><font size=+1>


lnga par bshad/ /'byung ba sdud pa drug pa'o/ /ri khrod ma ni dgu par bshad/ /sangs rgyas spyan ma bco brgyad de/ /rnal 'byor ma ni brgyad cu nyid/ /phyi yi mchod pas mtshungs pa'o// dbus su bde ba chen por bshad/ /rnal 'byor ma ni brgyad kyis bskor/ /ha yi rnam pa kha dog 'phrog /ha yi rnam pa dri ma med/ /dpa' bo hrIH yis 'joms pa ni/ /rim pa 'di ltar shes par bya/ /kha cig dri yi rang bzhin dang / /kha cig me tog gi rang bzhin/ /kha cig spos kyi rang bzhin dang / /kha cig gtor ma'i rang bzhin du/ /de bzhin byang chub sems dpa' brgyad/ /phyi yi mchod par gnas pa nyid/ /dam tshig dang / gtor ma dang / mchod pa'i le'u ste bzhi pa rdzogs so// //de nas gzhan yang rab bshad pa/ /yi ge las kyi mtshan nyid ni/ / rang bzhin mnyam par bshad pa nyid/ /khyad par nyid du sbyar bar bya/ /oM ni lte bar mngon par dgang / /oM ni rang bzhin med pa nyid/ /oM ni gzung 'dzin dang bral ba/ /oM ni stong pa nyid du bshad/ /oM ni yig ge brgyad cu'o/ /ka ni 'gugs pa'o/ /kha ni za ba'o/ /ga ni dri ba'o/ /g+ha ni 'joms pa'o/ /nga ni skyong ba'o/ /tsa ni g.yo ba'o/ /tsha ni tshig dor ro| |dza ni 'gugs pa'o/ /dz+ha ni 'dar pa'o/ /nya ni shes pa'o/ /Ta ni dkar po'o/ /Tha ni 'bar ba'o/ /Da ni dbul ba'o/ /D+ha ni rnam par g.yeng ba'o/ /Na ni skrag pa'o/ /ta ni 'bar </font><hr>193a<br><font size=+1>


@#/ /ba'o| |tha ni zhi ba'o/ /da ni bskrun pa'o/ /d+ha ni rgyas pa'i 'o/ /na ni skrag pa'o/ /pa ni tshod pa'o/ /pha ni spyan no/ /ba ni 'bar ba'o/ /b+ha ni 'jigs pa yang dag par byed pa'o/ /ma ni za ba'o/ /ya ni 'khrul 'khor 'jig pa'o/ /wa ni rtsod pa'o/ /ra ni skem pa'o/ /la ni dbang du byed pa'o/ /sa ni dgra 'joms pa'o/ /Sha ni gnod pa'o| |sha ni ltung ba'o/ /ha ni drag po'o/ /k+Sha ni bskyod pa'o/ /I ni dbang phyug go /swAhA ni rnam pas rgyas pa'o/ /phaT kyis rnam pas 'joms pa dang / /ma Da'i rnam pas 'joms par byed/ /ga ha yis ni dbang du byed/ /bo Sha hri yis rgyas par byed/ /re Ta yis ni zhi ba'o/ /g+ha ta yis ni gcod pa'o/ /sngags la sngags kyi rnam par sbyar/ /don gzhi las dang lhan cig tu/ /de yi ming ni rab tu sbyar/ /las ni 'di ltar bshad pa yin/ /sngags kyi le'u ste lnga pa rdzogs so// //de nas gzhan yang rab bshad bya/ /sangs rgyas la ni skyabs su mchi/ /dam pa'i chos la skyabs su mchi/ /dge 'dun la yang skyabs song bas/ /de ni ngan 'gror ma yin no/ /bsod nams yi rang sdig pa bshags/ /tshul khrims tshad med yan lag dang / /de bzhin brtul zhugs yan lag nyid/ /rnal 'byor bstan bcos rjes rig pas/ /'di lta bu ni rtag tu spang / /de </font><hr>193b<br><font size=+1>


ltar lan gnyis lan gsum du/ /byang chub snying por byas nas ni/ /snying rje mchog dang ldan pa yis/ /'gro drug 'khor lo nye bar bshad/ /srid pa'i nyes pa la zhen pa'i/ /de lta'i sems ni rnam par spang / /de yi sdig pa zhi ba dang / /bsod nams rab tu 'phel bar gyur/ /oM mahA de bi/ mahA su khe/ mahA te dza/ mahA pho ta/ mahA ba la/ mahA yadz+nye/ oM se ta b+hi dza gr-ih+NA ni/ oM si ti b+hi dza ya d+hA ra yA mi/ oM d+hU ma bi dza dza/ /oM d+hU ma bi dza b+h+yo bat+ta na/ de ring bdag la dgongs su gsol/ /gsod dang rku dang 'dod chags dang / /de bzhin rdzun dang phreng ba dang / /byug pa gar la sogs pa dang / /lhag pa'i bza' ba bsdam par bya/ /longs spyod la dga' chos mi rnyed/ /swa b+hA wa shud d+hAHsarba d+harmAH swa b+hA ba shud+d+hony+haM/ badz+ra shud d+hAHsarba d+harmA badz+ra shud+d+hony+haM/ yo ga shud d+hAHsarba d+harmA yo gi shud+d+hony+haM/ de ring bdag la dgongs su gsol/ /bdag ni rnal 'byor mchog rab ster/ /bdag gis rnam shes rgyal po bskyed/ /bdag gis rnam shes 'phro ba shes/ /de ring slob ma don dam de nyid rgyal po nyid kyis dbang bskur gsol /bkra shis mngon par 'dod phyir dmyal ba las byung rtags brtan pas/ /'gro ba'i 'khor lo thams cad las ni rnam par ldog pa yi/ /rnal 'byor don dam rgyal po mchog tu grub gyur cig /bslab pa'i le'u ste drug pa </font><hr>194a<br><font size=+1>


@#/ /rdzogs so// //de nas gzhan yang rab bshad bya/ /mdor na lcags kyu rnam pa gsum/ /sbyin pa sbyin par mi bya'o/ /'khrig pa'i dngos po bsten pa las/ /khrag dang khu ba yang dag 'byung / /sngon gyis la ma rig pas/ /rtags su gzugs kyis dkris pa'o/ /zhag bdun pa na khu ba yis/ /rnam shes lngar ni yang dag 'byung / /bcu gnyis zhag na shes bya ba/ /brgyad par rtag tu mkhrang 'gyur nyid/ /ro ni nyin zhag bcu drug na/ /ar bu tar ni zhag lngar ro/ /phyogs gsum la brtag gzugs brnyan nyid/ /de yi ngo gdong rkang lag dang / /ba spu sor ni 'gyur ba'o/ /zla gsum rkang pa rna ba'o/ /zla drug gzugs phyed bcas par 'gro /rnam shes lnga dang sems pa 'o/ /gnas skabs bcu ni rnam bshad pa/ /mngal nas skyes pa'i skye ba po/ /rnal 'byor rig pa'i sbyor ba yis/ /mngal gyi gnas skabs rnam par bshad skra dang spu dang sen mo so/ /rdul dang de bzhin dri ma sha /rus pa mgo bo lto ba dang / /gnye ma bshang dang gci ba dang / /mchil ma snabs dang skyugs pa dang / /rab 'dzag mi gtsang rnam pa gang / /'du byed cho gas skye ba'o/ /rnal 'byor pa yis kun shes nas/ /sngon gyi las kyi 'byin pa'o/ /ma rig pa'i rkyen gyis 'du byed/ /'du byed kyi </font><hr>194b<br><font size=+1>


rkyen gyis rnam par shes pa/ rnam par shes pa'i rkyen gyis ming dang / gzugs/ ming dang / gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa rnams sdug bsngal gyi phung po 'ba' zhig las skye zhing 'byung bar 'gyur ro/ /mngal na gnas pa'i rab tu byed pa zhes bya ba'i le'u ste bdun pa rdzogs so// //de nas gzhan yang rab bshad pa/ /yon tan las ni yon tan skye/ /rnam shes gzugs kyi ngo bo ni/ /kha dog bdun pa'i 'od zer ni/ /dbang po lnga yi/ /dbang po lnga yi 'od zer nyid/ /mig dang rna ba sna dang lce/ /rtsa dgu las ni rnam par 'byung / /gzugs dang dbang po lhan cig tshogs// 'od zer 'byin cing sdug pa'o/ /de la dbugs kyang sbyar bar bya/ /mthe bong lhan cig tsam gyis ni/ /gzugs ni dbus su rnam par 'gro/ /klu dgus rtag tu pad+ma la/ /nyin zhag cig la brgyad du ni/ /gzugs dang kha dog yon tan du/ /de yi gzugs ni rtag tu 'gro/ /gnyis pa'i sbyor ba'i dbus su ni/ /zhi ba lhan cig brtsam par bya/ /drug cu rtsa </font><hr>195a<br><font size=+1>


@#/ /bzhir skye ba ni/ /sbyor ba rtse mor 'dzin pa'o/ /brgyad pa dbang la mnyam gnas pa/ /sbyor ba dpu mar mtshungs pa'o/ /brgyad la nag por kun nas sbyor/ /sbyor ba sngon du gzung bar bya/ /rtsa dgu yi ni gdan nyid la/ /klu yi gdengs ka kun nas mnan/ /rtsa yis g.yogs shing rab tu bskor/ /thams cad 'byin cing nges par rgyal/ /byang du dkar po zhes bya ba/ /dud pa de bzhin de yi lhor/ /dbugs ni mdor bsdus bshad pa'o/ /g.yon pa'i dbugs ni dri med gsum/ /nyin dang mtshan gyi dngos po yis/ /'pho ba brgyad du bshad pa'o/ /de yi sbyor bas 'pho ba ni/ /'pho ba'i sbyor bas gzung bar bya/ /'byin pa pad+ma'i rnam par mnyam/ /rtsa yi 'khor lo rnam par gnas/ /gang zhig gal te yang dag mis/ /shi bar gyur kyang mi gtang ngo / /'di ltar rlung gi rgyun tshogs ni/ /du bar kun tu yang dag gnas/ /pad+ma'i rnam pa ltar mnyam pa/ /rtsa yi 'khor lo rnam par gnas/ /dkar po dbang po lnga bshad pa/ /de bzhin du ni rus pa'o/ /'bu dang srin bu pad+ma'o// rus pa'i mtshams su gnas pa ni/ /du ba ru ni gyur pa 'o/ /ro tsa na ni rlung du mtshungs/ /dri med gsum ni lag pa'i mtha'/ /dbye ba rkan dang mgrin pa'o/ /sa gdugs </font><hr>195b<br><font size=+1>


rked pa rgyab la ni/ /rang bzhin med pa'i 'byin byed pa'o/ /gang zhig rnam par shes tsam gyis/ /'chi ba'i dus su gnas pa nyid/ /gal te dus la bab tsam gyis/ /dbugs ni ched cing 'chad par 'gyur/ /de bzhin 'jigs pa chu mthong na/ /'gram pa'i mtshams ni g.yo bar 'gyur/ /bcu gnyis zhag la khri phrag gcig /chu tshod dbugs ni chad pa'o| |gang zhig mtshan mo'i mtshan nyid ni/ /lho phyogs bgrod par yang dag bshad/ /byang du bgrod par bshad pa ni/ /ji ltar nyin mo'i rnam pa'i 'od/ /sor mo drug pa tsam nyid du/ /nang gi rnam shes 'pho ba'o/ /gsang zhing gsang ba gsang chen po/ /sbyor ba gsang bar mtshungs pa'o/ /rnal 'byor shes pa'i rnal 'byor pas/ /de phyir gsang ba la mnyam bsten/ /nang gi le'u zhes bya ba ste brgyad pa rdzogs so// //de nas gzhan yang rab bshad pa/ /rdo rje sbyor ba'i mtshan nyid ni/ /pad+ma'i gzugs nyid gzung ba nyid/ /mchog dang rdo rje mchog mnyam pa'i/ /pad+ma mnyam par byas nas ni/ /'khrig pa bdud rtsi'i sbyor ba 'o/ /thig le yi ni rang bzhin nyid/ /rnal 'byor pa yi thig le gsang / /ku sha'i rtse mo bdun gyi chas/ /rnal 'byor ma ni brgyad la dbul/ /bdud rtsi srub pa blang byas la/ /glo ru thig le bzhin du dbul/ /nyon mongs rtag tu skad cig gis/ / </font><hr>196a<br><font size=+1>


@#/ /ardza ka yi dog pa bzhin/ /rnal 'byor bstan bcos bltas nas ni/ /'dul ba 'di ni rtag zlos pa'i/ /sems can 'jig rten 'das pa thob/ / ngan par spyad pa'i dri ma 'dam/ /blo ldan gang zhig gis bkrus nas/ /dge ba 'di yis dri ma 'di/ /gang gi lam nas 'gro ba yi/ /des byas bde gshegs nyid du 'gyur| |rtsa'i 'khor lo zhes bya ba le'u dgu pa rdzogs so// //stong nyid dngos po'i gzugs kyis ni/ /dbus su lhan cig bsgom par bya/ /stong pa'i de nyid kyis bkrus la/ /stong pa stong pa'i sa bon bzhin/ /phyogs stong chur ni bshad pa nyid/ /der ni pad+ma gzugs bcas pa 'o/ /pad+ma'i dbus su pad+ma de/ /yid 'ong lhan cig 'byung ba 'o/ /rnam shes gdan du re pha'o/ /de nyid re pha dang lhan cig /de bzhin steng du thig le bshad/ /dbus su rnam shes lhan cig bzhin/ /sa ni 'od zer gzugs can du| |khru phyed du ni bsgom par bya/ /rnam shes dkar por bsgom bya ba/ /gang zhig sbyor ba shes la snang / /snang ba'i le'u zhes bya ba ste bcu pa rdzogs so// // de nas gzhan yang rab bshad bya/ /gzhan gyi ye shes mchog 'gro ba/ /dkar po mdun du rab tu bshad/ /dud pa phyi rol nub tu 'o/ /de yi g.yon pa gzung byas la/ / </font><hr>196b<br><font size=+1>


dbus su rnam shes lhan cig tu/ /rnam par shes pa ser por bsgom/ /de yi ming can ro hi ta/ /ming ni stong par de bzhin bshad/ /dung gi phyi rol rnam bskor bas/ /de yi sems kyang bsgom par bya/ /blo ldan pha rol sems shes pas/ /gzhan sems rtag tu yi ge ru/ /mnyam par bzhag cing bsgoms tsam gyis/ /gzhan sems shes par 'gyur ba'o/ /gzhan gyi sems kyi le'u zhes bya ba ste bcu gcig pa rdzogs so// //de nas gzhan yang bshad bya ba/ /rdub par lhan cig mtshungs pa yis| |rtsa rnams dgu ni bsdam par bya/ /rdubs shing bkang ba'i bdag nyid kyis/ /rang nyid sbyor bas yang dag bkru/ /dbugs kyi 'byin byed g.yo ba nyid/ /blo ldan sgo ni sdom pa pos/ /g.yo ba'i yi ge sbyar bar bya/ /dbugs kyi mthar ni sbyar ba yis/ /'byung ba slar ni mi bzlog go /dbugs kyi mthar ni 'byung ba yis/ /blo dang ldan pas dgang zhing stong / /gang ba la ni lha nyid kyi/ /rtsa nyid dgu yi yi ge'o/ /blo ldan lhan cig rdub pa yis/ /sdud pa'i gzugs ni gcig gis so/ /rdub dang 'byin dang bkang ba yis// 'pho bar sbyor ba lhan cig gnas/ /rig pas dus la bab pa'i tshe/ /'pho bar lhan cig sbyor ba brtsam/ /'pho ba sbyar ba'i le'u zhes bya ba ste bcu gnyis pa rdzogs so// // </font><hr>197a<br><font size=+1>


@#/ /de nas gzhan yang rab bshad pa/ /tshigs dgu las ni 'byin pa'o/ /de bzhin tshigs dgu gang du bshad/ /lhan cig 'pho ba bsten par bya/ / dud pa'i sa bon gyis g.yo zhing / /de bzhin thams cad mkhyen par 'gro/ /nag po'i sbyor ba'i bsgom pa yis/ /tshangs pa'i bug las rnam par 'byung / /rnam shes yang dag sbyor zhes bya/ /gdan du rlung gi dkyil 'khor dang / /rlung gi sa bon mnyam par bshad/ /de yi cod pan bzhin du 'pho/ /de bzhin tshigs dgu las ni steng / /tshangs pa'i bug pa dang mtshungs pa'o/ /tshangs pa'i bug pa las byung ni/ /mod la 'pho ba'i 'byung nyid yin/ /mod la 'pho ba zhes bya ba'i le'u ste bcu gsum pa rdzogs so|| ||de nas gzhan yang rab bshad pa/ /de nyid mtshan nyid yang dag ldan/ /de nyid lhan cig bsgoms pa yis/ /gdan ni dkar por yang dag gyur// stong pa'i ming zhes bya bar bshad/ /zhi ba'i dus su kun sbyar bas/ /zhi bar lhan cig brtsam par bya/ /zhi ba'i le'u zhes bya ba ste bcu bzhi pa rdzogs so// // de nas gzhan yang rab bshad pa/ /bdag nyid rtags ni sbyang ba bzhin/ /sbyang zhing bdag nyid chen por sbyar/ /stong nyid lhan cig sbyang bar bya/ /rlung gi dkyil 'khor </font><hr>197b<br><font size=+1>


dbus su ni/ /me yi dkyil 'khor mtshungs pa 'o/ /me yi dkyil 'khor dbus su ni/ /nyi ma'i dkyil 'khor mtshungs pa'o/ /nyi ma'i dkyil 'khor dbus su ni/ /zla ba'i dkyil 'khor mtshungs pa 'o/ /de dbus de nyid gsungs pa ni/ /lhan cig myu gu'i mtshan nyid do/ /gsang zhing gsang ba'i gsang chen po/ /snying po snying po chen po yis/ /de nyid mi shes thams cad kyi/ /rnam shes lhan cig sbyang bar bya/ /bco lnga pa bdun gyi bdun pa zhes bya ba rdzogs so// //de nas gzhan yang rab bshad bya/ /dkar po'i sa bon brgyad pa mthong / /dgu mtha' du ba'i sa bon bzhin/ /dung gi sa bon yan lag drug /dang po sgra yig pad sa bon/ /mgo yang de bzhin dbyangs yig mtha'/ / dang po'i cha ni dri med gsum/ /dbye ba sde tshan tha ma 'o/ /mtha' yi sgra yig sa yi gdugs/ /yi ge'i sa bon ger shes bya/ /sdug pa las ni mya ngan dang / /sdug pa las ni 'jigs pa skye| |sdug pa dang ni rnam bral bas/ /mya ngan med cing 'jigs pa med/ /'dod pa las ni mya ngan dang / /'dod pa las ni 'jigs par 'gyur/ /'dod pa dang ni rnam bral bas/ /mya ngan med cing 'jigs pa med/ /sngon gyi mtshan nyid ldan byas te/ /de nyid lhan cig gdan la ni/ /de yi bdag nyid cher ldan pa'i/ /de nyid 'od zer bdun pa 'o/ /rlung gi dkyil 'khor </font><hr>198a<br><font size=+1>


@#/ /dbus su ni/ /zla ba'i dkyil 'khor 'dra ba'o/ /pad+ma nyid dang gzhal yas khang / /rnam par shes pa lhan cig bskyed/ /mdun du re pha ser po yang // sde tshan lhan cig sems bzhin no/ /sa yi mtshams su bsgom bya ba/ /rang lus sa bon lhan cig bcas/ /sems dpa'i skyil krung ming dang ni/ /glor ni gsang ba'i ri rab gnyis/ /mig ni sna rtser blta bya zhing / /dbugs kyis lte ba'i drung bar ro/ /mnyam gzhag sbyor ba'i ngo bo yis/ /gsang ba'i gdan la mnyam par zhon/ /zhon pas sdig las grol bar byed/ /gdan la kun tu zhon tsam gyis/ /rgyal po dbang du 'gyur ba'o/ /yang na sngags kyi bzlas pa yis/ /'di ni dbang gi brtsam par bya/ /yang na sman dang ldan pa yis/ /sngags ni gzhan gyi gdan nyid do/ /le'u dang po'o// //de nas gzhan yang rab bshad pa/ /tshigs dgu las ni 'byin pa po/ /'byin pa stong pa mnyam par bshad/ /tshigs nyid rked pa nyid dang ni/ /chigs dang lte ba dkar po 'o/ /dkar pes khog pa dkris pa 'o/ /snying gi stong pa du ba nyid/ /shi yang du bar 'gyur ba 'o| |snying la dung nyid yang dang ni/ /dung gi tshigs la gnas pa nyid/ /snying gi steng du pad+ma nyid/ /brang la pad+ma rnam par bshad/ /de bzhin mgrin par gi wang dang / / </font><hr>198b<br><font size=+1>


dbang po lnga la gi wang bshad/ /dri med gsum ni so yi mtshams/ /sa yi gdugs ni pho nya tsar/ /'byed pa gnag dang g.yon pa la/ /sa gdugs pho nya'i rtsa ba la/ /'byin pa tshangs pa'i bug pa'o/ /'di yis sgo rnams bsdams na ni/ /rnam par shes pa gang zhes brjod/ /le'u gnyis pa'o// //de nas gzhan yang bshad bya ba/ /cho ga 'dis ni brtsam pa dang / /yi ge 'dis ni sbyar ba dang / /'dis ni bsgom pa tsam nyid kyis/ /tshad mar sbyor ba'i rnal 'byor gang / /da bzhin yi ge'i tshad ma gang / /lha nyid ldan pa'i tshad ma gang / /'gro ba rtsom pa'i tshad ma gang / /lan gcig bsgoms pa tsam gyis ni/ /dgra yi mthar ni 'gro ba 'o/ /de bzhin dgra yi ming bshad pa/ /nag po lhan cig sbyar bar bya/ /le'u gsum pa'o// //de nas gzhan yang rab bshad pa/ /sbyor ba mchog gi tshig bya ba/ /lha nyid lhan cig ngo bo yis/ /dud pa'i sa bon gyis spyan drangs// oM d+hU ma d+hU ma bi dza yak+Sha ra d+hu ma b+h+yo man+t+ra pA la yaM swAhA/ mtha' yi yi ge ldan pa yi/ /mchog gi yi ge dgyes par bya/ /dam tshig ser po bsgoms pa yis/ /oM sa ma ya A kaR+Sha ya A kaR+Sha ya d+hu ma bI dza swAhA/ le'u bzhi pa 'o// //de nas gzhan yang rab bshad pa/ /skye ba bzhi yi khyad par nyid/ /dung can ma dang pad+ma can/ /de bzhin ri mo glang po can// </font><hr>199a<br><font size=+1>


@#/ /pad+ma can na pad dri dang / /glang chen myos pa'i 'gros su 'gro/ /rtag tu snyan par smra ba dang / /chung dang 'bring gis nus pa'o/ /yan lag thams cad smad pa dang / /pad+ma'i 'dab ma 'dra ba'i mig /ji srid skra ni de bzhin 'khyil/ /bzhin ngang so ni phra ba dang / /sor mo phra zhing yan lag dman/ /sor mo dmar zhing chung ba nyid/ /zhi ba'i gzugs can dbu mar bshad/ /pad+ma can gyis dpal 'grub cing / /zhi ba'i longs spyod la rab sbyar/ /le'u lnga pa'o// //de nas gzhan yang bshad bya ba/ / glang can ma ni chang dri dang / /dman dang 'bring gi rtsol dang bcas/ /mchu 'phyang byin pa sgom pa dang / /glang chen myos pa'i 'gros su 'gro/ /gzugs ring sen mo ring ba dang / / nu ma 'phyang zhing skra rtsub pa'o/ /gdong pa chung zhing byin pa sbom/ /de bzhin dpung pa mtho ba'o/ /mig dang sen mo phra ba dang / /sbrang rtsi la dga' snyan par smra/ /bzhin ni rab tu dgod par dang / /dbyangs snyan 'dod la sred pa nyid/ /gsang ba'i kha khyer rgyas pa dang / /sa la rkang mthil mnyam par gnas/ /rtag tu chang la dga' ba dang / /don 'dod pa yang glang po ma/ /rgyas pa'i las la sbyar bar bya/ /le'u drug pa'o// //de nas gzhan yang rab bshad pa/ /dung can ma ni dung gi mdog /zhib ma'i </font><hr>199b<br><font size=+1>


gdong can byin pa ring / /bya rog skad dang bya rog dri/ /sor sbom sor mo ring ba can/ /skra rtsub yan lag 'jam pa dang / /bong chen ri dwags mgyogs 'gros 'gro/ /mgrin pa ring zhing so sgo can/ /sna mtho ma chan khung spu dang ni/ /gdugs kyi rnam pa mchu 'dra ba'i/ /'di lta'i mtshan nyid ldan pa ni/ /blo dang ldan pas lhan cig spang / /dbang la sbyar ba'i bud med do/ /le'u bdun pa'o// //de nas gzhan yang rab bshad pa/ /ri mo can la ri mo dga'/ /ri mo'i gzugs dang kha dog bzhin/ /nu ma chung zhing sor mo phra| |sgra chung yan lag chung ba dang / /byang chub skra yang chung ba dang / /bya rog rang bzhin bya rog skad/ /shal dga' zhing drag tu smra/ /'di ni mtha' yi mtshan nyid de/ /bud med nag mo'i las la sbyar/ /mig g.yon ma dang 'og min ma/ /tsu ta'i gdong pa bkra ba'i lus/ /rtag tu skra dang so sto ba/ /'dod pa drag cing drag par 'bab/ /mdog skya sgur zhing thung ba dang / /nu ma mtho zhing dpung pa mtho/ /'di yi smin ma rje ngar tsam/ /'di yis bran kun za 'joms shing / /yang na bdag po gsod byed pas/ /'di 'dra'i bud med rnam par sbang / /pad+ma can ni lha yi rigs/ /glang po can ma gnod sbyin rigs/ /dung can ma ni mi yi rigs/ /ri mo can ni ri dwags cha/ /le'u brgyad </font><hr>200a<br><font size=+1>


@#/ /pa'o|| ||mir skyes pa ni kun sbyor bas/ /sngon du rigs kyi cha nyid ni/ /ba Da ba ni glang por bshad/ /yi dwags can ma rtsa yi rigs/ /ba Da ba ni lha yi rigs/ /gdugs ltar dpung pa mgrin pa ring / /so sto mchu ni snum pa dang / /pad+ma 'am ni dmar po'i rigs/ /dpral ba smin ma rgya che zhing / /skra ni 'jam zhing ser skya'o| |gzugs ni 'tsham zhing rje ngar ring / /sna mtho sna ni 'phrang ba dang / /yan lag 'jam zhing dpung pa ring / /ngang pa'i 'gros dang ngang pa'i skad/ /dri dang me tog la dga' zhing // 'o ma la dga' sbyin pa gtong / /bsod nams che dang sgeg par bcas/ /dbang phyug dpal ni rab ster zhing / /sems brtan kha zas nyung dus 'tsho/ /le'u dang po zhes bya ba'o|| ||de nas gzhan yang rab bshad pa/ /glang po can ma lus bong che/ /byin par ring zhing ngo gdong che/ /mig phra rna ba 'phyang ba dang / /skra rtsub pa dang bum pa can/ /mchu 'phyang yan lag rgyas pa nyid/ /zas ni drag tu za ba dang / /zhib ma'i gdong can rna ba 'phyang / /'dod pa chung zhing 'dus la dga'/ /dpung mgo ras 'phyang yan lag phra/ /skra ring so ni sto ba dang / /sen mo chung zhing rkang pa 'jam/ /sna dang lto ba ring pa dang / /phub ma'i skad dang lus po rtsub/ /'dod la dga' zhing gti mug dngos// </font><hr>200b<br><font size=+1>


phyug cing thams cad bdag po 'o/ /le'u gnyis pa zhes bya ba'o// //de nas gzhan yang rab bshad pa/ /ri dwags can ma ri dwags rkang / /mig dkyus ring zhing lus bong che/ /skra phra so ni chung ba dang / /mchu bsnyung lus ni mdzes pa dang / /til gyi bzhin dwang pags pa srab/ /mang la dga' zhing mang du smra/ /bya rog skad dang rkang pa 'gyur// rtag tu dbul zhing mi brtan pa/ /gdug sems ldan pa'i bdag nyid can/ /sdig byed tshig 'dong smra ba'i sa/ /dud 'gro 'am yang na yi dwags rigs/ /le'u gsum pa zhes bya ba'o// de nas gzhan yang rab bshad pa/ /mkhas shing brtson 'grus brtan pa dang / /shes rab brtul zhugs brtan pa nyid/ /snying stobs brtan zhing stong pa nyid/ /mgrin pa bum pa 'dra ba nyid/ /lus po 'tsham zhing yan lag phra/ /pags pa srab cing sen mo dmar/ /snyan par smra zhing snying rje che/ /sbyin pa'i bdag nyid la rtag dga'/ /me tog dri la dga' ba nyid/ /sbyor dang ye shes la dga' ba/ /snying rjer mngon dga'i bdag nyid sems/ /bud med las ni khyad par 'phags/ /le'u bzhi pa zhes bya ba'o// //chang ma mngon du dga' ba dang / /rtag sred la ni dga' ba yi/ /rtag tu sa steng sbyor ba dman/ /'di lta bu ni /spang bar bya/ /le'u lnga pa zhes bya ba'o// //de nas gzhan yang rab bshad pa/ /thab khung thab khung mnyam </font><hr>201a<br><font size=+1>


@#/ /shes bya/ /ku ru me ni kun tu brtags/ /rtsa ba'i 'khor lo pad+ma mnyam/ /du ba mer ni rab tu brtag /dkar ba'i sa bon gyis ni shing / /dung gi sa bon me tog bzhin/ /gtor ma spos ni pad+mar bshad/ /khams lnga nye bar longs spyod bya/ /gi wang dri ma gsum byed pa/ /sa gdugs 'byin byed sa bon bzhin/ /srin lag mthe bong gung mo ni/ /lhan cig phyag rgyar sbyar byas la/ /bdud rtsi'i yi ge'i ngo bo yis/ /bdag nyid mchod sbyin sreg par byed/ /bsreg rdzas 'o ma btung ba 'o/ /bco lnga dang ni bcu bzhi la/ /khyad par du yang tshes brgyad la/ /mnyam par sbyor bas cha spangs la/ /bdag bzhin bla ma sbyin sreg bya/ /de bzhin lha 'joms ji lta bar/ /yang na gsang ba 'jig byed pa/ /yang na bla ma mnyes par yang / /de bzhin bla ma blangs pa dang / /cho ga rdzogs par blang ba dang / /bdag nyid me la lhan cig sbyar/ /rnal 'byor pa yis sdig 'joms par/ /'gyur ba 'di la the tshom med/ /le'u drug pa zhes bya ba'o// //de nas gzhan yang rab bshad pa/ /phyag rgya yi ni cho ga mchog /g.yas brkyang rkang pas mnan nas ni/ /sdigs mdzub snying gar rnam par sbyin/ /rnal 'byor pa yis sdig 'joms par/ /'gyur bar 'di la the tshom med/ /se gol hUM gi rnam pa dang / /lhan cig tu ni sbyar byas bas// </font><hr>201b<br><font size=+1>


klu rnams skrag par byed pa dang / log 'dren 'dar bar byed pa dang / sgo 'phar 'byed pa dang / 'byung po gsod pa dang / sha za 'dul ba dang / yi dwags skrod pa dang / 'di ni tsham ngam gyi cho ga'i sngags dang / phyag rgya'o/ /gzhan yang rdo rje tsham ngam gyi sngags dang phyag rgyas mi brlag par byed pa dang / steng du 'phen pa dang / 'byung po 'joms pa la du ba'i sa bon gyis rab tu sbyar bar bya'o/ /'jig rten las 'das pa'i byang chub sems dpa' ni rdo rje lcags kyu'i phyag rgyas spyan drang par bya'o/ /pad+ma'i gdan dbul/ 'jig rten pa yi gnas tsam ni/ /dung ba'i lcags kyus spyan drangs la/ /rdo rje zhags pas bcing bar bya/ /rdo rje lcags sgrog gis dgyes bya/ /rdo rje dril bus mchod par bya/ /me tog gi sor mo dang // dri'i sor mo dang / sbos kyi sor mo dang / mar me'i sor mo dang / gtor ma'i sor mo rnams kyis mchod pa lnga mnyam par byas te mchod par bya'o/ /ra ba'i phyag rgya dang / dra ba'i phyag rgya dang / phur pa'i phyag rgya dang / ut+pa la'i phyag rgya dang / shag ti'i phyag rgya dang / pad+ma'i phyag rgyas rgyas pa'o/ /chu'i sbyin sreg gi phyag rgya dang / me la pad+ma'i phyag rgya dang / rdo rje gri gug gis gcod pa dang / log pa'i gri gug gis gsod pa dang / phag mo'i phyag rgyas skrod pa dang / snying gar bsdu zhing gshegs su gsol ba'o/ /phyag rgya'i le'u zhes bya ba ste </font><hr>202a<br><font size=+1>


@#/ /le'u bdun pa zhes bya'o// //kye ma'o 'du byed rnams mi rtag /skye zhing 'jig pa'i chos can yin/ /des na de bzhin 'dod pa spang bar bya| |'dod pa rnams ni dug ltar nyes mtha' yas/ /dmyal bar ltung zhing yi dwags gnas su skye/ /skad cig dbang du mi 'gyur 'dod pa yi/ /yon tan 'di dag smig rgyu lta bu dang| |snying po med cing chu bur dbu bar mtshungs/ /thog ma lang tsho mchog gi gzugs 'dzin pa/ /sdug cing yid 'ong 'di ni byis pa'i dus/ /gzugs mdzes gzugs ni mi sdug gzugs su 'gyur/ /mdza' med 'chi dang mtshungs par 'gyur ba yi/ /'gro 'di nor gyis dbul zhing slong mo pa'o/ /de phyir 'bad pas rnal 'byor pas/ /thams cad du ni lus bsdam zhing / /bza' ba bca' ba bsdams par bya'o/ /spyod pa'i dus la 'di yis bsdam/ /le'u brgyad pa ste bstan bcos bzhi pa zhes bya ba rdzogs so// // sor brgyad las ni lhag pa ru/ /ji srid khru stong bar du ni/ /brgyad pa dgra ni 'joms pa dang / /bcu par rtag tu rgyas pa'o/ /bcu gnyis dbang du yang dag ldan/ /bcu bzhi de bzhin zhi bar di \?\/ /bcu drug tu ni kun tu brko/ /kha khyer gsum bar mngon par spyod/ /bzhi pa la ni gru bzhi pa/ /yongs su dgod pa dbang du ldan/ /yang na rgyas pa la yang </font><hr>202b<br><font size=+1>


yin| |dang por sa ni sbyang bar bya/ /badz+ra s+pho Ta ma hA te dza hUM phaT/ rdo rje'i phur bu la hrIHha ha zhes so/ /rdo rje'i ra ba la ni ha zhes dang / /rdo rje'i cho ga la ni he he 'o/ /ce sbyang ba la ni sa'o| |lag pa sbyang ba la ni AHhUM ngo / /rdo rje'i phyag rgya'i bdag nyid kyis ni dgod pa'o/ /me yi dbus su pad+ma nyid/ /de yi dbus su me yi lhar/ /du ba'i lcags kyus gzhug byas la| |rdo rje zhags pas bcing bar bya/ /zhal gsum phyag ni drug pa nyid/ /spyan gsum de bzhin lto ba dang / /ral pa dmar ser yang dag ldan/ /bu ram mdog can gsus \?\ pa 'phyang // skyabs sbyin dang ni dbyug pa dang / /sdigs mdzub dang ni rtse gsum nyid/ /oM sa swAhA me'i snying po'o/ /oM hu ta hUM ta b+ha he sa swAhA/ nor gyi phyag rgyas mchod par bya/ /dngos po lnga yis de bzhin bsreg /ji ltar 'byor pa gsum gyis mchod/ /gang phyir de ni gshegs su gsol/ /de bzhin pad+mar bsgyur ba lngas/ /oM ka ma la at+pa lo hrIHlha nyid rtsa dang lhan cig bzhin/ /sgra yis lha ni dbyung bya ba/ /zhi ba dkar por yang dag ldan/ /rgyas par ser por rnam par bsgom/ /dbang la dmar po yang dag ldan/ /nag po nyid ni drag po'o/ /lha yi gzugs ni bsgom par bya/ /sbyor ba'i gdan gyi rnal 'byor dang / /hUM hUM sa yam shing sbyang ba'o/ /hUM 'bruM sbyang ba'o/ /oM 'o ma sbyang pa'o/ /hri dri yi'o// oM </font><hr>203a<br><font size=+1>


@#/ /shu su bi ta puSh+pe b+h+yo swAhA/ oM d+hu pa mA la ku le swAhA/ oM tI kaSha NA di be swAhA/ oM ku ru ku ru bi dza ya swAhA/ lhan cig lha dang dbus su ni/ /bzlas pa gcig gis bsdu bar bya/ /dpa' bo 'bar ba'i bdag nyid che/ /phyag gnyis sbyor ba'i gdan la ni/ /de yi zhal du sreg blugs ni/ /kun na sa lha nyid tshim par bya/ /dngos pe brgyad kyi mchod pa ni/ /hUM gi glu yi rnam pa yis/ /sangs rgyas kun nas mnyes par bya/ /rdo rje khu tshur gnyis byas nas/ /dku yi phyogs su gzung bar bya/ /me tog tshul gyis gtor ba dang / /gling bu'i tshul gyis 'bud pa dang / /sil snyan tshul gyis dkrol ba dang / /gar gyi tshul gyis yan lag bskyod/ /'bud pa'i tshul gyis 'bud pa dang / /rgyal mtshan tshul gyis bsgreng ba dang / /bla re'i tshul gyis bre ba dang / /ba dan tshul gyis 'phyar ba dang / /rlung g.yab tshul gyis g.yab pa dang / /lha nyid la mchod phyir ni mchog tu 'dud/ /zhi phyir phyag 'tshal 'dud pas zhi bar byed/ /spro phyir phyag 'tshal 'dud la phyag 'tshal 'dud/ /bdag med rnal 'byor grub phyir hUM 'byin sa bon 'dzin par mdzad/ /bdag med par sbyor rnam par snang mdzad dngos la phyag 'tshal 'dud/ /khyad par glu dang mchod pas me la mchod par bya ste sgras </font><hr>203b<br><font size=+1>


'jug par bya'o/ /de bzhin du phyis sreg blugs phyed dang bzhis me lha mchod par bya'o/ /le'u dang po zhes bya ba'o// //de nas gzhan yang bshad bya ba/ /slar yang me yi brtag pa ni/ /mtho bar 'bar bas zhi pa'o/ /dma' bar 'bar bas rgyas pa nyid/ /'khor bar 'bar bas dbang dang ldan/ /du bar 'bar bas bdag nyid 'joms/ /de bzhin me yi de nyid ni/ /blo ldan rnal 'byor pas shes byed/ /dbang ldan du ni zhi ba nyid/ /shar du dpal dang mngon par 'grogs/ /me yi phyogs su rgyas pa nyid/ /lho phyogs su ni nor brlag go /bden bral 'chi ba'i pho nya nyid/ /nub tu dbang ni brtsam par bya/ /rlung du nor ni nyams pa dang / /byang du rigs ni rnam par 'phel/ /le'u gnyis pa zhes bya ba'o// //de nas gzhan yang bshad bya ba/ /yam shing gi ni brtag pa ni/ /yam shing gi ni bye brag nyid/ /zhi ba la ni sor mo bcu/ /rgyas pa la ni skyes bu nyid| |mngon spyod la ni brgyad pa po/ /dbang la bcu gnyis pa nyid dang / /dbye ba de bzhin 'o ma'i shing / /de bzhin pad+ma bri yang kun/ /khyad par du ni zhi ba la/ /yam shing 'di ni cho ga'i mchog /thang shing de bzhin shing dang ni/ /'o ma 'dzag pa'i shing ji bzhin/ /yam shing gi ni cho ga mchog /rgyas pa la ni sbyar bar bya/ /b+ha la ta ka sgur po'i shing / /bya rog tshang gi </font><hr>204a<br><font size=+1>


@#/ /shing ji bzhin/ /yam shing gi ni cho ga mchog /shing gi nag po'i las la sbyar/ /'o mar ldan pa'i btung ba dang / /de bzhin 'bras dang 'bru mnyam pas| |zhi ba la ni sbyar bar bshad/ /sbyin sreg gi ni cho ga mchog /gi wang dang ni gur gum nyid/ /thams cad 'bru dang mnyam ldan pa/ /de bzhin rgyas pa'i sbyin sreg go |yang na gser gyi lha dang ni/ /puN+Da rI ka gur gum dang / /a ru ra yi me tog brgya/ /dbang la sbyar bar yang dag mtshungs/ /b+ha la ta ka lung tang dang / /dug dang de bzhin khrag nyid dang / /tsha ba'i mar khu de bzhin skra/ /nag po'i phyogs la sbyar ba nyid/ /le'u gsum pa zhes bya ba'o// //de nas gzhan yang bshad bya ba| |'byung po gnod sbyin de bzhin klu/ /lha dang nam mkha' lding dang ni/ /smyo dang 'khor byed gnod sbyin dang / /lha mo ma mo'i bdag nyid ni/ /dkyil 'khor dgu ni mngon byas nas/ /re'u mig dgu dang cha dgu dang / /dbus su bdag gi lha nyid dang / /dbang ldan du ni lha yi ris/ /shar du klu yi cha dang ni/ /me yi phyogs su gnod sbyin nyid/ /lho phyogs su ni 'byung po'o/ /de bzhin smyo byed bde na bral du'o/ /nub tu nam mkha' lding nyid dang / /rlung gi phyogs su gtor ma mtshungs/ /byang du 'khor byed gnod sbyin no// </font><hr>204b<br><font size=+1>


bdag nyid cha yis mchod par bya/ /le'u bzhi pa zhes bya ba'o// //dkar po'i 'od mchog mi bzad mngon par rol pa gsang ba la mkhas lce'o/ /steng gi mche ba gnyis la chu 'byin ro ni 'o ma'i chu zhes pa/ /'phyar ba'i chu yi kha dog dang mtshungs mche ba gnyis ni rtsa bzhin no/ /lce yi gdung ba sel ba'i chu ni bdud rtsi dkar po'i bdud rtsi lnga| |rgyas pa lnga la bdud rtsi'i ro bzhin sbyor ba mkhas pas mi shes so/ /lce la de bzhin dkar po'i sa bon de ni dud pa'i lcags kyus drangs/ /sna la ro yi dgod pa'i bdud rtsi rlung gi lcags kyu yis ni 'dren/ /rig pas rig pa mthong ba de ltar de yi bdud rtsi rnam par thim/ /ji srid ring du 'tsho zhing chos spyod pa/ /de srid dge ba'i rgyun ni rab tu 'phel/ /rlung gis 'byin cing yid ni mngon nga rgyal/ /rlung gi sa bon gyis ni rtag sbyor byed/ /ka ba gcig dang tshig dgu dang / /sgo lnga bug pa gsum pa nyid/ /rtsa yi 'khor la phra ba 'di// g.yo dang mi g.yo gsang bar bcas/ /gzugs gcig la ni sdud pa nyid/ /rtsa yi rang bzhin gyis mi rtag /dang po'i gdan la bshad pa yis/ /sngon du bdag nyid bshad par bya// chu shing me tog lta bu ni/ /lte ba'i dbus su rnam par gnas/ /de dbus de bzhin gsungs pa ni/ /ye shes rnam shes sems pa 'o/ /bdud rtsi sbyor ba'i le'u zhes bya ba </font><hr>205a<br><font size=+1>


@#/ /ste lnga pa'o// //de nas gzhan yang rab 'chad byed/ /gang la lce ba'i skye ba thob/ /'khor ba de la 'khor lo che/ /'khor lo'i 'khor lo ldan gyur pa/ /dmangs rigs phyugs bzhin 'gro ba yi/ /stong phrag bdun cu rtsa gnyis ni/ /lus po yi ni rtsa nyid do/ /bzhi brgya dang ni lnga bcu yang / /khrag dang rus pa ma lus pa'o/ /chu ni bre phyed dang bcas pa/ /de bzhin srin bu khri nyid dang / /khri phrag gsum dang stong phrag gcig /skyes pa yi ni ba spu nyid/ /sha khrag drug cu tham pa ni/ / skyes bu bar mar 'gyur ba 'o/ /sum brgya de bzhin drug cu yi/ /chu tshod dbugs dang rtsa gzhan no/ /mnyam po cha ru 'phel ba yi/ /mnyam pa'i gzugs dang mnyam pa'i 'od// rtsa ni 'khor lo bzhin du bsgyur/ /'khor lo brgyad pa brgyad pa bzhin/ /srog dang rtsol ba lnga zad dang / /bdag nyid yang dag mnyan par mdzad/ /dbus su me yi phung po nyid| |'byin pa'i sa bon de dbus su/ /dri med rtag tu mnyam zhing dma'/ /phyi rol du ni bcu gnyis 'gyur/ /'khor zhing sa bon mnyam pa dang / /dbugs ni mnyam par 'khor ba'o/ /me dang rlung gi bdun don la/ /du ba'i sa bon bsgom par bya'o/ /sgra dang thig ler yang dag ldan/ /char gyi rgyun zhes bshad pa yin/ /'khor lo'i le'u </font><hr>205b<br><font size=+1>


zhes bya ba ste drug pa'o// //de nas gzhan yang bshad bya ba/ /oM ni re pha'i thig le rdzogs/ /bla ma'i yi ger kun tu brtag /nyin mo dbugs ni mnyam par chad/ /de bzhin lho yi yi ge'o/ /mtshan mo chen po lnga chad na/ /chu shing dus ni mnyam pa bzhin/ /zla ba drug ni mtshan mo nyid/ /zla drug nyin mor rnam par brtag /chu tshod dang ni zla phyed dang / / nyin zhag bcu gnyis bdag nyid ni/ /drug cu rtsa bzhi'i cha nyid la/ /dkar po'i bla na med dang ni/ /de ni dkar po'i sa rang bzhin/ /mgo dang rkang gi steng dang ni/ /de bzhin mig dang sna dang ni/ /lce dang rna ba bcas pa dang / /dpral ba tshangs pa 'i bu ga dang / /thig le dkar po'i sa can pa'o/ /dgun gyi phyogs ni snga ma dang / /mak+ga yi ni rang don dang / /khyu mchog bum pa karka Ta/ /mi dang chu srin srang gis khyab/ /de ni dud pa sa yi dngos/ /dgun gyi dbus su snga ma bzhin/ /lag mthil sen mo'i tshogs dang ni/ /nges par de bzhin mchan khung dang / /mgrin pa mchu dang brang gi tshogs/ /phur bur mnyam par 'phro ba 'o/ /'jig rten sprul dang dga' ba'i rig /de bzhin 'jig rten phyed bcas sbyin/ /lho phyogs kyi ni 'khor lo bskor/ /de ni dus kyi sa gzhi'o/ /so ga dang po'i dbus nyid dang / /lag mthil sen mo'i tshogs dang ni/ /de bzhin mchan khung sa dang ni/ /mgrin pa chu dang bang gi </font><hr>206a<br><font size=+1>


@#/ /mtshams/ /de bzhin blo ldan 'gro ba 'o/ /le'u bdun pa zhes bya ba'o// //de nas gzhan yang bshad bya ba/ /tshigs kyi dbus dang nu ma'i steng / /snying dang snying ni shin tu mchog /de ni pad+ma'i gnas rang bzhin/ /rnam par shes pa'i cha brgyad nyid/ /so ga dang po'i dbus nyid dang / /dgun gyi zla ba brgyad pa bzhin/ /gi wang phra zhing yang ba nyid/ /chu yi mdog dang sbyangs de bzhin/ /b+hr-i d+hi pa la mnyam pa'i sa/ /gza' ni bum pas bsgyur ba dang / /gzhung tshigs ngos dang nu ma'i steng / /snying dang snying ni shin tu mchog /de ni gi wang gnas rang bzhin/ /rim bzhin zla ba phyed dang ni/ /rus sbal rus sbal mnyam rus sbal/ /mtshams dang mtshams ni mnyam pa dang / /pad+ma pad+ma pad+mar mnyam/ /dri med gsum gyi sar gnas pa'o/ /srin bu skye ba mnyam par bza'/ /dku dang rus pa'i mtshams su ni// rkad par pad+ma pad+ma yang / /mnyam pa'i cha yis gnas pa nyid/ /de ni dri med gsum gyi sa/ /rnam shes lhan cig gnas pa'o/ /le'u brgyad pa zhes bya ba'o// // re pa zlum po re phar mnyam/ /mngal gyi steng dang 'og tu yang / /lha dang lha mo'i ye shes bzhin/ /brla dang pus mo mnyam pa'i brla/ /steng dang 'og tu rigs nyid ni// </font><hr>206b<br><font size=+1>


sor mo'i mtshams dang logs su yang / /'byed pa'i rtsa ni rnam par gnas/ /de ni dbye ba'i gnas rang bzhin/ /blo dang ldan pas shes par bya/ /re pha re pha zlum por mnyam// bcu yi steng dang 'og tu yang / /brla dang pus mo'i steng du mnyam/ /steng dang 'og tu rigs nyid du/ /sor mo'i tshigs dang logs su yang / /sa gdugs rtsa ni gnas pa bzhin/ / de rnams sa gdugs gnas rang bzhin/ /gnas par blo dang ldan pas shes/ /le'u dgu pa zhes bya ba'o// //de nas gzhan yang bshad bya ba/ /steng du chu tshod dbugs dang ni/ /ye shes gal te 'byung gyur na/ /sum brgya de bzhin sum cu dang / /ji srid bdun du 'dres gyur na/ /gnyis gcig bcu phyed bcas pa yi/ /chu tshod dbugs ni chad pa bzhin/ /ye shes 'gyur ba rnam shes bya/ /blo ldan spyi yi bstan bcos bzhin/ /sbyor ba'i dus la phan pa'i phyir/ /bstan bcos las ni bshad pa'o/ /drug cu rtsa bzhi dbugs mnyam pas/ /rtag tu sa ni bsrung bar bya/ /le'u bcu pa zhes bya ba'o// //de nas gzhan yang bshad bya ba/ /yid ni sngon du 'gro ba'i chos/ /yid dag cing ni yid 'gro bas/ /de phyir yid mngon thams cad du/ /blo dang ldan pas yid bsgrim bya/ /sa bon gyi ni khyad par nyid/ /sngags kyis pha rol gnon bya med/ /phyag rgya mngon bar ldan </font><hr>207a<br><font size=+1>


@#/ /pa ni| |dgong cing mngon par rtse ba med/ /de la khrus kyi cho ga min/ /smyung ba mchog tu bzod pa med/ /mchod rten las ni mi bya zhing / /glegs bam gyi ni tshig med pa'o/ /lag pa'i phyag rgya mi bcing zhing / /sngags kyi yi ge mi bzla'o/ /skad cig rnal 'byor blta bya zhing / /rnal 'byor sbyor bas 'gro ba brtsam/ /shel bzhin du ni dag pa yi/ /dag pa yi ni sbyor ba mchog /ye shes rnam shes ldan pa'o/ /ye shes kyis ni gnas brtsam mo/ /le'u bcu gcig pa zhes bya ba'o// //de nas gzhan yang bshad bya ba/ /shes bzhin du ni dag pa yi/ /dri med zla ba'i dkyil 'khor ni/ /gangs dang kha ba'i chu lta bur/ /rnam par shes pa'i kha dog bzhin/ /pad+ma dkar po'i gdan la ni/ /zla ba'i dkyil 'khor gyis mnan pa'o/ /mchod pa rnam pa brgyad dang ni/ /sngags brgyad kyi ni sa bon bzhin/ /bdud rtsi dkar po'i zas dang ni// dag pa'i chu ni brtsam par bya/ /pad+ma'i gdan dang gdan la ni/ /zla ba'i dkyil 'khor gyis mnan pa'o/ /gi wang bla mar bshad pa ni/ /rnam par snang mdzad ye shes lha// dkar po nyid ni mi bskyod pa'o/ /don yod grub pa du bar bshad/ /snang ba mtha' yas dud nyid dang / /pad+ma nyid ni rin chen no/ /gi wang lha mo mA ma kI/ /dri med gsum ni </font><hr>207b<br><font size=+1>


sgrol ma 'o/ /gos \?\ dkar mo ni 'byed par 'gyur/ /sa yi gdugs ni sangs rgyas spyan/ /le'u bcu gnyis pa zhes bya ba'o// //thams cad mkhyen pa la phyag 'tshal lo| |khams bzhi rnam par mnyam pa nyid/ /khams bzhi ru ni rnam par 'gro /me dang chu ni 'di bshad pa/ /nam mkha' yang ni stong pa nyid/ /sra ba nyid ni sa yin no/ /dro ba'i dngos bo me dang ni/ /oM ni rnam par snang mdzad dngos/ /spyi bor dkar po yi sa bon/ /shar du mi \?\ bskyod pa nyid ni/ /a yi rnam pa de nyid lha/ /hUM gis don yod rnam par gyur// lho yi phyogs su brtsam par bya/ /traM gi rnam pa mnga' bdag lha/ /de nyid snang ba mtha' yas lha/ /cod pan nub kyi phyogs su 'o/ /de nyid mchod pa mnyam pa dang / /traM gi rnam pas mnga' bdag lha/ /byang du rin chen 'byung ba 'o/ /spyi gtsug la sogs lha lnga ni/ /blo dang shes pas rnam par dgod/ /traM gi rnam pas mnga' bdag lha/ /dpral ba khro bo'i phyag can no/ /ka yi rnam pa ye shes lha/ /mi g.yo sa yi mgon po bzhin/ /hrIH yi rnam pas mnga' bdag lha/ /de bzhin zla ba mig gnyis su'o/ /le'u dang po zhes bya ba'o|| ||de nas gzhan yang bshad bya ba/ /dzaM gyi rnam pas bdag po'i lha/ /rna bar byams pa nyid yin no/ /k+ShaM gi rnam pas bdag po'i lha/ /mkhur tshos yi dwags </font><hr>208a<br><font size=+1>


@#/ /skyong ba po/ /sa yi rnam pas bdag po'i lha/ /lce la yang ni mA ma kI/ /hUM gi rnam pas mnga' bdag lha/ /mgrin par rta mgrin khro bo bzhin/ /shrIM gi rnam pas mnga' bdag lha/ /ye shes lha ni mchog tu gtso/ /snying po yi ni ye shes mchog /sor mo lnga dang mnyam pa'i lha/ /lnga ni sangs rgyas nyid yin no/ /a yis bdud rtsi lha mo ni/ /lag mthil rdo rje sgeg mo bzhin/ /shriM gi rnam pas mnga' bdag lha/ /lte bar rnam par sel ba nyid/ /tsuM gi rnam pas mnga' bdag lha/ /de bzhin bdag nyid he ru ka/ /laM gyi rnam pas mnga' bdag lha/ /de bzhin brla gnyis sa snying po/ /yum gyi rnam pas mnga' bdag lha/ /pus mo yi dwags lha mo 'o/ /traM gi rnam pas yi dwags lha/ /'og tu 'byung po'i gtso bo 'o/ /le'u gnyis pa zhes bya ba'o// //de nas gzhan yang rab bshad pa/ /oM hrI he ha ha ha hUM phaT/ 'di ni nye ba'i cho ga'i sngags so/ /sku mdog sngon po khro gnyer ldan pa'i zhal dang ni/ /spyan gsum zhal dang rked pa spyi bo cod pan can/ /sbyor ba'i gdan bdun mngon pa'i phyag rgya dbang dang ni/ /dar gyis mngon par gang ba'i gdeng sa ka'i rna cha dang / /sprul gyi mchod phyir thogs ni lhag par ldan/ /dmar po'i gos dang sbrul gyi pags pa bsnams/ /g.yon gyi phyag na snod </font><hr>208b<br><font size=+1>


ni rab gang mdzes/ /gnyis par dbyug pa gsum par dgra sta dang / /gyen du ba dan dang ni dril bu g.yas pa 'o/ /rdo rje gsor dang lcags kyu dril bu'i phyag /pad gdan nyi ma'i phyag can me dkyil la/ /he ru ka dpal mgon po shin tu 'jigs/ /shar gyi char ni mA ma kI/ /thod pa phyag na bsnams pa'o/ /lho yi char ni sangs rgyas spyan/ /phyag gi 'khyud pa'i tshul bzhin no/ /nub tu sgrol ma drir bshad pa/ de bzhin phyag na me tog phreng / /gos dkar gtor ma yang dag ldan/ /byang gi phyogs su dgod par bya/ /dbang ldan rdo rje sgeg mo dang / /me ru bil ba lag pa ma/ /bden bral du ni glu ma dang / /rlung du gar ma bskyod pa bzhin pa'o/ /le'u gsum pa zhes bya ba'o// //de nas gzhan yang rab bshad pa/ /sa shri swAhA/ shar gyi'o/ /sa hUM hUM hUM swAhA/ lho yi 'o/ /sa k+ShaM swAhA/ nub kyi'o/ /saM k+ShuM k+ShuM k+ShuM swAhA/ byang gi'o/ /hUM dbang ldan gyi'o/ /he me yi'o/ /he bden bral gyi'o/ /hri rlung gi'o/ /oM badz+ra aM ku sha dzaH/ oM badz+ra pA sha hUM/ oM badz+ra s+pho Ta baM/ oM badz+ra g+haN+De hoH oM pad+ma ud b+hA ba ya swAhA/ gdan gyi'o/ /oM puSh+paM b+h+yo sa/ oM d+hu pe b+h+yo sha/ /oM dI paM b+h+yo hri/ g+hats+tsha n+te swAhA/ b+hA be na su ra a ga ma nA ya swAhA/ le'u bzhi pa zhes bya ba'o// //pad+ma'i dbang phyug sku ni gser gyi mdog /dri chu'i dngos </font><hr>209a<br><font size=+1>


@#/ /po shin tu snang mdzad dang / /ro ni bdud rtsi chu yi ngo bo nyid/ /mtheb mdzub kyis ni sa yi steng du dor/ /dbus ma'i ri rab kyis ni bdud rtsi bsrub// ji bzhin gnas brgyad 'thor 'thung dbul bar bya/ /ha yi rnam pas kha dog 'phrog /ho zhes bya bas dri med byed/ /dpa' bo hrIH yi rnam pas 'joms/ /rim pa 'di ltar shes par bya'o/ /lha rnams kun nas lcags kyu yis/ /bdud rtsi'i yi ges tshim par bya/ /lcags kyu kun nas skyod byed cing / /rnal 'byor bdag nyid mtshan nyid yin| |dpal ldan rdo rje 'dzin de nyid/ /dud pa'i sa bon gyis ni sbyang / /gtor ma sbyang ba byas pa yin/ /de yi sa bon gyis de sbyang / /logs su kha khyer gsum byas la// pho nya rnal 'byor mas spyan drangs/ /ka Da ka Da ban+d+ha ban+d+ha na hr-i kha kha kha sha truM dza dza sha truM mA ra na ba li ba ta li d+he ba ti she swa/ le'u lnga pa zhes bya ba'o// //de nas gzhan yang rab bshad pa/ /'jim pa las ni gzugs brnyan bya/ /zhal gsum spyan gsum rkang pa gsum/ /phyag gsum rab tu bzhad pa dang / /glang po'i mig can ro langs ma/ /rtag tu ral gri zhags pa dang / /gos dmar pags pa dmar po mnabs/ /zhabs gnyis skad cig sa la mnan pa dang / /ro langs phyag rgya snying </font><hr>209b<br><font size=+1>


gar mngon par bsdigs/ /hUM gi sgra yi sa bon bzlas pa yis/ /bstan pa srung zhing skems pa yis/ /mngon du pho nya chen po 'ong / /kAR+Ya kAR+Ya ban+d+ha ban+d+ha/ nA da nA da hUM hUM phaT phaT/ 'di ni pho nya mchog gi sngags/ /dbang dang mngag la de bzhin ming / /dug dang lhan cig sbyar byas pa'i/ /khrag gis mngon par bri bar bya/ /rkang pas mngon du mnan byas la/ /blo dang ldan pas rim bzhin bzlas/ /lan gcig bzlas shing lan gcig min/ /lan gcig phyag rgya bsnun par bya/ /ming ni brgya phrag brgya phrag gsum/ /nag mo ser skya tsan+dan dang / /dmar po'i me tog sa bon gyis/ /dkyil 'khor gsum ni bri bar bya/ /gu gul nag po'i bdug pa bri/ /de yi gtor ma ldan dbul bzhin/ /ser skya'i pho nya mo zhes bya/ /le'u drug pa zhes bya ba'o// //de nas yang dag bshad bya ba/ /mi shes mun pa nyid dang 'bu dang srin bu'i 'khor los khyab// mi rnams sdig pa'i khyad par nyin re bzhin du spyod pa ni/ /dge ba'i lam chen dag nas mi ni dbu ma'i skye bar skye/ /thos la mngon par dga' zhing spro zhing rnam par lta ba yis/ /mi yi ye shes mchog dang mchog tu 'gyur ba nyid/ /rgyal ba'i thar pa don dam mchog tu rnam par shes/ /phra zhing shin tu phra ba de nyid rab tu phra/ /dngos po med cing dngos po dang bral ba/ /sbyor </font><hr>210a<br><font size=+1>


@#/ /ba'i dngos po bde bar rtogs/ /shes pas bsgoms pa dag pa yis/ /mnyam par dag pa dbu ma'o/ /rtag tu bdag med rnam par dag /'dod pas rnam par mi gos pa 'o/ /le'u bdun pa zhes bya ba'o// //sangs rgyas lnga yi dngos po yis/ /rtag tu spyi bor brgyan pa 'o/ /gnyis med phyag rgya'i gnas su ni| |de la rgya mtsho chu nyid bsgom/ /spyi gtsug rnam shes tshim par bya/ /g.yon gyi phyogs su mi bskyod pa 'o/ /don yod grub pa g.yas su bzhugs/ /rin chen gyi kyang g.yon par brgyan/ /rgyab tu snang ba mtha' yas dgod/ /sangs rgyas lnga ni gzung bar bya/ /gzhan du nam yang ma bshad pa/ /sangs rgyas bstan bcos nyid du gsungs// snga dro phyi dro nyin phyed dus/ /dus gsum du ni rtag tu bzung / /sa bon 'di yis bkrus pa yis/ /'thor 'thung rnam par sbyangs pa 'o/ /lnga pa yang dag sbyar bas dbul/ /tshi ling ga yi thig le sbyang / /gong du bsgoms pa tsam gyis ni/ /rnam shes lhan cig dkar ba 'o/ /le'u brgyad pa zhes bya ba'o// //e ma'o las ni mchog tu gtso/ /a ma'o rnal 'byor rmad du byung / /e ma'o chos ni mchog thob pas/ /drang srong lhan cig ngo mtshar skyes/ /ye shes mchog gi chos 'di ni/ /byang chub </font><hr>210b<br><font size=+1>


sems dpa' 'dus nas gsungs/ /ye shes yid kyi chos can ni/ /tshig gis khyod la bshad pa yin/ /ye shes phyag rgya mchog nyid ni/ /ye shes rtsa ba yang dag 'byung / / shel bzhin du ni dag pa yi/ /dag pa gnyis su med pa'i rtags/ /lha yi yan lag mchod pa pos/ /gnyis med dgod par yang dag ldan/ /gnyis med rnam shes ngo bo yis// blo ldan bdud rtsi shes par bya/ /bdud rtsi chu ni dbul ba yis/ /phyi rol rnal 'byor ma mchod do/ /gnyis med phyag rgya'i rdo rje 'di/ /rtsa gsum gnyis med phyag rgyas bzhin/ / rkang pas pad+mar mnyam zhon pas/ /'khrig pa bdud rtsi'i sbyor ba'o/ /rdo rje pad+ma mnyam pa'i dngos/ /skyes bus hUM gi sgra byas nas/ /rang bzhin gyis ni sgra 'byin cing / /gnyis ga'i ye shes dkar po bzhin/ /de yi rang bzhin gyis ni rdul/ /du ba'i sa bon gyis sbyar bya/ /dbang po ru rta bil bar mnyam/ /kha ra sbrang rtsi ba la sha/ /bdud rtsi chu dang yang dag ldan/ /rgyu skar zla ba lha nyid la/ /byin nas don chen dbang du byed/ /le'u dang po zhes bya ba'o// //de nas gzhan yang bshad bya ba/ /stong nyid ngo bo'i tshul gyis ni/ /phyi dang nang du bcas par ro/ /ye shes chos kyi sbyor ba las/ /ye shes kyi ni sbyor ba mchog /thams cad lus la gnas pa ni/ /rmongs pas kun tu mi shes pas/ /de </font><hr>211a<br><font size=+1>


@#/ /phyir rmongs pa yongs spangs la/ /ye shes kyi ni gnas brtsam bya/ /'du 'dzi las ni rmongs pa'i tshul/ /de phyir 'du 'dzi yongs su spang / / gcig pu'i sbyor bas grub pa yi/ /gcig pus 'gro ba brtsam par bya/ /pyis pa'i skye bos mthong ba yi/ /de phyir de nyid gcig pu ni/ /gnas med gnas ni shes byas la/ / dngos po med pa'i ngo bo la/ /gnyis su med pa'i bdag nyid kyi/ /gnyis kyi shes pa rnam par spangs/ /de nyid rig pa mchog tu phra/ /sbyor ba'ang mchog tu phra ba nyid/ / mgrin pa rkan gyi steng du bzla/ /smin ma'i dbus dang mig gi rtsar/ /sgor ni thig le phrar gyur pa/ /'khor lo phra rab rdul lta bur/ /dang po mchog dang yang dag ldan// bla mas bstan las shes par bya/ /rdul phran ye shes de kho na/ /de phyir blo ldan gyis shes bya/ /le'u gnyis pa zhes bya ba'o// //de nas gzhan yang bshad bya ba/ /skyon dang yon tan dngos po spang / /kha ga'i sgo ni ji bzhin bsngam/ /bug pa dgu dang kha ga nyid/ /bu ga dgu las dud pa 'byung / /skyes bu gong gi sgo la ni// der ni pad+ma dkar po bzhin/ /lus kun la ni dgod bya zhing / /lha nyid so sor bsgom par bya/ /lha yi sa bon de nyid kyis/ /rdo rje'i phyag rgya dgod pa bzhin/ /rlung gi </font><hr>211b<br><font size=+1>


dkyil 'khor dbus su ni/ /zla ba'i dkyil 'khor 'dra ba'o/ /ye shes rnam shes mchog tu drang / /dngos dang dngos po phra ba'i de kho na/ /dngos dang shin tu 'brel bar mtshungs pa 'o| |snying gar gnas pa'i snying po mchog ming brjod/ /sems kyi rtsa nas de bzhin du hi ka /steng dang 'og dang de bzhin steng / /yi ge phyed dang gnyis kyis sbyang / /bzlog par bya ba'i sa bon gyis/ /lhan cig blo dang ldan par sbyang / /le'u gsum pa zhes bya ba'o// //de nas gzhan yang bshad bya ba/ /thams cad lus la gnas pa yi/ /ye shes kyi ni ye shes mchog /sa dang ri dang de bzhin shing / /bong ba chu dang de bzhin srin/ /'bu srin rnam par spangs nas ni/ /ye shes lus la sems med pa 'o/ /'bu dang srin bu ye shes blun/ /khyad par nyid du spang ba 'o/ /rnam gsum lha dang gnod sbyin dag /lha min yi dwags mkha' 'gro ma/ /gzugs dang ye shes de bzhin khro/ /zhi zhing zhi ba'i ye shes bzhin/ /lus la thams cad gnas pa ni/ /blo dang ldan par khyad par shes/ /le'u bzhi pa zhes bya ba'o// //de nas gzhan yang bshad par bya/ /drang srong ngo mtshar skye ba ni/ /ka ba gcig dang sgo dgu dang / /bu ga gsum dang ye shes lnga/ /rnam shes ye shes lus la ni/ /chos kyi dbyings ni ji ltar </font><hr>212a<br><font size=+1>


@#/ /grags/ /thar pa thob pa'i dus su ni/ /mi shes ye shes lus ji bzhin/ /ji ltar chos kyi dbyings nyid dang / /ye shes dang ni gzugs kyi cha/ /ye shes ji ltar mthong ba dang / /ji ltar na ni ye shes gzugs/ /de nyid gzugs la sems med pa/ /bdud rtsi'i yi ger rnam par brtag /ye shes lha dang mnyam pa'i dngos/ / sngon gyi mtshan nyid lta bur ro/ /le'u lnga pa zhes bya ba'o// //de nas gzhan yang bshad bya ba/ /sngags dang rgyud kyi dbye ba nyid/ /ti la ti la yi ni mtha'/ / stong pa sgra dang yang dag ldan/ /steng du bdud rtsi'i thig le sbyin/ /mchog gi yi ger yang dag shes/ /stong phrag gcig dang sum brgya brgyad/ /de yi mtshan nyid bzlas pa'o// bdag nyid lus la dgod pa ni/ /de bzhin lha ni bskyed cing bskrun/ /las brgyad dang ni mnyam pa yis/ /re'u mig brgyad kyi dbye ba'o/ /las bzhi yi ni blo can gyi/ /de bzhin sa bon sngon du bsnyen/ /oM A gats+tshaM tu de ba sam ye A kaR+Sha ya hUM phaT/ spyan drang ba'i sngags so/ /le'u drug pa zhes bya ba'o// //de nas gzhan yang bshad bya ba| |ye shes can gyis spyan drang ba/ /oM a k+Sho ni t+yaM mahA nA ga tA k+Sha ka wa sa wa ta na hUM ga hUM ga swAhA/ klu'i 'o/ /oM d+ha nA d+hi biM A dz+nyA na yak+Sha No/ mA g+ts+tsha sa ma ya ud b+hA ba </font><hr>212b<br><font size=+1>


kruM kruM kruM hrIH swAhA/ gnod sbyin gyi sngags so/ /oM b+hU ta kro d+he nA b+he A g+ts+tsha sa ma ya ud ma he phu phu phu dzaH 'byung bo'i sngags so/ /oM g+hu ru g+hu ru A kaR+Sha ya hUM hri dzaH 'byung po dgug pa'i dam tshig gi sngags so/ /le'u bdun pa zhes bya \?\ ba'o// //de nas gzhan yang bshad bya ba/ /gang gis mchog gi chos shes shing / /gang gis rnam par mi log \?\ shes/ /gang zhig lha nyid rnam shes pa/ /gang shes de ni rnal 'byor pa'o/ /gang zhig gsang ba mi shes pa/ /mchog gi chos ni mchog phra ba/ /thams cad lus la gnas pa'i mchog /rang lus mchod pas pha rol mchod/ /gzhan du byas na lha nyid brlag /mchod pa'i bdag nyid de nyid mchod/ /thams cad lus las shes 'gyur bas/ /thams cad lha nyid tshim pa 'o/ /de nyid ye shes lhar gyur pas/ /bdag nyid las ni thams cad pa'i/ /rtag tu nyon mongs rnam spangs nas/ /ye shes can gyi sku ru gyur| |de yi ming ni de bzhin dgu /rnal 'byor sbyor ba'i blo ldan pas/ /tshe rab gzhan du byas pa'i sdig /bklags pa tsam gyis thag bsrings pa'o/ /brgyad pa ste de rnams kyi bde bar gshegs pas gsungs pa rab tu byed pa bco brgyad las rtsa ba'i 'khor lo zhes bya ba drug cu rtsa bzhi'i rnam par dbye ba rdzogs so// //thams cad mkhyen pa </font><hr>213a<br><font size=+1>


@#/ /la phyag 'tshal lo/ /rnal 'byor rnal 'byor dbang phyug nyid/ /de bzhin sbyor ba'i bstan bcos dang / /drang srong rnams kyi ye shes dbang / /gnas gtsang gnas na bzhugs nas su/ /thams cad mkhyen pas 'di skad gsungs/ /rtsa yi 'khor lo rnam bshad pa/ /stong pa nyid la mchog tu brtson/ /ye shes dbang phyug yang dag ldan/ /gnyis med gnyis med la brten pa/ /khams bzhi yi ni ngo bo dang / /rtsa dgu yi ni dbye ba dang / /de bzhin lha dgu lhag pa nyid/ /sngags dang las ni gsum nyid kyis/ /rgyal bo dbang du 'gyur ba'o/ /yul 'khor skye mched lus rgyal nyid/ /sgo lnga las ni drang par bya/ /chu dang me dang nam mkha' rlung / /'di ni lus la gnas pa nyid/ /chu ni dbang phyug rgyal chen po/ /de bzhin bdud rtsi dkar po'i rtsa/ /me ni du bar 'bar bzhin drag /de bzhin mya ngan 'bar ba'o/ /dbang chen dung gi rang bzhin rtsa/ /mi rtag pas ni yang dag gnas/ /nam mkha' nam mkha'i rtsa nyid ni/ /pad+ma de bzhin brtan zhing rtag /gi wang rnam par rmongs pa'i rtsa/ /lus po bskyed cing sdug bsngal gnas/ /dri med gsum ni g.yo ba'i rtsa/ /skra ni bsgrub par dkar ba'o/ /'byed pa nyon mongs nyid kyi rtsa/ /sdig pa'i rtsa dang sdig pa'i gnas// </font><hr>213b<br><font size=+1>


mi shes pa dang phyugs nyid yin/ /sa gdugs rtsa ni dbang phyug mchog /dkar po myu gu rab dbye dang / /de bzhin dud pas mi bzad phyir/ /sa ni dung du gsungs ba'o/ /nam mkha' g.yo zhing 'gro ba'o/ /rmongs pas sred cing 'jigs pa'i dngos/ /de bzhin nyon mongs sdig pa'i gnas/ /g.yo zhing g.yo ba'i blo nyid ni/ /mi shes phyugs kyi rtsa nyid la/ /dgu yi lha ni ci zhes brjod/ /dbye bas rnam pa bco brgyad ni/ /de bzhin 'phags pa ye shes dbang / /'gro ba'i bsod nams sdig gi gzhi/ /de bzhin sems can srid pa'i las/ /de bzhin nyon mongs dmyal bar bshad/ /srid pa pha dang ma yi dngos/ /gzhan du du ma'i shes pa nyid/ /rgyal po zhes pa ci zhes brjod/ /dbang po'i yul ni rgyal po'o/ /phan tshun bsten cing bsten pa las/ /lus kyi 'khrul 'khor rnam par skye/ /nyon mongs ba spu sogs pa'i lus/ /lus po yi ni gzhi nyid do/ /'khor bar 'gyur ba'i zhags pa yis/ /glang chen gnad du brgyab pa bzhin/ /tshe rabs snga mar stobs chung ba'i/ /rnal 'byor pa ni stong la dga'/ /rab tu byed pa zhes bya ba'i le'u ste dang po'o|| ||de nas gzhan yang rab bshad pa/ /rtsa yi lha ni de bzhin rim/ /bcu gnyis pa ni mngon du dri/ /dkar po 'byung ba'i dbyibs kyi ni/ /cha bzhi </font><hr>214a<br><font size=+1>


@#/ /lag pa'i rigs pa yis/ /spyi bor dkar po'i gnas rang bzhin/ /rgyas pa lnga yi steng du ni/ /'bar ba'i rtsa ni steng du'o/ /smin dbus de bzhin thig le dang / /mig ni bcings pa nyid dang yang / /rna ba nyan pa yi ni rtsa/ /g.yon pa'i dbugs ni bud med nyid/ /de bzhin skyes bu g.yas pa nyid/ /dud pa sngon gyi dbugs dang ni/ /lce dang ro yi rtsa nyid do/ /bdud rtsi rnam pa dgur bshad pa/ /dkar po'i rtsar ni yongs su grags/ /sngon du du ba'i mtshan nyid ni/ /dud pa 'bar ba'i rtsa chen po/ /dpung pa'i ngos su yang dag nas/ /brang dang rus sbal mtshams su ni/ /rtsa ni mtshams kyi dbus su 'o/ /lag pa'i sor mo'i dbyibs lta bu/ /sor mo dang ni sen mo'i rgyab/ /dud pa lhag pa'i rtsa nyid ni/ /brang nyid du ni yongs su grags/ /logs dang de bzhin nye ba yi/ /de bzhin ji ltar tshigs dang tshigs/ /lud pa dri pa mchan khung mnyam/ /ro stod lag pa'i rtsa ba dang / /rked pa'i rgyab kyi rtsa nyid ni/ /dung nyid du ni yongs su grags/ /dang ba'i mtshams dang rked pa nyid/ /brla dang brlar ni nye bar mtshon/ /'gro ba yi ni lto ba'i rtsa/ /rkang pa dus kyi me dang ni/ /pad+ma rkang pa mnga' bdag nyid/ /rtsar ni blo dang ldan pas shes/ /gi wang 'dod pa'i gnas kyi </font><hr>214b<br><font size=+1>


gnas| |rtag tu lci bar mtshan par gsungs/ /bla ma'i pha rol 'gro ba'i rtsa/ /de bzhin srin bu 'byung ba 'o/ /gi wang dku yi gnas su ni/ /gtso bo'i dbyings su grags pa nyid// ri med rkang pa g.yon par gnas/ /rkang pa'i gnad dang sna yi rtse/ /pus mo'i rjes su skyod pa 'o/ /yi dwags brtul zhugs mer bshad pa'o/ /rtsa nyid du ni yongs su grags// gtso bo'i 'gyed pa g.yon pa'i rtsa/ /mchan khung dang ni mchan khung ming / /drag po'i tshogs kyi de bzhin rtsa/ /dra bar gnas pa'ang de bzhin no/ /nu ma'i khung gi grangs kyis ni| |stong gi cha ru de bzhin bshad/ /de rnams 'byed pa'i rang bzhin rtsas/ /lus su yongs su grags pa nyid/ /sa gdugs dpung pa g.yon pa dang / /de bzhin brang du yang dag gnas/ /mtshams dang tshigs kyi rtsa yi mtha'/ /de bzhin 'gro ba'i lag pa dang / /skya mched drug gi dbye ba yis/ /rang bzhin gyis ni gru bzhi dang / /rang bzhin gyis ni 'bab pa'i gnas/ /rang dang skye bu la yang skye/ /don dam nyid du dngos med cing / /'jig rten la phan snying brtse bas/ /kun tu 'byung ba skyon med pa 'o/ /'gro ba'i gnas kyi ye shes cho ga mchog /dngos med dag pa don dam dbu ma pa/ /ma rig nas brtsams bcu gnyis sa dbang phyug /bri Sha b+ha sogs re ba ni/ /bdud rtsi sbyor ba mi skye 'o/ / </font><hr>215a<br><font size=+1>


@#/ /dbus su yang dag sbyor ba gnas/ /srid pa'i nyes pa rnam par spangs/ /bcu gnyis sbyor ba'i gnas su na/ /rnal 'byor pa ni mkhas pas shes/ /rtsa'i 'khor lo zhes bya ba'i le'u ste gnyis pa'o// //de nas gzhan yang bshad bya ba/ /kun nas skye ba'i dbye ba'i cha/ /skyes bu so sor gnas pa dang / /rtsa dang dbugs ni so so yi/ /gzhan gyi rkang pa chad pa na/ /rnam pa mang du bdag po'i rlung / /'byung ba'i rlung ni chad par 'gyur/ /brang gi 'og dang rked pa'i gong / /rlung gi dkyil 'khor gyis bskor ba/ /dngos med dngos po yang dag gnas/ /kha dog med la mtshon kun dngos/ /gzugs med ye shes gzugs can dang / /stong dang stong min don gyi gnas/ /ye shes dbang phyug rgyal po che/ /rlung gi dkyil 'khor la brten cing / /rnam shes las ni byed pa nyid/ /bcu gnyis dngos po bsgyur ba'i bdag /sum brgya de bzhin drub cu yi/ /chu tshod dbugs ni rtsa bzhin no/ /snga dro dkar po rgyu ba nas/ /nyin dang mtshan du shes par bya/ /'pho ba bcu gnyis bdag nyid ni/ /nyin mtshan du yang de bzhin no/ /bcu gnyis sa la chad pa yis/ /byang du bgrod pa'i mtshan mo'o/ /lho phyogs su yang sngon bzhin du/ /nyin mo'i rlung ni chad pa'o/ /bi shu'i bar du zas </font><hr>215b<br><font size=+1>


sbyar ba/ /rim bzhin rab tu grags pa nyid/ /dbugs kyi sbyor ba'i rim pa 'di/ /ye shes can gyis las la sbyar/ /mtha' ma'i yul dang yul 'khor gyi/ /rim bzhin 'khor los bsgyur ba'o/ /ro hi ta dang mo hi ta/ /bzang po khyu mchog bla ma dang / /kur ma ma ka ran+d+ha dang / /de bzhin rmi lam lkugs pa dang / /kun rmongs 'jigs dang 'dod pa yi/ /bcu gnyis sa na srid pa'i skyon/ /ro hi ta la lha mchod bya/ /mo hi ha la nor rnyed cing / /bzang po la ni mdzes par bza'/ /mang du khro ba b+he Sha ba/ /kur ma mchog tu sems khral can// ma ka ra la gtam gyi gzhi/ /bla ma bsgrub pa'i dngos po ni/ /ran+d+ha la ni sdig pa'i blo/ /byA ku li dang nyid dang ni/ /swa p+na la rmi lam tshul/ /rmongs pa sems khral mchog dang ni| |glu dang rig pa klog la mkhas/ /'dod pa la ni 'khrig par bshad/ /bcu gnyis srid pa'i nyes skyon no/ /shel lta bur ni gcig gis gtso/ /rgyas par tshon rtsi bdun gyis so/ /de yi rnam shes srid pa'i dngos/ /yul ni dngos po med par gnas/ /ye shes kyi le'u zhes bya ste gsum pa'o// //de nas gzhan yang bshad bya ba| |sku gsum ji ltar stong pa ni/ /'di ni dmigs pa bcas pas gzung / /rang bzhin dang bral ma yin pa/ /dngos po nam mkha' brtag par bya/ /dngos po'i nyes pa </font><hr>216a<br><font size=+1>


@#/ /spangs pa yis/ /gzugs su mi gnas zad pa'o/ /lam la gnas pa'i rnal 'byor pas/ /gzugs ni mi gnas zad par byed/ /phyi stong 'og kyang stong pa nyid/ /skyon med dbus ni stong pa'o/ /thams cad stong pa nyid dang ni/ /'gro ba'ang stong pa lnga pa'o/ /yul lnga yang ni stong pa nyid/ /de bzhin dbang po la sogs pa'ang / /stong par mi brtag yang dag gnas/ /de phyir rdul med stong pa'i tshul/ /ji ltar zhing pas zhing ni thabs kyis yang sbyangs nas/ /thong pas rmo zhing thong pas kun du rab bsgyur pas/ /zhing la gnod pa'i rtswa dang ljon shing rgya cher sel/ /des na rnam dag gtsang sbra can zhes brjod de bzhin/ /de bas mchog tu sbyor ba'i bdag / gnyis pa yang ni gzhag par bya/ /de ltar de bzhin phyi nyid bkru/ /de phyir mkhas pas stong pa nyid/ /gsum gyi tshul gyis dgag par bya/ /de bzhin gzugs dang stong pa bzhin/ /dbus su rnam shes sa bon no/ /sa bon sa bon myu gu dang / /gzugs dang dbang po rtsa yi gzhi/ /rang bzhin tshul gyis cha shas mtshan nyid ni/ /skyon med rdo rje'i rang bzhin ming dag gnas/ /dbang po drug dang cho ga drug ni yang dag 'byung / /lha gnas bcu gnyis sa ni sarba dang / /sngags kyi yi ge mchog nyid ni/ /yid </font><hr>216b<br><font size=+1>


kyi 'phrul pas bsgrub par bya/ /e ma'o sems can nyon re mongs/ /sngags ni u gu u gu dang / /nyams pa'i gzugs brnyan mnyam bsgom pa/ /snying po nyid kyis rnam par spangs// sngags kyi yi ge dam pa ni/ /de phyir yid kyis rjes su 'brang / /sems can thams cad bskyed cing g.yo zhing bskyed pa yi/ /sngags ni blo dang ldan pas nges par shes par bya| |de nyid med pa'i sngags kyis 'gro ba rmongs par mthong / /log par smra ba yi ni gzugs brnyan sems dang ni/ /sngags kyi bdag nyid don dam mchog gi yi ge yis| |las bzhi yi ni cho ga mongs su grags pa'o/ /stong pa nyid kyi le'u zhes bya ste bzhi pa'o// //de nas gzhan yang bshad bya ba/ /skyon dang yon tan spangs gyur pa'o/ /dbu ma'i gnas ni skyon med pa'o/ /rang bzhin dag pa'i yid las 'byung ba'i lus/ /bdag med rnal 'byor gcig gi yid kyis sbyar bar bya/ /ji ltar ma bsregs snod kyi chu bzhin du/ /khyod kyis nang gi rnal 'byor mang du 'jig pa'o/ /ji ltar rdza mkhan gyis ni me ni kun tu gang bas 'gengs/ /du ma dbus su zad par byas pas rang gi gzugs bzhin no/ /nang gi ye shes dbang phyug me ni 'bar ba yis/ /de yi gzhig pas 'dir ni gzugs ni grol ba bzhin/ /rang bzhin dag pas dag pa'i chos/ / </font><hr>217a<br><font size=+1>


@#/ /dag pa'i dbyangs kyi lam chen po/ /ma dag rmongs ba'i rgya mtsho ni/ /rnam rtog bcas pa rnam par spang / /dag pa'i chos ni mchog tu zhi/ /dag pa'i chos ni skyon med pa'o/ /dag pas byang chub thob pa'i phyir/ /dag pa'i chos ni rab tu bstan/ /dang por gzhu las rgyal ba nyid/ /gsher ba nub tu mchog tu brtson/ /sku gsum ma ni lhan cig gnas/ /blo dang ldan pas sa bon bskrun/ /de yi gnas su srog gsungs pa/ /snga dro skyes bu gnas pa nyid/ /dbugs ni yang dag 'pho ba'i tshe/ /rim bzhin bcu gnyis sbyar bar bya/ /lte bar phyugs kyi zhags pa ni/ /de yi sa bon phyugs su gsungs/ /chu shing me tog lte bar gnas/ /snying gar 'greng bar gnas pa nyid/ /kha ni 'og tu zlum pa nyid/ / mkhas pa yis ni rgyas par bya/ /bdud rtsi'i yi ge sgra yis ni/ /yid 'ong lhan cig dgram par bya/ /de yi dbang phyug ye shes rgyal/ /sgong skyes bcu gsum dbang phyug go /kha dog bdun par rnam mang po/ /de bzhin 'od zer nyi ma brgya/ /ye shes kyis ni shes bya brtag /shes byas 'gro ba brtag pa'o/ /ji ltar dar gyi mig gi bar/ /blo med tha dad 'gyur ba'o/ /ji ltar rmongs pa'i mi shes pa/ /ye shes kyis ni nyon mongs gcod/ /de dag mar me'i rgya mtsho yis/ /ye shes can gyis rang 'dod lam/ /de nas sems can kun rang bzhin/ /yan lag </font><hr>217b<br><font size=+1>


rlung gis gzir ba dang / /rang dbang nyid dang rlung dang ni/ /de bzhin ba spu'i bu ga 'di/ /rlung dang mnyam pa'i lus med cing / /rlung gi sems la'ang med pa'o/ /lus kyi dbyings nyid la yang ni| |stong pa yan lag kun la gnas/ /thams cad chu yi rang bzhin nyid/ /lus po yang ni sems kyi ni/ /thams cad sha ni chu rang bzhin/ /chu yis thams cad khyab pa'o/ /sa dang chu yang mtshungs par ni/ /phyi rol khyab par brtags pa'o/ /de bzhin lus po yi ni chu/ /thams cad khyab par yang dag gnas/ /lus la me ni drod bcas pas/ /dbyibs la thams cad kun nas 'bar| |sa yis thams cad kun du ni/ /gzugs la yon tan dbang pos brgyan/ /de phyir 'byung ba bzhi yi lus/ /khams dang rtsa yi khyab pa'o/ /rtsa ni mnyam pa'i cha yi dngos/ /mnyam pa'i dbyibs su rnal 'byor pas/ /lha bsgom pa'i le'u zhes bya ste lnga pa'o// //de nas gzhan yang bshad bya ba/ /lha rnams lnga ni gang du gnas/ /bug pa gsum dang sgo dgu yi| |de bzhin bdag nyid lha yi gnas/ /rlung bsngams sku yi mer bcas pa'i/ /snying ga'i sgong skyes kyi ni gnas/ /phra rab rdul gyi rnam pa ltar/ /de bzhin sgo nas mtshon pa'o/ /sgo dgu yi ni dbyibs nyid dang / /'dab ma brgyad par yang dag grags/ /phra rab rdul gyi rnam pa bzhin/ /de ltar lha ni phra zhing phra/ /lnga pa lnga yi lnga bdag lha/ /rang bzhin gyis khyab rnam par </font><hr>218a<br><font size=+1>


@#/ /spang / /so ti ke ni gcig nyid dang / /de bzhin chu dang chu min gnyis/ /de bzhin ji ltar bug pa nyid/ /tshigs dgu dang ni sgo dgu dang / /rtsa dgur yang dag grags pa nyid/ /dang por stong pa nyid kyi dngos/ /steng dang dbus dang mnyam pa'i gnas/ /gzugs dang tshor ba mnyam pa yang / /dngos med stong pa'i ngo bo'o/ /rgya mtsho chu yi dbyibs dang ni/ /de dbus ge sar bcas pa'o/ /dgu ru chu ni sbyar bar bya/ /de bzhin pad+ma chu shing gi /de yi ye shes dbang phyug lha/ /sgong skyes khyim pa mnyam par brten/ / 'dab ma brgyad la sa bon ni/ /rim pa ji bzhin rtsa yi lha/ /de yi rgyab kyis rtsa la yang / /bdag nyid sgo ni phra ba bzhin/ /phye nas bdag nyid brgyan pa ni/ /kun nas lha yis lhag par brgyan/ /de yi bdag nyid lhar sbyangs pa/ /sbyor ba'i lus sogs nyid kyi dbyibs/ /sbyor med gal te sbyor byas pas/ /sngon bzhin phun sum tshogs par 'gyur/ /rdo rje snying po'i lus la ni/ /lhag par lha dang lha yis brgyan/ /ji ltar gdol pa'i khang pa mes bsregs na/ /lha la sogs pa'i gnas su rab byed pa/ /dge dang rigs can mkhas pa mnyam par bsten/ /de bzhin rmongs ba rgya mtsho lnga yi gzhi/ /sgong skyes kyi le'u zhes bya ste drug pa'o// //de nas gzhan yang bshad bya ba/ /nges par rnal </font><hr>218b<br><font size=+1>


'byor pas rdub pa/ /ji ltar rdub pa'i bdag nyid ni/ /sgo ni sa bon gyis bsdams bya/ /sa bon dgu yis bsdams pa yis/ /rnal 'byor dgu yi bdag nyid do/ /ji ltar tshangs pa'i sgo bsngam zhing / /mchod rten gyi yang sgo dgu yang / /dbugs mi g.yo ba'i dngos po yis/ /bdud rtsi'i yi ge bsdam par bya/ /bsdus nas gnas pa'i mtha' ru ni/ /rang bzhin gyis ni g.yo ba nyid/ /gzhan yang drag po'i ming gnyis ni/ /dud pa'i sa bon gyis ni rtse/ /de ltar rdub pa mnyam pa nyid/ /yi ge phyed dang gnyis spyad bya/ /hUM gi rnam pa g.yo ba'i dbyibs/ /mnyam par rdub pa'i 'bar ba nyid/ /'tshe med rnam par rtse ba yis/ /'khor ba 'jigs pa bsten par bya/ /bcu gnyis sa yi dbang phyug ma/ /de bzhin dbugs ni rdubs pa yis/ /tshe rabs sngon gyi sdig pa dang / /yul dang dbang po nye gnas pa/ /bde sbyor rdub pa'i rgya mtsho yis/ /ye shes can gyis sdig pa gcod/ /ji bzhin sngon du mnyam drangs nas/ /mtha' yi gcig ni gzung byas la/ /sa bon yi ge gcig bzung pas/ /de yis sgo brgyad mnyam pa'o/ /bcu gnyis spangs pa'i bsgom pa yis/ /sgo brgyad rnam par rtse ba'o| |ji ltar rgyal po sbyangs pas rab bsgyur ba/ /drod dang ba lang rang bzhin lus kyi las/ /phyis ni rang 'dod rba rlabs rgya chen po/ /de bzhin lus ni rang 'dod mtshon gyi gtso/ /'pho </font><hr>219a<br><font size=+1>


@#/ /ba sbyor ba'i le'u zhes bya ste bdun pa'o// //de nas gzhan yang bshad bya ba/ /'byin byed tshogs ni dgu ba nyid/ /phra ba'i rnam par bshad pa nyid/ /rlung gi dkyil 'khor gyis bskor ba'o/ /bcu gnyis dgu yi rim pa ni/ /dgu yi sbyor ba la rab brten/ /'di ni dgu yi rlung ji bzhin/ /rnam shes rlung gi dkyil 'khor la| |rlung gi dbus su me yi dbyibs/ /me yi du ba'i yig de bzhin/ /u ni re phar yang dag ldan/ /sgra ni rgya mtshol bshad pa'o/ /de bzhin thig le ye shes gnas/ /sgra dang sgra yis bsgom pa'o/ /bshad pa'i sgo nas de bzhin du/ /srid pa'i nyes las yang dag 'pho/ /sna dang rnab mig las mi/ /mi rnams kyi ni rgyal por 'gyur/ /lte ba'i thig le de bzhin steng| |gong gi gnas ni shes par bya/ /sems kyi rtsa dang 'dra ba yi/ /snying gar de bzhin sbyong ba'o/ /'phyar bar rlung gi sa bon ni/ /mnyam pa'i gnas su shes par bya/ /de ltar nga yis mtshan nyid bshad/ /gzhan du bla ma ston pa'o/ /steng du tshangs pa'i sgo 'di ni/ /mod la 'pho ba'i ming du bshad/ /ji ltar bung ba me tog bu gar ni/ /rgyags pas myos nas sems mi zhu ba ltar/ /de bzhin ye shes dbang phyug sgor gnas la/ /ud \?\ tra yi rab tu pas 'jig pa'o/ /e ma'o chos ni mchog gi lam/ /e ma'o 'khor ba/ </font><hr>219b<br><font size=+1>


gcod byed pa/ /e ma'o grol ba'i go 'phang gnas/ /e ma'o ye shes ngo mtshar che/ /'pho ba sbyor ba'i le'u zhes bya ste brgyad pa'o// //de nas gzhan yang bshad bya ba// sngon du gsungs pa'i mtshan nyid ldan/ /dang por gzugs ni sbyang bar bya/ /bdag nyid mdun du yang dag gnas/ /bdag nyid lta dang de bzhin gzhan/ /shes pa gzhan la rmongs pa rnams/ /ming gi yi ge mnyam por drang / /'di yi ye shes dbang phyug lha/ /sgong skyes kyi ni dbus su thim/ /ye shes lus la bsgom byas pas/ /blo ldan lus ni rnam par 'pho/ / sngon du rdub cing 'byin pa yis/ /sngon bzhin lhan cig 'pho ba'o/ /sdig bral spyod pa med pa nyid/ /sdig spangs spyod pas yang dag gnas/ /nyon mongs rgya mtsho'i sdig pa sbyong / / sdig spong de bzhin rmongs pa dang / /sbyor ba yis ni sdig pa sbyong / /spyod med sdig pa sbyong ba'o/ /rtag tu sdig sbyong lam la gnas/ /sbyor ba'i lus ni skyon med pa'o/ /dbugs kyi mthar ni gnas pa yis/ /'di yis steng du grol bar gnas/ /dbugs ni lte bar gtong ba yis/ /sems ni gzugs med srid par ro/ /sdig pa kun nas mi gnas pa'o/ /nyes pa kun gyi gos pa ni/ /'pho ba'i sbyor ba sbyar bar grol/ /pha dang ma ni gsad bya zhing / /rgyal po dang ni gtsang sbra gnyis/ /yul 'khor bcas pa bcom byas na/ /mi de dag pa </font><hr>220a<br><font size=+1>


@#/ /zhes su brjod/ /dus la bab na 'pho bya ste/ /dus min lha rnams gsod par 'gyur/ /ji srid yun ring 'tsho zhing chos spyod pa/ /de srid dge ba'i rgyun ni 'phel ba'o/ /ji ltar bum pa mkhan ni mkhas pa yis/ /lo zlas gnas ni snod ni du mas 'gengs/ /mig dang dbyibs med 'khor lo 'ji ba'ang med/ /rnam shes ye shes rnam pa kun du brtag /lus yang dag par 'pho ba'i le'u zhes bya ste dgu pa'o// //de nas gzhan yang bshad bya ba/ /sbyor ba'i bstan bcos sgrub pa pos/ /rdub pa'i bdag nyid dbye ba ni/ /sor bzhi las ni nam mkha' 'o/ /'gengs pa'i las ni skar ma dang / /gong bu me yi phung po nyid/ /me yi dbus su yi ge a/ /nam mkha' dang ni zla ba 'di/ /dbus su bdud rtsi'i thig pa'o/ /'khor lo nyi ma'i dra ba can/ /bdud rtsi'i thigs pa rnam par 'phyin/ /sa bon 'bar zhing 'bar ba yis/ /dbus su bdud rtsi'i yi ge'o/ /dbus su a yig sngon bo'o/ /'od zer la ni de bzhin phyogs/ /ri rab dbus su 'bar ba ni/ /thig le'i sgo ru snang ba'o/ /a yig rnam pa'i bdud rtsi'i chu/ / kha dog gnyis pa'i lha nyid do/ /ji ltar bug par stong pa nyid/ /rtag tu stong pa'i lha nyid do/ /sna bug ji ltar bzod pa yis/ /lce yi yang ni bdud rtsi'o/ /yi ge gsum </font><hr>220b<br><font size=+1>


ni sbyar bar bya/ /rmongs pa mgrin pa dbyangs yig sbyar/ /u ni rnam pa rim bzhin mchog /kun nas nyon mongs lhag par sel/ /hUM gi yi ge dbang phyug mchog /sngon du pad+ma mnyam pa nyid/ /sgong skyes sngon du bzod pa'o/ /de yi lha ni lhag par rdzogs/ /'od zer bye ba rnam mang po/ /de yi ye shes dbang phyug rgyal/ /dbugs mi g.yo bar bsgom par bya| |stobs 'jigs pa yi dbyug pa can/ /hUM gi rnam pa mnga' bdag dbang / /lte bar ji ltar gtso bo nyid/ /e yi rnam pa brda yi lus/ /kun nas dgod pa rnam par bshad// bdag nyid lha dang lha gzhan ni/ /bdag nyid lha ni mchog yin no/ /bdag nyid gdan du grags pa yis/ /bdag nyid lha ni mchod par bya/ /bdag gi gdan gyi le'u bya ba ste bcu pa'o// //de nas gzhan yang bshad bya ba/ /'od zer gyi ni mtshan nyid dag /rdo rje lcags sgrog gi phyag rgyas/ /sa ni sbyang bar bya ba'o/ /hUM gi rnam pas pad+ma bsgyur| |nyi ma'i dkyil 'khor gzhi la ni/ /cod pan rab tu 'god par bya/ /gal te bdag nyid lhar 'dod pas/ /dbugs las lha ni dbyung bar bya/ /gzugs rdzogs yid du 'ong ba nyid/ /mchog gi go 'phang bsgom par bya/ /gnas brgyad so so lha la ni/ /phyag rgya brgyad ni bstan par bya/ /las dang las kyi khyad par la/ /sngags pas 'di </font><hr>221a<br><font size=+1>


@#/ /yi sa bon bzlas/ /sa yi rnam pa zhi ba nyid/ /de bzhin k+Sha yi rnam pas rgyas/ /dbang la yaM gi yi ge shis/ /ha yi rnam pa mngon par spyod/ /mchod pa cho ga kun rdzogs pa/ /gzhan du bltas nas shes par bya/ /phyis ni las la rab tu 'jug /rang gi lus la thim par bya/ /gzhan gyi gdan gyi le'u zhes bya ba ste bcu gcig pa'o// //de nas gzhan yang rab bshad pa/ /stong phrag bdun cu rtsa gnyis nyid/ /lus kyi rtsar ni rab tu nges/ /stong phrag dgu yi grangs las ni/ /bye ba brgya sogs dga' bar gnas/ /stong ba'i dbyibs ni sngon 'gro bas/ /blo dang ldan pas sa bon bskrun/ /zag pa'i lus ni bcom nas kyang / /de yi snying gar pad+ma nyid/ /sgong skyes stong pa yi ni gzhi/ /de ltar gnas la mnyam sbyor bas/ /de yi gnas su shes par bya/ /nyi ma 'char ba'i 'od zer gyis/ /phra rab rdul bzhin gnas pa nyid/ /pad+ma'i rtsa ni so sor bsdam/ /de bzhin 'od zer 'bar ba dang / /kun tu rdzogs pa'i lus po 'byung / /kun tu rdzogs pa lha yi sku/ /rnal 'byor pa yis kun du blta/ /'dod khams srid pa'i gzugs can sogs/ /rgyun du rnal 'byor la brten pas/ /rten gyi ye shes des mthong ngo / /rlung gi dkyil 'khor dbus gnas par/ /me yi dkyil 'khor 'dra ba'o// </font><hr>221b<br><font size=+1>


me yi dkyil 'khor dbus gnas par/ /nyi ma'i dkyil 'khor 'dra ba'o/ /nyi ma'i dkyil 'khor dbus gnas par/ /zla ba'i dkyil 'khor mtshungs pa'o/ /de dbus ji skad gsungs pa yi| |sbyor ba'i gdan zhes bya ba'i ming / /dngos po mi g.yo bar bsgoms pas/ /nyon mongs srid pa'i rgya mtsho zad/ /ye shes nyon mongs kyis bsgribs pas/ /de yi ye shes de dbang phyug /ji ltar byis pa pha ma'i gnas su rtse ba ni/ /tshig nyid dang ni lus ni 'bar zhing g.yo ba yis/ /phyi nas 'di yi ye shes de ni shin tu bsgrim/ /de ltar rnal 'byor bla mas bstan bde yang / /sbyor ba'i gdan gyi le'u zhes bya ba ste bcu gnyis pa'o// //de nas gzhan yang bshad bya ba/ /sbyor ba mchog ni mnyam bshad pa/ /rang bzhin med pa bya ba'i tshig /lhag pa'i gnas su lus bral ba/ /phra ba'i dngos po gos pa med/ /rgyas pa'i sgo ni bsngam par bya/ /de bzhin mchod rten dbang phyug go /chu min nas ni gyen du dbugs/ /de bzhin lto ba rlung gis gang / /ye shes thig le gnas nas gnas/ /rnam par shes pa nges par thim/ /'jig pa med cing 'tshe med par/ /mnyam par gzhag pa'i ngo bos sgom/ /rlung gi dkyil 'khor rdubs pa yis/ /dbus su ye shes skyon med pa'o/ /bla mas bshad pa'i lam gyis ni/ /rtag tu nges par blta ba'o/ /ji ltar bu mo gzhon </font><hr>222a<br><font size=+1>


@#/ /nu gtam gyis rmongs nas su/ /gnyi ga 'tham pa sred nas gtam gyis smras pa dang / /lam ni ji ltar bstan kyang bzung bar mi nus pa/ /de ltar rnal 'byor pa ni lam ngan bstan pa bzhin/ /gsang ba'i gdan gyi le'u zhes bya ba ste bcu gsum pa'o// //de nas gzhan yang bshad bya ba/ /ma bsgral ba rnams bsgral bar bya/ /ma grol ba rnams bdag gis dgrol/ /de ltar rjes su brtse ba'i phyir/ /bdag gi sbyor ba'i bsam gtan bya/ /lus ni rnam pa gsum nyid dang / /ngag gi yang ni rnam pa bzhi/ /yid kyi rnam pa gsum nyid ni/ /lus kyis bsrung zhing rab tu bsdam/ /gnyis kyi gnas ni mngon par spang / /ye shes can gyis thar pa bsten/ /skad cig longs spyod de bzhin sdug /gnyis med lhan cig bstan par bya/ /tshe 'di nyid la sems can rnams/ /skad cig phun tshogs skad cig rgud/ /de bzhin rmongs pa'i longs spyod ni/ /rnal 'byor pa yis los mi bya/ /de phyir nyes pa yi ni gnas/ /'gro ba'i nyes pa srid pa'i dngos/ /longs spyod lhag pa'i gnas gcig gi /'bras bu 'dod pa go bzlog pa'o/ /sems can sbyin la sred pa yi/ /longs spyod kyi ni gnas su brjod/ /de phyir gnyis pa'i lam spangs la/ /rnal 'byor pa yis de bzhin dbus/ /sbyor ba'i </font><hr>222b<br><font size=+1>


chos ni mnyam dmigs pas/ /spyod pa'i chos ni skyon med pa'o/ /bdag med lus ni yang dag gnas/ /bdag med la ni mnyam par brten/ /bslab bya rtogs pa'i le'u zhes bya ba ste bcu bzhi pa'o// //de nas gzhan yang bshad bya ba/ /snying gar zla ba gzhag byas la/ /de dbus bdud rtsi yi ge ni/ /rnam pa kun tu bdud rtsi sngags/ /'od zer 'bar ba bsgom par bya/ /zhi ba'i gnas su sbyar ba yis/ /rnal 'byor par ni yongs su grags/ /ji ltar de yi zla ba nyid/ /tsi tsa'i yi ges rnam par brgyan/ /gser gyi mdog ltar yid 'ong gzugs/ /'od zer sna tshogs bsgom pa yis/ /don 'dod pa yi rnal 'byor pas/ /de ltar sangs rgyas sbyor ba'o/ /hUM gi rnam pa dbang gi dngos/ /nyi ma'i dkyil 'khor la brten pa/ /'od zer du ma'i cho ga nyid/ /dbang nyid du ni yongs su grags/ /rlung gi dkyil 'khor dbus su ni/ /rlung gi dkyil 'khor mnyam pa'i gzhi/ /ji bzhin 'od zer sngon po 'bar/ /mngon par spyod par rab tu grags/ /las kyi le'u zhes bya ste bco lnga pa'o// //de nas gzhan yang bshad bya ba/ /sbyor ba'i zas sman zhes bya yod \?\| |'dab ma 'o ma 'dzag pa dang / /de bzhin me tog a dza ga /dri ni dri zhim rnam par 'byed/ /mdog ni ljang dang ser ba nyid/ /rtsa ba gcig gi dbang nyid dang / /ji ltar me </font><hr>223a<br><font size=+1>


@#/ /bzhin 'tsher ba'o/ /bdud rtsi'i yi ge sgom pa yis/ /mchod dang bzlas pa'i cho gar sbyar/ /mar dang sbrang rtsi mnyam pa'i char/ /srang ni re re bza' ba nyid| |brgya dang de bzhin brgyad cu nyid/ /mkhas pa yis ni bza' bar bya/ /rnal 'byor pa yis lo brgya ru/ /dben pa'i ril gnas na ni/ /ye shes can gyis ye shes lus/ / nges par yongs su rgyas par 'gyur/ /dbang po rnams kyi sred pa dang / /bkres pa la sogs med par 'gyur/ /gnas ni nges pa nyid kyi mchog /rtsa ba rnal 'byor sbyor bar bcas/ /de ltar thos pa'i bdag nyid che/ /sbyor ba'i bstan bcos skyon med pa'o/ /tha mal 'gro bar nges pa ni/ /bde bar gshegs pa'i go 'phang 'dzin/ /de ni yang sos rnal 'byor pa/ /ye shes can gyis ye shes rtog /lnga pa'i lnga ba zhes bya ba'i le'u ste bcu drug pa rdzogs so// //mkha' 'gro ma la phyag 'tshal lo/ /dpal ldan shes rab dbang po spas pa nyi ma'i 'od kyis 'jig rten khams su snang bar mdzad/ /dngos bo du ma'i khyad par bsags pa'i rab rib gang gi mthu yis 'jig mdzad pa/ /rtag tu kun nas rdubs pa'i nga rgyal mi mthun dgra ni dus dang dus su g.yul 'gyed pa'o/ /chags med ye shes ri bo mnyam nyid mnyam pa'i sa bon chen po gcig gis mdzad/ /hUM </font><hr>223b<br><font size=+1>


gi rnam pa 'byin byed dngos/ /hUM gi rnam pa mchog gi lha/ /hUM gi rnam pa stong gyur pa/ /yi ge hUM la phyag 'tshal bstod/ /yi ge brgyad kyi ngo bo nyid/ /spyod bcas mi spyod gsang ba dang / /chu dang me dang de bzhin rlung / /sa ni mig gi yi ge 'o/ /sgo bzhi dang ni phung po bzhi/ /sgong skyes dza lar gnas pa nyid/ /bzhi po nyon mongs ming dang ni/ /yi ge bzhi pa de bzhin du/ /rmongs pas sa dang nyon mongs dang / /sngon du phyugs ni mnyam pa dang / /chu shing me tog pad+ma ni/ /'di yis sgong skyes stan nyid do/ /ba lang rmig pa'i steng du ni/ /bdud rtsi brgyad kyis rnam par dbye/ / shel bzhin du ni dag pa yi/ /snying po yi ni snying po'i mchog /lce la chu ni 'di nyid dang / /nam mkha' rna ba sna dag la'o/ /sa ni mig la sbyar bya ste/ /tshangs par me ni de bzhin 'bar/ / rmongs pa yis ni mgrin par ro/ /g.yo ba'i snying la gnas pa dang / /thams cad nyon mongs brang dang ni/ /phyugs ni lte ba'i rtsa bar ro/ /yan lag brgyad la dgod pa yis/ /'di yis lha nyid yang dag shes/ /yi ge brgyad kyi sngags 'di ni/ /phyag rgya brgyad du rab tu grags/ /dkar dang ser dang de bzhin dmar/ /gnag cing 'bar ba'i las la ni/ /las rnams bzhi la lha mo yis/ /mkhas pas 'bum phrag gsum du bzlas/ /ye shes dbang phyug snying po nyid/ /mchog tu rtag cing zhi ba dang / /phra zhing rags pa'i 'gro ba kun/ /las dang las </font><hr>224a<br><font size=+1>


@#/ /kyi rnam par grol/ /thams cad chu yi dbyibs dang ni/ /mnyam par 'jig byed me dang yang / /ji ltar rtag pa rlung dag dang / /dad pa'i don dang sa dbang po| |lhag ma sa bzhin brtsegs pa ni/ /bzhi pa yi ge drug pa'o/ /'gro ba'i don phyir yi ge brgyad/ /lha brgyad du ni yongs su grags/ /mnyam gzhag bzlas pa'i ngo bo yis/ /'grub par 'di la the tshom med/ /ba dan gsum pa'i phyag rgya yis/ /sngon du reg cing reg pa nyid/ /'jig rten 'dir ni bde ba dang / /rtag tu mchod pa rnyed par 'gyur/ /'chi ba'i dus su ye shes ni/ /gzugs med srid par rab tu gnas/ /bdag gi de nyid mnan pa yis/ /ji ltar sngags 'di 'grub par 'gyur/ /de phyir nan tan thams cad kyis/ /sbyor ba'i bstan bcos rtogs par bya/ /dri zhim rab grags me tog kun nas gnas pa dang / /nag po'i a ka ru dang gu gul mar me dang / /gnyis med gtor ma gcig gis yid ni ldan pa yis| |lha mo ma mo rnam pa kun nas rab tu mchod/ /yi ge brgyad pa'i le'u zhes bya ste dang po'o// //de nas gsang ba'i yan lag gi /thig le la ni bdag phyag 'tshal/ /khams gsum skyes ba zad byas nas/ /ye shes dngos po gnas pa bzhin/ /lha yi dngos po dbyer med pas/ /steng dang 'og dang dbus su ni/ /thams cad </font><hr>224b<br><font size=+1>


kun nas stong pa nyid/ /ri rab gling gzhan zad byas nas/ /mnyam nyid sbyor ba kun du bsam/ /thams cad sdom pa'i dbye ba yis/ /de yis me tog thig le yi/ /thig le'i dbus su gsal ba'o/ /ye shes rdul ni rnam par thim/ /ye shes blo dang ldan pas shes/ /kha dog med cing mtshon kun dngos/ /gzugs med ye shes gzugs bzhin no/ /ring ba ma yin thung ba min| |mi ldan pa dang ldan pa nyid/ /gzugs dang stong pa'i de bzhin dbus/ /lhan cig ye shes gzung bar bya/ /nyon mongs de bzhin mun pa ni/ /rnam shes lhan cig snang ba'o/ /ye shes rdo rje bcom byas nas/ /snang ba'i dngos grub thob par 'gyur/ /rlung gi dkyil 'khor dbus su ni/ /me yi dkyil 'khor 'dra ba'o/ /me yi dkyil 'khor dbus su ni/ /nyi ma'i dkyil 'khor 'dra ba'o/ /nyi ma'i dkyil 'khor dbus su ni/ /zla ba'i \?\dkyil 'khor bsgom par bya/ /de dbus ji skad gsungs pa yi/ /ye shes dang ni rnam shes sems/ /'jigs pa med cing 'tshe med par/ /dngos pos dngos po bsgom par bya/ /ye shes kyi thig le'u sbyor ba'i le'u zhes bya ste gnyis pa'o// //ka ba gcig dang sgo gsum gyis/ /ye shes dbus su thim pa nyid/ /bzlog par bya ba'i sa bon nyid/ /sbyang bya'i yi ge phyed dang gnyis/ /brgyad kyi mtha' la gsum pas drang / /sa bon 'di ni drag po'i me/ /rlung gi </font><hr>225a<br><font size=+1>


@#/ /dkyil 'khor la brten pa/ /sngon gsungs mtshan nyid dang ldan pas/ /sngon du lhan cig bsgoms ba yis/ /dkar pos lus ni bsdam par bya/ /mnyam pa'i gnas su 'bar ba yis/ /ji skad sngon du gsungs pa'i rlung / /dbus su mchod rten sbyang bar bya/ /rlung dang me yi bdun don la/ /rdo rje'i sa bon bsgom byas la/ /sgra dang thig les rnam par brgyan/ /char gyi rgyun zhes bshad pa yin/ /rgyas pa lnga yi sgo nyid la/ /kha dog dkar po bsgom par bya/ /sgo gnyis mngon par bstan pa ni/ /de bzhin chu dang chu min gnyis/ /yi ge nyis 'gyur thigs pa dang / /rtsa bar sgra ni sbyar bar bya/ /'di yis lus ni sdam bya zhing / /me ni sgo ru bsam par bya/ /sems 'di yis ni dmigs par bya| |steng du tshangs pa'i sgo 'di ni/ /tshigs dgu yi ni mchog gi gdan/ /lus med sems kyi ngo bo yis/ /dngos pos dngos po bsgom par bya/ /dus la bab na 'pho bya ste/ / dus min lha rnams gsod pa nyid/ /sdig gis kun nas mi gos te/ /'khor ba'i pha rol mchog tu sgrol/ /'pho bar sbyor ba'i le'u zhes bya ba ste gsum pa'o// // sngon gsungs mtshan nyid ldan par ni/ /sngon du stong pa'i mtshan nyid kyis/ /de yi lus ni sbyang bar bya/ /sbyor bas bsgom pa'i lus can ni/ /dngos po med par bsgom </font><hr>225b<br><font size=+1>


pa'i dngos/ /gang zhig dngos po rnam rtog pa'i/ /dngos por bsgom pa'i sa bon gyis/ /stong pa'i dbus su bsgom par bya/ /dgod bya'i yi ge rnam bkod pa/ /sangs rgyas lnga yis mngon par brgyan/ /dbyig pa 'jig rten dbang phyug gis/ /zhabs skyed phyag na rdo rje dang / /lus ni dril bu 'jam pa'i dbyangs/ /de bzhin mgo ni byams pa dang / /me yi rnam pa steng 'bar ba/ /'khor ba rnam par grol bar mdzad/ /'od zer 'bar ba rnam mang por/ /kun nas stong pa'i dbus su bsam/ /rnam shes ye shes sa bon gyis/ /dbus dang dbus su rnam par dkris/ /bzlas dang bsam gtan mchog brtson pas/ /rlung gi steng du bsam par bya/ /dang po dkar po kun nas bsam/ /gnyis pa de bzhin ser po'o/ /gsum par gang zhig dmar po dang / /bzhi pa la ni sngon po nyid/ /mnyam gzhag bzlas pa'i ngo bo yis/ /'grub par 'di la the tshom med/ /sbyor ba'i gdan gyi ming zhes pa/ /gsang zhing gsang ba gsang chen po/ /bdag gi gdan gyi le'u zhes bya ste bzhi pa'o// //de nas gzhan yang bshad bya ba/ /tsha ba'i sa bon bye brag ni/ /lto ba'i thab khung 'di yi me/ /lto ba'i me ru shes par bya/ /shar gyi cha ni dkar po'o/ /byang gi de bzhin ser po nyid/ /nub kyi phyogs su dmar po ste/ /lho phyogs su ni nag por grags/ /dbus su mnyam pa'i kha dog </font><hr>226a<br><font size=+1>


@#/ /nyid| |me lnga ru ni bsam par bya/ /rdo rje mkha' 'gro'i ming zhes pa/ /shar gyi mer ni rab tu brtag /drag po mkha' 'gro zhes bya ba/ /byang gi phyogs su rnam par brtag /ro langs ma zhes bshad pa ni/ /nub kyi phyogs su rab tu dgod/ /mkha' 'gro gtum mo zhes bya'i ming / /lho phyogs kyi ni me yi ming / /dbus su ye shes me 'di ni/ /ye shes mkha' 'gro zhes bya'i ming / /pad+ma'i gdan la bzhugs pa ni/ /nyi ma'i dkyil 'khor gyis brgyan cing / /lag na rdo rje kha T+wAM dang / /me 'bar ba dang mnyam pa'i 'od/ /gzugs ni mthe bo'i rnam pa tsam/ /khro bo'i gzugs su bsgom par bya/ /na li las ni yi ge brgyad/ /'phyang ba po yi sgo ni thim/ /mkhas pas phyis ni bdag nyid ldas/ /gnas lnga ru ni sbyin sreg bya/ /sems kyis dbugs ni rab bsdams nas/ /dngos pos dngos po bsgom par bya/ /gang zhig cung zad bza' btung rnams// sbyin sreg tu brtags bza' bar bya/ /dang po sgra yi yi ge dang / /de bzhin gnyis pa gnyis 'gyur gnyis/ /gsum pa glo ru re pha dang / /bzhi pa'i steng du thig ler bcas// lnga pa lteng du 'bar ba nyid/ /sa bon lnga la bzlas shing bsreg /de ltar bsgoms pa'i bdag nyid kyis/ /rgyas pa'i sbyor bar grags pa'o/ /sbyin sreg gi le'u ste dang </font><hr>226b<br><font size=+1>


po'o// //de nas dag pa rnam gsum bya/ /swa b+hA ba shud+d+hAHsarba d+harmAHswa b+hA ba shud+d+honyahaM/ badz+ra shud+d+hAHsarba d+harmA badz+ra shud+d+honyahaM/ yo ga shud+d+hAHsarba d+harmA yo ga shud+d+honyahaM/ de ltar spyod pa'i sbyor bas ni/ /yid ni dag par byed pa'o/ /thams cad kun nas stong nyid kyis/ /der ni chu 'di bsam par bya/ /kun nas chu yi gzugs dang ni/ /de yi dbus su pad+ma ni/ / rgya chen yid la 'dod bzhin du/ /gser gyi grong khyer 'byung ba ni/ /rin chen bdun gyis rnam par brgyan/ /seng ge gdan gyi gdan gyi ni/ /nyi ma'i dkyil 'khor gyis brgyan pa/ / dbus su ye shes bsam pa ni/ /ye shes mkha' 'gro'i ming nyid de/ /kha T+r+wAM ga dang rnal 'byor snod/ /rab tu bzhad pas 'jigs par byed/ /na bza' dmar po gtsigs pa'o// dbu skra sil bu rab tu drag /ye shes mkha' 'gro zhes bya'i ming / /sems dpa'i skyil mo krung gis bzhugs/ /ji skad gsungs pa'i phyi rol du/ /de yi gzugs kyi logs gnyis su/ /ji ltar phyogs kyi mdog nyid ni/ /kun nas de yi phyag rgya rigs/ /lnga pa'i bdag nyid bsgoms nas ni/ /rtag tu mchod dang gtor ma dbul/ /chu nya yi ni bdag nyid rnams/ /chu dang me dang de bzhin g.yo/ /ji ltar rlung du du ba bzung / /ye shes rdo rjes dkris pa ni/ /lnga pa'i lha nyid 'byung ba ni/ /lnga pa nyid du bsgom par bya/ /gi </font><hr>227a<br><font size=+1>


@#/ /wang gnyis ni mA ma kI/ /de yi gcig ni bdud rtsi'o/ /A li kA li rab sbyor bas/ /gnyis kyi de nyid rab tu bya/ /A li zhes bya bung bar gsungs/ /kA li de bzhin gshegs ma nyid/ /ji ltar sde tshan gsum pa yi/ /yi ge gsum pa gzung byas te/ /rdo rje yis ni dbyug pa nyid/ /'og pag sogs pas dkri bar bya| |sa bon he ni mchog bsam pa/ /rnal 'byor pa yis sdig pa gcod/ /pad+ma'i dbang phyug sku ni gser gyi mdog /dri yi ngo bo shin tu snang mdzad dang / /ro ni rdo rje dbang phyug rdo rje'i phyag /lha gsum dag gi cho ga shes par bya/ /ha zhes bya bas kha dog 'phrog /ho zhes bya bas dri med cing / /dpa' bo hrIHyis 'joms pa ni/ /rim pa 'di bzhin shes par bya/ /thabs shes sbyor ba'i le'u ste gnyis pa'o// //de nas gzhan yang gzhan gyi gdan/ /dang por re zhig mtshan nyid kyis| |bdag nyid rab tu sbyar bar bya/ /ji ltar me yis thams cad mnyam par bsreg pa dang / /ji ltar nyi mas khyab par 'char bar ston pa dang / /ji ltar rlung gis dri ni mnyam par len pa ltar/ /rnam rtog ring du spangs pa'i rnal 'byor pas/ /sngon gsungs mtshan nyid ldan par ni/ /nyi ma'i dbus su chu dkyil 'khor/ /chu yi </font><hr>227b<br><font size=+1>


dbus su pad+ma ni/ /rab 'dod pad+ma bsam par bya/ /gzhal yas khang ni mdzes pa'i dngos/ /rin chen bdun gyis rnam par brgyan/ /seng ge'i gdan gyi gdan la ni/ /nyi ma'i dkyil 'khor gyis brgyan pa'o/ /na bza' sna tshogs rab tu 'phyang / /gdugs dkar po yis mngon par g.yogs/ /dgod bya'i yi ge rnam par bkod/ /nyi ma'i dkyil 'khor dbus su yang / /dbus su ye shes rnam shes ni/ /gzugs la yon tan dbang pos brgyan/ /dang po'i sgra yig dang po dang / /de bzhin gnyis par nyis 'gyur nyid/ /gsum la logs su re pha dang / /bzhi pa'i steng du thig ler bcas/ /phyogs kyi mdog tu dgod pa ni/ /'od zer 'bar ba rnam mang po/ /mtshams su yi dwags gdan la ni/ /ma ning yi ge bzhi pa nyid/ /dbang ldan seng ge zhes bya ba/ /de bzhin me ru stag mo dang / /bden bral 'ug pa hUM sgrogs pa/ /ce sbyang rlung du dgod par bya/ /dbugs kyis dngos po thams cad dang / /de yi phyag rgya'ang brtag par bya/ /dngos pos dngos po bsgom pa yis/ /mkha' 'gro brgyad kyis rnam par bskor/ /logs su lnga pa'i bdag nyid dang / / dbus su'ang ye shes rnam par dgod/ /bdag nyid lus kyi lus can ni/ /gnyis med mchod pas mchod par bya/ /yid kyi me tog dkram pa dang / /yid kyi bdug pas </font><hr>228a<br><font size=+1>


@#/ /bdug pa dang / /yid kyis byug pas mngon par byug /yid kyi mar me sbar bar bya/ /sngon du rdzas ni lnga pa la/ /sangs rgyas lnga yis byin gyis brlabs// sngon du gsungs pa'i bdud rtsi ni/ /dpa' bo'i lus la gzung bar bya/ /lcags kyus lha rnams thams cad ni/ /bdud rtsi'i yi ge tshim par bya/ /A li kA li rab sbyor las// dpa' bo'i dbus su byin gyis brlabs/ /A lir shes pa mA ma kI/ /skyes bu rdo rje 'jigs byed do/ /lha mo g.yon pa la brten cing / /skyes bu'i rkang pa hUM byas pa/ /de yi rdzas ni rab bstan pas/ /dpa' bos thams cad byin gyis brlabs/ /bdag nyid lnga yi lus la ni/ /mkha' 'gro lnga ni rnam par thim/ /'dod la dga' nyid ma yin zhing longs spyod phyir yang brten mi bya/ /gnyis med gtor ma ldan pa yis/ /dus kun tu ni mchod par bya/ /gzhan gyi gdan zhes bya ba'i le'u ste gsum pa'o// // de nas phyi yi gtor ma bshad/ /snying po'i gnas su mkha' 'gro ma/ /de bzhin byang du 'bar byed ma/ /'jib byed ma ni nub tu gsungs/ /dag 'phrog lho phyogs rnal 'byor ma| |rnal 'byor pho nya bzhi po ni/ /drag po'i gzugs su bsgom par bya/ /bdud rtsi lnga ni sbyin bya zhing / /dam pa'i spyod pas mchod par bya/ /mnyam nyid lte ba'i ye shes </font><hr>228b<br><font size=+1>


kyis| |mkhas pas gtor ma sbyin par bya/ /rdo rje khu tshur gnyis bcings nas/ /rgyab dang rgyab tu sbyar bar bya/ /mthe'u chung gnyis ni sprel byas nas/ /sdigs mdzub gnyis ni bsgreng byas nas/ /'di ltar gsang ba'i phyag rgya ste/ /mkha' 'gro lnga ni kun gyi 'o/ /ba dan gsum pa'i snying gar sbyin/ /steng du khu tshur thams cad bcas/ /'di ni pho nya'i phyag rgya 'o/ /brgyad mtha' dang po'i sa bon dang / /dgu yi mtha' ni byang du shar/ /shar dang nub kyi sa bon dang / /lho yi gsum par mngon par gzung / /pho nya bzhi yi sa bon 'di| |sgra dang thig ler sbyar bar bya/ /shar du bdud rtsi drag po yi/ /sa bon dbus su sbyar bar bya/ /ji ltar las la sogs sbyar ba/ /'bum phrag gsum gyis mngon par 'grug/ tshes grangs med cing rgyu skar med/ /smyung bar gnas pa'ang med pa 'o/ /yid du 'ong ba'i sa phyogs su/ /rtag tu 'bad pas mchog tu bsgrub/ /dam tshig la gnas dpa' bo che| |'dod chags la sogs nyon mongs bcom/ /dag pa'i chos la dmigs pa yi/ /dag pa'i dbyangs ni lam po che/ /chos chen po ni legs par 'ongs/ /ro mchog mchog tu zhim pa'o/ /srid pa'i mgon po rgya che ba/ /sangs rgyas gang la phyag 'tshal lo/ /tshigs bcad 'di yis dbul bar bya/ /sbyor ba'i gdan gyi bdag nyid lha la </font><hr>229a<br><font size=+1>


@#/ /phyag 'tshal 'dud/ /'di nyid tshe la 'khor ba gcod la phyag 'tshal lo/ /tshigs bcad 'di yis blang bya zhing / /tshigs bcad 'di yis rab tu zed/ /pad+mar bsgyur ba'i gdan la ni/ /steng du rdo rje bstan par bya/ /dbus su bdud rtsi ri rab kyis bsrubs nas/ /mthe mdzub gnyis ni sa yi steng du 'thor 'thung dbul| |rgyas pa'i mchod rten lnga la ro yis lan lnga ru/ /bdud rtsi chu yis mchod rten dbus su bsam par bya/ /gzhan gyi gdan gyis bdag nyid dbye ba'i le'u zhes bya ba ste bzhi pa'o// //gzhan yang gtor ma'i las bshad pa/ /logs su gru gsum bya ba ni/ /khrag sogs gyis ni bya ba'am/ /g.yon pa khu tshur bcings byas la/ /dbu ma khro bo brgyang bar bya/ /dbus ma yi ni gsum pa la/ /sdigs mdzub bkug la sbyar bar bya/ /du ba'i lcags kyu'i phyag rgyas spyan drang bar bya'o/ /oM A kaR+Sha ya/ A kaR+Sha ya/ mahA bU dza b+hak+Sha b+hak+Sha/ hUM hUM hUM swAhA/ spyan drang ba'i sngags dang / phyag rgya'o/ /kun nas gtor ma rdzogs byas la/ /lnga pa'i rdzas kyis sbyar bar bya/ /oM shing gcig dang ni dur khrod dang / /ri dang brag dang phug gi sa/ /yul gyi mdo dang lam dang zhing / /khyad par du ni khyim stong nyid/ /shing chen shing gi bdag po dang / /khyad </font><hr>229b<br><font size=+1>


bar du ni chu mig nyid/ /snod dang thang dang sa stong dang / /khyad par sa steng gdol khyim gnas/ /nag po drag po drag chen po/ /lha sbyin mnyam du bsten pa dang / /nag po gtsigs byed 'jigs byed pa/ /dga' las 'das pa bgegs rgyal po/ /rgan byed mo dang drag mo dang / /'jigs byed ma dang u mas bstod/ /rgyal mo rnam par rgyal mo dang / /thub chen gzhan gyis mi thub ma/ /nag mo bzang mo nag chen mo/ /nag mo nag mo rnal 'byor ma/ /dbang byed ma dang zla ba mo/ /drag mo sdang ba'i lam pa ki/ /'phrog byed ma dang me mar ma/ /'jib byed yul gnas rnal 'byor ma/ /drag mo'i gzugs dang gzugs chen po/ /mche ba gtsigs dang thod can ma/ /thod phreng thod pa'i phreng can ma/ /kha T+wAM ga ma rdzu 'phrul che/ /ral gri dgra sta'i lag pa dang / /rdo rje de bzhin gzhu lag ma/ /mkha' 'gro ma lnga'i de nyid che/ /las kun rjes su sgrub byed pa'i/ /sbyor ba'i dkyil 'khor rgyal chen po/ /rdo rje dbang phyug de bzhin gtso/ / de bzhin gshegs pa'i sku chen mo/ /gos med sbyor ba'i lha byed ma/ /rdo rje dbang phyug ma ka yis/ /thams cad thams cad 'gugs pa'o/ /oM A kaR+Sha ya/ A kaR+Sha ya/ sarba de ba lo ki ni na ka k+ka ka Da ni/ kha kh+kha kha Da ni/ bab+ba ban+d+ha \?\ ni hUM hUM hUM phaT phaT phaT swAhA/ sha dang nya yis sbyar ba yis/ /oM gyis spyan drangs gtor ma sbyin/ /ji ltar las la sogs brtsan </font><hr>230a<br><font size=+1>


@#/ /pa| |bco lnga dang ni bcu bzhi dang / /khyad par du ni tshes brgyad la'o/ /dngos grub 'dod pa'i rnal 'byor pas/ /nan tan du ni gtor ma sbyin/ /ye shes can gyi dpal 'dod pas/ /lhag ma'i gtor ma sbyin par bya/ /oM hi li hi li badz+rI/ ma tha ma tha yo gi nI hUM dzaHg+zhan gyi gdan gyi le 'u zhes bya ba ste lnga pa'o// // sngags kyi yi ge yi ge ni/ /yid kyis sprul bas bsgrub par bya/ /snying po'i sems ni rnam spangs nas/ /nyams pa'i gzugs brnyan rnam par bsgom/ /sngags ni dur dur zhes brjod pa/ /e ma sems can nyon re mongs/ /des na yid la mngon 'dod pa'i/ /sngags kyi yi ge mchog nyid ni/ /'gro ba rmongs pa'i de nyid med sngags dang / / log par smra zhing gzugs brnyan sems dang bral/ /sngags kyi bdag nyid blo ldan gyis shes bya/ /las bzhi'i rnam par yongs su grags pa nyid/ /skyes pa du ma'i gzugs dang rnam pa sna tshogs pa/ /nas mthu'i mtshan nyid kun nas thams cad ni/ /g.yo zhing 'thab pa phra zhing gos pa med/ /sngags dang rgyud kyi bdag nyid mchog gi yi ge'o/ /gzugs la sogs pa kun 'jig pas/ /thams cad nam mkha'i bsgom pa 'o/ /khams drug dang ni dbang po drug /dbus ma'i khams nyid 'jig pa </font><hr>230b<br><font size=+1>


dang| |stong pa bco brgyad blo ldan gyis bsgom pa/ /sems can bsgom pa'i dngos po yis/ /stong pas thams cad 'jig pa 'o/ /shar du kha dog dkar po dang / /byang phyogs su ni ser po'o/ /rin chen nyi ma'i 'od 'bar ba/ /lho phyogs su ni sngon po nyid/ /dbus su mnyam pa'i gnas su yang / /mkhas pa yis ni bsgom par bya/ /A li kA lir rab sbyor pa| |de yi sa bon dbyung bar bya/ /nam mkha'i dbus ni mchog nyid du/ /gang zhig dbus su zla ba dang / /zla ba'i dbus su sa bon ni/ /'od zer 'bar ba bsgom par bya/ /tshon sna bdun ni sna tshogs pa/ /'od zer 'bar ba mnyam pa'i 'od/ /gong du bla ma'i yi ge dang / /tha ma bsreg pa'i yi ge dang / /dbus su sa bon gzhag byas pa/ /mnyam gzhag bzlas su 'ong ba yis/ /'bum phrag gsum du mkhas pas bzla/ /sbyor ba'i gdan las shes rab kyi pha rol tu phyin pa'i sbyor ba zhes bya ba le'u dang po'o// //sngon gsungs mtshan nyid dang ldan pas/ /sngon bshad stong pa nyid kyi gzhi/ /ye shes can gyis mnyam gzhag pas/ /gzugs la sogs pa gzhig par bya/ /kun nas stong pa'i dbus su ni/ /mkhas pa yis ni blta bar bya/ /'khor lo nyi ma 'dra ba bzhin/ /'od zer kun nas yang dag gnas/ /phyogs bcu 'jig rten khams kun tu/ /dpag tu me </font><hr>231a<br><font size=+1>


@#/ /par gzhag par bya/ /thig le thig le phra ba'i gnas/ /'jig rten 'jig rten kun mkhyen bcas/ /rlung gi dkyil 'khor dbus su ni/ /me yi dkyil 'khor 'dra pa 'o/ /me yi dkyil 'khor dbus su ni/ /nyi ma'i dkyil 'khor 'dra ba 'o/ /nyi ma'i dkyil 'khor dbus su ni/ /zla ba'i dkyil 'khor bsam par bya| |de dbus ji skad gsungs pa yi/ /rnam shes ye shes sems dpa' 'o/ /spyi bor thams cad bsam pa 'o/ /yi ge yi ge steng du bcas/ /smra ba'i sa bon thams cad ni/ / de ni rgyal po zhes su brjod/ /ye shes dang ni rnam shes dbyibs/ /rlung gi dbus su btung bar bya/ /sa bon de yi sbyar bya ba/ /sgra ni steng dang steng du 'o/ /de ltar sa bon mchog bsam pa/ /ye shes rnam shes ming nyid do/ /'od zer 'bar ba rnam dmar po/ /zla ba'i dbus su bsgom par bya/ /bdun pa'i mtha' ni yang dag blang / /gang gis bdud rtsi sa bon bzhin/ /gang zhig bzlas pas dkris pa ni/ /kha dog dkar por bsam par bya/ /sgra yig dang po blang byas la/ /nyi ma'i dkyil 'khor gyis dkris pa'o/ / dgu mtha'i sa bon yi ge ni/ /logs su me yis spyar bar bya/ /gzhan du rlung gi sa bon dang / /rlung gi ngos su mngon par bsam/ /thams cad kun nas bsgom pa </font><hr>231b<br><font size=+1>


ni| |ye shes thig le zhes bya'i ming / /sdig byed blun po'i sems can rnams/ /sbyor ba 'di yis dag par bya/ /sa bon las ni rdo rje bskyed/ /de bzhin rdo rje'i mtshan nyid shes| |dbus su rnam par snang mdzad lus/ /rab tu mdzes pa'i na bzas brgyan/ /'di ni bsgoms pa tsam gyis ni/ /ting 'dzin kun nas yang dag gnas/ /dbus su 'di gzugs bsam par bya/ /rin chen 'bar bas 'bigs pa yi/ /mgrin par re pha'i thig le dang / /bsgrub bya'i mdun du bsgom bya ba/ /lan bdun pa yis 'byed pa ni/ / mnga' yi rtse mor sa bon bsam/ /kha dog dkar po ka sha bzhin/ /mnga' 'dren pa yis dbyig pa yis/ /sngags pas sa bon bzlas par bya/ /phyag rgya'i rnam pa bcing ba dang // sa bon sems kyis bzla bar bya/ /'bum phrag gcig bzlas rnal 'byor pas/ /de bzhin myur du mngon par 'gugs/ /yi ge gnyis 'gyur thig le dang / /rtsa bar nga ro sbyar bar bya| |de ni bdud rtsi yid 'ong ming / /'bum phrag gcig gis 'grub par 'gyur/ /'byung po bzhin du dri za dang / /mkha' 'gro gnod sbyin ma bshad pa/ /gnod sbyin yi dwags grul bum dang / /rdo rje lha mo rnal 'byor ma /gal te 'dod na phran tshegs mi/ /sbyor bas myur du 'gugs par byed/ /sbyor ba'i gdan las/ /dmar po chen pos kun </font><hr>232a<br><font size=+1>


@#/ /tu rmongs pa zhes bya ba'i ting nge 'dzin gyi le'u ste gnyis pa'o// //gzugs kun zad par byas nas ni/ /gzugs ni mi gnas zad par 'gyur/ /skar ma'i rnam pa'i dbyibs su ni/ /dang por stong pa mngon bsam bya/ /mnyam nyid lta ba bskyed byas nas/ /rlung gi dkyil 'khor dbus su ni/ /dbyug pa 'jig rten dbang phyug mgon/ /gu gul phyag na rdo rje dang / /yan lag 'jam dbyangs dril bu mchog /byams pa zla ba'i ri mo nyid/ /ma zhes bya ba steng 'bar ba/ /rnam par 'khor ba sgrol bar mdzad/ /sa bon 'di yis 'bras bu ni/ /nyi ma'i dkyil 'khor dbus su yang / /'od zer 'bar ba rnam mang por/ /lha nyid lnga ni bsgom par bya/ /ri rab rtse ru gzhal yas khang / /rin chen kun gyis rnam par brgyan/ /gdan du me tog sngon po 'di/ /bung ba'i zas su za ba nyid/ /me tog myur du za ba rnams/ /sbrang rtsi mnyam pa'i gnas nyid do/ /steng du 'phro ba'i yi ge ni/ /sangs rgyas kun du 'thon pa 'o/ /chu dang nam mkha' rlung gi ni/ /sa bon bzhi yis lha nyid do/ /dbyibs ni ban du ka ltar gyis/ /kha dog li khri'i sems kyis ni/ /lha mo mA ma kIr sbyor bas/ /ri rab rtse mor bsam par bya/ /dpa' bo rdo rje dbang phyug mgon/ /lha rnams kun gyi </font><hr>232b<br><font size=+1>


bdag nyid do/ /phyag rgya gnyis dang mngon ldan pa'i/ /rtse mo gsum gyis kun 'jig pa'o/ /sa ni gnas su gnon pa ni/ /rkang pa gnyis kyis rnam par mnan/ /tshems kyi ma mchu btsir nas ni/ /gzugs dang gzugs la lta ba nyid/ /hUM gi glu yi rnam pa dang / /sgra yang de ru sbyar bar bya/ /bdud rtsi re pha thig le dang / /lcags kyu yis ni rtse bar bya/ / lha mo sngags kyi kun nas zlos/ /rdo rje can dang pad+ma'i gdan/ /ji ltar sde tshan gsum pa yi/ /yi ge gsum pa bzung byas la/ /glu ru rdo rje dbyug pa dang / /gnyis par 'og pag gis ni dkri/ /sngags pa mchog gi sa bon 'di/ /kun nas bzla zhing sngon du gzung / /lha rnams kun nas mnyes byas nas/ /'di yi rdzas ni bza' bar bya/ /rgyal pos spro zhing brten pa yis/ /dbang gi las ni mngon du brtsam/ /rab min dman pa'i rigs la ni/ /mngon du las ni sbyar bar bya/ /mnyam pa'i rigs kyi me tog la/ /rgyas pa'i las ni bya bar bya/ /bram ze dang ni rgyal rigs kyis/ /zhi ba'i las ni de las mchog /las bzhi mngon par sbyor ba yis/ /rigs kyi bye brag brtsam par bya/ /bdud rtsi'i gsang ba'i rnal 'byor pas/ /rdzas gzhan dag ni bsgom par bya/ /dbang po lag pa shu dag ru rta dang / /rmongs byed dang ni de bzhin gur gum dang / /ku tan tsa ri zla ba dung </font><hr>233a<br><font size=+1>


@#/ /nyid kyis/ /'di nyid kyis ni rab tu sbyar bar bya/ /dkon mchog gsum la gnod pa la/ /gnyis med gtor ma sbyin par bya/ /sdug phongs la ni rjes btse bas/ /sems can don du las brtsam bya/ /'dod la dga' nyid ma yin te/ /longs spyod phyi ru bsten pa min/ /khro med rmongs pa med pa yis/ /sems can don du sbyang bar bya/ /sbyor ba'i gdan las/ /dbang du byed pa zhes bya ba ste le'u gsum pa'o// //lce la chu ni rnam par sbyar/ /nam mkha' rna ba sna gnyis la/ / sa ni chu la yang dag gsungs/ /mgrin par rmongs pa'i sa dang ni/ /g.yo ba snying la gnas pa 'o/ /nyon mongs kun nas thong ka dang / /phyugs ni lte ba'i rtsa bar ro/ /yan lag brgyad la dgod pa ni/ /lha nyid dang ni sbyar bar bya/ /ye shes mkha' 'gro bsam bya ba/ /rgyan kun gyis ni rab tu brgyan/ /lus kyi sa sogs rab sbyar ba/ /kha dog gcig pa'i rnam par bya/ /mtheb mo sum cu rtsa gnyis tshang / /rnam par shes pa'i nang du 'pho/ /phyi rol nyis 'gyur sa dag la/ /dbugs kyi las la sogs pa bya/ /lto bar me yi lha bsam pa/ /ye shes mkha' 'gro'i ming nyid do/ /dbugs la bdud rtsi yang dag thim/ /kun nas sngon gyi mtshan nyid kyis/ /lha rnams la ni sreg blugs dbul/ /rlung gi </font><hr>233b<br><font size=+1>


dkyil 'khor dbus su ni/ /nyi ma'i dkyil 'khor rnam par brgyan/ /mchog gi dbus nas sa bon ni/ /A li kA li las byung ba/ /kha dog dmar po 'od 'bar ba/ /sa la sogs pa'i phyi rol du/ /'byung dang 'jug pa'i dbugs kyis ni/ /sbyor ba gnyi ga'i phyi rol du/ /sa bon mda' yi rtse mor bsam/ /kha dog nag po 'od 'bar ba/ /sngon gyi ka sha'i sa bon ni/ /oM dang re pha'i thig le can/ /mda' la goms pas brdeg par bya/ /sa bon dbus su son byas nas/ /bdud rtsir dbugs ni 'phrog par bya/ /bdud rtsi yi ger sbyar byas la/ /'jigs pa med cing 'tshe med par/ /dngos pos dngos po bsgom par bya/ /phyi nas bdag gi las la ni/ /ye shes mkha' 'gro'i sbyor ba bzhin/ /oM A kaR+Sha daM hUM swAhA/ rgyud chen po yi sa bon bzlas/ /'jig rten gsum po 'phral du bsgrub/ /sbyor ba'i gdan las 'byung ba dang / /'jug pa'i le'u zhes bya ba ste bzhi pa'o// // yongs rdzogs gzugs ni 'od zer bcas/ /dpral bar zla ba bsam par bya/ /dbus su sa bon hUM rang bzhin/ /kha dog dkar po rab mdzes pa/ /rgya mtsho lta bur rab tu 'jigs/ /kha dog bdun pa rgya chen po/ /phyogs bcu 'jig rten khams kun gyi/ /gzugs rnams thams cad bcom nas su/ /bdag nyid nam mkha'i nam mkha' </font><hr>234a<br><font size=+1>


@#/ /nyid| |dbyibs dang gzugs ni thams cad pa/ /sngon gyi mtshan nyid kun gyis so/ /chu yi dbus su pad+ma 'o/ /gzhal yas khang pa bsam par bya| |rin chen bdun gyis mngon par mdzes/ /zla ba'i dkyil 'khor dbus gnas par/ /hUM gi rnam pa me bzhin 'bar/ /spyi bo'i steng du rdzogs par bya/ /brang du dri med zla ba dang / /dril bu snying gi ngos nyid du'o/ /lte bar dbyug pa gsang ba 'dzin/ /gya gyu rkang pa'i gdan nyid du/ /pad+ma'i gdan la rnam par sprul/ /gzugs rdzogs pa las rdo rje ni| |rdo rje sems dpa' bdag ces brjod/ /dar gyis bcings shing cod pan can/ /sangs rgyas lnga yis mngon par brgyan/ /kha dog dkar po mchog tu 'bar/ /rgyan kun gyis ni rnam par brgyan/ /na bza' sngon po rab tu mdzes/ /rdo rje dril bu phyag gnyis na/ /de ltar bsams pa tsam gyis ni/ /rdo rje sems dpa' bdag ces brjod/ / brgyad kyi mtha' la rtsa bar rlung / /de bzhin rtsa bar re pha sogs/ /gsum pa yis ni rnam par 'dren/ /steng du thig le'i sa bon gyis/ /'di yi 'jig rten gsum po skrag / rdo rje'i sa bon rnal 'byor pas/ /khams gsum thams cad 'dren pa dang / /rlung gi bdag nyid thams cad pa'o/ /sa bon dbus su gnod sbyin ming / /de bzhin lha </font><hr>234b<br><font size=+1>


yi ming nyid do/ /sa bon dbus su ming rnams ni/ /thams cad me yi dbang phyug nyid/ /'bum phrag gsum bzlas rnal 'byor pas/ /rgyas par yongs su grags pa nyid/ /mnyam gzhag bzlas pa'i ngo bo yis/ /'grub par 'di la the tshom med/ /phyag 'tshal bsreg pa mthar bzhag pa/ /sngon du bsnyen pa'i rnam ba bya/ /gsang ba'i gdan zhes bya ba rgyas pa bshad pa'i le'u ste dang po'o// //sor bzhi par ni nam mkha' 'o/ /gang phyir nam mkha' skar ma nyid/ /kun nas 'bar ba'i 'od zer mes/ /phyogs bcu'i 'jig rten khams kun dang / /khams gsum skyes pa zad byas nas/ /thams cad kun nas 'bar ba yi/ /me yi gzugs kyang de bzhin zad/ /de nyid lnga yi khyad par nyid/ / shar du rdo rje dkar po 'o/ /ser po rdo rje byang du 'o/ /nub tu rdo rje dmar po nyid/ /lho ru sngon po'i rdo rje can/ /kun nas rdo rje 'bar ba'i 'od/ /dbus su mnyam pa'i kha dog nyid/ / thams cad kun nas sngon po yi/ /dbang po'i gzugs ni rdo rje 'dzin/ /sor bzhi pa yi nam mkhar ni/ /sgrol ma yi ni mtshan nyid ni/ /A li kA lir rab sbyor ba'i/ /de yi sa bon 'byung ba'o/ /dbus su sgrol ma gzhag bya ba/ /phyag rgya 'di yis mchod par bya/ /chu shing me tog lte bar gnas/ /snying gar phreng bar gnas pa nyid/ /rtag tu kha ni </font><hr>235a<br><font size=+1>


@#/ /mar phyogs pa/ /mkhas pa yis ni rgyas par bya/ /rtag tu 'dab ma brgyad par 'gyur/ /gsungs pa'i ge sar gyis ni brgyan/ /de dbus zla ba dkar po ni/ /'o ma zla ba de yi dbus/ /'di ltar shes pa'i rnal 'byor pa/ /gsang ba'i gdan gyi ming nyid yin/ /gzugs la sogs pa mi gzung zhing / /stong pa'i sems kyang ma yin no/ /gzugs dang stong pa de bzhin dbus/ /ye shes can gyis de bzhin gzung / /mnyam nyid ye shes thams cad kyis/ /kun nas blta ba thams cad rig /bla mas bstan pa'i lam gyis ni/ /rtag tu nges par blta bar bya/ /ji ltar bu mo gzhon nu gtam gyis rmongs nas su/ /gnyi ka 'thab pa phrad cing gtam ni smras pa dang / /lam ni ji ltar bstan kyang gzung bar mi nus pa/ /de bzhin rnal 'byor pa ni gzhon nus bstan pa bzhin/ /rnal 'byor pa yis thos tsam gyis/ /nyon mongs ring du spong bar byed/ /gang zhig sbyor ba bsten pa yis/ /sangs rgyas 'bras bu myur du 'thob/ /gang gis sna tshogs bsten pa yis/ /de yis las ni 'grub par 'gyur/ /thams cad rgyud du bshad pa ni/ / rnam shes lhan cig sprad par byed/ /ji ltar sems kyi kun nas ni/ /nan tshan gyis ni ye shes sbyar/ /gsang ba'i gdan gyi le'u gnyis pa zhes bya ba'o// // </font><hr>235b<br><font size=+1>


zla ba'i dkyil 'khor dbus gnas par/ /rdo rje sems dpa' mngon par sprul/ /de yi snying gar yi ge hUM/ /kha dog dkar po bsam bar bya/ /bdud rtsi re pha thig le dang / /de yi sa bon sbyar bar bya/ /zhi bar rgyal zhing mchog tu brtson/ /zhi ba'i dus la bab nas ni/ /bdag nyid sbyin sreg rab tu bya/ /zhi ba'i 'o/ /snying ga dkyil 'khor dbus su ni/ /kha dog zhi bar mtshungs pa 'o/ /bdud rtsi kun nas rig pa yi/ /zla ba'i dbus su bsgom par bya/ /de ltar bsgoms pa'i rnal 'byor pa'i/ /rgyas par yongs su grags pa nyid/ /snying gar nyi ma'i dkyil 'khor la/ /rked par re pha thig le can/ /dmar zhing dmar bar bsams pa yis/ /dbang nyid du ni yongs su grags/ /snying ga'i dkyil 'khor dbus su yang / /rlung gi dkyil 'khor kun nas bsam/ /dngos su rlung gi sa bon ni/ /dbus su dgra yi ming nyid kyang / /ji ltar du ba du ba'i mdog /mngon spyod par ni rab tu grags/ /kun nas thams cad stong pa nyid/ /sngon gyi mtshan nyid sbyar bar bya/ /rlung gi dkyil 'khor dbus su ni/ /nyi ma'i dkyil 'khor bsgom par bya/ /de dbus hUM gi rnam pa ni/ /'bar ba'i phreng ba mnyam pa'i 'od/ /rlung gi sa bon gyis ni dkri/ /dbus su ming nyid sbyar byas la/ /rlung gis bskyod pa'i lus su ni/ /sgrub pa po yis bsam par bya/ /gang bsams de ni bskrad par 'gyur// </font><hr>236a<br><font size=+1>


@#/ /rlung gi dkyil 'khor dbus su ni/ /mkha' 'gro drag mo bsam par bya/ /sngon gyi mtshan nyid kun rig pas/ /gzugs dang dbyibs bzhin bsgom par bya| |me 'bar ba dang mnyam pa'i 'od/ /mdun du zlos shing kun du bsam/ /bsgrub bya yi ni lus kyi khar/ /rlung gi sa bon gyis ni gtso/ /mthar ni 'joms pa'i yi ge dang / /sngon bzhin me yi yi ge nyid/ /dbus su bsgrub bya'i ming 'di ni/ /'bum phrag gcig tu bzlas pa yis/ /gang phyir sbyor ba bsnyen pa yis/ /lus ni kun nas sdom pa'o/ /rlung gi dkyil 'khor dbus su yang / /gtum mo'i rnal 'byor bsten par bya/ /kha dog sngon po 'jigs chen po/ /shin tu bzhad pas 'jigs par byed/ /lag na lhung bzed kha T+'+waM ga /rgyan kun gyis ni rnam par brgyan/ /dgra yis kun nas gdan du ni/ /bdag nyid rkang pas mnan par bya/ /rdo rje'i sa bon re pha la/ /lcags kyu'i yi ges sbyar nas ni/ / mtha' ru 'joms pa'i yi ge ni/ /'bum phrag gcig gis 'grub par 'gyur/ /gsang ba'i gdan gyi le'u gsum pa zhes bya ba'o// //ji ltar lus las byung ba yi ni pad+ma la/ /bung pa gnyis kyis bdud rtsi za ba'i sems dang yang / /yang dag sbyor bas byang chub yan lag ldan pa yi/ /mchog gi chos gsum pha rol phyin </font><hr>236b<br><font size=+1>


la phyag 'tshal lo/ /srin mo dang ni ro langs ma/ /mi med dur khrod gnas su ni/ /yi dwags ches dang skar ma la/ /brtan pa'i sems kyis bsgrub par bya/ /ra nag po yi pags pa blang| |mtshon gyis ma bsnun sbyar bar bya/ /ras ni brkyang la thig gis gdab/ /rdzas lnga dang ni yang dag ldan/ /gnyis med gtor ma byin gyis brlab/ /lcags kyu lnga dang ldan pa yi| |sngon du gsungs bzhin dbul bar bya/ /mkha' 'gro'i gtor ma byin brlabs nas/ /de yi ra yi sha yis ni/ /sbyin sreg brgya rtsa brgyad du bya/ /bris sku gnas su gzung byas la| |gtor mas mchod la bri bar bya/ /kha dog nag po 'jigs chen po/ /rol pa'i 'phen pas yang dag gnas/ /yan lag brgyad du kun gyis brgyan/ /skra ni dgyes pas rnam par brgyan/ /spyan gsum khro bo mche ba can/ /phyag bzhi yis ni rnam par spros/ /kha T+'+waM ga dang rdo rje'i lag /de bzhin ral gri thod pa dang / /glang po'i pags pas mngon par bgos| |stag gi pags pa'i sham thabs can/ /de ltar srin mo ro langs ma/ /rnal 'byor mchog tu brtson pas bri/ /kun nas gtor ma yang dag ldan/ /mi med dur khrod gnas su ni/ /nag po'i ra yi sha dang ni/ /zho dang mar du mngon par sbyar/ /brgya rtsa brgyad bcu \?\ bsreg byas pas/ /pho nya ro langs ma rab 'grub/ /mgo la hUM/ spyi bor ha/ mig la hrI/ </font><hr>237a<br><font size=+1>


@#/ /sna la he/ rna ba la haM/ lce la ho/ snying gar hUM/ yan lag drug tu bkod pa'i sngags so/ /oM hrIHha na ha na/ sarba sha trUM ma tha ma tha/ ban+d+ha ban+d+ha hUM a mu ka /sang g+hA ta ya g+hA ta ya/ hUM hUM hUM/ phaT phaT phaT/ phu phu/ 'di ni bsgrub pa thams cad kyi sngags so/ /ba dan gsum pa'i phyag rgyas ni/ /yan lag drug tu dgod par bya| |ba dan gsum pas snying gar sbyin/ /dpung pa kun nas brkyang byas la/ /se gol gyi ni sgra dang ni/ /hUM gi rnam par lhan cig sbyar/ /g.yas brkyang ba yis yang dag gnas// 'dir ni mchog gi phyag rgya'o/ /slob dpon la ni dmod pa dang / /dam tshig spyod la 'phya ba dang / /dkon mchog gsum la gnod byed pa/ /sdig gis gos par mi 'gyur ro| |skye ba bye ba brgya stong du/ /sangs rgyas ye shes kyis bskul zhing / /dge ba'i bshes gnyen bsten pa yis/ /rnal 'byor gtsug lag phrad pa'o/ /sems can thams cad skyon med cing / /sems can thams cad bde gyur cig /gang gis lam nas 'gro ba yis/ /sangs rgyas nyid du grub gyur cig /ma bsgral ba rnams bsgral ba dang / /ma grol ba rnams bdag gis dgrol/ /de ltar rjes su brtse ba'i phyir/ /rnal 'byor bstan bcos 'di bgyis so/ /gdan bzhi pa las/ sbyor ba'i rab tu byed pa gdan bzhi'i </font><hr>237b<br><font size=+1>


le'u zhes bya ba rdzogs so// //dpal gsang ba thams cad kyi rgyud ces bya ba 'di ni/ paN+Di ta smr-i ti dz+nyA na kI rtis gsar du bsgyur nas bshad cing gtan la phab pa/ /de ltar na rgyud 'di'i le'u sil bu rnams phyogs gcig tu bsdoms na le'u brgya dang bzhi bzhugs so/ /slad nas bu ston thams cad mkhyen pa'i thugs dam rgyud 'bum dang / dpe dbang rnying pa dag dang yang gtugs te sdebs zhus dang bcas pa ches shin tu dag par bgyis so// </font><hr>

</table>