//rgya gar skad du/ namaHtA ra e ka bi sha ti s+t+wo tra gu Na hi ta sA ka \?\ bod skad du/ sgrol ma la phyag 'tshal nyi shu rtsa gcig gi bstod pa phan yon dang bcas pa/ rje btsun ma 'phags ma sgrol ma la phyag 'tshal lo/ /phyag 'tshal sgrol ma myur ma dpa' mo/ /spyan ni skad cig glog dang 'dra ma/ /'jig rten gsum mgon chu skyes zhal gyi/ /ge sar bye ba las ni byung ma/ /phyag 'tshal ston ka'i zla ba kun tu/ /gang ba brgya ni brtsegs pa'i 300a @#/ /zhal ma/ /skar ma stong phrag tshogs pa rnams kyis/ /rab tu phye ba'i 'od rab 'bar ma/ /phyag 'tshal gser sngo chu nas skyes kyi/ /pad+mas phyag ni rnam par brgyan ma/ /sbyin pa brtson 'grus dka' thub zhi ba/ /bzod pa bsam gtan spyod yul nyid ma/ /phyag 'tshal de bzhin gshegs pa'i gtsug tor/ /mtha' yas rnam par rgyal bar spyod ma/ /ma lus pha rol phyin pa thob pa'i/ /rgyal ba'i sras kyis shin tu bsten ma/ /phyag 'tshal tut+tA ra hUM yi ge /'dod dang phyogs dang nam mkha' gang ma/ /'jig rten bdun po zhabs kyis mnan te/ /lus pa med par 'gugs par nus ma/ /phyag 'tshal brgya byin me lha tshangs pa/ /rlung lha sna tshogs dbang phyug mchod ma/ /'byung po ro langs dri za rnams dang / /gnod sbyin tshogs kyi mdun nas bstod ma/ /phyag 'tshal trad ces bya dang phaT kyis/ / pha rol 'khrul 'khor rab tu 'joms ma/ /g.yas bskum g.yon brkyang zhabs kyis mnan te/ /me 'bar 'khrugs pa shin tu 'bar ma/ /phyag 'tshal tu re 'jigs pa chen mo/ /bdud kyi dpa' bo rnam par 'joms ma/ /chu skyes zhal ni khro gnyer ldan mdzad/ /dgra bo thams cad ma lus gsod ma/ /phyag 300b 'tshal dkon mchog gsum mtshon phyag rgya'i/ /sor mos thugs kar rnam par brgyan ma/ /ma lus phyogs kyi 'khor los brgyan pa'i/ /rang gi 'od kyi 'khor los brgyan pa'i/ /rang gi 'od kyi tshogs rnams 'khrug ma/ /phyag 'tshal rab tu dga' ba brjid pa'i/ /dbu rgyan 'od kyi phreng ba spel ma/ /bzhad pa rab bzhad tu tut+tA ra yis/ /bdud dang 'jig rten dbang du mdzad ma/ /phyag 'tshal sa gzhi skyong ba'i tshogs rnams/ /thams cad 'gugs par nus ma nyid ma/ /khro gnyer g.yo ba'i yi ge hUM gis/ /phongs pa thams cad rnam par sgrol ma/ /phyag 'tshal zla ba'i dum bus dbu brgyan/ /brgyan pa thams cad shin tu 'bar ma/ /ral pa'i khrod na 'od dpag med las/ /rtag par shin tu 'od ni mdzad ma/ /phyag 'tshal bskal pa mtha' ma'i me ltar/ /'bar ba'i phreng ba'i dbus na gnas ma/ /g.yas brkyang g.yon bskum kun nas bskor dgas/ /dgra yi dpung ni rnam par 'joms ma/ /phyag 'tshal sa gzhi'i ngos la phyag gi /mthil gyis bsnun cing zhabs kyis brdung ma/ /khro gnyer can mdzad yi ge hUM gis/ /rim pa bdun po rnams ni 'gems ma/ /phyag 'tshal bde ma dge ma zhi ma/ /mya ngan 'das zhi spyod yul nyid ma/ /swAhA oM dang yang dag ldan pas/ /sdig 301a @#/ /pa chen po 'joms pa nyid ma/ /phyag 'tshal kun nas bskor rab dga' ba'i/ /dgra yi lus ni rab tu 'gems ma/ /yi ge bcu pa'i dag ni bkod pa'i/ /rig pa hUM las sgron ma nyid ma/ /phyag 'tshal tu re'i zhabs ni brdabs pas/ /hUM gi rnam pa'i sa bon nyid ma/ /ri rab man dA ra dang 'bigs byed/ /'jig rten gsum rnams g.yo ba nyid ma/ /phyag 'tshal lha yi mtsho yi rnam pa'i/ /ri dwags rtags can phyag na bsnams ma/ /tA ra gnyis brjod phaT kyi yi ges/ /dug rnams ma lus par ni sel ma/ /phyag 'tshal lha yi tshogs rnams rgyal po// lha dang mi 'am ci yis bsten ma/ /kun nas go cha dga' ba'i brjid kyis/ /rtsod dang rmi lam ngan pa sel ma/ /phyag 'tshal nyi ma zla ba rgyas pa'i/ /spyan gnyis po la 'od rab gsal ma/ /har gnyis brjod tu tatA ra yis/ /shin tu drag po'i rims nad sel ma/ /phyag 'tshal de nyid gsum rnams bkod pas/ /zhi ba'i mthu dang yang dag ldan ma/ /gdon dang ro langs gnod sbyin tshogs rnams| |'joms pa tu re rab mchog nyid ma/ /rtsa ba'i sngags kyi bstod pa 'di dang / /phyag 'tshal ba ni nyi shu rtsa gcig/ //lha mo la gus yang dag lnga ni pa'i| |blo ldan gang gis rab dad brjod pas/ /srod dang tho rangs langs par byas nas/ /dran pas mi 'jigs thams cad rab ster/ /sdig pa thams cad rab tu zhi 301b ba/ /ngan 'gro thams cad 'joms pa nyid do/ /rgyal ba bye ba phrag bdun rnams kyis/ /myur du dbang ni bskur bar 'gyur la/ /'di las che ba nyid ni 'thob cing / /sangs rgyas go 'phang mthar thug der 'gro/ /de yi dug ni drag po chen po/ /brtan gnas pa'am gzhan yang 'gro ba/ /zos pa dang ni 'thungs pa nyid kyang / /dran pas rab tu sel ba nyid thob| |gdon dang rims dang dug gis gzir ba'i/ /sdug bsngal tshogs ni rnam par spang ste/ /sems can gzhan pa rnams la yang ngo / /gnyis gsum bdun du mngon par brjod na/ /bu 'dod pas ni bu thob 'gyur zhing / /nor 'dod pas ni nor rnams nyid 'thob/ /'dod pa thams cad thob par 'gyur te/ /bgegs rnams med cing so sor 'joms 'gyur/ /sangs rgyas dang / /byang chub sems dpa' thams cad kyis gsungs pa bcom ldan 'das ma 'phags ma lha mo sgrol ma la yang dag par rdzogs pa'i sangs rgyas kyis bstod pa phyag 'tshal ba nyi shu rtsa gcig gis bstod pa sgrol ma las sna tshogs bstan pa'i rgyud las byung ba rdzogs so// |