H429

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H429</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H429&coll=lhasa">see text in Tibetan script</a></table>247b<br><font size=+1>


//rgya gar skad du/ nI lAm+ba ra d+ha ra badz+ra pA Ni yak+Sha ma hA ru dra badz+rA na la dzi hwA tan+t+ra nA ma/ bod skad du| phyag na rdo rje gos sngon po can gnod sbyin drag po chen po rdo rje me lce'i rgyud ces bya ba/ 'phags pa phyag na rdo rje la phyag 'tshal lo/ /'di skad bdag gis thos pa dus gcig na/ bcom ldan 'das thams cad 'byung ba'i yum btsun mo'i b+ha ga la bzhugs te/ de nas gnod sbyin drag po bye ba phrag bcu dang / stong gsum gyi stong chen po'i 'jig rten gyi khams na drag cing gtum pa'i rigs ji snyed pa thams cad thabs cig go /de nas bcom ldan 'das drag po'i skyil mo krung bcas nas g.yas pa nam mkha' la bsgreng / g.yon pa sa la bgrad nas spyan ldog pas phyogs bcur gzigs te zhal nas hUM ha zhes pa'i sgra cher byung ngo / /de nas 'khor thams cad gtso bo mi snang bas yun ring du brgyal bar gyur to/ /de'i skad cig de la bcom ldan 'das kyi spyi bo'i gtsug nas sangs rgyas </font><hr>248a<br><font size=+1>


@#/ /thams cad kyis gnang ba/ sngags rnam gsum gyi bdag por gyur pa/ phyag brnyan lag na rdo rje zhes bya ba/ kha dog sngon po cher grags pa/ phyag g.yas pa na rdo rje rtse dgu pa thogs pa/ g.yon pa na nam mkha' lding gi rgyal po drag po thogs pa zhig rgya mtsho chen por zhugs so/ /de nas nam mkha' lding gi gshog pa bskyod pas rgya mtshor zhugs te klu'i rgyal po dga' bo dang 'jog pos rang gi bdag po'i spyi bor 'dud do/ /nye dga' bo dang dung skyong gis rna cha byas so/ /rigs ldan gyis mgul rgyan du byas so/ /pad+ma dang pad+ma chen pos lag gdub tu byas so/ /sprin gyi shugs can gyis se ral khar bcings so/ /hu lu hu lus ska rags su byas so/ /'brug sgra dang bdud 'joms kyis rkang gdub tu byas te/ slar bdag po'i lag pa g.yon par song ngo / /de nas gnod sbyin bye ba phrag bcu dang / drag po'i rigs rnams brgyal ba las sangs te phyogs kun tu bltas pa las phyag brnyan lag na rdo rje rgya mtsho'i nang du 'dug pa mthong nas rings par kye ma a la la bdag cag gi gtso bo nyid bzhugs so/ /zhes brjod nas song ba las phyin te bltas pas cher drag pa/ skra kham pa gyen du 'phags pa/ mig me mdag gi phung po ltar 'bar ba/ mche ba gtsigs pa/ lce glog ltar 'gyur/ /gsus pa rdzing bu ltar 'khyil ba/ rgya mtsho'i zabs su dpag tshad brgyad khri yod pa rkang pa'i pus mor phyin pa/ klu'i </font><hr>248b<br><font size=+1>


rgyan cha bdun dang ldan pa/ lag pa g.yas na rdo rje rtse dgu pa thogs pa/ g.yon na nam mkha' lding gi rgyal po drag po thogs pa/ sku byin po la dpag tshad nyis 'bum drug khri yod pa bzhugs so/ / de nas gnod sbyin rnams kyis gsol pa/ gtso bo/ khyod kyis bcom ldan 'das la gsang ba'i don drag po rgyas par gsol cig /bdag cag rnams kyis zhu bar ma spo bas so zhes gsol nas lag na rdo rje la gos sngon po dar la bai DUR+Ya zhun ma'i nang du btsos pa zhig bla gos su gsol to/ /stag gi pags pa drug stong gis sham thabs su bcings so/ /de nas lag na rdo rje rings par bcom ldan 'das kyi spyan sngar song ste zhabs la spyi bos gtugs te mdun du snying po dang ldan pa'i skyil mo krung bcas te 'dug go /de nas bcom ldan 'das kyis nam mkha' dang sa gzhi la gzigs nas bar snang du yang spyan gyis 'khor bar gzigs so/ /de nas khaM bruM saM zhes bya ba'i sngags brjod do/ /de nas lag na rdo rje stan las langs nas rdo rje thal mo rang gi snying gar sbyar te bcom ldan 'das la 'di skad ces gsol to/ /kye ma bcom ldan 'das la gsang ba drag po'i don bdag dang / sems can thams cad la phan pa'i phyir zhu na/ ci bcom ldan 'das kyis skabs dbye bar gnang ngam zhes gsol ba dang / ci yang mi gsung bar bcom ldan 'das gdug pa'i tshogs nges par 'dul ba zhes bya ba'i ting nge 'dzin la snyoms par zhugs te/ zhugs </font><hr>249a<br><font size=+1>


@#/ /ma thag tu stong gsum gyi stong chen po'i 'jig rten gyi khams na 'khod pa'i gdug pa thams cad snying 'dar bar gyur to/ /de nas ting 'dzin de las bzhengs nas lag na rdo rje la gzigs te/ byed pa g.yon pa'i chu shing snying po nas drangs te bkug pa'o/ /byed pa skyes pa'i chu shing sgra dang bcas pas brkyang ba byas te gnas so/ /de nas lag na rdo rje phyag rgya de nyid yang dag par rig ste tshig 'di skad ces brjod de/ khyed la sogs pa'i 'khor dag sa phyogs 'dir ma gnas par phyogs gzhan du de nges shig /gal te mi 'gro na khyed la sogs pa'i snying 'gas par 'gyur ro/ /zhes brjod pas sgra gnas kyi khung bur sgrib byed kyi tshogs song ste snga ma bzhin du 'khod do/ /lag na rdo rje gos sngon po can rdo rje me lce'i rgyud las/ gleng gzhi'i le'u ste dang po'o// //de nas phyag na rdo rje yis/ /thub pa'i sku la 'di skad gsol/ /gsang ba'i rdo rje drag po'i don/ /rgyas par bdag la bshad du gsol/ /gsang ba'i bdag po legs par yang / /nyon la yid la zungs shig khyod/ /nga yi gsang ba gang min pa/ /rdo rje drag po gang yin pa/ /de la mtshan nyid gzhan med de/ /khyod nyid kyi ni rgyud dang yang / / khyod kyi bya ba'i las bshad bya/ /skye ba bzhis bsdus sems can rnams/ /gdug pa can gyis gtses gyur pa/ /thabs su ldan pa'i zlog pa yi/ /mtshan ma nges par bshad par bya/ / </font><hr>249b<br><font size=+1>


ba ni rnam par snang mdzad de/ /dza ni mi bskyod thub pa'i sku/ /ra ni rin chen 'byung ldan sku/ /me lce'i yi ga 'bru gsum po la/ /dang por gtso bo bshad bya ba/ /pA ni rdo rje 'joms byed ma/ /Na ni pad+ma 'joms byed ma/ /i ni kun 'gro 'joms byed ma/ /'og btags gsum po ming mthar sbyar/ /e ni kun tu go byed de/ /ra ni smin par byed pa ste/ /ba ni kun nas sdud pa yin// sa ni yongs su rten pa'i las/ /ya ni yang dag bskyod par bshad/ /go 'byed gnyis pa'i steng gnas pa'i/ /sna ldan ngag tu shes par bya/ /de las nges par byung bas na/ /kun snang gang yin dngos dang sbyar/ /bsam pa'i dngos la 'jug rnams kyi/ /yan lag thabs rnams thams cad du/ /gong du smos nas brjod pa yin/ /don du gsal bar zlos pa yis/ /tshig ni rgyas par brjod mi dgos/ /las las grub pa'i gzugs rnams la/ /drag po yongs su ston pa dang / /gnod sbyin be con thogs rnams la/ /gtso bo'i don du bshad pas na/ /tshig tu nges par yang dag brjod/ /khyod kyi lung 'chang rab dga' bas/ /de nyid rigs su byung ba ste/ /kun kyang drag po'i las la dga'/ /snang ba dag par mi mthong bzhin/ /de nyid la ni nges par brjod| |gong du bstan pa gang yin pa/ /so so dag la gdon mi za/ /sbyor ba sna tshogs nges bsgrub na/ snang bar 'byor pa sna tshogs pa/ /mngon du rgyas shing nges par gsal/ /snang ba </font><hr>250a<br><font size=+1>


@#/ /chen po bdag med par/ /rgyud pas yongs su 'grub pa yin/ /kun rdzob gong ma'i tshig lta bur/ /dngos po bstan pa lta bur mthong / /don dam 'og ma'i sgra lta bur// nyon mongs kun bsregs rang bzhin gyis/ /'od gsal ba ru gnas pa yin/ /snying po don dam la 'jug pa/ /phyi rim kun rdzob la brten bya/ /dang por sangs rgyas mi gnas shing / /snga ma'i bya ba sbyor bar brtson/ /dbang thob pa la rlom sems med/ /bla med man ngag nges pa las/ /bla ma nyid la ci nus kyis/ /yang dag par ni mchod par bya/ /rdo rje ngo bo kun 'byung dang / /gdug pa thams cad sreg phyir gang / /dngos po la 'jug gong ma'i sgra/ /gong ma'i tshig tu brjod pa yin/ /lag na rdo rje gos sngon po can rdo rje me lce'i rgyud las/ nges tshig gi le'u ste gnyis pa'o// //gos sngon lag na rdo rje yis/ /sangs rgyas mgon la 'di skad gsol/ /gang zhig bsgrub par bya ba yis/ /thabs kyi dkyil 'khor gsung du gsol// rig pa'i rgyal pos bka' stsal pa/ /yang dag don dam dngos gyur na/ /dkyil 'khor lha gzugs med pa ste/ /'gro ba rtog pa la gnas par/ /de yi kun rtog bsal ba'i phyir/ /lha yi sbyor ba bshad par bya/ /gang zhig mos par byed pa yis/ /khru gsum dkyil 'khor phyogs bzhi pa/ /nags sam dur khrod khang stong ngam/ /gtsug lag khang ngam mchod rten nam/ /de dag </font><hr>250b<br><font size=+1>


gnas su nges par brtsam/ /dang par bsnyen pa rab gnas pas/ /bu mo bcu drug ston mo byas/ /bdag gis zhag gsum khrus bya zhing / /spyi bo lkog ma snying ga ru/ /gsang ba gsum gyi yi ge brtag /rams su btsos pa'i gos nyid la/ /gur gum thig le nges btab ste/ /de nyid la ni bskon par bya/ /zas su dkar gsum sbyin byas shing / /skyes pa dang ni 'phrad mi bya/ /snying po 'di nyid 'bum tshad du/ /rang gis bzlas pas rig pa 'byin/ /de nas bsnyen pa rdzogs pa las/ /bu mo nyid la tshig brjod do/ /ba yi rnam lnga nyid dang yang / /rams dang mthing shun kun 'dus su/ /rin thang mi brtsi nyor bcug ste/ /de nyid rigs mthun nang btums la/ /gnas gang yin par bdag la gtad/ /de yis zhag gsum sbyor ba yis/ /phyag rgya nges pa nyid dang yang / /snying po gong gi sbyor ba yis/ /dri chu btab la grangs tshad du/ /phyin par yang dag bzlas par bya/ /de nas skud pa sngon po ni/ /bu mos legs par bkal ba la/ /sngags kyis dag byas rab mdzes pas/ / srad bu dgu ru nges par bsgril/ /me tog sngon po'i nang btums la/ /seng ldeng phur pa lnga rnams kyis/ /srad bu yongs su bri bar bya/ /rab tu tshad du nges pa yis/ /phyag rgya ma la ngag brjod pas/ /de nyid mnyam par bzhag pa yis/ /dkyil 'khor legs par byas pa yin/ /'phang du khru gang tshad byas te/ /dang por byang shar mtshams nyid nas/ /kun rten kha dog </font><hr>251a<br><font size=+1>


@#/ /rigs mthun blang / /yongs su bsdus byas nges par bya/ /gnyis pa gnyis pa nyid du nges/ /gsum pa gcig gi tshad dang ldan/ /de ltar tshad du ldan pa las/ / shin tu mnyam par 'thas par bya/ /de nyid rjes su 'jug pa yis/ /dang po'i srad bu gang yin pas/ /kha dog ser po'i thig gdab bya/ /dkyil 'khor dgu ru nges pa las/ /'bru dang sa dang rin chen dang / /phye ma nyid du btags pa yis/ /dkyil du pad+ma bcu drug pa/ /'dab mar ldan par bri bar bya/ /shar dang lho dang nub byang dang / /mtshams rnams su yang de bzhin bri| |le tshe'i pad+ma gang yin pa/ /sna tshogs par ni yang dag bshad/ /mtshams rnams su ni mchod pa yi/ /lha mo yongs su dgod par bya/ /sgo bzhi dag tu khro mo bzhi/ /sbyor bas yang dag dgod par bya/ /rin chen pha gu 'dod yon dang / /dra ba dra phyed yang dag ldan/ /twa ra na ni bzhis brgyan cing / /sna tshogs rdo rje gzhir gnas yin/ /gdugs dang ri dwags gang yin pa| |rgyan rnams kun gyis rnam par sgeg /sngags pa byang chub blo ldan pas/ /keng rus phreng ba nyid dang yang / /sbrul mgo'i phreng pas rnam par brgyan/ /rdo rje sna tshogs rab 'bar ba'i| |phreng bas phyi rol legs par bskor/ /zur bzhi dag tu bum pa bzhi/ /rgyan gyis rdzogs par yang dag bri/ /de dkyil phyag na rdo rje nyid/ /snga ma'i tshul gyis yongs su gnas// </font><hr>251b<br><font size=+1>


shar du khams gsum rnam rgyal nyid/ /yang dag par ni bri bya ste/ /kha dog dmar po nyid la yang / /dbu gsum phyag ni drug pa'i dbyibs/ /zhabs bzhi brkyang bskum tshul du bzhugs/ /pho ni rdo rje nges pa las/ /mo ni dgra sta yang dag ldan/ /bar ma gnyis kyis 'ching byed pa/ /gung mo mthe bong nges mdud nas/ /gzhan rnams yongs su brkyang ba yin/ /de nyid snying po gang yin pa| |snying gar yang dag bzung byas nas/ /de 'og pho yis zhags pa 'dzin/ /mo yis dril bu bzung byas pha/ /dang bo nyid la dgod par bya/ /lho ru nag po chen po nyid/ /kha dog dud sprin lta bu la/ /zhal gcig phyag ni gnyis pa'i dbyibs/ /pho nyid tsan+dan bde chen bsnams/ /mo ni zhags pa yongs su 'dzin/ /khro zhal gzigs pa mi bzad pas/ /phyogs bcu rnams su rab tu gzigs/ /de nyid mgon po gang yin pa/ /phyogs gnyis par ni rab tu dgod/ /nub phyogs gsum par dgod bya ba/ /lus ngan sras po stobs po che/ /kha dog ljang gu nyid la yang / /cung zad spyan ni rgyas pa nyid/ /zhal gcig phyag ni gnyis pa la/ /spyi bor rdo rje rmog gis brgyan/ /g.yas pa nyid la rdo rje can/ /g.yon pa ne'u la'i rkyal pa 'dzin/ / zhabs gnyis drang por rab gnas te/ /shar phyogs bltas pas yongs su gnas/ /byang phyogs bzhi bar dgod bya ba/ /bdud rtsi 'khyil pa yongs su gnas/ /kha dog sngon pa de nyid la/ / </font><hr>252a<br><font size=+1>


@#/ /rngam pa khro gnyer brjid pa'i zhal/ /g.yas bskum g.yon brkyang stangs stabs tshul/ /phyag gnyis brang du ral bsnol te/ /g.yon du nges par cung zad gzigs lhor bltas yang dag dgod par bya/ /byang shar rdo rje gnod sbyin te/ kha dog dmar nag 'jigs pa la/ /g.yas brkyang g.yon bskum rab bzhugs nas/ /phyag g.yas gri gug rnon po 'phyar// g.yon pa cang te'u drag po brdung / /gtso bo la bltas dgod par bya/ /shar lho rdo rje ro langs nyid/ /kha dog sngon skya rab 'bar la/ /mi bzad 'bar ba 'jigs pa'i gzugs/ /cung zad g.yas su nges par gzigs/ /g.yas brkyang g.yon bskum tshul gnas te/ /rdo rje lcags sgrog rab bzung nas/ /gong srin la sogs gsum po rnams/ /dam por bkug pas 
 su bsdams/ /mtheb mdzub bzhi rnams rab brkyang ste/ /spyi bor nges par bsnol bar bsnams/ /lho nub rdo rje mkha' 'gro ste/ /kha dog dmar skya nyid la yang / /shin tu mi bzad 'jigs ba'i gzugs/ /zhabs gnyis mthil sbyar btsugs pa la/ /nam mkha' gru bzhi pa ru 'dod/ /lag gnyis sbyi bor thal sbyar nas/ /me lce 'bar ba yongs su 'dzin/ /thod pa lnga yis mgo brgyan pa/ /gtso bo la bltas dgod bar bya/ /nub byang bzhi pa'i mtshams su yang / /rdo rje 'jigs byed ces bya ba/ /kha dog nag po 'jigs pa'i gzugs/ /zhal gsum phyag ni </font><hr>252b<br><font size=+1>


drug pa la/ /zhabs gnyis dag tu rnam par bshad/ /g.yas g.yon dang po glang chen gyis/ /pags pa yongs su brkyang pa 'dzin/ /de 'og g.yas pas dgra sta la/ /g.yon pa rdo rje yang dag 'dzin| |gsum pa'i g.yas na lcags kyu ste/ /g.yon na mi mgo rlon pa bsnams/ /brkyang bskum tshul du gnas nas kyang / /gtso bo nyid la kha bltas bzhugs/ /mtshams kyi gru chang gang yin par// 'od skyed ma dang yid 'phrog ma/ /kun bzang ma dang glu sgra can/ /rang gi phyogs kyi kha dog la/ /shin tu zhi bas ldem bag can/ /phyag g.yas su ni me tog dang / /dri dang zhal zas sil snyan rnams// gar gyis rol par yang dag ldan/ /nu ma cung zad 'bur ba la/ /dar dag dkar pos smad g.yogs pas/ /gtso bo la bltas mdzes pa'i gzugs/ /phyi yi gra ru dgod par bya/ /sgo rnams su ni sgo skyong ni/ /srog gcod ma dang dbugs rdub ma/ /khrag 'thung ma dang sha za ma/ /zhal gcig phyag ni gnyis pa la/ /stag dang seng+ge sbrul dang yang / /dom du yang dag gnas pa ste/ /phyag g.yas tho ba rkyal ba dang / /hom gzar gri gug rnon po bsnams/ /g.yon pa rnams ni zhags pa nyid/ /kun kyang 'jigs par yongs su 'dzin/ /rang gi phyogs kyi kha dog ste/ /kun kyang nag po shin tu sreg /g.yon brkyang g.yas ni bskum pa nyid/ /mche ba gtsigs shing rngam pa'i sku/ /shin tu khro gnyer brjid pa'i zhal/ /gar thabs kyis rol bde chen gnas/ /cung zad </font><hr>253a<br><font size=+1>


@#/ /g.yon du gzigs pa yis/ /ha la ha la'i sgra yang sgrog /gzhan yang lha rnams de dag kun/ /thod pa \?\ lnga yis rgyan byas nas/ /rgyan cha lnga dang yang dag ldan/ / kun kyang stag gi pags pa yis/ /smad ni yongs su dkris pa yin/ /de steng gdan ni rab gnas pa/ /gtso bo gnyis la nyi zla yis/ /phrag pa nyid la 'khor bar rgyu/ /tshangs pa dbang po lha chen gnyis/ /zhabs gyis yongs su mnan pa yin/ /shar gyi lha chen rnam rgyal nyid/ /keng rus steng na bzhugs pa bzhin/ /gzhan yang de ltar gnas pa yin/ /sa bon gnas ba gang yin pa| |sgra dang bcas pa shes par bya/ /dang po gtso bo skyed byed gang / /hUM las nges par rdzogs bya zhing / /gzhan rnams 'di las 'byung bar bsam/ /hUM maM baM aM/ yaM baM DaM b+haM/ braM maM saM shaM/ praM shaM raM laM/ de dag las byung sngags pa yis/ /'od dang bcas par ba der gshegs kyi/ /zhal nas 'byung bar yang dag ldan/ /de las rags pa gang zhig gis/ / 'bar 'phro nges par bskyed par bya/ /dang po kun kyang gcig pa yis/ /baM las gyur pa sna tshogs pa/ /yang dag par ni bskyed par bya/ /de 'og kaM las rab bskyed pas/ /skam por yongs su brtag pa yin/ /de dag rab rdzogs sngags pa yis/ /sku ru yongs su rdzogs byas la/ /bdag gis rnal 'byor yang dag 'grub/ /de nas sngags pa blo ldan pas/ /rigs su </font><hr>253b<br><font size=+1>


nges par gang yin pa/ /thabs 'di la ni 'jug par bya/ /kun la 'jug par gyur pa yi/ /khyab pa'i bdag po chen po ni/ /rigs kyi gtso bos sbyi la khyab/ /mdun ni rdo rje'i rigs yin te/ /lha min la sogs nges par 'jig /g.yas pa nyid na gnas pa gang / /rin chen rigs su nges pa ste/ /sha za la sogs nges par 'jig /rgyab na gnas pa gang yin pa/ /pad+ma'i rigs su yang dag ldan/ /nor la sogs pa gang dgod pa/ /re ba bzhin du skong bar byed/ /g.yon na nges par gnas pa gang / /las kyi rigs su nges pa las/ /klu dang gnod sbyin la sogs pa/ /ma rungs pa rnams yongs su 'jig /gzhan rnams lhag ma thams cad kun/ /pho nya'i tshul du nges par gnas/ /dang po nyi ma shar ba na/ /las kyi sbyor ba sna tshogs pa/ /so so dag la snying po nyid| |gong du buM las rab rdzogs pa'i/ /brgya rtsa brgyad dag nges par bzlas/ /hUM gi sgra dang rab ldan pas/ /bdag nyid kha nas me 'bar gnas/ /phyag rgya snang bar bcas byas te/ /de nyid stangs stabs bskyod pa yis/ /gdug pa thams cad sreg byed dang / /bder gshegs mngon par dgyes par bya/ /rdo rje dril bu bzung byas nas/ /khro bo 'i cha lugs gang yin pas/ / phyogs rnams rmongs par byed pa yin/ /lha mo'i gzugs 'chang gang yin pas/ /gzhan gyi sems kyang 'phrog par byed/ /re mig rnams kyi bar gang yin/ /me lce 'bar ba yongs </font><hr>254a<br><font size=+1>


@#/ /su bri| |'khor lo'i 'og tu gnas bya ba/ /chos 'byung phyag rgya nges par bri/ /thabs dang shes rab ldan pa la/ /kun 'byung yul du nges par gsal/ /rten 'brel yang dag 'byung ba yis/ /kun rdzob la ni don dam brten/ /rten pa nyid du yang dag gnas/ /de bas snang ba mi gsal bar/ /chos 'byung phyag rgya nges par yang / /rgyas pa la sogs ma yin gyi| |drag po'i dkyil 'khor yin pa dang / /de bzhin dbyibs su rang gsal ba/ /dran dang bcas pas bri bar bya/ /mthu dang ldan pa'i gang zag la/ /stobs ni shin tu nges par skye/ / dkyil 'khor lha gnyis mngon bsgrubs bas/ /lus la gzi brjid 'jug pa'o/ /rdo rje me lce'i rgyud las/ /dkyil 'khor dang lha'i le'u ste gsum pa'o// //lag na rdo rje gos sngon gyis/ /'jig rten mgon la 'di skad gsol/ /dkyil 'khor lha rnams dgyes bya ba/ /thabs de gang lags gsung du gsol/ /nang gi bdag nyid can dang yang / /phyi yi khrus sogs rab byas la/ /rab gsal la sogs rgyun bcad nas/ /gang yang rung ba'i lo nyid la/ /ston zlar ba nas brtsams nas/ /lha min bla dang me tog gi /drag po dang po de nyid la/ /bdag gis sbyor ba nges par brtsam/ /dang po bdag nyid lus nyid la/ /rgyan cha lnga yis rab brgyan te/ /lus la gos dag sngon po nyid/ /bla gos smad g.yogs yang dag bcings/ / </font><hr>254b<br><font size=+1>


spyi bo la sogs gnas lnga ru/ /sbrul gyis yongs su bcings par bya/ /rang nyid dkyil 'khor shar sgo ru/ /'dug pas sbyor ba brtsam par bya/ /de nas dang po bla re gang / /steng du nges par phub byas la| |zur bzhi dag tu bdan bzhi/ /sngon pos yongs su dpyang bar bya/ /bla re dag gi dkyil dag nas/ /skud pa la brgyus me tog gi /phreng ba yongs su dpyang bar bya/ /de nas snga ma'i tshul gnas la/ /gong du bstan pa'i gnas rnams su/ /bdag gi las 'di nges par brtsam/ /gtor ma'i las rnams kun rdzogs dang / /mchod pa rnam pa lnga rnams dang / /seng ldeng phur pa sor brgyad la/ /sngags 'di yis ni yang dag bsngags/ /oM badz+ra kI la ya sarba bi g+haM ha na ha na hUM phaT/ oM badz+ra pany+tsa dz+nyA na sho d+ha ya sar+b+ba tsak+Shu ka ra ya hUM/ sngags de dag gis phur pu dang / /skud pa lnga la lan grangs ni/ /nyi shu rtsa gcig bzlas byas la/ /tsan+dan la sogs dri lnga yis/ /gos pra yang dag bcang bar bya/ /de nas sngags pa blo ldan pas/ /bdag nyid srung ba'i 'khor lo brtsam/ /rang gi phyi rol mtshams su ni/ /mi 'gyur las ni bsil ldan sgom/ /de steng sdud pa'i dngos po gan/ /kha dog nag po yang dag bsam/ /de las khyab byed rigs lnga pa/ /yang dag par ni bsam par bya/ /de nas yongs su rdzogs pa las/ /bdud rtsi 'khyil par dag bsam ste/ /rdo rje sdigs mdzub phyag rgya yis/ /sngags bzlas pas ni </font><hr>255a<br><font size=+1>


@#/ /bgegs bskrad la/ /rigs gtso'i rtse mo de nyid la/ /kaM las lus skyob bsam bya ste/ /sbyi bor gnas pas khyab par bsam/ /de nas gtor ma de nyid la| |gdug pa la sogs gang yin dang / /skye ba bzhis bsdus sems can la/ /las kyi bar chad mi 'gyur phyir/ /bsam par rdzogs par rin thang bya/ /de nas bdag nyid dad pa yis| |mchod pa rnam pa lnga rnams ni/ /bsam pa sngags kyis dbul bar bya/ /gong ma'i stang stabs las bya ba/ /g.yas pa nges par bskums pa las/ /g.yon pa legs par brkyangs byas te/ /g.yas pa'i lag pas rdo rje nyid/ /phyar nas g.yon gyi be con dang / /rtse sprad spyi bor gnas byas la/ /g.yon pa'i be con g.yas spos la/ /g.yas pa rdo rje g.yon pa yi| |lag pas bzung nas snying gar mnan/ /be con nges par bskor ba yis/ /phyogs bzhi mtshams su nges par gdab/ /kha nas hUM gi sgra 'bar zhing / /sna tshogs rdo rje gar thabs kyis| |lan gsum bar du bskor bar bya/ /de nas gdug pa gang yin pa/ /phyogs bzhi dag tu song ba las/ /sa phyogs nges par gtsang bar 'gyur/ /de nas thig sogs gdab pa yis/ /sta gon legs par gnas pa dang / /rim pa bzhin du dbang bskur la/ /rmi ltas nges par gdab par bya/ /bzang ngan ltas dag dbab pa dang / /bzlog dang mi bzlog bya ba gnag/ /shes rab </font><hr>255b<br><font size=+1>


can gyis gsal bar brtag /sangs rgyas dkyil 'khor bzhengs bya'i phyir/ /bdag gis drag po dang po la/ /phye ma lnga la sngags dag dang / /phyag rgya bcas pas byin gyis brlab/ /de nas snod dag thod pa la/ /byas pas rdo rje phyag rgya gdab/ /nges par las kyi sbyor ba brtsam/ /phyogs su nges par skor ba yis/ /dbugs rgyu ba yi dngos po gang / /yi ge mngon par gsal ba yis/ /rgyun mi 'chad par bri bar bya/ /skabs kyi skad cig shes pa yis/ /rab tu khro gnyer bstan par bya/ /dang po nag po bri bya zhing / /gnyis pa dkar po nges par dgye/ /gsum pa nyid ni ser po ste/ /bzhi pa dmar po yang dag ldan/ /lnga pa ljang gu bri bya zhing / /drug pa kha dog sna tshogs kyis/ /dkyil 'khor las rnams rdzogs pa dang / /rdzas su yongs su ldan byas te/ /gru bzhi dag tu byang shar gyi/ / mtshams nas sa gang bu mo yis/ /blangs pa las byas mchod rten ni/ /sngon po bzhi dag gzhag par bya/ /de yi bskor ba'i rtse mo la/ /gong gi srad bu btags byas te/ /me tog sngon po'i phreng ba yis| |'khor bar yongs su brgyan par bya/ /bum pa sngon po bcu bdun nyid/ /mtha' ma'i phyogs su nges par gzhag /sman dang spos dang snying po dang / /la na tshwa rtsi thog la sogs pas/ /legs par bkang pas gnas pa yin/ /rgyan rnams kun gyis rab brgyan nas/ 
/lus la mngon par phyogs par gzhag /de nas sngags pa blo ldan pa/ /grangs dang nges par rab sbyar la/ /zhal zas zu </font><hr>256a<br><font size=+1>


@#/ /med legs pa dang / /dri dang snang ba gang yin dang / /byug pa'i dri dang tshangs skud dang / /phreng ba ral gri be con rnams/ /yang dag pa ru dgod par bya/ /gdugs dang rgyal mtshan ba dan dang / /phyogs su nges pas yang dag gnas/ /de nas bdag po gang zhig gis/ /na bza' dar yug sngon po la/ /gur gum thig les legs bris la/ /de nyid la ni dbul bar bya/ /yol pa sngon pos phyogs bskor la/ /phyi ma rnams kyis snang mi bya/ /gal te snang bar gyur pa na/ /rang gi lus las ma gtogs pa'i/ /gzhan rnams brlag par 'gyur ba yin| |de bas legs par bsgrims pa yis/ /phyi rol gzhan la bstan mi bya/ /gang zag gcig pur gnas pa yis/ /las kyi sbyor ba 'di brtsam bya/ /phyag dag sngon du song ba yis/ / mchod pa'i las la mngon par gzhag /bdag nyid las kyi phyag rgyar gnas/ /bsam pa mngon du gyur pa yis/ /kun gyi 'bras bu gang yin pa/ /bdag gis gsal bar rab tu brtag/ sngags dang phyag rgya rab ldan pa'i/ /mchod pa 'di dag nges pa las/ /bgegs bsal ye shes rab dbab pa'i/ /rnal 'byor rdzogs par yang dag gnas/ /rang rang rigs kyi phyag rgya yis// sngags bzlas pa yis dbul bar bya/ /oM na mo nA lIM ba ra d+ha ra badz+ra pA Ni maN+Da la de ba tA nAM puSh+pa pU dza me g+ha sa mu dra s+pha ra Na sa ma ye hUM/ oM na mo nA lIM ba ra d+ha ra badz+ra pA Ni maN+Da la de ba tA nAM </font><hr>256b<br><font size=+1>


d+hu pa na ra yA tA yA mi hUM/ oM na mo nA lIM ba ra d+ha ra badz+ra pA Ni maN+Da la de ba tA nAM A lo ke nir yA ta yA mi hUM/ oM na mo nA lIM ba ra d+ha ra badz+ra pA Ni maN+Da la de ba tA nAM gan+d+ha nir yA ta yA mi hUM/ oM na mo nA lIM pa ra d+ha ra badz+ra pA Ni maN+Da la de ba tA naM nai wi d+yi nir yA ta yA mi hUM/ oM na mo nI laM ba ra d+ha ra badz+ra pA Ni maN+Da la de ba tA nAM shabad nir yA ta yA mi hUM/ oM na mo nA lIM ba ra d+ha ra badz+ra pA Ni maN+Da la de ba tA naM tsa ni yA nir yA ta yA mi hUM/ oM na mo nA lIM ba ra d+ha ra badz+ra pA Ni maN+Da la de ba tA nAM bA sa na nir yA ta yA mi hUM/ oM na mo nA lIM ba ra d+ha ra badz+ra pA Ni maN+Da la de ba tA nAM gan+d+ha ra nir yA ta yA mi hUM/ oM na mo nir laM ba ra d+ha ra badz+ra pA Ni maN+Da la de ba tA nAM s+phaR+sha nir yA ta yA mi hUM/ oM na mo nA lIM ba ra d+ha ra badz+ra pA Ni maN+Da la de ba tA nAM rat+na sarbA bstu nir yA ta yA mi hUM/ de yi sngags kyi mchod pa las/ /sdig pa bshags pa'i sngags kyis su/ /phyag rgya nges par rab bcas pa/ /sdig pa bshags pa'i smre sngags kyis/ /lus ngag yid gsum btud pa yis/ /yang dag par ni bshags par bya'o/ / bsod nams rjes su yi rang dang / yongs su bsngo dang skyabs 'gro dang / /sems bskyed pa dang gnas bzhi dang / /gong du bstan pa'i phyag rgya nyid/ /skabs 'di dag tu shes par bya/ /dang po rgyu las skyes pa las/ /phyi nas dngos por mi gnas shing / /rang bzhin 'od ni gsal bar bsgom/ /lag na rdo rje gos sngon po can rdo rje me lce'i rgyud las/ mchod pa'i le'u ste bzhi pa'o// </font><hr>257a<br><font size=+1>


@#/ /de nas lag na rdo rje yis/ /gsang ba'i mgon la 'di skad gsol/ /bsam pa rab tu rdzogs pa yi/ /nang gi rnal 'byor gsung du gsol/ /bde gshegs gsang bas bka' stsal pa/ /gang zhig bsgrub par bya ba la/ /thabs kyi dngos grub par 'gyur/ /dang po shes rab can dag gis/ /bdag gi dngos por snang ba las/ /de nyid dad la mchog nyid kyis/ /'od zer bsil ldan yang dag bsam/ /de la gang du gyur pa ni/ /dbyugs rgyu 'gugs par nges par bsam/ /de las gsal ldan rigs lnga pa/ /stong pa'i dpe las mngon song ba'i/ /gzugs bzang ma sogs rig ma yis/ /mi 'chi lnga ldan dus 'gyur las/ /'dzin pa can la sbyin par bsgom/ /de nas sngags 'dis rab bsngags te/ /bdag nyid rigs su ldan pa yis/ /bdag pos phyag rgya nges par gsal/ /oM a b+hi Shiny+tsa tu mAM badz+ra pA Ni hUM a ho a ha raM ta thA s+thi to yaM a ho ma ma pr-i yaM stu ti hUM/ bdag nyid dngos po la brten nas// mtshan mar mi gnas ma skyes pa'i/ /gdod nas grub pa bsam bya ste/ /sangs rgyas dngos la rab sbyor bas/ /dang por dngos dag bsam byas nas/ /bdag nyid gang gi gzugs gnas la| |steng du mig 'dra'i dngos po bsgom/ /de las gang du gyur pa las/ /'jigs byed rigs dgu nges par bsam/ /mig 'dra'i spu gu rab sbyar bas/ /snying po'i steng du gsal bar </font><hr>257b<br><font size=+1>


snang / /snying po'i steng du chu bsgrubs pas/ /yan lag stong dang ldan pa nyid/ /spun la phyogs par kha bltas nas/ /bdag las gong du gyur pa yi/ /hUM gnyis las bsgrub steng ma yi/ /nges par gsal byed sbyar ba las/ /dngos po'i snying por rab song ste/ /de las mi 'chi 'od ldan pas/ /'joms byed steng na rab gnas pa'i/ /mig 'dra'i yan lag brgyad dang ldan/ /'joms byed mig 'dra gar mar sbyor/ /thabs dang shes rab gsum du nges/ /dngos po gsum las rab brgyud de/ /snying po'i steng du rab gnas pa'i/ /mig 'dra steng du nges par song / /rang gi gar ma'i khyon tsam la/ /skad cig bye brag bcu drug pa'i/ /thabs su yongs su rdzogs pa ste/ /dang po dngos por brtag mi bya/ /rdzogs pa nyid la me 'bar bas/ /rim pa de nyid mi gnas shing / / dngos po'i snang ba gang yin pa/ /mar me'i rtse mo lta bu yi/ /phyi nas rang bzhin 'od gsal ba'i/ /dang po rab tu brtag par bya/ /rim pa gsum pa rab rdzogs yin/ /steng du paM gnyis rab 'bar dang / /hUM las skyes pa thub pa'i sku/ /yang dag pa ru brtag bya yin/ /'og kyang gong ma'i sa bon las/ /bskyed par bya ba kho na yin/ /sems dpa' gnyis su nges pa dang / /'khor lo spros pas char lta bu'i/ /lo tog shin tu smin byed pa'i/ /skyon rnams spangs nas de nyid du/ /slar yang ngo bos yang dag gnas/ /de ltar gsal bar ma 'khrul bar/ /skyon gyis ma gos dri </font><hr>258a<br><font size=+1>


@#/ /med do| |mkha' la kun zhes sems kyis su/ /rdo rje lam du rab zhugs nas/ /nor bu dri med zla ba yi/ /las la sbyor ba sna tshogs pa/ /mnyam par sbyar bas bde ba'i mchog /mi 'dzag gnas dang ldan par 'gyur/ /mkhas pa sangs rgyas bde bas bde/ /lus la chags par mi lta zhing / /sems la chags pa chen por bskyed/ /de 'dra'i spyod pas yongs bsdus nas/ /gang zhig mya ngan 'das pa las/ /mchog gyur mi gnas mya ngan 'das/ /sa la mngon par mi gnas shing / /kun tu 'ang mngon par mi gnas pas| |ye shes rdo rje go 'phang nyid/ /brgyud pas mngon du byed pa la/ /'di la rdzas la sogs pa yi/ /'di yi dngos grub gang yin pas/ /nges par 'grub pas smos ci dgos// shes rab can gyi las 'di las/ /chags pa chen por yang dag bsgrub/ /lus la me 'bar chen po yi/ /snying po 'di nyid bzlas pa las/ /rang nyid pad+ma gsang ba yi/ /drag po'i rtags su nges pa ste/ /de bzhin rtag tu bsgrub par bya/ /sngags bzlas cho ga gsum las ni/ /khyad par nges par dmigs byas la/ /bdag nyid tha mal gzugs kyis gnas/ /de dag phan tshun brgyud pa yis/ /zo chun brgyud pa bzhin du bsam/ /drag po'i bzlas pa de nyid dang / /rang bzhin rdo rje'i bzlas pa yis/ /rigs gsum yongs su bsdus pa yin/ /oM b+hau </font><hr>258b<br><font size=+1>


b+hau bA na nA ga a d+hi ba ta ye/ i daM nI lAM ba ra d+ha ra sha rI raM/ badz+ra pA Ni hri da yaM/ yaHsa mA ti kra ma tha/ mA ku la uta sa da nAM b+ha bi ShaM te/ tad+ya thA/ bud+d+ha bud+d+ha/ bi bud+d+ha bi bud+d+ha/ ma ti kra ma tha/ ha ra ha ra nA gA nAM/ pra ha ra pra ha ra nA gA nAM/ ts+tshin+da ts+tshin+da nA ga hr-i da yA ni/ b+hin+da b+hin+da nA ga marma ni b+hi shIR+Yan+tu nA ga sha rI raM/ bi s+pho Ta ya nA ga nA ya nA ni/ tad+ya thA hUM phaT/ nA ga bi dA ra NA ya hUM phaT/ nA ga kro ta sA da nA ya hUM phaT/ nI lIM ba sa nA ya hUM phaT/ a pra ti ha ta ba la pra rA kra mA ya hUM phaT/ kr-i tA na tA ya hUM phaT/ kr-i tAn+ta ta rU pA ya hUM phaT/ ro Sha NA ya hUM phaT/ trA sa nA ya hUM phaT/ kuM b+hAn+da uta sA da nA ya hUM phaT/ pra ta pi shA tsi bi nA sha ka rA ya hUM phaT/ yak+Sha a basmA bi nA sha kA ra ya phaT/ ha na ha na hUM phaT/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sar+b+ba big+h+naM bi nA sha ka rA ya phaT/ sar+b+ba sha trUM saM g+ha bi nA sha ka rA ya hUM phaT/ i daM nI lAM ba ra d+ha ra badz+ra pA Ni rA dz+nyAM pa ya ti swAhA/ oM daMSh+Da ka rA lo ki b+hI Sha na nI lAM ba ra d+ha ra badz+ra pA Ni ye/ nA ga a laM kA ra sa pa te ke tu byA g+h+ra tsa ra ma ni ba sa nA ya/ b+ha ma kA ra ga ru Da ra sa ti/ kro d+ha mUr ti na tre lokya da hA ya/ b+h+ya ma man+t+ra a sa na ru drA ya nA ga tsa ru ma b+hak+ShA ya hUM phaT/ oM trai lo kya b+hi dzA ya hUM phaT/ oM mahA kA la ro Sha NA ya hUM phaT/ oM bai shra ma NA ya hUM phaT/ oM a mr-i ta kuN+Da la hi na ha na hUM phaT/ oM badz+ra yak+Sha hUM phaT/ oM badz+ra ya be tA li ni hUM phaT/ oM badz+ra DA ki ya hUM phaT/ oM badz+ra b+hai ra bA ya hUM phaT/ oM </font><hr>259a<br><font size=+1>


@#/ /badz+ra pra b+hot+pa tA ye hUM phaT/ oM ma no hA ra ya hUM phaT/ oM sa man+ta b+had+ye hUM phaT/ oM shab+ha gI t+ye hUM phaT/ oM pra NA pa te t+yai hUM phaT/ oM shwAM sa t+yai hUM phaT/ oM rA ga ta pri ya ni hUM phaT/ oM mA na sa b+hak+Sh-i ni hUM phaT/ oM tsaN+Da mahA ro Sha Na sar+b+ba sid+d+hI ya hUM phaT/ oM ma Ni d+ha ri badz+ri Ni hUM phaT/ oM ba su rat+na bi ta hUM phaT/ oM a mr-i ta sid+d+hi hUM phaT/ oM saM sho d+ha ya ba ra ba ra hUM phaT/ oM tsa pa sha sa ba ni ra hUM phaT/ oM ku mA ra tsa sha ma Ni hUM phaT/ de nas phyogs bcu 'khrugs pa las/ /yi ge nges par gang yin pa/ /bla ma'i man ngag rab gsal bas/ /gcig tu bsdus pas bzlas par bya/ /rang byung sngags pas bdag nyid la/ /grangs tshad bzung ba gang yin pa/ /rigs kyi dbang gis rnam par bshad/ /kun tu snang ba gang yin pa/ /rigs su bsdus nas ngag gi yang / /spyod yul ma yin tha ma la gnyid/ /drag po'i snying po nyid la yang / /rang bzhin rdo rje bzlas pa yis/ /rigs gsum yang dag bsdus pa yin/ /gong ma'i sngags la rab bsngags pa/ / mtha' ru kun la hUM gis brgyan/ /de mthar bskrad pa'i tshig dag gis/ /yongs su brgyan pas nges par bzlas/ /gang dang gang la las sbyor ba/ /de dang de las man ngag gis/ /mngon par shes pas yang dag bshad/ /bzlas pa phun sum tshogs ldan pas/ /rab 'bring tha ma ldan pa yis/ /dang po sbyor ba nges pa dang / /mtha' mar las la 'jug pa la/ /grangs dang </font><hr>259b<br><font size=+1>


cha ru rnam par ldan/ /spyod yul bsdus pa nges gsal ba/ /bdag gis gang la brtag par bya/ /dang por srid la chags pa dang / /bar du gang zhig gnas pa nyid/ /tha mar 'jig pa gang yin pas| |sngags rnams thams cad rgyas par gsungs/ /'byung ba lnga dang rab ldan pas/ /de las chos rnams thams cad las/ /yongs su 'byung bas yang dag gnas/ /de dang rab sbyar dang po'i don| |'di las grub par gyur pa gang / /las rnams sna tshogs gang yin pa/ /gdon mi za bar nges pa yid/ /lag na rdo rje gos sngon po can rdo rje me lce'i rgyud las/ /nang dang sngags kyi le'u ste lnga pa'o|| ||lag na rdo rje gos sngon gyis/ /bcom ldan mgon la 'di skad gsol/ /sems can smin par bya ba'i phyir/ /'jug pa'i thabs nyid gsung du gsol/ /kun mkhyen mgon pos bka' stsal pa/ /dang por sa brtag la sogs pa/ /nges par gong du bstan pa ltar/ /las rnams nges par rdzogs par bya/ /sa phyogs dben pa'i khyim rnams su/ /ba yaM rnam lnga la sogs dang / /rams dang mthing shun nges par sbyar/ /tha ma'i tshad du rab sbyar la/ /gur gum thig les yang dag gdab/ /zhal zas sna tshogs 'byor ldan pa'i/ /kun kyang lnga lngar yongs su gnas/ /las rab mchog gi gtor ma la/ /rdzas rnams phun sum tshogs pa yis/ /sems bskyed pa dang skyabs 'gro dang / /gsang ba gsum gyi gnas rnams su/ /dri yi </font><hr>260a<br><font size=+1>


@#/ /thig le rdo rje dang / /bcas pa'i gung mos kun bskus la/ /mi 'gyur gsum la sku gsum du/ /sngags 'di dag gis byin gyis brlab/ /oM tri ma ta bi sho d+ha ya AHhUM/ de nas so shing dag la ni/ /sngags 'dis yongs su dag byas la/ /slob ma la byin so bkrus te/ /mig bkab bsam pa dag pa yis/ /de yi steng du bor bar bya/ /gang du kha bltas me tog phreng / /rigs dang rjes su bstun pa las/ /de yi dngos grub brjod par bya/ /de nas srung skud sngon po las/ /sngags kyis dag par byas pa las/ /skyes pa g.yas pa bud med g.yon/ /dpung pa dag la bcing par bya/ /bkra shis rtswa yi sngags dang stan/ /legs par bcug pas mtshan ma brtag /bzang ngan ltas su bcas pa dang / /bzlog par bya dang bya mi dgos/ /shes rab can gyis rgyud gzhan las/ /'byung ba bzhin du brtags la bya/ /dang por bsnyen pa rab 'bring dang / /tha mar yongs su bsnyen byas la/ /de 'og sngags pa blo ldan pas/ /yang dag par ni sbyor ba brtsam/ /oM badz+ra sa ma ya sid+d+hi A/ oM sar+b+ba rak+Sha sarba sid+d+hi AHhUM/ rang bzhin mi gnas dogs pa yis/ /kun rdzob dri ma sbyang bar bya/ /de nas sna tshogs 'byor pa las/ /gong du smos pa'i dkyil 'khor nyid/ /yongs su rgyas par bri bar bya/ /rdzas rnams phun sum tshogs pa la/ /mchod pas yang </font><hr>260b<br><font size=+1>


dag mchod par bya/ /de nyid gzugs la rab tu yang / /gnas pas bdag nyid de nyid du/ /yang dag par ni bskyed par bya/ /pad+ma nyid la gos la sogs/ /sngon pos yang dag dkris byas la/ / bdud rtsi 'khyil pa'i sngags kyis su/ /dri chus gtor zhing gzhug par bya/ /mdun du nges par gnas pa las/ /che chung de nyid 'byor pa yis/ /mon nyid khas dag len du gzhug /thal mo bdag gis bzung byas la/ /sems bskyed la sogs rgyas par brjod/ /snang ba sna tshogs nges pa las/ /rigs ni rjes su gzung par bya/ /me tog sngon po'i phreng ba yis/ /sngags brjod pas ni bor bar bya/ /de ltar lha tshogs rab bstan nas/ /bum pa'i chu yis slob ma la/ /dbang bskur slob dpon bdag nyid kyis/ /byin pa bum pa'i dbang yin te/ /rags pa rnam par dag par 'dod// de nas phyag rgya bcas pa las/ /byang chub sems ldan ma nyam pas/ /bdag dang gzhan rnams gang rung bas/ /bde ba snong du rab sbyar nas/ /bsam pas yang dag sbyar byas te/ /thabs dang shes rab phyag rgya yis/ /de yi kha ru sbyin par bya/ /de dag gsang ba'i dbang yin te/ /de 'og rnam par dag pa yin/ /de nas bdag nyid dngos po gang / /bu mo mdog bzang sngon mo la/ /gar dang ldan pa'i yangs pas bskyod/ /cho gas yang dag bzung byas la/ /thabs gnyis rab tu bskyod pa yis/ /sna tshogs dngos po snang ba yis/ /de 'og sor bzhi gzhal byas nas/ /shes </font><hr>261a<br><font size=+1>


@#/ /rab gnyis la mnan pa yis/ /bde ba dpag tu med pa myong / /de myong skad cig rdzogs pa yis/ /dpe la bltas pa yin par bstan/ /de yis shes rab ye shes kyi| |dbang nyid mngon par rdzogs par 'gyur/ /de rdzogs sems nyid dag pa ste/ /bzhi pa chos nyid mngon rtogs dbang / /med pa mngon par snang bar 'gyur/ /de yis spyi la khyab gnas te| |rang la yod bzhin nges par spangs/ /oM A khaM bI ra hUM/ oM ya thA ku la ta thA a haM/ sangs rgyas kun gyi phyag brnyan 'bar/ /de nyid du ni slob ma 'grub/ /dar la sogs pa sngon po yis| |slob ma nyid la dbang bskur la/ /sngags 'di yis ni byin brlabs la/ /dang po gnyis sbyar dar bzung nas/ /sngags kyis yang dag bskon par bya/ /mkha' lding sngon po 'dab rgyas pa/ /mgul pa dar dpyangs ldan pa yis/ /bu nyid la ni nges par sbyin/ /dngos grub sna tshogs 'grub pa dang / /gdon rnams thams cad 'joms pa dang / /be tson sngon po dbyig dang ldan/ /me tog sngon po'i phreng bas kyang / /de nyid la ni bskon byas nas/ /sngags dang phyag rgya 'dir ldan pa'i/ /bu nyid la ni sbyin par bya/ /dang po gsum bar ba sbyar bas/ /spyi bo'i steng du ngos bzung ste/ /de ni byed pa po la gzhag /bdag nyid yan lag rigs ngan gyis/ /dbus kyi g.yon pa bgrang byas la/ /rigs tshang yan lag bcings pa yis/ /phyar de byed pa po la </font><hr>261b<br><font size=+1>


gzhag /de yi stod la gnas bya ba/ /tshangs pa chen po mthong byed dang / /mchod pa kun gyi sdud pa yis/ /dar dmar ras sam gang rung ba'i/ /sngags chus dag byas legs bkab nas/ /bzhi ru nges par gcig pa yi/ /dngos po gang dag gdags par bya/ /phyag rgya 'da' min grags par ldan/ /bya bas sngags bzlas yang dag ldan/ /kun la khro gnyer brjid pa ltar/ /oM u da ra saM g+ha ba b+hu ya hUM/ oM g+ha ru Da sarba nA ga b+hak+Sha hUM/ oM ba raM dan d+ha ka sar+b+ba sid+d+hi pra bta hUM/ oM a dz+nyo pa ya ti lo ke ba shi ka rA ya hUM/ de yi lag pa sgrom byas la/ /bdag gi drag po'i las sbyor ba/ /de yi sgro ma nas drangs byas te/ /snying po 'di nyid nges par sbyin/ /oM tsaN+Da mahA ro Sha Na badz+ra pA Ni da ha da ha/ sar+b+ba bi g+h+nAM ha na ha na sar+b+ba na/ sar+b+ba ar+tha shI g+h+raM ku ru hUM/ de nas legs pa'i mtshan ma la/ /chos la dbang sogs mi gnas na/ /'jug par 'gyur ba ga la srid/ /rgyud gzhan la ni spyi dbang gnas/ /des ni kun la 'jug par 'gyur/ /spyi nyid dbang la mi ltos par/ /de nyid la ni rtogs pa'i mchog/ 'di yi 'jug pa kho na yin/ /lag na rdo rje gos sngon po can rdo rje me lce'i rgyud las/ dbang gi le'u ste drug pa'o// //de nas lag na rdo rje yis/ /gsang ba'i mgon la 'di skad gsol| |thams cad rdzogs pa chen po yi/ /rim pa'i rnal 'byor gsum du gsol/ /bde gshegs gsang bas bka' stsal pa/ /steng dang 'og gi steng du gnyis/ /dkyil 'khor bzhi yi </font><hr>262a<br><font size=+1>


@#/ /bdag nyid ni/ /thams cad shes rab dam pa ste/ /yon tan sdud sogs tshogs snying po/ /sa bon 'bras bu rnam pa yis/ /spar dang sgom la ltung bar 'grub/ rnam par snang mdzad gnas dag tu/ /rtsa gnyis gnyis kyi bdag nyid can/ /glo gtad rtsel ltung gyur nas/ /bde de gyen du ldog pas ni/ /thams cad gnas su gcig tu 'gyur/ /snang ba mtha' yas gnas dag tu/ /brgyad gnyis shes rab ri mor bcas/ /dbus kyi byang chub thig le la/ /glo gtad snang mdzad gnas su phyin/ /de yis sangs rgyas thams cad bkug/ yid bzhin nor bu 'dra bar 'gyur/ /'og nas rang gi gnas su bsdu/ /rdo rje sems dpa'i gnas dag tu/ /brgyad dang bzhi yi bdag nyid can/ /dang pos dang 'byung ba yi/ /nges pa'i ri mo bsam par bya/ /rang gi sa nas mtha' yas bskul/ /'dres pas bde ba'i gnas su phyin/ /thams cad 'dres par rang gi sar/ /bde dang ldan nas de yis 'grub/ /sprul pa'i gnas su bcu gsum la/ /gnyis pa gnyis dang yang dag ldan/ /yi ge thig le bcas pa yis/ /'gro rnams bde ba'i gnas su spros/ /slar 'dus de ru dngos grub 'gyur/ /yang na rtag chad bral ba yi/ /dbu ma chen po'i dbyings nyid du/ /ye shes phra mo mar gyis spros/ /dbyings la thug nas mar la byung / /de tshe mi gnas bsam dang bral/ /'dod chags dag dang ldan </font><hr>262b<br><font size=+1>


gyur na| |gcig shos len pa'i yon tan ldan/ /rtse mor ma dang phaT ldan pas/ /tsaN+Da li yi drod byung nas/ /sems dpa' ye shes rtse la zungs/ /de yis yang sbrul gnas su bkug /snyoms par zhugs shing g.yo bas bzlog /tha ma'i yi ge 'gro 'ong ni/ /zhu ba'i bsam pas bya bar gsungs/ /de nas de bsangs dngos grub 'gyur/ /yang na 'og gi thig le bzhi/ /rlung de sprul pa'i 'khor lor 'dus/ /dro bar byang chub sems bkug nas/ /rtsel phyin nas nub byang bsam/ /slar log phar 'gro yang dang yang / /tha ma snyoms par zhugs grub 'gyur/ /yang na gnas bzhi gsum po dag /gang yang rung bas steng du phyin/ /slar log rdo rje rtse la bton/ /tshur log gnas nas las rnams byas/ /des ni dngos grub chen po yang / /rdo rje bzhin du 'grub par bsam// khams gsum thams cad dag pa dang / /zhing rnams gtsang mar skye bar 'gyur/ /bsam gtan de dang ldan pa'i tshe/ /gzhan pa'i yul du 'grub 'gyur spang / /spang ba ma yin blang ba min/ / snyoms pa de yi ngang la gzhag /gzugs dang sgra la sogs pa yis/ /rang gi sems g.yeng 'gyur ba'i tshe/ /bstan pa'i rang bzhin med par bsam/ /bar du so so'i thig le bsam// thams cad sgyu ma lta bur brtag /dang po dang po'i dus dag tu/ /'dod pa'i yon tan lha mor bsam/ /des ni rtog pa zhi bar 'gyur/ /lag na rdo rje gos sngon po can rdo rje me lce'i rgyud las// </font><hr>263a<br><font size=+1>


@#/ /las thams cad rdzogs pa chen po'i rim pa rnal 'byor ba'i le'u ste bdun pa'o// //de nas lag na rdo rje yis/ /bcom ldan mgon la 'di skad gsol/ /'jig rten kun la phan gdags phyir/ /gtor ma'i rim pa gsung du gsol/ /kun mkhyen mgon gyis bka' stsal pa/ /rnal 'byor rnams la phan gdags phyir| |bdag gis gtor ma bshad par bya/ /phan gdags pa dang tshar gcad pa/ /phan pa mchog dang thun mong ngo / /gsang ba bla med mchog tu 'dod/ /phyi nang thun mong shes par bya/ /rgyas dang bsdus dang shin tu bsdus/ /char gcod pa yang shes par bya/ /dgug dang bskrad dang bsad pa dang / /mnan dang bsreg par shes par bya/ /rgyun dus chen po'i gsum nyid dang / /chung du rgyun nam dus chen gyi/ /bcu gnyis bzhi 'am tha ma gcig /rtsa ba lnga'am yan lag lnga/ /'bru dang shing tog sman rnams dang / /cha mthun 'bur ba la sogs rdzas/ /de steng dkang gsum klu la shis/ /khrag sna snying sna sha sna gsum/ /de sogs mthun rdzas char gcad pa'i/ /bskyed rim dang ni ldan pa yis/ /bla gnas srung ba byas pa las/ /cho ga gsum du byas pa'am/ /yang na skad cig lhar bskyed la/ /mtshan ma ldan pa'i pad+ma ru/ /rdzas rnams kun gyis bkang nas ni/ /zla ba rdo rje hUM gis mtshan/ /mtho gang la ni ri bong can// </font><hr>263b<br><font size=+1>


de la bcu drug bdun pas mtshan/ /rdo rje mtshan ldan pa ru ni/ /sdud spyod 'phro ba'i mthing dmar dkar/ /pad 'od ye shes lnga ldan gsum/ /gru gsum 'og nas zla gam can/ /thugs kyi mthing nag 'phro ba las/ /rdo rje lte bskul mtha' gsum bskyod/ /dmar po 'bar bas mtshan ldan khrol/ /thugs kyis bsdus shing gsung gis sbyangs/ /sku las 'phros pas ri 'od bskul/ /shes rab can las 'od zer 'phros/ /de yis yab yum bskul nas ni/ /kha dog dkar po'i bdud rtsi 'bab/ /dang po skul byed 'od du zhu/ /khong gseng gnas pa pad+mar 'bab/ /bab pa'i rting la de nyid lhung / /lan gsum bskol bas 'o ma bzhin/ /bzhi pa'i dbang po gnyis par mtshan/ /de nas gdan bskyed 'khor bcas bkug /dzi baM rdo rje khong gseng gis/ /bzhi pa'i dang pos mnyes par bsam| |yang na yud tsam lhar bsams la/ /thugs kar nyi ma de steng hUM/ /'od kyi chos 'byung gru gsum sprul/ /de yi nang du pad+ma ni/ /'dab brgyad dur khrod de dbus su/ /yaM las rlung byung raM las me// de steng a las ka pA la/ /nang du bdud rtsi oM AHhUM/ /de steng zla ba rdo rje hUM/ /zla aM 'od 'phros bdud rtsi bkug /bsdus dang bzhu dang bdud rtsir bsam/ /yi ge gsum dang go rim bzhin/ / thugs las 'od 'phros rlung la phog /rlung gis mer sbar thod pa bskol/ /de yi rkyen gyis bsdus pa dang / /gzhu dang mdung rtser bsdus pa dang / /yi ge gsum dang sbyar la dbul/ /yang na </font><hr>264a<br><font size=+1>


@#/ /lha mo dkar mo yis/ /mtshan ldan dag ni bkang la mchod/ /yang ni skad cig lhar bskyed la/ /thugs ka'i hUM gis bdud rtsi sbyangs/ /slar yang ye shes bdud rtsi 'bab| |yud tsam sprul pas lha yis gsol/ /bstod nas gshegs shing las bcol lo/ /rgyas dang bsdus dang shin tu bsdus/ /kha zas spyad pa bsdus dang mthun/ /de ltar yi ge brgya pas bshags/ /lag na rdo rje gos sngon po can rdo rje me lce'i rgyud las/ gtor ma'i cho ga'i le'u ste brgyad pa'o// //de nas rdo rje gos sngon gyis/ /bcom ldan mgon la 'di skad gsol/ /rnal 'byor thams cad bkra shis dang / /gnod pa thams cad bsal ba'i phyir/ /sbyin sreg cho ga gsung du gsol/ /'jig rten mgon gyis bka' stsal pa| |gzhan dag dran pa bskyed pa dang / /dngos grub ldan pa thob 'dod pas/ /man ngag rim par dran pa'i phyir/ /rnal 'byor don du bshad par bya/ /sngon du bsnyen pa byas pa yis/ /sgrub pa yi ni dus dag tu/ /sbyin sreg gis ni las kun 'grub/ /sa brtag bslang zhing sbyang ba dang / /byin gyis brlab cing srung pa dang / /sa gzhi dkar po rgyar khru gang / /zabs sor bcu gnyis zlum por bya/ /de dbus rdo rje rtse lnga pa/ /sor ni brgyad pa dag tu bya/ /thab de ba yi rnam lnga dang / /nang kun dri ni dkar pos byug /dus gsum me tog dkar pos gtor/ /yaM </font><hr>264b<br><font size=+1>


shing ni ma pa pa la sha/ u dum ba ra a mra la/ /sogs pa byang chub shing dag dang / /'dab ma can dang 'o ma can/ /rlan dang bcas pa mnyam bcad la/ /rtse mo'i cha las byung ba yi/ /mtho gang tsam ni 'o ma dang / /mar dang sbrang rtsi la sogs pa/ /rtse gnyis lo ma bcas pa dbul/ /rnying rul gas dang 'bus zos pa/ /srog chags gnas pa spangs par bya/ /nas dang bra yos til dag dang / /'bras can yungs kar mar dag dang / /me tog thang chu dri zhim dang / /ci tsam rnyed pa dbul bar bya'o/ /bud shing dag gi rnam pa yang / /thab las cung zad dma' bar ni/ /dgon pa'i ba yi lci bas bya| |de nas sngags pa lus bkrus te/ /dri zhim spos dang bla bas byug /tshad med bzhi yi sems ldan zhing / /zhi ba'i rgyan bcas dkar pos bgos/ /lha yi rnal 'byor gsal byas la| |srod dang snga dro'i dus su ni/ /shar phyogs su ni kha bltas la/ /zhi ba'i sems kyis zhi ba bya/ /mchod yon 'bru dang bcas pa yi/ /dri zhim pa yi chus bcug la/ /rang gi lha yi snying po brjod/ /las thams cad pa'i chu dang ni/ /rdo rje gnod sbyin sngags kyis bsang / /las rnams thams cad bum pa dang / /mchod yon g.yon du gzhag par bya/ /bud shing bsreg rdzas g.yas su gzhag /de nas oM badz+ra yak+Sha hUM/ zhes pas me ni sbar ba ste/ /rlung yab kyis ni me sbar ro/ /oM dz+wa la dz+wa la hUM/ de ni me sbar snying po yin/ /de nas hUM gis thab </font><hr>265a<br><font size=+1>


@#/ /bskyed la/ /de dbus raM las gru gsum ma/ /oM las pad+ma la gnas pa/ /raM las byung ba'i me lha ni/ /sku mdog dkar po rgyan dang ldan/ /'bar ba'i phreng bas rab tu brgyan/ /gsus khyim che la phreng ba g.yon/ /guN+De 'dzin pa'i rdo rje me/ /rang lha'i rnal 'byor dang ldan pas/ /thugs ka'i sa bon 'od zer gyis/ /me lha ye shes sems dpa' bkug /bkug cing dbang du bya ba'o/ /de nas dbang ni bskur ba dang / /sku gsung thugs byin brlab pa'o/ /de nas mchod yon phul nas ni/ /mchod pa lngas ni rab mchod do/ / sgeg mo la sogs mchod pas mchod/ /oM ag+ne ha bya ka bya ba ha na/ ye ha bya ti ya na ye swA hA/ zhes pas bsreg rdzas rnams dbul bya/ /de nas dbul ba'i rim pa ni/ /'bar ba'i me la yaM shing ste/ /de nas mar dang de 'og til/ /de nas 'bras chan la sogs pa'o/ /de nas bstod de las bcol lo/ /de nas me yi dbus rang gi /lhag pa'i lha nyid rim pa bzhin/ /dbang bskur ba dang bsam par bya/ /sku gsungs thugs su byin gyis brlab/ /de yang mchod yon zhabs bsil phul/ /mchod pa rnam pa lnga dag dang / /sgeg mo la sogs pa rnams dbul/ / de nas phyag na rdo rje ni/ /gos sngon lce la hUM bsams la/ /oM tsaN+Da mahA ro Sha Ni hUM phaT/ shIn+tiM ku ru swAhA/ snga ma'i rim pa bzhin du bya/ /bsregs rdzas re re la bdun bdun/ /yang na </font><hr>265b<br><font size=+1>


gsum gsum dbul bar bya/ /bzlas mthar sbyin sreg bya ba gces/ /de la mar gyi sbyin sreg dbul/ /yang na ma grugs nas dag dang / /yungs kar mar dang sbyar la dbul/ /so ba mar dang yungs kar la/ /sogs pas las kyi sgrib pa sbyang / /de phyir nyi shu rtsa gcig gam/ /yang na brgya rtsa brgyad du dbul/ /de nas mchod yon dang 'thor 'thung phul la bstod pa bya'o/ /oM/ /ye shes chen po'i khyad par las/ /sprul pa phyag na rdo rje ste/ /mthon mthing sku 'dra 'od zer 'bar/ /bdud 'dul khro gtum brjid pa'i zhal/ /phyag g.yas rdo rje rtse lnga bsnams/ /dril bus g.yon gyi dkur brten 'gying / /sku ni rgyan dang na bzas brgyan/ /phyag brnyan bye ba'i tshogs kyis bskor/ /de la bstong de phyag 'tshal lo/ /de nas yang me lha snga ma bzhin du mchod la bstod do/ /drag po maN+Dal gru gsum la/ /khru gang tshad las phyed brkos te/ /lho phyogs zur bstan gsum ni dor/ /bdud rtsi la sogs nag por bya/ /de dbus rdo rje steng spangs te/ /bar du me ri rtse mo 'phags/ / bud shing nag cing gdug pa'i shing / /thab kyi tshad las zor mtho tsam/ /yam shing de mthun bcu gnyis tshad/ /mchod rdzas nag po 'ba' zhig go /bsreg rdzas mar nag rus khrag sha/ skye tshe shang tshe yungs kar dang / /de la sogs pa'i mthu rdzas dang / /de rnams rdzas la gzugs brnyan bya/ /mchod rdzas g.yas la bsreg rdzas g.yon/ /byin gyis brlab cing gzhag par bya/ /dgang </font><hr>266a<br><font size=+1>


@#/ /gzar blugs gzar gzhan dang mthun/ /yang na lag pa dag gis bya/ /de gnyis rdo rje dril bu yang / /mdun nyid du ni gzhag par bya/ /las kyi bum pas thams cad bsang / /dus ni nam phyed nyin byed bya/ /nag po rgyan gon lho phyogs blta/ /g.yon brkyang 'dug ste drag tu bzlas/ /mche ba gtsigs shing khro gnyer bsdus/ /dang po bsnyen pa sngon song bas/ /me pra brtag cing bgegs bzlog bya/ /bzang na de ni bya mi dgos/ /thab bsang bya zhing bskyed pa dang / /cho ga gsum mam skad cig mas/ /me lha nag po khros pa bskyed// ye shes me lha spyan drangs bstim/ /gnyis su med par rgyas btab la/ /me lha'i sngags mchod btags la dbul/ /de nas bsreg rdzas dbul bar bya/ /de dbul ba yi man ngag kyang // khro bo bdag gis cho 'phrul gyis/ /gzugs brnyan bkug bstim gtubs te dbul/ /yang na rdzas mchog mnyes pa las/ /'od zer khro bos bkug cing bsreg /man ngag de la nan tan bya| |oM badz+ra kro d+ha ag+ne che ge mo mA ra ya phaT/ stong ngam/ brgya 'am/ nyi shu rtsa gcig go/ /yang na bsod nams rim pa yis/ /brgya dang stong dang khri ru bya/ /de ltar byas na las kun 'grub| |tha mar dgang lugs bstod bya'o/ /de yi thugs kar gos sngon bskyed/ /ye shes sems dpa' spyan drangs bstim/ /rgyas btab mchod pa gong bzhin dbul/ /de nas sreg </font><hr>266b<br><font size=+1>


sngags gong bzhin dbul/ /oM badz+ra kro d+ha nI laM ba ra d+ha ra badz+ra pA Ni rA dz+nyA pa ya ti che ge mo mA ra ya hUM phaT/ gong na man ngag shes par bya/ /dgang lugs phul la bstod par bya/ /lcang lo can gyi pho brang nas/ /gsang ba'i bdag po gos sngon can/ /sangs rgyas kun gyi sprul pa'o/ /dbang bskur mchog la phyag 'tshal bstod/ /gdug cing gtum la brjid pa'i sku/ /sna tshogs las rnams mdzad pa po/ /thogs med yid bzhin nor bu'i tshul/ /rdo rje sku la phyag 'tshal bstod/ /dngos po thams cad rnam dag kyang / /smon lam stobs kyis 'byung ba'i gsung / /tshig dang bral bas sna tshogs sgra/ /rdo rje nor bu khyod la bstod/ /dpal ldan rdo rje gos sngon can/ /'khor lo 'bar ba phyag na bsnams/ /lha rnams thabs kyis 'dul bar mdzad/ /lnga yi rgyal po khyod la bstod/ /dpal ldan chen po gos sngon can/ /bya khyung 'bar ba phyag na bsnams/ /klu rnams thabs kyis 'dul bar mdzad/ /klu 'dul gos sngon khyod la bstod/ /dpal ldan chen po gos sngon can/ /dbyug to 'bar ba phyag na bsnams/ /gnod sbyin thams cad 'dul mdzad la/ /gnod sbyin gtso la phyag 'tshal bstod/ /drag por 'gyur ba 'dul ba'i phyir| |sdigs mdzub rtse la 'od byung bas/ /gdug pa thams cad kun 'dul ba/ /thogs med rdo rje khyod la bstod/ /'phrin las bcol zhing gshegs su gsol/ /ting 'dzin bsdus </font><hr>267a<br><font size=+1>


@#/ /te lta ba gso/ /rdzas rnams thams cad bsdus nas ni/ /me yi lha la dbul zhing bstod/ /yi ge brgya pas lhag chad bskang / /ting 'dzin bsdus te spyod lam bya/ / lag na rdo rje gos sngon can rdo rje me lce'i rgyud las/ sbyin sreg gi cho ga'i le'u ste dgu pa'o// //lag na rdo rje gos sngon gyis/ /bcom ldan mgon la 'di skad gsol/ /gang dag klu yis zin pa la/ /thabs de gang lags gsung du gsol/ /kun mkhyen gtso bos bka' stsal pa/ /nga yi sbyor ba 'di nyid la/ /brten nas klu rnams gdul bar bya/ /nub phyogs drang po'i sa dag la/ /zabs su mi gang brkos byas la/ /de steng sngar ni bu mo gang / /ston mo bcu gnyis byas pa yi/ /rigs ldan kha dog sngon po'am/ /rigs bzhi yang dag ldan pa yis| |'o mas khrus bya thig le byug /gos dag dmar po bskon byas la/ /cho ga rab 'bring tha ma yi/ /dbang bskur kha la me 'bar ba'i/ /bu mo la ni yongs su bsngags/ /rgyan cha lnga yis brgyan btags la/ /rkang pa brgyud mar long btags la/ /lag pa brgyud mar dbang bsgyur du/ /yang dag gnas pas phyag rgya bcas/ /klu yi ming mtshan gang yin pa'i// dngos po gang la rab sbyar nas/ /gtso bo kun 'byung mchog nyid las/ /'khor rnams brgyad kyis nges par bskor/ /nub tu dngos po rten byed pa/ /gru bzhi pa dag rab tu gdags/ /de </font><hr>267b<br><font size=+1>


nyid sa ru bdag thob ste/ /de steng ci nus sbyor ba sgrub/ /de thob rab tu bral ba las/ /de yi phyogs su mi blta zhing / /drag po chen po'i sngags bzlas bya/ /de nyid bdag gis mthong ba las| |legs so snyam pa'i tshigs bcad brjod/ /de nas sa phyogs rab dben par/ /bdag gis sbyor ba legs brtsam bya/ /rgyar ni khru do nges pa las/ /'phang du cha gang rnam par bya| |rams dang mthing shun dri chu sogs/ /yongs su sbyar ba byas pa dang / /ba yi rnam lnga la sogs pas/ /yongs su byug par byas pa las/ /sna tshogs pad+ma bcu drug pa/ /snying po zer 'dab rgyas pa bya/ /de steng tshad chung chu skyes nyid/ /phyogs rnams la ni rnam par dgod/ /de steng gnas pa gang yin pa/ /lha tshogs gzugs su rnam par dgod/ /phyi rol 'bar ba'i phreng ba yis/ /yang dag par ni bskor bar bya/ /sngon du sor brkyang gang bskor ni/ /mdog dmar kun nas zlum por bya/ /de steng klu rigs drug po dag /nya dang sbal pa lcong mo dang / /sprul dang rtsangs pa chu srin dang / /mi dang rus sbal ba lang dang / /byi la nor bu rgya 'bud rnams/ /gtso bo 'chi yis bzung byas nas/ /shul du drag par drangs byas la/ /ma tu lung+ga'i bye ma yis// bzhi bkang rigs mthun dngos po ni/ /rab tu gsal bar bya ba yin/ /mtshan mo drag po'i gtor ma la/ /snang ba bzhi par nges par bya/ /bzlas pa'i sngags ni rab 'bar bas/ /drag </font><hr>268a<br><font size=+1>


@#/ /po'i phreng ba bzung byas la/ /gur dag sngon pos phub byas la/ /ji srid de nyid ma rdzogs par/ /bdag gis blta bar mi bya zhin/ /drag po nyid la mngon par bzlas| |de y+Yi phyir rim dag la ni/ shing chen sna tshogs 'byor ba dang / /sngags bzlas srad bu sngon po yis/ /dra bar 'brel bar yongs su bri/ /phyi rim gdug pa'i tsher ma yis// yongs su 'khor bar bskor bar bya/ /mchod pa rnam pa lnga dag gis/ /dus gnyis dag tu nges par mchod/ /snying po yongs su rdzogs pa dang / /mkha' lding drag po'i sngags bzlas bya/ /steng du gdug pa'i tsher ma yis/ /yang dag par ni gdab par bya/ /mtha' ru lha tshogs thams cad kyi/ /snying po kun la brgya rtsa brgyad/ /thim par yongs su bzlas par bya| |de 'og grangs su nges pa nyid/ /rab 'bring tha mar yang dag ldan/ /bdag nyid gtso bo'i cha lugs su/ /sngags dang phyag rgya yang dag bsgo/ /bzlas pa'i grangs su rdzogs byas la| |nad pa der ni bkug byas la/ /byang phyogs dag tu gnas par bya/ /dngul gyi rdzing bu nyid du yang / /brang gi sa bon dkar po yis/ /yongs su gang bar bya ba yin/ /rdzogs pa'i sgra ldan bcu drug pas/ /lcags kyi skam pa skam bi tsa'i/ /shing dag sor ni bcu gnyis pas/ /yongs su gcad par bya ba las/ /sngags kyis mngon par bzlas bya ste/ /de </font><hr>268b<br><font size=+1>


nyid dag tu sbyang bar bya/ /rma bya'i mdongs la rab bsngags nas/ /pad+ma'i skud pas shing dang ni/ /mdongs su yang dag bsdam par bya/ /seng ldeng phur pa sor bcu gnyis/ /khro bo'i sngags kyis mngon par bsngags/ /de nas sngags kyis rab bsngags te/ /nad pa nyid la bya ba bya ste/ /rigs drug po la nges par gdab/ /de nas de nyid snying ga la/ /thig le drug tu nges par bri| |de steng rigs drug bsams byas la/ /g.yon na gnas pa'i nga rgyal mchog /sngags kyis mngon par bskul byas pas/ /drag po'i shugs kyis rab song ste/ /rngam pa'i zhal du nges par bstabs/ /de ltar bsam pa rab brtan pas/ /yongs su bsgom par bya ba yin/ /de yis de la gnod byed pa/ /skad cig tsam las mi gnas shing / /myur bar skrag par phyogs bcur 'bros/ /oM badz+ra krod+ha a mr-i ta kuN+Da li ni dA ta yaM pra tIM hUM phaT/ oM ban+d+ha ban+d+ha nA gA nAM phaT/ oM ga ru Da ga ru Da b+hak+Sha nAM gA nAM hUM phaT/ oM nI laM ba sa na sar+b+ba a laM kr-i twA me badz+ra pA Ni b+ha ba ti hUM phaT/ oM bi k+Sha ma ga len sarba bya d+hi phe ta ya hUM phaT/ oM ba kI tsa bi sha na ya hUM phaT/ oM sar+b+ba nA gA nAM a kaR+Sha yA bi shA yA bi to sha ya hUM phaT/ oM mahA rau tra ga ru Da gats+tsha gats+tsha gr-ih+na gr-ih+na sar+b+ba nA gA nAM phaT/ gong gi phur ba gang yin pas/ /sngags 'di brjod pas gtub par bya/ /oM badz+ra kI la ya/ /sar+b+ba nA ga bid+h+wa na sa na hUM phaT/ bzhin ni rab tu 'bar ba dang // </font><hr>269a<br><font size=+1>


@#/ /zhe sdang rdo rje'i ting 'dzin gyis/ /'brug sgra ldan pas yongs su gtub/ /de nas drag po'i sngags kyis su/ /mtshan ma nges par gdab par bya/ /de nyid yang dag gang byung ba/ /de la shes rab can gyis dpyad/ /rtags su ldan pa gang yin pa/ /sku rnams g.yos pa nyid dang ni/ /gang gis gzugs rnams g.yos gyur pa/ /rtags su nges par gyur pa yin| |de nyid 'dar ba gang yin pa/ /de yang rtags su nges pa yin/ /dang po rab tu 'byor ba la/ /nang gi bgegs nyid bsal ba yis/ /phyi nas phyi yi nad bsal ba/ /sman la sogs pa'i sbyor ba yis/ /mkhas pas phyi yi nad bsal te/ /brgya ka la sogs lnga rnams dang / /mar nag nyid la nges btab la/ /zhag grangs bdun du mnan pa yis/ /lbu chung legs par khyab par snang / /sug pa la sogs spang sbyar bas/ /gong du sngags kyi bsnyen par gnas/ /'od zer dkar po yongs rtogs pa'i/ /nyi ma nyid la khrus byas te/ /dri ma dag par bsams pa lags/ / drug sbyar nges par bskul bar bya/ /de 'og mchog gi sman nyid gang / /grags ldan chen po srang gcig nyid/ /legs par bskol pas kha nyid du/ /zhag dag nges par chogs par 'gyur| |de nyid lus la bsku bya zhing / /tshigs ma zho gsum bza' bar bya/ /snying po gsum la shar btsos te/ /khu ba nges par btung bar bya/ /gnam sgro nag po zur gsum pa/ / </font><hr>269b<br><font size=+1>


rtse mang don tu rno ba la/ /ri mo sna tshogs 'dug 'gyur pa/ /brgya dag shin tu 'dus 'gyur te/ /bcu drug cha ru nges par bskol/ /de yi lus la bskus byas te/ /kha ru nges par btung bar bya/ /de yis kun kyang skyur 'gyur te/ /nad ni nges par phyung bar 'gyur/ /dri zhim sna tshogs sbyar ba yis/ /chang du zhag bcu nges par spang / /de nas sngon por gyur pa dang / /lan tshwa phul gang des btab ste| |de btab zhag bzhi spang byas nas/ /bcu bzhi pa la lo mar nyid/ /phul do dang ni bsres byas la/ /sbu ba dwangs par yang dag bskol/ /de yis lus la bskus pa ni/ /sum gnyis kha ru nges par blud/ /sbyor ba de la rab rten na/ /gdon mi za bar 'tsho bar 'gyur/ /lag na rdo rje gos sngon po can rdo rje me lce'i rgyud las/ klu gdug mdangs 'phrog gi gdon 'dul ba'i le'u ste bcu pa'o|| ||de nas lag na rdo rje yis/ /'jig rten mgon la 'di skad gsol/ /gang zhig tshangs pas zin pa la/ /thabs de gang lags bstan du gsol/ /mgon po mchog gis bka' stsal pa/ /tshangs pa srin po'i gdon zhes bya/ /shin tu gdul bar dka' ba ste/ /de la drag pos ma byas na/ /tha mal pa yis 'gro ba min/ /bram ze sngags pa mi bzad pas/ /yang na drag po'i sgra ldan pas/ /ston mo bcu bzhi byas pa la/ /zhag gsum bar du dkar gsum zas/ /rgyun mi 'chad par sbyin par bya/ /rig byed sngags su ldan pa </font><hr>270a<br><font size=+1>


@#/ /nyid| |de la bslab par bya ba nyid/ /tshangs pa'i skud pas stong dkris la/ /gos dag dkar pos yongs su brgyan/ /spyi bor thor tshugs bcings byas la/ / lag g.yas bzhi pa de nyid la/ /bkra shis dngos pos yongs su bsdam/ /shar phyogs dag tu song ba las/ /shing chen rtsa nas khru gang nyid/ /'og tu bskos pas sa blang bya/ / de rten ras yug dkar po yis/ /thob pas phyogs su mi blta zhing / /shar phyogs khro bo'i snying po bzlas/ /de nas de nyid mthong ba dang / /ha la ha la'i sgra yang brjod/ /ba yi rnam lnga nyid dang ni| |rams dang mthing shun dri chu la/ /sbyar bas khru gang mtho gang gi /dkyil 'khor zur lngar ldan par bya/ /dkyil gyi lte ba nyid la ni/ /lha yi tshogs rnams nges par dgod/ / zur lnga pa dang 'dabs 'byor du/ /zur gsum pa dang sor brgyad pas/ /yongs su zabs su bru bar bya/ /'og tu sman gyi phye ma yis/ /legs par gdal bar bya ba yis/ /de dang de nyid gzugs byas la/ /spra tshil las sbyar sor bcu'i tshad/ /drag po rid par gyur pa la/ /lag gnyis sbar ba gdengs par bya/ /skyer pa'i phur pa sor bzhi pas/ /mtha' ma yongs su bskor bar bya/ /steng yang phur ba nyungs kar la/ /sngags bzlas pa yis yongs su bsnun/ /gtor ma stobs rnams skyed byed dang / /mchod pa lnga yis dus gnyis su/ /yang </font><hr>270b<br><font size=+1>


dag par ni mchod par bya/ /rang nyid snga ma'i tshul gnas la/ /yid ches phreng ba rab bzung nas/ /drag po'i rigs la rtsa ba'i sngags/ /tshad du phyin par yongs su bzlas/ /de mtha'i snying po ma lus pa| |brgya rtsa brgyad dag bzlas par bya/ /de yi mtha' ru bzlas bya ba/ /de yi srog snying nges par bzlas/ /skyer ba'i tsher ma rab spangs la/ /dkyil 'khor mtha' ru gnas par bya/ /de nas 'gugs pa'i sngags bzlas bya/ /tshad du nges par thim byas la/ /de nyid 'ongs par ma gyur na/ /gu gul nag po'i dud pa yis/ /de bkug sngags kyis mngon par bzlas/ /lcags kyu'i phyag rgya bcas pa las/ /yongs su dgug par bya ba yin/ /de nas sngags pas nad pa nyid/ /mdun du mngon par bkug byas la/ /sngags chus nges par gtor bar bya/ /de nas bsgrub bya 'ongs pa na/ /gzugs de 'gyur bar gyur pa'am/ /yang na 'gyel bar gyur pa yin/ /de nas bdag gis bden pa dang / /zhi ba'i tshig gis gdab par bya/ /gal te song bar gyur pa na/ /bdag gi snying las chung ngu yin/ /'on te 'gro bar mi 'gyur na/ /bdag gis sbyor ba 'di brtsam bya/ /skud pa rnam lngar ldan pa la/ /khro bo'i sngags kyis rab bsngags te/ /zhags mig dam pos nad pa bcing / /lcags kyus snying nas drangs byas la/ /g.yon du rdo rje bzung byas nas/ /g.yas pas yid ches bzung byas te/ /lus ngag yid gsum rab drag pas </font><hr>271a<br><font size=+1>


@#/ /sngags sogs yongs su bzlas par bya/ /phyag rgya lnga yis bsdams byas pa/ /de nyid la ni yongs su dbab/ /de nas skyer pa'i bam po la/ /gu gul chu yis btab byas te/ /phung par bya phyir de nyid sreg /dug dang phur bu skye tshe dang / /mdog bzang nyungs kar wa ti'i chus/ /yongs su sngags bzlas bsreg par bya/ /gsung de bdag nyid 'bar pa yis| |'khor lo la ni yang dag mchod/ /de nas lcags gur nag po yis/ /bsad pa'i don du kha gdab bya/ /oM b+hur b+hu ta sA bu sa swA hA/ sa ma na A kA se me kA rtaM/ b+hu yu d+hu ta bra h+ma ni ka ya yaM sa ra ba ra b+hu ta swA hA/ oM ti li ti la badz+ra sha ra sha ba ra hUM phaT/ oM bra h+ma ra k+Sha g+ha ya hr-i da ya ka ra tsetsha da ya phaT/ oM a k+r+Sha ya a k+r+Sha ya ga te ya hUM/ oM a mr-i ta sid+d+hi/ ha ra ha ra/ bi sho d+ha ya baM hUM/ oM ban+d+ha nAM/ du Sha ga ya hUM/ oM badz+ra k+Sha b+ha ya hUM/ oM tA ra koSha b+ha ya hUM/ oM a tra k+Sho b+ha ya hUM/ oM brah+ma ak+Sha gra hA ya/ da hA ya mA ra ya tsatsha di ya a bi tsA ra/ ya bo Sha Ta te phaT phaT/ des bsregs bdag gi lus ngag ni/ /tshig pas de la 'gyod pa'i ngag /bdag gis nges par brjod par bya/ /de yis de nyid lus la sogs/ /gdon dang bral ba zhi bar 'gyur/ /de nas thal bas nad pa la/ /lus la bsku nas slung ba yi/ /'khor lo 'di ltar gdags par bya/ /skud pa sngon po gang yin pa/ /bu mo phyug cing rigs bzang pa/ /mdzes </font><hr>271b<br><font size=+1>


pa bco brgyad lon pa la/ /de yi gong 'og gnyis pa la/ /'khal du bcug pas 'jur ba med/ /rdul gyi bar nas bton byas nas/ /lhas ma legs par blangs pa yis/ /bde ba'i lus la nges par gdags/ /des ni skye ba thams cad dang / /srung ba legs par gnas pa yin/ /khams gsum rnam rgyal 'bar ba yi/ /bum pa bzang po yongs su bca'/ /sngags kyis yongs su brgyan par bya| |phur ba rdo rje zhags pa dang / /thobs \?\ dbang bskur rim par bya/ /de nas mchod pa lnga dag gis/ /mchod pa lus la rgyas par mchod/ /yang dag grub pa gang yin pa/ /phyag rgya bcas pas sngags pa yin/ /sangs rgyas byang chub sems dpa' dang / /bla ma rdo rje 'dzin pa la/ /gus pa yis ni sangs rgyas bde/ /mchod pa rab tu rgyas pa la/ /sngon du bsnyen pas yongs su sgrub| |khams gsum rnam rgyal khro bo la/ /sgrub pa'i thabs ni yang dag bshad/ /gong gi cha byad de nyid la/ /dur khrod dag tu song byas la/ /mi yi thal ba gang yin pas/ /bdag gis lus la khyab par byug /g.yon du thod pa thogs byas la/ /g.yas su rdo rje thogs byas te/ /yid ches dkar po'i phreng ba la/ /drag po'i bzlas pa mang du bya/ /de yi longs spyod bzang za zhing / /stag gi/ pags pas smad dkris bya/ /don dang ldan pa'i snying po bsam/ /khrag gis ngo yang bsku byas la/ /nag bor gtogs pa'i 'pho ba brgyad/ /sogs pa'i ming la zhugs byas la/ /skar ma dag </font><hr>272a<br><font size=+1>


@#/ /la nges par bsgom/ /chang 'du ba la gnas bcas la/ /shes rab zung du ldan pa yis/ /skar ma nyid la mnyam sbyar la/ /brgyud pa yis ni sngags bzlas bya// zhag grangs brgya rtsa brgyad pa yis/ /yang dag pa ru bsgrub par bya/ /de nas zhag grangs thim par bya/ /mtha' ru mtshan mo thag thag par/ /sngags dag nges par bzlas par bya/ / de nas ske tshe nyungs kar dang / /khrag dang sprang rtsi sbyar ba yis/ /sbyin sreg stong du thim byas la/ /kA ra bI ra'i lcug ma la/ /tsan+dan dkar po'i chus bskus te/ /me tog phreng ba btags pa yis/ /lag pa g.yas su thogs byas te/ /yid ches spu la thag pa yis/ /yang dag pa ru bkal nas ni/ /bdag gi spyi bor bcings byas te/ /de nas grong khyer rgyus pa na// kun gyis phyag byed mchod par byed/ /'jig rten kun gyis phyag byed cing / /snying du sdug par nges pa yin/ /mkha' 'gro ma sogs phra men mas/ /bdag la lung yang nges par ston/ /sdug bsngal rtag tu mi 'byung zhing / /lha min la sogs gdug pa yis/ /de yi phung por mthong ba yin/ /bdag la sdig pa mang po 'jug /de la 'jigs pa bskyed mi bya| |bdag la gdug pa sna tshogs pa/ /gnod pa sna tshogs byed pa na/ /de la 'jigs pa mi skyed cing / /sems dga' ba yis yongs su mchod/ /oM ka pA la d+ha ra sid+d+ha </font><hr>272b<br><font size=+1>


ya| a b+ha k+Sha sarba maHsa nAM/ hUM hUM hUM/ phaT phaT phaT/ oM DA ki n+ya pa shi ka rA ya swA hA/ oM sarba lo kA ba she ka rA ye hUM/ oM sarba du Shita tsetsha hUM sa na ya phaT/ oM ma hA kA la sa ba ya hUM phaT/ lag na rdo rje gos sngon po can rdo rje me lce'i rgyud las/ tshangs pa srin po'i gdon 'dul pa'i le'u ste bcu gcig pa'o// //lag na rdo rje gos sngon gyis/ /bcom ldan mgon la 'di skad gsol/ /gang zhig gshin rjes zin pa la/ /thabs de dang gis bgyi ba lags/ /rig pa'i rgyal pos bka' stsal pa/ /gshin rje brang dmar zhes pa'i gdon/ /kha dog sngon po nyid la ni/ /mcho ba bzhi dang rab ldan pa'i/ /g.yas na thod dbyug 'dzin pa la/ /g.yon na mi yi mgo bo 'dzin/ /drag po 'jigs su rung ba yis/ /gdon gyis gang zag zin gyur na| |thabs 'di yang dag sbyor bar bya/ /rang gi sbyor bar bzung byas na/ /drag po'i sgra ldan nyi shu pa/ /shin tu dpa' zhing dad par ldan/ /stobs ldan gtum pa'i bdag nyid can/ / zhag drug bar du bsnyen bya ba/ /sha lnga la sogs chang byin te/ /de la'ang sngags kyis btab byas nas/ /sha gos khra bos yongs su bskon/ /me tog mdzes pas brgyan byas la/ /sngags 'di nyid ni 'bum du bzlas/ /de nas de yi g.yas nyid du/ /zhags pa nges par bkur byas la/ /g+ha sa g+ha sa'i snying po brjod/ /g.yon du dngos po ldugs byed pa/ /yid chen la ni rab </font><hr>273a<br><font size=+1>


@#/ /tu gces/ /nag por gtogs pa'i gsum pa la/ /skar ma nyid la rab bskul te/ /mnyam pa'i sa ni blang bar bya/ /de thob sngags pa blo ldan pas/ /dkyil 'khor nges par brtsig bya ste/ /khru do la zur drug pa/ /'phang du sor bzhi rnam par spyad/ /de la rams dang ma thing shun dang / /ba yi rnam lngas byug par bya/ /'khor lo bcu drug yang dag bri| |mtha' mar 'bar ba'i phreng ba yis/ /sna tshogs par ni bskor bar bya/ /de la lha sogs rab bkod la/ /bla res sngon pos yongs su dbug /de la 'dabs 'byor 'khor lo nyid/ /zlum po nges par brko byas la/ /khru gang yongs su brko bar bya/ /'og tu dug gi phye ma yis/ /yang dag par ni gding bar bya/ /gri la sogs pa'i mtshon gyis ni/ /kha rim nges par bskor bar bya/ /bla phyogs dang gyis phub byas la/ /nag po chen po'i snying po ni/ /'bum du tshang bar bzlas par bya/ /bdag nyid snga ma'i tshul gnas la/ /'khor gnyis rus pa'i phreng ba yis/ /drag po'i rigs la bzung byas te/ /rtsa ba'i sngags sogs thim par bzlas/ /mchod pa rnam pa lnga dag dang / /sha chen la sogs gtor ma nyid/ /gnyis su nges par dbul btab bya/ /de nyid 'gugs pa'i snying po yis/ /yang dag pa ru dgug par bya/ /ral gri 'bar ba gang yin pas/ /shar phyogs dag tu nges par gnas/ /de </font><hr>273b<br><font size=+1>


la nag po chen po yis/ /sngags kyis yongs su bzlas par bya/ /de yi srog snying gang yin pa/ /mtha' ru sbyar bas yang dag bzlas/ /de nas de yi gzugs bya ba/ /bag zan nyid la sor bcu drug /'jigs pa'i gzugs byas rams kyis bsku/ /de yi nang du de nyid kyi/ /ming dag nges par bri byas la/ /nang du nges par gzhug par bya/ /lcegs las byas pa'i tsher ma la| |rtse mo dug gis bsku byas te/ /de yi phyogs su dug dag ni/ /yongs su gzugs par bya ba ni/ /de la sngags kyis bsngags byas la/ /de steng dar gyis nges par gding / /de ltar zhag grangs sum cu par/ /yongs su bsnyen par byas pa las/ /nad pa'i gos la sogs pa dang / /kha 'phro la sogs bdag gi rnams/ /snod du thams cad bsogs byas te/ /sngags chen gyis ni yang dag bsngags/ /de nas bsnyen pa rdzogs pa dang / /nad pa dngos po bkug byas la/ /thal mo yongs su sbyar byas te/ /sems bskyed pa dang skyabs 'gro bya/ /rdo rje 'bar ba'i lcags kyu yis/ /de yi snying nas dwangs byas la/ /oM badz+ra phaT kyi sgra yang bsgrags/ /zhe sdang rdo rje'i ting 'dzin gyis/ /khro bo'i gzugs dang drag po'i sgras/ /g.yas par phreng ba thogs byas la/ /g.yon par ral gri rab 'bar gzung / /nag po chen po rab rbad la/ /de yi phung po 'joms par bsam/ /de nas sngags pa blo ldan pas/ /gzugs brnyan mtshon gyis </font><hr>274a<br><font size=+1>


@#/ /gzer bar bya/ /de nas phyi ru nges ston pas/ /dang por ral gri gang yin pas/ /ske ni yongs su gtub par bya/ /de ltar sngags bzlas gtubs pa yis/ /nad pa skad ngan 'don par byed/ /yongs su grub pa'i rtags su ni/ /lha rnams phyogs char g.yo ba dang / /de yi gzugs brnyan g.yo ba nyid/ /grub pa'i rtags su brtan pa ni/ /de yi dum bu gang yin pa/ /gzhan gyis sbyar bar gtor ma gtang / /de yi sbyong ba gang yin pas/ /gshin rje'i gdon dang nges par bral/ /de dang bral ba gang yin pas/ /srung ba'i 'khor lo nges par brtsam/ /tshon sna lnga yi skud pa la/ /dzA ti pha la'i nang btsos te/ /rdo rje 'bar ba'i sngags btab ste/ /mdud pa nyi shu gcig bor la/ /de yi sker ni gdags par bya/ /des ni srung ba mchog yin te/ /phyi nas bgegs mi 'jug pa yin/ /oM pha ra pha ra ya ta haM swA hA/ oM kaM ka sha ri b+ha ba pha phaT/ oM g+ha sa g+ha sa ba rU pa ha ya ha ya saM tsa hUM/ oM ma hA kA la ya ma g+ha ha mA ra ya hUM phaT/ oM A kaR+Sha ya A k+r+Sha ya sarba ma ya na hUM/ oM ya ma du du he da a na a sarba ya me na ha/ oM sha ta ti k+Sha ru pe na ya ma tsitsh+n+da tsitshan+da nAM hUM phaT/ yaM oM tsaN+Da khang+ge da ya ma tsitsha na ka rA ya phaT/ oM dz+wa la dz+wa la na ro gi r+k+Sha r+k+Sha swA hA/ de ltar 'byung bo nges bas lan/ /rnal 'byor pa la gnod byed pa'i/ /dngos po gang dag gsad bya'i phyir/ /nag po chen </font><hr>274b<br><font size=+1>


po 'di bsgrub bya/ /snying rje chen pos sbyor ba brtsam/ /shin tu brtags la mngon par sgrub/ /phra mo tsam la bya ba min/ /bstan pa dngos su 'jig la sogs/ /snying rje chen pos sbyor ba brtsam/ /dang por gtsug lag khang chen nam/ /mchod rten khang stong chen po'am/ /rab tu bsngags pa dur khrod mchog /bdag gis nag po chen po yi/ /gzugs brnyan legs par bris pa yis/ / mchod pa sna tshogs 'byor ba dang / /rab gsal lnga yi dud pa dang / /mi 'chi lnga yi dud ba dang / /zhag bdun bar du bdug par bya/ /dang por gzhi ma'i dngos po gang / /yid ches pags pa des pa las/ /de las byung ba gang yin pa/ /yang dag pa ru bri bar bya/ /de nas gnas gang yin pa ru/ /skar ma dag la yongs su mchod/ /rab gsal lnga dang mi 'chi lnga/ /gzhan yang rab gsal sna tshogs pas/ /yang dag pa ru mchod par bya/ /dpa' bo sna tshogs 'byor pa dang / /mchod pa sna tshogs ci 'byor pas/ /zla gsum bar du mchod bya zhing / /rang nyid cha lugs bskyur ba yis/ /lus la khrag gis rnam par bsku/ /brlag byed dngos po gang yin pa/ /'bar ba'i dkyil 'khor phyogs kun tu/ /stod kyi tshig gnyis bkug pa yis/ /yongs su 'bru bar bya ba yin/ /de yi nang du dngos po gang / /yang dag par ni blugs byas la/ /mgo che ba dang drer sha/ /de gsum yongs su bsregs pa yis/ /gang la dmigs par bya ba yis/ / </font><hr>275a<br><font size=+1>


@#/ /dngos po gang dag der bsam bya/ /sngags dang phyag rgya sbyor shes pas/ /gsal bar bsgoms pas dbul bar bya/ /gtor ma nyid la sna tshogs pa'i// dngos po yang dag blugs byas la/ /mtshan mo phyed nas yongs su gtang / /de yi thugs ka nyid nas ni/ /thugs yid bsdus pa yang dag bsam/ /'di yi stod kyi che gang la/ /mi 'gyur gnas pa yang dag bsam/ /de gnyis dkar dang nag pa ste/ /'di la 'brel par gyur pa yin/ /dngos po nag por de nyid la/ /dngos po dkar po gang yin pa/ /stobs pa skyed gsal bar gnas par bya/ /de ltar skad cig du ma yis/ /yongs su gnas par byas pa las/ /bdag la nga rgyal drag po bskyed/ /de skyes pa yis grub par bsam/ /rtags su bya ba gang yin pas/ /de nyid dngos po g.yos gyur dang / /drag po sgra yang thos pa dang / /sems can ma rungs 'jigs pa'i gzugs/ /mngon sum dag tu 'ongs gyur na/ /nges pa nyid du 'grub pa yin/ /de 'grub bsgrub bya gang yin pa/ /de nyid rnam gsum bsregs pa yin/ /chag gang ba yi dbyibs byas la/ /de yi dkyil 'khor du srog snying gzhug /de nas nag po chen po la| |mnyes pa yi tshig brjod de/ /nag po chen po nyid la btab/ /de yi sngags dag bzlas pa yi/ /rab gsal lnga dang mi 'chi lnga/ /dpa' bo la sogs thams cad kyis/ /yongs su sbyar </font><hr>275b<br><font size=+1>


ba de nyid gsum/ /dngos po gang nyid la sogs pa/ mtshon gyis yongs su gtub par bya/ /de nas me nyid rab sbyar bas/ /sngags dang phyag rgyar rab ldan pas/ /lus ngag yid ni drag po yis| |las kyi sbyor ba nges par spyad/ /oM ma hA ka la mA ra ya mA ra ya sarba sha tra'uM nAM/ phaT phaT phaT/ oM ma hA kA la sarba sha tra'uM tsitshaD+Na ya phaT/ da sa daM re pha ra ha ha ha b+ha swA hA/ /de nas sngags pa yongs rtogs pas /sangs rgyas byang chub sems dpa' dang / /nyan thos rang sangs rgyas rnams la/ /gang zhig gnod par byed pa yis/ /gang zag rnal 'byor sgrub pa yi/ /gong ma'i sems kyis yang dag sbyar/ /de ni bla ma'i man ngag gis/ /yang dag par ni dbye bar bya/ /bla ma nyid la ci nus pas/ /yongs su mchod pas man ngag dbral// //'dis ni nges par 'grub pas na/ /yid ches par ni yongs su bsgrub/ /lag na rdo rje gos sngon bo can rdo rje me lce'i rgyud las/ gshin rje brang dmar gyi gdon 'dul pa'i le'u ste bcu gnyis pa'o// // lag na rdo rje gos sngon gyis/ /bcom ldan mgon la 'di skad gsol/ /gang zhig gnod sbyin gdon gyis zin/ /de la thabs nyid gsum du gsol/ /gsang ba'i mgon gyis bka' stsal pa| |gnod spyin gdong ser zhes pa'i gdon/ /shin tu drag par gyur pa la/ /thabs 'di yang dag brtsams par bya/ /drag po'i sgra dang rab ldan pa'i/ /kha dog ser ba sum cu'i gzugs/ </font><hr>276a<br><font size=+1>


@#/ /stobs dang ldan zhing rab tu gus/ /zas su sbrang rtsi zar bcug la/ /zhag bdun bar du nges par bsnyen/ /gos dag ljang gu bskon byas te/ /sngags 'di dag gis yongs su bsngags/ /bdag gis rab tu dang bas ni/ /sangs rgyas rnams la mchod pas mchod/ /de nas sum cu pa dag la/ /dngos po rten par byed pa yi/ /ras sogs gos dras btsems byas la/ /byang phyogs dag gi khang stong du/ /phyin pas sa nyid blang bar bya/ /lus ngan sras pos rab bsngags pa/ /snying po nyid kyang gdon bya zhing / /de thob byang phyogs khro bo yi/ /sngags bzlas pa yis phyir mi blta/ /de nas sngags pa blo ldan pas/ /dkyil 'khor khru ni phyed dang do/ /zur bzhi pa ru byas pa la/ /rams dang mthing shun yung ba dang / /ba yi rnam lnga dri ldan pas/ /'phang du sor gnyis rnam par nges/ /nang nas rab tu zlum byas la/ /tsan+dan dkar po'i thig le ni/ /bcu bdun yongs su bri bar bya| |de steng 'khor lo'i lha tshogs gnas/ /bla re ljang gu phub byas la/ /de nas 'dabs 'byor de nyid kyi/ /dkyil 'khor gru bzhi pa nyid la/ /rgyar ni sor mo bcu gnyis la/ /zabs su chag gang nges par bru/ /khyu byug dug tu bsres pa yis/ /de yi gcal du rnam par dgram/ /mchod pa lnga dang gtor ma dang / /las la sbyor sogs dkar po nyid/ /yongs su btang bar </font><hr>276b<br><font size=+1>


bya ba yin/ /sgra skad chen po'i rus pa la/ /phreng ba byas pas drag po'i rigs/ /de nyid la ni bzung ba byas/ /rtsa ba'i sngags sogs 'bar ba bzlas/ /de dag steng du thim 'gyur bas/ / lus ngan sras po'i sngags bzlas pas/ /de yang gong ma'i tshad nyid du/ /phyin pas yongs su bzlas par bya/ /yid chen phur bu sor bcu pa/ /bcu drug dag gis de nyid kyi/ /kha ru yongs su bskor bar bya/ /bdag nyid snga ma'i cha lugs la/ /'bar ba bskyod pas phur bu bsngags/ /nyungs kar til gyi rigs gnyis la/ /byang phyogs khro bo'i snying po nyid/ /brgya rtsa brgyad pas yongs su bsngags/ /skud pa sngon po nyid la yang / /'bar ba chen po'i sngags bzlas nas/ /de yi gzugs nyid yung ba yis/ /gro ga dag la bris byas la/ /skud pa de yis rab bcings la| |nang du nges par gzhug par bya/ /steng du me long nyid la yang / /gur gum khu bas byugs byas la/ /ngo bstan kha ni dgab par bya/ /zhag bdun bar du bsnyen pa yis/ /de nyid 'gugs pa'i sngags kyang bzlas/ /de nas sngags pas sbyor ba 'di/ /yongs su mnyams yang dag bzlas/ /de rdzogs nad pa bkug byas la/ /gu gul nag po'i dud pa yis/ /sna nyid dag tu bdug par bya/ /de nas de nyid 'phros pa na/ /mi bzad rab tu 'bar ba yis/ /sder mo yis ni drag tu gzung / /hUM gi nga rgyal sgra dang ldan/ /zhags pa sngon po gang yin pas/ /de yi ske nas </font><hr>277a<br><font size=+1>


@#/ /bzung byas la/ /me long nyid la ngo bstan bya/ /g.yas pa rdo rje ldan pa yi/ /phreng bas sngags ni yang dag bzlas/ /de nas rab tu ldan pa yis/ /srog gi snying po yongs su bzlas/ /bsam pa yongs su rdzogs pa yis/ /de nyid la ni yang dag dbab/ /de nas rnam pa rab ldan pas/ /sngags chu yis ni khrus byas la/ /lus ngag yid gsum drag po yis/ /dngos po yongs su bcings byas la/ /khru gang brkos pa'i nang du gzhug /phur bus steng du gzir byas la/ /phaT kyi sngags kyis yang dag mnan/ /des ni gdon mi za bar ni/ /gnod sbyin gdon dang nges par bral/ /de nas srung ba'i 'khor lo nyid/ /yongs su srung ba byas pa yis/ /phyi nas gdon mi 'jug pa yin/ /oM ma hA bai shra ba NA ya kaM kA la yak+Sha ban+d+ha nAM/ oM badz+ra kro d+ha a mr-i ta kuN+Da li hUM phaT/ pa tsa wa phuHsha ya ha/ ha na ha na yak+Sha pa ra ya/ oM A kaR+Sha ya A k+r+Sha ya/ sarba y+k+Sha na hUM raM/ sha oM y+k+Sha hr-i da ma dza ma dza so pa la haM/ oM sarba ra ra bi sho d+ha ya hUM phaT/ oM ha ha ha phaT phaT phaT hUM/ sangs rgyas byang chub sems dpa' dang / /lus la sogs pa'i phan gnod gnyis/ /yongs su sbyangs par yang dag bshad/ /de nyid lus ngan sras po la/ /gang bstabs de nyid nges par 'jig /de yi sbyor ba bya ba ni/ /lus ngan sras po'i sgrub pa bshad/ / </font><hr>277b<br><font size=+1>


dang por de yi gzugs bya ba/ /rams dang yung ba rab sbyar bas/ /ba dan ne'u le'u rkyal pa dang / /sku gdung g.yas phyogs bzhag byas la/ /gong ma lta bu'i gzugs su bri/ /g.yas g.yon gnyis su de nyid kyi/ /yi ge gnyis po bri byas la/ /de mthar drag po'i snying po bri/ /gsum sbyar dngos po 'bigs byed pa'i/ /tshigs gsum du ni nges pa las/ /dar dag dmar po kha tshon gang / /me tog phreng bas yongs su brgyan/ /rin chen sna lnga'i phye ma dang / /dri yi phye ma sna tshogs pa/ /phur ma byas pas gdags par bya/ /srog snying 'o mas bris byas la| |de yi ming rus khrag gis bri/ /'bru dag dkar po'i steng btsugs pas/ /de nyid la ni chags par 'gyur/ /dkyil 'khor khru gang gru bzhi pa/ /'phang du sor gnyis nges pa las| |gong du bstan pa'i sbyor ba yis/ /yongs su byugs par byas pa las/ /mchod pa lnga yis rab mchod la/ /bdag nyid sdom par yang dag gnas/ /zas su dkar gsum bza' byas shing / /chang la sogs pa btung mi bya/ /gtor ma cha gcig bsnyen par gnas/ /cha gnyis nyin mtshan dus gnyis su/ /bsam pa'i sbyor bas yongs su gtang / /dang po'i gtor ma de nyid la/ /nyungs kar nyid kyang blugs byas la/ /bzlas pa'i grangs su thim par bya/ /de yi ming rus gang yin pas/ /snying po dag la re re zhing / /yang dag pa ru mnyes </font><hr>278a<br><font size=+1>


@#/ /par bya| |rang gi ma nyes gang yin pa'i/ /tshig bton pa yis drag por 'bod/ /shin tu gdug sems rab 'bar bar/ /dang po snying rje chen po bskyed/ /'di la rtags kyi sbyor ba dang / /brlag par bgyi ba'i skul ma gdab/ /ring du 'tsho na snying rje spang / /myur du khyod kyis bsgral du gsol/ /de dag la sogs tshig dag gis/ /de la tshig kyang drag por brjod/ /de nas gnas gang yin par ni/ /dang po'i gtor ma brdab par bya/ /dang po dang ni bar dag dang / /tha mar phyogs skyong srung ma la/ /'o dod 'bod pas gtor ma gtang / /sngags rnams bla ma'i lung nas ni/ /yongs su shes par bya ba ni/ /oM bai shra ba NA ya hUM/ a mu taM kha ta ba ta sa sa ga ru/ de las yongs su byung bas ni/ /yang dag pa ru shes par bya/ /mtshan mo mgyogs pa zhes bya ba'i/ /srog chags gang dag shi ba yi/ /rus pa la ni sngags bzlas la/ /de yi khang rtsar gzhug par bya/ /de yis ltas ngan sna tshogs pa/ /yang dag pa ru 'byung ba yin/ /grub pa'i rtags su brtan pa ni/ /skyes pa mda' gzhu pa dag ni/ /yang yang rmis par gyur pa ni/ /nges par 'grub par yang dag bshad/ /lag na rdo rje gos sngon po can rdo rje me lce'i rgyud las/ gnod sbyin gdong ser gyi gdon 'dul ba'i le'u ste bcu gsum pa'o// //lag na rdo rje gos sngon </font><hr>278b<br><font size=+1>


gyis| |bcom ldan mgon la 'di skad gsol/ /gang zhig sgrub par byed pa la/ /bris sku la sogs glegs bam nyid/ /tshad de gang gis bgyi ba lags/ /rig pa'i rgyal pos bka' stsal pa/ / gang zhig sgrub par byed pa yis/ /bris sku glegs bam sbyor ba 'dis/ /yang dag par ni bsgrub par bya/ /dur khrod la sogs gang yin par/ /ri mo mkhan nyid rim pa bzhin/ /dbang bskur ba ni yang dag bya/ /tha ga pa yang bsnyen byas la/ /dri zhim pa yis yongs su byug /steng 'og gnyis la mtha' gnyis gsum/ /mnyam par bzhag pas yang dag brtag /dmar po lnga yis rab byugs la/ /sa bon yang dag ldan pa dang / /dri zhim rnam pa sna tshogs pa/ /yongs su byug par bya ba yin/ /tshon rtsi rnam pa sna tshogs pas/ /yid ches sngags kyi tshon rtsi rnams/ / mnyam par sbyar bar bri bar bya/ /snod dag thod pa nyid la ni/ /pir ni mi yi skra yis bya/ /dur khrod nyid dam khang stong dam/ /gnas bden par ni yongs su bri/ /las mkhan sngon po'i gos bgos te/ /khrag gis gdong dag byugs byas la/ /sngags pa 'di yis ni rtag tu bzlas/ /oM tsaN+Da ma hA ro Sha Na ka ra yaM/ sarba satwA ra tha hUM hUM/ gtor ma drag po gang yin pa/ /bri ba'i dus su gzhag par bya/ /zin nas de nyid gtang bar bya/ /dang por tshon rtsi thams cad la/ /rin chen sna lngar byin gyis brlab/ /rdo rje rtse gcig phyag rgya yis/ /yang dag pa ru bri bya ste/ /bskyed </font><hr>279a<br><font size=+1>


@#/ /byed dang ni yon bdag gi /bsam pas yongs su bri bar bya/ /dkyil du pad+ma bcu drug la/ /snying po ze 'bru yang dag ldan/ /dkyil du gtso bo 'bar ba nyid/ / gong ma'i gzugs kyis bri bar bya/ /'khor la sogs pa thams cad kyang / /snga ma lta bur yang dag bri/ /phyi rol shing la sogs pa dang / /dur khrod brgyad kyis rnam par brgyan// 'jigs par byed pa'i ro langs dang / /lce sbyang drag po'i sgra yang sgrog /de ltar rim pa ji bzhin pas/ /gong ma lta bur yang dag bri/ /dbang bskur gnas skabs gang yin pas| |mtshan ma'i dkyil 'khor yongs su bri/ /de yi bar du mi gzhan la/ /bris sku bstan par mi bya 'o/ /brgyang shing rus pa nyid la ni/ /byas pa thang ka yongs su brgyangs// gur dag sngon po phub byas la/ /mkha' la yongs su bstan mi bya/ /gal te bstan par byas pa na/ /dngos grub 'grub par 'gyur ba med/ /de bas mnyam par bzhag pa yis| |sbyor ba legs par brtsam par bya/ /glegs bam nges par bri bar bya/ /gro ga dag la sor dag ni/ /dkyus su bcu gnyis zheng du bzhi/ /de yi tshad du bya ba la/ /khrag dang bdud rtsi lnga rnams kyis/ /yongs su byugs par byas pa la/ /me long ur gyis mnan byas te/ /mthing shu na nyid kyis legs par bri/ /'bri mkhan sbyor ba rab ldan pas/ / </font><hr>279b<br><font size=+1>


smyu gu lcags las byas pa yi/ /snod ni thos par yang dag ldan/ /gtor ma yang dag bshams byas la/ /hUM gi ngag gis rtag tu brjod/ /gos dag sngon po bgos byas nas/ /rgyan cha lnga yis rnam par brgyan/ /mi gzhan la ni mi bsten cing / /glegs shing rus pa'am glang chen gyi/ /so dag la ni nges par bya/ /thag pa bram ze mo yi ni/ /skra yis yongs su bsdam par bya| |yang na yid ches pags pa la/ /mnyen par bya bas yongs su bsdam/ /der ni lag g.yon stod kyi bar/ /de nyid dag gis yongs su spa/ /sangs rgyas lnga yi bdag po mchog / nges par rdo rje rnon po nyid/ /sdang ba thams cad 'dul byed cing / /dngos su dpa' bo rab 'bar ba/ /chen po yi ni chen po nyid/ /kun la mkha' 'gro chen po ste/ /sku chen rab drag 'jigs pa'i gzugs/ /mkha' ltar mnyam la phyag 'tshal bstod/ /las la 'jug par snang ba nyid/ /kun bsdus pas ni de brjod bya/ /lag na rdo rje gos sngon po can rdo rje me lce'i rgyud las/ bris sku dang glegs bam gyi le'u ste bcu bzhi pa'o// //lag na rdo rje gos son gyis/ /bcom ldan mgon la 'di skad gsol/ /gang zhig rgyud 'di las sbyor bas/ /thabs kyi yan lag sna tshogs pa/ /yang dag rgyas par gsang \?\ du gsol/ /bde gshegs mchog gis bka' stsal pa/ /dad pa'i rang bzhin can gyi mis/ /'di </font><hr>280a<br><font size=+1>


@#/ /nyid la ni mngon par sgrub/ /klu gdug 'bar bas zin pa ni/ /nub mo na bar gyur pa dang / /yan lag drag par na ba dang / /smin ma la sogs byi ba dang // lus la sha ro khol bar gnas/ /tshigs su na zhing chags par ldan/ /snying mi dga' dang dkar la dga'/ /klu yi nad du shes par bya/ /ba lang dmar po mthong ba dang / /sbal pa nya sogs mtshan ma rmi/ /bu mo gzhon nu mthong ba dang / /skyes pa skra ser rmi ba dag /klu yi mtshan mar bstan pa yin/ /khrus la dga' zhing skud pa 'khal/ /chang la yongs su dad che ba/ /tshangs pa'i nad du shes par bya/ /smra log mang dang lag sgyur dang / /tho rangs na ba gang yin pa/ /zas mi za dang snying 'bar ba/ /tshangs pa'i gdon du rig par bya/ /sked pa brkyang dang nyal la dga'/ /sen mo byi dor byed pa dag /tshangs pa'i nad du shes par bya/ /nub mo spur ba rmi ba dang / /spre'u byi la mthong gyur na/ /tshangs ba'i mtshan mar bstan pa yin/ /mi rgan rid pa mthong ba dang / /shar phyogs ri la 'dzeg pa dag /tshangs pa'i rtags su bstan pa yin/ /dbugs dag nang du 'dren pa dang // glal zhing sbyi bor lag pa 'dud/ /skyug par byed cing sha la dga'/ /gshin rje yi ni gdon du bstan/ /rkang pa sa la rdeb pa dang / /mkhal sogs g.yas pa'am g.yon pa </font><hr>280b<br><font size=+1>


na| |gshan rje'i nad du rig par bya'o/ /tshig pa za dang gzhan la rgol/ /mi gzhan la ni mngon par sdang / /sdur dag rab tu mi bde dang / /thag pa dag las mdud pa 'dor/ /gshin rje'i gdon du shes par bya/ /glang dang sha ba rmis pa dang / /gos dag sngon po lus la gyon/ /gshin rje yi ni mtshan ma yin/ /shing la 'dzegs pas phyir lhung dang / /gru nang zhugs par gang rmi ba/ /de ni gshin rje'i mtshan ma yin/ /mig rtsa rgod cing p+bu pa skyug /'khur ba'i bud cing brang la rdung / /gnod sbyin gdon du shes par bya/ /yang yang ldang zhing rngam pa rgod/ /kha nas lce ni rkyong ba dang / /lus la bku byug byed pa dang / /gnod sbyin gdon du shes par bya'o/ /lto ba ni zhing zas la dga'/ /rgyab tu gzer ba gang yin pa/ /gnod sbyin nad du shes par bya| |rta sngon dag la zhon pa dang / /bong bu la zhon rmi ba rnams/ /gnod sbyin mtshan ma yin par bshad/ /bya rog lag par thogs pa dang / /thag pas lus 'khyud nyal bar rmis/ / gnod sbyin mtshan mar rig par bya'o/ /spos chu la ni sngags btab nas/ /byin na len par mi byed pa/ /tshangs pa'i gdon du shes par bya/ /nyungs kar nyid la rab bsngags nas/ / lag par byin pas mig mi blta/ /gshin rje'i gdon du shes par bya/ /sha la sngags kyis rab bsngags nas/ /kha ru byin pas sna 'gag pa/ /de ni klu gdon nges par gsal/ /sku </font><hr>281a<br><font size=+1>


@#/ /pa sngon po nyid la ni/ /rab bsngags mdun pa bdud bor ba/ /mgul du bcings pas skad ngan 'don/ /gnod sbyin gdon ni yin par bshad/ /chom po dag ni phrad pa na/ /sbyor ba 'di yis yang dag sbyor/ /dur khrod mi gang bsregs pa yis/ /sna tshogs thal ba blangs byas la/ /chang dang nges par sprus byas te/ /sprul gyi pags pas gtum byas la/ /til gyi gang bu grags pa la/ /'bum du yang dag bzlas byas te/ /bdag nyid gos la yang dag gtum/ /de nas de dang phrad pa dang / /drag po las kyi sbyor pa yin// de nyid la ni phog par gtor/ /de yis de la gtor ba yis/ /de ni rengs par rmongs par 'gyur/ /oM mA nu Sha duSh+Te staM b+ha na hUM/ sgyu ma dbang du sdud byed na/ /sbyor ba 'di nyid brtsam par bya/ /ngos 'jam rdul dang zla ba dang / /bgegs kyi gnyen po'i khu ba dang / /sgeg chen las kyi khu bas su/ /byed pa gnyis ka bar sbrus la/ /de la mthun pa nyid la ni/ / yongs su bskul bas sbyin par bya/ /de nas nges pa dus btab la/ /kha sbyor ba yis yang dag bsngags/ /oM na mo kA ma de ba ya ya ka ya ka ka la siny+tsa b+ha g+ha bi par ta na swA hA/ a mu kaM/ 'bum du dang por bsnyen pa yis/ /sbyor ba nges par spyad par bya/ /nor dag sgrub par 'dod pa na/ /nor 'dzin lha mo yongs su bri/ /kha dog ser po nyid la ni/ /phyag </font><hr>281b<br><font size=+1>


bzhi par ni bri bar bya/ /zhal gcig nu ma 'bur ba la/ /g.yas kyi dang po ting 'dzin pa/ /gnyis pa 'bras kyi snye ma 'dzin/ /g.yon gyi dang po nyid na ni/ /rin chen 'bar ba yang dag bsnams// gnyis pa ne'u le'i rkyal pa bsnams/ /de lta bu yi gzugs byas la/ /sna tshogs dri yis yang dag mchod/ /mchod pa rnam pa lnga dag dang / /na bza' dar la sogs pa yis/ /yang dag pa ru mchod par bya/ /zhag grangs brgya rtsa brgyad pa ru/ /yongs su bsnyen pas bsngags bzlas bya/ /de nas grub par gyur pa'i rtags/ /de nyid g.yo bar gyur pa yin/ /de grub rten ni rnyed par ni/ /de yis lung ni ston par 'gyur/ /de nas dbyig ni mi zad pa'i/ /bdag por mi de nges par 'gyur/ /ma rungs pa dag smyor gzhug na/ /sbyor ba 'di dag nges par brtsam/ / de yis kun grags nyid dang ni/ /khu chen sa la sogs pa la/ /sngags 'di yis ni 'bum du bzlas/ /de nas bsnyen pa yongs rdzogs pas/ /yid ches dung la sbu gu can/ /sor bdun dag la dug blugs te/ /skud pa sngon pos rab bcings la/ /nub phyogs dag tu nges par gdags/ /de ni 'byung bas bskyod pa ni/ /mi de nges par smyo bar 'gyur/ /oM ma hA kA lA ya staM b+ha u na ma ta ya| a mu kaM sany+tsa la swA hA/ mi rnams nges par mi gsal bas/ /rdo rje mo ni yongs su sgrub/ /sa la phyogs bzhi mtshams brgyad du/ /re mig bcu gnyis bris byas la/ /ma rig la sogs </font><hr>282a<br><font size=+1>


@#/ /rtags kyi ni/ /dngos po yang dag bri bar bya/ /de nas sngags pas rab bsngags la/ /bsam pa rab tu rdzogs byas la/ /de nyid dngos po gang yin pas/ /bsam pa sbyar bas me tog bor/ /gang du bab pa der gnas la/ /shes rab can gyis rnam par dpyad/ /bzang ngan ltas rnams yongs su bshad/ /rig pa legs par spangs pa yis/ /ba yi lci bas rab btums la/ /dang por gnyis su shes par bya/ /ring du bye brag med pa yis/ /bcom ldan 'das sngon du bzhag byas te/ /dang por mchod pas yang dag mchod/ /dmod dag yongs su btsugs pa yis| |shes rab bcu gsum bdag nyid can/ /dmar po gos kyis brgyan byas te/ /khrus dag legs par byas pa dang / /dri yis legs par byugs byas la/ /dpral bar thig le dmar po gdab/ /me tog dri zhim dmar po nyid/ /de yi lag tu sbyin par bya/ /de yis de la blang bar bya/ /de yis dngos po gsal bya ste/ /bzang ngan ltas su nges par ston/ /spyir na sna tshogs gdon la ni/ /'bar ba chen po'i sngags bzlas bya/ /gu gul nag po'i dud pa dag /de yi sna ru bdug byas la/ /nyungs kar gu gul me tog dang / /de yi snying pos bsreg par bya/ / de yis nad pa gang yin pa/ /bgegs dang nges par bral bar 'gyur/ /srin lag gnyis la skud pa ni/ /sngon pos yang dag bsngam par bya/ /spyi bo'i skra las srad bu gang / /bcings </font><hr>282b<br><font size=+1>


pas sngags ni nges par bzlas/ /'khrug pa'i sde dag rgyal 'dod na/ /khams gsum rnam rgyal snying po yis/ /'bum du bzlas pas bsnyen \?\ bya/ /de nas a mra'i lo ma las/ /yung bas yongs su bri byas la/ /gi waM gis ni rab tu bsku/ /cod pan spyi bor btums byas la/ /rang nyid sku ru bsgoms byas la/ /lag pa g.yas pas nyungs kar dang / /ske tshe thal bar sbyar byas la/ / sngags bzlas sdigs mdzub phyar ba yis/ /yongs su bris par sde rgyal 'gyur/ /rnal 'byor pa yis bdag nyid la/ /'chi ba blu pa yang dag bya/ /bdag gi rgyud la 'chi ltas ni/ /phyi nang bcu gnyis yang dag ldan/ /bdag gi brang la sha mtshan dag /dmar po byung bar gyur pa na/ /sum cu gnyis zhag 'chi 'gyur bas/ /rig pa'i rgyal po'i sngags kyis su/ /til la sreg blugs stong du ni/ /tshang bar byas pas de bzlog 'gyur/ /de dang cha mthun gang yin pa/ /rkan la 'brum bu gsum pa dang / /lce yi rtse mor sme ba dang / /rdo rje lam nas khrag 'dzag dang / /'dzag gnyis dbugs dag gsum pa dang / /ri yi rtse mor shu ba byung / /nang gi 'chi ltas nges pa ste/ /stag dang byi ba 'brug dag dang / /rtsangs pa bya gag nag po ru/ / yongs su sbyor bas rig pa bzlas/ /gi wang 'ug pa rus sbal dang / /tsam pa ka dang ut+pal dang / /seng ldeng phur bu gang yin dang / /'ug pa'i sgro la sbyor ba dang / /bya rog mkha' la </font><hr>283a<br><font size=+1>


@#/ /'phur ba yi/ /dkar pos bdag la phog pa ni/ /phyi yi 'chi ltas yin pas na/ /gong du grags pa'i sar song la/ /rig pa la sogs sbyor ba yis/ /yongs su bzlog par bya ba yin/ /mkha' la sna lnga mthong ba dang / /chu la mig gzugs mthong gyur na/ /shin tu sdig pa'i ltas su bstan/ /rmi lam la ni stag zhon la/ /mchod rten nyid la 'dzeg pa dang / /seng+ge'i khar ni zhugs rmis pa/ /yongs su sdig pa'i ltas yin pas/ /logs shig sor mo rtse gsum dang / /bse ru'i phyogs dang kun da'i 'dab/ / yon tan rgya mtsho mtshan bzang dang / /skye mched 'phags lam chu srin mo/ /lo gsum zhag bzhi zla ba lngar/ /mi de nges par 'chi bas na/ /rig pa'i rgyal mo bdud rtsi 'khyil// rten 'brel yi ge brgya pa yis/ /sngags kyis sman la srung ba bya/ /khams gsum rnam rgyal 'jig rten mgon/ /de dag gi ni snying po yis/ /stag sogs gso la nges par bzlas| |rma bya chen mo'i sngags dag gis/ /'ug pa'i sgro sogs nges par bsngags/ /phyag na rdo rje 'jam dbyangs dang / /stobs chen khro bo gang dag gis/ /sngags kyis seng ldeng 'ug sgro dang / /ku sha byi la la sogs dang / /gso ba la bsngags pas yongs su bzlog /gtor ma sbyin sreg las kyis ni/ /yongs su bzlog par bya ba yin/ /shin tu </font><hr>283b<br><font size=+1>


dpa' dang dad par ldan/ /shes rab che dang thos pa bsags/ /bla ma la gus gtong bar phod/ /lhung ba ma gos gtsang ma la/ /rim pa bzhin du dbang bskur nas/ /tshogs kyi 'khor lo lnga byas la| |shes rab ldan la bstan bya ba'i/ /gsang ba drag po'i rgyud rgyal 'di/ /gzhan la bshad par ya ba min/ /gsang ba drag po khyod kyis ni/ /phan dang gnod bya gang yin pa/ / rim pa bzhin du shes pa yis/ /legs par sba dang bshad pa ni/ /gnas skabs du ma dang ldan zhing / /kun la nges par zhugs pa yis/ /rgyud 'di la ni nges par brtag /rgyu 'di gang na gnas pa na| |sa phyogs de yi gdug pa rnams/ /ring du bsrings pas gnas mi byed/ /gal te gnas par byed pa na/ /de rnams kun gyi rgyud tshig 'gyur/ /drag po rgyud kyi rgyal po la/ /gang zhig zhugs par gyur pa la/ /dug gsum sku la rab brgyan nas/ /btsun mo'i b+ha ga la gnas te/ /nyon mongs 'khor gyis rab bskor nas/ /bde ba chen po'i rol bas gnas// lag na rdo rjes de nyid du/ /skad cig tsam gyis bskor ba ni/ /'bum phrag gsum du rab bskor nas/ /bde bar gshegs la 'di skad gsol/ /bdag gi rgyud kyi rgyal po 'di/ / nges pa'i don dang rab sbyar nas/ /gsang ba nyid du sba bar bgyi/ /lag na rdo rje gos sngon po can rdo rje me lce'i rgyud las/ las sna tshogs kyi le'u ste bco lnga pa'o// // </font><hr>284a<br><font size=+1>


@#/ /phyag na rdo rje gos sngon po can gnod sbyin drag po chen po rdo rje me lce'i rgyud kyi rgyal po rdzogs so// //rgya gar gyi mkhan po chen po rat+na kIrti dang / bod kyi lo ts+tsha ba dge tshul khyud grags kyis bka' drin mnos nas rgya dpe bod du spyan drangs te bsgyur ba lags so// </font><hr>

</table>