rKTs


H430

(e-text produced by ACIP)

see text in Tibetan script
284a
//rgya gar skad du/ badz+ra hri da ya badz+ra dzi hwA na la nA ma d+ha ra NI| bod skad du/ rdo rje snying po rdo rje lce dbab pa zhes bya ba'i gzungs/ /sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das dur khrod chen po bsil ba'i tshal na bzhugs te de na 'khor nye ba'i sras byang chub sems dpa' dang / nyan thos dang / rang sangs rgyas dang / lha dang / mi dang| lha ma yin dang / klu rnams dang thabs cig tu bzhugs so/ /de nas bcom ldan 'das kyis rdo rje snying po zhes bya ba'i ting nge 'dzin la snyoms par zhugs te thugs ka nas 'od zer rab tu bkye bar gyur te/ 'od zer des stong gsum gyi stong chen po'i 'jig rten gyi khams thams cad khyab par byas nas sems can thams cad kyi nad dang / mi bde ba dang / sdug bsngal thams cad dang bral bar byas slar bcom ldan 'das kyi thugs su zhugs so/ /de nas drang srong chen po nyes 'dor langs te phyag 'tshal nas bcom ldan 'das la 'di skad
284b
ces gsol to/ /bcom ldan 'das/ 'jig rten gyi khams 'di na sems can thams cad la nad dang / dug dang / rims dang / dgra dang / gdon dang / byad stems dang / rbod gtong dang / char ches pa dang / char mi 'bab pa dang / lo tog ma rungs par byed pa rnams kyis sems can thams cad sdug bsngal zhing nyam thag par gyur na/ de la ji ltar bsrung ba dang / bskyab pa dang / sba bar bgyi/ bcom ldan 'das kyis bka' stsal pa/ drang srong chen po nyes 'dor/ /nga la rdo rje snying po rdo rje lce dbab pa zhes bya ba'i gzungs yod de/ des sems can thams cad la bsrung ba dang / bskyab pa dang / sba bar byed do/ /de ngas bshad kyis legs par rab tu nyon la yid la zungs shig /de nas bcom ldan 'das kyis badz+ra badz+ra hUM zhes gsungs pas rdo rje snying po khro zhing gtum pa/ gdug pa'i cha lugs can thon nas bcom ldan 'das kyi snam logs na 'khod par gyur to/ /de nas bcom ldan 'das kyis mgrin gcig tu gzungs 'di bka' stsal to/ /nyi ma nAn/ zla ba nAn/ klad pa nAn/ ku na zhi/ tsi ta ku li nAn/ yak+Sha zlog byer/ de nas gzungs 'di gsungs ma thag tu bgegs dang / log 'dren thams cad 'jigs shing skrag nas kha sbub tu 'gyel te wu bar skyug cing brgyal bar gyur to/ /de nas klu'i rgyal po mtha' yas kyang 'jigs skrag nas lus 'dar zhing bcom ldan 'das la phyag
285a
@#/ /'tshal nas 'di skad ces gsol to/ /bcom ldan 'das/ bdag gis dgra dang / gdon thams cad brlag par byed pa'i gzungs 'di brjod par bgyi'i/ bcom ldan 'das kyis byin gyis brlab tu gsol/ /na mo bud+d+ha ya/ tsi tra mu dra yak+Sha zlog byer/ de nas gzungs 'di smras ma thag tu sa chen po g.yos par gyur te/ 'jig rten gyi khams thams cad kha sbub tu 'gyel te| gdon dang log 'dren thams cad kha sbub tu 'gyel te/ khrag tu skyug cing dbugs dang bral bar gyur to/ /de nas yang klu mtha' yas kyis 'di skad ces brjod do| |bcom ldan 'das/ bdag gis sems can thams cad la bsrung ba dang / bskyab ba dang / sba bar bgyi'o/ /bcom ldan 'das kyi bstan pa bsrung bar bgyi'o/ /sangs rgyas kyi bstan pa yun ring du gnas par bgyi'o/ /char dus su dbab cing lo tog thams cad bsrung bar bgyi'o/ /nad dang dgra dang gdon thams cad gzhom par bgyi'o/ /bcom ldan 'das kyis ji ltar bka' stsal pa ltar bgyid pa las ldog par mi bgyid do/ /bcom ldan 'das kyis bka' stsal pa/ legs so legs so/ /klu'i rgyal po mtha' yas/ /khyod kyis ji ltar dam bcas pa ltar gyis shig /dam tshig rjes su srungs shig /ji ltar nga'i bka' bcag na ngan song du lhung bar gyur ta re/ nga'i ji ltar bsgo ba thams cad gyis shig /de nas gsang ba'i bdag
285b
pos rdo rje lce dbab pa zhes bya ba'i gzungs bklags pas 'grub pa drag po rab tu mi bzad pa 'di smras so/ /badz+ra badz+ra hUM/ na mo bud+d+hA ya tsi tra mu dra yak+Sha zlog byer/ nA ga shig /nA ga byer/ nA ga nan| nA ga go la nan/ nA ga ha na ha na mA ra ya rbad nan/ sa gdon nag po sod sa gdon nag po sod/ sa gdon nag po nan/ phyug tsi phaT/ tsi ka phyu phaT/ lce pa ti phaT/ e ga ba ra tse di nA ga ba ra ma ma hA ba la sa ta ye go de sad te nan/ thum ril rbad che ge mo mA ra ya/ dzaHrbad nan/ nA ga hril hril/ nA ga phroM phroM/ nA ga phob/ badz+ra pra be sha ya sa 'di srungs shig/ byer ya/ b+h+yor ma ma hA a hUM hUM phaT swAhA/ mA ra ya shAn+tiM ku ru swA hA/ ra sha mA ra ya rbad shig byer/ nan nan/ ha na ha na mA ra ya rbad nan/ de nas gzungs 'di gsungs ma thag tu nam mkha' la gnam lcags drag po'i rdo rje'i thog phab nas dgra dang / gdon dang / lo tog ma rungs par byed pa thams cad kyi lus dum bu dum bur tubs nas rdul phra rab bzhin du brlag par byas so/ /de nas bcom ldan 'das kyis cho ga bka' stsal pa/ drang srong chen po/ sa'i dkyil 'khor gru bzhi pa byi dor byas nas ba'i rnam lngas byug par bya'o/ /tsan+dan dang rgya spos dri zhim pos byug par bya'o/ /me tog sil ma dgram mo/ /bum pa gang ba gzhag go /mar me 'bud do/ /gtor ma bzang po bzhag go /lcags sam seng ldeng gi phur pa gzug
286a
@#/ /so| |dbus su rdo rje snying po gzhag par bya'o/ /de'i mdun du klu mtha' yas gzhag go /de nas mchod par 'dod na me tog la sogs pa mchod pa lnga bya'o/ /klu mchod par 'dod na 'khar ba'i snod du 'o ma dang / klu sman sna tshogs dang / rtsi sman sna tshogs kyis bya'o/ /nad dang dug srung bar 'dod na tshil chen dang / gla rtsi dang / skud pa sngon po dang / rma bya'i sgros bya'o/ /klu nag po chen po la ni/ tshil chen dang / gla rtsi dang / tshon skud sna lnga dang / seng ldeng gi phur pas bya'o/ /'byung po thams cad la ni/ phur pa dang / yungs kar gyis bya'o| |skya rengs 'char ka'i gdon la ni/ phur pa dang / nyungs kar dang / nyungs nag dang / ske tshe dang / thal chen gyis bya'o/ /'byung po kun tu rgyu ba la ni/ phur bu lnga dang / thod bas bya'o/ /gzhan dag gsad par 'dod na/ phur pa dang / gzugs dang / thod pas bya'o/ /mnan par 'dod na/ thod pa dang / dug dang / nyungs kar gyis bya'o/ /lo tog gzhom par 'dod na/ thod pa dang / dug dang / nyungs kar dang / tshil chen dang / khrag sna tshogs la bya'o/ /lo thog srung bar 'dod na/ thal chen dang / ske tshe dang / phur bus bya'o/ /kun tu srung ba zhes bya ba gzhan gyi rbod gtong bzlog par 'dod na/ mchod rten dang / gzugs dang / thod pa dang / nyungs kar dang / phur pas bya'o/ /thams cad zhi bar 'dod na/ thab khung
286b
rnying par tsan+dan nam rgya shug la me btang la dkar gsum dang / mngar gsum dang / 'bras dang / til dang / mar dkar la sbyin sreg bya zhing / che ge mo mA ra ya shin+tiM ku ru swAhA/ zhes bzlas na thams cad srung bar 'gyur ro/ /gang dag gsad par 'dod na/ sla nga'i nang du seng ldeng ngam gdug pa'i shing la me btang la gdug pa'i rdzas sna tshogs dang / ske tshe dang / til dang / mar nag dang / tshil chen dang ming byang spel te/ sbyin sreg bya zhing / che ge mo ra sha mA ra ya rbad ces bzlas na/ dgra dang / gdon thams cad brlag par 'gyur ro/ /bdag dang gzhan srung bar 'dod na/ rma bya'i mkhris pa dang / ka ra dang / sa'i bdud rtsi lo lnga brgya lon pas bya'o/ /klu sa bdag srung bar 'dod na/ spos dang / gu gul nag po dang / gla rtsi dang / mu zi dang / ldong ros dang / dri chen dang / sbrang rtsis bya'o/ /mchog tu srung bar 'dod na/ 'bras bu gsum dang / bu chung gi rang byung dang / dri chus bya'o/ /khyad par dam pa srung ba chen po ni/ a ru ra rnam par rgyal ba bcang zhing gzungs 'di brjod par bya'o/ /shig byer nAn/ mgo nAn/ ha na ha na ma ra ya rbad nAn/ drang srong chen po nyes 'dor/ gzungs 'di yid la rab tu zungs shig /sems thams cad la bsrung ba dang / bskyab pa dang / sba bar gyis shig /nga'i bstan pa rjes su srungs shig /bcom ldan 'das kyis de skad ces bka' stsal nas drang srong chen po nyes 'dor dang /
287a
@#/ /thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do// //rdo rje snying po rdo rje lce dbab pa zhes bya ba'i gzungs rdzogs so// //'di dang po ska cog gis bsgyur zhing / phyis gnyan lo ts+tsha ba d+harma grags kyis kyang bsgyur ro//