H431

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H431</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H431&coll=lhasa">see text in Tibetan script</a></table>287a<br><font size=+1>


//rgya gar skad du/ mA yA dzA la ma hA tan+t+ra rA dzA nA ma/ bod skad du/ rgyud kyi rgyal po chen po sgyu 'phrul dra ba zhes bya ba/ dpal rdo rje sems dpa' la phyag 'tshal lo/ /'di skad bdag gis thos pa dus gcig na/ bcom ldan 'das gnas gtsang ma'i steng na khang pa brtsegs pa rin po che'i gzhal med khang chen po bkod pa/ rdo rje'i ka bas brgyan pa/ shin tu mdzes pa'i rin po che bkod pas rnam par bkra ba/ /rdo rje dril bu 'khrol ba/ yid las byung ba'i mchod pa'i khyad par chen pos brgyan pa| rdo rje'i 'khor los spras pa/ de bzhin gshegs pa'i sprul pa'i cha byad sna tshogs 'chang ba rnams kyi don gyi bya ba byas pa/ rnam par snang mdzad gyi snying po las yang dag par byung ba'i spyod pa bskyod nas zhal bzhi'i sgo'i go skabs nas byung ba sna tshogs dang / rdo rje dang / rin po che chen po dang / 'od dpag med dang / byang chub sems dpa' sems dpa' chen </font><hr>287b<br><font size=+1>


bo'i tshogs dang / rig sngags kyi lha mo rnams kyis brgyan pa/ khro bo'i rgyal po dang / bran dang / bran mo dang / pho nya dang / pho nya mo dang / phyag brnyan dang / phyag brnyan mo du ma'i 'khor gyis bskor cing mdun gyis bltas pa/ ting nge 'dzin gyi ye shes kyi bde ba de'i bdag nyid dang / dmigs pa dang bral ba/ thugs rje chen pos mnyes gshin pa/ sems can thams cad bsgral ba la brtson par mdzad pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa la sogs pa mang pos brgyan pa na/ bcom ldan 'das rnam par snang mdzad chen po rdo rje de bzhin gshegs pa bzhugs so/ /de nas de'i tshe bcom ldan 'das kyi 'khor gyi khyams kyi dbus na byang chub sems dpa' sems dpa' chen po phyag na rdo rje 'dug pa la gzigs nas 'dzum pa mdzad do/ /'dzum pa mdzad ma thag tu byang chub sems dpa' sems dpa' chen po phyag na rdo rje bla gos phrag pa cig tu gzar nas 'gying bag can du bltas nas rdo rje gsor te pus mo g.yas pa'i lha nga sa la btsugs te thal mo sbyar nas bcom ldan 'das la phyag 'tshal nas gsol pa/ sangs rgyas bcom ldan 'das rnams ni/ dgongs ba ma mchis par 'dzum pa mi mdzad na/ bcom ldan 'das kyis dgongs pa gang gi slad du gzigs pa dang 'dzum pa mdzad/ de </font><hr>288a<br><font size=+1>


@#/ /des na bdag dang 'khor rnams ngo mtshar du gyur pa lags na/ de'i slad du bcom ldan 'das kyis seng+ge chen po'i sgra dbyangs kyis bka' stsal du gsol| de nas byang chub sems dpa' sems dpa' chen po phyag na rdo rjes de skad du gsol ba btab ma thag tu bcom ldan 'das kyis rgyud kyi rgyal po chen po sgyu 'phrul dra ba ye shes rnam par bsgyings pa rgyud thams cad kyi phyi ma'i yang phyi ma'i thabs bde ba rdo rje'i ye shes sgrub pa rol pas mnyes par bya ba'i thabs de kho na nyid thams cad kyi 'byung gnas stang stabs kyis rnam par rgyal ba'i thabs dang shes rab bde ba chen po'i rdo rjes sgrol ba rol pas bzhad cing bsgyings pa rdo rje zhes bya ba'i ting nge 'dzin la snyoms par zhugs nas sgyu 'phrul dra ba'i rgyud kyi dam tshig dang / dkyil 'khor dang / ri mo'i gzugs dang / sgom pa dang / bzlas brjod dang / stang stabs dang / sbyor ba dgod pa dang / ting nge 'dzin dang / dbab pa dang / bskrad pa dang / dbrog pa dang / dgug pa dang / bcing ba dang / brdeg pa dang / bsdigs pa dang / nyam thag par bya ba dang / bcad pa dang / sreg pa dang / bskang ba dang / bskrun pa dang / dbang bskur ba dang / sbyin pa dang / slob dpon dang / slob ma gzung ba dang / gsang sngags mang po'i </font><hr>288b<br><font size=+1>


'jo tshul rnams ngas bshad par bya'o/ /de'i phyir khyod kyis kyang ting nge 'dzin mchog la snyoms par zhugs la nyon cig /de nas de bzhin gshegs pa de dag thams cad dang / byang chub sems dpa' thams cad dang / gzhan yang gang dag 'khor du 'dus pa de dag thams cad kyis chos kyi 'bel ba'i gtam mnyan par brtsams so/ /de la re zhig dang po dngos grub ni| slob dpon chos kyi rjes su 'brang ba yin pas/ slob dpon med par gyur na ni/ /dngos grub thob par mi 'gyur bas/ /slob dpon mtshan nyid bshad par bya/ /ye shes snying po khyod nyon cig /brtan zhing dul la blo gros ldan/ /bzod ldan drang zhing g.yo sgyu med/ /gsang sngags rgyud kyi sbyor shes pas/ /dkyil 'khor bri ba'i las bya'o/ /de nyid bcu ni yongs shes shing / /sems can kun la mi 'jigs sbyin/ /theg pa che la rtag dga' ba/ /de ni slob dpon yin par gsungs/ /phyi rol bstan bcos yongs shes shing / /nyan thos rnams kyi lam 'gro dang / /gsang ba de nyid bsdu ba dang / /theg pa chen po mi shes pa/ /snying rje yod pa ma yin dang / /dad med brtson 'grus mi ldan la/ /rtag tu ngan pa'i tshul spyod dang / /bstan bcos rnams la smod pa min/ /gong du bstan pa'i mtshan nyid dang / /ldan na slob dpon yin par gzung / /de yis dkyil 'khor bri ba dang / /de nyid kyis ni rgyud rnams </font><hr>289a<br><font size=+1>


@#/ /bstan| |de yis bstan pa'i gsang sngags dag /'grub 'gyur 'di la the tshom med/ /dge dang sdom la dga' ba dang / /rtag tu bla ma la gus dang // rgyun du lha rnams mchod byed pa'i/ /yon tan ldan na slob ma yin/ /slob dpon ci 'dra blta zhe na/ /bla ma sangs rgyas kun dang mnyam/ /de nyid rtag tu rdo rje 'chang / /de bzhin gshegs pa rin chen tog /de ni ye shes rgya mtsho che/ /yid bzhin nor bu rin chen bzhin/ /slob dpon gyi ni yon tan gzung / /skyon rnams nams kyang ma yin no/ /yon tan bzung bas dngos grub cing / /skyon rnams kyis ni dngos grub nyams/ /de yi grib ma'ang mi 'gom ste/ /mchod rten bshig dang 'dra bar gsungs/ /rgyu dang mi rgyu gsang ba yi// dam pa gang yin spangs par 'gyur/ /slob dpon smod par byed pa dag /rmi lam du yang mthong mi bya/ /slob dpon smod pa gang yin te/ /bgegs dang log 'dren rnams kyis bzung / /ngan pa gtum po las byed pa/ /mkhas pas rtag tu spang bar bya/ /mnar med shin tu skyi g.ya' ba'i/ /dmyal ba bstan pa gang yin pa/ /der ni slob dpon smod byed pa/ /gnas par 'gyur zhes rab tu gsungs/ /de phyir kun gyis rab bsgrims te/ /bsam yas 'bras bu smin byed pa'i/ /sangs rgyas 'bras bu 'dod byed pa'i// </font><hr>289b<br><font size=+1>


sems can dad pa ldan pas mchod/ /rgyud kyi rgyal po chen po sgyu 'phrul dra ba las/ 'di ni/ 'jug pa rim par phye ba'i le'u ste dang po'o// //de nas bcom ldan 'das rnam par snang mdzad chen po rdo rje'i de bzhin gshegs pas thams cad dang ldan pa'i 'khor gyi dkyil 'khor la gzigs nas sgyu 'phrul dra ba chen po ye shes bsgyings pa gsang ba'i byin rlabs kyi mchog rdo rje zhes bya ba'i ting nge 'dzin la snyoms bar zhugs so/ /snyoms par zhugs nas kyang rdo rje 'chang la bka' stsal ba/ phyag na rdo rje/ rgyud kyi rgyal po chen po sgyu 'phrul dra ba'i dkyil 'khor gyi rgyal po chen po dkyil 'khor thams cad kyi phyi ma'i yang phyi ma/ ye shes chen po'i snying po 'bar ba rdo rje bsnyen bkur byed pa zhes bya ba'i dkyil 'khor 'dir dbang bskur na/ dkyil 'khor thams cad du dbang bskur bar 'gyur bas/ phyag na rdo rje/ sems can gang la las tshon rtsi mthong ba de dag kyang de bzhin gshegs pa thams cad la phyag byas pa dang mchod pa byas par 'gyur ba la yang dag par zhugs pa de dag ni/ de bzhin gshegs pa'i sangs rgyas kyi zhing du sangs rgyas nyid kyi grangs su 'gro bar 'gyur ba de nyon cig /dang po kho nas yongs su bzung ba byas te slob dpon gyis lha nyid kyi stang stabs su 'dug la/ lag pa g.yas bsgrims te rdo rje gsor zhing / lag pa g.yon pas dril bu gsil nas </font><hr>290a<br><font size=+1>


@#/ /rdo rje 'gros kyis yongs su bskor bar bya'o/ /rgyan thams cad kyis brgyan pa khro bo'i nga rgyal gyis hUM zhes brjod cing dkyil 'khor gyi sa gzhi brjid pa gang gis bskor nas kyang khro bo'i skur bsgoms nas sdang ba'i lha dang / lha ma yin dang / gsang ba pa rnams la tshig 'di rab tu brjod par bya'o/ /slob dpon ming 'di zhes bya bas slob ma che ge mo zhig rdzogs pa'i byang chub rdzogs par bya ba dang / sems can thams cad bla na med pa'i ye shes thob par bya ba'i phyir sa phyogs 'dir dkyil 'khor gyi rgyal po ming 'di zhes bya ba bri yis/ lha dang / lha ma yin dang / gnod sbyin dang / srin po dang / yi dwags dang / sha za dang / brjed byed dang / 'byung po dang / mkha' 'gro ma dang / gnon po dang / nam mkha' lding dang / mi 'am ci dang / rig sngags grub pa dang / rgan po'am rgan mo g.yog dang / 'khor du bcas pa gang dag 'khod pa rnams dengs shig /'di ltar rdo rje 'chang gi bka' thos nas myur ba nyid du dengs shig /gang dag mi 'gro ba de dag ni/ phyag na rdo rje hUM zhes bya ba rab tu khros pa'i bzhin 'bar pa can gyi ye shes kyi rdo rje 'bar ba kun tu 'bar bas mgo tshal pa brgyar 'gas par 'gyur ro/ /zhes lan gsum brjod nas stang stabs la gnas bzhin dus gzhi rdo rje'i rang bzhin du byin gyis brlab par bya'o/ /g.yas brkyang ba dang / g.yon </font><hr>290b<br><font size=+1>


brkyang ba dang / sa ga'i 'dug stangs dang / zlum po'i 'dug stangs dang / mthun pa'i rkang stabs dang / rus sbal gyi rkang stabs dang / rdo rje gdeg pa dang / rdo rje 'jo tshul dang / rkang pa ya gcig gi stangs dang / seng+ge stabs dang / seng+ge glal pa dang / bung ba'i 'phur pa'i stabs dang / rdo rje sgrog dang / rdo rje gsor ba dang / rdo rje'i stang stabs dang / rdo rje dgug pa dang / rdo rje gar dang / rdo rje 'jigs su rung ba dang / rdo rje ro langs ma dang / rdo rje tho ba dang / rdo rje'i byin rlabs dang / rdo rje'i gdu bu dang / bud med kyi sgyu 'phrul stang stabs dang / rdo rje'i dra ba dang / stobs po che'i 'degs pa dang / rdo rje mche ba dang / rdo rje gad mo dang / rdo rje sgra dang / ral gri thabs dang / rdo rje'i thabs dang / 'khor lo'i thabs dang / gtun shing gi thabs dang / ba dan gyi thabs dang / zhags pa'i thabs dang / pad+ma'i tshul dang / be con gyi thabs dang / mi 'jigs pa'i tshul dang / lcags kyu'i thabs dang / 'bras bu'i tshul dang / mdung thung gi thabs dang / gzhu'i thabs dang / mda' gzung ba'i thabs dang / mda' 'phangs pa'i thabs dang / thag mdung bskor ba'i thabs dang / mchog sbyin pa'i tshul dang / mdung gi thabs dang / mtshon rtse gcig pa'i thabs dang / phyag 'tshal ba'i tshul dang / rdo rje 'dug stangs dang / ting nge 'dzin gyi 'dug stangs dang / rdo rje skyil mo </font><hr>291a<br><font size=+1>


@#/ /krung dang / pad+ma'i 'dug stangs dang / sems dpa'i skyil mo krung dang / dpa' mo'i 'dug stangs dang / bzang po'i 'dug stangs dang / cog pu'i 'dug stangs dang / rtsa ba'i 'dug stangs dang / mdun du dgu ba dang / phyir dgye ba dang / mtha' yas dang / rnam par rgyal ba dang / sprin sgra dang / gsus po che dang / rgyal ba'i phur bus gnas pa'i bcing ba dang / phur bu brdung ba dang / dra ba dang ra bas mtshams gcad pa dang / phyogs bcing ba de lta bus sa gzhi rdo rje'i rang bzhin 'od 'bar bas 'khrigs par bsgoms te gtan la dbab par bya'o/ /rang gi ming nas smos te hUM zhes bya ba'i gsang sngags kyi sgra brjod na/ 'khor lo thams cad kyi bla na med par 'gyur ro/ /de nas sa'i lha mo sta gon du gnas par bya ba ni/ skyob pa sangs rgyas thams cad kyi/ /spyod pa'i tshul dang khyad par dang / /sa dang pha rol phyin pa la/ /lha mo khyod ni dbang du gyur/ /dngos grub thams cad thob bya'i phyir/ /bdag gis dkyil 'khor bri bar bya/ /zhes la na gsum brjod do/ /de nas sangs rgyas dang byang chub sems dpa' thams cad sta gon du gnas par bya ste/ thugs brtser gnas pa'i dgongs pa can/ /sangs rgyas bdag la dgongs su gsol/ /sras dang lhan cig gshegs nas kyang / /sa gzhi yongs su gzung </font><hr>291b<br><font size=+1>


bar mdzod/ /de nas 'khro lo'i dbus su chos kyi dkyil 'khro byas la mtha' kun tu yang mtshan nas smos te thig leng bya'o/ /de ltar spyan drangs te mchod pas mnyes par byas nas phyir byung ste phyogs kyi gtor ma sbyin no/ /de nas sems can sta gon du gnas par bya ste/ spos chus spyi bor bsang gtor byas nas/ /lag pa snying gar bkram nas su/ / rtse mo lnga pa rgya gram bya/ /g.yas pas srung skud bcings nas su/ /lag mthil so shing ku sha sbyin/ /de nas 'dug ste gsum la skyabs su btang ba dang / sdig pa kun tu bshags pa dang / bsod nams kyis rjes su yi rang ba dang / /bdag nyid dbul ba dang / byang chub tu sems bskyed par bya'o/ /de la 'di ni/ skyabs su 'gro ba yin te/ dkon mchog gsum la skyabs su mchi/ /sdig pa thams cad bshags par bgyi/ /'gro ba'i dge la yi rang ste/ /sangs rgyas byang chub yid kyis gzung / /zhes lan gsum brjod do/ /de nas ci nus kyis ci 'dod pa'i chos bshad par bya'o/ /de nas sngar bshad pa bzhin du mnyes par 'gyur ba'i mchod pa'i cho ga bzang po bya ste/ slar yang gshegs su gsol bar bya'o/ /de nas nang du zhugs la dkyil 'khor gyi sa gzhir glo g.yas pas nyal te rmi lam bzang ngan bltas nas phyi de nyid dkyil 'khor bri bar bya'o/ /tshon dang thig les sangs rgyas lnga'i/ /ngo </font><hr>292a<br><font size=+1>


@#/ /bo dag kyang sprul par bya/ /'di ni chos dbyings dag pa ste/ /sems can rnams ni rnam grol mdzad/ /de bzhin gshegs pa kun gyi gnas/ /rnam par snang mdzad rgyal bdag ste/ /nyes pa thams cad rnam spangs pa'i/ /tshon rtsi dgye ba brtsam par bya/ /dang por slob dpon nyid kyis dgye/ /de nas kun tu slob mas bya/ /dang po sa gzhi yongs gzung pa/ /gnyis pa sta gon gnas pa ste/ /nub gsum pa ni 'jug pa yin/ /tshon sna lnga pa'i srad bu yis/ /khru stong pa'am lnga brgya bar/ /dkyil 'khor dam pa thig gdab bo/ /yang na khru lnga khru do pa'am/ /khru gang ba yi bar du bya'o/ /gru bzhi pa la sgo bzhi pa/ /rta babs bzhis ni brgyan pa yi/ /dbus su 'khor lo legs par bri/ /dkyil du rnam par snang mdzad gzhag /shar phyogs su ni mi 'khrugs pa/ /lho phyogs su ni rin chen 'byung / /nub phyogs su ni 'od dpag med/ /byang phyogs su ni don grub rnams/ /'khor lo grar ni lha mo bzhi/ /dngos grub sbyin par mdzad par bri/ /dbang bdag gi phyogs su ni/ spyan no/ /me'i phyogs su ni/ mA ma kI'o/ /bden bral phyogs su ni/ /gos dkar can no/ /rlung gi phyogs su ni/ lha mo sgrol ma'o| |rdo rje shugs kyis phyir phyung nas rim pa gnyis pa la shar phyogs su ni/ rdo rje sems ma/ /lhor rdo rje rin chen ma/ nub tu rdo rje chos/ byang du rdo rje las ma rnams bri'o/ /gra </font><hr>292b<br><font size=+1>


rnams su skul byed ma dang / /rin chen sgrol ma dang / khro gnyer can dang / rdo rje lu gu rgyud rnams so/ /de nas yang 'gying bag tu langs te rdo rje shugs kyis phyir phyung nas rim pa gsum pa la shar phyogs su byang chub sems dpa' byams pa dang / 'jam dpal dang / spos kyi glang po dang / ye shes tog rnams bri'o/ /lho phyogs su bzang skyong dang / blo gros rgya mtsho dang / blo gros mi zad pa dang / spobs pa brtsegs pa rnams bri'o/ /nub phyogs su mthu chen thob dang / ngan song thams cad spong ba dang / mya ngan gyi mun pa thams cad nges par 'joms pa'i blo gros dang / dra ba can gyi 'od rnams bri'o/ /byang phyogs su zla 'od dang / 'od dpag med dang / nam mkha' mdzod dang / sgrib pa thams cad rnam par sel ba rnams bri'o/ /shar sgor ni/ gshin rje mthar byed do/ /lho sgor ni/ shes rab mthar byed do/ /nub sgor ni/ pad+ma mthar byed do/ /byang sgor ni/ bgegs kyi gshed mthar byed do/ /gra rnams su ni/ mi g.yo ba dang / 'dod pa'i rgyal po dang / be con sngon po dang / stobs po che'o/ /zur rnams su ni/ rdo rje bri'o/ /sgo'i nang logs su yang rdo rje bri'o/ /'khor lo ni/ /tshon rtsi dkar pos bri'o/ /gnyis pa ni/ tshon rtsi dkar po dang / ser po dang / sngon po gsum gyis bri'o/ /gsum pa ni/ sna lngas bri bar bya ste/ de lta bu ni/ dkyil 'khor chen po yin no/ /de nas dbang bskur ba'i don du dkyil 'khor </font><hr>293a<br><font size=+1>


@#/ /gru bzhi pa/ sgo bzhi dang ldan pa rim pa gnyis par bya'o/ /dbus su ni/ pad+ma brgyad pa snying po dang bcas pa bri'o/ /snam bu gnyis pa la shar phyogs su ni| rdo rje'o/ /lho phyogs su ni/ rin po che/ nub phyogs su ni/ pad+ma/ byang phyogs su ni/ ral gri ste/ de lta bur dkyil 'khor bri bar bya'o/ /de nas slob dpon gyi lus legs par bkrus te spos kyis bskus nas legs par brgyus pa'i me tog gi phreng ba mgo la bcings nas/ mgul pa dar gyis bcings pa la/ ldum bu yis ni kha bkab pa/ /rin chen sman 'byung sna lnga dang / /spos chu yis ni bkang pa dang / /bum pa mngon par bsngags par bya/ /rnam rgyal bum pa dkyil 'khor gyi/ /bdag po lha mo rnams kyi bzhi/ /lha rnams kun gyi bum pa bzhi/ /sgo yi phyogs kyi bum pa ni/ /las kun byas pas bzlas brjod do/ /sems can kun gyis bsang gtor bya/ /yang na ku sha'i chun pos bya/ /de nas bum pa mngon par bsngags te lha bshos dang gtor ma phul nas me tog dang / bdug pa dang / dri dang / phreng ba dang / mchod yon dang / zhabs bkru ba la sogs pa dbul lo/ /de rnams phul nas bum pa rnams grar gzhag par bya'o/ /rnam par rgyal ba'i bum pa ni/ dbus su spyan drang par bya'o/ /de bzhin gshegs pa la sogs pa dkyil 'khor gyi lha rnams sbyan </font><hr>293b<br><font size=+1>


drangs nas gsal bar bya ste/ gzhug pa dang / bsdams pa dang / dbang du bya ste/ phur bu dang / ra ba dang / dra bas phyogs bcing ba dang / mtshams bcad pa byas la/ mchod yon dang / zhabs bsil dang / gdan dang / me tog dang / bdug pa la sogs pa yang bsngos te phul nas phyag rgya'i tshogs rang rang la bstan par bya'o/ /bstod pa dang / rdo rje'i klu dang / dril bu gsil ba'i sgra dang / sil snyan dang / gling bu dang / rgyud kyi sgra'i khyad par yang dbul lo/ /rol mo'i khyad par gzhan rnams kyis kyang bstod par bya'o/ /bstod nas bzod par gsol te dngos grub thams cad kyi phyir gsol ba gdab bo/ /de nas slob dpon bdag nyid zhugs te/ de'i 'og tu slob ma gzhug go/ /de nas sems can thams cad snying po 'di dang phyag rgyas gnas lngar srung zhing gnas lngar cho ga bya'o/ /hUM oM dzi na dzi na ka/ aM A ro l-i ka /hUM badz+ra hr-i ka /swA rat+na d+h-i ka /hA pradz+nyA d+hr-i ka /de nas tshigs su bcad pa 'dis gzhug par bya ste/ rdo rje ye shes thob byed pa'i/ /de bzhin gshegs pa thams cad kyi/ /pho brang dkyil 'khor snying po 'dir/ /bdag gis slob ma gzhug par bya/ /rdo rje sems mas me tog gtor bar bgyi ste/ pra tI ts+tsha badz+ra ho/ /tshigs su bcad pa 'dis gdong g.yogs 'gril lo/ /de ring dad pa'i shugs kyis ni/ /dkyil 'khor deng 'dir blta bar </font><hr>294a<br><font size=+1>


@#/ /gyis| |sangs rgyas gdung gi rigs su 'khrungs/ /sngags dang phyag rgyas byin gyis brlabs/ /dngos grub thams cad phun sum tshogs/ /dam tshig mchog tu grub par byed/ /rdo rje pad+ma rol pa'i mchog /sngags kyi bdag nyid shes par bya/ /de yi snying po 'di yin te/ /pa sh+ya badz+ra/ gang la me tog bab pa de de'i lha yin no| |de nas dbang bskur sbyin bya ste/ /dri dang me tog phreng bas brgyan/ /gos dang rgyan gyis legs par brgyan/ /steng du bla re bre bar bya/ /gdugs dang rgyal mtshan ba dan dang / lha dang tshangs pa'i skud pa dang / /gdu bu dag dang ska rags dang / /bkra shis yo byad rnams kyis klubs/ /slob ma sdig dang bral ba la/ /slob dpon gyis ni dbang bskur ro/ /dang por rnam rgyal bum pa yis/ /de nas lha mo bzhi rnams dang / /lha rnams kun gyi bzhi po yis/ /bkra shis tshigs bcad glu sgra dang / /rdo rje dril bu gsil ba yis/ /skyob pa kun gyis mngon sum du/ /til gyi gang bu bzhin gang ba'i/ /rgyal ba bum pa bzung nas ni/ /de nyid la ni dbang bskur bya/ /dkyil 'khor de nyid rig par bsam/ /de lta bur ni bsams nas kyang / /chos kyi mtshan nyid bstan par bya/ /thur ma me long 'khor lo dang / /dung dang rdo rje glegs bam dang / /gser dag dang ni dngul rnams kyis/ /mi shes rab rib la </font><hr>294b<br><font size=+1>


sogs pa/ /ci nus par ni bsal bar bya/ /thur ma la sogs med na yang / /phyag rgya'i gzugs rnams bstan par bya/ /de nas dam tshig bstan par bya/ /de ring phyin chad bu khyod kyis/ / srog dang lus la bab gyur kyang / /dam pa'i chos dang byang chub sems/ /slob dpon la ni brnyas mi bya/ /rdo rje spun rnams bkur sti zhing / /sdang la byams shing chags bral ba/ /nam yang bya ba ma yin no/ /de ltar byas na sangs rgyas kyis/ /khyod ni dmyal ba'i nang du 'dor/ /de nas bla mas yon blangs te/ /sa dang yid 'ong chung ma dang / /rin chen gser dang nor bu 'bar/ / mu tig byi ru la sogs dang / /lus kyang dbul du gzhugs par bya/ /bla ma la ni gus pa yi/ /slob mas de bzhin kho nar bya/ /bla ma de ni mgu bar bya/ /bla ma mgu ba dngos grub kyi/ /gzhan du min zhes thub pa gsung / /de nas slob ma bslang ste sangs rgyas thams cad kyi spyan sngar mchod pa bya ste/ sbyin sreg gi las bya'o/ /de nas cho ga mthong bas las byas nas/ sbyin sreg bzlas brjod mchod pa dang / /de bzhin sgom pa'i rim pa'i tshul/ /zhi dang rgyas pa'i rim pa yis/ /las rnams thams cad tshim par bya/ /de nas dus gsum gshegs pa yi/ /rgyal ba thams cad gshegs su gsol/ /bsgribs te tshon rtsi rnams bsdus nas/ /chu klung chen por bskur nas kyang / /ba yi lci bas byug par bya/ /dkyil 'khor gyi ni yo byad kun/ /slob </font><hr>295a<br><font size=+1>


@#/ /dpon nyid kyis bsdu bar bya/ /slob mas cung zad mi spyad do/ /de ni dam tshig nyams par 'gyur/ /slob dpon gyis kyang ci rigs par/ /bdag nyid 'dod pa spyad par bya| |rgyud kyi rgyal po chen po sgyu 'phrul dra ba las/ 'di ni/ dkyil 'khor rim par phye ba'i le'u ste gnyis pa'o// //de nas bcom ldan 'das rnam par snang mdzad rdo rje de bzhin gshegs pas yang gsang sngags kyi 'khor lo la 'jug pa'i rdo rje zhes bya ba'i ting nge 'dzin la snyoms par zhugs so/ /snyoms par zhugs nas phyag na rdo rje la bka' stsal pa| phyag na rdo rje/ gsang sngags kyi snying po'i yi ge rnams nyon cig /phyag na rdo rjes gsol pa/ sems can thams cad la sman pa'i slad du bcom ldan 'das kyis bshad du gsol/ bde bar gshegs pas bshad du gsol/ oM las rnam par snang mdzad do/ /oM hUM mi 'khrugs pa'o/ /oM trAM rin chen 'byung gnas so/ /oM hrIH'od dpag med do/ /oM kham don yod grub pa'o/ /oM ga ga na lo tsa ne hUM/ spyan gyi'o/ /oM ki ri ki ri mA ma kI hUM/ mA ma kI'i 'o/ /oM ka Te bi ka Te ka TaM ka Ta ka ro Ta bI R+Ya swAhA/ gos dkar mo'i 'o/ /oM tA re tut+ta re tu re swAhA/ sgrol ma'i 'o/ /oM satwa badz+ri hUM/ rdo rje sems ma'i 'o/ /oM rat+na badz+ra hUM/ rdo rje rin ma'i 'o/ /oM d+harma badz+ri hUM/ rdo rje chos ma'i 'o/ /oM karma </font><hr>295b<br><font size=+1>


badz+ri hUM/ rdo rje las ma'i 'o/ /oM tsa le tsu le tsun de swAhA/ skul byed ma'i 'o/ /oM rat+na lo ke rat+na dz+wa li ni swAhA/ rin chen sgrol ma'i 'o/ /oM b+hr-i ku T-i b+h+ri/ khro gnyer ma'i 'o/ /oM badz+ra shraM khi le hUM phaT swAhA/ rdo rje lu gu rgyud ma'i 'o/ /oM me/ byams pa'i 'o/ /oM muM/ 'jam dpal gyi'o/ /oM sa man+ta b+ha dra hUM/ kun tu bzang po'i 'o/ /oM gan+d+ha ha sti ni hUM/ spos kyi glang po'i 'o/ /oM dz+nyA na ke tu ba ti hUM/ ye shes tog go/ /oM b+ha dra ba ti b+ha dra pA la hUM/ bzang skyong ngo / /oM sA ga re ma hA sA ga re hUM/ blo gros rgya mcho'o/ /oM ak+ShA ya hUM hUM/ ak+ShA yak+Sha a ka karma A ba ra Na pa ri sho d+ha na swAhA/ blo gros mi zad pa'o/ /oM pri b+hA ne pra ti b+hA ne ku Te hUM/ spobs pa brtsegs pa'i 'o/ /oM s+thA me mahA s+thA me ba ti swAhA/ mthu chen thob pa'o/ /oM sarba a pA ya dza te sarba pA paM sho d+ha hUM/ ngan song thams cas sbyong ba'o/ /oM sarba sho ka ta mo ni dza ma ti hUM/ mya ngan thams cad kyi mun pa nges par 'joms pa'i blog ros so/ /oM dzA li ni mahA dzA li ni hUM/ dra ba can gyi 'od do/ /oM su d+ha na shri ye hUM/ nor bzang ngo / /oM tsan+d+re tsan+d+re tsan+d+ra bya ba la ki te swAhA/ zla 'od do/ /oM a mr-i te pra b+he a mr-i te hUM/ 'od dpag med do/ /oM ga ga ne ga ga ne pa ra lo tsan hUM/ nam mkha' mdzod do// oM sarba ni pa ra Na biSh+kaM b+hi ne hUM/ sgrib pa rnam par sel ba'o/ /oM ya mAn+ta krita/ gshin rje gshed do/ /oM pra dz+nyAn+ta krita/ gzhan gyi mi thub pa'o/ /oM pad+mAn+ta krita/ rta mgrin no/ /oM a </font><hr>296a<br><font size=+1>


@#/ /mr-i ta kuN+Da li big+h+nan+ta krita/ bdud rtsi thab sbyor ro/ /oM a tsa la hUM haM/ mi g.yo ba'o/ /oM Tik+ka hUM/ 'dod pa'i rgyal po'o/ /oM nI la daN+Da ma hA daN+Da hUM/ be con sngon po'o| |oM kro d+ha hUM dzaH/ stobs po che'i dkyil 'khor du dgod pa'i gsang sngags kyi yi ge de dag go/ /'di dag la brten nas ting nge 'dzin gyi khyad par las nges par 'byung ba'i gsang sngags bye ba phrag du ma gsungs so/ /de bzhin gshegs pa la sogs pa thams cad ni/ lcags kyus spyan drang ngo / /byang chub sems dpa' rnams ni/ rdo rje'i phyag rgyas so| |rig pa'i lha mo rnams kyi ni/ rigs kyi yum rnams kyis so/ /khro bo rnams kyi ni/ zhal gyi phyag rgyas so/ /bran rnams ni/ zhags pa'i phyag rgyas so/ /pho nya rnams ni/ lcags kyu'i phyag rgyas so/ /de dag la sogs pa ni/ spyan drang ba'i sbyor ba'o/ /rgyud kyi rgyal po chen po sgyu 'phrul dra ba las/ 'di ni/ gsang sngags rim par phye ba'i le'u ste gsum pa'o// //de nas bcom ldan 'das rnam par snang mdzad chen po rdo rje'i de bzhin gshegs pa ye shes chen po'i stobs kyis rnam par 'phrul pa'i rdo rje zhes bya ba'i ting nge 'dzin la snyoms par zhugs nas phyag na rdo rje la 'di skad ces bka' stsal to/ /phyag na rdo rje/ ras sam rtsig pa la sogs pa la gzugs brnyan bsgrubs </font><hr>296b<br><font size=+1>


pa la dmigs pa gang gis gsang sngags 'chang rnams kyis ye shes rdzogs par 'gyur zhing ye shes rdzogs pas sangs rgyas nyid bde blag tu thob par 'gyur na dngos grub gzhan lta smos ci dgos pa'i gsang sngags kyi tshogs thams cad kyi ting nge 'dzin gsang chen bla na med pa bshad par bya yi/ nyon cig /oM gyi ye shes kyis bsgrubs pa/ /rgyal chen rnam par snang mdzad ni/ /shes rab ye shes rab rgyas pa/ /sangs rgyas kun gyi mchog gis mchod/ /zhi ba thor tshugs cod pan 'chang / /zhal gsum gyis ni rnam par brgyan/ / gser gyi mdog can phyag drug pa/ /dang po bsam gtan phyag rgya can/ /bgrang phreng ldan zhing mda' yis brgyan/ /g.yon gyis lha mo'i nu ma 'dzin/ /'khor lo dang ni gzhu thogs shing / /lha rnams bred cing khams rnams 'dzag /'bar ba'i 'od dkyil brgyan pa la/ /sangs rgyas kun gyi sprin 'phro ba/ /rab tu byung zhing legs 'khyud pa/ /de nyid spyod yul can bsgoms te/ /gsang sngags nang gi bzlas brjod bya/ /ting nge 'dzin thams cad kyi stobs rdzogs bar byed pa'i ye shes zhes bya ba'i ting nge 'dzin to/ /oM zhes bya ba'i tshig gi lam| |'jig rten dbang phyug 'od chen bsam/ /thor tshugs ced pan 'chang ba'i lha/ /dbu brgyan thams cad mkhyen pas brgyan/ /rgyan rnams kun gyis brgyan pa ste/ /gtso bo zla </font><hr>297a<br><font size=+1>


@#/ /ba'i gzugs dang 'dra/ /zhal gsum spyan gsum 'bar ba la/ /phyag drug 'dug stangs bzhi pa can/ /phyag gnyis pad+ma'i 'jo tshul can/ /g.yas na bgrang phreng rdo rje 'chang / /g.yon pas nu ma 'dzin pa la/ /ril ba spyi blugs gsum pa na/ /gzugs rnams thams cad 'phro mdzad cing / /kun nas 'od zer phreng ba can/ / lag nas mtshon shor 'jigs 'khrugs pa'i/ /bgegs 'gyel ba la lta byed pa'i/ /de 'dra'i tshig gis lam bsgoms na/ /ring po mi thogs sangs rgyas 'thob/ /rnam pa thams cad kyi mchog yangs pa thams cad kyi 'byung gnas chos kyi rgyal po zhes bya ba'i ting nge 'dzin to/ /zla ba'i gzugs la hUM zhes bya/ /sems kyi rdo rje bsgom par bya| |mthing shing bzang po lta bu'i mdog /rgyan rnams kun gyis rab klubs pa/ /cod pan la ni mi 'khrugs bzhugs/ /rin chen rnams kyis yongs su brgyan/ /zhal ras gsum ldan spyan gsum pa/ /cung zad bzhad cing 'jo sgeg can/ /phyag brgyad kyis ni brgyan pa la/ /rdo rje dang por gsor ba dang / /gnyis pa na ni ral gri gdengs/ /lcags kyu bzang po gsum pa na/ /bzhi pa yis ni mda' yang gsor/ /de bzhin g.yon na dril bu bsnams/ /de bzhin gnyis pas nu ma 'khyud/ /gsum pa na ni zhags pa ste/ /bzhi pa </font><hr>297b<br><font size=+1>


lha rdzas gzhu yang 'dzin/ /rol pa'i stabs su legs par bzhugs/ /de bzhin sangs rgyas sprin gyis 'bar/ /'di 'dra gang zhig rtag sgom pa/ /de yi rdo rje sems brtan zhing / /ring por mi thogs byang chub thob/ /rga shi rnams kyi pha rol 'gro/ /sems can gyi stobs mtha' yas pa rdzogs par byed pa'i ting nge 'dzin gyi rgyal po rdo rje shugs zhes bya ba'i ting nge 'dzin to/ /traM gyi ye shes las bsgrubs pa/ /rin chen 'byung ba'i bdag nyid de/ /zhal ras gsum ldan spyan gsum pa/ /thor tshugs cod pan rnams kyis brgyan/ /bde ba chen po kha dog dmar/ /ting 'dzin phyag rgya rnam par bzhugs/ /sems dpa'i skyil krung bcas pa ste/ /phyag g.yas ni na rdo rje dang / /g.yon pa rin chen yongs su 'dzin/ /'od zer ser po 'phro ba las/ /rin chen 'byung ba'i sprin chen nam/ /byang chub sems dpa' gzhan rnams kyis/ /rin chen char gyis rgyas par byas/ /rin chen mngon par thob pa'i ye shes rdo rje zhes bya ba'i ting nge 'dzin to/ /khaM gyi ye shes las bsgrubs pa/ /don yod rdo rje bsam par bya/ /ting 'dzin phyag rgya legs bzhugs pa/ /ma rgad ta yi 'od ltar 'bar/ /g.yas pa'i phyag na ral gri dang / /g.yon pa yis ni lcags kyu nyid/ /sangs rgyas kyi ni sprin 'phro zhing / /legs par grub phyir slar yang sdud/ /'od zer chen pos rab gsal zhing / /ye shes rgya mtsho'i 'od dang mtshungs/ /'di 'dra rtag </font><hr>298a<br><font size=+1>


@#/ /tu sems byed pa/ /nam mkha' snying po thub pa che/ /'du byed thams cad spangs pa yi/ /mkha' dang mnyam par de 'gyur ro/ /nam mkha'i snang bar byed pa'i ye shes rdo rje zhes bya ba'i ting nge 'dzin to/ /la yi ye shes las bsgrubs pa/ /rgyal ba thams cad kyis kyang brgyan/ /lha mo spyan gsum phyag brgyad pa/ /zhal gsum gser gyi mdog dang mtshungs/ /sgeg pa'i cha lugs legs 'chang ba/ /cung zad bzhad pas 'dod chags ma/ /dang po'i phyag ni mchog sbyin mdzad/ /de bzhin gnyis pa mi 'jigs sbyin// phyag gsum pa ni rdo rje ste/ /bzhi pa na ni mda' yang gsor/ /g.yon pa sdigs mdzub zhags pa can/ /rin chen snye ma gnyis pa na/ /gsum pa na ni bgrang phreng ste/ /bzhi pa gzhu yis legs par brgyan/ /'od dmar 'od zer phreng ba can/ /lha rnams 'jigs pas sems myos te/ /lag pa thal mo sbyor bar byed/ /sangs rgyas rnams kyi sprin 'phro bar/ /ye shes rdo rje spyan ma bsam/ /byang chub yan lag 'bras brgyan pa'i/ /lha mo 'di 'dra bsgom par bya/ /ye shes spyan gyis snang bar byed pa'i rdo rje 'jo tshul zhes bya ba'i ting nge 'dzin to/ /ma yi ye shes las bsgrubs pa/ /rdo rje rigs can mA ma kI/ /lha mo zhal gsum phyag drug ma/ /dgod cing zhal ras khro dang bcas/ /ut+pa la sngon po'i mdog 'dra ba/ /'od dmar shin tu 'bar </font><hr>298b<br><font size=+1>


ba can| |dang po mi 'jigs sbyin pa'i phyag /gnyis pa legs par rdo rje bsdams/ /gsum pa yis ni mda' yang gsor/ /g.yon pa sdigs pa'i mdzub mo ste/ /gnyis pa zhags pa legs par bsnams/ /gsum pa yis ni gzhu yang 'dzin/ /rdo rje can ma sku gsum 'chang / /dngos med ngo bo mtshan nyid can/ /sangs rgyas kyi ni sprin 'phro ba/ /'di 'dra sgom pas bsgom par bya'o/ / sgyu 'phrul 'byung ba'i stobs kyi ye shes zab mo zhes bya ba'i ting nge 'dzin to/ /pa yi ye shes las bsgrubs pa/ /zla ba'i mdog dang ldan pa'i yum/ /ming ni gos dkar can zhes bya/ /spyan gsum dag gis rnam par brgyan/ /zhal ras gsum pa dga' mdzad ma/ /phyag drug mi 'jigs sbyin mdzad ma/ /gnyis pa na ni rdo rje ste/ /gsum pa mda' yis rnam par brgyan/ /g.yon pa pad+ma bsnams par bya/ /gnyis pa na ni bgrang nor phreng / /gsum pa na ni gzhu bsnams shing / /rol pa'i stabs su legs par bzhugs/ /sangs rgyas gzugs ni 'phro bar mdzad/ /pad+ma'i sprin gyis rgyas par bsgom/ /gal te byang chub mchog 'dod na/ /rin chen sku ni bsgom par bya/ /pad+ma'i gzugs kyis 'jo tshul sangs rgyas kyi rgyal ba 'dren pa'i ye shes rdo rje zhes bya ba'i ting nge 'dzin to/ /ta yi ye shes las bsgrubs pa/ /lha mo sgrol m+r+dzu 'phrul che/ /'jo sgeg cha lugs la gnas pa/ /zhal ras gsum pa spyan gsum pa/ /phyag drug sems dpa'i skyil </font><hr>299a<br><font size=+1>


@#/ /mo krung / /bzhad pa ma rgad 'od dang ldan/ /dang po mi 'jigs sbyin pa'i phyag /gnyis pa na ni rdo rje bsnams/ /gsum pa na ni mda' yang gsor/ /g.yon pa bsdigs pa'i mdzub mo ste/ /gnyis pa na ni ut+pal nyid/ /gsum pa na ni gzhu yang 'dzin/ /'od zer dmar po 'bar ba can/ /sangs rgyas 'phro bas rgyas mdzad pa/ /dga' mdzad sems can kun gyi ma/ /rtag par rgyun du bsgom par bya/ /sems can thams cad dbang du 'gro zhing dga' bar byed pa'i ye shes rdo rje zhes bya ba'i ting nge 'dzin to/ / skyes mchog rgyal bas gsungs pa yi/ /sems ma bzhi ni brjod pa'i ming / /sems ma dang ni rig chen ma/ /chos ma rdo rje las ma ste/ /rol pas rjes su mnyes mdzad ma/ de dag ji ltar rigs par bsgom/ /de dag kyang ni bsgoms pa yis/ /ring por mi thogs byang chub thob/ /sems can rab tu dga' byed pa'i/ /'phags ma bzhi yi ting 'dzin to| |tsuM gyi yi ge las bsgrubs pa/ /ming ni skul byed ces ma'i gzugs/ /sku gsum rgyal ba byed pa phrag /bdun gyis gsang sngags glu yis bstod/ /yi ge dgu pa thabs dgu can/ /lha dgu rnams kyi gnas kyang yin/ /zhal gsum ston kha'i 'dam bu'i mdog /rgyan rnams kun gyis brgyan pa ste/ /na chung skal ldan dar la bab/ /rig sngags thams cad </font><hr>299b<br><font size=+1>


sgrol mdzad ma/ /dang po'i zhal ni cung zad tsam/ /bzhad cing spyan gsum ldan pa ste/ /g.yas kyi zhal ni rnam gdangs pa/ /ut+pal sngon po 'dab ma'i 'od/ /mche ba zla ba tshes pa bzhin/ /lce ni glog bzhin ljib par mdzad/ /g.yon pa kha dog dmar po ste/ /tshems kyis sgros ni rnam par mnon/ /rol pa'i stabs su legs par bzhugs/ /gdu bu rnam pa sna tshogs kyis/ /brgyan pa'i phyag nyi shu rtsa drug la phyag gnyis rtsa ba'i phyag rgyas snying ga'i gnas rnam par brgyan pa'o/ /g.yas pa gnyis ni/ /mi 'jigs pa sbyin pa'o/ /gsum pa na ral gri'o/ /bzhi pa na rin po che sbyin pa'o/ /lnga pa na shing tog bI dza pu ra'o/ /drug pa na mda' gsor ba'o/ /bdun pa na dgra sta'o/ /brgyad pa na dbyug to'o/ /dgu pa na tho ba'o/ /bcu pa na lcags kyu'o/ /bcu gcig pa na rdo rje'o/ /bcu gnyis pa na se go la gtog pa'o/ /bcu gsum pa na bgrang phreng ngo / /g.yon pa gnyis pa na yid bzhin nor bu'i rgyal mtshan no/ /gsum pa na pad+ma'o/ /bzhi pa na ril ba spyi blugs so/ /lnga pa na zhags pa'o/ /drug pa na gzhu'o/ /bdun pa na mdung thung ngo / /brgyad pa na 'khor lo'o/ /dgu pa na dung ngo / /bcu pa na sdigs pa'i mdzub mo'o/ /bcu gcig pa na bum pa bzang po'o/ /bcu gnyis pa na thag mdung ngo / /bcu gsum pa na shes rab kyi pha rol tu phyin pa'o/ /'od zer dmar po'i dkyil 'khor can/ /pad+ma la bzhugs </font><hr>300a<br><font size=+1>


@#/ /bsgom par bya/ /la yi zhing cung bgos pa yi/ /steng du bla gos gyon pa ste/ /sna tshogs tshig gu na bzar gsol/ /cho 'phrul rnam pa sna tshogs dang / /sangs rgyas rnams kyi sku gzugs 'phro/ /sum cu'i lha rnams ltung ba dang / /bgegs rnams shin tu 'jigs skrag par/ /thal mo sbyor bar byed pa ste/ /'di 'dra gang zhig rtag sgom zhing / / bsgrims nas gsang sngags brjod pa des/ /sangs rgyas nyid du thob 'gyur na/ /dngos grub gzhan lta ci zhig smos/ /ting 'dzin ngo bo thob 'gyur zhing / /sdig pa kun las rnam par grol/ / rgyal ba mtha' yas pa'i ye shes skul bar byed pa'i stobs kyi rnam par rgyal ba zhes bya ba'i ting nge 'dzin to/ /ra yi ye shes la bsgrubs pa'i/ /rin chen sgron ma zhes bya'i gzugs// zhal ras gsum pa spyan gsum pa/ /phyag drug gser gyi mdog dang ldan/ /na chung dar la bab pa'i tshad/ /zhal ni cung zad bzhad pa ste/ /phyag ni rin chen gdu bus gtams/ /phyag gnyis rin chen thal mo ste/ /'od kyi dkyil 'khor phreng ba 'khrug /g.yas pa'i phyag ni mi 'jigs sbyin/ /gsum pa mda' ni rnam par gsor/ /g.yon mdzub ma rungs rnams la bsdigs/ /gsum pa yis ni gzhu yang 'dzin/ /'od zer dmar po legs par 'bar/ /rol stabs thabs kyi zhabs kyis gnon/ /sangs rgyas sprin ni 'phro zhing sdud/ /chos 'dzin yid du </font><hr>300b<br><font size=+1>


'ong ba yi/ /lha mo 'di 'dra bsgom par bya/ /sangs rgyas rin chen sprin gyi ye shes kyis snang bar byed pa zhes bya ba'i ting nge 'dzin to/ /b+h+ri yi ye shes las bsgrubs pa/ /'jigs las sgrol ba khro gnyer can/ /zhal ras gsum pa spyan gsum pa/ /ston ka'i zla ba'i 'od dang mtshungs/ /phyag drug pad+ma la bzhugs pa/ /rol pa'i stangs la brtson pa ste/ /zhal ni khro dang bcas par bzhad| |legs par 'bar ba'i rtser lha can/ /g.yas pa'i phyag na rdo rje ste/ /gnyis pa be con 'dzin par bshad/ /gsum pa yis ni mda' yang gsor/ /g.yon pa bsdigs pa'i mdzub mo can| |gnyis pa ril ba spyi blugs bsnams/ /gsum pa na ni mtshon cha gzhu/ /sangs rgyas rnams kyi sprin 'phro zhing / /de bzhin gzhan dag legs sdud pa'i/ /nyal dang 'greng dang 'dug pa na/ /lha mo 'di 'dra rtag tu bsgom/ /'jigs pa thams cad dmigs pa med par byed pa'i ye shes rdo rje zhes bya ba'i ting nge 'dzin to/ /hUM gi ye shes las bsgrubs pa/ /ming ni rdo rje lu gu rgyud/ /thams cad 'ching ba bskyed pa ste/ /sems can ma rungs phung bar byed/ /zhal ras gsum pa spyan gsum pa/ /phyag drug sngo bsangs gzugs bzang ma/ /zhal ni cung zad bzhad par mdzad/ /lag pa g.yas na rdo rje ste/ /gnyis pa rdo rje lu gu rgyud/ /gsum pa na ni mda' yang bsnams/ /g.yon pa sdigs pa'i mdzub mo ste/ /gnyis pa na ni zhags pa </font><hr>301a<br><font size=+1>


@#/ /gsungs/ /gsum pa gzhu yang thogs par brtson/ /sangs rgyas rnams ni sbrin 'phro ba/ /rdo rje lu gu rgyud bsgoms na/ /byang chub skad cig gis 'thob na// dngos grub gzhan lta ci zhig smos/ /rdo rje sgrog gi ye shes kyi rdo rje lta ba zhes bya ba'i ting nge 'dzin to/ /mai yi ye shes las bsgrubs pa/ /thub pa'i skyes mchog byams pa ni/ /zhal ras gsum pa spyan gsum pa/ /de yi 'og na pad+ma ste/ /sems dpa'i skyil mo krung du bzhugs/ /phyag bzhi dag gis rnam par brgyan/ /phyag gnyis chos 'chad phyag rgyas brgyan| |g.yas pa yi ni phyag gnyis pa/ /sems can skyob pa mchog sbyin mdzad/ /g.yon pa lha rdzas klu shing gi /me tog ze 'bru'i mgo lcog bsnams/ /sangs rgyas byang chub sems dpa' yi/ /sprin chen de bzhin 'phro bar mdzad/ /byams pa'i stobs kyi ye shes kyi rdo rje rnam par brgyan pa'i ting nge 'dzin to/ /muM gyi ye shes las bsgrubs pa/ /gzhon nu 'jam pa tshig gi lam/ /shes rab ye shes mchog thob pa/ /zab mo tshul ni ston pa po/ /zhal gsum spyan gsum zur phud gsum/ /gzhon nu rgyan gyis brgyan pa ste/ /cod pan bzang po mi 'khrugs can/ /me tog sna tshogs rnams kyis klubs/ /'og ma pad+ma chen po la/ /sems dpa'i skyil mo krung du bzhugs/ /'jo sgeg thabs kyis rol pa ste/ /zhal ni </font><hr>301b<br><font size=+1>


cung zad bzhad pa la/ /dpa' bo chen po phyag drug pa/ /dang po mi 'jigs sbyin par bya/ /gnyis pa na ni ral gri nyid/ /gsum pa na ni mda' yang gsor/ /de bzhin g.yon pa shes rab 'chang| |gnyis pa na ni ut+pal thogs/ /gsum pa na ni gzhu nyid do/ /shes rab ye shes mchog gis klubs/ /sangs rgyas rang bzhin sprin gyi bsnams/ /'phro bar sangs rgyas 'dod pas bsgom/ /'jam dpal mchog gi shes rab dang ye shes kyi rdo rje snang ba zhes bya ba'i ting nge 'dzin to/ /spos kyi glang po ye shes tog/ de bzhin du ni bzang skyong dang / /blo gros rgya mtsho blo gros ni/ /mi zad pa dang spobs brtsegs nyid/ /ngan song kun spong mthu chen thob/ /mya ngan kun mun 'joms pa'i blo/ /nor bzang dang ni dra ba'i 'od/ /de bzhin zla 'od 'od dpag med// nam mkha' mdzod dang sgrib kun sel/ /de ltar de sogs grangs med pa'i/ /byang chub sems dpa'i skyob pa kun/ /sa bon yig 'bru rnams las 'khrungs/ /yi ge phyag rgya'i sbyor ba can| |zhal ras gsum pa span gsum pa/ /sna tshogs thabs kyis rol par mdzad/ /byang chub sems dpa' 'di yi rgyu/ /gsang sngags zlos par bsgom par bya/ /mdog ldan 'du zhing 'phro mdzad pa/ /rnal 'byor can gyis rtag tu bsam/ /hUM gi ye shes las bsgrubs pa/ /gzi brjid ldan pa 'jam dbyangs kyi/ /gshin rje'i dgra zhes rnam grags pa/ /bskal pa'i me </font><hr>302a<br><font size=+1>


@#/ /ltar 'bar ba ste/ /char sprin gyi ni 'od dang 'dra/ /zhal drug pa la phyag drug pa/ /de bzhin zhabs drug mi'u thung 'dra/ /gsus khyim shin tu che ba ste// de ni drag po chen po yin/ /lcags 'dril rdo rje mche ba can/ /sprul gyi rgyan gyis brgyan pa ste/ /stag lpags kyi ni sham thabs bgos/ /rol pa'i stabs can ma he bcibs// de yi 'og tu pad+ma byas/ /mi thod phreng can skra 'khyil pa/ /ag tshom ser la sgra chen 'byin/ /mgo yi steng na mi 'khrugs pa/ /sku gsum la ni rnam par bzhugs/ /'jam pa'i dpal gyis rnam par brgyan/ /dang po'i zhal ni rnam par bzhad/ /g.yas pa ljags ni 'dril ba ste/ /g.yon pa'i tshems kyi sgros mnan khro/ /g.yas pa'i phyag na ral gri ste| |gnyis pa na ni rdo rje nyid/ /gsum pa yis ni mda' yang gsor/ /g.yon pa sdigs mdzub zhags pa can/ /gnyis pa yis ni nu ma 'dzin/ /gsum pa gzhu ni brdungs pa yis/ /shin tu legs par rnam par brgyan/ /lha mo yis ni g.yas nas 'khyud/ /gnyis pa na ni ut+pal thogs/ /g.yon pa zla ba ltar snang ba/ /pad+ma dkar po thogs par bya/ /'og tu lha dang bgegs kyi rnams/ /sngar ma bred nas phyag kyang 'tshal/ /'od zer dmar po 'bar dang bcas/ /sangs rgyas sprin rnams 'phro zhing sdud/ /rnal 'byor </font><hr>302b<br><font size=+1>


ngag gi sgo nas su/ /bsgrims nas gsang sngags bzlas pa de/ /'dug dang nyal dang 'chag pa na/ /legs par bsams te kun zos shing / /'dod pa lnga la longs spyod kyang / /nam mkha' lta bur gos mi 'gyur/ /gshed byed thams cad rmongs par byed pa'i ye shes gshin rje gsod pa'i 'dul ba 'jug pa zhes bya ba'i ting nge 'dzin to/ /pra yi ye shes las bsgrubs pa/ /khro bo gzhan gyis mi thub pa/ /zhal ras gsum pa spyan gsum pa/ /phyag drug gis ni rnam par brgyan/ /mdog gser mi thung gzugs can la/ /'od zer dmar po'i dkyil 'khor can/ /pad+ma la bzhugs rol pa'i stabs/ /sbrul gyi rgyan gyis brgyan pa la/ /dang po'i zhal ni rnam par bzhad/ /de bzhin g.yas pa rnam par bsgyur/ /g.yon pa tshems kyi sgros kyang mnan/ /sna tshogs tshul gyis 'bar ba ste/ /lag pa g.yas pa rdo rje thogs/ /gnyis pa na ni dbyug pa ste/ /gsum pa na ni mda' yang thogs/ /g.yon pa sdigs mdzub zhags pa can/ /gnyis pa yis ni nu ma 'dzin/ /gsum pa gzhu can yin par gsungs/ /spyi bo'i steng na mi 'khrugs pa/ /rim bzhin 'phro zhing sdud pa ste/ /'di 'dra goms par bsgom par bya/ /zlos pas sangs rgyas nyid kyang 'thob/ /gzhan gyis mi thub pa'i ye shes rdo rje zhes bya ba'i ting nge 'dzin to/ /ha yi ye shes las bsgrubs pa/ /khro bo pad+ma </font><hr>303a<br><font size=+1>


@#/ /mthar byed pa/ /zhal ras gsum pa spyan gsum pa/ /kha dog dmar po phyag brgyad spyan/ /sku ni sbrul gyis dkris pa ste/ /pad+ma la bzhugs rol pa'i stabs/ / khro bo lta bas gzigs mdzad pa/ /dang po zhal ni rnam par bzhad/ /g.yas pa ljags ni 'dril ba ste/ /g.yon pa tshems kyis sgros mnan pa/ /stag lpags gsol zhing khro ba lo| |g.yas pa'i phyag na rdo rje ste/ /gnyis pa na ni dbyug to gsungs/ /gsum pa na ni lcags kyu ste/ /bzhi pa na ni mda' yang gsor/ /g.yon pa bsdigs pa'i mdzub mo ste| |gnyis pa yis ni nu ma 'dzin/ /gsum pa na ni pad+ma ste/ /bzhi pa na ni gzhu nyid do/ /de yi cod ban mi 'khrugs pa/ /sangs rgyas gzugs ni mang po dag /'phro zhing 'du bar bsgoms byas na/ /'grub par 'gyur te gzhan du min/ /rta mchog gi ye shes rdo rje zhes bya ba'i ting nge 'dzin to/ /hUM gi ye shes las bsgrubs pa/ /ming ni khro bo bgegs kyi gshed| |me yi dkyil bzhugs sgrub pa sbyin/ /lag na rdo rje rjes 'brangs pa/ /zhal ras gsum pa spyan gsum pa/ /bgegs rnams 'joms mdzad phyag drug can/ /dang bo'i zhal ni bzhad pa ste/ /de bzhin g.yas pa'i zhal gdangs pa/ /g.yon pa tshems kyis sgros mnan khro/ /ut+pal sngon po'i 'dab 'dra'i mdog /zhabs kyis bgegs ni mnan </font><hr>303b<br><font size=+1>


ba ste| |gnyis pa pad+ma'i steng na bzhugs/ /g.yas kyi phyag na ral gri ste/ /gnyis pa na ni dgra star gsungs/ /gsum pa yis ni mda' yang gsor/ /g.yon pa sdigs mdzub zhags pa can/ /de bzhin gnyis pa nu ma 'dzin/ /gsum pa na ni gzhu yang gsungs/ /sangs rgyas rang bzhin sprin 'phro bar/ /ye shes mkhas pas bsgom par bya/ /bgegs rnams thams cad 'dral ba'i ye shes kyi rdo rjes rnam par rgyal ba zhes bya ba'i ting nge 'dzin to/ /hUM gi ye shes las bsgrubs pa/ /mi g.yo bus pa'i gzugs dang ldan/ /zhal ras gsum pa spyan gsum pa/ /gzhon nu'i rgyan gyis brgyan pa la/ /dang po'i zhal ni bzhad pa ste/ /de yi g.yas pa'i zhal gdangs pas/ /khrag gis brlan pa'i ljags kyang 'dril/ / g.yon pa tshems kyis sgros mnan khro/ /hUM gis snying ga'i phyogs kyang bkang / /mthing shun gyi ni mdog can te/ /rin chen ri steng pad+ma la/ /rol pa'i zhabs kyis stabs su bzhugs/ / thub pa bgegs kyi chu 'dzin 'joms/ /phyag drug 'bar ba 'phro ba yi/ /'od bzang dmar po'i dkyil 'khor na/ /g.yas pa'i phyag na ral gri ste/ /gnyis pa na ni rdo rjer gsungs/ / gsum pa mda' ni rnam par gsor/ /g.yon pas bsdigs mdzub zhags pa can/ /gnyis pa yis ni num 'dzin/ /gsum pa gzhu ni brdungs pa la/ /chang bas bzung ste lta ba dang / / </font><hr>304a<br><font size=+1>


@#/ /sna tshogs me tog gis bcings ba'i/ /cod pan dang ni dbu rgyan thogs/ /zur phud g.yon pa bung ba'i mdog /mi 'khrugs pa yis rnam par brgyan/ /sangs rgyas rang bzhin sprin dag gis/ /cho 'phrul chen po du ma 'phro/ /de ltar rtag tu rnal 'byor gang / /sgom pas sgom par byed pa de/ /bla na med pa'i byang chub kyi/ /them skas la ni 'jog par 'gyur/ /de bzhin gshegs pa thams cad sangs rgyas kyi bka' bzhin byed pa mi g.yo ba'i ye shes rdo rje bsgyings pa zhes bya ba'i ting nge 'dzin to/ /hUM gi ye shes las bsgrugs pa| |ming ni 'dod pa'i rgyal po ste/ /zhal ras gsum pa spyan gsum pa/ /phyag drug pa zhes bya bar bsgrags/ /dbu rgyan sangs rgyas kyis brgyan pa'i/ /thor tshugs cod ban bzang po can| |dang po'i zhal ni bzhad pa la/ /g.yas pa yis ni rnam par bsgyur/ /g.yon pa tshems kyis sgros mnan khro/ /dpral ba khro gnyer rim pa can/ /'bar ba char sprin lta bu'i mdog /dkyil 'khor dmar po 'bar ba can/ /phyag gnyis 'dod pa'i phyag rgyar ldan/ /g.yas pa na ni rdo rjer gsungs/ /gsum ba mda' yes rnam par rol/ /g.yon pa yis ni nu ma 'dzin/ /gsum pa'i phyag na gzhu yang bsnams/ /pad+ma la bzhugs rol pa'i thabs/ /'og tu bgegs kyang rnam par mnan/ /sangs rgyas lang long 'phro mdzad pa/ / </font><hr>304b<br><font size=+1>


ting nge 'dzin gyis bsgoms byas na/ /bla na med pa'i ye shes 'thob/ /snying thams cad 'gugs ba'i ye shes kyi rdo rje rnam par rgyal bzhes bya ba'i ting nge 'dzin to/ /hUM gi ye shes las bsgrubs pa/ khro bo be con sngon po can/ /zhal ras gsum pa spyan gsum pa/ /phyag drug gis ni rnam par brgyan/ /dang po'i zhal ni 'jo sgeg bzhad/ /de bzhin g.yas pa rnam par gdangs/ /g.yon pa tshems kyis sgros kyang mnan/ /sku ni kha chu 'dra ba ste/ /lus ni sprul gyis rnam par brgyan/ /skra tshogs lcang lor 'khyil pa ste/ /dbu rgyan la ni sangs rgyas bzhugs/ /pad+ma la zhugs rol stabs can/ /g.yas pa'i phyag na rdo rje ste/ /gnyis pa na ni be con nyid/ gsum pa mtshon cha mda' dang ldan/ /g.yon pa sdigs mdzub zhags pa ste| |gnyis pa yis ni nu ma 'dzin/ /gsum pa na ni gzhu nyid bsnams/ /dkyil 'khor dmar po 'bar ba can/ /sbyor ba'i ye shes kyis bskrun pa'i/ /sangs rgyas sprin ni rtag tu 'phro/ /bgegs kyis rtog pa'i ye shes rdo rje rnam par rgyal ba zhes bya ba'i ting nge 'dzin to/ /hUM zhes gsungs pa'i khro bo ni/ /ye shes dam pa stobs po che/ /zhal ras gsum pa spyan gsum pa/ /phyag brgyad kyis ni rnam par brgyan/ /sbrin gyi kha dog 'dra ba ste/ /sbrul gyi rgyan gyis rnam par brgyan/ /mig dmar skra 'bar gyen du brdzes/ /mgo bo la ni mi 'khrugs </font><hr>305a<br><font size=+1>


@#/ /bzhugs/ /dang po'i zhal ni rnam par bzhad/ /de bzhin g.yas pa rnam par gdangs/ /g.yon pa tshems kyis sgros mnan pa/ /pad+ma la bzhugs 'gying bag can/ /drag po'i tshim rngam stang stabs can/ /phyogs bcu'i lha rnams phung bar mdzad/ /'bar ba rnams kyis yongs bskor ba'i/ /nyi ma'i dkyil 'khor nang na bzhugs/ /g.yas pa'i phyag na rdo rje ste/ /gnyis pa be con thogs par mtshon/ /gsum pa yis ni ral gri gdengs/ /bzhi pa mda' yis rnam par brgyan/ /g.yon pa sdigs mdzub zhags pa can/ /gnyis pa yis ni nu ma 'dzin/ /gsum pa na ni tho ba nyid/ /phyag bzhi ba ni gzhu can la/ /sangs rgyas rang bzhin sprin 'phro ba/ /sgom pa mchog gis bsgom par bya/ /bsnol ba med pa'i ye shes rdo rje'i stobs kyis rnam par rgyal ba zhes bya ba'i ting nge 'dzin to/ /b+hUM gyi ye shes las bsgrubs pa/ /gtsug tor 'khor los bsgyur ba ste| |sku gsum ldan pa zhal ras gsum/ /gser gyi mdog can 'od bzang ba/ /'dom gang 'od kyis rnam par brgyan/ /ting 'dzin phyag rgyar rnam par gnas/ /rin chen ri steng pad+ma la/ /rdo rje skyil mo krung du bzhugs/ /rigs kyi yum ni bzhi po rnams/ /gzugs dang yan lag kun mdangs can/ /zhal ras 'jo sgeg tshul gyis brgyan/ /gos dang </font><hr>305b<br><font size=+1>


rgyan gyis klubs pa ste/ /chags phyir spro pa'i rtsol ba can/ /phyag rgya rin chen snye ma dang / /rdo rje pad+ma ut+pal ldan/ /lha mo so so'i phyogs na bzhugs/ /gtsug tor 'od zer lnga pa can/ / kun tu 'khor lo'i phrang ba dang / /'khor lo'i bar na rdo rje gnas/ /'od zer phreng bas rnam par brgyan/ /sangs rgyas rang bzhin sprin 'phro bas/ /nam mkha' thams cad 'gengs par mdzad| |byang chub snying po don gnyer bas/ /'di 'dra'i 'khor lo can bsgom zhing / /bsgrims nas rnal 'byor bsgoms pa yis/ /ring po mi thogs 'dod pa 'thob/ /byang chub snying po thams cad kyi rgyan gyi ye shes rdo rje zhes bya ba'i ting nge 'dzin to/ /dzaM gyi ye shes las bsgrubs pa/ /gnod sbyin gnod gnas sku gsum can/ /zhal ras gsum pa phyag gnyis na/ bI dza pU ri ne'u la can/ /pad+ma'i gdan la bzhugs pa 'am/ /yang na bzang po'i 'dug stangs gnas/ /ngos na rgyan rnams thams cad kyis/ /brgyan pa'i gnod sbyin mo bzhi dag/ rin chen char pa 'bebs par byed/ /mgo bo'i steng na sangs rgyas lnga/ /de yi cod pan bzang ba yi/ /g.yon phyogs rtse phran rgyan yang chags/ /sangs rgyas rnams kyi sprin 'phro zhing /rin chen char pa 'bebs par mdzad/ /gang zhig nor rdzas 'dod pa yis/ /gnod gnas 'di 'dra bsgoms byas na/ /de yis sa chen nor rdzas kyis/ /ring por mi thogs gang bar 'gyur/ </font><hr>306a<br><font size=+1>


@#/ /lag na rdo rjes bdud rtsi yi/ /chu yang rtag tu dbul bar bya/ /rin po che sprin sbyin pa'i char 'bebs pa'i ye shes kyi rdo rje zhes bya ba'i ting nge 'dzin to/ /ma yi ye shes las bsgrubs pa'i/ /nyi ma'i 'od ltar 'od zer can/ /rta bdun ldan pa'i shing rtar bzhugs/ /'bar ba'i lag 'khyor snang mdzad pa/ /zhal ras gsum pa spyan gsum ldan/ /phyag drug kha dog ser por snang / /phyogs bcu srung par brtson pa ste/ /'jo sgeg tshul du zhal yang bzhad/ /na chung rgyan ni g.yo ba can/ /cod pan rdzogs pa'i sangs rgyas lnga/ /thor tshugs me tog rnams kyis brgyan/ /g.yas pa'i phyag na rdo rje ste/ /gnyis pa na ni khab skud bsnams/ /gsum pa na ni mda' yang gsor/ /g.yon pa sdigs mdzub zhags pa can/ /gnyis pa a shwI yal ga ste/ /gsum pa na ni gzhu nyid do/ /gzugs brnyan mang po 'phro ba yis/ /sdang ba'i sems can bcing ba dang / / mig dang kha ni 'drub par byed/ /gsang sngags bzlas brjod 'bad pa dag /gal te byang chub mchog 'dod na/ /lha mo hUM mdzad bsgom par bya/ /'di ni sgom par byed pa yin// dbang du sems can rab tu 'gro/ /sdang ba rnams kyis mi tshugs par byed pa'i rdo rje mchog rab ces bya ba'i ting nge 'dzin to/ /pa yi ye shes las bsgrubs pa'i/ /rig pa'i ri </font><hr>306b<br><font size=+1>


khrod shing lo can/ /zhal ras gsum pa spyan gsum pa/ /zhal ras bzhad cing khro dang bcas/ /rgyan rnams kun gyis brgyan pa ste/ /na chung gzhon nu phyag drug ma/ /g.yas pa'i phyag na rdo rje ste| |gnyis pa na ni dgra sta nyid/ /gsum pa mda' yang rnam par gsor/ /g.yon pa sdigs mdzub zhags pa can/ /gnyis pa shing lo'i bam po ste/ /phyag gsum pa ni gzhu nyid de/ / thor tshugs me tog phreng bas brgyan/ /de steng kha dog lnga po dag /rab tu 'dres pa'i sangs rgyas bzhugs/ /mdog ser pad+ma'i gdan la bzhugs/ /dkyil 'khor dmar po char 'bar ba| |khro ba'i sprin 'phro sdud mdzad cing / /gdon gang skyes rgu'i nang gnas pa/ /de dag khro bo'i mes kyang sreg /phyir yang bsregs nas sangs rgyas kyis/ /kha dog bdud rtsi char 'bebs mdzad| |de 'dra rnal 'byor gyis bsgoms na/ /mi ngas thams cad zhi bar mdzad/ /nad thams cad zhi bar byed pa'i ye shes kyi rdo rje 'bar ba zhes bya ba'i ting nge 'dzin to/ /dza yi ye shes las bsgrubs pa/ /rig sngags mtshan ni dug sel ma/ /sbrul mgo bdun gyi gdengs ka can/ /nor bu 'bar bas brgyan pa ste/ /zhal ras gsum pa spyan gsum pa/ / gzhon nu mtshan ni 'bar ba can/ /bzhad cing khro dang bcas pa ste/ /sprul gyi ska rags dag gis brgyan/ /phyag drug rol pa'i stang stabs can/ /mgo yi steng na mi 'khrugs </font><hr>307a<br><font size=+1>


@#/ /bzhugs/ /g.yas pa'i phyag na rdo rje ste/ /gnyis pa ral gri thogs par brtson/ /phyag gsum ba ni gar thabs kyis/ /stang stabs tshul gyis mda' yang gsor/ /g.yon pa sdigs mdzub zhags pa can/ /gnyis pa dug gi me tog can/ /phyag gsum pa na gzhu nyid do/ /dbu rgyan me tog rnams kyis brgyan/ /gser mdog pad+ma'i gdan la bzhugs/ /'od ni dmar po dkyil 'khor can/ /dza rnams 'phro bas bskor ba ste/ /kun nas 'bar ba rnams kyis khebs/ /sangs rgyas gzugs brnyan 'phro ba can/ /phyag bzang bum pa zla 'dra ba'i/ /kha ni dza yis rnam brgyan pas/ /dug gis phog pa rnam la ldugs/ /rtag tu sku gsum dug sel ma/ /dug gis phog pa rnams la bsgom/ /de ltar bsgoms par byas pa yis/ /ring por mi thogs byang chub 'thob/ /nyon mongs rnams kyi dug sel ba/ /gdengs ka'i dbang po rdo rje ye shes kyi phyag rgya zhes bya ba'i ting nge 'dzin to/ /tri yi ye shes las bsgrubs pa/ /sku chen ha la ha la ste/ /zhal ras gsum pa spyan gsum pa/ /thor tshugs cod pan rnams kyis brgyan// zla ba tshes pa bsnams pa'i lha/ /dbu rgyan thod pa dag gis brgyan/ /thor tshugs rgyal po'i sku gzugs bzhugs/ /rgyan rnams kun gyis brgyan pa ste/ /pad+ma dkar po lta </font><hr>307b<br><font size=+1>


bur snang / /sems stobs ldan pa'i 'jo tshul can/ /phyag brgyad zhal yang bzhad pa ste/ /smad g.yogs stag gi pags pa mnabs/ /g.yas pa'i phyag na rdo rje ste/ /gnyis pa bgrang nor phreng ba can/ /gsum pa yis na mda' yang gsor/ /g.yon pa pad+mas rnam par brgyan/ /gnyis pa yis ni nu ma 'jin/ /gsum pa na ni gzhu nyid do/ /g.yas pa mdud rtse gsum pa la/ /sbrul gyis yongs su dkris pa ste/ /g.yon na thod pa dri zhim pa'i/ /me tog sna tshogs kyis bkang pa/ /pad+ma dmar po la bzhugs pa/ /rol pa'i stang stabs tshul du gnas/ /rin chen ri phug nang bzhugs par/ /rnal 'byor sems dpas bsgom par bya/ /sangs rgyas rang bzhin gzugs dang ni/ /cho 'phrul chen po sna tshogs 'byung / /rnam par mi rtog ting 'dzin gyis/ /kha zas thams cad za byed cing / /nang gi sngags pas sngags brjod cing / /rim bzhin rnal 'byor gyis bsgems na// byang chub myur du thob 'gyur zhing / /bla na med pa'i bde ba 'dren/ /'dod pa thams cad rab bsgrubs pa/ /ha la ha la yongs su mnyes par byed pa'i ye shes kyi rdo rje zhes bya ba'i ting nge 'dzin to/ /sa yi ye shes las bsgrubs pa/ /stong chen rab tu 'joms mdzad pa'i/ /lha mo nad kun 'phrog ma ste/ /sdang ba'i sems can 'joms mjad ma/ /phyag </font><hr>308a<br><font size=+1>


@#/ /stong ldan zhing dbu stong la/ /spyan gsum dag gis rnam par brgyan/ /brtson chen phyag brgyad khro ba dang / /steg pa'i thabs kyis dgongs pa can/ /phyag g.yas mchod sbyin lha rdzas kyi/ /ral gri lcags kyu mda' dang ldan/ /phyag g.yon pad+mo rdo rje nor/ /zhags pa gzhu dang sta re can/ /mdog dmar zhal ras bzhi pa ste/ /bgegs stong 'joms par mdzad pa yin/ /rang gi rnal 'byor la brtson pas/ /nam mkha'i mtha' gtugs 'jug cing spro/ /glang po rta dang skyes pa dag /za bar mdzad ma phreng ba can// de yi las kyis bskul ba yi/ /gsang sngags dpa' bos gdon par bya/ /rnal 'byor dbang phyug las 'dod bas/ /'di byas bas ni srung bar 'gyur/ /dpung chen po la rnam par lta// ba thams cad srung ba stobs kyi mchog stong chen po rnam par 'joms pa'i ye shes kyis rnam par rgyal ba'i rdo rje zhes bya ba'i ting nge 'dzin to/ /d+h+wAM zhes bya bas skyed pa yi/ / sdigs pa'i mdzub mo'i phyag rgya can/ /drag mo chen mo zhal bzhi pa/ /spyan gsum phyag brgyad kyis rnam brgyan/ /ral gri gtun shing 'khor lo mda'/ /mdud rtse gsum pa rdo rje gzhu/ /chom rkun mdzub mos bsdigs pa ste/ /rdo rje ro langs 'byung ba dag /mthong bas dbung rnams bcom gtor bas/ /lha mo rtag tu bsgoms na ni/ /ring por mi </font><hr>308b<br><font size=+1>


thogs byang chub 'thob/ /'jig rten gsum rnam par 'joms pa la mkhas pa mchog gi rtse mo rdo rje zhes bya ba'i ting nge 'dzin to/ /pra yi ye shes las bsgrubs pa/ /stobs chen pha rol gnan mdzad ma/ /spyan gsum phyag brgyad g.yas pa na/ /ral gri 'khor lo mdung rtse gsum/ /mnga' yis rnam brgyan phyag g.yon na/ /rdo rje zhags pa dgra sta gzhu/ /bsnams bas sdang ba'i bgegs ltung mdzad/ /bu mi 'tsho dang mo gsham dag /gsang ba'i dkyil 'khor bcu gnas su/ /lha rnams kun gyi bum pa yis/ /slob dpon gyis ni dbang bskur zhing // de yi mngal du byis ba ni/ /'jam pa'i gzugs can 'jug par bsam/ /zhags pa'i phyag rgyas mtshan ngan nas/ /skyes pa gzugs can 'byung ba dang / /dran pa yis ni dral nas kyang / /mngal ni bsod nams dag gis spel/ /mngal thams cad rnam par lta ba so sor 'brang ma'i ye shes kyis rnam par rgyal ba'i rdo rje zhes bya ba'i ting nge 'dzin to/ /ba yi ye shes rol pas bskrun/ /lha mo nor gyi blo gros ma/ /gzi byin gser gyi mdog can la/ /phyag drug lang tsho dar la bab/ /rgyan rnams kun gyis brgyan pa ste/ /'jo sgeg thabs bcas 'bar ba ste// de yi phyag g.yas mchog sbyin mdzad/ /gnyis pa 'bru yi snyem can/ /gsum pa yis ni mda' yang gsor/ /phyag g.yon yid bzhin nor bu dang / /rin chen char 'bebs gzhu yang 'dzin/ / </font><hr>309a<br><font size=+1>


@#/ /grogs mo'i skye bos yongs bskor cing / /mngag gzhug gnod spyin mo yi gzugs/ /rin chen char pa 'bebs pa dang / /nor kun gyi ni char ba dag /'bebs par byed pa bsam par bya/ /nor gyi blo gros chen mo 'di/ /de ltar sngags pas bsgoms na de/ /dpag tshad bdun ni rgyas par yang / /nor gyi char gyis khyab par mdzad/ /byang chub sbyin mchog dam pa ma/ /de ltar rnal 'byor bdag nyid bsgom/ /nor gyi rgyun gyi char rab tu 'bebs pa'i ye shes kyi rdo rje zhes bya ba'i ting nge 'dzin to/ /bi yi ye shes las bsgrubs pa/ / srin mo 'bar ba'i klog phreng can/ /ming ni dngul dkar las skyes mo/ /stobs mo che la pha rol gnon/ /gsus 'phyang me la mche gtsigs ma/ /skra ser ram kham pa gyen du brdzes// thor tshugs cod pan gyis brgyan pa/ /spyi bo la ni mi 'khrugs bzhugs/ /bcu gnyis dbu dang bco brgyad phyag /spyan ni gsum gsum thod phreng ldan/ /drag mo lag na rak+ta yis/ / bkang ba'i thod pa thogs pa ste/ /smad g.yogs seng+ge'i pags pas g.yogs/ /sbrul gyi mchod phyir thogs pa can/ /ral gri lcags kyu 'khor lo dang / /gtun shing rtse gsum dril bu dang / /ba dan ltag dbyug mdung mchog sbyin/ /gzhu mda' mdung thung be con dang / /zhags pa dgra sta tho ba thogs/ /rgyan rnams kyis ni lus la brgyan/ /mdog nag </font><hr>309b<br><font size=+1>


rol pa'i stabs kyis ni/ /pad+ma'i gdan bzhugs sdang ba dag /'dul ba zhes brjod 'di lta bu/ /rtag tu hUM gis hUM mdzad pa/ /bzlas brjod yang dag ldan par bsgom/ /sems can kun don tshogs pa yi/ /byang chub ring por mi thogs 'thob/ /sems can thams cad 'ching bar byed pa'i mchog rab byang chub kyi snying por rnam par rgyal ba'i stobs zhes bya ba'i ting nge 'dzin to/ /k+ShiM zhes bya bas sgom pa'i gzugs/ /rgyan rnams kun gyis brgyan pa ste/ /na chung gzhon nu 'jo tshul can/ /mgo bo skra tshugs phyed du bzung / /de bzhin du ni stod g.yogs kyang / /la dkar seng ba bgos pa ste/ /de la kha dog lnga pa yi/ /ma tog 'phrul ba rnams kyis brgyan/ /gser gyi mdog can bzhin 'dzum pa/ /phyed zur bas ni rnam par rol/ /dpag bsam shing gis brgyan pa yi/ /rin chen ri la legs par bzhugs/ /'jam pa'i khro bo rdo rje yis/ /de yi mgo bo mnan nas bzhugs/ /tha ma thog thag gnod sbyin mos/ /nam mkha' gang bar bsgom par bya/ /gnod sbyin mo thams cad sgrub pa'i mchog rab ces bya ba'i ting nge 'dzin to/ /sngags la oM AH hUM/ yi ge gsum pa mig gsum gzugs/ khyab 'jug lha chen mes bo ste/ /gdong gsum rang gi mtshon thogs la/ /rdo rje hUM mdzad kyis bskul can/ /rdo rje ting nge 'dzin bsgoms na/ /mod la dngos grub thob par 'gyur/ /'jig </font><hr>310a<br><font size=+1>


@#/ /rten thams cad grub pa mig gsum rnam par rol pa'i rdo rje zhes bya ba'i ting nge 'dzin to/ /gzhan yang gsang sngags yi ge yi/ /sa bon gang gis sbyar byas te// rdo rje yig 'bru rnams bsgoms na/ /de dag ma bsgrims bzhin du sgrub/ /'phrog ma 'phrog byed las skyes pa'i/ /bu ni lnga brgya po rnams dang / /lnga rtsen dang ni dpal can ma/ /myur ba nyid du 'grub par 'gyur/ /rgyud kyi rgyal po sgyu 'phrul dra ba las/ /ting nge 'dzin rim par phye ba'i le'u ste bzhi pa'o// //de nas bcom ldan 'das rnam par snang mdzad chen po rdo rje'i de bzhin gshegs pas de bzhin gshegs pa thams cad la zhi bar lta ba rdul dang bral ba'i mchog rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi yum las sna tshogs kyi ye shes skyed par mdzad pa 'di dam tshig gsum gyi rdo rje las phyung ngo / /oM b+ha ga ba ti ru ru s+phu ru dz+wa la tiSh+Tha sid+d+ha lo tsa ne sarba ar+tha sA d+ha ni swAhA/ de nas las thams cad rab tu rdzogs par byed pa 'di gsungs pa tsam gyis/ sangs rgyas rnams ni thams cad dang / /byang chub sems dpa' mkhas rnams dgyes/ /bdud kyi dpung rnams 'dar gyur te/ /sangs rgyas rdo rje rjes dran byed/ /zhi ba sangs rgyas rnams kyi yum/ /rdo rje dam tshig gis bskul na/ /shi ba </font><hr>310b<br><font size=+1>


rnams la srog sbyin mjad/ /ma grub pa rnams grub par rtsol/ /de nas bcom ldan 'das rnam par snang mdzad chen po rdo rje de bzhin gshegs pa sku gsum rdo rje 'bar pa'i mchog dam tshig rdo rje zhes bya ba'i ting nge 'dzin la snyems par zhugs nas rdo rje 'chang mchog thams cad skyed pa'i yum rdo rje dkyil 'khor thams cad kyi dngos grub thams cad rab tu sgrub par byed pa 'di phyung ngo / /oM shaM ka re/ shIn+taM ka ri/ g+hu Ta g+hu Ta g+hu Ti ni g+hA Ta ya g+hA Ta ya g+ha Ti ni swAhA/ de nas 'di ni gsungs tsam gyis/ /rdo rje gsum las skyes gyur pa/ /thams cad kyi ni mig phye nas/ /rdo rje shugs ni rjes dran gyur/ /sgrub pa thams cad srung mdzad ma/ /de bzhin las rnams sgrub pa yin/ /sdig pa thams cad 'joms ma ste/ /zhi dang rgyas dang 'phel mdzad ma'o/ /de nas bcom ldan 'das rnam par snang mdzad kyis 'dod chags chen pos zhen pa pad+ma gar gyi stang stabs thugs kyi rdo rje gsum gyis rnam par 'thor ba'i dam chig rdo rje zhes bya ba'i ting nge 'dzin la snyoms par zhugs nas chos thams cad 'dzin pa mchog gi yum 'di rdo rje gsum rnams las phyung ngo / /oM ka Te bi ka Te ni ka Te ka Tang+ka Te swAhA/ de nas chos kyi rgyal mtshan mchog /dam pa 'di ni gsungs tsam gyis/ /ting nge 'dzin gyi mig phye nas/ /rdo rje pad+ma rjes dran byed/ /rgyas pa chen po yum yin te/ /chos mdzod rnam par </font><hr>311a<br><font size=+1>


@#/ /'phel mdzad ma/ /bsgoms shing bsten te bzlas brjod na/ /rgya cher srung bar mdzad pa yin/ /de nas bcom ldan 'das kyis thams cad dbang du bya ba khong du chud pas/ rdo rje gsum mnyam pa nyid kyis dga' bar byed pa'i rdo rje zhes bya ba'i ting nge 'dzin la snyoms par zhugs nas ye shes la 'jug par byed pa sna tshogs thams cad 'chang ba'i yum gyi sgrol ma 'di gsungs so/ /oM tA re tut+tA re tu re swAhA/ de nas 'di ni gsungs tsam gyis/ /sangs rgyas kun dang sras kyi rnams/ /spyan phye rnam par gdangs nas su| |ye shes rdo rje ldan par dran/ /lha mo bzlas brjod byas tsam gyis/ /skya rgu rnams ni mngag gzhug 'gyur/ /de nas bcom ldan 'das kyis de bzhin gshegs pa thams cad kyi mchog gi ye shes la 'jug pa rdo rje zhes bya ba'i ting nge 'dzin la snyoms par zhugs nas 'di rdo rje gsum las phyung ngo / /na maHsa man+ta bud+d+ha nAM/ oM kha kha khA hi khA hi/ sarba duSh+Ta satwa da ma ka a si mu sa la ba ra shu pA sha ha sta/ co tur mu kha/ /tsa tur b+hu dza/ Sha T+tsar Na/ A gats+tsha A gats+tsha/ sarba duSh+Ta prA NA a pa ha ri NI/ mahA bi g+h+naM g+hA ta ka/ bi kr-i ta A na na| sarba b+hu ta b+ha yaM ka ra/ aT+TAT+Ta hA sa nA di na/ byA g+h+rA tsarma ni bA sa na/ ku ru ku ru/ sarba karmA Ni/ ts+tshin+da ts+tshin+da/ sarba man+t+rAn nan/ b+hin+da b+hin+da/ ba ra mu drAn/ A kaR+Sha ya A kaR+Sha </font><hr>311b<br><font size=+1>


ma| sarba b+hU tA na/ ma tha ma tha/ /nirma tha ni rma tha/ sarba duSh+Ta/ pra be sha ya bra be sha ya/ maN+Da la ma d+h+ye bai ba shwa ta/ dzI bi tAn+ta ka ra/ ku ru ku ru/ ma ma kAR+YaM/ da ha da ha/ pa tsa ba tsa/ mA bi lam+ba mA bi lam+ba/ sam ya ma nu smra/ hUM hUM/ phaT phaT/ bi spo Ta ya bi s+pho Ta ya/ sarba nA sha ya ri pAM/ ka ra ka ra/ big+h+nan sarba A sha pa ri pU ra ka /he he b+ha ga wA na/ kiny+tsi rA ya si/ ma ma sarba ar+tha sA d+ha ya swAhA/ de nas khro bo 'di gsungs pas/ /sangs rgyas byang chub sems mkhas kun/ /'dar zhing 'jigs pa skyes gyur nas/ /gtso bo rdo rje rnam snang mdzad/ /rdo rje ra ba dra ba yin/ /ye shes sna tshogs can la lta/ /srub gcig pa'am sgrub gnyis pa'i/ /thod pa bzang po rnying pa dang / /rkang rjes sa yi cho ga la/ /lha mo bzhi yi sbyor ba dang / /sangs rgyas lnga yis byin brlabs te/ /sku gsum dbyer med bsgoms nas su/ /myur bar khugs kyi bar du ni/ /rkang pas mnan te bzlas brjod bya/ /zhes bcom ldan 'das rdo rje rnam par snang mdzad chen pos bka' stsal to/ /de nas bcom ldan 'das kyis ye shes kyis ye shes kyi rdo rje gdon mi za ba'i mchog sprin chen po nam mkha'i rdo rje'i ting nge 'dzin la snyoms par zhugs nas rdo rje gsum rnams las snying po 'di gsungs so/ /na maHsa man+ta bud+d+ha nAM/ na mo badz+ra kro d+hA ya/ ma hA daMSh+To te ka Ta b+hai ra lngA ya/ a si mu sa la/ ba ra shu pA sha ha stA ya/ oM a mre ta kuN+Da li/ </font><hr>312a<br><font size=+1>


@#/ /kha kha khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ gar+dz+dza gar+dz+dza/ bi s+pho Ta ya bi s+pho Ta ya/ sarba bi g+h+rAM bi nA ya kAn/ ma hA ga Na pa ti/ dzI bi tAn+ta ka rA ya swAhA/ khro bo chen po gsungs pa yi/ grags chen sangs rgyas thams cad ni/ /yid phyung nas ni skrag par gyur/ /log 'dren rnams dang bgegs rnams 'dar/ /sku gsum ye shes mchog mnga' ba'i/ /rdo rje rnam snang mdzad pa dran/ /de yi rkang rjes sa dang ni/ /rlung gi gtsubs ba'i shing lo la/ /khro bo'i 'khor lor gzir nas su/ /tshogs bdag rkang ba'i dang du bzhag/ /hUM dang phaT kyis bskul nas su/ /bskrad pa'i sbyor ba byas na ni/ /sangs rgyas rdo rje can yang skrod/ /de nas bcom ldan 'das de bzhin gshegs pa khro bo'i ya shes rdo rje zhes bya ba'i ting nge 'dzin la snyams par zhugs nas rdo rje zhes bya ba'i khro bo chen po sku gsum rnams las phyung ngo / /na maHsa man+ta kA ya wA ka tsit+ta badz+ra NAM| oM hUM dzi na ri tiT+Ta hUM hUM phaT phaT swAhA/ de nas khro bo 'di brjod pas/ /sangs rgyas byang chub sems dpa' rnams/ /'jigs par gyur cing skrag gyur nas/ /gtso bo rnam snang mdzad ba dran/ /srin po 'byung po dang mkha' 'gro/ /skem byed gdon rnams gzir bal/ /rdo rje gzir ba'i sbyor ba yis/ /hUM tsam gyis kyang las byed do/ /de nas </font><hr>312b<br><font size=+1>


bcom ldan 'das de bzhin gshegs pa rdo rje mtha' yas kyis yon tan rin po che dpag tu med pa kun nas sdud pa'i rdo rje zhes bya ba'i ting nge 'dzin la snyoms par zhugs nas rdo rje pad+ma'i khro bo chen po 'di sku gsum rnams las phyung ngo / /na maH sa man+ta bud+d+ha nAM/ oM hUM hUM hUM/ ta ru la/ bi ru la/ sarba bi Sha g+hA ta ka /dz+wa li ta/ bi s+phu liM ga/ aT+TaT+Ta hA sa nA di ni/ ke Sha ti sa Ta to pa Ta ka ra/ badz+ra khu ra/ nir g+hA ta na/ tsa la ti ba su d+ha ta la ni shwA sa mA ru to tik+Sha p+ta d+hA ri Ni d+ha ra/ b+hI Sha na aT+TAT+Ta ta Ta Ta ha sa/ a pA r-i mi tA/ ba la pa rA kra ma/ A R+Ya ga Na b+hI ta b+hU ta ga Na/ a d+h+yu Shi ta/ bud+h+ya bud+h+ya ha ya grI ba/ khA da khA da/ pa ra man+t+rA na/ ts+tshin+da ts+tshin+da/ sid+d+hi m+ma a d+hiSh+The te A bi Sha A pi Sha ya/ badz+ra sarba dz+ra ra pi shA tsA ni/ sarba gra he Shu/ a pra ti ha to b+ha ba| badz+ra daMSh+Ta kiny+tsi rA ya si/ i daM duSh+Ta gra han/ duSh+Ta sarba ma pA/ d+hu na d+hu na/ ma tha ma tha/ mar+d+ha mar+d+ha/ pA Ta ya pA Ta ya/ ma Ta ma Ta/ baM d+ha baM d+ha/ bud+d+hA d+harma saM g+ha/ a nu dz+nyA taM karma ku ru shI g+h+raM ha ya gr-I bA ya phaT/ badz+ra ya phaT/ badz+ra g+hA ta ya phaT/ badz+ra nai trA ya phaT/ badz+ra daMSh+rA ya phaT/ badz+ra khu rA ya phaT/ badz+ra khu ra nir g+hA ta nA ya phaT/ pa ra man+t+ra be nA sha nA ya phaT/ badz+ra trai lo kya b+ha yaM ka rA ya phaT/ sarba karma su pra ti ha ta ya phaT/ badz+ra ku la san+t+ya sa nA ya phaT/ hUM hUM hUM phaT phaT/ sarba phaT swAhA/ de nas khro chen byung ba yis/ /rdo rje pad mchog las byung rnams// </font><hr>313a<br><font size=+1>


@#/ /yid ni 'jigs shing skrag par 'gyur/ /'khor bcas 'jigs pas rnam 'khrugs nas/ /byang chub tshogs ni dran byed cing / /ye shes rdo rje dran 'gyur ba/ / lag pa la ni pad+ma dang / /ha zhes bya ba mchog 'bar bsam/ /khro rgyal ting 'dzin la gnas nas/ /rdo rje gsum yig 'dzin ba yis/ /khams gsum dag kyang khyab byed pa'o/ /mi bzang dug ni drang bar bya/ /de nas bcom ldan 'das de bzhin gshegs pa don yod grub kyis don yang dag par 'byung ba'i rgyal mtshan gyi mchog nor bu'i rdo rje zhes bya ba'i ting nge 'dzin la snyoms par zhugs nas khro bo'i rgyal po chen po be con sngon po can 'di rdo rje gsum las byung ngo / /na maHsa ma \?\bud+d+ha nAM/ e hi e hi/ b+ha ga wA na/ nI la badz+ra daN+Da/ tu ru tu ru/ hu lu hu lu swAhA/ gu lu gu lu/ gu lA pa ya/ gu lA pa ya/ kra ma kra ma/ b+ha ga wA na bA yu be ge na/ b+hu tAn shI g+hi/ da ha da ha/ da ra da ra/ ba ha ba ha/ btsa ba tsa/ ma tha ma tha| pA ta ya pA ta ya/ ma Ta ma Ta/ mo TA pa ya mo TA pa ya/ sarba garmA Ni/ ts+tshin+da ts+tshin+da/ b+ha k+Sha ya b+hak+Sha ya/ a s+thi mi daM a s+ya ru d+hi ra ma da dza mi daM/ bi shwa mad dza/ ru d+hi ra/ pri ya e h+ye hi b+ha ga wAn/ sarba big+h+na na/ sarba bid+yA ni/ sarba man+t+rA Ni sarba mU la karmA Ni kr-i ti ma Ni/ pi Sha dA ni/ sarba gra hA na/ ha na ha na/ b+hany+dza b+hany+dza/ mard mard/ i daM me/ kAR+YaM sA d+ha ya/ </font><hr>313b<br><font size=+1>


hUM nI lA ya nI lA ya nI la badz+ra ngaN+DA ya/ tu ra tu ru/ big+h+nAn bi nA ya ga /nA sha ya nA shA ya/ hu ru hu ru/ 'di p+ta tsaN+DA ya/ sarba sha trUM n+'aM hr-i da yA ni pI Ta ya/ ts+tshin+da ts+tshin+da/ pa ra bid+yA nA ma/ ts+tshe da ka hUM bid+yA nA ma shiSh+Ta ka/ sa ma yaM a nu sma ra/ badz+ra d+ha ra bA tsa nAM tsa/ ma ra ma ni krin+ta/ hUM ha na ha na/ da ha da ha/ pa tsa pa tsa/ ku ru ku ru/ tu ru tu ru/ hu ru hu ru/ phaT phaT/ hUM hUM kr-i tan+ta ya/ de ba ro Shi bi dra ba ya ka /ha na badz+ra dan+Tan swAhA/ khro bo chen po mchog 'di gsungs ma thag tu bdud kyi ris thams cad dang / sangs rgyas kyi zhing rnams rab tu g.yos te sku gsum gyi mchog gtso bo rnam par snang mdzad dran par gyur to/ /sangs rgyas thams cad kyi sbyor ba'i tshogs bskul na brgya rtsa brgyad bzlas brjod bya \?\ pa tsam gyis mod la khro bo chen pos gsod par byed do// de nas bcom ldan 'das rdo rje'i de bzhin gshegs pa mi 'khrugs pas bkod pa kun tu rnam par 'phro ba'i rdo rje zhes bya ba'i ting nge 'dzin la snyoms par zhugs nas stobs po che rdo rje 'di sku gsum las phyung ngo / /na maHsa man+ta bud+d+hA nAM/ oM hUM hUM hUM phaT phaT phaT/ u gra shUl bA Ni hUM hUM hUM/ phaT phaT phaT/ oM j+yo ti nir nA da hUM hUM hUM phaT phaT phaT/ oM ma hA ba lA ya swAhA/ de nas khro bo gsungs tsam gyis/ /gdengs ka yis ni bskor ba kun/ /yid ni shin tu 'jigs skrag ste/ /rdo rje rnam par snang mdzad dran/ /gsang sngags rgyal po bzlas pa </font><hr>314a<br><font size=+1>


@#/ /yis| |las kun rab tu grub par byed/ /char pa chen gcod 'gyur la/ char pa chung na rab tu 'bebs/ /de nas bcom ldan 'das kyis kun tu 'bar ba'i snying po rdo rje zhes bya ba'i ting nge 'dzin la snyoms par zhugs nas khro bo chen po 'dod pa'i khro bo 'di rdo rje sku gsum rnams las phyung ngo / /na maHsa man+ta bud+d+ha nAM/ Tak+kaM hUM dzaHde nas khro bo gsungs pa yis/ /sangs rgyas thams cad rab tu 'dar/ /byang chub sems dpa' rnams kyang skrag/ bdud kyi dpung rnams ltung bar gyur/ /rkang g.yas sna tshogs rdo rje yi| |sbyor bas mtshan ni mnan nas su/ /sku gsum ye shes stobs ldan pas/ /khro gnyer rim par gnyer byas te/ /gsang sngags kun gyis bkug nas su/ /sems can thams cad dbang du byed/ /de nas bcom ldan 'das rnam par snang mdzad chen po rdo rje'i de bzhin gshegs pas rdo rje rab tu 'bar zhing 'phro ba'i ye shes rab tu 'bar ba zhes bya ba'i ting nge 'dzin la snyoms par zhugs nas rdo rje khro bo mi g.yo ba gtum po 'di rdo rje sku gsum rnams las phyung ngo / /na maHsa man+ta bud+d+hA nAM/ a tsa la kA Na tsa Na Da/ na Ta na Ta/ maT+Ta maT+Ta/ saT+Ta saT+Ta/ taT+Ta ta T+Ta/ ta na ta na/ da ha da ha/ mo ha mo ha/ mo ha ka ra/ ha sa ha sa/ badz+rA hA sa ku ru/ hA sa hA sa/ ma ra ma ra Ta ma ra ma ra Ta/ gar+dz+dza gar+dz+dza/ ha na ha na/ ban+d+ha ban+d+ha/ tiSh+Tha tiSh+Tha/ a bi sha </font><hr>314b<br><font size=+1>


A bi sha ma hA maT+ra pa la ka /d+hu na d+hu na/ ti Ni ti Ni/ khA da khA da/ big+hAn/ mA ra ya mA ra ya duSh+Tan/ b+hak+Sha b+hak+Sha/ sarbAn ku ru ku ru/ ki ri ki ri/ ma hA bi Sha ma badz+ra s+pho Ta ya pho Ta ya/ hUM hUM hUM/ tri ba lA ta raM ga na rta ka/ aM aM aM/ hUM hUM hUM/ a tsa la tsa Ta/ s+pho Ta ya s+pho Ta ya/ hUM hUM/ a sa man+ta ka TA Ta ma hA ba la sha ta ya/ pa ra man+t+ran/ aM aM/ hUM hUM/ maM shud+d+h+yaM tu lo ka /tu Sh+yaM tu badz+ra/ na mo tu skru/ a pra ti ha ta pa le b+h+yaHdza lA ya/ trA Ta/ a sa ha na maH swAhA/ de nas khro bo mi g.yo ba/ /khro bo stobs chen 'di gsungs pa/ /lha dang klu kun mngag gzhug byed/ /gnod sbyin srin po lha ma yin/ /'jigs pa thob nas brgyal bar 'gyur/ /bdud kyi sde rnams lhung nas su/ /tshig cing rab tu zhum bzhin du/ /gtso bo rdo rje snang mdzad dran/ /khor bo'i rgyal po du ma yis| |bcug pas 'jigs pas nyen bzhin du/ /gtso po rnam par snang mdzad nyid/ /sna tshogs las rnams myur du mdzad/ /de nas bcom ldan 'das rnam par snang mdzad chen po rdo rje'i de bzhin gshegs pas sku gsum gyi ye shes rdo rje 'bar ba'i 'od zer gyis 'jigs pa chen po rdo rje zhes bya ba'i ting nge 'dzin la snyoms par zhugs nas rig pa'i rgyal po chen po gnod mdzes 'di gsungs so/ /oM sum+b+ha ni sum+b+ha hUM/ gr-ih+Na gr-i h+Na hUM/ g+hr-ih+NA pa ya g+hr-ih+NA pa ya hUM/ A na ya ho/ b+ha ga wA na/ bid+yA rA dza hUM phaT/ de nas khro bo 'di gsungs </font><hr>315a<br><font size=+1>


@#/ /pas| |lha yi bu mo thams cad ni/ /skra tshugs zhig cing gcer bur gyur/ /mig rtse rig rig byed pa dag /sku gsum rdo rje mchog mnga' ba'i/ /zhal gyis nu ma gnyis mnan pas/ /gtso bo rdo rje rnam snang mdzad/ /ye shes kyis ni 'joms dran 'gyur/ /lcags kyu yis ni rnam dral te/ /rdo rje zhags pas bcings nas su/ /bu mo thams cad dgug bya ba/ /bu mo dgug pa'i mchog yin no/ /de nas bcom ldan 'das kyis ye shes chen po rnam par bsgyings pa'i dga' ba ston pa ces bya ba'i ting nge 'dzin la snyoms par zhugs nas sku gsum gyi mchog rdo rje 'chang skyed par mdzad pa sangs rgyas kyi byang chub 'di rjes su dran par mdzad do/ /'khor lo che la rnam gnas nas| |sangs rgyas rnams kyi sprin dag dang / /de bzhin rdo rje 'chang ba'i sprin/ /rdo rje lcags kyu zhags thogs 'byin/ /kun mkhyen ye shes las byung gtso/ /gsang sngags skyes bur bdag bsgoms na/ /sangs rgyas rnams kyang 'gugs byed na/ /rdo rje 'chang sogs ci zhig smos/ /bud med lha chen bu mo dag /rlung la rkang pa bzhag nas su/ / lcags kyus snying la drangs nas ni/ /sems can kun yang 'gugs 'gyur te/ /'di la dpyad pa cung zad med/ /rdo rje rnam par snang mdzad ni/ /sku chen zla ba'i kha dog yin// </font><hr>315b<br><font size=+1>


zla ba'i dkyil 'khor la gnas pa/ /rdo rje bdud rtsi 'bebs bsam ste/ /lan grangs bcu ni brjod pa yis/ /de ni gdon mi za bar khugs/ /rdo rje dkyil 'khor las byung ba/ /rdo rje lcags kyu chen po yis/ /'bar ba'i 'od zer 'phro ba yis/ /gzhon nu ma dag nges par 'gugs/ /rdo rje gsum 'khrugs khro bo ni/ /rdo rje sa 'og gnas pa ste/ /lha ma yin kun nges sreg cing / / lha min bu mo rdzes chags pas/ /gsal shing gis ni bskyel nas su/ /rdo rje lcags kyu zhags pa yis/ /drangs nas lha min bu mo 'gugs/ /btsag dang thod le ko ra dang ni/ /pa bla 'byor bar gyur na ni/ /gzas zin tshe na khar bcug ste/ /rdzas rgyal rdo rje lcags kyus 'grub/ /drag po rlung dang khyab 'jug dang / /lha mo gnod sbyin gnod sbyin ma/ /mngag gzhug bcas par 'jigs skrag ste/ /ming bris kun nas rtag tu 'gugs/ /sangs rgyas 'khro lor legs bzhugs te/ /'jam pa'i rdo rjer rnam par bsgom/ /khro bo chen po gshin rje gshed/ lag na rdo rje lcags kyu thogs/ /khros shing 'bar ba 'phro ba yis/ /gnod sbyin bu mo bkug nas spyod/ /phyag rgya gsang sngags sbyor ba dang / /sbam gtan 'khor los byor ba/ yis| |dgug par bya ba'i tshig gsungs pa/ /gzhan du byas na 'grub mi 'gyur/ /rgyal po'i zhabs drung kun gnas pas/ /rdo rje sems dpa' sems dba' che/ /kun gyis sems </font><hr>316a<br><font size=+1>


@#/ /rab rdzogs byed pas/ /yang dang yang du skul bar byed/ /de nas bcom ldan 'das rnam par snang bar mdzad chen pos rdo rje'i de bzhin gshegs pas ye shes kyi rnam par rgyal ba'i ye shes rdo rje zhes bya ba'i ting nge 'dzin la snyoms par zhugs nas rdo rje rgyal mo chen mo rnam par bsgyur ba'i rdo rje 'di rdo rje sku gsum rnams las phyung ngo / /oM shU li ni swAhA/ de nas 'di ni gsungs tsam gyis/ /klu mo dbang chen grags pa dag /gos dang bral zhing tshig bzhin du/ /gtso bo rdo rje rnam snang dran/ /gsang sngags rig sngags 'di yis ni/ /klu rnams thams cad 'gugs par byed/ /bsam gtan rdo rje mthu dang ni/ /gsang sngags bzlas brjod byas pa yis/ /gsor gdub rgyan ni gsol ba yi/ /klu mo mig yangs bku gnas ni/ /'dod pa'i yon tan lngas chags pa'i/ /klu mo nye bar spyod par byed/ /de nas bcom ldan 'das kyis nam mkha' chen po'i shugs rgya mtsho 'phro ba'i dam tshig ces bya ba'i ting nge 'dzin la snyoms par zhugs nas skul byed ma chen mo'i gzugs kyi rig sngags chen po 'di gsungs so/ /na maHsa man+ta bud+d+ha nAM/ samyak+saM bud+d+ha ko TA ni na/ tad+ya thA/ oM tsa le tsu le tsu n+de swAhA/ de nas rig sngags che gsungs pas/ /sangs rgyas zhing rnams rab tu g.yos/ /byang chub sems dpa' rnams kyi </font><hr>316b<br><font size=+1>


lus| |ting nge 'dzin las g.yos par gyur/ /bdud rnams brgyal zhing tshe ga nas su/ /thams cad cho nges 'debs par byed/ /sa yi 'og gi bu mo dang / /lha min bu mo klu mo dang / /gsang dbang bu mo rnams 'khrugs nas/ /gtso bo rdo rje snang mdzad dran/ /rig sngags 'di ni bzlas pa dang / /sgom pa yi ni sbyor ba yis/ /bzlas pa tsam gyis 'grub 'gyur zhing / /bkug nas rab tu longs spyod byed/ /de nas bcom ldan 'das kyis nam mkha' mdzod kyi rnam par rgyal ba'i rdo rje zhes bya ba'i ting nge 'dzin la snyoms par zhugs nas chos bdud rtsi'i dam tshig gi rdo rje'i khro gnyer 'di rdo rje sku gsum rnams las phyung ngo / /oM b+ha ya nA sha ni trA sa ya trA sa ya/ b+hai ra Ti b+hr-i ku Ti ti Ti/ bai Ta Ti bai Ta Ti/ shwe te shwe te/ dza Ti na swIhA/ de nas 'di ni gsungs tsam gyis/ /rig sngags 'chang dang lha rnams ni/ /g.yo sa shing 'jigs pa thob par gyur/ /bdud rnams 'jigs pas rnam 'khrugs te/ /gtso bo rdo rje rnam snang mdzad/ /yid gcig tu ni dran par byed/ /nor bu'i gdub rnams g.yo ba yis/ /rig sngags 'chang ma klu mor bas/ /lha min bu mo gsang ba yi/ /bu mo bkug nas spyod par byed| |'dis ni las kun byed pa dang / /mkha' 'gro ma rnams 'jigs pa yin/ /yang na gsang sngags thams cad ni/ /skye bo med pa'i na gas tshal du/ /sngags pas bye ba bzlas </font><hr>317a<br><font size=+1>


@#/ /nas su/ /las rnams thams cad bya bar gsungs/ /gang gzhan slob dpon smod pa dang / /theg pa chen po sun 'byin dang / /mi gang gsang sngags rgyud dag gi /sbyor ba la ni 'phyag byed pa/ /de yis dngos grub thob mi 'gyur/ /de ni rtag tu gdon gyis zin/ /bsgrims nas gsad par bya ba'am/ /yang na lus ni gzhig par bya/ /sngags pas 'di ltar byas nas ni/ /byang chub dngos grub legs par 'thob/ /phyogs bcu'i sems can thams cad ni/ /sku gsum ye shes las byung ba'i/ khyad par du ni bsgom par bya| |dgra la 'di ni the tshom med/ khrag 'thung chu yis brlan pa'am/ /dur khrod thal ba'am bshang gci yis/ /brlan pa'i gos ni bgos nas kyang / /rkang pas mtshan ma mnan nas su/ khro bo'i rgyal por sbyor byas te/ /gsang sngags brgya rtsa brgyad bzlas na/ /sangs rgyas kyang ni nges par 'jig /chus brlan pa yi gos bgos te/ khro bo'i mdun du bcings nas su /rkang pa g.yon pas mnan na ni/ /sangs rgyas nyid kyang nges par 'jig /bshang gci yis ni sngags pa'i gos/ /rul ba'i da cin smad pa dag /bgos nas gsang sngags bzlas brjod na/ /mod la 'chi ba'am bskams par 'gyur/ /dur khrod thal bas bsdus pa'i gos/ /bgos nas khro bo'i 'khrugs nas ni/ /lan grangs stong du </font><hr>317b<br><font size=+1>


brjod ma ni/ /rdo rje sems dpa'ang rnam par 'jig /skra ni lhug par bshig nas ni/ kha bzhin rnam par bsgyur byas te/ /rkang pas mtshan ma mnan nas ni/ /nam mkha'i khams kyang 'jig par 'gyur/ /ma mo'i gnas sam dur khrod dam/ khang stong ngam ni bzhi mdo 'am/ /mtshan ma gcig pa'am shing gcig tu/ /drag shul spyod pa brtsam par bya/ / de yi rkang rjes sa la ni/ /mi rus las byas phur bu dag /sor brgyad tsam gyis tshad tsam la/ /lan grangs brgya rtsa brgyad brjod pa'i/ /phur bu yis ni btab nas su/ /dgra yi khyim sgor brkos te gzhug/ sangs rgyas sku gsum mchog sbyin pa/ /shes dang mi shes spangs da \?\/ /zla phyed nya yi nang rol tu/ /'ching ba'am yang na 'jig par 'gyur| |mkhas pas thod pa yongs tshang ba/ khyad par can ni rnyed pa dang / /de la gsang sngags tshig bris te/ /rdo rje tshig gis bzlas brjod nas/ /dgra yi sgo'am yang na ni/ /grong du sbas na nges par skrod/ /ta la'i 'dab ma'am gzhan la'ang rung / khro bos gsang sngags legs bris te/ /dgra yi khyim mam sgo khar ni/ /sbas na 'chi 'am bskams par 'gyur/ /zhes bcom ldan 'das rdo rje rnam par snang mdzad chen pos bka' stsal te/ /de nas bcom ldan 'das kyis de bzhin gshegs pa thams cad kyi sku gsum </font><hr>318a<br><font size=+1>


@#/ /rdo rje'i phur bu'i ye shes kyi rdo rje zhes bya ba'i ting nge 'dzin la snyoms par zhugs te khams gsum thams cad kyi ye shes kyi sku dang gsung dang thugs rdo rje'i phur bu zhes bya ba 'di nyid sku dang gsung dang thugs rdo rje rnams las phyung ngo / /oM g+ha g+ha/ g+ha ta ya g+ha ta ya/ sarba duSh+Tan phaT phaT/ kI la ya kI la ya/ sarba pA paM phaT phaT/ hUM hUM hUM badz+ra kI la/ badz+ra d+ha ra Adz+nyA pa ya ti/ kA ya wA ka tsit+ta badz+ra/ kI la ya hUM hUM hUM phaT phaT/ de nas 'di ni gsungs tsam gyis/ /rdo rje dbang chen grags pa kun/ /brgyal nas 'jigs pa skyes gyur te/ /rdo rje rnam snang mdzad pa dran/ /mi yi rus pa'i phur bu'am/ /yang na seng ldeng las byung ba'am/ /lcags las byas pa'i phur bus ni/ /rdo rje sems dpa' rnam par 'jig /rdo rje sems dpa' mnyam bzhag ste/ /'od bzang me stag 'khrug pa can/ /sku gsum rdo rje mthas gtugs par/ /gzugs brnyan la ni bsams nas sbyar/ /rnam snang phyag rgya chen po'am/ /yang na 'dod chags rdo rje can/ /phyag rgya chen po gshin rje gshegs/ /'dod pa'i khro bo nyid du ni/ /rdo rje phur bu bsam par bya/ /bdag nyid chen po stobs po che/ /bdud rtsi thabs sbyor rdo rje dang / /rdo rje yi ni rnal 'byor gyis/ /sdang dang gtum po gcad par bya// </font><hr>318b<br><font size=+1>


sangs rgyas bdag nyid chen po yang / /thugs nas zhabs la thug par du/ /rdo rje phur bus rnam par bsgom/ /rdo rje ting 'dzin sbyor ba yis/ /sangs rgyas dag kyang nges par gnon/ / 'di ni phur bu'i mthu rlabs te/ /steng 'og lha yi dam tshig yin/ /rgyal chen rdo rje sems dpa' dang / /sangs rgyas thams cad gnon pa yi/ /ting 'dzin sbyor ba 'di yis ni/ /myur du 'chi 'am bskams par 'gyur/ /de nas bcom ldan 'das de bzhin gshegs pa rdo rje rnam par snang mdzad chen pos de bzhin gshegs pa'i sku'i ye shes rnam par bsgyings ba'i rdo rje zhes bya ba'i ting nge 'dzin la snyoms par zhugs nas rdo rje'i sku gnyis su med pa'i dam tshig gi phur bu'i gsang sngags 'di nyid kyi rdo rje'i sku dang gsung dang thugs rdo rje rnams las phyung ngo / /oM ts+tshin+da ts+tshin+da/ da ha da ha/ '+dip+ta badz+ra tsakra hUM phaT/ phan tshun bzlas pa'i tshul gyis ni/ /mthe bo'i ngos kyi drung du bsdu/ /snang mdzad zhabs kyis mnan nas su/ /rdo rje phur bus gdab par bya/ /gtab pa tsam gyis sems dpa' che/ /sku gsum ye shes las byung ba/ /dam tshig mchog gis bzhengs par mdzod/ /gzhan du byas na brlag par 'gyur| |de nas bcom ldan 'das kyis rdo rje'i thugs kyi ye shes chen po rnam par bsgyings pa'i rdo rje zhes bya ba'i ting nge 'dzin la snyoms par zhugs nas dam tshig chen po'i stang </font><hr>319a<br><font size=+1>


@#/ /stabs kyi phur bu zhes bya ba'i gsang sngags 'di nyid kyi rdo rje sku dang gsung dang thugs rnams las phyung ngo / /oM badz+ra rA dza hUM/ rtse mo lnga pa bcings nas su| |me stag 'phro ba bsgoms byas te/ /rdo rje thugs kyis zhabs kyis mnan/ /rdo rje phur bus gdab par bya/ /btab pa tsam gyis rgyal po che/ /sku gsum ye shes las byung ba/ /dam tshig mchog gis bzhengs par mdzad/ /gzhan du byas na brlag par 'gyur/ /de nas bcom ldan 'das kyis 'jig rten dbang phyug gi dam tshig mchog rnam par bsgyings pa'i rdo rje zhes bya ba'i ting nge 'dzin la snyoms par zhugs nas gsung gi dam tshig gi stang stabs kyi phur bu'i gsang sngags 'di nyid kyi sku dang gsung dang thugs rdo rje rnams las phyung ngo / /oM tri oM b+hur+b+hubaH rdo rje sor mo bcum pa yis/ /pad+ma kha bye 'bar ba yis/ /'dod chags rdo rje zhabs kyis mnan/ /rdo rje phur bus nges par gdab/ /btab pa tsam gyis rgyal po che/ /sku gsum ye shes las 'byung ba/ /dam tshig mchog gis bzhengs par mdzod/ /gzhan du byas na brlag par 'gyur/ /sku gsung thugs kyis chags pa yin/ /cho ga bzang po tsam gyis ni/ /rdo rje mkha' dbyings mthas gtugs pa/ /mnan 'gyur 'di la the tshom med/ /ces bcom </font><hr>319b<br><font size=+1>


ldan 'das rnam par snang mdzad kyis rdo rje phur bu'i tshig rnams bka' stsal to/ /de nas sangs rgyas sku gsum mchog /sems can khams la phan bzhed rnams/ /dgyes shing mgu ba brnyes nas su /rdo rje dbyings kyis 'di skad gsungs/ /kye ma 'o gsang ba'i tshig gi mchog /kye ma'o gsang ba kun 'dus pa/ /kye ma'o zhi ba chos kyi tshig /ye shes rdo rje phur bu rmad/ / gsang sngags kun gyi phur bus 'di/ /bde gshegs bka' yi rjes su byed/ /'di dag sangs rgyas kun gyi ste/ /phur bu de nyid rnams las byung / /de nas bcom ldan 'das kyis chom rkun thams cad mdongs par byed pa'i rdo rje zhes bya ba'i ting nge 'dzin la snyoms par zhugs nas rig sngags kyi rgyal mo chen mo 'od zer can 'di gsungs so/ /oM mA rI ts+yai de ba tA ye swAhA/ rig sngags gsungs pa'i mod la ni/ /dbang chen grags pa'i sangs rgyas kun/ /thugs ni dgyes shing mgu bar 'gyur/ /sras rnams kyi ni spyan yang phye/ /'di ni las rnams thams cad ma/ /chom rkun sdang ba 'ching mdzad ma/ /'di yi sbyor ba la gnas na/ /'gro ba'i tshon mthong mi 'gyur/ /de nas bcom ldan 'das rnam par snang mdzad chen po rdo rje'i de bzhin gshegs pas sdang ba thams cad rnam par 'joms pa sems can thams cad sgrol bar byed pa'i ye shes chen po'i stobs kyis rnam par rgyal ba zhes bya ba'i ting nge </font><hr>320a<br><font size=+1>


@#/ /'dzin la snyoms par zhugs nas stong chen po rab tu 'joms pa'i rigs sngags kyi rgyal mo 'di gsungs so/ /oM ma hA sa hA sra pra mard na ba ra sid+d+hi da mI ge ma Ni badz+ra Ni hUM phaT swAhA/ de nas rig sngags che gsungs pas/ /sangs rgyas zhing rnams rab tu g.yos/ /byang chub sems dpa' thams cad dang / /bdud kyi ris rnams g.yos par gyur/ /gtso bo rdo rje snang mdzad pa/ /thams cad tshig bzhin btud nas su/ /bcom ldan rig sngags mthu stobs kyis/ /gnod bgyid thams cad gzir lags so/ /gang ni rig sngags stobs mo che/ /pha rol gnod pa 'di zlos pa/ /der ni bdag cag mi mchi zhing / /der ni srung ba dag kyang bgyi/ /de nas bcom ldan 'das rnam par snang mdzad chen po rdo rje'i de bzhin gshegs pas brgya byin mngon par mtho ba'i stobs lha ma yin rnam par 'joms pas s+r+nam par rgyal ba'i rdo rje zhes bya ba'i ting nge 'dzin la snyoms par zhugs nas rgyal mtshan gyi rtse mo'i dpung rgyan gyi gzungs chen po 'di gsungs so/ /oM b+ha ga ba tI d+h+wa dzA gra ke yu re pa ra sai n+ya/ bi d+h+wa na sa na ka swa sai n+yapa ri la ni/ u lU kA mu khi/ kha kha/ khA hi khA hi/ pa ra s+yai n+ya ma/ a nan+ta b+hu dze/ a nan+ta mu khe pra ha ra pra ha ra hUM phaT phaT swAhA/ de nas rig sngags che gsungs </font><hr>320b<br><font size=+1>


pas| |sangs rgyas zhing rnams g.yos par gyur/ /byang chub sems dpa' rab g.yos shing / /bdud kyis de rnams tshig par gyur/ /gnod sbyin srin po gos bral nas/ /'jigs shing skrag par gyur pa yis/ /gtso bo rdo rje rnam snang dran/ /bcom ldan 'das/ rig sngags kyi rgyal mo'i gzi brjid kyi tshig lags te/ bdag cag dam tshig la gnas par 'tshal lags na/ mgon mdzad cing lus thams cad rab tu sgrub tu gsol/ de nas bcom ldan 'das rnam par snang mdzad chen po rdo rje'i de bzhin gshegs pas mngal thams cad yang dag par skyes pas khyab pa'i rdo rje zhes bya ba'i ting nge 'dzin la snyoms par zhugs nas rig sngags kyi rgyal mo so so 'brang ma 'di gsungs so/ /oM ma Ni d+ha ri badz+ra Ni ma hA pra ti sa re swAhA/ rig sngags chen mo gsungs pa dang / /rig sngags rgyal mo'i mthu yis ni/ /mi yi skye rgu 'tshe byed pa/ /mthu chen mngal ni 'phrog pa dang / / log 'dren kun dang sdang ba'i rnams/ /mi bzad me lces tshig gyur nas/ /'jigs pa dang ni skrag pa yis/ /rdo rje snang mdzad drung lhag ste/ /zhabs la gtugs te tshig smras pa| |bdag cag dam tshig gnas par 'tshal/ /rig sngags dam tshig rtag gnas pa/ /gang gis mngal yang mi 'phrog cing / rtag tu mngal ni spel bar mdzad/ /de na </font><hr>321a<br><font size=+1>


@#/ /bcom ldan 'das rnam par snang mdzad chen po rdo rje'i de bzhin gshegs pas nor gyi rgyun gyi yang dag par 'dzin pa'i rdo rje zhes bya ba'i ting nge 'dzin la snyoms par zhugs nas rig sngags gyi rgyal mo chen mo nor rgyun 'di gsungs so/ /oM ba su d+ha ri ma hA ba su d+ha ra br-i Sh+Ta ni pA ta ni ba su swAhA/ nor gyi rgyun ces bya ba yi/ /rig sngags gsungs pa'i mod la ni/ /bgegs dang log 'dren thams cad dag /yid ni 'jigs shing skrag gyur nas/ /rdo rje rnam par snang mdzad kyi/ /drung du nye bar 'ongs nas su/ / dam bcas pa yi tshig smras pa/ /bcom ldan nor rgyun ces bya ba'i/ /mtshan ni mi mchog sgrog bgyid na/ /de la nor gyi char 'bab cing / /nor chen dang ni ldan par ba gyi/ /de nas bcom ldan 'das kyis gnod par byed pa thams cad 'dul ba'i rdo rje zhes bya ba'i ting nge 'dzin la snyoms par zhugs nas srin mo glog 'bar ma sgyur ba'i snying po 'di gsungs so/ /a re du tre ni pra ku pa ha tsaN+Da/ ma hA be ga d+ha ri bid sA d+hu dzi tre/ ma ho da ni/ rau dra ki pA la ma la d+hA ri Na dza Ta mu ku Ta/ man+ti te/ nA nA pra ha ra Na/ d+ha ri hUM hUM phaT phaT/ sarba ta thA ga ta sa ma ya ma nu sma ra/ ku ru ku ru/ hUM hUM/ pra ma d+ha ma/ sarba sha trU NAM/ sho ni ta bi pa/ pra tsa N+De/ be ga d+ha ri/ pa tsa ta pa tsa ta/ be kir ta sa ta ya hUM/ da ha da ha/ sarba sha truM/ </font><hr>321b<br><font size=+1>


sarba duSh+Tan/ ni krin+ta/ pra sA da ya hUM/ mahA b+ha ga ba te/ dz+wA la dz+wA la hUM phaT/ che ge mo zhig me sha mA nA ya swA hA/ de nas srin mo 'bar ba'i glog /rig sngags chen mo gsungs pa yis/ /bdud kyi gnas rnams tshig par gyur/ /dgra rnams kyi ni snying yang bskams/ /dur khrod kyi ras la srin mo btsag gis bris nas legs par sbas te gu gul gyi bdug pas sreg cing brgya rtsa brgyad bzlas brjod byas la/ me tog dmar po dang / dri dmar po dang / gtor ma dang / lha bshos dmar por byas pa byin nas dur khrod du brko bar bya'o| |de'i steng du ming nas smos shing brgya rtsa brgyad bzlas brjod byas pa'i yungs kar gyis gtor to/ /brkos pa'i mong la phyir rgol ba dang dgra thams cad bcings par 'gyur ro/ /mnan pa dang rmongs par byas par 'gyur ro/ /de nas bcom ldan 'das kyis 'phrog ma'i dga' ston gnod sbyin mo'i tshogs dga' bar byed pa'i dngos grub kyi rdo rje zhes bya ba'i ting nge 'dzin la snyoms par zhugs nas rdo rje chen po 'phrog ma'i gsang sngags 'di gsungs so/ /oM hA ra 
 ma hA y+k+Shi NI ye/ ha ra ha ra/ sarba yak+Shi Ni phra be sha ni swAhA/ de nas 'phrog dga' 'phrog ma ni/ /gnod sbyin chen mo gsungs pa dang / /gnod sbyin ma kun g.yos nas su/ /dngos grub phyir ni mngon phyogs gyur/ /khro mo'i 'khor lo gnod sbyin ma/ / </font><hr>322a<br><font size=+1>


@#/ /brgyad dbus 'phrog mas brgyan byas te/ /lcags kyu 'bras bu ne le can/ /gnong sbyin brgyad kyis klubs nas su/ /gnod sbyin ma kun bsgrub par bya/ / de nas bcom ldan 'das kyis nad chen po thams cad las rnam par rgyal ba'i rdo rje zhes bya ba'i ting nge 'dzin la snyoms par zhugs nas mi ngas chen po zhi bar mdzad pa'i rigs sngags ri khrod kyi shing lo can ma 'di gsungs so/ /oM bi shA tsi par+Na sha ba ri sar+b+ba mA ra pra sha ma ni hUM phaT/ de nas rig sngags che gsungs pas/ /sangs rgyas zhing rnams rab tu g.yos/ /gnod byed nad 'gro srin po dang / /sdang ba rnams kyi snying yang zags/ /yam shing 'o ma can dang til/ /'o mas du ba zhi bar 'gyur/ /nam mkhar kun nas rig sngags kyi/ /rgyal mos legs par bkang nas su/ /bdud rtsi char 'bebs bsams na ni/ /mod la gnod pa zhi bar 'gyur/ /rgyud kyi rgyal po chen po sgyu 'phrul dra ba las/ 'di ni| gsang sngags kyi ye shes rnam par bsgyings pa'i rim par phye ba'i le'u ste lnga pa'o// //de nas bcom ldan 'das rnam par snang mdzad chen po rdo rje de bzhin gshegs pas phyag na rdo rje la 'di skad ces bka' stsal to/ /sku gsum ye shes kyi rdo rje las yang dag par byung ba lag pa'i phyag rgya tha dad pa rnams mnyam par bzhag pa'i sems kyis nyon </font><hr>322b<br><font size=+1>


cig /gang zhig bcings pa tsam gyis ni/ /sdig pa kun las rnam grol zhing / /'di ni lus ni byin brlabs te/ /rang gi gzugs su rnam bsgoms na/ /sangs rgyas nyid kyang thob 'gyur na/ /dngos grub gzhan lta smos ci dgos/ /lag pa gnyis khu tshur bcangs pa las mthe bo gnyis bteg pa ni/ de bzhin gshegs pa'i ste/ sku byin gyis brlab pa'i phyag rgya'o/ /de nyid las g.yon pa'i mthe bo nang du bcug ste g.yas pa'i mthe bo bteg pa ni/ 'jig rten dbang phyug gi ste/ gsung byin gyis brlab pa'i phyag rgya'o/ /de nyid las g.yas pa'i mthe bo nang du bcug ste g.yon pa'i mthe bo bteg pa ni/ rdo rje 'chang gi ste/ thugs byin gyis brlab pa'i phyag rgya'o/ /lag pa gnyis khu tshur bcings pa las g.yon pa'i mdzub mo bsgrengs pa'i thor to g.yas pa'i khu tshur gyis bzung ba ni/ rdo rje rnam par snang mdzad chen po'i phyag rgya'o/ /sems dpa'i skyil mo krung du 'dug nas lag pa g.yon pa pang par bzhag ste g.yas pas la gnon pa ni/ mi 'khrugs pa'i phyag rgya'o/ /nga nyid las g.yas pa mchog sbyin par byas pa ni/ rin chen 'byung gnas kyi phyag rgya'o/ /de nyid las lag pa gnyis bsam gtan gyi tshul du byas pa ni/ 'od dpag med kyi phyag rgya'o/ /de nyid las g.yas pa mi 'jigs pa sbyin par byas pa ni/ gdon mi za bar grub pa'i phyag rgya'o/ /lag </font><hr>323a<br><font size=+1>


@#/ /pa gnyis rdo rje bcings pa byas pa las gung mo gshibs te bsgrengs pa ni/ rdo rje sems ma'i phyag rgya'o/ /de nyid las gung mo'i tshigs dang po bkug ste rin po che'i tshul du byas pa ni/ rdo rje rin chen ma'i phyag rgya'o/ /de nyid las gung mo pad+ma'i 'dab ma ltar gdu bu'i tshul du byas pa ni/ /rdo rje chos ma'i phyag rgya'o/ /de nyid las gung mo nang du bskum pa ni/ rdo rje las ma'i phyag rgya'o/ /lag pa gnyis thal mo khong stong du sbyar ba las mdzub mo gnyis gdu bu ltar byas te mthe bo'i rtse mor mig gi tshul du byas pa ni/ sangs rgyas spyan gyi phyag rgya'o/ /rdo rje bcings pa las gung mo bsgrengs pa'i tshigs gsum par mdzub mo gnyis rdo rje'i tshul du bzung ba ni/ mA ma kI'i phyag rgya'o| |lag pa gnyis thal mo khong stong du sbyar te pad+ma kha bye ba'i tshul du byas pa ni/ gos dkar can gyi phyag rgya'o/ /lag pa gnyis thal mo khong stong du sbyar ba las mdzub mo gnyis bkug pas gung mo'i sen mo mnan te mthe bo gnyis dbus su bzhag nas cung zad bkug pa ni/ sgrol ma'i ut+pa la'i phyag rgya'o/ /lag pa gnyis thal mo sbyar te mdzub mo dang gung mo'i tshigs dbus mar gdu bu'i tshul du byas nas mthe bo gnyis glor bzhag pa 'di ni/ skul byed ma'i gzungs kyi phyag rgya'o/ /de nas rdo rje bcings pa byas pa </font><hr>323b<br><font size=+1>


las mdzub gnyis mo gnyis mthe bo'i rtse mor bkug pa 'di ni/ /rin chen sgrol ma'i phyag rgya'o/ /lag pa gnyis brkyang ste mthe bos so so'i mthe'u chung gi sen mo mnan nas lhag ma rdo rje'i mtshan nyid du byas pa 'di ni/ khro gnyer can ma'i phyag rgya'o/ /lag pa gnyis so sor khur tshur bcangs pa las mdzub mo dang mthe'u chung gnyis lug gu rgyud ltar bcings pa 'di ni/ rdo rje lug gu rgyud kyi phyag rgya'o/ /lag pa gnyis khu tshur bcangs pa las gung mo dang srin lag gnyis bsgrengs te rtse mo'i tshul du byas la gung mo'i rgyab tu srin lag bsnol la mdzub mo gnyis gdu bu'i tshul du byas pas dkris pas mthe bo gnyis mdun du bzhag pa las cung zad bkug ste kha'i tshul du byas pa 'di ni/ gshin rje gshed kyi phyag rgya'o/ /lag pa g.yon pa rdo rje khu tshur bcangs pa las khro bo'i mdzub mo snying gar bzhag ste lag pa g.yas pa thal lcag gi tshul du byas pa ni/ khro bo gzhan gyis mi thub pa'i phyag rgya'o/ /rdo rje khu tshur gnyis la the'u chud lug gu rgyud ltar mdud la mdzub mo gshibs te bsgrengs pa las ldog ste dpral bar bzhag pa ni/ rta mgrin gyi phyag rgya'o| |lag pa gnyis kyi mthe bos srin lag dang mthe'u chung gnyis kyi sen mo mnan la ral gri shubs nas dbyung ba'i tshul du byas pa ni/ 'phags pa mi g.yo ba'i phyag rgya'o// </font><hr>324a<br><font size=+1>


@#/ /lag pa gnyis rdo rje khu tshur bcas pa las rgyab sprad de mthe'u chung gnyis lug gu rgyud ltar bcings nas mdzub mo gnyis bsgrengs pa las zhags pa'i tshul du byas pa ni/ 'dod pa'i rgyal po'i phyag rgya'o/ /lag pa g.yon pa'i rdo rje khu tshur gyi mdzub mo snying gar bzhag la g.yas pa khro bo'i sor mo be tson gyi tshul du 'phyar ba ni/ be con sngon po can gyi phyag rgya'o/ /lag pa g.yon pa rdo rje snying gar bzhag la g.yas pa'i rdo rje khu tshur rdeg stangs dang bcas par 'phyar ba ni/ stobs po che'i phyag rgya'o/ /lag pa gnyis so sor khu tshur bcangs la mdzub mo dang gung mo bsgrengs te sprad nas me tog gi tshul du byas pa ni/ byams pa'i phyag rgya'o/ /lag pa gnyis thal mo khong stong du sbyar nas mdzub mo gnyis kyis srin lag gnyis kyis srin mo mnan nas ut+pal la kha phye ba'i tshul du bzhag pa ni/ 'jam dpal dbyangs kyi phyag rgya'o| |lag pa g.yon pa pang par bzhag la lag pa g.yas pa glang po che'i sna ltar byas pa ni/ spos kyi glang po'i phyag rgya'o/ /g.yon pas rdo rje khu tshur nam mkha' la bsgrengs pa lag pa g.yas pa'i sor mo ba dan gyi tshul du byas pa ni/ ye shes me tog gi phyag rgya'o/ /bzang po'i 'dug stangs su 'dug ste thal mo khong stong du sbyar te snying gar bzhag pa ni/ </font><hr>324b<br><font size=+1>


bzang skyong gi phyag rgya'o/ /lag pa gnyis chu rlabs kyi tshul du brkyang ba las sor mo rnams chu rlabs drang pa ni/ blo gros rgya mtsho'i phyag rgya'o/ /g.yon pa rdo rje khu tshur snying gar bzhag la g.yas pa mchog sbyin pa ni/ blo gros mi zad pa'i phyag rgya'o/ /g.yon pa rdo rje khu tshur pang du bzhag la g.yas pa se gol gtogs pa'i tshul du byas pa ni/ spobs pa brtsegs pa'i phyag rgya'o/ /lag pa gnyis pad+ma cung zad kha bye ba ltar byas pa ni/ mthu chen thob kyi phyag rgya'o/ /lag pa gnyis me tog 'dor ba'i tshul du byas pa ni/ ngan song thams cad spong ba'i phyag rgya'o/ /lag pa gnyis thal mo khong stong du sbyar ba las bsnun pa'i tshul du byas pa ni/ mya ngan thams cad kyi mun pa nges par 'joms pa'i blo gros kyi phyag rgya'o/ /lag pa gnyis brkyang nas 'phro ba'i tshul du byas pa ni/ dra ba can gyi 'od kyi phyag rgya'o/ /g.yas pa mchog sbyin par byas la g.yon pa zla ba'i tshul du byas ba ni/ zla 'od kyi phyag rgya'o/ /lag pa gnyis bum pa'i tshul du byas nas dbang bskur ba ni/ 'od dpag med kyi phyag rgya'o/ /g.yon pa rdo rje khu tshur byas la g.yas pa'i khu tshur nam mkha' la kun tu bskor ba'i tshul du byas pa ni/ nam mkha' mdzod kyi phyag rgya'o/ /g.yon pa sa la brkyang nas lag pa g.yas pa'i mdzub mo dang mthe bo sprad nas zhi ba'i tshul du byas pa ni/ </font><hr>325a<br><font size=+1>


@#/ /sgrib pa thams cad nges par sel ba'i phyag rgya'o/ /g.yon ba rdo rje khu tshur las khro bo'i mdzub mo snying gar bzhag la hUM zhes bya zhing / lag pa g.yas pa'i rdo rje khu tshur rdeg stangs dang bcas par 'phyar ba ni/ ri khrod lo ma can gyi phyag rgya'o/ /lag pa g.yon pa sor mo brkyang pa las mdzub mo dang mthe bo skam pas 'dzin pa'i tshul du byas la| lag pa g.yas pa khab kyi tshul gyis 'tshe bar byed pa rnams kyi kha mig 'drub pa ni/ 'od zer can ma'i phyag rgya'o/ /lag pa gnyis spyi bor sbrul mgo gdengs ka'i gdugs ltar byas nas phud ces brjod pa ni/ dug sel ma'i phyag rgya'o/ /'dod pa'i rgyal po'i phyag gnyis las mdzub mo gnyis bsgreng ba ni/ rdo rje hUM mdzad kyi phyag rgya'o/ / de nyid las g.yas pa'i khro bo'i lcags kyus dza zhes byas pas dgug pa ni/ rdo rje khro bo lcags kyus dgug pa ste/ de bzhin gshegs pa thams cad spyan 'dren ba ste rdo rje khro bo lcags kyu'i phyag rgya'o/ /rdo rje khu tshur gnyis kyi mthe'u chung mche ba'i tshul du byas pa las bsnol te 'gram pa gnyis su bzhag la/ lce ljib cing khro bo'i lta bas blta bar bya ba ni// rdo rje mche ba'i phyag rgya'o/ /de nyid las mthe'u chung gnyis bskum/ mdzub mo gnyis lcags kyu'i tshul du byas nas kha'i grar bzhag ste hUM zhes bya zhing khro bo'i lta bas lus </font><hr>325b<br><font size=+1>


gcu ba ni/ rdo rje mkha' 'gro ma'i phyag rgya'o/ /lag pa gnyis kyis rdo rje khu tshur bcangs pa las mdzub mo gnyis brkyang ste bsnol nas gyen du bteg pa ltar byas pa ni/ dkyil 'khor gyi phyag rgya'o/ /de nyid las mkhrig ma gnyis bsnol te bstod cing bteg pa ni/ sgo dbye ba'i phyag rgya'o/ /lag pa gnyis rdo rje khu tshur bsnol nas mchan khung du bsnams te khro bo'i lta bas 'gyur ba dang bcas pa ni/ gdon thams cad skrag par byed pa'i phyag rgya'o/ /lag pa g.yon brkyang ste kha sbub pa la de'i steng du g.yas pa bzhag nas lag pa gnyis kyis sor mo bskyod pa ni/ lha ma yin gyi sgyu dang 'phrul 'khor 'byed pa dang / lha ma yin gyi bu mo smrar gzhug pa'i phyag rgya'o/ /lag pa gnyis kyi mthe bo dang mthe'u chung gnyis lu gu rgyud ltar bcings te bzhag la/ lhag ma ba dan rtse gsum pa'i tshul du byas nas stang stabs dang bcas par hUM zhes bya ba ni/ khro bo rdo rje sa 'og gi phyag rgya'o/ /g.yon pa'i rdo rje khu tshur gyi khro bo'i mdzub mos bsdigs pa ni/ rdo rje bdag mo'i phyag rgya'o/ /rdo rje bcings pa las mdzub mo gnyis brkyang ste phur bu'i tshul du byas pa ni/ rdo rje phur bu'i phyag rgya'o/ / g.yas pa'i rdo rje khu tshur brdung ba'i tshul du byas pa ni/ rdo rje tho ba'i phyag rgya'o/ /lag pa gnyis rdo rje khu tshur bcangs pa las mdzub mo gnyis brkyang ste rdo rje mdud pa dor ba'i tshul du byas pa </font><hr>326a<br><font size=+1>


@#/ /ni| de bzhin gshegs pa thams cad kyi rdo rje bcing pa'i phyag rgya'o/ /lag pa gnyis kyi rdo rje khu tshur bcangs te sog le drang pa'i tshul du byas pa ni/ rdo rje sog le'i phyag rgya'o/ /lag pa gnyis thal mo zla ba'i tshul du bya ste gdong g.yogs shing brkyang la khro bo'i mig tu byas nas a la la zhes bya ba ni/ rdo rje srin mo'i phyag rgya'o/ / lag pa gnyis lu gu rgyud du bcings pa la mdzub mo dang mthe bo gnyis pad+ma'i tshul du byas pa ni/ sprin thams cad gtub pa'i char pa'i phyag rgya'o/ /lag pa gnyis khu tshur bcangs pa las mdzub mo gnyis gdu bu ltar byas te skam pa'i tshul du dpung pa brkyang ba ni/ 'khrul 'khor gyi phur ba dbyung ba'i skam pa'i phyag rgya'o/ /lag pa gnyis kyi mthe bo lag mthil du bzhag ste lhag ma rnams 'dab ma ltar g.yab cing rkang pa ya gcig sa la btsugs la/ gcig rgyab tu bskums nas khro bo'i lta bas lce ljib cing hUM phaT ces bya bas rim gyis bskyod pa ni/ rdo rje nam mkha' lding gi phyag rgya'o/ /'di bcings pa tsam gyis khams gsum khyab pa'i dug kyang skad cig gis sel bar byed do/ /rdo rje khu tshur gnyis mda' gzhu gang ba'i tshul gyis phyogs bzhir mda' bkang ste 'phangs pas pha rol dpung gzhig pa ni/ mnyes par bye dpa'i rdo rje mda'i phyag rgya'o/ /khu tshur gnyis </font><hr>326b<br><font size=+1>


las gung mo gshibs te bsgrengs ba las rin po che'i tshul du bku ga la/ mthe bo brkyang ba'i steng du mdzub mo gnyis gdu bu'i chul du byas pa ni/ sangs rgyas 'khor lo can gyi phyag rgya g.yul las sgrol bar byed pa'o/ /lag pa g.yon pa'i mthe bos sor mo mnan te gung mo bsgrangs la g.yas pas pad+ma kha 'byed pa'i tshul du byas pa ni/ ha la ha la'i phyag rgya'o/ /khu tshur gnyis kyis mthe'u chung gnyis dkris la mdzub mo gnyis gshibs te bsgrengs nas ldog la dpral bar bzhag pa ni/ rdo rje khrag 'thung gi phyag rgya ste/ dur khrod du 'jug pa na mkha' 'gro ma rnams 'jigs par byed pa'o/ /g.yon pas thod pa bzungs la g.yas pas mdung rtse gsum thogs nas ral ba bcings te zla bas brgyan cing mtshan bsgrengs la/ mig gsum pa gar byed pa ni/ gar thabs kyi phyag rgya ste/ 'di ni/ bde byed kyi phyag rgya'o/ /g.yon pa mi 'jigs par byas pa las sor mo rnams cung zad phya ste mthe bo lag mthil du bzhag /de bzhin du g.yas pa'i khu tshur dbyug to 'dzin pa ltar byas pa ni/ khyab 'jug gi phyag rgya'o/ /lag pa gnyis brkyang nas pad+ma'i tshul du byas pa ni/ tshangs pa'i phyag rgya'o/ /lag pa gnyis thal mo khong sdong du sbyar te me tog ltar byas pa ni/ ma mo rnams kyi phyag rgya'o/ /rdo rje khu tshur gnyis kyi ni/ /rgyab du mdud pa ltar 'dor zhing / /rdo rje sems ma la sogs pa'i/ /rin chen cod pan </font><hr>327a<br><font size=+1>


@#/ /phreng dbang bskur/ /ting 'dzin gnas pas 'khor lo can/ /'khor lo mnga' ba'i lha rnams la/ /sangs rgyas sa ni rab 'gengs pa'i/ /gsang pa'i mchod pa 'byung bar bsam/ /'gyur zhing cung zad 'jo tshul can/ /sgeg mo yi ni phyag rgya yis/ /gar gyi tshul du bkod nas kyang / /hUM zhes bya ba glur blangs shing / /de nas sangs rgyas kun dgyes pa/ /rdo rje rgyud ni bsgreng bar bya/ /de nas phreng chul phreng ba yis/ /lha rnams kun la bcing bar bya/ /'jo sgeg thabs la spro ba yis/ /lag gnyis bskor zhing dgrol ba dang / /g.yas nas g.yon du bskor ba yis/ /gar thabs byas la mgo la gzhag /me tog dbul ba'i tshul du ni/ /gang gis me tog thal mo sbyar/ /bdug spos rtse mo sbyar ba yis/ /gung mo gnyis ni ldog ste bsgreng / /bskor zhing bsgyur ba byas pa yis/ /mthe ba gnyis mar me'i tshul du bzhag /dung gi tshul du lag bsgyur nas/ /dung phor lta bur mchod yon dbul/ /de nas lha rnams kun la yang / /lag pa'i gar gyis byug tshul bya/ /de nas sil snyan tshul gyis su/ /lag gnyis sil snyan legs par brdung / /dung dang gling bu 'bud pa dang / /lag pa gnyis ni rnga yag g.yob/ /bsil yab tshul gyis bsil yab dang / /sor mo gnyis kyis rgyal mtshan bya/ /tshon dgye tshe na lcug phran ltar/ /bskyod cing tshon gyi phreng ba dgye/ /lag g.yon snod </font><hr>327b<br><font size=+1>


kyi tshul byas la/ /g.yas pa yis ni lha bshos dbul/ /khang pa brtsegs pa bzhag nas su/ /gos kyi tshul gyis gos rnams dang / /gdu bu ska rags rkang rgyan dang / /rna cha do shal gnas lngar bzhag /de nas gdugs kyi tshul gyis su/ /lha rdzas gdugs ni legs par gzung / /bsam gtan tshul gyis lag pa dag /nam mkha' la ni mdzes bskor na/ /sangs rgyas zhing rab 'gengs byed pa'i/ /bla re rnams pa sna tshogs 'gyur/ /grar ni pad+ma'i phreng ba dang / /dril bu g.yer ka'i dra bas brgyan/ /gsang sngags 'di ni cho ga bzhin/ /rdo rje dril bu gsil ba yis| |sgo 'phar dag kyang dbye bar bya/ /oM badz+ra g+ha N+Da ra Ni ta/ s+r+ba bud+d+ha k+She tra/ pra tsa li te/ pra dz+nyA pa' ra mi tA/ na' ta' swa b+hA be b+dz+ra d+h+r+ma hri da ya s+n+to Sha Ni hUM hUM hUM/ lag g.yas rdo rje gsor bya zhing / /sna tshogs khugs su 'gyur ba yis/ /rdo rje glu yis bstod da bya/ /rdo rje theg pas mnyes byed pa/ /'di ni don dam mchod pa yin/ /gang gis rnam rtog rnam spangs te| |byang chub sems ni rnam bsgoms pas/ /lus ngag sems ni rnam dag pa/ /de yi mchod pa bla na med/ /sems can gang gis dbu ma yi/ /theg pa gong ma ma bsgoms shing / /theg pa dman pa lhag mos pa/ /de yi mchog pa kun rdzob pa/ /sangs rgyas dbang chen grags kun gyis/ /mchod pa de dag gsan pa dang / /ngo mtshar byung ba'i spyan phye nas/ /legs so zhes ni rab </font><hr>328a<br><font size=+1>


@#/ /tu gsungs/ /e ma'o sangs rgyas thams cad kyi/ /byang chub sangs rgyas thabs su ste/ /rdo rje bsgom pa byas pa yis/ /nyon mongs med par byang chub 'thob/ /rdo rje theg chen legs pa ste/ /sangs rgyas rnams kyis bstan pa legs/ /zab cing rgya che legs pa ste/ /rdo rje rin chen kun 'dus legs/ /de nas ye shes kyi sku gsum las byung ba'i byang chub sems dpa' de dag gis sangs rgyas thams cad kyi rdo rje theg pa bsngags pa thos nas dga' bas spu zing zhes byed par gyur nas/ gtso bo rdo rje snang mdzad la/ /dga' pa'i yid kyis bstod par byed/ /thod ma med cing skye ba med/ /'gyur ba med cing gnas pa med/ /mkha' bzhin rnam rtog las grol ba/ /rtog pa rnams kyis rnam par brtags thabs su brtags pa gang yin des/ /ye shes kyi ni sras po kun/ /rdo rje theg pa bsgoms pa yis/ /sangs rgyas sa yang thob par 'gyur/ /zhes smras so/ /bde ba las 'khrungs rdo rje 'chang ba yis/ /dngos po dngos med 'byung gnas chen por mkhyen/ /dang po gang du rnam par snang mdzad ni/ /dag cing dri med blos ni oM du sprul/ /gzugs mang tshul gyis phreng bas bskor ba yi/ /sgyu 'phrul dra ba khyod la phyag 'tshal lo/ /gsung snyan yi ge kun la khyab pa yi/ /spros med gsung du 'jig rten dbang phyug bzhugs/ /mig gsum lha </font><hr>328b<br><font size=+1>


mo dang bcas 'dul mdzad pa/ /sgyu 'phrul tshul mang ldan pa 'ga' ma mchis/ /gang du bde chen rang b+h+zin rjes chags pa/ /na chung dag dang lhan cig bzhad mdzad cing / /g.yas pa'i phyag gos rdo rje gsor nas su/ /g.yon pa'i phyag gis dril bu sgra snyan 'khrol/ /lha mo mtha' dag btsun mor gyur ba yis/ /dam tshig rnams kyis bya ba byas par 'gyur/ /gcig gi lag pas kun nas 'khyud pa ste/ /gnyis pa rjes su chags phyir bde ba'i mthu/ /gsum pa mi bzod me tog phreng ba 'thor/ /bzhi pa bde ba yis ni mda' yang 'phen/ /gang zhig glu 'di len par byed pa dag /bde ba'i rdo rje can dang mnyam par 'gyur/ /'di ni/ sangs rgyas thams cad mnyes par byed pa'i rdo rje'i glu yin no/ /oM a nut+ta ra sar+b+ba pa'u dza me g+ha ud gte s+pha ra Na i maM ga ga na khaM hUM phaT swAhA/ 'di lan gsum brjod pas mchod pa'i sprin rab 'byams thams cad byin gyis brlabs par 'gyur ro/ /rgyud kyi rgyal po chen po sgyu 'phrul dra ba las/ 'di ni phyag rgya'i mchod pa rim par phye ba'i le'u ste drag pa'o// //de nas bcom ldan 'das rnam par snang mdzad chen po sku dang gsung dang thugs rdo rje'i de bzhin gshegs pa thams cad dang / byang chub sems dpa' thams cad kyis tshig mthun par sgra dbyangs gcig gis gsol ba btab pa/ bcom ldan de bzhin gshegs kun gyi/ /ye shes gces pa dri med pa/ /byang </font><hr>329a<br><font size=+1>


@#/ /chub sems ni rin po che/ /bla na med pa bshad du gsol/ /de nas bcom ldan 'das de bzhin gshegs pa thams cad kyis gsol ba btab par thugs su chud nas byang chub sems dpa' thams cad 'di skad ces bka' stsal to/ /sems ni lus kyi rnam yin la/ /lus kyang sems kyi rnam pa yin/ /sems kyang tshig gis brjod pa yin/ /de nas byang chub sems dpa' de dag gis de bzhin gshegs pa thams cad kyi sku dang gsung dang thugs kyi rnam par sbyor ba thos nas ched du brjod pa 'di brjod do| |e ma kun tu bzang po ni/ /sku gsung thugs kyi rdo rje can/ /chos rnams skye ba med pa ste/ /g.yo ba med cing gnas pa med/ /rtog pa'i dri ma spangs pa 'di/ /bskyed par bya zhes rab tu gsungs/ /de nas bcom ldan 'das de bzhin gshegs pa mi 'khrugs pas gsung spros pa med pa'i rdo rje zhes bya ba'i ting nge 'dzin la snyoms par zhugs nas byang chub kyi sems 'di gsungs so/ /dngos po 'di dag skyes te/ /chos can med cing chos nyid med/ /nam mkha' bzhin du dmigs med pa'i/ /byang chub sems 'di brtan pa yin| |zhes bcom ldan 'das rdo rje de bzhin gshegs pa mi 'khrugs pas gsungs so/ /de nas bcom ldan 'das de bzhin gshegs pa rin chen 'byung gnas kyis de bzhin </font><hr>329b<br><font size=+1>


gshegs pa thams cad dmigs su med pa rdo rje zhes bya ba'i ting nge 'dzin la snyoms par zhugs nas byang chub kyi sems 'di gsungs so/ /dngos po 'di dag dngos med de/ /chos kyi mtshan nyid spangs pa yin/ /bdag med chos las legs byung ba'i/ /byang chub sems 'di brtan pa yin/ /zhes bcom ldan 'das de bzhin gshegs pa rin chen tog gis gsungs so/ /de nas bcom ldan 'das de bzhin gshegs pa 'od dpag med kyis rdo rje me lce 'bar ba zhes bya ba'i ting nge 'dzin la snyoms par zhugs nas byang chub kyi sems 'di gsungs so/ /dngos po skye ba med pa ste/ /dngos po ngo bo yod min pas/ /nam mkha'i go 'phang thob bo zhes/ /dngos rnams rab tu brjod pa yin/ /zhes bcom ldan 'das 'od dpag med kyis gsungs so/ /de nas bcom ldan 'das de bzhin gshegs pa don yod grub kyis de bzhin gshegs pa thams cad kyi bla ma'i yang bla ma ye shes rdo rje zhes bya ba'i ting nge 'dzin la snyoms par zhugs nas byang chub kyi sems 'di gsungs so/ /chos rnams rang bzhin 'od gsal ba/ /gzod nas dag cing rnyog pa med/ /sems can med cing srog kyang med/ /sangs rgyas nyid dang byang chub med/ / rmi lam sgyu ma ltar snang ba'i/ /byang chub sems 'di brtan pa yin/ /zhes bcom ldan 'das de bzhin gshegs pa don yod grub kyis gsungs so/ /de nas yang byang chub sems dpa' </font><hr>330a<br><font size=+1>


@#/ /sems dpa' chen po byams pa la sogs pas de bzhin gshegs pa thams cad kyi sku dang gsung dang thugs kyi rdo rje de bzhin gshegs pa'i byang chub kyi sems rnam par dag pa mthong nas ngo mtshar skyes par gyur te ched du brjod pa 'di brjod do/ /kye ma'o sangs rgyas kye ma'o dag /kye ma'o chos ni bstan pa rnams/ /bdag med chos las legs byung ba| |byang chub sems la phyag 'tshal lo/ /byang chub sems ni sgom pa yis/ /mi g.yo yi ge las byung ba/ /rmi lam sogs ltar ma skyes pa/ /byang chub sems la phyag 'tshal lo| |gnas dang stan ni rnam bsams te/ /sems dpa'i skyil mo krung bcas nas/ /dang por rang bzhin dag pa'o zhes/ /dag pa'i chos kyi tshul la gnas/ /yid kyis hUM byas rdo rje can| |rdo rjes sems mas byin gyis brlabs/ /rin chen lus su nga rgyal bya/ /lag pa bstod de bskor ba yi/ /lcags kyu yis ni spyan yang drang / /byon nas dang por phyogs bcings te/ / dam tshig dag kyang dbul bar bya/ /gdan rnams so sor phul nas su/ /mchod yon dbul pa'i sbyor ba bya/ /dbang bskur mtshon cha go sogs/ /sil snyan mchod sogs ngo bo bya// rnam pa kun gyis mnyes par bya/ /rnal 'byor dbang nyid can gyis brtag /rnal 'byor rnam gsum shes bya ste/ /byin gyis brlab dang yongs brtags dang / /gzugs gnyis rdzogs </font><hr>330b<br><font size=+1>


par gyur pa ni/ /rnal 'byor yin zhes sangs rgyas gsungs/ /sngags kyis byin brlabs nga rgyal bskyed/ /rnal 'byor byin brlabs yin par gsungs/ /byang chub sems ni dag pa dang / / gsang sngags sa bon bskyod pa che/ /phyag rgya'i tshogs su brtags pa yin/ /rim gyis gzugs ni rdzogs byas pa/ /de ni brtag par brjod pa ste/ /rnal 'byor cho ga yin par gsungs/ / bsdu dang spro bar byas pa las/ /rnam pa'i mchog kun ldan pa dag /skad cig ye shes kyis rdzogs pa/ /rdzogs pa'i rnal 'byor zhes brjod do/ /dang por dam tshig byin brlabs par/ / rnal 'byor spyod pa bdag gis brtags/ /rab tu rdzogs par bya ba dag /'di ni rnal 'byor cho gar bshad/ /nyon mongs dri mar byas pa'i sems/ /byang chub sems kyis dag byas te/ /de ni rang bzhin dag pa'o zhes/ /brjod cing thal mo gsum gyis sbyang / /dag gyur de nas blo yis ni/ /sems la so sor brtag par bya/ /sems la so sor brtags nas kyang / /phyi rol rang bzhin stong par bya/ /sems tsam la ni gnas nas su/ /byang chub tshogs kyi bag chags des/ /bsgom par bya ba'i ngo bo dag /zla pa'i gzugs su rnam par brtag /lag pa'i pad+ma la gnas pa'i/ /oM gyi myu gus bskrun pa yis/ /yan lag kun gyi mtshan nyid gzugs/ /rdo rje skur ni bsgom par bya/ /AHzhes bya ba spros med gsung / /sems ni hUM zhes bya ba </font><hr>331a<br><font size=+1>


@#/ /sprul| |yi ge gsum gyi byin brlabs lus/ /snying la gnas pa'i zla ba'i gzugs/ /de la rang gi yi ge ni/ /mdog gzugs 'od ni phyed bsams te/ /nga rgyal bskyed nas de la ni/ /rdo rje'i bdag nyid bdag yin brjod/ /rgyan kun yongs su rdzogs pa dang / /'od kyi dkyil 'khor gyis brgyan pa/ cha shas kyi ni dra ba can/ /ye shes sems dpa' rdzogs par brtag /de 'og lag pa'i phyag rgya yis/ /go cha mtshon cha la sogs bya/ /rdzogs sangs rgyas lngar dbang bskur te/ /cod pan phreng ba rnams kyis klubs/ /de nas de 'og sangs rgyas kyi/ /sprul pa mdzad pa'i sgyu ma spro/ /yan lag bzhi pa'i dbus ldan pa'i/ /phyogs bcur khro bo bcu dag dang / /snyems ma dang ni rtogs ldan ma/ /mtshon cha mda' dang rtse mo can/ /sgyu ma'i cha byad rnam mang po/ /rnam par 'phrul par byin gyis brlabs/ /kun la khyab par byed pa yi/ /sna tshogs dbus su bzhag nas ni/ /de nyid chen po bdag nyid lngas| |phyogs bzhi'i 'khor lo khyab byas te/ /dga' bas dga' byed bzhi yang sbong / /ting 'dzin kun gyi dga' ba la/ /longs par spyod pa'i sngags pa yis/ /'khor lo la ni rdo rje'i gzugs/ /pad+ma'i gzugs la de dag ni/ /'khor lo kun las pad+ma yi/ /ngo bo yis ni rol ba dang / /e zhes bya ba 'phos pa las/ /mdog ldan bdag nyid gzugs su bya/ /mdzes </font><hr>331b<br><font size=+1>


pa'i rgyan nyid kun ldan pa/ |nyid stan la bzhugs par blta/ /sgeg mo glu dang gar rnams dang / /rgyal mtshan la sogs tshon dgye dang / /sil snyan mchod pa'i rnam pa ni/ /sna tshogs rnams kyis mchod par bya/ /rnam pa kun dang ldan par ni/ /bdag nyid kyi ni lus bsgoms nas/ /myur ches pa dang bul ba dang / /mi gsal gug skyed nyams pa dang / /rtog pa ngan pa rnam spangs nas/ /de nas gsang sngags bzlas brjod bya/ /bzlas pas skyon lag g.yas gyis/ /bsgrims te rdo rje gsor nas kyang / /g.yon pas rdo rje dril gsil zhing / /rdo rje glu tshul sna tshogs dang / /ba dan tshul du bya bas mchod/ /bzlas pa'i mjug ni brtul nas kyang / /gshegs su gsol te bdag nyid bsrung / /lus dang ngag dang sems bsgoms te/ /brtan por ci bder 'gro bar bya/ /bar chad du ni gyur na yang / /yi ge brgya pas byin gyis brlab/ /de ltar bsgom pas sgom byed pa/ /rdo rje theg pas rab rdzogs pa'i/ /byang chub des ni myur thob nas/ /zla nyi'i dkyil 'khor lta bur snang / /sna tshogs las kyi thog 'dren cing / /rin chen rgyal mtshan rab dga' byed/ /chags chen pad+ma'i gdung rgyud can/ /gnas chen 'jig rten dbang phyug 'gyur/ /dpal ldan rig sngags kun gyi gtso// dga' chen rdo rje lcags kyur 'gyur/ /sgyu ma bshig pa kun shes shing / /dregs pa 'joms byed khro bor 'gyur/ /rgyud kyi rgyal po chen po sgyu 'phrul dra ba las/ /'di ni/ /byang chub kyi sems </font><hr>332a<br><font size=+1>


@#/ /sgom pa'i ye shes sgrub pa rim par phye ba'i le'u ste bdun pa'o// //de nas bcom ldan 'das rnam par snang mdzad chen po rdo rje'i de bzhin gshegs pas de bzhin gshegs pa thams cad kyi bka'i 'khor lo rab tu sgrub pa'i ye shes kyi rdo rje zhes bya ba'i ting nge 'dzin la snyoms par zhugs nas phyi nang gi 'khor lo thams cad rab tu sgrub pa'i ye shes kyi las kyi sbyor ba rab 'byams 'di bka' stsal to/ /lha ni gang yang rung ba zhig/ 'khor lo'i dbus su bzhag na ni/ /de yi ming smos rdo rje yi/ /dkyil 'khor yin zhes sangs rgyas gsungs/ /zhi dang rgyas dang drag shul dang / /rang gi las la sbyor ba na/ /'khor lo'i rgyal po rnam bsgoms nas/ /bdag po nyid kyis rab tu bya| |zhi ba spyan dang skul byed mas/ /rgyas la rin chen gos dkar mo/ /dbang la sgrol ma lu gu rgyud/ /yams dang gnod pa gzhig pa'i phyir/ /'od zer can dang ri khrod mas// drag shul spyod la mA ma kI/ /khro gnyer can ma dag gis bya/ /'di dag shes rab rol ba ste/ /chags pa'i rdo rjes rdzas chags pa/ /gsang sngags de nyid kyis bskul na/ /gdon mi za bar 'phrin las mdzad/ /spyan dang lha mo skul byed ma/ /dbang po zhi ba zla 'dra ba/ /phyag gnyis na ni bgrang phreng dang / /ril ba spyi blugs kyis brgyan pa/ /dang por ting 'dzin </font><hr>332b<br><font size=+1>


gyis sprul nas/ /bum pa zla ba'i mdangs ldan pa/ /bdud rtsi'i 'o mas rab bkang ste/ /lag gnyis pad+ma'i gdub mchog gis/ /rnam par snang mdzad zhabs drung du/ /nad pa la ni gdugs par bsam/ /rin chen ma dang gos dkar can/ /sku tshe kha dog ser po ste/ /lha mo ser mo snang ba la/ /phyag na rin chen pad+ma can/ /dang por ting 'dzin gyis sprul nas// yid 'ong rgyal ba'i 'dod pa yis/ /rin chen 'byung ba'i zhabs drung du/ /bdud rtsis rab tu dgang ba dang / /bla med rin chen khar bab na/ /rgyas pa mtshungs med mdzad par 'gyur/ / lha mo sku chen mdog dmar ba/ /sgrol ma de bzhin lu gu rgyud/ /kun nas 'od dmar 'bar ba can/ /lha rdzas lcags kyu zhags thogs pa/ /rab tu bzhad cing spyan phye bas/ /'od dpag med pa'i zhabs drung du/ /bsgrub bya rgyags pas myos pa dag /bkug ste mda' yis bsnun na ni/ /skad cig nyid la dbang du mdzad/ /mi ngas gnod pa gzhig pa'i phyir/ /sku chen nam mkha'i kha dog can/ /'od zer can dang ri khrod mas/ /rdo rje don yod zhabs drung du/ /mkhas pas sngar bshad tshul du ni/ /bdud rtsi yis kyang rnam par bzlog /lha mo khro gnyer mA ma kI/ /margad lta bu'i mdog can ma/ /hUM zhes bya ba'i sgra sgrog pa/ /rdo rjes bsdigs pas brtson pa yis/ /rdo rje mi 'khrugs zhabs drung du/ /khros nas rdo rje'i me yi char/ /'bebs </font><hr>333a<br><font size=+1>


@#/ /par rnam par bsam par bya/ /rdo rje rab tu 'bar ba des/ /bsgrub bya tshig nas mog ces byed/ /sbyor ba 'di yi mod la ni/ /de ni 'chi bar 'gyur ba'am/ /yang na lus ni 'jig par mdzad/ /byin brlabs dam tshig dbang bskur la/ /rdo rje sems ma rin chen dang / /chos dang rdo rje las ma bzhi/ /sbyor ba rnams ni rab tu sbyar/ /sems dpa' chen po bcu drug kyang / /bla med 'khor lo byed pa ste/ /rang gi phyogs nas las byas na/ /'bras bu don yod sbyin par byed/ /khro bo'i lus la legs gnas te/ /khro bo'i rgyal pos byar bar bya| |dam tshig la sogs cho ga bzhin/ /der ni rdo rje bsgoms nas bskul/ /rkang ba'i rjes kyi sa blangs la/ /dur khrod thal ba dag dang bsre/ /de yi ras blangs mi rus dang // chu 'gram gnyis kyi sa dag ni/ /brtags nas lung bong gcin gyis sprul/ /de las dgra bo'i gzugs byas la/ /de tshe gzugs brnyan bcing bar bya/ /dug dang ske tshe lan ch+wa dang / / 'bru mar tsha ba rab bsres te/ /dgra bo tsha ba bskyed pa'i phyir/ /de yis lus nang rab tu dgang / /de nas rnam shes rlung 'dra ba/ /lcags kyu yis ni bkug nas kyang / /srin bu me khyer 'dra bcug ste/ /zhags pa yis ni dam du gzung / /de ni rdo rje sgrog tu gzhug /bsgrim nas de yi ming smos te/ /dgra bo'i lus ni ma lus par/ /bo son cha yi tsher mas dbug/ </font><hr>333b<br><font size=+1>


mi rus las byas phur bu 'am/ /yang na seng ldeng las byung bas/ /dbral ba snying mgrin dbung mgo gnyis/ /gnas lnga dag tu bsgrims te gdab/ /nim pa'i shing la sbar ba yis/ /me sbar ba la bskam par bya/ /mkhas pas rkang pa nas brtsams te/ /mtshon cha rnon pos gtubs nas ni/ /'bar ba'i lus can khros pa yis/ /de yi dum bu sbyin sreg bya/ /las 'di la ni lhag par yang / /rus spal gyi ni rkang thabs sbyar/ /nyi ma'i gung ngam nam phyed na/ /las 'di nyid ni bsgrub par bya/ /las 'di byas nas nges par ni/ /gang zhig rgyal bas bsrungs na'ang des/ /nges bar 'chi na khyab 'jug dang / /lha chen tshangs pas ci zhig smos/ /phyi rol gyi drag shul spyod pa'i go cha'o/ /gsod pa'i ye shes las sprul pa/ /nang gi yang ni bshad par bya| |bsgrub bya yid kyis bsrungs nas su/ /cho ga bzhin du dgug par bya/ /lag na ral gri mtshon cha dang / /be chon rdo rje gtun shing zhags/ /lag na 'khor lo mda' gzhu can/ / khro bo sna tshogs bsnams pa des/ /sgrub bya zhags pas bcings nas su/ /rdo rje yi ni khro bo yis/ /lho yi phyogs su khrid pa dang / /rdo rje gzhan gyis brdeg pa dang / /de ni ral gris gtub pa dang / /sgyu ma lang long nar bar bsam/ /oM hUM badz+ra rAk+Sha sa b+hak+Sha ya tha phaT/ rdo rje srin mo bsgoms nas kyang / /bya rog wa dang bya rgod kyis/ /kun nas yongs su bskor nas su// </font><hr>334a<br><font size=+1>


@#/ /de dag zang thob byed par ni/ /sgom zhing ming nas skul bar byed/ /rlung gi dkyil 'khor la gnas pa'i/ /rdo rje rnga mo rnams bsams te/ /bsgrub par bya bar yongs brtags pa/ /de yi rgyab tu zhon nas su/ /rdo rje khro bos gzir bzhin du/ /lho phyogs su ni bkri bar bya/ /de yi rkang rjes sa la ni/ /rlung gis gtsubs pa'i shing lo la/ /de yi ming nas brjod byas te/ /rdo rje sna yon drung du sba/ /de lta bur ni sbyor ba'i las/ /bsgoms shing cho ga bzhin byas na/ /brgya byin nyid kyang bskrang 'gyur na/ /sa steng skye bo smos ci dgos/ /de mi gsang sngags dang spel te/ /'jug pa'i sgro la bris nas ni/ /dge sbyong bram ze'i skras dkris te/ /sa yi 'og tu bskos nas gzhug /rdo rje khro bo gnyis kyis ni/ /'thab mo 'gyed du 'jug par bya/ /de ltar bsam pa'i sbyor ba yis/ /'dod pa bzhin du dbye bar 'gyur/ /hUM zhes bya bas gang ba yi/ /rdo rje phra mo bsgom byas nas/ /sna yi rtse mo nas bton te/ /bsgrub bya'i lus ni dgang bar bya/ /lus kyi tshigs ni thams cad du/ /sna tshogs rdo rje bcings nas su/ /rdo rje 'bar ba 'phros gyur pa/ /des ni lus kyang bskam par bya/ /rdo rje mkha' 'gro ma bsgoms te/ /kun nas kyang ni gzhig bar bya/ /oM badz+ra DA ki nI a mu ka s+ya rak+ta A kaR+Sha tsa sha ya hUM phaT/ sbyor ba'i rim pa 'di yis ni/ /bskams 'gyur 'di la the tshom med// </font><hr>334b<br><font size=+1>


mkhas pas rlung gi phyogs song te/ /dkyil 'khor 'grub bzhir byas nas ni/ /spos kyi thig le bdun byas te/ /de dag kham pa'i phor ba dgab/ /de ni ri rab thams cad nas/ /rtse mo brgyad par sprul byas te/ /rdo rje 'phro bas brgyan pa yis/ /de dag rnams ni mnan par bya/ /yaM zhes bya bas bskyed pa'i rlung bdun rnams/ /laM zhes bya bas mtshan ma dbang chen gyi/ /nang du rlung rnams nges par chud par bya/ /de lta'i sbyor bas 'jig pa'i rlung yang bcings/ /pad+ma 'dab brgyad bsgoms nas de'i 'dab la/ /klu brgyad bkod dbus me tshogs 'bar ba can/ /rdo rje khro bo'i sku yi zhabs mthil gyis/ /klu rnams mnan na char sprin char ba 'bebs/ /hUM zhes bya ba gnyis dbus klu rnams kyis/ /snying po yongs bcug spel mas gzir nas su/ /hUM zhes bya ba bzlas brjod byas nas su/ /'jig dus char ba lta bu char ba 'bab/ /nyi ma'i mdog ltar dmar po'i 'od bzang zhal/ /nam mkha' khyab par rnam par gdangs nas ni/ /kun nas char chus yongs su gang ba'i sprin/ /hUM zhes bya ba'i 'bar ba'i lce yis bldag /dbugs rngub pa yis bkug nas 'byung ba yis/ /shing bal bzhin du rab tu gtor bar bya/ yang na rang gi phyag rgya tshogs 'bar ba/ /btang bas skad cig la ni bcad gtubs te/ /hUM zhe bya bas bsdigs pa byas na ni/ nam mkha' dag kyang ston ka'i dus ltar snang / /me yi dkyil </font><hr>335a<br><font size=+1>


@#/ /'khor la gnas snang mdzad kyis/ /zhabs drung dpral dbyes nas byung mi g.yo bran/ /bdud las rnam rgyal phyag drug mda' gzhu zhags/ /ral gri 'khor lo rdo rje char 'bebs pa/ /khro bo grangs med pa yis yongs bskor nas/ /bgegs rnams sreg mdzad hUM gi sgras bkang nas/ /'jig rten gsum bo gang ba'ang rnam par 'jig /rkang rjes sa dang mi yi khrag dag las/ /mi yi gzugs byas mi rus phur bu la/ /'od zer can gyi gsang sngags bsgrags pa yis/ /lan grangs nyi shur mngon bsngags mig tu gdab// tshogs kyi bdag po'i khar ni ming bcug gnas/ /phyi bzhin rdo rje gtun shing dag gis brdung / /oM sum+b+ha badz+ra mu sa le na/ /tsur+N+Na ya na ra b+hi big+h+na na hUM phaT/ las 'di bsams pas mod la ni/ /me yi bgegs kyang bzlog par 'gyur/ /stang zil kha dog lta bu nam mkha' lding / /lus la sprul stong dag gis brgyan byas pa/ /mkha' la 'dug nas gdengs ka stong ldan pa'i/ /klu brgyan dag dang char sprin rnams la bsgo/ /brgya byin bka' ni de dag gis thos nas/ /sprin tshogs bum ba'i char gyis me yang gsod/ /nam mkha' lding gis 'dab mas bkab nas ni/ /mchus brkos chu klung gis ni mtshams kyang bcad/ /oM badz+ra nA rA ya Na/ nir ba bA ya/ ma ha ni ba ma mu me g+he hUM/ zhal ras gsum ba ston ka'i zla ba'i </font><hr>335b<br><font size=+1>


mdog /phyag bzhi 'od dmar sna tshogs 'bar ba'i 'od/ /lha mo bzhi ba snyems ma byams ma dang / /chu srin rgyal mtshan me tog rol bas bskor/ /g.yas pa'i phyag gis rdo rje legs gsor zhing / /g.yon pas rdo rje dril bu sgeg par bzhag /ldem bag 'jo sgeg tshul gyis rol ba ste/ /sems dpa' 'byung ba'i sprin rnams rnam par 'phel/ /rnam pa kun gyis rnam brgyan cing / /rin chen cod pa na dbang bskur bas/ /nam mkha' la ni 'bab pa yis/ /thog thog rnam par zlog par byed/ /oM ma hA puk+ka badz+ra/ /che ge mo dza zhes bya ba dang / hUM zhes bya ba nas pU ra Ta ban+d+ha hUM phaT/ sbyor ba 'di ni byas pa yis/ /bla med byang chub rgyas par 'gyur/ /de nas bcom ldan 'das rdo rje'i de bzhin gshegs pa rnam par snang mdzad chen po/ /mi 'khrugs rin chen 'od dpag med/ /don yod gsang sngags rgyal rnams dang / /bzang po rnam pa bcu drug po/ /kun dang drag po'i ting 'dzin la/ /gnas pa yis ni khro bo dang / gsang sngags rdzogs mdzad rig rgyal ma/ /rnam pa kun dang ldan pa dag /rims bral rang gi ting 'dzin gnas/ /thams cad ldan pa'i khor rnams la/ /gzigs pa chen po rnam gzigs nas/ /sku gsung thugs kyi rdo rje can/ /smin ma mdzes par bskyod nas su/ /yan lag 'phrog pa'i 'dzum bstan nas/ /thugs kyi sems ni dga' bar mdzad/ /dga' bar mdzad pa'i mod la ni/ /sangs rgyas mchod </font><hr>336a<br><font size=+1>


@#/ /kun gyis mchod pa/ /shes rab chen po'i thog 'dren pas/ /bsgrims te so sor gsor nas des/ /bde chen ting 'dzin la gnas te/ /ldem pag 'jo tshul gyis bltas nas/ /lag gnyis pad+ma'i tshul gyur te/ /spyi bor thal mo sbyar byas nas/ /ye shes lam ni rab ston pa/ /rgyal chen rnam par snang mdzad la/ /lag na rdo rje stobs po che| |yid rgyas pa yis tshig gsol ba/ /ci slad rnam pa thams cad du/ /zur gyis rnam par gzigs pa dang / /smin ma bskyod byas 'dzum mdzad pa/ /ye shes rnam par bsgyings pas gsungs/ /byang chub chen po'i rdo rje can/ /lag na rdo rje gsol mod la/ /brtan zhing zab pa'i gsung gis ni/ /sangs rgyas rnams kyi rol pa bshad/ /sgom pa'i lam la legs byung ba/ /rdo rje ye shes rnams kyi thabs/ /bde bas byang chub thob 'gyur ba/ /sangs rgyas kun dang sangs rgyas kyi/ /rje su 'bran ba'i 'khor nyon cig/ gang la dngos rnams dngos med cing / /mtha' gnyis kyi ni mtshan ma med/ /dbus la'ang spyod pa med pa dag /dus gsum 'das pa'i nam mkha' 'dra/ /thabs dang shes rab rnam spangs pa/ /de la byang chub ji ltar rtogs/ /rtogs bar 'dod pa de dag ni/ /thabs rnams nga yis bshad par bya/ /phung po dngos po yong med pa'i/ /byang chub sems </font><hr>336b<br><font size=+1>


ni grogs gyur pa/ /spro ba dang ni btung ba yis/ /sku gsum mchog ni mchod par bya/ /sems kyis sku ni 'thob 'gyur zhing / /sems kyis chos rnams bstan pa yin/ /sems kyis byang chub 'thob 'gyur bas/ /de bzhin nyid kyi rnam par bsgom/ /sems ni sgyu ma'i rnam pa ste/ /byang chub kyang ni sgyu ma 'dra/ /dper na sgyu ma'i mkhan po 'gas/ /gyo mo la ni/ sngags bzlas te/ /legs par byas pa'i gzugs dag la/ /sbyor ba goms pas bsnun na ni/ /rkang bzhi pa la sogs pa'i gzugs/ /zhen pa'i sems la snang bar 'gyur/ /de bzhin bsod nams ye shes las/ /byung ba'i tshogs kyis sgom pa'i sems/ /sems can rnams kyi bsam pa la/ /bla med byang chub snang bar byed/ /dngos po don dam mi shes pa// phyi rol dngos la mngon zhen pas/ /ngan par rtog pa'i rnam rtog gis/ /rin chen sems 'di dri mar byas/ /'byung ba chen po bzhi rnams dang / /dngos po thams cad lngan zhes gsungs/ /de la gtsang dang mi gtsang sogs/ /mi shes pa yis yongs su brtags/ /bdag tu 'dzin pa'i mngon zhen pas/ /don dam phyi rol byas pa yi/ /theg pa dman pa rnams kyis ni/ /bla med byang chub ji ltar 'thob/ /byang chub rnam pa gnyis gsungs te/ /lhag ma dang bcas lhag ma med/ /lhag bcas phung po'i ngo bo ste/ /nyon mongs pa rnams yongs su bsregs/ /lhag med pag </font><hr>337a<br><font size=+1>


@#/ /chags med pa ste/ /mkha' ltar dri ma med pa yin/ /bla med byang chub 'di ltar bur/ /sangs rgyas kun gyis rnam bar bshad/ /de yi byang chub spel ba'i phyir| |las kyi tshul ni sna tshogs yin/ /rnal 'byor can gyi gsang sngags gang / /ye shes sems dpa'i zhabs drung du/ /rtag tu mnyes byas ma grub pa'i/ /lhag ma nga yis bshad bya ste/ /de ni bde blag thabs kyis su/ /tshar bcad nas ni sgrub pa bshad/ /rdo rje lcags kyu rgyal po che/ /rdo rje zhags pa rab gdung byed/ /rdo rje khu tshur gzi brjid che// rdo rje phur bu rnams 'dril byed/ /rdo rje tho ba rdung ba ste/ /rdo rje nag mo char 'bar ba/ /lha rnams kun la 'jigs ba skyed/ /phyag rgya rnam pa sna tshogs 'di/ /bsgoms nas las la sbyar na ni/ /dam tshig rgyal bas bstan pa'i phyir/ /mtshungs pa med pa'i las byed do/ /gsang sngags rig pas hUM zhes pa'i/ /lcags kyu btang nas zhabs drung dgugs// 'di ni gal te sangs rgyas sam/ /rdo rje 'chang ba'i snying las 'gugs/ /dam tshig gis ni zhugs pa dang / /rdo rje bcing bas bcing bar bya/ /rdo rje khu tshur gyis bzung nas/ /rdo rje nag mos kun tu bsdigs/ /rdo rje yi ni phur bu yis/ /gzugs brnyan gyi ni gnas lnga po/ /dpral ba mgrin pa snying ga dang / /de bzhin dpung pa gnyis su gdab/ /rdo rje thobs brdung </font><hr>337b<br><font size=+1>


bar bya| |cho ga'i sbyor ba 'di yis ni/ /sangs rgyas nyid kyang nges par gnon/ /bsdigs la sogs pa'i sbyor ba yis/ /gzugs brnyan mig yor gyur ba dang / /sangs rgyas byang chub rab rdzogs pa'i/ /dngos grub de tshe sbyin bar mdzad/ /'di ni mthu yis grub pa yi/ /sbyor ba gcig pu gsang chen yin/ /de nas thams cad dang ldan pa'i 'khor de dag gigs gsang ba'i sgrub pa thobs nas mgrin gcig tu thams cad kyis legs so zhes bya ba gsol to/ /gtso bo rdo rje rnam snang mdzad/ /dpa' bo chen po legs so zhes/ /zab mo chos kyi mchog gyur pa/ /dam ba bshad pa mdzad pa legs/ /sems can phan phyir thugs rje yi/ /lcags kyus kun nas 'bar ba legs/ /bdag med chos rnams sgrub pa yi/ /ye shes snying khu 'bar ba legs gsang chen thams cad bstan pa yi/ /rdo rje theg pa nges par gsungs/ /theg pa'i tshul 'di la gnas na/ /bla med byang chub bde bar thob/ /oM badz+ra aM ku sha A kaR+Sha ya hUM/ oM badz+ra pA sha ban+d+ha hUM/ oM badz+ra Tak+ki rA dzA ya hUM/ oM badz+ra muSh+Ti gr-ih+na hUM/ oM badz+ra kI la ya kI la ya hUM/ oM badz+ra mud ga ra A ko Ta ya hUM/ ye shes kyi snying khu'i snying po can du gyur pa'i gang sngags dag pa mchog tu gyur pa don yod pa'i las 'di dag su la yang bstan par mi bya'o/ /rgyud kyi rgyal po chen po sgyu 'phrul 'dra ba las/ /'di ni/ /sbyor ba'i thabs kyis sgrub pa'i rim </font><hr>338a<br><font size=+1>


@#/ /par phye ba'i le'u ste brgyad pa'o// //de nas bcom ldan 'das rdo rje'i de bzhin gshegs pa rnam par snang mdzad chen pos sbyor ba'i las thams cad kyi rjes su 'brang ba'i rdo rjes bya ba'i ting nge 'dzin la snyoms par zhugs nas dbab pa la sogs pa'i las bya ba 'di bshad do/ /oM zhes bya ba mgor bzhag ste/ /AH ni bzhin gyi pad+ma la/ /hUM ni bskul nas snying gar bzhag /yaM ni rlung gi dkyil 'khor la/ /bzhag nas bsgrims te btegs byas nas/ /'gro ba dang ni gnas pa yi/ /'gro ba thams cad 'bab par 'gyur/ /dbab snod skul byed gzugs de yi/ /gzugs kyi ngo bor bsams nas su/ /rdo rje 'chang ba'i nga rgyal gyis/ /gsang sngags snyems dang bcas par bklag /brjod par bya ba thogs pa med pa'i phreng ba ni/ na maHsa man+t+ra bud+d+ha nAM/ samya k+saM bud+d+ha ko TI na na/ tad+ya thA/ oM tsa le tsu le tsun+de swAhA/ brtson 'grus chen po thogs pa med par 'dul ba/ stobs che ba/ pha rol gnon pa che ba/ phyag na ral gri dang / tho ba dang / dgra sta dang / zhags pa bsnams ma/ khro mo chen mo/ khro bo'i dbang phyug ma/ drag po'i gzugs can ma| zhal ras mtha' yas pa/ phyag stong ma/ mi pham ma/ gzhan gyis mi thub ma/ don yod pa/ gdul bar dka' ba/ mig stong ma/ de bzhin gshegs pa thams cad kyis </font><hr>338b<br><font size=+1>


byin gyis brlabs ma/ lha thams cad kyis phyag byas shing mchod pa rab tu grub ma/ rdo rje'i sen mo can/ rdo rje rdo rje 'dren ma/ rdo rje'i mtshon cha can/ rdo rje'i sku can ma/ rdo rje spyan gdangs pa'i stang stabs can/ /drag shul can ma lags kyang drag shul can gyi gzugs can du bsgyur bar snang ba/ sku rdo rje dang bai DUR+Yas brgyan ma/ oM b+ha ga ba ti tsun+de druM druM druM druM| mr-i mr-i/ ru ru/ sru sru/ ru ru/ gr-ih+Na gr-ih+Na/ A be shaya A be sha ya/ gr-ih+NA pa ya gr-ih+NA pa ya/ sa ra sa ra/ mA ra ya mA ra ya/ ha ra ha ra/ b+hany+dza b+hany+dza/ ma ra ma ra/ mA ra ya mA ra ya| pa tsa pa tsa/ da ha da ha/ gr-ih+Na gr-ih+Na/ sngang ba'i gdon dang / rims zhag gcig pa dang / /zhag gnyis pa dang / zhag gsum pa dang / zhag bzhi pa dang / rtag pa'i rims dang / yud tsam pa dang / 'byung po dang / ro langs dang / gnod sbyin dang / srin po dang / grul bum gyi gdon dang / mngal nas skyes pa dang / las las skyes pa 'gro ba dang gnas pa 'di dag dang / sdang ba gang dag bdag la 'tshe ba thams cad/ sA d+ha ya sA d+ha ya/ mar d+ha ya mar d+ha ya/ sho Sha ya sho Sha ya/ ta pa ya ta pa ya/ u pa d+ha ya u pa d+ha ya/ ha na ha na/ badz+reN sa ra sa ra daN+De na/ ma ra ma ra/ khang+ge na hUM hUM hUM/ tsuM tsuM tsuM/ tri tri tri/ oM tsa le tsun+de sarba sA d+ha ya swAhA/ de nas rdo rjes bskul nas su/ /rdo rje dril bu gsil bya zhing / /rdo rje bcing ba bskyod par bya'o/ /dbang chen dkyil 'khor la </font><hr>339a<br><font size=+1>


@#/ /gnas oM/ /dbus su pad+ma 'dab brgyad dang / /'brel ba'i pad+ma bzhag nas su/ /AHzhes bya ba brgyad kyis brgyan/ /dbus su bsgrub bya bzhag nas su// hUM bzhi yis ni mdzes par bya/ kham phor sbyar nang bcug ste/ /steng du rdo rje 'chang bas mnan/ /sgom zhing gsang sngags skul tshig gis/ /bzlas brjod dag ni bya ba dang // ba zhes bya ba'i theg pa yis/ /kun nas kyang ni bkri bar bya/ /'di ni sku gsum las byung ba'i/ /lha dang mi kun mnan par 'gyur/ /sngags la mkhas pa'i bdag nyid ni/ /kha dog dmar po rdo rje can/ /'dod chags che dang ldan pa'i gzugs/ /'dod pa'i lha dang lhan cig bsam/ /sku gsum ldan ba mda' thogs shing / /g.yon pa yis ni gzhu yang bzung / / oM hUM bud med spyi bor bsam nas ni /'dod pas snying zag dregs bdo ba/ /mdog dmar thal mo sbyar nas ni/ /'dud bzhin du ni mdun bzhag ste/ /rdo rje mda' yis bsnun na ni/ / pad+ma dag nas zil ba 'dzag /rdo rje mda' yi sbyor ba yis/ /'dod chags can mdzag par 'gyur/ /rnal 'byor can gyis dbang bya'i phyir/ /'dod chags rdo rje can yang bsgom/ mi thod las byas cang te'u la/ /spre'i pags pa g.yogs nas ni/ /ngos nyid la ni pad+ma bri/ /bud med khrag gis 'dzag par bya/ /de yi dkyil du phreM bris te/ /mi yi skra yis </font><hr>339b<br><font size=+1>


btags nas ni/ /mthing ril gyi ni rkang rus kyi/ /phreM hUM ming nas brjod cing brdung / /lam gyi bzhi mdor dkyil 'khor ni/ /rkang pa g.yon pa'i mthe bos bris/ /grar ni bu mo zas sbyin ma/ /'gugs par brtson pa'i lcags kyu bya/ /gtso bo khrag 'thung cha lugs kyis/ /gzugs can gyis ni rting pas brdung / /'dis ni khams gsum rnam gnas pa'i/ /bu mo zas sbyin 'gugs par 'gyur| |gang yang rung ba'i gzugs brnyan la/ /gnas pa yis ni nga rgyal gyis/ /rnal 'byor 'khor lo rdzogs gyur na/ /tshig gi rnam pa tsam gyis kyang / /lha dang lha min mi la sogs/ rnal 'byor can gyis thams cad byed/ /gang tshe dbang nyid la gnas pa/ /de tshe thams cad mngag gzhug 'gyur/ /bltas ba tsam gyis 'chi ba 'am/ /de tsam gyis kyang gcod pa'i mchog /sgyu ma'i ye shes kyis bskul nas/ /rnal 'byor can gyis glu dang gar/ /ji lta ji ltar bsgoms byas pa/ /de ltar 'gro ba rab tu byed/ /sbyin sreg de nyid gnas pa'i/ /me yi lha ni zhal yin pas/ /sna tshogs las rnams grub byed pa'i/ /sbyin sreg las ni rab tu bshang / /sbyin sreg gis ni lha rnams tshim/ /tshim par gyur nas dngos grub ste/ /gsang sngags lhag chad gang yin pa/ /thams cad sbyin sreg dag gis skong / /de phyir sku gsum mkhas mchog gis/ /sbyin sreg rab tu bsngags par mdzad/ /gtsub shing las ni byung ba'i me/ /dge ba yi ni </font><hr>340a<br><font size=+1>


@#/ /las rnams byed/ /gdol pa'am dur khrod las byung ba'i/ /me yis las rnams rab bsgrub pa/ /thab khung zlum bo gru bzhi pa/ /zla gam dang ni zur gsum pa| |dkyil 'khor zur gyi kha khyer la/ /rdo rje mtshan ma dag gis brgyan/ /sbyin sreg de nyid tshul rig pas/ /thab khung rnams kyi dbus su ni/ pad+mo steng gnas gtsug tor dang / /rdo rje rin chen pad+ma gzhag /ji ltar rigs par 'dug nas su/ /lag gnyis pus mo'i bar bzhag ste/ /dgang gzar mar gyis bkang nas ni/ /blug gzar bkang ste de bzhin sreg/ sbyin sreg la dgos g.yas su gzhag /g.yon du chu yi snod dag go/ las kun byed pa bzlas nas su/ /bsang gtor dang ni 'thor 'thung bya/ /ku sha'i rtse mos non pa yis/ / thabs khung khor yug bskor bar bya/ /me ni 'bar bar shes pa dang / /g.yas pas mi 'jigs mtheb bskyed cing / /gsang sngags 'di ni cho ga bzhin/ /me yi lha ni spyan drang ngo / / tshur spyon tshur spyon 'byung po che/ /lha yi drang srong bram ze mchog /sreg blugs zhal zas bzhes nas kyang / /'di nyid du ni bzhugs su gsol/ /oM ange ye/ 'di pya dI pya/ a be sha ma hA shri ye/ ha bya ka bya/ ba ha nA ya swAhA/ lag g.yon rdo rje bsang gtor te/ /mchod yon mchod pa rnam lnga dbul/ /me yi phyogs nas 'bod pa ni/ /gsus po che la </font><hr>340b<br><font size=+1>


mig gsum pa/ /gdong bzhi lag pa bzhi dang ldan/ /'od dmar ral ba'i thor tshugs can/ /me yi dkyil 'khor la gnas shing / /las kyi 'od zer rnams kyis brgyan/ /lag pa dang po mchog sbyin la/ /gnyis pa na ni sngags nor phreng / /g.yon na ril ba spyi blugs te/ /gnyis pa na ni be con nyid/ /mdog dmar rgyan ni med pa la/ /drang srong rnams kyis yongs bskyor ba// 'di lta'i gzugs ni bsams nas kyang / /thab kyi dbus su bzhugs su gsol/ /de la sbyin sreg la dgos pa/ /kun nas lan gsum sreg blugs dbul/ /de nas 'thor 'thung byas nas su/ /'bar ba'i rnam par bsgyur bar bya/ /rim pa 'di yi tshul gyis ni/ mkhas pas lha rnams tshim par bya/ /legs par tshim byas bzod gsol te/ /'dod pa'i dngos grub gsol ba gdab/ /bum pa rgyal mtshan rdo rje gdugs/ /pad+ma lcags kyu'i rnam pa dag /me lce mdog dkar snang ba dang / /'khyil ba'i mtshan ma mkhas pas brtag /de nas myur du 'grub 'gyur bas/ /sgom dang bzlas la 'bad par bya/ /zhi dang rgyas dang dbang la ni/ /oM zhes pa dang swAhA mthar/ /dbyangs kyi rgyun ni bsring pa dang / /bar chad med pa'i dbyangs kyis sbyar/ /zhi ba'i sems kyis zhi ba mo/ /'byor ba rgyas pa mngon par spel/ /dregs gdong stabs tshul bcas pa dang / /dbang du gyur bas dbang bya 'o/ /drag </font><hr>341a<br><font size=+1>


@#/ /shul spyod tshul la gnas pas/ /hUM zhes pa dang phaT dang bcas/ /lus ni me lce 'bar ba dang / /'jig rten gsum po bzar bsams nas/ / skul ba'i tshig dang spel ba yi/ /gsang sngags yi ge nges par sbyar/ /sngags grub cho ga shes pa yis/ /sbyin sreg cho ga thams cad la/ /sna tshogs las dang ldan pa'i lha| |gang dag yin pa mchod par bya/ /sbyin sreg de nyid kyis bskul cing / /dang po dgang blugs sreg cing dbul/ /phyis ni rim bzhin rnam par spel/ /zhi dang rgyas dang dbang rnams la/ /dge ba rdzas rnams sbyin sreg bya/ /bshang gci khrag rkang rus pa dang / /sha chen dag kyang sbyin sreg bya/ /ci ste ye shes sems dpa'i zhal/ /mi gtsang ba yis bkang na ko /ji ltar sdig pa mi skye 'gyur/ /gal te sdig 'gyur 'bras bu gang / /sems can mi shes pas rmongs te/ /thams cad shes rab rnam spangs shing / /phyi rol dngos la mngon zhan pa// rnam rtog dra bas blun byas gang / /de dag gis ni dge sdig gi/ /phung po gnyis su rnam par brtags/ /chos 'di rang bzhin gyis dag ste/ /skye ba med cing gnas pa med/ /sams can shes pa spel ba'i phyir/ /sangs rgyas rnams kyi thabs kyis bstan/ /dam pa'i don du dge spangs na/ /bsod nams med pa ci zhig smos/ /dper na chus gang chu klung gi/ /pha rol 'gro ba'i </font><hr>341b<br><font size=+1>


sems can dag /rtswa dang shing la sogs bsdus te/ /chu la rgal ba'i gzings byas nas/ /de la 'jus te legs rgal na/ /bor te bde bar 'gro ba ltar/ /de bzhin 'khor ba'i pha rol gyi| |chos kyi lam ni bskyed byas kyang / /chos dang chos min rnam spangs nas/ /byang chub bde ba thob pa bzhin/ /de phyir rnam rtog drang spongs la/ /zab mo yi ni chos spel te| |de bzhin gshegs pa'i gsung lam la/ /sngags rig rnam rtog ma byed cig /rnam rtog rmongs po chen po ste/ /'khor ba'i rgya mtshor ltung byed pas/ /nam mkha' la bur dri med pa'i/ /rnam par mi rtog ting 'dzin mnos/ /dbang po gnyis ni mnyam sbyar te/ /lus dang ngag dang sems bsngams nas/ /nga 'o snyam pa'i gzi bskyed gzugs/ / rnam pa kun gyis rnam par brgyan/ /rnal 'byor ldan pa tshe 'di la/ /ye shes rdzogs pa nyid du 'gyur/ /las las byung bar rnam bstan pa'i/ /skyes pa bud med gzugs mang la| |brnyas pa nyid du mi bya 'dis/ /rdo rje lus can dam tshig yin/ /ngan rtog bzang rtog dra ba yis/ /sems kyis sems can rnams la ni/ /sna tshogs gdung bas sun mi dbyung / /rdo rje sems ldan dam tshig yin/ /sred pas bskyed rtsub phra ba yis/ /tshig dag rnam par mi smra zhing / /mnyan na bde bar byed pa 'di/ /rdo rje dag can dam tshig yin/ /rnam </font><hr>342a<br><font size=+1>


@#/ /par snang mdzad cher 'khrugs mchog /sha yi khams la gnas pa yin/ /rkang la mi 'khrugs rgyal po ste/ /khrag la rin chen 'byung ba gtso/ /sems can rnams kyi rus phung gi /rus gong la ni 'od dpag med/ /rtsa yi tshogs rnams rnam 'dren pa/ /thub pa skyes mchog don yod la/ /dam tshig shes pa rnams la ni/ /gsang chen nga yis bstan pa 'di/ /blo ldan rdo rje sems kyis ni/ /rtag tu bsten zhing bsgom par bya/ /'dod chags zhe sdang de bzhin rmongs/ /sred dang de bzhin rnam spel ba'i/ /chos ni rnam pa lnga po 'di/ /thub pa skyes mchog rnams kyis gsungs/ /bshang gci khu ba mchil ma khrag /'dzag pa 'byung ba bzhis bsdus pa/ /sgom pa'i blo gros rdzogs pa yis| |dam tshig bsten par bya ba ste/ /rtag tu bza' zhing btung bar bya/ /rgyud kyi rgyal po chen po sgyu 'phrul dra ba las/ 'di ni/ sbyin sreg rim par phye ba'i le'u ste dgu pa'o// // de nas bcom ldan 'das rnam par snang mdzad chen po rdo rje'i de bzhin gshegs pas ting nge 'dzin thams cad kyi dngos grub dam pa'i rdo rje zhes bya ba'i ting nge 'dzin la snyoms par zhugs nas dam tshig thams cad kyi rdo rje chen po'i mchog dngos grub 'di bka' stsal to/ /lag na rdo rje/ gsang sngags sgom pa'i rnal 'byor gyi tshogs yang dag par bskul </font><hr>342b<br><font size=+1>


nas rdzas thams cad kyi dngos grub sgrub pa'i thabs gsang chen 'di nyon cig /rnam par snang mdzad ting 'dzin la/ /gnas shing sku gsung thugs bsgoms te/ /mdun du 'khor lo legs par bzhag /sku gsum rdo rje can gyi gzugs/ /'bar ba'i phreng ba 'khrugs pa'i 'od/ /'khor lo'i nang du zhugs gyur par/ /bsgom zhing 'khor lo bsgrub par bya/ /me yi 'od ltar 'bar ba'i 'od/ /'khor lo chen po 'phags par 'gyur/ /spyan ni bzlas brjod byed bzhin du/ /bla med 'khor lo blang bar bya/ /rgyal chen 'khor lo drug pa dag /'od ni rnam par snang mdzad bzhin/ /lan gsum 'jug pa'i sems can la/ /chos kyi 'khor lo bskor bar 'gyur/ /mi 'khrugs par ni rnam bsgoms shing / /rdo rje mdun du bzhag nas ni/ /rim pa bzhin du bskul na 'dis/ /sku gsum rnam par 'phel 'gyur zhing / /'bar ba'i phreng chen mnyam pa'i 'od/ /rdo rje chen po 'phags par 'gyur/ /mA ma kI ni zlos bzhin du/ /rdo rje bla med blang bar bya/ /rdo rje rgyal po blangs pa yis/ /gtso bo rdo rje 'chang gnyis 'gyur/ /gtso bo chen po sangs rgyas dang / /byang chub sems dpas yongs bskor nas/ /sems can kun sems la gnas pa'i/ /lag na rdo rje rdo rje 'chang / /'jig rten khams su rnam rgyu zhing / /kun gyi bsam pa yongs rdzogs </font><hr>343a<br><font size=+1>


@#/ /byed| |rin chen 'byung ba bsgoms na ni/ /rin po che ni mdun bzhag ste/ /sbyor ba'i rim pas rnam spel na/ /rin chen chen po 'phags par 'gyur// rin chen sgrol ma zlos bzhin du/ /'od bzang gzi brjid 'bar ba can/ /phyogs kun snang bar byed pa yi/ /nor bu'i rgyal po blang bar bya/ /lha rdzas nor bu blangs pa yis// rin chen 'byung ba gnyis par 'gyur/ /de ni sems can thams cad kyi/ /yid bzhin nor bu rin chen bzhin/ /rin chen char pa rab 'bebs shing / /sems can kun gyi dbul ba 'joms/ /gtso bo yid bzhin nor bu can/ /sangs rgyas zhing du rnam par rgyu/ /'od dpag med par rnam bsgoms nas/ /pad+ma chen po mdun bzhag ste/ / rim bzhin gzi brjid gzengs bstod na/ /'dab ma bye bas rnam brgyan pa/ /'od bzang gser ltar 'bar ba can/ /pad+ma chen po 'phags par 'gyur/ /gos dkar can ma'i gsang sngags kyis/ /yid las byung ba'i pad+ma blang / /pad+ma'i rgyal po blangs pa yis/ /'od dpag med pa gnyis par 'gyur/ /chos mdzad rnams kyis thog 'dren cing / /sems can rnams la bdud rtsi stsol/ /sangs rgyas zhing rnams snang byed gtso/ /bde ba can gyi rgyan du gyur/ /don yod grub pa rnam bsgoms nas/ /ral </font><hr>343b<br><font size=+1>


gri mdun du rnam bzhag ste/ /rnal 'byor rim pa 'di yis ni/ /sgom pa de nyid kyis bskul na/ /rdo rje 'bar ba lta bu'i 'od/ /ral gri chen po 'phags par 'gyur/ /sgrol ma'i gsang sngags zlos bzhin du/ /ral gri bla med blang bar bya/ /de ni ral gri mchog blangs nas/ /don yod grub pa gnyis par 'gyur/ /sangs rgyas zhing du rnam rgyu zhing / /sems can rnams kyi mi shes gcod/ /rtag tu dri med snang gyur te/ /chu yi nang gi ston zla bzhin/ /rdzas kyi dngos grub bstan nas ni/ /phyag rgya chen po bsgrub par bya/ /rnal 'byor che la rnam gnas pa/ /de bzhin gshegs kyi btsun mo che/ /zhe sdang rigs ni 'dren mdzad ma/ /rdo rje gdan can mA ma kI/ /rin chen 'byung ba'i lha mo dang / /lha mo 'gro ba dbang mdzad ma| |mkha' la longs spyod spyod mdzad ma/ /rim pa bzhin du nga yis bshad/ /de nas bu mo mig yangs ma/ /lo ni bcu drug lon pa la/ /gzugs dang mdangs dang lang tshor ldan| |gser gyi rna cha g.yo ba can/ /gcig gcig bsgrims te btsal nas su/ /lha mo byi dor legs byas te/ /rigs lnga yi ni tshogs can ma/ /las kyi rjes su bsgoms byas nas/ /bzhag ste sprad pa'i sbyor ba yis/ /pad+ma la ni rdo rje bzhag /sprad pa dang ni 'khyud pa yis/ /rdo rje dang ni pad+ma bskul/ /gar gyi tshul du gyur pa dang / /de bzhin spro dang </font><hr>344a<br><font size=+1>


@#/ /bsdu ba yis/ /mod la sgyu mas dregs myos nas/ /rdo rje las ni bdud rtsi 'byung / /rnal 'byor ldan ba'i shes rab las/ /pad+ma la gnas bdud rtsi btung // rnal 'byor ldan pa'i kha yis ni/ /'thungs pas de bzhin gshegs lnga yis/ /sku ni yongs su 'gyur ba 'thob/ /nam mkha' 'dra ba'i chos kun la/ /thabs dang shes rab rnam par 'phel/ /'di ni sangs rgyas thams cad kyi/ /sku yi snying bo grub pa ste/ /'dod lnga'i yon tan rjes 'jug pa'i/ /byang chub bde bas bsgrubs na ni/ / rdo rje pad+ma byin brlabs nas/ /rjes su chags pas 'thob par 'gyur/ /grub chen gsang ba'i dngos grub ni/ /sdug bsngal med pa'i bde ba'i thabs/ /rjes su chags pas bde ba yi/ /rdo rje theg pas mnyes par 'gyur/ /sbyor ba'i khyad par 'di yis ni/ /lan gsum 'jug pa'i gsang sngags dang / /las kyi phyag rgya ngas bshad de| |de dag lag pa'i phyag rgya dag /ye shes phyag rgya rab bskul bas/ /dam tshig mchog gis 'grub par 'gyur/ /thub chen sna tshogs gzugs mnga' ba/ /sna tshogs 'phrin las mdzad par 'gyur/ /de nas phyag na rdo rjes khams gsum gyi dam tshig gi 'khor lo 'di nyid kyi rdo rje'i sku dang gsung dang thugs las phyung ngo / /sa </font><hr>344b<br><font size=+1>


ni spyan du brjod pa ste/ /chu khams mA ma kI zhes bshad/ /sgrol ma rlung zhes kun tu brjod/ /gos dkar can ma me ru bsgrags/ /rdo rje dam tshig nam mkha'i dbyings/ /ston pa rdo rje 'chang bas bshad/ /ces de bzhin gshegs pa thams cad kyi sa'i dbang phyug bcom ldan 'das rdo rje sems dpa' chen pos gsungs so/ /de nas bcom ldan 'das rdo rje'i de bzhin gshegs pas de bzhin gshegs pa thams cad kyi rdo rje'i sku dang gsung dang thugs de bzhin gshegs pa thams cad dang mnyam pa nyid du gnas pa zhes bya ba'i ting nge 'dzin la snyoms par zhugs nas de bzhin gshegs pa thams cad kyi 'khor gyi dkyil 'khor la rnam par bltas nas cang mi gsung bar gyur to/ /de nas byang chub sems dpa' sems dpa' chen po byams pas de bzhin gshegs pa thams cad la phyag 'tshal te 'di skad ces gsol to/ /bcom ldan 'das/ de bzhin gshegs pa thams cad kyi rdo rje'i sku dang gsung dang thugs gsang ba 'dus par dbang bskur ba'i slob dpon de la de bzhin gshegs pa thams cad dang / byang chub sems dpa' thams cad kyis ji ltar blta bar bgyi lags/ rigs kyi bu/ de bzhin gshegs pa thams cad dang / byang chub sems dpa' chen po thams cad kyis 'di ni/ rdo rje'i byang chub kyi sems su blta bar bya'o/ /de ci'i phyir zhe na/ byang chub kyi sems </font><hr>345a<br><font size=+1>


@#/ /rdo rje slob dpon 'di gnyis gnyis su byar med pa'i phyir zhes bya ba'i bar nas rigs kyi bu/ mdor bsdus nas yang bshad par bya'o/ /phyogs bcu'i 'jig rten gyi khams na sangs rgyas dang byang chub sems dpa' bzhugs shing gshes pa'i bar de dag thams cad dus gsum du byon nas slob dpon la de bzhin gshegs pa thams cad kyi mchod pas mngon par mchod nas 'di skad ces/ bdag cag de bzhin gshegs pa thams cad kyi pha yin no/ /bdag cag de bzhin gshegs pa thams cad kyi ma yin no/ /bdag cag de bzhin gshegs pa thams cad kyi ston pa yin no/ /zhes rdo rje'i yi ge gsum phyung nas slar yang rang rang gi sangs rgyas kyi zhing du gshegs par 'gyur ro/ /rigs kyi bu| dper na/ sangs rgyas bcom ldan 'das phyogs bcu na bzhugs pa'i bar de dag gis sangs rgyas bcom ldan 'das rnams kyi rdo rje'i sku dang gsung dang thugs kyi bsod nams kyi phung po bas ni/ rdo rje slob dpon de'i spu'i khung bu gcig gi bsod nams kyi phung po ches khyad par du 'phags so/ /de ci'i phyir zhe na/ rigs kyi bu/ /byang chub kyi sems ni| sangs rgyas thams cad kyi ye shes kyi snying por gyur pa'i bar nas thams cad mkhyen pa'i ye shes kyi 'byung gnas yin no/ /de nas byang chub sems dpa' sems dpa' </font><hr>345b<br><font size=+1>


chen po byams pa 'jigs shing skrag pa'i yid kyis cang mi smra bar gyur to/ /de nas yang de bzhin gshegs pa mi 'khrugs pa dang / rin chen 'byung ba dang / don yod grub pa dang / de bzhin gshegs pa 'od dpag med dang / de bzhin gshegs pa rnam par snang mdzad rnams rdo rje 'chang thams cad kyi dngos grub kyi dam tshig la dmigs pa'i rdo rje zhes bya ba'i ting nge 'dzin la snyoms par zhugs nas byang chub sems dpa' de dag la bos nas shes ldan byang chub sems dpa' thams cad nyon cig /phyogs bcu dus gsum du byung ba'i sangs rgyas bcom ldan 'das rdo rje slob dpon gyi drung du byon nas mchod par mdzad cing phyag 'tshal bar brjod do/ /de ci'i phyir zhe na/ de bzhin gshegs pa thams cad dang / byang chub sems dpa' thams cad kyi ston pa yin pa dang / bcom ldan 'das rdo rje 'chang de nyid ni/ sangs rgyas dang / byang chub sems dpa' thams cad kyi bdag po yin pa'i phyir ro| |de nas byang chub sems dpa' de dag gis de bzhin gshegs pa de dag la 'di skad ces gsol to/ /bcom ldan 'das de bzhin gshegs pa thams cad kyi rdo rje'i sku dang gsung dang thugs kyi dngos grub gang la gnas/ de bzhin gshegs pa thams cad kyis bka' stsal pa/ rdo rje'i sku dang gsung dang thugs kyi gsang ba gsum ni/ /rdo rje'i slob </font><hr>346a<br><font size=+1>


@#/ /dpon gyi lus dang ngag dang yid la gnas so/ /byang chub sems dpa' thams cad kyis gsol pa/ rdo rje slob dpon gyi lus dang ngag dang sems kyi gsang ba gang la gnas/ nam mkha' la gnas so/ /nam mkha' gang la gnas/ rdo rje slob dpon gyi sems la gnas so/ /sems gang la gnas/ gang du yang ma yin no/ /de nas byang chub sems dpa' sems dpa' chen po de dag ngo mtshar du gyur nas cang mi zer bar 'khod do/ /dkyil 'khor dang / ting nge 'dzin dang / phyag rgya dang / stang stabs dang / 'dug stangs dang / bzlas brjod dang / sbyin sreg dang / mchod pa dang / las la sbyar ba dang / slar bsdu ba rnams ni/ gsang sngags kyi tshul de kho na nyid bcu yin par gsungs so/ /dus gsum du 'byung ba'i rgyal ba thugs rje'i ro gcig pa rnams kyi gsang ba dang / gsang chen dang / ye shes rnam pa gsum gyi snying po bstan pa dag ni/ slob dpon gyi kha nas bla ma la gus pa'i slob mas shes par bya'o/ /bla mas dam tshig ci ltar lta ba bzhin gyi dbang du byas nas bshad par bya'o/ /bsgrims nas sems can rnams la rnal 'byor dang / rnal 'byor chen po dang / lhag pa'i rnal 'byor rnams go rim bzhin bshad par bya'o/ /'di mtha' dag ni/ rgyud thams cad kyi spyir shes par </font><hr>346b<br><font size=+1>


bya'o| |de kho na nyid kyi dngos po mtha' dag yongs su mi shes par gsang sngags smra ba nga yin no/ /zhes mngon pa'i nga rgyal gyis gsang sngags kyi cho ga 'chad par byed na/ dam tshig thams cad nyams par 'gyur ro/ /dam tshig las nyams na bdud kyis gzung bar 'gyur ro/ /skyes bu shi nas dmyal ba'i gnas mi bzad pa chen por 'gro bar 'gyur ro/ /sems can rnams la brten te byang chub thob par 'gyur bas sems can la bslu bar mi bya'o/ /zhes shes bar byas nas de bzhin gshegs pa'i lam de nyid la sems can de dag sbyar bar bya'o/ /gang zhig 'di la brtson par ma byas pa de dag gis ni/ lag pa dang / rkang pa dang / mig sbyin pa'i dka' ba spyad pa dang / dka' thub ci lta bus kyang sdig pa gzhom pa'am/ bdud rtsi'i ro thob par mi nus so/ /rnal 'byor gcig khong du chud nas dben par song ste sgom pa byas na sdig pa las grol zhing tshe 'di nyid la sangs rgyas kyi yon tan rnams dang / chos bdag med par bsgoms pas thams cad mkhyen pa'i rnal 'byor khong du chud par bya'o/ /shes rab dang ye shes kyi 'jo tshul gyis gsang ba lnga'i bdag nyid kyi gtso bo la mchod par bya'o// dngos po thams cad dngos med par/ /bzhi bcu'i don ni rtogs pa dang / /rdo rje pad+mas dbang bskur bas/ /bdud rtsi lngas ni dga' bar byed/ /gsang bar bya ba'i chos gsang ba/ /gsang </font><hr>347a<br><font size=+1>


@#/ /zhing sbas te gzhag par bya/ /'dod yon lnga yi rnam pa ni/ /gzugs sgra dri ro reg bya sogs/ /rnal 'byor sems dpa' spyad bya zhing / /de bzhin bza' dang btung byas na| |bltas dang khu tshur rnam pa yis/ /sems can thams cad dbang du byed/ /rgyud kyi rgyal po chen po sgyu 'phrul dra ba las/ cho ga thams cad bstan pa rim pa phye ba ste bcu pa'o// // bcom ldan 'das kyis de skad ces bka' stsal pa dang / lha dang / mi dang / lha ma yin dang / dri za dang / thams cad dang ldan pa'i 'khor de dag yi rang ste bcom ldan 'das kyis gsungs pa la mngon par bstod do/ /rgyud kyi rgyal po chen po sgyu 'phrul dra ba theg pa chen po'i yang theg pa chen po'i tshul zab mo/ /gsang ba bas kyang ches gsang ba chen po rdzogs so// // bod kyi lo ts+tsha ba chen po dge slong rin chen bzang pos bsgyur cing zhus te gtan la phab pa/ </font><hr>

</table>