H434

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H434</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H434&coll=lhasa">see text in Tibetan script</a></table>389a<br><font size=+1>


//rgya gar skad du/ shrI badz+ra ma hA b+he ra wa nA ma tan+t+ra/ bod skad du/ dpal rdo rje 'jigs byed chen po'i </font><hr>389b<br><font size=+1>


rgyud ces bya ba/ dpal rdo rje 'jigs byed chen po khros pa'i rgyal po chen po la phyag 'tshal lo/ /de nas rdo rje 'jigs byed kyi/ /sgrub pa yang dag rab bshad de/ /de ni lha rnams thams cad la// drag shul che zhing 'jigs par byed/ /de la thog mar sngags pas yid du 'ong ba'i gnas gang yang rung ba'i gnas la dgod pa thams cad bsgrub par bya'o/ /de la gnas gsungs pa ni/ /dur khrod dam| chu klung gi 'gram mam/ shing gcig gam/ mtshan ma gcig pa'am/ bzhi mdo'am/ ri'i rtse mo'am/ khang stong ngam/ ma mo'i khyim mam/ lha'i khang pa'am/ 'thab mo'i gnas sam/ grong khyer ram/ nags khrod dam/ /grong la sogs pa'i gnas su sngags pa gnas te/ rdo rje 'jigs byed chen po'i rdo rje'i 'khor lo'i ming gi rgyud 'dir dbang bskur ba'i rnal 'byor pas dbang dang / dgug pa dang / bsad pa dang / bskrad pa dang / dbye ba dang / rengs pa dang / ral gri dang / mig sman dang / sa 'og dang / ril bu dang / gser 'gyur dang / bcud kyis len pa dang / nor dang / 'byung po dang / ro langs dang / sha za dang / gnod sbyin dang / gnod sbyin mo dang / klu la sogs pa'i cho ga 'dis bsgrub par bya'o/ /de la cho ga ni/ dang por re zhig sngags pas ro bsregs pa'i thal chen gyis lus byugs te mtshan phyed na gcer bu skra bsil ba byas la 'phags pa ma he'i gdong can gyi rnal 'byor gyis dur khrod la sogs par dkyil </font><hr>390a<br><font size=+1>


@#/ /'khor bris te/ gru bzhi pa la sgo bzhi pa/ /rta babs bzhi yis rnam par brgyan/ /dril bu dar gyi 'phan la sogs/ /me tog phreng bas rnam par klubs/ /gra rnams dag ni thams cad dang / /sgo khyud kyi ni phug dag tu/ /rdo rje rin chen gyis spras pa/ /zla ba phyed pa de bzhin no/ /de dbus 'khor lo bri ba ni/ /re'u mig dgu pa zlum po'o/ /sgo gcig pa ni dbye bar bya/ /lhag ma yongs su gced par bya/ /de dbus mi ro bri bar bya/ /shar du mgo bo lhor lag pa/ /nub tu rgyu ma byang du rkang pa/ shar lho'i grar thod pa/ lho nub tu thod tshal/ nub byang du dur khrod kyi ra sa/ /byang shar du skyes bu gsal shing la btsugs pa'o/ /de dag ni/ 'khor lo'i dbus su mtshan ma'i phyag rgya lnga'o/ /de nas 'khor lo'i phyi rol gyi phyag rgya rnams ni/ /shar phyogs kyi snam bu la gri gug dang / mtshon rtse gcig pa dang / gtun shing dang / chu gri dang / rdo rje rtse gcig pa dang / lcags kyu la sogs pa rnams bri'o/ /lho phyogs kyi snam bu la sta re dang / mda' dang / kha T+wAM ga dang / dbyug to dang / 'khor lo dang / rdo rje zhags pa la sogs pa bri'o/ /nub phyogs kyi snam bu la rdo rje dang / ral gri dang / gri chung dang / phub dang / gzhu dang / dril bu dang / rlung gi ba dan la sogs pa bri'o/ /byang phyogs kyi snam bu la sdigs mdzub dang / 'phan rtse gsum pa dang / </font><hr>390b<br><font size=+1>


glang po'i lags pa dang / rdo rje tho ba dang / mdung dang / me thab la sogs pa bri'o/ /sgo bzhi dang gra rnams la ro langs chen po bri'o/ /gal te mchog gi dngos grub 'dod na mar khu chen po'i mar me dbul lo/ /mi dang / bong bu dang / rnga mo dang / khyi dang / wa dang / ma he dang / glang po che dang / ba lang dang / ba men dang / lug dang / ri dwags dang / phag pa la sogs pa'i sha rnams dbul bar bya'o/ /gzhan yang bya rgod dang / 'ug pa dang / bya rog dang / khra dang / chu skyar dang / mthing ril dang / bzhad dang / rma bya dang / khyim bya dang / re skegs dang / khyung chen po la sogs pa'i sha rnams dbul bar bya'o/ /shin tu mnyam par bzhag pas bza' ba dang / ston mo dang / sbyin sreg dang / gtor ma'i las bya'o/ /dkyil 'khor gyi gra thams cad du khrag gis chag chag bya'o/ /dpal rdo rje 'jigs byed ma he'i gdong gi sbyor ba la gnas pas lha bshos thams cad dbul bar bya'o/ /de nas sngags bas sngon du spyad pa byas te bdag zhi bar gyur pa'i shin tu mthun pa'i grogs sam/ bdag gcig bu rnam par snang mdzad kyis lus byugs te gcer bur phud nas skra bsil/ mtshan phyed na cang te'u bkrol la ha ha zhes bya zhing mnyam par bzhag ste/ rdo rje 'jigs byed chen po'i dkyil 'khor du dngos grub 'dod pas 'jug par bya'o/ /rab tu zhim pa'i chad la sogs pa btung ba dang / bza' ba'i ro rnams </font><hr>391a<br><font size=+1>


@#/ /dbul lo/ /phyi nas dngos grub dang / dngos grub ma yin pa la dmigs la de'i steng du dpal rdo rje 'jigs byed chen po ma he'i gdong can bsam par bya'o/ /de'i mdun du g.yas bskum du gnas la nga rgyal dang bcas pas sems rtse gcig tu shin tu mnyam par bzhag pas yi ge bcu pa'i sngags bzla bar bya'o/ /de nas 'jigs pa chen po byung na| de la sngags pas 'jigs par mi bya ste/ gal te 'jigs par gyur na/ de la bgegs chen po'i bar chod 'byung ngo / /bar chad byung na dngos grub mi 'grub bo/ /de bas na sngags pas 'jigs par mi bya ste/ de la dpal rdo rje 'jigs byed chen po dgyes so/ /dgyes nas khyod ci 'dod ces gsungs pa dang / de la rig 'dzin gyis smra bar bya ste/ ral gri dang / sa 'og dang / mig sman dang / gser 'gyur dang / bcud kyis len pa'am/ de las gzhan yang yid la 'dod pa'i dngos grub nges par bdag la stsol cig ces brjod na/ de la the tshom med par stsol lo/ /brgya zhig la sngags pas de dag ma grub na yang de'i phra mo'i las thams cad nges par 'grub bo/ /'di ni/ 'jam dpal zhes bya ba'i ming dpal rdo rje 'jigs byed chen po'i 'khor lo'i sbyor ba'i rgyud las/ dkyil 'khor bstan ba ste rtog pa dang po'o// //de nas las kyi tshogs kyi cho ga rab tu bshad de/ rim pa ji lta ba </font><hr>391b<br><font size=+1>


bzhin du bsad pa dang / bskrad pa la sogs pa sngags pa khros pas dpal rdo rje 'jigs byed chen po'i sbyor ba la gnas pa'i rnal 'byor gyis bya ste/ dang po kho nar sngags bas re zhig gnod mdzes su bya ste/ de ci'i phyir zhe na/ rnal 'byor gtso bo yin pa'i phyir ro/ /rnal 'byor gyi rgyud la lha'i sbyor ba dang ldan pas thog mar ni/ de bya ste/ de sbyor ba'i gtso bo yin pa'i phyir ro/ /de la 'di'i las ni/ ji ltar bsad par 'dod pa'i sngags pas dur khrod kyi ras la dug dang / khrag dang / lan tshwa dang / ske tshe dang / nim pa dang / d+ha du ra'i khu bas rdo rje 'jigs byed chen po'i 'khor lo le tshe bcu drug pa bya rog chen po'i sgro rtsa'i smyu gu'am/ mi'i rus pa'i smyu gus gcer bu skra bshig pas kha lhor bltas te ma he'i gdong gi sbyor pas bri bar bya'o/ /me gnyis kyi dbus su bsgrub bya'i ming dang bcas par bzhag la de yi ge bcu pas bskor zhing hUM brgyad bri/ zur rnams su phaT kyi yi ge rnams bri/ bdag nyid tsha ba'i mar gyis lus byugs la thod pa gnyis kyi dbus su 'khrul 'khor rab tu bcug la sgyed bu gsum gyi steng du bzhag nas dur khrod kyi mgal bas me rab tu spar te/ rkang pa g.yon pas mnan la yi ge bcu pa'i sngags bzla'o/ /des skad cig gis the tshom med par 'chi'o/ /gzhan yang rims kyis thebs par 'dod na/ 'khor lo de nyid mi'i nya phyis gnyis </font><hr>392a<br><font size=+1>


@#/ /kyi dbus su legs par bzhag la me thab kyi 'og tu khru phyed brkos la bcug nas me spar na rims nad kyis 'dzin no/ /de la le tshe bcu drug pa'i rab tu sbyor ba 'di gsungs te/ 'on kyang 'di'i khyad par ni/ yi ge sum cu rtsa gnyis pa'i sngags dang ldan pa yi ge btu pa'i sngags bsgrub bya'i ming dang lhan cig tu yi ge dang sngags spel lo| |sngon du gsungs pa'i rdzas dang lhan cig tu bya rog gis btogs pa'i lhag ma mi gtsang ba dang / rnam par snang mdzad dang lhan cig tu dur khrod kyi ras la byugs te/ de la sngon du gsungs pa'i cho gas 'khor lo bris te dur khrod du spas na 'chi bar 'gyur ro/ /shing gcig gi drung du spas na bskrad par 'gyur ro/ /mtshan ma gcig par spas na dbye bar 'gyur ro/ /chu'i nang du spas na rengs par 'gyur ro/ /khyim du bzhag na zhi bar 'gyur ro/ /phyung nas legs par bkrus na grol bar 'gyur ro/ /gzhan yang rab tu sbyor ba gsungs pa gshin rje'i 'khor lo sngon gyi cho gas dur khrod kyi ras la bris te/ dur khrod dam/ lam bzhi mdo dang / shing gcig dang / grog mkhar dang / chu 'gram dang / mtshan ma gcig pa dang / rgyal po'i sgo dang / rnam par snang mdzad dang / rdo rje chu dang / dur khrod kyi sol bas bsgrub bya'i gzugs brnyan tshad sor brgyad pa byas la de'i snying </font><hr>392b<br><font size=+1>


gar 'khor lo'i sngags bcug ste/ mi'i rus pa'i phur bus gnas lngar gdab par bya'o/ /tshigs thams cad la tsher ma rnon pos dgang bar bya'o/ /de thod pa gnyis kyi dbus su bcug ste/ de grog mkhar dang gnas bdun gyi sas gshin rje'i gzugs khru gang tsam zhal gtsigs pa/ gsus pa che ba/ zhal gcig pa/ phyag gnyis pa/ phyag na ral gri dang / zhags pa 'dzin pa/ gcer bu skra bsil ba byas la/ de'i snying gar thod pa gnyis bcug ste/ nyi ma phyed dam nam phyed na dur khrod dam ro bsregs pa'i sar spas te/ shin tu ring par mgo lhor bstan la kha thur du phub la spa'o/ /khyim du 'ongs pa dang mnyam par bzhag pas ma he'i gdong gi sbyor bas bsgrub bya'i ming dang bcas par yi ge bcu pa'i sngags bzlas pa byas na nyi ma gsum gyis 'chi'o/ /phyung nas bkrus na thar par 'gyur ro/ /de nas rengs pa'i rab tu sbyor ba gsungs te/ te'u lo pa'i pags pa la dug la sogs pa'i rdzas kyis yi ge bcu pa'i sngags bris la/ pags pa de bsgrub bya'i rkang rjes kyi rdul dang / gcin btang ba'i shul gyi sas bkang la de'i skras bcing bar bya'o/ /phyi nas bong bu'i gcin dang / rnam par snang mdzad dang lhan cig tu brdzis la kham phor dgang bar bya'o/ /der 'khor lo bcug la ro bsregs pa'i me la bzhag ste/ rkang pa g.yon pas mnan la gshin </font><hr>393a<br><font size=+1>


@#/ /rje'i sbyor bas yi ge bcu pa'i sngags bzlas ba byas na zhag gcig gis rengs par byed do/ /'di ni/ phyis rjes su gzung ba mi 'grub pa'i rab tu sbyor ba'o// sngags pas shin tu khros pas rab tu sbyor bar bya'o/ /gzhan yang dbye ba'i rab tu sbyor ba 'di ni/ gshin rje'i 'khor lo sngon gyi cho gas bris la/ gnas bdun gyi sas ma he dang rta byas te| de gnyis gcig gi steng du gcig bzhag la/ de gnyis kyi snying gar 'khor lo bcug ste nim pa'i shing drung du bzhag go /'khor lo yang ma he dang rta'i khrag gis bri ste/ 'di ni| sngags kyi bye brag ste/ shin tu mnyam par bzhag pas byas na zhag gsum gyis 'byed par byed do/ /de nas sngags pas bskrad par 'dod na/ gnas bdun gyi sas rnga mo byas la/ de'i rgyab tu yi ge yaM yongs su gyur pa las rlung gi dkyil 'khor zla ba phyed pa'i rnam pa dmigs te/ de'i steng du bsgrub bya dmigs la/ de'i rgyab tu gshin rje'i gzugs lag pas dbyug pa 'dzin par dmigs te/ de'i dbyug pas rdeg cing kha lho ru bltas nas khrid par rnam par bsam par bya'o/ /'khor lo de de'i snying gar gong du gsungs pa'i cho ga las bsgrub bya'i ming dang spel ba yang dag par bris la bcug na/ zhag bdun gyi the tshom med par skrod par 'gyur ro/ /de nas gzhan yang rab tu sbyor ba gsungs te/ nyi ma'i tshes </font><hr>393b<br><font size=+1>


la gtum po tsha ba'i mar khus byugs la nim pa'i shing la 'dzegs nas der bzhag la de'i lus kyi mar khu nya phyis kyis bzhar la der gnas par gzung ngo / /mar bu \?\ de blangs nas lha chen po'i rgyal mtshan gyi ras blangs la de bsregs pa'i bar gyi du ba'i dreg pa de dang / mar khu de gcig tu byas la bskrad par 'dod pa de'i mchil lham la bsku'o/ /de'i lag pa dang rkang pa gnyis la yang byugs na skad cig gis de skrod do/ /de nas gzhan yang rab tu sbyor ba gsungs pa ni/ /dur khrod kyi ras sam/ gro ga'i lo ma la rlung gi dkyil 'khor bya rog gi khrag dang bya rog gi smyu gus bri bar bya ste/ rlung gi dkyil 'khor gyi dbus su bsgrub bya'i ming dang sbel te gtor ma za ba'i mgrin par bcings la/ bya rog bzung nas ma he'i gdong pa'i sbyor bar gnas pas kha lhor bltas la 'phang ste/ de'i skad cig gis bya rog bzhin sa kun tu 'khor ro/ /gzhan yang bskrad pa ni/ tsha ba'i mar khus bskus la nim pa'i shing las gtor ma za pa'i tshang blangs la/ tshang de'i shing pha'i nags kyi shing mes bsregs pa'i thal ba de blangs la gang gi mgor blugs pa de skrod par 'gyur ro/ /gzhan yang dbye ba'i rab tu sbyor ba ni/ bya rog dang 'ug pa'i gshog pa dang / bram ze dang / gtum po rnams kyi skra gcig tu byas la/ d+ha du ra'i shing la me rab tu spar te du ba med pa'i mes bsregs la/ de'i thal ba blangs la </font><hr>394a<br><font size=+1>


@#/ /yi ge bcu pa'i sngags bzlas nas bud med dang skyes pa gnyis kyi bar du thal ba bzhag na/ de skad gcig gis 'byed par byed do/ /de nas dur khrod kyi ras blangs la dug la sogs pa'i rdzas kyis bran pa'i bar du bsgrub bya'i ming bris la zer mo dang / sbrul gyi sbu dang pags pa blangs te/ de la bcug nas sdong bu byas te/ gang gi khyim du spar ba der phan tshun 'thab par 'gyur ro/ /de nas bsad par 'dod pa ni/ bshang gci la gzugs brnyan byas la/ de'i steng du rus ba phye mas rab tu byugs la dur khrod kyi me la skra bshig pa byas la kha lhor bltas te ma he'i gdong pa'i sbyor bas nam phyed na de gtubs la bsreg go /gang gi ming dang bcas par byas na de skad cig gis 'chi'o/ /rdo rje 'jigs byed chen po nyid kyi rab tu sbyor ba 'di gsungs so/ /de nas bskrad par 'dod pas rgyal mtshan gyi ras la le tshe bcu drug pa'i 'khor lo la yi ge bcu pa'i sngags sngon du gsungs pa'i rdzas dang dur khrod kyi sol bas gang gi ming dang bcas pa bris te/ nim pa'i shing la rgyal mtshan bzhag na de skrod par 'gyur ro/ /de nas rengs par 'dod pas gshin rje'i 'khor lo g.yam pa'am ras la ba bla dang yung bas gang gi ming dang bcas pa legs par bris la bzhag na/ de rengs par 'gyur ro/ /gal te sngags pas dbang du bya bar 'dod </font><hr>394b<br><font size=+1>


na| grog mkhar gyis dang / gum gum dang / gi wang dang / ba bla dang / yung ba rnams lhan cig tu byas te/ bsgrub bya pho'am gal te mo'i gzugs brnyan tshad sor bcu drug pa byas la| gi wang dang / srin lag gi khrag gis gro ga la gshin rje'i 'khor lo bris te de'i snying gar bcug nas rang gi khyim du bzhag la me tog dmar po dus gsum du dbul ba dang / kha nub tu bltas la yi ge bcu pa'i sngags bzlas pa byas na/ zhag bdun gyis brgya byin yang dbang du 'gyur na/ phra mo'i mi lta ci smos/ de nas yang dgug par 'dod na/ de la thod pa la 'khor lo gi wang dang srin lag gi khrag gis bris te/ seng ldeng gi me la bsro zhing gang bya ba'i ming dang bcas par bzlas na/ de skad cig gis rlung gi shugs bzhin du 'gugs par 'gyur ro/ /de nas sngags pas smyos par bya bar 'dod na/ d+ha du ra'i 'bras bu blangs la sha chen dang lhan cig tu shing srin gyis zos pa'i phye ma dang bsres nas bza' ba dang btung ba la sbyin no/ /sngags kyang bzlas pa bya ste/ de skad cig gis smyo bar 'gyur zhing zhag bdun gyis 'chi'o/ /de nas gzhan yang rab tu sbyor ba gsungs pa/ gshin rje'i sngags dur khrod kyi ras la dug la sogs pa'i rdzas kyis bris te/ mar me chen po dang rnam par rnam mdzad kyi gzugs brnan byas la/ de'i snying gar 'khor lo bcug nas pha'i gnas su song la ro bsregs pa'i me la mtshon rnon </font><hr>395a<br><font size=+1>


@#/ /pos gtubs nas rnam par brtsegs pa'i sbyor bas rnal 'byor ba gnas la/ rnam par snang mdzad kyis lus byugs te kha lhor bltas nas bsregs na/ de myur du 'chi'o/ /de nas dpral ba'i rab tu byung ba ni/ bya rog dang 'ug pa'i rus pa blangs la de gnyis la lcags kyi tsher mas bsgrub bya'i ming dang lhan cig tu yi ge bcu pa'i sngags bris la gcig pu gnas su gnas te gang gi ming dang bcas par bzlas shing / de gcig la gcig brud na 'bral bar 'gyur ro/ /de nas gshin rje'i 'khor lo gro ga'i 'dab ma la bud med dang skyes pa'i ming bris nas spal ba'i gsus par bcug nas gang gi ming dang bcas pa them pa'i 'og tu spas na/ de'i yan lag mtshon gyis 'bugs par 'gyur ro/ /de nas pu bo rengs pa'i rab tu sbyor pa 'di gshin rje'i sngags dur khrod kyi ras la dug la sogs pas bris la/ ro bsregs pa'i sol bas gzugs brnyan mtho gang tsam gyi tshad brtsigs la/ de'i snying gar 'khor lo bcug nas rkang pa g.yon pas mnan la/ ma he'i sbyor bas che ge mo'i bu mo myur bar rengs par gyur/ cig ces yi ge bcu pa'i sngags bzlas na rengs par 'gyur ro/ /'di'i las rnams ni/ gzhan su la yang smra bar mi bya'o/ /gal te sngags pa rmongs pa'i bdag nyid can </font><hr>395b<br><font size=+1>


gyis na/ dmyal bar nges par ltung ngo / /dkon mchog gsum la gnod pa byed pa dang / /bla ma la brnyas par byed pa dang / dam tshig dang bral ba dang / sngags dang rgyud la 'phya bar byed pa dang / sems can la 'tshe ba 'di rnams la phan pa'i phyir sngags pas snying rje gdungs pa'i sems kyis gnod pa rab tu sbyar bar bya'o/ /gal te gzhan la byas na dam tshig nyams nas tsha ba chen por 'gro'o/ /ngas rgyud gzhan du'ang bshad de/ slob dpon la ni smad byed dang / theg pa chen po skur pa dang / /sngags rgyud rab sbyor ye shes la// 'phya bar byed pa'i mi gang dag /de ni 'byad pa gsad par bya/ /yang na gnas nas g.yo bar bya/ /rnal 'byor snying rje med pa yis/ /gzhan la rung rung byas na ni/ /de la de bzhin las de ni/ /phyir ldog par ni 'byung bar 'gyur/ /ci phyir sems can mtho brtsam phyir/ /rnal 'byor pa ni 'di la'o/ /'di ni/ 'jam dpal zhes bya ba/ dpal rdo rje 'jigs byed chen po'i rnal 'byor gyi rgyud las/ las thams cad grub pa'i rtog pa ste gnyis pa'o// //de nas go rim ji lta ba'i cho gas sngags btu ba rab tu gsungs te/ rab tu gtsang ba'i yul khams su sngags pas gnas la sngags btu bar bya ste/ ji ltar drug pa'i dang po dang / /lnga pa yi ni lnga pa dang / /drug pa yi ni gnyis pa la/ /dbyangs yig gnyi </font><hr>396a<br><font size=+1>


@#/ /pa dang ldan pa/ /gnyis pa yi ni gsum pa la/ /yang ni dbyangs yig gnyis par ldan/ /bdun pa yi yang gsum pa dang / /bzhi pa yi yang gsum pa la// dbyangs yig bcu gsum dang ldan pa/ /lnga pa yi yang lnga pa la/ /dbyangs yig bcu gcig dang ldan pa/ /drug pa yi ni dang po dang / /drug pa'i dang po nyis 'gyur dang / /yang ni rlung gi sa bon sbyin/ /lnga pa yi yang lnga pa la/ /bcu dang gcig gis mnan ldan pa/ /bzhi pa yi ni gsum pa la/ /bcu gsum pa yis mnyam mnan pa/ /drug pa yi yang gnyis pa la/ /dbyangs yig lnga pa dang ldan pa/ /gsum pa yi ni lnga pa dang / /rlung gi sa bon de nas sbyin/ /dbyangs yig bcu gsum yang dag ldan/ /bzhi pa yi ni gsum pa dang / /de nas rlung gi sa bon sbyin/ /drug pa yi yang dang po dang / /bzhi pa yi ni gsum pa dang / /de la rlung gi sa bon ni/ /dbyangs yig bcu gsum pa dang ldan/ /bzhi pa yi ni lnga pa la| |dbyangs yig gsum pa dang ldan pa/ /de nas me yi sa bon sbyin/ /rlung gi sa bon de bzhin no/ /de nas yi ge tha ma sbyin/ /dbyangs yig bcu gcig pa dang ldan/ /rlung gi sa bon de bzhin mchog /drug pa yi ni dang po dang / /de nas yi ge tha ma sbyin/ /dbyangs yig bcu gcig pa dang ldan/ /yang ni rlung gi sa bon dang / /gnyis pa yi ni dang po </font><hr>396b<br><font size=+1>


dang / /de ni nyis 'gyur ldan par bya/ /bzhi pa yi ni lnga pa la/ /dbyangs yig gsum pa dang ldan pa/ /de nas me yi sa bon dang / /lnga pa yi ni lnga pa dang / /de nas rlung gi sa bon sbyin/ /dang por rnam par snang mdzad sbyin/ /mchog gi dbang phyug dang sbyar ba/ /lnga pa yi ni gnyis pa dang / /gsum pa yi ni dang po ni/ /mkhas pas lan gnyis brjod par bya/ /'di ni 'jam dpal zhes bya ba'i/ /'jigs byed chen po rgyud 'khor lo/ /ma he gdong can rtsa sngags te/ /'bum bzlas pa yis las kun byed/ /'di ni sngags kyi rgyal po ste/ /ma byung 'byung bar mi 'gyur ro/ /bdun pa yi ni bzhi pa la/ /dbyangs yig bzhi pa dang ldan pa/ /me yi sa bon 'og tu sbyin/ /de nas mnga' bdag bcu drug mtha'/ /bdun pa yi ni gnyis pa la/ /dbyangs yig bzhi pa dang ldan zhing / /gsum pa yi ni dang po la/ /'og tu me yi sa bon gdags/ /mnga' bdag bcu drug mtha' ma ste/ /drug pa yi ni bzhi pa la/ /dbyangs yig gsum pa dang ldan pa| |dang po yi yang dang po dang / /dbyangs yig bdun pa dang ldan pa/ /'og tu me yi sa bon sbyin/ /bzhi pa yi ni dang po la/ /dbyangs yig gnyis pa dang ldan pa/ /bzhi pa yi ni lnga pa ni| |mkhas pa yis ni lan gnyis brjod/ /dang por rnam par snang mdzad sbyin/ /ya tshogs brgyad pa'i sa bon la/ /dbyangs yig drug pa dang ldan la/ /spyi bo ru ni thig les brgyan// </font><hr>397a<br><font size=+1>


@#/ /lnga pa yi ni gnyis pa dang / /gsum pa yi ni dang po'o/ /'di ni sngags kyi rgyal bo ste/ /ma he'i gdong can sbyor ba yis/ /thams cad las ni byed pa 'o/ / las kyi sngags su grags pa ste/ /sum 'bum bzlas na las kun byed/ /drug pa yi ni dang po dang / /lnga pa yi yang lnga ba la/ /dbyangs yig gnyis pa dang ldan pa/ /bzhi pa yi ni dang po ste| |de yi lnga pa klad du gzhag /dang po yi ni dang po dang / /dang por rnam par snang mdzad sbyin/ /ya tshogs brgyad pa'i sa bon la/ /dbyangs yig drug pa dang ldan pa/ /spyi bo ru ni thig las brgyan/ /lnga pa yi ni gnyis pa dang / /gsum pa yi ni dang po'o/ /'di ni ma he gdong can gyi/ /snying po'i sngags su rab tu grags/ /yi ge re re 'bum bzlas na/ /'jig rten gsum gyi las ni gang / /ci yang rung ba thams cad byed/ /sngags btu ba'i cho ga'i dus 'dir mchod par bya'o/ /'di ni/ 'jam dpal zhes bya ba/ dpal rdo rje 'jigs byed chen po'i rnal 'byor gyi rgyud las/ sngags btu ba bstan pa'i rtog pa ste gsum pa'o// //de nas rdo rje 'jigs byed kyi sgrub pa yang dag par bshad de/ chos thams cad la bdag med pa sngon du 'gro bas lhar dmigs par bya ste/ dang por re zhig rang bzhin gyis dag ba'i sngags brjod pas/ chos thams cad bdag med pa'i ngo bor byas nas nam mkha'i </font><hr>397b<br><font size=+1>


dkyil du yaM gyi rnam pa las grub ba'i rlung gi dkyil 'khor mdog du ba'i rnam pa bsam mo/ /de'i steng du dang po'i dbyangs yig las gyur pa'i zla ba'i dkyil 'khor dmigs te/ de'i steng du d+hIH'i rnam pa las 'jam dpal gzhon nu'i gzugs su gyur par bsam par bya'o/ /der a'i rnam pa las grub pa'i nyi ma'i dkyil 'khor bsam ste/ nyi ma'i dkyil 'khor de las 'od zer 'phros pas phyogs bcu na bzhugs pa'i de bzhin gshegs pa rnams dang / byang chub sems dpa' dang / rig pa'i lha mo dang / khro bo la sogs pa shin tu bskul te/ yang 'ongs nas nyi ma'i dkyil 'khor la zhugs par bsam mo/ /de nas yang 'jam dpal dang / de bzhin gshegs pa la sogs pa de rnams gcig tu gyur nas nyi ma'i dkyil 'khor du bsam par bya'o/ /'od zer 'bar ba'i rnam pas dpag tshad stong phrag brgyar khyab par gsal bar bya'o/ /de'i steng du hUM mdog nag po'i 'od zer lnga dang yang dag par bsam ste/ hUM de las 'od zer gyi rnam par 'phros pas/ sngon du gsungs pa bzhin du yang zhugs te/ yi ge de las rdo rje chen po rnam par gdengs pa kha dog nag po'i 'od zer lnga dang ldan pa rnam par dmigs par bya ste/ rdo rje de las phra mo'i rnam pa sangs rgyas dang / byang chub sems dpa' dang / khro bo dang / rig pa'i lha mos nam mkha' til gyis gang bu ltar gang ba nyi ma </font><hr>398a<br><font size=+1>


@#/ /la gnas pa rnam par bsam par bya'o/ /de sangs rgyas la sogs pa rnams kyis ni/ sems can yongs su smin par btul nas byang chub la rab tu bkod do| |yang de nyid lhan cig tu bsdus nas rdo rje'i gzugs brnyan la rab tu zhugs par bsam mo/ /rdo rje'i gzugs de nyid zhal dgu pa/ ma he'i gzugs can/ 'jig pa'i dus kyi me ltar 'bar ba/ rdo rje 'jigs byed chen po khams gsum za bar nus pa/ zhal gtsigs pa/ ha ha zhes ljags 'dril ba/ rnam par gtsigs pa'i khro gnyer 'jigs pa/ khro gnyer gyi 'gram nas smin ma dang spyan 'jigs pa chen po'i dus ltar drag pa/ sgra sgrog pa/ mi'i khrag dang / tshil dang / zhag dang / rkang za ba/ 'jig rten dang 'jig rten las 'das pa'i lha la sogs pa la sdigs mdzub byed pa/ brgya byin dang / tshangs pa dang / dbang phyug chen po dang / khyab 'jug dang / gnod sbyin la sogs pa za ba/ thod pa gtsigs pa'i rtse mo 'jigs su rung ba'i thod pas thod byas pa/ 'jigs pa chen po can/ phaT ces sgra sgrog cing thod pa'i 'phyang 'phrul gyi rgyan gyis brgyan pa/ zhabs bcu drug pa/ gcer bu'i gzugs mtshan ma gyen du 'greng ba/ g.yon brkyang ba/ gsus pa che ba/ skra gyen du brdzes pa/ 'jigs pa chen por byed pa/ pheM zhes sgra sgrog pa/ phyag sum cu rtsa bzhi </font><hr>398b<br><font size=+1>


dang ldan pa/ glang po che'i pags pa rlon pa 'dzin pa/ dpal rdo rje 'jigs byed chen po ma he'i gdong can rnam par bsam par bya ste/ de ltar shin tu bsam pa brtan par byas te de kho na nyid kyi sbyor ba la shin tu mnyam par bzhag pa'i sngags pas rtag tu bsgom par bya ste/ g.yas dang po na gri gug /gnyis pa na mtshon rtse gcig pa/ gsum pa na gtun shing / bzhi pa na chu gri /lnga pa na rdo rje rtse gcig pa/ drug pa na sta re/ bdun pa na mdung thung / brgyad pa na mda'/ dgu pa na lcags kyu/ bcu pa na dbyig to/ /bcu gcig pa na kha T+wAM ga /bcu gnyis pa na 'khor lo/ /bcu gsum pa na rdo rje/ bcu bzhi pa na rdo rje tho ba/ bco lnga pa na ral gri/ bcu drug pa na cang te'u'o/ /g.yon pa'i dang po na thod pa/ gnyis pa na mgo bo/ /gsum pa na phub/ bzhi pa na rkang pa/ lnga pa na zhags pa/ drug pa na gzhu/ bdun pa na rgyu ma/ brgyad pa na dril bu/ dgu pa na lag pa/ bcu pa na dur khrod kyi ras/ bcu gcig pa na skyes bu gsal shing la btsugs pa/ bcu gnyis pa na me thab/ bcu gsum pa na thod tshal/ bcu bzhi pas sdigs mdzub/ bco lnga pa na 'phan rtse gsum pa/ bcu drug pa na rlung gis phyar ba'i dur khrod kyi ras| phyag gnyis kyis glang po che'i pags pa rlon pa 'dzin pa'o/ /zhabs g.yas pa'i dang pos mi/ gnyis bsam he/ gsum pas glang / bzhi pas bong bu/ lnga pas rnga mo/ drug </font><hr>399a<br><font size=+1>


@#/ /pas khyi/ bdun pas lug /brgyad pas wa/ zhabs g.yas pas 'di dag la zhon pa'o/ /zhabs g.yon pa'i dang pos bya rgod/ gnyis pas 'ug pa/ gsum pas bya rog /bzhi pas ne tso/ /lnga pas khra/ drug pas khyung chen po/ /bdun pas ri skegs/ brgyad pas bzhad/ zhabs g.yon pas 'di dag mnan pa'o/ /dpal 'jigs byed chen po'i dang po'i zhal ni/ rab tu nag pa ma he'i rnam pa shin tu khros pa can/ rwa g.yas kyi zhal gsum la dang po sngon po/ /gnyis pa dmar po/ gsum pa ser po ste/ mnga' bdag gi zhal gsum shin tu khros pa/ rwa g.yon par zhal gsum la dang po dkar po/ gnyis pa dud ka /gsum pa nag po rab tu khros pa gtsigs pa'i zhal rab tu bsam par bya'o/ / rwa gnyis kyi bar du dbus kyi zhal dmar po rab tu 'jigs pa/ zhal nas khrag 'dzag pa bsam par bya'o/ /steng du 'jam dpal gyi zhal cung zad ser ba/ yid tsam khro ba/ byis pa'i rgyan gyis brgyan pa/ spyi bor ral pa lnga dang ldan pa rnam par bsams te/ zhal rnams thams cad spyan gsum par bsgom ste/ 'di ltar bdag nyid rtag tu rtse gcig tu dmigs so/ /de nyid dpal rdo rje 'jigs byed chen po ma he'i gdong can de bdag nyid yin par bsgoms nas dpa' bo'i gnas la gnas pa'i rnal 'byor pas/ de nas phyi nas </font><hr>399b<br><font size=+1>


sngags bzla bar bya ste/ bzlas pa'i dus su rang gi snying gar nyi ma'i dkyil 'khor bsams te/ de'i steng du rang gi sngags kyi yi ge dgod par bya'o/ /'bar ba dang / phyi nas ma yengs pa'i yid kyis bzlas pa bya'o/ /sbyor ba 'di la gnas pa'i sngags pa yis/ /rtag tu 'jigs byed las kun bya/ /dur khrod gnas la bsgom bya zhing / /rtag tu bdud rtsi lnga rnams bza'/ /de yis sgrub las sgrub gzhan med/ /gzhan yang mar me che za zhing / /mtshan mo rgyu ba'i rnal 'byor pas/ /sum 'bum rtsa ba'i sngags bzlas bya/ /'di bzlas pa yi sngags pa yis/ /thams cad las ni byed par 'gyur/ /'di ni/ 'jam dpal zhes bya ba/ dpal rdo rje 'jigs byed chen po'i rgyud las/ sgom pa'i rtog pa ste bzhi pa'o// //de nas dpal 'jigs byed chen pos bstan pa'i bris sku'i cho ga rab tu gsungs pa/ dpa' bo'i ras sam/ ro la bkab pa'i ras sam/ me tog can gyi ras sam/ bu skyes pa'i ras sam/ de ma rnyed na ras gang yang rung ba la ri mo mkhan bzang po rnam rtog med pa/ mi khro ba/ gtsang ba/ mkhas pa/ yid gzhungs pa/ dad pa dang ldan pa/ brtse ba can/ sred pa dang bral ba/ 'di ltar yon tan dang ldan pa'o/ /de lta bu'i ri mo mkhan gyi lag pas dpa' bo'i ras la bri bar bya'o/ /gal te dngos grub 'dod pas dpa' bo'i yon sbyin no/ /de la cho ga ni/ gsang ba'i gnas su gnas la shin tu mnyam par </font><hr>400a<br><font size=+1>


@#/ /bzhag pas bri bar bya ste/ ri mo mkhan dang sgrub pa pos mthong ba las 'jig rten pa gzhan gyis mi mthong bar bri bar bya ste/ zhabs bcu drug pa/ phyag sum cu rtsa bzhi pa/ zhal dgu pa/ gcer bu kha dog nag po/ g.yon brkyang ba/ 'jigs pa chen po yang 'jigs par byed pa'i rnam pa can/ mtshan ma gyen du 'greng ba'i thang ga bri bar bya'o/ /zhal dang po ma he/ rwa'i g.yas su zhal gsum pa ste/ sngon po dang / dmar po dang / ser po shin tu khros pa bri bar bya'o/ /g.yon du dkar po dang / dud ka dang / nag po'o/ /de gnyis kyi dbus su rab tu dmar ba bri bar bya'o/ /de'i steng du 'jam dpal gyi zhal ser po cung zad khro ba bri bar bya'o/ /phyag g.yas par gri gug dang / mtshon rtse gcig pa dang / gtun shing dang / chu gri dang / rdo rje rtse gcig pa dang / sta re dang / mdung dang / mda' dang / lcags kyu dang / dbyig to dang / kha T+wAM ga dang / 'khor lo dang / rdo rje dang / rdo rje tho ba dang / ral gri dang / cang te'u'o/ /phyag g.yon pa na thod pa dang / mgo bo dang / phub dang / rkang pa dang / zhags pa dang / gzhu dang / rgyu ma dang / dril bu dang / lag pa dang / dur khrod kyi ras dang / skyes bu gsal shing gis phug pa dang / me thab dang / thod tshal dang / sdigs mdzub dang / 'phan rtse gsum pa dang / </font><hr>400b<br><font size=+1>


rlung gis \?\ skyod \?\ pa'i ras so/ /phyag gnyis kyis glang po che'i pags pa rlon pa 'dzin pa bri'o/ /zhabs g.yas bas mi dang / ma he dang / glang dang / pong bu dang / rnga mo dang / khyi dang / lug dang / wa rnams so/ /zhabs g.yon pas bya rgod dang / 'ug pa dang / bya rog dang / ne tso dang / khra dang / bya chen dang / ri skegs dang / bzhad rnams so/ /'di lta bur 'dug pa'i rdo rje 'jigs byed chen po bri bar bya'o/ /de'i 'og tu dur khrod chen po yang bri bar bya'o/ /'jigs pa chen po byed pa/ srin po dang / zhing skyong ba dang / ro langs dang ldan pa/ skyes bu mdung rtser btsugs pa'i gzugs de mthong bar bya'o/ /n+ya gro d+ha'i shing ngag gi steng du skyes bu 'phyang ba bri bar bya/ skyes bu bsreg bzhin pa yang bri/ mdung gis phug pa'i skyes bu yang bri/ bya sna tshogs dang / bya rog dang / khyi dang / lce spyang dag ha ha 'byin pa bri/ sgrub pa po rnams kyang bri ste/ bcom ldan 'das la rtse gcig tu lta ba/ gcer bu skra bshig pa| phyag rgya lngas brgyan pa/ cang te'u dang / thod pa dang / kha T+wAM ga 'dzin pa/ thod pas spyi bor brgyan pa/ dgod cing dur khrod der 'jug pa bri/ 'di ni/ gsang ba'i bris sku ste/ gnas gcig tu legs par bzhag la sha chen gyi spos dbul/ de'i mdun du dung chen gyi phreng bas bzlas pa bya/ sngags pa mnyam bar bzhag pas dus gsum du 'bad la bris sku </font><hr>401a<br><font size=+1>


@#/ /srung ngo / /gzhan gang yang mi gzhag go /gzhan gang gi mdun du yang mi dgram mo/ /klog pa dang / btung ba dang / bza' ba dang / ston mo ni/ sha chen rtag tu mtshan ma bza'o/ /gal te mchog gi dngos grub 'dod na/ dus gsum du rnam par snang mdzad dang khrag gi spos bris sku'i mdun du dbul lo/ /'di ni/ 'jam dpal zhes bya ba| rdo rje 'jigs byed chen po rnal 'byor gyi rgyud las/ bris sku'i cho ga'i rtog pa ste lnga pa'o// //de nas sbyin sreg gi las kyi cho ga gsungs pa/ ji ltar sngon gyi rim pa ste/ dang por re zhig sngags pas pha'i nags su phyin la mtshan phyed na sbyin sreg gi las kun byas te/ gang du gsungs pa'i lha'i rnal 'byor la gnas pas las thams cad bya'o/ /de la las ni/ 'di rnams yin no/ /gal te bsad par 'dod na/ der mi'i rus pa dang / rnam par snang mdzad dang / bong bu'i spang dang / khyi'i sbang / tsher ma dang / skra dang / sen mo dang / de dag thams cad tsha ba'i mar khus sbrus la ma he'i zhal gyi sbyor bas shin tu mnyam par bzhag la/ kha lhor bltas te ro bsreg pa'i me la gang gi ming dang bcas par brgya rtsa brgyad bsregs na/ the tshom med par de zhag gsum gyis 'chi'o/ /yang na phyogs gcig tu gnas la me thab gru gsum byas nas der </font><hr>401b<br><font size=+1>


sngon du gsungs pa'i rdzas kyis gtum po'i me la sbyin sreg bya ste/ sbyor ba des ni/ las de nyid 'grub bo/ /de nas dbral bar 'dod na/ bya rog dang / 'ug pa dang / rma bya dang / sbrul dang / skra dang / 'bras phub dang / ma he dang / rta'i sha dang lhan cig tu gang gi ming dang bcas par yi ge bcu ba'i sngags kyis dur khrod kyi me la bsregs na/ des 'bral bar 'gyur ro/ /yang na dur khrod kyi shing la gtum po'i me rab tu sbar la khyim du gnas te gong gi rdzas de bsregs na/ rdo rje 'dzin pa lta bu yang nyi ma bdun gyis 'bral lo/ /de nas bskrad par 'dod na/ bya rog gi sha dang / rnga mo'i rtug pa dang lhan cig tu chang dang yang dag par ldan pa rlung gi dkyil 'khor gyi dbus su dur khrod kyi shing la me rab tu sbar la/ gcer bu skra bshig par bsgyur nas kha lho phyogs su bltas te gshin rje'i sngags kyis che ge mo'i ming dang bcas par lag ba g.yon pas sbyin sreg stong byas na/ skrod pa las gzhan du ma yin no/ /de nas rengs par 'dod na/ ba bla dang / yung ba dang / ldong ros dang / gi wang dang bcas pas dkyil 'khor gru bzhi pa byas la kha byang du bltas te las kyi rjes su 'brang ba'i sbyor ba dmigs nas gang gi ming dang bcas par sbyin sreg byas na/ de nyi ma bdun gyis rengs par 'gyur ro/ /de nas grong bskrad par 'dod na/ nim ba'i shing la me rab tu sbar la khyi'i sha dang / sbal ba'i sha dang / khyim bya'i sha dang / </font><hr>402a<br><font size=+1>


@#/ /rnga mo'i rtug pa dang / byi la'i khrag gcig tu sbrus la/ gshin rje'i sbyor ba la gnas pas grong gi ming dang bcas par yi ge bcu pa'i sngags kyis rlung gi dkyil 'khor gyi dbus su sbyin sreg stong phrag bcu byas na/ grong skrod par 'gyur ro/ /las de rnams ni/ shin tu yang mnyam par bzhag pas bya ste/ gzhan du na sngags pa rang nyid la 'bab par 'gyur ro/ /gzhan gang la yang mi bstan no/ /de nas bu mo rengs par 'dod na/ tsher ma dang / dug dang / ske tshe dang bcas par rang gi khrag gis sbrus nas yi ge bcu pa'i sngags dang bcas pas bu mo rengs par gyur cig ces dur khrod kyi me la sbyin sreg stong byas na rengs pa las gzhan ma yin no/ /de nas zhi bar bya bar 'dod na/ mar dang / sbrang rtsi dang / 'o ma dang / dur ba dang bcas par pa la sha'i shing la me rab tu sbar na zhi bar 'dod par dmigs nas yul gyi shar phyogs su kha bltas te gnas pas dus gsum du sbyin sreg stong rtsa brgyad byas na/ des yul zhi bar byas par 'gyur ro/ /de nas rgyas par 'dod na til dang / 'bras dang / nas dang / mar dang bcas pas u dum ba ra'i shing la ma rab tu sbar na/ las kyi rjes su 'brang ba'i lha'i sbyor ba dmigs te/ kha byang du bltas nas mnyam pas yi ge bcu pa'i sngags kyis dus gsum du sbyin sreg stong byas na </font><hr>402b<br><font size=+1>


rgyas par 'gyur ro/ /de nas dgug par 'dod na ske tshe gzugs brnyan byas la de nas seng ldeng gi me'i dbus su gshin rje'i sngags kyis brgya rtsa brgyad du bsregs na/ ma grub pa yang 'grub par 'gyur ro/ /nyi ma bdun gyis gang 'dod pa the tshom med par 'gugs so/ /de nas smyo bar bya bar 'dod na/ bya rgod chen po'i tshang dang sha chen bsregs na/ smyo bar 'gyur ro/ /de phub ma'i me la bsregs na/ bde legs su 'gyur ro/ /de nas nor nor ma yin par bya bar 'dod na/ ras bal gyi me la d+ha du ra'i 'bras bu dang bcas par mtshan mo yi ge bcu pa'i sngags brgya rtsa brgyad sbyin sreg byas na/ shin tu chud zos par 'gyur ro/ /a ru ra bsregs na/ slar rdzas de nyid du 'gyur ro/ /rje btsun gyi mdun du sha chen chang dang bcas pa zla ba drug tu mtshan mo sbyin sreg brgya rtsa brgyad byas na/ yul thams cad kyi bdag por 'gyur ro/ /ba lang gi sha dang khrag tu bcas par gang gi ming dang bcas par sbyin sreg stong byas na/ de ji srid 'tsho'i bar du bran du gnas par the tshom med do/ /khyi sha rdo rje chu dang bcas par skyes pa'i bdag nyid kyis mtshan mo gang gi ming dang bcas pa sbyin sreg brgya rtsa brgyad byas na/ bdag nyid kyis nor dang bcas par dbang du 'gyur ro/ /rta'i sha rnam par snang mdzad dang bcas pa gshin rje gshed kyi sngags kyis sbyin </font><hr>403a<br><font size=+1>


@#/ /sreg brgya rtsa brgyad gnas gcig tu gnas la mtshan mo rgyal po la dmigs nas byas na/ zhag bdun gyis 'khor dang bcas pa dbang du 'gyur ro/ / glang po'i sha khu ba dang bcas pas mi'i 'jig rten kun la dmigs la yi ge bcu pa'i sngags kyis mtshan mo sbyin sreg stong byas na/ zhag bdun gyis dbang du 'gyur ro/ /nya dang sha dang chang dang bcas pas 'jigs pa med par yi ge bcu pa'i sngags kyis sbyin sreg brgya rtsa brgyad byas na/ bud med thams cad dbang du 'gyur ro/ /de nas bskrad par 'dod na/ bya rog gi sha ma 'dres par yi ge bcu pa'i sngags kyis gang gi ming dang bcas par sbyin sreg stong byas na/ nyi ma bdun gyis rdo rje 'dzin pa lta bu yang rab tu 'bros na/ phra mo'i mi lta ci smos/ de nas bya rog gi tshang dang / 'bras kyi phub ma dang lhan cig tu d+ha du ra'i shing la me rab tu sbar nas yi ge bcu pa'i sngags gang gi ming dang bcas par nam phyed na sbyin sreg byas na/ nyi ma bdun gyis skrod par 'gyur ro/ /de nas dbang du bya bar 'dod na/ seng ldeng gi me la til dang / 'bras dang / bud med kyi me tog dang lhan cig tu rdo rje'i chu dang bsres te rnal 'byor gyi gzugs dmar po dmigs nas kha nub tu bltas te yi ge bcu pa gang gi ming dang bcas par sngags pas bsregs </font><hr>403b<br><font size=+1>


na/ nyam bdun gyis dbang du 'dus te/ de ji srid 'tsho ba'i bar du mi 'bral lo/ /de nas 'gugs par 'dod na/ bdud rtsi mar dang bcas par seng ldeng gi me la gang gi ming dang bcas par sbyin sreg brgya rtsa brgyad byas na/ de skad cig gis 'ong bar 'gyur ro/ /las 'di rnams ni/ sngon du bsnyen pa byas pa'i sngags pas bya'o/ /gzhan pas byas na/ sngags pa 'jig rten pas dpyas par 'gyur ro/ /ji ltar bye brag mi bya ste/ gang la yang bye brag sbyin par mi bya'o/ /bye brag phye na sngags pas dngos grub mi 'grub bo/ /ngas rgyud gzhan las kyang bshad de/ ji ltar bye brag ma skyes pa/ /de bzhin bya ba'i bye brag smras/ /rdo rje sems dpas kyang mi 'grub/ /gang gi mdun du'ang sngags pa yis/ /de phyir las rnams mthong mi bya/ / gzhan dang lhan cig tu mi bya/ /gal te sngags bas las bya 'dod/ /de dag gcig pu zhig gis bya/ /sngags pa de yis las kun byed/ /'di ni/ 'jam dpal zhes bya ba/ dpal rdo rje 'jigs byed kyi rnal 'byor gyi rgyud las/ sbyin sreg gi las kyi cho ga rgya che ba'i rtog pa ste drug pa'o// //de nas bsam gtan gyi las kyi cho ga ji lta bu yang dag par gsungs te/ bsam gtan dang sngags kyi rab tu sbyor ba las dgos pa thams cad rab tu bsgrub par bya ste/ de'i cho ga'i dang por re zhig rnal 'byor pa ma he'i gdong </font><hr>404a<br><font size=+1>


@#/ /pa'i sbyor ba la gnas pa'i sngon du sbyang ba byas pas las thams cad bya'o/ /re pha las yongs su gyur pa'i me'i dkyil 'khor kun tu gsal bar 'bar bar rnam par bsams la/ de'i steng du bsgrub bya gcer bu skra bshig pa/ bred par gyur pa bdag gi mdun du rnam par bsam mo/ /de nas rang gi lus las khro bo'i gzugs mang po rnam par spros te/ khro bo de rnams kyis ral gris btab cing khrag 'thungs par bsam par bya'o/ /bsgrub bya de'i sha za ba dang / rgyu ma drangs par bsam par bya'o| |'di skad smra bar bya ste/ dkon mchog gsum la gnod pa byed pa dang / bla ma la skur pa 'debs pa la rgyob cig rgyob cig /sod cig sod cig bsams pa tsam gyis rdo rje 'dzin pa yang zhag bdun gyis 'chi na/ phra mo srog chags gzhan lta ci smos/ /de nas gzhan yang bsam gtan gyi rab tu sbyor ba 'byung ba ni/ ma he'i gdong pa'i sbyor ba'i nga rgyal la gnas te las thams cad bsgrub par bya'o/ /me'i dkyil 'khor gyi dbus su bsgrub bya du bar bsams la/ de'i mdun du srin po mang po bsam par bya ste/ srin po de dag tha dad pa'i lus can/ ma rungs pa/ shin tu gtum par sha za ba dang / khrag 'thung bar rnam par bsam par bya'o/ /gzhan yang rnam pa sna tshogs pa'i bya rnams </font><hr>404b<br><font size=+1>


te/ bya rgod dang / bya rog dang / 'ug pa dang / wa rnams dang / khyi rnams kyis sha za ba dang / khrag 'thung bar rnam par bsam par bya ste/ bsam gtan 'di'i rab tu sbyor bas the tshom med par 'chi'o/ /dpag tshad brgya na gnas pa'i skyes bu yang sems kyis bzung bas bsam gtan brtsam mo/ /sngags pas bsam gtan brtan par bya'o/ /de nas dpral bar 'dod na/ ma he'i snying gar bsgrub bya bsam par bya ste/ bsgrub bya gzhan rta'i snying gar rnam par bsam par bya'o/ /rta dang ma he gnyis phan tshun 'thab par byed par bsam ste/ ji srid du rta dang ma he gnyis phye bar ma gyur gyi bar du'o/ /phyi nas bsgrub bya de gnyis rab tu mi mdza' bar bsam par bya ste/ bsams pa tsam gyis nyi ma bdun gyis nges par 'thab par 'gyur te/ gzhan du ma yin no/ /de nas bskrad par 'dod na/ de ru yaM las yongs su gyur pa'i rnga mo bsam par bya ste/ yaM de'i rgyab tu yaM gyi rnam pa las gyur pa'i rlung gi dkyil 'khor zla ba phyed pa'i rnam par bsam par bya'o/ /de'i steng du bsgrub bya gcer bu skra bshig pa bred par gyur par bsam par bya ste/ ma he'i gdong can gyi sbyor ba la gnas pas de'i rgyab tu gshin rje'i gzugs lag pa g.yas pas dbyug pa 'dzin pa skra bsil ba rnam par bsam par bya ste/ rnga mo de kha lhor bstan la gtang ngo / /de'i </font><hr>405a<br><font size=+1>


@#/ /ming dang bcas par gshin rje'i sngags brjod pas rnam par bsam par bya'o/ /rnal 'byor pas 'di bsams pa tsam gyis zhag bdun na 'di ltar rdo rje 'dzin pa yang skrod par 'gyur ro/ /gzhan yang bsam gtan gyi rab tu sbyor ba ni/ bya rog gam/ bya rgod kyi rgyab tu bsgrub bya skra grol ba gcer bu rnam par bsam mo/ /de'i rgyab tu gshin rje rnam par bsam par bya ste/ lag pa tho ba thogs pa bsgrub bya'i skra bzung ba de la ma he'i gdong can gyis bka' bsgo ste/ kha lho ru bltas nas song bar bsam par bya ste/ rtse gcig pa'i sbyor ba bsam par byas na/ rtse gcig pa'i sbyor ba des zhag bdun gyis skrod par 'gyur ro/ /de nas 'gugs par byed par 'dod na/ yi ge yaM las byung ba'i rlung gi dkyil 'khor/ de'i steng du a las byung ba'i zla ba'i dkyil 'khor/ de'i steng du gshin rje'i gzugs lcags kyu dang zhags pa lag tu thogs pa rnam par bsam mo/ /ma he'i gdong pa'i rnal 'byor la gnas pas de la bka' bsgo/ /gshin rje song la yul che ge mo nas bu mo myur bar khug cig /de skad bskul bas yaM gyi rnam par bskyod de song bar rnam par bsam par bya'o/ /bsam gtan 'di'i rab tu sbyor ba la gnas pa'i sngags pas khams </font><hr>405b<br><font size=+1>


gsum du gsungs \?\ ba'i bud med bkug la rol bar bya'o/ /ji ltar bsam gtan brtan par gyur na/ 'di'i rab tu sbyor ba de dag bya'i gzhan gyis mi bya'o/ /de nas sbrul gyis zin pa blang ba'i rab tu byed pa gsungs te/ rang gi snying gar pad+ma dkar po 'dab ma brgyad pa rnam par bsam mo/ /de'i steng du dbyangs yig gsum pa 'dab mar phaT brgyad rnam par bsam mo/ /des ni/ 'og gi klu'i gzugs rnam par bsam par bya ste/ de'i spyi bor yi ge i kha dog dkar po las bdud rtsi 'dzag pa bsam par bya'o/ /klu de'i mig rnams nas bdud rtsi 'phros nas bsgrub bya de'i lus la thim par bsam par bya ste/ bsam gtan 'di'i sbyor bas khams gsum yongs su gang ba'i dug kyang med par 'gyur ro/ /dug khur stong yang za nus so/ /de nas zhu ba'i bsam gtan gyi rab tu sbyor ba 'byung ste/ bsgrub bya mdun du bsam ste de'i rkang pa gnyis la yi ge yaM las gyur pa'i rlung gi dkyil 'khor bsam bar bya/ /de'i steng du gsang ba'i gnas su me'i dkyil 'khor gru gsum kha dog dmar po raM gyis byin gyis brlabs pa bsam par bya'o/ /de'i steng du snying gar sa'i dkyil 'khor gru bzhi pa mdog ser po laM gyis byin gyis brlabs pa bsam par bya'o/ /de'i steng du dpral bar zla ba'i b+d+k+yil 'khor rnam par bsam par bya'o/ / </font><hr>406a<br><font size=+1>


@#/ /de'i dbus su yi ge ba mgo thur du gnas pa las bdud rtsi 'dzag par bsam ste/ 'di ni/ legs par rnam par bsams nas rlung gis me rab tu spar te| me des dbang chen gyi dkyil 'khor bsregs par rnam par bsam/ dbang chen gyi dkyil 'khor gyi drod kyi bdud rtsi'i dkyil 'khor de zhu bar bsam par bya'o/ / 'di yi sbyor ba tsam gyis ni/ /de yi bud med zhu 'gyur te/ /'o ma yi ni shing bzhin du/ /zhu bar byed par the tshom med/ /de nas rgyal po'am rgyal po'i blon po dbang du bya ba 'dod na/ sngags pa ma he'i gdong can gyis rnal 'byor la rab tu gnas la de nyid mdog dmar por bsams te/ bsgrub bya gang du gnas pa de'i steng du gnas la/ phyi nas rang gi lus 'jam dpal mdog dmar po phyag na lcags kyu dang zhags pa can phyung ste/ 'jam dpal des bsgrub bya'i snying ga dang mgrin pa bcings nas bkug par bsams te 'jam dpal gyi sku la rab tu gzhug go /bsgrub bya de myos par bsam par bya ste/ de'i snying gar yi ge bcu pa'i sngags rnam par bsam par bya'o| |yang kha dog dmar po sgrub pa pos ye shes kyi gzugs kyis yi ge la gzhug par bya'o/ /de dang bsgrub bya gcig tu gyur bar bya'o/ /bsam gtan 'di'i rab </font><hr>406b<br><font size=+1>


tu sbyor bas nyi ma bdun gyis 'khor los bsgyur ba yang dbang du 'gyur te/ ji srid 'tsho'i bar du the tshom med do/ /rab tu mnyam par bzhag pa'i sngags pas mi g.yo ba'i bsam gtan gyis bya'o/ /rgyud gang la yang mi sbyin no/ /gal te sngags kyang mi bstan/ dpal rdo rje 'jigs byed chen po ma he'i gdong can gyi bsam gtan gang la yang mi sbyin/ smra bar yang mi bya/ sngags kyi dbye ba yang mi bya/ bris sku yang gang gi mdun du yang mi bkram ste/ thang ga yang gsang bar gzhag go /rgyud 'di rab tu sbyor ba dang / bzlas pa dang / smra ba gzhan su la yang 'ga' tsam yang mi smra/ gal te smras na/ dpal rdo rje 'jigs byed dang / gzhan yang rnal 'byor ma rnams dang / mkha' 'gro ma rnams kyis za'o/ /dam tshig nyams par 'gyur bas/ de'i phyir sngags pas su la yang mi sbyin no/ /de nas dam tshig mnyam pa dang / rnam par rtog pa med pa dang / dam pa'i brtul zhugs can/ dpa' bo bla ma la gus pa/ dul ba can/ de bzhin gshegs pa'i bstan pa la nges par 'dzin pa/ rgyud sbas pa/ mi khro ba/ snying rje dang ldan pa/ bzlas pa dang bsam gtan la phyogs pa| rnam par smin pa la 'dzem pa/ 'di lta bu'i yon tan khyad par can ni/ slob ma bzang po ste/ dkyil 'khor dam pa dpal rdo rje 'jigs byed chen po la mchog tu gus pa/ snying </font><hr>407a<br><font size=+1>


@#/ /rje chen pos yid brlan pa/ rnam par rtog pa med pa/ mchog tu bla ma la gus pa rab tu brtag pa la shin tu rnam par bsams te/ bla mas de lta bu'i slob ma la dpal rdo rje 'jigs byed chen po'i rgyud sbyin no/ /sngags pas gzhan la byin na/ de dang slob mar bcas nas dmyal bar 'gro bar the tshom med do/ /'jig rten 'dir ni/ 'jigs pa chen por 'gyur ro/ /'jig rten pha rol tu ni| dmyal bar 'gro'o/ /dam tshig kyang nyams par 'gyur ro/ /'di ni/ 'jam dpal zhes bya ba/ dpal rdo rje 'jigs byed chen po'i rnal 'byor gyi rgyud las/ bsam gtan gyi las sgrub pa brtag pa'i rtog pa ste bdun pa'o// //dpal rdo rje 'jigs byed chen po'i 'khor lo'i rgyud 'bum pa nas btus nas phyung ba/ rtog pa'i phyogs bklags pas 'grub pa/ dpal rdo rje 'jigs byed chen po ma he'i gdong can gyi dngos grub 'grub pa'i rtog pa rdzogs so// //dpal u D+yan gyi gnas chen po nas dpal 'jam dpal gyi rgyud las phyung ba/ rgyud kyi rgyal po chen po dpal rdo rje 'jigs byed chen po zhes bya ba/ bla ma dam pa'i dkyil 'khor chen po'i slob dpon dpal lA li ta badz+ras bton nas mdzad pa rdzogs so// //bal yul gyi paN+Di ta mchog gi dngos grub brnyes pa b+ha ro phyag rdum gyi zhal snga nas dang / bod kyi lots+tsha ba dge slong rdo rje grags kyis bsgyur ba'o// </font><hr>

</table>