//dpal rdo rje 'jigs byed la phyag 'tshal lo/ /de nas yang dag bshad bya ba/ /bcom ldan nyid kyi sku gsung thugs/ /rdo rje rnams las byung ba yi/ /rdo rje 'jigs byed chen po yi/ /lho phyogs rgya mtsho pha rgal na/ /de nas gshin rje'i grong khyer ni/ /ga la ba yi gnas su byon/ /mi bzad zhabs ni bcu drug gis/ /lcags mkhar sgo med bcu drug brdzis/ /ye shes rtse gcig mtshan ma yis/ /dbus kyi lcags mkhar chen po brdzis/ /de tshe bdud chen las rgyal nas/ /ha ha hi hi'i sgra sgrog pas/ /chos kyi rgyal po la sogs pa/ /gzir bzhin du ni rab smras pa/ /dpa' bo chen po ga la ci/ /dpa' bo'i dgongs pa bdag gis bgyi/ /bdag cag srog gi snying po rnams/ /tshul bzhin 422b 'bul gyi dpa' bo bzhes/ /lha ma srin ni sde brgyad kyi/ /srog gi yang snying phul ba ni/ /gshin rjes ya phul ma mos ma/ /srin bos ra phul gnod sbyin k+She/ /mi yis Ni phul sa bdags// btsan gyis tsa phul bdud kyis da/ /de rnams gcig tu dril ba ni/ /bran du yang ni khas blangs so/ /gtan tshigs chen po de yi phyir/ /ye shes lha yi dgongs pa dang / /bsnyen pa nyams 'og rab chud nas/ /lha yi bsnyen pa rab chud nas/ /sngon gyi thugs dam las mi 'da'/ /mi 'grub pa ni mi srid do/ /ya mA ra dza sa do me ya/ ya me do ru Na yo da ya/ ya da ro ni ra yak+She ya/ /yak+She yats+tsha ni rA ma ya/ hUM hUM phaT phaT/ de skad smras pa dang / rdo rje 'jigs byed chen po yis/ /chos kyi rgyal po la sogs pa/ /gshin rje'i pho nya la sogs kun/ /sgrol ba'i bran du byin gyis brlabs/ /ma dang sring mo bu mo dang / /'khor bcas kun la bka' bsgo ba/ /lnga brgya dus kyi tha ma la/ /nga yi bstan pa 'byung ba'i tshe/ /rnal 'byor rig 'dzin ldan pa la| |bka' bsgo'i las rnams tshul bzhin gyis/ /zhes pas dam bcas pa dang / mnan bzhin du mna' bor ro/ /gtam rgyud kyi rtog pa rdzogs so// |