rKTs


H441

(e-text produced by ACIP)

see text in Tibetan script
468b
//rgya gar skad du/ /shrI maM rak+ta ya mA ri tan+t+ra rA dza nA ma/ bod skad du/ dpal ldan gshin rje gshed dmar po'i rgyud kyi rgyal po zhes bya ba/ gshin rje mthar byed dmar po la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad gcig tu 'dres par gyur pa bdag med ma'i b+ha ga la bzhugs so/ /de la mgrin par dam 'khyud de/ /rang nyid sems can ched zhus pa/ /kyai rdo rjer gsungs pa dang / /thar pa de bzhin sdom par yang / /'dus pa la sogs rgyud du yang / /slar yang ches mang du gsungs kyang / /sems can bsam pa yongs rdzogs byed/ /da ni bdag gis rab bshad bya/ /kha cig rgyal srid 'dod pa dang / /tshe ring nad med phun sum tshogs/ /zhi ba la sogs las rgyas pa| |sna tshogs rgyud du gsungs pa yang / /gang yang mngon par spyod pa dang / /dgra yi sde nyams byed pa dang / /sprod dang 'gugs dang gsod pa dang / /sna tshogs rgyud du ma brjod pa'i/ /'khrul 'khor 'jig rten gsum rnyed dka'/ /khyod la phan pa'i thabs gzung phyir/ /bshad bya lha mo gus bcas nyon/ /'khrul 'khor gang gi mthu stobs kyis/ /rtag tu rgyal srid thob bya ni/ /ji srid nyi ma zla ba bzhin/ /'tsho bar 'dod do gal te min/ /da ni ming gi spyod yul du/ /khu ba rengs dang sde 'gugs dang / /mkha' spyod nyid dang mchog tu myur/ /de yi sman ni bshad par bya/ /dang por byams pa
469a
@#/ /bsgom par bya/ /gnyis par snying rje de bzhin no/ /gsum par dga' ba bsgom par bya/ /bzhi pa btang snyoms rnam bsgom bya/ /'jig rten chos rnams brgyad po ni/ / yongs btang stong par bsam par bya/ /slar yang stong nyid byang chub ste/ /gnyis pa la ni sa bon bsdu/ /bzhi par yi ge dgod pa'o/ /ra yig las byung nyi ma la/ /hUM byung sna tshogs rdo rje 'o/ /de nyid kyis ni rdo rje yi/ /ra ba zhes dang de bzhin du/ /sa gzhi rdo rje bcings pa 'o/ /dang por stong par bsgom par bya/ /de nas yi ge i dmar po yongs su gyur pa las nyi ma'i dkyil 'khor ro/ / de'i steng du yi ge hUM dmar po'o/ /de'i steng du rlan dang bcas pa'i mgo bos brgyan pa'i dbyug pa'i dbus su hUM yig dmar po'o/ /der yang nyi ma la hUM yig go /de las nges par byung ba'i 'od zer rnams kyis nam mkha'i phyogs su dpa' bo'i gzugs de la 'jig rten gsum pa thams cad bsdus nas slar yang de nyid du bcug ste/ dpal gshin rje gshed dmar po'i gzugs su bdag nyid bsam par bya'o/ /sku mdog dmar po g.yon brkyang zhing rnam par 'gyur ba'i zhal mche ba gtsigs pa/ ljags 'dril ba 'jigs par byed pa/ klu brgyad kyis rnam par brgyan pa/ dbu skra dmar ser gyen du 'bar ba/ rked pa'i phyogs su stag gi pags pa 'dzag pas rnam par brgyan pa/ mi'u thung gsus pa 'phyang zhing 'jigs pa/ spyan gsum
469b
ba shin tu 'jigs par byed pa dmar po 'bar ba'i rgyun mi zad pa 'od zer sna tshogs kun tu 'khrugs pa/ g.yon par sred med kyi bu la sogs pa'i khrag gis gang ba'i thod pa dang / g.yas par bdud bzhi rnam par 'joms par byed pa'i dbyug pa dkar po dang klu'i rgyan la sogs pas spras pa/ rdo rje ro langs mas phrag par 'khyud pa/ 'dod chags chen po gcig tu nges par rgyas pa dang mtshungs pa gang yin pa'i rje btsun gyi gzugs so/ rje btsun ma yang de dang 'dra ste/ khyad par du mgo bo skam pos brgyan pa/ bcom ldan 'das ni 'dzag pa dang bcas pa'i mgo ba'i rgyan dang ska rags kyang grol bar gyur pa'o/ /ma he dmar po la g.yon brkyang gi zhabs kyis gnas par bzhugs pa'o/ /phyi nas bcom ldan 'das las skyes pa'i rtse gsum pa'i dbyug pa dkar po'i dbus su slar yang sa bon kha dog dmar po bsam par bya'o/ /phyi nas bcom ldan 'das kyi rdo rje yang hUM yig las skyes pa'o/ /slar yang bcom ldan 'das ma'i gsang ba'i pad+mar yang pad+ma 'dab ma brgyad pa dngos su AHyig gis rdzogs par mtshan pa'o/ /de'i rjes su gsang sngags rgyal ba'i bdag nyid can ni/ oM sarba ta thA ga ta a nu rA ga Na badz+ra swa b+hA ba At+ma kony+haM/ lte ba'i 'og tu pad+ma dmar po 'dab ma brgyad pa kha dog dmar po'o/ /der yi ge hrIHd+mar po nges par son pa'o/ /spyi bor son pa'i re pa dkar po slar yang bsam par bya zhing bcom ldan 'das kyi dbu la gzhug par bya'o/ /slar yang rdo
470a
@#/ /rje'i lam der son par blo bzang pos bsam par bya'o/ /phan tshun gnyis gnyis snyoms par zhugs pas ro mnyam pa'i sa bon gyi gzugs can no/ /sa bon de lha mo bzhis rang gi gzugs su blang ba ni/ shar la sogs pa'i phyogs bzhi rnams na gnas pa de rnams rang gi bdag po la blta zhing slong bar byed pas lha mo thams cad blang ba'i ched du glu'i mchod pa byed par blta'o/ /thugs rje'i khro bo rje btsun nyid bzhengs shig /sa gsum mtha' dag rmongs pa sol mdzod cig /rdo rje tsa rtsi kAs so/ /jo bo bdud bzhi po ni las rgyal ba/ /sems ni g.yengs so rje btsun nyid bzhengs shig /phag mos so/ /'jig rten mgron gnyer stong nyid bzhugs sam ci/ /rje btsun 'jig rten bsod nams nyid kyis bzhengs/ /dbyangs can ma yis so| |byang chub rang bzhin 'jig rten mgron gnyer nas/ /khyod nyid stong nyid sems shing ci la bzhugs/ /gau rIs so/ /rab tu sad par byas nas slar yang de la rab tu bzhugs so/ /de'i 'og tu de la khu ba'i tshogs gyur pa las bdag nyid lha'i bdag nyid can ma he dmar po'i steng na de yang gar gyi nyams dgu dang ldan pa ban+d+hu ka'i me tog lta bu drag po zhal gcig pa/ phyag gnyis pa mche ba rnam par gtsigs pa/ dmar la zlum pa'i spyan gsum pa/ smar la dmar ser 'jigs par byed pa mi'u thung gsus pa 'phyang zhing 'jigs pa/ dbu skra dmar ser gyen du brdzes
470b
pa| lngags 'dril zhing khrag 'dzag pa/ smin ma gnyer zhing drag tu bzhad pa/ mgo bos mtshan pa'i dbyug pa dkar po g.yas pa'i phyag gis 'dzin pa/ phyag g.yon pas myos byed dang khrag gis gang ba'i thod pa 'dzin pa/ nyi ma bye ba'i gzi brjid dang mnyam pa/ g.yon brkyang ba'i zhabs kyis gnas pa/ gshin rje 'jigs shing bsdigs par mdzad pa/ ma he'i rgyab na gnas pa brgyad gnyis lon pa'i rnam pa can/ klu brgyad kyis rnam par brgyan pa/ mgo bo'i phreng ba dbu la bcings pa mgo bo'i phreng ba rab tu 'phyang ba/ stag gi pags pa'i sham thabs can/ rdo rje phag mos 'khyud pa'o/ /bcom ldan 'das kyi gzugs dang kha dog 'dra ba la gri gug dang thod pa can phyag rgya lngas rnam par brgyan pa'i lus can mar brtson pa'i sems kyis bsgom par bya zhing / de nas nga rgyal byas na bdag nyid grub bar 'gyur bar the tshom med do/ /de nas badz+ra swa b+hA wa At+ma kony+haM gis gsang sngags bklag par bya'o/ /de nas bcom ldan 'das mas rjes su chags pa chen pos yan lag dang nyid lag thams cad rnam par bltas nas pad+mar rdo rje gsor te gnyis ka'i stag wag+sa kyi na bza' 'phyar bar bsgom par bya'o/ /de la 'di dag rjes su chags par byed do zhes byas nas rdo rje pad+ma dag sems la byin nas hUM dmar po yongs su gyur pa las rdo rje rtse mor oM yig ser pos byin gyis brlabs pa rab tu bsgom par bya'o/ /AHyig dmar pos pad+ma de'i ze'u 'brur
471a
@#/ /la AH yig gis byin gyis brlabs pa'o/ /de nas oM sarba ta thA ga ta a nu rA ga Na b+dz+ra swa b+hA wa A t+pa konyahaM zhes bzlogs nas/ rdo rje pad+ma mnyam par sbyor pa las bzhengs par bdag nyid bsgom par bya te/ phyi rol gyi gnyis gnyis bzhin no/ /de nas 'pho ba'i gnas skabs na bdag nyid du bsgoms pa'i lha mo'i pad+ma'i khongs su dus mnyam par 'dzag pa'i khams gnyis 'dres par bsgom par bya'o/ /dkar po dang dmar po de dag yongs su gyur pas gti mug gshin rje gshed la sogs pa rnams bdag nyid ji lta ba bzhin du pad+ma'i dbus su bsams nas bcom ldan 'das ma las skye bar bsgom par bya'o/ /de'i 'og tu de rnams mdun du bltas nas rang rang gi gnas su so sor gnas par bsam par bya'o/ /de nas shar gyi 'dab ma'i nyi ma la gti mug gshin rje gshed tsartsi kA nag mos 'khyud pa'o/ /lho'i 'dab ma'i nyi ma la phra ma gshin rje'i gshed ser po pag mo ser mos 'khyud pa ste/ /de yang phag pa'i gdong pa can no/ /nub kyi 'dab ma'i nyi ma la 'dod chags gshin rje'i gshed dmar po dbyangs can ma dkar mo dang sbyor ba'o/ /byang gi 'dab ma'i nyi ma la phrag dog gshin rje'i gshed sdo bsangs gau rI ma dang snyoms par 'jug pa'o/ /yang na thams cad kyang gshin rje'i gshed dmar po dang / ro langs ma dang mtshungs par bsgom par
471b
bya'o| |me ru mu men gyi bu ma pa bzhi mnyam sbyar bas gang ba'o/ /bden bral du gser gyi bum ba gla rtsis gang ba'o/ /de bzhin du rlung du byi ru'i bum pa sih+las gang ba'o/ /dbang ldan du dngul gyi bum pa ga bur gyis gang ba ji lta ba bzhin no/ /thod pa gang ba bltas nas nyi ma dang zla ba kun rdzogs pa dag la'o/ /'di nyid bde ba chen po dang zung du 'jug pa mchog las gzhan pa ma yin pa'o/ /de nas rang gi snying gar pad+ma dang / nyi ma la gnas pa'i hUM yig las skyes pa de'i 'od zer rnams kyis dkyil 'khor gyi 'khor lo la mchod pa kun gyis mchod nas/ dzaHhUM baM hoHzhes pas bden par dgug pa dang / gzhug pa la sogs pa dang mchod par bya'o/ /sems can rnams thams cad bla ma'i man ngag ji lta ba las so zhes rnal 'byor gnyis pa'o/ /de nas phyogs bcur bzhugs rnal 'byor/ /rnal 'byor ma tshogs de rnams la/ /blo dang ldan pas sbar bzhin dgug /mchod cing dbang bskur la sogs pa/ /zhes te/ de bzhin gshegs pa rnams kyis dbang bskur bzhin pa la spyan ma la sogs pa rnams kyis kun dga' ba'i thugs kyis sna tshogs par gyur pa'i glu la sogs pa dang gar gyis bdud rtsi lnga'i gang ba'i bum pa rnams kyis/ dbang bskur rin chen chen po la/ /khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /zhes klog cing bstod pas/ dkyil 'khor ba thams cad kyi dbu la khu ba
472a
@#/ /ster du 'byung ba las/ rdo rje sems dpa'i rgyas btab par bsam mo/ /cho ga'o/ /gti mug dang / phra ma dang / 'dod chags dang / phrag dog rnams kyis gsol ba 'debs par byed pa ni/ kye kye gshin rje'i gshed dmar po/ /bla ma srin po'i gzugs rang bzhin/ /kho bos khyod mthong rnam par 'jigs/ /bla ma khro bo'i rang bzhin spongs/ /khyod kyis gar mdzad sa stengs dang / /sa bla dang ni sa 'og g.yo/ /chags pas brgyan pa'i khro bo yi/ /gar mdzad khyod ni ro langs lags/ /sku ni sbom thung dmar po ste/ /rnam pa sna tshogs sku sprul pa/ /rdo rje dbyangs can ma yis btud/ /gar mdzad khyod ni bde ba che/ /hrIHSh+TI gsang sngags dag gis ni/ /khyod ni sa gsum 'khrul pa sel/ /rje btsun snying rje'i khro bo lags/ / gar mdzad khyod ni 'gro la gzigs/ /oM sarba ta thA ga ta pU dza badz+ra swa b+hA ba At+ma ko ny+haM zhes so/ /de nas sngar bzhin du rlung gi dkyil 'khor gyi steng du me'i dkyil 'khor/ /de'i steng du oM yig yongs su gyur pa'i gsang ba'i dkyil 'khor gsum gyi steng du AHyig yongs su gyur pa las thod pa bsgom par bya'o zhes so/ /de'i dbus su bdud rtsi lnga dang / sha lnga dang / zho dang / /'o ma dang / sha dang / nyal sogs pa dbyug pas dkrugs pas ro mnyam par byas la tshos nas rgya skyegs kyi khu ba lta bur blta'o/ /oM AHhUM zhes pa 'dis bsil bar gyur par
472b
byas nas hUM yig yongs su gyur pa'i lce sbu gu can bsams nas btung bar bya'o/ /rang rang gi kha yis ni lha mo'i kha ru sbyin par bya'o/ /dkyil 'khor pa rnams kyis kyang bsams nas kun tu spyad par bya'o/ /de nas bdud rtsi myangs pas yang dag par dgos par gyur nas phyi nas gsang sngags bzlas par bya'o/ /snying gar gnas pa'i sa bon dang mtshan ma bstan par byas nas gsang sngags bzlas par bya'o/ /oM hrIHSh+TIHbi kr-i tA na na hUM hUM phaT phaT swA hA/ zhes pas ji srid 'dod par bsams nas bzlas par bya'o/ /ldang bar 'dod na rang gi lus kyi 'od zer gyis sems can gyi don byas nas thams cad bdag la rab tu bcug ste yid kyis gshin rje'i gshed lhan cig skyes pa'i rnal 'byor gyis ji ltar bde bar gnas par bya zhes pa'o/ /lhan cig skyes pa'i gshin rje gshed kyi rnal 'byor gyi gnas skabs ni/ bdag nyid kyi gzugs lta bu rang bzhin gyis grub pa'i gshin rje'i gshed du rgyal byed par brjod par bya ste/ rang bzhin gyis grub pa'i zhal gcig pa phyag gnyis pa gshin rje gshed kho na nga'o zhes so/ /rnal 'byor chen po'o/ /rnal 'byor bzhi brjod pa 'dis thun gsum nyid kyis sam/ thun bzhis kyang rung ste/ de ltar mngon par 'dod pa'i dus su rtag tu yongs su rdzogs pa'i bar ji srid du'o zhes so/ /de nas 'bum phrag gi mthar mtshan thog thag tu bzlas par bya ste/ sngon du bsnyen par byas par 'gyur ro/ /de nas
473a
@#/ /las thams cad pa'i thabs kyi cho gas mar dang sbrang rtsi dang me tog dmar pos stong phrag bcur sbyin sreg bya ste/ re re zhing gsang sngags bklags nas so/ / oM hrIHSh+T+rIHbi kr-i tA na na man+t+ra sid+d+hi m+me de hi tI hUM hUM phaT phaT swA hA/ de nas gsang sngags kyi sngags kyi dngos grub tu 'gyur ro/ /las thams cad kyi dngos grub bo/ /dmar po zhes pa'i lha la sogs pa'i le'u ste dang po'o// //'dir bcom ldan 'das la gsol pa/ bcom ldan 'das kyi phyag rgya che'i/ /dngos grub ji ltar 'gyur ba dang / /rnam pa ci yis bsgrub bya ba/ /de'ang bcom ldan 'das gsung du gsol/ /kha yis kha la 'o byas nas/ /phan tshun dam po yis ni 'khyud/ /mchog tu dga' ba'i gzugs kyis ni/ /dga' ma bshad par bya yi nyon/ /gar byed pa'i 'byung gnas rnal 'byor bdag nyid kyi gzugs gang yin pa/ bcom ldan 'das mchog tu rnam par ma chad par 'bab pa ste/ dper na chu klung gi rgyun rab tu 'bab pa bzhin no/ /'dir ji srid du bsgoms pa las skyon sngags bzlas par bya'o/ /bcom ldan 'das kyi gzugs gal te myur du grub par 'gyur gyi gzhan du ma yin no/ ji srid du 'di'i dngos grub kyang phyag rgya chen po'i dngos grub kho na de'o/ /'di rnams kyang rnal 'byor goms pa kho nas thams cad sgrub par byed kyi gzhan du ma yin no/ /goms pa'i
473b
sbyor bar 'gyur ba ni skyes pa dang byung ba dang ma byung ba dang / sngon du gnas pa rnams thar pa'i don dang 'dod pa'i don rnam pa sna tshogs pa dang sangs rgyas nyid kyi dngos grub kyang skye ba 'di nyid la'o| |las thams cad yongs su spangs nas der son pa'i yid du gyur nas ji srid rang nyid 'ongs nas smra bar byed de/ kye kye sgrub pa po mchog ci yin pa de s+cal bar bgyi'o/ /de nas mchod yon byin nas phyag byas te dngos grub blang bar byas ba de sbyin par byed do/ /oM hrIHSh+TIHbi kr-i tA na na A gats+tsha A gats+tsha hUM hUM phaT phaT swA hA/ de nas rdo rje ro langs ma sgrub par 'dod na/ rdo rje langs ma'i gzugs brnyan byas te ras sam 'bras bu la byas te/ rje btsun gyi kha dog dang dbyibs su thog mar yang dag par gnas te ji ltar 'byor pa'i mchod pa byas te/ de dag rang rang so so'i gzugs ma 'dres pas kun tu mthong ba de srid du bzlas par bya'o/ /ji srid du 'ongs nas sgrub pa po la 'khyud de smras pa/ kye sgrub pa po khyod kyi bka' bsgo pa ci lags/ sgrub pa pos mchod yon byin nas smra bar bya ste/ bdag gi chung mar 'gyur ba'o zhes pas chung mar 'gyur ro/ /de la longs spyad pas gshin rje gshed kyi gzugs su grub par 'gyur ro/ / oM dwe Sha ra ti A gats+tsha A gats+tsha nu da nu da tru Ta tru Ta hUM dzaHswA hA/ yang na oM b+dz+ra be t+ta li A gats+tsha A gats+tsha hUM dzaHswA hA/ gzhon nu ma lo bcu drug lon pa yan lag bzang mo bag mar blangs pas
474a
@#/ /sam| skyed nas skal ldan mar byas te/ dbang bskur ba'i rnal 'byor ma sngags kyi sgom pa'i tshul gyis yang dag par mchod de/ lag pa g.yon pas 'khyung la rnal 'byar ma'i gzugs su bsams na sa ji srid du 'bar bar gyur ba de srid du bzlas par bya'o/ /de nas de la bzung nas gshin rje'i gshed kyi gzugs su grub par 'gyur ro/ / oM b+dz+ra bet+ta li dz+wa laM hUM dzaHswAhA/ zhes bzlas par bya'o/ /de nas gti mug gshin rje'i gshed sgrub par 'dod na gti mug gshin rje'i gshed kyi cha lugs su byas nas g.yas pa dang gcig shos kyi rkang pa'i mthil gyis pad+ma mnan te/ ji srid du kye sgrub pa po zhes bos nas bka' bsgo ba ci lags zhes smra bar byed pa dang / ci bgyi bar 'gyur zhes smra ba de srid du bzlas par bya'o/ /de nas brtsams te 'jig rten gsum gyi rgyal srid kyang ster ro/ /dngos grub gzhan lta smos kyang ci dgos/ de bzhin du phra ma gshin rje'i gshed dang / 'dod chags gshin rje'i gshed/ phrag dog gshin rje'i gshed sgrub par 'dod na/ de bzhin nyid du 'bras bu sgrub pa'i gsang sngags ni/ oM mo hA ya mA n+ta kr-i ta A gats+tsha A gats+tsha hUM hUM phaT phaT/ oM bi shu na ya mAn+ta kr-ita A gats+tsha A gats+tsha hUM hUM phaT phaT/ oM rA ga ya mAn+ta kr-i A gats+tsha A gats+tsha hUM hUM phaT phaT/ oM I R+Sh+ya ya mA n+ta krita A gats+tsha A gats+tsha hUM hUM phaT phaT swA hA/ zhes bzlas par
474b
bya'o/ de nas gti mug dga' ma sgrub par 'dod na gti mug dga' ma lta bu'i sngar brjod pa'i lha mo'i gzugs ma he la zhon pa bdag nyid dang lhan cig ba byas nas sngar bzhin du mnan te/ ji srid du 'ongs nas ci bgyi bar 'gyur ro zhes smra ba de srid du bzlas par bya'o/ /de nas brtsams nas sgrub pa po mngon par 'dod pa phun sum tshogs par 'gyur ro zhes so/ /de bzhin du phra ma dga' ma dang / 'dod chags dga' ma dang / phrag dog dga' ma bsgrub par bya'o/ /de nas sngags ni/ oM mo hA ra ti A gats+tsha A gats+tsha hUM dzaH/ oM bi shu nA ra ti A gats+tsha A gats+tsha hUM dzaH/ oM rA gA ra ti A gats+tsha A gats+tsha hUM dzaH/ oM IR+Sh+ya ra ti A gats+tsha A gats+tsha hUM dzaH/ zhes bzlas bar bya'o/ /yang na/ oM b+dz+ra tsa rtsi ke A gats+tsha A gats+tsha hUM dzaH/ de bzhin du/ b+dz+ra wA rA hI/ b+dz+ra swa ra swa sti/ b+dz+ra gau rI zhes bzlas par bya'o/ /de nas gnod sbyin sgrub par 'dod na/ de'i tshe 'jig rten gyi dngos grub sgrub pa'i 'du shes kyis gnod sbyin gyi gzugs brnyan byas te/ de mnan te bsgrub par bya'o/ / bka' bsgo ba thams cad phun sum tshogs par 'gyur ro/ /de bzhin du gnod sbyin mo dang / klu dang / klu mo dang / yi dwags dang / yi dwags mo dang / sha za dang / sha za mo dang / lha dang / lha mo dang / mi dang / mi mo yang ngo / /gzhan yang mngon du bsgrubs par byas te/ oM hrIHSh+T+rIHbi kr-i tA na na che ge mo sA d+ha ya sa d+ha ya hUM hUM phaT phaT swA hA/ zhes bzlas par bya'o/ /de nas rdo rje dbyug pa/
475a
@#/ /sgrub par 'dod na/ skar ma rgyal la rdo rje'i dbyug pa shing las byung ba sor mo sum cu pa'i dbyug pa byas nas ba byung lngas byugs te tsan+dan dang / me tog gi phros bas nye bar mdzes par byas te/ gang de thog mar ral gri'i tshul gyis bzung nas ji srid du 'bar bar gyur pa de srid du bzlas par bya'o/ /de nas dbyug pa 'dzin par 'gyur te/ gshin rje'i gshed dang mtshungs par pha rol gnon to/ /oM hrIHSh+T+rIHbi kr-i tA na na b+dz+ra daN+Da dz+wa la ya dz+wa la ya hUM hUM phaT phaT swA hA/ zhes bzlas par bya'o/ /de nas thod bsgrub par 'dod na gshin rje'i gshed shing gi gzugs thod pa sor mo sum cu so gnyis pa byas nas sngar bzhin du lag pa g.yon pas thogs te/ lag pa g.yas bas g.yogs nas ji srid du 'bar bar gyur pa de srid du bzlas par bya'o/ /'bras bu ni de lta bu kho na'o/ /sngags la ni/ ka pA laM dz+wA la ya zhes pa khyad par ro/ /de nas dbyug ba'i phyag rgya bsgrub par bya ste/ de'i tshe lag pa g.yas pa khu tshur byas nas sdigs mdzub brkyang par bya'o/ /de'i phyag rgya bcings nas ji srid du 'bar bar 'gyur pa de srid du bzlas par bya'o/ /de nas gshin rje'i gshed kyi gzugs kyi dngos grub tu 'gyur ro/ /sngags la ni/ daN+DaM mu trAM dz+wA la ya/ zhes pa khyad par ro/ /'di ni/ 'dod pa lnga po thams cad la nye bar longs spyod pa nyid kyis thams cad
475b
bsgrub par bya'o zhes te/ ji ltar rnyed pa'i dam tshig gi rdzas bsam pa rab tu rdzogs pa'i don du bza' bar bya zhing / btung bar bya'o/ /yang nas yang du gang ci'ang rung / /de kun gdon mi za bar yang / /bza' bya thams cad btung bar bya/ /phung kun gshin rje'i gshed la dbul/ /zhes pa dngos grub chen po sgrub pa'i cho ga'i le'u ste gnyis pa'o// //de nas dngos grub phran tshegs sgrub par 'dod na/ de la zhi ba can la sogs pa bsgrub par bya ste/ grog la yang lan brgya rtsa brgyad du bsngags pa'i 'o mas rtsibs bcu gnyis pa'i 'khor lo so so tha dad pa mngon par bri bar bya'o/ /de'i shar sgo nas brtsams te/ g.yas bskor gyis yi ge bcu gnyis bri bar bya'o/ /oM hrIHSh+T+rIHbi kr-i tA na na hUM hUM phaT phaT/ dbus su chu'i sa bon baM yig bri bar bya ste/ baM yig gnyis kyi kha sbyar la bsgrub bya'i ming de'i dbus su bri bar bya'o/ /phyi rol tu yi ges bskor bar bya'o/ /de nas kha sbyor du byas nas skud pa dkar pos dkris nas myos byed kyis dkris te brgya rtsa brgyad du byin gyis brlabs la 'o mas gang ba'i bum par bcug ste/ sngags bzlas par bya'o/ /ji ltar 'byor pa'i mchod pa byas nas/ oM hrIHSh+T+ra'iHbi kr-i tA na na ba de ba dat+ta s+ya shAn+tiM ku ru hUM hUM phaT phaT swA hA/ zhes bzlas pa bya ste zhi bar 'gyur ro/ /'jig rten pa rnams kyi sdig pa dang nad y+la sogs pa nye bar 'tshe ba grong gi phyogs bcu rnams su/ oM hrIHSh+T+rIH
476a
@#/ /bi kr-i tA na na grA ma a mu ka s+ya sarbo pa dra wa shA n+tiM ku ru ku ru hUM hUM ba liM gr-ih+Na gr-ih+Na phaT phaT swA hA/ zhes pa 'dis lan bdun du byin gyis brlabs nas gtor ma'i che gas sbyin par bya'o/ /phyi rol la sogs pa sngon du byas te 'o mas sbags pa'i sbyin sreg grong gi dbus ji srid par byas na nye bar 'tshe ba thams cad zhi bar 'gyur ro/ /de nas rgyas par bya bar 'dod na/ /sngar bzhin du 'khor lo gnyis mngon par bris te yi ge bcu gnyis po rnams kyi dbus su b+h+rUM yig dkyil 'khor gyi 'khor lo'i sa bon bri bar bya'o/ / de'i dbus su bsgrub bya'i bo ShaT gnyis kha sbyar ba bri bar bya'o/ /phyi rol du gur gum gyis gru bzhi pa'i ri mo gsum gyis bskor bar bya'o/ /de skud pa ser pos dkris nas brgya rtsa brgyad du mngon par bsngags te/ mar dang sbrang rtsis gang ba'i bum par bcug nas sngags bzlas par bya'o/ /ji ltar 'byor pa'i mchod pa byas nas sngags bzlas par bya ste/ oM hrIHSh+TIHbe kr-i tA na na b+h+rUM bau ShaT lha sbyin gyi pu Sh+TiM ku ru bau ShaT hUM hUM phaT phaT swA hA/ zhes bzlas par bya'o/ /ji srid du nor 'phel zhing rgyas par gyur gyi bar du'o zhes pa'o/ /sngags bzlas pa'i bar ma chad par zho'i zan gyis sbyin sreg bya'o/ /de nas dbang du byed par 'dod na sngar bzhin du 'khor lo gnyis la sen rtsi'i khu bas yi ge bcu gnyis po rnams mngon par
476b
bris te/ dbus su hrIHyig ku ru kul+le'i sa bon no/ /dbus su hoHyig gnyis kha sbyar ba kun bri'o/ /phyi rol tu gru gsum pa'i ri mos bskor bar bya'o/ /de nas srad bu dmar pos kun tu dkris nas brgya rtsa brgyad du byin gyis brlabs la ma mar dang sbrang rtsis gang ba'i kham phor la rgya skyegs kyi khu bas bris te bcug nas ji ltar 'byor ba'i mchod pa byas nas sngags bzlas par bya'o/ oM hrIHSh+T+tIHpi kr-i tA na na hrIHho/ /lha sbyin gyis lha sbyin la/ wa sha mA na ya hoHhUM hUM phaT phaT swA hA/ zhes ji srid dbang du gyur gyi bar du bzlas par bya'o/ /sngags bzlas pa'i mthar ni/ lan tshwa dang lhan cig pa'i me tog dmar po dang ldan pa'i sbyin sreg bya'o/ /de nas gong bu dgug par sems na dur khrod kyi sol ba dang sa'i gzugs brnyan gyi dbus su sngags dang de nyid kyi ming snying gar bcug ste/ rkang pa'i mthe bos mnan nas bzlas pa bya ste/ 'di kho na bsgrub bya'i gong bu zhes ji srid du gong bu khugs par gyur gyi bar du bzlas par bya'o/ /sngags la ni| wa sha mA na ya'i gnas sA A kaR+Sha ya hUM zhes pa dang / hoHyig gnas su dzaHzhes pa ni/ khyad par ro/ /oM marme marmA a bi g+ha te oM tsa rtsi ke ha ra ha ra bu k+kaM mA ra ya mA ra ya che ge mo'i ched du dzaH oM gaM b+hi ri tsa rtsi ge pa hUM sho Ni ta prI ye gaM b+hI ra che ge mo la dzaH/ shing gcig gam dur khrod dam ri boM ru lhor mngon par phyogs pas gcer bur byung nas brgya rtsa
477a
@#/ /brgyad du bzlas par bya'o/ /de nas 'grub par the tshom med do/ /bcom ldan 'das sngags kyi cho ga ji lta bu/ bcom ldan 'das kyis bka' stsal pa/ dben par gcig pu can du gyur pas rje btsun gyi bris sku rab tu gsal ba'i phyogs bcur gnas pa'i bla ma dang sangs rgyas dang / byang chub sems dpa' rnams mngon sum du byas nas mi'i rus pa bcad pa dang / khrag chen po dang / bya rog chen po'i khrag gis sor mo bcu gnyis pa'i rtibs bcu gnyis pa'i rnam pa'i 'khor lo'i dbus su rlung gi sa bon no/ /de'i khongs su dgra'i ming rnam par bcad pa dang bcas ba kha sbyar la/ bya rog gi mgrin pa la bcings nas gal te ma bkrol ba de'i tshe tshar gcod do/ /de'i tshe tshar ma chod na de las bon bcu gnyis bri bar bya'o/ /phaT phaT hUM hUM na na tA kr-i bi Sh+TIHhrIHoM/ /ji ltar 'byor ba'i mchod pa byas nas stobs po che sa gdug pa byin nas gal te rgyun la bskur bar bya'o/ /gal te ma yin na khwa ta'i gshog pa la lan bdun du bsngags te khyim gyi sgo ru ming nas smos na 'phral du skrod par byed de de tshar gcod do/ /de bzhin du rtsibs bcu gnyis pa'i 'khor lo'i dbus su tsha ba gsum dang / dug dang / ske tshe dang / rus pa chen po dang / bud shing gi me'i sa bon gyi dbus su rnam par bcad pa dang bcas pa'i ya
477b
yig gnyis kha sbyar la tha yig gnyis kyis phyi rol nas bskor te me'i shing gi ma la gdung bar bya'o/ /de bu khye'u'i steng du bzung na de'i skad cig la 'chi bar 'gyur ro/ /gal te ma yin na mi'i rus pa sor bzhi pa la lan bdun du mngon par bsngags par byas nas dgra'i sgor zla bar bya'o/ /de yis khyim nas skrod par byed do/ /de bzhin nyid du sa bon bcu gnyis yongs su gyur pas rtsibs bcu gnyis pa'i 'khor lo'i dbus su tsan+dan la dzi wa dang / kaSh+thi ka dang / gzhan gyis mi thub pa'am 'khri shing gi chu'i sa bon gyi dbus su de nyid gnyis kyis kha sbyar la tha yig gnyis phyi rol du bskor bar bya'o/ /brgya rtsa brgyad bzlas so/ /'o mas bkang bzhin du rA dzA ta dang me tog dmar po 'bum phrag gcig la 'chi ba med cing de las gzhan du yang rA dzA ta de'i dngos po 'gro pa med do/ /de'i tshe bdag nyid mtshams med pa lnga byed pa yang bral bar 'gyur ro/ /yang na shing se pha la'i 'bras bu dang ldan pa lta ba'i me tog dmar po rnams kyis de bzhin nyid du sa bon bcu gnyis kyis yongs su gang ba'i kham phor du bzhag nas bzlas par bya'o/ /lha dang / lha ma yin dang / mi'am ci dang / lto 'bye chen po dang / sbrul gdug pa dang / mkha' 'gro dang / mkha' 'gro dang / gnod sbyin dang / srin po dang / gdul dka' ba'i mi dang / mi bdag rgyal po la sogs pa rnams
478a
@#/ /'bangs dang 'bangs mo'i dngos po 'gro bar byed do/ /gshin rje gshed dmar po'i rgyud du thun mong gi zhi ba can la sogs pa'i cho ga'i le'u ste gsum pa'o// //de nas mnga' bdag dam 'khyung cing / /tshems kyis ma mchu 'tshir mdzad pa/ /de la bdag med mas sems can/ /don phyir phan byung zhus pa ni/ / bcom ldan ji ltar sems can rnams/ /ji ltar rgyal po rnams su 'gyur/ /bcom ldan 'das kyis bka' stsal pa/ /lha mo ngo mchog pa'i phyir/ /khyod la bshad par bya yi nyon| |ya yig dang ba yig dag las kyang gzhan du skar ma rgyal gyi gzhi pa la la b+Tika byed du bcug la skar ma rgyal las sa gsum po bsgrub par bya'o/ /rgyal rigs kyi rigs kyi khyim lnga ru gsang sngags stong phrag bzlas par bya'o/ /rnal 'byor ma'i rdo rje nyid ma bsang gtor dang / rang gi gsang sngags sgrub pa ni sngon du khri bzlas pa'i sgrub pa las so/ / gser dang / dngul dang / byi ru dang / bai DUR+Ya dang / mA li ka la bsnyen pa 'bum phrag gcig dang / de bzhin du bcu'i cha shas kyi sbyin sreg bya'o/ /rdo rje'i sa la 'bad pa las slar yang / taM baM ci paM raM/ phyogs rnams su rnam par gzhag par bya'o/ /dbus su rgyan thams cad kyis brgyan pa gsang sngags la brtson pa mnyam par gzhag pa'i rnal 'byor
478b
pas gang sngags kyi lha'i bdag nyid rnams la nyer spyod lnga'i mchod pa rnams kyis dang / phyogs bzhir rdo rje thod pa rnams su yang dag par gang ba'i gtor ma byas te phyi rol tu phyogs kyi gtor ma byas nas de bzhin du bgegs la phur pa dang / /mchod sbyin gyi shing las byung ba'i dbyug pa rnams kyis 'gyings pa dang bcas pas gsang sngags klog go/ / phyi rol du yang de nyid do/ /ngos bzhi'i phyi rol tu braM paM graM shing / gtor ma sbyin pa sngon du 'gro pas dril bu dkrol te/ de bzhin du klog par byed pa'i klog pa po dang / sgrub pa po bzhis gar byed pa la brtson pa'o/ /nyams pa dang 'gog pa zhes so/ /sA lu la sogs pa lnga bza' ba dang / bza' ba ma yin pa dang bcas pa med do zhes pa bsod nams rnam bzhi shes par bya'o/ /ji ltar dbye bar shes par bya ba ma yin te/ yongs su gang ba'i thod pa ru chang gi btung ba cung zad bya'o/ /thab tu yang blo dang ldan pas sbyin sreg bya'o/ /ji ltar gsang sngags mnyam par gzhag pas dpa' bo'i dbang po nyid bsgrub par bya'o/ /de nas sbyin sreg 'bum phrag gcig byas na gal te 'dod na phyi rol gyi thun mong gi 'khor los sgyur ba thob bo/ /'di nyid kyis nyis 'gyur gyis 'gyur ba 'dir the tshom med do/ /de nas lha mos gsol pa phra mo'i rgyal srid thob pa la dgra 'byung ngo / /thabs ches mang po ci
479a
@#/ /yis lha'i dbang po yid kyi shing rta yang dag par rdzogs par 'gro ba lags/ bcom ldan 'das kyis bka' stsal pa/ gal te snying rje dang ldan pa sems can gyi bsam pa yongs su rdzogs par byed par 'gyur pa dang / gal te dge 'dun mchod pa'i tshogs kyi bza' bar bya ba yang rjes su nyin rer byed pa dang / de'i don yang bya ste/ sems can mchod par byas par 'gyur ro/ /sngags kyi bsam gtan la brtson pas dang por dbang bskur bar bya ste/ rang gi snying po dang nye ba'i snying po'i gsang ba'i sngags rab tu sbyin par bya'o/ /thun mtshams gsum du gtor ma drug cu rtsa bzhi ba byin nas ji lta ba bzhin du bya'o/ /bya ba'i rang bzhin des sems can mchod da ji lta ba bzhin du 'gyur ro/ /bkod pa lnga bya ste/ gsang bar byas nas rang gi mchod sbyin gyi mthar gtor ma dbul bar bya'o/ /sngags kyi bsam gtan la brtson pas rnal 'byor ma bzhis mchod pa mang po dang dbang bskur bar yang bya'o/ /rgyan lnga dang ni yang dag ldan/ /rtag tu myos byed mang po dang / /gri gug dang ni thod par ldan/ /kun tu stag lpags sham thabs dang / sA li rnams kyis kha bkang nas/ /kha nas kha yi nang du sbyin/ /sgrub po gcig ni rgyal kun brgyan/ /g.yon pas dril bu dkrol byed cing / /g.yas nyid rdo rje gsor bar byed/ /khu
479b
lnga yi ni tshad kyis ni/ /bris sku lnga po gyis shig dang / /gti mug phra ma 'dod chags dang / /phrag dog kha dog dbye las bri/ /dkar po ser dmar sngo bsangs rnams/ /rang rang gzugs la bri bar bya/ /dbus su gshin rje'i gshed bri'o/ /sngags la mchog tu gzhol ba yis/ /sprang chen snag tsha byas nas ni/ /mchog gi rus pas bri bar bya/ /a yig dang ni ba yig dag 'bum phrag bzhi po yang dag rdzogs/ /thab khung gru gsum pa'i dbus su/ /sbyin sreg sngags la mchog gzhol ba/ /phyir gzhan slob dpon bzhi rnams kyis/ /de bzhin thab tu 'dab gsum gyis/ /phyi nas sa bon bcu gnyis dang / /de bzhin 'khor lo bcu gnyis la/ /sngags kyis bon bri bar bya/ /gro gsod bcu drug nyid la'ang / /ming med kyi ni khrag nyid la/ /sen rtsi yis ni bsres pas sam/ /yang na rgya skyegs khu bas so/ /ya ma rA dza sa do me ya/ ya me do ru Na yo da ya/ ya da yo ni rA yak+She ya/ yak+She ya tsa ni rA ma ya/ lha mo gsang sngags rnyed dka' 'di| |bdag gis ngo mchog par bshad/ /'di yi sngags kyi mthu stobs kyis/ /bdag gis sangs rgyas nyid sgrub ste/ /'jig rten gsum gyi dbang phyug 'gro/ /gsang sngags brtson pas sbyar byas na/ /sde dang bcas pa bar snang la/ /'gro 'gyur 'di ni the tshom med/ /gshin rje'i gshed dmar rnal 'byor pa/ /kha cig rtag tu dam tshig brtson/ /rigs lnga'i bsnyen
480a
@#/ /par gyur pa yang / /'bum du bzlas pas bri bar bya/ /pho nyas shar gyi dkyil 'khor du/ /kham phor gnyis kyi dbus su mar dang sbrang rtsis yang dag par gang ba la bzhag nas zho'i zan dang / yungs kar dkar po dang / lan tshwa'i sbyin sreg bya'o/ /nub kyi 'dab ma la de dang mtshungs pa'i kham phor la me tog dmar po dang / sen rtsi dang rgya skyegs kyi khu ba bsres pas sbyin sreg bya'o/ /byang phyogs kyi 'dab ma la sbrang chen gyis gang ba'i kham phor la yang dag par bzhag nas thab khung gru gsum du shing si T+Tha ka shu dang / shing saM ko tso dang / shing kaN+Di ka dang / dug dang / ske tshe rnams kyis sbyin sreg bya'o/ /dgu yi bdag nyid can 'bad pas/ /dang por dam tshig byas nas ni/ /rgyan lnga yis ni brgyan pa yis/ /rnal 'byor ma yang de dang mtshungs/ /sna tshogs rin chen rang bzhin brgyan/ /rnga yab dkar pos brgyan pa yi/ /lag pa dag gis rdor dril yang / /yang nas yang du gtor ma sbyin/ /ji ltar kha cig yon phul bas/ /gang gis mnyes par 'gyur pa yin/ /dbus su'ang de dang mtshungs par bya/ /mtha' ru bzhi 'gyur du bya'o/ /dge 'dun bza' ba yang bya'o/ /dman dang zhan la rjes brtseb/ /so sor bdag ni dam tshig mchod/ /shes rab bcas shing yon dang bcas/ /rigs ni lnga po rnams kyis ni/ /de nas zho bcas bza'
480b
ba yi| |me la sbyin sreg bya ba'o/ /blo bzang 'bad pas gzhag mi bya/ /dbyug pa lhan cig de sgo bzhir/ /rnga bo che yi sgra bya'o/ /gang dang gang du sgra thos pa/ /ro la sde ni rab bros nas/ /rna ba rnams ni gsal bar byed/ /mig gis mthong bar mi byed cing / /sde rnams dbang du byed pa dang / /mgo la zug rngur 'gyur ba dang / /skrod pa dag ni byed pa yin/ /yang na bya'i gshog pa la bcings nas brjod par bya ste/ gnag dang gang du 'gro ba de dang de nyid du pha rol gyi sde rnams ni/ rang gi chung ma yang yongs su dor nas smyo bar 'gyur ro/ /bdag nyid g.yul la mchog tu gzhol bar 'gyur ro/ /glang po che rnams dang / rta la sogs pa rnams kyis ldog ste/ bdag nyid kyis sde yis 'gro bar byed do/ /gang gi tshe sde tshan gsum gyis g.yul byas nas dum bus/ stung bar byed do/ /pho nya gcig pus gnas pas ji lta ba bzhin du 'tsho ba tsam gyis 'tsho bar byed do/ /de'i thal bas pha rol gyi sde gshog par byed pa'am/ kun tu bskor bas sgrib par 'gyur ro/ /glo bur du glang po che'i tshad kyi rdo ba 'bebs par byed do/ /char chen po 'bebs par 'gyur ro/ /klu'i tshul gyi sgrub pas sbyin sreg 'bum gyis 'dod pa rnyed do/ /shi ba'i pha rol tu yang dgra bo de rnams 'bangs su 'gyur ro/ /'di ni/ sum 'gyur gyis sa dang 'jig rten gsum la dbang byed par 'gyur ro/ /de nas shing se ba la'i 'bras bu 'bum phrag
481a
@#/ /gcig gis de'i 'bras bur 'gyur ro/ /zhes pa gshin rje'i gshed dmar po'i rgyud du dngos grub phran tshegs kyi las rab 'byams kyi le'u ste bzhi pa'o// //de nas bcom ldan 'das mas gsol pa/ de nas b+ha ga la rtags yang dag par sbyor ba'i khu ba 'di nu ma rab tu 'phel bar bya ba la nad nyams pa las dang / yid bud med kyi dbang du gyur pa med pa las dang / de 'ching bar byed pa las kyang khu bas nu ma la bsrung ba dang / bskyab pa'i sbyor ba bshad du gsol/ de nas bcom ldan 'das kyis bka' stsal pa/ khyod kyis nga la zhus pa legs so zhes gnang nas/ dang por phung po sbyang bya ste/ /phyi nas rab 'byams las brtsam bya/ /'bras bu gsum gyi phye ma gzung / /ya bak+Sha ra bA lA sha/ /zos nas bu ram 'thungs pa las/ /srin dang 'khogs pa rab tu 'joms/ /til mar kai ta ke'i khu ba/ /hi la mo tsi khu ba dang / /rgyam tsha 'thungs shing byug pa de'i/ /srin bu shig rnams 'joms par 'gyur/ /til mar kai ta ka'i khu ba/ /bi tsi n+ri wa Na yang dag ldan/ /drag mo b+h+ra ma Na sbyor las| |n+ri wa Na yis 'joms par 'gyur/ /hi la mo tsi'i khu ba dang / /rgyam tsha cung zad yang dag ldan/ /grib mar rab tu 'jug byas nas/ /pi ci bi tu 'joms par byed/ /
481b
til mar kai ta ka'i khu ba/ /rgya skyegs rtsa bar sba byas na/ /'thung ba'i sbyor bas til mar 'joms/ /kuSh+maN+Da khu rkang mar dang / /pi tse n+ri wan yang dag ldan/ /klu yi phye ma 'thungs gyur na| |bad kan rnams kyi sbrang rtsi 'joms/ /nyi ma re re re bya ba'o/ /phyi nas sman ni brtsam par bya'o/ /de nas 'bras bu sbyin par gnas/ /gzhan du 'bras bu med la dga'/ / shal mi li shun phye ma dang / /tab+ha snying pos bza' bar bya/ /rnam bdun bsngags la tho rangs su/ /rung ste bza' ba za byed la/ /slar bdag ji srid 'tsho yi bar/ /khrag dang khu ba 'phel bar byed/ /oM tsaN+Da ma hA ro Sha Na i maM di bya a mri taM me ku ru hUM phaT/ sa Ti taM dang ma hi ShaM/ /na ri ke la dag la yang / /wA shI'i nying khu yang dag ldan/ /phag las byung ba'i tshil khu yis/ /rtags dang rna ba nu ma'i dang / /b+ha ga yi yang rnam par mnyes/ /lus kun rnam par mnyes pa yis/ /'phel bar 'gyur bar the tshom med/ /nges par sen mos bsdigs byas nas/ /bskus nas kyang ni de nyid kyis/ /skye gnas dbus su rab gzhug bya/ /rgas pas skye gnas 'phel bar 'gyur/ /se 'bru'i pags pa snyigs ma yi| |yungs kar til mar la btso bya/ /num mnyes pas 'phel bar byed/ /yungs kar dkar po shu dag dang / /dri bzang dri hA tI byas pas/ /snyigs ma yis ni ling ga
482a
@#/ /'phel| |nu ma rna ba 'phel bar 'gyur/ /gzhan gyis mi thub dkar po dang / /lag ldan pi pi ling byas pas/ /ma he yi yang mar sar gyis/ /'thungs pas ling ga 'phel bar byed/ /da d+hur khu ba rta bon po/ /rtsa bar bcug nas ma he yi/ /mar gsar dang ni bsres pa dang / /da d+hur 'bras bu go Da ka/ /nyin dang mtshan du gdung bar bya/ /de nas ma he yi saM gu Da mnyes nas sngar brjod pas mtshan mo gsum du byugs nas mnyes par bya ste 'phel bar 'gyur ro/ /lham bu chu shel gyi phye ma yis mar bsgrubs nas btsun mo'i skye gnas kyi nang du byug par bya'o/ shi thi las skye gnas dam por 'gyur ro/ /pad+ma'i sa bon dang / ut+pa la'i sa bon dang / pad+ma'i rtsa lag dang / pu shel tse dang / gla sgang rnams til gyi til mar la btso bar bya'o/ /des b+ha ga'i yan lag mngon par bgrod dka' ba'i don du/ shi thil la nyam nga bar 'dor ba la sogs pa 'joms par byed do/ /nim+ba'i shun pa bskol ba yis b+ha ga bkru bar bya'o/ /ni ma'i shun pas bdug par bya'o/ /gzhon nu ma bzang mo nyid dri bzang po can/ skal ba bzang mo la sogs pa'i yon tan dang ldan par 'gyur ro/ /kha bla'i cha shas lnga dang / rgya skyegs kyi shing gi 'gyur byed kyi cha shas gcig dang / chu shing gi 'gyur
482b
byed kyi cha shas gcig dang / chus btags nas byugs pa tsam gyis b+ha ga dang / mchan khung dang / rtags rnams kyi spu rnams 'byi bar byed do/ /ha la ha la dang gser gyi phud bu bsres pa tsha ba'i til mar dang / shing sa sap+t+ta dang / shing hAs+thA bi dang / des ling ga la sogs pa la byug par bya ste/ slar yang skra rnams 'byung bar 'gyur ro/ /ma he dang / phag pa dang / glang po che dang / khyim bya rnams kyi mar khu dag gis mnyes pas nu ma la sogs pa rnams 'phel lo/ /dzi ti'i me tog gi til mar gyis btags na b+ha ga 'phel bar 'gyur ro/ /ma he'i mar gsar dang / shu dag dang / shing kuT rnams lte bar mnyes par bya ste nu ma 'phel bar 'gyur ro/ /rnga mo'i chus bkrus pa las ling ga 'phel bar 'gyur ba de dang 'dra'o/ /daN+Dod pa la'i rtsa ba dang / ba las byung ba'i mar gyis btung bar bya ste/ sbrum par 'gyur ro/ /ba la dang / a ti pa lA dang / shi ta dang / shirka rA dang / til mar dang / bung bu'i sbrang rtsi dang / sbrang dang ldan pa btung bar bya ste/ khrag 'bab pa 'joms par byed do/ /nas kyi phye ma dang / ba lang gi gcin dang / sra rtsi pog gal te sbrang rtsi dang mar gyis dril phyis las lus thams cad bzang por 'gyur ro/ /zla mtshan gyi dus su phag gnon pa'i rtsa ba rna ba la bcing ba las sbrum mar
483a
@#/ /'gyur ro/ /ka lam+bI pA kaM bza' bar bya ste khu ba 'phel lo/ /skyu ru ra'i phye ma dang / li khri dang / zho zos pas khu ba 'phel lo/ /khu ba dang khrag zos pas khu ba 'phel lo/ /bud med kyi bshad pa dang / bud med kyi gci ba sbags nas btung bar bya ste khu ba 'phel lo/ /skyu ru ra'i phye ma dang / chu dang / mar dang / sbrang rtsi rnams brdod pa'i dus su bza' bar bya'o/ /mig la stugs pa dang shes rab kyang skye bar byed do/ /skyu ru ra'i phye ma dang / 'o ma la sogs pa bza' bar bya ste/ lo'i sbyor bas tshe brgya'o// skyu ru ra'i khu bsrang gcig dang / wA gu tsA phye ma zho gcig btung bar bya'o/ /'khogs pa la tho rangs zla ba gcig tu zos na lo lnga brgya'i tshe ru 'gyur ro/ /wA gu tsI zho gcig dang / dar ba dang / chu dang phabs dang / 'o mas kyang rung ste 'thungs na zla ba drug gis lang tsho la sogs pa dang ldan no/ /muN+Di ri phye ma dang mar bza' bar bya ste/ nyi ma nyi shu rtsa gcig gis lo bcu drug tu byed do/ /Sha Na'i sa bon gyi phye ma srang gcig dang / sA lu dmar po srang gcig dang / ba kha dog gcig pa'i 'o ma kham phor gnyis bza' bar bya ste/ thog mar 'o ma kham phor gcig zad par 'thungs nas sa Na la sogs pa de la byin nas btung bar bya'o/ /de nas bza' bar bya'o/ /'khogs pa 'o mas btung bar
483b
bya ste| nyi ma bdun nam gsum gyi bar du ji srid bar rlung dang tshad pa spang ngo / /bya ba ji lta bu dang / bya ba phyi ma ji lta bus de'i skra la sogs pa ltung bar byed do/ /de nas skra dkar dang gnyer ma spangs te lo brgya phrag lngar 'tsho par byed do/ /khrag skrod pa'i rtsa ba dang / mar dang sbrang rtsi byi la'i rkang pa tsam bza' bar bya ste/ 'bras bu ni ji lta ba bzhin kho na'o| |skyu ru ra dang / a ru ra dang / bung ba'i rgyal po dang / pi pi ling dang / na le sham dang / lcags kyi phye ma rnams sbrang rtsi dang / sha kar dag gis u dum bA ra'i 'bras bu'i tshad kyis ril bur bya'o/ /de nas ril bu bza' bar bya ste/ zla bas tshe lo sum cur 'gyur ro/ /ku mA ri srang gcig dang / mar dang / zho dang ldan pas bza' bar bya ste stobs chen por 'gyur ro/ /b+ha trA lI dang / li ga dur sum 'gyur gyi a ru ra dang / chu cha gcig la sogs pa zos pas stobs chen por 'gyur ro/ /thams cad du bdag nyid lha'i rnam par bza' bar bya'o/ /sngags kyis mnyes shing byin gyis brlab par bya'o/ /khu ba rengs pa'i le'u ste lnga pa'o// //de nas dan da'i shing gi rtsa ba phabs kyis btags nas mgo la mnye bar bya ste/ mgo bo'i gzer 'joms par byed do/ /sbrang dang mar dang mig sman du bya ste/ mtshan mo long ba 'joms so/ /shing se pha la'i 'bras
484a
@#/ /bu'i rtsa ba zos pa las sba ba 'joms par byed do/ /la phug gi sa bon dang / bri yang ku dang / tsan+dan dmar po dang / ru rta btags nas dril phyis byas pa las spre'u la sogs pa rnam par 'joms so/ /sha ba'i sha skam po dang ra'i 'o ma btung bar bya ste/ gza' rnams 'joms so/ /skyu ru ra dang / pi pi ling dang / tsi tra ka dang / sge'u gsher dang / bu ram rnying pa dang / mar dang / sbrang rtsi mnyam par bza' bar bya ste/ dus ma yin pa'i lud pa dang dbugs mi bde ba 'joms so/ /sge'u gsher dang / zi ra nag po dang / zho'i nying khus kyang rung ste/ lan tshwa dang lhan cig tu btung bar bya'o/ /de'i khrag sri ba rnam par 'joms so/ /li khar dang / ya bak+Shar mnyam par bza' bar bya'o/ /so b+hAny+dza na bskol ba btung bar bya ba'am/ yang na rdo 'joms pa btung bar bya ba'o/ /a ru ra dang / tsi tra ka'i chu btung bar bya ste/ mchin pa'i nad 'joms so/ /zi ra nag po dang bu ram bza' bar bya ste/ rims 'khor ma 'joms so/ /ya bak+Sha ra'am zho btung bar bya ste/ rlung nad rnam par 'joms so/ /tsha ba'i til mar la byi tang ka dang rgya mtsho byin nas cung zad b+s+mos \?\pa'i nyid khu btung bar bya ste/ me dag la dang / srin bu dag rnam par 'joms so/ /a ru ra dang bu ram bza'
484b
bar bya ste/ ming ngan pa rnam par 'joms pas so/ /a ru dang sga skya bza' bar bya ste rlung nad 'joms so/ /rtswa dur ba la yung bas btags nas byug par bya ste/ rngo 'joms so// 'di nyid gyis phyi dang / shu ba dang / 'brum bu dang / ku rA 'joms pa la sogs pa rnams 'joms so/ /bu ram dang tsha ba'i til mar btung bar bya ste/ dbugs mi bde ba rnam par 'joms so| |ardzun dang / shing tsha dang / mar la sogs pa rnams bza' bar bya ste/ snying gi zug rdu 'joms so/ /bil ba bsregs nas bu ram bza' bar bya ste/ khrag tshad 'joms so| |bu ram dang mar bza' bar bya ste/ rlung dang mkhris pa dang / bad kan dang mdze la sogs pa rnams 'joms par byed do/ /bras bu gsum gyi phye ma dang / mar dang sbrang rtsi rnams btung bar bya ste/ nad thams cad 'joms so/ /a ru ra'i phye ma dang / mar dang / sbrang rtsi dus gsum kun tu bza' bar bya ste/ rlung dang bad kan rnam par 'joms so/ / ba sha ka'i yan lag lnga dang / shu dag dang / tshangs ma'i shing dang / pi pi ling skam pa phye mar byas nas rgyam tshwa dang sbrang rtsi yis wa Di ru byas te de nas bza' bar bya'o/ /dus ma yin pa'i rlung dang bad kan 'joms so/ /shAl+mA li dkar po'i shing shun phye mar \?\ byas nas pad+ma'i sa bon dang / ku mu ta'i 'bras bu lhan cig tu byas btags te/ rtsa ba'i sngags
485a
@#/ /stong phrag gcig tu bzlas nas du'i ril bu'i tshad kyi ril bu rnam par byas te/ grib bskams byas nas tsa na ya'i khu bas bskam par bya'o/ /tho rangs zos nas ji srid 'dod par btung bar bya ste/ gcin nad med par 'gyur ro/ /dbyangs snyan par byed do/ /tshangs ma'i shing dang / shu dag dang / sga skya dang / pi pi ling dang / a ru ra dang / ba sha ka dang / seng ldeng rnams sbrang rtsis ril bur byas nas bza' bar bya ste/ 'bras bu ni/ /de kho na bzhin no/ /gshin rje mo dang / a ru ra dang / sga skya dang / rgyam tsha dang / mAn sA man rnams bza' bar bya ste/ 'khogs pa thams cad 'joms so/ /sle tres kyi khu ba dang sbrang rtsi btung bar byas te gcin nad 'joms so/ /mA tra la 'o ma dang / pi pi ling gi phye ma dang / mar dang / sbrang rtsi rnams btung bar bya ste/ rims phra mo dang lud pa la sogs pa rnam par 'joms par byed do| |ngo tsha can dang / A shar dang / dum kha ya dag gi rtsa ba la wA Shi'i chus btags nas rab tu byug par bya'o/ /sle tres kyi rtsa ba yang bza' bar bya ste/ rtsa'i rma 'joms par byed do/ /sga skya dang / ya bak+Shar yi bza' bar bya ste/ dang kha bde bar 'gyur ro/ /dza yan+ti'i sa bon dang / nal sham gyi lhan cig btung bar bya ste/ bsdigs pa'i
485b
nad 'joms so/ /'bras bu gsum dang / me li ka nag po dang / sa'i 'jim pa dang / b+hr-ing+ga rA dza dang / sa ha kA ra'i sa bon dang / lcags phye dang / tsam mo ste 'di rnams kyis bsngags par bya'o/ /de nas gu gul gyis skra la bdugs nas des mnye bar bya'o/ /de nas nyi ma bdun du mes gdung bar bya ste/ skra'i mig sman no/ /rma bya'i mkhris pa dang b+hr-ing+ga rA dza dag gi khu ba dag gis ba las byung ba'i mar la btsos nas sbyin par bya ste/ skra'i mig sman no/ /phag pa mo dang / tsha ba gsum cha mnyam par phye mar byas nas war+t+ti ka'i dbus su 'phang bas 'og tu phyogs pa'i war+t+ti ka'i rim pas spre'u'i til mar brgya phrag bzung nas thigs pa gnyis kyi sbyor bas gnyer ma dang skra dkar po spong ngo / /'dis mnyes te khu bas mdze la byugs pa zhi bar 'gyur ro/ /'phral gyi mar gsar gyis mnyes nas gan+ta ka dang ma sa kA dang lhan cig ra sa to la kA+e dang / 'bras sA lu dang / tsi lo ni sa'i gong bus bum pa'i 'khrul 'khor gyi bum pa'i nang du mri Shi kA sa bkab la wa lu ka dang lhan cig me la byin pa las ro 'ching ngo / /za ba las ni nyi ma'i tshogs kyi be'u'i brun bzung nas ril bur bya'o/ /rgya spos kyi rtsa bas btags nas dkri bar bya'o/ /ril bu re re zos nas dug bza' ste/ dug rab tu med par 'gyur ro/ /zhes pa rgas pa 'joms pa'i
486a
@#/ /le'u ste drug pa'o// //kye bcom ldan 'das/ dbang du byed pa'i cho ga gsungs shig /bcom ldan 'das kyis bka' stsal pa/ gzhan gyis mi thub pa dkar po'i rtsa ba la khu bas be Di kA byas thig les bud med dbang du byed par 'gyur ro/ /tshangs pa'i dbyug pa dang / shu dag dang / ru rta dang / sbrang rtsis btags la dril phyis byas na gang 'dod pa de dbang du 'gyur ro/ /daN+Dod pa la'i rtsa ba la tam+bu la'i sa sbyin par bya'o/ /de bzhin du tshangs pa'i dbyug pa dang / shu dag dang / ru rta dang / nA ga ge sar dang / tam+bu la byin na dbang du 'gyur ro/ /gi waM dang rang byung gi me tog gi thig les skal ba dang ldan pa dbang du 'gyur ro/ /gi waM dang / shi shu lo la dang / b+hr-ing+ga rA dzas lhan cig skar ma rgyal la wa Ni ga'i rnam par bya ste/ thig les dbang du byed par 'gyur ro/ /b+hr-ing+ga rA dza'i rtsa ba la bdag nyid kyi khu bas mig sman bya'o/ /de bzhin du rma bya'i gtsug phud dang / shi ba'i phreng ba dang / khwa ta'i lce skam po'i phye ma gang gi mgo la byin pa de dbang du 'gyur ro/ /ba lang gi so la bza' ba dang btung ba btags nas byin na dbang du 'gyur ro/ /khyab 'jug gnon pa'i rtsa ba btags la byugs na dga' ba las de bzhin no/ /skar ma rgyal la da d+hu ra'i rtsa ba bzung
486b
nas skar ma skag la wa Da'i shing shun no/ /me bzhi la 'dab ma'o/ /nag pa la me tog go /snubs la rtsa ba'o/ /cha mnyam pa'i phye ma la sbrang rtsis pa Di ka ru bya'o/ /ras la btums nas bskam par bya'o/ /tam+bu la la byin nas dung gi phye mas dbang du 'gyur ro/ /shing arga'i sol ba dang / smyo byed dang / khyi'i mig dang / rkang pa'i mthe bos gang gi ming bris te che ge mo shog cig cas brjod pas 'ong bar byed do/ /du ba med pa'i me la gdung bar bya'o/ /skar ma rgyal la gzhan gyis mi thub pa'i rtsa ba'i rtsa la bton te ma'i zhun gyi mar khus de la bskus na thod pa ru dud pa btung bar bya'o/ /mig sman nges bud med dang skyes pa dbang du byed do/ /rgya spos dang / byi thang ka dang / seng ldeng ru rta byin na mi 'dod pa 'joms par byed do/ /pri yang ku dang / gi waM dang / ldong ros dang / nAg ge sar gyis mig la mig sman du byas na dbang byed do/ /gla rtsi dang / ngo tsha can dang / da d+hu ra dang / sa ha de rnams kyis byas pa'i til mar gyis dbang du byed do/ /na ma sh+tsaN+Da lI che ge mo me wa shra mA na ya swAhA/ stong phrag bcu bzlas pas sngon du bsnyen pa byas nas bsnyen pa khri'o/ /dur khrod kyi thal ba la bcu bzhi la brgya rtsa brgyad du mngon par bsngags te/ bud med kyi mgo la byin na dbang du 'gyur te/ rtag tu nges par sems pas slar yang dga' bzhin pa'i sems dang
487a
@#/ /ldan no| |khu ba rengs pa'o/ /shing khu byug gi mig dang / shi rta'i rtsa ba dang / da d+hu ra dang / gzhan yang byang gi muk+ta shi kha rkeng pa la bcings nas khu ba rengs bar byed do/ /swa rtsi pog dang / wA mat+ta ti dang / gzhan yang shar dkar po dang / pu kha'i rtsa bas kyang 'khrig pa las khu ba rengs par byed do/ /'jam 'bras la sbubs byas nas dngul chus bkang ste srad bus rked pa la bcings na khu ba 'dzin no/ /'phags pa'i til mar dang / rgya skyegs dang / rany+dzi ta dang / arka dkar po'i shing bal gyi snying pos sbar na khu ba rengs so/ /sa'i 'khril shing gi phye ma dang / dbus kyi snying po til mar gyis bsreg par bya ste/ khu ba rengs so/ /til gyi til mar dang / sa'i 'khril shing phye mar byas nas sam me tog gi mar khu btung bar bya'o/ /des rkang pa'i mthil la bskus na khu ba rengs so/ /khu ba rengs so/ /til gyi til mar dang / pad+ma dkar po'i ge sar dang sbrang rtsi rnams kyis lta bar byugs na khu ba rengs so/ /pad+ma'i 'dab mas khyab 'jug gnon pa'i rtsa bar 'dab mas dkris nas wA DI dkre bar bya ste/ khu ba rengs so/ /ba bla'i khu ba'i mig sman dang / dngul chu dang / pi pi ling dang / rgyam tsha dang / ru rta dang / phug ron gyi brun rnams kyis ling ga la dril
487b
phyes byas pa las khu ba rengs so/ /gu s+tha dang / ud+d+ha ba li dang / bar+b+ha dang shri ga byugs na steng du 'gyur ro/ /shing ka bed kyi rtsa ba dang / darbi dang / ra'i gcin gyis btags nas ling ga la kun byugs te/ pad+ma dbye bar bya ste/ lan gsum du steng du 'gyur ro/ /tsha ba'i chus bkrus na rab tu zhi bar byed do/ /'gron bu'i nang du dngul chus bkang nas kha ru bzhag na khu ba rengs so/ /ra'i gcin gyis dbang po chu lha mo la nyi ma bdun du bgo bar bya'o/ /des dril phyis byas pa las ling ga rengs par 'gyur ro/ /da d+hu ra'i rtsa ba dang / kAm rtsa'i rtsa'i rtsa ba dang / o Sha Na'i rtsa ba dang / ga bur gyi khu bas btags nas ling ga la byugs na 'dod pa'i bud med 'dzag par byed do/ /rgyam tsha dang / tsha la dang / ga bur dang / g+ho Sha'i phye ma sbrang rtsis btags nas ling ga la byugs na'ang de bzhin no/ /phug ron gyi brun sbrang rtsis btags nas ling ga la bskus na 'dod pa'i bud med 'dzag par byed do/ /ka mA tsI'i rtsa ba dang / tam+bu la shin tu dga' ba'i dus su bud med kyis zos na de 'dzag par byed do/ /pakwa dang / tin DI dang / ma l+le kA rgyam tsha bsres par byas nas rang gi sdigs mdzub kyi sor mor bcug ste/ de'i b+ha gar bcug nas rdo rje dbyings kyi dbang phyug ma'i rtsa ji srid du de 'dzag par byed kyi bar du bskyod par bye'o/ /ga bur dang /
488a
@#/ /dngul chu dang / tsha la dang / shing ha ti dang / pi pi ling dang / sbrang rtsi rnams kyis byugs na bud med 'dzag par byed do/ /shing rdza ya sti'i rtsa bas btags nas 'bras thug po che dang / chu bsres pa'i zla mtshan gyi dbus su de'i skye gnas la rab tu byugs na bud med mo sham du 'gyur bar the tshom med do/ /pA la sha'i sa bon btags nas byug par bya zhing / mar dang sbrang rtsi 'thungs pa las khrag gi mtshan ma'i bud med mo sham du 'gyur ro/ /chag pa dang / phye ma leb kyi phye ma dang / phyis sa skye gnas su byin na dam por 'gyur ro/ /khu ba rengs pa'i le'u ste bdun pa'o// //mgrin pa bteg nas dam 'khyud cing / /lha la yang yang 'o byas nas/ /rgyal po'i dngos por byas pa cig /'khor los sgyur bar ji ltar 'gyur/ /gang zhig nye bar ma zhugs pa/ /gnas shig tu ni rgyal srid 'gyur/ /dgra bo g.yo med 'gyur ba dang / /dga' zhing zhabs la 'dud pa'am/ /kun tu 'gugs shing 'dren pa dang / /mnga' bdag de bzhin der bzlas pa/ /sems can don du bdag la shod/ /bcom ldan 'das kyis bka' stsal pa/ /phris sku dang ni gzugs brnyan la/ /nyer spyod lnga rnams kyis mchod nas/ /drug cu rtsa bzhi yongs rdzogs pa'i/ /gtor ma thun mtshams
488b
gsum du byin/ /gser bum de bzhin kham phor brgyad/ /'khrul 'khor rgyas pa'i sbyor ba yis/ /de bzhin bsngags la mchog gzhol ba/ /slar yang shing rta kham phor sogs/ /mar dang sprang rtsis bkang ba yis/ /gtso bo dpal gyi khyim steng du/ /aH yig 'khor lor nges bcing bya/ /gsang sngags rig pa hrIHSh+T+rI sogs/ /blo dang ldan pas dus gsum mchod// ga Da ka yi steng gi char/ /dkyil 'khor lnga po byas nas ni/ /legs par dkri ba byin nas ni/ /'bad pas sa kun sbyang bar bya/ /sa gzhi yongs su bzung byas nas/ /dkyil 'khor mchog ni bya ba yin/ /rdul tshon mdzes pas bri ba'am/ /yang na 'bras ni thug po che/ /kha dog lnga po de bzhin ldan/ /de bzhin slob dpon lnga rnams kyis/ /cung zad myos byed 'thungs nas ni/ /steng gi ri mo'i steng du ni/ /dgu bdag dkyil 'khor yid 'ong ba/ /grwa bzhi ru ni thod pa'o/ /rang gi 'dod lha'i rnal 'byor ldan/ /srad bus thig gdab shes rab can/ /lha mo'i dkyil 'khor ches mang ba/ /rnam pa ji bzhin mngon bri bya/ /'dab bzhir de bzhin bri bya ba/ /khyad par dbyug pa dkar po'o/ /dbus su dbyug pa dkar po ni/ /sna tshogs rdo rje bzhin bri bya/ /rigs ni lnga po mtshungs par bya/ /skal ba byas nas legs par bslab/ /rgyud la sogs pa'i sbyor bas 'dir/ /rab tu 'bad pas
489a
@#/ /dbang bskur sbyin/ /slob dpon gsang ba shes rab dang / /bzhi pa de slar de bzhin no/ /slob dpon bzhi po rnams nyid kyis/ /yang dang yang du gtor ma sbyin/ /dril bu rdo rje mnyam par gnas/ /sna tshogs rgyan gyis brgyan pa yi/ /kun tu ser po'i gos nyid dang / /mi yi rgyan gyis brgyan pa'o/ /gser dngul zangs lcags bzhi yis ni/ /bum pa dkyil 'khor yang dag dgod/ /dbus su gser gyi bum pa yang / /sna tshogs rin chen legs par mdzes/ /gser dngul zangs lcags las byung ba/ /'khrul 'khor bzhi po rnams dang ni/ /dbus su gser gyi 'khrul 'khor ni/ /me tog dmar pos legs mdzes pa'o/ /slar yang phyir gzhan dkyil 'khor bzhir// sdong po bkod sogs 'bad pas bklag /phyi ru zan la 'dus pa nyal/ /longs spyod de bzhin gzhan la bdun/ /dge 'dun yon dang longs spyod kyang / /blo bzang 'bad pas bya ba yin/ /shar bu wa Da lho ru ne/ /a shwa ta nub wa ku la/ /byang du na ga ge sar ro/ /shar du me tog dkar lhor ser/ /de bzhin nub dmar byang du yang / /ljang gu de bzhin steng du yang / /ma ru la Da rje \?\ rigs dang / /bram ze rdo rje rin chen sogs/ /shar gyi phyogs su rab sbyin phyir/ /skye bo 'di dag sa ga la/ /sna tshogs rgyan kun gyis brgyan pa'i//
489b
ma bdag gi ni ngos bzhi ru/ /bzhi 'gyur 'dren ma rnams dang ni/ /lhan cig mchod sbyin 'dus pa la/ /brgya rtsa brgyad rab sbyin byas nas/ /pus mo g.yas pa'i lha nga ni/ /sar btsugs lag pa sbyar byas nas/ /rin chen la sogs kyis spras pa/ /sna tshogs la sogs rgyan dang gser/ /gang ba'i snod la de brjod pa/ /sa steng thams cad gnod med pa'i/ /lha yi rgyal srid bdag la stsol/ /'khor los sgyur ba'i rgyal srid dang / /dbang po nyid kyang bdag la gsol/ /de nas dpal ldan gshin rje'i gshed/ /dmar po'i slob dpon bden pa la/ /rgyal po chen po 'di dag ni/ /yid kyi shing rta rdzogs par gyis/ /gshin rje gshed kyi rnal 'byor pas/ /sngags dang bsam gtan mchog gzhol ba/ /blo ldan gus pas cung zad nyon/ /shes rab pha rol phyin pa bslab/ /dzam+b+ha la la chu sbyin dang / /yi dwags gtor ma de bzhin ston/ /brtse ba'i ngang tshul 'jig rten skyong / /deng khyod la sogs brjod par bya/ /mi bdag bdag la bden par smros/ /mnga' bdag bden las gzhan min pas/ /mi bdag gis bden brjod par bya/ /mgo dang snying gar rdo rje ni/ /lan gsum byin nas rgyal srid bya/ /dkyil 'khor bsten par bya ba'o/ /gnas su bdag la smra ba ni/ /deng bdag skye ba 'bras bur bcas/ /mi yi 'gro ba legs par thob/ /de nas
490a
@#/ /dpal ldan gshin rje'i gshed/ /dmar po'i rnal 'byor pa bdag ni/ /'jig rten gsum rgyal srid byas nas/ /phyis nas dbang po la sogs pa/ / bzlog pa bdag gis byed pa yin/ /de bzhin slar yang kai lA shar/ /bud med rgyal srid byas nas ni/ /rgyal srid 'byor grub chen mang ngang / /mtha' dag rgyal srid khur bzung nas/ /mi bdag 'phrog byed zla ba ltar/ /sangs rgyas kun dang dngos grub kun/ /gang gis myur du 'byung 'gyur ba/ /da ltar lha yi de mdzod la/ /mnga' bdag bdag la mchog stsol cig /de bzhin kho nar bden dang bden/ /sa yi gnas su phyag byas nas/ /bzod par gsol nas khyim 'gro bya/ /de bzhin sna tshogs glu dang ni/ /rol mo la sogs pa rnams kyis/ /spro bar bcas pas sbyin sreg bya/ /nyi ma so sor nyer sbyong bcas/ /mtshan mo phyed nas tshogs 'khor dang / /shes rab bcas shing yon dang bcas// rim 'dis nyi ma nyi shu ldan/ /zla ba drug gis mchod sbyin rdzogs/ /de bzhin kun du 'ongs nas gar/ /glang po rta la sogs pa'i yon/ /byin nas mchog ni blang bar byed/ /de tshe yang dang yang du ni/ /gang gang mi bdag gang yin te/ /gzhan du pho nyar rab tu 'jog /rgyal srid bdag gis bzung ba nyid/ /gal te min na chad pa la/ /rab tu bzhag
490b
nas 'byin par byed/ /sna tshogs rin chen la sogs pa/ /myur 'gro rnams ni 'brul bar byed/ /rang phan rang gi skal ba rnams/ /rab mchog gal te 'dod na ni/ /de yis rgyal srid sbyin par byed/ /gang gang ming gis mi 'ong na/ /de yis 'khrul 'khor seng ldeng gi /me la gdung bar bya ba yin/ /skad cig de las de rmongs te/ /gzhan gyi yul du 'gro bar 'gyur/ /btso ba'i thab kyi thal ba gang / /gang gis nad la sogs byin pa/ /de dag nye bar zhi bar byed/ /gal te gso sbyong bya ba yi/ /dbang po nyid ni thob par byed/ /sbyin sreg gis 'di bzhi 'gyur ro/ /bcom ldan 'das ma kye khyod la/ /ngo mchogs pas bshad pa yin/ /de yi sngags mchog cung zad kyang / /'jig rten gsum na rnyed pa dka'/ /lha mo dpal ni kyai rdo rje/ /bstan pa thar pa mchog dang ni/ /dpal ldan bde mchog rgyud du yang / /mang zhing rgya che'i rnal 'byor ma/ /lha mo dpal ldan 'dus pa dang / /rgyas par rnal 'byor rgyud du yang / /gang+gA'i klung gi bye mtshungs pas/ /ches mang dga' ba'i dngos grub rnams/ /gshin rje'i gshed ni dmar po'i rgyud/ /lha mo gus dang bcas pas nyon| |lha mo bdag ni mya ngan 'das/ /dbang po sogs kyis mi mthong ngo / /mig mi bzang gi rnal 'byor dbang / /tshangs par skye bar 'gyur ba yin/ /brtson 'grus chen pa
491a
@#/ /stobs chen ldan/ /de phyir chos ni ston pa po/ /ci 'dis bskyengs par 'gyur nas ni/ /rgyud ni legs par sbas pa thob/ /gsang sngags 'bum phag gcig bzlas nas/ /bdag la sgrub par byed pa dang / /rab tu spyod par 'gyur ba yin/ /'dzam bu'i gling na sna tshogs pa'i/ /dngos grub rab tu ster bar byed/ /'gugs pa'i sa bon gaM saM kaM/ /'di dag bdun gyi rnal 'byor pas/ /skyed tshal rnyed par byed par 'gyur/ /slar yang ka nau yu ga dang / /pa la got+ta la dang ni/ /go ma tsA rA lA b+h+ri ti/ /la sogs rnal 'byor pa yis 'gyur/ /ka ling+ga dang bang+ga dang / /gau rI dang ni ma ga d+ha/ /su ra ga rgyal u bi kri/ /bi tsa ka la rA dza dang / /go der ma gaM gi ling+ge/ /bi mo dzi zhes bya sogs rgyal/ /dpal ldan gshin rje'i gshed dmar po'i/ /rnal 'byor pas ni 'gyur ba yin/ /gang yang smra brjod byed pa dang / /gang yang brtson 'grus ldan pa dang / /gang yang pha rol gnon pa che/ /kha cig 'dir ni 'jig rten sogs/ /slar yang sngags la mchog gzhol ba/ /slar yang rgyal srid dbang po sogs/ /'khor los sgyur bar 'gyur ba yin/ /gsang sngags chen po legs sbas pa// byis pa'i rnal 'byor la mi bstan/ /bden par sangs rgyas nyid 'dod pa/ /rgyud la 'jug pa la bstan bya/ /'di las rgyud 'di brjod pa la/ /dang por dbang bskur bya ba ste/ /phyi nas
491b
'di ni bstan par bya/ /rgyud rgyal rgyud kyi mchog gyur pa/ /sngags dang bsam gtan brjod nyung ba/ /bklags pa tsam gyis 'grub par 'gyur/ /gang sdig las la dga' ba dang / /dad pa dman pas 'grub mi 'gyur/ /gang yang sdig pa byed pa yang / /bslab pa 'dzin par byed na ni/ /'bad med dngos grub nyid 'grub par/ /'gyur bar 'dir ni the tshom med/ /dge ba bcu las brtsams nas ni/ /phyi nas chos ni rab gsal bya/ /de bzhin de yi bya ba ni/ /ji lta ba bzhin 'gyur ba yin/ /zhes ba rgyal srid kyi bslab pa'i le'u ste brgyad pa'o// //bcom ldan 'das kyi rgyal po ru/ /'byung bar 'gyur la chos can 'gyur/ /chos kyi de nyid bdag la gsungs/ /sngags kyi de nyid med par gang / /bsam gtan med pa 'di nyid las/ /sems can thams cad bsgral don du/ /sngags kyi de nyid rab gsal ba/ /bsam gtan med par 'grub par 'gyur/ /bsam gtan med na de nyid las/ /rnam pa gzhan du rgyur 'gyur ro/ /byis rnams phyag rgya de byed pa/ /dang po lha yi gzugs su ste/ /lus ni rnam par dag par bya/ /gnyis par gsang ba bzlas pa ste/ /A li kA li bzlas pa dang / /sku gsung thugs kyi dbye ba yis// blo ldan yi ge gsum bzlas bya/ /de bzhin blo ldan khri phrag gnyis/ /brgya phrag bcu drug bcu drug bzlas par bya/ /nyin dang mtshan mo'i grangs kyis ni/ /gsang sngags bzlas pa byed pa yin/ /de nas
492a
@#/ /de la sna yi rtse/ /kho na sa bon mtshan ma'i rim/ /yungs kar du yang bsam par bya/ /rdo rje skyil krung sbyor ba las/ /sems ni brtan par byas nyid kyis/ / rang byin brlab par yang 'gyur ro/ /ji ltar sgyu ma ji ltar rmi/ /de bzhin slar yang chu zla ba/ /'di lta bu yi gzugs su 'gyur/ /ji ltar bla ma'i man ngag las/ /chu dang chu 'dus gcig pa bzhin/ /sgyu ma stong pa'i sbyor ba yis/ /gnyis po 'di dag spyod pa yis/ /zung du 'jug pa rab sgrub byed/ /rnal 'byor cung zad bsam mi bya/ /btang snyoms mchog tu 'gyur ba yin| |lha ru cung zad bsam mi bya/ /rang gi de nyid gsal bar 'gyur/ /bsam bya med cing bsam med gang / /de yang 'dir ni yod ma yin/ /de 'dir bsam mi khyab par brjod/ /srid pa'i shing gi ltar ste/ /kha cig rgod dang brjod par gnas/ /kha cig rab tu 'jug par bya/ /sgom pa'i nus pa sems la ni/ /ji ltar dbye ba mi shes pa/ /de bzhin rnal 'byor rim pas 'gyur/ /sna tshogs dngos grub rab ster byed/ /rang blo 'khor ba'i 'jig rten du/ /'dod pas mtho ris rab tu skyes/ /btsun mo thams cad dga' bar byed/ / srung ba sogs kyi nyi ma mchog /kha cig zla brgyan yan lag byugs/ /kha cig 'dam byugs yan lag brgyan/ /sna tshogs kha cig smin par byed/ /de phyir gnas pa'i sdug
492b
bsngal dang / /bde bas gnod pa med pa yin/ /shin tu dga' dang the tshom byed/ /'dod pa de rnams rnal 'byor ba/ /rnam spyod med par de bya'o/ /'dod pa lnga la longs spyod cing / 'dod pa'i yon tan lnga rnams ldan/ /rtag tu rtse bar bya ba ste/ /'khor ba 'grol zhing grol ba ste/ /dngos dang dngos med rnam par grol/ /ngo tsha'i bya ba rnam par spangs/ /blo gros sbyor ba las 'das pa/ /las rnams thams cad rig pa'i mchog/ /ces pa de kho na nyid kyi le'u ste dgu pa'o// //kye bcom ldan 'das/ /mngon par dbang bskur ming ci ltar| |mnga' bdag bdag la de gsungs shig /dga' ma dbang bskur rnam pa bzhi/ /sems can 'jug byed de nyon cig /gtor bas dri ma med byed phyir/ /de dag kun kyang g.yo byed pa| |'chi ste rdo rje skyil mo krung / /'dzag med la sogs bde bas gang / /'di dag ji srid dri med gyur/ /byang chub sems ni spong byed pa/ /ji srid rnal 'byor bas mi bya/ /byang chub sems ni gtong byed pa/ /gang grub thob pa rnam par spyod/ /ji srid kun du dga' ba'i mchog /bde ba'i gzugs ni de nyid kyis/ /yang dag ldan pa'i sangs rgyas gzugs/ / ji srid khu ba bstan gyur par/ /bdag nyid rtag tu bsgom par bya/ /de ni 'jig rten bden par grags/ /yang na don med da gang las/ /bzhi pa slar yang de bzhin no/ /'dir ni shes rab
493a
@#/ /ye shes gang / /mngon par dbang bskur bzhi pa ru/ /byis pa'i skye bo smra bar 'gyur/ /de ni slar yang de bzhin zhes/ /bzhi pa de nyid gsum pa ru/ /de bzhin byas par mi 'gyur te/ /dang po'i yan lag las slar yang / /smos pa skyen 'gyur de bzhin du/ /byis pa rnams kyi rgyu gsum pa/ /gang yin 'bras bu bzhi pa ste/ /rgyu 'bras dbye ba med pa'i phyir/ /bzhi pa'ang gsum par grub bo zhes/ /sngar brjod don dam bden pa nyid/ /gang las phyag rgya gsum gyis ni/ /'bras bu gsum ni sgrub pa'i phyir| |gsang sngags tshul 'dir sbyin sreg 'bras/ /phyag rgya gsum dang bral pa yin/ /e ma phyag rgya gsum sgrub la/ las rgya ye shes phyag rgya ni/ /rgyu ru mi 'gyur ro zhes pa| |las rgya ye shes phyag rgya ni/ /sgom pa yongs su spangs pa las/ /phyag rgya chen po nges par sgom/ /'dir ni dbang po gnyis sbyor bde/ /'dod pa kun spyod bde ba zhes/ / 'dzag dang mi 'dzag mtshan nyid kyi/ /ngo bo'i kun spyod bder mi 'gyur/ /gsum pa rgyu la ma skyes pa/ /rigs kyi 'dzag pa gsum pa'i 'bras/ /don dam bzhi par mi 'gyur ro/ zhes pas khong du chud par bya'o/ /dbang bskur ba'i cho ga'i le'u ste bcu pa'o// //bcom ldan 'das/ bris sku'i cho ga gsung du gsol/ bcom ldan 'das
493b
kyis bka' stsal pa/ dmar zhing dkar ba'i bud med de la 'bad pas mchod pa bya'o/ /skar ma rgyal la brtsam par bya ste/ de yang mngon par dbang bskur bar bya'o/ /de la dog pa dmar zhing dkar ba thag pas 'bad pas 'thag pa'i rgyu dang spun de la sbyin par bya'o/ /nyi ma so sor dam tshig bsten pas shes rab dang bcas pas btags nas ras de dmar zhing dkar ba'i bud med rdul dang ldan pa'i dus su mal char sbyin par bya'o/ /nyi ma gsum gyi phyi nas ri mo mkhan dam tshig dang ldan pa mngon par bsngags te/ dpa' bo'i tshong gi gang smra bar byed pa de/ de la sbyin par bya'o/ /sbrang rtsi chen pos snag tsha byas nas mi'i rus pa'i smyu gus bri bar bya'o/ /ji srid 'bri bar byed pa de srid du myos byed cung zad 'thungs nas nyi ma so sor thun mtshams bzhir gtor ma dang / gsang sngags brgya phrag gcig tu bzlas par bya'o/ /rigs rnams kyi dam tshig gi gcig tu gdon mi za bar bya'o/ /dpa' bo'i rim pas shin tu gsang la rab tu gnas pa yang ngo zhes so/ /de'ang gshin rje'i gshed kyi rnal 'byor pa dam tshig dang ldan pas gro ga la glegs bam sor bcu gnyis pa bya'o zhes so| |zhes pa bris sku dang glegs bam gyi cho ga'i le'u ste bcu gcig pa'o// //mnga' bdag rlung sbyor bdag la gsungs/ /bcom ldan 'das kyis bka' stsal pa/
494a
@#/ /snying gar srog dang thur sel bshang / /lte ba'i phyogs su mnyam gnas so/ /mgrin pa'i phyogs ni gyen rgyu ste/ /lus kun son pa khyab byed do/ / 'di rnams dbus su gtso bo gang / /srog rlung snying gar gnas pa'o/ /dbugs dbyung dbugs rdub dbye ba yis/ /'tsho ba 'pho ba bcu drug go/ /sbyor bas so so re re la/ / dkyil 'khor bzhi ste re re la/ /dbyug gu re re 'bab pa yis/ /nyi khri brgya phrag bcu drug go/ /g.yas nas reg cing 'bab pa yis/ /me yi dkyil 'khor brjod bya ste/ /g.yon dang g.yas la reg pa las/ /dbang chen gyi ni 'khor lor 'gyur/ /brtan thob dal ba'i dkyil 'khor 'gyur/ /rkyang ma dang ni ro ma dang / /g.yon dang g.yas su gnas pa'o/ / kun 'dar ma ni dbus phyogs su/ /lhan cig skyes pa rjes su byed/ /'jug par 'gyur dang 'byin pa dang / /gnas pa g.yo med ngo bo la/ /rnam 'joms zhes pa srad bu'i rlung / /ji srid 'tsho ba'i 'jug par 'gyur/ /'jug pa bum pa can zhes bya/ /da yi 'dzin las gang ba can/ /dbyung ba re tsa ka shes bya/ /g.yo med bum pa can du 'gyur/ /rlung ni rab tu 'jug pa'i tshogs/ /stong phrag brgya la sogs pa'i grangs/ /sangs rgyas mgon po'i gsung ji bzhin/ /skad cig de las 'grub par 'gyur/ /rlung tshogs gcig gyur
494b
gang yin ni/ /shes rab la ni dam 'khyud pas/ /zla phyed tsam gyis 'grub par 'gyur/ /rang gi lhag pa'i lha sbyor bas/ /sangs rgyas ye shes yang dag ldan/ /mngon shes lnga ni shes par 'gyur/ /rang gi lhag pa'i lha sbyor bas/ /rang gi bud med dam du 'khyud/ /snying ga yis ni snying ga ru/ /gsang bar gsang bas yang dag sbyor/ /kha yis kyang ni khar byas nas| |byed pa med pa lhur len pas/ /snying gar gnas pa'i sa bon bzhi/ /kun tu gang bar bsgom par bya/ /de gnas gang yin de nyid kyis/ /mi ni thams cad shes par 'gyur/ / kun du dgongs pa tsam gyis ni/ /byung dang 'byung 'gyur dang da lta bar/ /pha rol sems kyang shes par byed/ /bden pa bden par smra bar byed/ /de bzhin sbyor ba de nyid kyis/ /rna ba la ni rnam bsgom bya/ /drung na gnas pa'i sgra ji bzhin/ /bstan pa kun ni nyan par byed/ /de bzhin mig la rab bsgoms nas/ /'jig rten gsum yang lta bar byed/ /sna la de bzhin bsams nas ni/ /dri rnams thams cad shes par byed/ /lce la de bzhin bsams nas ni/ /thag rings myong bya rab rtogs byed/ /rang gi rtags rtser de bzhin bsam/ /reg bya thams cad shes par byed/ /de bzhin mgo bo'i dbus bsams nas/ /nus pa thams cad rab 'phel byed/ /gang dang gang du rlung gnas pa/ /ro mnyam gyur par byas pa ni/ /'gags pa de dang de nyid la/ /
495a
@#/ /de nyid so sor rtogs par byed/ /zhi dang rgyas pa can dang dbang / /de bzhin 'gugs dang gsod pa dang / skrod par byed dang thams cad nyid/ /sgom pa kho nas rab sgrub byed/ /bum pa can sogs rab sbyor bas/ /lta stangs bzhi ni nges sbyor bya/ /g.yon du'ang lta ba'i lta stangs ni/ /bum pa can gyis dbang du byed/ /g.yas nas dgug par bya ba ni| |gang ba can gyis nges par sbyor/ /dpral bar gnas pa'i lta stangs gang / /re tsa ka yis gsod par byed/ /sna rtser gnas pa'i lta stangs ni/ /bum pa can gyis rengs par byed| |dza ba'i me tog bum pa can/ /rlon pa'i shing la re tsa kas/ /mnyam par zos la re tsa kas/ /g.yo bcas rtsa la bum pa can/ /sngon du lta stangs nges sbyor ba/ /zla ba drug tu bsam par bya/ /kun gyi nus pa sbyor ba ni/ /sems 'gog pa las 'grub par byed/ /sems 'gog pa las rlung 'gog ste/ /'gog las sems kyang 'gog par 'gyur/ /phan tshun son pa bcings pa'o/ /shes rab thabs gcig rdo rje dang / /pad+ma mnyam par rtogs pa la/ /'gog pa'i bde ba zos pa ni/ /thams cad yang dag 'grub par 'dod/ /tshangs pa khyab 'jug la sogs lha/ /sngags pa de yi lhan cig tu/ /'jig rten ba kun ci slar yang / /ci bgyi yod par 'gyur ba yin/ /rnal 'byor rnal 'byor ma rgyud du/ /thams cad mkhyen pas gsungs pa
495b
yang / /rtsod ldan dus su rab tu spyod/ /dngos grub med par mi blta ste/ /rdzogs ldan gsum ldan gnyis ldan dang / /rtsod dus la yang bden par 'grub/ /slar yang lha dang bcas pa yi/ /dngos grub mchog ni bstan par bya/ /spas pa kun mkhyen spyod yul ba/ /khyod kyis de la nga yis bshad/ /gshin rje'i gshed pos de'i ngal ba 'bras bu med/ /ces so/ /gshin rje'i gshed dmar po'i rgyud du rlung gi de nyid ces bya ba'i le'u ste bcu gnyis pa'o// //bcom ldan gshin rje'i gshed kyi mi/ /dmar po brjod pa'i ming can la/ /ya yig gis ni ci zhig brjod/ / de bzhin ma yig gis kyang ni/ /slar yang de yi a yig gis/ /ri yig gis ci brjod par bya/ /rak+ta nyid ni ci yi ming / /mnga' bdag bden pas gsung du gsol/ /legs so legs so gang dris pa/ /de ni bshad kyi nyon cig dang / /ya yig gis ni rlung yang ste/ /gshin rje'i gshed dmar por brjod bya/ /de nas ya yig mchog tu dga'/ /ma yig gnyis par brjod par bya/ /A ri dga' ba gsum pa'o/ /rak+ta bzhi pa'i ming can ni/ /yang na rlung dang ldan pa la/ /de yi thabs ni a yig ste/ /e yig reg pa'i dbang po'o/ / rak+ta gnyis med sbyor ba'o/ /mang na rak+ta 'dod chags rgyal/ /rlung gis por \?\ bskul dar son sems/ /A ri stong nyid snying rje gcig /rak+ta ya mA ri zhes brjod/ /dga' ba bzhi yi ming
496a
@#/ /lnga'o| |skad cig bzhi ru shes par bya/ /de nas gti mug la sogs pa'i/ /ming ni mnga' bdag khyod gsungs shig /gti mug gshin rje mthar byed ni| |rnam snang mdzad do phra ma yi/ /gshin rje mthar byed rin chen 'byung / /'dod chags gshin rje mthar byed ni/ /snang mtha' phrag dog gshin mthar byed/ /don grub dbus su mi bskyod pa/ /gshin rje mthar byed dmar po'o/ /tsa rtsi kA sogs ngo bo ci/ /sa khams spyan ma tsi rtsi kA/ /chu khams mA ma kI phag mo/ /me khams dkar mo dbyangs can ma/ / rlung khams sgrol ma gau rI'o/ /mkha' khams rdo rje ro langs ma/ /bcom ldan 'das la 'khyud pa'o/ /'dod chags chen po'i rjes chags las/ /bde ba chen po'i ro yis ni/ gnyis med ngo bo dpa' bo ste/ /bcu drug cha rdzogs zla ba bzhin/ /zhes pa/ gshin rje'i gshed dmar po'i rgyud du ming mdor bstan pa'i le'u ste bcu gsum pa'o// // ro langs mas ni dam 'khyud nas/ /'o byas tshems kyis ma mchu bzung / /sems can don phyir gtor ma che/ /lha mor bcas pas de la zhus/ /bcom ldan 'das kyis bka' stsal pa/ dpal gshin rje'i gshed dmar po'i nga rgyal byas nas steng du bla re dang rnga yab dkar po dang / phyi rol du gar dang / glus nye bar mdzes par byas pa/ rgyan
496b
thams cad kyis brgyan pa/ /g.yon pa dang gcig shos dril bu dang rdo rje sgra dbyangs kyis yongs su gang la 'bar zhing gsal la rgyas pa'i snod kyi gtor ma dor bar bya ste snod gnyis gzhag bar bya'o/ /snod gcig tu go gu da ha na dang / bi ra shu mA mu bdud rtsi lnga dang bcas pa'i sha dang / 'o ma dang / nya shas yang dag par gang bar bya'o/ /gzhan du khyim la sogs pa'i lha rnams gzhag par bya'o/ /oM hrIH Sh+TIH bi kr-i tA nan hUM sarba big+hAM ga NAM sa pa ri wA rAn A kaR+Sha ya dzaH/ zhes pa'i sngags 'dis shar phyogs kyi cha ba rnams la bka' bsgo ba dang / rang nyid song nas bgegs kyi tshogs rnams kyi mgrin par zhags pas bcings nas snying gar lcags kyus phug ste 'gugs bzhin par bsam par bya'o/ /dbang po ser po spyan stong ba phyag na rdo rje 'dzin pas srung dkar po la zhon pa'o/ /lho ru gshin rje nag po lag na dbyug pa can ma he la zhon pa'o/ /nub tu chu lha dkar po chu srin ma ka ra la zhon pa la na ku mud can no/ byang gi 'dab mar gnod sbyin ser po mi la zhon pa lag na dpal 'bras thogs pa'o/ /'di rnams thams cad rgyan thams cad kyis brgyan pa rin po che'i cod pan can/ /gshin rje ni nyi ma'i gdan dang nyi ma'i 'od can no/ /lhag ma rnams zla ba'i gdan dang zla ba'i 'od can no/ /dbang ldan gyi 'dab mar 'byung po'i bdag po dkar po mig gsum pa ral ba'i cod pan
497a
@#/ /can khyu mchog la zhon pa lag na mdung thogs bstag gi pags pa'i gos 'dzin pa lus thal bas byugs pa/ rus pa'i rgyan thams cad kyis brgyan pa/ zla ba'i gdan dang zla ba'i 'od do/ /me'i 'dab ma la me lha ser po bong thung zhing gsus pa 'phyang ba ra la zhon pa bgrang phreng dang ril ba spyi blugs 'dzin pa/ ral pa'i cod pan can nyi ma'i gdan dang nyi ma'i 'od dpa' bo'i gos so/ /bden bral gyi 'dab ma la srin po skra grol ba can lag na gri gug dang thod pa 'dzin pa/ khros pa smin ma khro gnyer dang bcas pa nag po ro'i steng na nyi ma'i gdan dang nyi ma'i 'od mnga' ba'o/ /rlung phyogs kyi 'dab ma la rlung lha ljang zhing dmar pa lag na ba dan thogs pa/ rin po che'i cod pan can| ri dwags la zhon pa zla ba'i gdan dang zla ba'i 'od can/ rgyan thams cad 'dzin pa'o/ /ze 'bru la sa'i lha mo ser mo lha'i gos dang rgyan thams cad kyis brgyan pa/ zla ba'i gdan dang zla ba'i 'od dang yi dwags dang sa'i lhas kun nas bskor te gnas pa'o/ /dbang po la sogs pa rnams g.yon na klu'i zhags pa 'chang ba thams cad kyang g.yon brkyang ba'i zhabs kyis gnas pa'o/ /steng du chos 'byung la gnas pa'i pad+ma 'dab ma brgyad la shar gyi 'dab ma la zla ba dkar po rta la zhon pa rin po che dkar po'i cod
497b
ban can zla ba'i 'od do/ /lho'i 'dab ma nyi ma dmar po phyag gnyis pa pad+ma 'dzin pa/ rta ljang gu la zhon pa rin po che'i cod pan dang rgyan thams cad dang ldan pa 'od sngo bsams can no/ nub kyi 'dab ma la lhag pa ser po khyu mchog la zhon pa nyi ma'i gdan dang nyi ma'i 'od can rtse gsum 'dzin pa'o/ /rlung gi 'dab ma la sgra gcan mjug ring nyi ma'i gdan dang / nyi ma'i 'od can cher gnag pa dang du ba'i mdog can 'khor lo 'khor bas bkug nas za ba'i tshul 'dzin pa'i sgra gcan dang thal mo sbyar ba 'dzin pa'i mjug rings so/ /de'i dbus kyi ze 'bru la tshangs pa gdong bzhi pa lag pa bzhi pa dbyug gu gsum 'chang ba dang mi 'jigs pa'i phyag can phyag lhag ma dag gis bgrang phreng dang ril ba spyi blugs 'chang ba ser po dang ba zhon pa zla ba'i gdan dang zla ba'i 'od can mchod phyir thogs pa can ral pa ser po/ gzugs thung ba tshangs pa'i bus bskor ba ste/ tshangs ris kyi lha dang / tshangs pa mdun na 'don dang / mtshe ma dang / dga' ldan dang / 'phrul dga' dang / 'og min la sogs pa'i ming can rnams so/ /'og gi chos 'byung gi phyogs kyi 'dab ma la nor rgyas kyi bu ser po| klu pad+ma dkar po/ klu stobs kyi rgyu dmar po/ klu 'jog po nag po/ klu dung skyong mi'i gdong pa can rgyan thams cad 'chang ba/ mgo bor gdengs ka dang bcas pas mtshan pa/ lha ma
498a
@#/ /yin dang sems can dmyal ba'i sems can dang lhan cig pa'o/ /khre 'bru lhag ma la klu lhag ma la rin po che'i cod pan can mi'i gdong pa can no/ / 'dir gdengs can 'di dag bstan par byas nas slar de dag yongs su gyur pas dpal gshin rje'i gshed mthar byed kyi gzugs kyis rdzogs par byas te/ sku gsung thugs kyi rab tu sbyor ba las steng du gnas pa ni sku'i rnam pa'o/ /dbus su gnas pa ni slar yang mi bskyod pa'i rnam pa'o/ /'og tu gnas pa ni gsung rdo rje rnam par blta bar bya'o/ /las thams cad kyi don du slar yang phyag dang zhal ji lta ba de lta bu'i nga rgyal ji ltar rigs par bya'o/ /yang na thams cad du bdag nyid kyi gzugs ji lta ba de bzhin no/ /de'i rjes su/ oM ar+g+haM pra tIts+tsha swA hA/ mche ba'i phyag rgyas zhabs dag la zhabs bsil phul nas sngar brjod pa'i bdud rtsi myang bas gtor ma'i kun spyod bya'o/ / oM rak+ta mu ku TA ya/ rak+ta dza TA ya/ rak+ta mu khA ya/ rak+ta b+hu dzA ya/ rak+ta sha rI rA ya/ rak+ta muN+Ta mA lA b+ha ra NA ya/ rak+ta pad+ma A sa nA ya rak+ta b+ha ra Na b+hu Sha NA ya/ i maM ba liM gr-ih+Na gr-ih+Na tsa tur+m+ma T+T+me bA rA ya na bA rA ya/ trA sa ya trA sa ya/ ts+tshin+da ts+tshin+da/ b+hin+da b+hin+da/ nA sha ya nA sha ya/ sho Sha ya sho Sha ya/ ts+tshe ya ts+tshe da ya/ bai da b+he da/ hUM hUM phaT phaT swA hA/ oM in+dA ya hrIH ma
498b
mA ya Sh+T+rIH ba ru NA ya bi/ ku bai rA ya kr-i I sha nA ya tA/ ag+na ye a/ nai ri t+ya ya na/ bA ya be na/ tsan+d+rA ya hUM/ arka ya hUM/ brah+ma Ne phaT/ ba sun+d+ha rA yai phaT/ bai ma tsi tri Ne swA/ sarba b+hu te b+h+yo hA/ hA hA hA hI hI hI hUM hUM hUM/ pheM pheM pheM phaT swA hA/ oM mo ha ya mAn+ta kA ya swA hA/ oM pi shu na ya mAn+ta kA ya swA hA/ oM rA ga ya mAn+ta kA ya swA hA/ oM IR+Sh+ya ya mAn+ta kA ya swA hA/ oM badz+ra tsartsi kA ye swA hA/ oM badz+ra bA ra h+yai swA hA/ oM badz+ra swa ra swa t+yai swA hA/ oM badz+ra gau R+Yai swA hA/ oM badz+ra dat+tA yai ba li pra tIts+tsha swA hA/ gti mug rdo rje'i rang bzhin khyod/ /gshin rje'i gshed po shin tu 'jigs/ /ston pa sangs rgyas kun rang bzhin/ /sku yi rdo rje khyod phyag 'tshal/ /phra ma rdo rje'i rang bzhin khyod/ /gshin rje'i gshed po shin tu 'jigs/ /thugs kyi rdo rje rab gsal ba| |rdo rje rin chen khyod phyag 'tshal/ /'dod chags rdo rje'i rang bzhin khyod/ /mnga' bdag chags pa'i chos 'byung gnas/ /dbyangs mchog kun gyi mchog gi mchog /gsung gi rdo rje khyod phyag 'tshal/ /phrag dog rdo rje'i rang bzhin khyod/ /gshin rje'i gshed po las kun byed/ /sku yi rdo rje rab gsal ba/ /phyag na ral gri khyod phyag 'tshal/ /sangs rgyas kun gyi rang bzhin khyod/ /sangs rgyas thams cad gcig bsdus pa/ /sangs rgyas kun rab mchog gi mchog /dkyil 'khor dbang phyug khyod phyag 'tshal/ /ho b+ha ga wan
499a
@#/ /twe no pa tiSh+Tha dr-i T+ho me b+ha ba/ su to Sh+yo me b+ha ba/ su po Sh+yo me b+ha ba/ a nu rak+to me b+ha ba/ sarba sid+d+hi m+me bra yats+tsha sarba karma su tsa me shri yaHku ru hUM/ ha ha ha ha ho b+ha ga wA na/ bcom ldan 'das sku bzhi po gsung du gsol/ bcom ldan 'das kyis bka' stsal pa/ nyon cig b+ha gar 'jig rten 'das/ /sangs rgyas sku ni 'jig rten pa/ /rnams la phan pa'i ched du ni/ /he ru ka ngas bstan pa yin/ bla ma dam pa'i gdams pas dman/ /sangs rgyas sku ni rnam par spangs/ /rdo rje theg pas rnam dman pa/ /de rnams rgyud 'dir kha phyir phyogs/ /gang gis he yig mi shes pa/ /srid par 'dus pa'i rnal 'byor pas/ /bshad pa'i rgyud kyi rjes 'brangs nas/ /rnal 'byor pa khyod gshin rje'i gshed/ / dmar po'i rgyud chen tshig nyung de/ /gang gis yongs su ngal med par/ /bde ba chen po gsungs pa de'i/ /bde ba thams cad kun bsdus pa'o/ /pad 'dab drug cu rtsa bzhi pa/ / rgyu bcas ched du rnal 'byor ma/ /longs spyod rdzogs las bde ba thob/ /spyod cing spyod la de rtse'o/ /skad cig gcig mngon rdzogs byang chub/ /gzhan du 'jig rten gsum spyod byed| |'di ni sku ni bzhi po ste/ /sangs rgyas rnams kyi'ang spyod yul min/ /'jig rten 'das pa'i tha snyad kyis/ /rnal 'byor dam pa'i rnam pas bstan/ /'khor lo bzhi yi rnam
499b
pa yis| |kye yi rdo rjer bdag gis bstan/ /sgom pa'i sbyor pa 'dus pa ru/ /rtsa rnams mkha' 'gro ma kun gyis/ 'bras bu'i sgrub thabs kye rdo rjer/ /gang du rlung gi sgrub thabs ni| |nyin dang mtshan ma'i rab dbye la/ /'dab ma drug cu bzhir dbyug gu/ /zhes pa 'di dag thun mong gi /rab tu dbye bas brjod par bya/ /lha yi gzugs kyi bdag nyid can| |slar yang sku gsung thugs dbye bas/ /yig gsum nyid kyi mnyam gzhag pa'i/ /yid kyis khong du chud par bya/ /oM yig gis ni 'jug pa dang / AHyig gis ni de bzhin gnas/ /hUM yig gis ni dbyung ba yang / /rnal 'byor man ngag las bya'o/ /oM AH hUM zhes bya ba 'dis/ /rgyu bcas rgyu med bstan par 'gyur/ /de las sa bon mtshan ma'ang slar| |sna rtser mchog tu bsam par bya/ /'od gsal ba yi rang bzhin bya/ /de bzhin bdag gzhan mnyam pa nyid/ /byed med gzugs kyi phreng ba yi/ /yang yang skad cig skad cig ma/ /gcig las slar yang bzhengs ched du/ /sngags pas grib ma sgyu ma lta'i/ /dbye bas kun tu bsam par bya/ /dag pa'i sku 'di yis ni gang / /ye shes brtson pas bsgom par bya/ /sems can kun ni chos nyid byed/ /lha yi rnal 'byor 'di nyid ni/ /bla ma'i man ngag las rtogs bya/ /slar yang sngags pas 'jig rten don/ /slar yang yi ge bsgom par
500a
@#/ /bya| |longs spyod rdzogs pa'i sar lan grangs/ /kun tu nges pa 'ching bas bcing / /lag pas nges sbyar steng gis ni/ /yi ges bstan pa'i 'khrul 'khor las/ /rkyang ma dang ni ro ma yis/ /dbus su g.yo med 'jug par gyis/ sku gsung thugs su nges sbyar nas/ /phyag rgya mchog tu bsam par bya/ /skad cig de las lhan skyes 'char/ /bsgom bya 'dir ni the tshom med/ /don 'di gang gis shes byed pa/ /blo bzang yid ni mnyam par bzhag /chos rnams thams cad de shes byed/ / sangs rgyas lam gyi man ngag go/ /'jug ngogs chen por khyod bkrus te/ /de bzhin gshegs pas mngon dbang bskur/ /de yang gang dang gang 'gro ba/ /der ni sangs rgyas 'ong bar byed/ /kun tu byang chub sems dpa' nyid/ /sna tshogs sems can phan par byed/ /ha har dgod par gyis shig ces/ /phyogs bcur rnam par gnas ba yis/ /bdud rnams kun tu 'bros par byed/ /thal me sbyar bar byas nas ni/ /khyed zhabs kun gyis 'dud par byed/ /sna tshogs gzugs 'chang bud med ni/ /sna tshogs 'dod pas 'khrugs par rig /btsogs ma til mchog ma la sogs/ /bkug nas rdzogs par longs spyod byed/ /ces pas gshin rje'i gshed dmar po'i
500b
rgyud du rlung gi de nyid de le'u bcu bzhi pa'o// //de nas rlung gi rnam grangs ni/ /bcom ldan 'das kyis bstan du gsol/ /rab tu phye nas bshad kyi nyon/ rigs kyi dbyug gu so gnyis la/ /thun tshod bzhi ru 'gyur ba yin/ /bcu drug pa gnyis kyis rnam par 'gyur/ /thun gcig dbyug gu lhag pa la/ /thun phyed dbyug gu bzhi yin te| |des ni rim pa bzhin 'gyur ro/ /nyin dang mtshan mor rim pas kyang / /'pho ba bcu drug rab tu brjod/ /me dang rlung dang chu dang ni/ /dbang chen dkyil 'khor bzhi po ni/ 'bab pas dbyug gu bzhi rab grags /rlung na bzhi po rnam 'phel las/ /'khor lo bzhi ru rab tu brjod/ /rnam pa sna tshogs la sogs bzhi/ /skad cig thang cig sogs dbye las| |rnam pa bzhi ru de brjod do/ /de bzhin dga' ba bzhi po ste/ /thun tshod bzhir yang rab tu brjod/ /sku gsum de la sku bzhi pa/ /de bzhin thams cad bzhi ru yang / /phyi yi rim pa de bzhin no/ /rnal 'byor bzhi dang bzhi pa ni/ /sku ni bzhi ru yang dag brjod/ /'dis ni dbyug gu bzhir 'gyur te/ /rab tu dbye bas drug cu bzhi/ /kye yi rdo rje bstan par 'dir/ /de bzhin nges bstan lus kyi ni/ /'og la 'khor lo bzhi yod de/ /de yang sku ni bzhi pa yin/ /dga' ba bzhi la mtshon pa yang / /sku bzhi por ni rab tu brjod/ /
501a
@#/ /dpal gshin rje'i gshed dmar po'i rgyud mdor bstan pa ste le'u bco lnga pa'o// //bcom ldan 'das kyis bka' stsal pa/ /srid pa'i 'khor lor brjod bya ci/ /lha yi gsang las ches gsang bris/ /srid gsum sems can rmongs pa rnams/ /nyams byed snying po 'di nyon cig /rtag tu sangs rgyas nyid sgrub pa/ /bdud kyis sprul pa 'dis ni zhes/ /de ltar rnal 'byor 'khor bar 'khyams/ /rnal 'byor 'khor bar 'khyams pa las/ /'khor ba mchog tu brtse bar byed/ / tshul pad+ma'i 'dab ma bzhin/ /skyon gyis ci yang gos pa med/ /bcu gnyis rnam pa'i 'khor lo 'di/ /bcu gnyis don zhes rab tu gnas/ /'khor lo 'di nyid kho na yang / /yan lag bcu gnyis rab tu grags/ /gang gis 'khor lo 'di shes byed/ /sangs rgyas kun gyis rab grags pa'i/ /chos rnams ma lus shes byed cing / /chos kyi 'khor lo rab bskor byed/ /de phyir yan lag bcu gnyis pa'i/ /chos kyi 'khor lo rab bskor ba/ /bdag gis bshad par bya yi nyon/ /ma rig pa dang 'du byed dang / /rnam par shes pa dang / ming dang gzugs dang skye mched drug dang / reg pa dang / tshor ba dang / sred pa dang / nye bar len pa dang / srid pa dang /skye ba dang / rga shi zhes bya ba yan lag bcu gnyis rnams so/ /ma rig pa ni/ sngon gyi snyon mongs
501b
pa'o/ /'du byed ni/ sngon gyi las rnams so/ /rnam par shes pa ni/ sngon gyi so sor kun tu rtog pa'o/ /ming dang gzugs ni/ nur nur po dang / mer mer po dang / gor gor po dang / nar nar po dang / rkang lag 'gyus pa'i gnas skabs lnga'o/ /skye mched drug ni/ mngal nas nges par byung ba'i mig la sogs pa'i dbang po drug rdzogs pa'o/ /reg pa ni/ yul dang dbang po dang / rnam par shes pa gsum 'dus pa las so/ /tshor ba ni/ bde ba dang / sdug bsngal dang / btang snyoms kyi mtshan nyid las don rnam pa gsum du dbye'o/ /sred pa ni| 'khrig pa'i 'dod chags so/ /nye bar len pa ni/ 'dod pa'i yul yongs su 'dzin pa'o/ /srid pa ni/ 'byung 'gyur gyi srid pa las kyi 'bras bu'o/ /skye ba ni/ slar yang phung po la nying mtshams sbyor ba'o/ /rga shi ni/ ming dang gzugs la sogs pa'i yan lag bzhi'o zhes so/ /yan lag bcu gnyis khyad par las/ /thub pas rten cing kun 'byung bstan/ /ji srid nyon mongs las dang ni/ /sdug bsngal gsum du de rnams 'dus/ /dang po brgyad pa dgu nyon mongs/ /gnyis pa bcu pa las su 'gyur/ /lhag ma bdun ni sdug bsngal yin/ /bcu gnyis po ni gsum 'dus phyir/ /chos gsum po ni bstan par 'gyur/ /zlas dbye gnyis su de 'gyur ro/ /bdun bdun dag tu 'gyur
502a
@#/ /ba yin/ /de nyid yang yang de 'khor zhing / /'khor bas srid pa'i 'khor lo'o/ /'gro ba phan tshun rgyu dang 'bras/ /'ga' zhig 'dir med sems cad stong / / de ltar stong las chos rab 'byung / /chos las 'pha pa'ang yod man te/ /legs par klog dang mar me rgya/ /me long sgra dang nyi ma 'pho/ /sa bon las ni phung po 'di/ / mtshams sbyor ba dang 'pho ba med/ /sems kyi kun spyod 'dul bar 'gro /'dir brjod yan lag bcu gnyis ni/ /khyad par thub pas bstan pa yin/ /ji ltar rten cing yang dag 'byung / /de rnams bsdus par shes par bya/ /so sor nges bstan nyan par 'dod/ /de de sangs rgyas spyod yul zhes/ /slob dpon 'dir brjod gnas pa'o// nyon mongs las dang sdug bsngal rnams/ /zhes pas ji srid bsdus pa'o/ /de la gnyis dag gis lhag pa'i bcu so sor bstan pa la/ yan lag ces pa 'di dag gi cha shas kyi khyad par ro/ /dper na/ aM ga paM ga'i dngos po'i khyad par ni bsngags pa'o/ /zhes te/ aM ga ni/ khyad par ro/ /lus dang ngag dang yid 'khrig pa las thub pa des ni thub pas so/ /bstan pa ni/ rab tu gsal bar gsungs pa'o/ /zhes pa rnam grags so/ /de rnams kyi gtso bo dang / rang bzhin dang / dbang
502b
phyug tu nges pa dang / phyogs skyong ba dang / ngo bo nyid la sogs pa ma yin gyi/ yan lag bcu gnyis kyi khyad par ro/ /de lta mod kyi nyon mongs pa rnams la las dang sdug bsngal rnams su ste/ phan tshun bstan pa dbyug gu gsum gyi tshul gyis gsum rnams su ji lta ba bzhin du bsdus nas 'gro ste/ dper na chu bzhin no/ /slar yang nyon mongs pa rnams dang / las rnams dang / sdug bsngal dang / de rnams ji lta ba bzhin du 'di gsum bsdus nas ji ltar 'gro zhe na/ brjod par bya ste/ dang po brgyad dgu nyon mongs 'gyur| |zhes pa ni/ yan lag bcu gnyis po 'di rnams kyi khyad par gyi dang rnam dang ba ma rig pa dang / brgyad pa sred pa dang / dgu pa nye bar len pa zhes pa gsum po 'di rnams nyon mongs pa so sor bsdus par rtogs par bya'o/ /gnyis pa bcu pa las yin te/ yang ci 'du byed ni/ gnyis pa'o/ /srid pa ni/ bcu pa'o/ /'di dag las su bsdus par rig par bya'o/ /lhag ma bdun ni sdug bsngal yin/ /nyon mongs pa dang / las su bsdus pa 'ad rnams kyi lhag ma gang yin pa'i yan lag gi khyad par bdun ni/ /sdug bsngal du bsdus par rig par bya'o/ /'di lta ste/ rnam par shes pa dang / ming dang / gzugs dang / skye mched drug dang / reg pa dang / tshor ba dang / skye ba dang / rga shi yang ngo zhes
503a
@#/ /pa ste/ yang gi sgra rab tu sbyor ba ni/ bsdu ba yang dag par rab tu sbyor ba ste/ ma rig pa la sogs pa rnams sdug bsngal du yang dag par sdud par byed do/ /de bzhin chos bcu gnyis po 'di rnams thams cad ni/ nyon mongs pa dang / las dang / sdug bsngal zhes bya ba gsum du bsdus te/ dman pa dang lhag pa yod pa ma yin par shes par byed pa'i don las so/ /ni'i sgra ni/ 'di rnams mdo ru nges par bstan pa de srid du yongs su bgrangs pa 'di dag mchog tu yod do zhes brjod par bya'o/ /ci ste gang las 'di rnams las dang nyon mongs rnams kyis dang / las dang sdug bsngal rnams kyis 'gyur zhe na/ brjod par bya ste/ gsum rnams zlas dbyer 'gyur ba ni/ zlas dbye ba las 'gyur ro/ /bdun pa nyon mongs pa zhes bya ba ni/ gsum rnams su zlas dbye bar 'gyur ro/ / las zhes bya ba zlas dbyer 'gyur te/ zlas dbye ba las rab tu 'gyur ba 'khor na'o/ /sdug bsngal zhes pa sngar bzhin du nges par bstan pa las bdun pa gsum 'byung ste/ sdug bsngal zhes bya ba rnams su nyon mongs pa zhes bya ba gnyis po de nyid ni/ rab tu 'khor bar byed pas srid pa'i 'khor lo'o/ /de la srid pa ni/ las kyi gzugs
503b
kyis sgra gcan no/ /de yang ming gsum pa can 'dir 'khor lo byung ba las 'jig rten bdun po der yongs su 'khor bar byed do/ /ni'i sgra ni/ nges pa'i don no/ /dper na/ zla ba shar du yongs su 'khor bar byed pa bzhin/ /srid pa'i 'khor lo'o/ /de bzhin du rdzogs par 'byung ba ni ma yin no/ /de lta mod kyi nges pa ni med do/ /zhes pas ni sgra'o/ /de nas da ni lus can thams cad dbang phyug byed pa po dang / byed pa ci yin zhe na/ brjod par bya ste/ 'gro ba thams cad phan tshun du rgyu dang 'bras bu yang 'ga' zhig kyang 'dir med de/ sems can la gzhan du nye bar btags pa las so/ rgyu'i yang 'di yongs su byed pa la rgyur nye bar btags pa tsam mo/ /de'i phyir rdzas gzhan la sems can du bden no zhes so/ /de nas da ni gnas pa'i 'jig rten las pha rol gyi 'jig rten du rjes su 'gro ba ci zhe na/ brjod par bya ste/ 'jig rten pha rol gyi don tsam yang dngos po ste/ 'pho ba ni med do/ /'on kyang stong pa kho na yis stong pa'i chos rnams rab tu 'byung ste/ 'pho ba yang med do/ /chos rnams las ni/ bdag gi ba med pa'i nyon mongs dang las kyi ming can lnga po rnams las bdag dang dag gi bas stong pa'i 'bras bu'i ming can bdun po'i chos rnams rab tu 'byung ste/ 'pho ba yang med do zhes pa de lta bur 'dzin pa'i rang bzhin du bdag tu gnas pa rnams las
504a
@#/ /rang bzhin dang bral ba'i stong pa'i chos bdun po rnams rab tu 'byung ste/ 'pho ba yang med do/ /de'ang 'di dag bstan pa ci zhe na/ 'dir brjod par byas te/ legs par klog dang sgron me rgya/ /me long sgra dang nyi ma 'pho/ /sa bon mig gis ngas bstan pa/ /zhes pa ni/ de kho na nyid las 'gro ba med pa nyid dang / rang bzhin gyis bdag kyang med de/ tha snyad du 'jig rten pha rol yod do/ /zhes pa'o/ /dper na/ bla ma las klog par byed pa ni/ 'pho ba yang med de/ de'i dngos po bla ma las klog pa nyams pa med la/ slob mas klog pa yang nyams pa med cing / slob mas klog pa gzhan ma yin no/ /de bzhin du kun tu 'byung bar byed na/ rgyu med pa can gyi nyes par thal bar 'gyur ba'i phyir ro/ /de bzhin du 'chi bar byed pa'i sems ni/ 'jig rten pha rol tu 'gro ba med de/ rtag pa'i nyes par thal ba'i phyir ro// 'jig rten pha rol gzhan kho na las 'byung ba ma yin te/ dper na/ bla ma las klog par byed pa'i rgyu mtshan can ni/ slob ma'i klog par byed pa'o/ /de nyid de las gzhan ma yin pa de bzhin du de'o zhes nus pa mngon par brjod do/ /de bzhin du de 'chi ba'i mthar thug pa'i sems la bsten nas skye ba'i cha shas can gyi sems de nyid
504b
gzhan ma yin no/ /de bzhin de yang nus pa mngon par brjod do/ /dper na/ mar me las mar me'o/ /rgya las phyir rgya'o/ /bzhin las me long lnga las gzugs brnyan no/ /sgra las brag ca'o/ /nyi ma dang nor bu'i 'od dang bud shing rnams las me'o/ /sa bon las myu gu'o/ /dper na shu ga'i 'bras bu zos pa'i rgyu mtshan gyis gzhan gyis kha 'dzag pa las gzhan ma yin no zhes rab tu shes par bya'o/ /de bzhin du phung po las phyir phung po 'pho ba med pa yang mkhas pa rnams kyis kun tu dpyad pa'o zhes so/ /de la phung po ni/ gzugs dang / tshor ba dang / 'du shes dang / 'du byed dang / rnam par shes pa'i ming can 'di rnams kyi phung po nyid mtshams sbyor ba 'di dag phung po lnga po rnams su nges par brtag par bya ste/ rgyu med pa can yang ma yin la gzhan las 'byung ba yang ma yin no/ /'jig rten 'di las 'jig rten 'dod pa yin no/ /de nas mig kyang dngos po 'pho ba med do/ /'di de srid du 'du byed 'khor ba'i rim pa'o/ /yang gi sgra ni/ ldog pa ste/ de'i phyir phyin ci log tu rtogs pa 'di bya'o/ /gang gi phyir rtag tu sdug bsngal stong pa'i bdag nyid can gyi dngos po yin pa de'i phyir so sor kun tu rtog pa'i dngos po la kun tu rmongs par mi 'gyur ro/ /rmongs pa med pa'i yid rtag tu skye bar mi byed do/ /srung ba
505a
@#/ /med pas nyes par mi 'gyur ro/ /gdug pa med pas rtag tu sdig pa'i las su mi 'gyur ro/ /las su gyur pa'i dngos po nye bar mi len no/ /nye bar len pa med pa dang mngon par 'du byad pa med do/ /dngos po dang dngos po med pa gdags pa med do/ /ma skyes pa'i phung po la yid rnams sdug bsngal rnams su mi 'gyur ro| |de bzhin du 'dir rnam pa lnga po 'di'i rgyu'i zas byin pa las 'dir 'bras bu rnam pa bdun thob kyi gzhan med pa las mi 'byung ngo / /de yang thar pa zhes brjod par bya'o/ /de bzhin du dad pa dang / rtag pa dang / chad pa dang / 'pho ba la sogs pa rnams rtag tu lta ba ngan pa dang gya nom pa rnams mi 'byung ngo / /bcom ldan 'das kyis yang 'dir tshigs su bcad pa/ rkyen las 'byung ba ma mthong zhing / /don nyid kyis ni tshor ba med/ /skye ba dang ni 'jig pa yang / /gang gis 'byung bar rnam par brtags/ / 'di la bsal bya ci yang med/ /gzhag par bya ba cung zad med/ /yang dag nyid la yang dag lta/ /yang dag mthong na rnam par grol/ /rten cing 'brel par 'byung ba'i le'u ste bcu drug pa'o// //kha sbyor gyi tshul gyis kyang gnas pa la 'dzam bu'i gling pa'i 'jig rten gyi 'dzag pa'i bde ba'o/ /de rnams tshe brgya pa lo brgya'i che rnams
505b
so/ /bcom ldan 'das bud med med pa las ji ltar khu ba rengs par 'gyur/ khu ba rengs pa dang bral bas tshe ring po rjes su 'gro ba med do/ /de'i phyir 'og nas steng du rlung gi rgyu ba rjes su bcing bar byed pa las/ srog brtan par byas pa la lus la rgas pa dang 'chi ba mi 'byung ngo / /dang por lus dag par gyur nas chos kyi phyag rgya rab tu bsgrub par bya'o| |phyi'i dga' ba gang dang 'dra ba de dang 'dra ba bsgom par bya'o/ /de bzhin du slar yang rnal 'byor pas lus kyi phyag rgya'i dga' ba rtsom pa la rkang pa g.yon pas tshangs pa'i skud pa kun tu bcir nas kha steng du byas nas hA yig rnam par bsam par bya'o/ /slar yang sIta yig byas nas hUM yig snying gar gnas pa'o/ /AH yig slar yang bsgom par bya'o| |'dab ma brgyad pa ge sar dang bcas pa de'i dbus su hrIH yig 'bar ba de la 'od zer dang bcas pa'o/ /de las nges par byung ba'i ri mo dkar po nges par 'byung ba slar yang 'ongs te pad+ma 'dab ma drug cu rtsa bzhi pa'i dbus su son par bsam par bya'o/ /slar yang a yig bsam par bya ste/ rnal 'byor pas srog gi rlung slar yang bcang bar bya'o// de'i phyogs su lha mor gsal ba'i tshangs pa'i mdud pa nges par byung nas b+ha ga dang snying gar yang ldan par bsam par bya'o/ /pad+ma 'dab ma brgyad pa de la phyogs su dam
506a
@#/ /por bsam par bya'o/ /me'i zur du me dang de bzhin du slar yang rlung du'o/ /dbang ldan du sngon po yang ngo / /de bzhin du srin po'i zur du'o/ /de'i dbus su son pa'i hUM yig kha dog nag po 'od zer dmar po can no/ /de las nges par byung ba'i ri mo spyi bor son pa rnam par bsam par bya'o/ /'og dang steng du hUM yig kha dog nag po 'od zer dang bcas pa der son pa bsam par bya'o/ /ri mo 'bar bar byed pa ni/ yang nas yang du de bzhin no/ /de'i tshe khyogs bya ba'i sgom pa bla ma'i man ngag las so/ /de'i tshe gtum mo 'bar bas de bzhin gshegs pa thams cad bsregs te/ ri bong can 'dzag pa 'og gi b+ha ga la dga' ba chen po'i bde bar 'gyur ro/ / slar yang gnyis gnyis steng du 'gro ba'i don du srog dang thur sel 'gog pa las sems stong pa la nges par sbyar nas myos par byed do/ /slar yang sems myos par gyur pa ji srid du 'khyil ba bcings pa'i sbyor ba las/ de'i tshe 'khor ba las 'bad pas kun nas g.yas su 'khor ba med par bya ste/ slar yang kho Da'i sgra nye bar gnas so/ /chos kyi 'khor lo la hUM yig gi nA da sa slar yang gnas su rab tu bkug nas longs spyod rdzogs pa'i 'khor lo la rtsa gnyis rab tu g.yo bar byas nas slar yang
506b
brtan par bcing bar bya'o/ /g.yon pa gnyis po de la zhu bar gyur par de'i tshe 'ong bar 'gyur ro/ /de la yang dag par sbyangs par 'gyur ro/ /slar yang ye shes kyi 'khor lo la srub par byed pa dang / 'o byed pa ni/ bla ma'i man ngag las so/ /slar yang 'khor lo gsum po myos par byed pa'i sbyor bas sbyang bar bya'o/ /steng du song ba de la bde ba chen po brtan par 'gyur te/ 'di rnams lam gyi mchog ste phul du byung ba'i lha rnams kyi spyod yul ma yin no/ /gang zhig shes pa bsod nams dang ldan pa dang / 'jig rten gsum dang bcas pas mchod par 'gyur ro/ /lo gcig tu goms pas ches phra ba'i lus su 'gyur ro/ /sgra chen po'i rang bzhin rab tu smra'o/ /de bzhin du sems phra ba'i rang bzhin dang 'dod pa'i don la kun tu rgyu ste/ gdul bya'i ched du rgya mtsho dang nam mkha' la yang 'gro'o/ /gang 'dod pa de byed do/ /blo bzang rtse bar byed cing dga' bar byed do zhes gshin rje'i gshed dmar po'i rgyud du goms pa'i le'u ste bcu bdun pa'o// //bcom ldan 'das mas gsol pa/ bcom ldan 'das kye/ ltad mo la sogs pa mnga' bdag gsung du gsol| sbyor ba sna tshogs ma lus nyid/ /de bzhin dus kyi mtshan nyid dang / /rang gzugs lus kyi 'khrul 'khor ni/ /da lta bka' drin mdzad du gsol/ /de nas bcom ldan
507a
@#/ /'das kyis bka' stsal pa/ lha mo legs so legs par byas/ /khyod kyis gang gzhan byas te bshad/ /oM dz+wA la ka rA la pa da ne sarbA satwa hA la hA la badz+re su badz+re s+phA ra s+phA ra ya s+phA ra ya sarba me g+ha bA ta/ br-iSh+Ti s+t+wam+b+ha ya s+pho Ta ya s+pho Ta ya g+haH g+haH g+haH sarba pA nI yaM sho Sha ya hUM phaT/ gsang sngags 'di dag bzlas par bya zhing khro bo'i lta stangs kyis nam mkha' la blta bar bya'o/ /rlung dang sprin la sogs pa 'joms par byed do/ /oM phaT kA ra pheM ha ha hA hA phaT oM hrIH Sh+TI bi kraM tA na na sa rba kro d+hA na kI la ya kI la ya badz+ra daN+De na A ko Ta ya A ko Ta ya hUM hUM phaT phaT swAhA/ hrIH brjod nas lha'i bdag nyid kyi rdul rnam pa bdun sbyin par bya ste/ sbrul 'bros par byed do/ /oM ya mAn+ta ka hrIHSh+T+wI hUM hUM phaT phaT trA sa ya trA sa ya tsaN+Da tsaN+Da pra tsaN+Da pra tsaN+Da hUM phaT/ ces pas ma he 'bros par byed do/ /oM ma ma brda ne ma rda ya ma rda ya tsaN+Da ma hA ro Sha Na hUM phaT/ zhes pa 'dis sdig pa'i nad 'joms so/ /oM kro d+ha na saM kro d+ha ya saM kro d+ha ya swAhA/ zhes pa gshin rje'i gshed dmar po'i rgyud kyi rgyal por sngags kyi las rab 'byam gyi le'u ste bco brgyad pa'o// //lha mos gsol pa/ kye bcom ldan 'das/ gtum po chen po khros pa zhes bya ba'i khro bo chen po'i dbang phyug de'i sngags kyi
507b
las rab 'byams gsung du gsol/ bcom ldan 'das kyis bka' stsal pa/ dpa' bo chen po mi g.yo ba/ 'jigs pa'i yang 'jigs par byed pa rgyan thams cad kyis brgyan pa'i dpa' bo ral gri dang sdigs mdzub 'chang ba gtum po khros pa chen po'i nga rgyal du byas nas sngags bzlas par bya'o/ /oM tsaN+Da mahA ro Sha Na hUM phaT/ ces pa'i gsang sngags chen po gang gi dpung par son cing gnas pa de bdud thams cad las nges par rgyal bar 'gyur ro/ /oM kro d+ha ne saM ko Sha Ne b+he da ne hUM phaT/ chu la mngon par bsngags nas sbyin par bya ste gzer sel bar 'gyur ro/ /oM san+t+rA A sa ne mo hA ya hUM phaT zhes pa 'dis spyi gtsug tu bcings na mi mthong ngo / /oM a tsa le sany+tsa le che ge mo'i mu khaM kI la ya hUM phaT/ myos byed la gzugs brnyan byas nas gro ga la ba blas bris nas de'i khar bcug ste/ phur phus btab la lam bzhi mdor sba bar bya ste/ phyir rgol ba'i kha la phur bus gdab bo/ / oM sar+b+ba mA ra b+hany+dza ne che ge mo'i bA dau kI la ya hUM phaT/ slar bzhin du snying gar bcug nas rkang pa dag la phur bus gdab par bya ste/ 'gro ba dang 'ong ba rengs par byed do/ /oM bi kraM tA na na sA ra ba la b+hany+dza ne dzam+b+ha ya dzam+b+ha ya/ stam+b+ha ya stam+b+ha ya badz+ra bA she na che ge mo sai n+yaM ban+d+ha ban+d+ha/ oM hUM phaT khaH ShaH hA hA hI hI pheM pheM oM tsaN+Da mahA ro Sha Na hUM phaT/ sngar bzhin du
508a
@#/ /bcug nas sde'i bdag po'i gos la phur bus gdab ste/ gzugs brnyan kha 'og tu byas te sba bar bya'o/ /pha rol gyi sde 'ong ba rengs par byed do/ /oM da ha da ha pa tsa pa tsa ma tha ma tha/ dz+wA la dz+wA la/ dz+wA la ya dz+wA la ya/ gr-i h+Na gr-ih+Na dz+wa la hUM oM tsaN+Da ma hA ro Sha Na hUM phaT/ dur khrod kyi gos la gzhan gyis mi thub pa sor mo brgyad kyi tshad la lha sbyin mngon par bris nas sngags kyi phreng bas bskor te myos byed gzugs brnyan gyi snying gar bcug nas shing la gzhag par bya'o/ /de nas/ oM tsaN+Da ma hA ro Sha Na che ge mo la dz+wa re Na gr-ih+Na pa ya hUM phaT/ zhes bzlas nas dur khrod kyi me la gdung bar bya'o/ /seng ldeng dang rgya shug gi me la'o/ /dgra rnams la rims byed do/ /oM dza ya dza ya pa ra dza ya ni rdzi ta ya n+t+ra hI hI s+pho Ta ya s+pho Ta ya uts+tshA Ta ya uts+tshA Ta ya/ shI g+haM karma ku ru tsaN+Da ma hA ro Sha Na hUM phaT/ dur khrod kyi ras la bris nas skud pa sngon pos dkris nas dbur ma 'am/ mgul lam/ mgo bo'am/ rked par '+cang bar byed na gzhan gyi sngags rab tu mi 'byung ngo / /oM tsaN+Da ma hA se na gra sa gra sa kha kha khA hi khA hi/ sho Sha ya sho Sha ya/ ma ra ma ra mA ra ya mA ra ya che ge mo oM phaT/ dur khrod kyi ral pa bris nas sngar bzhin du gzugs brnyan du bcug ste sor mo'i tshad kyi rus pa'i phur pas
508b
sam| lcags kyi phur pas phur bus btab nas dur khrod du kha 'og tu byas nas sbas na nyi ma bdun gyis 'chi bar byed do/ /oM tsaN+Da ma hA ro Sha Na che ge mo uts+tsha Ta ya hUM phaT/ nim pa'i shing bya khwa ta'i tshang na gnas pa blangs te/ dur khrod kyi mes bsreg par bya'o/ /de'i thal ba la brgya rtsa brgyad du mngon par bsngags te/ khyim dang gos la gtor te gzhag go /rnga mo la zhon pa g.yon par byed pa'i zhags pas bcings nas lho'i phyogs su drangs par yid kyis bsam par bya ste/ skrod par byed do/ /oM dwe She dwe She badz+re che ge mos bi dwe Sha ya oM tsaN+Da ma hA ro Sha Na hUM phaT/ 'thab bzhin pa'i glang po dag gi rdul bzung nas bsgrub bya'i gzugs brnyan byas nas gnyis po la bsnun par bya'o/ /phan tshun sdang bar byad do/ /oM tsaN+Da ma hA ro Sha Na hriH hriH hreM go ra rU be Na tsa Ta tsa Ta pra tsa Ta pra tsa Ta/ ha na ha na g+hA ta ya g+hA ta yA kaD+D+h+ya kaD+D+h+ya pra s+phu ra pra s+phu ra/ pra s+phA ra ya pra s+phA ra ya/ kI la ya kI la ya/ dzam+b+ha ya dzam+b+ha ya/ stam+b+ha ya stam+b+ha ya che ge mo la hUM phaT/ gro ga la ta la'i smyu gus rus sbal sor drug par mnyam par bris nas rkang pa bzhi la hriM gi yi ge dang / kha'i dbus su Sh+TIH yi ge'o/ /sdang bar 'gyur ro/ /de nas bris pa'i bsgrub bya de'i rgyab sngags kyi phreng ba gzhan gyis kun tu dkris te mchod na/ de nas brtsams te 'dod pa yongs su nyams te rus sbal bzhin du mang pos yog par
509a
@#/ /byed do/ /srad bu dmar pos kun tu dkris nas rkang pa rab tu bsdus nas mi 'degs par byas la/ rkang pa g.yon pas gdeg par bya'o/ /che ge mo me ba sa mA na ya lan bdun gyis dgra'i kha rengs par byed do/ /oM tsi li tsi li/ mi li mi li nA li te hUM phaT/ mig 'dzum pa nyams par byed do/ /oM ts+tshIM ts+tshIM ts+tshIM/ sho Sha ya sho Sha ya d+ha ra d+ha ra/ ban+d+ha ban+d+ha/ oM tsaN+Da ma hA ro Sha Na hUM phaT/ ro'i rus pa'i phur pa sor bdun pa'i ched la brgya rtsa brgyad du mngon par bsngags nas ba lang gnas su sbas na 'o ma mi 'dzag go/ /oM ba li pat+t+raM ba ta ya su ra ba ri ma dz+nyA pa ya ti dz+wA la ya dz+wA la ya/ oM tsaN+Da ma hA ro Sha Na hUM phaT/ grog mkhar gyi sa'i gong bu la brgya rtsa brgyad du mngon par bsngags te tshong pa'i khyim du sba bar bya ste/ zong mi brin no/ /oM hriM hriM traM braM ya ma ma tha ni A kaD+D+h+ya A kaD+D+h+ya k+Sho b+ha ya k+Sho b+ha ya/ sarbA kA ma pra sA d+ha ne hUM hUM phaT phaT swAhA/ gro ga'i 'dab ma la gur gum dang / yang dag par ldan pas lha phyag gnyis pa lag na zhags pa dang lcags kyu can 'dod pa drag cing 'jigs par byed pa bris la/ glang po che'i chang dang zla mtshan dang me tog gi sngags kyis yi ge rnams spel bar bya'o/ /oM spyi bor ro/ /hUM snying gar ro/ /hriM lte bar ro/ /taM mig tu'o/ /de la sngags kyi phreng bas bskor nas khrag gis kun tu bkang
509b
zhing| phye mar byas te skyes pa dang bud med kyi thod par bcu nas mar dang sbrang rtsis bkang ste myos byed kyi sa dang srad bu dmar pos dkris nas mgo bo'i gnas su sba bar bya'o// rkang pa g.yon pas mnan nas bzlas par bya ste/ stong phrag nyi shu rtsa lngas grong 'khrug par 'gyur ro/ /oM A kaD+D+h+ya A kaD+D+h+ya mo ha ya mo ha ya che ge mo me ba ba shAM b+ha ba tu swAhA/ lto ba'i srin bu phra mo'i phye ma dang khu ba dang ming med kyi khrag dag gis ba Di ka byas nas mngon par bsngags te bza' ba dang btung ba la sbyin par bya'o/ /gyen du 'khor ba'i 'dab ma dag dang / bung ba'i gshog pa dag dang / rgyal po gnyis kyi so dag dang / shi ba'i phreng ba rnam par btags pa'i phye ma 'dis rgyal ba'i lus can lus can gyi rjes nas rjes nas rgyug go /oM shwe te gr-i d+h+ri NI khA hi bi Shany+tsa ru pi NI khaH khaH a ti mr-it+t+wa dwA re tsI ra ka bA bA sa baN+tA be shaH haH haH saH saH tsaN+Da ma hA ro Sha Na se na A dz+nyA pa ya ti swAhA/ yang na/ oM saM kA ri Ni tsaM baM hAM haM hUM hA/ dug thams cad 'joms par byed do/ /oM nA gA ri bA ma ne ha ra ha ra phaT phaT/ oM A Ne kA Ne che ge mo ba shAM ku ru swAhA/ dri bzang po can gyi me tog dkar po sbyin pa las dbang du byed do/ /na mo bi tA gA ya mai tri sid+d+ha lo tsa swAhA/ chu la mngon par bsngags nas des mig brkus pa las rab rib 'joms par byed
510a
@#/ /do| |oM ban kha kha tsur+Na khA nA tan pra b+ha ba ti/ A diR+Ya ra tha be ge na ba su de ba ba len tsa/ ga ru Da pA k+Shi sa de na b+hU mya gats+tsha bi ShaM swAhA/ sbrul dang sdig pa dang / karka Ta la sogs pa'i dug 'joms par byed do/ /oM tsA muN+De a dzi te a pa rA dzi te a pa rA ji te phu phu rak+Sha rak+Sha swAhA/ bong ba la lan bdun mngon par bsngags nas phyogs bzhir 'phang bar bya'o/ /de bzhin du gcig gzhag par bya'o/ /oM dzam+b+ha nI stam+b+ha nI mo ha nI sarba duSh+Ta pra shA ma ni swAhA/ chom rkun mi 'byung ngo / /oM na maH tsaN+Da kro d+hA ya hu lu hu lu tiSh+Tha tiSh+Tha ban+d+ha ban+d+ha mo ha ya mo ha ya ha na ha na hUM phaT/ me tog la sogs pa la yongs su bzlas te byin pa la dbang du byed do/ /na mo rat+na tra yA ya oM TaH suH bisma re swAhA/ ke ta ki 'dab ma lus la bcangs na rims thams cad 'joms par byed do/ /zhes pa gshin rje'i gshed dmar po'i rgyud du dpa' bo gcig pa'i sgrub thabs la sogs pa 'khrul 'khor dang / sngags kyi le'u ste bcu dgu pa'o// //bcom ldan 'das mas gsol ba/ bcom ldan 'das ltad mo nyan par 'tshal lo| |shA kho Ta ka'i rtsa ba dang / ba ru ra'i rtsa ba gcig tu byas nas khyim du gzhag par bya ste/ rtsod par 'gyur ro/ /da d+hu ra'i me tog gi dbus su gnas pa'i guN+Da ka dri bzang
510b
po'i me tog gi dbus su bcug pa tsam gyis mgo la gzer 'byung ngo / /rtsab mos nyams par byas pas grol lo/ /khyi mo'i mngal gyi mal stan des bdugs te bskor la rma bya'i mjug mas g.yas su bskor bas ri mo 'phrog go /g.yon du bskor ba yis thar ro/ /khwa ta'i snying khrag gis shing a mra'i 'dab ma la de'i gzugs brnyan bri ba'i tshul gyis bris pa'i 'khrul 'khor gang gi bshang ba la bzhag pa de khwa tas bza' bar byed do/ /b+ha ga'i rnam pas dong byas nas bud med kyi bshang ba dang sdig pa dang / pat+t+ri ka dang ldan pa bcug nas byug par bya ste/ de'i lam du gnod par byed do/ /shing snu ha'i 'o mas bsgos pa'i til gyi til mar bskus pa las mgo skyes dkar por 'gyur ro| |skra bzhar ba yis thar ro/ /byi la mo'i phru ma dang / mi mo'i phru ma dag gis bdugs pa las zla ba'i ri mo mi mthong bar byed do/ /sbrang rtsi'i bdugs pas thar ro/ /rnga mo'i thod pa dang / dbyug pa dkar po dang / skud pa la ba blas bskus nas lag pa la bskus nas nyi mar byas na ri mo mthong ngo / /lag pa bkrus pa las thar ro/ /bud med kyi phru ma'i bdugs pa las ri mo 'gebs par byed do/ /gu gul gyis ba dugs pa las thar ro/ /sbal pa'i zhun mar gyis mig sman las khyim du 'brel ba'i sbrul mthong ngo / /mar me
511a
@#/ /mnal ba'i me la mu zi'i phye ma byin pa las 'bar bar byed do/ /shing sna hi'i rtsa ba dang bu ram zos na gnyid med par 'gyur ro/ /kA ma tsi'i rtsa ba gtsug tor du bcing bar bya ste/ gnyid med par 'gyur ro/ /klu 'dul bar byed pa droM Ni'i me tog gi rtsa ba dang / yung ba dang / 'bras thug po che btags nas dril phyis byas pa las tshu yongs su zad pa las rgyal la/ /shing shal ma la'i rtsa ba la mtshal dang ldan pa zos pa las me tog ltung bar bya'o/ /kaM guSh+Tha dang / ma dir ya sbyin par bya ba'am/ yang tam+bu la yis rdul dang bral bar 'gyur ro/ /shing snu ha'i lo ma dang man Ta'i sa bon dang / gu Na'i phye mas bu ram dang lhan cig zos pa las khrag ltung ngo / /tshu tshun d+ha ra'i phye mas rta'i sna la bskus na zas mi byed do/ /tsan+dan gyis bkrus pa las thar ro/ /shing ke ta'i rtsa ba mgo la bcing bar bya/ shing 'bra go'i rtsa ba lag pa la/ shing ta la'i rtsa ba khu ru ma rgyal la gdon par bya'o/ /byang phyogs su bltas te gcer bu skra grol bar gyur nas gsum po rnams cung zad btags nas btung bar bya ste/ mtshon chas 'joms par mi 'gyur ro/ /sho na ka'i sa bon dang / pU ra ka pA du ka gnyis po sha pa'i pags pa'i khud du de mnyes te lce'i mthil du bzhag pa lat+ta pa'i 'bras bu zos
511b
ba las/ sreg par mi byed do zhes gshin rje'i gshed dmar po'i rgyud du thun mong gi sman gyi le'u sti nyi shu pa'o// //kya bcom ldan 'das/ ji ltar dus byed pa dang| sems can byed par nges pa de rnams kyi rgyu mtshan bcom ldan 'das kyis bstan du gsol/ rkang pa dang rkan la phug nas mig tu zug pa las zla ba gsum gyis grub bo/ /rna bar phug pas zla ba bzhis so/ /mdzod spur zug pa las nyi ma gcig gis so/ /rkang pa dang rkan la phug nas lte bar zug pa las zla ba gsum gyis 'chi'o/ /rkang pa dang rkan la phug nas sna la zug pa las zla ba gsum gyis so/ /bshang ba rab tu 'dzag pa'i dus mtshungs par sbrid pa byung na lo gcig gis so/ /shin tu dga' ba'i rab tu gal te sbrid pa byung ba dang mtshungs par mthe chung thams cad du zug pa las zla bas so/ /snying dang mgrin par zug pa las phyogs gsum gyis so/ /mtshungs par rkan la gsum zug pa las nyi ma gsum gyis so/ /rkang pa'i mthe bong nas brtsams nas lte ba'i mthar thug par zug pa las zla ba drug gis so/ /sna'i rtse mor zla bas de der gyur na mtshan mo bdun gyis 'chi pa'i dus su 'gyur ro/ /rna ba dag gi dril bu'i sgra las zla ba gsum gyis so/ /rna ba gnyis dang smin ma'i dbus dang klad pa'i rtse mo rnams su so so so sor zug
512a
@#/ /pa las nyi ma gcig gis so/ /sen mo la dmar pa'i mchog tu mthong ba las zla ba drug gis so/ /so bskams pa las zla ba drug gis so/ /byas pa shes par 'gyur ba nyid/ /rdo rje skyes bde bdag la gsol/ /'dam skyes 'dab ma gsum pa ni/ /ge sar sbrang rtsis brgyan pa mthong / /e ma bde ba ldan pa'i zhing / / chags pa sangs rgyas nye bar mdzes/ /chags can rnams kyis bde bzhi/ /rtog pa thams cad rnam par spangs/ /yid ni 'dod chags kyis dkrugs pas/ /bud med gan rkyal bsgyel nas ni/ /phrag par rkang pa zung byin nas/ /'og dang steng du ngas brtags nas/ /de yi pad+ma rgyas pa yi/ /pad+ma'i bu gar 'jug par byed/ /pad+ma'i 'dab mar sha'i snying po/ /ldan par rdo rje de bcug nas/ /ji ltar bdag gi nur nur po/ /bye ba nyis stong 'bum rnams kyis/ /dbus su sems la rab mchod bya/ /bdag la rlung pad snying po las/ /snying po bla med rdo rje'i rtser/ /rak+ta ban+d+hu ka dang ldan/ /blo ldan de der brjod smra byed/ /slar yang sems dpa' gcig bsgom bya/ /bde ba g.yo med dam pa'i sems/ /de las so sor mchog sbyin nas/ /dga' ba'i skad cig nyis 'gyur nyid/ /ji srid rab brjod 'di lta bu'i/ /gzugs sku skad cig tsam bsam bya/ /
512b
bud med ri mo bskyed ma'ang zhig /'gro ba rnams kyi yang gsum mo/ /bde ba sbyin pa zhi bar rig /cung zad 'dir ni rtog par byed/ /kha drag ched du sdig las gnas/ /de des gting dpag dka' ba can/ /du 'bod du ni rtag tu brdungs/ /rnam mang sreg cing 'o dod 'bod/ /lus ni bskal pa gsum du gnas/ /bud med yon tan brjod ci dgos/ /sems can kun la yongs su 'dzin/ /snying rjes nyin mor byed pa las/ /bud med sems kyis so sor gnas/ /nub par gyur pa legs shes shing / /yongs su shes pa'ang rgyas par byed| |gal te de lta'i slong mo'i gzugs/ /gzhan min rdo rje rnal 'byor ma/ /de yi nub dang mthong ba ni/ /sa dang sa la ring ba las/ /gang gis dran par byed tsam gyis/ /skad cig de las bde ba myong / /phyogs nyid yul dang bud med nyid/ /lha yi gzugs kyis yang dag gnas/ /phyag rgya de la phan byas nas/ /yid ldan de la gnas par byed/ /de phyir skyon las rnam par grol/ /yon tan dam pa kun la mkhas/ /bsod nams bsod nams bsod nams che/ /rab dang byed pa mthar phyin can/ /de phyir de la brtan bltas nas/ / dam chu so yis btsir byas te/ /rnal 'byor pa shAti sgrog byed cing / /de la'ang sta zur du bya ba/ /rang bde 'byung ba bcing bar bya/ /sa ma dam+pa ka nyid kyang / /bcing ba'ang sa tshogs
513a
@#/ /ming can no/ /bung ba'i dra ba bcings pa yang / /rkang pa steng nas 'khrul 'khor lo/ /de bzhin kho nar rul sbal gyi/ /bcings pa'ang kun las bzang po nyid| |de la skyil krung dbus su ni/ /lnga gsum tsog pu'i gdan du ni/ /byas nas dpung pa zung la ni/ /de nas bcom ldan 'das ma yis/ /bcom ldan 'das la dam po yis// 'khyud nas pad+mas rdo rje ni/ /rgyas par byas nas rab gsol ba/ /rdzogs pa'i rim pa'i rnal 'byor la/ /sgom pa ci lta bu zhig 'gyur/ /rnal 'byor pa rnams phan don du/ / zhus pa 'bras bu bcas par mdzod/ /bka' stsal pa/ /rdzogs pa'i rim pa'i rnal 'byor gang / /rnal 'byor brtson pa'i rnal 'byor pa/ /nyin mtshan mnyam pa'i tshul du ni| |sems gcig gis ni bsgom par bya/ /dge legs gang bsgom rtag bya ba/ /srid pa'i ngo bos nges par rgyas/ /shin tu brtan zhing mngon sbyor bas/ /ji bzhin kho nar gsal bar 'gro/ /de nas ma dang bu mo 'am/ /rnal 'byor ma dang tsha mo dang / /gzhan yang nye du mo rnams kun/ /gtum mo de bzhin bram ze mo/ /mi mo'i tshogs ni 'di dag sbyin/ /cho ga bzang pos kun bsnyen bya/ /ji ltar dbye ba mi shes pa/ /dbye bas rje btsun chog shes pa/ /sgrub po mnar med 'khrid par byed/ /'dir ni 'jig rten
513b
'gal ba nyid/ /'jig rten pha rol bden pa bcom/ /de phyir kun tu rab 'bad pas/ /blo bzang legs pas yang dag brtsam/ /mkha' 'gro ma sngags bzhin sbas nas/ /ji ltar sangs rgyas kyis gsungs pa'i/ /yid dang rjes mthun phyogs su ni/ /nye bar 'tshe ba kun spangs te/ /rang sems dga' ba'i 'dod pa mo/ /rab dang de dag yang dag blangs/ /dben zhing dub pa med byas nas/ /ji srid rnyed pa'i gos dang ni/ /gnyis kyis brtan par bsgom par bya/ /blo bzang phan tshun sbyor ba las/ /bud med rang la mngon phyogs byas/ /zhugs nas gnyis dag phan tshun du/ /chags pas brtan par brtag par bya/ /de nas blta dang khar brjod pa/ /rtse gcig yid kyis gnas par bya/ /de bzhin de nyid las brjod bya/ /bden pa'i gzi brjid shin tu byed/ /de yi bu dang khyim thab khyod/ /bdag la spun dang pha zhing pa/ /khyod nga'i ma dang chung ma ste/ /rnal 'byor ma dang tsha mo dang / /skyes bu bdun gyi 'bangs nga yin/ /khyod zhal can gyi 'bangs dang bran/ /smra ba de 'drar brjod par bya/ /bde ba gzi brjid byed pa'i mchog /khyod pa'i pha ma chung ma dang / /rnal 'byor ma dang tsha mo dang / /nga ni khyod kyi dus kun 'bangs/ /mdung thung rnon po mchog tu gzhol/ /brtse ba'i ma yis bdag la gzigs/ /bsnyen pa'i lta bas nges rtogs pas/ /de bdag skyes bu mthong nas ni/ /yang
514a
@#/ /dang yang du 'o byas nas/ /yi ge gsum ni ster bar byed/ /rdo rje'i sbrang rtsi mtshungs pa'i khrag /pad+mas 'jigs par bya'o de'i/ /mthong nas mig ni rnam par 'khrul/ /gdong yang dri yis byugs byas nas/ /de nas nu mar btsir bar bya/ /bstan par kun tu khar de'i khar/ /reg nas kha ru sbyin par byed/ /g.yo bar byed cing smra bar bya/ /de yis 'di 'drar brjod par bya/ /bdag gi a run+dat+ta ni/ /mthong phyir bza' ba rnam snang mdzad/ /zla drug lte ba phyin ci log /bu ga thams cad mthong ba'i phyir/ /ha yig reg cing mthong ba las phyogs gsum gyis so/ /ming med kyi rtsa bar ri mo nag po mthong ba las so/ /yan lag thams cad bsil bar mthong ba las nyi ma bcwo brgyad na'o| |khrus byas pa byas ma thag bskams pa na nyi ma bcu yis so/ /lus dri ngan pa las zla ba gnyis na'o/ /gcin g.yon du 'khor ba las mtshan mo gsum gyis so/ / lus phra mor mthong bas zla ba drug gis so/ /sna'i rtse mo ma mthong ba las nyi ma gcig la'o/ /phyogs kyi 'di dag shes pa'i phyir/ /de bzhin rnal 'byor pa sgom dang / / bsam gtan brtson pas sngags bzlas bya/ /rnal 'byor pas ni 'bad pas bklag /bsrung ba lnga sogs bklog pa yang / /rang ngam gzhan gyis bya ba'o/ /nyin rer tshogs
514b
la zas dang ni/ /dge 'dun zas dang de bzhin gzhan/ /dman dang zhan la rjes brtse bas/ /sems can rnams la rtag tu bya/ /zhes pa sna tshogs rgyud du gsungs/ /zhes so/ / gshin rjer gshed dmar po'i rgyud du le'u nyi shu gcig pa'o// //kye bcom ldan 'das/ mu stegs byed pa rnams thams cad la snying brtse ba med par 'dod pa'i don lhur len pa dang / gang zhig ngag gdug pa thams cad du gsod pa lhur len pa de rnams kyi bsam pa la thugs brtse bar gyur pas de dag mnga' bdag gis bdag la gsung du gsol/ dang por gso sbyong sbyin par bya/ /phyi nas bslab pa'i gnas lnga sbyin/ /bye brag smra ba 'bad pas bslab/ /mdo sde pa yang de bzhin no/ / dag ba bcu la goms gyur cing / /bla ma la gus 'dul la mos/ /dbu ma'ang slob tu bcug nas ni/ /sngags ni kun tu brtsam par bya/ /gsang las shin tu gsang ba'i rgyud/ / myur du phun sum tshogs pa'i rgyu/ /cho ga'i sbyor ba 'dis myur du/ /bslab pa thos nas spyod yul bzang / /bdud bzhi rnams spangs rnal 'byor pas/ /lha yi sbyor bas gnas par bya| |sta res gcod pa dang thod le kor byas nas nyi ma gzas zin pa'i dus su mi bskyod pas gtor te/ de nas rkang pa gnyis kyis mnan nas sngags bzlas par bya'o//
515a
@#/ /gsang sngags 'bum phrag gcig bzlas na thig le 'ching ngo / /gshin rje'i stobs su 'gro ste de gsal bar byed do/ /bdag gi gi lte bar sgom pa'i man ngag go /gang gang skad cig las brtsams te/ /de yi nyi mas bsgrub par bya/ /nyi ma lnga yi mthar thug bya/ /log par smra ba'i 'jig rten las/ /legs spas rab tu gsal ba ni/ /de nyid 'dus pa'i rnal 'byor mchog /rnal 'byor ma kun de nyid bstan/ /bzlas brjod 'bum phrag/ gcig tu brjod/ /brtul po yis ni 'bum phrag lnga/ /gang zhig rgyud du gsungs rang gi /rang bzhin las ni 'bum phrag bzhi/ /de nas shin tu chung ba 'di/ / lha mo de kun gsal bar bstan/ /dpal ldan gshin rje'i gshed dmar po'i rgyud kyi rgyal po le'u nyi shu rtsa gnyis pa'o// //rang gi rgyud 'di mi shes par/ /rgyud dang rgyud du nges brjod pa/ /gal te 'tsho ba'i bsam pa yis/ /stong pa'i sa la de 'khor ro/ /dpal ldan gshin rje'i gshed dmar po'i rgyud kyi rgyal po rdzogs so// //skad gnyis smra ba chen po thar pa lots+tsha ba'i bka' drin gyis bskyangs pa/ bod kyi lots+tsha ba shAkya'i dge
515b
slong rin chen grub kyis/ chos kyi rje khro phu lots+tsha ba'i gdan sa gnas gsar dgon par bsgyur cing zhus te gtan la phab pa/ /rgyud 'di 'gyur las 'bad ba'i bsod nams kyis/ /nag po'i rtsa lag ma lus kun bcom ste/ /bstan pa'i bya ba yid bzhin 'grub pa dang / /mthar thug 'jam pa'i rdo rje nyid gyur cig / rgyud 'di nyid snar thang bka' 'gyur dkar chag nang / gshed dmar gyi rgyud le'u nyer gnyis pa bu ston rin po ches bsgyur ba zhig yod kyang 'dir med ces gsal ba sde dge mtshal par ma nas thon pas khungs dag yin min bu ston thams cad mkhyen pa'i gsung la zhib brtags skabs/ rgyud 'bum dkar chag dang / chos 'byung gsung rab rin po che'i mdzod nang ma 'khod kyang / rgyud sde spyi'i rnam gzhag rgyas pa rgyud sde rin po che'i mdzes rgyan du rgyud 'di dang / le'u bcu dgu pa gnyis char gyi le'u'i grangs dang / de dag so so'i bstan don gsal bar gsungs 'dug pas/ kun mkhyen rin chen grub pa de nyid gangs can lo paN mkhas grub mtshan ldan rtsod med yongs grags la brten rang gsung la dag ther gtan 'phebs dang 'brel bu ston gyis rang 'gyur mdzad ces pa'i rgyud 'di da lam rten 'brel phun sum tshogs
516a
@#/ /pa'i yan lag tu gsar bcug bgyis pa'o//