H446

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H446</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H446&coll=lhasa">see text in Tibetan script</a></table>1b<br><font size=+1>


@##/ /rgya gar skad du/ shrI tsan+d+ra gu h+ya ti la ka nA ma mahA tan+t+ra rA dza/ bod skad du/ dpal zla gsang thig le zhes bya ba rgyud kyi rgyal po chen po/ dpal rdo rje sems dpa' la phyag 'tshal lo/ /de nas bcom ldan 'das de bzhin gshegs pa thams cad ngo mtshar cher gyur te/ yang 'dus nas </font><hr>2a<br><font size=+1>


@##/ /phyag gar dang bcas pas thal mo khong stong du sbyar nas/ bcom ldan 'das kun tu bzang po chen po la gtsug gi 'dud pas gsol ba btab pa/ dpa' bo kun gyi gsang ba yi/ /zla gsang thig le dga' byed pa/ /gnyis med ye shes yang dag 'byung / /bcom ldan 'das kyis bshad du gsol/ /sems can kun gyi ma skyes pa/ /skye dang ma skyes rnams spangs pa'i/ /byung dang 'byung 'gyur rab 'byor ba'i/ /mchog tu rtog par sbyor ba'o/ /rin chen thams cad 'byung gnas dag /dri med </font><hr>2b<br><font size=+1>


nam mkha' dang 'dra ba'i/ /rgyal mtshan chen po sgreng byas te/ /nyi ma chen pos dbang bskur ba'o/ /chos kyi longs spyod yang dag 'byung // pad+mo dmar po mchog gi mdog /'dod chags de nyid gsang ba che/ /thams cad bde byed bdud rtsi'i mchog /A dang lar ni yang dag ldan| |yang dag mdzes pa 'gying ba'i 'gros/ /sna tshogs ye shes sna tshogs che/ /zla gsang thig le'i mchog nyid do/ /de nas bcom ldan 'das de bzhin gshegs pa thams cad kyi bdag po kun tu bzang pos de bzhin gshegs pa thams cad kyi gsang ba'i gsol ba btab par mkhyen nas/ 'gog pa chen po'i ye shes rdo rje zhes bya ba'i ting nge 'dzin la snyoms par zhugs nas cang mi gsung bar bzhugs so/ /de nas de bzhin gshegs pa thams cad ngo mtshar rmad du gyur te/ yang 'dus nas bcom ldan 'das </font><hr>3a<br><font size=+1>


@#/ /kun tu bzang po chen po la de kho na nyid dbyangs kyis bskul te bzhengs par mdzad do/ /oM hUM AHmi skye ye shes bde ba'i mchog dang ldan pa'i ro la mnabs su gsol/ /a la la ho/ sems dpa' bde mchog de nyid 'gog pa rnams la bslang ba'i phyir/ /chags pa med pa'i bde mchog mnga' mdzad bzhengs shig mnabs/ /mchog tu gsang ba'i bde la rol cing dam bcas 'jig rten sgrol/ /byang chub skye gnas bde mchog dbyings las mi nyams dga' ba'i gar mdzod cig /a la la ho/ sngon gyi zhen pa'i mtha' dang sngo bskams nyon mongs gzir ba la/ /rmongs med bde mchog rgyan dang ldan pas thabs kyis bskul te go bar mdzod/ /'gro kun mtshungs par spyod pa'i sgo mor byang chub lam ston cing / /bde mchog bdud rtsi khyad par med par </font><hr>3b<br><font size=+1>


'dus pa'i tshogs la bka' stsol cig /a la la ho/ de nas bcom ldan 'das kun tu bzang po chen po nam mkha'i dbyings thams cad du khyab pa'i bdag nyid chen pos de bzhin gshegs pa thams cad kyi snying po chen po zla gsang thig le skul bar byed pa zhes bya ba'i ting nge 'dzin la snyoms par zhugs te/ rang gi thugs kyi gsang ba'i thig le las shin tu dgyes pa chen po'i bde ba zhes bya ba'i 'od zer gyi tshogs phyung nas/ de bzhin gshegs pa thams cad kyis gsang ba'i snying po zla ba'i thig le'i dbus su rgyas par byas te/ nam mkha'i dbyings thams cad du'ang snang bar byas/ steng dang / 'og tu 'ang zhugs te/ ma lus lus pa med pa'i ri dang / sems can rnams la gsal bar byas nas shin tu dgyes pa chen po'i bde bas mnyes par byas te/ slar de nyid du log nas bcom ldan 'das shin tu mnyes pa chen po'i bde ba'i bdag po snying po gsang ba mchog gi zla ba'i thig le'i dbus na bde bar bzhugs so/ /de nas bcom ldan 'das de bzhin gshegs pa thams cad 'od zer gyi tshogs kyi phreng ba mchog tu bde ba chen por gyur ba'i snying po des bskul ba na/ gar mdzad cing rang rang gi ting nge 'dzin du dmigs nas/ bcom ldan 'das kun tu bzang po chen po'i </font><hr>4a<br><font size=+1>


@#/ /thugs ka'i zla ba'i thig le'i dbus su mchog tu gsang ba'i shin tu dgyes pa'i bde bar gcig tu sdug bor gyur pa bsgrubs te/ rang rang gi sku bud med kyi tshul du bskyed nas/ bcom ldan 'das kyi thugs ka nas mngon par byung bar gyur to/ /de nas la la ni spyan pad+mo 'bar ba rgyas pa ltar bsgyur zhing bzlog ste smin ris g.yo bas/ sangs rgyas tshul gyis gar mdzad cing / /sangs rgyas rnal 'byor ma dkyil du/ /rdo rje rab dgyes gdon mi za/ /sems dpa' che la dgyes mdzad cing / /sangs rgyas bde ba'i bde ba yis/ /bcom ldan sangs rgyas bzhugs par 'gyur/ /smin ma bsgyur zhing zhabs bsgyur ba/ /spyan bsgyur shin tu gnon pa yin/ /sor mo'i mtha' ma rnam bsgyur ba/ /rdo rje'i tshul gyis gar mdzad de/ /rdo rje che la mnyes mdzad cing / /rdo rje rnal 'byor ma dkyil du/ / skad cig skad cig bskul ba yis/ /bcom ldan rdo rje gnas par gyur/ /brjid pa'i zhabs dang rin chen dbu/ /dri med spyi bos gar mdzad cing / /zhal gyi dkyil 'khor rnam bsgyur bas/ /bde byed chen po myong bar mdzad/ /dur khrod yon tan tshogs dag gis/ /pad+mo'i spyan gyis gzigs mdzad cing / /bde ba bdag po chen po la/ / </font><hr>4b<br><font size=+1>


rin chen tshul gyis mdzes par mdzad/ /shin tu dgyes gsal bde dam pa/ /pad+mo dmar la phye mdzad de/ /'dod chags bul dgyes rnam bsgyur bar/ /pad+mo dra bas gar mdzad cing / /pad+mo rnal 'byor ma dkyil du/ /brjid pa'i spyan gyis kun gzigs te/ /bde ba che la mnyes mdzad cing / /bcom ldan pad+mor gnas par gur/ /phyag gi rtse mor sor mo'i mthar/ /rnam par bsgyur bas gar mdzad cing / /phyag sbyar khong stong pad+mo yis/ /glog bzhin dpal dang spyi gtsug tu/ /mchod pa'i sprin gyis long long pos// sna tshogs bde byed gtso nyid la/ /las kyi tshul gyis mnyes mdzad cing / /sna tshogs bcom ldan gnas par gyur/ /de nas bcom ldan 'das bde ba chen po dpal rdo rje sems dpa' kun tu bzang po de bzhin gshegs pa thams cad kyi mchog tu gsang ba zla gsang thig le zhes bya ba'i ting nge 'dzin la snyoms par zhugs nas yang de bzhin gshegs pa dang / rdo rje dang / rin po che gsang ba dang / pad+mo dang / las kyi gsang ba chen po thams cad kyi bzhed pa/ bde ba chen po zhes bya ba/ 'od zer chen po sprin gyi tshogs nyid gyi \?\ sku dang / gsung dang / thugs rdo rje mchog las phyung ngo / /de nas de bzhin gshegs pa sku 'di dag thams cad la snang bas snang bar byas te/ nyid kyi thugs kyi zla ba'i thig le </font><hr>5a<br><font size=+1>


@#/ /la stug po gcig tu gyur nas bzhugs te/ thugs kyis zla ba'i thig le'i dbus su 'od zer des dgyes par bskyed cing drangs nas bcug ste/ gcig tu byas nas nyid kyi sku dang / gsung dang / thugs dgyes pa chen po gdon mi za bar rnam par rgyal ba zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi mchog tu gsang ba zla gsang thig le zhes bya ba'i dkyil 'khor gyi rgyal po shin tu dgyes pa'i bde ba chen po nyid kyi sku dang / gsung dang / thugs rdo rje la gsungs so/ /dkyil 'khor gyi ni tshul gyis su/ /chog sbyor bas spro byas te/ /thig dang mthun par dkyil 'khor don/ /sbyor ba'i gar gyis gar bya zhing / /ji ltar yang dag brtag par byas/ /ji ltar dkyil 'khor de kho na/ /zla gsang thig le'i dkyil 'khor ni/ /rdo rje sems dpa' dpa' bos kyang / /brtag par nus pa ma yin no/ /dkyil 'khor ye shes kyis brtags pa/ /snying po phyag rgya sngags rig gis/ /lha yi sbyor bas rgyas btab pas/ /cho ga shes pas bri bar bya/ /gru bzhi pa la sgo bzhi pa/ /rta babs bzhi dang yang dag ldan/ /thig bzhi yongs su bris pa te/ /ka ba brgyad mchog yang dag gnas/ /kun tu yongs su zlum pa ste/ /zla ba de yi </font><hr>5b<br><font size=+1>


dbus bsam pa/ /bde ba chen po mi phyed pa/ /gtso bo de ste bri bar bya/ /de nas tsheg drag bcas pa ste/ /yi ge bcu gsum ldan pa yi/ /yi ge mchog tu bde ba ste/ /rlung gi dkyil 'khor yang dag 'byung / /shes rab can gyis de mdun du/ /mi phyed yid phyung bri bya ste/ /drag po'i tsheg dang 'dren par bcas/ /bzhi yis gtsug tu byas pa'o/ /de yi lho yi phyogs su ni/ /mi smra ba yi yi ge'i mchog /phyag rgya'i ye shes mchog thams cad/ /sgrub par byed pa'i yi ge bri/ /ha dang rang ldan tsheg drag bcas/ /bzhi pa yis ni dbur byas pa/ /sngags kyi gzugs kyi yi ge ni/ /nub kyi phyogs su bri bar bya'o/ /khro bo'i yi ge ye shes che/ /yi ge'i phyag rgya rmad byung ba/ /brjid du bcas pa dgod pa yi/ /byang gi phyogs su bri bar bya/ /sems can thams cad mchog dag dang / /dgyes pa chen po rab 'grub phyir/ /nga yi de nyid gsung gis ni/ /dkyil 'khor de nyid bstan pa yin/ /sangs rgyas byang chub bde chen po/ /gar gyi tshud pas rdzogs sangs rgyas/ /sems can mchog gis ston byed na/ /de nyid sangs rgyas byang chub 'grub/ /de nas bcom ldan 'das de bzhin gshegs pa thams cad yang gcig tu 'dus nas bcom ldan 'das shin tu dgyes pa chen po'i bdag po rdo rje 'dzin chen po la gar mdzad cing / rab tu spros </font><hr>6a<br><font size=+1>


@#/ /pa spyan gdangs nas/ /zhabs dang zhabs kyi gnon pa yis/ /sdud cing 'dor ba 'dzugs par mdzad/ /g.yas dang g.yon gyi phyag gnyis kyis// rjed pa'i rtse mo mtha' nas dgrol/ /cung zad zur gyis gdangs pa'i spyan/ /mdzes pa'i spyan tshugs rnams bsgyur ba'i/ /spyan gyi phyag rgyas gar mdzad pas/ /'gro la rgyas btab 'dud par 'gyur/ /sems dpa' chen po dpa' bo la/ /dbyangs 'di yis ni bskul mdzad cing / /shin tu dgyes che dkyil 'khor du/ /rnal 'byor ma kun gnas par 'gyur/ /shin tu dgyes che rdo rje dag /sangs rgyas kun gyi bde chen po/ /dkyil 'khor mchog tu dgyes pa yi/ /de nyid bcom ldan nyid kyis shod/ /rnam pa kun tu skye ba med pa'i bde bas rol cing chub mdzad pa'i/ /bdag cag gzugs kyi dam dang bcas te rnam spyod 'gyur ba med pa'i yid/ /bde mchog byang chub sems ni rnam pa kun tu sdug bsngal yongs bral te/ /che ba'i ye shes lhun grub mchog ldan bde spyod bde la rol par mdzod/ /a la la la ho/ 'di ni glu ru blangs pa yis// shin tu srid pas mya ngan 'das/ /dga' chen de bzhin gshegs pa rnams/ /dkyil 'khor 'di la byin gyis rlob/ /de nas bcom ldan 'das rdo rje bde ba chen po </font><hr>6b<br><font size=+1>


zhal 'dzum pa dang bcas pas rgyas pa'i spyan ut+pa la kha phye ba bzhin smin ma dang / sku rnam par 'gyur ba/ glog dang / chu rlabs bzhin du 'gyur ba'i rnam par gnon pas nyid kyi sku dang| gsung dang / thugs rdo rje las de kho na nyid 'di gsungs so/ /dkyil 'khor dkyil 'khor zhes bya ba/ /rdo rje ye shes thugs la gnas/ /dkyil 'khor rdo rje'i mchog nyid ni// bdag nyid sbyor bas brtags pa yin/ /rdo rje dgyes pa chen po yi/ /dkyil 'khor zla ba gang ba 'dra/ /'od zer dkar po phreng bas mdzes/ /byang chub sems mchog 'dra ba yin/ /rdo rje dpa' bo'i dkyil 'khor ni/ /mdzes pa'i zla ba kham pa la/ /mthing ka'i 'bar ba kun rgyas pa/ /me dang rlung gis bus pa bzhin/ /shin tu dgyes pa'i mchog sgrub pa/ /rdo rje rin chen dkyil 'khor ni/ /dga' byed dkyil 'khor cha brgyad kyi/ /'bar dang bcas pa'i nyi ma bzhin/ /dkyil 'khor dgyes mchog 'byung byed pa/ /pad+mo'i dbang po pad+ma 'dra/ /'dab ma brgyad po gyes pa yi/ /ge sar zla bas mdzes byas pa'o/ /thams cad las ni grub byed pa/ /rdo rje'i las kyi dkyil 'khor ni/ /dga' byed dkyil 'khor gru gsum ste/ /rab tu 'bar ba me dang 'dra/ /de la sogs pa mtha' yas pas/ /dkyil 'khor rnams ni brtag par bya/ /skyong ba rdo rje sems dpa' yis/ /ji ltar </font><hr>7a<br><font size=+1>


@#/ /de nyid sprul pa yin/ /de nas bcom ldan 'das de bzhin gshegs pa thams cad yang bzhengs nas brjid pa'i rdo rje'i gar dag gis gar mdzad cing glu dang / sil snyan gyis gling bu dang / pi wang dang / rdza rnga dang / dun+du b+hi dang / pa na wa dang / pa li ka dang / zhi ba'i thal mo la sogs pa dang / rnam pa sna tshogs kyis kun tu brdung ba dang / sil snyan la sogs pa'i rnam par rol pas lha'i ro dang / ro'i zas dang / bza' ba dang / bca' ba dang / btung ba dang / theg pa dang / stan dang / gos dang / bldag pa dang / bzhib pa dang / 'jams la sogs pa rnam pa sna tshogs kyis bcom ldan 'das bde ba chen po dpal rdo rje 'dzin la bstabs nas gus pa dang bcas pas pad+mo'i sor mo khong stong du mdzad de/ g.yon du btud pa'i tshul gyis 'dzum pa dang bcas pa'i spyan gdangs te/ yang de kho na nyid bskul bar mdzad pa'i dbyangs 'dis bstod pa mdzad do/ /shin tu bde ba'i byams pa kun tu gzigs pa'i thugs rje spyan mnga' bas/ /byang chub chen po snying por 'gro ba sgrol bas skyo yid mi mnga' ste/ /mthun pa'i lam ston nyon mongs drug las bsgral ba'i phyir/ /nam mkha'i tshul du gzungs kyi rang bzhin bde gshegs kun la stobs/ /e ma'o </font><hr>7b<br><font size=+1>


bde ba kun tu rgyas pas che ba'i ye shes 'dren cing mnabs/ /sa yi khyad par bde bas rdzogs pa'i sku nyid stong pas tshogs pa'i rgyal po bzhin/ /chos nyid ji bzhin de la reg pas sku nyid che ba kun ston cing / /snying po byang chub bgrod phyir 'gro ba thams cad sgom mo bsam gyis mi khyab bstan/ /dpal gyi snying po gzungs su bstan ta rigs lnga'i gtso rnams mnyes mdzad cing / /dgyes pas drongs la mnabs shing rab tu dgyes pas rol mo mdzod/ /de bzhin gshegs pa'i bde ba mnos te bying ba'i gnas nas bslang ba'i phyir/ /gnod sbyin cha lugs skye 'gog med pa'i tshul dang rnam par ldan/ /snying rje chen po rgyun dang bcas nas bde ba chen po ston pa'i chos nyid nam mkha' bzhin// dgyes pa mchog gi ngang la sprul pa'i lha mo skye mched dang / /rol pas 'dus pa'i tshogs la bde mchog stsol bar mdzod/ /ha ha ha hoHb+de la gnas shing bde mnobs hUM| |dgyes pa mchog dang ldan pa'i mi skye bde mchog bde la char pa rab tu dbab tu stsol/ /rnam pa kun tu mtha' dang bral ba'i dbyings la bde gshegs slob ma gzung du gsol/ /dpal gyi rgyal po tshul bzhin de ltar bzhugs pa'i gnas su mnabs su gsol/ /ngo mtshar byang chub che ba 'di nyid 'gro ba rten bzhin bde thob pa/ /pha rol phyin </font><hr>8a<br><font size=+1>


@#/ /drug dngos nyid gang la yang ni mi brten par/ /mi skye mya ngan 'das pa'i gzungs dang rtag tu rnam par ldan/ /mtha' dang bral ba'i bde bas chos kyi dbyings la gnas pa yi/ /rmongs pa'i bde bas bying zhing gnas pa'i 'gro la snying rje'i chus khrus mdzod/ /hoHde nas shin tu dgyes mchog mi chags pa/ /'di ni glu ru blangs pa yis/ /yid dang 'thab pa'i bde chen po/ /dngos grub myur du thob par 'gyur/ /de nas bcom ldan 'das kun tu bzang po bde ba chen po dpal rdo rje sems dpa' de bzhin gshegs pa thams cad kyi bdag po la gsol ba'i dbyangs kyis bstod pa nye bar gnas nas yang chu skyes kyi 'dab ma dri ma med pa dang 'dra ba'i spyan gyis kun tu gzigs shing 'dzum pa dang bcas pas zhal rgyas par gyur nas/ yang tshad med pa mtha' yas pa'i sangs rgyas kyi zhing rdul phra rab kyi tshogs kyi 'jig rten gyi khams mang po bskal pa rgyas pa'i sprin gyi rgya mtsho ma lus lus pa med pa'i de bzhin gshegs pa dang / rdo rje dang / nor bu rin po che dang / pad+ma dang / las kyi rigs thams cad las byung ba'i de bzhin gshegs pa dang / rdo rje 'dzin dang / rin chen 'dzin dang / chos 'dzin dang / sna tshogs rdo rje 'dzin pa chen po thams cad dang / </font><hr>8b<br><font size=+1>


rnal 'byor gyi dbang phyug gi tshogs chen po dang / thugs las byung ba dang / mtshon dang / dga' ba dang / sgeg mo la sogs pa'i rnal 'byor ma'i dbang phyug chen po'i g.yog gi tshogs tshad med par 'dren par byed pa dang / 'gugs par byed pa dang / 'jib par byed pa la sogs pa'i rdo rje nam mkha' la 'gro ba dang / nam mkha' la 'gro ba chen mo'i tshogs dang| grangs med pa'i rdo rje 'phrogs par byed pa'i tshogs dang / gzhan yang / phyi rol gyi rdo rje dang / rin po che dang / pad+ma dang / las kyi rigs las byung ba'i rnal 'byor dang / rnal 'byor gyi dbang phyug chen po dang / nam mkha' la 'gro ba'i tshogs rnams la rnam par bde ba chen po gyur pa dang bcas pa'i kun tu gzigs pa'i spyan gyis gar mdzad pa dang| rnam par 'gyur ba dang bcas pa'i rnam par gnon pas kun tu gnon pas rnam par 'gyur ba dang bcas pas 'degs shing tshems kyis 'debs pa dang / rnam par 'gyur ba dang bcas pa'i kun tu 'brel ba'i phyag gis gar mdzad pa dang / rnam par 'gyur ba dang bcas pa'i sgeg pas 'gying ba dang / spyod pa dang / mi spyod par bcas pa'i rnam pa dang / kun tu 'dor ba'i rnam par gnon pas 'khor gyi tshogs kyi dkyil 'khor chen po la byin gyis brlabs nas dgyes pa chen po rdo rje gdon mi za ba zhes bya ba </font><hr>9a<br><font size=+1>


@#/ /dkyil 'khor gyi rgyal po chen po nyid kyi sku dang / gsung dang / thugs rdo rje las phyung ngo / /bdag nyid de nyid mnyam gzhag dang / /de bzhin lha yi de nyid dang / /sngags dang phyag rgya de nyid dang / /de yis dkyil 'khor mchog tu 'gyur/ /yan lag thams cad sgom las 'das/ /rtog dang mi rtog rnam spangs pa/ /'dren dang chig las yang dag 'das/ /'di ni dkyil 'khor mchog ces bya/ /chos dang chos min rnams spyod pa/ /chos rnams thams cad brtag par bya/ /rnam dag nam mkha' 'dra ba yis/ /dkyil 'khor 'di ni bstan pa yin/ /'dod chags mi chags 'dod chags mnyam/ /chu yi pad+ma dmar ba 'dra/ /rang sems 'dod chags shin tu chags/ /'di ni dkyil 'khor mchog yin no/ /gzugs dang gzugs min dri med pa'i/ /gang khams kun la 'jug 'gyur ba/ /sems ni chu dang skul byed pa// dkyil 'khor dkyil 'khor zhes bya'o/ /de nas de bzhin gshegs pa rnal 'byor gyi dbang phyug chen po g.yog dang bcas pa dang / pho nya dang / pho nya mo dang / nam mkha' la 'gro ba chen po dang / nam mkha' la 'gro ba chen mo'i tshogs kyi dkyil 'khor de dag thams cad kyang bcom ldan 'das kun tu bzang po rdo rje 'dzin gtso </font><hr>9b<br><font size=+1>


bo chen po la phyag 'tshal nas 'di skad ces gsol to/ /kye ma'o rab dgyes sems dpa' mchog /kye ma'o rab dgyes phyogs bsgyur ba/ /rnal 'byor ma yi tshogs mchog gi /dkyil 'khor gsang ba nyid kyis gsungs/ /sangs rgyas sbyor ba sbyor che ba/ /rdo rje sbyor ba bla na med/ /'jigs gsum bde mchog thob 'gyur ba'i/ /gsang ba'i dkyil 'khor nyid kyis gsungs/ /rin chen pad+mo sna tshogs che/ /sna tshogs sbyor ba'i gar mdzad pa/ /rnam grangs thig le'i 'jig rten du/ /rnam dag dkyil 'khor nyid kyis gsungs/ /de nas bcom ldan 'das rnal 'byor ma thams cad gar dang bcas pa'i phyag pad+mo'i sor mo'i '+nga' ma kun tu 'brel ba'i rdo rje'i thal mo dang / gar rnam par 'gyur ba'i brjid bag tu bcas pas mtha' 'grol zhing ma mchu tshems kyis mnan nas chu skyes sar pa'i 'dab ma bzhin gzigs pas bshad pa/ glu'i phyag rgyas dbyangs len pa dang / gcig la gcig bskul ba dang / bdag nyid kyi dpung pa la 'degs shing g.yas dang / g.yon pa'i rnam par gnon pa'i tshul gyis/ oM hUM a la la la ho/ kun tu snang zhing mi chags par/ /mi chags pa yi bde mchog gis/ /bde ba'i rnal 'byor gzugs kyi rnams/ /stobs shing bde ba sbyin mdzad pas/ /a la la la ho/ bsam gyis mi khyab nam mkha'i rang bzhin </font><hr>10a<br><font size=+1>


@#/ /te| |bzhengs shing gzhan la stobs la grub par mdzod/ /chags pas mi gos dngos po yi/ /bde ba kun la reg par mdzad cing dgongs su gsol/ /de nas kun tu bzang po shin tu dgyes pa chen po rdo rje'i bdag bo de kho na nyid kyi dbyangs chen pos bskul bas thugs sad par gyur te/ shin tu dgyes pa chen po kun tu longs spyod pa rdo rje dpal zhes bya ba'i ting nge 'dzin la snyoms par zhugs te/ shin tu dgyes pa chen po'i rdo rje'i gdon mi za ba'i rnal 'byor ma'i tshogs kyi dkyil 'khor chen po'i gar sna tshogs shin tu dgyes pa chen po'i rnam par gnon par gar mdzad/ shin tu dgyes pa chen po'i rdo rje'i dbyangs kyis glu len/ rdo rje rnam par rol pa chen pos rnam par rol/ /shin tu dgyes pa chen po'i rdo rje bzhad pa chen pos bzhad cing nyid kyi sku dang / gsung dang / thugs rdo rje'i zla ba'i thig le'i dkyil nas/ oM mahA su kha hUM zhes brjod nas/ de bzhin gshegs pa thams cad kyi bdag mo ye shes dbyings phyug 'byung ngo / /steng du zla gam ldan pa yi/ /gnyis pa yi ge ma lta bu// mtshan du thig le ldan byas pa/ /ye shes gsang bar rnal 'byor ma'o/ /A li kA li 'dren bya ba/ /dbus su ri mo brtag byas te/ /de yi mgo dang mjug dag tu/ /khro bo </font><hr>10b<br><font size=+1>


gnyis po mchog bsam bya/ /'di ni btsun mo'i rab gsal ba/ /dkyil 'khor rdo rje rnal 'byor ma'o/ /'di ni dran pa tsam gyis kyang / /bsod nams kun gyis byin rlob 'gyur/ / A li gnyis dbus ri mor bri/ /ldan pa 'dren pa yang dag ldan/ /de steng zla gam thig le dag /mgo mjug gnyis su gzhan yang traM/ /'di ni don dam gsal ba ste/ /rin chen rnal 'byor ma dbang sbyin/ /dran pas bsod nams 'thob 'gyur te/ /sdig pa rnams kyang 'jig par byed/ /A li gnyis dang ldan byas te/ /tsheg drag yi ge gnyis su bshad// 'di ni rab dga' kun tu chags/ /chu srin ma zhes bstan pa yin/ /dang po bskal pa chen po yi/ /tsheg drag po dang bcas pa gzhan/ /sangs rgyas kun gyi A li 'di/ /sangs rgyas byang chub rab sbyin byed/ /bdag nyid la 'am yang na gzhan/ /phyag rgya 'di yis rgyas btab ste/ /bsgrub bya'i dkyil 'khor grub byed na/ /dngos grub myur du thob par 'gyur/ /'di ni dkyil 'khor rnams kyi mchog /yi ge'i phyag rgya'i mngon gnas pa'i/ /'dzin pa'i bsod nams ci 'dra ba/ /bris pa yis kyang khyad par 'gyur/ /e ma'o bde ba ye shes che/ /de yi ye shes tshe 'di la/ /'dod byed bde ba bsten byed cing / /'di yi tshul gyis thob par 'gyur/ /khams gsum mchog gi dkyil 'khor 'dir/ /'di </font><hr>11a<br><font size=+1>


@#/ /las rgya che mchog gzhan med/ /sgrub pa po yi sems can kun/ /tshe 'di nyid la sangs rgyas 'grub/ /zla gsang thig le gsang ba'i rgyal po chen po shin tu dgyes pa rdo rje gdon mi za ba'i dam tshig gi dkyil 'khor chen po rgyas pa mchog tu gsang ba las/ de bzhin gshegs pa thams cad kyi rdo rje btsun mo rnams kyi gsang ba chen po rnal 'byor ma'i dbang phyug chen po rnams kyi mchog tu gsang ba'i ye shes kyi dkyil 'khor te dang po rdzogs so// //de nas bcom ldan 'das de bzhin gshegs pa thams cad ngo mtshar du gyur te/ dgyes pa'i yid bde ba dang / mgu ba dang / yid dga' ba bskyed nas/ gar dang / shin tu dgyes pa chen po'i rdo rje bzhad pa mdzad cing yang shin tu dgyes pa chen po'i bde ba gnyis su med pa'i ye shes rdo rje zhes bya ba 'du ba mdzad nas/ bcom ldan 'das la gsol ba 'debs par gyur to/ /bde byed chen po bshad pa shod/ /bde ba chen po bshad pa shod/ /gsang ba chen po bshad pa shod/ /dgyes pa chen po bshad pa shod/ /khyod las 'dod chags yang dag 'byung / / khyod las zhe sdang chen po ste/ /khyod las bde byed sdug bsngal dang / /khyod las khams gsum thams cad 'byung / /khyod las skyes pa ma ning dang / /khyod las 'dod </font><hr>11b<br><font size=+1>


dbang bud med dang / /khyod las 'dod las rnam grol dang / /khyod las byang chub bla med 'byung / /khyod las nam mkha' rlung dag dang / /khyod las gzi brdzin me yi khams/ /khyod las de bzhin chu dang sa/ /khyod las spyod dang mi spyod kun/ /khyod las sangs rgyas dpa' chen po/ /yang nas yang du 'byung bar 'gyur/ /khyod las chos dang dge 'dun dang / /khyod las pha rol phyin pa'i tshogs/ /byang chub sems dpa' dpa' chen dang / /ri dang skye bo thams cad 'byung / /khyod las rdo rje sems dpa' dang / /khyod las dri med pad+mo dang / /khyod las rin chen tshad med che/ /da bzhin rdo rje sna tshogs 'byung / /khyod las phyag rgya sngags kyi rnams/ /khyod las rig pa'i snying po 'byung / /de nas bcom ldan 'das spyan mi 'dzums pas smin ma brkyang ste/ de bzhin gshegs pa thams cad dang / byang chub sems dpa' pha rol tu phyin pa la sogs pa chen po dang / rnal 'byor ma chen mo'i tshogs dang| rdo rje nam mkha' la 'gro ba dang / nam mkha' la 'gro ba'i tshogs dang / 'jig rten dang / 'jig rten las 'das pa dang / gzhan yang / lha dang / klu dang / gnod sbyin dang| dri za dang / lha ma yin dang / /nam mkha' lding dang / mi'am ci dang / lto 'phye chen po dang / mi dang / mi ma yin pa kun 'dus pa thams cad la skad cig skad cig tu kun </font><hr>12a<br><font size=+1>


@#/ /tu gzigs nas brjod pa dang bcas pa'i phyag 'jam pos nyid kyi snying ga'i rdo rje gsor zhing / nyid kyi mtshan ma'i phyag rdo rje rjes su chags pa rab tu rgyas pa chen po'i lta bas 'khor thams cad zil gyis mnan te/ nyid kyi thugs pad+ma zla ba'i dkyil 'khor yi ge'i thig le'i dkyil nas 'od zer phyung ste kun tu snang bar byin gyis brlabs nas/ shin tu dgyes pa gdon mi za ba'i rdo rje zhes bya ba gsang ba'i dkyil 'khor chen po 'di nyid kyi sku dang / gsung dang / thugs rdo rje las phyung ngo / /dang po'i yi ge bcu gsum pa/ /thig ler bcas pa bsam byas te/ /bde chen tshul bzhin bzhag byas la/ /gzhan gyis mi phyed thig ler bcas/ /yi ge drug pa 'dren pa ru| |tshul bzhin 'og tu yongs su brtag /'di ni gsang ba chen po ste/ /rmad byung yi ge'i phyag bya'o/ /bde chen bde bar bskyed pa'i phyir/ /sangs rgyas kun gyis bsgrags pa yin/ /ye shes kyi ni phyag rgya 'dis/ /skad cig snying pos rgyas btab na/ /dkyil 'khor rnams kyi 'chad pa bo/ /ston pa rdo rje 'dzin par 'gyur/ /bde ba chen po skul byed pa'i/ /sangs rgyas rnams kyis rtogs par byed/ /yi ge ye shes grub pa yis/ /ye shes dbang phyug nyid du 'gyur/ /'phrul gyi mig dang shes rab che/ /mi shes </font><hr>12b<br><font size=+1>


sdig pa 'joms par byed/ /rdo rje sems dpa' nyid 'dra bar/ /tshe 'di nyid la 'thob par 'gyur/ /bde ba chen po reg pa che/ /sdug bsngal 'dod pa 'joms byed pa'o/ /shes rab ye shes dngos grub che/ /byang chub myur du 'thob 'gyur te/ /rig ma 'bum phrag brgyas bskor cing / /sems dpa' chen po de dang rtse/ /rdo rje pad+ma mnyam sbyor bas/ /thal mo brkyang ste rol ba yis/ /tshe dang lang tsho skal dang ldan/ /dran pa tsam gyis 'thob par 'gyur/ /'dod pa yis ni dgos pa'i rnams/ /myur ba nyid du 'grub par 'gyur/ /'og dang steng gi nam mkha' la/ /bdag 'dod bzhin du 'gro 'ong byed/ /sa yang rnam par phug nas su/ /stobs chen de 'dir 'ong bar byed/ /sangs rgyas kun la gnod byed de| |byang chub par ni gdon mi bya/ /bde ba chen po'i rnam mdzad pas/ /gzhom zhing de bzhin myang ba yi/ /rdo rje blo yis bdud kyi rnams/ /rnam par 'gyur bas thams cad bsgral/ /bde ba chen po gtong pa yis/ /skad cig nyid du gsol bar bya/ /grub pa'i rdo rje 'dzin pa che/ /dpa' bo chen pos dgug bar bya/ /rnal 'byor ma rnams ci 'dod par| |rnam gnon tshul gyis gnon par bya/ /dbang po nye dbang dbang chen po/ /gnod byed stobs kyis dgon gnas par/ /rab tu rnams 'joms gnon pa yis/ /gzhom pa'i </font><hr>13a<br><font size=+1>


@#/ /tshul gyis bsgral bar bya/ /mtshon cha lnga yis rnam gnon pas/ /gzhan gyi bud med brtson par bya/ /kye ma'o bde ba bder gnas pa'i/ /sems can chen pos grol byas te/ /byang chub sems ni bde 'byung bas/ /sems dpa' bdag nyid mchod par bya/ /dam tshig rjes su ldan pa yis/ /rnal 'byor rtag pa'i ngo por 'gyur/ /skad cig mtho ris 'gro bar byed/ /rdo rje'i shugs kyis thams cad du/ /sems can skad cig 'di ru'o/ /sangs rgyas kun gyi gnas su 'gyur/ /sems can rnams dang grags chen po/ /thams cad kyi ni rigs rnams dang / /pha rol phyin rnams skye gnas te/ /de bzhin rigs dang pha rol phyin/ /de dag 'di la rab tu gnas/ /dbang por gyur pa brtan chen po/ /yon tan tshogs ni nam mkha' bzhin/ /de nyid dngos po thams cad la/ /thams cad dus gsum mnyam gnas te/ /rdo rje sems dpa' mchog tu bde/ /sems dpa' thog ma tha med yin/ /bcom ldan 'das dpal rdo rje sems dpa'i shin tu bde ba chen po'i rdo rje chos kyi yi ge zhes bya ba yi ge chen po'i phyag rgya'i ye shes so/ /bcu gsum gyi ni yi ge che/ /ye shes thig le ldan pa ste/ /rdo rje yid 'byung lhags pa yi/ /ha lar btags dbu bskor bya/ /'di ni yid las </font><hr>13b<br><font size=+1>


skyes ba ste/ /shin tu dgyes che mdzes pa yis/ /yi ge'i phyag rgya phyag rgya che/ /gtso bo'i spyan sngar gnas pa yi/ /gsang ba'i snying gi pad+mo la/ /phyag rgya 'di yis rgyas btab pas/ / de ni de ma thag nyid du/ /shin tu dgyes pa'i mnyes par 'gyur/ /gtso chen rdo rje sems dpa' la/ /de yi bde bas mnyes byas te/ /dbang po yi ni sbyor ba yis/ /de dang rol pas myur du 'grub/ /de gnyis phan tshun dgyes pa las/ /shin tu dgyes pa'i gzhir gyur te/ /rig 'dzin mchog gi gzugs ldan dang / /lha mi kun gyis mchod par 'gyur/ /de dang lhan cig rol pa na/ /lha chen tshangs pa gtogs 'dod rnams/ /phyag rgya sbyor ba'i tshul gnas pa'i/ /bdag nyid che la phyag byed pa'o/ /nyes gsum dri ma spangs pa yi/ /shin tu sbyor ba'i rgyas btab pa/ /sems can gar ni byed pa dang / /sems dpa' che la mnyes par byed/ /de ni sa dang nam mkha' la/ /bde bar gnas shing 'gro bar byed/ /sna tshogs lha mo bde che ba'i/ /sna tshogs bde bas nyer spyod do/ /phyag rgya'i gar gyis gar mdzad cing / /sems can myur du rtogs par byed/ /ral gri gyur pa gzi chen po/ /nam mkha' kun tu phan tshun 'gro| |lha mo 'phrul gyi 'gro ba dang / /lha min klu yi bu mo dang / /gzhan yang 'phrul ldan mi bu mo/ /de yis bud med kun bsgrub bya/ /phyag rgya'i ye shes rab gnas pas/ /de nyid kun tu </font><hr>14a<br><font size=+1>


@#/ /'gro byed de/ /ji tsam 'dod par dkyil 'khor du/ /rdo rje sems dpa' che gnas so/ /sangs rgyas thams cad myur du 'grub/ /thams cad chos ni bde chen bo| |dge 'dun chags med thams cad rnams/ /de dag thams cad de yin no/ /dbang po nye dbang dbang chen gyi/ /thogs med stobs kyis bkug nas su/ /rdo rje sems dpa'i thabs gnas pas/ /gzhan gyi bud med brtsen par bya/ /de la sogs pa mtha' yas pa/ /phyag rgya ye shes bsgrub bya ste/ /skad cig skad cig bsten pa yi/ /bdag gi sbyor bas 'grub par 'gyur/ /gnyis med sbyor ba 'di yis ni/ /de ni dngos grub kun 'gyur te/ /bdag med nga rgyal med 'gyur te/ /snang ba med cing yi ge med/ /shin tu dgyes pa chen po'i yid dang rjes su mthun par mdzad ma'i yi ge'i phyag rgya'i ye shes so// //lha mo rdo rje kI li ni/ /dang por oM gyis rnam brgyan pa/ /bgegs mthar byed dang ldan pa ni/ / dbang mchog sbyin par mdzad ma ste/ /de yis bud med snying ga ru/ /bdag nyid kyis ni byin brlabs te/ /dbang po gnyis ni sbyor ba yis/ /mkhas pas tshul bzhin bsgom par bya/ / de nas rnal 'byor chen po de/ /rnal 'byor dbang phyug byin brlabs pas/ /nam mkha'i dkyil 'khor mtha' dag tu/ /mdzes pa'i spyan dang rol cing 'gro /bdag gam 'on te </font><hr>14b<br><font size=+1>


gzhan dag la/ /phyag rgya de yis rgyas btab te/ /rdo rje pad+mo phye ba yis/ /sgrub pa pos ni myur du sgrub/ /pad+mo rnam par phye byas te/ /phyag rgya sbyor bas rol ba yi/ /phyag rgya 'di yis rgyas btab na/ /'gro dang 'ong ba gdon mi za/ /g.yas dang g.yon pa'i tshul gyis su/ /lag pa'i phyag rgya bzung byas te/ /sbyor ba chen po bsgom byas na/ /de ma thag tu nam mkhar 'gro/ / bdag nyid gan rkyal gnas byas te/ /nyid kyi steng du phyag rgya bzhag/ nyid kyis byin brlabs phyag rgya la/ /sngags pas tshul bzhin bskyod par bya/ /g.yas dang g.yon gyi glo dag tu| |dgyes dang mdza' ba gnyis bzhugs par/ /mi g.yeng phyag rgya bzhag byas te/ /bdag nyid shin tu dgyes par bsgom/ /'di yis dngos grub 'thob 'gyur te/ /'di dag lhan cig 'grogs pa yis/ /gzungs ma kun gyi dkyil 'khor du/ /sangs rgyas la sogs thams cad 'gyur/ /'di dang lhan cig sbyor ba yis/ /nam mkha' bdag pos sangs rgyas bzhin/ / sangs rgyas kun gyis byin brlabs pas/ /de ni sangs rgyas ngo bor 'gyur/ /dbang po gnyis ni rab sbyor bas/ /nub gcig bdud rtsi dbyung byas te/ /gzungs ma'i phyag rgya la brten nas/ /rmad 'byung nyid ni 'thob ces bshad/ /mtshan gyi mtha' dang nyin gyi mtha'/ /dang por gnyi ga 'dus byas na/ /sngags kyi dbyings phyug gar 'gro ba/ /de dang lhan </font><hr>15a<br><font size=+1>


@#/ /cig dngos grub 'gro /phyed dam yang na nam phyed na/ /rig ma'i dbyings su reg bya zhing / /myur bas khros pa'i sgra sgrogs pas/ /gyad kyi 'gyed pas brtsam par bya/ /bgye ba'i mjug du de ma thag /'o ma mchog ni btung byas na/ /de nas de ni rdo rje 'grub/ /zla gsang dkyil 'khor du 'gro bar byed/ /bya ba de bzhin bzlog pa dang / /ci bde brtan pa byas pa las/ /byang chub sems ni 'char ma thag /'phrog ma yi ni dngos grub bo/ /'di yis rin chen gtsug nyid du/ /ma g.yeng mtshan mo byas 'gyur na/ /sangs rgyas dngos grub 'phrog byed de/ /sangs rgyas dngos grub nyid kyis 'thob/ /'di yis snying ga'i zla gsang la/ /thig le nyid du brtag byas na/ /de ni de ma thag tu yang / /zla gsang thig le'i mchog 'drar 'gyur/ /'di yis reg pa tsam gyis kyang / /dngos grub gang dga' thob byed de/ /rdo rje'i phyag rgya gzi chen po/ /rgyal po 'di ni rnam par rgyu/ /'di ni sgrub pa'i dus su yang / /rnam par rtog pa yod mi bya/ /rtag tu mi rtog 'gyur ba yis/ /nan tan gyis ni bsgrub par bya/ /sdug bsngal ba yi sems can la/ /sbyin pa bzhi ni rtag tu sbyin/ /de la bde ba sbyin byas te| |mi snyan nam yang sbyin mi bya/ /shin tu dgyes pa'i sems ma chen mo dpe med pa dang ldan ma zhes bya ba'i rdo rje kI li kI li shin tu dgyes pa'i bde ba chen po 'thob par byed </font><hr>15b<br><font size=+1>


pa'o| |thog ma oM ste 'ja' chen mo/ /rdo rje shin tu dgyes dang 'brel/ /'di ni 'dod chags thams cad la/ /'dod chags bde byed snyoms par 'thob/ /rol pa'i sbyor bas bud med la/ /'di ni rtag tu mnyes par bya/ /'di yis 'gro ba gsum dag tu/ /dngos grub myur du 'thob par byed/ /pad+mo kha phye rgyas pa'i spyan/ /sngags mkhan de ni skad cig 'gyur/ /gtso bo yi ni bde mchog gis/ /A li kA li mnyam sbyor bya/ /spros pa'i phyag rgya rgyas btab ste/ /skad cig skad cig spyad par bya/ /dus dag tu ni reg pa dang / / gzhug pa yang ni rtag tu bya/ /bskyod dang mnyes pa de bzhin du/ /mnyam du 'grogs pa'i cho ga bya/ /bskyed pa dang ni sbyang ba dang / /skad cig skad cig bsnyen par bya/ /gar dang kun nas bskor ba dang / /'jib dang de bzhin btung ba dang / /the tshom med pa'i sems kyis ni/ /dam tshig dang ni bsgrub par bya/ /phyag rgya 'di yis rnal 'byor pa/ /mi g.yo tsher ni dngos grub ste/ /sangs rgyas byang chub dngos grub dang / /bskal par gnas pa smos ci dgos/ /'di ni dngos grub 'thob ma thag/ pad+ma 'dzin pa'i rjes 'gyur te/ /lag na pad+ma 'bar khyer bzhin/ /blo ldan mi g.yeng bskal par gnas/ /brjid pas dpal dgyes lhan cig tu/ /bde ldan zhing du 'gro 'gyur te/ /rnal 'byor chen po der phyin </font><hr>16a<br><font size=+1>


@#/ /nas| |bde ldan gyi mchog gtso bo yi/ /pad+mo'i gzugs kyi dkyil 'khor du/ /de ni bde bar gnas par 'gyur/ /bde ldan rtag tu 'grogs 'gyur ba| |dngos grub ye shes bde myong 'gyur/ /yi ge yi ni phyag rgya 'dis/ /pad+ma las skyes gzungs bzung ste/ /byin gyis brlabs nas bde myangs na/ /pad+ma bde ba'i bdag por 'gyur/ /gzhan gyi bud med bdag nyid kyis/ /phyag rgya 'di yis rgyas btab te/ /bsten byas 'dod pa'i gzugs nyid du/ /sngags mkhan 'gyur ba gdon mi za/ /sdug cing la sogs brgyan pa yi/ /nyi ma'i 'od zer sar byung bzhin/ /dri med yangs pa'i lta ba yis/ /pad+ma sems dpa'i tshe 'grub bo/ /ji ltar nam mkhar nye bar ni/ /dpa' bo chen po 'phur byed do/ /rig ma 'bum phrag brgya tshogs kyi/ /lha mo yis ni mchod pa byed/ /sangs rgyas sras dang bcas kun gyis/ /sangs rgyas kun gyis bdag nyid mchod/ / 'khor ba nyid na gnas pa'i tshe/ /'khor ba'i dri mas mi gos so/ /phyag rgya 'di yis rgyas btab na/ /rtag tu nyon mongs dag 'gyur te/ /sman gyi phye ma sbyor ba yis/ /sbrul ni gsod par gyur pa bzhin/ /zla gsang thig le'i dga' byed 'di/ /tshe 'di nyid la 'thob 'gyur te/ /'di yis mthu yi ngo bos yis/ /dgos pa thams cad dngos grub </font><hr>16b<br><font size=+1>


po| |gang 'dod dngos grub don yod pa/ /'khor ba 'di dang pha rol gyi/ /mthu chen phyag rgya 'di nyid kyis/ /dran pa tsam gyi de dngos grub/ /shin tu dgyes pa pad+mo phreng ba zhes bya ba'i yi ge'i phyag rgya ye shes so// //dang por oM dang yang dag ldan/ /tha mar bsgyings pa'i hUM nyid de/ /dbus su rab dgyes rdo rje bzhag /yi ge 'di ni rmad byung ba'o| |phyag rgya 'di yi rgyas btab pas/ /sdig pa skad cig med par 'gyur/ /khams gsum 'di ni dngos grub che/ /dpal gyi bsgyings pa 'thob par 'gyur/ /bdud dang bdud las rjes 'jug pa/ /mi thogs par ni rgyal byed de/ /sna tshogs rdo rje mnyam sbyor bas/ /de yis khams gsum 'phrog par byed/ /bdag gi mthu yis rnam rgyal te/ /de yi khams gsum longs spyod do/ /phyag rgya 'di yis rgyas btab ste/ /pad+mo rdo rje rab ldan bya/ /phreng byed phreng ba'i tshul gyis su/ /phreng ba bskums te 'dzin pa bzhin/ /'di yis byin gyis brlabs byas te/ /bsten na myur du dngos grub bo/ /g.yas dang g.yon gyi smin bsgyur bas/ /chu skyes can ni sbyar byas te/ /phyag rgyas btab ste rol byas na/ /bla ma'i dngos grub thob bar byed/ /rdo rje rnal 'byor nye ba yis/ /rdo rje bdag nyid mchod byed de/ /de dag kun gyis bskor byas nas/ /dkyil 'khor du ni dbang bskur ro/ /rdo rje sems dpa' dpa' bo yis/ / </font><hr>17a<br><font size=+1>


@#/ /'jigs shing skrag pas byin byed pa/ /rang nyid kyis ni phyag rgya'i gzungs/ /nyid kyi dngos grub stobs par byed/ /gzhan ni yang dag pha rol phyin/ /sangs rgyas rnams kyi yon tan rgyan/ /de yang de la 'jigs skrag nas/ /rang gi dgyes mchog stobs par byed/ /bdag nyid chen po dmigs gsum dang / /che ba'i pha ni ngo bzhi dang / /rdo rje 'dzin dang gtogs rnams dang / /rang gi sdug pa stobs par byed/ /gshin rje sha ka rgyal po dang / /rdo rje 'dzin rje dngos grub la/ /'ongs nas bdag gi sdug pa rnams/ /srog gi phyir yang stobs par byed| |gzhan gyi 'phrul gyi lus kyi rnams/ /khams gsum lam la gnas pa dag /myur du nye bar 'ongs nas kyang / /bdag nyid dngos grub sbyin par byed/ /sna tshogs gnyen ni rgyal po che/ /dbang phyug dam pa sna tshogs byed/ /de yang nyer 'ongs gtsug gtugs te/ /rnal 'byor sna tshogs ma sbyin byed/ /gnod sbyin srin pa'i gzugs la sogs/ /sha za yi dwags bu mo rnams/ /sbyor ldan phyag rgya blang byas te/ /brtag pa mchog gis brtag par bya/ /thams cad las byed dge ba yi/ /'di yis dngos grub myur du 'grub/ /lha dang klu yi bu mo dang / /lha min lha yi mngal skyes pa/ /phyag rgya 'di yis byin brlabs na/ /grub pa myur du dngos grub bo/ /gzugs bzang yang na ngan yang rung / /gang de bud med gzung byas pa/ / </font><hr>17b<br><font size=+1>


rim pa 'di yi tshul gyis su/ /phyag rgya'i sbyor ba brtag par bya/ /'di yis sangs rgyas thams cad dang / /de bzhin dpa' bo kun nyid du/ /skad cig skad cig rgyas btab pas/ /tshe 'di nyid la 'thob par gyur/ /shin tu dgyes pa chen po sna tshogs dpe med pa'i phreng ba zhes bya ba'i phyag rgya'o// //nga ro bcu gsum steng nyid du/ /de bzhin thig la'i rgyal po ste| |rab dgyes rdo rje lta che bde/ /mtha' ni yi ge hi sbyor ba'o/ /'di ni sangs rgyas thams cad kyi/ /bde chen spyan ni dga' byed yin/ /phyag rgya'i yi ge 'di yis ni/ /mkhas pas byin gyis brlabs byas na/ /des ni de ma thag tu yang / /bla med 'phrul gyis spyan du 'gyur/ /stong nyid ye shes gnas pa yi/ /sangs rgyas shin tu phra ba mthong / /smin ma rnam bsgyur rgyas pa yis/ /lta ba'i phyag rgyas gar byed cing / /'gugs byed sangs rgyas thams cad dang / /dpa' bo rdo rje kun 'dzin dang / /pha rol phyin pa thams cad dang / /de bzhin gzungs ma'i tshogs rnams dang / /rnal 'byor ma dang mkha' 'gro dang / /phyi dang nang gi tshogs rnams dang / /lha mo klu mo gnod sbyin mo/ /lha min dngos grub lus kyi mchog /grul bum mi 'am yi dwags sam/ /sha za 'phrul gyi mi bu mo/ /'di ni snying gar bzhag pa yis/ /rdo rje 'dzin du bdag nyid 'gyur/ /sangs rgyas yang na nyi ma dang / /pad+mo dra ba sna tshogs </font><hr>18a<br><font size=+1>


@#/ /blo| |lha dang lha min mi dag dang / /gzhan yang gnod sbyin srin po dang / /bdud dang bdud kyi tshogs rnams kyi/ /gzhan gyis 'phrog par yongs mi nus/ / lha dang lha min gyis mchod cing / /dngos grub khams gsum 'gro bar byed/ /lha dang lha min rten byed cing / /skad cig nyid du 'gro bar byed/ /sangs rgyas rnams kyi mkhyen pa'i yul/ /sangs rgyas rnams kyi zhing kun tu/ /rig pa'i rigs ni brgya dag dang / /de ni rtsen cing 'gro bar byed/ /'jigs med yan lag kun spangs pa/ /thog ma tha ma med 'gyur te/ /sangs rgyas rnams kyis mkhyen sbyor bas/ /dgyes pa'i rmad mchog gcig tu 'gyur/ /rdo rje'i nang na rdo rjer 'gyur/ /rin chen nang na rin chen 'gyur/ /pad+mo'i nang na pad+mor 'gyur/ /sna tshogs nang na sna tshogs mchog /de la sogs pa mtha' yas mchog /mnyam dang mi mnyam chos kyi dbyings/ /phyag rgya'i ye shes byin brlabs pas| |dam pa sna tshogs nyid du 'gyur/ /gzugs mi sdug pa gzugs mchog 'gyur/ /mig med pa yang mig ldan 'gyur/ /rna 'on pa yang sgra thos te/ /glen pa yang na yid rnor 'gyur/ /de la sogs pa dpag med pa/ /mig gi phyag rgyas btab par 'gyur/ /de yi lus la yon tan ni/ /yon tan dam pa mdangs cher 'gyur/ /ji tsam de </font><hr>18b<br><font size=+1>


ni nam mkha'i mthongs/ /'phur zhing 'og tu 'bab par byed/ /de ni ri yang phug nas 'gro/ /sa dang sa yi 'og tu ni/ /sna tshogs rdzu 'phrul rnams byed pas/ /de ni skad cig 'gro bar byed/ /sna tshogs mkha' 'gro'i dkyil 'khor du/ /sngags mkhan 'gying bar gar byed pa/ /bde ba chen po bskyed pa yis/ /sems can de ni 'jug par byed/ /mi g.yeng lta ba'i bsgyur ba yis/ /las rnams thams cad de yis byed/ /'degs pa dang ni lta ba yis/ /gar dang rnam pas bskor ba dang / /'gro ba thams cad 'bab byed de/ /ri dang sems can thams cad la/ /smra ba dang ni sgra 'byin dang / /ci dga' bar ni mngag par byed/ /sdug pa'i lta bas srog chags rnams/ /brdeg pa dang ni bsgral bar byed/ /gtum dang gdug 'jigs che ba dang / /khro bo'i lta bas bsgral bar byed/ /shin tu dgyes pa chen po'i rdo rje spyan dang ldan pa zhes bya ba 'dod pa'i yon tan thams cad 'grub par byed pa'i yi ge'i phyag rgya ye shes kyi mthu chen po'o// //dang po oM gyis rnam par brgyan/ /tha mar 'brug gi sgra 'byin pa/ /rdo rje rab tu dgyes pa'i sku/ /bde ba skyed byed bshad pa yin/ /phyag rgya 'di ni phyag rgya che/ /sangs rgyas rdo rje dpa' bo yi/ /gang gis 'di ni bsgoms ma thag /rdo rje gsum gyis byin rlob 'gyur/ /bdag gam yang na gzhan yang rung / /'di yis nyid </font><hr>19a<br><font size=+1>


@#/ /kyi snying ga ru/ /bsgoms te gnyis med sbyor byas na/ /sangs rgyas sku ni rab tu 'grub/ /bsgrub na sangs rgyas thams cad kyi/ /bud med kun dang rtsen byed de/ / A li kA li mnyam sbyor bas/ /sems can dman pa'i dngos grub bo/ /shin tu skal ldan thams cad dang / /sangs rgyas skal ldan 'thob 'gyur te/ /skal dang ldan pa thams cad kyi/ /chu skyes zhabs la bsnyen par byed/ /lha dang lha min bu mo de'i/ /rig mas mthong na dga' byed de/ /phyag rgya'i ye shes brgyan pa yi/ /sna tshogs 'dod pa'i gzugs su 'gyur/ /spyod dang mi spyod mi dag dang / /lha dang klu dang gnod sbyin dang / /mi 'am ci dang skyes bu yi/ /dngos grub pas ni 'phrog mi nus/ /de la sogs pas stod byed de/ / 'jigs par 'gyur ba'i sems kyis ni/ /bla ma bzhin du mchod byed cing / /kun gyis bstod mchod bsti stang byed/ /de la sogs pa mtha' yas mchog /nam mkha' mtha' klas lha rnams dang / /nyi ma bcu yi 'od zer bzhin/ /rnal 'byor chen po 'grub pa 'gro /sangs rgyas kun gyi zhing kun tu/ /'od kyis thams cad mnyes byed cing / /sangs rgyas byang chub sems dpa' rnams/ /zil gyis mnan te gnas par 'gyur/ /sangs rgyas kun gyi bdag nyid la/ /sras rnams 'dud cing phyag byed de/ /lha dang lha min grul </font><hr>19b<br><font size=+1>


bum dang / /tshangs pa gtogs 'dod lha chen po/ /phyag rgya'i ye shes byin rlabs der/ /'jigs shing skrag pas 'ong bar byed/ /bcom ldan dngos grub bka' stsal stsol/ /ji ltar thugs la dgongs pa bzhin/ /spyi bos bka' blang gdul dka' rnams/ /de dag thams cad bsgrub par bgyi/ /mdor bsdus rnam pa bzhi po yi/ /dam pa rnams kyang bskyang bar bgyi/ /zla gsang thig le'i mchog nyid kyi/ /dbang bskur ba yang blang bgyi ste/ /rigs lnga rnams kyi sdom pa nyid/ /rnam pa bzhi po thams cad blang / /chu skyes dngos grub khyod zhabs drung / /'tsho ba'i bar du bdag cag 'bangs/ /khyod kyi spyan sngar zham 'bring du/ /ci bgyi zhes ni bka' nod do/ /phyag rgya 'di yis rgyas btab na/ /spyod bcas mi spyod dga' byed de/ /rtag tu sangs rgyas rnams kyi mchog /shin tu bde dang mdza' ba myong / /rdo rje shin tu dgyes pa'i sku chen mo bde ba bde med pa dang ldan pa zhes bya ba'i phyag rgya'i ting nge 'dzin to// //dang por oM steng thig le ste/ /gzhan gyis mi phyed khros bcas pas/ /gnyis kyi dbus su bzhag pa ni/ /gsung gi rdo rje shin tu dgyes/ /bde gsang sangs rgyas thams cad kyi/ /mchog tu ro ni myong byed pa/ /dam chos sgra yis gang byas pa'i/ /gsung gsal rna ba dga' bar byed/ /yi ge'i phyag rgya chen po 'di/ /byang chub chen por grub byed de/ /yon tan yon tan sdug mtho </font><hr>20a<br><font size=+1>


@#/ /ba'i| |tshad med yon tan 'dzin pa'o/ /dpal ldan phyag rgya 'dis btab na/ /dpal kun bdag po de ma thag /bdag dang bdag gir 'dzin spangs pa/ /sangs rgyas kun gyi bdag nyid 'thob/ /phyag rgya 'di yis bdag gam gzhan/ /rgyas btab 'dod pa spyad byas nas/ /dngos grub rmad du byung ba yi/ /de yis myur du 'thob par 'gyur/ /sangs rgyas rdo rje 'dzin rgyal po/ /sgrub pa po yi bka' nyan te/ /ci ste rmongs pas 'da' byed na/ /de yi srog ni tha ma yin/ /de yis bsrung ba byas na dpal/ /tshe dang lang tsho bde ba'i mchog rdo rje gsung gis bstan pa bzhin/ /gdon mi za bar 'thob par 'gyur/ /phyag rgya ye shes rjes bsdus pas/ /sgrub pa mi byed cung zad med/ /bdag nyid thams cad sprul pa ni| |mchog gi ye shes dngos grub 'gyur/ /phyag rgya'i ye shes byin brlabs la/ /sangs rgyas byang chub mi ldog dang / /chos dbyings mi mnyam rab klas pa/ /dngos grub bdag nyid gshegs nas kyang / /shin tu 'das pa'i sangs rgyas kyis/ /sems dpa' chen po de khrid do/ /rang gi ting 'dzin ldang ba'i tshe/ /dam tshig mchog tu bsrung bya ba/ / ji snyed nam mkha'i dkyil 'khor du/ /'dod pa thams cad de spyod do/ /rnal 'byor chen po mi 'da' zhing / /ngan song gsum yang mi 'gro byed/ /de ni cung zad 'og sdug </font><hr>20b<br><font size=+1>


bsngal/ /'gro ba thams cad myong mi 'gyur/ /rdo rje gsum de rmad byung bas/ /sangs rgyas kun gyis bsngags byed de/ /bag chags mtshams sbyor rnam grol bas/ /nam mkha'i rim pas 'gro 'ong byed/ /lha yis rtag tu mchod byed de/ /mchod par byas pas shin tu mchod/ /sems dpa' chen po 'gro 'dug kyang / /bde byed kun gyis bdag nyid dge /gnas dang zas dang btung la sogs/ /nam mkha' las ni skad cig rnyed/ /bud med rin chen mchog mkha' las/ /bsam pa tsam gyis 'grub par 'gyur/ /las kyi dbyings ma ma lus pa de yis khams gsum thob par byed/ /rnal 'byor sbyor ba dngos grub kyi/ /rnal 'byor grub chen 'phrog par 'gyur/ /'di las brtul zhugs drag pa med/ /dka' thub 'di dang 'dra med do/ /bud med mchog tu bde ba las/ /'dod pa'i legs spyod spyad pas 'grub/ /dge ba'i pad+mo'i rigs kun tu/ /sems dpa' chen po ngag dbang 'gyur/ /gzugs ma kun gyi bde chen po/ /rgyal po chen por de 'gyur ro/ /gsung thams cad kyi rdo rje dpe med pa dang ldan pa zhes bya ba rdo rje shin tu dgyes pa chen po'i bde ba chen po 'thob par byed pa khams gsum kun tu snang bar grags pa pad+mo'i rigs kyi tshogs zhal gyi gsung gis dgongs pa thams cad 'grub par byed pa'o// //oM bcas mi phyed tha mar te/ / </font><hr>21a<br><font size=+1>


@#/ /rab tu sems ni bde ba ste/ /rdo rje rab dgyes bde byed che/ /dbus su ming ni sbyar bar bya/ /phyag rgya 'di yis dngos grub che/ /byang chub sems ni rang bsgrubs pa/ /'di yis byin gyis brlabs ma thag /bdud rtsi'i mchog ni chud par 'gyur/ /thams cad 'dod pa ldan byas na/ /de ste thams cad sems kyang rung / /bde ba chen pos sems thams cad/ /sngags mkhan reg pa'i rgyas btab na/ /'di yis rdo rje 'dzin nyid dang / /rdo rje dpa' bo nyid du yang / /lha mo'i phyag rgyas byin brlabs pa/ /skad cig tu ni 'thob par 'gyur/ /lha mo rnams dang gar byed cing / /de ni rab dgyes bdag po khrid/ /pho brang dga' byed rab dgyes che/ /rab tu chen po bde 'thob tu/ /seng ge'i gdan rab 'jog byed do/ /bzhi dang bzhi yi mchog nyid kyi/ /rdo rje pad+mo sbyor ba yis/ /de ni khrod nas dbang bskur ro/ /de nas rdzogs sangs tshe dpag med/ /byang chub sems dpa' brtson 'grus che/ /yod dang med pa'i 'dod spangs pa/ /de la phyag ni byed par 'gyur/ /rdo rje sems mchog 'jog byed de/ /rang gi spyad pa'i tshul gyis ni/ /pha rol phyin pa thams cad dang / /sangs rgyas kun gyis mdun du bskor/ /sa gsum thams cad kun tu ni/ /sems dpa' chen pos ston byed pa/ /res 'ga' shin tu dga' spyod pa/ /res </font><hr>21b<br><font size=+1>


'ga' khab nas 'byung ba dang / /res 'ga' byang chub res 'ga' lhums/ /res 'ga' skye dang res 'ga' 'pho/ /res 'ga' spyod chen rol pa dang / /res 'ga' bdud las rgyal bar mdzad/ / res 'ga' byang chub mngon byang chub/ /res 'ga' 'khor lo bskor mdzad de/ /res 'ga' sna tshogs 'jug par mdzad/ /res 'ga' dus su shin tu mdzes/ /res 'ga' bud med skyes pa dang| |res 'ga' lha dang skye dgu'i bdag /res 'ga' 'dod dbang rgyal po ste/ /res 'ga' 'dod la rgyal kyis phyogs/ /res 'ga' zhi la res 'ga' drag /res 'ga' gdon chen bgegs mdzad de/ /de la sogs pa mtha' yas pa/ /phyag rgya 'di yis rgyas btab pa/ /ci dgar dngos grub 'dod pa la/ /bdag gis ngo bor ston par byed/ /mi phyed cho ga sbyor ba yis/ /'dren pa mi phyed nye byas te/ /phan tshun reg pa chen po yis/ /rdo rje can gyis de 'bigs te/ /gzungs ma mang po tshogs kyi rnams/ /bde byed chen po gzhan ci smos/ /spyod bcas mi spyod bde dam pa/ /'bad pa mi dgos 'thob par 'gyur/ /brjid pas byang chub snying po ru/ /rtag pa ru ni gnas 'gyur te/ /phyag rgya 'di yis rnal 'byor pa/ /sbyor ba rjes sdud ldan pas so/ / thams cad cha ni rnam bral ba/ /byang chub sems ni mchog bzhin du/ /yi ge 'dis ni sbyor ba yis/ /bdag nyid chen por de 'gyur ro/ /rdo rje shin tu dgyes pa chen mo tshim pa'i yid </font><hr>22a<br><font size=+1>


@#/ /la skyes/ /dpe med pa dang ldan pa zhes bya ba'i yi ge'i phyag rgya ste/ las thams cad grub par byed pa'o// //dang por oM ni sbyor ba ste/ /tha mar gnyis po rdza rnga'i sgra/ /rab dgyes rdo rje byin rlabs pa'i/ /lha mo dngar byed dbus su bzhag /'di ni sangs rgyas thams cad kyi/ /rab dgyes thob pa rmongs byed ma/ /rdo rje ye shes thugs gnas pa/ /dngos grub thams cad sgrub par byed/ /sngags mkhan yi ge phyag rgya 'dis/ /bdag gam gzhan la rgyas btab ste/ /rdo rje 'dam skyes bcug byas na/ /de nas de myur dngos grub bo/ /thams cad las byed dpal dang ldan/ /tshe dang lang tsho skal ldan pa'i/ /rdo rje 'dzin dang 'dra 'thob ste/ /rdo rje sems dpa' rab tu 'grub/ / sangs rgyas rnams dang dpa' bo yi/ /sangs rgyas kun dang rtsen byed cing / /sde dbang rnams dang lha rnams kyi/ /'phrul gyis bud med 'phrog byed do/ /rdo rje rab tu dgyes pa chen po dngar byed kun tu myang ba me tog gi rgyal mtshan dang ldan pa zhes bya ba'i yi ge'i phyag rgya ste/ sgrib pa thams cad rnam par sel ba las thams cad byed pa chen mo gdon mi za ba'i gzhan gyis mi phyed ma'o// //tshangs pa'i gsung gi nga ror bcas/ /tha mar dril bu'i nga ro gnyis/ /dbus su ming gi phreng ba ste/ /yi ge 'di ni chu 'dzin mchog / </font><hr>22b<br><font size=+1>


'di ni sangs rgyas thams cad kyi/ /yid kyi dngos grub 'thob byed do/ /'dod pa yi ni thams cad rnams/ /yi ge skad cig 'grub par byed/ /'di yis rgyas btab bud med rnams/ / bdag dang rang gi slob ma'ang rung / /de nyid sbyor bas bsten byas na/ /rdo rje 'dzin dpal 'dra bar 'gyur/ /rnal 'byor ma rnams bdag por ni/ /myur du mkha' la 'gro byed de/ /tshangs pa gtogs 'dod dbang chen dang / /lha rnams kyis ni mchod par 'gyur/ /lha mo'i tshogs dang rtsen byed cing / /lha mo kun gyi bdag por 'gyur/ /'phrog byed la sogs bdag po che// 'jigs par byed dang rku byed pa/ /sems can kun gyi mchog dam pa/ /sems dpa' chen por de 'gyur ro/ /stug po'i tshogs kyi dbus su ni/ /brjid la sogs pas spyod pas 'gro / brjid byed pad+mo chen mo la/ /thams cad kun tu brjod pa yis/ /bde byed chen po myong byed de/ /rab tu dgyes pas sgeg pa bzhin/ /rab tu skal ldan mgrin 'khyud pas/ /rnal 'byor chen por de gnas te/ /'di ni snying la bris pa yis/ /ci 'dod par ni 'dod pa 'thob/ /phyag rgya chu skyes btab byas te/ /de ltar byas na phyag rgya dgyes/ /rdo rje shin tu dgyes pa chen mo'i dri ma med pa'i mdog dang ldan pa zhes bya ba'i yi ge'i phyag rgya ste/ /thams cad las byed pa dge ba'o// //dang po nyid du oM bya ste/ /thig le'i rgyal pos nye bar </font><hr>23a<br><font size=+1>


@#/ /brgyan/ /tsheg drag bcas pa 'dren pa gnyis/ /ldan pa tha mar bzhag byas te/ /rdo rje rab dgyes brgyan byas pa/ /rdo rje ston ka dbus su bsam/ /'di ni sangs rgyas thams cad kyi/ /ye shes snang ba rab bsgrub pa/ /yi ge yi ni phyag rgya 'dis/ /nyid kyi snying gar rgyas btab na/ /sangs rgyas ye shes mchog byed pa/ /de yis ston ka ma dngos grub/ / sde dbang lhar bcas lha rnams dang / /gnod sbyin srin por bcas pa dang / /sbrul dang mi 'am ci gnas pa/ /thams cad 'di yi g.yog tu 'gyur/ /'di ni 'od zer rab tu 'bar ba yis| |sangs rgyas mchog gi thugs ldan de 'gro ste/ /sna tshogs rab 'byung dpal gyis yang dag khyab/ /chos mchog dam pa byed pa gtong byed cing / /spyod bcas mi spyod 'jig rten snang byed de/ /sprin dang bral ba'i zla ba'i 'od mchog byed/ /mkha' dbyings rnam par bsgyings pas rab tu dga'/ /A li kA li pad+mo bde mchog la/ /myong zhing mchog byas bskal par gnas par 'gyur/ /'di yis sdig pa 'phrog byed de/ /'di yis myur du dga' bar 'gyur/ /'dis ni bde ba'i ngo bo de/ /'di yis dngos grub 'grub par 'gyur/ /skye ba'i sdug bsngal rgyab phyogs pa/ /tshe 'di nyid la 'thong bar 'gyur/ /de bzhin gshegs pa thams cad kyi rdo rje shin tu dgyes pa ye shes kyi snang ba dang ldan pa zhes bya ba'i phyag </font><hr>23b<br><font size=+1>


rgya chen mo ste/ thams cad mkhyen pa ye shes 'grub par byed pa'o// //dang po oM dang yang dag ldan/ /tha mar dgyes pa'i yi ge gnyis/ /rdo rje shin tu dgyes pa che/ /dbus su gsal ba'i yi ge bsam/ /'di ni sangs rgyas thams cad kyi/ /sna tshogs chen mo'i mdun du 'gro /sna tshogs chen mo 'di yis ni/ /sna tshogs ye shes dngos grub bo/ /sngags mkhan nyid kyis byin brlabs pa/ /sna tshogs sna tshogs bdag chen 'gyur/ /sdig pa'i yan lag kun spangs te/ /bsod nams kun gyi yan lag dge /kun tu 'gro ba'i dngos grub ni/ /'di nyid kyis ni rab tu 'grub/ /sna tshogs sgyu ma'i bde chen gyis/ /sna tshogs chen po'i bskal par gnas/ /rdo rje'i bdag nyid brgyan pa yi/ /bud med kun dang rtsen par 'gyur/ /de nas de yi chos dbyings gnas/ /dbang phyug mchog gi dngos grub bo/ /pad+mo'i mdun du thog ma'i lha/ /byas te rdo rje bsgrub par bya/ /mthe bong srin lag de phyung ste/ /kha yi nang du gzhag par bya| |chang bzhin myang bar byas na ni/ /mod la 'dod pa'i gzugs su 'gyur/ /A li kA li rab sbyor bas/ /bud med rnams dang rtsen par byed/ /blo ldan rdo rje sems dpa' yi/ /'di ni shin tu dgyes zhes bya/ /bsil ba dga' byed chen mo ste/ /sna tshogs 'di ni 'gro la gnas/ /dang po oM ni gnas pa ste/ /tra ta dang ldan tha mar bya/ /rdo rje shin tu dgyes che ho/ /sgeg mo </font><hr>24a<br><font size=+1>


@#/ /dbus su bskul ba'o/ /'di ni sangs rgyas thams cad kyi/ /sgeg par bya ba sprul pa yin/ /'di dag mnyam par sbyor ba yis/ /sgeg mos ye shes bskyed par bya| |rdo rje blo ldan brtag po yis/ /bde bar 'dod pa'i pad+mor gzugs/ /'dod pas 'dod pa spyad par bya/ /myur du 'dod pas dngos grub bo/ /de nas rdo rje 'dod dpal te/ /bde byed thams cad nye bar sgrub/ /sems can kun gyi 'dod skyed pa/ /bde ba chen por de 'gyur ro/ /mthu yis pha rol phyin pa'i mchog /pad+mo'i tshul du sgeg pa yis/ /rdo rje sbyor thabs la gnas pas/ /rdo rje chen po de dngos grub/ /ci dgar 'dod pa'i 'dod chags kyis/ /rtag pa'i lam dang yang dag ldan/ /rtag pa'i chos kyis rjes mthun spyod/ /bsgrubs na rtag pa rtogs par 'gyur/ /'di yis kun tu bzang zhes bya/ /de ni dngos po kun yin te/ /'dod pa med cing nyon mongs med/ /nga rgyal med cing 'dzin med pa/ /sangs rgyas mchog tu rtag pa yi/ / sangs rgyas chen po de yi dngos/ /dpal ldan thog ma tha ma med/ /chos rnams kun gyi rjes mthun pas/ /'dis ni dngos po thams cad kyi/ /sangs rgyas bdag por bdag nyid 'gyur/ /sangs rgyas rnam par snang mdzad dang / /'di la khyad par cung zad med/ /shin tu dgyes pa chen po rdo rje bdag po'i dpal shin tu dgyes pa sgeg mo dpe med pa dang ldan </font><hr>24b<br><font size=+1>


pa'i yi ge'i mchog gi sku'o// //dang po oM bcas lha mo yi/ /tha mar tsheg drag mi phyed gnyis/ /de gnyis dbus kyi phyogs nyid du/ /he zhes bya ba rnam brgyan te/ /shin tu dgyes pa'i rdo rje che/ /bzhad pa nyid ni rab tu sbyar/ /yi ge yi ni phyag rgya 'dis/ /nyid kyi snying la rgyas btab na/ /phreng ba'i rgyan gyis rnam brgyan pa/ /dpal ldan de ma thag tu 'gyur/ /yid kyis ji ltar bsams pa bzhin/ /de ni sangs rgyas yul du 'gro/ de ni de phyir sangs rgyas mthong / /chu skyes de dang rtsen par byed/ /de nas 'dus pa dgyes 'gyur te/ /sangs rgyas yang dag zhing nyid nas/ /sangs rgyas rnams kyi bde ba che/ /dngos grub rnal 'byor de la sbyin/ /byed pa dang ni zlog pa dang / /bde ba chen po 'phrog pa yis/ /rnal 'byor gsang ba'i dbang phyug la/ /gsang ba chen pos mgu bar byed/ /thabs bcas shes rab chen po la/ /rgyal ba nyid kyis stobs byed de/ /A li kA li mnyam sbyor bas/ /bde ba chen po mgu bar byed/ /bde ba thabs kyi dngos grub rnams// sgyu ma'i tshul gyis bsgrub par bya/ /yi ge yi ni phyag rgya 'di/ /shin tu dngos grub mchog tu brtag /rdo rje shin tu dgyes pa'i bde ba'i phreng ba rgyas pa dpe med pa dang ldan ma zhes bya ba'i phyag rgya ste las thams cad kyi don gyi dngos grub sbyin pa'o// //oM ni dang por gtsug tor bya/ /te de skad snyan tha mar te/ /dbus su he dga' zhes bya ba/ /bde chen dga' </font><hr>25a<br><font size=+1>


@#/ /ba rdo rje dbyangs/ /rdo rje shin tu dgyes che yi/ /phyag rgya 'di ni rab dgyes 'brel/ /bris pa dang ni 'dzin pa dang / /dran pa yis kyang dngos grub ster/ /sdig pa kun las grol byed cing / /bsod nams thams cad nye bar 'gro /mi dge thams cad ma lus spong byed cing / /sems ni phyag rgya'i yi ge brgyan te 'gro /'jig rten thams cad kun tu bkur sti byed/ /rig ma stong gis mngon par mchod byed cing / /rig 'dzin mu sman bud med rnams kyis ni/ /g.yag rnga dkar po'i tshogs kyis g.yob byed pa'i/ /'jig rten dbang po bde mchog 'brel ba 'thob/ /blo ldan nam mkha' ngos ni thams cad du/ /rdo rje 'dzin gyi dgyes pa'i rnal 'byor ma/ /yid du 'ong ba'i spyan ni rgyas pa dang / /rnal 'byor spyod pa'i bde bas 'bigs pa yis/ /mgul nas 'khyud pa'i rtsen pas rol par byed/ /pi wang gling bu ya mtshan sgra snyan gyis/ /glu blangs dngos grub rgya che thob par byed/ /ji snyed yid du 'ong ba'i glu dag ni/ /'jig rten grags pa'i bde ba'i bde ba bdag /bde ba'i sgra yis bskyed par rnam bsgyur ba'i/ /de dang mthun pa'i dbyangs 'dis sgrub par byed| |Sha Ta pa da gar dza'i dbyangs/ /glu ru blangs pas pad+ma gnas/ /dngos grub myur du 'thob par byed/ /'di yis byin rlabs dag pa dang / /'di yis byin rlabs bde ba'i rnams// </font><hr>25b<br><font size=+1>


sbyor ba 'di yis sbyar ba yis/ /'dod byed thams cad 'thob par 'gyur/ /shin tu dgyes pa chen po rdo rje sems dpa'i mchog tu dgyes pa chen mo'i dbyangs dpe med pa zhes bya ba'i yi ge'i phyag rgya'o|| //de bzhin oM ni dang por te/ /dbus su he dgyes bde ba che/ /rdo rje gar byed bde ba gnyis/ /'di ni thams cad bde byed de/ /sangs rgyas rnams kyi rab dgyes nyid/ /rnal 'byor yi ni rgyas btab na/ /bde dang ldan par byed cing 'gro /'og min gyi ni gnas chen du/ /sangs rgyas rnams dang thabs gcig 'grogs/ /bde byed chen po'i dbang chen dang / /chos kyi rgyal po bde chen 'thob/ /ji snyed gar gyi gtsug lag las/ /sgyur bar byed pa bshad pa dang / /ji snyed de snyed phyag rgya'i rnams/ /gnyis min 'dus pas 'dis dngos grub/ /kye ma'o dgyes pa bde byed che/ /kye ma'o bde ba bde chen po/ /kye ma'o 'dod pa 'dod chags che/ /kye ma'o sna tshogs bdag nyid che/ /de la sogs pa tshad med pa/ /'jig rten gyi ni yo byad rnams/ /pad+mo gsal ba gar gyis ni/ /rnal 'byor gar byas dngos grub bo/ /sangs rgyas kun gyi phyag rgya 'di/ /sna tshogs gar ni ston byed pas/ /myur du gar ni mang byas pas/ /gar gyi gtsug lag dngos grub bo/ /rdo rje shin tu dgyes pa chen po'i dpal bde ba chen po dga' byed gar zhes bya ba'i yi ge phyag rgya phan tshun bcu pa rgyal mtshan dang </font><hr>26a<br><font size=+1>


@#/ /ba dan gsum pa'o/ /bcu gsum yi ge dang po nyid/ /rdo rje shin tu dgyes pa che/ /rdo rje'i sku ni sna tshogs che/ /tha mar 'bar dang 'dra ba'i dza/ /nam mkhar zla skar 'dra ba yi/ /phyag rgya'i ye shes rmad 'byung ba'i/ /'di yi thabs kyis mnyam gzhag ste/ /gzung ba gsal bar gzung ba yi/ /tsha ba'i gser gyi gzi brjid 'dzin/ /ye shes snying gar bsam par bya/ /nam mkha' nyi ma bum 'dra bar/ /de ni de ma thag tu 'gyur/ /'di ni sangs rgyas thams cad nyid/ /shin tu rmad byung thob par 'gyur rnal 'byor kun gyi bde 'brel ba/ /rdo rje blo mchog dngos grub bo/ /sangs rgyas rdo rje 'dzin dge yi/ /sna tshogs chen po thob 'gyur nas/ /'dod pa'i chos kyis mi gos blo/ /'dod pa chen po sten par byed/ /de bzhin gshegs pa thams cad kyi bdag po shin tu dgyes pa chen po dpal rdo rje sems dpa'i rdo rje ma lus pa lus pa med pa'i rdo rje'i sku dpe med pa dang ldan pa zhes bya ba'i yi ge chen po'i phyag rgya'o// //de bzhin oM ni gzhag bya ste/ /rdo rje shin tu dgyes pa che/ /rdo rje'i sgra ni bde 'bral ba/ /tha mar khro bcas sbyar bar bya/ /phyag rgya 'di ni bde mchog ste/ /bar bcas pa yang thos par 'gyur/ /khams gsum ngo bo thams cad ni/ /sgra yi thos pa dngos grub bo/ /'di yis sangs rgyas </font><hr>26b<br><font size=+1>


thams cad nyid/ /tshe 'di nyid la dngos grub ste/ /bud med pad+mo ut+pal dang / /ma lus rgyal ba rnams dang rtsen/ /rdo rje pad+mor sbyar bas na/ /dga' byed myur du dngos grub bo/ /rab tu dgyes pa chen po dpal rdo rje sems dpa'i tshad med pa'i yon tan gyi sgra dpe med pa dang ldan pa zhes bya ba don gyi dpal thams cad grub par byed pa'o// //oM ni sbyi gtsug thig ler babs/ /rab dgyes chen mo rdo rje can/ /rdo rje dri bder 'brel ba yi/ /tha mar gnas shes rab sbyar bya/ /'di ni sangs rgyas thams cad kyi/ /sna tshogs chen mo'i mdun du 'gro /sna tshogs chen mo 'di yis ni/ /sna tshogs ye shes grub par 'gyur/ /bdag nyid rdo rje brgyan pa yi/ /de ni mtshan ldan kun dang rtsen/ /de nas chos dbyings gnas pa des/ /A li kA li mnyam sbyor bas/ /dga' byed lhan cig rtsen byas na/ /dbang phyug dam pa dngos grub 'gyur/ /'di ni rdo rje sems dpa' yi/ /blo ldan rab tu dgyes zhes bya/ /rdo rje'i dri dpe med pa dang ldan ma zhes bya ba'i yi ge'i phyag rgya'o// //oM mchog gtsug tor rnams byas te/ /shin tu dgyes che dbus nyid du/ /rdo rje ro ni sbyor ba che// tha mar he ste thig le gnyis/ /'di yi rab tu dgyes par 'gyur/ /dpal ldan dpe med bde ba dang / /bcom ldan rdo rje sems dpa' nyid/ /sna tshogs sbyor ba sna tshogs bdag / </font><hr>27a<br><font size=+1>


@#/ /sangs rgyas kun gyi rol pa yis/ /mchod pa mi bzad byed par 'gyur/ /sangs rgyas rnams kyi gnas thams cad/ /nam mkha' mnyam pa nyid thob bo/ / rab tu dgyes pa'i dbang po shin tu dgyes pa chen po'i ro mchog gi rgyal mtshan dang ldan pa zhes bya ba sems can thams cad kyi don thams cad grub pa'o/ /de bzhin gshegs pa thams cad kyi sku dang / gsung dang / thugs rdo rje'i bdag po zla gsang thig le bshad pa'i rgyal po las/ chos kyi 'khor lo ste gnyis pa'o// //de nas bcom ldan 'das shin tu dgyes pa chen po dpal rdo rje sems dpa' kun tu bzang po nyid kyi sku dang / gsung dang / thugs rdo rje las shin tu dgyes pa chen po gdon mi za ba'i rgyal po zhes bya ba'i dkyil 'khor chen po bshad nas cang mi gsung bar gyur to/ /de nas nam mkha'i dbyings thams cad kyi rdul phran dang mnyam pa'i de bzhin gshegs pa de dag thams cad gsang ba'i gzungs dang g.yog tu bcas pa rnams kyis yongs su bskor ba/ byang chub sems dpa'i 'khor chen po dang bcas pa rnams kyis mdun du byas pa ma lus pa lus pa med pa'i nam mkha' la 'gro ba dang / nam mkha' la 'gro ba'i tshogs dang ldan pa/ phyi nang gi pho nya dang / pho nya mo rab tu rgyas pa rnams shin tu ngo </font><hr>27b<br><font size=+1>


mtshar rmad du gyur te/ dgyes shing spyan ni rgyas pa yis/ /bzhengs nas dgyes pa chen po yi/ /brjid pa'i phyag gis gar mdzad cing / /thal mo sbyar nas gtsug nyid du/ /bzhag pa yis ni 'dud par byed/ /bskul ba yi ni dbyangs 'di yis/ /de dag gtso la mnyes par byed/ /kye ma'o chos ni ngo mtshar che/ /kye ma'o spyod dang ngo mtshar che/ /kye ma'o spas pa ngo mtshar che/ /kye ma'o bde ba yang dag 'byung / /kye ma'o kun tu bzang po'i don/ /kye ma'o rab dgyes yang dag 'grog /kye ma'o bde ba dag pa che/ /kye ma'o bde ba bde mchog ste| |kye ma'o sngags kyi yang dag sbyor/ /kye ma'o snying po yang dag bsdus/ /kye ma'o phyag rgya mnyam par bzhugs/ /kye ma'o sgrub pa rmad 'byung ba'o/ /kye ma'o pha rol phyin ma yin/ /kye ma'o ji ltar mthur rig ma/ /kye ma'o sna tshogs dgos pa che/ /kye ma'o dag pa gsum sbyar ba/ /kye ma'o rdo rje mnyam sbyar ba'i/ /kye ma'o pad+ma rnam phye bas/ /kye ma'o dbang po gnyis sbyor ba'o/ /kye ma'o mchog dang mnyam pa'o/ /kye ma'o gar ni dag pa che/ /kye ma'o glu ra ba dri ma med/ /kye ma'o sil snyan rnam par brel/ /kye ma'o brdab dang mun ba sel/ /kye ma'o dag byed me tog phreng / /kye ma'o pog snod dge ba ste/ /kye ma'o mar me mun pa sel/ /kye ma'o dri ni shin tu bsil/ /kye ma'o rnal 'byor mnyam par sbyor/ / </font><hr>28a<br><font size=+1>


@#/ /kye ma'o sgyur ba nam mkha' 'dra/ /kye ma'o sangs rgyas rdo rje mchog /kye ma'o rin chen bde mchog bskyed/ /kye ma'o sna tshogs pad mchog ldan/ /kye ma'o sna tshogs sgyu ma mdzad/ /kye ma'o ngo mtshar sangs rgyas dang / /kye ma'o ngo mtshar dpa' bo rnams/ /kye ma'o ngo mtshar sems dpa' rnams/ /kye ma'o ngo mtshar lha yi rnams// shin tu dgyes che rdo rje la/ /rgyan pa kun gyis bstod byas te/ /rdo rje sems dpa'i 'gying ba yis/ /dga' dang bde byed skyes par 'gyur/ /de nas pha rol phyin thams cad/ /'khor gyi dkyil 'khor dgyes 'gyur te/ /sems dpa' che la phyag byas nas/ /mchog gi dbyangs kyis bstod par byed/ /chu skyes zhal ni 'dzum bcas pa/ / yangs pa'i spyan gyis gar mdzad de/ /phyag dang zhabs ni bsgyur ba yis/ /rab tu dgyes ldan smin ma bsgyur/ /yid tsam 'dzum pa'i spyan zur gzigs/ /sha rgyas brla ni nu mar mdud/ /rked pa'i dbyibs ni rnam par yangs/ /snam gyi ngos kyang che la mdzes/ /chags pa cung zad tshems kyis gnon/ /tshems kyi phreng ba kund zla/ /mig drag zlos pa'i dbugs 'byin cing / /a la la la ho/ dam tshig rjes su chags pa'i bdag nyid sdug bsngal zhi mdzad cing / /rab tu dgyes che dgyes par bstod/ /bde bas </font><hr>28b<br><font size=+1>


bde la longs spyod mchog tu bde ba'i rang bzhin bsam gyis mi khyab bstan/ /dgongs pa'i dbang dang ldan pas 'gro ba ya mtshan chen po'i sgo nas 'dul mdzad cing / /gsang ba'i thig le 'jig rten gsum po 'dir ni dngos grub gtsor bstan te/ /'jig rten gsum po sbyang bar bya ba'i chos de bder gshegs don du mdzad/ /ngo mtshar yon tan ldan pa dam tshig bde las 'byung / /bde mdzod bde spyod dga' la rol pa tshul bzhin mdzod/ /thams cad dga' ba'i ngang nyid thig le'i dkyil du bskyed mdzad de/ / byang chub snying po 'gro ba'i lam 'di bde bar bskul la bsnyen par mdzod/ /ngo mtshar de bzhin gshegs pa'i dam tshig rig pa che la dgyes shing bzhugs/ /bdag cag 'du shes rnams dang bral ba nyid kyang bzhugs spyod 'dzem bcas pas/ /tshangs pa'i rgyal po dbang dang ldan pas kyang ni de la rag lus so/ /a la la ho/ yangs pa'i spyan can drangs shing bcug ste rol pa tshul bzhin mdzod/ /rnam dag ye shes chu des 'gro ba rnams kyi sdig pa khrus/ /byams ma'i gzungs ma bdag nyid che dang rab tu rtsen mdzod la| |thugs rje chen po'i rang bzhin dag pa'i chu des bdag cag dbang skur cig/ //mi g.yo mnyam pa nyid kyi rang bzhin ye shes thob 'dod phyir/ /dam tshig chen </font><hr>29a<br><font size=+1>


@#/ /po gsum po gsum po 'di la gnas nas ni/ /zla gsang thig le'i dbyings su bdag cag dogs med 'gro bar bgyi/ /dbyangs kyi rgyal po 'di yis ni/ /shin tu srid pas skyo ba yi/ /sangs rgyas kun kyang 'dod pa bzhin/ /glu blangs myur du bskul bar 'gyur/ /de nas bcom ldan 'das la dbyangs kyi rgyal po 'dis bstod pas shin tu dgyes te de bzhin gshegs pa dang / byang chub sems dpar bcas pa dang / rdo rje dang / rin po che dang / pad+mo dang / las kyi rigs kyi btsun mo de dag thams cad la rdo rje shin tu dgyes pa'i bde ba chen pos mnyes par mdzad de/ de bzhin gshegs pa thams cad dang / rnal 'byor gyi dbang phyug chen po'i tshogs rnams dang / byang chub sems dpar bcas pa dang / nam mkha' la 'gro ba dang / nam mkha' la 'gro ma'i tshogs su bcas pa rnams dang / phyi nang gi rdo rje rigs las skyes pa rnams la shin tu dgyes pa chen po'i gar dang / dbyangs dang / rdung ba dang / zhi ba'i thal mo la sogs pa rnam par mdzad pa chen pos rab tu mdzad nas/ dam tshig chen po rdo rje shin tu dgyes pa 'dod pa'i dbang mo dpal zhes bya ba'i ting nge 'dzin la snyoms par zhugs nas bde bar cang mi gsung bar gyur to// </font><hr>29b<br><font size=+1>


de nas de dag kun dgyes nas/ /shin tu dgyes pa nyid byas te/ /thal mo sbyar nas sa steng du/ /pus mo'i lha nga btsugs mdzad de/ /chos kyi phyir na gsol ba 'debs/ dkyil 'khor dam tshig bdag nyid la/ /bcom ldan dgyes pas bshad du gsol/ /gang gi sems can bde nyid kyi/ /bde bas dkyil 'khor bsgrub par bgyid/ /de nas bcom ldan 'das dam tshig 'dod pa nye bar longs spyod pa'i dpal zhes bya ba'i ting nge 'dzin la snyoms par zhugs te/ dkyil 'khor mdzod do/ /phyag gnyis gar dang bcas pa yis/ /mdun du thal mo bkan par bya/ /sor mo kun gyi rtse mo la/ /pha rol phyin pa'i tshogs rnams bsam/ /de dag ming gi brda yis ni/ /sor mo thams cad brtag par bya/ /sbom po phan tshun bsnol byas te/ /shes rab mchod rten du ni brtag /rdo rje mchod rten sbyar byas te/ /lhag ma 'od bzhin spro bar bya/ / 'di ni sangs rgyas thams cad kyi/ /shes rab pha rol phyin ma dge /gang gis bcings pa tsam gyis kyang / /sangs rgyas byang chub byin rlob bo/ /phyag rgya 'di yis rgyas btab pas/ /rtag pa'i pho brang 'gro 'ong byed/ /sangs rgyas snang mdzad dpal dang ldan/ /btso ma'i gser gyi kha dog 'dzin/ /shes rab ldan pas sbyor byas na/ /'di yis </font><hr>30a<br><font size=+1>


@#/ /myur du dngos grub bo/ /skal ldan 'phrul gyi bu mo la/ /'di yis byin rlabs gar byas te/ /rdo rje pad+mo bzhag byas nas/ /sems ni bzhugs pas bsgrub byas la/ /de nas sems de blangs byas te/ /blo ldan de yis btung byas te/ /grub pa gzungs kyi dkyil 'khor du/ /yang dag dngos grub 'gro bar byed/ /shes rab dang ni 'phrul gyi 'am/ /de bzhin gshegs pa 'phral rtag 'thob/ /sangs rgyas rdo rje blo ldan gyis/ /kun tu 'phrog par yong mi nus/ /shin tu dgyes pa kun tu longs spyod pa'i bde ba zhes bya ba shes rab kyi pha rol tu phyin pa'o// //thal mo de nyid khro skyes pa/ /sbom po skyil krung bzhag byas te/ /sna tshogs phreng ba 'bar byed pa// rnal 'byor gyis ni lhag ma spro/ /'di ni rdo rje thams cad kyi/ /shes rab pha rol phyin ma gsal/ /phyag rgya 'di yis rgyas btab pas/ /rdo rje ye shes bla na med/ /'di yis myur du 'thob par 'gyur/ /phyag rgya 'di yis rgyas btab pas/ /'di ni bcings pa tsam gyis kyang / /ring du sdig pa 'jig par byed/ /tshe dang dpal dang ye shes skal/ /rdo rje 'dzin gyis thob par 'gyur/ /'di ni dbang bskur tsam gyis kyang / /rdo rje 'dzin rjer de 'gyur te/ /rdo rje dkyil gyi mtshan btab pas/ /sa chen 'ong zhing 'gro bar byed/ /'di ni </font><hr>30b<br><font size=+1>


dga' byed rdo rje rigs/ /rdo rje bud med 'grogs pa dang / /rdo rje gzugs kyi dkyil 'khor du/ /rdo rje sems nyid 'thob par 'gyur/ /ji ltar dngos grub 'dug ba dang / / sangs rgyas rdo rje dpa' bo rnams/ /skad cig gcig gis 'dren par byed/ /bsgral dang mnyes par bya ba dang / /rgyas btab de bzhin rmongs pa dang / /gso bar byed dang za ba dang / /phan tshun du ni skyed par byed/ /de bzhin gshegs pa thams cad kyi rdo rje chen po'i dbang bskur ba rdo rje phreng ba zhes bya ba shin tu dgyes pa bde ba thob par byed pa dpe med pa'i rdo rjer byed pa'i phyag rgya'o// //rdo rje'i thal mo de nyid las/ /khro mo rgyab ni bskum byas te/ /sor mo lhag ma snga ma bzhin/ /phyag rgya 'di ni dbang bskur ba'o/ /rims dang gdon dang dug la sogs/ /de ma thag tu 'phrog par byed/ /'di ni bcings pa tsam gyis kyang / /sangs rgyas kyi ni dgyes pa 'thob// 'di nyid kyis ni dbang bskur dang / /'di nyid kyis ni bde dam pa/ /'di nyid kyis ni rgyal po che/ /'di nyid kyis ni dpal dam pa/ /'di yis rtsen pa byas pa yis/ /rab dga' 'gug pa dngos grub bo/ /mi la 'di yis byin rlabs te/ /nyi ma phyed na spyad byas na/ /'di ni de ma thag tu yang / /dpal ldan rdo rje gzi brjid 'dzin/ /nyi ma bcu </font><hr>31a<br><font size=+1>


@#/ /gnyis 'od 'drar 'gyur/ /zhag bdun gyis 'gyur gzhan gyis min/ /sangs rgyas kun gyi 'dul ba dang / /dge ba thams cad dbang du byed// grol 'dod rnams kyi mun pa sel/ /blo ldan phyag rgya mchog tu 'gyur/ /de bzhin gshegs pa thams cad kyi bde ba chen po gzi brjid dpe med pa dang ldan pa'i phreng ba zhes bya ba/ ba dan gsum pa'i 'jig rten gsum du bde ba chen po 'thob par byed pa'i dam tshig gi phyag rgya chen po'o// //pha rol phyin pa'i phyag rgya nyid/ /dge ba'i khro mo dang bral ba/ /pha rol phyin pa'i chos yin te/ /tshig dang tshig tu rnams bral ba'o/ /phyag rgya 'di ni bcings pa yis/ /chos kyi dbyings nas rje ru 'gyur/ /sangs rgyas kun gyis dbang bskur bas/ /dbang phyug dam par de 'gyur te/ /thams cad dag pa mos pa yis/ /pad+mo dmar po mchog 'dzin 'gyur/ /pad+mo sgyu ma rnams mdzad pas/ /sna tshogs chen por de 'gyur re/ /sdug bsngal thams cad 'phrog par byed/ /sems can kun la thams cad sbyin/ /'dod chags chen po nyes spangs te/ /de ni bdud rtsi 'dra bar 'gyur/ /'di na myur du gar byas pa/ /sgrub par mi byed cung zad med/ /'di ni pad+mo sbyor ba yis/ /bde mchog rtag pa </font><hr>31b<br><font size=+1>


thob par 'gyur/ /shin tu dgyes pa chen po'i myos par byed pa'i dpal pad+mo phreng ba zhes bya ba thams cad kyi don dpal shin tu dgyes par byed pa'i phyag rgya'o// // 'di nyid gnyis pa'i spyi gtsug tu/ /bsgyur nas bzhag par byas pa ni/ /ma lus dri ma 'phrog byed pa/ /sna tshogs chen por de 'gyur ro/ /'di yis dbang ni bskur ma thag /khams gsum sna tshogs byed par 'gyur/ /sna tshogs dbang po rgyal po che/ /sna tshogs gzugs dang sna tshogs bdag /sgrub pa thams cad bde dam pa/ /'dod pa kun gyi dbang phyug rgyal/ /'dod pa'i don kun sgrub byed pa/ /thams cad 'di yis dngos sgrub bo/ /bud med 'di yis byin brlabs nas/ /sngo bsangs mkhur tshos dkar mo dang // de dang lhan cig gar byas pas/ /sna tshogs bdag po chen por 'gyur/ /sngo bsangs zhing ma phreng ma dag /byin gyis brlabs nas dus gsum du/ /mtshan gyi mthar ni bsnyen byas nas/ /las kyi dngos grub thob par 'gyur/ /rigs ngan can dang sme ma dang / /gar mkhan de bzhin gar byed dag /phyag rgya ye shes byin brlabs te/ /bsnyen dang dngos grub thob par 'gyur/ /shin tu dgyes pa sna tshogs bde ba sbyin par byed pa zhes bya ba 'dod par byed pa thams cad kyi mchog sgrub par byed </font><hr>32a<br><font size=+1>


@#/ /pa'i phyag rgya'o// //phyag rgya de dag bstan pa'i rnams/ /gar gyi tshul gyis rang gi gnas/ /dam tshig mchog gi dam tshig gis/ /dngos grub chen po'i mthur 'gyur ro/ /thal mo de nyid sbyar byas te/ /rdo rje bcings pas bcing bar byed/ /de nas dga' byed dbang bskyed de/ /mda' yi tshul gyis gzung bar bya/ /'di ni rab dgyes gtso bo yi/ /pha rol phyin mchog sdug pa yin/ /sangs rgyas rnams kyi myos byed pa/ /dpa' bo rnams kyang rmongs par byed// 'di ni bcings pa tsam gyis kyang / /mi shes byed pa 'jigs pa byed/ /las kyi don ni dka' bzhin du/ /dga' nas bran bzhin byed par 'gyur/ /'di yis byin gyis brlabs pa yis/ /bde chen rgyal po 'dra bar 'gyur/ /dga' dang lhan cig gar byed cing / /'di dbang sar ni 'gro bar byed/ /dpal rdo rje sems dpa' shin tu dgyes pa kun tu bzang mo'i dgyes pa chen mo'i bde ba gnyis su med pa dang ldan ma zhes bya ba sbyor ba'i phyag rgya chen po'o// //snying gar gzung ba'i sbyor ba yis/ / 'di yis las kun byed 'gyur te/ /bdud rnams thams cad 'bigs par byed/ /rgyal ba 'dod chags bral spyod pa/ /bde gshegs mya ngan 'das kun dang / /thams </font><hr>32b<br><font size=+1>


cad 'di yis slong bar byed/ /sangs rgyas thams cad mnyes byas nas/ /myur du las la sbyor bar byed/ /dbang po nye dbang dbang chen gyi/ /gdug pa thams cad 'joms byed de| |'jigs byed drag po chen po yis/ /gdug pa thams cad gdung bar byed/ /rdo rje pad+mor bcug pa yis/ /mche bas ma mchu bzung byas te/ /sor mo phan tshun bsnol ba yis/ /dpung pa brkyang ste gar du bya/ /sna tshogs chen po rab rgyas pas/ /bde chen po yi bde 'thob bo/ /'di ni sangs rgyas thams cad kyi/ /'dod dang thar par grub byed de/ / phyag rgya 'di yis rgyas btab na/ /'dod pa bzhin du 'phur bar byed/ /rab dgyes 'brel pas gar byas shing / /nam mkha' gzungs ma'i thabs nyid kyis/ /phan tshun gcu ba'i gnon pa yis/ /bcings na 'di yis dngos grub bo/ /de ni de ma thag tu yang / /lha dang lha min mchod byed de/ /dbang po nye dbang dbang chen dang / /nyi zla gshin rje chu dbang rnams/ /spyi bo yis ni phyag byas nas/ /rang gi dpal mchog stobs byed de/ /rdo rje 'dzin pa thams cad kyang / /nyid kyis dpal can stobs pa yis/ /brtan pa de la mgu byed cing / /sangs rgyas dgos pa rab sgrub byed/ /'di yis las kyi tshul gyi rnams/ /las dang rjes su mthun 'gyur te/ /rnal 'byor dbang phyug rnam mdzad pas/ /sangs rgyas kun dang mnyam sbyor te// </font><hr>33a<br><font size=+1>


@#/ /gzungs dang gnyis med sbyor ba yis/ /yid la 'dod pa'i las kun byed/ /'dzum dang gnas dang sbas pa dang / /spyod pas gar gyis byas pas so| |gzhan dag kyang de dngos grub che/ /pad+mo'i 'dab ma rnams phye bas/ /byang chub sems ni rab sgrub pa/ /sgrub pa pos ni pad+mo sgrub/ /de bzhin gshegs pa thams cad kyi| |bde ba gnyis su med pa'i dpal/ /shin tu dgyes pa'i pad+mo 'dab ma zhes bya ba shin tu dgyes pa chen po'i bde ba 'thob par byed pa'o// //thal mo de nyid bcings pa yis/ /bcings pa gyen du bzung byas te/ /mthe'u chung gnyis ni sgreng byas te/ /de bzhin sbom po gnyis kyang bya/ /phyag rgya 'di ni chu srin zhes/ /rgyal mtshan ldan par bshad pa yin/ /rdo rje sems dpa' sprul pa ste/ /'dod bral chags par sgrub pa yin/ /phyag rgya 'di yis bde ldan gyi/ /pho brang chen por 'gro bar byed/ /der phyin chos kyi 'khor lo dag /bla med par ni skor bar byed/ /sangs rgyas pha rol phyin mas bskor/ /sdig spangs rnams ni bkug nas kyang / /spyod pa drag po'i tshul gyis ni| |bskal pa bye bar bsnyen par byed/ /yang dag byang chub gnas pa yi/ /sangs rgyas 'di yis mnyes par byed/ /de nas dgyes te sna tshogs che/ /sna tshogs ye </font><hr>33b<br><font size=+1>


shes skye ba yi/ /rang gi dam tshig gsungs pa yi/ /sems dpa' chen po sgrub par byed/ /bla med dngos grub thams cad kyang / 'di yis thams cad grub par byed/ /sbyor dang ldan pas byin rlabs te/ /snying gar nye bar bsam byas na/ /las kyi ngo bo tshul 'di yis/ /thams cad las ni byed du gzhug /gar dang dbyangs kyi ro dga' dang / /sil snyan brdung ba rnams byed dang / /pi wang gling bu rdza rnga yi/ /phyag rgya 'di yis bsgrub par bya/ /dpal rdo rje shin tu dgyes pa chen po'i thugs kyi dgyes pa dpe med pa dang ldan ma zhes bya ba'i phyag rgya'o// //thal mo de nyid mnyam bzung nas/ /'gying zhing 'gying bas gar byas te/ /bcing ba chen pos bcings byas nas/ /sbyor ba chen po gnyis su bya/ /khu tshur gnyis po dku nyid du/ /g.yon du 'gying bas brtan par bya/ /phyag rgya 'di ni rgyal la sogs/ /bde ba dam pas mchod byas te/ /'gying ba'i sbyor bas gar byas na/ /dngos grub thams cad grub par byed/ /'gying ba tsam gyis sbyor ba yis/ /'gying ba thams cad 'phrog par byed/ /lha dang lha min rig ma yis/ /'bum phrag brgya yis mchod par byed/ /rab tu dgyes pa bde mchog che/ /kun tu gar byas gnas par 'gyur/ /klu mo lha dang lha min dang / /de bzhin mi 'am bdag por 'gyur/ /nam mkhar 'gro ma'i khyor 'gyur te/ /rnal </font><hr>34a<br><font size=+1>


@#/ /'byor ma kun bde ba che/ /gzungs ma rnams kyi dag pa bdag /gsang ba pha rol phyin pa'i rje/ /las kyi sbyor ba 'di yis ni/ /thams cad las ni byed par bshad/ /sangs rgyas kun gyi gsang ba che/ /gsang chen sbyor bas dngos grub bo/ /dpal shin tu dgyes pa bde ba chen mo sems can thams cad sgrol bar spas pa zhes bya ba'i phyag rgya thams cad 'grub pa'o// //phyag rgya de nyid mnyam bzung ste/ /lag pa'i 'dab ma gar dang bcas/ /myur bar steng du dor ba yis/ /mgyogs su 'gro ba dngos grub bo/ /'di yis sangs rgyas thams cad kyi/ /rmad byung dam pa mchod byas pa/ /sbyor ba gar gyis mchod byas na/ /thams cad las byed dngos grub bo/ /gang dag dngos grub med pa dang / /gang dag bde ba med pa'i rnams/ /de dag phyag rgya 'dis btab na/ /nam mkha'i dkyil 'khor 'gro bar 'gyur/ /de yis thams cad las rnams ni/ /rmad byung dam pa 'grub par byed/ /btsun mo chen po de bzhin gshegs/ /'di yis de ni 'grub par byed/ /gzhan yang mchog tu rgya che ba// mnyam dang mi mnyam chos kyi dbyings/ /btsun mo dam pa de bzhin gshegs/ /phyag rgya'i sbyor bas dngos grub bo/ /dpal bde ba chen po rdo rje rab tu dgyes pa'i me tog </font><hr>34b<br><font size=+1>


gi phreng ba zhes bya ba'i phyag rgya'o// //de nyid 'og gi ngos su dor/ /steng du cung zad bsgrub par bya/ /'di yis sangs rgyas thams cad kyi/ /bde mchog yid ni tshim byed pa/ /'dis ni bcings pa tsam gyis kyang / /bdud rnams shin tu ring bar 'gyur/ /phyag rgya bcings te bsdigs pa yis/ /skrag nas dngos grub sbyin par byed/ /sangs rgyas dam tshig gsum gnas pa'i/ /'di yis mchod pa byas par 'gyur/ /de nas gtso bo 'dis mnyes nas/ /mchog gi thabs ni stobs par byed/ /phyag rgya bcings pa sbyor ba yis/ /'di ni thams cad byed par 'gyur/ /rgyun du byas na rnal 'byor pa/ /dgos pa thams cad byed \?\ par 'gyur/ /sdig pa thams cad 'phrog byed de/ /bde ba dam pa 'thob byed cing / /tshe 'di dang ni pha rol du/ /phyag rgya'i gnas su de 'gro'o/ /dpal shin tu dgyes pa chen po'i bde ba tshim par byed pa zhes bya ba'i phyag rgya ste/ dri ma thams cad spong ba dpal shin tu dgyes ma'o// //thal mo de nyid sbom po sgreng / /lhag ma gsal ba'i nyi ma bzhin/ /'di ni sangs rgyas thams cad kyis/ /ye shes mchog tu snang byed pa'o/ /thog ma med nas bskor ba yi/ /'di yis gti mug 'phrog byed de/ /mnyam par gzhag nas bcings ma thag /sangs rgyas kun gyis byin gyis rlob/ /mnyam nyid ye shes </font><hr>35a<br><font size=+1>


@#/ /dri med dang / /pad+mo dra ba dga' ba che/ /sna tshogs dra ba dpal chen po/ /bde byed chen po 'thob par 'gyur/ /rdo rje dgyes pa chen mo'i dpe med pa'i dpal dang ldan ma zhes bya ba'i phyag rgya'o// //g.yas dang g.yon pa'i lag pa yis/ /brjid pa'i gar gyi gar bya zhing / /thal mo de nyid mnyam sbyar te| |g.yon gyi khu tshur spyi bor bzhag /rgyal ba rnams kyi phyag rgya 'di/ /mchod pa thams cad grub byed do/ /thams cad don rnams grub pa dge /bkra shis rgyal ba 'thob par byed/ /gang zhig bcings pa tsam gyis kyang / /mchod pa'i sprin nyid rgyas pa che/ /mtha' yas dri med gzi brjid dang / /sangs rgyas zhing ni dngos grub bo/ /phyag rgya sbyor bas sbyar byas te/ /skad cig gcig gis sbyar byas nas/ /rdzogs sangs rgyas dang sras mchog kyang / /'di yis thams cad 'bab par 'gyur/ /sna tshogs kyi ni sbyor ba yis/ /sna tshogs gar gyis gar byas na/ /dpa' bo thams cad kun tu 'gro/ /phun sum tshogs pa 'dis 'grub bo/ /dpal shin tu dgyes pa chen po bde ba'i sems 'phel bar byed ma zhes pa'i phyag rgya'o// //de bzhin gshegs pa thams cad kyi sku dang / gsung dang / thugs kyi bdag po dpal kun tu bzang po shin tu dgyes pa chen po bde ba'i bdag </font><hr>35b<br><font size=+1>


nyid rnam par snang mdzad chen po bshad pa mthas klas pa/ de bzhin gshegs pa thams cad kyi mchog tu gsang ba zla gsang thig le mchog tu pha rol tu phyin pa/ gsang ba chen po dam tshig gi phyag rgya'i ye shes kyi dkyil 'khor shin tu dgyes pa/ rdo rje gdon mi za ba'i dkyil 'khor chen po bskal pa'i mtha' klas pa zhas bya ba gsum pa rdzogs so// // de nas bcom ldan 'das kun tu bzang po'i gsang ba'i pha rol tu phyin pa'i dam tshig gi ye shes kyi phyag rgya'i dkyil 'khor 'di bshad nas slar yang bde bar cang mi gsung bar gnas par gyur to/ /de nas de bzhin gshegs pa de dag thams cad dang / pha rol tu phyin ma rnal 'byor ma chen mo'i tshogs thams cad dang / nam mkha' la 'gro ba dang / nam mkha' la 'gro ma'i tshogs thams cad ngo mtshar du gyur nas phyi nang gi rdo rje'i rigs su gtogs pa 'phrog par byed pa'i tshogs thams cad la slar dbugs phyung ste/ de las bzhengs nas gar mdzad cing rab tu dgyes pa'i spyan rgyas pas bcom ldan 'das la yang dang / yang du lta zhing dbyangs kyi mchog bde ba 'dis glu blangs te dgyes par byed do/ / rnam mang bde ba'i rol pas bdag nyid chen po yis/ /skye dang mi skye'i chos nyid ya mtshan rmad dag dpal bstan pa/ /shin tu bde ba'i dkyil 'khor 'jig rten 'dir </font><hr>36a<br><font size=+1>


@#/ /phyung ste/ /rang bzhin dag pa'i gzungs ma'i dkyil nas bskyed par mdzod/ /ngo mtshar rmad du byung bas chos nyid bde bas rol mdzad cing / / bdud rtsi'i rang bzhin 'dus pa rnams la dbugs 'byin cing / /gsang ba'i thig le dngos nyid nam mkha' 'dra ba rnams spyad de/ /bde ba phun sum tshogs pa'i longs spyod rgyu las dbang mdzad pas/ /byang chub mchog gi lam 'di nyon mongs mtha' dang rnam bral zhing / /bde ba'i 'byung gnas skye shi med pa'i sgo mor pad+mo rnams dag pa/ /nyon mongs mi gos sgyu mar gnas pa chu zla'i dkyil 'khor bzhin/ /e ma'o kun tu bzang po rig pa rgya chen bsam gyis mi khyab pa/ /dngos nyid med pa'i chos la dga' ba'i rol pas gzungs su 'gyur/ /sangs rgyas kun gyi bde mchog bdud rtsir sa yan/ /ji ltar bde la rten cing kun tu snang bar mdzad/ /kye ma bde mchog bde bas rol pa tshul bzhin mdzod/ /sdug bsngal 'gro ba'i las can bde bas tshim par mdzod/ /byams pa'i spyan can thugs rje nyi mas 'gro ba kun la shar mdzad nas| |gti mug thibs po'i mun nag byang chub sems kyis gsal bar ston/ /de ni 'dus pa'i tshogs la bde sbyin rol ba'i rgyal pos gsungs/ /byang chub mchog </font><hr>36b<br><font size=+1>


gi sems des snying po mchog tu dbang skur cig /dbyangs kyi phyag rgya 'di yis ni/ /skad cig skad cig bskul byas na/ /rab tu dgyes pa'i bdag nyid kyi/ /mdun du gnas te dngos grub sbyin/ /de nas bcom ldan 'das shin tu dgyes pa chen po'i bde ba'i bdag po kun tu bzang po chen po rdo rje zla gsang thig le chen po la rdo rje nam mkha' la 'gro ba gsang ba chen po tshad med pa dang / mchog tu pha rol tu phyin pa'i rnal 'byor dang / /rnal 'byor ma'i tshogs chen mo de rnams kyis bstod cing bskul ba byas pa dang / gsang ba thams cad kyi bde ba chen po shin tu dgyes pa longs spyod pa'i dpal zhes bya ba'i ting nge 'dzin gyi rgyal po 'di la snyoms par zhugs nas shin tu dgyes pa chen po gdon mi za ba'i dam tshig ces bya ba rnal 'byor ma'i dkyil 'khor chen po 'di rang gi sku dang / gsung dang / thugs rdo rje las phyung ngo // //gru bzhi pa la sgo bzhi pa/ /rta babs rnam pa bzhi yis brgyan/ /dar dang dril bu'i chun po dang / /nyi ma zla bas rnam par brgyan/ /rin chen mu tig 'bras bus spras/ /do shal gdu bu rnams kyis brgyan sna tshogs gdugs ni rnam bres pa/ /sna tshogs phreng ba gos kyis brgyan/ /srad bu bzhi dang ldan pa ste/ /ka ba brgyad mchog yang dag gnas/ /dbus kyi dga' byed stan la </font><hr>37a<br><font size=+1>


@#/ /ni| |dngul la sogs pas rnam par brgyan/ /sna tshogs pad+mo dar gyis g.yogs/ /thams cad stan te dag ces bya/ /dbus su rdo rje shin tu dgyes// stan de la ni gzhag par bya/ /tshad med pad+mo dmar 'dra ba'i/ /sna tshogs rgyan gyis rnam par klubs/ /yid bzhin nor bu dbu rgyan ldan/ /rin chen gtsug gis rnam par mdzes/ /tshad med dar ni dpyangs pa yis/ /dbu la chun pos mdzes par bya/ /sna tshogs sangs rgyas kun gyi bdag /sna tshogs ye shes rab tu gnas/ /chu skyes spyan ni yid tsam gyis/ /dga' byed yid tsam g.yon du 'dud/ /g.yas pa'i phyag gis rdo rje che/ /snying gar gsor la shin tu brtson/ /de la sogs pa'i yon tan ldan/ /thog ma nyid du rnam par gzhag /slob ma'am yang na gzhan yang rung / /mtshan kun gyis ni rnam brgyan pa/ /tshul bzhin byin gyis brlab bya ste/ /dbus kyi dkyil du gzhag par bya/ /bdag nyid kyang ni mnyam gzhag ste/ /de la sogs pa yon tan gtso/ /dbus kyi stan la 'dug pa na/ /bdag ni rab dgyes zhes su smra/ /des ni slob ma byin brlabs te/ /thams cad las byed phun sum tshogs/ /rdo rje pad+mo las 'byung ba'i/ /gsang ba yis kyang dbang bskur ro/ /rab dgyes la sogs yon tan ldan/ /yid </font><hr>37b<br><font size=+1>


'ong bu mo btsal byas te/ /mgrin pa dpral ba snying spyi bor/ /lha la sogs pa'i 'bru bsgoms te/ /mtshan ma phyag rgyar rab 'bar ba/ /rdo rje pad+mor mnyam sbyor ba'i/ /rang la 'khyud pa'i phyag rgya yis/ /tshul bzhin thams cad gzhag par bya/ /mdun du lha mo smyos byed ma/ /ma mchu 'dzin pa'i ro la dgyes/ /dkar dmar kha dog 'dres pa yi/ / thams cad rgyan dang yang dag ldan/ /lo ni bcu drug lon pa'i mchog/ shes rab can gyis mdun du gzhag /g.yas su lha mo gsod byed ma/ /mtshon cha'i mda' ni 'dren par brtson/ /do shal rkang gdub dag gis brgyan/ /lo grangs nyi shu lon pa ste/ /gser gyi ri bo zhu ba 'dra/ /chu skyes spyan ni yid tsam sngo/ /sems dpa' che la dgyes mdzad cing / /'di ni tshul bzhin gzhag par bya/ /rgyab tu lha mo rmongs byed ma/ /pad+mo dmar po mdog gi 'od/ /chu srin rgyal mtshan mdzes ma'o/ /sku tshe'i tshad ni nyi shu gcig /dga' byed 'dod pa'i ro la dgyes/ /sna tshogs na bza' yang dag gsol/ /sna tshogs rgyan gyis rnam par klubs/ /sna tshogs pad+mo sbyor la sogs/ /gar gyi bya ba rab bslab bzhag /g.yon du sna tshogs chen mo ste/ /sna tshogs dgos pa'i rjes bslabs pa/ /sku tshe'i tshad ni bcu gnyis ldan/ /rnal 'byor la ni shin tu brtson/ /lha dang lha min mi yi </font><hr>38a<br><font size=+1>


@#/ /rnams/ /'gro ba thams cad myos 'gyur ma/ /sna tshogs rgyan gyis rnam par klubs/ /sna tshogs dar gyi na bza' gsol/ /grwa rnams kyi ni thams cad du/ /gzugs sgra dri ro reg gi rnams/ /bdug pa me tog bsung ldan pa/ /gzi brjid chen po 'od dang ldan/ /ci rigs par ni gzhag par bya/ /sgo yi phyogs rnams thams cad du/ /rang gi las kyi phyag rgyar ldan/ /skal ldan dga' la rnam mos pa/ /sgo srung bzhi ni gzhag par bya/ /gzhan yang rnam pa sna tshogs rnams/ /pi wang gling bu brdab pa dang / /rdza rnga rnga chen mu ku dang / /mu ra dza dang da ra dang / /gar dang dbyangs dang bzhad pa che/ /rol mo'i yo byad sna tshogs rnams/ /dga' byed dkyil 'khor bzhag par bya/ /phyi yi dkyil 'khor thams cad do/ /dkyil 'khor 'di yi phyi rol du/ /rdo rje nam mkha' 'gro ma gzhag /yi dwags rgyal po yang dag zhon/ /dpa' bo 'jigs byed gzugs 'dzin te/ /skal ldan rang gi lag char ldan/ /gdug pa'i sems kyis sdigs byed cing / /sha khrag dang ni rgyu ma dang / /rkang dang tshil bu za spyod pa| |dkyil 'khor byas te 'dug pa ni/ /tshogs kyi dkyil 'khor gzhag par bya/ /dga' bar byed dang 'dren par byed/ /gsod par byed dang spro bar byed/ /rdo rje mkha' </font><hr>38b<br><font size=+1>


'gro tshogs kyi rnams/ /shar gyi phyogs su gzhag par bya/ /gzi brjid che dang 'bar byed ma/ /'jigs byed bong bu'i lho ru ste/ /gtsug lag mthong ba'i rgyu yis ni/ /mkhas pas tshul bzhin gzhag par bya/ /chags chen mo dang chags bral dang / /'khor lo mo dang rgyas 'debs mo/ /rab tu sbyor bas sbyor byas te/ /ci rigs nub tu gzhag par bya/ / sna tshogs lus dang srung ba dang / /gnod sbyin ma dang yang dag 'phrog /sngags dang phyag rgyas byin brlabs te/ /sngags mkhan ci rigs byang du gzhag /shar gyi grwa ru gzhag pa ni/ /bya rog gdong ste mig 'dra zhing / /'jigs pa'i mig dang 'jigs pa'i gdong / /ji ltar rjes su mthun byas te/ /yi dwags stan la yang dag 'dug /sna tshogs mchog gi mdog 'dzin te/ /lag pa dri dang 'khar gzheng thogs/ /mchog tu sha dang khrag za ba'o/ /nub dang lho yi mtshams gzhag pa/ /bzhad dang 'ug pa'i gdong ring ma/ /khros pa'i khyi dang phag gi gdong / /gsus po che la lto 'phyangs ma/ /nub byang gi ni mtshams dag tu/ /rnga mo bong bu'i gdong 'dzin dang / /khros pa'i ra dang byi la'i gdong / /sgyu ma'i mgo nas za byed rnams/ /shar dang byang gi mtshams dag tu/ /keng rus dkar po 'dzin pa ste/ /khros pa rus pa'i phreng bas klubs/ /lto 'phyangs mo la bum </font><hr>39a<br><font size=+1>


@#/ /pa 'dzin/ /phan tshun 'thab par brtson pa ye/ /ce spyang gi ni 'khor gyi rnams/ /'jigs byed gdong ni mche ba 'byin/ /rnam par 'gyur ba'i gzugs 'dzin pa'o/ /sgo srung gi ni phyogs kun tu/ /sgo bzhi rnams su gzhag bya ba/ /byang gi phyogs su 'bod 'grogs te/ /bum pa'i rna ni shar nyid du/ /nub tu rnam par 'jig pa'o/ /lhor ni gshin rje rgyal po gzhag /de dang gzhan yang rgyal po mchog /nam mkhar 'gro bas kun tu bskor/ /bum pa rnam pa sna tshogs te| |gser dang dngul las byas pa la/ /sna tshogs gos kyis yang dag dkris/ /me tog 'bras bu rnams kyis brgyan/ /bdud rtsi lnga yis gang byas pa/ /sman lnga dang ni yang dag ldan/ /rin chen lnga dang ldan byas pa/ /'bru rnams lnga yis brgyan byas pa'i/ /bum pa bcu drug bzhag byas te/ /bcu gnyis brgyad dam yang na phyed/ / tha na chung du gcig tsam yang / /ji ltar rim bzhin bzhag byas te/ /dbus su bum pa ro yi mchog /dam tshig chus ni gang byas pa/ /gser ram dngul lam zangs kyang rung / /lcags sam sa las byas pa la/ /zla ba nyi ma dri chu dang / /btung bsnum por ldan pa yi/ /dbang po kun las 'byung ba rnams/ /sha srang gcig gis rab bsres </font><hr>39b<br><font size=+1>


pa| |kun las 'phags pa ro yi mchog /tshogs kyi dbus su bsgrub byas te/ /btung ba bzhin du myangs pa yis/ /rdo rje blo ldan bskal par gnas/ /rnam pa sna tshogs nye ba'i zas/ /bza' ba dang ni bca' bas mchod/ /mchod pa nye ba'i zas lnga dang / /tshad med 'dod pa'i yon tan lngas/ /tshad med rnal 'byor ma tshogs la/ /skad cig skad cig mchod par bya/ /sngags mkhan tshul bzhin mnyam gzhag ste/ /'byung po rnams la gtor ma byin/ /lha rnams kyi ni thams cad la/ /he ru ka yi phyag rgya yis/ /nyid kyi gtor ma byin brlabs te/ /spyan drangs gtsang sbra byas pa dbul/ /gzungs kyi tshogs ni de rnams la/ /mnyes pa byas nas slar gshegs so/ /rnal 'byor ma chen dkyil 'khor du/ / slob ma'i mchog ni gzhugs par bya/ /mtshungs par spyod pa rab mdzes ma/ /sna tshogs gos kyis yang dag dkris/ /lag pa g.yon gyis bzung byas te/ /rab dgyes longs spyod phyag rgya yis/ /bcug nas sgo yis grwa nyid du/ /blo ldan dam tshig bsgrag par bya/ /'di las mi bya cung zad med/ /thabs dang shes rab sems nyid kyis/ /rtag tu dogs pa med byas te/ /'dod pa lnga yi yon tan spyod/ /gzhan yang dam tshig nyams pa dang / /skye bo gang dag dam la gnon/ /brtul zhugs khyod kyis de drangs te/ /khrag chen po ni btung </font><hr>40a<br><font size=+1>


@#/ /par bya/ /gang dag slob dpon smod byed dang / /gang dag bka' rnams mi byed pa/ /de dag khros nas khrag chen po/ /blo ldan snying las btung bar bya/ / dkon mchog gsum la gnod byed dang / /slob dpon la yang gnod byed pa/ /rdo rje khro bo'i bsdus pa yi/ /dam tshig bsgoms te bsgral bar bya/ /de nas dam tshig blud byas te| |rdo rje bdud rtsi ro yi mchog /dung chen por ni bzhag par bya/ /rdo rje bdud rtsi'i chu blud do/ /kye| dmyal ba yi ni chu 'di skye/ /khyod kyi snying la kun tu gnas/ /dam tshig bsrungs pas dngos grub ster/ /rdo rje bdud rtsi'i chu 'di 'thung / /oM badz+ra u da ka hUM Tha/ /dam tshig 'di ni brgyar bzlas pa'i/ /byin gyis brlabs te 'thung du gzhug /gzhan du dam tshig mi 'gyur te/ /dngos grub nyid du'ang 'di 'gyur ro/ /bdag ni dam tshig skal dga' zhes/ /slob ma sngags ni brjod du gzhug /sgo grwar gnas nas bri bya ba/ /kye khyod dga' ba ci la dang / /'jug pa yis kyang smra bya ba/ /bdag ni skal ldan bde mchog la/ /rab dgyes 'phrul la bdag dga' ste/ /mchog tu dga' la bdag dga'o/ /de nas rnal 'byor ma mchog gis/ /dkyil du me tog bor byas te/ /me tog gang la lhung pa yi/ /lha nyid du ni dngos grub bo/ /dbang bskur ba yi phyag rgya yis/ /de nas spyi bor dbang bskur bya/ /bum </font><hr>40b<br><font size=+1>


pa rnam pa bzhi yis kyang / /mnyam par gzhag ste lnga po yis/ /pad+ma'i dkyil 'khor zhugs byas te/ /de nas yang ni dbang bskur bya/ /ci rigs par ni gzungs ma'i rnams// bdag nyid skal ldan zhes su smra/ /gang dag 'gro bar gyur pa yi/ /lha de nyid ni bstan par bya/ /dga' bar byed pa'i gzungs ma de'i/ /khyod kyis rtag tu sgrub par gyis/ /de nas rgyal dbang slob ma de/ /nang gi was ba bsdus pa yi/ /gsang ba mnyam par 'jug pa yis/ /sbyor dang ldan pas dbang bskur bya/ /rdo rje pad+mo las drangs pa/ /sbom po dang ni dbang gis blangs/ /rdo rje dkan du bzhag byas nas/ /rtag pa dge ba bde ba che/ /kye ma'o dam tshig bde brjod cing / /kye ma bde ba blang bar bya/ /'di ni gsang ba zhes bya ste/ /dbang bskur ba yi thabs mchog go /rdo rje slob dpon bdag nyid che'i/ /rang gi khar ni rdo rje bzhag /sems dpa' chen po drangs byas na/ /sems kyis byang chub bde ba 'thob/ /'di ni mchog tu gsang ba ste/ /dbang bskur ba yi bde ba'o/ /slob ma mi shes pa rnams la/ /'di dag thams cad bsgrag mi bya/ /rdo rje slob dpon gyis bya ba/ /yang nas yang du brtag par bya/ /'di yis dbang ni bskur ma thag /slob ma tshogs kyi bdag por 'gyur/ /sangs rgyas rdo rje 'dzin pa yi/ /slob dpon nyid du bde bar 'gyur/ /gzungs ma rnams kyi dga' </font><hr>41a<br><font size=+1>


@#/ /pa'i bdag /sangs rgyas rnams kyi rjer bshad do/ /mkha' la 'gro ba'i khyor 'gyur te/ /ri dang 'gro ba kun gyi bdag /de nas shes rab ye shes dbang / /slob ma mchog la sbyin par bya/ /gzungs ma de ni bdag nyid la/ /bla ma nyid kyis byin brlabs te/ /dngos grub 'bras bu myur 'thob phyir/ /slob ma la ni sbyin par bya/ /dbang bskur shin tu sbas pa yis/ /rdo rje slob dpon tshul ji bzhin/ /blo ldan the tshom med pa'i phyir/ /rnam pa bzhi po 'di sbyin no/ /de tshun chad ni slob ma la// rgyud kun las ni gang cung zad/ /yi ge'i tshul gyis sbas pa rnams/ /gsang ba mchog ni bstan par bya/ /de nas de nyid langs byas te/ /slob dpon rkang par gtugs byas nas/ /rgyal po dbang phyug bde dam pa/ /thams cad yon ni dbul bar bya/ /gzungs de dag ni thams cad la/ /ci dga' bar ni yon yang 'bul/ /slob dpon cung zad gang 'dod pa/ /yid la bsams pa'i yon yang rung / /dam tshig 'das pas 'jigs pa yis/ /de dag thams cad dbul bar bya/ /slob dpon la ni yon gyi mchog/ rigs kyi khyab par dbul byas te/ /seng ge'i gdan la nyid kyis ma/ /sangs rgyas byin ni yon mchog yin/ /glang po rin chen gser dag dang / /sring mo bla ma'i yon mchog </font><hr>41b<br><font size=+1>


yin/ /rdo rje sems dpa'i rigs yin te/ /yon de mchog gi yon yin no/ /rin chen pad+mo'i chung ma dang / /shing rta rta ni shin tu brgyan/ /sna tshogs rin chen rnam dag pa/ /mu tig phreng bas shin tu mdzes/ /bu mo rin chen dra ba yis/ /brgyan te sna tshogs rdo rje la'o/ /rgyal po yi ni dbang phyug dang / /chung ma bla ma dbul bar bya/ /'phrul gyi bzhon pa sna tshogs pa/ /glang po rta ni shin tu brgyan/ /de bzhin gshegs pa kun gyi rje/ /nan tan bla ma dbul bar bya/ /bla ma'i yon gyi phyag rgya 'di/ /rdo rje blo ldan slob ma yis/ /ci ste bde byed kun 'dod na| |dga' dang mos pa'i sems kyis bya/ /de la sogs pa'i sbyor ba yis/ /rab dgyes gdon mi za ba'i bde/ /gang gis myur du 'thob 'gyur te/ /slob dpon gtso mchog nyid du 'gyur/ /chos rnams kun gyis dbang phyug rgyal/ /rdo rje blo ldan mchog tu gyur/ /rin chen kun gyi rigs kyi rgyal/ /de bzhin sna tshogs rigs kun tu/ /pad+mo'i rigs kun dpal dang ldan/ /rdo rje rigs kun bdag por de/ /sangs rgyas kyi ni rigs kun dang / /rgyal ba'i gtso bo mchog tu 'gyur/ /dkyil 'khor gyi ni 'khor lo'i gar/ /nyid dang slob ma'i tshogs gyur pas/ /rdo rje sems dpa' bde ba che/ /sems dpa' bdag nyid mchod par bya/ /phan tshun la sogs tshul gyis ni/ /shes rab mchod pa'i sbyor ba yis// </font><hr>42a<br><font size=+1>


@#/ /rdo rje che yi thabs gnas te/ /mkha' 'gro kun la mchod par bya/ /phyi yi sbas pa gsang la sogs/ /nang gi mchod pa mchog gi rnams/ /phyag rgya'i sbyor ba tshul gnas te/ /tshul bzhin rgyas pa dbul bar bya/ /lus dang ngag sems bde byed kyis/ /mchod pa'i bdag nyid mchod par bya/ /'dod pa'i rol pa myong ba yi// myangs na mchod pa 'thob par 'gyur/ /mchod pa kun gyi cho ga yis/ /rang rig khyad par shes byas te/ /sgrub pa thams cad bsgrubs byas nas/ /dngos grub thams cad myur du 'thob/ /dkyil 'khor 'khor lo 'di mthong bas/ /dga' mgu rangs pa'i yid kyis ni/ /rdo rje sems la phyag byed cing / /rang gi dkyil 'khor gsol ba 'debs/ /bde byed chen po'i dkyil mo brgya/ /rigs kyi khyad par gyis ni lnga/ /lha rnams kyang ni re re yang / /sems kyi khyad par mchog mtha' yas/ /'das pa'i dus na ma byung ba/ /mtha' yas chos ni yangs pa bstan/ /'dod chags rnams kyis dkris pa yi/ /sdug bsngal gzir ba'i mtha' nas 'gro/ /'dod pa'i mchog gi longs spyod rnams/ /mos pa'i rjes su zhugs shing spyod/ /kun tu chags par mi 'gyur zhing / /bde bas langs pa'i yid dang ldan/ /byang chub snying por bgrod pa ni/ /dam bcas rnams dang sems kyis </font><hr>42b<br><font size=+1>


so| |de nas bcom ldan 'das shin tu dgyes pa thams cad kyi bdag po kun tu bzang po chen po/ rab tu bzhad cing spyan zur gyis gzigs pa'i thugs kyis shin tu dgyes pa kun tu longs spyod pa'i skyil mo krung gi dpal zhes bya ba'i ting nge 'dzin la snyoms par zhugs nas/ skyil mo krung chen po'i dpal zhes bya ba rang gi phyag rgya'i ye shes kyi sku dang / gsung dang / thugs rdo rje las phyung ngo // //g.yas dang g.yon gyi tshul gyis ni/ /rkang pa gnyis ka bteg byas te/ /bdag nyid brla ni mi snang bzhin/ /rtsa ba skyil mo bcing bar bya/ /sbyor ba gar mkhan tshul gyis ni/ /gar gyi sbyor bas gar bya'o/ /rdo rje gdan gyi bde ba chen/ /'di yis bdud las rgyal bar 'gyur// gdug pa dang ni dgra thams cad/ /skad cig gis kyang smos ci dgos/ /rab tu dgyes pa'i stan 'di yis/ /yang dag byang chub myur du thob/ /mi phyed pa ni thig ler bcas/ /'og gi phyogs su yi ge drug /shes rab can gyis bskyod cing bzlas/ /byung ba'i tshe na phaT ces bshad/ /pad+mo mi phyed 'dren pa dang / /thig ler bcas pa sbyor bar bya/ /mi phyed oM dang yang dag ldan/ /tsheg drag bcas pa bde 'byung na'o/ /bud med la ni zhag bdun du/ /'di yis rtsen par byas pa na/ /nam mkha' thams </font><hr>43a<br><font size=+1>


@#/ /cad gang ba yi/ /sangs rgyas rnal 'byor chen po mthong / /rab dgyes longs spyod gnas pa yi/ /sems dpa' che la slong mdzad de/ /gzungs kyi pad+mo las byung ba/ /bde byed mchog gi dbang bskur ro/ /de nas rab dga' bde thob pa/ /sems dpa' de ni dngos grub bo/ /thog ma dang ni mtha' med par/ /'dod pa thams cad de longs spyod/ /tshe dang dpal dang phun sum ldan/ /gdon dang dug dang tsha ba'i nad/ /mkha' 'gros nye bar gtses pa dang / /sdig can 'khor ba las grol te/ /sa rnams kun la rnam par rgyu/ /gzi brjid nyi ma shar dang 'dra/ /sna tshogs 'dra ba 'bar byed pas/ /sna tshogs thams cad snang byed cing / /de yi sems can thams cad kyi| |nad dang mya ngan 'jigs chen 'phrog /phyag rgya 'di yis sbyor ba yis/ /ye shes lnga ni bsten par bya/ /rtse ba'i skyil mo krung zhes bya ba phyag rgya chen po'i las kyi don thams cad sgrub par byed pa'o// //bdag gi rkang pa dbus su bsdu/ /de yi rkang pas bcings byas te/ /sems dpa'i skyil mo bzhin du 'brel/ /'di ni bcings pa tsam gyis kyang / /khams gsum sgrub par bzhed pa yin/ /yi ge rnams ni snga ma bzhin/ /rang gi lhar ni sbyor brtson pas/ /bsgoms sam yang na bskyod </font><hr>43b<br><font size=+1>


kyang rung / /sngags pa 'di yis dngos grub ste/ /sngags kyi sems 'dzin gtsang ma yi/ /zhag bdun sgom pa bsgoms byas nas/ /yang dag dngos grub nyid du 'gyur/ /phyag rgya 'di yis rgyas btab ste/ /sbyor ba shin tu bsten byas nas/ /gdon mi za bar rgyal po 'thob/ /yid bzhin dgos pa thams cad byed/ /rdo rje skyil mo krung ngo / /gzungs ma bzung ste bcing ba ni/ /rin po che ltar sbyar byas te/ /rang gi rkang pa mi snang bya/ /rin chen kun gyi skyil mo krung / /'di ni rin chen thams cad kyi/ /dbul zhing phongs pa 'joms byed de/ /sdig pa thams cad 'phrog byed ma/ /gnod pa'i dug kun 'phrog par byed/ /gdug pa thams cad rmongs byed de/ /dgra rnams thams cad 'joms par byed/ /khro bo thams cad 'dzum byed de/ /gdug pa rnams kyi rgyas 'debs na/ /mi g.yeng zla ba gcig gis ni/ /'di yis rgyal po dngos grub bo/ /yid bzhin las rnams thams cad byed// ci ste bdag nyid rgyal po ru/ /mchog tu rmad 'byung sgrub 'dod na/ /rin chen sems kyi rin chen mtshan/ /gsang ba'i phyag rgya tshul gnon pa/ /rgyal po khams gsum rgyal byed pa/ /zla phyed tsam gyis 'grub par 'gyur/ /rin po che yi skyil mo'o/ /de bzhin rkang pa gnyis bzhag pa/ /pad+mo 'dra bar sbyar byas te/ /bdag gam de bzhin gzhan yang </font><hr>44a<br><font size=+1>


@#/ /rung / /blo ldan pad+mo bde bsgrub bya/ /'di yis sems can thams cad dang / /mdor na sangs rgyas rnams dag dang / /rdo rje nyi ma ma lus kyang / /dbang du 'gyur ba gdon mi za/ /bde ldan pho brang chen po yis/ /bde byed 'di yis 'thob par byed/ /sems can khams rnams thams cad du/ /sems dpa' chen po 'gro 'ong byed/ /pad+mo'i skyil mo'o/ /de bzhin skyil mo rgyas byas te/ /sna tshogs tshul gyis sbyor ba bya/ /sngags mkhan chen po'i sbyor ba yin/ /sngags mkhan yi ge shin tu brtson/ /zlos pa byed cing rnam bsgoms na/ /dngos grub rtag pa 'thob par 'gyur/ /mi g.yeng sngon gyi gdug pa yi/ /las rnams thams cad 'phrog par byed// sna tshogs skyil du gnas pa yis/ /bla med dngos grub thob par 'gyur/ /sna tshogs kyi ni skyil mo'o/ /de nas mkha' 'gro ma'i skyil mo rgyas/ /thams cad khrag ni 'phrog byas te/ /gzungs ma yi ni rkang pa gnyis/ /yid kyi gnya' bar rkang pa bteg /rdo rje mkha' 'gro'i sbyor ba yis/ /bsnyen pas khrag rnams 'phrog par byed/ /mnyam par bzhag nas gzungs ma yi/ /rkang pa gcig ni mgul nyid du/ /sbyor dang ldan pas bteg byas na/ /zas rnams thams cad 'phrog byed de/ /btung dang bza' ba bca' </font><hr>44b<br><font size=+1>


ba dang / /gos kyi rgyan gyis klubs pa yis/ /de bzhin zhag bdun nyid kyis kyang / /thams cad las byed gdon mi za/ /tshangs pa gtogs 'dod dbang po yi/ /dpal chen mchog ni 'phrog par byed/ /lag pa sgreng ba'i tshul gyis ni/ /khams gsum rim pa rgal bar byed/ /mig ni btsums par byed 'gyur ba/ /'gro ba gsum po rnam par 'jig /rus sbal bzhin du mnyam gzhag ste/ /mi g.yeng skad cig bcing byas na/ /gdug pa'i srog chags thams cad dang / /dgra dang spyod bcas mi spyod phrog /sbal pa bzhin du mnyam gzhag ste/ /dkyil 'khor tshul gyis bskor bar bya'o/ /ma lus rnams kyang rmongs byed de/ /khams gsum rnams kyang rgal bar byed/ /gtogs 'dod kyi ni mnyam gzhag ste/ /sa gsum rnams kyi rgyas gdab bya/ /gar dbang gi ni mnyam gzhag ste/ /sa gsum rnams ni gar byed gzhug /dril bu yi ni mnyam gzhag ste| |sa gsum rnams ni gdab par bya/ /gzhon nu'i skyil mo bcings pa yis/ /sangs rgyas bde chen 'thob par byed/ /skyil mo phyed na mnyam gzhag nas/ /gnyis pa yis ni mnan byas na/ /khams gsum thams cad gnon 'gyur zhing / /'dod byed thams cad dngos grub bo/ /dga' byed ma yi mnyam gzhag pas/ /skyil mo rab tu </font><hr>45a<br><font size=+1>


@#/ /dga' thob ste/ /dga' byed ma yi yid 'ong ma/ /khams gsum thams cad dngos grub bo/ /rig 'dzin rnam par gzhag byas te/ /khams gsum skad cig mnan par bya// //khams gsum rnam par rgyal ba yi/ /mdor 'dus gzungs ma'i bcings pa yis/ /'jig rten gsum ni rnam rgyal te/ /skad cig khams gsum bdag por 'gyur/ /rtag par phan tshun 'brel ba yis/ /dpung pa gnyis ni bskum byas te/ /thams cad sgo ni 'gegs pa yis/ /mche ba sbom po rab tu sbyar// g.yas kyi brkyang bskum tshul gyis ni/ /gnon pa'i mnan pas bsdigs byas te/ /mi phyed sbyor bas bskul bya ba/ /khros pa'i sems kyis myang bar bya/ /g.yon pa'i brkyang bskum sbyar bar bya/ /myur du mnan pas bteg bya zhing / /mthe'u chung bde ba'i lcags kyu yis/ /mdzub mo lce la reg byas te/ /sa bon tsheg drag hrI ldan pa'i// thig le'i spyi bor brgyan byas pas/ /bdud rtsi'am rig ma drang bar bya/ /lce yi thog mar spro byas te/ /'dren pa'i tshul gyis drang bar bya/ /rdo rje gnod sbyin mnyam gzhag ste| |kha yi phyogs su mche ba yis/ /sbom po lce dang 'dra byas te/ /khros pa mche ba sbyor ba yis/ /sor mo thod pa bzhin byas nas/ /khrag mang po ni btung bar bya/ /yi ge dang </font><hr>45b<br><font size=+1>


po oM dang ldan/ /spyi bor thig le ldan byas te/ /'og gi phyogs su ra yis gdags/ /u 'dren pa ros brgyan par bya/ /'di ni kho bo'i snying po ste/ /mchog tu thams cad las byed pa'o| |gsod pa dang ni 'dren pa kun/ /dbang dang dbang rnams byed la sogs/ /de la sogs pa'i las gzhan yang / /tshul bzhin sbyar bas byed par 'gyur/ /shi ba bzhin du mig btsums nas/ /rang gi lus ni bskum byas te/ /bum pa lnga mtha'i sbyor ba yi/ /dgra rnams thams cad gsad par bya/ /nga ro dang po yang dag ldan/ /bdag nyid ngo bo thams cad bya/ /sangs rgyas chen po bsgoms byas te/ /zhi ba'i 'od zer sprin phung spro/ /de yi lus ni zhi bar 'gyur/ /de yi sems can thams cad kyi/ /tsha ba gdon dang dug la sogs// sdug bsngal mkha' 'gro'i mche ba dang / /'jigs pa thams cad bral bar byed/ /shes rab pha rol phyin mnyam gzhag /bdag nyid kyis ni tshul bzhin du/ /'di yis thams cad nang gi rnams/ /sdug bsngal dogs par 'phrog par byed/ /de la sogs pa mtha' yas pa/ /nam mkha' sa steng las kyi rnams/ /snying gar rdo rje sems dpa' bzhag /yid bzhin thams cad byed par 'gyur/ /myur du rdo rje slob dpon la/ /sngags kyi dngos grub don 'dod pas/ /gus la zhes sar bcas pa yi/ /shin tu lhag pa </font><hr>46a<br><font size=+1>


@#/ /phyogs par bya/ /nam yang rdo rje slob dpon gyi/ /sems ni dkrug par mi bya ste/ /ci ste shes rab 'chal phas byed/ /myur du na raka lhung bar 'gyur/ / nad dang 'tshe ba dgra dag dang / /gdon dang tsha ba dug nyid kyis/ /slob dpon zhabs la smod byed pa/ /gti mug chen por de 'chi'o/ /bla ma las ni dngos grub 'thob/ /bla ma mtho ris bla ma bde/ /de bas nan tan thams cad kyi/ /bla ma'i bka' las 'da' mi bya/ /de bzhin gshegs pa thams cad kyi sku dang / gsung dang / thugs rdo rje'i bdag po kun tu bzang po chen po dpal shin tu dgyes pa chen po'i bde ba chen po rdo rje sems dpa' shin tu dgyes pa chen po'i bde ba gdon mi za ba'i rdo rje dam tshig dbang bskur ba'i ye shes kyi dkyil 'khor chen po de bzhin gshegs pa thams cad kyi sku dang / gsung dang / thugs rdo rje mchog gsang ba sbas pa chen po zla gsang thig le'i rgyud kyi rgyal po shin tu dgyes pa chen po'i rdo rje rnal 'byor ma chen mo'i tshogs kyi dkyil 'khor te bzhi pa'o// //de nas bcom ldan 'das de bzhin gshegs pa 'khor dang bcas pa'i 'khor lo'i tshogs dang / rdo rje rnal 'byor pha dang / rnal 'byor ma dang / rnal 'byor gyi dbang phyug chen po'i tshogs dang </font><hr>46b<br><font size=+1>


rdo rje nam mkha' la 'gro ba dang / nam mkha' la 'gro ma'i tshogs kyi g.yog rnams mchog tu dga' ba chen po skyes te/ ca co 'byin cing dbyangs chen po brjod par gyur to| |kye ma'o rdo rje sems dpa' yi/ /rdo rje shin tu dgyes pa che/ /sna tshogs thabs ni bde byed che/ /sna tshogs ye shes bde ba che/ /kye ma kun tu bzang po yi/ /dge ba'i ye shes bde ba che/ /gang bde phyir ni rig ma yi/ /pad+mo las ni gnas pa mdzad/ /kye ma'o rig pa shin tu zab/ /shes rab pha rol phyin pa bde/ /sems can kun la shes rab kyi| |mun pa'i thibs po sel bar mdzad/ /kye ma'o thams cad ngo mtshar che/ /mkha' 'gro'i dra bas gar mdzad cing / /snom par mdzad dang myang ba dang / /mnye ba dang ni 'phrog pa'i mchog /e ma'o shin tu rab tu dgyes/ /skal ldan skal la sprod pa dang / /sna tshogs skal bas bde byed che/ /sna tshogs rdo rje shin tu mdzes/ /de nas bcom ldan 'das kun tu bzang po shin tu dgyes pa chen po kun tu longs spyod pa'i 'dod pa'i lha shin tu dgyes pa bde ba chen po la gnas pa la rnal 'byor ma thams cad dang / mchog gi pha rol phyin ma la sogs pa rnal 'byor gyi dbang phyug chen mo thams cad rang gi gdan las bzhengs te/ shin tu dgyes pa bde ba chen </font><hr>47a<br><font size=+1>


@#/ /po'i 'gying ba'i 'dud pas phyag byas te/ shin tu dgyes pa chen po'i bde ba 'thob par byed pa'i dbyangs kyi phyag rgya chen po 'dis mnyes bar byed do/ /sgyu ma'i bde bas nam mkha' kun tu gang ba yi/ /sprul pa'i rang bzhin skye ba mchog gi bde bsten te/ /rjes su chags pa'i pad+ma dga' bas kun khyab cing / /chos kyi bde ba nyid kyang kun tu btang snyoms mdzad/ /e ma'o/ /'di lta'i gzugs ma bde mchog dpal dang rnam ldan ma/ /byams ma'i phyogs su mi gtong ye shes nyid kyis 'jug /'dod pa'i yon tan 'di rnams chos nyid rnam par dag /dug gsum dbang du mdzad cing mos pa rnams mi bskyod/ /ngo mtshar phyogs dang ma bral byang chub snying por bgrod/ /de nas bcom ldan 'das dpal kun tu bzang po 'dzum pa dang bcas pa'i spyan rgyas pas 'khor de dag thams cad la yud tsam kun tu gzigs te/ rdo rje pad+mo dang gnyis su med pa'i sbyor ba'i dpal chen mo zhes bya ba'i ting nge 'dzin la snyoms par zhugs te cang mi gsung bar mnyam par zhugs te/ dbugs mi rdub/ dbugs mi byin/ dbugs rab tu gtong bar mi mdzad/ /kun tu mi gzigs/ kun tu rnam par mi gzigs/ bzhengs par mi mdzad/ bzhugs par mi mdzad/ gshegs </font><hr>47b<br><font size=+1>


par mi mdzad/ gsung bar yang mi mdzad/ rnam par rtog pa'ang mi mdzad/ de bzhin du bcom ldan 'das shin tu bde ba chen pos nam mkha'i dbyings thams cad shin tu khyab par shin tu dgyes pa chen po'i bde ba las btsal te rgyas par mdzad pa na/ der de bzhin gshegs pa thams cad drangs bcug bcings dbang du byas te/ 'dod pa lnga'i yon tan gyis mnyes par byas te bzhugs par gyur to/ /de nas bcom ldan 'das de bzhin gshegs pa thams cad yang 'du ba mdzad nas/ yang nas yang bcom ldan 'das la gzigs te/ bde ba chen po shin tu dgyes pa dang / gnyis su med par longs spyod pa dpal chen po zhes bya ba'i ting nge 'dzin la snyoms par zhugs te/ bskul nas bcom ldan 'das kyi thugs kar zhugs te/ byang chub kyi sems chen po la'ang thim par gyur pa na/ khams gsum 'dir dam pa'i chos ston pa dang / 'jug par byed/ bstan pa la gnas par byed pa 'ga' yang med/ sangs rgyas dang / chos dang / dge 'dun 'jug par byed pa'ang med/ khros pa dang / gtum po chen po dang / rngam pa dang / rab tu gdug pa chen por sems pa dang / 'dod chags dang / zhe sdang dang / gti mug gi mun pas bsgribs pa dang / gtum 'khrug chen po dang / gzhan gyi srog 'phrog pa dang / gzhan gyi sems </font><hr>48a<br><font size=+1>


@#/ /'phrog pa dang / gzhan gyi bud med kyis 'chums pa dang / chig rtsub mo la sogs pa'i nyon mongs pa dang / nye ba'i nyon mongs pas gzhan la gtses pa dang / gcig gi sha gcig gis za ba dang / thabs med pa'i lam la gnas pa rnams kyis/ kye ma'o/ /'jig rten gsum po 'di brlag go /zhes sngon gyi smon lam las kyi stobs la gnas pa'i de bzhin gshegs pa rnams kyis gzigs so/ /thabs dang / shes rab kyi thugs rje'i smon lam chen po nam mkha'i dbyings kun tu yang dag par gnas pa 'di lta bu'i 'jig rten gyi khams thams cad rab tu brlag par gzigs nas/ de bzhin gshegs pa thams cad kyi bdag po shin tu dgyes pa chen po'i bde ba yang dag par zhugs pa kun tu bzang po chen po dpal rdo rje sems dpa' la dbyangs kyi rgyal po 'dis bskul ba mdzad do/ /hoH rang bzhin dag pa dag pa pad+ma bde ba'i mchog mnga' ba/ /thugs kyi yid bzhin rin chen gzhan la dgongs nas bzhengs mdzad de/ /bskal pa mtha' nas bsgrubs pa'i byams pas gzugs kyis brjid pa dang / /byang chub snying po'i chu des 'gro ba rnams kyi rang bzhin khrus/ /a la la la ho/ pad+mo'i 'byung gnas bde gshegs kun gyi skal ba mchog dang ldan/ /sdug </font><hr>48b<br><font size=+1>


bsngal nad kun sel ba'i thugs rjes 'jig rten gsum la gzigs/ /dga' ba'i rol pas gar dang bcas te bzhengs shing dbang du mdzod/ /a la la la ho/ sngon gyi rgyal ba rnams kyis ma bsgrags gsang ba yi/ /'gro ba kun gyi yid dang 'thad pa'i gsang chen 'di phyung ste/ /rnam dag spyod yul gzhan gyi mi 'phrogs nam mkha' la/ /dngos med rol mo'i gzhan las 'phang pa bzhengs shing mdzad du gsol/ /a la la la ho/ skad cig ma yi spyod yul 'dis/ /mun pa thams cad sel ba'i phyir/ /gzhan la thugs rjes dgongs nas su/ /lha rnams byin gyis brlab tu gsol/ /dbyangs kyi rgyal po 'di yis ni/ /dgyes mchog dam pa bskul byas na/ /pad+mo dra ba rdo rje dang / /bde bar sbyor bar bzhengs su gsol/ /bde ba chen po bde gnas pa/ /gtso la 'di yis bskul ba yis/ /sems can kun don bzhengs 'gyur te/ /rgyal ba thams cad gdon par mdzad/ /de nas bcom ldan 'das bde ba chen po kun tu bzang po dpal rdo rje 'dzin yang dag pa dang ldan pa'i bde ba chen pos brgyan pa'i dpal zhes bya ba'i ting nge 'dzin la snyoms par zhugs te/ bzhengs nas phyogs bcu mtha' yas rab 'byams mthas klas pa'i 'jig rten gyi khams kun gzigs nas ngo mtshar du gyur te/ kye ma'o khams gsum </font><hr>49a<br><font size=+1>


@#/ /'di stongs so/ /de bzhin gshegs pa thams cad kyi phyag rgya chen po rnams dang bral bas gdug pa thams cad kyis 'di dag nye bar gtses/ /gnod sbyin dang / srin po thams cad dang / nad dang / 'tshe ba dang / gdon chen po dang / nyon mongs pa dang / nye ba'i nyon mongs pa thams cad kyis yang dag par zos zhes dgongs pa na/ bcom ldan 'das kun tu bzang po de bzhin gshegs pa thams cad gtong ba'i rdo rje ye shes kyi bde ba chen po dpal zhes bya ba'i ting nge 'dzin la snyoms par zhugs te/ nyid kyi sku dang / gsung dang / thugs rdo rje ye shes bde ba chen po'i rang gi rdo rje dang / pad+mo las byang chub kyi sems nye bar bsdu bar bya ste/ nyid kyi sku dang / gsung dang / thugs rdo rje las phyung ngo // //thog mar oM ni thig ler bsam byas pa'i/ /rdo rje sems dpa' bcas pa 'brug gi sgra 'byin pa/ /mi phyed 'dren pa yang dag gnyis dang ldan pa ste| |'di ni ston pa'i mchog ste rdo rje'i rigs nyid do/ /phyung nas nam mkha'i dbyings thams cad du gang ba'i spro bas snang bar byas te/ slar yang 'dus nas rdo rje lta bur gnas so| |yang spro ba dang / bsdu ba byas nas slar 'dus pa las/ de bzhin gshegs pa thams cad kyi sku dang / gsung dang / thugs rdo rje sems dpa' lta bur gyur nas/ shar gyi </font><hr>49b<br><font size=+1>


dkyil 'khor dbus su bzhugs par gyur pa na/ hUM hUM hUM zhes bzhad pa chen por bzhad cing a zhes brjod nas bzhugs te/ rang gi sems dpa'i skyil mos g.yon du yid tsam 'gying bas 'dud pa/ g.yas kyi rdo rje gsor zhing 'dzum dang bcas shing spyan rgyas pa/ che ba'i chen po dbu lnga pa/ /phyag ni bcu drug rnams dang ldan/ /sna tshogs sku ni mchog 'dzin pa| |dpa' bo thams cad las byed pa/ /kha dog rnam lnga gzi brjid che/ /mtshon cha rnam pa sna tshogs 'dzin/ /rdo rje sgyur mar rab tu gnas/ /mkhas pa gang gis snying ga nyid/ / mnyam par bzhag ste 'dzin byas na/ /rdo rje pad+mo bde che yis/ /rdo rje sems dpa' bde myur 'thob/ /de nas bcom ldan 'das nam mkhar 'gro ma kun longs spyod pa'i dpal zhes bya ba'i ting nge 'dzin la snyoms par zhugs te/ nyid kyi sku dang / gsung dang / thugs rdo rje las mchog tu gsang ba de bzhin gshegs pa thams cad kyis zla gsang thig le las/ nam mkha' shin tu dgyes pa 'thob par byed pa'i bde ba chen po zhes bya ba de bzhin gshegs pa thams cad kyi snying po 'di phyung ngo // //oM yig gtsug tu thig le ste/ /mi phyed thig ler bcas pa yi/ /'og tu gzi brjid yang dag bcas/ /mthar ni dral te chog drag bcas/ /'dir ni rin chen thams cad kyi/ /snying po mchog tu rmad byung </font><hr>50a<br><font size=+1>


@#/ /ba'o/ /phyung ba yis ni nam mkha' dang / /sangs rgyas kyi ni zhing kun tu/ /'od zer sprin phung rgyas byas te/ /slar yang de nyid bzhugs par 'gyur/ /de yi thugs kar zhugs nas kyang / /brda yi tshul gyis bzhugs par 'gyur/ /rgyal ba kun gyis dbang bskur nas/ /sems dpa'i tshul gyis sprul pa ni/ /kha dog rnam lnga yangs pa'i spyan/ /chu skyes bzhad pa 'dzum dang bcas/ /nyi ma'i gzi brjid mdzes pa che/ /phyag rgya la sogs sna tshogs brgyan/ /skyil mo 'gying ba g.yon du 'dud/ /g.yas kyi snying gar rin chen 'dzin/ /brgyad gnyis phyag rgya ngo bo yis/ /dri ma gsum spangs brgyan pa ste/ /rang gi dkyil 'khor gang byas nas/ /sna tshogs lho ru gnas par 'gyur// rnam pa kun mkhyen mngon rig pa'i/ /nad kyis glongs pa 'jigs par 'gyur/ /'di ni sangs rgyas thams cad kyi/ /gzi brjid chen mo mdangs che ba/ /dbul dang nad dang gdon chen po/ /sems can kun gyi 'phrog par byed/ /nyi ma 'char ba'i dus nyid dang / /nyi ma phyed pa'i dus nyid du/ /nyid kyi snying gar 'di byas te/ /nor bu rin chen bsgoms byas na/ /zhag bdun gyis ni nges par yang / /dngos grub nor mang sbyin mdzad de/ /dbang po gnyis kyi sbyor ba yis/ /kye ma'o bde bas dbang bskur bya// </font><hr>50b<br><font size=+1>


de nas bcom ldan 'das kun tu bzang po chen po mchog tu bde ba chen po dpal rdo rje sems dpa' shin tu dgyes pa'i 'dod ba'i dbang gi dpal zhes bya ba'i ting nge 'dzin la snyoms par zhugs te/ pad+mo chen po kun tu gzigs pa'i longs spyod pa'i dpal zhes bya ba'i snying po chen po nyid kyi sku dang / gsung dang / thugs kyi ye shes mchog tu gsang bzla gsang thig le las 'di phyung ngo // //dang por oM dang ldan byas te/ /mi phyed rab btags 'dren pa bcas/ /tsheg drag pa ni sngags yin te/ /bsam pa thams cad yongs su bskor/ /sngags mkhan gang gis mnyam gzhag ste/ /snying gar 'di ni sbyar byas nas/ /bdag ni 'dod chags zhen sems shing / /pad+mo sbyar bas bsgom par bya// mtshams kyi mtha' ma dus dag tu/ /dam tshig 'di ni spyad byas na/ /zla ba phyed kyi nang logs su/ /dbang phyug mo ni dngos grub 'thob/ /pad+mo che las byung nas kyang / /thams cad du ni rgyas 'gyur te/ /'di nyid du ni slar zhugs nas/ /pad+mo'i tshul gyis gnas par 'gyur/ /kun tu snang bas khyab byas nas/ /sems dpa'i tshul gyis sprul pa ni/ /de nas 'dod chags babs nas kyang / /pad+mo'i dbus su zhugs par gyur/ /dkyil 'khor du ni gang ba yis/ /rgyab nas rjes su mnyes mdzad cing / /'dzum bcas pad+mo phye ba yis/ /thugs kyi dbus </font><hr>51a<br><font size=+1>


@#/ /su yid tsam 'dud/ /dpal dang ldan pa zhal lnga 'dzin/ /phyag ni nyi shur bzhis ma gtams/ /mtshon cha rnam pa sna tshogs ldan/ /sna tshogs rgyan gyis klubs pa yis/ /zla ba bzhin du rnam grol ba/ /brjid pas gar ni mdzad cing bzhugs/ /'di yis pad+mo'i gnas nyid du/ /tshe 'di nyid la 'thob par 'gyur/ /dpal ldan gar dbang thob 'gyur te/ /'dod chags kun gyi thabs gnas pas/ /'jam pa'i phyag ni stong rnams kyis/ /gar du mdzad cing 'gro ba 'dul/ /de nas bcom ldan 'das shin tu dgyes pa chen po'i bde ba chen po kun tu bzang pos yang sna tshogs chen po kun tu longs spyod pa'i rnam par 'gyur ba zhes bya ba'i ting nge 'dzin la snyoms par zhugs te/ nyid kyi sku dang / gsung dang / thugs rdo rje'i ye shes mchog tu gsang ba zla gsang thig le chen po las phyung ngo // //sna tshogs chen po o chen po/ /steng du thig ler yang dag ldan/ /'di ni dbus te lta 'og khro/ /sngags kyi mchog ni gzhag par bya/ /sna tshogs 'di ni thugs kar grags/ /sna tshogs phyung nas kun snang bas/ /sangs rgyas tshul bzhin kun mnyes byas/ /de nyid slar 'khor rab bzhugs te/ /sna tshogs rdo rje gzugs mchog gnas/ /skad cig sems </font><hr>51b<br><font size=+1>


dpa' sku gnas pa/ /rnam pa sna tshogs bzhad pas brgyan/ /'gying bcas thugs kar sna tshogs 'dzin/ /sna tshogs gzi brjid 'bar ba gtong / /phyag ni brgyad gnyis gnyis kyis phyogs/ /kha byed sna tshogs mtshon cha gtong / /zhal lnga sna tshogs yangs che ba/ /bgegs spong thams cad dngos grub mdzad/ /dkyil 'khor gang bar bzhag nas byang du gnas/ /sna tshogs rdo rje bdag mor rdo rje yang dag gis/ /thugs kar mdzad nas bde bar yang dag gnas/ /sngags mkhan zhag bdun nyid du bsgom byas na/ /sna tshogs gyur te sna tshogs de la bab/ /sna tshogs las ni sna tshogs byed par 'gyur/ /de nas bcom ldan 'das de bzhin gshegs pa thams cad mchog tu ngo mtshar du gyur te/ dbyangs chen po len cing dkyil 'khor chen po'i dbus kyi bcom ldan 'das la mnyes pa mdzad do/ /gtso bo byin gyis brlab pa'i phyir/ /ye shes lnga yi ngo bo dag /rgyal ba nyid kyis bshad par mdzod/ /sangs rgyas sku la bstod phyag 'tshal/ /sngags rigs phyag rgya yan lag bcas/ /lha yi de nyid pha rol phyin/ /bdag ni de nyid sna tshogs che/ /sna tshogs ye shes bstod phyag 'tshal/ /gzungs kyi pad+mo yang dag ldan/ /'dod byed thugs kyi mchog yin te/ /shes rab pha rol phyin sbyor ba/ /sbyor ba'i ye shes bstod phyag 'tshal/ / </font><hr>52a<br><font size=+1>


@#/ /chos kyi don ni gnyis med tshul/ /stong pa nyid kyi lam rig pa/ /yangs pa'i spyan ni so sor gzigs/ /me long ye shes yang dag 'byung / /bya ba nan tan sems can don/ /rang gi yon tan mi mnyam shod/ /de nyid rig pas sems can kun/ /rdo rje gsum gyis byin brlabs pa/ /gang gis byin gyis brlabs ma thag /sangs rgyas gsum ni dbang du 'gyur/ /de nas bcom ldan 'das dpal kun tu bzang po gnyis su med pa'i mnyam pa nyid kyi rdo rje ye shes zhes bya ba'i ting nge 'dzin la snyoms par zhugs te/ de bzhin gshegs pa thams cad kyis byin gyis brlabs pa'i 'bru 'di nyid kyi sku dang / gsung dang / thugs rdo rje las byung ngo / /oM b+h+ruM/ stong pa chen po'i snying po'o/ /oM badz+ra tsit+ta hUM/ oM badz+ra kA ya oM/ oM badz+ra wA ka AHoM badz+ra a b+hi Shiny+tsa traM/ oM badz+ra sa ma ya hoHde nas bcom ldan 'das de bzhin gshegs pa thams cad shin tu mgu/ rab tu dgyes pa'i yid kyis bcom ldan 'das la phyag byas te/ 'di skad ces gsol to/ /de bzhin gshegs pa thams cad kyang rang rang gi snying po bcom ldan 'das la 'bul lo/ /de nas bcom ldan 'das kun tu bzang po chen pos de bzhin gshegs pa thams cad la dge'o zhes bde ba chen po'i </font><hr>52b<br><font size=+1>


tshul gyis rab tu spro bar mdzad do/ /dge'o dge'o rgyal ba kun/ /dge'o dge'o rgyal ba mchog /dge'o dge'o legs pa'i las/ /dge'o dge'o sngon 'gro ba/ /dge'o dge'o sna tshogs che/ /nyid kyi snying gar drangs byas te/ /rang gi gsang ba bshad par mdzod/ /gang gis ma 'ongs sangs rgyas rnams/ /bde ba'i yid ni chud par 'gyur/ /de nas bcom ldan 'das stong pa nyid kyi ye shes rdo rje chen po de bzhin gshegs pas rang gi snying po nyid kyi sku dang / gsung dang / thugs rdo rje las phyung ngo / /oM sarba ta thA ga ta mahA shUn+ya tA dz+nyA na badz+ra swa b+hA wa At+ma konyahaM/ de nas bcom ldan 'das me long gi ye shes rdo rje de bzhin gshegs pas rang gi snying po nyid kyi sku dang / gsung dang / thugs rdo rje las phyung ngo / /oM sar+b+ba ta thA ga ta a de ra Sha dz+nyA na badz+ra sa b+hA wa At+ma konyahaM/ de nas de bzhin gshegs pa so sor kun tu gzigs pa'i ye shes rdo rje de bzhin gshegs pas rang gi snying po nyid kyi sku dang gsung dang thugs rdo rje las phyung ngo / /oM sar+b+ba ta thA ga ta mahA pra t+ya pra pa k+Sha dz+nyA na badz+ra swA b+hA wa At+ma konyahaM/ de nas bcom ldan 'das mnyam pa nyid kyi ye shes rdo rje de bzhin gshegs pas rang gi snying po nyid kyi sku dang / gsung dang / thugs rdo rje las phyung ngo / /oM sarba ta thA ga ta mahA sa man+tA dz+nyA na badz+ra swa b+hA wa At+ma konyahaM/ de nas bcom ldan 'das </font><hr>53a<br><font size=+1>


@#/ /bya ba nan tan gyi ye shes rdo rje de bzhin gshegs pas rang gi snying po nyid kyi sku dang / gsung dang / thugs rdo rje las phyung ngo / /oM sarba ta thA ga kr-i t+ya a nu Sh+Tha na dz+nyA na badz+ra swA b+hA wa At+ma konyahaM/ de nas bcom ldan 'das kun tu bzang po chen pos yang dge ba'i tshul sbyin par mdzad de/ oM| dge'o dge'o stong pa che/ / oM| dge'o dge'o thugs chen po/ /oM| dge'o dge'o sku chen po/ /oM| dge'o dge'o gsung chen po/ /oM| dge'o dge'o rin po che'o/ /dge'o dge'o sna tshogs che/ /de nas bcom ldan 'das de bzhin gshegs pa thams cad yang 'du ba mdzad nas bcom ldan 'das la rang gi dkyil 'khor bshad par gsol ba 'debs te/ dkyil 'khor sangs rgyas rdo rje yi/ /dga' byed bcom ldan nyid kyis shod/ /gang gis sems can bde nyid kyis/ /dkyil 'khor rab tu thob par 'gyur/ /dkyil 'khor dkyil 'khor zhes bgyi ba/ /rgyal ba'i bdag pos gsang ba gsungs/ /gang gis dkyil 'khor myur bris nas/ /dkyil 'khor gyi ni rgyan du 'gyur/ /dkyil 'khor bde ba'i gzhi nyid ni/ /gsang ba'i dkyil 'khor zhes bgyi'o/ /dkyil 'khor brgyan pa'i bdag nyid de/ /gsang ba bcom ldan nyid kyis gsungs/ /dkyil 'khor mnyam pa'i ye shes ni/ /dkyil 'khor snying </font><hr>53b<br><font size=+1>


po zhes bya ba/ /dkyil 'khor gyi ni ci rigs par/ /gtso bo chen po nyid kyis shod/ /dkyil 'khor mi mnyam ye shes ni/ /dkyil 'khor gsang ba pad+mo ste/ /dkyil 'khor rab dgyes 'thob byed pa'i/ /tshad med dkyil 'khor bshad par mdzod/ /de nas bcom ldan 'das kun tu bzang po rab tu dga' ba'i ye shes kyi dkyil 'khor rdo rje'i 'byung gnas zhes bya ba'i ting nge 'dzin la snyoms par zhugs te/ de bzhin gshegs pa thams cad kyi dam tshig dkyil 'khor chen po 'di nyid kyi sku dang / gsung dang / thugs rdo rje las phyung ngo / /gzugs dang lang tshos brgyan pa yi/ /bu mo mig yangs bzung bya ste/ /shes rab can gyis byin rlabs 'brus/ /mnyam par gzhag ste byin brlabs nas/ /shes rab pha rol phyin pa'i bdag /de bzhin gshegs kyi btsun mo bzhag /gnyis po mdun du bzhag byas pa/ /brtson 'grus pha rol phyin pa'i gnas/ /rdo rje sems dpa'i btsun mo ste/ /thugs ni dgyes par byed pa yin/ /gsum pa lho ru bsam bya ba/ /dge ba sbyin pa'i bdag nyid bzhag /rin chen 'byung ldan btsun mo che/ /dbang bskur yon tan 'thob byed pa'o/ /bzhi pa tshul khrims chen mo ste/ /de nyid chos don yang dag gnas/ /rdo rje chos kyi btsun mo ste/ /de sbyin dga' byed ma yin no/ / </font><hr>54a<br><font size=+1>


@#/ /bzod pa chen mo byang du ste/ /bsod pa'i bdag nyid zad pa sbyin/ /btsun mo rdo rje gdon mi za/ /dam tshig gnas ni skyong byed ma'i/ /grwa dag \?\ tu ni thams cad du/ /snga ma bzhin du mchod la sogs/ /sgo yi phyogs rnams thams cad du/ /sgo srung rnams ni rnam par bzhi/ /ci 'dod par ni mchod bya ste/ /slob ma mchog ni gzhug par bya/ /phyag rgyas lag pa brgyan byas te/ /'dzum dang bcas pa'i 'dod chags mig /rgyan kun gyis ni rnam par klubs/ /spro ba che bas gar bya zhing / /lha yi 'gying ba'i 'dun pa yis/ /dga' byed dkyil 'khor gzhug par bya/ /mig ni dar gyi gos nyid kyis/ /g.yogs te lag pas bzung nas kyang / /sgo yi grwa ra yang gzhag bya ste/ /smon lam mchog ni smra ru gzhug /rdo rje chen po bdag ces bgyi/ /rang gi lha rnams phyag bgyi ste/ /rang dgyes gnas las byung ba yi/ /bde byed chen mos mnyes par bgyi/ /ji ltar bzhin du mnyam nyid 'thob/ /me tog phreng ba dor byas te/ /lha mo chen mo bzhes su gsol/ /khyod kyi dkyil 'khor bdag 'tshal lo/ /lha mo gang la lhung ba yi/ /de yi lag nas bskor ba bya/ /lha mo 'di ni khyod dang mthun/ /sems che khyod kyis 'dod par gyis/ /de nas slob ma de yis ni/ /bdag </font><hr>54b<br><font size=+1>


rab dgyes smra bya zhing / /de la 'dod pa spyad par mdzod/ /khro bo rnams kyi mi phyed phaDa/ /mtha' ni hoHzhes sbyar bar bya/ /'byung ba'i dus su bya ba ni/ /a ho su kha bde zhes smra/ / nas rdo rje phyung ba yi/ /mkhas pas de ni blang byas te/ /bde ba chen po dngos grub rdzas/ /bla ma la ni dang por dbul/ /de nas de nyid kun la yang / /ci bde bar ni dbul bar bya/ /spyi lam zhabs la btugs byas te/ /bla ma la ni dbang blang bya/ /shin tu sbas pa'i 'phags pa'i dbang / /bcom ldan bdag la stsal bar mdzod/ /de nas sbyor ba chen po yi/ /snyoms par sngags \?\ te bde ba/ /slob dpon rdo rje phyung byas te/ /spyi bor rab tu gzhag par bya/ /lag pa yis ni ma reg par/ /kha la rab tu sbyin par bya/ /khyad par du ni drang byas te/ /ci bde bar ni btung bar bya/ /gzungs ma de dag thams cad la/ /rdo rje yis ni sbyin par bya/ /de nas slob ma mchog nyid kyi/ /bla ma la ni yon dbul bya/ /ma dang sring mo bu mo dang / /chung ma dang ni rang gi \?\ bu/ /bdag nyid dang ni rgyal srid dang / /de bzhin longs spyod dbang phyug dang / /rdzas dang nor dang gter rnams dang / /glang po rta dang shing rta dag /bla ma la ni yon mchog ste/ /dga' ba'i yid 'gyur dbul bar bya/ /phyi yi sbas la gsang ba dang / /de bzhin gshegs pa thams cad dang / /rdo rje dang ni gzungs ma'i rnams/ /'dod </font><hr>55a<br><font size=+1>


@#/ /pa'i dngos grub dri bar bya/ /snying po yang dag shes gyur nas/ /dngos grub mchog ni bsgrub par bya/ /de bzhin gshegs pa thams cad kyi/ gsang ba yi ni dkyil 'khor 'di/ /ci ste rmongs pas smra byas na/ /slob dpon gyi ni dam tshig nyams/ /myur du zla phyed tshun chad du/ /bstan pas rnam par 'jig par 'gyur/ dang por dam tshig gzhag byas te/ /phyi nas dkyil 'khor bstan par bya/ /gzhan du byas na dpa' bo'i rnams/ /dmyal bar bskal bar grangs med smin/ /de bas blo ldan rdo rje yis| |nan tan dam tshig bsgrag mi bya/ /sngags kyi dngos grub don 'dod pas/ /dam tshig srung la brtson par bya/ /gzhan du byas na sngags mkhan gyi/ /sngags la sogs pa'i don mi 'grub/ /lha rnams kyang ni dam tshig gi /gsol yang bzhes su mi gnang ste/ /'jig rten 'di ru sdug bsngal che/ /'jig rten pha rol dmyal ba'i rnams/ / dam tshig spyod pa 'das pas so/ /rmongs pa'i bdag nyid des 'thob bo/ /slob ma de yang de bzhin du/ /blo zhan sdug bsngal 'thob 'gyur te/ /des na sngags kyi don mi smin| |lha rnams kyi ni mchog tu bde/ /dam tshig med pa'i slob ma la/ /nam yang sbyin par mi 'gyur ro/ /de bas dam tshig gtso yin te/ /thog mar dam tshig sbyin </font><hr>55b<br><font size=+1>


par bya/ /sngags rnams dang ni phyag rgya yang / /de bzhin thabs dang shes rab rnams/ /dam tshig de rnams thams cad kyang / /sngags pas gsang ba sbyor ba yis/ /dmyal ba ngan song bzlog pa'i phyir/ /bu dang slob ma sbyin par bya/ /sngags kyi dngos grub bsod nams byed/ /gtsang sbra dogs pa med par 'gyur/ /de bzhin gshegs pa kun gyi dal/ /dkyil 'khor tshul bzhin bri byas te/ /gzhon nu'i tshad ni bcu drug lon/ /dam tshig slob ma'i dkyil 'khor du/ /bzhag nas cho ga 'dis gzhug bya/ /dam tshig rnams ni 'di yin te/ / sbrang rtsi sha dang dri chen po/ /nyi ma zla ba'i blo chen dang / /rdo rje las byung chu bsgrubs rnams/ /dkyil 'khor la sogs tshul bzhin gzhag /dam tshig yi ge bzhag pa yis/ / myur du dam tshig 'grub byas na/ /dga' byed dam tshig dngos grub ste/ /dngos grub thams cad 'thob par 'gyur/ /dam tshig 'di ni sna tshogs te/ /'dzin pa yis ni mthu ru 'gyur| |ma 'ongs sangs rgyas chen po dang / /rdo rje sems dpa' bdag po che/ /blo ldan dbang bskur blangs pa yis/ /dbang bskur phun sum tshogs pa kun/ /sangs rgyas kun gyis 'thob 'gyur te/ /dbang bskur ba yi yid du 'gyur/ /de bzhin gshegs pa thams cad kyi dam tshig rdo rje ye shes chen po zhes bya ba mchog tu gsang ba chen po'i dkyil </font><hr>56a<br><font size=+1>


@#/ /'khor te lnga pa'o// //de nas bcom ldan 'das de bzhin gshegs pa mchog tu dgyes pa chen po yid bde bar gyur te/ bcom ldan 'das la gsol ba 'debs so/ /gdug pa thams cad rnam 'dul ba/ /'jigs par byed pa chen po 'di/ /rdo rje khro bo chen po yi/ /dkyil 'khor chen po rnam bshad phyir/ /'jigs byed chen po rnam 'dul ba/ /dkyil 'khor rdo rje thams cad kyi/ /khro bo'i dam tshig ded dpon gyi/ /gsang ba chen po nyid kyis shod/ /de nas bcom ldan 'das bde ba chen po dpal rdo rje sems dpa' de bzhin gshegs pa thams cad 'dren pa'i khro bo'i dam tshig ces bya ba'i ting nge 'dzin la snyoms par zhugs te/ nyid kyi sku dang / gsung dang / thugs rdo rje ye shes las 'di phyung ngo / /oM badz+ra mahA tsaN+DA sar+b+ba duSh+TaM ta ga ha na da ha pa tsa hUM phaDa/ 'di phyung ma thag tu stong gsum gyi stong chen po'i 'jig rten gyi khams 'di thams cad khro bo chen po'i mthus rnam pa drug tu g.yos/ /kun tu g.yos/ lha dang / klu dang / dri za dang / lha ma yin dang / nam mkha'i lding dang / mi'am ci dang / lto 'phye chen po dang / gnod sbyin dang / srin po thams cad 'khrugs pa chen por gyur to/ /de nas 'jigs pa chen pos nyen pas de dag brgya byin gyi thad du </font><hr>56b<br><font size=+1>


lhags nas brgya byin bdag nyid kyang skyabs med par mthong nas changs pa'i thad du phyin/ /tshangs pa yang gtogs 'dod kyi gan du phyin/ /gtogs 'ded kyang dbang phyug chen po'i thad du phyin te/ de nas dbang phyug chen po bdag nyid kyi mthu 'jigs byed chen po'i gzugs su byas te/ 'jig rten gyi khams 'di dag thams cad rang gi rdzu 'phrul gyi mthus kun tu snang bar byas te/ lha rnams ma 'jigs shig /klu rnams ma 'jigs shig /gnod sbyin rnams ma 'jigs shig /lha ma yin rnams ma 'jigs shig / dri za rnams ma 'jigs shig /lha dang / 'jig rten du bcas pa rnams ma 'jigs shig /nga'i rdzu 'phrul gyis khyad par 'di lta bu gzhan 'gas kyang rab tu brdzi nus sam/ khyed rnams ci dgar spyod pas mnos shig ces dbugs phyung ngo / /de nas bcom ldan 'das kyis kyang de bzhin gshegs pa thams cad kyi gzi brjid dpal zhes bya ba'i ting nge 'dzin la snyoms par zhugs te/ de bzhin gshegs pa thams cad kyi khro bo'i khro gnyer chen po zhes bya ba/ khro bo chen po'i snying po nyid kyi sku dang / gsung dang / thugs rdo rje ye shes las phyung ngo / /oM badz+ra b+hr-i ku Ti/ mahA kro d+ha ha na ha na/ gr-ih+na gr-ih+na/ mA ra mA ra/ b+hany+dza b+hany+dza/ da ha da ha/ pa tsa pa tsa hUM/ b+hr-i b+hr-i/ prah+ma ya prah+ma ya/ b+hi ku </font><hr>57a<br><font size=+1>


@#/ /n+yan sar+b+ba mA rA na sar+b+ba du Sh+TAM/ ma Ta ma Ta/ mo Ta mo Ta/ hUM g+hr-IM/ hUM trAM/ tra Ta tra Ta/ b+hr-i hUM hr-i hUM traM traDa/ 'di brjod ma thag tu de dag snga ma bzhin du skrag nas dbang phyug chen po'i thad du nye bar lhags so/ /de nas dbang phyug snga ma bzhin du bdag gi che ba nye bar ston cing gtogs 'dod la smras pa/ khyod kyang mthu che ba'i lha chen po ste/ gdug pa thams cad kyi tshogs kyi bdag po yin na/ rang gi mthu rgya chen po'i rdzu 'phrul nye bar ston pas gdug pa de rnams dbugs dbyung bar mdzod cig /de nas gtogs 'dod de ma thag tu rang gi mthu 'jigs byed kyi gzugs 'khor lo'i nag po chen por bsgyur nas rdo rje'i skad drag po chen po'i bgang ba'i gdangs 'byin pas 'jig rten thams cad la nye bar ston cing gnas par gyur to/ /de nas bcom ldan 'das kun tu bzang po chen po'ang khro bo chen po'i pad+mo 'byung ba zhes bya ba'i ting nge 'dzin la snyoms par zhugs te/ snyoms par zhugs ma thag tu pad+mo'i dra ba 'char ba'i khro bo thams cad slar ldog ste/ bcom ldan 'das kyi thugs kar bzhugs so/ /zhugs nas khro bo chen po'i snying por bdag nyid byin gyis brlabs nas/ bcom ldan 'das kyi sku dang / gsung dang / thugs rdo rje'i thugs ka nas </font><hr>57b<br><font size=+1>


phyung ngo / /oM pad+ma mahA dz+wa la mahA kro d+ha ba ta ba mu kha kha kha/ sar+b+ba duSh+TaM/ khA hi khA hi sarba du Sh+TAM pra du Sh+TaM naM/ da ma da ma/ badz+ra daMSh+To da ka Ta mahA ma Ta ma Ta/ k+Sho TA k+Sho TA/ badz+ra kha ra/ tsa pa la du rga be ba/ tra sa tra sa/ mahA badz+ra ba Da ba mu kha pra ma tha pra ma tha hUM phaDa/ hrI ha ha hi hiM/ tsa turmu kha/ be sha prA Na sha na/ hUM hrIM hUM hUM d+hIH ha/ de nas 'di gsungs ma thag tu tshangs ris chen po 'dar ye yed zhing kha bub tu 'gyel te/ brdab 'chos so/ /de nas tshangs pa chen po ngo mtshar du gyur te/ dbang phyug chen po la dris pa/ lha| 'di ni shin tu ngo mtshar du snang ngo / /de nas dbang phyug chen pos tshangs pa la bskul ba/ khyod ni sems can kun gyi gtso bo/ lha'i tshogs thams cad kyi bdag po/ khyod ni 'jig rten gsum na gtong ba dang / byed pa'o/ /rdzu 'phrul chen po dang ldan pa de'i phyir/ khyod kyis gdug pa'i sems can dang / gdug pa'i lus can thams cad brlag par gyis shig /de nas tshangs pas rang nyid kyi mthu dang / tshangs pa chen po'i srin po'i gzugs su mngon par sprul nas/ 'jigs byed chen po lta bur gdong bzhi pa/ me lce stong gis gzi brjid can gyi lus 'gul ba dang bcas pas bgad pa chen po 'byin pas lha'i tshogs kyi gdug pa thams cad la nye bar ston cing gnas so/ /de nas </font><hr>58a<br><font size=+1>


@#/ /bcom ldan 'das kun tu bzang po chen po'ang lha thams cad rab tu 'joms pa zhes bya ba khro bo chen po'i ting nge 'dzin la yang dag par snyoms par zhugs te/ rdo rje chen po 'jigs byed ces bya ba'i khro bo chen po'i snying po 'di nyid kyi sku dang / gsung dang / thugs rdo rje'i ye shes kyi thugs ka nas phyung ngo| |oM badz+ra b+hai ra ba/ mahA kro d+ha/ sar+b+ba duSh+TAM saM b+hak+Sha ya hUM hUM phaDa phaDa/ badz+ra yak+Sha ha na ha na hUM phaDa/ de nas 'di phyung ma thag tu brgya byin gyi khang pa 'di thams cad dum bu brgyar rnam par bshig ste/ ri rab kyi rtse mo'ang 'gul zhing kun tu 'khor nas gnas par gyur/ brgya byin 'khor dang bcas pa'ang kha bub tsam du 'gyel te brgyal bar gyur to/ /de nas langs te dbang phyug chen po la bltas pa dang / dbang phyug chen pos kyang bskul ba/ khyod ni lha'i tshogs thams cad kyi bdag po ste/ mthu che ba yin la sum cu rtsa gsum gyi lha gdug pa'i tshogs thams cad kyang khyod la mnyes par byed pa yin na/ de ltar bdag nyid kyi rdzu 'phrul gyi mthu nye bar ston cig /de nas lha'i rgyal po chen po brgya byin de rang nyid kyi mthu gnod sbyin dang / srin po chen po'i gzugs nye bar ston cing gdug pa'i tshogs thams cad la gdug </font><hr>58b<br><font size=+1>


pa dag ma 'jigs shig /nga'i rdzu 'phrul 'di lta bu dag mthong na sus kyang zil gyis gnon mi nus so zhes dbugs 'byin par byed do/ /de nas bcom ldan 'das kun tu bzang po chen po yang sngags kyi lha thams cad 'dren pa'i rdo rje zhes bya ba'i ting nge 'dzin la snyoms par zhugs te/ lha de dag thams cad nyid kyi sku dang / gsung dang / thugs rdo rje'i ye shes las 'jug par mdzad de/ bcug nas kyang khro bo chen po thams cad phyag rgya chen por mngon par bsgyur nas bdag nyid kyang khro bo thams cad 'byin pa'i khro bo chen po'i gzugs su dmigs te/ mche ba chen po 'byin pa/ zhal mi sdug pa/ spyan stong pa/ nyi ma chen po stong gis gzi brjid can/ rab tu mi bzad par byed pa'i me rlung gis bdas pa'i mdog sngon po'i sku/ dur khrod chen po'i dpal chen gyis phyag rgya mi'i keng rus dang / khrag dang / sha dang / klad pa dang / rkang dang / tshil rnams zas su gsol ba/ mi'i lpags pas snam logs rgyab la g.yogs te bsdams pa/ mi'i mgo bo'i phreng ba dbu la 'dzin pa/ seng ge dang / glang po che dang / bong bu dang / rnga mo dang / ma he dang / phag dang / ce spyang dang / ra dang / khyi dang / 'ug pa dang / bya rog dang / bzhad dang / byi la dang / gzig dang / </font><hr>59a<br><font size=+1>


@#/ /stag la sogs pa'i khro bo byol song gi gdong brgya stong mang po rang gi ba spu'i bu ga nas phyung ste/ dkyil 'khor chen po'i chul gyis shar phyogs na 'jigs byed chen po 'dul ba rnam par gnyer ba'i 'jigs pa lta bu'i spyan dang / zhal rdo rje'i mche ba chen po gtsigs pa/ 'jigs par byed pa'i khro bo chen po brgya stong gi g.yog dang / shar phyogs kyi dkyil 'khor du 'khyil bar gyur te gnas so/ /lho'i dkyil 'khor du 'ang rdo rje khro gnyer can khro bo brgya stong mang po'i g.yog dang / 'khyil bar gyur te gnas so/ /nub kyi dkyil 'khor du'ang pad+ma chen po rta gdong khro bo brgya stong mang po'i g.yog dang / nub kyi dkyil 'khor du 'khyil bar gyur te gnas so/ /byang gi dkyil 'khor du 'ang rdo rje 'ur 'ur chen po'i khro bo brgya stong mang po'i g.yog dang / 'khyil bar gyur te gnas so/ /bcom ldan 'das rdo rje shin tu dgyes pa khro bo chen po'i tshogs brgya stong mang pos bskor nas dkyil 'khor gyi dbus su bzhugs te/ khro bo chen po'i tshogs de dag dang / shin tu dgyes pa chen po'i bde ba chen pos kun tu spyod cing khro bo chen po'i rnam pa brgya stong mang po'i ri rab kyi rdul phran dang mnyam pa snyed phyung nas/ nam mkha'i dbyings rab </font><hr>59b<br><font size=+1>


'byams thams cad du gang bar byas te/ stong gsum gyi stong chen po'i 'jig rten gyi khams 'di thams cad kyang gang bar byas so/ /de nas gdug pa'i tshogs thams cad kyis de dag mthong nas 'jigs dngangs skyabs ma mthong nas/ rang rang gi bdag po'i thad du song ste/ rje gcig /rje gcig /nyid kyis bdag la skyobs shig /de nas dbang phyug chen po la sogs pa'i lha'i bdag po de dag bdag nyid kyi mthu sprul nas slar yang bslang ste/ 'jig rten gsum po thams cad yongs su bskor du bcug nas/ 'jigs byed gdungs pa nga la skyabs su song zhes bsgo yang skyabs su 'gro ba mi len cing / slar yang rang gi rgyud kyi nga rgyal bskyed de/ 'jigs byed chen po brgyad pa zhes bya ba phyung nas ri rab kyi bdag nyid chen po nye bar ston cing / dgad pa chen po'i nga ro 'byin par gyur to/ /oM mahA b+hai ra ba beSh+TiM Sh+TiM/ T+ra T+ra T+ra tra T+ra tra T+ra/ ha ha i ti/ 'on kyang ba spu'i bu ga'i rtse'u chung tshad tsam yang ma 'gul to/ /de nas yang 'jigs byed chen po 'dul bar byed pa'i khro bo des he ru ka'i nga ro 'byin cing mgo bor mnan nas bsnun te/ he ru kas bdag nyid kyi mthu chen pos 'jigs byed chen po'i nga ro 'byin cing sgyu ma'i spu gu drangs nas/ khrag dang / rus pa dang / rkang rnams za </font><hr>60a<br><font size=+1>


@#/ /zhing chem chem mdzad pas/ de'i 'khor la rab tu ston par mdzad de/ u mA dang / 'ga' 'ga' yang rnam par bcom mo/ /ma mo'i tshogs thams cad kyang sgren mor byas te dma' phab nas/ khro bo bdag nyid kyi mthu nye bar spel cing 'khor thams cad kyang btul/ skyabs len du'ang bcug /dam tshig la'ang gnas par byas te yang dag par zhugs so/ /de nas bcom ldan 'das rdo rje shin tu dgyes pa chen po khro bo chen po drag po bzhad cing rdo rje'i khro gnyer khro bo chen po'i zhal nas ma 'jigs shig /ma 'jigs shig ces dbugs 'byin par byed do/ /de nas bcom ldan 'das rdo rje shin tu dgyes pa khro bo chen po khro bo'i tshogs kun la bka' stsal pa/ na mo rat+na tra yA ya/ mahA tsaN+Da badz+ra pA Na ye/ mahA yak+Sha se nA pa ta ye/ tad+ya thA/ oM bo d+ha bo d+ha/ mahA b+hai ra ba da ra ba ba hA ri ha ra ha ra/ gr-ih+Na gr-ih+Na mA ra mA ra/ b+hany+dza b+hany+dza/ shI g+h+raM mahA badz+ra/ tsaN+Da sar+b+ba duSh+TaM/ ta ka ha na ha na/ da ha da ha/ pa tsa pa tsa/ ma tha ma tha/ hUM phaDa/ 'di gsungs ma thag tu 'jigs byed chen po'i 'dul bar byed pas rang gi sku nam mkha'i dbyings kyi tshad du bskyed do/ /khro bo brgya stong mang po rnam par bsnyer ba'i zhal mche ba gtsigs te/ 'khyil zhing bsgyur ba </font><hr>60b<br><font size=+1>


phyag rgya stong mang po la mtshon cha sna tshogs 'dzin pa zhal sna tshogs mang po brgya stong me lce bzhin du rab tu 'bar ba'i sku brgya stong rnams 'jigs byed chen po ga na ba der song ste/ rdo rje drag po'i gad mo cher 'byin pas bzhad cing mdun na gnas so/ /oM mahA badz+ra he ru ka badz+ra aT+TA T+TA hA sa hA sa ra ha ha ha ha hUM ha/ i ti/ de nas dbang phyug chen pos rdo rje drag po bshad pa chen po thos nas g.yog dang bcas par khas bub tu 'gyel te brgyal bar 'gyur nas/ mgo la zhabs kyis bsnun te gtong bar mdzad do/ /oM badz+ra b+hr-i ku Ti/ han ha na/ gr-ih+Na gr-ih+Na hUM/ ma ta ma ta kiny+tsi rA ya si/ sUR+Ya sa ha sra ha sti/ re ka ba su rA dza la la rtsi pra dzA li ta/ mahA rmurti A kaD+h+ya A kaD+h+ya a bya wa ma bya wa ma/ kri na pa tsakra b+hai ra pa hri da yaM hUM b+h+riM/ de nas rdo rje khro gnyer chen po'i khro bo chen pos bzhad pas bzhad cing 'gro ba thams cad la khyab pa'i gzugs su mngon par sprul nas 'khor lo can gyi mdun du ston to/ /de nas 'khor lo can gyi 'khor 'jigs pa chen pos nyen te/ khas bub tu 'gyel te rab tu brgyal zhing / rje gcig /bdag cag la skyobs shig ces smra zhing / skyabs med par bdag nyid kyis mthong nas 'khor lo can la skyabs su song ngo / /de nas biSh+Nus kyang bdag nyid kyi mthu mang po </font><hr>61a<br><font size=+1>


@#/ /rab tu nye bar ston cing shin tu dgyes pa chen po'i mdun du gnas te rgyab la zhugs so/ /kwa ye/ kwa ye/ gdug pa nye ba'i khro gnyer gyis snying dral te ji srid ma 'thungs kyi bar du de srid rang gi gnas su song zhig /de nas khro gnyer chen po rab tu 'khrugs/ gtum por gyur nas de drangs te bsdams nas snying dral te/ de'i khrag la nyi ma'i khro gnyer chen po gnod sbyin chen po'i gdon gyi bdag nyid yang dag par chim par mdzad do/ /oM badz+ra ba sUR+Ya b+h+ri ku Ti kro d+ha mahA gra ha ha ra pa ta ra pa su su d+he/ ra ma sa mad mad dza na/ oM b+h+ra b+h+ra b+h+riM b+h+riM b+h+ra/ de nas 'khor lo can de sems rab tu brlag par gyur te gnas so/ /de'i chung ma ru ga mi ni dang / mahA shrI dang / lak+Sha mI'ang g.yog dang bcas par rnam par bcom ste/ sna tshogs rnams rnam par btul nas bzhugs so/ /de nas bcom ldan 'das kyis rta gdong chen po'i rgyab tu gcig bsnun nas gtong bar mdzad do/ /oM badz+ra ba Da ba mu kha kha kha khA hi khA hi/ tsa tur mu kha/ pi ba pi ba/ a s+ya ru d+hi raM/ A ka D+D+h+ya A ka D+D+h+ya/ hri da yAM trA na/ dam he| badz+ra Da Da ba mA kha/ hi hi Sha mahA/ shwa shwe shwe ra hI hI/ de nas rdo rje rta gdong chen po rta skad chen po mdzad cing tshangs pa'i mdun du gnas par gyur to/ /de nas </font><hr>61b<br><font size=+1>


changs ba tshangs ba'i srin po bdag nyid kyis nam mkha' bkang nas rgyu bar byed de/ de nas tshangs pa chen po'i 'khor khas bub tu 'gyel nas/ rje cig /skyobs shig /rje cig skyobs shig ces smras so/ /kwa ye/ kwa ye/ gdug pa'i gdong myur du song song / khyod kyi rgyab tu zhon te ma btul re zhes smras so/ /de nas rdo rje rta gdong chen po rab tu 'khrugs/ gtum por gyur nas/ tshangs pa chen po de'i mgor brdzis te/ snying drangs nas khrag btung ba la zhugs te/ sha dang / klad pa dang / tshil bu dang / rus pa rnams myangs nas phyogs bcur gtor ro/ /de'i chung ma shi ri ma dang / swa ra sa ti dang / shAn+ti rnams kyang rnam par bcom/ de'i tshogs kyang btul nas/ dam tshig gi sdom pa la gnas par byas te bzhugs so/ /de nas bcom ldan 'das shin tu dgyes pa chen po'i khro bo chen pos khros pa dang bcas pa'i lta bas gzigs te gtong bar mdzad do/ /oM gu lu gu lu badz+ra mahA kro d+ha/ A kaR+Sha ya/ A kaR+Sha ya sha kra hr-i da yaM/ mahA badz+ra daSh+TAM ya/ hUM b+hak+ShA ya b+hak+ShA ya hUM/ de nas rdo rje gnod sbyin chen po'i sku chen pos nam mkha'i ngos kun bkang ste| brgya byin gyi mdun du bzhugs par gyur to/ /de nas brgya byin 'gying ba chen pos 'gyings te/ mi bzad par khros par gnod sbyin chen po khyod su'i bran zhes de la </font><hr>62a<br><font size=+1>


@#/ /smras so/ /de nas rdo rje gnod sbyin chen po khros 'khrugs rngam par gyur te/ snying nas gtsug gi nor bu phyang / snying yang dral te/ de'i sha dang khrag dang / klad pa dang / tshil bu dang / rus pa dang / bza' pa rnams bza' bar zhugs so/ /de nas de'i 'khor rnams 'jigs shing dngangs pa'i yid du gyur te/ / skyabs su nye bar 'gyur ro/ /de'i lha mo'i tshogs rnams kyang bcom nas de'i gnas na gnas par gyur to/ /de nas bcom ldan 'das shin tu dgyes pa chen po khro bo chen po rdo rje'i rnal 'byor ma rnams dang / rol cing shin tu dgyes pa'i kun tu longs spyod pa'i khro bo chen po'i dkyil 'khor chen po na bzhugs so/ /de nas bcom ldan 'das de bzhin gshegs pa thams cad yang 'du ba mdzad nas bcom ldan 'das la bskul bar mdzad do/ /oM mahA su ra ta badz+ra mahA kro d+ha saM ha ro pa saM ha ra sar+b+ba kro d+ha ma / sha ma sha ma/ pra sha ma pra sha ma/ sar+b+ba kro d+ha/ ut+ti ma kro d+ha/ swa sa ma ya mahA maN+Da la/ s+thA pa ya s+thA pa ya/ sar+b+ba kro d+ha me duSh+Ta pra duSh+Ta bi ba ya/ bi dza ya bi dza ya sha kra prah+ma 
 ra ma he shwa ra ma ho b+ha ga baM/ su ra Ta sau khya kro d+ha/ sar+b+ba ta thA ga ta sat+t+ya na sa ma ye ny+tsa ho/ su ra ta sa ma ya i ti/ de nas bcom ldan 'das rdo rje shin tu dgyes pa </font><hr>62b<br><font size=+1>


chen po khro bo chen pos khro bo thams cad 'dren pa dang / gzhug pa dang / bcing ba dang / dbang du bya ba'i phyir nyid kyi sku dang / gsung dang / thugs rdo rje las phyung ngo / /o dzaH hUM baM hoH Tak+ki hUM dz+dzaH/ Tak+ki hUM dz+dzaH/ hUM Tak+ki hUM dz+dzaH/ hUM Tak+ki hUM dz+dzaH/ A kaR+Sha ya khaR+Sha khaM d+ha ya ba shaM ku ru/ sar+b+ba kro d+ha/ sa ma ya/ dzaH hUM baM hoH/ Tak+ki hUM dz+dzaH/ hUM Tak+ki hUM/ de nas khro bo chen po'i dam tshig de dag thams cad 'ongs nas/ rang gi dkyil 'khor chen po'i 'khor lor 'khyil bar gyur te/ kye| bcom ldan 'das nyid kyis bka' stsal du gsol zhes smra zhing gnas par gyur to/ /de nas bcom ldan 'das khro bo thams cad kyi bka'i 'khor lo'i rdo rje dam tshig ces bya ba'i ting nge 'dzin la snyoms par zhugs te khro bo thams cad kyi bka'i 'khor lo chen po phyung ngo / /oM suM b+ha ni suM b+ha mahA kro d+ha sha hUM phaT/ de nas de dag la khyod kyis dbang phyug chen po la sogs pa gdug pa'i sems can chen po rnams gsos shig ces bka' stsal to/ /de dag gis bcom ldan 'das nyid kyis rab tu gdug pa rnams gsos zhes gsol nas/ de nas cang mi gsung bar bzhugs par gyur to/ /de nas bcom ldan 'das rdo rje shin tu dgyes pas khro bos phyag bsnol te btsir nas rdo rje bdud rtsi khro bo'i dbang mo chen mo phyung ngo / /oM badz+ra </font><hr>63a<br><font size=+1>


@#/ /a mr-i ta/ mahA kro d+he shwa ri uta shrI jaH uta shrI dzaH badz+ra a mr-i ti hUM aH de nas bcom ldan 'das ma bdud rtsi chen po de dag kun tu khros te smin ma bsgyur ba'i gzigs pa'i zhal bzhad pa/ ru lu ru lu zhes pa'i sgra 'byin cing rang gi pad+mo la bcom ldan 'das kyis rdo rje bcug nas bdud rtsi yang dag par sgrub pa'i rig pa 'di phyung ngo / /oM a mr-i ta saM dzI ba ni mahA mr-i ta mu khe/ pra be sha ya pra be sha ya/ sar+b+baM badz+ra pad+ma sad yo ge /mahA bo d+hi tsit+ta/ bi Tha pi Tha/ mUrti A| de nas dbang phyug chen po la sogs pa/ gdug pa de dag thams cad snga ma bzhin du bdag nyid kyi lus sos par gyur te/ sems dran pas de bzhin gshegs pa'i 'khor lo thams cad mthong nas ngo mtshar bar gyur te/ bcom ldan 'das rdo rje shin tu dgyes pa khro bo la skyabs su dong nas/ phyi'i dkyil 'khor ji lta ba bzhin du khro bo'i 'khor rnams gnas par gyur to/ /de nas de dag rab tu mgu ba'i yid kyis/ bcom ldan 'das la stod par byed de/ khyod ni sems can kun gyi yab| |phan byed de bzhin yum yin te/ /gtso bo 'dus pas bdag cag rnams/ /'jigs pa che las skyob pa ste/ /rje bo sdug bsngal thams cad sel/ /khyod ni 'gro </font><hr>63b<br><font size=+1>


ba'i dbang po rje/ /khams gsum 'di ni byed dang gtong / /che ba che khyod skye bo skyong / /thog ma med khyod nga ro thigs/ /nga ro'i steng ni cha yang med/ /gtso bo yig med bdud rtsi yi| |rab dgyes bde byed gtong ba yis/ /'gro ba kun la phan bya'i phyir/ /de ni sangs rgyas thams cad rnams/ /rab dgyes 'gro la bde ba'i phyir/ /mgon po khyod kyis gtong ba mdzad/ /sems can 'dam gyis mi gos shing / /bla na med pa byang chub lam/ /sna tshogs sdug bsngal zhi mdzad ba/ /sems can sbom pa ngoms mdzad cing / /'khor ba rba klong grol mdzad do/ /myur du bde la dgongs pa mdzad/ /dngos po kun gyis thams cad du/ /rgyal ba kun gyis mi dpogs te/ /zhi ba'i rnam pas zhir 'gyur ba/ /rdul dang bral bas 'dzums pa spangs/ /nam mkha' sgom las rnam 'das pa/ /rnam rtog dri mas ma gos te/ /sgyu ma kun las yang dag 'das/ /'dod pa kun la rgyab phyogs pa/ / gtso bo khyod la bdag phyag 'tshal/ /dregs pa med pa 'jigs byed la/ /byang chub mchog ni thob kyi bar/ /bdag cag skyabs su rab tu mchi/ /ji srid 'tsho ba mchis pa dang / /dmyal ba rtsub mo'i 'jig rten du/ /ltung bar gyur pa ji srid pa/ /khyod kyi dam tshig bskyang bar bgyi/ /byang chub mchog tu bdag cag kyang / /dri med skal </font><hr>64a<br><font size=+1>


@#/ /bar gyur pa yi/ /gtso bo bdag cag dbang bskur ba/ /bde ba chen pos stsal du gsol/ /de nas bcom ldan 'das rdo rje shin tu dgyes pa chen pos de dag gis gsol ba'i tshig nye bar gsan nas mnyam pa nyid kyi bde ba'i gnas zhes bya ba'i ting nge 'dzin la snyoms par zhugs te/ zhugs ma thag tu bcom ldan 'das kyis bde ba dang / yid bde ba sgrub pa'i thabs mang po nyid kyi sku dang / gsung dang / thugs rdo rje las phyung ste/ bde ba chen po'i spro ba'i 'phrul chen po'i lha'i 'khor thams cad dbang bskur te/ de nas dbang phyug chen po la sogs pa'i lha chen po de dag bde ba chen po'i spro ba'i cho 'phrul gyis dbang bskur bas yid bde bar gyur te/ bcom ldan 'das kyi zhabs la yang dang / yang du gtugs nas bskor ba byas te/ ji lta ba bzhin du kun du yongs su bskor nas gnas so| |de nas bcom ldan 'das rdo rje shin tu dgyes pa chen po de bzhin gshegs pas yang rdo rje gzungs ma shin tu dgyes pa bde ba chen mo'i dam tshig dang / sbyor ba'i thabs zhes bya ba'i ting nge 'dzin la snyoms par zhugs te/ cang mi gsung bar bzhugs nas/ de ma thag tu de bzhin gshegs pa thams cad kyi rdo rje khro mo </font><hr>64b<br><font size=+1>


dbang mo chen mo zhes bya ba nyid kyi sku dang / gsung dang / thugs rdo rje las phyung ngo / /oM sar+b+ba ta thA ga ta mahA badz+ra kro d+he shwa ri sar+b+ba duSh+TA ni/ mu dra Ni/ mahA pa la yA na la sh+ma shA na b+hI Sha Ne / badz+ra mahA kro d+ha daMSh+TA ka rA la kri ta pa da ne/ sar+b+ba shatruM/ pra sha ma ni/ hUM hUM mahA kro d+he shwa ri hUM phaT phaT/ 'dis ji lta ba bzhin du byin gyis brlabs nas/ dbus kyi dkyil 'khor du bzhag ste/ dpung pa bcu drug la phyag na mtshon cha sna tshogs bsnams pa/ zhal gsum pa/ mdog in+d+ra nI la'i 'od 'bar ba 'dra ba/ rdo rje dang / thod pa'i 'khor ba dang / thod pa dang / mdung dang / sta gri dang / zhags pa dang / rtse gsum pa dang / pe con dang / mu su ra dang / 'khor lo dang / ka na ya dang / to ma ya dang gzhu dang / mda' dang / shak+ti dang / gri rnams phyag na 'dzin pa/ thod pa'i phreng bas dbu rgyan byas pa/ nyi ma brgya dang / me'i 'od 'dra ba'o/ /de'i mdun du rdo rje khrag 'thung chen mo de dang 'dra ba'i gzugs dang / cha lugs 'dzin pa rig pa 'dis gzhag par bya'o/ /oM mahA badz+ra d+ha ra mahA kro d+he shwa ri mahA sh+ma sha na b+hI Sha Ne ni lA dz+wA las ha sra pra dz+wa la ti mU rti d+he re ka pA la mA lA/ b+hU Shi ta ma gu te/ nar du ti ra ra tra/ pa ri bu ri/ ta ka pA la/ aste kha T+wAM ga /badz+ra tri shu la gan+d+ha mahA kro d+he na/ hUM hUM hUM hUM hUM hUM/ he he run+ta mun+ta / </font><hr>65a<br><font size=+1>


@#/ /pri ye hUM phaT/ de nas bcom ldan 'das rdo rje shin tu dgyes pa khro bo chen po'i gzi brjid chen po'i mchog dang ldan pa zhes bya ba'i ting nge 'dzin la snyoms par zhugs te/ rdo rje nyi ma khro mo'i dbang mo chen mo nyid kyi sku dang / gsung dang / thugs rdo rje las phyung ngo / /oM hUM traM mahA sUR+Ya badz+ra kro d+ha shwa ri bi d+ha ma/ ma tha ma tha grwa sa grwa sa/ sar+b+ba duSh+TAM/ pra duSh+TAM hUM phaT/ oM hUM traM traM/ tra tra tra/ khro mo chen mo 'di lho phyogs kyi rin chen 'byung ldan gyi dkyil 'khor du gzhag par bya ste/ gzi brjid chen por rab gtong zhing / /shin tu 'jigs pa me bzhin 'bar/ /dpung pa bcu drug rno ba ste/ /dbu rgyan thod pas brtseg par bya/ /spyan ni rab dmar sngo bsangs mdog /mtshon cha'i tshogs na bsnams par brtson/ /gdug pa thams cad 'cha' byed cing / /yi dwags chen po'i stan la zhon/ /rang gi g.yog gis mdun du bskor// de nas bcom ldan 'das pad+mo 'byung gnas bkod pa'i 'od kyi phreng ba chen po zhes bya ba'i ting nge 'dzin la snyoms par zhugs te/ pad+ma'i dra ba khro mo'i dbang mo nyid kyi sku dang / gsung dang / thugs rdo rje las phyung ngo / /oM hrIH badz+ra pad+ma mahA ban+d+ha mu khe/ kha kha khA hi khA hi/ mahA ma ho/ d+ha ra bi ko pe hUM he hUM hUM ha ha/ hUM hUM hrIH/ hi sha </font><hr>65b<br><font size=+1>


hi sha| mahA badz+ra ba da ba mu la mi ho t+yo t+ye/ hUM hUM/ hi hi hUM hrIHhUM/ dkyil 'khor nang gi dbus nyid du/ /'di ni rgyab tu gzhag par bya/ /rno ba chen po zhal gsum pa/ /rta gdong gyen du sten pa ste/ /khro mo chen mo dpung bcu drug /rnam par bsgyur ba'i mi sdug gdong / /mi ro'i rta la yang dag zhon/ /khrag mang po la 'thung byed pa/ /mtshon cha sna tshogs 'dzin pa ste/ /khros pa'i dbu rgyan thod pas brtsegs/ /'od zer rnon po gtong byed cing / /g.yog bcas dkyil 'khor brgyan te gnas/ /de nas bcom ldan 'das yang gdon mi za ba'i ye shes khro mo gnyis su med par 'du ba'i thabs zhes bya ba'i ting nge 'dzin la snyoms par zhugs te/ gdon mi za ba'i drag po dang ldan ma chen mo zhes bya ba khros pa'i dbang mo chen mo 'di nyid kyi sku dang / gsung dang / thugs rdo rje las phyung ngo / /oM sar+b+ba a mo b+ha mahA bi shwa shwa ri hUM hUM hUM/ haM haM haM/ mahA kro d+he gu mu khe/ mahA bi shwe ba da ri Ni/ sar+b+ba duSh+TA pra sha ma ni hUM hUM phaT/ 'di nyid kyis ni ci rigs par/ /rdo rje gdon mi za ba yi/ /dkyil 'khor g.yog bcas rnam pa bzhi/ /sna tshogs dam tshig gzhag byas te/ /sna tshogs gzugs dang khyad par ldan/ /kun tu yongs su bskor nas gnas/ /bsnyer ba dang ni btsums pa'i gdong / /rab tu drag la ro myang zhing / </font><hr>66a<br><font size=+1>


@#/ /gdong gnyer thod pa'i rtse mor byas/ /dpung pa bcu drug gis brgyan pa'i/ /khro mo chen mo gdong gsum pa/ /za byed me bzhin lta pa yi/ /de yi ngo bo thams cad kyi/ /g.yog ni rnam pa bzhi rnams kyis/ /bskor bar shes rab can gyis gzhag /rang gi phyag rgya mtshan mar ldan/ /dpung pa brgyad dang ldan pa yi/ /de ni cho ga ji bzhin du/ /'byung mo'i phyag rgya yang dag zhon/ /dur khrod bzhin du 'jigs byed pa/ /phyi yi rnal 'byor ma tshogs rnams/ /de dag kun tu yongs su bskor gzhag gam bri bar bya yang rung / /de ni da lta'i stan la gnas/ /bzhin mi sdug pa dpung bzhi mo/ /gdug pa'i khro mo rnam bsgyur bcas/ /de la sogs pa'i rim par ldan| |mkhas pas dkyil 'khor bri bar bya/ /de nas rnal 'byor gyi dbang phyug chen mo de dag bcom ldan 'das la phyag btsal te/ yang dang / yang rang rang gis mngon par gang bar byas pas mchod nas gsol ba 'debs so/ /rnal 'byor ma yi sngags tshogs dang / /phyag rgya ma ni ci rigs par/ /gsad pa'i gar ni bde chen mo// bcom ldan de nyid nyid kyis gsungs/ /de nas bcom ldan 'das rnal 'byor ma thams cad rnam par spro ba'i rdo rje zhes bya ba'i ting nge 'dzin la snyoms par zhugs </font><hr>66b<br><font size=+1>


te| rnal 'byor ma thams cad kyi sngags dang / phyag rgya dang / sbas pa dang / de kho na nyid dang / gsang ba rnams nyid kyi sku dang / gsung dang / thugs rdo rje las phyung ngo / /oM sar+b+ba badz+ra d+ha ra satwa a nu rA gi ni mahA kro d+he hUM phaT/ oM sar+b+ba badz+ra d+ha ra A kaR+Sha Ni mahA kro d+he shwa ri hUM hUM/ dzA dzA hUM hUM/ oM sar+b+ba badz+ra d+ha ra ku la a nu rA ga ni mahA kro d+he shwa ri hUM he he hUM phaT/ oM sar+b+ba badz+ra d+ha ro gra mahA kro d+he shwa ri hUM swa swa hUM phaT/ oM sar+b+ba badz+ra d+ha ra mahA te dza a b+hi She ke hUM taM hUM/ oM sar+b+ba badz+ra d+ha ra mahA suR+Ya b+h+ri kU Te ka ro ke tra ta Ta ta hUM phaT/ oM sar+b+ba badz+ra d+ha ra mahA ke tu ke tu kro d+he shwa ri mahA bi dza yot+ta ye hUM hUM traM traM phaT phaT/ oM sar+b+ba badz+ra d+ha ra mahA badz+ra kro d+ha AT+Ta A si hUM hUM triM triM To Ta ya tro Ta ya hri da ya hUM phaT/ oM sar+b+ba badz+ra d+ha ra mahA kro d+ha b+hak+Shi Ni hUM hUM b+hak+Sha b+hak+Sha hUM hrIH/ oM sar+b+ba badz+ra d+ha ra mahA tIk+Sh+Na kro d+he shwa ri ts+tshan+di ts+tshin+da hUM hUM badz+ra tik+Sh+Na haste ts+tshe da ya hUM hUM ma Ta ma Ta/ oM sar+b+ba badz+ra d+ha ra tsa kra d+ha ri Ni ma ho gra du pi ni hUM hUM/ pa ta ya pa ta ya mahA badz+ra tsa kre Na/ tsUr+Na ya tsUr+Na ya/ hUM hUM phaT| oM sar+b+ba badz+ra d+ha ra mahA shwa ga pra b+ha Ni hUM hUM ma ta ma ta phaT/ oM sar+b+ba badz+ra d+ha ra mahA bI shwa mu khi hUM hUM phaT/ oM sar+b+ba badz+ra d+ha ra mahA badz+ra pA Ni hUM hUM haM haM phaT phaT/ oM sar+b+ba badz+ra d+ha ra mahA badz+ra yak+Shi Ni hUM hUM/ kha kha khA hi khA hi/ A bi b+ha A bi b+ha hUM phaT/ oM sar+b+ba badz+ra d+ha ra mahA badz+ra b+ha ni d+ha ni mahA ke d+he/ b+han+d+ha ya b+han+d+ha ya/ oM sarba badz+ra d+ha ra mahA kro d+ha mahA badz+ra ba sh+ya pra we sha ni hUM hUM/ bi </font><hr>67a<br><font size=+1>


@#/ /ta ya bi ta ya hUM phaT/ oM sar+b+ba badz+ra d+ha ra ha la da ni mahA kro d+he shwa ri hUM hUM/ oM sar+b+ba badz+ra d+ha ra mahA kro d+ha mA li ni hUM hUM g+huM g+huM/ oM sar+b+ba badz+ra d+ha ra mahA kro d+he gan+d+ha ba hi hUM ga gri /oM sar+b+ba badz+ra d+ha rI mahA kro d+he shwa ri mahA lo ka d+hA ri Ni/ dI pa yaM dI pa yaM hUM hUM/ oM sar+b+ba badz+ra d+ha ra mahA kro d+he shwa ri mahA lA s+ya hUM/ oM sar+b+ba badz+ra d+ha ra mahA kro d+he mA le d+hA ri Ni hUM/ oM sar+b+ba badz+ra d+ha ra mahA gI ti ni hUM he he/ oM sar+b+ba badz+ra d+ha ra mahA kro d+ha narti ke hUM hUM/ oM sar+b+ba badz+ra d+ha ra mahA kro d+ha A kaR+Sha ya dz+dza dz+dza hUM hUM dz+dza/ oM sar+b+ba badz+ra d+ha ra mahA kro d+ha b+haM d+ha b+haM d+ha baM/ oM sar+b+ba badz+ra d+ha ra mahA kro d+he mahA badz+ra ba shi ni hUM hUM/ oM sar+b+ba badz+ra d+ha rA mahA kro d+he sh+ya sh+ye hUM ho/ oM hUM trAM hrIH AH de nas rnal 'byor ma de dag mgu rangs dga' bar gyur te/ yang dbyangs 'dis gsol ba 'debs so/ /bde ba mchog gi rgya chen dgongs su gsol/ /bsam gyis mi khyab bde mchog dbyings dang ldan/ /mi g.yo gsung dang bral ba'i dbyangs snyan pas/ /gzungs la rol ba'i bde ba bzhes su gsol/ /ngo mtshar chen po cho 'phrul snang mdzad cing / /snying po byang chub bgrod pa rnams kyi lam ston te/ /rgyud rnams yang dag gang la'ang mi rten pa/ /bde ba mchog gi gzungs kyis grol bar mdzod/ /ra mu mahA su hU dzo hi ni dz+wA la su hUM pU mU/ mahA </font><hr>67b<br><font size=+1>


su hU dzo i ni dz+wA la su hUM pa b+h+rUM dzU mahA su hU/ i ni dz+rA la su hU u dzi/ u mahA su hU dzo/ dza i ni dz+wA su hU/ a la la la ho/ mahA su hU ra ma ra mahA su hU/ a l-i l-i l-i l-i/ mahA su tre Na/ de nas bcom ldan 'das rdo rje nam mkha' la 'gro ma chen mo dam tshig ces bya ba'i ting nge 'dzin la snyoms par zhugs te/ rdo rje nam mkha' la 'gro ma thams cad kyi snying po 'di nyid kyi sku dang / gsung dang / thugs rdo rje las phyung ngo / /oM sar+b+ba ta thA ga ta mahA badz+ra d+ha ra hUM phaT/ oM badz+ra kro d+ha gi ni hUM phaT/ oM badz+ra DA ki nI mahA he ma ba ti hUM phaT/ oM badz+ra DA ki nI ku mA ra bri ye hUM phaT/ oM badz+ra DA ki ni dri sh+ye mA ra ya hUM phaT/ oM badz+ra DA ki ni mahA badz+ra mu Sh+Ti ta na/ b+hI ta ya b+hI ta ya/ sum b+ha ni sum b+ha hUM phaT/ oM badz+ra DA kI nI mahA badz+ra kro d+ha ya d+ha ra la li hUM phaT/ oM badz+ra DA ki nI mahA kro d+ha tsa kre ni ts+tshin+da ts+tshin+da hUM phaT/ oM badz+ra DA ki nI mahA mri to ta pa ta ki hUM phaT/ oM badz+ra DA kI nI mahA sau mA kro d+he hUM phaT/ oM badz+ra DA ki nI ma hA badz+ra tan+ti hUM phaT/ oM badz+ra DA ki nI mahA mA ra Ni hUM phaT/ oM badz+ra DA ki nI mahA a mr-i te ka pa la hA se hUM phaT/ oM badz+ra DA ki nI mahA sau mya kro d+he shwa ri hUM phaT/ oM badz+ra DA ki ni ma hA a mr-i te pu dan d+ha ri hUM phaT/ oM badz+ra DA ki nI badz+ra ping ga li hUM phaT/ badz+ra DA ki nI pi ba pi ka ru d+hi raM mahA badz+ra ba li hUM phaT/ oM badz+ra DA ki nI mahA badz+ra sha ni b+hak+Sha b+hak+Sha </font><hr>68a<br><font size=+1>


@#/ /hUM phaT/ oM badz+ra DA ki nI mahA badz+ra sha ni hUM phaT/ oM badz+ra DA ki nI mahA badz+ra pA she hUM phaT/ oM badz+ra DA ki nI A na ya A na ya hUM phaT/ oM badz+ra DA ki nI ma hA badz+ra be b+hi ni gu gu mA ra ya hUM phaT/ oM badz+ra DA ki nI mahA badz+ra dz+wa la ya b+hasmi ku ru hUM phaT/ oM badz+ra DA ki nI mahA badz+ra bi ga ta hUM phaT/ oM badz+ra DA ki nI mahA badz+ra daMSh+Te hUM phaT/ oM badz+ra DA ki nI mahA badz+ra ki li pra bi sha pra bi sha hUM phaT/ oM badz+ra DA ki nI mahA puSh+Ta mAM sA sha ni hUM phaT/ oM badz+ra DA ki nI mahA ka ra ba badz+ra d+hA ra Ni hUM phaT/ oM badz+ra DA ki nI A kaR+Sha Ni mahA ping+ga rA li mu ku hUM dz+dzaH dz+dzaH/ hUM phaT/ oM badz+ra DA ki n+ya A bi sha ne hUM hUM phaT/ oM badz+ra DA ki nI mahA ban+d+ha hUM hUM baM baM hUM/ oM badz+ra DA ki nI mahA to Sha Ni sa ma ye hUM hUM A A/ oM badz+ra mahA rAk+Sha sa mA sa ru d+hi ra me da pri ya/ mahA kuM b+ha karna hUM hUM hUM hUM k+ShaH/ oM badz+ra mahA rAk+Sha sa A kaD+D+ya pra be sha ya/ sar+b+ba badz+ra kA la shi ni ban+d+he hUM hUM hUM hUM phaT phaT/ oM badz+ra rAk+Sha sa ban+d+ha ban+d+ha ya/ bi Sha ya bi bi Sha Na sar+b+bA na hUM hUM phaT/ oM badz+ra mahA rAk+Sha sa/ ban+d+ha ya ban+d+ha ya/ sar+b+bA na mahA bi kr-i tA na na/ ha ya gr-I ba hUM phaT/ de nas rdo rje nam mkha' la 'gro ma rnal 'byor gyi dbang phyug chen mo de dag thams cad rab tu mgu nas/ yid dga' ba'i 'gyur te/ dbyangs chen mo 'di 'byin par gyur </font><hr>68b<br><font size=+1>


to| |kye ma rdo rje sems dpa' yi/ /rdo rje sbyor ba rab bstan pas/ /mkha' la 'gro ba sangs rgyas nyid/ /ci bde bas ni sgrub par byed/ /de nas bcom ldan 'das kun tu bzang pos yang rdo rje nam mkha' la 'gro ma de dag kun mgu dga' bar bsgrub par bya ba'i snying po 'di/ nyid kyi sku dang / gsung dang / thugs rdo rje las byung ngo / /oM DA ki nI A kaR+Sha ya pra be sha ya/ ban d+ha ya to Sha ya A/ sar+b+bAn badz+ra DA ki nI hri da yaM hUM dz+dzaH dzaH hUM baM hoH Tak+ki hUM dz+dzaH/ oM he ru ka mahA badz+ra/ A ka D+D+h+ya A ka D+D+h+ya/ pra be sha ya pra be sha ya/ ban+d+ha ya ban+d+ha ya/ to Sha ya to Sha ya/ hUM hUM phaT/ oM badz+ra pad+ma mahA pa Da ba mu kha/ A ka D+D+h+ya/ pra be sha ya/ ban+d+ha ya/ mo ha ya/ to Sha ya/ ha ha hi/ khro bo'i sngags kyi tshogs 'dis rdo rje rnal 'byor ma dang / mkha' la 'gro ma dang / nam mkha' la 'gro ba dang / rdo rje 'phrog par byed ma de dag la sogs pa de dag dgug pa dang / gzhug pa dang / dbang du bya ba la sogs pa'i las bya ste/ gtor ma'i mchod pa la sogs pa'i dam tshig he ru ka'i phyag rgya dang / Tak+ki rgyal po'i phyag rgya dang / rta mgrin gyi phyag rgya sbyin te/ las thams cad la sbyor ro/ /rdo rje'i thal mo ji lta ba bzhin bcings te/ khro bo gnyis lcags kyu ltar bya/ sbom po gnyis phan tshun rtse sbyar zhing / zhi ba gnyis kyang rab tu sgreng / lhag ma gnyis brgyad </font><hr>69a<br><font size=+1>


@#/ /ste 'od zer ltar btang ba 'di ni phyag rgya'i mchog yin no/ /phyag rgya 'di ni gzi brjid che/ /lha dang lha min phyag byas pa/ /sangs rgyas rdo rje 'dzin la sogs/ /bsngags shing mchod pa byas pa yin/ /bcings pa de nyid 'bebs pa dang / thams cad tshogs ni 'dzud par byed/ /gdug pa thams cad gsod byed ma/ /srin mo thams cad za bar byed/ /rnal 'byor dam pa gnas pa yis/ /'di yis las rnams thams cad byed/ /las rnams thams cad sgrub pa po/ /mi ldan dngos grub mi 'gyur te/ /'dod chags zhe sdang gti mug rnams/ /bsnyen pas dngos grub myur du 'thob/ /rdo rje bcings pa gnyis su byas te/ /rgyab gnyis rgyab sbyar te/ mthe'u chung gnyis brkyang ste/ phan tshun bsnol/ khros pa gnyis gyen du bsgreng ste snying gar bstan nas/ brkyang bskum gyi tshul du gnas pa 'di las thams cad byed pa'o/ /'di yis thams cad las kyi rnams/ /ji tsam yid 'dod byed par 'gyur/ /tshe 'dir sdig pa gang byas pa/ /'di yis thams cad 'phrog par byed/ / de dag thams cad myur 'gyur te/ /dngos grub yid bzhin rin chen no/ /ji snyed nam mkha'i lam dag tu/ /rnal 'byor 'di yis 'phur bar byed/ /rig 'dzin mchog ni </font><hr>69b<br><font size=+1>


mtshon par yang / /cho ga grub pa slar yang 'ong / /thal mo mnyam par sbyar te sbom po gnyis dbus su sbyar/ /lhag ma 'dab ma kha bye ba ltar byas pa ni pad+ma'i gdan no/ /spom po gnyis rtse mo thur du bstan pa ni rtag gdong gi'o/ /gang gis sbyor byas skad cig tu/ /de yis dngos grub chen por 'gyur/ /bcings ma thag tu 'phur 'gyur ba/ /'dod pa bzhin du nye bar 'gro/ /sa 'og dngos grub 'dod pa bzhin/ /myur du slar yang ldog par 'gyur/ /de la sogs pa mtha' yas pa/ /phyag rgya 'di ni sbyor ba dge /nga ni bstan te rgyal ba'i rnams/ /rnal 'byor pa yis drang bar bya/ /rnal 'byor ma rnams thams cad kyang / /phyag rgya'i yan lag mchog des sbyar/ /de nas nam mkha' la 'gro ba chen mo de dag sogs 'dod pas gzir ba rnams rangs te/ rang gi gzugs ni bsgyur ba yis/ /bzhengs te gar ni rab mdzad cing / /dur khrod kyi ni sa chen du/ /mgu ba chen pos brtags par byed/ /phyag na thod pa gri dag dang / /rdo rje kha T+wAM rnam par 'dzin/ /skal ldan rang gi phyag rgyas mtshan/ /dbu smug rnam par bsnyer ba'i zhal/ /bde ba'i cha lugs sbyar ba yis/ /bde ba dam pa longs spyod myong / /rab tu rmongs pas bsnyen byed cing / /rab dgyes khro la gsol ba 'debs/ /zla ba dri med stong rab rdzogs pa'i spyan mnga' bas/ </font><hr>70a<br><font size=+1>


@#/ /thugs rje'i dbyings rum nyid du bdag cag bskyed/ /'gro ba'i sdug bsngal tsha bas gdungs pa yi/ /byang chub des ni kun du tshim par mdzod/ /a la la la he/ mchog gi rol pas yang dag sgo 'byed cing / /byang chub mchog lam snying po nyid 'di ston/ /gsang ba'i bdag nyid bde bas zil mnan te| |rmongs shing bying ba rnams la thugs rjes sgrol/ /a la la la ho/ che ba'i ye shes lhun gyis mngar ldan pa/ /phyogs kyi thugs rjes ma zin snyoms par dgongs/ /bde ba mchog gi gsang ba'i gnas nyid du/ /mya ngan 'da' ba'ang longs spyod bsten las 'grub/ /'jig rten gsum po 'dir ni dngos bstan kyang / / rmugs pa'i 'gro bas bdud rtsi'i dngos ma mthong / /kye ma ho/ ma skyes chos te snying po las byung ba/ /bsam gyis mi khyab nam mkha'i mtha' dang mnyam/ /rab tu dgyes pa'i bde mchog 'bar ba'i gtso/ /rin chen sna tshogs kun 'dus 'di la gzigs/ /sngon med rol mo 'di la rol mdzad cing / /dur khrod chen po'i dngos grub stsal bar mdzod/ /'dul pa'i dbang gi grub pa'i cha lugs mi zad ma/ /rnal 'byor mkha' 'gros gzi brjid 'bar ba 'dis/ /sdug bsngal gsum pos 'thoms </font><hr>70b<br><font size=+1>


shing rmongs pa la/ /bde ba'i spyod pas gnas nas spyod mdzad de/ /thugs rjes pad+ma'i dbyings las bskyed par mdzod/ /a la la la ho/ ji ltar pad+ma 'di la chags med bzhin/ /sdug pa'i bcings pas ma zin rnams grol te/ /rol pas chub pa'i sa la gnas shing rnam mdzad pa/ /'jig rten gsum po 'di la gzigs nas rol mo mdzod/ / bdag cag dam tshig 'di la 'dus shing snang ba rnams/ /mnyes mdzod shin tu bde ba bzhengs su gsol/ /'gal ba'i yid dang ma chags rdo rje la/ /nam mkha' ji bzhin mi 'gyur tshul bzhin gnas/ /khams kyi rang bzhin mnabs shing rnam khro yang / /byams pa'i thugs rjes kun tu gnas khyab mdzad/ /e ma ho bde bas bde sbyin phyag 'tshal lo/ /rang bzhin grub pa'i bde ba dngos grub gsol/ /chags med chags dang ldan pa'i longs spyod kyis/ /dam tshig skyon med bdag dag rol pa mdzad// thugs rje gsal ba'i byang chub sems chen des/ /'gro ba kun gyi bag chags rnam par sbyongs/ /rgyu dang rkyen lam brten rang bzhin grub/ /ma chags dri med yongs su gsal zla bzhin/ /'jig rten gsum po 'dir ni mnga' mdzad de/ /thams cad mkhyen pa'i ye shes kun tu bde bas brtson/ /'di yis gtso la bskul byas na/ /dkyil 'khor </font><hr>71a<br><font size=+1>


@#/ /nyid du dngos grub bo/ /yid gdung gnyen pa'i nga ro yis/ /dpyid kyi rgyal mo glu blangs te/ /mkha' 'gro dra ba dri med pa'i/ /dgongs pa thams cad bstan byas te/ /rdo rje pad+mo yid 'ong ba'i/ /dngos grub thams cad sbyar bar bya/ /bde byed chen po 'di yis ni/ /bskul bas dgyes pa sbyin par byed/ /rdo rje can gyi yi ger ldan/ /dus gsum rab tu sbyar bar bya/ /de nas bcom ldan 'das kyis rdo rje nam mkha' la 'gro ma thams cad kyi shin tu dgyes pa'i longs spyod dpal gyi bde ba zhes bya ba'i ting nge 'dzin la snyoms par zhugs te/ de dag thams cad la rjes su mgu bar mdzad do/ /g.yon gyi lag pas gzung byas te/ /gsang skyes pad+mo phye ba las/ /rdo rje chen po g.yas nyid kyis/ /bcug na mchod pa 'thob 'gyur te/ /mkha' la 'gro ba dra ba 'dis/ /mnyes pas 'di nas dngos grub 'thob/ /oM dang oM dang mi phyed rdo rje bde/ /mtha' ru phaT kyis stobs rab sbyor ba yis/ /kye ma'o bde ba mkha' 'gro dra ba che/ /rab dgyes dbang mo bde byed bde stabs mdzod/ /rnal 'byor ma tshogs gsal rnams la/ /'di yis rtsen pa rnam byas na/ /bde chen bde ba dgyes pa yi/ /rab dgyes dngos grub 'grub par 'gyur/ /rnal 'byor ma'i </font><hr>71b<br><font size=+1>


cher rjes su mnyes bar byed pa'i ye shes kyi phyag rgya ye shes so/ /mgo la thal mo phyed sbyin te/ /chu skyes la ni yongs su rdzogs/ /rdo rje bcings pa yang dag ldan/ /pad+mo'i dkyil mo bcings par bya/ /'di yis rtsen par byas na ni/ /bud med mchog ni 'grub par 'gyur/ /bde ba chen pos gar byed cing / /rab dgyes bde byed gnod byed dang| |kun tu 'khyud dang sprod byed dang / /sna tshogs gar gyis gar byas te/ /thams cad zas dang ros dngos grub/ /mchog gi bde bas dngos grub 'gyur/ /rtsa ba'i phyag rgya bcings byas te/ /sangs rgyas sbyor ba bde chen po/ /myur ba'i thal mos bsgrub par bya/ /gsum gyis mtshams su rab bya zhing / /mkhur tshos so yi sa btab byas te/ / ma mchu yang nas yang du bzung / /'o ma 'dzin pa phyir zhing mnye/ /g.ya' byed pad+mo rnam bzhi bya/ /pad+mo phyi phyir rab mnye zhing / /ze ba mtshan pas rab tu sbyar/ /sen mos mchan khung sum mdo dang / /rna ba gnyis su rab tu gzugs/ /dal nas rdo rje gzhug bya zhing / /khro bo'i rgyal pos bskyed par bya/ /g.yas kyis shin tu bskyod byas nas| |g.yon pa yis ni gtang bar bya/ /sbyor ba 'di yis rtsen pa yis/ /mkha' 'gro'i 'khor lo mchod par bya/ /kye ma'o bde zhes rab brjod do/ /bde ba chen </font><hr>72a<br><font size=+1>


@#/ /po dbyangs kyis bskul/ /yang dang yang du 'dzin pa na/ /blo ldan sgrub pas bsgrub par bya/ /rnal 'byor ma thams cad kyi mchod pa chen po'i spro ba ye shes so/ /de dag thams cad mgu nas ni/ /rdo rje 'dzin la gsol ba 'debs/ /nye ba'i zas ni thams cad dang / /de bzhin nye ba'i yo byad rnams/ /bde ba bsgrubs pas sgrub pa po/ /sna tshogs chen po bsgom par gsol/ /sgrub pa thams cad sgrub byed pas/ /gdon mi za dka' rtag bgying pas/ /gang gis myur du mnyam sbyor bas// dkyil 'khor rab tu rnam bsgyur bgyi/ /de nas bcom ldan 'das kyis nye ba'i yo byad kha zas thams cad kyi phyag rgya gsungs pa/ yo byad phyi yi thams cad dang / /gos dang rgyan la sogs pa'o/ /nye ba'i kha zas rnams la ni/ /sha dang khrag las yang dag sgrub/ /'bras bu rtsa ba tshad med do/ /mchog tu bde ba yid tshim pa/ /'di yis mchod pa byas pa na/ /mkha' 'gro ma ni dngos grub 'gyur/ /bus pa'i sha las rab sgrub pa'i/ /'o ma dam pas thod pa dgang / /mkha' 'gro ma kun dbul byas na/ /dkyil 'khor 'dir ni dngos grub 'gyur/ /gtor ma'i mchod pa'i yo byad kyi ye shes so/ /de nas de bzhin gshegs pa thams cad dang / rdo rje 'dzin thams cad bzhengs </font><hr>72b<br><font size=+1>


te phyag bcal nas yang gcig tu stug por 'du ba mdzad de bcom ldan 'das la gsol ba 'debs so/ /rnal 'byor kun gyi ye shes mtshan/ /rdo rje rnal 'byor ma rnams kyi| |thams cad brda rnams dran 'gyur ba/ /bcom ldan 'das kyis bshad du gsol/ /de nas bcom ldan 'das shin tu dgyes pa chen po'i ro myong ba dang 'brel ba'i dpal zhes bya ba'i ting nge 'dzin la snyoms par zhugs te/ rdo rje nam mkha' la 'gro ba dang / mkha' la 'gro ma thams cad kyi brda'i phyag rgya 'di gsungs so/ /ka ni 'dod pa byed 'dod phyir/ /bdag ni 'dod can smras yin te/ /gti mug ldongs pas me byin na/ /myur du dam tshig de nyams so/ /dam tshig dam tshig can mthong na/ /lag pa g.yas pa brkyang byas te/ /des kyang g.yon pa brkyang ba yis/ /rang gi nu ma rab bsdams na/ /mgo bos g.yon du 'dud byas nas/ /phyag byed bde ba dris pa yin/ /lag pa g.yon pa dkur brten na/ /de yis phyag ni byas par 'gyur/ /g.yon pa mgo ru bzhag pa yi/ /g.yon du 'dud pas phyag lan no/ /g.yon gyi smin ma bskyod pa yis/ / myur du phyag ni byas par 'gyur/ /sbyor ba shin tu brtson pa yis/ /g.yas kyi smin mas phyag lan bya/ /g.yas kyi lag pas snying ga ru/ /sbyor dang ldan pas mnye byas na/ /'di </font><hr>73a<br><font size=+1>


@#/ /ni rdo rje slob dpon mchog /de yi mtshan mar shes bar bya/ /g.yon gyi khro mo sgreng ba yi/ /nam zhig de ltar bstan byas na/ /lus che de ni khros 'gyur zhes/ /rnal 'byor pa yi rtags zhes bya/ /g.yon du 'gying ba bsgyings pa yis/ /lag par snying gar brkyang bya ste/ /dbang mo gyen du rnam bstan na/ /de tshe mdza' bar rab tu brtag /chung du rtse mor byas pa yi/ /nam zhig bskyod pa mthong ba na/ /de tshe rig ma rnal 'byor dbang / /rdo rje pad+mo rtsen par 'dod/ /sbom po nam zhig mthong 'gyur na/ /de la ston mo sbyin par bya/ /gang tshe shin tu mthor ston na/ /mngon pa'i nga rgyal rab tu brtag /khro mo lcags kyu 'dra byas te/ /gang tshe sngags mkhan gyis bstan na| |de tshe nges par 'o byas te/ /gzhan du na ni dmyal bar ltung / /de nyid rnam par bzlog pa ltar/ /sngags mkhan gyis ni ma bstan na/ /de tshe myur du 'gro byas te/ /gzhan du byas na dam tshig nyams/ /gzhan rnams kyi ni phyag rgya yis/ /rnal 'byor pa yis rnam bskul na/ /las kyi sbyor ba shes pa yis/ /las de dag ni brtsam par bya/ /brda yi phyag rgya'i ye shes so/ /'dren pa med pa'i ye shes kun/ /rnal 'byor pa yis rab tu brtag /rtag tu tsheg drag rnam bral ba/ /'dren tshul rnal 'byor ma yi'o/ /oM ni </font><hr>73b<br><font size=+1>


thig ler bcas pa'i brda/ /sbyor bsngags 'dzin rnal 'byor brtag /de la sogs pa mtha' yas mchog /sbyor ba'i dkyil du brtag par bya/ /rdo rje pad+mo mnyam bar sbyor bas rjes su mnyes par byed pa dpal dam tshig ma zhes bya ba'i phyag rgya'i ye shes so/ /de nas bcom ldan 'das de bzhin gshegs pa thams cad kyi bdag po kun tu bzang po chen po yang kun tu rgyas 'debs pa'i ye shes rdo rje zhes bya ba'i ting nge 'dzin la snyoms par zhugs te/ rdo rje pha rol tu phyin ma'i gsang ba rnal 'byor ma chen mo thams cad kyi phyag rgya'i ye shes 'di nyid kyi sku dang / gsung dang / thugs rdo rje las phyung ngo / /rdo rje thal mo mnyam gzhag ste/ /sbom po skyil mo bcing bar bya/ /khro mo gnyis ni sbyar bya ste// lhag ma 'od bzhin btang bar bya/ /snying gar phyag rgya 'di bzhag nas/ /thams cad las ni rab sbyar te/ /sna tshogs mkha' 'gro'i dkyil 'khor du/ /gdon mi za ba'i dngos grub byed/ /thal mo de gnyis mnyam sbyar te/ /mchog dang rdo rje mnyam du sbyar/ /chung ngu gnyis kyang gdong sprad de/ /snying gar de bzhin sbom po sbyar/ /'di yis rdo rje thams cad rnams/ /dam tshig 'jigs byed rab mdzad cing / /sems can thams cad phan mdzad ma/ /de ni dngos grub 'grub par 'gyur/ /de nyid las ni rdo rje dang / / </font><hr>74a<br><font size=+1>


@#/ /mchog nyid sgreng ba'i tshul byas te/ /rdo rje thal mo gnas pa yis/ /drang ba'i tshul gyis drangs byas na/ /mi g.yeng de nas dngos grub bo/ /gnod byed yang dag ldan pa 'dis/ /rgyal ba mchog kyang 'dren 'gyur na/ /lha dang mi yi bu mo dag /lha min la sogs smos ci dgos/ /ji ltar yid la 'dod pa bzhin/ / 'di nyid kyis ni dngos grub ste/ /sngags kyi bzlas pa mnyam sbyor bas/ /mchog tu myur du 'dren par 'gyur/ /thal mo de nyid las byung khro/ /rtse mo yid tsam bkug byas te/ /lhag ma 'od zer rtse mo bzhin/ /des ni myos byed thob pa yin/ /'di ni bcings ma thag tu yang / /bde bar gshegs kyang dbang bsgyur na/ /yid las skyes pa 'dod chags can/ /gti mug chos gnas smos ci dgos/ /ci dgar 'dod chags sbyor ba yis/ /de yis las rnams byed 'gyur te/ /yang dag sbyor ba thams cad 'grub/ /sbyor dang mi ldan dngos grub med/ /snying gar 'di nyid kyis byas te/ /mgu ba'i sbyor ba bde chen pos/ /rgyal ba mchog ni mnyes par 'gyur/ /mchog gi bcing ba 'di kun dang / /'di yis las rnams thams cad dang / /yid la bsam pa thams cad 'thob/ /phan tshun du ni mgu byed cing / /mgu bas dngos grub </font><hr>74b<br><font size=+1>


myur du thob/ /rdo rje thal mo mnyam sbyar te/ /rdo rje bkug nas sbom por sbyar/ /lhag ma 'od kyi tshul du gtong / /dga' byed mchog ni phyag rgya 'di/ /sangs rgyas 'bras bu dngos grub 'thob/ /rgyal srid nor dang 'bru yi rnams/ /de bzhin nor bu 'di dngos grub/ /de ni de ma thag tu yang / /lha dang lha min mchod par 'gyur/ /bdag nyid kyis ni 'di bcings te| |mkhas pa yis ni dus mtshams phyir/ /gnas lngar rab tu sbyor ba yis/ /spyi bor dbang ni bskur byas na/ /rdo rje 'dzin pa kun gyi dbang / /de nas de ni nges par 'gyur/ / lo gcig tsam du mnyam sbyar bas/ /phan tshun du ni dbang bskur bas/ /khams gsum rab dgyes bdag po ru/ /blo ldan rdo rje mi g.yeng 'gyur/ /de nyid 'khor lo bskor byas te/ /snying gar 'khor lo bzhin du bskor/ /zla ba gcig tsam mnyam sbyor bas/ /'khor lo bskor ba rab tu bsgrub/ /de nyid g.yon par rab sbyar te/ /rgyal mtshan tshul du yang dag spro/ /zhag bdun du na mnyam gzhag pas/ /'jig rten du ni rgyal bar 'gyur/ /de nyid kha nas bgad par sbyar/ /mnyam gzhag zla ba gcig tsam gyis// las rnams thams cad rab grub pa/ /bgad pa tsam gyis byed par 'gyur/ /thal mo de nyid mnyam bzhag ste/ /rtse mo kha phyed rnams bsgyur bas/ /sbom po ze bar rnam byas </font><hr>75a<br><font size=+1>


@#/ /te| |lo ma lhag ma rgyas par bya/ /rnal 'byor 'di ni bcings pa yis/ /sdig pa kun las rab tu grol/ /bsod nams chen pos byin rlab ste| |bde byed thams cad grub par 'gyur/ /thal mo de nyid snying gar sbyar/ /mchog dang khro mi gnyis sbyar te/ /de gnyis tshig gsum rab tu dgug /sbom po skyil mo tsam du bya/ /rnal 'byor dag tu sbyor ba yis/ /'di yi zla ba gcig byas na/ /'jig rten gsum las rnam rgyal rjer/ /dpa' bo chen por de 'gyur ro/ /thal mo de nyid mnyam sbyar te/ /rang gi snying gar bskor bar bya/ /de nas sngags mkhan chos ston par/ /mi g.yeng sems kyis de 'gyur ro/ /sdom po lce yi tshul bzhag pas// de nyid khar ni rnam bzhag na/ /'jig rten kun gyi thams cad dag /mdor na zhag bdun tsam gyis kyang / /dbyig dang gser dang gos la sogs/ /bdud rtsi btung ba mchog gi rnams/ /'di yis thams cad 'phrog byed de/ /'grub par 'gyur ba gdon mi za/ /thal mo de nyid mnyam sbyar te/ /mchog rab gnyis ni 'og tu gzhug / chung ngu gnyis dang sbom po gnyis/ /sbyar te snying gar rab tu gzhug /yid la dga' ba'i las rnams thams cad byed/ /sgyu ma'i mthu dang srid pa mthar byed pa/ /rtag </font><hr>75b<br><font size=+1>


tu blo ldan lo ni phyed gnyis kyis/ /khams gsum rgyal srid mthu chen thob par 'gyur/ /thal mo de nyid mnyam sbyar te/ /rang gi ma mchu dbus nyid nas/ /sbom po ro 'thob tshul gyis ni/ /khro mo 'khor lo yang dag sbro/ /zhag bdun du ni bsgrims pa yis/ /'di yis khrag 'dren dngos grub ste/ /sha zas bza' ba las kun byed/ /thal mo nyid ni bcings byas nas/ /rdo rje gnyis ni pad+mor sbyor/ /sbom por zur ni sbrel nas kyang / /chung ngu gnyis kyang de bzhin te/ /mgrin pa nas ni rtse mo brkyang / /thams cad las ni sbyar byas te/ /'di yis gdug pa thams cad dag /rab tu sbyar bas 'jigs par 'gyur/ /thal mo de nyid mnyam gzhag nas/ /bcing ba dam pos bcing bar bya// sbom po gnyis ni nang du gzhug /khro mo gnyis kyang bskul bar bya/ /'di yis gdug pa thams cad dag /'dzums par rab tu byas par 'gyur/ /skad cig tu ni gnon byed de/ /de bzhin bsdus dang btsir bar 'gyur/ /phyag rgya 'di yis rgyas btab pas/ /de ni dngos grub thams cad kyi/ /dngos grub chen po bdag po dang / /thams cad las don 'grub par 'gyur/ /phyag rgya 'di yis rgyas btab pas/ /rim par myur du 'gro 'ong byed/ /lo gcig gi ni sbyor ba yis/ /las rnams thams cad sgrub par </font><hr>76a<br><font size=+1>


@#/ /byed| |rdo rje rnal 'byor ma rnams kun gyi las thams cad byed pa'i phyag rgya'o/ /de nas rnal 'byor ma de dag thams cad rab tu mgu nas ngo mtshar du gyur te/ rnam par 'gyur bas gar mdzad cing / /hi hi zhes pas glu ru len/ /ha ha zhes pas rab tu mgu/ /ho ho zhes pas mnyes par byed/ /he he zhes pas 'bod par byed/ /hUM hUM zhes pas gang bar byed/ /hA hA zhes pas skyong bar byed/ /phaT phaT zhes pas gsod par byed/ /hUM hUM zhes pas zur bus 'debs/ /dzA dzA zhes pas 'dren par byed/ /sa sa zhes pas dam par byed/ /dge ba dbang phyug nga ro mchog /hUM hrUM zhes pas gsod par byed/ /hUM b+h+rUM hUM b+h+rUM/ hUM hUM zhes pas 'bar bar byed| |truM truM zhes pas gzi brjid byed/ /triM triM zhes pas 'dren par byed/ /traM traM zhes pas mchod par byed/ /dngos grub thams cad 'bras bu smin/ /hraM hraM zhes pas rmongs par byed/ /d+h+riM d+h+riM zhes pas 'dzums bar byed/ /hriM hriM zhes pas 'dren par byed/ /hUM hUM zhes pas 'phyan par byed/ /hroM hroM zhes pas rmongs par byed/ /hra hra zhes pas gnon par byed/ /ho ho zhes pas mnyes par byed/ /haM haM zhes pas srung bar byed/ /hUM hUM zhes pas gsod par byed/ /hu hu zhes pas mgu bar byed/ /traM traM zhes pas gdug par </font><hr>76b<br><font size=+1>


byed| |g+huM g+huM zhes pas phreng bar byed/ /gaM gaM zhes pas dri ru byed/ /raM raM zhes pas rgyal bar byed/ /de nas de bzhin gshegs pa thams cad kyi dkyil 'khor gyi 'khor lo'i tshogs rnams ngo mtshar cher gyur/ rmad du byung ba chen por gyur te/ rang gi sems mgu bar byed pa zhes bya ba'i ting nge 'dzin la snyoms par zhugs nas yang bcom ldan 'das de bzhin gshegs pa thams cad kyi sku dang / gsung dang / thugs rdo rje'i bdag po kun tu bzang po chen po la phyag btsal te gsol ba 'debs so/ /gnyis med mchog tu rmad byung ba| |bcom ldan de nyid bshad du gsol/ /gang gis sems can grub pa 'di/ /gsang ba sbas pa grub par 'gyur/ /gar dang glu dang bzhad pa che/ /sgeg mo rol pa bde ba mchog /sil snyan gling bu rnams sna tshogs/ /brdab dang rgyud rnams rab 'byor pa/ /gsang rgyud cho ga'i rim pa rnams/ /rdzu 'phrul blo yi che ba che/ /dngos grub thams cad grub pa yis/ /sngags rgyal khyod kyis bshad du gsol/ /de nas bcom ldan sangs rgyas rnams/ /thams cad bdag po rgyal po che/ /thog ma med nas spyod rmad byung| |sna tshogs chen po rnams mi rtog /sna tshogs ye shes yon tan che/ /bla med chos kun dbang po ste/ /rig dang sngags kyi bdag po che/ /de nyid chen po snying po mchog </font><hr>77a<br><font size=+1>


@#/ /blo rmongs phyag rgya rgyas 'debs te/ /rgyas 'debs rmongs byed za ba po/ /gtong dang byed pa khyab pa che/ /bskyod pa sdig pa 'phrog par byed// sdig pa'i chos rnams sel bar byed/ /dus ngan 'dod byed khros pa po/ /gti mug chos rjes 'debs par byed/ /sa dang bar snang de bzhin bde/ /de bzhin rnal 'byor pa la sbyin| |tshangs dang gtogs 'dod dbang chen pos/ /de la phyag dang mchod par byed/ /de nyid skyong byed skyob pa po/ /gsang ba'i gsang ba bde ba che/ /zla gsang thig le las byung ba'i/ /sbas pa chen po gsang ba ston/ /nyid kyi sku gsung thugs rdo rje/ /bde ba chen po 'byin mdzad de/ /skal ldan nye bar longs spyod kun/ /bud med thams cad dbang du byed/ /rang 'byung mtshan du thig le ste/ /bcu gsum dra ba dbu ru ldan/ /'di yis bud med bskyed byas te/ /sa bon gyis ni rgyal po 'du/ /'od zer gzi brjid 'bar ba can/ /rang las myu gur 'dra ba yi/ /'og gi phyogs su bzhag pa ni/ /traM byas myur du drang bar bya/ /dang po drang ba gnyis drang bas/ /tsheg drag des ni lcags kyu byas/ /lha dang lha min mchog gi bdag /khams gsum thams cad drang bar byed/ /'di yi tshul gyis sbyor ba yi/ /phan tshun du ni bsgrubs byas nas/ /rmad byung rnam pa </font><hr>77b<br><font size=+1>


sna tshogs kyis| /dngos grub byed pa sbyin par byed/ /bdag nyid rang bzhin mthong bar bya/ /sbyor ldan zla ba'i gzugs nyid du/ /de ste sa bon gzhag par bya/ /de nyid de nyid thabs kyis gnas/ /sngags kyi sbyor bar ba sbyor bas/ /de nas sngags mkhan der 'grub bo/ /de nyid sngags dang snying po dang / /phyag rgya rig dang mi ldan pas/ /sangs rgyas rdo rje sems dpa' yang / /'grub pa nyid du yong mi 'gyur/ /de nyid nang du sbyar byas na/ /snying po snying gar sbyor ba yis/ /phyag rgya phyag rgyas sbyar bar byas/ /sngags dang sngags kyi 'bru bsgoms te/ /rig ma rig ma nyid du sbyar/ /'di yis myur du dngos grub ste/ /mgyogs par 'gro ba rab tu 'grub/ /sangs rgyas kun gyis chen por/ /'byung dang 'byung las 'gyur ba nye/ /rnal 'byor 'byor don sgrub pa po/ /dpa' bo chen po 'gro 'ong byed/ /de nas de bzhin gshegs pa thams cad rab tu mgu rangs par gyur te/ rdo rje'i dbyangs 'di bsgrags so/ /kye ma'o kun tu bzang po yi/ /rdo rje'i theg pa bla na med/ /bshad pa gsang ba zhes bgyi ba/ /de nyid don du sgrub pa ste/ /snying po phyag rgya dam tshig de \?\| |sngags rig rang gi lha nyid de/ /bdag gi de nyid ji bzhin pa/ /gsang ba rgyal ba mchog gis gsungs/ /dkyil 'khor dang ni dam tshig dang / /gsang ba sbas pa </font><hr>78a<br><font size=+1>


@#/ /de nyid de/ /'jig rten gsum gyis 'dud pa'i rim/ /dpa' bo chen pos rab tu bsgrags/ /rdo rje pad+mo rnam mdzad pas/ /rig ma dang ni lhan cig rtse na/ /gdug pa thams cad mnye bya dang / /dam la zhe sdang bza' ba dang / /slob dpon smod la bsgral ba dang / /gzungs ma'i bdag por sgrub pa dang / /sangs rgyas thams cad bskyed bya dang / /rab dgyes bdag nyid bskul ba dang / /sdig pa thams cad sbyang ba dang / /bud med thams cad 'dod bya dang / /bdud rnams thams cad drang bya dang / /rdo rje kun tu gzhug bya dang / /pad+mo'i gnas ni dgang bya dang / /sgrub dang nye bar sgrub pa dang / /shin tu sbyor dang sbyor che ba/ /sbyor ba rab sbyor sbyor skye ba/ / de rnams de nyid mkhyen pa'o/ /bde ba chen po nyid kyis gsungs/ /sgrub pa yi ni sbyor che ba/ /sbyor dang sbyor mar yang dag sbyor/ /de nyid gsal bar sems dpa' che/ / phan par dgongs pa nyid kyis gsungs/ /de nas bcom ldan 'das de bzhin gshegs pa thams cad kyis gsol ba'i mdo rjes su dris pa rang gi thugs la gzhag ste| nyid kyi sku dang / gsung dang / thugs rdo rje las phyung ba/ sangs rgyas kun gyi dam tshig ni/ /kun tu sbyor ba mnyam par ldan/ /de nyid phyag rgya chen po ste/ /ye shes lnga yis </font><hr>78b<br><font size=+1>


rjes su bskyed/ /dkyil 'khor phyag rgya bzhi pa ste/ /phyag rgya chen pos rjes su bsgrubs/ /rdo rje sems dpa' bskyed mdzad de/ /kye ma'o bde ba rnam par 'byung / /snying po ye shes zhes bya ste/ /ye shes bzhi dang yang dag ldan/ /phyag rgya ye shes phyag rgya che/ /dam tshig mchog ni rig ma'o/ /sngags kyi yi ge tshul 'dra ba/ /yi ge'i phyag rgya don chen sbyin// 'di yis sgrub pa byas pa'i gzungs/ /bdag gi de nyid lha de nyid/ /de dag de nyid ci bzhin par/ /nga yis gsang ba rab tu bsgrags/ /dam tshig ma yin mi shes la/ /sngags rig pas ni bstan mi bya/ /phyag rgya thams cad gsang bya ste/ /dam tshig rgyas 'debs gsang ba yin/ /de nyid lha yi sbyor ba ni/ /gsang ba gsang ba rab tu bsgrub/ /rdo rje pad+mo rnam mdzad pas/ /rol pa phyi nang sbyor ba yis/ /rig dang lhan cig rtsen bya ba/ /spyod pa dang ni 'khyud pa dang / /de bzhin mchu ni so yis bzung / /rdo rje brtan pa gzhug par bya/ /g.yas dang g.yon gyi tshul gyis ni/ /bskyod cing rnam par gar bya 'o/ /gdug pa thams cad mnye bya ste/ /nu ma mchan khung mkhur tshos gnyis/ /'gram pa dang ni brla gnyis rgyab/ /rkang pa lag pa 'jam po gnyis/ /mnyes pa'i sbyor ba 'di yis ni/ /mdza' ba chen po de 'grub bo/ /'dod pa'i don gyi bar gcod dang / /dam la zhe </font><hr>79a<br><font size=+1>


@#/ /sdang bza' ba dang / /zhe sdang can gyis zos 'gyur ba/ /khyad par gzhan dang gzhan yang bza'/ /rtag par mi phyogs smra ba dang / /bla ma smod rnams bsgral bya ba/ /sha dang khrag dang klad pa rnams/ /drangs te tshogs kyi mchod par bya/ /'di ni gsang ba drag po ste/ /rdo rje slob dpon smod pa dang / /bla ma smod byed brtson pa la/ /dam tshig phyir ni bsgrub par bya/ /gti mug de ni 'grub mi 'gyur/ /sdug bsngal ba yang 'thob 'gyur te/ /thams cad nad dang khros chen dang / /'jigs byed nye bar 'tshe ba yis/ /bskal pa grangs med bye ba ru/ /sdug bsngal chen po sten byed cing / /'o dod 'bod par sprul gyi bdag /bstir med chen po brlag par 'gro| lus ngag sems ni bde dam pa/ /rig ma kun la bskyod byas te/ /byang chub chen po bde ba yi/ /tshul bzhin du ni bsngags par bya/ /bskul ba'i snying po 'di smras te/ /dzaHzhes skad cig skad cig tu/ /rang gi gnas nas gnas pa yis/ /de nyid las ni bskyod bar bya/ /bcu drug cha dang yang dag ldan/ /zla ba gsang ba'i thig le la/ /me tog dang ni 'dra ba nyid/ /rlung gis phul ba bskyod par bya/ /de ni bskyod pas 'grub pa ste/ /de bzhin du yang bskul bar bya/ /rgyun gyi phreng ni 'od gsal </font><hr>79b<br><font size=+1>


bzhin/ /blo ldan rtag tu bsgrub par bya/ /bdud rnams thams cad 'dren pa ni/ /lha ma rnams ni snying por bshad/ /zhags pa'i tshul gyis gzhug pa dang / /de bzhin dgang ba bcing pa'o/ /sgrub pa lha yi sbyor ba ste/ /rjes su sgrub pa lha mo'i don/ /sgrub pa chen po gnyi ga'i rgya/ /mnyam par sbyor ba rdo rje'i mchog /nye bar sgrub pa gnyi ga gnas/ /shin tu sgrub pa bde dam pa/ /so yi rtse mos mchu bzung ste/ /ma mchu mchog ni bsdam par bya/ /sbyor ba rab sbyor skal ldan pa'i/ /rab dgyes ro myang bde dam pa/ /lha dang lha nyid yang dag sbyor/ /'di ni gnyis su med ces bya/ /snying po phyag rgya sngags rig gis/ /nyid kyi gzugs ni bsgrub bya ste/ /bdag ni sems dpa'o zhes bsams na/ /'di ni gnyis med myur du 'gyur/ /gzugs dang sgra la sogs pa'i lha'i/ /dngos grub thams cad bsgrub par bya/ /sbyor dang rab sbyor sbyor che ba/ /rgyal ba kun gyi mchog gi gsungs/ /bcom ldan rdo rje sbyor ba ste/ /rab tu sbyor ba mkha' la 'gro/ /phyag rgya de dag rab sbyor ba/ /sbyor ba chen po bsgrags pa yin/ /'di yis dpa' bo thams cad dang / /sangs rgyas kun dang mnyam sbyor ba/ /sbyor ba'i dbang po bde ba che/ /tshe 'di nyid la 'thob par 'gyur/ /phyag rgya 'di yis rgyas btab na/ /rdo rje'i bdag po </font><hr>80a<br><font size=+1>


@#/ /chen por 'gyur/ /mnyam par sbyor ba sbyar ba yis/ /'jig rten gsum po myur du rgyal/ /yang dag sbyor ba sbyar tshul gyis/ /drangs te rab tu bcug nas kyang / /rdo rje brtan pos bskul byas te/ /shin tu 'dod pas 'dod pa bskyed/ /mkha' 'gro thams cad thabs mkhas ldan/ /rgyas dang de bzhin zag par bya/ /'di ni yang dag sbyor bas sbas/ /sbas pa rnal 'byor ma dkyil lo/ /'di yis yang dag dngos grub blang / /rdzu 'phrul chen po 'bras bu thob/ /sangs rgyas byang chub bde che dang / /byang chub mchog rab yang dag 'thob/ /gsang ba chen po rmad byung ba/ /de dag de nyid sbas pa che/ /sangs rgyas rnams kyis dris pa'i rgya/ / nga yis yang dag rab tu bstan/ /gang gis yang dag ldan mthong dang / /bdag po chen po mchod byed na/ /dre yis ston pa kun mthong ste/ /rgyal ba mchog la mchod par 'gyur/ /srid pa gcod pa por 'gyur te/ /'gro ba'i ston pa mchog tu 'gyur/ /de la lha kun mchod byed cing / /skad cig skad cig phyag kyang byed/ /ji ltar ston pa rdzogs sangs rgyas/ /phan byed 'jig rten skyes gyur pa/ /sna tshogs ye shes rjes bsdus pas/ /rnal 'byor chen por de bzhin 'gyur/ /rang gis dam tshig </font><hr>80b<br><font size=+1>


bsrungs pa yis/ /rdo rje sems dpa' bde skye ba/ /rdo rje sems dpa'i sbyor ldan pas/ /dngos grub chen po des 'thob po/ /rdo rje sems dpa' mtshan btab la/ /cung zad \?\ mi 'grub yong med de/ /phyag rgya kun gyi bde ba che/ /bdag nyid so sor rjes su 'grub/ /rab dgyes mtshan dang mdza' chen mo/ /ro dang reg pa'i che ba'i che/ /rdo rje sems dpa' sbyor ba yis/ /dpyad mi dgos par 'grub par 'gyur/ /de nas de dag mgu 'gyur te/ /rdo rje sems dpa' bde che ba/ /sbyor ba 'dod pa'i gzir pa yis/ /sbyor ba chen pos mnyes par mdzad/ /ra ma ra ma sa ma ho mahA satwa/ /rab dgyes gdon mi za la bzhugs/ /sangs rgyas kun dang mnyam sbyor ba/ /zla gsang thig ler yang dag ldan| |bdag cag kun kyang dam tshig ste/ /skal ldan dri med rab dgyes kyi/ /rnal 'byor ma snying mchog nyid du/ /sbyor chen nyid kyis rol pa mdzod/ /theg pa chen po bde che yi| |pad+mo rdo rje'i rin chen gyis/ /rnal 'byor ma kun dkyil 'khor du/ /rab dgyes longs spyod gnyis bsten mdzod/ /bdag cag thams cad nyes bral te/ /gnod med de ni gser dang 'dra/ /de nyid thams cad grub chen po/ /rab dgyes bdag nyid nyid bsten mdzod/ /spros pa 'khyud ba sbas pa dang / /gzhug pa dang ni gtong ba'i </font><hr>81a<br><font size=+1>


@#/ /mchog /'di ni sgyu ma'i brtan pa yis/ /ded dpon rab tu brtag par mdzod/ /de nas bcom ldan 'das bde ba chen po kun tu bzang pos 'dod pa thams cad nye bar longs spyod pa'i rnam par rgyal ba'i dpal zhes bya ba chos thams cad mnyam pa nyid kyi sbas pa chen po'i ting nge 'dzin la snyoms par zhugs te/ rnal 'byor ma thams cad shin tu dgyes pa chen po'i kun tu 'khyud pa dang / sprod pa dang / gzhug pa dang / 'dren pa dang / rab tu bskul ba dang / mnye ba dang / / thigs pa dang / tshor bar bya ba dang / bskyod pa dang / kun tu bskyod pa dang / bcing ba'i rdo rje dang / pad+ma chen mo mnyam du sbyor ba la yang dag par zhugs te/ shin tu dgyes pa'i bde ba chen pos bde bas kun tu rgyas par mdzad cing / de bzhin gshegs pa thams cad dang / gzungs ma'i tshogs thams cad la bskyod pa dang / rab tu rgyas pa dang / rab tu rnam par 'byin cing shin tu dgyes pa chen po'i bde ba'i mnyam nyid kyi tshogs kyis nam mkha'i dbyings thams cad kun tu rgyas par byas te gnas so/ /de nas rnal 'byor ma chen mo shin tu dgyes pa'i bdag nyid chen po de dag nyid mgu zhing bde bar gyur te/ kye ma'o bde ba bde ba che/ /rdzogs sangs </font><hr>81b<br><font size=+1>


rgyas ni mgu ba che/ /bde ba chen po rangs par 'gyur/ /kye ma'o bde ba bde ba che/ /bde ba nyid kyis phyag byed de/ /byang chub sems dpa' sems chen po/ /mgu ba chen po'i bde dang ldan/ /kye ma'o bde ba bde ba che/ /'jigs shing skrag pas sdud par byed/ /khros pa chen po mkha' 'gro ma/ /rab tu mi bzad dug dang 'dra/ /bde byed chen po'i rol pa yis/ /bde byed che la mchod par byed/ /skal ba chen po srin mo dang / /bde byed bde bas rab mongs pa/ /mchod pa'i sprin phung bde ldan pa'i/ /rgya chen mchog gis mchod par byed/ /drag mo chen mo ma lta bu/ /rab tu gtum pa me 'dra ba/ /'ongs nas bde byed chen mo yis/ /gtso bo mchog la mchod par byed/ /lha dang lha mo thams cad kyang / / klu mo dang ni rta gdong yang / /'ongs nas bde ba sbyor ba yis/ /yid du 'ong bas mchod par byed/ /de nas dbang po lha chen po/ /bdag nyid chen po lha yi lha/ /kye ma'o bde ba sna tshogs nyid/ /sna tshogs sbyor ba bde ba che/ /mgu zhing rab tu rangs pa yis/ /lha yi lha ni sngon du 'gro/ /dpa' bo bde la phyag byas te/ /kye ma'o bde ba bde ba che/ /rang gi bde bas mngon mchod cing / /'jigs shing skrag pas mnyes par byed/ /tshad med rangs pa bzhad pa che/ /glu gar mchog tu ldan pa dang / /bza' dang bca' ba sha </font><hr>82a<br><font size=+1>


@#/ /chen dang / /sil snyan phreng ba ro chen dang / /gling bu rgyud mang rdza rnga dang / /pi wang pa la kig ha la le/ /stag dang dpa' bo 'jigs pa dang / / zhi dang rmad 'byung 'jigs byed dang / /bdag dang khros dang spyan rgyas pas/ /skad cig skad cig mchod byed cing / /byed pa dang ni bzlog pa dang / /'phrog pa dang ni gzhug pa dang / /sId ces pa dang hUM hUM dang / /ha ha zhes pas mnyes byed cing / /rab dgyes bdag nyid bde ba yi/ /rang gi chung mas mnyes par byed/ /de nas bcom ldan 'das kun tu bzang po chen po rab tu dgyes pa bde ba chen pos nam mkha' dang nam mkha'i skabs thams cad la gnas pa'i sangs rgyas thams cad dang / byang chub sems dpa' dang / rang rgyal dang / nyan thos dang / rang bzhin gyis 'gag pa dang / ngo bo nyid med pa'i chos nyid kyi ye shes la gnas pa rnams shin tu dgyes pa chen po'i bde ba'i thabs dang / shes rab kyi bde bas bkug ste dbang bskur nas/ shin tu dgyes pa chen po'i bde ba'i ting nge 'dzin la yang dag par 'jog pa dang / shin tu dgyes pa chen po'i bde ba'i chos nyid kyi rgyal po rjes su skyong zhing mi mnyam pa dang mnyam pa/ nam mkha' dang mnyam pa'i 'jig rten gyi </font><hr>82b<br><font size=+1>


khams chen po ma lus pa'i sems can gyi khams rnams su rab tu gzigs pas gzigs nas/ 'jig rten dang lhar bcas pa rnams la bde ba chen pos khyab par mdzad de| sems can dang / rigs thams cad dang / gnas thams cad dang / spyod pa dang / mi spyod par bcas pa dang / 'byung ba dang / 'byung ba las gyur pa dang / sa'i 'og dang phung po dang / khams dang / skye mched dang / bsags pa'i dbang po lnga dang / rnam par shes pa dang / shes bya dang / bdag dang / bdag gi dang / sna tshogs dang / sna tshogs ma yin pa dang / bus pa dang / rgan po dang / gzhon nu dang / bud med dang / skyes pa dang / skyes pa ma yin pa dang / srog dang / rab tu zad pa dang / 'jigs pa dang / mi 'jigs pa dang / mig dang / rna ba dang / sna dang / lce dang / lus dang / yid dang / shes pa dang / mi shes pa dang / shes rab dang / thabs dang / khyab pa dang / khyab byed dang / zla ba dang / dbang chen dang / nyi ma dang / me dang / gshin rje dang / chu bdag dang / lus srul po dang / tshangs pa dang / gtogs 'dod dang / dbang phyug chen po dang / lha mo dang / skal pa dang ldan pa dang / skal ba dang mi ldan pa dang / dngos po dang / dngos po med pa dang / mtshan dang / rdo rje dang / pad+mo dang / rin po che </font><hr>83a<br><font size=+1>


@#/ /dang| ral gri dang / tho ba dang / dbyig pa dang / rtse gsum pa dang / 'khor lo dang / sbyor ba dang / rab tu sbyor ba dang / stong pa dang / stong chen po dang / mchog tu stong pa dang / shin tu stong pa dang / stong pa rab tu stong pa dang / byang chub dang / byang chub kyi sems dang / yi ge dang / yi ge med pa dang dra ba dang / lcug ma dang / cha dang / cha med pa dang / thig le dang / ro dang / ro chen po dang / yid la byed pa med pa dang / rtag pa dang / zhi ba dang / mi zad pa dang / thar pa dang / thar byed dang / grol ba dang / rigs pa dang / nyon mongs pa med pa dang / nam mkha' dang / skabs dang / skabs med pa rnams la gcig tu stug por gyur te/ rnam par phye nas mi snang ba'i tshul du gnas so/ /de nas de bzhin gshegs pa thams cad kyi btsun mo shes rab kyi pha rol tu phyin ma dang / thabs kyi pha rol tu phyin ma dang / smon lam gyi pha rol tu phyin ma dang / rdo rje'i pha rol tu phyin ma rnams kyis/ bcom ldan 'das de bzhin gshegs pa thams cad kyi bdag po shin tu dgyes pa rdo rje gdon mi za ba chen po gsang ba chen po'i dgongs pa nges par 'grel pa chen po la phyag mdzad de/ mngon sum du yang dag par bskul </font><hr>83b<br><font size=+1>


nas dris pa/ su ra ta staM ma si ho/ /gang phyir 'dod pa bde ba che/ /gang gis 'dod las byang chub 'gyur/ /'dod chags bral ba ji ltar bde/ /gang gis zhe sdang rdo rje che/ /gang gis gti mug rgyal ba che/ /gang gis 'dod chags pad+mor 'gyur/ /gang gis nga rgyal nam mkha'i bdag /gang gis phrag dog gdon mi za/ /byang chub sems ni ji ltar bde/ / gang gis bde byed mchod par 'gyur/ /mchod pa yis ni ji ltar 'grub/ /ji ltar gzungs dang mnyam sbyor bas// yi ge mchog ni 'grub par 'gyur/ /ji ltar 'dod pa'i yon tan lnga/ /bsnyen pa yis ni myur du 'grub/ /ji ltar gsang ba mnyam sbyor bas/ /rmad du byung ba'i dbang bskur 'gyur/ /ji ltar pad+mo mnyam sbyor bas/ /dkyil 'khor rab tu zhugs par 'gyur/ /ji ltar dri chu byang chub dang / /khrag dang snang mdzad chen po yis/ /dam tshig nyid du ji ltar 'gyur/ /ji ltar btung ba rab tu brtag /de nas bcom ldan 'das shin tu dgyes pa chen po'i bdag po kun tu bzang po chen pos rdo rje pha rol tu phyin ma'i gsang ba chen mo de dag thams cad la rang gi bde bas mnyes par byas te| mi mnyam pa dang / /mnyam pa'i sbas pa chen po shin tu sbas pa mchog tu gsang ba'i dris lan chen po nyid kyi sku dang / gsung dang / thugs rdo rje las phyung ngo / /ngan song </font><hr>84a<br><font size=+1>


@#/ /gsum gyi 'jigs byed du/ /sems can nyon mongs sdang byed pas/ /de phyir de ni rdo rje che/ /zhe sdang zhes ni bsgrags pa yin/ /ngan song 'jigs pa chen po ru/ /sems can thams cad rmongs byed pas/ /de phyir 'di ni gti mug ste/ /rtag pa thub pa mchog yin no/ /thabs dang shes rab tshul nyid kyis| |'gro ba thams cad dga' byed cing / /pad+mo'i tshul tu rab rtogs phyir/ /de phyir 'dod chags zhes bya'o/ /bde chen sbyin pa'i sprin gyis ni/ /sems can thams cad nga rgyal bskyed/ /nam mkha'i bde ba bsdus pa'i phyir/ /de phyir mkha' chen nga rgyal yin/ /ro la sogs pa'i mnyam sbyor bas/ /phrag dog rdo rje gdon mi za/ / sna tshogs pad+mo rab 'jug phyir/ /de yi phyir ni sna tshogs che/ /'dod chags bral ba dga' med phyir/ /bdag ni dgyes sbas pa che/ /'dod pa ma gtogs bde byed med/ /bde che 'dod pa nga yin no/ /'dod chags med par byang chub med/ /byang chub med na'ang 'dod chags med/ /sdig pa'i nang na chags bral te/ /sangs rgyas bde mchog mnyes byed pas/ /'dod chags 'dod las bde byed kyi/ /bde ba mchog tu rmad byung 'gyur/ /byang chub sems med bde byed gzhan/ /'jig rten </font><hr>84b<br><font size=+1>


gsum po 'dir med do/ /thams cad byang chub sems ngo bo/ /bde ba kun gyis tshim par 'gyur/ /bo zhes pa ni rdo rjer bshad/ /d+hi zhes pa ni gzungs ma'i mchog/ ci zhes pa ni zag par bshad/ /ta zhes pa ni bde ba che/ /mchod pa med pas bde byed med/ /bde ba med pas mgu ba med/ /mgu bas dngos grub thob par 'gyur/ /grub na bde byed rtag pa yi/ /phyag na rdo rje bde ba che/ /'dod pa'i bde bas mchod byed cing / /tshe 'di nyid la thob par 'gyur/ /bde ba kun gyis gzhir gyur pa'i/ /chos kyi dbyings ni rnam par 'dzin/ /rdo rje 'dzin phyir gzungs ma yin/ /hrI zhes pa ni pad+mo 'dzin/ /'di dang mnyam par sbyor ba yi/ /yi ge myur du 'grub par 'gyur/ /'dod pa lnga yi yon tan kun/ / rdzogs sangs rgyas kyi sprul pa ste/ /sangs rgyas rnams dang rdo rje 'dzin/ /mkha' 'gro sgyu ma'i longs spyod de/ /de phyir 'dod pa'i yon tan lnga/ /de yis bsnyen na grub par 'gyur// sngags kyi sku 'dzin dpal dang ldan/ /dbang phyug mchog gis sngags rgyal lo/ /rdo rje sems kyi thugs las skyes/ /mtshan can mchog tu sbas par bshad/ /de dang mnyam du sbyor ba yis/ /mchog gi dbang ni bskur bar 'gyur/ /pad+mo'i dkyil 'khor zhes bya ba/ /dkyil 'khor thams cad sgrub par byed/ /blo ldan de ru zhags gyur na'o/ /dam tshig </font><hr>85a<br><font size=+1>


@#/ /spas pa chogs kyi rnams/ /dri chu byang chub dmar po'i mchog /sha chen sbrang rtsi mar nyid kyis/ /lus la kun tu khyab gnas te/ /de yi phyir ni dam tshig che/ /dam tshig 'di yis dngos grub ste/ /dam tshig yi ger ldan pa yis/ /sbyor ces sbyang dang bskyed byas na/ /bza' ba dngos grub 'thob par 'gyur/ /de nas pha rol phyin ma kun/ /pad+mo'i gzigs pa rgyas pa yi/ /'dzum bcas g.yon nas gar mdzad cing / /rtag pa la ni yang gsol pa/ /rigs ni rnam pa du ru bstan/ /ji ltar sbas pa gsum zhes bgyi/ /sna tshogs chen po de dag kun/ /bde la gnas pas bshad du gsol/ /de nas bcom ldan 'das de bzhin gshegs pa thams cad kyi gnyis su med pa'i mnyam pa nyid kyi bde ba chen po zhes bya ba'i ting nge 'dzin la snyoms par zhugs te/ de nyid kyi sku dang / gsung dang / thugs rdo rje las de bzhin gshegs pa thams cad kyi mchog tu gsang ba pha rol tu phyin ma'i de kho na nyid rab tu phyung ngo / /nga nyid sbyor ba bcom ldan 'das/ /rdo rje sems dpa' don chen sbyin/ /rigs kyi khyad par lnga rnams kyis/ /sbyong bcas mi spyod rnams la rol/ /rtag pa mi bskyod rin chen mchog /'jig dbang gdon mi za grub rnams/ /rigs ni rnam pa brgyad </font><hr>85b<br><font size=+1>


bstan te/ /mdo ru bsdus na rnam pa lnga/ /lus dang ngag dang yid rnams kyis/ /khyad par theg pa rnam pa gsum/ /de nyid gsum po rdo rje mnga'/ /bde ba'i gnas la rol pa mdzad/ /de nas bcom ldan 'das de bzhin gshegs pa thams cad mchog tu ngo mtshar du gyur te/ rang gi sdom pa gsol ba 'debs so/ /sdom pa dngos grub kun sbyin pa| |brtul zhugs dka' thub sngags mkhan gyi/ /dam tshig mchog tu srung ba rnams/ /bcom ldan gsang ba nyid kyis gsungs/ /de nas bcom ldan 'das kun tu bzang po mchog tu shin tu dgyes pa'i bde ba la mngon par chags pas de bzhin gshegs pa thams cad kyis gsol ba btab pa mkhyen te/ zhal rab tu bzhad pas rgyas nas nyid kyi sku dang / gsung dang / /thugs rdo rje las 'di phyung ngo / /sku dang gsung dang thugs sbas pas/ /nan tan du ni bsrung bar bya/ /bsrungs pa yis ni bsod nams che| |dngos grub shin tu skye bar 'gyur/ /de ni 'di yis rgya che ba'i/ /yid kyis kha dog dbyibs chen gyi/ /phyag rgya bcings la sogs pas btab/ /sbas pa'i sku ni rab bsgrub bya/ /rdo rje gsung du rab sbyor bas/ /chos kyi ngo bo phyag rgyas brjod/ /ngag sbas gsang bar brjod pa ni/ /nga ro spangs pa rdo rje'i gsung / /rang sems rab tu </font><hr>86a<br><font size=+1>


@#/ /'bigs pa yis/ /zla ba rdo rje rnam par sgom/ /rang bzhin gsum po gcig tu sgom/ /'di ni yid sbas chen po yin/ /'di ni de nyid rgya chen mchog /rgyun du sgom pa rnams byas te/ /gsum bsgoms pas ni 'grub par 'gyur/ /gzhan min rdo rje 'dzin gyis gsungs/ /sbas gsum la sogs cho ga yis/ / phyag rgya thams cad rgyas btab ste/ /de bas nan tan thams cad kyi/ /sbas gsum rnam par sba bar bya/ /rdo rje mchog 'dzin chen po dang / /gtso bo chen pos byin gyis rlob| /blon po gang gis 'das byas na/ /rdo rje 'dzin pa skad cig 'jig /sems dpa' che dang bral 'gyur na/ /ngan song gsum du yang dang yang / /ji tsam nam mkha'i dkyil 'khor ba/ /shin tu mi bzad smin par 'gyur/ /de nas dam tshig de dag kun/ /rdo rje 'dzin la mgu gyur te/ /'jam po'i phyag gis gar mdzad cing // g.yon gyis phyag byas slar gsol pa/ /gar dbang rnam gnon gnon par gar mdzad cing / /mtha' yas phyag ni bcu pa'i bsgyings pa yis/ /pad+ma'i lo ma 'jam po brgyad phye nas/ /gnyis min bde bar rdo rje 'jog mdzad de/ /sbas pa de nyid mi mnyams sad par 'gyur/ /rdo rje 'dam skyes zla ba yang dag 'du/ /thabs dang shes </font><hr>86b<br><font size=+1>


rab dgyes pa bde byed sogs/ /bde gshegs rnams kyi sbas pa nyid kyis shod/ /sbyor dang sbyor min yang dag sbyor/ /zhi ba'i thal mo mchog tu bde/ /'dod pa lnga yi yon tan 'grub/ /sangs rgyas byang chub rab sgrub pa'o/ /de nas bcom ldan dam tshig rgyal/ /rdo rje sems dpa' bde ba che/ /de nyid sbas pa bskul ba yis/ /sbas pa ma lus 'chad par 'chad/ /rdo rje pad+mo mnyam sbyor bas/ /cho gar ldan pas gang dbang bskur/ /bde bar 'dod pa'i slob dpon gyis/ /de nyid 'di ni de la bstan/ /'di la khrus med nges pa med| |dka' thub med de dka' ba'ang med/ /sangs rgyas thams cad mnyam sbyor ba/ /nga nyid sbyor bas 'grub par 'gyur/ /lus dang ngag sems rdo rje yis/ /rdo rje sems dpa' nyid du 'gyur/ /rdo rje dbab pa skyes 'gyur na/ /ji tsam 'dod par nam mkhar 'phur/ /snying gar rdo rje khu tshur bcings/ /rdo rje lta bas rnam bltas te/ /dgyes pa'i tshul gyis bsnyen byas na/ /rdo rje sems dpa' skad cig 'gyur/ /rnam sgeg dgyes pa'i rnam gnon pas/ /rab dgyes sar ni 'gro byed de/ /sangs rgyas bde ba chen po dang / /grub pa yis byang mchod byed cing / /rdo rje sems dpa'i rgya che mchog /'gying ba'i langs pas gar byed pas/ /bde byed zla ba'i 'od 'dra zhing / /las kyi khyad par la sogs gnon/ / </font><hr>87a<br><font size=+1>


@#/ /sbas pa'i gar gyis gar byas pas/ /sbas pa sbyor ba'i bdag nyid 'grub/ /sna tshogs dkyil 'khor gar byed cing / /lag pa mang po rnam bsgyur dang| |phyir brkyang dbyings su ldan pa dang / /khro bar dri med lta ba yis/ /gdul dka' gnon pa 'jigs byed pa'i/ /'jig rten gsum po rnam rgyal 'gyur/ /me 'bar nyi ma'i dbus nyid du/ /khro bo hUM mdzad bsgom byas na/ /myur du 'jig rten don sgrub phyir/ /'jig rten gsum po rnam rgyal 'gyur/ /lha mo bzhi dang mnyam sbyor pas/ / su ra ta s+t+waM zhes smra zhing / /ha ra thig le tshul sbyar na/ /rab dgyes de ma thag tu 'gyur/ /rab dgyes mchog tu brtag pa yi/ /sa chen rnal 'byor 'gro 'gyur te/ /lha mo bzhi dang 'grogs pa yi/ /sems can rnams kyi don kun byed/ /de nas de bzhin gshegs pa de dag thams cad bde ba chen po la phyag bzhes nas gsol ba/ thal mo yang dag sbyor byas te/ /phyag rgya de nyid kyis shod/ /rdo rje mchog la gsol ba 'debs/ /bde ba'i bdag nyid mchod par shod/ /gzugs dang sgra dang dri che dang / / ro dang reg pa yid 'ong ba'i/ thugs rje chen pos bsgrubs pa yis/ /dpa' bo chen po nyid kyis shod/ /de nas bcom ldan bde byed che/ /rdo rje sems dpa' bdag po </font><hr>87b<br><font size=+1>


che| |phyag rgya bcings pa bde ba che/ /de nyid mchog ni bshad par mdzad/ /dang po chos kyi phyag rgya ste/ /gnyis pa dam tshig phyag rgya yin/ /gsum pa phyag rgya chen po ste/ /bzhi pa las kyi phyag rgyar bshad/ /de nas sku gsung thugs rdo rje/ /ji ltar 'gying bzhin bsgom bya ba/ /sna tshogs ye shes rjes su dag /sna tshogs chen pos 'chad par mdzad// rtag pa'i sku ni ser po ste/ /mi bskyod rdo rje dkar po yin/ /nam mkha'i snying po mthing ga che/ /tshe dpag med pa pad+mo dmar/ /sna tshogs kha dog rgya tsho mchog /'od zer phreng ba rmad byung ba'i/ /gdon mi za ba rdo rje che/ /don chen byed pa bsam par bya/ /rang rang rigs kyi gnas nyid du/ /myur du nam mkhar 'gro byed cing / /rigs kyi lha mo bzhi rnams kyis| |rol pa dang ni mchod par byed/ /sna tshogs sbyor ba bde che ba'i/ /lha mo bzhi dang mnyam sbyor ba/ /rdo rje sbyor bdag bsgoms byas na/ /rdo rje sems dpa' bdag nyid 'gyur/ /rdo rje sems sogs sems dpa' mchog /rdo rje la sogs gdan bzhugs par/ /rang gi 'khor lo mchog gi rgyan/ /rang gi phyag rgyar gnas par bsam/ pad+mo'i gdan gyi tshul gyis ni/ /brtse dang ldan pas bsgoms byas te/ /snying po sbas don gar byas pas/ /sbas pa chel bde byed na/ /'gying ba'i bde bar ldan pa yi/ / </font><hr>88a<br><font size=+1>


@#/ /rdo rje chen po de 'grub ste/ /sna tshogs dkyil 'khor rab nye ba/ /sna tshogs chen po 'gro bar 'gyur/ /bde ba chen po thams cad 'grub pa'i sbyor pa chen po'i bde ba zhes bya ba'i phyag rgya rab tu rgyas pa'o/ /de nas phyag rgya bcings bshad de/ /rtag la sogs pa'i de kho na/ /gang gis myur du bcings pa yi| |sangs rgyas dngos grub bde cher 'gro/ /thabs ni g.yas kyi logs su bya/ /de bzhin shes rab g.yon par te/ /zhi ba'i thal mo gsum nyid kyi/ /sbyor ba'i tshul gyis bsdu bar bya/ /sor mo thams cad bar bar du/ /mnyam du sbyor bas khyad par sbyin/ /rdo rje yi ni thal mo 'dis/ /sangs rgyas thams cad nyid du bsgrub/ /'di ni bcings pa tsam gyis kyang / /nam mkha'i snying po'i gnas su 'gro/ /'di nyid shin tu bcings pa yi/ /gsum du sbyor bas mchod pa bya/ /de nyid las ni sor mo kun/ /kun tu bskums te bcing bar bya/ /rdo rje'i bcing ba bsdus pas ni/ /bcing bar ldan par rnam bsgyur te/ /de nyid sbom po rab bcug nas/ /khro mo'i rtse mo rab tu dgug /'di ni rdo rje rigs kyi bcing / /rdo rje sems dpa' nyid 'grub byed/ /de bzhin bcing ba rnam bzhag ste/ /sbom po khro mo'i rtse mo sbyar/ /'di </font><hr>88b<br><font size=+1>


ni bcing ba bcing ba che/ /nam mkha' 'gro ba nye bar sgrub/ /de nyid bcing bas bcing byas te/ /khro mo gnyis po mtshan bzhin du/ /rtse mo sprad de dgug bya ba/ /bcing ba 'di yis pad+mo sgrub/ /bcing ba de nyid rab tu sbom/ /bde ba bcug nas bsdam byas te/ /las kyi bcing ba sbyor ba yis/ /don yod mchog gi rigs su 'gro/ /bcing ba de nyid bcing byas te/ /sbom dang khro bo'i rtse mo sbyar/ /g.yas pa'i sbom po rdo rje yis/ /de yi dbus su bcug bya ba/ /de 'di bcing ba chen po ste/ /rab dgyes ro ni sgrub byed pa/ /gang gis bcings pa tsam gyis ni/ /rab tu dgyes pa nyid 'thob bo/ /dngos grub thams cad bde ba che/ /de yis 'di tshe 'thob 'gyur te/ /phyag rgya bcing ba'i cho ga yis/ /sangs rgyas thams cad rab tu gnas/ /phyag rgya bcing ba'i ye shes rnam par rgyas pa'o// //bcing ba lnga yi cho ga yis/ /gcig gis rnal 'byor bsgrub mi bya/ /drug ni sbyor bas sbyor byas na/ /de ma thag tu rab dgyes 'gyur/ /bcing ba lnga yi phyag rgya'o/ /de bzhin bcing ba gnyis byas te/ /g.yon gyi snying gar bcing bar bya/ /g.yas kyi rtse mo sgrang byas te/ /rdo rje'i tshul gyis gzung bar bya/ /phyag rgya 'di ni byang chub bde/ /sangs rgyas thams cad gcig tu sgrub/ /gdon mi za bar tshe 'di la/ /rtag pa 'dra ba thob </font><hr>89a<br><font size=+1>


@#/ /par byed/ /g.yon pa de nyid snying gar bzhag /g.yas pa sa la reg byas pas/ /sa la bde bar rol pa yis/ /'di yis mi zad 'thob par 'gyur/ /de bzhin snying gar g.yon pa bzhag /lag pa g.yas pa rab sbyin bya/ /'di yis rin chen skal ldan sogs/ /nam mkha' nye bar 'grub par 'gyur/ /de bzhin g.yon pa snying gar bzhag /g.yas kyang bzhag ste ting 'dzin gnas/ /'di yis tshe dpag med pa nyid/ /tshe 'di nyid la 'thob par 'gyur/ /de bzhin g.yon pa snying gar sbyar/ /lag pa g.yas pa mi 'jigs sbyin/ /'jigs pa ma lus rab sgrol ba/ /sdig pa gdug pa 'jigs pa che/ /'di yis thams cad 'phrog par byed| /gdon mi za ba'i nges pa yis/ /de ni chen po'i chen por 'gyur/ /de nyid bcing ba gnyis byas te/ /g.yon pa g.yon du sbyar bar bya/ /g.yas ni snying gar gzung byas te/ /brjid pas rab tu bzhad cing gnas/ /bde ba chen po thabs gnas pas/ /'di yis rab dgyes nyid 'gyur te/ /bde mchog nyid du sgrub pa po/ /tshe 'di nyid la the tshom med/ /de bzhin bcing ba bcing byas te/ /sbyor dang ldan pas bstan par bya/ /sbom po'i rtse mo pad+mo'i gnas/ /g.yon gyi khro mo'i rtse mor sbyar/ /g.yas </font><hr>89b<br><font size=+1>


pa yi ni sbom po yi/ /mngon sum rdo rjer byas pa yis/ /bcug nas bde ba spyod bya zhing / /skad cig skad cig bsdam par bya/ /de 'di sangs rgyas thams cad kyis/ /dgyes pa dgyes mchog sgrub pa po/ /'di ni bcings pa tsam gyis kyang / /yang dag rdo rje dgyes pa 'thob/ /rab dgyes bde mchog longs spyod kyi/ /btsun mo dngos grub nyid du 'gyur/ /g.yas ni mtshan mas bgrang byas te/ /lcags kyu'i tshul du gzhag par bya/ /rdo rje 'dod ma lcags kyu ste/ /rdo rje 'dod byed btsun mo yi/ /dang por 'dren pa de nyid bzhag /tha mar ha ra thig ler bya/ /rdo rje dgyes pa bde 'thob byed/ /ming ni dbus su bri bar bya/ /'di yis snying gar byas pa yis/ /de bzhin gshegs pa bde mchog 'gro/ /phyag rgya bzhi dang 'grogs pa yis/ /lus 'dis tshe 'di 'grub par 'gyur/ /rab dgyes sbyor bar yang dag ldan/ /phyag rgya bzhi dang mnyam 'grogs shing / /rdo rje 'gying la sogs sprod pas/ /rnal 'byor 'di ni bcings pa yis/ /rab dgyes la sogs ma lus pa/ /rab dgyes ro la bsgyings ma yis/ /skad cig nyid du 'dren par 'gyur/ /de bzhin sbom mo'i rtse mor sbyar/ /snying rje chen po der bzhag pa/ /sbal pa chen po rdo rje spyan/ /de nyid don kun ston byed ma/ /'di ni yang dag bcings pa </font><hr>90a<br><font size=+1>


@#/ /yis| |rdo rje rtag pa'i spyan du 'gyur/ /yod dang med pa rnam spangs pa/ /dngos po thams cad mthong bar 'gyur/ /rdo rje'i thal mo bstan bya ste// khro mo rtse mo zlum po yis/ /mthon por mtshan dang 'dra byas te/ /sbom por rdo rje bstan pa'i tshe/ /de 'di bcom ldan 'das ma mchog /rdo rje pad+mo'i bde 'thob byed/ /rnal 'byor 'di ni bcings pa yis/ /sbas pa chen po'i dgyes pa 'thob/ /de nas lha mo chen mo dag /spros pa che bas gar mdzad cing / /rdo rje bde byed bdag nyid la/ /bdud dang bcas pas phyag byas te/ /chos kyi yi ge thabs gnas nas/ /de nyid chos kyi gsol ba 'debs/ /chos kyi phyag rgya bde ba che/ /rdo rje bcom ldan bshad du gsol/ / sgrub pa pos ni rab bsgrims na/ /gang gis lha ni 'grub par 'gyur/ /gang gis myur du byin brlabs pas/ /sangs rgyas byang chub rab sgrub ste/ /bde byed gnyis kyis spro che ba/ /de bzhin gshegs pa'i gnas 'jug 'gyur/ /de nas bcom ldan 'das kyis lha mo thams cad kyis gsol ba btab pa mkhyen nas/ nyid kyi sku dang / gsung dang / thugs rdo rje sbas pa las chos kyi phyag rgya chen po'i tshig 'di phyung ngo / /bcu gsum bdag nyid 'dren pa ste/ /thig le lhar ni yang dag ldan/ /tha mar </font><hr>90b<br><font size=+1>


ha ra thig ler gnas/ /rab tu dgyes pa rdo rje dgyes/ /snying gar phyag rgya 'di byas nas/ /dga' byed lhan cig rtsen byed cing / /spyod dang mi spyod 'grub 'gyur te/ /rnal 'byor bde ba chen por 'gro/ /de bzhin 'dren pa thog mar bya/ /rdo rje 'dod pa kyo ba mchog /har thig le yang dag ldan/ /cha gnyis gsum pa sbyar byas pa/ /'di ni snying gar bzhag byas na/ /bde bar nam mkhar 'gro 'gyur te/ /bde ba shin tu rtag pa yi/ /'di yis mchog tu dngos grub bo/ /'dren pa de nyid thog mar bzhag /ltos ltos zhes pa hUM dang ldan/ /skal pa chen po rdo rje spyan/ /dbus su bskul bas 'grub par 'gyur/ /'phrul gyi spyan lnga nor che ba/ /'di yis rnal 'byor 'grub 'gyur te/ /rdo rje byang chub dgyes pa che/ /sangs rgyas thams cad mthong bar 'gyur/ /dang por 'dren pa de nyid bzhag /tha mar ha ra thig ler bya/ /rdo rje dgyes pa bde 'thob byed/ /ming ni dbus su bri bar bya/ /'di yis snying gar byas pa yis/ /de bzhin gshegs pa bde mchog 'gro /phyag rgya bzhi dang 'grogs pa yis/ /lus 'dis 'di che 'grub par 'gyur/ /rab dgyes sbyor bar yang dag zhon/ /phyag rgya bzhi dang mnyam 'grogs shing / /rdo rje 'gying la sogs sprod pas/ /bcom ldan 'dod ma </font><hr>91a<br><font size=+1>


@#/ /'grub par 'gyur/ /chos kyi de kho na nyid kyi don gyi ye shes kyi phyag rgya'o// //de nas bcom ldan sbyor ba che/ /thog ma tha ma med pa mchog /gdug pa thams cad gdul ba'i phyir/ /rdo rje khro bor de 'gyur ro/ /mdun du thog ma'i lha nyid du/ /rdo rje hUM mdzad nyi ma 'bar/ /nyi ma bcu gnyis gzi brjid che/ /me 'bar rab tu 'bar bar ldan/ /'khor gyi 'khor lo de dag kun/ /dur khrod kyi ni rgyan mchog gis/ /brgyan te gdug pa'i tshogs rnams la// de ni yang dag rol pa mdzad/ /khro chen mchog 'dul phyag rgya 'di/ /sngags ni rang gi snying gar bsgom/ /khro mo'i bu mos mdun du bskor/ /khro mo chen mo de 'grub bo/ /'di yis gdug pa thams cad rnams/ /hUM byas myur du brgyab par 'gyur/ /de dag gdug pa gdug pa che/ /'jigs shing 'khrugs te rab tu 'jig / skyobs shig skyobs shig ces smra zhing / /rdo rje gtsol dran par byed/ /phyag rgya 'di ni mnyam par gzhag /'gro ba thams cad dbab bya ste/ /las mchog thams cad sgrub pa pos/ /dgra yi rnams ni gzhig par bya/ /sbyor dang ldan pas 'bum bzlas te/ /las rnams thams cad byed ba na/ /gdon mi za bar kun 'gyur te/ /rdo </font><hr>91b<br><font size=+1>


sems dpa' bsgrub par nus/ /zhes bcom ldan 'das dpal rdo rje sems dpas gsungs so/ /khro bo'i phyag rgya'i ye shes so/ /de nas sangs rgyas che de dag /sangs rgyas nyid skyes thams cad mchog /gzugs ma rnal 'byor ma thams cad/ /rang gi 'khor gyi 'khor lo'i tshogs/ /phan tshun bde ba ldan pa yi/ /dga' bas 'khor rnams 'phags 'gyur te/ /rang gi bde byed skyes par 'brel/ /skal pa chen me rtsen par byed/ /de nas bcom ldan 'das rdo rje shin tu dgyes pa chen pos rang gi 'khor gyi 'khor lo'i tshogs rnams la yang dang / yang du gzigs te/ de bzhin gshegs pa thams cad kyi 'dren pa'i rig ma'i snying po 'dis sdud pa mdzad do/ /oM badz+ra ang+ku sha /du ru du ru/ e h+ye hi kaD+D+h+ya bi kaD+D+h+ya sar+b+bAn+paR+Sha ta tsakra sany+tsa ya/ badz+ra ang+ku sha hUM phaT/ 'di yi phyag rgya rdo rje yi/ /bcings pa gnyis ni dam byas te/ /rdo rje khro mo dgrol bar bya/ /rdo rje'i khro ba rab sbyar ba/ /rdo rje'i kyo ba zhes bya'o/ /'gro dang ri bo sems can rnams/ /phyag rgya 'di yis kun bkug ste/ /'dod pas 'gying ba'i yid rtag rnams// mi yi bu mo smos ci dgos/ /rdo rje bcings pa mnyam gzhag ste/ /g.yon gyi steng du de bzhin bzhag /dbus su sbom mo gzhag par bya/ /rdo rje 'dren pa gzi brjid che// </font><hr>92a<br><font size=+1>


@#/ /rdo rje bcing pa bsdam byas te/ /rdo rje sbom mo rtse mo sprad/ /bdag ni rdo rje zhes bsgom zhing / /bcing ba de ni dgrol bar bya/ /de nyid bcing ba dam byas te/ /dbang dang chung ngu'i rtsa ba'i mtshams/ /rdo rje sbom mo nus byas te/ /rab dgyes bdag nyid bskyod par bya/ /de las rdo rje mchog gnyis bskyed/ /mdud pa'i tshul du sbyar bar bya/ /gzhug pa dang ni 'dren pa'i mchog /'di yis thams cad dngos grub pas/ /rnal 'byor phyag rgya 'di nyid kyis/ /drangs te bcug nas bcing byas te/ /dbang du byas nas bsgrub par bya/ /de nas de dag thams cad drangs bcug bcings dga' ba bskyed nas/ rang gi rab tu dgyes pa'i bde ba chen pos/ /rang gi rgyal srid rjes su skyong zhing rdo rje chos la bka' stsal pa/ sangs rgyas kun gyi tshul chen po/ /dga' byed zla gsang thig le yi/ /rab dgyes bdag nyid gsang ba 'di/ /sems dpa' chen po khyod kyis zungs/ /de nas gdan las myur bzhengs te/ /thal mo sbyar te phyag bzhes nas/ /chos kyi ngo bor chig smras pa/ /bde ba chen po bdag gis blangs/ /rang bde longs spyod gar byas te/ /rdo rje tshe yis 'di skad smras/ /rdo rje chos ni sna tshogs che/ /sna tshogs pad+mo gar rab byed/ /de nas pha rol </font><hr>92b<br><font size=+1>


phyin de kun/ /rab dgyes longs spyod gar byed cing / /bde byed chen po'i bdag nyid rje/ /legs pa zhes pa sbyin byed de/ /legs so legs so bde ba che/ /legs so legs so ye shes che/ /legs so legs so sna tshogs che/ /legs so legs so dgyes pa che/ /bcom ldan 'das dgyes pa'i thugs kyis de skad ces bka' stsal nas/ pha rol tu phyin ma'i 'khor chen mo de dag mngon par dga' bar gyur to/ /zla gsang thig le zhes bya ba'i rgyud kyi rgyal po mchog tu gsang ba yongs su rdzogs so// //lo ts+tsha ba rin chen bzang pos bsgyur ba'o/ /gsung rab don rtogs slob dpon gyis/ /lhag par bkrol te bstan pa la/ /ci rigs bsgyur ba'i bsod nams kyis/ /sems can sems bde thob par smon// </font><hr>

</table>