H449

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H449</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H449&coll=lhasa">see text in Tibetan script</a></table>1b<br><font size=+1>


@##/ /rgya gar skad du/ sarba ra ha s+yo nA ma ta n+t+ra rA dzA/ bod skad du/ thams cad gsang ba zhes bya ba rgyud kyi rgyal po/ bcom ldan 'das ye shes sems dpa' la phyag 'tshal lo/ /'byung lnga nyid kyis lnga yi bdag nyid can/ /mi rnams lus la nges par mthong ba dag /rang sems rab tu bsgom par gyur na ni/ /dngos der bsgoms pas nges par sangs rgyas 'gyur/ /rang shes gsang ba dam pa ni/ /sangs </font><hr>2a<br><font size=+1>


@##/ /rgyas ye shes bla med de/ /gnyis med gnyis kyi tshul can te/ /sangs rgyas rtag par rab tu 'dud/ / yang dag bdag med las byung zhing / /gnyis med ye shes las byung ba/ /sdug dang mi sdug rnam spangs pa/ / ci la'ang phyag ni mi 'tshal to/ /ma skyes pa ni yang dag bskyed/ /skyes pa'i 'og tu rtag par ni/ /sangs rgyas skur ni sgom pa dang / /rang gi ye shes mchog phyag 'tshal/ /rnal 'byor pa dang sems can kun/ /ma skyes pa ni yang dag skye/ /skyes pa'i 'og tu rtag par ni/ /nyon mongs bag chags kyis sun 'byin/ /lus can rnams ni 'khor gyur pa/ / </font><hr>2b<br><font size=+1>


sdug dang mi sdug rnam 'byed yin/ /sems gang de nyid sdug bsngal te/ /sems can rnams kyi lus 'byung ngo / /sems de yi ni rgyun nyid kyis/ /'gro ba sdug bsngal gnon par 'gyur/ /rnam par snang mdzad rgyal ba mgon/ /sangs rgyas thams cad bsdus gcig pu/ /sangs rgyas thams cad rtogs gyur pa/ /sangs rgyas 'khor ba sgrol ba po/ /sems can kun la phan pa'i phyir/ /thugs rje'i nyams dang yang dag ldan/ /rgyu yi de nyid mnyam sbyor bas/ /'bras bu'i de nyid rnams kyang ston/ /'bras bu'i de nyid yang dag zhugs/ /rgyu yi de nyid mi 'dod do/ /gang du 'dod pa skyes gyur pa/ /de nyid 'khor ba'i bag chags yin/ /mkhas pa yi ni cho ga yis/ /bsgom pa ru ni yongs su btags/ /gang zhig slar yang gcig gyur pa/ /rnal 'byor pa yi rnal 'byor byung / / </font><hr>3a<br><font size=+1>


@#/ /sangs rgyas rjes dran la dmigs shing / /chos ni rjes su dmigs pa yi/ /tshogs gnyis kyi ni sbyor ba yis/ /rkang gnyis dam pa nyid du 'gyur/ /b+ha gar ling ga rab bzhag ste/ /sangs rgyas skur ni rnam par bsgom/ /sangs rgyas rjes dran rnal 'byor pa/ /sangs rgyas sprin ni bsgom par bya/ /b+ha gar ling ga rab bzhag ste/ /rdo rje chos ni rnam par bsgom/ /chos ni rjes dran rnal 'byor pa/ /chos kyi sprin las char rab 'bebs/ /mtshan ma ling ga zhes bshad de/ /phyag rgyas mtshan ma rnam pa bzhi/ /'joms pas b+ha ga zhes bshad de/ /nyon mongs 'joms pa'i dam pa yin/ /sems can kun gyi dngos kun gyi/ / rang sems chos ni bsdus pa yin/ /chos bdag med pa'i sbyor ba yis/ /bsad na rang nyid 'chi bar 'gyur/ /rang gi sems </font><hr>3b<br><font size=+1>


nyid rdzogs sangs rgyas/ /rtogs par bya ba sems nyid yin/ /rang gi sems nyid gsang bya ba/ /sems nyid kho na gsad par bya/ /sbyor ba nyid dang yang dag 'brel/ /gang yang srid pa 'byung ma yin/ /gang tshe sangs rgyas de tshe ni/ /sbyor lnga sangs rgyas bdag ces bsgom/ /ting 'dzin ye shes las byung ba/ /sangs rgyas nyid phyir mdor bsdus pas/ /sangs rgyas rnal 'byor med pa ni/ /rnal 'byor pa ni 'tshang mi rgya/ /phra mo'i dngos po ji bzhin mthong / /sdug pa'i dngos por de bzhin te/ /dngos dang dngos med khyad par ni/ /bsgom pa kun tu brtags pa yin/ /dngos po bsgom pa'i dngos ma yin/ /bsgom par bya ba bsgom pa yin/ /dngos po bsgoms par gyur pa yis/ /rang gi sems ni yongs su sbyangs/ /sangs rgyas sangs rgyas yul ma yin/ /sems can yul du'ang mi 'gyur gyi/ /rang sems rtogs pas sangs rgyas te/ /sangs rgyas sangs rgyas rtogs pas min/ /gnyis med sbyor ba 'di la yang / /ting nge 'dzin gyi ye shes brtags/ rgyu yi de nyid ji ltar mthong / /'bras bu'i de nyid de nyid yin/ /rgyu yi de nyid cung zad med/ /'bras bu'i de nyid de bzhin no/ /de nyid de ni de bzhin shes/ /de nyid rnal 'byor pa kun spyod/ /rgyu yis rgyu ni dngos por min/ /'bras bu'i dngos por 'bras bus </font><hr>4a<br><font size=+1>


@#/ /min/ /rgyu de 'bras bu'i dngos por rung / /rang gi sems ni so sor rnang / /ye shes de ni rgyu dngos te/ /gsang de 'bras bu'i dngos po yin/ /gsang ba gnyis med spyod pa yis/ /de yis dngos pos mchog yin no/ /de nyid de nyid rtogs gyur pa/ /gsang de gsang ba'i rnal 'byor ba/ /gsang ba de rig shes pa ste/ / mchog ni mchog gi rnal 'byor pa/ /sdug pa'i ngo bor gang bshad pa/ /mi sdug pa yang de yi dngos/ /sdug dang mi sdug gzugs gang yin/ /mi mthong de ni de bzhin gshegs/ /rnam shes tsam ni med pa ru/ /rnal 'byor rnal 'byor 'byung mi 'gyur/ /ji ltar ye shes mchog dag pa/ /de ltar dag pa de bzhin gshegs/ /rnam par shes pa rnam pa bzhi/ /phyag rgya bzhi yi cho ga yis/ /gsang ba gnyis med sbyor ba yis/ /sku gsung thugs ni yang dag byung / /thugs ni phyag rgya chen po ste/ /dam tshig phyag rgya kun tu 'gro/ /chos kyi phyag rgya gsung gi ste/ /las kyi phyag rgya sku yi yin/ /rgya yis rgyas btab dngos po ni/ /gsang bdag gsang ba'i rnal 'byor pa'o/ / rang rig pa yi ngo bo yis/ /ting 'dzin ye shes brtags pa yin/ /lus ngag sems su rnam brtags pa'i/ /bya ba rgyud du rnam btags pa/ /gsang ba rnam pa gsum </font><hr>4b<br><font size=+1>


du bshad/ /rdo rje las can sna tshogs bzhin/ /sangs rgyas lnga yi bdag nyid ni/ /gsang ba'i ye shes bla med yin/ /phyag rgya bzhi po gsang ba de/ /rnal 'byor pa yis las grub byed/ /'byung ba chen po bzhi po yang / /phyag rgya bzhi zhes bshad pa yin/ /phyag rgya bzhi yis mnyam sbyor ba/ /lha mo bzhi dang yang dag sbyor/ /sa ni spyan zhes bshad pa yin/ /chu ni mA ma kI zhes bshad/ /me dang rlung zhes grags pa ni/ /gos dkar mo dang sgrol ma yin/ /dbang chen sa yi khams yin te/ /chu yi khams ni chu dkyil 'khor/ /me ni me yi khams yin te/ /rlung ni rlung gi dkyil 'khor ro/ /dbang chen kha dog ser po ste/ /gru bzhi pa ste rgyas pa yin/ /chu yi dkyil 'khor zlum po ste/ /dkar po'i mdog can zhi ba'i yin/ /me yi dkyil 'khor kha dog dmar/ /gru gsum dbang gi las rnams la'o/ /rlung gi dkyil 'khor gzhu yi dbyings/ /nag po'i gdug pa'i las rnams la/ /'byung ba che bdag las grub pa/ /las kyi dngos grub yon tan bzhi/ /las kyi dngos grub dngos grub mchog /'khor los bsgyur ba rnam pa bzhi/ /zhi ba la ni spyan gyi tshul/ /rgyas pa pad+ma'i rdo rje can/ /dbang la rnam par snang mdzad gnas/ /rdo rje khro bo mngon spyod la'o/ /zhi ba dgongs ka bya ba yin/ /de bzhin rgyas pa snga dro la/ /gdug pa'i </font><hr>5a<br><font size=+1>


@#/ /las rnams nyi ma'i gung / /dbang gi las ni mtshan phyed bya/ /zhi la dkar po sbyar bar bya/ /ser por snang ba rgyas pa la/ /dbang gi las la dmar po ste/ /gdug pa nag po rab tu sbyar/ /ting 'dzin ye shes las byung ba/ /las kyi bsgrub pa dam pa yin/ /bcom ldan dag pa bsgom bya ste/ /sangs rgyas kun las mi g.yo gyur/ /b+ha ga'i dbus su gsang ba'i bdag /rdo rje'i dbyings ni de bzhin gshegs/ /lnga yi bdag gyur bdag nyid ni/ /bsgoms na g.yo ba med par 'gyur/ /snying la gnas pa'i lha mo che/ /rnal 'byor pa yi rnal 'byor bskyed/ /sangs rgyas thams cad bskyed mdzad yum/ /rdo rje dbyings kyi dbang mor bshad/ /'dod chags zhe sdang gti mug ste/ /'di dag 'jig rten dug gsum yin/ /sangs rgyas bcom ldan 'dug mi mnga'/ /rdo rje dbyings ni de bzhin gshegs/ /chags dang sdang dang rmongs pa rnams/ / bsgoms nas khams gsum pa yi bdag /sangs rgyas bcom ldan 'das gyur te/ /sangs rgyas bden pas gdug bcom mo/ /rang sems so sor rtogs pa yis/ /gti mug sems ni de bzhin gshegs/ /rmongs pa nyid ni 'jig rten gyur/ /sems can kun la blta bar bya/ /zhe sdang sems ni de bzhin gshegs/ /phra mo'i ye shes </font><hr>5b<br><font size=+1>


yang dag bskyed/ /sdang gyur rdo rje nyid du gyur/ /sems can thams cad gzhig par bya/ /'dod chags sems ni de bzhin gshegs/ /byang chub sems ni yang dag bskyed/ / chags gyur bzang po nyid gyur pa/ /sangs rgyas thams cad chags par bya/ /byams pa'i sems ni de bzhin gshegs/ /nga rgyal yang dag bskyed nas ni/ /mdza' bor gyur cing kun nyid gyur/ /sangs rgyas kun la 'khyud par bya/ /chags pa'i lta bas byams pa ste/ /thugs rje'i chos ni smra ba dang / /kun la mi 'jigs sbyin pa dang / /sangs rgyas thams cad mnyes bya'o/ /rnal 'byor sbyin las rab dga' ste/ /tshul khrims ldan las dri med 'gyur/ /bzod pa las ni 'od byed pa/ /brtson las 'od 'phro can dang ldan/ /bsam gtan las ni sbyang dka' ba/ /shes rab kyis ni mngon gyur mthong / /thabs chen las ni ring du song / /stobs dang ldan las mi g.yo 'gyur/ /smon lam gyis ni legs blo ldan/ /ye shes ldan las chos kyi sprin/ /rgyal ba de bzhin gshegs pa ni/ /rang rig bdag nyid bcu gcig 'gyur/ /pha rol phyin pa bcu rnams dang / / stobs dang dbang ni rdzogs gyur cing / /sa bcu las ni 'das gyur ba/ /mtshan ma brtan gyur de las ni/ /rdo rje chu ni rdzogs sangs rgyas/ /chos kyi bdud rtsi bcud len </font><hr>6a<br><font size=+1>


@#/ /yin/ /sangs rgyas kun gyi mtha' yas pa/ /gzung dang 'dzin pa spangs pa yin/ /chos kyi bdud rtsi bcud kyis len/ /rdo rje'i chu ni dag 'thungs pas/ /rdo rje slob dpon rnal 'byor ba/ /'dod nas dag par de tshe 'gyur/ /'dod nas dag par gnas gyur pa/ /de nas byang chub sems su 'gyur/ /byang chub sems kyi bdag can 'gyur/ /byang chub sems dpa' de bzhin gshegs/ /rnam par grol ba'i ras kyis g.yogs/ /byang chub sems ni bla na med/ /yang dag bskyed gyur rnal 'byor pa/ /rdo rje sems dpa' snying la 'dug /sems can khams ni mtha' yas pa'i/ /mar gyur dam tshig 'dzin byed pa/ /rdo rje dam tshig gis spyod na/ /rtag tu dam tshig gnas par gyur/ /khams gsum lam ni nyams dga' bar/ /bud med ces bshad ji snyed pa/ /cho ga bzhin du kun spyod cing / /thugs kyi rdo rje smad mi bya/ /rdo rje gsum gyi sku la gnas/ /dam tshig phyag rgya ji snyed pa/ /rdo rje dam tshig gsum gyis bya/ /gsung gi rdo rje smad mi bya/ /rdo rje sems dpa' las byung ba'i/ /phyag rgya kun ni bud med bzang / /de rnams sten pa'i rnal 'byor pa/ /phyag rgya thams cad dbang du 'gyur/ /'jig rten khams ni thams cad na/ /bud med ces bya ji snyed pa/ /phyag rgya chen </font><hr>6b<br><font size=+1>


po'i sbyor ba yis/ /de dag kun la nye bar spyad/ /gsang ba mchog gi rnal 'byor pa/ /ting 'dzin ye shes dam pa yin/ /gal te dngos grub mchog 'dod na/ /nga rgyal ma yin hUM ma yin/ /rig pa ma yin sngags rig min/ /lag pa'i phyag rgya'ang mi bca' 'o/ /mchod rten gyi ni las mi bya/ /glegs bam dag kyang bklag mi bya/ /dkyil 'khor dag ni mi bya zhing / /rdo rje mchog gsum phyag mi btsal/ /slob dpon smad par mi bya ste/ /bla ma sangs rgyas kun dang mnyam/ /khyod kyi srog chags gsad par bya/ /brdzun gyi tshig kyang smra bar bya/ /khyod kyis ma byin blang bya zhing / /gzhan gyi bud med bsten par bya/ /sbyin sreg yang na bsam gtan min/ /lus ngag yid ni mi phyed pa/ /gzhan min sems kyis bya ba ste/ /'di ni gsang ba'i mchog yin no/ /sngags rnams thams cad rab tu 'grub/ /rnal 'byor kun kyang rnam kun tu/ /de bas 'bad pa thams cad kyis/ /sangs rgyas chos nyid bsgom par bya/ /ma 'dres chos ni bco brgyad po/ /sangs rgyas chos zhes bshad pa yin/ /de rnams rtag tu bsgom pa ni/ /sangs rgyas chos ni sgrub byed yin/ / bsam gtan bzhi dang gzugs med bzhi/ /rtag tu thob par byas pa dang / /'gog pa'i snyoms 'jug de yis ni/ /sangs rgyas byang chub rab tu bsgrub/ /byang chub phyogs </font><hr>7a<br><font size=+1>


@#/ /ni sum cu bdun/ /chos su yang dag bshad pa gang / /de rnams bsgoms pas dag pa dang / /byang chub sems dpa' 'gro phan yin/ /'gro ba rnams la spro ba'i sems/ /brtan zhing snying po rab bsgoms pa/ /stong pa'i de nyid las byung ba/ /rdo rje ye shes zhes bya ba bshad/ /chos bdag med las yang dag byung / /gnyis med ye shes dam pa ste/ /chos nyid mchog gi ye shes ni/ /chos kyi dbyings zhes yang dag bshad/ /'di ni chos dbyings ye shes te/ /rdo rje lta bu'i ting 'dzin skyes/ / rdo rje ye shes rang bzhin sems/ /rdo rje dbyings zhes bya bar bshad/ /sems kyi spro ba'i sbyor ba yis/ /phra mo'i ye shes sogs sbyor ba/ /de bzhin gshegs kun ye shes ni/ /rnam par snang mdzad ces byar bshad/ /byams pa spro ba'i sbyor ba yis/ /sbyor ba spyod par byed pa'i mchog /zag med brtan par gyur ba yi/ /thugs ni mi bskyod pa zhes bshad/ /thugs rje spro ba'i tshul gyis ni/ /sems can phan 'dogs mdzad pa po/ /thugs ni 'gro don yang dag ldan/ /rin chen 'byung ldan zhes bshad do/ /dga' bas spro ba'i sbyor ba yis/ /theg chen mchog ni dri ma med/ /thugs ni 'od gsal dag pa ni/ /'od dpag med ces de bshad do/ /btang snyoms </font><hr>7b<br><font size=+1>


spro bar mdzad pa'i shugs/ /sems can thams cad rtogs mdzad pa/ /don yod bla med bya ba ni/ /don yod grub par de bshad do/ /byang chub rang bzhin ye shes mchog /de 'dir rdo rje zhes bshad do/ /rdo rje ye shes las byung ba/ /rdo rje sems dpar de bshad do/ /sangs rgyas thams cad spyan 'dren pa/ /rdo rje lcags kyu zhes bshad de/ /rdo rje'i rigs rnams kun gyi rgyal/ /rdo rje rgyal por de bshad do/ /sangs rgyas thams cad chags byed pas/ /mnyes par byed pa zhes bshad do/ /bdud kyi sbyor ba chags pa che/ /rdo rje chags par de bshad do/ /sangs rgyas thams cad mnyes byed cing / /legs so zhes pa rab sogs pa/ /byang chub sems dpa' dga' byed pas/ /rdo rje legs par de bshad do/ /byang chub sems dpa'i sbyin pa gang / /mkha' mnyam rdo rje las byung ba/ /don yod rin chen chen po de/ /rdo rje rin chen de bshad do/ /ma rig bral ba'i ye shes ni/ /tshogs dag las ni nges par byung / /thar pa'i snang ba gzi brjid che/ /rdo rje nyi mar de bshad do/ /rnam pa kun gyi dngos ye shes/ /thar pa'i lam 'jug thob mdzad gang / /chos kyi rgyal mtshan tog chen po/ /rdo rje dpal du de bshad do/ /rdo rje bshad pa rnal 'byor che/ /sangs rgyas kun 'byung rmad byung ba/ /'di ni byang chub sems dpa' che/ /rdo rje bzhad </font><hr>8a<br><font size=+1>


@#/ /par de bshad do/ /sangs rgyas kun gyi rnal 'byor che/ /sangs rgyas chos ni rtogs mdzad pa/ /de bzhin gshegs pa'i chos dag pa/ /rdo rje chos su de bshad do/ /shes rab rnon po theg pa che/ /nyon mongs thams cad nges gcod mdzad/ /shes bya'i sgrib pa gcod pa po/ /rdo rje rnon por de bshad do/ /sangs rgyas rol mo'i 'khor lo ni/ /chos kyi 'khor lo rab bskor bas/ /sems dpa' chen po theg pa che/ /rdo rje rgyu zhes de bshad do/ /shes rab ye shes rang bzhin dag /gsung gi sgra ni rnam par spang / /'jam pa'i gsung gi bdag nyid gyur/ /rdo rje smra bar de bshad do/ /pha rol phyin pa kun gyi zhabs/ /chos rnams thams cad rtogs mdzad pa/ /sems can kun don sprul pa po/ /rdo rje las zhes bya bar bshad/ /sangs rgyas rjes dran yang dag grub/ /theg pa dman pa rnam spangs shing / /byang chub sems la rab zhugs pa/ /rdo rje bsrung bar de bshad do/ /sdig pa thams cad zad byed cing / /de bzhin nyon mongs rnams sreg la/ /nyon mongs zad pa nyer len pas/ /rdo rje gnod sbyin de bshad do/ /sku gsung thugs kyi rdo rje rnams/ /bcing ba ru ni yang dag gyur/ /de nyid de nyid ye shes te/ /rdo rje khu tshur zhes bshad do/ /dam tshig phyag rgya thams cad ni/ / </font><hr>8b<br><font size=+1>


rdo rje bsngams las yang dag byung / /rdo rje khu tshur gnyis gyur pa/ /las kyi phyag rgya zhes bshad do/ /nga rgyal med cing snang ba med/ /mtshan ma med cing zhen pa med/ /bdag med mnyam nyid ye shes ni/ /rdo rje sems dpa' zhes byar bshad/ /gsang ba'i mnyam par 'byor ba 'dir/ /ye shes pha rol phyin dge ba/ /rnam pa bcu gnyis yang dag byung / /rdo rje pha rol phyin pa'i 'od/ /byang chub sems ni rab bsgoms pas/ /pha rol sangs rgyas nyid son pa'i/ /pha rol phyin thob ye shes ni/ /rdo rje sems mar bshad pa yin/ /bsdu ba'i dngos po bzhi rnams ni/ /shes rab pha rol phyin rdo rje/ /chos bzhi gcig tu gyur pa ni/ /rdo rje rin chen mar bshad do/ /gsang ba'i ye shes ye shes che/ /de nyid pha rol phyin dge ba/ /pha rol phyin pa che las byung / /rdo rje chos mar shes par bya/ /pha rol phyin pa'i dge ba ni/ /sbyor ba'i thabs su rab bstan pa/ /rdo rje las mar shes par bya/ /gang phyir de ni rol pa dge/ /sgeg mo sbyin pa'i pha rol phyin/ /tshul khrims pha rol phyin dge bas/ /brgyan pa'i yan lag yid 'ong yin/ /glu ma bzod pa'i pha rol phyin/ /ched du brjod pa'i chos brjod pa'o/ /gar ma brtson 'grus pha rol phyin/ /myur du sangs rgyas nyid ster ba'o/ /bdug pa shes rab pha rol phyin/ /kun tu khyab par spros phyir ro/ /me tog bsam </font><hr>9a<br><font size=+1>


@#/ /gtan pha rol phyin/ /'dod pa'i 'dam gyis ma gos pa'o/ /mar me smon lam pha rol phyin/ /phyogs kun snang bar byed pa yin/ /dri ni thabs kyi pha rol phyin/ /dri ngan thur sel dge ba yin/ /sangs rgyas kun gyi thabs chen po/ /dbye ba rnam pa bzhi yis gnas/ /thams cad 'dod pa'i thabs chen po/ /rdo rje lcags kyu zhes bshad do/ /byang chub spyad pa spyod byed pa/ /rdo rje zhags pa zhes bshad do/ /theg pa 'di la brten 'gyur gang / /rdo rje lcags sgrog ces bshad do /chos rnams thams cad ma skyes shing / /gdod nas zhi ba mkha' dang mnyam/ /de lta'i tshig ni rab 'jug pas/ /rdo rje dril bu zhes bshad do/ /tshogs gnyis kyi ni sbyor ba yis/ /sems can kun gyi don ston pa'i/ /sems ni rang bzhin gyis 'od gsal/ /zla ba'i dkyil 'khor yin par bshad/ /yang dag rdo rje rtogs pa ste/ /'dzin pa'i sbyor nyid lcags kyu yin/ /phra rab 'bigs pa mda' zhes bya/ /dgyes pas legs so zhes bya ba/ /spras pas rin po che ru bshad/ /gzi brjid ces bya nyi ma yin/ /sgreng bas tog tu bshad pa ste/ /rnam par 'byed pas bzhad par bshad/ /'dod chags dag pa pad+ma yin/ /nyon mongs dgra bcom ral gri ste/ /dkyil 'khor sbyor bas 'khor lo </font><hr>9b<br><font size=+1>


yin/ /gang gi brjod pas smra bar bshad/ /kun nyid sna tshogs rdo rje yin/ /gzhig dka'i sbyor ba go cha yin/ /'jigs pa'i spyod pas mche ba ste/ /phyag rgya'i sbyor nyid bcing ba yin/ /dkyil 'khor du ni gang bshad pa/ /yid kyi dkyil 'khor dam pa yin/ /gzhal yas khang ni ye shes te/ /sems kyi brtsegs pa sgreng ba yin/ /phyi yi gru bzhi pa gang yin/ /tshad kyis mnyam pa nyid gyur pa/ /byams pa la sogs sems gang yin/ /thig bzhi zhes ni bshad pa yin/ /chos kyi sbyor ba rjes dran nyid/ /gang de rdo rje thig du bshad/ /lta ba kun las rnam grol ba/ /ye shes thig tu bshad pa yin/ /tshul khrims tshogs kyi dam pa ni/ gang zhig rgyan du bshad pa yin/ /dad dbang la sogs sems gang yin/ /ra ba lngar ni yang dag byung / /rnam par thar pa bzhi po ni/ /sgo rnams su ni yang dag bshad/ /yang dag spong ba bzhi po ni/ /rta babs rnams dang ka bar byung / /dran pa nyer gzhag bzhi po ni/ /khyams rnams bzhi por shes par bya/ /rdzu 'phrul rkang pa bzhi po ni/ /de ni sgo khyud rnam bzhi yin/ /byang chub yan lag bdun po ni/ /phreng ba me tog chun brgyan pa/ /'phags lam yan lag brgyad po ni/ /ka pa brgyad ces bya bar bshad/ /sgrib pa gnyis las rnam grol zhing / /ting 'dzin ye shes </font><hr>10a<br><font size=+1>


@#/ /kyis brtags pa/ /lam gyi ye shes khyad par rnams/ /rnga yab ces ni yang dag bshad/ /nyon mongs thams cad nges gcod cing / /nyon mongs 'phrog pas dra ba ste/ /yang dag gcod cing spong ba nyid/ /sel ba'i spong ba la gnas pa/ /tshogs gnyis kyi ni sbyor pa nyid/ /nyon mongs pa yi phyed 'phrog pa/ /dra ba phyed ces bya bar bshad/ /rang bzhin 'od gsal gang yin de/ /byang chub sems ni bla med yin/ /sems ni don kun skyed byed pa/ /zla ba'i dkyil 'khor yin par bshad/ /shes rab ye shes rang bzhin dag /rdo rje lta bu'i ting 'dzin skyes/ /thar pa'i snang ba gzi brjid che/ /nyi ma'i dkyil 'khor yin par bshad/ /tshon rtsi lngar ni yang dag ces/ /lta ba lnga yi me tog yin/ /ye shes lnga yi nges sbyor nyid/ /sangs rgyas lnga zhes yang dag bshad/ /nam mkha' bzhin du bdag med pa'i/ /rnam shes ye shes dam pa yin/ / ye shes de yi rgyan bshad pa/ /chags pa'i sems zhes bya bar bshad/ /chags bral las ni byang chub 'byung / /chags pa'i sems las gzhan yin no/ /de bas chags dang chags bral ba/ /byang chub sems zhes yang dag bshad/ /'jig rten chags dang bral bas 'dul/ /phyag rgya'i dngos grub chags las byung / /der ni </font><hr>10b<br><font size=+1>


thabs kyi sgom pa dag /dngos grub thams cad ster ba yin/ /ji ltar 'jig rten 'dul 'gyur ba/ /de ltar rnal 'byor ba yis spyad/ /ji ltar gdul bya dag gyur pa/ /zhen pa kun tu mchod par 'gyur/ /mtshan nyid gang zhig yang dag bshad/ /mtshan nyid des ni mtshon par 'gyur/ /sku gsung thugs kyi phyag rgya yis/ /rgyas btab ye shes yin par bshad/ /phyag rgya bsgoms pas rnal 'byor ba/ /rtag tu phyag rgya'i bdag can 'gyur/ /rgyas btab dngos po shes nas ni/ /bsgoms na phyag rgyas btab par 'gyur/ / mtshan dang mtshan nyid 'brel ba ni/ /shes nas rnal 'byor yang dag spyod/ /ji ltar mtshan nyid yang dag grub/ /de bzhin dag pa myur du 'grub/ /g.yas pa'i cha yi mtshan mas ni/ /shes rab can ni rab tu bstan/ /g.yon gyi mtshan ma ji ltar mthong / /de yis thugs rje mtshon pa yin/ /phyag ni gnyis ka'i mnyam sbyor las/ /ting 'dzin gnyis su bshad pa yin/ /zhabs gnyis kyi ni mtshan ma yis/ /tshogs gnyis dag ni bstan pa yin/ /sor mo lnga yi mnyam sbyor las/ /dkyil 'khor lnga yis brgyan pa yin/ / sangs rgyas lnga yes mngon byang chub/ /rim pa bzhin du bstan bya ste/ /gang zhig gung mo ston pa ni/ /nam mkha' las ni byung ba mtshon/ /gang zhig mdzub mo ston pa ni/ /des </font><hr>11a<br><font size=+1>


@#/ /ni dbang chen dkyil 'khor yin/ /sran lag tu ni yang dag bshad/ /chu yi dkyil 'khor zhes bshad do/ /gang zhig mthe bo ston pa ni/ /de yis me ni mtshon pa yin/ /gang zhig mthe'u chung ston pa ni/ /rlung gi dkyil 'khor nyid du 'gyur/ /gang zhig lte ba ston pa ni/ /rdo rje dbyings kyi dbang phyug bshad/ /gang zhig snying ga ston pa ni/ /rdo rje sems mar rjes su dpag /gang zhig smin mtshams ston pa ni/ /rdo rje rin chen ma zhes bya/ /gang zhig lkog ma ston pa ni/ /rdo rje chos mar shes par bya/ /gang zhig spyi bo ston pa ni/ /rdo rje las mar shes par bya/ /byang chub lngar mngon byang chub pa'am/ /yang na ye shes lnga rnams sam/ /sangs rgyas lnga dang yang dag ldan/ /dkyil 'khor byang chub yin par bstan/ /sngon gyi sgrar ni ji skad bshad/ /mdun du de ni rab tu bstan/ /rgyab kyi sgrar ni ji ltar bshad/ /phyi mar de ni yang dag bstan/ /gang du thog ma'i sgrar gyur pa/ /de ni rgyu yi sgra ru bstan/ /gang zhig tha ma'i sgrar gyur ba/ /'di ni 'bras bur yang dag bstan/ /sangs rgyas bcom ldan gnyis mi mnga'/ /rgyu dang 'bras bur ldan 'gyur min/ /gang phyir thog ma tha ma mod/ /de phyir rtag pa zhes bshad do/ /rang sems rtogs pas sangs rgyas te/ /rtogs par bya </font><hr>11b<br><font size=+1>


zhing sems nyid yin/ /sangs rgyas zhing zhes bshad pa dang / /byang chub sems su shes par bya/ /rang bzhin dag pa'i sems can ni/ /kun tu rig par yang dag bshad/ / sems can rang bzhin dag pa ni/ /byang chub sems su shes par bya/ /dang por gyur pa snying gar rdebs/ /brtan pa nyid du'ang rang nyid 'gyur/ /sgra 'dzin pa ni ral pa'i dbus/ / 'od dpag med du mnyam gzhag yin/ /tsum pa na ni rjes bshad pa/ /de bzhin gshegs pa rdo rje gsung / /dbang po gnyis ni mnyam sbyor ba/ /rnam par snang mdzad ces bshad do/ /bu mo lo grangs bcu gnyis par/ /skyes mchog thub pas gang gsungs pa/ /pha rol phyin pa bcu gnyis su/ /gsungs kyi gzhan du mi brtag go /bu mo lo grangs bcu drug par/ /de bzhin gshegs pas gang gsungs pa/ /rdo rje sems sogs sems dpa' yi/ /bsgom pa'i don gyi sgra yin no/ /lha mo lo grangs nyi shu par/ /'khor los bsgyur bas ji skad gsungs/ /mchod pa nyi shu'i bdag nyid can/ /nyi shu po dang rim bzhin no/ /rang gi chung ma rang rig las/ /byung ba'i rang rig yin par bshad/ / gzhan gyi chung mar gang bstan pa/ /gzhan sdug gzhan gyi rig pa yin/ /gci dang rdo rje zhes bshad pa/ /rdo rje ye shes bla med yin/ /bshang dang pad+ma zhes bshad pa/ /chos </font><hr>12a<br><font size=+1>


@#/ /kyi ye shes rnyog med yin/ /yongs su gsal bar rnam shes pa/ /dkyil 'khor thugs kyi dam pa yin/ /sku gsung thugs kyi spyod pa yis/ /'bad pa yis ni mchod byed pa/ /rang gi rdo rje pad+mar ldan/ /dbang po gnyis las byung ba yi/ /rang gi khu ba thig le yis/ /rdo rje sems dpa' mchod par bya/ /tshogs gnyis kyi ni sbyor ba yis/ /sangs rgyas thams cad gcig bsdus pa/ /gnyis med gnyis nyid la brten pa/ /thugs rje nyams dang yang dag ldan/ /dbang po gnyis kyis mnyam sbyor bas/ / rang gi khu ba mkhas pa yis/ /rnal 'byor chen po byung nas ni/ /dkyil 'khor yang dag byin gyis brlab/ /dgod dam rab tu smra ba'am/ /sangs rgyas rol mo'i gar byed pa/ / lha mo bzhi yis mnyam sbyor bas/ /rgyu dang mi rgyu rnams kyis rol/ /gsang zhing legs par bsgril ba dang / /tshad dang ldan zhing mdzes pa yis/ /shes rab can gyis thig gdab pa/ /sku gsung thugs ni bsgoms pas so/ /zur bzhi pa la sgo bzhi pa/ /rta babs bzhis ni mdzes byas la/ /thig bzhi dang ni yang dag ldan/ /dar dang me tog phreng bas brgyan/ /grwa yi mtshams ni thams cad dang / /sgo khyud kyi ni nad rnams su/ /rdo rje rin chen spras pas ni/ /phyi yi dkyil 'khor thig gdab po/ /rdo rje'i thig gis yongs </font><hr>12b<br><font size=+1>


bskor zhing / /ka ba brgyad kyis nye bar mdzes/ /ka ba brgyad kyi nang gnas pa'i/ /dkyil 'khor brgyad par bstan pa dang / /grwa yi dkyil 'khor dor bar ni/ /rdo rje lha mo'i tshogs kyis mchod/ /'khor lo lnga dang yang dag ldan/ /dkyil 'khor lnga yis rnam par brgyan/ /dra ba dra phyed kyis brgyan cing / /rnga yab kyis ni nyer spras pa/ /khru ni bcu gnyis bya ba'am/ /khru bcu drug tu rab tu brtag /yang na khru ni nyi shu tsam/ /nyi shu lnga dang ldan pa yis/ /khru ni nyi shu lnga pa yis/ /dkyil 'khor yang dag byin gyis brlab/ /sgo rnams kyi ni dbus ma'i cha/ /cha dgu ru ni rnam dbye ba/ /dkyil 'khor sgo ru bsams nas ni/ /sgo khyud der ni bya ba yin/ /sgo khyud dkyil 'khor rnam pa ni/ /snying po'i dkyil 'khor dang mnyam par/ /dgu cha ru ni rnam bgos te/ /grwa yi dkyil 'khor dor bar bya/ /tha mar khyams dang ldan pa yi/ /dkyil 'khor lngas ni brgyan pa dang / /kha dog lnga dang yang dag ldan/ /gru bzhi par ni brtag par bya/ /lta ba lnga po bgrod dka' che/ /kha dog lnga yi de bzhin gshegs/ /sangs rgyas lnga dang mnyam sbyor bas/ /sa ni tshon gyis rab tu bsgyur/ /dkyil 'khor lnga yi dbus su ni/ /sangs rgyas lnga ni dgod par bya/ /kha dog lnga dang ting 'dzin gyis/ /'dod pa'i yon tan lnga yis khyab/ /shel dang zla ba'i 'od 'dra zhing / /sangs rgyas </font><hr>13a<br><font size=+1>


@#/ /thams cad gcig bsdus pa/ /de bzhin gshegs pa rnam snang mdzad/ /dpa' bo'i lta ba de bzhin gshegs/ /in+d+ra nI la'i 'od 'dra zhing / /rdo rje thams cad gcig bsdus pa/ /mi bskyod ye shes las byung ba/ /rdo rje'i lta ba de bzhin gshegs/ /'dzam bu'i gser gyi 'od 'dra zhing / /sangs rgyas thams cad gcig bsdus pa/ / sems can kun gyi don du byung / /'bar ba'i lta ba de bzhin gshegs/ /dpa' bo chen po pad+ma 'dra/ /pad+ma rA ga'i nor bu'i 'od/ /chos kyi ye shes las byung ba/ /chags pa'i lta ba de bzhin gshegs/ /ma rgad kyi ni 'od 'dra zhing / /sangs rgyas thams cad gcig bsdus pa/ /sangs rgyas kun gcig las byung ba/ /byams pa'i lta ba de bzhin gshegs/ /dbus ma'i sa yi gzhi dag pa/ /nor bu chu shel mdog 'dra ba/ /shar phyogs nyid du sngon po che/ /lho ru ser po yang dag ldan/ /nub phyogs der ni dmar po ste/ /byang du ljang dang yang dag ldan/ /kun tu khyams dang ldan pa la/ /sgor ni khyams dang bral ba'o/ /gang zhig dbus mar yang dag bshad/ /sangs rgyas ye shes bla med yin/ /gzhan dag don kun yang dag ldan/ /ting 'dzin ye shes dam pa yin/ /nam mkha'i dbyings kyi dbus gnas par/ /zla ba'i dkyil 'khor dam pa bsam/ / </font><hr>13b<br><font size=+1>


sangs rgyas sku ni rnam bsgoms la/ /spyan ni dbus su bsam par bya/ /bzhin bzang spyan ni yangs pa dang / /nor bu chu shel mdog 'dra la/ /mtshan rnams thams cad yongs su rdzogs/ /bud med sgyu ma'i mchog 'dzin pa/ /phyag tu 'khor lo bsgom bya ste/ /khams gsum pa ni dbang byed pa/ /dngos kun grub byed ye shes ni/ /'khor lo yid bzhin nor bu'i mdog /nam mkha'i rdo rje dbus chud par/ /zla ba'i dkyil 'khor dam pa bsam/ /sangs rgyas sku ni rnam bsgoms la/ /nam mkha'i rdo rje mchog bsgom mo/ /zhal mdzes spyan ni yangs pa dang / /ut+pal sngon po'i 'dab ma'i mdog /mtshan rnams thams cad yang dag rdzogs/ /nam mkha'i sgyu ma'i mchog bsam mo/ /phyag tu ut+pal sngo dmar ste/ /khams gsum pas ni phyag byas pa/ /sangs rgyas byang chub byed pa'i mchog /gsang ba'i dngos grub rdo rje can/ /nam mkha' rdo rje'i dbus chud par/ /zla ba'i dkyil 'khor dam pa bsam/ /sangs rgyas sku ni rnams bsgoms la/ /rdo rje chos mar rnam par bsam/ /mdzes pa'i zhal la spyan yangs pa/ /pad+ma rA ga lta bu'i mdog / sku mdog dmar po yang dag byung / /chags pa'i pad+ma 'dzin sdug pa/ /mtshan rnams thams cad yang dag rdzogs/ /rgyan rnams kun gyis rnam par brgyan/ /phyag tu </font><hr>14a<br><font size=+1>


@#/ /ut+pal dmar po ni/ /sangs rgyas thams cad rab bsgoms pa'o/ /chos kyi ye shes byed pa mchog /gsang ba dam tshig rdo rje can/ /mkha' dbyings rdo rje'i dbus chud par/ /zla ba'i dkyil 'khor dam pa bsam/ /sangs rgyas gzugs na rnam bsgoms la/ /sgrol ma mchog ni bsam par bya/ /zhal mdzes spyan ni yangs pa dang / /sna tshogs rgyan gyis rab tu brgyan/ /kha dog ser po nyid bsam zhing / /bud med sgyu ma'i dregs por ba/ /phyag tu ut+pal dam pa ni/ /ser po snang ba bsgom par bya/ /rdo rje nyid 'dzin las byung ba/ /sems can kun gyis phyag byas pa'o/ /oM ru ru s+phu ru dz+wa la ti Sh+Tha sid+d+ha lo tsa ne/ sarba ar+tha sA d+ha ni swAhA/ /oM shaM ka re shAn+ti ka re g+huT+Ta g+hu T+Ti ni/ g+hA ta ya g+hA ta 
 g+hu T+Ti ni swahA/ oM ka Te bi ka Te ni ka Te ka TaM ka re swa'+ha/ toM tA re tu t+ta re tu re swAha'/ /rig pa'i lha mo bzhi'o/ /sku ni lus kyi ngo bo yis/ /thugs ni sems kyi rnam pa nyid/ /gsung ni ngag gi rnam pa yis/ /mchod nam chod pa'i bdag nyid 'gyur/ /sku gsung thugs kyi gsang ba ni/ /mkhas pa yis ni bsrung bya ste/ /bsrungs na mchog tu gsang ba ni/ /rtag par kun tu 'byung bar 'gyur/ /dngos po yongs su dag pa ni/ /med pas kun tu brtag mi 'byung / /rnal 'byor ba yis rnal 'byor thob/ /tshogs med </font><hr>14b<br><font size=+1>


yang dag mi mthong ngo / /de bas gsang ba'i ye shes 'byung / /rnal 'byor kun tu 'byung bar 'gyur/ /shes rab pha rol phyin pa'i thabs/ /ting 'dzin ye shes brtags pa yin/ /chos rnams thams cad rnam dag pa/ /dag pa nyid du gyur pa ni/ /ji ltar lha yi nor bu ni/ /rang gi 'od kyis rtag tu snang / /srid pa yongs su dag pa yang / /rnal 'byor rnal 'byor thob byed yin/ /rdo rje dbyings ni gsang chen du/ /gang zhig dbang bskur mkhas pa la/ /thugs kyi gsang ba'i rnal 'byor mchog /mkhas pas de la bshad par bya/ /thams cad gsang ba zhes bya ba'i rgyud kyi rgyal po rdzogs so// /rgya gar gyi mkhan po pad+ma kA ra ba rma dang / zhus chen gyi lo ts+tsha ba dge slong rin chen bzang pos bsgyur cing zhus te gtan la phab pa'o// </font><hr>

</table>