//dur khrod dag dang bshan pa yi/ /khyim dang srin 96b po'i gnas rnams su/ /mngon spyod kyi ni las bya ba/ /tha ba khung tha ma bar ma mchog /phyed dang gsum mam khru gsum mam/ /khru dgu pa ni byas pa las/ /stegs bu de yi tshad brtsigs te/ /gru gsum pa'am mdung rtse 'dra/ /lugs phye sol phye dug gis ni/ /bskus pas thab khung nag por bya/ /dbus su rdo rje rtse dgu pa/ /nag po shin tu 'bar ba bri/ /mu ran steng du rtse gsum dang / /rgya gram pa yi rdo rjes mtshan/ /de yi phyi rol mu khyud la/ /dbyug pa dang ni dgra sta dang / /ral gri shin tu 'bar ba bri/ /de yi phyi rol keng rus te/ /bde gshegs la sogs phyag rgyas mtshan/ /dud sprin mdog 'dra drang srong mchog /ra yi steng bzhugs rtse gsum dang / /gzar bu phreng ba ril bar ldan/ /de lta'i me lha spyan drangs nas/ /lhor bltas khros pa'i sems kyis bsreg /shin tu gdug cing tsher mar bcas/ /sreg shing yam shing byas nas kyang / /sha dang khrag dang lcags phye dang / /rus phye dug dang ke tshe dang / /dri chen dri chu la sogs pa'i/ /rdzas rnams kun la dug gis ni/ /bsgos pas lan grangs 'bum bsregs nas/ /de yi longs spyod 'byor pa dang / /gnyen dang 'khor dang bran rnams dang / /bu dang chung mar bcas pa rnams/ /spangs te srog dang bral nas ni/ /sdug bsngal 97a @#/ /mi bzad myong bar 'gyur/ /mngon spyod kyi las rdzogs so// //rgya gar gyi mkhan po shAn+tiM gar+b+ha dang / lo ts+tsha ba ban+de dza ya ra k+Shi tas bsgyur ba'o// |