H456

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H456</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H456&coll=lhasa">see text in Tibetan script</a></table>299a<br><font size=+1>


//rgya gar skad du/ sarba ta thA ga ta kA ya bAk+tsit+ta guh+ya a lang kA ra byA ha tan+t+ra rA dza nA ma/ bod skad du/ de bzhin gshegs pas sku dang / gsung dang / thugs kyi gsang ba rgyan gyi bkod pa zhes bya ba'i rgyud kyi rgyal po/ bla ma dang / 'jam pa'i dbyangs kyi zhabs kyi pad+mo gus pas phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje ye shes rnal 'byor gyi dbang phyug chen po dang / de bzhin gshegs pa thams cad kyi sku dang / gsung dang / thugs rdo rje ye shes phyag rgya chen po'i dam tshig gi byin gyis brlabs kyis rdo rje'i sku chen po dang / de bzhin gshegs pa thams cad kyi sku dang / gsung dang / thugs rdo rje ye shes </font><hr>299b<br><font size=+1>


rin po che chen po'i cod pan gyi rtse mo'i gtsug phud kyis dbang bskur ba brnyes pa dang / de bzhin gshegs pa thams cad kyi sku dang / gsung ba dang / thugs rdo rje ye shes kyi ting nge 'dzin chen po dang ldan pa dang / de bzhin gshegs pa thams cad kyi sku dang / gsung dang / thugs rdo rje ye shes kyi las sna tshogs pa chen po dang / de bzhin gshegs pa thams cad kyi sku dang / gsung dang / thugs rdo rje ye shes mchod pa chen po spro ba'i dam tshig gi gsang ba dang / de bzhin gshegs pa thams cad kyi sku dang / gsung dang / thugs rdo rje ye shes dkyil 'khor chen po dam tshig gi de kho na nyid dang / de bzhin gshegs pa thams cad kyi sku dang / gsung dang / thugs rdo rje ye shes gsang ba chen po'i snying po dang / de bzhin gshegs pa thams cad kyi sku dang / gsung dang / thugs rdo rje ye shes kyi mnga' bdag chen po dang / de bzhin gshegs pa thams cad kyi sku dang / gsung dang / thugs rdo rje ye shes kun tu bzang po dang / de bzhin gshegs pa thams cad kyi sku dang / gsung dang / thugs rdo rje se shes dpe med cing mi mnyam pa dang mnyam pa nam mkha' lta bu dang / de bzhin gshegs pa thams cad kyi sku dang / gsung dang / thugs rdo rje rigs dang / snying po dang / phyag rgya dang / gsang sngags dang / rig pa gnyis su med par gyur ba dang / </font><hr>300a<br><font size=+1>


@#/ /de bzhin gshegs pa thams cad kyi sku dang / gsung dang / thugs rdo rje ye shes pha rol tu phyin pa'i snying po la dga' ba dang / de bzhin gshegs pa thams cad kyi sku dang / gsung dang / thugs rdo rje ye shes lhag pa'i snying po mdzes pa dang / de bzhin gshegs pa thams cad kyi sku dang / gsung dang / thugs rdo rje ye shes rgyan chen po bkod pa'i dkyil 'khor chen po'i snying po la nam mkha'i khams thams cad kyi rdul phra rab kyi rdul dang mnyam pa'i rdo rje ye shes chen po la 'ba' zhig dang thabs cig tu bzhugs so/ /de'ang 'di lta ste/ sgo mtha' yas pa zhes bya ba'i rdo rje yum chen mo dang / nam mkha'i sgo zhes bya ba'i rdo rje yum chen mo dang / a de \?\ dza'i sgo zhes bya ba'i rdo rje yum chen mo dang / 'gyur ba med pa'i sgo zhes bya ba'i rdo rje yum chen mo dang / shes rab kyi pha rol tu phyin ma zhes bya ba'i rdo rje yum chen mo dang / gzhan yang ma lus shing lus pa med pa'i 'jig rten gyi khams kyi rdul phra rab dang mnyam pa'i brtson 'grus dang ldan pa'i rdo rje btsun mo stong phrag brgyal 'ang 'di lta ste/ mda'i mtshon cha'i lag ces bya ba'i rdo rje btsun mo dang / dbang phyug la lta ba'i rim zhes bya ba'i rdo rje btsun mo dang / nye bar zhi ba'i bzhin ras zhes bya ba'i </font><hr>300b<br><font size=+1>


rdo rje btsun mo dang / gyen du lta ba'i bzhin ras zhes bya ba'i rdo rje btsun mo dang / 'dod pa'i zla mtshan rdo rje zhes bya ba'i rdo rje btsun mo dang / brda' sprod pa ma zhes bya ba'i rdo rje btsun mo dang / 'bri ba'i sgo zhes bya ba'i rdo rje btsun mo dang / rol pa dang ldan pa zhes bya ba'i rdo rje btsun mo dang / 'dod pa'i mchog ces bya ba'i rdo rje btsun mo dang / dbang phyug gi bde \?\ ba'i sgo zhes bya ba'i rdo rje btsun mo dang / dmigs pa'i sgo zhes bya ba'i rdo rje btsun mo dang / brang las skyes zhes bya ba'i rdo rje btsun mo ste/ de dag la sogs pa rdo rje btsun mo rnams kyis yongs su bskor cing mdun du bdar to/ /gzhan yang / dpag tu med pa'i rdo rje pho nya mo chen mo rnams dang thabs gcig tu bzhugs te/ de yang 'di lta ste/ snying bskul bar byed pa zhes bya ba'i rdo rje pho nya mo chen mo dang / gdug pa thams cad 'gugs pa zhes bya ba'i rdo rje pho nya mo chen mo dang / rjes su mnyes pa rdo rje zhes bya ba'i rdo rje pho nya mo chen mo dang / khrag 'gugs pa zhes bya ba'i rdo rje pho nya mo chen mo dang / thams cad 'phrog pa zhes bya ba'i rdo rje pho nya mo chen po la sogs pa'o/ /gzhan yang / 'jig rten gyi khams rgyas pa'i rdo rje sgo srung ma chen mo rnams dang yang thabs gcig ste/ de'ang 'di lta ste/ rdo rje 'bebs pa zhes bya ba'i rdo rje sgo srung ma chen mo dang / dam tshig gsum </font><hr>301a<br><font size=+1>


@#/ /ldan zhes bya ba'i rdo rje sgo srung ma chen mo dang / 'jig pa'i yan lag can zhes bya ba'i rdo rje sgo srung ma chen mo dang / thog ma pa zhes bya ba'i rdo rje sgo srung ma chen mo dang / gdul dka' 'dul zhes bya ba'i rdo rje sgo srung ma chen mo la sogs pa'o/ /gzhan yang / mi mnyam pa dang mnyam pa'i rdo rje bran mo chen mo rnams dang yang thabs gcig ste/ de'ang 'di lta ste/ sku gsung thugs thams cad rdo rjes 'ching ba ma zhes bya ba'i rdo rje bran mo chen mo dang / 'jigs pa'i me'i gdong zhes bya ba'i rdo rje bran mo chen mo dang / gtsigs shing rnam par 'gyur ba'i gdong zhes bya ba'i rdo rje bran mo chen mo dang / 'jig rten gsum 'ching ba zhes bya ba rdo rje bran mo chen mo dang / bskal bar gnas pa zhes bya ba la sogs pa'i rdo rje bran mo chen mo'o/ /gzhan yang / dpe med pa'i rdo rje rol pa mo chen mo rnams dang yang thabs gcig ste/ de'ang 'di lta ste/ de bzhin gshegs pa thams cad kyi sku gsung thugs rdo rje dgyes pa zhes bya ba'i rdo rje rol pa chen mo dang / kun nas 'bebs pa zhes bya ba'i rdo rje rol pa chen mo dang / 'jig rten gsum rab tu 'joms pa zhes bya ba'i rdo rje rol pa chen mo dang / rab tu dga' ba'i rjes su 'gro ba zhes bya ba'i rdo rje rol pa chen mo dang / thams </font><hr>301b<br><font size=+1>


cad dga' bar byed pa zhes bya ba'i rdo rje rol pa chen po la sogs pa'o/ /gzhan yang / nam mkha'i khams thams cad rgyas par gang ba'i rdo rje'i yab rnams dang yang thabs gcig ste| de'ang 'di lta ste/ 'dod pa'i dbang phyug ces bya ba'i rdo rje'i yab chen po dang / mkha' 'gro'i rdo rje dbang phyug dang / dri yi dbang phyug dang / stug po bkod pa dang / zla ba'i 'od dang / 'dun pa srel dang / skye bo yongs su dor ba dang / legs par sbyangs pa dang / 'dod pa'i rdo rje dang / gdung ba skyed pa dang / 'dul bar byed pa dang / gdug pa thams cad sel bar byed pa dang / de kho na nyid kyi mgon po dang / gnas pa po dang / brtse ba can dang / chos 'chang ba dang / bskyod pa po dang / spo ba po dang / 'ching ba po dang / skor ba po dang / de dag la sogs pa rdo rje yab rnams so/ /gzhan yang / mtha' yas pa'i rdo rje pho nya mo 'phrog pa'i rdo rje bran po rdo rje'i tshogs dang thabs gcig ste/ de'ang 'di lta ste/ rdo rje rlung zhes bya ba dang / rdo rje me dang / rdo rje mi 'khrugs pa dang / rdo rje chu dang / gzhan yang / rdo rje rgyal po chen po bzhi la 'di lta ste/ zhi bar byed pa dang / rgyas par byed pa pa dang / dbang du byed pa dang / mi shes pa thams cad zad par byed pa ste de dag la sogs pa'o/ /gzhan yang / mchog tu rgya chen po sangs rgyas kyi ye shes rab tu gnas </font><hr>302a<br><font size=+1>


@#/ /pa'i mchod pa dang ldan pa bcom ldan 'das ston pa rtag pa mchog gi mnga' bdag ste/ /kun tu bzang po'i sku yi ni/ /'jig rten gsum gyi dkyil 'khor spros/ /bcom ldan rdo rje 'dzin legs bzhugs/ /gsang ba rgyan gyi sbyor bas so/ /de nas de bzhin gshegs pa thams cad skyed par byed pa'i yum gsang ba'i rdo rje 'dus pa thob ste/ de bzhin gshegs pa thams cad kyi yab dang lhan cig tu dga' ba'i bde ba rjes su byung ste 'khor dang bcas pa rnams bcom ldan 'das kyi spyan sngar lhags te/ rdo rje'i glu 'dis mngon par bstod nas zhu ba zhus pa/ /sangs rgyas kun don khyod phyag 'tshal/ /rdo rje 'byung ba khyod la 'dud/ /thugs kyi rin chen mchog khyod 'dud/ /chos kyi blo gros khyod la 'dud/ /chos rnams kun mchog khyod la 'dud/ /sna tshogs dgongs pa khyod la 'dud/ /dam tshig mchog gi khyod la 'dud/ / rdo rje sems dpa' phyag 'tshal 'dud/ /grags pa chen po bdag cag ni/ /mgon po khyod la zhu ba zhu/ /sangs rgyas thams cad skyed byed yum/ /dkyil 'khor gyi ni dkyil 'khor mchog /de nas bcom ldan 'das rdo rje sems dpa' des de bzhin gshegs pa thams cad kyi rdo rje'i yum rnams la 'di skad ces bka' stsal to/ /de bzhin </font><hr>302b<br><font size=+1>


gshegs pa thams cad kyi yum rnams de skad ma smra zhig /'jig rten thams cad la khyab pa'i dkyil 'khor gyi rgyal po chen po 'di la ma 'ongs pa'i sems can rnams dad par mi 'gyur zhing / rang gi sems yongs su sun 'byin la des ma mthong ba'i chos la ma dad pas rang gi sems yang dag par sun phyung ste/ mnar med pa rnams su skyes nas bskal pa stong phrag mang por mnar med pa'i sdug bsngal rjes su 'byung bar 'gyur ro/ /de brgya lam na mnar med pa'i sdug bsngal las grol te/ mi rnams su skyes par gyur kyang rnam par 'gyur ba'i bzhin du 'gyur ro/ /brjed ngas pa rnams dang / blo gros chung ba rnams dang / khyi dang / bya rog dang / byi la dang / phag dang / stag dang / glang po che dang / seng ge'i nga ro 'dra ba dag tu 'gyur ro/ /de dag 'dre bar mi bya zhing blta bar mi bya'o/ /de nas de bzhin gshegs pa thams cad bskyed pa'i yum de rnams kyis bcom ldan 'das la 'di skad ces gsol to/ /bcom ldan 'das/ ji ltar sems can de rnams kyi mnar med pa'i sdug bsngal zad par 'gyur/ bcom ldan 'das kyis bka' stsal ba/ gang gis 'di'i ming gzung na yongs su zad par 'gyur ro/ /bsod nams de'i rgyus de'i las kyi sgrib pa zad de bla na med pa yang dag par </font><hr>303a<br><font size=+1>


@#/ /rdzogs pa'i byang chub kyi skal ba can du 'gyur ro/ /de nas de dag yid dga' ba skyes nas yang bcom ldan 'das la 'di skad ces gsol to/ / bcom ldan 'das/ bstan du gsol/ bsod nams dang / ye shes kyi tshogs kyi rgyus dkyil 'khor chen po'i rgyal po sems can thams cad la phan pa dang / bde ba'i phyir gang ma 'ongs pa'i sems can rnams kyis dran pa tsam gyis sangs rgyas kyi byang chub thob par 'gyur ro/ /de nas bcom ldan 'das kyis kun tu bzang po chen po/ 'od 'phro ba gsal ba rdo rje zhes bya ba'i ting nge 'dzin la snyoms par zhugs so/ /rang gi sku dang / gsung dang / thugs rdo rje rnams las de bzhin gshegs pa thams cad kyi sku'i dam pa 'di bka' stsal ba/ /dkyil 'khor kun gyi yum gyur ba/ /stong nyid ye shes nyid du bshad/ /ci zhig nga yis bstan par bya/ /rtogs pa thams cad rnam par spangs/ /sems can rnams la phan bzhed pa/ /gang zhig cung zad bstan par bya/ /de kun sgyu mas sgyu ma'o/ /'gro ba sgyu ma lta bur shes/ /des na sgyu ma lta bu yis/ / sgyu ma lta bu'i dkyil 'khor bya/ /nam mkha'i khams kyis khyab pa yis/ /thams cad yum gyis yang dag 'khrugs/ /phyi rol yang ni brtag par bya/ /gsang ba'i </font><hr>303b<br><font size=+1>


dkyil 'khor yum rnams kyis/ /dben zhing dga' ba'i gnas su ni/ /yid kyi legs par 'dus byas pa/ /nam mkha' la ni thig gis gdab/ /thog mar de yi dam pas so/ / de nas rnal 'byor chen pos thig /gsang ba'i yum gyi dkyil 'khor ro/ /mu khyud dag gi rnam bdun du/ /kun nas yongs su bskor bar bya/ /dbus kyis cha ru dkyil 'khor ni| |'khor lo lta bur bri bar bya/ /kun nas brgyad gnyis mdzes pa ni/ /dkyil 'khor bzhi yi dbus su'o/ /'khor lo'i lte ba'i dbus su ni/ /pad+ma ze'u 'bru ldan pa bri/ /mtshams dang mtshams su 'ang bam ni/ ji lta ba bzhin bsnyems bcas pas/ /srad bu lnga yis yang dag 'khrugs/ /srid bu bzhi yis nye bar sbras/ /sgo bzhi dang ni yang dag ldan/ /rta babs seng+ge dag gis brgyan/ /gdugs dang rgyal mtshan ba dan sogs/ /bla res steng du bres pa dang / rin chen rdo rje pad ldan sngon/ /dpag bsam shing gi lcug mas khyab/ / bum bzang rin chen ldan pa'i mchog /rgyan phreng glang po ldan pa ni/ /phyi rol gnas te legs par bri/ /rtog dang mi rtog rnam spangs te/ /dkyil 'khor rgyal po'i dbus su ni/ /gsang ba rgyan gyi rdo rje bya/ /mnyam par gzhag cing spro ba yis/ /sems kyis bri ba nyid du bya/ /de nas lha mo zhal bzhi ma/ /shes rab pha rol phyin dge ba/ /phyag </font><hr>304a<br><font size=+1>


@#/ /bzhi ba la spyan yangs ma/ /phyag gnyis kyis ni chos 'chad cing / /zhi ba'i g.yas par rdo rje ste/ /g.yon pa pad+mas rnam par brgyan/ /dkar dang dmar po cher sngo ba/ /sngo bsangs rin chen mchog mdzes 'od/ /gtsug na rin chen gtsug tor che/ /gtsug rgyan con pan dam pa can/ /skal ba chen po 'od ldan ma/ / rgyan rnams kun gyis rnam par klubs/ /gos kyis stod ni legs bsgribs pa/ /bzhin gyi dkyil 'khor 'dzum bcas shing / /sna tshogs gos ni legs gyon pa/ /dbu ma'i zhal ras gser gyi 'od/ /zhabs gnyis dbus su 'khor lo ste/ /mdun na rin chen bdun gnas pa/ /pad+ma mchog ldan seng+ge'i khri/ /zla ba rdo rje 'dzin pa'i gdan/ /nyi ma'i dkyil 'khor 'od 'phro ba/ /rgyab tu nyi ma'i dkyil 'khor ni/ /dpa' bo de yis bri bar bya/ /'di yi mdun du bri bya ba/ /dpa' bo mtha' yas pa yi zhal/ /stong phrag du ma'i phyag ldan ma/ /mtshan nyid thams cad yang dag rdzogs/ /rgyan rnams kun gyis rnam par brgyan/ /phyag gis rdo rje pad+ma 'chang / /sna tshogs phyag rgyas phyag gzhan dkrigs/ /gtsug ldan dar gyi cod pan can/ /dbu rgyan pad+ma'i bzhin ras ma/ /zla ba'i dkyil 'khor dag la bzhugs/ /de 'od nyi ma lta bu'i 'od/ /dpa' </font><hr>304b<br><font size=+1>


bo'i rnal 'byor ldan pa yi/ /dpa' bo des ni bri bar bya/ /rdo rje sems dpar bdag bsgoms te/ /der ni bsnyems pas 'gro bar bya/ /dpa' bos lho ru bri bya ba/ /gshin rje'i 'dab ma mdzes pa la/ /mchog sbyin nam mkha' dge ma yang / /rin chen khri la legs par bzhugs/ /bzhin ras sngo la spyan dkar ba/ /'dzum bcas nor bu'i 'og pag can/ / mgul rgyan rin chen phreng ba mchog /rkang gdub gdu bu rin po che/ /yid bzhin nor bu'i lag pa can/ /sbyin pa'i pha rol phyin dgongs ma/ /de nas blo ldan rab song ste/ /nub tu yang ni de bzhin du/ /dpal dang ldan pas legs par bri/ /chu las skyes ma yid 'phrog ma/ /dmar po'i gos 'dzin dag pa ma/ /gtsug na cod pan gyis spras ma/ /sprul rgyan sna tshogs lus can ma/ /dar dang rin chen gyis klubs ma/ /pad+ma 'byed pa'i sbyor ba yi/ /phyag gi lo 'dab dang ldan pas/ /zla ba'i gdan la yang dag bzhugs/ /nyi ma du ma'i snang ba can/ /ji ltar rigs pa bri bar bya/ /de nas byang du phyin nas su/ /song ste dpa' bos bri bya ba/ /mi g.yo bzhin ras grags chen ma/ /mar gad 'bar ba mtshungs pa mo/ /dkar po'i dar gyis yang dag klubs/ /gtsug na nor bu cod pan bzang / /gtsug rgyan sna tshogs dag gis spras/ /rdo rje dril bu'i lag bkra ma/ /sna </font><hr>305a<br><font size=+1>


@#/ /tshogs rgyan dang gos ldan pas/ /zla ba'i gdan la yang dag bzhugs/ /'od kyis gtams pa'i dkyil 'khor mchog /de nas mtshams kyi 'dab ma la/ /me tog bdug pa dri ldan ma/ /rdo rje snang byed dag pa ma'i/ /mchod pa sngags rig pa yis bris/ /gzugs sgra dri dang ro dang reg /rang gi bdag po'i phyogs su'o| |'dab ma 'dab mar thams cad du/ /bzhad dang sgeg dang dbyangs chen po/ /gar gyi phyag rgya grags chen po/ /sngags pas 'bad de bri bar bya/ /pad+ma la skyes 'dab ma la/ /thams cad du ni 'grub pa bri/ /sgo rnams dag ni thams cad la/ /sgo skyong ba ni rnam bzhi dang / /phyi rol du yang lha la sogs/ /ming ni yang dag bri bar bya/ / de nas khrus byas lus byugs la/ /me tog bdu ga sogs kyis bdug ste/ /sna tshogs gos ni rab gyon la/ /me tog phreng dang gos kyis brgyan/ /gtsug phud cod pan dang ldan zhing / /mdzes pa'i dar gyis yang dag klubs/ /rdo rje dril bu lag par ldan/ /sbyor ba bzang po'i rnam gzhag gis/ /de nas thams cad dgug par bya/ /rdo rje ma mo dka' thub che/ /bzlog dang rnal ma'i phyag rgya yis/ /rdo rje sems dpa' bzlas nas su/ /rdo rje'i sbyor bas gar bya zhing / /lan gsum du ni g.yas bskor bas/ / </font><hr>305b<br><font size=+1>


rdo rje ma mo'i dkyil 'khor rnams/ /dam tshig ldan pa thams cad byon/ /glu dbyangs kyi ni rgyal pos bskul/ /rang gi slob ma'i tshogs gar gyis/ /dregs pa yis ni g.yas dang g.yon/ /'gying ba dang ni 'dud par bya/ /'dir gshegs 'dir gshegs sems can don mdzad brtson pa po/ /ser sna mi mnga' sangs rgyas tshogs mchog mtha' dag dang / / bde gshegs dam pa'i yum gyur srid pa'i bskyed pa po/ /pha rol don mdzad dus la de ring bab pa lags/ /zhes so/ /de nas de dag rang nyid kyi/ /rdzu 'phrul rnam par 'phrul bas byon/ /mtshan ma dag ni bzang po rnams/ /dkyil 'khor dag tu blta bar bya/ /rang ngam gzhan la 'bab sogs pa'i/ /mtshan ma ji ltar mthong ba na/ /de tshe nges par ma mo ni| |bde gshegs thugs kyi dgongs par byon/ /de nas mchod yon zhabs bsil cho ga ji bzhin rab brtags te/ /de tshe babs pa'i sems can bsod nams ldan la bri bar bya/ /gal te de ni mi smra ba na hUM gi yi ge dang / /ldan pa'i glu dbyangs kyis ni yongs su bskul ba nyid du bya'o/ /de nas shes rab ldan ma gzhug /slob ma'i gtso bo thal sbyar te/ /mig la mig dar gyis g.yogs la/ /rab dga' bdag yin yang dag dga'/ /ma mo thams cad la dmigs te/ /der ni me tog dor bar bya/ /me tog gang </font><hr>306a<br><font size=+1>


@#/ /la lhung gyur ba/ /ma mo de ni de yis 'grub/ /de nas go rims ji bzhin du/ /sgo skyong ba nas brtsams nas su/ /shes rab pha rol phyin pa'i bar/ / slob ma la ni bshad par bya/ /dam tshig thob par gyur nas su/ /sdom pa dag ni gzung bar bya/ /ma mo'i sngags dang phyag rgya ni/ /mnyam par gzhag pas bstan par bya/ /gzhan du slob dpon blo ngan ni/ /nges par dmyal bar 'gro bar 'gyur/ /de nas kyang yang dag 'grub cing / /myur du dmyal bar 'gro bar 'gyur/ /bgegs dang log par 'dren pa 'am/ /rims dang gdon dang dug sogs kyis/ /gdungs te nad kyis rgyun du ni/ /'chi ba ru yang 'gyur ba yin/ /rdo rje slob dpon smad pa na/ /rtag tu dmyal ba nyid du ni/ / rab tu rmongs pa'i slob ma 'gro/ /mkha' las rdo rje ji bzhin no/ /des na bu kye dam tshig ni /khyod kyis rtag tu srung bar byos/ /ma mo kun gyi sdom pa ni/ /theg pa chen po'i cho gas gnas/ /de nas yang bcom ldan 'das kyis ting nge 'dzin la bzhugs te/ rdo rje 'dzin pa thams cad kyis yum rnams kyi dam tshig bka' stsal ba/ /rin chen sems kyi dam tshig gis/ /rnam pa gsum ni sbyang bar bya/ thog mtha' bar gyi sbyor ba yis/ /chung 'bring mchog gi dbye ba yis/ /de 'dra'i dam tshig yang dag </font><hr>306b<br><font size=+1>


pa/ /sangs rgyas kun gyis bka' stsal to/ /ji srid sems ni sbyangs kyi bar/ /'bad pa yis ni bsgom par bya/ /bud med thams cad mthong ba na/ /lan gsum du ni bskor nas kyang / /spyi bor phyag ni byas nas su/ /lan gsum par du gsol ba gdab/ /bdag gi ma khyod bu yin te/ /ji srid byang chub thob par du/ /byang chub yan lag nu ma las/ /byung ma rang gi 'o mas skyongs/ /de nas sbyor ldan rab dge ba'i/ /dbang bskur ba ni sbyin par bya/ /gser la sogs pa'i bum pa ru/ /dri yi rgyas ni yongs bkang la/ /dar dang ras sogs kyis g.yogs te/ /me tog chun pos mgul brgyan nas/ /rin chen sman gyis rab bkang ba'i/ /gcig lhag bcu drug bzang po la/ /ma mo'i snying bo nyid kyis ni/ /brgya rtsa brgyad du bzlas pa yis/ /sngags shes pas ni dbang bskur ro/ /slob ma zhi ba bzang po yis/ /thog mar zhu ba byas nas kyang / /zhabs gnyis la ni mgos btud nas/ /bdag ni che go mo rdo rje/ /byang chub sems ni rnam bsgoms pa'o/ /slob dpon zhabs kyi chu skyes la/ /dbang bskur phyir ni zhu ba bgyid/ skal ba chen po bdag la stsal/ /slob dpon mchog tu rmad byung ba/ /dbang bskur rgyal ba thams cad kyis/ /sangs rgyas byang chub rab sgrub pa/ /des ni bdag gi sems can rnams/ /don gyi dam pa bdag gis bgyi/ /sangs rgyas kun </font><hr>307a<br><font size=+1>


@#/ /gyis don bgyid pa/ /brtul zhugs bzang po khyod kyi drin/ /de nas dbang bskur sbyor ba yis/ /rdo rje sems dpa'i go 'phang gnas/ /slob mas ye shes rdo rje yi/ /go 'phang la ni gzhag nas su/ /bum pa bzang po gcig gam ni/ /yang na bcu drug dag gam ni/ /lnga 'am yang na bcu yis ni/ /dkyil 'khor du ni dbang bskur ro/ /dkyil 'khor gyi ni mdun du ni/ /dkyil 'khor pad+ma bri bar bya/ /pad+ma lo 'dab brgyad pa la/ /ge sar lte ba ldan par bri/ /de yi dbus su rdo rje bri/ /sna tshogs rdo rje 'od zer phreng / /de yi mdun du 'khor lo bri/ /chen po rin chen bdun gyis bskor/ /lho yi phyogs su rin po che/ /nub tu pad+ma nyid yin te/ /byang du ral gri chen po'o/ /'bar ba'i phreng 'khrugs 'od zer can/ grwa yi phyogs ni thams cad du/ /me tog bdug pa dri zhim pa/ /'od ldan pa ni skal ba che/ /sgo dang sgo ru bzhi nyid do/ /phyi rol tu yang mi 'chi kun/ // gcig nas gcig tu rgyal sgrogs pa/ /bde byed gcer bu'i cha lugs te/ /ming thos pa dang ldan pa'o/ /dkyil 'khor de yi dbus su ni/ /slob ma bsnyems dang bcas pa bzhag / chos kyi rang bzhin gtam brjod do/ /de ring khyod ni rigs su skyes/ /'khor los bsgyur ba'i rgyal po che/ /rtag pa dam pa'i dbang phyug pa/ /thabs dang shes rab ldan pa'i dpal </font><hr>307b<br><font size=+1>


dag pa'i dbang phyug kun gyi bdag /rdo rje pad+ma lag byin te/ /gnang ba bzang po rab tu sbyin/ /bu yis bya ba chen po gyis/ /sangs rgyas kun gyi go 'phang gnas/ /der ni sbyor ba 'ongs nas su/ /gsang ba'i sdom pa sbyin par bya/ /'di la mchog tu dga' ba ste/ /yum rnams rab tu rmad byung ba'o/ /dus su 'dod pa nyid du gyis/ /dam tshig mchog tu gyur ba'o/ /brtul zhugs bzang pos ci 'byor bas/ /de nas yon ni phul byas nas/ /slob dpon gyi ni zhabs la btud/ /ma dang chung ma bu mo dang / /srid mo sring mo'i bu mo dang / /bu rnams dang ni bdag nyid dang / /rgyal po longs spyod gter dang ni/ /nor dang 'bru dang grong shing rta/ /glang po rta dang ba glang sogs/ /ma he dang ni ma he mo/ /gzhan dang gzhan yang ci 'dod pa/ /bla ma la ni chen pos dbul/ /bya dang mi bya rdzas kyi mchog /thams cad kyang ni dbul bar bya/ /de nas bcom ldan ma rnams la/ /rgyan phreng rnams dang bzhad gad dang / /sgeg dang rtse 'jo dga' ba dang / /rab tu dga' ba'i bde chen dang / /bzA btung bca' ba la sogs pa'i/ /rnam pa du ma thams cad kyis/ /mchod nas gshegs su gsol bar bya/ /sems can kun gyi don dang ni/ /bdag gi yang ni ches cher mdzad/ /bde gshegs gang du gshegs pa der/ /ma mo thams cad gshegs su gsol/ /shes rab ldan pas yon phul </font><hr>308a<br><font size=+1>


@#/ /te/ /slob ma'i mchog dang bcas pa yis/ /gar byas lag pa mgor bzhag ste/ /rims kyis 'gyed dang 'dud par bya/ /de nas bzang mo rnam mnyes te/ /thams cad sgrub par byed pa'i mchog /bdag gis skal bzang stsal nas kyang / /rang gi sras kyi gnas su gshegs/ /de bzhin gshegs pa thams cad kyi sku dang / gsung dang / thugs rdo rje ye shes yum chen mo rnams kyi phyag rgya ye shes kyi dkyil 'khor yongs su rdzogs so// //de nas de bzhin gshegs pa thams cad kyi gsang ba'i yum bcom ldan 'das ma rnams kyis yang gsang ba'i dus pa las byung bar rang rang gi sgrub pa'i tah+b+sa rgyas pa bcom ldan 'das la 'di skad ces zhus so/ /shes rab ye shes mchog sgrub pa'i/ /sems dpa' chen pos gsung du gsol/ /thabs kyis sems can thams cad kun/ /sangs rgyas byang chub 'bras thob pa/ /rdo rje ye shes mchog gyur ba/ / rdo rje'i sku ste rdo rje mchog /dngos grub kun gyi bde ster ba/ /rdo rje chen pos gsung du gsol/ /thugs kyi rin chen ldan pa'i mchog /gzi brjid rdo rje snang ba can/ /sems can rnams kyi rdzu 'phrul dang / /'grub pa'i yon tan 'byung gnas gsungs/ /sangs rgyas kun gyi rnal 'byor che/ /rnal 'byor chen po dbang phyug che/ /dpa' bo'i sbyor bas gar gnas pa'i/ / </font><hr>308b<br><font size=+1>


dpa' bo chen pos bshad du gsol/ /las kun gyi ni 'bras brnyes pas/ /sna tshogs mkhyen pa dbang phyug che/ /sems can rnams kyi yab chen po/ /sna tshogs dam pa bshad du gsol/ / zhes bya bas so/ /de nas bcom ldan rtag pa'i rgyal/ /dam pa'i dbang phyug kun mkhyen pas/ /gsung mchog nam mkha' dang mtshungs pa'i/ /zab mo yi ni chos bka' stsal/ /'di ni sgrub po gang yang med/ dngos grub bam ni sgrub thabs kyang / /thabs cad rnam par rtog las byung / /rnam rtog kyang ni dmigs ma yin/ /bdag med sangs rgyas rnams kyang med/ /chos rnams med cing chos nyid med/ /sbyor ba med cing sems can med/ /de bzhin pha dang ma yang med/ /byed pa med cing skyong ba med/ /'bras bu med cing rgyu yod min//longs spyod med cing za po med/ /shes med shes pa po yang med/ /rnam shes med cing shes bya med/ /brdzun min bden pa'ang ma yin pa/ /des na snang ba thams cad ni/ /sgyu ma lta bu nyid las byung / /de ltar chos rnams rnam rig pa/ /grol nas gos par mi 'gyur te/ /dngos grub chen po 'grub par 'gyur/ /sangs rgyas byang chub bde chen po/ /zab mo'i chos ni thos pa na/ /mkhas pa gang zhig dad gyur na/ /snying po phyag rgya sngags rig rnams/ /gdon mi za bar 'grub par 'gyur/ /sbyor ba 'di ni bcom ldan gsungs/ /thams cad dag par byed pa'i mchog /gsang ba'i rgyan la legs </font><hr>309a<br><font size=+1>


@#/ /bzhugs nas/ /sems can rnams la bstan pa po/ /de nas yum rnams tshim gyur te/ /rang byung ba la zhu ba zhus/ /grub pa'i sgrub thabs rab sbyor ba/ /mnga' bdag rnal 'byor rnams kyis gsungs/ /de nas yang bcom ldan 'das kyis de bzhin gshegs pa thams cad kyi yum las kyi dam tshig 'byung ba rdo rje zhes bya ba'i ting nge 'dzin la snyoms par zhugs nas 'di skad ces bka' stsal to/ /nam mkha'i dkyil 'khor bsgom par bya/ /de yi stong du ma nyams pa/ /nam mkha'i mtha' klas khyab pa yi/ /phyogs kun tu ni rab 'phro ba'o/ /de yi steng du gzi brjid che/ /dus mtha' me dang mtshungs 'dra ba/ /de yi steng du sa chen po/ /gser gyi ri bo dang mtshungs pa/ /de yi steng du chur shes bya/ /zla ba gang ba kha ba 'dra/ /sngags pas cho ga bzhin du bsam/ /rin chen bzhi yi rang bzhin bzang / /stong phrag brgyad cu rtsa bzhi yi/ /dpag tshad kyi na tshid tsam pa/ /grub bzhi ba la sgo bzhi ba/ /rta babs bzhi yi rtse mo can/ /ri bo chen po cog brgyad pa/ /dbus su rdo rje'i ri bo mchog /de yi steng du rdo rje che/ /kun tu phyogs pa yongs su bsgom/ /sngo bsangs mar ga ta 'dra ba/ /sna tshogs 'od kyis yang dag 'khrugs/ /de yi steng du rdo rje che/ /rtse mo lnga ba rnam par bsam/ /dkar po shel dang 'dra ba'o/ /'od zer lnga yis rnam par spras/ /de yi steng du rin po che/ /chu skyes sngon po'i 'dab </font><hr>309b<br><font size=+1>


'dra ba/ /sna tshogs 'od zer stong gi phreng / /phyogs bcu nam mkha' khyab pa'o/ /de yi gtsug tu pad+ma che/ /nam mkha' khyab pa yi ni mchog /lo ma stong phrag du ma can/ /lte ba dang ni ze'u 'brus dkrigs/ /de yi mdun du nyi ma che/ /'od zer stong phrag du ma can/ /de yi steng du zla ba che/ /dkar po'i 'od zer 'bar bas dkrigs/ /nam mkha'i khams ni gang ba yin/ /gzi brjid dkar po 'phro ba'o/ /de yi dbus su ma mo bri/ /dus gsum bzugs pa'i sangs rgyas kyang / /yongs su dag pa mkha' 'dra ma/ /zla ba'i dkyil 'khor 'phro ba mo/ /phyag gnyis ma la thugs zhi ba/ /bsam gtan spyan ldan bsam gtan yid/ /bsam gtan mchog gi phyag rgya yi/ /ser mo gzhon nu rab bzhad pa/ /dkar po'i gos 'dzin mdzes pa mo/ /dkar po yi ni rgyan gyis brgyan/ /ral ba'i thor tshugs cod pan bzang / /gtsug gi nor bu 'od ldan pa/ /ye shes gdan la mnyam par bzhugs/ /ba spu rnams kyi rtse bug gnas/ /rgyal ba rab tu 'phros pa ste/ /byang chub pha rol son par mdzad/ /de yi thugs kar rnam bsam pa/ /yi ge mchog tu mi 'gyur ba/ /yi ge rnams kyis yang dag dkrigs/ /thams cad du ni legs 'phro ba'o/ /sangs rgyas rnams ni mdun gnas pa/ /rab tu thal mo sbyor ba 'o/ /de bzhin byang chub sems dpa' rnams/ /rig sngags khro bo'i tshogs kyang ni/ /chos nyan pa yi tshul du yang / /dkyil 'khor du ni gzhag par bya/ /sgo ni phyogs ni thams </font><hr>310a<br><font size=+1>


@#/ /cad du/ /sgo skyong ba ni bzhi rnams so/ /sbyin pa la sogs ci rigs par/ /bcu drug po'ang gzhag par bya/ /me tog bdug pa mar me che/ /ji lta ba bzhin gzhag par bya/ /lha klu de bzhin gnod sbyin dang / /dri za lha min dmyal las byung / /'di rnams thams cad lhun po la/ /kun nas yongs su gzhag par bya/ /de nas me tog phreng ldan 'jug /dri dang me tog yang dag ldan/ /gos dkar 'dzin pa dpal dang ldan/ /rgyan rnams kun gyis rnam par brgyan/ /shes rab 'phro dang lhan cig tu/ /rdo rje sems dpa' rjes dran pas/ /bdag dag pas ni dag par bya/ /shes rab sbyor bas gang gnas pas/ /sgo yi drung du legs 'khod la/ /glu 'di yis ni spyan drang bya/ /thugs rje mnga' ba chos kyi dbang phyug sangs rgyas yum/ /rang gi yab kyi tshogs dang sras dang bcas te byon/ /spyon cig spyon cig lha dang sring mor bcas mchod pa'i/ /'jig rten dbang phyug yang dag byang chub thugs mnga' ba/ /spyon cig spyon cig thugs rje'i bdag nyid 'jig rten gnyen/ /chos kyi yi ge bde bar gshegs pas rjes bskos pa/ /mkha' ltar yongs dag dri med dam bca' dran par mdzod/ /ma mo rnams ni mchog glus bskul bas byon par 'gyur/ /de nas bcom ldan 'das ma byon par mthong nas rang gis me tog gi snyim pa dang / mchod yon dang / zhabs bsil </font><hr>310b<br><font size=+1>


dbul par bya'o/ /oM bdag gi mchod yon zhabs bsil 'di/ /ci bde bar ni bzhes su gsol/ /de nas de dang lhan cig tu/ /'dres pa ru ni gyur bar bsam/ /oM sarba ta thA ga ta pra dz+nyA dz+nyA na sa ma ye hUM sa ma ya s+t+waM/ de nas 'di yis brtan par bya ste/ oM sarba ta thA ga ta tsa la sa ma ya ma tsa la s+t+waM/ de nas 'dis mnyes par bya/ /oM sarba ta thA ga ta ma na san+tu sti sa ma ye hUM/ e h+ye hi dzaH e h+ye hi dzaH/ de nas dpag tu med pa'i ngo mtshar chen po lta ba'i phyir/ /oM sarba ang+ga puN+Da ra ma hA b+ha ga bA na sa la sma ra sma ra s+pha ra s+pha ra sarba ang+ga a bA yu bi k+Sh+Nu ma hA bud+d+ha sa mu drAn hUM hUM aM/ 'di yis ma mo bskul nas su/ /sangs rgyas sprin ni 'od po che/ /dkyil 'khor ba la spro bar bya/ /de nas gsang sngags 'di yis ni/ /bsngags te me tog dor bar bya/ /oM sarba ang+ga puN+Da rI ka pra tI ts+tsha d+hAM ku su mAny+dza liM hUM a/ de nas ji ltar b+sah+da pa bzhin du dkyil 'khor gyi bum pa rnams la rig sngags 'dis ji ltar bshad pa ltar legs par byin gyis brlabs la rang gis dbang bskur rang gi snying po rang gis blang bar bya'o/ /de nas las thams cad kyi nus pa dang ldan pa dang / dngos grub thams cad 'grub par 'gyur ro/ /de nas me tog la sogs dang / /bza' dang btung dang ro dag gis/ /mchod la sngon gyi rim pa bzhin/ /slob ma'i rgyal po gzhug par bya/ /'khor los bsgyur ba'i rim pa yi/ /sbyor </font><hr>311a<br><font size=+1>


@#/ /ba yis ni dbang bskur ro/ /rdo rje rin chen de bzhin pad/ /las kyi rdo rje de bzhin no/ /zhags pa lcags kyu dril bu dang / /lcags sgrog rnga yab dang ni gdugs/ / ral gri mig sman thur ma gnyis/ /rgyal po'i nye bar spyod pa dang / de la rgyan rnams bstan nas su/ /dkyil 'khor der ni dbang bskur ro/ /rgyal ba'i yum gyis dbang bskur ba/ /las kun byed par rab tu bshad/ /dam tshig gam ni sdom pa yang / /rang gi slob ma mnyan du gzhug /zhi ba dang ni rgyas pa'i las/ /dbang dang drag shul spyod pa ni/ /legs par rnam par dag sems kyis/ /ci 'dod par ni bya ba byos/ /las rnams kun gyi 'bras bu yang / /sbyor ba 'di yis 'grub par 'gyur/ /de nas bcom ldan 'das rdo rje sems dpa' chen pos slar yang las dam pa rgyas par bkod pa zhes bya ba'i ting nge 'dzin la snyoms par zhugs nas 'di skad ces bka' stsal to/ /ji lta'i gzugs kyi snod byas la/ /dkyil 'khor gyis ni dbus su gzhag /zho dang mar gsar 'o ma ni/ /tsand na dmar po dang bsres te/ /ga pur dang ni ldan byas la/ /yid la byed pas bzlas te bsgrub/ /zla ba nyi ma gzas bzung tshe/ /sbyor ba bzang po'i rnam gzhag bya/ /thog mar me ni spar byas nas/ /'bad pa yis ni rlung gis bus/ /gser gyi snod du bsdu bar bya/ /ba ru na yi khu bas </font><hr>311b<br><font size=+1>


sbyar/ nyi ma dang ni zla ba la/ /slar yang rdzas de bskam par bya/ /de nas de ru lha mo yi/ /khrag dang sa bon blugs par bya/ /de yis myur du rdzas dag ni/ /'grub par 'gyur te the tshom med/ / grub nas thog mar lha mo la/ /cung zad tsam zhig dbul bar bya/ /de bzhin du ni slob dpon la/ /skal ba nyis 'gyur dbul bar bya/ /de nas grub pa gzhan rnams dang / /rang gi slob mar skal ba bzhin/ /de nas byin brlabs sbyor ba yi/ /phyag rgya dang ni lhan cig tu/ /rdo rje sems dpa'i ting nge 'dzin gyis/ /zas kyi sa bon dang ni bza'/ /skad cig de la gzugs brjes te/ /rdo rje sems dpa' lta bur gyur/ /gang dang gang gi gzugs rnams su/ /bsgrub par 'dod pa'i sngags pa yis/ /de dang de yi bsam gtan gyis/ /blo gros brtan pas bza' bar bya/ /de dang de yi gzugs su ni/ /gdon mi za bar brje bar 'gyur/ /gzhan pa yi ni rdzas dag kyang / /'di nyid kyis ni bsgrub par bya/ /mig sman gyis ni mig byugs pas/ /khor yug tu ni mi snang 'gro/ /snying la ldong ros kyis byugs na/ /yid kyi spyod yul nyid du 'gro/ /ba bla yis ni lus byugs na/ /mkha' la nye bar 'gro bar 'gyur/ /mig sman nag po blangs nas su/ / nag po'i phyogs la bza' bar bya/ /de yi bshang ba'i mar khu las/ /dud pa mkhas pas bsgrub par bya/ /de yis mig la byugs nas ni/ /sangs rgyas kyis kyang mi gzigs </font><hr>312a<br><font size=+1>


@#/ /zhing / /stobs ni dpal ldan rdo rje'i mtshon/ /nyid 'gyur rga dang 'chi ba med/ /mig sman dang ni ba lang mar/ /ma he dang ni ra nyid dang / /mi yi mig sman nyid dag ni/ /mkhas pa yis ni blangs nas su/ /sngags pas bzung ste btso bar bya/ /mig sman chen po mchog tu bzang / /'di yis mig la byugs na ni/ /grub pa yid du 'ong bar 'gyur/ /mi snang 'grub pa thams cad kyis/ /blo gros chen po rgyal por 'gyur/ /sangs rgyas kun gyi sa chen po/ /nges par thob 'gyur gzhan du min/ /rdzas kyi gnas skabs le'u 'di/ /mtshungs med chen po nyer bshad do/ /gos dang gdugs sogs ral gri dang / /mtshon cha dam pa bsgrub par bya/ /snying po snying gar byas nas ni/ /bsgoms na myur du 'grub par 'gyur/ /rdo rje sems dpa' rgyal po ches/ /pad+ma'i sems dpa' bzhin ras mchog /de yi zhal du byas nas su/ /de dang ldan pas bsgom par bya/ /mnga' bdag gang gis dbang phyug ltar/ /skad cig de la de 'gyur ro/ /de nyid kyi ni spyi bo'i char/ /mchog gi dam pa bsam gtan bya/ /skad cig de la mchod pa che'i/ /sangs rgyas su ni de 'gyur ro/ /de yi spyi gtsug nyid du ni/ /sna tshogs rdo rje bsgom par bya/ /de ni kun gyi rgyal dbang po/ /las kun byed pa'i don grub </font><hr>312b<br><font size=+1>


'gyur/ /rdo rje snying gar bsam par bya/ /de yi dbus su snying po blta/ /de nas rdo rje rig pa 'dzin/ /mnga' bdag rdo rje'i dbang po 'grub/ /rin chen chen po cha brgyad pa/ /snying ga ru ni mkhas pas bsgom/ /der ni snying po bsam pa yis/ /rin chen rig pa 'dzin par 'gyur/ /pad+ma chen po 'dab brgyad pa/ /yid la bsgoms pas skad cig la/ /pad+ma che ldan mnga' bdag gis/ /pad+ma'i rig pa 'dzin par 'gyur/ /de la sogs pa mtha' yas pa/ /ji lta'i sbyor ba'i cho ga yis/ /mchog dang dman pa 'bring po yi/ /dngos grub dam pa bsgrub par bya/ /snying gar zla ba'i dkyil 'khor bsam/ /yi ge dam pa bsgom par bya/ /ji lta'i sbyor ba'i dkyil 'khor gyis/ /thams cad bdag tu bsgom par bya/ /de las langs te bdag zhi bas/ /zla 'od kha ba ltar bsil ba'i/ /'od zer sprin gyis cher gtams pas/ /bsgrub bya'i spyi bor gzhag par bya/ /skad cig de la bdug pa dang / /bza' dang dug sogs rab 'phrog cing / /nyi ma gcig gam bdun nam ni/ /bsgrub bya zhi 'gyur gzhan du min/ /rin chen dkyil 'khor dbus gnas par/ /snying po'i mchog ni bsgom par bya/ /'od zer ser po'i phreng mdzes pa/ /bsgoms pas de ni rgyas par byed/ /pad+ma'i dkyil 'khor dbus gnas par/ /mnyam par gzhag pas lha mo </font><hr>313a<br><font size=+1>


@#/ /bsam/ /dmar po'i rang bzhin 'bar dag pa/ /bsgrub bya'i sems la 'phro bar bya/ /slar yang sdud pa'i sbyor ba yis/ /rang gi lus la gzhug par bya/ /'khor los bsgyur ba lta bu yang / /de ni ci nas dbang du 'gro /las kyi dkyil 'khor dbus gnas par/ /sna tshogs rdo rje bsgom par bya/ /de yi dbus su yi ge ni/ /mar gad 'od 'dra bsgom par bya/ /'od zer sprin gyis yang dag 'khrugs/ /mkhas pa yis ni snying gar bsam/ /bsgrub bya la ni snying po'i 'od/ /bstims pa'i skad cig de la 'bab/ /rdo rje gar gyis gar byed cing / /phyag rgya sbyor ba'i rnal 'byor dang / /rdo rje rnal 'byor ma sbyor ba'i/ /phyag rgyas thams cad ston par 'gyur/ /'das dang ma 'ongs ci 'dod pa/ /lce brkyang pas ni smra bar byed/ /'dod dang mi 'dod dge mi dge /rdo rje'i ngag gis smra bar 'gyur/ /yang na legs par sbyar ba 'am/ /grong gi'am tha mal skad dag gis/ /'dod dang mi 'dod dge mi dge/ /'tsho ba 'am ni 'chi ba dang / /nyams dang mi nyams rang gzhan gyi/ /de dag thams cad de yis smra/ /de las gzhan du de mi smra/ /'di ni bcom ldan rdo rje can/ /dbang bdag rdo rje'i dbyangs kyis gsungs/ /khros te lce rtser bsgoms nas su/ /lha mo yi ni snying po'i mchog /lcags kyu'i rnam </font><hr>313b<br><font size=+1>


par spros nas su/ /phyag rgya dang ni phyag rgya'i lan/ /rlung la bzhag ste skad cig la/ /khrag rnams thams cad dgug par bya/ /char rgyun 'bab pa'i sbyor ba yis/ /rang gi kha ru dbab par bya/ /de ni 'thungs pas sngags shes te/ /mnga' bdag rdo rje 'dzin par 'gyur/ /nam mkha' kun tu spyod dpal ldan/ /nyi ma'i snang ba lta bur 'gyur/ /'di nyid kyi ni rnal 'byor gyis/ /'o ma zho dang mar bzang po/ /mar khu chu dang me tog kun/ /rlung gis dgug pa nyid du bya/ /zhags pas mgrin pa bcing byas te/ /lcags kyu yis ni snying ga nas/ /rlung gis kun nas bteg nas su/ /lha mo de bzhin gnod sbyin mo/ /mi mo de bzhin lha min mo/ /brgyad brgya kho na bzlas pa yis/ /bud med tshul du dgug par bya/ /bsgrub bya sgrub byed ming spel nas/ /ka ba rtsig pa de bzhin khyim/ /dril bu rnams dang bum rnams la'ang / /lha mo yi ni snying po yi/ /brgya bzlas pas ni 'bebs par 'gyur/ /shes rab pha rol phyin ma mchog /khro ba dang ni yang dag ldan/ /gsal byed kyis ni gsal byas pas/ /las rnams dag ni thams cad bya/ /dur khrod ro ni ma nyams pa/ /mar ngo'i brgyad la bsdus nas su/ /byang du phyogs te gzhag par bya/ /de yi khar ni mnyam gzhag pas/ /gsang sngags legs par bzlas nas </font><hr>314a<br><font size=+1>


@#/ /su/ /rdzas kyi dam pa ci rigs pa/ /ba bla mig sman rdo chu dang / /ldong ros dang yang yang na btsag /dkar rtsi sol ba nyid dang ni/ /gur gum dang ni rgya spos sam/ /ru rta shu dag ga bur dang / /tsan+dan de bzhin a ga ru/ /sha dang khrag ni nyid dang yang / /de bzhin sor mo'i gdu bu ni/ /rnal 'byor ldan pas bzhag nas kyang / /de yi steng du bsdad la bzla/ /nyi ma shar nas de blangs pas/ /grub pa'i rig pa 'dzin par 'gyur/ /dman pas dngos grub dman pa ste/ /rab kyis rab tu rnam par bstan/ /bar mas bar mar shes par bya/ /mtshan ma med na dbang du byed/ /ces so/ /skyes bu dag ni thams cad dang / bud med dag ni thams cad la/ reg pa tsam gyis dbang byed cing / /mig la byugs pa yis kyang ngo / /tsan+dan gyis ni yongs byugs te/ /gur gum gyis ni thig le'o/ /la gu yis ni bdug par bya/ /dkar rtsi sol ba btsag gis ni/ /ji ltar 'dod pa'i ming dang ni/ /yongs su spel te bris pa yis/ /dbang ma song ba dbang 'gro ste/ /rdo rje sems dpa'i bka' bzhin no/ /khams kyis ming ni bris pa ni/ /dbang du byed pa'i mchog yin no/ /sol bas yongs su 'gugs par byed/ /dkar rtsi yis ni dug 'joms so/ /li khris skad cig de nyid la/ /smyo bar 'gyur bar the tshom med/ /ru rta a ga </font><hr>314b<br><font size=+1>


rus bdug pas/ /dbang du byed pa'i mchog yin no/ /sol bas yongs su 'gugs par byed/ /gnod sbyin mo ni nges par 'gugs/ /sha dang khrag gi bdug pa yi/ /srin mo 'gugs par byed pa'i mchog /tsan+dan si h+la'i bdug pa yis/ /lha ni 'gugs par byed pa'i mchog /ga bur tsan+dan bdug pa yis/ /sangs rgyas mchog tu spyan 'dren pa'o/ /ga bur gang gis zos pa yis/ /gzhan du'ang de yi dbang du 'gyur/ /rig pa chen mo yi ge bzhi/ /mnyam par gzhag pa'i sbyor ba yis/ /'khrugs pa dang ni spel ba'i dus/ /nges par shi ba bsgrub par bya/ / brtul zhugs can gyis gang bsgo ba'i/ /bka' lung de yis myur du byed/ /phrag par khur de bran mo des/ /lhun po'i steng du skyel bar 'gyur/ /grub pa yi ni mchog rab kyi/ /rdzas ni blangs nas 'ong bar 'gyur/ /gtsum po yi dwags nyi ma yi/ /rgyal gyi mtshan mo sol ba bzung / /gtum mo'i me tog khu ba yis/ /brtul zhugs bzang pos btags nas su/ /pad+ma'i nang du gzhag par bya/ /de nyid mtshan mo gcig gam gsum/ /de las blangs te sbyor ba yis/ /mkhas pa yis ni mar zhu bya/ /de nas lha'am grub pa 'am/ /sangs rgyas kyis kyang bsngags pa 'am/ /rig sngags grub pa'i grib ma 'am/ /gdon mi za bar mthong bar 'gyur/ /'gro dang mi 'gro'i skye bo rnams/ /dbang ma grub pa'ang dbang du byed/ /rang gi khrag gis ming bris la/ /de </font><hr>315a<br><font size=+1>


@#/ /nyid kyi ni phye mas dgang / /ji srid bskams par ma gyur bar/ /de srid mi de 'ong bar 'gyur/ /gang dang gang gis lha dag gi /rim pa 'di yis ming bris te/ /khro bo ldan pas bzlas par bya/ /de 'dis skad cig de la 'grub/ /de yi bka' bzhin byed pa dang / /ngang gis de ni dbang du 'gyur/ /dkon mchog gsum la gnod byed pa/ /gsad pa'i don du sngags rig pas/ /'bar ba'i phreng bas 'khrugs pa'i 'od/ /zhal bzhi pa la cher 'jigs pa/ /zhags pa lcags kyu thod pa can/ /bdag nyid myur du bsam par bya/ / gsang sngags dang ni spel ba yis/ /ming ni sol bas bris nas su/ /gdug pa de ni mnan nas kyang / /rang gi gdug pa'i sems kyis bsnun/ /'di nyid kyi ni ting 'dzin gyis/ /nges pa ru yang nges par byed/ /khams kyis bon dang spel ba'i/ /khams kyis ming ni bris nas su/ /khams de yang dag mnan nas ni/ /khang pa ru ni rgyun tu bzhag /de ni myur du nges 'gyur te/ /de srid du ni mi g.yor gnas/ /rma bya'i sgro 'am gtsug phud kyis/ /yongs su blangs la bsgrub par bya/ /rma bya zhes bya'i rtsa ba yi/ /mkhas pa yis ni yongs su bzung / /dmag la sngags rig pas bskor bas/ /de nas dmag dpung 'jig pa dang / /rmongs pa'am ni rengs pa 'am/ /skad cig de la 'khor bar 'gyur/ /khyi dang phag dang bya rog gi /mig ni yongs su blangs nas su/ / </font><hr>315b<br><font size=+1>


mig sman dang ni mnyam por bya/ /lha mo'i sngags kyis bsngags pa yis/ /sgrub pa po yi gzugs rnams kun/ /'jig par 'gyur bar the tshom med/ /tsaN+Di'i me tog bcud nyid kyis/ /lcags kyis g.yogs pa'i sbyor ba yis/ /de yi kha ru nges bcug pas/ /rga shi med par rnam par rgyu/ /rims gtong gzugs ni legs bris te/ /de yi kha ru gnod byed ni/ /sbyor ba yis ni bcug nas su/ /yongs su mnan la shin tu bzlas/ /rims gtong de yi gzugs kyis ni/ /rab tu 'dzin par gdon mi za/ /gza' 'am yang dag yi dwags sam/ /gnod sbyin dang ni srin po dang / /gzhan pa yi ni nad rnams kyis/ /'dzin pa la ni dpyad mi dgos/ /gshin rje bris te bskrad par bya/ /de yi zhal du dgra bo ste/ /rmongs pa'i bdag nyid mi 'gro na/ /de ni myur du nges par 'chi/ /gsad pa la yang 'di nyid kyis/ /yongs su mnan nas nges par bzla/ /gang du gter ni yod snyam gyur/ /der ni sngags rig pas song ste/ /lce yongs bzung la bzlas pa bya/ /de yis gsal po'i tshig gis smra/ / tshad dang yod dang med pa dang / /bgegs dang bgegs ni ji ltar gnas/ /ji srid de ni dgyes smra na/ /de la gtor ma sbyin par bya/ /gal te bgegs ni mi smra na/ /der ni mchod yon rab tu brtag /bus mo gnyis btsugs gus pa yis/ /nor 'dzin sangs rgyas yum las so/ /phyogs bzhi dag tu phur bus gdab/ /de nas gnas rnams bskrad par bya/ /de nas mtshams </font><hr>316a<br><font size=+1>


@#/ /ni bcing bar bya/ /mnyam par bzhag ste bskor bar bya/ /sbyor ba shes pas sngags 'di yis/ /de nas rdzas ni gdon par bya/ /oM ba su de sarba ar+tha sA d+ha ni sA d+ha ya sA d+ha yA yu d+ha ra rak+Sha/ sarbA r+tha ni tsa yaM traM traM tsa tsa Ta Ta ha ha swAhA/ yang na rig pa 'di yis kyang / /las rnams dag ni thams cad bya/ /phyogs bcing ba dang de bzhin bsrung / /phur bu bskrad pa de bzhin no/ /rin chen gsum ni thog mar sbyin/ /cha gcig dang ni nor 'dzin la'o/ /sdug bsngal can la cha gcig go /grogs po rnams la de dang mtshungs/ /lhag ma rnams ni rigs pas dpyad/ /dkon mchog gsum ni legs mchod bya/ /gzhan du sdug bsngal thob 'gyur te/ /rgyal po chom rkun sogs 'jigs las/ /gal te bla ma der bzhugs na/ /skal ba bzang po gnyis dbul lo/ /gzhan pa yi ni spyan rnams la/ /rdo rje theg pa rtogs 'gyur ba'i/ /skal ba re ni sbyin par bya/ /gzhan du dam tshig gdung bar 'gyur/ /'di ni bcom ldan rnal 'byor can/ /gsang ba rgyan gyi rdo rjes gsungs/ /de nas sangs rgyas thams cad kyi/ /yum rnams kyis ni de rab btud nas/ /dpa' bo che la zhu ba zhus/ /rgyas pa yi ni dkyil 'khor ni/ / gsungs shig gsungs shig dpa' bo che/ /yum rnams kun gyi dkyil 'khor ni/ /rgyal po'i dbang phyug rab gsol ba/ /sems can thams cad 'dir 'byung ba'o/ /de nas bcom </font><hr>316b<br><font size=+1>


ldan 'das de bzhin gshegs pa thams cad kyi bdag po'i dbang phyug dpal zhes bya ba'i ting nge 'dzin la mnyam par bzhag nas nyid kyi sku dang / gsung dang / thugs rdo rje las phyung ngo / /dkyil 'khor ji ltar sngar gsungs pa/ /'o na kyang seng ge'i khri dang ldan/ /de yi steng du pad+ma che/ /der ni ri bong can dkyil 'khor/ /de yi steng du nyi ma che/ /nyi ma der ni dkyil 'khor mchog /cha brgyad pa la dbus rin chen/ /de yi steng du rgyal ba'i yum/ /ser dang sngo ba'i 'od chen po/ /gser gyi ri bo dang mtshungs pa/ /phyag gnyis kyis ni chos 'chad cing / /g.yas pa yis ni mchog sbyin pa/ /g.yon gyis rin chen lan bu mchod/ /rgyan rnams kun gyis rnam par brgyan/ /gos ni 'phyang zhing sna tshogs pa/ /gtsug tor mu tig thor tshugs can/ /de yi mdun du rin chen bri/ /g.yon du bum pa bzang po mchog /g.yas pa ru ni dpag bsam shing / /rgyab tu rin chen lan bu'o/ /mtshams rnams su ni bum pa brgyad/ /gser gyi rang bzhin bzhag par bya/ /rin chen lnga yis yang dag 'khrugs/ / dri lnga dang ni yang dag ldan/ /bza' la sogs pa'i ros gang ba'i/ /bum pa bcu drug phyi rol tu/ /ser po'i gos kyis yongs su dkris/ /me tog ser po sogs kyis brgyan/ /de bdun blo ldan bri bya ba/ /sbyin pa'i pha rol phyin dge ma/ /dmar dang ser dang ches dkar ba/ /rin chen ldan pa'i phyag sbyin pa/ /ser po'i 'od ldan phreng mdzes ma/ /rin chen bzang po kun gyis spras/ /mkha' </font><hr>317a<br><font size=+1>


@#/ /yi nyi zla skar ma yis/ /kun nas yongs su bskor ba'o/ /gtsug phud cod pa na gos la sogs/ /phreng ba dang ldan dges pa mo/ /de yi lho ru bri bya ba/ /tshul khrims pha rol phyin dge ma/ /cung zad ser ba'i rin chen lus/ /sna tshogs rgyan gyis rnam par brgyan/ /sna tshogs gos ni yongs su gyon/ /mdzes pa'i phreng ba'i chun po'i gtsug /gos ldan gtsug na gtsug tor mchog /yid bzhin rin chen dam pa'i phyag /g.yon pa'i skyil krung rin chen bzang / /cho ga ji bzhin rab tu bsam/ /rgyab tu bzod pa ma zhes bya/ /cung zad 'dzum zhing ser mdzes ma/ /dmar po'i gos ni legs par gyon/ /rin po che yi rgyan gyis brgyan/ /thams cad rin chen mchog 'dri zhing / /dmar po'i gos ni 'phyang ba ma/ /gtsug na rin chen mchog dang ldan/ /seng ge mchog gi khri la bzhugs/ /byang du brtson 'grus chen mo ni/ /rdo rje go chas brgyan pa la/ /dpa' mo rin chen dbyug gu'i phyag /g.yas pa sbyin pa'i pha rol song / /pri yang ku la sngo bsangs dkar/ /rdo rje seng ge'i khri la bzhugs/ /lhag ma rnams ni bzhag bya ba/ /dkyil 'khor byas te rin chen ldan/ /sgo dang sgo ru sgo ba ma/ /rin chen kun gyis rnam par brgyan/ / de nas phyi yi phyi nyid du/ /rin chen snyim pa'i lag pa mchog /phyogs skyong ba ni thams cad ni/ /go rims bzhin du gzhag par bya/ /de yi phyi rol thams cad du/ /mkhas pas klu dang gnod </font><hr>317b<br><font size=+1>


sbyin bri/ /rin chen bum pa bzang po dang / /gdugs dang rgyal mtshan ba dan lag /gtor ma rnam pa sna tshogs dang / /lha bshos rab tu bzang dge ba/ /bza' dang btung ba'i ro mchog dang / /mar dang ka ra nyid dang ni/ /zho dang bu ram hwags dang bcas/ /'o ma mar dang sbrang rtsi dang / /rgyal po'i bza' ba dang dam pa'i mchog /bza' ba la sogs rab mchog go /de nas sngags pas 'jug par bya/ / rgyan rnams kun gyis brgyan nas su/ /ser po'i gos 'dzin dag pa dang / /phreng ldan dri zhim ldan pa'i las/ /sgo yi char ni zhugs nas su/ /thog mar lha ni spyan drang bya/ /phyag rgya bcings te dbyangs snyan pas/ /rab tu dga' ba'i yid kyis su/ /lhar bcas 'jig rten dag la sman slad du/ /kun tu bzang po'i smon lam dran mdzod la/ /rin chen dam pa seng ge'i khrir bzhugs te/ /'khor bcas lha dang de bzhin gshegs pa spyon/ /de nas de dag legs byon te/ /sras bcas 'khor dang bcas rnams kyang / /sems can rnams la dngos grub ster/ /sgrub pa po la khyad par du/ /de nas thal mo legs sbyar la/ /rin chen gyis bkang me tog bcas/ /gsang sngags brjod de gtor bar bya/ /ci bde bar ni bzhes su gsol/ /de nas rang gi dbang bskur bya/ /de yi sngags dang phyag rgya yis/ /sa la lag pas re gnas su/ /bsnyems pa yis ni 'then par bya/ /de nas slob ma gzhug par bya/ /me tog dris ni yang dag sdud/ /ser po'i gos bzang yang dag gyon/ /lag na rin </font><hr>318a<br><font size=+1>


@#/ /chen dri ba zang po/ /dga' dang bcas te snyim pa de/ /snga ma'i sngags kyis dor bar bya/ /gang gi drung du lhung gyur ba/ /lha de de yis 'grub pa yin/ /de nas g.yas nas rnam bskor te/ /slob ma de ni 'byung bar bya/ /bzang po'i seng ge'i khrir bzhag ste/ /dbang bskur ba yi sbyor ba bya/ /gdugs dang rgyal mtshan ba dan dang / /mdzes pa'i rnga yab g.yob pa yis/ /de bzhin du yang dbang bskur te/ /bum pa brgyad dam bcu drug la/ /de yi sngags dang phyag rgya yis/ /go rims ji lta ba bzhin no/ /de nas sbyor ba der 'ongs te/ /'khor los bsgyur ba'i rim pa yis/ /'khor lo rin chen bzang po'i lag /rgyal ba rgyal ba'i sgra dge bas/ /gsang ba'i sbyor ba'i rnal 'byor gyis/ /lte ba ru ni dbang bskur ro/ /'di bdag gter can rin chen 'dzin/ /rdo rje rin chen 'dzin par 'gyur/ /dam tshig gi ni dam pa yis/ /sangs rgyas kun gyi don rgyas pa/ /'bad pas de ring blangs pa yis/ /phongs pa'i dri ma 'phrog par byed/ / de nas dpa' bo 'chi med 'dzin/ /rin chen tshogs kyis mchod par bya/ /gzhan pa yi yang du ma ni/ /rgyal po dbang phyug dam pas so/ /de bzhin dbang bskur lnga bo yis/ /skal med kyang ni bdag med 'gyur/ /gling bzhi dbang phyug dpal ldan yang / /gnod pa med par thob par 'gyur/ /gsang ba las kyang ches shin tu/ /gsang ba yi ni mna' bsgags te/ /de yi bsgom dang </font><hr>318b<br><font size=+1>


sgrub pa'i thabs/ /slob ma la ni de nas bslab/ /gur gum dang ni tsan+dan dang / /dri dang mar me bzang po la/ /dam tshig gis ni gsal byas pa/ /lan gsum du ni 'thung du gzhug /bu kye 'thungs shig gsang ba che/ /dam tshig shin tu 'da' ba dka'/ /gal te 'di las 'das gyur na/ /myur ba nyid du 'chi bar 'gyur/ /shi nas kyang ni dmyal sdug bsngal/ /rab mang du 'bod nyid du gnas/ /gal te mi ru skye 'dod pa'am/ /nam zhig dngos grub thob 'dod na/ /de bzhin phongs pa'i sdug bsngal las/ /ring du nges par khyod kyis skyobs/ /'di dag legs thos slob ma la/ / gsang ba'i sgrub thabs bshad par bya/ /ji lta'i rgyal rigs bu mo ni/ /bzung nas gsal ba'i rnal 'byor bya/ /nyi ma bdun na nges par 'grub/ /rgyal po'i phun tshogs thob par 'gyur/ /shes rab pha rol phyin pa'i mchog /dkyil 'khor sbyor bas bsam gtan bya/ /rgyal mo cho ga bzhin bzung ste/ /sgrub pa pos ni myur du sgrub/ /nyi ma gsum gyi rgyal po mchog /gdon mi za bar tho ba par 'gyur/ /bram ze'i bu mo skal chen mo/ /nor chen la ni bsgrub par bya/ /rje rigs sna tshogs sbyor ba yis/ /mtshungs pa nyid du bsgrub par bya/ /de yis dngos grub mchog rnyed de/ /rgyal po 'jig rten gsum gyis rjed/ /dmangs mo dpa' bo'i sbyor ba yis/ /bsgrubs na sngags kyi dngos grub 'gyur/ /gnod sbyin rgyal mchog grub pa dang / /gnod sbyin rnams kyi dbang phyug mchog / </font><hr>319a<br><font size=+1>


@#/ /dman pa'i sems su bshad pa dang / /mchog gi mchog ni chen po dang / /bar mas bar ma'i dngos grub ni/ /skye ba 'di la thob par 'gyur/ /de nas las rnams bslab par bya/ /zhi ba dang ni rgyas pa'i las/ /de bzhin dbang dang mngon spyod dang / /gzhan pa yi yang sna tshogs ni/ /sems can rnams la dga' ba'o/ /shes rab pha rol phyin dge ma/ / dkyil 'khor sbyor bas bsgom par bya/ /kund dkar po zla ba 'dra/ /'od zer dkar pos mdzes pa mo/ /skye bo nad pa 'chi ka ma/ /de yi lus la gzhug par bya/ /de nas de ni stobs ldan 'gyur/ / brgyad gnyis pa yi lang tshor ldan/ /nad rnams kun las rnam par grol/ /rga dang 'chi ba rnam par spangs/ /bstan bcos kun gyi don rig cing / /shes rab dran pa mchog dang ldan/ /de bzhin rang 'gyur rnal 'byor ba/ /nam mkha' la ni yang dag bsgom/ /mdzes pa'i rin chen sna tshogs pa'i/ /thams cad du ni char 'bab pa/ /'di yis phongs pa rnam par sel/ /phongs pa rnams la rab tu brtag /the bong yi ni tshad tsam pa'i/ /nor rgyun ma yi rnam pa bya/ /lha mo la ni mnyam par gzhag /de yi mdun du gsang sngags bzlas/ /ji srid 'bum phrag kho na ste/ /de nas dngos grub bsgrub par bya/ /zla ba gang ba'am bcu bzhi 'am/ /brgyad pa'am gzas gzung nyin par la/ /mchod pa chen po byas nas su/ /mkhas pas mtshan mo thog thag </font><hr>319b<br><font size=+1>


bzlas/ /de nas dga' bas gzugs brnyan der/ /gdon mi za bar 'bar bar 'gyur/ /de nas bzung ste mdor bsdu na/ /mi yi 'khor los bsgyur bar 'gyur/ /bzlas pas mtshan ma bzang byung na/ /rnal 'byor pa ni nor chen 'gyur/ /bar mas gling ni thob par 'gyur/ /tha ma yis ni khor yug go /thams cad du ni bzlas tsam gyis/ /longs spyod zad par 'gyur ma yin/ /rgyal po thams cad dbang 'gyur zhing / /bud med thams cad dga' bar 'gyur/ /snying gar rnal 'byor byas nas su/ /nor bu lag par bcangs nas ni/ /nyi ma'i dkyil 'khor la gnas bsgom/ /myur du rin chen rgyal por 'gyur/ /phyag rgya 'di ni byas gyur pas/ /rtag tu sgom pas bsgom par bya/ /ji ltar 'dod pa'i grub rnyed de/ /rdo rje 'dzin pa ji bzhin no/ /zhes bcom ldan 'das rdo rje sems dpas bka' stsal to/ /de nas sbyor ba ji bzhin du/ /yum de rnams ni legs byon nas/ /las kyi dkyil 'khor legs gnas pa/ /ston pa la ni zhu ba zhus/ /gang du rgyal ba kun bzhugs nas/ /bla na med pa'i don mdzad pa/ /sems can kun la bde slad du/ /myur du las ni 'grub pa legs/ /de nas bcom ldan 'das las thams cad kyi dam pa'i dpal zhes bya ba'i ting nge 'dzin la snyoms par zhugs nas/ /de bzhin gshegs pa thams cad kyi yum gyi dam tshig dam pa de rnams la las kyi dkyil 'khor bka' stsal ba/ /rlung gi dkyil 'khor bri bar bya/ /de yi </font><hr>320a<br><font size=+1>


@#/ /dbus su grub gsum pa/ /de yi steng du lha mo bzhag /'bar ba'i me dang mtshungs pa la/ /zhal bzhi ma la cher 'jigs pa/ /mche ba rab tu gtsigs pa mo/ /thod pa'i phreng ba'i cod pan can/ /rdo rje lcags kyu thod pa dang / /zhags pa g.yas dang g.yon par 'dzin/ /pags pa chen po gos su gyon/ /khro mo mig 'bras rab phyung ba/ /mche bas mchu mnan zhal chen mo/ / de yi mdun du bri bya ba/ /mtha' ma'i zhal ni mdor bsdus pa/ /sna tshogs gtum dang drag po'i zhal/ /du ma'i phyag gis yang dag 'khrugs/ /zhags pa lcags kyu thod sogs dang / /rdo rje can gyi sog le 'dzin/ /thod pas lus la bres gyur cing / /cod pan chen pos 'jigs byed mo/ /gshin rje dpa' bos bri bya ba/ /mtha' gdong dam pa yi ni mchog /sngon po 'bar ba'i rang bzhin khros/ / mgo bo'i phreng bas rnam par brgyan/ /thod pa'i phreng ba'i cod pan can/ /stag gi pags pa'i sham thabs can/ /ral grib rin chen thod pa dang / /rin chen dbyug gu 'dzin pa'i mchog /de nas lha mo legs bri ba/ /pad+ma'i zhal ma 'jigs chen mo/ /dmar mo phyag na nyi zhal 'dzin/ /bskal ba'i me dang mtshungs pa mo/ /g.yon pa ru ni khro mo che/ /ma bcom ma ni ska rags mgul/ /las kyi rdo rje dril ldan mchog /mche ba rnam par gtsigs pa'i zhal/ /gtsug na thod pa 'jigs su rung / /rab gtum stobs dang gsal ba mo/ /'byor ldan cho ga rig pas bri/ /phyi rol tu ni legs </font><hr>320b<br><font size=+1>


bri ba/ /khro bcas 'jigs pa dang bcas pa/ /ral ba'i thor tshugs chen po can/ /khrag gis gang ba'i thod pa dang / /phyag rgya bzang pos phyag mtshan pa'o/ /de yi phyi ru lha rnams ni/ /snyim pa rab sbyar yi dam pa/ /thams cad du ni yongs su gzhag /'jig rten skyong ba gzhag par bya/ /sgo rnams dag ni thams cad du/ /sgo skyong ba yang de bzhin du/ /de nas gtor ma'i cho ga ni/ / sha bcas btung ba ro dang ldan/ /de nas go cha bcings gyur bas/ /thod pa'i cod pan chen po dang / /khrag gam chang gis bkang ba'am/ /thod pa ldan pas 'jug par bya/ /thams cad 'grub pa'i ma mo rnams/ /'di yis spyan ni drang bar bya/ /dkon mchog gsum la gnod byed pa'i/ /gsang ba'i don du ma mo rnams/ /de ring nyid du dkyil 'khor 'dir/ /'jigs chen ma rnams thams cad gshegs/ /'jigs pa'i sgra dang cher gtum dang / /kha nas 'od zer stong phrag ni/ /mthong ba dang ni thos pa na/ /mtshan mar yang ni shes par bya/ /de nas de yis ar+g+haM sbyin/ /ci bder bzhes shig 'jigs mdzad ma/ /gdug pa chen po gsol bar mdzad/ /gdug gtum 'jigs par byed pa yis/ /de nas bdag la dbang bskur te/ /thod par gnas pa'i ro yis ni/ /srang tsam gyi ni sha zos na/ /ma mo thams cad bsgrub par bya/ /de nas mngon spyod las rnams kun/ /dam tshig bsrung ba yis ni bya/ /dkon mchog gsum la gnod byed dang / </font><hr>321a<br><font size=+1>


@#/ /bla ma rnams la 'khyal smra ba/ /rtag tu gsod par lha mo rnams/ /bgyid par bdag ni rjes su gzung / /de nas cho ga de nyid kyis/ /slob ma'i dam pa gzhug par bya/ /khro bo'i lha la bskul nas su/ /me tog dmar po dor bar bya/ /bdag gi me tog dam pa 'di/ /ci bde bar ni bzhes su gsol/ /bdug pa 'di ni bzung nas su/ /gsol byed 'di ni gsol bar mdzod/ /lha mo gang la lhung gyur ba/ /de yis de la mchog gsol lo/ /de nas dbang bskur byin nas su/ /dkyil 'khor gyi ni mdun bzhag ste/ /thod pa ru ni gnas pa yi/ / khrag gis dbang ni bskur bar bya/ /de nas sgo ru bos nas su/ /dam chig 'bad pas 'dzin du gzhug /rab tu gdug pa'i snying gi khrag /bzang po 'di ni 'thung zhig gu/ /zo zhig zo zhig sha chen po/ /btung ba 'jigs pa chen po 'thung / /gzhan du na ni 'chi 'gyur te/ /mkha' 'gro ma dang gza' rnams dang / /gnod sbyin srin po gtum po yi/ /ring por mi thogs rab tu za/ /de nas mngon spyod las rnams ni/ /stong phrag dag ni bslab par bya/ /de yi sbyor ba'i rnal 'byor gyis/ /rang nyid khro bor bzung gyur bas/ /gnod byed thams cad gsad par bya/ / dgra rnams thams cad bza' bar bya/ /gdug pa thams cad bca' bar/ /srin po thams cad gzhom par bya/ /mtha' yas zhal ma'i sbyor ba yis/ /gsad dang gzung ba de yis/ / </font><hr>321b<br><font size=+1>


bya/ /zhal bzhi ma yi sbyor ba yis/ /thams cad 'gugs pa'i dam pa'ang yin/ /mkha' gdong ma yis thams cad rin po che tshogs 'byung ngo / /pad+ma'i zhal gyi sbyor ba yis/ / chang gi dam pa btung bar bya/ /ma bcom ma yi sbyor ba yis/ /sha ni 'gugs pa'i mchog yin no/ /nam mkha' rengs pa chen po ste/ /dmag dpung 'byor ba'i dam pa 'o/ /rmugs dang rmongs pa thams cad du/ /dpyad pa ru ni mi bya 'o/ /sngar bshad pa yi las rnams dang / /ma bshad pa la ci 'dod pa/ /bzlas pa tsam gyis kun bya ste/ /thams cad du ni the tshom med/ / dur khrod kyi ni thal bar ba la/ /dgra bo'i gzugs ni 'bad pas bya/ /ming dang spel bar byas nas su/ /ma mo'i ral gris btub par bya/ /de nas nyi ma bdun na ni/ /brlag par 'gyur bar gdon mi za/ /gang lus ji ltar bcad gyur ba/ /de dang de yi yan lag 'chad/ /zhal bzhi ma yi sbyor ba yis/ /sngags pa mnyam par bzhag pas bcad/ /de yi mgrin par zhags pa ni/ /mkhas pas sbrel te bcing bar bya/ /lcags kyus snying gar phug nas su/ /rlung gis bskyod de drang bar bya/ /de nas de yi ming bskul nas/ /de ni shes rab ldan pas dgug /dman dang mchog gi dbye ba yis/ /'di yi 'bras bu nga yis bshad/ /mdor bsdus pas ni shes par bya/ /sngags pa'i rgyal po'i sbyor ba yis/ /zhes so/ /de nas bcom ldan 'das ma de bzhin gshegs pa thams cad ni/ / </font><hr>322a<br><font size=+1>


@#/ /de yis dngos grub gsol mi 'gyur/ /nye bar 'tshe ba 'jigs rnams dang / /gdon dang gnod sbyin srin por bcas/ /mi bzad nad kyis btab nas su/ / shin nas mnar med nyid du 'gyur/ /de nas de bzhin dbang bskur gyi/ /dkyil 'khor la bzhag yum rnams kyis/ /dbang bskur gsang ba'i dam tshig sbyin/ /gsang ba'i sgrub thabs nyan du gzhug /rang yum ma mo'i sa bon gyis/ /rang gi rnam rtog bdag yum min/ /lta bus yab gyur bsgrubs na ni/ /nyi ma bdun na rab tu 'grub/ /sangs rgyas kun gyi yab ston pa/ /kun mkhyen ye shes spyod yul te/ /drag po kun dang bde chen po/ /ye shes kun gyi mchog gi mchog /shes rab kyis ni thams cad bsgrub/ /las rgyas pa yi dam pa'i mchog /bye brag tu ni bskul nas su/ /byang chub kyi ni yon tan gyi/ /thams cad du ni 'od gsal ba'i/ /dngos grub thams cad bsgrub par bya/ /shes rab kyi ni las dbye bas/ /gzugs dang dbyibs nyid dag gis so/ /phyag rgya dang ni phyag rgya'i lan/ /de bzhin dkyil 'khor dam tshig dang / /bza' ba dang ni nyer spyod pa/ /gtor ma lha bshos nyid dang ni/ /shin tu bde ba'i stan nyid dang / /de dang de ni nges par sbyar/ /bzlas dang bsam gtan sa bon ni/ /rang gi lus khyab pa nyid do/ /gsang sngags dag ni thams cad las/ /gsang sngags 'di ni rab tu bsngags </font><hr>322b<br><font size=+1>


tshe 'dir dam pa'i rjes grub cing / /gdon mi za bar thob par 'gyur/ /'di ni bcom ldan kun rdo rje/ /ye shes 'byung gnas mnga' bdag gsungs/ /las kun gyi ni sbyor ba yis/ /'di ni sgyu mas 'gro la bzhugs/ /de nas de bzhin gshegs pa thams cad kyi yum de rnams kyis bcom ldan 'das la 'di skad ces gsol to/ /phyag rgya'i ye shes mchog tu dge /ye shes chen pos gsung du gsol/ /gang gis mngon par rgyas btab kun/ /mnga' bdag dus mi ring bar 'grub/ /de nas bcom ldan 'das kyis yang ting nge 'dzin rdo rje zhes bya ba'i ting nge 'dzin la snyoms par zhugs nas 'di skad ces bka' stsal to/ /phyag rgya rtags su yang dag bshad/ /tha snyad tsam du rnam par btags/ /sangs rgyas kun gyi kla klo'i skad/ /phyag rgya thams cad yang dag bshad/ 'on kyang mgon po mchog gi brtags/ /lag pa'i rnam dgod mtshan ma nyid/ /gang gis yid ches legs skye rnams/ /dam tshig shes pa'i lha rnams ni/ /sgrub po rnams kyis rab bskul na/ / grub pa'i dam pa rab tu stsol/ /dus las thams cad byon nas su/ /slar yang gshegs pa nyid du 'gyur/ /lag pa zla ba nyi mar bya/ /shes rab thabs su rab tu brtag /de nas sngags pas yongs su sbyar/ /rang gi sa bon ngag gis mtshan/ /oM pra dz+nyA pA ya sa mA yo ga /de nas thal mo nges par sbyar/ /phan tshun rjes su rtogs chen po/ /khu tshur shin tu gzhag par byar/ /khu tshur </font><hr>323a<br><font size=+1>


@#/ /bsdams pa lta bur bcing / /so so ru ni sbyor bar bya/ /snying gi dbus su nges par bzung / /g.yon pa'i steng du lag pa g.yas/ /bzhag ste sor mo so sor bya/ / lag g.yas bsgreng nas phyogs kun tu/ /'khor lo'i sbyor bas spro bar bya/ /rdo rje sgo lcags lta bur bskum/ /sor mo thams cad rtsibs su bya/ /oM sarba d+harma tsakra sa mA ye/ /de bzhin g.yon pa yongs su spro/ /sor mo rtsibs kyi sbyor ba yis/ /shes rab steng du bsgreng bar bya/ /g.yas pa yang ni de bzhin no/ /rtse mo cung zad sbyar bar bya/ /chos kyi las ni chen po byed/ /de nyid mnyam du bskums pa ni/ /las kyi phyag rgya zhes su grags de bzhin ming med byas nas su/ /lhag ma rnams ni gdong du sbyar/ /phyag rgya chen po shin tu ni/ /dngos grub thams cad rab tu gsol/ /phyag rgya 'di rnams bsdams na ni/ /rang nyid shes rab bdag por 'gyur/ /kun tu bzang po rgyal po che/ /lha dang lha min bcas pas mchod/ /ce'o/ /de nas ma mo de rnams kun/ /slar yang gtso bo la bstod nas/ /shes rab chen po rnam bzhi yi/ /phyag rgya zhu ba rnam par byas/ /phyag rgya bzhi yi rab kyi mchog /bcom ldan 'das kyis bka' stsol cig /gsang ba'i phyag rgya'i yal ga mchog /shes rab thabs kyi lus bzang ba/ /gang zhig gsan ba'i rnal 'byor ni/ /gang gi rnal 'byor ba bde ba/ /rdzu 'phrul 'phel dang yang dag pa'i/ /rdzu 'phrul skye ba </font><hr>323b<br><font size=+1>


'dir snyen pa/ /bcom ldan ston pas bka' stsal ba/ /gsad pa'i phyag rgya rgyal ba'i gzhi/ /gang gi myur du sgrub po kun/ /rab tu bde bar gnas pas 'grub/ /de nas bcom ldan rdo rje can/ /mnyes te gsang ba'i dam pa gsungs/ /phyag rgya'i pha rol phyin pa rnams/ /bde ba chen po rab tu bsgrub/ /rdo rje thal mo dam par bsdams/ /rdo rje dbus su gzhag par bya/ /gsang ba'i dam tshig ces su bsgrags/ / gsang ba'i rnal 'byor rab tu sgrub/ /de nyid rdo rje lta bur bya/ /bskyod pas bde ba skyed par byed/ /'di ni chos 'dzin zhes bya ba'i/ /phyag rgya gsang ba bsgrub pa'o/ /g.yon par thabs ni bskums nas su/ /bskyod pas bde ba 'gugs par byed/ /dag pa'i las zhes rab tu grags/ /bde ba thams cad rab stsol byed/ /de nyid kha dang rkan la ni/ /sbyar ba chen mo zhes su bshad/ /rdo rje phan tshun yang dag sbyar/ /lcags kyu'i kha ni bskyod par bya/ /kha ni phan tshun yongs sbyar ba/ /gsang ba'i zhags pa zhes su grags/ /de bzhin bskums par byas nas su/ /dam du bsdams te bcing bar bya/ /'di ni gsang ba bsdams pa'i rgya/ /ye shes bsdams pa rab tu 'grub/ /thams cad rdo rje ltar rdo rje/ /de bzhin bskyod cing bskor bar bya/ /de 'di gsang ba rab tshum pa/ /tshim pa'i don ni ster bar byed/ /lhag ma phyag rgya chen por/ /shes bya phyag rgya mdor bsdus pa'o/ /de nyid las kyi phyag rgya mchog /las kyi dbye bas sbyar bar bya/ /zhes so/ /de nas ma mo de rnams kun/ /yid </font><hr>324a<br><font size=+1>


@#/ /ni tshim zhing mgu ba yis/ /rdo rje sems dpa' mtshan yangs pa'i/ /legs so ba ni nges par phul/ /legs so legs so gsang chen po/ /legs so legs so mchod chen po/ /legs so legs so rnal 'byor che/ /legs so legs so rab tshim mdzad/ /de nas bcom ldan 'das ma rnams dang / de bzhin gshegs pa thams cad kyi rdo rje btsun mo rnams kyis dgyes pa'i dkyil 'khor zhu ba bcom ldan 'das la zhus pa/ sangs rgyas rang bzhin khyod la 'dud/ /spyod pa'i rin chen khyod la 'dud/ /dam pa'i rgyu gyur khyod la 'dud/ / sna tshogs mdzad pa khyod la 'dud/ /dpa' po 'dul ba khyod la 'dud/ /gsang ba'i chos ldan khyod la 'dud/ /zhi ba'i thugs la phyag 'tshal 'dud/ /mgon po khyod la bdag cag zhu/ / bdag gis dkyil 'khor zhu ba'i phyir/ /mnga' bdag rgyal dang sems can rnams/ /de nas bcom ldan 'das de bzhin gshegs pa thams cad kyis rdo rje btsun mo'i dkyil 'khor bka' stsal ba/ /de lta'i dkyil 'khor bris nas su/ /dbus su pha rol phyin ma dgod/ /d+hI zhes bya ba shes rab can/ /thabs dang ldan pas gsal byas pa/ /'di yis sngags pa 'jigs med par/ /zla ba phyed kyis nges par 'gyur/ /rig pa 'di yis de yi ni/ /las rnams thams cad byed pa dang / /dbang dang dgug dang dbye ba dang / /tshim dang 'phrog dang 'bras chen po/ / </font><hr>324b<br><font size=+1>


zhi bas zhi ba zhes su bshad/ /brnyes ma zhes pas rgyas par b+sah+da/ /dbang dang dgug rang dbye ba la/ /byed ma'o dbang la drag mo yin/ /sha yi mtha' ru bdud gsod ma/ /gsod pa dang ni spel bar bya/ /'gro ba dang ni yang dag ldan/ /sor mo zhags pas dkri bar bya/ /thams cad du ni drag po dgug /drag po drag po'i go 'phang gnas/ /'di yi cho ga ldan pa yis/ /las kyi tshogs kyi mchog kun bya/ / sems la rnal 'byor legs bsam ste/ /brgyad brgya brgya kho na bzlas pa yis/ /dbang bcas nyid dam dbang chen po/ /stobs kyis mgo bo mnan nas su/ /ma mo'i tshogs kun de yis bzla/ /dus mi ring bar 'grub par 'gyur/ /gzi brjid chen pos bka' bzhin du/ /mgo bos nye bar phyag 'tshal te/ /'di yi ma mo thams cad kun/ /gzi brjid kyis ni gzi ldan pa/ /sngags kyi rgyal po 'od ldan pas/ /go rims ji lta ba bzhin du/ /dpe zla med pa'i dngos grub byed/ /grub pa'i lam la rab tu gnas/ /sangs rgyas rdo rje 'dzin pa yi/ /'phrul dang rnam par 'phrul ba yis/ /'di na ston pa chen pos gsungs ma skyes skye ba med la bzhugs/ /rtag pa ston pa thams cad pa/ /nam mkha' nyi zla dri ma med/ /de dag thams cad rab dga' ste/ /dngos po spangs pa'i btsun mo yis/ /gar dang glu dang sil snyan mchog \?\ bzhad dang sgeg pa'i sbyor ba dang / /bud med sgyu ma'i rnam 'phrul dang / /gling bu pi wang rdza rnga sogs/ /ting ting shag dang dung sgra dang / /ro dang reg pa dri chen po/ /gzugs dang sgra sogs bde </font><hr>325a<br><font size=+1>


@#/ /ldan pas/ /dpa' chen la ni mchod byas nas/ /snyems dang bcas pas phyag 'tshal te/ /slar yang mgon po la gsol btab/ /rdo rje btsun mo'i dkyil 'khor rnams/ / mgon po ci yi phyir mi gsung / /yab rnams kyi ni thams cad dang / /yum rnams kyi ni mdor bsdus pa/ /mchod pa yang ni thams cad de/ /bran bcas pho nya pho nya mo/ /'jig rten pa ni mtha' dag gi /gtso bo chen pos gsung du gsol/ /de nas bcom ldan 'das de bzhin gshegs pa thams cad kyi bdag pos yang de bzhin gshegs pa thams cad gnyis su med pa rnam par 'phrul ba zhes bya ba'i ting nge 'dzin la snyoms par zhugs nas/ /de dag nyid kyi sku dang / gsung dang / thugs rdo rje la gzhug pa dang / dgug pa dang / bcing ba dang / mnyes par bya ste/ nyid kyi sku dang / gsung dang / thugs rdo rje gnyis su med pa bsgyings pa dang ldan pa la mnyam par bzhag ste bzhugs so/ /de nas yang bde ba yongs su skyes pa rab tu dgyes pa'i sangs rgyas thams cad lhan cig sbyod pa dang bcas pa/ bran dang bcas pas de la 'di skad ces gsol to/ /mgon po dbang phyug rdo rje sems/ rdo rje snang ba mdzes pa'i sku/ /gsang ba rgyan gyi dkyil 'khor ni/ / dpa' po chen pos gsung du gsol/ /gang gis rgyal ba kun bskyed pa/ /byang chub sems dpa' grags chen po/ /de nas bcom ldan 'das de bzhin gshegs pa thams cad kyi gsung ba </font><hr>325b<br><font size=+1>


rgyan gyi bkod pa dkyil 'khor chen po'i mchog ces bya ba'i ting nge 'dzin la snyoms par zhugs nas 'di skad ces gsol to/ /e ma sangs rgyas thams cad kyis/ /zhu ba rab tu zhus pa ni/ /gang phyir nga la dngos med kyang / /zhu ba zhus pa thams cad thos/ /gsang ba chen po'i smon lam dang / /de bzhin snying rje'i pha rol phyin/ /dran pa med las dran pa yang / /dran 'gyur dran po bzhin gnas pa/ /sangs rgyas kun gyi gsang chen po/ /shes rab pha rol phyin dge ba/ /chos dang chos min rnam par spangs/ /brjod du med pa bshad par bya/ /de nas sangs rgyas bcom ldan 'das kyi bdag nyid de rnams de bzhin gshegs pa thams cad kyi gsang ba rgyan gyi bkod pa'i dkyil 'khor gyi rgyal po bka' stsal ba'i phyir/ /slar yang glu'i dbyangs 'dis zhu ba zhus pa/ /chos dbyings mi g.yo bde la legs bzhugs dam pa'i thugs/ /phyogs bcu mtha' yas sangs rgyas kyis zhabs legs btud pa/ /bde mchog lha yi lha ste sa dbang 'jig rten bla/ /dkyil 'khor bde ba mchog la bzhugs gsol bde chen gyi/ /sa gnyis gtsug gis phyag byas bde ldan pad+ma'i gtsug tor gyis/ /rnam pa kun tu gar mdzad sbyor ba'i dkyil 'khor dam pa gsungs shig kye/ /'gro kun phan dgongs rab tu bzhugs gsol mchod pa chen po kye/ /cha lugs rnam pa du mas 'gro kun 'dul mdzad kun gyi dam pa kye/ /de nas bcom ldan 'das de bzhin gshegs pa thams </font><hr>326a<br><font size=+1>


@#/ /cad kyis gsol ba btab cing bskul ba'i tshig nyid kyis thugs la bzhag nas/ de bzhin gshegs pa thams cad kyi dkyil 'khor bsgyur ba chen po rab tu sim pa bde ba la longs spyod pa rnam par bsgyings pa rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad byin gyis brlabs te/ bde ba chen po 'khor los bsgyur ba la rab tu gnas nas nyid kyi sku dang / gsung dang / thugs rdo rje rnams las rab tu phyung ngo / /dkyil 'khor snga ma bzhin bris la/ /de yi lte bar 'di dgod do/ /rdo rje chen po bsam gtan pa/ /'dod pa'i dbang phyug dag dang ldan/ /de bzhin gshegs pa kun gyi yab/ /kun gyi thog mtha' rab byung ba/ /de la sogs pa'i rim pa yis/ /thams cad kun tu brtag par bya/ /pad+ma'i lo ma rtsibs la ni/ /rang gi chos dang rab tu spel/ /ma mo rnams ni thams cad kyi/ /mchod pa la sogs rab tu brtag /sgo ru sgo ba yongs su brtag /sgo yi phyi ru sgo skyong ba/ /btsun mo lhan cig spyod bcas pa/ /kun nas lha rnams gzhag par bya/ /de nas rang gi sa bon gyis/ /klu dang gnod sbyin 'phar ma gzhan/ /dri za rnams dang mi'am ci/ /lha min nam mkha' lding de bzhin/ /'jig rten skyong ba thams cad ni/ /sgo ru gnyis gnyis gzhag par bya/ /gdon dang dug dang rims dang nad/ /yi dwags sha za srin po dang / /dmyal ba brgyad po phyogs brgyad kyi/ /'khor lo'i phyi </font><hr>326b<br><font size=+1>


ru bzhag par bya/ /de nas 'khor lo'i mu khyud bri/ /chen po rin chen bdun rang bzhin/ /de yi sgo ru bri bya ba/ /shar du 'dod chags skye gnas lag /zhe sdang drag po lus gnag pa/ /byang du legs par bri bar bya/ /gti mug nub tu bri bar bya/ /lho ru nga rgyal nyid yin no/ /sog le dang ni gos nag po/ /de bzhin dbyug gu 'jigs chen po/ /'di rnams phyag rgyar brtags pa'o/ /de nas ji lta ba bzhin 'jug /de nas gsang ba rdo rje'i phyag rgya ngas par bcings pa'i lag par gyur pas rang gi dam tshig rjes su dran pas phyag rgya de nyid kyis 'gugs pa'i rnam pa dang / rdo rje'i glu 'dis bskul te/ dkyil 'khor thams cad spyan drang bar bya'o/ /'dir gshegs 'dir gshegs sangs rgyas zhal ras sangs rgyas dpal/ /bde bar gshegs pa yum dang bcas pa mtha' dag gis bskor te/ /'dir gshegs 'dir gshegs pad+ma'i spyan ras pad las 'khrungs/ /dam tshig rnam dag rnams kyis dpa' bo dam pa'i phyag /glu dbyangs rgyal po 'di yis ni/ /rdo rje'i blo gros nges par bskul/ byon 'gyur song shig song shig ces/ /'khod cig 'khod cig 'khod par bya/ /tshim zhing tshim la rab tu tshim/ /zhugs shig zhugs shig 'jug par bya/ /kwa kye zhes brjod bskul ba yis/ / sal gnas kun rab tu 'bebs/ /de nas me tog dor bar bya/ /bcom ldan bde bar bzhes su gsol/ /lha dbang gang la lhung 'gyur bzung / /de yi sgrub thabs brtsam par bya/ /yang na yid la gang </font><hr>327a<br><font size=+1>


@#/ /'dod pa'i/ /sgrub byed sgrub po dam pas byed/ /de nyid du ni dbang bskur ba/ /rnal 'byor ba ni mkhas pas blang / /de nas slob ma gzhug par bya/ /rgyan rnams kun kyis rnam par brgyan/ /dar la sogs pas gdong g.yogs te/ /phyag rgya bcings pa'i lag bzang pos/ /de bzhin du ni me tog dor/ /sa ma ya s+t+waM bdag gis brjod/ /ma tog gang la lhung gyur pa/ /de yis sbyor bas dbang bskur bya/ /yang na gang 'dod rnal 'byor gyis/ /sbyor ba bsgoms te dbang bskur bya/ /yang na bdag po'i rnal 'byor gyis/ /gal te de ni sbyor ldan 'gyur/ /gdugs dang rgyal mtshan bla bre sogs/ /b+hr-ing ga ra yi bum pa dang / /rnga yab rnam pa sna tshogs dang / /seng ge'i khri ni bzang po dang / /gser dang dngul gyi dbyug gu dang / /rin chen dbyug gu du ma ni/ /dgyes pa'i dkyil 'khor nyid du bzhag /dbang bskur spro ba chen po yis/ /de ni stan la bzhag nas su/ /rnal 'byor ldan pas dbang bskur ro/ /dbang bskur ji ltar rigs pa yi/ /gsang ba'i sbyor bas dbang bskur ro/ /thog mar sdom pa ldan pa yis/ /de ni dam tshig 'dzin du gzhug /'dir ni nga yi dam tshig gzung / /phyir dang gsang ba rnam pa bzhi/ /sangs rgyas kun gyi sdom pa ni/ /sangs rgyas ye shes rab gsal byed/ /gdug pa thams cad gsad pa bya/ /'jungs rnams kyi nor dbrog bya/ / </font><hr>327b<br><font size=+1>


lta ba ngan la brdzun du smra/ /srog chags gsod la smra bar bya/ /gzhan gyi bud med mngon bgrod par/ /ci bde bar ni phrogs shig bu/ /gzhan rdzas 'phrog par byed rnams dang / /dkon mchog gsum la 'gal byed pa/ /gsang dang gzhom par bya ba dang / /de bzhin khrag rnams btung ba ru/ /'bad pa yis ni thams cad byos/ /dam tshig rnam pa gsum bo yis/ /de nas yon ni phul nas su/ /bla ma la ni gus pa yis/ /zhabs la mgo bos nges gtugs te/ /rang lus rgyal po'i longs spyod dang / /chung ma'am yang na bu mo dang / /bu rnams dang ni bran nyid dang / / sring mo sring mo'i bu mo dang / /ma dang rang gi mna' ma dang / /grong dang yul gyi longs spyod dang / /shing rta 'gro dang glang po dang / /rnam par bkra ba'i rta rnams dang / /nor gyis gang ba'i grong rnams dang / /ba glang ma he re rnams dang / /lug rgod rnams dang gzhan rnams dang / /rnga mo mdzes pa'i rnga mo mo/ /gzhan yang gzhan yang gang 'dod pa/ /ji ltar rigs pas mchod par bya/ /rim bzhin rang gi slob ma'i tshogs/ /mgon po mchod nas gshegs su gsol/ /gang gzhan rdo rje spun la yang / /de nas sgrub thabs dam pa bslab/ /srog dang thur sel sbyor ba yis/ /sems kyi brtan pa nyid du bya/ /zla ba nya ba lta bur dang / /cha shas dag ni bcu drug kyang / /de yi dbus su rnam bsam pa/ /gtso chen 'dod pa'i dbang phyug go /mdor </font><hr>328a<br><font size=+1>


@#/ /bsdus nas ni spro bar bya/ /brtul zhugs can gyis rang lus bsam/ /bdag nyid 'dod pa'i dbang phyug rgyal/ /'dod pa'i zil gyis mnan nas su/ /rnal 'byor can bdag dpal ldan 'grub/ /lha dbang bcas pas phyag 'tshal zhing / /nad dang mya ngan 'jigs pa sel/ /rga dang 'chi ba rnam par spangs/ /zla ba gcig tsam bzlas pa yis/ / dpa' bos las kun byed par 'gyur/ /zhi dang rgyas dang de bzhin dbang / /drag shul spyod pa rim pa yis/ /dgug dang dbab pa'i las rnams ni/ /skad cig tsam zhig bskul ba yis/ /sngags pas thams cad byed par 'gyur/ /sngags kyi sbyor bas sngags zlos pas/ /'di ni bcom ldan rnal 'byor gsungs/ /yan lag lnga las skyes pa gzung / /'byung po'i nyi ma mtshan mo gung / /lcags gsum gyis ni dkris byas la/ /rang gi kha ru gzhug par bya/ /bdag nyid rnal 'byor ldan pas bzlas/ /de ni nang par mthong ma 'gyur/ /lhar bcas grub pa'i sems can gyis/ /thams cad rnam pa kun tu 'o/ /bskal par gnas shing shes rab che/ /bstan bcos thams cad rab tu mkhas/ /gzugs dang lang tsho phun sum tshogs/ / rig pa 'dzin pa'i mnga' bdag 'gyur/ /bcu bzhi'i nyin par shi ba yi/ /rdol pa'i g.yon gyi rtsib logs ni/ /sbyor bas bzung ste 'phur 'gro mi/ /gzugs brnyan lag pa bzhi pa </font><hr>328b<br><font size=+1>


bya/ /zhags pa lcags kyu rtse gsum mtshan/ /g.yon par thod pa 'dzin pa po/ /rlung gi dkyil 'khor la gnas pa/ /spyan gsum rnam par gtsigs pa pa/ /thod pa'i phreng ba'i cod pan can/ / gtum ldan sta zur chen po pa/ /'jigs pa chen po'i dur khrod du/ /rnal 'byor ldan pas de gzhag ste/ /chog ji bzhin mchod par bya/ /gsang sngags rgyal po bzlas par bya/ /thod pa'i phreng ba'i cod pan can/ /khrag dang sha dang mar khu yis/ /de nas lha mo de 'grub bo/ /mtshan ma yang ni blta bar bya/ /mtshan ma yis ni dngos grung che/ /dus mi ring bar bzang po 'thob/ / dman pas dman pa'i dngos grub ste/ /bar ma yis ni bar ma'o/ /mtshan ma med na chung du ni/ /rab tu 'grub par dpyad mi dgos/ /lha min bzang po dgug par bya/ /mi dang mda' ni bskul ba yis/ /de yi skad cig nyid la byed/ /khrag nyid kyis ni bris pa yi/ /dbang du bya ba'ang 'di nyid kyis/ /de bzhin bud med thams cad dgug /'grub pa'i rdzas kyang ming nyid kyis/ /dgug pa'i sbyor bas dgug par bya/ /dmag dpung rnam par bzlog pa ni/ /rgyal mtshan rtse mor rnam gzhag go /rengs dang rmugs par byed pa dang / /rmongs dang 'ching ba de bzhin du/ /dbye dang gsad pa thams cad ni/ /cho ga dag dang ldan pas byed/ /de nas de bzhin gshegs pa thams cad kyi yum rnams dang yab rnams kyis bcom ldan 'das la gsang ba rgyan gyi dkyil 'khor gyi dkyil </font><hr>329a<br><font size=+1>


@#/ /'khor gyi zhu ba chen po 'di zhus pa dang / gang la bzhugs nas rgyal ba kun/ /yum dang yab rnams de bzhin du/ /de yis sbyor bas sbyor bdag nyid/ /sems can rnams ni snod du mdzod/ /gsang ba rgyan gyi dkyil 'khor gyi/ /rnal 'byor chen po'i rnam dbye ba/ /gang gis ma 'ongs mi rnams ni/ /bde bas bsangs rgyas nyid la 'jog / de nas bcom ldan rdo rje can/ /'dzum dang bcas pa'i sbyan rgyas pa/ /gsang ba rgyan gyi dkyil 'khor ni/ /gsang ba chen po bka' stsal pa/ /gang phyir bdag nyid dkyil 'khor bshad/ /sems can dag pa'i rdo rje can/ /bdag nyid gsang ba'i rgyan zhes bya/ /snying po phyag rgya sngags nyid de/ /bdag nyid rig sngags dam tshig kyang / /gang phyir bdag nyid sdom pa ste/ /bdag nyid bshad dang 'chad pa'o/ /pha dang ma rnams de bzhin te/ /dngos grub sgrub po las kyi mchog /bde dang sdug bsngal khams gsum pa/ /zhes so/ /de nas bcom ldan 'das la de bzhin gshegs pa thams cad kyi yum dang / yab rnams kyis 'di skad ces gsol lo/ /de phyir gsungs shig bcom ldan 'das/ /bde bar gshegs pas gsung du gsol/ /sangs rgyas byang chub sems kun gyis/ /phan dang bde ba thob pa'i phyir/ /zhes so/ /de nas bcom ldan 'das de bzhin gshegs pa thams cad kyi </font><hr>329b<br><font size=+1>


yum dang / yab nye bar longs spyod pa rdo rje dpal zhes bya ba'i ting nge 'dzin la snyoms par zhugs nas/ nyid kyi sku dang / gsung dang / thugs rdo rje las 'di byung ngo / /sngon bshad cho ga'i rim pa yis/ /dkyil 'khor yang dag bris nas su/ /de yi dbus su bdag bsam bya/ /dkar dang dmar dang 'od chen po/ /sna tshogs rgyan gyis lus la spras/ /dmar po'i phreng ba gtsug tor can/ /sna tshogs gos ni legs man bas pa/ /dmar po'i 'od kyi bla go can/ /phyag bzang g.yon na dril bu ste/ /bsnyems bcas 'dzum bag ldan pa'i zhal/ / phyag gzhan na ni rdo rje can/ /snying gar rab tu gsor mdzad pa/ /pad+ma rgyas 'dra'i spyan mnga' ba/ /zhal gyi dkyil 'khor nyi shar mtshungs/ /rdo rje seng ge'i khri la bzhugs/ /dmar po'i gos ni 'chang ba po/ /mdor bsdus nas ni bri bar bya/ /g.yon du shes rab yongs su bri/ /sngon bshad pa yi gzugs can la/ /g.yas pa'i phyag ni 'phyang ba'o/ /lho ru sbyin pa chen mo ni/ /phyag rab rin chen stsol ba mo/ /byang du bzod pa chen mo ni/ /byams pa'i ya lad 'dzin pa mo/ /mdun du brtson 'grus chen mo ni/ /rdo rje'i lag pa cher bzang ba/ /shar dang lho yi mtshams su ni/ /bsam gtan pha rol phyin ma bri/ /bsam gtan phyag can spyan yangs ma/ /zla ba'i dkyil 'khor 'od bzang ba'o/ /bden bral du ni 'phel ma bri/ /rin po che </font><hr>330a<br><font size=+1>


@#/ /yi rgyan gyis brgyan/ /nor gyi rgyan ni stong phrag gis/ /sems can mang po bde bar byed/ /smon lam bri bya rlung gi ni/ /mtshams su yang dag mtshon par bya/ / dbyangs snyan pa yi ngag brjod pas/ /sems can thams cad bskul bar byed/ /blo gros ldan pas dbang ldan du/ /thabs kyi ye shes slob pa mo/ /lag pa gnyis kyis gar byed pa/ /sgeg dang dga' bas 'khrugs pa bri/ /dpa' bos shar sgor bri bya ba/ /shes rab pha rol phyin dge ma/ /ye shes lcags kyu mdzes pa'i phyag /dmar po'i dar gyis mngon par mdzes/ /dbang ni nub kyi sgo ru ni/ /'ching ba'i bdag nyid bri bar bya/ /shin tu byu ru dang mtshungs pa/ /rdo rje lcags sgrog 'dzin pa mo/ /byang gi sgo ru bri bya ba/ / stobs kyi pha rol phyin ma mchog /rgyal ba thams cad mnyes byed pa/ /dril bu bzang po 'khrol ba'i bdag /gshin rje cho 'phrul bri bar bya/ /'bar ba'i sprin gyis yang dag 'khrugs/ /phyag na rdo rje zhags bkra ba/ /rdo rje'i glog phreng dang mtshungs ma'o/ /nga yi mdun du shes ldan gyis/ /'dod pa'i dbang phyug brgyan pa bri/ /pad+ma rA ga'i 'od gsal ba/ /mda' dang gzhu ni 'dzin pa'i mchog /de yi mdun du dkar po bri/ /zla ba'i 'od 'dra grags chen po/ /zla ba shar ka'i 'od mdzes pa/ /'dzum bag can la gzhon nu'i </font><hr>330b<br><font size=+1>


gzugs/ /rdo rje 'dun pa cher dmar ba/ /mda' lnga dang ni gzhu 'dzin ba/ /skye ba 'joms pa dpa' bo ni/ /lag na 'khor lo gzi brjid mchog /de yi g.yon du bri bya ba/ /dkar dang dmar pa'i 'od chen po/ /rdo rje jed \?\ sgrogs rgyal po ni/ /dril bu 'khrol ba dang ldan pa/ /de yi rgyab tu bri bar bya/ /gser dang gur gum dang 'dra ba'o/ /lho yi phyogs su bri bya ba/ /mkha' 'gro'i dbang phyug dpal dang ldan/ /sngon mo char sprin dang 'dra ba/ /lag na ral gri rin chen ldan/ /de mdun dpa' chen 'dod pa yi/ /rgyal po bdag nyid chen po bri/ /'od zer dmar po lag na gzhu/ /rin chen 'bar bas rnam par brgyan/ /de yi lho ru bri bya ba/ /rdo rje rnam par smod pa mchog /nyi ma'i dkyil 'khor lag pa can/ /rab tu rno ba'i 'bar ba'i phreng / /rdo rje dam pa 'dul mdzad dpal/ /rdo rje rin chen mchog gi tog /kha dog dkar po cher spro ba/ /gos sngon rnam par 'phyang ba po/ /rdo rje DAki'i dbang phyug rigs/ /lag na rin chen shin tu mdzes/ / de yi rgyab tu bri bya ba/ /dgod dang bcas ba'i bzhin ras mchog /nga yi rgyab tu bri bya ba/ /dri yi dbang phyug dbang phyug che/ /lag na pad+ma snying gar 'chang / /ban d+hu'i med tog rnam pa 'dra/ / de la mngon par phyogs pa yi/ /rdo rje sgrol ba spyan mdzes bri/ /dkar ser bzang po sna tshogs pa/ /lag na ut+bal sngon po bzang / /de yi g.yon du dag pa yi/ /lag na 'khor lo ches dkar </font><hr>331a<br><font size=+1>


@#/ /bri/ /sngon pos legs pa'i gnas thob pa/ /mchog tu 'dzum pa'i bzhin ras can/ /lo ma'i rtse mo rgyab tu bri/ /lag na yid bzhin nor bu mchog /kha dog sngo bsangs dpa' chen po/ /sems dpa' ldan pa'i thugs chen po/ /de yi lho yi cha ru ni/ /chos 'chad mchog ni bri bar bya/ /rgyu mtshan phyag ldan rab dkar ba/ /nyi ma shar ka'i snang ba 'dra/ /nga yi byang du bri bya ba/ /stug po bkod pa grags chen po/ /shin tu ljang ba'i ma rgad mtshungs/ /las kyi rdo rje mchog 'dzin pa'o/ /de yi mdun du bri bya ba/ /rdo rje skyong ba yid 'phrog bkra/ /bzhad bcas rdo rje'i lag pa can/ /rgyan rnams kun gyis rnam par brgyan/ /de yi lho ru bri bya ba/ /'gro ba'i rtse mo legs brgyan pa/ /lhang tsher nag po bung ba 'dra/ /rdo rje'i gsal shing 'dzin pa po/ /rgyab tu rdo rje 'ching ba bri/ /lag pa yang dag sbyar bsngams pa/ /rin chen kun gyi 'od dag cing / /'dzum bcas mchog tu ngo mtshar ba/ / 'khor byed g.yon du bri bar bya/ /lag na mgal me'i 'khor lo can/ /legs sngo dar la bab pa po/ /rab rgyas pad+ma lta bu'i zhal/ /de nas sgo yi cha dag tu/ /sgo ba rnam pa bzhi po bri/ / shar du rdo rje mi g.yo ba/ /lag na rdo rje lcags kyu che/ /lho yi sgo ru rdo rje me/ /lag na rdo rje zhags pa 'bar/ /nub tu rlung ni sngon po ste/ /rdo rje lcags sgrog 'dzin pa'o/ /lus ngan du ni </font><hr>331b<br><font size=+1>


ni chu bri ste/ /zhags pa ldan pa'i dril bu 'dzin/ /de nas sbyor ldan 'ongs nas su/ /dkyil 'khor gyi ni shar du bri/ /shar du mda' yi mtshon cha lag /rab 'bar pad+ma ltar 'bar ba/ /lho ru chen po dbang phyug can/ /sngon mo dbang phyug rdo rje ma/ /lag na rin chen snye ma can/ /rin po che yi rgyan gyis brgyan/ /rdo rje nyer zhi dkar mdzes ma/ /rgyab tu rtag tu bri bar bya/ /lag na pad+ma bzang po 'dzin/ /pad+ma'i phreng bas rnam par brgyan/ /rdo rje steng zhal mdzes ma ni/ /sngo bsangs kun gyi yon tan ldan/ /lus ngan du ni shes ldan gyis/ /g.yas su rdo rje rtse gcig bri/ /shar gyi mtshams su rdo rje ni/ /dus tshigs des bya bzang mo bri/ /dbyar gyi sprin ltar mdzes pa mo/ /lag na bdug spos grags chen mo/ /nub kyi mtshams su ri ri ta/ /lag na me tog phreng ba 'bar/ /cung zad dmar la dkar ba mo/ /sna tshogs rgyan gyis rnam par brgyan/ /nub byang du ni bri bya ba/ /lag na yi ge sna tshogs bri/ /lag na sgron me rab dmar ba/ /cung zad sngo ba'i gos gyon pa/ /dri yi glang po ltar 'gying ba'i/ /rol pa ldan ma mkhas pas bri/ /sngo bsangs dmar po mthon mthing 'dra/ /rab tu dgod cing mig mdzes ma/ /rdo rje'i lag pa mig mdzes ma'o/ /de yi shar du bri bya ba/ /rdo rje mchog gi 'od ldan pa'i/ /rdo rje dbang phyug bde ba ma'o/ /de bzhin lho ru bri bya ba/ /gser sogs </font><hr>332a<br><font size=+1>


@#/ /dang ni mthon mthing 'dra/ /rin chen sgron ma rin chen lag /'od mchog ldan pa'i lha mo ni/ /nub kyi dkyil 'khor dag la bri/ /'od kyis snang zhing mdzes pa la/ /lag na 'od zer legs mdzes pa'o/ /rdo rje brang skyes cher bkra ba/ /sna tshogs rgyan gyis rnam par brgyan/ /lag na sna tshogs gos ldan pa/ /byang du rtag tu bri bar bya/ /de bzhin sbyor bas bris nas su/ /pho nya mo yang legs par bri/ /snying skul byed pa mdzes ma ni/ /shar du legs par bri bar bya/ /rdo rje myu gu mda' ldan dmar/ /mig gnyis dang ni gos sngon po'o/ /de dang nye bar dpa' mo ni/ /lag na lcags kyu zhags pa mchog /gdug pa 'gugs pa'i lha mo bri/ /sngo bsangs dmar la legs brjid pa'o/ /rjes su mnyes ma'i pho nya che/ /nub tu rtag tu bri bar bya/ /rgyal ba thams cad mnyes byed ma/ /lpags pa'i zhags pas lag pa mjes/ /khrag 'gugs pa yi pho nya mo/ /byang du gnas pa bri bar bya/ / mdog gnag pa la cher za ba/ /lag na thod pa legs mdzad pa'o/ /thams cad 'phrog pa'i pho nya mo/ /me yi mtshams su bri bar bya/ /rdo rje lcags kyu zhags pa mchog /dmar gnag dka' thub chen po ma'o/ /de yi byang du dpa' bo yis/ /sgo skyong stos chen bri bar bya/ /rdo rje 'bebs ma legs dmar ba/ /lag mthil dril bu dang ldan pa'o/ /dam </font><hr>332b<br><font size=+1>


tshig gsum ldan spyan gsum ma/ /rtse gsum rdo rje 'dzin pa mo/ /'jigs pa'i lus can cher gsal ma/ /'od zer dmar po 'bar bas 'khrugs/ /'bar ba'i me lce'i lag pa can/ /me yi phyogs su yang dag brten/ /lha mo chen mo thog ma ma/ /lag na rdo rje'i gtsub shing can/ /dmar zhing sngo ba bri bya ste/ /ji lta ba yi rim pas so/ /gdul dka' 'dul ba'i lha mo ni/ /sgo skyong ba yi gnas na gnas/ /dpa' mo rdo rje dbyug gu'i lag /byin za 'bar ba dang mtshungs ma'o/ /de nas bran mo bri bar bya/ /rang gi phyag rgyas lag pa mtshan/ /'jig rten gsum 'ching bran mo ni/ /nub tu yang dag bri bar bya/ /'ching pa chen mo'i lag pa can/ /rab dmar gur gum 'od zer can/ /bran mo 'jigs pa'i me gdong ma/ /sgron bcas lag pa'i rtse mo mchog rab gnag pa la lus chen mo/ /cho ga ji bzhin rtag tu bri/ /bran mo gtsigs shing rnam 'gyur gdong / /'khrug pa'i tshul la rab 'jigs ma/ /lag na thod pa rlon pa can/ /shin tu dmar zhing 'od chen mo/ /sku gsung thugs 'ching bran mo ni/ /shar du yang dag bri bar bya/ /dkar zhing dmar la lus che ba/ /zhags pa lcags kyu'i lag pa mchog /de nas rol pa mo bri bya/ /go rims ji lta ba bzhin no/ /de bzhin gshegs pa dgyes ma ni/ /mdzes shing rin chen gyis nyer brgyan/ /mda' gzhu'i lag can dmar ba mo/ /gos dang phreng ba dmar </font><hr>333a<br><font size=+1>


@#/ /po 'dzin/ /byang du sngags pas bri bya ba/ /kun nas 'bebs ma che ba'i mchog /mdzes pa'i lag pa 'dzin pa mo/ /bde ba 'bebs la legs par gnas/ 'jig rten gsum 'joms khro mo ni/ /rdo rje rol pa mo zhes bya/ /drag shul chen pos sdigs par byed/ /mnyam par gzhag pas shar du bri/ /rab tu dga' ba rjes rtog ma/ /sngags pa spro bas rgyab tu bri/ /'dod chags phyag rgya'i lag pa ma/ /'gro ba'i gtso bo mnyes par mdzad/ /dga' byed ces bya bri bar bya/ /thams cad rdo rje rol pa mo/ /dga' bo'i rtse 'jo'i lag can bkra /rgyan rnams kun gyis brgyan pa ni/ /sngags pa cho ga shes pas bri/ /rdo rje hUM mdzad legs gnas pas/ /phyi rol rdo rje bri bar bya/ /rang gi rig ma g.yon du gnas/ /dbang por mig gsum bri bar bya/ /rdo rje can gyi rtse gsum 'dzin/ /g.yas pa yis ni phyag 'tshal zhing / /rang gi chung ma sogs pas bskor/ /chu lhar tshangs pa chen po ni/ /gdong pa bzhi pa bri bar bya/ /sgo ru sgo ba chen po ni/ /rdo rje lcags kyu stobs po che/ /kun nas dmar zhing cher gtum pa/ /sangs rgyas mchog tu spyan 'dren pa'o/ /lho ru legs par gnas pa'i mchog /lag na zhags pa dam pa bri/ /sems dpa' grags pa chen po dang / /sangs rgyas rnams ni 'jug par </font><hr>333b<br><font size=+1>


byed/ /'ching byed drag po chen po ni/ /brtan pa'i rdo rje yang dag bri/ /bal po se'u'i me tog mtshungs/ /rags shing stan las mi g.yo ba'o/ /ne tso khug rta dang mtshungs pa'i/ /mnyes byed mchog ni bri bar bya/ /sangs rgyas thams cad mnyes byed cing / /rig sngags pha rol phyin rnams kyang / /rdo rje dbyug gu'i lag pa mdzes/ /zhi ba sogs kyis yongs su bskor/ / gshin rje 'khor lo'i lag pa ni/ /shin tu mdzes pa'i rdo rjes mtshan/ /ser po'i gos 'dzin gnag pa po/ /mtshon cha sogs pas yongs su bskor/ /lus ngan du ni dbang po bri/ /rdo rje'i lag pa rab tu mdzes/ /de nas mchod pa rnam par bri/ /rdo rje me tog 'thor ba'i gzugs/ /lag na me tog snyim pa mdzes/ /me tog phreng bas rnam par brgyan/ /sngags pas rdo rje bdug pa bri/ /yid sim byed pa'i dam pa ni/ /lag na bdug pa mig yangs ma/ /mkhur tshos cung zad dkar ba ma'o/ /lha mo rdo rje snang byed ma/ /gser bsregs pa yi mdog 'dra la/ / lag na sgron ma mkhas pas bri/ /rgyan rnams kun gyis rnam par brgyan/ /dri zhim lus la cha lugs bzang / /lag na dri yi snod mdzes ma/ /utap+la sngon po'i lo ma mtshungs/ /mdzes pa'i gzugs la yid 'phrog ma'o/ /gzugs kyi rdo rje mdzes pa'i gzugs/ /rgyan rnams kun gyis rnam par brgyan/ /lag na rdo rje me long 'dzin/ /'dzum bcas dgod pa'i dkyil </font><hr>334a<br><font size=+1>


@#/ /'khor can/ /sgra yi rdo rje sna tshogs lus/ /dkar dang sngo ba'i lus dang ldan/ /pi wang gling bu ting ting sogs/ /sgrogs pa shes rab can gyis bris/ /ro yi rdo rje skal chen mo/ /lag na ro yi snod 'dzin pa/ /rgyan rnams thams cad yang dag rdzogs/ /mtshan nyid kun dang yang dag ldan/ /rdo rje reg bya sngo bsangs che/ /chu skyes sngon po 'dab 'dra'i mig /rnam par gsal zhing cher dgod pa/ /rang gi dpung pa bsngams pa mo/ /bzhad pa'i rdo rje 'od bcas pa/ /rnal 'byor pas ni mdor bsdus te/ /bri bya sna tshogs gos 'dzin dkar/ /rgyan rnams thams cad 'dzin pa mo/ /rdo rje sgeg mo dkar mo che/ /sgeg dang bcas shing yid du 'ong / /rked par khu tshur gnyis bzhag cing / /mdzes pa'i phreng ba'i chun po btsugs/ /rdo rje glu mkhan legs dmar lus/ /glu len pa la rab tu brtson/ /chu skyes dmar po rgyas 'dra'i bzhin/ /glu len lag pa rab tu mdzes/ /rdo rje gar ma mkhas pas bri/ /gar dang bcas pa'i lag pa can/ /sngo bsangs dkar po cher dkar ba/ /mig che ba la 'dzum bcas mchog /rdo rje sil snyan dag mo che/ /dur du ra yi rnga mdzes rdung / rdo rje rnga chen lha mo che/ /rnga chen rdung ba bri bar bya/ /rdza rnga ma ni mkhas pas bri/ /rdza rnga rdung bar byed pa mo/ /lha mo mu kuN+Da rdung ma/ /mu kuN+Da ma bzhin mdzes ma'o/ /pa Ta ha ni rdung byed </font><hr>334b<br><font size=+1>


ma/ /rdo rje pa Ta ha zhes bya/ /rdza rnga chen po rdung byed pa/ /rdo rje rdza rnga mdzes ma bri/ /gu ny+dza rdung byed dga' ba mo/ /dgod bcas pad+ma'i mig can ma/ /rdo rje guny+dza dpa' bos bri/ /lus kun gyi ni dam pa 'grub/ /lag na rdo rje ting shag /rdo rje ting ting shag bri bya/ /lag na rdo rje cang te ma/ /kha dog dkar mo 'od zer che/ /'khar rnga rdung pa'i lag pa can/ /rdo rje 'khar rnga ma bri bya/ / rgyud gcig pi wang sgreng ba bri/ /rdo rje pi wang sgreng ma'o/ /pi wang rgyud gsum sgreng ba'i rgya/ /pi wang rgyud gsum sgreng ba bri/ /rdo rje 'khar khrol lha mo che/ /dmar po yi ni gos bgos pa'o/ /rdo rje gling bu rnal 'byor pas/ /gling bu 'bud pa ldan pa bri/ /rdo rje pi wang skal chen mo/ /pi wang sgreng la rab spro ba'o/ /rdo rje 'bud dung 'bad pas bri/ /dung dkar 'bud pa'i rang bzhin can/ / dud mo lag na zangs dung 'dzin/ /'dod pa'i gzugs mchog 'dzin pa mo/ /rgyal ba'i dril bus lag pa mdzes/ /khrol ba yang dag bri bar bya/ /legs spro ba la gzi brjid che/ /rnam par rgyal ba spro byed ma'o/ /pad+ma gar gyi dbang phyug dmar/ /pad+ma dmar po kha 'byed ma/ /gar gyi sgyu mas rab gnas pa'i/ /lag pa stong ldan bri bar bya/ /rin chen gar ma lha mo che/ /gar gyi bdag nyid legs par bri/ /lag na rin chen snyems pa can/ /lag pa du ma gdong brgya pa'o/ /rdo rje gar ma bsnyems bcas ma/ /lus 'chu ba dan dang ldan pa/ /rnal 'byor pas </font><hr>335a<br><font size=+1>


@#/ /ni chog bzhin/ /rdo rje sbyor bas rab gnas bri/ /sna tshogs gar ma skal chen mo/ /rdo rje thal mo spyi bor 'jog /'dzum bcas pa la mig mdzes ma'o/ / sna tshogs sgyu ma legs sems ma/ /smin ma bsgyur ba'i mig mdzes ma/ /spros bcas gdong gi rnam 'gyur can/ /mthong na dga' ma 'dzum pa'i bzhin/ /gdong gi dkyil 'khor sngo bsangs mchog /rdo rje mthong ma skal chen mo/ /rab tu dgod cing mig rgyas ma'o/ /rnal 'byor chen pos bri bya ba/ /rnal 'byor mig gis lta ba mo/ /rab tu gsal bas 'khrugs pa can/ /'khor lo bskor ba ltar byed ma/ /snying gar lag pa 'jog pa ni/ /sdig pa ma lus 'joms par byed/ /rdzi mar bcas pa'i mig gnyis ni/ /steng dang 'og tu 'phags pa yis/ /mthong ba 'gugs byed bde chen gyis/ /sangs rgyas thams cad dbang du byed/ /sgo ru sgo ba chen po ni/ /rdo rje lcags kyu stobs po che/ /thams cad srung zhing cher gtum pa/ /sangs rgyas mchog tu spyan 'dren pa'o/ /sgo ru legs par gnas pa'i mchog /lag na zhags pa pad+ma bri/ /sems dpa' grags pa chen po dang / /sangs rgyas rnams ni 'jug par byed/ /'ching byed drag po chen po ni/ /brten pa'i rdo rje yang dag bri/ /bal po se'u'i me tog mtshungs/ /rags shing rnam par g.yo ba'i gdong / /ne tso khug </font><hr>335b<br><font size=+1>


rta dang mtshungs pa'i/ /mnyes byed mchog ni bri bar bya/ /rig sngags pha rol phyin rnams dang / /sangs rgyas thams cad mnyes par byed/ /dbang po gzhon nu bri bar bya/ /gshin rjer gshin rje nyid yin no/ /chu lhar chu lha bri bar bya/ /lus ngan po ni byang phyogs su/ /'di dag bsdus te bri bar bya/ /'khor gyis mdun du bdar ba'o/ /phyi ru dmyal ba brgyad po bri/ /yi dwags kyang ni thams cad du/ /rdo rje hUM mdzad la gnas pa/ /sngags pas chog bzhin bris te/ /phyi yi rdo rje bri bar bya/ /rang gi rig ma g.yon du gnas/ /dang por mig gsum legs par bri/ /rdo rje can gyi rtse gsum 'dzin/ /g.yas pa yis ni phyag 'tshal zhing / /rang gi chung ma sogs pas bskor/ /chu lhar tshangs pa chen po ni/ /gdong ba bzhi pa bri bar bya/ /rdo rje dbyug gu'i lag pa mchog /zhi ba la sogs rnams kyis bskor/ /gshin rjer 'khor lo'i lag pa can/ /rdo rjes mtshal cing rab tu mjes/ /ser po'i gos 'dzin gnag pa po/ /dpal mo la sogs pa rnams kyis bskor/ /lus ngan du ni dbang po bri/ /rdo rje'i lag pa rab tu mdzes/ /mig stong pa ni che ba'i lus/ /bde sogs sogs kyis mdun du bdar/ /dbang ldan du ni dbang ldan bri/ /me yi phyogs su me lha'o/ /bden bral du ni bden bral grags/ /rlung du rlung lha nyid yin no/ /shar gyi sgo ru dpung bzang </font><hr>336a<br><font size=+1>


@#/ /bri/ /muN+Da Ta ni nub tu 'o/ /lus ngan du ni grub pa bri/ /lho ru bdud rtsi 'khyil ba 'o/ /cho ga 'dis ni sngags shes pas/ /dkyil 'khor bzang po bris nas su/ /sangs rgyas thams cad dgug par bya/ /yab yum gtso bo dam pa rnams/ /cho ga ji bzhin sngags pas gzhug /dkyil 'khor la ni dkyil 'khor bdag /rdo rje lcags kyu'i lag pa yis/ /chog ji bzhin bdag brgyan te/ /rdo rje sems dpar bsnyems byas nas/ /snyems dang bcas pas langs nas su/ /gsang ba'i sems dpa' dbang bskur te/ /'di yis spyan ni myur du drang / /yab dang yum bcas sangs rgyas bcas/ /bran dang gnyen bcas nye du dang bcas shing / /dpal mchog rdo rje sems dpa' yongs mnyes pa'i/ /lha dang lha mos legs bskor 'dir gshegs shig /glu 'di yis ni bskul ba yis/ /de bzhin gshegs pa thams cad byon/ /byon nas dngos grub chen po ni/ /sgrub pa po la stsol bar 'gyur/ /yang ni mtshan ma snang 'gyur te/ /'bab pa'am snang ba blta bar bya/ /gal te bsod nams rab dman na/ /de yis ci yang mthong mi 'gyur/ /des ni slar yang gsol ba gdab/ /yang dang yang du bskul bar bya/ /lha yi rnal 'byor de nyid kyis/ /nga rgyal yang dang yang byas te/ /mchod pa </font><hr>336b<br><font size=+1>


shin tu chen po bya/ /de nas mchod yon zhabs bsil yang / /gsang ba'i de nyid kyis bskul te/ /sngags kyi de nyid rig pas dbul/ /sangs rgyas kun bdag phyag na rdo rje ni/ / mdzes pa'i shes rab kyis 'khyud sbyor ldan pas/ /yab yum sras bcas 'khor bcas pho nya sogs/ /bran bcas skye bo'i tshogs kyis bskor nas byon/ /sems can kun la phan dgyes pa/ /khyod la bdag 'di zhu ba bgyid/ /'di ni khyod kyi dus lags pas/ /sems can don mchog mdzad du gsol/ /gsol ba btab cing bskul bas kyang / /gal te mtshan ma byung gyur na/ /rdo rje sems dpa'i rnal 'byor ni/ /de tshe slob ma 'bad pas bsgom/ /rdo rje pad+ma'i yan lag bcing / /sbyor bas dkyil 'khor nyid du gzhug /de nas sgo ru mkhas pas gzhag /dam tshig dam pa mnyan du gzhug /ma dang sring mo nyid dang yang / /de bzhin bu mo dag kyang ni/ /som nyi rnam par bral sems kyis/ /khyod kyis rtag tu bsten par bya/ /sems can thams cad gsad bya zhing / /brtul zhugs spyod pa bskyang bar bya/ /'jungs pa rnams kyis nor phrogs te/ /skye bo sdug bsngal can la sbyin/ /rdo rje rnal 'byor ma'i sbyor bas/ /yang na bdag nyid kyis kyang spyad/ /dkon mchog gsum la mchod bya zhing / /bla ma la ni gus par bya/ /brdzun gyi tshig kyang smra mi bya/ /chang ni btung bar mi </font><hr>337a<br><font size=+1>


@#/ /bya 'o/ /dam tshig dus ni ma gtogs shing / /byin gyis brlabs pa'i dam tshig dang / /gzhan yang bde bar bya phyir dang / /slob dpon mnyes par bya don dang / /dkon mchog gsum la phan pa'i phyir/ /brdzun gyi tshig ni rtag tu smros/ /gzhan gyi bud med bgrod par bya/ /dam chig don du sbyor ldan pas/ /gzhan pa yang ni thams cad kyang / /sems can don la brtson pas bya/ /gsang ba'i dam tshig 'di dag ni/ /blo gros ldan pas bsgrag mi bya/ /dam tshig ldan pa ma gtogs pa/ / bla ma'i bka' gnang sngags pa yis/ /sangs rgyas kun gyi gsang chen po/ /lag na rdo rjes byin brlabs pa/ /gal te rmongs pa'i bdag nyid kyis/ /dam tshig dam pa 'di bzlas na/ /rdo rje rdo rje'i mnga' bdag che/ /rgyal po 'dis ni nges par gsod/ /kun nas 'bar ba'i rdo rje yis/ /lus kyi spyi bo 'gems par 'gyur/ /de nas 'di yis me tog gi /phreng ba bzang po dor bar bya/ /oM sarba ta thA ga ta mA tA pi triM pa ti ma hA su kha sa man+ta b+ha dra pra tI ts+tshe daM puSh+pa any+dza liM smr-i du dzaH hUM baM hoH b+ha ga wA na mahA su kha sa man+ta b+ha dra sa ma ya s+t+waM sa ma yo nya haM/ /'di yis bzung ste myur ba ru/ /rdo rje sems dpa' snying rje che/ /de ni blangs te spyi gtsug tu/ /blo gros bzang pos bcing </font><hr>337b<br><font size=+1>


bar bya/ /sngags pa'i rgyal pos sngags 'di yis/ /de nas mig ni rab tu dbye/ /oM badz+ra dz+nyA na ma hA ne tra ud g+ha Da ya ti tsak+Shu Shi/ /mgon po chen po ltos shig bu/ /sangs rgyas kun gyi bdag po mchog /ye shes chen po kun gyi mchog /rdo rje sems dpa' bde chen po/ /rim pa ji bzhin legs bstan te/ /dbang bskur phyir ni gsol ba btab/ /dbang bskur ba ni yid 'ong ba/ /skal ba chen po bdag la gsol/ /gsang ba yi ni rgyan zhes par/ /rgyal bas gang sngon bka' stsal pa/ /gsang ba'i sbyor de bdag la ni/ /rgyal ba kun dngos stsal du gsol/ / de bzhin dkyil 'khor bum pa yis/ /de bzhin dbang bskur sbyin par bya/ /slob ma chen po rnam pa lnga/ /der ni sbyor bas bos nas su/ /gsang ba'i rgyan zhes bya ba yi/ /dngos grub shes pas dbang bskur ro/ /gsang ba'i sbyor ba'i rnam 'phrul gyis/ /der ni mchu yis legs bzung ste/ /lce yi rtse mo mkhas pas sbyar/ /rdo rje 'am yang na chu skyes kyis/ /phyag rgya dang ni phyag rgya'i lan/ /de nas 'dzin ma rnam par sbyin/ /de nyid la yang mkhas pas sbyin/ /gsang ba rgyan gyi sbyor ba yis/ /gsang ba'i bde ba bsgrub par bya/ /zhes bcom ldan 'das kun tu bzang pos bka' stsal to/ /de nas yon ni dbul bar bya/ /bla mar phyag 'tshal mchod byas nas/ /ma dang bu mo nyid dang yang / /srid mo yi ni bu mo dang / /srid mo'am </font><hr>338a<br><font size=+1>


@#/ /yang na chung ma dang / /rgyal po longs spyod skye bo'i tshogs/ /grong dang yul 'khor grong khyer dang / /nor dang rin chen la sogs dang / /gzhan yang ci dang ci 'dod pa/ /mkho ba'i longs spyod gus pa yis/ /bla ma'i zhabs la phyag 'tshal te/ /dngos grub kun gyi don gyi phyir/ /dkyil 'khor ba yang legs par mchod/ /pha dang spun yang mchod par bya/ /de bzhin spun zla'i bu yang mchod/ /bza' btung yid du 'ong ba dang / /gos dang rgyan dang me tog dang / /de bzhin dri dang bdug pa sogs/ /ji ltar bdog pa thams cad kyis/ /mchod pa byas te gtang bar bya/ /lha rnams dag ni thams cad la/ /de bzhin du ni mchod par bya/ /gsang sngags rgyal po gshegs su gsol/ /badz+ra muH zhes brjod pas gshegs/ /de nas sngags pa'i slob ma'i mchog de la/ /gsang ba rnam par 'dzin la gsang ba yi/ /rgyal pos gsal mdzad rgyal ba'i gsang bdag gis/ /gsang ba mtha' dag legs par bslab par bya/ /gsang ba'i phyag rgya mig yangs ma/ /blo gros brtan pas bsgrub par bya/ /rang byin rlabs pa'i rim pa yis/ /shes rab kyis ni byin gyis brlab/ /bdag nyid sems dpa' legs bsgoms te/ /gsang ba rgyan gyi sbyor ba yis/ /nyi ma bdun gyis legs 'grub pa/ /'gyur ba 'di la the tshom med/ / </font><hr>338b<br><font size=+1>


lha mo shes rab che de yang / /rang nyid rdo rje 'chang gtso ste/ /nam mkha' kun gyi mchog dpa' bo/ /rga dang 'chi ba med par 'gyur/ /'dod pa'i dbang phyug rnal 'byor che/ /bdag nyid 'dod par dgongs pa yis/ /'dod pa'i longs spyod 'grub par 'gyur/ /'dod pa'i dbang phyug gtso bo ste/ /de yang 'dod pa'i dbang lha mor/ /'grub 'gyur 'di la the tshom med/ /'dod pa'i khams kyi dbang phyug kun/ /bran dang 'dra bar 'khor bar 'gyur/ /nam mkha'i dkyil 'khor yid 'ong bar/ /mkha' 'gro'i sa bon bsgom par bya/ /de ni sbyor bas spros nas su/ /rang gi snying gar gzhug par bya/ /bcug nas rin chen chen po ni/ /srid pa 'joms par bsgom par bya/ /yid bzhin rin chen rang bzhin mdzes/ /nyi ma bdun de 'gyur ro/ /'dam skyes dmar po'i dbus su ni/ /'bad pas kun nas dri yis dgang / /dri yi dbang phyug rgyal po che/ /bdag nyid sems dpa' yid ches bsgom/ /de nas myur du blo ldan te/ /dri za'i bdag po'i bdag por 'gyur/ /dri yis myur ba nyid du ni/ /brtan dang g.yo ba'i dug 'gugs byed/ /don yod kyi ni dkyil 'khor du/ /snying po snying gi sbyor ba bsam/ /yid la bsam pa'i dngos grub 'gyur/ /de yi phyag rgya'ang de dang mtshungs/ /rin chen gyi yang rin chen che/ /rin chen gyi ni mig 'od gsal/ /de bzhin dri </font><hr>339a<br><font size=+1>


@#/ /dang ldan pa ni/ /sgrub pa po yis 'grub par 'gyur/ /de la sogs pa'i dbye ba yis/ /lha gzhan dag kyang rig par bya/ /dkyil 'khor ram ni dam tshig kyang / /bsgoms pas myur du 'grub par 'gyur/ /snying po sngags dang phyag rgya dang / /rig sngags kyi yang sbyor ba yis/ /de rnams kyis ni de nyid na/ /bsgoms na myur du nges par 'grub/ /'di ni bcom ldan rnal 'byor can/ /gsang ba rgyan bdag dam pas gsungs/ /phyag rgya bzhi yi mchog gi mchog /phyag rgya thams cad 'grub par 'gyur/ /zhes so/ /de nas de bzhin gshegs pa thams cad kyi yab dang / /yum de rnams kyis gsol ba/ myur du sbyor ba mchog bsgrubs pas/ /sgrub pa pos ni ji ltar 'grub/ /de dag thams cad myur du gsungs/ /bcom ldan rdo rje 'chang bdag gis/ /snying po sngags dang phyag rgya dang / /rig sngags kyang ni legs par sgrub/ /btsun mo mchog gi gnas dbang phyug/ /dpa' bo chen pos gsung du gsol/ /de nas bcom ldan 'das kun tu bzang po chen pos de bzhin gshegs pa thams cad kyi gtsug tor rnam par rgyal ba rnam par bgyings pa zhes bya ba'i ting nge 'dzin la snyoms par zhugs te/ de bzhin gshegs pa thams cad kyi yab dang / yum rnams kyis zhu ba'i </font><hr>339b<br><font size=+1>


tshig rdo rje 'di nyid kyis sku dang / gsung dang / thugs rdo rje rnams las rnam par phyung ngo / /lha rnams kyi ni snying po dang / /sngags dang phyag rgya de bzhin du/ /dkyil 'khor du ni legs par bshad/ /ji ltar sngon du kha dog sogs/ /de nas de bzhin gshegs pa thams cad kyis slar yang 'di skad ces gsol to/ /bcom ldan 'das kyis gsung du gsol/ /sems can rnams la phan bde'i phyir/ /rnal 'byor ma yi phyag rgya dang / /mtshan ma la sogs dam pa rnams/ /de nas bcom ldan kun tu bzang / /rdo rje dam pa gsor mdzad nas/ /lag pa'i mtshan ma bka' stsal pa/ /gang gi lha rnams mtshon 'gyur pa'o/ /lag pa zla ba nyi ma ru/ /mkhas pa yis ni bsam par bya/ /shes rab thabs kyis pa'i sbyor ba yis/ /rdo rje pad+mar rnam bsam bya/ /de nas shes rab pha rol phyin/ /sor mo'i rtse mor dgod par bya/ /de nyid sbyor ba'i bsdus nas su/ /phan tshun nges par sbyar bar bya/ / rdo rje pad+ma mnyam sbyar ba'i/ /bde ba myungs par 'grub par 'gyur/ /'ching ba chen pos bcings nas su/ /lha mo'i sa bon gyis mtshan pa'i/ /gsang sngags rgyal po sngags rig pas/ / yang dang yang du byin gyis brlabs/ /bcangs te 'od ldan rnam pa gnyis/ /brgyang nas rtse mo sbyar bar bya/ /de 'di snying po zhes bya ba'o/ /gnyis pa grags pa ldan pa yin/ /snying po </font><hr>340a<br><font size=+1>


@#/ /yis ni mtshan byas nas/ /rim gyis snying gar bskor bar bya/ /rdo rje mnyam par sbyar byas te/ /der ni bcings pa gzhug par bya/ /'di ni dam tshig nges bya ste/ /dam tshig ma lus sgrub par byed/ /'di yis lha mo mtha' yas zhal/ /thams cad du ni nges par 'grub/ /de nyid bsdigs pa lta bur sbyar/ /las kun byed pa'i mchog tu 'gyur/ /rdo rje gnyis ni pad+ma yi/ /sbyor ba bstan pa mchog tu rmad/ /de las phyi rol bskums pa ni/ /gsum pa ru ni 'gyur ba yin/ /snying ga ru ni snying po bsam/ / snying dga' byed pa zhes byar brjod/ /rdo rje gnyis po de bzhin sbyar/ /dam tshig bdag byed nyid du 'gyur/ /de nyid kun gyi 'byung gnas gsal/ /chen po'i las ni byed par 'gyur/ /de nyid mdzod spur sbyar ba'i brjid/ /phyag rgya bdag nyid chen por 'gyur/ /de nyid chu skyes rnam pa ru/ /snying gar bzhag pa snying po mchog /de bzhin rdo rje mnyam sbyar ba/ /dam tshig bdag nyid can du 'gyur/ /snying gar kun bsdigs sbyor ba yis/ /rab rgyas pa yi bzhin ras mchog /bsnyems pa byed pa thams cad kyang / /'dis ni las byed 'grub pa yin/ /de nyid kha ru sbyar bas ni/ /phyag rgya chen po rab tu 'grub/ /de nyid 'od ldan rtse mo ni/ /thur du bstan te snying gar gzhag /'di ni 'gyur ba med pa </font><hr>340b<br><font size=+1>


yi/ /snying po'i chos sgrub byed pa'o/ /de nyid snying gar yongs su bskor/ /snying gi dkyil 'khor nyid du bzung / /'di ni dam tshig dngos grub che/ /bdag nyid chen pos bslab par bya/ /las kyi rdo rje mnyes pa yis/ /las rnams thams cad rab bsgrub byed/ /dbab dang 'khor ba nyid dang ni/ /gar byed chen po de bzhin du/ /de bzhin thal mo sbyar nas su/ / snying gar bzhag pa snying por bshad/ /spyi bor bskor ba byas pa ni/ /dam tshig ces bya bdag nyid che/ /steng du bsdigs pa las su 'gyur/ /mchod pa ma lus rab sgrub byed/ /snying po la sogs 'og tu gzung / /chos la sogs par yongs su brtag /de nyid brgyang ste snying gar bzhag /snying po zhes su legs par bshad/ /bskor ba dam tshig ces bya ste/ /las thams cad ni de bzhin no/ /de las thal mo rdo rje gnyis/ /steng bsgreng snying po la sogs bzhin/ /sngon bshad lha mo thams cad kyi/ /gsang sngags rig par shes par bya/ /gnyis su byas la g.yas min pas/ /bsgrub bya'i mgrin pa bzung nas su/ /mngon par phyogs te gzhag par bya/ /gzugs kyi snying po ches che pa'o/ /de nyid kha yi phyogs bzhag pa/ /sgra yi snying po yid 'phrog pa'o/ /de nyid cung zad bskums nas su/ /lce yi rnam pas kha ru gzhag /ro myang ba yi sbyor ba yis/ /de nyid la yang rnam pa bzhi/ /phyag rgya sngags pas shes par bya/ /ro </font><hr>341a<br><font size=+1>


@#/ /'phrog pa yi las rnams so/ /de ni gnyis su byas nas su/ /g.yas pa'am ni g.yon pa yis/ /snying gar legs sbyar sbyor bdag gis/ /reg pa'i phyag rgya ngo mtshar che/ /'di yis chos dang dam tshig dang / /las kyang rab tu skye ba yin/ /cho ga shes pas rnal 'byor sbyar/ /reg pas 'bebs pa'i mchog yin no/ /de bzhin sbyar ba so sor bya/ /g.yon pa rked par gzhag par bya/ /g.yas pa kha yi phyogs su bzung / /khro bo'i tshul gyis de bzhin du/ /'di ni bzhad ldan zhes bya ba'i/ /phyag rgya mchog tu rmad 'byung ba'o/ /de 'am bkrol te snga ma bzhin/ /rked pa ru ni legs par gzhag /de las langs te slar yang khar/ /mkhas pas dal gyis bskyod par bya/ /de gnyis snying gar yongs su sbyar/ /bsnyems pas sdud dang 'gyed par bya/ /ji srid spyi bor gtugs pa yis/ /chos dang la sogs kun tu 'gyur/ /snying po la sogs sngags rig pas/ /phyag rgya 'di yis rgyas btab na/ /dngos grub thams cad thob 'gyur te/ /rdo rje sems dpa' bka' bzhin no/ /thal mo mnyam por legs par sbyar/ /g.yon pa'i steng du de bzhin gzhan/ /de dag snying gar bsgreng bar bya/ /de ni phan tshun shes rab yin/ /sngags pa chen pos sbyar bar bya/ /gzhan ni sbyor bas rnam par spro/ /'di ni chos kyi pha </font><hr>341b<br><font size=+1>


rol tu/ /'gro ba'i chos kyi mchog tu bshad/ /de bzhin thal mo mnyam por sbyar/ /snying gar g.yon par gzhag par bya/ /'od ldan rdo rje'i gdong pa dang / /mdor bsdus nas ni sbyar nas su/ /g.yas pa thur du 'phyang bar bya/ /de bzhin steng bstan mchog sbyin no/ /me tog snyim pa yang dag sbyar/ /rdo rje gnyis ni dbus su bzhag /bzod pa gnyis po de la sbyar/ /sbyin pa dag ni phyi ru bskum/ /de ni steng du legs par gzhag /'di ni sangs rgyas thams cad kyi/ /yid bzhin rgyal po'i 'bras bu ster/ /de ni sbyor bas so sor bya/ /g.yon pa snying gar yongs su bzhag /g.yas pa spro ba'i sbyor ba yis/ /yongs su bskor zhing bskor nas su/ /g.yas pa ru ni gzhag par bya/ /rdo rje thal mo brkyang nas su/ /rdo rje'i steng du 'od mdzes ma/ /phyi rol bskul ba'i sbyor ba yis/ /de yi steng du gdong pa bzhag /phyag rgya 'di ni phyag rgya che/ /brtson 'grus pha rol phyin dge ma'o/ /de bzhin lag pa steng du sbyar/ /rtsibs mchog rin chen ma ru 'gyur/ /lhag ma'i bya ba de nyid kyis/ /de bzhin zhag gcig bsam par bya/ /sbyor ba de yi bcing ba ru/ /sngags shes gtso bo sngags pas bya/ / rdo rje thal mo mnyam par sbyar/ /khro mo rdo rje'i sbyor ba yis/ /snying gar blo gros ldan pas bzung / /de ni lcags kyu'i rnam pa yis/ /bltas nas lus can 'gugs par byed/ /de </font><hr>342a<br><font size=+1>


@#/ /las sor mo'i rtse mo rnams/ /cung zad bsnol te brkyang bar bya/ /rdo rje mche ba lta bur bsgreng / /kha sbyar sgrol byed ngo mtshar che/ /rgya 'di rnams kyis rgyas btab na/ /las rnams thams cad byed par 'gyur/ /de las thal mo sbyar nas su/ /gzi brjid rdo rje de bzhin no/ /de ltar lcags kyus dgug pa ste/ /de yi mtha' gdong zhags pa 'o/ /sog le'i thal mo nges par ni/ /'dir ni thod pa nyid du 'gyur/ /'di ni gnyis pa nyid yin te/ /las kun gyi ni dam pa sgrub/ /de bzhin bcing ba legs bcings nas/ /rab tu sbyin pa brkyang bar bya/ /g.yas pa steng du byas nas su/ /bsad pa lta bur bcing bar bya/ /'di ni rdo rje mdung thung ste/ /srin po thams cad phye mar byed/ /'dir ni de bzhin thod pa dang / /zhags pa lcags kyu nyid dang yang / /sog le dang ni gri thung ni/ /rdo rje thal mo'i cho gas bya/ /rdo rje thal mo so sor bya/ /lag pa g.yas pa steng du ni/ /rin chen lta bur byas la gzung / /sor mo thams cad spro bar bya/ /g.yon pa'ang de bzhin spro bar bya/ /de dag nyi zlar shes par bya/ / thal mo bsgreng ste shes rab dang / /las kyi rdo rje rtse mo sbyar/ /'dir ni las rnams thams cad kyi/ /sna tshogs las mchog sgrub par byed/ /de bzhin dgug dang zhags </font><hr>342b<br><font size=+1>


pa dang / /thod pa rdo rje nyid yin no/ /de las thal mo thod pa yi/ /phyag rgya'i dbus su bu ga ni/ /sgron ma can zhes legs bshad de/ /'di ni rdo rje ngo mtshar che/ /zhags pa lcags kyu de bzhin du/ /slob dpon blo gros ldan pas shes/ /gzungs rnams dang ni thams cad kyi/ /sngar bshad pa yi phyag rgya nyid/ /thod pa rdo rje'ang shes par bya/ /phan tshun gcig la gcig tu ni/ /thams cad gzungs kyi phyag rgya ru/ /dkyil 'khor du ni rab tu bsgrags/ /'di rnams sbyor ba ji lta bar/ /dkyil 'khor bzhi ni rtag pa ru/ /rdo rje slob dpon gyis bya ste/ /phyag na rdo rje'i bka' bzhin no/ /'di ni bcom ldan rnal 'byor gsung / /kun bzang bdag nyid chen po pa/ /sems can kun mchog las kyi mchog /sangs rgyas mchog gtso mnga' bdag che/ /zhes so/ /de nas bcom ldan 'das kun tu bzang po yang 'phags pa spyan ras gzigs dbang phyug ye shes rdo rje zhes bya ba'i ting nge 'dzin la snyoms par zhugs nas de dag thams cad la yang dang / /yang du gzigs te/ sems can thams cad brtson 'grus zhan pa spobs pa dman pa la mos par gzigs nas de rnams la bka' bsgo ba/ /dbang po'i ma mo rnams kyis shod/ /rang rang gi ni sgrub sna tshogs/ /de nas de rnams legs tshim nas/ /rdo rje can la gsol ba </font><hr>343a<br><font size=+1>


@#/ /ni/ /nyi ma'i dkyil 'khor dbus gnas par/ /rdo rje dkyil 'khor bsgom par bya/ /de yi steng du rdo rje che/ /rdo rje la ni dang po mchog /nyi ma gser mdog dang mtshungs par/ /gsang sngags shes pas de bsgom bya/ /rang gi lus las spros nas su/ /rang gi rnam par bsam par bya/ /de nas sngags bdag 'grub par 'gyur/ / sngags kyi de nyid bdag po cher/ /kun tu 'gro ba sna tshogs che/ /rdo rje sems dpa' 'dra ba bzhin/ /gnyis pa'i de nyid bsgom pa ni/ /dkyil 'khor pad+ma las byung ba/ /dmar po'i gos la gzi brjid che/ /'bar ba dag ni me dang mtshungs/ /rang las spro bya thams cad du/ /'jig rten dbang phyug lta bur 'gyur/ /dkyil 'khor dbang chen gzhag par bya/ / dkyil 'khor la ni cher dge ma/ /dang po'i lha mo drod dang ldan/ /rang gi lus la nges par khyab/ /bsdus nas bdag dang 'dra ba'i bdag /yid bzhin nor bu'i snang bar 'gyur/ /rlung gi dkyil 'khor dbus son par/ /'gro ba'i sgo gtan lha mo ni/ /rang lus lus ldan thams cad du/ /ljang gu dang ni ljang ser ma/ /las kun sgrub pa'i dam pa yis/ /rdo rje 'dzin pa dpal ldan 'gyur/ /ma mo bzhi dang yang dag ldan/ /shes rab ye shes dam pa gnas/ /dkyil 'khor kun gyi dam pa ru/ /mkhas pa yis ni </font><hr>343b<br><font size=+1>


bsgom par bya/ /kun gyi bdag po dpal dang ldan/ /kun bzang mnga' bdag chen por 'gyur/ /bsam gtan dkyil 'khor sbyor ba yis/ /thams cad nyid ni bsgrub par bya/ /chos kyi yi ge yang dag sbyar/ /lha min bdag por bdag 'gyur ro/ /zhes bcom ldan 'das kun tu bzang pos bka' stsal to/ /gsang ba rgyan gyi bkod pa'i rgyud kyi rgyal po chen po las/ de bzhin gshegs pa thams cad kyi yum gyi phyag rgya'i ye shes mchog gi dkyil 'khor yongs su rdzogs so// //de nas de bzhin gshegs pa thams cad dang / de bzhin gshegs pa thams cad kyi yab 'khor dang bcas pa rnams slar yang 'dus par gyur te/ bcom ldan 'das kun tu bzang po chen po la glu dbyangs kyi rgyal po 'dis gsol ba btab pa/ /thams cad khyab pa'i ye shes che/ /mkha' la rlung ltar cher gshegs pa/ /yab kyi phyag rgya'i ye shes bzang / /kun mchog dam pas bshad du gsol/ /de nas bcom ldan 'das kun tu bzang pos de bzhin gshegs pa thams cad kyi rgyal po mchog rdo rje dpal zhes bya ba'i ting nge 'dzin la snyoms par zhugs nas ye shes chen po'i phyag rgya dang dkyil 'khor 'di nyid kyi sku dang gsung dang thugs rdo rje rgyas pa las nges par phyung ngo / /dbus su nyi ma chen po ni/ /hUM yig sbyor bas bsam par bya/ / </font><hr>344a<br><font size=+1>


@#/ /sor mo kun gyi rtse gnas su/ /sa bon lnga yi yab dgod bya/ /tshigs kyi nang ni thams cad du/ /yi ge thams cad rnam par bsam/ /nyi ma'i dkyil 'khor dag la ni/ /bzang po thams cad rnam bsam bya/ /'khor lo chen po phyag rgya'i tshul/ /lag pa g.yon par bsam par bya/ /de yi dbus su shes rab che/ / de bzhin gzhan yang dgod par bya/ /de nas spro ba'i de nyid ni/ /gsang sngags 'di yis sbyar bar bya/ /oM pra dz+nyo pA ya sa ma yi \?\ ge hUM a/ /de nas phan tshun sbyar byas nas/ /rdo rje thal mo rab tu gnas/ /rdo rje bsdams par byas nas su/ /rdo rje bsdams par rnam par bsam/ /de nas shes rab che bsgreng ste/ /rtse mo cung zad bskum par bya/ /'dod pa'i dbang phyug snying por 'gyur/ /snying gar bzhag na snying po 'grub/ /de nyid bsdigs pa'i sbyor ba yis/ /las kyi mchog tu 'gyur ba yin/ /de nyid snying gar bsdams pa ni/ /phyag rgya chen po zhes su grags/ /thams cad kyis kyang mdor bsdus pa'i/ /las rnams thams cad rab sgrub byed/ /de bzhin legs par bcing bar bya/ /sbyin pa'i pha rol phyin pa gnyis/ / phyi yi rgyab tu bskum par bya/ /mkha' 'gro'i dbang phyug snying dga' ba'o/ /shes rab dag ni de bzhin sbyar/ /dam tshig ces par rab tu grags/ /lhag ma rnam par spro bar bya/ / </font><hr>344b<br><font size=+1>


las kyi gnas 'khod chen por grags/ /shes rab dag ni zum tshul gyis/ /dri yi dbang phyug rab dgyes pa'o/ /bzod dang brtson 'grus gdong pa gnyis/ /lo ma'i tshul du brkyang bar bya/ / dam tshig sgrub pa ster bar bshad/ /'di las rtse mo rnam phye ba/ /las kun byed pa zhes bshad de/ /re ba thams cad rdzogs par byed/ /de nyid rtse mor snying gar sbyar/ /bdag nyid chen po'i phyag rgya mchog /rgyal po mchog lta'i rgyal po ru/ /'di yis myur du 'grub par 'gyur/ /rdo rje bsdams pas shes rab mgo /dril bu'i dam pa snying po mchod/ /bzod dang brtson 'grus gdong sbyar ba/ /dam tshig mnyam pa nyid du gnas/ /cung zad gdong pa bskum par bya/ /las byed pa yi mchog tu 'gyur/ /gdong pa legs par brkyang nas su/ /steng du shes rab rtse mo gcig /'di ni chen por shes bya ste/ /dbang phyug thams cad byed pa'i mchog /sna tshogs byed pa mchog gi mchog /'di yis myur du 'grub par 'gyur/ /rang gi bsdams las shes rab bsgreng / /rdo rje sra ba'i chos dang ldan/ /gdong pa che ste rin po che/ /'di ni dam tshig ldan pa'i mchog /de gnyis de bzhin rnam par gzhag /sbyin pa'i pha rol phyin dge dag /rab brkyang bzhi yi sams dpa' yi/ /las rnams thams cad byed par bshad/ /de bzhin tshul khrims pha rol phyin/ /'di ni chen po dam pa'o/ /bsdams las bzod dang brtson 'grus dag / </font><hr>345a<br><font size=+1>


@#/ /legs par brkyang ste bstod pa ni/ /snying po'i zla ba ltar bcings pa/ /dam tshig 'od zer 'phro ba'o/ /phan tshun gyi ni gdong sbyar ba/ /'di ni las byed dam pa ste/ /lhag ma khu tshur ltar byas la/ /phyag rgya chen po zhes su 'grub/ /rdo rje bsdams pa legs par bcing / /rtse mo'i rnam par sbyar bar bya/ /shes rab 'ba' zhig rtse mor bya/ /lhag ma dag ni de bzhin no/ /lhag ma bsdams te gzhug par bya/ /snying po chos ni byed pa'i mchog /khu tshur g.yon pa g.yon du bzung / /rdo rje rdo rje can gyis brkyang / / g.yas pa'i sbyin pa brkyang nas ni/ /rna ba'i rtsa bar dgug par bya/ /'di ni las byed shes bya ste/ /sangs rgyas byang chub rab sgrub byed/ /rdo rje bsdams pa brkyang nas su/ /snying gar 'khor lo'i tshul du ni/ /g.yas pa'i rtse mo lcags kyur bya/ /sbyin pa sbyin pa'i pha rol son/ /de bzhin bcing ba legs bsdam bya/ /gnyi ga de bzhin lcags kyu ste/ /de ltar 'og ma bcug nas su/ /snying gar bzhag pa las rjes 'brang / /de nyid dgug par sbyor ba ni/ /thams cad dgug pa rab tu 'grub/ /de bzhin sbyin pa bskums nas su/ / yang dang yang du brkyang bar bya/ /snying gar bskor ba zhes su bshad/ /de nyid 'og tu bstan pa ni/ /dam tshig can zhes rab tu grags/ /rdo rje chos su bshad pa ste/ /kha ru g.yo </font><hr>345b<br><font size=+1>


par byed pa mchog /las las rnam par tshim zhes bya/ /las kun byed pa'i dam pa ster/ /lag pa bcings pa las bkrol te/ /shes rab mdzod du rab tu brtag /'di ni dam tshig cher mdzes pa/ /de phyir de ltar chos mdzad do/ /g.yas pas rab tu bsgrims pa ni/ /mi snang mdzod de des na las/ /rin chen pad+ma ldan pa'i gdong / /snying gar bzhag pa snying por 'gyur/ / bsdams nas go char byas nas su/ /bskor ba dam tshig ces su 'dod/ /'khyud pa chos ldan zhes su grags/ /bsnun pa las byed pa ru brjod/ /bsdams las nyi ma rnam par spro/ /bskor ba dam tshig mchog yin no/ /lag pa'i mtha' ma chos chen po/ /kun sdud las kun byed pa'o/ /bsdams las sbyin pa bsgreng bar bya/ /rtse mo gsum bya gnas mdzes pa'o/ /de nyid steng du bskor nas su/ /spros pas chos sgrub byed pa 'o/ /rdo rje ba ru sbyar ba las/ /dbang bskur dam pa sgrub par byed/ /de nyid steng du spro ba ni/ /las kun byed pa'i mchog yin no/ /snying gar legs bzung snying po ste/ /mdzod spur bzhag pa dam tshig mchog /khar bzhag pa ni chos shes bya/ /las rnams thams cad rab sgrub pa'o/ /'di ni bcom ldan rdo rje can/ /re ba kun rdzogs mdzad pas gsungs/ /rdo rje bsdams pa rnam par bcings/ /pad+ma'i rnam pa mchog tu bya/ /ster byed pa ni mig ltar bya/ /snying gar bzhag pa kun mchog 'grub/ /de nyid mig bzhag </font><hr>346a<br><font size=+1>


@#/ /las yin no/ /bzhad pas chos de dam pa'i chos/ /dam tshig gsang ba'i mig yin te/ /pad+ma'i mdzod la rab tu gnas/ /thal mo yang dag sbyar ba ni/ /snying po mchog tu rmad byung pa'o/ /kha ni cung zad phye ba ni/ /dam tshig mchog gi mchog yin no/ /snying gar shin tu gsal phye ba/ /ma lus las ni rab tu sgrub/ /rdo rje'i nang du pad+ma ni/ / chos ste mchog tu rmad byung ba'o/ /'di rnams kyis ni myur 'grub ste/ /sngags pas sngags kyis bskul bas so/ /de bzhin 'ching ba legs bcings te/ /snying gar 'khor lo nyid du bya/ /'khor lo gsum pa nyid du 'gyur/ /rtsibs bzhis legs brgyan chos su blta/ /bskor ba las kyi rdo rje 'o/ /'di rnams ji lta bzhin sbyar na/ /grub pa'i dam pa 'grub par 'gyur/ /rdo rje bsngams pa legs bsgreng ste/ /shes rab myu gu dag tu bya/ /sbyin par rin chen ltar byas pa/ /sems dpa'i gnas su nges par sbyar/ /'di ni sangs rgyas thams cad kyi/ /las rnams thams cad rab sgrub pa'o/ /snying gar chos kyi dam tshig dang / /snying po rig sngags legs par sbyar/ /de bzhin shes rab gnyis po sgreng / /'og gi 'khrug pa de bzhin no/ /mthe chung bzang po'i kha sbyar ba/ /kun gong rdo rje ldan par bya/ /gnas ni bzhi yi sbyor ba yis/ /phyag rgya bzhi ni rab tu 'grub/ /spyi bor las su bshad pa ste/ /snying gar snying po brtag </font><hr>346b<br><font size=+1>


par bya/ /bskor ba yis ni dam tshig ste/ /ngag gis kun bskul chos yin te/ /bcom ldan rdo rje can gyis gsungs/ /bcings nas shes rab dag ni bsgreng / /'od ldan dag ni rtsa bar sbyar/ /'di ni dang por shes par bya/ /thams cad nas ni thams cad 'gro /bcings las de bzhin shes rab cig /rtse mo mche ba gdug yid 'phrog /de bzhin du ni 'di sbyar bas/ / las rnams thams cad rab sgrub pa'o/ /gsang ba'i bcing ba legs bcings te/ /rdo rje nang du de bzhin no/ /snying gar rnal 'byor pa yis sbyar/ /ji snyed las kyis ming bzang po/ /rdo rje rab brkyang mgrin par gzung / /kun tu bskor ba rab tu bya/ /'di yis las rnams thams cad ni/ /byed 'gyur bsrung sogs go 'phang bzang / /lhag ma cho ga bzhin rnal 'byor/ /rnal 'byor de nyid rab tu sbyar/ /phyag rgya rtags dang mi rnams ni/ /lha rnams kun la sbyar bar bya/ /'di ni bcom ldan rnal 'byor che'o/ /dbang phyug dpal rdor sems dpas gsungs/ /de nas de rnams legs tshim nas/ /phyag 'tshal nas ni thal sbyar te/ /zhu ba rdo rje bla na med/ /dpa' bo rdo rje can la zhus/ /yongs su rtog pa kun spangs pa'i/ /sangs rgyas rnams ni rang byung la/ /yab dang yum ni bla na med/ /ci phyir 'di dag brtag pa lags/ /'khor ba las ni legs pa yi/ /sangs rgyas ji ltar 'byung ba lags/ /grong gi chos ni brten pa las/ /ji ltar thar pa rab tu 'grub/ /gang </font><hr>347a<br><font size=+1>


@#/ /du rnal 'byor pa grol 'gyur/ /gang na 'chi ba rab tu gnas/ /gang gis rnal 'byor pa rab 'grub/ /gang las rnal 'byor pa zhes bgyi/ /gsang sngags ji ltar gsang sngags lags/ /snying po zhes bya'i snying po gang / /phyag rgyas gang phyir phyag rgyar 'gyur/ /rig sngags rig pa ji ltar lags/ /ji ltar lha rnams dgug pa dang / /gzhug pa rnal 'byor pa yis bgyid/ /rnam par grol rnams bcing ba dang / /mnyes dang bskul ba de bzhin du/ /ji ltar gnyis su med 'gyur zhing / /tsum pa 'khyud pa nyid dang yang / /mthong nas rjes su chags pa dang / / lag pa'i dgos pa ji snyed pas/ /phyag rgya ji ltar 'grub par 'gyur/ /gar dang glu dang cher dgod pa/ /sgeg dang smra ba ji ltar lags/ /gzugs dang sgra dang da bzhin dri/ /gtso bo ro dang reg par 'gyur/ /me tog bdug pa mchog dang dri/ /mar me gsal ba mchog gang lags/ /mchod pa thams cad ji ltar 'grub/ /ji ltar mchod pas 'grub par 'gyur/ /rgyal bas zhu ba 'di dag gis/ /phreng ba rdo rje can la zhus/ /zhes so/ /de nas bcom ldan 'das kun tu bzang po chen pos zhu ba thams cad rnam par dpyod pa longs spyod pa rdo rje zhes bya ba'i ting nge 'dzin la snyoms par zhugs nas de bzhin gshegs pa thams cad kyi zhu ba rgyas pa 'di dag phyung ngo / /shes rab yum du legs bshad de/ /yab ni thabs la </font><hr>347b<br><font size=+1>


la mkhas pa'o/ /'di ni bsten pa nyid kyis ni/ /grong las thar pa rab tu 'grub/ /bag chags sbyor ba dang ldan pas/ /gnyi ga dag ni gdon yin te/ /grol dang ma grol zhes su bshad/ / de ni rnal 'byor pa ru brjod/ /gsang sngags yid du bshad pa ste/ /snying po yang ni de bzhin no/ /yid la rnam par gzhag na ni/ /gsang sngags mkhas pas 'grub par 'gyur/ /thar pa chos kyi rgya mtsho yin/ /lha rnams gang la rgyas btab pa'i/ /phyag rgya 'di yis 'grub 'gyur te/ /dngos grub bde ba bla na med/ /rig sngags ye shes ma lus te/ /rig sngags pha rol phyin par bshad/ / de shes pa ni 'grub 'gyur te/ /grub nas bde ba rnam par gsum/ /shes rab la ni shes rab ni/ /gzhug dang dgug pa de bzhin no/ /gshegs su gsol ba btab par shes/ /bcings pa brtan par byed pa 'o/ /mnyes pa yis ni legs tshim yin/ /bskul ba 'phro ba nyid du bshad/ /bsam pa gcig tu gyur pa ni/ /gnyis su med pa zhes su brtags/ /ro gcig de nyid bshad pa ni/ /'jig rten pa yi lha ru brjod/ /tsum pa rdo rje rnal 'byor te/ /rdo rje ye shes zhes su bshad/ /shes dang mi shes mnyam sbyor bas/ /rdo rje'i ye shes zhes bshad do/ / shes dang mi shes mnyam sbyor bas/ /tsum pa na zhes nges par bshad/ /gnas pas rtags zhes bshad pa ste/ /rtags ni lus zhes brjod pa yin/ /de yi 'khyud pa reg par shes/ / </font><hr>348a<br><font size=+1>


@#/ /chags pa mthong ba'i phyag rgya 'o/ /lag pa'i 'od rnams lha mo ste/ /rdo rje pad+ma mnyam bgrod pa'o/ /phyag rgya 'di las phyag rgya ste/ /lag pa'i dgod pa'i sbyor bas so/ /gar dang glu sogs rnams kyis ni/ /lha rnams thams cad mnyes par 'gyur/ /'di rnams kyis ni sangs rgyas rnams/ /mchod na dngos grub thams cad ster/ /zhes bcom ldan 'das kun tu bzang pos bka' stsal to/ /gsang ba rgyan gyi bkod pa'i rgyud chen po las/ gsang ba rgyan gyi bkod pa zhes bya ba'i dkyil 'khor gyi rgyal po yongs su rdzogs so// // de nas de bzhin gshegs pa thams cad kyi yum rnams kyis bcom ldan 'das kun tu bzang po chen po la de bzhin gshegs pa thams cad kyi mchod pa dang / mchod pa'i lan dang / phyag rgya dang / phyag rgya'i lan dang / gar dang / gar gyi lan dang / glu dang / gru'i lan dang / sil snyan dang / sil snyan gyi lan dang / rnam 'gyur dang / rnam 'gyur gyi lan dang / dbrog pa dang / dgug pa'i lan dang / brda dang / brda'i lan dang / dri ba dang / dri ba'i lan dang / blta ba dang / blta ba'i lan dang / dam tshig dang / dam tshig gi lan dang / dkyil 'khor dang / dkyil 'khor gyi lan dang / gsang ba dang / gsang ba'i lan dang / gsang chen dang / gsang chen gyi lan dang / de kho na nyid dang / de kho na nyid kyi lan la sogs </font><hr>348b<br><font size=+1>


pa rnams dang / klu'i rgyal po 'dis gsol ba btab par gyur to/ /sangs rgyas sems can kun gyi don/ /ye shes kun don thams cad mdzad/ /thams cad khyab pa sems can don/ /gnyis dang gnyis med phyag 'tshal bstod/ /'di dag thams cad gsung du gsol/ /sgrub pa po la phan dgyes pas/ /sgrub pa dngos grub dag dga' ba/ /gang gis dngos grub 'grub 'gyur ba/ / de nas bcom ldan 'das kun tu bzang pos thams cad mkhyen pa'i ye shes la blta ba rnam par bsgyings pa zhes bya ba'i ting 'dzin la snyoms par zhugs nas 'di skad ces bka' stsal to/ / me tog bdug pa dri zhim dang / /gos bzang rgyan dang bza' ba dang / /btung ba ro dang sgron ma gsal/ /mal khri stan dag yid 'ong ba/ /'di yis sangs rgyas thams cad mchod/ /yid ni bde bar gnas par byed/ /slob dpon rdo rje can dang ni/ /khyad par du ni sgrub bos bya/ /dgod dang sgeg dang de bzhin glu/ /sil snyan gar ni rab dga' ba/ /mchod pa'i lan te shin tu ni/ /sangs rgyas phyag rgyas 'grub par 'gyur/ /gzugs dang sgra dang de bzhin dri/ /ro dang reg pa yid 'ong ba/ /'di ni mchod pa'i lan du 'grub/ /sangs rgyas byang chub bde ba che/ /phyag rgya skyes bu'i rnam pa ste/ /phyag rgya'i lan ni rang gzugs te/ /gnyis pa phyag rgya chen po ste/ /phyag rgya'i lan ni las bzang can/ /phyag rgya rang gi bdag por shes/ /phyag rgya'i lan ni sgrub pa po/ /ji srid dbye ba stong </font><hr>349a<br><font size=+1>


@#/ /phrag ni/ /dbye ba'i gzhi ru brtag par bya/ /zhes so/ /gar ni gar gyi sbyor ba yis/ /gar gyi lan ni gar mkhan ma'o/ /ji srid dbye ba stong phrag kyang / /dbye ba bzhi ru brtag par bya/ /kun tu bzang po la brten nas/ /ji srid las kyi rjes 'brang ba'o/ /las kyi sbyor la yang dag bsten/ /ji srid bzang po'i rjes 'brang ba'o/ /bla 'og yang dag bskyod pa yis/ /gar dang steng gi gar bskor ba/ /rtog pa'i sbyor bas brtag par bya/ /rtog pa yis ni rab tu gsang / /ji lta'i sil snyan rdung spyad ni/ /rdung ba'i bdag nyid can gyis dkrol/ / de las byung ba'i sil snyan lan/ /gsil bas sil snyan nyid du brjod/ /sngags kyi yi ge'i cho ga sbyar/ /ji srid las mchog spyod yul ba/ /de nas sbyor bas 'thon nas su/ /kun tu bzang por 'gro bar bya/ /sgrogs pas grub ces brjod pa ste/ /'dren pa gsum las legs par 'byung / /dbyangs rnams rnam drug shes par bya/ /glu yi phyag rgya zhes su 'grub/ / de nas sbyor bas 'thon nas su/ /ji srid mgo dang snying gar son/ /mgrin pa sna yi sbyar ba dang / /mgul pa g.yo ba nyid kyis so/ /'gyur bas rnam par 'gyur ba ste/ /len dang gtong ba'i cho ga rim/ /chos rnams thams cad blang ba dang / /gdon gyi tshogs rnams bzlog pa ste/ /rnam 'gyur las ni slar yang 'dir/ /sems kyi rnam par rtog pa'o/ /ji srid las ni rjes </font><hr>349b<br><font size=+1>


sbyor ba/ /sangs rgyas rnams kyi rjes su 'brang / /sems dang lus kyi rnam bsgyings pas/ /gdug pa thams cad bzlog par bya/ /lag pa rkang pa'i rim pa kun/ /rnam 'gyur gyi ni lan yin no/ / dbrog pa dgug par shes bya ste/ /gtong ba dag ni dbrog pa'i lan/ /dbrog pa mchog tu shes bya ba/ /bgegs kyi gnas ni rab gnon pa'o/ /dbrog pa'i lan ni rab bzlog ste/ /bsdigs pa'i rkang pa dgod par shes/ /brda ni dran pa'i don du ste/ /phan tshun yongs su brjod pa yis/ /'grub dang ma 'grub sbyor ba rnams/ /slob dpon slob ma sogs pas bsgrub/ /brda lan lha mo rnams kyis ni/ /bskul dang so sor bskul ba'o/ /dri ba smra dang 'dri ba ste/ /mthong nas 'dri ba 'dri ba'i lan/ /legs pa'i gzugs mthong blta ba ste/ /lha yi ye shes spyod yul lo/ /blta ba'i lan ni de las slar/ /sbyor ba mchog gis sbyor ba'o/ /lha dang lha mo rnams kyi ni/ /g.yas g.yon blta ba blta ba ste/ /ji snyed blta ba'i sbyor ba yis/ /sgrub par byed pa'i lan yin no/ / dam tshig sangs rgyas thams cad kyi/ /bka' rtags byas pa nyid du 'dod/ /gang phyir thos pa 'dzin pa yi/ /sgrub po lan du shes par bya/ /dkyil 'khor lus su bshad pa ste/ /ye shes lnga yis byin brlab pa'o/ /dkyil 'khor lan ni lha mo rnams/ /gcig tu byed pa'i dam pa'o/ /gsang ba sbas par bshad pa ste/ /gsang ba'i lan ni legs sbas pa'o/ /gsang chen </font><hr>350a<br><font size=+1>


@#/ /sems kyi 'du shes te/ /bde ba'i rnam par rtog pa'o/ /so sor rtog pa lha mo dang / /lha yi bde ba bde chen po/ /sangs rgyas sras bcas thams cad kyi/ / gsang chen lan du brjod pa'o/ /zhes bcom ldan 'das kun tu bzang pos bka' stsal to/ /de nas de rnams slar yang 'dus par gyur te/ yang bcom ldan 'das la legs par bskul ba/ /rdo rje sems dpa' bde rab mchog /shes rab mchog rab grol ba'o/ /mchod pa'i ye shes legs 'grub pa'i/ /gsang ba chen po gsung du gsol/ /de nas bcom ldan 'das kun tu bzang pos slar yang gsang ba chen po mchod pa cher gsang ba zhes bya ba'i ting nge 'dzin la snyoms par zhugs nas 'di skad ces bka' stsal to/ /hUM hUM hUM hUM hUM hUM hUM hUM hUM/ ga ga ri ga ga ri/ ga ga ga/ ga ri ga ri/ ra ra ra/ ga ri ga ga/ te te te te/ he te te te te te/ na te te te N+NA te te/ na te te/ dzA tet+te/ dzA te tat+ta/ dza te/ ri ti rA/ te ta te/ dzA te tI ri ra te/ ta ri ta ri/ te ta ri hUM/ ri ri hUM/ te dza te te hUM/ zhes bcom ldan 'das kun tu bzang pos bka' stsal to/ /sangs rgyas kun gyi bdag po mchog /rdo rje sems dpa' kun gyi rje/ /glu yi phyag rgya rab gsal ba'o/ /de nas rol mo'i phyag rgya yi/ /rnal 'byor chen po thugs rje'i bdag nyid can gyis gsungs pa/ /lha dang lha mo rgyal </font><hr>350b<br><font size=+1>


bdag dang / /gang gis myur du mtshungs 'gyur ba/ /oM hUM b+h+yo g+he Ta hUM/ oM hUM b+h+yo g+he Ta hUM/ g+he Ta hUM/ g+he Ta hUM/ ru lu ru lu/ g+he Tu g+he TuM/ g+he Tu g+he TuM/ g+he Ta g+he Ta/ hUM Ta nA Da yo/ hUM Ta nA Da yo/ hUM Ta nA Da yo/ Ta ra NAM/ Ta ra NAM/ TA Na TA Na TAM Ta/ TAM Ta/ TA Na Ta Na TaM Ta/ TA TAM/ Na T+Ta Na T+Ta/ Ni T+TaM/ oM duH duH duH duH oM duH duH dUH dUH dUH dUH dUH duH duH duH duH TaM TaM/ Da d+hAM d+hAM/ d+ha d+ha d+ha d+hAM/ d+ha d+ha d+ha/ dz+ha dz+hAM/ dz+ha dz+hAM/ dz+hiM dz+hiM/ dz+hA dz+hA dz+ya dz+hA/ dz+hi dz+hA/ dz+hi/ dz+hAM dz+hAM dz+hAM/ dzI dz+hAM dz+hAM dz+hAM/ sna yi sbubs su dkrol ba dang / lag pa'i mthi dang kha dog gis/ /sil snyan sbyor bas gsil bar bya/ /nges par myur du rab tu 'grub/ /g.yas dang g.yon gyi sbyor ba dang / /chang zung blta ba'i rim pa yis/ /sgeg cing dpa' ba mi sdug pa/ /dgod dang drag shul 'jigs su rung / / snying rje rngam dang zhi sogs kyi/ /nyams kyi ngo bo legs bslabs pa'i/ /gang gis rnal 'byor can 'grub 'gyur/ /gar gyi dbang phyug gtso bo che/ /bcud ni zla ba sogs mdzes pa/ / sha sogs bza' ba'i dkyil 'khor dang / /tsan+dan la sogs byugs pa dang / /me tog la sogs phreng mdzes dang / /bud med bzang mo'i rigs rnams kyis/ /dam tshig byin rlabs sbyor pa las/ / rdzas rnams thams cad bsgrub par bya/ /phaT yi ge hUM dang bcas pa yis/ /zhes bcom ldan 'das kun tu bzang pos bka' stsal to/ /sbyor ldan kun la gnas nas su/ /g.yas pa yi </font><hr>351a<br><font size=+1>


@#/ /yang gar sbyor las/ /rdo rje bsdams pa'i sbyor ba yis/ /snying gar de bzhin bsgreng bar bya/ /yang na gnyis pa nyid kyang ste/ /shes rab gang yin rdo rjer bya/ /skar ma lcags kyu de bzhin 'dir/ /'dir ni bsnyems bcas rjes su chags/ /de las rdo rje'i sbyor ba sbyar/ /yang dang yang du dgrol bar bya/ /'di yis las rnams thams cad ni/ /byed 'gyur 'di la gdon mi za/ /de nyid snying gar khu tshur te/ /rdo rje gdong pa skar ma'i kha/ /rang gi gnas su bzhag pa ste/ /dbang bskur ba ni gnyis pa'o/ /de nyid bsnyems pas cher bstan te/ /yang dang yang du yongs su bskyod/ /de nyid 'od zer rnam pa ru/ /thams cad du ni spro bar bya/ /de nyid kha ru bstan pa ni/ /rdo rje bshad par rnam par bshad/ /'di rnams kyis ni don rnams kun/ / mkhas pa yis ni bsgrub par bya/ /de nyid pad+ma'i sbyor ba dang / /mig gis sbyor ba gnyis pa'o/ /shes rab skar ma de nas bsgreng / /lte bar byas pa 'khor lo can/ /rdo rje smra ba lce yi rtser/ / tho rnams ma lus 'phrog par byed/ /'di dag gis ni las rnams kun/ /pad+ma'i 'od kyis rab tu bya/ /de bzhin khu tshur legs par sbyar/ /shes rab kyis ni snying gar bsnun/ /de las gnyis pa sna tshogs che/ /snying gar yongs su bskor bar bya/ /skar ma rdo rje'i rnam pa mchog /bzod dang gzi brjid mche ba mdzes/ /de nyid dam du bsdams pa ni/ /'ching ba'i las </font><hr>351b<br><font size=+1>


ni byed pa'i mchog /'di rnams kyis ni thams cad sgrub/ /phyag rgya dang ni phyag rgya'i lan/ /g.yas dang g.yon gyi sbyor ba yis/ /las kyi dam pa ma lus pa'o/ /zhes bcom ldan 'das kun tu bzang pos bka' stsal to/ /de nas bcom ldan sna tshogs che/ /pad+ma rin chen rdor mchog 'dzin/ /gsang ba rgyan gyi dkyil 'khor gyi/ /dpal chen la ni zhu ba zhus/ /sangs rgyas dkyil 'khor don phyir dang / /ma mo rnams kyi don dam ni/ /yongs su rtog pa thams cad spangs/ /sangs rgyas kun mchog dam pa'i gsang / /dkyil 'khor thams cad brgyan pa yi/ /mdzes pas bcom ldan gsung du gsol/ /de nas bcom ldan 'das kun tu bzang pos de dag gis gsol ba btab pa la 'di skad ces bka' stsal to/ /dang po dang ni gnyis pa dang / /drug dang lnga dang de bzhin bcu/ /mdor bsdus nas ni bsgom par bya/ /rdo rje rin chen chu skyes las/ /rang gi dkyil 'khor go rims kyis/ /gsang sngags 'dzin pas gnas lngar dgod/ /dkar dang ser po ches dmar ba/ /sngon po'i 'od zer glog las byung / /tha ma kun gyi thog ma ru/ /'od zer bzang po sbyar bar bya/ /rdo rje rnal 'byor cho ga la/ /gnas nas bsgom dang bzlas pa sbyar/ /'di ni dkyil 'khor ming yin te/ /dkyil 'khor rgyal ba rnams kyi rten/ /brten pas sgrub bo shin </font><hr>352a<br><font size=+1>


@#/ /tu yang / /dus mi ring bar sa stengs 'grub/ /'di ni bcom ldan rdo rje can/ /kun sbyor dri ma med pa'i gtso/ /sangs rgyas kun gyi rgyal po che/ /skye dang 'chi ba 'joms pas gsungs/ /de nas rgyal ba thams cad kyis/ /sbyor ba'i ma dang yum rnams ni/ /legs tshig rdo rje sems dpa' ni/ /bde ba che la legs zhes gsol/ / rdo rje kun gyi bdag po gtso/ /sangs rgyas dbyangs kyis bstod par byas/ /rdo rje glu sogs sbyar ba yis/ /dbang bskur kun gyi mchog ldan gtso/ /dpal ldan sangs rgyas sangs rgyas bdag po tshul/ /sangs rgyas nas ni rgyal rnams chub mdzad rdzogs sangs rgyas/ /sangs rgyas sras po nges par mtha' dag sangs rgyas kyis/ /sbyor bas blo gros sprin rnams legs par tshim mdzad pa/ /dpal gyi rdo rje dri med rdo rje ye shes rdor/ /rdo rje'i snang bas 'jig rten rab tu gsal mdzad pa/ /bsdus pa'i rdo rje sbyor ba ldan pas legs bton te/ /rdo rje'i bdag nyid ngo bor mdzad pa'i mdzes rdo rje/ /dpal gyi rin chen rin chen 'byung gnas rin chen sprin/ /rin chen rnams la rin chen gyis dgyes rin chen mdzes/ /mdzes pa'i brjid ldan rin chen rgyal mtshan gyis/ /skye bo rnams kyi phongs dang sdig pa rnams bcom nas/ /dpal gyi pad+ma pad+ma dam pa'i bla ma pad sems dpa'/ / </font><hr>352b<br><font size=+1>


pad+mas rab dgyes pad+ma las 'khrungs pad+ma yi/ /dra bas pad+ma mtha' dag nges par rgyas mdzad de/ /pad+ma'i rigs la 'jog par mdzad pa'i pad bzang po/ /sna tshogs dpal ldan kun gyi bdag po sna tshogs mkhyen/ /sna tshogs dbang phyug sna tshogs yum gyis ma gos pa/ /sems can rnams ni 'dul legs 'jog mdzad sna tshogs pa/ /ci dga' 'dod la rig pa dam pa gnang du gsol/ /zhes so/ /de nas de rnams kyis slar yang sems can ma lus pa 'dul ba'i don du 'di skad ces bstod pa/ sangs rgyas tshul khyod phyag 'tshal lo/ /sangs rgyas 'byung ba khyod la 'dud/ /sangs rgyas ye shes khyod phyag 'tshal/ /sangs rgyas gzi brjid phyag 'tshal 'dud/ /sangs rgyas dpa' bo khyod la 'dud/ /rdo rje khro bo'i yid las 'khrungs/ /sdig pa bcom pa khyod phyag 'tshal/ /sdig pa bsal la phyag 'tshal 'dud/ /phyag na rin chen khyod phyag 'tshal/ /gtsug na rin chen gzi brjid can/ /sdug bsngal bcom pa khyod la 'dud/ /thams cad grub la phyag 'tshal 'dud/ /chos kyi dag pa khyod la 'dud/ /pad+ma dag la rtogs pa'i phyir/ /'dod chags chags pa khyod la 'dud/ /'dod chags bral la phyag 'tshal 'dud/ /sna tshogs rdo rje khyod la 'dud/ /sna tshogs sbyor ba khyod phyag 'tshal/ /sna tshogs tshul can khyod la 'dud/ /sna tshogs bde can </font><hr>353a<br><font size=+1>


@#/ /phyag 'tshal 'dud/ /bstod pa'i rgyal po 'di yis ni/ /chos dang ldan pa thams cad du/ /nyin re zhing ni bstod byed na/ /bsam pa'i dngos grub thob par 'gyur/ de nas bcom ldan 'das kun tu bzang pos slar yang de bzhin gshegs pa thams cad kyi chos shes rab dang / ye shes rnam par bsgyings pa zhes bya ba'i ting nge 'dzin la snyoms par zhugs nas de bzhin gshegs pa thams cad kyi rdo rje chos kyi dbang phyug rgyal po la 'di skad ces bka' stsal to/ /de bzhin gshegs pa kun gyi gsang / /gsang ba rgyan ces bya ba ni/ /sems dpa' chen po legs par bzung / /sems dpa' chen po ni dga' bas/ /de nas bcom ldan 'das de bzhin gshegs pa thams cad kyi rdo rje'i dbang phyug rgyal pos bcom ldan 'das la 'di skad ces gsol to/ /dpa' bo chen po ci gsungs pa/ /rang byung ye shes pha rol son/ /chos kun dbang phyug dpal dang ldan/ / 'jig rten gsum gyi sdig 'joms pas/ /ji skad gsungs bzhin snying la ni/ /legs gzung dri med ye shes bzang / /rdo rje sems dpas bka' stsal pa/ /bde ba chen po bdag gis bzung / /zhes so/ /bcom ldan 'das dgyes shing de skad ces bka' stsal ba dang / sangs rgyas dang byang chub sems dpa' yab dang / yum gyi tshogs dang bcas </font><hr>353b<br><font size=+1>


pa 'khor dang bcas pa'i dkyil 'khor ji lta bu'i rdo rje la legs par gnas pa de dag thams cad rdo rje sems dpa'i gsang sngags rjes su dran par gyur to/ /de bzhin gshegs pa thams cad kyi sku dang / gsung dang / thugs gsang ba rgyan gyi bkod pa zhes bya ba'i rgyud kyi rgyal po chen po yongs su rdzogs so// //rgya gar gyi mkhan po brda sprod pa chen po bde bar gshegs pa'i dpal zhes bya ba dang / sgyur byed kyi mkhas pa sgra yi gzhung lugs la blo gros dkar ba kun dga' rgyal mtshan gyis dpal sa skya'i dben gnas dam par bsgyur// //mda' lnga'i gtsug ldan yid kyi srub shing gi /dregs pa'i dra ba rnam par dral ba'i phyir/ /rgyud rgyal rgya mtsho'i rgyal po ltar zab 'di/ / bsgyur la 'gal gang 'di la 'phags rnams dgongs// </font><hr>

</table>