rKTs


H459

(e-text produced by ACIP)

see text in Tibetan script
1b
@##/ /rgya gar skad du/ shrI badz+ra maN+Da a laM ka ra nA ma ma hA tan+t+ra rA dza/ bod skad du| dpal rdo rje snying po rgyan ces bya ba'i rgyud kyi rgyal po chen po/ bla ma dang 'jam pa'i dbyangs kyi zhabs kyi pad+ma la spyi bos gus par phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi rdo rje dang / nor
2a
@##/ /bu dang / rin po che dang / pad+ma dang / las kyis byin gyis brlabs pa'i dam tshig gi ye shes rnam pa sna tshogs shing khyad par du 'phags pa dang ldan pa/ de bzhin gshegs pa thams cad kyi rin po che'i cod pan khams gsum pa'i chos kyi rgyal por dbang bskur ba brnyes pa/ de bzhin gshegs pa thams cad kyi rdo rje dam tshig gi ye shes rnal 'byor gyi dbang phyug chen po/ de bzhin gshegs pa thams cad kyi ye shes kyi phyag rgya brnyes pa/ de bzhin gshegs pa thams cad kyi phyag rgya thams cad mnyam pa nyid thugs su chud cing las sna
2b
tshogs mdzad pa/ ma lus shing lus pa med pa'i sems can gyi khams thams cad kyi re ba thams cad yongs su rdzogs pa'i rdo rje'i las mdzad pa/ thugs rje chen po rnam par snang mdzad chen po rtag pa dus gsum du gnas pa'i sku dang gsung dang thugs rdo rje de bzhin gshegs pa/ de bzhin gshegs pa thams cad kyis bsten cing bsngags pa'i nor bu rin po che chen po dang ldan pa/ /kha dog rnam pa sna tshogs pa'i dril bu btags pa/ rlung gis bskyod pa'i dar gyi 'phan dang / me tog gi chun po dang / dra ba dang dra ba phyed pas klubs shing nye bar mdzes pa/ chos kyi dbyings thams cad legs par yongs su dag pa/ chos kyi dbyings kyi khang bzang 'od mtha' yas pa/ shes rab kyi pha rol tu phyin pa'i gtsug lag khang la me tog gi 'khri shing mchog gi snying po'i rgyan gyis bkod pa/ 'jig rten gyi khams
3a
@#/ /kyi rgyud rgya mtsho rab tu bkram pa'i sprin nam mkha'i khams yongs su khyab pa/ de bzhin gshegs pas byin gyis brlabs pa/ mtha' las 'das pa'i sangs rgyas 'khrungs pa'i dbus/ rnam par snang mdzad kyi snying po 'od gsal ba'i gzhal med khang / de bzhin gshegs pa'i gnas rdo rje snying po'i rgyan/ de bzhin gshegs pa thams cad kyi sku dang gsung dang thugs rdo rje/ de bzhin gshegs pa mi 'khrungs mi 'gog 'gog par mi 'gyur ba'i yan lag gi spyod yul yang dag pa'i mtha' gsal ba/ thams cad mkhyen pa'i ye shes kyi yul/ chos kyi dbyings kyi snying po'i khang bzang / de bzhin gshegs pa thams cad kyi ye shes sku/ de bzhin gshegs pa thams cad kyi byang chub kyi snying po sa chen po'i dam pa la bzhugs so/ /de la sangs rgyas kyi zhing thams cad kyi
3b
rdul phra rab kyi rdul dang mnyam pa'i byang chub sems dpa' sems dpa' chen po rnams dang / de bzhin gshegs pa rnams kyis yongs su bskor zhing mdun du bdar te chos ston par mdzad do/ /thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su dkar ba| chos thams cad kyi tshul yongs su dag pa'i sgo ston par mdzad do/ /de nas yang bcom ldan 'das de bzhin gshegs pa thams cad kyi sku dang gsung dang thugs rdo rje gnyis su med pa mnyam pa nyid kyi ye shes sems dpa'/ de bzhin gshegs pa thams cad kyi ye shes kyi nyi ma/ rnam par rgyal ba'i dam tshig 'byung gnas rdo rje snying po/ chos thams cad ngo bo nyid kyis rnam par dag pa'i ye shes mnyam pa nyid brnyes pa/ rgya mtsho ltar zab pa/ las sna tshogs pa'i phyag rgya'i ye shes thob pa/ sku dang gsung dang thugs rdo rje nam mkha' lta bu/ sku chen po rdo rje'i sku/ mtha' las 'das pa'i sku/ sku rin po che chos kyi sku/ sprul pa'i sku/ chos mnyam pa nyid kyi sku/ byang chub kyi sems don yod pa| yongs su bsdus pa/ dge ba 'phel ba/ rgyal po chen po snang ba'i me tog /bzhad pa po/ chos dang ldan pa/ shes rab kyi 'khor lo/ skad thams cad pa/ sna tshogs pa
4a
@#/ /can| srung ba po/ gnod sbyin can/ mtshams sbyor ba/ yang dag pa'i gter/ gtsug tor du gyur pa/ mchog ldan/ rdo rje can/ 'khor lo can/ ye shes can| khyab bdag chen po/ sku dang gsung dang thugs rdo rje nam mkha'i dbyings thams cad du legs par bzhugs pa/ de bzhin gshegs pa thams cad kyis yongs su grong pa rdo rje'i dbyings thams cad khong du chud pa'i ye shes sems dpa' nam mkha'i khams thams cad kyi rdul phra rab kyi rdul dang mnyam pa'i rdo rje'i byin rlabs kyi ye shes snying po| de bzhin gshegs pa thams cad kyi bla na med pa'i rdo rje rin po che'i dbang bskur ba chen po'i dam tshig nam mkha'i khams thams cad du spros pas de bzhin gshegs pa'i mngon par shes pa mngon par byang chub par gyur pa/ de bzhin gshegs pa thams cad kyi bdag nyid kyi ngo bo rnam par dag pas chos thams cad rang bzhin gyis dag pa nam mkha' thams cad la khyab pa po/ gzugs thams cad yongs su mthong ba'i ye shes kyis ma lus shing lus pa med pa'i sems can 'dul ba'i spyod pa mchog dang ldan pa/ de bzhin gshegs pa thams cad don yod pa'i bka' lung mdzad pas sems can thams cad mnyam pa nyid bla na med pa'i las sna tshogs
4b
pa can| rnam snang mi 'gyur mi bskyod pa/ /rin chen tog de 'od byed pa/ /'od dpag med pa rgyal ba'i mgon/ /don yod pa ni las kun byed/ /de bzhin gshegs pa thams cad kyi me long lta bu'i ye shes kyi dkyil 'khor/ de bzhin gshegs pa thams cad kyi mnyam pa nyid ye shes la rab tu gnas pa/ de bzhin gshegs pa thams cad kyi so sor rtog pa'i ye shas gnyis su med pa brnyes pa/ de bzhin gshegs pa thams cad kyi bya ba grub pa'i ye shes yang dag par rjes su thob pa/ de bzhin gshegs pa thams cad kyi chos kyi dbyings rnam par dag pa/ chos thams cad mnyam pa nyid kyi ye shes kyi spyod yul/ de bzhin gshegs pa thams cad kyi gnyis su med cing mnyam pa nyid dmigs pa'i ye shes yongs su dag pa mthar phyin pa la gnas pa/ stong pa nyid dang / de bzhin nyid dang / yang dag pa'i mtha' dang / mtshan ma med pa dang / smon pa med pa dang / tshangs pa'i gnas bzhi po dag gis sangs rgyas kyi ye shes kyi yul du gyur pa/ sangs rgyas kyi yul mnyam pa nyid la dmigs pa/ de bzhin gshegs pa thams cad rdo rje rnal 'byor gyi dbang phyug chen po nyid byin gyis brlabs nas phyogs dang mtshams rnams la rnam par gnas so/ /de nas yang bcom ldan 'das rdo rje rnal 'byor gyi dbang
5a
@#/ /phyug gis 'jam dpal gzhon nur gyur pa la bka' stsal pa/ 'jam dpal/ khyod kyis sangs rgyas thams cad dang / rdo rje 'dzin pa rnams spyan drongs shig /bcom ldan 'das kyis de skad ces bka' stsal pa dang / 'jam dpal gzhon nu 'khor los bsgyur ba chen po rab tu dgyes pa'i zhal ras kyis de bzhin gshegs pa thams cad dang / rdo rje 'dzin pa rnams spyan drang ba'i don du rdo rje se gol brdabs te/ de bzhin gshegs pa thams cad bsdus pa chen po'i snying po 'di ched du brjod pa/ bud+d+ha sa mA dza AH hAH oM hUM badz+ra sa mA dzaH/ de nas de skad ces brjod pas de bzhin gshegs pa thams cad dang / rdo rje 'dzin pa rnams kyis 'jig rten gyi khams me tog gi gzhi'i snying po'i rgyan bkod pa'i rgyud rab 'byams rgya mtsho'i sprin khyab par mthong ngo / /de nas yang 'jam dpal gzhon nur gyur pas bcom ldan 'das rnam par snang mdzad dang / de bzhin gshegs pa thams cad lhan cig tu mdzad nas de bzhin gshegs pa thams cad kyi rdo rje blo gros kyis ye shes yongs su bskyed de gnas thams cad du rnam par gnas so/ /de nas bcom ldan 'das rnam par snang mdzad de bzhin gshegs pa thams cad kyi rdo rje'i rang bzhin rnal 'byor gyi dbang phyug gis de bzhin gshegs pa thams
5b
cad nyid du bdag nyid byin gyis brlabs te/ de bzhin gshegs pa de rnams dang / rdo rje 'dzin pa rnams la bka' stsal pa/ kye de bzhin gshegs pa thams cad/ thams cad mkhyen pa'i ye shes kyi 'khor los bsgyur ba chen po'i snying po bdag la yod pa de/ ngas bshad par bya'i/ de bzhin gshegs pa thams cad kyis byin gyis rlobs shig /b+hUM/ de nas mi bskyod de bzhin gshegs pa dang / /rin chen 'byung gnas de bzhin gshegs/ /de bzhin gshegs pa 'od dpag med/ /don yod grub pa de bzhin gshegs// gzhan yang de bzhin gshegs pa rnams dang lhan cig de bzhin gshegs pa thams cad kyi thugs dpal gyi be'u la rab tu zhugs so/ /zhugs pa tsam gyis de bzhin gshegs pa thams cad kyi bde ba chen po thams cad kyi phyir byin gyis brlabs par mdzad do/ /de nas bcom ldan 'das rnam par snang mdzad zhal bzhir gyur te/ zhal bzhi po rnams las chos kyi dbyings dang nam mkha'i khams mtha' med pa sangs rgyas thams cad kyi yul chos kyi tshul dbyangs gcig gis ched du brjod pa 'di lta ste/ rab tu dga' ba rnam par dag pa'i gnas gang yin pa de ni/ 'di ltar byang chub sems dpa'i gnas so/ /lta ba rnam par dag pa'i gnas gang yin pa de ni/ 'di ltar byang chub sems
6a
@#/ /dpa'i gnas so/ /dga' ba rnam par dag pa'i gnas gang yin pa de ni/ 'di ltar byang chub sems pa'i gnas so/ /sred pa rnam par dag pa'i gnas gang yin pa de ni/ 'di ltar byang chub sems dpa'i gnas so/ /'dod chags rnam par dag pa'i gnas gang yin pa de ni/ 'di ltar byang chub sems dpa'i gnas so/ /zhe sdang rnam par dag pa'i gnas gang yin pa de ni/ 'di ltar byang chub sems dpa'i gnas so/ /gti mug rnam par dag pa'i gnas gang yin pa de ni/ 'di ltar byang chub sems dpa'i gnas so/ /nga rgyal rnam par dag pa'i gnas gang yin pa de ni/ 'di ltar byang chub sems dpa'i gnas so/ /mi khom pa rnam par dag pa'i gnas gang yin pa de ni/ 'di ltar byang chub sems dpa'i gnas so/ /yid sim pa rnam par dag pa'i gnas gang yin pa de ni/ 'di ltar byang chub sems dpa'i gnas so/ /snang ba rnam par dag pa'i gnas gang yin pa de ni/ 'di ltar byang chub sems dpa'i gnas so/ /lus rnam par dag pa'i gnas gang yin pa de ni/ 'di ltar byang chub sems dpa'i gnas so/ /ngag rnam par dag pa'i gnas gang yin pa de ni/ 'di ltar byang chub sems dpa'i gnas so/ /yid rnam par dag pa'i gnas gang yin pa de ni/ 'di ltar byang
6b
chub sems dpa'i gnas so/ /gzugs rnam par dag pa'i gnas gang yin pa de ni/ 'di ltar byang chub sems dpa'i gnas so/ /sgra rnam par dag pa'i gnas gang yin pa de ni/ 'di ltar byang chub sems dpa'i gnas so/ /dri rnam par dag pa'i gnas gang yin pa de ni/ 'di ltar byang chub sems dpa'i gnas so/ /ro rnam par dag pa'i gnas gang yin pa de ni| 'di ltar byang chub sems dpa'i gnas so/ /reg rnam par dag pa'i gnas gang yin pa de ni/ 'di ltar byang chub sems dpa'i gnas so/ /dngos po thams cad rnam par dag pa'i gnas gang yin pa de ni/ 'di ltar byang chub sems dpa'i gnas so/ /de ci'i phyir zhe na/ 'di ltar chos thams cad ni/ rang bzhin gyis rnam par dag pa ste/ chos thams cad rang bzhin gyis rnam par dag pas/ shes rab kyi pha rol tu phyin pa yongs su dag pa'o/ /bcom ldan 'das kyis de skad ces bka' stsal nas chos thams cad kyi dbang phyug/ gsang sngags thams cad kyi 'dren pa po/ /sngags thams cad kyi bla mar gyur pa/ thams cad gtsug tor 'khor los bsgyur ba/ bstan pa la rdzi ba med pa/ 'khor los bsgyur ba'i snying po bka' stsal pa/ b+hUM/ 'jam dpal/ gang la las chos thams cad kyi rang bzhin bsdus pa shes rab kyi pha rol tu phyin pa'i snying po 'di lan gcig tsam yang thos na/ de'i
7a
@#/ /byang chub kyi snying po la thug pa'i bar du sgrib pa thams cad chod pa dang / nyon mongs pa'i sgrib pa dang / chos kyi sgrib pa dang / las kyi sgrib pa chen po thams cad nye bar bsags kyang nam yang dmyal ba la sogs pa'i ngan song rnams su skye bar mi 'gyur ro/ /gzhan yang sdig pa rnams byas na yang sdug bsngal med cing zad par 'gyur ro/ /gang gis 'di 'chang ba dang / nyi ma re re 'don pa dang / ston pa dang / rgyun ma chad par yid la byed pa de ni/ skye ba 'di nyid la chos thams cad mnyam pa nyid rdo rje'i ting nge 'dzin so sor thob nas chos thams cad kyi dbang phyug tu 'gyur ro/ /chos thams cad la dga' zhing mgu la rab tu dga' ba myong bar 'gyur ro/ /byang chub sems dpa' chen po skye ba bcu drug na de bzhin gshegs pa nyid dam rdo rje 'dzin pa nyid thob par 'gyur ro/ /hUM/ de nas bcom ldan 'das de bzhin gshegs pa rnam par snang mdzad kyis slar yang shes rab kyi pha rol tu phyin pa'i tshul de bzhin gshegs pa thams cad kyi zhi ba'i chos nyid mngon par byang chub pa mngon par sgrub pa 'di ston par mdzad do/ /rdo rje mnyam pa nyid mngon par byang chub pa'i byang chub chen po rdo rje lta bur sra ba dang / don gcig pa nyid kyis don mnyam pa nyid mngon par byang chub pa'i byang
7b
chub chen po dang / rang bzhin rnam par dag pas chos nyid mnyam pa nyid mngon par byang chub pa'i byang chub chen po dang / rnam par rtog pa dang rnam par mi rtog pa nyid kyis las thams cad mnyam pa nyid mngon par byang chub pas byang chub chen po ste/ 'jam dpal/ gang la las chos kyi gnas bzhi po 'di thos nas nyan pa dang / 'dzin pa dang / 'don pa dang / sgom par byed na/ ji srid byang chub snying po la thug gi bar du sdig pa thams cad yang dag par ldan pa yang sdig pa thams cad las grol bar 'gyur zhing / myur du bla na med pa yang dag par rdzogs pa'i byang chub mngon par byang chub par 'gyur ro/ /aM| de nas yang bcom ldan 'das gdug pa thams cad 'dul ba de bzhin gshegs pa shAkya thub pas chos thams cad mnyam pa nyid rnam par rgyal bas bsdus pa zhes bya ba shes rab kyi pha rol tu phyin pa nges par sgrub pa bka' stsal pa/ 'dod chags kyi spros pa med pa'i phyir 'dod chags kyi spros pa med pa'o/ /zhe sdang gi spro ba med pa'i phyir zhe sdang gi spros pa med pa'o/ /gti mug gi spros pa med pa'i phyir gti mug gi spros pa med pa'o/ /chos thams cad spros pa med pa'i phyir chos thams cad spros pa med pa'o/ /shes rab kyi pha rol tu phyin pa spros pa med pa'i phyir shes rab kyi pha rol tu phyin pa spros pa med par rig par bya'o/ /'jam dpal/
8a
@#/ /gang la la shes rab kyi pha rol tu phyin pa'i tshul 'di thos nas 'dzin cing 'don la klog par byed na/ des 'dul ba'i dbang nye bar bzung nas khams gsum du skyes pa'i sems can rnams bsad par gyur kyang ngan song du 'gro bar mi 'gyur zhing / myur du bla na med pa yang dag par rdzogs par byang chub par 'gyur ro// hUM| de nas bcom ldan 'das rang bzhin gyis rnam par dag pa'i chos nyid brnyes pa'i de bzhin gshegs pas slar yang chos thams cad rnam par gzigs pa'i dbang phyug ye shes kyi phyag rgya zhes bya ba'i shes rab kyi pha rol tu phyin pa'i tshul 'di bka' stsal pa/ 'jig rten gyi 'dod chags thams cad rnam par dag pa'i phyir yul thams cad rnam par dag pa nyid yin no/ /'jig rten gyi zhe sdang thams cad rnam par dag pa'i phyir sdig pa thams cad rnam par dag pa nyid yin no/ /'jig rten gyi chos thams cad rnam par dag pa'i phyir chos thams cad rnam par dag pa nyid yin no/ /'jig rten du thams cad mkhyen pa'i ye shes rnam par dag pa'i phyir thams cad mkhyen pa'i ye shes rnam par dag pa yin no/ /'jig rten gyi shes rab kyi pha rol tu phyin pa rnam par dag pa'i phyir shes rab kyi pha rol tu phyin pa rnam par dag pa nyid
8b
yin no| |'jam dpal/ gang la las shes rab kyi pha rol tu phyin pa 'di thos nas nyan par byed pa 'dzin cing 'don la sgom par byed na/ de 'dod pa thams cad kyi nang na gnas kyang pad+ma lta bur 'dod chags kyi skyon glo bur ba'i dri mas gos par mi 'gyur zhing / myur du bla na med pa yang dag par rdzogs pa'i byang chub mngon par rdzogs par byang chub par 'gyur ro/ /hrIH/ de nas bcom ldan 'das khams gsum thams cad pa'i bdag po de bzhin gshegs pas slar yang de bzhin gshegs pa thams cad dbang bskur ba'i 'byung gnas ye shes snying po zhes bya ba shes rab kyi pha rol tu phyin pa'i tshul bka' stsal pa/ dbang bskur byin pas 'jig rten gsum po thams cad kyi rgyal po yongs su thob par 'gyur ro/ /don gyi sbyin pas thams cad kyi bsam pa yongs su rdzogs par 'gyur ro/ /chos kyi sbyin pas chos thams cad mnyam pa nyid thob par 'gyur ro/ /zang zing gi sbyin pas thams cad kyi lus dang / ngag dang / yid bde ba thob par 'gyur ro/ /trAM/ de nas bcom ldan 'das de bzhin gshegs pa thams cad kyi ye shes kyi phyag rgya brnyes pa/ thams cad kyi khu tshur 'chang ba de bzhin gshegs pa rtag pas slar yang de bzhin gshegs pa thams cad kyi ye shes phyag rgya byin gyis brlabs pa rdo rje zhes bya
9a
@#/ /ba'i shes rab kyi pha rol tu phyin pa'i tshul bka' stsal pa/ de bzhin gshegs pa thams cad kyi sku'i phyag rgya yongs su bzung bas de bzhin gshegs pa thams cad nyid du 'gyur ba dang / gsung gi phyag rgya yongs su bzung bas chos thams cad thob pa'i don du 'gyur ba dang / thugs kyi phyag rgya yongs su bzung bas ting nge 'dzin thams cad thob pa'i dan du 'gyur ba dang / rdo rje'i phyag rgya yongs su bzung bas sku dang gsung dang thugs thams cad rdo rje mchog tu grub pa'i don du 'gyur te/ 'jam dpal| gang la las shes rab kyi pha rol tu phyin pa'i tshul 'di thos nas 'dzin cing 'don la 'chad cing sgom par byed na/ des dngos grub thams cad dang / phun sum tshogs pa thams cad dang / ye shes thams cad dang / las thams cad dang / sku dang gsung dang thugs rdo rje sems dpa' mchog gi dngos grub thams cad so sor yongs su thob par 'gyur zhing / myur du bla na med pa yang dag par rdzogs pa'i byang chub mngon par rdzogs par byang chub par 'gyur ro/ /AH/ de nas bcom ldan 'das chos thams cad spros pa med pa'i de bzhin gshegs pas slar yang rdo rje'i yi ge yongs su bsgyur ba zhes bya ba'i shes rab kyi pha rol tu phyin pa'i tshul bka' stsal pa/ rang bzhin med pa'i sbyor ba'i
9b
phyir chos thams cad stong pa nyid dang / chos thams cad mtshan ma med pa nye bar gzung ba'i phyir chos thams cad mtshan mas dben pa dang / smon pa las nye bar grol ba'i phyir chos thams cad smon pa med pa dang / shes rab kyi pha rol tu phyin pa yongs su dag pa'i phyir chos thams cad rang bzhin gyis 'od gsal ba'o/ /AM/ de nas bcom ldan 'das de bzhin gshegs pa thams cad kyi 'dus pa'i khong du chud pa de bzhin gshegs pas slar yang 'dus pa chen por 'jug pa zhes bya ba'i shes rab kyi pha rol tu phyin pa'i tshul bka' stsal pa/ rdo rje mnyam pa nyid la zhugs nas de bzhin gshegs pa thams cad kyi 'dus par 'jug par 'gyur ba dang / don mnyam pa nyid la zhugs nas byang chub sems dpa' chen po'i 'dus par 'dug par 'gyur ba dang / chos thams cad mnyam pa nyid la zhugs nas dam pa'i chos kyi 'dus par 'jug par 'gyur ba dang / las mnyam pa nyid la zhugs nas 'dus pa thams cad du 'jug par 'gyur ro/ /hUM/ de nas bcom ldan 'das de bzhin gshegs pa thams cad kyi mchod pa'i cho ga rgyas pa'i snod de bzhin gshegs pas slar yang de bzhin gshegs pa thams cad kyi mchod pa dam pa zhes bya ba'i shes rab kyi pha rol tu phyin pa'i tshul bka' stsal pa/ byang chub
10a
@#/ /kyi sems bskyed pas de bzhin gshegs pa thams cad kyi mchod pa'i cho ga rgyas pa dang / sems can gyi khams thams cad yongs su skyob pas de bzhin gshegs pa thams cad kyi mchod pa'i cho ga rgyas pa dang / chos thams cad yongs su bzung bas de bzhin gshegs pa thams cad kyi mchod pa'i cho ga rgyas pa dang / shes rab kyi pha rol tu phyin pa 'bri ba dang / 'brir 'jug pa dang / 'dzin pa dang / 'don pa dang / brjod pa dang / sgom pa mngon du 'gro ba'i las kyis de bzhin gshegs pa thams cad kyi mchod pa'i cho ga rgyas pa'o/ /oM/ de nas bcom ldan 'das gdug pa thams cad 'dul bar nus pa'i de bzhin gshegs pas slar yang sems can thams cad 'dul ba'i ye shes snying po zhes bya ba shes rab kyi pha rol tu phyin pa'i tshul 'di bka' stsal pa/ sems can thams cad mnyam pa nyid pas khro ba mnyam pa nyid dang / sems can 'dul ba nyid pas khro ba 'dul ba nyid dang / sems can thams cad chos nyid nyid bas khro ba chos nyid nyid dang / sems can thams cad rdo rje nyid pas khro ba rdo rje nyid de/ de ci'i phyir zhe na/ 'di ltar sems can thams cad 'dul ba'i byang chub ste/ haH/ de nas bcom ldan 'das thams cad mnyam pa nyid la rab tu gnas pa'i
10b
de bzhin gshegs pas slar yang chos thams cad mnyam pa nyid kyi mchog ces bya ba'i shes rab kyi pha rol tu phyin pa'i tshul 'di bka' stsal pa/ thams cad mnyam pa nyid pas shes rab kyi pha rol tu phyin pa mnyam pa nyid dang / thams cad kyi don nyid pas shes rab kyi pha rol tu phyin pa'i don nyid dang / chos nyid thams cad mnyam pa nyid pas shes rab kyi pha rol tu phyin pa'i chos mnyam pa nyid dang / thams cad kyi bya ba nyid pas shes rab kyi pha rol tu phyin pa'i bya ba nyid du rig par bya'o/ /hrIH/ de nas bcom ldan 'das de bzhin gshegs pa thams cad kyis slar yang de bzhin gshegs pa thams cad byin gyis rlob pa zhes bya ba'i shes rab kyi pha rol tu phyin pa'i tshul 'di bka' stsal pa/ byang chub sems dpa' chen po kun tu bzang po bdag nyid thams cad pas sems can thams cad sangs rgyas kyi snying po dang / rdo rje'i snying pos dbang bskur bas sems can thams cad rdo rje'i snying po dang / rin po che thams cad kyis dbang bskur bas sems can thams cad rin po che'i snying po dang / ngag thams cad la rab tu 'jug pas sems can thams cad chos kyi snying po dang / las thams cad byed pa'i sbyor bas sems can thams cad las kyi snying bo'o/ /hrIH/ de nas bcom ldan 'das mtha' las 'das shing mu med pa'i mthar phyin pa'i de
11a
@#/ /bzhin gshegs pas slar yang chos thams cad yongs su mi gnas pas byin gyis brlabs pa rdo rje zhes bya ba'i shes rab kyi pha rol tu phyin pa'i tshul 'di bka' stsal pa/ shes rab kyi pha rol tu phyin pa mtha' med pa'i phyir de bzhin gshegs pa thams cad mtha' med pa dang / shes rab kyi pha rol tu phyin pa mu med pa'i phyir de bzhin gshegs pa thams cad mu med pa dang / shes rab kyi pha rol tu phyin pa gcig pa nyid kyi phyir chos thams cad gcig pa nyid dang / shes rab kyi pha rol tu phyin pa yongs su mi gnas pa'i phyir chos thams cad yongs su mi gnas par 'gyur ba ste/ 'jam dpal/ gang la las shes rab kyi pha rol tu phyin pa'i tshul 'di thos nas nyan par byed 'dzin cing 'don la sgom par byad na/ de ni/ dag cing mthar phyin pa'i byang chub sems dpa'i spyod pa la nges par gnas nas sgrib pa thams cad las rnam par grol bas de bzhin gshegs pa nyid dam rdo rje 'dzin pa nyid myur du thob par 'gyur ro/ /b+h+yo/ de nas bcom ldan 'das rnam par snang mdzad de bzhin gshegs pa thams cad kyi gsang ba'i chos nyid brnyes pa/ chos thams cad spros pa med pas slar yang bde ba chen po rdo rje don yod pas dam tshig ces bya ba rdo rje chos mnyam pa nyid shes rab kyi pha
11b
rol tu phyin pa'i sgo dam pa thog ma dang / tha ma dang / dbus las grol ba'i mchog 'di bka' stsal pa/ byang chub sems dpa' chen po rnams kyi 'dod chags chen po mchog tu grub pas bde ba chen po mchog tu grub par 'gyur ba dang / byang chub sems dpa' chen po rnams kyis bde ba chen po mchog tu grub pas de bzhin gshegs pa thams cad kyi byang chub chen po mchog tu grub par 'gyur ba dang / byang chub sems dpa' chen po rnams kyi de bzhin gshegs pa thams cad kyi byang chub mchog tu grub pas bdud sde chen po rab tu 'joms pa mchog tu grub par 'gyur ba dang / byang chub sems dpa' chen po rnams kyi bdud sde chen po rab tu 'joms pa mchog tu grub pas 'jig rten gsum po mtha' dag gi dbang phyug mchog tu grub par 'gyur ba dang / byang chub sems dpa' chen po rnams kyi 'jig rten gsum po mtha' dag gi dbang phyug mchog tu grub pas ma lus shing lus pa med pa'i sems can gyi khams yongs su skyob pa'i sems can thams cad la phan pa dang bde ba'i mchog shin tu bde ba chen po mchog tu grub par 'gyur ro/ /swaM /de ci'i phyir zhe na/ ji srid 'khor ba'i gnas su ni/ /mkhas pa mchog rnams gnas gyur pa/ /de srid mnyam med sems can don/ /mya ngan mi 'da' byed par nus/ /shes rab pha rol phyin
12a
@#/ /pa'i thabs/ /ye shes byin gyis brlabs kyis 'grub/ /las ni thams cad rnam dag pa'i/ /srid pa dag par 'gyur phyir ro/ /chags sogs rab ldan 'jig rten ni| |kun nas srid par sdig byed pa/ /de dag rnam par sbyang don du/ /de rnams 'dod chags chen po 'dzin/ /ji ltar pad+ma legs dmar ba/ /dmar ba'i skyon gyis ma gos ltar| |bag chags skyon gyi srid pa ru/ /rtag tu 'gro phan gos mi 'gyur/ /'dod chags chen po rnam dag pa/ /bde ba chen po nor chen po/ /khams gsum dbang phyug thob nas su// de dag don ni brtan par byed/ /haH 'jam dpal/ gang la las shes rab kyi pha rol tu phyin pa'i tshul gyi sgo'i chos kyi rnam grangs 'di nyid nyin re bzhin du nang par langs te gang 'don pa dang / nyan pa dang / 'dzin pa dang / rjod par byed na/ des bde ba dang / yid bde ba thams cad thob par 'gyur zhing bde ba chen po rdo rje don yod pa'i dam tshig gi dngos grub mchog tu gyur pa skye ba 'di nyid la thob par 'gyur ro/ /hUM/ de nas yang bcom ldan 'das kyi 'jam dpal gzhon nur gyur pa la bka' stsal pa/ 'jam dpal/ nyi shu rtsa lnga po 'di dag ni/ nges par shes rab kye pha rol tu phyin pa'i tshul gyi sgo ste/ 'di ltar/ oM na maH sarba bud+d+ha bo d+hi sa twA nAM/ oM bo d+hi tsit+ta badz+re/ oM sa man+ta b+ha dra tsA R+Ye d+hi/ oM
12b
tsin \?\ ma Ni/ oM a ni ro d+he/ oM dzat+ti bi b+ha te/ oM dzA ti pa ri wa ra te/ oM mahA rA gA d+harma te/ oM bIR+Ya ka wa tse/ oM sarba gA mi ni/ oM badz+ra dr-i D+haH ka wa tsi te hUM phaT/ oM sarba ta thA ga te/ oM swa b+ha bi shud+d+he/ oM pra dz+nyA pA ra mi tA dz+nyA na bi shud+d+he/ oM kar+m+ma bi sho d+ha ni hUM/ oM ni suM b+ha badz+ri hUM phaT/ oM kar+m+ma rA ge/ oM badz+ra hUM badz+re/ oM hUM sarba gA ma NI oM hrIH/ oM A kA ro mu khe oM pra dz+nyA pa ra mi te/ oM a ma hUM oM aM/ oM sarba ta thA ga ta kA ya a gre/ oM sarba ta thA ga ta bAka bi sho d+ha ne/ oM sarba ta thA ga ta tsit+ta badz+re aH/ oM s+pho Ta ya sarbA pa ya big+h+naM ni pra mok+Sha ya sarbA pa ya ga ti b+h+yaH sarba sa ma ya badz+ra hUM phaT/ sdig pa dral ba'i phyag rgya dang sngags so/ /de brjod pa tsam gyis de bzhin gshegs pa thams cad kyi gsang ba mchog gi dngos grub rdo rje 'dzin pa chen po'am/ de de bzhin gshegs pa nyid du 'gyur ro/ /'jam dpal/ 'di ni/ dge ba'i rtsa ba ma bskrun pa'i sems can rnams kyi rna lam du grags par mi 'gyur zhing dge ba'i rtsa ba ma bskrun pa'i sems can gyis bri ba dang / bklag pa dang / brjod pa dang / rim gro bya ba dang / bla mar bya ba dang / rjed par bya ba dang / mchod par bya bar yang nus pa ma yin no/ /gzhan du na gang gis shes rab kyi pha rol tu phyin pa'i tshul gyi sgo'i chos kyi rnam grangs 'di chung du na yi ge gcig tsam yang thos nas sems can de sangs rgyas
13a
@#/ /mang po la dge ba'i rtsa ba bskrun par rig par bya na/ slar yang mtha' dag ma lus par rdzogs pa lta ci smos/ 'jam dpal/ sems can gang la la gang+ga'i klung gi bye ma brgyad cu snyed kyi sangs rgyas bye ba khrag khrig la phyag byas/ bla mar byas/ rjed par byas/ mchod par byas na/ des shes rab kyi pha rol tu phyin pa'i tshul 'di nyan par nus so/ /sa'i khams gang na chos kyi rnam grangs 'di spyod pa de mchod rten du gyur pa ste/ phyag bya ba'i gnas so/ /gang chos kyi rnam grangs 'di yid la bzung ba'am/ glegs bam du bris par gyur na/ de bskal pa bye ba khrag khrig brgya stong mang por skye ba dran par 'gyur ro/ /de la bdud sdig to can gyis bar du mi gcod do/ /rgyal po chen po bzhi po rnams dang / gzhan yang lha rnams kyis phyi bzhin rjes su 'brangs te/ de la srung ba dang / skyob pa dang / sbed par byed par 'gyur zhing /tshul ma yin pas dus byed par mi 'gyur la/ sangs rgyas dang byang chub sems dpa' thams cad kyis dgos par 'gyur ro/ /mdor na sangs rgyas kyi zhing gang dang gang yid la 'dod pa de dang der skye bar 'gyur ro/ /'jam dpal/ 'di lta bu'i phan yon mang po 'di ni/ shes rab kyi pha rol tu phyin pa'i tshul gyi sgo'i chos kyi rnam grangs so/ /de nas bcom ldan 'das rdo rje rnal
13b
'byor gyi dbang phyug chen pos rdo rje snying po thams cad kyi rgyan theg pa chen po mngon par rtogs pa/ de bzhin gshegs pa thams cad kyi mchog tu gsang ba chen po/ /mchog tu gsang ba'i dam tshig/ rdo rje dbyings kyi dbang phyug dam pa/ 'khor los bsgyur ba chen po bzhis yongs su bskor ba rdo rje snying po rgyan ces bya ba'i snying po 'di phyung ngo / /mtshan nyid gcig pa'i phyir chos thams cad gdod ma nas ma skyes pa'o/ /nam mkha' dang mnyam pa'i phyir chos thams cad stong pa nyid do/ /spros pa thams cad spangs pa'i phyir chos thams cad gdod ma nas rnam par dag pa'o/ /thams cad kyi sems gsal ba'i mtshan nyid kyi phyir chos thams cad chos kyi dbyings yongs su rgyas pa'o/ /aH b+h+rUM trAM hrIH hUM/ de bzhin gshegs pa thams cad kyi rdo rje yi ge'i tshig 'di brjod pa tsam gyis chos kyi dbyings kyi mthas klas pa sangs rgyas kyi yul thams cad shin tu gsal bas snang bar gyur to/ /de nas bcom ldan 'das de bzhin gshegs pa thams cad dang thabs cig tu de bzhin gshegs pa thams cad kyis slar yang bsdu bas byon nas de bzhin gshegs pa thams cad kyi dkyil 'khor chen po'i bkod pa zhes bya ba'i ting nge 'dzin la snyoms par zhugs te 'jam dpal gzhon nur gyur pa la bka' stsal pa/ 'jam dpal/ de bzhin gshegs pa thams
14a
@#/ /cad kyi rdo rje snying po rgyan ces bya ba bshad par bya'i/ nyon cig /de legs par rab tu nyon la yid la zungs shig dang bshad par bya'o/ /de nas bcom ldan 'das rnam par snang mdzad chen pos 'jam dpal gzhon nur gyur pa la bka' stsal pa/ 'jam dpal/ khyod kyang de bzhin gshegs pa thams cad kyi shes rab ye shes la zhugs la| de bzhin gshegs pa thams cad kyi snying po chen po la rdo rje'i byin gyis brlabs par byos shig /de nas yang 'jam dpal gzhon nur gyur pas bcom ldan 'das rnam par snang mdzad kyis gsol ba btab pa'i tshig thos nas de bzhin gshegs pa thams cad kyi thugs kar zhugs te byin gyis brlabs nas de las thon te/ de bzhin gshegs pa thams cad kyi spyan sngar rnam par gnas so/ /de nas bcom ldan 'das kyis de bzhin gshegs pa thams cad kyi dam tshig 'byung gnas/ rdo rje snying po'i rgyan byin gyis rlob pa zhes bya ba'i ting nge 'dzin la snyoms par zhugs nas chos kyi dbyings kyi rdo rje chen po snying po'i rgyan de bzhin gshegs pa thams cad kyi gsang ba'i dkyil 'khor chen po bka' stsal pa/ de nas yang dag bshad bya ba/ /dkyil 'khor chen po mchog gyur pa/ /rdo rje snying po gsang chen po/ /de bzhin gshegs pa kun ldan dge/ /rdo rje snying po dang
14b
mtshungs pa/ /khams rnams thams cad rnam par sprul/ /sangs rgyas kun gyi bdud rtsi dang / /gzhan yang bcud len dang mtshungs pa/ /de bzhin gshegs pa kun gyi gsang / /rdo rje kun gyi rang bzhin grong / /gru bzhi pa la sgo bzhi pa/ /rta babs bzhis ni rnam par mdzes/ /thig bzhi dang ni yang dag ldan/ /dar dang me tog chun pos spras/ /gra yi cha ni thams cad dang / /sgo 'gram dang ni mtshams rnams su/ /rdo rje rin chen rnams kyis spras/ /nang gi dkyil 'khor thig gdab bya/ /de yi phyi rol tu bya ba/ /dkyil 'khor yang ni rnam pa bdun/ /sgo khyud du ni rin chen ni/ /mchog tu rmad byung gzhag par bya/ /rdo rje srad bu dag dang ldan/ /ka ba brgyad kyis nye bar brgyan/ /rdo rje ka ba'i mdun bzhag pa/ /bum pa la sogs dag gis spras| |tshad mdzes pa yi snying po che/ /rdo rje 'khor lo sogs pas brgyan/ /ra ba ra ba chen po ni/ /ri bo gnyis kyi phyi rol tu/ /sngags pas kun nas yongs bskor ba/ /khyad par ji bzhin bri bar bya/ /nang gi dkyil 'khor rnam bzhir bya/ /gru bzhi pa dang zlum po dang / /gru gsum rnam pa las byung dang / /zla ba phyed pa'i tshul 'dra ba/ /dkyil 'khor yang ni bzhi pa'o// de yi nang gi cha la ni/ /pad+ma lo ma brgyad pa bri/ /de ltar shes rab chen po yi/ /slob dpon rdo rje 'byung bas bris/ /de yi rjes su lha rnams kyi/ /go rim ji bzhin bri bar bya/ /gdugs dkar
15a
@#/ /rgyal ba'i gtsug tor dang / /gzi brjid dra ba rnam par rgyal/ /dam tshig mchog gi rnam pa bzhi/ /slar yang 'dab ma'i mtshams su bri/ /rdo rje shugs kyis song nas ni/ /dkyil 'khor dag ni bzhi po ru/ /mi bskyod la sogs rnam pa bzhi/ /rdo rje rnal 'byor dbang phyug bri/ /mi bskyod ba yi dkyil 'khor ni/ /zla 'od lta bu'i mdog tu bya// der ni rdo rje sems dpa' sogs/ /kun mchog sa yi dbang phyug rnams/ /rdo rje slob dpon stobs po che/ /shes rab chen pos dgod par bya/ /rdo rje rin chen sogs gang ba'i/ / rin chen 'byung gnas dkyil 'khor yin/ /rdo rje chos sogs gsang ba yi/ /dkyil 'khor tshe dpag med pa'i 'od/ /rdo rje las la sogs ldan pa/ /don yod grub pa'i dkyil 'khor ro/ /rdo rje shugs kyis song nas ni/ /dkyil 'khor gsum pa bri bar bya/ /rnam gzigs la sogs sangs rgyas rnams/ /dkyil 'khor der ni bri ba yin/ /rdo rje snying po rgyal po che| |khyab bdag gsang ba'i dbang phyug gtso/ /'dod pa'i don kun grub pa'i phyir/ /'bad pa yis ni bri bar bya/ /blo gros rgya mtsho mi zad blo/ /byams pa bdag nyid chen po dang / /nam mkha'i snying po grags chen po/ /kun tu bzang po nyid dag dang / /phyag na rdo rje bdag nyid che/ /kun nas 'bar bas 'khrigs pa'i 'od/ /'jam pa'i dbyangs ni rigs
15b
kyi mchog /sangs rgyas sras bzang dri ma med/ /sgrib pa thams cad nges par sel/ /de nang sa yi snying po mchog /nam mkha'i mdzod ni mdzod dam pa/ /lag na rin chen bla na med/ / mi phan pa kun 'joms pa ni/ /dra ba can gyi 'od ces bya/ /dpa' bo 'di dag gsang ba che/ /dkyil 'khor 'di dag bri bar bya/ /'khor lo de ni dor nas ni/ /blo gros ldan pas phyir song ste/ /shar du sangs rgyas thams cad kyi/ /phyag rgya go rim bzhin du dgod/ /'khor lo mdzes pa'i dge legs ris/ /rdo rje dpal be'u pad ces bya/ /gtsug tor rnam pa sna tshogs pa/ /rdo rje pad+mas rnam par brgyan/ /lhung bzed dang ni 'khar gsil dang / /chos gos kyang ni khyad par du/ /'di dag shAkya seng+ge sogs/ /sangs rgyas kun gyis rab tu gsungs/ /gang zhig dngos grub mchog 'dod pas/ /de rnams blo ldan brtan pas bri/ /byang du 'jig rten dbang phyug gi /phyag rgya'i tshogs mchog de bzhin te/ /pad+ma ut+pal nyi dang ni| |spyi blugs pags pa'i g.yang gzhi dang / /dbyug gu'i shing ni mkhas pa yis/ /ma myos pa ru bri bar bya/ /slar yang lho ru song nas ni/ /phyag na rdo rje bdag nyid che/ /slob dpon bdag nyid chen po yi/ /phyag rgya 'bad pas bri bar bya/ /rdo rje pan+Ti sha dang ni/ /dril bu rab tu mdzes pa dang / /dbyug gu dang ni tho ba dang / /dbyug pa rdo rjes mtshan pa dang / /lcags sgro
16a
@#/ /dang ni rtse gsum yang / /'di dag dpa' bo'i phyag rgya'o/ /dkyil 'khor nub tu song nas ni/ /'jam dpal dbyangs ni blo gros kyi/ /gsang ba'i chos ni dam pa'i mchog /brtson 'grus chen po'i phyag rgya bri/ /ut+pal 'khor lo rdo rje dang / /ral gri yang ni khyad par du/ /thod pa dang ni dgra sta dang / /rma bya dang ni seng+ge nyid/ /phyag rgya 'di rnams brtson 'grus che/ /mkhas pa yis ni dgod par bya/ /'khor lo'i grwa ni legs gnas par/ /rdo rje sgeg mo la sogs bri/ /phyi yi 'khor lo'i grwa ru ni/ /rdo rje bdug pa zhes bya sogs| |bdag nyid che po 'bad pa yis/ /mchod pa 'di dag bri bar bya/ /phyi yi dkyil 'khor grwa rnams su/ /gzugs kyi rdo rje zhes bya sogs/ /gzugs sgra de bzhin dri dang ni| |khyad par du ni ro dang yang / /reg dang chos kyi dbyings dang ni/ /mkhas pa yis ni dgod par bya/ /sgo yi nang ni thams cad du/ /sgo skyong ba ni dgod par bya/ /de bzhin dkyil 'khor gzhan pa ru/ /rdo rje shugs kyis song nas ni/ /go rim bzhin du sangs rgyas kyi/ /yum rnams 'bad pas bri bar bya/ /nam mkha'i spyan zhes bya ba ni/ /sangs rgyas spyan zhes bya ba dang / /shes rab pha rol phyin ma dang / /phyag rgya kun dang yang dag ldan/ /ji srid de bzhin gshegs rig ma/ /thams cad shar du dgod par bya/ /de nas blo gros ldan pa
16b
yis| |byang gi phyogs su song nas ni/ /gos dkar mo dang sgrol ma che/ /khro gnyer can dang grags 'dzin ma/ /khyad par du ni dpal bdun dang / /mda' bdun dang ni dbyangs can ma/ /de la sogs pa'i lha mo rnams/ /bran dang bran mor yang dag ldan/ /de bzhin pho nya pho nya mo/ /gsang ba'i phyag rgya lhan cig bri/ /rdo rje shugs kyis song nas ni/ /lho yi phyogs su rab phyin la| |mA ma kI dang lcags sgrog dang / /khab rtse rdo rje mtshan mchog dang / /de ltar bris nas blo ldan gyis/ /nub kyi phyogs su song nas ni/ /der ni phyin nas shes ldan gyis/ /sgra gcan stobs chen bri bar bya/ /de bzhin 'dam bu mda' rgyu dang / /lha mo zla ba'i 'od zer 'dra/ /dkyil 'khor kun gyi mtshams su ni/ /lha mo nye ba'i skra can ma/ /'bad pa yis ni bri bar bya/ /rab bkra nor gyi blo gros dang / /'gugs byed pho nya lnga dang ldan/ /gra yi cha ru bri bya ba/ /rdo rje mdung rtse zhes bya sogs/ /sgo yi nang ni thams cad bya/ /sgo skyong ba ni rnam par bri| |gzhan gyi mi thub lha mo che/ /de bzhin ral pa gcig ma mchog /rdo rje dregs ma lha mo che/ /rdo rje kum+b+hi yang dag bri/ /de nas blo ldan dkyil 'khor ni/ /thams cad las ni thon nas su// shar gyi cha ni thams cad du/ /sngags pa mnyam par bzhag pa yis/ /khro chen gzhan gyis mi thub pa/ /de bzhin mi g.yo zhes bya dang / /khams gsum rnam rgyal snying po ni/ /mnga'
17a
@#/ /bdag brgya phrag lnga yis bskor/ /shar du bris nas sngags pa yis/ /de nas byang gi char song ste/ /rta mgrin khro bo chen po dang / /skar ma'i spyan ni khyad par du'o| |khro gnyer rim pa rnam bsgyings pa/ /khro bo blo ldan brtson 'grus che/ /pho nya bran rnams thams cad dang / /ma mo stong gis yongs bskor bar/ /'jig rten mgon gyis bka' stsal to| |de nas blo gros ldan pa yis/ /lho yi phyogs su song nas ni/ /der ni phyin te brtson chen po/ /khro bo chen po stobs po che/ /rdo rje mtshan pas legs mtshan pa/ /shes rab chen pos dgod par bya/ /khro bo zla ba'i thig le dang / /de bzhin khro chen rdo rje 'chang / /sgra gcan khro bo stobs po che/ /khro bo bdud rtsi 'khyil pa dang / /rdo rje sa 'og sa 'og dang / /de bzhin 'jigs pa'i mig can dang / /rkang pas bsnun pa'i rdo rje mchog /gsang dang rab gsang rjes 'gro dang / /bran dang pho nya khro bo ni/ /stong phrag gsum dang phyed kyis bskor/ /de ltar bris nas blo ldan gyis/ /nub kyi phyogs su phyin nas ni/ /der ni song ste brtson chen po/ /gshin rje mthar byed ces bya ba/ /gdong drug pa la lag drug pa/ /khro bo yi ge bdun zhes bgyi/ /khro bo'i gtso bo stong phrag ni/ /bdun dag gis ni yongs bskor ba'o/ /dkyil 'khor cha ni thams cad du/ /khro bo gtum po thams cad bri/ /de nas blo ldan 'ongs nas
17b
su| |rang rgyal rgyal ba thams cad kyi/ /dkyil 'khor kun tu bri bar bya/ /de nas sngags pa 'ongs nas ni/ /rgyal ba nyan thos bri bar bya/ /de yi phyi ru tshangs sogs lha/ /dkyil 'khor kun tu rnam par bri/ /dbang phyug che dang khyab 'jug dang / /zla ba nyi ma zhes bya dang / /gza' brgyad dang ni 'jig rten skyong / /rgyal chen rigs ni bzhi po dang / /de bzhin sum cu rtsa gsum dang / /mtha' bral rnams dang dga' ldan dang / /'phrul dga' gzhan 'phrul dbang byed dang / /tshangs pa mthun na 'don pa rnams/ /tshangs chen rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams bskyes rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba rnams dang / 'og min rnams dang / dag pa'i gnas rnams dkyil 'khor thams cad kyi mtshams su dgod par bya'o/ /de nas dbang ldan du dbang ldan dang / dbang por dbang po dang / /mer me lha dang / gshin rjer gshin rje dang / bden bral du bden bral dang / chur chu lha dang / rlung du rlung lha dang / lus ngan du lus ngan rnams dang / phyi rol gyi shar phyogs su khro bo gzhan gyis mi thub pa zhes bya ba'i phyag rgya
18a
@#/ /chen po dgod par bya'o/ /lhor rdo rje 'jigs byed kyi spyan gyi phyag rgya chen po dgod par bya'o/ /nub tu khro bo'i rgyal po chen po gshin rje gshed kyi phyag rgya chen po dgod par bya'o/ /byang du rta mgrin gyi phyag rgya chen po rnam par dgod par bya'o/ /phyi rol tu ra ba dag gi nang du rgya mtsho chen po bdun dgod par bya'o/ /de'i phyi rol tu 'gro ba lnga po gzhag par bya'o/ /de lta bu'i gru bzhi pa/ sgo bzhi pa dkyil 'khor chen po dar dang me tog gi chun po dang / gdugs dang rgyal mtshan dang ba dan bsgreng ba/ dra ba dang / dra ba phyed pas sgrubs pa/ de lta bu'i dkyil 'khor chen po bris la bsgom par bya'o/ /de bzhin du dbus su ri'i rgyal po lhun po'i tshad du dpag tshad brgya stong phrag du mar rgyas pa de'i steng du rdo rje seng+ge'i khri la bzhugs pa'i sangs rgyas bcom ldan 'das rnam par bsams nas nye bar spyod pa thams cad kyis tshogs mchod la mnyes par byas te| mchod pa dang / dbang bskur ba dang / byin gyis brlab pa dang / spro ba dang / bsdu ba la sogs pa byas pas nam mkha'i gnas su de bzhin gshegs pa thams cad kyi phyag rgya chen po rnam par bsams nas spyan drangs te bcug la bcings nas dam tshig la rnam par bzhag ste/ de bzhin du de bzhin gshegs pa thams cad dang / rdo rje sems
18b
dpa'i bdag nyid ni/ rnam par snang mdzad nga'o snyam du snyems pa bsgom par bya'o/ /de nas snying rje dang byams pa'i mig gis phyogs bcu'i 'jig rten gyi khams mtha' las 'das pa thams cad khyab pa'i rgya mtsho'i sprin de bzhin gshegs pa thams cad kyi sku'i sprin gyis kun nas bkang ste/ de bzhin gshegs pa'i rim pa mchog gis rdo rje sems dpa' hUM mdzad kyi phyag rgya rang gi lus la zhugs nas phyogs thams cad hUM gi yi ge'i sgra brjod cing bsnun pa bzhis rol pa dang bcas pas phyag byas la bzlas pa byas te dam tshig gi phyag rgya bcings la cho ga bzhin du rdo rje slob dpon gyis bkug nas bcug ste bcings la dam tshig la bzhag pa byas nas se gol gyi sbyor ba dang / kun nas 'bebs pa'i phyag rgyas bdag nyid la dbab ste snying po 'di bzhis rol pa dang bcas/ de bzhin gshegs pa thams cad dang bdag mtshungs so snyam du bsam par bya'o/ /de la de'i snying po bzhi po ni/ a A/ aM aH bdag byin gyis brlab pa la sogs pa byas nas brjod la/ de bzhin gshegs pa thams cad dang / bdag mtshungs pa yin no zhes nga rgyal bskyed do/ /de bzhin gshegs pa thams cad kyi rdo rje lcags kyu'i se gol gtogs nas snying po 'dis sangs rgyas thams cad spyan drang par bya'o/ /de la snying po ni/ 'di yin te/ b+hUM trAM hrIH hUM/ oM badz+ra
19a
@#/ /sa mA dzaH/ A gats+tsha a gats+tshan+tu/ sarba ta thA ga ta/ sarba bo d+hi satwa pa ri br-i tA/ pra t+ye ka ri ha ha te swAhA/ oM badz+ra sa mA dzaH/ A gats+tsha A gats+tsha/ sarba ta thA ga ta badz+ra yo gi shwa ra/ satwa na yeH/ sra hA a hAH/ de nas de bzhin gshegs pa thams cad dang / byang chub sems dpa' thams cad dang bcas pa/ dkyil 'khor thams cad yongs su rdzogs pa/ de bzhin gshegs pa thams cad kyi rigs dang / rgyud dang / gzugs rnams dang lhan cig dkyil 'khor du 'dus nas byon par 'gyur ro/ /de nas de bzhin gshegs pa thams cad kyi phyag rgya chen po bdag nyid rnam par bsgoms nas ming brgya rtsa brgyad pa bton la cho ga ji lta ba bzhin du mchod pa byas nas de bzhin gshegs pa thams cad brtan par byas nas sgo bzhi po rnams su rdo rje lcags kyu la sogs pas las byas te/ las chen po dam pa'i phyag rgyas de bzhin gshegs pa thams cad gzhug par bya'o/ /oM sarba ta thA ga ta/ su ra ta badz+ra badz+ra satwa dzaH hUM baM hoH a d+hi tiSh+Than+tu/ sarba ta thA ga ta mahA maN+Da laM/ de nas gsang ba'i mchod pa la sogs pa rnams kyis mchod nas de bzhin gshegs pa thams cad la gsol ba gdab par bya ste/ sangs rgyas dang byang chub sems dpa' thams cad la bdag gsol ba 'debs lags kyi /de bzhin
19b
gshegs pa thams cad kyis bdag la byin gyis brlab tu gsol/ sems can thams cad kyi don mdzad du gsol/ bdag la dngos grub thams cad stsal du gsol/ ji ltar bdag gis de bzhin gshegs pa thams cad kyi mchod pa rab 'byams rgya mtsho'i sprin rnams kyis chos kyi dbyings kyi mthas klas pa'i sangs rgyas thams cad kyi yul kun nas bkang ste byin gyi brlab par bgyi'o/ /de bzhin gshegs pa thams cad kyi bka' yongs su rdzogs par bgyi'o/ /de nas 'dir rdo rje snying po'i rgyan chos kyi dbyings kyi dkyil 'khor du slob ma gzhug pa'i cho ga rgyas par 'gyur ba ni/ de nas gos dmar po phrag par gzar te de bzhin gshegs pa thams cad la sngags 'dis phyag 'tshal ba'i thal mo sbyar nas sngags 'dis snyan gsan dbab par bya ste/ sa ma ya ho/ /sa ma ya s+t+waM/ sa ma ya badz+ra a d+hiSh+Tha naM ku ru mAM/ sarba ta thA ga ta sa ma ye Shu me ya d+hi tiSh+Than+tu sarba bud+d+ha mAM pra be sha yan+tu/ pra ti pA la yan+tu| pU dzAny+tsa me pra yan+tu/ pra biSh+Tos+thi/ sarba ta thA ga ta badz+ra maN+Dal/ a laM kA re ma hA badz+ra maN+Da le pra ti ba la yan+tu mAM stu dzAny+tsa me pra yats+tshan+tu/ de nas slob dpon gyis de'i thal mor me tog dkar po'i phreng ba sngags 'dis btags nas nang du me tog bzhi dang / sor mo'i rtsa mor me tog re re bcug la de nas sngags 'di brjod cing gzhug par bya'o/ /hUM d+h+waM hrIM kruM shruM
20a
@#/ /dz+ruM baH kaH praM khiM shriM dz+ruM haM maM/ a d+hi tiSh+Tha maM/ sarba ta thA ga ta sa ma ya s+t+wa pra bi shA mi/ de nas slob dpon gyis de'i gdong g.yogs bcings la de bzhin gshegs pa thams cad kyi mya ngan las 'das pa'i grong khyer chos kyi dbyings nam mkha'i khams rab tu khyab pa'i sbyor bas de bcug la sngags 'dis me tog gtor bar bya'o/ /sngags ni| sa ma yo haM/ sa ma ya s+t+waM/ sa ma ya hUM/ gang la me tog rnams lhung ba de nyid de'i lhar sbyin par bya'o/ /de nas cho ga bzhin du sngags 'dis dbab par bya'o/ /sa ma yo haM/ sa ma ya s+t+waM/ sa ma ya hUM/ na maH sarba ta thA ga te b+h+ya/ ta Ta ta Ta/ d+ha ma d+ha ma/ badz+ra hUM/ bi kr-i ta bi d+yu dz+dzi hwA dur dAn+ta da ma ka/ ha si ta lam+bo da ra/ ka ha ka ha/ tsu lu tsu lu/ muny+tsa muny+tsa/ aT+TA T+Ta ha sa/ da ra bi da ra/ badz+ra badz+rod ga ta/ badz+ra nai tra/ badz+ra shro tra/ badz+ra g+h+ra Na/ badz+ra daMSh+Ta kiny+tsi rA ya si pra bi sha/ badz+ra pA Ni hri da ya mA bi sha mA bi sha /g+hur+Na gur+Na/ pUr+Na pUr+Na/ g+hur+NA pa ya g+hur+NA pa ya/ b+h+ra ma ya b+h+ra ma ya/ pA ta ya mo Ta ya/ a be sha ya/ dzalpa dzalpA/ dzalpA ya dzalbA ya/ la g+hu la g+hu/ sarba ta thA ga ta dzA ka ra pra ba ra/ d+harma lap+d+ha/ bi dza ya/ he he badz+ra dz+haM kA ra hUM kr-i ta swAhA/ dbab pa'i dam tshig /de ltar babs nas kye khyod kyis gang dge ba'i ma mi dge ba mthong ngam zhes 'di'o/ /de nas de bzhin gshegs pa'am/ rdo rje 'dzin
20b
pa'am| dge ba'am/ mi dge ba bdag gis 'di lta bu mthong ngo / /zhes smra bar 'gyur ro/ /de nas slob dpon gyis de thams cad de bzhin gshegs pa thams cad kyi rdo rje'i rang bzhin du yongs su bzhag la mig bcings pa bkrol la dbang bskur ba'i don du dkyil 'khor gru bzhi pa byas la de'i dbus su kha dog thams cad kyis pad+ma chen po 'dab ma brgyad pa yid du 'ong ba'am/ seng+ge'i khri rang nyid kyis bris te/ de nas de la dar gyi bgo ba dang / me tog dang / bdug pa la sogs pa rnams kyis mchod la khyad par du gzugs dang / sgra dang / dri dang / ro dang reg dang / gdugs dang / rgyal mtshan dang / ba dan dang / dung dang / rdza rnga dang / rnga bo che dang / dung la sogs pa dang / gar dang / glu rnams kyis legs par mchod nas cod pan lnga'i dbang bskur te/ de bzhin gshegs pa thams cad kyi rdo rje slob dpon gyi go 'phang la rab tu bzhag pa rigs dang rjes su mthun pa'i ming du byas nas sngags 'dis byin gyis brlab par bya ste| oM sarba ta thA ga ta badz+roSh+NI Sha a b+hi Shiny+tsa oM badz+ra s+t+wa a b+hi Shiny+ca/ oM badz+ra rat+na a b+hi Shiny+tsa/ oM badz+ra pad+ma a b+hi Shiny+tsa/ oM badz+ra badz+ra a b+hi Shiny+tsa/ spyi bo dang / dpral ba dang / mgrin pa dang / snying ga dang / lte ba dang / rked pa nas rje ngar gyi bar du yi ge'i phyag rgya bkod la/ rang gi lha'i gzugs kyi sbyor bas byin gyis brlab par bya'o/ /de nas rdo rje'i cho ga rnams brlab
21a
@#/ /par bya ste/ de la rdo rje'i gnas tshig rnams ni/ 'di dag ste/ rang bzhin gyis dbyer med pa'i phyir rang gi lus rdo rje sems dpa'i gnas te/ rdo rje'i gnas 'dis lta ba'i thibs po thams cad nges par 'joms par 'gyur ro/ /ma rig pa rdo rje'i gnas kyi rig pa la 'jug pa ste/ rdo rje'i gnas 'dis dmigs pa'i dngos po yongs su shes pa la 'jug par 'gyur ro/ /hUM/ mngon par 'du byed pa'i phyir mtshams med pa'i mtha' rdo rje'i gnas 'dis lta ba thams cad du gyur pa'i sems nges par rig par 'gyur ro/ /oM/ 'dod chags kyi mtha' zhi ba'i phyir 'dod chags dang bral ba'i mthar rdo rje'i gnas 'dod chags pa dang bral bar 'gyur ro/ /ha/ zhe sdang gi mtha' zhi ba'i phyir byams pa'i mtha'i rdo rje'i gnas te/ rdo rje'i gnas 'dis skyon thams cad kun tu 'dral bar 'gyur ro/ /mai/ gti mug gi mtha' zhi ba'i phyir shes rab kyi sgron ma rdo rje'i mtha' ste/ rdo rje'i mtha' 'dis mun pa bsal bar byed par 'gyur ro/ /raM/ sems can thams cad sems can gcig pa ste/ rdo rje'i gnas 'dis sems can mnyam pa yid la 'jug pa'i don dang / sems can gyi rang bzhin rtogs pa'i don du 'gyur ro/ /hrIM/ sems can thams cad sems gcig pa ste/ rdo rje'i gnas 'dis sems nges pa
21b
la 'jug pa'i don dang / sems rang bzhin gyis 'od gsal ba mngon par rtogs pa'i don du 'gyur ro/ /a/ sangs rgyas thams cad sangs rgyas gcig pa ste/ rdo rje'i gnas 'dis de bzhin gshegs pa thams cad kyi rjes su 'jug pa'i don dang / mnyam pa nyid kyi ye shes rjes su rtogs pa'i don du 'gyur ro/ /oM/ chos thams cad sangs rgyas kyi chos rdo rje'i gnas 'dis thams cad mkhyen pa'i ye shes rjes su rtogs par 'jug pa'i don dang / rdo rje lta bu'i ting nge 'dzin rjes su rtogs pa'i don du 'gyur ro/ /aM/ bdud kyi las thams cad sangs rgyas kyi chos te/ rdo rje'i gnas 'dis las thams cad rjes su rtogs pa la 'jug pa'i don dang / las thams cad las yongs su 'das pa'i don du 'gyur ro/ /hUM/ ngag thams cad de bzhin gshegs pa'i gsung ste/ rdo rje'i gnas 'dis sgra ji bzhin pa thams cad rjes su rtogs pa la 'jug pa'i don dang / brjod pa las 'das pa'i chos rjes su rtogs pa'i don du 'gyur ro/ /paM/ chos thams cad ma skyes pa ste/ rdo rje'i gnas 'dis 'chi 'pho med pa la 'jug pa'i don dang / skye ba dang / rga ba dang / na ba dang / 'chi ba'i lam las 'das pa'i don du 'gyur ro/ /maM/ chos thams cad ma byung ba ste/ rdo rje'i gnas 'dis 'gog pa med pa la 'jug pa'i don dang / chos thams cad 'gog pa med pa'i don du 'gyur ro/ /
22a
@#/ /khaM/ 'di la rnam gnas rnal 'byor pa/ /bdag gi de nyid rab rtogs te/ /bdag gi de nyid dang brtags nas/ /sangs rgyas kun mtshungs mnyam med 'gyur/ / de la sogs pa'i dngos grub thams cad dang / phun sum tshogs pa thams cad dang / gter thams cad dang / 'khor lo thams cad dang / rdo rje thams cad dang / ral gri dang / yid bzhin gyi nor bu dang / dngul chu dang / bcud len rnams dang / gyen du 'gro ba dang / rkang 'og dang / mi snang ba dang / rig pa 'dzin pa dang / 'khor los bsgyur ba nyid dang / brgya byin nyid dang / tshangs pa dang / khyab 'jug dang / dbang phyug chen po dang / byang chub sems dpa'i sa rnams des myur du 'grub par 'gyur ro/ /hUM/ yid ni rtse gcig gyur pa yis/ / sangs rgyas rjes dran bsgoms nas ni/ /nyi ma'i dkyil 'khor dbus gnas par/ /sangs rgyas sku gzugs bsgom par bya/ /sbyor ba de yi bka' drin gyis/ /sangs rgyas kun mtshungs mnyam med 'gyur/ /zla ba'i dkyil 'khor dbus gnas par/ /'od kyi dkyil 'khor rab gsal ba'i/ /kun tu bzang po phyag rgya che/ /legs par mnyam par bzhag pas bsgom/ /yo ni phyed kyi sbyor ba yis/ /kun tu bzang po 'dra bar 'gyur/ /rdo rje rin chen phyag rgya che/ /legs par mnyam par bzhag pas bsgom/ /rgyal po'i
22b
dbang bskur nyid dam ni/ /yang na dbang phyug thob par 'gyur/ /rdo rje chos kyi phyag rgya che/ /de ni rang gis brtan por bsgom/ /'jig rten kun gyi dbang phyug kyang / /thob na dngos grub gzhan ci smos/ /rdo rje las kyi phyag rgya gang / /de bzhin nyid kyi 'od gsal ba/ /rdo rje'i sbyor bas de bsgoms pas/ /rdo rje'i rnal 'byor brtan por 'gyur/ /de lta bu'i byang chub kyi sems kyi mchog sgom pa phyag rgya chen po'i ye shes nyid yin no/ /'khor los bsgyur ba'i phyag rgya che/ /legs par mnyam par bzhag pas bsgom/ /phyag rgya kun gyi bdag nyid kyi| |dam pa'i don nyid thob par 'gyur/ /gzi brjid dra ba phyag rgya che/ /dam pa'i don du bsgom par bya/ /gsang ba'i rgyal po thob 'gyur na/ /dngos grub gzhan lta ci zhig smos/ /gdugs dkar gtsug tor chen po ni/ /dam pa'i don du bsgom par bya/ /gtsug tor ye shes thob 'gyur na/ /dngos grub gzhan lta ci zhig smos/ /rgyal ba'i gtsug tor phyag rgya che/ /de ni yang dang yang du bsgom/ /chos kyi rgyal po rnam rgyal nyid/ /mdor bsdus pa ni thob par 'gyur/ /rnam rgyal gtsug tor phyag rgya yi/ /dam pa'i yi ge bsgom par bya/ /legs par rab gnas 'od zer can/ /dngos grub ye shes thob par 'gyur/ /de la sogs pa mtha' yas mchog /chos dbyings mnyam dang mi mnyam pa/ /gtsug tor rnams kyis legs bshad pa/ /phyag rgya
23a
@#/ /de rnams bdag nyid mchog /de ltar rnal 'byor pas bsgoms na/ /lhag pa'i lha ni gcig bu nyid/ /thog ma tha ma med zhi ba/ /rang byung mchog tu mi 'gyur ba/ sangs rgyas kun dang mnyam sbyor ba/ /rnal 'byor dbang phyug go 'phang mchog /sangs rgyas ye shes dri ma med/ /bdag nyid chen po thob par 'gyur/ /de bzhin gshegs pa thams cad kyi gtsug tor gyi dam tshig ye shes kyi phyag rgya rnams so/ /da ni/ de bzhin gshegs pa thams cad kyi chos kyi yi ge'i rang bzhin gyi ye shes de la bslab par bya'o/ / zhes bya ba ni/ rnam par spyod pa'i phyir chos thams cad kyi sgor shes par bya'o/ /oM paM/ a zhes bya ba ni/ chos thams cad ma skyes pa'i phyir chos thams cad kyi sgor bshad par bya'o/ /oM a A aM aH/ pa zhes bya ba ni/ chos thams cad kyi sgo ste/ don dam par chos thams cad kyi pha rol tu phyin pa thams cad yongs su rdzogs par blta bar bya'o/ /oM paM/ na zhes bya ba ni/ chos thams cad kyi ming dang / gzugs dang / shes rab dang / chos dang bcas pa yongs su shes pa'i dbang du 'gyur ba'i phyir chos thams cad kyi sgor bshad do/ /oM naM/ da zhes bya ba ni/ 'dul ba dang / zhi ba'i pha rol tu phyin pa yongs su rdzogs par byed pa'i phyir chos thams cad kyi sgor brjod do/ /oM daM/ sa
23b
zhes bya ba ni/ thogs pa med pa las yang dag par 'das shing yongs su nyon mongs pa dang / rnam par spong ba dang / zag pa dang bcas pa dang / zag pa med pa'i sgo nas phung po dang // khams dang / skye mched la sogs pa don dam pa'i bden pa la gnas te mi dmigs pa'i phyir chos thams cad kyi sgor rnam par gzhag go /oM sruM/ ta zhes bya ba ni/ de bzhin nyid kyi rjes su 'gro ba'i chos kyi dbyings la 'jug pa'i phyir chos thams cad kyi sgor rnam par blta'o/ /oM taM/ ka zhes bya ba ni/ las kyi rnam par smin pa rnam par bgrod pa'i phyir chos thams cad kyi sgor gsal bar bya'o/ /oM kaM/ ma zhes bya ba ni/ sgyu ma lta bu nyid dang / dran pa med cing snying rje che ba dang / shes rab rno ba las byung ba'i phyir chos thams cad kyi sgor gsal bar bshad do/ /oM maM/ ga zhes bya ba ni/ zab mo la spyod pa'i phyir chos thams cad kyi sgor blta bar bya'o/ /oM gaM/ dza zhes bya ba ni/ skye ba dang / rga ba dang / 'chi ba las yongs su rgal ba'i rang bzhin mi phyed pa'i phyir chos thams cad kyi sgor blta bar bya'o/ /oM dzaM/ d+ha zhes bya ba ni/ chos kyi dbyings yongs su mi phyed pa'i rdo rje yongs su rdzogs pa'i phyir chos thams cad kyi sgor blta bar bya'o/ /oM d+hi/ sha zhes bya ba ni/ zhi gnas dang lhag mthong yongs su rdzogs pa'i phyir chos thams cad kyi sgor blta bar bya'o/ /oM shaM/ Sha zhes bya ba ni/
24a
@#/ /gang zag dang chos kyi bdag med pa nam mkha' ltar gsal zhing chos thams cad rang bzhin gyis 'od gsal ba'i phyir chos thams cad kyi sgor rnam par gzhag go /oM khaM/ k+Sha zhes bya ba ni/ g.yo ba med pas mi bzad pa'i ye shes so sor dmigs te chos thams cad kyi sgor blta bar bya'o/ /oM k+ShaM/ nga zhes bya ba ni/ chos thams cad mkhyen pa'i ye shes kyi'ang yul ma yin pa'i phyir chos thams cad kyi sgor blta bar bya'o/ /oM daM/ tha zhes bya ba ni/ gnas dang gnas ma yin pa la mkhas pas sangs rgyas kyi zhing yongs su sbyong ba'i phyir chos thams cad kyi sgor blta bar bya'o/ /oM thaM/ D+ha zhes bya ba ni/ sgrib pa thams cad rab tu spangs pas zad pa'i ye shes mi skye zhing mthar thug pa'i ye shes thob pa'i phyir chos thams cad kyi sgor bshad do/ /oM D+haM/ dz+ha zhes bya ba ni/ myur du 'chi ba med pa rjes su dmigs pa med pa'i phyir chos thams cad kyi sgor blta bar bya'o/ /oM dz+haM/ ka zhes bya ba ni/ lus rnam par spyod pa 'dod chags dang bral bas nyon mongs pa thams cad spangs te rdo rje snying po'i lus so sor thob pa'i phyir chos thams cad kyis sgor blta bar bya'o/ /oM kaM /A zhes bya ba ni/ sems rnam par spyod pa nyes pa dang / rmongs pa dang / bag la nyal ba rab tu spangs nas byang chub kyi
24b
sems bskyed pa rang bzhin gyis 'od gsal ba'i phyir chos thams cad kyi sgor blta bar bya'o/ /oM aM/ ba zhes bya ba ni/ ngag rnam par spyod pa ngag gi spros pa chos kyi dbyings rnam par dag pa'i phyir chos thams cad kyi sgor blta bar bya'o/ /oM baM/ tsha zhes bya ba ni/ grib ma ma dmigs shing rang bzhin gyis dang ba'i phyir chos thams cad kyi sgor blta bar bya'o/ /oM tshaM/ g+ha zhes bya ba ni/ gcig tu 'dis pa ma dmigs pa'i don dam par gnyis su med par gyur pa'i phyir chos thams cad kyi sgor blta bar bya'o/ /oM g+haM/ Ta zhes bya ba ni/ ca co dang bral ba'i rdo rje snying po 'dzin pa'i phyir chos thams cad kyi sgor bshad do/ /oM TaM/ pha zhes bya ba ni/ chos thams cad dbu ba gdos pa lta bu'i tshul gyis gsang ba'i ye shes gsal ba'i phyir chos thams cad kyi sgor bshad do/ /oM phaM/ Da zhes bya ba ni/ dgra chen po las grol ba'i mkha' la 'gro ba grub pas so sor thob pa'i phyir chos thams cad kyi sgor blta bar bya'o/ /oM DaM/ Sha zhes bya ba ni/ tsha sgo mi dmigs pa'i phyir chos thams cad kyi sgor blta bar bya'o/ /oM ShaM/ u zhes bya ba ni/ chos thams cad nye bar zhi ba'i phyir chos thams cad kyi sgor rnam par gzhag go /oM UM/ ya zhes bya ba ni/ rgyun du byed pa nges par 'byung ba'i don du 'phags pa'i lam yan lag brgyad la nye
25a
@#/ /bar gnas pa'i phyir chos thams cad kyi sgor blta bar bya'o/ /oM yaM/ ta zhes bya ba ni/ de kho na nyid spros pa thams cad rnam par spangs pa'i phyir chos thams cad kyi sgor rnam par gzhag go /oM taM/ hu zhes bya ba ni/ ma skyes pa'i chos rnam par grol ba'i mtshan nyid yin pa'i phyir chos thams cad kyi sgor bshad do/ /oM hUM| hrI zhes bya ba ni/ yongs su gzung ba med pa 'thab pa rtsod pa spangs pa'i chos nyid yin pa'i phyir chos thams cad kyi sgor blta bar bya'o/ /oM hrIM/ kun nas nyon mongs pa med pa ni| mtshan nyid rnam par dag pa'i phyir chos thams cad kyi sgor blta bar bya'o/ /oM ka kha ga g+ha nga / rang bzhin gyis 'od gsal ba'i mtshan nyid gzung ba'i phyir chos thams cad kyi sgor gnas so/ /oM tsa tsha dza dz+ha nya/ snang ba ni/ gsal zhing 'bar ba'i phyir chos thams cad kyi sgo'o/ /oM Ta Tha Da D+ha Na/ sgom pa ni/ chos thams cad gnyis su mi gnas pa'i phyir chos thams cad kyi sgo'o/ /oM ta tha da d+ha na/ gzhi med pa ni/ chos thams cad ma 'dres pa'i phyir chos thams cad kyi sgor rnam par gzhag go /oM pa pha ba b+ha ma| byang chub ni/ chos thams cad dri ma med pa'i phyir chos thams cad kyi sgor blta bar bya'o/ /oM yang la wa/ mya ngan las 'das pa ni/ glo bur ba thams cad nges par
25b
dor ba'i mtshan nyid dang / chos kyi dbyings so sor thob cing mngon par shes pa lnga dang ye shes mkhyen pas sangs rgyas kyis yongs su thob pa'i phyir chos thams cad kyi sgor blta bar bya'o/ /oM sha Sha sa ha/ rnam pa thams cad kyi mchog dang ldan pa thams cad mkhyen pa'i ye shes rnam par dag pa de bzhin gshegs pa thams cad kyi chos kyi sgo rnam par nges pa'o/ /de nas rigs thams cad kyi gsang ba'i cho ga rgyas par gyur pa ni/ sngon bzhin nges par byas nas ni/ /phyogs kun mnyam pa nyid bsgoms nas/ /ri rab chen po gru bzhi pa/ /rin chen kun gyis rnam par brgyan/ /de yi steng du rdo rje che/ /de yi steng du pad+ma bzhag /'dab ma brgyad pa cher bkra ba/ /rnal 'byor ston zhes rnam par bshad/ /sangs rgyas kun gyi phyag rgya che/ /'od zer gsal ba'i dkyil 'khor can/ /dbang po gnyis ni snyoms 'jug pa/ /yongs su rdzogs par bdag nyid kyis/ /rnal 'byor thams cad bsgom par bya| |mnyam med sangs rgyas kun dang mtshungs/ /sangs rgyas kun bdag bsgoms nas ni/ /bskal mthar yang ni de gnas 'gyur/ /b+ha ga chen po rnal 'byor che/ /rnal 'byor pa gnas mi bzad pa/ /sangs rgyas kun bdag bsgoms nas ni/ /sangs rgyas kun dang mtshungs par 'gyur/ /khams gsum pa yi rgyal srid che/ /sems can kun la thams
26a
@#/ /cad du| |gang tshe rnal 'byor pas bsgoms nas/ /de tshe dngos grub lag na gnas/ /rang bzhin gyis ni 'od gsal chos/ /gdod nas dag cing ma 'dres pa| |gang tshe ye shes mthong ba ni/ /de yi tshe na dag par 'gyur/ /sangs rgyas thams cad mdor bsdus pa/ /sna tshogs las kyi sbyor ba yis/ /gang tshe rnal 'byor pas bsgoms na| |sna tshogs las ni byed par 'gyur/ /de bzhin gshegs pa thams cad kyi/ /phyag rgya chen po'i ye shes so/ /'khor los bsgyur ba rgyal po che/ /kun mchog sa yi dbang phyug ni| |rdo rje sbyor bas bsgoms nas ni/ /mnyam med 'khor los bsgyur ba mtshungs/ /gzi brjid phung po phyag rgya che/ /lag par mnyam par bzhag pa bsgom/ /'bar ba'i phreng bas 'khrugs shing mdzes/ /pad+ma rA ga mtshungs pa'i 'od/ /rdo rje'i sbyor bas bsgoms nas ni/ /rang bzhin gzi brjid phung por 'gyur/ /gdugs dkar rgyal ba'i gtsug tor gyis/ /phyag rgya chen po bsgoms na ni/ /'od zer gsal ba'i sbyor ba yis/ /sems can dag pa nyid du 'gyur/ /rnam par gsal ba'i gtsug tor rgya/ /ral gri 'bar ba'i 'od kyis 'khrugs/ /zag pa med pa'i sbyor ba yis/ /mnyam med gsal ba'i gtsug tor mtshungs/ /rgyal ba'i gtsug tor phyag rgya che/ /legs par mnyam par
26b
bzhag pas bsgom/ /rgyal ba'i gtsug tor sbyor ba yis/ /de yi rnam pa'i spyod yul 'gyur/ /rdo rje dam tshig ye shes che/ /legs par mnyam par bzhag pas bsgom/ /kun tu bzang po dam pa'i gzugs/ /mnyam med rdo rje sems dpa' mtshungs/ /zla ba'i dkyil 'khor dbus gnas pa/ /rdo rje sems dpa' sems dpa' che/ /byang chub sems dang mtshungs pa'i 'od/ /gtsug tor lnga ldan stobs po che/ /rdo rje'i sbyor bas bsgoms pa yis/ /rdo rje sems dpa' 'dra bar 'gyur/ /rdo rje rgyal po'i phyag rgya che/ /de yi don du bsgoms nas ni| |'gro ba thams cad 'gugs byed na/ /skye bo gzhan lta smos ci dgos/ /rdo rje chags pa'i phyag rgya che/ /legs par mnyam par bzhag pas bsgom/ /skye rgu thams cad chags 'gyur na/ /bud med gzhan lta smos ci dgos/ /rdo rje sems dpa'i phyag rgya che/ /dam pa'i don du bsgoms par bya/ /legs so ba ni rang gsol bas/ /bung med thams cad tshim par byed| |byang chub sems kyi phyag rgya'i ye shes so/ /rdo rje rin chen phyag rgya che/ /'bar ba'i phreng bas 'khrugs pa'i 'od/ /dpral ba'i phyogs su gnas pa bsgom/ /de yi dar thod dbang bskur thob/ /rdo rje gzi brjid phyag rgya che/ /nyi ma'i dkyil 'khor mtshungs pa'i 'od/ /snying gar gnas pa bsgom par bya/ /kun mkhyen ye shes ster bar byed/ /rin chen tog gi
27a
@#/ /phyag rgya che/ /legs par mnyam par bzhag pas bsgom/ /sbyin pa'i pha rol phyin pa mchog /sgrub po dam pas rdzogs par byed/ /rdo rje bzhad pas phyag rgya che| |legs par mnyam par bzhag pas bsgom/ /rdo rje bzhad pa ltar gyur te/ /de ni skye rgu dga' byed 'gyur/ /dbang bskur ba'i phyag rgya'i ye shes so/ /pad+ma yi ni pad+ma che/ / dag pa'i chos ni mnyam bzhag pas/ /dam pa'i don du bsgom par bya/ /mnyam med rdo rje chos dang mtshungs/ /shes rab ye shes rdo rje rno/ /bsgoms pas de ni rdo rje 'chang / /shes rab pha rol phyin dag pa/ /stong nyid sbyor bas bsgoms na ni/ /dam pa'i don du bsgom bya ste/ /mnyam med 'jam dbyangs dang ni mtshungs/ /rdo rje rgyu yi phyag rgya che/ /legs par mnyam par bzhag bsgoms nas/ /chos kyi 'khor lo kun mchog rtse/ /mdor bsdus nas ni de yis bskor/ /rdo rje smra ba'i phyag rgya che/ /dam pa'i don du bsgoms nas ni/ /rdo rje bzlas pa'i nus pa yis/ /ldem po'i ngag ni de yis 'chad/ /chos kyi phyag rgya'i ye shes so/ /rdo rje las kyi phyag rgya che/ /dam pa'i don du bsgoms na ni/ /kun nas kun nas rang nyid kyis/ /rdo rje las ni byed par 'gyur/ /rdo rje srung ba byams pa che/ /rdo rje chos zhes grags pa ste/ /chos kyi sbyor bas bsgoms na ni/ /rdo rje srung ba dang mtshungs 'gyur/ /rdo rje
27b
gnod sbyin brtson 'grus che/ /khro bo chen po stobs po che/ /dam pa'i don gyi bsgom par bya/ /rdo rje gnod sbyin dang mtshungs 'gyur/ /rdo rje khu tshur phyag rgya che/ /lus ngag yid kyi de bzhin du| |rdo rje'i sbyor bas bsgoms na ni/ /rdo rje khu tshur 'dzin par 'gyur/ /las kyi phyag rgya'i ye shes so/ /sgeg mos mngon par dga' ba ster/ /phreng ba yang ni dbang bskur ba/ /glu mas mdzes pa'i sgra dbyangs byed/ /gar mas rdzu 'phrul thob par 'gyur/ /dri mas bzang po'i dri yin te/ /me tog byang chub yan lag nyid/ /sgron mas mtha' dag gsal ba'o/ /bdug pas bdug pa dag la brtson/ /lcags kyus dbang phyug 'gugs byed na/ /skye bo gzhan lta smos ci dgos/ /zhags pas dbang po'ang 'ching 'gyur na/ /gdug pa'i sems can smos ci dgos/ / lcags sgrog gis ni 'phrog byed dang / /tshangs sogs dbang phyug chen po'ang 'ching / /'bebs pas thams cad 'bebs 'gyur na/ /dman pa'i mi dag smos ci dgos/ /'di nyid kyi ni sbyor ba yis/ /chos kyi yi ge dang ldan pa'i/ /phyag rgya'i ye shes dang bcas pas/ /de dag thams cad myur du 'grub/ /'di yi sbyor ba shes par bya'o/ /phyag rgya'i 'khor lo khyad par du| |spyi gtsug nas ni rkang pa'i bar/ /yi ge yis na yongs gang bar/ /gzugs brnyan gcig gis go 'phang gyur/ /sems ni rtse gcig 'gyur bar bsam/ /sal rab
28a
@#/ /gnas pad+ma ni/ /dbang chen gyi ni gnas zhes bshad/ /dbang po gnyis ni mtshungs sbyor bas/ /dbang phyug kyang ni bsgrub par bya/ /dbang chen dag ni gru bzhi pa| |dbang chen gi ni las su bshad/ /chu ni zlum par shes par bya/ /pad+ma'i 'dab mas rnam par mtshan/ /zhi bar byed pa'i las dang ldan/ /zhi ba'i don du de bshad de/ /me ni gru gsum shes par bya/ /sum mdo yi ni gnas su bshad/ /dbang du bya ba bsgrub don du/ /pad+ma rA ga 'dra ba'i 'od/ /mngon spyod la ni brtson 'grus che/ /rlung gi dkyil 'khor dam pa ste/ /ral gri yi ni phyag rgya'i dbyibs/ /dbyar gyi sprin dang mtshungs pa'i 'od/ /ser dang dkar dang de bzhin dmar/ /nag po yang ni khyad par du/ /dang po'i dkyil 'khor nas sbyangs te/ /tha ma'i bar du rab tu brtag /dang po rdo rje rab tu bzhag /de yi rjes su rin chen te/ /pad+ma dang ni las rnal 'byor/ /grub pa'i go 'phang rim par bshad/ /phyag rgya thams cad kyi ye shes so/ /de nas bcom ldan 'das rtag pas de bzhin gshegs pa thams cad kyi phyag rgya'i ye shes bka' stsal pa/ /gnyis dang gnyis su med pas yongs su dag pas chos thams cad rnam par grol ba'i phyag rgyas rgyas btab pa'o/ /rtag pa dang chad pas yongs su dag pas chos thams cad zhi ba dang mtha' med pa'i phyag rgyas rgyas btab
28b
ba'o| |zad pa'i sgo dang zad pa'i mtha' dang zad pa'i mur thug pa dang ldan pas chos thams cad zad pa dang 'dod chags dang bral ba'i phyag rgyas rgyas btab pa'o/ /mnyam pa nyid kyi mtha' rnam par dag pas chos thams cad la skur pa mi 'debs pa'i phyag rgyas rgyas btab pa'o/ /mig lnga las yang dag par 'das pas chos thams cad nam mkha'i phyag rgyas rgyas btab pa'o/ /sems can thams cad nam mkha'i khams thams cad dang ldan pa'i phyir chos thams cad nam mkha'i rang bzhin gyi phyag rgyas rgyas btab pa'o/ /chos kyi dbyings yongs su khyab pas chos thams cad dbyer mi phyed pa'i phyag rgyas rgyas btab pa'o/ /chos thams cad byang chub kyi sems dad tha mi dad pas chos thams cad byang chub kyi sems kyi phyag rgyas rgyas btab pa'o/ /chos kyi dbyings mi phyed pa'i mtshan nyid yin pas chos thams cad kyi chos kyi dbyings kyi phyag rgyas rgyas btab pa'o/ /ngo bo nyid med pas chos thams cad stong pa nyid kyi phyag rgyas rgyas btab pa'o/ /'tshe ba med pas chos thams cad bdag med pa'i phyag rgyas rgyas btab pa'o/ /skad cig ma nyid pas chos thams cad mi rtag pa'i phyag rgyas rgyas btab pa'o/ /skye ba dang / rga ba dang / 'chi ba'i mtha' dang ldan pas chos thams cad sdug bsngal gyi phyag rgyas rgyas btab pa'o/ /sngon gyi mtha' dang phyi ma'i mtha' de bzhin
29a
@#/ /nyid pas chos thams cad de bzhin nyid kyi phyag rgyas rgyas btab pa'o/ /gdod ma nas yongs su dag pas chos thams cad yang dag pa'i mtha'i phyag rgyas rgyas btab pa'o/ /'dus byas dang 'dus ma byas mnyam pa nyid bas chos thams cad stong pa nyid kyi phyag rgyas rgyas btab pa'o/ /spros pa'i dmigs pa rnam par bral bas chos thams cad mtshan ma med pa'i phyag rgyas rgyas btab pa'o/ /re ba thams cad las rnam par grol bas chos thams cad smon pa med pa'i phyag rgyas rgyas btab pa'o/ /dngos po med pa'i ngo bo nyid kyis na chos thams cad mi rtag pa'i phyag rgyas rgyas btab pa'o/ /phung po lnga yongs su 'dus pa'i mtshan nyid kyis na chos thams cad sdug bsngal gyi phyag rgyas rgyas btab pa'o| |rang bzhin gyi bdag med pas chos thams cad bdag med pa'i phyag rgyas rgyas btab pa'o/ /shin tu mi g.yo ba'i phyir chos thams cad zhi ba'i phyag rgyas rgyas btab pa'o// don dam pa'i bden pas yongs su khyab pa'i phyir chos thams cad bden pa'i phyag rgyas rgyas btab pa'o/ /'tsho ba rnam par mi gnas pa'i phyir chos thams cad dri ma med pa'i phyag rgyas rgyas btab pa'o/ /shin tu gdon mi za bar gnas pa'i phyir chos thams cad 'khrug pa med pa'i phyag rgyas rgyas btab pa'o/ /sngon gyi mtha' dang phyi ma'i mtha' bcad
29b
pa'i phyir chos thams cad ji lta ba bzhin gyi phyag rgyas rgyas btab pa'o/ /mi rnams kyi gzhi gzhi med pa'i phyir chos thams cad sgro 'dogs pa med pa'i phyir rgyas rgyas btab pa'o/ / byed pa pos byas pa'i phyir chos thams cad 'jig pa'i phyag rgyas rgyas btab pa'o/ /rang bzhin gyis ma byung ba'i phyir chos thams cad 'byung pa med pa'i phyag rgyas rgyas btab pa'o/ /rang bzhin gyis ma skyes pa'i phyir chos thams cad 'gog pa med pa'i phyag rgyas rgyas btab pa'o/ /'gag pa med pa'i phyir chos thams cad gdod ma nas skye ba med pa'i phyag rgyas rgyas btab pa'o| |rnam par spyod pa kun tu spyod pa thams cad dang bral ba'i phyir chos thams cad kyi spros pa med pa'i phyag rgyas rgyas btab pa'o/ /gzugs rnam par lta ba med pa'i phyir chos thams cad mtshan nyid med pa'i phyag rgyas rgyas btab pa'o/ /gnas yongs su bcad pa'i phyir chos thams cad nye bar sbyor ba med pa'i phyag rgyas rgyas btab pa'o/ /mi mthun pa'i phyogs nye bar mi dmigs pa'i phyir chos thams cad la skur pa mi 'debs pa'i phyag rgyas rgyas btab pa'o/ /mngon par 'du byed pa thams cad med pa'i phyir chos thams cad las kyi rnam par smin pa med pa'i phyag rgyas rgyas btab pa'o/ /skye ba dang gnas pa las rnam par grol ba'i phyir chos thams cad 'dus ma byas pa'i phyag rgyas rgyas btab pa'o/ /nam mkha' dang khyad par med pa'i
30a
@#/ /phyir chos thams cad mnyam pa nyid kyi phyag rgyas rgyas btab pa'o/ /mtshan nyid gcig pa'i phyir chos thams cad gzugs dang / tshor ba dang / 'du byed dang / rnam par shes pa'i phyag rgyas rgyas btab pa'o/ /snying po med pa'i phyir chos thams cad phung po'i phyag rgyas rgyas btab pa'o/ /snying po dang bcas pa med pa'i phyir chos thams cad khams dang skye mched kyi phyag rgyas rgyas btab pa'o/ /sangs rgyas thams cad kyi sku dang mnyam pa nyid thob pas chos thams cad khams dang skye mched kyi phyag rgyas rgyas btab pa'o| |mtha' gcig tu 'jig rten gyi lam rnam par dag pa'i phyir chos thams cad 'phags pa'i bden pa bzhi'i phyag rgyas rgyas btab pa'o/ /lha'i rjes su byed pa'i phyir chos thams cad phyag rgya chen po'i phyag rgyas rgyas btab pa'o/ /mtha' gcig tu chos la phan 'dogs pa'i phyir chos thams cad chos kyi phyag rgyas rgyas btab pa'o/ /thams cad kyi las sna tshogs byed pa'i phyir chos thams cad las kyi phyag rgyas rgyas btab pa'o/ /thams cad dam tshig thams cad rjes su sgrub pa'i phyir chos thams cad dam tshig gi phyag rgyas rgyas btab pa'o/ /sangs rgyas kyi chos thams cad rab tu mi gnas pa'i phyir chos thams cad sangs rgyas kyi phyag rgyas rgyas btab pa'o/ /chos thams cad 'jig rten
30b
las 'das pa'i lam gyi phyag rgyas rgyas btab pa dang / theg pa chen po'i phyag rgyas rgyas btab pa dang / gsang sngags kyi phyag rgyas rgyas btab pa dang / phyag rgya'i phyag rgyas rgyas btab pa dang / dkyil 'khor gyi phyag rgyas rgyas btab pa dang / mnyam pa nyid kyi phyag rgyas rgyas btab pa dang / rdo rje ye shes kyi phyag rgyas rgyas btab pa dang / ye shes thams cad kyi phyag rgyas rgyas btab pa dang / thams cad mkhyen pa'i ye shes kyi phyag rgyas rgyas btab pa dang / me long lta bu'i ye shes kyi phyag rgyas rgyas btab pa dang / mnyam pa nyid kyi ye shes kyi phyag rgyas rgyas btab pa dang / so sor rtog pa'i ye shes kyi phyag rgyas rgyas btab pa dang / bya ba grub pa'i ye shes kyi phyag rgyas rgyas btab pa dang / chos thams cad kyi chos kyi dbyings rnam par dag pa'i ye shes kyi phyag rgyas rgyas btab pa'o/ /de bzhin gshegs pa thams cad kyi ye shes kyi phyag rgya'o/ /muH/ 'jam dpal/ phyag rgya'i tshig 'di dag ni/ mi mnyam pa dang mnyam pa'i ye shes kyi tshig /de bzhin gshegs pa thams cad kyi byin gyis brlabs pa'i tshig /thams cad mkhyen pa'i ye shes yongs su rdzogs par byed pa theg pa chen po'i tshig ste/ sems can thams cad kyi sems kyi rgyud kyi phyag rgya'i tshig rnams la 'das pa dang / ma 'ongs pa dang / da ltar byung ba'i bcom ldan 'das rnams dang / chos kyi
31a
@#/ /phung po brgyad khri bzhi stong dang / byang chub kyang byung ba yin no/ /a i aHAM/ sngags pas phyag rgya 'dis rgyas btab na/ de bzhin gshegs pa'i ye shes kyi phyag rgya yang dag par 'du'o/ /hUM/ myur du ma skyes pa'i chos rnams la bzod pa thob par 'gyur ro/ /khaM/ de nas de ni/ de bzhin gshegs pa thams cad kyi sbyor ba thams cad kyi gsang ba chen po'i phyag rgya'i ye shes su gyur pa ni/ snying gi dbus su rtag tu bsgom/ /zla ba'i dkyil 'khor dbus son par/ /pad+ma'i phreng ba 'khrigs pa'i 'od/ /pad+ma chen po 'dab brgyad pa/ /'bar ba'i phreng ba 'khrigs pa'i 'od/ /de yi steng du rtag sgom pa/ /yi ge yi ni gtso bo mchog /thog ma tha ma med zhi ba/ /kha ba ba mo'i 'od 'dra 'od// dpa' bo kun da zla ltar dkar/ /nyi ma'i dkyil 'khor ltar 'od gsal/ /zhi ba'i chos kyi rang bzhin sku/ /kun mkhyen ye shes kyis gang ba/ /de bzhin gshegs pa kun gyi gsang // ra sa ya na dang mtshungs mchog /kha yig mkha' 'drar shes par bya/ /thig le nA das rnam par spras/ /gsang ba chen po mchog tu mjes/ /thog ma mtha' ma med pa'i bdag /de yi steng du rdo rje che/ /rtse mo lnga dang yang dag ldan/ /de yi steng du sgron ma che/ /'bar ba'i phreng ba 'khrugs pa'i 'od/ /de yi steng du rtag bsams pa/ /yi ge mchog gi go 'phang
31b
ngo / /man ngag mchog las shes bya ste/ /gzhan du na ni nga mi smra/ /sangs rgyas mkhas pa thams cad kyis/ /mdor bsdus nas ni 'di gsungs so/ /rnam par grol ba gsum thob nas/ / thob 'gyur 'di ni gzhan du min/ /lce ni rka na la sbyar bar bya/ /sna yi rtse mor yi ge hUM/ /dbang po gnyis ni snyoms 'jug pas/ /phyag rgya'i go 'phang tshig gis ni/ /shes rab ldan pas rang sems bsgom/ /snang ba med cing spros med pa/ /shin tu mchog tu phrar shes bya/ /khyab bdag bsod nams ye shes dngos/ /bsam bya bsam gtan brtson byas te/ /mig dang sgron ma'i 'od bzhin du/ /kun tu 'bar ba dang ldan pa/ /mgrin pa 'bad pas bcum nas ni/ /dkar po ser po sngon po 'od/ /dmar po yang ni thams cad du/ /'bar ba 'di dag 'bad pa yis| |sgrub po dam pas mtshon par bya/ /snying gar gsal bar byas nas su/ /de bzhin thams cad spyi bor song / /gnas de las ni thon nas kyang / /dbang po thams cad dga' bar 'gyur// de las thon nas 'jig rten ni/ /mtshungs par kun nas thams cad du/ /slar yang de ru 'ongs nas ni/ /de ni 'jig pa rab tu bsam/ /yid kyis de ltar bsgoms na ni/ /rang nyid 'khor los bsgyur lta bu/ /dbang po gnyis ni rab sbyor bas/ /legs par mnyam par bzhag pas bsgom/ /dbang po lngas ni dmigs nas yang / /mi rnams lus ni dag par 'gyur/ /ji
32a
@#/ /snyed bud med yon tan dang / /ldan pa kun tu gnas pa ni/ /bkug nas bcug ste bcings nas su/ /dbang du bya ste bsgrub par bya/ /de rnams lhan cig yongs bsten nas/ /sngags pa mchog gi dngos grub thob/ /gsang ba mchog tu dgyes pa na/ /shes rab pha rol phyin pa che/ /zhi ba'i chos kyi rim pa mchog/ shin tu mnyam par bzhag pas bsgom/ /rdo rje sems dpa'i dngos grub che/ /de 'grub gzhan lta smos ci dgos/ /mchog ni rtag par shes par bya/ /bar mas phun sum tshogs pa ste/ /stong pa nyid dang mtshan med mchog /smon pa med pa zhes su grags/ /chos kun bdag med pa yi mchog /kun mkhyen ye shes rdzogs par byed/ /sa bcu yi ni stobs dag gis/ /pha rol phyin pa thams cad thob| |rdo rje sems dpa' mchog bsgoms na/ /rdo rje sems dpa' 'dra bar 'gyur/ /de nyid 'di ni bcud kyis len/ /gnyis su med pa'i ye shes mchog /theg chen mchog tu yid 'ong ba| |stong nyid sgom pa'i bdag nyid can/ /gnyis su med pa'i ye shes mchog /gang gis rtag tu sgom byed na/ /de yang rdo rje 'dzin rgyal po/ /yon tan mchog las skye bar 'gyur bud med gang zhig sngo bsangs ma/ /rgyan rnams kun gyis rnam par brgyan/ /lus ngag yid kyi sbyor ba yis/ /yongs reg A ling+ga tsum+pas/ /mchog gi dngos grub thob par 'gyur//
32b
bud med kha dog ljang gu gang / /rgyan rnams kun gyis rnam par brgyan/ /de tshe de ni sngags pas bsten/ /mnyam med gsang ba'i ye shes mtshungs/ /bud med gang zhig kha dog dkar// pad+ma'i 'dab ma 'dra ba'i 'od/ /de dang lhan cig sngags pas bsdad/ /dam pa'i dngos grub thob par 'gyur/ /bud med gang zhig kha dog dmar/ /ut+pa la yi rgyan 'chang ma/ /sngags pas de dang lhan cig gnas/ /shes rab pha rol phyin mtshungs 'gyur/ /bud med in+d+ra nI la mtshungs/ /gsang ba rdo rje rnal 'byor gyis/ /sngags pa cho ga shes pas bsten/ /rig 'dzin rnams kyi stobs chen 'gyur/ /gsang chen ma ra ka ta mtshungs/ /gang gis rtag tu bsten pa ni/ /de yang rdo rje 'dzin rgyal po/ /myur du gsang ba'i dam par 'gyur/ /bud med pad+ma rA ga 'dra// rgyan rnams kun gyis rnam par brgyan/ /dbang po gnyis ni snyoms 'jug pas/ /rdo rje 'dzin ma lta bu bsgrub/ /sangs rgyas kun dang mnyam sbyor ba/ /gnyis su med pa'i ye shes mchog/ gang gis rtag tu sgom pa ni/ /mnyam med sangs rgyas kun dang mtshungs/ /dran pa nye bar gzhag pa bzhi/ /mchog gi gnas kyis bsgoms na ni/ /rnal 'byor mchog gis mi ring bar// rdo rje 'dzin pa lta bur 'gyur/ /yang dag spong ba rnam pa bzhi/ /legs par mnyam par bzhag pas bsgom/ /dbang po gnyis ni snyoms 'jug pas/ /mnyam med 'jig rten dbang phyug
33a
@#/ /mtshungs| |so sor yang dag rig pa bzhi/ /shin tu mnyam bzhag bsgoms na ni/ /zhen med rdo rje sangs rgyas mtshungs/ /mnyam med 'jam pa'i mchog dang 'dra| |mi 'jigs pa ni rnam pa bzhi/ /rdo rje'i sbyor bas bsgom par bya/ /dbang po gnyis ni snyoms 'jug pas/ /rdo rje 'dzin pa lta bu ste/ /rdzu 'phrul gyi ni rkang pa bzhi/ /shin tu mnyam bzhag bsgoms na ni/ /dbang po gnyis ni mnyam sbyor bas/ /rdzu 'phrul ldan pa'i mchog tu 'gyur/ /tshangs pa yi ni gnas bzhi po/ /tshad med pa yi sems kyis ni/ / rdo rje sbyor bar bdag bsgoms na/ /rdo rje 'dzin pa lta bur 'grub/ /sbyor pa'i bdag nyid dbang po lnga/ /dam pa'i don gyis bsgoms na ni/ /dbang po gnyis ni snyoms 'jug pas// mnyam med rdo rje sangs rgyas mtshungs/ /yid kyi stobs ni rnam pa lnga/ /shin tu mnyam bzhag bsgoms na ni/ /'khor los bsgyur pa brtson 'grus che/ /stobs 'dzin lta bu nyid du 'gyur/ /byang chub yan lag rin chen bdun/ /gsang sngags sgom pas bsgoms na ni/ /rtog pa'i ye shes sbyor ba yis/ /khyab bdag chos kun 'dzin par 'gyur| |'phags pa'i yan lag brgyad kyi lam/ /kun mkhyen ye shes rdzogs byed pa/ /de ni bsgoms pa tsam gyis ni/ /'jig rten shes las rab tu 'da'/ /rjes
33b
su dran pa rnam pa drug /bdag nyid rtse gcig gis bsgoms na/ /sngags pa rdo rje 'dzin pa ru/ /sngags pa dus mi ring bar 'gyur/ /stobs bcu po ni yang dag bsgom/ /sgom pa'i rnal 'byor de nyid kyis/ /bsod nams ye shes yongs rdzogs te/ /rtag tu stobs bcu'i dam par 'gyur/ /pha rol phyin bcu yongs su rdzogs/ /stobs rnams dang ni dbang rnams dang / /sa rnams kun ni des bskyed nas/ /myur du mtshan ma dag par 'gyur/ /bud med num shin tu bsnun/ /rje ngar rje ngar de bzhin du/ /mchu yis mchu ni yongs su bzung / /'bad pas dam du A ling+ga/ /rnam grol gos kyis bsgribs nas su/ /byang chub sems ni bsgom par bya/ /rdo rje ye shes brtson 'grus che/ /rdo rje dbyings su bdag bstan pas/ /rnam pa sna tshogs ka ra Na| |rnal 'byor shes pa de bsten bya/ /sngar bzhin thams cad byas nas su/ /bud med rnams kyi dam tshig 'grub/ /rdo rje sems dpa' mtshungs par 'gyur/ /bud med rnams kyi b+ha gar bsnun/ /ling+ga myur du gang bar 'gyur/ /sbyor ba 'di ni mkhyen pa yis/ /stobs chen sangs rgyas rab tu grub/ /gsang ba 'di ni dam pa ste/ /sangs rgyas kun gyi skyob pa'o// gsang ba 'di yi sbyor ba yis/ /yi ge dam pa 'grub par 'gyur/ /sangs rgyas rnams kyi ma 'dres pa'i/ /chos su grags pa gang yin pa/ /de rnams sgom byed gtso bo ni/ /dngos grub
34a
@#/ /thams cad rab rdzogs pa/ /ma 'dres pa yi chos bco brgyad/ /sangs rgyas chos su grags pa ste/ /de rnams sgom pa dang ldan pas/ /sangs rgyas byang chub rab ster byed| |bsam gtan bzhi po thob nas ni/ /gzugs med pa yi rtag par yang / /'gog pa'i snyoms par 'jug ldan pas/ /sangs rgyas byang chub sgrub pa po/ /byang chub phyogs ni sum cu bdun/ /chos ni mchog tu rmad byung ba/ /de rnams sgom pa dang ldan pas/ /byang chub sems dpa'i skyob pa'o/ /sngags rnams thams cad rab 'grub cing / /sbyor ba thams cad thams cad du 'o/ /des na 'bad pa thams cad kyis/ /sangs rgyas chos nyid bsgom par bya/ /'jig rten 'jig rten 'das pa'i lam/ /ye shes rin chen rab rnyed dka'/ /mchod dang dbang bskur byin brlabs pas/ /rnyed 'gyur gzhan du ma yin no/ /zhu zhing gsol ba btab pa dang / /bdag nyid dbul ba de bzhin no/ /sangs rgyas sogs la yi rang zhing / /de bzhin yongs su bsngo ba dang / /byang chub sems ni yang dag bskyed/ /khyad par du ni dus kun du'o/ /thog ma bar dang phyi ma red du/ /ji lta bzhin du rjes bsgoms pas/ /sangs rgyas thams cad bsgrub bya ste/ /'di la the tshom yod ma yin/ /'gro ba sems kyis spro ba ni/ /brtan pa'i snying po legs par bshad/ /stong nyid de bzhin nyid las byung / /rdo rje sems
34b
dpar de bshad do/ /'gro ba thams cad bkug nas su/ /sangs rgyas byang chub sbyar bar bya/ /don yod ye shes dag pa ste/ /rdo rje rgyal po mchog ces bshad/ /rdo rje chags pas chags gyur nas/ /rang bzhin gyis ni brtan par 'gyur/ /'gro ba ma lus lus med pa/ /de yi sems ni chags par bshad/ /chos rnams kun ni rang bzhin gyis/ /rnam par dben zhing gnyis su med/ /gang tshe dag pa'i bdag nyid mthong / /de tshe rdo rje legs par bshad/ /rdo rje sems dpa' bzhi po yis/ /ming dang brda ni sbyar ba'o/ /sangs rgyas kun dang mnyam sbyor ba/ /sdom pa mchog tu dam pa'o/ /khams gsum pa yi rgyal srid che/ /tshogs gnyis rdzogs par byas pa ste/ /sa dang pha rol phyin mchog gtso/ /rdo rje dbang bskur las byung ba| |de bzhin gshegs kun ye shes te/ /rnyog pa med cing yi ge med/ /'od kyi dkyil 'khor gzi brjid mchog /brtan pa rtag pa nyid du 'gyur/ /nam mkha'i mdzod ni mdzod chen po| |chos rnams thams cad legs gnas pa/ /yid bzhin nor bu rdo rje che/ /rdo rje tog ni bla na med/ /ye shes snang ba rin chen che/ /yongs su skye ba yongs su blta/ /de bzhin gshegs kun gsang ba ni/ /rdo rje bzhad pa zhes su bshad/ /chos kyi bdag med las byung ba/ /gnyis su med pa'i ye shes mchog /chos nyid dam pa bsam du med/ /rdo rje chos zhes rab tu grags//
35a
@#/ /rdo rje blo gros snang ba che/ /shes rab ye shes dri med mchog /zag med shes rab chen po pa/ /de ni rdo rje rnon por bshad/ /sangs rgyas rnams kyi chos 'khor lo/ /gnyis su med las byung bar mtshon/ /yan lag bcu gnyis rten 'brel mang / /rdo rje rgyu zhes nges par bshad/ /dgongs pa'i skad ni spros pa'i mchog /yul rnams kyis ni bshad pa de/ /sangs rgyas kun gyi bzlas pa che/ /de ni rdo rje sma bar bshad/ /sems can kun gyi don la sbyar/ /sangs rgyas kun gyi mchod pa che/ /gdod nas dag pa'i rnal 'byor che/ /de ni rdo rje lus su bshad| |bla na med pa'i byams pa che/ /bsrung ba'i bya ba gong na med/ /dga' ba'i chos ni brtson chen po/ /rdo rje srung ba zhes su grags/ /shes rab thabs kyi khro bo che/ /sangs rgyas kun dang rjes mthun pa/ /nyon mongs thams cad za ba che/ /de ni gnod sbyin chen por brjod/ /lus ngag yid ni yang dag sbyor/ /sgrib pa med cing yi ge bral/ /de bzhin gshegs pa kun gyi gsang / /de ni rdo rje mtshams sbyor bshad/ /rdo rje ye shes rnal 'byor che/ /sangs rgyas kun gyis tobs po che/ /thog ma mtha' ma med zhi ba/ /rig pa mchog ces bya bar bshad| |de nas yang 'jam dpal gzhon nur gyur pas de bzhin gshegs pa thams cad kyi rdo rje'i glus de bzhin gshegs pa thams cad legs par mchod nas glur blangs
35b
pa/ oM sarba bud+d+ha pa ra me shwa ra bud+d+h+ya shud+d+h+ya la li ho/ /su b+ha ga /su ra ta/ ma hA ma hA a d+hi ma hA bud+d+hi bud+d+ha bud+d+ha/ yo gA shwa ra ta thA tA b+hA bi twA ta ma ka ta thA ga ta/ byang chub sems bskyed las 'khrungs pa/ /sangs rgyas kun la phyag 'tshal lo/ /mchog gi dbang phyug dam pa'i chos/ /gdod nas zhi ba la phyag 'tshal/ /byang chub sems dpa' skyob pa po/ /rdo rje can kun la phyag 'tshal| |de bzhin gshegs pa rdo rje che/ /sangs rgyas byang chub la phyag 'tshal/ /mi dmigs go 'phang la gnas pa/ /mtha' las 'das pa la phyag 'tshal/ /'dren pa rnams kyi stobs po che| |hUM gi yi ge ma lus pa/ /thams cad mkhyen pa mtha' dag dang / /shin tu yongs su mya ngan 'da'/ /'jig rten dbang phyug mgon bzang po/ /rdo rje ye shes dri ma med/ /rnam par dag ba rdo rje mchog /dngos grub thams cad rab gsol byed/ /rnal 'byor dbang phyug rnams kyi mchog/ dus gsum bsam pa dbang gyur pa/ /sems can rnams la phan don du/ / khyab pa khyod la phyag 'tshal 'dud/ /rdo rje snying po rgyan las/ dkyil 'khor chen po yongs su rdzogs so// //de nas bcom ldan 'das de bzhin gshegs pa rnams sla zla yang 'dus par gyur nas de bzhin gshegs pa thams cad kyi thugs gar zhugs te bcom ldan 'das rnal 'byor gyi dbang phyug chen po rdo rje'i snying po'i rgyan gyi dkyil 'khor
36a
@#/ /chen po'i phyag rgya'i don du zhu ba zhus pa/ de nas yang dag bshad bya ba/ /dkyil 'khor chen po dam pa ste/ /rdo rje snying po zhes grags pa/ /sangs rgyas kun gyi skyob pa'o/ /gru bzhi pa la sgo bzhi pa/ /rta babs bzhis ni rnam par mdzes/ /sgo khyud rdo rje'i gzugs brnyan dang / /phyag rgya dang ldan rab tu mdzes/ /dkyil 'khor de yi dbus su ni| |'khor lo gnyis ni rab tu gnas/ /rtsibs brgyad pa dang bcu drug rtsibs/ /rnam par dbye ba legs par brtag /dbus kyi dkyil 'khor nang gi ni/ /lte ba'i gnas su legs brtag pa/ /pad+ma chen po 'dab brgyad pa/ /ge sar bltams pas rab tu mdzes/ /de yi lte ba'i dbus su ni/ /khyab bdag rnal 'byor dbang phyug che/ /rnam par snang mdzad brtson chen po| |sems can rnams la rjes brtse bas/ /de yi nye 'khor kun tu ni/ /de bzhin gshegs pa brgyad rnams dgod/ /shar du dgod bya 'khor lo can/ /gtsug tor dkar po nub tu ste/ /gzi brjid phung po lho ru'o/ /rnam par rgyal ba byang du gnas/ /dbang ldan rnam par gsal bar bri/ /mer ni steng 'gro dgod par bya/ /steng 'gro chen po bden bral du| |rlung du rgyal ba chen po gnas/ /sangs rgyas gzugs brnyan 'dzin pa yi/ /rnal 'byor ldan pas 'di dag bri/ /mi bskyod pa ni shar du dgod/ /lho ru rin chen 'byung ldan no/ /
36b
nub tu 'od dpag med par 'gyur/ /byang du don yod grub pa'i ming / /zla ba'i dkyil 'khor la brten pa'o/ /dbang ldan phyogs nas brtsams nas ni/ /rdo rje sems dpa' la sogs bri| |thams cad zla ba'i dkyil 'khor gnas/ /'khor rnams zla ba'i dkyil 'khor la'o/ /phreng ba rnam par dgod bya ba/ /rang gi phyag rgya 'od zer 'bar/ /rdo rje sgeg mo la sogs pa'i// lha mo 'bad pas dgod par bya/ /rdo rje bdug pa la sogs bri/ /de bzhin gzugs kyi rdo rje sogs/ /rdo rje lcags kyu la sogs pa/ /sgo srung 'bad pas bri bar bya/ /phyi yi dkyil 'khor la gnas pa/ /kun tu bzang sogs rim bzhin bri/ /rang gi phyag rgya'i 'khor rnams dang / /pho nya yi ni 'khor dag dang / /khro bo rnams dang mngag pa dang / /de bzhin pho nya pho nya mo/ /rgya mtsho yi ni dkyil 'khor ni/ /'od kyi dkyil 'khor gsal pa'o/ /phyi ru phyi rol rdo rje'i ming / /dkyil 'khor la ni 'bad pas bri/ /dbang ldan phyogs nas brtsams nas su/ /'jig rten skyong ba brgyad po bri/ /tshangs po khyab 'jug dbang chen ming / /dbang po la sogs lha thams cad/ /ma mo kun dang sring mo rnams/ /rgyal chen rnams dang klu dang bcas/ /de bzhin lha rnams thams cad dang / /brtson 'grus chen po nam mkha' lding / /'bad pa yis ni bri bar bya/ /de lta'i dkyil 'khor bris nas su/ /khyad par du ni mchod par bya/ /me tog bdug spos rol mo dang / /de
37a
@#/ /bzhin bza' dang ston mo sogs/ /phreng ba'i rgyan ni sna tshogs kyis/ /de bzhin gshegs rnams mchod par bya/ /dkyil 'khor kun gyi cho ga yis/ /mchod pa kun gyis thams cad nas/ /'khor lo kun gyi cho ga yis/ /sangs rgyas thams cad mchod par bya/ /de nas slob ma thams cad gzhug /yongs su dag pa khyad par du/ /byang chub sems ni bskyed nas su/ /byang chub bslab pa rjes spyod pa/ /cho ga shes pa'i sngags pas gzhug /'dren pa rnams la mchod du gzhug /rdo rje'i dbang bskur sbyor ba yis// dbang bskur ba ni de nas sbyin/ /seng+ge'i khri yi steng du ni/ /dar dang me tog chun pos spras/ /dkar po'i gdugs dang rin chen che/ /bla bre rgya che 'bar ba dang / /de yi g.yas kyi drung du ni| |mkhas pa yis ni gzhag par bya/ /ba dan rnam pa sna tshogs dang / /sna tshogs ras las yang dag sprul/ /g.yon gyi drung du thams cad nas/ /'bad pa yis ni gzhag par bya| |rin chen sman kun gyis gang ba'i/ /bum pa legs par bzhag byas te/ /rdo rje chu sogs dbang bskur gyis/ /de la rang gis dbang bskur bya/ /rdo rje ming gis dbang bskur ba/ /mkhas pa yis ni slar yang bya/ /kun gyi cod pan dbang bskur gyis/ /yang dang yang du dbang bskur bya/ /chos kyi cod pan dbang bskur dang / /sangs rgyas kun gyi skyob
37b
pa ni| |sna tshogs las kyi dbang bskur sbyin/ /chos kyi dbyings dang mnyam tshungs pa'o/ /chos kyi sku yi dbang bskur ba/ /sangs rgyas kun gyi sgron ma sbyin/ /de ltar slob ma dbang bskur ba/ /khyad par du ni sngags pas bya/ /de la dam tshig cho ga yis/ /sngags dang phyag rgyas sbyin par bya/ /slob dpon brnyas par mi bya zhing / /sgrub po kun la smad mi bya/ /sngags kyi spyod pa thams cad las/ /'da' bar mi bya smad mi bya/ /'jig rten pa yi lha rnams dang / /grub mtha'i rigs pa thams cad la/ /smad par mi bya blang mi bya/ /de la mngon par dga' ba spang // sdig pa thams cad rnam spang zhing / /de bzhin bsod nams thams cad bsdu/ /bza' dang ston mo du ma la/ /bza' bar mi bya smad mi bya/ /'dod pas bcom ldan sems dpa' ste/ / sangs rgyas kun gyi sras bdag skyes/ /thog ma tha ma med zhi ba/ /nam yang dor bar mi bya'o/ /sangs rgyas thams cad chags las 'khrungs/ /de bzhin zhe sdang rmongs las 'khrungs// mnyam dang mi mnyam chos kun dang / /dbu ma'i gnas la gnas nas su/ /de nyid dam tshig shes nas su/ /sangs rgyas byang chub yongs mi spong / /lus can kun la 'tshe mi bya/ /khyod kyis sar sna mi bya ste/ /phrag dog bya bar mi bya'o/ /dam pa'i chos ni spang mi bya/ /byang chub sems ni mchog tu bde/ /chang gi btung ba spang bya ste/ /pha rol bud med rnam par spang / /thams cad
38a
@#/ /mkhyen pa yongs mi dor/ /rtag tu srog chags gsad mi bya/ /sems can rnams la snying rje dang / /byams pa yang ni rnam par bsgom/ /sems can rnams la phan pa ni/ /yang dang yang du yongs su bya/ /sangs rgyas kun gyi rjes skyob pa/ /dam tshig de nyid 'di dag ni/ /slob ma rnams la rjes brtse bas/ /mkhas pa yis ni bstan par bya| |de nas phyag rgya rjes bcings pa/ /go rim bzhin du bstan par bya/ /phyag rgya 'di dag khyad par gyi/ /mtshan nyid yang dag rab bshad bya/ /me tog zum pa'i tshul bzhin du/ /thal mo legs par bsdam par bya/ /sangs rgyas dpa' bo thams cad kyi/ /pad+ma'i thal mo zhes su bsgrags/ /sems dpa' mchog ni legs pa rkyang ba/ /pad+ma'i phyag rgya zhes su brjod/ /re re'i mtshams su nges bcings pa/ /de ni rdo rje thal mor brtag /sor mo thams cad nges bsdams pa/ /rdo rje bsdams pas legs bcings pa/ / sor mo brkyang ste steng du bstan/ /sangs rgyas byang chub rab gsol byed/ /khu tshur nang du byas nas ni/ /gnyis ka sbyar bas yongs su brtag/ 'khor los bsgyur sogs phyag rgya'o/ /dam pa sbyin pa yin par bshad/ /sangs rgyas dpa' bo thams cad kyi/ /dam tshig phyag rgya 'di yin no/ /ming med nang bcug khu tshur gyis/ /kun gyi rtse mor yongs su
38b
brtag /rdo rje'i rnam par legs par sbyar/ /rdo rje chen po zhes su bsgrags/ /mthe'u chung srin lag khu tshur las/ /gung mo legs par brkyangs nas su/ /mdzub mos mthe bong yongs su sbyar| |'khor los bsgyur ba nyid gsol byed/ /brkyang ba'i rtse mo sbyar ba ni/ /gdugs dkar zhes ni rab tu grags/ /srin lag dang ni mthe bong sbyar/ /gung mo gnyis ni brtag par bya// gzi brjid phung po'i phyag rgya che/ /gzi brjid phung po nyid gsol byed/ /de nyid ral gri lta bur sbyar/ /rnam par rgyal ba zhes su grags/ /de nyid rgyal ba zhes bya ba/ /rdo rje ldan pa de bzhin gshegs/ /khu tshur snying po ldan byas pas/ /gtsug tor rnam pa'i 'byung gnas te/ /thub dka' sangs rgyas thams cad kyis/ /steng du 'gro ba zhes su bshad/ /rdo rje bsdams pa yongs su sbyar| |dam tshig kun gyi 'byung gnas te/ /gung mo'i rtse mo mchog tu sbyar/ /mthe'u chung dang ni mthe bong brkyang / /lcags kyu mda' yi sbyor ba yis/ /legs so ba ni sbyar bar bya// gung mo rdo rje rin chen rtse/ /phye ba gzi brjid mchog gi mchog /rgyal mtshan gnas su nges par sbyar/ /bzhad pa'i gnas su sbyar bar bya/ /rdo rje chos kyi phyag rgya che/ /dbu ma pad+ma lta bur bskum/ /ral gri'i chos ni 'jam pa'i dbyangs/ /'khor los bsgyur ba'i 'khor lo 'dra/ /kha ru phye ba'i phyag rgya che/ /rdo rje smra ba nyid du 'gyur/ /las kyi rdo rje'i phyag rgya che/ /gar
39a
@#/ /mtshungs rdo rje sna tshogs can/ /chos yongs sdud pa'i sbyor ba yis/ /rdo rje srung bar brtag par bya/ /mche ba gnyis ni rnam par gtsigs/ /rdo rje gnod sbyin zhes su bshad/ /khu tshur bcangs pa khu tshur gyis/ /rdo rje thal mo snying gar bzhag /rdo rje sgeg mo zhes su grags/ /yongs su sbyar ba spyi bor bzhag /rdo rje phreng ba zhes su brjod/ /thal mo sbyar ba gdong du sgrol/ /rdo rje glu mar rjes su bsgrags/ /'gyed cing 'dud pa'i sbyor ba yis/ /de ni rdo rje gar mar bshad/ /pad+ma'i thal mo gdong du dbye/ /spyi bor yongs su sbyar la bzhag /snying gar mthe bo bsnyams pa dang / /rab tu brkyang pa byug pa'o/ /lag pa steng du yongs brkyang pa/ /gzugs kyi phyag rgya nyid du 'gyur/ /lag gnyis rna ba'i lam du bzhag /sgra yi phyag rgya nyid du bshad/ /dri ni byug pa'i sbyor ba yis/ /dri yi phyag rgya zhes su brjod/ /gdong du snyim pa phye ba ni/ /ro yi phyag rgya zhes su bsgrags/ /mkha' la myur ba'i sbyor ba yis/ /reg pa reg pa zhes su bshad/ /mthe'u chung gnyis ni yongs su sbyar/ /mdzub mo lcags kyu'i sbyor ba las/ /de nyid zhags pa'i dbyibs dang ni// lu gu rgyud kyi rnam par brtag /bzhi pa rdo rje dril bu zhes/ /rdo rje 'bebs par rnam par brtag /phyag rgya kun dang nye ba'i rgya/ /blo gros ldan pa rang gis brtag /thal mo yongs su
39b
sbyar la bsdam/ /mdzub mo gnyis po bskums nas ni/ /rin po che yi rnam par bcing / /kun tu bzang po blo ldan gyis/ /de las rtse mo rtse mo bskum/ /sems kyis byams pa bsgoms nas su| |mdzub mo sbyar la bcug nas ni/ /ral gri'i rnam par brtag pa ste/ /'di ni nam mkha' hi snying po yi/ /phyag rgyar sangs rgyas kun gyis bsngags/ /de nas ral gri'i mtshon cha yi| |rnam pa ru ni nyer gnas pa/ /phyag rgya 'di ni rnam 'gog par/ /thams cad kyis ni yongs su brjod/ /gar ni sdud pa'i sbyor ba yis/ /rdo rje thal mo rab tu brkyang / /pad+ma'i lta bur rnam par brtag /pad+ma'i lag pa blo ldan gyis/ /de nyid me tog zum tshul dang / /ut+pal rnam pa ltar mdzes pa/ /'di ni pad+ma sgrol ba'i rgya/ /pad+ma'i mgon po zhes su grags/ mche ba gtsigs pa dang ldan pa'i/ /kha dang 'dra bar legs par brtag/ 'di ni rta mgrin phyag rgya ste/ /kha yi phyogs su rab tu brtag /pad+ma'i thal mo dpral ba yi/ /blo gnyer du ni nye bar sbyar/ /rdo rje thal mo 'bebs pa che/ /dpal gyi snying po rin chen ldan/ /yid bzhin nor bu'i rnam pa gzung / /thal mo legs par rab tu brkyang / /mi bzad blo gros phyag rgya che/ /sangs rgyas kun gyis rab tu brtag/ gar ni sdud pa'i sbyor ba yis/ /rin chen rdo rje snying gar bzhag /nam mkha' mdzod kyi phyag rgya ste/ /nam mkha'i mdzod nyid ster
40a
@#/ /bar byed/ /rdo rje chen po legs par brkyang / /mthe chung mthe bong nges par bcing / /lag pa gnyis ni nges par brtag/ blo gros rgya mtsho'i phyag rgyar 'gyur| |rdo rje thal mo steng du bsgreng / /mdzub mo gnyis po sbyar bar bya/ /'di ni rdo rje snying po'i rgya/ /rdo rje snying pos bka' stsal to/ /khu tshur nang du byas nas su/ /mdzub mo gnyis po rtse mo sbyar/ /'di ni 'jam dpal phyag rgya ste/ /rdo rje ral gri zhes su brtag/ de nyid shak+ti'i rnam pa ni/ /'jam pa'i dbyangs ni blo ldan gyi'o/ /gshin rje mthar byed mdung rtser 'gyur/ /mdung rtse chen por rab tu brtag /mdzub mo bskum par byas nas ni/ /gung mo'i steng du yongs su bzhag /zhags pa'i rnam pa rab ldan pas/ /gshin rje yang ni 'jigs par byed/ /de nyid ral grir byas pa ni/ /skra can gyi ru rab tu bshad/ /khu tshur thams cad nges bcings te/ /mdzub mo gcig ni bskum par bya/ /'di ni nye ba'i skra can rgyar/ /'jam pa'i dbyangs kyis bka' stsal to/ /rdo rje bsdams pa steng bcings te/ /dbu ma gnyis ni rnam par spang / /mdzub mo rdo rje'i rnam par bya/ /mthe chung dang ni mthe bong brkyang / /'di ni rdo rje 'dzin chen po'i/ /phyag rgya don kun sgrub byed yin/ /mdzub mo mthe bong bsdams pa ni/ /mA ma kIr ni yongs su bshad/ /mdzub mo lcags sgrog
40b
rnam pa las/ /gung mo'i dbu ma rdo rjer bya/ /'di ni rdo rje lcags sgrog rgya/ /rdo rje lta bur yongs su bshad/ /rdo rje chen po rtse lnga pa/ /khro bo gzegs mar rnam par bshad/ /mchog gi rtse mo rtse gcig bya/ /rdo rje rtse mo nyid kyir bshad/ /lag na rin chen phyag rgya ni/ /lag gnyis legs par brkyang bar bya/ /sor mo pad+ma'i dbyibs su bya/ /skul byed lha mor yongs su bshad/ / thal mo yongs su sbyar ba las/ /mdzub mo dang ni mthe bong dag /mig gi tshul du sbyar bar bya/ /sangs rgyas spyan gyi rnam par bshad/ /bkra shis kyi ni skyil krung bca'/ /rnal 'byor rig pas lug bsrang ste/ /lag gnyis lhung bzed 'dzin 'dra ba/ /bsam gtan phyag rgyar rab tu bshad/ /'di ni rnam par snang mdzad rgya/ /sangs rgyas kun gyi don mdzad pa'i// mi bskyod pa yi sa la reg /rin chen tog gi mchog sbyin bshad/ /bsam gtan phyag rgya 'od dpag med/ /ngo bo nyid kyi don rtogs byed/ /don yod gzigs pa'i phyag rgya ni/ /mi 'jigs pa ni med pa sbyin/ /blo ldan rnal 'byor skyil krung gnas/ /sangs rgyas kun gyi rang bzhin bdag /mnyam par bzhag pas phyag rgya kun/ /'ching ba 'am ni 'ching du gzhug/ 'jig rten pa yi phyag rgya la/ /lag pa gcig ni rab rkyang ste/ /dbang ldan gyi ni rtse gsum pa/ /mthe bong mthe chung mnan par bya/ /lha yi dbang po'i rdo rjer gyur/ /lag pa g.yas
41a
@#/ /pas bteg par bya/ /me yi oM yig lag pa dag /mthe bong gung mo nyid la bzhag/ gshin rje'i rdo rje dbyug pa ste/ /mdzub mo dang ni mthe bong sbyar/ /de nyid khyab 'jug 'khor lo ste/ /'khor lo'i yi ge dgod par bya/ /lag pa gcig gis thod pa ni/ /ma mo rnams kyir yang dag bshad/ /sor mo gnyis bsgreng ral gri ni/ /srin po'i bdag nyid chen po'i 'o/ /mdzub mo mthe bong sbyar ba ni/ /chu lha'i zhags pa nyid du bshad/ /mdzub mo dang ni gung mo dag/ rgyal mtshan lta bur legs par brkyang / /rlung lha rgyal mtshan phyag rgya ni/ /lag pa gnyis kyis rab tu brtag /dbu ma gcig pu legs brkyang ba/ /dbyug tho'i phyag rgyar rab tu bshad/ /gnod sbyin kun gyi dbang phyug ni/ /lus ngan bdag nyid chen po 'o/ /mchod phyir thogs kyi phyag rgya ni/ /tshangs pa yi ru legs par bshad/ /drag po'i gsal shing shes bya ste/ /lha mo'i paT+Ti se ru brjod/ /tshogs bdag gi ni sna ru bshad/ /zla ba'i bdud rtsi'i dkyil 'khor ro/ /nyi ma'i 'od zer stong phrag ni/ /lag pa gnyis kyis bstan par bya/ /'od kyi dkyil 'khor sbyor ba yis/ /dbang po'i rdo rje mtshon cha ltar/ /'di ni lha rnams kun gyi rgya/ /dpa' bo kun gyis rab tu gnad/ /dri za rnams kyi phyag rgya ni/ /glu len lta bur rab tu bsgrags/ /dga' byed dbang phyug phyag rgya
41b
che| |rdza rnga'i sgra dbyangs rab tu 'bar/ /sangs rgyas thams cad rab mchod phyir/ /lha chen pos ni rab tu brtag /ting ting shag 'dzin sbyor ba yis/ /dri za rnams kyir rab tu bsgrags/ / pi wang bsgreng ba'i sbyor ba yis/ /dbyangs can gyir ni rnam par bshad/ /rtag tu dun+du b+hi sgrog pa/ /rig pa 'dzin pa rnams kyir brjod/ /lag gnyis gdengs ka'i tshul byas pa/ /klu rnams kyir ni legs par bshad/ /gar ni sdud pa'i sbyor ba yis/ /'gyed dang 'dud pa'i de bzhin no/ /lag pa'i zhags pa nges bcings pa/ /de ni phyag rgyar rab tu bshad/ /'di rnams dam tshig phyag rgya ru/ /de bzhin gshegs rnams legs par gsungs/ /las kyi sbyor ba 'bad pa yis/ /'di rnams kyang ni phyag rgyar bshad/ /phyag rgya dor nas sems kyi ni| |rin chen yang dang yang du bsam/ /rnam par rtog med gdod nas zhi/ /chos dbyings mnyam zhing mi mnyam pa/ /stong pa mkha' 'drar shes nas su/ /mkhas pa yis ni bsgom par bya| |'di dag thams cad ma skyes shing / /rmi lam lta bur rab tu gnas/ /dri za'i grong khyer lta bur snang / /'tsho ba'i 'jig rten yang dang yang / /mig 'phrul lta bur shin tu ni/ / 'gro ba thams cad rab tu gsal/ /mi rtag sdug bsngal stong pa ru/ /srid pa thams cad mdor bsdus pa/ /bdag med pa zhes mthong nas ni/ /sangs rgyas kun dang dpa' bo yis/ /sgyu
42a
@#/ /ma smig rgyu brag ca dang / /lbu ba chu yi chu bur dang / /gzugs brnyan lta bur 'jig rten ni/ /de ltar sangs rgyas rnams kyis dgongs/ /thams cad mgal me'i 'khor lo ltar/ /zo chun khyud mo ji bzhin du/ /gar gyi gnas kyi tshul 'dra bar/ /zla ba gnyis dang mtshungs par blta/ /rtag tu glog gi phreng ba 'dra/ /sbrang bu'i sgra dang mtshungs par bshad/ /'khor ba shin tu bslad pa ste/ /rgod ma'i kha dang 'dra bar gnas/ /'di ltar shes shing rtogs nas ni/ /sgom pa'i stobs kyis rang nyid kyi/ /sems ni legs sgrub rnal 'byor pa/ /de la phyag rgya rab tu bshad/ /stong pa mtshan ma med pa dang / /smon pa med pa'i rang bzhin lus/ /lus dang ngag dang yid kyis ni/ /dam tshig gsum ni brtags pa 'o| |phyag rgya sngags dang lha nyid dang / /de nyid gsum ni rab tu gnas/ /bdag nyid sbyor ba'i rnal 'byor gyis/ /mtshan nyid gcig tu rnam par gnas/ /de 'di dam pa'i phyag rgya ru/ /sangs rgyas rnams kyis bka' stsal to/ /phyag rgya yi ge bral ba ste/ /rnam pa med cing snang ba ste/ /dngos po med pa'i chos rnams la/ /dngos po'i de nyid nyid du bshad/ /dngos med dngos po'i rang bzhin yin/ /dngos med nyid kyang dngos po yin/ /dngos dang dngos med rnam par grol/ /rnal 'byor ye shes mchog tu bde/ /rtog ge med cing
42b
snang pa med/ /'khrul pa med cing yi ge med/ /stong pa nam mkha' mtshungs pa'i sems/ /gang tshe de ltar nyid gyur pa/ /de tshe phyag rgya rnams dang sngags/ /lha nyid du yang rab tu brtag/ sngags las phyag rgya ma mthong zhing / /phyag rgya las kyang sngags min cing / /rang nyid lha yi rnal 'byor ni/ /gnyis med sngags dang phyag rgyar brtag /de bzhin gshegs pa thams cad kyi rdo rje snying po rgyan ces bya ba'i rgyud kyi rgyal po chen po las/ phyag rgya'i rim par phye ba'o// //de nas bcom ldan 'das de bzhin gshegs pa thams cad slar yang 'dus par gyur te/ de bzhin gshegs pa thams cad kyi 'khor los bsgyur ba chen po rdo rje rnal 'byor gyi dbang phyug chen po la gsol ba btab pa/ de bzhin gshegs pa thams cad kyi rigs bskyed par mdzad du gsol/ de nas bcom ldan 'das shAkya thub pa de dag gis gsol ba btab pa'i tshig nye bar gsan nas 'og min gyi gnas nas byon te dga' ldan gyi gnas su bzhugs nas dga' ldan gyi ris kyi lha'i bu rnams la chos bstan nas zas gtsang gi rigs la mngon par gzigs te mngon par byung bar mdzad nas byang chub kyi snying po dag la nye bar gnas nas nye bar 'khod de bdud bzhi las rnam par rgyal bar bstan nas byang chub kyi snying po la bzhugs par gyur te/ bzhugs nas kyang kun nas 'phro ba'i ting nge 'dzin sngon du
43a
@#/ /'gro ba'i ting nge 'dzin bye ba brgya stong phrag brgyad cu rtsa bzhi la snyoms par zhugs te/ snyoms par zhugs nas kyang de bzhin gshegs pa thams cad kyi rdo rje se gol gyi sgras de bzhin gshegs pa thams cad spyan 'dren cing gsang sngags 'di gsungs so/ /oM sarba ta thA ga ta badz+ra sa mA dza A kaR+Sha ya sarba ta thA ga tAn hUM/ de nas de bzhin gshegs pa thams cad 'khor dang bcas pa'i dkyil 'khor chen po rnams legs par byon te/ chos kyi dbyings su spros nas phyogs bcu mu med pa'i 'jig rten gyi khams thams cad khyab pa'i rgya mtsho'i sprin rnams bkang ste/ nam mkha'i khams na gnas pa thams cad til gyi gang bu ltar 'dzam bu'i gling du 'khod par gyur to| |de nas bcom ldan 'das rdo rje rnal 'byor gyi dbang phyug gis bkug cing bcug ste bcings nas dbang du mdzad de/ de nyid kyi thugs kar rab tu bzhag par gyur to/ /de nas bcom ldan 'das rdo rje rnal 'byor gyi dbang phyug chen pos gnyis su med pa'i sbyor bas byin gyis brlabs te sngags 'dis rang gi sems so sor rtogs par mdzad do| |oM tsit+ta pra ti be d+hi kA ro mi/ de'i rjes thogs nyid la sangs rgyas thams cad kyis bcom ldan 'das rnam par snang mdzad kyi thugs kar longs spyod rdzogs pa dang / sprul
43b
pa'i sku las chos sku rang bzhin gyis 'od gsal ba sems rin po che nges par phyung ste spros par mdzad do/ /de nyid sems 'od gsal ba/ thugs rje chen pos khyab pa/ de bzhin gshegs pa thams cad mnyam pa nyid kyi mtshan nyid/ gzung ba dang 'dzin pa'i rnyog pa spangs pa/ nam mkha' ltar gdod nas zhi ba de las thugs rje chen po la mngon par phyogs par byas nas sems can gyi khams thams cad la rnam par gzigs te mi shes pas rga ba dang / 'chi bas rnam par khyab pa'i 'jig rten la gzigs nas slar yang sngags 'dis byang chub kyi sems bskyed pa nye bar bstan pa/ oM bo d+hi tsit+ta ud pA da yA mi/ byang chub kyi sems bskyed pa'i rjes thogs nyid la de bzhin gshegs pa thams cad kyi thugs kar sems 'od gsal ba de yongs su rdzogs pa'i zla ba'i dkyil 'khor ltar byin gyis brlabs te de bzhin gshegs pa thams cad kyi thugs kar rnam par bzhag go/ legs par rnam par dag pa'i nam mkha' ltar dri ma med pa/ spros pa thams cad spangs pa me long lta bur brtan par byas nas gnas te byang chub kyi sems chen po la sngags 'di brjod do/ /oM dz+nyA na rasmi bi sr-i dzaHhUM/ de'i rjes thogs nyid la 'od zer rnam pa sna tshogs pa zla ba'i dkyil 'khor las rnam par byung ngo / /de phyung nas kyang chos kyi dbyings kyi pho brang du zhugs te shes
44a
@#/ /bya'i dkyil 'khor thams cad gsal bar byas nas sems can thams cad kyi sems kyi ri bo'i rtse mo bsnyil te rab tu rtogs par byas nas gcig tu 'dres te rdo rje'i sku chen po rnams bcom ldan 'das kyi thugs kar rjes su zhugs nas zla ba'i dkyil 'khor gyi dbus su rab tu gnas so/ /de nas bcom ldan 'das rdo rje rnal 'byor gyi dbang phyug chen pos sngags 'di byin gyis brlabs so/ /oM tiSh+Tha badz+ra pa ra da b+hu ya pany+tsa mu d+ha/ slar yang sngags 'dis spros pa/ oM s+pha ra badz+ra/ slar yang sngags 'dis bsdus so/ /oM saM ha ra badz+ra/ de nas de bzhin gshegs pa thams cad kyis ye shes rdo rje'i snying po 'di ched du brjod pa/ oM dz+nyA na badz+ra/ de nas bcom ldan 'das rdo rje rnal 'byor gyi dbang phyug chen pos sngags 'dis byin gyis brlabs pa/ oM sarba ta thA ga ta dz+nyA na badz+ra hUM/ de nas de bzhin gshegs pa thams cad kyi sku dang / gsung dang / thugs mnyam pa nyid brnyes pas sngags 'dis byin gyis brlabs pa/ oM badz+ra At+ma konyahaM/ de nas de bzhin gshegs pa thams cad brtan pa nyid du nye bar gyur to/ /de nas bcom ldan 'das rnam par snang mdzad kyis de bzhin gshegs pa thams cad kyi sku dang / gsung dang / thugs gzigs nas sngags 'dis byin gyis brlab par
44b
mdzad do/ /oM ya thA sarba ta thA ga ta sta thA a haM/ de nas bcom ldan 'das de bzhin gshegs pa thams cad kyi sku sems can thams cad kyi don mdzad pa'i rgyu sangs rgyas thams cad kyi sku bdag nyid sems can gyi khams thams cad du nges par bstan to/ /de nas brgya byin dang / tshangs pa dang / 'jig rten skyong ba rnams kyis mthong nas lha dang mi rnams kyis mngon par byang chub pas bcom ldan 'das mngon par byang chub pa zhes sgra ba sgrags so/ /de nas tshangs pas gsol ba btab ste chos kyi 'khor lo rab tu bskor nas de dang nges 'dul ba'i skye bo btul te gang gis slar ldog pa med pa nyid du gyur to/ /'di rnams ni/ sangs rgyas kyi byang chub sgom pa'i rim pa'o/ /de nas bcom ldan 'das rnam par snang mdzad ting nge 'dzin de las bzhengs nas sangs rgyas kyi byang chub bstan te/ sems can thams cad kyi don mdzad pa nye bar bsgrubs nas de'i thugs ka las rdo rje phyung ste nyid kyi phyag tu bzhag par gyur to| |de nas 'od zer rnam par phyung ste 'jig rten gyi khams thams cad snang bar mdzad nas slar log ste bcom ldan 'das kyi thugs kar zhugs nas byang chub sems dpa' chen po kun tu bzang po'i skur byin gyis brlabs te mtshan nyid thams cad yongs su rdzogs par rgyan thams cad kyis brgyan pa/ dar dang phreng bas dbang bskur ba/ zla ba'i kha dog lta
45a
@#/ /bu'i 'od zer can du byin gyis brlabs te rnam par gnas so/ /de nas thugs ka nas phyung nas zla ba'i dkyil 'khor la brten te de bzhin gshegs pa thams cad kyi spyan snga dang / rgyab dang / drung du rdo rje sems dpa' dang / rdo rje chos dang / rdo rje rin chen dang / rdo rje las la sogs pa byang chub sems dpa' chen po 'i phreng ba rnam par gnas so/ /de bzhin du sgeg mo la sogs pa rnams dang / bdug pa la sogs pa'i lha khyad par du nges par bskyed cing gzugs la sogs pa rnams dang / lcags kyu la sogs pa'i lha rnams bskyed de 'di dag gi dkyil 'khor bka' stsal pa/ de nas yang dag bshad bya ba/ /dkyil 'khor chen po mchog gyur pa/ /sangs rgyas dpa' bo thams cad kyis/ /rdo rje snying po zhes su gsungs/ /gru bzhi pa la sgo bzhi pa/ /dar dang me tog phreng bas brgyan/ /sgo logs dang ni kha khyer dang / /rta babs kyis ni so sor spras/ /de yi dbus su khri chen po/ /kun nas yongs su gru bzhi pa/ /de yi steng du pad chen po/ /ge sar ldan zhing rab mdzes pa/ /de yi lte ba'i dbus su ni/ /sangs rgyas sku gzugs dgod par bya/ /sangs rgyas kyi ni drung kun du/ /sangs rgyas thams cad dgod par bya/ /sangs rgyas kun gyi nye 'khor du/ /'khor los bsgyur ba la sogs bri/ /phyi yi gnas ni thams cad du/ /sangs rgyas
45b
sras po rnam par dgod/ /kha dog ser po gzi brjid che/ /dbang chen dkyil 'khor rab 'bar ba/ /thams cad rnam pa sna tshogs brgyan/ /brgyan pa de dag dgod par bya/ /rdo rje snying po rgyan gyi rgyud chen po las/ dbang chen gyi dkyil 'khor gyi cho ga'o// //de nas bcom ldan 'das rnam par snang mdzad kyis slar yang chu'i lha'i dkyil 'khor chen po bka' stsal pa/ de nas yang dag bshad bya ba/ /dkyil 'khor chen po mchog gyur pa/ /chos kyi 'khor lo 'dra bas na/ /chos kyi 'khor lo zhes su brjod/ /de yi phyi rol gnyis pa la| |zlum po ru ni rtogs par bya/ /ri mo rnam pa sna tshogs pas/ /sgo dang sgo logs brtag par bya/ /rta babs rnam pa sna tshogs pa/ /dar dang me tog phreng bas brgyan/ /de yi dbus su pad chen po/ /ge sar ldan zhing rab mdzes pa/ /'dab ma brgyad kyi ka ba la/ /dkyil 'khor rgyan gyis brgyan pa 'o/ /dkyil 'khor de yi dbus su ni/ /rgyal ba thams cad dkar po mchog /kha ba ba zho ltar dkar gsal/ /shel dang zla ba lta bu'i 'od/ /kun da zla ba ltar dkar bstan/ /zla ba'i dkyil 'khor dbus son par/ /de yi nye 'khor thams cad du/ / sangs rgyas sras po rnam par dgod/ /thams cad zla ba ltar dkar zhing / /zla ba'i dkyil 'khor la gnas pa/ /mtshon cha sna tshogs zla ba 'dra/ /zla ba 'bar mtshungs mnyam med pa//
46a
@#/ /chu yi ming zhes bya ba yi/ /dkyil 'khor dam pa nyid du 'dod/ /rdo rje snying po rgyan gyi rgyud chen po las/ chu lha'i dkyil 'khor gyi cho ga'o// //de nas bcom ldan 'das rdo rje rnal 'byor gyi dbang phyug chen pos me lha zhes bya ba'i dkyil 'khor chen po bka' stsal pa/ de nas yang dag bshad bya ba/ /dkyil 'khor chen po mchog gyur pa/ /rdo rje ye shes gzi brjid mtshungs/ /rdo rje gzi brjid ces su brjod/ /gru gsum rnam pa nyid du bya/ /shing rta'i rnam pa dang mtshungs shing / /'bar ba'i phreng 'khrugs 'jigs pa 'o/ /kha dog dmar po stobs po che/ /'jig pa'i dus kyi me 'dra ba/ /rtag tu pad+ma rA ga mtshungs/ /de yi dbus su gzi brjid che/ /nyi ma'i kha dog stobs po che/ /rdo rje rtse gsum sna tshogs pa/ /shing rta'i snying gar gzhag par bya/ /bal po se'u'i me tog mtshungs/ /ya ba'i me tog dag dang 'dra/ /pad+ma pad+ma rA ga mtshungs/ /sangs rgyas dpa' bo yang dag 'bar| |bzang po mtshal dang mtshungs 'dra ba/ /rgya skyegs bcud dang 'dra bar gnas/ /de yi nye 'khor thams cad du/ /de bzhin sangs rgyas sangs rgyas sras/ /khro bo dang ni mngag pa dag /mkhas pa yis ni dgod par bya/ /de dag thams cad kha dog dmar/ /gzi brjid khams la 'od ldan pa/ /'od zer dmar po rab 'phro ba/ /nyi ma'i dkyil 'khor
46b
dbus son par/ /thams cad dmar po'i mtshon cha can/ /dmar po'i rgyan gyis rnam par brgyan/ /dmar po'i gos kyis bkab pa'i lus/ /phreng ba dmar po mchog 'dzin pa/ /'di ni gzi brjid gter zhes bya/ /dkyil 'khor mchog tu 'bar ba 'o/ /rdo rje snying po rgyan gyi rgyud chen po las/ me lha zhes bya ba'i dkyil 'khor chen po rdzogs so// //de nas bcom ldan 'das rnam par snang mdzad kyis slar yang rlung lha'i dkyil 'khor bka' stsal pa/ de nas yang dag bshad bya ba/ /dkyil 'khor chen po mchog gyur pa/ /rlung gi khams dang 'dra bas na/ /rlung gi dkyil 'khor zhes su bshad/ /zla ba phyed pa'i rnam pa 'dra/ /dbyar gyi sprin gyi 'od dang mtshungs/ /a ta si yi me tog 'dra/ /in+d+ra nI la'i 'ong dang mtshungs/ / de yi dbus su pang chen po/ /bai DUR+Ya yi 'od dang 'dra/ /shin tu nag pa'i mig sman mtshungs/ /sngo dmar gyi ni rnam par gnas/ /de yi lte ba'i dbus su ni/ /sangs rgyas dpa' bo rab 'bar ba/ /rgyal po 'khyil ba 'bar ba'i gzi/ /mtshon mo nag mo lta bur gnas/ /ut+pal sngon po 'dab ma'i tshul/ /stong pa nam mkha' lta bur gnas/ /de yi nye 'khor thams cad du| |rgyal dang rgyal ba'i sras rnams bri/ /khro bo rnams dang mngag pa dang / /de bzhin pho nya pho nya mo/ /thams cad sna tshogs rgyan gyis brgyan/ /de bzhin nag po'i gos gyon pa/ /ba
47a
@#/ /dan rnam pa sna tshogs bsngams/ /kha dog nag po thams cad du/ /gdugs ni rnam pa du ma'i dbyibs/ /kha dog sna tshogs legs 'bar ba/ /bla re rgyas pa mnyam pa ni/ /kha dog nag po sna tshogs pa/ /dngos po kun gyi rang bzhin gyis/ /mdor bsdus nas ni bsgom par bya/ /dkyil 'khor chen po 'di lta bu/ /sangs rgyas kun gyis rjes skyob pa/ /bris nas shes rab can gyis bsgom/ /gal te dngos grub rang 'dod na/ /rdo rje snying po rgyan gyi rgyud chen po las/ rlung lha'i dkyil 'khor gyi cho ga'o// // de nas bcom ldan 'das rnams kyis slar yang ting nge 'dzin la snyoms par zhugs te bcom ldan 'das rdo rje rnal 'byor gyi dbang phyug chen po la gsol ba btab pa/ bcom ldan 'das de bzhin gshegs pa thams cad kyi de kho na nyid kyi sgrub pa'i thabs bka' stsal du gsol/ de nas bcom ldan 'das rdo rje rnal 'byor gyi dbang phyug chen po de rnams kyis gsol ba btab pa'i tshig nye bar gsan nas sgrub pa'i thabs kyi cho ga mchog tu gsang ba chen po bka' stsal pa/ sgeg mo sogs pas mchod pa kun/ / yang dag mdor bsdus byas nas ni/ /sangs rgyas kun gyi sku chen por/ /bdag gis rtag tu bsgom par bya/ /sngags kyi yi ge yang dag ldan/ /'dod pa ster ba'i sku ru bya/ /sgra dang
47b
gzugs dang de bzhin sbyor/ /yi ge'i phreng ba de bzhin te/ /zla ba'i dkyil 'khor dbus gnas par/ /sngags pas thams cad rnam par bsam/ /hUM/ sngags pas snying gar son pa bsgom| |gsang sngags dge ba brjod nas su/ /de bzhin gshegs pa'i rigs dag pa/ /dung gi sgra ru rab tu brjod/ /dril bu'i sgra ni rab gsal ba/ /pad+mo rnal 'byor dbang phyug go/ dus min sprin gyi hUM gi sgra/ /tsa Ta tsa Ta'i sgra 'phro ba/ /rdo rje rin chen dbang phyug gis/ /sgra ru de bzhin gshegs rnams gsungs/ /nor bu las kyi rigs kyi yang / /rnga chen sgra ru rab tu bshad| |pi wang gling bu de bzhin glu/ /gar gyi rgyan gyi sgra dang ni/ /rdza rnga'i ngar sgra hUM gi sgra/ /spyi yi nyid du rab tu bshad/ /rtog pa kun la rnam par sbyar/ /sgrub pa'i thabs kyi las rnams dang / /de nas gzugs kyi bzlas la mchog /go rim ji bzhin rab tu bshad/ /dgug dang gzhug dang bcing ba dang / /lha rnams dbang du bya ba ste/ /de la rang gi tshul rab sbyar/ /sngags dang phyag rgya rab tu sbyar/ /de rjes rnam pa kun gyi mchog /rtag tu lus can bsam bya bsam/ /lha yi sku gzugs bsgom par bya/ /lag pa'i phyag rgya rab nges pa'i/ /phyag rgya'ang snying gar son zhes bya/ /rang gi rigs rim cho ga yis/ /de yi lus ni 'od gsal zhing / /sgron ma'i 'od ltar gsal ba'i khyim/ /de ltar kun nas thams cad du/ /kun nas ba spu'i rtse
48a
@#/ /dag nas/ /'od zer 'bar pa'i phreng dge bas/ /gzugs kyi bzlas pa zhes su bshad/ /de nas sbyor ba'i bzlas pa yis/ /gsang sngags sgrub pa brtsam par bya/ /mchod dang byin rlabs dbang bskur mchog /spro la sogs rim thams cad du/ /sbyor ba'i bzlas pa gtso bo 'di/ /'bad pa yis ni rab tu bshad/ /snying ga mgrin pa mchu lce min/ /rkan dang spyi bo nyid ma yin/ /nang min phyi dang gnyis par min/ /chos ni 'ba' zhig kho na la/ /bzlas ba'i sgra yang 'byung ma yin/ /'di ni bcom ldan rnal 'byor che/ /shes rab pha rol phyin gsal ba/ /sgom pa'i sngags pa de nyid ni/ /rnal 'byor pa yi gnas su bshad/ /de nas rjes su mdor bsdus te/ /snying ga'i dkyil 'khor rab zlum pa/ /zla ba gang ba ltar bsam bya/ /dri ma med cing legs par gnas/ /de la yi ge rnam par dgod/ /tshig gi phreng ba ma tshang ba/ /mu tig phreng ba ltar brgyus pa| |char sprin gyi ni me 'dra'i 'od/ /de tshe thams cad gsal bar byed/ /lha yi lus ni snang byed cing / /ji lta ji ltar yi ge'i phreng / /mchog gi lus la rab 'jug pa/ /de lta de ltang sngags kyi lus/ /lha yi bdag nyid nyid du 'gyur/ /mthu stobs lha dbang thams cad ni/ /tshangs pa khyab 'jug las cher lhag /bzlas pa'i de nyid mchog 'di ni/ /sangs rgyas
48b
kun gyis bsngags pa'o/ /ji ltar rnam par sems ni sgom pa yi/ /de ltar dngos grub mchog tu 'gyur/ /rdo rje'i snying po rgyan gyi rgyud chan po las/ bzlas pa'i de kho na nyid kyi le'u'o// // de nas bcom ldan 'das rdo rje rnal 'byor gyi dbang phyug chen pos de bzhin gshegs pa thams cad kyi bstod pa rin po che bka' stsal pa/ mnyam med mi g.yo mnyam med mchog gi chos nyid can/ /thugs rje'i bdag nyid 'gro ba'i sdug bsngal sel bar mdzad/ /yon tan mtha' yas dngos grub thams cad sbyin mdzad pa/ /dri med mi g.yo mnyam med dam pa'i mchog chos can| |yon tan shin tu phra ba'i chal 'ang tshad med de/ /dpe ni nam mkha' dang yang bsgrun du yod ma yin/ /dngos grub mtha' yas mnyam med dpe dang bral ba rnams/ /sems can khams la dngos grub mchog rnams nges par stsol/ /rtag tu dri ma med pa thugs rje'i shugs las byung / /smon lam grub pa 'gog pa med pa'i chos nyid can/ /'gro ba'i don sgrub rab tu brtson pa mtha' yas pa/ /thugs rje chen po'i bdag nyid rtag tu rnam par snang / /chad med tshad dang bral ba shin tu rdzogs pa yi/ /bde bar gshegs pa'i go 'phang dam pa brnyes gyur kyang khams gsum rnams la dngos grub mchog stsol mdzad pa yi/ /thugs rje'i spyod ba mi g.yo 'gags par yong mi 'gyur/ /e ma'o shin tu bzang po'i chos nyid mchog dang ldan/ /mchog
49a
@#/ /sbyin rnams kyi nang na go 'phang mchog brnyes pa/ /khams gsum kun la rtag tu dngos grub mchog stsol mdzad/ /mgon po dus gsum sgrib pa med par rab mkhyen pas/ /dam tshig mchog gsum dngos grub dam pa bdag la stsol/ /'di de sangs rgyas thams cad kyi/ /yang dag yon tan rgyas pa ste/ /lan gcig tsam zhig brjod pas kyang / /gsang sngags thams cad 'grub bar 'gyur/ /bstod pa'i rgyal po 'di yis ni/ /de bzhin gshegs de kun bstod na/ /rab yangs dngos grub stsol 'gyur te/ /bskal par gnas shing bskal par bskul/ /lus ni g.yo ba med pa ru/ /bdag nyid brtan par byas pa yis/ /mgon po chen po rnam snang mdzad/ /mi bskyod rin chen 'byung gnas dang / /rgyal ba dag pa 'od dpag med/ /don yod rgyal ba thams cad du/ /dngul chu bcud len de nyid dang / /mchog kyang rab tu stsol bar byed/ /dngos grub yid kyi ma lus la/ /rgyas pa'i don dang phun sum tshogs/ /re ba thams cad yongs rdzogs pa/ /yid la 'dod pa ster bar byed/ /ye shes tshe dang stobs dang shugs/ /mchog tu dge ba stsol bar mdzad/ /de bzhin gshegs pa thams cad kyi bstod pa'i rgyal po zhes bya ba rdzogs so// //de nas bcom ldan 'das rdo rje rnal 'byor gyi dbang phyug chen pos de bzhin gshegs pa thams cad kyi dngos
49b
grub kyi cho ga rgyas pa bka' stsal pa/ tshes grangs med cing rgyu skar med/ /smyung bar gnas pa'i cho ga med/ /ji ltar bshad pa cho gas bslab pa'i gnas nye bar bzung ste gang yang rung ba'i yid dga' bar ji ltar rung ba'i dkyil 'khor byas te me tog sil ma bkram la bdug spos kyis bdug ste/ de bzhin gshegs pa thams cad la ji ltar nus pa'i me tog la sogs pa'i mchod pa byas te sngags 'dis yid kyis kyang sdig pa bshags te/ oM sarba pA paM ta kA yi kA bAk+tsi t+ta ka ma na sot+ta b+hA tAM rA ga dwe Sha mo ha ma da mA na d+hISh+The na ya da kr-i taM tan tra kA li kaM hUM hUM hUM phaT phaT phaT/ sarba pA paM s+pho Ta yA mi swAhA/ oM sarba pA paM pra ti de sha yA mi swAhA/ de'i rjes thogs la bdag nyid kyi dngos po dbul bar bya ste/ oM sarba ta thA ga ta nAn At+ma b+ha ba ni ni R+YA ta ya mi/ sarba ta thA ga taHpra ti gr-ih+nan+tu mAM swAhA/ de nas de bzhin gshegs pa thams cad kyi bsod nams la rjes su yi rang ba ni/ oM sarba ta thA ga ta pun+ya dz+nyA na saM b+ha rA na a nu mo da yA mi swAhA/ yang dang yang du byang chub kyi sems bskyed pa rang bzhin gyis grub pa'i sngags kyis bya ste/ oM sarba ta thA ga ta sa man+ta b+ha dra ma hA badz+ra sa ma yaM mahA bo d+hi tsat+ti/ ut+pA da yA mi swAhA| de nas byang chub kyi sems bskyed pa'i rjes thogs la zla ba'i kha dog can zla ba'i dkyil 'khor la bzhugs pa'i bsod nams dang ye shes kyi tshogs yongs su rdzogs pa sa bcu'i
50a
@#/ /dbang phyug nor bu rin po che chen po'i pad+ma'i snying po seng+ge'i khri'i steng du bdag nyid bsam par bya'o/ /oM shud+d+hony+haM/ sngags 'dis bdag yongs su dag par rgyas te| oM swa b+hA wa shud+d+ha sarba ta thA ga tAHswa b+hA wa bi shud+d+honyahaM/ sngags 'dis bdag nyid chos kyi dbyings yangs pa 'ong gsal ba'i snang bar shin tu gnas par bya ste/ oM d+harmA d+hA tu swa b+hA wa At+ma ko nyahaM/ de nas skyes bu chen po'i mtshan sum cu rtsa gnyis kyis brgyan pa 'jig rten thams cad las shin tu 'das pa'i de bzhin gshegs pa thams cad kyi chos kyi skur bdag nyid sngags 'dis gnas par bya ste/ oM pra b+he shwa konyahaM/ de bzhin du rim pa 'dis chos kyi dbyings rgya chen por spros nas bdag nyid sangs rgyas nyid do/ /zhes nga rgyal bskyed la bdag skye rgu ma lus pa'i dpung gnyen du byas la chos kyi dbyings rang bzhin gyi 'od gsal par lhag par gnas par byas te nye bar thun mtshams bzhir bzlas ba bsam par bya ste/ yi ge la rjes su gzhol ba'i yid kyis 'bum phrag nyi shu bzla bar bya zhing / nyi ma re rer stong phrag brgyad pa la stong phrag re bzlas te ji srid mtshan ma thob pa de srid du'o/ /tsan+dan dang / ga bur dang / gur gum la sogs pa rnams kyis dkyil 'khor byas te nye bar mkho ba thams cad kyis mchod pa byas nas cho 'phrul
50b
gyi zla ba'am/ sa ga'i nya gang ba la mar gyi mar me stong phrag brgyad sbar la rdo rje skyil krung gis gnas te sna ma'i me tog gam me tog pad+mas de bzhin gshegs pa thams cad dang / mchod rten la mchod de ji srid 'brug gi sgra sgrog pa ma thos pa de srid du bzla bar bya'o/ /de nas de bzhin gshegs pa'i sku bdag la gsal bar 'gyur bar shes par bya'o/ /de nas sreg blugs 'bum phrag gcig dgang bar byas pas mtshan ma thams cad gsal bar 'gyur ro/ /bye ba phrag bzhi bzlas pas dbang phyug chen po la sogs pa'i sems can thams cad dbang du 'gyur ro/ /de nas sgrub pa chen po byed par 'dod pas de bzhin gshegs pa'i mtho gang ba'i tshad kyis de bzhin gshegs pa'i mchod rten byas la mchod rten re re'i mdun du stong phrag re re bzlas pa'am/ yang na dri'i mchod rten gyi drung du 'bum lhag pa'i bye ba phrag bdun bzla'o/ /bde bar gshegs pa'i mtho gang ba'i tshad kyis mchod rten nyi ma re re la re re ji srid bye ba phrag bdun bzlas pa rdzogs pa de srid du bya'o/ /tha ma yang mchod rten 'bar ba'i 'od des sgrub pa'i lus la zhugs pas brgya byin dang / tshangs pa dang / 'jig rten skyong ba la sogs nas ji srid dag pa'i gnas kyi ris kyi dbang phyug chen po la sogs pa'i lha rnams me tog gi char 'bebs par 'gyur ro/ /lha dang / klu dang / gnod
51a
@#/ /sbyin dang / dri za dang / lha ma yin dang / nam mkha' lding dang / mi 'am ci la sogs pa 'ongs nas kyang bstod par byed cing ji srid a bi tsi mnar med pa'i bar gyi sems can dmyal ba thams cad bsil bar 'gyur ro/ /yi dwags rnams kyang yi dwags kyi sdug bsngal las rnam par grol bar 'gyur ro/ /sdug bsngal ba rnams kyis sems can rnams la gdung bar mi 'gyur ro/ /de nas de bzhin gshegs pa thams cad kyis mngon par gzigs par 'gyur ro/ /de'i rjes la lus ngang pa gser gyi mdog lta bu dang / lo brgyad gnyis kyi rnam pa can dang / ting nge 'dzin dang / ye shes thob pa dang / kha dog dang / tshe dang / stobs dang / shugs dang / dbang phyug la sogs pa'i yon tan dang ldan pa dang 'jig rten gyi khams su rgyu ba dang / 'khor los bsgyur ba ltar che ba dang / sangs rgyas thams cad kyis mngon par bstod cing steng du 'gro ba dang / rig pa 'dzin pa'i rgyal por 'gyur ba dang / stong gsum gyi stong chen po'i 'jig rten gyi khams kyi rig pa 'dzin pa'i rgyal po rig pa 'dzin pa brgya stong phrag du mas yongs su bskor ba dang / phyogs bcu mtha' yas pa'i 'jig rten gyi khams rdzu 'phrul gyis 'gro ba dang / de bzhin gshegs pa thams cad la mchod pa chen po'i sprin gyis legs \?\ par mchod cing grub pa thams cad 'od kyis
51b
ltung bar 'gyur ro/ /brgya byin dang / tshangs pa dang / 'jig rten skyong ba'i stan phyed ster bar 'gyur ro/ /gzi brjid dang / gzugs dang / dpa' bos rig pa 'dzin pa thams cad zil gyis gnon par 'gyur ro/ /byang chub sems dpa'i sa yang so sor thob par 'gyur ro/ /sems can thams cad 'dul ba la mkhas par 'gyur ro/ /phyi ma'i mthar tshe byin gyis brlabs te sangs rgyas thams cad bskyed par mthong bar 'gyur ro/ /byang chub sems dpa' thams cad kyi bya ba nges par ston par 'gyur ro/ /mchod pa'i sprin thams cad 'byung bar 'gyur ro/ /byang chub sems dpa' chen po kun tu bzang po dang / byams pa dang / 'jam dpal dang mtshungs par 'gyur ro/ /de bzhin gshegs pa thams cad kyi sku'i sgrub pa'i thabs zhes bya ba ste dang po'o// //sgrub pa'i thabs gnyis pa de bzhin gshegs pa thams cad mchod par byas te/ pi wang ngam ldong ros pad+ma'i snod du bzhag la ji srid dngos grub rnam pa gsum byung ba de srid du bzla bar bya'o/ /sems can thams cad dbang du 'gyur ba dang / mi snang ba dang / rig pa thams cad 'dzin pa nyid do/ /rig pa 'dzin par gyur nas \?\ nyi ma stong shar ba'i kha dog dang / lo brgyad gnyis kyi rnam par skra li zhing 'khyil ba dang / gdu bu dang ldan zhing lha'i bu mo bye ba phrag du mas yongs su bskor cing rig pa 'dzin
52a
@#/ /pa'i grub pa thams cad kyis yongs su bskor ba dang / bskal pa chen po'i mthar gnas pa dang / rig pa 'dzin pa thams cad kyi dbang phyug tu 'gyur ro/ / rim pa 'dis rtse gsum bsgrubs na dbang phyug chen por 'gyur ro/ /mchod phyir thogs bsgrubs na tshangs par 'gyur ro/ /'khor los khyab 'jug tu 'gyur ro/ /grog mkhar gyi rtse ma'i sa bzung ste sa srung gi bu byas la de la zhon te bzlas na dbang por 'gyur ro/ /nyi ma'i dkyil 'khor byas te de'i steng du bsdad na nyi ma dang mtshungs par 'gyur ro/ /zla ba'i dkyil 'khor gyi zla ba'i steng 'di nyid kyis lha'i bye brag gang gi mtshan mar bzung ste/ des de'i longs spyod la spyod par 'gyur ro/ /de bzhin du rim pa 'dis dngul chu'am bcud len gang bsgrubs pa de 'grub par 'gyur ro/ /gal te ma grub na de'i tshe sgrub pa lan bdun bya'o/ /bdun byas pas ci nas kyang 'grub par 'gyur ro/ /zhes de bzhin gshegs pa thams cad kyi 'khor lo bsgyur pas bka' stsal pa/ 'bum phrag gsum bzlas pas ri bo lhun po'i tshad tsam gyi ri bo yang hUM zhes brjod pas lhung ba dang / rgya mtsho skem pa dang / ljon pa drung nas 'byin pa dang / bum pa nam mkha' la 'phen pa dang / glang po che rengs par byed pa dang / pha rol gyi sde mngon par 'joms par byed pa dang /
52b
bar snang na gnas pa thams cad ltung bar byed pa'o/ /sems can thams cad 'bebs par byed do/ /sgrub pa po las gang dang gang sgrub par 'dod pa de dang de thams cad byed do/ /yang na zla ba gcig tsam mi smra bar de bzhin gshegs pa thams cad kyi skur bdag nyid bsgoms na/ sangs rgyas thams cad mthong bar 'gyur ro/ /sgyu 'phrul dra ba thams cad ston par 'gyur ro// nam mkha' la gnas shing 'chag par byed do/ /me 'bar ba dang glog 'gyu ba la sogs pa ston par byed do/ /gcig tu gyur nas mang por 'gyur ro/ /'jig rten gyi khams stong phrag kyang g.yo bar byed do/ /sgrub pa pos bye ba phrag bdun bzlas nas 'di dag thams cad bsgrub par bya'o/ /rim pa 'dis lhung bzed dang / chos gos dang / snam sbyar dang / 'khar gsil las gang yang rung ba bzung nas ji srid rig pa 'dzin par gyur pa de srid du bzla bar bya'o/ /sangs rgyas kyi zhing thams cad du 'gro ba dang / sprul pa du ma byed pa dang / 'dod na 'chi ba dang / skad cig tsam gyis 'jig rten gyi khams thams cad du 'gro zhing de bzhin gshegs pa thams cad kyi nye bar gnas par byed do/ /sangs rgyas kyi gzugs kyis sangs rgyas kyi bya ba thams cad kyang byed do/ /sgrub pa'i thabs gzhan yang bde bar gshegs pa'i mtho'i tshad kyi mchod rten 'bum phrag gcig byas te rma med pa'i ral gri blangs
53a
@#/ /la cho 'phrul gyi zla ba phyed la nye bar spyod pa thams cad kyis mchod de brgyad pa'am/ bcu bzhi pa'am/ nya gang ba la skyil krung bcas te ji srid du ral gri 'bar ba de srid du bzla bar bya'o/ /de'i rjes thogs nyid la rnga bo che rnams kyi sgra grag go /steng nas me tog gi char 'bab par 'gyur ro/ /lhan cig pa ji snyed pa dang bcas pa steng du 'gro'o/ /rig pa 'dzin pa thams cad kyis mchod par 'gyur ro/ /rig pa 'dzin pa'i rgyal po chen por 'gyur ro/ /ral gri'i rig pa 'dzin pa chen po'i 'khor los bsgyur ba rnam pa sna tshogs pa'i chos gos dang rgyan 'chang ba/ 'dod rgur rgyu ba/ skad cig tsam gyis 'jig rten gyi khams thams cad du rnam par spyod pa dang / rga shi med pa dang / nyi ma re re zhing sangs rgyas kyi bdag nyid che ba mthong ba dang / mchod pa'i sprin thams cad kyis sangs rgyas kyi zhing thams cad du mchod pa'i char 'bebs pa dang / bskal pa chen po stong phrag tu 'tsho bar 'gyur ro/ /de nas sgrub pa'i thabs gzhan yang 'khor lo'am pa Ti sa blangs te 'bum phrag nyi shu bzlas pa yongs su rdzogs pa dang dpal gyi sgor song ste nim pa'i lo ma tsha ba'i mar khu la btab pa 'bum phrag gcig sreg blugs bya'o/ /lha ma yin gyi 'khrul 'khor thams cad 'byed par 'gyur ro/ /lha ma yin gyi bu mo
53b
thams cad 'ong bar 'gyur ro/ /gal te ma grub na 'bum phrag gnyis sam gsum du sreg blugs bya'o/ /lha ma yin gyi bu mo thams cad bsregs bzhin du 'ong bar 'gyur ro/ / 'ongs nas kyang sgrub pa po la zhu bar byed de/ kye skyes bu dpa' bo 'jug tu gsol zhes smra'o/ /de nas grogs dang bcas nas 'jug par bya'o/ /ral gri'am 'khor lo de bzung nas lha ma yin gyi rig pa 'dzin pa'i rgyal por 'gyur ro/ /sa 'og gi rdzas rnams kyi mnga' bdag /lha ma yin gyi bu mo thams cad kyi bdag po/ gsang sngags grub pa gzhan thams cad dang lha ma yin gyi rig pa 'dzin pa rnams kyi dbang phyug sa 'og thams cad kyi bdag po/ lha ma yin chen po'i sprul pa byed pa po bskal pa chen por gnas pa/ khyab 'jug gi 'khor lo hUM zhes bya ba brjod pa tsam gyis brlag par byed pa/ khyab 'jug kyang hUM zhes brjod pa tsam gyis brlag par byed na/ gzhan lta smos kyang ci zhig dgos/ sgrub pa'i thabs gzhan yang bde bar gshegs pa'i mchod rten 'bum phrag sum cu byas te mchod rten re re'i mdun du stong phrag brgyad brgyad bzla bar bya'o/ /thams cad la nye bar spyod pa thams cad kyis mchod la tha mar me tog can gyi lcags la 'khor lo rtsibs drug pa mtho gang tsam pa bzung nas cho 'phrul gyi zla ba phyed pa la skyil krung bcas te ji srid 'bar ba de srid du
54a
@#/ /bzla bar bya'o/ /de blangs pas rig pa 'dzin pa'i 'khor los bsgyur bar 'gyur ro/ /rig pa 'dzin pa'i rgyal po thams cad kyi mnga' bdag /dbang phyug chen po la sogs pa'i lha thams cad 'dul bar byed pa/ bskal pa bye ba brgya stong phrag dgu bcu rtsa dgur 'tsho ba dang / 'jig rten gyi khams stong rdzu 'phrul gyis gnon pa dag/ mchod pa'i sprin brgya stong phrag gis mchod par byed pa dang / sangs rgyas stong phrag mthong bar 'gyur ro/ /de rnams la nyi ma re re zhing mchod pa chen po'i sprin gyis mchod par byed do/ /sgrub pa'i thabs rgyas pa gzhan yang mchod rten 'bum phrag drug cu byas te sngon du bsnyen pa byas la bye ba bzla ba'o/ /de nas mtshan nyid dang ldan pa'i ro blangs la khrus byas nas nye bar mkho ba thams cad kyis mchod de ji srid ma langs pa de srid du bzla bar bya'o/ /langs nas dngul chu dang / bcud len dang / mi snang ba la sogs pa thams cad des ster bar byed do/ /gal te mi ster na ji srid kha las lce ma byung ba de srid du bzla bar bya'o/ /de nas mtshon rnon pos de gcad par bya'o/ /de bzung bas nyi ma stong gi gzi brjid can/ rig pa 'dzin pa thams cad kyi rgyal po rig pa 'dzin pa bye ba stong phrag drug cu'i 'khor can/ tshe bskal pa bye ba brgya stong phrag drug cu 'tsho ba/ sangs rgyas
54b
gyi zhing thams cad du rdzu 'phrul gyis 'gro ba dang / ri bo lhun po bye ba phrag stong sgul ba dang / gling s+t+nga phrag 'phen pa dang / rgya mtsho stong phrag skam pa dang / lha'i 'jig rten brgya stong phrag bsdigs pa dang / tshangs pa dang / khyab 'jug dang / dbang phyug chen po la sogs pa rnams lhung ba dang / skra li zhing 'khyil pa dang / lo brgyad gnyis lon pa'i rnam pa dang / rgyan thams cad kyis rnam par brgyan pa ste/ bsreg pa'i bskal pa na 'jig rten gyi khams gzhan du 'gro zhing rga ba dang 'chi ba med par 'gyur zhes bcom ldan 'das rdo rje rnal 'byor gyi dbang phyug chen pos de skad ces bka' stsal to/ /de bzhin du yid bzhin gyi nor bu dang / dpag bsam gyi shing dang / bum pa bzang po dang / nor gyi char pa dang / nam mkha' mdzod kyi ting 'dzin chen po dang / rin po che chen po'i lag pa dang / nor rgyun gyi rtog pa chen po dang / sems can gyi re ba thams cad rjes su 'gengs pa dang / 'khor los bsgyur ba'i rgyal srid dang / rin po che thams cad kyang bsgrub par bya'o/ /de la 'di lta ste/ 'khor lo rin po che dang / nor bu rin po che dang / bud med rin po che dang / khyim bdag rin po che dang / glang po rin po che dang / rta rin po che dang / bsnyen bkur ba rin po che'o/ /de nas sgrub pa'i thabs gzhan yang tsan+dan dkar po las pad+ma sor drug pa'i tshad byas pa pad+ma de lag par bzung
55a
@#/ /nas zla ba drug tu skyil krung bcas te nye bar spyod pa thams cad kyis mchod nas thun mtshams gsum mam bzhir grangs mi gzung bar bzla bar bya'o/ / zla ba drug yongs su rdzogs pa dang pad+ma 'bum phrag bdun sreg blugs bya'o/ /zla ba nya nas sgrub pa brtsam par bya ste/ nye bar spyod pa thams cad kyis mchod la skyil mo krung bcas nas mtshan thog thag bzla bar bya'o/ /tho rangs kyi tshe rig pa 'dzin par 'gyur ro/ /skra li zhing 'khyil ba dang / lo brgyad gnyis kyi rnam par rgyan gyi tshogs thams cad kyis brgyan pa/ nyi ma stong phrag shar ba'i 'od dang mtshungs pa/ rig pa 'dzin pa bye ba phrag du ma'i 'khor can/ lha'i bu mo bye ba khrag khrig brgya stong du mas yongs su bskor ba/ tshangs pa la sogs pa'i lha rnams mngag gzhug par 'gyur ro/ /sangs rgyas kyi zhing thams cad du skad cig tsam gyis rnam par rgyu ba dang / mchod pa'i sprin du mas de bzhin gshegs pa rnams rnam par mchod par 'gyur ro/ /de bzhin du ut+pa la'i sgrub pa dang / tsan+dan dmar po pad+ma'i sgrub pa yang ngo / /sgrub pa gzhan yang bsgrub par bya ba ni/ shel dang / pad+ma rA ga dang / mu tig gi 'bras bu'am rin po che yongs su rtog par byed pa pos yongs su brtags pa la bde bar gshegs pa'i mtho'i tshad tsam pa'i mchod rten 'bum tsam byas te
55b
gang yang rung ba'i grangs mi gzung bar ji srid bdag yongs su dag par mthong ba de srid du bzla bar bya'o/ /de'i rjes su mngar gsum gyis sbags pa'i pad+ma 'bum dang / sna ma'i me tog 'bum phrag gsum dang / a ga ru'i yam shing 'bum dang / tsan+dan gyi yam shing 'bum phrag gsum dang / til dang 'bras 'bum phrag bzhi dang / zho zan 'bum dang / mar gyi sreg blugs stong phrag gsum dang / sman thams cad pa'i sreg blugs 'bum phrag gcig byas la/ sbyin sreg yongs su rdzogs pa dang / dkar po'i tshes bco lnga la bsgrub par bya'o/ /skyil mo krung bcas te nye bar spyod pa thams cad kyis mchod la ji srid nor bu rin po che 'bar ba de srid du bzla bar bya'o/ /'bar nas kyang rig pa 'dzin pa gzhon nu gdong du 'gro bar 'gyur ro/ /skra li zhing 'khyil ba dang / lo brgyad gnyis kyi rnam pa rgyan thams cad kyis brgyan pa/ phyogs bcu mu med pa'i 'jig rten gyi khams rgyas par gsal bar byed pa/ rig pa 'dzin pa thams cad kyi bla ma 'khor los bsgyur ba chen por 'gyur ro/ /yid bzhin nor bu'i dngos grub byang chub sems dpa' chen po'i rig pa 'dzin pa zhes brjod do/ /sangs rgyas thams cad mchod cing bsnyen bkur bar byed do/ /skad cig tsam la 'jig rten gyi khams thams cad kyi sems can bskor nas slar de nyid du 'ong bar 'gyur ro/ /gal te
56a
@#/ /'dod na byang chub sems dpa'i tshogs mngon par rdzogs par byas te lus de nyid kyis bla na med pa yang dag par rdzogs pa'i byang chub par mngon par rdzogs par 'tshang rgya bar 'gyur ro/ /de bzhin du sgrub thabs kyi le'u la bris sku dang / shing lham dang / mu tig gi phreng ba yang yid bzhin gyi nor bu'i cho gas bsgrub par bya'o| |thams cad du 'grub par 'gyur ro/ /sgrub pa'i thabs gzhan yang mchod rten bye ba phrag stong byas te 'bum phrag bdun bzla bar bya'o/ /yongs su rdzogs pa dang / me tog can gyi lcags sam lcags lnga'i rang bzhin gyi rdo rje rtse mo lnga pa sor bcu'i tshad dam/ bde bar gshegs pa'i mtho'i tshang tsam cho 'phrul gyi zla ba phyed la mtshan thog thag khri'i steng du lag pa bkab la ji srid 'bar bar gyur pa de srid du bzla bar bya'o/ /de bzung nas rdo rje'i rig pa 'dzin pa 'khor los bsgyur ba chen po nyi ma bye ba brgya phrag dang rjes su 'tsham pa/ rdo rje 'chang ba ltar gzi brjid dang ldan zhing 'od gsal bar 'jig rten gyi khams thams cad du rnam par rgyu zhing dbang phyug chen po la sogs pa'i lha rnams la ci bsgo ba nyan par 'gyur/ /lha ma yin rnams skrag pa dang / srin po rnams 'joms pa dang / sems can thams cad de'i ci bsgo ba byed par 'gyur bar bcom
56b
ldan 'das de bzhin gshegs pa thams cad kyi 'khor los bsgyur ba chen pos de skad ces bka' stsal to/ /rdo rje snying po rgyan gyi rgyud chen po las/ de bzhin gshegs pa thams cad kyi rdzas kyi bya ba sgrub pa zhes bya ba'i le'u yongs su rdzogs so// //de nas bcom ldan 'das de bzhin gshegs pa rnams slar yang ting nge 'dzin la mnyam par bzhag ste bcom ldan 'das thog ma dang tha ma med pa rdo rje rnal 'byor gyi dbang phyug chen po la gsol ba btab pa/ bcom ldan 'das/ de bzhin gshegs pa thams cad kyi gsang ba chen po ka k+Sha sbyar ba ste/ mtha' yas pa kha sbyar ba zhes bya ba bka' stsal du gsol/ de nas bcom ldan 'das kyis de bzhin gshegs pa thams cad kyi gsang ba chen po gsang sngags kyi ka k+Sha pu Ta bka' stsal pa/ de nas yang dag bshad bya ba/ /sangs rgyas kun gyis rjes su skyob/ /gsang sngags ka k+Sha sbyar zhes bya /gsang chen mchog tu rmad du byung // gru bzhi pa la tshad mdzes pa/ /kun nas yongs su bzang zhing dag /re mig bzhi bcu zhe dgu pa/ /mdor bsdus nas ni sngags pas bya/ /dang po'i phreng bzang gnyis la ni/ /a sogs blo gros ldan pas dgod/ /ka sogs lhag ma'i ra mig la/ /sngags pas mdo ru bsdus te bri/ /sbyor ba ji bzhin yi ge kun/ /go rim bzhin du dgod par bya/ /re mig stong pa
57a
@#/ /dag la ni/ /k+Sha yig dang ni rdo rje bri/ /rim pa de dag bkod nas ni/ /rang sde'i 'og tu 'bar ba mchog /dang po dbyangs la de'i rjes su/ /yi ge phyag rgya mdor bsdus pa/ /ka tsa Ta ta pa ya sha/ dag cing chu yi dkyil 'khor ldan/ /'di rnams myur du 'grub par byed/ /pad+ma'i rigs kyi lha'i nyid do/ /don kun grub par yang dag ldan// me yi dkyil 'khor zhes su bshad/ /'bar ba'i me dang mtshungs pa'i 'od/ /kha tsha Tha tha pha ra Sha/ /dbang chen gyi ni dkyil 'khor ldan/ /ga dza Da da ba la sa/ /dngos grub kun byed rlung gzugs ldan/ /dbyar gyi sprin ltar shin tu 'jigs/ /g+ha dz+ha D+ha d+ha b+ha wa ha/ /steng 'gros dngos grub byed par brjod/ /slar yang nga nya Na na ma/ /chos kun dbang du byed pa mchog /thog ma'i dbyangs yig gang yin pa/ /de na de bzhin gshegs stobs bcu/ /khyad par yan lag bcu gnyis bshad/ /de bzhin gshegs pa'i sa bcu gnyis| |ma ning yi ge bzhi po spong / /r-i r-I l-i l-I zhes bya ba/ /dbyangs dang sa bon de bzhin sngags/ /de dag yi ge ru yang bshad/ /dbang du byed pa'i sde tshan kun/ /thig le sgra gtsug zla phyed ces/ /sna ldan gyi ni phreng zhes bshad/ /sangs rgyas de bzhin byang sems kyi/ /yi ger brjod pa de bzhin zhing / /gsal byed ces gyis gsal ba'o/ /de bzhin
57b
ya ra la wa rlung / /me dang dbang ldan bdag po ste/ /'byung ba chen po'i khams rnams so/ /rlung me bdud rtsi'i bcud ces bshad/ /mnyam dang mi mnyam cha dbye bas/ /thams cad nyid kyi lam zhes bya/ /phyag rgya dang ni dkyil 'khor sngags/ /ting 'dzin mdor bsdus bshad pa'o/ /mi rtag sdug bsngal stong bdag med/ /chos rnams kun gyi sdom du brjod/ /stong pa mtshan med smon med pa/ /rnam par thar pa gsum du bshad/ /phung po khams dang skye mched rnams/ /mkhas pa yis ni shes par bya/ /de ni/ sngags gyi ka k+Sha'i sbyor ba la rab tu btus pa sbyar ba dang / phral ba bshad par bya'o/ /yi ge rnams kyis byang chub spyod/ /sangs rgyas nyid kyang mya ngan 'das/ /lhan cig nyid du sbyar bar bya/ /dbyangs rnams kyi ni bsdus pa bshad// mtshan nyid kyang ni rab bshad bya/ /dbyangs ni byang chub gzugs nyid de/ /gzhan dang lhan cig sbyar bar bya/ /de la nges par sangs rgyas nyid/ /ster ba nyid du legs par bshad/ /thog mar sangs rgyas thams cad kyi/ /gsang sngags dri ma med 'byung / /thog mar dbyangs ni thig ler ldan/ /rdo rje'i steng du yang dag gnas/ /'bar ba'i phreng can rab zhi ba/ /rnam par 'phro ba nyid du gnas/ /zla ba'i dbus su bsgom bya ba/ /kun gyi ye shes 'od po che/ /kun tu 'gro ba rab tu thob/ /thams cad du yang rnyed par dka'/ /de ni gdod nas gnas rtag pa/ /yi ge
58a
@#/ /med cang dbyer med pa/ /byang chub sems zhes rab tu bshad/ /dung dang kun da zla ltar dag /gnyis pa'i sgra dang yang dag ldan/ /de ni shin tu ring por shes| |sangs rgyas kun gyi spyod pa ste/ /sa dang pha rol phyin pa rnams/ /su sma rnams kyi rnam pa ni/ /mya ngan 'das pa zhes su sgrags/ /dbyangs dang yi ge khyad par can/ /mchan nyid rab tu sbyar bar bya/ /rang gi phyag rgya sogs ldan pa'i/ /sangs rgyas byang chub rab stsol byed/ /da ni sangs rgyas thams cad kyi/ /sngags kyi de nyid 'dir bshad bya/ /thog mar sbyor ba byas nas ni/ /gnyis pa smra ba po ru bshad/ /bzhi pa'i dbyangs kyis kun nas mnan/ /gsum pa ma yi ming can no/ /rgyu med pas te cung zad pa/ /bzhi pa yis ni gsal bar byas/ /drug pa'i sgra dang ldan pa la/ /de yi steng du thig le gnas/ /chos kun nam mkha' dang mtshungs par/ /yang dang yang du bshad pa yin/ /de ni lnga par shes par bya/ /yi ge lnga pa stobs po che/ /yi ge lnga yi stobs lnga'i bdag nyid las skyes gtso/ /mthu stobs chen po khyab bdag srid pa'i bdag nyid skyes/ /mthu stobs chen po srid gsum las rab grol byed pa/ /yi ge lnga ni 'gro ba drug las grol ba'i bdag /mngon shes drug kyang rab tu ster byed dri ma med/ /de nyid bcom ldan spyod pa ste/ /mi bskyod pa zhes rab tu grags
58b
byang sems rdo rje sems dpa' ste/ /brtan pa'i sems dpar rang byung ba/ /chos kun gyi ni de bzhin nyid/ /gang bsgrags de ni thams cad du/ /me yi sa bon dang ldan pa/ /spyod pa yi ni steng du gnas/ /de nyid bcom ldan rnal 'byor ni/ /rin chen 'byung ldan zhes su bshad/ /chos rnams kun gyi byed pa ni/ /med pa nyid du'ang bshad pa'o/ /me yi sa bon yang dag ldan// bzhi pa'i dbyangs kyis spyi bo ru/ /mnan pa rgyal ba 'od dpag med/ /de nyid bcom ldan rnal 'byor ni/ /sna tshogs de bzhin gshegs pa kun/ /drug pa'i dbyangs dang yang dag ldan// don yod pa yi snying por grags/ /sde lnga pa yi bzhi pa ni/ /dngos dang dngos med rab rtogs byed/ /me yi sa bon rab tu ldan/ /'khor lo'i dbus su rab tu gnas/ /drug pa'i dbyangs dang yang dag ldan/ /thig le sgra yis rgyus par spras/ /'khor los bsgyur ba ye shes che/ /rnam par rgyal ba'i nor ster byed/ /gang zhig sde lnga pa yi mtha'/ /sgyu ma'i chos la rab tu gnas| |de nyid bcom ldan rnal 'byor ni/ /gdugs dkar zhes su bshad pa'o/ /brgyad pa'i dbyangs dang yang dag ldan/ /byams pa zhes ni grags pa ste/ /de nyid bcom ldan rnal 'byor \?\/ /spyi bor thig les mnan pa'o/ /'jam pa'i dbyangs dang ye shes che/ /mA me bI ru de bsgrags so/ /lnga yi dbyangs dang yang dag ldan/ /'jam pa'i dbyangs zhes rab tu grags/
59a
@#/ /spyod pa'i gar mkhan rab rtogs ming / /sdig pa thams cad rengs byed de/ /rnam par sel ba zhes bya ba/ /sdig kun rnam par sbyong byed pa/ /sde tshan lnga pa'i gsum pa ni| |phyag na rdo rje stobs chen dang / /gshin rje mthar byed khro bo che/ /yi ge gsum ni stobs chen po/ /thog mar dgu pa yi ni dbyangs/ /de yi dbus su spyod pa bzhag /tha mar sna tshogs zhes bya sbyar| |sku gsum du ni rnam par bsgom/ /tha ma'i sde tshan gsum pa ni/ /gang yin kun tu bzang por bshad/ /sde tshan dang po'i gsum pa ni/ /sangs rgyas spyan zhes bya ba'o/ /de nyid bcom ldan mgon po ni/ /nam mkha'i mdzod ces rab tu grags/ /rdo rje khro bo stobs po che/ /de nyid rab tu grags pa'o/ /'di kun thams cad stong pa ste/ /rgyu ni rab tu spangs pa'o/ /dbyangs lnga dang ni yang dag ldan/ /rdo rje hUM mdzad hUM mdzad do/ /gang zhig bzhi pa'i sde dang po/ /me dang rab tu ldan pa dang / /bzhi pa'i dbyangs dang yang dag ldan/ /gzi brjid phung po stobs po che de nyid gang dang ma sbyar ba/ /sgrol ma zhes su rab tu grags/ /bzhi pa yi ni gnyis pa dang / /shes rab pha rol phyin par nges/ /thig le lhan cig yang dag ldan/ /sgra dang ldan pa'i mchog tu gyur/ /sde tshan gnyis pa'i gsum pa gang / /me nyid dang ni yang dag ldan/ /bzhi pa'i dbyangs kyis yang dag mnan/ /khams gsum rnam par rgyal ba'i mchog/ /de nyid
59b
bcom ldan zhes bya bar/ /spyod pa'i gar mkhan zhes bya'i mtshan/ /de yi rjes nyid la ni me/ /dgu pa'i dbyangs dang yang dag ldan/ /gsum pa'i dbyangs kyis mnan pa yi/ /sde tshan dang po'i dang po ste/ /de nyid bcom ldan mgon po ni/ /'jig rten mgon po thub pa che/ /ye shes rgya che bsgrub par bya/ /sangs rgyas byang chub rab stsol byed/ /sde tshan lnga la rin chen mchog /bzhi pa'i sa bon dam pa ste/ /'og tu me yi yan lag ldan/ /khro gnyer can zhes rab tu grag pa/ /dbang chen yi ge dag pa la/ /thig le sgra yis rnam par brgyan/ /sangs rgyas spyan zhes rnam grags pa/ /sdig pa thams cad 'phrog par byed/ /sde tshan dang po'i gsum pa ni/ /nam mkha'i spyan zhes brjod pa'o/ /sgyu ma'i chos la rab gnas nas/ /gsod ba'i don du rab tu gsal/ /mA ma kI zhes bya ba'i ming / /rig pa mchog tu gsang ba ste/ /rgyu mi dmigs pa'i chos rnams kyis/ /dri ma med pa stsol bar byed/ /gnyis pa'i dbyangs dang yang dag ldan/ /'phags pa mi g.yo ba zhes bya/ /dbang chen sa bon yang dag ldan/ /'gro ba'i rdo rje rangs byed na/ /gdug pa gzhan kun smos ci dgos/ /rlung gi dkyil 'khor sbyar byas pa/ /rang gi sa bon gnas shing 'phro/ /'gro ba thams cad skrod byed na/ /gdug sems can gdan smos ci dgos/ /de nyid me dang ldan pas na/ /dbang dang dgug pa'i las
60a
@#/ /rnams dang / /'gegs dang dgra rnams zhi ba ni/ /khyad par mi g.yo ba yis byed/ /don dam bden pa'i byin gyis brlabs/ /rnam par snang mdzad gnas las byung / /gzhan gyi dmag dpung 'joms pa ni/ /me dang ldan pa nyid kyis bya/ /drug pa'i dbyangs dang yang dag ldan/ /thig le sgra yis rnam par brgyan/ /rlung gi dkyil 'khor gyis drangs pas/ /'gro ba thams cad 'gugs par byed/ /ti se man+d+ha ra la sogs/ /de yis phye mar rlog par nges/ /rdo rje la gnas 'khor lo yi/ /dbus nas 'gro kun rengs par byed/ /gnas nas bskyod par byas pa yis/ /'byung po rnams ni dbang du byed/ /rtag pa'i gzugs su gnas nas ni/ /mi g.yo ba yi snying gar son/ /chos kyi dbyings mtshungs thob nas ni/ /bdag gi bdag nyid bsgom par bya/ /rlung gi sa bon rin po che/ /spyod pa'i steng du yang dag ldan/ /me las byung ba me la gnas/ /'gro ba thams cad 'bebs par byed/ /sde tshan dang po'i dang po gang / /sa yi yi ge steng du mnan/ /sde tshan lnga pa'i tha ma ni/ /drug pa'i sgra yi steng du gnas/ /'og tu me yi sa bon ldan/ /nyi ma'i dkyil 'khor dbus su ste/ /sa gsum thams cad 'bar bar byed/ /me yi phyogs su gnas nas ni/ /phyag rgya'i bdag nyid thams cad bsgom/ /rlung lha me lha yang dag sbyor/ /rgyu ni byed
60b
pa mtshungs pa'o/ /rnam par snang mdzad ye shes che/ /de nyid kho na bsgrub par bya/ /dbang chen me ni sbyor ba las/ /'khor los bsgyur ba'i go 'phang gnas/ /ye shes rgya chen bsgrub par bya yang na phun sum tshogs pa'i don/ /rig pa 'dzin dang sangs rgyas nyid/ /rnal 'byor ye shes phun sum tshogs/ /skye ba 'di la 'grub 'gyur te/ /'di la the tshom mi bya'o/ /dbyangs dang yi ge thams cad la/ /sbyor ba'i dbye bas rnam par gnas/ /tshig dang ngag gi tshad rnams dang / /ting nge 'dzin rnams thams cad du/ /slob dpon man ngag shes bya ste/ gzhan du bya ba ma yin no/ /rdo rje snying po rgyan ces bya ba'i rgyud chen po las/ rdo rje ka k+Sha'i sbyor ba mdor bsdus te bstan pa ste/ rgyas par slob dpon gyis mngon par spyad par bya'o// // de nas bcom ldan 'das rnams slar yang 'dus par gyur pas/ bcom ldan 'das rdo rje rnal 'byor gyi dbang phyug chen po la gsung gi dkyil 'khor gsol ba btab bo/ /de nas bcom ldan 'das rnam par snang mdzad kyis de rnams kyis gsol ba btab pa'i tshig gi rjes nyid la 'brug gi sgra mtha' yas pa'i legs par bsgrags pa nam mkha'i mdzod kun nas rdo rje rgya che ba tshangs pa chen po'i sgra yongs su rdzogs pa'i don dang / de bzhin gshegs pa thams cad kyi gsung gi 'khor lo'i dkyil 'khor so sor yongs su rtogs pa'i don du de bzhin
61a
@#/ /gshegs pa thams cad kyi gsung grub pa zhes bya ba'i dkyil 'khor chen po bka' stsal pa/ de nas yang dag bshad bya ba/ /gsung gi 'khor lo'i dkyil 'khor che/ /zlum po kun nas bzang po ste/ /zla ba'i dkyil 'khor lta bur gnas/ /de yi steng du pad chen po/ /'dab ma brgyad la ge sar can/ /de yi lte ba'i dbus su ni// yi ge mchog gi go 'phang nyid/ /bdag gi dngos grub bsgom par bya/ /ngag gi dbang phyug 'od chen po/ /snying gar zla ba der pad+ma/ /de yi steng du dung brtag bya/ /dung gi dbus su lce yin te/ /rdo rje'i rang bzhin dge ba 'o/ /de yi steng du rin chen pad/ /yang na sangs rgyas gzugs brnyan yang / /'bar zhing rkan gyi mthar khyab pa/ /bdud rtsi'i rgyun ni rab 'bab pa/ /pa yi yi ge spyi tshugs pa/ /sangs rgyas kyi ni steng du gnas/ /bdud rtsi'i thigs pa 'dzag pa ni/ /go rim bzhin du bsam par bya/ /zla ba phyed dang zla ba gcig /yang na zla ba bzhi 'am ni/ /zla ba brgyad du rab mchog bsgom/ /dkyil 'khor bzang po bsgrub par bya/ /skyil krung gis ni nyer gnas te/ /dang po'i sbyor ba'i dbang phyug skyes/ /chos kyi dbyings ni mtha' dag tu/ /thams cad du ni yongs su gang / /sangs rgyas gzugs brnyan bsgom par bya/ /chos dbyings mnyam dang mi mnyam pa/ /sangs rgyas kun gyi rjes skyob
61b
pa'i| |ji snyed rig pa thams cad ni/ /lus dang ngag dang yid rnams kyis/ /phyag rgya de rnams bdag nyid mchog /de rnams thams cad bdag nyid kyi/ /lus kyi 'khor lo la 'jug bsam| |dung gi sgra ni gsal ba bsam/ /pad+ma'i khams la yang dag brten/ /pad+ma'i ge sar thig le las/ /sgra yi rang bzhin rdul phran rnams/ /mgrin par son nas sgra gyur te/ /de las kyang ni ji ltar gyur/ /slar yang lce ru son pa dang / /yi ge mchog tu ngag ba 'o/ /lce yi yi ge cher 'bar ba/ /gcig nas gcig tu rdo rje'i tshul/ /kun nas rab tu 'od gsal ba// rdo rje'i ngag ni dam pa'i don/ /sgra yis nam mkha' kun gang bar/ /sgrub pos mdo ru bsdus te bzla/ /de bzhin du ni snying gar sgra/ /lce la 'od zer nges 'phros nas/ /mchu 'am so las rab bkra ba'i/ /gal te 'od zer mthong na ni/ /de tshe grub par rnam par shes/ /grub pa'i ngag ni dam pa'i don/ /yang na lha ni gzhan pa yis/ /ngag gi sgrub thabs chen po mchog/ /rang lce rdo rje'i rang bzhin bsam/ /bdag nyid rdo rje sems dpa' yang / /'bar ba'i sgron ma dang mtshungs pa/ /rang gi snying gi dbus kyi cha/ /yi ge mchog tu phra ba yis/ /a yi yi ge mnga' bdag mchog /rnam par bkra ba nyi ma bzhin/ /rang gi sde pa'i mthar thug mtshungs/ /yi ge yi ger yongs su gzhol/ /phra mo mnyam pa'i mthar thug ni/ /'bar zhing thig le dang
62a
@#/ /mtshungs shing / /snying gi dkyil 'khor gsal byed pa/ /de yi 'bar ba rab phra ba/ /ji srid rkan gyi bar du son/ /slar yang yi ge thams cad ni/ /yang dang yang du gsal byed cing / /rdo rje 'bar ba stong phrag dang / /yang dang yang du rnam par 'don/ /'jig rten kun tu de song ste/ /chos dbyings mnyam dang mi mnyam pa/ /yi ge'i rang bzhin rnam bkra ba/ /rang gis 'gro ba rnam byas te/ /slar yang 'ongs nas rang gnas su/ /'jug pa ru ni yongs su brtag /de nas sgra dang yi ge ni/ /lte bar song ste yongs su gnas/ / lte ba ru ni pad+ma mchog/ pad+mar rdo rje dri med mdzes/ /de yi steng du dung chen po/ /rab tu 'phro ba nyid du gnas/ /de las 'bar ba'i rnam pa'i sgra/ /brang gi gnas nas yongs su byung slar yang mgrin par song nas su/ /rdo rje lce la yang dag reg /'gram pa sbyar ba'i dbus su ni/ /sangs rgyas gzugs brnyan dri ma med/ /kha ba ba zho ltar dkar 'od/ /bcud len bdud rtsi'i thigs pa 'dra/ /rdo rje lce ni mtha' dag rnams/ /yang dang yang du gsal bar byed/ /ting nge 'dzin gyi rtser son te/ /slar yang snying ga nyid du song / /thig le las ni gug skyed gyur/ /grub skyed ri mo ring bo can/ /cha shas rnam bzhi 'dus pa las/ /de ni yi ger rnam par shes/ /yi ge las ni sgra skye zhing / /sgra las nA da de las dbyangs/ /
62b
dbyangs las ngag tu rnam par 'gyur/ /yi ge las ni cha shas tshogs/ /tshig rkang dang ni ngag tu 'gyur/ /tshig rkang las ni tshigs bcad dang / /de bzhin du ni bA thA dang / /phreng 'dzin rgyun chags de bzhin te/ /'di ltar sngags dang rig sngags dang / /rang gi snying por rab tu 'gyur/ /de nas bzlas pa'i rnal 'byor che/ /blo gros ldan pas brtan byas te/ /dgug dang gzhug dang bcing ba dang / /dbang du byas te bsgrub par bya/ /bzlas pa 'di yi sbyor ba yis/ /thams cad du ni brtan par bya/ /yid bzhin gyi ni ngag 'grub bo/ /rmad byung mchog tu rnyed dka' ba'i/ /yang na lha ni gzhan pa yi/ /ngag 'grub thams cad skyob rnams kyi/ /yi ge gcig pa gsang chen po/ /ngag gi sgrub thabs mchog tu dge /sangs rgyas kun gyi bdag nyid ni/ /legs par mnyam par bzhag pas bsgom/ /rang snying zla bar rdo rje che/ /'bar ba'i phreng ba 'khrugs pa'i 'od/ /de las bstan bcos thams cad ni/ /nges par gdon pa nyid du bya/ /ngag grub pa yi ye shes 'dis/ /thams cad mkhyen pa thob par byed/ /bstan bcos thams cad rab 'don cing / /de nyid kyang ni 'chad par byed/ /sems can kun gyis thams cad du/ /dngos po cung zad gang bsams pa/ /de dag thams cad rnam shes te/ /skad cig tsam la smra bar byed/ /rdo rje snying po rgyan ces bya ba las/ ngag gi
63a
@#/ /sgrub pa'i thabs rdzogs so// //de nas bcom ldan 'das rnams zlar yang 'dus nas bcom ldan 'das de bzhin gshegs pa thams cad kyi thugs mchog gi dbang phyug la gsol ba btab pa/ bcom ldan 'das/ de bzhin gshegs pa thams cad kyi gsang sngags kyi mdzod kyi cho ga rgyas pa'i sgrub pa'i thabs bka' stsal du gsol/ de nas bcom ldan 'das chos thams cad kyi dbang phyug gis de dag gis gsol ba btab pa nye bar gsan nas de de bzhin no/ /zhes bka' stsal nas de nas bcom ldan 'das kun nas 'khor lo'i dbang phyug gi rgyal po chen pos de bzhin gshegs pa thams cad kyi gsang sngags kyi mdzod kyi sgrub pa'i thabs kyi rim par phye ba'i cho ga rgyas pa bka' stsal pa/ de nas yang dag bshad bya ba/ /'khor los bsgyur ba'i sgrub pa'i thabs/ /'khor lo rtsibs brgyad rnam par bri/ /yang na bcu drug rtsibs kyang bri/ /lte bar de bzhin gshegs pa dgong / /'khor lo'i phreng bas rnam bar brgyan/ /mtha' ru rin chen rnam pa bdun/ /mkhas pa yis ni spel par bya/ / de yi lte bar bdag nyid ni/ /'khor los bsgyur ba stobs po che/ /sangs rgyas kun gyi sku chen po/ /chos kyi dbyings dang mtshungs pa'i mchog /de yi phyag rgya bgrang las 'das
63b
skad cig ma ni nyid la thon/ /'gro ba thams cad snang byas nas/ /sngags kyi dbang phyug nyid la gzhug /'khor lo'i dngos grub gzi brjid che/ /'khor los bsgyur bar bdag nyid 'gyur| |chung dang che dang dbang phyug dang / /rang dbang 'dod rgur spyod pa dang / /kun tu 'gro ba nyid dang ni/ /kun gyi dbang phyug phun tshogs 'bras/ /rga dang 'chi ba med thob cing / /nges par 'khor los bsgyur dang mtshungs/ /gser gyi 'khor lo rin po che/ /de bzhin dngul dang shel nyid dang / /me tog can gyi lcags kyang rung / /rang gi lag gis bzung nas su// dbang chen dkyil 'khor dbus su ni/ /sangs rgyas thams cad bsgom par bya/ /'khor los bsgyur ba gzi brjid che/ /mtshan rnams kyis ni rnam par brgyan/ /de ltar bdag nyid bsgom na ni/ /'khor los bsgyur ba nyid du 'gyur/ /de la de'i sngags kyi tshig tu gyur pa ni/ /oM sarba ta thA ga toSh+NI Sha a ba lo ki te/ muN+Ti tsakra warti dz+wa la dz+wa la d+hu na bi d+hu na trA sa ya mA ra ya/ uts+tsha Ta ya ha na b+hany+dza broM khi ni kuN+Ta li ni a pa rA dzi TAs+t+ra d+ha ri Ni hUM hUM phaT phaT swAhA/ rtsa ba'i sngags so/ /oM oM a pa rI dza ta d+hi ka swAhA/ snying po'o/ /na maH san+ta bud+d+ha nAM a pra ti ha ta shA sa naM a pa rA dzi ta d+hi ka swAhA/ mchog gi snying po'o/ /'khor los bsgyur bar rang grub ste/ /sangs rgyas nyid ni thob nas ni/ /ye shes tshe dang stobs dang
64a
@#/ /shugs| |yang na dbang phyug dam pa kun/ /dpa' bo thams cad ster byed na/ /dngos grub gzhan lta smos ci dgos/ /'khor los bsgyur ba'i sgrub thabs so/ / nyi ma'i dkyil 'khor bri bar bya/ /nam mkha' la ni yongs su bsgom/ /gzi brjid phung po ye shes che/ /sangs rgyas thams cad thob par 'gyur/ /gnyis su med 'byung sems kyi mchog /dkyil 'khor mchog tu rmad byung ba/ /de ni me yir shes par bya/ /sangs rgyas byang chub rab sgrub byed/ /de yang 'khor lo 'dzin rgyal po/ /'khor los bsgyur ba legs 'bar ba/ /de la de bzhin rin chen bdun/ /'khor lo'i phreng bas rnam par brgyan/ /'khor lo'i dkyil 'khor dbus gnas par/ /nyi ma re rer bkra shis bsgom/ /gzi brjid phung po sku chen po/ /sum cu rtsa gnyis mtshan 'chang ba/ /'bar ba'i phreng 'khrugs dpa' bo ni/ /snang ba shar ba lta bur gnas/ /de yi phyag rgya rtag tu bsam/ /nam mkha'i rnam par legs par gnas/ /chos kyi dbyings kyi mtha' klas pa/ /'od zer phreng bas rnam par khyab/ /de dang bdag nyid rdo rjer bsgom/ /sangs rgyas byang chub rab sgrub byed/ /kun tu kun nas thams cad du/ /dngos po kun las 'byung bar 'gyur/ /ye shes tshe dang stobs dang shugs/ /kun tu 'gro ba nyid dang ni/ /sangs rgyas thams cad nyid dag dang / /rdo rje can kun
64b
nyid dang ni/ /gzi brjid mchog kun thob gyur nas/ /gzi brjid phung po 'dra bar 'gyur/ /de la sngags kyi tshig tu gyur pa ni/ /oM ta thA ga toSh+NI Sha a ba lo ki te murti te te dzo rA shi dz+wa la dz+wa la| d+ha ka d+ha ka /d+ha ra d+ha ra/ bi d+ha bi d+ha hUM hUM phaT phaT swAhA/ rtsa ba'i sngags so/ /oM te dzo rA shi swAhA/ snying po'o/ /oM dz+wA la te dzo ra shi hUM phaT swAhA/ nye ba'i snying po'o/ /dag pa'i gsang sngags 'di rnams kyis/ /nyi ma'i ye shes rab tu gsal/ /kun tu 'gro ba 'grub par bya/ /rig pa 'dzin pa nyid thob 'gyur/ /gzi brjid phung po gsang sngags kyi sgrub pa'i thabs so| |kun nas snang ba zhes bya mchog /yi ge gsum pa stobs po che/ /gser gyi kha dog legs 'bar zhing / /gtsug tor steng na 'od gsal ba/ /sngags pa rang bdag gis bsgom bya/ / kun nas snang ba lta pur 'gyur/ /oM AH hUM/ gsang sngags rtse mo dam pa 'di/ /bsgom pa tsam gyis thams cad du/ /brtan pa dang ni g.yo ba yi/ /'gro kun kun nas snang bar 'gyur| |kun nas snang ba'i gtsug tor gyi sgrub ba'i thabs so/ /chos kyi 'khor lo phyag rgya che/ /legs par mnyam par bzhag pas bsgom/ /sangs rgyas kun nyid kun gyi mchog/ chos kyi 'khor lo rab bskor byed/ /'khor lo 'di ni rtsibs bcu gnyis/ /rnam pa bcu gnyis yongs su gnas/ /rnam gsum gsum ni yongs bskor ba/ /bya ba'i don du dag pa
65a
@#/ /ste| |sangs rgyas rang bzhin sku chen po/ /nam mkha'i khams na gnas pa ste/ /chos kyi dbyings ni khyab pa ni/ /legs par mnyam par bzhag pas bsgom// 'gro ba brtan dang g.yo ba ni/ /'di kun rten cing 'brel 'byung ba/ /'di ni chos kyi phyag rgya che/ /sangs rgyas byang chub rab sgrub byed/ /de yi sngags su gyur pa ni/ oM d+hu na pA ta ya ts+tshin+da tsakre Na badz+ra Ni hUM/ gsang sngags 'di ni dpal ldan mchog /chos kyi 'khor lo gnyis med 'char/ /skad cig tsam gyis thams cad du/ /dam pa'i chos ni bskor bar byed| |chos kyi 'khor lo sgrub pa'i thabs so/ /pad+ma rA ga'i rnam pa 'dra/ /sangs rgyas sku gzugs legs 'bar ba/ /rnal 'byor sbyor ba'i mchog bsgrubs na/ /nyon mongs rdo rje 'dra bar 'gyur/ /snying nas rdo rje gzugs brnyan 'dra/ /'bar ba'i phreng ba 'khrugs pa'i 'od/ /de yi snying la rdo rje me/ /dri ma med pa skye bar 'gyur/ /nyon mongs rtag tu yongs zad cing / /dgra rnams kun las rgyal bar byed/ /bden pa bzhi ni rtogs pas na/ /bden pa'i ye shes thob par 'gyur/ /sngags ni/ oM kA+e sha a sha ni hUM phaT/ 'di ni nyon mongs rdo rje'i sngags/ /drag cing drag po'i gzhan gnon pa'o/ /sangs rgyas nyid kyang ster byed na/ /dngos grub gzhan lta smos ci dgos/ /nyon mongs rdo rje sgrub pa'i thabs/ /dbang chen
65b
dkyil 'khor la gnas ba'i/ /sangs rgyas rang bzhin stobs po che/ /bdung bzhi las ni rnam rgyal ba/ /legs par mnyam par bzhag pas bsgom/ /bden pa bzhi yi khu tshur che/ / lus dang ngag dang de bzhin yid/ /khu tshur sangs rgyas thams cad kyi/ /gnyis med skye ba'i mtshan nyid do/ /rdo rje'i dbus su bsgom par bya/ /rang nyid sangs rgyas yin no zhes/ / brtan dang g.yo ba'i 'gro ba ni/ /'di dag thams cad ma skyes par/ /rdo rje khu tshur bsgoms na ni/ /rdo rje khu tshur 'dra bar 'gyur/ /de la sngags su gyur pa ni/ /oM bi dza ye hAH/ de bzhin gshegs pa'i khu tshur che/ /shes rab pha rol phyin gsal ba/ /sngags pas rtag tu bsgoms na ni/ /shes rab pha rol phyin pa 'thob/ /de bzhin gshegs pa thams cad kyi khu tshur gyi sgrub pa'i thabs so/ /dngos grub las byung 'od gsal ba/ /gdod nas zhi zhing mtshan nyid med/ /sangs rgyas rang bzhin sku chen po/ /dkyil 'khor chen po'i dbus su 'o/ / rdo rje rdo rje'i bdag nyid bsgom/ /'bar ba lta bu'i gzi brjid kyis/ /'di yis 'jig rten thams cad kyi/ /'khor los bsgyur ba nyid du ni/ /'jig rten kun gyi thams cad du/ / kun nas phun sum tshogs pa kun/ /bkug nas gus pas sbyin par bya/ /sngags ni/ oM badz+wa la dz+wa la dI bya dI bya ud ga toSh+NI Shi d+hu na d+hu na hUM/ steng 'gro'i gtsug tor zhes bya
66a
@#/ /bar| |sangs rgyas dpa' bo kun gyis gsungs/ /'di ni bsgrubs pa tsam gyis ni/ /sangs rgyas nyid kyang rnyed dka' min/ /de bzhin gshegs pa thams cad kyi gtsug tor gyi sgrub pa'i thabs so/ /sangs rgyas rang bzhin phyag rgya che/ /legs par mnyam par bzhag pas bsgom/ /tshad skyob gdugs dkar chen po ni| |chos dbyings mnyam dang mi mnyam pa/ /zla ba'i dkyil 'khor dbus gnas par/ /zla ba'i kha dog cher 'bar zhing / /chu yi dkyil 'khor rnam dag pa/ /dri med puN+Da rI kar gnas/ /ri mo bdun gyis yongs su gang / /bcud kyis len gyi mchog lta bur/ /sangs rgyas kun bdag bsgom par bya/ /dngos grub 'di yi sbyor ba yis/ /sems can rnams la thams cad du/ /re ba thams cad yongs rdzogs pa/ /'di ni gtsug tor gdugs dkar che/ /sngags ni/ oM ma ma ma ma hUM ni/ 'di ni bsgrubs pa tsam gyis ni// ye shes che dang stobs mgyogs 'gro/ /dpa' bo thams cad 'thob 'gyur zhing / /sangs rgyas nyid kyang rnyed dka' min/ /gdugs dkar po'i sgrub pa'i thabs so/ /zla ba'i dkyil 'khor la gnas par/ /'bar ba'i phreng 'khrugs ral gri ni/ /sngags pas snying gar bsgom par bya/ /rang gi bdag nyid sangs rgyas zhes/ /sangs rgyas rang bzhin
66b
sprin chen pos/ /nam mkha'i mthongs rnams yongs gang ba/ /bdag nyid gnyis med ngo bo yis/ /rnal 'byor gcig tu bsgrom par bya/ /sngags kyi yi ge 'khor lo che/ /'bar ba'i phreng ba 'khrugs pa'i 'od/ /sngags pas snying gar bsgom par bya/ /rgyal ba dam pa nyid du 'gyur/ /sngags ni/ oM dz+we la dz+wa loSh+Th+Ni Sha dz+wa la dz+wa la ban+d+ha ban+d+ha da ma da ma dru ma dru ma da ha da ha na hUM/ rgyal ba'i gtsug tor ral gri che/ /shes rab ye shes dri ma med/ /sngags pas kun nas bsgom na ni/ /rgyal ba'i gtsug tor 'dra bar 'gyur/ /rgyal ba'i gtsug tor gyi sgrub pa'i thabs so/ /sangs rgyas kun gyi rang bzhin sku/ /'bar ba'i phreng ba 'khrugs pa'i 'od/ /seng+ge'i khri yi steng du bsam/ /yang na rdo rje'i gdan la gnas/ / kun tu gtsug tor cher 'bar ba/ /snying gar yongs su bsgom par bya/ /sangs rgyas kun gyi bdag nyid ni/ /yi ge dam pa yi ni gnas/ /thog ma tha ma med zhi ba/ /chos kyi sku ni mchog tu che/ /'di ni bsgrub pa tsam gyis ni/ /kun tu gtsug tor stobs po che/ /skad cig de la 'grub 'gyur te/ /rdo rje sangs rgyas kun gyi bka' bzhin no/ /sngags ni/ oM badz+ra ban+d+ha hUM/ gsang sngags 'di ni dam pa gtso/ /sangs rgyas thams cad dbang bskur byed/ /rtag tu rnal 'byor pas bsgom na/ /de ni kun gyis dbang bskur ro/ /rdo rje snying po
67a
@#/ /rgyan ces bya ba'i rgyud chen po las/ de bzhin gshegs pa thams cad kyi gtsug tor gyi cho ga rgyas pa'i rim par phye ba yongs su rdzogs so// // de nas bcom ldan 'das de bzhin gshegs pa rnams slar yang 'dus par gyur te/ bcom ldan 'das rdo rje rnal 'byor gyi dbang phyug la gsol pa btab pa/ bcom ldan 'das/ byang chub sems dpa' rnams kyi gsang sngags kyi sgrub pa rgyas pa bka' stsal du gsol/ de nas bcom ldan 'das rdo rje rnal 'byor gyi dbang phyug chen pos de dag gis gsol ba btab pa'i tshig gsan nas de bzhin gshegs pa thams cad du bdag nyid byin gyis brlabs nas byang chub sems dpa' thams cad kyi gsang sngags kyi rim par phye ba bka' stsal pa/ shes rab ye shes rdo rje che/ /snying gar yongs su bsgoms nas su/ /ral gri 'bar ba gzi brjid che/ /mtha' klas pa la rnam par gnas/ /'jam dbyangs zhes bya bsgom par bya/ /gur gum gyi ni rnam pa 'dra/ /gtsug na zur phud lnga ldan pa/ /gzhon nu byis pa'i gzugs can ni/ /mtha' yas rgyas pa'i rlabs che ba'i// rnam par 'phro ba lta bur gnas/ /ut+pal sngon po phyag na bsnams/ /dbang chen dang ni me las 'khrungs/ /ye shes chen po gzi brjid che/ /'khrul pa med cing yi ge bral/ /
67b
sangs rgyas kun bdag shes rab mchog /nyon mongs thams cad zad par byed/ /rdo rje kun bdag bkod pa po/ /kun tu 'gro ba'i dam pa'i don/ /dbyer med mchog tu gsang ba po/ / rig pa mchog gi bdag nyid 'di/ /zhal drug pa la phyag drug mchog /mngon shes drug ldan yi ge drug /rjes dran drug gi sbyor ba yis/ /phyag drug dam pa stobs po che/ /gzi brjid yang na stobs kyis kyang / /kun nas yongs su gsal ba po/ /gzugs che lus kyang che ba ste/ /nam mkha'i khams na rnam par gnas/ /yang na phyag gnyis shes par bya/ / ting nge 'dzin gnas sdig pa bcom/ /dpa' bo pad+ma la gnas pa/ /zla ba'i mdog can 'od po che/ /rnal 'byor pa yi ye shes phra/ /shes rab pha rol phyin pa 'bar/ /gdod nas ma skyes pa zhes bsam/ /sangs rgyas byang chub rab stsol byed/ /sangs rgyas rnams kyi ye shes mchog /'jam pa'i dbyangs zhes rab tu grags/ /de'i sngags ni/ oM bA kye daM na maH/ gsang sngags 'di ni mchog tu gsang / /gsang chen gyi ni dam par bzhed/ /rnam thar gsum gyi sgo la gnas/ /pha rol phyin drug rab tu gsal/ /rang nyid shes rab yin no zhes/ / sngags pas rtag tu bsgom par bya/ /dbang po drug ni rab bsgyur te/ /sangs rgyas nyid ni rnal 'byor las/ /pad+ma rA ga lta bu'i mdog/ ston zla lta bur cher gsal ba/ /sems dpa'
68a
@#/ /chen po gser gyi mdog /stobs po che ni bsgom par bya/ /'di ni '+s+g+rub pa tsam gyis ni/ /shes rab dri ma med par 'gyur/ /bstan bcos thams cad rab smra zhing| |dbang phyug thams cad mdun na gnas/ /kun gyi rgyal po sngags pa nyid/ /rang nyid kun gyi rgyal po mtshungs/ /rig pa 'dzin pa thams cad dang / /byang chub kun gyi pha rol son| |dbang phyug kun dang bde pa che/ /chos rnams kun gyi yon tan mchog /rdo rje 'dzin pa thams cad dang / /yang na sangs rgyas thams cad kyi/ /kun tu 'gro ba thob 'grub na// dngos grub gzhan lta smos ci dgos/ /dngul chu bcud len de nyid dang / /rkang pas spyod pa de nyid mchog /ril bu dang ni mi snang ba/ /thams cad du ni ster bar 'gyur/ /dpal ldan 'jam pa'i mchog 'di ni/ /chos kyi gsung gi mchog las 'khrungs/ /sangs rgyas rnams kyi tshangs pa'i dbyangs/ /'jam pa'i dbyangs zhes rab tu grags/ /'di ni bsgrub pa tsam gyis ni/ /bsams pa'i phun sum tshogs kun gyis/ /sangs rgyas kun tu brtan 'gro na/ /gzhan pa'i lha lta smos ci dgos/ /'jam pa'i dbyangs kyi sgrub pa'i thabs so| |snying gar pad+ma chen po la/ /zla ba'i dkyil 'khor yongs su gnas/ /'jig rten dbang phyug dpa' bo che/ /thugs rje chen po'i thugs ldan pa/ /phyag bzhi pa la zhal bzhi
68b
pa| |dung dang kun da zla ltar dag /chos kyi dbyings las yang dag byung / /chu yi dkyil 'khor chen po la/ /bdag nyid 'jig rten dbang phyug ches/ /de la gnas pa dge ba bsgom// rang bzhin gyis ni 'di kun dag /gdod nas ma skyes ma byung ba/ /gsang sngags chen po 'di yis ni/ /snying gar yongs su bsgom par bya/ /'jig rten dbang phyug 'khor lo che/ kun tu rnam par 'phros pa yi/ /'bar ba'i phreng bas 'khrigs shing zhi/ /ral pa'i thor tshugs 'dzin pa po/ /ral pa'i dbus su dpa' bo che/ /'od dpag med pa ldan pa'i bdag /ston ka'i zla ba lta bur gsal/ /kun tu nam mkha' yongs gang ba/ /gsang sngags sbyor bdag bsgom par bya/ /rang nyid 'jig rten gsum rnam rgyal/ /chos kyi dbyings kyi mthas klas pa| |pad+ma'i lus kyis yang dag gad/ /kun tu pad+ma rnams la ni/ /zla ba'i dkyil 'khor yang dag gnas/ /khams gsum rnam par rgyal ba'i sku/ /khyad par du bdag dgang bar bya/ / 'gro ba brtan dang g.yo ba kun/ /snang dang mi snang dngos po ni/ /yang dang yang du blta bar bya/ /gdul bya ma lus sems la ni/ /stobs po ches ni dgang bar bya/ /kha dog dbyibs ni 'di bzhin du/ /sna tshogs gzugs la cher 'bar ba/ /kun nas yongs su bsdus nas ni/ /sngags pa'i mdun du gzhag par bya/ /de nas sngags pas de ma thag /slar yang rtse gcig
69a
@#/ /sems kyis ni/ /dgug dang gzhug dang bcing ba dang / /dbang du bya ba bsgrub par bya/ /'jig rten dbang phyug thub chen po/ /bcom ldan rnal 'byor can grub na// dpa' bo thams cad stsol 'gyur zhing / /rang gi dngos grub mchog rnams dang / /rnal 'byor thams cad 'dzin nyid dang / /rnam par rgyas pa'i nor ster 'gyur/ /rig pa 'jin dang 'khor lo can/ /sa dang pha rol phyin sogs dang / /sangs rgyas rnams kyang stsol 'gyur na/ /dngos grub gzhan lta smos ci dgos/ /de'i sngags ni/ /oM A ro li ka /gsang sngags dpal ldan mchog 'di ni/ /rang nyid khams gsum rnam par rgyal/ /longs spyod thams cad bkug nas ni/ /skad cig tsam gyis rnam par ster/ /pad+ma'i sgrub pa'i sbyor ba yis/ /bdag nyid 'jig rten dbang phyug bsgrub/ /'jig rten gsum gyi rgyal rnams ni/ /srid par bkug nas rnam par ster/ /'jig rten dbang phyug gi sgrub pa'i thabs so/ /thams cad rdo rje'i rang bzhin gzugs/ /me yi dkyil 'khor dge ba ste/ /de yi dbus su bya ba ni/ /dkyil 'khor rlung dang rab mtshungs pa/ /de yi dbus su de 'dra bsam| |nyi ma yi ni dkyil 'khor ro/ /de yi dbus su gzi brjid che/ /'bar ba lta bu'i gzi brjid can/ /rdo rje'i lag pa gzi brjid che/ /rgyan rnams kun gyis rnam par
69b
brgyan| |tshangs pa'i yul sa thams cad du/ /kun nas yongs su gsal bar byed/ /hUM gi yi ge sgra zab mo/ /dbyar gyi sprin dang mtshungs pa'i 'od/ /rgyal po 'khyil ba dang mtshungs pa| |zar ma yi ni me tog 'dra/ /'bar ba dmar pos 'khrigs shing 'jigs/ /bskal pa'i me dang 'dra bar gnas/ /zhal bzhi pa la mche ba bzhi/ /'jigs pa'i dus kyi thal ba 'dra| |hUM gi yi ge bzhi dang ldan/ /sprin 'khrugs pa dang rab tu 'dra/ /rdo rje hUM mdzad ces bya ba/ /rnal 'byor pas ni rtag tu bsgom/ /sngags kyi tshig ni/ oM sum+b+ha ni sum+b+ha hUM/ gr-ih+Na gr-ih+Na hUM/ gr-ih+Na ya gr-ih+Na pa ya hUM/ /a na la ho b+ha ga wAn/ bid+yA rA dza hUM phaT/ rdo rje 'dzin pa'i rgyal po 'di/ /kun mchog srid pa'i dbang phyug gis/ /'jig rten gsum yang 'gugs byed na| |bud med gzhan lta smos ci dgos/ /tshangs pa khyab 'jug dbang chen sogs/ /chung ma dang bcas phyag rgyar bcas/ /de dag thams cad 'gugs byed na/ /sdug bsngal can gzhan smos ci dgos/ /nyi ma'i dkyil 'khor dbus gnas par/ /rdo rje'i gzugs brnyan snying gar son/ /dbang po gnyis ni mnyam sbyor bas/ /rdo rje can gyi sngon du bsgrub/ /bsam ba thams cad rdzogs byed pa/ /bcom ldan 'das rdo rje can 'grub 'gyur/ /rgyal po thams cad sbyin 'gyur na/ /dngos grub gzhan lta smos ci dgos/ /sngags ni/ 'dir/ oM Tik+ka hUM dzaH/
70a
@#/ /gsang sngags 'di yi sbyor ba yis/ /dam pa'i don du bsgrub par bya/ /longs spyod ji snyed thams cad rnams/ /de snyed thams cad rnam par ster/ /rdo rje 'dzin pa'i sgrub pa 'o/ /dbang chen dkyil 'khor la gnas pa'i/ /byams pa chen po'i bdag nyid sku/ /snying gar zla ba'i gzugs brnyan 'od/ /rdo rje 'bar ba'i phreng ba ldan// 'jig rten khams ni 'byams klas pa/ /rab bzhin gcig tu byas nas ni/ /rdo rje yis ni spro ba dang / /dbang bskur pa yi rang bzhin dge /gser gyi kha dog legs 'bar ba// ral pa'i thor tshugs 'dzin pa po/ /ral pa'i dbus su mchod rten che/ /dung dang kun da zla 'ong bzang / /bsgoms nas sems can thams cad la/ /brtan pa'i don du dbang bskur bya/ /yang na sems can thams cad la/ /bu gcig lta bur rnam par spro/ /sgom pa'i sbyor bas bsgoms na ni/ /gnyis med ma rgyal ba las rgyal/ /spro ba dang ni bsdu ba dang / /gnas sogs dbye bas rnam par dbye/ /byams pas kun tu rnam par spro/ /chos dbyings mnyam dang mi mnyam pa/ /thams cad bdag dang bdag gi bar/ /shin tu dri ma med par gnas/ /ri rab lta bur brtan ba'i sems/ /'khrul pa med cing yi ge bral/ /de ltar sems ni brtan byas nas/ /mnyam med sems can kun dang mnyam//
70b
bdag nyid byams pa yin no zhes/ /dga' ldan gnas pa'i tshul 'dzin pa/ /cung zad li zhing 'khyil ba'i skra/ /pad+ma rA ga mtshungs pa'i 'od/ /rin chen sems ni rnam dag pas| |bdag nyid kyis ni bsgom par bya/ /'di'i gsang sngags rang bzhin gyis grub pa ni/ oM a dzi tany+dza ya sarba satwA sa ma yAnu ga ta swAhA/ gsang sngags bdag nyid rgyal po 'di| |byams pa zhes ni grags pa ste/ /chos kyi dbyings dang mtshungs par khyab/ /byams pa'i thugs ni yid du 'ong / /dang po'i sbyor ba'i rnal 'byor gyis/ /sgrub pa'i thabs mchog bsgom par bya/ /oM mai tre ya tri/ 'di ni bsgrub pa tsam gyis kyang / /dga' ldan du ni gnas par 'gyur/ /sgrib pa kun dang bral ba'i bdag /rang nyid lha yi bu dang mtshungs/ /byams pa'i sbyor bas bsgom na ni/ /'di ni byams pa lta bur 'gyur/ /byams pa'i sangs rgyas zhing du ni/ /rang bzhin gyis ni skye bar 'gyur/ /de mdun chos ni legs nyan nas/ /sa dang pha rol phyin pa dang / /dbang dang ting 'dzin thob nas ni/ /de ni byang chub sems dpar 'gyur/ /mthar yang sangs rgyas thams cad ni/ /byams pa'i yid kyis thob par 'gyur/ /byams pa'i sgrub pa'i thabs so/ /rang gi lus ni thams cad ni/ /nam mkha' mtshungs pa nyid du bsgom/ /chos bdag med pas bskyed nas kyang / /rang nyid
71a
@#/ /nam mkha'i snying por 'gyur/ /gsang sngags 'di yi sbyor ba yis/ /mkha' mtshungs dpe las rnam par 'das/ /nam mkha'i 'od zer gyur pa yis/ / sems can rang gi sems las spro/ /thams cad sems las spros nas ni/ /slar yang rim gyis bsdu bar bya/ /nam mkhar sa many+dza rA blta/ /rang gi de nyid kyis sbyar bya/ /rin chen dkyil 'khor dbus gnas par/ /rin chen kha dog 'od po che/ /rgyan rnams kun gyis lus brgyan pa/ /lag na rin chen stobs po che/ /rin chen sbyor bas bsgoms pa yis| |nam mkha'i dam pa 'grub pa yin/ /sngags ni/ oM A ka sha gar+b+ha ya swAhA/ nam mkha'i snying po stobs po che/ /bcom ldan rnal 'byor 'grub par 'gyur/ /rang gi dngos grub thams cad ni/ /ster bar 'gyur te dpyad mi dgos/ /dpa' bo sangs rgyas thams cad kyis/ /dngos grub ji snyed bka' stsal pa/ /nam mkha'i snying po bsgrubs pa yis| |de dag thams cad myur du ster/ /nam mkha'i snying po sgrub pa'i thabs so/ /sangs rgyas kun gyi rang bzhin sku/ /rgyan rnams kun gyis brgyan pa yis/ /kun tu bzang po'i 'od bzang ba/ /zla ba'i dkyil 'khor dbus su ni/ /sngags pas rtag tu bsgom par bya/ /dngos grub mchog ni thob par 'gyur/ /rang gi lus ni ji snyed pa'i/ /rang gi phra
71b
rab rdul rnams kyis/ /de dag thams cad mtshungs par bya/ /sangs rgyas sku yi sku nyid du/ /yang na ba spu'i khung rnams su/ /rang gi 'khor los yongs bskor nas/ /sangs rgyas kun dang mtshungs byas te/ /bdag ni kun tu bzang po zhes/ /yi ge lnga pa zhes su bshad/ /'di yi sngags chen bzla bar bya/ /yang na 'dir ni lha gzhan gyis/ /rtag tu sngags su gyur pa 'o/ / oM sAM hrIHkA ya swAhA/ gsang sngags rgyal po che gsang zhing / /gdod nas ngag cing rang 'byung ba/ /grub pa gsang sngags 'di yis ni/ /de yi shes rab dri med cing / /gzugs mdzes pa ni de dang mtshungs/ /bstan bcos thams cad rab smra ba/ /kun bzang mchog tu bdag 'gyur ro/ /kun tu bzang po'i sgrub pa'i thabs so/ /zla ba'i dkyil 'khor dbus gnas par| |rgyan rnams kun gyis brgyan pa yi/ /sgrib pa thams cad rnam sel ba/ /dam pa'i don du bsgoms par bya/ /gsang sngags 'di yi sbyor ba dang / /bcud kyi len gyis bde blag tu| |ring po nying du mi thogs par/ /sgrib pa rnam sel mtshungs par 'gyur/ /sngags 'byung ba ni/ oM sarba ni wa ra Na biSh+kaM b+hi ni swAhA/ oM na si rA ya swAhA/ gtso bo gsang sngags 'di 'dzin la/ /rnam par sel bar grags pa ste/ /thams cad sgom pa'i sbyor ba yis/ /phyag rgya kun gyis thams cad du/ /gdod nas skye med rang bzhin gyis/ /gdod nas dag cing
72a
@#/ /'gyur ba med/ /de ltar chos 'di shes nas ni/ /lha nyid dang ni mnyam byas nas/ /rnyog pa med cing zag med pa'i/ /rjes su rnal 'byor gyis bsgrub bya/ / ut+pal sngon po'i 'dab ma ltar/ /gsal ba'i rnam par gnas pa'o/ /dbang chen dkyil 'khor la bzhugs pa'i/ /me yis yongs su bskor ba yi/ /phyag na ral gri gzi brjid che/ /yang nas yang du sems byed cing / /dngos grub 'di ni gzi brjid che/ /rnam sel mchog gi dbang phyug ni/ /mtha' las 'das pa'i dngos grub mchog /thams cad nas ni stsol ba nyid/ /rnam par sel ba sgrub pa'i thabs so/ /dbang chen dkyil 'khor steng du ni/ /rdo rje yi ni dbus na bzhugs/ /gser gyi mdog can sku chen po// 'bar ba lta bu'i gzi brjid can/ /snying gar rdo rje'i phyag rgya gnas/ /sa snying zhes byar bdag nyid bsgom/ /rang gi lhag pa'i lhar sbyor ba/ /rang gi gsang sngags brjod par bya| |sa snying zhes byar bdag bsgom nas/ /sngags kyi yi ge mchog bde 'di/ /oM kaShi haHrA dzaHswAhA/ bsam yas sngags mchog 'di yis ni/ /dngos grub thams cad rab stsol mdzad/ /sa yi snying po zhes grags pa/ /dam pa'i don du rnal 'byor pas/ /sa'i snying po'i sgrub ba'i thabs so/ /zad pa med cing 'khrul pa med/ /zad med
72b
mchog gi shes rab can/ /zla ba'i dkyil 'khor dbus gnas par/ /shes rab rdo rje'i bdag nyid dge /blo gros mi zad rnyed dka' ba/ /'bad pa yis ni bsgom par bya/ /me yi dkyil 'khor dbus su ni/ /gser gyi mdog dang ldan pa'i gzugs/ /rgyal po chen po zla ba'i 'od/ /'od kyi dkyil 'khor rab tu gsal/ /sngags ni/ oM ak+Sha ya ma ti swAhA/ sngags kyi yi ge gsang ba 'di/ /thams cad blo gros gsal bar byed/ /ye shes mi zad 'dod pa yis/ /'bad pa yis ni bsgrub bya ste/ /dngos grub kun gyi mchog ces bya/ /shes rab ye shes dri med mdzes/ /sangs rgyas nyid kyang 'thob 'gyur na/ /dngos grub gzhan lta smos ci dgos/ /blo gros mi zad pa'i sgrub pa'i thabs so/ /kun nas shes rab chen po can// zla ba'i dkyil 'khor la brten par/ /gser gyi kha dog gzi brjid che/ /rgyan rnams thams cad kyis brgyan pa'i/ /gzhon nu'i gzugs can rtag tu bsam/ /re ba thams cad rdzogs par mdzad/ /rang gi lhag pa'i lhar sbyor ba/ /nam mkha'i bdag po bdag yin zhes/ /lus ngag yid kyis thams cad du/ /thams cad rig pas brtan par bya/ /shin tu dri med byang chub sems/ /rang snying me long lta bur bsam/ /de nas yi ge'i tshig bkod de/ /mkha' mdzod bdag ces bdag nyid kyis/ /bsgoms nas rdo rje rdo rje'i bdag /mkha' la rin chen 'byung
73a
@#/ /gnas dang / /yid bzhin nor bu dpag bsam shing / /de bzhin bum pa bzang po sogs/ /'jig rten kun gyi dbang phyug gi /nye bar mkho ba thams cad 'bab| |'jig rten kun gyi rdzas thams cad/ /ji snyed yod pa de dag kun/ /'dir ni skad cig tsam nyid la/ /dngos grub dam pa stsol bar 'gyur/ /oM ga ga na gany+tsa gam swAhA/ nam mkha' mdzod kyi dngos grub che/ /nor gyi rgyun gyi rab 'bebs pa/ /nam mkha' mdzod ni stobs po che/ /skad cig ma la byad par 'gyur/ /nam mkha' mdzod kyi sgrub pa'i thabs so| |rin chen dkyil 'khor las byung ba/ /rin chen phung po char rab 'bebs/ /rin chen gzi brjid mchog tu rol/ /lag na rin chen de bsgrub bya/ /lag na rin chen phyag rgya che| |zla ba'i dkyil 'khor dbus gnas par/ /rdo rje sbyor bas bsgom par bya/ /bdag nyid rin chen zhes bya dang / /rin chen thams cad stsol bar mdzod/ /thams cad rdo rje bzhin bdag nyid/ /pri yang sku mdog sngo bsangs 'od/ /dbang chen dang ni me las byung / /phyag na rin chen cher gsal ba/ /rab tu 'bad de bsgom par bya/ /oM rat+na pA Ni ra maHswAhA/ gsang sngags 'di ni brtson 'grus che/ /rab tu 'bad de bsgrubs na ni/ /'gro ba kun gyi lag tu ni/ /rin chen thams cad rab stsol byed/ /lag na rin po che sgrub
73b
pa'i thabs so/ /chos kyi dbyings dang mtshungs pa'i sems/ /bdud rtsi chu yis rab gang ba/ /stong gsum zhes ni bsam par bya/ /pad+ma gcig gi steng na gnas/ /de yi steng du gzi brjid che/ /chu lha yi ni gzugs kyi mchog/ de steng du yang gsang chen po/ /me yi dkyil 'khor dam pa yin/ /de yi steng du brtson 'grus che/ /rtse mo brgya pa'i rdo rje byung / /de yi steng du pad chen po/ /'dab ma brgya pa 'od gsal ba/ /de steng rtag tu bsam pa ni/ /byang chub sems dpa' stobs po che/ /rgya mtsho'i blo gros zhes grags pa/ /'bar ba'i phreng ba 'khrigs pa'i 'od/ /dung dang kun da zla ba'i mdog /rgyan rnams kun gyis rnam par brgyan/ /de yi lag na phyag rgya che/ /rdo rje dung du rab tu grags/ /rang gi lhag pa'i lha sbyor bas/ /rang nyid rdo rje yin no zhes/ /rgya mtsho'i blo gros shes rab che/ /slar yang gsang sngags bzla bar bya/ /sngags ni/ oM sA ga ra ma ti sa ra swAhA/ sngags 'di mchog dang gtso bo ste/ /shes rab ye shes dri med mdzes/ /rdo rje'i sbyor bas myangs nas ni/ /shes rab rgya mtsho'i blo gros mtshungs/ /rang nyid sangs rgyas 'jam pa'i dbyangs/ /thugs rje 'jig rten dbang phyug rgyal| |dngos grub gzhan lta smos ci dgos/ /rgya mtsho'i blo gros kyi sgrub pa'i thabs so/ /dbang chen dkyil 'khor la gnas pa'i/ /ut+pal sngon po'i 'dab 'dra'i 'od/ /rdo rje snying
74a
@#/ /po brtson 'grus che/ /zla ba'i dkyil 'khor dbus su ni/ /ji snyed sa steng mtha' dag tu/ /khyab la sdug cing mtho ba yis/ /sa zhing snying po rnam dag pa'i/ / mchog gi yi ge 'gyur med pa'i/ /sa bcu'i dbang phyug mgon po ni/ /chos kyi sprin la spyod mdzad pa/ /bsam yas sa ni yang dag brnyes/ /en+d+ra nI la mtshungs pa'i 'od/ / de yi sngags gyur mdzes pa ni/ /yi ge mchog ni steng du 'bar/ /thugs kar rdo rje cher gsal ba/ /rang nyid rnam par 'phro ba bzhin/ /sngags ni/ oM badz+ra gar+b+ha hUM/ 'di ni sngags mchog gtso bo ste/ /sangs rgyas byang chub rab sgrub byed/ /ye shes yangs pa stsol mdzad cing / /rnam pa kun tu phun tshogs kun/ /sangs rgyas nyid kyang stsol mdzad na/ /dngos grub gzhan lta smos ci dgos/ /dgug dang gzhug dang bcing ba dang / /dbang du bya ba sgrub par byed/ /bdag nyid rdo rje yin no zhes/ /nga rgyal rab tu bskyed nas ni/ /rdo rje snying po bzhin du gzhan/ /bdag gi rnal 'byor bsgom par bya/ /thugs kyi rdo rje nyid gyur nas/ /chos kyi dbyings dang mnyam pa thob/ /des na rnam pa thams cad kyis/ /rdo rje snying pos yang dag \?\ byang \?\/ /rdo rje snying po mkha' rdo rje/ /sbyin pa byed pa de yis sgrub/ /rdo rje snying po sgrub pa'i thabs so/ /dbang chen me las yang dag byung / /nor bu rin chen 'dra ba'i lus//
74b
zla ba'i dkyil 'khor gnas pa yis/ /nyi ma'i dkyil 'khor mtshungs pa'i 'od/ /rin chen 'byung ba sems chen po/ /'gro ba snang bar byed de gnas/ /pad+ma mkha' 'dra'i rnam pa can| |phyag rgya de yi snying gar gnas/ /rin chen sbyor bas bsgom par bya/ /rin chen char pa 'bab par 'gyur/ /sngags ni/ oM rat+na kA ra hrIHrat+naM da nga swAhA/ rin chen 'byung gnas rgyal po 'di/ /mchog rnams kyi ni sa'i dbang phyug /sbyor ba kun gyis bsgrub par bya/ /rgya che'i nor rnams stsol bar 'gyur/ /rin chen 'byung ba'i sgrub pa'i thabs so/ /de bzhin gshegs pa thams cad kyi rdo rje snying po rgyan gyi rgyud las/ sangs rgyas dang byang chub sems dpa' thams cad kyi sgrub pa'i thabs so/ /de nas bcom ldan 'das de bzhin gshegs pa thams cad slar yang 'dus te gshegs nas bcom ldan 'das thog ma dang tha ma med pa dam pa'i chos kyi 'khor lo bskor ba'i gsol ba btab pa/ de bzhin gshegs pa thams cad kyis khro bo bcom ldan 'das bskyed du gsol/ de nas bcom ldan 'das khro bo 'khor los bsgyur ba chen pos de skad ces gsol ba btab ma thag kho nar rdo rje khro bo'i dkyil 'khor gsang ba las ches gsang ba bka' stsal pa/ de nas yang dag bshad bya ba/ /khro bo yi ni dkyil 'khor mchog /rlung khams rab tu gsal ba la/ /me ni dbus
75a
@#/ /nas dbus su 'o/ /de yi dbus su rdo rje che/ /'od zer lnga yi phreng bas mdzes/ /de yi mdun du bya ba yang / /mdung rtse 'bar ba chen po yi/ /de yi g.yas kyi gdan la ni/ /rdo rje chen po 'bar phreng can/ /g.yon nyid du ni be con can/ /rig pa'i phreng bas rnam par spras/ /rgyab tu ral gri'i phyag rgya ni/ /rin chen 'bar bas rnam par brgyan| |phyi ngos rnams su rnam khros pa'i/ /khro bo thams cad dgod par bya/ /de yi sngags kyi yi ge gsang / /gsang chen mchog tu 'bar ba 'o/ /gzhan du med cing grangs med mchog /chos dbyings mnyam dang mi mnyam pa/ /yi ge gcig pa gsang chen po/ /rgyu yi don du rtogs par byed/ /dbyangs lnga dang ni yang dag ldan/ /thig le sgra yis rnam par brgyan| |de nyid gsang ba'i mgon po ni/ /dbyangs bdun par ni bshad pa yin/ /he ru ka dpal rdo rje che/ /'jigs pa'i thal ba mchog tu 'bar/ /sems dpa' sngon po 'bar ba'i bdag/ 'bar ba'i me yi dkyil 'khor bzhin/ /'jigs pa chen po'i dus can gyi/ /char sprin dang ni 'dra ba'i 'od/ /pad+ma rA ga'i rnam pa 'dra/ /'bar ba kun gyis rnam par brgyan| |dur khrod me bzhin shin tu yang / /gsal ba'i skra ldan stobs po che/ /rno ba'i rdo rje cher 'bar ba/ /thod pa'i cod pan steng du 'bar/ /'jigs pa chen po'i dus can gyi/ /
75b
rgod ma kha yi me ltar gnas/ /smin 'khyog rnam par 'khrug pa can/ /g.yon brkyang ba yi zhabs kyis bzhugs/ /khro bo la sogs nyams dang ldan/ /rnam pa sna tshogs 'khrug pa'i gdong / /gar dang sdud par yang dag ldan/ /'jig rten snang ba'i gar mdzad pa/ /phyag ni brgya phrag stong dang ldan/ /gcig tu gyur cing rnam pa mang / /rnam mang zhal ldan nga dag gi /sngo ser la sogs tha dad ldan/ /zhabs kyang rnam pa du ma ldan/ /sna tshogs mdog ldan rnam par 'khrug /de nyid bcom ldan rnal 'byor te/ /khro bo'i rgyal po stobs po che| |shin tu gdug cing drag rnams la/ /sgyu 'phrul dra ba zhes byar gnas/ /phyag drug zhabs drug snang ba can/ /zhal drug pa ste gsus po che/ /char sprin mchog 'dra cher nag pa| |dus mtha'i me dang 'dra bar gnas/ /mdog chen rgyal po 'khyil ba 'dra/ /zar ma yi ni me tog mtshungs/ /khro bo thod pa'i phreng ba 'chang / /gshin rje mthar mdzad stobs po che/ /de la sngags kyang oM AHhUM phaT/ oM ya ma ma tha na hUM phaT/ oM hrIHSh+T+rIHwi kr-i tA na na hUM sarba sha trUn na shA ya stam+b+ha ya hUM phaT/ sngags kyi rgyal po'i bdag nyid 'di/ /khyab bdag gdul mda' 'dul ba po/ /gshin rje mthar mdzad khro bo che/ /sangs rgyas kun gyi bdag nyid gtso/ /sangs rgyas thams cad spyan 'dren cing / /dbang du yang ni mdzad par gnas/ /rtag tu gdul
76a
@#/ /dka' 'dul mdzad cing / /rdo rje snang mdzad legs par 'dul/ /shin tu gdug pa drag rnams la/ /zhi ba nye bar mi sbyar te/ /shes rab thabs kyi bdag nyid kyis/ /de bzhin gshegs rnams khro bor mdzad/ /thugs rjes khro bo'i ngang tshul can/ /'jig rten gsum yang nges sreg mdzad/ /de bas 'bad pa thams cad kyis// shes rab thabs kyi bdag nyid sku/ /thugs rjes khro bo ma lus mchog/ gdug pa 'dul bar mdzad pa bskyed/ /gshin rje mthar byed kyi sgrub pa'i thabs so/ /de nyid bcom ldan rnal 'byor te/ /khro bo gzegs ma zhes su grags/ /rin chen 'bar ba'i khro bo che/ /'jigs pa chen po'i dus dang 'dra/ /ut+pal sngon po'i 'dab ma bzhin/ /de yi kha dog rnam par gsal/ /drag po chen po'i zhal bzhi pa/ /'bar ba'i phreng ba 'khrigs pa'i 'od/ /spyan gsum pa la khro gnyer bsnyer/ /phyag drug pa la mchog tu 'bar// me yi khams dang 'dra ba'i mdog /li khri mdog ltar shin tu dmar/ /de yis khro gnyer bsnyer pa yis/ /gdug pa 'dul mdzad 'byin par byed/ /khro bo'i rgyal po gnyis pa ni| |yang dang yang du bsam par bya/ /ma lus sa rnams thams cad du/ /son pa'i bdag nyid chen po des/ /'gugs pa dang ni dbang byed na/ /skye bo gzhan lta smos ci dgos//
76b
sngags ni/ oM ka Ni d+hu Ni hUM phaT/ khro bo 'di yi sngags 'dzin pa/ /'jig rten gsum mchog stobs po che/ /sa rnams thams cad sreg byed na/ /skye bo gzhan lta smros ci dgos| |khro bo gzegs ma sgrub pa'i thabs so/ /de nyid bcom ldan rnal 'byor te/ /rdo rje sems dpa' de bzhin gshegs/ /pad+ma gar gyi dbang phyug gyur/ /rta mgrin zhes su bshad pa yin/ /rtag tu 'char ka'i mdog 'dra ba/ /rgya skyegs mdog ltar dmar pa 'o/ /chu dang gzi brjid can rag pa/ /me yi dkyil 'khor dag dang ldan/ /'dod ldan rnams la 'dod pa 'byung / /gdug pa can rnams gdug pa 'byung / /zhi ba la yang zhi ba 'byung / /stobs ldan rnams la stobs kyis sbyor/ /zhal bzhi pa la zhabs bzhi pa/ /bsam gtan bzhi dang mnyam par ldan/ /phyag bzhi pa la brtson 'grus che/ /seng+ge ltar gnas mche ba bzhi/ /rta mgrin rgyal po chen po ni/ /dam pa'i dbang phyug bsgrub par bya/ /skad cig nyid la gnas nas ni| |thams cad lhung ba bsgrub par bya/ /sngags ni/ oM a mr-i tong+b+ha bo de b+ha be hUM phaT/ oM a mr-i tong b+ha ba hUM phaT/ g.yas dang g.yon gyi sbyor ba yis/ /g.yon brkyang ba ni rab tu sbyar| |khro bo'i skyil krung byas nas ni/ /'jig rten thams cad rab tu mnyes/ /pad+ma'i dbang phyug rgyal po 'di/ /sa yi dbang phyug kun gyi mchog /rta yi mgrin pa stobs po che/ /
77a
@#/ /stobs kyi sbyor bas bsgrub par bya/ /dbang phyug chen po la sogs lha/ /tshogs kyi bdag po gzhan dag dang / /mi dang gdug pa'i bsam pa can/ /sa rnams thams cad dgug par bya/ /rta mgrin gyi sgrub pa'i thabs so/ /de nyid bcom ldan rnal 'byor te/ /gcig bu nyid ni lhag pa'i lha/ /shes rab thabs kyi bdag nyid gyur| |khro bo mchog tu mi 'gyur ba/ /kun sbyor bdag gi rnal 'byor gyis/ /thugs rjes khro ba'i dbang du song / /de nas sangs rgyas thams cad kyis/ /sna yi rtse mor yid kyis ni| |g.yo ba med par bsam par bya/ /slob dpon mi g.yo khro bo che/ /de bzhin gshegs pa thams cad brtan/ /ral gri zhags pa 'dzin pa gsang / /thog ma tha ma med pa'i mchog/ pri yang ku ltar ljang ba'i gzugs/ /'khrigs shing byis pa lta bur gnas/ /ma lus pa yi sa rnams kun/ /chos dbyings mnyam dang mi mnyam pa/ /khro bo mngag pa bran dang ni/ /pho nyas kyang ni rnam par brgyan/ /skye bo kun gyis yongs su gang / /sangs rgyas kun gyi spyan snga na/ /bka' lung yang ni yongs su stsol/ /sngags ni/ na maH sa man+ta badz+ra NAM tsaN+Da mahA ro Sha na s+pho Ta ya hUM/ tra ka hAM maM/ khro bo gzi brjid chen po 'di/ /gzugs mang mnga' ba stobs po che/ /'gro ba thams cad 'gugs par byed/ /dbang
77b
du yang ni mdzad par gnas/ /rlung dang me las yang dag byung / /'bar ba lta bu'i gzi brjid can/ /sngags dang phyag rgya sogs kun mchog /lus dang ngag yid ge bzhin no/ /dgug dang gzhug dang bcing ba dang / /dbang du bya ba sgrub par byed/ /de la sogs pa mtha' yas mchog /nam mkha'i khams kyi mtha' klas mchog /khro bo'i phyag rgya rang byung ba/ /drag po thog ma tha ma med/ /rnam par 'phro ba bzhin du gnas/ /de bzhin gshegs pa thams cad kyi rdo rje snying po rgyan gyi rgyud las/ khro bo'i dkyil 'khor 'di yongs su rdzogs so// // de nas bcom ldan 'das de bzhin gshegs pa thams cad slar yang 'dus te gshegs nas bcom ldan 'das de bzhin gshegs pa thams cad kyi gzungs thams cad kyi dbang phyug gi rgyal po bcom ldan 'das la gsol ba btab pa/ bcom ldan 'das/ gzungs thams cad kyi dkyil 'khor bskyed par mdzad du gsol/ de nas bcom ldan 'das kyis gzungs kyi dkyil 'khor bka' stsal pa/ de nas yang dag bshad bya ba/ /gzungs rnams kyi ni dkyil 'khor dge /gru bzhi pa la sgo bzhi ba/ /rta babs kyis ni rnam bar mdzes/ thig bzhi dang ni yang dag ldan/ /dkyil 'khor dam pa rab tu bshad/ /de yi dbus su pad chen po/ /lo ma kun gyis shin tu mdzes/ /nyi shu rtsa lnga'i 'dab ma ldan/ /rdo rje rin chen
78a
@#/ /legs par brgyan/ /de yi dbus su rtag bri ba/ /dpag med shes rab pha rol phyin/ /de yi nya 'khor thams cad du/ /sna tshogs las ni 'bar rnams la// nyi shu rtsa lnga'i dbye ba yis/ /shes rab pha rol phyin ma bri/ /shar gyi 'dab ma nas brtsams te/ /thog mtha' nyid kyang brtag par bya/ /phyag rgya'i yi ge ci rigs bar/ /go rim bzhin du rnam par dgod/ /phyogs cha'i dbye ba tha dad kyis/ /kha dog dbye ba thams cad du/ /rnam dbye mchog tu sna tshogs pa/ /chos nyid mnyam dang mi mnyam pa/ /de las 'od zer bsam mi khyab/ /sngo ser la sogs dbye ba yis/ /shes rab snang ba'i dkyil 'khor gyis/ /'gro ba thams cad gsal bar bya/ /'dus par gyur nas de dag kun/ /lha nyid kyi ni gzugs ji bzhin/ /shes rab chen po gzugs chen po/ /'bar bcas mdzes pa'i gzi brjid can/ /de yi lte ba'i dkyil du ni/ /sngags kyi dkyil 'khor kun nas rten| |sku ni gser gyi mdog dang 'dra/ /rgyan rnams kun gyis rnam par brgyan/ /rang gi ting nge 'dzin la zhugs/ /du ma'i gzugs kyi gzugs ldan ma/ /shes rab pha rol phyin ma ni/ /sems can khams ni rnam sbyong mdzad/ /kun nas sems can rnams kyi yum/ /sems can kun gyi thams cad du/ /thams cad lus la mnyam par khyab/ /sems
78b
kyi rgyun bzhin legs par zhugs/ /zag pa med cing bsam mi khyab/ /dri ma med cing ngang gis stong / /nam mkha' dang ni mtshungs 'dra ba/ /dngos dang dngos med rnam par spangs/ /thog ma tha ma med cing zhi/ /chos rnams kun gyi dbang phyug sku/ /sdig pa kun las rnam par grol/ /bden pa gnyis la rnam par gnas/ /kun rdzob dang ni dam pa'i don/ /chos kyi sku ru de bshad do/ /dbang po kun kyang rnam par shes/ /sems dang thams cad thams cad du/ /yid kyi rnam shes zhes su bshad/ /shes rab blo dang blo gros dran/ /lhag mthong dang ni ye shes kun| |kun nas nyon mongs rnam par byang / /rtag dang chad pa'i mtha' dang ldan/ /mtha' gnyis po ni rnam par spangs/ /kun rdzob dang ni dam pa'i don/ /rnam pa gnyis su de rab brtags| |ji ltar bud shing la brten nas/ /me yi sa bon gnas pa dang / /til la til mar ji bzhin no/ /bur shing ro bzhin rab tu brtag /me tog dri ni ji bzhin nam/ /zho la mar gsar ji bzhin du/ /rnal 'byor pa yi ye shes srub/ /bdud rtsi lta bu'i snying po 'byung / /gtsub shing dang ni gtsub stan las/ /ji bzhin gtsubs pas me 'byung ste/ /de bzhin ye shes rnal 'byor pas/ /bsrungs pas yongs su brtag par bya/ /shes bya'i dkyil 'khor thams cad la/ /yang nas yang du bsrub par bya/ /mun pa thams cad rnam sel ba'i//
79a
@#/ /nyi ma'i 'od zer ji bzhin bdag /nam mkha' dri ma med brten nas/ /nyi ma zla ba ji bzhin gnas/ /'char ba yi ni gsal byed pa/ /'bar ba stong phrag gi ni snod/ /mun pa kun 'joms skar ma la/ /kun nas kyang ni mdzes pa yin/ /rnal 'byor pas ni ji ltar sems/ /mkha' bzhin shin tu dri ma med/ /gzung 'dzin las ni nges par grol/ /mnyam dang mi mnyam dngos po kun/ /der gnas rnal 'byor pa rnams kyis/ /ye shes nyi zla mtshungs pa'i 'od/ /shes rab pha rol phyin bsgoms te| |gsang sngags 'di ni bsam par bya/ /rang bzhin gyis ni dag pa'i dngos/ /rang bzhin med par rnam par gnas/ /rang bzhin gyis ni 'od gsal kun/ /gdod nas ma skyes rnyog pa med/ /yi ge de nyid de lta bu/ /gnas dang mi gnas rnam par spangs/ /sde mtshan bzhi pa'i gnyis pa la/ /thig le sgra yis rnam par brgyan/ /de nyid bcom ldan mgon po ste/ /shes rab pha rol phyin mar bshad/ /oM pra dz+nyA swAhA/ oM shru ti smr-i ti bi dza ye swAhA/ sangs rgyas rnams kyi shes rab 'dis/ /bsam pa thams cad rdzogs par byed/ /oM yaM/ 'di ni sangs rgyas kun gyi yum/ /de nyid 'khor los rnam par bsgyur/ /'dis ni dngos grub thams cad dang / /grub pa nyid ni byed par gnas/ /bstan
79b
bcos rab tu 'chad byed dang / /shes bya thams cad khyad par du/ /thams cad mkhyen pa'i chos rnams kun/ /dbang phyug dam pas shes par 'gyur/ /shes rab kyi pha rol tu phyin ma'i sgrub pa'i thabs so/ /shes rab pha rol phyin gnyis pa/ /rdzu 'phrul chen po mkha' dang mnyam/ /gser gyi mdog can 'bar ba can/ /zla ba'i gdan la legs par bzhugs// brtson 'grus chen po bsam gtan bya/ /sngags kyi yi ge rnam par brgyan/ /mchog tu rnal 'byor ma rnams kyis/ /sangs rgyas spyan zhes btags pa yi/ /de yi gsang sngags rab bshad bya/ /nyon cig sa rnams 'dod pa rnams/ /sngags ni/ oM ru ru s+phu ru dz+wa la tiSh+Tha sid+d+ha lo tsa ni sar+b+ba ar+tha sA d+ha ni swAhA/ 'di de mchog tu gsang ba ni/ /rnal 'byor ma la mchog tu bshad| |dbang chen yi ge'i mthar thug pa/ /bsgoms pas dge ba rab tu ster/ /chos kyi phyag rgya 'di shin tu/ /sems can thams cad dbang du byed/ /dpung dang bcas pa myur bkug ste| |bran du gyur nas nye bar gnas/ /phyag rgya gcig pa'i lha mo che/ /rol cing g.yo ba'i zhal mnga' ba/ /sgeg pa la sogs nyams dang ldan/ /rol cing snang ba'i gar mdzad pa/ /sangs rgyas spyan ni 'grub par 'gyur/ /mig gi phyag rgya rab tu sbyar/ /mig gi phyag rgya 'di shin tu/ /'jig rten gsum yang gar byed do/ /sangs rgyas spyan gyi phyag rgya'i sgrub pa'i thabs so/ /
80a
@#/ /chu yi dkyil 'khor dgyes pa na/ /bcud kyis len dang mtshungs pa'i mchog /mtha' yas rgyas shing yangs pa yi/ /dri ma med pa'i mkha' la gnas/ / dkyil 'khor de yi dbus su ni/ /lha mo mchog tu mdzes pa mo/ /'dam bu mda' rgyu'i mdog ltar dkar/ /grub ma ral pa'i cod pan 'chang / /'gro ba mtha' dag snang mdzad ma/ /rtag tu nam mkha' bzhin du gnas/ /sngags ni/ oM ka Te bi ka Te ka TaM ka Te swAhA/ gos dkar mo yi phyag rgya che/ /dung dang kun da zla ba 'dra/ /sngags kyi yi ge phreng ba che/ /pad+ma'i rgyal po rab tu gnas/ /'gro ba mtha' dag snang mdzad na/ /sgrub pa pos ni bsgrub par bya/ /dam pa'i lha mo 'grub par 'gyur/ /pad+ma'i dkyil 'khor sgrub pa'i thabs/ /zhi ba'i yi ge mnyam par ldan/ /zhi bar mdzad cing 'jig rten gyi/ /sa gsum sgrub par byed pa'i thabs/ /gos dkar me'i sgrub pa'i thabs so/ /sngo bsangs dkar mo sna tshogs gzugs/ /rnam pa sna tshogs rgyan gyis brgyan/ /zla ba'i dkyil 'khor dbus gnas pa/ /sgeg pa'i nyams kyis yongs gang ba/ /'gro ba mtha' dag skyob mdzad ma/ /thugs rje'i thugs dang ldan pa can/ /rab tu 'bad de bsgrub par bya/ /rol pa yi ni yi ges mchod/ /sngags ni/ /oM tA re tut+tA re tu re swAhA/ chos kyi phyag rgya mtha' yas mchog /sgrol
80b
mas legs par rnam par gnas/ /gsang chen bzhin du thams cad la/ /bcud kyis len dang 'dra ba'i mchog /kun tu kun tshe thams cad du/ /dngos grub thams cad stsol bar mdzad| |sgrol ma'i sgrub pa'i thabs so/ /dkyil 'khor chen po'i dbus su ni/ /rnal 'byor dbang phyug chen mo mchog/ phyag bzhi spyan ni gsum pa dang / /ral pa'i cod pan dag gis brgyan| |'dam bu mda' rgyu'i mdog ltar dkar/ /dpa' ba la sogs nyams kyis brgyan/ /brtson 'grus chen mo 'jigs sel ma/ /zla ba'i dkyil 'khor dbus gnas par/ / rab tu 'bar ba'i me bzhin du/ /shin tu gsal ba'i gzi brjid can/ /hUM gi yi ge zab mo'i sgra/ /sa gsum mo ni 'khrug par mdzad/ /khro gnyer can zhes legs par grags/ /sngags kyi phreng bas rnam par brgyan/ /sngags ni/ oM b+ha ya nA sa ni/ trA sa ni trA se/ trA sa yA/ b+hr-i ku Ti ta Ti be ta Di be ra Di shwe te shwe ta je Ti ni/ oM Tak+ki hUM dzaHswAhA/ gsang sngags 'di ni brtson 'grus che/ /gsang sngags kun gyi bdag nyid mchog/ 'gro ba kun kyang 'gugs byed na/ /gdug pa'i sems lta smos ci dgos/ /khro gnyer can gyi sgrub pa'i thabs so/ /nyi ma'i dkyil 'khor dbus gnas par/ /zla ba'i dkyil 'khor rdo rje ldan/ /rdo rje'i phreng bas yongs su bskor/ /gzi brjid dkyil 'khor kun nas dkris/ /der gnas rtag tu lha mo ni/ /stobs chen pri yang
81a
@#/ /ku ltar ljang / /phyag bzhi pa der bsam par bya/ /rgyan rnams kun gyis rnam par brgyan/ /rnal 'byor ma rnams cher zhi ba/ /dngos grub thams cad rab stsol ma| |sngags kyi yi ge phreng ba che/ /rdo rje'i dbus song rab tu gnas/ /khro bo hUM mdzad gang ba'i mtha'/ /dpa' ba'i nyams la sogs par ldan/ /lha mo 'jig rten gsum rmongs byed/ /dngos grub chen po rab stsol ma/ /skad cig tsam gyis 'gro ba kun/ /nges par dbang du byed par 'gyur/ /rdo rje'i rlung gi phreng ba che/ /rdo rje'i 'khor lo rab tu gnas// 'jigs pa chen po'i me ltar drag /snang ba chen po stobs po che/ /pad+ma rA ga'i rnam pa 'dra/ /rdo rje 'bar bas rnam par brgyan/ /mtshan ni mA ma kI zhes bya/ /lha mo 'jig rten gsum gyis mchod/ /sngags ni/ oM ku la d+hA trI ye na maH/ shaM ka re/ shAn+tiM ka re/ g+huT+Ta g+huT+Ta g+huT+Ti ni/ g+ha ta ya g+huT+Ti ni swAhA/ oM ku lan+d+ha ri ban+d+ha ban+d+ha hUM phaT/ gsang sngags 'di ni don gyi mchog /gsang sngags kun gyis gsungs pa yin/ /sa gsum po ni 'gugs byed cing / /tshangs pa la sogs lha rnams kun/ /'gro ba thams cad 'gugs byed la| |rang gi dbang du gnas pa'ang yin/ /mA ma kI'i sgrub pa'i thabs so/ /rlung gi dkyil 'khor drug po la/ /rdo rje lu gu rgyud kyis bskor/ /de yi dbus su snang ba che/ /zla ba'i
81b
gzugs kyis rnam par brgyan/ /de spros pa las bdag nyid ni/ /rdo rje lu gu rgyud kyi sku/ /phyag bzhi ma la lha mo de/ /rdo rje yi ni rgyan gyis brgyan/ /dmar po 'bar ba de yis ni/ /sa gsum po ni 'ching bar mdzad/ /tshangs pa khyab 'jug dbang phyug che/ /bkug nas dbang du mdzad par gnas/ /dngos grub thams cad 'dzin pa dang / /de yi thugs kar rdo rje che/ / 'bar ba'i phreng ba 'khrigs pa'i 'od/ /de yi 'bar ba lcags sgrog gi /rnam pa rdo rje'i mtshan mas mtshan/ /nges par phyung nas de dag kun/ /chos dbyings mnyam dang mi mnyam pa'i| |'jig rten khams ni mtha' dag tu/ /kun nas rnam par bkang nas kyang / /bsgom bya rdo rje thams cad du/ /khro bo dang ldan spro ba'i zhal/ /lte ba 'phyang zhing sku che ba/ /mche ba bzhi yis rnam par brgyan/ /'bar ba yi ni phreng ba gsal/ /gzugs mdzes drag po'i gzugs dang ldan/ /sngags ni/ oM badz+ra shiM kha lA yA d+hi pa ta ye/ ma hA ba lA ya/ ma hA bad+yI ra dzA ya te pra dz+wa li ta/ hasta ya na mo ni la kaN+tha ya ki ra ta rU pa laM bo da rA ya/ b+hUM b+hr-i ku TI mu khA ya/ mA dzA ra mu kha la/ tsa tur daMSh+Ta ka rA lA ya/ e h+ye hi a s+ya ra sha ri ra/ ma nu pra wi sh+ya shi raM gr-ih+Na/ gri ba gr-ih+Na/ hasta pA daM gr-ih+Na bi Sha/ A ba shA ya/ kaM pA ya kaM pA ya/ b+h+ra ma b+h+ra ma ya/ maN+Da la ma d+h+ye/ bi kurba bi kurba/ tsU r+Na tsUr+Na/ kuT+Ta kuT+Ta/ s+pho Ta ya s+pho Ta ya/
82a
@#/ /marmA Ni| ni kr-in+tA ya/ hr-i da ya/ ts+tshin+da/ ba la ba la/ kiny+tsi rA ya si/ de ba/ nA ga /yak+Sha/ rak+Sha sa/ pI shA tsAn sA da ya/ sa ma ya ma nu sma ra/ dzA ti ma nu sma ra/ hA hA/ ni d+hi ni d+hi/ ni Shi ni Shi/ badz+ra shriM ka la/ a dz+nyA pA ya ti swAhA/ oM badz+ra ra Ni hUM phaT/ oM badz+ra Ni hUM phaT/ oM badz+ra kA li hUM phaT swAhA/ gsang sngags 'di yi sbyor ba yis// bcud kyis len ni bde ba dang / /'gro ba thams cad 'bebs pa dang / /gdug pa rnams ni 'ching ba dang / /tshangs pa la sogs lha rnams dang / /lha dang lha min lto 'phye che/ / 'jig rten skyong dang klu rnams kyang / /rang gi gnas nas bskyod nas ni/ /grub pa kun gyi dngos grub ni/ /dngos grub 'gugs par 'dod pa yis/ /thams cad gus pas sbyin par byed/ /bud med gzugs kyis bsgrub par bya/ /rdo rje lu gu rgyud ma'i sgrub pa'i thabs so/ /zla ba'i dkyil 'khor dbus gnas par/ /pad+ma dmar pos rab tu gnas| |phyag bzhi pha la du ma'i gzugs/ /dung dang kun da zla ba 'dra/ /thugs kyi rdo rje'i de nyid yin/ /rdo rje'i dkyil 'khor dbus su ni/ /zhi ba la sogs nyams dang ldan| |chos rnams kun gyi bdag skyes mchog /rnal 'byor pas ni rtag tu bsgom/ /sangs rgyas mtha' las yang dag 'byung / /der bdag yang dag sgom pa ni/ /skul byed
82b
ma zhes yongs su grags/ /sngags kyi phreng ba'i yi ge ni/ /kun nas 'phro ba mu tig 'dra/ /nam mkha'i khams ni yongs gang ba/ /ji srid de yi spyod yul yang / /de srid de yi 'od zer bsgom/ /rnal 'byor ye shes kyis rab sprul/ /sngags ni/ oM tsa le tsu le tsun+de swAhA/ 'di yi sngags kyi mchog gtso bo/ /sangs rgyas kun gyis mchod pa po/ /mtshungs pa med pa'i dngos grub ster/ /lha dang lha min bcas pas mchod/ /'di yis sdig kun mdzad byed cing / /phun sum tshogs kun rab stsol mdzad/ /pad+ma'i phyag rgya yang dag ldan/ /sangs rgyas nyid kyang sbyin par mdzad/ /skul byed ma'i sgrub pa'i thabs so/ /gsang ba mchog gi dgyes pa ni/ /thams cad bdag nyid rtag tu bzhugs/ /sangs rgyas kun bdag dgyes pa ni| |rdo rje sems dpa' bde ba'i mchog /'di ni rang byung bcom ldan 'das/ /gcig pu nyid ni lhag pa'i lha/ /sangs rgyas kun dang mnyam sbyor ba/ /mkha' 'gro ma yi dra ba sdom| |'dod chags med cing chags bral med/ /dbu mar dmigs par mi 'gyur ro/ /bud med kun gyi sgyu ma'i bu/ /'di ni gnyis med theg pa'i mchog /sgyu ma dag ni thams cad las/ /bud med sgyu ma khyad par 'phags/ /rang bzhin nyid kyis de grub bo/ /nus pa yi ni rang bzhin gyis/ /'jig rten gsum gyi bud med 'di/ /bkur bar bya bar 'os pa yin//
83a
@#/ /ngan spyod rnams kyis kyang 'grub ste/ /rnyed pa kun dang bde dang spro/ /thams cad bud med sgyu mas 'grub/ /rang gi ngo bo yongs bsgyur ba/ /sna tshogs sgyu ma'i phyag rgya 'di/ /shes rab pha rol phyin mar bshad/ /kun la sna tshogs phyag rgya ni/ /kun la sna tshogs sdom pa yis/ /sangs rgyas kun dang mnyam par sbyor/ /stong pa nyid kyi de nyid bskul/ /kun la kun nas thams cad du/ /kun tu kun nas rang nyid kyis/ /sangs rgyas thams cad brtan dang g.yo/ /thams cad dngos po rang nyid 'gyur/ /sems dang sems can ting 'dzin dang / /byang chub spyod pa sna tshogs nyid/ /sa dang pha rol phyin spyod pa/ /dbang nyid du yang de bshad do/ /bdud dang bdud las rgyal ba nyid/ /sangs rgyas rdo rje de bzhin gshegs/ /thog ma tha ma med zhi ba/ /byang chub sangs rgyas bcom ldan de'o/ /rdo rje rdo rje 'dzin pa nyid/ /pad+ma de bzhin pad+ma 'dzin/ /nor bu nor bu 'dzin pa nyid| |sna tshogs de bzhin sna tshogs 'dzin/ /ral gri ral gri 'dzin rgyal po/ /'khor lo de bzhin 'khor lo 'dzin/ /'jig rten gsum rgyal nyid dang ni/ /'di rnams kyi yang rigs nyid 'gyur/ /de nyid chags dang chags bral ba/ /'dod dang thar pa ru yang 'gyur/ /dus gsum dang ni srid gsum mchog/ 'jig rten gsum dang khams gsum
83b
pa| |brtan pa thams cad de nyid de/ /rnam pa sna tshogs nyid du 'gyur/ /g.yo ba kun nas sna tshogs pa/ /thams cad du ni de 'gyur ro/ /de la sogs pa sna tshogs mchog /chos dbyings mnyam dang mi mnyam pa/ /nam mkha'i khams kyi mtha' klas pa/ /dngos po kun tu de 'gyur ro/ /de nyid bcom ldan rnal 'byor te/ /gcig pu nyid ni lhag pa'i lha/ /nam mkha' kun gyi skabs na dpal/ /rdo rje sems dpa' de bzhin gshegs/ /dpal ldan sgyu ma chen po 'chang / /rnam snang rtag pa thams cad du/ /rnal 'byor dbang phyug gtso chen khyab| |sangs rgyas 'khor lo can mi bskyod/ /che dang rin chen 'byung stobs che/ /tshe dpag med pa kun nas mchog /don yod sna tshogs mdzad pa dang / /rdo rje sems dpa' blta na sdug /dgug pa mchog gi sbyor ba dang / /legs par mdzad pa de nyid yin/ /rin chen sgrol ma de bzhin rtog /rdo rje bzhad pa snang ba che/ /rdo rje chos dang rno ba che/ /rgyu dang smra mchog bdud rtsi dang / /las dang go cha gnod sbyin che/ /khu tshur de bzhin gshegs pa kun/ /de nyid bcom ldan rnal 'byor te/ /rdo rje sems dpa' stobs po che/ /rdo rje hUM mdzod hUM mdzad dang / /rta mgrin zhes ni rnam par grags/ /he ru ka dpal rdo rje che/ /mchog gi dbang phyug gshin rje gshed/ /khro bo gzegs ma snang ba che/ /rdo rje me ni 'od chen po/ /gzugs rnams
84a
@#/ /kyi ni mchog gcig pu/ /ting nge 'dzin las dbang bsgyur ma/ /shes rab pha rol phyin pa gtso/ /sa dang pha rol phyin pa'i stobs/ /tshangs pa'i gnas pa chen po bzhi| |dbang ni mchog tu 'bar ba dang / /dran pa nye bar gzhag pa bzhi/ /dbang po rnams dang stobs rnams dang / /rjes dran drug phor gyur pa dang / /bsgom par bya ba rab tu gnas| |de nyid bcom ldan gcig pu ste/ /byang chub yan lag bdun brtags pa/ /mtha' gcig yongs su rdzogs par 'gyur/ /sum cu rtsa gnyis mchog gi mtshan/ /'jig rten 'das pa'i lam po che/ /'phags lam yan lag brgyad brtags pa/ /stobs bcu yi ni bcu pa nyid/ /sangs rgyas chos kyi bdag nyid gnas/ /byang chub phyogs kyi chos chen po| |rnam par dbye ba sum cu bdun/ /mthar gyis gnas pa'i snyoms 'jug ni/ /dgu la gnas par gyur pa dang / /bsdu ba'i dngos po chen po bzhis/ /sems can bsdu bas sdud pa dang / /so so yang dag rig pa bzhi/ /de bzhin srung ba mi mnga' ba/ /skal pa chen po'i mi 'jigs pa/ /mchog tu gyur pa nyid dang ni/ /bsam gtan gzugs med bzhi phrag gnyis/ /tshad med pa yang de bzhin no/ /byang chub sems kyi skyed pa gtso/ /bden pa bzhi ni ston pa po/ /nyon mongs can gyi mi mthun phyogs/ /zag bcas zag pa
84b
med pa'i mchog /de nyid bcom ldan rnal 'byor te/ /dbang phyug mchog gi dbang phyug dang / /skye rgu'i bdag po skye rgu'i mgon/ /mchog gi bdag nyid dbyangs bdag po/ /kun rdzob brjod pa thams cad dang / /sgra rnams kyi ni spyod yul 'gyur/ /brjod du med cing spros pa bral/ /stong pa mkha' mnyam mtshungs pa med/ /tshig mtha' sgra yi rnam dgod pa/ /'jig rten tha snyad tshul du gtogs/ /de tshe lus sogs dbye ba yis/ /sa rnams kyi ni yongs su brtags/ /sku ni sprul pa nyid du 'gyur/ /longs spyod rdzogs pa yang dag brnyes/ /rdo rje'i sku dang de bzhin du/ /ye shes sku sogs yongs su brtags/ /mtha' yas sku dang sku chen po/ /rin chen sku ni 'od byed pa/ /pad+ma'i sku ni snang ba che/ /thams cad sku ni las bzang byed/ / rtogs par bya ba las kyi sku/ /rnam pa gsum du'ang dbye bar bya/ /de nyid bcom ldan rnal 'byor te/ /byang chub sems ni 'od gsal ba/ /kun tu 'od kyi sa chen po/ /nyi ma'i dkyil 'khor gzi brjid ldan/ /gnyis pa bdud rtsi'i 'od ces bya/ /zla ba'i 'od ni 'od gsal ba/ /gsum pa nam mkha'i 'od ces bya/ /mkha' bzhin legs par rab tu gnas/ /rdo rje'i 'od mtha' gang zhig sa/ /bzhi pa de ni yid 'ong ba/ /bsam pa brtan pa'i sbyor ba yis/ /rdo rje zhes ni yongs su bsgrags/ /lnga pa rin chen 'od ces bya/ /dbang bskur pa ni rab tu
85a
@#/ /gnas| |drug pa pad+mo 'chang zhes bya/ /pad bzhin rab tu rnam par snang / /rang bzhin gyis ni chos nyid dag /bdag gi med cing yongs bzung mad// bdun pa las kyi sa zhes bya/ /sangs rgyas 'phrin las mdzad pa che/ /brgyad pa dpe med pa zhes bya/ /dpe ni de la yod ma yin/ /dgu pa dpe dang bral zhes bya/ /dpe rnams thams cad rab 'jug pa/ /bcu pa shes rab 'od ces bya/ /sangs rgyas sa ni bla na med/ /bcu gcig kun mkhyen nyid ces bya/ /sa chen po ni 'od gsal ba/ /bcu gnyis so sor bdag rig pa/ /rnal 'byor ye shes yongs rdzogs nyid/ /sa chen po ni 'di dag rnams/ /sangs rgyas rnams kyis don dam du/ /sangs rgyas dang ni sangs rgyas chos/ /rnal 'byor ye shes gang brjod pa/ /thams cad nyid ni mtha' yas mchog /chos dbyings mnyam dang mi mnyam pa/ /de bzhin gshegs pa thams cad kyi rdo rje snying po rgyan gyi rgyud chen po las| sngags kyi de kho na nyid do// //de nas bcom ldan 'das de bzhin gshegs pa thams cad kyis bcom ldan 'das thog ma dang tha ma med pa chos kyi 'khor lo chen po bskor ba rnal 'byor gyi dbang phyug chen po la gsol ba btab pa/ de nas bcom ldan 'das rdo rje rnal 'byor gyi dbang phyug chen pos de dag gis gsol ba
85b
btab pa'i tshig gi de ma thag nyid du de bzhin gshegs pa thams cad mnyam pa nyid du dmigs pa rdo rje zhes bya ba'i ting nge 'dzin la mnyam par bzhag pa'i de ma thag tu yang bcom ldan 'das de bzhin gshegs pa thams cad kyi thugs rdo rje la rjes su bcug nas bcom ldan 'das rnam par snang mdzad kyi lus dang ngag dang yid mnyam pa nyid du byin gyis brlabs nas mnyam par bzhugs so/ /de nas bcom ldan 'das rnal 'byor gyi dbang phyug chen po de bzhin gshegs pa thams cad kyi skur bdag nyid rtogs nas ting nge 'dzin las gzhengs te 'jam dpal gzhon nur gyur pa la 'di skad ces bka' stsal to/ /'jam dpal/ de bzhin gshegs pa thams cad kyi theg pa chen po mngon par rtogs pa zhes bya ba'i dkyil 'khor chen po yod do/ /zhes gsungs nas cang mi gsungs bar bzhugs par gyur to/ /de nas 'jam dpal gzhon nur gyur pa de bzhin gshegs pa thams cad kyi byin gyi rlabs kyis stan las langs te bla gos phrag pa gcig tu gzar nas bcom ldan 'das kyi spyan sngar pus mo g.yas pa'i lha nga sa pa btsugs te thal mo sbyar nas btud de 'di skad ces gsol to/ /bcom ldan 'das bstan du gsol/ shes rab kyi pha rol tu phyin pa dang / thabs kyi theg pa chen po mngon par
86a
@#/ /rtogs pa zhes bya ba'i dkyil 'khor chen po gang du zhugs pas sems can rnams thabs chung ngus de bzhin gshegs pa thams cad kyi mchog gi dngos grub thob par 'gyur ba bka' stsal du gsol/ de nas bcom ldan 'das rnal 'byor gyi dbang phyug chen pos 'jam dpal gzhon nur gyur pa la bka' stsal pa/ 'jam dpal/ khyod gang de bzhin gshegs pa thams cad kyi dam tshig la rjes su zhugs pa ni/ 'jam dpal/ khyod legs so legs so/ /de legs par rab tu nyon la yid la zungs shig dang theg pa chen po mngon par rtogs pa zhes bya ba'i dkyil 'khor chen po bshad par bya'o/ /de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad kyi rdo rjes byin gyis rlob pa zhes bya ba'i ting nge 'dzin la snyoms par zhugs nas dam tshig chen po rdo rjes byin gyis rlob pa theg pa chen po mngon par rtogs pa zhes bya ba'i dkyil 'khor 'di bka' stsal pa/ de nas dkyil 'khor chen po mchog/ yang dag rab tu bshad bya ba/ /dam tshig chen po rdo rje mchog /snying po chen po'i rgyan ces bya/ /gru bzhi pa la sgo bzhi pa/ /rta babs bzhis ni mdzes par bya/ /thig bzhi dang ni mnyam par ldan/ /'od zer 'bar bas 'khrigs pa'i 'od/ /rdo rje snying po yongs bcug pa/ /byang chub shing
86b
gis nye bar mdzes/ /rdo rje dkyil 'khor gra rnams dang / /sgo yi logs kyi mtshams rnams su/ /rdo rje rin chen rnams kyis spras/ /rdo rje pad+ma thams cad du/ /las kyi rdo rje thams cad du/ /'bar ba'i phreng ba 'khrigs pa'i 'od/ /dril bcas sna tshogs mchog dang ldan/ /rgyal mtshan bsgreng ba rlung bskyod pa'i/ /gos dang me tog chun pos spras/ /zla ba phyed pas nye bar mdzes/ /ral gri rdo rje ut+pa la| |lcags kyu la sogs sna tshogs rgyan/ /chu yi gyad dkyil 'khor yongs bskor ba/ /mu khyud bzhin du rnam par gnas/ /de la'ang sgo logs la sogs pa/ /mkhas pa yis ni spro bar bya| |de yi nang du bri bya ba/ /'khor lo chen po rab tu gnas/ /cha brgyad dang ni yongs su ldan/ /dkyil 'khor legs pa rnam par spras/ /rdo rje'i thig dang yongs su ldan/ /rdo rje'i 'khor lo cher 'bar ba/ /de yi dbus su snying po che/ /rdo rje'i snying po zhes su bshad/ /de yi steng du rdo rje che/ /rdo rje pad+ma rab tu gnas/ /pad+ma'i steng du rdo rje che/ /'khor lo'i dkyil 'khor dag gis brgyan/ /dung dang kun da zla ba dkar/ /sangs rgyas kun gyi gdan du bshad/ /de yi steng du legs bzhugs pa/ /khyab bdag rnam par snang mdzad che/ /zla ba'i mdog ldan 'dzum bcas pa/ /ting 'dzin ldan ni sdig pa bcom/ /rdo rje'i phreng bas rnam par spras/ /sna tshogs 'bar bas 'khrigs pa'i 'od/ /rin chen chen po'i phreng ba ches/ /spras pa rnam par dgod par bya/ /de sngags rtag tu shes
87a
@#/ /bya ba| |yi ge yi ni mchog gtso bo/ /sa yi steng dang ldan pa g.yas/ /mchog gi dbang phyug rgyu gcig po/ /drug pa'i dbyangs kyis legs gsal ba/ /thig le nA das legs par brgyan/ /rten cing 'brel 'byung 'khor lo yis/ /don can rab tu bskyed par bya/ /de nyid bcom ldan rnal 'byor can/ /gcig pu nyid ni lhag pa'i lha// chos kyi sku ni ye shes che/ /rdo rje rnal 'byor dbang phyug bshang / /de nas yang de bzhin gshegs pa mi bskyod pa ye shes kyi 'od zer dang / de bzhin gshegs pa spyan ras gzigs dbang phyug gi rgyal po dang / de bzhin gshegs pa rdo rje rnam par gnon pa dang / de bzhin gshegs pa thams cad kyi sku dang gsung dang thugs rdo rje nyid du rang gi bdag nyid byin gyis brlabs te bcom ldan 'das de bzhin gshegs pa shAkya thub pa'i phyogs thams cad mnyam pa nyid du dmigs nas phyogs bzhir 'khod do/ / dbang chen dkyil 'khor mi bskyod pa/ /me yi dkyil 'khor ye shes 'od/ /chu yi dkyil 'khor 'od dpag med/ /rdo rjes rnam gnon rlung dkyil 'khor/ /de nas bcom ldan 'das byang chub sems dpa' chen po kun tu bzang po'i dam tshig las byung ba/ sems dpa' byin gyis rlob pa rdo rje zhes bya ba'i ting nge 'dzin la snyoms par zhugs nas de
87b
bzhin gshegs pa thams cad kyi theg pa chen po mngon par rtogs pa zhes bya ba/ de bzhin gshegs pa thams cad kyi rdo rje snying po'i rgyan gyi snying po 'di nyid kyi thugs ka nas phyung ba'o/ /oM badz+ra s+t+wa/ de nas 'di rnam par phyung ba tsam gyis de bzhin gshegs pa thams cad kyi thugs ka nas rdo rje'i 'od zer rnams phyung ste/ rdo rje'i 'od zer de rnams kyis 'jig rten gyi khams thams cad snang bar byas te gsal bar gyur nas de nas rdo rje'i 'od zer de rnams kyis 'jig rten gyi khams thams cad kyi rdul phra rab dang mnyam pa'i de bzhin gshegs pa thams cad kyi skus 'jig rten gyi khams rnams su gshegs nas 'jig rten gyi khams thams cad snang bar mdzad de/ sems can thams cad kyi don mngon par rdzogs nas slar yang gcig tu 'dus te byang chub sems dpa' sems dpa' chen po kun tu bzang po'i skur gyur nas bcom ldan 'das rdo rje rnal 'byor gyi dbang phyug chen po'i thugs kar gnas te ched du brjod pa 'dis ched du brjod pa/ e ma ho rdo rje snying po bdag /sangs rgyas ye shes bla na med/ /snying po ye shes rnam dag pa/ /rdo rje sems dpa' nyid gyur nas| |byang chub sems ni brtan bskyed de/ /sangs rgyas ye shes bla na med/ /gang zhig brtan phyir lus min yang / /sangs rgyas sku nyid du gyur to/ /de nas rdo rje'i sku byang chub sems dpa'
88a
@#/ /chen po bcom ldan 'das kyi thugs ka nas thon nas bcom ldan 'das mi bskyod pa'i nye 'khor thams cad rnam pa bzhis phye ste/ dkar po/ ser po/ dmar pho/ ljang gu'i mdog tu mngon par sprul nas rang gi sngags kyi ye ges zla ba'i dkyil 'khor la brten te gnas par gyur to/ /dgug pa'i ting nge 'dzin ni/ oM badz+ra rA dza/ rjes su chags pa'i ting nge 'dzin ni/ oM badz+ra rA ga /de bzhin gshegs pa thams cad la legs par mdzad pa'i ting nge 'dzin ni/ oM badz+ra sA d+hu/ de bzhin du rin chen 'byung ldan gyi dkyil 'khor la dbang bskur ba'i ting nge 'dzin ni/ oM badz+ra rat+na/ nyi ma'i dkyil 'khor gyi ting nge 'dzin ni/ oM badz+ra te dza/ de bzhin gshegs pa thams cad kyi nam mkha' mdzod kyi ting nge 'dzin ni/ oM badz+ra ke tu/ de bzhin gshegs pa thams cad kyi bzhad pa chen po'i ting nge 'dzin ni/ oM badz+ra ha sa/ de bzhin du 'od dpag tu med pa'i dkyil 'khor yang thugs rje'i ting nge 'dzin ni/ oM badz+ra d+harma/ shes rab kyi pha rol tu phyin pa'i ting nge 'dzin ni/ oM badz+ra tIk+Sh+Na/ dam pa'i chos kyi 'khor lo'i ting nge 'dzin ni/ oM badz+ra he tu/ de bzhin gshegs pa thams cad kyi sems dpa' smra ba'i ting nge 'dzin ni/ oM badz+ra b+hA Sha/ de bzhin du rdo rje don yod pa'i dkyil 'khor la/ las sna tshogs pa'i ting nge 'dzin ni/ oM badz+ra
88b
karmA/ brtson 'grus kyi pha rol tu phyin pa'i ting nge 'dzin ni/ oM badz+ra rak+Sha/ de bzhin gshegs pa thams cad kyi khro bo'i ting nge 'dzin ni/ oM badz+ra yak+Sha/ de bzhin gshegs pa thams cad kyi sku dang gsung dang thugs khu tshur bcangs pa'i ting nge 'dzin ni/ oM badz+ra san+d+hi/ de nas bcom ldan 'das rnam par snang mdzad de bzhin gshegs pa thams cad kyi ye shes kyi phyag rgya'i dam tshig rdo rje'i dbyings kyis byin gyis brlabs pa zhes bya ba'i ting nge 'dzin la snyoms par zhugs te nyid kyi thugs ka nas 'di phyung ngo / oM badz+ra d+hA tu hUM/ rang gi rig pa mchog ni/ oM badz+ra d+hA tI shwa ri hUM badz+ri Ni/ de nas yang de bzhin gshegs pa mi bskyod pas de bzhin gshegs pa thams cad kyi rdo rje sems dpa'i dam tshig ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs te nyid kyi thugs ka nas rang gi rig pa mchog 'di phyung ba/ oM ak+Sho b+h+yaH aM/ oM dz+nyA na muSh+Ti tsit+ta badz+r+we badz+ri Ni hUM/ de nas de bzhin gshegs pa'i 'od zer gyis de bzhin gshegs pa thams cad kyi rdo rje rin po che'i dam tshig gi ye shes kyi phyag rgya'i dkyil 'khor byin gyi rlob pa zhes khya ba'i ting nge 'dzin la snyoms par zhugs nas nyid kyi thugs ka nas rang gi rig pa mchog 'di bka' stsal pa/ oM badz+ra r+t+na saM b+ha wa trAM/ oM badz+ra dz+nyA na gar+b+ha ti hUM/ de nas de bzhin
89a
@#/ /gshegs pa 'od dpag med pa de bzhin gshegs pa thams cad kyi rdo rje chos kyi dam tshigs gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas nyid kyi thugs ka nas rang gi rig pa mchog 'di bka' stsal pa/ oM a mi tA b+hA hrIH/ oM badz+ra d+ha ri Ni hUM/ de nas de bzhin gshegs pa rnam par gnon pas de bzhin gshegs pa thams cad kyi rdo rje las kyi dam tshig gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas rang gi rig pa mchog 'di bka' stsal pa/ oM sar+b+ba a mo g+ha sid+d+hi aM/ oM badz+ra mahA ba le hUM/ de nas bcom ldan 'das de bzhin gshegs pa rnam par snang mdzad yul la rnam par gzigs shing de bzhin gshegs pa thams cad mnyam pa nyid rnam par spros pa'i snying po 'di bka' stsal pa/ oM sarba ta thA ga ta ma hA dz+nya' na badz+ra hUM/ de nas de bzhin gshegs pa thams cad kyi snying po 'di dag bshad pa tsam gyis de bzhin gshegs pa thams cad kyi dkyil 'khor thams cad mthong bar gyur to/ /de nas phyag na rdo rjes de bzhin gshegs pa thams cad kyi snying po'i bdag nyid rtogs nas rdo rje mnyam pa nyid spros pa'i snying po bka' stsal pa/ oM badz+ra sa ma tA dz+nyA na bud+d+ha hUM/ de nas 'di bshad pa tsam gyis de bzhin gshegs
89b
pa thams cad kyi snying po rnams phyag na rdo rjer mthong bar gyur to/ /de nas phyag na rdo rje'i thugs ka nas chos thams cad mnyam pa nyid spros pa'i snying po 'di phyung ngo / /oM sar+b+ba d+harma sa ma tA dz+nyA na badz+ra hUM/ de nas 'di rnam par phyung ba tsam gyis kyang slar yang phyag na rdo rje'i thugs kar de bzhin gshegs pa thams cad kyi dkyil 'khor thams cad byin gyis brlabs par mdzad nas dkyil 'khor thams cad du 'khod par mthong ngo / /de nas de bzhin gshegs pa de dag thams cad kyi thugs ka nas de bzhin gshegs pa thams cad mnyam pa nyid spros pa'i snying po 'di phyung ngo / /oM sar+b+ba s+t+wa sa ma tA pra pany+tsa bud+d+ha hUM/ de nas 'di phyung ba tsam gyis de bzhin gshegs pa thams cad kyi thugs ka nas phyag na rdo rje rnam par phyung ste slar yang de bzhin gshegs pa thams cad kyi spyan snga nas bka' nod cing 'khod do/ /bcom ldan 'das de bzhin gshegs pa rnams bdag gis ji ltar bsgrub par bgyi/ de bzhin gshegs pa thams cad kyi dkyil 'khor rnams la byin gyis rlob par byos shig/ de de bzhin no/ /zhes gsol nas bcom ldan 'das rdo rje sems dpa' de bzhin gshegs pa thams cad kyi thugs ka nas dkyil 'khor thams cad byin gyis brlabs te brtan par gyur nas rdo rje sgeg mo la sogs pa'i lha rnams phyung ste/ lha mo de rnams dkyil 'khor thams cad kyi gra rnams su de bzhin du rnam
90a
@#/ /par gnas so/ /sgo rnams su sgo skyong ma rnams dang / mtshams rnams su gzugs dang / sgra dang / dri dang / ro dang / reg bya rnams bshad do/ /de dag gi sngags su gyur pa ni/ oM badz+ra me g+he TaM TaM/ 'khor lo'i mtshams su bzhag par bya'o/ /oM sne ha badz+ri Ni he/ oM sha rad badz+re aM aM/ oM badz+ri Ni kI li kI li hUM/ de bzhin gshegs pa thams cad dgyes pa chen po'i mchod pa phyi'i dkyil 'khor gyi grwa dang mtshams rnams su dri rdo rje la sogs pa'i lha mo rnams de bzhin gshegs pa'i nye bar gnas par dgod par bya'o/ /oM badz+ra gan+d+he hUM| oM ma d+hU badz+ri ni/ g+huM g+huM/ oM ma nod b+ha ba badz+ri Ni hI/ oM badz+ra shi shi re ho ho/ de bzhin gshegs pa thams cad kyi rol pa chen po'i lha mo'i sgo'i mtshams rnams su gzugs la sogs pa'i oM badz+ra d+hu pe/ oM badz+ra shap+te/ oM badz+ra gan+d+he/ oM badz+ra ra se/ oM badz+ra spar she/ mnyes par byed pa'o/ /de bzhin gshegs pa thams cad kyi shin tu dga' ba rdo rje'i snying po ni/ oM sa ma ya hoHsu ra ta s+t+waM/ dga' bde chen po'i rdo rje'i snying po 'dis de bzhin gshegs pa thams cad kun nas mnyes pas dkyil 'khor thams cad la brtan par gyur nas dngos grub thams cad stsol bar mdzod/ dgug dang legs par rab gnas dang / /ji bzhin gnas su sbyar ba nyid/ /kun nas dgyes mdzad sangs rgyas kun/ /dngos grub thams cad
90b
rab sbyin dge/ sngags kyi tshig rnams kyang / oM e h+ye hi b+ha ga wA na badz+ra aM ku sha dzaH/ oM pra be sha ya hUM/ sar+b+ba ta thA ga ta oM sa ma ye ban+d+ha tiSh+Tha b+ha ga wa' na/ oM tu Sh+yo hoH b+ha ga wan badz+ra A be sha aH/ 'di dag ni/ dkyil 'khor thams cad kyi sgo'i 'phrin las so/ /de lta bu'i dkyil 'khor 'bri ba la byams pa dang / 'jam dpal dang / kun tu bzang po dang / spyan ras gzigs dbang phyug la sogs pa'i byang chub sems dpa' chen po rnams dgod par bya'o/ /sngon du bshad pa'i dkyil 'khor gyi cho gas slob ma bcug ste dbang bskur ba la sogs pa byas nas slob ma dang bcas pas thabs cig tu de bzhin gshegs pa thams cad la nye bar mkho ba thams cad kyis mchod par bya'o/ /de la dang po kho nar re zhig dkyil 'khor thams cad kyi slob dpon ni/ dam tshig thams cad shes pa/ bcom ldan 'das rdo rje rnal 'byor gyi dbang phyug chen pos dngos grub thams cad kyis byin gyis brlabs pa/ dbang bskur ba thams cad thob pa/ rdo rje rnal 'byor gyi dbang phyug lta bu/ thams cad mkhyen pa'i ye shes kyis de bzhin gshegs pa thams cad kyi dam tshig gi phyag rgya la bslab par bya'o/ /de nas 'dir dam tshig gi phyag rgya bcing bar 'gyur ba ni/ skyil krung bcas nas dri la sogs pa rnams kyis phyag rgya bcing ba rab tu bsgrub
91a
@#/ /par bya'o/ /lag pa gnyis rdo rje bsdams pa byas te sor mo phan tshun bcings nas skyil krung gi dbus su rdo rje bsdams pa bzhag pa ni/ de bzhin gshegs pa thams cad kyi phyag rgya'o/ /rdo rje sems dpa' la sogs pa ni/ gar gyi sbyor bas so/ /rdo rje bsdams pa de nyid de rked ba'i phyogs su bzung ba ni/ rdo rje sems dpa'i phyag rgya'o// rdo rje bsdams pa las mdzub mo lcags kyu ltar bzung ba ni/ rdo rje'i rgyal po'i phyag rgya'o/ /de nyid mda' 'phen pa lta bu'i sbyor ba ni/ rdo rje mda'i phyag rgya'o/ /de nyid las legs so ba sbyin pas rgyab tu 'jog pa ni/ rdo rje legs pa'i byang chub kyi sems kyi phyag rgya'o/ /rdo rje bsdams pa de nyid dpral bar 'jog pa ni/ rdo rje rin chen gyi phyag rgya'o/ /rdo rje bsdams pa las 'od kyi dkyil 'khor gyi sbyor ba ni/ rdo rje nyi ma'i 'od kyi phyag rgya'o/ /rdo rje bsdams pa spyi bor sbyar ba ni/ tog gi phyag rgya'o/ /kha'i thad du bskor ba ni/ rdo rje bzhad pa'i phyag rgya'o/ /rdo rje bsdams pa de nyid kha'i thad du bskor ba ni/ rdo rje chos kyi phyag rgya'o/ /de nyid snying gar byas pa ni/ rdo rje ral gri'i phyag rgya'o/ /de nyid 'khor lo ltar yongs su bskor ba ni/ rdo rje rgyu'i phyag rgya'o/ /de nyid snying gar bsgreng ba ni/ /rdo rje smra ba'i chos kyi phyag rgya'o/ /rdo rje bsdams pa de nyid gar nyid du ston pa ni/ las sna
91b
tshogs pa'i phyag rgya'o/ /lag pa gnyis spyi bo dang snying ga dang mgrin par 'jog pa ni/ rdo rje srung ba'i phyag rgya'o/ /rdo rje bsdams pa 'gram pa gnyis su 'jog pa ni/ rdo rje gnod sbyin gyi phyag rgya'o/ /rdo rje bsdams pa de nyid snying gar bcangs pa ni/ rdo rje khu tshur gyi phyag rgya'o/ /de bzhin du sgeg mo dang / bdug pa ma la sogs pa'i sbyor bas lha mo thams cad kyi phyag rgya thams cad rab tu sbyar bar bya'o/ /rol cing rnam par dgod pa dang / /sgeg dang snying rje'i bdag nyid dang / /dpa' dang khro sogs chos bdag nyid/ /rang nyid zhi ba'i bdag nyid nyams/ /phyag rgya thams cad rab tu sbyar/ /gal te dngos grub mchog 'dod na/ /bdag 'di rdo rje'i gar byed dam/ /skyob pa sangs rgyas thams cad kyi/ /phyag rgya bcing pa rab tu sbyar| |thams cad grub par 'dod sogs kyis/ /skyil krung sangs rgyas thams cad kyis/ /de phyir gnyis med rdo rje can/ /sangs rgyas rnams kyi drang po'i sku/ /sgeg pa'i sbyor ba'i rdo rje can/ /sangs rgyas rnams kyi zhi ba'i spyan/ /snyems bcas rdo rje can gyis dgongs/ /sangs rgyas rnams dang rdo rje can/ /ting 'dzin dbye ba las shes bya/ /'khrugs pa'i lta stangs khro rnams kyi/ /btsun mo rnams kyi rol pa nyid/ /'jig rten pa yi lha rnams dang / /bsdigs spyod rnams kyi lta stangs steng / /chos rnams kun gyi rjes 'jug
92a
@#/ /pa'i| |shugs kyi lta stangs phyag rgya 'o/ /tshogs dang pho nya pho nya mo'i/ /lta stangs rnam pa sna tshogs nyid/ /mchu yi phyag rgya yongs ldan pa/ /g.yo ba med cing mi 'gul ba/ /sangs rgyas rnams kyi phyag rgya mchog /sangs rgyas byang chub rab sbyin byed/ /mtshams sbyor cung zad yang dag ldan/ /rnam 'gyur med cing mtshungs med gnas| |rol pa'i yi ge yang dag ldan/ /mchu yi phyag rgya rdo rje can/ /rnam 'gyur can dang 'khor ba can/ /khro bas su ni yongs su bsdams/ /'di ni khro ba'i phyag rgyar bshad// mchu yi phyag rgya gzugs mdzes can/ /'jig rten pa rnams mchu'i phyag rgya/ /rnam 'gyur 'jig cing gzugs dang bral/ /shin tu brang dka'i 'dod chags dang / /sdang dang rmongs las thams cad du/ /rol cing rnal 'byor dang ldan pa/ /g.yo bcas rab tu 'phro ba yang / /mchu yi phyag rgyar shes par bya/ /lha mo pho nya tshogs kyi yang / /de la sogs pa mtha' yas mchog /lta stangs mchu la sogs pa'i ming / /phyag rgya thams cad mdor bsdu ba/ /skyob pa rnams kyi kun shes bya/ /ji srid sku yi dbye ba dang / /dbang po la sogs rab dbye dang / /de dag phyag rgya sna tshogs mchog /sangs rgyas kun gyi brtags pa nyid/ /sna tshogs sku ni gzi brjid che/ /tshad med yon tan 'byung ba'i gnas//
92b
sangs rgyas rnams kyi phyag rgya mchog /sangs rgyas byang chub rab sbyin byed/ /rdo rje snying po rgyan gyi rgyud chen po las/ dam tshig chen po'i de kho na nyid gsang ba zhes bya ba'i dkyil 'khor chen po yongs su rdzogs so// //de nas bcom ldan 'das rnam par snang mdzad kyis slar yang de bzhin gshegs pa thams cad kyi mnyam pa nyid mngon par dbang bskur ba zhes bya ba'i dkyil 'khor chen po 'di bka' stsal pa/ de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par bya/ /sna tshogs khams ni bsam yas mchog /dar dang me tog chun pos brgyan/ /rdo rje rin chen rnams kyis spras/ /sna tshogs pad+mo de bzhin gzhan| |dkyil 'khor de yi dbus su ni/ /sangs rgyas sku gzugs yid 'ong pa/ /mgon po sum cu rtsa gnyis mtshan/ /'bar ba mchog gis brgyan pa po/ /de sngags rtags su shes bya ba/ /dang po'i dbyangs dang gnyis pa 'o/ /de yi nye 'khor brgyad du ni/ /'gram du rtsibs brgyad pa yi yang / /'khor lo dag ni bri bar bya/ /dkyil 'khor de yi dbus su ni| |'khor lo kun tu 'bar ba gzhag /'khor lo'i lte ba'i dbus su ni/ /pad+ma'i rgyal po rab tu gnas/ /sgeg sogs sangs rgyas thams cad ni/ /ji ltar sngon bzhin bri
93a
@#/ /bar bya| |nye bar mkho ba'i mchod kun gyis/ /de bzhin gshegs pa mchod par bya/ /dgug sogs cho ga'i sbyor ba ni/ /dkyil 'khor snga ma ji bzhin no| |dkyil 'khor nye bar spyod pa kun/ /cho ga 'dir ni 'byung bar 'gyur/ /dkyil 'khor chen po'i rtog pa 'o/ /de nas dkyil 'khor chen po mchog /yang dag rab tu bshad bya ba/ /'jig rten gsum las rnam rgyal zhes/ /bya ba rdo rje hUM mdzad grags/ /gru bzhi pa la sgo bzhi pa/ /rta babs bzhis ni mdzes par byas/ /de yi nang du 'khor lo ni| |dkyil 'khor brgyad pa lta bu 'o/ /de yi dbus su khro bo che/ /'jig rten gsum las rnam rgyal yang / /khro gnyer ldan zhing smin ma 'khyog /spyan gsal 'bar ba chen po pa/ /cung zad mche ba gtsigs pa'i zhal/ /rnam par dgod cing slar khro ba/ /g.yas brkyang ba yi zhabs kyis ni/ /dka' zlog dbang phyug chen po gnon/ /sangs rgyas phreng ba sogs pas spras/ /in+d+ra nI la mtshungs pa'i 'od/ /phyag bzhi pa la spyan gsum pa/ /zhal bzhi pa la thub par dka'/ /be con dang ni zhags par mdzod/ / dang po na ni rdo rjer bshad/ /gnyis pa zhags pa sdigs mdzub can/ /phyag gnyis khu tshur dam pa mchog /khu tshur gnyis ni rab tu brtag /mthe chung gnyis ni
93b
mnyam sbyar ba'o/ /lu gu rgyud kyis rnam par sprel/ /snying gar phyag rgya legs bzhag nas/ /sdigs mdzub gnyis kyis bsdigs par mdzad/ /'jig rten gsum rgyal zhes bya ba'i| |phyag rgya mchog tu thub par dka'/ /sngags ni ming gi de nyid ldan/ /'bar ba'i phreng bas mnyam par 'khrigs/ /dkyil 'khor de yi gnas rnams su/ /cha rnams kun tu thams cad nas/ /phyag rgya thams cad mnyam par bri/ /zla ba'i dkyil 'khor mnyam gnas par/ /ral gri 'khor lo gzhu dang mda'/ /de bzhin du ni dgra sta nyid/ /de la sogs pa'i mtha' yas mchog /mdor bsdus nas ni phyag rgya dgod/ /de ltar khro bo'i dkyil 'khor thams cad rnam par bkod nas nye bar mkho ba'i mchod pa thams cad kyis mchod par bya'o/ /'jig rten gsum las rnam par rgyal ba'i dkyil 'khor ro/ /de nas dkyil 'khor chen po mchog /yang dag rab tu bshad bya ba/ /sangs rgyas dpa' bo thams cad kyis/ /'gro ba 'dul ba zhes su bshad/ /gru bzhi pa la sgo bzhi pa/ /dar dang me tog chun pos brgyan/ /de dbus dkyil 'khor chen po ni/ /chu zhes bya ba'i ming can no/ /de mi dbus su pad chen po/ /'dab ma brgyad pa yid 'ong ba/ /de yi lte ba'i dbus su ni/ /'gro ba 'dul ba zhes bya ba/ /zla ba'i 'od can zla ba'i mdog /ral pa'i cod pan 'dzin
94a
@#/ /pa can| |phyag bzhi pa la zhal bzhi pa/ /rgyan rnams kun gyis brgyan pa po/ /sangs rgyas phreng ba sogs pas spras/ /sku rnams thams cad kun nas spro/ / mtha' yas rab 'byams rgya che ba'i/ /chos dbyings mnyam dang mi mnyam la/ /de yi sngags su yongs grags pa/ /sha Sha'i sdi yi mtha' dge ba/ /k+Sha yig don ldan sngon byung ba| |rgyu yi don du rab sgrub byed/ /bzhi pa'i dbyangs kyis spyi bor mnan/ /me yi sa bon gsal bar byed/ /thig le sgra ni mchog tu sbyin/ /'jig rten dbang phyug ces bya'i mtshan/ /de yi phyag rgya yang dag bshad/ /pad+mo'i thal mo rab tu brkyang / /bris pa'i phyag rgyar yang dag bshad/ /dbyug gu ril ba spyi blugs bri/ /mdun du bgrang phreng pad+ma yi/ /rgyal po zla ba'i dkyil 'khor gzhag /de la sogs pa mtha' yas mchog /phyag rgya mchog tu 'bar de dag /'gro ba 'dul ba'i dkyil 'khor du/ /ji ltar rigs pa dgod par bya/ /'gro ba 'dul ba zhes bya ba/ /dkyil 'khor gyi ni rgyal po 'o/ /de nas dkyil 'khor chen po mchog /gzhan ni rab tu bshad par bya/ /dpa' po rin chen snying po yi/ /rdo rje rin chen zhes su bshad/ /gru bzhi pa la sgo bzhi pa/ /rta babs bzhis ni mdzes par byas/ /de yi dbus su rin chen che/ /yan lag brgyad
94b
pa mchog tu 'bar/ /de dbus rin chen pad+ma ni/ /rin chen phreng pas rnam par mdzes/ /de dbus ma ra ka ta 'dra/ /rin chen rdo rje cher 'bar ba/ /sangs rgyas lnga yi cong pan can/ rin chen phreng bas rnam par mdzes/ /mdun du kun gyi dbang bskur gtso/ /rin chen de yi gtso bo mchog /g.yas su pad+ma rA ga ste/ /rgyab tu in+d+ra nI la 'o/ /yid bzhin nor bu rin chen g.yon/ /phyag rgya rnam pa sna tshogs mchog /sna tshogs rin chen rnam par brgyan/ /dkyil 'khor kun gyi grwa bzhi ni/ /gnas rnams su ni gzhag par bya/ /sangs rgyas dpa' bo thams cad kyis/ /de yi sngags su yongs grags pa/ /bzhi pa'i sde yi dang po gang / /me yi sa bon gyis gsal byas/ /dbyangs kyi gnyis pas kun nas mnan/ /dbang bsgyur ba ni steng du gnas/ /de yi phyag rgya yang dag bshad/ /rin chen snyim pa rgyab bskums te/ /rin chen rnam pa legs 'byung ba/ /de ni rdo rje rin chen no/ /rdo rje rin po che'i dkyil 'khor ro/ /de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par byas/ /thig bzhi dang ni yang dag ldan/ /rdo rje'i phreng bas rnam par mdzes/ /de yi dbus su zhal bzhi pa'i/ /'khor lo bzhi ni yongs bskor ba'o/ /de yi dbus su pad chen po'o/ /kha dog sna tshogs/
95a
@#/ /yongs 'bar ba/ /de yi dbus su brtson chen po/ /rdo rje'i gzugs ni yongs su bri/ /rdo rje khur 'dzin mdzes pa ni/ /rgyan rnams kun gyis brgyan pa po/ / kha dog sna tshogs gzi brjid che/ /sangs rgyas phreng bas rnam par mdzes/ /de yi sngags ni yang dag bshad/ /bcu gnyis pa yi dbyangs kyi mtha'/ /mya ngan 'das don legs gsal bya/ /sgeg sogs rig ma thams cad kyis/ /de bzhin rang gi phyag rgya yis/ /rdo rje'i thig le yongs su ldan/ /sna tshogs bkra ba mchog tu 'bar/ /de yi dbang bskur phyag rgya yis/ /mchod pa kun gyi thams cad nas/ /kun nas yongs su bskor ba yis/ /las kyi dkyil 'khor bri bar bya/ /las kyi dkyil 'khor ro/ /de nas dkyil 'khor chen po mchog /yang dag rab tu bshad bya ba/ /shes rab ye shes 'khor lo che/ /sngags kyi yi ges rnam par brgyan/ /de yi dbus su pad chen po/ /'dab ma brgyad pa shin tu mdzes/ /de yi lte ba'i dkyil du ni/ /gzhon nu sna tshogs gzugs ldan pa/ /sku mdog dmar zhing 'dzum bcas pa/ /sna tshogs gzugs can ral gri can| |phyag bzhi pa la zhal bzhi pa/ /ral gri'i phreng bas rnam par brgyan/ /gsang sngags chen po yi ge lnga/ /de yi drung du legs par gnas/ /dbyangs dang
95b
smra ba kun nas de'i/ /thugs ka ru ni yang dag gnas/ /phyi rol nyid ni gru bzhi mdzes/ /thig bzhi dang ni yang dag ldan/ /rta babs bzhi dang mnyam par sbyor/ /sgo bzhi yis ni shin tu mdzes/ /shes rab pha rol phyin pa nyid/ /de la dkyil 'khor dbus su ni/ /gal te dngos grub mchog 'dod na/ /'bad pa yis ni bri bar bya/ /sngon du bshad pa'i cho ga yis| |mchod sogs cho ga rgyas pa nyid/ /gzhug pa'i cho ga de bzhin du/ /ji ltar dkyil 'khor 'dir mthong bzhin/ /shes rab ye shes dkyil 'khor ro/ /de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par byas/ /thig bzhi yis ni yang dag ldan/ /phyi yi dkyil 'khor bri bar bya/ /de yi nang du bri bya ba/ /chos kyi 'khor lo bla na med/ /rten cing 'brel 'byung phreng ba ni/ /'bad pa yis ni bri bar bya/ /'khor lo'i dbus su brtson chen po// rdo rje'i rgyu ni stobs po che/ /phyag bzhi pa la zhal bzhi pa/ /rgyan rnams kun gyis brgyan pa 'o/ /kha dog nag po gzi brjid che/ /chos kyi 'khor lo rab bskor mdzad/ /de yi sngags gyur mdzes pa ni/ /rgyu yi don du so sor bskyed/ /dbyangs drug dang ni yang dag ldan/ /thig le phyi mos rnam par brgyan/ /yi ge chen po'i phreng ba can/ /'khor lo/
96a
@#/ /gnyis kyis rnam par brgyan/ /de yi mdun du dung yin la/ /rgyab tu zhags pa brjod par bya/ /rdo rje'i thal mo phyag rgya che/ /'khor lo bzhin du rab tu gnas/ /mchod pa thams cad rab tu brtag/ ji ltar dkyil 'khor snga ma bzhan/ /de lta'i dkyil 'khor bris nas ni/ /chos kyi 'khor lo bla na med/ /thog mar chos kyi 'khor lo bskor/ /dngos grub thams cad yang dag 'bar/ /chos kyi 'khor lo'i dkyil 'khor ro/ /de nas dkyil 'khor chen po mchog /yang dag rab tu bshad bya ba/ / thog ma'i dkyil 'khor sbyor ba yis/ /dkyil 'khor kun gyi thig gdab bo/ /de yi dkyil du snang ba che/ /mkha' bzhin shin tu 'od gsal ba/ /sems dpa' chen po nam mkha'i mdzod/ /pad+ma'i rgyal po rab tu bzhugs/ /zla ba'i mdog can gzi brjid che/ /sna tshogs mtshon cha 'dzin pa'i mchog /gzhon nu rab tu brjid pa'i zhal/ /nam mkha'i mdzod ces rab tu grags/ /sangs rgyas phreng ba sogs pas spras/ /rdo rje dkyil 'khor brgyan par mdzad/ /'di yi gsang sngags gzi brjid che/ /dbyangs dgu pa la thig le dang / /nA da yis ni rnam par brgyan/ /sde tshan dang po'i gsum ba la/ /thig le nA des rnam par brgyan/ /de yang gtso bo'i gsang sngags 'gyur/ /nam
96b
mkha'i mdzod ni rab bskor mdzad/ /de lta'i dkyil 'khor bris nas ni/ /sngags kyi phreng ba mchog ldan pa/ /ma lus pa yi sa rnams kun/ /thams cad nas ni nam mkha'i tshul| |tog ni phyag rgyar gyur pa de'i/ /de bzhin du ni nges par bcing / /de lta'i dkyil 'khor bris nas ni/ /nam mkha' yi ni mdzod de la/ /gal te bdag ni grub 'dod na| |mchod ba kun gyis rnam par mchod/ /nam mkha'i mdzod kyi dkyil 'khor ro/ /de nas dkyil 'khor chen po mchog /yang dag rab tu bshad bya ba/ /dkyil 'khor snga ma'i sbyor ba yis/ /dkyil 'khor thams cad thig gdab po/ /dkyil 'khor de yi dbus su ni/ /khro bo'i dkyil 'khor gru bzhi pa/ /der yang rdo rje 'di yi mchog /dkyil 'khor gyi ni mchog tu 'dod/ /de yi dbus su gzi brjid che/ /rdo rje gnod sbyin bla na med/ /phyag bzhi pa la zhal bzhi pa/ /pad+ma'i rgyal po la rab gnas/ /rgyan rnams kun gyis brgyan pa'i lus/ /bdud rnams thams cad rab 'joms mdzad/ /de sngags yi ger gyur pa ni/ /sha Sha'i sde tshan mthar dge ba/ /rgyu yi don du legs gsal bya/ /khro bo'i dkyil 'khor chen po bskor/ /sngags kyi yi ge phreng ba che/ /'bad pa yis ni bri bar bya/ /de lta'i dkyil 'khor bris nas ni/ /rdo rje gnod sbyin de yi ni/ /gal te dngos
97a
@#/ /grub mchog 'dod na/ /sgyu ma thams cad gzhom par bya/ /rdo rje gnod sbyin gyi dkyil 'khor chen po'o/ /de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par byas/ /de yi dbus su 'khor lo che/ /lcags kyu yis ni rnam par mdzes/ /dbus su bcom ldan rdo rje rgyal/ /lcags kyu la ni rab tu bzhugs/ /phyag bzhi pa la zhal bzhi pa/ /rgyan rnams thams cad rab tu 'bar/ /rdo rje lcags kyu khu tshur che/ /'bar ba 'phro bas rnam par brgyan/ /'gro ba thams cad 'gugs par mdzad/ /sngags kyi yi ges legs par sbyar/ /sha Sha'i sde yi drung gnas pa/ /byed pa'i rgyu ru legs par gnas/ / dbyangs drug pa yis legs par phye/ /zla phyed thig les legs par brgyan/ /lcags kyu'i phyag rgyas legs par sbyar/ /'gugs par byed la don yod pa'o/ /de ltar dkyil 'khor bris nas ni/ /rdo rje lcags kyu mchog tu dge /dgug pa la sogs thams cad la/ /'gro ba 'dul pa yongs su bsdu/ /don yod rgyal po'i dkyil 'khor ro/ / de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par bya/ /thig bzhi dang ni yang dag ldan/ /
97b
dngos grub dkyil 'khor bri bar bya/ /dkyil 'khor de yi dbus su ni/ /dkyil 'khor lcags kyu'i rnam pa can/ /de yi dbus su gru gsum grags/ /lcags kyu mchog tu dge ba 'o/ / de yi dbus su sems dpa' che/ /rdo rje rgyal po stobs po che/ /phyag bzhi pa la zhal bzhi pa/ /rgyan rnams kun gyis brgyan pa 'o/ /gzi brjid chen po dkar dang dmar/ /zhags pa lcags kyu 'dzin dge ba/ /de yi gsang sngags yang dag bshad/ /don yod 'bras bu stsol ba po/ /sde tshan gnyis pa'i gsum pa ni/ /gnyis 'gyur nyid du rnam par gnas| |de yi thig le mya ngan 'das/ /sngags kyi phreng ba gzhan gyis bskor/ /sgeg mo la sogs mchod pa che/ /'bad pa yis ni bri bar bya/ /sgo skyong ba dang mchod pa yang / / sbyor ba ji bzhin rnam par dgod/ /de lta'i dkyil 'khor bris nas ni/ /mchod pa thams cad yongs su bsgrub/ /rdo rje rgyal po'i dkyil 'khor ro/ /de nas dkyil 'khor chen po mchog /yang dag rab tu bshad bya ba/ /sangs rgyas dpa' bo thams cad kyis/ /rdo rje chags pa zhes su bshad/ /gru bzhi pa la sgo bzhi pa/ /rta babs bzhis ni mdzes par byas/ /thig bzhi dang ni yang dag ldan/ /chags pa'i dkyil 'khor bri bar bya/ /thams cad dmar pos rab dregs pas/ /dbang du byed pa'i dam pa yin/ /de yi \?\
98a
@#/ /dbus su pad chen po/ /'dab ma brgyad pa ge sar bcas/ /de yi lte ba'i dbus su ni/ /rdo rje chags pa bri bar bya/ /pad+ma rA ga mtshungs pa'i 'od/ /phyag bzhi pa la zhal bzhi pa/ /sbyan gsum 'od kyi phreng ba can/ /de yi phyag rgya mchog tu ni/ /mdzes pa yis ni mda' gzhur 'gyur/ /rgyan rnams kun gyis mdzes pa'i lus| |'gro ba kun la chos mchog 'gyur/ /de yi gsang sngags mdzes gyur pa/ /rdo rje chags pa mchog tu bde/ /sha Sha'i sde yi mthar thug pa/ /k+Sha yi yi ge'i sngon du gnas| |dbyangs dgu pa dang yang dag ldan/ /sngags kyi phreng bas yang dag brgyan/ /me tog mda' ni yongs su 'phen/ /re ba thams cad yongs rdzogs mdzad/ /de lta'i dkyil 'khor bris nas ni/ /sangs rgyas thams cad rab mchod byed/ /rdo rje chags pa'i dkyil 'khor ro/ /de nas dkyil 'khor chen po mchog /yang dag rab tu bshad bya ba| |rdo rje legs pa zhes grags pa/ /gnyis su med pa'i dga' ba'ang 'phel/ /gru bzhi pa la sgo bzhi pa/ /rta babs bzhis ni mdzes par byas/ /de yi dbus su cher mdzes pa'i/ /dkyil 'khor dam pa gru bzhi pa/ /de yi dbus su pad chen po/ /ze 'bru yis ni nye bar mdzes/ /de yi lte ba'i dkyil du ni/ /zla ba'i gzugs brnyan yang
98b
dag 'bar/ /der gnas dpa' po bsam par bya/ /rdo rje legs pa stobs po che/ /dung dang kun da zla ba dkar/ /kha ba ba zho'i 'od ltar mdzes/ /legs so stsol ba tshim par mdzad// ting nge 'dzin dbang mang po sgyur/ /rdo rje sgeg mo sogs mchod pa/ /de bzhin me tog bdug pa sogs/ /sgo yi skyong ba nyid kyang ni/ /rab tu 'bad de bri bar bya/ /de yi sngags gyur mdzes pa ni/ /gsang ba chen po mchog tu 'bar/ /lha mi yi ge sngon gang de/ /sems can don ni rab sgrub byed/ /thig le gnyis dang yongs su ldan/ /legs stsol bas ni rnam par gnas/ /de lta'i dkyil 'khor bris nas ni/ /mchod pa thams cad rab tu bskor/ /bdag nyid dag pas gzhug pa sogs/ /thams cad yongs su spyad par bya/ /rdo rje legs pa'i dkyil 'khor ro/ /de nas dkyil 'khor chen po mchog /yang dag rab tu bshad bya ba/ /rdo rje gzi brjid ces su grags/ /rdo rje nyi ma blo gros ldan/ /gru bzhi pa la sgo bzhi pa| |rta babs bzhis ni mdzes par byas/ /thig bzhi dang ni yang dag ldan/ /dkyil 'khor dam pa bri bar bya/ /de yi nang du bri bya ba/ /rdo rje nyi ma 'od po che/ /rdo rje nyi ma'i steng du ni/ /gru gsum rnam pa las byung ba/ /de yi dbus su gzi brjid che/ /'bar pa yi ni me lta bu/ /pad+ma chen po 'dab brgyad pa/ /ze 'bru yis ni shin tu mdzes/ /de yi
99a
@#/ /lte ba'i dkyil 'khor du/ /rdo rje gzi brjid stobs po che/ /bzang po'i mtshal dang mtshungs pa'i 'od/ /rgya skyegs khu tshur mtshungs pa'i mdog /phyag bzhi pa la zhal bzhi pa/ /rgyan rnams kun gyi brgyan pa 'o/ /de yi sngags su yongs grags pa/ /kun nas sangs rgyas mtshungs pa'i nyid/ /dbyangs yig bcu gcig pa yi mtha'/ /nyi ma'i dkyil 'khor dbus su ni/ /sngags kyi phreng bas yongs su bskor/ /rang gi phyag rgya'i mchan ma ldan/ /de lta'i dkyil 'khor bris nas ni/ /sangs rgyas thams cad rab mchod bya/ /rdo rje gzi brjid dkyil 'khor ro/ /de nas dkyil 'khor chen po mchog /yang dag rab tu bshad bya ba/ /yid bzhin nor bu'i rgyal mtshan ming / /bdag nyid chen po rdo rje tog /gru bzhi pa la sgo bzhi pa/ /rta babs bzhis ni mdzes par byas/ /thig bzhi dang ni yang dag ldan/ /zla ba'i dkyil 'khor bri bar bya/ / dkyil 'khor de yi dbus su ni/ /mchog tu 'bar ba yi ni rlung / /zla ba phyed pa'i rnam pa 'dra/ /rin chen rgyal mtshan yongs bsgreng ba/ /de yi dbus su sems dpa' che/ / rgyan rnams kun gyis brgyan pa po/ /zhal bzhi pa la gzi brjid che/ /in+d+ra nI la mtshungs pa'i 'od/ /rin chen char pa rab tu 'bebs/ /phyag bzhi pa la snang ba che/ /
99b
de yi gsang sngags gzi brjid che/ /sde tshan bzhi pa'i dang po la/ /me yis rab tu gsal byas pa/ /tog gi phyag rgyas yongs su bskor/ /sngags kyi phreng bas rnam par brgyan/ / de lta'i dkyil 'khor bris nas ni/ /sangs rgyas thams cad rab mchod bya/ /rdo rje tog gi dkyil 'khor ro/ /de nas dkyil 'khor chen po mchog /yang dag rab tu bshad bya ba/ / rdo rje bzhad ba zhes grags pa/ /rdo rje bzhad pa mtshungs pa'i 'od/ /gru bzhi pa la sgo bzhi pa/ /rta babs bzhis ni mdzes par byas/ /thig bzhi dang ni yang dag ldan/ /dkyil 'khor chen po bri bar bya/ /dkyil 'khor de dbus zlum po ni/ /in+d+ra nI la mtshungs pa'i 'od/ /de bzhin chu ni gzi brjid can/ /phyag rgya 'khor los rnam par mdzes/ /dkyil 'khor de yi dbus su ni/ /ston ka'i zla ba 'dra ba'i 'od/ /'gro ba mtha' dag snang mdzad pa/ /rgyan rnams kun gyis brgyan pa po/ /phyag bzhi pa la zhal bzhi pa/ /dbang phyug thams cad yang dag ldan/ /de yi gsang sngags gsang chen po/ /rgyu yi don du bsgrub par bya/ /stong pa mngon brjod bsam mi khyab/ /rang ming rtogs pas mtshan pa 'o/ /de lta'i dkyil 'khor bris nas ni/ /sangs rgyas thams cad rab mchod bya/ /rdo rje bzhad pa'i dkyil 'khor ro/ /de nas dkyil 'khor chen po mchog /yang dag rab tu bshad bya ba/ /gru
100a
@#/ /bzhi pa la sgo bzhi pa/ /rta babs bzhis ni mdzes par byas/ /thig bzhi dang ni yang dag ldan/ /dngos grub dkyil 'khor yang dag bri/ /de yi steng du 'ang pad+ma che| |pad+ma me las yang dag byung / /gru gsum mchog tu mdzes pa po/ /sum mdo ris kyis rnam par brgyan/ /chos dbyings yi ge'i de kho na/ /thams cad gzi brjid bdag nyid dge /de yi mdog gi de nyid ni/ /'phro ba'i ma ra ka ta 'dra/ /phyag bzhi pa la zhal bzhi pa/ /rgyan rnams kun gyis brgyan pa po/ /gnyis pa'i mdog tu gyur ba ni/ /pad+ma rA ga mtshungs pa'i 'od/ /ji srid ngag gi 'khor lo ni/ /smra ba'i dbye bas rab tu gnas/ /thams cad so sor gsal bar byed/ /sprin gyi dkyil 'khor mchog rmad byung / /de lta'i dkyil 'khor bris nas ni/ /sangs rgyas thams cad rab mchod bya/ /rdo rje smra ba'i dkyil 'khor ro/ /de nas dkyil 'khor chen po mchog /yang dag rab tu bshad bya ba/ /dkyil 'khor snga ma'i sbyor ga yis/ /dkyil 'khor thams cad bri bar bya/ /de yi dbus su go cha che/ /rin chen kun gyis rnam par brgyan/ /de yi dbus su brtson chen po/ /rdo rje srung bar yang dag ba'i/ /phyag bzhi pa la zhal bzhi pa/ /rgyan rnams kun gyis brgyan ba po/ /kha dog sna tshogs gzi brjid che/ /thams cad srung ba mchog tu dge/
100b
phyag rgya sngags dang yang dag ldan/ /gsang ba chen po go 'phang mchog /de yi gsang sngags gzi brjid che/ /sha Sha'i sde yi mthar gnas mchog /mgon po'i rgyur ni mngon par brjod/ /steng du nA das brgyan par bya/ /kun nas kha dog du ma yis/ /yongs su bskor ba bsgom par bya/ /sngags kyi phreng ba yongs su ldan/ /glog gi phreng bas rnam par brgyan| |de lta'i dkyil 'khor bris nas ni/ /mchod pa thams cad rab bsgrub bya/ /rdo rje srung ba'i dkyil 'khor ro/ /de nas dkyil 'khor chen po mchog /yang dag rab tu bshad bya ba/ /gru bzhi pa la sgo bzhi pa/ /rta babs bzhis ni mdzes par byas/ /thig bzhi dang ni yang dag ldan/ /khu tshur dkyil 'khor bri bar bya/ /dkyil 'khor de yi dbus su ni| |rdo rje pad+ma yid 'ong ba/ /gzi brjid chen po gser gyi mdog /'dab ma brgyad pa yid 'ong ba/ /de yi steng du gzi brjid che/ /rdo rje khu tshur stobs po che/ /phyag bzhi pa la zhal bzhi pa/ /rgyan rnams kun gyis brgyan pa po/ /kun da dung dang zla ba dkar/ /khu tshur de bzhin gshegs kun gyi/ /sku dang gsungs dang thugs khu tshur/ /rdo rje nyid du mnyam med \?\ mcho ga /gnyis su med pa mchog gsang ba/ /khu tshur gyis ni sdud par bshad/ /de sngags mchog tu dga' ba ni/ /brjod du med nyid stsol mdzad pa/ /sde tshan lnga ba'i
101a
@#/ /gsum pa ni/ /'bar ba'i 'od kyi dkyil 'khor can/ /sangs rgyas rnams kyi rdo rje'i sku/ /'di yi sngags la rnams par gnas/ /de lta'i dkyil 'khor bris nas ni/ /rdo rje khu tshur mchod par bya/ /rdo rje khu tshur dkyil 'khor ro/ /de la sogs pa'i mtha' yas mchog /dkyil 'khor mchog tu 'bar ba ni/ /chos kyi dbyings kyi mtha' klas pa'i/ /sangs rgyas byang chub stsol bar mdzad/ /de nas yang dag bshad bya ba/ /'jig rten pa yi dkyil 'khor mchog /de bzhin gru bzhi bris nas ni// sgo khyud la sogs rnam par spangs/ /rtse gsum snam bu nyid dang ni/ /dung dang pad+ma sogs pas brgyan/ /thog mar dbang phyug chen po dgod/ /rtse gsum pa yi phyag rgyur ldan/ /khyu mchog la zhon mig gsum pa/ /stag gi pags gyon phyag bzhi pa/ /thal bas byugs shing mgo bo la/ /ral pa'i tshogs ni rab 'phyang ba/ /chu yi dkyil 'khor dbus su ni/ /de bzhin gshegs pa thams cad la/ /phyag 'tshal ba ni de bri'o/ /de'i sngags ni /oM tri sa sruM hUM phaT/ gsang sngags 'di ni cher gsang ba/ /bdag nyid chen po dbang phyug che'i/ /dbang phyug chen po'i sgrub pa'i thabs so/ /dkyil 'khor chen po de nyid la/ /dbang phyug chen po'i gnas su nag po
101b
chen po gzhag par bya'o/ /lag pa stong gi gar byed pa dang ldan pa'i dga' byed dbang phyug dang lhan cig phyag bzhi pa spyan gsum pa lag pa stong gis gnas pa'o/ /rang gi sngags ni/ oM ma hA kA la hUM b+h+yo/ /oM nan+di ke shwa ra hUM b+h+yo/ /'di bzlas na dngos grub thams cad byed do/ /dga' byed dbang phyug dang nag po chen po'i sgrub pa'i thabs so/ /de nyid kyi ni cho ga yis/ /dkyil 'khor gru bzhi thig gdab bya/ /der ni pad+ma yang dag bri/ /pad+ma'i dbus su sbrang rtsi byed/ /la sogs mthar byed spun bri'o/ /gzhu yi phyag rgya yongs su 'dzin/ /sbrang rtsi byed dang rgyal bar byed/ /nyid kyi sgrub thabs de bzhin no/ /me tog mda' dang yongs su ldan/ /rang gi ming rtogs mtshan ma can/ /sngags ni/ ma d+hu kr-i ta snaM/ oM swaM/ oM sA d+ha na swa/ gsang sngags 'di ni 'dod gzugs can/ /dbang du byed pa thams cad sgrub/ /sbrang rtsi rdo rje la sogs pa'i sgrub pa'i thabs so/ / dkyil 'khor gru bzhi pa bris nas dbus su thig bzhi gdab bo/ /dbus su tu ma bu ru'o/ /shar gyi 'dab mar rgyal ba'o/ /lho ru rnam par rgyal ba'o/ /nub tu mi thub pa'o// byang du gzhan gyis mi thub pa'o/ /de lta bu'i dkyil 'khor bris nas go rim ji lta ba bzhin du gsang sngags dgod par bya'o/ /oM tuM bu ru hAM/ oM dza ye hAM/ oM bi dza me
102a
@#/ /hUM/ oM a dzi te hAM/ oM a pa rA dzi te hAM/ dga' ba 'di dag lag g.yon du/ /khu tshur g.yon pas rab sgrub stsol/ /'di yi phyag rgya nyid gyur pa/ /sangs rgyas kun gyis rab tu brtags/ /lag pa dgod par rab bshad bya/ /go rim ji lta ba bzhin du/ /tum bu ru ni mthe bor dgod/ /sdigs mdzub la ni rgyal ba gnas// rnam rgyal gung mo nyid la 'o/ /mi thub de bzhin ming med la/ /gzhan gyis mi thub mtho chung la/ /lag pa'i dbus su yi ge oM/ /dgod bya de nyid lag pa'i rgyab/ /rdo rje phreng ba'i mthar thug tu/ /dgod par bya ba mchog tu bshad/ /sbyor dang rnam par dbye ba yang / /phyag rgya kun spyod yongs su bsdu/ /so sor brtan par bya ba nyid/ /sor mo rnams la khyad par du/ /dbang dang dgug dang rmongs la sogs/ /rengs byed la sogs go rim bzhin/ /las rnams dag ni thams cad du/ /sngags pas mnyam par bzhag ste bya| |de nas bcom ldan 'das de bzhin gshegs pa thams cad slar yang 'dus te gshegs nas bcom ldan 'das rdo rje rnal 'byor gyi dbang phyug chen po la de bzhin gshegs pa thams cad kyi gsang ba'i mtshan rnams kyis legs par bstod pa mdzad de bcom ldan 'das mnyes par mdzad pa/ byang chub sems ni rdo rje che/ /sangs
102b
rgyas de bzhin gshegs pa kun/ /dgra bcom 'dod chags bral ba dang / /legs pa chos kyi 'byung gnas mchog /blo gros dag pa ye shes che/ /thams cad mkhyen pa kun rig mchog /mchog gi dbang phyug dpa' ba che/ /thog ma tha ma med khyab pa/ /ma 'dres ma 'dres pa yi don/ /shin tu phra ba mchog sbyin rgyal/ /rdo rje can chen rnal 'byor che/ /rdo rje rnal 'byor dbang phyug mchog /mi bskyod pa dang mi zad mgon/ /chos dbyings gzhan dang gzhan min pa/ /rin chen 'byung gnas rdo rje mchog /dbang bskur kun gyi bla ma'i bla| |theg chen che ba'i mchog gi mchog /dpa' bo mchog tu dpa' ba'i mchog /zab cing yangs la phra ba dang / /thams cad thams cad de bzhin gshegs/ /'khor los bsgyur ba'i rgyal po che/ /tshad skyob dkar po stobs po che/ /gzi brjid phung po gzi brjid che/ /phul byung phul las phul du byung / /rgyu med mchog gi mchog dpa' mchog /gzi mchog gzi brjid byed mtshungs pa/ /rgyal ba rgyal ba mchog nyid dang / /legs pa'i rgyal po bdag nyid che/ /rdo rje sems dpa' sems chen po/ /rdo rje rgyal po lcags kyu che// rdo rje chags pa mda' chen po/ /rdo rje legs pa legs grub mdzad/ /rdo rje rin chen che mchog mchog /rdo rje gzi brjid legs brjid mdzad/ /rgyal mtshan chen po rin
103a
@#/ /chen tog /rdo rje bzhad pa legs bzhad mdzad/ /'jig rten dbang phyug pad+ma che/ /shes rab ye shes legs rno mdzad/ /chos kyi 'khor lo chos chen po/ / sems dpa' smra ba legs bzhad mdzad/ /sna tshogs las ni rgyal po che/ /rdo rje srung ba legs srung mdzad/ /khro bo chen po gnod sbyin che/ /rdo rje mtshams sbyor mtshams sbyor sel/ /phyag 'tshal sangs rgyas kun khyod la/ /dang po'i rnal 'byor dbang phyug mchog /legs so rdor can rnal 'byor che/ /de bzhin gshegs pa thams cad dge /snying po'i rgyan zhes mtshan gsol ba/ /'di dag thams cad legs par gsungs/ /sangs rgyas rnams kyi byang chub sems/ /ye shes snying po shin tu mdzes/ /gsang ba chen po mchog tu gsang / /sba bya shin tu rnyed dka' ba/ /shes rab pha rol phyin pa'i mdo/ /brjod du med cing yi ge bral/ /rdo rje snying po rgyan gyi rgyud chen po las/ shes rab kyi pha rol tu phyin pa'i dkyil 'khor zhes bya ba'i rtog pa rgyas pa 'di yongs su rdzogs so// //de nas bcom ldan 'das de bzhin gshegs pa thams cad slar yang 'dus te gshegs nas bcom ldan 'das thog ma dang tha ma med pa'i rdo rje rnal 'byor gyi dbang phyug chen po la gsol ba btab bo/ /de nas bcom ldan 'das rdo rje
103b
rnal 'byor gyi dbang phyug chen pos de dag gis gsol ba btab pa'i tshig nye bar gsan nas sangs rgyas thams cad kyi yul la 'jug pa ye shes rdo rje zhes bya ba'i ting nge 'dzin la snyoms par zhugs so/ /de ma thag tu bcom ldan 'das ma yang snyoms par zhugs so/ /de nas bcom ldan 'das rdo rje rnal 'byor gyi dbang phyug chen po 'di skad cig nyid la 'jam dpal gzhon nur gyur pa de bzhin gshegs pa thams cad kyi shes rab kyi ye shes rdo rje la zhugs par gyur to/ /zhugs nas kyang de bzhin gshegs pa thams cad kyi snying po shes rab ye shes kyi ting nge 'dzin gsal bar mdzad cing brtan par gyur nas de bzhin gshegs pa thams cad kyi thugs de las thon te sangs rgyas thams cad kyi yul chos kyi dbyings kyi mtha' klas pa ma lus shing lus pa med pa'i sems can gyi khams thams cad snang bar mdzad nas sems can thams cad kyi'ang shes rab dang ye shes rnam par sbyangs te byang chub kyi sems bskyed nas bkug cing rjes su mnyes par byas nas legs par mdzad nas rnam par gnas te/ rdo rje sems dpa'i ting nge 'dzin legs par yongs su rdzogs par mdzad nas mngon par dbang bskur te gzi brjid dang / tog dang / bzhad pa dang / de dag la nges par sbyar te mchog gi dbang phyug chen po las rdo
104a
@#/ /rje sems dpa'i ting nge 'dzin gyis chos rtogs pa la yang rab tu gnas nas rnon po dang / rgyu dang| smra ba'i sems dpa' rnams la'ang thugs brtan par mdzad de yongs su dag nas yang pad+mo'i sems dpa'i ting nge 'dzin la rang bzhin gyis dag pa'i dbang phyug chos nyid gzhi med pa la sbyar nas sna tshogs pa'i las kyi bdag pos kyang sems can yongs su smin cing srung ba'i khro bos de bzhin gshegs pa thams cad kyi sku dang gsung dang thugs rdo rje mtshams sbyor ba rnams sems can gyi khams mtha' dag yongs sus min pa dang / byin gyis brlabs te slar log nas bcom ldan 'das kyi thugs kar rjes su zhugs te/ de bzhin gshegs pa thams cad kyi shes rab kyi ye shes la zhugs nas ched du brjod pa 'di ched du brjod do/ /e ma ho zag med shes rab ni/ /sangs rgyas skyob pa thams cad kyi/ /shes rab shin tu dri med sems sems dpa'i lus su bdag gyur to/ /dri med sangs rgyas thams cad kyi/ /dngos dang dngos med rnam dpyad na/ /e ma ho chos ni bsam med nyid/ /bdag gi dbang du rnam par gnas/ /de nas byang chub sems dpa' chen po 'jam dpal bcom ldan 'das kyi thugs ka nas thon nas byang chub sems dpa' bcu drug gi lus su mngon par sprul
104b
te/ bcom ldan 'das rnam par snang mdzad la yongs su bskor ba'i de bzhin gshegs pa thams cad kyi nye 'khor kun tu nyi ma'i dkyil dang / 'od kyi dkyil 'khor dang / byin gyis brlabs pa zla ba'i dkyil 'khor la 'khod par gyur nas bcom ldan 'das rdo rje rnal 'byor gyi dbang phyug chen po la 'di skad ces gsol to/ /bcom ldan 'das/ rdo rje snying po rgyan gyi rgyud las shes rab kyi pha rol tu phyin pa mdor bstan pa'i chos kyi tshig bka' stsal du gsol/ de nas bcom ldan 'das rnam par snang mdzad kyis 'jam dpal gzhon nur gyur pa la bka' stsal pa/ 'jam dpal/ khyod de bzhin gshegs pa la don de yongs su zhu bar sems pa ni/ legs so legs so/ /legs par rab tu nyon la yid la zungs shig dang ngas bshad do/ /de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad du bdag nyid byin gyis brlabs nas sngags kyi tshig 'di dag bka' stsal pa/ dran pa nye bar gzhag pa bzhi ni/ nang gi lus dang / phyi'i lus dang / phyi nang gi lus la lus kyi rjes su lta zhing brtson 'grus can shes bzhin dang ldan pa/ dran pa dang ldan pas 'jig rten gyi chags sems dang / yid me bde ba rnam par bsal cing rnam par spyod do/ /lus la kun 'byung ba'i rje su lta zhing rnam
105a
@#/ /par spyod do/ /lus la zad pa'i rjes su lta zhing rnam par spyod do/ /lus la mi gnas pa'i rnam par spyod cing 'jig rten du gang yang nye bar len pa med do// nang gi tshor ba dang / phyi'i tshor ba dang / phyi nang gi tshor ba dang / nang gi sems dang / phyi'i sems dang / phyi nang gi sems dang / nang gi chos dang / phyi'i chos dang / phyi nang gi chos la chos kyi rjes su lta zhing brtson 'grus can shes bzhin dang ldan pa/ dran pa dang ldan pas 'jig rten gyi chags sems dang / yid mi bde ba rnam par bsal cing rnam par spyod do/ /chos la kun 'byung ba'i rjes su lta zhing rnam par spyod do/ /chos la zad pa'i rjes su lta zhing rnam par spyod do/ /chos la mi gnas pa'i rnam par spyod cing 'jig rten du gang yang nye bar len pa med do/ /rtag tu shes rab kyi pha rol tu phyin pa lus dang / ngag dang / sems dang / chos mnyam pa nyid kyis gnas so/ /oM kAM oM tsa twA ri smr-i t+yu pa pas+thA na na hUM/ yang dag par spong ba bzhi ni/ sdig to mi dge ba'i chos ma skye pa rnams mi skyed pa'i phyir mi dmigs pa'i tshul gyis 'dun pa bskyed cing rtsol lo/ / brtson 'grus rtsom mo/ /sems kyi mthu bskyed do/ /smon lam yang dag par 'debs so/ /sdig to mi dge ba'i chos skyes pa rnams spang ba'i phyir 'dun pa la sogs
105b
pa dang / dge ba'i chos ma skyes pa rnams skyed pa'i phyir 'dun pa bskyed do/ /'bad do/ /brtson 'grus rtsom mo/ /sems rab tu 'dzin to/ /smon lam yang dag par 'debs so/ /dge ba'i chos skyes pa rnams 'phel zhing shin tu rgyas par bya ba dang / sgom pa yongs su rdzogs pa'i phyir 'dun pa bskyed do/ /'bad do/ /brtson 'grus rtsom mo/ /sems rab tu 'dzin to/ /smon lam yang dag par 'debs so/ /chos thams cad don dam par tshad med par rtogs par bya ba'i phyir bcom ldan 'das rdo rje rnal 'byor gyi dbang phyug chen pos 'di bka' stsal to/ /oM samyaka pra hA Na sar+b+ba ta thA ga ta sa ma ta a d+hiSh+Thi te aHraHhUM/ yang dag par spong ba brjod pa zhes bya ba shes rab kyi pha rol tu phyin pa'i sgo'o// rdzu 'phrul gyi rkang pa bzhi ni/ mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang ba sgom par bya'o/ /sems dang / brtson 'grus dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom par byed do/ /shes rab kyi pha rol tu phyin pa don dam pa dang / kun rdzob kyi sgo'i chos thams cad sgyu ma'i mtshan nyid do/ /zhes bcom ldan 'das chos thams cad kyi 'khor los bsgyur bas bka' stsal to/ /oM ri d+hi pA da pA ra mi te la ba pa ra hUM hUM/ rdzu 'phrul gyi rkang pa'i
106a
@#/ /pha rol tu phyin pa mnyam pa nyid kyi ye shes zhes bya ba shes rab kyi pha rol tu phyin pa'o/ /dbang po lnga ni/ /dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /bcom ldan 'das chos thams cad mnyam pa nyid la dbang sgyur bas spros pa med pa'i dbang po 'di dag bka' stsal to/ /oM in+d+ri yA ba bo d+ha pra dz+nye i sheny+dza nA ma n+ya nA ya ga ta ya AHhUM/ dbang po mnyam pa nyid ces bya ba shes rab kyi pha rol tu phyin pa'o/ /stobs lnga ni/ dad pa'i stobs dang / brtson 'grus kyi stobs dang / dran pa'i stebs dang / ting nge 'dzin gyi stobs dang / shes rab kyi stobs so/ /zhes bka' stsal to| |bcom ldan 'das chos thams cad mnyam pa nyid la gnas pa/ stobs thams cad rtogs pa/ spros pa thams cad dang bral ba/ gdod ma nas dag pas 'di bka' stsal pa/ oM sar+b+ba ta thA ga tA ba la aHhUM hUM baH/ stobs 'phel ba zhes bya ba shes rab kyi pha rol tu phyin pa'o/ /changs pa'i gnas pa bzhi ni/ byams pa dang / snying rje dang / dga' ba dang / btang snyoms pa'o/ /oM brah+ma bi hA rA d+hiSh+ThA na kaM maM dru k+ShaM hUM truM/ chos thams cad mnyam pa nyid ces pa shes rab kyi pha rol tu phyin pa
106b
'di bka' stsal to/ /tshangs pa'i gnas pa byin gyis rlob pa'o/ /so so yang dag par rig pa bzhi ni/ spobs pa so sor yang dag par rig pa dang / ngas pa'i tshigs so so yang dag par rig pa dang / don so so yang dag par rig pa dang / chos so so yang dag par rig pa'o/ /zhes bcom ldan 'das chos thams cad sgyu ma'i mtshan nyid du so so yang dag par rig pa'i phyir shes rab kyi pha rol tu phyin pa'o/ /zhes bka' stsal to/ /oM pra ti sam+bi daHswahUM/ shes rab kyi pha rol tu phyin pa mnyam pa nyid do/ /rjes su dran pa drug gang zhe na/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa dang / chos thams cad gcig tu rjes su dran pa ni/ chos thams cad don dam pa stong pa nyid ces bya'o/ /mtshan nyid dang mtshan nyid med pa rnam par dpyod pas mnyam pa nyid kyi sgo zhes bya ba 'di ting nge 'dzin la dbang sgyur bas bka' stsal to/ /oM sarba a nu smr-i ti bud+d+haM saM pa dA di shi hUM hUM hUM/ rjes su dran pa drug gi shes rab bo/ /byang chub kyi yan lag bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag
107a
@#/ /dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ byang chub kyi yan lag mnyam pa nyid skye ba med pa'i mtshan nyid ces bya ba shes rab kyi pha rol tu phyin pa bka' stsal to/ /oM sarba tA bo d+h+yaM ga sa ma tA su pra tiSh+Thi te d+huM baM/ byang chub kyi yan lag bdun zhes bya ba'i shes rab kyi pha rol tu phyin pa'o/ /'phags pa'i lam yan lag brgyad pa gang zhe na/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /lam zad mi shes pa'i byang chub kyi sems chen po la 'jug pa legs par so sor rig pa thams cad mkhyen pa'i ye shes so/ /oM A R+Ya Sh+TIM ga marga mA Ta/ 'phags pa'i lam yan lag brgyad pa nyid ces bya ba shes rab kyi pha rol tu phyin pa'o/ /ting nge 'dzin gsum ni/ stong pa nyid dang / mtshan ma med pa dang / smon pa med pa'o/ /de la stong pa nyid
107b
kyi ting nge 'dzin gang zhe na/ stong pa'i rnam pa dang / dben pa'i rnam pa dang / med pa'i rnam pa dang / rang bzhin med pa'i rnam pa thams cad mtshan nyid gcig tu rtogs pa sems rtsi gcig pa ste/ 'di ni/ stong pa nyid kyi ting nge 'dzin ces brjod do/ /de la mtshan ma med pa'i ting nge 'dzin gang zhe na/ gang la mtshan mar ma byed pa dang / 'dod pa med pa dang / shes pa med pa dang / zhi ba'i rnam pa dang / rnam par bral ba'i rnam pa sems rtse gcig pa ste/ 'di ni/ mtshan ma med pa'i ting nge 'dzin ces bya'o/ /de la smon pa med pa'i ting nge 'dzin gang zhe na/ mi rtag pa'i rnam pa dang / sdug bsngal ba'i rnam pa sems rtse gcig pa ste/ de ni/ smon pa med pa'i ting nge 'dzin ces bya'o/ /chos thams cad rtogs nas smon par mi byed de/ lha 'am lha las gzhan gang yang rung ba don du mi gnyer zhing gsol ba 'debs par yang mi 'dod pa ste/ dngos po thams cad la ting nge 'dzin thams cad kyi sgo yis kyang ngo / /shes rab kyi pha rol tu phyin pa 'di nyid kyis ting nge 'dzin gyi sgo gsum nye bar rtogs par bya'o/ /oM kha sa maHsarba d+harmAHkhaM/ de la stobs bcu ni/ gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang / khams sna tshogs mkhyen pa'i stobs dang / dbang po mchog dang
108a
@#/ /mchog ma yin pa mkhyen pa'i stobs dang / sdug bsngal 'gog pa so sor mkhyen pa'i stobs dang / kun nas nyon mongs pa'i gzhi mkhyen pa'i stobs dang / sngon gyi gnas rjes su dran pa mkhyen pa'i stobs dang / mnges par shes pa lnga mkhyen pa'i stobs dang / zag ba zad pa mkhyen pa'i stobs so/ /de bzhin gshegs pa thams cad kyi mnyam pa nyid so sor rtogs pa'i phyir shes rab kyi pha rol tu phyin pa'o/ /oM da sha ba la sa ma tA tha/ stobs bcu mnyam pa nyid ces bya ba shes rab kyi pha rol tu phyin pa'o/ / rnam par thar pa brgyad gang zhe na/ gzugs can gyi gzugs rnams mthong ba 'di ni/ rnam par thar pa dang po'o/ /nang gzugs med pa'i 'du shes dang ldan pas phyi rol gyi gzugs rnams mthong ba 'di ni/ rnam par thar pa gnyis pa'o/ /bzang bar mos pa 'di ni/ rnam par thar pa gsum pa'o/ /gzugs kyi 'du shes las yang dag par 'das te thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas so/ /zhes te nam mkha' mtha' yas skye mched la nye bar bsgrub te gnas pa 'di ni/ rnam par thar pa bzhi pa'o/ /de rnam pa thams cad du nam mkha' mtha' yas skye mched las yang dag par 'das ta rnam par
108b
shes pa mtha' yas so/ /zhes rnam shes mtha' yas skye mched la nye bar bsgrubs te gnas pa 'di ni/ rnam bar thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te cung zad ma yod do/ /zhes cung zad med pa'i skye mched nye bar bsgrubs te gnas pa 'di ni/ rnam par thar pa drug pa'o/ /rnam pa thams cad du cung zad med pa'i skye mched las yang dag par 'das te 'du shes med 'du shes med man skye mched la nye bar bsgrubs te gnas pa 'di ni/ rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das te 'du shes dang / tshor ba 'gog pa la nye bar bsgrubs te gnas pa 'di ni/ rnam par thar pa brgyad pa'o/ /chos thams cad spros pa med pa'i mtshan nyid kun nas nyon mongs pa med cing rnam par byang ba med pa/ bsam gtan med cing bsam gtan med pa ma yin pa/ snyoms par 'jug pa med cing snyoms par 'jug pa med pa ma yin pa 'di bka' stsal to/ /oM san+ta b+ha dre sarba swa b+hA wa bi shud+d+he d+haM ShaM khaM/ gnas dang gnas ma yin pa dang bral ba zhes bya ba shes rab kyi pha rol tu phyin pa'o/ /mi 'jigs pa bzhi gang zhe na/ bdag gis yang dag par rdzogs pa'i sangs rgyas so/ /zhes dam bcas na /chos 'di rnams
109a
@#/ /mngon par rdzogs par sangs ma rgyas so/ /zhes bya bar bdag la dge sbyong ngam/ bram ze'am/ lha'am/ bdud dam/ tshangs pa'am/ skye rgyu'i tshogs gzhan ci yang rung ste 'jig rten na chos dang ldan par rgol bar 'gyur ro/ /zhes bya ba'i rgyu yang dag par rjes su ma mthong ste/ rgyu yang dag par rjes su ma mthong bas de la bdag bde ba thob pa dang / bag tsha ba med pa thob pa dang / mi 'jigs pa thob pa rnam par spyod de/ khyu mchog rlabs po che'i gnas su dam bca'o/ /'khor gyi nang du seng+ge'i sgra sgrog go / tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ skye rgu'i tshogs gzhan sus kyang rung ste/ chos dang ldan par bskor bar mi nus pha bdag gis rab tu bskor bar bya'o/ /bdag zag pa zad do/ /zhes dam bcas nas de la zag pa 'di rnams yongs su zad par ma gyur to/ /zhes bya bar bdag la dge sbyong ngam/ bram ze'i lha'am/ bdud dam/ tshangs pa'am/ skye rgu'i tshogs gzhan su yang rung ste 'jig rten na chos dang mthun par zhes bya ba'i bar du'o/ /gang yang bdag gis bar chad kyi ches su bstan pa de dag la brten na bar chad kyi chos su mi 'gyur ro/ /zhes bya ba rgyas par sbyar ro/ /gang yang bdag gis lam 'phags pa'i
109b
'byung brtogs par 'gyur ba de byed pas sdug bsngal yang dag par 'gyur bar bstan pa de dag la nan tan byas nas sdug bsngal yang dag par zad par 'gyur bar mi 'byung ngo // zhes dge sbyong ngam/ bram ze'am/ lha'am/ bdud dam/ tshangs pa'am/ skye rgu'i tshogs su yang rung ste 'jig rten na chos dang ldan par rgol bar 'gyur ro/ /zhes bya ba'i rgyu yang dag par rjes su mi mthong ba la sogs pa ji ltar gyur pa thams cad yongs su spros te brjod par bya'o/ /mi 'jigs pa ni/ chos thams cad mnyam pa nyid sgyu ma'i mtshan nyid de/ ngar 'dzin pa dang / nga yir 'dzin pa dang bral ba'i phyir ro/ /oM bai sha ra bya sa ma tA brap+ta a A aM aH/ mthar gyis gnas pa'i mnyam pa nyid kyi snyoms par 'jug pa dgu gang zhe na/ 'dod pas dbed pa/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang / rnam par dpyod pa nye bar zhi nas nang yongs su dang ste sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ /de dga' ba'i 'dod chags dang bral bas btang snyoms su gnas
110a
@#/ /te dran pa dang ldan zhing shes bzhin can bde ba lus kyis myong la/ 'phags pa rnams kyis de la dran pa dang ldan pa'i bde ba la rnam par spyod pa btang snyoms ba'o| |zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs sdug bsngal ba yang spangs shing yid bde ba dang yid mi bde ba snga nas kyang nub pas bde ba yang med/ sdug bsngal ba yang med/ sdug bsngal ba yang med/ btang snyoms pa dang dran pa yongs su dag pa bsam gtan bzhi pa la nye bar bsgrubs te gnas so/ /de rnams pa thams cad du gzugs kyi 'du shes las yang dag par 'das te thogs pa'i 'du shes rnams nub par gyur cing / sna tshogs kyi 'du shes yid la mi byed pas nam mkha' mtha' yas so/ /zhes te nam mkha' mtha' yas skye mched la nye bar grubs te gnas so/ /de rnam pa thams cad du nam mkha' mtha' yas skye mched las yang dag par 'das te dam par shes pa mtha' yas so/ /zhes rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te cung zad ma yod do/ /zhes cung zad med pa'i skye mched la nye bar bsgrubs te gnas so/ /de rnam pa
110b
thams cad du cung zad med pa'i skye mched las yang dag par 'das te 'du shes med 'du shes med min skye mched la nye bar bsgrubs te gnas so/ /de rnam pa thams cad 'du shes med 'du shes med min skye mched las yang dag par 'das te 'du shes dang / tshor ba 'gog pa la nye bar bsgrubs te gnas so/ /rnam par thar pa brgyad po dang mnyam pa nyid rjes su thob nas dngos por rtog par mi byed/ /dngos po med par rtogs pa mi byed/ chos thams cad gnyis su med par rtogs so/ /'di ni/ mthar gyis gnas pa'i snyoms par 'jug pa dgu mnyam pa nyid do/ /oM a nan+taH bi mo k+Shu mu She shuM/ dngos po thams cad mthar gyis gnas pa'i rnam par thar pa mnyam pa nyid ces bya ba shes rab kyi pha rol tu phyin pa'o| |de la pha rol tu phyin pa bcu gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / smon lam gyi pha rol tu phyin pa dang / ye shes kyi pha rol tu phyin pa dang / stobs kyi pha rol tu phyin pa dang / thabs kyi pha rol tu phyin pa dang / thams cad kyi pha rol tu phyin pa dang / mi mnyam pa dang mnyam pa'i pha rol tu phyin pa dang / spros pa med
111a
@#/ /pa'i pha rol tu phyin pa dang / yang dag pa'i don gyi pha rol tu phyin pa dang / chos thams cad kyi de kho na nyid kyi don gyi pha rol tu phyin pa dang / rdo rje'i pha rol tu phyin pa dang / rin po che'i pha rol tu phyin pa dang / pad+ma'i pha rol tu phyin pa dang / las kyi pha rol tu phyin pa dang / chos thams cad mnyam pa nyid kyi pha rol tu phyin pa ste| bstan pa'i rjes su rtogs pa'i sbyor bas so/ /oM sarba pA ra mi ta ar+tha pa ri pU ra Ni/ oM braM hUM taM/ thams cad kyi pha rol tu phyin pa zhes bya ba shes rab kyi pha rol tu phyin pa'o| |de las bcu pa gang zhe na/ rab tu dga' ba zhes bya ba'i sa dang / dri ma med pa zhes bya ba'i sa dang / 'od byed pa zhes bya ba dang / 'od 'phro ba zhes bya ba dang / sbyang dka' ba zhes bya ba dang / mngon du gyur pa zhes bya ba dang / ring du song ba zhes bya ba dang / mi g.yo ba zhes bya ba dang / legs pa'i blo gros zhes bya ba dang / chos kyi sprin zhes bya ba dang / sa thams cad don gcig ste/ 'di ltar ye shes kyi don to/ /ye shes kyang ci yang med pa/ nyon mongs pa med pa/ yi ge med pa/ don yod pa/ gdong ma nas dag pa/ dri ma med pa/ 'od gsal ba/ brjod pa dang bral ba zhes bya ba'i don to/ /oM b+hu mi bi sho d+ha ni sarbA r+tha ba ri pU ra Ni baM b+huM/ sa yongs su sbyong ba zhes bya ba shes rab kyi pha
111b
rol tu phyin pa'o/ /byang chub sems dpa'i gnas pa bcu gang zhe na/ byang chub sems dpa' sems dang po bskyed pa dang / gzhon nur gyur pa dang / las dang po pa dang / rnal 'byor spyod pa dang / skye ba nas skye bar sbyor ba dang ldan pa dang / bsam pa dang ldan pa dang / phyir mi ldog pa dang / dbang bskur ba thob pa dang / skye ba gcig gis thogs pa dang / byang chub sems dpa' rnams kyi rnam par gnas pa dang / mi gnas pa dor ba ste/ don dam par gnas pa gcig yin pa'i phyir te/ 'di ltar gnas pa med pa'o/ /oM sarba b+h+ya bas+thA na bi ga te hUM| rnam par gnas pa med pa zhes bya ba'i shes rab kyi pha rol tu phyin pa'o/ /byang chub sems dpa' rnams kyi dbang bcu gang zhe na/ tshe la dbang ba dang / las la dbang ba dang / yo byad la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / ye shes la dbang ba dang / chos la dbang ba dang / sems la dbang ba'o/ /dbang ba dang mi dbang ba rang bzhin gyis rnam par grol ba thams cad la dbang ba/ dbang phyug thams cad la dbang rjes su thob pa/ chos thams cad dang legs par rab tu ldan pa'i phyir ro/ / oM sarba ba shi te treM hruM hUM/ thams cad la dbang ba zhes bya ba shes rab kyi pha rol tu phyin pa'o/ /de la sangs rgyas kyi chos ma 'dres pa bco brgyad gang zhe na/ de bzhin gshegs pa
112a
@#/ /la 'khrul pa mi mnga'o/ /ca co mi mnga'o/ /dgongs pa nyams pa mi mnga'o/ /thugs mnyam par ma bzhag pa mi mnga'o/ /'du shes sna tshogs mi mnga'o/ /ma brtags pa'i btang snyoms mi mnga'o/ /mos pa yongs su nyams pa mi mnga'o/ /brtson 'grus yongs su nyams pa mi mnga'o/ /dgongs pa yongs su nyams pa mi mnga'o/ /ting nge 'dzin yongs su nyams pa mi mnga'o/ /shes rab yongs su nyams pa mi mnga'o/ /rnam par grol ba yongs su nyams pa mi mnga'o/ /rnam par grol ba'i ye shes gzigs pa yongs su nyams pa mi mnga'o/ /'das pa'i dus la ma thogs ma chags pa'i ye shes gzigs pa 'jug go /ma 'ongs pa'i dus la ma chags ma thogs pa'i ye shes gzigs pa 'jug go /da ltar byung ba'i dus la ma chags ma thogs pa'i ye shes gzigs pa 'jug go /sku'i 'phrin las thams cad ye shes sngon du 'gro ba ste/ ye shes kyi rjes su 'brang ngo / /gsung gi 'phrin las thams cad ye shes sngon du 'gro ba ste/ ye shes kyi rjes su 'brang ngo / /thugs kyi 'phrin las thams cad ye shes sngon du 'gro ba ste ye shes kyi rjes su 'brang ngo / /de bzhin gshegs pa thams cad ni/ yul thams cad du dus thams cad kyi tshe thams cad mnyam pa nyid la legs par rab tu gnas
112b
pa ste/ stong pa nyid la yang dag par rjes su rtogs pa nyid kyi phyir na/ shes rab yongs su dag pa'o/ /oM a we Ni ka bud+d+ha d+harma sa ma te aH bI ra hUM khaM/ ma 'dres pa mnyam pa nyid ces bya ba'i shes rab kyi pha rol tu phyin pa'o/ /de la skyes bu chen po'i mtshan sum cu rtsa gnyis rnams ci zhe na/ phyag dang zhabs kyi mthil 'khor los mtshan pa nyid de/ 'di yi phyag dang zhabs kyi mthil dag la 'khor lo rtsibs stong can lte ba dang bcas pa/ mu khyud dang bcas pa rnam pa thams cad yongs su rdzogs pa'o/ /phyag dang zhabs gyi mthil legs par gnas pa ste/ zhabs kyi mthil thams cad kyis sa gzhi la reg cing de yang 'di'i mtho ba ni/ dma' ba dang / dma' ba ni/ mtho ba'o/ /phyag dang zhabs kyi sor mo dang pa'i rgyal po lta bu dra bas 'brel pa ste/ de bzhin gshegs pa rnams kyi phyag dag dang zhabs de dag gser gyi mdog can gyi ri mo'i phreng ba rnams kyis rkang pa brgyad pa bzhin du mdzes pa'o/ /phyag dang zhabs 'jam zhing gzhan sha chags pa nyid de/ bcom ldan 'das 'di'i phyag dang zhabs dag ras bal 'jam po bzhin dang skyes nas zla ba lon pa'i byis pa bzhin du gzhon sha can dang / kA tsa lin da ltar 'jam pa/ reg na bde ba'o/ /bdun mtho bar gyur te phyag gnyis dag dang / zhabs gnyis dag dang /
113a
@#/ /phrag gong dag dang / mgrin pa'i phyogs gcig go /sor mo ring ba ste/ 'di yi zhabs kyi sor mo rnams rim gyis ring ba nyid do/ /rtings pa yangs pa ste/ 'di'i rting ba che zhing zhabs kyi rjes su 'tsham par yangs par 'gyur ro/ /sku che zhing drang ba nyid de/ 'phye bo ma yin zhing / zhom pa ma yin/ ma tshang ba ma yin/ 'thas pa ma yin| legs par skyes pa/ rnam pa thams cad pa/ bdun dang ldan pa'i sku ste/ mtho ba 'di'i srid dang rjes su 'tsham pa'i zhing du 'gyur ro/ /zhabs 'bur mi mngon pa nyid de| 'di'i pus mo dang long bu mtho bar 'gyur ro/ /ba spu'i rtse mo gyen du phyogs pa ste/ 'di'i ba spu rnams rtse mo gyen du phyogs bar 'gyur zhing / ba spu rnams g.yas phyogs su 'khyil la 'khor ba mig sman gyi mdog can rnams te/ de rnams kyis gser gyi mdog can gyi sku mngon par gsal bar byed do/ /byin pa ri dwags e na ya'i lta bu ste| bcom ldan 'das kyi byin pa dag zlum pa ri dwags e na ya rnams kyi lta bu'o/ /phyag ring zhing mdzes pa ste/ rgyas shing ma btud pa nyid du phyag mthil dag gis rang gi pus mo'i lha nga la reg pa'o/ /'doms kyi sba ba sbubs su nub pa ste/ spubs kyis rab tu g.yogs pa glang po che'i gsang gnas lta bur 'gyur ro/ /sku mdog gser
113b
'dra ba ste/ 'di'i kha dog gser lta bur 'gyur ro/ /pags pa srab pa ste/ shin tu 'jam pa gser shog ltar 'jam pa'i pags pa can du 'gyur zhing rdul med pa'i na bza' 'dzin pa'o/ /spu re re nas skyes pa ste/ 'di'i ba spu'i khung bur spu rnams re rer 'gyur ro/ /smin ma'i dbus na mdzod bu can te/ 'di'i smin ma dag gi dbus na ras skud legs pa lta bu dung bcag pa'i mdog can g.yas phyogs su 'khyil bar 'gyur te/ mdzod spu nyid gyis zhal gser gyi kha dog lta bu shin tu gsal bar byed do/ /sku stod seng+ge lta bu ste/ 'di yi sku stod du yangs pa seng+ge'i lta bur 'gyur ro/ /dpung mgo zlum pa ste/ yongs su zlum pa'i mgrin pa can du 'gyur ro/ /thal gong rgyas pa ste/ 'di'i nye bar rgyas par 'gyur zhing gser shog bzhin du rnam par gsal ba'i mgrin pa can no/ /yan lag so so rnams su ro rnams myong bar byed do/ /zhes pas na/ ro bro ba'i mchog dang ldan pa nyid do/ rtsa rnams yin la/ de rnams kyi mchog tu rlung dang / mkhris pa dang / bad kan la sogs ba rnams kyis ma dkrugs pa nyid kyi phyir yang dag par gsal ba'o/ /shing n+ya gro d+ha ltar chu zheng gab pa skyes bu chen po'i chu dang zheng dag mnyam pa'o/ /dbu gtsug tor dang ldan pa ste/ dbu zlum par 'gyur zhing gtsug tor gdugs lta bus yas bkag pa gtsug
114a
@#/ /tor yang shin tu mtho ba'o/ /ljags ring ba ste/ snyan gyi mtha'i bar du ljags kyi rtse mas reg par byed cing / dbu skra'i mthar thug par yang dpral ba'i mthar ljags kyis khebs pa'o/ /tshangs pa'i dbyangs te/ 'khor stong phrag du mar dbyangs nang du ji lta ba de ltar phyi rol du'ang thos shing / bya ka la ping+ka'i bzhin du snyan pa nyid du 'gyur ro/ /'gram pa seng+ge lta bu ste/ 'gram pa dag seng+ge'i bzhin du zlum por 'gyur ro/ /tshems dkar ba ste/ dung dang / kun da dang / zla ba'i kha dog can gyi tshems rnams so/ / tshems mnyam pa ste/ ha cang dma' ba ma yin/ mtho ba ma yin/ mi mnyam pa ma yin pa'i rtse mo can gyi chos rnams su 'gyur ro/ /tshems thags bzang ba ste/ tshems rnam par med pa'o/ /tshems bzhi bcu mnga' ba ste/ tshems 'og tu nyi shu dang / steng du tshems nyi shu'o/ /spyan mthon mthing ste/ spyan dag gi sngon po gang yin pa de shin tu rnam par dag par 'gyur te/ ri mo dmar mo rnams dang ma 'dres pa nyid kyi phyir la/ gang dkar po yin pa de dkar po kho na shin tu rnam par dag par 'gyur ro/ /rdzi ma ba'i lta bu ste/ spyan gyi rdzi ma rnams khyu mchog gi bzhin du gang 'og ma yin pa de rnams 'og kho na dang / gang steng ma yin pa de rnams steng kho nar gnas pa/ ma 'dzings pa/ legs par gzhol
114b
pa'o| |sems can 'ga' zhig rnams kyis de bzhin gshegs pa gser gyi mdog can du mthong ba/ 'ga' zhig rnams kyis shel gyi mdog can du mthong ba/ 'ga' zhig rnams kyis pad+ma rA ga'i kha dog dang / 'ga' zhig rnams kyis in+d+ra ni la'i kha dog can dang / 'ga' zhig rnams kyis mu tig dmar po'i kha dog can dang / 'ga' zhig rnams kyis dung dang kun da dang zla ba ltar dkar ba dang / 'ga' zhig gis kha dog sna tshogs pa dang / 'ga' zhig gis nam mkha'i kha dog can dang / 'ga' zhig gis khru phyed dang bcu gsum pa'i tshad dang / ji srid du dpag tshad 'bum gyi tshad dam/ dpag tshad bye ba'i tshad dang / ji srid du 'jig rten gyi khams rab 'byams rgya mtsho'i sprin mtha' yas pa rnams su snang bar mdzad pa'i 'od kyi dkyil 'khor can dang / stong gsum gyi stong chen po'i 'jig rten gyi khams snang bas yongs su rgyas par mdzad pa dang / ji srid du me tog gi gzhi'i snying po'i rgyan bkod pa'i rgya mtsho rnams snang bar byed cing / chos kyi dbyings kyi mthar thug pa'i bar du ste/ sangs rgyas thams cad kyi yul gdul bya'i dbang las thams cad snang bar byed cing 'jig rten gyi khams thams cad dbyangs kyis rnam par rig par mdzad pa dang / stong gnyis dang / gsum dang / ji srid nam mkha'i mthar thug pa'i bar
115a
@#/ /thams cad 'od dang / dbyangs kyis snang bar byas nas rnam par rig par mdzad pa dang / chos dang / zang zing dang / don mthun pa dang / don bya ba'i bsdu ba'i dngos po bzhi rnams kyis sems can rnams la phan 'dogs shing / phan btags nas byang chub chen po la rab tu dgod par mdzad do/ /skyes bu chen po'i mtshan sum cu rtsa gnyis mnyam pa nyid kyis chos rnams thams cad mnyam zhing mnyam pa ste/ lha rnams kyi mtshan mngon par 'grub par blta bar bya ba'i mtshan ma yin pa mngon par 'grub pa ni/ ma yin no/ /byang chub mtshan nyid med pa nyid kyi phyir chos rnams thams cad mtshan nyid med pa ste/ 'di lta ste/ stong pa nyid kyi mtshan nyid can no/ /lha thams cad kyang stong pa nyid du mnyam pa'o/ /lha thams cad dang / byang chub dang / chos rnams thams cad kyang mtshan nyid gcig pa ste/ 'di lta ste/ nam mkha'i mtshan nyid can/ stong pa nyid kyi mtshan nyid can/ zhi ba'i mtshan nyid can rnams so/ /oM sar+b+ba ta thA ga tA ba ra lak+Sha na sa ma tA d+harmA te AM/ mtshan thams cad mnyam pa nyid ces bya ba'i shes rab kyi pha rol tu phyin pa'o/ /dpe byad brgyad cu rnams ci zhe na/ sangs rgyas bcom ldan 'das rnams ni/ sen mo zangs kyi mdog lta bur 'gyur te/ sen mo snum pa dang / sen
115b
mo mtho ba dang / sor mo rnams zlum par 'gyur ba dang / sor mo rnams rim gyis phra ba dang / sor mo rnams rgyas pa dang / rtsa mi mngon pa dang / rtsa rnams mdud pa med pa dang / long bu mi mngon pa dang / zhabs mi mnyam pa med par mtshungs pa dang / glang po che'i stabs su gshegs pa dang / seng+ge'i stabs su gshegs pa dang / g.yas phyogs su ldog cing gshegs pa dang / drang por gshegs pa dang / mdzes par gshegs pa dang / rim gyis gshegs pa dang / che zhing yangs la yongs su gyur pa'i pus mo'i lha nga can dang / mtshan yongs su rdzogs pa dang / gom pa snyoms pa dang / sku rnam par dag pa dang / sku 'jam pa dang / sku rnam par dang ba dang / sku zhum pa med pa dang / sku sgru ba med pa dang / kun tu spyod pa gtsang ba dang / khyu mchog ltar kun nas rab tu dang ba can dang / gzigs pa yongs su dag cing mngon par 'dod pa la mnyam pa'i 'od can dang / sku zlum pa dang / sku skabs phyin pa dang / sku ma rnyongs pa dang / sku skad gzhu'i lag bcags lta bu dang / lte ba zab pa dang / lte ba mi yo ba dang / lte ba g.yas phyogs su 'khyil ba dang / lte ba thogs pa med pa dang / yan lag dang / nying lag shin tu rnam par 'byes pa dang / pags pa skyon dang bral ba dang / gnag bag dang / sme ba med pa dang / sku brtan pa dang / phyag shing ba
116a
@#/ /lta bu dang / phyag yangs pa dang / phyag gi ri mo snum pa dang / phyag gi ri mo mi yo ba dang / mchu bim pa lta bu dang / zhal ha cang mi ring ba dang / mnyen zhing srab la dmar ba'i ljags dang / glang po che'i nga ro can dang / snyan cing mnyen pa'i dbyangs dang / sgra phun sum tshogs pa dang / dbyangs 'jam pa dang / shangs mtho ba dang / mche ba zlum pa dang / mche ba dkar ba dang / mche ba byin gyis phra ba dang / spyan gtsang ba dang / spyan yangs pa dang / spyan mthon mthing dang / rdzi ma nag pa dang / smin ma sdug pa dang / smin ma 'jam pa dang / spyan dkar nag 'byes shing pad+ma'i 'dab ma lta bu dang / smin tshugs ring ba dang / smin ma'i spu nag pa dang / smin ma'i spu phra ba dang / smin ma rjes su mthun pa dang / kha dog ma nyams pa dang / snyan mi mnyam pa med pa dang / snyan skyon dang bral ba dang / dbang po thams cad ma nyams zhing skyon dang bral ba dang / yongs su rdzogs shing mtho la mchog tu gnas pa'i zhal gdong dang dpral ba can dang / dbu shin tu rgyas pa dang / dbu skra nag pa dang / dbu skra stug pa dang / dbu skra 'jam pa dang / dbu skra dri zhim pa dang / dbu skra mnyam pa dang / dbu skra snum pa dang / dbu skra ma 'khums pa dang / dbu skra ma 'khrugs pa dang / dpal be'u dang / bkra shis dang / g.yung drung 'khyil bas
116b
brgyan pa dang / rgyal mtshan yang dag par gnas pa dang / dpral ba dung lta bu dang / dbu mchog tu mtho ba dang / gtsug tor yar 'phags pa dang / dbu gdugs kyi rnam pa can dang / kun nas mdzes pa ste/ de bzhin gshegs pa rnams ni tshad med pa'i dpe byad can mnyam pa nyid la legs par rab tu gnas pa gsal byed dang gsal byed ma yin pas mnyam pa nyid la legs par rab tu gnas pa/ chos thams cad gsal byed med par mnyam pa nyid la rab tu legs par gnas pa/ mtshan dang dpe byad thams cad sgya ma'i chos dang ldan pa la legs par rab tu gnas pa/ dus gsum gyi dpe byad mnyam pa nyid rdo rje lta bu mnyam pa nyid thob pa/ stong pa nyid kyi chos thams cad dang / dpe byad mnyam pa nyid thob pa/ gnyis su med pa'i don la legs par yang dag par zhugs pa rnams so/ /zhes pa'o/ /oM a nu pyany+dza na sa ma tA su pra tiSh+Tha ti badz+ra dz+nyA na hUM laM aM/ dpe byad mnyam pa nyid ces bya ba'i shes rab kyi pha rol tu phyin pa'o/ /de nas bcom ldan 'das de bzhin gshegs pa thams cad slar yang 'dus par gyur nas bcom ldan 'das rdo rje rnal 'byor gyi dbang phyug chen po can la legs so/ /zhes bya ba rnams kyis mnyes par mdzad do/ /oM byang chub sems chen khyod legs so/ /sangs rgyas kun gyi bdag nyid mchog /
117a
@#/ /sangs rgyas chos chen khyod legs so/ /tshad med ched du khyod legs so/ /shes rab dam pa'i ched du yang / /mdo sde 'di ni legs par bshad/ /sangs rgyas snga mas ma gsungs pa'o/ /de nas bcom ldan 'das rdo rje rnal 'byor can gyi dbang phyug chen pos lha rnams thams cad la phyag 'tshal ba bzhis mngon par dgyes par mdzad do| |sangs rgyas kun khyod la phyag 'tshal/ /chos kyi sku yi mchog gi mchog /gdod ma'i sngags kyi don nyid la/ /rdo rje ye shes stobs chen la/ /shin tu sgrib med zhi ba la// rdo rje chos rnams legs gnas pa/ /theg pa chen po'i go 'phang thob/ /thugs rje'i bdag nyid can gyi lha/ /gdod nas dag pa dpa' bo che/ /dbang phyug dam pa mchog gi mchog /dam chos mchog tu 'gyur ba med/ /bde gshegs de rnams la phyag 'tshal/ /ces pa'o/ /na mo stu te/ oM mAM hUM hUM na mo stu te swAhA/ 'di ni brjod pa tsam zhig gis| |sangs rgyas thams cad rab mchod pa'o/ /zhes pa'o/ /de nas bcom ldan 'das rnam par snang mdzad chen pos de bzhin gshegs pa thams cad bos nas 'di skad cas gsungs so/ /bcom ldan 'das de bzhin gshegs pa rnams thams cad dngos grub thams cad kyi dkyil 'khor bskyed par mdzad du gsol/ de nas bcom ldan
117b
'das de bzhin gshegs pa rnams thams cad slar yang 'dus par mdzad nas bcom ldan 'das rdo rje rnal 'byor can gyi dbang phyug chen po la gsol ba btab pa/ bcom ldan 'das| khyod nyid kyi rigs thams cad kyi 'khor lo bskyed par mdzad du gsol/ de nas bcom ldan 'das rdo rje rnal 'byor gyi dbang phyug chen pos gsol ba btab pa'i gsung gi de ma thag kho nar 'jam dpal gzhon nur gyur pa la bos te bka' stsal pa/ 'jam dpal/ de bzhin gshegs pa rnams thams cad kyi byang chub kyi snying po nyon cig ces te/ de nas 'di las yang dag bshad/ /byang chub dkyil 'khor bla na med/ /rdo rje ye shes gsang ba mchog /sangs rgyas skyob pa thams cad kyi'o/ /dben pa'i sa gzhi nyams dga' ba/ / me tog phreng bas rnam brgyan pa/ /kun tu sna tshogs cha bzang ba/ /kun tu sna tshogs sdom par ni/ /kun nas sna tshogs bya ba rnams/ /dam pa'i don du bsgrub par bya/ /ri yi mchog gam grong khyer ni/ /me tog 'bras bus rnam brgyan pa/ /der gnas sngags pas dngos grub mchog /gal te 'dod na yang dag bri/ /gtsug lag khang dang dgon pa'i gnas/ /ri steng rnams su kun nas ni/ /sangs rgyas kun gyi bya ba rnams/ /dam pa'i don du bsgrub par bya/ /ma mo'i gnas dang zhi ba'i gnas/ /dur khrod lha yi gnas su
118a
@#/ /ni| |rdo rje 'dzin dpal bya ba rnams/ /don dam par ni bsgrub par bya/ /pad+ma'i skyed mos tshal kun dang / /chu bo 'dus pa rnams su yang / /phyag na pad+ma dpal bya ba| |dam pa'i don du bsgrub par bya/ /rgyal po'i pho brang nyams dga' ba/ /rgyal po'i skyed tshal rnams su ni/ /rdo rje rin chen de yi ni/ /rin chen bya ba rnams bsgrub bya/ / rtags gcig pa dang ba lang gnas/ /chu klung 'dus pa rnams su yang / /sna tshogs bya ba thams cad rnams/ /dam pa'i don du bsgrub par bya/ /dpal ldan rdo rje sems dpa' dang / /lha rnams gnas mchog kun tu'o/ /nam mkha' 'am ni phyogs gzhan du/ /gang du mnyam par bzhag pa der/ /rtag pa bsod nams mchog gyur pa/ /bya ba thams cad bsgrub par bya/ /phyogs kun mnyam nyid gnas dkyil 'khor/ /shes rab can gyis thig gdab bya/ /shar lho nub dang byang rnams kyis/ /phyogs su dkyil 'khor thig brgyad pa'o/ /de yi phyi ru 'khor lo ni/ /kha dog lnga pa cher 'bar ba'o/ /gru bzhi pa la sgo bzhi pa/ /rta babs bzhi yis mdzes pa ste/ /sna tshogs gos dang me tog phreng / /rnga yab sogs kyis rnam brgyan pa/ /dkyil 'khor kun la gnas pa yi/ /sgo nang sgo khyud mtshams rnams su'o/ /rdo rje rin chen rnams kyis spras/ /dkyil
118b
'khor thams cad bri bar bya/ /dkyil 'khor de yi dkyus su ni/ /gal te dngos grub mchog 'dod na/ /zla ba'i dkyil 'khor la gnas par/ /sangs rgyas gzugs brnyan bri bar bya/ /shar du bcom ldan 'khor lo bya/ /rdo rje sems dpa' yang dag ldan/ /'khor los bsgyur ba thams cad ni/ /sgeg bar bcas pa kun bri bya/ /lho ru gtsug tor dkar po ni/ /rin chen 'bar ba yang dag ldan/ /gtsug tor dkar po'i ngos su ni/ /rdo rje gzi brjid la sogs bri/ /byang du brtson 'grus chen po ni/ /gzi brjid phung po stobs po che/ /sna tshogs rdo rje sogs bcas pa| |rim pas kun nas bri bar bya/ /rdo rje rnal 'byor can gyi ni/ /dbang phyug mgon po'i nub phyogs su/ /gtsug tor rgyal ba brtson 'grus che/ /rdo rje chos sogs dang bcas ba/ / thams cad sngags pas bri bar bya/ /gal te dngos grub mchog 'dod na/ /dbang ldan phyogs su 'phags pa gnas/ /me mtshams su ni cher 'phags so/ /bden bral du ni rnam rgyal nyid/ /rlung du de bzhin rnam 'phro ba'o/ /rdo rje sems dpa' sems dpa' che/ /sems dpa' kun gyi mdun du ni/ /zla ba'i dkyil 'khor dbus gnas pa/ /gsal zhing 'bar 'khrigs 'od zer can/ /mkhas pas dkyil 'khor rnams su ni/ /mchod pa rnams ni bzhag byas te/ /sgeg mo la sogs mchod pa che/ /de bzhin gzugs sgra la sogs
119a
@#/ /dang / /bdug pa la sogs gsang chen po/ /sgo skyong ba ni bzhi yin te/ /phyi yi dkyil 'khor gnas rnams su/ /kun tu bzang po sogs rnams bri/ /de ltar dkyil 'khor bri bya ste/ /mchod pa byas nas snga ma bzhin/ /de bzhin 'jug pa sogs byas la/ /sgrub pa'i thabs ni brtsam par bya/ /rdo rje rnal 'byor dbang phyug sogs/ /dkyil 'khor mngon sum mthong ba las/ /snga ma rtog pa ji bzhin du/ /phyi nas de bzhin bri bar bya/ /bsod nams ji bzhin dkyil 'khor rnams/ /thams cad tshon gyis rab brtags pa| |rang gi lhag pa'i lha ngo bos/ /dkyil 'khor thams cad bri byar 'gyur/ /rang lha'i bdag nyid rnal 'byor gyis/ /dkyil 'khor thams cad rab tu grub/ /cho ga sman dang lhag pas kyang / /'grub par 'gyur te skyon ma yin/ /kun tu sna tshogs skal bzang ba/ /kun nas sna tshogs 'khor lo can/ /'khor los bsgyur ba bdag nyid che'i/ /rin chen bdun gyi mchod pa che/ /yongs su rdzogs pa'i zla ba ltar/ /dkyil 'khor bdud rtsi 'byung zhes bya/ /sangs rgyas rdo rje 'dzin sogs kyis/ /dkyil 'khor 'di ni bshad byas pa'o/ /phyag na pad+ma bdag nyid che/ /pad+ma'i rnam par brtag shes bya/ /rin po che yi rin chen rnams/ /dkyil 'khor sna tshogs rnam pa'o/ /dkyil 'khor dman zhing
119b
dam tshig rnams/ /dor bar byas pa de nyid ni/ /gsang ba shes pa ma yin na/ /sgrub pa'i thabs ni 'grub mi 'gyur/ /de phyir gsang ba thams cad kyi/ /dkyil 'khor thams cad lta ba ni| |gal te dngos grub mchog 'dod na/ /gdon mi za bar rtag tu bya/ /bla ma la ni yon phul nas/ /rjes su rim pas bsgrub par bya/ /brtan pa'am ni g.yo ba yi/ /rdzas rnams ji snyed thams cad de/ /rtsa ba me tog 'bras bu sogs/ /bu mo legs par brgyan byas dang / /'dod pa'i chung ma phul byas nas/ /slar yang rin gyis blu bar bya/ /grong dang de bzhin gtsug lag khang / /kun dga' ra sogs rgyal srid mchog /gang la sbyin bya cung zad yod/ /'tsho ba de ni sbyin par bya/ /bdag gi dngos po yongs gtong ba/ /sangs rgyas thams cad rab mchod pa'o/ /bla ma la ni yon phul nas/ /gsang ba dam pa rmad byung ba/ /mngon par dbang bskur de nas bya/ /'dab ma brgyad pa yid 'ong la/ /slob ma bzhag nas yan lag kun/ /phyag rgya kun nas bcings byas nas/ /khams kun rang bzhin rtsa ba dang / /sa bon 'bras bu dud pa yi/ /bum pa rnams kyis dbang bskur te/ /sangs rgyas phreng ba'i dbang bskur las/ /spyi bo dang ni dpral ba dang / /gzhogs dang de bzhin rgyab tu yang / /sangs rgyas rin chen chen po kun/ /cod pan mchog tu mi 'gyur ba'o/ /dpal
120a
@#/ /ldan sangs rgyas gtsug nor bu/ /gdugs dkar steng na gnas pa'o/ /rgyal srid kun gyi dbang bskur gyis/ /yang dang yang du dbang bskur bya/ /dpal kun gyis ni mngon mtho ba/ /zhes bya'i dbang bskur bshad pa'o/ /khams kun rang bzhin glang po dang / /rta ni mchog tu 'bar ba'am/ /seng+ge'i gdan gnas dbang bskur ba/ / dpal gyi sngags ni rjod byed cing / /dpal gyis mngon mtho zhes bya ba'i/ /dam pa'i don gyis dbang bskur ba/ /bkra shis sam ni dpal be'u/ /gang yang bris nas dbang bskur bya| |sangs rgyas dpa' bo thams cad kyis/ /rnam rgyal dbang bskur zhes bshad do/ /tsan+dan chu dang bum pa che/ /gzhan gyis mi thub sman blugs pa/ /kun nas dbang bskur ched du ni/ /rtag tu shes rab can gyis brtag /gzhan gyis mi thub dbang bskur mchog /dkyil 'khor gang gang bris byas nas/ /phyag rgya gang dang gang bkod pa/ /de ni de dang de brtag bya/ /de rnams phyag rgya dam par bshad/ /dbang bskur ched du sangs rgyas rnams/ /lha de rnams ni yid du 'ong / /sman gyi dam pa mchog gyur pa/ /sangs rgyas kun gyis rab tu bshad/ /tsan+dan dang ni rgya spos dang / /ga bur de bzhin gur gum dang / /a ga ru dang lha yi shing / /tsan+dan dmar po nyid dang ni/ /siM hA byA g+h+ri de
120b
bzhin mchog /kun nas sa ha de ba dang / /gi ri kar+Na tshangs mchod sbyin/ /sman gyi dam pa rnams su bshad/ /lhag gnas kun gyi sbyor ba yis/ /sangs rgyas mchod pa rab 'jug cing / /dang po rdo rje dbang bskur ba/ /shes rab thams cad rab 'jug byed/ /rin chen dam pa'i dam pa ni/ /gser la sogs kyis thams cad nas/ /sman kun dang ni sa bon kun/ / 'bru rnams thams cad bzang po ni/ /sangs rgyas byin rlabs rnal 'byor las/ /dbang bskur don du rab brtag bya/ /sangs rgyas kun gyi rnal 'byor che/ /dbang bskur dam pa 'od 'bar ba'o/ /sangs rgyas kun nas sangs rgyas 'gyur/ /zhes pa'o/ /dpal rdo rje snying po rgyan gyi rgyud du ji ltar rnyed pa yongs su rdzogs so// //rigs gzugs skal bzang mang thos blo 'byor sogs/ /phun tshogs ldan pa dpal ldan chos rje yis/ /rgyud 'di bsgyur las cung zad ma rdzogs par/ /dpal ldan blo gros brtan pas rdzogs par bsgyur||