rKTs


H460

(e-text produced by ACIP)

see text in Tibetan script
120b
||rgya gar skad du/ AR+Ya pany+tsa pid+sha ti ka pra dz+nyA pA ra mi tA mu kha nA ma ma hA yA na sU tra/ bod skad du/ 'phags pa shes rab kyi pha rol tu phyin pa'i sgo nyi shu rtsa lnga pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das ri rab
121a
@#/ /kyi zom la lha thams cad kyi mtshan mo'i gnas na byang chub sems dpa' bye ba khrag khrig 'bum phrag du ma dang thabs cig tu bzhugs te/ de nas bcom ldan 'das lha dang / lha'i bu dang / lha ma yin dang / rlung lha dang / nam mkha' lding dang / klu dang / gnod sbyin dang / mi 'am ci dang / srin po dang / rig sngags 'chang thams cad dang / 'byung po dang / log 'dren dang / sha za dang / snang ba dang / mi snang ba'i ma mo'i tshogs shin tu mang shing rgya che ba dpag tshad lnga'i dkyil 'khor du 'dus pa sha stag dang / dge slong stong nyis brgya lnga bcus bskor cing mdun du bdar nas chos ston te/ de nas byang chub sems dpa' sems dpa' chen po lag na rdo rje rdo rje'i rigs thams cad kyis yongs su bskor cing rig pa'i tshogs dang / phyag rgya'i tshogs de dag thams cad dang / rig sngags 'chang bye ba phrag du mas yongs su bskor nas bcom ldan 'das ga la ba der song ste phyin nas bar snang las babs nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'dug pa dang / de nas bcom ldan 'das kyis gsang ba pa'i bdag po lag na rdo rje la bka' stsal pa/ gsang ba pa'i bdag po/ /nyi shu rtsa lnga po 'di rnams ni/ nga'i shes
121b
rab kyi pha rol tu phyin pa'i sgo yin no/ /sangs rgyas dang byang chub sems dpa' thams cad la phyag 'tshal lo/ /oM byang chub kyi sems rdo rje shes rab kyi pha rol tu phyin pa'i sgo'o/ / oM kun tu bzang po'i spyod pa shes rab kyi pha rol tu phyin pa'i sgo'o/ /oM yid bzhin gyi nor bu shes rab kyi pha rol tu phyin pa'i sgo'o/ /oM 'gog pa med pa shes rab kyi pha rol tu phyin pa'i sgo'o/ /oM skye bar 'gyur ba shes rab kyi pha rol tu phyin pa'i sgo'o/ /oM rnam par shes pa thams cad shes rab kyi pha rol tu phyin pa'i sgo'o/ /oM 'bar ba chen po'i chos nyid shes rab kyi pha rol tu phyin pa'i sgo'o/ /oM brtson 'grus shes rab kyi pha rol tu phyin pa'i sgo'o/ /oM thams cad du 'gro ba shes rab kyi pha rol tu phyin pa'i sgo'o/ /oM rdo rje thams cad brtan pa'i sems shes rab kyi pha rol tu phyin pa'i sgo'o/ /oM de bzhin gshegs pa thams cad shes rab kyi pha rol tu phyin pa'i sgo'o/ /oM rang bzhin rnam par dag pa'i chos nyid ye shes rnam par dag pa shes rab kyi pha rol tu phyin pa'i sgo'o/ /oM las rnam par sbyong ba shes rab kyi pha rol tu phyin pa'i sgo'o/ /oM nges par gnod mdzes rdo rje can phaT shes rab kyi pha rol tu phyin pa'i sgo'o/ /oM 'dod pa la 'dod chags rnam par dag pa shes rab kyi pha rol tu phyin pa'i sgo'o/ /oM mgyogs pa'i rdo rje can shes
122a
@#/ /rab kyi pha rol tu phyin pa'i sgo'o/ /oM hUM thams cad du 'gro ba shes rab kyi pha rol tu phyin pa'i sgo'o/ /oM hrIH shes rab kyi pha rol tu phyin pa'i sgo/ /oM a zhes bya ba'i sgo shes rab kyi pha rol tu phyin pa'i sgo'o/ /oM shes rab kyi pha rol tu phyin pa shes rab kyi pha rol tu phyin pa'i sgo'o/ /oM aM baM hUM shes rab kyi pha rol tu phyin pa'i sgo'o/ /oM eM shes rab kyi pha rol tu phyin pa'i sgo'o/ /oM de bzhin gshegs pa thams cad kyi sku'i mchog shes rab kyi pha rol tu phyin pa'i sgo/ /oM de bzhin gshegs pa thams cad kyi gsung rnam par dag pa shes rab kyi pha rol tu phyin pa'i sgo'o/ /oM de bzhin gshegs pa thams cad kyi thugs kyi rdo rje shes rab kyi pha rol tu phyin pa'i sgo'o/ /bcom ldan 'das kyis de skad ces bka' stsal nas byang chub sems dpa' sems dpa' chen po lag na rdo rje dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do// // 'phags pa shes rab kyi pha rol tu phyin pa'i sgo nyi shu rtsa lnga pa zhes bya ba/ theg pa chen po'i mdo rdzogs so//