H462

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H462</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H462&coll=lhasa">see text in Tibetan script</a></table>176b<br><font size=+1>


rgya gar skad du/ ma hA bai ro tsa na a b+hi saM bo d+hi bi kurba ti a d+hiSh+ThA na bai pu l+ya sU tra in+d+ra rA dza nA ma d+harma paR+YA ya/ bod skad du/ rnam par snang mdzad chen po mngon par rdzogs par byang chub pa rnam par sprul pa byin gyis rlob pa shin tu rgyas pa mdo sde'i dbang po'i rgyal po zhes bya ba'i chos kyi rnam grangs/ bam po dang po/ bcom ldan 'das ngag gi dbang phyug la phyag 'tshal lo/ /'di skad bdag gi thos pa dus gcig na/ bcom ldan 'das de bzhin gshegs pa thams cad byin gyis rlob pa/ rdo rje chen po rgya che ba/ chos kyi dbyings kyi pho brang rdo rje 'dzin thams cad 'du ba/ de bzhin gshegs pa mos pas rnam par rol pa/ mtha' dang dbus med cing rtse mo mtho ba/ rin po che'i rgyal pos shin tu legs par brgyan pa 'byung ba'i khang bzang chen po rin po che'i rgyal po'i nang na byang chub sems dpa'i lus kyi seng+ge'i khri la bzhugs te/ 'di lta ste/ rdo rje 'dzin nam mkha' dri ma med pa dang / nam mkha' la rnam par \?\ 'gro ba dang / nam mkha' 'byung ba dang / gos sna tshogs gyon pa dang / sna tshogs su rgyu ba dang / chos thams cad mnyam pa nyid la gnas pa dang / sems can gyi </font><hr>177a<br><font size=+1>


@#/ /gyi khams mtha' yas pa yongs su skyob pa'i rdo rje dang / sred med kyi bu'i stobs can dang / sred med kyi bu chen po'i stobs can dang / rdo rje bzang dang / rdo rje mchog gi shugs can dang / dri ma med pa'i rdo rje dang / rdo rje mchog 'chang dang / de bzhin gshegs pa'i go cha dang / de bzhin gshegs pa'i go 'phang du 'byung ba dang / spros pa med pa la gnas pa dang / de bzhin gshegs pa'i stobs bcu las nges par skyes pa dang / dri ma med pa'i mig dang / gsang ba ba'i bdag po phyag na rdo rje dang / de dag la sogs te sangs rgyas kyi zhing bcu'i rdul phra rab kyi rdul snyed kyi rdo rje 'dzin rnams dang thabs cig tu bzhugs te/ byang chub sems dpa' sems dpa' chen po kun tu bzang po dang / byams pa dang / 'jam dpal dang / sgrib pa thams cad rnam par sel ba la sogs pa dag gis kyang bskor cing mdun gyis bltas pa la 'di lta ste/ de bzhin gshegs pa'i nyi ma dus gsum las 'das par byin gyis brlabs nas sku dang gsung dang thugs mnyam pa nyid kyi gzhi zhes bya ba'i chos kyi sgo'i chos ston to/ /de nas byang chub sems dpa' kun tu bzang po la sogs pa de dag dang / gsang ba pa'i bdag po la sogs pa rdo rje 'dzin de dag bcom </font><hr>177b<br><font size=+1>


ldan 'das rnam par snang mdzad kyi byin gyi rlabs kyis sku mnyam pa nyid bkod pa mi zad pa'i mdzod rnam par bsgyings pa la zhugs so/ /de bzhin du gsung dang thugs mnyam pa nyid bkod pa mi zad pa'i mdzod rnam par bsgyings pa la zhugs te/ 'on kyang bcom ldan 'das rnam par snang mdzad kyi sku'am/ gsung ngam/ thugs la ni/ 'jug pa'am ldog pa mi dmigs so/ /thams cad du yang bcom ldan 'das rnam par snang mdzad kyi sku'i 'phrin las thams cad dang / gsung gi 'phrin las thams cad dang / thugs kyi 'phrin las thams cad sems can gyi khams thams cad la kun tu gsang sngags kyi tshul gyi tshig 'di dag gis chos bstan pa mthong ba ni/ 'di lta ste/ sems can las kyi tshe rnam par bskyed pa rnams sems dang po bskyed pa nas bzung ste sa bcu pa'i bar la gnas pa 'di nyid la yongs su rdzogs par bya ba dang / las kyi tshe bkag pa rnams kyang srid pa'i myu gu mngon par 'grub par bya ba'i phyir rdo rje 'dzin pa'i lus dang 'dra ba dang / byang chub sems dpa' kun tu bzang po dang / phyag na pad+ma'i lus 'dra ba phyogs bcu na gsang sngags kyi tshul gyi tshig rnam par dag pa'i tshig dag gis chos ston pa dag kyang mthong ngo / /de nas yang bcom ldan 'das la gsang ba pa'i bdag po phyag na </font><hr>178a<br><font size=+1>


@#/ /rdo rje 'khor 'dus pa de nyid na 'dug pa des 'di skad ces gsol to/ /bcom ldan 'das/ ji ltar de bzhin gshegs pa dgra bcom pa yang dag par rdzogs pa'i sangs rgyas rnams kyis thams cad mkhyen pa'i ye shes brnyes nas thams cad mkhyen pa'i ye shes de sems can rnams la rnam par phye ste tshul sna tshogs dang bsam pa sna tshogs dang / thabs sna tshogs dag gis ston cing / kha cig la ni/ nyan thos kyi theg pa'i tshul/ kha cig la ni/ sangs rgyas kyi theg pa'i tshul/ kha cig la ni/ theg pa chen po'i tshul/ kha cig la ni/ mngon par shes pa lnga'i tshul/ kha cig la ni/ lhar skye bar bya ba dang / kha cig la ni/ mir skye bar bya ba nas lto 'phye chen po dang / klu dang / gnod sbyin dang / dri za dang / lha ma yin dang / nam mkha' lding dang / mi'am cir skye bar bya ba'i bar du chos ston pa lags/ de la sems can la la sangs rgyas kyi 'dul bar bya ba dag gis ni/ rang sangs rgyas kyis gzugs su mthong / la las ni/ nyan thos kyi gzugs su/ la las ni/ sangs rgyas kyi gzugs su/ la las ni/ byang chub sems dpa'i gzugs su/ la las ni/ dbang phyug chen po'i gzugs su/ la las ni/ tshangs pa'i gzugs su/ la las ni/ sred med kyi bu'i gzugs </font><hr>178b<br><font size=+1>


su| la las ni/ rnam thos kyi bu'i gzugs nas/ la las ni/ lto 'phye chen po dang / mi dang / mi ma yin pa'i bar du mthong ste/ rang rang gi tshig brjod pa'i tshul dag dang / spyod lam sna tshogs su mthong la/ thams cad mkhyen pa'i ye shes de yang 'di ltar de bzhin gshegs pa'i rnam par grol ba'i ror ro gcig pa lags so/ /bcom ldan 'das/ 'di lta ste/ dper bgyi na/ nam mkha'i khams ni/ rtog pa dang / rnam par rtog pa thams cad bral ba ste/ mi rtog pa/ rnam par mi rtog pa lags so/ / bcom ldan 'das/ de bzhin du thams cad mkhyen pa'i ye shes kyang rtog pa thams cad dang bral ba ste/ mi rtog/ rnam par mi rtog pa lags so/ /bcom ldan 'das/ 'di lta ste/ dper bgyi na/ sa chen po 'di ni/ sems can thams cad kyi gsos su gyur pa lags so/ /bcom ldan 'das/ de bzhin du thams cad mkhyen pa'i ye shes kyang lha dang / mi dang / lha ma yin du bcas pa'i 'jig rten gyi gsos su gyur pa lags so/ /bcom ldan 'das/ 'di lta ste/ dper bgyi na/ me'i khams ni| bud shing thams cad sreg pas nam yang yongs su bas par mi 'gyur lags so/ /de bzhin du thams cad mkhyen pa'i ye shes kyang mi shes pa'i bud shing thams </font><hr>179a<br><font size=+1>


@#/ /cad sreg pas nam yang yongs su bas par mi 'gyur lags so/ /bcom ldan 'das/ 'di lta ste/ dper bgyi na/ rlung gi khams ni/ rdul thams cad sel bar bgyid pa lags so/ /bcom ldan 'das/ de bzhin du thams cad mkhyen pa'i ye shes kyang mi shes pa'i rdul thams cad sel bar bgyid pa lags so// bcom ldan 'das/ 'di lta ste/ dper bgyi na/ chu'i khams ni/ sems can thams cad kyi lus sim par bgyid pa lags so/ /de bzhin du thams cad mkhyen pa'i ye shes kyang lha dang bcas pa'i 'jig rten rab tu sim par bgyid pa lags na/ bcom ldan 'das/ ye shes 'di'i rgyu ni/ gang lags/ rtsa ba ni/ gang lags/ mthar thug pa ni/ gang lags/ de skad ces gsol pa dang / bcom ldan 'das rnam par snang mdzad kyis phyag na rdo rje la 'di skad ces bka' stsal to/ /lag na rdo rje/ legs so legs so/ /lag na rdo rje/ gang khyod nga la don 'di 'dri ba ni/ yang legs so/ /de'i phyir nyon la legs par rab tu yid la zungs shig dang / ngas khyod la bshad do/ /rgyu ni/ byang chub kyi sems so/ /rtsa ba ni/ snying rje chen po'o/ /mthar thug pa ni/ thabs so/ /gsang pa pa'i bdag po/ de la byang chub gang zhe na/ /rang </font><hr>179b<br><font size=+1>


gi sems yang dag pa ji lta ba bzhin yongs su shes pa ste/ de yang bla na med pa yang dag par rdzogs pa'i byang chub bo/ /gsang ba pa'i bdag po/ de la ni/ chos rdul tsam yang med cing mi dmigs so/ /de ci'i phyir zhe na/ byang chub de ni/ nam mkha'i mtshan nyid de/ de la byang chub par byed pa yang med la/ byang chub par bya ba yang 'ga' yang med do| |de ci'i phyir zhe na/ byang chub la mtshan nyid med pa'i phyir te/ gsang ba pa'i bdag po/ chos thams cad kyang mtshan nyid med pa ni/ 'di lta ste/ nam mkha'i mtshan nyid do| |de nas yang bcom ldan 'das la phyag na rdo rjes 'di skad ces gsol to/ /bcom ldan 'das/ thams cad mkhyen pa nyid ni/ gang nas yongs su btsal bar bgyi/ gang gis ni| byang chub mngon par rdzogs par 'tshang rgya bar bgyi/ bcom ldan 'das kyis bka' stsal pa/ gsang ba pa'i bdag po/ byang chub dang / thams cad mkhyen pa nyid ni/ rang gi sems las yongs su btsal bar bya'o/ /de ci'i phyir zhe na/ sems de ni/ rang bzhin gyis yongs su dag pa yin te/ de ni/ nang na yang med/ phyi rol na yang med/ gnyi ga'i bar na yang mi dmigs so/ /gsang ba pa'i bdag po/ sems de ni/ de bzhin gshegs pa dgra bcom pa yang dag par rdzogs pa'i sangs rgyas rnams kyis ma gzigs/ mi </font><hr>180a<br><font size=+1>


@#/ /gzigs/ gzigs par mi 'gyur te/ sngon por ma yin/ ser por ma yin/ dmar por ma yin/ dkar por ma yin/ kha dog le brgan du ma yin/ shel gyi kha dog tu ma yin/ thung ngur ma yin/ ring por ma yin/ zlum por ma yin/ gru bzhir ma yin/ snang bar ma yin/ mun par ma yin/ skyes par ma yin/ bud med du ma yin/ ma ning du ma yin no/ /gsang ba pa'i bdag po/ sems de ni/ 'dod pa'i khams kyi rang bzhin ma yin/ gzugs kyi khams kyi rang bzhin ma yin/ gzugs med pa'i khams kyi rang bzhin ma yin no/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa'i 'gro ba sems can ris mthun pa'i rang bzhin ma yin no/ /gsang ba pa'i bdag po/ sems de ni/ mig la mi gnas/ rna ba la mi gnas/ sna la ma yin| lce la ma yin/ lus la ma yin/ yid la mi gnas so/ /de ci'i phyir zhe na/ sems de ni/ nam mkha'i mtshan nyid do/ /de'i phyir rtog pa dang / rnam par rtog pa thams cad dang bral ba'o/ /de ci'i phyir zhe na/ nam mkha'i rang bzhin gang yin pa de ni/ sems kyi rang bzhin no/ /sems kyi rang bzhin gang yin pa de ni/ byang chub kyi rang bzhin </font><hr>180b<br><font size=+1>


te| gsang ba pa'i bdag po/ de ltar na/ sems dang / nam mkha'i dbyings dang / byang chub 'di ni/ gnyis su med de/ gnyis su byar med do/ /de yang snying rje'i rtsa ba can thabs kyi pha rol tu phyin pas yongs su bzung ba ste/ gsang ba pa'i bdag po/ de bas na rnam grangs 'dis kyang 'di ltar nga byang chub sems dpa'i 'khor gyi nang du chos gang dang gang ston pa de thams cad ni| byang chub kyi sems yongs su dag par bya ba dang / sems yongs su shes par bya ba'i phyir yin par rig par bya'o/ /gsang ba pa'i bdag po/ de lta bas na/ rigs kyi bu'am/ rigs kyi bu mo byang chub yongs su shes par 'dod pas rang gi sems nyid yongs su shes par bya'o/ /gsang ba pa'i bdag po/ ji ltar rang gi sems yongs su shes par bya zhe na/ 'di lta ste/ rnam par ram/ kha dog tu'am/ dbyibs su'am/ yul du'am/ gzugs su'am/ tshor bar ram/ 'du shes su'am/ 'du byed du'am/ rnam par shes par ram/ bdag tu'um| bdag gir ram/ gzung bar ram/ 'dzin par ram/ dag par ram/ ma dag par ram/ khams su'am/ skye mched du'am/ rnam pa thams cad kyi bar du yongs su btsal kyang mi dmigs pa yin no/ /gsang ba pa'i bdag po/ 'di ni/ byang chub sems dpa'i sems rnam par dag pa'i sgo zhes bya ba chos snang ba'i sgo chos snang </font><hr>181a<br><font size=+1>


@#/ /ba'i tshul dang po ste/ gang la gnas na/ byang chub sems dpa' rnams tshegs chung ngus sgrib pa thams cad spong ba'i ting 'dzin thob cing / de thob pas byang chub sems dpa' rnams sangs rgyas thams cad dang lhan cig 'grogs pa thob par 'gyur/ mngon par shes pa lnga dag kyang thob par 'gyur/ skad dang / sgra dang / dbyangs mtha' yas pa'i gzungs kyang thob par 'gyur/ sems can gyi bsam pa rjes su shes pa dang / de bzhin gshegs pa thams cad kyis byin brlabs shing 'khor ba na yongs su mi nyams pa'i chos can du 'gyur/ sems can gyi don bya ba dag la yongs su mi skyo bar 'gyur/ 'dus ma byas kyi tshul khrims la rab tu gnas pa dang / log par lta ba rnam par spangs pa dang / yang dag par lta ba rtogs par khong du chud par 'gyur ba yin no/ /gsang ba pa'i bdag po/ gzhan yang sgrib pa thams cad spong ba'i ting nge 'dzin 'di la gnas pa'i byang chub sems dpa' ni/ mos pa'i stobs bskyed pas tshegs chung ngus sangs rgyas kyi chos thams cad yongs su rdzogs par byed de/ gsang ba pa'i bdag po/ mdor na rigs kyi bu'am/ rigs kyi bu mo de ni/ yon tan dpag tu med pa dang ldan par 'gyur ro/ /de nas yang </font><hr>181b<br><font size=+1>


bcom ldan 'das la phyag na rdo rjes yongs su zhus pa/ bcom ldan 'das/ ji ltar byang chub tu sems bskyed pa zhes bgyi ba lags/ byang chub 'byung ba'i sems bskyed pa'i| |mtshan nyid ji ltar 'tshal bar bgyi/ /sems mkhyen pa ni rnams kyi mchog /dpa' chen ye shes las byung ba/ /ji snyed cig las 'das nas ni/ /skye bar 'gyur ba bstan du gsol/ /mgon po sems kyi mtshan nyid dang / /dus kyang rgya cher bstan du gsol/ /de dag bsod nams ci 'dra dang / /spyod pa ci 'drar 'gyur ba dang / /sems la sems kyi khyad par yang / /thub pa chen pos bstan du gsol/ /de skad gsol nas de yi tshe/ /bcom ldan rnam par snang mdzad kyis/ /phyag na rdo rje cher 'byung la/ /legs so bu zhes 'di skad gsungs/ /theg pa chen po'i go 'phang mchog /sems kyi rgyud kyi mtshan nyid ni/ /rdzogs sangs rgyas kyi gsang ba'i mchog/ rtog ge kun gyis mi shes pa// thams cad khyod la bshad par bya/ /yid gcig bsdus la nyan par gyis/ /sems ni brgya rtsa drug cu las/ /'das nas byang chub nyid kyi phyir/ /bsod nams ches 'byung snying po ste/ /byang chub 'byung ba skye bar 'gyur/ /nam mkha' lta bur dpag med cing / /gos pa med de ji bzhin gnas/ /chos kun gyis ni mi bsgul te/ /gzod nas zhi zhing </font><hr>182a<br><font size=+1>


@#/ /mtshan nyid med/ /dpag med ye shes kyis bsgrubs pa/ /yang dag rdzogs sangs rgyas ston pa/ /mchod dang spyod pas bsgrubs pa'i phyir/ /byang chub phyir ni dang por 'dod// gsang ba pa'i bdag po/ de la 'khor ba thog ma med pa nas byis pa so so'i skye bo rnams ngar 'dzin pa dang / nga yir 'dzin pa la mngon par zhen pas bdag gi khyad par grangs med par rab tu brtags te/ gsang ba pa'i bdag po/ de la bdag gi ngo bo nyid la ma dpyad par bdag go/ zhes ngar 'dzin pa kun nas slong ngo / /gzhan dag ni/ dus las byung ba dang / 'dzin pa pos sprul pa dang / nges par byung ba dang / 'di lta ste dbang phyug dang / 'byin pa po dang / dus dang / gtso bo dang / byed pa po dang / byed pa po ma yin pa dang / rnal 'byor dang / tshad ma dang / dag pa dang / ma dag pa dang / nang gi bdag dang / skyes bu dang / khyab bdag dang / srog dang / gang zag dang / rnam par shes pa dang / kun gzhi dang / shes pa po dang / mthong ba po dang / gzung ba dang / 'dzin pa dang / shes pa dang / shes bya dang / shes par bya ba dang / shed las skyes pa dang / shed bu dang / brjod par bya ba dang / brjod par bya ba ma yin par rtog ste| gsang ba pa'i bdag po/ bdag gi khyad par 'di lta bu la sogs pa rnal 'byor 'dod pa'i rnal 'byor pa dag gis thar pa 'dod pas sngon brtags pa yin no/ /gsang ba pa'i bdag </font><hr>182b<br><font size=+1>


po| gzhan yang byis pa so so'i skye bo phyugs dang mtshungs pa rnams las/ brgya lam na res 'ga' zhig chos kyi 'du shes 'byung ba ni/ 'di lta ste/ smyung bar gnas pa la gnas par bya'o/ /zhes de tsam zhig sems la byas te mgu ba bskyed nas phyi phyir zhing de nyid la goms par byed de/ gsang ba pa'i bdag po/ /de ni/ dge ba'i las skye ba'i sa bon lta bu ste/ sems dang po'o/ /de rgyu de nyid kyis mtshan ma dang bcas pa'i nyi ma de dag la pha ma dang / bu dang / bu mo dang / mdza' bshes dang / nye du dag la sbyin pa sbyin par byed de/ 'di ni/ myu gu lta bu ste| gnyis pa'o/ /gzhan yang sbyin pa de nyid mi shes pa dag la yang sbyin par byed de/ 'di ni/ sdong bu lta bu ste/ gsum pa'o/ /gzhan yang sbyin pa de nyid snod du rung ba yongs su tshol zhing sbyin par byed de/ 'di ni/ lo ma lta bu ste/ bzhi pa'o/ /gzhan yang sbyin pa de nyid bla ma'am/ rol mo mkhan dag la dga' bzhin du sbyin par byed de/ 'di ni/ me tog lta bu ste/ lnga pa'o| |gzhan yang sbyin pa de nyid yid dga' ba dag la sbyin par byed de/ 'di ni/ 'bras bu lta bu ste/ drug pa'o/ /gsang ba pa'i bdag po/ gzhan yang mtho ris su skye bar bya ba'i phyir tshul khrims srung ste/ 'di ni/ gsos su gyur pa lta bu ste/ bdun pa'o/ /gsang ba pa'i bdag po/ /gzhan yang sems de lta bu nyid kyis 'khor par rgyu ba na dge ba'i bshes gnyen la la </font><hr>183a<br><font size=+1>


@#/ /zhig las tshig 'di skad thos te/ lha 'di dag ni lha chen te/ /thams cad la ni bde ba ster/ /de la khyod kyis gus mchod dang / /thams cad 'byor pa nyid du 'gyur| |de dag kyang ni 'di lta ste/ /dbang phyug dang ni tshangs pa dang / /de bzhin khyab 'jug bde byed dang / /drag po skem byed de bzhin du/ /nyi ma zla ba chu lha nyid/ /lus ngan nor sbyin brgya byin dang / /mig mi bzang dang sna tshogs 'byung / /gshin rje dus mtshan mya ngan 'das/ /'jig rten gtso zhes bya ba dang / /me dang rnam par 'dud pa'i bu/ /de bzhin lha mo dka' thub zlog/ pad+ma dang ni 'jog po klu/ /nor ldan dang ni dung zhes bya/ /karko Ta ka pad+ma che/ /rigs can dang ni gdengs ka mang / /rtag tu mtha' yas thog ma'i lha/ /de bzhin lha dang drang srong mchog /rig byed rig byed skyes bu yin/ /mkhas pas mchod pa gyis shig ces/ /de las de 'dra'i tshig thos nas/ /yid ni yang dag mgu gyur te/ /de tshe rab tu gus ldan pas/ /de dag la ni nan tan byed/ /gsang ba pa'i bdag po/ 'di ni/ byis pa so so'i skye bo 'khor ba na kun tu 'khyams pa rnams kyi dbugs 'byin pa'i mchog yin te| 'di ni/ stobs su gyur pa ste/ sems brgyad par rgyal ba rnams kyis bshad do/ /gsang ba pa'i bdag po/ gzhan yang khyad par rtogs pa ji skad du yongs su bsgrags </font><hr>183b<br><font size=+1>


pa'i khyad par de dang de dag la khyad par du gnas pa rnams la 'ba' zhig pa nyid kyi don du blo skye zhing / de yang yod do/ /zhes stong pa nyid kho na la dngos por sems te/ gsang ba pa'i bdag po/ de dag gis ni/ stong pa nyid rab tu mi shes so/ /stong pa nyid ni/ dngos po yang ma yin/ dngos pa med pa yang ma yin/ yod pa yang ma yin/ gnyis ka yang ma yin te/ de la rtog pa'am mi rtog pa yang med na/ de la ji ltar stong pa zhes brtag par bya/ gang dag stong nyid mi shes pa/ /de dag mya ngan 'das mi shes/ /de phyir dngos dang dngos med pa/ /'jig pas stong nyid shes par bya| |de nas yang bcom ldan 'das la phyag na rdo rjes gsol ba btab pa/ bcom ldan 'das/ sems kyi khyad par de dag bshad du gsol/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ sems kyi khyad par gyi mtshan nyid nyon cig /gsang ba pa'i bdag po/ de la sems ni/ 'dod chags kyi sems dang / 'dod chags dang bral ba'i sems dang / zhe sdang gi sems dang / byams pa'i sems dang / gti mug gi sems dang / shes rab kyi sems dang / gtan la phab pa'i sems dang / the tshom gyi sems dang / mun par gyur pa'i sems dang / snang bar gyur ba'i sems dang / sdud pa'i sems dang / 'thab pa'i sems dang / </font><hr>184a<br><font size=+1>


@#/ /rtsod pa'i sems dang / mi rtsod pa'i sems dang / lha'i sems dang / lha ma yin gyi sems dang / klu'i sems dang / mi'i sems dang / bud med kyi sems dang / dbang phyug gi sems dang / tshor ba'i sems dang / zhing pa'i sems dang / chu bo'i sems dang / lteng ka'i sems dang / khron pa'i sems dang / kun tu srung ba'i sems dang / ser sna'i sems dang / khyi'i sems dang / byi la'i sems dang / nam mkha' lding gi sems dang / byi ba'i sems dang / klu'i sems dang / gar gyi sems dang / sil snyan gyi sems dang / khyim gyi sems dang / seng+ge'i sems dang / 'ug pa'i sems dang / bya rog gi sems dang / srin po'i sems dang / tsher ma'i sems dang / sa 'og gi sems dang / rlung gi sems dang / chu'i sems dang / me'i sems dang / 'dam gyi sems dang / rnyog pa'i sems dang / tshon rtsi'i sems dang / shing leb kyi sems dang / nor pa'i sems dang / dug gi sems dang / zhags pa'i sems dang / lcags sgrog gi sems dang / sprin gyi sems dang / zhing gi sems dang / lan tshwa'i sems dang / spu gri'i sems dang / ri rab lta bu'i sems dang / rgya mtsho lta bu'i sems dang / phug lta bu'i sems dang / skye bar 'gyur ba'i sems so/ /gsang ba pa'i bdag po/ de la 'dod chags kyi sems gang zhe na/ chags pa </font><hr>184b<br><font size=+1>


can chos kun tu sten pa'o/ /'dod chags dang bral ba'i sems gang zhe na/ 'dod chags dang bral ba'i chos kun tu sten pa'o/ /zhe sdang gi sems gang zhe na/ sdang bas chos kun tu sten pa'o/ /byams pa'i sems gang zhe na/ byams pa dang ldan pas chos kun tu sten pa'o/ /gti mug gi sems gang zhe na/ gang mi spyod par chos sten pa'o/ /shes rab kyi sems gang zhe na| khyad par las khyad par gzhan rtogs par byas te chos sten pa'o/ /gtan la bab pa'i sems gang zhe na/ bka' dang bla ma'i tshig bzhin byed pa'o/ /the tshom gyi sems gang zhe na/ ji ltar yongs su bzung ba nges pa dag la som nyi sten pa nyid do/ /mun par gyur pa'i sems gang zhe na/ som nyi med pa la som nyir shes pa'o/ /snang bar gyur pa'i sems gang zhe na/ som nyi med pa la som nyi med par sten pa'o/ /sdud pa'i sems gang zhe na/ du ma gcig tu byed pa'o/ /'thab pa'i sems gang zhe na/ phan tshun rtsod pa nyid do/ /rtsod pa'i sems gang zhe na/ gang dag bdag nyid dang bdag nyid du rtsod pa'o/ /mi rtsod pa'i sems gang zhe na/ mnyam pas mtshungs par lta ba'o/ /lha'i sems gang zhe na/ yid kyis bdag nyid la rlom sems su byed pa'o// lha ma yin gyi sems gang zhe na/ gang 'khor ba nyid la smod pa'o/ /klu'i sems gang zhe na/ gang longs spyod chen po nyid du bya ba'i phyir sems pa'o/ /mi'i sems gang zhe na/ de nyid </font><hr>185a<br><font size=+1>


@#/ /kyi don du sems pa'o/ /bud med kyi sems gang zhe na/ 'dod pa kho na'i phyir chos sten pa'o/ /dbang phyug gi sems gang zhe na/ gang bdag gis thams cad bsam mo snyam du rlom sems su byed pa'o/ /tshong pa'i sems gang zhe na/ gang bsdu ba byas te rnam par spel nas phyis sten pa'o/ /zhing pa'i sems gang zhe na/ gang thos pa rnam pa du ma tshol zhing phyis sten pa'o/ /chu bo'i sems gang zhe na/ gang mtha' gnyis la ltos shing sten pa'o/ /lteng ka'i sems gang zhe na/ gang sred pas sten pa'o/ /khron pa'i sems gang zhe na/ gang mi zab pa la zab par sems pa'o/ /kun tu srung ba'i sems gang zhe na/ 'di nyid bden gyi gzhan gti mug go snyam du sems pa'o/ /ser sna'i sems gang zhe na/ bdag nyid sten cing gzhan la mi ster ba'o/ /byi la'i sems gang zhe na/ gang mchod pa la ltos te sten pa'o/ /khyi'i sems sems gang zhe na/ gang chus ngus kyang mgu bar 'gyur ba'o/ /nam mkha' lding gi sems gang zhe na/ gang phyogs 'dzin pas chos la sten pa'o/ /byi ba'i sems gang zhe na/ bcings pa thams cad gcad pa'i phyir sems pa'o| |glu'i sems gang zhe na/ bdag gi dbyangs sgra sna tshogs kyi glus sems can rnams gzung bar bya'o/ /snyam pa'o/ /gar gyi sems gang zhe na/ bdag gis rdzu 'phrul sna </font><hr>185b<br><font size=+1>


tshogs kyis gzhan dag yang dag par 'dzin du gzhug go snyam du sems pa'o/ /sil snyan gyi sems gang zhe na/ bdag gis chos kyi rnga brdung ngo snyam pa'o/ /khyim gyi sems gang zhe na| bdag gi lus kun tu bsrung ba'i phyir sten pa'o/ /seng+ge'i sems gang zhe na/ gang thams cad zil gyis gnon pa sten pa'o/ /'ug pa'i sems gang zhe na/ gang mtshan mo sems pa'o/ /bya rog gi sems gang zhe na/ thams cad du skrag par sems pa'o/ /srin po'i sems gang zhe na/ dge bas mi dge ba rnams sgrub pa'o/ /tsher ma'i sems gang zhe na| gang thams cad du 'gyod pa sems pa'o/ /sa 'og gi sems gang zhe na/ gang sa 'og gi don du sems pa'o/ /rlung gi sems gang zhe na/ gang thams cad du thams cad sgrub pa'o| |chu'i sems gang zhe na/ gang mi dge ba thams cad bkru ba'i phyir sten pa'o/ /me'i sems gang zhe na/ gang dka' thub nyid kyis gdung bar byed pa'o/ /'dam gyi sems gang zhe na| gang bdag gi nyes pas gzhan la skud pa'o/ /rnyog pa'i sems gang zhe na/ gang pha rol gyi nyes pa 'dzin pas sems la rnyog pa skyed pa'o/ /tshon rtsi'i sems gang zhe na/ gang de la chags pa nyid du sten pa'o/ /shing leb kyi sems gang zhe na/ gang dge ba gzhan spong bas sten pa'o/ /nor pa'i sems gang zhe na/ gzhan bzung zhing gzhan kho nar sems pa'o/ / </font><hr>186a<br><font size=+1>


@#/ /dug gi sems gang zhe na/ gang shin tu dngos po med ba nyid sems pa'o/ /zhags pa'i sems gang zhe na/ gang thams cad du bdag nyid bcings shing 'dug pa'o/ /lcags sgrog gi sems gang zhe na/ gang rkang pa gnyis la 'dug ste sems pa'o/ /sprin gyi sems gang zhe na/ gang chu dag la sems pa'o/ /zhing gi sems gang zhe na/ rang gi lus nyid yongs su sbyong bar byed pa'o/ /lan tshwa'i sems gang zhe na/ gang zhig gang gis sems par byed pa de la yang sems pa'o/ /spu gri'i sems gang zhe na/ gang rab tu byung ba tsam la sten pa'o/ /ri rab lta bu'i sems gang zhe na/ gang mtho bar gyur nas sems pa'o/ /rgya mtsho lta bu'i sems gang zhe na/ gang rang gi lus nyid la mchog tu 'dzin cing 'dug pa'o| |phug lta bu'i sems gang zhe na/ gang sngar nges par gyur la phyis de nyid kyi 'gyur ba sten pa'o/ /de la skye bar 'gyur ba'i sems gang zhe na/ gang gi sems 'du byed gang kho na dang skyes pa de kho na dang lhan cig tu 'gro ba'o/ /gsang ba pa'i bdag po/ de ltar na gcig gnyis/ gsum/ bzhi/ lnga gnyis su bsgyur ba byas na 'jig rten pa'i sems brgya drug cu bskal pa gsum gyis 'das nas 'jig rten las 'das pa'i sems skye ste/ 'di lta ste/ 'di ni phung po tsam nyid de/ /bdag ni nam yang yod ma yin/ / </font><hr>186b<br><font size=+1>


dbang po grong khyer khams rnams kyis/ /'jig rten don med rnam par nyams/ /yan lag bcu gnyis rten 'brel 'di/ /nyon mongs las kyis kun nas bslang / /ma rig sa bon las byung ba/ /byed po la sogs rnam par spangs/ /de ltar zhi zhing shin tu zab/ /rtog ge kun gyis shes par dka'/ /nyes pa thams cad rnam spangs pa/ /sangs rgyas rnams kyis mngon bstan pa'o/ /gsang ba pa'i bdag po/ de la 'jig rten las 'das pa'i sems la gnas pa rnams la yang phung po dag la yod do snyam pa'i blo nye bar skye'o/ /nam phung po dag la 'dod chags dang bral ba bskyed pa de'i tshe lbu ba dang / chu'i chu bur dang / sgyu ma dang / smig rgyu dang mtshungs par 'jig pas rnam par grol bar 'gyur te/ 'di lta ste/ phung po dang / khams dang / skye mched dang / gzung ba dang / 'dzin pa rnam par spangs pa/ chos nyid kyi rang gi ngo bor zhi ba'i dbyings rtogs par 'gyur ro/ /gsang ba'i bdag po/ 'jig rten las 'das pa'i sems phyin ci log dang / phyin ci ma log pa'i sems kyi khyad par brgyad dang 'brel ba/ las dang nyon mongs pa'i dra ba dang bral ba 'di ni/ rnal 'byor pa dag bskal pa gcig gis 'da' bar byed do/ /gsang ba pa'i bdag po/ gzhan yang theg pa chen pos bgrod pa gzhan gyi dring mi 'jog pa rnams la chos la bdag med pa'i sems skye'o/ /de ci'i phyir zhe na/ 'di ltar </font><hr>187a<br><font size=+1>


@#/ /de dag sngon spyad pa spyod cing phung po'i gnas rnam par 'jig pa na ngo bo nyid yongs su shes pa'i phyir sgyu ma dang / smig rgyu dang / gzugs brnyan dang / brag ca dang / mgal me'i 'khor lo dang / dri za'i grong khyer lta bu'i 'du shes skyes so/ /gsang ba pa'i bdag po/ de'i phyir de dag gi sems kyi dbang du byas pas chos la bdag med pa nyid kyang spang bar bya ste/ rang gi sems ni/ gzod ma nas ma skyes pa'o/ /de ci'i phyir zhe na/ gsang ba pa'i bdag po/ ngo bo nyid yongs su shes pa'i phyir sems la sngan gyi mtha' dang / phyi ma'i mthar mi dmigs te/ rnal 'byor pa dag 'di yang bskal pa gnyis kyis 'da' bar byed do/ /gsang ba pa'i bdag po/ gzhan yang byang chub sems dpa' gsang sngags kyi sgo nas byang chub sems dpa'i spyad pa spyod pa bskal pa bye ba khrag khrig brgya stong dpag tu med par bsod nams dang ye shes kyis tshogs dpag tu med pa bsags pa rnams la shes rab dang thabs dpag tu med pa yongs su bzung ba/ lha dang lha ma yin du bcas pa'i 'jig rten gyis phyag byas pa/ nyan thos dang / rang sangs rgyas thams cad kyi sa las yang dag par 'das pa/ brgya byin dang / tshangs pa'i dbang po dang / nye dbang la sogs pas phyag byas pa/ 'di lta ste/ stong pa nyid kyi ngo bo nyid rdzas med pa/ </font><hr>187b<br><font size=+1>


mtshan nyid med pa/ mtshan ma med pa/ spros pa thams cad las 'das pa/ nam mkha' ltar dpag tu med pa/ chos thams cad kyi go skabs su gyur pa/ 'dus byas dang 'dus ma byas kyi khams dang bral ba/ las dang bya ba med pa/ mig dang / rna ba dang / sna dang / lce dang / lus dang / yid dang bral ba shin tu ngo bo nyid med pa'i sems skye ste/ gsang ba pa'i bdag po/ 'di ni/ byang chub kyi sems dang po zhes rgyal ba rnams kyis gsungs so/ /de dag nyon mongs las las grol/ /las dang nyon mongs ldan pa'ang yin/ /de dag 'jig rten sbyin gnas te/ /de dag rtag mchod ri mor bya/ /gsang ba pa'i bdag po gzhan yang / mos pa yis ni spyod pa'i sa/ /sems gsum rnam par sgom pa ste/ /pha rol phyin rnams spyod pa dang / /bsdu ba dag ni bzhi po yis/ /mos pa yis ni mtshungs pa med/ /dpag tu med cing bsam mi khyab/ /dpag med ye shes 'byung ba ni/ /sems bcu dag gis thob par 'gyur/ /ngas gang cung zad brjod pa ni/ /thams cad 'di yis thob par 'gyur/ /de phyir thams cad mkhyen pa yis/ /mos pa zhes ni bya bar bshad/ /blo ldan bskal pa gcig gis ni| |sa las yang dag 'da' bar 'gyur/ /'di yi yang ni bzhi cha yis/ /mos pa las kyang 'da' bar 'gyur/ /de nas bcom ldan 'das la phyag na rdo rjes 'di skad ces </font><hr>188a<br><font size=+1>


@#/ /gsol to/ /mgon po khyab bdag khyod kyis ni/ /sems kyi mtshan nyid bstan lags na/ /dbugs 'byin rnam pa du thob nas/ /mchog skyes de dag dbugs phyin 'gyur/ /de skad gsol nas bcom ldan 'das/ /rnam par snang mdzad chen po yis/ /de tshe phyag na rdo rje la/ /yid bsdus 'di ni nyon zhes gsungs/ /gsang ba ba'i bdag po/ de la nam byis pa so so'i skye bo dag mi dge ba'i las spangs te dge ba'i las byed pa de'i tshe dge bas dbugs phyin pa yin no/ /nam bdag gi de kho na nyid yang dag ba ji lta ba bzhin du rab tu shes pa de'i tshe bdag la brten nas dbugs phyin pa yin no/ /nam phung po yongs su bzung ba byas te rang gi ngo bo nyid la rnam par dpyad nas bdag la brten pa yongs su gtong ba de'i tshe bdag med pas dbugs phyin pa yin no/ /nam phung po rnams spangs nas chos kyi dmigs pa la gnas pa de'i tshe chos kyis dbugs phyin pa yin no/ /nam chos rnams spangs nas mi skye ba la gnas pa de'i tshe chos la bdag med pas dbugs phyin pa yin no/ /nam phung po dang / khams dang / skye mched thams cad dang / gzung ba dang / 'dzin pa dang / bdag dang / srog la sogs pa dang / chos dang mi skye ba dag kyang stong pa nyid kyi ngo bo nyid du yang ngo bo nyid med do/ /zhes stong ba'i ye shes skyes pa de'i tshe </font><hr>188b<br><font size=+1>


chos thams cad kyi ngo bo nyid mnyam pa nyid kyis dbugs phyin pa yin no/ /gsang ba pa'i bdag po/ de'i che byang chub sems dpa' gsang sngags kyi sgo nas byang chub sems dpa'i spyad pa spyod pa bzhi bcus rten cing 'brel par 'byung ba rnams bsgoms te gsang sngags kyi tshul rtogs par khong du chud par 'gyur ro/ /bcu gang zhe na/ 'di lta ste/ sgyu ma dang / smig rgyu dang / rmi lam dang / gzugs brnyan dang / dri za'i grong khyer dang / brag ca dang / chu zla dang / chu'i chu bur dang / 'khrul pa dang / mgal me'i 'khor lo lta bur rnam par sgom mo/ /gsang ba pa'i bdag po/ de la byang chub sems dpa' gsang sngags kyi sgo nas byang chub sems dpa'i spyad pa spyod pas 'di ltar so sor brtag par bya ste/ de la sgyu ma gang zhe na/ 'di lta ste/ sman dang sngags kyi sbyor ba byed pa dag gi sbyor ba las dngos po rnam pa tha dad pa sna tshogs mig dang yid 'phrog pa sngon ma mthong ba dag kyang ston te/ de dag ni/ phan tshun phyogs bcur 'gro ba dang / 'ong ba med do/ /de ci'i phyir zhe na/ sgyu ma ni/ rang bzhin gyis stong pa'i phyir te/ de bzhin du gsang sngags sbyor ba byed pa dag gi sbyor ba las thams cad 'byung ngo / /gsang ba pa'i bdag po/ gzhan yang smig rgyu ni/ rang bzhin gyis stong pa ste/ de yang 'du shes kyis tha snyad du 'dogs shing / tha snyad kyang sgrub par byed do/ /de bzhin du 'du shes 'di yang gsang sngags so/ /zhes tha </font><hr>189a<br><font size=+1>


@#/ /snyad du 'dogs shing tha snyad kyang sgrub par byed do/ /gsang ba pa'i bdag po/ gzhan yang rmi lam na bdag nyid nyin gcig dang / thang cig dang / skad cig dang / yud tsam dang / lo la sogs par 'dug cing bde ba dang / sdug bsngal rnam pa mang po myong bar mthong la/ sad na ci yang mi mthong ba de bzhin du gsang sngags kyi tshul 'di'ang rmi lam lta bur khong du chud par bya'o/ /gsang ba pa'i bdag po/ gzhan yang gsang sngags kyi dngos grub 'byung ba ni/ gzugs brnyan lta bur rig par bya ste/ dper na gdong dang me long la brten nas bzhin gyi gzugs brnyan 'byung ba ltar gsang sngags kyi dngos grub kyang de dang 'dra bar rig par bya'o/ /gsang ba pa'i bdag po/ gzhan yang grub pa'i gnas ni/ dri za'i grong khyer lta bur blta'o/ /gsang ba pa'i bdag po/ gzhan yang gsang sngags kyi sgra ni/ brag ca lta bur rig par bya ste/ dper na sgra la brten nas brag ca 'byung ba ltar gsang sngags kyi tshul 'di yang de dang 'dra bar rig par bya'o/ /gsang ba pa'i bdag po/ gzhan yang zla ba shar ba na chu'i nang du gzugs brnyan mthong nas chu zla zhes brjod pa de bzhin du sngags pa de nyid chu zla bzhin du rig sngags 'chang zhes brjod do/ /gsang ba pa'i bdag po/ gzhan yang ji ltar char pa bab pa ni/ chu'i chu bur rnams </font><hr>189b<br><font size=+1>


'byung ba de bzhin du gsang sngags grub pa'i sprub pa rnam pa sna tshogs 'dod do/ /gsang ba pa'i bdag po/ gzhan yang / sems can med cing srog dang ni/ /byed pa po yang med pa ste/ / dngos po thams cad stong pa la/ /'khrul pa kho na snang bar zad/ /gsang ba pa'i bdag po/ gzhan yang / ji ltar 'ga' zhig bdag nyid kyi/ /lag na mgal me thogs nas ni/ /bskor na 'khor lo ltar snang ba/ /de bzhin stong pa dag las byung / /gsang ba pa'i bdag po/ 'di ni/ theg pa chen po'i gzhi/ mi mnyam pa dang mnyam pa'i gzhi/ nges pa'i gzhi/ yang dag par rdzogs par sangs rgyas pa'i gzhi/ mthar gyis theg pa chen po la 'jug pa'i gzhi ste/ ye shes sna tshogs cher 'byung ba/ /nor gyi dbyig 'di shes na ni/ /kun gyi sems kyi bye brag kyang / /ji bzhin yang dag rab tu shes/ /bcom ldan 'das rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ sems kyi khyad par rim par phye ba'o// //de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das nyid kyis mngon par rdzogs par sangs rgyas pa'i chos kyi dbyings bsam gyis mi khyab pa/ sems can gyi sa las yang dag par 'das pa/ bcom ldan 'das kyis thabs dang tshul sna tshogs </font><hr>190a<br><font size=+1>


@#/ /dag gis bsam pa dang mos pa ji lta ba bzhin du sems can rnams la bstan pa ngo mtshar lags so/ /bcom ldan 'das/ yang gsang sngags spyod pa'i tshul snying rje chen po'i snying po 'byung ba dkyil 'khor gyi rgyal po chen po yongs su rdzogs par bgyi ba'i slad du bshad du gsol/ de ni/ ma 'ongs pa'i dus na sems can mang po dag gi don dang / phan pa dang bde bar 'gyur lags so/ /de nas bcom ldan 'das rnam par snang mdzad kyis thams cad dang ldan pa'i 'khor gyi dkyil 'khor la gzigs nas gsang ba pa'i bdag po phyag na rdo rje la 'di skad ces bka' stsal to/ /lag na rdo rje/ dkyil 'khor spyod pa'i tshul bsam pa'i chos kyi rnam grangs thams cad mkhyen pa'i ye shes yongs su rdzogs par byed pa nyon cig /de nas bcom ldan 'das rnam par snang mdzad kyis chos kyi dbyings kyi dgongs pa ma rdzogs shing sems can gyi khams ma lus pa bsgral bar dam bca' bar mdzad pas/ de bzhin gshegs pa thams cad dang thabs cig tu yang dag par mol nas snying rje chen po'i snying po 'byung ba zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu sku'i yan lag thams cad nas de bzhin gshegs pa'i skus sems dang po bskyed pa </font><hr>190b<br><font size=+1>


nas \?\ bzung ste sa bcu'i bar du sems can la phan pa'i don mdzad pa rnams byung ngo / /byung nas kyang phyogs bcu kun tu bskor te slar log nas bcom ldan 'das kyi sku'i nang rang gi gnas rnams su zhugs so/ /de nas yang bcom ldan 'das kyis byang chub sems dpa' phyag na rdo rje la 'di skad ces bka' stsal to/ /lag na rdo rje/ dkyil 'khor rnam par dgod pa nyon cig /re zhig dang por slob dpon yid byang chub kyi sems la zhugs pa/ shes rab dang ldan pa/ brtan pa/ snying rje can/ sgyu rtsal dag la mkhas pa/ shes rab kyi pha rol tu phyin pa'i tshul la rtag tu mkhas pa/ theg pa gsum gyi khyad par shes pa/ gsang sngags kyi de kho na nyid kyi don la mkhas pa/ bsam pa shes pa/ sangs rgyas dang byang chub sems dpa' rnams la dad pa/ dkyil 'khor bri ba'i las byed par gnang zhing dbang bskur ba/ rigs btsun gsang sngags spyod pa la/ mngon par brtson zhing gtan la bab/ /sbyor la mkhas shing zungs thub la/ /byang chub sems la rnam par gnas/ /gsang ba pa'i bdag po/ slob dpon de lta bu ni/ rgyal ba'i sras yin te/ sangs rgyas dang / byang chub sems dpa' rnams kyis rab tu bsngags so/ /gsang ba pa'i bdag po/ de la slob dpon la gzhan gyis gsol ba btab kyang rung / yang na bdag gis sems can dag /snod du rung zhing nyes bral </font><hr>191a<br><font size=+1>


@#/ /ba| |mos mang brtan la dad pa can/ /gzhan la phan dga' mthong nas ni/ /de lta bu yi slob ma de/ /shes nas slob dpon bdag nyid kyis/ /ma gsol bar ni de bos te/ /phan 'dod phyir ni 'di skad bya/ /khyod ni tshul chen snod yin gyi/ /bu tshur theg pa chen po yi/ /gsang sngags spyod tshul cho ga ni/ /khyod la yang dag bstan par bya/ / rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba'i mgon po rnams/ /'gro la phan phyir bzhugs pa dag /de dag kun gyis gsang sngags kyi| |cho ga mchog bzang 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /shAkya seng+ge skyob pa yis| |bdud sde shin tu mi bzad pa/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig /snying rjer gyur pa'i yid kyis ni/ / de ltar lan mang gzengs bstod de/ /slob ma de bstan shes nas ni/ /sa gzhi legs par yongs brtag bya/ /me tog 'bras bur ldan pa'i ri/ /gtsang zhing yid 'ong chu yi gnas/ / de dag dkyil 'khor bri ba yi/ /las la sangs rgyas kun gyis bsngags/ /gang 'bab chu ni mang po dag /ngang pa bzhad kyis brgyan yod pa/ /der ni sngags pa blo can gyis/ /snying rje </font><hr>191b<br><font size=+1>


'byung ba'i dkyil 'khor bri/ /sangs rgyas rnams dang rang mgon dang / /de bzhin rgyal ba'i nyan thos kyis/ /sa phyogs gang dag bsnyen pa ni/ /de dag thub pas rtag tu bsngags/ /phyogs gzhan rnam pa sna tshogs pa/ /lha khang kun dga' bzang po dang / /khyim dang yang thog nyams dga' dang / /mtshe'u dang skyed mos tshal mdzes dang / /mchod rten gra gang ba lang lhas/ /'bab chu 'dus pa'i mdo dag dang / /lha yi gnas rnams thams cad dang / /de bzhin khang pa stong pa yang / /slob ma dag la phan 'dod phyir/ /nan tan du ni dkyil 'khor bri/ /yang na yid du 'ong ba'i sa/ /gang yang rung bar gri bar bya/ /gsang ba'i bdag po/ de la sa gzhi yongs su spyad par bya ba ni/ rdo dang / bong ba dang / gyo mo dang / gseg ma med cing / skra dang / phub ma dang / sol ba dang / thal ba dang / tsher ma dang / rus pa dang / sdong dum dang / zug rdu bsal ba/ grog sbur dang / srin bu dang / srog chags med cing nyes pa thams cad spangs pa'i gnas ni/ lha rnams la rab tu shis pa'o/ /de la tshes grangs dang / rgyu skar dang / gza' dang / byed pa dang / yud tsam bzang po mtshan ma dang ldan pa'i nyi ma la snga dro'i dus kyi tshe ltas bzang pos mtshon pa la de bzhin gshegs pa thams cad la phyag byas te sa'i lha mo sbran pa'i tshigs su bcad pa gnyis bsgrag par bya'o/ /sangs rgyas skyob pa thams cad kyi/ /spyod </font><hr>192a<br><font size=+1>


@#/ /pa'i tshul gyi khyad par dang / /sa dang pha rol phyin dag la/ /lha mo khyod ni dbang du gyur/ /shAkya seng+ge skyob pa yis/ /ji ltar bdud kyi sde bcom pa/ /de bzhin bdag gi bdud las ni/ /rgyal bar byas te dkyil 'khor bri/ /sa la lag pas reg byas shing / /de ltar lan mang sbran nas ni/ /pus mo gnyis ni sar btsugs nas/ /me tog spos kyi mchod pa bya/ /mchod nas sngags pas de nas ni/ /de bzhin gshegs la phyag 'tshal te/ /de nas chog 'di dag gis/ /mkhas pas sa gzhi sbyang bar bya/ /de nas phyag na rdo rjes bcom ldan 'das kyi zhabs la gtugs te bcom ldan 'das la 'di skad ces gsol to/ /sangs rgyas mtshan ma mi mnga' ste/ /chos kyi sku la rnam par bzhugs/ /mtshan med 'dus ma byas pa yi/ /mtshungs pa med pa'i chos ston na/ /dpa' bo chen po ci slad du/ /mtshan mar bcas pa'i cho ga 'di/ /gsang sngags spyad la bstan par mdzad/ /'di ni chos nyid tshul ma lags/ /de skad gsol nas bcom ldan 'das/ /rnam par snang mdzad chen po yis/ /de che phyag na rdo rje la/ /chos kyi mtshan nyid 'di nyon gsungs/ /chos ni rtog dang bral ba ste/ /kun rtog thams cad spangs pa yin/ /de la sems dang sems byung gi /rtog pa rab tu spong bar 'gyur/ /nga yis chos </font><hr>192b<br><font size=+1>


mngon sangs rgyas pa/ /de ni mkha' las byung ba ste/ /log par rtog pa'i spyod yul ba/ /byis pa rnams kyis mi shes so/ /yul dus mtshan ma la sogs pa/ /mun gyis bsgribs pa rnams 'dod de/ /de dag gzung bar bya ba'i phyir/ /cho ga 'di yang brjod pa yin/ /yul med dus kyang med pa ste/ /bya ba med cing byed pa yang / /chos rnams kun la yong med de/ / chos rnams nyi tshe 'ba' zhig go /gsang ba'i bdag po 'on kyang ni/ /sems can dag ni blo zhan cing / /bya ba tsam gyis rmongs pa dag /dngos po'i don la chags pa rnams/ /ma 'ongs dus na 'byung bar 'gyur/ /'di lta'i tshul ni mi shes pas/ /yul dang dus dang bya ba las/ /dge dang mi dge'i mtshan ma yis/ /rmongs pa 'bras bu 'dod byed de/ /sems dpa' chen po de dag phyir/ /cho ga 'di ni brjod pa yin/ /gsang ba pa'i bdag po/ de la ji skad bstan pa'i gnas gang yang rung bar sa gzhi rab tu 'thas par bcags te/ ba'i lci ba sa la ma lhung ba dang / ba'i gcin du bsres pas byug go /de nas sngags 'dis bsang gtor byas te bsngags so/ /na maH san+ta bud+d+hA nAM/ a pra ti sa me/ ga ga na/ sa ma tA nu ga te/ pra kr-i ti/ bi shud+d+he/ d+harma d+hA tu bi sho d+ha ne swAhA/ de yi 'og tu sngags pa ni/ /langs nas de yi dbus su pa/ /pad+ma dkar po'i stan la bzhugs/ /thor tshugs dang ni dbu rgyan 'chang / /'od zer kha dog sna tshogs pas/ / </font><hr>193a<br><font size=+1>


@#/ /kun nas yongs su bskor bar bsam/ /de nas rdzogs pa'i sangs rgyas bzhi/ /blo dang ldan pas phyogs su bsam/ /de bzhin gshegs pa rin chen tog / nyi ma 'char ka lta bur bsam/ /lho ru rgyal ba dpa' bo ni/ /me tog kun rgyas zhes bya ba/ /gser gyi kha dog 'bar dang bcas/ /nyes pa bcom pa ting 'dzin gnas/ /byang phyogs su ni mi 'khrugs pa/ /nang dang bral ba ting 'dzin gnas/ /nub phyogs 'od dpag med pa ste/ /rgyal ba lnga po 'di rnams ni/ /bsams te de nas sngags pa yis/ /rgyal ba'i gnas dbus 'dug nas ni/ /mi g.yo bdag nyid chen po'am/ /yang na 'jig rten gsum rgyal gyi/ /gsang sngags don kun sgrub pa yis/ /sa ni yongs su gzung bar bya/ / dbus kyi dkyil 'khor bzang po dag /tsan+dan dag gis bya ba ni/ /dang por gcig ni nga yi yin/ /gnyis pa skyob pa thams cad kyi'o/ /gsum pa de dang mnyam bya ba/ /the tshom med par yum gyi yin/ /bzhi pa lag na pad+ma ste/ /lnga pa lag na rdo rje'i phyir/ /drug pa mi g.yo mgon po ste/ /ma zad 'og tu legs bar bya/ /de bzhin gshegs rnams rjes dran nas/ /me tog spos la sogs phul te/ /mnyam par bzhag nas gus pa ru/ /tshig tu 'di skad smra bar bya/ /mgon po thugs rje'i bdag nyid can/ /thams cad bdag la </font><hr>193b<br><font size=+1>


dgongs su gsol/ /sras bcas sang gi gdugs 'das nas/ /sa gzhi yongs su gzung ba mdzod/ /de skad kyi ni tshig smras nas/ /gsang sngags 'di ni brjod par bya/ /na maH sa man+ta bud+d+ha nAM/ sarba ta thA ga tA d+hi Sh+ThA nA d+hiSh+The te/ a tsa le/ bi ma le sma ra Ne/ pra kr-i te pa ri shud+d+he swAhA/ de nas sngags pa langs nas su/ /snying rjer gyur pa'i yid kyis ni/ /nub kyi phyogs su gnas nas su/ / nang gi bdag nyid rnam dag pas/ /byang chub sems ni sems byed cing / /de nyid du ni nyal bar byed/ /de nas sngags pas rmi lam blta/ /byang chub sems dpa' grags chen nam/ /yang na sangs rgyas bcom ldan 'das/ /sems can rnams la phan pa'i phyir/ /dkyil 'khor bri ba'i las rnams la/ /bdag nyid kun rtsol 'bad pa'am/ /bdag nyid la ni 'di skad du/ /sems can chen po bu khyod legs/ /dkyil 'khor myur du bris shig ces/ /spro ba bskyed pa mthong ba'ang rung / /de nas de yi phyi de nyin/ /slob ma dad cing rigs btsun pa/ /de bzhin dkon mchog gsum la dad/ /zab mo yi ni blo dang ldan/ /spro ba che zhing tshul khrims ldan/ /bzod dang ldan zhing ser sna med/ /dpa' la yi dam brtan pa ni/ /bcu'am brgyad dam bdun nam lnga/ /gcig gnyis bzhi las lhag kyang rung / /dpyad mi dgos par gzung bar bya/ /de nas yang bcom ldan 'das la phyag na rdo rjes zhus pa/ bcom ldan 'das/ dkyil 'khor 'di'i ming ci lags// </font><hr>194a<br><font size=+1>


@#/ /ci'i slad du dkyil 'khor zhes bgyi/ bcom ldan 'das kyis bka' stsal pa/ gsang ba pa'i bdag po/ dkyil 'khor 'di ni/ sangs rgyas 'byung ba ste/ dkyil ni| snying po zhes bya'o/ /'khor ni/ rdzogs pa zhes bya ste/ de'i gong na snying por gyur pa gzhan med pas na/ dkyil 'khor zhes bya'o/ /gsang ba pa'i bdag po/ 'on kyang dkyil 'khor rgyas pa 'di ni/ sems can gyi khams ma nges pa yongs su bskyab pa'i phyir snying rje chen po 'byung ba zhes bya ste/ der ni/ de bzhin gshegs pa rnams kyis bskal pa grangs med par bla na med pa yang dag par rdzogs pa'i byang chub yang dag par bsgrubs pa byin gyis brlabs so/ /gsang ba pa'i bdag po/ de lta bas na/ rnam grangs 'dis kyang khyod kyis 'di ltar de bzhin gshegs pa rnams ni/ sems can gcig phyir byang chub mngon par rdzogs par 'tshang rgya ba ma yin/ gnyis kyi phyir ma yin/ gsum gyi phyir ma yin/ 'on kyang thugs rje chen po'i dbang du gyur pa dag sems can gyi khams ma lus pa yongs su bskyab pa'i phyir byang chub mngon par rdzogs par 'tshang rgya ste/ de dag gis sems can gyi khams rnam pa du ma la bsam pa ji lta ba bzhin du sems can rnams la chos 'chad par rig par bya'o/ /gsang ba ba'i bdag po/ theg pa chen po la goms par ma byas pa rnams ni/ gsang </font><hr>194b<br><font size=+1>


sngags spyod pa'i tshul mthong ngam thos na/ sems la dga' ba'am/ dang ba cung zad kyang yang dag par mi skye'o/ /gsang ba pa'i bdag po/ gang dag gis sngon theg pa chen po gsang sngags spyad pa'i tshul sgo mtha' yas sgrub pa la goms par byas pa de dag ni/ rdo rje sems dpa' yin te/ de rnams nyid kyi don gyi phyir grangs kyi tshad 'di byas so/ /'on kyang slob dpon snying rje chen po dang ldan pas sems can gyi khams ma lus pa bsgral bar yi dam bca' ba kho nar bya ste/ des byang chub kyi sems kyi rgyur 'gyur bar bya ba'i phyir sems can tshad med pa rnams yongs su gzung bar bya'o/ /de nas de dag bos la gsum la skyabs su gtang bar yang bya'o/ /sdig pa mi bya ba'i las rnams kyang bsgo bar bya'o/ /de nas de dag la spos dang / me tog la sogs pa sbyin no/ /de dag dus gsum du sgrib pa med pa'i ye shes kyi sdom pa yang 'dzin du gzhug go/ 'dzin du bcug nas sngags pa yis/ /de nas so shing dag kyang sbyin/ /rtse gcig mnyam par bzhag pa dag /shar ram byang du kha bstan te/ /u dum ba ra a shwat+tha/ /shin tu bzang po bsrungs byas shing / /me tog dril sogs bskus pa'i/ /so shing dag ni 'char gzhug go /sems can snod rung snod mi rung / /bor ba nyid las brtag par bya/ /de nas lag pa g.yon pa la/ /skud pa mdud pa gsum ldan pa/ /bdag nyid mnyam par bzhag pa yis/ / </font><hr>195a<br><font size=+1>


@#/ /legs pa ru ni bcing bar bya/ /de ltar yongs su bzung ldan pa'i/ /slob ma nyes pa med rnams la/ /bsam pa brtan par bya ba'i phyir/ /'di ltar spro ba bskyed par bya/ /bdag nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyis ni/ /bstan pa 'di la khyed rnams kun/ /yongs su bzung ste skye bzhin pa/ /de phyir khyed rnams theg chen la/ /sang ni rab tu skye bar 'gyur/ /gal te rmi lam dag tu ni/ /gtsug lag khang dang kun dga' bzang / /khang pa bzang po sna tshogs dang / /de bzhin du ni yang thog dang / /ral gri yid bzhin nor bu dang / /gdugs dang me tog sna tshogs dang / /bud med bzang mo gos dkar can/ /sdug pa'i gnyen dang bu dag dang / /glegs bam de bzhin bram ze dang / /sangs rgyas dang ni rang sangs rgyas/ /de bzhin rgyal ba'i nyan thos dang / / byang chub sems dpa' bdag nyid che/ /gal te 'bras bu thob pa dang / /mtsho dang rgya mtsho las rgal mthong / /de bzhin du ni nam mkha' las/ /bkra shis yid du 'ong ba'i tshig /'dod pa'i 'bras bu 'byung ba grag /de la sogs pa'i rmi lam ni/ /bzang po zhes ni bya bar brtag /mkhas pas de las ldog pa yis/ /rmi lam ngan par shes </font><hr>195b<br><font size=+1>


par bya| |brtul zhugs bzang po khyed rnams kyis/ /nang par thams cad nga la zlos/ /slob ma de dag rnams la ni/ /de skad bsgo nas chos kyang bshad/ /theg pa chen po cher 'byung ba'i// lam mchog 'ad ni dpal dang ldan/ /khyed rnams der ni dong bas na/ /rang byung skal pa chen po pa/ /'jig rten thams cad mkhyen pa yi/ /de bzhin gshegs pa rnams su 'gyur/ /yod dang med las rnam par 'das/ /nam mkha' bzhin du dri ma med/ /zab mo rtog gi thams cad kyis/ /rab tu mi rtogs gnas med pa/ /spros pa kun dang bral ba ste/ /spros pa rnams kyis rnam par spros/ /las dang bya ba la sogs bral/ /bden pa gnyis la gnas pa yis/ /theg pa rab kyi mchog 'di ni/ /tshul la gnas na thob par 'gyur/ /de nas bcom ldan 'das la rdo rje 'dzin spros pa med par rnam par gnas pas 'di skad ces gsol to/ /bcom ldan 'das/ dus gsum du sgrib pa ma mchis pa'i ye shes kyi sdom pa gang la byang chub sems dpa' rnams gnas na/ sangs rgyas dang / byang chub sems dpa' rnams b+m+nyes par 'gyur ba bshad du gsol/ de skad ces gsol pa dang / bcom ldan 'das kyis rdo rje 'dzin spros pa med par gnas pa la 'di skad ces bka' stsal to/ /rigs kyi bu/ lus dang / ngag dang / yid gcig tu 'jug cing chos thams cad la rtsom pa med cing bya ba med pa'i sdom pa gang </font><hr>196a<br><font size=+1>


@#/ /yin pa de rigs kyi bu nyon cig /de yang gang zhe na/ sangs rgyas dang byang chub sems dpa' rnams la bdag gi lus yongs su gtong ba gang yin pa'o/ /de ci'i phyir zhe na| gang gis bdag gis lus yongs su btang ba des ni/ dngos po gsum yongs su btang ba yin te/ dngos po gsum yongs su btang ba de yang gang yin zhe na/ 'di lta ste/ lus dang / ngag dang / yid do/ /rigs kyi bu/ de lta bas na byang chub sems dpa' lus dang / ngag dang / yid gsum gyi sdom pas bsdam par bya'o/ /de ci'i phyir zhe na/ byang chub sems dpa' rnams ni/ lus dang / ngag dang / yid gsum yongs su ma btang bar bslab pa 'dzin par mi byed do/ /de nas phyi de nyin par bcom ldan 'das rnam par snang mdzad la phyag byas te bdag nyid rdo rje sems dpar byin gyis brlabs la bum pa spos chus bkang ba la 'jig rten gsum las rnam par rgyal bas mngon par bsngags te sgo dang por bzhag la/ mkhas pas skye bo kun la des bsang gtor bya'o/ /de nas sems sbyang ba'i phyir spos chu gtsang ma blud do/ /de nas bcom ldan 'das la phyag na rdo rjes 'di skad ces gsol to/ /dkyil 'khor gyi ni slob dpon dag /gsang sngags sgrub la 'bad pa na/ /gang gis dus su dkyil 'khor dag /sems dpa' chen po byin rlob pa'i/ /dus dang chod ni kun mkhyen pa/ /smra ba'i mchog gis </font><hr>196b<br><font size=+1>


bka' stsol cig /de skad gsol nas bcom ldan gyis/ /rdo rje 'dzin la bka' stsal pa/ /dkyil 'khor don du gnyer ba la/ /rtag tu mtshan mo bri bar bya// //bam po gnyis pa lag na rdo rje de nas slob dpon gyis sangs rgyas thams cad la phyag byas la mtshon sna lnga'i srad bu thogs te bdag nyid bcom ldan 'das rnam par snang mdzad du byin gyis brlabs la| shar du srad bu bri ba ni/ /lte ba'i thad kar bzung nas ni/ /bar snang la ni gzung bar bya/ /de nas lho phyogs song nas su/ /byang phyogs su ni bri bar bya/ /de nas srad bu gnyis pa ni/ / rang gis blangs nas de nyid du/ /de bzhin gshegs pa rjes dran zhing / /shar phyogs bltas te bri bar bya/ /de nas lho phyogs song nas ni/ /byang phyogs su ni bri bar bya/ /blo ldan de nas slar log nas/ /bden bral phyogs su gnas nas ni/ /byang phyogs su ni bri bar bya/ /de nas g.yas su bsgyur bar bya/ /bsgyur te de ru 'dug nas su/ /lho phyogs su ni bri bar bya/ /de nas gnas te btang nas su/ /me yi phyogs su gnas nas ni/ /sngags pas gsang sngags cho gar gnas/ /shar du srad bu bri bar bya/ /de nas de bzhin dbang ldan phyogs/ /song nas nub tu kha bltas te/ /rlung gi phyogs kyi bar du ni/ /byang phyogs su ni bri bar bya/ /sngags pa yis ni de lta bur/ /kun nas gru bzhi lham par bya/ /de nas dbus su zhugs nas su/ /de la cha ni </font><hr>197a<br><font size=+1>


@#/ /gsum du brtag /sa rnams thams cad kun tu yang / /cha gsum dag tu brtags na ni/ /cha rnams kyang ni re re la/ /cha gsum du ni rab tu brtag /cha gcig gis ni bskor ba yi/ /'khor bar byas te lhag ma yi/ /cha gnyis po ni lha nyid kyi/ /gnas su nges par bya ba yin/ /blo dang ldan pas phyogs bzhi ru/ /so so'i phyogs char sgo khyud ni| |sdom brtson can gyis nan tan du/ /lha rnams gtso bo'i gnas su bya/ /de ltar rim par legs phye ba/ /'di dag thams cad byas nas ni/ /dbus su pad+ma dkar po mchog /de ni snying po zhes su bsgrags/ /dkyil 'khor snying po 'byung ba kun/ /des ni snying po can du byas/ /de yi tshad kyang sor bcu drug /yan chad du ni bshad pa yin/ /'dab ma brgyad pa legs par rdzogs/ /ze bar ldan pa shin tu bzang / /'dab ma'i bar ni thams cad du/ /kun nas rdo rje bri bar bya/ /de yi snying po'i dbus su ni/ /rgyal mchog gtso bo gser gyi mdog/ 'bar bcas thor tshugs dbu rgyan can/ /'od zer dag gis kun nas bskor/ /mgon po nad dang bral ba ni/ /ting nge 'dzin du gnas par bri/ /de yi shar du blo ldan gyis/ /sangs rgyas rnams kyi phyag rgya ni/ /gru gsum thams cad thal dkar nyid/ /pad+ma'i steng gnas 'khor yug tu/ /'od zer dkar pos yongs bskor ba/ /rab tu bsgrims te bri bar bya/ / </font><hr>197b<br><font size=+1>


\?\ yi byang du mkhas rnams kyis/ /skyob pa dag ni kun gyi yum/ /gser gyi mdog can 'bar dang bcas/ /na bza' dag ni dkar po mnabs/ /kun tu rnam par snang mdzad pa/ / ting nge 'dzin du gnas par bri/ /mgon po de yi byang phyogs su/ /spyan ras gzigs dbang dpa' bo ni/ /pad+ma dkar po'i stan la 'dug /dung dang kun da zla ba 'dra/ /dbu la 'od dpag med bzhugs pa/ /bzhin ni bag tsam 'dzum par bri/ /de yi g.yas su lha mo ni/ /sgrol ma grags pa chen mo de/ /dge zhing 'jigs pa sel ba ste/ /sngo bsangs mo la sna tshogs gzugs/ /bud med dar la bab pa'i tshad/ /thal sbyar me tog ut+pal thogs/ /'od zer dag gis kun bskor cing / /gos ni dkar po gyon par bri/ /g.yon du lha mo khro gnyer can/ /sngags de'i phreng ba lag na 'chang / /mig gsum pa la thor tshugs can/ /kha dog mdog ni dkar mo la/ /'od zer dkar po ser po dang / /dmar po rnams kyis bskor bar bri/ /khro gnyer can dang nye bar ni/ /mthu chen lag na pad+ma thogs/ /brtse ba chen po gos dkar gyon/ /'od zer dag gis bskor ba yis/ /dpa' bo yang dag bri bar bya| |de yi pad+ma kha ma bye/ /de yi drung du blo can gyis/ /rig sngags lha mo grags ldan ma/ /gser gyi kha dog lta bu can/ /rgyan rnams kun gyis brgyan pa ste/ /lag pa g.yon pas bri yang ku'i/ / </font><hr>198a<br><font size=+1>


@#/ /snye ma yid 'ong 'dzin par bri/ /sgrol ma yi ni nye 'khor du/ /blo dang ldan pas gos dkar mo/ /thor tshugs can la gsod dkar gyon/ /lag na pad+ma thogs par bri| |de yi 'og tu sngags pa yis/ /rig sngags rgyal po stobs po che/ /kha dog nyi ma 'char ka bzhin/ /pad+ma dkar pos rnam par brgyan/ /'bar ba'i phreng can mi bzad cing / /spu dag seng+ge ltar 'dug pa/ /spyan ras gzigs dbang blo ldan gyi/ /rta mgrin can zhes grags pa bri/ /sangs rgyas rnams kyi lho phyogs su/ /byang chub sems dpa' skyob rnams kyi/ /phyag rgya yid bzhin nor bu zhes/ /grags pa skal ba chen po can/ /re ba thams cad rdzogs byed pa/ /pad+ma dkar la 'dug par bri/ /mgon po rnam snang mdzad chen gyi/ /lho yi phyogs su rdo rje 'dzin/ /re ba thams cad skong byed pa/ /mdog ni pri yang ku lta bur/ /ljang ser ram ni margad ltar/ /sngo bsangs mgon po dbu rgyan can| |sems dpa' chen po rgyan kun gyis/ /rnam par brgyan cing mtha' yas par/ /'jug pa rgya chen rdo rje bcas/ /'od zer dag gis bskor bar bri/ /de yi g.yas su lha mo'i ming / /mA ma kI zhes bya ba de/ /rdo rje'i rgyan gyis brgyan pa ste/ /lag na rdo rje thogs par bri/ /de yi 'og tu lha mo bri/ /rdo rje'i rtse mo stobs chen te/ /pho nya rnams kyis yongs </font><hr>198b<br><font size=+1>


bskor cing / /bzhin ni bag tsam 'dzum par bri/ /g.yon rol du ni sngags pa yis/ /rdo rje lu gu rgyud ces pa/ /lag na rdo rje lu gu rgyud/ /rang gi pho nya rnams kyis bskor/ /pri yang ku ltar ljang ser mdog /rdo rje'i mtshan mas legs mtshan bri/ /lag na rdo rje'i 'og logs su/ /khro zla gtso bo zhes bya ba/ /bgegs chen dgra ni zhi byed pa/ /khro bo 'jig rten gsum du grags/ /mig gsum mche ba bzhi pa ste/ /kha dog dbyar gyi char sprin 'dra/ /rab tu rgod pa'i sgra yang 'byin/ /rdo rje'i rgyan gyis rnam par brgyan/ /'khor ni mtha' yas khro bo yis/ /dbang phyug rnams kyis yongs bskor ba/ /lag pa stong phrag brgya dag ni/ /mtshon cha sna tshogs thogs shing gdengs/ /khro bo chen po 'di 'dra pa/ /pad+ma'i steng na 'dug par bri/ /de yi nub tu song nas ni/ /rdo rje 'dzin pa mang po bri/ /lag na mtshon cha sna tshogs thogs/ /kha dog sna tshogs stobs po che/ /'od zer dag gis yongs bskor ba/ /sems can kun don byed pa bri/ /gsang sngags mgon po'i 'og logs su/ /bden bral gyi ni phyogs kyi char/ /mi g.yo zhes bya lag na ni/ /ral gri zhags pa legs par thogs/ /zur phud spyi bo g.yon du 'phyang / /rab tu brgyan cing mig gcig yo/ /rang gi 'od kyi nang na gnas/ /khro dang bcas pa brag la 'dug /bzhin ni khro gnyer rab tu bsnyer/ /byis pa'i gzugs can mkhrang bag can/ /bris nas blo ldan rlung phyogs su/ /song nas </font><hr>199a<br><font size=+1>


@#/ /bcom ldan 'das kyi ni/ /khro bo 'jig rten gsum las rgyal/ /'bar ba'i phrang can mi bzad pa/ /lag na rdo rje rtse phran rgyal/ /bka' lung nod pa ltar 'dug cing / /zad pa'i dus dang 'drar gnas pa/ /nan tan nyid du bri bar bya/ /de ltar nang du bri ba ni/ /rgyan dang bcas par bshad pa yi/ /de nas sngags pa phyir byung nas/ /nges par gnyis pa'i cha dag la/ /shar gyi phyogs kyi nang du ni/ /cha ni gnyis su phye ba la/ /sgo khyud kyi na ning rol du/ /sngags pas rgyal ba shAkya thub/ /gser gyi kha dog 'bar dang bcas| |mtshan mchog sum cu rtsa gnyis ldan/ /mgon po na bza' dur smrig mnabs/ /khyab bdag bstan pa'i don mdzad pa/ /pad+ma dkar po'i stan la bzhugs/ /chos 'chad tshul du bzhugs par bri/ /de yi g.yas su lha mo ni/ /sangs rgyas spyan zhes bya ba ste/ /lha mo cung zad 'dzum pa'i zhal/ /'od kyi dkyil 'khor 'dom gang ba/ /mtshungs med sku ni rab tu dwangs/ /de ni shAkya thub pa'i yum/ /de yi g.yas su lha mo ni/ /rigs sngags mdzod spu zhes grags pa/ /pad+ma'i steng na 'dug pa ste/ /dung zla kun da lta bu'i mdog / lag na yid bzhin nor bu thogs/ /re ba kun rdzogs byed pa bri/ /de nas sngags pas g.yon rol tu/ /shAkya seng+ge skyob pa yi/ /gtsug tor gzi can brtson 'grus che/ /gdugs </font><hr>199b<br><font size=+1>


dkar bo dang rgyal ba'i gtsug /gtsug tor rnam par rgyal nyid dang / /gzi brjid phung po skal chen dang / /rnam par 'thor zhes rnam grags pa/ /lnga po yang dag bri bar bya/ /shAkya thub ni mthu chen gyi/ /gtsug tor lnga po 'di dag ni/ /gnas rnams lnga rnams nyid du ni/ /rab tu bsgrims te bri bar bya/ /de yi byang du song nas su/ /gnas gtsang rnams ni bri bar bya/ / dbang phyug kun tu me tog dang / /'od kyi phreng ba nyid dang ni/ /yid mgyogs dang ni rnam grangs te/ /de dag thams cad legs par bri/ /mdzod spu yi ni g.yas logs su/ /gtsug tor chen po cher 'byung dang / /de bzhin gyen du 'byung nyid dang / /sgra dbyangs mtha' yas pa yang ste/ /gtsug tor gsum po kho na ni/ /bsgrims te yang dag bri bar bya/ /gtsug tor lnga po stobs can rnams/ /dkar po ser skya ser por bya/ /mthu chen gtsug tor lnga po yi/ /gsum po gzhan ni dkar po dang / /ser po dang ni dmar por bya/ /kun kyang 'od zer mang po can/ / rgyan rnams kun gyis brgyan pa yin/ /de dag smon lam stobs chen de/ /re ba thams cad rdzogs byed pa'o/ /de nas sngags pas me phyogs su/ /me ni drang srong che rnams dang / /bcas shing me yi nang na 'dug /thal ba'i sol ris gsum gyis mchan/ /dpa' bo thams cad rab tu dmar/ /snying ga sum mdo ris mtshan cing / /me lce 'bar ba'i dbus na 'dug /bgrang phreng </font><hr>200a<br><font size=+1>


@#/ /gun+d+he thogs par bri/ /de nas lho yi phyogs kyi char/ /gshin rje gtso bo lag pa na/ /dbyug pa thogs shing ma he zhon/ /kha dog dbyar gyi char sprin 'dra/ /ma mo rnams dang dus mtshan dang / /'chi bdag rnams kyis bskor bar bri/ /bden bral phyogs su bden bral ni/ /lag na ral gri 'dzin pa bri/ /de nas kyang ni blo ldan pa/ /myur du byang gi phyogs song ste/ /lha yi rgyal po ri rab la/ /'dug cing lha rnams kyis bskor ba/ /lag na rdo rje cod pan can/ /rgyan rnams kun gyis brgyan par bri/ /de nas yi shar du ni/ /chu lha lag na zhags thogs bri/ /de yi yang ni shar phyogs su/ /nyi ma shing rta'i steng 'dug bri/ /de yi g.yas dang g.yon du ni/ /rgyal dang rnam par rgyal ba bri/ /de yi g.yas su tshangs pa ni| |gdong bzhi pa la thor tshugs can/ /oM zhes bya ba lhur len pa/ /ngang pa pad+ma'i stan 'dug bri/ /de yi nub tu bri ba ni/ /sa yi lha dang dbyangs can dang / /khyab 'jug skem byed de bzhin rlung / /bde byed de bzhin zla ba ste/ /nub kyi phyogs su gnas nas ni/ /rab tu nan tan bya ste bri/ /bris nas sngags pas de nas ni/ /yid la 'khrul pa med pa ru/ /gsang sngags mgon po'i 'og logs su/ /khro chen gzhan gyis mi thub ces/ /bya ba nyid dang lha mo ni/ /gzhan gyis mi thub ma dang ni/ /sa bdag lag na bum pa thogs/ /gus par yang </font><hr>200b<br><font size=+1>


dag gnas par bri/ /klu chen dga' bo bsnyen dga' dag /shAkya seng+ge skyob pa yi/ /sgo drung gnyis su mngon phyogs par/ /rab tu bsgrims te bri bar bya/ /gzhan yang shAkya thub pa yis| |rgyud rnams kun las dkyil 'khor du/ /sngags dang phyag rgyas gang bshad pa/ /de dag kyang ni mkhas pas bri/ /sngags pa de nas phyir byung nas/ /cha gsum pa ni nges pa la| |rdo rje dam pa sbyin pa ni/ /gur gum lta bu'i mdog can de/ /spyi bor zur phud lnga dang ldan/ /byis pa gzhon nu'i gzugs can la/ /ut+pal sngon po rdo rje can/ /lag pa g.yon na thogs pa ste/ /pad+ma dkar po'i stan la 'dug /rab tu 'dzum pa bzhin du gnas/ /'od zer mtshan nyid bzang po yis/ /kun tu 'khor bar sngags pas bri/ /de yi byang du gzhon nu ni/ /dra ba'i 'od can lag pa na/ /rin chen dra ba thogs pa ste/ /sna tshogs pa yi rgyan gyis brgyan/ /pad+ma dmar po'i stan la 'dug /rgyal ba'i sras la lta bar bri/ / rdo rje dam pa sbyin pa yi/ /g.yon du pho nya mo lnga bri/ /skra can dang ni nye skra can/ /sna tshogs ma dang nor can ma/ /de bzhin 'gugs ma zhes bya ba/ /'di dag blo ldan pho nya mo/ /de dag gi ni pha zad du/ /phyag brnyan ma ni lnga rnams dang / /gzhon nu dra ba'i 'od can gyi/ /'khor gnyis po yang bri bar bya/ /de nas sngags pas lho phyogs su/ /byang chub sems dpa' grags chen po/ / </font><hr>201a<br><font size=+1>


@#/ /sgrib pa thams cad rnam sel gtso/ /yid bzhin nor bu thogs par bri/ /de yi cha gnyis bor nas ni/ /dpa' bo ngo mtshar can dang ni/ /sems can kun la mi 'jigs sbyin| |dan song thams cad spong ba dang / /de bzhin skyong sems blo gros dang / /blo can snying rjes gdungs pa dang / /byams pa sngon du 'byung ba dang / /gdung ba thams cad zhi byed dang / / de bzhin blo gros bsam yas te/ /mkhas pa brgyad po bri bar bya/ /byang gi phyogs su song nas ni/ /sa yi snying po 'bar dang bcas/ /bzod dang des pa phun tshogs bri/ /de yi stan ni mkhas pa yis/ /'byung khungs kun dang ldan pa yis/ /rin chen kun gyis nyer brgyan pa/ /de yi steng na rin chen bzhi'i/ /pad+ma yang dag gnas pa yi/ /yid du 'ong ba bsam bya ste/ /byang chub sems dpa' grags chen po/ /de yi steng na 'dug par bri/ /de yi 'khor ni yon tan sgo/ /mtha' yas shin tu grangs med do/ /de yi nang na byang chub sems/ /rin chen 'byung gnas rin chen lag /sa 'dzin nyid dang lag dang ni/ /rin chen phyag rgya can dang ni/ /lhag pa'i bsam pa brtan pa nyid/ /grags chen 'di dag bri bar bya/ /de bzhin sngags pas nub phyogs su/ dpa' bo nam mkha'i snying po ni/ /gzi brjid chen po gos dkar gyon/ /lag na ral gri thogs bsam ste/ /rgyal sras pad+ma'i stan steng na/ /legs par 'dug pa bri bar bya/ /bdag nyid </font><hr>201b<br><font size=+1>


chen po de 'khor du/ /grags pa dag kyang bri bar bya/ /de 'khor dpa' bo chen po ni/ /nam mkha' dri med blo gros mkha'/ /blo gros rnam dag nyid dang ni/ /spyod pa yi ni blo gros dang / /blo brtan pa zhes bya ba ste/ /de dag rab tu bsgrims bri zhing / /rtag tu dpa' bo 'di rnams dang / /lhan cig go rim bzhin du bsam/ /de nas gsang ba pa'i bdag po lag na rdo rjes thams cad dang ldan pa'i 'khor rnams la bltas nas bcom ldan 'das rnam par snang mdzad la ring zhig tu mig mi 'dzum par bltas te ched du gleng ba 'di gleng zhing tshig tu smras pa/ 'jig rten du ni kun mkhyen rnams/ /u dum bA ra'i me tog bzhin/ /brgya lam na ni res 'ga' zhig /'byung 'gyur yang ni mi 'byung ngo / /gsang sngags spyod pa'i tshul 'byung ba/ /de bas kyang ni dkon pa ste/ /bskal pa bye ba du ma ru/ /sdig pa bgyid par gyur pa gang / /de kun dkyil 'khor 'di 'dra ba/ /mthong bas byang bar 'gyur lags na/ /grags pa mtha' yas sngags spyad pa'i/ /tshul la gnas na smos ci dgos/ /skyob pa'i gsang sngags bzlas na ni/ /go 'phang bla na med par 'gyur/ /gang dag spyad pa mchog 'di la/ /blo gros shin tu mi g.yo ba/ /de dag gis ni ngan 'gro'i rgyun/ /sdug bsngal kun 'byung rab tu bcad/ /de'i tshe thams cad dang ldan pa'i 'khor de dag dang / rdo rje 'jin de dag gis mgrin gcig tu mthun par tshig smras pa/ gsang sngags spyod </font><hr>202a<br><font size=+1>


@#/ /pa'i dbang gyur pa/ /dpa' bo chen po legs so legs/ /khyod kyi yid la gang bsam pa/ /mnyam med thams cad mkhyen la zhus/ /sngags rgyud rtogs par shes ba yi/ /byang chub sems dpa' gzhan rnams dang / /sngags spyad 'bras bu la gnas pa/ /bdag cag thams cad dbang du gyur/ /de nas yang bcom ldan 'das la phyag na rdo rjes 'di skad ces gsol to/ /tshon zhes bgyi ba de gang lags/ /ci slad 'dir ni tshon zhes bgyi/ /tshon ni ji ltar dgye bar bgyi/ /gang zhig thog mar gtang bar bgyi// rta babs rnams dang de bzhin du/ /sgo khyud rnams kyi tshad dang ni/ /sgo yi tshad kyang ci 'drar bgyi/ /mgon po yis ni bshad du gsol/ /lha bshos me tog bdug spos dang / /bum pa rnams kyang rgyas par gsungs/ /slob ma ji ltar gzud pa dang / /de ni ji ltar dbang bskur dang / /bla ma la ni yon 'bul dang / /sbyin sreg gnas kyang bdag la gsungs/ /gsang sngags mtshan nyid ci 'dra lags/ /ting nge 'dzin du bzhed pa gang / /de skad gsol nas bcom ldan 'das/ /chos kun dbang phyug thub pa yis/ /rdo rje 'dzin la 'di skad gsungs/ / yid gcig tu ni tshur nyon cig /theg chen 'bras bu 'byung ba yi/ /gsang sngags spyod pa'i tshul gyi mchog /sems dpa' chen po khyod kyis ni/ /gang dag dris pa bshad par bya/ </font><hr>202b<br><font size=+1>


sems can khams ni zhen byed cing / /'di ni chos dbyings ro yin par/ /sangs rgyas rnams kyis sngon gsungs te/ /de phyir 'di ni tshon zhes bya/ /tshon ni nang nas dgye bar bya/ /phyi rol nas ni tshon mi dgye/ /dkar po thog mar gtang bar bya/ /de yi 'og tu dmar po ste/ /de nas ser po gtang bar bya/ /de yi 'og tu ljang gu gtang / /kun gyi nang rol nag po ste/ /tshon gyi cho ga de ltar bshad/ /rta babs rnams kyi tshad kyang ni/ /dkyil 'khor dbu ma dang mnyam mo/ /sgo khyud dag kyang de dang mnyam/ /pad+ma sor bcu drug tu bshad/ /dang po'i sgo ni snying po yi/ /dkyil 'khor dang ni mnyam zhes bya/ /'jigs med dag gis rim gyis ni/ /bskyed de de bas lhag shes bya/ /sgo rnams kyi ni bar bar du/ /sgo srung rnams ni gzhag par bya/ /ting nge 'dzin ni mdor na sems/ /yang dag mgu ba yin par bshad/ /sems dpa' chen po khyad par ni/ /yid gcig bsdus la mnyan par gyis/ /sangs rgyas kun gyi ting 'dzin ni/ /stong pa nyid ces rgyal bas gsungs/ /de nas sems yongs shes pa la/ /thob par 'gyur gyi gzhan las min/ /de dag nyid ni spangs pa ste/ /rdzogs sangs rgyas kyi yin par 'dod/ /stong pa chen po zhes bya ste/ /kun mkhyen ye shes rdzogs byed pa'o| |de bas rnam pa thams cad du/ /stong nyid rtag tu dran par bya/ /de nas bcom ldan 'das rnam par snang mdzad sangs rgyas thams cad dang thabs cig tu yang dag par mol nas nyan thos </font><hr>203a<br><font size=+1>


@#/ /dang rang sangs rgyas rnams dang / byang chub sems dpa' rnams kyi ting nge 'dzin so so'i tshul gsungs so/ /de'i tshe yang sangs rgyas thams cad dang rgyud gcig pa'i stobs kyi shugs zhes bya ba'i ting nge 'dzin la snyoms par zhugs so/ /de nas yang bcom ldan 'das kyis byang chub sems dpa' phyag na rdo rje la bka' stsal pa/ byang chub snying por 'dug nas su/ / bdud ni rnam pa bzhi bcom pas/ /de nas dpa' bo chen po zhes/ /tshangs pa la sogs lha tshogs rnams/ /'jigs pa thams cad med pa'i sgra/ /dga' bzhin du ni sgrog par byed/ / de phyin chad ni nga dga' bo/ /dpa' bo chen po zhes su grags/ /skye ba med par ngas rtogs pa/ /tshig gi spyod yul rnam spangs shing / /nyes pa thams cad med pa ste/ /rgyu dang rkyen dang bral ba yin/ / stong pa'i ye shes mkha' 'dra ba/ /mun pa kun dang bral gyur cing / /shin tu dri med de kho na/ /ji ltar 'byung ba nga las byung / /kun mkhyen tsam gyi tshul du gnas/ /kun mkhyen sangs rgyas mtshan nyid do/ /nga yi de nyid dam pa 'di/ /'jig rten snang bar byed pa ste/ /byin gyi rlabs kyi stobs kyis ni/ /yig 'bru rnams su bstan nas su/ /sems can rnams la snying brtse'i phyir/ / ngas ni thams cad rab tu bshad/ /de nas dpal ldan rdo rje 'dzin/ /ngo mtshar gyur nas mig gdangs te/ /thams cad mkhyen la mgo bo yis/ /phyag 'tshal nas ni tshig 'di smras/ /sangs </font><hr>203b<br><font size=+1>


rgyas kun gyi thabs dang ni/ /shes rab bsam yas ngo mtshar che/ /spros pa kun dang bral ba yis/ /chos rtogs nas ni rang byung rnams/ /'jig rten kun gyi re ba kun/ /yongs su rdzogs par byed pa ste/ /gsang sngags mtshan nyid de lta bu/ /bden pa gnyis la legs gnas pa/ /sems can kun gyis shes na ni/ /'jig rten gyi ni mchod gnas 'gyur/ /de nas gsang ba pa'i bdag po phyag na rdo rjes tshigs su bcad pa de dag gsol nas bcom ldan 'das rnam par snang mdzad la mig mi 'dzum pa'i lta bas bltas nas cad mi smra bar 'dug go /de nas bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ gzhan yang byang chub sems dpa' skye ba gcig gis thogs pa sangs rgyas kyi sa la gnas pa rnams kyi ting nge 'dzin gyi tshul ni/ dogs pa dang ni bral ba ru/ /'jig rten mtshan nyid shes nas ni/ /dgos pa'i sa la gnas de rnams/ /sangs rgyas sa la gnas pa yin/ / gsang ba pa'i bdag po/ gzhan yang byang chub sems dpa' sa brgyad pa'i dbang phyug rnams kyi ting nge 'dzin gyi tshul ni/ chos rnams thams cad mi dmigs shing / /srid dang skye ba rnam slangs pa'i/ /'jig rten sgyu ma ltar shes nas/ /'jig rten 'jig rten dbang du 'dod/ /gsang ba pa'i bdag po/ gzhan yang nyan thos dmigs pa dang bcas pa'i sa la gnas pa rnams </font><hr>204a<br><font size=+1>


@#/ /skye ba dang / 'jig par rtogs nas mtha' gnyis bshig pas rgyu mi dmigs pa'i phyir shin tu dngos po med pa'i ye shes mi spyod de/ 'di ni/ nyan thos rnams kyi ting 'dzin gyi tshul/ gsang ba pa'i bdag po/ rang sangs rgyas rgyu dang 'bras bu rnam par bshig nas brjod du med pa'i chos kyi tshul la gnas pa rnams ni/ chos thams cad brjod du med do snyam pa'i ye shes 'jug ste/ dag shin tu 'gog pa'i ting nge 'dzin la yang dag par reg par byed pa 'di ni/ rang sangs rgyas rnams kyi ting nge 'dzin gyi tshul lo/ /gsang ba pa'i bdag po| gzhan yang 'jig rten pa rnams rgyu las 'bras bu dang / las las 'byung ba'am ldog par rtog cing / /gzhan gyi dbang gis stong pa nyid kyi ting nge 'dzin kun tu skye bar 'gyur te| 'di ni/ 'jig rten pa rnams kyi ting nge 'dzin gyi tshul lo/ /gsang ba pa'i bdag po/ 'di ni ting nge 'dzin gyi tshul/ /yin te de la gnas pa yi/ /sangs rgyas dang ni rang sangs rgyas/ / byang chub sems dpa' skyob rnams dang / /nyan thos des pa sdig bcom par/ /grags pa gang dag yin pa dang / /'jig rten pa yi lha gang yin/ /gsang sngags spyad pa'i cho ga'i tshul// sems can rnams la phan 'dod pas/ /dpa' bo de tshe 'chad par byed/ /de nas yang bcom ldan 'das kyis gsang ba pa'i bdag po phyag na rdo rje la bka' stsal pa/ gsang ba pa'i bdag </font><hr>204b<br><font size=+1>


po| gsang sngags rnams kyi mtshan nyid nyon cig /bcom ldan 'das/ de ltar 'tshal lo/ /zhes gsol nas bcom ldan 'das la nyan pa dang / bcom ldan 'das kyis 'di skad ces bka' stsal to| |gsang ba pa'i bdag po/ de la/ rdzogs sangs rgyas kyi gsang sngags ni/ /tshig dang ming dang brda yis mtshan/ /tshig de dbang du gyur pas na/ /gsang sngags don rnams thams cad sgrub/ /kha cig skul ba'i tshig dang ldan/ /kha cig rang ming thog mar smos/ /hUM dang phaT dang ldan pa ni/ /gtsug tor rnams kyi yin par bsgrags/ /zungs zo choms shig ces pa dang / /snun song drol cig zer ba ni/ /phyag brnyan rnams dang khro bo yi/ /gsang sngags yin par 'dren pas gsungs/ /na maH swAhA/ la sogs ldan/ /ting nge 'dzin ni rtogs pas mtshan| |zha bi'i yi ge rnam par dag /re ba thams cad rdzogs byed pa'i/ /gsang sngags sangs rgyas thams cad dang / /byang chub sems dpa' skyob pa'i yin/ /nyan thos rnams kyi gsang sngags ni/ /gcig pu gzhi ni gcig la gnas/ /rang sangs rgyas kyi'ang de bzhin te/ /khyad par dag ni bshad bya ni/ /ting nge 'dzin gyi khyad par las/ /las tshe rnam par sbyong zhes bya/ /gsang ba pa'i bdag po/ gzhan yang gsang sngags rnams kyi mtshan nyid ni/ sangs rgyas rnams kyis ma byas/ byed du ma bcug /rjes su yi rang ba ma yin no/ /de ci'i phyir zhe na/ 'di ni/ chos </font><hr>205a<br><font size=+1>


@#/ /rnams kyi chos nyid do/ /de ltar de bzhin gshegs pa rnams byung yang rung / ma byung yang rung / chos rnams kyi chos nyid de ni/ ye nas gnas pa ste/ de yang 'di ltar gsang sngags rnams kyi gsang sngags kyi chos nyid do/ /gsang ba pa'i bdag po/ de la gang gi tshe yang dag par rdzogs pa'i sangs rgyas thams cad mkhyen pa/ thams cad gzigs pa 'jig rten du byang ba de'i tshe chos nyid de tshul sna tshog dang / dgongs pa sna tshogs kyis sems can bsam pa sna tshogs pa rnams la tshig sna tshog sdang / yig 'bru sna tshogs dang / yul gyi nges pa'i tshig tu brjod pa sna tshogs dang / dbyangs sna tshogs su go ba rnams su byin gyis brlabs te gsang sngags kyis tshul 'chad do/ /ji ltar na de bzhin gshegs pa rnams gsang sngags kyi tshul yig 'bru dag tu byin gyis rlob ce na/ gsang ba pa'i bdag po/ de la de bzhin gshegs pa rnams kyis bskal pa bye ba khrag khrig brgya stong du mar yang dag par bsgrubs pa'i bden pa'i tshig gang yin pa dang / 'phags pa'i bden pa bzhi dang / dran pa nye bar gzhag pa bzhi dang / rdzu 'phrul gyi rkang pa bzhi dang / de bzhin gshegs pa'i stobs bcu dang / pha rol tu phyin pa drug dang / byang chub kyi yan lag rin po che bdun dang / tshangs pa'i gnas pa bzhi dang / sangs rgyas kyi chos ma 'dres pa bco brgyad gang dag </font><hr>205b<br><font size=+1>


yin pa dang / gsang ba pa'i bdag po/ mdor na de bzhin gshegs pa rnams kyi thams cad mkhyen pa'i ye shes gang yin pa de thams cad de bzhin gshegs pa rnams nyid kyi bsod nams dang / ye shes kyi stobs dang / snong gyi smon lam mkhyen pa'i stobs dang / chos kyi dbyings kyi byin gyi rlabs kyi stobs kyis byin gyis brlabs nas sems can rnams la skal pa ji lta ba bzhin du gsang sngags kyi cho ga yang dag par rab tu ston to/ /gsang sngags kyi cho ga de yang gang zhe na/ gzod ma nas ma skyes pa'i phyir a ni/ chos thams cad kyi sgo 'o/ /dgongs pa dang bral ba'i phyir ka ni/ chos thams cad kyi sgo 'o/ /nam mkha' dang 'dra bar dmigs su med pa'i phyir kha ni/ chos thams cad kyi sgo 'o/ /'chi 'pho thams cad dmigs su med pa'i phyir ga ni/ chos thams cad kyis go 'o/ /gcig tu 'phungs pa dmigs su med pa'i phyir g+ha ni/ chos thams cad kyi sgo 'o/ /'chi 'pho thams cad dang bral ba'i phyir tsa ni/ chos thams cad kyi sgo 'o/ /grib ma thams cad dang mtshungs pa'i phyir tsha ni/ chos thams cad kyi sgo 'o/ /skye ba dmigs su med pa'i phyir dza ni/ chos thams cad kyi sgo 'o/ /dri ma dmigs su med ba'i phyir ga ni/ chos thams cad kyi sgo 'o/ /nga rgyal dmigs su med pa'i phyir Ta ni/ chos thams cad kyi sgo 'o/ /bskyed pa dmigs su med pa'i Tha ni/ chos thams cad kyi sgo 'o/ /'khrug pa </font><hr>206a<br><font size=+1>


@#/ /dmigs su med pa'i phyir Da ni/ chos thams cad kyi sgo'o/ /slu ba dang yongs su bral ba'i phyir D+ha ni/ chos thams cad kyi sgo'o/ /de bzhin nyid dmigs su med pa'i phyir ta ni/ chos thams cad kyi sgo'o/ /gnas dmigs su med pa'i phyir tha ni/ chos thams cad kyi sgo'o/ /'dul ba dmigs su med pa'i phyir da ni/ chos thams cad kyi sgo'o/ /khams dmigs su med pa'i phyir d+ha ni/ chos thams cad kyi sgo'o/ /don dam pa'i bden pa dmigs su med pa'i phyir pa ni/ chos thams cad kyi sgo'o/ /dbu ba 'dra bar snying po med pa'i phyir pha ni/ chos thams cad kyi sgo'o/ /ngag gi lam dang bral ba'i phyir ba ni/ /chos thams cad kyi sgo'o/ /srid pa thams cad dmigs su med pa'i phyir b+ha ni/ chos thams cad kyi sgo'o/ /'chi ba dmigs su med pa'i phyir ma ni/ chos thams cad kyi sgo'o/ /theg pa chen po thams cad dmigs su med pa'i phyir ya ni/ chos thams cad kyi sgo'o/ /rdul thams cad dang bral ba'i phyir ra ni/ chos thams cad kyi sgo'o/ /mtshan nyid dmigs su med pa'i phyir la ni/ chos thams cad kyi sgo'o/ /rang bzhin gyis zhi ba'i phyir sha ni/ chos thams cad kyi sgo'o/ /rang bzhin gyis bem po'i phyir Sha ni/ chos thams cad kyi sgo'o/ /bden pa thams cad dmigs su med pa'i phyir sa ni/ chos thams cad kyi sgo'o/ /rgyud dmigs su med </font><hr>206b<br><font size=+1>


pa'i phyir ha ni/ chos thams cad kyi sgo'o/ /gsang ba pa'i bdag po/ nga dang / nya dang / Na dang / na dang / ma ni ting nge 'dzin thams cad la dbang sgyur bste/ mthu thams cad dang ldan pa rab tu myur bar dgos pa'i don rab tu sgrub par byed pa yin no/ /gsang ba pa'i bdag po/ gsang sngags kyi tshul ting nge 'dzin gyi sgo 'di ni/ re ba thams cad yongs su rdzogs par byed pa/ de bzhin gshegs pa thams cad kyi rnam par smin pa'i 'bras bu bsam gyis mi khyab pa/ rnam pa thams cad kyi mchog dang ldan pa/ gsang sngags kyi de kho na nyid kyi don nges pa/ dus gsum las shin tu 'das pa/ nam mkha' ltar dri ma med pa ste/ bsam yas sems kyi sa la gnas/ /las dang bya ba dag las byung / /spyad pa'i sa ni rjes thob nas/ /bsam yas 'bras bu smin par byed/ / 'di ni de nyid dam pa ste/ /sangs rgyas kun gyis rab tu bstan/ /gsang sngags cho ga 'di shes na/ /sngags pas dngos grub thob par 'gyur/ /sgra zhes bya ba de nyid mchog /gsang sngags rnams kyi gsang sngags mtshan/ /sngags pas yid la sems na ni/ /'chi 'pho med pa'i gnas 'thob bo/ /de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das kyis gsang sngags kyi mtshan nyid kyi tshul bsam gyis mi khyab pa'i chos kyi rnam grangs bstan pa bcom ldan 'das/ ngo mtshar lags so/ /de ni/ nyan thos </font><hr>207a<br><font size=+1>


@#/ /dang rang sangs rgyas thams cad dang thun mong ma lags te/ bcom ldan 'das/ gang dag gsang sngags kyi tshul 'di la dad pa'i sems can de dag kyang thun mong ma lags pa'i yon tan dang ldan par 'gyur ro/ /bcom ldan 'das/ gzhan yang dkyil 'khor gyi yo byad kyi cho ga bshad du gsol/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /de nas sngags pa de yis su/ /me tog ser po dkar po dmar/ /yid du 'ong bas nan tan du/ /lha rnams la ni mchod pa byas/ /pad+ma yang na ut+pa la/ /nA ga ge sar bun ga /tsam pa a sho ti la ka /pa ta la dang sa la'ang rung / /de la sogs pa'i me tog rnams/ /yid du 'ong zhing blta na sdug /bkra shis pa la sngags pa yis/ /mkhas pas nan tan mchod pa bya/ /tsan+dan ta dkar spri ka dang / /gur gum dang ni ru rta'ang rung / /spos mchog rab tu bzang po ni/ /sna tshogs yid du 'ong ba dbul/ /a ga ru'am sgron shing ngam/ /ga bur dang ni tsan+dan dang / /sA la'i thang chu bkra shis pa'am/ /shri ra bi sa ka yang rung / /gzhan yang bdug spos sna tshogs pa/ /bkra shis 'jig rten rnam par grags/ /yid 'ong sngags pas cho ga bzhin/ /lha rnams la ni dbul bar bya/ /de nas gzhan yang sems dpa' che/ /lha bshes las kyi cho </font><hr>207b<br><font size=+1>


ga nyon| |'o thug 'bras tshan zhor sbyar dang / /la du dang ni khur skya dang / /gor b+hod ka ra yid 'ong dang / /khaN+DA'i bca' ba bzang po dang / /pu ri ka dang ka ri ka /de bzhin ma thu shi ra dang / /phe na a shog bar ti dang / /par pa ha yang dbul bar bya/ /de la sogs pa'i bza' ba dang / /shing tog rnams ni sna tshogs dang / /hwags dang li kha ra rnams dang / /bu ram sbrang rtsi mar dag dag dang / /btung ba rnam pa sna tshogs dang / /zho dang 'o ma rgyas par dbul/ /mar me rnam pa sna tshogs pa/ /gtsang zhing shin tu bzang po yi/ /'bru mar rab tu dri zhim pas/ /rab tu bkang ste dbul bar bya/ /phyogs su gdugs dang ba dan rnams/ /kha dog sna tshogs rab tu bsgrags/ /rta babs bzang po rnams kyang ni/ /dril bu dang bcas rab tu dbul/ /yang na yid kyi mchod pa ni| |thams cad nan tan bskyed de bya/ /de nas bum pa brgyad dam ni/ /bcu drug rgyas par blangs nas su/ /sman dang rin chen thams cad blugs/ /spos kyi chus ni rab tu bkang / /ldum bu dag gis kha brgyan te/ /de bzhin 'bras bus kha yang dgang / /me tog spos la sogs pas brgyan/ /shin tu bzang po srung ba byas/ /mgrin pa ras kyis bcings pa rnams/ /mkhas pas rnam par dgod par bya/ /lha yi gtso bo rnams la ni/ /ras ni zung re zung re dbul/ /sems dpa' chen po phal pa rnams la/ /ya re dbul bar rab tu bsgrags/ /mchod pa de ltar byas </font><hr>208a<br><font size=+1>


@#/ /nas ni| |slob ma dkyil 'khor drung bkug ste/ /sngags pas chu yis bsang gtor bya/ /dri dang me tog sbyin par bya/ /de bzhin gshegs pa dran byas nas/ /byang chub sems kyang 'dzin du gzhug /de nas rgyal ba'i rigs dge la/ /thams cad rab tu skye bar 'gyur/ /chos kyi dbyings las byung ba yi/ /phyag rgya de dag rnams la bcing / /chos kyi 'khor lo 'ang bcings nas ni/ /rdo rje sems dbas byin gyis brlabs/ /de nas sangs rgyas kun gyi ni/ /dam tshig sdom brtson can gyis bcings/ /de tshe sngags kyi cho ga bzhin/ / ras la lan gsum gdab par bya/ /snying rjer gyur pa'i yid kyis su/ /de dag gi ni gdong yang dag /dam tshig lan gsum bzlas nas ni/ /spyi bor yi ge ra zhes pa/ /klad kyi gor bcas brjid dang ldan/ /'bar ba'i phreng ba rnam par 'phro/ /zla ba 'char ka lta bu yi/ /kha dog dkar po gzhag par bya/ /skyob pa kun gyi spyan sngar ni/ /de nas me tog 'dor du gzhug /me tog gang la bab de ni/ /sngags pas de la sbyin par bya/ /dkyil 'khor dang po'i sgo yi drung / /sgo khyud kyi ni dbus kyi cha/ /dkyil 'khor gyi na sgo gnyis kyi/ /bar du slob ma gzung bar bya/ /der gnas pa la cho ga kun/ /rim pa bzhin du legs par bya/ /slob ma sdig dang bral ba kun/ /de ltar legs par bcug nas ni/ /de dag zhi bar byang ba'i phyir/ /sbyin sreg cho ga bzhin du bya/ /snying </font><hr>208b<br><font size=+1>


po'i dkyil 'khor gyi ni mdun/ /dkyil 'khor gnyis pa'i rgyab rol gyi/ /dkyil 'khor gyi ni dbus kyi char/ /ma yengs pa yi sems kyis bya/ /me thab khru gang tsam gyi ni/ /tshad du rab tu bsgrags pa yin/ /kha ran sor bzhi'i tshad du bya/ /dbus su rdo rje rab tu brtag /de nas sngags pa'i g.yas logs su/ /sbyin sreg gi ni yo byad gzhag /g.yon gyi phyogs su slob ma rnams/ /tsog tsog por ni 'khor du gzhug /sngom brtson bdag nyid sa steng du/ /ku sha bting ba'i stan la 'dug /yang na tshon rtsi dkar po mchog /rab tu bzang po blangs nas su/ /de yis mi yi gnas rnams kun/ /sngags pas mdo ru bri bar bya/ /ku sha dag gis g.yas phyogs nas/ /thams cad khor yug dgam pa ni/ /mang pos bskor ba'i tshul du dgram/ /spos kyi chu yis bsang gtor bya/ /de nas sems can phan byed pa'i/ /me ni thab khung nang bsams nas/ /brtul zhugs bzang pos dgang lugs mchog /gsang sngags 'di yis sbyin par bya/ /na maH sa man+ta bud+d+ha nAM/ ag+na ye swAhA/ de nas slob ma re re nas/ /mkhas pa'i lag pa g.yon pa yis/ /g.yas pa'i mthe bong bzung nas su/ /mnyam par gzhag pas sbyin sreg bya/ /yid ni mnyam par bzhag nas su/ /sreg blugs re re las kyang ni/ /gsang sngags cho ga bzhin zlos shing / /nyi shu rtsa gcig sbyin sreg bya/ /na maHsa man+ta bud+d+ha nAM/ oM mahA shIn+ta ga tA shan+ti ka ra pra sha ma </font><hr>209a<br><font size=+1>


@#/ /d+harma nir dzA ta/ a b+hA ba swa b+hA ba d+harma sa ma tA prAp+te swAhA/ sbyin sreg rjes la sngags pa yis/ /slob ma rnams la yon bslang ba/ /gser dang dngul dang rin chen dang / /rta dang de bzhin glang po dang / /rnga ma pa dang ma he gos/ /gzhan yang dngos po ci yang rung / /de tshe slob mas gus par ni/ /dad pa rab tu ldan pa yis/ /sems la dga' ba bskyed nas su/ /bla ma la ni yon dbul lo/ /yang na ci nas bla ma de/ /rab tu mgu bar 'gyur bar bya/ /de ltar byas nas bdag bsrungs te/ /slob ma de bos bsgo ba ni/ /'di ni bsod nams zhing yin zhes/ /sems can kun gyi don gyi phyir/ /skyob pa rnams ni kun gyis gsungs/ /rnam dag yon tan rgyas pa yi/ /dge 'dun la ni kun gyis byin/ /dge 'dun la phul 'bras bu che/ /skyes bu mkhas pa gang dag gis/ /dge 'dun la ni yon phul na/ /longs spyod chen po mi zad pa/ /'jig rten pa la skye par 'gyur/ /de bas thams cad mthun par ni// sems dpa' dga' ba bskyed nas su/ /sangs rgyas bsngags pa'i dge 'dun la/ /ci nus par ni mchod ston bya/ /de nas bcom ldan 'das rnam par snang mdzad kyis byang chub sems dpa' sems dpa' chen po phyag na rdo rje la bka' stsal pa/ sems dpa' chen po dbang bskur ba/ /sngon gyi sangs rgyas kyis bshad pa/ /rgyas pa ru ni bshad par bya'i/ /yid gcig </font><hr>209b<br><font size=+1>


bsdus te legs par nyon/ /gsang ba pa'i bdag po/ de la slob dpon gyis rtsa ba'i dkyil 'khor gyi mdun du bar khru do bor nas phyi rol gyis la dkyil 'khor gnyis pa gru bzhi ba la sgo gcig pa bri bar bya'o/ /grwa bzhir rdo rje 'dzin pa bzhi dgod de/ bzhi gang zhe na/ 'di lta ste/ spros pa med par gnas pa dang / nam mkha' dri ma med pa dang / dri ma med pa'i mig dang / gos sna tshogs gyon pa rnams so/ /dbus su pad+ma chen po 'dab ma brgyad pa ze ba dang bcas pa bzhag ste 'dab ma bzhi la byang chub sems dpa' grogs su gyur pa/ sngon gyi smon lam gyi mthu can du gyur pa bzhi bri bar bya ste/ 'di lta ste/ gzungs kyi dbang phyug rgyal po dang / dran pa dang shes bzhin can dang / phan pa'i lhag pa'i bsam pa can dang / snying rje can no/ /'dab ma gzhan rnams la ni/ phyag brnyan bzhi bri ste/ bzhi gang zhe na/ 'di lta ste/ sems kyi khyad par la spyod pa dang / 'dod pa yongs su rdzogs byed dang / ma chags pa dang / rnam par grol ba'o/ /dbus su ni/ chos kyi dbyings bsam gyis mi khyab pa'i gzugs gzhag go /de nas rin po che'i bum pa bzhi rin po che dang sman thams cad blugs pa/ kun tu bzang po dang / byams pa dang / sgrib pa thams cad rnam par sel ba dang / ngan song thams cad bong ba rnams kyis byin gyis brlabs pas spyi bo nas dbang bskur ro/ /pad+ma 'dab ma de la ni/ /sngags pa bdag gis de bzhag nas/ /spos </font><hr>210a<br><font size=+1>


@#/ /dang me tog gis mchod de/ /mar me mchod yon sbyin par bya/ /gdugs dang rgyal mtshan ba dan dang / /rnga sgra yid du 'ong ba dang / /bkra shis rgya chen snyan po yis| |tshig gis legs par mngon dgar bya/ /skyob pa rnams kyi spyan snga ru/ /de ni bsgrims te dbang bskur ro/ /spos dang me tog bzang po yis/ /de la yang ni mchod pa bya/ / de nas gser gyi thur ma ni/ /thogs te mdun du 'dug nas su/ /slob ma'i snying la dbab pa'i tshig /'di skad ces ni smra bar bya/ /sngon gyi mig mkhan rgyal po yis/ /'jig rten ling tog bsal ba bzhin/ /bu khyod kyi ni mi shes pa'i/ /ling tog rgyal ba rnams kyis bsal/ /de nas me long blangs nas su/ /chos kyi mtshan nyid bshad par bya/ /chos rnams gzugs brnyan lta bu ste/ /dwangs shing dag la rnyog pa med/ /gzung du med cing brjod du med/ /rgyu dang las las byung ba ste/ /ngo bo nyid med gnas med pa/ /de ltar chos 'di shes nas su/ /sems can don ni mnyam med byos/ /'on kyang sangs rgyas sras su skyes/ /de nas rkang pa'i bar 'og tu/ /chos kyi 'khor lo gzhag par bya/ /de nas lag pa g.yas par yang / /shin tu bzang po'i dung byin te/ /chos kyi dung ni bla med pa/ /kun tu rgyas par bus nas su/ /de ring phyin chad 'jig rten la/ /skyob pa rnams kyi 'khor lo bskor/ /som nyi yid gnyis mi bya </font><hr>210b<br><font size=+1>


zhing / /dogs pa med pa'i sems kyis khyod/ /gsang sngags spyad pa'i tshul gyi mchog /'jig rten 'di la rab tu shod/ /de ltar byas na sangs rgyas la/ /phan thogs byas pa gzo zhes bya| |rdo rje 'dzin pa de kun yang / /khyod la rnam pa kun tu srung / /de nas slob ma de bslang la/ /sngags pa snying rjer ldan gyur pa'i/ /yid kyis nang du bcug nas ni/ /de la dam tshig bstan par bya| |de ring phyin chad bu khyod kyis/ /dam pa'i chos dang byang chub sems/ /srog gi phyir yang de phyin chad/ /yongs su gtang bar mi bya 'o/ /khyod kyis ser sna dang ni gang / /sems can gnod pa mi bya 'o/ /dam tshig 'di dag sangs rgyas kyis/ /brtul zhugs bzang po khyod la bshad/ /ji ltar rang gi srog srung ba/ /de ltar khyod kyis 'di dag srungs/ /slob mas bla ma'i rkang pa la/ /dad cing gus par phyag byas nas/ /shin tu nges pa'i yid kyis ni/ /de dag thams cad khas blang ngo / /de nas bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das/ rigs kyi bu 'am rigs kyi bu mo gang snying rje chen po'i snying po 'byung ba'i dkyil 'khor gyi rgyal po chen po 'di'i dam tshig la zhugs par gyur pa de'i bsod nams ji tsam zhig mngon par 'dus bgyis par rig par bgyi/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la </font><hr>211a<br><font size=+1>


@#/ /'di skad ces bka' stsal to/ /sems dang po bskyed pa nas nye bar bzung ste de bzhin gshegs pa las byung ba'i bsod nams mngon par 'dus byas pa ji tsam de rigs kyi bu'am rigs kyi bu mo de dag gis bsod nams mngon par 'dus byas pa yang de tsam du rig par bya'o/ /gsang ba pa'i bdag po/ rnam grangs 'dis kyang khyod kyis 'di ltar rig par bya ste/ rigs kyi bu dang / rigs kyi bu mo de dag ni/ de bzhin gshegs pa'i zhal dang thugs las skyes pa'i sras yin par rig par bya 'o/ /rigs kyi bu dang / rigs kyi bu mo de dag phyogs gang na gnas pa der de bzhin gshegs pa des chen po dgongs mi dgos par 'gyur ro/ /gsang ba pa'i bdag po/ de lta bas na/ de bzhin gshegs pa la mchod par 'dod pa'i rigs kyi bu dang / rigs kyi bu mo rnams kyis de dag la mchod par bya 'o/ /de bzhin gshegs pa la blta bar 'dod pa rnams kyis de dag la blta bar bya 'o/ /de nas phyag na rdo rje la sogs pa rdo rje 'dzin de dag dang / kun tu bzang po la sogs pa byang chub sems dpa' sems dpa' chen po de rnams kyis mgrin gcig tu tshig smras pa/ bcom ldan 'das/ deng slan chad rigs kyi bu dang / rigs kyi bu mo de rnams la rim gror bgyi zhing mchod par bgyi 'o/ /bcom ldan 'das/ de ci'i slad du zhe na/ </font><hr>211b<br><font size=+1>


rigs kyi bu dang / rigs kyi bu mo de dag nyid sangs rgyas bcom ldan 'das rnams su blta bar bgyi ba lags so/ /de nas yang bcom ldan 'das rnam par snang mdzad kyis thams cad dang ldan pa'i 'khor de dag la gzigs nas gsang ba pa'i bdag po phyag na rdo rje dang / rdo rje 'dzin de rnams dang / thams cad dang ldan pa'i 'khor rnams la bka' stsal pa/ rigs kyi bu dag /de bzhin gshegs pa rnams kyi gsang sngags kyi tshig \?\ gsum gyi 'khor lo'i dkyil 'khor mtha' yas par 'jug pa/ rgya chen po las byung ba sna tshogs kyi gzugs kyi nor bu dang 'dra ba| re ba thams cad yongs su rdzogs par byed pa/ bsod nams kyi tshogs dpag tu med pa bsags pa/ thogs pa med pa'i rtogs pa la gnas pa/ dus gsum du chags pa med pa'i stobs dang ldan pa'i gsang sngags kyi tshig 'di dag yod do/ /de skad ces bka' stsal pa dang / gsang ba pa'i bdag po phyag na rdo rje dang / rdo rje 'dzin de rnams dang / thams cad dang ldan pa'i 'khor de dag gis mgrin gcig tu tshig tu smras pa/ bcom ldan 'das/ de'i dus la bab bo/ /bde bar gshegs pa/ de'i tshod la bab bo/ /de nas bcom ldan 'das kyis de'i tshe ljags kyi dbang po 'dod pa thams cad yongs su rdzogs par rnam par sprul bas thams cad dang ldan pa'i sangs rgyas kyi zhing kun tu g.yogs nas chos kyi rgyal mtshan gyi tog </font><hr>212a<br><font size=+1>


@#/ /rgya chen po yongs su dag pa'i rtse mo la lta ba zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu de nas 'di ltar de bzhin gshegs pa thams cad kyis chos kyi dbyings khyab pa/ sems can gyi khams ma lus pa rnams yongs su skyob pa'i sgra 'byin pa/ rig sngags kyi rgyal mo stobs chen po srung ba chen mo 'di gsungs so/ /na maH sar+b+ba ta thA ga te b+h+yaH sar+b+ba b+ha ya bi ga te b+h+yo bi shwa mu khe b+h+yaH sar+b+ba thA khaM rak+Sha ma hA ba le sar+b+ba thA ga te pu N+ya ni rdza te/ hUM hUM tra ta tra ta a pra ti ha te swA hA/ sangs rgyas mkhas pa thams cad kyis/ /rig sngags 'di gsungs mod la ni/ /de tshe sangs rgyas zhing 'di dag /rnam pa drug tu g.yos par gyur/ /byang chub sems dpa' de kun gyis/ /ngo mtshar gyur pa'i mig gdangs nas/ /sangs rgyas kun gyi spyan sngar ni/ /yid du 'ong ba'i tshig smras pa/ /e ma 'o sangs rgyas thams cad kyis/ /srung ba rab tu stobs chen 'di/ /sems can thams cad bsrung ba dang / /bskyab cing sba ba'i phyir gsungs te/ /gang gis snying la srung gnas pa/ /de dag la ni 'jigs pa med/ /gsang sngags mthu chen dran byas na/ /bgegs dang log 'dren thams cad dang / /srin po 'jigs pa'i gzugs can ni/ /de dag thams cad 'jigs par 'gyur/ /de nas yang bcom </font><hr>212b<br><font size=+1>


ldan 'das kyi dbyings rgya chen por byin gyis brlabs nas de'i tshe chos kyi dbyings kyi mdzod kyi snying bo can zhes bya ba'i ting nge 'dzin la snyoms par zhugs so/ /bcom ldan 'das ting nge 'dzin la snyoms par zhugs ma thag tu dam tshig la 'jug pa'i rig sngags 'di byung ngo / /na maH sa man+ta bud+d+hA nAM/ a sa me/ tri sa me/ sa ma ye swAhA/ de nas de ma thag tu sangs rgyas kyi zhing thams cad dang / byang chub sems dpa'i 'khor gyi dkyil 'khor thams cad du dam tshig la 'jug pa'i rig sngags kyi sgra gang zhig thos na/ mkhas pa rnams chos thams cad las 'da' bar mi 'gyur ba'i sgra grags par gyur to| |de nas yang bcom ldan 'das kyis chos kyi dbyings kun tu 'byung ba'i gsang sngags gsungs pa/ na maH sa man+ta bud+d+hA nAM/ d+harma d+hA tu swA b+hA ba At+ma kony+haM/ chos kyi dbyings su byin gyis brlab pa 'o/ /na maH sa man+ta badz+rA nAM/ badz+ra At+ma kony+haM/ rdo rje sems dpar byin gyis brlab pa'o/ /na maH sa man+ta badz+rA nAM/ badz+ra ka ba tsa hUM/ rdo rje go cha 'o/ /na maH sa man+ta bud+d+hA nAM/ ta thA ga ta tsak+Shu r+b+h+ya a ba lo ka ya swA hA/ de bzhin gshegs pa'i spyan no/ /na maH sa man+ta bud+d+hA nAM/ bi shud+d+ha gan+d+ho da b+ha ba swAhA/ byug spos kyi sngags so/ /na maH sa man+ta bud+d+hA nAM/ ma hA me tri byung ga ta swAhA/ me tog gi sngags so/ /na maH sa man+ta bud+d+hA nAM/ d+harma d+hA tu a nu ga ta swA hA/ bdug spos kyi sngags so/ /na maH sa man+ta bud+d+hA nAM/ sarba ta thA ga ta ra tsi s+pha ra Na a pa b+hA sa ga ga no t+ta re b+h+yaH </font><hr>213a<br><font size=+1>


@#/ /swA hA| mar me'i sngags so/ /na maH sa man+ta bud+d+hA nAM/ ga ga na sa ma sa ma swAhA/ mchod yon gyi sngags so/ /na maH sa man+ta bud+d+hA nAM/ ga ga na nan+d+ha s+pha ra Na/ bi shud+d+ha d+ha rma ni ra dza ta swAhA/ gtsug tor gyi sngags so/ /na maH sa man+ta bud+d+hA nAM/ pra tsaN+Da badz+ra dz+wa la bi spu ra hUM/ de bzhin gshegs pa'i go cha'o/ /na maH sa man+ta bud+d+hA nAM/ dz+wA la ma li na ta thA ga ta ra tsi swAhA/ kun tu 'bar ba'o/ /na maHsam+n+ta bud+d+ha nAM/ ma hA ta thA ga ta dzi hA sad s+ya d+harma bra tiSh+Thi ta swAhA/ de bzhin gshegs pa'i ljags kyi'o/ /dkyil 'khor du dgong pa'i gsang sngags kyi mdzod do// //bam po gsum pa/ de nas yang bcom ldan 'das rnam par snang mdzad la phyag na rdo rjes zhus pa/ bcom ldan 'das/ ji ltar na/ dkyil 'khor 'dri ba'i tshe na ni/ /bgegs rnams zhi bar 'gyur ba lags/ /gsang sngags sgrub pa'i tshe na yang / /log 'dren rnams ni ma mchis 'gyur/ /gsang sngags rnams kyang ji ltar sgrub/ /de yi 'bras bu ci 'drar 'gyur/ /de skad gsol nas de yi tshe/ /bcom ldan rnam snang mdzad chen gyis/ /'di skad ces ni bka' stsal pa/ /sems dpa' chen po legs so legs| |khyod kyis yongs su dris pa gang / /thams cad khyod la bstan par bya/ /sngon chad ser sna bsten pa'i phyir/ /bgegs ni rang gi sems las byung / /de yi rgyu ni gzhig </font><hr>213b<br><font size=+1>


pa'i phyir/ /gang du sems dang sems byung ba'i/ /rtog pa thams cad spong ba dang / /rnam par rtog pa las byung ba'i/ /spros pa thams cad 'gag 'gyur ba'i/ /byang chub sems zhes bshad ba yin| |sngags pas byang chub sems dran zhing / /mi g.yo ba ni yid la bzlas/ /de yi phyag rgya bcings na ni/ /bgegs rnams thams cad 'jig par 'gyur/ /gsang ba pa'i bdag po/ de la rlung bcing ba 'di nyon cig /a zhes bya bar bdag bsgyur te/ /haM zhes bya ba yid la bzlas/ /rlung gi phyogs su gnas nas ni/ /sa la spos kyi thig le dag /bdun nyid legs par byas nas su| |kham phor gyis ni dgab par bya/ /kham phor ri rab chen po ru/ /yang dang yang du bsam par bya/ /de yi steng du a zhes pa/ /klad kor bcas pa rgyas par bsam/ /rlung bcing chen po de lta bu// sngon gyi rgyal ba rnams kyis bshad/ /sems dpa' chen po chu yi yang / /yid gcig bsdus te mnyam par gyis/ /sngags pas ra zhes bya ba ni/ /thams cad dmar po stobs chen bsam// 'bar ba'i phreng can mi zad pa/ /khro bo lag na ral gri thogs/ /sa la sprin gyi gzugs bris nas/ /ral gri phyag rgyas dbab par bya/ /phyogs kun nas ni langs pa'i sprin/ /de ma thag tu 'jig par 'gyur/ /yang na sngags pa mi g.yeng bas/ /de dag phur bus gdab bya ste/ /mkhas pa rdo rjer gyur nas su/ /thams cad rdo rje phur bus gdab/ /yang na bgegs rnams </font><hr>214a<br><font size=+1>


@#/ /thams cad ni/ /zhi bar bya ba yang bshad de/ /sngags pa dkyil 'khor dbus gnas nas/ /mi g.yo stobs chen gsang sngags ni/ /shin tu mi zad bdag nyid kyi| |dkyil 'khor dag la gnas par bsam/ /de yi gzugs brnyan byas nas ni/ /rkang pa g.yon pas spyi bor gzer/ /'on tang de ni zhir 'gyur ba'am/ /dogs pa med par 'chi bar 'gyur/ /de yi gzugs brnyan byas nas su/ /ske tshe dug khrag bsres pa yis/ /byugs nas sngags pas bskams na ni/ /gdon de myur du tshig par 'gyur/ /de ni me la bskams pa dang / /dug gis bskus na nges par ni/ /tshangs pa'am 'on te brgya byin yang / /de yi mod la myur du 'tshig /de nas yang bcom ldan 'das la phyag na rdo rjes 'di skad ces gsol to/ /bcom ldan 'das kyis gsungs pa'i don bdag gis 'tshal ba ltar na/ bdag gis 'di ltar mjal to/ /bcom ldan 'das/ rang gi dkyil 'khor gyi gnas la gnas na/ lha rnams byin gyis rlob par bgyid do/ /de nyid du gnas na/ de bzhin gshegs pa'i bka' las kyang 'gal bar mi bgyid do/ /de ci'i slad du zhe na/ bcom ldan 'das 'di ltar rang gi rigs la gnas pa de ni/ gsang sngags thams cad kyi dam tshig lags so/ /byang chub sems dpa' gsang sngags kyi sgo nas byang chub sems dpa'i spyad pa spyod </font><hr>214b<br><font size=+1>


pa rnams kyis kyang rang gi gnas la gnas nas don thams cad bsgrub par bya'o/ /bcom ldan 'das kyis bka' stsal pa/ gsang ba pa'i bdag po/ de de bzhin te/ ji skad smras pa de de bzhin no| |gsang ba pa'i bdag po/ gzhan yang / gang gi kha dog gang gsungs pa/ /de nyid de yi dkyil 'khor te/ /lha yi gzugs ni de lta bur/ /sngon gyi sangs rgyas rnams kyis bstan/ / de la gsang ba pa'i bdag po/ ma 'ongs pa'i dus na sems can blo zhan pa ma dad pa gang bstan pa 'di la dad par mi 'gyur zhing yid gnyis dang so ma nyi mang ba/ thos pa tsam snying por 'dzin pa/ sgrub pa la mi phyogs pa dag 'byung bar 'gyur te/ de dag ni/ bdag nyid kyang ma rung la gzhan yang phung bar byed pa yin no/ /'di skad du 'di ni/ phyi rol pa rnams la yod de/ sangs rgyas kyis gsungs pa ni/ ma yin no/ /zhes smra bar 'gyur gyi/ mi blun po de dag gis 'di ltar bcom ldan 'das thams cad mkhyen pa/ chos thams cad la mnga' brnyes pa/ sems can gyi don rtogs par thugs su chud pa des sngon sems can rnams la phan par bzhed nas 'di dag thams cad bshad do/ /zhes bya bar ni mi shes so/ /chos rnams kyi ni chos kyi mtshan/ / blun po des ni de mi shes/ /chos rnams kun gyi mtshan nyid ni/ /stong pa nyid du yang dag gsungs/ /sngags pa rtag tu der gnas nas/ /rab tu nges par las bya'o/ /bgegs zhi bar </font><hr>215a<br><font size=+1>


@#/ /bya ba'i rim par phye ba rgyas ba 'o/ /de nas phyag na rdo rje la sogs pa rdo rje 'dzin pa de dag dang / kun tu bzang po la sogs pa byang chub sems dpa' de rnams kyis bcom ldan 'das rnam par snang mdzad la phyag 'tshal nas snying rje chen po 'byung ba'i dkyil 'khor chen po 'dir chos kyi dbyings rnam par dag pa'i sgo ji ltar rtogs pa rang rang gi tshig tu brjod pa'i tshig gis gsang sngags rnams smra bar 'dod nas bcom ldan 'das la gsol ba btab bo/ /de nas bcom ldan 'das rnam par snang mdzad kyis byang chub sems dpa' de dag dang / rdo rje 'dzin de dag la mi nyams pa'i chos nyid du byin gyis brlabs nas bka' stsal pa/ rigs kyi bu dag /chos kyi dbyings ji ltar rtogs pa bzhin sems can gyi khams rnam par sbyong ba'i gsang sngags kyi tshig rnams smros shig /de nas de'i tshe byang chub sems dpa' kun tu bzang pos sangs rgyas kyi rgyan gyi yul zhes bya ba'i ting nge 'dzin la snyoms par zhugs nas stobs thogs pa med pa'i gsang sngags smras pa/ na maH sa man+ta bud+d+hA nAM/ sa man+tA nu ga ti ba ra dza d+ha rma ni ra dza tA ma hA ma hA swA hA/ kun tu bzang po'i 'o/ /de nas byang chub sems dpa' byams pas byams pa chen po kun tu mngon par 'byung ba zhes bya ba'i ting nge 'dzin la snyoms par zhugs nas rang </font><hr>215b<br><font size=+1>


gi snying po smras pa/ na maH sa man+ta bud+d+hA nAM/ a dzi ta na dza ya/ sar+b+ba sa twa ya sha yA nu ga ta swAhA/ byams pa'i 'o/ /de nas byang chub sems dpa' nam mkha'i snying po rnam par dag pa'i yul zhes bya ba'i ting nge 'dzin la snyoms par zhugs nas gsang sngags smras pa/ na maH sa man+ta bud+d+hA nAM/ A ka sha sa ma tA nu ga ta bi tsit+t+waM ba ra d+ha ra swAhA/ nam mkha'i snying po'i 'o/ /de nas byang chub sems dpa' sgrib pa thams cad rnam par sel ba snying rje chen po'i stobs zhes bya ba'i ting nge 'dzin la snyoms par zhugs nas gsang sngags smras pa/ na maH sa man+ta bud+d+hA nAM/ A sAd ta hr-i ta/ a byud ga ta/ trAM trAM raM raM swAhA/ sgrib pa thams cad rnam par sel ba'i 'o/ /de nas byang chub sems dpa' kun tu sbyan ras gzigs dbang phyug kun tu sbyan ras gzigs zhes bya ba'i ting nge 'dzin la snyoms par zhugs nas rang gi snying po 'khor dang bcas pa smras pa/ na maH sa man+ta bud+d+hA nAM/ sar+b+ba ta thA ga ta a ba lo ki ta ka ru NA mA yA ra ra ra hUM dzaH swAhA/ spyan ras gzigs dbang phyug gi 'o/ /na maH sa man+ta bud+d+hA nAM/ dzi dzaM sa swAhA/ mthu chen thob pa'i 'o/ /na maH sa man+ta bud+d+hA nAM/ ku ru Nod b+ha be tA re tA ra Ni swAhA/ lha mo sgrol ma'i 'o/ /na maH sa man+ta bu d+d+hA nAM/ sar+b+ba b+ha ya twA sa ni hUM s+pho Ta ya swAhA/ khro gnyer can ma'i 'o/ /na maH sa man+ta bud+d+hA nAM/ ta thA ga ta bi sha ya saM b+ha pe/ pad+ma mA li ni swA hA/ gos dkar can gyi 'o/ /na maH sa man+ta </font><hr>216a<br><font size=+1>


@#/ /bud+d+hA nAM/ hUM kha da ban+d+ha s+pho Ta ya swAhA/ rta mgrin gyi'o/ /de nas byang chub sems dpa' sa'i snying po rdo rje mi shigs pa rtog pa'i yul zhes bya ba'i ting nge 'dzin la snyoms par zhugs nas gsang sngags smras pa/ na maH sa man+ta bud+d+hA nAM/ ha ha ha su tA nu swAhA/ sa'i snying po'i 'o/ /de nas byang chub sems dpa' 'jam dpal gzhon nur gyur pa sangs rgyas kyi byin gyi rlabs rnam par 'phrul pa zhes bya ba'i ting nge 'dzin la snyoms par zhugs nas rang gi snying po smras pa/ na maH sa man+ta bud+d+hA nAM/ he he he/ ku mA ra ka/ pi muk+ti/ sa thi r+tha ti/ sma ra sma ra/ pra ti ha na swAhA/ 'jam dpal gyi'o/ /de nas gsang ba pa'i bdag po phyag na rdo rje mi pham pa zhes bya ba'i ting nge 'dzin la snyoms par zhugs nas rang gi snying po 'khor dang bcas pa smras pa/ na maHsa man+ta badz+ra NAn/ tsaN+Da ma hA ro Sha Na hUM/ phyag na rdo rje'i 'o/ /na maHsa man+ta badz+ra NA na/ tri Ta tri Ta/ dza ya na ti swAhA/ mA ma kI'i 'o/ /na maHsa man+ta bud+d+hA nAM/ hUM ban+d+ha ya ban+d+ha ya/ mo Ta ya mo Ta ya/ badz+rod b+ha be sarba tra a pra ti ha te swA hA/ rdo rje lu gu rgyud kyi'o/ /na maHsa man+ta badz+rA NAn/ hi hUM phaT swAhA/ khro zla gtso bo'i 'o/ /na maHsa man+ta badz+rI NAn/ sar+b+ba d+ha rma nir b+he da ni/ badz+ra su tsi ba ra de swAhA/ rdo rje rtse mo'i 'o/ /na maHsa man+ta badz+rA NA na/ hUM hUM hUM/ phaT phaT/ dzaM dzaM swA hA/ rdo rje 'dzin </font><hr>216b<br><font size=+1>


pa kun gyi'o/ /na maHsa man+ta padz+rA NA na/ he he kiny+tsi ra yA si gr-ih+na gr-ih+na/ khA da khA da/ pa ri bU ra ya sa pra ti dz+nyA na swA hA/ phyag brnyan thams cad kyi'o/ /de nas de'i tshe bcom ldan 'das shAkya thub pas rin po che'i 'byung gnas zhes bya ba'i ting nge 'dzin la snyoms par zhugs nas nyid kyi snying po 'khor dang bcas pa gsungs pa/ na maHsa man+ta bud+d+ha nAM/ sar+b+ba kle sha ni shud+d+hA na sar+b+ba d+harma ba shi prA p+ta ga ga na/ sa ma sa ma swA hA/ shAkya thub pa'i 'o/ /na maHsa man+ta bud+d+hA nAM/ ba ra de bar prA p+te hUM/ mdzod spu'i 'o/ /na maHsa man+ta bud+d+hA nAM/ baM baM hUM hUM phaT swAhA/ gtsug tor thams cad kyi'o/ /na maHsa man+ta bud+d+hA nAM/ d+h+riM d+h+riM/ riM riM/ dz+ri dz+ri swA hA/ khro bo gzhan gyis mi thub pa ces bya ba'i 'o/ /na maHsa man+ta bud+d+hA nAM/ a pa ri dza ta/ dza la na ti/ dz+ha Ti te swAhA/ gzhan gyis mi thub ma'i 'o/ /na maHsa man+ta bud+d+hA nAM/ pri the bye swAhA/ sa'i'o/ /na maHsa man+ta bud+d+hA nAM/ biSh+Na be swAhA/ khyab 'jug gi'o/ /na maH sa man+ta bud+d+hA nAM/ ru drA ya swA hA/ drag po'i'o/ /na maH sa man+ta bud+d+hA nAM| bA ya be swAhA/ rlung lha'i 'o/ /na maHsa man+ta bud+d+hA nAM/ swA ra swA t+yai swAhA/ dbyangs can gyi'o/ /na maH sa man+ta bud+d+hA nAM/ rak+ta sA d+hi pa ta ye swAhA/ bden bral gyi'o/ /na maH sa man+ta bud+d+hA nAM/ bai ba sa twA ya swAhA/ gshin rje'o/ /na maH sa man+ta bud+d+hA NAM/ mr-i ta ye swAhA/ 'chi bdag gi'o/ /na maHsa man+ta bud+d+hA nAM/ kA la rA tri ye swA hA/ dus mtshan gyi'o/ /na maHsa man+ta bud+d+hA nAM/ mA hri </font><hr>217a<br><font size=+1>


@#/ /b+h+yaHswAhA/ ma mo rnams kyi'o/ /na maHsa man+ta bud+d+hA nAM/ sha kA ya swAhA/ brgya byin gyi'o/ /na maH sa man+ta bud+d+hA nAM/ a paM pa ta ya swAhA/ chu lha'i 'o/ /na maH sa man+ta bud+d+hA nAM/ a da t+ye'o ya swAhA/ nyi ma'i 'o/ /na maH sa man+ta bud+d+hA nAM/ pra dzA pa ta ye swAhA/ tshangs pa'i 'o/ /na maH sa man+ta bud+d+hA nAM/ tsan+d+ra ya swA hA/ zla ba'i 'o/ /na maHsa man+ta bud+d+hA nAM| me g+ha sha ni ye swA hA/ dga' bo dang / bsnyen dga' bo'i 'o/ /de nas yang bcom ldan 'das rnam par snang mdzad bstan pa don yod par grub par bzhed nas sangs rgyas dang byang chub sems dpa' thams cad kyi yum rig sngags kyi rgyal mo gsungs pa/ na maHsa man+ta bud+d+hA nAM/ ga ga na bar la k+Sha Ne ga ga na sa ma sa r+b+bod ga ta ti sa ra saM b+ha be dza la na mo a mo g+ha nAn swA hA/ sangs rgyas dang byang chub sems dpa' thams cad kyi yum nam mkha'i spyan gyi'o/ /de nas bcom ldan 'das rnam par snang mdzad bgegs thams cad zhi bar bya ba'i phyir gzi brjid 'byung ba zhes bya ba'i ting nge 'dzin la snyoms par zhugs nas bgegs chen po 'joms pa'i gsang sngags 'di gsungs so/ /na maHsa man+ta badz+rA NA na/ tsaN+Da ma hA ro Sha na s+pho Ta ya hUM/ twa ga ha mA/ 'phags pa mi g.yo ba'i 'o/ /na maHsa man+ta badz+rA NA na/ ha ha ha/ bi sma ye/ sar+b+ba ta thA ga te bi Sha ya saM b+ha ya tre lo kya bi dza ya hUM dzaH swA hA/ khams gsum </font><hr>217b<br><font size=+1>


rnam par rgyal ba'i 'o/ /na maHsa man+ta bud+d+hA nAM/ he tu pra t+ya ya bi ga te d+hA rma ni rA dza ta hUM/ nyan thos rnams kyi'o/ /na maHsa man+ta bud+d+hA nAM/ rang sangs rgyas rnams kyi 'o/ /na maHsa man+ta bud+d+hA nAM| sar+b+ba bud+d+hA bo d+ha si twa hr-i da yA na be sha ni na maHsarba bid+yA swAhA/ sangs rgyas dang byang chub sems dpa' thams cad kyi spyi'i snying po'o/ /na maHsa man+ta bud+d+hA nAM/ lo ka lo ka ka rA ya/ sar+b+ba de ba| nA ga/ yak+Sha/ gan+d+ha rba/ a su ra/ ga ru Da/ kin na ra/ ma ho ra ga hr-i da yA na/ n+ya ka ri Sha ya bi tsi tra ga ti swA hA/ lha la sogs pa spyi'i snying po 'o/ /na maHsa man+ta bud+d+hA nAM/ sar+b+ba thA/ bI ma ti/ baM ki ra Na/ d+harma d+hA tu nir dzA ta saM saM ha swAhA/ byang chub sems dpa' thams cad kyi'o/ /na maH sa man+ta bud+d+ha nAM/ durdan+ta ma hA ro Sha NA khA Da ya sa rbAn ta thA ga A dz+ny+wAM ku ru swAhA/ sgo srung gdul dka' ba zhes bya ba'i 'o/ /na maHsa man+ta bud+d+hA nAM/ he ma hA bra tsaN+Da a b+hi mu kha gr-ih+Na khA da ya/ kany+tsi rA ya sa sa ma ya ma nu sma ra swAhA/ sgo srung mngon du phyogs pa zhes bya ba'i 'o/ /na maH sa man+ta bud+d+hA nAM/ sar+b+ba tra a nu ga te/ ban+d+ha si maM/ ma hA sa ma ya nir dza te sma ra Ne/ a pra ti ha te/ d+ha ka d+ha ka/ tsa ra tsa ra/ ban+d+ha ban+d+ha/ da sha di shan sar+b+ba ta thA ga ta/ a nu ga te/ pra brta d+harma laM d+ha bi dza ye b+ha ga ba ti bi ku ri bi ku le le lu bu bri swA hA/ mtshams chen po gcod pa'i 'o/ /na maHsa man+ta bud+d+ha nAM/ a/ byang chub kyi'o/ /A/ spyod pa'i 'o/ /oM/ rdzogs par sangs rgyas pa'i 'o/ /a/ </font><hr>218a<br><font size=+1>


@#/ /mya ngan las 'das pa'i 'o/ /na maHsa man+ta badz+rA NA na/ hA/ 'jig rten gsum las rnam rgyal ba'i 'o/ /na maHsa man+ta badz+rA NA na/ hAM/ 'phags pa mi g.yo mgon gyi 'o/ /na maHsa man+ta bud+d+hA nAM/ a/ sgrib pa thams cad rnam par sel ba'i 'o/ /na maHsa man+ta bud+d+hA nAM/ sa/ spyan ras gzigs dbang phyug gi'o/ /na maHsa man+ta bud+d+hA nAM/ pa| phyag na rdo rje'i 'o/ /na maHsa man+ta bud+d+hA nAM/ maM/ 'jam dpal gyi'o/ /na maHsa man+ta bud+d+hA nAM/ ga/ nam mkha'i sbyan gyi'o/ /na maH sa man+ta bud+d+hA nAM/ ram/ chos kyi dbyings kyi'o/ /na maHsa man+ta bud+d+hA nAM/ khaM/ dpa' bo chen po'i 'o/ /na maH sa man+ta bud+d+hA nAM/ dzaM/ chu'i dbang po'i 'o/ /na maHsa man+ta bud+d+hA nAM/ taM/ lha mo sgrol ma'i 'o/ /na maHsa man+ta bud+d+hA nAM/ hrIH khro nyer can ma'i 'o/ /na maHsa man+ta bud+d+hA nAM/ paM/ gos dkar can gyi 'o/ /na maHsa man+ta bud+d+hA nAM/ saM/ mthu chen thob pa'i 'o/ /na maHsa man+ta bud+d+hA nAM/ hUM/ rta mgrin gyi 'o/ /na maHsa man+ta bud+d+hA nAM/ yaM| grags 'dzin ma'i 'o/ /na maHsa man+ta bud+d+hA nAM/ saM/ phyag na rin chen gyi 'o/ /na maHsa man+ta bud+d+hA nAM/ dra ba'i 'od kyi 'o/ /na maHsa man+ta bud+d+hA nAM/ b+ha/ shAkya thub pa'i 'o/ /nA maH sa man+ta bud+d+hA nAM/ hAM T+yaM ruM/ gtsug tor gsum gyi 'o/ /na maHsa man+ta bud+d+hA nAM/ laM/ gdugs dkar po'i 'o/ /na maHsa man+ta bud+d+hA nAM/ shaM/ gtsug tor rgyal ba'i 'o/ /na maH sa man+ta </font><hr>218b<br><font size=+1>


bud+d+hA nAM/ saM/ gtsug tor rnam par rgyal ba'i 'o/ /na maHsa man+ta bud+d+hA nAM/ triM/ gzi brjid phung po'i 'o/ /na maHsa man+ta bud+d+hA nAM/ hUM/ rnam par 'thor ba'i 'o/ /na maHsa man+ta bud+d+hA nAM/ hUM| gzhan gyis mi thub pa'i 'o/ /na maH sa man+ta bud+d+hA nAM/ bI/ sa'i 'o/ /na maHsa man+ta bud+d+hA nAM/ ki li/ skra can ma'i 'o/ /na maH sa man+ta bud+d+hA nAM/ di li/ nye skra can ma'i 'o/ / na maH sa man+ta bud+d+hA nAM/ mi li/ sna tshogs ma'i'o/ /na maH sa man+ta bud+d+hA nAM/ hi li/ nor ldan ma'i 'o/ /na maH sa man+ta bud+d+hA nAM/ hA sa nA na/ do mtshar can gyi 'o/ /na maHsa man+ta bud+d+hA nA na/ ra sa nA na/ sems can thams cad la mi 'jigs pa sbyin pa'i 'o/ /na maHsa man+ta bud+d+hA nA na/ d+hAM sa nA na/ ngan song thams cad sbyong ba'i 'o/ /na maHsa man+ta bud+d+hA nA na/ bi ha sa nA na/ yongs su skyong sems blo gros kyi 'o/ /na maHsa man+ta bud+d+hA nA na/ ShaM/ byams pa chen po mngon par 'byung ba'i 'o/ /na maHsa man+ta bud+d+hA nA na/ yaM/ snying rjes gdungs pa'i 'o/ /na maHsa man+ta bud+d+hA nA na/ i/ gdungs pa thams cad zhi bar byed pa'i 'o/ /na maHsa man+ta bud+d+hA nAn/ aM/ bsam gyis mi khyab pa'i blo gros can gyi'o/ /na maHsa man+ta bud+d+hA nA| traM/ rin chen 'byung gnas kyi 'o/ /na maHsa man+ta bud+d+hA nA na/ ShaM/ phyag na rin chen gyi 'o/ /na maHsa man+ta bud+d+hA nA na/ TaM/ sa 'dzin gyi 'o/ /na maHsa man+ta bud+d+hA nA na/ aM/ gzungs </font><hr>219a<br><font size=+1>


@#/ /thob pa'i 'o/ /na maHsa man+ta bud+d+hA nAn/ D+haM/ phyag na rin chen phyag rgya'i 'o/ /na maHsa man+ta bud+d+hA nAn/ NaM/ bsam pa brtan po'i 'o/ /na maHsa man+ta bud+d+hA nAn/ haM/ nam mkha' dri ma med pa'i 'o/ /na maHsa man+ta bud+d+hA nAn/ raM/ nam mkha'i blo gros kyi 'o/ /na maHsa man+ta bud+d+hA nA na/ ga taM/ blo gros rnam par dag pa'i 'o/ /na maHsa man+ta bud+d+hA nA na/ d+hIM/ spyod pa'i blo gros kyi'o/ /na maHsa man+ta bud+d+hA nAn/ hUM/ brtan pa'i blo gros kyi 'o/ /na maHsa man+ta bud+d+hA nAn/ d+h+rIM shriM haM braM/ phyag brnyan rnams kyi 'o/ /na maHsa man+ta bud+d+hA nAn/ k+Sha da ha ra yaM kaM/ byang chub sems dpa' ji skad gsungs pa rnams kyi 'o/ /na maHsa man+ta bud+d+hA nAn/ na mo mA ye d+ha rma saM b+ha be bi b+ha be ka T+ha ne saM sa ne/ gnas gtsang ma pa rnams kyi 'o/ /na maHsa man+ta bud+d+hA nAn/ kraM ke ri/ srin po rnams kyi 'o/ /na maHsa man+ta bud+d+hA nAn/ hrIH ha/ mkha' 'gro ma rnams kyi 'o/ /na maHsa man+ta bud+d+hA nAn/ yak+Sha bIR+Ya d+ha ra| gnod sbyin rnams kyi 'o/ /na maH sa man+ta bud+d+hA nAn/ mi tsi mi tsi/ sha za mo rnams kyi 'o/ /na maHsa man+ta bud+d+hA nAn/ guM guM/ iM iM/ 'byung po rnams kyi'o/ /na maHsa man+ta bud+d+hA nAn/ ra TaM ra TaM/ braM TaM braM TaM/ lha ma yin rnams kyi 'o/ /na maHsa man+ta bud+d+hA nAn/ ga ra laM pi ra laM/ lto 'phye chen po rnams kyi 'o/ /na maHsa man+ta bud+d+hA nAn/ ha sa nAn </font><hr>219b<br><font size=+1>


bI a sa nAn/ mi 'am ci rnams kyi 'o/ /na maHsa man+ta bud+d+hA nAn/ a ta tsi lA raM ma no me/ mi rnams kyi 'o/ /gsang ba pa'i bdag po/ des de la sogs pa thams cad kyi gsang sngags ngas bshad de/ de la gsang sngags thams cad kyi/ /snying po des pas mnyan par gyis/ /a zhes bya ba sngags kun gyi/ /snying po yin par yang dag bshad/ /de la gsang sngags kun gnas te/ /de ltar sngags rnams rnam par nges/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ spyi'i gsang sngags kyi mdzod rim par phye ba rgyas pa'o// //de nas yang bcom ldan 'das kyis byang chub sems dpa' phyag na rdo rje la bka' stsal pa/ gsang ba pa'i bdag po/ gsang sngags ji ltar bsgrub pa dang / /bsgrubs pa'i 'bras bu gang yin nyon/ /yi ge dang ni yi ger sbyar/ /de bzhin gzhi las gzhir gyur pa/ /shin tu bsdams pas yid la ni/ /bzlas brjod 'bum phrag gcig bya 'o/ /yi ge byang chub sems yin te/ /gnyis pa sgra zhes bya ba yi/ /bzhi ni rang gi lhar bzhag pa/ /rang gi lus kyi gnas la bya/ /gzhi gnyis pa ni rdzogs sangs rgyas/ /rkang gnyis mchog tu shes par bya/ /zla ba'i dkyil 'khor rnam dag pa/ /sngags pas de la gnas par bsam/ /yi ge rnams ni go rim bzhin/ /de yi dbus su </font><hr>220a<br><font size=+1>


@#/ /legs par dgod/ /slar sdud pa yi tshig gis non/ /srog dang rtsol ba rnam par sbyangs/ /srog ces bya ba rlung du bshad/ /rtsol ba dran pa zhes bya ste| |de gnyis bsngams pa byas nas su/ /sngon du bsnyen pa legs par bya/ /de nas sngags pa zla gcig tu/ /shin tu bsngams te bzlas pa byas/ /gsang sngags sngon du spyad pa ni/ /gzhi gcig nas ni gcig tu 'jug /grags chen sangs rgyas thams cad kyi/ /sngar spyad pa zhes bshad pa yin/ /de phyin chad ni gang cung zad/ /me tog spos la sogs dbul zhing / /sangs rgyas nyid du 'gyur bya'i phyir/ /de tshe byang chub tu yang bsngo/ /sngags pas 'jigs med de lta bur/ /zla gnyis pa la bzlas brjod bya/ /de nas zla ba nya ba'i tshe| |mi de sgrub la 'jug par bya/ /ri rtse dang ni ba lang lhas/ /de bzhin 'bab chu'i mdo dag dang / /lam gyi bzhi mdo mtshan gcig dang / /ma mo'i gnas sam zhi gnas su/ /dkyil 'khor nan tan bri bar bya/ /thams cad rdo rje'i khang par byas/ /des ni der gnas bsrungs byas nas/ /sgrub pa la ni nan tan bya/ /der ni mtshan mo nam phyed dam/ /yang na nyi ma 'char ba'i tshe| |'di lta'i ltas rnams 'byung 'gyur te/ /blo dang ldan pas de shes bya/ /hUM zhes pa dang rnga sgra dang / /de bzhin sa ni g.yo ba dang / /yid du 'ong ba'i tshig kyang rung / /de ni nam mkha' </font><hr>220b<br><font size=+1>


las grags nas/ /mtshan ma dag ni de rnams kyis/ /yid bzhin rjes grub shes bya ste/ /sangs rgyas rkang gnyis mchog rnams kyis/ /de yi 'bras bur yang dag bshad/ /de ltar sngags kyi tshul gnas pa/ /de ni nges par sangs rgyas 'gyur/ /de bas rnam pa thams cad du/ /sngags nyid rtag tu dran par bya/ /sngon gyi sangs rgyas thams cad kyis/ /de ni dran par bya ba'ang bshad/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ 'jig rten pa'i dngos grub sgrub pa'i rim par phye ba'o// // de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas re ba thams cad yongs su rdzogs par byed pa/ dus gsum mtha' yas pa'i sgo nges pa'i ye shes yongs su rdzogs par byed pa'i chos kyi tshig rnams gsungs so/ /mkha' ltar dri med ngo bo nyid med pa/ /rnam mang ye shes sna tshogs sbyin par byed/ /ngo bo nyid kyis rtag tu stong pa nyid/ /rkyen la rag las zab cing blta bar dka'/ /khyad par 'gro ba rnams la rtag pa ru/ /rnam par bsam pa'i 'bras bu mchog sbyin byed/ /ji ltar nam mkha' chags med spyod yul can/ /'gro ba kun gyi gnas su gyur pa ltar/ /de bzhin rnam par dag pa'i chos nyid 'di/ /srid gsum ma lus 'byor par 'byung bar byed/ /mchog skyes mkhas </font><hr>221a<br><font size=+1>


@#/ /pa gang zhig 'dir spyod na/ /rgyal ba kun dang spyod yul gcig par 'gyur/ /rgyal bas ji skad gsungs pa'i chos nyid ni/ /shin tu rnam dag thams cad snang byed pa| |de las go 'phang rnyed dka' gzhan med do/ /yangs pa'i chos na zib la 'grib med cing / /mnyam med 'jig rten phan byed de la ni/ /rnam rtog rnam par spangs te spyad par gyis/ /de nas bcom ldan 'das rnam par snang mdzad chen pos tshigs su bcad pa de dag gsungs nas thams cad dang ldan pa'i 'khor tshogs pa la gzigs nas phyag na rdo rje la sogs pa rdo rje 'dzin rnams la bka' stsal pa/ rigs kyi bu dag/ gang gis na sems can rnams mthong ba'i chos kho na la dga' ba dang mgu ba thob nas bde ba la reg par 'gyur ba| rang rang gi chos kyi dbyings kyi mthu rlabs su gyur pa/ dngos grub sgrub pa'i tshig rnams ston cig /de skad ces bka' stsal pa dang / rdo rje 'dzin rnams kyis bcom ldan 'das rnam par snang mdzad la phyag 'tshal nas chos kyi rjes bka' ji skad stsal pa bzhin 'tshal lo/ /zhes gsol te bcom ldan 'das nyid la gsol ba btab pa/ bdag cag la thugs brtse ba'i slad du dngos grub sgrub pa'i tshig rnams bcom ldan 'das nyid kyis bstan du gsol/ de ci'i slad du zhe na/ bcom ldan 'das/ gang bdag cag rang gis rtogs pa bcom </font><hr>221b<br><font size=+1>


ldan 'das kyi spyan sngar bshad pa de ni/ rab tu dka' ba lags so/ /de lta lags pas ma 'ongs pa'i 'gro ba rnams kyi don dang / phan pa dang bde ba'i slad du bcom ldan 'das nyid kyis legs par rab tu bshad du gsol/ de skad ces gsol pa dang / bcom ldan 'das rnam par snang mdzad kyis rdo rje 'dzin de dag thams cad la 'di skad ces bka' stsal to/ /rigs kyi bu dag /legs so legs so/ /de bzhin gshegs pas bstan pa'i chos 'dul ba 'di la phan yon che ba'i chos gcig yod pa ni/ 'di lta ste/ ngo tsha shes pa'o/ /ngo tsha shes pa dang ldan pa'i rigs kyi bu dang / rigs kyi bu mo ni/ mthong ba'i chos 'di la chos gnyis rab tu myur bar 'byung ste/ gnyis gang zhe na/ mi bya ba'i las mi byed pa dang / dam pa rnams kyis bsngags pa'o/ /yang gnyis te/ khong du ma chud pa khong du chud pa dang / sangs rgyas dang byang chub sems dpa' rnams dang lhan cig 'grogs pa thob par 'gyur ba'o/ /yang gnyis te| tshul khrims la rab tu gnas par 'gyur ba dang / lha dang mi rnams su skye ba thob par 'gyur ba'o/ /de lta bas na/ legs par rab tu yid la zungs shig dang / 'di lta ste/ sgrub par sbyor ba'i tshig gang rnams kyi byang chub sems dpa' gsang sngags kyi sgo nas byang chub sems dpa'i spyad pa spyod pa rnams gsang sngags rnams las myur du gsang sngags kyi dngos grub </font><hr>222a<br><font size=+1>


@#/ /thob par 'gyur ba'i gsang sngags sgrub pa 'grub par sbyor ba'i tshig rnams bshad do/ /de la re zhig dang por dkyil 'khor mthong ba/ bla mas gsang sngags sgrub par gnang ba/ byang chub tu sems bskyed pa/ dad pa can/ ser sna med pa/ snying rje can/ dul ba/ rten cing 'brel par 'byung ba rnam par dbye ba la mkhas pa/ sngom ba gzung ba/ rang gi bslab pa la gnas pa/ /thabs la mkhas shing rab tu brtan/ /dus dang dus ma yin pa'ang shes/ /'jigs pa med cing mkhas la gtong / /bzod dang ldan zhing byams pa'i yid/ /gsang sngags spyod la rab tu brtson/ /gsang sngags de nyid don la mkhas/ /bsam gtan byed la dga' ba yi/ /sgrub pa po ni sgrub la shis/ /gsang ba pa'i bdag po/ de la 'dod pa'i khams kyi dbang phyug la myos par byed pa zhes bya ba'i rig sngags yod do/ /des 'dod pa na spyod pa'i lha'i bu thams cad myos pas brgyal bar byed cing me tog mang po sna tshogs dang ldan pa'i sa phyogs nyams dga' ba rnams kyang ston la/ yongs su spyad pa dang nye bar spyad pa rnam pa tha dad pa sna tshogs kyang mngon par sprul nas gzhan 'phrul dbang byed kyi lha rnams la yang sbyin la bdag nyid kyang yongs su spyod do/ /'di lta ste/ lha'i bu dbang phyug chen po la yid mgyogs zhes bya ba'i rig sngags yod de/ des </font><hr>222b<br><font size=+1>


stong gsum gyi stong chen po'i 'jig rten gyi khams su sems can gyi dgos pa byed cing / nye bar spyad pa dang yongs su spyad pa thams cad kyang mngon par sprul nas gnas gtsang ma'i rigs kyi lha'i bu rnams la yang sbyin la/ bdag nyid kyang kun tu spyod do/ /'di lta ste/ dper na/ mig 'phrul mkhan ni/ gsang sngags rnams kyis kun dga'i ra ba dang / mtsho dang / 'bab chu dang / mi la sogs pa rnam pa tha dad pa sna tshogs ston to/ /'di lta ste/ dper na/ lha ma yin rnams ni/ gsang sngags kyis sgyu ma rnams ston to/ /'di lta ste/ dper na/ gsang sngags dag gis ni/ dug dang rims la sogs pa med par 'gyur ro/ /'di lta ste/ ma mo zhes bya ba'i lha mo rnams ni/ gsang sngags kyis sems can rnams la nad 'go ba gtong ngo / /'di lta ste/ dper na/ gsang sngags kyis ni/ me'i tsha ba med par byas nas grang ba byed par 'gyur ro/ /rigs kyi bu dag /dpe'i tshig 'di rnams kyis gsang sngags kyi mthu la mngon par dad par bya'o/ /gsang sngags kyi mthu de yang gsang sngags rnams las byung ba yang ma yin/ rdzas las 'jug pa yang ma yin/ sbyor ba pos las dmigs pa yang ma yin mod kyi/ rigs kyi bu dag /'on kyang gsang sngags kyi byin gyi rlabs kyis chos nyid 'byung ba las 'da' bar yang mi 'gyur te/ dus gsum las 'das pa'i phyir dang / rten cing 'brel par 'byung ba zab mo bsam gyis mi khyab pa las </font><hr>223a<br><font size=+1>


@#/ /mngon par grub pa'i phyir ro/ /rigs kyi bu dag /de lta bas na/ chos nyid kyis bsam gyis mi khyab pa'i ngo bo nyid rtogs par khong du chud pas rtag tu rgyun mi 'chad par gsang sngags kyi tshul gyis rjes su 'jug par bya'o/ /de nas yang bcom ldan 'das dus gsum du chags pa med pa'i stobs kyi gzhi byin gyis rlob pa/ de bzhin gshegs pa'i gnas bsam gyis mi khyab pa'i rgyan rnam par dag pa'i snying po can zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu de nas chos kyi dbyings ma lus pa ji snyed yod pa de dag rnam par rig par byed pa'i sgra rnams las chos kyi dbyings kyi gnas kyi stobs/ mi mnyam pa dang mnyam pa'i stobs/ yang dag par rdzogs pa'i sangs rgyas kyi mos pa las byung ba/ gnas skabs gzhi dbyangs gcig las byung bas chos kyi dbyings thams cad khyab par byas te nam mkha' dang mnyam par gyur nas byung ba/ na maH sar+b+ba ta thA ga te b+h+yo bi shwa mu khe b+h+yaH sarba thA/ a A aM aH/ yang dag par rdzogs pa'i sangs rgyas kyi snying po de dag byung ma thag tu de nas yang chos kyi dbyings thams cad nges par sgrog pa'i sgo dag nas yang dag par rdzogs pa'i sangs rgyas kyi snying po tshig gis mtshan pa rnam par rig pa'i dbyangs kyi sgra </font><hr>223b<br><font size=+1>


gcig nas gcig tu mngon par grag go /byang chub sems dpas de thos nas ngo mtshar du gyur pa'i mig phye ste/ kun mkhyen snyun dang bral ba la/ /tshig snyan 'di skad ces gsol to/ / e ma'o gsang sngags spyad pa las/ /sangs rgyas rkang gnyis mchog rnams kyis/ /gang gis 'di kun khyab pa yi/ /ye shes yangs pa chen po 'byung / /de bas rnam pa thams cad du// sangs rgyas bsngags pa'i snying po la/ /nang gi bdag nyid rnam dag pas/ /rtag tu mngon par brtson par bya/ /de nas yang dag par rdzogs pa'i sangs rgyas kyi snying po 'di rnams kyi sgrub pa 'byung ste/ skyed mos tshal lam/ gtsug lag khang mam/ phug gam/ yid gang du dben pa der byang chub kyi sems sgom zhing mtshan mam byung gi bar de srid du 'dug par bya'o/ /de nas snying po de dag las gang yang rung ba gcig bzung ste the tshom med par gyur gyi bar du gzhi bsgrub par bya'o/ /de nas snying gar bzhag nas yid bsgrub par bya ste/ shin tu rnam par dag pa/ dri ma med pa/ brtan pa/ rab tu mi g.yo ba/ rnam par mi rtog pa me long lta bu/ rab tu phra ba la mngon du blta zhing rtag tu goms pa'i sbyor bas rang gi lus rang gi lha'i lus su mthong gi bar du bya 'o/ /gzhi gnyis pa ni/ yang dag par rdzogs pa'i sangs rgyas me long gi dkyil 'khor de nyid kyi nang na pad+ma'i rgyal po chen po la bzhugs pa/ phug na bzhugs pa lta bu'i ting nge 'dzin la </font><hr>224a<br><font size=+1>


@#/ /snyoms par zhugs pa/ thor tshugs dang dbu rgyan can/ 'od zer mtha' yas pas bskor ba/ rtog pa dang rnam par rtog pa thams cad dang bral ba/ nam mkha' bzhin gzod ma nas zhi ba ste/ de la sgra gnas par bsam zhing / mnyam par bzhag pas bzlas brjod bya/ /de nas sngon du bsnyen pa ni/ /'bum phrag gcig tu bya bar bshad// de nas zla ba gnyis pa la/ /me tog dri la sogs pa dbul/ /sems can rnams la rnam mang po'i/ /phan pa nye bar sgrub byed cing / /rnyed dang ma rnyed rnam spangs te/ /zla ba gzhan la bzlas brjod bya/ /de la de ru sbyor ba 'di/ /mnyam par bzhag pas bsam par bya/ /bdag gi bsod nams mthu yis ni/ /sems can thams cad bde gyur cig /thams cad nad kyang med par shog /yang na de bzhin gshegs bsngags pa'i/ /'dod pa phun sum tshogs gyur cig /yang na sems can thams cad kyang / /re ba thams cad yongs rdzogs pa/ /sgrib pa med pa'i tshul gyis su/ /ma thogs par ni grub par shog /dung 'gro gcig la gcig za ba'i/ /sdug bsngal nam yang 'byung ma gyur/ /yi dwags rnams la zas skom sogs/ /thogs pa med par 'byung bar shog /sems can dmyal ba'i sdug bsngal gang / /mi bzad rnam pa sna tshogs pa/ /bdag gi bsod nams mthu yis </font><hr>224b<br><font size=+1>


ni| |de dag myur du zhi bar gyur/ /sems can sdug bsngal thams cad la/ /snying rje chen po bskyed nas ni/ /bsgrub pa de dang gzhan dag kyang / /des ni yang dang yang du bsam/ /ji ltar bsam pa 'grub bya'i phyir/ /byin gyi rlabs kyi gnas gsum gyis/ /de dag thams cad byin brlab cing / /yid la sngags kyang bzlas brjod bya/ /bdag gi bsod nams stobs dang ni/ /de bzhin gshegs pa'i byin stobs dang / /chos kyi dbyings kyi stobs kyis su/ /sems can rnams la phan 'dod pas/ /don rnams gang dag bsam pa kun/ /sems can khams ni ma lus 'dir/ / de dag thams cad ci rigs par/ /thogs pa med par 'byung gyur cig /de nas bcom ldan 'das kyis de'i tshe rig sngags kyi rgyal mo stobs nam mkha' dang 'dra ba nam mkha'i mdzod 'byung ba gsungs so/ /na maH sarba ta thA ga te b+h+yo bi shwa mu khe b+h+yaHsarba tad khaM ut+gal \?\ te s+pha ra Na hi maM ga ga na khaM swAhA/ 'dir lan gsum bzlas na/ ji ltar bsam pa'i don thams cad thogs pa med par 'byung bar 'gyur ro/ /de nas zla ba nya ba'i tshe/ /mi de sgrub la 'jug par bya/ /ri rtse dang ni ba lang lhas/ /chu mdo 'am yang na dur khrod dam/ /lam gyi gzhi mdo'am shing gcig drung / /ma mo'i gnas sam zhig gnas su/ /bgegs rnams thams cad myos 'gyur ba'i/ /dkyil 'khor nges pas mnyan par gyis/ /kun tu gru </font><hr>225a<br><font size=+1>


@#/ /bzhi lham pa ste/ /sgo gcig pa la mu ran can/ /thams cad kha dog ser bo la/ /rdo rje dkyil 'khor mchog bris nas/ /rdo rje sbrel ba'i tshul gyis su// rdo rjes phan tshun 'brel bar bya/ /sgor ni sgo srung gnyis bri ba/ /gdul dka' dang ni mngon phyogs gnyis/ /mig dmar khro dang bcas pa la/ /khros shing sdigs par byed ba bri/ / mdung rtse gsum pa gra rnams su/ /nan tan du ni bri bar bya/ /dbus su rdo rje'i gdan yid 'ong / /kha ni kun tu blta ba bri/ /de'i steng pad+ma chen po ni/ /'dab ma brgyad pa za bar bcas// rgyal ba kun la phyag byas nas/ /smon lam nye bar sgrub byed cing / /phyag na rdo rje blo can gyis/ /rdo rje'i phyag rgya bcings nas su/ /de nas bsrungs byas der 'dug ste/ /sbyang ba'i rdzas ni blangs nas su/ /nang gi bdag nyid rnam dag pas/ /mtshan gcig thal byung bzlas brjod bya/ /der ni nam gyi phyed dus sam/ /yang na nyi ma 'char ba'i tshe/ /rdzas de yongs su 'gyur ba ni| |'bar phreng can gyis gzi brjid bzhin/ /sngags pa rang gis de blangs na/ /nam mkha' la ni 'gro bar 'gyur/ /bskal par gnas shing gzi brjid che/ /rgyal sras de ni 'dod na 'chi/ /'jig rten khams ni gzhan du 'ang 'gro/ /gtso bo sna tshogs gzugs 'chang ba/ /rdzas las byung ba'i sngags bsgrubs pas/ /dpal ldan mchod par rab tu </font><hr>225b<br><font size=+1>


byed| |'di ni nyams par mi 'gyur ba'i/ /rdzas kyi dngos grub yin par bshad/ /gsang ba pa'i bdag po/ de la brtag pa 'di rgyu mtshan du mdzad nas 'jig rten gyi khams thams cad na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyi pha rol tu phyin pa rtogs par thugs su chud pa rnams kyis rtag pa de nyid rang bzhin gyis stong par mkhyen kyang thabs kyi pha rol tu phyin pa'i stobs kyis 'dus ma byas pa gdags par brtags te/ yongs su bsgyur ba'i tshul du mthong ba'i chos la bde bar gnas par bya ba'i phyir chos kyi dbyings kyi mthu rlabs po che sems can rnams la nges par ston to/ /des de rnams yid rab tu dga' zhing tshe ring po yang rab tu thob nas 'dod pa'i yon tan lnga dag gi rtse dga' yongs su spyod la/ sangs rgyas bcom ldan 'das rnams la mchod pa byed cing 'jig rten thams cad dang mi mthun pa'i lam 'di 'grub par 'gyur ro/ /de bzhin gshegs dang byang chub sems dpa' rnams kyis kyang don gyi dbang 'di gzigs nas gsang sngags spyad pa'i tshul gyi cho ga thugs dgyes bzhin du 'chad do| |de ci'i phyir zhe na/ gang bskal pa du mar rtsol zhing 'bad de bya dka' ba rnams brtsams kyang thob bar mi 'gyur ba de byang chub sems dpa' gsang sngags kyi sgo nas byang </font><hr>226a<br><font size=+1>


@#/ /chub sems dpa'i spyad pa spyod pa rnams kyis tshe 'di gcig kho na la thob par 'gyur ro/ /gsang ba pa'i bdag po/ gzhan yang byang chub sems dpa' gsang sngags kyi sgo nas byang chub sems dpa'i spyad pa spyod bas de bzhin du rgyal mtshan nam/ ral gri 'am/ gdugs sam/ mchil lham mam/ yid bzhin gyi nor bu 'am/ lig bu mig gam/ gi wang blangs te bzlas brjod sum 'bum byas la de ltar bsgrubs na/ de bzhin du 'grub par 'gyur ro/ /gsang ba pa'i bdag po/ gzhan yang rigs kyi bu 'am/ rigs kyi bu mo thabs dang ldan pas yid la 'dod pa'i dngos po rnams bsgrubs na/ de dag rang gi sems kyi dbang tsam kho nas yongs su 'grub par 'gyur ro/ /gsang ba pa'i bdag po/ gang dag rgyu las 'bras bu mngon par 'dod pa'i mi blun po de dag ni/ gsang ba pa'i bdag po/ gsang sngags rnams kyi mtshan nyid rab tu mi shes pa yin no/ /de ci'i phyir zhe na/ rgyu ni byed par ma gsungs te/ 'bras bu 'ang de la yod ma yin/ /rgyu ni rgyu yis stong pas na/ /de ni ji ltar rgyur yang 'gyur/ /de bas gsang sngags 'bras bu ni/ /rgyu dang las bral shes par bya/ /gang tshe mtshan ma med pa yi/ /ting 'dzin ji lta bzhin reg pa/ /de tshe sngags pas dngos grub ni/ /yid las yang dag 'byung ba thob/ /de nas yang bcom ldan 'das </font><hr>226b<br><font size=+1>


la phyag na rdo rjes 'di skad ces gsol to/ /bcom ldan 'das yang dag par rdzogs pa'i sangs rgyas kyi gzhi rnams dngos grub tu sgrub pa'i tshig gang gis rigs kyi bu dang / rigs kyi bu mo rnams mthong ba'i chos nyid la rab tu dga' zhing bde ba la reg par gnas la chos kyi dbyings las kyang 'gal bar mi 'gyur ba de yang bshad du gsol/ bcom ldan 'das/ de ci'i slad du zhe na/ chos kyi dbyings ni/ bsam gyis mi khyab pa'i dbyings lags te/ de yang de bzhin gshegs pa dgra bcom pa yang dag par rdzogs pa'i sangs rgyas rnams kyis bstan to/ /bcom ldan 'das/ de lta lags pas byang chub sems dpa' gsang sngags kyi sgo nas byang chub sems dpa'i spyad pa spyod pas na/ chos kyi dbyings dbyer med pa rtogs par khong du chud par bgyi 'tshal lo/ /de skad ces gsol ba dang / bcom ldan 'das kyis phyag na rdo rje la bka' stsal pa/ gsang ba pa'i bdag po/ legs so legs so/ /gsang ba pa'i bdag po/ gang khyod de bzhin gshegs pa la don 'di yongs su dri bar sems pa da ni yang legs so/ /de'i phyir nyon la legs par rab tu yid la zungs shig dang ngas khyod la bshad do| |bcom ldan 'das/ legs so/ /zhes gsol nas gsang ba pa'i bdag po phyag na rdo rjes bcom ldan 'das la mnyan pa dang / bcom ldan 'das kyis de la 'di skad ces bka' stsal </font><hr>227a<br><font size=+1>


@#/ /to| |gsang ba pa'i bdag po/ de la a zhes bya ba'i sgrub pa byung ste/ gtsug lag khang dam/ phug gam/ gnas gang yang rung ste/ yan lag thams cad a zhes bya ba bzhag la bzlas brjod sum 'bum bya 'o/ /de nas zla ba nya ba'i tshe ci 'byor pas mchod pa byas la/ ji srid du byang chub sems dpa' kun tu bzang po 'am/ 'jam dpal lam/ rdo rje 'dzin chen po gang yang rung ba zhig 'ong ste mgo la nyug gam/ legs so zhes zer gyi bar du bzlas brjod bya'o/ /de nas phyag byas te mchod yon phul na/ byang chub kyi sems mi brjed pa'i ting nge 'dzin thob par 'gyur ro/ /de bzhin du sems yang ba dang / lus yang bar goms par bya zhing bzlas brjod byas na/ de'i lus rnam par dag pa dang / sems rnam par dag par 'gyur ro/ /a zhes bya ba rnam par bzhag ste bzlas brjod byas na/ rna ba rnam par dag par 'gyur ro/ /'on te srog gzung bar 'dod na/ a zhes bya ba srog dang lhan cig tu byas la dus gsum du bsam pa byas na/ yun ring du gnas par 'gyur ro/ /de nyid kyi steng du klad kor bzhag na/ gnas pa dang / 'gro ba'i dug thams cad 'byin to/ /de nas gzi can dbang du bya bar 'dod na/ a zhes bya ba bdag tu byas/ /pa las de bzhin mi dbang po/ /gcig la pad+ma gzhag par bya/ /gzhan la </font><hr>227b<br><font size=+1>


yang ni dung bzhag ste/ /gcig la gcig ni gdong bltas na/ /de yi mod la dbang du 'gyur/ /de nas bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas gsang ba pa'i bdag po phyag na rdo rje la bka' stsal pa/ lag na rdo rje/ de bzhin gshegs pa rnams kyi thugs las byung ba zhes bya ba las dang bya bas rnam par rol pa| spyod pa'i rol mo rim par phye ba rgyas pa/ khams bzhi yang dag par bsdu bar bsdus pa/ sems kyi rgyal po la gnas pa/ nam mkha' ltar kun tu khyab pa/ mthong ba dang ma mthong ba'i 'bras bu mang ba/ nyan thos dang / rang sangs rgyas dang / byang chub sems dpa' thams cad kyi mngon sum pa/ gsang sngags kyi sgo nas byang chub sems dpa'i spyad pa spyod pa rnams kyi re ba thams cad yongs su rdzogs bar byed pa/ las sna tshogs dang ldan pa/ sems can thams cad la phan 'dogs pa yod kyi/ de nyon la legs par rab tu yid la zungs shig dang ngas khyod la bshad do/ /lag na rdo rje/ de la spyod pa'i rol mo las dang bya ba mngon par 'grub pa'i 'bras bu phal che ba lus can kun gyi mngon sum pa gang zhe na/ cho ga shes pas thog mar ni/ /bdag gi de nyid rim bzhin bya/ /sngags pa snga ma bzhin 'dug la/ /de bzhin gshegs pa dran byas te/ /bdag nyid a zhes bya ba ni/ /klad kor bcas dang rgyas byas </font><hr>228a<br><font size=+1>


@#/ /pa| |thams cad shin tu ser zhing bzang / /gru bzhi rdo rjes mtshan byas te/ /sngags pas der gnas rdzogs pa yi/ /sangs rgyas kun gyi gtso bo bsam/ /'di ni sangs rgyas thams cad kyis/ /bdag gi de nyid yin par gsungs/ /nam zhig sngags pas bdag gis ni/ /de nyid dogs pa med 'gyur ba/ /de tshe 'jig rten thams cad la/ / phan pa byed pa nyid du 'gyur/ /ngo mtshar sna tshogs ngag dang ldan/ /mig 'phrul can gyi gnas la 'dug /sngags pa nam zhig mnyam bzhag na/ /srid pa rab tu dogs pa na// thog med dus nas mi shes pas/ /bsags ba'i las de kun zad 'gyur/ /bla na med pa'i byang chub sems/ /sems de nam zhig sgom byed pa/ /de'i tshe'ang sngags pa rnal 'byor pa/ /chu yis pad+ma lta bur ni/ /dge dang mi dge 'bras 'byung ba'i/ /las kyi rtog pas mi gos na/ /'di bdag nyid ni rgyal mchog tu/ /bsgyur na smos kyang ci zhig dgos// bam po bzhi pa/ /de nas bcom ldan 'das rnam par snang mdzad bdud bzhi las rgyal ba rdo rje rnam par rol pa zhes bya ba'i ting nge 'dzin la snyoms par zhugs nas rdo rje'i yi ge'i tshig bdud bzhi las rgyal bar byed pa/ rgyud drug las rnam par grol bar byed pa/ thams cad mkhyen pa'i ye shes yongs su rdzogs par byed pa 'di rnams gsungs so/ /na maH sa </font><hr>228b<br><font size=+1>


man+ta bud+d+hA nA na/ A bI ra hUM khaM/ de nas yang dag gsang ba pa'i bdag po phyag na rdo rje dang / rdo rje 'dzin de dag dang / byang chub sems dpa' kun tu bzang po la sogs pa de dag dang / thams cad dang ldan pa'i 'khor 'dus pa de dag thams cad ngo mtshar du gyur nas mig mi 'dzum par thams cad mkhyen pa la spyi bos phyag 'tshal te tshig 'di skad ces brjod do/ /byang chub sems dpa' skyob rnams dang / /sangs rgyas kun gyi nor gyi dbyig /'dis ni gang dag sangs rgyas dang / /byang chub sems dpa' skyob rnams dang / /rang sangs rgyas dang nyan thos pa| |mkhas pa de dag 'jig rten 'dir/ /sangs rgyas ye shes bla med pa/ /dpe med ye shes thob nas su/ /rdzu 'phrul sna tshogs rnam 'phrul pas/ /sa steng kun tu rnam par spyod| |de bas 'di dag so so yi/ /cho ga rgyas pa dag dang las/ /sna tshogs dgod pa thams cad kyang / /bstan pa 'di la bshad du gsol/ /des ni gsang sngags spyod pa yi/ /theg chen bla na med pa la/ /sems can rnams ni dga' bzhin du/ /mthong ba'i chos la gnas par 'gyur/ /de skad gsol nas bcom ldan gyis/ /'jam pa'i gsung gis bka' stsal pa| |khyed rnams mthun par rtse gcig tu/ /mnyam par zhog la 'di nyon cig /de'i chos gzhi rdo rje chen por byin gyis brlabs te nyid kyi sku las byang chub kyi snying po can nye bar bstan par </font><hr>229a<br><font size=+1>


@#/ /bzhed nas gsungs pa/ a ni mchog tu shes bya ba/ /dbang chen dkyil 'khor ldan pa ste/ /phyi rol dang ni nang du yang / /rdo rje dkyil 'khor shes par bya/ /der 'dug nas ni thams cad bsam/ /rnal 'byor gnas shes bshad pa yin/ /a ni srog gi dam pa ste/ /'gugs par byed pa'i mchog tu bshad/ /nam zhig klad kor gyis mnan na// lus can kun gyi sel bar 'gyur/ /sngags pas nam zhig zla gcig tu/ /rdo rje can gyis rgya bcings nas/ /dus gsum bzlas brjod byas na ni/ /mi shes grong khyer 'joms par 'gyur| |lha dang lha min rnams kyis kyang / /mi phyed shin tu brtan par 'gyur/ /bdag gi rnyed pa grub bya'i phyir/ /rgyas pa'i las ni gang cung zad/ /de kun rtag tu sngags pa yis/ / dkyil 'khor gyi ni dbus su bya/ /gser gyi kha dog 'bar dang bcas/ /thor tshugs dbu brgyan 'chang ba yi/ /rdzogs pa'i sangs rgyas ting 'dzin bzhugs/ /dbang chen gyi ni gzhi zhes bya| |rdo rje pad+ma ral gri dang / /de bzhin dang par bshad pa dang / /gser dag dang ni sa dag dang / /yang na yid bzhin nor bu'ang rung / /de la sogs pa'i rdzas rnams ni/ /dbang chen du ni bsgoms te bsgrub/ /mnan pa dag kyang bshad par bya'i/ /'di ni khyed kyis mnyam bzhag nyon/ /sngags pas mdor na ri rab ni/ /rtse mo brgyad pa bsam par bya/ /de yi steng du </font><hr>229b<br><font size=+1>


pad+ma gzhag /de yi rjes la rdo rje'o/ /de'i steng rnal 'byor pa yis ni/ /yi ge dam pa gtso bo ste/ /de yis spyi bor mnan na ni/ /de ni mi g.yo gnas par 'gyur/ /sman la yang ni lan brgya ru/ /bzlas brjod byas te mis 'thungs na/ /sngon gyi las las byung ba yi/ /de yi nad rnams 'byang bar 'gyur/ /de nas gzhan yang des pa yis/ /ba zhes bya ba dam pa nyon/ /gangs dang 'o ma dung 'dra ba| |lte ba'i dbus nas byung ba ste/ /pad+ma dkar por 'dab ma ni/ /de yi dbus na rab tu gnas/ /mgon po dam pa rab tu zhi/ /ston ka'i zla ba'i 'od dang 'dra/ /de yi dkyil 'khor ngo mtshar can| |rdzogs pa'i sangs rgyas rnams kyis bshad/ /kun tu dkar por bsam par bya/ /khyud khor rim pa dgus kyang bskor/ /gdung pa thams cad zhi byed pa/ /smug zil 'dus pa'i nang na gnas/ /'o ma mu tig phreng dkar dang / /shel dang zla ba'i 'od 'dra ba'i/ /chu rgyun rnams kyis 'khor yug tu/ /kun nas rab tu 'bar ba bzhin/ /sngags pas yid la bsams na ni// gdung ba kun las thar bar 'gyur/ /mnyam par bzhag pas dngos 'di rnams/ /dkyil 'khor 'dir ni bsgrub par bya/ /mar gsar 'o ma mu tig phreng / /de bzhin khyu mchog shel kyang rung / /'o ma 'am yang na chu yang rung / /de la sogs pa'i rdzas rnams ni/ /dngos grub sna tshogs grub phyir bsgrub/ /tshe ni ring bar 'gyur ba dang / /gzugs ni ngo mtshar cher 'gyur </font><hr>230a<br><font size=+1>


@#/ /dang / /nad rnams kun las thar pa dang / /skal ba bzang po mchog 'gyur dang / /yid rno 'dzin par nus pa dang / /shes rab shin tu dri med dang / /sgrub pa'i rdzas ni 'di rnams kyis/ /de dag thams cad myur du 'grub/ /dkyil 'khor dpal dang ldan pa 'dis/ /zhi bar byed par bshad pa yin/ /klad kyi 'khor dang bcas byas na/ / sel bar byed pa'i mchog tu 'gyur/ /ra zhes bya ba yang dag mchog /'od can rnams kyi 'od ces bya/ /des ni las rnams gang cung zad/ /mtshams med lnga las byung ba yang / / rnal 'byor shin tu mnyam bzhag nas/ /bsams na de kun zad par 'gyur/ /yid 'ong thams cad rab tu dmar/ /gru gsum pa yi tshul du gnas/ /zhi ba 'bar ba'i phreng bas 'khrigs/ /sum mdo'i ris mtshan snying gar gzhag /rnal 'byor pa ni der 'dug nas/ /ra ni klad kor bcas par bsam/ /mi 'jigs pas ni ci rigs par/ /dngos po 'di dag des bsgrub bo/ /nyi ma dang ni gza' kun dang / /de bzhin bsgrims te me dang ni/ /dbang du bya ba'i rdzas rnams dang / /yang na 'khon par 'gyur ba dang / /bskam pa dang ni gsad pa dang / /de bzhin dgar dang gnod pa dag /me dang lhan cig 'di sbyar na/ /de dag thams cad byed par 'gyur/ /ha zhes bya ba dam pa mchog /rlung ni thams cad yang dag </font><hr>230b<br><font size=+1>


'byung / /rgyu dang las dang 'bras bu dang / /gang gis sa bon rnams skye ba/ /'di ni klad kor bcas sbyar na/ /de dag thams cad 'jig par byed/ /de yi gzugs kyang bshad pa ni/ /kha dog nag la 'od po che/ /mi bzad 'bar ba'i phreng bas 'khrigs/ /kun tu yang ni rnam par 'phro/ /mkhas pas smin ma'i mtshams su ni/ /dkyil 'khor la ni gnas par bsam/ /de ni mthing ga zla gam 'dra/ /rtog dang bcas par ba dan g.yo/ /yi ge rab tu mi 'gyur ba/ /sngags pas der gnas bsam par bya/ /dkyil 'khor de yi dbus su ni/ /gang gis mthong ba kho na la/ /sems can rnams kyi don byed pa'i/ /dngos grub rnams ni de tshe bsgrub/ /mkha' la 'gro ba nyid dang ni/ /yang na rdzu 'phrul rkang pa dang / /lha yi mig dang rna ba dang / / sngags pas de bzhin 'thob pa dang / /mi snang ba la sogs kun dang / /dbye ba dag kyang gang gsungs pa/ /sngags par mnyam par bzhag pa yis/ /dkyil 'khor gnas na de kun byed| |'di ni snying po byang chub 'dir/ /byang chub sems dpa' grags chen rnams/ /rgyu kun dmigs su med sgo nas/ /bdud las rnam par rgyal bar byed/ /rgyu med pas na 'bras bu'ang med/ /las kyang yod pa ma yin te/ /dngos po de gsum med pas na/ /stong pa'i ye shes thob par 'gyur/ /rdzogs pa'i sangs rgyas mthu chen gyis/ /de'i gzugs yang dag </font><hr>231a<br><font size=+1>


@#/ /bshad pa ni/ /klad kor bcas par ldan pa ste/ /khams ni stong pa'i mchog ces bya/ /ral gri phyag rgyar ldan pa yis/ /bsgrub par bya ba nges par bsgrub/ / ral gri zhags pa 'khor lo dang / /lcags mda' de bzhin tho ba ste/ /rdzas de rnams dang ldan na ni/ /go 'phang dam pa sgrub par byed/ /de nas bcom ldan 'das rnam par snang mdzad kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/ nam byang chub sems dpa' gsang sngags kyi sgo nas byang chub sems dpa'i spyad pa spyod pas bdag nyid a zhes bya ba'i rang gi ngo bor bsgyur nas phyi dang nang du bcas pa'i dngos po thams cad la mi lta bar gyur cing / bong ba dang / rngo ba dang / gser du mtshungs pa la 'dod chags dang zhe sdang la sogs pa'i nyes pa rnams dang / sdig pa'i las rnam par spangs pa/ de tshe de ni dag 'gyur ba/ /thub pa rdzogs pa'i sangs rgyas bzhin/ /des na las rnams thams cad nus/ /nyes pa thams cad rnam par spangs/ /de nas gzhan sngags rnal 'byor la/ /gzhol zhing cho ga shes pa yis| |sems can rnams la phan 'dod pas/ /ba zhes bya ba'i las bya'o/ /snying rje las byung sems kyis ni/ /'jig rten sdug bsngal la dmigs nas/ /mgon po </font><hr>231b<br><font size=+1>


de yis bdag nyid kyi/ /lus ni thams cad nyid du yang / /gangs dang ba yi 'o ma ltar/ /dkar ba'i rgyun gyis yongs su dgang / /de tshe nges pa bskyed nas su/ /yan lag rnams ni thams cad kyi| |ba spu'i bu ga kun nas kyang / shin tu dri med chu rgyun 'byung / /chu yis sa ni ma lus pa/ /'di dag yongs su dgang bar bya/ /gang gis chu de 'thungs pa yang / /lag pas kyang ni reg kyang rung / /de kun nges par byang chub tu/ /'gyur te 'di la dogs pa med/ /yan lag kun tu ra zhes pa/ /'bar ba'i phreng ba zhi bas 'khrigs/ /kun tu rnam par 'phro ba ni/ / shin tu mnyam par bzhag pas bsam/ /de tshe rnal 'byor pa yis phyir/ /'bar ba kun tu snang byed pa/ /btang na ra yis rnam sprul pas/ /sngags pa 'dod pa bzhin du byed/ /ra zhes bya ba ro stod du/ /ba zhes bya ba lte ba khung / /'bar ba dang ni chu 'bab pa/ /de tshe gcig car ston par 'gyur/ /dmyal ba grang ba'i sdug bsngal rnams/ /ras ni shin tu zhi bar byed// sngags pa sngags kyi tshul gnas pas/ /bas kyang tsha la sogs pa bzhi/ /ha zhes bya ba ba dan bcas/ /ra zhes bya ba'i 'og tu gzhag /sdig dang ldan pa'i mi rnams kyang / /de yis las rnams myur du sgrub/ /sngags pa dbang chen la 'dug nas/ /chu yi las ni brtsams par bya/ /sel ba la sogs thams cad kyang / /byed 'gyur 'di la the tshom med/ /rlung ni kun tu 'gro </font><hr>232a<br><font size=+1>


@#/ /bar gsungs/ /thams cad 'jig par byed pa'ang de/ /rnam pa sna tshogs tha dad pa'i/ /las rnams dbye ba las byung ba/ /gzugs kyi dkyil 'khor dbus su ni| |cho ga 'di yis rab tu bya/ /yid yongs su sbyong zhing bzlas brjod byas na/ yid rnam par dag par 'gyur ro/ /lus yang bar goms par byed cing 'chag bzhin du bzlas brjod byed na/ rdzu 'phrul gyi rkang pa thob par 'gyur ro/ /tsog pur 'dug la a zhes bya ba rna bar bzhag ste zla ba gcig tu bzlas na/ lha'i rna ba thob par 'gyur ro/ /gsang ba pa'i bdag po/ dngos grub kyi go 'phang de lta bu la sogs pa dag ni/ yid las byung ba yin no/ /gsang ba pa'i bdag po/ rnam par bsam pa tsam kho nas dngos po gzugs can ma yin pa rnams kyi 'du byed rnam pa tha dad pa sna tshogs rnams las thams cad pa'i sa bon gyi bya ba tshig tu brjod pa tsam las 'byung ba la ltos/ gsang ba pa'i bdag po| gzhan yang de bzhin gshegs pa ni/ thams cad dang rjes su mthun pa sems can thams cad kyi bsam pa dang mthun pa/ sems can thams cad la yang dag par mgu bar mdzad pa ste/ byang chub sems dpa' las thams cad dang / gsang sngags spyad pa spyod pa rnams kyi mdun na gzugs brnyan lta bur bzhugs so/ /de bzhin gshegs pa de ni/ </font><hr>232b<br><font size=+1>


rnam par mi rtog cing yid kyi spyod yul las yang dag par 'das pa/ dus dang / yul dang / bya ba dang / las dang / chos dang / chos ma yin pa rnams spangs kyang / gsang sngags spyod pa las byung ba'i/ /thams cad mkhyen pa'i go 'phang stsol/ /de bas kun mkhyen dngos grub dang / /go 'phang mchog kyang bsgrub par bya/ /de nas dpal ldan rdo rje 'dzin/ /ngo mtshar gyur nas mig bgrad de/ /de tshe rdo rje 'od zer ni/ /me stag 'phro ba 'dra gsor zhing / /sangs rgyas zhing ni 'di thams cad/ /kun tu snang bar byas nas su/ /chos kun dbang phyug thub pa la/ /tshig snyan 'di skad ces gsol to/ /sngags kyi 'jug pa bshad lags na/ /'jug pa de yang ma rtogs na/ /gsang sngags gang nas 'ong ba dang / /gang du 'gro ba gtso khyod kyis/ /de kun bdag la bshad du gsol/ /go 'phang dam pa khyod las med/ /khyod ni ji ltar chu rnams kyang / /rgya mtsho bzhin du chos kun gnas/ /de skad ces gsol pa dang / bcom ldan 'das kyis byang chub sems dpa' phyag na rdo rje la 'di skad ces bka' stsal to/ /sems dpa' chen po dkyil 'khor gyi/ /gnas ni yid ces bshad pa yin/ /snying ni gsang sngags gnas yin par/ /shes na 'bras bu thob par 'gyur/ /dkar po ser po dmar po gang / /yid kyis sems par byed pa ste/ /de la yongs su gcod pa gang / /de ni sems kyis byed pa yin/ / </font><hr>233a<br><font size=+1>


@#/ /sems ni mgu nas nges gyur pa/ /de ni snying zhes bshad pa yin/ /der gnas pa yi gsang sngags rnams/ /'bras bu rgya chen ster bar 'gyur/ /de ru pad+ma bsam pa ni| |'dab ma brgyad par ze bar bcas/ /a zhes bya ba 'bar phreng 'khrigs/ /bzang po de ru gnas pa ni/ /zhi ba kun tu rnam par g.yo/ /gtso bo sna tshogs gzugs mnga' ba/ / glog stong dag ni 'khyug pa bzhin/ /snang ba kun tu ston pa ni/ /me long phug na gnas pa bzhin/ /chu yi zla ba'i rnam pa bzhin/ /thams cad na yang mdun na gnas/ /sngags pa gsang sngags gnas 'dug pas/ /yid ni de ltar shes nas su/ /de nas sngags pas stong du yang / /klad pa'i rgyas kyi dbus su ni/ /klad kor bcas pa'i mtshan ma can/ /aM zhes bya ba der bsams te/ /shel dang zla ba gangs 'dra ba/ /dri med dag pa mthong ba ni/ /zhi ba chos kyi rang bzhin sku/ /thams cad kyi ni gzhi zhes bya/ /de las gsang sngags dngos grub ni/ /sna tshogs gzugs can thob par 'gyur/ /de bzhin gshegs pa'i gnas mthong na/ /mtho ris dang ni byang grol thog /ra zhes bya ba mar me bzhin/ /'bar ba mig tu bzhag nas su| |mgrin pa cung zad dgu bor byas/ /lce yang rkan la sbyar nas ni/ /snying ga'i gnas su rnam blta zhing / /mnyam par bzhag ste yid la blta/ /dri med shin tu rnam dag pa/ /rtag </font><hr>233b<br><font size=+1>


tu me long bzhin du gnas/ /de nyid yid kyi yang dag par/ /sngon gyi rgyal ba rnams kyis gsungs/ /yid kyis snang byas lam la ni/ /rnam par shes pa snang bar 'gyur/ /de nas sngags pas rdzogs sangs rgyas/ /rkang gnyis gtso bo mthong bar 'gyur/ /de mthong sngags pas dngos grub ni/ /rab tu rtag pa thob par 'gyur/ /de nas gong du bsgyur nas su/ /yi ge yongs su bsam pa ni/ /la zhes bya ba klad kor bcas/ /mig gi gnas su bsam par bya/ /'di kun stong par mthong na ni/ /go 'phang mi nyams thob par 'gyur/ /ye shes rlabs po che 'am ni/ / yang na mngon shes lnga po dang / /rig sngags 'chang 'gyur dngos grub dang / /tshe ring gzhon nur 'gyur ba gang / /gal te thob par 'dod na ni/ /ji srid 'di ni ma bsnyen par/ /de srid thob par mi 'gyur ro/ /gsang sngags ye shes las byung ba/ /'di ni de nyid ye shes mchog /byang chub sems dpa' skyob pa dang / /sangs rgyas kun gyi nor gyi dbyig /sangs rgyas byang chub sems dpa' dang / /nyan thos nges pa dag dang ni/ /sangs rgyas ye shes mchog gyur pa/ /ye shes dpe med thob nas su/ /de yi sa steng thams cad du/ /gnas shing de ni gtam yang zer/ /rnam par snang mdzad mngon par rdzogs par byang chub pa rnam par sprul pa byin gyis rlob pa las/ dngos grub sgrub pa'i de kho na nyid rim par phye ba rgyas pa'o// //de nas yang bcom ldan </font><hr>234a<br><font size=+1>


@#/ /'das la gsang ba pa'i bdag po phyag na rdo rjes 'di skad ces gsol to/ /bcom ldan 'das/ lha'i gzugs gang gis byang chub sems dpa' gsang sngags kyi sgo nas byang chub sems dpa'i spyad pa spyod pa rnams lha'i gzugs la dmigs nas bdag nyid rang gi lha'i gzugs su bsgyur nas the tshom ma mchis par dngos grub thob par 'gyur ba'i lha'i gzugs byin gyis rlob pa bshad du gsol/ de skad ces gsol pa dang / bcom ldan 'das rnam par snang mdzad kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ gang khyod nga la don 'di yongs su 'dri ba ni/ legs so legs so/ /de'i phyir nyon la legs par rab tu yid la zungs shig dang ngas khyod la bshad do/ /bcom ldan 'das/ de ltar 'tshal lo/ /zhes gsol nas gsang ba pa'i bdag po phyag na rdo rjes bcom ldan 'das la nyan pa dang / bcom ldan 'das kyis 'di skad ces bka' stsal to/ /gsang ba pa'i bdag po/ de la lha'i gzugs ni/ rnam pa gsum ste/ yi ge dang / phyag rgya dang / gzugs so/ /de la yi ge yang rnam pa gnyis te/ sgra dang / byang chub kyi sems so/ /phyag rgya'i gzugs la'ang rnam pa gnyis te/ gzugs dang bcas pa dang / gzugs dang bcas pa ma yin pa'o/ /gsang ba pa'i </font><hr>234b<br><font size=+1>


bdag po/ lha'i gzugs kyang rnam pa gnyis te/ yongs su dag pa dang / yongs su dag pa'o/ /de la yongs su dag pa ni/ rtog pa'i ngo bo ste/ mtshan ma thams cad dang bral ba'o/ /yongs su ma dag pa ni/ mtshan ma dang bcas pa'i gzugs te/ kha dog dang / dbyibs so/ /de la lha'i gzugs rnam pa gnyis kyis dgos pa rnam pa gnyis 'grub par 'gyur te/ mtshan ma dang bcas pas ni/ mtshan ma dang bcas pa'o/ /mtshan ma med pas ni/ mtshan ma dang bcas pa'i dngos grub kyang 'grub par 'gyur ro/ /mtshan mar bcas pas mtshan bcas kyi/ / dngos grub rgyal ba dam pa bzhed/ /mtshan ma med la gnas pas ni/ /mtshan ma can yang sgrub tu rung / /de bas rnam pa thams cad du/ /mtshan ma med pa bsten par bya/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ lha'i ting nge 'dzin gtan la dbab pa rim par phye ba'o// //de nas yang bcom ldan 'das kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/ de la byang chub sems dpa' gsang sngags kyi sgo nas byang chub sems dpa'i sbyad pa sbyod pa mtshan ma med pa'i ting nge 'dzin sgrub par 'dod pas 'di ltar bsam par bya'o/ /mtshan ma rnams gang nas byung / ci bdag gi lus sam/ bdag gi sems sam/ bdag gi yid las byung / de la </font><hr>235a<br><font size=+1>


@#/ /lus ni| las las skyes pa ste/ rtswa dang shing dang bong ba lta bu ngo bo nyid kyis bya ba med pa/ blun pa'am/ phyi rol gyi rnam pa lta bu la bzos byas pa'i gzugs lta bur brtag par bya'o/ /'di ltar bzos byas pa'i gzugs de la mi zhig gis khros te me'am/ dug gam/ mtshon tam/ chu'am/ rdo rjes bshig gam/ bsregs sam/ bcad kyang mi dga' ba cung zad kyang med la/ bza' ba'am/ btung ba'am/ bkru ba'am/ byug pa'i spos sam/ phreng ba'am/ gos sam/ tsan+dan nam/ ga pur la sogs pa lha dang mi'i yo byad rnam pa sna tshogs kyis mchod kyang mi de la dga' bar 'gyur ba yang med do/ /de ci'i phyir zhe na/ gang ngo bo nyid kyis stong pa'i gzugs de la rang gi nga rgyal kun nas bslang pa'i phyin ci log gis yang dag pa ma yin pa'i rtog pa las byung ba'i mchod pa'am/ gnod par byed pa'i ming gang yin pa de ni/ byis pa'i rang bzhin can yin no/ / gsang ba pa'i bdag po/ de ltar lus la lus kyi rjes su song ba'i dran pa ngo bo nyid kyis stong pa bsgom par bya'o/ /gsang ba pa'i bdag po/ gzhan yang sems ni/ ngo bo nyid med pa/ mtshan ma thams cad dang bral ba/ ngo bo nyid kyis stong par bsam par bya'o/ /gsang ba pa'i bdag po/ sems la ni/ dus gsum med do/ /dus gsum dang bral ba gang yin pa de </font><hr>235b<br><font size=+1>


ni/ ngo bo nyid kyis mtshan ma dang bral ba'o snyam du bsam par bya'o/ /gsang ba pa'i bdag po/ gzhan yang byis pa so so'i skye bo rnams yid mtshan ma dang bcas par rtog ste/ 'di ni/ yang dag pa ma yin pa'i kun tu rtog pa'i tshig bla dwags so/ /yang dag pa ma yin pa gang yin pa de ni/ ma skyes pa'o/ /zhes bya bar ni rab tu mi shes so/ /gsang ba pa'i bdag po/ byang chub sems dpa' gsang sngags kyi sgo nas byang chub sems dpa'i spyad pa spyod pas de ltar bsams na/ mtshan ma med pa'i ting nge 'dzin thob par 'gyur ro/ /gsang ba pa'i bdag po/ nam mtshan ma med pa'i ting nge 'dzin la gnas par gyur pa de'i tshe de la de bzhin gshegs pas gsungs pa'i gsang sngags rnams mngon du phyogs shing gzhol bar 'gyur ro/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ mtshan ma med pa'i ting nge 'dzin rim par phye ba'o// //gsang ba pa'i bdag po/ gzhan yang bzlas brjod gsang ba bshad par bya'o/ /gcig pus gcig gam gcig gis gcig /yid kyis bzlas brjod bya ba'am/ /yang na shu ba bu rnam gnyis pa'o/ /rnal 'byor mchog gis brtag par bya/ /sngags pa yan lag nyams sbyar bar/ /bzlas brjod gzhan du mi bya 'o/ /phyi dang nang gi sbyor ba yis/ /yan lag bzhi pa ngas bshad pa/ /de yang 'jig rten </font><hr>236a<br><font size=+1>


@#/ /pa yi ste/ /dmigs pa can ni bla med pa/ /slar sdud pa yi tshig gis non/ /lha yi rjes su song ba'i yid/ /bshubs te bzlas brjod byed pa'i mchog / dmigs pa can la bstan pa yin/ /yid kyi 'jig rten 'das shes bya/ /slar sdud la sogs rnam par spangs/ /lha dang gcig tu byed pa dang / /tha dad ma yin 'dzin pa yis/ /yid kyis rang bzhin dbyer med bya/ /gzhan du bya ba ma yin no/ /gsang sngags grangs ni sum 'bum du/ /phal cher ngas ni bshad pa dag /lus can sdig dang bral ba yi/ /sngags pa rnam par dag pa la/ /bzlas brjod grangs 'di bstan pa ste/ /gzhan du bya ba ma yin no/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ 'jig rten pa dang 'jig rten las 'das pa'i bzlas brjod kyi de kho na nyid rim par phye ba'o// //de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas byams pa dang snying rje chen po'i spyan gnyis kyis kyang sems can gyi khams thams cad la gzigs te bdud rtsi 'byung ba zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu yan lag thams cad nas dus gsum du ma chags pa'i stobs can zhes </font><hr>236b<br><font size=+1>


bya ba'i rig sngags kyi rgyal mo byung ngo / /tad+ya thA/ ga ga na sa me/ a pra ti sa me/ sarba ta thA ga ta sa ma tA na ga ga te ga ga na pa ra la k+Sha Na swAhA/ rigs kyi bu rig sngags kyi rgyal mo 'di ni/ de bzhin gshegs pa thams cad kyi sku dang gnyis su med pa'i spyod yul can te/ 'di yis byin rlabs sangs rgyas dang / /byang chub sems dpa' grags chen rnams/ /gang du sdug bsngal 'gag 'gyur ba'i/ /chos nyid chags med 'grub par 'gyur/ /de nas bcom ldan 'das rnam par snang mdzad kyis de bzhin gshegs pa thams cad rjes su dgongs nas bdag nyid dang / phyag na rdo rje gnyis ka gzod ma nas ma skyes pa nyid du byin gyis brlabs te phyag na rdo rje la sags pa rdo rje 'dzin rnams la bka' stsal pa/ rigs kyi bu dag /byang chub sems dpa' gsang sngags kyi sgo nas byang chub sems dpa'i spyad pa spyod pa rnams la sangs rgyas kyi mdzad pa so sor nye bar gnas pa yi ge'i 'khor lo bskor ba zhes bya ba'i dkyil 'khor spyad pa rim par phye ba rgyas pa nyon cig /de nas yang bcom ldan 'das rnam par snang mdzad la phyag na rdo rjes phyag 'tshal te/ rdo rje pad+ma'i stan de las rdo rje 'bab pa'i tshul gyis babs nas bcom ldan 'das lan \?\ par bstod pa/ phyag 'tshal byang chub sems khyod la/ /phyag 'tshal byang chub 'byung khyod la/ /spyod gzugs khyod dang sa dang ni/ /pha rol </font><hr>237a<br><font size=+1>


@#/ /phyin la phyag 'tshal lo/ /phyag 'tshal thog mar byed khyod la/ /stong pa nyid la 'dud phyag 'tshal/ /bcom ldan 'das la gsang ba pa'i bdag po phyag na rdo rjes de skad ces mngon par bstod nas bcom ldan 'das la 'di skad ces gsol to/ /bcom ldan 'das/ chos kyi rje bdag cag la thugs brtse ba'i slad du gang dag dang ldan na/ bdag cag rnams sems can gyi don bgyid par 'gyur ba dang / gsang sngags spyad pa ji skad gsungs pa bzhin yongs su rdzogs par 'gyur ba bshad du gsol/ de skad ces gsol pa dang / bcom ldan 'das rnam par snang mdzad kyis gsang ba pa'i bdag po phyag na rdo rje la 'di skad ces bka' stsal to/ /nga ni 'jig rten dang po yi/ /'jig rten mgon zhes bsgrags pa yin/ /bla med gzod nas zhi ba ni/ /mnyam pa med pa'i chos bshad do/ /de nas bcom ldan 'das kyis tshigs su bcad pa de dag gsungs nas byin gyis rlabs gang gis byin gyis brlabs na/ /byang chub sems dpa' de rnams dang / rdo rje 'dzin de rnams kyis bcom ldan 'das byang chub kyi snying po mchog dam pa la bzhugs pa/ nam mkha' bzhin du spros pa med pa spyod pa la gnyis su med pa'i rnal 'byor gyi mtshan nyid las kyi rnam par smin pa bzhin du mthong bar 'gyur ba de lta bu'i byin gyis brlab pa mdzad do/ /de'i tshe bcom ldan </font><hr>237b<br><font size=+1>


'das kyi yan lag dang / de bzhin gshegs pa'i sku thams cad nas 'jig rten pa dang / 'jig rten las 'das pa rnams dang / nyan thos dang / rang sangs rgyas dang / bsam pa dang / bsam gtan du bya ba dang / dngos grub sgrub par mngon par brtson pa thams cad kyi 'tsho bar gyur pa/ srog dang 'dra ba/ yi ge thams cad kyi gtso bor gyur pa/ skyabs su gyur pa/ dpung gnyen du gyur pa 'di phyung ngo / /na maHsa man+ta bud+d+hA nAn/ a/ rigs kyi bu dag /'di ni/ de bzhin gshegs pa thams cad kyis byin gyis brlabs pa/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams la sangs rgyas kyi mdzad pa so sor nye bar gnas pa yin te/ chos thams cad ni/ a zhes bya ba'i sgo nas 'jug go/ /gsang ba pa'i bdag po/ de lta bas na/ byang chub sems dpa' gsang sngags kyi sgo nas byang chub sems dpa'i spyad pa spyod pa de bzhin gshegs pa rnams mthong bar 'dod pa dang / mchod par 'dod pa/ byang chub kyi sems mngon du bya bar 'dod pa/ byang chub sems dpa' rnams dang 'grogs par 'dod pa/ sems can rnams kyi don bya bar 'dod pa/ dngos grub mngon par 'dod pa| rnam pa thams cad du thams cad mkhyen pa nyid thob par 'dod pas de bzhin gshegs pa rnams kyi snying po 'di la brtson par bya'o/ /de nas bcom ldan 'das rnam par snang mdzad kyis </font><hr>238a<br><font size=+1>


@#/ /snying rje chen po'i snying po 'byung ba'i dkyil 'khor gyi rgyal po 'di'i cho ga dgod pa dang / lha'i gnas gtan la dbab pa dang / ting nge 'dzin rnam par sprul pa dang / gsang sngags spyad pa dang / bsam par bya ba gsungs pa/ de la slob dpon gyis thams cad mkhyen pa nyid kyi sgo a zhes bya ba la gnas te srad bu blangs la sangs rgyas thams cad la phyag 'tshal nas srad bu shar phyogs logs su bres te g.yas su bskor la/ byang phyogs su kha bltas nas srad bu bres te nub phyogs su kha bltas la bsgyur te thig gdab bo/ /de nas bdag nyid rdo rje sems dpa' lag na rdo rjer de'i phyag rgya'am/ yi ge ba zhes bya bas byin gyis brlabs te nang du zhugs la snying po'i dkyil 'khor bri bar bya'o/ /de bzhin du dkyil 'khor gnyis pa la yang 'di ltar bdag nyid gzod ma nas zhi ba/ gnyis su med pa'i rnal 'byor gyi gzugs/ de bzhin gshegs pa'i gzugs snying po nyid kyi rang gi ngo bor byin gyis brlabs la/ de nas de bzhin gshegs pa'i gnas pa mngon du byed cing srad bu bres la phyi rol gyi dkyil 'khor de las sum gnyis lha'i gnas su bzhag ste sum cha 'khor sar bya'o/ /dkyil 'khor lhag ma gnyis kyang de bzhin du rnam par phye la lha'i gnas bshams par bya'o/ /de nas yang bdag nyid bcom </font><hr>238b<br><font size=+1>


ldan 'das rnam par snang mdzad du de'i phyag rgyas byin gyis brlabs la chos kyi dbyings rgya chen por byin gyis brlabs te thog mar tshon rtsi dkar po blangs la 'di ltar byin gyis brlab par bya'o/ /'di ni chos dbyings dag pa ste/ /sems can khams ni rnam sbyong ba/ /'dir ni bdag nyid de bzhin gshegs/ /nyes pa thams cad rnam par spangs/ /de ltar blo can gyis bsams nas/ /der ni ra zhes bya ba yang / /zhi ba 'bar ba'i phreng can mdog /dung zla kun da 'dra ba bsam/ /de nas tshon rtsi gnyis pa ni/ /dmar po blangs nas nan tan du/ / yi ge a zhes bya ba ni/ /'bar ba klad kor bcas par bsam/ /rgyal ba thub dka' dam pa ste/ /nyi ma dang po 'char ba bzhin/ /de nas sngags pas tshon gsum pa/ /kha dog ser po blang bar bya/ /mkhas pas de nas ka zhes pa/ /de tshe cho ga bzhin du bsam/ /de bzhin gser 'od thub pa ni/ /gser gyi kha dog 'bar dang bcas/ /ting 'dzin gnas shing sdig bcom pa| |kun tu rnam par snang ba yin/ /de nas m+r+gad 'dra ba yi/ /tshon rtsi 'khor ba las sgrol ba/ /ba zhes bya ba de ru gzhag /byang chub snying po'i thub chen de/ /dpa' bo kha dog ljang 'dra ba/ /kun tu 'jigs pa med par byed/ /de nas tshon rtsi nag po de/ /mkhas pa yis ni blangs nas su/ /der ni ha zhes bya ba bsam/ /'bar ba'i phreng ba rnam par 'phro/ /dus </font><hr>239a<br><font size=+1>


@#/ /mtha'i me ltar mi bzad pa/ /lag na rdo rje rtse phran brgyan/ /bdud sde sdang ba thams cad la/ /rnam pa kun tu sdigs par byed/ /de nas bcom ldan 'das rnam par snang mdzad de'i ting nge 'dzin de las bzhengs nas mtha' yas par rnam par rgyal ba zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu thams cad du thogs pa med pa'i stobs zhes bya ba'i rig sngags kyi rgyal mo de bzhin gshegs pa thams cad kyi yul las byung ba 'di byung ngo / / na maHsar+b+ba ta thA ga te b+h+yeH/ sar+b+ba mu She b+h+yaH/ a sa me pa ra me/ a tsa le/ ga ga ne/ smar Ne/ sar+b+ba trA nu ga te swAhA/ de nas tshon gyi cho ga byin gyis brlabs nas bcom ldan 'das ma shes rab kyi pha rol tu phyin pa bklags sam phyag byas te rig sngags kyi rgyal mo 'di lan brgyad du bzlas brjod bya'o/ /de nas langs te dkyil 'khor bskor la nang du zhugs nas byams pa chen po dang / snying rje chen po'i stobs kyis sgrub pa po la dmigs te/ bdag nyid ba zhes bya bas las kyi rdo rje sems dpar byin gyis brlabs la rdo rje dam pa sbyin pa dang lhan cig tu snying rje chen po'i snying po 'byung ba 'di'i dkyil 'khor bri bar bya'o/ /de la nang gi dkyil 'khor gtan la dbab pa ni/ 'di yin te/ dbus su bcom </font><hr>239b<br><font size=+1>


ldan 'das rnam par snang mdzad chen po pad+ma dkar po la bzhugs pa/ dbu thor tshugs dang dbu rgyan can/ dar ram ras kyi smad g.yogs dang / dar la'i stod g.yogs mnabs pa/ gser gyi kha dog lta bu 'bar ba'i phreng bas 'khrigs pa/ phyag rgya'am/ gzugs sam/ yi ge'i 'brur bri'o/ /a/ shar phyogs su sangs rgyas thams cad kyi chos sku'i ngo bo a zhes bya ba klad kor dang bcas pa'o/ /aM/ dbang ldan gyi phyogs su sangs rgyas thams cad kyi yum bcom ldan 'das ma nam mkha'i spyan bri'o/ /yang na yi ge ga zhes bya ba bri'o| |ga /me'i phyogs su byang chub sems dpa' thams cad kyi phyag rgya yid bzhin gyi nor bu'am yi ge ka zhes bya ba bri'o/ /ka/ byang phyogs su lag na pad+ma 'khor byang chub sems dpa' skye ba gcig gis thogs pa dag dang lhan cig tu pad+ma'i phyag rgya'am yi ge sa zhes bya ba bri'o/ /sa/ lho phyogs su cha gsum bor te gsang ba pa'i bdag po lag na rdo rje 'khor dang bcas pa rdo rje'i phyag rgya 'am yi ge ba zhes bya ba bri'o/ /de'i cha gsum bor ba la rdo rje 'chang thams cad kyi phyag rgya'am yi ger bri'o/ /de la yi ge'i 'bru ni/ hUM/ de nas bden bral gyi phyogs su bcom ldan 'das rnam par snang mdzad kyi 'og logs su mi g.yo ba pha bong gi steng na 'dug pa/ lag na ral gri dang zhags pa thogs pa/ 'bar ba'i phreng ba 'khrigs pa/ bgegs </font><hr>240a<br><font size=+1>


@#/ /thams cad sdigs pa de'i phyag rgya'am yi ger bri'o/ /de'i yi ge'i 'bru ni/ haM/ rlung gi phyogs su 'jig rten gsum las rnam par rgyal ba zhes bya ba bgegs chen po 'joms pa/ gyen du 'bar ba'i phreng ba can/ rab tu 'jigs pa chen po'i dus kyi me'i gzugs 'dra ba/ 'jigs pa yang 'jigs par byed pa/ lag na rdo rje'i 'od 'phro ba can thogs ba de'i phyag rgya'am yi ger bri'o/ /de la yi ge'i 'bru ni/ 'di 'o/ /ha/ de nas phyogs bzhir srung ba chen po bzhi dgod do/ /de la shar phyogs su mi 'jigs pa zhes bya ba'i srung ba chen mo gser gyi kha dog 'dra ba/ gos dkar po gyon pa/ yid tsam khro ba'i gdong / lag na dbyug pa thogs pa de'i phyag rgya'am yi ger bri'o/ /de la yi ge'i 'bru ni/ 'di'o/ /tsa/ byang phyogs su 'jigs pa thams cad med par byed pa zhes bya ba'i srung ba kha dog dkar mo/ lag na ral gri thogs shing gos dkar po gyon pa 'bar ba dang bcas pa/ 'jigs pa thams cad med par byed pa de'i phyag rgya'am yi ger bri'o/ /de la yi ge'i 'bru ni/ 'di 'o/ /pa/ nub phyogs su gdul dka' zhes bya ba'i srung ba a sho ka dmar po'i mdog 'dra ba/ gos dmar po gyon pa/ bzhin 'dzum pa/ thams cad dang ldan pa'i 'khor gyi dkyil 'khor la lta ba de'i phyag rgya'am yi ger bri'o// </font><hr>240b<br><font size=+1>


de la yi ge'i 'bru ni 'di'o/ /sa/ lho phyogs su ma thul ba rdo rjes 'dul ba zhes bya ba'i srung ba chen mo kha dog nag mo/ bzhin khro gnyer bsnyer ba/ smad g.yogs nag mo gyon pa/ thor tshugs dang cod pan can/ thams cad dang ldan pa'i 'jig rten gyi khams rang gi 'bar bas mngon par snang bar byed ba/ lag na dbyug pa thogs pa/ bgegs chen po med par byed pa de'i phyag rgya'am yi ger bri'o/ /de la de'i yi ge'i 'bru ni/ 'di'o/ /k+Sha/ de dag thams cad kyang 'khor dang bcas pa phyag brnyan dang bcas par pad+ma dkar po la 'dug par bri'o/ /de ltar blo can gyi bkod nas/ /sngags pa sngags la gzhol ba yis/ /cho ga bzhin du phyir byung nas/ /gnyis pa'i cha ni nges pa la/ /shAkya'i rigs ni dga' byed pa/ /thub pa'i rgyal po bri bar bya| |mgon po na bza' ngur smrig mnabs/ /mtshan mchog sum cu rtsa gnyis ldan/ /bstan pa yi ni don mdzad lha/ /sems can kun la mi 'jigs sbyin/ /sngags pas phyag rgya dgod pa ni/ lhung bzed chos gos la sogs pa'am/ /yang na mkhas pas yi ger gzhag /de'i cho ga dam pa 'di'o/ /b+ha/ de nas phyi rol gyi dkyil 'khor du bdag nyid chos kyi dbyings kyi ngo bo nyid du byin gyis brlabs la/ byang chub kyi sems su gyur pa'i yid kyis cha gsum por te/ bcom ldan 'das rnam par snang mdzad lan gsum rjes su dran par </font><hr>241a<br><font size=+1>


@#/ /byas nas tshon de nyid blangs te shar phyogs kyi cha gsum par rdo rje dam pa sbyin pa gzhon nu'i gzugs can/ lag pa g.yon pa na ut+pal mthing ga'i steng na rdo rje can thogs pa/ rgyan thams cad kyis brgyan pa/ dar ram ras kyi smad g.yogs gyon pa/ dar la'i stod g.yogs can/ kha dog gur gum lta bu/ spyi bo zur phud lnga pa de'i phyag rgya'am yi ger bri'o/ /de'i sngags ni/ 'di'o/ /na maHsa man+ta bud+d+ha nAM/ maM/ de'i g.yas phyogs su dra ba can gyi 'od gzhon nu'i gzugs can/ rnam pa thams cad kyi mchog dang ldan pa/ lag na rin po che'i dra ba'am lcags kyu thogs pa phyag rgya'am yi ge'i 'brur bri'o/ /de la yi ge'i 'bru ni/ 'di'o/ /tsha/ de nas lho phyogs su byang chub sems dpa' sgrib pa thams cad rnam par sel ba zhes bya ba gser gyi kha dog 'dra ba/ thor tshugs dang cod pan can/ lag na yid bzhin gyi nor bu thogs pa de'i phyag rgya'am yi ger bri'o/ /re la yi ge ni/ 'di'o/ /A/ byang phyogs su byang chub sems dpa' sa'i snying po zhes bya ba kha dog ljang gu /lag na pad+ma thogs pa/ rgyan thams cad kyis brgyan pa de'i phyag rgya'am yi ger bri'o/ /de la yi ge ni/ 'di'o/ /i/ nub phyogs su byang chub sems dpa' nam mkha'i snying po zhes bya ba rnam pa thams cad kyi mchog dang ldan pa/ gos dkar po gyon pa/ 'bar </font><hr>241b<br><font size=+1>


ba dang bcas pa/ lag na ral gri thogs pa de'i phyag rgya'am yi ger bri'o/ /de la yi ge ni/ 'di'o/ /I/ chos kyi dbyings la gzhol ba yi/ /sngags ba de nas 'dug nas su/ /chos kyi dbyings su rang bzhin gyi/ /byang chub sems su gyur pa'i yid/ /shar phyogs kha bltas gnas nas ni/ /rdo rje can gyi rgya bcings nas/ /de nas las kyi rdo rjer gyur/ /nan tan du ni mchod pa bya| |kun tu khyab pa'i yid kyis su/ /sangs rgyas skyob pa thams cad kyi/ /dam tshig ces bya'i rgya bstan nas/ /gsang sngags lan gsum bzla bar bya/ /slob ma gtsang ma chog bzhin| |bos te dkyil 'khor mdun du ni/ /de dag gsum la skyabs su gtang / /de nas byang chub sems kyang bskyed/ /chos kyi dbyings kyi rang bzhin gyi/ /phyag rgya de dag kun la bcing de nas chos kyi 'khor lo'i bcing / /yid kyis de yi gzugs bsgyur te/ /ras kyis gdong ba bkab nas ni/ /snying rjer gyur pa'i yid kyis su/ /byang chub tshogs ni rdzogs bya'i phyir/ / lag ba stong bar mi bya 'o/ /dam tshig gi ni gsang sngags 'di/ /de dag kun gyi rna bar bsgrag /sangs rgyas rnams kyi dam tshig ni/ /de nas de la bdag gis bcing / /byang chub sems gyur yid kyis su/ /de nas me tog 'dor du gzhug /me tog gang du bab gyur pa/ /de ni sngags pas de la sbyin/ /lus can kun la dam tshig phyir/ /cho ga de ltar rab tu bya/ / </font><hr>242a<br><font size=+1>


@#/ /de nas dpal ldan rdo rje 'dzin/ /gtso bo de la yang zhus pa/ /mgon po smra ba'i mchog gyur pas/ /dbang bskur ba yi cho ga gsungs/ /de skad gsol nas bcom ldan 'das/ /chos kyi dbyings la gzhol ba yis/ /rdo rje 'dzin la 'di skad gsungs/ /chos rnams kun la dbang ba'i phyir/ /cho ga'i mchog ni ngas bshad kyi/ /yid gcig bsdus te cho ga nyon/ /gsang ba ba'i bdag po/ de la slob dpon gyi bdag nyid de bzhin gshegs pa'i gzugs su de'i sngags sam phyag rgyas byin gyis brlab bo/ /de nas slob ma rnams bos la chos kyi dbyings kyi ngo bo nyid kyi pad+ma'i rgyal po chen po la bzhag ste yan lag kun 'byung ba'i phyag rgya bcings la byang chub sems dpa' chen po bzhis byin gyis brlabs pa| rin po che sna bzhi'i bum pa'i chus spyi bo nas dbang bskur bar bya'o/ /a ni klad kor bcas pa ru/ /mkhas pas spyi bor bzhag nas ni/ /a zhes bya ba snying gar gzhag/ ra zhes bya ba brang du gzhag /yang na a ni kun tu gzhag /gser gyi kha dog 'bar dang bcas/ /thor tshugs dang ni dbu rgyan can/ /pad+ma dkar po'i gdan la bzhugs/ /rgyal pa'i mchog gi ting 'dzin gnas/ /yi ge'i 'khor lo rim par phye ba rgyas pa'o// //de nas bcom ldan 'das rnam par snang mdzad kyis thams cad dang ldan pa'i </font><hr>242b<br><font size=+1>


'khor 'dus pa la gzigs nas byang chub sems dpa' gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ de bzhin gshegs pa rnams la de bzhin gshegs pa'i rgyan du gyur pa/ chos kyi dbyings rtogs pa'i mtshan mar gyur pa'i phyag rgya rim par phye ba rgyas pa gang gis brgyan na/ byang chub sems dpa' rnams 'khor ba na 'khor ba'i tshe 'gro ba thams cad du de bzhin gshegs pa thams cad kyi byang chub chen po'i mtshan mas btab pas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa rnams 'byol bar 'gyur zhing de rnams kyang de dag gi ngag nyan par 'gyur pa yod kyi| de nyon la legs par rab tu yid la zungs shig dang ngas khyod la bshad do/ /de skad ces bka' stsal ba dang / bcom ldan 'das la phyag na rdo rjes 'di skad ces gsol to/ / bcom ldan 'das/ de'i dus la bab bo/ /bde \?\ bar gshegs pa/ de'i tshod la bab bo/ /de nas bcom ldan 'das kyis de'i tshe stobs thogs pa med pa'i gnas byin gyis rlob pa zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu rig sngags kyi rgyal mo thams cad du thogs pa med pa'i stobs can/ /mi mnyam pa dang </font><hr>243a<br><font size=+1>


@#/ /mnyam pa'i stobs can/ dam tshig la 'jug par byed pa stobs gsum dang ldan pa byung ngo / /na maHsa man+ta bud+d+hA nAM/ a sa mai tri sa me/ sa ma ya swAhA/ gsang ba pa'i bdag pos rig sngags kyi rgyal mo 'di ni/ de bzhin gshegs pa thams cad kyis yang dag par ston par byed pa/ chos gsum gyi lam gyi mtshams las mi 'da' bar byed pa| sa dang pha rol tu phyin pa yongs su rdzogs par byed pa de yin te/ de'i phyag rgya ni/ 'di yin no/ /lag pa gnyis thal mo khong stong du sbyar la mthe bong gnyis bsgreng ngo / /rgya 'di phyag rgya chen po ste/ /sangs rgyas skyob pa kun gyi yin/ /sangs rgyas kun gyi dam tshig ni/ /phyag rgya 'di la rab tu gnas/ /lag pa dag ni gnyis ka yang / /blo dang ldan pas khu tshur bcangs/ /mthe bo gnyis ni nang du gzhug /mdzub mo gnyis ni bsgreng bar bya/ /rgya 'di phyag rgya chen po ste/ /chos dbyings rnam par spyod pa'o/ /gsang sngags ni/ na maHsa man+ta bud+d+hA nAn/ d+har+m+ma d+hA tu swa b+hA ba At+ma konyahaM/ de bzhin du lag pa gnyis kyi sor mo thams cad ldog ste bsnol la mthe bong gnyis sprad do/ /phyag rgya dpal dang ldan pa 'di/ /chos kyi 'khor lo zhes su bsgrags/ /'jig rten mgon po skyob rnams kyi/ /'khor lo rab tu 'di bskor ro/ /gsang sngags ni/ na maHsa man+ta badz+rA NAM/ badz+ra At+ma konyahaM/ de bzhin du </font><hr>243b<br><font size=+1>


lag pa gnyis phyag 'tshal ba'i thal mo sbyar la/ mdzub mo gnyis mthe bong gnyis kyi steng du bzhag ste ral gri lta bur bya'o/ /sangs rgyas skyob pa thams cad kyi/ /phyag rgya chen po ral gri'i rgya/ /'dis ni lhan cig skyes pa yi/ /'jig tshogs lta ba gtsod par byed/ /gsang sngags ni/ na maHsa man+ta bud+d+hA NAM/ mahA khaD+ga bi ra dza d+har+m+ma san+d+ha ri sha ka sa ha dza sad ka ya d+hr-iSh+Ti ts+tshe da ka ta thA ga tA d+hi muk+ti nir dza ta bi rA ga d+har+m+ma nir dza ta hUM/ de bzhin du lag pa gnyis thal mo khong stong du sbyar te mdzub mo gnyis kyis mthe bong dkris la dung lta bur bya'o/ /phyag rgya dpal ldan dam pa 'di/ /chos kyi dung zhes rnam par bsgrags/ /'dis ni 'jig rten 'di dag na/ /sangs rgyas byang chub sems dpa' rnams/ /zhi ba mya ngan 'das 'gro ba/ /rdul dang bral ba'i chos 'chad do/ /gsang sngags ni/ na maHsa man+ta bud+d+hA NAM/ sar+b+ba thA oM/ de bzhin du lag pa gnyis kyi sor mo kun thal mo sbyar ba las brkyangs ste dril bu ltar byas la mthe bong gnyis dang mthe'u chung gnyis rtse gcig tu sprang de mdzub mo gnyis dang gung mo gnyis sprad do/ /pad+ma dam pa dpal ldan 'di/ /sangs rgyas skyob pa thams cad kyi/ /mi shigs rdo rje'i gdan yin te| |der ni 'dren pa 'tshang rgya zhing / /rgyal ba sras rnams thams cad ni/ /'di las skye dang byang chub 'gyur/ /gsang sngags ni/ na maHsa man+ta bud+d+hA nAM/ a/ de bzhin du lag pa gnyis </font><hr>244a<br><font size=+1>


@#/ /khu tshur bcangs la gung mo gnyis gshibs te bsgrengs la mdzub mo gnyis bkug ste ngos gnyis su bzhag la rdo rje ltar bya/ mthe bong gnyis dang mthe'u chung gnyis bsgrengs te bzhag /srin lag gnyis lag pa'i nang du gzhag go/ /phyag rgya chen po rdo rje'i rgya/ /mi shes grong khyer 'jig pa ste/ /sangs rgyas rnams kyi ye shes 'di/ / nyid kyis byin gyis brlabs te bstan/ /gsang sngags ni/ na maHsa man+ta badz+rA NAM hUM/ de bzhin du lag pa gnyis khu tshur bcangs la gung mo gshibs te bsgreng / mdzub mo gnyis ngos nas bkug ste sbyar ro/ /gtsug tor phyag rgya rgya chen te/ /gtsug tor zhes ni bsgrags pa yin/ /'di ni bcings pa tsam gyis kyang / /rgyal ba mchog tu 'gyur ba yin| |'di'i sngags ni/ na maHsa man+ta bud+d+hA nAM/ hUM hUM/ lag pa g.yas par khu tshur bcangs pa smin mtshams su gzhag go /rgyal ba dam pas phyag rgya 'di/ /mdzod spu zhes ni rab tu bsgrags/ /'di ni bcings pa tsam gyis su/ /rgyal ba mchog tu 'gyur ba yin/ /'di'i sngags ni/ na maHsa man+ta bud+d+hA nAM/ a haM dzaHblo ldan rnal 'byor tshul gnas te/ /lag gnyis lte ba'i thad kar ni/ /lhung bzed 'dzin ba'i tshul du bya/ /lhung bzed phyag rgya zhes su bsgrags/ /rgya 'di shAkya thub pa'i ste/ /lhung bzed chen po zhes bya'o/ /'di'i sngags ni/ </font><hr>244b<br><font size=+1>


na maH sa man+ta bud+d+hA nAM/ b+ha/ de bzhin du lag pa g.yas pa gyen du bsgrengs la mi 'jigs pa sbyin pa lta bur bya'o/ /sems can kun la mi 'jigs pa/ /de yis rab tu sbyin par 'gyur/ / gang gis rgya chen de bcings na/ /mi 'jigs phyag rgya zhes bsgrags so/ /'di'i sngags ni/ na maHsa man+ta bud+d+hA nAM/ sar+b+ba thA dzi na dzi na b+hi kA yanA shAn swAhA/ de bzhin du lag pa g.yas pa smad de dam pa sbyin pa ltar bya'o/ /'di ni dam pa sbyin rgya zhes/ /'jig rten mgon po rnams kyis bsgrags/ /'di ni bcings pa tsam gyis su/ /rgyal mchog dam pa stsal bar 'gyur/ /'di'i gsang sngags ni/ na maHsa man+ta bud+d+hA nAM/ ba ra da badz+ra At+ma konyahaM swAhA/ lag pa g.yas ba khu tshur bcangs te mdzub mo brkyangs la dpral bar khro gnyer lta bur bya'o/ /phyag rgya chen po rgya chen 'di/ sangs rgyas skyob pa thams cad kyi/ /bdud ni rnam par bsdigs zhes bya/ /phung byed thams cad 'jigs par byed/ /'di ni bcings pa tsam gyis su/ /bdud sde shin tu mi zad dang / /bgegs dang log 'dren gzhan dag kyang / /the tshom med par rab tu 'byer/ /'di'i gsang sngags ni/ na maH sa man+ta bud+d+hA nAM/ ma hA ba la ba ti da sha ba la te dzod b+ha be ma hA mai t+r+ya b+h+yud ga te swAhA/ de bzhin du lag pa g.yas pa khu tshur bcangs la gung mo gnyis dang srin lag gnyis brkyangs te mthe bo'i drung du gzhag go /'di ni sangs rgyas mgon rnams kyis/ /thugs rje las byung spyan yin te/ / </font><hr>245a<br><font size=+1>


@#/ /mig gi steng du mkhas pas gzhag /de las sangs rgyas spyan du 'gyur/ /'di'i gsang sngags ni/ na maHsa man+ta bud+d+hA nAM/ ga ga na ba ra la k+Sha Na ka ru Na mA ya ta thA ga ta tsak+ShuHswAhA/ de bzhin du lag pa gnyis gcig tu sbyar la sor mo rnams phan tshun bsnol ba'i khur tshur bcangs te/ mdzub mo gnyis bsgrengs la bkug ste sprad la zlum por bya/ 'di ni zhags pa mchog ces grags/ /sdang ba thams cad 'jigs par byed/ /sngags pas 'di bcings de yi tshe/ /rtag tu sdang ba bcings par 'gyur/ /'di'i gsang sngags ni/ na maHsa man+ta bud+d+hA nAM/ he he mahA pA sha pra sa ro d+hA R+Ya satwa d+hA tu bi mo tsa ka /ta thA ga ta a d+hi muk+ti nir dza twa swAhA/ de bzhin du lag pa gnyis gcig tu sbyar te khu tshur bcangs la mdzub mo bsgrengs te tshigs gsum pa bkug la/ lhag ma rnams gdu bu'i tshul du gnas par bya 'o/ /sangs rgyas skyob pa thams cad kyi/ /lcags kyu zhes ni 'di bshad de| |byang chub sems dpa' bdag nyid che/ /sa bcu dag la gnas pa dag /sdang bar sems pa gzhan dag kyang / /thams cad rab tu 'gugs par byed/ /'di'i gsang sngags ni/ na maH sa man+ta bud+d+hA nAM/ sarba thA/ a pra ti ha ta ta ta thA ga ta/ aM ku sha bod+he ts+tshe R+Ya b.ri pU ra ga swAhA/ lcags kyu'i phyag rgya las gung mo gnyis bkug ste de nyid du sbyar ro/ /'di ni/ de bzhin </font><hr>245b<br><font size=+1>


gshegs pa'i thugs kyi phyag rgya ste/ gsang sngags la/ na maH sa man+ta bud+d+hA nAM/ dz+nyA nod b+ha ba swAhA/ phyag rgya de nyid las srin lag gnyis bsgrengs la lhag ma rnams de bzhin du gzhag go |de bzhin gshegs pa'i lte ba'i phyag rgya ste/ gsang sngags la/ na maH sa man+ta bud+d+hA nAM/ a mr-i tod b+ha ba swAhA/ phyag rgya de nyid las mthe'u chung gnyis kyang bsgrengs la lhag ma rnams de bzhin du gzhag go /rked pa'i phyag rgya ste/ gsang sngags la/ na maH sa man+ta bud+d+hA nAM/ ta thA ga ti saM b+ha ba swAhA/ de bzhin du lag pa gnyis khong stong du sbyar la mdzub mo gnyis bkug ste nang du gzhug /srin lag gnyis kyang de bzhin du bya/ /mthe bong dang mthe'u chung gnyis cung zad bkug /gung mo gnyis gshibs te bsgreng ngo / /'di ni/ de bzhin gshegs pa'i mdzod kyi phyag rgya ste/ 'di'i gsang sngags ni/ na maHsa man+ta bud+d+hA nAM/ raM raM raM swAhA/ phyag rgya de nyid las srin lag gnyis phyung la bsgrengs te gzhag go /mtshams chen po gcad pa'i phyag rgya ste/ 'di'i gsang sngags ni/ na maHsa man+ta bud+d+hA nAM/ be lu pu ri/ bi ku ri bi ku le swAhA/ mtshams chen po gcad pa 'o/ /de nyid las gung mo gnyis bkug la mthe bong gnyis bsgreng ngo / /srung ba chen mo'i phyag rgya ste/ /gsang sngags la/ na maH sa man+ta bud+d+hA nAM/ ta thA ga te b+h+yo sar+b+ba b+ha ya bi ga te b+h+yo bri shwa mu khe b+h+yaH/ sar+b+ba thA haM khaM rak+Sha </font><hr>246a<br><font size=+1>


@#/ /ma hA ba le sarba ta thA ga ta puN+ya nir dza ti hUM hUM tra Ta tra Ta/ a pra ti ha te swAhA/ mi bzod pa zhes bya ba srung ba chen mo'o/ /de bzhin du mdzub mo gnyis brkyangs la mthe bong gnyis nang du gzhug go/ /kun tu 'bar ba zhes bya ba'i phyag rgya ste/ gsang sngags la/ na maHsa man+ta bud+d+hA nAM/ dz+wa la mA li ni ta thA ga ta artsi swAhA/ kun tu 'bar ba'o| |de bzhin du lag pa gnyis thal mo khong stong du sbyar la mdzub mo gnyis kyis ngos nas dkri'o/ /'di ni/ de bzhin gshegs pa'i go cha'i phyag rgya ste/ gsang sngags la| na maH sa man+ta bud+d+hA nAM/ pra tsaN+Da badz+ra dza ya bi s+phu ra hUM/ de bzhin gshegs pa'i cho ga'o/ /phyag rgya de nyid las mdzub mo gnyis dang / mthe bong gnyis gcig tu sbyar ro/ / de bzhin gshegs pa'i ljags kyi phyag rgya ste/ gsang sngags la/ na maH sa man+ta bud+d+hA nAM/ ta thA ga ta dzi hwA sid+d+hi d+har+m+ma pra tiSh+Thi te swAhA/ de bzhin gshegs pa'i ljags so/ / phyag rgya de nyid la mdzub mo gnyis dang / srin lag gnyis bkug la nang du sbyar/ mthe bong gnyis bsgrengs la cung zad bkug ste rtse mo gung mo la phyogs par bya/ /mthe'u chung gnyis brkyangs la mthe bong gnyis ni/ /snga ma bzhin no/ /'di ni/ de bzhin gshegs pa'i zhal chen po'i phyag rgya ste/ gsang sngags la/ na maHsa man+ta bud+d+hA nAM/ ta thA gA ta mahA </font><hr>246b<br><font size=+1>


bAk+t+re bi dz+nyA na ma ho da ya swAhA/ de bzhin gshegs pa'i zhal lo/ /phyag rgya de nyid las mdzub mo gnyis bkrol la nang du bcug ste dgu bor byas la gtod de gzung ngo / /de bzhin gshegs pa'i mche ba'i phyag rgya ste/ gsang sngags la/ na maHsa man+ta bud+d+hA nAM/ ta thA ga ta mahA daM Sh+TA sa ra sa ra gra sa ma pra b+ha ka sar+b+ba ta thA ga ta bi Sha ya saM b+ha ba swAhA/ de bzhin gshegs pa'i mche ba'o/ /phyag rgya de nyid las mdzub mo gnyis bsgrengs te bzung la tshigs gsum pa dgug go /de bzhin gshegs pa'i so so yang dag par rig pa'i phyag rgya ste/ gsang sngags la/ na maH sa man+ta bud+d+hA nAM/ a tsin+t+ya ad b+hu ta rU pa pA pa ga saM pra ti bid+yA bi shud+d+hA sa ra swAhA/ de bzhin gshegs pa'i so so yang dag par rig pa'o/ /de bzhin du lag pa gnyis gcig tu thal mo khong stong du sbyar te mthe bong gnyis dang mthe chung gnyis nang du bcug la gcig tu sprad do/ /'di ni/ stobs bcu'i phyag rgya ste/ gsang sngags la/ na maH sa man+ta bud+d+hA nAM/ da sha ba la ga d+ha ra hUM saM dzaM swAhA/ stobs bcu'i phyag rgya dang sngags so/ /phyag rgya de nyid las mthe bong gnyis kyi rtse mor mdzub mo gnyis bkug ste sbyar ro/ /dran pa nye bar gzhag pa'i phyag rgya ste/ gsang sngags la/ /na maHsa man+ta bud+d+hA nAM/ ta thA ga ta smr-i ti satwa ti ta a b+hU ga ga na sa ma sa ma swAhA/ dran pa nye bar gzhag pa'i phyag rgya dang gsang sngags so/ / </font><hr>247a<br><font size=+1>


@#/ /phyag rgya de nyid las srin lag gnyis mthe bo'i steng du gzung ngo / /gsang sngags la/ na maHsa man+ta bud+d+hA nAM/ sar+b+ba d+har+m+ma sa ma tA prA p+ta ta thA ga ta a nu ga ta swAhA/ chos thams cad mnyam pa nyid du rtogs par byed pa'i phyag rgya dang gsang sngags so/ /de bzhin du lag pa gnyis gcig tu sbyar te mdzub mo gnyis kyi gung mo gnyis dkris la lhag ma rnams ni/ de bzhin du gzhag go /kun tu bzang po'i yid bzhin gyi nor bu'i phyag rgya ste/ gsang sngags la/ na maHsa man+ta bud+d+hA nAM/ sa man+ta nu ga ta bi rA dze d+hArma nir dza ta ma hA ma hA swAhA/ yid bzhin gyi nor bu'i gsang sngags so/ /phyag rgya de nyid las mdzub mo gnyis gung mo gnyis kyi nang du bkug la gzhag /lhag ma rnams ni/ snga ma bzhin no/ /'di'i gsang sngags la/ na maHsa man+ta bud+d+hA nAM/ a dzi tany+dza ya sar+b+ba satwA sha yA nu ga ta swAhA/ byams pa'i phyag rgya dang gsang sngags so/ /phyag rgya de nyid las mthe bong gnyis nang du gzhug go /gsang sngags la/ na maHsa man+ta bud+d+hA nAM/ A kA sha sa ma tA nu ga ta bi tsi traM bar d+ha ra swAhA/ nam mkha'i snying po'i phyag rgya dang gsang sngags so// phyag rgya de nyid las srin lag gnyis dang mthe'u chung gnyis nang du bcug la/ mdzub mo gnyis gung mo gnyis dang lhan cig tu sbyar ro/ /gsang sngags la/ na maHsa man+ta bud+d+ha </font><hr>247b<br><font size=+1>


nAM| ata satwa hi ta a b+h+yud ga ta traM traM raM raM swAhA/ sgrib pa thams cad rnam par sel ba'i phyag rgya dang gsang sngags so// //bam po lnga pa/ de bzhin du lag pa gnyis gcig tu sbyar la sor mo thams cad dril bu 'dra bar kha dbye/ mthe bong gnyis dang mthe'u chung gnyis gcig tu sbyar/ lhag ma rnams ni/ pad+ma lta bur bya'o/ /gsang sngags la/ na maH sa man+ta bud+d+hA nAM/ sar+b+ba ta thA ga ta a ba lo ki te ka ru NA mA ya ra ra ra hUM dzaHswAhA/ spyan ras gzigs dbang phyug gi pad+ma'i phyag rgya dang gsang sngags so/ /de bzhin du lag pa gnyis thal mo khong stong du sbyar la/ pad+ma kha ma phye ba lta bur bya'o/ /pad+ma'i phyag rgya ste/ gsang sngags la/ na maHsa man+ta bud+d+hA nAM/ dzaM dzaM sa swAhA/ mthu chen po thob pa'i pad+ma'i phyag rgya dang gsang sngags so/ /de bzhin du lag pa gnyis khu tshur bcangs la mdzub mo gnyis rtse mo can du bsgrengs te/ mthe bong gnyis kyang de'i drung du gzhag go /gsang sngags la/ na maHsa man+ta bud+d+hA nAM/ tA re tA re Ni ka ru Nod b+ha be swAhA/ lha mo sgrol ma'i 'o/ /phyag rgya de nyid las mdzub mo gnyis gcus te bsgreng / lhag ma rnams ni/ snga ma bzhin no/ /gsang sngags la/ na maH sa man+ta bud+d+hA nAM/ sar+b+ba b+ha ba san trA sa ni hUM s+pho Ta ya swAhA/ khro gnyer ma'i 'o/ /de bzhin du lag pa gnyis thal mo khong stong du sbyar la srin lag gnyis dang mthe bong gnyis nang du gzhug </font><hr>248a<br><font size=+1>


@#/ /go /gsang sngags la/ na maHsa man+ta bud+d+hA nAM/ ta thA ga ta bi Sha ya saM b+ha ba pad+ma mA li ni swAhA/ gos dkar can gyi'o/ /phyag rgya de nyid las mthe bong gnyis gyen du bsgrengs la mdzub mo gnyis kyi rtse mo de'i drung du par nas gang tsam gyis chod par gzhag go /gsang sngags la/ na maHsa man+ta bud+d+hA nAM khA da b+hany+dza s+pho Ta ya swAhA/ rta mgrin gyi phyag rgya dang gsang sngags so/ /phyag rgya de nyid las srin lag gnyis dang mthe'u chung gnyis kyang gyen du bsgrengs la lhag ma rnams de bzhin du khu tshur bcangs pa'i tshul du gzhag go /de'i gsang sngags ni/ na maHsa man+ta bud+d+hA nAM/ ha ha ha su na ta nu swAhA/ sa'i snying po'i phyag rgya dang gsang sngags so/ /de bzhin du lag pa gnyis thal mo khong stong du sbyar la gung mo gnyis kyis srin lag gnyis dkris te mdzub mo gnyis kyang mthe bong gnyis kyi steng du bkug ste bzhag /lhag ma rnams ni/ snga ma bzhin no/ /gsang sngags la/ na maHsa man+ta bud+d+hA nAM/ he he ku mA ra ka bi muk+ti ba the sti Sh+Tha ta/ sma ra sma ra pra ti dz+nyA na swAhA/ 'jam dpal gyi phyag rgya dang gsang sngags so/ /lag pa g.yon pa khu tshur bcangs te mdzub mo dgug go/ dra ba'i 'od kyi lcags kyu'i phyag rgya ste/ gsang sngags la/ na maHsa man+ta bud+d+hA nAM/ he he ku mA ra ya ga ta swa b+hA ba s+thi ta swAhA/ dra ba'i 'od kyi phyag rgya dang gsang sngags so/ /phyag rgya de </font><hr>248b<br><font size=+1>


nyid las sor mo thams cad dgu bor bya'o/ /gzhon nu dri ma med pa'i 'od kyi ut+pa la'i phyag rgya ste/ gsang sngags la/ na maHsa man+ta bud+d+hA nAM/ he he ku mA ra bi tsi tra ga ti ku mA ra/ pra ti dz+nyA na ma nu sma ra swAhA/ dri ma med pa'i 'od kyi phyag rgya dang gsang sngags so/ /de bzhin du lag pa g.yas pa khu tshur bcangs la mdzub mo dang gung mo gnyis gshibs te gyen du bsgreng ngo / /skra can gyi phyag rgya ste/ gsang sngags la/ na maHsa man+ta bud+d+hA nAM/ he he ku mA ri kle sha ts+tshe da ya a dz+nyA nAM/ sma ra pra ti dz+nyA na swAhA/ skra can gyi phyag rgya dang gsang sngags so/ /de bzhin du lag pa g.yas pa khu tshur bcangs la gung mo gyen du bsgrengs te mdud rtse gsum lta bur bya/ nye ba'i skra can gyi mdung rtse'i phyag rgya ste/ gsang sngags la/ na maHsa man+ta bud+d+hA nAM/ ban+d+ha ya adz+nyA te ku ma ri ke swAhA| nye ba'i skra can gyi mdung rtse'i phyag rgya dang / gsang sngags so/ /lag pa gnyis khu tshur bcangs te gung mo gnyis brkyangs la mdzub mo gnyis ngos su sbyar/ sna tshogs ma'i dbyug pa'i phyag rgya ste gsang sngags la/ na maHsa man+ta bud+d+hA nAM/ he ku mA ri ke Adz+nyA nA pu ra bi d+hA na sa ni swAhA/ de bzhin du lag pa g.yon pa khu tshur bcangs la srin lag dang mthe'u chung gnyis bsgreng ngo / /nor can gyi rgyal mtshan gyi phyag rgya ste/ gsang sngags la/ na maHsa man+ta bud+d+hA nAM/ he s+phu ra dz+nyA na ke tu swAhA/ nor can gyi rgyal mtshan gyi phyag rgya dang gsang sngags so/ /lag pa </font><hr>249a<br><font size=+1>


@#/ /g.yas pa khu tshur bcangs la mdzub mo bsgreng ste rtse mo dgug go /'gugs ma'i lcags kyu'i phyag rgya ste/ gsang sngags la/ na maHsa man+ta bud+d+hA nAM/ A kaR+Sha ya sar+b+ba na ku mA ra s+ya swAhA/ 'gugs ma'i lcags kyu'i phyag rgya dang gsang sngags so/ /de bzhin du lag pa gnyis khu tshur bcangs la mdzub mo gnyis bsgrengs te tshigs gsum pa dgug go /gsang sngags la/ na maH sa man+ta bud+d+hA nAM/ a bi sma ya ni ye swAhA/ phyag brnyan ma rnams kyi phyag rgya dang gsang sngags so/ /de bzhin du lag pa g.yas pa khu tshur bcangs te gung mo bsgrengs la tshigs gsum pa dgug go /ngo mtshar can gyi rdo rje'i phyag rgya ste/ gsang sngags la/ na maHsa man+ta bud+d+hA nAM/ bi ma tits+tsha da ka swAhA/ ngo mtshar can gyi rdo rje'i phyag rgya dang gsang sngags so/ /de bzhin du lag pa g.yas pa'i dpung pa bstod la lag pa mi 'jigs pa sbyin pa lta bur bya/ /mi 'jigs pa sbyin pa'i phyag rgya ste/ gsang sngags la| na maHsa man+ta bud+d+hA nAM/ a b+ha yand ta swAhA/ mi 'jigs pa sbyin pa'i phyag rgya dang gsang sngags so/ /lag pa de nyid mas yar gyen du 'dren pa'i tshul du bya 'o/ /ngan song spong ba'i phyag rgya ste/ gsang sngags la/ na maHsa man+ta bud+d+hA nAM/ a b+h+yud d+ha ra satwa d+ha tu na swAhA/ ngan song spong ba'i phyag rgya dang gsang sngags so/ /lag pa de nyid brang du gzhag </font><hr>249b<br><font size=+1>


go /yongs su skyong sems blo gros kyi phyag rgya ste/ gsang sngags la/ na maHsa man+ta bud+d+hA nAM/ he mahA mahA sma ra pra ti dz+nyA na swAhA/ yongs su skyong sems blo gros kyi phyag rgya dang gsang sngags so/ /lag pa de nyid me tog 'dzin pa'i tshul du bya'o/ /gsang sngags la/ na maHsa man+ta bud+d+hA nAM/ satwe badz+rod b+ha ba swAhA/ byams pa 'byung ba'i phyag rgya dang gsang sngags so/ / lag pa de nyid snying gar bzhag la gung mo nang du dgug go /gsang sngags la/ na maHsa man+ta bud+d+hA nAM/ ka ru Nod b+ha ba swAhA/ snying rjes brnyan pa'i phyag rgya dang gsang sngags so/ /de bzhin du lag pa g.yas pa mchog sbyin pa'i tshul du bya 'o/ /gsang sngags la/ na maHsa man+ta bud+d+hA nAM/ he he bar da pa ra prAp+ta swAhA/ gdung ba thams cad zhi bar byed pa'i 'o/ /lag pa de nyid yid bzhin gyi nor bu 'dzin pa'i tshul du bya'o/ /gsang sngags la/ na maH sa man+ta bud+d+hA nAM/ sar+b+bA shA pa ri pU ra ka swAhA/ blo gros bsam gyis mi khyab pa dang ldan pa'i phyag rgya dang gsang sngags so/ /de bzhin du lag pa gnyis khu tshur bcangs la gung mo'i sor mo gnyis phyung ste brkyang ngo / /sa'i snying po'i me tog gi phyag rgya ste/ gsang sngags la/ na maHsa man+ta bud+d+hA nAM/ ha ha ha bisma ye swAhA/ sa'i snying po'i phyag rgya dang gsang sngags so/ /lag pa g.yas pa khu tshur bcangs la sor mo gsum brkyang ngo / /rin chen 'byung ldan </font><hr>250a<br><font size=+1>


@#/ /gyi phyag rgya ste/ gsang sngags la/ na maHsa man+ta bud+d+hA nAM/ he he ma hA ma hA swAhA/ rin chen 'byung ldan gyi phyag rgya dang gsang sngags so/ /lag pa de nyid las srin lag brkyangs te gyen du bsgreng ngo / /gsang sngags la/ na maHsa man+ta bud+d+hA nAM/ rat+nod b+ha ba swAhA/ phyag na rin chen gyi phyag rgya dang gsang sngags so/ /de bzhin du lag pa gnyis bsnol te rgyab sbyar la g.yon pa'i mthe'u chung gis g.yas pa'i mthe'u chung 'khyud de/ de bzhin du lag pa g.yas pas kyang g.yon pa 'khyud la lhag ma rnams rdo rje lta bur bya'o/ /sa 'dzin gyi phyag rgya ste/ gsang sngags la/ na maHsa man+ta bud+d+hA nAM/ d+ha ra Ni prAp+ta swAhA/ sa 'dzin gyi phyag rgya dang gsang sngags so/ /phyag na rin chen gyi phyag rgya ni/ rdo rje rtse lnga pa ste/ snga ma bzhin no/ /gsang sngags la/ na maHsa man+ta bud+d+hA nAM/ rat+na nir dza te swAhA/ phyag na rin chen gyi phyag rgya dang gsang sngags so/ /phyag rgya de nyid las sor mo rnams dgod par bya'o/ /bsam pa brtan pa'i phyag rgya ste/ gsang sngags la/ na maH sa man+ta bud+d+hA nAM/ badz+ra saM b+ha ba swAhA/ bsam pa brtan pa'i phyag rgya dang / gsang sngags so/ /lag pa gnyis de bzhin du bya ba ni/ nam mkha' snying po'i ral gri'i phyag rgya ste/ gsang sngags la/ na maHsa man+ta bud+d+hA nAM/ ga ga na nAn+ta tsa ra swAhA/ 'phags pa nam mkha'i </font><hr>250b<br><font size=+1>


snying po'i phyag rgya dang gsang sngags so/ /'khor lo'i phyag rgya snga ma bzhin du byas pa ni/ nam mkha'i blo gros kyi phyag rgya ste/ gsang sngags la/ na maHsa man+ta bud+d+hA nAM/ tsakra brti swAhA/ nam mkha'i blo gros kyi phyag rgya dang / gsang sngags so/ /dung gi phyag rgya snga ma bzhin du byas pa ni/ rnam par dag pa'i blo gros kyi phyag rgya ste/ gsang sngags la/ na maHsa man+ta bud+d+hA nAM/ d+har+m+ma saM b+ha ba swAhA/ rnam par dag pa'i blo gros kyi phyag rgya dang gsang sngags so/ /pad+ma'i phyag rgya snga ma bzhin du byas pa ni/ /spyod pa'i blo gros kyi phyag rgya ste/ gsang sngags la/ na maHsa man+ta bud+d+hA nAM/ pad+ma mA lA ya swAhA/ spyod pa'i blo gros kyi phyag rgya dang gsang sngags so/ /ut+pa la'i phyag rgya snga ma bzhin las kha ma bye bar byas pa ni/ nam mkha' dri ma med pa'i phyag rgya ste/ gsang sngags la| na maHsa man+ta bud+d+hA nAM/ dz+nyA nod b+ha ba swAhA/ nam mkha' dri ma med pa'i phyag rgya dang gsang sngags so/ /rdo rje sna ma bzhin du byas pa ni/ /brtan pa'i blo gros kyi phyag rgya ste/ gsang sngags la/ maH sa man+ta bud+d+hA nAM/ badz+ra kA ra swAhA/ brtan pa'i blo gros kyi phyag rgya dang gsang sngags so/ /de bzhin du lag pa gnyis gcig tu sbyar te srin lag gnyis nang du bcug la gung mo dang / mthe bong gnyis dang / mthe'u chung gnyis bsgreng ste mdzub mo gnyis gung mo'i ngos su bkug la bar nas gang tsam gyis ma reg par gzhag go /phyag na rdo rje'i phyag rgya ste/ rdo rje'o/ /gsang sngags la/ </font><hr>251a<br><font size=+1>


@#/ /na maHsa man+ta bud+d+hA nAM/ tsaN+Da ma hA ro Sha na hUM/ rdo rje 'dzin gyi'o/ /phyag rgya de nyid las mthe bo gnyis dang mthe'u chung gnyis nang du gzhug go /mA ma kI'i phyag rgya ste| gsang sngags la/ na maHsa man+ta badz+rA NAM/ Ti Ta Ti Ta dza yan+ti swAhA/ mA ma kI'i 'o/ /de bzhin du lag pa gnyis rgyab sprad la sor mo rnams phan tshun bsnol te gcus la bsdams te g.yon pa'i mthe bos g.yas pa'i mthe bong mnan la bsdam mo/ /rdo rje lu gu rgyud kyi phyag rgya ste/ gsang sngags la/ na maHsa man+ta badz+rA NI/ hUM ban+d+ha ban+d+ha/ mo Ta ya mo Ta ya/ badz+rod b+ha be/ sarba trA pra ti ha te swAhA/ rdo rje lu gu rgyud kyi phyag rgya dang gsang sngags so/ /rdo rje'i phyag rgya de nyid las mthe bong gnyis cung zad bkug la mdzub mo gnyis kyang de la phyogs par bya'o| |rdo rje khro zla gtso bo'i phyag rgya ste/ gsang sngags la/ na maHsa man+ta badz+rA NAM/ hUM hUM phaT swA hA/ khro zla gtso bo'i 'o/ /de bzhin du lag pa gnyis khu tshur bcangs la mdzub mo gnyis gshibs te bsgreng ngo / /rdo rje rtse mo'i phyag rgya ste/ gsang sngags la/ na maHsa man+ta badz+rA NAM/ sar+b+ba d+har+m+ma nir be di na badz+ra su tsi ba ra de swAhA/ rdo rje rtse mo'i 'o/ /de bzhin du lag pa gnyis khu tshur bcangs la snying gar bzhag /rdo rje khu tshur gyi phyag rgya ste/ gsang sngags la/ na maHsa man+ta badz+rA NAM/ s+pho Ta ya badz+ra saM b+ha be swAhA/ rdo rje khu tshur gyi'o/ /lag pa </font><hr>251b<br><font size=+1>


g.yon pa khu tshur bcangs te gyen du bsgreng la/ lag pa g.yas pa khu tshur bcangs pa'i mdzub mo gyen du bsgreng ste khros pa bzhin du sdigs par bya ba ni/ gdul dka'i phyag rgya ste/ gsang sngags la/ na maHsa man+ta badz+rA NAM/ dur dan+ta Sha ma hA ro Sha Na khA da ya sar+b+ba na ku ru ta thA ga ta A dz+nyA na swAhA/ gdul dka'i 'o/ /lag pa g.yas pa khu tshur bcangs la brdab pa'i thabs su bya'o/ /mngon phyogs kyi tho ba'i phyag rgya ste/ gsang sngags la/ na maHsa man+ta badz+rA NAM/ he a b+hi mu kha mahA tsaN+Da gr-ih+Na khA da ya kin tsi ra ya si sa ma ya ma nu sma ra swAhA/ mngon phyogs kyi'o| |snga ma bzhin du lhung bzed 'dzin pa'i tshul du byas pa ni/ shAkya thub pa'i lhung bzed kyi phyag rgya ste/ gsang sngags la/ na maHsa man+ta bud+d+hA nAM/ sar+b+ba kle sha ni su da na sar+b+ba d+har+m+ma ba shI ta prAp+ta ga ga na sa ma swAhA/ shAkya thub pa'i 'o/ /mdzod spu'i phyag rgya ni/ snga ma bzhin du'o/ /lag pa g.yas pa'i sor mo'i rtse mo kun sbyar te spyi bo'i steng du gzhag go /gtsug tor thams cad kyi phyag rgya ste/ gsang sngags la/ na maHsa man+ta bud+d+hA nAM/ baM baM hUM hUM phaT swAhA/ gtsug tor thams cad kyi phyag rgya dang gsang sngags so/ /lag pa g.yon pa'i khu tshur bcangs pa la gung mo dang mdzub mo gnyis bskyang ste srin lag dang mthe'u chung gi rtse mor mthe bo bzhag la/ g.yas pa'i mdzub mo dang gung mo gnyis g.yon pa'i mthil du </font><hr>252a<br><font size=+1>


@#/ /gzhug /mthe bong gnyis kyang snga ma bzhin du bya'o/ /mi g.yo mgon gyi phyag rgya ral gri shubs su bcug pa'o/ /'jig rten gsum las rnam par rgyal ba'i ni/ rdo rje ste| snga ma bzhin no/ /de bzhin du lag pa gnyis gcig tu sbyar la srin lag dang mthe'u chung gnyis nang du bcug ste gung mo gnyis gshibs te bsgreng la/ mdzub mo gnyis bkug ste gung mo'i tshigs gsum par bzhag /mthe bong gnyis mig lta bur bya/ sangs rgyas dang byang chub sems dpa'i yum gyi phyag rgya ste/ gtsug tor ro/ /lag pa g.yon pa brkyang la kha phub ste lag pa g.yas pa khu tshur bcangs la mdzub mos gdugs lta bur gzung ngo / /gdugs dkar po'i phyag rgya ste/ gdugs so/ /khaM/ gtsug tor rgyal ba'i ni/ ral gri ste/ snga ma bzhin no/ /shaM/ rnam par rgyal ba'i ni/ 'khor lo ste/ snga ma bzhin no/ /siM/ rnam par 'thor ba'i ni/ lcags kyu ste/ lag pa g.yas pa khu tshur bcangs la mdzub mo bkug ste gzhag go /hUM| gzi brjid phung po'i ni/ gtsug tor te/ snga ma bzhin no/ /trIM/ cher byung ba yi phyag rgya ni/ /rdo rje phyag rgya zhes su grags/ /uM/ gyen du 'byung ba'i phyag rgya ni/ /pad+ma bzang po snga ma bzhin/ /tuM/ mtha' yas pa yi dbyangs sgra ni/ /dung yin par ni ngas bshad do/ /ruM/ lag pa g.yas pa khu tshur bcangs la smin mtshams su bzhag pa ni/ mdzod spu'i phyag rgya </font><hr>252b<br><font size=+1>


yid bzhin gyi nor bu'o/ /spyan gyi ni/ gtsug tor snga ma bzhin te/ bye brag tu rdo rjes mtshan pa'o/ /ga/ lag pa g.yas pa pad+ma 'dzin pa'i thabs su snying gar bzhag la lag pa g.yon pa \?\ mo bsnun pa'i thabs su brkyang ba ni/ gzhan gyis mi thub pa'i phyag rgya'o/ /gsang sngags ni/ d+hiM d+hiM riM riM dzi ri dzi ri/ lag pa gnyis khu tshur bcangs la mthe bong gnyis gyen du bsgreng ba las dgug go /gzhan gyis mi thub pa zhes bya ba'i kha'i phyag rgya'o/ /a pa ra dzi ta dza yan+ti Ti te swAhA/ lag pa g.yas pa 'gram par bstan pa ni/ dbang phyug gi phyag rgya'o/ /phyag rgya de nyid las mdzub mo dang gung mo gnyis gcus pa lta bur gzung ngo / /kun tu me tog gi phyag rgya'o/ /phyag rgya de nyid las mthe bong gnyis nang du gzhug go/ 'od kyi phreng ba can gyi phyag rgya'o/ /phyag rgya de nyid las mthe bong nang du gzhug go /'od kyi phreng ba can gyi phyag rgya'o/ /phyag rgya de nyid las mdzub mo dang mthe bo gnyis me tog 'dzin pa lta bur bya'o/ /yid mgyogs kyi phyag rgya'o// lag pa g.yas pa'i srin lag gi steng du mthe bong bzhag la/ mdzub mo dang / gung mo dang / mthe'u chung gsum brkyang ste rnam ba'i steng du gzhag go /lag pa g.yon pa yang de bzhin du bya'o// sgra rnam par sgrog pa'i phyag rgya'o/ /lag pa gnyis gcig tu sbyar la mthe bong gnyis rtse sprad de zlum por bya'o/ /sor mo lhag ma rnams kyi rtse mo dgug pa ni/ bum pa'i phyag rgya'o/ /de bzhin du </font><hr>253a<br><font size=+1>


@#/ /lag pa g.yas pa mi 'jigs pa sbyin pa'i tshul du byas la mthe bong nang du bzhag pa ni/ mi gnyer ba'i phyag rgya'o/ /lag pa de nyid mi 'jigs pa sbyin pa lta bur byas la mthe bo mthe chung gi tshigs gnyis par gzhag go/ drang srong rnams kyi spyi'i phyag rgya ste/ go rim ni/ ji ltar rigs par bya'o/ /de bzhin du lag pa gnyis gcig tu sbyar la mdzub mo dang mthe'u chung gnyis nang du bcug ste lhag ma rnams gcig tu bsdus la bstod de bzung ba ni/ gshin rje'i be con gyi phyag rgya'o/ /lag pa g.yas pa kha phub ste dril bu 'dra bar byas pa ni/ 'chi bdag gi phyag rgya ste/ dril bu'o/ /de bzhin du lag pa g.yon pa khu tshur bcangs la mdzub mo dang gung mo gnyis bsgreng ba ni/ dus mtshan mo'i phyag rgya'o/ / phyag rgya de nyid las gung mo gyen du bsgreng ba ni/ drag mo'i phyag rgya ste/ tri shU la'o/ /phyag rgya de nyid las pad+ma 'dzin pa'i tshul du byas pa ni/ tshangs pa'i phyag rgya'o/ /phyag rgya de nyid las mdzub mo gung mo'i rgyab kyi tshigs gsum par sprad pa ni/ gzhon nu ma'i mdung thung gi phyag rgya'o/ /phyag rgya de nyid las mdzub mo mthe bo'i rtse mor gzhag go /khyab 'jug ma'i 'khor lo'i phyag rgya'o/ /phyag rgya de nyid las mthe bo gyen du bsgreng ngo / /phag mo'i phyag rgya ste/ tho ba'o/ /phyag rgya de nyid las lag pa snod lta bur bya'o/ /tsa muN+Di'i phyag rgya ste/ thod pa'o/ /bden bral gyi </font><hr>253b<br><font size=+1>


phyag rgya ral gri ni/ snga ma bzhin no/ /khyab 'jug gi phyag rgya 'khor lo yang snga ma bzhin no/ /de bzhin du lag pa gnyis g.yon phyogs nas bstod de bskor ba ni/ dga' bo dang nye dga' bo'i sprin gyi phyag rgya'o/ /phyag rgya de nyid las sor mo gsum gyen du bsgreng ba ni/ bde byed kyi mdung rtse gsum pa'i phyag rgya'o/ /phyag rgya de nyid las sor mo de dag drang por byas pa ni/ u ma pa ti s+ya'i phyag rgya'o| |zla ba'i phyag rgya ni/ pad+ma snga ma bzhin te/ khyad par du dkar por bya'o/ /lag pa de nyid gnyis ka gshibs te bkan la mdzub mo dang srin lag gnyis ngos su dgug go /nyi ma'i phyag rgya ste| shing rta'o/ /lag pa de gnyis ka gcig tu thal mo sbyar la gung mo dang srin lag gnyis gzhu 'dra bar bya'o/ /rgyal pa dang rnam par rgyal ba'i phyag rgya'o/ /ba dan gyi phyag rgya ni/ snga ma bzhin te/ rlung gi'o/ /de bzhin du lag pa g.yon pa lte ba'i phyogs su bkan la sor mo gnyis bsgreng ste gzung ngo / /lag pa g.yas pa de la phyogs par byas te pi wang len pa lta bur byas pa ni| dbyangs can gyi phyag rgya ste/ pi wang ngo / /chu lha'i phyag rgya ni/ /zhags pa ste/ snga ma bzhin no/ /dbyangs can gyi phyag rgya de nyid las mdzub mo dgug go /lha ma yin rnams kyi phyag rgya ste/ gsang sngags la/ na maHsa man+ta bud+d+hA nAM/ ga ra la yaM swAhA/ phyag rgya de nyid las srin lag brkyang ngo / /dri za'i phyag rgya ste/ gsang sngags la/ bi shud+d+hA swa ra ba hi na swAhA/ phyag rgya de nyid las mdzub </font><hr>254a<br><font size=+1>


@#/ /mo dgug go /gnod sbyin thams cad kyi phyag rgya ste/ gsang sngags la/ yak+Sha shwa ra swAhA/ phyag rgya de nyid las mthe bo dang mthe'u chung gnyis rtse sbyar ro/ / gnod sbyin rnams kyi phyag rgya ste/ gsang sngags la/ yak+Sha bid+yA d+hA ri swAhA/ phyag rgya de nyid las gung mo brkyang ngo / /sha za rnams kyi phyag rgya ste/ gsang sngags la/ bi shA rtse ga ti swAhA/ gung mo de nyid bkug la gzung ngo / /sha za mo rnams kyi phyag rgya ste/ gsang sngags la/ mi tsi mi tsi swAhA/ de bzhin du lag pa gnyis gcig tu sbyar la mthe bong gnyis gyen du sgreng ste gzung ngo / /gza' thams cad kyi phyag rgya ste gsang sngags la/ na maHsa man+ta bud+d+hA nAM/ gra he shwa R+Ya prA p+ta dz+yo tirma ya swAhA/ phyag rgya de nyid las gung mo dang mthe bong gnyis ldog ste sbyar ro/ /rgyu skar thams cad kyi phyag rgya ste/ gsang sngags la/ na maHsa man+ta bud+d+hA nAM/ nak+Sha tra ni ra na da na ye swAhA/ phyag rgya de nyid las srin lag gnyis bkug ste lag pa'i mthil du gzhag go /gsang sngags la/ na maHsa man+ta bud+d+hA nAM/ rAk+Sha sid+d+hI pa ta ye swAhA/ srin po rnams kyi phyag rgya dang gsang sngags so/ /lag pa g.yas pa khar bzhag ste lce la reg par bya'o/ /mkha' 'gro ma rnams kyi phyag rgya ste/ gsang sngags la/ na maHsa man+ta bud+d+hA nAM/ hIHha/ gsang ba pa'i bdag po/ de lta bu la sogs pa ni/ </font><hr>254b<br><font size=+1>


de bzhin gshegs pa rnams kyi de bzhin gshegs pa'i mos pa las byung ba/ byang chub sems dpa'i mtshan mar gyur pa'i phyag rgya rab 'byams rnams te/ gsang ba pa'i bdag po/ 'on kyang ji tsam du yan lag bskyod pa de dag kun phyag rgya rgyas par rig par bya'o/ /ji tsam du lce bskyod pa de tsam du de dag kun kyang gsang sngags bstan par rig par bya'o/ /gsang ba pa'i bdag po/ de lta bas na/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis byang chub kyi sems dang ldan pa'i yid kyis de bzhin gshegs pa'i sa la gnas te dkyil 'khor bri bar bya'o/ /gzhan du byas na/ sangs rgyas dang / byang chub sems dpa' rnams dang / byang chub kyang bslus par 'gyur te/ dam tshig las 'das pas nges par ngan song du 'gro bar 'gyur ro/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ phyag rgya rim par phye ba rgyas pa'o// //de nas bcom ldan 'das kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/ thams cad du 'jug pa'i chos kyi sgo'i chos kyi rnam grangs nyon cig /gsang ba pa'i bdag po/ /de la byang chub sems dpas a zhes bya ba la gnas te dgos pa thams cad bsgrub par bya'o/ /na maHsa man+ta bud+d+hA nAM/ a/ </font><hr>255a<br><font size=+1>


@#/ /na maHsa man+ta bud+d+hA nAM/ sa/ na maHsa man+ta badz+rA NAM/ ba/ ka kha ga g+ha/ tsa tsha dza dz+ha/ Ta Tha Da D+ha/ ta tha da d+ha/ pa pha ba b+ha ma/ ya ra la wa/ sha Sha sa ha/ nga nya Na na/ na maH sa man+ta bud+d+hA nAM/ a/ na maHsa man+ta bud+d+hA nAM/ sA/ na maHsa man+ta badz+ra nAM/ bA/ kA khA gA g+hA/ tsA tshA dzA dz+hA/ TA ThA DA D+hA/ tA thA dA d+hA/ pA phA bA b+hA mA/ yA rA lA wa/ shA ShA swAhA/ dA nyA NA nA/ na maHsa man+ta bud+d+hA nAM/ aM/ na maHsa man+ta bud+d+hA nAM/ saM/ na maHsa man+ta badz+ra NAM/ baM/ kaM khaM gaM g+haM/ tsaM tshaM dzaM dz+haM/ TaM ThaM TaM D+haM/ taM thaM daM d+haM/ paM phaM baM b+haM maM/ yaM raM laM waM/ shaM ShaM saM haM/ ngaM nyaM NaM naM/ na maHsa man+ta bud+d+hA nAM/ aH/ na maHsa man+ta bud+d+hA nAM/ saH/ na maHsa man+ta badz+rA NAM/ baHka kha ga g+ha/ tsa tsha dza dz+ha/ Ta Tha Da D+ha/ ta tha da d+ha/ pa pha ba b+ha ma/ ya ra la wa/ sha Sha sa ha/ nga nya Na na/ i i/ u U/ e ai/ o au/ gsang ba pa'i bdag po/ de ltar na/ 'di ni/ yi ge'i tshul la mkhas pa'i chos kyi rnam grangs te/ gsang sngags kyi tshul la rnam par dag pa gnas pa'i cho ga /lha yongs su bzung ba'i cho ga /de bzhin gshegs pa thams cad kyi byin gyi rlabs kyis byin du brlabs pa/ yang dag par rdzogs pa'i sangs rgyas kyi tshul la mkhas pa/ byang chub sems dpa'i spyod pa spyod pa'i rol mo ste/ 'das pa dang / da ltar dang / ma 'ongs pa'i sangs rgyas bcom ldan 'das rnams kyis kyang bshad 'chad 'chad par 'gyur ro/ /gsang </font><hr>255b<br><font size=+1>


ba pa'i bdag po/ ngas ni/ sangs rgyas kyi zhing rab 'byams gang dag na de bzhin gshegs pa thams cad du 'jug pa'i sgo chos kyi rnam grangs 'di mi 'chad pa ma mthong / gsang ba pa'i bdag po/ de lta bas na/ byang chub sems dpa' gsang sngags kyi sgo nas byang chub sems dpa'i spyad pa spyod pas gsang sngags kyi cho ga shes par 'dod na/ thams cad du 'jug pa'i sgo chos kyi rnam grangs la mngon par brtson par bya'o/ /ka dang / tsa dang / Ta dang / ta dang / pa rnams thog ma dang / tha ma dang / dbus dang ldan na/ ting nge 'dzin gyi tshogs la 'jug pas byang chub dang / spyod pa dang / yang dag par rdzogs pa'i sangs rgyas dang / mya ngan las 'das pa dang bcas pa thob par byed do/ /de bas na/ gsang sngags kyi cho ga la dang po la sogs pa'i tha snyad dang ldan par 'gyur bde dag nyid thog ma dang / tha ma dang / dbus dang lhan cig tu gyur par shes par bya ste/ gsang sngags kyi tshig re re la ji ltar 'dod par nges par sbyar bar bya'o/ /blo yis rnam par rtogs na ni/ /de dag bla med gnas mchog ster/ /de ltar 'di ni/ 'khor lo gcig ste/ 'khor lo bzhin du yongs su 'khor ba ni/ yi ge'i 'khor lo'o| |sngags pas yi ge'i 'khro lo de shes na/ rtag tu ji ltar bcom ldan 'das rnam par snang mdzad 'khor lo bskor ba bzhin du rnam par mdzes par 'gyur ro/ /rnam pa thams cad </font><hr>256a<br><font size=+1>


@#/ /cad du 'jug pa'i sgo chos kyi yi ge'i tshul rim par phye ba'o/ /de nas bcom ldan 'das kyis de bzhin gshegs pa'i spyan gyis sems can gyi khams thams cad la gzigs nas chos kyi dbyings mi zad pa'i bkod pa bstan pa dang / gsang sngags kyi spyod pa mngon par sgrub pa 'di nyid kyis sems can gyi khams ma lus pa gdon par thugs dam bcas pa yongs su rdzogs par bya ba'i phyir chos kyi dbyings kyi mdzod kyi mthu rlabs de bzhin gshegs pa'i mnyam pa nyid bkod pa'i snying po can zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu de nas de nyid kyi tshe sems can gyi khams ma lus pa nges par 'byung bar byed pa'i sgo ba spu'i bu ga thams cad nas bsam pa ji lta ba bzhin du las dang / tshe dang / rnam par smin pa'i 'bras bu za ba dang / zar 'jug pa'i gzugs dang / kha dog dang| dbyibs dang / nga ro dang / 'gro ba dang / spyod pa dang / nges pa'i tshig brjod pa sems can thams cad so so so sor yang dag par mgu bar byed pa chos kyi dbyings kyis rnam par bskyed pa'i sku rnams byung bar gyur to/ /byung nas kyang nam mkha' dang mnyam pa'i 'jig rten gyi khams rab 'byams rnams su sgra dbyangs gcig gis chos kyi dbyings khyab </font><hr>256b<br><font size=+1>


par rnam par rig par byed pa/ de bzhin gshegs pa 'byung bar 'gyur pa'i tshigs su bcad pa 'di sgrog par gyur to/ /chos kyi mtshan nyid gang las ni/ /chos rnams dag ni thams cad dang| |sangs rgyas rnams dang nyan thos dang / /rang rgyal skyob pa rnams dang ni/ /byang chub sems dpa' dpa' bo dang / /de bzhin rgyal ba mchog rnams dang / /sems can snod kyi 'jig rten dag /btags pa rim pa bzhin 'byung zhing / /chos rnams skye dang gnas pa dag /gang las rtag tu 'byung 'gyur ba/ /shes rab thabs dang ldan gyur cing / /yid gnyis som nyi dang bral ba/ /rdzogs pa'i sangs rgyas kyi sa bshad pa'i/ /lam 'di khyod kyis sgom par gyis/ /de nas de bzhin gshegs pa'i sku chos kyi dbyings las byung ba de dag gis chos kyi dbyings thams cad rang gi sku rnam par rig par byed pa sprul pa'i sprin gyis yongs su bkang nas bcom ldan 'das rnam par snang mdzad kyi thugs kyi dbang tsam gyis ba spu'i bu ga thams cad nas sangs rgyas 'byung ba gcig nas gcig tu brgyud nas byin gyis brlabs te rang rang gi chos kyi dbyings kyi gnas su zhugs par gyur to/ /de nas yang bcom ldan 'das kyis byang chub sems dpa' phyag na rdo rje la bka' stsal pa/ gsang ba pa'i bdag po/ gsang ba'i dkyil 'khor rnam par dgod pa/ lha rnams kyi gnas yang dag par gnas par bsam pa </font><hr>257a<br><font size=+1>


@#/ /sa bon dang bcas pas mtshan pa yod kyi/ de nyon la legs par rab tu yid la zungs shig dang / ngas khyod la bshad do/ /de skad ces bka' stsal pa dang| gsang ba pa'i bdag po phyag na rdo rje bcom ldan 'das la nyan to/ /bcom ldan 'das kyis de la 'di skad ces bka' stsal to/ /dang por sngags pas dkyil 'khor de/ /rang gi lus la dgod byas te/ /rkang pa nas ni chu so la/ /thug gi bar du sa yir bsam/ /de nas gong du snying ga'i bar/ /sdom brtson can gyi chu yir bsam/ /chu yi yan chad me yi ste/ / ma yi yan chad rlung yin no/ /bsams nas de nas mkhas pa yis/ /sa la gzugs brnyan gzhag par bya/ /de nas phyag na rdo rjes bcom ldan 'das rnam par snang mdzad kyi sku dang| gsung dang / thugs kyi sa la bzhugs nas chos mnyam pa nyid la bltas te ma 'ongs pa'i skye bo rnams la brtags nas rig sngags kyi rgyal po the tshom thams cad gcod par byed pa 'di smras so/ /na maHsa man+ta bud+d+hA nAM/ a sa ma ba ti d+harma d+h+wa tu kAR+Ya ga tiM ga tA nAM/ sarba thA/ aM khaM aM a/ saM sa/ haM ha/ raM ra baM ba swAhA/ hUM ma hA swAhA/ raM ra swAhA/ gsang ba pa'i bdag po phyag na rdo rjes gsang sngags kyi rgyal po chen po 'di smras ma thag tu de nas phyogs bcu'i 'jig rten gyi khams na bzhugs pa'i de bzhin gshegs pa thams </font><hr>257b<br><font size=+1>


cad kyi phyag g.yas pa brkyang ste phyag na rdo rje'i sbyi bor bzhag nas legs so zhes bya ba byin te 'di skad ces gsungs so/ /rigs kyi bu/ gang khyod kyis bcom ldan 'das rnam par snang mdzad kyi sku dang / gsung dang / thugs kyis la bzhugs nas thams cad du gsang sngags kyi tshul la mnyam pa nyid du gnas pa'i byang chub sems dpa' rnams la snang bar bya bar 'dod pa'i phyir gsang sngags kyi rgyal po 'di smras pa legs so legs so/ /de ci'i phyir zhe na/ bcom ldan 'das rnam par snang mdzad de bzhin gshegs pa dgra bcom pa yang dag par rdzogs pa'i sangs rgyas byang chub kyi snying po la bzhugs te tshig bcu gnyis po 'di dag gis chos kyi dbyings rnam par spyad cing bdud bzhi pham par byas nas chos kyi dbyings las byung ba 'di dag gnas gsum nas byung ste bdud sdig can rnams btul bar gyur te/ /de nas bcom ldan 'das kyi sku dang / gsung dang / thugs mnyam pa nyid brnyes nas nam mkha' tshad med pa'i phyir sku tshad med pa brnyes par gyur/ /de bzhin du gsung dang thugs tshad med pa yang brnyes par gyur to/ /de ltar ye shes tshad med pa dang ldan zhing chos thams cad la dbang thob pas 'di ltar gsang sngags kyi rgyal po tshig bcu gnyis po 'di dag nyid las brtsams te chos 'chad do/ /rigs kyi bu/ khyod kyang bcom ldan 'das rnam par snang </font><hr>258a<br><font size=+1>


@#/ /mdzad kyi sku dang / gsung dang / thugs mnyam pa nyid la bzhugs pas na/ rdzogs pa'i sangs rgyas bzhin du snang ngo / /thams cad mkhyen pa rdzogs sangs rgyas/ /bcom ldan rnam par snang mdzad la/ /sngags sbyang tshig mchog zhus shig dang / /cho ga rgyas par bka' stsal to/ /nged kyang sngon ni 'di rnams kyis/ /bla med byang chub rtogs nas su/ /mya ngan 'das lam 'gro ba yi/ /mnyam pa med pa'i chos bshad pa/ /'jig rten khams na bzhugs pa yi/ /rdzogs sangs rgyas rnams dbang du gyur/ /de nas dpal ldan rdo rje 'dzin/ /bsam pa mchog rab mgu gyur pa/ /rdzogs sangs rgyas kyis byin brlabs pas/ /'di skad ces ni tshig tu smras/ /chos 'di rnams ni mtshan nyid med/ /ngo bo nyid med gnas med pa/ /las dang tshe las rnam par grol/ /rdzogs pa'i sangs rgyas 'dra bar 'dod/ /thugs rjes mnga'i na mdzad pa yi/ /mgon po rnams kyi thabs kyis ni/ /rnam par sprul nas chos kyi ni/ /mtshan nyid 'di dag rtogs par 'gyur/ /de nas gsang ba pa'i bdag po phyag na rdo rjes ched du brjod pa'i tshigs su bcad pa de smras nas ma 'ongs pa'i dus kyi 'gro ba rnams la bltas te snying rje chen po'i snying po 'byung ba'i dkyil 'khor chen po 'di'i the tshom gcad pa'i phyir bcom ldan 'das rnam </font><hr>258b<br><font size=+1>


par snang mdzad la zhus pa/ sems can kun gyi don gyi phyir/ /kun mkhyen snyun dang bral ba po/ /the tshom thams cad gcod mdzad pa/ /'dren pa khyod la zhu ba ni/ /dkyil 'khor gyi ni sngon rol du/ /ci zhig bgyi ba 'dren pas gsungs/ /thub pa chen po slob dpon dang / /slob ma'ang rnam pa du ru bshad/ /sa gzhi ji 'drar 'tshal bar bgyi/ /de yang ji ltar sbyang bar bgyi/ /ji ltar sa ni dag par 'gyur/ /ji ltar de ni brtan pa lags/ /slob ma'i dgos pa gang gis bgyi/ /sbyang ba'ang 'dren pas bka' stsol cig /dag pa'i mtshan ma ci 'dra dang| |gang gis de dag bsrung bar bgyi/ /sa ni gang gis byin gyis brlab/ /der ni dang por gang gis brtag /sa yi cha las thig gdab pa'i/ /srad bu rnam du 'tshal bar bgyi/ /mchod pa rnam pa du 'tshal bgyi/ /me tog bdug spos ci 'dra dang / /me tog dang ni bdug spos dag /ji ltar dbul ba 'dren pas gsungs/ /lha bshos sbyin sreg las rnams kyang / /gang dag la ni ji ltar bgyi/ /lha rnams kyi ni gdan dag kyang / /gang la gang gis bgyi ba gsungs/ /kha dog dbyibs dang gzugs rnams kyang / /go rim bzhin du mgon pos gsungs/ / lha rnams dang ni phyag rgya dang / /gdan gyi tshad kyang bshad du gsol/ /phyag rgya rnams ni gang nas byung / /ci phyir phyag rgya zhes kyang bgyi/ /dbang bskur rnam pa dur 'tshal bgyi/ /dam </font><hr>259a<br><font size=+1>


@#/ /tshig rnam pa du zhig mchis/ /sngags spyad pa la brtson pa yi/ /sngags pa byang chub sems dpa' dang / /thams cad mkhyen par ji ltar 'gyur/ /ji ltar bden pa mthong bar 'gyur/ /dngos grub rnam pa dur 'tshal bgyi/ /grub pa'i dus kyang bka' stsol cig /grub nas nam mkhar 'gro ba dang / /ji ltar mi snang 'gyur ba dang / /gtso bo lus 'di ma bor bar/ /ji ltar lha yi lus thob 'gyur/ /sprul pa rnams ni sna tshogs la/ /de la gang nas 'byung bar 'gyur/ /nyi zla me dang phyogs rnams dang / /rgyu skar gza' dang skar ma dang / /yud tsam dang ni thang gcig dang / /rga dang 'chi dang rgud pa dang / /ltas ngan dag ni thams cad kyang / /de la ji ltar 'byung mi 'gyur/ /rkang gnyis gtso bo sangs rgyas dang / /sngags pa ji ltar 'bral mi 'gyur/ /sbyin sreg las dang me dag dang / /tshim par bgyi ba dur 'tshal bgyi/ /lha rnams kyang ni so so yi/ /ngo bo nyid ni 'dren pas gsungs/ /'jig rten pa yi sngags rnams dang / /de bzhin 'jig rten 'das pa yi/ /tshad dang 'bras bu grangs rnams dang / /ting nge 'dzin gyi khyad par dang // las kyi rnam pa gang du smin/ /ji ltar rnam par smin mi 'gyur/ /sngags pa rnams ni nam zhig na/ /las dang tshe las rnam grol 'gyur/ /de nas kun mkhyen rdzogs sangs </font><hr>259b<br><font size=+1>


rgyas| |bcom ldan snyun dang bral ba yis/ /rdo rje 'dzin la 'di skad gsungs/ /snying rje chen po'i rtsa las byung / /gsang ba'i dkyil 'khor rnam dgod pa/ /lha rnams kyi ni gnas nges pa| |theg pa chen po'i go 'phang mchog /rdzogs sangs rgyas kyi rab gsang ba/ /dpa' bo cher 'byung khyod kyis gang / /yongs su dris pa de legs so/ /lag na rdo rje stobs chen la| |mdor ni bsdus nas bshad par bya/ /dkyil 'khor gyi ni sngon rol du/ /bya ba rnams ni nges pas nyon/ /so so'i las rnams 'dod pa yis/ /tshul shes pas na ci rigs par| |rang gi ting 'dzin la gnas te/ /rig sngags rgyal po stobs po che/ /yan lag bcu gnyis tshig 'byung ba/ /go rim bzhin du bzlas brjod bya/ /gsang sngags phyag rgya rtogs shes pa'i/ /slob dpon rnam pa gnyis zhes bya/ /zab dang mi zab bye brag las/ /de yi mtshan nyid shes par bya/ /zab mo rgya cher shes par bya/ /lus can rnams ni yid mi rton/ / sangs rgyas rnams kyi sras mchog ste/ /mthong ba'i chos ni rnam par spangs/ /gnyis pa mthong ba'i chos rnams kyis/ /myos par gyur pa dmigs pa can/ /sangs rgyas rkang gnyis mchog rnams kyis/ /'jig rten pa yi dkyil 'khor kun/ /de yis bri bar bya ba'i phyir/ /rjes su gnang zhing dbang yang bskur/ /dus dang dus min bye brag las/ /slob ma rnam bzhir shes bya </font><hr>260a<br><font size=+1>


@#/ /ste| |gcig ni de yi mod la sgrub/ /gnyis su sgrub dang gnyi gar min/ /mtshan nyid thams cad rdzogs pa yis/ /slob ma de ni rgyal ba'i mchog /sa ni dang por shes par bya/ /sems kyi sar ni bshad pa yin/ /sbyang ba sngar ni bstan pa ste/ /de yis de ni yongs su sbyang / /nam zhig nyes dang bral ba na/ /sems kyis sa ni mi 'jigs pa/ /de tshe de ni dag pa ste/ /nyes pa thams cad rnam par spangs/ /mngon par byang chub mthong bas na/ /de ltar de ni brtan zhes bya/ /de las gzhan dus sbyong ba/ /de ni dag par mi 'gyur ro/ /sngags pa rtog la gnas nas su/ /gang zhig sa spyod byed pa ni/ /byang chub sems ni rnam spangs pa/ /gsang ba'i bdag po de mi 'dag /de bas rtog pa rnam spangs nas/ /sa kun rnam par sbyang bar bya/ /nga yis dkyil 'khor rnams kyi ni/ /cho ga rgyas par gang bstan pa/ /de dag thog mar bstan pa ni/ /rmongs pa rnams kyis mi shes te| |rtog pa sdug bsngal rgyur 'gyur ba/ /ji srid ma spangs bar du ni/ /'jig rten 'di nas sangs rgyas min/ /kun mkhyen ces kyang mi bya'o/ /slob ma rnams la nan tan du// byang chub sems kyi sbyang bar bya/ /srung ba mi g.yo mgon po'am/ /khams gsum rnam par rgyal bas bya/ /slob ma nam zhig dmigs pa yis/ /nam yang g.yos par mi 'gyur ba// </font><hr>260b<br><font size=+1>


de tshe dri med nam mkha' bzhin/ /yang dag par ni dag par 'gyur/ /sa byin brlab pa dang po ni/ /rdzogs sangs rgyas kyis bya bar bshad/ /gnyis pa sems kyi dbang gis te/ /'dir ni gzhan du mi bya'o/ /srad bu rnam pa bzhir bshad de/ /dkar po ser po dmar po dang / /nag po zhes ni bya bar brjod/ /lnga pa nam mkha' lta bur bshad/ /bar snang la ni bzung nas su/ /der ni dkyil 'khor brtag par bya/ /srad bu dag ni gnyis pa yis/ /sa la dkyil 'khor dgod par bya/ /sangs rgyas rnams ni thams cad dang / /de'i sras blo can rnams kyi gdan/ /pad+ma yid las byung ba'i mchog /bkra shis 'jig rten rnams kyis bsngags/ /rang rgyal dang ni dgra bcom pa/ /phyogs gcig shes par gang grags pa/ /de dag stan du shes bya ba/ /pad+ma las byung 'dab ma'o/ / 'jig rten gyi ni lha rnams gang / /tshangs la sogs pa 'jig rten grags/ /de dag stan ni pad+ma dmar/ /rgyal po rnams kyis bsngags pa'o/ /phal pa rnams ni ci rigs par/ /sa yi bye brag dag las bsam/ /mchod pa rnam bzhir shes bya ste/ /phyag 'tshal thal mo sbyar ba dang / /de bzhin byams dang snying rje dang / /me tog bdug spos 'jig rten pa'i/ /sor mo las byung me tog rnams/ /skyob pa kun la dbul bar bya/ /yan lag kun 'byung phyag rgya ni/ /bcings nas byang chub sems bsgoms te/ /sor mo mgon po thams cad dang / /de'i sras </font><hr>261a<br><font size=+1>


@#/ /rnams la nan tan bya'o/ /'di ni skyon med me tog ste/ /rab tu bsung zhim rnam par mdzes/ /chos kyi dbyings kyi ljon shing rnams/ /rgyal ba mchod pa'i phyir byung ba/ /ting 'dzin dbang gis bsgyur ba yi/ /sngags kyis de dag byin brlabs na/ /chos kyi dbyings las byung ba yi/ /sprin mang rgya cher dam pa rnams/ /sangs rgyas rnams kyi spyan sngar ni| |de tshe rtag tu char bzhin 'bab/ /lha rnams phal pa gzhan la ni/ /me tog 'di rnams bsgrags pa ste/ /rang gi sngags rgyud rgyas shes pas/ /ji ltar rigs par dbul bar bya/ / de bzhin me tog bdug spos rnams/ /ji ltar rig par rnam par bsam/ /mthe bo srin lag sbyar ba ni/ /bkra shis pa zhes bshad pa ste/ /de yis me tog de blangs nas/ /rang gi snying ga'i phyogs nas dbul/ /'jig rten pa yi lha rnams la/ /lte ba'i thad ga nas zhes bya/ /bdug spos rdo rje'i khu tshur ram/ /yang na pad+ma'i phreng ba yis/ /bar snang la ni bzung nas su| |'jig rten mgon skyob rnams la dbul/ /de las gzhan pa'i 'jig rten pa'i/ /lha rnams la ni go rim bzhin/ /phyi dang nang gi bye brag gis/ /sbyin sreg rnam pa gnyis zhes bya| |las dang tshe las rnam par grol/ /slar yang sa bon 'byung ba ste/ /las 'dod pa yis sbyin sreg bya/ /nang gi sbyin sreg ces su bshad/ /phyi rol gyi ni gsum ldan zhing / /gnas </font><hr>261b<br><font size=+1>


gsum dang ni gsum la gnas/ /las gsum gyi ni las grub pa/ /'jig rten pa yi sbyin sreg mchog /sbyin sreg las ni mi shes pas/ /gang dag gzhan du byed pa ni/ /sngags kyi shes la spangs pa ste/ /glen des 'bras bu mi thob bo/ /de bzhin gshegs pas gsang sngags dang / /de bzhin rdzogs sangs rgyas kyis gsungs/ /dkar dang ser du shes par bya/ /phyag na rdo rje thams cad pa| |'jig rten dbang phyug gsang sngags ni/ /las kyi bye brag dag las dkar/ /kun tu gru bzhi lham pa dang / /go rim bzhin du zlum po dang / /gru gsum dang ni zla ga ma 'dra/ /dbyibs ni legs par bshad pa yin/ /gzugs ni gnyis su shes bya ba/ /bud med dang ni skyes pa nyid/ /yang na kun tu thams cad kyi/ /kha dog dbyibs dang gzugs rnams te/ /bsam yas ye shes las byung bas/ /de bas de rnams bsam yas te/ /ye shes mkhyen gyi ye shes ni/ /sems can don phyir tha dad gyur/ /yid kyi rgya ni ji tsam pa/ /bstan dang phyag rgya dag dang ni/ /lha yi tshad kyang go rim bzhin/ /de tsam du ni shes par bya/ /sangs rgyas gang nas byung ba nas/ /phyag rgya rnams kyang de nas byung / /chos las byung ba'i slob ma rnams/ /chos kyi phyag rgyas gdab par bya/ /de bas mdor na chos kyi dbyings/ /mtshan ma phyag rgya yin par bshad/ /dbang bskur gsum du shes bya ste/ /de bas nan tan nyan par gyis/ /phyag rgyas gang zhig dbang bskur ba/ /las dang bya ba </font><hr>262a<br><font size=+1>


@#/ /spangs pa ste/ /skyob pa rnams kyi dbang bskur pa/ /de ni mchog ste dang po yin/ /gnyis pa las dang bya ba yis/ /kun nas bslang bar yang dag bshad/ / gsum pa yid kyis shes bya ste/ /yul dang dus ni spangs pa'o/ /bla ma legs par mgu byas nas/ /phan par byed pas gang smras pa'i/ /dbang bskur 'di ni mchog yin par/ / rdzogs pa'i sangs rgyas rnams kyis bsgrags/ /sangs rgyas rnams kyis mdor na ni/ /dam tshig can rnams lngar bshad de/ /dkyil 'khor 'di ni mthong ba las/ /dam tshig shes pa gcig ces bya/ /de la phyag rgya mi bstan cing / /sngags kyang sbyin par mi bya'o/ /byang chub sems kyi bye brag las/ /sngags dang phyag rgya yongs su gzung / /dkyil 'khor mthong zhes bya ba 'di/ /dam tshig can gnyis shes par bya/ /dkyil 'khor dang ni phyag rgya mthong / /las dang bya ba la yang sbyar/ /bla mas lung ni ma byin pa/ /de yang dam tshig shes par bshad/ /phyag rgya dkyil 'khor bri ba rnams/ /de tshe cho ga bzhin du bstan/ /gsang ba'i ye shes 'byung ba yi/ /dbang bskur med pa'i sngags pa'ang yin/ / gsang ba'i dkyil 'khor dbus su ni/ /sngags pa cho gas dbang bskur ba/ /dam tshig shes pa lngar shes bya/ /dam tshig can zhes gzhan mi bya/ /brtul zhugs bzang po byang </font><hr>262b<br><font size=+1>


chub phyir/ /gang zhig sems ni sgom pa na/ /sngags pa gnas gsum mi dmigs pa/ /de ni byang chub sems dpa' yin/ /thabs kyi snying stobs bskyed nas su/ /sems can don la sbyor pa na/ /dmigs su med pa'i spyod 'thob pa/ /rgyal ba'i mchog tu shes par bya/ /thog ma nas ni zhi ba'i chos/ ngo bo nyid ni med pa la/ /gang gi sems ni ri rab bzhin/ gnas pa de ni bden pa mthong / /'di bden 'di ni yang dag pa/ /de bzhin du ni mi slu ba/ /ji ltar sangs rgyas bden gzigs pa/ /de bzhin sngon ni ngas mthong ba'i/ /byang chub sems thob gang yin de/ /dngos grub de las gzhan ci dgos/ /de las gzhan du'ang dngos grub ni/ /rnam pa dag ni sngar 'dod de/ /spyod pa'i rjes su 'jug pa dang / /de bzhin sa ni gnon pa dang / 'jig rten mngon shes lngar 'dod dang / /sangs rgyas nyid dang gang gzhan no/ /rgyud las rgyud du gyur pa yi/ /las ni ji srid mnyams shing / /rnam smin rnam par ma smin te/ /dngos grub dag gi dus su 'dod/ /mdor na gang tshe dus gcig tu/ /las dang skye ba 'phangs gyur pa/ /de tshe'ang sngags pas dngos grub ni/ /yid las yang dag byung ba 'thob/ /bam po drug pa/ grub nas mkha' la 'gro ba ni/ /ji ltar sgyu ma 'jigs med bzhin/ /sngags kyi drangs rmongs byed pa/ /ji ltar mig 'phrul chen po bzhin/ /gang la lus dang dgra med pa/ /dri za'i grong khyer </font><hr>263a<br><font size=+1>


@#/ /ji bzhin te/ /de bzhin mi snang 'gyur zhes bya/ /de ni de na gnas pa yin/ /ji ltar nyal ba'i rmi lam na/ /sum cu rtsa gsum gnas su phyin/ /lus kyang spangs pa ma yin la/ /de nyid kyis kyang de ma song / /de bzhin rnal 'byor nyid kyis kyang / /sngags pa sngags la gnas pa dag /bsod nams bya ba'i las rnams kyis/ /'ja' dang 'dra ba'i lus kyang 'thob/ /lus dang ngag yid las byung ba'i/ /gsang sngags yid bzhin nor bu 'dra/ /de las rnam par bsams pa'i don/ /ma brtags par yang 'byung bar 'gyur/ /ji ltar nam mkha'i phyogs rnams su/ /'dus byas spyod yul thams cad kyis/ /mi gos de bzhin sngags pa yang / /rtog pa'i spyod yul kun gyis so/ /'di kun 'du shes tsam du ni/ /nam zhig de ltar bsgoms gyur cing / /rnam par bsgoms na sngags pa de/ /rdzogs sangs rgyas dang lhan cig dga'/ /sangs rgyas rkang gnyis gtso bo yis| |sbyin sreg gnyis su bshad pa ni/ /phyi rol gyi dang nang gi ste/ /de yang tshim par bya dang bcas/ /lha rnams kyang ni so so yi/ /rang bzhin yongs su mkhyen nas su/ /'jig rten pa yi sngags rnams kyis/ /tshad dag legs par gsum pa ni/ /dbang phyug la sogs mthu chen rnams/ /bkur ba'i lha rnams gang yin pa/ /de dag gis ni gang byas pa'i/ / </font><hr>263b<br><font size=+1>


sngags dang phyag rgya stobs chen rnams/ /'bras bu phal cher 'phral du ster/ /tshad ni bshad pa de yin no/ /'on kyang skye dang 'jig pa yi/ /chos can de dag brtan pa med/ /'jig rten 'das pa'i sngags rnams ni/ /thog ma'i byed pa med pa'o/ /las dang skye ba kun bcad pa/ /nyes pa gsum bral rgyal ba dang / /rang rgyal bse ru lta bu dang / /de bzhin rgyal ba'i nyan thos dang / /byang chub sems dpa' rnams kyis kyang / /gsang sngags tshad ni sngon bshad pa/ /dus gsum las ni shin tu 'das/ /rten cing 'brel pa las byung ba/ /mthong dang ma mthong 'bras bu'i tshad/ /ngag yid lus las byung ba'o/ /'jig rten pa yi 'bras bu'i tshad/ /bskal pa gcig tu bshad pa yin/ /yang dag rdzogs pa'i sangs rgyas kyi/ /gsang sngags 'bras bu bskal pa 'das/ /sangs rgyas drang srong chen po dang / /rgyal sras rnams kyi ting 'dzin ni/ /mtshan ma med cing dag pa'o/ /'jig rten pa yi mtshan mar bcas/ /rnam par smin pa 'di nyid la/ /las kyi 'bras bu smin 'gyur ba/ /nam zhig dngos grub thob pa na/ /de tshe las kyang ldog par 'gyur/ /sems ni ngo bo nyid med phyir/ /rgyud dang 'bras bu rnam spangs shing / /yang dang tshe las rnam grol na/ /nam mkha' lta bur 'gyur ba yin/ /gsang ba pa'i bdag po/ gzhan yang phyag rgya'i gzugs su dgod pa rim par phye ba/ lha rnams </font><hr>264a<br><font size=+1>


@#/ /gnas par byin gyis rlob pa/ ting nge 'dzin lnga rtogs pa/ byang chub sems dpa' gsang sngags kyi sgo nas byang chub sems dpa'i spyad pa spyod pa chos kyi dbyings rtogs pa'i spyod yul du gyur pa/ sems can gyi khams ma lus par bsgral bar yi dam bcas pa rnams kyi don dang phan pa dang bde ba'i phyir sngon gyi sangs rgyas rnams kyis mngon par rdzogs par sangs rgyas pa de nyon la legs par rab tu yid la zungs shig dang ngas khyod la bshad do/ /bcom ldan 'das/ de ltar 'tshal lo/ /zhes gsol nas phyag na rdo rjes bcom ldan 'das la nyan pa dang / bcom ldan 'das kyis de la 'di skad ces bka' stsal to/ /gsang ba pa'i bdag po/ dang por yang dag par rdzogs pa'i sangs rgyas kyi dkyil 'khor dgod pa rim par phye ba gang las 'jig rten pa dang / 'jig rten las 'das pa'i dkyil 'khor grangs med pa byung ba/ gsang ba bas kyang ches gsang ba/ snying rje chen po'i snying po 'byung ba zhes bya ba yod kyi de bri ba'i cho ga nyon cig /kun tu gru bzhi lham pa la/ /sgo gcig pa ni stegs bur bcas/ /bzang po rdo rje rnams kyis mtshan/ / dbus su rdo rje rtse brgya pa/ /de steng pad+ma bri ba ni/ /sa bon dang bcas rgyas par byas/ /de yi steng du'ang pad+ma che/ /phyag rgya klad kor gyis mdzes byas/ /'dab ma brgyad rnams legs par </font><hr>264b<br><font size=+1>


rdzogs/ /ze bar bcas pa shin tu bzang / /'dab ma rnams ni thams cad la/ /yan lag bcu gnyis tshig bkod pa/ /de rnams dbus na mgon bzhugs pa/ /rdzogs pa'i sangs rgyas rkang gnyis gtso/ /dkyil 'khor brgyad kyi 'khor rnams kyis/ /kho ra khor yug yongs su bskor/ /snying rje las byung dkyil 'khor 'di/ mchog tu shes par bya ba ste/ /lung bzhin dkyil 'khor rnams dang ni/ /las dang lus dang dngos grub dang / /dgod pa rnams kyang des pa yis/ /'di las 'byung bar shes par bya/ /gsang ba ba'i bdag po/ gzhan yang de bzhin gshegs pa rnams kyi dkyil 'khor ni/ zla ba'i dkyil 'khor 'dra zhing mdog /dung lta bu yi dbus na ni/ /sangs rgyas kun gyi gru gsum pa/ /pad+ma dkar po'i steng na gnas| |klad kor bcas pa'i mtshan gyis btab/ /rdo rje'i mtshan mas mtshan pa ste/ /dbyad mi dgos pas kun nas ni/ /'od zer dag ni gnyis byas pa/ /gsang sngags mgon las byung nas su/ /de ni phyogs bcu rnams su song / /gsang ba pa'i bdag po/ gzhan yang / spyan ras gzigs dbang dkyil 'khor ni/ /nges pas nan tan mnyan par gyis/ /kun tu gru bzhi lham pa la/ /dbus su'ang dung 'dra gzhag par bya/ /de yi steng du'ang pad+ma na/ /sa bon bcas byas rgyas par bri/ /de yi steng du'ang rdo rje che/ /rdo rje las kyang pad+ma che/ /thams cad </font><hr>265a<br><font size=+1>


@#/ /sa bon rnams kyis mtshan/ /rang gi sa bon legs par sbyar/ /sgrol ma dang ni khro gnyer can/ /de bzhin gos dkar can dang ni/ /rig sngags longs spyod can ma dang / /mthu chen thob pa'ang nan tan bya/ /dpal rnams kun dang phyag brnyan ma/ /dkyil 'khor 'di yi dbus su ni/ /phyag rgya'i mtshan ma dbang thob rnams/ /khyad par du ni bri bar bya/ /rta mgrin can gyi bya ba ni/ /gru gsum tshul du 'dug pa ste/ /dkyil 'khor mtshan ma bzang po sa btab/ /nyi ma 'char ba'i kha dog 'dra/ /rig sngags rgyal dang bcas par ni/ /mkhas pas rnam par dgod par bya/ /gsang ba pa'i bdag po/ gzhan yang khyod nyid kyi dkyil 'khor mdor bshad par bya'o/ /kun tu gru bzhi lham pa la/ /rdo rje'i mtshan ma rnams kyis mtshan/ /thams cad ser po yid du 'ong / /dbus na pad+ma rab tu gnas/ /de yi dbus su bya ba ni/ /bum pa zla ba'i 'od 'dra ba/ /'di ni mtshan ma rnams kyis mtshan| |klad kor gyis kyang rnam par brgyan/ /de yi steng du'ang rlung chen ni/ /dbyar gyi char sprin 'dra ba'i mdog /ba dan g.yo bar sngags par bya/ /klad kor gyis kyang rnam par brgyan| |de yi steng du 'ang gru gsum pa/ /rab tu 'jigs pa'i gzugs can de/ /'jigs par byed pa'i me 'dra ba/ /sum mdo ris mtshan mtshan gyis btab/ /'bar phreng 'khrigs </font><hr>265b<br><font size=+1>


pa 'jigs 'jigs lta/ /nyi ma 'char ba'i gzugs 'dra ba'o/ /de yi dbus su pad+ma che/ /dus mtha'i me 'od 'dra ba'o/ /pad+ma'i steng du rdo rje ni/ /'bar ba'i phreng ba 'phro ba can/ /hUM zhes bya ba'i sgra dang ldan/ /dam pa sa bon rnams kyis mtshan/ /dpa' bo khyod kyi dkyil 'khor 'di/ /rgyal ba'i gtso bo rnams kyis gsungs/ /mA ma kI ni lu gu rgyud/ /de bzhin rdo rje rigs las byung / /rdo rje lcags kyu rdo rje rtse/ /rig sngags rgyal mo mthu chen dag /dkyil 'khor chen po'i nang du ni/ /kun kyang khongs su chud par bya/ /las rnams shin tu 'grub bya'i phyir/ /phyag rgya dkyil 'khor sa bon dang / /kha dog khyad par go rim bzhin/ /de dag ji ltar rigs par bya'o/ /de nas gzhan yang rdo rje 'dzin/ /chen po gtsor bshad 'di rnams te| |nam mkha' dri med rdo rje 'khor/ /rdo rje mche ba des pa dang / /rnam par grags pa skal chen dag /rdo rje mgon po mchog 'dzin dang / /rdo rje zhi ba rdo rje che/ /rdo rje mthing ga de bzhin gzhan// rdo rje pad+ma yangs pa'i mig /rdo rje bzang po rdo rje nyid/ /spros pa med par gnas pa dang / /nam mkha' mtha' yas 'gro ba'o/ /de rnams dkyil 'khor bshad pa ni/ /dkar po ser po dmar po dang / /nag po yin par yang dag bsgrags/ /de nas gzhan yang phyag rgya'i gzugs/ /rtse gsum pa dang rtse gcig dang / /gzhan yang gnyis dang gnyis ma yin/ /phreng ba </font><hr>266a<br><font size=+1>


@#/ /lta bu de bzhin gzhan/ /kha dog bye brag las shes bya/ /'di rnams kun kyang mthu chen te/ /rnam par rgyal dang ldan pa'o/ /mi g.yo mgon gyi dkyil 'khor ni/ /rlung dang me yi yin par 'dod/ /nga yi drung ni 'og logs su/ /bden bral gyi ni phyogs char bri/ /rang gi sa bon mtshan mar ldan/ /ral gri phyag rgya legs par sbyar/ / yang na zhags pa bya yang rung / /blo ldan de yis bri bar bya/ /'jig rten gsum las rnam rgyal gyi'ang / /bye brag tu ni rlung gi dbus/ /rdo rje can gyi mtshan dang mtshan/ /gnas gsum dag la 'dug pa'o/ /gsang ba pa'i bdag po/ /gzhan yang byang chub sems dpa' rnams kyi yum gyi gzugs kyi dkyil 'khor dgod pa 'byung ste/ de la re zhig dkyil 'khor ni/ /gser gyi kha dog gru bzhi pa/ /rdo rje'i mtshan mas mtshan pa ste/ /'di ni dkyil 'khor dam pa yin/ /de nas gzhan yang lha mo'i gzugs/ /de yi dbus su pad+ma che/ /thams cad ser po 'bar dang bcas/ /de yang gtsug tor bzhag pa ni/ /cha gsum la ni gnas par bya/ /dbus ma'i cha ni bor nas ni/ /der yang spyan ni bri bar bya/ /rang gi 'od 'bar dbus na gnas/ /mdor ni sa bon ldan par bya/ /byang chub sems dpa' thams cad kyi/ /yid bzhin nor bu rgyal bas gsungs/ /de yi dkyil 'khor bshad pa ni/ /chu yi yin te </font><hr>266b<br><font size=+1>


thams cad sgro/ /shin tu dri med rab tu zhi/ /re ba thams cad rdzogs byed pa'o/ /de nas shAkya seng+ge yang / /nges pas dkyil 'khor mnyan par gyis/ /der ni dbang chen zhes bya ba// kha dog ser pos nye bar brgyan/ /kun tu gru bzhi lham pa la/ /dbus su rdo rje snga ma bzhin/ /de yi steng du pad+ma ni/ /kun tu kha dog ser po gzhag /de steng lhung bzed chen po ste/ /rdo rjes mtshan pa 'bar dang bcas/ /yang na chos gos 'khar bsil dag /go rim bzhin du gzhag par bya/ /gtsug tor lnga po gang bsgrags pa/ /de rnams phyag rgya zhes bya ba/ /gdugs dkar po'i ni gdugs su bya/ /rgyal ba'i gtsug tor blo ldan pa/ /mtshan ma ral grir bzhag pa ni/ /'od zer rnams ni 'phro bar bya/ /rnam par rgyal ba'i 'khor lo yin/ /rnam par 'thor ba'i lcags kyur 'dod/ /gzi brjid phung bskol chen gyi/ /gtsug tor bzang po yin par 'dod/ /cher 'byung ba ni rdo rje yin/ /mngon par 'byung ba'i pad+mar 'dod/ /dung ni mtha' yas sgra dbyangs kyi/ /kha dog bye brag las shes bya/ /mdzod spu'i yid bzhin nor bu yin/ /spyan gyi yang ni 'di nyon cig /gtsug tor thams cad ser po ste/ /rdo rje'i mtshan mas mtshan par bya/ /gzhan gyis mi thub ma yi ni/ /lag pa ngo mtshar pad+ma can/ /gzhan gyis mi thub ces bya ba'i/ /kha che pad+ma nag la gnas/ /gtsang mar gnas pa gang grags pa/ /gtsang mar rtogs pa'i spyod yul can/ / </font><hr>267a<br><font size=+1>


@#/ /de dag gi ni phyag rgya yi/ /mtshan nyid dgod pa nges pa nyon/ /sems dpa'i lag dang dge ba'i lag /'dzum pa'i lag kyang de bzhin gzhan/ /lag na me tog nam mkha'i lag /cho ga rgyas par bri bar bya/ /sa yi lha mo'i bum pa ste/ /chu yi dkyil 'khor rdo rjes mtshan/ /gnyer ba'i lag pa me yi ste/ /drang srong rnams dang bcas par bri/ /'od srung dang ni go'u tam/ /m+r+gad da dang garga dang / /ba si sta dang ang gi ras/ /me yi gnas kyi nang na 'khod/ /rig byed lag par nan tan du/ /de dag go rim bzhin du bri/ /gshin rje'i be con bri ba ni/ /rlung gi dkyil 'khor nang na 'dug /'chi bdag gi ni dril bu yin/ /dus mtshan phyag rgya ba dan no/ /drag po'i chung ma'i mdung rtse gsum/ /tshangs pa'i chung ma'i pad+ma dran/ /gzhon nu'i chung ma'i mdung thung yin/ /khyab 'jug chung ma'i 'khor lo nyid/ /gshin rje'i chung ma'i tho bar shes/ / 'jigs byed chung ma'i mi thod yin/ /de dag rlung gi dkyil 'khor gyi/ /nang du chud par bya ba ni/ /bya rog bya rgod de bzhin khyi/ /wa rnams kyis kyang yongs bskor bar/ / las rnams grub par 'dod pa yis/ /ji ltar rigs par bri bar bya/ /bden bral gyi na ril grir bri/ /khyab 'jug gi ni 'khor lor bya/ /skem byed kyi ni mdung thung yin/ /dga' bo </font><hr>267b<br><font size=+1>


\?\ dga' gnyis kyi sprin/ /gnyis ka'i glog dang bcas par te/ /gzugs ni mdog sngo chu dang bcas/ /shAkya seng+ge'i dkyil 'khor gyi/ /sgo yi phyogs ni gnyis su dgod/ / bde byed kyi ni mdung rtse gsum/ /dka' zlog rtse gsum gdengs par bshad/ /bum pa dkar po pad+mar bcas/ /zla ba'i phyag rgya yin par dran/ /nyi ma'i dbang chen dkyil 'khor la/ /gnas pa'i shing rta yin zhes bya/ /rgyal dang rnam par rgyal ba yi/ /dbang chen mtshan ma'i gzhu can no/ /rlung gi phyogs su rlung rnams kyis/ /ba dan phyag rgya bri bar bya/ /dbyangs can gyi ni pi wang yin/ /chu yi zhags pa 'dzin par bri/ /bdag nyid chen po de'i dkyil 'khor/ /chu yi yin par shes par bya/ /sa bon rnams kyis btab pa dang / /mtshan ma rnams kyis mtshan par bya'o/ /shAkya tog gi dkyil 'khor du/ /de la sogs pa'i mtshan rnams kyis/ /dkyil 'khor rnams ni go rim bzhin/ /sa bon rnams dang bcas par bya/ /gzhan yang mchog sbyin rdo rje yi/ /dkyil 'khor nan tan mnyan par gyis/ /kun tu gru bzhi lham pa la/ /rdo rje'i mtshan mas mtshan pa ste/ /de yi dbus su bya ba ni/ /dkyil 'khor me las byung ba'o/ /de dbus phyag rgya gzhag pa ni/ /ut+pal zhes bya gzugs bzang ba/ /'jam </font><hr>268a<br><font size=+1>


@#/ /dbyangs blo dang ldan pa yi/ /rang gi sngags kyis gzi bskyed pa'o/ /de yi gnas ni cho ga bzhin/ /rang gi sa bon nyid kyis btab/ /tha ma kho ra khor yug tu| |ut+pal rnams kyis khebs par bya/ /de yi dbus su bri ba ni/ /dpa' bo 'di rnams go rim bzhin/ /de la dra ba can gyi 'od kyi phyag rgya ni/ lcags kyu'o/ / gzhon nu rin chen cod pan gyi ni/ rin po che'o/ /gzhon nu dri med 'od kyi ni/ ut+pa la kha ma phye bar bya'o/ /'jam dbyangs blo dang ldan pa yi/ /mngag gzhug mar ni gang grags pa/ /de rnams kyi ni 'jigs med pas/ /ji ltar rigs par shes bya ba/ /skra can gyi ni phyag rgya ni/ /ral gri yin par shes par bya/ /nye skra can gyi mdung rtse gsum/ /sna tshogs ma'i ni dbyug par bshad/ /nor ldan ma'i ni rgyal mtshan gsungs/ /'gugs ma yi ni lcags kyu yin/ /de dag thams cad ut+pa la'o/ /mtshan ma dag gis mtshan par bya/ /ji skad gsungs pa'i phyag brnyan ma/ /de dag phyag rgya gang gi ni/ /lho yi phyogs su nan tan du/ /sgrib pa rnam sel brtson 'grus che/ /phyag rgya legs par bri ba ni/ /yid bzhin nor bu zhes bya ba/ /me yi dkyil 'khor nang na 'dug /'khor dang bcas pa go rim bzhin/ / </font><hr>268b<br><font size=+1>


'khor rnams kyi ni rgyas pa ru/ /phyag rgya 'di rnams shes pa ru/ /ngo mtshar can gyi phyag rgya ni/ /bum pa'i steng na rdo rje rtse gcig pa'o/ /mi 'jigs pa sbyin pa'i ni/ /mi 'jigs pa sbyin pa'i lag pa'o/ /ngan song thams cad spong ba'i ni/ lag pa mas yar gyen du 'dren pa lta bur byas pa'o/ /skyong sems blo gros kyi ni/ /snying rje'i lag pa brang du bzhag pa'o/ /byams pa chen po gyen du 'byung ba'i ni/ me tog 'dzin pa'i lag pa'o/ /blo can snying rjes gdungs pa'i ni/ lag pa snying gar bzhags la gung mo nang du bkug pa'o| |gdung ba thams cad zhi bar byed pa'i ni/ lag pa mchog sbyin pa'i sor mo rnams las chu'i rgyun 'dzag pa'o/ /blo gros bsam gyis mi khyab pa dang ldan pa'i ni/ lag par yid bzhin nor bu thogs pa'o/ /de dag thams cad kyang pad+ma la gnas shing dkyil 'khor gyi nang du chud par bya'o/ /byang phyogs su sa'i snying po'i phyag rgya ni/ dbang chen dkyil 'khor nang gnas pa/ /stan ni snga ma bzhin du bzhag /de'i steng pad+ma chen po ste/ /kha dog kun ldan 'bar bar bcas/ /de'i steng ba dan chen po ste/ /rtse la rin chen chen po gzhag /de ni gzugs kyi mchog yin te/ /phyag rgya'i gzugs su 'dir bshad do/ /de yi 'khor ni grangs med pa/ /gtso bo yon tan mtha' yas te/ /de la de </font><hr>269a<br><font size=+1>


@#/ /rnams phyag rgya yang / /nan tan bskyed de bri ba ni/ /rin chen 'byung gnas kyi phyag rgya ni/ rdo rje rtse gsum pa rin po che'i steng na 'dug pa'o/ /rin chen lag gi ni/ /rdo rje rtse gcig pa rin po che'i steng na 'dug pa'o/ /sa 'dzin gyi ni/ rdo rje kha gnyis pa rin po che'i steng na 'dug pa'o/ /phyag na rin chen gyi phyag rgya ni/ rdo rje rtse lnga pa rin po che'i steng na 'dug pa'o/ /bsam pa brtan pa'i ni/ rdo rje rgya gram rin po che'i steng na 'dug pa ste/ phyag rgya thams cad kyang dkyil 'khor gyi nang du chud par bya'o/ /nub phyogs su nam mkha'i snying po'i phyag rgya ni/ chu yi dkyil 'khor yid 'ong bar/ /pad+ma dkar po'i stan chen la/ /de'i dbus ral gri bzhag pa ni/ /so ni shin tu rno ba'i mchog /rang gi sa bon rnams kyis btab/ /mkhas pas der ni gzhag par bya/ /de yi 'khor rnams bri ba ni/ /phyag rgya'i gzugs rnams go rim bzhin/ /de la nam mkha' dri med kyi phyag rgya ni/ rlung gi dkyil 'khor gyi dbus su 'khor lo'i mtshan ma dang bcas pa'o/ /nam mkha' blo gros kyi phyag rgya ni/ rlung gi dkyil 'khor gyi dbus na dung ngo / /rnam par dag pa'i blo gros kyi phyag rgya ni/ pad+ma dkar po rlung gi dkyil 'khor gyi dbus na 'dug pa'o/ /spyod pa'i blo gros kyi phyag rgya ni/ rlung gi dkyil 'khor gyi dbus </font><hr>269b<br><font size=+1>


na dung gi steng du ut+pa la bzhag pa'o/ /blo brtan gyi phyag rgya yang rlung gi dkyil 'khor gyi dbus na rdo rje pad+ma'i steng na 'dug pa'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ /gsang ba'i dkyil 'khor rim par phye ba rgyas pa'o// //de nas yang bcom ldan 'das kyis gsang ba'i dkyil 'khor du 'jug pa'i cho ga gsungs pa/ kun tu brlabs pa'i sngags pa ni/ /gsang ba'i dkyil 'khor la mkhas pas/ / de tshe slob ma'i sdig pa kun/ /cho ga bzhin du bsreg par bya/ /ci nas slar yang mi skye bar/ /de yi 'tsho ba'ang bsreg par bya/ /bsregs te thal bar gyur nas kyang| /de ni slar yang gso bar bya/ /yi ge yis ni mi 'gyur bsreg /'tsho bas slar yang gso bar bya/ /'tsho bas thams cad gsos nas ni/ /kun tu dag cing dri ma med/ /yan lag bcu gnyis tshig rnams ni/ /de yi mod la dgod par bya/ /byang chub sems dpa' skyob pa rnams/ /sangs rgyas rnams kyi dam tshig 'di/ /sangs rgyas rnams dang nyan thos dang / /'jig rten rnams kyis bkur ba yin/ /gsang ba'i dkyil 'khor dbus gnas pa'i/ /dam tshig 'di ni </font><hr>270a<br><font size=+1>


@#/ /sus rig pa/ /rgyud rnams kun tu zhugs pa dang / /dkyil 'khor kun la dbang ba yin/ /sngags 'chang de ni nga dang 'dra/ /dam tshig ces ni gzhan mi bya/ /gsang ba'i dkyil 'khor du 'jug pa rim par phye ba'o// //de nas bcom ldan 'das rnam par snang mdzad kyis thams cad dang ldan pa'i 'khor gyi dkyil 'khor la gzigs nas byang chub sems dpa' phyag na rdo rje la bka' stsal ba/ gsang ba pa'i bdag po/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams cho ga gang dag gis bdag nyid lha'i gzugs su brtan par gyur par shes pa dang / shes rab kyang rang gi lha'i tshul du gnas nas dngos grub thob par 'gyur ba gsang ba'i phyag rgya brgyad po gsang ba dang bcas pa/ lha'i gnas byin gyis rlob par 'gyur ba/ rang gi gsang sngags kyis mtshan pa/ dkyil 'khor dang ldan pa rang gi lha'i rnal 'byor du bya ba yod de/ phyag rgya brgyad po de yang gang zhe na/ /lag pa gnyis khong stong du sbyar la mthe'u chung gnyis dang mdzub mo gnyis 'bar ba lta bur 'gyed do/ /bcom ldan 'das nyid kyi gzi brjid 'byung ba'i phyag rgya ste/ de'i dkyil 'khor ni/ gru </font><hr>270b<br><font size=+1>


gsum pa sum mdo'i ris mtshan can 'bar ba dang bcas pa'o/ /gsang sngags ni/ na maHsa man+ta bud+d+hA nAM/ ra ra swAhA/ phyag rgya de nyid las mdzub mo gnyis bkug ste mthe bo'i steng du ba dan lta bur gzung ngo / /bcom ldan 'das nyid kyi rdo rje mi shigs pa'i phyag rgya ste/ dkyil 'khor ni/ yi ge 'bar ba 'dra ba rdo rje 'bar ba dang bcas pa'o/ / gsang sngags ni/ na maH sa man+ta bud+d+hA nAM/ baM ba swAhA/ phyag rgya de nyid las gung mo dang srin lag gnyis brkyang la lhag ma rnams snga ma bzhin du gzhag go/ pad+ma'i sbubs kyi phyag rgya ste/ dkyil 'khor ni/ zla ba'i dkyil 'khor 'dra ba pad+ma'i mtshan mas mtshan pa can no/ /gsang sngags ni/ na maHsa man+ta bud+d+hA nAM/ saM sa swAhA/ phyag rgya de nyid las mthe'u chung gnyis 'og tu gzhug go /sangs rgyas kyi gsung dbyangs bkod pa'i rgyan gyi phyag rgya ste/ dkyil 'khor ni/ zla ba kham pa lta bu ba dan dang bcas pa klad kor haM gnyis pas mtshan pa'o/ /gsang sngags ni/ na maH sa man+ta bud+d+hA nAM/ haM ha swAhA/ de bzhin du lag pa gnyis thal mo khong stong du sbyar la mthe bong gnyis so sor phye ste lhag ma rnams cung zad tsam snyim pa lta bur bya'o/ /'di ni/ bcom ldan 'das kyi yan lag thams cad 'byung ba'i phyag rgya ste/ dkyil 'khor ni/ bum pa zla ba dang 'dra ba rdo rjes mtshan </font><hr>271a<br><font size=+1>


@#/ /pa'o| |gsang sngags ni/ na maHsa man+ta bud+d+hA nAM/ aM a swAhA/ phyag rgya de nyid las gung mo gnyis bkug la lhag ma rnams de bzhin du gzhag go/ 'di ni| bcom ldan 'das kyi gzungs kyi phyag rgya ste/ de'i dkyil 'khor ni/ 'ja' 'dra ba/ mtshan ma thams cad dang ldan pa/ rdo rje'i ba dan 'phyar ba'o/ /gsang sngags ni/ na maHsa man+ta bud+d+hA nAM/ bud+d+ha d+ha rA Ni smr-i ti ba la d+ha ra NI ka ri d+ha ra d+ha ra/ d+hA ra ya d+hA ra ya/ sarbaM b+ha ga ba te/ a kA rA bA ti a sa me swAhA/ phyag rgya de nyid las gung mo gnyis phyung ste mthe'u chung gnyis gung mo gnyis kyis bkug la spyi bor sbyar ro/ /'di ni/ bcom ldan 'das kyi chos gnas pa'i phyag rgya ste/ dkyil 'khor ni/ nam mkha'i kha dog thams cad dang ldan pa klad kor gnyis kyis mtshan pa'o/ /gsang sngags ni/ na maHsa man+ta bud+d+hA nAM/ a be da bi di a swAhA| phyag rgya de nyid las gung mo gnyis phan tshun bsnol mar gzung ngo / /'di ni/ bcom ldan 'das kyi rnal 'byor 'dzin pa'i phyag rgya ste/ de'i dkyil 'khor ni/ nam mkha' ste/ khyad par du sngo la klad kor can snyems pa dang bcas pa'o/ /gsang sngags ni/ na maHsa man+ta bud+d+hA nAM/ ma hA yo ga yo ga ni yo ga shwa ra/ kha dzi ri ke </font><hr>271b<br><font size=+1>


swAhA/ gsang ba pa'i bdag po/ 'di dag ni/ gsang ba'i phyag rgya ste/ de bzhin gshegs pa rnams kyi rab tu gsang ba yin gyi/ dbang bskur ba dang / cho rigs btsun pa dang / spro ba can dang / yi dam la brtan pa dang / bla ma la gus pa dang / byas pa gzo ba dang / gtsang sbra che ba dang / bdag gi lus dang srog la yang mi lta ba ma gtogs pa gzhan su la yang ma sbyin cig /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las /gsang ba'i phyag rgya brgyad pa rim par phye ba'o// //de nas bcom ldan 'das rnam par snang mdzad chen po de'i tshe ma 'ongs pa'i 'gro ba rnams la gzigs nas thams cad kyi rjes su 'jug pa zhes bya ba'i ting 'dzin la snyoms par zhugs so/ /bcom ldan 'das snyoms par zhugs ma thag tu de nas 'di ltar sangs rgyas kyi zhing 'di lag mthil bzhin du mnyam par gnas shing sgo khyud dang / rta babs rin po che sna lnga las rab tu rnam par spras pas brgyan pa/ ba dan kha dog du ma dang ldan pa bsgreng bas rgya che ba/ rin po che chen po'i bla re bres pa/ rin po che'i dril bu dang / rnga ma dkar po dang / dar dang gos mang pas dpyangs pa/ rin </font><hr>272a<br><font size=+1>


@#/ /po che'i ka ba phyogs brgyad du btsugs pa/ pad+ma'i mtshe'u chu dri zhim po yan lag brgyad dang ldan pas yongs su gang ba dang / ngang pa dang / dur pa dang / bzhad kyi sgra grag pa/ dus thams cad pa'i me tog sna tshogs kyi shing ljon pas phyogs brgyad du brgyan pa/ rin po che sna lnga'i phreng ba dang srad bus legs par bskor ba/ sa gzhi ka tsa rin \?\ da 'jam po ltar reg na bde zhing rab tu 'jam pa/ rnga sgra dang sil snyan gyi sgra yid du 'ong zhing snyan pa rnam pa du ma grag pa/ byang chub sems dpa' mang po'i bsod nams kyis bsags pa'i stan dang / khang pa dang / gzhal med khang yid las byung ba dang ldan par gyur to/ /pad+ma'i rgyal po chen po de bzhin gshegs pa'i mos pa las byung ba chos kyi dbyings rtogs pa'i mtshan mas mtshan pa yang byang bar gyur to/ /de'i dbus na de bzhin gshegs pa'i sku chos kyi dbyings la gzhol ba/ sems can gyi khams bsam pa dang mos pa ji lta ba bzhin du mgu bar mdzad pa bzhugs te/ de bzhin gshegs pa de'i yan lag thams cad nas sku cis kyang mi tshigs pa'i stobs dang ldan pa/ stobs bcu la mos pa las byung ba/ kha dog dang dbyibs rnam pa du mas bdag gi sku brgyan </font><hr>272b<br><font size=+1>


pa| bskal pa bye ba khrag khrig brgya stong du mar sbyin pa dang / tshul khrims dang / bzod pa dang / btson 'grus dang / bsam gtan dang / shes rab kyi pha rol tu phyin pa'i bsod nams kyis rnam par bskyed pa dag byung bar gyur to/ /de dag byung nas thams cad dang ldan pa'i 'jig rten gyi khams rnams su sgra mngon par go bar mdzad cing ched du gleng ba 'di glengs so/ /e ma'o sangs rgyas thams cad kyi/ /shes rab thabs ni bsam mi khyab/ /gnas med pa ni rtogs gyur nas/ /gnas dang bcas pa'i chos kyang 'chad| |gang dag gis ni chos rnams kyi/ /chos kyi mtshan nyid rnyed med pa/ /shes pa des ni 'dren kun gyis/ /gang brnyes rnyed pa thob par 'gyur/ /de dag gis ched du gleng ba ched du glengs nas de dag slar yang de bzhin gshegs pa'i chos kyi sku bsam gyis mi khyab pa la zhugs so/ /de nas bcom ldan 'das kyis byang chub sems dpa' phyag na rdo rje la bka' stsal pa/ rigs kyi bu/ nang gi dkyil 'khor nyon cig /gsang ba pa'i bdag po/ lus kyi sa gzhi gang yin pa de chos kyi dbyings kyi rang bzhin gyi sngags dang phyag rgyas byin gyi rlabs kyis byin du brlab par bya ste/ rang bzhin gyis rnam par dag pa'i phyir ro/ /de nas bdag las kyi rdo rje sems dpar byin gyis brlabs te rdul thams cad dang </font><hr>273a<br><font size=+1>


@#/ /bral ba| bdag dang / sems can dang / srog dang / gso ba dang / shed can dang / shed las skyed pa dang / byed pa po la sogs pa'i zug rdu'i skyon dang bral ba la gru bzhi la sgo bzhi dang ldan pa/ nub phyogs kyi sgo rtag tu phye ba/ sgo khyud dang stegs bus brgyan pa'i dbus na pad+ma'i rgyal po chen po yid las byung ba/ 'dab ma brgyad pa sdong bu dang bcas pa/ ze ba rgyas shing shin tu mdzes par 'byung ba de'i dbus na yang de bzhin gshegs pa'i sku dang / gsung dang / thugs 'jig rten thams cad las 'das pa/ sems kyi sa las yang dag par 'das pa/ sems kyi sa rjes su thob pa/ 'dod pa'i 'bras bu khyad par can stsol bar bsam mo/ /de'i shar phyogs su de bzhin gshegs pa rin po che'i tog go /lho'i phyogs su de bzhin gshegs pa me tog kun tu rgyas pa'i rgyal po'i dbang po'o/ /byang phyogs su de bzhin gshegs pa rnga dbyangs can no/ /nub phyogs su de bzhin gshegs pa 'od dpag tu med pa'o/ /shar lho'i mtshams su byang chub sems dpa' kun tu bzang po'o/ /byang shar gyi mtshams su spyan ras gzigs kyi dbang phyug go /lho nub kyi mtshams su 'jam dpal gzhon nur gyur pa'o/ /nub byang gi mtshams su byams pa'o/ /ze ba kun la ni/ byang chub </font><hr>273b<br><font size=+1>


sems dpa'i yum dang / pha rol tu phyin pa drug dang / ting nge 'dzin rnams bri'o/ /de'i 'og tu rig sngags dang khro bo'i tshogs rnams bri'o/ /sdong bu la ni/ phyag na rdo rje'o/ /lhag ma rnams ni/ rgya mtsho chen po'o/ /mar me me tog bdug spos dang / /bshos dang bdug pa yid las byung / /lus can rnams kyi dam tshig phyir/ /thams cad sngags pas bsam par bya| |'og gi sa gzhi thams cad la/ /lha la sogs pa grangs med pa'ang / /bdag nyid chen po'i dkyil 'khor 'dir/ /sngags pas nan tan bskyed de bri/ /rang gi lus ni bdag nyid kyis| |ra zhes bya bas rnam sbyangs nas/ /sngags pa rnal 'byor stan la 'dug /de bzhin gshegs pa rjes dran zhing / /slob ma rnams kyi spyi bor ni/ /klad kor bcas pa'i a bzhag ste/ /'jigs pa med pa'i bdag lus la/ /de nas me tog 'dor du gzhug /brtags nas de la bstan par bya/ /yang na de la rig sngags sbyin/ / lus can rnams kyi dam tshig phyir/ /'di ni dkyil 'khor gtso bor 'dod/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ gsang ba'i dkyil 'khor du gzud pa la 'jug pa'i rim par phye ba rgyas pa'o// //de nas bcom ldan 'das rnam par snang </font><hr>274a<br><font size=+1>


@#/ /mdzad la phyag na rdo rjes gsang sngags kyi sgo nas byang chub sems dpa'i spyad pa spyod pa rnams kyi don du tshigs su bcad pa'i dbyangs kyis rig sngags kyi brtul zhugs zhus pa/ ji ltar brtul zhugs spyad pa lags/ /tshul khrims la gnas ji lta bu/ /gang na ji ltar gnas kyang rung / /ma chags par ni ji ltar spyod/ /dus ni ji srid lon gyur na/ /brtul zhugs yongs su rdzogs par 'gyur/ /de mthu ci lags 'tshal bar bgyi/ /gnas ni gang du bgyi ba lags/ /dus dang yul dang bya ba las/ /chos dang chos min rnam par spangs/ /de ni ji ltar myur du 'gyur/ /tshad kyang 'dren pas bka' stsol cig /gang gis dngos grub thob 'gyur ba/ /sangs rgyas rnams kyis sngon bstan pa/ /ma 'ongs 'gro ba'i don gyi phyir/ /rdzogs pa'i sangs rgyas rkang gnyis gtso/ /thams cad mkhyen la bdag zhu ba/ /rgyal ba'i gtso bo dbang du bzhugs/ /de skad gsol nas gsungs so/ /lag na rdo rje mthu bo che/ /sems dpa' chen po rnams la brtse ba'i phyir/ /'di skad kyi ni tshig gsungs so/ /lag na rdo rje mthu bo che/ /sems dpa' chen po dpa' bo legs/ /sngon gyi sangs rgyas kyis gsungs pa'i/ / brtul zhugs dam pa bstan par bya'o/ /'jig rten la ni phan byed pa'o/ /dngos grub gang gis 'thob 'gyur ba/ /rig pa'i brtul zhugs las byung ba'i/ /brtul zhugs sangs rgyas </font><hr>274b<br><font size=+1>


bzhin du gnas/ /bdag gis de nyid bskyed nas ni/ /rtag tu the tshom med pa'i yid/ /gang tshe rtag tu mnyam bzhag pa/ /de tshe brtul zhugs spyod pa yin/ /byang chub sems dang chos rnams dang / /bslag dang las dang 'bras bu gang / /mtshan nyid gcig tu ldan gyur cing / /las dang bya ba rnam spangs pa'i/ /tshul khrims sangs rgyas bzhin shes bya/ /tshul khrims ldan zhes gzhan mi bya/ /chos rnams kun la dbang thob cing / /sems can don rtogs khong du chud/ /gser dang bong rdo mnyam gyur na/ /de ni myur du ma chags spyod/ /gsang sngags kyi ni grangs dag las/ /'bum grangs ji snyed bstan/ gyur pa| |dus ni de srid lon gyur na/ /brtul zhugs yongs su rdzogs par 'gyur/ /dbang chen gyi ni dngos po yis/ /dbang chen dkyil 'khor la gnas te/ /rdo rje can gyi rgya bcings la/ /zas su rtag par 'o ma 'thung / /srog dang rtsol ba rab bsdams nas/ /sngags pas zla ba gcig tu bzlas/ /de nas zla ba gnyis pa la/ /chu yi dkyil 'khor dang ldan par/ /pad+ma'i phyag rgya bcings nas su/ /de che zas su chu 'thung ngo / /de nas zla ba gsum pa la/ /me yi ngos la gzhol byas te/ /ma bslangs pa yi zas za zhing / /ral gri phyag rgya dang ldan pas/ /lus dang ngag yid las byung ba'i/ /sdig pa thams cad bsreg par bya/ /bzhi la rlung dang ldan byas te/ /zas su rtag tu rlung bza' 'o/ /de nas 'khor lo'i rgyas bcings la/ /mnyam par bzhag ste gsang sngags bzlas/ /dbang chen dang ni </font><hr>275a<br><font size=+1>


@#/ /chu'i ngos la/ /rnal 'byor gzhol pa 'dug nas su/ /zla ba yar gyi ngo la ni/ /de nas zla ba lnga pa la/ /rnyed dang ma rnyed rnam spangs te/ /sngags pa kun tu chags med na/ /rdzogs pa'i sangs rgyas bzhin du 'gyur/ /rlung dang mer ni ldan byas nas/ /nyes pa kun dang rnam bral zhing / /rnyed dang ma rnyed spangs te/ /zla ba gzhan la bzlas brjod bya/ /brgya byin tshangs la sogs pa'i lha/ /sha za lto 'phye srin po rnams/ /rgyang ring nas ni phyag 'tshal zhing / /thams cad srung ba'ang byed par 'gyur/ /de dag thams cad bka' nyan cing / /de yi bka' bzhin byed par 'gyur/ /sman dang mi dang lha rnams dang / /rig sngags rnams dang gsang sngags kun/ /ci dag bgyi zhes tshig smra zhing / /de yi drung na 'khod par 'gyur/ bgegs dang log 'dren ma rungs dang / /srin po dang ni ma mo rnams/ /gsang sngags 'dzin pa mthong ba'i tshe/ /rgyang ring nas ni phyag 'tshal 'gyur/ /rig pa'i brtul zhugs la gnas pa'i// sngags shes gang na 'dug pa yi/ /gnas de rab tu 'jigs pa yi/ /me ltar 'bar zhing 'jigs par 'gyur/ /dbang phyug go 'phang thams cad 'thob/ /das pa rdzogs pa'i sangs rgyas bzhin/ /dpal ldan gdul dka' 'dul ba po/ /rdo rje 'dzin chen dka' thub can/ /sems can kun la phan byed pa/ /snying rje 'jig rten dbang po bzhin/ /zla ba drug rnams 'das gyur na/ / </font><hr>275b<br><font size=+1>


'dod pa'i dngos grub 'bras bu 'thob/ /bdag nyid dang ni gzhan la yang / /rtag par rjes su phan par byed/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ /rig sngags kyi brtul zhugs rim par phye ba rgyas pa'o// //de nas yang bcom ldan 'das la phyag na rdo rjes yang gsang sngags rnams dang / dkyil 'khor rnams kyi snying po zhus pa/ gsang sngags kun gyi snying po gang / /ci zhig 'tshal nas slob dpon 'gyur/ /de skad gsol nas bcom ldan 'das/ /de tshe rnam snang mdzad chen gyis/ /rdo rje 'dzin la bka' stsal pa| |sems dpa' chen po legs so legs/ /ye shes gsang bas ches gsang zhing / /gsang sngags ye shes cher 'byung ba/ /bu khyod la ni bshad par bya'i/ /ma yengs yid kyis mnyan par gyis/ /a ni gsang sngags thams cad kyi/ /snying po yin par yang dag bshad/ /'di las byung ba'i gsang sngags ni/ /grangs med par ni 'byung bar 'gyur/ /spros pa thams cad zhi ba yi| |ye shes mtha' dag skye bar 'gyur/ /gsang ba pa'i bdag po/ ji ltar na a zhes bya ba gsang sngags thams cad kyi snying po yin zhe na/ rdzogs pa'i sangs rgyas rkang gnyis gtsos/ /a ni gtso bo yin par gsungs/ /de bas 'di kun thams cad de/ /yan lag kun la rnam par gnas/ /yan lag rnams kyang ci rigs par/ /rtag par kun tu rig par gyis/ /yi ge rnam </font><hr>276a<br><font size=+1>


@#/ /kyis thams cad khyab/ /yi ge rnams kyang de yis khyab/ /yi ge rnams las sgra 'byung ba/ /cha dang cha las byung ba'o/ /de bas 'di kun thams cad de/ /lus ni sna tshogs las byung ba'o/ /de yi dgod pa yang dag bstan/ /snying po dag ni des pas nyon/ /snying gar snying po bzhag nas ni/ /yan lag rnams la yan lag 'gong / /blo ldan rnal 'byor stan 'dug ste| |bdag lus rdzogs sangs rgyas kyi skur/ /byas nas de bzhin gshegs pa rnams/ /dran par byas te 'di kun byas/ /gang gis ye shes rgya chen de'i/ /cho ga bzhin du shes gyur na/ /de tshe sangs rgyas mthu chen gyis/ /de ni slob dpon yin par bshad/ /de bas de nyid de bzhin gshegs/ /de nyid rdzogs sangs rgyas zhes bya/ /sangs rgyas byang chub sems dpa' dang / /tshangs dang khyab 'jug dbang phyug che/ /nyi ma zla ba chu lha dang / /brgya byin nyid dang skye rgu'i bdag /dus dang gshin rje'ang de nyid de/ /sa yi lha dang dbyangs can de/ /bram ze dang ni khrus byed nyid/ / tshangs par spyod pa zhes kyang bya/ /dge slong dpal ldan zag pa zad/ /gsang ba thams cad 'dzin pa po/ /thams cad mkhyen dang thams cad gzigs/ /chos kun dbang phyug gtso bo ste/ / gang zhig byang chub sems brtan cing / /sgra shes pa ni lhur len gang / /chos rnams kun la ma chags pa/ /rnam pa kun tu kun shes bya/ /yi ge'i 'khor lo thams cad ni/ /gang gi lus </font><hr>276b<br><font size=+1>


la rnam gnas pa/ /de ni sngags pa gsang sngags 'chang / /dpal ldan sngags rgyal rdo rje 'dzin/ /smin mtshams dbus su yi ge hUM/ /rdo rje can gyi gzhi yin no/ /brang du yi ge sa zhes bya/ /phyag na pad+ma'i gzhi zhes bya/ /nga ni snying ga'i gnas bzhag pa/ /kun gyi rje ste dbang phyug yin/ /rgyu dang mi rgyu sna tshogs pa/ /mtha' dag ngas ni rab tu khyab/ /a zhes bya ba srog gi mchog /ba zhes bya ba tshig tu bshad/ /ra zhes bya ba me zhes brjod/ /hUM zhes bya ba khro bor bshad/ /kha ni nam mkhar shes par bya/ /klad kor ster ba'i mchog ces bya/ /gang shes slob dpon zhes bya ba/ /'di ni yang dag dam pa yin/ /de bas rnam pa thams cad du/ /rdzogs sangs rgyas sngags shes 'di la/ /rtag tu brtson par byas na ni/ /'chi 'pho med pa'i go 'phang 'thob/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ slob dpon gyi de kho na nyid ces pa rim par phye ba'o// // yi ge ji ltar dgod pa dang / /rdzogs sangs rgyas kyis legs bstan pa/ /de bas kun tu mnyan par gyis/ /ka ni lkog mar shes par bya/ /kha ni rkan la gzhag par bya/ /ga ni mgrin par shes par bya/ /g+ha ni mgul ba'i gnas su gzhag /tsa ni lce la gzhag par bya/ /tsha ni lce yi dbus su gzhag /dza ni lce yi rtse mo la/ /zha ni lce yi rtsa ba la/ /Ta ni byin par shes par bya// </font><hr>277a<br><font size=+1>


@#/ /Tha ni bral la gzhag par bya/ /Da ni rked par shes par bshad/ /D+ha ni rkang pa gnyis la gzhag /ta ni chu sor gzhag phar bya/ /tha ni lto bar shes par bya| |da ni mchan khung gnyis su gzhag /b+ha ni rtsibs logs gnyis su gzhag /pa ni rgyab tu shes par bya/ /pha ni brang du shes par bya/ /ba ni dpung mgo gnyis su gzhag b+ha ni lag pa gnyis la'o/ /ma ni yid kyi gnas su ste/ /de tshe tshul bzhin shes par bya/ /ya ni pho mtshan yin zhes gsungs/ /re ni nam tshong yin par bshad/ /la ni rgya chen shes bya ba/ /skyob pa de yi dpral ba yin/ /i I mig gnyis yin shes bya/ /u U mchu gnyis yin par bshad/ /e e rna ba gnyis shes bya/ /o au 'gram pa gnyis su 'dod/ /aM naM rdzogs sangs rgyas pa'i gnas/ /AHni mya ngan 'das pa yin/ /cho ga bzhin du kun shes nas/ /brtul zhugs mchog gis sangs rgyas byos/ /thams cad mkhyen pa'i nor gyi dbyig /gang gi snying la rtag gnas pa/ /'jig rten na ni de kun shes/ /des bas thams cad mkhyen pa bzhin/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge dgod pa rim par phye ba rgyas pa'o// //de nas gzhan yang bcom ldan 'das la gsang ba pa'i </font><hr>277b<br><font size=+1>


bdag po phyag na rdo rjes 'di skad ces gsol to/ /bcom ldan 'das/ byang chub sems dpa' sems dpa' chen po rnams kyi bslab pa'i gzhi thabs dang shes rab kyis yongs su zin pa gang dang ldan na/ byang chub sems dpa' sems dpa' chen po rnams the tshom dang yid gnyis ma mchis shing 'khor ba na 'khor ba'i tshe nyams par mi 'gyur ba dag bshad du gsol| de skad ces gsol pa dang / bcom ldan 'das rnam par snang mdzad kyis de bzhin gshegs pa'i spyan gyis chos kyi dbyings thams cad la gzigs nas gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ byang chub sems dpa'i spyad pa'i tshul la mkhas pa bstan pa gang la gnas na/ byang chub sems dpa' sems dpa' chen po rnams theg pa chen po rtogs par khong du chud par 'gyur ba de nyon cig /gsang ba pa'i bdag po/ de la byang chub sems dpa' srog gcod pa dang / ma byin par len pa dang / 'dod pas log par g.yem pa las slar ldog par bya'o/ /brdzun du smra ba dang / ngag rtsub po dang / phra ma zer ba dang / tshig khyal pa smra ba las slar ldog par bya'o/ /brnab sems dang / gnod sems dang / log par lta ba las slar ldog par bya'o/ /gsang ba pa'i bdag po/ gang la bslabs na/ sangs rgyas bcom ldan </font><hr>278a<br><font size=+1>


@#/ /'das rnams dang / byang chub sems dpa' rnams dang spyod pa mtshungs par bslab par 'gyur ba byang chub sems dpa'i bslab pa ni/ 'di dag yin no/ /de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das kyis nyan thos kyi theg pa la yang dge ba bcu'i las kyi lam 'di rnams bshad/ bcom ldan 'das/ 'jig rten pa mu stegs byed rnams kyang dge ba bcu'i las kyi lam 'di rnams yang dag par blangs te 'dug na/ bcom ldan 'das/ 'di la khyad par ni ci zhig mchis/ tha dad du bgyi ba ni ci zhig mchis/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ legs so legs so/ /gsang ba pa'i bdag po/ khyod kyis gang de bzhin gshegs pa la don 'di zhus pa ni/ gsang ba pa'i bdag po/ khyod yang legs so/ /gsang ba pa'i bdag po/ de'i phyir rab tu rnam par dbye ba'i tshul dang tshul gcig tu bstan pa'i chos kyi rnam grangs bstan gyi/ nyon cig /gsang ba pa'i bdag po/ de la ngas gang nyan thos rnams la bslab pa bstan pa gang yin pa de ni/ thabs dang shes rab tu mi ldan pa bka' grub par byed pa phyogs </font><hr>278b<br><font size=+1>


gcig shes pa rtogs pa ste/ de bas na/ de dag dang dge ba bcu'i las kyi lam de dag mtshungs par mi 'gyur ro/ /'jig rten pa rnams ni/ bdag gi dngos po la mngon par zhen pa dang / gzhan gyi rkyen gyis 'jug go /theg pa chen pos 'gro ba'i byang chub sems dpa' rnams ni/ chos thams cad kyi mnyam pa nyid la 'jug par bya ba'i phyir gzhan gyi dring mi 'jog cing thabs dang shes rab kyis yongs su zin par bdag dang gzhan dang gnyi ga'i don byed pa la 'jug go /de bas na gsang ba pa'i bdag po/ byang chub sems dpa' sems dpa' chen pos shes rab dang thabs kyis yongs su zin par chos thams cad la 'jug pa'i phyir brtson par bya'o/ /de nas bcom ldan 'das kyis byams pa chen po dang / thugs rje chen po'i spyan gyis sems can gyi khams rnams la gzigs nas byang chub sems dpa' phyag na rdo rje la bka' stsal pa/ de la byang chub sems dpas ched du bsams te srog gcod pa las slar ldog par bya'o/ /dbyug pa spangs zhing 'khon du 'dzin pa spang bar bya'o/ /des bdag la ji lta ba bzhin du gzhan gyi srog kyang bsrung bar bya'o/ / gzhan dun gang zag de lta bu dang / dngos po de lta bu la bdag gis sdig pa khas blangs la las de bya ba ni/ ma gtogs te/ de yang 'khon du 'dzin pa med cing snying rjer gyur pa'i </font><hr>279a<br><font size=+1>


@#/ /yid kyis bya'o/ /ma byin par len pa las slar ldog par bya ste/ des gzhan gyis yongs su bzung ba'i longs spyod la chags pa bskyed par yang mi bya na| gzhan gyi longs spyod la ma byin par len pa lta smos kyang ci dgos/ gzhan du na sems can gang dag ser sna can 'jungs pa/ sbyin pa mi byed cing bsod nams mi byed pa de dag mthong na/ gang zag de lta bu dag la ser sna spangs pa'i phyir bya ba ni/ ma gtogs te/ bdag gis kyang de la chags pa'i sems med par de'i ched du sbyin pa sbyin par bya'o/ /dus dus su sbyin pa'i bsngags pa brjod par bya'o/ /gal te byang chub sems dpa' de la chags pa'am 'dod pa'i sems bskyed par gyur na/ gsang ba pa'i bdag po/ de la byang chub sems dpa' byang chub kyi yan lag las nyams pas chos 'dul ba las bcos su med pa'i ltung bar 'gyur bar rig par bya'o/ /'dod pas log par g.yem pa las slar ldog par bya ste/ des gzhan gyis yongs su bzung ba'i chung ma dang / rigs dang / mtshan ma dang / chos kyis bsrungs pa rnams la chags sems kyang bskyed par mi bya na/ yan lag ma yin par spyod pa'am/ dbang po gnyis sprod pa lta smos kyang ci dgos/ gzhan du na dngos po de lta bu dag la bya ba ni/ ma </font><hr>279b<br><font size=+1>


gtogs so/ /brdzun du smra ba las slar ldog par bya ste/ des ched du bsams te gang gis sangs rgyas kyi byang chub bslus par 'gyur ba'i tshig srog gi phyir yang smra bar mi bya'o/ /'di ltar sangs rgyas kyi byang chub las 'da' bar 'gyur ba de ni/ gsang ba pa'i bdag po/ byang chub sems dpa' theg pa chen po la gnas pa'i rdzun chen po yin no/ /gsang ba pa'i bdag po/ rnam grangs des kyang khyod kyis 'di ltar bden pa'i tshig yongs su mi gtang bar rig par bya'o/ /gsang ba pa'i bdag po/ gzhan yang tshig rtsub mo las slar ldog par bya ste/ des sems can rnams la mnyan pa dang / 'jam pa dang / yid la 'bab pa'i tshig de lta bu'i tshig smra bar bya'o/ /de ci'i phyir zhe na/ gsang ba pa'i bdag po/ 'di lta ste/ byang chub sems dpa' sems can thams cad kyi don bya ba'i thog mar 'gro ba ni/ tshig 'jam pa yin pa'i phyir ro/ /gzhan du na sems can 'gro ba mi bzad pa'i rgyu can rnams la gnas de dang de dag tu byang chub sems dpa'i tshig rtsub por smra ba ni/ ma gtogs so/ /gsang ba pa'i bdag po/ gzhan yang phra mar smra ba las slar ldog par bya ste/ des na ci nas kyang dben du mi 'gyur ba dang / gnod par mi 'gyur ba de ltar bsgrub par bya'o/ /byang chub sems dpa' rnams ni/ sems can dbye ba la zhugs pa ma yin no/ /gzhan du na sems can rnams la lta ba'i gnas de lta bu </font><hr>280a<br><font size=+1>


@#/ /dag tu bying bar gyur pa mthong na ci nas kyang sems can de dag 'di ltar thams cad mkhyen pa'i tshul gcig pa 'di la rab tu gnas par 'gyur ba de lta bu'i rnam pas rab tu 'byed par byed pa ni/ ma gtogs so/ /gsang ba pa'i bdag po/ gzhan yang byang chub sems dpas tshig khyal par smra ba las slar ldog par bya ste/ des yul dang / dus dang / don dang ldan pa/ don gyi rjes su 'jug pa/ sems can thams cad kyi yid du 'ong ba/ rna ba'i lam rnam par spyod pa de lta bu'i tshig smra bar bya'o/ /de ci'i phyir zhe na| byang chub sems dpa' ni/ tshig sna tshogs dang ldan pa yin no/ /gzhan du na byang chub sems dpas sgrung gi gtam gleng ba sngon du byas te/ sems can rnams mgu bar byas nas sangs rgyas kyi chos la rab tu dgod par 'dod pas don dang mi ldan pa'i tshig kyang smra bar bya ba ni/ ma gtogs te/ de ltar na byang chub sems dpas 'khor ba na rgyu yang bar du gcod pa med par 'gyur ro/ /gsang ba pa'i bdag po/ gzhan yang byang chub sems dpas brnab sems las slar ldog par bya ste/ des gzhan gyi longs spyod dang gzhan gyi nor la chags pa'i sems kyang bskyed par mi bya'o/ /de ci'i phyir zhe na/ byang chub sems dpa' ni/ sems zhum pa ma yin no/ /gal te byang chub sems dpa' bdag la sems </font><hr>280b<br><font size=+1>


chags par gyur na/ thams cad mkhyen pa nyid kyi sgo'i phyogs gcig las nyams par 'gyur ro/ /gsang ba pa'i bdag po/ byang chub sems dpas rab tu dga' ba skyed cing des 'di ltar bsam par bya'o/ /gang dag gis bya dgos ba de dag gis rab tu 'byor par gyur pa de legs so snyam nas sems can de dag gis longs spyod de dag chud mi za ba la yang dang yang du dga' ba bskyed par bya'o/ /gsang ba pa'i bdag po/ gzhan yang gnod sems las slar ldog par bya ste/ des thams cad du bzod pa mang ba dang / byams pa dang / khong khro ba med cing sems snyoms par bya'o/ /des mdza' bo la ji lta ba bzhin du dgra la'ang de bzhin du bya'o/ /de ci'i phyir zhe na/ byang chub sems dpa' ni/ yid kyis gnas ngan len dang ldan pa ma yin gyi| byang chub sems dpa' ni/ rang bzhin gyi bsam pa yongs su dag pa yin no/ /gsang ba pa'i bdag po/ de lta bas na/ byang chub sems dpas gnod sems dang bral bar bya'o// gsang ba pa'i bdag po/ gzhan yang byang chub sems dpas log par lta ba med par bya ste/ des yang dag par lta ba dang / 'jig rten pha rol la 'jigs par lta ba dang / g.yo med pa dang| gya gyu med pa dang / sgyu med pa dang / drang ba dang / sangs rgyas dang / chos dang / dge 'dun la bsam pa nges par bya'o/ /de ci'i phyir zhe na/ gsang ba pa'i bdag po/ log par lta ba ni/ </font><hr>281a<br><font size=+1>


@#/ /byang chub sems dpa'i kha na ma tho ba chen po ste/ dge ba'i rtsa ba thams cad gcod par 'gyur ba'o/ /'di ni/ mi dge ba'i rtsa ba thams cad kyi phyi ma'o/ / gsang ba pa'i bdag po/ de lta bas na/ tha na bzhang gang tsam du yang log par lta ba bskyed par mi bya'o/ /de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das/ byang chub sems dpa' rnams la dge ba bcu'i las kyi lam 'di rnams kyi sdom pa nyams pa dang / shin tu rtsa ba nas chad par mi 'gyur ba dang / bcom ldan 'das/ byang chub sems dpa' rgyal srid kyi dbang phyug dang / khyim dang / chung ma dang / bu dang / bu mo dang / nye du dang / snag gi gnyen mtshams kyis yongs su bskor cing lha dang mi'i bde ba myong par bgyid kyang ji ltar ltung bar mi 'gyur ba bshad du gsol/ de skad ces gsol ba dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ legs so legs so/ /gsang ba pa'i bdag po/ de'i phyir nyon la legs par rab tu yid la zungs shig dang / byang chub sems dpa' rnams kyi 'dul ba'i ltung ba rnam par nges pa la mkhas par bshad do/ /gsang ba pa'i bdag po/ de la byang chub sems </font><hr>281b<br><font size=+1>


dpa' ni/ rnam pa gnyis te/ gnyis gang zhe na/ 'di ltar khyim pa dang / rab tu byung ba'o/ /de la byang chub sems dpa' khyim pa ni/ khyim na gnas shing bslab pa'i gzhi lnga bzung ste thabs dang tshul sna tshogs kyis rgyal srid la dbang byed do/ /gsang ba pa'i bdag po/ de la byang chub sems dpa' yul dang dus kyi dbang gis thams cad mkhyen pa nyid thob par 'dod pa ni| 'di ltar thabs kyis yongs su zin par glu dang / rol mo dang / mig 'phrul la sogs pa bzo'i gnas rnam pa sna tshogs ston cing thabs dang tshul de dang de dag gis bsdu ba'i dngos po bzhis sems can rnams yongs su sdud de/ de yang bla na med pa yang dag par rdzogs pa'i byang chub 'dod pa'i phyir ro/ /de la srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / log par lta ba rab tu spangs pa yin te/ byang chub sems dpa' khyim pas bslab pa'i gzhi de lnga bzung nas bslab pa ji skad bstan pa rnams la slob cing dad pas sngon gyi de bzhin gshegs pa rnams kyi rjes su bslab par bya'o/ /'dus ma byas kyi tshul khrims kyi phung po bla na med pa de bzhin gshegs pas bsngags pa la gnas te/ 'dus byas kyi tshul khrims la thabs dang shes rab kyis yongs su zin par spyod cing ltung ba'i rtsa ba bzhi ni/ srog gi phyir yang yongs su nyams par mi bya'o/ /bzhi gang zhe na/ </font><hr>282a<br><font size=+1>


@#/ /'di lta ste/ dam pa'i chos spong ba dang / byang chub kyi sems gtong ba dang / ser sna byed pa dang / sems can la gnod par byed pa'o/ /de ci'i phyir zhe na| 'di dag ni/ thabs dang / shes rab tu mi ldan pa rang bzhin gyis nyon mongs pa can te/ slar gsor mi rung ba'o/ /de ci'i phyir zhe na/ gang dag 'das pa'i sangs rgyas dang / /de bzhin gang dag ma byon dang / /gang yang da lta'i mgon po rnams/ /thabs dang shes rab ldan pa la/ /bslabs nas bla med byang chub ni/ /'dus ma byas pa des 'thob bo| |thabs dang mi ldan ye shes dang / /bslab pa dag kyang bshad pa ni/ /dpa' bo chen po nyan thos rnams/ /de la gzud pa'i phyir bshad do/ /rnam par snang mdzad chen po mngon par rdzogs par byang chub pa rnam par sprul pa'i byin gyis rlob pa las/ byang chub sems dpa'i bslab pa thams cad dang ldan pa rim par phye ba'o// //bam po bdun pa/ de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs te bstan pa don yod par grub par bzhed nas gsang sngags thams cad kyi dbang phyug /gsang sngags kyi rgyal po/ gsang sngags thams cad kyi mgon po gzi brjid chen po/ dam tshig gsum la gnas pa/ lam gsum </font><hr>282b<br><font size=+1>


yongs su rdzogs par byed pa bshad pa'i phyir/ phyag na rdo rje stobs chen la/ /'jam pa'i gsung gis bka' stsal pa/ /gsang sngags rnams kyi gsang sngags mgon/ /dpa' bos ma yengs yid kyis nyon/ /de'i tshe ye shes dam pa zhes bya ba'i ting nge 'dzin la snyoms par zhugs nas ye shes sna tshogs 'byung ba'i 'od zer brgya 'phro ba'i gsang sngags 'di gsungs so// na maH sa man+ta bud+d+hA nAM/ aM/ lag na rdo rje/ 'di ni gsang sngags thams cad kyis/ /mgon po gzi brjid chen po ste/ 'di ni bdag nyid rdzogs sangs rgyas/ /chos kun dbang phyug thub pa yin/ /mi shes mun nag kun 'joms pa/ /nyi ma shar ba bzhin du snang / /thub pa chen po bdag nyid kyis/ /'di lta bur ni byin brlabs te/ /sems can rnams la phan bzhed phyir/ /sprul pa rnams ni sprul par mdzad/ /'di ni sems can rnams dag gi /sems can 'byung ba ji snyed pa/ /de snyed kyi ni sprul pa yi/ /go 'phang dam pa mdzad par 'gyur/ /de bas rnam pa thams cad du/ /rdzogs sangs rgyas kyi thabs 'dod pas/ /nang gi bdag nyid rnam dag pas/ /rtag tu mngon par brtson par bya/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge brgya 'byung ba bstan pa rim par phye ba rgyas pa'o// //de nas yang bcom ldan </font><hr>283a<br><font size=+1>


@#/ /'das rnam par snang mdzad kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/ sangs rgyas bcom ldan 'das rnams gang gi tshe ye shes chen po mngon par shes pa dbang bskur ba dang ldan pa'i sa thob par gyur pa de'i tshe sangs rgyas bcom ldan 'das de dag bdag nyid dam tshig gsum gyi lam la gnas par gzigs so/ /gsang pa pa'i bdag po/ de'i tshe yang bcom ldan 'das de ye shes chen po mngon par shes pa dbang bskur ba dang ldan pa gzungs kyi tshul du sangs rgyas kyi mdzad pa nye bar ston to/ /de nyid kyi tshe sangs rgyas bcom ldan 'das de dag sems can thams cad la sangs rgyas kyi mdzad pas dam tshig gsum gyi lam ston pa nye bar gnas par 'gyur ro/ /gsang ba pa'i bdag po/ nga'i gsung gi 'khor lo'i dkyil 'khor sprul pa rgya chen po 'jig rten gyi khams mtha' yas par khyab pa rnam par dag pa'i sgo sems can thams cad kyi re ba ji lta ba bzhin du mgu bar byed pa/ chos kyi dbyings so sor rnam par rig par byed pa'i sgo ni/ da lta 'di ltar bcom ldan 'das shAkya thub pa 'jig rten gyi khams nam mkha'i khams kyis klas pa ma lus par sangs rgyas kyi bya ba byed pa la zhugs kyang gsang ba pa'i bdag po/ de la sems can rnams kyis </font><hr>283b<br><font size=+1>


'di ni| bcom ldan 'das kyi gsung gi 'khor lo'i dkyil 'khor 'byung ba ste/ sangs rgyas kyi gsung rnam par bkod pa'i rgyan gyi snying po 'byung ba'i sangs rgyas kyi sku sems can re ba ji lta ba bzhin du mgu bar mdzad pa byung ba yin no/ /zhes bya bar rab tu mi shes pa la ltos/ 'on kyang byang chub sems dpa' 'jig rten gyi khams mtha' yas pa rgya mtsho snyed kyi sgor chos kyi dbyings mngon par rdzogs par byang chub par bya ba la brtson pa/ byang chub sems dpa' kun tu bzang po'i spyod pa las byung ba rnams 'jig rten gyi khams kyi ris rgya mtsho me tog gi gzhi'i snying po'i rgyan can 'dir ngas yongs su bzung bas bsam pa sna tshogs pa rnam par dag pa'i sgo rnams kyis sangs rgyas kyi zhing rnams ni/ yongs su sbyong / byang chub kyi snying po ni/ mngon par sgrub/ byang chub tu ni/ mngon par rdzogs par 'tshang rgya/ chos kyi 'khor lo ni/ bskor/ sangs rgyas kyi mdzad pa ni/ byin gyis rlob cing / de'i gong du yang dag par rdzogs pa'i sangs rgyas kyi go 'phang 'dod pas sems tshad med pa'i phyir lus tshad med/ lus tshad med pa'i phyir ye shes tshad med/ ye shes tshad med pa'i phyir sems can tshad med/ sems can tshad med pa'i phyir nam mkha'i khams tshad med pa rab tu 'thob bo/ /gsang ba pa'i bdag po/ de ltar na sems can tshad med pas tshad med pa bzhi </font><hr>284a<br><font size=+1>


@#/ /rab tu thob par 'gyur ro/ /thob nas kyang stobs bcu'i stobs dang ldan pa/ bdud bzhi las rgyal ba/ khyu mchog dang seng+ge'i sgra sgrog pa yang dag par rdzogs pa'i sangs rgyas su 'gyur ro/ /rdzogs sangs rgyas kyis gsungs pa yi/ /snying po sgo brgya 'di bzlas nas/ /go 'phang dam pa 'di dag kun/ /dpa' bo de dag rnams kyis rtogs/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ 'bras bu'i sbyor ba bstan pa rim par phye ba'o// //de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /sangs rnams kyi ni sngags 'byung ba'i/ /sngags kyi mgon po 'di bshad pa/ / ngo mtshar che'i bcom ldan 'das/ /thub pa chen po gnas gang du/ /gang gis ji ltar 'tshal bar bgyi/ /de la sngags rnams 'byung ba ni/ /gang gis ji ltar bdag la gsungs/ / mgon po smra ba rnams kyi mchog /'di kun bdag la bshad du gsol/ /de skad gsol nas bcom ldan 'das/ /chos kyi dbang phyug thub pa che/ /kun mkhyen bcom ldan snang mdzad kyis/ /de tshe 'jig rten khams kun tu/ /yongs su khyab par gyur pa'i tshig /'jam pa'i gsung gis bka' stsal pa/ /lag na rdo rje mthu bo che/ /sems dpa' chen po legs so </font><hr>284b<br><font size=+1>


legs/ /sangs rgyas rnams kyi gsang ba'i mchog /ngo mtshar chen po rab tu gsang / /rtog ge kun gyis mi shes pa/ /thams cad khyod la bshad par bya/ /gang dag theg chen dkyil 'khor 'di/ /snying rje 'byung bar dbang bskur cing / /gang dag drang zhing mnyen pa dang / /rtag tu snying rje gang che dang / /gang dag nam yang byang chub la/ /dmigs pa can du mi lta ba/ /de dag rnams kyi snying po ni/ /bdag nyid chen po shes par 'gyur/ /'dren pa gang na bzhugs pa yi/ /de yi gnas ni snying ga ste/ /pad+ma yid las byung ba ni/ /'dab ma brgyad pa rab mdzes la// dkyil 'khor zla ba lta bu ni/ /dri med me long 'dra ba la/ /de la gsang sngags mgon po ni/ /mthu chen rtag tu gnas pa bzhugs/ /gser gyi kha dog 'bar dang bcas/ /sdig dang bral ba'i ting 'dzin gnas/ /nyi ma bzhin du brtag par dka'/ /de yis 'gro ba 'di dag kun/ /phyi rol dang ni nang du yang / /kun tu khyab par byin gyis brlabs/ /me long yid du shes par byos/ /shes rab mig kyang de nyid de/ /sngags pa shes rab mig gis su/ /me long la ni rnam bltas na/ /de ni rang gzugs rdzogs sangs rgyas/ /mtshan nyid rab tu zhi bar mthong / /de tshe lus la lus kyi gzugs/ /yid la yid las byung ba ni/ /dag cing rnam par mdzes pa dag /bdag gi las kyis byung bar gyur/ /de nas de yi 'od zer ni/ /gang gis </font><hr>285a<br><font size=+1>


@#/ /sngags pa sangs rgyas kyis/ /spyod pa thams cad rab byed pa/ /kun nas rnam par snang bar 'gyur/ /de bzhin bdag nyid dag pa yis/ /bltas pa'am ni smras pas kyang / /yid la bsam pa'i dgos pa ni/ /thams cad byed par 'gyur ba nyid/ /gsang ba pa'i bdag po/ /gzhan yang byang chub sems dpa' gsang sngags kyi sgo nas byang chub sems dpa'i spyad pa spyod pas 'di ltar lus la lus kyi gzugs bskyed par bya'o/ /yang dag par rdzogs pa'i sangs rgyas las lhag pa ni/ gang yang med de| ji ltar bdag gi mig dang / rna ba dang / sna dang / lce dang / lus dang / yid la sogs pa 'byung ba chen po bzhi'i nang du gtogs pa yin la/ de dag kyang ngo bo nyid stong pa| ming tsam gyis bsdus pa/ nam mkha' dang mtshungs shing 'dra ba/ gzung du med pa/ rgyu dang las las byung ba ste/ gzugs brnyan dang 'dra ba de bzhin du de bzhin gshegs pa rnams kyis mngon par rdzogs par sangs rgyas so/ /de dag kyang phan tshun rten cing 'brel par 'byung ba'i rgyun ma chad par 'brel pa ste/ gang la brten nas skyes pa de ni/ gzugs brnyan dang 'dra bar 'byung ngo / /de lta bas na/ phan tshun rten cing 'brel par 'byung ba'i phyir lha gang yin pa de bdag yin/ bdag gang yin pa de ni/ lha yin </font><hr>285b<br><font size=+1>


no| |zhes de ltar lus kyi gzugs lha'i skur bskyed par bya'o/ /gsang ba pa'i bdag po/ chos la brten nas rtogs pa 'byung / rtogs pa la brten nas kyang chos 'byung ba la ltos/ de gnyis kyang rang bzhin gyis stong pa'i phyir phan tshun byed pa po dang / las su rnam par 'jog par yang mi byed do/ /gsang ba pa'i bdag po/ ji ltar na yid la yid las byung ba'i gzugs bskyed par bya zhe na/ gsang ba pa'i bdag po/ 'di lta ste/ dkar po'am/ ser po'am/ dmar po yid la byas na/ yid de'i rnam pa la zhen par gyur te/ des na de lta bu'i dgos pa yang de lta bu kho na mngon par sgrub par byed do/ /gsang ba pa'i bdag po/ 'di lta ste/ yid la dkyil 'khor bsams nas su/ /rims nad can la bzhag na ni/ / de yi mod la skye bo ni/ /rims las thar 'gyur dgos pa med/ /yid med par yang dkyil 'khor yod pa ma yin la/ dkyil 'khor med par yang yid yod pa ma yin no/ /de ci'i phyir zhe na/ dkyil 'khor dang mtshan nyid gcig pa'i phyir ro/ /gsang ba pa'i bdag po/ 'di lta ste/ sgyu ma mkhan gyis sgyu ma'i mi gzhan zhig sprul na/ gsang ba pa'i bdag po/ de ji snyam du sems/ de la khyad par ci zhig yod/ /de skad ces bka' stsal pa dang / bcom ldan 'das la gsang ba pa'i bdag po phyag na rdo rjes 'di skad ces gsol to/ /mi de gnyis </font><hr>286a<br><font size=+1>


@#/ /ga la yang khyad par ma mchis so/ /bcom ldan 'das/ de ci'i slad du zhe na/ mi de gnyi ga yang yang dag pa ma yin pa las byung ba dang / sgyu ma yang rang bzhin gyis stong pa'i slad du'o/ /gsang ba pa'i bdag po/ /de bzhin du yid las byung ba'i dngos po dang / yid gang yin pa de gnyi ga yang rnam par brtags pa yin pa'i phyir ngo bo nyid kyis stong pa'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge brgya ba rnam par dgod pa sgrub pa rim par phye ba'o// //de nas yang bcom ldan 'das kyis gsang ba pa'i bdag po phyag na rdo rje la bka' stsal ba/ gsang ba pa'i bdag po/ gsang sngags kyi mgon po'i sku dang lus su dbyer med pa nyon cig /yid las gyur pa las byung zhing / /yid kyang shin tu rnam sbyangs nas/ /mgon po de na bzhugs pa las/ /'od zer sku las byung ba rnams/ /yan lag gang ni yan lag nas/ /rtag par kun tu rnam par 'phro/ /tshul 'di dag ni ma shes pas/ /rmongs pa rnams kyis yongs mi shes/ /lus kyi bye brag ji snyed pa/ /brjod pa las ni mang du gyur/ /de bzhin sngags kyi mgon po yi/ /bye brag dag kyang grangs med gsungs/ /ji ltar yid bzhin nor bu ni/ /dpal ldan 'dod pa'i don </font><hr>286b<br><font size=+1>


sgrub pa| |de bzhin 'jig rten sgron ma yi/ /sku yang don rnams thams cad sgrub/ /gsang ba pa'i bdag po/ /chos kyi dbyings rnam par mi rtog pa ji ltar dgos pa thams cad mngon par sgrub ce na/ gsang ba pa'i bdag po/ 'di lta ste/ dper na/ nam mkha'i khams ni/ sems can yang ma yin/ srog kyang ma yin/ shed las skyes pa yang ma yin/ byed pa po yang ma yin/ tshor ba po yang ma yin/ gzung ba po yang ma yin/ 'dzin pa yang ma yin zhing rtog pa dang rnam par rtog pa thams cad dang bral mod kyi/ 'on kyang sems can gyi khams ma lus pa rnams 'gro ba dang 'ong ba la sogs pa thams cad byed de/ 'di la ni mi rtog pa med do/ /de bzhin rnam par mi rtog pa'i/ /thams cad mkhyen pa'i gnas med 'di/ /'gro ba rnams kyi phyi dang nang / /thams cad nges pa nyid du sgrub/ /de nas yang bcom ldan 'das kyis sems can gyi khams ma lus pa rnam par sbyong ba'i tshig rnams kyis ting nge 'dzin sgrub pa'i tshig /bsam gyis mi khyab pa'i tshig /yongs su gyur pa'i sgo'i tshig gsungs pa/ gang gi tshe na thog ma nas/ /cung zad skye ba'am 'jig med pa/ /de tshe rnal 'byor can dag gi /stong pa'i ye shes ji ltar skye/ /gang tshe chos zhes bya ba de/ /ngo bo nyid kyis mi rnyed pa/ /de tshe nam mkha' 'dra ba'i sems/ /byang chub 'byung ba skye bar 'gyur/ /de tshe 'jig rten kun mthun pa'i/ / </font><hr>287a<br><font size=+1>


@#/ /snying rje dag kyang skye bar 'gyur ro/ /ming tsam gyi ni tshul du gnas/ /sangs rgyas ming du 'di brjod do/ /de tshe stong dang mi stong zhes/ /yang dag tu ni ming du 'dogs// de la gcig gnyis gsum la sogs/ /grangs kyi dbye ba'ang 'byung bar 'gyur/ /de ltar dpa' bo stong pa de/ /rang byung rnams kyi byin rlabs las/ /a la sogs pa rim bzhin 'phel/ /a ba ka kha ga g+ha/ tsa tsha dza dz+ha/ Ta Tha Da D+ha/ ta tha da d+ha/ pa pha ba b+ha ma/ ya ra la wa/ sha Sha sa ha/ nga nya Na na rnams ni/ gsang ba pa'i bdag po/ a zhes bya ba'i mtshan mas byin gyis brlabs pa'i stong pa nyid kyi mthu rlabs ting nge 'dzin gyi tshul sgrub pa la ltos/ gsang ba pa'i bdag po/ a zhes bya ba nyid rnam pa sna tshogs su bkod pa'i bdag nyid du gnas so/ /de yang chos thams cad ma skyes pa'o/ /zhes rang gi ngo bo nyid mngon par ston to/ /kha cig tu ni/ brjod du med pa'i don du ba'i gzugs kyis ston to/ /kha cig tu ni/ chos thams cad dgos pa dang bral ba'i don du ka'i gzugs kyis ston to/ /kha cig tu ni/ chos thams cad nam mkha' dang 'dra'o/ /zhes kha'i gzugs kyis ston to/ /kha cig tu ni/ chos thams cad 'gro ba med par ga'i gzugs kyis ston to/ /kha cig tu ni/ chos thams cad gcig tu 'phungs pa med par g+ha'i </font><hr>287b<br><font size=+1>


gzugs kyis ston to/ /kha cig tu ni/ chos thams cad 'chi 'pho med pa'o zhes tsa'i gzugs kyis ston to/ kha cig tu ni/ chos thams cad ston ka'i sprin dang 'dra'o/ /zhes tsha'i gzugs kyis ston to/ /kha cig tu ni/ chos thams cad skye ba med par 
dza'i gzugs kyis ston to/ /kha cig tu ni/ chos thams cad rnyog pa dang bral ba'o/ /zhes dz+ha'i gzugs kyis ston to/ /kha cig tu ni/ chos thams cad nga rgyal dang bral ba'o/ /zhes Ta'i gzugs kyis ston pa'o/ /kha cig tu ni/ chos thams cad bskyed pa dang bral ba'o/ /zhes Tha'i gzugs kyis ston to/ / kha cig tu ni/ chos thams cad 'khrug pa dang bral ba'o/ /zhes Da'i gzugs kyis ston to/ /kha cig tu ni/ chos thams cad slu ba dang bral ba'o/ /zhes D+ha'i gzugs kyis ston to/ /kha cig tu ni/ chos thams cad de bzhin nyid dang bral ba'o/ /zhes ta'i gzugs kyis ston to/ /kha cig tu ni/ chos thams cad gnas pa dang bral ba'o/ /zhes tha'i gzugs kyis ston to/ /kha cig tu ni/ chos thams cad sbyin pa dang bral ba'o/ /zhes da'i gzugs kyis ston to/ /kha cig tu ni/ chos thams cad khams dmigs su med pa'o/ /zhes d+ha'i gzugs kyis ston to/ /kha cig tu ni/ chos thams cad la don dam pa'i bden pa dmigs su med pa'o zhes pa'i gzugs kyis ston to/ /kha cig tu ni/ chos thams cad dbu pa ltar snying po med pa'o/ /zhes pha'i gzugs kyis </font><hr>288a<br><font size=+1>


@#/ /ston to| |kha cig tu ni/ chos thams cad la spid pa dmigs su med do/ /zhes b+ha'i gzugs kyis ston to/ /kha cig tu ni/ chos thams cad la 'chi ba dmigs su med do/ /zhes ma'i gzugs kyis ston to/ /kha cig tu ni/ chos thams cad la theg pa dmigs su med pa'o/ /zhes ya'i gzugs kyis ston to/ /kha cig tu ni/ chos thams cad rdul dang bral ba'o/ /zhes ra'i gzugs kyis ston to/ /kha cig tu ni/ chos thams cad mtshan nyid dmigs su med do/ /zhes la'i gzugs kyis ston to/ /kha cig tu ni/ chos thams cad zhi ba dang bral ba'o/ /zhes sha'i gzugs kyis ston to/ /kha cig tu ni/ chos thams cad rang bzhin gyis bem po'o/ /zhes Sha'i gzugs kyis ston to/ /kha cig tu ni| chos thams cad la bden pa dmigs su med do/ /zhes sa'i gzugs kyis ston to/ /kha cig tu ni/ chos thams cad rgyu dang bral ba'o/ /zhes ha'i gzugs kyis ston to/ / gsang ba pa'i bdag po/ de ltar na ting nge 'dzin sgrub pa'i sgo re ro la yang ting nge 'dzin sgrub pa'i sgo sum cu rtsa gnyis su rig par bya'o/ /gsang ba pa'i bdag po/ skyes bu chen po'i mtshan sum cu rtsa gnyis gang yin pa de dag kyang 'di dag nyid las byung ba la ltos/ nga dang / nya dang / Na dang / na rnams ni/ ting nge 'dzin thams cad la dbang byed pa ste/ de rnams las yang dag par </font><hr>288b<br><font size=+1>


rdzogs pa'i sangs rgyas kyi dpe byad bzang po rnams kyang mngon par 'grub par blta'o/ /gsang ba pa'i bdag po/ /de lta bas na/ byang chub sems dpa' gsang sngags kyi sgo nas byang chub sems dpa'i spyad pa spyod pas 'di ltar sangs rgyas kyi dgongs pa mthar phyin pa sems bcu rnam pa bcur bsgyur ba'i tshad las yi ge brgya 'byung ba'i dam tshig bstan par shes par bya'o/ /rdzogs sangs rgyas kyis 'di dag kun/ /chub par byas shing rgyas par byas/ /la'ang thams cad yod pas na/ /nga ni rgyal mchog kun sangs rgyas/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ bdag nyid sgrub pa'i rim par phye ba'o// //gsang ba pa'i bdag po/ gzhan yang 'di dag thams cad ni/ ting nge 'dzin gyi tshul sgrub pa'i tshig rnams te/ stong pa nyid 'dis byin gyis brlabs na/ chos thams cad la dbang mdzad pa rdzogs pa'i sangs rgyas ji lta ba bzhin du 'gyur ro/ /de bas yi ge lha yin te/ /a zhes bya ba go 'phang mchog /yi ge rnams kyis yongs bskor cing / /thams cad du yang rnam par snang / /lha de mtshan nyid med pa ste/ /mtshan gzhi mtshan nyid spangs pa dang / /mtshan nyid med pa'i lha las ni/ /mtshan nyid 'di dag byung bar gyur/ /sgra las su ni yi ge 'byung / /yi ge las ni gsang sngags 'byung / /sngags las 'bras bu 'byung bar yang / /skyob pa rnams ni kun </font><hr>289a<br><font size=+1>


@#/ /gyis gsungs/ /sgra ni stong par shes bya ste/ /des ni 'di kun stong pa yin/ /mi rtog bzhin du ji lta bar/ /des ni 'di kun stong par bya/ /stong min sgra yang yod ma yin/ /sbyor ba dag kyang kun tu bstan/ /sgra de rtogs par gyur pa ni/ lha yi gnas dang ting nge 'dzin/ /yi ge dgod par sbyar ba dang / /yi ge rnams kyis kun bstan pas/ / gsang sngags mang po zhes bya bar/ /tha snyad gdangs pa'i gnas su 'gyur/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge brgya pa'i sngags kyi cho ga rim par phye ba'o// //ji ltar nam mkha'i phyogs rnams na/ /kun la rtag par mi gnas pa/ /de bzhin chos rnams thams cad la/ / gsang sngags mgon po mi gnas so/ /ji ltar dngos rnams nam mkha' la/ /gnas shing rtag tu rnam snang yang / /de ni gnas su mi 'gyur ba/ /gsang sngags mgon po'ang de bzhin no| |nam mkha' dus gsum la sogs dang / /ji ltar bral bar 'dod pa bzhin/ /de ltar gsang sngags mgon po yang / /dus gsum med kyang rnam par snang / /ming tsam du ni gdags pa'i gnas/ /byed pa po la sogs dang bral/ /nam mkha' la ni tha snyad du/ /mkhas pa rnams ni 'dogs par byed/ /ming ma gtogs par cung zad kyang / /yod pa ma yin nam mkha' </font><hr>289b<br><font size=+1>


bzhin| |de bzhin gsang sngags dbang phyug kyang / /tha snyad tsam du snang bar zad/ /me dang chu dang rlung ma yin/ /sa dang nyi ma'ang ma yin zhing / /zla ba la sogs gza' kun min/ /nyin par dang ni mtshan mo'ang min/ /skye ba dang ni rga ba'ang min/ /'chi ba dang ni rgud pa'ang min/ /skad cig ma yin yud tsam min/ /lo la sogs pa'ang ma yin zhing / /'jig pa dang ni chags pa'ang min/ /bskal pa'i grangs kyang yod ma yin/ /dge dang mi dge las byung ba'i/ /'bras bu'ang yod pa ma yin no/ /kun mkhyen go 'phang 'dod pa yis/ /rtog pa rnam pa sna tshogs pa/ / de kun gang la med gyur pa/ /de la rtag tu brtson par bya/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ rdzogs par byang chub pa'i ngo bo nyid bstan pa'i rim par phye ba'o// //de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das/ dam tshig gsum zhes bgyi ba de chos gang gi tshig bla dwags lags/ de skad ces gsol pa dang / bcom ldan 'das rnam par snang mdzad kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ khyod kyis nga la gang zhus pa de legs so legs so/ /de'i phyir nyon la legs par rab tu yid la zungs shig dang ngas khyod la bshad do/ /bcom </font><hr>290a<br><font size=+1>


@#/ /ldan 'das/ de ltar 'tshal lo/ /zhes gsol nas gsang ba pa'i bdag po phyag na rdo rjes bcom ldan 'das la nyan pa dang / bcom ldan 'das kyis de la 'di skad ces bka' stsal to/ /chos kyi khyad par gang las chos kyi khyad par rnam pa gsum sgrib pa med pa'i tshul gyis 'byung bar 'gyur ba de ni/ dam tshig gsum ste/ chos kyi khyad par de yang gang zhe na/ chos zhes bya ba ni/ dang po'i sems te/ rnam par bsgoms pa'i rang bzhin dang / de'i rjes la byung ba'i shes rab dang / des kyang yang dag par ji lta ba bzhin du yongs su shes nas rtogs pa'i dra ma lus pa dang bral ba'i sems bskyed pa ni/ byang chub kyi mtshan nyid do/ /gnyis pa ni/ rnam par mi rtog pa ste/ rdzogs pa'i sangs rgyas kyi go 'phang ngo / /gsang ba pa'i bdag po/ yang dag pa ji lta ba bzhin du mthong nas kyang sems can gyi khams ma lus pa la bltas nas snying rje'i dbang du gyur pas dmigs su med pa de nyid 'di lta ste/ spros pa thams cad dang bral ba mtshan nyid med pa'i byang chub la sems can rnams rab tu dgod par bya'o snyam pa'i byang chub kyi sems skye ba de ni/ dam tshig de gsum mo/ /gsang ba pa'i bdag po/ gzhan yang dam tshig gsum gang zhe na/ dang po'i sems ni sangs rgyas te/ /gnyis pa yang ni chos zhes bya/ /de dang lhan cig byung ba'i sems/ /dge 'dun zhes </font><hr>290b<br><font size=+1>


ni bshad pa yin/ /dpa' bo dam tshig de gsum ni/ /'dren pa rnams kyis khyod la bshad/ /de tshe sna tshogs tshul gyi sogs/ /dpa' bo sems can phan 'dod pas/ /dam tshig gsum po 'di dag la/ /gnas nas byang chub spyad pa spyod/ /gsang ba pa'i bdag po/ /gang gi tshe sku gsum la mnga' mdzad pa de dag rdzogs par sangs rgyas par gyur pa de'i tshe yang dag par rdzogs pa'i sangs rgyas de dag 'di ltar dang por sprul pa'i sku gcig pur byin gyis brlabs nas bstan pa gzhag pa mdzad do/ /gsang ba pa'i bdag po/ gzhan yang sku gcig pu de nyid rnam pa gsum du 'jog pa ni/ 'di ltar sangs rgyas dang / chos dang / dge 'dun no/ /gsang ba pa'i bdag po/ gzhan yang de nyid theg pa gsum du 'jog pas ston to/ /de'i tshe sangs rgyas kyi bya ba mtha' dag byas nas yongs su mya ngan las 'das pa ston cing sems can rnams yongs su smin par mdzad do/ /gsang ba pa'i bdag po/ mi dad pa dang / le lo can dang / 'du 'dzi can dang / sngags la yid mi ches pa dang / yi chad mang po la sogs pa ma gtogs par gsang sngags kyi sgo nas byang chub sems dpa'i sbyang pa spyod pa gang dag dam tshig gsum po yongs su shes pa dang ldan pa/ gsang sngags kyi cho ga sgrub pa de dag la rtog pa las byung ba'i bgegs med pa la ltos/ chang btung ba dang khri la nyal ba gnyis ni/ mi bya'o/ / </font><hr>291a<br><font size=+1>


@#/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ dam tshig gsum spyad pa rim par phye ba'o// // ji ltar de bzhin gshegs pa lags/ /ji ltar rgyal ba mchog tu 'gyur/ /ji ltar byang chub sems dpa' lags/ /ji ltar sangs rgyas zhes na bgyi/ /thub chen mgon pos bdag gis ni/ /the tshom 'di dag bsal du gsol/ /byang chub sems dpa' grags chen rnams/ /the tshom yid gnyis bsal nas su/ /spyod pa'i rgyal po bla med pa/ /theg chen la ni spyod par 'gyur/ /de nas bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas gsang ba pa'i bdag po phyag na rdo rje la bka' stsal pa/ lag na rdo rje/ gang khyod ngal zhu ba legs so legs so/ /de'i phyir theg pa chen po'i tshul bshad kyi/ nyon cig/ byang chub nam mkha'i mtshan nyid de/ /kun tu rtog pa thams cad spangs/ /gang zhig de rtogs 'dod pa de/ /byang chub sems dpa' zhes bya'o/ /gang gis sa bcu bsgrubs nas ni/ /dbang bcu legs rtogs khong du chud/ /stong pa sgyu ma 'dra ba'i chos/ /rnam pa thams cad mkhyen cing 'dir/ /'jig rten kun gyi tshul mkhyen pa/ /sangs rgyas zhes ni bya ba yin/ /chos ni nam mkha'i mtshan nyid de/ /gnyis su med cing mtshan </font><hr>291b<br><font size=+1>


nyid gcig /stobs bcus rdzogs par sangs rgyas pa/ /de ni rdzogs sangs rgyas zhes bya/ /'du shes tsam yang spangs pa'i phyir/ /ye shes rang rig bya ba ni| |de ni de bzhin gshegs pas bshad/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ de bzhin gshegs pa bstan pa rim par phye ba'o/ /lag na rdo rje/ gzhan yang dus gcig gi chen nga byang chub sems dpar gyur te/ byang chub sems dpa'i spyad pa spyod cing tshangs pa'i 'jig rten na 'dug pa na tshangs pas nga la/ kye tshangs pa chen po/ me la rnam pa du yod par shes par bya zhes dris pa dang / ngas de la 'di skad ces smras so/ /me nga rgyal can gang yin pa de ni/ rang byung ba'o/ /de'i 'og tu tshangs pa'i bu ste/ de las skyes pa yin no/ /'jig rten pa'i me pa ba ka /tshangs pa'i bu ni dang po yin/ /de'i bu tshangs pa'i zas de yang / /b+ha ra ta zhes bya bar bshad/ /de'i bu bai shwa na ra da/ /ha ba na dang srog bya len/ /ngos bsrungs a tang ba na yi/ /bu yin par ni rgya mtshor grags/ /rlung zhes bya ba'i mi de ni/ /mngal du 'dug pa'i cho gar bshad/ /de nas mi khrus bya ba la/ /de bzhin pa ba nar shes/ /bkra shis zhes bya mtshams kyi mthar/ /bcas pa'i las la pra gal+d+ha'o/ /ming 'dogs me ni bar T+hi ba/ /de bzhin rkan dbab pa la </font><hr>292a<br><font size=+1>


@#/ /gtsang / /shad bi zhes bya gtsug phud la/ /brtul zhugs sbyin la kun 'byung ngo / /nyi ma zhes bya phyug sbyin la'o/ /bag ma len la sbyor byed bshad/ / ange yis ni khyim kha bsro/ /nye bar dbul la me nyid do/ /pa ba ka zhes bya ba'i me/ /sna tshogs lha la sbyar bar bshad/ /khyim bdag la ni tshangs pa'i me/ /de bzhin nor 'bul ba la zhi/ /de bzhin phyugs ni bcings pa la/ /a bi ni ka zhes bya'i me/ /ltung ba la ni bi tsi tsi/ /btsos sbyan ni la ni swA ha sa/ /dus kyi mtshams la ha bir zhes/ /de bzhin zla ba gnas la gter/ /mi Ta zhes bya dgang blugs la/ /zhi la da ru nar 'dod do/ /byas mtha'i me ni gshin rje'o/ /de bzhin rgyas la stobs sbyin pa'o/ /drag shul spyad pa thams cad la/ /khro bo'i me ni rab tu bsgrags/ /'dod las skyes zhes bya ba'i me/ /de ni dbang gi don du bshad/ /nags tshal sreg pa pho nya'i me/ /khong ba'i me ni dza tha ra/ /bza' bar bya ba sha zar bshad/ /rgod ma'i kha ni rgya mtsho na'o/ /zad tshe 'jig pa zhes bya ste/ /dus mtha'i mer ni yang dag bsgrags/ /'di ni me rnams mdor bsdus nas/ /des pa khyod la bshad pas te/ /rig byed thos pa spyod rnams kyis/ /tshangs pa'i bu dag brjod pa yin/ /bzhi bcu rtsa bzhi 'di dag ni/ /de yi tshe na ngas bstan to/ /gsang ba pa'i bdag po/ de la/ me rnams rang bzhin mi shes par </font><hr>292b<br><font size=+1>


gang dag sbyin sreg byed pa de/ /sbyin sreg ma yin legs byas min/ /las kyi 'bras bu'ang yod mi 'gyur/ /ngas byang chub mngon par rdzogs par sangs rgyas nas ni/ me rnam pa bcu gnyis bstan te/ de dag kyang gang zhe na/ ye shes me ni dang po ste/ /de ni dbang chen zhes su bsgrags/ /kha dog ser po'i mdog can la/ /mdog dang rgyas dang stobs rab ster/ /'bar ba'i phreng can ting 'dzin gnas/ /ye shes rdzogs byed yin zhes bya/ /gnyis pa 'dzin byed ces bya ste/ /ston ka'i zla ba'i 'od dang 'dra/ /dpal ldan gos ni dkar po dgos/ /bgrang phreng ril ba'i spyi'u blugs thogs| |gsum pa rlung zhes bya ba ste/ /mdog ni gnag la rtsub pa'o/ /bzhi pa dmar po zhes bya ste/ /nub ka'i mtshams kyi dmar thag 'dra/ /lnga pa mr-i Da zhes bya ba/ /spun la kha dog kham pa ste/ / mgrin pa ring zhing gzi brjid che/ /kun la phan ni 'dogs par bshad/ /drug pa khro bo zhes bya ba/ /mig yon dud pa'i kha dog 'dra/ /gyen du skra brdzes sgra chen 'byin/ /mche ba bzhi pa stobs po che| |bdun pa lto ba zhes bya ste/ /rno la kha dog kun dang ldan/ /brgyad pa zad pa zhes bya ba/ /glog gi 'od zer 'gyur ba 'dar/ /dgu ba yid las skyes zhes bya/ /sna tshogs gzugs can stobs po che/ /bcu pa 'jig rten 'dzin pa yin/ /sha za'i me ni de las gzhan/ /rmugs byed ces pa bcu gnyis te/ /sems can thams cad rmugs byed pa'o/ /gsang ba pa'i bdag po </font><hr>293a<br><font size=+1>


@#/ /de ltar| me yi gzugs ni byin brlabs te/ /bdag gi rang gi gzugs dang ni/ /rdzas kyang de yi ngo bor bya/ /'di ni phyi yi sbyin sreg ste/ /dngos grub 'dod pas sbyin sreg bya/ /gsang ba pa'i bdag po/ nang gi rang bzhin gcig pa ste/ gnas gsum gcig tu bya ba'i tshul gyis gsum dang ldan pa ni/ nang gis byin sreg yin no/ /gsang ba pa'i bdag po/ byams pa chen po dang / snying rje chen po dang ldan pa ni/ zhi ba'o/ /dga' ba dang ldan pa ni/ rgyas pa'o/ /khro bo'i mes ni/ drag shul spyad par bya ste/ khro bo nyid brtsan par byas la/ Ta dang pha'i bar du ming bcug ste gzugs brnyan yang khro bo'i dkyil 'khor du bzhag la khro bo thul bas bya'o/ /dbus su ni rlung gi me gzhag go/ gsang ba pa'i bdag po| de ltar ji skad bsgrags pa'i gnas de dang de dag tu ji ltar rigs pa dang ji ltar ldan par sbyin sreg bya'o/ /de nas yang bcom ldan 'das la phyag na rdo rjes 'di skad ces gsol to/ /bcom ldan 'das/ me yi thab khung ji ltar bgyi/ /bsang gtor dag kyang ji ltar bgyi/ /ku sha'i rtswa yang ji ltar dgram/ /ji ltar bsam pa bdag la gsungs/ /de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ de la me yi thab khung ni/ /kun tu khru </font><hr>293b<br><font size=+1>


gang tsam gyi tshad/ /kha khyer sor bzhi'i tshad du bya/ /rdo rje'i mtshan ma dag gis mtshan/ /thab khung gi ni g.yas phyogs nas/ /ku sha'i rtsa ni rlon pa dgram/ /rtse mo dag kyang rtsa bas dkri/ / rtsa bdag kyang rtse mos dkri/ /'dir ni bsang gtor g.yas phyogs nas/ /ku sha bskor ba bzhin du bya/ /byug spos me tog bdug spos dag /mr-i Ta'i mi la dbul bar bya/ /zhugs thab dang ni mr-i Da'i me/ /me tog gcig gis rang gi gzugs/ /sngags pa sdom brtson can gyis gzhag/ bsang gtor dag kyang de nas bya/ /dgang blugs rang gi gsang sngags kyis| |mkhas pas de la dbul bar bya/ /de nas zhi ba'i sbyin sreg gam/ /yang na rgyas pa'i sbyin sreg bya/ /'jig rten pa yi sbyin sreg ni/ /phyi rol pa zhes gsungs pa yin/ / gzhan yang nang gi sbyin sreg ni/ /las dang tshe dag bkag pa ste/ /de ni yid kyis shes par bya/ /gzugs dang sgra la sogs pa spangs/ /mig dang / rna ba dang / sna dang / lce dang / lus rnams ni/ yid las skyes pa sems kyi rgyal po la gnas pa ste/ kun tu rtog pas bskyed pa 'di dag dang / byang chub kyi sems dang / yul dang / mig la sogs pa dang / rlung gi me yang 'phro ba med pa'i shes rab kyis bkag ste/ yid kyi me la sbyin sreg bya'o/ /de ni nang gi sbyin sreg ces/ /nges pa khyod la bstan pa yin/ /de nas bcom ldan 'das kyis thams cad dang ldan pa'i 'khor </font><hr>294a<br><font size=+1>


@#/ /'dus pa la bka' stsal pa/ khyed rnams kyi ni chos kyi rnam grangs 'di la bag yod par gnas pas spyad par bya'o/ /nga yi sras rnams ma gtogs par/ / gzhan su la yang ma sbyin cig /de dag mtshan nyid bshad par bya/ /thams cad kyis kyang mnyan par gyis/ /nyi ma'i rigs las skyes pa dang / /nga rgyal can la blo yang zhib/ / byas pa gzo zhing chos kyang 'dod/ /chog kyang shes shing chos la 'bad/ /kha dog dag kyang sngo bsangs la/ /bzhin yang shin tu bzang ba dang / /sna dbyibs mtho la rtse mo rno/ / mgo dang dpral ba dbyes che ba/ /de kun nga yi sras yin te/ /bstan pa'i don la sems pa yin/ /de dag la ni nan tan du/ /'di ni rtag tu sbyin par bya'o/ /de nas de dag thams cad yid rab tu dga' nas ston pas bka' stsal pa bzhin du bgyi'o/ /zhes gsol to/ /de nas de'i tshe thams cad kyis de bzhin gshegs pa la phyag 'tshal te/ mchod pa dag kyang legs byas nas/ /spyan sngar 'khod nas thal sbyar te/ /'di skad ces ni tshig tu smras/ /chos kyi tshul 'di 'jig rten na/ /ji ltar yun ring kun gnas par/ /mgon po byin gyi brlab kyi tshig /bstan pa 'di la bshad du gsol/ /de nas bcom ldan 'das kyis de'i tshe chos kyi rnam grangs 'di la byin gyis brlabs pa'i tshig gsungs pa/ na maH </font><hr>294b<br><font size=+1>


sa man+ta bud+d+hA nAM/ sar+b+ba/ shiM shiM/ traM traM/ guM guM/ d+ha raM d+ha raM/ s+thA pa la/ bud+d+ha sat+ya bAka/ d+harma/ sat+ya bAka/ sang+ga sat+ya bAka/ hUM hUM ped bi di swAhA/ bcom ldan 'das kyis de skad ces bka' stsal pa dang / rdo rje 'dzin de dag dang / byang chub sems dpa' kun tu bzang po la sogs pa de dag yi rang nas bcom ldan 'das kyis gsungs pa las mngon par bstod do| |rnam par snang mdzad chen po mngon par rdzogs par byang chub pa rnam par sprul pa byin gyis rlob pa shin tu rgyas pa chen po mdo sde'i dbang po'i rgyal po las/ gsang sngags kyi sgo nas byang chub sems dpa'i spyad pa spyod pa'i cho ga ji snyed par rim par phye ba nyi shu rtsa lnga pa rdzogs so// //de nas gsang ba pa'i bdag po phyag na rdo rjes 'di skad ces smras so| |gang dag 'di ltar sgrub pa lhur len pa de dag la phan pa dang bde bar bya ba'i phyir bstan pa 'di la de dag bcings pa bdag gis bshad kyi/ yid gcig tu bsdus la nyon cig /rkang pa g.yon pa btegs nas ni/ /g.yas pa dang por legs par gzugs/ /mig ni rked pa'i phyogs su blta/ /lag pa gnyis ka gdegs par bya/ /g.yas brkyangs gdengs ka'i tshul du gnas/ /'khor lo yang dag ldan pa bcings/ /'khor lo'i phyag rgya rab sbyar bas/ /phyogs kun du ni gzhom par bya/ /phyag rgya stobs chen mthong nas ni/ /rdo rje 'dzin pa bdag </font><hr>295a<br><font size=+1>


@#/ /nyid dam/ /gang dag 'jig rten pa yang rung / /de dag thams cad 'jig par 'gyur/ /rkang pa gnyis ni mnyam bzhag nas/ /hUM zhes bya ba 'brug skad sgrogs/ rngam zhing sos ni ma mchu mnan/ /khro dang bcas pas mgo bstod de/ /bsdigs na chom par 'gyur ba yin/ /rkang pa gnyis ni rting sprad nas/ /mdung gi phyag rgyas de dag kun/ /bcom na mod la thal bar 'gyur/ /goms gcig myur du bor nas ni/ /rkang pa btegs te lus bsgyur nas/ /gzhu yi tshul gyis steng kun/ /kun nas gzhom par byas nas ni/ /lha dang lha min gnod sbyin rnams/ /gang dag sa steng gnas pa 'dir/ /gang tshe sngags pa 'dir gnas na/ /bgegs ni rtag tu med par byed/ /rkang pa g.yon pa brkyangs nas ni/ /lag gnyis pad+ma ltar sbyar te/ /sngags pa 'bar bas klad la bskor/ /rkang pas seng+ge'i stabs bzhin 'dor/ /khro dang bcas pas bgegs bcom na/ /gal te sangs rgyas kyis byas kyang / / bgegs te thal bar brlag pa'am/ /the tshom med par 'chi bar 'gyur/ /mkhas pas rgyud rnams thams cad las/ /dngos grub ji snyed gsungs pa rnams/ /de dag thams cad mdor bsdu na/ /rnam pa bzhir ni ma lus 'dus/ /las kyi dang po zhi ba ste/ /de bzhin gzhan yang rgyas pa dang / /dbang dang drag shul spyod pa'i las/ /rnam pa 'di bzhir rab tu bsgrags// </font><hr>295b<br><font size=+1>


de la thar pa la sogs pa'i dngos grub dang / gdon la sogs pa'i gnod pa zhi bar bya ba dang / tshe ring bar bya ba ni/ zhi ba'o/ /yid bzhin gyi nor bu dang / ral gri'i rig sngags 'chang dang / / 'khor los bsgyur ba'i rgyal srid la sog pa dang nor sgrub pa gang yang rung ste/ de dag thams cad ni/ rgyas pa'o/ /zhes gsang sngags la mkhas pa rnams smra'o/ /skyes bu dang / bud med dang / khye'u dang / bu mo dang / rgyal po dang / blon po la sogs pa dang / lha dang / klu dang / gnod sbyin dang / gnod sbyin mo dang / lha ma yin mo dang / sha za mo la sogs pa dbang du bya zhing dgug pa ni/ dbang du bya ba'o/ /zhes rig sngags 'chang rnams smra'o/ /bcing bar bya ba dang / gnod par bya ba dang / yan lag gcad pa dang / dgar ba dang / sdang bar bya ba dang / gsad pa dang / bskam pa la sogs pa mdor na sems can rnams kyi lus la gnod par bya ba gang yang rung ste/ de dag thams cad ni/ drag shul spyod pa yin no/ /zhes rig sngags 'chang rnams smra'o/ /sbyin sreg tshim byed las rnams kyis/ /gsang sngags dngos grub myur du ster/ /lha rnams thams cad byin rlob cing / /dngos grub mchog kyang ster bar 'gyur/ /nyung ngam ma 'byor cho ga nyams/ /yi ge gug skyed lhag ma chad/ /mnan tam bgegs kyis brlams kyang rung / /de dag thams cad sbyor bar byed/ /sbyin sreg med par </font><hr>296a<br><font size=+1>


@#/ /las rnams las/ /dngos grub thob par yong mi 'gyur/ /sbyin sreg las rnams nges pa ni/ /de bas nan tan bskyed de bya/ /zhi ba dang / rgyas pa dang / dbang du bya ba dang / drag shul spyod pa'i bye brag las sbyin sreg gi bye brag dbye bar bya'o/ /de la re zhig zhi ba'i las kyi sbyin sreg nges pa ni/ grong gi byang phyogs su rgyang grags gcig tsam du song la sa gzhi legs par brtag par bya ste/ chu bo gang+gA'i ngogs sam/ pad+ma'i mtsho 'gram mam/ 'bab chu'i 'gram mam/ mtsho'i gling du yang rung ste/ sa gzhi kha dog dkar po la bdag nyid rdo rje sems dpar byin gyis brlabs te sa la bskul ba dang / sbyang ba la sogs pa byas te yar gyi ngo'i tshes lnga'am/ bzhi'am/ bcu'am/ zla ba nya la dkyil 'khor brtsam pa 'di ltar bya'o/ /skar ma khrums smad dang / gre dang / skag dang / mchu ni/ zhi ba'i skar ma yin no/ /gza' zla ba dang / pa ba sangs dbang ba la dang por las brtsam par bya'o| |de nas bdag nyid spyan ras gzigs dbang phyug gi skur bsgyur la/ bcom ldan 'das rnam par snang mdzad ral gri'i phyag rgya'am/ yi ge a'i 'brur pad+ma la gzhag go/ a| de nas byang phyogs su sangs rgyas rnams kyi phyag rgya gru gsum pa'am/ yig 'bru pad+ma'i steng du gzhag go/ aM/ sangs rgyas rnams kyi nub phyogs su nam mkha'i snying </font><hr>296b<br><font size=+1>


po ral gri'i phyag rgya'am/ yi ge'i 'brur gzhag go /I/ nam mkha'i snying po'i nub phyogs su 'jam dpal te/ de yang ut+pa la'i phyag rgya'am/ yi ge 'brur gzhag go /mAM/ de'i nub phyogs su nam mkha'i spyan phyag rgya'am/ yig 'brur gzhag go /gA/ sangs rgyas rnams kyi shar phyogs su shAkya thub pa lhung bzed kyi phyag rgya'am/ yig 'brur gzhag go/ b+hA/ de'i drung du mdzod spu yid bzhin gyi nor bu'i phyag rgya'am/ yig 'brur gzhag go/ b+h+ru /de nas byang chub sems dpa' rnams yid bzhin gyi nor bu'i phyag rgya yi ge'i 'bru dang bcas par bri ste/ de la 'di ni/ yi ge'i 'bru'o/ /ka /de nas rnam par snang mdzad chen po'i g.yas logs su spyan ras gzigs kyi dbang phyug pad+ma'i phyag rgya'am/ yig 'brur gzhag go/ sa| spyan ras gzigs dbang phyug gi g.yon logs su mthu chen po thob pa pad+ma'i phyag rgya'am/ yi ge 'brur gzhag go /ma/ mthu chen po thob pa'i drung du khro gnyer can kun da'i phyag rgya'am| yi ge'i 'brur gzhag go /b+hr-I/ pad+ma 'dzin gyi g.yas logs su lha mo sgrol ma ut+pa la'i phyag rgya'am/ yi ge'i 'brur gzhag go /tAM/ de'i drung du gos dkar can pad+ma'i phyag rgya'am| yi ge'i 'brur gzhag go /paM/ bcom ldan 'das kyi g.yon logs su rdo rje 'dzin rdo rje'i phyag rgya'am/ yi ge'i 'brur pad+ma'i steng du gzhag go /baM/ de'i g.yas logs su </font><hr>297a<br><font size=+1>


@#/ /mA ma kI rdo rje'i phyag rgya'am/ yi ge'i 'brur gzhag go /mA/ de'i drung du rig pa'i rgyal po gnod mdzes rdo rje'i phyag rgya'am/ yi ge'i 'brur gzhag go/ saM/ rdo rje 'dzin gyi g.yon logs su bdud rtsi thab sbyor rdo rje'i phyag rgya'am/ yi ge'i 'brur gzhag go /mr-i /de'i drung du rdo rje 'dzin thams cad rdo rje'i phyag rgya'am/ yi ge'i 'brur gzhag go /hUM/ bcom ldan 'das kyi 'og logs me'i phyogs su mi g.yo ba ral gri'i phyag rgya'am/ yi ge'i 'brur gzhag go /hUM/ bcom ldan 'das kyi 'og logs bden bral gyi phyogs su 'jig rten gsum las rnam par rgyal ba rdo rje be con gyi phyag rgya'am/ yi ge'i 'brur gzhag go /hA/ sgo drung gnyis su klu'i rgyal po dga' bo dang bsnyen dga' bo gnyis dga' bo dang bsnyen dga' bo zhes pa'i ming du gzhag go /sgo khyud rnams kyi nang du srung ba bzhi dgod/ shar phyogs su ral gri dang yi ge'i 'bru'o/ /tsa/ byang phyogs su ral gri dang yi ge'i 'bru'o/ /pa/ nub phyogs su be con dang yi ge'i 'bru'o/ /sa/ lho phyogs su be con dang yi ge'i 'bru'o/ /k+Sha/ de nas phyi rol gyi ri mo'i nang logs su gnas kyi dkyil 'khor chung ngu la gnas gtsang ma lnga rnams bri ba ni/ dkyil 'khor dang po la saM saM swAhA zhes bya'o/ /gnyis pa la ma no ma ya zhes bya'o/ /gsum pa la d+harma saM b+ha ba zhes bya'o/ / </font><hr>297b<br><font size=+1>


bzhi pa la bi b+ha ba zhes bya'o/ /lnga pa la ka tha na na zhes bya'o/ /yang na gnas kyi dkyil 'khor chung ngu la saM saM swAhA/ zhes bya ba gzhag tu rung ngo / /bdag gi lha ni/ rigs gang du gtogs pa de'i rigs kyi bdag po'i gnas su bdag gi phyag rgya'am/ yi ge'i 'brur gzhag par bya'o/ /de nas phyi rol gyi ri mo'i nang thog thag tu pad+ma bri'o/ /de nas dkyil 'khor gyi sgo'i g.yas rol 'khor sa'i nang rol du me'i thab khung bya ba ni/ kho ra khor yug zlum po la/ /khru gang tsam gyi tshad du bya/ /zabs su sor ni bcu gnyis tshad/ /de yi steng du kha ran ni// kun tu sor bzhi'i tshad du bya/ /de yi zhabs kyi dbus su ni/ /'khor lo 'phang du sor gcig bya/ /de nas 'dug la dam tshig gi phyag rgya bcings te dam tshig gi gsang sngags brjod la yi ge sa dang pad+ma'i phyag rgyas bdag nyid spyan ras gzigs dbang phyug tu byin gyis brlabs te yi ge a rang gi dkyil 'khor na gnas pa las rnam par snang mdzad chen po'i sku ji lta ba bzhin du gyur par bsams la nyid kyi phyag rgya yang bstan par bya'o/ /de nas ral gri'i phyag rgya bcings la yi ge a las bdag nyid rnam par snang mdzad chen po'i skur byin gyis brlabs te dkyil 'khor gyi yi ge thams cad so so'i lha'i gzugs su gyur par bsams la so so'i phyag rgya rnams kyang bstan to/ /de nas 'phags pa </font><hr>298a<br><font size=+1>


@#/ /mi g.yo ba'i sngags zlos shing las kyi rdo rjes bcings la/ lha rnams so so'i dkyil 'khor na ji snyed bzhugs pa la byug spos dang / me tog la sogs pa dbul lo| |yi ge ras kyang rdul dang bral ba'o snyam pa'i ting nge 'dzin mngon du byas la/ byug spos dang / me tog la sogs pa so so'i gsang sngags rnams kyis mngon par bsngags te/ byug spos la sogs pa la so so'i snying po'i gsang sngags kyis kyang mngon par bsngags la dbul lo/ /byug spos 'di bzhes te bdag la thugs dpag mdzod cig ces so sor bskul bar yang bya'o/ /de bzhin du thams cad la sbyar ro/ /na maHsa man+ta bud+d+hA nAM/ traT a mo g+ha tsaN+Da ma hA ro Sha Na s+pho Ta ya hUM tra Ta haM ma/ 'phags pa mi g.yo ba'i sngags so/ /na maHsa man+ta bud+d+hA nAM/ bi shud+d+he gan+d+hod b+ha ba swAhA/ byug spos kyi gsang sngags so/ /na maHsa man+ta bud+d+hA nAM/ mahA mai tri bud+d+ha ga te swAhA/ me tog gi gsang sngags so/ /na maHsa man+ta bud+d+ha nAM d+harma d+hA twa nu ga te swAhA/ bdug spos kyi gsang sngags so/ /na maHsa man+ta bud+d+hA nAM/ ta thA ga ta tsi s+pha ra Na a ba b+hA sa ga ga no d+d+hAR+Ya swAhA/ mar me'i gsang sngags so/ /na maHsa man+ta bud+d+hA nAM/ tre ya d+hi ka nAM/ a ra ra/ pa ra ra/ pa li de ba lind dA hi swAhA/ bshos kyi gsang sngags so/ /na maHsa man+ta bud+d+ha nAM/ ga gnas ma sa ma sa swAhA/ mchod yon gyi gsang sngags so/ / </font><hr>298b<br><font size=+1>


thog ma dang tha mar yang sbyar ro/ /snying po'i gsang sngags brjod pa'i cho ga ni/ oM b+ha ga bAn bai ro tsa na/ i daM g+haM d+hi/ pra ti gri h+ya/ i daM me kAR+YaM ku ru swAhA/ de bzhin du thams cad la yang sbyar bar bya'o/ /zhi ba'i cho ga ni/ tsan+dan dkar po ga pur dang sbyar la dbul/ ma 'byor na mkhas pas pu shel tsi 'bul lo/ /de bzhin du me tog pad+ma dkar po dang / sna ma'i me tog dang / me tog ma li ka dang / me tog yu ka ti ka la sogs pa me tog dkar po dri zhim pa bkra shis pa gang yin pa de dag dbul lo/ /zhi ba'i cho ga la/ bdug spos ni/ ga bur dang / tsan+dan nam/ yang na shi ba sa ka dbul lo/ /bshos kyang zho dang 'bras chan la sogs pa dkar po dbul lo/ /mar me yang mar gyi mar me snod dkar po'i nang du blugs te dbul lo| |dung la sogs pa snod dkar po'i nang du tsan+dan dang / ga pur dang / me tog dkar po sbyar ba'i chu blugs pa'i mchod yon dbul lo/ /de ltar ji skad bshad pa'i mchod pa byas nas de nas phyir byung ste bdag nyid spyan ras gzigs kyi dbang phyug tu byin gyis brlabs la phyi rol tu phyogs kyi gtor ma sbyin pa ni/ 'bras yos dang / til dang / chu dang / 'bras chan dang / me tog dang / sran chan dang / kr-i sa rar bcas pa mang la snum bag can de lta bu'i gtor ma slob dpon gyis lag pas blangs te dga' bzhin du phyogs thams cad du </font><hr>299a<br><font size=+1>


@#/ /gtor zhing bdug spos dang mchod yon yang dbul lo/ /thog mar dbang ldan phyogs su ni/ /gzhu can tshogs dang bcas la dbul/ /de nas dbang po'i phyogs su yang / /mkhas pas dbang po nyid la dbul/ /de nas sngags pa mi 'jigs pas/ /me yi phyogs su dbul bar bya/ /de nas gshin rje'i phyogs su yang / /dbul bar sngags la mkhas pas bshad/ /bden bral phyogs su bden bral ni/ /tshogs dang bcas la dbul bar bya/ /chu lha'i phyogs su klu rnams la/ /'jigs byed gsang sngags zlos shing dbul/ / bdag dang bcas pa phul nas su/ /rlung gi phyogs su 'gro bar bya/ /sngags la mkhas pas der song nas/ /rlung lha tshogs dang bcas pa la/ /rang gi ming nas smos nas su/ /rang gi sngags kyis gtor ma dbul/ /byang gi phyogs su song nas su/ /yid ni rab tu dang byas te/ /bdag gi dngos grub thob 'dod pas/ /gnod sbyin rnams la gtor ma dbul/ /srin po rnams dang sha za dang / 'byung po sha rjen can rnams dang / /sems can rnam pa sna tshogs la/ /mkhas pas gtor ma phyogs su gtor/ /sa phyogs de yi sems can ni/ /shing dang gel pa la gnas pa/ /blo la gang dang gang dran pa/ /de dang de la gtor ma sbyin/ /phyogs kyi gtor ma'i sngags rnams ni/ /dbang ldan gyi phyogs su ru drA ya swAhA/ dbang po'i phyogs su sha </font><hr>299b<br><font size=+1>


krA ya swAhA/ me yi phyogs su ag+na ye swAhA/ gshin rje'i phyogs su bai ba swAhA/ bden bral gyi phyogs su rak+Sha sa a d+hi pa ta ye swAhA/ chu lha'i phyogs su me g+ha sha nI ye swAhA/ rlung gi phyogs su bA ya be swAhA/ ku be ra'i phyogs su yak+Sha bid+yA d+ha ri swAhA/ kraM ki re swAhA/ srin po rnams kyi'o/ /mi tsi mi tsi swAhA/ sha za rnams kyi'o/ /gu i gu i swAhA/ 'byung po rnams kyi'o| |de ltar kun tu gtor ma gtor la lag pa bkrus te nye reg byas la de nas nang du zhugs te sangs rgyas thams cad la phyag 'tshal la bsreg par bya ba'i rdzas gang yang rung ste cung zad ci yod pa de dag thams cad 'phags pa mi g.yo bas bsangs te g.yas rol du gzhag go /g.yon rol du ni/ mchod yon gyi snod gnyis rtswa ku sha dang spos chus sbyar ba blugs te bzhag la gcig ni/ 'phags pa mi g.yo bas bzlas so/ /gcig ni/ rdo rje mchog gis bzlas so/ /zhugs thab kyi kho ra khor yug tu rtswa ku sha bskor ba'i thabs su dgram mo/ / bdag rang gar 'dug pa'i gzhir yang rtswa ku sha bskor ba'i thabs su gding ngo / /shing u dum wa ra dang / a shwat+tha'i dgang gzar dang / blugs gzar dang / mar bzhus pa yang mdun du gzhag go /de nas me'i thab khung tsan+dan gyis bskus te me tog dkar po dri zhim po'i sil ma yang bkram la bram ze'i khyim nas me blangs la khro bo'i rgyal pos bsang gtor </font><hr>300a<br><font size=+1>


@#/ /byas te shing blag sha dang / u dum ba ra'i bud shing la rlung g.yab kyis me sbar ro/ /der kha byang phyogs su bltas te 'dug la lag pa gnyis byug spos kyis bskus te dam tshig gi phyag rgya la sogs pa bcings la bdag nyid rnam par snang mdzad chen po'i sku chu'i dkyil 'khor la gnas pa ji lta ba bzhin du phyag rgya dang / gsang sngags kyis byin gyis brlab bo/ /de nas thab khung gi zhabs su chu'i dkyil 'khor bsams la/ chu'i dbus su yi ge snga ma bzhin du bzhag pa las me'i gzugs su gyur pa dung dang / me tog kun da dang / zla ba'i mdog dang 'dra ba/ thor tshugs can/ mig gsum pa/ lag pa bzhi pa/ lag na bgrang phreng dang / gun+d+hi dang / be con thogs shing mi 'jigs pa sbyin ba| gos dkar po bgos pa/ srad bu dkar po se ral khar thogs pa/ snying ga'i sum mdo'i ris mtshan can/ yi ge ras mtshan pa/ me lce dkar po 'phro ba/ ye shes kyi rang bzhin can/ de lta bu'i me lha bsams la/ 'phags pa mi g.yo bas bsngags pa'i chu sngar bshams pas me la bskor ba'i thabs su bsang gtor bya'o/ /rdo rje mchog sbyin gyis kyang lan gsum du bya'o/ /na maHsa man+ta bud+d+ha nAM maM swAhA/ rdo rje mchog sbyin gyi'o/ /de nas me la rang gi gsang sngags kyi byug spos dang / me tog la sogs pa dbul lo/ /de </font><hr>300b<br><font size=+1>


nas mngar gsum las sreg blugs gsum byin te dgang gzar chang bas bzung la mar gyi dgang blugs gsum sbyin no/ /de nas shing u dum ba ra'am/ a shwat+tha'i rtse mo'i yam shing rtse gnyis mar la smyugs pa bdun bsreg go /de nas yang mar gyi gang blugs gsum byin la bsang gtor yang snga ma bzhin du bya'o/ /na maHsa man+ta bud d+hA naM/ oM bar dA ga na ye shAn+tiM ku ru swAhA/ de bzhin du lha thams cad la yang so sor sbyin sreg byas la bsang gtor bya'o/ /na maHsa man+ta bud+d+hA nAM/ hUM a mahA shAn+ti ga ta/ shAn+ti ka ra pra shA ma d+harma nir dza ta/ a b+hA ba swa b+hA ba d+harma sa man+ta prAb+ha/ a mu ga s+ya swasti shAn+tiM baM ku ru swAhA/ zhi ba'i gsang sngags so/ /de nas sangs rgyas thams cad dran par byas la bdag nyid kyis nang rnam par dag pas ji lta ba bzhin du byang chub kyi sems bsgom mo/ /de nas zla ba'i dkyil 'khor la rang gi rig sngags bzhag ste rang gi lha'i phyag rgya bcings la rang gi lha'i gzugs su bsgom mo| |de nas yang snga ma bzhin du dgang blugs gsum la sogs pa phul te bskor ba'i thabs su bsang gtor yang byas la bdag gi rgyud las byung ba'i rdzas rnams ji srid mi skyo ba'i bar du sbyin sreg bya'o/ /skyo bar gyur na rdzogs pa'i sangs rgyas kyi skur bltas te yang byang chub kyi sems bsgom mo/ /de nas mchod yon phul la lha rnams la phyag byas </font><hr>301a<br><font size=+1>


@#/ /te slar gshegs su gsol lo/ /lha rnams slar gshegs su gsol nas phyag rgya'i tshogs rnams gos gsar pas g.yogs la phyi de nyin yang snga ma bzhin du lha rnams so so'i dkyil 'khor la gnas par bsams te cho ga'i rim pa de nyid nam zhi bar gyur gyi bar du bya'o/ /gang zhig cho ga 'di yis su/ /cho ga shes pa'i sngags bsgrubs pas/ /le lo med par zhi byas na/ /zhi ba myur du thob par 'gyur/ /zla ba phyed kyi khams ris gcig /nges pa nyid du zhi bar 'gyur/ /rgyal po la ni zhag bcu gnyis| |yul phyogs su ni zhag bcus so/ /de la zhi ba'i cho ga'i las byed pas cho ga 'di ltar spyad par bya'o/ /gos dkar bgos shing gtsang la zhi/ /byang chub sems la rab tu gzhol/ /ku sha bting ba'i stan la nyal/ /de las byas pa'i gsang byed thogs/ /nas btsos pa'ang 'o ma 'thung / /yid kyis sbyin sreg byed la 'jug /dus gsum sbyin sreg bzlas brjod kyis/ /zhi ba'i cho ga spyad par bya'o/ /zhal bsil rdo rje mchog sbyin gyis/ /bsang gtor mi g.yo mgon gyis so/ /'di ni re zhig mdor bsdus na/ /sbyin sreg cho gar bsgrags pa yin/ /rnam par snang mdzad chen po mngon par rdzogs par byang chub ba rnam par sprul pa byin gyis rlob pa las/ zhi ba'i sbyin sreg gi cho ga rim par phye ba'o/ /skal pa chen </font><hr>301b<br><font size=+1>


po de nas gzhan/ /shin tu rgyas byed sbyin sreg kyang / /ma yengs yid kyis mnyan par gyis/ /sngon gyi sngags la mkhas pa yis/ /sems can rnams la brtse ba'i phyir/ /phan par 'dod pas bshad par bya/ /de bas rnam pa thams cad du/ /rgyas pa'i cho ga spyad par bya/ /grong ngam yang na ljongs dag gi/ shar gyi phyogs su gnas bcas nas/ /snga ma bzhin du nges pa yi/ /sa gzhi legs par brtag par bya/ /ri yi rtse'am phyugs lhas sam/ /mchod rten ring bsrel can dag tu/ /rgyas pa'i las ni sgrub byed pa'i/ /dkyil 'khor shes rab can gyis bri/ /mkhas pas las kyi cho ga yis/ /sa ni legs par brkos nas su/ /dbus su rin chen bzhag pa ni/ /sman dang 'bru rnams bcas pa'o/ /der yang sa ni ser po yis/ /sa gzhi legs par dgang bar bya/ /mnyam zhing legs par bcags nas su/ /de yi 'og tu dkyil 'khor bri/ /'dir yang sngags pa mkhas pas rdo rje mchog sbyin rang gi dkyil 'khor la gnas pas de'i gsang sngags dang phyag rgyas bdag byin gyis brlabs la 'phags pa mi g.yo bas mtshams gcad pa dang / yongs su gzung bar bya'o/ /zla ba yar ngo'i tshes gsum mam| lnga'am/ bdun nam/ yang na zla ba nya la yang rung ste/ gza' ba bzang po gza' lhag gam/ phur bu'am/ rgyu skar gro zhin dang / mon gru dang / snron dang / snar ma la </font><hr>302a<br><font size=+1>


@#/ /bdag nyid rnam par snang mdzad chen por byin gyis brlabs te srad bu ser po blangs la grangs dang tshad sngar bstan pa bzhin du dkyil 'khor gyi thig gdab bo/ /de nas dkyil 'khor bskor te nang du zhugs la bcom ldan 'das ma shes rab kyi pha rol tu phyin pa bklags la phyag byas te/ yang rnam par snang mdzad du bdag byin gyis brlabs te tshon rtsi ser po blangs la/ der ni yi ge ka bzhag pa/ /de tshe thub pa gser thub ni/ /gser gyi kha dog 'bar dang bcas/ /ting 'dzin gnas shing sdig bcom pa'o/ /de nas dkyil 'khor gru bzhi rta babs can du bril nub phyogs kyi sgo rtag tu dbye'o/ /phyi rol tu ri mo gru bzhi pa gsum gyis bskor la dkyil 'khor du lha rnams dgod pa snga ma bzhin du bya'o/ /de la khyad par ni/ 'di yod do/ /'phags pa nam mkha'i snying po'i gnas su kun tu bzang po rin po che'i rgyal mtshan gyi phyag rgya yi ge sa dang bcas par gzhag go /sa/ mdzod spu'i gnas su ni/ 'phags pa dzam+b+ha la shing tog pa'i dza pu ri'i phyag rgya dang / yi ge dza bdud rtsi'i mtshan nyid can dang bcas par gzhag go/ dzaM| 'phags ma khro gnyer can gyi gnas su grags ldan ma me tog pri yang ku'i phyag rgya yi ge ya dang bcas par gzhag go /ya/ 'phags ma gos dkar mo can gyi gnas su </font><hr>302b<br><font size=+1>


ni| dpal chen mo 'phags ma dkar mo zhes bya ba pad+ma'i phyag rgya dang yi ge'i 'brur gzhag go /shri'i/ 'phags pa gnod mdzes kyi gnas su ni/ dpung bzang rdo rje'i phyag rgya dang yi ge'i 'brur gzhag go /hUM/ bdud rtsi'i thab sbyor gnas su ni/ rdo rje'i sde ste/ rdo rje'i phyag rgya dang yi ge'i 'brur gzhag go /sa/ gnas gtsang ma ba rnams kyis gnas su ni/ brgya byin dang 'jig rten skyong ba bzhi dgod do/ /de nas phyi rol gyi ma mo gnyis kyi nang logs kho ra khor yug dang gra thams cad du rdo rje bri'o/ /de nas dkyil 'khor gyi g.yas logs 'khor sa'i nang du me'i thab khung bya ba ni/ gru bzhi lham pa kha ran can/ /rgyar ni khru do'i tshad du bya/ /rdo rje'i mtshan ma rnams kyis bskor/ /zabs su khru gang tsam gyi tshad/ /kha ran mtho gang tshad du bya/ /'jim pa ser po'i skyang nul bsku/ /pad+ma'i phyag rgya mdzub gang ba/ /'phang du sor bzhi'i tshad du bya/ /dus gsum du ba lang gi lci ba sa la ma lhung bas bsku'o/ /de nas snga ma bzhin du dkyil 'khor gyi bdag po'i lha la sogs pa rnam pa dang mtshan ma ji lta ba bzhin du bsams te byug spos dang me tog la sogs pas mchod pa bya'o/ /de la khyad par ni/ 'di yod de/ gang gi tshe bcom ldan 'das rnam par snang mdzad gnas su bzhugs su gsol pa dang / byug spos dang / me tog la sogs pas mchod pa de'i tshe bdag nyid rdo rje mchog </font><hr>303a<br><font size=+1>


@#/ /sbyin du byin gyis brlabs te bya'o/ /'dir byug spos dang me tog la sogs pa'i khyad par bshad par bya ste/ gur gum ga pur bsres pa ni/ /rgyas pa dag la byug spos mchog /dri zhim kha dog ser po dang / /de ma rnyed na sbyar bar bya/ /me tog tsam pa rab tu bzang / /yu ti sna ma ser po dang / /de las gzhan pa'ang dri zhim pa/ /ser po dag ni dbul bar bya| |gur gum a ga ru dang sbyar/ /sha kha ra dang sbyar ba dag /rgyas pa'i las rnams 'grub pa'i phyir/ /bdug spos mkhas pas dbul bar bya/ /gu gul dang ni tsan+dan yang / / mar dang sbyar ba bdug spos mchog /gan+d+ha ra sa gur gum bsres/ /bdug spos sngags la mkhas pas dbul/ /mar me snod ni gser gyi bzang / /yang na kham pa ser po'ang rung // mkhas pas ras ni ser po yi/ /me mar snying po ser po dbul/ /spos kyi 'bru mar bzang po yis/ /de yi snum ni dri zhim bya/ /yang na til gyi 'bru mar gyis/ /mar me gtsang ma dbul bar bya| |'bras chan ser po sran tshod tsam/ /mar dang bcas pa shin tu bzang / /tshod ma rnams kyang ser por bya/ /shing tog bag tshos de bzhin no/ /spos chu me tog ser po dang / /de bzhin 'bras dang dur ba'i rtswa/ /snod kyang ser por blugs pa dag /rgyas pa la ni mchod yon shis/ /de ltar mchod pa ji lta ba bzhin du byas te/ de nas rdo rje mchog sbyin du bdag </font><hr>303b<br><font size=+1>


byin gyis brlabs la phyi rol tu byung ste phyogs kyi gtor ma sbyin no/ /de nas nye reg byas te nang du zhugs la sangs rgyas thams cad la phyag byas te me'i thab khung gi drung du bsreg par bya ba la sogs pa sngags kyi gsang ba rnams snga ma bzhin du bzhag las la rtswa ku sha bting ba'i steng du pad+ma'i skyil mo krung bcas te 'dug la bdag nyid rnam par snang mdzad chen po'i skur bsams te khang pa'i nang byug spos ser pos zhugs thabs bskus te me tog ser po'i sil ma yang bkram la rtswa ku sha bting ste rgyal rigs kyi khyim mam/ rgyal po'i pho brang nas me blangs la bsang gtor byas te shing blag sha dang / u dum pa ras me sbar la de nas me'i thab khung gi zhabs su dbang chen gyi dkyil 'khor bsams te/ der yi ge ya klad kor dang bcas par pad+ma la gnas pa bsam mo/ /yaM/ yi ge ra las thab khung gi nang nas me byung bar bsam pa ni/ gser gyi kha dog lta bu'i thor tshugs can/ mig gsum pa| gdong bzhi pa/ lag na bgrang phreng dang / gun+d+ha thogs shing mchog sbyin pa/ gos ser po bgos pa/ srad bu ser po se ral khar thogs pa/ sor ris gsum gyis byugs pa| sum mdo'i ris mtshan can/ yi ge ras mtshan pa/ gser gyi kha dog 'dra ba/ me lce 'bar ba kun tu 'phro ba/ mthu chen po dang ldan pa/ gsang sngags kyi rgyal po'i 'od </font><hr>304a<br><font size=+1>


@#/ /zer las byung ba de lta bu'i me bsams te/ de nas bsang gtor bya ba dang / kha bkru ba dang / mchod yon dbul ba byas la byug spos dang / me tog la sogs pa rang gi sngags kyis sbyin no/ /na maHsa man+ta bud+d+hA nAM/ ag+ne ye swAhA/ de nas 'o thug sprad rtse dang mar la sogs par sbyar ba'am/ til nag po mar dang sbyar ba'i sreg blugs gsum byin te/ de nas shing bil ba'i dgang gzar dang blugs gzar gyis mar gyi dgang blugs bdun sbyin no/ /de nas shing blag sha'am/ u dum ba ra'i dbus kyi cha las byung ba'i yaM sreg shing sboms su chang ba gang la srid du khru gang ba mar la myugs pa'i sbyin sreg gsum byin la/ yang dgang blugs gsum sbyin no/ /de nas snga ma bzhin du lha'i gzugs rnams bsams te snying po de dang des sreg blugs gsum dbul lo/ /de nas sangs rgyas thams cad bsams te byang chub kyi sems bsgoms la bdag gi lha'i gzugs su bsams te snga ma bzhin du sreg blugs gsum phul nas bdag gi dngos grub sgrub pa las bshad pa'i rdzas las sbyin sreg bya'o/ /thog mar oM zhes brjod la mjug tu grags pa dang / dpal dang / longs spyod dang / dge ba dang / nor la swAhA zhes bya ba sbyar ro/ /yang na bdag gis ji ltar bsam pa'i dngos grub kyi rdzas la swAhA zhes </font><hr>304b<br><font size=+1>


bya zhing bsreg blugs dbul lo/ /de ltar de ji lta ba bzhin du sbyin sreg byas nas byang chub kyi sems la sogs pa'i rim pa de nyid snga ma bzhin du bya'o/ /'dir yang sgrub pa pos cho ga spyad pa ni/ gos ni ser po bgo bar bya/ /gtsang byed ser po gtsang ma thogs/ /sems ni brtan zhing mthu yang che/ /shin tu mi smra ser sna med/ /byang chub sems la rtag tu dga'/ /dus gsum cho ga thog mar byed/ /nas chan btsos pa'o ma 'thung / /rgyas pa'i las ni brtsam par bya/ /gang gis de ltar rgyas pa yi/ /las ni legs par brtsams pa ni/ /de yis yid la gang bsams pa'i/ /rgyas pa myur du 'grub par 'gyur/ /ral gri 'khor lo rdo rje dang / /ldong ros mig bsku gi wang dang / /yid bzhin nor bu bum pa gos/ /nor gyi char 'bab lham dag dang / /gdugs dang shing rta bo zhan pa dang / /de bzhin khang pa brtsegs pa dang / /pad+ma bum pa mdung rtse gsum/ /bgrang phreng be con gun+d+he dang / /pi wang mdung thung mda' yang rung / /lhung bzed dang ni gseg shang dang / /yang na rdzas ni gang 'dod pa/ /dkyil 'khor 'dir ni bsgrub par bya/ /rnam par snang mdzad chen po mngon par rdzogs par byang chub pa rnam par sprul pa'i byin gyis rlob pa las/ rgyas pa'i las kyi sbyin sreg gi cho ga rim par phye ba'o// //de nas gzhan yang sbyin sreg 'di/ /dbang gi las ni rab sgrub pa/ /'jig rten sgron ma mdzad pa yis// </font><hr>305a<br><font size=+1>


@#/ /brtse bar gyur pa'i thugs kyis gsungs/ /de ni ma lus bshad par bya'i/ /'byor bar 'dod pas nga la nyon/ /thog mar sa gzhi brtag pa ni/ /grong ngam yang na ljongs dag gi /me yi phyogs su gnas bcas te/ /'gro ba med pa'i khang stong ngam/ /shing gcig drung ngam dur khrod dam/ /yang na bde byed gnas su'am/ /ma mo'i gnas sam phug kyang rung / /sngags pas dkyil 'khor bri ba ni/ /mar gyi ngo yi tshes dgu la/ /dbang gi las ni brtsam par bya/ /gza' ni nyi ma'am mig dmar la/ /sgyu skar rgyal dang smin drug dang / /mchu dang sa ga dag la ni/ /mkhas pas dkyil 'khor bri bar bya/ /de la dang por sngags pas bdag phyag na rdo rjer byin gyis brlabs la sa kha dog dmar po la sbyang ba dang / yongs su gzung ba la sogs pa byas te/ de nas bdag nyid rnam par snang mdzad chen por byin gyis brlabs la/ 'phags pa mi g.yo bas bzlas pa'i srad bu le brgan du btsos pa blangs te dkyil 'khor gyi thig gdab pa ni/ gru gsum pa la sgo shar phyogs su gtod pa/ sgo khyud dang / rta babs dang / mu ran gyi cha legs par phye ste/ de nas tshon rtsi blang ba ni/ /dmar po shin tu bzang po la/ /yi ge 'bar ba gzhag pa ni/ /ra yi yi ge klad dang bcas/ /nyi ma 'char ba 'dra ba ste/ /shin tu gdul dga' rgyal ba'i mchog </font><hr>305b<br><font size=+1>


de ltar tshon rtsi byin brlabs la/ /sangs rgyas thams cad dran byas te/ /dkyil 'khor kun tu bri bar ni/ /gru gsum yang na gru lnga'am/ /yang na bdun nam dgu yang rung / /gsang sngags dngos grub rjes mthun par/ /rnam pa gsum du dbye bar bya/ /lha rnams dgod pa snga ma bzhin/ /mkhas pas rigs kyi bdag pos byas/ /lhag ma rnams ni ci rigs par/ /mkhas pa yis ni dgod par bya/ /de la nam mkha'i snying pos gnas su skra can dang nye skra can gnyis be con dang zhags pa'i phyag rgyar gzhag go /gnod mdzes kyi gnas su ni rdo rje lcags kyu mda'i phyag rgyar gzhag go /spyi bo skyes kyang mda'i phyag rgyar gzhag go /phyi rol tu ni phyag brnyan ma gzhi zhags pa'i phyag rgyar bri'o/ /de nas snga ma bzhin du cho ga thams cad bya'o/ /byug spos dang me tog la sogs pa yang dmar po dbul lo/ /me'i thabs khung yang snga ma'i gnas su bya ste/ srid du sor nyi shu'i tshad la/ kha ran sor gnyis pa kha phar blta bar bya'o/ /zabs su mtho chung ngu gang la dbus su rdo rje sor brgyad pas dmar pos bskus pa bya'o/ /me'i thab khung de ni gru gsum la zur gsum du bya'o/ /de nas bdag phyag na rdo rjer byin gyis brlabs la phyi rol tu gtor ma sbyin no/ /de nas btso blag mkhan gyi khyim nas me blangs la snga ma bzhin du bsang gtor bya ste/ seng ldeng shing ngam/ a sho ka'am/ shing kA ra bI ra'i me bus la de bzhin du </font><hr>306a<br><font size=+1>


@#/ /bdag nyid rnam par snang mdzad du byin gyis brlabs te me'i thab khung gi zhabs su me'i dkyil 'khor bsams la yi ger gzhag go /yi ger de yang 'bar ba'i phreng ba 'phro ba las me'i gzugs su gyur par bsams pa ni/ nyi ma 'char ba 'dra ba/ gdul dka' ba/ mig gsum pa/ thor tshugs can/ dbu skra kham pa/ lag pa bzhi pa| lag na be con dang / zhags pa dang / bgrang phreng / gun+d+he thogs pa/ gos dmar po gyon zhing srad bu dmar po se ral khar thogs pa/ yi ge ras mtshan pa/ me lce 'bar ba dmar po'i 'od 'phro ba de lta bu'i me bsams te bsang gtor byas la mchod yon phul te rang gi gsang sngags kyis byug spos dang me tog la sogs pa sbyin la/ de nas shing kA ra bI ra'i yam sreg shing yungs mar dang tsan+dan dmar po la myugs pa'i sbyin sreg bdun sbyin no/ /de nas dkyil 'khor du bkod pa'i lha rnams la sreg blugs bdun phul te snga ma bzhin du bdag gi lha'i gzugs bsams la gzhag ste/ de bzhin du sreg blugs phul la cho ga las byung ba'i rdzas rnams sbyin sreg bya'o/ /mjug tu'ang byang chub kyi sems sgom pa la sogs pa'i cho ga de bzhin du bya'o/ /cho ga 'di yang dkyil 'khor gyi yo byad thams cad kha dog dmar por bya'o/ /me'i gnas kyang dus gsum du tsan+dan </font><hr>306b<br><font size=+1>


dmar pos byug cing me tog dmar po'i sil ma dgram mo/ /dpal ldan gos ni dmar po bgos/ /byug spos phreng ba dmar pos brgyan/ /srad bu dmar po'i se ral thogs/ /byang chub sems kyi bye brag shes/ /zas su sran chung ci tshe za/ /yang na zas su shing tog za/ /dga' zhing 'dzum tshul mi smra thub/ /sems dang sems ni rjes su sbyor/ /rtag tu bzlas dang sbyin sreg byed/ /lha yi gzugs ni sems pa yi/ /mi yis dbang du bya ba yi/ /dngos grub ma lus brtsam par bya/ /gang zhig cho ga 'di yis su/ /cho ga shes pas las brtsams na/ /gzi brjid can nam de yi bu/ /zla ba gcig gis dbang du 'gyur/ /sbyin sreg zla ba gnyis byas na/ /phyag brnyan pho mos gnod sbyin ma/ /de bzhin sa 'og bu mo dag /sngags pas myur du khugs par 'gyur/ /'di ni re zhig mdor bsdus te/ /dbang gi sbyin sreg bsgrags pa yin/ /rnam par snang mdzad chen po mngon par rdzogs par byang chub pa rnam par sprul pa'i byin gyis rlob pa las/ dbang du bya ba'i sbyin sreg rim par phye ba'o// //da ni drag shul spyod pa yi/ /cho ga ma lus bshad par bya/ /gnod sbyin lto 'phye yi dwags gtum| |lha min dri za mi'am ci/ /sems can rnams la gnod byed dang / /de bzhin bgegs dang log 'dren dang / /'byung po ma mo srin po dang / /mkha' 'gro dang ni lus srul </font><hr>307a<br><font size=+1>


@#/ /dang / /mi yang rgyags dregs mthu ldan zhing / /drag po'i las byed sdang ba'ang rung / /de dag gdul phyir sngags shes pas/ /drag shul las ni brtsam par bya| |nyes pa chung ngu dag la ni/ /drag po'i cho ga mi brtsam mo/ /grong gi lho yi phyogs su ni/ /brtul bas sa gzhi nag po la/ /dur khrod dben pa'am dgon pa'am/ /skyed mos tshal rnying zhi gnas su/ /mar gyi ngo yi tshes brgyad dam/ /yang na tshes ni bcu bzhi la/ /gza' ni spen pa mig dmar dang / /rgyu skar rlung las byung ba dang / /me bzhi dang ni nag pa dang // tha skar dang ni de bzhin dbo/ /nab so dang ni sa ri dang / /rgyu skar de dag drag po ste/ /de dag gang yang rung ba la/ /sngags pa khros pa gshin rje'i bzhin/ /dkyil 'khor 'jigs pa bri ba ni/ /dgra yi srog ni gcod byed pa'i/ /sngags pa bdag nyid rang gi rgyas/ /rdo rje sems dpar byin brlabs te/ /sngags la 'jigs pa med pa yis/ /sa gzhi snga ma bzhin du sbyang / /de nas mi g.yo mthu chen gyis/ /yongs su bzung la sogs byas nas/ /rang gi yi ge phyag rgya yis/ /de nas rnam snang mdzad du bya/ /bu mo gzhon nus bkal ba yi| |srad bu sngon po der blangs nas/ /dkyil 'khor nan tan thig gdab pa/ /gru gsum phyi rol zlum por bya/ /khru bzhi khru lnga khru brgyad dam/ /de bzhin bcu gnyis </font><hr>307b<br><font size=+1>


bcu drug khru/ /ji ltar las kyi rjes mthun par/ /mkhas pas tshad ni brtag par bya/ /de nas dur khrod thal ba'am/ /mkhas pas tshon rtsi nag po la/ /yi ge ha ni der gzhag la// me lce 'bar ba'i phreng ba 'phro/ /dus mtha'i me ltar 'jigs pa'i gzugs/ /dbyar gyi char sprin 'dra ba'i mdog /kha ni mche ba gtsigs pa la/ /lag na rdo rje cod pan can| |bdud kyi sde ni thams cad dang / /sdang ba thams cad bsdigs byed pa/ /tshon la mkhas pas tshon de la/ /de 'dra'i yi ge bzhag nas ni/ /shes rab can gyis dkyil 'khor bri| |ba dan mang po'i mtshan mas mtshan/ /rta babs dang ni sgo khyud bcas/ /sgo yi cha ni legs par phye/ /lha yi gtso bor bzhag pa ni/ /snga ma bzhin du brtag par bya/ /byang phyogs sgo ni phye nas su/ /lhag ma'i sgo rnams gcad par bya/ /de la 'phags pa nam mkha'i snying po'i gnas su khro bo'i rgyal ba gshin rje'i gshed gsal shing gi phyag rgyar bri'o/ / mdzod spu'i gnas su khro bo'i rgyal po 'phags pa gzhan gyis mi thub pa zhes bya ba rdo rje dang dgra sta'i phyag rgyar bri'o/ /mthu chen thob dang / 'phags ma khro gnyer can dang / 'phags ma sgrol ma'i gnas rnams su don yod zhags pa dang / ral pa gcig ma dang / rta mgrin rnams zhags pa dang / dgra sta dang / rdo rje be con gyi phyag rgya </font><hr>308a<br><font size=+1>


@#/ /rnams su go rim bzhin du gzhag par bya'o/ /gnod mdzes kyi gnas su khro zla gtso bo'i rdo rje'i phyag rgyar gzhag go /'phags pa mi g.yo ba yang be con gyi phyag rgyar gzhag go /sgo drung du ni/ gdul dka' ba dang / mngon du phyogs pa gnyis be con gyi phyag rgyar gzhag go /gnas gtsang ma ba rnams kyi gnas su gshin rje'i 'chi bdag dang / dus mtshan mo dang lhan cig tu gzhag go /bden bral yang ral gri'i phyag rgyar gzhag go /'khor sa'i dbus su me'i thab khung sgo la phyogs par bya'o/ /dkyil 'khor gyi phyi rol khor khor yug tu ba dan rnams bri'o/ /me'i thab khung ni/ dbang gi las kyi me'i thab khung bzhin du bya ste/ bye brag tu ni phyi rol gyi mu ran zlum por byas la ba dan mang pos mtshan par bya'o/ /dkyil 'khor gyi lha rnams snga ma bzhin du so so'i gzugs bsams te mchod pa'i cho ga bya'o/ /de nas lha rnams ji lta ba bzhin du mchod nas de nas bdag phyag na rdo rjer byin gyis brlabs la phyi rol tu phyogs kyi gtor ma snga ma bzhin du sbyin no/ /de la byug spos la sogs pa'i khyad par ni/ tsan+dan dmar po dang / du ru ska dang </font><hr>308b<br><font size=+1>


sol ba bsres pa'i byug spos nag por dbul lo/ /me tog ut+pa la mthing ga dang / a ba rA dzi ta mthing ga'am/ gzhan yang me tog sngon po rnams dbul lo/ /bdug spos ni/ sra rtsi bog bu ram dang sbyar ba dbul lo/ /mar me ni/ yungs kar mar tsha ba snying po sngon po can mar me'i snod nag po'i nang du dbul lo/ /bshos ni /kri sa ra dang / gzhan yang tsha ba dang / kha ba la sogs pa'i bza' ba dang / tshod ma kha dog nag po rnams dbul lo/ /sran chan dang / kri sar dang / sha dang / nya sha btsos pa dang / rjen pa rnams phyogs kyi gtor mar sbyin no| |gtor ma'i cho ga ji lta ba bzhin du byas nas gdol pa'i khyim mam/ dur khrod nas me blangs te khro bo'i rgyal pos bsang gtor byas la dur khrod kyi shing ngam shing bal ta ka'am/ ba ru ra'i shing gis me bus la rnam par snang mjed chen por bdag byin gyis brlabs te me'i thab khung gi zhabs su rlung gi dkyil 'khor bsams la der yi ge hUM gzhag go /yi ge hUM de las me'i gzugs su gyur par bsams pa ni/ kha dog nag po shin tu mi bzad pa/ mig gsum pa/ gdong bzhi pa/ mi g.yo ba dud kha'o/ /blta dka' ba kham pa thor tshugs dud ka can/ char sprin sngon po lta bu'i mdangs can/ gsus po che gos sngon po gyon pa/ srad bu sngon po'i se ral khar thogs pa/ kha nas </font><hr>309a<br><font size=+1>


@#/ /mche ba bzhi gtsigs pa/ khro ba dang bcas shing kha gdangs pa/ lag na ral gri dang / zhags pa dang / be con dang / gun+d+he thogs pa/ snying ga na sum mdo'i ris mtshan can/ yi ge ras mtshan pa/ gdong khro gnyer bsnyer ba dang / hUM dang bcas pa 'bar ba nag cing rtsub pa dang / zangs lta bu'i 'od 'phro ba'i 'phreng ba can/ 'jigs pa'i dus mngon du byung ba bzhin du 'dug pa de lta bu'i me bsams nas bsang gtor byas te byug spos la sogs pa rang gi rig sngags kyis dbul lo/ /oM ag+ne ye dzA hi tra tra hUM phaT/ de nas yungs mar tsha ba dang sbyar ba'i kri sa ra'i sreg blugs gsum byin la dug dang / khrag dang / ske tshe'i sreg blugs bdun sbyin no/ /yang na shing ba la ta ka dang / ba ru ra'i shing gi yam shing rtse mo rnon por gzhogs pa yungs mar tsha ba dang / ske tshes byugs pa sbyin no/ /de nas dkyil 'khor gyi bdag po la sogs pa'i lha rnams snga ma bzhin du bsams te rdzas de dag nyid las rang gi rig pas sreg blugs dbul lo/ /de nas rang gi lha rnams snga ma bzhin du bsams te bzhag la/ rang gi rig pa las byung ba'i rdzas ji lta ba bzhin du mdzub mo dang mthe bos bzung ste khro bo dang bcas par gsang sngags zlos shing phaDa dang bcas par ji srid 'dod pa de srid du sreg blugs </font><hr>309b<br><font size=+1>


dbul lo/ /de nas snga ma bzhin du byang chub kyi sems sgom pa la sogs pas ngal bso bar bya'o/ /sngags pa gang zhig 'di lta bu'i/ /rab tu drag po'i las byed pa/ /de ni sum cu rtsa gsum gyi/ /gnas kyang rtswa mchog bzhin du sreg /'dir yang cho ga 'di ltar bya'o/ /dpal ldan gos ni sngon po bgos/ /byug spos phreng ba sngon pos brgyan/ /srad bu sngon po'i se ral thogs/ /byang chub sems la rab tu gzhol/ /tsha dang kha dang bska ba dang / /kri sa ra yi kha zas za/ /lha rnams dgod pa'i don la mkhas/ /gtsang zhing mchog tu tshul khrims ldan/ /spro ba che zhing dpa' snying can/ /khros pa 'jig rten mthar byed bzhin/ /lho phyogs kha bltas mi smra zhing / /'dug pa'i thabs ni tsog pur 'dug /sbyin sreg bzlas la rtag tu 'bad/ /srung dang bskyab pa dag la mkhas/ /mtshan mo sbyin sreg byed pa yis/ /drag shul spyod pa brtsam par bya/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ drag shul spyad pa'i sbyin sreg gi cho ga rim par phye ba'o// //de nas yang bcom ldan 'das rnam par snang mdzad kyi byang chub sems dpa'i spyad pa spyod pa rnams la stong pa nyid gnyis su med pa'i spyod yul rten cing 'brel te 'byung ba'i snying po </font><hr>310a<br><font size=+1>


@#/ /rnam par mi rtog pa'i ye shes 'thob pa'i rgyu spros pa thams cad dang bral pa/ gsal zhing dag pa/ yid kyis bsgrubs pa/ yongs su rdzogs par byed pa/ chos kyi dbyings kyi ngo bo nyid kyi chos bshad do/ /de nas byang chub sems dpa' sems dpa' chen po snying rje chen po spyan ras gzigs kyi dbang phyug de'i tshe thams cad mkhyen pa'i ye shes kyi ting nge 'dzin la snyoms par zhugs nas gsang ba pa'i bdag po phyag na rdo rje la smras pa/ gsang ba pa'i bdag po/ thams cad mkhyen pa'i ye shes kyi spyod yul stong pa nyid kyi rjes su zhugs pa/ gsang sngags thams cad kyi dngos grub stsol ba/ gnas med pa| mtshan nyid med pa/ ngo bo nyid med pa/ mtshan gyi gzhi dang mtshan nyid las 'das pa/ theg pa chen po thob par byed pa/ bdud rtsi sbyin pa de sngags kyi tshul la rnam par gnas pa'i rjes su zhugs pa rnams kyis ji ltar thob par 'gyur/ de skad ces smras pa dang / gsang ba pa'i bdag po phyag na rdo rje/ de bzhin gshegs pa thams cad kyi gsang ba ston pas bcom ldan 'das rnam par snang mdzad kyi zhal du bltas nas bcom ldan 'das la 'di skad ces gsol to/ /bcom ldan 'das/ </font><hr>310b<br><font size=+1>


sems can thams cad kyi sems kyi rgyud la lta ba snying rje chen po byang chub sems dpa' spyan ras gzigs kyi dbang phyug de bdag la 'dri zhing mchis na/ bcom ldan 'das| 'gro ba la phan par byed pa/ theg pa chen po thob par byed pa/ mtshan nyid med cing gnyis su med pa'i spyod yul/ gsang sngags thams cad kyi tshul gyi dngos grub stsol ba/ rten cing 'brel par 'byung ba'i snying po'i ngo bo nyid/ chos kyi dbyings kyi rjes su zhugs pa/ phyogs bcu'i 'jig rten gyi khams 'byung bar byed pa| stong pa nyid kyi ngo bo nyid kyi spyod yul gyi chos bshad du gsol/ de skad ces gsol pa dang / bcom ldan 'das rnam par snang mdzad de bzhin gshegs pa dgra bcom pa yang dag par rdzogs pa'i sangs rgyas theg pa gsum yongs su rdzogs par mdzad pa/ thams cad mkhyen pa'i ye shes thob par mdzad pa/ rnam par rtog pa thams cad kyi rgya mtsho las sgrol ba/ sems can thams cad la dgongs pa/ gsang sngags thams cad kyi dngos grub stsol ba/ bgegs thams cad skrag par mdzad pa/ 'byung po thams cad 'gugs pa/ byang chub sems dpa' thams cad kyi snying po bsam gyis mi khyab pa/ gzugs med pa/ sgra med pa/ dri med pa/ ro </font><hr>311a<br><font size=+1>


@#/ /med pa| reg med pa/ gnas med pa/ yid med pa/ rnam par shes pa med pa/ yi ge med pa/ spyod yul med pa/ brjod du med pa/ sbros pa med pa/ ma 'dres pas gsang ba pa'i bdag po phyag na rdo rje la 'di skad ces bka' stsal to/ /chos gang rgyu las byung ba rnams/ /de'i rgyu'ang de bzhin gshegs pas gsungs/ /de rnams kyi ni 'gog pa'ang gsungs/ /de skad gsungs pa dge sbyong mchog /gzhan dbang yod pa ma yin zhing / /yongs su grub pa'ang gzhan yin no| |gnyis po'ang yod pa ma yin te/ /rnam shes brgyad po de nyid mtshan/ /de nas 'khor mang po 'dus pa de rnams so so'i ye shes mngon par 'dus byas pa'i rdzu 'phrul gyi mthus bsam pa tha dad pa dang / blo gros tha dad pas tshigs su bcad pa gnyis gsungs pa'i don ji ltar rjes su mthun par khong du chud nas byang chub sems dpa' de rnams kyis bcom ldan 'das/ legs so legs so zhes gsol nas legs par phul lo/ /gsang sngags tshul la legs gnas pa/ /rdzogs sangs rgyas kyis bsngags pa yis/ /yang dag nyid ni sgom byed do/ /de dag sangs rgyas nyid du 'gyur/ /de nas de'i tshe byang chub sems dpa' sems dpa' chen </font><hr>311b<br><font size=+1>


po 'phags pa sbyan ras gzigs dbang phyug bcom ldan 'das rnam par snang mdzad kyi byin gyis brlabs kyis bcom ldan 'das la 'di skad ces gsol to/ /rnam par rtog pa las 'das pa'i/ /ma 'dres sems ni nyid kyis kyang / /bzlas pas dngos grub thob 'gyur na/ /chos kyi 'dus byas ci zhig smos/ /rta dang 'dra ba'i sems de ni| |mnyam par bzhag pas btul nas su/ /byams dang snying rje brtan byas na/ /dngos grub brtan pa 'phral du 'thob/ /nam zhig chos rnams ma skyes pa/ /de yi sa bon a yi mchog /rgyal ba dam pa rnams kyis gsungs/ /oM ni stong pa nyid ces bya/ /yi ge'i phyi mo phyi mo kun/ /de bzhin 'dren pa gnyis dang ldan/ /mi 'gyur yi ge dang yang ldan/ /de bas bsam par bya ba yin/ /a dang u zhes pa dang ni/ /r-i dang r-I dang oM du ldan/ /a dang ldan pa snang ba'i mchog /'di las thar pa 'thob ces gsungs/ /ka yi ris dang tsa yi ris/ /Ta yi ris kyang de bzhin gzhan/ /ta yi ris dang pa yi ris/ /ma dang ldan pa lnga pa'o/ /ya ra la wa sha la sogs/ /thams cad rgyal mchog yongs su rdzogs/ /de dag rgya chen don gyi mchog /rnam pa mang po'i don rnams byed/ /a ni byang chub thob par byed/ /ni ni de bzhin dgug par </font><hr>312a<br><font size=+1>


@#/ /byed| |u ni gsod pa 'grub par byed/ /ri ni dbang gi las byed pa'o/ /o ni srin po gsod par byed/ /bi ni 'chi ba yin par 'dod/ /oM ni klu yi snying po yin/ /kun kyang gzhan na ldan na mchog /yi ge mthu can thams cad ni/ /ra dang klad kor bcas gyur cing / /chos kyi dbyings dang rtag ldan par/ /bsam gtan bzlas byas dngos grub 'thob/ /de nas bcom ldan 'das rnam par snang mdzad kyis byang chub sems dpa' sems dpa' chen po 'phags pa sbyan ras gzigs dbang phyug la sems dpa' chen po/ /legs so legs so/ /sa bcu rtogs par khong du chud/ /bde gshegs yang dag mi zad pa/ /de nyid thams cad khyod kyis bshad/ /lag na rdo rjes smras pa yi/ /rab tu gsang ba khyod kyis rtogs/ /zhes legs so zhes bya ba byin no/ /de nas bcom ldan 'das la gsang ba pa'i bdag po phyag na rdo rjes 'di skad ces gsol to/ /dpa' bo chos dbyings rang bzhin ni/ /'khor los bsgyur ba rgyal ba mchog /'jig rten dpa' bo'i phyag rgya dang / / mi skye ba yi yi ge yis/ /de bzhin bdag nyid bsams nas su/ /byang chub sems kyis shin tu bsdams/ /stong pa gnyis su med sbyor bas/ /las rnams thams cad </font><hr>312b<br><font size=+1>


bsgrub par bya/ /chos dbyings rnam par dag pa'i bdag /sa bon yi ge dang ldan par/ /dad cing bzlas brjod mnyam bzhag pas/ /bsams na dngos grub thob par 'gyur/ /khrus dang bshags la sogs pa dang / /rab tu dben la sogs pa dang / /phyag rgya bgrang phreng sems pa yi/ /zlos pa'i dngos grub brtan pa 'thob/ /chos kyi dbyings dang ldan 'gyur bar| |sngags 'di rnams kyis bsgrubs na ni/ /'gro dang mi 'gro'i khams gsum na/ /'grub par mi 'gyur dngos de med/ /gsang ba pa'i bdag po/ rang gi dkyil 'khor la gnas pa'i bzlas brjod byas la dbang bskur ba'i cho ga 'di la 'khor los sgyur ba bzhag par bshad do/ /rnam par snang mdzad chen po mngon par rdzogs pa byang chub pa rnam par sbrul pa byin gyis rlob pa las/ sgom pa'i yi ge dgod pa dbang bskur ba rim par phye ba'o// //de nas yang bcom ldan 'das la phyag na rdo rjes 'di skad ces gsol to/ /bcom ldan 'das/ chos kyi dbyings bsam gyis mi khyab pa sems kyis las 'das pa nyid kyis mngon par sangs rgyas pa de byang chub sems dpa' rnams la thabs sna tshogs kyis bsam pa dang mos pa ji lta ba bzhin du bshad lags kyi/ yang bshad du gsol/ de la thog mar cho ga 'dis sdig pa so sor bshags </font><hr>313a<br><font size=+1>


@#/ /par bya'o/ /sangs rgyas dang byang chub sems dpa' thams cad kyis dus 'di nas bzung ste nam byang chub kyi snying po la mchis kyi bar du bdag la dgongs su gsol/ bdag ming 'di zhes bgyi bas skye ba thog ma ma mchis pa nas 'khor ba na 'khor ba'i tshe bdag gi sdig pa mi dge ba'i las bgyis pa dang / bgyid du stsal pa dang / bgyid pa la rjes su yi rang ba de dag thams cad sangs rgyas dang byang chub sems dpa' thams cad kyi sbyan sngar so sor bshags so/ /de ltar lan gnyis lan gsum du bya'o/ /de nas sangs rgyas dang byang chub sems dpa' thams cad kyi spyan sngar gsum la skyabs su 'gro ba gzung bar bya'o/ /sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi ba dus 'di nas bzung ste nam byang chub kyi snying po la mchis kyi bar du sangs rgyas bcom ldan 'das la skyabs su mchi'o/ /de bzhin gshegs pa'i chos kyi sku zhi ba bla na med pa so sor rang gis rig pa la skyabs su mchi'o/ /phyogs bzhi'i byang chub sems dpa' chen po 'phags pa phyir mi ldog pa'i dge 'dun la skyabs su mchi'o/ /de ltar lan gnyis de ltar lan gsum du bya'o/ /de nas bdag gi </font><hr>313b<br><font size=+1>


lus dbul ba ni/ sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi ba dus 'di nas bzung ste nam byang chub kyi snying po la mchis kyi bar du sangs rgyas dang byang chub sems dpa' thams cad la bdag nyid dus thams cad du yong ye dbul gyi/ sangs rgyas dang byang chub sems dpa' thams cad kyis bdag la thugs brtse ba'i slad du bdag bzhes su gsol/ de ltar lan gnyis de ltar lan gsum du bya'o/ /de nas dam tshig gi phyag rgya bcings la gsang sngags brjod par bya'o/ /na maH sa man+ta bud+d+hA nAM/ a sa me tri sa ma ye swAhA/ de nas chos kyi dbyings su byin gyis brlab bo/ /na maH sa man+ta bud+d+hA nAM/ d+ha rma d+hA tu swa b+ha ba At+ma kony+haM| de nas rdo rje sems dpar byin gyis brlab bo/ /na maH sa man+ta bud+d+hA nAM/ badz+ra At+ma konyahaM/ de nas byang chub kyi sems bskyed par bya'o/ /sangs rgyas dang byang chub sems dpa' thams cad bdag la dgongs su gsol/ /bdag ming 'di zhes bgyi ba dus 'di nas bzung ste nam byang chub kyi snying po la mchis kyi bar du dngos po thams cad dang bral ba phung po dang / khams dang / skye mched dang / gzung ba dang / 'dzin pa rnam par spangs pa/ chos bdag med pa mnyam pa'i phyir rang gi sems thog ma nas ma skyes </font><hr>314a<br><font size=+1>


@#/ /pa| stong pa nyid kyi ngo bo nyid du ji ltar sangs rgyas bcom ldan 'das rnams dang / byang chub sems dpa' de rnams kyis byang chub tu sems bskyed pa de bzhin du bdag gis kyang sems bskyed do/ /de ltar lan gnyis de ltar lan gsum du bya'o/ /de nas gang ba'i phyag rgya spyi bor bcings la de bzhin gshegs pa'i 'khor thams cad du spos dang me tog la sogs pa'i sbrin bsams te rig sngags kyi rgyal mo 'di lan gsum brjod par bya'o/ /na maH sa man+ta bud+d+hA nAM/ a b+hi sma ra ye snga ra Na hi mAM ga ga na khaM/ d+ha rmA d+hA tu A kA sha sa ma tA ya/ sarba ta thA ga ta pa ri sho d+ha na maN+DA la/ ma ma pra Ni d+hi pu n+ya dz+nyA na pa le na/ sarba ta thA ga ta ba la na/ d+harma d+hA tu a d+hiSh+ThA na ba le na tsa swA hA/ gang pa'i phyag rgya ni/ sbyi bor pad+ma kha bye ba 'dra bar bya ba gang yin pa de ni/ gang ba'i phyag rgya'i mtshan nyid yin no/ /bzlas brjod kyi cho ga rim par phye pa'o|| //de nas bcom ldan 'das rnam par snang mdzad kyis chos kyi dbyings bsam gyis mi khyad pa rnam par rol pa bstan nas yang yul bsam gyis mi khyab pa bstan par bzhed pas dbu'i gtsug nas chos kyi mdzod ces bya ba sems can gyi khams mtha' yas pa'i sems thibs po snang bar byed pa'i 'od zer gyi dra ba byung ngo // </font><hr>314b<br><font size=+1>


de nas 'od zer chen po'i dra ba bkod pa de/ de bzhin gshegs pa'i byin gyis brlabs pa rgya chen po rnam par rol pas nam mkha'i dbyings rgya chen po chos kyi dbyings kyi pho brang na bzhugs pa'i de bzhin gshegs pa rnams la bskor ba byas nas sems can thams cad kyi 'khor gyi dkyil 'khor thams cad du snang bar byas te/ sems can gyi khams ma lus pa yongs su bskyabs pa la sbyar nas sems can dmyal ba dang dud 'gro dang yi dwags kyi 'gro bar skyes pa rnams kyang tshim par byas te lha dang mi'i gnas rnams kyang de bzhin gshegs pa'i snying po stug po bkod pa'i khongs su gtogs par byin gyis brlabs nas chos kyi dbyings bsam gyis mi khyab pa yang de bzhin gshegs pa'i bsod nams kyi stobs bsam gyis mi khyab pa'i byin gyi rlabs pa rgyu mthun pas byin du brlabs so/ /chos kyi dbyings kyi dgos pa ma rdzogs pas snying rje chen po'i snying po 'byung ba'i mdzod ces bya ba sems can gyi khams ma nges pa yongs su skyob pa'i snying po dkyil 'khor gyi rgyal po chen po'i ting nge 'dzin la snyoms par zhugs so/ /snyoms par zhugs nas kyang phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab dang mnyam pa snyed la bka' stsal pa/ rigs kyi </font><hr>315a<br><font size=+1>


@#/ /bu dag /sems can gyi khams ma nges pa yongs su skyob pa'i snying po'i rgyal po de bzhin gshegs pa thams cad 'byung ba zhes bya ba'i dkyil 'khor rgyas pa gang la brten na/ byang chub sems dpa' rnams tshegs chung dus de bzhin gshegs pa'i sa thob par gyur cing chos kyi dbyings bsam gyis mi khyab pa yang mngon sum du byed par 'gyur ba yod do/ /de skad ces bka' stsal pa dang / phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab dang mnyam pa de dag gis mgrin gcig tu tshig smras pa/ bcom ldan 'das/ gang bcom ldan 'das kyis bdag cag la thugs brtse ba'i slad du dkyil 'khor chen po bkod pa'i byin gyis brlabs pa bshad pa de'i dus la bab cing bde bar gshegs pa de'i tshod la bab ste legs so/ /bcom ldan 'das chos kyi rje/ chos kyi dbang phyug /chos kyi bdag po thar byed pa dang bral ba/ ye shes chen po mnga' ba/ ston pa sa bcu'i dbang phyug gcig pu/ don grub pa/ tshig grub pa/ srid pa'i mtha' las rgal pa/ de kho na nyid mkhyen pa/ sman pa'i rgyal po chen po/ /'gag pa med pa/ chad pa med pa/ mtha' gnyis rnam par spangs pa/ de bzhin nyid dang yang dag pa'i </font><hr>315b<br><font size=+1>


mtha' spros pa med brtogs par khong du chud pa/ skyong ba gnas gsum du gyur pa/ gling du gyur pa/ mya ngan las 'das pa/ zhi bar gyur pa/ grol ba thar pa/ rims nad med pa| rdul dang bral ba/ rnyog pa dang bral ba/ smra ba dang kun tu smra ba med pa/ dngos po thams cad rnam par 'dzin par mdzad pa bshad du gsol/ 'di ltar rdo rje 'dzin de dag thams cad rtag tu yid la rab tu dga' bar gyur pas mtshan legs par bsgrags pa byas nas rnam par 'dren pa la gsol ba btab bo/ /de dag gis gsol ba btab pa mkhyen nas dpa' bo chen po/ /thams cad mkhyen pa/ rims nad dang bral bas snying rje chen po'i 'byung pa'i dkyil 'khor yang bshad par bya'o/ /zhes bka' stsal to| |de nas gsang ba pa'i bdag po phyag na rdo rjes bcom ldan 'das kyi zhabs gnyis la phyag 'tshal nas bcom ldan 'das la 'di skad ces gsol to/ /bcom ldan 'das/ dkyil 'khor 'di'i ming ci lags/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la bka' stsal pa/ lag na rdo rje dkyil 'khor 'di'i ming ni/ sangs rgyas med pa'i 'jig rten gyi khams su sangs rgyas 'byung ba ston pa'o/ /de nas yang gsang ba pa'i bdag po phyag na rdo rjes </font><hr>316a<br><font size=+1>


@#/ /bcom ldan 'das la 'di skad ces gsol to/ /bcom ldan 'das kyis de bzhin gshegs pa dgra bcom pa yang dag par rdzogs pa'i sangs rgyas rnams nam mkha'i dbyings khyab par gnas so/ /zhes ma gsungs sam/ nam mkha' la ni/ skye ba'ang ma mchis/ 'gag pa'ang ma mchis so/ / bcom ldan 'das/ de bzhin du de bzhin gshegs pa rnams la yang skye ba yang ma mchis/ 'gag pa yang ma mchis na/ bcom ldan 'das/ de ci'i slad du 'di ni| sangs rgyas med pa'i 'jig rten gyi khams rnams su sangs rgyas 'byung ba'o/ /zhes gsungs so/ /bcom ldan 'das kyis bka' stsal pa/ gsang ba pa'i bdag po/ gang gi tshe sbrul pa'i sangs rgyas yongs su mya ngan las 'das pa de'i tshe 'jig rten gyi khams de dag tu byang chub sems dpa' gsang sngags kyi sgo nas byang chub sems dpa'i spyad pa spyod pa rnams dkyil 'khor chen po bkod pa byin gyis brlabs pas sems can rnams yongs su smin par byed do/ /de skad ces bka' stsal pa dang / gsang ba pa'i bdag po phyag na rdo rjes bcom ldan 'das la 'di skad ces gsol to/ /bcom ldan 'das/ ngo mtshar che'o/ /gang na sems can </font><hr>316b<br><font size=+1>


'dod chags dang / zhe sdang dang / gti mug dang / g.yo dang / sgyu dang / the tshom gyi bsam pa can/ mos pa tha dad pa rnams kyi bsam pa ji lta ba bzhin du yongs su rdzogs par bgyid pa'i byang chub sems dpa' sems dpa' chen po de dag ni/ bcom ldan 'das shin tu dka' ba bgyid par rig par bgyi'o/ /bcom ldan 'das kyis bka' stsal pa| lag na rdo rje/ rigs kyi bu de dag ni/ sangs rgyas gcig la bsnyen bkur byas pa ma yin gyi/ rigs kyi bu de dag gis ni/ sangs rgyas mang po la dge ba'i rtsa ba bskrun par rig par bya'o/ /chos snang ba'i sgo'i tshul gsum las kyang 'byung ste/ gsum gang zhe na/ 'di lta ste/ snying rje'i tshul gyi sgo snang ba'i tshul dang / chos zab mo'i tshul gyi sgo'i snang ba'i tshul dang / de bzhin gshegs pa la mchod pa dang bkur sti byed pa'i tshul gyi sgo 'di gsum dang ldan par rig par bya'o/ /de nas yang bcom ldan 'das kyis byams pa chen po dang thugs rje chen po'i spyan gnyis kyis chos kyi dbyings kyi pho brang chen po na gnas pa'i byang chub sems dpa' rnams la gzigs nas gsang ba pa'i bdag po lag na rdo rje la bka' stsal pa/ lag na rdo rje/ slob dpon gyi mtshan nyid nyon cig /de la re zhig slob dpon byang chub tu sems bskyed pa/ </font><hr>317a<br><font size=+1>


@#/ /byang chub sems dpa'i bslab pa la spyod pa/ byang chub sems dpa'i sdom pas bsdams pa/ snying rje can/ dad pa che ba/ chos zab mo la gnas pa/ shes rab kyi pha rol tu phyin pa'i tshul la mkhas pa/ sgyu rtsal rnams la mkhas shing nus pa/ gtsang zhing bag yod pa/ gsang sngags spyad pa dang phyag rgya dang dkyil 'khor gyi las rnams bslabs pa/ dkyil 'khor bri ba'i las bya ba la bla ma las lung thob pa/ sangs rgyas chos dang dge 'dun la/ /gang zhig yid gnyis med gyur cing / /sems can khams ni ma lus pa/ /yongs su bskyab pa'i phyir brtson pa/ /mkhas pa des ni sangs rgyas kyi/ /dkyil 'khor dag ni bri bar rigs/ /mtshan rnams thams cad yongs rdzogs brtan/ /shes rab rno la dpa' snying can/ /bdag gam slob ma rnams kyi'ang rung / /bgegs ni zhi bar byed par nus/ /yang dag bden pa'i don rtogs la/ /gang gis mos pa rgya che zhing / /bzod dang ldan la nga rgyal med/ /rlabs po che yi las byed cing / /de ni rlabs po che la dad/ /byang chub sems dpa' skyob pa dang / /sangs rgyas rnams kyi smon lam dag /thos nas phyi phyir dga' ba dang / /rtag tu mgu bar 'gyur ba dang / /gsang sngags spyod la brtson pa dang / /bzlas brjod byed la gang 'bad dang // </font><hr>317b<br><font size=+1>


gcam sgyu thams cad mi sems la/ /'jig rten chos la mi lta zhing / /sngags la gzhol pa'i sngags pa ni/ /yon tan de la sogs ldan na/ /slob dpon ston pas bkur ba yin// yang na chos rnams thams cad ni/ /rnam par dben la gang gnas pa/ /der yang sangs rgyas thams cad kyi/ /sangs rgyas 'byung ba ston par 'os/ /yang na rdzogs pa'i sangs rgyas kyis| |sngags pa'i dam tshig gsum shes pas/ /nyes pa thams cad rnam spangs pa/ /de la gnas pa'i sngags pa ni/ /yon tan kun dang mi ldan yang / /de la dkyil 'khor 'bri bar 'os| |de ltar yon tan kun ldan na/ /'jig rten pa yi dkyil 'khor dang / /'jig rten 'das pa thams cad kyang / /las kyi cho ga mthong bas bya/ /de la slob dpon la gzhan gyis bskul na slob ma don du gnyer ba shes shing de la dad par shes na/ de ltar shes na slob dpon des/ /sa gzhi legs par brtag par bya/ /mtsho dang kun dga' skyed mos tshal| |rdzing bu rnams kyis kun brgyan pa'am/ /'bras bu me tog dang ldan pa'i/ /ljon shing sdong bu de bzhin te/ /grel ba dam pa nyams dga' ba/ /'bras bu me tog ldan pa dang / / dang mo khrung khrung rma bya dang / /sa ra ne tso sha ri rnams/ /gang gi yul na yod pa yi/ /yul der nan tan bskyed de bsnyen/ /me tog 'bras bu ldan ri dang / /gnas shing yid 'ong </font><hr>318a<br><font size=+1>


@#/ /chu yi gnas/ /'bab chu'i chu ni zhim pa dang / /chu gling g.yas nas 'khor ba can/ /der ni sngags pa blo ldan gyis/ /dkyil 'khor longs spyod 'phel bar bri| |yul ni shin tu smum pa dang / /gtsug lag khang dang khang pa dang / /lha yi gnas dang phyugs lhas dang / /shing gcig lam gyi bzhi mdor yang / /zhi ba'i las la zhi ba yi/ /dkyil 'khor shes rab can gyis bri/ /khang pa stong pa'am dur khrod dam/ /snum med rtsub pa'i las can dang / ngan cing gtum la 'jigs pa can/ /de bzhin thibs po 'jigs 'jigs lta/ /de la sogs pa'i gnas rnams su/ /drag po'i las kyi dkyil 'khor bri/ /drag por drag po'i las rnams bya/ /zhi bar zhi ba'i las bya'o| |rgyas par rgyas pa nyid yin te/ /cho ga de ni rgyas pa la'o/ /yang na yid ni gang dag tu/ /nges par dga' ba skye 'gyur ba/ /yul der dkyil 'khor bri ba yis/ / las ni legs par bya bar 'os/ /gang gi sems ni rnam dag cing / /the tshom la sogs rnam spangs pa/ /de la las rnams thams cad ni/ /'grub par 'gyur ba dogs pa med| |rnam par rtog pa spangs pa yi/ /rnam par mi rtog byang chub yin/ /de yang rnam rtog spangs pa yis/ /thob par 'gyur gyi gzhan gyis min/ /de bas rnam pa </font><hr>318b<br><font size=+1>


thams cad du/ /blo ldan yid gnyis spangs nas su/ /'jig rten kun la phan 'dod pas/ /shes rab can gyis dkyil 'khor bri/ /yul med dus kyang yod ma yin/ /bya ba med cing byed pa'ang med/ /chos rnams dag ni thams cad la/ /chos nyid 'ba' zhig yod ma yin/ /byis pa mi shes pas bsgribs pa/ /rgyu dang rkyen gyis brgyal bas na/ /stong pa'i chos ni ma rtogs pas/ /rtag tu bdud kyi dbang du 'gyur/ /de ltar ye shes dbang gyur pa/ /ston pa sbros pa med rtogs pas/ /rnam rtog thams cad spangs pa yi/ /mnyam pa med pa'i chos bshad do/ /de nas yang bcom ldan 'das rnam par snang mdzad sangs rgyas thams cad kyi rgyan bkod pa'i rgyal po zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs pa dang smin mtshams nas sangs rgyas kyi zhing thams cad kyi rgyan ces bya ba'i 'od zer byung ngo / /byung nas kyang kun tu snang bar gyur to/ /sangs rgyas kyi zhing 'di snang bar byas nas kyang gang gi rnam pa dang yon tan gyi mtha' bskal pa bye ba khrag khrig brgya stong du yang rtogs par mi nus pa lha'i sgo khyud kyis rab tu brgyan pa/ de bzhin gshegs pa'i rnam par smin pa las gyur pa/ me tog gi gzhi'i snying po bkod pa'i rgyan 'di thams cad lag mthil bzhin du mnyam </font><hr>319a<br><font size=+1>


@#/ /par gyur to/ /de ltar de bzhin gshegs pa'i bkod pa bsam gyis mi khyab pa byin gyis brlabs nas 'od zer de dag gsang ba pa'i bdag po phyag na rdo rje'i sbyi bor mi snang bar gyur to/ /'od zer de dag mi snang bar gyur ma thag tu phyag na rdo rjes bcom ldan 'das kyi zhabs gnyis la phyag 'tshal nas bcom ldan 'das la 'di skad ces gsol to/ /bcom ldan 'das/ dkyil 'khor chen po bkod pa'i byin gyis rlob pa bshad du gsol/ de skad ces gsol pa dang / bcom ldan 'das kyis byang chub sems dpa' chen po phyag na rdo rje la bka' stsal pa/ lag na rdo rje/ dkyil 'khor chen po bkod pa byin gyis rlob pa nyon cig /bcom ldan 'das| de ltar bgyi'o/ /zhes nas phyag na rdo rje bcom ldan 'das la slar mnyam pa dang / bcom ldan 'das kyis de la 'di skad ces bka' stsal to/ /lag na rdo rje/ de la ji skad du bsgrags pa'i gnas rnams su dkyil 'khor gyi tshad khru gang yan chad dpag tshad gcig man chad du bya'o/ /dpag tshad gcig pas lhag par ni/ mi bya'o// de la sa gzhi mnyam la 'jam/ /byug spos dag gis legs par bskus/ /yang na 'jim pa gtsang ma yis/ /sngags pas nan tan bsku bar bya/ /de nas phur bu </font><hr>319b<br><font size=+1>


sor brgyad pa la las thams cad byed pa'i gsang sngags kyis brgya rtsa brgyad du btab ste gra bzhir mnyam par btab na/ dkyil 'khor kun tu cis kyang mi tshugs par byin gyis brlabs par 'gyur ro/ /na maH sa man+ta badz+rA NAM haM ko Ta ya sa me ma hA tsaN+Da li hUM phaT/ de nas sta gon du gnas pa byas la phyi de nyin dkyil 'khor gyi yo byad rnams bsags la las thams cad byed pa'i gsang sngags sam/ 'phags pa mo g.yo bas srung ba byas te dkyil 'khor gyi byang phyogs su gzhag go /yang na bdag gis byin gyis brlabs la gzhag go /de nas phyi de nyin slob ma dad pa che ba/ gtsang sbra che ba/ chos la 'bad pa/ cho rigs btsun pa/ mos pa rgya che ba/ gcig gam gnyis sam gsum mam| ji snyed 'dod pa rnams gzung ngo / /las thams cad byed pa'am/ 'phags pa mi g.yo ba'am/ mi bzod pa'i gsang sngags kyis bu mos bkal ba'i skud pa'am skud pa gzhan la btab pa dang / yang na rtsa ku sha la mdud pa gsum bor pa yang rung ste/ de nas sngags kyis bsngags pa ni/ /brgya 'am yang na lhag kyang rung / /slob ma rnams kyis las 'grub phyir/ /dbung ba g.yon la bcing bar bya/ /u dum ba ra'i so shing ni/ /me tog dri la sogs pas bskus/ /shin tu bzang pos srung ba bya/ /sor brgyad pa la rtse gcig gshibs// </font><hr>320a<br><font size=+1>


@#/ /dge ba yid du 'ong ba dag /de nas mkhas pas sbyin par bya/ /shar ram byang du kha bltas te/ /so shing dag ni bca' bar bya/ /de nas blo ldan mi ltos shing / / dpyad pa med par dor bar bya/ /gang du ltung bar gyur pa las/ /de bzhin der ni grub par 'gyur/ /shes rab pha rol phyin la sogs/ /mdo sde'i chos ni mnyan du gzhug /slob ma skyo bar bya ba'i phyir/ /chos kyi gtam ni bzang po bya/ /gal te rmi lam bzang po'am/ /ngan pa dag ni mthong gyur na/ /bdag gi skal pa brtag pa'i phyir/ /bla ma la ni de dag bsnyad| |mchod rten kun dga' gtsug lag khang / /glegs bam dang ni lha rnams dang / /yid bzhin nor bu rin chen gos/ /yang na me tog 'bras bu rnyed/ /ral gri 'khor lo bi wang dang / /grub pa'i rdzas ni sna tshogs rnams/ /gang gis rmi lam thob gyur na/ /de yis dngos grub yid bzhin 'gyur/ /nyi zla me dang tshod dag gam/ /de bzhin rgya mtsho rgal ba dang / /glang po che dang rta yang rung / /de ni dngos grub thob mi dka'/ /de la sogs pa'i rmi lam ni/ /bzang pos dngos grub dam pa brtag /rmi lam ngan pa mi bzad pa/ /'jigs pa mthong na mi 'grub bo/ /bong bu rnga mo khyi dang bya/ /stag dang byi la wa rnams dang / /mi ni 'bru mar lus bskus dang / /gcer bu rtsub la mi sdug pa/ /de la sogs pa'i rmi ngan </font><hr>320b<br><font size=+1>


rnams| |blo dang ldan pas spang bar bya/ /yang na dngos rnams rmi lam dang / /dri za'i grong khyer bzhin shes nas/ /blo dang ldan pas rmi lam rnams/ /snying po med par bshad par bya/ /de nas bcom ldan 'das la phyag na rdo rjes 'di skad ces gsol to/ /bcom ldan 'das/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams 'di lta bu'i chos rnams la dang po nas blo brtan par 'gyur pa 'di'i rgyu ni/ gang lags/ rkyen ni/ gang lags/ bcom ldan 'das kyis bka' stsal pa/ 'di ltar rigs kyi bu de dag ni/ snying rje chen po dang ldan pas chos thams cad shin tu mya ngan 'das par mthong zhing so so'i skye bo'i tshogs rnams kyi mtshan nyid kyang phyin ci log tu shes nas mtshan nyid dang bral ba zhig tu shes te/ de bas na de dag chos thams cad la blo brtan zhing nges par gyur to/ /de nas yang bcom ldan 'das kyis chos kyi dbyings bsam gyis mi khyab ba rgya chen por byin gyis brlabs nas gsang ba pa'i bdag po phyag na rdo rje la bka' stsal pa/ gsang ba pa'i bdag po/ dkyil 'khor chen po bkod pa'i byin gyis brlabs pa nyon cig /de la dang por slob dpon gyis gtsang sbra byas te bden bral gyi phyogs su gnas la dkyil 'khor gyi sa la rnam par dbye bar bya'o/ /sangs rgyas dang byang chub sems dpa' </font><hr>321a<br><font size=+1>


@#/ /thams cad la phyag byas te chos kyi dbyings rnam par dag pa yang dran par byas te mtha' yas pa/ rgya che ba/ rab 'byams bkod pa'i byin gyis brlabs la blta'o/ /bltas nas kyang bdag rdo rje sems dpar byin gyis brlabs la/ tshon sna lnga yi srad bu'am/ /yang na mkhas bas blos kyang rung / /lha yi gnas rnams nges pa ni/ / shes rab can gyis rnam par dbye/ /kun tu gru bzhi lham pa la/ /sgo bzhi rta babs dang yang bcas/ /sgo khyud rab 'byams rgya che ldan/ /rnam par dag pa sems kyis bris/ /rin chen lnga yi phye ma 'am/ /yang na sA lu'i phye ma'ang rung / /yang na spos sam thal bas kyang / /dkyil 'khor sngags pas bri bar bya/ /gru bzhi pa la sgo bzhi pa/ /nub kyi sgo ni dbye bar bya/ /de nas rig sngags rgyal mo ni/ /mi bzad srung ba chen mo 'am/ /yang na mi g.yo dran par bya/ /rdzogs pa'i sangs rgyas dran byas nas/ /bden bral gyi ni phyogs su 'gro/ /de nas srad bu bres nas su/ /bskor ba byas te slar log na/ /de nas blo dang ldan pa ni/ /byang dang nub kyi phyogs su 'gro/ /der yang shar du kha bltas nas/ /shar gyi phyogs su srad bu bres/ /de ltar srad bu'i tshul shes pas/ /rtag par thog ma nyid du bya/ /de nas dbus su 'dug nas ni/ /mgon po ngan song kun spong dang / /mi mchog </font><hr>321b<br><font size=+1>


'od dpag med pa dang / /de bzhin sgrib pa kun sel dang / /thub pa me tog kun rgyas dang / /rgyal ba rnam par snang mdzad dang / /thub chen bdud las rgyal ba dang / /de bzhin mi 'khrugs zhes bya dang / /sangs rgyas rnga yi sgra dbyangs can/ /de bzhin gshegs pa rjes dran nas/ /der yang dka' thub can gyis ni/ /nan tan bskyed de cha gsum brtag /de ltar las la mkhas pa yis| |sa ni legs par brtags nas su/ /byang chub sems dpa' blo can dang / /sangs rgyas rnams kyi yum yang bklag /yang na zab mo'i mdo sde gzhan/ /sa rnams gtan la 'bebs pa bklag /bklags nas blo dang ldan pa yis/ /kun tu bdug spos bskor nas su/ /rgyal ba mchog gi sras rnams dang / /sangs rgyas rnams la phyag byas nas/ /sangs rgyas rnams kyi sku gzugs sam/ /phyag rgya mkhas pas bri bar bya/ /yang na gzhan ni gang yang rung / /de dag thams cad bri bar bya/ /de nas yang bcom ldan 'das rnam par snang mdzad kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/ sbyor ba gang dang ldan na/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams tshegs chung ngus sems can gyi khams mtha' yas pa yang srid pa'i rgya mtsho las sgrol bar 'gyur ba chos kyi dbyings bsam gyis mi khyab pa'i tshul sgrub pa'i sbyor ba yod do/ /de skad ces bka' </font><hr>322a<br><font size=+1>


@#/ /stsal pa dang / phyag na rdo rjes bcom ldan 'das la 'di skad ces gsol to/ /bcom ldan 'das/ sgrub pa'i tshig gang dang ldan na/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams cho ga thams cad yongs su rdzogs par bgyid cing de bzhin gshegs pa rnams kyang mnyes par bgyid ba'i sgrub pa'i tshig de dag bshad du gsol/ de skad ces gsol ba dang / bcom ldan 'das rnam par snang mdzad kyis chos kyi dbyings kyi tshul rgya chen po byin gyi rlabs sgrub pa'i gzhi rgya chen pos byin du brlabs nas sbyor ba bzang po bshad do/ /gsang ba ba'i bdag po/ /de la 'khor los bsgyur ba'i dkyil 'khor gyi tshad dpag tshad gcig tsam bri bar bya ste/ gnas tsan+dan bzang po sbrul gyi snying po dam pa las byas pa'i khang pa dril bu dang rin po che'i bla re chen po bres pa/ lha'i a ga ru'i bdug spos kyis bdugs pa| dzam+bu nA da'i gser gyi srad bus bskor ba/ rin po che sna tshogs kyi dril bu g.yer kha'i dra bas steng brgyan pa/ rnga sgra snyan pa sna tshogs kyi sgra grags pa/ phyogs bzhin rta babs bzang po mu tig gi phreng ba btags pa/ tshon sna tshogs kyi ras bting ba/ bkod pa dang rgyan sna tshogs kyis spras pa/ rin po che'i sgron ma sna tshogs kyis kyang rnam par </font><hr>322b<br><font size=+1>


gsal bar bya'o/ /de nas de bzhin gshegs pa 'dus pa'i nang na 'dug bzhin du bdag nyid chos kyi dbyings rnam par dag pa'am/ de'i rnam pa la dmigs par byin gyis brlabs la/ de'i chos 'byung ba'i phyag rgya'am dam tshig gi phyag rgya bcings te/ stong pa'i ngo bo nyid kyi rjes su song ba rnams sangs rgyas dang byang chub sems dpa'i sdom pa dang byang chub kyi sems 'dzin du gzhug go /de nas bla na med pa'i ye shes kyi mig rnam par dag par bya ba'i phyir dam tshig bstan par bya'o/ /de la nang gi dkyil 'khor gyi phyag rgya ni/ 'di rnams yin no/ /shar phyogs su sangs rgyas thams cad kyi phyag rgya gru gsum pa pad+ma'i steng na 'dug par bri'o/ /de'i gsang sngags ni/ 'di'o/ /na maH sa man+ta bud+d+hA bo d+hi satwA nAM/ a sarba tra Na ki swAhA/ bcom ldan 'das kyi g.yas logs su sangs rgyas dang byang chub sems dpa' thams cad kyi phyag rgya yid bzhin gyi nor bu'i rgyal mtshan bri'o/ /de'i gsang sngags ni/ na maHsa man+ta bud+d+ha bo d+hi satwA nAM/ sa man+ta a mr-i te dz+wa la swAhA/ de'i 'og tu kun tu bzang po'i phyag rgya ral gri dang gnas kyi dkyil 'khor chung ngu bri'o/ /gsang sngags ni/ na maH sa man+ta bud+d+hA bo d+hi satwA nAM/ badz+ra rA dza mA la swAhA/ sangs rgyas thams cad kyi phyag rgya'i g.yon logs su chos kyi 'khor lo'i phyag rgya bri'o/ /de'i 'og tu bcom ldan 'das </font><hr>323a<br><font size=+1>


@#/ /shAkya thub pa'i phyag rgya lhung bzed dang chos gos bri'o/ /bcom ldan 'das kyi g.yas logs su nam mkha'i spyan gyi phyag rgya spyan gyi gtsug tor 'dra ba pad+ma'i steng na 'dug par bri'o/ /bcom ldan 'das ma'i 'og logs su rdo rje mchog sbyin gyi phyag rgya ut+pa la'i steng du rdo rje bzhag pa bri'o/ /'phags pa kun tu bzang po'i byang phyogs su byams pa'i phyag rgya gun+d+he bri'o/ /bcom ldan 'das kyi nub phyogs su spyan ras gzigs dbang phyug gi phyag rgya pad+ma bri'o/ /bcom ldan 'das kyi byang phyogs su mtha' yas par 'phro ba rgya chen po mi g.yo ba rgyal po'i phyag rgya bri'o/ /byang chub sems dpa' rnams kyi lho phyogs su rdo rje 'dzin thams cad kyi phyag rgya bri'o/ /de nas phyi rol gyi dkyil 'khor cha gsum du byas pa la 'khor sa'i snam bu bor te shar phyogs su pho nya'i tshogs thams cad kyi phyag rgya bri'o/ /de dag gi shar lho'i mtshams su pho nya mo thams cad kyi phyag rgya bri ste/ pho nya mo rnams kyi phyag rgya ni/ lcags kyu'o/ /tshogs rnams kyi phyag rgya ni/ zhags pa'o/ /lho dang byang gi ngos gnyis su bran pho dang / bran mo rnams kyi phyag rgya bri ste/ de la bran pho rnams kyi phyag rgya ni/ ral gri'o/ /bran mo rnams kyi phyag rgya ni/ khang+ga ri dang rdo rje'i khab bri'o/ /de nas bcom ldan 'das ma shes rab kyi pha rol tu </font><hr>323b<br><font size=+1>


phyin pa bklag go /bklags nas langs la dkyil 'khor bskor bar byas te sangs rgyas bcom ldan 'das rnams la phyag kyang byas la slob ma byang chub tu sems bskyed pa/ gceng sbra can| yi dam la brtan pa/ sdom pa bzung ba/ 'gro ba thams cad yongs su bskyab pa'i bsam pa can/ snying rje che ba/ gdong ras kyis g.yogs pa lag pa mi gtong ba de la sems rtse gcig tu dmigs pa rnams dkyil 'khor bskor bar byas te dkyil 'khor gnyis pa'i sgo khar 'greng la gang ba'i phyag rgya'am/ chos 'byung ba'i phyag rgya'am/ dam tshig gi phyag rgya bcings te dam tshig brjod la dkyil 'khor du gzud do/ /de nas me tog 'dor du gzhug go /me tog gar babs pa de'i lha yin no/ /de ltar dam tshig brtan bar byas te slob dpon la ston pa'i 'du shes bskyed do/ /slob dpon gyis kyang bu'i 'du shes bskyed par bya'o/ /de nas sems kyi rgyud rab dang 'bring dang tha ma la bltas nas gsang sngags spyad pa la 'jug pa'i rnal 'byor gyi cho ga sbyin no/ /de ltar byas na/ dkyil 'khor chen po bkod pa 'dir dam tshig mthong bar 'gyur ro/ /'jig rten dang 'jig rten las 'das pa'i dkyil 'khor thams cad du zhugs kyang rung ma zhugs kyang rung ste dam tshig tu zhugs par 'gyur ro/ /de ltar dkyil 'khor chen por byin gyis brlabs shing </font><hr>324a<br><font size=+1>


@#/ /sdig pa thams cad dang bral ba/ de bzhin gshegs pa'i rigs las byung ba/ sems can gyi khams mtha' yas pa yongs su bskyab pa yid la byed pa des gsang sngags spyad pa'i rnal 'byor gyi cho ga rjes su dran par bya'o/ /de nas yang bcom ldan 'das rnam par snang mdzad kyis chos kyi dbyings kyi gnas na 'khod pa'i byang chub sems dpa' sems dpa' chen po rnams la byams pa chen po dang thugs rje chen po'i spyan gnyis kyis gzigs nas zhal cung zad 'dzum zhing de bzhin gshegs pa'i so so yang dag par rig pa la 'jug pa'i tshul gyis bla na med pa'i chos kyi dbyings shin tu rnam par dag pa bstan par bzhed pas gtsug tor chen po'i dkyil nas srid pa'i rgya mtsho thams cad las bsgral bar yi dam bcas pa zhes bya ba'i bzhad pa chen po mdzad do/ /thams cad du'ang de bzhin gshegs pa thams cad kyi yul 'byung ba zhes bya ba'i 'od zer byung ngo / /'od zer de byung nas kyang phyogs bcu'i 'jig rten gyi khams rab 'byams nam mkha'i dbyings kyis klas pa na de bzhin gshegs pa thams cad kyi 'khor gyi dkyil 'khor na 'khod pa'i byang chub sems dpa' thams cad ni/ snang bar byas/ chos kyi dbyings bsam gyis mi khyab pa la 'jug pa'i yul ni/ bstan/ sems </font><hr>324b<br><font size=+1>


can thams cad kyi sems kyi spyod pa rnams la ni/ bltas/ chos kyi dbyings rnam par dag pa mtha' yas pa ni/ dmigs par byas/ nam mkha' dang mnyam par gyur pa'i chos mnyam pa nyid rnam par bstan pa/ chos kyi dbyings kyis rnam par rol pa'i sogs rnam par rol nas de bzhin gshegs pa'i dge ba'i rtsa ba rnam par smin pa bsam gyis mi khyab pa las mngon par grub pa/ de bzhin gshegs pa'i dgongs pa las mngon par grub pa/ mos pa'i rlung gi dkyil 'khor gyis sangs rgyas kyi zhing bkod pa rnam pa bcus rab tu brgyan nas nam mkha'i ngos la bkod pa chen po'i dkyil 'khor gyi byin gyi rlabs bsham par byas te gnas par gyur to/ /'od zer chen po de dag de ltar gnas par gyur ma thag tu gsang ba pa'i bdag po phyag na rdo rje'i sems la sems kyi rtog pa 'di lta bu byung bar gyur to/ /de bzhin gshegs pa'i dgongs pa las byung ba'i 'od zer rnam par bkod pa snang ba sngon ma byung ba 'di dag bkod pa rnam pa sna tshogs kyis nam mkha'i ngos ni/ khebs par byas/ /de bzhin gshegs pa'i rnam par rol pa chen po rnams ni/ bstan nas de bzhin gshegs pa'i zhal du mi snang bar gyur pa ni/ ngo mtshar che'o/ /de bas na nges par deng bcom ldan 'das so so yang dag par rig pa chen po mngon par sgrub pa'i nub rnam par dag pas mnyam </font><hr>325a<br><font size=+1>


@#/ /pa nyid la 'jug pa rnam par dag pa'i gzhi de bzhin gshegs pa thams cad rnam par rol pa'i chos kyi rnam grangs bshad par bzhed do/ /de'i phyir bcom ldan 'das la bdag zhu'o snyam mo/ /de nas phyag na rdo rjes bcom ldan 'das kyi zhabs gnyis la phyag 'tshal nas bcom ldan 'das la 'di skad ces gsol to/ /bcom ldan 'das/ bcom ldan 'das kyis dang po bla na med pa yang dag par rdzogs pa'i byang chub tu thugs bskyed pa nas bcom ldan 'das mngon par rdzogs par sangs rgyas kyi bar du bdag rtag tu zham 'bring na mchis mchis na/ bcom ldan 'das kyis 'di ltar bzhad pa chen po sngar mdzad nas dbu'i gtsug tor gyi dkyil nas 'od zer ngo mtshar du gyur pa bdag gis sngon ma mthong ba sangs rgyas kyi zhing bcu'i rdul phra rab snyed byung nas 'od zer de rnams kyis kyang 'jig rten gyi khams nam mkha'i dbyings kyis mthas klas pa snang bar bgyis pa ngo mtshar che'o/ /de la bdag nyid 'di snyam du gyur te/ deng bcom ldan 'das bdag cag la so so yang dag par rig pa chen po la 'jug pa'i tshul sgrub pa rnam par dag pa'i gzhi chos kyi rnam grangs de bzhin gshegs pa thams cad mngon par rdzogs par byang chub pa rnam par sprul pa bshad par bzhed pa ni/ bdag cag gis </font><hr>325b<br><font size=+1>


rnyed pa legs par rnyed do snyam mo/ /bcom ldan 'das/ de bas na/ bdag lag la thugs brtse ba'i slad du so so yang dag par rig pa chen po la 'jug pa'i tshul sgrub pa rnam par dag pa'i gzhi de bzhin gshegs pa thams cad mngon par rdzogs par byang chub pa rnam par sprul pa'i chos kyi rnam grangs bshad na/ de ni/ dus slad ma'i 'gro ba rnams la snang ba bgyis par 'gyur te legs kyi/ bshad du gsol/ de skad ces gsol ba dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ / gsang ba pa'i bdag po/ legs so legs so/ /khyod don 'di 'dri bar sems pa de yang legs so/ /gsang ba pa'i bdag po/ de'i phyir legs par rab tu nyon la yid la zungs shig dang ngas khyod la de bzhin gshegs pa thams cad kyi so so yang dag par rig pa la 'jug pa sgrub pa'i tshul rnam par dag pas mnyam pa nyid la 'jug pa rnam par dag pa'i gzhi chos kyi rnam grangs de bzhin gshegs pa thams cad mngon par rdzogs par byang chub pa rnam par sprul pa bshad par bya'o/ /bcom ldan 'das/ de ltar bgyi'o/ /zhes gsol nas gsang ba pa'i bdag po phyag na rdo rje bcom ldan 'das la nyan pa dang / bcom ldan 'das kyis de la 'di skad ces bka' stsal to/ /gsang ba pa'i bdag po/ stong pa nyid kyi </font><hr>326a<br><font size=+1>


@#/ /gzhi ni/ mngon par rdzogs par byang chub pa'i gzhi'o/ /nam mkha' dang mnyam pa'i gzhi ni/ mngon par rdzogs par byang chub pa'i gzhi'o/ /mtshan nyid med pa'i gzhi ni/ mngon par rdzogs par byang chub pa'i gzhi'o/ /de bzhin gshegs pa'i gzhi ni/ mngon par rdzogs par byang chub pa'i gzhi'o/ /de ltar mngon par byang chub pa'i gzhi 'di dag byang chub sems dpas bsgom par bya'o/ /gsang ba pa'i bdag po/ 'di ni/ de bzhin gshegs pa thams cad kyi so so yang dag par rig pa la 'jug pa sgrub pa'i tshul rnam par dag pas mnyam pa nyid la 'jug pa'i gzhi chos kyi rnam grangs yin no/ /de nas bcom ldan 'das rnam par snang mdzad kyis chos kyi dbyings rgya chen po rab 'byams mtha' yas pa byin gyis brlabs nas nam mkha' dri ma med pa'i rgyal po rnam par smin pa nam mkha' ltar rgya che zhing mtha' yas pa zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu de bzhin gshegs pa thams cad kyi yul snang ba yul bsam gyis mi khyab pa rab 'byams ston pa zhes bya ba'i 'od zer chen po dbu'i gtsug nas byung ngo / /byung nas kyang de bzhin gshegs pa thams cad dang rjes su mthun par bstan te/ bcom ldan 'das rnam par </font><hr>326b<br><font size=+1>


mjad la bskor ba lan brgya stong du ma byas nas 'jig rten gyi khams rnam pa bcur snang ba chen pos gsal bar byas te steng gi nam mkha' la gnas nas dam tshig chen po gsum gyis snang bas 'jig rten gyi khams nam mkha'i dbyings kyi mthas klas pa snang bar byas nas sems can gyi khams rnams la dam tshig chen po gsum gyi myu gu skye bar byin gyis brlabs te 'od zer de dag nam mkha' la lhags nas phyag na rdo rje'i spyi bor lhung ngo / /'od zer de dag phyag na rdo rje'i spyi bor lhung ma thag tu de nas de'i mod la gsang ba pa'i bdag po phyag na rdo rjes de bzhin gshegs pa'i yul 'byung ba zhes bya ba'i ting nge 'dzin chen po thob par gyur te/ de thob pas de bzhin gshegs pa'i sa la gnyis su med par gnas par gyur to/ /de nas gsang ba pa'i bdag po phyag na rdo rje de bzhin gshegs pa'i ye shes kyi dga' bas snying tshim par gyur nas mig gnyis mi 'dzum par bcom ldan 'das rnam par snang mdzad la yud tsam zhig bltas te bzhin cung zad 'dzum zhing bcom ldan 'das la yid kyis zhus pa/ ji ltar de bzhin gshegs pa lags/ /ji ltar rgyal ba dam pa lags/ /ji ltar byang chub sems dpa' lags| |ji ltar sangs rgyas zhes kyang bgyi/ /mgon po bdag gi the tshom 'di/ /thub pa chen pos bsal du gsol/ /byang chub sems dpa' grags chen rnams/ /the tshom yid </font><hr>327a<br><font size=+1>


@#/ /gnyis spangs nas su/ /spyad pa'i rgyal po theg chen la/ /rgyal ba'i sras ni spyod par 'gyur/ /de skad ces gsol ba dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ khyod don 'di lta bu 'dri ba de legs so legs so/ /gsang ba pa'i bdag po/ chos kyi tshul sgrub pa'i gzhi 'di lta bu 'di thos nas skrag par mi 'gyur/ kun tu skrag par mi 'gyur ba'i sems can de dag ni/ dkon no/ /gsang ba pa'i bdag po/ rigs kyi bu de dag ni/ sangs rgyas gcig la bsnyen bkur byas pa ma yin gyi/ sangs rgyas brgya stong phrag du ma la dge ba'i rtsa ba bskrun pa yin par rig par bya'o/ /gsang ba pa'i bdag po/ de lta bas na| byang chub sems dpa' gsang sngags kyi sgo nas byang chub sems dpa'i spyad pa spyod pas thog ma nyid du theg pa chen po rtogs par khong du chud par bya'o/ /de ci'i phyir zhe na/ gsang ba pa'i bdag po/ theg pa chen po rtogs par khong du chud pa'i byang chub sems dpa' ni/ tshegs chung ngus gsang sngags kyi sgo nas byang chub sems dpa'i spyod pa sgrub par 'gyur ro/ /'di ltar gsang sngags kyi sgo nas byang chub sems dpa'i spyad pa spyod pa 'di ni/ mngon par shes pa chen po yongs su sbyong ba yin no/ /de nas yang bcom </font><hr>327b<br><font size=+1>


ldan 'das rnam par snang mdzad kyis byang chub sems dpa' phyag na rdo rje la bka' stsal pa/ gsang ba pa'i bdag po/ de'i phyir rab tu legs par nyon la yid la zungs shig dang ngas khyod la bshad par bya'o/ /de skad ces bka' stsal pa dang / gsang ba pa'i bdag po phyag na rdo rje bcom ldan 'das la nyan to/ /de la bcom ldan 'das kyis 'di skad ces bka' stsal to| |chos rnams nam mkha'i mtshan nyid de/ /gnyis su med cing mtshan nyid gcig /gnas ni rnam pa bcus rtogs pa/ /de ni rdzogs sangs rgyas zhes bya/ /'du shes tsam yang spangs gyur cing / /rang bzhin nyid kyang bstan du med/ /ye shes kyis ni rang rig pa/ /de ni de bzhin gshegs zhes gsungs/ /byang chub nam mkha'i mtshan nyid de/ /rtog pa thams cad rnam par spangs// gang zhig de ni rtogs 'dod pa/ /de ni byang chub sems dpa' yin/ /sa bcu yongs su rdzogs byas nas/ /dbang rnams rtogs par khong du chud/ /chos rnams stong pa sgyu ma bzhin/ /gang gis 'dir ni kun rtogs shing / /'jig rten gyi ni rgyud shes pa/ /sangs rgyas zhes ni de la bya/ /gsang ba pa'i bdag po/ de ltar byang chub sems dpa'i sems kyi gnas skabs rnam par gzhag pa ni/ de dag yin no/ /gsang ba pa'i bdag po/ rnam grangs des kyang 'di ltar byang chub sems dpa' rnams kyis rang gi sems rnam par gzhag pa sgrub pa ni/ med par </font><hr>328a<br><font size=+1>


@#/ /rig par bya'o/ /de nas gsang ba pa'i bdag po phyag na rdo rjes bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas byang chub sems dpa' sems dpa' chen po rnams la theg pa chen po mngon par rtogs pa'i chos kyi rnam grangs legs par bshad pa ni/ bcom ldan 'das/ ngo mtshar lags so/ /bde bar gshegs pa/ shin tu ngo mtshar lags so/ /bcom ldan 'das/ rigs kyi bu de dag 'gro ba lnga'i 'khor ba na 'khor ba'i tshe ngan 'gro ngan song gi 'jigs pa'am/ bdud kyi las kyi 'jigs pa'am/ mi khom par skye ba'i 'jigs pa ma mchis par bdag smra'o/ /de ci'i phyir zhe na/ byang chub sems dpa' chen po theg pa chen po'i mngon par rtogs pa la gnas pa ni/ 'jig rten dang lhan cig tu gnas kyang 'jig rten las 'das pa'i lam mi gtong zhing sems can yongs su smin par bya ba'i phyir thabs kyis 'jig rten gyi bya ba thams cad kyang ston to/ /theg pa chen po mngon par rtogs pa las yongs su nyams par yang mi 'gyur ro/ /de nas yang gsang ba pa'i bdag po lag na rdo rjes bcom ldan 'das la gsol ba btab pa/ bcom ldan 'das/ gsang ba chen po snying po'i dkyil 'khor bshad du gsol/ de ni skye bo mang </font><hr>328b<br><font size=+1>


po la phan pa dang bde bar 'gyur lags so/ /de skad ces gsol ba dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ de'i phyir legs par rab tu nyon la yid la zungs shig dang ngas khyod la gsang ba'i snying po'i dkyil 'khor bshad par bya'o/ /de yang re zhig slob dpon dam tshig gsum rnam par dbye ba la mkhas shing bdag kyang dam tshig gsum la gnas pa yin no/ /gsang ba pa'i bdag po/ de la dam tshig gsum po de gang zhe na/ chos kyi khyad par gsum ste/ chos kyi khyad par gad ba dus gsum du gtogs pa'i dus na sgrib pa med pa'i tshul gyis 'jug pa de ni/ dam tshig gsum zhes bya'o/ /gsang ba pa'i bdag po/ /chos kyi khyad par de yang gang zhe na/ gsang ba pa'i bdag po/ sems ni/ chos kyi khyad par ste/ gsang ba pa'i bdag po/ de la sems kyi rnam par rtog pa thams cad med pa yongs su shes pa gang yin pa de ni/ rdzogs pa'i sangs rgyas mthong ba'o/ /'di la chos kyi dbyings rtogs pa'i rang rig pa'i rnam pa gang yin pa de ni/ de bzhin gshegs pa'i mtshan nyid yin no/ /gang lus dang ngag dang yid 'jug pa de ni/ rdzogs pa'i mtshan nyid yin no/ /gsang ba pa'i bdag po/ 'di ni/ dam tshig gsum yin te/ nyan thos dang rang sangs rgyas thams cad kyis kyang </font><hr>329a<br><font size=+1>


@#/ /ma rtogs na/ mu stegs can gzhan dag gis lta ci smos/ de nas bcom ldan 'das kyis tshigs su bcad pa 'di dag gsungs so/ /byis pa mi shes pas bsgrings pa/ /tshul 'di shes par ma gyur rnams/ /sangs rgyas gzhan du tshol bar byed/ /'di na gnas par yongs ma rtogs/ /'jig rten khams gzhan gang nas kyang / /sangs rgyas rnyed par yong mi 'gyur/ /sems nyid rdzogs pa'i sangs rgyas te/ /sangs rgyas gzhan du ma bstan to/ /de lta bas na rnal 'byor pas/ /rtag tu yid gnyis spangs nas ni/ /sems kyi khyad par rnam gsum brtag /de nas dam tshig gsum shes 'gyur/ /de nas yang bcom ldan 'das kyis tshigs su bcad pa de dag gsungs nas gsang ba pa'i bdag po phyag na rdo rje la bka' stsal pa/ gsang ba pa'i bdag po/ de la slob dpon dam tshig gsum shes par bya ba la mkhas pas bdag nyid chos kyi dbyings su mos par byas la de la dmigs pa'i spyod pas sa gzhi rnam par sbyang bar bya'o/ /de ltar des sa gzhi rnams sbyangs nas nam mkha'i dbyings lta bu la yang dag par gzhol bas bdag ni/ chos kyi dbyings sgrib pa med pa'i ye shes kyi yul yin no snyam du bdag nyid rnam par snang mdzad du byin gyis brlab bo/ /de ltar bdag nyid byin </font><hr>329b<br><font size=+1>


gyis brlabs la chos kyi dbyings rnam par ngag pa'i phyir gnyis su med pa'i sbyor bas bdag gi lus dkyil 'khor yin pa'am dkyil 'khor bdag gi lus yin par byin gyis brlabs te/ rang gi sems kyis byas pa'i tshon sna lnga'i phye ma dang / gzhan yang rung ste cho ga snga mas rnam par dbye bar bya'o/ /gsang ba pa'i bdag po/ de nas sems can sdug bsngal ba rnams yongs su bskyab pa'i phyir gsang ba'i snying po'i dam tshig la 'jug pa'i cho ga bya'o/ /de nas yang bcom ldan 'das rnam par snang mdzad kyis byin gyi rlabs pa gang gis byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis de bzhin gshegs pa'i ye shes kyang tshe 'di nyid gcig pus thob par 'gyur ba de lta bu'i chos kyi byin gyis brlab pa mdzad do/ /de nas bcom ldan 'das kyis byams pa chen po dang thugs rje chen po'i spyan gnyis kyis sems can gyi khams la gzigs nas gsang ba pa'i bdag po phyag na rdo rje la bka' stsal pa/ gsang ba pa'i bdag po/ byin gyis brlabs bsgrub pa'i gzhi gang dag gis de bzhin gshegs pa rnams thams cad mkhyen pa'i ye shes thob par dka' ba yang bsod nams ma byas pa'i sems can rnams kyi pha rol gyi rgyud la yang rab tu 'jog par 'gyur ba chos kyi </font><hr>330a<br><font size=+1>


@#/ /dbyings kyi byin gyi brlab kyi gzhi nyon cig /bcom ldan 'das kyis de skad ces bka' stsal pa dang / phyag na rdo rjes thal mo sbyar te bcom ldan 'das la 'di skad ces gsol to/ /bcom ldan 'das/ sangs rgyas bcom ldan 'das stobs bcu'i stobs dang ldan pa/ mi 'jigs pa bzhi'i khyu mchog /seng+ge'i sgra sgrog pa rnams kyi ye shes la mnga' ba ngo mtshar to/ /bcom ldan 'das/ rigs kyi bu'am/ rigs kyi bu mo mkhas pa'i rang bzhin can su zhig thams cad mkhyen pa'i ye shes 'di 'dra ba'i don du nam mkha'i dbyings kyi mthas klas pa'i bskal par yang sems can dmyal ba'i sdug bsngal mi bzad pa yang bzod par mi bgyid/ bcom ldan 'das/ de lta bas na/ rigs kyi bu mkhas pa 'di la slob par 'tshal bas de bzhin gshegs pa'i rjes su bslab par bgyi'o/ /bcom ldan 'das/ de lta bas na/ legs lags kyi/ bdag cag la thugs brtse ba'i slad du chos kyi dbyings kyi byin gyis brlab kyi gzhi de dag bshad du gsol/ de skad ces gsol ba dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ nam mkha'i mtshan nyid dang mtshungs pa'i phyir chos thams cad ni/ mtshan nyid gcig pa'o/ /chos </font><hr>330b<br><font size=+1>


kyi dbyings dmigs su med pa'i phyir chos thams cad ni/ stong pa nyid kyi byin gyis brlabs kyi mtshan nyid do/ /gsang ba pa'i bdag po/ gang dag ngas sngon byang chub sems dpa'i spyad ba spyod pa na byang chub kyi snying po la 'dug gi bar du bsgoms shing lan mang du byas pa'i chos kyi dbyings kyi byin gyis brlab kyi gzhi yin te/ gsang ba pa'i bdag po/ de lta bas na| de bzhin gshegs pa rnams kyi bla na med pa yang dag par rdzogs pa'i byang chub ni/ de yin no/ /rigs kyi bu/ nga byang chub kyi snying po la 'dug pa na yang 'di dag sems sems pa las rnam par rtog pa thams cad spangs pa zhes bya ba shes rab kyi pha rol tu phyin pa'i sgo thob par gyur to/ /sgra dbyangs mtha' yas pa sgrog pa zhes bya ba'i gzungs kyi sgo dang / bdud bzhi pham par byed pa'i dbyangs zhes bya ba'i rig sngags kyi rgyal mo gnas med pa/ nam mkha' spyod yul/ mtshan nyid med pa/ 'gro ba po med pa/ byed pa po dang tshor ba po med pa/ 'jig rten gyi 'gro ba thams cad las 'das pa yang thob par gyur to/ /gsang ba pa'i bdag po/ de la rig sngags kyi rgyal mo chen mo mtha' yas shing rab 'byams rgya che ba bstan par bya ba de dag gang zhe na/ na mas+t+rai ya d+h+wi kA nAM bud+d+hA ga te pa tiSh+Thi te b+h+yo/ a pra ti ha ta shA sa ne b+h+yaH/ ma hA kr-i de b+h+yaH/ ga ga na a ma la rU pa d+hA ra Ni ta thA rU pa bi b+ha ba bi </font><hr>331a<br><font size=+1>


@#/ /b+ha rje na| pa ra rU pa d+ha re ma hA kr-i pe bi ma le/ sarba ga te bi sho d+ha ni/ de la 'di ni/ rdo rje'i tshig mnyam pa med pa yin no/ /a ma hA bisma ye hUM khaM/ phyag na rdo rje| 'di ni/ nam mkha' ltar dri ma med pa zhes bya ba'i rig sngags kyi rgyal mo ste/ de bzhin gshegs pa thams cad kyi byin gyi rlabs kyis byin gyis rlob pa/ sangs rgyas dang byang chub sems dpa' thams cad kyi yum yin no/ /rigs kyi bu/ de bzhin gshegs pa rnams gang na rig sngags kyi rgyal mo 'di mi 'chad cing mi brjod pa'i sangs rgyas kyi zhing de ngas ma mthong ngo / /gsang ba ba'i bdag po/ rnam grangs des kyang 'di ltar gsang ba'i snying po'i dkyil 'khor dang / phyag rgya dang / dam tshig 'di la 'jug par 'dod pa'i byang chub sems dpa' gsang sngags kyi sgo nas byang chub sems dpa'i spyad pa spyod pas rgyal po 'di la mngon par brtson par bya'o/ /de nas gsang ba pa'i bdag po phyag na rdo rjes bcom ldan 'das la 'di skad ces gsol to/ /bcom ldan 'das/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams gsang sngags kyi rang bzhin ji ltar ston/ chos thams cad la thob pa'i bar du ji ltar 'gyur/ de skad ces gsol ba dang / bcom ldan 'das kyis gsang ba pa'i bdag po </font><hr>331b<br><font size=+1>


phyag na rdo rje la 'di skad ces bka' stsal to/ /gsang ba pa'i bdag po/ 'di la byang chub sems dpa' gsang sngags kyi sgo nas byang chub sems dpa'i spyad pa spyod pas slob dpon la dbang nod par bya'o/ /'di snyam du slob dpon 'di ni/ bdag gi ston pa ste/ bla na med pa yang dag par rdzogs pa'i sangs rgyas dang byang chub la bskul ba'o/ /de nas thal mo sbyar te nye bar song la gsol ba gdab bo/ /slob dpon gyis kyang de don du gnyer bar shes nas snying rje chen po mngon du byas te tshig 'di skad ces smra bar bya'o/ /rigs kyi bu| longs/ de bzhin gshegs pa'i spyan bla na med pa de khyod la bstan par bya'o/ /de nas sa gzhi yid du 'ong ba brtags la cho ga snga mas sa gzhi sbyangs te dkyil 'khor gru bzhi pa sgo gcig pa/ lha rnam par dbye ba'i gnas legs par brtags pa/ mchod pa'i gnas rnam pa sna tshogs bkod pa bsgrubs pa/ spos chu dri zhim pos bkang ba'i bum pa dbus su bzhag pa bris la slob ma pad+ma'i steng na 'dug pa/ rang gi lha'i gzugs bdag yin par dmigs pa la gnas pa/ yid byang chub kyi sems su gyur pa/ 'gro ba mtha' dag yongs su bskyab pa'i bsam pa can/ de bzhin gshegs pa'i rigs su 'gyur bar 'dod pa dag bum pa des spyi bo nas dbang bskur ro/ /'di skad du rigs kyi bu </font><hr>332a<br><font size=+1>


@#/ /khyod de bzhin gshegs pa'i rigs su skyes so/ /de bzhin gshegs pa'i spyan phye'o/ /zhes smra bar bya'o/ /gsang ba pa'i bdag bo/ de la byang chub sems dpa' gsang sngags kyi sgo nas byang chub sems dpa' spyad pa spyod pa rnams kyi lha'i gzugs ni/ de bzhin gshegs pa'i sku ji snyed pa'am sems dpa' mtha' yas pa thams cad kyi cha lugs kyi bye brag kyang rung ste gsang sngags dang phyag rgyas byin gyis brlabs pa las 'gyur bar rig par bya'o/ /gsang ba pa'i bdag po/ gsang sngags dang phyag rgyas byin gyis brlabs pa yang ci lta bu yin zhe na/ gsang ba pa'i bdag po/ de la dbang bskur ba'i tshe slob dpon gyis pad+ma'i phyag rgyas g+ngan \?\ bkra zhing brtan pa bsam gyis mi khyab pa/ rdo rje ltar mi shigs pa/ yongs su brtag pa ni/ gser ram/ zangs sam/ 'jim pa las byas pa'am/ ri mor bris pa bzhag ste bya'o/ /de'i steng du 'dug pa la chos thams cad la dbang thob par bya ba'i phyir spos chu dri zhim pos bkang ba'i bum pas spyi bo nas dbang bskur bar bya'o/ /slob dpon bdag nyid kyang ji ltar rjes su mthun par mos par bya ba'am/ de'i phyag rgyas rjes su mthun pa'i bya ba bya'o/ /chos kyi dung gi phyag rgya dang / gsang sngags kyis kyang de bzhin gshegs pa'i gsung gi 'khor lo'i </font><hr>332b<br><font size=+1>


dkyil 'khor byin gyis brlab par bya'o/ /ral gri'i phyag rgya dang gsang sngags kyis ni/ 'jig tshogs la lta ba mtha' dag gzhom par byin gyis brlab par bya'o/ /de bzhin gshegs pa'i chos kyi 'khor lo'i phyag rgya dang gsang sngags kyis ni/ de bzhin gshegs pa'i chos kyi 'khor lo byin gyis brlab par bya'o/ /rdo rje'i phyag rgya dang gsang sngags kyis ni| mi shes pa'i grong khyer gzhig par byin gyis brlab par bya'o/ /gtsug tor gyi phyag rgya dang gsang sngags kyis ni/ gtsug tor bltar mi mthong ba byin gyis brlab par bya'o/ /mdzod spu'i phyag rgya dang gsang sngags kyis ni/ /mdzod spu dang ldan par byin gyis brlab par bya'o/ /yan lag thams cad 'byung ba'i phyag rgya dang gsang sngags kyis ni| yan lag thams cad byin gyis brlab par bya'o/ /gsang ba pa'i bdag po/ de la pad+ma'i phyag rgya 'byung ste/ lag pa gnyis gcig tu sbyar la 'khrig ma nas brkyang ste sor mo thams cad go mnyam par brkyang ngo / /phyag rgya 'di ni/ de bzhin gshegs pa thams cad kyi rdo rje gdan yin te/ dam pa mthu chen po'o/ /gsang sngags 'di ni/ ngo mtshar che ba thams cad kyi sgo ste/ na maHsa man+ta bud+d+hA nAM/ ga ga nA ma la pra b+hA badz+ra b+h+yed t+ya nA ma hA kr-i pAt+ma ka/ de la 'di dag ni/ rdo rje'i tshig mnyam pa med pa'o/ /a ti basmi ya mahA kr-i pAt+ma </font><hr>333a<br><font size=+1>


@#/ /dzaHhUM/ lag pa gnyis bsnol te rgyab sbyar la sor mo rnams phan tshun blas pa'i tshul du bsnol te g.yon pa'i mthe bong rgyab tu ldog la g.yas pa'i mthe bos sen mo la sbyar ro/ /rgya 'di phyag rgya chen po ste/ /tsho kyi 'khor lo zhes su bsgrags/ /'jig rten mgon po skyob rnams kyis/ /'khor lo dam pa 'di bskor ro/ /na maH sa man+ta bud+d+ha nAM/ ta thA gta ta a mr-i te bi dza ya wa r+Na sarba dza ya ga tha d+ha ra tha kA ri ma hA kr-i be hUM haM tra haM ma hA da b+hu te hUM/ gsang ba'i phyag rgya las mthe bong gnyis lag mthil du bcug la mdzub mo gnyis kyis rtsa ba dkris te lhag ma rnams ni bzhag la bsgreng ngo / /'jig rten mgon po skyob rnams kyis/ /phyag rgya sems can thams cad kyi/ /don rnams rtag tu myur byed 'di/ /chos kyi dung zhes rnam par bsgrags/ /na maHsa man+ta bud+d+hA nAM/ t+r+yad d+h+wa b+ha ga wa ti pra tiSh+Thi te/ a nan+ta ru sa ra bi nir g+ho ShaM/ sarba ta thA ga tA bAka pra sa ra bisma ya ka d+ha ra ma hA d+ha ra ma hA d+ha ra ma Sha ka sarba satwa san+to shA nA rA ma hA ma hA hUM/ gang ba'i phyag rgya de nyid las mdzub mo gnyis bkug ste mthe bo'i sen mo'i steng du ral gri'i tshul du gzung ngo / /phyag rgya rab tu mthu chen 'di/ /ral gri'i phyag rgyar rnam par grags/ /sems can kun gyi 'jig tshogs lta/ /lhan cig skyes pa'ang gcod pa yin/ /na maHsa man+ta </font><hr>333b<br><font size=+1>


bud+d+hA nAM/ a ma hA khang+ga pra dz+nyA te dzi ta sa da kA ya dr-iSh+Ti ts+tshin+da na kA ra/ ta thA ga ta a d+hi muk+ti ni ra dza ta bi d+hu ta saM kalpa ma hA ma hA hUM dzaH/ phyag rgya de nyid las mdzub mo gnyis phyi rol du brkyang ste gung mo gnyis kyi tshigs gsum bar nas gang tsam gyis ma reg par bzung la rdo rje lta bur byas te mthe bong dang srin lag dang mthe chung rnams nang du gzhug go /sangs rgyas 'jig rten mgon po yis/ /phyag rgya rab tu bsgrags pa 'di/ /mi shes grong khyer 'jig pa yi/ /rdo rje'i phyag rgyar rnam par grags/ /de'i gsang sngags ni/ na maHsa man+ta bud+d+hA nAM/ ma hA bisma ya te dzod b+ha ba ma hA tsaN+Da dur da na tA tra b+hany+dza tA/ rdo rje'i phyag rgya de nyid las mdzub mo gnyis gung mo gnyis kyi ngos su gtsug tor lta bur gzud do/ /'di ni gtsug tor phyag rgya ste| |'jig rten mgon po skyob pa yin/ /gang gis phyag rgya 'di bcings pa/ /de la 'di ni gtsug tor 'gyur/ /de yi gsang sngags ni/ na maHsa man+ta bud+d+hA nAM/ sarba b+ha tra a pra ti ha ta b+ha ba ti d+harmA hA pa laM nAM/ sarba ta thA ga ta no du d+ha R+Ya b+ha sha ya/ ma hA bud+d+hA sarba ta thA ga ta a d+hiSh+Tha na a d+hiSh+Thi te spu ra mahA ma hoSh+NI Sha swAhA/ lag pa g.yas pa khu tshur bcangs la smin mtshams su gzud do/ /rgya 'di rgyal ba mchog rnams kyi/ /mdzod spur rtag tu rnam par bsgrags/ /de'i gsang sngags ni/ na maHsa man+to bud+d+hA nAM/ a shi khen du ba ma pra b+ha sarba satwa kA+e sha san+ta pa </font><hr>334a<br><font size=+1>


@#/ /bra shA ma na ga ra ma hA ti d+hA ra/ sarba ta thA gta ta a laM ka ra ma hA pu ru Sha rU pa d+ha ra ka ko ti ga ta swAhA/ gsang ba pa'i bdag po/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams sangs rgyas kyi bya ba la nye bar gnas pa de gang yin pa de dag ni/ gsang sngags dang phyag rgya 'di dag yin no/ / gsang ba pa'i bdag po/ de lta bas na/ byang chub sems dpa' gsang sngags kyi sgo nas byang chub sems dpa' sngags dang phyag rgya 'di dag gis byin gyis brlabs pa rnams ni| yid bzhin gyi nor bu gzugs sna tshogs pa dang 'dra ba'i lus rnams kyis sems can gyi khams rnams sems can gdul ba'i dbang gis ji ltar rjes su mthun pa'i lus rnams ston to/ /de nas yang bcom ldan 'das rnam par snang mdzad kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/ gsang ba'i snying po'i dkyil 'khor la sdom pa gang dang ldan na/ byang chub sems dpa' gsang sngags kyi sgo nas byang chub sams dpa'i spyad pa spyod pa rnams lus dang ngag dang yid bsdams shing spyod par 'gyur pa'i sdom pa dang / byang chub kyi sems yod do/ /gsang ba pa'i bdag po/ de la sdom pa gang zhe na/ bsdam pa ni/ sdom pa ste/ lus dang / ngag dang / </font><hr>334b<br><font size=+1>


yid rnams bsdus shing yongs su bsdus pa phyi dang nang gi sdug bsngal sel bar 'gyur ba de ni/ sdom pa yin no/ /de skad ces bka' stsal pa dang / phyag na rdo rjes bcom ldan 'das la 'di skad ces gsol to/ /bcom ldan 'das/ byang chub sems dpa' gsang sngags kyi sgo nas byang chub sems dpa'i spyad pa spyod pa sngom pa ji ltar gzung bar bgyi/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ 'di la slob dpon gyis lha spyan drang pa byas la bcom ldan 'das ma shes rab kyi pha rol tu phyin pa bklags te dkyil 'khor la phyogs te der 'dug la slob ma rnams la bos te dI skad du/ bu dus gsum du sgrib pa med par gnas pa dam tshig chen po la 'jug pa'i sdom pa nos shig ces bsgo bar bya'o/ /des kyang thal mo sbyar bus mo btsugs te 'di skad du/ slob dpon dgongs su gsol/ bdag ming 'di zhes bgyi ba de dag gi dus 'di nas bzung ste byang chub kyi snying po la mchis kyi bar du slob dpon gyis bdag la dam tshig chen po la 'jug pa'i sdom pa bdag la stsal du gsol| ston pa'i bka' spyi bos nod par 'tshal lo/ /zhes smra bar bya'o/ /de nas slob dpon gyis kyang 'di skad ces rigs kyi bu dgongs shig /bla na med par yang dag par rdzogs </font><hr>335a<br><font size=+1>


@#/ /pa'i byang chub 'dod pa khyod kyis byang chub kyi snying po la 'dug gi bar du lhag pa'i bsam pas bdag gi lus sangs rgyas dang byang chub sems dpa' rnams la dbul bar bya'o/ /gsang ba pa'i bdag po/ 'di ni/ dam tshig chen po la 'jug pa zhes bya ba'i sdom pa yin te/ sdom pa 'di la gnas pa'i byang chub sems dpa' gsang sngags kyi sgo nas byang chub sems dpa'i spyad pa spyod pa rnams ni/ tshul khrims bla na med pa la rab tu gnas pa yin no/ /gsang ba pa'i bdag po/ de lta bas na/ gsang sngags kyi sgo nas byang chub sems dpa'i spyad pa'i sgo 'di la slob par 'dod pa'i byang chub sems dpa' dam tshig chen po la 'jug pa 'di la mngon par brtson par bya'o/ / gsang ba pa'i bdag po/ byang chub sems dpa' sems gang dang ldan na/ de bzhin gshegs pa'i rigs su skyes shing 'das pa dang / ma byon pa dang / da ltar byung ba'i sangs rgyas bcom ldan 'das rnams kyi ye shes rab tu gnas par 'gyur ba'i byang chub kyi sems de yang nyon cig /de nas bcom ldan 'das la phyag na rdo rjes 'di skad ces gsol to| |bcom ldan 'das/ bdag cag la thugs brtse ba'i slad du byang chub kyi sems de bshad du gsol/ de skad ces gsol pa dang / bcom ldan 'das kyi gsang ba pa'i bdag </font><hr>335b<br><font size=+1>


po phyag na rdo rje la 'di skad ces bka' stsal to/ /gsang ba pa'i bdag po/ de la byang chub gang zhe na/ byang chub ni/ nam mkha'i mtshan nyid do/ /nam mkha' la yang gzugs med/ bstan du med/ gzung du med pa'o/ /byang chub kyi mtshan nyid gang yin pa sems kyi mtshan nyid kyang de yin no/ /gsang ba pa'i bdag po/ de lta bas na/ sems dang nam mkha' dang byang chub 'di dag ni/ gnyis su med do/ /de la chos rnams mnyam pa nyid du rtogs pa chos kyi dbyings khong du chud pa gang yin pa de ni/ bla na med pa yang dag par rdzogs pa'i byang chub yin no/ /de la mi skye ba'i tshul dang / mi dmigs pa'i tshul gyis sems skye ba gang yin pa de ni/ gsang ba pa'i bdag po/ byang chub sems zhes bya'o/ /gsang ba pa'i bdag po/ gzhan yang byang chub sems dpa' gnas kyi gzhi lngas byang chub mngon par rtogs par 'gyur te/ lnga gang zhe na/ gsang ba pa'i bdag po/ 'di la byang chub sems dpa' rnams dngos po thams cad dang bral bar mngon par rtogs par 'gyur ro/ /kha cig ni/ phung po dang / khams dang / skye mched dang / gzung ba dang / 'dzin pa rnam par spangs pa stong pa sgyu ma lta bur mngon par rtogs par 'gyur ro/ /kha cig ni/ chos la dmigs pas so/ /gsang ba pa'i bdag po/ 'on kyang byang chub sems dpa' gsang sngags kyi sgo nas byang chub </font><hr>336a<br><font size=+1>


@#/ /sems dpa'i spyad pa spyod pas 'di ltar dngos po thams cad dang bral ba phung po dang / khams dang / skye mched dang / gzung ba dang / 'dzin pa rnam par spangs pa/ chos bdag med pa mnyam pa nyid kyi rang gi sems thog ma nas ma skyes pa stong ba nyid kyi ngo bo nyid du rtogs par bya'o/ /gsang ba pa'i bdag po/ de la dngos po thams cad dang bral ba zhes bya ba 'di ni/ de bzhin gshegs pa 'di la bdag gam/ sems can nam/ skye ba'i shad las skyes pa yod pa ma yin gyi/ phung po dang / khams dang / skye mched tsam du zad do/ /zhes 'jig rten pa'i lam yongs su spangs par bstan pa yin no/ /phung po dang / khams dang / skye mched dang / gzung ba dang / 'dzin pa rnam par spangs pa zhes bya ba ni/ nyan thos kyi lam mngon par rtogs pa yongs su shes pa'i sgo nas byang chub sems dpa' rnams kyi theg pa chen po mngon par rtogs pa rnam par gzhag pa yin no/ /chos bdag med pa mnyam pa nyid kyis ni/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams rang gi sems thog ma nas ma skyes par mthong zhing stong pa nyid kyi ngo bo nyid rdzas med pa mtshan nyid med par mngon par rtogs par 'gyur ro/ /gsang ba pa'i bdag po/ 'di lta bas na/ byang </font><hr>336b<br><font size=+1>


chub sems dpa' gnas med pa sgrib pa med pa spros pa thams cad dang bral ba'i sems bskyed bar bya'o/ /gsang ba pa'i bdag po/ rnam grangs 'dis kyang 'di ltar theg pa chen po la yang dag par gnas pa'i byang chub sems dpa' rnams la gsang sngags spyod pa'i tshul sgrub pa rnam par thar pa'i sgo ma gtogs par bla na med pa yang dag par rdzogs pa'i byang chub la phan 'dogs pa med par rig par bya'o/ /de ci'i phyir zhe na/ byang chub sems dpa' rnams bskal pa du mar 'bad cing brtsal te gtang dka' ba rnams kyang byas pas byang chub mngon par rdzogs par 'tshang rgya bar 'gyur te/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyi tshe 'di nyid la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de yang de ci'i phyir zhe na/ gsang ba pa'i bdag po/ tshe zhes bya ba de ni/ de bzhin gshegs pas skye ba la 'du shes su bya bar zad de/ byang chub sems dpa' de rnams kyis 'du shes de yang chos thams cad gyi ngo bo nyid khong du chud pa'i ting nge 'dzin thob pa'i sngon rol nyid du 'gags pa'i phyir ro/ /de nas yang bcom ldan 'das rnam par snang mdzad kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/ dkyil 'khor dang phyag </font><hr>337a<br><font size=+1>


@#/ /rgya'i dam tshig 'di la 'jug par 'dod pa'i byang chub sems dpa' chos 'di lnga ni/ rgyang ring du spang bar bya'o/ /lnga gang zhe na/ ser sna dang / sems can la gnod pa dang / the tshom dang / le lo dang / gsang sngags la sogs pa la ma gus pa ste/ gsang ba pa'i bdag po/ chos 'di lnga ni/ byang chub sems dpa' tshe 'di nyid la 'jig rten las 'das pa'i lam la 'jug par 'dod pa rnams kyis rgyang ring du spang par bya'o/ /gsang ba pa'i bdag po/ chos 'di rnams la gnas pa'i byang chub sems dpa' de la byang chub kyi spyad pa cung zad kyang yongs su rdzogs par nga mi smra'o/ /gsang ba pa'i bdag po/ de ci'i phyir zhe na/ chos 'di rnams ni/ byang chub sems dpa' rnams kyi byang chub kyi sems kyi bar du gcod pa chen po'o/ /de nas gsang ba pa'i bdag po phyag na rdo rjes bcom ldan 'das la 'di skad ces gsol to/ /bcom ldan 'das/ rigs kyi bu'am rigs kyi bu mo gang gsang ba'i snying po 'di'i dam tshig la gnas par gyur pa de'i bsod nams ci zhig 'phel bar 'gyur/ de skad ces gsol pa dang / bcom ldan 'das kyis byang chub sems dpa' phyag na rdo rje la 'di skad ces bkar stsal to/ /gsang ba pa'i bdag po/ nam mkha'i dbyings kyi mtha' ni/ rtogs par nus sam/ gsol pa/ bcom </font><hr>337b<br><font size=+1>


ldan 'das/ nam mkha'i dbyings kyi tshad ma mchis pas de'i tshad gzung bar mi nus so/ /bcom ldan 'das kyis bka' stsal pa/ nam mkha'i dbyings kyi mtha' ni/ rtogs par nus kyang srid kyi/ gsang ba'i snying po'i dkyil 'khor du dam tshig mthong ba'i rigs kyi bu'am rigs kyi bu mo bsod nams mngon par 'du byas pa gang yin pa'i bsod nams de'i tshad ni/ rtogs par mi nus so/ /de ci'i phyir zhe na/ gsang ba pa'i bdag po/ dkyil 'khor 'di ni/ sangs rgyas 'byung ba mthong ba'o/ /gsang ba pa'i bdag po/ dkyil 'khor zhes bya ba ni/ snying po gtso bo thams cad kyi mthar phyin pa ste/ de'i gong na de bzhin gshegs pa'i snying po med do/ /dge ba'i rtsa ba thams cad kyi snying por gyur pa/ gnas su gyur pa| skyabs su gyur pa'o/ /gsang ba pa'i bdag po/ de bas na/ rigs kyi bu'am rigs kyi bu mo dkyil 'khor dang phyag rgya dang dam tshig 'di la 'jug par 'dod pas dkyil 'khor dang phyag rgya dang dam tshig la 'jug pa thob par 'gyur/ gang dag dang 'jig rten gyi khams me ma mur gyis yongs su gang ba la yang rkang pa gnyis kyis 'bogs te 'gro bar bya'o// byang chub sems dpa' gsang sngags kyi sgo nas byang chub sems dpa'i spyad pa spyod pa de rnams la yang rigs kyi bu'am rigs kyi bu mo de dag gis dge ba'i bshes gnyen gyi </font><hr>338a<br><font size=+1>


@#/ /'du shes dang / pha'i 'du shes dang / ma'i 'du shes bskyed par bya'o/ /gsang ba pa'i bdag po/ gang la brten nas sems can dmyal ba rgyun chad par 'gyur zhing dud 'gro'i skye gnas su 'gro ba dang / gshin rje'i 'jig rten pa'i phung po med par 'gyur ba'i byang chub sems dpa' gsang sngags kyi sgo nas byang chub sems dpa'i spyad pa spyod pa de dag la ji ltar lan ldon par 'gyur/ byang chub sems dpa' de dag mi mnyam pa dang mnyam pa la gnas pa/ de bzhin gshegs pa thams cad kyi byin gyi rlabs kyis byin gyis brlabs pa/ nam mkha' ltar gnas pa med pa'i spyod yul can du rig par bya'o/ /gsang ba pa'i bdag po/ ngas khyod la bsgo bar bya'o/ /shes par bya'o/ /ma 'ongs pa'i dus na mi blun bo dmigs pa can la lta ba/ 'jig tshogs la lta ba/ mngon par zhen pa/ blo phyin ci log tu gyur pa/ bdag gi sems kyi gnas gtan la ma phebs pa rnams rnam par 'khrul nas 'di skad du 'di ni/ sangs rgyas kyis gsungs pa ma yin gyi/ 'di dag ni/ rang bzo can gyis rang bzor byas pa yin no/ / zhes zer ba dag 'byung bar 'gyur ro/ /gsang ba pa'i bdag po/ mi blun po de dag ni/ 'gro ba gnyis su 'gro bar rig par bya ste/ gnyis gang zhe na/ 'di lta ste/ sems </font><hr>338b<br><font size=+1>


can dmyal ba dang / dud 'gro'o/ /gsang ba pa'i bdag po/ de dag la ni/ dge ba'i rtsa ba'i rgyu cung zad kyang yod par nga mi smra'o/ /de ci'i phyir zhe na/ de dag ni/ rtsa ba chad par byed pa la zhugs te sangs rgyas kyi byang chub la bar du gcod par byed pa/ bdud kyis zil gyis non pa/ shes rab 'chal ba'i rang bzhin can/ theg pa chen po la goms par ma byas pa/ nyan thos kyi theg pa la snying por 'du shes pa rnams 'byung bar 'gyur ro/ /rigs kyi bu'am rigs kyi bu mo gang dag chos kyi rnam grangs 'di la mngon par brtson par gyur pa de dag la tshul khrims 'chal ba sdig pa'i chos spyod pa de dag la sangs rgyas kyi byang chub ga la yod ces smra bar 'gyur te/ mi blun po de dag 'di ltar bcom ldan 'das thams cad mkhyen pa des sems can rnams la phan gdags pa'i phyir 'di dag thams cad gsungs so/ /de dag la lta ba'i sems bskyed pas sdug bsngal gyi skal pa can du 'gyur ro/ /de ci'i phyir zhe na| de dag ni/ de bzhin gshegs pa'i gsang ba 'dzin pa lha dang bcas pa'i 'jig rten gyis phyag bya bar 'os pa yin par rig par bya'o/ /de nas yang bcom ldan 'das rnam par snang mdzad kyis phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab snyed la bka' stsal ba/ rigs kyi bu de rnams bsrung ba dang bskyab pa dang sba ba'i </font><hr>339a<br><font size=+1>


@#/ /phyir rigs kyi bu khyod kyi lag tu gtad kyi/ rigs kyi bu de rnams rtag tu rgyun mi 'chad par srung bar gyis shig /yongs su bskyab par gyis shig /gnod pa las bzlog par gyis shig /de skad ces bka' stsal pa dang / phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab snyed pa de dag gis mgrin gcig tu tshig 'di skad ces smras so/ /bcom ldan 'das/ de bzhin gshegs pa chos kyi rjes ji skad bka' stsal pa de bzhin du thams cad bgyi'o/ /rigs kyi bu de dag nam byang chub kyi snying po la mchis kyi bar du bsrung bar bgyi'o/ /bcom ldan 'das kyis bka' stsal pa/ rigs kyi bu dag /legs so legs so/ /khyod kyis ci nas kyang ston pa'i bstan pa 'jig par mi 'gyur ba de ltar gyis shig /de nas gsang ba pa'i bdag po phyag na rdo rjes rdo rje 'dzin de dag thams cad la smras pa/ grogs po dag /de bzhin gshegs pa dgra bcom pa yang dag par rdzogs pa'i sangs rgyas rnams kyi bya dka' ba brgya stong du mar bsgrubs pa de ni/ bla na med pa yang dag par rdzogs pa'i byang chub 'di yin te/ de bas na khyed thams cad kyis nan tan bskyed la de dag srung bar gyis shig /de ci'i phyir zhe na/ 'dis ni/ bdag cag de bzhin gshegs pa'i bka' bzhin byed pa'o/ /zhes bya bar </font><hr>339b<br><font size=+1>


'gyur ro/ /de bzhin gshegs pa'i bstan pa srung ba'o zhes bya bar 'gyur ro/ /mi mnyam pa dang mnyam pa'o zhes bya bar 'gyur ro/ /stobs bcu 'dzin pa'o zhes bya bar 'gyur ro| |de bas na chos kyi rnam grangs 'di bsrung ba dang / bskyab pa dang sba ba'i phyir bdag cag rnams kyis rtag tu brtson par bya'o/ /rigs kyi bu de dag kyang bsrung ba dang / bskyab pa'i dang| sba pa'i phyir brtson par bya'o/ /de skad ces smras pa dang / rdo rje 'dzin pa de dag gis mgrin gcig tu smras pa/ bdag gis ci nas kyang ston pa'i bstan pa yun ring du gnas par 'gyur ba dang / 'jig par mi 'gyur ba bya ba 'di ni/ nges par bya dgos so/ /zhes smras so/ /de nas bcom ldan 'das rnam par snang mdzad kyis ma 'ongs pa'i 'gro ba la gzigs nas chos kyi rnam grangs 'di yun ring du gnas par bya ba'i phyir thugs rje chen po thog mar byas nas gsang sngags kyi tshig 'di dag gsungs so/ /na ma s+t+rai ya d+hi kA nAM/ sarba ta thA ga ta nAM| sarba ta thA ga ta sa ma tA ga ti ga te/ e ka d+harmA sam+b+ha sarba sa ra Ni bi tsi tra rU pa d+ha ra Ni/ sar+b+ba sa ta tra a b+hi pra ya ba ri pU ra Ni/ sar+b+ba bo d+hi sa ta tra ga tA ma na se/ tra hi maM sar+b+ba d+harma sa ma| ma hA ma hI bai ro tsa na gar+b+ha saM bud+d+hA/ sar+b+ba ta thA ga ta/ a d+hiSh+Thi te tra hi te b+ha ga wa ti hUM/ de nas phyag na rdo rje de bzhin gshegs pa thams cad kyis rjes su gnang ba bcom </font><hr>340a<br><font size=+1>


@#/ /ldan 'das rnam par snang mdzad kyi byin gyi rlabs kyis snying rje chen po mngon du byas te 'di nyid kyi rgyud phyi ma smras pa/ dang po slob dpon gtsang sbra byas te chos kyi dbyings su gyur pa'i yid kyis bdag rnam par snang mdzad du phyag rgya dang gsang sngags kyis bsgyur te dkyil 'khor bri'o/ /sngags pa gsang sngags cho ga la/ /rtag par cho ga snga ma yis| |phye ma dkar po blangs nas su/ /snying rjer gyur pa'i yid kyis ni/ /rtag tu mi g.yo dran byas te/ /dang por tshon rtsi dgye bar bya/ /de nas tshon rtsi gnyis pa ni/ /dmar por blangs nas dgye bar bya/ /tshon rtsi gsum pa ser po yang / /shin tu nges par dgye bar bya/ /de nas m+r+gad 'dra bar dgye/ /de nas and rnyil 'dra dgye/ /gang gis kha dog ci 'drar gsungs/ /de yi dkyil 'khor de nyid do/ /lha yi kha dog de bzhin te/ /zhi dang rgyas dang drag spyod pa/ /de yi gsang sngags de nyid 'dod/ /de ni gsang ba bstan pa yin/ /de bzhin gshegs pa'i gsang ba gang / /de dag dbang chen yin par bsngags/ /phyag na pad+ma'i chu yi yin/ /rdo rje can gyi rlung gi yin/ /pho nya la sogs bran rnams dang / /khro bo'i ming du gang gtogs pa/ /kun tu thogs med gang gtogs pa/ /kun tu thogs med spyod pa rnams/ /kun gyi dkyil 'khor me dang rlung / /yang na 'di dag thams cad kyang / /nus pa'i mthu ni kun dang ldan/ /stong pa nyid kyi bdud rtsi ngoms// </font><hr>340b<br><font size=+1>


snying rje mig gi dri ma med/ /byams pa'i go cha legs par bgos/ /dga' ba dri ma med rtsal bral/ /srid pa'i rgya mtshor bying ba yi/ /sems can 'den par rab tu brtson/ /'khor ba na yang mi gnas shing / /mya ngan 'das pa'ang gnas ma yin/ /yang dag mtha' la nges byas shing / /sems can rnams kyi don byed pa'o/ /de nas gsang ba ba'i bdag po phyag na rdo rjes thams cad dang ldan pa'i 'khor la bltas nas tshig smras pa/ thams cad mkhyen pa sdig bral ba/ /ston pa bcom par ldan pa 'dis/ /bgegs rnams 'byung bar 'gyur ba'i gnas/ gtan la bab par bshad gyur pa/ /grogs po kun gyis mnyan par gyis/ /bgegs ni rnam pa du ma ste/ /lha dang lha min gnod sbyin mi/ /de la bgegs ni rnam gnyis te/ /phyi dang nang gi spyod yul lo/ /glo lud dbugs brnang rims dang skyug /skya rbab nad dang yi ga 'chus/ /de la sogs pa'i rims nad ni/ /grang rlung tsha ba la sogs las/ /mi bzad ngo bo can 'byung ba| |nang gi yin par shes par bya/ /phyi rol gyi ni bgegs chen rnams/ /mi dang de bzhin mi min te/ /ye shes tsher ma de dag ni/ /spyod pa rnam pa sna tshogs kyis/ /'jig rten gzhig pa'i phyir 'byung ste/ /dka' thub gnas na rmongs par byed/ /las kyi cho ga mthong ba yis/ /de rnams slar ni bzlog par bya/ /tsha bar gyur nas 'ong ba'i bgegs/ /bsil bas nye bar </font><hr>341a<br><font size=+1>


@#/ /zhi bar bya/ /shes rab can gyis gnyen po yis/ /de dag so sor gso bar bya/ /yang na bgegs rnams thams cad la/ /sngags pas nges par mtshams bcad la| |bgegs rnams kun la ye shes ni/ /zhi bar byed pa'i mchog tu bshad/ /'phags pa rnam par snang mdzad chen po mngon par rdzogs par byang chub par sprul pa byin gyis rlob pa theg pa chen po mdo sde'i rgyal po gsang ba mchog gi rim par phye ba las/ de bzhin gshegs pa 'byung ba zhes bya ba'i dkyil 'khor chen po byin gyis rlob pa rdzogs so// // rgya gar gyi mkhan po shI len+d+ra po d+hi dang / zhu chen gyi lo tsA ba ban+d+he dpal brtsegs kyis bsgyur cing zhus te gtan la phab pa| </font><hr>

</table>