@##/ /rgya gar skad du/ AR+Ya bi shA lI pra be sha mahA sU tra/ bod skad du/ 'phags pa yangs pa'i grong khyer du 'jug pa'i mdo chen po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das 'dam bu'i khrod na gzings pa'i 'dug gnas na bzhugs te/ de nas 2a @##/ /bcom ldan 'das kyis tshe dang ldan pa kun dga' bo la bka' stsal pa/ kun dga' bo/ yangs pa'i grong khyer gal bar 'dong ngo / /btsun pa/ de ltar bgyi'o zhes gsol nas/ tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das yul br-i dzir rgyu zhing gshegs te/ yangs pa'i grong khyer du byon nas/ yangs ba'i grong khyer gyi a mra srung ba'i tshal na bzhugs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ yangs pa'i grong khyer du song la phyin nas sgo'i them pa la rkang pa zhog ste/ gsang 2b sngags kyi gzhi 'di dag dang / tshigs su bcad pa 'di dag smros shig /bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsal to/ /sangs rgyas thams cad kyis dgongs pa/ rang sangs rgyas thams cad kyis bsams pa/ dgra bcom pa thams cad kyis bsams pa/ slob pa thams cad kyis bsams pa/ nyan thos thams cad kyis bsams pa| bden pa'i tshig dang ldan pa thams cad kyis bsams pa/ chos kyis bsams pa/ tshangs pas bsams pa/ tshangs pa so sos bsams pa/ 'dod pa'i dbang phyug gis bsams pa/ dbang pos bsams pa/ lhas bsams pa/ lha ma yin gyi dbang pos bsams pa| lha ma yin thams cad kyis bsams pa/ lha ma yin gyi mngag gzhug pas bsams pa/ 'byung po thams cad kyis bsams 3a @##/ /pa| bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsal pa/ muny+tsa ta/ muny+tsa ta/ muny+tsa ta/ muny+tsa ta/ ma 'dug cig/ yams kyi nad rnam par zhi bar gyur cig /nirga ts+tsha ta/ ni rgats+tsha ta/ nirgats+tsha ta/ nirgats+tsha ta/ sangs rgyas lha chen po/ lha'i yang lha/ lha'i bla ma/ gshegs shing / dbang po dang bcas pa'i lha rnams dang / tshangs pa dang bcas pa rnams dang / dbang bdag dang bcas pa rnams dang / skye dgu'i bdag po dang bcas pa rnams dang / 'jig rten skyong ba bzhi po dag kyang 'ong / lha 'bum phrag du ma dag dang / lha ma yin gyi dbang po rnams dang / lha ma yin 'bum phrag du ma dag kyang 'ong / bcom ldan 'das la mngon bar dad pa'i 'byung po dbu ma phrag du ma dag kyang sems can thams cad kyi don gyi phyir 'ongs 3b te| de dag khyed rnams la gnod pa chen po byed par gyur du 'ong gi /nirgats+tsha ta/ nirgats+tsha ta/ nirgats+tsha ta/ nirgats+tsha ta/ myur du byer cig /khyed cag las gang dag sdang ba'i sems dang ldan pa de dag ni phung bar gyur cig /gang dag byams pa'i sems dang ldan zhing nyes par mi 'dod la bsrung bar 'jug par 'dod pa de dag ni 'khod cig /lus la yang 'jug par gyis shig/ sangs rgyas 'jig rten la thugs brtse ba can gyis bka' stsal pa/ su mu/ su mu/ su mu/ su mu/ su mu/ su mu ru/ su mu ru/ su mu ru/ su mu ru/ su mu ru/ su mu ru| su mu ru/ su mu ru/ mu ru/ mu ru/ mu ru/ mu ru/ mu ru/ mu ru/ mu ru/ mu ru/ mu ru/ mi ri/ mi ri/ mi ri/ mi ri/ mi ri/ mi ri/ mi ri/ mi ri/ mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu rU ri ti/ ri ri ri ri ri ri/ rI rI rI rI rI rI/ ti mi ri| mi ri/ mi ri/ mi ri/ mi ri/ mi ri/ mi ri/ mi ri ti/ ha si mi ri/ mI rI ti/ mI ti/ si sI/ si mI/ kaM ka ra/ ka ka ra ta/ kaM ka ra/ kaM ka tsa/ kaM ka rA/ kaM ka rA/ kaM ka rA/ kaM ka rA| kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka ro tI ti/ ku ri shaM kaM ka rA/ kaM ka ri she/ ri ri ri ri ri ri/ 4a @#/ /ti re ti phu swA/ ri phu ri phu/ ri phu ri phu/ ri phu ri phu/ ri phu ri phu/ nA thA nA nA thA tha/ ri phu/ ri phu/ nA thA tha/ nirgats+tsha ta/ ri phu/ ri phu/ nirgats+tsha ta/ pa yA tha/ ri pu ri pu/ pa lA ya ta/ sangs rgyas 'jig rten la thugs brtse ba can/ sems can thams cad la phan par lhag par dgongs pa dang ldan pa/ byams pa la gnas pa/ thugs rje dang ldan pa/ dga' ba la gnas pa/ btang snyoms la gnas pa gshegs kyi/ k+Sh+wi phran nir gats+tsha ta swAhA/ sangs rgyas kyi ye shes kyi mchog dang / chos nyid kyis lha thams cad dang / 'byung po thams cad la bka' stsal pa'i gsang sngags gzhi 'di dag ni grub pa'o/ /tshigs su bcad pa 'di dag ni grub pa'o/ /gang la ser sna rnams chags pa/ /rnam 'joms dri ma med mdzad cing / /thugs zhi gnod pa mi mnga' des/ /khyed la bde legs mdzad par 'gyur/ /'dren pa gang zhig 'gro ba rnams/ /thar pa'i lam du 'dzud mdzad cing / /chos rnams thams cad ston pa des/ /khyed la bde legs mdzad par 'gyur/ /ston pa rgyug pa rnams kyi rten/ /sems can kun gyi don gyi phyir/ /gang gis bde ba mnga' mdzad des/ /khyed la bde legs mdzad par 'gyur/ /skyob pa gang zhig byams pa yi/ /thugs kyis 'gro ba 'di dag 4b kun| |bu gcig bzhin du rtag bskyangs te/ /khyed la bde legs mdzad par 'gyur/ /gang zhig 'khor bar 'khor ba yi/ /sems can kun gyi rten gyur cig/ gling dang dpung gnyen gyur pa des/ /khyed la bde legs mdzad par 'gyur/ /gang zhig chos kun mngon sum gyur/ /gtsang zhing bslu ba mi mnga' la/ /gsung gtsang gtsang mar mdzad pa des// khyed la bde legs mdzad par 'gyur/ /dpa' bo chen po gang skyes pa/ /phun sum tshogs don 'byor gyur cig /don grub tshogs kyang grub pa des/ /khyed la bde legs mdzad par 'gyur/ /gang zhig skyes pas sa rnams ni/ /nags tshal bcas pa rab g.yos shing / /sems can thams cad rab dga' des/ /khyed la bde legs mdzad par 'gyur/ /byang chub snying por gshegs pa na/ /sa dag rnam drug g.yos gyur cing / /bdud yid mi bder gyur pa des/ /khyed la bde legs mdzad par 'gyur/ /chos kyi 'khor lo bskor ba na/ /'phags pa'i bden pa rnams gsung ba/ /thub pa'i snyan pa gang byung des/ /khyed la bde legs byed par 'gyur/ /yid 'phrog gang gis mu stegs byed/ /thams cad chos kyis pham mdzad cing / /tshogs kun dbang du mdzad pa des/ /khyed la bde legs mdzad par 'gyur/ /sangs rgyas khyed la bde legs 5a @#/ /mdzad/ /brgya byin lhar bcas bde legs dang / /'byung po kun gyi bde legs ni/ /khyed la rtag tu sbyin gyur cig /sangs rgyas bsod nams mthu dag dang / /lha rnams kyis ni bsam pa yis/ /khyed rnams don 'dod gang yin pa/ /don de de ring grub gyur cig /rkang gnyis khyed cag bde legs shog /rkang bzhi khyed cag bde legs shog /khyed cag lam 'gro bde legs shog /phyir 'ong dag kyang bde legs shog /nyin mo bde legs mtshan bde legs/ /nyi ma'i gung la'ang bde legs shing / /khyed cag kun tu bde legs shog /khyed cag sdig par ma gyur cig /sangs rgyas lha rnams stong dag gis/ /yongs su bskor te gshegs mdzad kyis/ /sdang sems ldan pa rnams byer cig /snying rje'i bdag nyid can rnams 'khod/ /sangs rgyas rang sangs rgyas rnams dang / /dgra bcom slob pa'i bden tshig gis/ /'jig rten mi phan byed pa rnams/ /grong khyer 'di ni gtong gyur cig /sems can kun dang srog chags kun/ /'byung po kun dang khyed cag kun/ /bde ba 'ba' zhig ldan gyur cig/ thams cad nad rnams med par shog /kun gyis bzang rnams mthong gyur cig /gang yang sdig par ma gyur cig / 5b 'byung po gang dag 'dir ni lhags gyur te/ /sa dang bar snang dag na gnas pa rnams/ /skye dgu rnams la rtag tu byams byed shog /nyin dang mtshan du chos kyang spyod gyur cig /de skad ces bka' stsal nas/ tshe dang ldan pa kun dga' bos/ btsun pa/ de bzhin bgyi'o zhes gsol to/ /bcom ldan 'das kyi ltar mnyan nas/ yangs pa'i grong khyer du song ste/ sgo'i them pa la rkang pa bzhag nas/ gsang sngags kyi gzhi 'di dag dang / tshigs su bcad pa 'di dag kyang smras so/ /bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsal to/ /sangs rgyas thams cad kyis dgongs pa/ rang sangs rgyas thams cad kyis bsams pa/ dgra bcom pa thams cad kyis bsams pa| slob pa thams cad kyis bsams pa/ nyan thos thams cad kyis bsams pa/ bden pa'i tshig dang ldan pa thams cad kyis bsams pa/ chos kyis bsams pa/ tshangs pas bsams pa/ tshangs pa so sos bsams pa/ 'dod pa'i dbang phyug gis bsams pa/ dbang pos bsams pa/ lhas bsams pa/ lha ma yin gyi dbang pos bsams pa| lha ma yin thams cad kyis bsams pa/ lha ma yin gyi mngag gzhug pas bsams pa/ 'byung po thams cad kyis bsams pa/ bi sa ra ta/ bi sa ra ta/ bi sa ra ta/ 6a @#/ /bi sa ra ta/ sangs rgyas 'jig rten la thugs brtse ba can gyis bka' stsal to/ /muny+tsa ta/ muny+tsa ta/ muny+tsa ta/ muny+tsa ta/ ma 'dug cig/ yams kyi nad thams cad zhi bar gyur cig /nirgats+tsha ta/ nirgats+tsha ta/ nirgats+tsha ta/ nirgats+tsha ta/ sangs rgyas lha chen po/ lha'i yang lha/ lha'i bla ma/ gshegs shing / dbang po dang bcas pa'i lha rnams dang / tshangs pa dang bcas pa rnams dang / dbang bdag dang bcas pa rnams dang / skye dgu'i bdag po dang bcas pa rnams dang / 'jig rten skyong ba bzhi po dag kyang 'ong / lha stong phrag du ma dag dang / lha ma yin gyi dbang po rnams dang / lha ma yin stong phrag du ma dag kyang 'ong / bcom ldan 'das la mngon par dad pa'i 'byung po brgya stong mang po dag kyang sems can thams cad kyi don gyi phyir 'ongs te/ de dag khyed la gnod pa chen po byed par 'gyur gyi/ nirgats+tsha ta/ nirgats+tsha ta/ nirgats+tsha ta/ nirgats+tsha ta/ myur du byer cig /khyed cag las gang dag sdang ba'i sems dang ldan pa de dag ni phung bar gyur cig /gang dag byams pa'i sems dang ldan zhing nyes par mi 'dod la/ bsrung bar 'jug par 'dod pa de dag ni 'khod cig/ lus la yang 'jug par gyis shig /sangs rgyas 'jig rten la thugs brtse ba can gyis bka' stsal pa/ su mu/ su mu/ su mu/ su mu/ su mu/ su mu ru/ 6b su mu ru/ su mu ru/ su mu ru/ su mu ru/ su mu ru/ su mu ru/ su mu ru/ mu ru/ mu ru/ mu ru/ mu ru/ mu ru/ mu ru/ mu ru/ mu ru/ mi ri/ mi ri/ mi ri/ mi ri/ mi ri/ mi ri/ mi ri| mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu ru mi ri/ mu rU ri ti/ ri ri ri ri ri ri/ rI rI rI rI rI rI/ mi ri mi ri/ mi ri/ mi ri/ mi ri/ mi ri/ mi ri mi rI ti/ ha si mi mi rI ti/ sI si mi/ kaM ka rA/ kaM ka ra ta/ kaM ka ra/ kaM ka tsa/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka rA/ kaM ka ro tI ti ku ri sho kaM ka rA/ kaM ka rI she /ri ri ri ri/ ri ri rI/ ti re ti phu swa/ ri phu/ ri phu/ ri phu/ ri phu/ ri phu/ ri phu/ ri phu/ ri phu/ nA tha/ nA nA thA thA/ ri phu ri phu/ nA thA thA/ nirgats+tsha ta| ri phu ri phu/ nirgats+tsha ta/ pa la yA tA/ ri pU ri pU/ pa lA ya ta/ sangs rgyas 'jig rten la thugs brtse ba can/ sems can thams cad la phan par lhag par dgongs pa dang ldan pa/ byams pa la gnas pa/ thugs rje dang ldan pa/ dga' ba la gnas pa/ btang snyoms la gnas pa gshegs kyis/ k+Shi phran nirgats+tsha ta swAhA/ sangs rgyas kyi ye 7a @#/ /shes kyi mchog dang / chos nyid kyis lha thams cad dang / 'byung po thams cad la bka' stsal pa'i gsang sngags kyi gzhi 'di dag ni grub pa'o/ / tshigs su bcad pa 'di dag ni grub bo/ /gang la ser sna rnam chags pa/ /rnam bcom dri ma med mdzad cing / /thugs zhi gnod pa mi mnga' des/ /khyed la bde legs mdzad par 'gyur/ /'dren pa gang zhig 'gro ba rnams/ /thar pa'i lam du 'dzud mdzad cing / /chos rnams thams cad ston pa des/ /khyed la bde legs mdzad par 'gyur/ /ston pa rgyug pa rnams kyi rten/ /sems can kun gyi don gyi phyir/ /gang gis bde ba mnga' mdzad des/ /khyed la bde legs mdzad par 'gyur/ /skyob pa gang zhig byams pa yi/ / thugs kyis 'gro ba 'di dag kun/ /bu gcig bzhin du rtag bskyangs te/ /khyed la bde legs mdzad par 'gyur/ /gang zhig 'khor bar 'khor ba yi/ /sems can kun gyi rten gyur cing / /gling dang dpung gnyen gyur pa des/ /khyed la bde legs mdzad par 'gyur/ /gang zhig chos kun mngon sum gyur/ /gtsang zhing bslu ba mi mnga' la| |gsung gtsang gtsang mar mdzad pa des/ /khyed la bde legs mdzad par 'gyur/ /dpa' bo chen po gang skyes pa/ /phun sum tshogs don 'byor gyur cing / /don 7b grub tshogs kyang grub pa des/ /khyed la bde legs mdzad par 'gyur/ /gang zhig skyes pas sa rnams ni/ /nags tshal bcas pa rab g.yos shing / /sems can thams cad rab dga' des/ /khyed la bde legs mdzad par 'gyur/ /byang chub snying por gang zhig gis/ /sa dag rnam drug g.yos gyur cing / /bdud yid mi bder gyur pa des/ /khyed la bde legs mdzad par 'gyur/ /chos kyi 'khor lo bskor ba na/ /'phags pa'i bden pa rnam gsung ba/ /thub pa'i snyan pa gang byung des/ /khyed la bde legs mdzad par 'gyur/ / yid 'phrog gang gis mu stegs byed/ /thams cad chos kyis pham mdzad cing / /tshogs kun dbang du mdzad pa des/ /khyed la bde legs mdzad par 'gyur/ /sangs rgyas khyed la bde legs mdzad/ /brgya byin lhar bcas bde legs dang / /'byung po kun gyi bde legs ni/ /khyed la rtag tu sbyin gyur cig /sangs rgyas bsod nams mthu dag dang / / lha rnams kyis ni bsams pa yis/ /khyed kyis don 'dod gang yin pa/ /don de de ring grub gyur cig /rkang gnyis khyed cag bde legs shog /rkang bzhi khyed cag bde legs shog| khyed cag lam 'gro bde legs shog/ phyir ldog dag kyang bde legs shog /nyin mo bde legs mtshan bde legs/ /nyi ma'i gung la'ang bde legs shing / / 8a @#/ /khyed cag rtag tu bde legs shog/ khyed cag sdig pa ma gyur cig/ sangs rgyas lha rnams stong dag gis/ /yongs su bskor te gshegs mdzad cing / /sdang sems ldan pa rnams byer cig /snying rje'i bdag nyid can rnams 'khod/ /sangs rgyas rang sangs rgyas rnams dang / /dgra bcom slob pa'i bden tshig gis/ /'jig rten mi phan byed pa rnams// grong khyer 'di ni gtong gyur cig /sems can kun dang srog chags kun/ /'byung po kun dang khyed cag kun/ /bde ba 'ba' zhig ldan gyur cig /thams cad nad rnams med par shog /kun gyis bzang rnams mthong gyur cig /gang yang sdig par ma gyur cig /'byung po gang dag 'dir ni lhags gyur te/ /sa dang bar snang dag la gnas pa rnams/ /skye dgu rnams la rtag tu byams byed shog /nyin dang mtshan du chos kyang spyod gyur cig /'phags pa yangs pa'i grong khyer du 'jug pa'i mdo rdzogs so// rgya gar gyi mkhan po su ren+d+ra bo d+hi dang / zhus chen gyi lots+tsha ba ban+de ye shes sdes bsgyur cing zhus te gtan la phab pa// |