//@##/ /rgya gar skad du/ AR+Ya bi she Sha ba ti nA ma d+hA ra Ni/ bod skad du/ 'phags pa khyad par can zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das sbrul gyi lo'i dgun zla ra ba tshes nyi shu la yul phug ron can na/ grong khyer siny+tso zhes bya ba'i gtsug lag khang na bzhugs te/ de'i tshe dge slong tshe brjod ces bya ba don zhig gi phyir/ grong khyer gnas song zhes bya bar song ste/ dge slong de rgya yul gyi grong khyer nas dpag tshad brgya'i lam du phyin pa dang / dge slong des bar der mi lus chen po khrun du mtho sum cu yod pa/ bzhin mtho \?\ bzhi pa zhig rgyang ring po nas mthong ngo / /mthong nas kyang dge slong tshe brjod des mi de lta bu de la 'di snyam du bsams te/ kye ma/ mi 'di ni lus che ste/ 'di ni 'jam dpal gzhon nur gyur ba yin du nges so snyam nas/ des pus mo gnyis ka'i lha nga sa la btsugs te/ mi lus chen po ga la ba de logs su 36b thal mo sbyar ba btud nas/ mi lus chen po de la 'di skad ces smras so/ /ci khyod 'jam dpal gzhon nur gyur pa ste/ 'di na gda' 'am/ 'jam dpal gyis smras pa/ dge slong / de de bzhin no/ /dge slong des smras pa/ 'jam dpal/ khyod ci'i slad du 'di na gda'/ 'jam dpal gzhon nur gyur pas smras pa/ dge slong / 'dzam bu'i gling 'dir sems can rnams la nad rnam pa sna tshogs pa 'byung ste/ gnod sbyin dang / lha ma yin dang / nam mkha' lding dang / dri za rnams ri'i rgyal po ri rab kyi ngos gcig la gnas so/ /des nyi zla'i 'od kyang mi mngon/ nyi ma dang / zla ba dang / gza' dang / rgyu skar rnams kyang nam mkha'i bar skabs na mi snang ngo / /de'i tshe lha dang / lha ma yin kyang g.yul 'gyed de/ g.yul bkye ba dang / lha rnams ni pham/ lha ma yin rnams ni rgyal te/ de'i tshe 'byung po dang / yi dwags rnams bud med kyi gzugs kyis sems can rnams la nad gtong ste/ 'di lta ste/ lkog ma'i lha gor dang / 'brum phran dang / me dbal dang / lto ba na ba dang / rims nyin gcig pa dang / nyin gnyis pa dang / nyin gsum pa dang / nyin bzhi pa dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur 37a @#/ /pa dang / klad pa na ba dang / phol mig dang / g.yan pa dang / tshad pa dang / mig nad la sogs pa nye bar sgrub po/ /'di lta ste/ char ches pa dang| than pa dang / dus ma yin pa'i char gyis lo tog phun sum tshogs pa'i 'od 'phrog/ sems can rnams kyi mdangs 'phrog /tshe dang / stobs dang / mdog dang| gzugs 'phrog ste/ de'i tshe 'dzam bu'i gling na sems can thams cad nad sna tshogs kyis yongs su nyen to/ /gtum po seng ge dang / spyang ki dang / stag dang / sbrul la sogs pa'i gzugs kyis sems can rnams kyi mdangs 'phrog ste/ 'dzam bu'i gling gi sems can rnams la dus ma yin par chud za ba nye bar gnas pas sems can rnams nad las thar bar bya ba yang dka' ste/ 'dzam bu'i gling 'dir sems can rgan pa dang / bar ma dang / gzhon pa dag las dkrigs phrag sum cu 'chi bar 'gyur ro/ /de'i phyir nga dge slong khyod kyi gan du 'ongs kyi/ khyod kyis 'dzam bu'i gling gi sems can thams cad la chos kyi rnam grangs 'di sgrogs shig / de ci'i phyir zhe na/ 'dzam bu'i gling pa'i sems can thams cad ni/ 'di snyam du bdag cag ji ltar sdug bsngal gyis bcings pa thams cad las thar bar 37b 'gyur snyam du re ba'i phyir ro/ /de lta bas na/ dge slong / khyod kyis sems can thams cad la mdo 'di sgrogs te/ sems can thams cad la dge ba'i rtsa ba bskyed pa'i phyir nan tan gyis shig /dkon mchog gsum la rtag par rgyun du dad par gyis shig/ lha rjed cig /de bzhin gshegs pa'i mchod rten rnams sam/ sku gzugs rnams la spos dang / me tog dang / bdug pa rnams kyis mchod par gyis shig /khyad par can gyi gzungs kyang lhogs shig /nyi ma bdun yan lag brgyad pa dang ldan pa'i gso sbyong la nye bar gnas par gyis shig/ bcom ldan 'das de bzhin gshegs pa blo yangs zab mo 'brug bsgrags rgyal po la phyag 'tshal lo/ /'di lta ste/ tad+ya thA/ bi pu la gardzi te/ bi pu la swA re/ bi pu la yo ni she /a na la se/ a na la saM b+ha be/ a na la se/ a na la saM b+ha be/ a la sa ga tiM ga te swAhA/ de bzhin gshegs pa sgrib pa thams cad rnam par sel ba la phyag 'tshal lo/ /tad+ya thA/ he ma he ma/ ha ma ha ma swAhA/ de bzhin gshegs pa 'od dpag med la phyag 'tshal lo/ /tad+ya thA/ a mi tob+b+ha be| a mi ta sam+b+ha be/ a mi ta bi krAn+te/ a mi ta bi krAn+ti ka re/ a mi ta ga ga na kIrti ka re swAhA/ de bzhin gshegs pa yon tan 'byung gnas la phyag 'tshal lo/ /tad+ya thA/ 38a @#/ /ga ga na sa/ A ka ra/ ga ga na sam+b+ha bi/ ga ga na kirti ka re swAhA/ de bzhin gshegs pa kun nas spos mchog la phyag 'tshal lo/ /tad+ya thA/ sa ma sa me swAhA/ de bzhin gshegs pa gzhan gyis mi thub pa'i rgyal mtshan gyis 'brug bsgrags gshegs pa la phyag 'tshal lo/ /tad+ya thA/ a sa ma sa me swAhA/ de bzhin gshegs pa nga rgyal gnon la phyag 'tshal lo/ /tad+ya thA/ ma na bi shud+d+he/ pad+me shwa re/ pad+ma sam b+ha be/ king ka ra/ hi taM ka rI ye swAhA/ sangs rgyas dang / byang chub sems dpa' thams cad la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas sgrib pa thams cad rnam par sel ba la phyag 'tshal lo/ /tad+ya thA/ shwe ta ka ra b+he dza li ne swAhA/ dza ma b+ha ne/ stam+b+ha ne/ mo ha ne swAhA/ pauN+Ta ri kA ya swAhA/ ho me d+harme/ d+harmA tsan+ta ye swAhA/ d+ha re b+hi d+ha re/ ka la ri \?\ sga \?\ ru ta ye swAhA/ shan+ta kAn+na nirba pa N+yai swAhA/ d+hu ru d+hu ru/ bi du ru d+hi ye swAhA/ bi la ma pra tsun+dA yai swAhA/ a ba lo ki te/ bi lo ki tA yai swAhA/ Adz+nyA na bi d+ha ma n+yai swAhA/ pad+ma swA re/ pad+ma saM b+ha be/ kir ka re/ hi tang ka ri ye swAhA/ sangs rgyas dang / byang chub sems dpa' thams cad la phyag 'tshal lo/ /tad+ya thA/ tsan+d+ra pra d+he/ tsan+d+ra na gar+b+he/ 38b tsan+d+ra tsUr+Ne/ ke kai la sa ba ti/ sarba bud+d+ha/ a d+hi Sh+Thi ta a nu mo di te swAhA/ byang chub sems dpa' 'phags pa 'jam dpal la phyag 'tshal lo/ /tad+ya thA/ dza ye dza ye/ dza ya la b+he/ dza ya mahA ma he swAhA/ byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /tad+ya thA/ ga ga na aR+Ye/ ga ga na sa mung+ga te/ ga ga na bi krAn ta/ bi krAn ta/ e dze mi dzi/ pad mo mo dzi swAhA/ byang chub sems dpa' kun tu bzang po la phyag 'tshal lo/ /tad+ya thA/ he b+ha dre/ mahA b+ha dre/ a ti b+ha dre/ sa man+ta b+ha dre| bi ga ta rA dza se/ mahA bi ga ta rA dza se/ a ti bi ga ta rA dza se/ he ma ba ti/ karma A ba ra Na bi sho d+ha ne swAhA/ byang chub sems dpa' 'phags pa byams pa la phyag 'tshal lo/ / tad+ya thA/ mai tri mai tri/ mai tri ma na se swAhA/ byang chub sems dpa' 'phags pa nam mkha'i snying po la phyag 'tshal lo/ /tad+ya thA/ gar+b+he gar+b+he/ gar+b+ha bi sho d+ha ne swAhA/ byang chub sems dpa' 'phags pa blo gros mi zad pa la phyag 'tshal lo/ /tad+ya thA/ ak+Sha ye nu/ ak+Sha ye phu/ ak+Sha ya karma bi sho d+ha ne phu swAhA/ byang chub sems dpa' 'phags pa dri ma med par grags pa la phyag 'tshal lo/ /tad+ya thA/ kIrti tA/ sarba dzi nai/ a b+hi kIrta tA/ sarba dzi nai/ badz+rA a ka re/ badz+ra sam+b+ha be/ badz+ra be dA kA re swAhA/ byang chub 39a @#/ /sems dpa' sgrib pa thams cad rnam par sel ba la phyag 'tshal lo/ /tad+ya thA/ sarba A bar Na bi skam bi N+yai swAhA/ d+hA tu bi ka ra N+yai swAhA/ me g+ha bi s+pho Ta me swAhA/ a pa rA dzi ta kA yai swAhA/ ba la dad N+yai swAhA/ bo d+h+yang dad N+yai swAhA/ karma nir+b+ha bi ta kA ye swAhA/ e kA rA ma yai swAhA/ yo gA tsa rA yai swAhA/ sarba bud+d+ha b+hi Shi ka tA yai swAhA/ prah+mo ba ku tA ye swAhA/ sarba d+har+m+ma a bi Shi ka tA ye swAhA/ sarba bud+d+ha a b+hi Shi ta yai swAhA/ e ka shring+ga yai swAhA/ a shring+ga ye swAhA/ b+hU tA yai swAhA/ a saM b+hU tA yai swAhA/ sarba duH kho pra sha ma N+yai swAhA/ zla 'od gzhon nur gyur pa la phyag 'tshal lo/ /tad+ya thA/ tsan+d+ra pra b+he/ su pra b+he/ pra b+hA a ka ra/ pra b+hot+ka te/ pra b+hot+ka te/ pra b+ha ba ti/ pra b+ha ba ti/ d+harma bi shud+he/ karmA bi shu d+hir+b+ha tu me swAhA/ tshe brjod/ gang la la zhig rig sngags 'dis nyin zhag bdun du nyin lan bdun mtshan lan bdun du byab pa byas na/ de'i las kyi sgrib pa ma lus pa rnam par dag par 'gyur ro/ /dge slong bdun la zas sbyin no/ /me las me spel bar bya'o/ / mtshan mo mar me thogs te mchod rten la bsti stang du byas la skor ba bya'o/ /dam pa'i chos bri ba dang / bklag pa la brtson par bya'o/ /gal te yams kyi nang 39b cher byung na khyim nas khyim dang / grong nas grong dang / grong khyer nas grong khyer du gan d+ha ra sa'i bdug pa dang / gtor ma dang / lha bshos kyis mchod pa bya'o/ /nad pa gang yin pa des kyang cho ga 'di bzhin du byas na de myur du nad las thar bar 'gyur ro/ /de nas yang 'jam dpal gzhon nur gyur pas/ dge slong tshe brjod la 'di skad ces smras so/ /dge slong / rigs kyi bu 'am/ rigs kyi bu mo gang la la zhig chos kyi rnam grangs 'di 'dzin tam/ klog gam/ yi ger 'dri 'am/ yi ger 'drir 'jug gam| gzhan dag la yang rgya cher yang dag par ston na/ de bla na med pa yang dag par rdzogs pa'i byang chub las phyir mi ldog par 'gyur ro/ /yang 'jam dpal gzhon nur gyur pas dge slong tshe brjod la 'di skad ces smras so/ /chos kyi rnam grangs 'di ci nas skye bo thams cad kyi rna lam du grag par 'gyur bar yul nas yul dang / grong khyer nas grong khyer dang / grong nas grong du bskur bar bya'o/ /yang 'jam dpal gzhon nur gyur pas dge slong tshe brjod la 'di skad ces smras so/ /tshe brjod/ rigs kyi bu'am/ rigs kyi bu mo gang la la zhig chos kyi rnam grangs 'di lan gcig bklags na de bdag nyid thar bar 'gyur ro/ /sus lan gnyis bklags na de bu 40a @#/ /dang| chung ma dang / lhan cig thar bar 'gyur ro/ /sus lan gsum bklags na de rtsa lag gi tshogs kyi skye ba dang bcas te thar bar 'gyur ro| |sus lan bzhi bklags na de yul 'khor thams cad kyang thar bar 'gyur ro/ /sus lan lnga bklags na de nye 'khor gyi rgyal po dang bcas pa thar bar 'gyur ro| |yang 'jam dpal gzhon nur gyur pas/ dge slong tshe brjod la 'di skad ces smras so/ /chos kyi rnam grangs 'di myur du yul gzhan dag tu bskur bar bya ste/ der yang yon tan 'di dag 'byung bar 'gyur ro/ /tshe brjod/ gang gis chos kyi rnam grangs 'di thos la mi 'dzin tam/ mi klog gam/ yi ger mi 'dri 'am/ yi ger 'drir mi 'jug gam/ kun chub par mi byed dam/ gzhan dag la yang rgya cher yang dag par rab tu mi ston tam/ yul gzhan du mi 'byin tam/ sems can thams cad dang thun mong du byas te mi nyan tam/ bla na med pa yang dag par rdzogs pa'i byang chub tu yongs su mi bsngo na mtshams med pa lnga byed pa rnams kyi 'gro pa ci 'dra ba de 'dra bar mngon par 'grub ste/ sangs rgyas dang / byang chub sems dpa' thams cad kyis smad pa'o/ /yang 'jam dpal gzhon nur gyur pas dge slong tshe 40b brjod la 'di skad ces smras so/ /tshe brjod/ su zhig 'di tshad mar mi byed pa de ni ngas thog ma nyid du dad par byas pa ma yin no/ /ji ltar 'dzam bu'i gling gi sems can thams cad bde bar 'gyur bar bya ba'i phyir/ nga ri'i rgyal po ri rab la song ste/ lha dang / dri za rnams la rjes su bstan pa dang mthun par sbyar bar bya ba'i phyir nan tan bya'o/ /de skad ces smras nas 'jam dpal gzhon nur gyur pa mi snang bar gyur to/ /dge slong tshe brjod kyis kyang 'jam dpal gzhon nur gyur pas smras pa la mngon par bstod de bzung nas song ngo / /'phags pa khyad par can zhes bya ba'i gzungs rdzogs so// //rgya gar gyi mkhan po dzin mi tra dang / dA na shI la dang / zhu chen gyi lots+tsha ba ban+de ye shes sdes bsgyur cing zhus te skad gsar bcad kyis kyang bcos nas gtan la phab pa/ |