//rgya gar skad du/ sid+d+ha e ka bI ra mahA tan+t+ra ra dza nA ma/ bod skad du/ dpa' bo gcig pu grub pa zhes bya ba rgyud kyi rgyal po chen po/ 'phags pa 'jam dpal gzhon nur gyur pa la phyag 'tshal lo/ /dpal bo gcig grub dpa' bo'i gtso/ /rab mchog smra ba rnams kyi mchog /'gro ba'i bla ma 'jam rdo rjes/ /'jig rten don du rgyud rab gsungs/ /lha nyid gsang sngags tshul gyis ni/ /dngos grub thams cad stsol mdzad pa/ /sngags pas de nyid bsgoms nas ni/ /de grub na ni de 'grub 'gyur/ /sngags pa lus ni rnam dag dang / /gang tshe dngos grub phra mo 'grub/ /snod du gyur pa'i lus la ni/ /dngos grub chen po rab tu skye/ /rim pa 'di yis 'di la ni/ /sa la sogs pa 'thob pa skye/ /sngags pas yid bzhin 449a @#/ /nor bu ltar/ /rtag tu sems can don byed do/ /de ltar mkhyen nas thugs brtses non/ /rdo rjes 'chang sogs kyis zhus tshe/ /grub pa'i gsang sngags bsdus pa ni/ /'gro ba'i don du gsungs pa yin/ /oM kA lu me lu kA lu me stam+b+ha ya shi lA baR+ShaM tu ShA rany+tsa luts+tsha i luts+tsha i swAhA/ gsang sngags kyi rgyal po 'di legs par bzlas na ser ba gcod par byed do/ /dran pa nyid dang / thal ba la mngon par bzlas na ser ba 'bab pa'am/ kha ba 'bab pa gcod par 'gyur zhing gang du 'dod pa der 'gro'o/ /de bzhin du glog dang / rlung dang / rdo rje dang / thog 'bab pa la sogs pa med par byed do/ /oM ga ru Da haM sa he/ tsa la tsa la swAhA/ sngags kyi rgyal po 'di dran pa nyid na ser ba 'bab pa zlog par byed do/ /rdo rgyus kyis rnga pa Ta ha la bris shing rnga lcags la mngon par bzlas pa'i rnga pa Ta ha'i sgras ser ba zlog par byed do/ /de bzhin du dung la sogs pa'i sgras kyang bya'o/ /oM he he/ tiSh+Tha tiSh+Tha/ ban+d+ha ban+d+ha/ d+hA ra ya d+hA ra ya/ ni run+d+ha ni run+d+ha/ de ba da ta ur+N+Na ma Ni swAhA/ gsang sngags kyi rgyal po 'di sngon du bsnyen pa'i tshogs 'bum phrag gcig yongs su bzlas na 'grub par 'gyur ro/ /glog dang / rlung dang / rdo rje dang / thog 'bang 449b pa'am| kha ba la sogs pa dran pa tsam nyid kyis zlog par byed do/ /char ches pa la thal pa dang / yungs kar la mngon par bzlas na char ches pa gcod pa dang / byi ba dang / sbrang ma la sogs pa'i mchu 'ching bar byed do/ /skyed mos tshal lam/ zhing la bya dang / 'bu srin dang / byi ba rnams kyis nye bar 'tshe ba zlog par byed do/ /dur khrod kyi ras la ming dang bcas pa'i sngags bris la spra tshil gyis gtums te dur khrod kyi bum par bcug nas kha bcad de de nyid du sbas pas mngal rengs par byed do/ /phyung nas 'o ma dang / chus bkrus te chur bor bas zhi bar 'gyur ro/ /yung ba'am/ ba blas gro ga'am/ gos sam/ lo ma la mngon par bris te spra tshil gyi nang du gtums pa'i sngags 'di grog mkhar gyis las 'jigs byed kyi gzugs su byas pa de'i snying gar bcug ste thal bas bkang nas sbas na rgol pa dang / phyir rgol pa'i kha rengs par byed do/ /rtsod sbyong byed pa na gzugs de nyid kyi lce la lan bdun mngon par sngags pa'i tsher ma bdun gyis btsugs na kha 'ching ba byed par 'gyur ro/ /rdo rgyus kyis khams phor la bris te thal bas bkang la kha sbyar du byas te sbas na ni mi snyan par smra ba'i kha rengs par byed do/ /rdza mkhan gyi lag 450a @#/ /pa phyis nas 'jim pa las lug gi gzugs byas pa'i snying gar spra tshil gyis gtums pa'i sngags bcug na khros pa'i kha rengs par byed do/ /ske'am dpung pa la btags na g.yul ngogs kyi mtshon cha'i dpal zhi bar byed do/ /grog mkhar gyi 'jim pa las byas pa'i tshogs kyi bdag po'i rkang pa'i mthil du sngags kyi rgyal po bcug ste bzhi mdor sbas na 'gro ba dang / 'ong ba thams cad rengs par byed cing brtags pa byed pa thams cad rengs par byed do/ /gro ga'am/ gos la sngags kyi rgyal po 'di bris la spra tshil gyis gtums te de nyid kyi khong par bcug la bum pa sar pa chus bkang ba'i nang du bcug na yongs su brtag pa rengs par byed do/ /bla gos kyi mtha' ma la sngags rjes su dran zhing mdud pa bcings pas lam du rkun po la sogs pa rengs par byed cing nags kyi ba men la sogs pa rwa can rnams dang / mche ba can rnams rengs par byed do/ /gyo mol lan bdun bzlas te chur bcug na chu gnas pa rnams kha bcings par byed do/ /dur khrod kyi ras la pha rol gyi dpung gi tshogs kyi gtso bo'i ming smos pa'i sngags sna tshogs rdo rje'i dbus su bris pa sna tshogs rdo rje'i phyi rol du yi ge laM brgyad bris shing phyi rol 450b dbang chen gyi dkyil 'khor dang ldan pa bris te/ phyogs rdo rjes brgyan pa'i spra tshil las byas pa'i tshogs kyi bdag po'i khong par bcug pa'i sngags pha rol gyi dpung gi tshogs kyi sa mtshams su bcug na dpung gi tshogs rengs par byed do/ /sngags oM gnyis kyi kha sbyor du bcug la yi ge tha zung gis yongs su bskor ba'i phyi rol du yi ge laM brgyad kyis bskor ba dbang chen gyi dkyil 'khor gyis non pa/ sna tshogs rdo rjes nye bar mdzes par byas pa/ grog mkhar gyi 'jim pa las byas pa'i tshogs kyi bdag po'i khong par bcug nas dur khrod kyi bum pa'i nang du bcug ste dur khrod du sbas pa'am/ phub ma'i sbyin sreg gis pha rol gyi dpung gi tshogs rengs par byed do/ /grong khyer tshig pa'i me la mngon du phyogs shing sngags 'dis mngon par sngags ba'i chu snyim pa bdun rab tu gtor na khyim gang bsrung bar 'dod pa'i khyim de srung bar byed do/ /thal bas mgul ba bcings pas skyugs pa zlog par byed do/ /mthe'u chung gi rtse dam du btsir la sngags brjod pas skyigs bu med par byed do/ /thal ba mngon par sngags pas mig rengs pa sos par byed do/ /'brum bu la sogs pa rnam par 'tshe ba la byang bu la bris te khyim gang gi sgor btags 451a @#/ /pa'i khyim der 'brum bu la sogs pa'i rnam par 'tshe ba zlog par byed do/ /nya dang / sha dang / chang dang / 'bras chan la sogs pa sbyin par 'gyur ba las grong gi phyi rol gyi char gtor ma chen po gtang bar bya ba'am/ yam shing lnga dang / 'bru lnga'i bye brag mar la btags pas grong gi dbus su zhi ba'i thab khung du byas la sbyin sreg byas na bdud dang / rnam par 'tshe ba thams cad rengs par byed do/ /gang 'ga' zhig la grong la sogs pa 'byin par 'gyur ba la bzlas pa tsam gyis zlog par byed do/ /rtag tu bzlas na lha dang / lha ma yin dang / lto 'phye chen po rnams kyis mi mthong bar 'gyur ro/ /dpal rje btsun sangs rgyas bcom ldan 'das mngon par byang chub pa'i dus su/ bdud bzhi las rgyal bar bya ba'i phyir sngags kyi rgyal po 'di mdzod spu las rnam par phyung ba'i mdzod spu'i nor bu zhes bya bar rab tu grags pa yin no/ /gseg ma la mngon par sngags te gtor bas sbrul dag 'byer bar byed do/ /khyim gyi rtsig ngos la rdo rgyus la mngon par sngags pas bris na sbrul gyi zil gyis non par mi 'gyur ro/ /yang sngags rdo leb la gzong bus brkos te bris pa sbas na ri dwags dang / 451b sbrul gdug pa rnams khyim mam/ grong ngam/ grong khyer du ji srid 'dod kyi bar du mche ba 'ching bar byed do/ /phyung bas grol bar 'gyur ro/ /sngags 'di ma bsgrubs su zin na yang las thams cad byed par 'gyur ro/ /gseg ma la sogs pa la yongs su bzlas te gtor na mche ba can thams cad kyi mche ba 'ching bar byed do/ /de dbang chen gyi dkyil 'khor gyis khyab pa'i sna tshogs rdo rje'i dbus su bsgrub par bya ba'i ming dang bcas pa'i sngags thams cad bri bar bya'o/ /dur khrod kyi ro bsregs pa'i shing gi phur bu la lan bdun mngon par sngags pa'i sgo'i steng du sbas na skyed kyis 'tsho ba thams cad kyi skyed med par byed do/ /phyung bas grol bar 'gyur ro/ /oM ni hi ni ts+tsha le a b+ha ya b+ha yaM ka ri/ e lu be lu tsu le lu/ shi lA ya Da i dza ha ye/ paT+Ta i dzaT+Ta/ e pe lu A ga sa pa the ke ra te/ i a tum+b+ha ri khi n+ni khi l+la mo hi ni thi b+hi dza kA raM dza hi thA kA ro Ni hi ThaH ThaH swAhA/ sngags kyi rgyal po 'dis sdar smos pa'i las rnams ma bsgrubs su zin kyang byed par 'gyur ro/ /de las gzhan pa mngon par 'dod pa'i las thams cad byed pa the tshom med do/ /lan tsha dang / ske tshe'i sbyin sreg gam/ phub ma'i sbyin sreg gis pha rol gyi dpung gi tshogs rnams 'byer bar byed do/ / 452a @#/ /oM am+sha sim+sha ka s+yA su dzo me phe Da e du s+yA su swAhA/ zhes 'byung ngo / /oM aM bA shim+b+ha kap+pa su dzo me phi dup+pA su/ sngags kyi rgyal po 'di ma bsgrub su zin kyang rtag tu bzlas na 'jigs pa thams cad zlog par byed do/ /rdo rje chu'i thig les dgra bo thams cad rmongs par byed cing khro ba rab tu dang bar byed do/ /bcings pa la bzlas na bcings pa grol bar byed do/ /phongs par gyur pas bzlas na rnyed pa 'grub par 'gyur ro/ /e Sho na thi to/ hu lu hu dz+wA lA dzi twe/ oM Shot+thi to hu lu hu lu/ dzA lA dzi hwa twe hu lu ru trai ba pra ti rAts+tsha tu hu lu swAhA/ hu lu hu lu ya trai bot+thi to hu lu ta trai ba pra ti gats+tshan+tu hu lu hu lu swA hA/ sngags kyi rgyal po 'dis 'thab pa dang / 'thab mo dang / rnam par rtsod pa thams cad la bzlas pa byas na zhi bar 'gyur ro/ /phub ma'i sbyin sreg gis kyang thams cad du zhi bar 'gyur ro/ /ji ltar rnyed pa'i me tog la sngags bzlas te chu la bskur na thams cad du zhi bar 'gyur zhing rnam par rgyal ba thob par the tshom med do/ /grong khyer tshig pa'i me la mngon par phyogs te 'dug la mngon par sngags pa'i chu snyim pa bdun gtor na khyim gang bsrung bar 'dod pa'i khyim de srung bar byed cing mes tshig pa'i me'i kha las thar bar byed 452b do| |rkang gnyis dang / rkang bzhi'i mche ba la phub ma'i sbyin sreg gis zhi bar byed do/ /oM pad+me pad+ma a k+She pad+ma su b+ha ge phuH/ sngags kyi rgyal po 'di thal ba la bzlas te bskus pas mig brgya btab pa rengs pa sos par 'gyur ro/ /byabs pas mig rengs pa sos par byed do/ /lan bdun mngon par sngags pa'i mig gis khros pa mthong ma thag tu rab tu dang bar byed do/ /lan bdun mngon par sngags pa'i chus gdong bkrus na/ skye bo thams cad dga' bar byed do/ /rtsig pa la ming smos pa'i sngags rdo rgyus kyis bris na mig gi nad thams cad 'joms par byed do/ /dben par 'dug ste sems rtse gcig pas skyes bu'i mig gnyis la mngon par bsngags pa byas na gang gi tshe g.yon pa 'gul bar gyur bde'i tshe bsam pa'i dgos pa 'grub par ston pa yin no/ /g.yas pa 'gul bar byed na mi dge ba'i dgos pa ston par byed do| |oM mo tsa ni mo tsa ya/ mok+Sha Ni mok+Sha ya/ dzI baM bar de swAhA/ 'di mngon par sngags pa'i til mar gyis bud med kyi skye ba'i sgo la bskus na sbrum ma bde bar btsa' bar byed do/ /bcings pa la phyogs par byed pas lan bdun mngon par sngags pa'i chu snyim pa bdun mngon par gtor ba dus gsum du byas pas bcings pa rnams 453a @#/ /grol bar byed do/ /gur gum mam/ gi wang gis gro ga la mngon par bris te bcings pa'i mgo bo la btags na bcings pa las mngon par grol bar byed do/ /rtag tu bzlas na bcings pa grol bar byed do/ /oM ha ri marka Ta nA ma/ sa hA sa ha sra bA huH/ da de ba da te taM/ b+nad+ha nAM mok+ShA ya swAhA/ rdo rgyus la mngon par sngags pas sa'i steng du yang dang yang du bris te lugs las bzlog pas phyis na bcings pa las grol bar byed do/ /lo ma la ming dang / sngags su bcas te mngon par bris te mgo bo la btags na bcings pa thams cad grol bar 'gyur ro/ /oM tA ri Ni tA ra ya/ mo tsa ni mo tsa ya/ mo k+Sha ni mo k+Sha ya/ dzI baM ba ra de swAhA/ sngags kyi rgyal po 'di legs par bzlas na las thams cad byed par 'gyur zhing / lan bdun mngon par sngags pa'i til mar gyi skye ba'i sgo la bskus na sbrum ma bde bar btsa' bar 'gyur ro/ /lan bdun mngon par sngags pa'i chu 'thungs na mngal 'khyim pa bde bar btsa' bar byed do// rtag tu bzlas na bdag dang gzhan 'ching ba las thar bar byed do/ /ske'am/ dpung pa la bsrung ba btags pas sdig pa thams cad las srung bar byed do/ /oM 453b tA re tut+tA re tu re mok+Sha ya dzI baM swAhA/ sngags kyi rgyal po 'dis sngar smos pa'i las thams cad byed par 'gyur ro/ /gur gum gyis gro ga la gang gis ming smos pa'i sngags mngon par bris la spra tshil du gtums te dri zhim po'i chus bkang ba'i bum pa gsar pa'i nang du bcug ste/ me tog dri zhim po la sogs pas dus gsum du mchod pa byas na 'thab pa dang / 'thab mo dang / rtsod pa thams cad las rnam par rgyal bar 'gyur ro/ /gur gum gyis gro ga la gang gis ming smos pa/ oM e ra Na Da s+ya ba ne kA ko/ raM gA tI ra mu s+thi taH yi ba tu dU ta/ yA ni yaM bi sha l+yA b+ha ba tu gurbi NI/ oM e raN+Da ba ne kA gaH gat+gA tI ra mu b+s+thi taH pi ba tu dU taH sA nI ya m+bi shal+yA b+ha ba tu gur+b+bi swAhA/ lan bdun mngon par sngags pa'i chu khyor ba gsum pho nyar 'ongs pas 'thungs na sbrum ma bde bar btsa' bar byed do/ /oM a ma ra Ni dzi ban+ti ye swAhA/ sngags kyi rgyal po 'di legs par bzlas na las thams cad byed par 'gyur ro/ /mngon par sngags pa'i chu 'thungs na sbrum bu 'ong bar mi 'gyur ro| |lus las skyes pa'i dug mi bzad pa dang / spre'u'i dug mi bzad pa dang / sbrul gdug pa la sogs pa'i rma la yung ba dang / a ru ra dang / ru rta la sogs pa 454a @#/ /la yongs su bzlas te bskus na rang bzhin du gnas par 'gyur ro/ /nad dang / rnam par 'tshe ba thams cad la sngags mdud bcings pas zhi bar byed do/ /rtag tu bzlas na tshe zad pa lo brgya thub par 'gyur ro/ /mar dang / til mar gyi sbyin sreg gis thams cad zhi bar byed do/ /mngon par sngags pa'i sman gyi btung bas nad thams cad las thar bar byed do/ /lan brgyar bkrus pa'i mar la mngon par sngags pas na ba'i yan lag la bskus na rang bzhin du gnas par 'gyur ro/ /'go ba'i nad la til mar la sngags te bskus pas rang bzhin du gnas par 'gyur ro/ /gdug pa'i rma la chu la sngags nas gtor bas sos par 'gyur ro/ /spri ha'i nad la be dang la sogs pa'i mtshon gyis gtubs na spri ha bcad par 'gyur ro/ /nir kun+d+hi dang / ni ma ba'i rtsa ba rma bya'i mjug sgro dang bcas pa gcig tu sbyar la brgya rtsa brgyad mngon par sngags pa'i dud pas bdugs na rims nyin gcig pa dang / rims nyin gnyis pa dang / nyin gsum pa dang / nyin bzhi pa la sogs pa sel bar byed cing / 'byung po dang / sha za dang / tshangs pa dang / srin po la sogs pa sel bar 'gyur ro/ /bud med bu shi bas 454b brgya rtsa brgyad mngon par sngags pa'i bum pas khrus byas na bu gson po dang ldan par 'gyur ro/ /gro ga la bris pa'i sngags rked pa'am/ dpung pa la btags na mngal srung par byed do/ /sngags rjes su dran pas g.yul ngogs su 'jug na rgyal ba rnyed par 'gyur zhing byabs pas nad thams cad sel bar byed do/ /oM pA da tsA la ne swAhA/ sngags kyi rgyal po 'di sngon du bsnyen pa'i chogs legs par bsgrubs na las thams cad byed par 'gyur ro/ /phol mig gi 'jigs pa la mngon par sngags pa'i chu 'thungs na phol mig med par 'gyur ro/ /gro ga'am/ shog bu la bris te sgo la btags pas phol mig med par 'gyur ro/ /'di ni 'tshe ba thams cad la mar la btags pa'i til gyi sbyin sreg gis srung ba chen po yin no/ /khwa'i sgro lag pas bzung ste bzlas pa khri byas pa gang gis khang pa'i steng ngos su sbas pas de 'byer bar byed do/ /oM pi shA tsi par+N+NA sha wa ri sarbo pa dra pa nA sha ni swAhA/ rig pa chen mo 'di ma bsgrubs su zin kyang rkang gnyis dang / rkang bzhi pa thams cad kyi rnam par 'tshe ba sel bar byed cing las thams cad byed par 'gyur ro/ /sbyin sreg gam/ bzlas pa'am/ khrus sam/ sngags mdud dam/ mngon par sngags pa'i chu 455a @#/ /'thungs pa'am/ byabs na nad thams cad sel bar byed do/ /gro ga la gur gum gyis bris pa'i sngags ske'am/ dpung pa la btags na rtsod sbyong las rgyal ba thob cing rims nyin bzhi pa la sogs pa mi bzad pa las thar bar 'gyur ro/ /srin po la sogs pa'i 'jigs pa sel bar byed cing 'thab pa dang / 'khrug pa dang / rtsod pa dag las rgyal pa sgrub bar byed do/ /stag dang / chu srin dang / lto 'phye chen po dang / rkun po la sogs pas mi mthong zhing rtag tu bzlas na skye bo thams cad dga' bar 'gyur ro/ /oM AR+Ya tr-i tI yA/ a mu ka s+ya tsak+Shu stam+b+ha ya ti ThaH ThaH swAhAH/ tshes gang la mig na bar gyur pa de la rtsig pa'am/ spang leb la rdo rgyus kyis tshes bris la yi ge e kha sbyar gsum du bya'o/ /oM tsaN+Da mahA ro Sha Na hUM phaT/ sngags kyi rgyal po 'di lan gcig bzlas pas sdig pa thams cad nges par sreg par byed do/ /'byung po la sogs pa'i gdon gyis zin pa la yungs kar gyis brdegs pas gdon thams cad 'byer bar byed do/ /kham phor la rdo rgyus kyis bris te sgo la btags pas gsar du btsas pa'i byis pa srung bar byed do/ /spra tshil gyis gzugs sor bzhi pa byas pa de'i tshad du byas pa'i snying gar bsgrub 455b byar \?\ ming dang bcas pa'i sngags mngon bar bris te bcug la de'i kha la tsher ma btsugs na phyir rgol ba'i kha phur bus btab par 'gyur ro/ /rkang pa la btsugs na 'gro ba dang / 'ong ba rengs par byed do/ /snying ga la btsugs na khros pa 'joms par byed do/ /mi'i rje dar gyi rus pa'i phur bu'am/ lcags kyi phur bus gang ba par bya'o/ /ming nas bzung zhing yan lag gang dang / gang la phur bu btab pa de dang / de 'jig par 'gyur ro/ /dgra bo'i sgor khar sbas na 'byer bar byed do/ /dur khrod kyi thal ba la mngon par sngags pas sgo'i ya them la gtor na 'byer ro/ /ral gri la mngon par sngags te g.yul du 'jug na rgyal ba sgrub par byed do/ /bya ba gang la 'jug pa na gtor ma nye bar btabs na de dang / de 'grub par 'gyur ro/ /sngags pa dge pa'am/ mi dge ba'i las gang 'dod pas bzlas pa tsam gyis byed do/ /oM ka s+ye spand spand twa/ slu n+ya be sh+ma ni ma ma twa thA spand ya s+tha/ spand si badz+ra Ni swAhA/ oM kA shi spand ka she spand twe n+ye shU n+ya be sh+ma ni asma kar+N+Na ta thA spand ya thA si badz+ra Na swAhA/ mig 'gul na byabs pas zhi bar 'gyur ro/ /oM dzam+b+he mo hi hr-i da ya mA brtA ni hUM phaT swAhA/ sngags kyi rgyal po 'di tho rangs bya rog gi sgra ma grag pa'i dus su lan bdun mngon par sngags pa'i chus 456a @#/ /gdong bkrus na skye bo thams cad dga' bar 'gyur ro/ /rgyal la ba mar dang / pad+ma dkar po'i sdong bus du ba blangs la brgya rtsa brgyad mngon par sngags pa byas pa des mig la bskus na bud med thams cad yid 'phrog par byed do/ /rgyal la kha thur du ltas pa'i me tog gi rtsa ba dang / shi ri khaN+Da dag sbyar la brgya rtsa brgyad mngon par sngags pa de thig ler byas na rje bo khros pa de rab tu sang bar byed do/ /ku co dang / 'thab pa dang / rtsod pa dag las rgyal bar 'gyur ro/ /cho ga bzhin du rtag tu bzlas pas grong khyer bskyod pa skyed par byed do/ /oM stam+b+ha ni/ stam+b+ha ya/ dzam+b+ha ni/ dzam+b+ha ya/ mo ha ni/ mo ha ya/ rak+Sha na Ni/ rak+Sha ya mAM/ ba ra di sid+d+ha lo tsa ne swAhA/ sangs rgyas spyan gyi snying po 'dis 'jigs pa thams cad sel bar byed do/ /dpa' bo gcig tu grub pa'i rgyud kyi rgyal po chen po las le'u dang po rdzogs so// //rab sad legs par sangs rgyas pa'i/ /slob ma yon tan gzhi yin pa/ /bla ma la gus mkhas pa la/ /rgyud kyi rgyal po bshad par bya'o/ /oM na mo bi la tsan+d+rA ya/ de ba su trA ya/ sat+ye na d+h+ri ya ti lo kaH sa t+ye na ya ri gr-i h+ya te sa t+ye na d+harmaH/ s+thi to lo kaH/ 456b sat+ya bram+ha tAn naM/ sa t+yaM bud+d+hash+tsa d+harma sh+tsa saM g+hash+tsa gu na sA ga raH a ne na sat+ye bA kye na k+Shi pra mA bi sha darba Ne/ ta d+ya thA/ oM sa ra sa ra/ si ri si ri/ su ru su ru/ me ru mnad ra pra ti kA sa A bi sha /kai lA sa kU Ta pA trA ya na maH yan ma yA tsin+ti taM ka R+YaM ta ta sarba bru hi ta twa ta/ At+mAr+thaM bA pa rA r+thaM bA shu b+ham+pA ya/ di bA shu b+ham/ nang bar gtsang ma'i sa phyogs su dkyil 'khor byas shing bum pa bzhag la/ lha'i bu dri ma med pa'i zla ba la mchod pa rgya chen po byas nas me long la mngon par sngags te/ khye'u 'am/ bu mo legs par khrus byas te/ gos legs par bkrus pa bskon cing / tsan+dan dkar po'i lde gus yan lag byugs la/ me tog dri zhim pa'i phreng bas mgul du btags pa/ grong pa'i chos kyis rab tu ma gos pa la bstan na ji ltar bsams pa'i dgos pa phyin ci ma log pa ston par 'gyur ro/ /dgongs sngas drung du dkyil 'khor nye bar byugs la bcom ldan 'das dang / lha'i bu dri ma med pa'i zla ba la mchod pa chen po byas la/ brgya rtsa brgyad bzlas nas cang mi smra bar nyal na dge ba dang / mi dge ba ji ltar bsams pa bzhin du ston par 'gyur ro/ /rtag tu bzlas na 'jig rten gsum gyi spyod pa ston par 'gyur ro/ /oM shra pa Na pi shA tsi ni muN+De swA hA/ ba ru ra'i shing ngam/ n+ya gro d+ha'i shing 457a @#/ /gi rtsa bar 'dug la/ cang mi smra bar 'bum phrag gcig bzlas na grub par 'gyur te 'jig rten gsum gyi spyod pa yang ston par 'gyur ro// yang na legs par khrus byas la gos gtsang ma bgos te dben par 'dug la khri ba zlas pas grub par 'gyur ro/ /dgongs mo nyal kar ru rtal brgya rtsa brgyad mngon par bzlas nas rkang pa gnyis la bskus nas nyal na dge ba dang / mi dge ba rnam par ston par 'gyur ro/ /oM na maH saphA naM/ sa myak+saM bud+d+ha/ ko TI nAM/ tad+ya thA/ oM tsa le tsu le tsu n+de swA hA/ bI R+Ya sa t+ya pA di ni ba ra de ka thA ya swAhA/ gong du bshad pa'i tshogs me long ngam/ ral gri'am/ mar me'am/ chu snod la ston par byed do/ /lan brgya rtsa brgyad mngon par sngags pa'i chus gdong bkrus nas mi smra bar nyal na rmi lam du dge ba dang / mi dge ba'i don thams cad ston par 'gyur ro| |oM mu tsi li swAhA/ mo nya ni swAhA/ da na ti li swAhA/ sngags 'di khri bzlas na 'grub par 'gyur ro/ /bcom ldan 'das 'phags pa spyan ras gzigs dbang phyug la mchod pa rgya chen po byas nas lan brgya rtsa brgyad mngon par sngags pa'i chus gdong bkrus te dgos pa yid la byed pa'i bzlas pas mi smra bar nyal na 457b bcom ldan 'das rang gi gzugs su mthong bar 'gyur zhing dge ba dang / mi dge ba rmi lam du ston par 'gyur ro/ /oM pra dz+wA la hUM phaT/ bcom ldan 'das 'jig rten mgon po'i snying po 'di 'bum phrag bcu bzlas na 'grub par 'gyur ro/ /gong du bstan pa'i cho gas dge ba dang / mi dge ba rmi lam du ston par 'gyur ro/ /oM na maH sa man+ta bud+d+ha nAMH a pra ti ha ta shA sa nA nAM/ tad+ya thA/ ku mA ra rU pi NaM daR+Sha ya/ At+mA nAM/ bi b+hu Shi te med par be b+hu tiM Shi ta sa mud b+hA ba ya/ swa pa nI ni be da ya/ ya thA b+hu taM hUM hUM phaT phaT swAhA/ rje btsun 'jam dpal gzhon nu'i bris sku'am/ lugs sku'i mdun nam/ sku gdung dang bcas pa'i mchod rten la ci 'byor pa'i mchod pa byas te/ brgya phrag bdun bzlas pa byas na rmi lam du bdag nyid dmigs shing gzhan dag kyang mthong bar 'gyur ro/ /oM kar+N+Na pi shA tsi kar+N+Na me ka thA ya hUM phaT/ sha za'i shing gi drung gi rtsa bar khams gsum rnam par rgyal ba'i ting nge 'dzin la gnas shing de nyid du mi smra bar 'dug ste sha dang / nya sha dang / ma sha dang / 'dzam bu ti ka la mngon par sngags pa'i gtor ma nye bar bstabs la dus gsum du sngags bzlas na zhag dang po la mtshan ma nye bar ston par byed cing phyis 'ong ba 'grub par 'gyur te/ de la sogs pa'i srid pa gsum 458a @#/ /gyi spyod pa rnam par ston par byed do/ /zhag nyi shu rtsa gcig la tshangs pa gsod pa yang 'grub par 'gyur ro/ /oM tsa tur+b+hu dza tsa tu rmu kha Sha Ta mu kha/ bi kr-i tA nan kar+N+Na pi shA tsi ma A kaR+Sha ya hUM phaT/ dur khrod du gshin rje mthar byed kyi bris sku'i mdun du bzlas pa byas na zhag bdun na sha za rna sgrogs 'grub par 'gyur ro/ /oM bud+d+ha tsu ru mAM tsu ru ke swAhA/ sku gdung dang bcas pa'i mchod rten nam/ rje btsun sangs rgyas kyi spyan sngar bsnyen pa cho ga khri bzlas la de'i 'og tu ci 'byor pa'i mchod pa byas nas nyal ba'i dus su brgya rtsa brgyad bzlas te bdag gang nas skyes par gyur/ gang du skye bar 'gyur zhes yid la bsams shing nyal na 'das pa dang / ma 'ongs pa'i skye ba dmigs par the tshom med do/ /gal te zla ba drug gi nang rol du 'chi bar 'gyur na de'i tshe rmi lam du bdag gam/ gzhan gyi mgo mi mthong bar 'gyur ro/ /de bzhin du mngon par sngags pa'i me long la bltas pa na khye'u 'am/ bu mo gang gi mgo ma mthong na de zla ba drug gi nang du 'chi bar 'gyur ro/ /rdo lig bu mig dang / shing a ga sti dkar po'i rtsa ba reng bur byas te brgya rtsa brgyad mngon par sngags la byugs na gang dag zla ba 458b drug gi nang du 'chi bar 'gyur ba'i rkang gnyis dang / rkang bzhi de dag thams cad kyi mgo med pa mngon sum du mthong bar 'gyur ro/ /oM swap+na bi lo ki ni sid+d+ha lo tsa ne s+w+pataM/ me ka thA ya swAhA/ sngags kyi rgyal po 'di gong du bshad pa'i chogs las thams cad byed par 'gyur ro/ /oM a di ti de bad ta taM/ mo de hi da dA pa ya swAhA/ chu'i nang du zhugs te bu mo gang gi ched du bzlas pa byed pa de de nyid la ster bar byed do/ /yi ge 'bum bzlas pa byas la pri yang ku'i me tog gam/ pa la sha'i me tog gi sbyin sreg 'bum gyis dpal chen po thob par byed do/ /mtshan mo'o ma can gyi yam shing gis sbyin sreg byas na grong gang gi ched du sbyin sreg byas pa de rnyed par 'gyur ro| |pad+ma rnams sam/ bil pa'i 'bras bu rnams kyi 'bras bu'i sbyin sreg 'bum gyis rgyal rigs su skyes pa rgyal srid rnyed par 'gyur zhing gzhan dag gi dpal chen po thob par byed do/ /ji lta ba bzhin du rnyed pa'i me tog rnams kyis sbyin sreg 'bum phrag bdun gyis 'byor pa mi zad par 'gyur ro/ /oM dza ye/ bi dza ye/ a dzi te/ a pa rA dzi te swAhA/ sring mo bzhi'i snying po'i sngags kyi rgyal po 'di gong du bshad pa'i cho gas 'bum phrag bzhi bzlas na gong du bshad pa'i las thams 459a @#/ /byed par 'gyur ro/ /oM me g+ho la kA ya swAhA/ pa la sha'i me tog gam/ yam shing gis sbyin sreg 'bum phrag gcig byas na gser srang 'bum rnyed par 'gyur zhing bu mo don du gnyer bas kyang gang 'dod pa'i bu mo rnyed par 'gyur ro/ /oM ka ma la bA si ni/ ka ma le mahA la k+Sh+mi ra dz+yeM te hi ba ra de swA hA/ gsang sngags 'di ni dpal chen mo'i snying po'o/ /rtag tu bzlas pa byas na phun sum tshogs pa'i mchog ster bar 'gyur ro/ /ji lta ba bzhin du rnyed pa'i me tog gi sbyin sreg gis dpal chen por 'gyur zhing mngon par 'dod pa'i bu mo 'grub par 'gyur ro/ /ras bal gyi sa bon gyi tshad tsam gyi gu gul gyi ril bu mngar gsum las btags pa'i sbyin sreg 'bum mam/ pad+ma'i sbyin sreg 'bum gyis rgyal srid sgrub par byed do/ /oM nan tu nar ni ba ra ded ni ba ra de/ gi ni ki Ni khi Ni/ shri yaM me dang bau Sha Ta swAhA/ dga' byed ma'i snying po'i sngags 'di ni gong du bshad pa'i las thams cad 'grub par 'gyur ro/ /oM dzaM b+he mo hi swAhA/ rje btsun ma sgrol ma la ka ra bI ra'i me tog gis mngon par mchod de sngags kyi rgyal po 'di yi ge 'bum bzlas na yid la re ba thams cad rdzogs par byed do/ /oM ba 459b su d+hA ri Ni swAhA/ oM shrI ba su swAhA/ oM ba su shrI ye swAhA/ oM shrI ba su mu khi swAhA/ oM shrI ba su ma ti shrI ye swA hA/ bdag nyid dzam+b+ha la'i gzugs su bsgoms la rnag gi snying gar zla ba'i dkyil 'khor gyi dbus su ba su d+hA ra gser gyi mdog can phyag gnyis pa rgyan thams cad kyis brgyan pa/ shar phyogs la sogs pa'i phyogs su lha mo bzhis bskor ba/ g.yas kyis mchog spyin pa/ g.yon gyis 'bras kyi snye ma bsnams pa bsgoms na yid la re ba rdzogs par byed do/ /ba'i lci bas dkyil 'khor gru bzhi pa khru do'i tshad du byas la dus gsum du me tog dri zhim pos mchod de stong phrag bzhi bzlas pa byas na zla ba drug na yid la re ba thams cad rdzogs par byed do/ /ji lta ba bzhin du rnyed pa'i me tog gis spyin sreg 'bum phrag bzhi byas na dpal chen por 'gyur zhing yi ge 'bum bzlas na dpal chen po 'grub par byed do| |gu gul gyi ril bu'i sbyin sreg 'bum byas na yid la re ba yongs su rdzogs par 'gyur ro/ /oM ba su d+ha ri Ni a mu ke n+yA me de hi/ /da pa ya swAhA/ sngags 'di chu'i nang zhugs nas khrus byas te 'bum phrag bzhi nges par bzlas pa byas na mngon par 'dod pa'i bu mo rnyed par 'gyur ro/ /mtshan mo 'o ma can gyi yam shing 460a @#/ /gis grong gi ming nas smos nas sbyin sreg 'bum byas na grong rnyed par 'gyur ro/ /oM ba su d+hA ri Ni swAhA/ oM tsan+d+ra ka n+te swA hA/ oM dat+tA ye swAhA/ oM ba su dat+tA yai swAhA/ oM A R+YA ye swAhA/ oM su b+ha drA yai swAhA/ oM gup+ta ye swAhA/ oM de byai swAhA/ oM swa ra sa t+yai swAhA/ gser gyi byang bu'am/ dngul gyi byang bu'am/ zangs ma'i byang bu'i me tog la 'dab ma brgyad pa'i dbus su ba su d+hA ra/ shar la sogs pa'i 'dab ma la tsan+d+ra kAM t+ya la sogs pa gnod sbyin mo rnams mngon par bris pa'i byang bu gnyis kha sbyar du byas pa'i nang du mar dang / sbrang rtsi dang / kar bcug ste gong du bshad pa'i chogs sngar smos pa'i las rnams byed par 'gyur ro/ /dbus su ni/ oM dzam+b+ha la dza len+d+ra ye swAhA/ phyogs su ni/ oM ma Ni b+ha drA ya swAhA/ oM pUr+N+Na b+ha drA ya swAhA/ oM d+ha na b+ha dra ya swAhA/ oM bai shra ba NA ya swAhA/ mtshams su ni/ oM ke li mA li swAhA/ oM pi tsi kuN+Da li ni swAhA/ oM mu khen+d+rA ya swAhA/ oM tsa ran+d+rA ya swAhA/ gnod sbyin gyi rgyal po chen po brgyad kyis yongs su bskor ba'o/ /bcom ldan 'das ni bsu d+hA ri dang bcas ba gser gyi mdog ldan/ ne'u le dang / 'bras bu sa bon gyis bkang ba phyag na 460b bsnams pa/ gsus pa 'phyang ba/ rgyan thams cad kyis brgyan pa/ gong du bshad pa'i gnod sbyin mo dang / gnod sbyin gyi bdag po dang bcas pa la dus gsum du mchod pa byas nas bsgoms shing bzlas pa byas na/ bcom ldan 'das kyis 'jig rten gsum gyi rgyal srid stsol bar mdzad do/ /tho rangs chu khyor ba brgya rtsa brgyad sbyin pa dang / bya rog gi sgra mi grag par chu'i nang du zhugs te bzlas pa byed pa gang yin pa de'i gter mi zad cing 'phel bar 'gyur ro/ /yang na gser las byas pa'i byang bu la pa su d+hA ra gnod sbyin mo dang bcas pa dang / byang bu gnyis pa la bcom ldan 'das dzam+b+ha la gnod sbyin gyis bskor ba yang dag par bris la kha sbyar du byas te mnyes par byas na dngos grub chen po brgyad kyang ster bar mdzad na grub pa gzhan lta smos kyang ci dgos/ dpa' bo gcig tu grub pa'i rgyud kyi rgyal po las le'u gnyis pa rdzogs so// //oM badz+ra tI k+Sh+Na duH kha ts+tshe da pra dz+nyA dz+nyA na mU r+t+ta ye/ dz+nyA na kA ya bA gI shwa ra a ra pa tsa nA ya te na maH bcom ldan 'das 'jam pa'i rdo rje dpa' bo gcig pu grub pa/ ston ka'i zla ba'i 'od ltar dkar ba/ phyag g.yon na ut+pa la sngon po bsnams pa/ g.yas kyis 461a @#/ /mchog sbyin par bdag nyid bsams la/ oM A d+ya nu ta pan+na pra k-i te/ pra b+hA swa raM/ su bi shud+d+ha/ d+harma d+hA tu/ tri sap+tA pA ta swa ra swa ti bA Ni mu pa la b+ha te/ zhag nyi shu rtsa gcig gis dbyangs can gyi ngag thob par 'gyur ro/ /zla ba drug gis ngag gi dbang phyug 'grub par byed do/ /bcom ldan 'das ngag gi dbang phyug mngon sum du mthong zhing thos pa 'dzin pa yang thob par 'gyur ro/ /shu dag zho phyed kyi tshad tsam la lan brgya rtsa brgyad mngon par sngags pa tho rangs 'o ma 'am/ mar ram/ til mar dang lhan cig zla ba gcig tu 'thungs na glen pa dang / dig pa med par 'gyur ro/ /khu byug myos pa'i skad dang 'dra bar dbyangs snyan cing tshig gsal bar 'gyur ro/ /zla ba drug goms par byas na ma thos pa'i bstan bcos mngon du 'gyur zhing thos pa nam yang brjed par mi 'gyur te thos pa 'dzin par 'gyur ro/ /oM bA kye daM na maH rje btsun gsung gi dbang phyug gi snying po 'di gong ma bzhin du ting nge 'dzin la gnas pas goms par byas na gong du bshad pa'i las thams cad byed par 'gyur ro/ /rgya mtshor 'gro ba'i chu la ske ba tsam gyis chu la rgal nas dzA ti'i me tog phun pa 'bum phrag gcig blangs nas sngags 461b brjod cing phun pa re re rgyun phyogs su 'bab par 'gyur ba las phun pa gcig rgyun las log par 'ongs pa de so la ma reg par mid na thos pa 'dzin pa la sogs stsol bar mdzad do/ /ji lta ba bzhin rnyed pa'i me tog gi sbyin sreg 'bum phrag bzhi byas na ngag gi dbang phyug dang mtshungs par 'gyur ro/ /sman brah+ma'i phye ma zho bzhi tsam la lan brgya rtsa brgyad bzlas la tho rangs dkyil 'khor byas te ci 'byor pas bcom ldan 'das 'jam pa'i rdo rje la yang yang dag par mchod de/ mar ram/ ro skyur dang sbyar nas 'thungs na zla ba drug gis thos pa 'dzin par 'gyur ro/ /tshig gi bdag po'i dbyangs snyan par yang skye bar 'gyur ro/ /sngon du bsnyen pa'i cho gas yi ge 'bum bzlas na sngags kyi rgyal po 'grub par 'gyur ro/ /phyis zla ba gzas zin pa'am/ nyi ma gzas zin pa na lcags las byas pa'i ral gri rang gi lag pas blangs te zla ba mi snang bar ji srid grol bar 'gyur ba de srid bzlas pa byas na ral gri'i rig pa 'dzin par 'gyur ro/ /de bzhin du 'khor lo dang / rdo rje rtse gsum pa dang / mda' dang / tho ba dang / zhags pa la sogs pa bsgrub par bya zhing rig pa la sogs pa dang / bcud kyis len la sogs pa 'dus byas pa bsgrub par 462a @#/ /bya'o/ /yang na mi ga sman nam/ thig le'am/ rkang pa bskus pa'am/ dbang du bya ba'i rdzas bskus te bsgrub par bya'o/ /'o thug gam/ zho dang / zan nam/ mar dang bcas pa/ kha ra dang bcas pas snong bkang ste lag pas bkab nas bzlas pa byas te 'thungs na lo lnga brgyar 'tsho bar 'gyur ro/ /mA shA khar bcug nas bzlas pa byas te mid na sdeb sbyor dang / thos pa 'dzin pa dang / smra mkhas pa dang / yid gzhungs par 'gyur ro/ / pad+ma'i sbyin sreg 'bum gyis bcom ldan 'das mngon sum du 'gyur ro/ /bil ba'i sbyin sreg 'bum gyis 'jig rten gsum gyi rgyal srid 'grub par 'gyur ro/ /ji lta ba bzhin du rnyed pa'i me tog gi sbyin sreg gis ngag gi dngos grub thob par byed do/ /mar la btags pa'i 'bru lnga'i sbyin sreg 'bum phrag bzhi byas pa tsam gyis gnod sbyin mo dang / klu mo la sogs pa 'gugs par byed do/ /de bzhin du yam shing rnam pa lngas kyang bya'o/ /rtag tu goms par byas na tshe 'di nyid la sangs rgyas nyid kyang bsgrub par byed par 'gyur ro/ /oM hrIHhUM/ sngags kyi rgyal po 'di 'bras bu mnyam por ster bar byed do/ /oM hrIHmahA mA 462b yAng+ge ma hA swa ra sa t+ye namaH rje btsun 'phags ma sgrol ma'i snying po 'dis las thams cad byad par 'gyur ro/ /oM pra kr-i ti pa ri shud+d+haH/ sarba d+harmaH pra kr-it+yA/ ba ri shud+d+honya haM| sa pA h+yA b+h+yA na da ra na ma i ti/ zhes bya bas phyi dang nang du rgyu ba dang / mi rgyu ba dang bcas pa'i sna tshogs dang / bdag nyid rang bzhin gyis yongs su dag par bsams la pad+ma dkar po khru bdun pa'i tshad dang / de'i steng du zla ba'i dkyil 'khor/ de'i dbus su phyag gnyis pa pad+ma dang / mchog sbyin gyis rnam par mdzes pa/ bcom ldan 'das ma thugs rje chen po'i rang bzhin gyi sku can/ gcig tu gzhan la phan 'dogs par zhugs pa/ sgrub pa po rnams la mngon par 'dod pa'i dngos grub stsol ba la dgyes pa/ ston ka'i zla ba ltar dkar ba/ tsan+dan dkar po'i lde gus byugs shing me tog gis mdzes par brgyan pa/ na bza' dkar po dang / mu tig gi phreng bas thugs ka mdzes par byas pa/ sku rin po che sna tshogs kyi rgyan gyis brgyan pa'i sku las yongs su spros pa'i 'od zer stong gis mtha' yas shing dpag tu med pa'i 'jig rten gyi khams snang bar byed pa/ lo bcu gnyis kyi na tshod du 'khrungs pa'i sku can/ ngag gi dbang phyug chen 463a @#/ /por bdag nyid bsam par bya'o/ /mdun du shes rab ma dang / g.yas su yid gzhungs ma dang / rgyab tu blo ldan ma dang / g.yon du dran pa ma gong du smos pa'i yon tan thams cad kyis mdzes pa'i lha mor bsams par bya'o/ /de'i 'og tu lte ba'i phyogs su zla ba'i dkyil 'khor gyi dbus su yi ge oM mdog dkar po'i rnam par bsams la/ de las byung ba'i ngag gi dbang phyug gi rang bzhin ma lus pa'i phreng ba rgyun mi 'chad par 'byung bar rnam par bsam zhing gcig pu der phyogs pa'i yid can gyi sngags pas bdag nyid rang gi lte ba'i dbus na gnas pa'i mi smra bas bzlas pa byas na/ zla ba gcig gis dbyangs can gyi ngag rab tu thob par 'gyur zhing / zla ba gsum gyis tshangs pa gsod pa yang 'grub par 'gyur ro/ /zla ba drug gis dbyangs can dang ngag mnyam par 'gyur ro/ /ra yi 'o ma a ru tsha ba gsum/ /pa tha shu dag se gru sen d+ha pa/ /lan bdun mngon par sngags pa'i mar dag ni/ /'thungs na dbyangs can 'grub par 'gyur pa yin/ /ra yi 'o ma bre bzhi dang / /sman rnams srang gcig tsam gyi tshad/ /mar bre gang dang mkhas pa yis/ /rim gyis me chu la bskol 463b bya| |zla gcig tsam zhig longs spyad na/ /bla med tshig ni thob 'gyur zhing / /zla drug nye bar longs spyad pas/ /ngag gi dbang phyug mngon sum 'gyur/ /shu dag shing mngar sen d+ha pa/ /a ru bca' lga la la phud/ /ru rta pi pi zi rar bcas/ /rnam btags dag ni dag par byed/ /lha la me tog dri bzang sogs/ /nang par yang dag mchod nas ni/ /lan bdun sngags byas zos na ni/ /zla ba drug gis thos 'dzin byed/ /zla ba gsum gyis tshig bdag 'gyur/ /zla ba gcig gis blo ldan zhing / /khu byug gzhon nu'i skad bzhin du/ /dbyangs snyan pa ni skye bar 'gyur/ /gangs can skyes pa'i a ru 'am/ gangs can skyes pa'i shu dag la/ /tho rangs lan bdun mngon sngags nas/ /zla gcig zos na zla de la/ /tshig gi bdag dang yid gzhungs dang / /dbyangs can shes rab ldan pa yang / /skye bar 'gyur zhing zla drug gis/ /thos pa 'dzin par yang 'gyur ro/ /oM bA grA di ni/ /bA tsarma ni yats+tsha pa ra swa tI mahA shwe te swAhA/ pad+ma las skyes pa'i dkar mo chen mo'i snying po 'di ni gong du bshad pa'i las thams cad byed par 'gyur ro/ /oM arka mA li ni/ ki Ni ki Ni/ khi Ni khi ni swAhA/ bcom ldan 'das dpa' bo gcig pu grub pa gsung gi rang bzhin ma lus pa'i 464a @#/ /po ti bsnams pa/ phyag g.yas pa shes rab kyi ral gri 'phyar ba/ gzhon nu'i gzugs can 'jam pa'i rdo rjer bdag nyid bsams la/ mdun du nyi ma'i phreng ba dbyangs can mo dang / rgyab tu dpal chen mo dang / g.yas su skra can ma dang / g.yon du nye ba'i skra can ma rnam par bsam par bya ste/ ston ka'i zla ba ltar dkar ba rab tu bsgom par bya'o/ /de ltar bsgoms pa la gnas shing nges par gnas pas ci 'byor pa'i mchod pa byas te sngon du bstan pa'i cho gas sngags 'di gong du smos pa'i rim pas 'bum phrag bzhi bzlas la de nas dbyangs can gyi mar ram/ brah+ma'i mar srang gcig tsam la yongs su bzlas te bdag nyid la dbyangs can gyi phyag gis rab tu stsol bar yongs su rtog cing ting 'dzin la gnas par bya zhing btung bar bya'o/ /de la brah+ma'i mar 'di ni/ /brah+ma'i khu ba 'o ma dang / /mar srad sum cu rtsa gnyis dang / /yung ba dang ni ma la ti/ /dur byid a ru rar bcas pa/ /de dag cha ni srang re dang / /pi pi ling dang byi dang ka/ sen d+ha bi dang kha rang bcas/ /de dag srang gi bzhi char shes/ /sman rnams dag ni btags nas kyang / /de la 'di dag 464b blugs byas la/ /de dag thams cad cha mnyam pa/ /me chung ngu la de bskol bya/ /de nas 'thungs pa tsam gyis ni/ /bla med ngag ni dag 'gyur dang / /mtshan bdun nye bar longs spyad pas/ /mi'am ci dang skad mtshungs 'gyur/ /zla gsum nya bar longs spyod pas/ /mi ni shes rab gnas su 'gyur/ /zla gsum rab tu sbyor ba yis/ /thos pa mchog ni 'dzin par 'gyur/ /zla ba drug gis mngon sum du/ /mi ni ngag dbang mtshungs par 'gyur/ /mdze nad bco brgyad dag dang ni/ /za byed chen po bdun 'joms byed/ /oM a nan+ta dz+nyA na shrI ye/ many+dzu shri ye na maH/ gong du smos pa'i lha mo bzhis bskor ba'i ngag gi dbang phyug tu bdag nyid bsams la sngar bshad pa'i rim pas sngags bzlas pa byas na gong du smos pa'i las thams cad byed par 'gyur ro/ /oM a ra pa tsa na d+hIH swAhA/ dben par dkyil 'khor byas te bcom ldan 'das ngag gi dbang phyug dang / bla ma rje btsun yang dag par mchod de/ bde ba'i stan la 'dug nas byang chub tu sems bskyed par bya'o/ /oM swa b+hA ba shud+d+haH sarba d+harma swa b+hA ba shud d+honyahaM/ zhes bya ba'i sngags lan gsum gyi bar du brjod de/ bdag dang / 'jig rten rang bzhin gyis rnam par dag par bsams la stong pa nyid mngon sum du byas nas/ pad+ma dkar 465a @#/ /po'i steng gi zla ba'i dkyil 'khor gyi steng na bzhugs pa/ sku mdog dkar po ral gri dang / po ti bsnams par bdag nyid yud tsam gyes yongs su grub par rnam par bsams la/ ngag gi dbang phyug bdag nyid kyi g.yas su skra can dang / g.yon du nye ba'i skra can ma rin po che'i pad+ma bsnams pa| sku mdog dkar mor rnam par bsam mo/ /mdun du nyi ma'i 'od sku mdog dkar mo nyi ma'i dkyil 'khor la bzhugs pa/ ut+pa la bsnams pa dang / rgyab tu zla 'od zla ba'i dkyil 'khor la bzhugs pa ut+pal bsnams pa rnam par bsam par bya'o/ /de nas rang gi snying la 'bar ba'i phreng ba'i tshogs yongs su 'phro ba'i yi ge a yongs su bsams la/ de yongs su gyur ba'i 'khor lo rtsibs brgyad pa/ ngag gi rang bzhin ma lus pas rnam par spras pa/ yongs su gsal bar byed pa/ myur du 'khor bar bsam par bya'o/ /de ltar goms par byas pa las zla ba drug gis sngon ma thos pa'i bstan bcos thams cad kyang don dang / gzhung gi sgo nas mngon sum du 'gyur zhing le gcig gis ngag gi dbang phyug dang mtshungs par 'gyur ro/ /a ra pa tsa na'i 'khor lo'i 465b cho ga'o/ /oM bA gI shwa ri muM/ sngags 'di snga ma bzhin du bzlas pas gong du smos pa'i 'bras bu rnams 'byin par 'gyur te/ 'khor lo'i dbus su yi ge muM dmar po 'bar ba'i phreng ba'i tshogs can blta bar bya'o/ /shes rab kyi 'khor lo'i cho ga'o/ /oM d+harma d+hA tu/ bA gI shwa ra muM swAhA/ sngar bshad pa'i rim pas lnga po'i bdag nyid du bsams la yi ge muM gyi snying po can gyi 'khor lo rtsibs bcu drug pa rnam par bsam par bya'o/ /de ltar rnam par bsams na sngar bshad pa'i 'bras bu rnams skyed par 'gyur ro/ /oM badz+ra tI k+Sh+Na ba ra da muHswAhA/ bdag nyid yi ge muM yongs su gyur pa las me'i phung po lta bus phyogs kyi dkyil 'khor snang bar byed pa/ ngag gi dbang phyug dpa' bo gcig pu grub par yud tsam rnam par bsams la/ rang gi snying gar yi ge oM las yongs su gyur pa'i nyi ma'i dkyil 'khor 'od zer brgya stong gis rnam par spras pas 'jig rten gyi khams ma lus pa snang bar byed pa rnam par bsams par byas nas zla ba drug tsam gyis ngag gi dbang phyug dang mtshungs par 'gyur zhing sngar smos pa'i 'bras bu rnams 'dis skyed par 'gyur ro/ /dpa' bo gcig pu grub pa'i rgyud kyi rgyal po chen po las le du gsum 466a @#/ /pa rdzogs so// //la bA NAM b+ha sA+o shi tI k+Sh+No si u da gro si b+ha yaM ka raH/ a mu ka s+ya/ da ha gA trA Ni/ da ha mA saM/ da ha twa tsan na khA na n+ya bi da ha s+thi ni a s+thI ni b+h+yo ma dz+dza ka da ha/ la bA NaM/ ts+tshin da ti/ la bA NaM b+hi na de ti/ la ba NaM ba tsa ti/ shwa Ni taM la ba Ne hrI ya mA ne ku to ni da ku dor tiH ya di ba sa ti yo dza na shA te/ nan dI nAM tsa sha tan+ta re na ga re lo ha pra kA re kr-iSh+Na sarba kr-i tA ku le ta tre ba ba samA ni hil ba Na ban+d+ha su ra skr-i taH/ oM tsi tsi tsi tsi bi klo li bi klo li a mu kaM sa d+ha na pa ri pA raM me bas mA na ya swAhA/ sden du bsnyen pa'i cho ga khri byas la de'i 'og tu bsgrub pa brtsam par bya ste/ me tog dang ldan pa'i shid mya ngan med pa'i rtsa bar bzhugs pa'i rje btsun 'phags pa spyan ras gzigs sku mdog dmar po/ phreng ba dang / na bza' dmar po'i rgyan gyis rjes su byugs pa/ phyag bzhi zhags pa dang / lcags kyu dang / gzhu dang / mda' bsnams pa/ sgeg pa'i cha lugs can/ g.yas dang / g.yon gnyis na sgrol ma dang / khro gnyer can gnyis dang bcas par bdag nyid rnam par bsams la/ dus gsum du tshwa'i sbyin sreg brgya rtsa brgyad byas na nyi ma bdun gyis skyes pa'am/ bud med dbang du 'gyur ro/ / 466b zhag nye shu rtsa gcig gis skyes bu chen po dbang du 'gyur ro/ /tshwa dang bcas pa'i spra tshil gyis bsgrub par bya ba'i gzugs sor bzhi pa'i tshad du byas la/ seng ldeng gi me mdag du ba med pa la dus gsum sngags brjod pas bsres na gang gi ming nas bzung ba de dbang du 'gyur ro/ /rdo rje'i chu la sogs pa'i tshwa la lan brgya rtsa brgyad bzlas pa sbyin par bya zhing zos pa tsam gyis dbang du 'gyur ro/ /oM la ba NAM b+ho si tik+Sh+No si u da gro si hr-i da yaM ga ma a mu ka s+ya hr-i da yaM/ pi taM nA sti/ lo ke tsi ki ha sa kaH/ oM tsi Ti tsi Ti/ bi klo li/ bi klo li/ mahA bi klo li/ mahA lo li a mu kaM me ba sa mA na ya swAhA/ sngon du bsnyen pa'i cho ga snga ma bzhin du byas la dus gsum du tsha chu khyor gang gi ming dang bcas 'thungs na de dbang du 'gyur ro/ /tshwa dang / ske tshe cha mnyam par byas pa gang gi ming dang bcas de sbyin sreg byas na de dbang du 'gyur ro/ /oM ku ru kul+le swAhA/ rje btsun 'phags ma sgrol ma'i snying po srid pa gsum dbang du bya ba'i las thogs pa med par 'gugs par grags pa/ sngar smos pa'i ting nge 'dzin la gnas te yi ge 'bum bzlas pa byas la phyis chen \?\ dang / bdug pa dang / byug pa dang / phye ma dang / so rtsi la sogs pa gang la byin pa de dbang du 'gyur ro/ / 467a @#/ /spos dri zhim pos bdag nyid la bdugs na skye bo thams cad dga' bar 'gyur ro/ /me tog dmar po'i sbyin sreg gang gi ming dang byas pa de dbang du 'gyur ro/ /bza' ba dang / btung ba la mngon par sngags te gang la byin pa de dbang du 'gyur ro/ /skyes bu chen po dbang du byed pa yungs kar gyi sbyin sreg bya'o/ /phyis tshes grangs dang / rgyu skar dang / zhag bzang po la bcom ldan 'das la mchod pa byas te/ gro ga'am/ gos la gur gum mam/ gi wang ngam/ ga bur la sogs pas ut+pa la'i 'dab ma lta bu'i rtsibs bcu drug pa'i 'khor lo bris la/ 'khor lo'i dbus su sgrub pa po dang / bsgrub bya'i ming dang bcas pa'i sngags bri bar bya'o/ /'dab ma rnams la ku ru kul+le zhes bya ba'i yi ge bzhis brten pa'i dbus su bsgrub bya gcig pu'i ming bri bar bya'o/ /phyi rol nas yi ge oM rim pa gsum du byas pa'i 'khor lo la skud pa dmar pos bcings nas spra tshil gyi rang bzhin can gyi gzugs kyi snying ga'i dbus su bcug la seng ldeng gi me mdag la dus gsum du bsros na rkang pas 'gugs par byed do/ /skyes pa'am/ bud med dbang du byed na zangs ma'i khab kyis rkang pa phug la bsros 467b pas dbang du 'gyur ro/ /yi ge yaM las yongs su gyur pa'i rlung gi dkyil 'khor yongs su bsams la/ de'i steng du yongs su gnas pa'i bsgrub par bya ba skra ma bcings shing gcer bu mgrin pa zhags pas bcings pa/ snying la lcags kyus bsnun pa/ rlung gi shugs can gyi rig sngags kyis thams cad drangs te sgrub pa po'i rkang pa'i drung du lhung zhing bya ba thams cad rnam par bsam par bya'o/ /goms par byas pas nam mkha' las 'dren par yang bsgoms pa tsam gyis 'gyur ro/ /mar dang sbrang rtsi/ ka ra lhung bzed kyi nang du bcug ste/ dus gsum du me tog dri zhim po la sogs pas mngon par mchod cing sngags bzlas na gang 'dod pa de dbang du 'gyur ro/ /pad+ma dkar po'i sdong bu byas la ba ser skya'i mar gyis/ so ma btang ba'i kham phor la du ba chags pa la brgya rtsa brgyad mngon par sngags pas mig la bskus na skye bo thams cad dga' bar 'gyur ro/ /dur khrod du ka pA la chen po la pad+ma dkar po'i sdong bu dang / snum chen pos mar ngo'i tshes brgyad dam/ bcu bzhi'i mtshan mo du ba bsgrub par byas la/ des mig la bskus na thams cad dga' bar 'gyur ro/ /a ma le/ bi ma le/ ku ma ku me/ sa ma ye na/ bad d+ho si/ bin dwa na/ its+tsha/ its+tsha/ 468a @#/ /yA de bo baR+Sha ti/ bid+h+yo ta ya ti/ gar+dz+dza ti/ gar+dz+dza ti/ bisma ya mahA rA dza/ sa mA d+hi bar+d+ha ta yan tuM/ de be b+h+yo/ ma nu She b+h+yo/ gan d+har b+he b+h+yo/ shi khi gra ha de ba/ A nan+ta s+ya/ gra hA Ni ya/ a ga ma na ya/ kra ma Ni yA dzu ho mi ha swAhA/ sngags kyi rgyal po 'dis bsnyen pa'i cho ga byas la khang pa'i mdun gyi dbus su ba lcis byugs la gru bzhir bres te dUr ba'i gcal bkram nas me sbar la/ ar ga'i me tog brgya rtsa brgyad blangs la sngags bzlas shing me tog re re me la sbyin sreg byas na 'dod pa'i skyes pa dang / bud med 'gugs par 'gyur zhes mkhas pas de ltar shes par byas la gus par bya'o/ /dpa' bo gcig pu grub pa'i rgyud kyi rgyal po chen po las le'u bzhi pa rdzogs so// //rgya gar gyi mkhan po chen po dI paM ka ra shrI dz+nyA na dang / lots+tsha ba dge ba'i blo gros kyis bsgyur/ dge slong tshul khrims rgyal bas gtan la phab pa// |