//bcom ldan 'das kyis 'jam dpal rnon po la bstod pa/ mthing nag mdzes pas 'jam par 'tsher ba'i dbu/ /lcang lo rdzings bskyod mthing gi mtsho ltar g.yo/ /dge ba'i spyi gtsug mtshan mchog g.yas su 'khyil/ /gtsug tor 'phags pas 468b skye bos bltar mi mthong / /srid pa'i sdug bsngal ma lus gzhom pa dang / /mthu chen byin gyis rgal ba gzhom pa'i phyir/ /dbu rgyan cod pan rgyal ba'i mchog gsang zhing // chos kyi rgyal thabs dbang gi pha rol phyin/ /rin chen spug dang ut+pal 'dra ba yi/ /shin tu dwangs par dkar nag phyed pa'i spyan/ /smin tshugs mdzes pas zla ba tshes ltar 'khyug /mig 'dzums zur gyis lta bas byams pa'i rtags/ /sil snyan rnam dag mtshan rab 'bru chags pa/ /rin chen ma lus rnam pa du mas spras/ /rgyal ba'i zhing mang rnam pa sna tshogs su/ /rnam thar dpag yas chos sgo grangs med gnas/ /shangs kyi dbyibs legs skye bo yongs las 'phags/ /mtho la yid tsam zur la legs pa'i mtshan/ /drang la chu phran 'dra bar mdzes pa'i tshul/ /bzang legs bskal pa brgyar yang bltar mi ngoms/ /pad+ma le brgan tshon ltar dmar ba'i sgros/ /yid gzhungs 'phel ba 'khyil ba bzad legs sku/ /mdog sdug chu skyes snang ba mtsho lo bzhin/ /shin tu dang ba'i yid kyis 'dzum pa mdzad/ /zhal ras zla 'dra gser gyi mdog gis rgyas/ /'od kyi dkyil 'khor gser phreng du mas spras/ /gsal ba'i 'od phung nyi ma brgya bas lhag /'od zer sna tshogs sprin phung bzhin du 'phro/ /chos dbyings 'jam 469a @#/ /pa'i dbyangs kyi sgra sgrags pa/ /ka la ping ka lta bur yid 'phrog mdzad/ /sang sang dbyangs rab gsung dbyangs rab sgrags pa/ /seng+ge'i nga ro gser gyi dril ltar 'khrol/ /skyes mchog mdzad pa sgom par mdzad pa'i sku/ /cha lugs bzhin 'chang gzi brjid 'phags pa'i sku/ /gzhon nu'i tshul chags shin tu gzhon par gda'/ /gdul bya'i skye bo gzhon nu gzugs kyis gdul/ /dbu rgyan rin chen rnam pa sna tshogs dang / /mu tig do shal gser gyi rgyan du bkod// pad+ma lha yin bza' sil ma bsnams/ /g.yas na mtshon mchog bsnams pa thabs kyis 'dul/ /dpe med rno ba shes rab nyid du nges/ /chos dbyings tshul nyid yang dag brjod pa dang / /mi shigs rdo rje gtan nas 'bigs pa'i tshul/ /g.yon pa shes rab pha rol phyin pa dang / /blang dor gnyis med bsam gyis mi khyab dbyings/ / zab mo'i chos nyid thugs su chud pa'i don/ /bcom ldan 'das kyis 'jam dpal rnon po la bstod pa rdzogs so// |