rKTs


H504

(e-text produced by ACIP)

see text in Tibetan script
469a
//'jam dpal ngag gi dbang phyug la bu mo brgyad kyis bstod pa/ gzhon nu'i sku lus 'chang ba po/ /ye shes sgron mes rab brgyan zhing / /'jig rten gti mug mun sel ba/ /'jam pa'i dbyangs
469b
la phyag 'tshal lo/ /nyid kyi mdangs bzang tshogs kyis ni/ /zla ba rgyas ba zil gnon zhing / /ma rig rnam par bsal gyur pa/ /'jam pa'i dpal la phyag 'tshal lo/ /ma bgyis zur phud gsal ba la/ /nor bu 'bar ba'i sku mnga' zhing / /nyid ni kun tu dga' ba'i sku/ /'jam dpal khyod la phyag 'tshal lo/ /bdud rtsi 'dra zhing 'jam la zab| |yid 'ong gsung gi sgra sgrogs pa/ /dam pa'i chos kyi rin chen mdzod/ /'jam dpal khyod la phyag 'tshal bstod/ /gang+gA'i chu thigs ltar grangs med/ /'jig rten khams kun ma lus par/ /nyon mongs dri ma ma lus pa/ /'jam dpal khyod la phyag 'tshal bstod/ /mche ba gtsigs shing bsgyings pa yi/ /'jigs pa'i sku yi tshul gyis ni/ /gshin rje'i dregs pa 'joms mdzad pa/ /'jam dpal khyod la phyag 'tshal bstod/ /rang gi spyan dang mdangs 'dra ba'i/ /ut+pal sngon pos rab mdzas pa/ /lhung bzed phyag na bsnams pa yi/ /'jam dpal khyod la phyag 'tshal lo/ /phyogs bcur bzhugs pa'i sangs rgyas la/ /rgya cher mchod dang bstod pa yis/ /grol ba'i lam ni ston pa po/ /'jam dpal khyod la phyag 'tshal lo/ /bu mo brgyad kyis bstod pa rdzogs so//