H513

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H513</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H513&coll=lhasa">see text in Tibetan script</a></table>1b<br><font size=+1>


\DD\ @##/ /rgya yi skad du/ tA shin kyin kwang mya ru tsa'i shin wad kyin/ bod \DD\ skad du/ 'phags pa gser 'od dam pa mchog tu rnam par rgyal ba mdo sde'i rgyal po zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis </font><hr>2a<br><font size=+1>


@##/ /thos pa dus gcig na/ bcom ldan 'das rgyal po'i khab bya rgod phung po'i ri'i rtse mo mchog tu rnam par dag pa/ chos kyi dbyings shin tu zab mo/ sangs rgyas rnams kyi spyod yul/ de bzhin gshegs pa bzhugs pa na/ dge slong gi dge 'dun chen po dgu khri brgyad stong dang thabs gcig tu bzhugs te/ thams cad kyang dgra bcom pa/ glang po che'i rgyal po ltar shin tu dul ba/ zag pa rnams yongs su gsal ba/ nyon mongs pa med pa/ sems shin tu rnam </font><hr>2b<br><font size=+1>


par grol ba/ shes rab shin tu rnam par grol ba/ bya ba byas pa/ khur lci ba rnam par spangs pa/ bdag gi don thob pa/ srid par kun tu sbyor ba zad pa/ rang dbang chen po thob pa/ tshul khrims yongs su dag pa la gnas pa/ thabs mkhas pa dang / shes rab kyis yongs su brgyan pa/ rnam par thar pa brgyad mngon sum du gyur pa/ pha rol gyi 'gram du phyin pa sha stag la/ 'di lta ste/ tshe dang ldan pa kun shes kauN+Din+ya dang / tshe dang ldan pa rta thul dang / tshe dang ldan pa rlangs pa dang / tshe dang ldan pa ming chen dang / tshe dang ldan pa bzang po dang / tshe dang ldan pa 'od srung chen po dang / tshe dang ldan pa lteng rgyas 'od srung dang / tshe dang ldan pa ga yA 'od srung dang / tshe dang ldan pa chu klung 'od srung </font><hr>3a<br><font size=+1>


@#/ /dang / tshe dang ldan pa shA ri'i bu dang / che dang ldan pa maud gal gyi bu chen po dang / tshe dang ldan pa kun dga' bo 'ba' zhig slob pa'i sa la gnas pa ni ma gtogs te/ 'di ltar nyan thos chen po de dag so so nas phyi dro'i dus kyi tshe/ snyoms par 'jug par zhugs pa las langs nas/ bcom ldan 'das ga la ba de logs su dong ste| bcom ldan 'das kyi zhabs la mgo bos phyag byas nas/ g.yas phyogs nas lan gsum bskor ba byas te/ 
 gcig tu 'khod par gyur to/ /gzhan yang / byang chub sems dpa' sems dpa' chen po bye ba phrag brgya stong du ma dang thabs gcig tu bzhugs te/ thams cad kyang gzi byin dang po'i yon tan dang ldan pa/ klu'i rgyal po chen po ltar </font><hr>3b<br><font size=+1>


gyur pa/ thams cad kun tu grags pa/ thams cad cang shes par gyur pa/ sbyin pa dang / tshul khrims yongs su dag par gyur pa/ rtag par bzod pa dang / brtson 'grus kyi spyad pa spyod par mngon par dga' ba/ bskal pa grangs med pa nas/ bsam gtan rnams las yang dag par 'das pa/ dran pa rtse gcig pa nyid mngon du gyur pa/ shes rab kyi sgo rab tu rnam par 'byed pa/ thabs mkhas pas shin tu bsgoms pa/ shin tu gya nom pa'i rdzu 'phrul la rnam par rtsen pa'i dbang du gyur pa| gzungs rab tu thob pa/ spobs pa zad pa med pa/ nyon mongs pa rnams spangs pa/ nye ba'i kun nas nyon mongs pa rnams nye bar zhi bar gyur pa/ ring por mi thogs par rnam pa thams cad mkhyen pa mngon par 'grub par 'gyur ba/ bdud kyi dpung rab tu 'joms pa/ chos kyi rnga shin tu brdung ba/ mu stegs can du ma btul nas 
 su dga' ba'i bsam pa bskyed pa la 'god pa/ chos kyi 'khor lo dam pa yongs su bskor nas lha dang / mi rnams sgrol bar byed pa/ phyogs bcu'i sangs rgyas kyi zhing rnams rab tu brgyan pa/ 'gro ba drug pa'i sems can dag la phan 'dogs pa/ ye shes chen po yongs su rdzogs pa/ bzod pa chen po phun sum tshogs pa/ byams </font><hr>4a<br><font size=+1>


@#/ /pa dang / snying rje chen po'i sems la rab tu gnas pa/ shin tu brtan pa'i stobs chen po dang ldan pa/ sangs rgyas mang po la bsnyen bkur byas pa/ yongs su mya ngan las mi 'da' zhing / phyi ma'i mtha' ji srid par yi dam chen po'i bsam pa yang dag par bskyed pa/ sangs rgyas rnams las rnam par dag pa'i rgyu rgya cher rab tu bskyed pa/ dus gsum gyi chos rnams las mi skye ba'i bzod pa rtogs par gyur pa/ theg pa gnyis po dag gi spyod yul las yang dag par 'das pa/ thabs mkhas pa chen pos 'jig rten pa rnams 'dul bar byed pa/ ston pa chen po'i bstan pa rnams yang dag par sgrogs pa/ gsang ba'i chos dang / shin tu zab pa'i stong pa nyid rtogs shing khong du chud pas the tshom dang / som nyi med par gyur pa sha stag la/ 'di lta ste/ byang chub sems dpa' thogs pa med par chos kyi 'khor lo bskor ba dang / byang chub sems dpa' rtag par chos kyi 'khor lo bskor bar sems bskyed pa dang / byang chub sems dpa' rtag par brtson pa dang / byang chub sems dpa' rgyun mi 'chad pa dang / byang chub sems dpa' byams pa dang / byang chub sems dpa' 'jam dpal dang / byang chub sems </font><hr>4b<br><font size=+1>


dpa' spyan ras gzigs dbang phyug dang / byang chub sems dpa' gzungs la rang dbang du gyur pa'i rgyal po dang / byang chub sems dpa' spobs pa chen po bkod pa'i rgyal po dang / byang chub sems dpa' ri rab mchog gi rgyal po dang / byang chub sems dpa' shin tu zab pa'i rgya mtsho'i rgyal po dang / byang chub sems dpa' rin po che'i tog dang / byang chub sems dpa' rin po che'i tog chen po dang / byang chub sems dpa' sa'i snying po dang / byang chub sems dpa' nam mkha'i snying po dang / byang chub 
 dpa' rin po che'i lag gi dbang phyug dang / byang chub sems dpa' lag na rdo rje dang / byang chub sems dpa' dga' ba'i stobs dang / byang chub sems dpa' chos kyi stobs chen dang / byang chub sems dpa' bkod pa'i 'od chen dang / byang chub sems dpa' gser 'od bkod pa dang / byang chub sems dpa' rnam dag tshul khrims dang / byang chub sems dpa' rtag tu mnyam par gzhag pa dang / byang chub sems dpa' blo gros shin tu rnam dag dang / byang chub sems dpa' brtson 'grus brtan pa dang / byang chub sems dpa' nam mkha' dang mtshungs pa dang / byang chub sems dpa' smon lam chen po mi gcod pa dang / byang chub sems dpa' sman gtong dang / </font><hr>5a<br><font size=+1>


@#/ /byang chub sems dpa' nyon mongs pa'i nad rnam par sel ba dang / byang chub sems dpa' sman pa'i rgyal po dang / byang chub sems dpa' 'phags pa dga' ba'i rgyal po dang / byang chub sems dpa' lung bstan mchog thob dang / byang chub sems dpa' sprin chen rnam dag 'od zer dang / byang chub 
 dpa' sprin chen chos 'dzin dang / byang chub sems dpa' sprin chen grags pa'i dga' ba dang / byang chub sems dpa' sprin chen grags pa mtha' yas ston dang / byang chub sems dpa' sprin chen seng ge'i nga ro dang / byang chub sems dpa' sprin chen glang po che'i rgyal po'i nga ro dang / byang chub sems dpa' sprin chen bkra shis dang / byang chub sems dpa' sprin chen yon tan dang / byang chub sems dpa' sprin chen nyi ma'i snying po dang / byang chub sems dpa' sprin chen zla ba'i snying po dang / byang chub sems dpa' sprin chen skar ma'i 'od dang / byang chub sems dpa' sprin chen me'i 'od dang / byang chub sems dpa' sprin chen glog 'od dang / byang chub sems dpa' sprin chen 'brug dbyangs dang / byang chub sems dpa' sprin chen shes rab kyi char gyis kun tu khyab pa dang / byang chub sems dpa' sprin chen </font><hr>5b<br><font size=+1>


bo rnam dag char rgyal dang / byang chub sems dpa' sprin chen me tog ljon shing rgyal po dang / byang chub sems dpa' sprin chen pad+ma sngon po'i bsung dang / byang chub sems dpa' sprin chen rin po che'i tsan+dan gyi dris lus bsil bar byed pa dang / byang chub sems dpa' sprin chen mun sel dang / byang chub sems dpa' sprin chen rab rib 'joms la sogs pa/ 'di ltar byang chub sems dpa'i tshogs chen po tshad med pa de dag kyang so so nas phyi dro'i dus kyi tshe ting nge 'dzin las langs nas/ bcom ldan 'das ga la ba de logs su dong ste/ bcom ldan 'das kyi zhabs la mgo bos phyag byas nas g.yas phyogs su bskor ba byas te phyogs gcig tu 'khod par gyur to/ /gzhan yang / lits+tsha bI gzhon nu 'bum phrag brgya stong du ma 'dus par gyur pa la/ 'di lta ste/ gzhon nu seng ge'i 'od dang / gzhon nu seng ge'i blo gros dang / gzhon nu chos kyi byin dang / gzhon nu dbang pos byin dang / gzhon nu 'od chen dang / gzhon nu dpal chen dang / gzhon nu sangs rgyas skyong dang / gzhon nu chos kyi skyong dang / gzhon nu dge 'dun skyong dang / gzhon nu rdo rje skyong dang / gzhon nu nam mkha' skyong dang / gzhon nu nam mkha' sgra sgrogs dang / gzhon nu </font><hr>6a<br><font size=+1>


@#/ /rin po che'i snying po dang / gzhon nu bkra shis mchog gi snying po la sogs pa ni gtso bor gyur te/ thams cad kyang bla na med pa'i byang chub la rab tu gnas pa dang / theg pa chen po la mngon par yid ches shing dga' bar gyur pas so so nas phyi dro'i dus kyi tshe bcom ldan 'das ga la ba de logs su dong ste| bcom ldan 'das kyi zhabs la mgo bos phyag byas nas g.yas phyogs su lan gsum bskor ba byas te phyogs gcig tu 'khod par gyur to/ /gzhan yang / lha'i bu bzhi khri nyis stong 'dus pa la/ 'di lta ste/ lha'i bu mthong dga' dang / lha'i bu yid dga' dang / lha'i bu nyi ma'i 'od dang / lha'i bu zla ba'i gtsug phud dang / lha'i bu gsal ba'i blo gros dang / lha'i bu nam mkha' rnam dag blo gros dang / lha'i bu nyon mongs sel dang / lha'i bu bkra shis la sogs pa ni gtso bor gyur te/ thams cad kyi yi dam chen po'i sems bskyed nas theg pa chen po yongs su bsrung ba dang / dam pa'i chos rgyun mi 'chad par sbyor bar byed pas/ so so nas phyi dro'i dus kyi tshe bcom ldan 'das ga la ba de logs su dong ste/ bcom ldan 'das kyi zhabs la mgo bos phyag byas nas g.yas phyogs su lan gsum bskor </font><hr>6b<br><font size=+1>


ba byas te phyogs gcig tu 'khod par gyur to/ /gzhan yang / klu'i rgyal po nyi khri brgyad stong 'dus par gyur pa la/ 'di lta ste/ klu'i rgyal po pad+ma dang / klu'i rgyal po e la'i lo ma dang / klu'i rgyal po stobs chen dang / klu'i rgyal po cher sgrogs dang / klu'i rgyal po rlabs chung dang / klu'i rgyal po chu rgyun 'dzin dang / klu'i rgyal po gser gdong dang / klu'i rgyal po yid bzhin la sogs pa ni gtso bor gyur te/ 'di ltar klu'i rgyal po de dag kyang theg pa chen po'i chos la rtag par mos shing yongs su 'dzin pa dang / shin tu dang ba'i bsams pa bskyed nas yang dag par sgrogs pa dang / yongs su skyong bar byed pas so so nas phyi dro'i dus kyi tshe bcom ldan 'das ga la ba de 
 su dong ste/ bcom ldan 'das kyi zhabs la mgo bos phyag byas nas g.yas logs su lan gsum bskor ba byas te phyogs gcig tu 'khod par gyur to/ /gzhan yang / gnod sbyin gyi 'khor sum khri drug stong 'dus par gyur te/ lha'i rgyal po rnam thos kyi bu gtso bor gyur pa la/ 'di lta ste/ gnod sbyin a mra dang / gnod sbyin a mra thogs dang / gnod sbyin pad+ma 'od kyi snying po dang / gnod sbyin pad+ma'i gdong dang / gnod sbyin khro gnyer can dang / gnod sbyin 'jigs chen ston dang / gnod </font><hr>7a<br><font size=+1>


@#/ /sbyin sa sgul dang / gnod sbyin zas ril mi da la sogs pa gnod sbyin de dag thams cad kyang de bzhin gshegs pa'i yang dag pa'i chos la mos shing gus pa'i sems kyis yongs su skyo ba mi bskyed pas/ so so nas phyi dro'i dus kyi tshe bcom ldan 'das ga la ba de logs su dong ste/ bcom ldan 'das kyi zhabs la mgo bos phyag byas nas g.yas phyogs su lan gsum bskor ba byas te phyogs gcig tu 'khod par gyur to/ /gzhan yang / nam mkha' lding gi rgyal po bzhi khri dgu stong yang 'dus par gyur pa las nam mkha' lding gi rgyal po spos kyi glang po che'i mthu dang ldan pa ni gtso bor gyur to/ /gzhan yang / 'di lta ste/ dri za dang / lha ma yin dang / mi 'am ci dang / grul bum dang / lto 'phye chen po la sogs pa dang / ri dang / nags tshal dang / chu bo dang / rgya mtsho thams cad kyi lha dang / drang srong dang / yul khams chen po thams cad kyi rgyal po dang / pho brang 'khor dang / btsun mo dang / sras dang / shin tu dang ba dang ldan pa'i khye'u dang / bu mo dang / lha dang / mi'i tshogs chen po 'dus shing lhags pa thams cad kyang / bla na med pa'i theg pa chen po yongs su srung zhing / klog pa dang / kha ton tu 'don pa dang / len </font><hr>7b<br><font size=+1>


pa dang / 'dzin pa dang / yi ger 'dri ba dang / kun tu spel zhing bskyed pa dang / yongs su 'tsho ba dang / skyong ba'i dam tshig bcas te/ mos par gyur pas so so nas phyi dro'i dus kyi tshe/ bcom ldan 'das ga la ba de logs su dong ste bcom ldan 'das kyi zhabs la mgo bos phyag byas nas g.yas phyogs su lan gsum bskor bar byas te 
 gcig tu 'khod par gyur to/ /de ltar nyan thos dang / byang chub sems dpa' dang / lha dang / mi'i 'khor 'dus pa chen po dang / klu dang / gnod sbyin la sogs pa sde brgyad po rnams 'dus par gyur nas so so nas sems rtse gcig tu thal mo sbyar te/ gus pas mig mi 'dzums par bcom ldan 'das kyi zhal du bltas nas/ shin tu gya nom zhing khyad par du 'phags pa'i chos thos par gyur to snyam mo/ /de nas de'i tshe bcom ldan 'das phyi dro'i dus kyi tshe ting nge 'dzin las bzhengs nas/ 'khor gyi dkyil 'khor la rnam par gzigs te tshigs su bcad pa 'di dag bka' stsal pa/ gser 'od dam pa gya nom chos/ /mdo sde rgyal po kun gyi mchog /sangs rgyas spyod yul zab mo 'di| |shin tu thos par dka' bas na/ /ngas deng 'khor 'dus chen po la/ /'di ltar mdo 'di bstan pa na/ /phyogs bzhi'i sangs rgyas rnams kyis kyang / /byin gyi rlabs kyis rlob </font><hr>8a<br><font size=+1>


@#/ /par mdzad/ /shar phyogs na ni mi 'khrugs gtso/ /lho phyogs sangs rgyas rin chen mtshan/ /nub phyogs na ni tshe dpag med/ /byang phyogs na ni rnga sgra dbyangs/ /ngas deng yang dag dam pa'i chos/ /bkra shis gshegs pa'i mchog gyur pa/ /sdig pa thams cad zhi ba dang / /las ngan rnams ni sbyong sel dang / sdug bsngal mang po nad 'byang zhing / /bde ba tshad med rtag sbyin dang / /ye shes thams cad rtsa ba dang / /yon tan kun brgyan bshad par bya/ /sems can dbang po ma tshang dang / /tshe zad dang ni tshe nyams dang / /sdig pa'i mtshan ma mngon snang dang / /lha rnams kyis ni spangs pa dang / /gnyen bshes kun gyis sdang ba dang / /'khor rnams dang ni 'bral ba dang / /phan tshun mi mthun rtsod pa dang / /gza' skar mi rungs gnod byas shing / /byad stems log pas zin pa dang / /mya ngan mang pos nyon mongs shing / /sdug bsngal mang pos gzir ba dang / /rmi lam ltas ngan mthong ba'i rgyus/ /mya ngan dag ni skyed gyur na/ /de yis khrus ni rab 'byor la/ /gos gtsang gsar pa bgos nas ni/ /zab mo sangs rgyas sgrub mdzad pa/ /mdo sde'i rgyal po dam pa 'di/ /rtse gcig sems ni mi g.yeng bar/ /bklag mnyan yongs su gzung bar bya/ / </font><hr>8b<br><font size=+1>


mdo sde 'di yi byin rlabs mthus/ /ye 'brog mang po mi byed cing / /gzhan yang sdug bsngal sna tshogs bgegs/ /thams cad ma lus sel bar byed/ /'jig rten skyong dang rgyal chen bzhi/ /blon po chen po 'khor rnams dang / /gnod sbyin mang po tshad med rnams/ /rtse gcig sems kyis skyob par byed/ /spobs pa che ba'i lha mo dang / /nai rany+dza nar gnas pa'i lha/ /lha mo 'phrog ma 'byung po'i ma/ /sra brtan sa yi lha mo dang / /tshangs pa dbang po brgya byin dang / /klu yi rgyal po mi 'am ci/ /gser 'dab bya yi rgyal po dang / /lha ma yin gyi 'khor rnams bcas/ /de ltar mthu chen de dag kun/ /rang gi 'khor rnams khrid nas ni/ /nyin mtshan rtag tu mi 'bral bar/ /gang zag de la srung bar byed/ /zab mo sangs rgyas spyod yul dang / /sangs rgyas dgongs te gsungs pa'i bka'/ /mdo sde gang yin ngas bshad pa/ /bskal pa bye bar phrad dka' bas// gang gis mdo sde 'di thos nas/ /gzhan la rgya cher ston pa dang / /gal te sems kyis yi rang dang / /mchod pa bshams nas mchod byed na/ /de 'dra'i gang zag de dag ni/ / bskal pa tshad med snyed du yang / /rtag par lha dang mi rnams dang / /klu la sogs bas mchod bkur 'gyur/ /'di yi bsod nams tshad med pas/ /gang+gA'i bye snyed 
 </font><hr>9a<br><font size=+1>


@#/ /las 'das/ /mdo sde 'di ni gang klog pa/ /yon tan 'di dag thob par 'gyur/ /phyogs bcu'i bcom ldan 'das rnams dang / /spyod zab byang chub sems dpa' rnams/ /mdo sde 'dzin la yongs bsrungs nas/ /sdug bsngal bgegs dang bral bar mdzad/ /mdo sde 'di ni gang mchod pas/ /snga ma bzhin du lus bkrus nas/ /zas dang me tog spos mchod cing / /byams dang snying rje'i sems bskyed de/ /mdo sde 'di ni nyan 'dod pas/ /sems gtsang dri ma med byas te/ / rtag par dga' ba'i sems bskyed na/ /yon tan mang po skye bar 'gyur/ /gang zhig gus pa'i sems dag gis/ /mdo sde 'di ni nyan byed na/ /legs par mi yi 'gror skye zhing / /sdug bsngal bgegs dang 'bral bar 'gyur/ /de ni dge ba'i rtsa smin pas/ /sangs rgyas rnams kyi bsngags pa yi/ /mdo sde 'di ni thos pa dang / / 'gyod tshangs chos ni thos pa yin/ /gser 'od dam pa mchog tu rnam par rgyal ba'i mdo sde'i rgyal po las/ gleng gzhi'i le'u ste dang po'o// //de nas de'i tshe rgyal po'i khab kyi grong khyer chen po na/ byang chub sems dpa' sems dpa' chen po mdzes pa'i tog ces bya ba 'das pa'i sangs rgyas bye ba brgya stong tshad med pa </font><hr>9b<br><font size=+1>


rnams la bsnyen bkur ba dang / rim gro byas nas dge ba'i rtsa ba bskyed pa zhig yod de/ de'i tshe byang chub sems dpa' mdzes pa'i tog ces bya ba gcig pu dben par gnas pa de 'di snyam du rgyu gang dang / rkyen gang gi phyir de bzhin gshegs pa shAkya thub pa sku tshe thung ste lo brgyad cur gyur snyam mo/ /gzhan yang / 'di snyam du bcom ldan 'das kyis ji skad gsungs pa ltar na/ rgyu dang / rkyen rnam pa gnyis kyis tshe ring por 'gyur ro zhes gsungs te/ gnyis gang zhe na/ sems can gyi srog mi gcod pa dang / gzhan dag la yang bza' ba dang / btung ba yongs su btang ba'o/ /de bzhin gshegs pa shAkya thub pa ni 'das pa'i bskal pa chen po bye ba khrag khrig brgya stong grangs med pa snyed du 
 can gyi srog ma bcad cing dge ba bcu'i las kyi lam spyad pa dang / rtag par bza' ba dang / btung ba dag bkres pa'i sems can thams cad la sbyin pa btang ste/ nyid kyi sha dang / khrag dang / rus pa dang / rkang la sogs pa'ang yongs su btang nas rab tu tshim par mdzad na/ bza' ba dang / btung ba gzhan lta smos kyang ci dgos snyam mo/ /byang chub sems dpa' des bcom ldan 'das la de snyam du bsams pa'i tshe/ bcom ldan 'das kyis byin gyis brlabs kyi mthus de'i khang khyim de ma thag tu yangs shing rgya che ba dang / </font><hr>10a<br><font size=+1>


@#/ /bkod pa dang ldan zhing yongs su gtsang ba dang / bai DUR+Ya sngon po dang / rin po che rnam pa sna 
 kyis rab tu brgyan pa/ sangs rgyas kyi zhing ji lta ba bzhin du spos mchog dam pa'i dri lha'i spos las 'das pa dag 'thul zhing gang ba dang / phyogs bzhin seng ge'i gdan khri mchog dam pa rin po che sna bzhi las mngon par grub pa/ lha'i rin po che'i gos kyis g.yogs pa dang / gzhan yang / gdan de la pad+ma dam pa rin po che sna tshogs kyis brgyan pa/ tshad de bzhin 
 pa dang mnyam pa dag rang gi ngang gis snang bar gyur te/ pad+ma de dag gi steng na de bzhin gshegs pa bzhi po shar phyogs kyi mi 'khrugs pa dang / lho phyogs kyi rin chen mtshan dang / nub phyogs kyi tshe dpag tu med pa dang / byang phyogs kyi lha'i rnga sgra dbyangs bzhugs par gyur to/ /de bzhin gshegs pa bzhi po de dag so so nas gdan de la skyil mo krung bcas te bzhugs nas 'od zer chen po bkye bas rgyal po'i khab kyi grong khyer chen po dang / stong gsum gyi stong chen po 'jig rten gyi khams 'di dang / phyogs bcu'i sangs rgyas kyi zhing gang+gA'i klung gi bye ma dang mnyam pa snyed kyi bar du yang snang bas kun tu khyab par mdzad de/ lha'i me tog gi char yang mngon </font><hr>10b<br><font size=+1>


bar phab/ lha'i rol mo'i sil snyan rnams kyang dkrol bar gyur te/ de'i tshe 'dzam bu'i gling 'di dang / stong gsum gyi stong chen po'i 'jig rten gyi khams 'di na sems can ji snyed yod pa de dag bcom ldan 'das kyis byin gyis brlabs kyi mthus bde ba mchog dam pa myong bar gyur pas phongs pa ci'ang med par gyur to/ /lus kyi yan lag ma tshang ba dag ni tshang bar gyur/ long ba dag ni mthong bar gyur/ 'on pa rnams ni thos par gyur/ lkugs pa dag ni smra bar gyur/ glen pa dag ni shes pa dang ldan par gyur/ sems 'khrugs pa dag ni sems nyid thob par gyur/ bgo ba med pa dag ni gos dang ldan par gyur/ rab tu smad cing bshungs pa dag ni gzhan gyis bkur bar gyur/ dri ma dang bcas pa dag ni lus gtsang bar gyur te/ 'jig rten gyi khams 'dir phan 'dogs pa'i dngos po ngo mtshar rmad du che ba sngon ma byung ba rnams kyang mngon du byung bar gyur to/ /da nas byang chub sems dpa' mdzes pa'i tog de bzhin gshegs pa bzhi dang / ngo mtshar rmad du byung ba'i dngos po de dag mthong bas dga' mgu rangs par gyur nas thal mo sbyar te/ sems rtse gcig tu de bzhin gshegs pa rnams kyi mtshan khyad par du 'phags pa dag la rnam par bltas nas/ gzhan yang / </font><hr>11a<br><font size=+1>


@#/ /'di snyam du de bzhin gshegs pa shAkya thub pa yon tan tshad med pa dang ldan yang sku tshe'i tshad 'ba' zhig la the tshom gyi sems skyes par gyur nas| ci'i phyir de bzhin gshegs pa yon tan tshad med pa mnga' yang sku tshe thung ste lo brgyad cu kho na bzhugs par gyur snyam mo/ /de nas bcom ldan 'das bzhi po de dag gis byang chub sems dpa' mdzes pa'i tog la 'di skad ces bka' stsal to/ /rigs kyi bu/ nged kyis ni bla na med pa'i thams cad mkhyen pa ma gtogs par lha dang bcas pa'i 'jig rten na tshangs pa dang / bdud dang / dge sbyong dang / bram ze dang / mi dang / mi ma yin pa gang gis kyang de bzhin gshegs pa'i sku tshe'i tshad kyi mtha' shes shing dpag par 'gyur ba yang dag par ma gzigs so/ /de bzhin gshegs pa bzhi po de dag gis bcom ldan 'das shAkya thub pa'i sku tshe'i tshad bstan par bzhed pa na/ bcom ldan 'das kyis byin gyis brlabs kyis mthus 'dod pa dang / gzugs kyi khams kyi lha rnams dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto phye chen po dang / byang chub sems dpa' sems dpa' chen po bye ba khrag khrig brgya stong tshad med pa snyed 'dus </font><hr>11b<br><font size=+1>


te lhags nas byang chub sems dpa' mdzes pa'i tog gi khyim yongs su dag cing gya nom pa der zhugs par gyur to/ /de nas bcom ldan 'das bzhi po de dag gis 'khor mang po'i nang du de bzhin gshegs pa shAkya thub pa'i sku tshe'i tshad ji snyed pa dag bstan par bzhed pa'i phyir tshigs su bcad de bka' stsal pa/ rgya mtsho thams cad kun gyi chu/ /thigs pa'i grangs ni shes rung gi/ shAkya thub pa'i sku tshe'i tshad/ /gang gis kyang ni bgrang mi nus/ /ri rab thams cad rdul brlags te/ /yungs 'bru bzhin du bgrang shes kyang / /shAkya thub pa'i sku tshe'i tshad/ /gang gis kyang ni bgrang mi nus/ /sa chen rdul ni thams cad kun/ /rdul grangs ci yod shes rung kyang / /shAkya thub pa'i sku tshe'i tshad/ /gang gis kyang ni bgrang mi nus/ /gal te nam mkha'i tshad bcal te/ /mtha' kun dpag par rung srid kyang / /shAkya thub pa'i sku tshe'i tshad/ /gang gis kyang ni dpag mi nus/ /mi zhig bskal pa bye bar gnas/ /mthas gtugs rtag par brtsis bgrangs kyang / /bcom ldan 'das kyi sku tshe'i tshad/ /yongs su shes par mi 'gyur ro/ /sems can srog ni ma bcad cing / /bza' btung sbyin pa btang ba yi/ /rgyu ni rnam pa 'di gnyis kyis/ /sku tshe ring po brnyes pa yin/ /de bas thub pa chen po yi/ /sku tshe'i tshad ni shes par dka'// </font><hr>12a<br><font size=+1>


@#/ /bskal pa'i mtha' ni med pa ltar/ /sku tshe'i tshad kyang de bzhin no/ /mdzes pa'i tog khyod shes byos la/ /the tshom so ma nyi ma bskyed cig/ /rgyal ba'i sku tshe'i tshad med pas/ /de yi grangs ni shes mi nus/ /de nas byang chub sems dpa' mjes \?\ pa'i tog gis de bzhin gshegs pa bzhi po dag gis bcom ldan 'das shAkya thub pa'i sku tshe'i tshad dpag tu med par bka' stsal pa thos pa dang / bcom ldan 'das de dag la 'di skad ces gsol to/ /ci'i slad du de bzhin gshegs pa de lta bu'i sku tshe thung bar bstan par mdzad lags/ de nas bcom ldan 'das bzhi po de dag gis/ byang chub sems dpa' mdzes pa'i tog la bka' stsal pa/ rigs kyi bu/ bcom ldan 'das shAkya thub pa de snyigs ma lnga'i dus su 'jig rten du byung ba na mi rnams tshe lo brgya par gyur cing rang bzhin dman pa dang / dge ba'i rtsa ba phra zhing chung ba dang / mos pa med par gyur pas sems can de dag las phal cher bdag tu lta ba dang / gang zag tu lta ba dang / sems can dang / srog dang / gso ba po dang / log par lta ba dang / bdag dang / bdag gir lta ba dang / rtag pa dang / chad par lta ba la sogs pa dang ldan bas sems can mang po de dag dang / mu stegs can mang </font><hr>12b<br><font size=+1>


po de dag la phan gdags shing yang dag pa'i shes pa bskyed nas myur du bla na med pa'i byang chub yongs su rdzogs par bya ba'i phyir de lta bas na de bzhin gshegs pa shAkya thub pas de lta bu'i sku tshe thung ba bstan pa yin no/ /rigs kyi bu/ gzhan yang / de bzhin gshegs pa des sems can rnams kyi yongs su mya ngan las 'da' ba mthong bar gyur na| shin tu mthong bar dka' ba'i 'du shes dang / mya ngan dang / sdug bsngal ba la sogs pa'i 'du shes bskyed nas/ sangs rgyas bcom ldan 'das kyis gsungs pa'i mdo sde bstan pa dag myur du len pa dang / 'dzin pa dang / 'chang ba dang / klog pa dang / kha ton du 'don pa dang / kun chub par byas nas gzhan dag la yang dag par bstan pa dang / skur pa 'debs par mi 'gyur bar mdzad par bzhed pa'i phyir/ de lta bas na de bzhin gshegs pas de lta bu'i sku tshe thung ba bstan pa yin no/ /de ci'i phyir zhe na/ sems can de dag gis gal te de bzhin gshegs pa yongs su mya ngan las mi 'da' ba mthong bar gyur na gus pas rim gro'ang mi byed/ shin tu phrad par dka' ba'i 'du shes kyang mi bskyed la/ de bzhin gshegs pas gsungs pa'i mdo sde zab mo dag kyang len pa dang / 'dzin pa dang / klog pa dang / kha ton du 'don pa dang / kun chub par byas nas </font><hr>13a<br><font size=+1>


@#/ /gzhan dag la ston par yang mi byed pas so/ /de ci'i phyir zhe na/ 'di ltar rtag par sangs rgyas mthong bas gus par mi byed pa'i phyir ro/ /rigs kyi bu| 'di lta ste/ dper na/ mi zhig gis bdag gi pha la nor dang / rin po che mang zhing 'phel ba dag mthong bar gyur na nor rdzas dag la ngo mtshar dang / mthong bar dka' ba'i 'du shes skye bar mi 'gyur ro/ /de ci'i phyir zhe na/ pha'i nor rdzas dag la rtag pa'i 'du shes skyed pa'i phyir ro/ /rigs kyi bu/ sems can mang po de dag kyang de bzhin du gal te de bzhin gshegs pa yongs su mya ngan las mi 'da' ba mthong bar gyur na ngo mtshar dang / mthong bar dka' ba'i 'du shes skye bar mi 'gyur ro/ /de ci'i phyir zhe na/ rtag par mthong ba'i phyir ro/ /rigs kyi bu/ 'di lta ste/ dper na/ mi zhig pha ma dbul zhing nor rdzas kyis phongs par gyur pa las/ mi dbul po de rgyal po'i pho brang ngam/ blon po chen po'i khyim dag tu phyin te/ bang mdzod rin po che sna tshogs dang / nor rdzas kyis yongs su gang ba mthong bar gyur na ngo mtshar dang / phrad par dka' ba'i 'du shes bskyed nas de'i tshe mi dbul po de nor rdzas yongs su gnyer ba'i phyir sbyor ba'i thabs rgya cher bshams nas le lo </font><hr>13b<br><font size=+1>


mi byed par yongs su brtson par byed do/ /de ci'i phyir zhe na/ dbul phongs pa spangs shing bde ba'i longs spyod nyams su myong bar bya ba'i phyir ro/ /rigs kyi bu/ sems can mang po de dag kyang de bzhin du gal te de bzhin gshegs pa yongs su mya ngan las 'da' ba mthong bar gyur na/ mthong bar dka' ba'i 'du shes nas mya ngan dang / sdug bsngal ba la sogs pa'i 'du shes kyi bar dag kyang bskyed nas/ gzhan yang / 'di snyam du de bzhin gshegs pa rnams ni bskal pa grangs med tshad med pa snyed 'das nas gdod 'jig rten du 'byung bas u dum bA ra'i me tog bzhin du brgya la brgya lam na lan gcig 'byung bar 'gyur ro zhes sems can de dag ngo mtshar gyi bsam pa bskyed nas shin tu mthong bar dka' ba'i 'du shes bskyed par byed de/ gal te bzhin gshegs pa mthong bar gyur na'ang sems kyis gus pa dang / dwang ba bskyed par byed la yang dag pa'i chos bstan pa thos par gyur na'ang yang dag pa yin no snyam pa'i 'du shes bskyed nas/ mdo sde ji snyed pa thams cad yang dag par 'dzin cing skur pa 'debs par mi byed do/ /rigs kyi bu/ rgyu dang / rkyen des na bcom ldan 'das de yun ring du 'jig rten na mi bzhugs par myur du yongs su mya ngan las 'da' </font><hr>14a<br><font size=+1>


@#/ /ba yin te/ rigs kyi bu/ de bzhin gshegs pa rnams ni de ltar thabs mkhas mkhyen nas sems can yongs su smin par mdzad pa yin no// de'i tshe de bzhin gshegs pa de dag gis de skad ces bka' stsal nas de nyid du mi snang bar gyur to/ /de nas byang chub sems dpa' sems dpa' chen po mdzes pa'i tog byang chub sems dpa' brgya stong tshad med pa snyed dang / sems can bye ba khrag khrig brgya stong tshad med pa dang lhan cig tu bya rgod phung po'i rig la ba der dong ste/ de bzhin gshegs pa shAkya thub pa thams cad mkhyen pa'i spyan sngar lhags nas bcom ldan 'das kyi zhabs la mgo bos phyag byas te phyogs gcig tu 'khod do/ / de nas byang chub sems dpa' mdzes pa'i tog gis dngos po gong du bstan pa de dag bcom ldan 'das la rgyas par gsol pa dang / de'i tshe de bzhin gshegs pa bzhi po de dag kyang bya rgod phung po'i ri bcom ldan 'das shAkya thub pa gang na ba der gshegs te/ so so'i phyogs ji lta ba bzhin du gdan la bzhugs nas zhabs 'bring ba'i byang chub sems dpa' dag la 'di skad ces bka' stsal to/ /rigs kyi bu/ khyod bcom ldan 'das shAkya thub pa ga la ba der dong la nged kyi tshig gis cung </font><hr>14b<br><font size=+1>


zad mi bsnyung ngam/ cung zad mi gdung ngam/ bzhengs shing bzhugs pa yang ngam/ spyod lam thams cad du bde bar spyod dam zhes bsnyun gsol cig /gzhan yang / 'di skad du/ de bzhin gshegs pa shAkya thub pas sems can thams cad la phan gdags shing mu ge'i bgegs yongs su bsal nas bde ba la 'god par bzhed pa'i phyir der gser 'od dam pa mdo sde shin tu zab mo'i chos kyi don bstan pa legs so/ /legs so/ /bdag cag rnams kyang rjes su yi rang ngo zhes gsol cig /de nas zhabs 'bring ba de dag so so nas bcom ldan 'das shAkya thub pa ga la ba der dong ste/ bcom ldan 'das kyi zhabs la mgo bos phyag byas nas phyogs gcig tu 'khod de/ cig car bcom ldan 'das la 'di skad ces gsol to/ /lha dang / mi'i ston pa de dag tshad ma mchis pa'i gsung gis cung zad mi bsnyung ngam/ cung zad mi gdung ngam/ bzhengs shing bzhugs pa yang dam/ spyod lam thams cad du bde bar spyod dam zhes bsnyun gsol lags so/ /gzhan yang / 'di skad du/ de bzhin gshegs pa shAkya thub pas sems can thams cad la phan gdags shing mu ge'i bgegs yongs su bsal nas bde ba la 'god par bzhed pa'i phyir/ deng gser 'od dam pa'i mdo sde'i shin tu </font><hr>15a<br><font size=+1>


@#/ /zab mo'i chos kyi don bstan pa legs so/ /legs so zhes gsungs so/ /de nas de bzhin gshegs pa dgra bcom pa yang dag par rdzogs pa'i sangs rgyas shAkya thub pas zhabs 'bring ba'i byang chub sems dpa' de dag la 'di skad ces bka' stsal to/ /de bzhin gshegs pa bzhi po de dag gis sems can thams cad la phan pa dang / bde bar bzhed pa'i phyir nga la yang dag pa'i chos bstan par bskul ba legs so/ /legs so/ /de nas de'i tshe bcom ldan 'das kyis tshigs su bcad de bka' stsal pa/ nga ni rtag par bya rgod ri gnas nas/ /mdo sde rin chen 'di ni 'chad par mdzad/ /sems can yongs su smin par mdzad pa'i phyir/ /yongs su mya ngan 'da' bar bstan pa yin/ /so so'i skye bo log lta bskyed nas ni/ /ngas bstan dag la mngon par yid mi ches/ /de dag kun tu smin par bya ba'i phyir/ /yongs su mya ngan 'da' bar bstan pa yin/ /de nas 'khor 'dus pa chen po de nyid du bram ze kauN+Da N+yi chos kyi slob dpon gyis lung bstan pa zhes bya ba zhig yod pa de bram ze'i 'khor brgya stong tshad med pa dag dang lhan cig tu bcom ldan 'das la mchod pa byas nas/ bcom ldan 'das kyis yongs su mya ngan las </font><hr>15b<br><font size=+1>


'da' bar gshegs pa bkas bshad pa thos pa dang / mchi ma blags te dus nas mdun du 'phags te bcom ldan 'das kyi zhabs la phyag byas nas bcom ldan 'das la 'di skad ces gsol to/ /gal te de bzhin gshegs pa yang dag par sems can rnams la byams pa dang / thugs rje chen po mnga' ba ste/ thugs brtse bas phan 'dogs shing bde ba thob par mdzad de pha ma lta bur gyur pas gzhan de dang mtshungs pa ma mchis pa dang / 'jig rten thams cad kyi mgon dang / skyabs mdzad pas zla ba yongs su rgyas pa ltar gsal zhing rnam par dag par gyur pa dang / mkhyen pa chen pos gsal bar mdzad pas gdugs dang po shar ba lta bur gyur pa dang / sems can rnams la snyoms par gzigs par mdzad de sgra gcan zin la ji lta ba bzhin du thugs brtse ba la mi snyoms pa mi mnga' ba zhig lags na/ bcom ldan 'das kyis bdag la smon lam gcig gnang bar mdzad du gsol/ de nas de'i tshe bcom ldan 'das cang mi gsung bar gyur pa dang / bcom ldan 'das kyi byin gyis brlabs kyi mthus 'khor de nyid du lits+tsha bI gzhon du sems can thams cad kyis mthong bar dga' ba zhes bya ba zhig 'dug par gyur pa des bram ze kauN+Di N+ya la 'di skad ces smras so/ /kye bram ze chen po/ khyod </font><hr>16a<br><font size=+1>


@#/ /deng bcom ldan 'das las smon lam ji lta bu zhig yongs su gnyer bar 'dod pa bdag gis khyod la sbyin par bya'o/ /bram zes smras pa/ kye gzhon nu| bdag ni bla na med pa'i bcom ldan 'das la mchod pa byed 'dod pas/ deng de bzhin gshegs pa las ring bsrel yungs 'bru tsam zhig gsol ba 'debs pa yin no/ /de ci'i phyir zhe na/ bdag gis sdon rigs kyi bu'am/ rigs kyi bu mo gang la la zhig sangs rgyas kyi ring bsrel yungs 'bru tsam zhig thob nas gus pas rim gro dang| mchod pa byas nas gang zag de sum cu rtsa gsum pa'i lha'i nang du skyes nas lha'i dbang po brgya byin byed par 'gyur ro zhes thos pas so/ /de nas gzhon nu des bram ze de la 'di skad ces smras so/ /gal te sum cu rtsa gsum gyi lhar skyes nas rnam par smin pa mchog la longs spyod par 'dod na/ sems rtse gcig tu gser 'od dam pa mchog tu rnam par rgyal ba mdo sde'i rgyal po mnyan par bya ste/ mdo sde 'di ni mdo sde thams cad kyi nang na mchog tu khyad par du 'phags pa yin pas shes par dka' zhing 'jug par dka' bas nyan thos dang / rang sangs rgyas kyis kyang khong du chud bar mi nus so/ /mdo sde 'di ni bsod nams kyi 'bras bu rnam par smin pa </font><hr>16b<br><font size=+1>


tshad med pa bskyed pa nas bla na med pa'i byang chub kyi bar du'ang mngon par 'grub par byed de/ deng bdag gis khyod la don gyi dngos po mdo tsam zhig bstan pa yin no/ /bram zes smras pa/ gzhon nu legs so/ /gser 'od dam pa'i mdo sde'i rgyal po 'di ni/ shin tu zab cing mchog tu gyur pas shes par yang dka' la/ 'jug par yang dka' bas nyan thos dang / rang sangs rgyas kyis kyang khong du chud par mi 'gyur na bdag cag mtha' 'khob kyi mi dmangs rigs shes pa shin tu phra zhing chung bas rig par mi 'gyur ba lta ci smos te/ de'i phyir deng bdag gis bcom ldan 'das kyi ring bsrel yungs 'bru tsam yongs su gnyer ba yin te/ rang gi gnas su khyer nas rin po che'i za ma tog gi nang du bcug ste gus pas mchod pa dang / rim gro byas na tshe 'das pa'i 'og tu brgya byin lha'i dbang po byas nas rtag par bde ba myong bar 'gyur na/ khyod kyis dong ci'i phyir bdag gi ched du rig pa dang / zhabs su ldan pa la smon lam 'di ci gsol ba 'debs par mi byed/ de skad ces smras pa dang / de'i tshe gzhon nu des bu bram ze de la tshigs su bcad de 'di skad ces smras so/ /gang gA'i 'bab chu drag po las/ /pad+ma dkar po skye 'gyur zhing / /'jol mo dung ltar gyur pa dang / /bya rog dmar por 'gyur ba 'am/ /gal </font><hr>17a<br><font size=+1>


@#/ /te 'dzam bu'i ljon shing las/ /ta la'i 'bras bu chags pa dang / kha rdzud yi yal ga las/ /a mra'i lo ma skye 'gyur pa/ /ya mtshan dngos po 'di dag ni/ /phan tshun rung bar 'gyur srid kyi/ /bcom ldan 'das kyi ring bsrel ni/ /mthar ni nams kyang dmigs mi 'gyur/ /gal te rus sbal spu las ni/ / gos mchog dam pa rab btags nas/ /grang tshe bgo bar rung gyur na/ /bcom ldan ring bsrel btsal bar bya/ /gal te sbrang bu'i rkang pa las/ /khang pa rtseg ma byas 'gyur te/ /rab brtan mi g.yo gyur pa na/ /bcom ldan ring bsrel btsal bar bya/ /gal te chu yi rdza lug /kha nas so dkar skyes gyur nas/ /rin chen mtshon ltar rno gyur pa/ /bcom ldan ring bsrel btsal bar bya/ /gal te ri bong rwa thogs nas/ /them skad rab gtsang mngon bsgrubs te/ /mtho ris gnas su 'dzeg rung na/ /bcom ldan ring bsrel btsal bar bya/ /byi bas them skas de 'dzegs te/ /lha ma yin la bsngo \?\ ba dang / /nam mkha'i zla ba sgrib nus na/ /bcom ldan ring bsrel btsal bar bya/ /gal te sbrang bur \?\ ro nas/ /grong khyer kun tu rab rgyu zhing / /khang khyim rgya cher byas gyur na/ /bcom ldan ring bsrel btsal bar bya/ /gal te bong bu'i mchu yi </font><hr>17b<br><font size=+1>


mdog /bim pa'i 'bras ltar dmar 'gyur zhing / /glu gar la ni mkhas gyur na/ /bcom ldan ring bsrel btsal bar bya/ /gal te bya reg 'ug \?\ pa \?\ gnyis/ /gnas gcig lhan cig rab rtse zhing / /de dag phan tshun mdza' gyur na/ /bcom ldan ring bsrel btsal bar bya/ /gal te pa la'i 'dab ma las/ /gdugs dang bla re mngon bsgrubs te/ /char chen skyabs ni byas gyur na/ /bcom ldan ring bsrel btsal bar bya/ /gal te gru chen thams cad las/ /nor dang rin chen rab bkang ste/ /thang bu skam la 'gro nus na/ / bcom ldan ring bsrel btsal bar bya/ /gal te sbrang bu lcags phye mchus/ /spos kyi ri bo khyer nas ni/ /dga' mgur 'phur zhing 'gro 'gyur na/ /bcom ldan ring bsrel btsal bar bya/ /de nas de'i tshe bram ze chos kyi slob dpon gyis lung bstan pas tshigs su bcad pa 'di dag thos nas/ gzhon nu sems can thams cad kyis mthong bar dga' ba la tshigs su bcad de smras pa/ legs so gzhon nu chen po khyod/ /'khor 'di kun gyi bkra shis yin/ /thabs mkhas pa yi sems kyis ni/ /bla med sangs rgyas lung bstan thob/ /de bzhin gshegs pa'i gzigs chen gyis/ /'jig rten ngag \?\ ni skyob mdzad pas/ /khyod kyis rtse gcig nyon cig dang / /deng bdag rim bzhin bshad par bya/ / </font><hr>18a<br><font size=+1>


@#/ /sangs rgyas spyod yul bsam dka' bas/ /'jig rten dag na mtshungs med pa/ /chos sku ngo bo nyid bzhugs pas/ /rnal 'byor sgom la khyad par med/ /sangs rgyas sku kun mtshungs pas na/ /chos gsungs pa yang de bzhin te/ /sangs rgyas rnams la mdzad mi mnga'/ /gzod ma nyid nas skye ba med/ /bcom ldan rdo rje'i sku yin yang / /thabs kyis sprul pa'i sku ston pas/ /de phyir bcom ldan ring bsrel ni/ /yungs 'bru tsam yang yod ma yin/ /bcom ldan sha khrag sku min na/ /ji ltar ring bsrel yod par 'gyur/ /sems can rnams la phan gdags phyir/ /thabs kyis sku gdung bzhag pa yin/ /chos sku yang dag sangs rgyas pas| |chos dbyings de bzhin gshegs pa yin/ /yang dag sku ni 'di yin pas/ /de 'dra'i chos ni gsungs par mdzad/ /de nas 'khor 'dus pa de nyid du lha'i bu sum khri nyis stong gis de bzhin gshegs pa'i sku tshe'i tshad shin tu ring bar bstan pa thos pas thams cad bla na med pa yang dag par rdzogs pa'i sangs rgyas sems bskyed nas ngo mtshar rmad du byung ba'i dga' ba dang / mgu ba dang / rangs pa thob pas thams cad ma grin gcig tu tshigs su bcad de smras pa/ sangs rgyas </font><hr>18b<br><font size=+1>


mya ngan mi 'da' ste/ /yang dag chos kyang nub mi 'gyur/ /sems can rnams la phan gdags phyir/ /mya ngan 'da' bar bstan pa yin/ /bcom ldan bsam gyis mi khyab cing / /sku mchog tha dad mtshan med kyang / /sems can rnams la phan gdags phyir/ /bkod pa sna tshogs ston par mdzad/ /de nas byang chub sems dpa' mdzes pa'i tog gis bcom ldan 'das kyi spyan sngar de bzhin gshegs pa bzhi dang / skyes bu chen po gnyis dang / lha'i bu rnams las de bzhin gshegs pa shAkya thub pa'i sku tshe'i tshad bstan pa mngon sum du thos pa yang 'dug pa'i stan las langs te/ thal mo sbyar nas gus pas bcom ldan 'das la 'di skad ces gsol to/ /bcom ldan 'das/ gal te yang dag par 'di ltar de bzhin gshegs pa rnams yongs su mya ngan las mi 'da' zhing ring bsrel yang mi mnga' ba zhig lags na/ ci'i slad du mdo sde las yongs su mya ngan las 'da' ba dang / sangs rgyas la ring bsrel mnga' bar gsungs shing lha dang / mi rnams kyis rim gro dang / bkur sti dang / mchod pa bgyid par 'gyur ba'i ched du 'das pa'i sangs rgyas rnams kyis kyang sku gdung mnga' bar bstan cing 'jig rten na bzhag pas lha dang / mi rnams kyis mchod cing rim gro </font><hr>19a<br><font size=+1>


@#/ /bgyis na bsod nams dpag tu ma mchis pa thob par 'gyur ro zhes gsungs la/ deng ni ma mchis so zhes gsungs pas the tshom dang / som nyi 'tshal bar 'gyur na/ bcom ldan 'das/ bdag cag la thugs brtse bar dgongs te rgya cher rnam par dbye bar gsol/ de nas bcom ldan 'das kyis byang chub sems dpa' mdzes pa'i tog dang / 'khor mang po rnams la bka' stsal pa/ khyed kyis 'di ltar shes par bya ste/ yongs su mya ngan las 'da' zhing ring bsrel yod do zhes gsungs pa ni dgongs pa'i dbang gis gsungs pa yin pas 'di ltar de'i don gang yin pa sems rtse gcig tu nyon cig /rigs kyi bu/ byang chub sems dpa' sems dpa' chen po rnams kyis 'di ltar chos rnam pa bcus de bzhin gshegs pa dgra bcom pa yang dag par rdzogs pa'i sangs rgyas kyi de kho na nyid kyi tshul gyis mthar phyin pa'i mya ngan las 'das pa chen po yod par gsungs pa gang yin pa shes par 'gyur bar rig par bya'o/ /bcu gang zhe na/ dang po ni de bzhin gshegs pa rnams nyon mongs pa'i sgrib pa dang / shes bya'i sgrib pa ma lus par spangs shing zad pa'i phyir yongs su mya ngan las 'das pa zhes bya'o/ /gnyis pa ni de bzhin </font><hr>19b<br><font size=+1>


gshegs pa rnams sems can ngo bo nyid med pa dang / chos ngo bo nyid med par legs par thugs su chud pa'i phyir yongs su mya ngan las 'das pa zhes bya'o/ /gsum pa ni lus kyi gnas dang / chos kyi gnas yongs su gyur pa'i phyir yongs su mya ngan las 'das pa zhes bya'o/ /bzhi pa ni sems can rnams la don mdzad pa'i rgyu dang / rkyen rang gi ngang \?\ gis nye bar zhi bar gyur pa'i phyir yongs su mya ngan las 'das pa zhes bya'o/ /lnga pa ni de kho na nyid kyi mtshan nyid tha dad med pa mnyam pa nyid kyi chos kyi sku mngon sum du brnyes pa'i phyir yongs su mya ngan las 'das pa zhes bya'o/ /drug pa ni 'khor ba dang / mya ngan las 'das pa la ngo bo nyid gnyis su med par thugs su chud pa'i phyir yongs su mya ngan las 'das pa zhes bya'o/ /bdun pa ni chos thams cad kyi rtsa ba thugs su chud nas rnam par dag pa mngon sum du gyur pa'i phyir yongs su mya ngan las 'das pa zhes bya'o/ /brgyad pa ni chos thams cad la skye ba med cing 'grag pa med par rnal 'byor legs par bsgoms pa'i phyir yongs su mya ngan las 'das pa zhes bya'o/ /dgu pa ni de bzhin nyid dang / chos kyi dbyings dang / yang dag pa'i mtha' mnyam pa nyid kyi yang dag pa'i mtha'i ye shes brnyes pa'i phyir yongs su </font><hr>20a<br><font size=+1>


@#/ /mya ngan las 'das pa zhes bya'o/ /bcu pa ni chos rnams kyi ngo bo nyid dang / mya ngan las 'das pa'i ngo bo nyid la bye brag med pa brnyes pa'i phyir yongs su mya ngan las 'das pa zhes bya ste/ rigs kyi bu/ 'di dag ni yongs su mya ngan las 'das pa yod par bstan pa'i chos rnam pa bcu zhes bya'o/ /gzhan yang rigs kyi bu/ byang chub sems dpa' sems dpa' chen po rnams kyis 'di ltar yang chos rnam pa bcus de bzhin gshegs pa dgra bcom pa yang dag par rdzogs pa'i sangs rgyas kyi de kho na nyid kyi don gyi tshul gyis mthar phyin pa'i yongs su mya ngan las 'das pa chen po yod par gsungs pa gang yin pa shes par 'gyur bar rig par bya'o/ /bcu gang zhe na/ dang po ni nyon mongs pa thams cad ni 'dod pas gzhi byas pa yin pas 'dod pa las skyes pa yin la sangs rgyas bcom ldan 'das rnams ni 'dod pa yongs su bcad pa'i phyir yongs su mya ngan las 'das pa zhes bya'o/ /gnyis pa ni de bzhin gshegs pa rnams nyon mongs pa'i 'dod pa rnams yongs su bcad pas chos 'ga' yang len par mi mdzad la/ len par mi mdzad pa'i phyir gshegs pa'ang mi mnga' byon pa yang mi mnga' zhing len pa mi mnga' </font><hr>20b<br><font size=+1>


pa'i phyir yongs su mya ngan las 'das pa zhes bya'o/ /gsum pa ni 'di ltar de bzhin gshegs pa la gshegs pa dang / byon pha mi mnga' zhing len pa mi mnga' ba gang yin pa de ni chos kyi sku skye ba med cing 'gag pa med pa yin pas skye ba dang / 'gag pa med par gyur pa'i phyir yongs su mya ngan las 'das pa zhes bya'o/ /bzhi pa ni skye ba dang / 'gag pa med pa gang yin pa de ni tshig gis brjod par bya ba ma yin te tshig gi lam yongs su chad par gyur ba'i phyir yongs su mya ngan las 'das pa zhes bya'o/ /lnga pa ni bdag dang / gang zag med kyi chos tsam 'ba' zhig skye 'gag tu gyur pa'i gnas su gyur pa brnyes pa'i phyir yongs su mya ngan las 'das pa zhes bya'o/ /drug pa ni nyon mongs pa dang / nye ba'i nyon mongs pa gang yin pa de dag thams cad ni glo bur gyi rdul yin la chos nyid gang yin pa de ni bdag po yin te/ 'gro ba med cing 'ong ba med par sangs rgyas rnams kyis thugs su chud pa'i phyir yongs su mya ngan las 'das pa zhes bya'o/ /bdun pa ni de bzhin nyid gang yin pa de ni yang dag pa yin la gzhan thams cad ni yang dag pa ma yin pas yang dag pa'i ngo bo nyid gang yin pa de ni de bzhin nyid yin la/ de bzhin nyid kyi ngo bo nyid gang yin pa de ni de bzhin gshegs pa yin pas yongs </font><hr>21a<br><font size=+1>


@#/ /su mya ngan las 'das pa zhes bya'o/ /brgyad pa ni yang dag pa'i mtha'i ngo bo nyid gang yin pa de la ni spros pa med de/ de bzhin gshegs pa nyag cig gis yang dag pa'i mtha'i chos mngon sum du gyur nas spros pa gtan du bcad pas na/ yongs su mya ngan las 'das pa zhes bya'o/ /dgu pa ni skye ba med pa gang yin pa de ni yang dag pa yin la/ skye ba gang yin pa de ni mi bden pa yin pas byis pa blun po rnams 'khor bar bying zhing 'dod pas khyer ba yin no/ de bzhin 
 pa'i sku la ni yang dag par mi bden pa mi mnga' bas yongs su mya ngan las 'das pa zhes bya'o/ /bcu pa ni yang dag pa'i chos ma yin pa gang yin pa de ni rkyen las byung ba yin la/ yang dag pa'i chos gang yin pa de ni rkyen las byung ba ma yin te/ de bzhin gshegs pa'i chos kyi sku'i ngo bo nyid gang yin pa de ni yang dag pa yin pas yongs su mya ngan las 'das pa zhes bya'o/ /rigs kyi bu/ 'di dag ni yongs su mya ngan las 'das pa yod par bstan pa'i chos rnam pa bcu zhes bya'o/ / gzhan yang / rigs kyi bu/ byang chub sems dpa' sems dpa' chen po rnams kyi 'di ltar yang chos rnam pa bcus de bzhin gshegs pa yang dag par rdzogs </font><hr>21b<br><font size=+1>


pa'i sangs rgyas kyi de kho na nyid kyi don gyi tshul gyis mthar phyin pa'i mya ngan las 'das pa chen po yod par gsungs ba gang yin par shes par 'gyur bar rig par bya'o/ / bcu gang zhe na/ dang po ni de bzhin gshegs pas sbyin pa dang / sbyin pa'i 'bras bu la bdag dang / bdag gi ba med par legs par thugs su chud pas sbyin pa dang / sbyin pa'i 'bras bu de la log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /gnyis pa ni de bzhin gshegs pas tshul khrims dang / tshul khrims kyi 'bras bu bdag dang / bdag gi ba med par legs par thugs su chud pas tshul khrims dang / tshul khrims kyi 'bras bu de la 
 par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /gsum pa ni de bzhin gshegs pas bzod pa dang / bzod pa'i 'bras bu la bdag dang / bdag gi ba med par legs par thugs chud pas bzod pa dang / bzod pa'i 'bras bu de la log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /bzhi pa ni de bzhin gshegs pas brtson 'grus dang / brtson 'grus kyi 'bras bu la bdag dang / bdag gi ba med </font><hr>22a<br><font size=+1>


@#/ /par thugs su chud pas brtson 'grus dang / brtson 'grus kyi 'bras bu de la log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /lnga pa ni de bzhin gshegs pas bsam gtan dang / bsam gtan gyi 'bras bu la bdag dang / bdag gi ba med par thugs su chud pas bsam gtan dang / bsam gtan gyi 'bras bu de la log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /drug pa ni de bzhin gshegs pas shes rab dang / shes rab kyi 'bras bu la bdag dang / bdag gi ba med par legs par thugs su chud pas shes rab dang / shes rab kyi 'bras bu de la log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /bdun pa ni de bzhin gshegs pas sems can dang \?\ sems can ma yin pa thams cad dang / chos thams cad la ngo bo nyid med pa thugs su chud pas log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /brgyad pa ni gang gis bdag nyid la sred cing mngon par zhen pa de ni yongs su tshol bar byed pa la </font><hr>22b<br><font size=+1>


yongs su tshol ba'i phyir ni sdug bsngal mang po myong bar 'gyur ba yin na/ de bzhin gshegs pa rnams ni bdag nyid la sred pa spangs pa'i phyir yongs su tshol ba gtan du bcad de yongs su tshol ba mi mnga' ba'i phyir yongs su mya ngan las 'das pa zhes bya'o/ /dgu pa ni 'dus byas kyi chos thams cad ni grangs dang / tshad yod pa yin la 'dus ma byas kyi chos gang yin pa de ni grangs dang| tshad spangs pa yin te/ de bzhin gshegs pa ni 'dus byas spangs shing 'dus ma byas kyi chos mngon du mdzad pas grangs dang / tshad mi mnga' ba'i phyir yongs su mya ngan las 'das pa zhes bya'o/ /bcu pa ni de bzhin gshegs pas sems can dang / chos kyi ngo bo nyid thams cad stong zhing stong pa nyid las gud na stong pa'i ngo bo nyid yod pa ma yin pa gang yin pa de nyid la yang dag pa'i chos kyi sku yin par thugs su chud pa'i phyir yongs su mya ngan las 'das pa zhes bya ste/ rigs kyi bu/ 'di dag ni mya ngan las 'das pa yod par bstan pa'i chos rnam pa bcu zhes bya'o/ /gzhan yang / rigs kyi bu/ de bzhin gshegs pa yongs su mya ngan las mi 'da' ba gang yin pa de'ang ci ngo mtshar rmad du byung ba ma yin nam/ gzhan yang / ngo mtshar gyi chos rnam pa bcu dang ldan pa de ni de </font><hr>23a<br><font size=+1>


@#/ /bzhin gshegs pa'i mdzad pa yin te/ bcu gang zhe na/ 'khor ba ni nyes dmigs dang bcas pa yin la/ mya ngan las 'das pa la ni nye bar zhi ba yin yang 'khor ba dang / mya ngan las 'das pa mnyam pa nyid du mkhyen pa'i phyir 'khor bar mi gnas par yang mi 'gyur la mya ngan las 'das pa la gnas par yang mi mdzad pas sems can rnams la yongs su skyo ba mi skyed pa gang yin pa de ni de bzhin gshegs pa'i mdzad pa zhes bya'o/ /de bzhin gshegs pa ni sems can rnams la 'di snyam du byis pa so so'i skye bo 'di dag ni/ phyin ci log gi lta ba spyod pas nyon mongs pa rnams kyis dkris shing nyon mongs par gyur pas/ ngas deng rnam par phye ste khong du chud par byas nas rnam par thar bar bya'o snyam du mi dgongs mod kyi/ 'on kyang sngon gyi byams pa'i dge ba'i rtsa ba'i mthus sems can de dag gi dbang po dang / rang bzhin dang / bsam pa dang / mos pa ji lta ba bzhin du rnam par rtog pa mi bskyed par yang rang gi ngang gis yongs su sgrol bar mdzad cing phyi ma'i mthar thug pa'i bar du yang dag pa'i bstan pa bshad nas phan 'dogs shing dga' bar mdzad pa la mtha' thug pa med pa gang yin pa de ni/ de bzhin gshegs pa'i mdzad </font><hr>23b<br><font size=+1>


ba \?\ zhes bya'o/ /de bzhin gshegs pa la ngas deng gsung rab yan lag bcu gnyis pa bstan nas sems can la phan 'dogs par bya'o snyam pa'i dgongs pa mi mnga' mod kyi/ 'on kyang sngon gyi byams pa'i dge ba'i rtsa ba'i mthus phyi ma'i mthar thug pa'i bar du sems can de dag la rgya cher bstan pa mdzad pa la mthar thug pa med pa gang yin pa de ni/ de bzhin gshegs pa'i mdzad pa zhes bya'o/ /de bzhin gshegs pa la ngas deng grong dang / grong khyer dang / grong rdal de dag du song ste rgyal po dang / blon po chen po dang / bram ze dang / rgyal rigs dang / dmangs rigs la sogs pa'i pho brang dang / khyim dag tu bsod snyoms bslang bar bya'o snyam pa'i dgongs pa mi mnga' mod kyi/ 'on kyang sngon sku dang / gsung dang / thugs kyi spyod pa goms par gyur pa'i mthus rang gi ngang gis de dag tu gshegs nas phan pa'i dngos po mdzad cing bsod snyoms slong ba gang yin pa de ni/ de bzhin gshegs pa'i mdzad ba zhes bya'o/ /de bzhin gshegs pa'i sku la bkres pa dang / skom pa dang / bshang gci dang / nyam chung ba'i mtshan ma yang mi mnga' la bsod snyoms slong bar mdzad kyang bshos gsol ba mi mnga' zhing rnam par rtog pa'ang mi mnga' mod kyi/ 'on kyang rang gi ngang </font><hr>24a<br><font size=+1>


@#/ /gis sems can rnams la phan gdags pa'i phyir bshos gsol ba mnga' ba'i mtshan ma ston pa gang yin pa de ni/ de bzhin gshegs pa'i mdzad pa zhes bya'o/ /de bzhin gshegs pa la sems can mang po 'di dag la rab dang / 'bring dang / tha ma yod pa de dag gi dbang po dang / rang bzhin ji lta ba bzhin chos bstan par bya'o snyam pa'i dgongs pa mi mnga' mod kyi/ 'on kyang sangs rgyas bcom ldan 'das rnam par rtog pa mi mnga' bar yang de dag gi snod dang / dbang po'i skyon ji lta ba bzhin du shin tu 'tsham par de dag la chos ston par mdzad pa gang yin pa de ni/ de bzhin gshegs pa'i mdzad pa zhes bya'o/ /de bzhin 
 pa la sems can 'di dag ni nga la bkur sti dang / rim gro mi byed cing rtag par nga la smod pa'i tshig 'byin par byed pas de dag lhan cig tu gtam smra bar mi bya'o/ /
 can 'di dag ni nga la bkur sti dang / rim gro byed cing rtag par nga'i bsngags pa brjod par byed pas ngas de dag dang / lhan cig tu gtam smra bar bya'o snyam pa'i dgongs pa mi mnga' mod kyi/ 'on kyang de bzhin gshegs pas byams pa dang / thugs rje'i dgongs pa mnyam pa bskyed nas gnyis su med par gyur pa gang yin pa de ni/ de </font><hr>24b<br><font size=+1>


bzhin gshegs pa'i mdzad pa zhes bya'o/ /de bzhin gshegs pa rnams byams sdang dang / nga rgyal dang / 'dod pa dang / ser sna dang / nyon mongs pa rnams mi mnga' mod kyi/ 'on kyang de bzhin gshegs pa rtag par rab tu dben pa la dgyes shing 'dod pa chung ba dang / 'du 'dzi spangs pa la bsngags pa brjod par mdzad pa gang yin pa de ni/ de bzhin gshegs pa'i mdzad pa zhes bya'o/ /de bzhin gshegs pa ni chos gcig tsam yang mi mkhyen pa'am/ legs par thugs su ma chud pa mi mnga' bas thams cad du me long lta bu'i ye shes mngon sum du gyur cing rnam par rtog pa mi mnga' mod kyi/ 'on kyang de bzhin gshegs pas sems can de dag gi las kyi dngos po mngon par 'du byed pa gzigs nas de dag gi yid dang mthun par 'jug cing thabs mkhyen pas drangs te/ nges par 'byung ba thob par mdzad pa gang yin pa de ni| de bzhin gshegs pa'i mdzad pa zhes bya'o/ /de bzhin gshegs pa la ni gal te sems can kha cig phyug cing longs spyod dang ldan par gyur pa gzigs na'ang dgyes pa skye bar mi 'gyur la/ de dag rgud cing phongs par gyur pa gzigs na'ang yongs su gdung ba skye bar mi 'gyur mod kyi/ 'on kyang de bzhin gshegs pas sems can de </font><hr>25a<br><font size=+1>


@#/ /dag yang dag pa'i spyod pa mngon par bsgrubs pa gzigs par gyur nas thogs pa mi mnga' ba'i thugs rje chen pos rang gi ngang gis yongs su skyob cing sdud par mdzad pa dang / gal te sems can de dag log pa'i spyod pa mngon par bsgrubs pa gzigs par gyur na thogs pa mi mnga' ba'i thugs rje chen pos rang gi ngang gis yongs su skyob cing sdud par mdzad pa gang yin pa de ni/ de bzhin gshegs pa'i mdzad pa zhes bya'o/ /rigs kyi bu/ de ltar na de bzhin 
 pa dgra bcom pa yang dag par rdzogs pa'i sangs rgyas ni de lta bu'i yang dag pa'i mdzad pa dpag tu med pa mnga' bar ston pa yin par rig par bya zhing khyod kyis 'di dag yongs su mya ngan las 'das pa'i yang dag pa'i mtshan nyid yin par rig par bya'o/ /res 'ga' yongs su mya ngan las 'das pa yod par mthong ba gang yin pa de'ang thabs mkhyen pas bstan pa yin la ring bsrel bzhag nas sems can rnams kyis bkur sti dang / rim gro byas te mchod pa byed par 'gyur ba'ang / de bzhin gshegs pa'i byams pa'i dge ba'i rtsa ba'i mthu las gyur pa yin pas gang gis mchod pa byas pa de dag ma 'ongs pa'i dus na/ mi khom pa brgyad dang bral </font><hr>25b<br><font size=+1>


zhing de bzhin gshegs pa rnams la bsnyen bkur byed pa dang / dge ba'i bshes \?\ gnyen dang phrad nas dge ba'i sems stor bar mi 'gyur ba dang / bsod nams kyi rnam par smin pa dpag tu med pa dang ldan zhing myur du nges par byung nas 'khor ba dag gis blangs shing 'ching bar mi 'gyur bas 'di lta bu'i spyod pa gya nom pa gang yin pa de khyod kyis nan tan gyis bsgrub par bya zhing bag med bar mi bya'o/ /de nas byang chub sems dpa' mdzes pa'i tog gis bcom ldan 'das la mngon sum du yongs su mya ngan las mi 'da' ba dang / shin tu zab pa'i mdzad pa bkas bshad pa thos nas gus pas thal mo sbyar nas/ 'di skad ces/ bdag ni deng gdod de bzhin 
 pa chen po yongs su mya ngan las mi 'da' ba dang / ring bsrel bzhag pa'ang sems can rnams la sman par bgyi ba lags par khong du chud pas lus dang / sems dga' mgu rangs shing ngo mtshar rmad du gyur to zhes gsol to/ /de bzhin gshegs pa'i sku tshe'i tshad bstan pa'i le'u 'di bstan pa na/ sems can tshad med 
 med dpag tu med pa snyed mi mnyam pa dang / mnyam pa'i bla na med pa yang dag par rdzogs pa'i byang chub tu sems bskyed par gyur to/ /de bzhin gshegs pa </font><hr>26a<br><font size=+1>


@#/ /bzhi po yang de nyid du mi snang bar gyur to/ /byang chub sems dpa' mdzes pa'i tog kyang bcom ldan 'das kyi zhabs la phyag btsal nas 'dug pa'i stan las langs te slar sngon gyi gnas su song ngo / /gser 'od dam pa mchog tu rnam par rgyal ba mdo sde'i dbang po'i rgyal po las/ de bzhin gshegs pa'i sku tshe'i tshad bstan pa'i le'u ste gnyis pa'o// //gser 'od dam pa mchog tu rnam par rgyal ba mdo sde'i rgyal po/ bam po gnyis pa/ de nas byang chub sems dpa' sems dpa' chen po nam mkha'i snying po 'khor mang po'i nang nas 'dug pa'i stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te gus pas thal mo sbyar nas/ bcom ldan 'das kyi zhabs la mgo bos phyag byas te gser dang / rin po che'i me tog dang / rin po che'i rgyal mtshan dang / ba dan dang / gdugs mchog dam pas mchod pa byas nas/ bcom ldan 'das la 'di skad ces gsol to/ /bcom ldan 'das/ byang chub sems dpa' sems dpa' chen pos/ ji ltar de bzhin gshegs pa rnams kyi shin tu zab pa'i gsang ba dag la chos bzhin du mngon par bsgrub par bgyi lags/ bcom </font><hr>26b<br><font size=+1>


ldan 'das kyis bka' stsal pa/ rigs kyi bu/ legs par nyon la yid la zungs shig dang / ngas khyod la rnam par phye \?\ ste bstan par bya'o/ /rigs kyi bu/ de bzhin gshegs pa thams cad la sku rnam pa gsum mnga' ste/ gsum gang zhe na/ sprul pa'i sku dang / longs spyod rdzogs pa'i sku dang / chos kyi sku gang yin pa'o/ /'di ltar sku rnam pa gsum po 'di dag gis ni bla na med pa yang dag par rdzogs pa'i byang chub phun sum tshogs pa yongs su sdud par byed de/ gang gis yang dag par rtogs shing khong du chud par gyur na/ myur du 'khor ba las nges par 'byung bar 'gyur ro/ /byang chub sems dpa' ji ltar sprul pa'i sku khong du chud par bya zhe na/ rigs kyi bu/ de bzhin gshegs pa ni sngon gyi spyod pa'i sa la gnas pa na/ sems can thams cad kyi ched du chos rnam pa sna tshogs mngon par bsgrubs so/ /de ltar mngon par bsgrubs pa'ang rnal 'byor yongs su rdzogs pa'i bar du mngon par bsgrubs pas rnal 'byor bsgoms pa'i stobs kyis ni mnga' chen po brnyes la/ mnga' chen po brnyes pa'i mthus ni sems can gyi bsam pa ji lta ba dang / sems can gyi spyod pa ji lta ba dang / sems can gyi khams ji lta ba bzhin du thugs su chud pas dus la'ang mi gzhes shing / dus dang / gnas </font><hr>27a<br><font size=+1>


@#/ /las kyang yol bar mi mdzad pas dus dang mthun zhing spyod pa dang mthun par rjes su mthun pa'i chos ston pa dang / sku rnam pa sna tshogs ston pa gang yin pa de ni sprul pa'i sku zhes bya'o/ /rigs kyi bu/ byang chub sems dpas ji ltar longs spyod rdzogs pa'i sku khong du chud par bya zhe na/ 'di ltar de bzhin gshegs pa rnams byang chub sems dpa' rnams kyis mngon par rtogs pa thob par bya ba'i phyir dang / don dam pa'i bden pa bstan nas 'khor ba dang / mya ngan las 'das pa ro gcig pa nyid du shes par bya ba'i phyir dang / 'jig tshogs la lta ba yongs su bsal nas 'jigs shing skrag pa dang / rab tu dga' ba bskyed pa'i phyir dang / sangs rgyas kyi chos mtha' med pa'i gzhi mdzad pa'i phyir dang / yang dag pa ji lta ba bzhin du de bzhin nyid dang / de bzhin nyid kyi ye shes dang / sngon gyi smon lam gyi stobs dang rjes su mthun par mdzad pa'i phyir sku gang gis mtshan sum cu rtsa gnyis dang / dpe byad bzang po brgyad cu phun sum tshogs pa dang / dbu dang / rgyab kyi 'od yongs su rdzogs pa ston pa gang yin pa de ni longs spyod rdzogs pa'i sku zhes bya'o/ /rigs kyi bu/ byang chub sems dpa' sems dpa' chen </font><hr>27b<br><font size=+1>


pos ji ltar chos kyi sku khong du chud par bya zhe na/ nyon mongs pa'i sgrib pa la sogs pa yongs su bsal nas dge ba'i chos rnams yongs su rdzogs par gyur pa'i phyir de bzhin nyid kyi ye shes kho na nyid dang ldan par gyur pa gang yin pa de ni chos kyi sku zhes bya'o/ /sku snga ma rnam pa gnyis ni btags pa tsam du yod pa yin la/ sku gsum pa 'di ni yang dag par yod pa yin te/ sku snga ma gnyis kyi rtsa bar gyur pa'i phyir ro/ /de ci'i phyir zhe na/ chos kyi de bzhin nyid dang / rnam par mi rtog pa'i ye shes ma gtogs par sangs rgyas thams cad las gud na chos gzhan mi mnga' ste/ sangs rgyas thams cad ni mkhyen pa phun sum tshogs par gyur na nyon mongs pa thams cad gtan du nye bar zhi zhing zad nas sangs rgyas kyi sa rnam par dag pa brnyes par 'gyur bas/ de'i phyir chos kyi de bzhin nyid dang / de bzhin nyid kyi ye shes ni sangs rgyas kyi chos thams cad yongs su sdud par 'gyur ro/ /gzhan yang / rigs kyi bu/ sangs rgyas thams cad ni bdag dang / gzhan la phan 'dogs pa'i mthar byon pa yin pas/ bdag la phan 'dogs pa ni chos gyi de bzhin nyid do/ /gzhan la phan 'dogs pa ni de bzhin nyid kyi ye shes so/ /bdag dang / gzhan la phan 'dogs par mdzad pa la mnga' brnyes nas </font><hr>28a<br><font size=+1>


@#/ /mdzad pa mtha' yas pa rnam pa sna tshogs yongs su rdzogs par gyur pa'i phyir de lta bas na sangs rgyas kyi chos thams cad bye brag tha dad pa rnam pa sna tshogs tshad med cing mtha' med pa snyed yod par rnam par phye ba yin no/ /rigs kyi bu/ 'di lta ste/ dper na/ yang dag pa ma yin pa'i rnam par rtog pa la brten nas nyon mongs pa rnam pa sna tshogs dang / las kyi rgyu rnam pa sna tshogs dang / 'bras bu rnam par smin pa rnam pa sna tshogs bstan pa de bzhin du chos kyi de bzhin nyid dang / de bzhin nyid kyi ye shes la brten nas kyang sangs rgyas kyi chos rnam pa sna tshogs dang / rang sangs rgyas kyi chos rnam pa sna tshogs dang / nyan thos kyi chos rnam pa sna tshogs ston pa mdzad do/ /chos kyi de bzhin nyid dang / de bzhin nyid kyi ye shes la brten nas sangs rgyas kyi chos thams cad la rang dbang thob nas phun sum tshogs par 'gyur bas 'di ni mchog tu bsam gyis mi khyab pa zhes bya'o/ /'di lta ste/ dper na/ nam mkha' la ri mo bris te rgyan du byed pa gang yin pa de ni bsam gyis mi khyab pa yin no/ /de bzhin du chos kyi de bzhin nyid dang / de bzhin nyid kyi ye shes la brten nas sangs rgyas kyi chos yongs su rdzogs par byed pa yang </font><hr>28b<br><font size=+1>


bsam gyis mi khyab pa yin no/ /rigs kyi bu/ ji ltar na chos kyi de bzhin nyid dang / de bzhin nyid kyi ye shes gnyis las rnam par rtog pa mi mnga' par yang rang gi ngang \?\ gis mdzad pa'i dngos po dag phun sum tshogs par 'gyur zhe na/ rigs kyi bu/ 'di lta ste/ dper na/ de bzhin gshegs pa yongs su mya ngan las 'das par smon lam la mnga' brnyes pa'i phyir mdzad pa'i dngos po rnam pa sna tshogs phun sum tshogs par 'gyur ba de bzhin du chos kyi de bzhin nyid dang / de bzhin nyid kyi ye shes mdzad pa'i dngos po de dag yongs su grub pa la mnga' brnyes pa'ang de bzhin no/ /gzhan yang / byang chub sems dpa' sems dpa' chen po rnams sems med pa'i ting nge 'dzin la snyoms par 'jug kyang sngon gyi smon lam la brten nas ting nge 'dzin las langs te bya ba mang po rnams la mngon par 'du byed do/ /de bzhin du chos gnyis po dag la rnam par rtog pa mi mnga' bar yang rang gi ngang gis mdzad pa dag yongs su rdzogs par 'gyur ro/ /rigs kyi bu/ 'di lta ste/ dper na/ nyi ma dang / zla ba la'ang rnam par rtog pa med/ chu dang / me long la'ang rnam par rtog pa med/ 'od snang ba la'ang rnam par rtog pa med mod kyi/ 'on kyang gsum 'dus pa las gzugs brnyan 'byung </font><hr>29a<br><font size=+1>


@#/ /bar 'gyur ro/ /de bzhin du chos kyi de bzhin nyid dang / de bzhin nyid kyi ye shes la'ang rnam par rtog pa mi mnga' mod kyi/ 'od kyang smon lam la mnga' brnyes pa'i phyir sems can skal ba dang ldan pa dag la longs spyod rdzogs pa dang / sprul pa'i sku nyi zla'i gzugs brnyan 'dus pa las snang ba bzhin du ston par mdzad do/ /gzhan yang / rigs kyi bu/ 'di lta ste/ dper na/ tshad med dpag tu med pa'i chu dang / me long dag 'od snang ba la brten pa'i phyir nam mkha' la 
 brnyan mtshan ma tha dad pa rnam pa sna tshogs ston par byed kyang nam mkha' ni mtshan ma med pa nyid do/ /rigs kyi bu/ de bzhin du slob ma rnams 'dul ba gang yin pa de ni chos kyi sku'i gzugs brnyan yin te/ smon lam gyi mthus sku rnam pa gnyis la mtshan ma rnam pa sna tshogs snang yang chos kyi sku la ni tha dad pa'i mtshan ma mi mnga'o/ /rigs kyi bu/ sku gnyis po de dag la brten nas ni sangs rgyas thams cad kyis lhag ma dang bcas pa'i mya ngan las 'das pa bstan to/ /chos kyi sku de la brten nas ni lhag ma med pa'i mya ngan las 'das pa bstan to/ /de ci'i phyir zhe na/ chos gzhan thams cad ni mthar zad par 'gyur ba'i phyir ro/ /sku gsum po 'di </font><hr>29b<br><font size=+1>


dag la brten nas ni sangs rgyas thams cad kyi mi gnas pa'i mya ngan las 'das pa bstan to/ /sku gnyis kyi phyir mya ngan las 'das pa la mi gnas te/ chos kyi sku las gud na'ang sangs rgyas gzhan med pas so/ /ci'i phyir sku gnyis mya ngan las 'das pa la mi gnas she na/ sku gnyis po de dag ni btags pa tsam ste/ yang dag pa ma yin pas skad cig mar skye zhing 'gag pa dang bcas pas nges par mi gnas pa'i phyir dang / yang dang / yang du 'byung zhing nges pa med pa'i phyir ro/ /chos kyi sku ni de lta ma yin pas de'i phyir sku gnyis po mya ngan las 'das pa la mi gnas so/ /chos kyi sku ni gnyis su med pas de'i phyir mya ngan las 'das pa la mi gnas te/ de lta bas na sku gsum po de dag la brten nas mi gnas pa'i mya ngan las 'das pa bstan pa yin no/ /rigs kyi bu/ so so'i skye bo thams cad ni mtshan nyid gsum dang ldan pa'i phyir 'ching ba dang bcas shing sgrib pa dang bcas pas sku gsum po dag thag ring spong zhing sku gsum po dag dang nye bar mi 'gyur ro/ /gsum gang zhe na/ kun tu btags pa'i mtshan nyid dang / gzhan gyi dbang las byung ba'i mtshan nyid dang / yongs su grub pa'i mtshan nyid do/ /'di ltar mtshan nyid 'di dag yongs su ma shes pa'i phyir dang / zhi bar ma </font><hr>30a<br><font size=+1>


@#/ /gyur pa'i phyir \?\ yongs su ma dag pa'i phyir te/ de lta bas na sku gsum po dag dang nye bar ma gyur pa yin no/ /'di ltar mtshan nyid gsum po dag shes shing nye bar zhi ba dang / yongs su dag par gyur pa'i phyir de lta bas na sangs rgyas bcom ldan 'das sku gsum dang ldan par gyur pa yin no/ /rigs kyi bu/ byis pa so so'i skye bo rnams ni sems rnam pa gsum po 'di dag ma spangs pa'i phyir sku gsum po dag thag ring du spangs nas nye bar mi 'gyur ba yin no/ /gsum gang zhe na/ bya ba slong ba'i sems dang / rtsa ba la brten pa'i sems dang / rtsa ba'i sems gang yin pa'o/ /thul bar byed pa'i lam rnams la brten nas ni bya ba slong ba'i sems zad par 'gyur ro/ /chos kyis slong ba'i lam la brten nas ni rtsa ba la rten pa'i sems zad par 'gyur ro/ /mchog tu 'gyur ba'i lam la brten nas ni rtsa ba'i sems zad par 'gyur ro/ /bya ba slong ba'i sems nye bar zhi bar gyur pa'i phyir ni sprul pa'i sku ston par 'gyur ro/ /rtsa ba la brten pa'i sems nye bar zhi bar gyur pa'i phyir ni longs spyod rdzogs pa'i sku ston par 'gyur ro/ /rtsa ba'i sems nye bar zhi bar gyur pa'i phyir ni chos kyi sku 'thob par 'gyur bas de'i phyir de bzhin </font><hr>30b<br><font size=+1>


gshegs \?\ pa thams cad sku gsum dang ldan par gyur pa yin no/ /rigs kyi bu/ sangs rgyas thams cad ni sku dang po'i dbang gis sangs rgyas rnams dang mdzad pa 
 pa \?\ dang / sku gnyis pa'i dbang gis sangs rgyas rnams dang dgongs pa mtshungs pa dang / sku gsum pa'i dbang gis sangs rgyas rnams dang sku mtshungs par gyur pa yin no| |rigs kyi bu/ sangs rgyas rnams kyi sku dang po gang yin pa de ni sems can gyi mos pa'i rjes su rnam pa mang po dang ldan pa'i phyir mtshan nyid sna tshogs ston par mdzad pas de'i phyir mang por bstan pa yin no/ /sangs rgyas kyi sku gnyis pa gang yin pa de ni slob ma rnams yid gcig tu gyur pa'i phyir mtshan nyid gcig kho na ston par mdzad pas de'i phyir gcig tu bstan pa yin no/ /sangs rgyas kyi sku gsum pa gang yin pa de ni mtshan ma gnyis kyis rnam pa thams cad kun tu khyab cing mtshan nyid du 'dzin pa'i spyod yul ma yin pas na de'i phyir gcig pa'ang ma yin/ tha dad pa'ang ma yin pa zhes bya'o/ /rigs kyi bu/ dang po gang yin pa de ni longs spyod rdzogs pa'i sku la brten nas rab tu snang bar 'gyur ro/ /sku gnyis pa gang yin pa de ni chos kyi sku la brten nas snang bar 'gyur ro/ /chos kyi sku gang yin pa de ni yang dag par yod pa ma yin pas rten </font><hr>31a<br><font size=+1>


@#/ /pa'i gnas ci'ang mi mnga'o/ /rigs kyi bu/ 'di ltar chos gsum po de dag ni rtag pa'i don dang ldan pa'i phyir ni rtag pa zhes bstan la/ mi rtag pa'i don dang ldan pa'i phyir mi rtag pa zhes bstan te sprul pa'i sku gang yin pa de ni rtag par chos kyi 'khor lo bskor zhing de dang / de dag tu rkyen ji lta ba bzhin du thabs mkhas bston pa la rgyun chad med pa'i phyir de lta bas na rtag pa zhes bstan to/ /rtsa ba ma yin pa'i phyir dang / phan sum tshogs pa'i mdzad pa chen po sngon du mi 'byung ba'i phyir de lta bas na mi rtag pa zhes bstan to/ /longs spyod rdzogs pa'i sku gang yin pa de ni thog ma med pa'i dus nas rgyun chad pa med par sangs rgyas thams cad kyi ma 'dres pa'i chos rnams yongs su sdud cing 'dzin pa'i phyir dang / sems can zad pa med pa bzhin du mdzad pa la yang zad pa mi mnga' ba'i phyir rtag pa zhes bstan to| |rtsa ba ma yin pa'i phyir dang / phun sum tshogs pa'i mdzad pa chen po mngon du mi 'byung ba'i phyir mi rtag pa zhes bstan to/ /chos kyi sku gang yin pa de ni mngon par 'du byed pa'i chos kyang ma yin la/ tha dad pa'i mtshan nyid mi mnga' zhing rtsa ba yin par gyur pa'i phyir dang / nam mkha' dang mtshungs par gyur pa'i phyir rtag pa zhes </font><hr>31b<br><font size=+1>


bstan to/ /rigs kyi bu/ rnam par mi rtog pa'i ye shes las gud na mchog tu gyur pa'i ye shes med la| chos kyi de bzhin nyid las gud na'ang mchog tu gyur pa'i spyod yul med pas chos kyi de bzhin nyid gang yin pa de dang / shes rab kyi de bzhin nyid gang yin pa de'i de bzhin nyid rnam pa gnyis po gang yin pa de ni de bzhin nyid gcig pa'ang ma yin/ tha dad pa'ang ma yin te/ de'i phyir chos kyi sku ni shes rab rnam par dag par gyur pa'i phyir dang / 'gog pa rnam par dag par gyur pa'i phyir gnyis rnam par dag par gyur ba yin pas des na chos kyi sku ni rnam par dag pa phun sum tshogs par gyur pa yin no/ /gzhan yang / rigs kyi bu/ sku gsum po dag tu rnam par dbye na tha dad pa rnam pa bzhir gyur te/ sprul pa'i sku yin la longs spyod rdzogs pa'i sku ma yin pa'ang yod/ longs spyod rdzogs pa'i sku yin la sprul pa'i sku ma yin pa'ang yod| sprul pa'i sku'ang yin la longs spyod rdzogs pa'i sku yin pa'ang yod/ sprul pa'i sku'ang ma yin la longs spyod rdzogs pa'i sku ma yin pa'ang yod do/ /sprul pa'i sku yin la longs spyod rdzogs pa'i sku ma yin pa gang zhe na/ 'di lta ste/ de bzhin gshegs pa rnams yongs su mya ngan las 'das pa'i 'og tu smon lam la mnga' brnyes </font><hr>32a<br><font size=+1>


@#/ /pa'i phyir rkyen ji lta ba bzhin du phan 'dogs pa gang yin pa de ni sprul pa'i sku zhes bya'o/ /longs spyod rdzogs pa'i sku yin la sprul pa'i sku ma yin pa gang zhe na/ sa'i mdun rol gyi sku gang yin pa'o/ /sprul pa'i sku'ang yin la longs spyod rdzogs pa'i sku'ang yin pa gang zhe na/ 'di lta ste/ lhag ma dang bcas pa'i mya ngan las 'das pa gnas pa'i sku gang yin pa'o/ /sprul pa'i sku'ang ma yin la longs spyod rdzogs pa'i sku'ang ma yin pa gang zhe na/ 'di lta ste/ chos kyi sku gang yin pa'o/ /rigs kyi bu/ chos kyi sku gang yin pa de ni gnyis su med pas rab tu phye ba'i phyir ro/ /gnyis su med pa zhes bya ba'ang gang zhe na/ chos kyi sku de la mtshan nyid dang / mtshan nyid kyi gnas zhes bya ba gnyi ga med pas yod pa'ang ma yin med pa'ang ma yin/ gcig pa'ang ma yin/ tha dad pa'ang ma yin/ grangs kyang ma yin/ grangs ma yin pa'ang ma yin/ snang ba'ang ma yin/ mun pa'ang ma yin te/ de lta bu'i de bzhin nyid kyi ye shes des ni mtshan nyid dang / mtshan nyid kyi gnas kyang ma gzigs/ yod pa'ang ma yin med pa'ang ma yin pa'ang mi gzigs/ gcig pa'ang ma yin/ tha dad pa'ang ma yin pa'ang mi gzigs/ grangs kyang </font><hr>32b<br><font size=+1>


ma yin/ grangs ma yin pa'ang mi gzigs /snang ba'ang ma yin/ mun pa'ang ma yin pa'ang mi gzigs pas de'i phyir spyod yul rnam pa dag pa dang / shes rab rnam par dag pa la rnam par rtag tu'ang mi rung la/ bar zhes bya ba med kyang 'gog pa dang / lam gyi gzhi byed pa'i phyir chos kyi sku 'di la de bzhin gshegs pa'i mdzad pa rnam pa sna tshogs snang bar 'gyur bar rig par bya'o/ /rigs kyi bu/ sku 'di'i rgyu dang / rkyen dang / spyod yul dang / gnas dang / 'bras bu dang / rtsa ba dpag par dka' ba'i phyir gang gis khong du chud par gyur na sku de ni theg pa chen po'o/ /de bzhin gshegs pa'i rang bzhin no/ /de bzhin gshegs pa'i snying po'o/ /sku 'di nyid la brten nas dang po bskyed pa'i sems kyang thob par 'gyur ro/ /rnal 'byor sgom pa'i sems kyang rab tu snang bar 'gyur ro/ /phyir mi ldog pa'i sems kyang rab tu snang bar 'gyur ro// tshe gcig gis thogs pa'i sems dang / rdo rje'i sems dang / de bzhin gshegs pa'i sems kyang rab tu snang bar 'gyur ro/ /de bzhin gshegs pa'i chos kyi gya nom pa tshad med cing mtha' med pa thams cad kyang rab tu snang bar 'gyur ro/ /chos kyi sku 'di la brten nas bsam gyis mi khyab pa'i ting nge 'dzin chen po rnams kyang rab tu snang </font><hr>33a<br><font size=+1>


@#/ /bar 'gyur ro/ /chos kyi sku 'di la brten nas ye shes chen po thams cad rab tu snang bar 'gyur bas de'i phyir sku gnyis po ting nge 'dzin dang| shes rab la brten nas mngon du snang bar 'gyur ro/ /chos kyi sku 'di lta bu 'di ni rang gi ngo bo nyid la gnas pas brtag pa zhes kyang bstan to/ /nga zhes kyang bstan to/ /ting nge 'dzin chen po la gnas pa'i phyir skyid pa zhes kyang bstan to/ /ye shes chen po la gnas pa'i phyir yongs su gtsang ba zhes kyang bstan te/ de lta bas na de bzhin gshegs pa ni rtag par bzhugs pa dang / mnga' dbang brnyes pa dang / bde zhing skyid pa dang / yongs su gtsang bar gyur pa yin no/ /ting nge 'dzin chen po la brten nas dpa' bar 'gro ba'i ting nge 'dzin la sogs ba ting nge 'dzin thams cad dang / chos dran pa chen po la sogs ba dran pa nye bar gzhag pa thams cad dang / byams pa chen po dang / thugs rje chen po dang / gzungs thams cad dang / mngon par shes pa thams cad dang / dbang thams cad dang / chos mnyam pa thams cad yang dag par sdud cing de lta bu'i sangs rgyas kyi chos thams cad kyang mngon par 'byung bar 'gyur ro/ /ye shes chen po 'di la brten nas stobs bcu </font><hr>33b<br><font size=+1>


dang / bsnyengs pa mi mnga' ba bzhi dang / so so yang dag par rig pa bzhi dang / ma 'dres pa'i chos brgya brgyad cu dang / ngo mtshar rmad du byung ba'i chos bsam gyis mi khyab pa thams cad kyang rab tu snang bar 'gyur ro/ /'di lta ste/ dper na/ yid bzhin gyi nor bu rin po che la brten nas rin po che tshad med cing mtha' med pa rnam pa sna tshogs snang bar 'gyur ba de bzhin du ting nge 'dzin chen po'i rin po che dang / shes rab chen po'i rin po che la brten nas kyang sangs rgyas kyi chos gya nom pa tshad med cing mtha' med pa rnam pa sna tshogs mngon sum du 'byung bar 'gyur ro/ /rigs kyi bu/ de lta bu'i chos kyi sku'i ting nge 'dzin dang / shes rab gang yin pa de ni mtshan ma thams cad las yang dag par 'das shing mtshan ma la mngon par zhen par mi 'gyur bas rnam par brtag tu mi rung la/ rtag pa'ang ma yin chad pa'ang ma yin pas dbu ma'i lam zhes bya'o/ /rnam par rtog pa mnga' yang ngo bo nyid la rnam par rtog pa mi mnga'o/ /gsum du bgrang ba yod kyang ngo bo nyid la gsum du 'gyur ba med pas 'phel ba'ang med 'grib pa'ang med de/ rmi lam dang / sgyu ma lta bur gzung ba'ang med 'dzin pa'ang med pas chos kyi sku de bzhin nyid kyi rnam par grol ba'i </font><hr>34a<br><font size=+1>


@#/ /gnas 'chi bdag gi rgyal po'i yul las yang dag par 'das pa skye shi'i mun pa las mngon par 'phags pa/ sems can thams cad kyis bsgrub par mi nus shing bgrod par mi nus pa/ sangs rgyas dang / byang chub sems dpa' rnams kyi bzhugs pa'i gnas su gyur pa'o/ /rigs kyi bu/ 'di lta ste/ dper na/ mi zhig gser 'dod pas de dang / de dag tu gser gyi rdo yongs su btsal ba las gser gyi rdo de rnyed nas zhib mor btags te snying po gang yin pa blangs nas so mal du bzhus btul nas gser yongs su dag pa rnyed par gyur na/ yid bzhin du bsgyur te gdu bu la sogs pa rgyan gyi rnam pa sna tshogs su byas nas spyod pa mang po dang ldan par gyur kyang gser gyi rang bzhin la ni 'gyur ba ci'ang med do/ /gzhan yang / rigs kyi bu'am/ rigs kyi bu mo gang la la zhig gis rnam par grol ba'i mchog yongs su gnyer ba'am/ 'jig rten pa'i dge ba mngon par bsgrubs pas de bzhin gshegs pa'am/ de'i slob ma'i 'khor mthong nas nye bar bsnyen te bcom ldan 'das la/ 'di skad du/ bcom ldan 'das/ dge ba ni gang lags/ mi dge ba ni gang lags/ yang dag pa'i rnal 'byor bsgoms pas rnam </font><hr>34b<br><font size=+1>


par dag pa'i spyod pa thob par 'gyur ba ni gang lags zhes gsol pa dang / de bzhin gshegs pa dang / slob ma'i 'khor rnams de skad du zhu ba gsol ba gzigs par gyur na de'i tshe 'di snyam du rigs kyi bu'am/ rigs kyi bu mo 'di ni rnam par dag pa yongs su gnyer ba'i phyir yang dag pa'i chos yongs su nyan par 'dod pa yin no snyam du dgongs nas de la rnam par phye ste bstan pa nyid kyis go bar mdzad par 'gyur bas des thos nas kyang yang dag pa'i dran pas mi brjed par bzung ste/ rnal 'byor bsgoms pa'i sems bskyed pas brtson 'grus kyi stobs thob nas le lo'i sgrib pa yongs su bsal te sgrib pa thams cad yongs su sbyong bar byed pas bslab pa'i gnas rnams la ma gus pa spangs nas rgod pa dang / 'gyod pa'i sems nye bar zhi bar byas te sa dang po la 'jug par 'gyur bas sa dang po'i sems la brten nas sems can la phan 'dogs pa'i sgrib pa yongs su bsal nas sa gnyis par 'jug pa thob par 'gyur ro/ /sa der yang rnam par mi 'tshe ba'i sgrib pa yongs su bsal nas sa gsum par 'jug par 'gyur ro/ /sa der yang sems mnyen zhing rnam par byang ba'i sgrib pa yongs su bsal nas sa bzhi par 'jug par 'gyur ro/ /sa der yang thabs mkhas pa'i sgrib pa yongs </font><hr>35a<br><font size=+1>


@#/ /su bsal nas sa lnga par 'jug par 'gyur ro/ /sa der yang don dam pa dang / kun rdzob tu mthong ba'i sgrib pa yongs su bsal nas sa drug par 'jug par 'gyur ro/ /sa der yang mtshan ma la spyod par mthong ba'i sgrib pa yongs su bsal nas sa bdun par 'jug par 'gyur ro/ /sa der yang mtshan ma nye bar zhi bar mi mthong ba'i sgrib pa yongs su bsal nas sa brgyad par 'jug par 'gyur ro/ /sa der yang skye ba'i mtshan mar mi mthong ba'i sgrib pa yongs su bsal nas sa dgu par 'jug par 'gyur ro/ /sa der yang mngon par shes pa drug gi sgrib pa yongs su bsal nas sa bcu par 'jug par 'gyur ro/ /sa der yang shes bya'i sgrib pa dang / rtsa ba'i sems yongs su bsal nas de bzhin gshegs pa'i sa la 'jug par 'gyur ro/ /de bzhin gshegs pa'i sa la 'jug pa gang yin pa de ni rnam pa gsum yongs su dag par gyur ba'i phyir shin tu rnam par dag pa zhes bya ste/ gsum gang zhe na/ nyon mongs pa rnam par dag pa dang / sdug bsngal rnam par dag pa dang / mtshan ma rnam par dag pa gang yin pa'o/ /'di lta ste/ gser yang dag par bzhus sbyangs brdungs te dri ma med par bya ba'ang gser gyi rang bzhin gzod ma nyid nas rnam par dag pa </font><hr>35b<br><font size=+1>


gsal bar byed pa yin pa'i phyir gser gyi ngo bo nyid yongs su dag pa'i dbang gis gser med par 'gyur ro zhes bya bar mi rung ngo / /'di lta ste/ dper na/ chu rnyog \?\ ma can yongs su dngas te dri ma med par bya ba'ang chu'i rang bzhin gzod ma nyid nas yongs su dag pa gsal bar byed pa ma yin pa'i phyir chu med par 'gyur ro zhes byar mi rung ba de bzhin du chos kyi sku'ang nyon mongs pa dang 'dres par gyur pas sdug bsngal ba dang / kun 'byung ba yongs su bsal nas bag chags lhag ma med par bya ba dang / sangs rgyas kyi rang bzhin gzod ma nyid nas rnam par dag par gsal bar byed pa yin pa'i phyir ngo bo nyid med par 'gyur ro zhes bya bar mi rung ngo / /'di lta ste/ dper na/ nam mkha' la du ba dang / sprin dang / rdul dang / khug rna rnams kyis bsgribs pa dag gal te yongs su dang bar gyur na nam mkha'i khams yongs su dag par 'gyur bas nam mkha' med par 'gyur ro zhes byar mi rung ba de bzhin du chos kyi sku'ang sdug bsngal mang po thams cad yongs su zad pa'i phyir rnam par dag pa zhes brjod kyang ngo bo nyid med par 'gyur ro zhes byar mi rung ngo / /'di lta ste/ dper na/ skyes bu zhig gnyid log pa'i rmi lam na chu chen pos khyer ba las rkang lag bskyod de lus dang / </font><hr>36a<br><font size=+1>


@#/ /sems le lo ma byas pa'i phyir chu bo thad kar bcad de pha rol gyi 'gram du phyin par mthong ba las rmi lam sad nas chu bo dang / chu rol dang / pha rol gyi 'gram tha dad par 'gyur ba mi mthong yang sems med do zhes byar mi rung ngo / /'di lta ste/ dper na/ 'khor ba'i yang dag pa ma yin pa'i rnam par rtog pa yongs su zad nas blo rnam par dag par gyur kyang med do zhes byar mi rung ba de bzhin du chos kyi dbyings kyang yang dag pa ma yin pa'i rnam par rtog pa thams cad mi skye ba'i phyir rnam par dag pa zhes brjod kyang sangs rgyas rnams kyang yang dag pa'i ngo bo nyid med ces byar mi rung ngo / /gzhan yang / rigs kyi bu/ chos kyi sku gang yin pa de nyon mongs pa'i sgrib pa rnam par dag par gyur pas ni longs spyod rdzogs pa'i sku ston par mdzad do/ /las kyi sgrib pa rnam par dag par gyur pas ni sprul pa'i sku ston par mdzad do/ /shes bya'i sgrib pa rnam par dag par gyur pa'i phyir ni chos kyi sku ston par mdzad do/ /'di lta ste/ dper na/ nam mkha' la brten nas ni glog 'byung la/ glog la brten nas ni 'od 'byung ba de bzhin du chos kyi sku la brten pa'i phyir ni longs spyod rdzogs pa'i sku ston par mdzad do/ /longs spyod rdzogs pa'i sku la brten nas ni </font><hr>36b<br><font size=+1>


sprul pa'i sku ston par mdzad do/ /rang bzhin yongs su dag par gyur pa'i phyir ni chos kyi sku ston par mdzad do/ /shes rab rnam par dag par gyur pas ni longs spyod rdzogs pa'i sku ston par mdzad do/ /ting nge 'dzin rnam par dag par gyur pas ni sprul pa'i sku ston par mdzad do/ /de gsum rnam par dag par gyur pa gang yin pa de ni chos kyi de bzhin nyid dang tha mi dad do/ /de bzhin nyid dang ro gcig pa'i de bzhin nyid dang / rnam par grol ba'i de bzhin nyid dang / mthar thug pa'i de bzhin nyid gang yin pas de'i phyir sangs rgyas rnams kyi sku la tha dad par gyur pa med do/ /rigs kyi bu'am/ rigs kyi bu mo la la zhig /'di skad du/ de bzhin gshegs pa ni bdag gi ston pa chen po yin no zhes de ltar nges par mngon par yid ches pa'i gang zag des ni shin tu dang ba'i bsam pas de bzhin gshegs pa'i sku tha dad pa mi mnga' bar khong du chud par gyur pas/ rigs kyi bu/ don de'i phyir spyod yul rnams la yang dag pa ma yin pa'i yid la byed pa rnams yongs su bsal bar gyur na chos de dag la mtshan nyid gnyis med par khong du chud cing rnam par rtog pa'ang med par 'gyur ro/ /'phags pa'i rnal 'byor sgom pa la de bzhin nyid de mtshan nyid gnyis su gyur pa med </font><hr>37a<br><font size=+1>


@#/ /cing yang dag par rnal 'byor sgom pa'i phyir 'di ltar de bzhin du sgrib pa thams cad yongs su bsal bas nye bar zhi bar 'gyur ro/ /de bzhin nyid sgrib pa thams cad zhi bar gyur pas 'di ltar de bzhin du de bzhin nyid dang / de bzhin nyid kyi ye shes mchog tu rnam par dag pa thob par 'gyur ro/ /de bzhin nyid dang| chos kyi dbyings dang / yang dag pa'i ye shes rnam par dag par gyur pas 'di ltar de bzhin du rang dbang du phun sum tshogs pa thams cad kyang yongs su sdud par 'gyur/ sgrib pa thams cad nye bar zhi bar yang yongs su rdzogs par 'gyur te/ sgrib pa thams cad rnam par dag pa thob par 'gyur ba'i phyir de bzhin nyid dang / yang dag pa'i ye shes dang / yang dag pa'i mtshan nyid ces bya'o/ /de ltar mthong ba gang yin pa de ni 'phags pa'i lta ba zhes bya bas de ni yang dag pa nyid du sangs rgyas mthong ba zhes bya'o/ /de ci'i phyir zhe na/ yang dag pa ji lta ba bzhin du chos kyi de bzhin nyid mthong ba'i phyir de lta bas na de bzhin gshegs pa rnams kyis de bzhin gshegs pa thams cad ma lus par gzigs par 'gyur ro/ /de ci'i phyir zhe na/ nyan thos dang / rang sangs rgyas khams gsum las nges par byung nas </font><hr>37b<br><font size=+1>


yang dag pa'i spyod yul yongs su tshol bas kyang khong du mi chud cing mthong bar mi nus pas so/ /de lta bu'i 'phags pa'i gang zag gang gis kyang mi rig cing mi mthong bas so so'i skye bo thams cad the tshom dang / som nyi bskyed nas phyin ci log tu rnam par rtog par byed pas yongs su 'da' bar mi 'gyur ro/ /'di lta ste/ dper na/ ri bong rgya mtsho la rkyal bar byed kyang gdon mi za bar pha rol tu phyin par mi 'gyur ro/ /de ci'i phyir zhe na/ nyam stobs shin tu chung ba'i phyir ro/ /byis pa so so'i skye bo rnams kyang de bzhin du chos kyi de bzhin nyid mngon par mi rtogs so/ /de bzhin gshegs pa rnams ni rnam par rtog pa'i dgongs pa mi mnga' bar yang chos thams cad la mnga' chen po brnyes shing shes rab shin tu zab cing rnam par dag pa phun sum tshogs par gyur pa'i phyir dang / rang gi spyod yul du gyur cing gzhan dang yang thun mong du ma gyur pa'i phyir de lta bas na de bzhin gshegs pa rnams bskal pa tshad med grangs med dpag tu med pa nas nyid kyi sku srog la phangs pa mi mnga' bar dka' ba spyad pas dpe zla med pa/ bsam gyis mi khyab pa/ tshig gi spyod yul las yang dag par 'das pa/ rab tu dben pa/ 'jigs pa rnams dang bral ba'i sku mchog dam pa </font><hr>38a<br><font size=+1>


@#/ /'di brnyes pa yin no/ /rigs kyi bu/ de ltar chos kyi de bzhin nyid rig cing mthong pa gang yin pa de ni skye ba dang / rga ba dang / 'chi ba med pa/ che'i tshad kyang dpag tu med/ gnyid kyang med/ bkres pa dang / skom pa'ang med de/ rtag par ting nge 'dzin la gnas pa/ sems rnam par g.yeng zhing g.yo ba'ang med do/ /gang gis de bzhin gshegs pa la rtsod pa'i bsam pa bskyed pa des de bzhin gshegs pa mthong bar mi 'gyur ro/ /de bzhin gshegs pa rnams ni gang ci gsung yang rung ste thams cad phan 'dogs par 'gyur bas gang gis mnyan cing thos pa de dag rnam par mi grol ba'ang med do/ /gcan gzan ma rungs pa dang / mi ma rungs pa dang / 'dre srin ma rungs pa dag dang yang phrad par mi 'gyur te chos thos pa'i dbang gis 'bras bu rnam par smin pa'ang zad par mi 'gyur ro/ /de bzhin gshegs pa rnams la lung du mi bstan pa'i dngos po mi mnga' yang spyod yul thams cad la mkhyen par bya'o snyam pa'i dgongs pa'ang mi mnga'/ 'khor ba dang / mya ngan las 'das pa tha dad pa'i 'du shes kyang mi mnga'o/ /de bzhin gshegs pa ni gang ci'ang rung ste ma nges pa mi mnga'o/ /de bzhin gshegs pa rnams ni spyod lam </font><hr>38b<br><font size=+1>


bzhi po thams cad du ye shes kyi yongs su ma bzung ba mi mnga'o/ /chos thams cad la byams pa dang / thugs rjes yongs su ma zin pa mi mnga' bas sems can thams cad la phan pa dang / bde ba'i phan mi 'dogs pa gang yang med do/ /rigs kyi bu'am/ rigs kyi bu mo gang la la zhig gser 'od dam pa'i mdo sde 'di thos nas mngon par yid ches pa gang yin pa de dag ni sems can dmyal ba dang / yi dwags dang / dud 'gro'i skye gnas dang / mi ma yin gyi 'gro ba dag tu ltung bar mi 'gyur zhing / rtag par lha dang / mi'i nang du skye bar 'gyur bas ma rabs dag tu skye bar yang mi 'gyur la/ rtag par de bzhin gshegs pa rnams la bsnyen bkur dang / rim gro byas nas yang dag pa'i chos mnyan cing len par 'gyur/ rtag par sangs rgyas kyi zhing yongs su dag pa rnams su skye bar 'gyur ro/ /de ci'i phyir zhe na/ chos zab mo 'di thos par gyur pa'i phyir ro/ /rigs kyi bu dang / rigs kyi bu mo de dag ni de bzhin gshegs pas mkhyen cing lung bstan par 'gyur bas bla na med pa yang dag par rdzogs pa'i byang chub las phyir ldog par mi 'gyur ro/ /rigs kyi bu'am/ rigs kyi bu mo gang la la zhig gis shin tu zab pa'i chos gya nom pa 'di lan gcig rna bas thos par gyur na gang zag de ni de bzhin gshegs </font><hr>39a<br><font size=+1>


@#/ /pa la skur pa mi 'debs pa dang / yang dag pa'i chos mi smod pa dang / 'phags pa'i tshogs la mi brnyes pa dang / sems can rnams dge ba'i rtsa ba ma bskyed pa ni bskyed par byed la/ dge ba'i rtsa ba bskyed pa ni 'phel zhing yangs pa dang / yongs su smin par byed pa'i phyir 'jig rten gyi khams thams cad du sems can ji snyed pa dag pha rol tu phyin pa drug po rnams mngon par bsgrub par bskul bar 'gyur bar rig par bya'o/ /de nas byang chub sems dpa' nam mkha'i snying po dang / tshangs pa dang / brgya byin dang / rgyal po chen po bzhi dang / lha'i 'khor mang po rnams 'dug pa'i stan las langs te bla gos phrag pa gcig tu gzar nas thal mo sbyar te gus pas bcom ldan 'das kyi zhabs la mgo bos phyag byas nas bcom ldan 'das la 'di skad ces gsol to/ /bcom ldan 'das/ gang yang rung ba dag tu 'di ltar gser 'od dam pa'i mdo sde shin tu gya nom pa 'di yang dag par ston par bgyid na yul der phan yon rnam pa bzhi dang ldan par 'gyur lags so/ /bzhi gang zhe na/ dang po ni rgyal po'i dmag tshogs rnams btsan zhing dar bas phas kyi rgol ba'i dgra rnams ma mchis pa dang / blo nad dang bral zhing tshe ring ba dang / bkra shis </font><hr>39b<br><font size=+1>


dang ldan zhing bde skyid pa dang / dam pa'i chos dar zhing rgyas par 'gyur ba'o/ /gnyis pa ni pho brang nang gi btsun mo dang / sras dang / rgyal bu dang / blon po rnams 'dum zhing rtsod pa ma mchis pa dang / g.yo sgyu dang phra ma spangs pas rgyal pos gnang zhing bkur bar 'gyur ba'o/ /gsum pa ni dge sbyong dang / bram ze dang / yul gyi mi rnams yang dag pa'i chos spyod pas bro nad ma mchis shing bde skyid pa dang / glo bur du 'gum pa ma mchis pa dang / bsod nams mang po mngon par sgrub pa'o/ /bzhi pa ni dus gsum po dag tu 'byung ba chen po dag 'phrod cing rtag par lha rnams kyis byin gyis brlabs nas yongs su srung bar 'gyur ba dang / byams pa dang / snying rje mnyam par gyur pas gnod pa mi bgyid cing rnam par 'tshe ba'i bsam pa ma mchis pa dang / skye bo rnams dkon mchog gsum la skyabs su mchi zhing thams cad kyis byang chub kyi spyod pa mngon par sgrub par 'gyur ba ste 'di dag ni phan yon rnam pa bzhi zhes bgyi ba lags so/ /bcom ldan 'das/ bdag cag kyang rtag par mdo sde 'di rgya cher spel ba'i slad du 'di ltar mdo sde yongs su 'dzin pa'i gang zag de'i slad du rjes su 'brang zhing gang na gnas pa'i gnas der sman pa dag bgyid lags so/ /bcom ldan 'das </font><hr>40a<br><font size=+1>


@#/ /kyis bka' stsal pa/ rigs kyi bu dag legs so/ /legs so/ /de de bzhin no/ /de de bzhin te khyod kyi rab tu brtson pa'i sems kyis mdo sde'i rgyal po shin tu gya nom pa 'di spel ba nyid kyis yang dag pa'i chos yun ring du 'jig rten na gnas par 'gyur ro/ /gser 'od dam pa mchog tu rnam par rgyal ba'i mdo sde'i rgyal po las/ sku gsum rnam par 'byed pa'i le'u ste gsum pa'o// //de nas byang chub sems dpa' mdzes pa'i tog bcom ldan 'das kyi spyan sngar mngon sum du gya nom pa'i chos thos pas dga' mgu rangs par gyur te sems rtse gcig tu yid la bsams nas rang gi gnas su phyin pa dang / mtshan mo nyal ba'i rmi lam na gser gyi rnga bo che 'od zer shin tu 'bar ba nyi ma'i dkyil 'khor dang mtshungs pa zhig mthong ste/ 'od zer de las phyogs bcu'i sangs rgyas tshad med pa rnams rin po che'i shing drung na bai DUR+Ya'i gdan la bzhugs nas 'khor brgya stong du mas yongs su bskor ba la chos 'chad pa'ang mthong ngo / /bram ze zhig gis gser gyi rnga brdungs pa las sgra chen po byung ste sgra de las sdig pa bshags pa'i chos kyi tshigs su bcad pa shin tu gya nom pa dag bstan pa'ang mdzes pa'i tog gis thos pas thams cad ma lus par yid </font><hr>40b<br><font size=+1>


la bzung ste dran pa rtse gcig tu yid la gnas par gyur to/ /nam langs pa dang 'khor brgya stong tshad med pa mang pos yongs su bskor te mchod pa'i yo byad rnams thogs nas rgyal po'i khab kyi grong khyer nas phyir byung ste bya rgod phung po'i ri ga la ba der dong nas bcom ldan 'das kyi spyan sngar phyin pa dang / bcom ldan 'das kyi zhabs phyag byas nas me tog dang / spos dag bkram ste g.yas phyogs su lan gsum bskor ba byas nas phyogs gcig tu 'khod de thal mo sbyar nas gus pas bcom ldan 'das kyi zhal du bltas nas bcom ldan 'das la 'di skad ces gsol to/ /bcom ldan 'das/ bdag gi g.yar lam na bram ze zhig gis gser gyi rnga shin tu gya nom pa brdungs pa las sgra chen po byung ste sgra de las sdig pa bshags pa'i chos kyi tshigs su bcad pa shin tu gya nom pa dag bstan pa bdag gis thams cad yongs su bzung ste dran lags na/ bcom ldan 'das thugs rje chen pos bdag gis bshad par gnang bar mdzad du gsol/ de nas bcom ldan 'das kyi spyan sngar tshigs su bcad de gsol pa/ bdag gis mdang sum g.yar lam na/ /gser gyi rnga ni chen po zhig /dbyibs ni shin tu khyad par 'phags/ /kun nas gser 'od khyab par ldan/ /nyi ma'i dkyil 'khor mtshungs pas na/ /snang bas </font><hr>41a<br><font size=+1>


@#/ /kun tu khyab par bgyis/ /phyogs bcu'i 'jig rten gang bar mthong / /sangs rgyas mang po thams cad kun/ /rin chen ljon shing drung dag tu/ /bai DUR+Ya yi gdan bzhugs te/ /'khor ni brgya stong tshad med snyed/ /gus pas yongs su bskor bar mthong / /de nas bram ze zhig gis ni/ /gser gyi rnga chen brdungs pas na/ /rnga chen de yi sgra las ni/ /tshigs bcad gya nom 'di skad smras/ /gser 'od rnga las gya nom sgra byung bas/ /stong gsum chen po'i 'jig rten kun khyab nas/ /ngan song gsum gyi sdug bsngal mi bzad dang / /mi yi sdug bsngal mang po gang yin pa/ /gser gyi rnga sgra mthu stobs dbang gis ni/ /nyon mongs sgrib pa thams cad gtan zhi nas/ /dper na thub dbang bcom ldan ji bzhin du/ /'jigs pa bsal nas bde ba nyid du shog /bcom ldan 'khor ba'i rgya mtsho chen por ni/ /spyod bsags thams cad mkhyen ni 
 pas na/ /sems can byang \?\ yan lag ldan mdzad nas/ /mthar ni yon tan rgya mtsho phyogs par mdzad/ /gser 'od dam pa'i rnga chen sgra 'di ni/ /thos pa kun ni tshangs dbyangs 'thob par shog \?\/bla med byang chub 'bras bu thob gyur nas/ /chos kyi 'khor lo gya nom rtag bskor shog /tshe ni bskal pa bsam mi khyab gnas nas/ / </font><hr>41b<br><font size=+1>


ji bzhin thos bshad skye dgu phan byed shog /nyon mongs sdug bsngal mang po rgyun bcad nas/ /'dod sdang gti mug la sogs zhi bar shog /sems can gang zhig ngan 'gro gnas gyur nas/ /me chen rab 'bar \?\ lus kun khyab pa dag /rnga sgra dam pa 'di ni thos gyur na/ /sdug bsngal bral nas sangs rgyas skyabs 'gro shog /thams cad sngon gnas shes pa grub gyur nas/ /'das pa'i tshe rabs brgya stong dran par shog /thub pa'i gtso bo yang dag dran gyur nas/ /de bzhin gshegs bstan zab mo thos par shog /gser gyi rnga dbyangs dam pa thob pa'i dbang / /rtag par sangs rgyas rnams ni nyer bsten nas/ /thams cad sdig pa'i las ni yongs spangs te/ /rnam dag dge phyogs 'ba' zhig spyod par shog |lha dang mi yi srog chags thams cad kun/ /gus pas smon lam rtse gcig 'debs pa dag /gser gyi rnga sgra dam pa thos gyur nas/ /bsam pa rnams ni yongs su rdzogs par 'gyur/ /sems can gang zhig mnar med ltung gyur nas/ /dmyal ba'i 'bar mes lus ni nyon mongs te/ /mgon skyabs med cing 'khor bar gang gnas pa/ / thos par gyur na sdug bsngal zhi bar 'gyur/ /lha mi yi dwags dud 'gro'i skye gnas su/ /sdug bsngal bgegs mang mngon du myong gyur ba/ /gser gyi rnga dbyangs dam pa thos </font><hr>42a<br><font size=+1>


@#/ /gyur na/ /sdug bsngal spangs nas thar pa thob par 'gyur/ /da ltar phyogs bcu'i 'jig rten na/ /rtag tu bzhugs pa rkang gnyis gtso/ /thugs rje chen po'i thugs kyis ni/ /brtse bas bdag la dgongs su gsol/ /sems can gang zhig skyabs ma mchis/ /mgon ni bgyid pa ma mchis pa/ /de lta bu yi rnam pa la/ / skyabs chen dag ni bgyid par shog /bdag gis sngon ni bgyis pa'i sdig /las ngan shin tu lci ba rnams/ /deng bdag stobs bcu'i spyan sngar ni/ /thams cad rtse gcig rab tu bshags/ /bdag gis sangs rgyas yid ma ches/ /bla ma gnyen bshes ma gus dang / /dge ba mang po ma spyad pas/ /rtag tu las ngan bgyis pa'am/ /bdag gis mtho btsun rus rigs dang / /longs spyod dag gis snyems pa dang / /dar la bab pas dregs gyur nas/ /rtag tu las ngan bgyis pa 'am/ /rtag tu log pa'i bsam bskyed nas| |ngag gis tshig ngan smras pa dang / /kha na ma tho ma mthong nas/ /rtag tu las ngan bgyis pa 'am/ /rtag tu byis pa'i blo spyad nas/ /ma rig mun pas sems g.yogs dang / / mi dge'i grogs po'i rjes 'brangs nas/ /rtag tu las ngan bgyis pa 'am/ /rtsed mo dga' ba rnams kyi rgyus/ /mya ngan dag dang ldan 'gyur zhing / /'dod chags zhe sdang </font><hr>42b<br><font size=+1>


dkris pas na/ /de slad sdig rnams bgyis pa 'am/ /mi dge grogs po bsten pa dang / /phrag dog ser sna bsam pa dang / /dbul phongs gya gyu spyad pas na/ /de slad sdig rnams bgyis pa 'am/ /sdig mang dag la mi mos kyang / /'jigs skrag dag dang bcas pa 'am/ /rang dbang dag ni ma mchis pas/ /de slad sdig rnams bgyis pa 'am/ /rnam par g.yeng ba'i bsam pa dang / /khong khro 'khon du 'dzin pa dang / /bkres skom dag gis gdungs pa'i rgyus/ /de slad sdig rnams bgyis pa 'am/ /bza' dang btung dang gos dag dang / / bud med dag la chags sred pa'i/ /nyon mongs mes ni bsregs pas na/ /de slad sdig rnams bgyis pa 'am/ /sangs rgyas chos dang dge 'dun la/ /gus pa'i sems ni ma skyed pa'i/ /de 'dra'i sdig mang gang bgyis pa/ /de bdag thams cad so sor bshags/ /rang rgyal byang chub sems dpa' la/ /gus pa'i sems ni ma mchis pa'i/ /de 'dra'i sdig \?\ mang gang bgyis pa/ /deng bdag thams cad so sor bshags/ /mi shes dam chos skur pa dang / /pha ma sri zhu ma bgyis pa'i/ /de 'dra'i sdig mang gang bgyis pa/ /deng bdag thams cad so sor bshags/ /gti mug dang ni nga rgyal dang / /'dod chags zhe sdang mthu yis ni/ /de 'dra'i sdig mang gang bgyis pa/ /de bdag thams cad so sor bshags/ / </font><hr>43a<br><font size=+1>


@#/ /bdag gis phyogs bcu'i 'jig rten khams/ /sangs rgyas grangs med gang dag mchod/ /sems can rnams ni rab drangs nas/ /sdug bsngal bgegs rnams bral bgyid shog /sems can dag ni thams cad kun/ /sa bcu la ni gnas gyur te/ /bsod nams ye shes yongs rdzogs nas/ /mngon sangs skye dgu 'dren par shog /bdag gis sems can kun gyi slad/ /bskal pa brgya stong dka' spyad nas/ /shes rab chen po'i stobs kyis ni/ /sdug bsngal rgya mtsho mthar bgyid shog /bdag gis srog chags kun gyi slad/ /gser 'od mchog tu rnam par rgyal/ /zab mo'i mdo sde bshad nas ni/ /las ngan rnams ni bsal bar shog /gang zhig bskal pa brgya stong du/ /sdig lci dag ni bgyis pa rnams/ /skad cig gcig tsam mthol bshags nas/ /sdig pa mang po ma lus 'byang / /gser 'od dam pa 'di bzhin du// de ltar bshags pa bgyis gyur na/ /sdug bsngal las mang thams cad kun/ /'di yis dbang gis myur du 'byang / /ting 'dzin mchog ni brgya stong dang / /bsam gyis mi khyab gzungs rnams dang / /dbang mchog byang chub lam yan lag /rtag tu sgom yang skyo mi 'gyur/ /bdag gis rin chen phun tshogs gnas/ /sa bcu la ni phyin gyur nas/ /sangs </font><hr>43b<br><font size=+1>


rgyas yon tan yongs rdzogs te/ /'khor bar 'bab pa sgrol bar shog /bdag gis sangs rgyas mtsho las ni/ /shin tu zab mo yon tan mdzod/ /gya nom ye shes bsam dka' ba/ / phun sum tshogs pa thob par shog /phyogs bcu'i sangs rgyas thams cad kun/ /bdag la so sor gzigs dgongs nas/ /thugs rje chen po'i thugs kyis ni/ /bdag gi bshags pa bzhes su gsol/ /bdag gis bskal pa mang por ni/ /las ngan mang po bgyis pas na/ /de yi dbang gis sdug bsngal myong / /thugs rjes byang bar mdzad par smon/ /bdag gis las ngan mang bgyis pa/ /rtag tu mya ngan 'jigs sems skyes/ /spyod lam bzhi po kun tu yang / /dga' ba'i 'du shes yong ma mchis/ /sangs rgyas thugs rje chen po ldan/ /sems can 'jigs pa sel mdzad na/ /bdag gi bshags pa bzhes nas ni/ /mya ngan sdug bsngal 'bral bar smon/ /bdag la nyon mongs sgrib pa dang / /rnam smin las ni ci mchis pa/ /thugs rje chen po'i chab kyis ni/ /rab bkrus byang bar mdzad par smon/ /bdag gis sngon chad sdig pa dang / /da ltar las ngan bgyis pa rnams/ /rtse gcig sems kyis mthol bshags na/ / thams cad rab tu byang bar shog /ma 'ongs pa yi las ngan rnams/ /bsdams te slong bar yong mi bgyid/ /gal te 'gal ba mchis na yang / /nam yang 'chab par yongs mi bgyid/ / </font><hr>44a<br><font size=+1>


@#/ /lus gsum ngag gi rnam pa bzhi/ /yid kyi las ni rnam pa gsum/ /sems can rnams ni 'ching bgyid pas/ /thog ma med nas rgyun mi 'chad/ /spyod pa 'di gsum dbang gis na/ /mi dge las bcu bgyis gyur pas/ /de 'dra'i nongs pa mang po rnams/ /de dag thams cad so sor bshags/ /bdag gis las ngan mang bgyis pas| |sdug bsngal rnam smin rang nyid myong / /sangs rgyas rnams kyi spyan sngar ni/ /bsam pa thag pas so sor bshags/ /'dzam bu'i gling ni 'di dag dang / /'jig rten 
 ni gzhan dag na/ /dge ba'i las mang ci bgyis pa/ /deng bdag thams cad yi rang ngo / /mi dge las bcu rab spangs nas/ /dge bcu lam ni sngon bsgrubs te/ /sa bcu dag la rab tu gnas/ /phyogs bcu'i sangs rgyas rtag mthong smon/ /bdag gis lus dang ngag yid kyis/ /bsod nams ye shes las bsgrubs pa'i/ /dge ba'i rtsa ba 'di yi mthus/ / bla med ye shes myur grub shog /deng bdag stobs bcu'i spyan sngar mngon sum du/ /sdug bsngal bgegs mang sna tshogs mthol shing bshags/ /byis pa srid gsum rmongs pa'i bgegs dag dang / /rtag par las ngan lci bar bgyis pa'i bgegs/ /bdag gis log pa'i 'dod pa bsags pa'i bgegs/ /rtag tu sred skyed 'khor bar 'gyur ba'i </font><hr>44b<br><font size=+1>


bgegs/ /'jig rten 'di la mngon zhen chags pa'i bgegs/ /byis pa thams cad kun gyi nyon mongs bgegs/ /sems myos rnams g.yeng phyin ci log pa'i bgegs/ /mi dge grogs po dag la rten pa'i bgegs/ /'khor ba dag la 'dod chags zhen pa'i bgegs/ /zhe sdang gti mug glen pas sdig bgyis bgegs/ /mi khom brgyad skye mi dge'i grogs po'i bgegs/ /bsod nams yon tan ma bsags pa yi bgegs/ /deng bdag rgyal ba kun gyi spyan sngar ni/ /sdig pa'i las ni mtha' yas bgyis pa bshags/ /deng bdag bde gshegs kun la skyabs su mchi/ /bla med yon tan mtshol bdag phyag 'tshal/ /gser gyi ri ltar phyogs bcur gsal mdzad pa/ /byams dang thugs rjes bdag ni gzung du gsol/ / sku ni gser mdog rnam dag dri mi mnga'/ /spyan ni rnam dag bai DUR+Ya dang 'dra/ /dpal dang gzi brjid grags dang ldan pa'i gtso/ /thugs rje shes rab nyi mas mun sel ba/ /sangs rgyas nyi mas 'od kyis kun gsal mdzad/ /shin tu rnam dag dri med rdul dang bral/ /thub pa'i zla bas gsal mdzad rab bsil ba/ /sems can nyon mongs gdung ba sel bar mdzad/ /sum cu rtsa gnyis mtshan gyis rab brgyan cing / /dpe byed bzang po brgyad cu yongs su rdzogs/ /yon tan bsam dka' mtshungs pa ma mchis pas/ /nyi 'od lta bur 'jig rten gsal bar </font><hr>45a<br><font size=+1>


@#/ /mdzad/ /kha dog bai DUR+Ya 'dra dri med mnga'/ /zla ba nya ltar nam mkha' dag la bzhugs/ /shel mchog dam pa'i dra bas gser sku bsgribs/ /'od zer sna 
 dag gis rab tu brgyan/ /'khor ba'i sdug bsngal chu bo'i nang dag tu/ /rga dang mya ngan chu yis ded pas na/ /de 'dra'i sdug bsngal rgya mtsho bzod dka' ba/ /sangs rgyas nyi ma'i 'od kyis gtan du bskams/ /deng bdag stong gsum 'jig rten rmad byung gtso/ /thams cad mkhyen pa'i spyi btud phyag 'tshal lo/ /'od zer rab gsal gser mdog 'dra ba'i sku/ /dpe byad dam pa sna tshogs dag gis brgyan/ /ji ltar rgya mtsho chu tshad shes dka' zhing / /sa chen rdul ni bgrang du ma mchis dang / /ji ltar ri rab srang grangs gzhal dka' zhing / /rnam mkha' dag la mu mtha' ma mchis ltar/ /sangs rgyas rnams kyi yon tan de bzhin te/ /sems can thams cad kun gyis rig mi 'gyur/ /bskal pa tshad med snyed du rab 
 kyang| |yon tan rgya mtsho'i pha mtha' rtogs mi 'gyur/ /sa chen 'di 'dra'i ri brag ji snyed pa/ /rdul phran bzhin du gses kyang brtsir rung zhing / /rgya mtsho'i chab ni spu rtses gzhal rung yang / /sangs rgyas yon tan bgrang bar rngo mi thogs/ /sems can thams cad lhan cig 'dus nas ni/ /bcom ldan grags pa'i chos ni thams cad dang / /mtshan bzang </font><hr>45b<br><font size=+1>


rnam dag dkon mchog bsngags brjod kyang / /de yi pha mtha' dpag par yong mi 'gyur/ /bdag gis dge ba'i las mang ci mchis pas/ /myur du bla na ma mchis gtso grub nas/ /yang dag chos bshad skye dgu phan btags te/ /thams cad sdug bsngal mang las thar bgyid shog /bdud kyi dmag tshogs stobs chen rab btul nas/ /bla med dam chos 'khor lo bskor bar shog /bskal pa grangs med bsam mi khyab gnas nas/ /bdud rtsi'i ro yis sems can tshim bgyid shog /'das pa'i rgyal ba rnams ni ji lta bzhin/ /pha rol phyin drug yongs su rdzogs bgyid shog /'dod chags zhe sdang gti mug zhi gyur nas/ /nyon mongs btul te sdug bsngal bsal bar shog /bdag gis rtag tu tshe rabs dran gyur nas/ /'das pa'i skye ba brgya stong dran pa dang / /rtag par thub pa'i gtso ni dran gyur te/ /sangs rgyas zab mo'i chos ni thos par shog /bdag gis dge ba'i las ni 'di rnams kyis/ /rgyal ba tshad med dag la bsnyen bkur nas/ /mi dge ba yi rgyu kun yongs spangs te/ /yang dag dam chos rtag tu sgrub par shog /'jig rten thams cad sems can ji snyed pa/ /sdug bsngal spangs nas bde ba thob par shog /dbang po ma tshang ji snyed mchis pa dag /de dag lus kyi mtshan rnams yongs rdzogs shog /sems can gang zhig nad kyi sdug bsngal gyis/ /lus ni </font><hr>46a<br><font size=+1>


@#/ /nyam chung skyabs bgyid ma mchis pa/ /thams cad nad kyi sdug bsngal rab zhi nas/ /dbang po kha dog mthu ni rgyas par shog /gang gis rgyal chos 'gal bgyis bsad la thug /sdug bsngal mang gtses mya ngan rab skyes nas/ /de yi sdug bsngal mi bzad myong ba'i tshe/ /mgon skyabs dag ni bgyid pa ma mchis dang / /gang dag gzhu brdeg mtshon chas bcings pa dang / /gnod byed yo byad sna tshogs lus nyon mongs/ /mya ngan brgya stong tshad med myong ba na/ /lus sems rab gzir bde ba cung zad med/ /de dag thams cad bcings shing brdegs pa dang / /sdug bsngal nyon mongs dag las thar bar shog /bsad la thug pa dag ni srog thob nas/ /sdug bsngal mang po thams cad gtan zad shog /sems can gang zhig bkres skom gdungs gyur pa/ /ro mchog dam pa sna tshogs thob par shog /long bas gzugs mthong 'on pas thos pa dang / /thang pos 'gro nus lkugs pas smra nus shog /dbul phongs sems can rin chen gter thob nas/ /bang mdzod rab rgyas rgud pa ma mchis te/ /thams cad bde mchog dam par brnyed nas// sems can sdug bsngal myong ba ma mchis shog /lha mi thams cad mthong bar mos pa yi/ /byad bzhin dam pa rab mdzes thob gyur nas/ /bde ba tshad med mngon sum myong gyur </font><hr>46b<br><font size=+1>


te| |longs spyod 'byor rgyas bsod nams ldan par shog /sems can de dag rol mo bsams pa bzhin/ /sgra mchog mang po mngon du 'byung bar shog /chu 'dod gser gyi me tog steng 'phyo ba/ /rab bsil rdzing bu mngon du snang bar shog /sems can de dag ji ltar bsams pa bzhin/ /bza' btung gos dang khri dang stan rnams dang / /gser dngul dang ni rin chen bai DUR+Ya/ /rgyan phreng thams cad phun sum tshogs par shog /sems can mi snyan thos par mi 'gyur zhing / /phan tshun mi mthun mthong bar ma gyur cig /lus kyi byad bzhin thams cad rab mdzes shing / /so sor byams pa'i sems kyis rtse bgyid shog /'jig rten bde ba'i yo byad longs spyod rnams/ /yid la bsams tshe thams cad 'byor par shog /nor rnams rnyed pa phongs pa ma mchis par/ /bgo bshar bgyis te sems can gtong bar shog /bdug spos phye ma dang ni byug spos dang / /me tog sna tshegs kha dog gcig min pa/ /nyin re dus gsum shing las lhung gyur nas/ /yid bzhin longs spyod dga' ba skye bar shog /sems can thams cad phyogs bcu'i rgyal gtso dang / /theg gsum rnam dag gya nom chos kyi sgo/ /byang chub sems dpa' dang ni rang rgyal dang / /nyan thos dge 'dun mchod pa bgyid par shog /rtag tu ma rabs dag tu mi skye zhing / /mi khom brgyad po dag tu mi ltung dang / /dal 'byor mi </font><hr>47a<br><font size=+1>


@#/ /yi gtso bor skyes gyur te/ /phyogs bcu'i sangs rgyas rim gro bgyid par shog /rtag par phyug po dag gi khyim skyes te/ /nor dang rin chen bang mdzod rgyas pa dang / /byad bzhin grags pa dpe zla ma mchis te/ /tshe ring bskal pa grangs med gnas par shog /bud med thams cad kun ni phor gyur nas/ /dpa' zhing sems rno blo gros shin tu che/ /thams cad byang chub sems dpa'i lam spyad nas/ /pha rol phyin drug sgrub la brtson par shog /rtag par phyogs bcu'i sangs rgyas tshad med snyed/ /rin chen shing rgyal drung du gshegs nas ni/ /bai DUR+Ya yi gdan la rab bzhugs te/ /chos kyi 'khor lo bskor ba mthong bar shog /gal te 'das pa dang ni da ltar che/ /srid gsum 'khor nas las rnams bgyis bas na/ /yid du mi mchi ngan 'gro thob gyur pa/ /thams cad ma lus gtan du byang bar shog /sems can thams cad srid pa'i rgya mtshor ni/ /'khor ba'i zhags pas dam du bcings pa ni/ /shes rab ral gri dag gis bcad stsal te/ /sdug bsngal spangs nas byang chub myur thob shog /sems can gang gis 'dzam gling 'di dag dang| |yang na 'jig rten gzhan dag tu yang rung / /bsod nams rgyun mchog sna tshogs ci bsgrubs pa/ /de dag thams cad kun la yi rang ngo / /bsod nams dngos po dag </font><hr>47b<br><font size=+1>


la yi rang nas/ /lus dang ngag yid dge ba mang bgyis des/ /las mchog dam pa 'di dag rtag 'phel nas/ /bla med byang chub chen po myur thob smon/ /phyag bgyis sangs rgyas yon tan bsngags pa dang / /bsam pa dwang zhing rnyog pa ma mchis pas/ /bsngo zhing smon lam btab pa'i bsod nams des/ /bskal pa drug cu'i ngan 'gro 'das par smon/ /rigs kyi bu 'am rigs kyi bu mo dang / /bram ze la sogs rigs mchog dam pa rnams/ /thal sbyar rtse gcig sangs rgyas bsngags brjod na/ /skye ba rtag par kun tu tshe rabs dran/ /dbang po tshang zhing lus ni yongs rdzogs te/ /yon tan dam pa thams cad phun tshogs 'gyur/ /ma 'ongs pa mi skye ba thams cad du/ /rtag par lha mi rnams kyis blta bar shog /sangs rgyas gcig dang sangs rgyas bcu dag las/ /dge ba'i rtsa ba bsgrubs nas thos pa min/ /sangs rgyas brgya stong dge rtsa bskyed pas na/ /'gyod tshangs chos 'di thos par gyur pa yin/ /de nas bcom ldan 'das kyis de skad ces gsol pa gsan pa dang / byang chub sems dpa' mdzes pa'i tog la legs so/ /legs so zhes bsngags pa brjod nas/ rigs kyi bu/ khyod kyis ji ltar rmi lam du gser gyi rnga po che las byung ba'i sgras de bzhin gshegs pa'i yon tan gyi bsngags pa brjod pa dang / 'gyod tshangs bya ba'i chos bstan pa gang la la zhig gis thos par </font><hr>48a<br><font size=+1>


@#/ /gyur na bsod nams shin tu mang po thob par 'gyur zhing sems can la rgya cher phan 'dogs pa dang / kha na ma tho ba'i sgrib pa yongs su byang bar 'gyur ro/ / khyod kyi las mchog 'di dag thams cad ni 'das pa'i dus su bsngags pa brjod cing smon lam btab pa'i sngon gyi bag chags kyi rgyu rkyen dang / de bzhin gshegs pa rnams kyis byin gyis brlabs pa'i mthus rgyu rkyen 'di dag khyod la bstan pa yin par rig par bya'o/ /de'i tshe 'khor mang po rnams de skad ces bka' stsal pa thos nas thams cad rab tu dga' zhing mngon par yid ches nas bka' bzhin du spyod par gyur to/ /gser 'od dam pa mchog tu rnam par rgyal ba mdo sde'i rgyal po las/ rmi lam na 'gyod tshangs byed pa mthong ba'i le'u ste bzhi pa'o// //gser 'od dam pa mchog tu rnam par rgyal ba mdo sde'i rgyal po/ bam po gsum pa/ de nas bcom ldan 'das yang dag pa'i rnam par rtog pa la bzhugs te shin tu zab cing gya nom pa'i ting nge 'dzin la snyoms par zhugs pa dang / sku'i spu'i bu gnas kha dog rnam pa sna tshogs brgya stong tshad med pa snyed dang ldan pa'i 'od zer phyogs bcur bkye bas phyogs bcu'i gang+gA'i klung gi bye ma snyed dag gi tshad dang / dper byar med pa'i sangs rgyas kyi </font><hr>48b<br><font size=+1>


zhing rnams 'od zer gyis rab tu snang bar gyur ro/ /snyigs ma lnga'i 'jig rten du 'od zer gyis snang bar byas pas sems can gang dag mi dge ba bcu'i las dang / 
 med pa lnga'i kha na ma tho ba dang / dkon mchog gsum la skur pa btab pa dang / bla ma dang / nye ba dag la sri zhu ma byas pa dang / mkhan po dang / bram ze dag la brnyas shing nga rgyal byas pas sems can dmyal ba dang / dud 'gro'i skye gnas su ltung bar 'gyur ba de dag so so nas 'od zer gyi snang ba de dag mi'i gnas su phyin par gyur pas sems can de dag 'od zer de mthong ba dang / 'od zer gyi mthus thams cad kyis bde ba dang / shin tu sdug cing mdzes pa'i gzugs kyi mtshan phun sum tshogs pa dang / bsod nams dang / ye shes kyis brgyan nas sangs rgyas rnams mthong bar gyur to/ /de'i tshe brgya byin dang / lha'i 'khor thams cad dang / gang gA'i lha mo dang / 'khor mang po rnams 'od zer rmad du byung ba mthong ba dang / thams cad bcom ldan 'das kyi spyan sngar lhags te g.yas phyogs su lan gsum bskor ba byas nas phyogs gcig tu 'khod do/ /de nas brgya byin lha'i dbang po bcom ldan 'das kyis byin gyis brlabs kyi mthus stan las langs te bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la </font><hr>49a<br><font size=+1>


@#/ /bde logs su thal mo sbyar nas bcom ldan 'das la 'di skad ces gsol to/ /bcom ldan 'das/ rigs kyi bu 'am/ rigs kyi bu mo gang la la zhig gis bla na med pa yang dag par rdzogs pa'i byang chub gnyer zhing theg pa chen po mngon par bsgrubs pas ji ltar phyin ci log tu sems can thams cad yongs su gzung bar bgyi ba lags/ sngon mngon par 'dus bgyis pa'i las kyi sgrib pa'i kha na ma tho ba ji ltar bshags na yongs su 'byang bar 'gyur lags/ bcom ldan 'das kyis brgya byin lha'i dbang po la bka' stsal pa/ rigs kyi bu/ deng khyod kyis tshad med dpag tu med pa'i sems can rnams rnal 'byor bsgoms nas rnam par dag pa'i rnam par grol ba'i bde ba thob par bya ba dang / 'jig rten thams cad la snying brtse zhing phan par 'dod pa legs so/ /legs so/ /sems can gang la la zhig las kyi sgrib pa'i dbang gis sdig pa rnam mngon par 'dus byas pa gang yin pa des nan tan brtson 'grus bskyed de nyin mtshan dus drug tu bla gos phrag pa gcig tu gzar te bus mo g.yas pa'i lha nga sa la btsugs nas gus pas thal mo sbyar te sems rtsa gcig tu dran pa nye bar bsdus nas dag gi sgo nas bdag nyid kyis/ 'di skad du/ phyogs bcu na da ltar bzhugs pa'i sangs </font><hr>49b<br><font size=+1>


rgyas bcom ldan 'das bla na med pa yang dag par rdzogs pa'i byang chub brnyes nas dam pa'i chos kyi 'khor lo yongs su bskor ba/ chos kyi 'khor lo 'dzin cing gsal bar mdzad pa/ chos kyi char chen po phab pa/ chos kyi rnga chen po brdung ba/ chos kyi dung chen po bus pa/ chos kyi rgyal mtshan chen po btsugs pa/ chos kyi sgron ma chen po 'dzin pa/ thams cad sems can rnams la sman cing bde bar mdzad pa'i slad du rtag par chos kyi sbyin pa gtong ba/ skye dgu rmongs pa rnams drangs nas 'bras bu chen po thob pa la bkod de rtag tu bde ba mngon sum du mdzad par bzhed pa de lta bu'i sangs rgyas bcom ldan 'das rnams la skyabs su mchi ste mgo bos phyag 'tshal lo/ /sangs rgyas bcom ldan 'das gang dag yang dag pa'i shes rab dang / yang dag pa'i spyan dang / yang dag pa'i mkhyen pa dang / yang dag pa'i mnyam pas sems can gyi dge sdig gi las mkhyen cing gzigs pa thams cad la lus dang / ngag dang| yid kyis sems rtse gcig tu spyi bos btud de gus par phyag 'tshal lo/ /bdag gis thog ma ma mchis pa'i dus nas sdig pa'i rjes su 'brangs te sems can rnams dang lhan cig tu las kyi sgrib pa'i kha na ma tho ba bgyis pa dang / 'dod chags dang / zhe sdang dang / gti mug gis kun tu dkris shing bcings pas sangs rgyas ma 'tshal ba'i dus dang / </font><hr>50a<br><font size=+1>


@#/ /chos ma 'tshal ba'i dus dang / dge 'dun ma 'tshal ba'i dus dang / dge sdig ma 'tshal ba'i dbang gis lus dang / ngag dang / yid kyi sgo nas mtshams ma mchis pa ngan sems kyis de bzhin gshegs pa'i sku la mtshal phyung ba dang / yang dag pa'i chos la skur pa btab pa dang / dge 'dun mthun pa'i dbyen bgyis pa dang / dgra bcom pa bkum pa dang / pha ma bkum pa dang / lus kyi rnam pa gsum dang / ngag gi rnam pa bzhi dang / yid kyi spyod pa rnam pa gsum gyi dbang gis mi dge ba bcu'i las bdag nyid kyis bgyis pa dang / gzhan bgyid du stsal ba dang / gzhan bgyid pa la rjes su yi rang ba dang / dge ba'i gang zag rnams la nan gyis skur pa btab pa dang / bre srang gis bslus pa dang / yang dag pa ma lags pa la yang dag par gzung ba dang / mi gtsang ba'i bza' ba dang / btung ba gzhan dag la stsal ba dang / 'gro ba drug po de dag tu mchis pa'i pha ma ji snyed pa dag la phan tshun gnod pa bgyis pa dang / mchod rten gyi dkor brkus pa dang / phyogs bzhi'i dge 'dun gyi dkor dang / mngon sum gyi dge 'dun gyi dkor rang dbang bgyis te yongs su spyad pa dang / bcom ldan 'das kyis gsungs pa'i chos dang / 'dul ba la bslab par ma mos pa dang / mkhan po dang / bla ma'i gdams ngag gi rjes su mi 'brang ba dang / nyan </font><hr>50b<br><font size=+1>


thos dang / rang sangs rgyas dang / theg pa chen po'i spyod pa mngon par bsgrubs pa dag la smad par dga' bas rnal 'byor sgom pa'i gang zag rnams sems la 'gyod pa skyed pa dang / bdag pas khyad par du 'phags pa zhig mthong na phrag dog bskyed pa dang / chos kyi sbyin pa dang / zang zing gi sbyin pa dag la rtag par ser sna dang / phangs pa'i sems bskyed pa dang / ma rig pas bsgribs shing log par lta bas sems rmongs bar gyur pa dang / dge ba'i sgyu ma bskyed pas sdig pas sdig pa 'phel bar gyur pa dang / de bzhin gshegs pa rnams la smod pa'i bsam pa skyed pa dang / chos la chos ma lags par bshad pa dang / chos ma lags pa la chos su bshad pa la sogs pa 'di lta bu'i sdig pa mang po rnams bcom ldan 'das yang dag pa'i shes rab dang / yang dag pa'i spyan dang / yang dag pa'i mkhyen pa dang / yang dag pa'i mnyam pa'i mnyam pas thams cad mkhyen cing thams cad gzigs pa dag la deng bdag srog phyogs nas bcom ldan 'das rnams kyi spyan sngar mthol shing bshags so/ /thams cad mngon du phyung nas 'chab cing sbed par mi bgyid do/ /sngar ma bgyis pa'i kha na ma tho ba rnams slan chad mi bgyid do/ /sngar bgyis pa'i kha na ma tho ba rnams deng thams cad mthol zhing bshags so/ /ngan 'gro'i sems can dmyal ba dang / </font><hr>51a<br><font size=+1>


@#/ /dud 'gro'i skye gnas dang / yi dwags kyi 'gro ba dang / lha ma yin gyi 'khor dang / mi khom pa brgyad po dag tu ltung bar 'gyur ba'i las kyi sgrib pa ci mchis pa dang / bdag gis tshe 'di la bgyis pa'i las kyi sgrib pa thams cad zhu byang nas sdig pa'i rnam par smin pa ci mchis pa ma 'ongs pa na mi myong ba smon to/ /ji ltar 'das pa'i byang chub sems dpa' sems dpa' chen po rnams kyi spyod pa spyad pa na las kyi sgrib pa ci mchis pa thams cad mthol zhing bshags pa de bzhin du bdag gis las kyi sgrib pa ci mchis pa'ang mthol zhing bshags so/ /thams cad mngon du phyung ste 'chab cing sbed par mi bgyid do/ /sngar bgyis pa'i sdig pa rnams zhu byang bar smon to/ /ma 'ongs pa'i sdig pa rnams kyang bgyid pa'i thugs mi thub bo/ /ma 'ongs pa'i byang chub sems dpa' sems dpa' chen po rnams byang chub kyi spyad pa spyod pa na| las kyi sgrib pa ci mchis pa ma lus par mthol zhing bshags pa de bzhin du bdag gi las kyi sgrib pa'ang deng mthol zhing bshags so/ /thams cad mngon du phyung nas 'chab cing sbed par mi bgyid do/ /sngar bgyis pa'i sdig pa rnams zhu byang bar smon to/ /ma 'ongs pa'i sdig pa rnams kyang bgyi ba'i thugs mi thub bo/ /da ltar </font><hr>51b<br><font size=+1>


phyogs bcu'i 'jig rten na byang chub sems dpa' sems dpa' chen po rnams kyis byang chub kyi spyod pa spyad pa dag las kyi sgrib pa ci mchis pa mthol zhing 'chags pa de bzhin du bdag gis las kyi sgrib pa'ang mthol zhing bshags so/ /thams cad mngon du phyung nas 'chab cing sbed par mi bgyid do/ /sngar bgyis pa'i sdig pa rnams zhu byang bar smon to/ /ma 'ongs pa'i sdig pa rnams kyang bgyid pa'i thugs mi thub bo zhes brjod par bya'o/ /rigs kyi bu/ rgyu dang / rkyen de'i phyir gang gis sdig pa byas pa zhig yod na skad cig tsam du'ang 'chab cing sbar mi rung na nyin gcig gam/ mtshan gcig nas dus ring po'i bar lta smos kyang ci dgos/ gang la la zhig gis sdig pa byas nas rnam par dag pa yongs su tshol bar 'dod cing sems la ngo tsha ba dang bcas pas ma 'ongs pa na gdon mi za bar sdig pa'i rnam par smin pa yod do zhes mngon par yid ches nas 'jigs shing skrag pa chen po skyes pa des 'di ltar bshags par bya'o/ /'di lta ste/ dper na/ mi la la zhig mes mgo thod bsregs sam/ gos bsregs par gyur na myur ba kho nar me gsod par byed de/ gal te zhi bar ma gyur na sems kyis bde ba thob par mi 'gyur ro/ /gang gis sdig pa byas na'ang de bzhin du mthol zhing bshags nas </font><hr>52a<br><font size=+1>


@#/ /myur ba kho nar yongs su sbyang bar bya'o/ /gang la la zhig phyug po'i khyim du skyes nas nor dang / rin po che mang po dang ldan par 'dod pa dang / gzhan yang sems bskyed nas theg pa chen po bsgom par 'dod na'ang 'gyod tshangs byas nas las kyi sgrib pa yongs su sbyang bar bya'o/ /cho rigs btsun pa'i bram ze dang / rgyal rigs dang / 'khor los bsgyur ba'i rgyal po rin po che sna bdun dang ldan pa'i khyim dag tu skye bar 'dod na'ang 'gyod tshangs byas nas las kyi sgrib pa yongs su byang bar bya'o/ /rigs kyi bu/ gal te rgyal chen bzhi'i ris kyi lha dang / sum cu rtsa gsum pa'i lha dang / 'thab bral gyi lha dang / dga' ldan gyi lha dang / 'phrul dga'i lha dang / gzhan 'phrul dbang byed kyi lhar skye bar 'dod na'ang 'gyod tshangs byas nas las kyi sgrib pa yongs su sbyang bar bya'o/ /gal te tshangs ris dang / tshangs pa'i mdun na 'don dang / tshangs chen gyi lha dang| 'od chung dang / tshad med 'od dang / 'od gsal gyi lha dang / dge chung dang / tshad med dge dang / dge rgyas kyi lha dang / sprin med dang / bsod nams skyes dang / 'bras bu che ba dang / mi che ba dang / mi gdung ba dang / gya nom snang dang / shin tu mthong dang / 'og min gyi lhar skye bar 'dod na'ang 'gyod tshangs byas nas las kyi sgrib pa yongs su sbyang bar </font><hr>52b<br><font size=+1>


bya'o| |gal te rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu yongs su gnyer bar 'dod na'ang 'gyod tshangs byas nas las kyi sgrib pa yongs su sbyang bar bya'o/ /gal te rig pa gsum dang / mngon par shes pa drug dang / nyan thos dang / rang sangs rgyas kyi rang dbang thob pa'i byang chub yongs su gnyer ba dang / mthar thug pa'i sar phyin nas thams cad mkhyen pa'i ye shes dang / yongs su dag pa'i ye shes dang / bsam gyis mi khyab pa'i ye shes dang / mi g.yo ba'i ye shes dang / yang dag par rdzogs pa'i byang chub thams cad mkhyen pa yongs su gnyer bar 'dod na'ang 'gyod tshangs byas nas las kyi sgrib pa yongs su sbyang bar bya'o/ / de ci'i phyir zhe na/ rigs kyi bu/ chos thams cad ni rgyu dang / rkyen las skye bas de bzhin gshegs pas kyang tha dad pa'i mtshan nyid 'gag par 'gyur ro zhes gsungs te/ rgyu dang / rkyen tha dad pa'i phyir 'di ltar 'das pa'i chos rnams 'gag cing zad par 'gyur bas las kyi sgrib pa ji snyed pa ma lus par 'gyur ba'ang 'du byed kyi chos rnams mngon du ma skyes pa gang yin pa de dag deng gdod skye bar 'gyur bsam 'ongs pa'i las kyi sgrib pa'ang ldang bar mi 'gyur ro/ /de ci'i phyir zhe na/ rigs kyi bu/ chos thams cad stong zhing de bzhin gshegs pas kyang </font><hr>53a<br><font size=+1>


@#/ /bdag dang / gang zag dang / sems can dang / srog med pa dang / skye ba med pa dang / 'gag pa med pa dang / 'du byed kyi chos kyang med do zhes gsungs pas so/ / rigs kyi bu/ chos thams cad ngo bo nyid kyi gzhi la brten pas brjod du'ang med do/ /de ci'i phyir zhe na/ mtshan ma thams cad las yang dag par 'das pa'i phyir ro/ /rigs kyi bu'am/ rigs kyi bu mo gang la la zhig 'di ltar yang dag pa'i don shin tu gya nom pa la zhugs nas mngon par yid ches pas gus pa'i sems skyes par gyur par gang yin pa de ni sems can med cing ngo bo nyid kyi gzhi yod pa zhes bya ste don de'i phyir 'gyod tshangs kyis las kyi sgrib pa yongs su sbyang bar bya'o zhes bstan pa yin no/ /rigs kyi bu/ gang gis chos rnam pa bzhi dang ldan par gyur na las kyi sgrib pa yongs su bsal nas gtan du yongs su byang bar 'gyur ro/ /bzhi gang zhe na/ log pa'i bsam pa mi skye zhing yang dag pa'i dran pa phun sum tshogs par gyur pa dang / shin tu zab pa'i don dag la skur pa mi 'debs pa dang / spyod pa dang po pa'i byang chub sems dpa' dag thams cad mkhyen pa yin no snyam pa'i bsam pa bskyed pa dang / sems can rnams la byams pa tshad med pa bskyed pa ste 'di dag ni rnam pa bzhi zhes bya'o/ /de nas bcom ldan 'das </font><hr>53b<br><font size=+1>


kyis tshigs su bcad de bka' stsal pa/ rtse gcig sems kyis theg gsum srung / /zab mo'i chos la skur mi 'debs/ /thams cad mkhyen pa'i 'du shes bskyed/ /byams sems las kyi sgrib pa sbyong / /rigs kyi bu/ shin tu bsal bar bka' ba'i las kyi sgrib pa ni rnam pa bzhi yod de/ bzhi gang zhe na/ byang chub sems dpa'i sngom las shin tu lci ba'i kha na ma tho ba byas pa dang / theg pa chen po'i mdo sde la sems kyi skur pa btab pa dang / rang gi dge ba'i rtsa ba 'phel bar mi byed pa dang / /srid pa gsum la mngon par zhen nas nges par 'byung ba'i sems med pa gang yin pa'o/ /gzhan yang / las kyi sgrib pa'i gnyen por 'gyur ba rnam pa bzhi yod de/ bzhi gang zhe na/ phyogs bcu'i 'jig rten na bzhugs pa'i de bzhin gshegs pa thams cad la bsam pa thag pa nas nye bar bsnyen nas kha na ma thob thams cad bshags par byed pa dang / sems can thams cad kyi ched du de bzhin gshegs pa rnams la dam pa'i chos zab mo bshad par gsol ba 'debs pa dang / sems can thams cad kyi bsod nams ji snyed pa dag la rjes su yi rang ba dang / bsod nams kyi dge ba'i rtsa ba ji snyed pa thams cad bla na med pa yang dag par rdzogs pa'i byang chub tu yongs su bsngo ba gang yin pa'o/ /de nas bcom ldan </font><hr>54a<br><font size=+1>


@#/ /'das la brgya byin lha'i dbang pos 'di skad ces gsol to/ /bcom ldan 'das/ 'jig rten na skyes pa dang / bud med ji snyed mchis pa dag las theg pa chen po spyod pa spyod rngo thogs pa'ang mchis/ spyod rngo mi thogs pa'ang mchis na/ ji ltar sems can thams cad kyi bsod nams kyi dge ba'i rtsa ba dag la rjes su yi rang bar bgyi lags/ bcom ldan 'das kyis bka' stsal pa/ rigs kyi bu/ sems can gang la la zhig theg pa chen po sgom par mi nus mod kyi/ 'on kyang nyin mtshan dus drug tu bla gos phrag pa gcig la gzar te pus mo g.yas pa'i lha ngas la btsugs nas gus pas thal mo sbyar te sems rtse gcig tu dran pa nye bar gzhag nas rjes su yi rang bar byed na bsod nams tshad med pa snyed 'thob par 'gyur bas/ 'di skad du/ phyogs bcu'i 'jig rten gyi khams na sems can gang dag da ltar sbyin pa dang| tshul khrims dang / sems kyi shes rab mngon par sgrub pa ji snyed pa de dag thams cad la deng bdag shin tu dang bas rjes su yi rang ngo zhes brjod par gyur na de ltar rjes su yi rang ba'i bsod nams kyi dbang gis gdon mi za bar shin tu btsun zhing khyad par du 'phags pa/ bla na med pa/ mtshungs pa med pa/ mchog tu gya nom </font><hr>54b<br><font size=+1>


pa'i 'bras bu 'thob par 'gyur ro/ /de bzhin du 'das pa dang / ma 'ongs pa'i sems can thams cad kyi dge ba'i rtsa ba ji snyed pa thams cad la'ang rjes su yi rang bar bya'o/ / gzhan yang / da ltar byang chub sems dpa'i spyod pa dang po pas byang chub tu sems bskyed pa las byung ba'i bsod nams ji snyed pa dag dang / bskal pa chen po brgya 'das nas/ byang chub sems dpa'i spyod pa spyad pa las byung ba'i bsod nams chen po gang yin pa dang / mi skye ba'i bzod pa thob pa nas phyir mi ldog pa dang / tshe gcig gis dbang bskur bar 'gyur ba dag las byung ba'i bsod nams kyi phung po gang yin pa de dag thams cad la'ang 'di ltar bsam pa thag pa nas rjes su yi rang zhing bsngags pa brjod par bya'o/ /de bzhin du 'das pa dang / ma 'ongs pa'i byang chub sems dpa' thams cad kyi bsod nams ji snyed pa dag la'ang rjes su yi rang zhing bsngags pa brjod par bya'o/ /gzhan yang / da ltar phyogs bcu'i 'jig rten yang dag pa'i thams cad mkhyen pa/ byang chub gya nom pa brnyes pa'i sangs rgyas bcom ldan 'das thams cad sems can mtha' yas pa rnams yongs su zla ba'i phyir bla na med pa'i chos kyi 'khor lo bskor ba/ thogs pa mi mnga' ba'i chos kyi sbyin pa btang ba/ chos kyi rnga brdungs pa/ chos kyi dung bus pa/ chos kyi rgyal mtshan btsugs pa/ </font><hr>55a<br><font size=+1>


@#/ /chos \?\ kyi char phab pa dag gis thugs brtse bas sems can thams cad la bskul zhing yongs su btul bas thams cad mngon par yid ches par gyur nas chos kyi sbyin pas tsham \?\ par mdzad pa'i dbang gis zad mi shes pa'i bde ba thob pa la bkod pa gang yin pa dang / gzhan yang / byang chub sems dpa' dang / nyan thos dang / rang sangs rgyas kyis bsod nams bsags pa las byung ba'i dge ba'i rtsa ba gang yin pa dang / sems can gang gis de 'dra ba'i bsod nams da dung phun sum tshogs par ma gyur pa dag thams cad phun sum tshogs par 'gyur ba gang yin pa de dag la bdag rjes su yi rang ngo / /de bzhin du 'das pa dang / ma byon pa'i sangs rgyas dang / byang chub sems dpa' dang / nyan thos dang / rang sangs rgyas rnams kyi bsod nams ji snyed pa thams cad la'ang bsam pa thag pa nas rjes su yi rang ngo zhes brjod par bya'o| |rigs kyi bu/ de ltar na rjes su yi rang ba gang yin pa des bsod nams kyi phung po tshad med pa snyed 'thob par 'gyur ro/ /gang gA'i klung gi bye ma dang mnyam pa'i stong gsum gyi stong chen po'i 'jig rten gyi khams na sems can ji snyed yod pa de dag thams cad nyon mongs pa spangs te dgra bcom pa mngon par sgrub par gyur la rigs kyi </font><hr>55b<br><font size=+1>


bu'am/ rigs kyi bu mo gang la la zhig nam 'tsho'i bar du rtag par gos dang / bza' ba dang / btung ba dang / mal cha dang / gsos sman mchog dam pa rnams kyis mchod pa dang / rim gro byas pas 'thob pa'i bsod nams gang yin pa des 'di ltar snga ma lta bur rjes su yi rang ba'i bsod nams de dang bskrun na stong gi cha gcig tsam du'ang nye bar mi 'gro'o/ /de ci'i phyir zhe na/ mchod pa byas pa'i bsod nams gang yin pa de la ni grangs dang bcas shing tshad dang bcas pas bsod nams thams cad yongs su sdud par mi 'gyur la rjes su yi rang ba'i bsod nams gang yin pa de ni tshad med grangs med pas dus gsum gyi bsod nams thams cad yongs su sdud par byed pas de'i phyir gang la la zhig dge ba'i rtsa ba khyad par can 'phel bar 'dod pas 'di ltar rjes su yi rang ba'i bsod nams mngon par bsgrub par bya'o/ /bud med gang la la zhig bud med kyi lus yongs su bsgyur nas skyes pa'i lus yongs su 'grub par 'dod na'ang rjes su yi rang ba'i bsod nams mngon par bsgrub par byed na gdon mi za bar yid la bsams pa bzhin du tshe 'di nyid la skyes pa'i lus mngon par bsgrub par 'gyur ro/ /de nas bcom ldan 'das la brgya byin lha'i dbang pos 'di skad ces gsol to/ /bcom ldan 'das/ rjes su yi rang </font><hr>56a<br><font size=+1>


@#/ /ba'i bsod nams gang lags pa ni 'tshal bar gyur na slad ma'i byang chub sems dpa' thams cad chos kyi 'khor lo bskor bar 'gyur ba dang / da ltar gyi byang chub sems dpa' rnams yang dag par rnal 'byor sgom par 'gyur bar bgyid pa'i slad du bskul ba dang / gsol ba btab pa'i bsod nams gang lags pa bshad du gsol/ bcom ldan 'das kyis bka' stsal pa/ lha'i dbang po/ rigs kyi bu'am/ rigs kyi bu mo gang la la zhig bla na med pa yang dag par rdzogs pa'i byang chub yongs su gnyer ba gang yin pa des nyan thos dang / rang sangs rgyas dang / theg pa chen po'i lam bsgom par 'dod na gang zag des nyin mtshan dus drug tu snga ma lta bu'i spyod lam gyis sems rtse gcig tu dran pa nye bar gzhag nas/ 'di skad du/ deng bdag phyogs bcu na sangs rgyas bcom ldan 'das bla na med pa yang dag par rdzogs pa'i byang chub brnyes par gyur kyang / bla na med pa'i chos kyi 'khor lo da dung ma bskor ba dang / rnam par smin pa'i sku spangs nas yongs su mya ngan las 'da' bar bzhed pa gang lags pa de dag thams cad la bdag bsam pa thag pa nas spyi bos btud de phyag bgyis nas sems can thams cad yongs su bsgral zhing </font><hr>56b<br><font size=+1>


bde bar bgyi ba dang / sngar gong du bstan pa ltar bas pa ma mchis pa'i bde ba thob par bgyi ba'i slad du chos kyi 'khor lo chen po yongs su bskor ba dang / chos kyi char chen po dbab pa dang / chos kyi sgron ma chen po sbar ba dang / don gyi tshul gsal par mdzad pa dang / thogs pa mi mnga' ba'i chos kyi sbyin pa btang nas yongs su mya ngan las mi 'da' zhing 'jig rten na yun ring du bzhugs par bskul zhing gsol ba 'tshal lo/ /deng bdag gis bskul zhing gsol ba btab pa'i bsod nams gang lags pa 'di dag thams cad bla na med pa yang dag par rdzogs pa'i byang chub tu yongs su bsngo bar bgyi'o/ /ji ltar 'das pa dang / da ltar gyi byang chub sems dpa' sems dpa' chen po rnams kyis bskul ba dang / gsol ba btab pa'i bsod nams de dag byang chub tu yongs su bsngos pa de bzhin du bdag gis kyang bskul ba dang / gsol ba btab pa'i bsod nams gang 
 pa de dag bla na med pa yang dag par rdzogs pa'i byang chub tu yongs su bsngo bar bgyi'o zhes brjod par bya'o/ /rigs kyi bu/ gal te gang la la zhig gis stong gsum gyi stong chen po'i 'jig rten gyi khams rin po che sna bdun gyis yongs su bkang ste de bzhin gshegs pa la mchod pa byas pa bas gang la la zhig gis de bzhin gshegs pa la </font><hr>57a<br><font size=+1>


@#/ /chos kyi 'khor lo chen po bskor bar gsol ba btab pas 'thob pa'i bsod nams gang yin pa de snga ma bas ches khyad par du 'phags te/ de ci'i phyir zhe na/ de ni zang zing gi sbyin pa yin pa 'di ni chos kyi sbyin pa yin pas so/ /rigs kyi bu/ stong gsum gyi stong chen po'i 'jig rten gyi khams rin po che sna bdun gyis bkang ste sbyin pa btang ba lta re zhig zhog gi /gal te la la zhig gis gang gA'i klung gi bye ma snyed kyi stong chen po'i 'jig rten gyi khams rin po che sna bdun gyis yongs su bkang ste sangs rgyas thams cad la mchod pa byas pa bas bskul zhing gsol ba btab pa'i bsod nams gang yin pa de de bas kyang ches khyad par du 'phags so/ / chos kyi sbyin pa ni khyad par du 'phags pa'i phan yon rnam pa lnga dang ldan te/ lnga gang zhe na/ dang po chos kyi sbyin pa gang yin pa de ni bdag dang / gzhan la phan 'dogs par byed la zang zing gi sbyin pa ni de lta ma yin pas so/ /gnyis pa chos kyi sbyin pa gang yin pa de ni sems can khams gsum nas 'byin par byed pa yin la zang zing gi sbyin pa'i bsod nams gang yin pa de ni 'dod pa'i khams las mi 'da' bas so/ /gsum pa chos kyi sbyin pa gang yin pa de ni chos kyi sku yongs su dag par byed pa yin la zang zing gi </font><hr>57b<br><font size=+1>


sbyin pas ni gzugs 'ba' zhig 'phel bar byed pas so/ /bzhi pa chos kyi sbyin pa gang yin pa de ni mthar thug pa med pa yin la zang zing gi sbyin pa ni zad par 'gyur bas so/ /lnga pa chos kyi sbyin pa gang yin pa de ni ma rig pa yongs su gcod par byed la zang zing gi sbyin pa de ni 'dod pa'i sred pa tsam thul bar 'gyur bas so/ /de lta bas na/ rigs kyi bu/ bskul ba dang / gsol ba btab pa'i bsod nams ni tshad med dpag tu med pas dpe byar sla ba ma yin no/ /nga sngon byang chub sems dpa'i spyad pa spyod pa na de bzhin gshegs pa rnams la chos kyi 'khor lo chen po yongs su bskor bar bskul bas dge ba'i rtsa ba'i dbang gis de lta bas na deng brgya byin dang / tshangs pa'i rgyal po la sogs pas nga la chos kyi 'khor lo bskor bar gsol ba btab pa yin te/ rigs kyi bu/ chos kyi 'khor lo yongs su bskor bar bskul ba ni sems can rnams yongs su sgrol zhing bde bar byed pa yin pa'i phyir ro/ / nga sngon byang chub kyi spyod pa spyad pa na de bzhin gshegs pa rnams 'jig rten na yun ring du bzhugs shing yongs su mya ngan las mi 'da' bar gsol ba btab pas na dge ba'i rtsa ba de la brten nas ngas stobs bcu dang / bsnyengs pa mi mnga' ba bzhi dang / so so yang dag par rig pa dang / byams pa chen po dang / thugs rje chen po dang / ma 'dres pa'i chos grangs </font><hr>58a<br><font size=+1>


@#/ /med pa snyed brnyes par gyur pa yin te/ nga lhag ma med pa'i mya ngan las 'das pas yongs su mya ngan las 'das par 'gyur yang nga'i yang dag pa'i chos 'jig rten na yun ring bar gnas par 'gyur ba yin no/ /nga'i chos kyi sku gang yin pa de ni rnam par dag cing dpe zla med pas mtshan mchog dam pa sna tshogs dang / mkhyen pa tshad med pa dang / dpag tu med pa dang / yon tan bsam gyis mi khyab pa tshad med pa dang ldan zhing sems can thams cad la phan 'dogs par mdzad pas bskal pa bye ba brgya stong snyed du brjod kyang mthar thug par mi 'gyur ro/ /chos kyi skus ni chos thams cad yongs su sdud par mdzad la chos thams cad kyis ni chos kyis sku yongs su sdud par mi byed do/ /chos kyi sku rtag par gnas kyang rtag pa'i lta bar ltung bar mi 'gyur ro/ /'gag par 'gyur yang chad pa'i lta bar 'gyur ba ma yin pas sems can gyi tha dad pa'i lta ba rnam pa sna tshogs rnam par bshig nas sems can gyi yang dag pa'i lta ba rnam pa sna tshogs bskyed par mdzad do/ /sems can thams cad kyi 'ching ba dgrol bar mdzad kyang dgrol par bya ba ci'ang mi mnga'o/ /sems can rnams kyi dge ba'i rtsa ba rnams bskyed pas yongs su ma smin pa gang yin pa </font><hr>58b<br><font size=+1>


de ni yongs su smin par mdzad la yongs su smin pa gang yin pa de ni rnam par grol bar mdzad kyang mngon par 'du mdzad pa'ang mi mnga' g.yo ba'ang mi mnga' bas 'du 'dzi las thag ring du gyur pa rab tu dben zhing mdzad pa mi mnga' bas rang dbang du gyur cing bde bar gyur pa dus gsum las yang dag par 'das kyang / dus gsum ston par mdzad pa nyan thos dang / rang sangs rgyas kyi spyod yul las nges par 'byung ba/ byang chub sems dpa' chen po rnams kyis bsgrub par bya ba dang / de bzhin gshegs pa thams cad dang sku tha dad par gyur ba med par yin te/ 'di dag thams cad kyang bskul zhing gsol ba btab pa'i dge ba'i rtsa ba'i stobs kyis brnyes pa yin pa'i phyir 'di lta bu'i chos sku ngas dang brnyes pa yin te de lta bas na gang dag bla na med pa yang dag par rdzogs pa'i byang chub yongs su gnyer bar 'dod pas chos kyi rnam grangs 'di las tshig gcig gam/ tshigs su bcad pa gcig tsam gzhan dag la ston par byed pa'i dge ba'i rtsa ba gang yin pa de'ang tshad med par gyur pa yin na/ de bzhin gshegs pa rnams la chos kyi 'khor lo chen po yongs su bskor bar bskul zhing 'jig rten na yun ring du bzhugs nas yongs su mya ngan las mi 'da' bar gsol ba 'debs pa lta smos kyang ci </font><hr>59a<br><font size=+1>


@#/ /dgos/ de nas bcom ldan 'das la brgya byin lha'i dbang pos yang 'di skad ces gsol to/ /bcom ldan 'das/ rigs kyi bu'am/ rigs kyi bu mo gang la la zhig bla na med pa yang dag par rdzogs pa'i byang chub yongs su gnyer zhing theg pa gsum gyi lam bsgom 'tshal bas dge ba'i rtsa ba ci mchis pa ji ltar thams cad mkhyen pa'i ye shes su bsngo bar bgyi lags/ bcom ldan 'das kyis lha'i dbang po brgya byin la bka' stsal pa/ rigs kyi bu/ sems can gang dag byang chub yongs su gnyer zhing theg pa gsum gyi lam bsgom pas dge ba'i rtsa ba ci yod pa yongs su bsngo bar 'dod pa des nyin mtshan dus drug tu gus pas sems rtse gcig tu/ 'di skad ces/ bdag gis thog ma med pa'i 'khor ba nas dkon mchog gsum po dag gi thad du rnal 'byor bsgoms nas yongs su rdzogs par gyur pa las byung ba'i dge ba'i rtsa ba ci yod pa dang| tha na dud 'gro'i skye gnas kyi srog chags dag la kha zas changs gcig tsam byin pa dang / dge ba'i tshig gis rtsod pa dag gi bsdums byas pa dang / dkon mchog gsum la skyabs su song nas bslab pa'i gnas rnams yang dag par blangs pa dang / 'gyod tshangs byas pa dang / bskul zhing gsol ba btab pa dang / rjes su yi rang ba'i dge ba'i rtsa ba </font><hr>59b<br><font size=+1>


ji snyed pa de dag deng bdag gis thams cad gcig tu bsdus te 'gyod cing phangs pa med pa'i sems kyis sems can thams cad la yongs su btang ngo / /rnam par grol ba'i phyogs kyis yongs su bzung ba'i dge ba'i rtsa ba gang yin pa de dag kyang sangs rgyas bcom ldan 'das kyis mkhyen cing gzigs pa dpag tu med pa dang / thogs pa mi mnga' ba'i rnam par dag pas 'di ltar bsod nams kyi dge ba'i rtsa ba ji snyed pa de dag thams cad mtshan ma'i sems la mi gnas shing mtshan ma'i sems kyang mi spyod par sems can thams cad la yongs su btang ba de bzhin du bdag gis bsod nams las byung ba'i dge ba'i rtsa ba ci yod pa de dag thams cad kyang sems can thams cad la yongs su gtong ste| thams cad kyis yid bzhin gyi lag pa thob nas nam mkha' las rin po che byung ste sems can thams cad kyi re ba yongs su bskang bar gyur cig /longs spyod zad mi shes pa dang / shes rab mthar thug pa med pa dang / dam pa'i chos kyi spobs pa thogs pa med pa thob nas sems can thams cad dang thun mong du bla na med pa yang dag par rdzogs pa'i byang chub mngon par rdzogs par sangs rgyas nas rnam pa thams cad mkhyen pa 'thob par gyur cig /dge ba'i rtsa ba 'di'i rgyus dge ba'i chos tshad med pa bskyed pa gang yin </font><hr>60a<br><font size=+1>


@#/ /pa de dag thams cad kyang bla na med pa'i byang chub tu yongs su bsngo'o/ /gzhan yang / 'das pa'i byang chub sems dpa' chen po rnams spyad pa spyod pa na bsod nams kyi dge ba'i rtsa ba thams cad rnam pa thams cad mkhyen pa nyid du yongs su bsngos pa dang / da ltar dang / ma 'ongs pa dag gis ji ltar yongs su bsngo ba de bzhin du bdag gis bsod nams kyi dge ba'i rtsa ba ji snyed pa thams cad kyang bla na med pa'i byang chub tu yongs su bsngo'o/ /dge ba'i rtsa ba 'di dag gi dbang gis sems can thams cad dang dus gcig tu yang dag par rdzogs pa'i byang chub mngon par rdzogs par sangs rgyas nas sangs rgyas gzhan dag ji lta ba bzhin du byang chub kyi shing drung du byang chub kyi snying po la gnas te bsam gyis mi khyab pa'i thogs pa med pa'i rnam par dag pa dang / zad mi shes pa'i chos kyi gzungs dang / dpa' bar 'gro ba'i ting nge 'dzin la gnas nas bdud sdig can gyi dmag tshogs tshad med pa dag pham par byas te mkhyen pa dang / gzigs pa mngon par rtogs nas 'di ltar de dag thams cad skad cig ma gcig la gsal bar rtogs te nam gyi cha smad la bdud rtsi'i chos thob nas zil dngar gyi don mngon sum du gyur te bdag dang / sems can thams cad tshe dpag tu med pa </font><hr>60b<br><font size=+1>


dang| sangs rgyas 'phags pa'i 'od dang / sangs rgyas dam pa'i 'od dang / sangs rgyas mi 'khrugs pa dang / sangs rgyas yon tan legs pa'i 'od dang / sangs rgyas seng ge'i 'od dang| sangs rgyas 'od brgya ba dang / sangs rgyas dran pa'i 'od dang / sangs rgyas rin chen mtshan dang / sangs rgyas rin chen 'bar dang / sangs rgyas 'bar ba'i 'od dang / sangs rgyas rgyas par 'bar ba'i 'od dang / sangs rgyas bkra shis bla ma'i rgyal po dang / sangs rgyas dam pa'i sgra dang / sangs rgyas bkod pa'i mchog dang / sangs rgyas chos kyi rgyal mtshan dang / sangs rgyas bla ma 'phags pa'i sku dang / sangs rgyas mngon par dga' ba'i gzugs sku dang / sangs rgyas 'od zer kun tu snang mdzad dang / sangs rgyas tshangs pa rnam dag rgyal po dang| sangs rgyas bla ma'i rang bzhin la sogs pa ji lta ba bzhin du gya nom par mngon par rdzogs par sangs rgyas nas 'di ltar de bzhin gshegs pa yang dag par mkhyen pa de dag 'das pa dang / ma 'ongs pa dang / da ltar longs spyod rdzogs pa dang / sprul pa'i sku bstan te bla na med pa yang dag par rdzogs pa'i byang chub brnyes nas bla na med pa'i chos kyi 'khor lo yongs su bskor te sems can yongs su bzlas pa bzhin du bdag kyang de bzhin du gyur cig ces rgya cher gong du bstan pa bzhin du brjod par bya'o/ /rigs kyi bu/ shin tu </font><hr>61a<br><font size=+1>


@#/ /dang ba'i dad pa dang ldan pa'i skyes pa'am/ bud med gang la la zhig gser 'od dam pa mchog tu rnam par rgyal ba mdo sde'i rgyal po las las kyi sgrib pa yongs su sbyong ba'i le'u 'di len pa dang / 'dzin pa dang / klog pa dang / kha ton du 'don pa dang / dran pas mi brjed par byas te/ gzhan dag la rgya cher yang dag par ston par byed na bsod nams kyi phung po tshad med dpag tu med pa snyed 'thob par 'gyur ro/ /'di lta ste/ dper na/ stong gsum gyi stong chen po'i 'jig rten gyi khams na sems can ji snyed yod pa thams cad dus gcig tu mi'i lus mngon par grub par gyur la mi'i lus thob nas kyang thams cad rang sangs rgyas kyi lam mngon par 'grub par gyur te/ skyes pa'am/ bud med gang la la zhig nam 'tsho'i bar du bkur sti dang / bla mar byas te yo byad rnam pa sna tshogs bzhi pa dag gis mchod pa byas te rang sangs rgyas re re la'ang so so nas ri'i rgyal po ri rab dang mnyam pa'i rin po che sna bdun gyis yongs su bkang ste rang sangs rgyas de dag yongs su mya ngan las 'das pa'i 'og tu'ang rin po che las mchod rten brtsigs nas mchod pa byas te mchod rten de dag kyang dpag tshad bcu gnyis kyi tshad tsam du mtho zhing me tog dang / spos dang / rin po che'i rgyal mtshan </font><hr>61b<br><font size=+1>


dang| ba dan dang / gdugs mang po dag gis rtag par mchod pa byas na/ rigs kyi bu/ 'di ji snyam du sems gang zag de dag gis thob pa'i bsod nams gang yin pa de ni ci mang ba yin snyam mam/ lha'i dbang pos gsol pa/ bcom ldan 'das/ shin tu'ang mang lags so/ /rigs kyi bu/ gal te gang la la zhig gis gser 'od dam pa mchog tu rnam par rgyal ba mdo sde'i dbang po las las kyi sgrib pa yongs su sbyong ba'i le'u 'di len pa dang / 'dzin pa dang / klog pa dang / kha ton du 'don pa dang / dran pas mi brjed par byas te/ gzhan dag la rgya cher yang dag par ston pas 'thob pa'i bsod nams gang yin pa de sngar bstan pa'i mchod pa byas pa'i bsod nams gang yin pa de dang bsgrun na brgya'i char yang nye bar mi 'gro /brgya stong dang / bye ba'i char yang nye bar mi 'gro ba nas/ tshad dang / dpe dang / rgyu'i bar du'ang nye bar mi 'gro'o/ /de ci'i phyir zhe na/ rigs kyi bu dang / rigs kyi bu mo de dag yang dag pa'i spyod pa la gnas nas phyogs bcu'i sangs rgyas bcom ldan 'das rnams la bla na med pa'i chos kyi 'khor lo yongs su bskor bar gsol ba 'debs par byed na sangs rgyas bcom ldan 'das rnams rab tu dgyes nas bsngags pa brjod par 'gyur bas so/ /rigs kyi bu/ ngas ji skad bstan pa bzhin du sbyin pa thams cad kyi nang na chos kyi sbyin pa ni mchog tu gyur pa yin pas/ </font><hr>62a<br><font size=+1>


@#/ /de'i phyir/ rigs kyi bu/ dkon mchog gsum la mchod pa byas pas kyang dper byar mi nus so/ /gsum la skyabs su 'gro zhing bslabs pa 
 cad bsrung ba bskul nas nyams par ma byas pa dang / las gsum stongs par ma gyur pas kyang dpe byar mi nus so/ /'jig rten thams cad kyi mthu dang / nus pa dang / mos pa ji lta ba bzhin du theg pa gsum po dag tu byang chub kyi sems bskyed par \?\ bskul bas kyang dpe byar mi nus so/ /dus gsum gyi 'jig rten gyi khams thams cad na 
 can ji snyed yod pa thams cad thogs pa med pa thob nas bsod nams tshad med par myur du yongs su rdzogs par gyur pas kyang dpe byar mi nus so/ /dus gsum gyi zhing dag na yod pa'i sems can thams cad thogs pa med par byang chub gsum po dag thob par byas pas kyang dpe byar mi nus so/ /dus gsum gyi zhing dag na yod pa'i 
 can thams cad myur du ngan 'gro bzhi po'i sdug bsngal las 'byung bar bskul bas kyang dpe byar mi nus so/ /dus gsum gyi zhing dag na yod pa'i sems can thams cad mi dge ba'i las kyi sgrib pa shin tu lci ba dag yongs su sbyang bar bskul bas kyang dpe byar mi nus so/ /sdug bsngal thams cad las thar bar bya bar bskul bas kyang </font><hr>62b<br><font size=+1>


dpe byar mi nus so/ /'jigs shing skrag pa dang / sdug bsngal gyis gzir cing / nyon mongs pa thams cad las grol bar byas kyang dpe byar mi nus so/ /dus gsum gyi sangs rgyas rnams kyi spyan sngar sems can thams cad kyi bsod nams ji snyed pa dag la rjes su yi rang bar bskul nas byang chub kyi smon lam btab pas kyang dpe byar mi nus so/ /sdig pa'i spyod pa dang / gshe zhing spyo ba'i las yongs su bsal bar bskul ba dang / yon tan thams cad yongs su rdzogs par smon pa dang / skye ba thams cad du dkon mchog gsum po thams cad la mchod pa dang / bla mar bya ba dang / bsngags pa brjod par bskul ba dang / sems can rnams bsod nams kyi spyod pa yongs su dag pa mngon par sgrub par bskul nas byang chub yongs su rdzogs par byas pas kyang dpe byar mi nus so/ /de'i phyir 'jig rten gyi khams thams cad kyi dus gsum gyi dkon mchog gsum la bskul zhing gsol ba btab pa dang / pha rol tu phyin pa drug yongs su rdzogs par bya bar bskul ba dang / bla na med pa'i chos kyi 'khor lo yongs su bskor bar bskul zhing gsol ba btab pa dang / bskal pa tshad med pa snyed du 'jig rten na bzhugs nas chos mchog dam pa zab mo bshad par bskul zhing gsol ba btab pa'i bsod nams </font><hr>63a<br><font size=+1>


@#/ /gang yin pa de ni/ shin tu zab pas gang gis dpe byar mi nus par rig par bya'o/ /de nas brgya byin lha'i dbang po dang / gang gA'i lha mo dang / tshangs pa'i rgyal po dang / rgyal chen ris bzhi'i lha tshad med pa rnams stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar nas mgo bos phyag byas te/ bcom ldan 'das la 'di skad ces gsol to/ /bcom ldan 'das/ bdag cag kyang gser 'od dam pa mchog tu rnam par rgyal ba mdo sde'i rgyal po 'di thos pas/ thams cad yongs su bzung ste/ klog pa dang / g.yar ton du 'don pa dang / kun chub par bgyis te/ gzhan dag la rgya cher yang dag par bstan nas chos 'di la brten te rab tu gnas par bgyid do/ /de ci'i slad du zhe na/ bcom ldan 'das/ bdag cag bla na ma mchis pa yang dag par rdzogs pa'i byang chub yongs su gnyer bar 'tshal bas/ don 'di mtshan nyid khyad par du 'phags pa'i rjes su 'brangs nas chos bzhin du spyod pa'i slad du'o/ /de nas tshangs pa dang / brgya byin la sogs pas chos bshad pa'i gnas de nyid du me tog man dA ra ba rnam pa sna tshogs kyis bcom ldan 'das la mngon par gtor bas </font><hr>63b<br><font size=+1>


stong gsum gyi stong chen po'i 'jig rten gyi khams kyi sa chen po thams cad rab tu g.yos par gyur to/ /lha'i rnga bo che dang / rol mo thams cad kyang ma dkrol bar rang sgra byung ste/ gser gyi kha dog gi 'od zer bkye bas 'jig rten gyi khams kun tu khyab par bkang ste sgra dbyangs dam pa byung bar gyur pa dang / de nas bcom ldan 'das la brgya byin lha'i dbang pos 'di skad ces gsol to/ /bcom ldan 'das/ 'di dag thams cad ni gser 'od dam pa'i mdo sde'i byin gyis brlabs kyi mthu lags pas byams pa dang / thugs rjes rnam pa sna tshogs kyis yongs su skyobs cing phan 'dogs pa dang / rnam pa sna tshogs kyis byang chub sems dpa'i dge ba'i rtsa ba 'phel zhing las kyi sgrib pa rnams yongs su sbyong bar mdzad lags so/ /bcom ldan 'das kyis bka' stsal pa/ de de bzhin no/ /de de bzhin te/ khyod kyis ji skad smras pa bzhin no/ /de ci'i phyir zhe na/ rigs kyi bu/ ngas mngon par dran te sngon byung ba 'das pa'i bskal pa brgya stong tshad med pa snyed 'das pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rin po che'i rgyal po 'od chen snang mdzad ces bya ba 'jig rten du byung ste/ bskal pa 'bum phrag brgya brgyad cu'i bar du 'jig rten na bzhugs so/ /de'i </font><hr>64a<br><font size=+1>


@#/ /tshe de bzhin gshegs pa rin po che'i rgyal po 'od chen snang mdzad kyis lha dang / mi dang / brgya byin dang / tshangs pa dang / dge sbyong dang / bram ze dang sems can thams cad yongs su mya ngan las bzlas nas bde bar mdzad \?\ pa'i phyir 'jig rten du byung ba na 'dus pa dang po la chos bstan pas srog chags bye ba khrag khrig 'bum phrag brgya stong snyed yongs su mya ngan las bzlas nas thams cad kyis dgra bcom pa'i 'bras bu thob pas zag pa rnams zad nas rig pa gsum dang / mngon par shes pa drug dang / thogs pa med pa'i rang dbang dang ldan par gyur to/ /'dus pa gnyis pa'i tshe'ang srog chags bye ba khrag khrig 'bum phrag brgya stong dgu bcu yongs su mya ngan las bzlas nas thams cad kyis dgra bcom pa'i 'bras bu thob nas zag pa rnams zad nas rig pa gsum dang / mngon par shes pa drug dang / thogs pa med pa'i rang dbang dang ldan par gyur to/ /'dus pa gsum pa'i tshe na'ang srog chags bye ba khrag khrig 'bum phrag brgya stong dgu bcu yongs su mya ngan las bzlas nas thams cad kyis dgra bcom pa'i 'bras bu thob pas zhes bya ba yang rgyas par gong ma bzhin no/ /rigs kyi bu/ nga de'i tshe bud med kyi lus su gyur te ming ni bsod </font><hr>64b<br><font size=+1>


nams rin po che'i 'od ces bya'o/ /'dus pa gsum pa'i tshe'ang bcom ldan 'das de la nye bar bsnyen nas gser 'od dam pa'i mdo sde 'di yongs su bzung ste bklag pa dang / kha ton du bton nas gzhan la rgya cher yang dag par bstan te bla na med pa yang dag par rdzogs pa'i byang chub yongs su gnyer pa'i phyir de'i tshe bcom ldan 'das des nga la/ bu mo bsod nams rin po che'i 'od 'di ma 'ongs pa'i dus na de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba'i kha lo sgyur ba/ lha dang / mi rnams kyi ston pa/ sangs rgyas bcom ldan 'das shAkya thub pa zhes bya bar 'gyur ro zhes lung bstan te bud med kyi lus spangs nas de tshun chad ngan 'gro bzhi las yang dag par 'das te lha dang / mi'i nang du skyes nas bde ba mchog myong bar gyur to/ /che rabs stong phrag bzhi brgya brgyad cu'i bar du 'khor los bsgyur ba'i rgyal po byas te deng yang dag par mngon par rdzogs par sangs rgyas pa'i bar du yang grags pa 'jig rten gyi khams kun tu gang zhing rgyas par gyur pa yin no/ /de nas de'i tshe 'khor 'dus pa chen po thams cad kyis de bzhin gshegs pa rin po </font><hr>65a<br><font size=+1>


@#/ /che'i rgyal po 'od chen snang mdzad bla na med pa'i chos kyi 'khor lo yongs su bskor nas chos mchog dam pa bshad pa mthong bar gyur to/ /rigs kyi bu| 'jig rten gyi khams mi mjed 'di nas shar phyogs su sangs rgyas kyi zhing gang gA'i klung gi bye ma brgya stong snyed 'das pa na 'jig rten gyi khams rin po che'i bkod pa zhes bya ba yod de/ de bzhin gshegs pa rin po che'i rgyal po 'od chen snang mdzad ces bya ba de ltar de na bzhugs te/ yongs su mya ngan las 'das pas chos mchog dam pa bshad nas skye dgu rnams la phan 'dogs par mdzad pas khyod kyis mthong ba ni sangs rgyas de yin no/ /rigs kyi bu'am/ rigs kyi bu mo gang la la zhig de bzhin 
 pa rin po che'i rgyal po 'od chen snang mdzad de'i mtshan thos par gyur na/ byang chub sems dpa'i sa las ldog par mi 'gyur zhing / yongs su mya ngan las 'das pa chen po thob par 'gyur ro/ /bud med gang la la zhig de bzhin gshegs pa de'i mtshan thos par gyur na 'chi ka'i dus kyi tshe de bzhin gshegs pa de de'i thad du gshegs par 'gyur te/ de bzhin gshegs pa mthong ba'i dbang gis nam yang bud med kyi lus len par mi 'gyur ro/ /rigs kyi bu/ gser 'od dam pa shin tu gya nom pa'i mdo </font><hr>65b<br><font size=+1>


sde 'di ni rnam pa sna tshogs kyis phan 'dogs shing / rnam pa sna tshogs kyis byang chub sems dpa'i dge ba'i rtsa ba 'phel ba dang / las kyi sgrib pa rnams yongs su sbyong bar byed do| |rigs kyi bu/ dge slong ngam/ dge slong ma'am/ dge bsnyen nam/ dge bsnyen ma gang la la zhig gang na gnas pa'i gnas der gser 'od dam pa shin tu gya nom pa'i mdo sde 'di gzhan dag la yang dag par ston par byed na/ yul de ni bsod nams kyi phan yon rnam pa bzhi 'thob par 'gyur ro/ /bzhi gang zhe na/ yul de'i rgyal po nad med cing bgegs rnams dang bral ba dang / tshe ring zhing thogs pa med par gyur pa dang / phas kyi rgol ba'i dgra med cing dmag tshogs dpa' bar 'gyur ba dang / bde ba'i 
 spyod rgyas shing yang dag pa'i chos 'phel bar 'gyur ba gang yin pa'o/ /de ci'i phyir zhe na/ 'di ltar mi'i rgyal po de la brgya byin dang / tshangs pa dang / rgyal po chen po bzhi dang / gnod sbyin gyi 'khor rnams kyis rtag par lhan cig srung bar byed pa'i phyir ro/ /de nas bcom ldan 'das kyis lha'i 'khor rnams la bka' stsal pa/ rigs kyi bu dag /dngos po 'di dag bden nam/ de nas brgya byin dang / tshangs pa dang / rgyal po chen po bzhi dang gnod sbyin gyi 'khor rnams kyis skad mthun par bcom ldan </font><hr>66a<br><font size=+1>


@#/ /'das la 'di skad ces gsol to/ /de de bzhin no/ /de de bzhin te/ yul gang dag na mdo sde'i rgyal po dam pa 'di yang dag par bshad pa dang / klog pa dang / kha ton du 'don par bgyid na/ yul gyi bdag po de dag la bdag cag rgyal po chen po bzhi la sogs pa rtag par mchis nas yongs su bsrung bar bgyid par mchi ba dang / gnas pa na'ang lhan cig gnas par bgyid do/ /rgyal po de la gdon bgegs dang / rgol ba'i dgra zhig mchis na'ang de dag thams cad bdag cag rgyal po bzhi la sogs pas rab tu zhi bar bgyid do/ /mya ngan dang / rims nad la sogs pa yang bsal zhing sos par bgyis nas tshe 'phel ba dang / dge ba'i rtags 'byung ba dang / smon pa rnams bsams pa bzhin 'grub pa dang / rtag tu dga' ba bskyed par bgyi'o/ /bdag cag gis yul de na dmag tshogs ji snyed mchis pa de dag thams cad dpa' zhing brtson par bgyid do/ /bcom ldan 'das kyis bka' stsal pa/ rigs kyi bu dag/ legs so/ /legs so/ /khyod kyis ji skad smras pa de bzhin du khyed gyis mngon par bsgrub par bya'o/ /de ci'i phyir zhe na/ yul gyi bdag po de dag chos bzhin du spyod pa'i dus na 'bangs thams cad kyang rgyal po'i rjes su mngon par sgrub </font><hr>66b<br><font size=+1>


cing chos bzhin du spyod par byed pas khyed la sogs pa yang gzugs dang / stobs dang / phan yon mchog thob par 'gyur zhing gzhal med khang \?\ 'od dang ldan pa dang / 'khor rnams kyang brtson zhing rgyas par 'gyur bas so/ /de nas bcom ldan 'das la brgya byin dang / tshangs pa la sogs pas/ bcom ldan 'das/ de de bzhin no zhes gsol to/ / bcom ldan 'das kyis bka' stsal pa/ gnas gang du mdo sde dam pa 'di yang dag par ston cing klog pa dang / spel ba'i yul de'i blon po chen po dang / nang blon rnams phan yon rnam pa bzhi 'thob par 'gyur te/ bzhi gang zhe na/ dang po ni phan tshun 'dus zhing nye bar sems pa dang / /bla mar byed cing sdug par sems pa'o/ /gnyis pa ni rtag par mi'i rgyal po'i snying du sdug cing bkur ba dang / dge sbyong dang / bram ze dang / yul chen po dang / yul chung ngu'i mi rnams kyis btsun par byed pa'o/ /gsum pa ni nor la'ang dam par 'dzin cing / chos la btsun par byed pa dang / 'jig rten pa'i khe mi tshol bas snyan pa'i sgra kun tu grags nas mang po kun gyis bkur bar 'gyur ba'o/ /bzhi pa ni tshe ring bde skyid par 'gyur ba ste/ 'di dag ni phan yon rnam pa bzhi zhes bya'o/ /gal te yul gyi bdag po gang la la zhig gis mdo sde yang dag par ston par byed na/ dge </font><hr>67a<br><font size=+1>


@#/ /sbyong dang / bram ze rnams phan yon khyad par du 'phags pa rnam pa bzhi thob par 'gyur ro/ /bzhi gang zhe na/ dang po ni gos dang / bza' ba dang / btung ba dang / mal cha dang / na ba'i gsos sman rnams kyis phongs pa med pa gang yin pa'o/ /gnyis pa ni thams cad sems bde par yid la sems shing klog pa dang / kha ton 'don par 'gyur ro/ /gsum pa ni ri dang / nags tshal dag na gnas pa na bde bar gnas pa 'thob par 'gyur ro/ /bzhi pa ni sems kyis ji ltar smon pa bzhin thams cad yongs su rdzogs par 'gyur ba ste/ 'di dag ni khyad par du 'phags pa'i phan yon rnam pa bzhi zhes bya'o/ /gal te yul la lar mdo sde 'di yang dag par ston par byed na mi thams cad dar zhing skyid pa dang / rims nad rnams med pa dang / tshong pa dang / 'gron po phan tshun 'gro ba'i nor dang / rin po che mang du thob pa dang / bsod nams khyad par du 'phags pa thob par 'gyur te/ 'di dag ni yon tan gyi phan yon rnam pa sna tshogs zhes bya'o/ /de nas bcom ldan 'das la tshangs pa dang / brgya byin dang / rgyal po chen po bzhi dang / 'khor mang po rnams kyis 'di skad ces gsol to/ /bcom ldan 'das/ mdo sde don zab mo 'di lta bu mngon du gnas par gyur </font><hr>67b<br><font size=+1>


na de bzhin gshegs pa'i byang chub kyi phyogs kyi chos sum cu rtsa bdun yang 'jig rten na gnas shing nub par mi 'gyur la/ nam mdo sde 'di lta bu nub par gyur pa na yang dag pa'i chos kyang nub par 'gyur bar rig par bgyi lags so/ /bcom ldan 'das kyis bka' stsal pa/ rigs kyi bu/ de de bzhin no/ /de de bzhin te/ de lta bas na khyed kyis gser 'od dam pa'i mdo sde 'di las tshig gcig gam/ sde gcig kyang rung ste/ thams cad sems rtse gcig tu yang dag par bklag par bya/ yang dag par kha ton du gdon par bya/ yang dag par mnyan par bya/ yang dag par gzung bar bya/ yang dag par yid la bsam par bya zhing yang dag par bsgoms nas sems can mang po'i ched du rgya cher yang dag par bstan te yongs su spel bar byed na yun ring por bde skyid cing bsod nams kyi phan yon mtha' med do/ /de nas 'khor mang po rnams kyis bcom ldan 'das kyis de skad ces bka' stsal pa thos nas thams cad phan yon khyad par du 'phags pa thob par gyur pas rab tu dga' zhing mgu bas yang dag par bzung bar gyur to// // gser 'od dam pa mchog tu rnam par rgyal ba mdo sde'i rgyal po las/ las kyis sgrib pa rnam par sbyong ba'i le'u ste lnga pa'o// //gser 'od dam pa mchog </font><hr>68a<br><font size=+1>


@#/ /tu rnam par rgyal ba mdo sde'i rgyal po/ bam po bzhi pa/ de nas byang chub sems dpa' seng ge'i mtshan thogs pa med pa'i 'od zer 'bar ba 'khor bye ba phrag tshad med pa snyed dang lhan cig tu stan las langs te bla gos phrag pa gcig tu gzar nas pus mo g.yas pa'i lha nga sa la btsugs te gus pas thal mo sbyar nas/ bcom ldan 'das kyi zhabs la mgo bos phyag byas nas me tog dang / spos dang / rin po che'i rgyal mtshan dang / ba dan dang / gdugs rnam pa sna tshogs kyis mchod pa byas nas bcom ldan 'das la 'di skad ces gsol to/ /bcom ldan 'das/ rgyu dang / rkyen du zhig gis ni byang chub kyi sems 'thob par 'gyur ba dang / gang byang chub kyi sems zhes bgyi lags/ bcom ldan 'das/ byang chub gang lags pa de la ni da ltar gyi sems kyang dmigs su ma mchis/ ma 'ongs pa'i sems kyang dmigs su ma mchis 'das pa'i sems kyang dmigs su ma mchis pa lags so/ /byang chub las gud na'ang byang chub kyi sems dmigs su ma mchis lags so/ /byang chub ces bgyi ba ni tshig gis brjod du ma mchis pas sems kyang gzugs ma mchis pa/ mtshan ma ma mchis pa/ dngos po dang / las ma mchis pa/ mngon par 'du bgyi ba ma lags pa/ sems can </font><hr>68b<br><font size=+1>


yang dmigs su ma mchis shing khong du chud par yang mi 'gyur na/ bcom ldan 'das/ ji ltar chos zab mo'i don gang lags pa rig par 'gyur lags/ bcom ldan 'das kyis bka' stsal pa/ rigs kyi bu/ de de bzhin no/ /de de bzhin te/ byang chub kyi dngos po dang / las ni shin tu gya nom pas/ mngon par 'du bya ba'ang dmigs par mi 'gyur la byang chub las gud na'ang byang chub kyi sems dmigs par mi 'gyur bas byang chub ces bya ba ni brjod du med pa/ sems kyang brjod du med pa/ gzugs dang / mtshan me med pa dang / dngos po dang / las med pa/ sems can thams cad kyang dmigs su med pa'o/ /de ci'i phyir zhe na/ byang chub dang / sems gnyis ka'ang de bzhin du mtshungs pa'i phyir dang / mngon du byed pa dang / mngon du bya ba mnyam par gyur pa'i phyir te/ 'on kyang chos rnams shes par bya ba med par ni ma yin no/ /rigs kyi bu/ byang chub sems dpa' sems dpa' chen po gang gis de ltar shes par bya ba gang yin pa de ni/ chos rnams mngon par rtogs pa dang / byang chub dang / byang chub kyi sems legs par bshad pa zhes bya'o/ /byang chub kyi sems gang yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin te/ sems kyang de bzhin no/ /sems can kyang de bzhin te/ 'di la mtshan nyid gnyis </font><hr>69a<br><font size=+1>


@#/ /yang dag par dmigs su med do/ /de ci'i phyir zhe na/ chos thams cad la skye ba med pa'i phyir ro/ /byang chub kyang dmigs su med/ byang chub kyi ming yang dmigs su med/ sems can dang / sems can gyi ming yang dmigs su med/ nyan thos dang / nyan thos kyi ming yang dmigs su med/ rang sangs rgyas dang / rang sangs rgyas kyi ming yang dmigs su med/ byang chub sems dpa' dang / byang chub sems dpa'i ming yang dmigs su med/ sangs rgyas dang / sangs rgyas kyi mtshan yang dmigs su med/ spyod pa dang / spyod pa ma yin pa'ang dmigs su med/ spyod pa dang / spyod pa ma yin pa'i ming yang dmigs su med de/ 'di ltar dmigs su med pa'i phyir rab tu dben pa'i chos 
 cad la rab tu gnas pa yin te/ 'di'ang bsod nams kyi dge ba'i rtsa ba la brten nas skye bar 'gyur ba yin no/ /rigs kyi bu/ 'di lta ste/ dper na/ rin po che'i ri'i rgyal po ri rab thams cad la phan 'dogs par byed pa de bzhin du byang chub kyi sems 'di'ang sems can la phan 'dogs pa'i phyir 'di ni dang po sbyin pa'i pha rol tu phyin pa'i rgyu zhes bya'o/ /rigs kyi bu/ 'di lta ste/ dper na/ sa chen po bzhin du dngos po mang po yongs su 'dzin par byed pa'i phyir 'di ni gnyis pa tshul khrims kyi pha rol tu phyin pa'i rgyu </font><hr>69b<br><font size=+1>


zhes bya'o/ /'di lta ste/ dper na/ seng ge gzi byin chen po'i mthu dang ldan pa gcig pu 'gro ba la 'jigs pa med pa de bzhin du skrag cing dngang ba dang bral bar gyur pa'i phyir 'di ni gsum pa bzod pa'i pha rol tu phyin pa'i rgyu zhes bya'o/ /'di lta ste/ dper na/ rlung gi dkyil 'khor stobs po che shugs drag cing myur ba bzhin du sems la nur ba med pa'i phyir 'di ni bzhi pa brtson 'grus kyi pha rol tu phyin pa'i rgyu zhes bya'o/ /'di lta ste/ dper na/ rin po sna bdun gyi gzhal med khang rtseg ma/ them skas bzhi dang ldan pa/ sgo bzhi nas shin tu bsil pa'i rlung gis bus pas shin tu bde ba myong ba bzhin du bsam gtan gyi chos kyi gter yongs su btsal nas gang zhig rgyas par byed pa'i phyir 'di ni lnga pa bsam gtan gyi pha rol tu phyin pa'i rgyu zhes bya'o/ /'di lta ste/ dper na/ nyi ma'i dkyil 'khor 'od zer rgyas par gyur pa de bzhin du sems 'dis kyang myur ba kho nar 'khor ba'i ma rig pa'i mun nag 'joms par byed pa'i phyir 'di ni drug pa shes rab kyi pha rol tu phyin pa'i rgyu zhes bya'o/ /'di lta ste/ dper na/ tshong dpon gyis thams cad kyi sems la smon pa yongs su rdzogs par byed pa de bzhin du sems 'dis kyang 'khor ba'i lam nyam nga ba las yongs su 'das nas yon tan gyi rin po che thob pa'i phyir 'di ni bdun pa thabs mkhas pa'i ye shes khyad par </font><hr>70a<br><font size=+1>


@#/ /du 'phags pa'i pha rol tu phyin pa'i rgyu zhes bya'o/ /'di lta ste/ dper na/ zla ba yongs su dag cing shin tu rgyas pa la rab rib med pa bzhin du sems 'dis kyang spyod yul thams cad las rnam par dag pa phun sum tshogs par byed pa'i phyir 'di ni brgyad pa smon lam gyi pha rol tu phyin pa'i rgyu zhes bya'o/ /'di lta ste/ dper na/ 'khor los bsgyur ba'i rgyal po'i dmag la dbang ba'i blon po chen po yid bzhin du dbang byed pa bzhin du sems 'dis kyang sangs rgyas kyi zhing yongs su dag pa shin tu brgyan pa dang / yon tan tshad med pas skye dgu rnams la rgya cher phan 'dogs par byed pa'i phyir 'di ni dgu pa stobs kyi pha rol tu phyin pa'i rgyu zhes bya'o/ /'di lta ste/ dper na/ nam mkha' la 'khor los bsgyur ba'i rgyal po bzhin du sems 'dis kyang spyod yul thams cad la thogs pa med cing gnas thams cad du rang dbang thob nas dbang bskur ba'i sar phyin par byed pa'i phyir 'di ni bcu pa ye shes kyi pha rol tu phyin pa'i rgyu zhes bya ste/ 'di lta bu'i rgyu bcu la khyed kyis rab tu brtson pas bslab par bya'o/ /rigs kyi bu/ byang chub sems dpa' sems dpa' chen po rnams ni chos rnam pa lnga la brten nas sbyin pa'i pha rol tu phyin pa yongs su rdzogs par byed do/ /lnga gang zhe na/ dad pa'i dbang po dang / </font><hr>70b<br><font size=+1>


snying rje dang / 'dod pa yongs su tshol ba med pa'i sems dang / sems can thams cad yongs su sdud pa dang / thams cad mkhyen pa'i ye shes yongs su tshol ba gang yin pa ste/ rigs kyi bu/ 'di ni byang chub sems dpa' sems dpa' chen po rnams kyi sbyin pa'i pha rol tu phyin pa yongs su rdzogs par byed pa zhes bya'o/ /rigs kyi bu/ yang byang chub sems dpa' sems dpa' chen po rnams ni chos rnam pa lnga la brten nas tshul khrims kyi pha rol tu phyin pa yongs su rdzogs par byed do/ /lnga gang zhe na/ las rnam pa gsum yongs su dag par gyur pa dang / sems can thams cad kyi nyon mongs pa'i rgyu dang / rkyen mngon par 'du mi byed pa dang / ngan 'gro'i sgo rnams gcod cing bde 'gro'i sgo 'byed pa dang / nyan thos dang / rang sangs rgyas kyi sa las yang dag par 'das pa dang / bsod nams thams cad yongs su rdzogs par byed pa gang yin pa ste/ rigs kyi bu/ 'di ni byang chub sems dpa' sems dpa' chen po rnams kyi tshul khrims kyi pha rol tu phyin pa yongs su rdzogs par byed pa zhes bya'o/ /rigs kyi bu/ yang byang chub sems dpa' sems dpa' chen po rnams ni chos rnam pa lnga la brten nas bzod pa'i pha rol tu phyin pa yongs su rdzogs par byed do/ /lnga gang zhe na/ 'dod chags dang / zhe sdang gi nyon mongs pa 'dul bar nus pa dang / lus </font><hr>71a<br><font size=+1>


@#/ /dang / srog la phangs pa med par bde ba yongs su mi tshol zhing 'du shes nye bar zhi bar byed pa dang / sngon gyi las la bsams nas sdug bsngal dang phrad par 'gyur na'ang dang du len par nus pa dang / byams pa dang / snying rje'i bsam pa bskyed nas sems can gyi dge ba'i rtsa ba rnams yongs su smin par byed pa dang / mi skye ba'i chos kyi bzod pa zab mo thob par gyur pa gang yin pa ste/ rigs kyi bu/ 'di ni byang chub sems dpa' sems dpa' chen po rnams kyi bzod pa'i pha rol tu phyin pa yongs su 
 par byed pa zhes bya'o/ /rigs kyi bu/ yang byang chub sems dpa' sems dpa' chen po rnams ni chos rnam pa lnga la brten nas brtson 'grus kyi pha rol tu phyin pa yongs su rdzogs par byed do/ /lnga gang zhe na/ nyon mongs pa rnams dang lhan cig gnas par mi mos pa dang / bsod nams yongs su rdzogs par ma gyur gyi bar du bde ba 
 su len par mi byed pa dang / dka' ba sna tshogs spyod pa la yongs su skyo ba'i bsam pa mi skye ba dang / byams pa dang / snying rje chen pos yongs su bsdus nas phan 
 pa'i thabs mkhas pas sems can thams cad yongs su smin par byed pa dang / phyir mi ldog pa'i sa yongs su gnyer bar smon pa gang yin pa ste/ rigs kyi bu/ </font><hr>71b<br><font size=+1>


'di ni byang chub sems dpa' sems dpa' chen po rnams kyi brtson 'grus kyi pha rol tu phyin pa yongs su rdzogs par byed pa zhes bya'o/ /rigs kyi bu/ yang byang chub sems dpa' sems dpa' chen po rnams ni chos rnam pa lnga la brten nas bsam gtan gyi pha rol tu phyin pa yongs su rdzogs par byed do/ /lnga gang zhe na/ dge ba'i chos rnams yongs su bsdus nas rnam par 'thor bar mi byed pa'i phyir dang / rtag par rnam par grol bar smon cing mtha' gnyis la mngon par zhen par mi byed pa'i phyir dang / mngon par shes par thob nas sems can rnams kyi dge ba'i rtsa ba yongs su smin par byed pa smon pa'i phyir dang / chos kyi dbyings yongs su sbyangs nas sems kyi dri ma sel bar byed pa'i phyir dang / sems can gyi nyon mongs pa'i rtsa ba yongs su gcod par byed pa'i phyir te/ rigs kyi bu/ 'di ni byang chub sems dpa' sems dpa' chen po rnams kyi bsam gtan gyi pha rol tu phyin pa yongs su rdzogs par byed pa zhes bya'o/ /rigs kyi bu/ yang byang chub sems dpa' sems dpa' chen po rnams ni chos rnam pa lnga la brten nas shes rab kyi pha rol tu phyin pa yongs su rdzogs par byed do/ /lnga gang zhe na/ rtag par sangs rgyas dang / byang chub sems dpa' dang / gsal zhing thabs mkhas pa thams cad la mchod cing nye bar </font><hr>72a<br><font size=+1>


@#/ /brten nas yongs su skyo ba mi skyed cing rgyab kyis phyogs par mi byed pa dang / de bzhin gshegs pa rnams kyis chos zab mo bshad pa de dag sems kyis rtag tu thos par mos shing yongs su mi skyo ba dang / chog pa'i bsam pa med pa dang / don dam pa dang / kun rdzob kyi shes rab dam pas rab tu rnam par 'byed par mos pa dang / sgom pas spangs par bya ba'i nyon mongs pa thams cad myur du spong ba dang / 'jig rten pa'i mkhyud dpyad dang / rig pa'i gnas lnga'i chos thams cad mngon par rtogs pa gang yin pa ste/ rigs kyi bu/ 'di ni byang chub sems dpa' sems dpa' chen po rnams kyis shes rab kyi pha rol tu phyin pa yongs su rdzogs par byed pa zhes bya'o/ /rigs kyi bu/ yang byang chub sems dpa' sems dpa' chen po rnams ni chos rnam pa lnga la brten nas thabs mkhas pa'i pha rol tu phyin pa yongs su rdzogs par byed do/ /lnga gang zhe na/ sems can thams cad kyi mos pa dang / nyon mongs pa dang / sems kyi spyod pa'i bye brag thams cad rtogs par khong du chud pa dang / chos tshad med pa rnams kyi gnyen po'i sgo thams cad sems kyis gsal bar rtogs pa dang / byams pa dang / snying rje chen po'i ting nge 'dzin las 'byung zhing 'jug pa </font><hr>72b<br><font size=+1>


dag \?\ la rang dbang thob pa dang / pha rol tu phyin pa rnams bsgoms nas yongs su smin cing phun sum tshogs par bya bar mos pa dang / sangs rgyas kyi chos thams cad ma lus par 
 su bsdus nas mngon par rtogs par smon pa gang yin pa ste/ rigs kyi bu/ 'di ni byang chub sems dpa' sems dpa' chen po rnams kyi thabs mkhas pa ye shes dam pa'i pha rol tu phyin pa yongs su rdzogs par byed pa zhes bya'o/ /rigs kyi bu/ yang byang chub sems dpa' sems dpa' chen po rnams ni chos rnam pa lnga la brten nas smon lam gyi pha rol tu phyin pa yongs su rdzogs par byed do/ /lnga gang zhe na/ chos thams cad gzod ma nas mi skye/ mi 'gag/ yod pa ma yin/ med pa'ang ma yin pa dag la sems bde bar gnas pa dang / chos thams cad kyi don gyi tshul mchog dam pa dag la dri ma dang bral zhing rnam par dag par so sor brtags nas sems bde bar gnas pa dang / mtshan ma thams cad las yang dag par 'das pa'i sems kyi de bzhin nyid mngon par 'du bya ba med pa/ spyod pa med pa/ tha dad pa ma yin pa/ mi g.yo ba dag la sems bde bar gnas pa dang / sems can rnams la phan gdags par 'dod pa'i phyir kun rdzob kyi bden pa dag la sems bde bar gnas pa dang / zhi gnas dang / lhag mthong dus </font><hr>73a<br><font size=+1>


@#/ /gcig tu mnyam par spyod pa dag la sems bde bar gnas pa gang yin pa ste/ rigs kyi bu/ 'di ni byang chub sems dpa' sems dpa' chen po rnams kyi smon lam gyi pha rol tu phyin pa yongs su rdzogs par byed pa zhes bya'o/ /rigs kyi bu/ yang byang chub sems dpa' sems dpa' chen po rnams ni chos rnam pa lnga la brten nas/ stobs kyi pha rol tu phyin pa yongs su rdzogs par byed do/ /lnga gang zhe na/ yang dag pa'i ye shes kyi stobs kyis sems can thams cad kyi sems kyi spyod pa dang / legs nyes rab tu shes pa dang / sems can thams cad kyi shin tu zab cing gya nom pa'i chos la gzud par byed pa dang / sems can thams cad kyi 'khor bar 'khor ba dag gis las kyi rkyen rnams yang dag par ji lta ba bzhin du rab tu shes pa dang / sems can rnams kyi dbang po dang / rang bzhin rnam pa gsum yang dag pa'i ye shes kyi stobs kyis rnam par 'byed cing khong du chud par byed pa dang / sems can rnams la tshul bzhin du yang dag par bstan nas dge ba'i rtsa ba bskyed de| yongs su smin par byas nas ye shes kyi stobs kyis yongs su sgrol ba gang yin pa ste/ rigs kyi bu/ 'di ni byang chub sems dpa' sems dpa' chen po rnams </font><hr>73b<br><font size=+1>


kyi stobs kyi pha rol tu phyin pa yongs su rdzogs par byed pa zhes bya'o/ /rigs kyi bu/ yang byang chub sems dpa' sems dpa' chen po rnams ni chos rnam pa lnga la brten nas ye shes kyi pha rol tu phyin pa yongs su rdzogs par byed do/ /lnga gang zhe na/ chos rnams kyi legs nyes rab tu rnam par 'byed par byed pa dang / nag po dang / dkar po'i chos yongs su mi spong zhing yang dag par sdud pa byed pa dang / 'khor ba dang / mya ngan las 'das pa dag la yongs su mi skyo zhing mngon par mi dga' ba dang / bsod nams dang / ye shes kyi spyod pa dang ldan pas mthar thug pa'i gnas su phyin par gyur pa dang / dbang bskur ba mchog thob pa dang / sangs rgyas kyi chos ma 'dres pa la sogs pa dang / thams cad mkhyen pa'i ye shes thob par gyur pa gang yin pa ste/ rigs kyi bu/ 'di ni byang chub sems dpa' sems dpa' chen po rnams kyi ye shes kyi pha rol tu phyin pa yongs su rdzogs par byed pa zhes bya'o/ /rigs kyi bu/ pha rol tu phyin pa'i don gang zhe na/ 'di lta ste/ phan 'dogs pa'i mchog tu mngon par sgrub pa gang yin pa de ni pha rol tu phyin pa'i don to| |shin tu zab pa'i ye shes chen po tshad med pa yongs su rdzogs par byed pa gang yin pa de ni pha rol tu phyin pa'i don to/ /spyod pa dang / spyod pa ma yin pa'i chos dag la </font><hr>74a<br><font size=+1>


@#/ /sems kyis mngon par zhen pa med pa gang yin pa de ni pha rol tu phyin pa'i don to/ /'khor ba'i nyes dmigs dang / mya ngan las 'das pa'i yon tan yang dag par rig cing yang dag par so sor rtog pa gang yin pa de ni pha rol tu phyin pa'i don to/ /gti mug dang ldan pa'i gang zag dang / shes rab dang ldan pa'i gang zag thams cad yongs su sdud par byed pa gang yin pa de ni pha rol tu phyin pa'i don to/ /chos kyi rin po che gya nom pa rnam pa sna tshogs rab tu ston pa gang yin pa de ni pha rol tu phyin pa'i don to/ /thogs pa med pa'i rnam par grol ba dang / shes rab yongs su rdzogs par gyur pa gang yin pa de ni pha rol tu phyin pa'i don to/ /chos kyi khams dang / sems can gyi khams yang dag par rnam par phye nas shes par gyur pa gang yin pa de ni pha rol tu phyin pa'i don to/ /sbyin pa la sogs pa nas ye shes kyi bar dag phyir mi ldog pa'i gnas su phyin par gyur pa gang yin pa de ni pha rol tu phyin pa'i don to/ /mi skye ba'i chos kyi bzod pa yongs su rdzogs par byed pa gang yin pa de ni pha rol tu phyin pa'i don to/ /sems can thams cad kyi bsod nams kyi dge ba'i rtsa ba yongs su smin par byed pa gang yin pa de ni pha rol tu phyin pa'i don to/ /mngon par byang chub nas </font><hr>74b<br><font size=+1>


sangs rgyas kyi stobs bcu dang / bsnyengs pa mi mnga' ba bzhi dang / ma 'dres pa'i chos la sogs pa yongs su rdzogs par byed pa gang yin pa de ni pha rol tu phyin pa'i don to/ / 'khor ba dang / mya ngan las 'das pa la mtshan nyid gnyis med par rtogs pa gang yin pa de ni pha rol tu phyin pa'i don to/ /thams cad la phan 'dogs shing yongs su zlos pa gang yin pa de ni pha rol tu phyin pa'i don to/ /mu stegs can thams cad nye bar 'ongs nas gal te dri ba dag la legs pa rnam par bshad nas 'dul bar byed pa gang yin pa de ni pha rol tu phyin pa'i don to/ /chos kyi 'khor lo shin tu gya nom pa rnam pa bcu gnyis yongs su bskor ba gang yin pa de ni pha rol tu phyin pa'i don to/ /mngon par zhen pa med cing mthong ba med pa dang / skyon dang 'brel ba med pa gang yin pa de ni pha rol tu phyin pa'i don to/ /rigs kyi bu/ byang chub sems dpa'i sa dang po la snga rtags kyi mtshan ma snang ba/ 'di lta ste/ stong gsum gyi stong chen po'i 'jig rten gyi khams tshad med dpag tu med pa rnams rin po che'i gter rnam pa sna tshogs kyis kun tu gang ba dag byang chub sems dpas thams cad rab tu mthong bar 'gyur ro/ /rigs kyi bu/ byang chub sems dpa'i sa gnyis pa la snga rtags kyi mtshan ma snang ba/ 'di lta ste/ stong gsum </font><hr>75a<br><font size=+1>


@#/ /gyi stong chen po'i 'jig rten gyi khams sa gzhi lag mthil ltar mnyam pa/ kha dog shin tu gya nom pa/ tshad med pa/ dpag tu med pa rnam pa sna tshogs dang ldan pa dang / yongs su dag pa'i rin po che'i rgyan gyi rnam pa dag byang chub sems dpas thams cad rab tu mthong bar 'gyur ro/ /rigs kyi bu/ byang chub sems dpa'i sa gsum pa la snga rtags kyi mtshan ma snang ba/ 'di lta ste/ bdag nyid kyi lus shin tu dpa' la go chas rab tu brgyan pas phyir rgol ba thams cad pham par byas pa dag byang chub sems dpas thams cad rab tu mthong bar 'gyur ro/ /rigs kyi bu/ byang chub sems dpa'i sa bzhi pa la snga rtags kyi mtshan ma snang ba/ 'di lta ste/ phyogs bzhi nas rlung gi dkyil 'khor gyis me tog dam pa rnam pa sna tshogs mngon par gtor bas sa gzhi kun tu khyab par bkram pa dag byang chub sems dpa' thams cad rab tu mthong bar 'gyur ro/ /rigs kyi bu/ byang chub sems dpa'i sa lnga pa la snga rtags kyi mtshan ma snang ba/ 'di lta ste/ rin rin po che'i phreng ba sna tshogs kyis lus kun tu khyab par brgyan pa/ mgo me tog gi cod pan gyis brgyan pa dang / gang byang chub sems dpas thams cad rab tu mthong bar 'gyur ro/ /rigs kyi bu/ byang chub sems dpa'i sa </font><hr>75b<br><font size=+1>


drug pa la snga rtags kyi mtshan ma snang ba/ 'di lta ste/ rin \?\ po che sna bdun gyi me tog gi rdzing bu/ them skas kyi lam bzhi dang ldan pa/ gser gyi bye ma kun tu bdal ba/ yongs su dwang zhing dri ma med pa/ yon tan brgyad dang ldan pa'i chus kun tu gang ba/ me tog ut+pal dang / ku mu da dang / puN+Da rigs \?\ kun tu bkram pa/ me tog gi rdzing bu'i nang na rnam par rtsen pa dag shin tu bde skyid pa dang / yongs su dag cing dpe zla med pa dag byang chub sems dpas thams cad rab tu mthong bar 'gyur ro/ /rigs kyi bu/ byang chub sems dpa'i sa bdun pa la snga rtags kyi mtshan ma snang ba/ 'di lta ste/ byang chub sems dpa'i mdun du sems can dmyal bar ltung bar 'gyur ba'i rigs pa dag 'di ltar byang chub sems dpa'i mthus ltung bar mi 'gyur la/ smras ba'ang med/ 'jigs shing skrag pa'ang med par gyur pa dag byang chub sems dpas thams cad rab tu mthong bar 'gyur ro| |rigs kyi bu/ byang chub sems dpa'i sa brgyad pa la snga rtags kyi mtshan ma snang ba/ 'di lta ste/ bdag nyid kyi lus kyi g.yas g.yon na seng ge'i rgyal pos yongs su bsrungs pas gcan gzan mang po thams cad skrag cing 'jigs par gyur pa dag byang chub sems dpas thams cad rab tu mthong bar 'gyur ro/ /rigs kyi bu/ byang chub </font><hr>76a<br><font size=+1>


@#/ /sems dpa'i sa dgu pa la snga rtags kyi mtshan ma snang ba/ 'di lta ste/ 'khor los bsgyur ba'i rgyal po 'khor 'bum phrag tshad med pas yongs su bskor nas mchod pa byed pa dang / spyi bo'i gdugs dkar po rin po che sna tshogs tshad med pa dag gis rab tu brgyan pa dag byang chub sems dpas thams cad rab tu mthong bar 'gyur ro/ /rigs kyi bu/ byang chub sems dpa'i sa bcu pa la snga rtags kyi mtshan ma snang ba/ 'di lta ste/ de bzhin gshegs pa'i sku gser gyi kha dog kun tu 'phro ba/ 'od zer yongs su dag pa/ tshad med pa/ thams cad phun sum tshogs par gyur pa la tshangs pa'i rgyal po 'bum phrag tshad med pa dag gis yongs su bskor nas/ bkur sti dang / mchod pa byas pas bla na med pa'i chos kyi 'khor lo shin tu gya nom pa yongs su bskor ba dag byang chub sems dpas thams cad rab tu mthong bar 'gyur ro| |rigs kyi bu/ sa dang po la ci'i phyir rab tu dga' ba zhes bya zhe na/ 'di ltar thog ma kho nar 'jig rten las 'das pa'i sems sngon ma thob pa deng gdong thob nas sgrub pa chen po dag ji ltar smon pa bzhin du mngon par grub par gyur pas/ rab tu dga' ba skye bar 'gyur ba'i phyir sa dang po ni rab tu dga' ba zhes bya'o// </font><hr>76b<br><font size=+1>


dri ma shin tu phra mo dang / 'chal ba'i tshul khrims kyi nyes pa thams cad yongs su dag par gyur pas de'i phyir sa gnyis pa ni dri ma med pa zhes bya'o/ /shes rab dang / ting nge 'dzin tshad med pa'i 'od zer snang bar bsgul bar mi nus shing thul bar mi 'gyur ba dang / thos pas 'dzin pa'i gzungs brtsam par 'gyur bas de'i phyir sa gsum pa ni 'od byed pa'i sa zhes bya'o/ /shes rab kyi mes nyon mongs pa rnams bsregs nas 'od kyi snang ba 'phel bar byed pa dang / byang chub kyi phyogs sgom par byed pas de'i phyir sa bzhi pa ni 'od 'phro ba'i sa zhes bya'o/ /thabs mkhas pas bsgoms pa'i ye shes mchog rang dbang du gyur pa shin tu 'thob par dka' ba'i phyir dang / mthong ba dang / sgom pas spang bar bya ba'i nyon mongs pa gdul par dka' ba thul bar gyur pa'i phyir sa lnga pa ni shin tu rgyal bar dka' zhes bya'o/ /spyod pa'i chos rgyun chad med par gsal bar mngon sum du gyur pa dang / mtshan ma med pa'i yid la byed pa thams cad mngon sum du gyur pas de'i phyir sa drug pa ni mngon sum du gyur pa zhes bya'o/ /zag pa med pa la bar chad med pa dang / mtshan ma med pa'i yid la byed pa dang / rnam par grol ba'i ting nge 'dzin yun ring po nas bsgoms pa'i phyir dang / sa de rnam par dag cing thogs </font><hr>77a<br><font size=+1>


@#/ /pa med par gyur pa'i phyir sa bdun pa ni ring du song ba zhes bya'o/ /mtshan ma med pa'i yid la byed pa bsgoms pas rang dbang du gyur nas/ nyon mongs pa rnams kyis bsgul bar mi nus pas de'i phyir sa brgyad pa ni mi g.yo ba zhes bya'o/ /tha dad par gyur pa'i chos rnam pa sna tshogs thams cad bstan pa la rang dbang thob nas nyes pa med cing 'brel pa med par shes rab 'phel bar byed pa dang / dbang du gyur cing thogs pa med par gyur pas de'i phyir sa dgu pa ni legs pa'i blo gros zhes bya'o// chos kyi sku nam mkha' dang 'dra ba dang / shes rab sprin chen po lta bur gyur nas/ thams cad kun tu khyab par g.yogs par byed pa'i phyir de lta bas na sa bcu pa ni chos kyi sprin zhes bya'o/ /rigs kyi bu/ bdag dang / chos la mtshan ma yod par mngon par zhen pa'i ma rig pa dang / 'khor ba'i ngan 'gro la skrag cing 'jigs pa'i ma rig pa ste ma rig pa 'di gnyis kyis ni sa dang po la sgrib par byed do/ /bslab pa'i gnas shin tu phra mo dag la shes bzhin med pas nyams par byas pa'i ma rig pa dang / las kyi 'du byed rnam pa sna tshogs slong bar byed pa'i ma rig pa ste ma rig pa 'di gnyis kyis ni sa gnyis pa la sgrib par byed do/ /ma thob pa thob par 'dod pa la sred cing mngon </font><hr>77b<br><font size=+1>


par zhen pa'i ma rig pa dang / gzungs khyad par du 'phags pa dag la sgrib par byed pa'i ma rig pa ste ma rig pa 'di gnyis kyis ni sa gsum pa la sgrib par byed do/ /snyoms par 'jug pa'i ro myang ba la mngon par dga' ba'i ma rig pa dang / shin tu gya nom pa'i chos rnam par dag pa sred cing mos pa'i ma rig pa ste ma rig pa 'di gnyis kyis ni sa bzhi pa la sgrib par byed do/ /'khor ba la rgyab kyis phyogs pa'i ma rig pa dang / mya ngan las 'das pa la mngon par gzhol ba'i ma rig pa ste ma rig pa 'di gnyis kyis ni sa lnga pa la sgrib par byed do/ /rnal 'byor mngon du rgyu ba'i ma rig pa dang / mtshan ma rigs pa mngon du snang ba'i ma rig pa ste ma rig pa 'di gnyis kyis ni sa drug pa la sgrib par byed do| |mtshan ma shin tu phra mo rnams la mngon sum du spyod pa'i ma rig pa dang / mtshan ma med pa'i yid la byed pa la mngon par dga' ba'i ma rig pa ste ma rig pa 'di gnyis kyis ni sa bdun pa la sgrib par byed do/ /mtshan ma med par sgom par mngon par rtsol ba'i ma rig pa dang / mtshan ma la dbang thob pa la mngon par zhen pa'i ma rig pa ste ma rig pa 'di gnyis kyis ni sa brgyad pa la sgrib par byed do/ /bstan par bya ba'i don tshad med pa dang / ming dang / tshig dang / yi ge tshad med pa gnyis po 'di dag la mi </font><hr>78a<br><font size=+1>


@#/ /mkhas pa'i ma rig pa dang / tshig gi spobs pa yid bzhin du ma gyur pa'i ma rig pa ste ma rig pa 'di gnyis kyis ni sa dgu pa la sgrib par byed do/ /rdzu 'phrul chen po ston pa la rang dbang ma thob pa'i ma rig pa dang / shin tu phra ba'i gsang ba'i las kyi dngos po khong du ma chud pa'i ma rig pa ste ma rig pa 'di gnyis kyis ni sa bcu pa la sgrib par byed do/ /spyod yul thams cad la shes bya phra mos bsgribs pa'i ma rig pa dang / nyon mongs pa shin tu phra ba'i gnas ngan len gyi ma rig pa ste ma rig pa 'di gnyis kyis ni sangs rgyas kyi sa la sgrib par byed do/ /rigs kyi bu/ byang chub sems dpa' sems dpa' chen po rnams ni sa dang po la sbyin pa'i pha rol tu phyin pa la spyod par byed do/ /sa gnyis pa la tshul khrims kyi pha rol tu phyin pa la spyod par byed do/ /sa gsum pa la bzod pa'i pha rol tu phyin pa la spyod par byed do// sa bzhi pa la brtson 'grus kyi pha rol tu phyin pa la spyod par byed do/ /sa lnga pa la bsam gtan gyi pha rol tu phyin pa la spyod par byed do/ /sa drug pa la shes rab kyi pha rol tu phyin pa la spyod par byed do/ /sa bdun pa la thabs mkhas pa'i ye shes mchog gi pha rol tu phyin pa la spyod par byed do/ /sa brgyad pa la smon lam gyi pha rol tu </font><hr>78b<br><font size=+1>


phyin pa la spyod par byed do/ /sa dgu pa la stobs kyi pha rol tu phyin pa la spyod pa byed do/ /sa bcu pa la ye shes kyi pha rol tu phyin pa spyod do/ /rigs kyi bu/ byang chub sems dpa' sems dpa' chen po rnams ni sems bskyed pa dang pos rin chen mchog gi ting nge 'dzin yongs su sdud cing skyed par byed do/ /sems bskyed pa gnyis pas yid du 'ong ba'i ting nge 'dzin yongs su sdud cing skyed par byed do/ /sems bskyed pa gsum pas shin tu bsgul bar dka' ba'i ting nge 'dzin yongs su sdud cing skyed par byed do/ /sems bskyed pa bzhi pas phyir mi ldog pa'i ting nge 'dzin yongs su sdud cing skyed par byed do/ /sems bskyed pa lnga pas rin po che'i me tog gi ting nge 'dzin yongs su sdud cing skyed par byed do/ /sems bskyed pa drug pas nyi ma'i dkyil 'khor 'od zer 'bar ba'i ting nge 'dzin yongs su sdud cing skyed par byed do/ /sems bskyed pa bdun pas smon lam thams cad yid bzhin du mngon par 'grub pa'i ting nge 'dzin yongs su sdud cing skyed par byed do/ /sems bskyed pa brgyad pas mngon sum du gnas par byed pa'i ting nge 'dzin yongs su sdud cing skyed par byed do/ /sems bskyed pa dgu pas ye shes kyi snying po'i ting nge 'dzin yongs su sdud cing skyed par byed do/ /sems bskyed pa bcu </font><hr>79a<br><font size=+1>


@#/ /pas dpa' bar 'gro ba'i ting nge 'dzin sdud cing skyed par byed do/ /rigs kyi bu/ 'di dag ni byang chub sems dpa' sems dpa' chen po rnams kyi sems bskyed pa rnam pa bcu zhes bya'o/ /rigs kyi bu/ byang chub sems dpa' sems dpa' chen po rnams kyis sa dang po las thob pa'i gzungs gang yin pa de ni/ yon tan bslabs pa'i stobs zhes bya'o/ /de nas bcom ldan 'das kyis gzungs sngags smras pa/ tad+ya thA/ pUr+Na ma no ra the/ do ho do ho/ yA pad sUR+Ya/ a ba b+hA sa tA/ yA bad tsan+d+re/ dau dan+te/ tA bad rak+Sha mA na dan+te pa ri hA raM ku ru swAhA/ rigs kyi bu/ gzungs 'di ni gang gA'i klung gi bye ma snyed kyi grangs las 'das pa'i sangs rgyas rnams kyis sa dang po'i byang chub sems dpa' yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing yongs su 'dzin par byed na/ 'di lta ste/ stag dang / spyang ki dang / seng ge dang / gcan gzan ma rungs pa'i rigs kyi rnam pa dang / yi dwags ma rungs pa dang / mi dang / mi ma yin pa la sogs pas phyir rgol ba dang / gdon bgegs dang \?\/ sdug bsngal gyis 'tshe ba'i 'jigs pa thams cad las thar bar 'gyur zhing / sgrib pa lnga las rnam par grol nas sa </font><hr>79b<br><font size=+1>


dang po mi brjed cing rjes su dran par 'gyur ro/ /rigs kyi bu/ byang chub sems dpa' sems dpa' chen pos sa gnyis pa las thob pa'i gzungs gang yin pa de ni shin tu bde bde ba'i gnas zhes bya'o/ /tad+yathA/ ut+to li/ tsi ri tsi ri/ At+to ra torA Na ma/ shAn+to shAn+to/ ut+to li/ hu ru hu ru swAhA/ rigs kyi bu/ gzungs 'di ni gang gA'i klung gnyis kyi bye bye ma snyed kyi grangs las 'das pa'i sangs rgyas rnams kyis sa gnyis pa'i byang chub sems dpa' yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing yongs su 'dzin par byed na/ gcan gzan ma rungs pa dang / yi dwags ma rungs pa dang / mi dang / mi ma yin pa la sogs pas phyir rgol ba dang / gdon bgegs dang / sdug bsngal gyis 'tshe ba'i 'jigs pa thams cad las thar bar 'gyur zhing sgrib pa lnga las rnam par grol nas sa gnyis pa mi brjed cing rjes su dran par 'gyur ro/ /rigs kyi bu/ byang chub sems dpa' sems dpa' chen pos sa gsum pa las thob pa'i gzungs gang yin pa de ni shin tu rgyal bar dka' ba'i stobs zhes bya'o/ /tad+yathA/ dan+thi ke/ ban+thi ke/ ka ra thA/ kau ra thi/ ke yU re/ dan+te le swAhA/ rigs kyi bu/ gzungs 'di ni gang gA'i klung gsum gyi bye ma snyed kyi grangs las 'das pa'i </font><hr>80a<br><font size=+1>


@#/ /sangs rgyas rnams kyis sa gsum pa'i byang chub sems dpa' yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing yongs su 'dzin par byed na/ gcan gzan ma rungs pa dang / yi dwags ma rungs pa dang / mi dang / mi ma yin pa la sogs pas phyir rgol ba dang / gdon bgegs dang / sdug bsngal gyis 'tshe ba'i 'jigs pa las thar bar 'gyur zhing sgrib pa lnga las rnam par grol nas/ sa gsum pa mi brjed cing rjes su dran par 'gyur ro/ /rigs kyi bu/ byang chub sems dpa' sems dpa' chen pos sa bzhi pa las thob pa'i gzungs gang yin pa de ni rgya cher phan 'dogs pa zhes bya'o/ /tad+ya thA/ shi ri shi ri/ di ma di ma ni/ d+ha ri d+ha ri Ni/ shi ri shi ri Ni/ bi sha lA/ bi sha lA/ pA sha pa shA ni/ ban+d+ha ni ye swAhA/ rigs kyi bu/ gzungs 'di ni gang gA'i klung bzhi'i bye ma snyed kyi grangs las 'das pa'i sangs rgyas rnams kyis sa bzhi ba'i byang chub sems dpa' yongs su bsrung ba'i phyir gsungs pa yin gang la la zhig gis gzungs sngags 'di kha ton du 'don cing yongs su 'dzin par byed na/ gcan gzan ma rungs pa dang / yi dwags ma rungs pa dang / mi dang / mi ma yin pa la sogs pas phyir rgol ba dang / gdon bgegs dang / </font><hr>80b<br><font size=+1>


sdug bsngal gyis 'tshe ba'i 'jigs pa rnams las thar bar 'gyur zhing sgrib pa lnga las rnam par grol nas sa bzhi pa mi brjed cing rjes su dran par 'gyur ro/ /rigs kyi bu/ byang chub sems dpa' sems dpa' chen pos sa lnga pa las thob pa'i gzungs gang yin pa de ni yon tan sna tshogs kyis rab tu brgyan pa zhes bya'o/ /tad+yathA/ ha ri ha ri Ni/ tsi ri tsi ri Ni/ ka ri mA Ni/ saM ka ri mA Ni/ sA ma bA sa ni/ dzam+b+ha ni/ stam+b+ha ni/ mo ha ni/ swa yaM b+huk+ke swAhA/ rigs kyi bu/ gzungs 'di ni gang gA'i klung lnga'i bye ma snyed kyi grangs las 'das pa'i sangs rgyas rnams kyis sa lnga pa'i byang chub sems dpa' sems dpa' chen po rnams yongs su bsrung ba'i phyir gsungs pa yin te gang la la zhig gis gzungs sngags 'di kha ton du 'don cing yongs su 'dzin par byed na 'jigs shing skrag pa rnams las thar ba dang / gcan gzan ma rungs pa dang / yi dwags ma rungs pa dang / mi dang / mi ma yin pa la sogs pa dgra dang / rkun po dang / glo bur gyi gnod pa dang / nyon mongs pa dang / sdug bsngal rnams dang / sgrib pa lnga las rnam par grol nas sa lnga pa mi brjed cing rjes su dran par 'gyur ro/ /rigs kyi bu/ byang chub sems dpa' sems dpa' chen pos sa drug pa las thob pa'i gzungs gang yin pa de ni yongs su rdzogs pa'i ye shes zhes bya'o/ / </font><hr>81a<br><font size=+1>


@#/ /tad+ya thA/ bi ti ri bi to ri/ ma ra Ni/ ma ra Ni/ ka li ka li/ bi to han+te lu lu lu lu/ tsu lu tsu lu to lU ba to lU ba sha sha shats+tsha/ pa ri sha/ swasti sarba satwA nAM/ sid+d+h+yan+tu ma ma man+t+ra/ pa dA ni swAhA/ rigs kyi bu/ gzungs 'di ni gang gA'i klung drug gi bye ma snyed kyi grangs las 'das pa'i sangs rgyas rnams kyis sa drug pa'i byang chub sems dpa' sems dpa' chen po rnams yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing yongs su 'dzin par byed na 'jigs shing skrag pa rnams las thar ba dang / gcan gzan ma rungs pa dang / yi dwags ma rungs pa dang / mi dang / mi ma yin pa la sogs pa dgra dang / rkun po dang / glo bur gyi gnod pa dang / nyon mongs pa dang / sdug bsngal rnams dang / sgrib pa lnga las rnam par grol nas sa drug pa mi brjed cing rjes su dran par 'gyur ro/ /rigs kyi bu/ byang chub sems dpa' sems dpa' chen po rnams kyis sa bdun pa las thob pa'i gzungs gang yin pa de ni/ rnam par rgyal ba'i chos kyi spyod pa zhes bya'o/ /tad+ya thA/ dza ha dza ha ru/ dza ha dza ha dza ha ru/ bai lu ke bai lu ke/ a mr-i ta ga Ni/ pu ru Sha Ni/ bai ru te ke ba ru bat+ta/ bi d+ha he ke/ bind bi le ni/ a mr-i lu te ki/ bai dzu yu bai dzu yu swAhA/ rigs kyi </font><hr>81b<br><font size=+1>


bu| gzungs 'di ni gang gA'i klung bdun gyi bye ma snyed kyi grangs las 'das pa'i sangs rgyas rnams kyis/ sa bdun pa'i byang chub sems dpa' rnams yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing yongs su 'dzin par byed na 'jigs shing skrag pa rnams las thar ba dang / gcan zan ma rungs pa dang / yi dwags ma rungs pa dang / mi dang / mi dang / mi ma yin pa la sogs pa dgra dang / rkun po dang / glo bur gyi gnod pa dang / nyon mongs pa dang / sdug bsngal gyi rnam pa dang / sgrib pa lnga las rnam par grol nas sa bdun pa mi brjed cing rjes su dran par 'gyur ro/ /rigs kyi bu/ byang chub sems dpa' sems dpa' chen po rnams kyis sa brgyad pa las thob pa'i gzungs gang yin pa de ni mi zad pa'i gter zhes bya'o/ /tad+yathA/ shi ri shi ri shi ri Ni/ mi te mi te/ ka ri ka ri/ he ru he ru/ tsu ru tsu ru/ ban+d+d+ha ni swAhA/ rigs kyi kyi bu/ gzungs 'di ni gang gA'i klung brgyad kyi bye ma snyed kyi grangs las 'das pa'i sangs rgyas rnams kyis sa brgyad pa'i byang chub sems dpa' rnams yongs su bsrung ba'i phyir gsungs pa yin te/ gang la la zhig gis gzungs sngags 'di kha ton tu 'don cing 'dzin par byed na/ 'jigs shing skrag pa rnams las thar ba dang / gcan gzan ma </font><hr>82a<br><font size=+1>


@#/ /rungs pa dang / yi dwags ma rungs pa dang / mi dang / mi ma yin pa la sogs pa dgra dang / rkun po dang / glo bur kyi gnod pa dang / nyon mongs pa dang / sdug bsngal gyi rnam pa dang / sgrib pa lnga las rnam par grol nas sa brgyad pa mi brjed cing rjes su dran par 'gyur ro/ /rigs kyi bu/ byang chub sems dpa' sems dpa' chen po rnams kyis sa dgu pa las thob pa'i gzungs gang yin pa de ni tshad med pa'i sgo zhes bya'o/ /tad+ya thA/ ha ri tsaN+DA li ke/ ku la ma b+ha dri/ to ra si pa ta pa ta si/ shi ri shi ri ga shi ri gA baM shi ri swasti/ sarba satwa nAn swAhA/ rigs kyi bu/ gzungs 'di ni gang gA'i klung dgu'i bye ma snyed kyi grangs las 'das pa'i sangs rgyas rnams kyis sa dgu pa'i byang chub sems dpa' rnams bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing yongs su 'dzin par byed na 'jigs shing skrag pa rnams las thar ba dang / gcan gzan ma rungs pa dang / yi dwags ma rungs pa dang / mi dang / mi ma yin pa la sogs pa dgra dang / rkun po dang / glo bur gyi gnod pa dang / nyon mongs pa dang / sdug bsngal ba dang / sgrib pa lnga las rnam par grol nas sa dgu pa mi brjed cing rjes su dran par 'gyur ro/ /rigs kyi bu/ byang chub sems dpa' </font><hr>82b<br><font size=+1>


sems dpa' chen po rnams kyis sa bcu pa las thob pa'i gzungs sngags gang yin pa de ni rdo rje'i ri rnam par 'joms pa zhes bya'o/ /tad+ya thA/ sid+d+he su sid+d+he/ mo tsa ni/ mok+Sha ni/ muk+te bi muk+te/ a ma le bi ma le dam le/ mAng+ga le/ hi ra N+ya gar+b+he/ rat+na gar+b+he/ sa man+ta b+ha de/ sarba ar+thA sA d+ha ni/ ma na se/ mahA ma na se ang \?\ b+hu te/ a t+yad b+hu te a ra dze/ bi ra dze a ts+yu te a mri ta a ra dze/ bi ra dze brah+me brah+ma swA re bA ra Ni pU ra Ni ma no ra the swAhA/ rigs kyi bu/ dbang bskur ba'i bkra shis tshig gi gzungs 'di ni gang gA'i klung bcu'i bye ma snyed kyi grangs las 'das pa'i sangs rgyas rnams kyis sa bcu pa'i byang chub sems dpa' rnams yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing yongs su 'dzin par byed na 'jigs shing skrag pa rnams las thar pa dang / gcan gzan ma rungs pa dang / yi dwags ma rungs pa dang / mi dang / mi ma yin pa la sogs pa dgra dang / rkun po dang / glo bur kyi gnod pa dang / gdon bgegs kyi 'jigs pa rnams las thar bar 'gyur zhing gdug pa'i gdon thams cad yongs su bsal nas rab tu zhi ba dang / sgrib pa lnga las rnam par grol nas sa bcu pa mi brjed cing rjes su dran par 'gyur ro/ /de nas byang chub sems dpa' seng+ge'i </font><hr>83a<br><font size=+1>


@#/ /mtshan thogs pa med pa'i 'od zer 'bar bas bcom ldan 'das kyis bsam gyis mi khyab pa'i gzungs 'di dag bkas bshad pa thos pa dang / stan las langs te bla gos phrag pa gcig tu gzar nas pus mo g.yas pa'i lha nga sa la btsugs te gus pas thal mo sbyar nas/ bcom ldan 'das kyi zhabs la mgo bos phyag btsal te/ tshigs su bcad pa 'di dag gis bcom ldan 'das la mngon par bstod pa/ zab mo mtshan ma med pa'i chos/ /dpe med de la phyag kyang 'tshal/ /
 can yang dag shes stor la/ /bcom ldan nyag gcig sgrol bar mdzad/ /de bzhin gshegs pa mkhyen gsal spyan/ /chos gcig mtshan nyid mi gzigs kyang / /yang dag chos kyi spyan gyis ni/ /thams cad kun gzigs bsam mi khyab/ /chos gcig bskyed par mi mdzad la/ /chos gcig 'gog par mi mdzad pas/ /mnyam gzigs 'di yi dbang gis na/ /bla med gnas su byon pa lags/ /'khor ba dag kyang mi 'jigs la/ /mya ngan 'das la mi gnas shing / /mtha' gnyis dag las ma chags pas/ /de slad mya ngan 'das pa brnyes/ /dag dang ma dag pa yi phyogs/ /bcom ldan ro gcig nyid mkhyen nas/ /rnam par rtog par mi mdzad slad/ /mchog tu rnam par dag pa brnyes// </font><hr>83b<br><font size=+1>


bcom ldan mtha' yas sku dag gis/ /yi ge 'bru gcig ma gsungs kyang / /slob ma mang po kun la ni/ /chos kyi char gyis tshim par mdzad/ /bcom ldan sems can thams cad la/ / mtshan nyid rnam pa med gzigs kyang / /sdug bsngal dag gis gzir ba la/ /rtag par yongs su skyob par mdzad/ /sdug bsngal bde dang rtag mi rtag /bdag dang bdag med la sogs dang / /gcig min tha dad min pa dang / /skye med 'gag pa med pa yi/ /de 'dra'i don ni mang po rnams/ /bshad phyir bye brag mchis kyang ni/ /dper na lung stong brag ca ltar// bcom ldan nyag gcig rab tu mkhyen/ /chos dbyings rtog pa ma mchis pas/ /theg pa tha dad ma mchis kyang / /sems can yongs su bsgral ba'i slad/ /rnam par phye nas gsum du gsungs/ /de nas tshangs pa'i rgyal po chen po 'dug pa'i stan las langs te bla gos phrag pa gcig la gzar nas pus mo g.yas pa'i lha nga sa la btsugs te gus pas thal mo sbyar nas bcom ldan 'das kyi zhabs la mgo bos phyag byas te/ bcom ldan 'das la 'di skad ces gsol to/ /bcom ldan 'das/ gser 'od dam pa mchog tu rnam par rgyal ba'i mdo sde'i rgyal po 'di ni/ shin tu dkon zhing dpag par dka' ba/ thog mar dge ba/ bar du dge ba/ tha mar dge ba/ tshig 'bru dang / don </font><hr>84a<br><font size=+1>


@#/ /yongs su rdzogs pa/ sangs rgyas kyi chos thams cad yongs su rdzogs par bgyid pa lags pas/ gang gis yongs su 'dzin par bgyid pa'i gang zag de ni sangs rgyas rnams kyi drin bsab par bgyid pa lags so/ /bcom ldan 'das kyis bka' stsal pa/ rigs kyi bu/ de de bzhin no/ /de de bzhin te/ khyod kyis ji skad smras pas de bzhin no/ /rigs kyi bu/ gang gis mdo sde 'di nyan par byed pa de dag ni bla na med pa yang dag par rdzogs pa'i byang chub las phyir ldog par mi 'gyur ro/ /de ci'i phyir zhe na/ rigs kyi bu/ mdo sde 'dis ni phyir mi ldog pa'i sa'i byang chub sems dpa'i khyad par du 'phags pa'i dge ba'i rtsa ba yongs su smin par byed cing / chos kyi phyag rgya mchog dang / mdo sde mang po'i rgyal po yin pa'i phyir mnyan par bya/ yongs su gzung bar bya/ bklag par bya/ kha ton du 'don par bya'o/ /de ci'i phyir zhe na/ 
 kyi bu/ sems can gang dge ba'i rtsa ba ma bskyed pa dang / dge ba'i rtsa ba yongs su ma smin pa dang / de bzhin gshegs pa rnams la bsnyen bkur ma byas pa de dag thams cad kyis ni shin tu gya nom pa'i chos 'di mnyan par mi nus so/ /rigs kyi bu'am/ rigs kyi bu mo gang la la zhig gis mnyan nas yongs su 'dzin par byed na kha na ma </font><hr>84b<br><font size=+1>


tho ba'i sgrib pa thams cad yongs su byang nas mchog tu rnam par dag pa thob par 'gyur/ rtag par sangs rgyas mthong zhing / sangs rgyas dang / dge ba'i bshes gnyen dang / yon tan mchog dang ldan pa'i gang zag rnams dang yongs su 'bral bar mi 'gyur/ rtag par chos gya nom pa thos shing phyir mi ldog pa'i sa la gnas par 'gyur/ gzungs kyi sgo mchog dam pa zad pa med cing 'grib pa med pa/ 'di lta ste/ rgya mtsho'i phyag rgya yon tan mchog 'byung ba'i gzungs zad pa med cing 'grib pa med pa dang / sems can gyi bsam pa dang / spyod pa dang / tshig mngon par rtogs pa'i gzungs zad pa med cing 'grib pa med pa dang / nyi ma'i dkyil 'khor dri ma med pa'i mtshan nyid kyi 'od zer gyi gzungs zad pa med cing 'grib pa med pa dang / zla ba yongs su rgyas pa'i mtshan nyid kyi 'od zer gyi gzungs zad pa med cing 'grib pa med pa dang / rmongs pa rnams yongs su btul nas yon tan gyi sku yang dag par ston pa'i gzungs zad pa med cing 'grib pa med pa dang / rdo rje'i ri rnam par 'joms pa'i gzungs zad pa med cing 'grib pa med pa dang / brjod du med pa'i don gyi rgyu dang / rkyen gyi mdzod yang dag par ston pa'i gzungs zad pa med cing 'grib pa med pa dang / yang dag pa'i bden pa'i tshig gi cho ga'i sgra dbyangs </font><hr>85a<br><font size=+1>


@#/ /mngon par rtogs pa'i gzungs zad pa med cing 'grib pa med pa dang / nam mkha' ltar dri ma med pa'i sems kyi spyod pa'i phyag rgya'i gzungs zad pa med cing 'grib pa med pa dang / sangs rgyas kyi sku mtha' med pa rnams yang dag par ston pa'i gzungs zad pa med cing 'grib pa med pa de lta bu thams cad kyang rab tu 'thob par 'gyur/ rigs kyi bu/ de lta bu la sogs pa zad pa med cing 'grib pa med pa'i gzungs kyi sgo rnams yongs su rdzogs pa'i phyir byang chub sems dpa' sems dpa' chen po de phyogs bcu'i sangs rgyas kyi zhing thams cad du sangs rgyas kyi skur mngon par sprul nas/ yang dag pa'i chos bla na med pa rnam pa sna tshogs ston par byed kyang chos kyi de bzhin nyid las g.yo ba'ang med/ gnas pa'ang med/ 'ong ba'ang med/ 'gro ba'ang med do/ /sems can thams cad kyi dge ba'i rtsa ba legs par yongs su smin par byas kyang yongs su smin par byas pa'i sems can gcig tsam yang yang dag par rjes su mi mthong ngo / /chos rnam pa sna tshogs yang dag par ston par byed kyang tshig las g.yos pa'ang med/ gnas pa'ang med/ 'gro ba'ang med/ 'ong ba'ang med cing / skye 'gag med par mngon du byed par 'gyur ro/ /rgyu dang / rkyen </font><hr>85b<br><font size=+1>


gang gi phyir 'du byed kyi chos rnams la 'gro ba dang / 'ong ba med par bstan ce na/ chos thams cad kyi ngo bo nyid tha dad pa med pa'i phyir ro/ /chos 'di bstan pa na byang chub sems dpa' sems dpa' chen po 'bum phrag sum khri ni mi skye ba'i chos kyi bzod pa thob par gyur to/ /byang chub sems dpa' tshad med pa snyed ni byang chub kyi sa las phyir mi ldog par gyur to/ /dge slong dang / dge slong ma tshad med dpag tu med pa snyed ni chos kyi mig rnam par dag pa thob par gyur to/ /srog chags tshad med pa snyed ni byang chub tu sems bskyed par gyur to/ /de nas de'i tshe bcom ldan 'das kyis tshigs su bcad de bka' stsal pa/ chos mchog 'khor ba'i rgyun las bzlog mdzad pa/ /shin tu zab cing gya nom mthong bar dka'/ /sems can dmus long 'dod pas rab g.yogs nas/ /ma mthong phyir ni sdug bsngal sna tshogs myong / /de nas 'khor mang po rnams cig car stan las langs te/ bcom ldan 'das kyi zhabs la mgo bos phyag byas nas bcom ldan 'das la 'di skad ces gsol to/ /bcom ldan 'das/ gnas gang du gser 'od dam pa mchog tu rnam par rgyal ba mdo sde'i rgyal po 'di klog cing 'don pa'i gnas der bdag cag 'khor mang po rnams der mchis te/ nyan pa'i 'khor bgyis nas 'di </font><hr>86a<br><font size=+1>


@#/ /ston pa'i mkhan po de la sman pa dang / bde ba dang / sgrib pa ma mchis shing lus dang / sems bag yangs su 'gyur ba 'thob par bgyid do/ /bdag cag bsam pa thag pa nas mchod cing rim gro bgyid do/ /nyan pa'i 'khor rnams kyang rab tu bde zhing skyid par bgyid do/ /de dag gnas pa'i yul der yang phyir rgol ba'i dgra dang / 'jigs shing skrag pa dang / gdon bgegs dang / mu ge'i sdug bsngal rnams ma mchis par bgyis nas/ mi rnams rab tu dar zhing rgyas par bgyid do/ / chos 'di ston pa'i dkyil 'khor der lha dang / mi dang / mi ma lags pa la sogs pa sems can thams cad kyis rtsog par mi bgyid cing mi gtsang bas sbag par mi bgyi'o/ /de ci'i slad du zhe na/ chos bshad pa'i gnas gang lags pa de ni mchod rten lags pas rtag par me tog dang / spos dang / lda ldi dang / ba dan dang / 
 rnams kyis mchod pa bgyis na/ bdag cag rnams kyang rtag par yongs su bsrung zhing rgud pa rnams yongs su spong bar bgyid do/ /bcom ldan 'das kyis 'khor mang po rnams la bka' stsal pa/ rigs kyi bu/ khyed kyis nan tan brtson 'grus kyis mdo sde dam pa yongs su sgom par byed na/ de nyid yang dag pa'i chos 'jig rten du </font><hr>86b<br><font size=+1>


yun ring du gnas par 'gyur ba yin no/ /gser 'od dam pa mchog tu rnam par rgyal ba'i mdo sde'i rgyal po las/ mchog tu rnam par dag pa'i sa'i gzungs kyi le'u ste drug pa'o|| ||gser 'od dam pa mchog tu rnam par rgyal ba mdo sde'i rgyal po/ bam po lnga pa/ de nas bcom ldan 'das kyis byang chub kyi shing gi lha dge ba'i lha mo la 'di skad ces bka' stsal to/ /rigs kyi lha mo/ khyod kyis 'di ltar shes par bya ste/ mdzes pa'i tog gi mtshan mo rmi lam na/ gser gyi rnga dam pa las de bzhin 
 pa'i yon tan gyi bsngags pa brjod pa dang / 'gyod tshangs kyi chos bstan pa'i sgra chen po byung ba'i sgra dang / rkyen gang yin pa de dag ngas khyed la rgya cher yang dag par bshad kyi/ sems rtse gcig tu legs par yid la zungs shig/ 'das pa'i dus kyi tshe rgyal po gser gyi klu'i bdag po zhes bya ba zhig byung ste/ rtag par pad+ma'i dpes phyogs bcu dus gsum gyi sangs rgyas rnams la mngon par bstod cing bsngags pa brjod par gyur to/ /de nas 'khor mang po rnams la des mngon par bstod pa'i tshigs su bcad pa gang yin pa 'di gsungs so/ /'das dang ma byon da ltar bzhugs sangs rgyas/ /phyogs bcu'i 'jig rten dag na bzhugs pa la/ /deng bdag rtse gcig spyi 'dud phyag bgyis te/ /rgyal </font><hr>87a<br><font size=+1>


@#/ /ba rnams la rtse gcig bsngags par bgyi/ /bla med rnam par dag par thub ba'i gtso/ /sku yi 'od kyis gsal mdzad gser mdog 'dra/ /sgra kun nang na mchog tu gyur pas na/ /tshangs chen dbyangs ltar 'brug sgra sgrogs par mdzod/ /dbu skra bung ba'i rgyab ltar rab gnag cing / /g.yas su 'khyil ba'i ri mo sngon por gnas| |tshems dkar gtams pa kha dog dung 'dra zhing / /rab mnyam kun gsal 'od zer dag dang ldan/ /rnam dag dri med rab tu mdzes pa'i spyan/ /ud pal sngon po 'dab ma yangs pa 'dra/ /ljags kyi mtshan ni yangs shing shin tu mnyen/ /dper na pad+ma le brgan chab chung 'dra/ /smin mtshams rtag par 'od ni dkar po mnga'/ / g.yas su 'khyil ba chu shel kha dog mtshungs/ /shangs kyi dbyibs mtho gser gyi gar bu 'dra/ /'od mnyen rnam dag mtshan nyid nyams mi mnga'/ /'jig rten dri mchog dam pa thams cad kun/ /sngon tshe gar gnas thams cad rab tu mkhyen/ /bcom ldan sku mchog gser gyi kha dog 'dra/ /spu rtse re re mtshan ni rab mtshungs shing / /sngo la rab mnyen g.yas su 'khyil bas na/ kha dog rab mnyam dpe bgyir shin tu dka'/ /bltams ma thag tu 'od mchog mnga' bas na/ /phyogs bcu'i 'jig rten </font><hr>87b<br><font size=+1>


thams cad gsal mdzad cing / /srid gsum sems can sdug bsngal zhi mdzad pas/ /de dag thams cad bde ba 'thob par mdzad/ /sems can dud 'gro yi dwags 'gro ba dang / lha ma yin dang mi yi 'gro ba kun/ /de dag sdug bsngal mang po zhi mdzad pas/ /rtag tu rang byung bde ba myong bar 'gyur/ /sku yi 'od kyis rtag tu gsal mdzad pas/ /rab sbyangs gser 'dra gya nom zla ma mchis/ /zhal mdog rgyas gsal zla ba nya ba 'dra/ /sgros dmar mdog mdzes bung ba'i 'bras bu mtshungs/ /gshegs stobs spyod lam seng ge'i rgyal po bzhin/ /sku mdog rab gsal gdugs ni 'char ba 'dra/ /phyag ngar ring ba pus mo 'das pa ni/ /dbyibs ni sA la'i lcug ma 'phyang dang mtshungs/ /'od ni 'dom gang mtha' yas gsal mdzad pas/ /rab gsal gdugs ni brgya stong ji lta bzhin/ /sangs rgyas zhing ni kun tu khyab pas na/ /rkyen ni ji bzhin skye dgu sad par mdzad/ /rnam dag 'od zer dra bas zla ma mchis/ /'od kyis 'jig rten brgya stong rgyas mdzad pas/ /phyogs bcu kun gsal mdzad la thogs mi mnga'/ /mun nag thams cad rab tu sel mdzad pa// bde gshegs byams 'od bde bar ba stsol bas/ /kha dog gya nom gser gyi ri bo 'dra/ /'od kyi zhing ni brgya stong khyab mdzad pas/ /sems can gang reg thams cad des </font><hr>88a<br><font size=+1>


@#/ /par 'byung / /bcom ldan sku ni bsod nams tshad med ldan/ /yon tan thams cad kun gyis rab tu brgyan/ /khams gsum ldan pas nyag cig gtsor gsungs pas/ /'jig rten khyad 'phags dpe zla yod ma mchis/ /'das pa'i sangs rgyas thams cad ji snyed pa/ /grangs ni sa chen rdul phran dag dang mtshungs/ /ma byon da ltar phyogs bcur bzhugs pa'i gtso/ /sa chen rdul phran ji bzhin mang po la/ /bdag ni rtse gcig lus dang ngag yid kyis/ /dus gsum sangs rgyas spyi btud 
 su mchi/ /yon tan rgya mtsho mtha' yas rab bsngags nas/ /spos dang me tog sna tshogs kun gyis mchod/ /bdag ni lce ni brgya stong mchis 'gyur te/ /bskal pa tshad med rab tu bsngags brjod kyang / /bcom ldan yon tan bsam gyis mi khyab cing / /mchog tu zab pas shin tu brjod par dka'/ /bdag gi lce ni brgya stong mchis pa yis// sangs rgyas gcig gi yon tan kun bsngags kyang / /de la cha shas tsam yang rtogs dka' na/ /sangs rgyas mtha' dag yon tan smos ci 'tshal/ /gal te sa chen dang ni lha rnams nas/ /srid rtse'i bar dag rgya mtsho'i chab gyur kyang / /spu yi rtse mos grangs ni rtogs rung gi/ sangs rgyas yon tan thams cad gzhal bar dka'/ /bdag gis lus </font><hr>88b<br><font size=+1>


dang ngag yid rtse gcig tu/ /sangs rgyas yon tan mtha' yas bsngags brjod pa'i/ /bsod nams 'bras bu bsam dka' ci mchis pa/ /sems can yongs bsngo sangs rgyas myur 'grub smon/ /rgyal po de yis sangs rgyas bsngags brjod nas/ /gzhan yang rang sems smon lam cher btab pa/ /bdag ni ma 'ongs pa yi dus kyi tshe/ /tshe rabs bskal pa tshad med grangs med snyed/ /rmi lam rtag par gser rnga cher mthong nas/ /'gyod tshangs bstan pa'i sgra ni thos par shog/ sangs rgyas yon tan pad+ma'i dpes bsngags pas/ /skye med rtogs nas yang dag sangs rgyas shog/ sangs rgyas brgya lam lan cig 'jig rten 'byung / /bskal pa brgya stong shin tu phrad par dka'/ /rmi lam rtag par gser rnga sgra mchog thos/ / nyin mtshan ci rigs 'gyod tshangs bgyid par shog/ bdag gis pha rol phyin drug tshogs bsgoms nas/ /sems can sdug bsngal mtsho las rab drangs te/ /de 'og bla med mngon par sangs rgyas nas/ /zhing ni rnam dag bsam gyis mi khyab shog/ gser gyi rnga mchog sangs rgyas phul ba dang / /sangs rgyas yang dag yon tan bsngags pa'i rgyus// bcom ldan shAkya thub pa mthong gyur nas/ /bdag la mi mchog 'gyur bar lung bstan shog/ bdag gi bu ni gser klu gser gyi 'od/ /'das pa'i dus tshe dge bshes bgyis </font><hr>89a<br><font size=+1>


@#/ /pas na| |tshe rabs kun tu bdag gi khyim skyes te/ /lhan cig bla med byang chub lung nod shog/ sems can gang zhig mgon dang skyabs ma mchis// yun ring 'khor bar sdug bsngal mang myong ba/ /bdag gis ma 'ongs mgon dang skyabs bgyis nas/ /de dag rtag tu bde ba thob par shog/ srid gsum sdug bsngal mang po nyer zhi nas/ /thams cad yid bzhin bde gnas thob gyur te/ /'das pa'i sangs rgyas rnams ni ji lta bzhin/ /ma 'ongs byang chub mngon par bsgrub par shog/ gser 'od 'gyod tshangs bgyis pa'i bsod nams 'dis/ /sdug bsngal rgya mtsho gtan skams sdig bral nas/ /las kyi sgrib dang nyon mongs nyer zhi ste/ /bdag gis rnam dag 'bras bu myur thob shog/ bsod nams ye shes rgya mtsho tshad med cing / /rnam dag dri bral zab pas gting ma mchis/ /bdag gis yon tan rgya mtsho 'di thob nas// bla med byang chub chen po myur 'grub shog/ gser 'od 'gyod tshangs bgyis pa 'di yi mthus/ /bsod nams rnam dag 'od zer 'thob par shog/ rnam dag 'od zer dam pa thob nas kyang / /shes rab 'od kyis thams cad gsal bgyid shog/ bdag gi lus 'od sangs rgyas mtshungs 'gyur zhing / /bsod nams ye shes dag kyang </font><hr>89b<br><font size=+1>


de bzhin shog/ 'jig rten kun tu gcig pu gtsor brjod cing / /gzi brjid mthu stobs rang dbang zla med shog/ zag bcas sdug bsngal rgya mtsho 'das par shog/ 'dus ma byas kyi bde mtsho rtag bgrod shog/ de ltar bsod nams mtsho ni rtag 'phel shog/ ma 'ongs ye shes rgya mtsho yongs rdzogs shog/ bdag gi zhing na khams gsum yongs 'das nas| |khyad 'phags yon tan tshad med mtha' med shog/ rkyen dang ldan rnams lhan cig skyes gyur nas/ /thams cad rnam dag ye shes myur grub shog/ mjes pa'i tog khyod shes par byos/ /rgyal po gser klu bdag po yis/ /smon lam de 'dra gang btab pa/ /de ni khyod bdag nyid yin no/ /gser klu gser 'od zhes bya ba/ /sngon gyi khye'u gnyis po ni| |dngul tog dngul mtshan nyid yin te/ /nga las lung bstan thob pa yin/ /'khor mang de skad thos pa na/ /thams cad byang chub sems bskyed de/ /de ltar ma 'ongs dus kyi tshe| |'gyod tshangs 'di spyod smon lam btab/ /gser 'od dam pa mchog tu rnam par rgyal ba mdo sde'i rgyal po las/ pad+ma lta bu'i dpes bsngags pa brjod pa'i le'u ste bdun pa'o// //de nas bcom ldan 'das kyis 'khor mang po'i nang nas byang chub sems dpa' sems dpa' chen po rab gnas la 'di skad ces bka' stsal </font><hr>90a<br><font size=+1>


@#/ /to| |rigs kyi bu/ gser rgyal ba zhes bya ba'i gzungs yod de/ rigs kyi bu'am/ rigs kyi bu mo gang la la zhig gis 'das pa dang / ma byon pa dang / da ltar bzhugs pa'i sangs rgyas rnams mngon sum du mthong zhing bkur sti dang / mchod pa byed 'dod pas gzungs 'di yongs su gzung bar bya'o/ /de ci'i phyir zhe na| gzungs 'di ni 'das pa dang / ma byon pa dang / da ltar bzhugs pa'i sangs rgyas rnams kyi yum yin pas so/ /de lta bas na gzungs 'di yongs su 'dzin par byed pa gang yin pa de ni bsod nams chen po ldan zhing 'das pa'i sangs rgyas tshad med pa rnams las dge ba'i rtsa ba bskyed pa yin pas deng yongs su 'dzin par 'gyur ba yin no/ /tshul khrims yongs su dag pa mi zhig mi nyams shing thogs pa med pa dang / gdon mi za bar chos zab mo'i sgor 'jug par 'gyur bar rig par bya'o/ / bcom ldan 'das kyis sngags sgrub ba'i cho ga bka' stsal pa/ sngar sangs rgyas dang / byang chub sems dpa' rnams kyi mtshan nas brjod de sems rtse gcig tu gus pas phyag byas nas de'i 'og tu sngags gdon par bya'o/ /phyogs bcu'i sangs rgyas thams cad la phyag 'tshal lo/ /byang chub sems dpa' sems dpa' chen po rnams </font><hr>90b<br><font size=+1>


la phyag 'tshal lo/ /nyan thos dang / rang sangs rgyas dang / 'phags pa rnams la phyag 'tshal lo/ /sangs rgyas shAkya thub pa la phyag 'tshal lo/ /shar phyogs kyi sangs rgyas mi 'khrugs pa la phyag 'tshal lo/ /lho phyogs kyi sangs rgyas rin po che'i tog la phyag 'tshal lo/ /nub phyogs kyi sangs rgyas tshe dpag med la phyag 'tshal lo/ /byang phyogs kyi sangs rgyas lha'i rnga sgra'i rgyal po la phyag 'tshal lo/ /steng phyogs kyi sangs rgyas yangs pa'i yon tan mang po la phyag 'tshal lo/ /'og phyogs kyi sangs rgyas yon tan snang ba la phyag 'tshal lo/ /sangs rgyas rin chen snying po la phyag 'tshal lo/ /sangs rgyas kun tu 'od la phyag 'tshal lo/ /sangs rgyas kun tu snang la phyag 'tshal lo/ /sangs rgyas spos brtsegs rgyal po la phyag 'tshal lo/ /sangs rgyas rnam par rgyal ba'i pad+ma la phyag 'tshal lo/ /sangs rgyas mnyam par gzigs la phyag 'tshal lo/ /sangs rgyas rin chen gtsug phud la phyag 'tshal lo/ /sangs rgyas rin chen bla ma la phyag 'tshal lo/ /sangs rgyas rin chen 'od la phyag 'tshal lo/ /sangs rgyas dri ma med pa'i 'od zer la phyag 'tshal lo/ /sangs rgyas spobs rab dgongs la phyag 'tshal lo/ /sangs rgyas rnam dag zla ba'i 'od zer mtshan grags rgyal po la phyag 'tshal lo/ /sangs rgyas me tog bkod pa'i 'od la phyag </font><hr>91a<br><font size=+1>


@#/ /'tshal lo/ /sangs rgyas snang ba'i rgyal po la phyag 'tshal lo/ /sangs rgyas legs 'od dri med grags pa'i rgyal po phyag 'tshal lo/ /sangs rgyas rtog pa 'jigs med dbang phyug la phyag 'tshal lo/ /sangs rgyas bsnyengs pa mi mnga' ba'i grags pa la phyag 'tshal lo/ /sangs rgyas mchog tu rnam par rgyal ba'i rgyal po la phyag 'tshal lo/ /byang chub sems dpa' sems dpa' chen po spyan ras gzigs dbang phyug la phyag 'tshal lo/ /byang chub sems dpa' sems dpa' chen po sa'i snying po la phyag 'tshal lo/ /byang chub sems dpa' chen po nam mkha'i snying po la phyag 'tshal lo/ /byang chub sems dpa' sems dpa' chen po 'phags pa 'jam dpal la phyag 'tshal lo/ /byang chub sems dpa' sems dpa' chen po lag na rdo rje la phyag 'tshal lo/ /byang chub sems dpa' sems dpa' chen po kun tu bzang po la phyag 'tshal lo/ /byang chub sems dpa' sems dpa' chen po blo gros mi zad pa la phyag 'tshal lo/ /byang chub sems dpa' sems dpa' chen po mthu chen po thob pa la phyag 'tshal lo/ /byang chub sems dpa' sems dpa' chen po byams pa la phyag 'tshal lo/ /byang chub sems dpa' sems dpa' chen po dge </font><hr>91b<br><font size=+1>


ba'i blo gros la phyag 'tshal lo/ /gzungs ni 'di lta ste/ na mo rat+na ta yA ya/ tad+yA thA/ ku Ti/ ku Ti ni/ i mi ri to/ ko Sha ni i mi ri Ne/ i rI swAhA/ bcom ldan 'das kyis byang chub sems dpa' rab gnas la bka' stsal pa/ gzungs 'di ni dus gsum gyi sangs rgyas rnams kyi yum yin pas rigs kyi bu'am/ rigs kyi bu mo gang la la zhig gis 
 'di yongs su 'dzin par byed na/ bsod nams kyi tshogs tshad med dpag tu med pa rab tu skye bar 'gyur te/ 'di nyid sangs rgyas grangs med pa snyed la mchod cing rim gro byed pa dang / gus pas bla mar byed pa dang / bsngags pa brjod par byed pa yin pas/ 'di ltar sangs rgyas mang po rnams kyis kyang gang zag de la bla na med pa yang dag par rdzogs pa'i byang chub tu lung ston par 'gyur ro/ /rab gnas/ gang la la zhig gis gzungs 'di yongs su 'dzin par byed na/ ji ltar 'dod pa bzhin du gos dang / zas dang / nor dang / rin po che dang / mang du thos pa dang / shes rab rno ba dang / nad med cing tshe ring ba dang / bsod nams mang po thob par 'gyur bas ji ltar mos pa rnams yid bzhin du mi 'grub pa gang yang med par 'gyur ro/ /rab gnas/ gzungs 'di yongs su 'dzin par byed pa gang yin pa de ni bla na med pa'i byang chub ma thob kyi bar du rtag par </font><hr>92a<br><font size=+1>


@#/ /byang chub sems dpa' gser gyi grong khyer kyi ri dang / byang chub sems dpa' byams pa dang / byang chub sems dpa' rgya mtsho dang / byang chub sems dpa' spyan ras gzigs dbang phyug dang / byang chub sems dpa' 'jam dpal dang / byang chub sems dpa' ma hA bing ga la la sogs pa dang lhan cig gnas par 'gyur bas byang chub sems dpa' rnams kyis yongs su srung zhing yongs su bsrung bar 'gyur ro/ /rab gnas/ 'di ltar rig par bya ste/ sngags 'di yongs su 'dzin pa'i tshe cho ga 'di ltar bsgrub par bya'o/ /sngags lan khri rtsa brgyad tshang bar bzlas te bsnyen pa'i cho ga bya'o/ /de nas khang pa dben pa'i nang du dkyil 'khor brgyan nas zla ba yar gyi ngo'i tshes gcig la khrus yongs su dag par byas te gos sar pa bgos nas spos bsregs me tog gtor te bza' ba dang / btung ba rnam pa sna tshogs kyis mchod pa byas nas dkyil 'khor gyi nang du zhugs te thog ma kho nar sngar gong du bstan pa'i sangs rgyas dang / byang chub sems dpa' rnams kyi mtshan nas brjod de sems rtse gcig tu gus pas phyag byas nas sngar byas pa'i sdig pa rnams bshags te pus mo g.yas pa'i lha nga \?\ la btsugs nas sngar bstan pa'i gzungs sngags lan stong rtsa brgyad </font><hr>92b<br><font size=+1>


bzlas te lus drang por bsrang nas/ yid la bya zhing smon lam rjes su dran par bya'o/ /nyi ma shar ba dang dkyil 'khor gyi nang du zas gtsang ma gcig tu bza' bar bya zhing nyin gcig la zas gcig bza' bar bya'o/ /zhag bco lnga tshang nas dkyil 'khor nas 'byung bar byed na gang zag de bsod \?\ nams dang / gzi byin mthu stobs bsam gyis mi khyab pa dang ldan par 'gyur bas ci dang / ci smon pa mi 'grub pa gang yang med par 'gyur ro/ /gal te yid bzhin du 'grub par ma gyur na'ang dkyil 'khor gyi nang du 'jug par bya zhing bsam pa bzhin du 'grub nas kyang rtag par yid la bya zhing brjed par mi bya'o/ /gser 'od dam pa mchog tu rnam par rgyal ba mdo sde'i rgyal po las/ gser rgyal gyi gzungs kyi le'u ste brgyad pa'o// //de nas bcom ldan 'das kyis gzungs sngags de bka' stsal nas/ byang chub sems dpa' sems dpa' chen po rnams dang / lha dang / mi dang / 'khor mang po rnams la phan gdags shing / de kho na nyid kyi don dam pa shin tu zab pa khong du chud par mdzad par bzhad pa'i phyir stong pa nyid kyi rang bzhin yang bstan pa'i ched du tshigs su bcad de bka' stsal pa/ nga yis mdo sde zab mo gzhan dag las/ /yang dag stong pa nyid dag chos bshad pa/ /deng 'dir mdo sde'i rgyal po </font><hr>93a<br><font size=+1>


@#/ /'di las kyang / /stong nyid bsam gyis mi khyab mdo tsam bshad/ /zab mo'i chos ni rgya chen mang po la/ /sems can shes med rig par mi nus pas/ de'i phyir ngas 'dir bzlas te bstan pas na/ /stong pa'i chos ni rab tu rtogs par 'gyur/ /thugs rje chen pos sems can brtse ba'i phyir/ /shin tu thabs mkhas rgyu rkyen mchog/ dag gis/ /ngas \?\ deng 'khor 'dus chen po 'di nang du/ /bstan pas de dag stong don gsal rtogs 'gyur/ /lus 'di grong stong 'dra bar shes byas te/ /rkun po drug gnas phan tshun yong mi shes/ /yul drug rkun po tha dad dbang po gnas/ /so sor phan tshun mi shes de bzhin no/ /mig gi dbang po rtag par gzugs la blta/ /rna ba'i dbang po sgra nyan rgyun mi 'chad/ /sna yi dbang pos rgyun tu dri yul snom/ /lce yi dbang pos rtag par ro zhim myong / /lus kyi dbang pos yang 'jam reg bya len/ /yid kyi dbang pos chos rig skyo mi shes/ /dbang po 'di drug dngos po'i rjes 'brang bas/ /so so'i rang yul dag la rtog pa skyed/ /rnam shes sgyu sprul 'dra bas yang dag min/ /dbang po gnas nas mi dben 'dod pas tshol/ /dper na mi zhig grong stong rgyug pa ltar/ /rnam shes drug po dbang gnas de bzhin no/ /sems ni kun tshol gnas kyi rjes su 'jug/ dbang rten </font><hr>93b<br><font size=+1>


yul dmigs dngos pos rnam rig pas/ /rtag par gzugs sgra dri ro reg la sred/ /chos la spyod pas skad cig tsam mi gnas/ /rkyen ni ji bzhin dbang drug kun rgyug pas/ /mkha' la bya 'phur thogs pa med pa 'dra/ /dbang po rten byed de la ltos nas ni/ /phyi rol yul ni rnam par rig par nus/ /lus 'di shes med byed pa po yang med/ /rang bzhin mi brtan rkyen la ltos nas grub/ /yang dag ma yin rnam rtog las skyes pas/ /'khrul 'khor bzhin du las kyi dbang gis 'jug/ sa chu me rlung lhan cig lus bsgrubs pas/ /rgyu rkyen ji bzhin tha dad 'bras bu 'thob/ /lhan cig gnas kyang phan tshun gnod byed pas/ /sbrul gdug bzhi po gzeb gcig gnas pa 'dra/ /'byung chen sbrul bzhi rang bzhin tha dad pas/ /lhan cig gnas kyang mtho dang dma' ba yod/ /steng 'og 'gro zhing lus ni kun tu khyab/ /de dag mthar ni zad pa'i chos su 'gro/ sbrul gdug rnam pa bzhi po de dag las/ /sa chu sbrul gnyis phan cher thur du 'bying / /me rlung sbrul gnyis rang bzhin yang bas na/ /mi mthun 'di dbang nad mang skye bar 'gyur/ /sems dang rnam shes lus 'di gnas nas ni/ /dge sdig las ni sna tshogs byed pas na/ /lha mi ngan 'gro gsum du song nas ni/ /lus stobs ji bzhin lus ni len par byed/ /nad dang phrad nas lus </font><hr>94a<br><font size=+1>


@#/ /ni shi ba'i 'og/ bshang gci mi gtsang thams cad kun tu snang / /rul myags 'bus gces blta bar yong mi mos/ /dur khrod bor nas shing rul 'dra bar 'gyur/ /khyod kyis chos rnams de ltar blta bar byos/ /ci phyir bdag dang sems can yod par 'dzin/ /chos rnams thams cad 'dzad pas mi rtag ste/ /thams cad ma rig rkyen gyi mthu las byung / /'byung chen de dag yang dag min pas na/ /yang dag yod min rang bzhin skye med pas/ /de phyir 'byung chen ngo bo stong par bshad/ /'di dag stong zhing yang dag min rig byos/ /ma rig rang bzhin gzod ma nyid kyis med/ /rkyen mang mthu ltos tshogs las yod pa min/ /dus rnams kun tu yang dag blos stong pas/ /de phyir nga yis ma rig yin par bshad/ /'du byed rnam shes rkyen byas ming gzugs yod/ /skye mched drug dang reg tshor rjes su skye/ /sred len srid skye rga shi bskyed pas na/ /mya ngan smre sngags 'khrug pa rjes su 'brang / /sdug bsngal sna tshogs las ngan rtag dkris gzir/ /'khor bar 'khor ba dag la tshad dus med/ /rang bzhin yod min ngo bo nyid stong yang / /tshul bzhin ma yin rnam par rtog pa bskyed/ /nga yis nyon mongs thams cad rab spangs nas/ /rtag par yang dag ye shes mngon rgyu bas/ /lnga phung </font><hr>94b<br><font size=+1>


khang khyim thams cad stong rtogs nas/ /byang chub yang dag gnas ni btsal ba yin/ /nga yis bdud rtsi grong chen sgo phya \?\nas/ /gya nom bdud rtsi snod ni bstan pa yin/ /yang dag bdud rtsi ro ni brnyes nas kyang / /rtag par bdud rtsi skye dgu sbyin pa btang / /ngas ni chos kyi rnga chen dam pa brdungs/ /ngas ni chos kyi dung chen mchog kyang bus/ /ngas ni chos kyi sgron chen rab kyang spar/ /ngas ni chos kyis char chen dam pa phab/ /nyon mongs dgra rnams rab tu pha ma byas te/ /bla med chos kyi rgyal mtshan chen po bsgreng / /'khor ba'i mtsho las skye dgu rmongs pa bzlas/ /nga yis ngan 'gro gsum gyi sgo yang bcad/ /nyon mongs 'bar mes sems can rab bsregs te/ /mgon dang skyabs byed med pa dag la ni/ /rab bsil bdud rtsis de dag tshim byas nas/ /lus dang sems kyi gdung ba zhi bar byas/ /de nas ngas ni bskal pa tshad med snyed/ /de bzhin gshegs pa rnams la gus mchod byas/ / tshul khrims rab bsrungs byang chub gzhol nas ni/ /chos sku bde ba'i gnas ni btsal ba yin/ /gzhan la mig ngang rkang lag rna ba dang / /bu dang chung ma bran btang phangs pa med/ /nor dang rin chen bdun gyi rgyan phreng dag/ slong ba dag la thams cad yongs su btang / /bzod sogs pha rol phyin pa kun bsgoms pas/ /sa bcu yongs rdzogs yang </font><hr>95a<br><font size=+1>


@#/ /dag mngon sangs rgyas/ /de phyir nga ni thams cad mkhyen brjod kyang / /sems can gang yang gzhal bar nus pa med/ /gal te stong gsum stong chen 'jig rten khams/ /sa chen 'di las skyes pa'i dngos rnams dang / /nags tshal ljon shing sA lu til rnams dang / /'dam \?\ la sogs yal ga ji snyed pa/ /'di la sogs pa'i dngos po bcad btubs te/ /thams cad rdul phran phye mar byas pa dang / /gang nas bsdus spungs tshad ni shes dka' dang / /de bzhin nam mkha'i khams ni gang ba yi// phyogs bcu'i zhing rnams dag ni thams cad na/ /stong gsum stong chen 'jig rten ji snyed pa'i/ /sa rnams rdul kyi phye mar byas gyur na/ /rdul 'di tshad ni bgrang bar mi nus pas/ /sems can thams cad shes pa ci yod pa/ /shes pa de kun mi gcig rab byin nas/ /'di ltar de yi shes pa tshad med pas/ /rdul phran de yi grangs ni shes rung yang / /bcom ldan thub pas skad cig gang mkhyen pa/ /shes ldan de dag lhan cig gzhal bcug na/ /bskal pa bye ba mang po grangs snyed du/ /cung zad tsam yang brtsi zhing shes mi nus/ /de'i tshe 'khor mang po rnams bcom ldan 'das kyis stong pa nyid kyi rang bzhin zab mo 'di lta bu bkas bshad pa thos nas sems can </font><hr>95b<br><font size=+1>


tshad med pa snyed 'byung ba chen po bzhi dang / phung po lnga po dag rang bzhin nyid kyis stong pa dang / dbang po drug dang / yul drug po yang dag pa ma yin pas 'ching ba bskyed par mngon par rtogs par gyur nas 'khor ba yongs su spangs te nges par 'byung ba yang dag par sgrub par smon lam btab nas shin tu dang ba'i sems kyis rab tu dga' bar gyur pas ji skad bstan pa bzhin du gus pas spyod par gyur to/ /gser 'od dam pa mchog tu rnam par rgyal ba mdo sde'i rgyal po las/ stong pa nyid kyi rang bzhin bstan pa'i le'u ste dgu pa'o// //de nas lha'i bu mo yid bzhin rin chen 'od 'phro 'khor mang po'i nang du chos zab mo thos pas dga' mgu rangs par gyur nas stan las langs te bla gos phrag pa gcig la gzar nas pus mo g.yas pa'i lha nga sa la btsugs te gus pas thal mo sbyar nas bcom ldan 'das la 'di skad ces gsol to/ /bcom ldan 'das kyis don gyi tshul zab mo dag la rnal 'byor bsgoms pa'i chos gang lags pa bkas bshad du ci gnang zhes gsol nas tshigs su bcad de gsol pa/ bdag gis 'jig rten snang mdzad dang / /rkang gnyis gtso bo mchog la ni/ /byang chub sems dpa' yang dag spyod/ /zhu na \?\ thugs rjes gnang bar smon/ /bcom ldan rigs kyi lha </font><hr>96a<br><font size=+1>


@#/ /mo la/ /gal te the tshom yod gyur na/ /khyod kyis yid bzhin zhus shig dang / /rnam phye bstan par bya zhes gsungs/ /de nas lha mos bcom ldan 'das la 'di skad ces gsol to/ /byang chub sems dpa' ji lta bur/ /byang chub yang dag spyad spyod na/ /bdag dang gzhan la sman slad du/ /'khor ba mya ngan 'das spangs 'gyur/ /bcom ldan 'das kyis rigs kyi lha mo la bka' stsal pa/ /chos kyi dbyings la brten te byang chub kyi chos spyad nas mnyam pa nyid kyi chos spyod pa bsgom par bya'o/ / ji ltar chos kyi dbyings la brten te byang chub kyi chos la spyad nas mnyam pa nyid kyi spyod pa bsgom par bya zhe na/ 'di ltar phung po lnga po dag gis chos kyi dbyings ston par byas pas chos kyi dbyings gang yin pa de nyid phung po lnga yin yang phung po lnga'ang brjod du med la phung po lnga ma yin pa'ang brjod du med do/ /de ci'i phyir zhe na/ gal te chos kyi dbyings phung po lnga yin par gyur na ni chad pa'i lta bar 'gyur la/ gal te phung po lnga dang tha dad par gyur na ni rtag pa'i lta bar 'gyur bas mtshan nyid gnyis dang bral ba| mtha' gnyis la mngon par ma chags pa/ bltar med pa/ blta bar bya ba las yang dag par 'das pa/ ming med pa/ mtshan ma med pa gang yin pa de ni chos kyi </font><hr>96b<br><font size=+1>


dbyings bstan pa zhes bya'o/ /rigs kyi lha mo/ ji ltar phung po lnga po dag gis chos kyi dbyings ston par byed ce na/ 'di ltar phung po lnga dag ni rgyu dang / rkyen las skye ba ma yin no// de ci'i phyir zhe na/ gal te rgyu dang / rkyen las skyes pa zhig yin par gyur na skyes zin pa'i phyir skye'am/ ma skyes pa'i phyir skye/ gal te skyes zin pa zhig skye na ni rgyu dang / rkyen dgos pa ci zhig yod/ gal te ma skyes pa zhig skye na ni nam yang skye ba dmigs par mi 'gyur ro/ /de ci'i phyir zhe na/ ma skyes pa'i chos gang yin pa de ni yod pa ma yin pa/ ming med pa/ mtshan ma med pa/ dgag par bya ba ma yin pa/ dpe byar mi rung ba/ rgyu dang / rkyen gyis bskyed par bya ba ma yin pa'i phyir ro/ /rigs kyi lha mo/ 'di lta ste/ dper na/ rnga'i sgra gang yin pa de ni shing la'ang brten/ ko ba dang / dbyug gu dang / lag pa la sogs pa la brten pa'i phyir sgra 'byung bar 'gyur yang 'di ltar rnga'i sgra gang yin pa de ni 'das pa'ang stong / ma 'ongs pa'ang stong / da ltar byung ba'ang stong ngo / /de ci'i phyir zhe na/ rnga'i sgra gang yin pa de ni shing las kyang mi 'byung / ko ba las kyang mi 'byung / dbyug gu dang / lag pa las kyang mi 'byung / dus gsum las kyang mi 'byung bas/ de ni ma skyes pa'o/ /ma skyes pa gang yin pa de ni 'gag par yang mi 'gyur ro/ /'gag </font><hr>97a<br><font size=+1>


@#/ /par mi 'gyur ba gang yin pa de ni gang nas kyang mi 'ong ngo / /gang nas kyang mi 'ong ba de ni gang du'ang 'gro bar mi 'gyur ro/ /gang du'ang 'gro bar mi 'gyur ba gang yin pa de ni rtag par yang ma yin/ chad par yang ma yin no/ /rtag par yang ma yin chad par yang ma yin pa de ni gcig pa'ang ma yin/ tha dad pa'ang ma yin pas so/ /de ci'i phyir zhe na/ gal te 'di gcig pa zhig yin na ni chos kyi dbyings dang tha mi dad par 'gyur ro/ /gal te de lta yin na ni so so'i skye bo rnams kyang yang dag pa'i bden pa mthong nas bla na med pa yang dag pa'i bden pa dang ldan pa'i byang chub mya ngan las 'das pa 'thob par 'gyur ba'i rigs kyi/ de lta ma yin pas de'i phyir gcig pa'ang ma yin par rig par bya'o/ /gal te tha dad do zhe na/ sangs rgyas dang / byang chub sems dpa' rnams kyi 'du byed kyi mtshan nyid thams cad mngon par zhen pa dang bcas pa yin pas nyon mongs pa'i 'ching ba las rnam par grol bar mi 'gyur zhing / bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ro/ /de ci'i phyir zhe na/ 'phags pa'i gang zag thams cad ni 'du byed dang / 'du byed ma yin pa dag la yang dag par ngo bo nyid </font><hr>97b<br><font size=+1>


du mnyam par rtogs pas de'i phyir tha dad pa'ang ma yin te/ de lta bas na phung po lnga po dag ni yod pa ma yin/ med pa'ang ma yin/ rgyu dang / rkyen las ma skyes pa/ rgyu dang / rkyen med pa las skyes pa'ang ma yin bar rig par bya'o/ /'phags pas shes par bya ba yin gyi/ gzhan gyi spyod yul ma yin pa'i phyir tshig dang / tha snyad kyis rig par mi 'gyur/ ming med pa/ mtshan ma med pa/ rgyu med pa/ rkyen med pa/ dpe med pa/ thog ma dang / tha ma med par rab tu dben pa/ gzod ma nyid nas rang bzhin gyis stong pa yin pas de'i phyir phung po lnga po dag gis chos kyi dbyings ston par nus pa yin no/ /rigs kyi lha mo/ rigs kyi bu'am/ rigs kyi bu mo gang la la zhig bla na med pa yang dag par rdzogs pa'i byang chub yongs su gnyer bar 'dod pas don dam pa dang / kun rdzob las gud na yongs su tshol bar byed na de ni shin tu dpag cing bsam pa dka' ba yin te so so'i skye bo dang / 'phags pa'i spyod yul gyi ngo bo nyid ni gcig pa'ang ma yin/ tha dad pa'ang ma yin pas kun rdzob kyang mi spong la/ don dam pa dang yang mi 'bral bar chos kyi dbyings la brten nas byang chub kyi spyod pa spyad par bya'o/ /de'i tshe bcom ldan 'das kyis de skad ces bka' stsal pa dang / rigs kyi lha mo dga' mgu rangs par gyur nas stan las langs te bla gos phrag pa </font><hr>98a<br><font size=+1>


@#/ /gcig tu gzar nas pus mo g.yas pa'i lha nga sa la btsugs te gus pas thal mo sbyar nas sems rtse gcig tu mgo bos phyag byas te bcom ldan 'das la 'di skad ces gsol to/ /bcom ldan 'das/ gong du ji skad bka' stsal pa'i byang chub kyi yang dag pa'i don la spyod pa gang lags pa de dag la deng bdag gis bslab par bgyi'o/ /de nas mi mjed kyi 'jig rten gyi khams kyi bdag po tshangs pa'i rgyal po chen pos 'khor mang po'i nang du lha mo yid bzhin rin chen 'od 'phro la 'di skad ces smras so/ /byang chub kyi spyod pa 'di ni shin tu bsgrub par dka' ba yin na deng khyed kyis ji ltar byang chub kyi spyod pa la rang dbang thob par 'gyur/ de nas rigs kyi lha mos tshangs pa'i rgyal po la 'di skad ces smras so/ /kye tshangs pa'i rgyal po/ bcom ldan 'das kyis ji skad gsungs pa ltar na 'di ni yang dag par shin tu zab pa yin pas so so'i skye bo thams cad kyis de'i don shes par mi 'gyur gyi/ 'di ni 'phags pa'i spyod yul yin pas shin tu gya nom zhing shes par dka' ba yin no/ /gal te deng bdag gis chos 'di la brten nas bde bar gnas par 'thob pa bden te mi rdzun par gyur na dus ngan pa'i snyigs ma lnga'i sems can tshad med grangs med </font><hr>98b<br><font size=+1>


mtha' med pa thams cad gser gyi kha dog tu gyur nas mtshan sum cu rtsa gnyis dang ldan te skyes pa'ang ma yin bud med kyang ma yin par gyur nas rin po che'i pad+ma la 'dug ste/ bde ba tshad med pa myong ba dang / lha'i me tog dam pa'i char mngon par 'bab pa dang / lha'i rol mo'i cha byad rnams ma dkrol bar rang sgra 'byung ba dang / mchod pa'i yo byad thams cad phun sum tshogs par gyur cig ces de'i tshe rigs kyi lha mos de skad ces smras ma thag tu dus ngan pa'i snyigs ma lnga'i sems can ji snyed pa thams cad gser gyi gyi kha dog tu gyur nas skyes bu chen po'i mtshan dang ldan te skyes pa'ang ma yin bud med kyang ma yin par gyur nas rin po che'i pad+ma la 'dug ste bde ba tshad med pa dag la longs spyod par gyur pas gzhan 'phrul dbang byed kyi lha'i gzhal med khang ji lta ba bzhin du ngan 'gro rnams kyang med de/ rin po che'i ljon shing phreng du dkrigs shing rin po che sna bdun gyi me tog gis 'jig rten gyi khams kun tu gang bar gyur to/ /gzhan yang / lha'i rin po che sna bdun gyi me tog gi char yang mngon par phab/ lha'i rol mo rnams kyang byas te rigs kyi lha mo yid bzhin rin chen 'od 'phro'ang bud med kyi lus yongs su bsgyur nas tshangs pa'i lha'i lus su gyur to/ /de nas tshangs pa'i rgyal po chen pos </font><hr>99a<br><font size=+1>


@#/ /byang chub sems dpa' yid bzhin rin chen 'od 'phro la 'di skad ces smras so/ /khyod ji ltar byang chub kyi spyad pa yongs su spyad par byed/ smras pa/ kye tshangs pa'i rgyal po/ gal te chu'i zla ba byang chub kyi spyad pa spyod par byed na bdag kyang byang chub kyi spyad pa spyod par byed do/ /gal te rmi lam byang chub kyi spyad pa spyod par byed na/ bdag kyang byang chub kyi spyad pa spyod par byed do/ /gal te smig rgyu byang chub kyi spyad pa spyod par byed na bdag kyang byang chub kyi spyad pa spyod par byed do/ /gal te lung pa'i brag cha byang chub kyi spyad pa spyod par byed na bdag kyang byang chub kyi spyad pa spyod par byed do/ /de nas tshangs pa'i rgyal po chen pos de skad ces smras pa thos pa dang / byang chub sems dpa' de la 'di skad ces smras so/ /khyod don gang la brten nas tshig 'di smra bar byed/ smras pa/ kye tshangs pa'i rgyal po/ chos gcig 'ga' tsam yang de kho na nyid kyi mtshan nyid ma yin pa med mod kyi/ 'on kyang rgyu dang / rkyen gyi dbang gis mngon par grub pa yin no/ /tshangs pa'i rgyal pos smras pa/ gal te de lta bu yin par gyur na 'o na ni byis pa so so'i skye bo rnams kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i rigs so/ /smras pa/ khyod ci la bsam te 'di skad du smra </font><hr>99b<br><font size=+1>


par byed/ ci/ gti mug dang ldan pa'i gang zag kyang tha dad/ shes rab dang ldan pa'i gang zag kyang tha dad/ byang chub kyang tha dad/ byang chub ma yin pa'ang tha dad/ rnam par grol ba'ang tha dad/ rnam par grol ba ma yin pa'ang tha dad pa zhig yin snyam mam/ tshangs pa'i rgyal po/ 'di ltar chos rnams ni mnyam zhing tha dad pa med de chos kyi dbyings 'di la de bzhin nyid tha dad par gyur pa med pas mngon par zhen par bya ba'i bar zhes bya ba'ang med de 'phel ba med cing 'grib pa med par gyur pa yin no/ /kye tshangs pa'i rgyal po/ 'di lta ste/ dper na/ sgyu ma mkhan nam/ sgyu ma mkhan gyi slob ma sgyu ma ston pa la shin tu mkhas pa zhig gis lam gyi bzhi mdor gseg ma ngang / rtswa dang / shing gi lo ma la sogs pa blangs te phung po gcig tu spungs nas sgyu rtsal rnams kyis glang po che'i tshogs dang / rta'i tshogs dang / shing rta dang / dmag la sogs pa'i tshogs dang / rin po che sna bdun gyi phung po dang / bang mdzod rnam pa sna tshogs skye bo rnams kyis mthong bar 'gyur ba mngon par sprul par gyur na sems can gang dag glen zhing gti mug can du gyur pa/ dpyod par mi nus pa| sgyu ma'i rtsa ba mi shes pa dag gis mthong ngam/ thos par gyur na 'di snyam du bdag gis mthong zhing thos pa'i glang po che dang / rta la sogs pa'i tshogs gang yin pa de </font><hr>100a<br><font size=+1>


@#/ /dag ni yang dag par yod pa yin gyi/ gzhan ni brdzun pa yin no snyam du sems pas phyis legs par so sor rtog cing sems pa'ang med do/ / gang blo dang ldan pa dag ni de ltar ma yin te sgyu ma'i rtsa ba rab tu shes pas gal te mthong ngam/ thos par gyur na'ang 'di snyam du bdag gis ji ltar mthong ba'i glang po che dang / rta la sogs pa'i tshogs gang yin pa de dag ni yod pa ma yin gyi/ sgyu ma'i dngos po mig slu bar byed pa tsam zhig yod par zad de mi bden pas glang po che la sogs pa dang / bang mdzod rnams yod do snyam du mi sems pas ming tsam zhig yod par zad kyi/ yang dag pa ni ci'ang med do snyam du sems pas/ /bdag nyid kyis ji ltar mthong zhing thos pas de dag la'ang yang dag pa nyid du 'dzin par yang mi byed la/ phyis dpyod cing sems pa'i tshe'ang yang dag pa ma yin par rab tu shes par 'gyur ro/ /de bzhin du blo dang ldan pa dag gis kyang chos thams cad la yang dag pa'i ngo bo nyid med par rtogs pas kun rdzob kyi rjes su ji ltar mthong ba dang / ji ltar thos pa bzhin du dngos po ston cing brjod par byed kyi bden pa'i tshul yid la byed pa'i tshe ni de ltar ma yin te btags pa tsam du yang dag pa'i don rab tu ston par byed pa'i phyir ro/ / </font><hr>100b<br><font size=+1>


tshangs pa'i rgyal po/ byis pa so so'i skye bo 'jig rten las 'das pa'i 'phags pa'i shes rab kyi mig ma thob pa dag ni chos thams cad kyi de bzhin nyid brjod du med pa mi shes pa'i phyir byis pa so so'i skye bo dag 'du byed dang / 'du byed ma yin pa'i chos mthong ngam/ thos par gyur na 'di ltar yang dag par yod pa yin no snyam du bsams nas mngon par zhen par bskyed nas don dam par chos rnams kyi de bzhin nyid brjod du med pa yin par mi shes so/ /'phags pa'i gang zag gang yin pa de dag ni 'du byed dang / 'du byed ma yin pa'i chos mthong ngam/ thos par gyur na ci nus ci lcogs kyis yang dag par yod pa yin no snyam du mngon par zhen pa skyed par mi byed pas thams cad du yang dag pa'i 'du byed kyi chos dang / yang dag pa'i 'du byed ma yin pa'i chos med kyi mi bden pas bsams pa'i 'du byed dang / 'du byed ma yin pa'i mtshan nyid gang yin pa de dag gis ming tsam zhig yod pas yang dag pa'i ngo bo nyid ci'ang med do snyam du rig cing khong du chud par gyur kyang 'phags pa'i gang zag de dag kun rdzob kyi rjes su gzhan dag yang dag pa'i don rtogs par bya bar 'dod pa'i phyir yang dag par ston par byed pa yin no/ /de bzhin du tshangs pa'i rgyal po/ 'phags pa'i gang zag de dag kyang 'phags pa'i shes pa dang / mthong bas chos </font><hr>101a<br><font size=+1>


@#/ /rnams kyi de bzhin nyid brjod du med par rtogs par gyur kyang 'du byed dang / 'du byed ma yin pa'i chos 'di ltar gzhan dag rtogs par bya ba'i phyir kun rdzob kyi ming dang / tha snyad rnam pa sna tshogs ston par byed pa yin no/ /de nas tshangs pa'i rgyal po chen pos byang chub sems dpa' yid bzhin rin chen 'od 'phro la 'di skad ces smras so/ /sems can ji snyed cig gis yang dag pa'i chos zab mo 'di lta bu khong du chud par 'gyur/ smras pa/ kye tshangs pa'i rgyal po/ sgyu ma'i skyes bu mang po'i sems dang / sems las byung ba'i chos kyis yang dag pa'i chos zab mo 'di lta bu khong du chud par 'gyur ro/ /tshangs pa'i rgyal pos smras pa/ sgyu mas sprul pa'i skyes bu gang yin pa de dag ni ngo bo nyid kyis yod pa ma yin na 'di dag gi sems dang / sems las byung ba gang las skyes par 'gyur/ smras pa/ gang gis chos kyi dbyings yod pa'ang ma yin med pa'ang ma yin par shes pa'i sems can de dag gis don zab mo 'di shes par 'gyur ro/ /de nas bcom ldan 'das la tshangs pa'i rgyal pos 'di skad ces gsol to/ /bcom ldan 'das/ byang chub sems dpa' yid bzhin rin chen 'od 'phro 'di ni bsam gyis mi khyab pas don zab mo 'di lta bu </font><hr>101b<br><font size=+1>


mngon par rtogs par 'gyur lags so/ /bcom ldan 'das kyis bka' stsal pa/ de de bzhin no/ /de de bzhin te/ tshangs pa'i rgyal po/ khyod kyis ji skad smras pa de bzhin du yid bzhin rin chen 'od 'phro 'dis bstan nas khyod mi skye ba'i chos kyi bzod pa bsgom zhing bslab par sems bskyed pa yin no/ /de nas tshangs pa'i rgyal po chen po tshangs pa'i 'khor mang po dang lhan cig tu stan las langs te bla gos phrag pa gcig la gzar nas gus pas thal mo sbyar te byang chub sems dpa' yid bzhin rin chen 'od 'phro'i rkang pa la mgo bos phyag byas nas/ 'di skad du/ shin tu dkon zhing ngo mtshar che'o/ /bdag cag ni deng skyes bu 'di dang phrad pas yang dag pa'i chos thos par gyur to zhes smras so/ /de nas bcom ldan 'das kyis tshangs pa'i rgyal po chen po la/ 'di skad ces/ yid bzhin rin chen 'od 'phro 'di ni ma 'ongs pa na/ de bzhin gshegs pa dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba'i kha lo sgyur ba/ lha dang / mi rnams kyi ston pa/ sangs rgyas bcom ldan 'das rin chen 'bar ba dpal gyi snying po zhes bya bar 'gyur ro zhes bka' stsal to/ /le'u 'di </font><hr>102a<br><font size=+1>


@#/ /bstan pa na byang chub sems dpa' 'bum phrag sum stong bla na med pa yang dag par rdzogs pa'i byang chub las phyir mi ldog pa thob par gyur to/ / lha'i bu 'bum phrag brgyad stong dang / rgyal po dang / blon po dang / mi phal pa tshad med pa grangs med pa snyed ni rdul spangs shing dri ma dang bral nas chos kyi mig rnam par dag par gyur to/ /de nas de'i 'khor mang po de'i nang nas dge slong 'bum phrag lnga bcu byang chub sems dpa'i spyad pa spyod pa las byang chub kyi sems las phyir mi ldog pa rnams byang chub sems dpa' yid bzhin rin chen 'od 'phros chos bstan pa thos nas thams cad shin tu brtan par gyur nas bsam gyis mi khyab pa'i smon lam mchog yongs su rdzogs par 'gyur pas yang byang chub tu sems bskyed nas/ so so nas rang gi gos phung de byang chub sems dpa' la mchod pa byas nas mchog tu brtson pa'i sems bla na med pa bskyed de smon lam 'di skad du/ bdag cag bsod nams kyi dge ba'i rtsa ba ci bsags pa thams cad bla na med pa yang dag par rdzogs pa'i byang chub las phyir mi ldog par yongs su bsngo'o zhes smon lam btab bo/ /tshangs pa'i rgyal po/ dge slong mang po dag ni bsod nams 'di la brten nas ji skad bsten pa </font><hr>102b<br><font size=+1>


bzhin du mngon par bsgrubs pas bskal pa chen po dgu bcu 'das nas khong du chud cing go bar 'gyur bas 'khor ba las nges par 'byung bar 'gyur ro/ /de nas bcom ldan 'das kyis dge slong mang po de dag la/ khyod bskal pa grangs med pa sum cu 'das nas mngon par rdzogs par 'tshang rgya bar 'gyur te/ bskal pa'i ming ni rgyal bar dka' ba'i 'od kyi rgyal po zhes bya'o/ /zhing gi ming ni dri ma med pa'i 'od ces bya ste/ dus gcig tu bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur bas thams cad ming mthun par smon lam gyi bkod pas brgyan pa'i rgyal po zhes bya bar 'gyur zhing mtshan rnam pa bcu dang ldan par 'gyur ro zhes lung bstan to/ /tshangs ba'i rgyal po/ gser 'ong dam pa shin tu gya nom pa'i mdo sde 'di gang gis yang dag par mnyan nas yongs su 'dzin par byed na gzi byin chen po'i stobs dang ldan par 'gyur bas gang la la zhig gis bskal pa chen po brgya stong du ma'i bar du thabs dang mi ldan par pha rol tu phyin pa drug yongs su spyad pa bas/ rigs kyi bu'am/ rigs kyi bu mo gang la la zhig gis gser 'od \?\ dam pa'i mdo sde 'di yi ger bris nas zla ba phyed phyed cing sems rtse gcig tu klog gam/ kha ton du 'don par byed na 'di'i bsod nams </font><hr>103a<br><font size=+1>


@#/ /dang bsgrun na brgya'i char yang nye bar mi 'gro ba nas bgrang ba dang / dpe dang / rgyu'i bar du'ang nye bar mi 'gro'o/ /tshangs pa'i rgyal po/ de'i phyir ngas deng khyod kyis bslab par bya zhing dran pa yongs su bzung nas gzhan dag la rgya cher bstan par bya'o zhes bstan pa yin no/ /de ci'i phyir zhe na/ ngas sngon \?\ byang chub sems dpa'i lam yongs su spyad pa na ji ltar dpa' bo g.yul ngor 'jug pa bzhin du lus dang / srog la phangs pa med par 'di ltar mdo sde'i rgyal po mchog dam pa 'di yongs su spel zhing yang dag par bzung / bklags/ kha ton du bton nas gzhan dag la'ang yang dag par bstan te/ tshangs pa'i rgyal po/ 'di lta ste/ dper na/ 'khor los bsgyur ba'i rgyal po gal te 'jig rten na 'dug par gyur na rin po che sna bdun yang nub par mi 'gyur la/ gal te rgyal po tshe zad par gyur na rin po che sna bdun yod pa dag kyang de nyid du nub cing zad par 'gyur ro/ /tshangs pa'i rgyal po/ de bzhin du gser 'od dam pa mdo sde'i rgyal po 'di gal te 'jig rten na gnas par gyur na ni bla na med pa'i chos kyi rin po che rnams kyang nub par mi 'gyur la/ gal te mdo sde 'di med par gyur na ni gnas de nyid du nub par 'gyur ro/ /de lta bas na mdo sde'i rgyal </font><hr>103b<br><font size=+1>


bo 'di sems rtse gcig tu mnyan nas yongs su gzung bar bya/ bklag par bya/ kha ton du gdon par bya/ gzhan dag la bstan par bya zhing yi ger 'dri bar bskul nas brtson 'grus kyi pha rol tu phyin pa spyad de lus dang / srog la'ang phangs pa med par rab tu brtson par byed na bsod nams kyi nang na mchog tu 'gyur bas nga'i slob ma rnams kyis de bzhin du rab tu brtson pas rnal 'byor bsgom par bslabs par bya'o/ /de nas tshangs pa'i rgyal po chen po tshangs pa'i 'khor tshad med pa snyed dang / brgya byin dang / rgyal po chen po bzhi dang / gnod sbyin rnams dang lhan cig tu stan las langs te bla gos phrag pa gcig la gzar nas pus mo g.yas pa'i lha nga sa la btsugs te gus pas thal mo sbyar nas bcom ldan 'das la 'di skad ces gsol to/ /bcom ldan 'das/ bdag cag sems can thams cad gser 'od dam pa'i mdo sde 'di dang / chos 'chad pa'i mkhan po gang lags pa de dag yongs su bsrung zhing spel bar bgyid la gal te bgegs bgyid pa zhig mchis na'ang bdag cag gis yongs su bsal nas dge ba mang po dang ldan pa dang / kha dog dang / mthu stobs dang ldan pa dang / spobs pa la thogs pa ma mchis pa dang / lus dang / sems bag yangs su 'gyur ba dang / nyan pa'i 'khor rnams </font><hr>104a<br><font size=+1>


@#/ /bde ba myong bar bgyid do/ /yul gang na gnas pa der mu ge dang / phyir rgol ba'i dgra dang / mi ma lags pa dag gis 'tsho zhing gnod pa bgyid par gyur na bdag cag lha'i 'khor rnams kyis yongs su bsrungs nas skye bo rnams bde zhing skyid cing longs spyod rgyas pa dang / glo bur gyi gnod pa rnams ma mchis par bgyid de/ 'di dag thams cad kyang bdag cag dang lhan cig 'khor rnams kyi mthu lags so/ /gang la la zhig gis mdo sde 'di la mchod par bgyis na bdag cag kyang sangs rgyas ji lta ba bzhin du tha dad pa ma mchis pa'i bsam pas bkur sti dang / mchod par bgyid do/ /de nas bcom ldan 'das kyis tshangs pa'i rgyal po chen po dang / 
 pa'i 'khor rnams nas rgyal po chen po bzhi dang / gnod sbyin la sogs pa'i bar la bka' stsal pa/ legs so/ /legs so/ /khyod kyis chos zab mo gya nom pa thos nas mdo sde'i rgyal po mchog dam pa 'di dang / mdo sde 'dzin pa dag la yongs su bsrungs shing yongs su bskyangs pas bsod nams khyad par du 'phags pa mtha' med pa snyed thob nas myur du bla na med pa yang dag par rdzogs pa'i byang chub mngon par 'tshang rgya bar 'gyur ro/ /de nas de'i tshe tshangs pa'i rgyal po la sogs pas bcom </font><hr>104b<br><font size=+1>


ldan 'das kyis de skad ces bka' stsal pa thos nas rab tu dga' ste spyi bos blangs par gyur to/ /gser 'od dam pa mchog tu rnam par rgyal ba mdo sde'i rgyal po las/ stong pa nyid la brten nas smon lam yongs su rdzogs par 'gyur ba'i le'u ste bcu pa'o// //de nas lha'i rgyal po rnam thos kyi bu dang / lha'i rgyal po yul 'khor srung dang / lha'i rgyal po 'phags skyes po dang / lha'i rgyal po mig mi bzang cig car stan las langs te bla gos phrag pa gcig la gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar nas bcom ldan 'das kyi zhabs la mgo bos phyag byas te bcom ldan 'das la 'di skad ces gsol to/ /bcom ldan 'das/ gser 'od dam pa mchog tu rnam par rgyal ba mdo sde'i rgyal po 'di ni sangs rgyas thams cad kyis rtag par dgongs shing gzigs pa/ byang chub sems dpa' thams cad kyis bkur sti bgyis pa/ lha dang / klu thams cad kyis rtag par mchod pa/ lha'i 'khor rnams kyis rtag par dga' ba skyed pa/ 'jig rten skyong ba thams cad kyis rtag par bsngags pa brjod pa/ nyan thos dang / rang sangs rgyas rnams kyis yongs su bzung ba/ lha'i gzhal med khang thams cad gsal bar bgyid pa/ sems can thams cad la khyad par du </font><hr>105a<br><font size=+1>


@#/ /'phags pa'i bde ba stsol ba/ sems can dmyal ba dang / yi dwags dang / dud 'gro'i skye gnas kyi 'gro ba rnams kyi sdug bsngal nye bar zhi bar bgyid pa| 'jigs shing skrag pa thams cad rab tu sel ba/ phas kyi dgra thams cad phyir zlog par bgyid pa/ mu ge'i dus ngan pa'i tshe lo legs par bgyid pa/ rims nad kyi sdug bsngal thams cad zhi bar bgyid pa/ ltas ngan pa thams cad dang / sdug bsngal gyi gnod pa brgya stong rab tu zhi bar bgyid pa lags so/ /bcom ldan 'das/ gser 'od dam pa mchog tu rnam par rgyal ba mdo sde'i rgyal po 'di ni 'di lta bu'i bde ba stsol cing bdag cag la'ang sman par bgyid pa lags na bcom ldan 'das kyis 'khor mang po'i nang du rgya cher bkas bshad du gsol/ bdag cag rgyal po chen po bzhi 'khor dang bcas pas bla na ma mchis pa'i bdud rtsi'i chos kyi ro 'di thos par gyur na mthu stobs dang ldan zhing gzi byin 'phel ba dang / brtson 'grus dang ldan zhing dpa' bar 'gyur ba dang / rdzu 'phrul yang ches lhag cing khyad du 'phags par 'gyur lags so/ /bcom ldan 'das/ bdag cag rgyal po bzhi'ang chos yang dag par mngon par sgrub cing rtag par yang dag pa'i chos bstan nas chos kyis 'jig rten </font><hr>105b<br><font size=+1>


'dul bar bgyid pas bdag cag gis lha dang / klu dang / gnod sbyin dang / dri za dang / lha ma yin dang / nam mkha' lding dang / grul bum dang / mi'am ci dang / lto 'phye chen po de dag dang / mi'i rgyal po rnams kyang rtag par yang dag pa'i chos kyis 'jig rten 'dul ba la 'god par bgyid pas sdig pa'i las rnams 'gog cing yongs su sel bar bgyid do/ /mi'i mdangs 'phrog par bgyid pa'i 'dre srin byams pa dang / snying rje ma mchis pa thams cad kyang thag ring du mchis par 'gyur lags so/ /bcom ldan 'das/ bdag cag rgyal po chen po bzhi'ang gnod sbyin gyi sde dpon nyi shu rtsa brgyad dang / gnod sbyin brgya stong tshad ma mchis pa snyed dang bcas pas lha'i mig rnam par dag pa mi las yang dag par 'das pas 'dzam bu'i gling 'dir blta bar bgyid cing yongs su bskyab pa dang / yongs su bzung bar bgyid de/ bcom ldan 'das/ rgyu dang / rkyen des na bdag cag rgyal po rnams kyang 'jig rten skyong ba zhes bgyi ba lags so/ /gzhan yang / 'dzam bu'i gling 'dir yul gyi rgyal po gang la la zhig la phas kyi rgol ba'i dgra rnams rtag par nye bar mchis te gnod par bgyis par gyur tam/ mu ge dang / rims nad mang pos gnod par gyur tam/ ltas ngan gyi dngos po brgya stong tshad ma mchis pa snyed byung bar </font><hr>106a<br><font size=+1>


@#/ /gyur na/ bcom ldan 'das/ bdag cag rgyal po chen po bzhi po dag gser 'od dam pa mchog tu rnam par rgyal ba mdo sde'i rgyal po 'di la bkur sti dang / mchod pa bgyid pa'i dge slong chos smra ba gang la la mdo sde 'di len pa dang / 'dzin pa dang / klog cing kun chub pa zhig mchis par gyur na bdag cag rgyal po chen po bzhi de'i thad du mchis te go bar bgyis nas de la bskul zhing gsol ba 'debs par bgyid de/ chos smra ba de'ang bdag cag gi rdzu 'phrul gyis go bar bgyis pa'i mthus yul khams der mchis nas gser 'od dam pa shin tu gya nom pa'i mdo sde 'di rgya cher yang dag par spel bar bgyid pas mdo sde 'di'i mthus gnod pa dang / ltas ngan gyi dngos po brgya stong tshad ma mchis pa de dag thams cad nye bar zhi zhing yongs su sel bar 'gyur lags so/ /bcom ldan 'das/ mi'i rgyal po gang gi yul du mdo sde 'di yongs su 'dzin pa'i dge slong chos smra ba yul der mchis par gyur na mdo sde 'di'ang yul der gshegs par rig par bgyi lags so// bcom ldan 'das/ de'i tshe yul de'i rgyal po de chos smra ba'i thad du mchis nas des chos bstan pa gang lags pa mnyan par bgyi'o/ /thos nas kyang rab tu dga' </font><hr>106b<br><font size=+1>


bas chos smra ba de la bkur sti dang / mchod pa dang / rim gro bgyis te shin tu dang ba'i bsam pas yongs su bsrungs nas mya ngan dang / gnod pa ma mchis par bgyis te mdo sde 'di'ang yang dag par bstan nas thams cad la phan gdags par bgyi'o/ /bcom ldan 'das/ rgyu dang / rkyen des na bdag cag rgyal po chen po bzhi thams cad 
 rtse gcig tu mi'i rgyal po de dang / yul gyi mi thams cad yongs su bsrungs nas gnod pa rnams spongs shing rtag par bde ba la reg par bgyid lags so/ /bcom ldan 'das/ dge slong ngam/ dge slong ma'am/ dge bsnyen nam/ dge bsnyen ma gang la la zhig mdo sde 'di yongs su 'dzin par bgyid pa zhig mchis par gyur na de'i tshe mi'i rgyal po des ci dang / ci 'tshal ba sbyar te mchod pa bgyis nas phongs pa ma mchis par bgyid par gyur na bdag cag rgyal po chen po bzhis yul gyi bdag po de dang / yul gyi mi thams cad rab tu bde bar bgyid cing gnod pa rnams thag ring du spong bar bgyid do/ /bcom ldan 'das/ gang la la zhig mdo sde 'di len pa dang / 'dzin pa dang / klog pa dang / kha ton tu 'don par bgyid pa la mi'i rgyal po des mchod pa dang / bkur sti dang / bla mar bgyis te bsngags pa brjod par bgyid na bdag cag rgyal po de rgyal po rnams </font><hr>107a<br><font size=+1>


@#/ /kyi nang na mchog tu btsun pa dang / gus pas bla mar bgyis pas yul gyi rgyal po gzhan rnams kyis kyang bsngags pa brjod par 'gyur ro/ /'khor mang po rnams de skad ces thos pa dang / rab tu dga' bas yongs su 'dzin par 'gyur ro/ /gser 'od dam pa mchog tu rnam par rgyal ba mdo sde'i rgyal po las/ rgyal po chen po bzhis lha dang / mi rnams la blta zhing brtag pa'i le'u ste bcu gcig pa'o// //gser 'od dam pa mchog tu rnam par rgyal ba mdo sde'i rgyal po/ bam po drug pa/ de nas bcom ldan 'das kyis rgyal po chen po bzhi po dag gis gser 'od dam pa'i mdo sde la bkur sti dang / mchod pa byas pa dang / mdo sde 'dzin pa dag la yongs su skyob pa dang / yongs su srung bar byed pa gsan pa dang / legs so/ /legs so zhes bsngags pa brjod nas rgyal po chen po bzhi po khyed cag ni 'das pa'i sangs rgyas 'bum phrag brgya stong tshad med pa snyed la bkur sti dang / rim gro dang / mchod pa dang / bla mar byas nas bsngags pa brjod de dge ba'i rtsa ba bskyed pa dang / yang dag pa'i chos mngon par bsgrubs nas rtag par yang dag pa'i chos bstan te 'di ltar chos kyis 'jig rten 'dul ba yin pas khyed cag yun ring po nas sems can </font><hr>107b<br><font size=+1>


rnams la rtag par phan 'dogs shing byams pa chen po'i sems bskyed nas bde ba sbyin par smon pa'i rgyu dang rkyen des na khyed cag da ltar rnam par smin pa mchog la longs spyod pa yin no \?\ mi'i rgyal po/ gang la la zhig gser 'od dam pa mchog tu rnam par rgyal ba'i mdo sde 'di la bkur sti byas nas mchod pa byed pa zhig yod na khyod kyis nan tan bskyed de yongs su 
 nas bde ba thob par bya'o/ /khyed cag rgyal po chen po bzhi dang / 'khor gzhan dang / gnod sbyin brgya stong tshad med grangs med pa snyed kyis mdo sde 'di yongs su srung bar byed na des 'das pa dang / ma 'ongs pa dang / da ltar bzhugs pa'i sangs rgyas rnams kyi yang dag pa'i chos yongs su bsrung bar 'gyur bas khyed cag rgyal po chen po bzhi dang / lha'i 'khor gzhan rnams dang / gnod sbyin rnams dang / lha ma yin dang 'thab pa'i tshe rtag tu rgyal ba'i phan yon 'thob par 'gyur ro/ /khyed cag mdo sde 'di yongs su bsrung zhing yongs su 'dzin par byed na mdo sde 'di'i mthus sdug bsngal mang po dang / phyir rgol pa'i dgra dang / mu ge dang / nad dang / rims nad thams cad rab tu zhi zhing yongs su sel bar byed pas de'i phyir khyod kyis gal te 'khor bzhi po dag mdo sde'i rgyal po 'di len pa dang / 'dzin pa dang / klog pa dang / kha ton du 'don par mthong bar 'gyur na rab tu brtson pa'i sems kyis </font><hr>108a<br><font size=+1>


@#/ /yongs su bsrungs nas gnod pa bsal te bde ba sbyin par bya'o/ /de nas rgyal po chen po bzhi stan las langs te bla gos phrag pa gcig la gzar nas pus mo g.yas pa'i lha nga sa la btsugs te gus pas thal mo sbyar nas bcom ldan 'das la 'di skad ces gsol to/ /bcom ldan 'das/ gser 'od dam pa mchog tu rnam par rgyal ba mdo sde'i rgyal po 'di slad ma'i dus kyi tshe yul lam/ grong ngam/ grong khyer ram/ ri'am/ nags tshal lam/ 'brog dgon pa'i gnas gang yang rung ba dag tu yongs su spel zhing gnas par gyur na yul de'i rgyal pos mdo sde 'di sems rtse gcig tu mnyan nas yongs su bzung ste bsngags pa brjod nas mchod par bgyid pa dang / mdo sde 'di 'dzin pa'i 'khor bzhi po dag la yo byad sbyar te mchod pa bgyis nas shin tu dang ba'i sems kyis yongs su bsngags te gnod cing mi bde ba dag yongs su spong bar bgyid na rgyu dang / rkyen des bdag cag rgyal po de dang / mi mang po rnams yongs su bsrungs nas bde ba la bkod de mya ngan dang / sdug bsngal rnams thag ring du spangs nas tshe 'phel ba dang / gzi byin phun sum tshogs par bgyid do/ /bcom ldan 'das/ yul gyi bdag po des 'khor bzhi po de dag mdo sde 'di yongs su </font><hr>108b<br><font size=+1>


'dzin pa mthong nas gus pas yongs su bsrungs te pha ma bzhin du ci 'tshal ba thams cad sbyar te mchod par bgyis na bdag cag rgyal po chen po bzhis rtag par yongs su bsrungs nas sems can mang po kun gyis bkur bar 'gyur bar bgyid pas de'i slad du bdag cag gnod sbyin dang / 'dre srin tshad ma mchis pa dang bcas par mdo sde'i rgyal po 'di gang du spel ba'i gnas der lus sbas nas yongs su skyob pa dang / yongs su srung ba bgyid pas bgegs rnams dang bral bar 'gyur ro/ /mdo sde 'di nyid nyan pa'i gang zag dang / rgyal po la sogs pa la'ang yongs su srung zhing rjes su dran par bgyid pas gnod pa yongs su bsal nas bde ba la 'god pa dang / phyogs gzhan nas mchis pa'i dgra rnams kyang slar zlog par bgyid do/ /mi'i rgyal po/ gang la la zhig mdo sde 'di nyan pa'i tshe nye 'khor na gnas pa'i dgra phyir rgol ba dmag rnam pa bzhi bshams te yul de dag gzhom mo snyam du sems par gyur na'ang / bcom ldan 'das/ 'di ltar mdo sde'i rgyal po 'di'i byin gyi brlabs kyi mthus de'i nye 'khor gyi dgra de la phyir rgol ba'i dgra tha dad pa gzhan mchis nas gzhom par bgyid cing de'i yul khams su ltas ngan mang po dang / rims nad rnams 'byung bar 'gyur bas de'i che rgyal po des de lta bu mthong ba dang / </font><hr>109a<br><font size=+1>


@#/ /dmag rnam pa bzhi bshams nas yul der chas te gzhom par bgyid pa na bdag cag kyang de'i tshe gnod sbyin dang / 'dre srin gyi 'khor ched ma mchis shing / mtha' ma mchis pa snyed dang bcas pas so so nas rang gi lus sbas te yongs su bsrungs nas grogs bgyid pas de nyid kyis phyir rgol ba'i dgra de rab tu dul bar 'gyur bas yul khams der mchi ba'i thugs kyang mi thub na phan tshun dmag dang / mtshon gyis 'thab pa lta smos kyang ci 'tshal lags/ de nas bcom ldan 'das kyis rgyal po chen po bzhi po dag la bka' stsal pa/ rgyal po chen po bzhi po/ khyed kyis 'di ltar mdo sde 'di yongs su skyong ba dang / yongs su srung par byed pa legs so/ / legs so/ /nga sngon 'das pa'i bskal pa bye ba khrag khrig brgya stong du ma 'das pa na dka' ba rnam pa sna tshogs spyad nas bla na med pa yang dag par rdzogs pa'i byang chub mngon par rdzogs par sangs rgyas te thams cad mkhyen pa nyid brnyes nas chos 'di bstan pa yin pas/ mi'i rgyal po/ gang la la zhig mdo sde 'di yongs su gzung nas bkur sti dang / mchod pa byed na gnod pa rnams pa nye bar zhi nas rab tu bde bar 'gyur/ grong dang / grong khyer dang / grong rdal rnams yongs su srung bar </font><hr>109b<br><font size=+1>


'gyur/ phyir rgol ba'i dgra rnams zlog par 'gyur/ 'dzam bu'i gling du gtogs pa'i rgyal po thams cad la gnod pa dang / 'thab pa dang / rtsod pa'i dngos po rnams gtan med par 'gyur ro/ /rgyal po chen po bzhi po dag/ 'dzam bu'i gling 'di na yod pa'i grong dang / grong khyer dang / grong rdal brgyad khri bzhi stong dag gis mi'i rgyal po brgyad khri bzhi stong po rnams kyang so so nas rang rang gi yul du longs spyod kyi bde ba myong zhing rang dbang dang ldan par 'gyur/ nor dang / rin po che dpal 'byor gyis rgyas pa dag la longs spyod par byed pas phan tshun 'phrog par mi byed cing sngon gyi rgyu ji lta ba bzhin du rnam par smin pa dag la longs spyod par byed pas bsam pa ngan pa bskyed nas gzhan gyi yul 'dod pas 'byor pa yongs su tshol ba med de thams cad 'dod pa chung zhing phan 'dogs pa'i bsam pa skye par 'gyur/ 'thab pa dang / rtsod pa dang / bcing ba la sogs pa'i sdug bsngal yang med par 'gyur/ yul de dag na gnas pa'i mi rnams kyang rang bzhin gyis bde ba myong bar 'gyur/ bla 'og mthun zhing chu dang 'o ma 'dres pa lta bur sems kyis phan tshun sdug cing bkur bar 'gyur/ rab tu dga' bas rnam par rtse bar 'gyur/ byams pa dang / snying rjes phan 'dogs shing dge ba'i rtsa ba 'phel bar byed pas rgyu dang / rkyen </font><hr>110a<br><font size=+1>


@#/ /des na 'dzam bu'i gling 'di rab tu bde zhing lo legs pa dang / mi rnams rgyas shing rab tu gang bar 'gyur/ sa chen po mthu dang ldan par 'gyur/ grang dro ran par 'gyur/ dus tshigs mi mthun pa med par 'gyur/ nyi ma dang / zla ba dang / gza' dang / rgyu skar rnams kyang sngon gyi gnas las 'pho zhing 'gyur ba med par 'gyur/ rlung dang / char pa'ang dus bzhin du ldang zhing 'bab par 'gyur/ ltas ngan rnams dang 'bral bar 'gyur/ nor dang / rin po che rnams 'byor zhing rgyas par 'gyur/ sems la ser sna'i 'jungs pa med cing rtag par sbyin pa gtong bar 'gyur/ dge ba bcu'i las kyi lam dang ldan par 'gyur/ mi rnams tshe 'phos par gyur na'ang phal cher mtho ris su skye bar 'gyur/ lha'i 'khor rnams rab tu 'phel bar 'gyur bar rig par bya'o/ /rgyal po chen po dag/ ma 'ongs pa'i dus na mi'i rgyal po gang la la zhig mdo sde 'di mnyan te yongs su bsrungs nas gus pas mchod pa byed pa dang / mdo sde 'dzin pa'i 'khor bzhi po dag la bla mar byed cing bsngags pa brjod par 'dod pa dang / gzhan la'ang khyed 'khor dang bcas pa dang / gnod sbyin gyi 'khor brgya stong tshad med pa snyed la phan pa dang / bde bar phan 'dogs par 'dod na de'i phyir rgyal po des rtag par mdo sde'i rgyal po dam pa 'di </font><hr>110b<br><font size=+1>


mnyan nas yongs su gzung bar byas te yang dag pa'i chos kyi chu bdud rtsi'i ro mchog dam pa 'di thos pa'i dbang gis khyed la sogs pa'i lus dang / sems kyi mthu stobs 'phel bar byed pas brtson 'grus dang ldan zhing dpa' ba dang / bsod nams dang / gzi byin rnams rab tu rgyas par 'gyur ro/ /mi'i rgyal po de dag gal te sems rtse gcig tu mdo sde 'di mnyan nas yongs su 'dzin par byed na de ni yangs shing rgya che ba dang / shin tu dkon pa'i mchod pas yang dag par rdzogs pa'i sangs rgyas shAkya thub pa la mchod pa byed par 'gyur te gang gis nga la mchod pa byas pa gang yin pa de ni 'das pa dang / ma byon pa dang / da ltar byung ba'i sangs rgyas bye ba khrag khrig brgya stong mang po rnams la mchod pa byas par 'gyur ro/ /gang gis dus gsum gyi sangs rgyas rnams la mchod pa byas nas bsam gyis mi khyab pa'i bsod nams kyi phung po tshad med pa snyed 'thob par 'gyur bas rgyu dang / rkyen des na khyed la sogs pas rgyal po de dang / btsun mo dang / slas dang / 'khor rnams yongs su bsrungs nas gnod cing nyam nga ba med par byas te pho brang bsrung ba'i lha rnams kyang rtag tu bde ba'i longs spyod myong ba la 'god par byed na bsod nams bsam gyis mi khyab pa dang ldan par 'gyur/ </font><hr>111a<br><font size=+1>


@#/ /yul de dag na gnas pa'i mi rnams kyang 'dod pa lnga'i bde ba rnam pa sna tshogs myong bar 'gyur/ dngos po ngan pa thams cad kyang rab tu zhi bar 'gyur ro/ /de nas bcom ldan 'das la rgyal po chen po bzhi po dag gis 'di skad ces gsol to/ /bcom ldan 'das/ slad ma'i dus kyi tshe mi'i rgyal po gang la la zhig 'di ltar gser 'od dam pa'i mdo sde 'di nyan par mos pa dang / bdag nyid dang / btsun mo dang / rgyal bu nas pho brang nang gis slas la sogs pa'i bar dag dang / grong khyer dang / grong rdal dang / pho brang yongs su srung zhing skyob pa dang / bsam gyis mi khyab pa'i dga' ba mchog dam pa dang / rab tu dben pa'i bde ba 'thob par 'tshal ba dang / tshe 'di nyid la rgyal thabs btsun zhing mtho ba dang / dbang phyug dang ldan zhing dar ba dang / rtag tu 'phel bar 'tshal ba dang / gzhan yang bsam gyis mi khyab pa'i bsod nams kyi phung po tshad ma mchis shing / mtha' ma mchis pa yongs su sdud pa dang / rang gi yul du phyir rgol ba'i dgra dang / mya ngan dang / 'khrug pa dang / gdon bgegs kyi dngos po rnams ma mchis par 'tshal na/ bcom ldan 'das/ 'di ltar mi'i rgyal po des bag </font><hr>111b<br><font size=+1>


ma mchis pas sems g.yeng bar mi bgyi zhing shin tu gus pa bskyed de bsam pa thag pa nas mdo sde'i rgyal po mchog dam pa 'di mnyan cing yongs su gzung bar bgyi'o// chos nyan par 'tshal ba'i tshe sngar rgyal po la gces pa'i pho brang mchog dam pa rab tu brgyan te gsal ba'i phyogs su spos chab kyis chag chag btab ste me tog mchog dam pa sna tshogs mngon par gtor nas seng ge'i khri chos kyi gdan khyad par du 'phags pa btsugs te rin po che sna tshogs kyis rab tu brgyan nas/ rin po che sna 
 kyi gdugs dang / rgyal mtshan dang / ba dan bsgreng ste rin thang ma mchis pa'i spos bsregs nas rol mo rnams bgyi'o/ /rgyal po des de'i tshe yongs su dag par khrus bgyis te spos kyi byug pas lus bskus nas gos gsar pa gtsang ma bgos te rgyan phreng rnams kyis brgyan nas stan dma' ba la mchis te mtho ba'i bsam pa mi bskyed par dbang phyug gi thabs yongs su spang bar bgyi'o/ /nga rgyal rnams spangs te sems rtse gcig tu dran pa nye bar gzhag nas mdo sde'i rgyal po 'di mnyan par bgyi'o/ /chos smra ba'i mkhan po la ston pa chen po'i 'du shes bskyed par bgyi'o/ /pho brang nang gi btsun mo dang / rgyal bu dang / sras dang / 'khor rnams la byams </font><hr>112a<br><font size=+1>


@#/ /pa dang / brtse ba'i sems bskyed nas rab tu dga' bas phan tshun blta bar bgyi'o/ /shin tu mthun pa'i mdangs kyis tshig 'jam por smra bar bgyi'o/ /bdag nyid kyi lus dang / sems la dga' ba chen pos kun tu khyab par bgyi'o/ /deng bdag ni shin tu bsam par dka' zhing khyad par du 'phags pa'i phan yon chen po yangs zhing rgya che ba 'di lta bu 'thob par 'gyur ro snyam du bsams nas mdo sde'i rgyal po de la rab tu mchod par bgyi'o/ /de ltar bsams lags nas chos smra ba'i mkhan po der mchis pa mthong bar 'gyur na shin tu gus pa chen pos dkon pa'i 'du shes bskyed par bgyi'o/ /de nas bcom ldan 'das kyis rgyal po chen po bzhi dag la bka' stsal pa/ 'di ltar chos smra ba'i mkhan po de mi bsu bar mi bya yi/ de'i tshe mi'i rgyal po des gos gsar pa bgos nas rgyan dang / phreng ba rnam pa sna tshogs kyis rab tu brgyan te bdag nyid gdugs dkar po dang / spos dang / me tog thogs nas dmag gi dpung bshams te rol mo rgyas par byas nas rkang gis grong khyer nas phyir byung ste bkra shis kyi dngos po 'thob par bya ba'i phyir gus pa'i 'du shes bskyed nas chos smra ba'i mkhan po de bsu bar bya'o/ /rgyal </font><hr>112b<br><font size=+1>


po chen po bzhi po dag/ rgyu dang / rkyen gang gi phyir mi'i rgyal po des bdag nyid kyis bkur sti dang / mchod pa de lta bur dgos she na/ mi'i rgyal po de rkang pa bteg cing rkang pa bzhag pa na gom pa re re zhing sangs rgyas bcom ldan 'das bye ba khrag khrig brgya stong mang po rnams la bkur sti dang / mchod pa dang / rim gro dang / bla mar byed par 'gyur zhing gzhan yang bskal pa'i grangs de snyed kyi 'khor ba'i sdug bsngal las yang dag par 'da' bar 'gyur bas so/ /gzhan yang / ma 'ongs pa'i dus na bskal pa'i grangs de snyed du 'khor los bsgyur ba'i rgyal po'i longs spyod mchog khyad par du 'phags pa dag la longs spyod par 'gyur/ gom pa re re bor ba'i dbang gis tshe 'di nyid la'ang bsod nams 'phel bas rang dbang du rgyal po byed cing bsam gyis mi khyab pa'i rnam par smin pa dang ldan pa dang / mang po kun gyis bkur bar 'gyur/ bskal pa 'bum phrag brgya stong tshad med pa snyed du lha dang / mis yongs su spyad pa'i rin po che sna bdun gyi gzhal med khang dag la longs spyod par 'gyur/ skye ba thams cad du rgyal po byed par 'gyur/ tshe ring bar 'gyur/ tshig gi spobs pa dang ldan pas lha dang / mi kun gyis mngon par yid ches par 'gyur/ /'jigs shing skrag pa med par </font><hr>113a<br><font size=+1>


@#/ /'gyur/ grags pa chen po dang ldan zhing mang po kun gyis yongs su blta bar 'gyur/ lha dang / mi'i nang du khyad par du 'phags pa'i bde ba dag la longs spyod par 'gyur/ mthu stobs chen po 'thob par 'gyur/ gzi byin chen po'i yon tan dang ldan par 'gyur/ lus kyi mtshan gya nom zhing shin tu mdzes pas dpe zla med par 'gyur/ lha dang / mi'i ston pa mthong bar gyur/ dge ba'i bshes gnyen dang phrad par 'gyur/ bsod nams kyi phung po tshad med pa mngon par 'grub cing phun sum tshogs par 'gyur ro/ /rgyal po chen po dag/ 'di ltar shes par bya ste mi'i rgyal po de dag gis yon tan gyi phan yon rnam pa sna tshogs tshad med pa de lta bu mthong ba'i phyir bdag nyid dpag tshad gcig nas dpag tshad brgya stong du ma'i bar du chos smra ba'i mkhan po bsu bar bya zhing / chos smra ba'i mkhan po la sangs rgyas kyi 'du shes bskyed par bya'o/ /slar grong dang / grong khyer du phyin nas kyang de bzhin gshegs pa dgra bcom pa yang dag par rdzogs pa'i sangs rgyas shAkya thub pa bdag gi pho brang du gshegs nas bdag gi mchod pa bzhes te bdag la chos ston par mdzad do/ /bdag kyang chos thos pa'i dbang gis bla na med pa yang dag par rdzogs </font><hr>113b<br><font size=+1>


pa'i byang chub las phyir mi ldog par 'gyur bas 'di nyid sangs rgyas bcom ldan 'das bye ba khrag khrig brgya stong du ma dang phrad par gyur pa yin no/ /deng bdag gis ni shin tu yangs shing rgya che ba mchog tu khyad par du 'phags pa'i bde ba'i yo byad rnam pa sna tshogs kyis 'das pa dang / ma byon pa dang / da ltar bzhugs pa'i sangs rgyas rnams la mchod pa dang / rim gro byas so/ /deng bdag gis ni gshin rje'i 'jig rten dang / sems can dmyal ba dang / yi dwags dang / dud 'gro'i skye gnas kyi sdug bsngal thams cad rtsa ba nas bton to/ /deng 'khor los bsgyur ba'i rgyal po dang / brgya byin dang / tshangs pa bye ba khrag khrig brgya stong tshad med pa snyed kyi dge ba'i rtsa ba rab tu bskyed do/ /deng sems can bye ba khrag khrig brgya stong tshad med pa snyed 'khor ba'i sdug bsngal las bton nas mya ngan las 'das pa'i bde ba la bkod do/ /deng tshad med mtha' med cing bsam gyis mi khyab pa'i bsod nams kyi phung po rab tu bsags so/ /pho brang nang gi slas dang / skye bo mang po bde ba la bkod nas/ yul rnams rab tu zhi bar byas pas gnod pa dang / dug gdug pa dang / mi ma rungs pa med cing phyogs gzhan yang 'ongs pa'i dgra rnams nye bar 'ongs nas gnod pa mi byed pa dang / mya ngan dang / nad rnams med par 'gyur ro snyam du bsams </font><hr>114a<br><font size=+1>


@#/ /par bya'o/ /rgyal po chen po dag/ 'di ltar rig par bya ste de'i tshe mi'i rgyal po de dag gis da ltar yang dag par chos la btsun par byas shing bla mar byas pa dang / mdo sde dam pa 'di yongs su 'dzin pa'i dge slong dang / dge slong ma dang / dge bsnyen dang / dge bsnyen ma dag la mchod pa dang / bkur sti dang / bla mar byas shing bsngags pa brjod pa las byung ba'i dge ba'i rtsa ba gang yin pa de dag dang / bsod nams mchog gang yin pa de dag thog ma kho nar 'khor dang bcas pa la yongs su bsngo bar byed na mi'i rgyal po de dag bsod nams chen po'i dge ba'i las kyi rgyu dang / rkyen dang ldan par 'gyur bas tshe 'di nyid la dbang chen po thob nas gzi byin rab tu 'phel bar 'gyur ro/ /dpal dang / mtshan mchog rnams kyis rab tu brgyan par 'gyur/ phyir rgol ba thams cad yang dag pa'i chos kyis tshar gcod par 'gyur ro/ /de nas bcom ldan 'das la rgyal po chen po bzhi dag gis 'di skad ces gsol to/ /bcom ldan 'das/ mi'i rgyal po gang la la zhig de ltar yang dag pa'i chos la gus pas bkur sti bgyis nas mdo sde 'di mnyan par bgyid pa dang / mdo sde 'di 'dzin pa'i 'khor bzhi po dag la </font><hr>114b<br><font size=+1>


bkur sti dang / mchod pa dang / bla mar bgyis nas bsngags pa brjod par bgyis na de'i tshe mi'i rgyal po des bdag cag rnams dga' bar bgyi ba'i slad du chos kyi gdan dang / nye ba'i phyogs gcig tu spos chab kyis chag chag btab ste me tog mchog dam pa mang po mngon par gtor nas rgyal po chen po bzhi mchis pa'i stan yang bshams te/ bting par gyur na/ bdag cag kyang rgyal po de dag dang lhan cig yang dag pa'i chos nyan par 'gyur ro/ /rgyal po des kyang bdag cag la phan 'dogs pa'i dge ba'i rtsa ba ci mchis pa'i bsod nams kyi skal pa gang lags pa bdag cag la'ang yongs su bsngo bar bgyi'o/ /bcom ldan 'das de'i tshe mi'i rgyal po des chos smra ba la chos bshad par gsol ba btab nas stan la mchis pa'i tshe/ bdag cag gi slad du spos mchog dam pa sna tshogs bsregs nas mdo sde 'di la mchod par bgyi'o/ / bcom ldan 'das/ de'i tshe spos kyi bdug pa de dag skad cig ma gcig la nam mkha' la mngon par 'phags nas bdag cag lha rnams kyi gzhal med khang du phyin te spos kyi gdugs su 'gyur pas bdag cag lha'i 'khor rnams kyang spos kyi dri mchog de tshor bar 'gyur/ spos kyi du ba de'ang gser 'od dang ldan pas bdag </font><hr>115a<br><font size=+1>


@#/ /cag gnas pa'i khang khyim nas tshangs pa'i gnas dang / brgya byin lha'i dbang po dang / lha mo spobs pa chen po dang / lha mo dpal chen mo dang / sa'i lha mo brtan ma dang / sde dpon chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i rgyal po dbang phyug chen po dang / lag na rdo rje gsang ba'i bdag po dang / sde dpon chen po rin chen bzang dang / 'phrog ma'i du 'khor lnga brgya dang / klu'i rgyal po ma dros pa dang / klu'i rgyal po rgya mtsho'i gnas thams cad kyang rab tu gsal bar bgyid do/ /bcom ldan 'das/ 'di lta bu la sogs pa'i 'khor rnams kyis rang rang gi gzhal med khang du spos kyi bdug pa des skad cig yud tsam cig la spos kyi gdugs su gyur pa'ang mthong la spos kyi dri'ang tshor bar 'gyur/ 'od zer gyi kha dog gis lha'i gzhal med khang thams cad gsal bar bgyid pa'ang mthong bar 'gyur lags so/ /bcom ldan 'das kyis rgyal po chen po dag la bka' stsal pa/ spos kyi 'od zer des gzhal med khang de dag 'ba' zhig gsal bar byas nas spos kyi gdugs su gyur te 'od zer chen po 'gyed pa ma yin te/ mi'i rgyal po de dag lag pa pog </font><hr>115b<br><font size=+1>


phor bzung ste spos mchog dam pa bsregs nas mdo sde 'di la mchod pa byed pa'i tshe spos kyi du ba de thang cig yud tsam gcig la stong gsum gyi stong chen po'i 'jig rten gyi 
 na yod pa'i nyi ma dang / zla ba bye ba phrag brgya dang / ri'i rgyal po ri rab bye ba phrag brgya dang / gling bzhi pa bye ba phrag brgya dang / stong gsum gyi stong chen po'i 'jig rten gyi 
 'di'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / khang khyim thams cad gsal bar byas nas nam mkha' kun tu gang zhing rgyas pa dang / spos kyi bdug pa rnam pa sna tshogs gang yin pa de dag sprin gyi gdugs su 'gyur te gdugs de'ang gser gyi kha dog dang ldan pas lha'i khang khyim thams cad gsal bar byed de 'di ltar stong gsum gyi stong chen po'i 'jig rten gyi khams spos kyi sprin dang / spos kyi gdugs rnam pa sna tshogs ji snyed pa 
 cad ni gser 'od dam pa mchog tu rnam par rgyal ba mdo sde'i rgyal po'i gzi byin gyi mthu las gyur pa yin no/ /mi'i rgyal po de dag lag tu spos phor thogs nas/ mdo sde 'di la mchod par byed pa'i tshe spos kyi gdugs rnam pa sna tshogs gang yin pa de dag stong gsum gyi stong chen po'i 'jig rten gyi khams 'di 'ba' zhig tu khyab </font><hr>116a<br><font size=+1>


@#/ /bar gyur pa ma yin gyi/ skad cig yud tsam gcig gis phyogs bcu'i sangs rgyas kyi zhing gang gA'i klung gi bye ma dang mnyam pa bye ba khrag khrig brgya stong tshad med mtha' med pa kun tu khyab cing sangs rgyas kyi zhing rnams kyi nam mkha' kun gyi spos kyi gdugs su gyur nas kun gsal bar byed pa'ang de bzhin te de'i tshe sangs rgyas mang po de dag spos gya nom pa'i dri gang yin pa de dag kyang rig cing mkhyen/ sprin gyi bla re dang / gser gyi kha dog de dag kyang gzigs nas phyogs bcu'i 'jig rten gyi khams gang gA'i klung gi bye ma dang mnyam pa'i sangs rgyas bcom ldan 'das kyis cho 'phrul bstan nas sangs rgyas bcom ldan 'das mang po de dag gis mthun par gzigs shing so sor brtags te gsung mthun par chos smra ba'i mkhan po de la skyes bu chen po khyod kyis shin tu zab pa'i mdo sde gya nom ba 'di rgya cher yongs su spel nas bsod nams kyi phung po tshad med cing bsam gyis mi khyab pa yongs su rdzogs par gyur pa legs so/ /legs so zhes 
 pa brjod par 'gyur ro/ /gang la la zhig mdo sde 'di lta bu mnyan nas thos pa'i bsod nams gang yin pa de'i tshad kyang shin tu mang ba yin na/ yi ger 'dri </font><hr>116b<br><font size=+1>


ba dang / len pa dang / 'dzin pa dang / klog pa dang / gzhan dag la yang dag par ston pa dang / ji skad bstan pa bzhin du mngon par sgrub pa lta smos kyang ci dgos/ de ci'i phyir zhe na/ rigs kyi bu dag/ sems can gang la la zhig gser 'od dam pa mchog tu rnam par rgyal ba mdo sde'i rgyal po 'di thos par gyur pa gang yin pa de dag ni/ bla na med pa yang dag par rdzogs pa'i byang chub las phyir ldog par mi 'gyur bas so/ /de'i tshe phyogs bcu'i sangs rgyas kyi zhing bye ba khrag khrig brgya stong tshad med grangs med pa'i gang gA'i klung gi bye ma dang mnyam pa'i sangs rgyas kyi zhing dag na bzhugs pa'i de bzhin gshegs pa rnams gsung gcig tu chos kyi stan la 'dug pa'i chos smra ba'i mkhan po de la legs so/ /legs so zhes bsngags pa 'di brjod nas/ rigs kyi bu/ khyod ma 'ongs pa'i dus na brtson 'grus kyi stobs kyis dga' ba brgya stong tshad med pa snyed mngon par bsgrubs te tshogs yongs su rdzogs par byas nas 'phags pa mang po las yang dag par 'das te khams gsum las nges par byung nas gtso bo mchog tu gyur te byang chub kyi shing gi rgyal po'i drung du 'dug nas khyad par du 'phags pa rnams yongs su brgyan par 'gyur/ stong gsum gyi stong chen </font><hr>117a<br><font size=+1>


@#/ /po'i 'jig rten gyi khams na rkyen dang ldan pa'i sems can rnams yongs su skyob par 'gyur/ shin tu 'jigs su rung ba'i bdud kyi dmag 
 rnams tshar gcod par 'gyur/ shin tu rnam par dag pa'i chos rnams dang / shin tu zab pa'i bla na med pa yang dag par rdzogs pa'i byang chub rab tu rtogs par 'gyur ro/ /rigs kyi bu/ khyod rdo rje'i stan la 'dug nas sangs rgyas rnams kyis rab tu bsngags pa'i chos kyi 'khor lo bla na med pa/ shin tu zab pa/ gya nom pa rnam pa bcu gnyis yongs su bskor bar 'gyur/ bla na med pa'i chos kyi rnga chen po mchog tu gyur pa rab tu rdung bar 'gyur/ bla na med pa'i chos kyi dung shin tu gya nom pa 'bud par 'gyur/ bla na med pa'i chos kyi rgyal mtshan khyad par du 'phags pa bsgreng bar 'gyur/ bla na med pa'i chos kyi sgron ma shin tu gsal bar spar bar 'gyur/ bla na med pa'i bdud rtsi'i chos kyi char rab tu 'bebs par 'gyur/ nyon mongs pa'i dgra'i 'ching ba tshad med pa yongs su gcod par 'gyur/ sems can bye ba khrag khrig brgya stong tshad med pa snyed mtha' med cing 'jigs su rung ba'i rgya mtsho las yongs su bzlas par 'gyur/ mu med pa'i skye shi'i 'khor ba las thar </font><hr>117b<br><font size=+1>


bar 'gyur/ sangs rgyas bye ba khrag khrig brgya stong tshad med pa snyed dang phrad par 'gyur ro zhes gsungs par 'gyur ro/ /de nas bcom ldan 'das la rgyal po chen po bzhi po dag gis yang 'di skad ces gsol to/ /bcom ldan 'das/ gser 'od dam pa mchog tu rnam par rgyal ba mdo sde'i rgyal po 'di ni slad ma dang / da ltar gyi tshe yon tan tshad ma mchis pa 'di lta bu yongs su rdzogs par bgyid pas de'i slad du mi'i rgyal po gang gis mdo sde shin tu gya nom pa 'di thos par gyur pa de ni sangs rgyas bye ba khrag khrig brgya stong tshad ma mchis pa snyed las dge ba'i rtsa ba bskyed pa lags pas/ mi'i rgyal po de dag la bdag cag rnams yongs su bsrung zhing rjes su dran par bgyid do/ /gzhan yang / bsod nams kyi phan yon tshad ma mchis pa snyed mthong ba'i slad du bdag cag rgyal po chen po bzhi dang / 'khor gzhan rnams dang / yi dwags 'bum phrag brgya stong tshad ma mchis pa snyed rang rang gi gzhal med khang rnams su spos kyi bdug pa'i sprin gyi gdugs dang / cho 'phrul rnam pa sna tshogs de dag mthong ba'i tshe bdag cag rang gi lus mi snang bar bgyis nas chos nyan pa'i slad du rgyal po de'i pho brang yongs su gtsang zhing mdzes </font><hr>118a<br><font size=+1>


@#/ /par brgyan pa chos 'chad pa'i gnas su mchi bar 'tshal lo/ /de bzhin du tshangs pa dang / brgya byin dang / lha mo spobs pa chen po dang / dpal gyi lha mo chen mo dang / sa'i lha mo brtan ma dang / sde dpon chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i bu dbang phyug chen po dang / lag na rdo rje gsang ba'i bdag po dang / sde dpon chen po rin chen bzang dang / 'phrog ma'i bu 'khor lnga brgya pa dang / klu'i rgyal po ma dros pa dang / klu'i rgyal po rgya mtsho dang / lha dang / gnod sbyin la sogs pa'i 'khor bye ba khrag khrig brgya stong tshad ma mchis pa snyed kyang chos nyan pa'i slad du so so nas rang gi lus mi snang bar bgyis te mi'i rgyal po de'i pho brang khyad par du 'phags pa/ chos kyi gdan shin tu mdzes par bgyis pa/ chos bshad pa'i gnas su mchi bar 'gyur lags so/ /bcom ldan 'das/ bdag cag rgyal po chen po bzhi dang / 'khor gzhan rnams dang / gnod sbyin rnams thams cad sems rtse gcig tu mi'i rgyal po de dag dang lhan cig tu dge ba'i bshes gnyen bgyis nas bla na ma mchis pa'i chos kyi sbyin bdag chen por gyur pa'i rgyus bdud rtsi'i ros bdag </font><hr>118b<br><font size=+1>


cag tshim par gyur pas de'i slad du bdag cag rgyal po de la yongs su bsrungs nas gnod pa rnams yongs su bsal te bde ba thob par bgyid do/ /de'i pho brang dang / grong dang / grong khyer dang / yul rnams su'ang sdig pa dang / ltas ngan pa thams cad rab tu zhi bar bgyid do/ /de nas rgyal po chen po bzhi cig car thal mo sbyar te bcom ldan 'das la 'di skad ces gsol to/ /bcom ldan 'das/ mi'i rgyal po gang la la zhig rang gi yul du mdo sde 'di bzhugs par gyur kyang / yongs su spel bar yang mi bgyid la sems kyis kyang spong bar bgyid cing nyan par yang mi mos/ mchod par yang mi mos/ mchod par yang mi bgyid/ bla mar yang mi bgyid/ bsngags pa brjod pa'ang mi bgyid la 'khor bzhi po dag mdo sde 'dzin pa mthong bar gyur na'ang bla mar mi bgyid cing mchod pa dang / rim gro'ang mi bgyid na/ bdag cag dang / 'khor gzhan rnams dang / lha tshad ma mchis pa rnams kyang shin tu zab cing gya nom pa'i chos thos par mi 'gyur bas bdud rtsi'i ro la rgyab kyis phyogs shing dam pa'i chos kyi rgyun yang stor bar 'gyur/ gzi byin dang / mthu stobs kyang ma mchis par 'gyur/ ngan 'gro 'phel bar bgyid cing lha dang / mi rnams yongs su nyams par 'gyur/ 'khor </font><hr>119a<br><font size=+1>


@#/ /ba'i chu bor bying bar 'gyur zhing mya ngan las 'das pa'i shul dang gol bar 'gyur bas/ bcom ldan 'das/ bdag rgyal po chen po bzhi dang / 'khor gzhan rnams dang / gnod sbyin la sogs pa de lta bu'i dngos po mthong bar gyur na yul de yongs su spong bar bgyid la yongs su skyob cing yongs su 
 pa'i sems kyang yongs su ma mchis par 'gyur lags so/ /bdag cag 'ba' zhig rgyal po de spong bar bgyid pa ma lags kyi/ yul skyong ba'i lha dge ba chen po tshad ma mchis pa rnams kyang yal bar bor nas mchi bar 'gyur lags so/ /de ltar yal bar bor ba'i dbang gis yul der gnod pa rnam pa sna tshogs 'byung bar 'gyur zhing rgyal thabs kyang stor bar 'gyur/ mi'i tshogs thams cad dge ba'i sems ni ma mchis kyi gcig la gcig 'ching ba dang / gsod pa dang / gshe ba dang / rtsod pa dang / phan tshun phra ma dang / gya gyu bgyid cing nongs pa ma mchis pa la chad pa gcod pa 'ba' zhig sems pas nad dang / rims nad rnams 'byung bar 'gyur/ gza' mjug rings yang nas yang du 'byung bar 'gyur/ gdugs gnyis cig car 'char bar 'gyur/ gza' 'jug pa la rgyun chad pa ma </font><hr>119b<br><font size=+1>


mchis par 'gyur/ gzha' dkar nag gis bkris pa ma lags pa'i mtshan ma ston par 'gyur/ skar mda' ltung zhing sa g.yo bar 'gyur/ khron pa'i nang nas sgra 'byung bar 'gyur/ char dang / rlung drag po dus ma lags par 'bab cing ldang bar 'gyur/ rtag par mu ge'i gnod pa 'byung bar 'gyur/ 'bru rnams yongs su smin par mi 'gyur/ phas kyi rgol ba'i dgra mang pos gtses pas yul mi rnams sdug bsngal gyi gnod pa mang po myong bar 'gyur/ /yul gyi sa phyogs kyang yid du mi mchi zhing mngon par dga' ba ci'ang ma mchis par 'gyur lags so/ /bcom ldan 'das/ bdag cag rgyal po chen po bzhi dang / lha brgya stong tshad ma mchis pa dang / sngon yul skyong ba'i lha dge ba chen po rnams kyis yongs su spangs nas mchi ba'i tshe ltas ngan pa'i dngos po brgya stong tshad ma mchis pa de lta bu 'byung bar 'gyur lags so/ /bcom ldan 'das/ mi'i rgyal po gang la la zhig yul skyong zhing rtag par bde ba'i longs spyod myong bar 'tshal ba dang / skye bo mang po rnams bde ba la 'god par 'tshal ba dang / phas kyi rgol ba thams cad tshar bkum nas rang gi yul khams gtan du rgyas shing ngar bar 'tshal ba dang / yang dag pa'i bstan pa 'jig rten du gnas nas sdug bsngal gyis gnod </font><hr>120a<br><font size=+1>


@#/ /pa dang / sdig pa mi dge ba'i chos rnams nye bar zhi bar 'gyur bar 'tshal na/ bcom ldan 'das/ yul gyi bdag po de dag gdon mi 'tshal bar mdo sde'i rgyal po dam pa 'di mnyan nas yongs su gzung bar bgyi zhing mdo sde 'di klog pa dang / 'don pa dang / len pa dang / 'dzin pa dag la yang bsnyen bkur ba dang / rim gro dang / mchod par bgyid na/ bdag cag dang / tshad ma mchis pa'i lha'i 'khor gzhan rnams chos mnyan pa'i dge ba'i rtsa ba'i byin gyis brlabs kyi mthus bla na ma mchis pa'i bdud rtsi'i chos kyi ro myong bar 'gyur bas bdag cag 'khor dang bcas pa la sman par 'gyur zhing lha gzhan rnams kyang sman yon mchog thob par 'gyur lags so/ /de ci'i slad du zhe na/ 'di ltar mi'i rgyal po des sems rtse gcig tu mdo sde 'di mnyan nas yongs su bzung ba'i slad du'o/ /bcom ldan 'das/ 'di ltar tshangs pa chen pos kyang sems can rnams la rtag par 'jig rten dang / 'jig rten las 'das pa'i bstan bcos yang dag par bstan/ brgya byin lha'i dbang pos kyang bstan bcos rnam pa sna tshogs yang dag par bstan/ mngon par shes pa lnga dang ldan pa'i drang srong rnams kyis kyang bstan bcos mang po </font><hr>120b<br><font size=+1>


bstan to/ bcom ldan 'das/ tshangs pa dang / brgya byin dang / mngon par shes pa lnga dang ldan pa'i drang srong gis bstan bcos bye ba khrag khrig brgya stong tshad ma mchis pa snyed bstan mod kyi/ 'on kyang sangs rgyas bcom ldan 'das kyis byams pa dang / thugs rjes thugs brtse bar dgongs nas lha dang / mi'i tshogs rnams kyi ched du gser 'od dam pa'i mdo sde shin tu gya nom pa bkas bshad pa gang lags pa de ni bstan pa de dag dang bsgrun na ni bye ba khrag khrig brgya stong 'gyur snyed kyis ches khyad par du 'phags pas dper bgyir yang ma mchis lags so/ /de ci'i slad du zhe na/ 'di'i dbang gis 'dzam bu'i gling na rgyal po ji snyed mchis pa de dag yang dag pa'i chos kyis 'jig rten btul nas sems can la bde ba'i dngos po stsal ba dang / bdag dang / 'khor rnams yongs bsrungs nas sdug bsngal gyi gnod pa ma mchis par bgyid pa dang / gzhan yang / phas kyi rgol bas gnod pa bgyid pa ma mchis pa dang / sdig pa mi dge ba ji snyed pa thams cad thag ring du spong ba dang / yul gyi gdon bgegs rnams yongs su bsal nas yang dag pa'i chos kyis 'dul zhing rtsod pa ma mchis par bgyid pa'i slad du'o/ /de'i slad du mi'i rgyal po rnams so so nas rang gi yul du chos </font><hr>121a<br><font size=+1>


@#/ /kyi sgron ma sbar te mtha' yas pas rnams gsal bar bgyis nas lha'i tshogs dang / rang gi 'khor rnams la sman par bgyi'o/ /bcom ldan 'das/ bdag cag rgyal po chen po bzhi dang / lha dang / gnod sbyin gyi 'khor tshad ma mchis pa dang / 'dzam bu'i gling na lha dang / yi dwags ci mchis pa thams cad rgyu dang / rkyen 'di'i dbang gis bla na ma mchis pa'i bdud rtsi'i chos kyi ro myong bar 'gyur zhing gzi byin chen po'i mthu stobs dang ldan pa dang / 'od kyi snang ba phun sum tshogs pa dang / sems can 
 cad bde bar 'gyur ba dang / gzhan yang / slad ma'i dus kyi tshe bskal pa bye ba khrag khrig brgya stong tshad ma mchis shing bsam gyis mi khyab pa snyed du rtag par shin tu bde ba'i longs spyod myong bar 'gyur ba dang / gzhan yang / slad ma'i dus kyi tshe sangs rgyas tshad ma mchis pa snyed mnyes par bgyis nas dge ba'i rtsa ba bskyed de de nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bas/ 'di lta bu'i sman yon tshad ma mchis shing mtha' ma mchis pa thams cad kyang thugs rje chen po tshangs pa'i 'khor las yang dag par 'das pa/ mkhyen pa chen po brgya byin pas lhag pa/ dka' ba rnam pa sna tshogs yongs su spyad pa/ mngon par shes pa lnga dang </font><hr>121b<br><font size=+1>


ldan pa'i drang srong las khyad par du 'phags par gyur pas bye ba khrag khrig brgya stong 'gyur snyed kyi ches lhag par gyur te brjod du ma mchis pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis sems can rnams kyi ched du 'di lta bu'i mdo sde shin tu gya nom pa yang dag par bkas bshad nas 'dzam bu'i gling gi yul gyi bdag po thams cad dang / mi'i tshogs mang po rnams 'jig rten na chos kyi cho ga dang / yul yongs su skyong zhing mi rnams gdul ba dang / bskul bar bgyi ba'i dngos po ji snyed pa de dag gsal bar khong du chud pa las gyur pa lags te mdo sde'i rgyal po 'di'i byin gyis brlabs kyi mthus thams cad bde ba thob pa'i bsod nams kyi phan yon 'di dag thams cad kyang ston pa chen po shAkya thub pas byams pa dang / thugs rje'i mthus mdo sde 'di rgya cher yang dag par spel pa las gyur pa lags pas/ bcom ldan 'das/ rgyu dang / rkyen de'i slad du mi'i rgyal po rnams kyis mdo sde dam pa 'di yongs su bzung ste mchod pa dang / bkur sti dang / bla mar bgyis nas bsngags pa brjod par bgyi'o/ /de ci'i slad du zhe na/ 'di lta bu la sogs pa'i yon tan khyad par du 'phags pa bsam gyis mi khyab pa dag gis thams cad la sman par bgyid pas de'i slad du mchog tu rnam par rgyal ba mdo sde'i rgyal po zhes bgyi ba lags so// </font><hr>122a<br><font size=+1>


@#/ /de nas bcom ldan 'das kyis rgyal po chen po bzhi po dag la yang 'di skad ces bka' stsal to/ /khyed cag rgyal po chen po bzhi dang / 'khor gzhan rnams dang / lha'i 'khor bye ba khrag khrig brgya stong tshad med pa rnams dang / mi'i rgyal po de dag /gal te sems rtse gcig tu mdo sde 'di mnyan nas mchod pa dang / bkur sti dang / bla mar byas te bsngags pa brjod pa mthong nas yongs su bsrungs te gnod pa rnams yongs su sel bar byed na/ khyed cag rab tu bde ba myong bar 'gyur bar byed do/ /gal te 'khor bzhi po dag gis mdo sde'i rgyal po 'di rgya cher yang dag par spel bar byed na des ni lha dang / mi'i nang du sangs rgyas kyi mdzad pa rgya cher yang dag par byas pa yin pas sems can tshad med pa snyed la phan btags pa yin te/ 'di lta bu'i gang zag gang yin pa de la khyed kyis rtag par bsrung zhing yongs su bskyab par bya'o/ /'di lta bu'i 'khor bzhi po dag rkyen gzhan gyis phan tshun gnod par mi byed par byos la de dag lus dang / sems rang tu dben zhing bde bas mdo sde'i rgyal po 'di yang dag par spel nas phyi ma'i mtha' ji srid pa'i bar du sems can la phan 'dogs pa la rgyun chad pa med par byos </font><hr>122b<br><font size=+1>


shig /de nas lha'i rgyal po rnam thos stan las langs te bcom ldan 'das la 'di skad ces gsol to/ /bcom ldan 'das/ bdag la yid bzhin gyi nor bu rin po che'i gzugs \?\ kyi cho ga mchis te/ sems can gang la la zhig yongs su 'dzin par mos na/ yon tan tshad ma mchis pa dang ldan par 'gyur zhing / bdag gis rtag par bsrungs pas sems can de sdug bsngal spangs nas bde ba thob par 'gyur/ bsod nams dang / ye shes kyi tshogs rnam pa gnyis yongs su rdzogs par 'gyur lags so/ /gang zhig yongs su 'dzin par 'tshal bas sngar lus bsrung ba'i sngags 'di 'don par bgyi'o/ /sngags ni/ 'di lta ste/ na mo bai shra ba NA ya| mahA rA dzA ya/ tad+ya thA/ ra ra ra ra/ ku no ku no/ khu no khu no/ ru No ru No/ sa ba sa ba/ ka ra ka ra/ mahA bi ka ri/ mahA bi ka raM/ mahA kA la/ mahA rA dza/ rak+Sha rak+Sha tu| bdag nyid kyi ming brjod par bya/ mAM sarba satwa nAM tsa swAhA/ bcom ldan 'das/ sngags 'di 'don pas skud pa dkar po la lan bdun sngags kyis btab ste lan re mdud pa re re por nas dpung pa la bcings nas de'i don gdon mi 'tshal bar 'grub par 'gyur lags so/ /spos mang bo/ 'di lta ste/ gu gul dang / tsan+dan dang / du </font><hr>123a<br><font size=+1>


@#/ /ru ska dang / ta ka ra'i phog 'di rnams cha mnyam par gcig tu bsres te sug par pog phor thogs nas bog \?\ bsregs te mched par bgyi'o/ /khrus yongs su dag par bgyis te/ gos gsar pa gtsang ma bgos nas khang pa dben par sngags bzlas te lha'i rgyal po rnam thos bdag g.yar drang bar bgyi \?\ lags so/ /sngags ni/ 'di lta ste/ na mo bai shra ba NA ya/ mahA d+ha na dA ya/ tsaN+De shwa rA ya/ A kaR+Sha/ a pa ra dzi ta/ tsaN+De shwa ra/ pa ra ma kA ru Ni ka/ sarba satwa hi ta tsiN+Ta/ bdag gi ming brjod/ ma ma d+ha na bad+d+ho/ pa ra ye shwa ra/ swa yaM A kaR+Sha swAhA/ sngags 'di lan bdun tshang bar bzlas nas de'i rjes la sngags kyi snying po gdon par bgyi'o/ /sngags 'don pa'i tshe sngar dkon mchog gsum la gus par phyag bgyis nas lha'i dbang po rnam thos kyi ming nas 'don par bgyid na/ nor rdzas rnams stsol zhing sems can rnams ci dang / ci smon pa thams cad yongs su rdzogs par bgyis nas bde bar stsol bar bgyid do/ /de ltar phyag bgyis nas de'i rjes la rgyal po rnam thos kyi yid bzhin gyi nor bu rin po che'i sngags kyi snying po gdon par bgyid na/ yid bzhin gyi bde ba stsol bar bgyid do/ /de nas lha'i rgyal </font><hr>123b<br><font size=+1>


po rnam thos kyis bcom ldan 'das kyi spyan sngar yid bzhin gyi nor bu rin po che'i sngags kyi snying po smras pa/ na mo rat+na tra yA ya/ na mo bai shra ba NA ya/ mahA rA dzA ya/ tad+ya thA| si mi si mi/ su mu su mu/ tsaN+Da tsaN+Da/ tsa ra tsa ra/ sa ra sa ra/ ka ra ka ra/ ki ri ki ri/ ku ru ku ru/ mu ru mu ru/ tsu ru tsu ru/ san+d+hA ya/ At+ma nAm ni t+yan an+ta r+b+hA tu swAhA/ na mo bai shra ba NA ya swAhA/ d+ha na dA ya swAhA/ ma no ra tha pa ri pU ra ya swAhA/ sngags 'don pa'i tshe sngags lan stong tshang bar bzlas nas de'i rjes la khang pa gtsang ma dag tu ba lang gi lci bas dog sa la zhal zhal bgyis te dkyil 'khor chung du zhig bgyis nas zas ci 'byor pas sems rtse gcig tu mchod par bgyi'o/ /rtag par phog spos dam pa bsregs nas dud pa rgyun mi 'chad par bgyi'o/ /sngags kyi snying po snga ma gdugs mtshan du sems dran pa nye bar bzhag nas bdag nyid kyis thos pa tsam du zlos shing gzhan gyis rig par mi bgyid na/ de'i tshe rnam thos kyi bu sha ni shi zhes bgyi ba/ gzhon nu'i gzugs nye bar bstan te drung du mchis nas/ 'di skad du| ci'i phyir/ bdag gi pha 'dod ces 'dri bar 'gyur bas lan du/ 'di skad ces/ bdag dkon mchog gsum mchod pa'i don du nor 'tshal na/ de bzhin du stsal bar gsol </font><hr>124a<br><font size=+1>


@#/ /zhes smra bar bgyi'o/ /de'i tshe sha ni shi tshig de thos pa dang / slar pha'i thad du mchis nas phal/ 'di skad du/ dge ba spyod pa'i mi zhig 
 rtse gcig tu dkon mchog gsum mchod de nor gyis phongs pa'i slad du yab la gsol ba 'debs so zhes bgyis pa dang / las/ khyod myur du song la nyin gcig bzhin du de la kAR+shA pa na brgya brgya byin cig ces mchi bar 'gyur te sngags 'don pas de lta bu'i mtshan ma mthong bar gyur na don 'grub par 'gyur bar rig par bgyis nas gcig tu khang pa gtsang ma'i nang du bdug spos bsregs te mchis nyal ba'i khri'i drung du spos kyi sbrog ma cig bzhag nas rtag par nam langs pa'i tshe sprog ma'i nang du nor ci thob pa blta bar bgyi'o/ /rtag par nor thob pa'i tshe de nyid kyi gdugs la spos dang / me tog dang / zhal zas kyis dkon mchog gsum la mchod cing dbul phongs pa rnams la stsal nas bas par bgyi'o/ /bsris te gzhag par mi bgyi'o/ /sems can rnams la byams pa dang / snying rje'i bsam pa bskyed par bgyi'o/ /zhe sdang dang / g.yo sgyu dang / gnod sems kyi bsam pa bskyed par mi bgyi'o/ /gal te zhe sdang skyes par gyur na dngos grub kyi mthu stor bar </font><hr>124b<br><font size=+1>


'gyur bas rtag par sems bsrungs te zhe sdang bskyed par mi bgyi'o/ /gzhan yang / sngags 'dzin pas rtag par lha'i rgyal po rnam thos bdag dang / bu dang / bu mo dang / 'khor rnams rjes su dran par bgyis te sngags brjod nas rtag par dge ba bcu po de dag gi bstangs te lha de dag bsod nams kyi mthu 'phel zhing rgyas pa dang / dge ba mang po kun 'phel ba dang / byang chub mngon par rtogs par 'gyur bar bgyid na lha mang po de dag gis dngos po de lta bu mthong ba dang / thams cad rab tu dga' bas lhan cig tu nye bar mchis te sngags 'don pa'i gang zag de la yongs su bsrung bar bgyid do/ /gzhan yang / sngags 'dzin pa de tshe ring zhing lo tshad ma mchis pa snyed du gnas par 'gyur/ ngan song gsum dang rtag tu 'bral zhing rtag par gnod pa ma mchis par 'gyur ba yid bzhin gyi nor bu rin po che dang / gter rnams thob par 'gyur/ mngon par shes pa dang / dbang phyug dang / smon pa thams cad mngon par 'grub par 'gyur/ gal te blon thabs 'tshal na'ang yid bzhin du 'grub par 'gyur/ gcan gzan thams cad kyi skad kyang 'tshal bar 'gyur lags so/ /bcom ldan 'das/ gal te sngags 'don pa'i tshe bdag gis </font><hr>125a<br><font size=+1>


@#/ /lus mngon sum du mthong par 'tshal bar 'tshal na/ tshes brgyad dam/ bco lnga'i gdugs la ras dkar po la sangs rgyas kyi sku gzugs shig sbyin dang / tshon sna tshogs kyis brgyan pa bri bar bgyi'o/ /sku gzugs 'dri ba'i ri mo mkhan po yang bslab pa'i gnas brgyad yang dag par blang bar bgyi'o// sangs rgyas kyi sku'i g.yon phyogs su dpal gyi lha mo'i gzugs su bri bar bgyi'o/ /sangs rgyas kyi g.yas phyogs su rgyal po rnam thos bdag dang / bu dang / bu mo dang / 'khor rnams kyi gzugs bris nas mchis pa'i stan legs par bshams te/ me tog sna tshogs bkram nas spos mchog dam pa bsregs te gdugs mtshan rgyun chad pa ma mchis par mar me sbar bar bgyi'o/ /bza' ba dang / btung ba mchog dam pa sna tshogs kyis gus pa'i sems bskyed de dus su mchod pa bgyis nas sngags gdon par bgyi'o/ /brnyas pa'i sems bskyed par mi bgyi'o/ /bdag g.yar 'dren pa'i tshe sngags 'di gdon par bgyi'o/ /na maH shrI kaN+ThA ya| bud d+hA yA/ na mo bai shra ma NA ya/ ya k+Sha rA dzA ya/ mahA rA dzA+e ya/ a d+hi rA dzA ya/ na maHshrI mahA de bi ye/ tad+ya thA/ ta ra ta ra/ tu ru tu ru/ ba ra ba ra/ su shud+d+ho su </font><hr>125b<br><font size=+1>


shud+d+ho/ ha na ha na/ ma Ni ka na ka /badz+ra bai DUR+Ya/ muk+ti kA laM kr-i ta/ sha \?\ rI rA ya/ sarba satwA nAM hi ta kA ma/ bai shra ma Na/ shI ya de bI pra b+hA ya/ e h+ye hi/ mA pi lam+ba/ g+hUr+Na g+hUr+Na/ \?\ re s+ya pa ra s+ya/ da dA hi ma ma a mo ka nA ma s+ya/ dar sha na kA ma s+ya daR+sha naM/ ma ma ma na/ pra la hadA ya swAhA/ bcom ldan 'das/ bdag gi sngags 'don pa'i mi de dang / gzhan yang de lta bu'i mchod pa rgyas par bgyis pa mthong bar gyur na byams shing sdug pa dang / rab tu dga' ba'i sems bskyed nas bdag byis pa gzhon nu'i gzugs sam/ rgan po'am/ dge slong gi gzugs su lus bsgyur nas sug pa na yid bzhin gyi nor bu rin po che dang / gser gyi snod thogs te dkyil 'khor gyi nang du zhugs nas lus kyis gus pa bstan te/ sangs rgyas kyi mtshan nas brjod de sngags 'don pa de la khyod kyis bsams pa bzhin du smon pa rnams 'grub par bya'o zhes mchi bar 'gyur lags so/ /nags tshal gyi nang du ma snang bar 'tshal lam/ rin po che mngon par 'du bgyid pa dang / skye bo mang po kun gyi snying du sdug cing bkur bar 'tshal lam/ gser dang / dngul la sogs pa'i nor rnams yongs su gnyer bar 'tshal lam/ sngags kyi dngos grub 'grub par 'tshal lam/ mngon par shes pa dang / tshe shin </font><hr>126a<br><font size=+1>


@#/ /tu ring ba dang / longs spyod mchog dam pa yongs su gnyer bar 'tshal na'ang bsam pa bzhin du mi \?\ 'grub pa gang yang ma mchis par 'gyur lags so/ /deng bdag gis re zhig dngos po 'di tsam zhig bstan pa 'das \?\ te/ gal te'ang gzhan dag yongs su gnyer bar bgyid na'ang thams cad ji ltar smon pa bzhin du mngon par 'grub cing rin po che'i gter bas pa ma mchis pa dang / yon tan mthar thug pa ma mchis pa yang mngon par 'grub par 'gyur ba lags so/ /gal te nyi ma dang / zla ba dog sa la lhung bar 'gyur yang srid/ sa chen po res 'ga' gzhan du 'gyur yang srid kyi/ bdag gi bden pa'i tshig 'di ni nam yang chab 'tshal bar mi 'gyur bas rtag par yid bzhin gyi bden pa 'thob par 'gyur lags so/ /bcom ldan 'das/ gang la la zhig gis mdo sde'i rgyal po 'di len pa dang / 'dzin pa dang / klog pa dang / kha ton du 'don pa des sngags 'di 'don par bgyid na/ ngal ba ma mchis par cho ga rnams myur du 'grub par 'gyur lags so/ /bcom ldan 'das/ deng bdag gis dbul phongs pa dang / sdug bsngal gyis gnod par gyur pa'i sems can de dag gi ched du </font><hr>126b<br><font size=+1>


sngags 'di bstan pa phan yon chen po thob nas thams cad phyug cing skyid pa dang / rang dbang dang ldan zhing gnod pa ma mchis pa thob par 'gyur lags so/ /bdag gis nam 'tsho'i bar du gang zag de'i rjes su 'brangs nas yongs su bsrungs te gnod pa rnams yongs su sel bar bgyid do/ /gzhan yang / gser 'od dam pa mchog tu rnam par rgyal ba mdo sde'i rgyal po 'di yongs su bzung nas spel bar bgyid pa dang / sngags 'don pa'i gang zag de la gom pa brgya tshun chad du 'od kyis kun tu gsal bar bgyid lags so/ /bdag gis gnod sbyin brgya stong ji snyed mchis pa yang rtag par rim gro bgyid cing ji ltar mos pa bzhin du g.yog bgyid pas yid bzhin du mi 'grub pa gang yang ma mchis lags so/ /bdag gis bden tshig smra ba la mi med pa ma mchis par ni bcom ldan 'das nyag gcig dbang du gyur cing mkhyen par gyur pa lags so/ /de'i che lha'i rgyal po rnam thos kyis sngags 'di smras pa dang / bcom ldan 'das kyis bka' stsal pa/ rgyal po chen po/ khyod kyis sems can thams cad kyis dbul phongs pa'i sdug bsngal gyi dra ba dral nas bde ba thob par bya ba dang / mdo sde 'di 'jig rten du rgya cher spel ba'i phyir rig 
 </font><hr>127a<br><font size=+1>


@#/ /'di bshad pa legs so/ /legs so/ /de nas rgyal po chen po bzhi cig car stan las langs te bla gos phrag pa gcig la gzar nas bcom ldan 'das kyi zhabs gnyis la mgo bos phyag btsal te pus mo g.yas pa'i lha ngas la btsugs nas gus pas thal mo sbyar te tshigs su bcad pa gya nom pa dag gis bcom ldan 'das kyi yon tan la mngon par bstod pa/ bcom ldan zhal ni zla gtsang nya 'dra zhing / /nyi ma stong gi 'od zer bkye dang 
/ / spyan ni dag yangs pad+ma sngon po 'dra/ /tshems dkar gtams pa dper na dung dang mtshungs/ /bcom ldan yon tan mtha' med rgya mtsho 'dra/ /rin chen gya nom tshad med bden pa bsags/ /mkhyen pa'i yon tan chab kyis rtag rgyas shing / /ting 'dzin dam pa brgya stong rab tu gang / /zhabs mthil 'khor lo'i mtshan ni thams cad mdzes/ /lte ba mu khyud rtsibs stong kun rab mnyam/ /phyag dang zhabs kyi dra ba kun brgyan pas/ /ngang pa'i rgyal bzhin mtshan ni phun sum 
// bcom ldan sku 'od gser gyi ri bo 'dra/ /rnam dag khyad 'phags dpe zla yod ma mchis/ /ri rab bzhin du yon tan kun rgyas pas/ /bcom ldan ri rgyal </font><hr>127b<br><font size=+1>


khyod la bdag phyag 'tshal/ /mtshan dang dpe byad mkha' bzhin dpag mi rig /zla ba stong pas lhag par 'od zer bkye/ /smig sgyu rgyu ltar bsam gyis mi khyab pas/ /thugs zhen mi mnga' khyod la bdag phyag 'tshal/ /de'i tshe rgyal po chen po bzhi po dag gis bcom ldan 'das la mngon par bstod pa dang / bcom ldan 'das kyis kyang 
 su bcad de bka' stsal pa/ gser 'od dam pa'i mdo sde mchog 'di ni/ /bla med stobs bcu dag gis rab tu gsungs/ /khyed cag rgyal po bzhi yis rab bsrungs la/ / rab dpa' nur med pa yi sems skyed cig /mdo sde rin chen gya nom zab mo 'di/ /sems can thams cad bde ba sbyin par byed/ /sems can de dag bde bar gyur pa'i phyir/ /rtag tu 'dzam gling rab tu spel bar 'gyur/ /stong chen 'jig rten khams ni 'di dag tu/ /sems can rnam pa thams cad ji snyed pa/ /yi dwags dud 'gro sems can dmyal ba yi/ /sdug bsngal 'gro ba de kun sel bar byed/ /'dzam gling 'di gnas pa yi rgyal po dang / /gzhan yang sems can rnam pa thams cad kun/ /mdo sde'i mthu yis rtag tu rab dga' zhing / /nad mang sdug bsngal bsal bas chom kun med/ /yul der mdo sde rgya cher spel ba'i phyir/ /rab bde lo legs mi mthun gnod pa </font><hr>128a<br><font size=+1>


@#/ /med/ /gang zhig mdo sde'i rgyal po 'di mnyan nas/ /cho rigs btsun zhing nor ni gnyer ba dang / /yul na lo legs rtsod pa med 'dod na/ /sems la bsams bzhin thams cad 'grub par 'gyur/ /pha rol dgra rnams phyir ni zlog byed cing / /rang gi yul khams rtag tu bde bar 'gyur/ /mdo sde'i rgyal po dam pa 'di yi mthus/ /sdug bsngal mang spong mya ngan 'jigs pa med/ /rin chen shing rgyal khyim na gang gnas pa/ /bde ba'i yo byad thams cad skyed pa ltar/ /mdo sde'i rgyal po dam pa'ang de bzhin te/ /rgyal po dag la yon tan mchog sbyin byed/ /dper na rab dang chu ni grang mo yis/ /skom pa'i gdung ba rnams ni sel ba ltar/ /mdo sde'i rgyal po dam pa'ang de bzhin te/ /bsod nams mos pa'i sems ni yongs rdzogs byed/ /mi zhig gya nom rin chen gzeb mdog na/ /longs spyod sems la 
 bzhin 'byor pa ltar/ /mdo sde'i rgyal po dam pa'ang de bzhin te/ /bsod nams bsam bzhin 'grub pas rgud pa med/ /lha yi bdag po khyod dang lha tshogs kyis/ /mdo sde'i rgyal po 'di la mchod par gyis/ /gal te bstan bzhin mdo sde 'dzin byed na/ /shes rab gzi byin phun sum tshogs par 'gyur/ /da ltar phyogs bcur bzhugs </font><hr>128b<br><font size=+1>


pa'i sangs rgyas kun/ /mdo sde'i rgyal po 'di ni srung dgongs pa/ /klog 'don 'dzin pa dag ni gzigs gyur na/ /legs so ngo mtshar che zhes bsngags par 'gyur/ /gang zhig mdo sde 'di ni nyan byed na/ /lus dang sems ni dga' rangs mgu ba skye/ /rtag par gnod sbyin brgya phrag mang po yis/ /gang du gnas pa der ni de srung byed/ /'jig rten khams 'di'i lha ni mang po rnams/ /de yi grangs ni tshad med bsam mi khyab/ /thams cad mdo sde'i dbang po 'di mnyan pas/ /rab dga' srung byed nur ba ci yang med| /gang zhig mdo sde'i rgyal po 'di mnyan na/ /mthu che rab dpa' rtag par dbang dang ldan/ /mi yi 'khor mang thams cad phan 'dogs pas/ /gnod pa rab spong snang pa 'phel bar byed/ /de nas rgyal po chen po bzhi po dag gis tshigs su bcad pa 'di dag thos nas/ dga' mgu rangs par gyur pas bcom ldan 'das la 'di skad ces gsol to/ /bcom ldan 'das/ bdag cag gis ni sngon chad nam yang mdo sde zab mo shin tu gya nom pa 'di lta bu ma thos so zhes rab tu dga' ba'i shugs kyis mchi ma blags te dus nas lus kyi yan lag 'dar zhing g.yo bar gyur te/ ngo mtshar rmad du byung ba'i dngos po bsam gyis mi khyab pa mngon du gyur pas lha yi me tog man dA ra ba </font><hr>129a<br><font size=+1>


@#/ /dang / man dA ra ba chen po dag gis bcom ldan 'das la mngon par gtor te/ khyad par du 'phags pa'i mchod pa byas nas yang bcom ldan 'das la 'di skad ces gsol to/ /bcom ldan 'das/ bdag cag rgyal po chen po bzhi la so so nas gnod sbyin gyi 'khor lnga brgya lnga brgya mchis pas rtag par gnas de dang de dag tu mdo sde 'di dang / chos smra ba de dag yongs su bsrung zhing yongs su skyob par byed pas ye shes kyi snang bas yongs su skyob par bgyid do/ / gal te mdo sde 'di'i tshig dang / don bskyud pa zhig mchis na'ang bdag cag gis de dag rjes su dran zhing mi bskyud par bgyi ba'i slad du gzungs kyi sgo shin tu khyad par du 'phags pa stsal nas yongs su rtogs par bgyid do/ /gzhan yang / mdo sde'i rgyal po mchog dam pa 'di gang du gnas pa der sems can rnams la rgya cher spel zhing myur du nub par mi 'gyur bar bgyid lags so/ /de'i tshe bcom ldan 'das kyis 'khor mang po'i nang du chos 'di bstan pa na/ sems can tshad med pa snyed shes rab chen po'i spobs pa thob nas bsod nams kyi phung po tshad med pa snyed yongs su bsdus te mya ngan gyi gnod pa dang bral nas rab tu dga' ba'i sems thob par </font><hr>129b<br><font size=+1>


gyur pas bstan bcos sna tshogs la rab tu mkhas pa dang / nges par 'byung ba'i lam thob nas phyir mi ldog par gyur pas myur du byang chub mngon par rtogs par gyur to// gser 'od dam pa mchog tu rnam par rgyal ba mdo sde'i rgyal po las/ rgyal po chen po bzhi po dag gis yul bsrung ba'i le'u ste bcu gnyis pa'o// // gser 'od dam pa mchog tu rnam par rgyal ba mdo sde'i rgyal po/ bam po bdun pa/ de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu/ chos kyi rnam grangs mngon par zhen pa med pa'i gzungs zhes bya ba yod de/ de ni byang chub sems dpa' rnams kyis mngon par bsgrub par bya ba'i chos/ 'das pa'i byang chub sems dpa' rnams kyis yongs su bzung ba/ byang chub sems dpa' rnams kyi mar gyur pa yin no zhes bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ gzungs zhes bgyi ba gang gi tshig dang / don gang zhig lags/ bcom ldan 'das/ gzungs zhes bgyi ba ni/ phyogs dang / gnas ma lags pa/ phyogs dang / gnas ma lags pa'ang ma lags so zhes de skad ces gsol pa dang / bcom ldan 'das kyis </font><hr>130a<br><font size=+1>


@#/ /tshe dang ldan pa shA ri'i bu la bka' stsal pa/ shA ri'i bu/ khyod theg pa chen po la yang dag par gzhol zhing theg pa chen po la mngon par yid ches nas theg pa chen po la bla mar byas pa legs so/ /legs so/ /khyed kyis ji skad smras pa bzhin du gzungs zhes bya ba ni phyogs dang / gnas yod pa'ang ma yin phyogs dang / gnas med pa'ang ma yin/ chos kyang ma yin/ chos ma yin pa'ang ma yin/ 'das pa'ang ma yin/ ma 'ongs pa'ang ma yin/ da ltar byung ba'ang ma yin/ dngos po'ang ma yin/ dngos po ma yin pa'ang ma yin/ rkyen yang ma yin/ rkyen ma yin pa'ang ma yin/ 'du byed kyang ma yin/ 'du byed ma yin pa'ang ma yin/ chos skye bar 'gyur ba'ang med/ chos 'gag par 'gyur ba'ang med mod kyi/ 'on kyang byang chub sems dpa' rnams la gdags pa'i phyir de skad du bstan pa yin te gzungs 'di'i yon tan gyi nus pa dang / yang dag pa'i lam gyi tshul dang / mthu stobs rnam par gzhag pa gang yin pa de ni sangs rgyas rnams kyi yon tan dang / sangs rgyas rnams kyi tshul khrims dang / sangs rgyas rnams kyi bslab pa dang / sangs rgyas rnams kyi gsang ba'i dgongs pa dang / sangs rgyas 
 </font><hr>130b<br><font size=+1>


kyi skye ba'i 'byung gnas yin pa'i phyir mngon par zhen pa med pa'i gzungs mchog tu gya nom pa'i chos kyi rnam grangs shes par bya'o/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ bde bar gshegs pas bdag la gzungs 'di'i cho ga gang lags pa bkas bshad du gsol/ gal te byang chub sems dpa' rnams kyis 'di la gnas par gyur na bla na ma mchis pa'i byang chub las ldog par mi 'gyur zhing yang dag pa'i smon lam yongs su rdzogs nas gnas ma mchis pa dang / rang bzhin gyi spobs pa thob par 'gyur ba dang / ngo mtshar rmad du byung ba'i dngos po thob nas 'phags pa'i lam la gnas par 'gyur ba 'di dag thams cad kyang gzungs 'di thob par 'gyur ba'i slad du'o/ /bcom ldan 'das kyis bka' stsal pa/ shA ri'i bu/ legs so/ /legs so/ /de de bzhin no/ /de de bzhin te/ khyod kyis ji skad smras pa bzhin du byang chub sems dpa' la la zhig gis 
 'di thob par gyur na gang zag de ni sangs rgyas dang tha dad pa med par rig par bya'o/ /gang la la zhig gis byang chub sems dpa' de la mchod cing bkur sti byed pa </font><hr>131a<br><font size=+1>


@#/ /dang / bla mar byed cing yo byad sbyin par byed na de ni sangs rgyas rnams la mchod pa byas pa yin par rig par bya'o/ /shA ri'i bu/ gang zag gang la la zhig gzungs 'di thos nas len pa dang / 'dzin pa dang / klog pa dang / kha ton du 'don pa dang / mngon par yid ches par bgyid pa de la 'di ltar sangs rgyas dang tha dad pa med par bkur sti byas nas mchod cing rim gro byas na rgyu dang / rkyen des bla na med pa'i 'bras bu 'thob par 'gyur ro/ /de nas bcom ldan 'das kyis gzungs sngags bka' stsal pa/ tad+ya thA/ san d+hA ra Ni/ ud d+hA ra Ni/ su saM pra tiSh+Tha te/ su nA ma/ su pra tiSh+Thi te/ bi dza ya ba la/ sat+t+ya pra ti dz+nyA/ pa ri ti shiny+dzA/ su A ro ha/ dz+nyA na pra ti/ ut+pa da ne/ a ba nA ba ni/ a b+hi Shiny+tsa ni/ a b+hi byA hA ra/ shu b+ha ba ti/ su ni shri ta/ ba hu guM b+ha/ a b+hi bA ga swAhA/ bcom ldan 'das kyis bka' stsal pa/ shA ri'i bu/ mngon par zhen pa med pa'i gzungs kyi tshig 'di la byang chub sems dpa' gang la la zhig rab tu gnas nas yang dag par 'dzin par byed na/ gang zag de ni bskal pa gcig gam/ bskal pa brgya'am/ bskal pa stong ngam/ bskal pa brgya stong gi </font><hr>131b<br><font size=+1>


bar du yang dag pa'i smon lam bskyed pa mthar thug pa med cing / ral gri dang / dbyug pa dang / dug dang / chu dang / me dang / gcan gzan ma rungs pa rnams kyis de'i lus la gnod pa byed mi nus par rig par bya'o/ /de ci'i phyir zhe na/ shA ri'i bu/ mngon par zhen pa med pa'i gzungs 'di ni 'das pa'i sangs rgyas rnams kyi yum dang / da ltar bzhugs pa'i sangs rgyas rnams kyi yum yin pas so/ /shA ri'i bu/ gang la la zhig gis grangs med pa bcu'i stong gsum gyi stong chen po'i 'jig rten gyi khams rin po che sna bdun gyis yongs su bkang ste de bzhin gshegs pa rnams la phul nas bskal pa grangs med pa'i bar du na bza' dang / zhal zas mchog dam pa rnam pa sna tshogs kyis mchod pa byed pa bas/ gang la la zhig gis gzungs 'di la ni tha na tshig gcig tsam yang dag par gzung ba las byung ba'i bsod nams gang yin pa de ches rab tu mang ngo / /de ci'i phyir zhe na/ shA ri'i bu/ mngon par zhen pa med pa'i gzungs shin tu zab pa'i chos kyi rnam grangs 'di ni de bzhin gshegs pa rnams kyi yum yin pa'i phyir ro/ /de'i tshe tshe dang ldan pa shA ri'i bu dang / 'khor mang po rnams de skad ces bka' stsal pa thos nas </font><hr>132a<br><font size=+1>


@#/ /thams cad rab tu dga' bar gyur pas thams cad kyis yongs su 'dzin par mos par gyur to/ /gser 'od dam pa mchog tu rnam par rgyal ba mdo sde'i rgyal po las/ mngon par zhen pa med pa'i gzungs kyi le'u ste bcu gsum pa'o// //de nas bcom ldan 'das kyis 'khor mang po'i nang du tshe dang ldan pa kun dga' bo la bka' stsal pa/ khyod kyis 'di ltar shes par bya ste/ yid bzhin gyi nor bu rin po che zhes bya ba'i gzungs gnod pa thams cad ring du spong ba/ 'brug dang / glog ma rungs pa thams cad 'gog cing 'jil bar byed pa yod de/ de ni 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs pa yin pas ngas kyang deng mdo sde 'dir lha dang / mi rnams la phan pa dang / 'jig rten la brtse ba dang / thams cad yongs su bsrungs nas bde ba thob par bya ba'i phyir 'khor mang po khyed la yang dag par bstan par bya'o/ /de nas 'khor mang po dang / tshe dang ldan pa kun dga' bos bcom ldan 'das kyis bka' stsal pa thos pa dang / so so nas sems rtse gcig tu bcom ldan 'das kyi zhal du bltas nas rig sngags </font><hr>132b<br><font size=+1>


mnyan par gyur to/ /bcom ldan 'das kyis bka' stsal pa/ khyed cag legs par nyon cig /'di nas shar phyogs na glog 'od snang ba'i rgyal po a ga ta zhes bya ba dang / lho phyogs na glog 'od snang ba'i rgyal po sha te ru zhes bya ba dang / nub phyogs na glog 'od snang ba'i rgyal po tsu te kwang zhes bya ba dang / byang phyogs na glog 'od snang ba'i rgyal po su ta ma ni zhes bya ba so so nas yod de/ rigs kyi bu'am/ rigs kyi bu mo gang la la zhig gis glog gi rgyal po 'di dag gi ming thos shing phyogs shes par gyur na/ gang zag de 'jigs shing skrag pa'i dngos po thams cad dang bral bar 'gyur zhing glo bur gyi gnod pa thams cad rab tu zhi bar 'gyur ro/ /gal te gang du gnas pa'i gnas der phyogs bzhi'i glog gi rgyal po 'di dag gi ming yi ger bris par gyur na gang du gnas pa'i gnas de dag tu 'brug dang / glog gis 'jigs pa med cing gdon bgegs dang / gnod pa'i sgrib med par 'gyur/ dus ma yin par glo bur du 'chi ba thams cad thag ring du spong bar 'gyur ro/ /de nas bcom ldan 'das kyis gzungs sngags bka' stsal pa/ tad+ya thA/ ni mi ni mi ni min+d+ha ri in dres+t+rai lo ka/ lo ka ni/ shi ri sho la bahi/ ha rak+Sha ha rak+Sha/ bdag ming 'di zhes bya ba'i gnas </font><hr>133a<br><font size=+1>


@#/ /'dir 'jigs shing skrag pa thams cad dang / sdug bsngal gyis 'tshe ba dang / 'brug dang / glog dang / thog 'bang ba dang / glo bur 'chi bar 'gyur ba ji snyed pa thams cad dang bral bar gyur cig swAhA/ de nas byang chub sems dpa' sems dpa' chen po spyan ras gzigs kyi dbang phyug 'khor mang po'i nang du 'dug pa stan las langs te bla gos phrag pa gcig la gzar nas pus mo btsugs nas thal mo sbyar te bcom ldan 'das la 'di skad ces gsol to| /bcom ldan 'das/ bdag cag kyang deng lha dang / mi rnams la sman par bgyi ba dang / 'jig rten la brtse ba dang / thams cad yongs su bsrungs nas bde ba 'thob par bgyi ba dang / mthu chen po'i stobs dang ldan zhing smon pa rnams yid bzhin du 'grub par bgyi ba'i ched du bcom ldan 'das kyi spyan sngar yid bzhin gyi nor bu rin po che'i gzungs gang lags pa mdo tsam zhig bstan par bgyi'o/ /de nas gzungs sngags smras pa/ tad+ya thA/ ka Te/ bi ka Te/ ni ka Te| pra t+yar+thi ke /pra ti mai tri/ shud d+he muk+te/ bi ma le/ pra b+hA swa re/ aN+Da re/ paN+Da re/ shwe te/ paN+Da ra bA si ni/ ha ri kaN+Da ri/ ka pi ri/ ping+ga la ak+Shi da d+hi mu khi rak+Sha </font><hr>133b<br><font size=+1>


rak+Sha/ bdag ming 'di zhes bgyi ba'i gnas 'dir 'jigs shing skrag pa thams cad dang / sdug bsngal gyi 'tshe ba nas glo bur du 'chi ba'i bar thams cad bral bar gyur cig /bdag gis sdig pa'i dngos po ngan pa thams cad mi mthong zhing rtag par byang chub sems dpa' 'phags pa spyan ras gzigs dbang phyug gi thugs rje chen pos byin gyis brlabs kyis dgongs shing yongs su bsrung bar gyur cig swAhA/ de nas byang chub sems dpa' lag na rdo rje gsang ba'i bdag po stan las langs te gus pas thal mo sbyar nas bcom ldan 'das la 'di skad ces gsol to/ /bcom ldan 'das/ bdag kyang deng lha dang / mi rnams la sman pa cher bgyi ba dang / 'jig rten la brtse ba dang / thams cad yongs su bsrungs nas gzi byin chen po'i mthu dang ldan pa dang / smon pa rnams yid bzhin du 'grub par bgyi ba'i slad du mi pham pa zhes bgyi ba'i gzungs bshad par bgyi'o/ /de na gzungs sngags smras pa/ tad+ya thA/ mu ni mu ni/ mu ni na d+ha ri/ mu ni ma ti ma ti/ su ma ti/ mahA ma ti/ hA hA hA hA ma b+ha ya n+tI ti pA pa/ badz+ra pA Ni A ha drA bi Ta swAhA/ bcom ldan 'das/ bdag gis gzungs sngags 'di ni mi pham par srung ba zhes bgyi ste/ skyes pa'am/ </font><hr>134a<br><font size=+1>


@#/ /bud med gang la la zhig sems rtse gcig tu yang dag par gzung ste yi ger 'dri ba dang / klog pa dang / 'don pa dang / mi bskyud cing rjes su dran par bgyid na bdag gdugs mtshan du de la yongs su bsrung bar bgyid pas 'jigs shing skrag pa thams cad nas glo bur du 'chi ba'i bar chad thams cad thag ring du spong bar 'gyur lags so/ /de nas mi mjed kyi 'jig rten gyi khams kyi bdag po tshangs pa chen po stan las langs te gus pas thal mo sbyar nas bcom ldan 'das la 'di skad ces gsol to/ /bcom ldan 'das/ bdag la'ang shin tu gya nom pa'i chos kyi rnam grangs kyi gzungs lha dang / mi rnams la rgya cher phan 'dogs pa/ 'jig rten la rab tu 'tshe ba thams cad yongs su srung bar bgyid pa/ gzi byin chen po'i mthu dang ldan pa/ smon pa rnams yid bzhin du 'grub par bgyid pa mchis te/ gzungs sngags de bshad par bya'o/ /tad+ya thA/ hi li mi li/ tsi li swAhA/ brah+ma pU re swAhA/ prah+ma swA re swAhA/ brah+ma b+hi su gar+b+he/ puSh+pa saM sta re swAhA/ bcom ldan 'das/ bdag gi gzungs sngags 'di ni tshangs pa'i chad pas bcad pa zhes bgyi ste/ gzungs 'di 'dzin pa dag la yongs su srung bar bgyid pas </font><hr>134b<br><font size=+1>


mya ngan gyi gnod pa dang / sdig pa'i las rnams thag ring du spong zhing / glo bur du 'chi ba'i bar chad thams cad kyang yongs su spong bar bgyid do/ /de nas brgya byin lha'i dbang po stan las langs te gus pas thal mo sbyar nas bcom ldan 'das la 'di skad ces gsol to/ /bcom ldan 'das/ bdag la'ang badz+ra sha ni zhes bgyi ba'i gzungs rig sngags chen mo 'jigs shing skrag pa dang / gdon bgegs thams cad rab tu sel ba/ glo bur du 'chi ba'i bar chad thams cad thag ring du spong ba/ sdug bsngal las drangs nas bde ba stsol ba/ lha dang / mi rnams la sman par bgyid pa mchis te gzungs de bshad par bya'o/ /tad+ya thA/ ni ba rA Ni/ ban+d+ha mA dan+ti ma ti ti ti ti/ gau rI gan+d+ha ri/ tsaN+DA li/ mA tang+gi/ puk+ka si/ pa ra Na le/ hi na ma d+h+ya ma d+ha ri Ni/ ma la ni/ da la mad de/ tsa drA bA kri/ sha ba ri sha ba ri swAhA/ de nas lha'i rgyal po rnam thos dang / lha'i rgyal po yul 'khor srung dang / lha'i rgyal po 'phags skyes po dang / lha'i rgyal po mig mi bzang ci gcar stan las langs te gus pas thal mo sbyar nas bcom ldan 'das la 'di skad ces gsol to/ /bcom ldan 'das/ bdag cag la'ang sems can thams cad la mi 'jigs pa spyin pa zhes bgyi ba'i 
 </font><hr>135a<br><font size=+1>


@#/ /sdug bsngal gyis nyon mongs pa las rtag par yongs su bskyabs nas bde ba thob par bgyid pa/ tshe 'phel par \?\ bgyid cing nad kyi sdug bsngal ma mchis par bgyid pa/ glo bur du 'chi ba'i bar chad thams cad thag ring du spong bar bgyid pa mchis te gzungs sngags de brjod par bya'o/ / tad+ya thA/ puSh+pe/ su puSh+pe/ d+hu ma pa ri hA re/ AR+Ya pra sha ste shAn+ti/ nir muk+te/ maM ga l+ya/ hi raN+ya gar+b+he stu te/ sta bi te swAhA/ de nas yang klu'i rgyal po chen po mang po| 'di lta ste/ klu'i rgyal po nA ga si dang / klu'i rgyal po glog 'od dang / klu'i rgyal po ma dros pa dang / klu'i rgyal po glog lce dang / klu'i rgyal po gya nom 'od la sogs pa stan las langs te gus pas thal mo sbyar nas bcom ldan 'das la 'di skad ces gsol to/ /bcom ldan 'das/ bdag cag la'ang yid bzhin gyi nor bu rin po che zhes bgyi ba'i gzungs glog ma rungs pa 'gog par bgyid pa/ 'jigs shing skrag pa rnams rab tu sel ba/ lha dang / mi rnams la rgya cher phan 'dogs pa/ 'jig rten la snying brtse ba/ thams cad yongs su skyob pa/ gzi byin chen po'i mthu dang ldan pa/ smon pa rnams yid bzhin du 'grub pa/ glo bur du </font><hr>135b<br><font size=+1>


'chi ba'i bar chad thams cad thag ring du spong ba/ dug thams cad rab tu zhi bar bgyid pa/ byad stems dang / sngags dang / bkra mi shis pa'i dngos po thams cad yongs su sel bar bgyid pa mchis te/ bdag cag gzungs sngags 'di bcom ldan 'das la 'bul na thugs rjes thugs brtse bar dgongs te/ bdag cag klu'i 'gro ba 'di dang bral nas ser sna'i 'dod pa gtan du spang ba'i slad du bzhes su gsol/ de ci'i slad du zhe na/ ser sna'i 'dod pa 'di'i dbang gis 'khor ba na sdug bsngal mang po myong bar 'gyur bas/ bdag cag ser sna'i 'dod pa'i sa bon yongs su gcod par 'tshal lags so/ /de nas gzungs sngags smras pa/ tad+ya thA/ a tsa le/ a ma ri/ a mr-i te/ a k+Sha ye/ a b+hi ye/ puN+yai baR+Ya pa te/ sarba pA paM pra sha mA ni ye swAhA/ AR+Ya puN+ya so bA ki ye swAhA/ bcom ldan 'das/ rigs kyi bu'am/ rigs kyi bu mo gang la la zhig rig sngags 'di g.yar kha nas brjod par bgyid dam/ yi ger bris te glegs bam du bgyis nas 'chang zhing 'dzin par bgyid dam/ klog cing 'don par bgyid dam/ gus par mchod par bgyid na/ 'brug dang / glog dang / thog mi 'bab cing / skrag pa dang / 'jigs pa dang / sdug bsngal </font><hr>136a<br><font size=+1>


@#/ /gyis nyon mongs pa dang / mya ngan dang / nad dang / glo bur du 'chi ba'i bar chad thams cad thag ring du spong bar 'gyur/ dug dang / byad stems dang / mi la gnod bgyid pa'i stag dang / seng+ge dang / spyang ki dang / sbrul gdug pa rnams dang / sbrang ma dang / sbrang bu mchu rings la sogs pas kyang gnod pa bgyid par mi 'gyur lags so/ /de nas bcom ldan 'das kyi 'khor mang po rnams la bka' stsal pa/ legs so/ /legs so/ / gzungs sngags 'di dag thams cad mthu chen po dang ldan pas sems can gyi mos pa ji lta ba bzhin du sems la bsams pa'i dngos po rnams yongs su rdzogs par byed/ rgya cher phan 'dogs par byed do/ /sems rtse gcig tu ma byas pa ni ma gtogs te/ khyed cag the tshom ma za zhig /de nas 'khor mang po rnams bcom ldan 'das kyis de skad ces bka' stsal pa thos pa dang / rab tu dga' bas mngon par yid ches par gyur nas bka' yang dag par gzung bar gyur to/ /gser 'od dam pa mchog tu rnam par rgyal pa mdo sde'i rgyal po las yid bzhin gyi nor bu rin po che'i gzungs kyi le'u ste bcu bzhi </font><hr>136b<br><font size=+1>


pa'o// //de nas lha mo spobs pa chen mo 'khor mang po nang nas stan las 
 te bcom ldan 'das kyi zhabs la mgo bos phyag byas nas bcom ldan 'das la 'di skad ces gsol nas/ bcom ldan 'das/ chos smra ba'i mkhan po gang la la zhig gser 'od dam pa mchog tu rnam par rgyal ba mdo sde'i rgyal po 'di yang dag par ston par bgyid na/ bdag gis shes rab 'phel bar bgyis nas rgyan dang ldan pa'i tshig gi spobs pa phun sum tshogs par \?\ bgyid do// gal te chos smra ba'i mkhan po de mdo sde 'di las tshig 'bru dang / yi ge dang / tshig gi don bskyud pa zhig mchis na'ang / thams cad dran bzhin legs par khong du chud par bgyis nas gzungs kyi kun 'dzin thogs pa ma mchis pa stsal par bgyid do/ /gzhan yang / gser 'od dam pa mchog tu rnam par rgyal ba mdo sde'i rgyal po 'di sems can gang dag sangs rgyas brgya stong du ma las dge ba'i rtsa ba bskyed nas yongs su 'dzin par bgyid pa de dag gis 'dzam bu'i gling 'dir rgya cher spel nas myur du nub par mi 'gyur zhing sems can tshad ma mchis pa snyed mdo sde 'di thos pa'i dbang gis thams cad shin tu myur ba'i spobs pa dang / bsam pa </font><hr>137a<br><font size=+1>


@#/ /ma mchis pa'i shes rab chen po bsam gyis mi khyab pa thob nas bstan bcos sna tshogs dang / sgyu rtsal rnams la rab tu mkhas pa dang / 'khor ba las myur du nges par byung nas bla na med pa yang dag par rdzogs pa'i byang chub mngon par rdzogs par 'tshad rgya bar bgyid do/ /tshe 'di nyid la'ang tshe 'phel zhing 'tsho ba'i yo byad rnams phun sum tshogs par bgyid do/ /bcom ldan 'das/ bdag gis mdo sde 'dzin pa'i chos kyi mkhan po de dag dang / sems can gzhan yang mdo sde 'di mnyan par mos pa de dag gi ched du sman la sngags kyis btab nas khrus bgyi ba'i cho ga bshad par 'tshal te/ des de dag la gza' ma rungs pa ltas ngan ston pa ci mchis pa dang / dang po btsas pa'i skar ma dang phan tshun mi mthun par gyur pa dang / nad kyi sdug bsngal dang / 'thab pa dang / rtsod pa dang / g.yul 'gyed pa dang / rmi lam ngan pa dang / gdon bgegs dang / byad stems dang / dug dang / dan \?\ du bgyis pa dang / sngags dang / ro langs dang / 'di lta bu la sogs pa'i sdig pa rnams kyi sgrib pa dang / bgegs bgyid pa thams cad yongs su bsal nas rab tu zhi bar bgyid </font><hr>137b<br><font size=+1>


pas blo dang ldan pa rnams kyis khrus kyi cho ga 'di ltar bgyis te des sman spos kyi ro dang ldan ba sum cu rtsa gnyis po/ 'di lta ste/ shu dag gi wad \?\ dang ni spri ka spos/ / gla rtsib bla dag dang shi ri sha| |in+d+ra hasta sha ma ka sha mi/ /thang chu dang ni shing tsha gla sgang dang / /a ga ru dang tsan+dan ta ka ra/ /sa la ki dang gur gum ha la sa \?\/ /na tra smig bcud su ki ma le dang / /thang shing pa tra dang ni on sha la/ /sa la ke dang spra ba gu gul dang / /yungs kar go snyod nA ga ge sa ra/ /sardza ra sa ru rta cha mnyam bgyi/ /skar ma rgyal la gcig tu btags nas ni/ /spos kyi phye ma de dag rab blangs te/ /sngags 'dis lan brgya rtsa brgyad gdab par bgyi/ /sngags ni/ 'di lta ste/ tad+ya thA/ su te/ kr-i te/ ka ma ta le/ na le dza na kar te/ hasta \?\ ra te/ in+d+ra dza li ni/ shaM ka ra dri/ ba sha de dre/ a brta ka /si ke na ku tra ku ka /kha ke ba bIbyo/ bi la ka bi la ma ti/ shI la ma ti/ shI la ma ti/ san+d+hi d+hu d+hu ma ba ti/ pa bad ku/ pany+tsi le/ shi ri sha re/ sad+d+h+ya s+thi te swAhA/ gal te chos bzhin khrus ni bgyid 'tshal na/ /dkyil 'khor gru bzhi khru brgyad pa bgyis nas/ /rab tu dben zhing bde ba'i gnas dag tu/ /don gang sgrub pa sems la dran par bgyi/ /ba lang lci bas dkyil 'khor byugs nas ni/ /steng du me tog kun tu dgram par </font><hr>138a<br><font size=+1>


@#/ /bgyid/ /gser dngul snod ni shin tu gtsang ma dag /ro mchog 'o ma sbrang rtsis dgang bar bgyi/ /dkyil 'khor de yi sgo bzhi dag tu yang / skyes bu bzhi zhig chos bzhin bsrung du stsal/ /gzhon nu bzhi zhig lus ni rab brgyan nas/ /so sor grwa rer chab kyi bum pa thogs/ /der ni rtag par gu gul bsregs nas ni/ /dbyangs lnga'i rol mo rgyun mi 'chad par bgyi/ /dkyil 'khor de yi ngos bzhi dag tu yang / /ba dan gdugs dang lnga ldis mdzes par bgyi/ /dkyil 'khor nang du me long gsal ba dang / /ral gri rnon po mda' bzhi gzhag par bgyi/ /dkyil 'khor dbus su gzhod khung cher stsal nas/ /'dzeg pa'i shing leb \?\ 'di yi steng du bzhag /snga ma'i phye ma chab dang sbyar nas ni/ /dkyil 'khor de yi nang du gzhag par bgyi/ /de ltar bkram zhing rnam par bzhag nas ni/ /de nas sngags bzlas dkyil 'khor mtshams bcad bgyi/ /mtshams bcad pa yi sngags ni 'di lta ste/ /sAd+ya the dan/ a ka ra ke na ya ni/ hi li mi li gi le/ khi khi le swAhA/ de ltar mtshams ni rab bcad nas/ /dkyil 'khor nang du zhugs nas ni/ /nyi shu rtsa gcig chab bsngags te/ /phyogs bzhi dag tu gtor bar bgyi/ /de nas </font><hr>138b<br><font size=+1>


spos chab dag la ni/ /brgya rtsa brgyad tshang sngags btab ste/ /ngos bzhir yol bas bskor nas ni/ /dre 'og lus ni bkru bar bgyi/ /chab dang / spos chab la gdab pa'i sngags ni/ 'di lta ste/ tad+ya thA/ sa ga De bi ga re \?\/ bi ga ta ba ti swAhA/ khrus bgyis lags nas khrus bgyis ba'i chab dang / dkyil 'khor gyi nang du mchod par bgyis pa'i bza' ba dang / btung ba ci mchis pa gtsang po'am/ rdzing gi nang du dor bar bgyi zhing gzhan ni bsdu bar bgyi'o/ /de ltar khrus bgyis lags nas gos gtsang ma bgos te/ dkyil 'khor nas phyir byung nas khang pa gtsang ma'i nang du zhugs te/ sngags mkhan gyis de dag yi dam rgya chen po slad du stsal nas sdig pa sna tshogs gtan du bcad cing dge ba sna tshogs rtag par spyad nas sems can rnams la snying rje chen po bskyed par bgyi ste/ rgyu dang / rkyen des na yid bzhin gyi bsod nams kyi rnam par smin pa tshad ma mchis pa snyed thob par 'gyur lags so/ /yang tshigs su bcad de gsol pa/ sems can gang zhig nad kyi sdug bsngal nyen/ /sman spyad sna tshogs gsos kyang ma sos pa/ /khrus kyi cho ga 'di bzhin khrus bgyis te/ gzhan yang mdo sde 'di ni klog bton nas/ /gdugs mtshan </font><hr>139a<br><font size=+1>


@#/ /rtag par sems ni mi g.yeng bar/ /rtse gcig gus pas dang sems bskyed bgyis nas/ /nad kyi sdug bsngal bas par zhi bar 'gyur/ / dbul phongs nor dang ldan par 'gyur/ /phyogs bzhi'i gza' skar nyi zla'i lha/ /mthu yis rab bsrungs tshe ni ring bar 'gyur/ /bkra shis rab bde bsod nams 'phel bar 'gyur/ /ltas ngan gdon bgegs thams cad sel ba bgyi/ /de'i 'og tu lus bsrung ba'i sngags lan nyi shu rtsa gcig bzla bar bgyi'o/ /sngags ni| 'di lta ste/ tad+ya thA/ sa me/ bi sa me swAhA/ sa ga De/ bi ga De swAhA/ sA ga ra saM bud d+hA ya swAhA/ skan d+ha mA tA ya swAhA/ nI la kAN+Tha ya swAhA/ a pa rA dzi te/ biR+YA ya swAhA/ hi ma ban d+d+ha saM b+hu tA ya swAhA/ a ni bi la bA ka tA ya swAhA/ na mo b+ha ga ba te/ prah+ma Ne swAhA/ na maHsa ra swa s+t+yai mahA de byai swAhA/ sid d+h+yan tu man+t+ra pa dA swAhA/ d+ha ra to/ bi tsi te/ prah+mA nu ma n+ya tu swAhA/ de nas lha mo spobs pa chen mo khrus kyi cho ga dang / dkyil 'khor gyi sngags bshad nas bcom ldan 'das kyi zhabs la phyag byas te bcom ldan 'das la 'di skad ces gsol to/ /bcom ldan 'das/ dge slong ngam/ dge slong ma'am/ dge bsnyen nam/ dge </font><hr>139b<br><font size=+1>


bsnyen ma gang la la zhig mdo sde'i rgyal po dam pa 'di len pa dang / 'dzin pa dang / kha ton du 'don pa dang / yi ger bris nas spel ba dang / ji skad bstan pa bzhin du spyod par bgyid na/ grong khyer ram/ grong rdal lam/ 'brog dgon pa'am/ ri'am/ nags tshal lam/ dge slong ngam \?\/ dge slong ma'i gnas gang yang rung ba dag tu gnas kyang rung ste/ bdag de'i ched du 'khor rnams dang lhan cig lha'i rol mo bgyis nas de'i thad du mchis te yongs su skyob pa dang / bsrung bar bgyis nas nad kyi sdug bsngal dang / skar mda' ltung ba dang / ltas ngan dang / rims nad dang / 'thab cing rtsod pa rnams sel bar bgyid/ rgyal po'i khrims kyis gzung ba dang / rmi lam ngan pa dang / 'dre srin ma rungs pas gnod pa dang / byang stems thams cad rab tu zhi bar bgyis nas/ mdo sde 'dzin pa'i gang zag dge slong la sogs pa'i 'khor dang / nyan pa'i 'khor rnams myur du 'khor ba'i rgya mtsho chen po las yongs su bzlas nas byang chub las ldog par mi 'gyur bar phan 'dogs par bgyid do/ /de nas bcom ldan 'das kyis de skad ces gsol ba gsan pa dang / lha mo sbobs pa chen mo la/ lha mo/ khyod kyis sems can tshad med cing mtha' med </font><hr>140a<br><font size=+1>


@#/ /pa dag la phan pa dang / bde ba bya ba'i phyir ched du rig sngags de dag dang / spos chus khrus bya ba dang / dkyil 'khor gyi cho ga rnam par smin pa'i 'bras bu bsam gyis mi khyab pa dang ldan pa yang dag par bshad pa legs so/ /legs so zhes sngags pa brjod nas khyod kyis mdo sde'i rgyal bo mchog dam pa 'di bsrungs nas myur du nub par mi 'gyur zhing rtag par rgya cher gnas par 'gyur bar byos shig /de nas lha mo spobs pa chen mos bcom ldan 'das kyi 
 la mgo bos phyag byas nas rang gi stan la 'dug par gyur to/ /de nas bram ze kauN+Din+ya chos kyi slob dpon gyis lung bstan pa bcom ldan 'das kyi byin gyis 
 kyi mthus 'khor mang po'i mdun du lha mo spobs pa chen mo la mngon par bstod pa/ shes gsal rab dpa' spobs pa'i lha mo khyod/ /lha mi'i mchod pa dag gis mchod par 'os/ /grags pas 'jig rten kun tu rgyas pas na/ /sems can thams cad re ba rdzogs par byed/ /ri rtse mthon po gnas mchog dag tu ni// rtswa bsdus khyim byas de na rab tu gnas/ /rgyun du rtswa 'jam mdud nas gos byas te/ /rtag par rkang pa ya gcig bkur ste 'greng / /lha 'khor mang po thams cad </font><hr>140b<br><font size=+1>


'dus lhags nas/ /thams cad rtse gcig sems kyis khyod la bsngags/ /shes rab spobs pa ldan pa'i lha mo khyod/ /tshig snyan gya nom thams cad sbyin bar gyis/ / de nas lha mo spobs pa chen mo nges gsol ba btab pa mnyan nas gzungs sngags smrus pa/ sAd+ya the dan/ mu re tsi re/ a ba dze/ a ba dza pa ti/ hing gu le/ ming gu le/ ping ga la ba ti/ mung+ga she /ma rI ts+ye/ swa ma ni/ da sha ma ti/ a g+h+ri ta ma g+h+ri tatsa tsi/ ta ra tsa pa ti/ tsi tsi ri/ shi ri mi ri/ ma nan d+hi/ dam khi/ ma rI ts+yai/ pra na pi ye/ lo ka dz+yeSh+The/ lo ka sheSh+The /lo ka pri ya/ sid d+ha pra te/ b+hI ma mu khi/ shu tsi tsa ri/ a pra ti ha he/ a pra ti ha ta bud d+hi/ na mu tsi/ mahA na mu tsi/ ma hA de byI/ pra ti grI hA na ma ska rA na bdag gi ming brjod/ ma ma bud d+hi/ dra shi hi bud d+hi/ a pra ti ha ta/ b+ha ba tu/ si b+ha me/ bi shu d+ha tsi to/ sha sh+tha sh+lo ka /man+ta bi d+hi ka/ ka pi ya d+hi sho /tad+ya thA/ mahA pra b+ha be/ hi li mi li/ bi tsa ro| bi tsa to/ bi bud b+hi/ bdag gi ming brjod/ ma ma bud d+hi/ bi shud d+hi/ b+ha ga bad t+yaM/ pe ba yaM/ swa ra swa sti/ ka ra de/ ke yu re/ kai yur ma te/ hi li/ mi li/ hi li/ mi li/ a ba ya me/ mahA de be/ pud d+ha sa t+ya na/ d+harma sa t+ya na/ sang+g+ha sa t+ye na/ in+d+ra sa t+ye na/ ba ru Na sa t+ye na/ ye lo ke sa t+ya sa t+ye na/ te sha ma sa t+ye na/ sat+ti bad tsa ni ni/ a ba ha ya mi/ </font><hr>141a<br><font size=+1>


@#/ /mahA da be/ hi li mi li/ hi li mi li/ bi tsid to/ bdag gi ming brjod/ ma ma bud d+hi/ na mo b+ha ga ba ti/ mahA dwe ba sa ra swa t+ya/ sid d+h+yan+tu/ man+ta pa dA ni swAhA/ de nas lha mo spobs pa chen mos gzungs sngags 'di bstan nas bram ze de la 'di skad ces/ kye| skyes bu chen po/ sems can rnams kyi ched du spobs pa gya nom pa dang / rin po che dang / rdzu 'phrul dang / shes rab yongs su gnyer nas thams cad la rgya cher phan btags te myur du byang chub mngon du byed par 'dod pa legs so/ /legs so/ /de ltar shes par byas nas cho ga 'di gzung bar bya'o zhes smras nas/ yang tshigs su bcad de smras pa/ thog mar kho nar gzungs 'di kha ton du/ /byang zhing nor bar med par bklags nas ni/ /byin gyis rlob cing smon pa rdzogs bya'i phyir/ /dkon mchog gsum dang lha rnams skyabs 'gro zhing / sangs rgyas chos dang byang chub sems dpa' dang / /rang rgyal nyan thos tshogs la gus phyag byas/ /de 'og tshangs dang brgya byin lha dbang dang / /'jig rten skyong dang rgyal po chen po bzhi/ /rtag par tshangs par spyod pa thams cad la/ /rtse gcig yid kyis gus par phyag byas nas/ /dgon pa rab tu dben pa'i gnas dag </font><hr>141b<br><font size=+1>


tu| |skad cher snga ma'i sngags dang cho ga gdon/ /sangs rgyas sku gzugs lha klu'i mdun dag tu/ /ji tsam 'byor pas mchod ba bsgrub par bya/ /sems can rnam pa de dag thams cad la/ /byams dang snying rjes brtse ba'i sems kyang bskyed/ /bcom ldan gser sku shin tu gya nom mtshan/ /g.yeng ba med sems rtse gcig dran par bya/ / bcom ldan yang dag chos don dgongs mdzad pas/ /dbang po ji bzhin ting 'dzin sgom la 'god/ /de yi tshig gi don ni legs soms la/ /stong pa nyid brten rab tu bsgom par gyis/ /bcom ldan sku gzugs dag gi spyan sngar ni/ /rtse gcig yang dag dran pas gnas byed na/ /gya nom ye shes ting nge 'dzin dag dang / /gzungs mchog dam pa dag kyang 'thob par 'gyur/ /bcom ldan gser zhal yang dag chos bstan nas/ /gya nom dbyangs kyis lha mi 'dul bar mdzad/ /ljags mtshan rkyen bzhin ngo mtshar rab ston pas/ /yangs ring stong gsum 'jig rten khyab par mdzad/ /bcom ldan gsung dbyangs gya nom de 'dra ba/ /rtse gcig dran na sems la 'jigs med 'thob/ /bcom ldan smon lam rgya chen btab pa'i dbang / /rtags mtshan bsam gyis mi khyab 'di brnyes nas/ /chos rnams yod pa ma yin gsung </font><hr>142a<br><font size=+1>


@#/ /mdzad pas/ /dper na nam mkha' chags pa med pa 'dra/ /bcom ldan gsung dbyangs dag dang ljags mtshan rnams/ /dran pa nyer bzhag gzhal byed smon rdzogs 'gyur/ /gal te lha mo spobs chen mchod mthong ngam/ /slob mas slob dpon rjes slob mthong nas ni/ /gsang ba'i cho ga 'di blangs sgom byed dam/ /bla mar byed na sems la bsam pa 'grub/ /gang zhig ye shes dam pa mchog 'dod na/ /rtse gcig sems kyis chos 'di gzung bar bya/ /bsod nams ye shes yon tan 'phel byed pas/ /nges par 'grub 'gyur the tshom yongs ma skyed/ /nor tshol dag ni nor mang rnyed par 'gyur/ /grags pa gnyer ba 
 chen thob par 'gyur/ /des 'byung tshol ba rnam par grol 'gyur bas/ /nges par 'grub 'gyur the tshom yongs ma skyed/ /yon tan tshad med mtha' yas ji snyed pa/ / sems la bsams bzhin yongs su sdud par byed/ /gal te de ltar chos bzhin spyod nus na/ /nges par 'grub 'gyur the tshom yongs ma skyed/ /gtsang ma'i gnas su gos gsar bgos nas ni/ /dkyil 'khor che chung ji tsam nus par bya/ /bum pa gtsang ma bzhir ni ro zhim dgang / /me tog pog spos ci 'byor mchod par </font><hr>142b<br><font size=+1>


bya| |lda ldi ba dan dag dang gdugs bres te/ /byug spos phye ma kun tu khyab brgyan nas/ /sangs rgyas lha mo spobs chen mchod byed na/ /lha lus mthong bar 'dod na'ang smon bzhin 'grub/ /lha mo spobs chen mdun du snga ma'i sngags/ /zhag ni nyi shu rtsa gcig gdon par bya/ /gal te lha de mthong bar ma gyur na/ /rtse gcig sems kyis zhag dgu dran par byed/ /nam gyi cha smad 'on kyang ma mthong na/ /gnas gtsang dam pa gzhan dag btsal nas ni/ /lha mo spobs chen gzugs ni rab bris te/ /mchod gnas bzlas brjod sems kyis mi btang zhing / /nyin mtshan le lo sems ni mi bskyed na/ /bdag dang gzhan la phan 'dogs mthar thug med/ /rnam smin gang thob skye dgu smin byed na/ /smon pa thams cad yongs su rdzogs par 'gyur/ /gal te yid bzhin ma grub zla ba gsum/ /yang na drug dang dgu dang lo gcig bar/ /rab brtson gsol 'debs sems ni mi g.yo na/ /lha yi mig dang gzhan sems shes thob 'gyur/ /de nas bram ze kauN+Din+yas de skad ces bstan pa thos pa dang / dga' dgu rangs shing ngo mtshar du gyur nas 'khor mang po rnams la/ 'di skad ces/ kye khyed cag lha dang / mi yi 'khor mang po thams cad shes par byos la / </font><hr>143a<br><font size=+1>


@#/ /sems rtse gcig tu deng bdag gis kun rdzob kyi bden pa'i chos la brten nas lha mo spobs pa mchog dam pa de dag la bsngags pa brjod pa nyon cig ces smras nas/ tshigs su bcad de smras pa/ 'jig rten dag la dbang phyug thob 'gyur ba/ /lha mo mthu chen thob la gus phyag 'tshal/ /deng bdag gtso mo de la bsngags pa yang / /sngon gyi drang srong ji skad bstan pa bzhin/ /bkra shis yongs rdzogs sems ni bde bar gnas/ /sems gsal ngo tsha khrel yod grags dang ldan/ /ma ma byas te 'jig rten rab tu bskyed/ /rab dpa' rtag par brtson 'grus chen po spyod/ /'thab mo'i g.yul du rtag par rgyun du rgyal/ /rab dul byams sems bzod pa gsol bar byed/ /da ltar gshin rje'i sring mo chen mor gyur/ /gos su rtag par dar tshon sngon po gyon/ /sdug dang mi sdug byad bzhin kun dang ldan/ /mig ni mthong ba thams cad rab tu dngangs/ /spyod mchog dam pa tshad med 'jig rten 'das/ /phyogs shing mngon dang mi kun yongs su sdud/ /res 'ga' ri brag zab mo dag na gnas/ /res 'ga' brag phug gtsang po'i 'gram na gnas/ /res 'ga' ljon shing nags tshal </font><hr>143b<br><font size=+1>


chen por gnas/ /lha mo phal cher 'di dag kun tu gnas/ /ri dang nags tshal mi rgod ji snyed pa/ /rtag par lha mo la ni mchod par byed/ /rma bya'i sgros ni rgyal mtshan ba dan byed/ /dus su mchog tu rtag par 'jig rten skyong / /stag dang seng+ge spyang kis rgyun du bskor/ /gnag lug bya la sogs pas rten yang 'cha'/ / dril chen bsgrags nas sgra ni phyung bas na/ /bin d+ha'i ri la sgra ni kun tu grags/ /res 'ga' rtse gsum tri shUl thogs byed cing / /g.yas g.yon rgyun du nyi zla ru mtshon 'dzin/ /zla ba nag po'i tshes dgu bcu gcig la/ /de yi dus su rtag par mchod par bya/ /res 'ga' ba su lha chen srid mor ston/ /g.yul 'gyed mthong na rtag par snying yang brtse/ /sems can thams cad rnam par lta ba la/ /lha mo mchog tu gyur pas bdas pa med/ /res 'ga' ba rdzi bu mo dga' mor ston/ /lha dang 'thab tshe rtag par rgyal ba 'thob/ /'jig rten dag na yun ring gnas par byed/ /rab dul bzod dang khro gtum ston par byed/ /bram ze chen po rig pa'i chos bzhi dang / /sgyu 'phrul sngags sogs thams cad rab tu rtogs/ /drang srong nang na rang dbang dag dang ldan/ /sa bon dang ni sa chen byed par nus/ /lha mo </font><hr>144a<br><font size=+1>


@#/ /bu mo la sogs 'dus pa'i tshe/ /rgya mtsho'i rlabs ltar nges bar der yang 'du/ /klu dang gnod sbyin mang po'i tshogs kun gyi/ /gtso bor gyur pas rab tu dul bar byed/ /bud med nang na tshangs spyod mchog dang ldan/ /tshig byung dper na 'jig rten bdag po 'dra/ /rgyal po'i gnas na pad+ma dag dang mtshungs// chu bo'i 'gram na gnas tshe gru zam bzhin/ /byad bzhin sdug mdzes zla ba nya ba 'dra/ /mang thos phun tshogs gnas dang rten yang byed/ spobs pa mchog byung ri rtse mthon po 'dra/ /dran pa thams cad kun gyi gling yang byed/ /lha ma yin la sogs te lha tshogs rnams/ /thams cad 'di yi yon tan bsngags par byed/ / lag stong brgya byin lha yi dbang pos kyang / /gus pa'i sems kyis lta zhing rab tu rtog /sems can gang zhig re zhing tshol ba yod/ /de dag thams cad myur du 'grub par byed/ /yid myur spobs dang chos 'dzin ldan byed pas/ /sa chen steng na mchog tu gyur pa yin/ /phyogs bcu'i 'jig rten khams ni 'di dag tu| |mar me che ltar rtag par kun gsal byed/ /tha na lha 'dre gcan zan dag la yang / /de bas bsams bzhin thams cad rdzogs byed 'gyur/ /bud med rnams </font><hr>144b<br><font size=+1>


kyi nang na ri rtse 'dra/ /sngon gyi drang srong ji bzhin yun ring gnas/ /lha mo gzhon nu ji bzhin 'dod chags spongs/ /'jig rten bdag po che bzhin bden tshig smra/ /'jig rten kun gyi khyad par rgyan rnams dang / /'dod khams lha yi khang pa kun bltas na/ /lha mo 'ba' zhig gtso mor grags pas na/ /sems can mchog tu gyur pa yongs mi snang / /gal te g.yul 'gyed 'jigs pa'i gnas dag dang / /me dong lhung ba dag ni mthong gyur tam/ /chu bo nyam nga chom rkun 'jigs pa'i tshe/ /'jigs pa de dag thams cad sel bar nus/ /gal te rgyal po'i khrims kyis bcings sgrogs sam/ /gal te sha chags gsod par byed pa'i tshe/ /sems ni rtse gcig mi g.yo gnas gyur na/ / nges par mya ngan sdug bsngal kun las thar/ /dge sdig mi kun yongs su skyob pa na/ /byams dang snying rje'i brtse ba rtag mngon snang / /de phyir bdag ni bsam pa rtse gcig tu/ /lha mo che la phyag 'tshal skyabs su mchi/ /de nas bram ze des sngags dang / bsngags pa brjod pa'i tshig gis lha mo de la mngon par bstod pa/ 'jig rten gtso la phyag 'tshal gus phyag 'tshal/ /mi rnams nang na kun gyi mchog gyur pas/ /'jig rten gsum po thams cad khyod la mchod/ /byad bzhin rab mdzes kun </font><hr>145a<br><font size=+1>


@#/ /gyis lta bar mos/ /yon tan dam pa sna tshogs lus rab brgyan/ /mig yangs pad+ma sngon po'i 'dab ma 'dra/ /bsod nams ye shes snang ba'i grags pas rgyas/ /dper na rin thang med pa'i nor bu mtshungs/ /deng bdag dam pa khyod la bsngags pas na/ /sems la bsam pa thams cad 'grub par 'gyur/ /yang dag yon tan bkra shis gya nom pa/ /pad+ma lta bur shin tu rnam par dag /lus mdog rab mdzes kun gyis blta bar mos/ /mtshan mang ngo mtshar bsam gyis mi khyab pa/ /dri med ye shes 'od zer rab 'gyed pas/ /dran pas kun gyi nang na mchog tu gyur/ /ji ltar seng+ge gcan zan mchog gyur ltar/ /rtag par lag pa brgyad kyis bdag nyid brgyan/ /so sor mda' gzhu ral gri sta re dang / /tho rangs lcags kyi 'khor lo zhags pa thogs/ /rab mdzes lha mo zla ba nya ba 'dra/ /tshig la thogs med dbyangs snyan 'byin par byed/ /sems can gang zhig sems la smon yod na/ /skyes bu dam pas bsams bzhin rdzogs par byed/ /brgya byin lha mang kun gyis khyod mchod nas/ /thams cad bsngags brjod skyabs su 'gro bar byed/ /bsam gyis mi khyab yon tan skyed byed pas// </font><hr>145b<br><font size=+1>


dus rnams kun tu gus pa bskyed par byed swAhA/ /gal te spobs chen lha mo gsol 'dod na/ /sngags bstod tshig ni 'di las 'byung ba bzhin/ /nang par rnam dag 
 kyis rtse gcig gdon/ /bsam pa'i dngos po thams cad bsams bzhin 'grub/ /de nas bcom ldan 'das kyis bram ze de la/ khyod kyis sems can rnams la phan gdags shing bde ba sbyin pa'i ched du/ lha mo de la sngags pa brjod pas byin gyis rlob par gsol ba btab nas bsod nams dpag tu med pa thob par 'gyur ba legs so zhes bka' stsal to// //gser 'od dam pa mchog tu rnam par rgyal pa mdo sde'i rgyal po/ bam po brgyad pa/ de nas bram ze kauN+Din+yas gong du bstan pa de lta bu'i mngon par bstod pa'i tshig dang / sngags kyi tshig gis lha mo spobs pa chen mo la mngon par bstod nas 'khor mang po rnams la 'di skad ces smras so/ /khyed cag lha mo spobs pa chen mo la gsol ba btab nas snying brtse bas byin gyis brlabs nas tshe 'di nyid la thogs pa med pa'i 
 myur ba dang / ye shes chen po dang / tshig la shin tu mkhas pa dang / shes pa rgya chen po thob pa dang / 'bel ba'i gtam gyi phan tshun lan 'debs pa dang / tshig </font><hr>146a<br><font size=+1>


@#/ /'bru'i rgyan yid bzhin du grub nas thogs pa med par 'dod na/ sems rtse gcig tu gus pas 'di ltar gsol ba gdab par bya'o/ / sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /byang chub sems dpa'i tshogs dang / rang sangs rgyas dang / nyan thos dang / 'phags pa thams cad dang / 'das pa dang / ma byon pa dang / phyogs bcu'i sangs rgyas yang dag pa'i bden tshig mngon par grub pa/ dbang po ji lta ba bzhin du yang dag pa'i bden tshig gsung ba/ mi slu ba'i tshig gsung ba/ bskal pa chen po bye ba tshad med pa snyed du rtag par yang dag pa'i bden tshig gsung zhing yang dag pa'i bden tshig dang ldan pa thams cad la rjes su yi rang nas phyag 'tshal lo/ /mi bden pa'i tshig mi gsung ba'i phyir yangs shing ring ba'i ljags phyung nas nyid kyi zhal dang / 'dzam bu'i gling dang / gling bzhi dang / stong dang / stong gnyis dang / stong gsum gyi 'jig rten gyi khams dang / phyogs bcu'i 'jig rten gyi khams bsam gyis mi khyab pa thams cad kun tu khyab par g.yogs nas/ nyon mongs pa'i gdung ba thams cad rab tu sel bar mdzad pa la gus pas </font><hr>146b<br><font size=+1>


phyag 'tshal lo/ /sangs rgyas ljags kyi mtshan de lta bu dang ldan pa thams cad la gus pas phyag btsal nas/ bdag ming 'di zhes bya ba shin tu gya nom pa'i spobs pa dang ldan par smon nas sems rtse gcig tu srog phrogs so/ /sangs rgyas rnams kyi spobs pa dam pa dang / /byang chub sems dpa'i spobs pa dam pa dang / /rang rgyal 'phags pa'i spobs pa dam pa dang / /zhugs bzhi 'bras bzhi'i spobs pa dam pa dang / /'phags pa'i bden pa'i tshig gi spobs mchog dang / /drang srong lha yi spobs pa dam pa dang / /tshangs 'khor drang srong spobs pa dam pa dang / /lha chen u ma'i spobs pa dam pa dang / /skal ldan lha yi spobs pa dam pa dang / /rgyal po ma na si yi spobs mchog dang / /yid bzhin lha mo'i spobs pa dam pa dang / /rgyal chen bzhi yi spobs pa dam pa dang / /rab gnas lha'i bu'i spobs pa dam pa dang / /rdo rje'i gsang ba'i bdag po'i spobs mchog dang / /khyab 'jug lha yi spobs pa dam pa dang / /lha mo bi ma'i spobs pa dam pa dang / /biSh+Nu lha mo'i spobs pa dam pa dang / / lha mo bzang mo'i spobs pa dam pa dang / /shi ri sha ta'i spobs pa dam pa dang / /ha ri tshig gi spobs pa dam pa dang / /ma dang ma chen spobs pa dam pa dang / /ha ri </font><hr>147a<br><font size=+1>


@#/ /ta ma'i spobs pa dam pa dang / /gnod sbyin rnams kyi spobs pa dam pa dang / /phyogs bcu'i rgyal ba'i spobs par gus phyag 'tshal// las mchog ci mnga' thams cad bdag bstangs nas/ /spobs mchog dam pa mtha' med thob par shog /slu ba med la gus phyag 'tshal/ /rnam par grol la gus phyag 'tshal/ /'dod chags spangs la gus phyag 'tshal/ /'ching sgrib spangs la gus phyag 'tshal/ /rnam dag sems la gus phyag 'tshal/ /'od dang ldan la gus phyag 'tshal/ /bden tshig smra la gus phyag 'tshal/ /rdul chags med la gus phyag 'tshal/ /don mchog gnas la gus phyag 'tshal/ /'khor mang dag la gus phyag 'tshal/ /spobs pa'i lha la gus phyag 'tshal/ /bdag ni tshig la thogs med shog /bdag gis smon cing gnyer ba'i dngos/ /thams cad myur du grub par shog /nad med rtag tu rab bde zhing / /tshe ring lo nur 'thob par shog /rig sngags kun la rab mkhas shing / /nan tan byang chub lam bsgoms nas/ /skye dgu rgya cher phan btags te/ /bsam pa myur du 'grub par smon/ /bdag gis bden tshig smras pa dang / /bdag gis slu ba med smras </font><hr>147b<br><font size=+1>


pa| |lha mo'i spobs pa gang yin pa/ /bdag la grub par mdzad du gsol/ /lha mo khyod ni 'dir gshegs te/ /tshig thogs ma mchis bgyi slad du/ /bdag lus khar ni myur zhugs nas/ /yid myur spobs dang ldan par mdzod/ /bdag gi lce yi dbang po yis/ /de bzhin gshegs pa'i spobs thob pas/ /tshig de'i mthu 
 dbang gis ni/ /sems can rnams ni 'dul bar shog /bdag ni tshig dag smras pa'i tshe/ /don ni ji bzhin grub gyur cig /thos pa dag ni gus bskyed nas/ / byas pa chud gson ma gyur cig /bdag gis spobs pa gnyer ba yi/ /dngos po gal te ma grub na/ /lha mo'i bden tshig gang yin pa/ /thams cad rdzun pa nyid du 'gyur/ /gang gis mtshams med sdig byas pa/ /sangs rgyas gsung gis 'dul bar 'gyur/ /de bzhin dgra bcom gang yin dang / /drin gzo'i tshig ni ji snyed dang / /shA ri'i bu dang maud gal bu/ /bcom ldan 'khor mang mchog gyur pa/ /'di la sogs pa'i bden tshig rnams/ /thams cad bdag la 'grub par shog / deng bdag sangs rgyas nyan thos 'khor/ /thams cad 'dir ni spyan 'dren na/ /thams cad myur du 'dir gshegs te/ /bdag gi smon pa rdzogs mdzad smon/ /yang dag bden </font><hr>148a<br><font size=+1>


@#/ /tshig gang gnyer ba/ /thams cad bdag la 'grub par shog /gong du 'og min lha man chad/ /gnas gtsang ris kyi lha dag dang / /tshangs chen tshangs lha nye phan dang / /tshangs pa'i rgyal po'i 'khor rnams dang / /stong gsum 'jig rten kun khyab dang / /mi mjed 'jig rten bdag po dang / /'khor ni mang po thams cad kun/ /deng bdag thams cad spyan 'dren na/ /byams dang thugs rje rab bskyed de/ /thams cad brtse bas gzung du gsol/ /gzhan 'phrul dbang byed lha rnams dang / /'phrul dga'i lha ni de dag dang / /dga' ldan pa yi lha tshogs dang / /byams pa mngon par rdzogs 'gyur dang / /'thab bral ba yi lha rnams dang / /sum cu rtsa gsum lha dag dang / /rgyal chen bzhi yi lha tshogs dang / /lha mang 'khor ni thams cad dang / /sa chu me rlung lha rnams dang / / ri rab brten nas gnas pa dang / /mtsho bdun ri yi lha tshogs rnams/ /'khor ni mang po bcas pa dang / /nor rgyas dang ni mgo lnga dang / /nyi zla gza' skar lha dag dang / /'di la sogs pa'i lha mang po/ /'jig rten bde bar byed pas na/ /'di la sogs pa'i lha mang po/ /sdig pa'i las ni byed mi mos/ /sangs </font><hr>148b<br><font size=+1>


rgyas gus pa 'phrog ma dang / /de yi bu sdug tha chung dang / /lha dang klu dang gnod sbyin dang / /dri za dang ni lha ma yin/ /mi 'am ci yi 'khor rnams dang / /lto 'phye chen po la sogs pa/ /bdag ni bcom ldan mthu stobs kyis/ /de dag thams cad spyan 'dren na/ /byams dang snying rje'i sems bskyed nas/ /bdag la thogs med 
 pa stsol/ /lha dang mi yi 'khor rnams las/ /gzhan gyi sems ni rig gyur pa/ /thams cad byin gyis brlabs nas ni/ /bdag la spobs pa dam pa stsol/ /nam mkha'i khams ni mthar thug dang / /chos kyi dbyings kyis klas pa na/ /sems can rnam pa ji snyed pas/ /bdag la spobs pa dam pa stsol/ /de nas lha mo spobs pa chen mos de skad ces gsol ba btab pa thos pa dang / bram ze de la 'di skad ces smras so/ /kye skyes bu chen po legs so/ /skyes pa'am/ bud med gang la la zhig sngags de dang / sngags kyi mngon par bstod pa de dag la brten nas sngar gong du bstan pa bzhin du cho ga yang dag par blangs te/ dkon mchog gsum la gus pas skyabs su 'gro zhing sems rtse gcig tu dran pa nye bar 'jog par byed na ci dang / ci bsgrubs pa thams cad chud za bar mi 'gyur ro/ /gzhan yang / /gser 'od </font><hr>149a<br><font size=+1>


@#/ /dam pa shin tu gya nom pa'i mdo sde 'di yang dag par bzung ste klog cing 'don par byed na/ smon pa thams cad 'bras bu dang ldan par 'gyur zhing myur du mngon par 'grub par 'gyur te/ sems rtse gcig sram \?\ byas pa ni ma gtogs so/ /de'i tshe bram ze de shin tu dang ba'i sems kyis rab tu dga' par gyur pas thal mo sbyar nas spyi bos yang dag par blangs par gyur to/ /de nas bcom ldan 'das kyis lha mo spobs pa chen mo la bka' stsal pa/ rigs kyi lha mo/ khyod kyis mdo sde'i rgyal po dam pa 'di rgya cher spel nas mdo sde yang dag par 'dzin pa dag la yongs su skyob pa dang / yongs su bsrung bar byas pa dang / sems can thams cad la phan gdags shing bde ba 'thob par bya ba'i ched du chos de lta bu bstan nas bsam gyis mi khyab pa'i spobs pa byin te/ bsod nams tshad med pa thob par gyur pa dang / sems bskyed pa rnams myur du byang chub la gzhol bar byas pa legs so/ /legs so/ /gser 'od dam pa mchog tu rnam par rgyal ba mdo sde'i rgyal po las/ lha mo spobs pa chen mo'i le'u ste bco lnga pa'o// //de nas dpal gyi lha mo chen mo stan las langs te/ </font><hr>149b<br><font size=+1>


bcom ldan 'das kyi zhabs la phyag byas nas gus pas thal mo sbyar te bcom ldan 'das la 'di skad ces gsol to/ /bcom ldan 'das/ gal te dge slong ngam/ dge slong ma'am/ dge bsnyen nam/ dge bsnyen ma gang la la zhig gser 'od dam pa mchog tu rnam par rgyal ba mdo sde'i rgyal po 'di len pa dang / 'dzin pa dang / klog pa dang / 'don pa dang / gzhan dag la yang dag par ston par bgyid pa zhig mthong bar gyur na bdag gis sems rtse gcig tu gus pas bkur sti dang / mchod par bgyid do/ /chos smra ba de dag la/ 'di lta ste/ bza' ba dang / btung ba dang / gos dang / mal cha dang / gsos sman dang / yo byad ci 'tshal ba thams cad phun sum tshogs par sbyar te brel zhing phongs pa ma mchis par bgyid do/ /gdugs mtshan du mdo sde'i rgyal po 'di'i tshig gi don ji snyed pa dag la so sor brtags te/ yid la bsams shing yongs su btsal nas bde bar gnas pa dang / mdo sde 'di 'dzam bu'i gling du rgya cher spel ba'i slad du sems can gang la la dag sangs rgyas brgya stong tshad ma mchis ba snyed pa las dge ba'i rtsa ba bskyed pa de dag rtag tu thos par 'gyur zhing myur du nub bar mi 'gyur bar bgyid na/ </font><hr>150a<br><font size=+1>


@#/ /bskal pa bye ba khrag khrig brgya stong tshad ma mchis ba snyed du lha dang / mi'i longs spyod rnam pa sna tshogs myong bar 'gyur lags so/ /rtag par lo legs shing mu ge'i rgud pa gtan du sel bar 'gyur bas skye bo rnams gtan du bde ba myong bar 'gyur/ sangs rgyas bcom ldan 'das rnams dang mjal bar 'gyur/ slad ma'i dus kyi tshe myur du byang chub chen po'i 'bras bu 'thob par 'gyur bas ngan 'gro gsum dang / 'khor ba'i sdug bsngal gyi 
 gtan du gcod par 'gyur lags so/ /bcom ldan 'das/ bdag mngon par dran lags te/ 'das pa'i dus kyi tshe de bzhin gshegs pa dgra bcom pa yang dag par rdzogs pa'i sangs rgyas bai DUR+Ya dang / gser gyi ri bo rin po che'i me tog snang ba dpal gyi yon tan rgya mtsho zhes bgyi ba mtshan rnam pa bcu dang ldan pa zhig byung ste/ bdag de las dge ba'i rtsa ba bskrun te de bzhin gshegs pa des byams pa dang / thugs rje'i byin gyis brlabs kyi mthus brtse bar dgongs par gyur pa'i slad du deng bdag gang du bsams pa'i gnas de dang / gang du bltas pa'i phyogs de dang / gang du mchis pa'i yul de dang / de dag tu 
 </font><hr>150b<br><font size=+1>


can bye ba khrag khrig brgya stong tshad ma mchis pa snyed shin tu bde ba'i longs spyod myong zhing gos dang / bza' ba dang / btung ba dang / 'tsho ba'i yo byad dang / gser dang / dngul dang / bai DUR+Ya dang / spug dang / rdo'i snying po dang / byu ru dang / 'gron bu dang / mu tig la sogs pa rin po che ci 'tshal ba thams cad phun sum tshogs par 'gyur lags so/ /gang la la zhig sems rtse gcig tu gser 'od dam pa mchog tu rnam par rgyal ba mdo sde'i rgyal po 'di klog cing 'don pa des gdugs re bzhin du spos sna tshogs bsregs nas me tog dam pa rnams kyis bdag gi ched du de bzhin gshegs pa dgra bcom pa yang dag par rdzogs pa'i sangs rgyas bai DUR+Ya dang / gser gyi ri bo rin po che'i me tog snang ba dpal gyi yon tan rgya mtsho de la mchod par bgyi'o/ /gzhan yang / gdugs gcig bzhin du dus gsum du bdag gi ming nas brjod cing rjes su dran par bgyis nas logs shig tu spos dang / me tog dang / zas mchog rnams kyis bdag la mchod cing rtag par mdo sde'i rgyal po 'di mnyan par bgyid na bsod nams 'di lta bu dag 'thob par 'gyur lags so/ /de nas tshigs su bcad de gsol pa/ 'di </font><hr>151a<br><font size=+1>


@#/ /ltar mdo sde 'di ni 'dzin pa'i slad/ /bdag dang 'khor rnams gnod pa kun dang 'bral/ /gos zas ci 'tshal phongs pa ma mchis 'gyur/ /gzi byin ldan zhing tshe yang dpag par dka'/ /sa yi ro yang rtag tu 'phel bar 'gyur/ /lha rnams dus bzhin char ni rab tu 'bebs/ /lha 'khor de dag rab tu dga' bar 'gyur/ /skyed mos tshal dang 'bru yi lha rnams kyis/ /nags tshal ljon shing 'bras bu rab 'phel zhing / /'bru rnams thams cad yongs su smin par bgyid/ /rin chen nor tshol bsam pa rdzogs 'gyur zhing / /ci dang ci smon bsam bzhin 'grub par 'gyur/ /bcom ldan 'das kyis dpal gyi lha mo la bka' stsal pa/ khyod kyis 'di ltar sngon gyi rgyud rjes su dran nas drin rjes su gsab pa'i phyir mchod pa byas pa dang / mtha' yas pa'i sems can 
 la phan gdags shing bde bar bya ba'i ched du mdo sde 'di yongs su spel nas yon tan zad mi shes par byas pa legs so/ /legs so/ /gser 'od dam pa mchog tu rnam par rgyal ba mdo sde'i rgyal po las/ dpal gyi lha mo chen mo'i le'u ste bcu drug pa'o// //de nas bcom ldan 'das la dpal </font><hr>151b<br><font size=+1>


gyi lha mo chen mos yang 'di skad ces gsol to/ /bcom ldan 'das/ byang phyogs na lha'i rgyal po rnam thos kyi bu'i grong khyer nor ldan zhes bgyi ba mchis te/ grong khyer de las mi ring ba na me tog dam pa'i bsod nams kyi 'od ces bgyi ba'i kun dga' ra ba mchis pa de na gzhal med khang mchog dam pa rin po che sna bdun las mngon par grub pa zhig mchis te/ bcom ldan 'das/ bdag ni rtag par de na gnas lags pas gang la la zhig 'bru rnam pa lnga gdugs gcig bzhin du 'phel ba dang / bang mdzod rnams rgyas shing 'tshal bas gus pas dang ba'i sems bskyed de khang pa gcig gtsang mar byas nas ba lang gi lci bas dog sa la zhal zhal bgyis te/ bdag gi gzugs rgyan rnam pa sna tshogs kyis rab tu brgyan pa ri mor bris nas lus legs par bkrus te gos gtsang ma bgos nas byug pa dam pas byugs te khang pa gtsang ma'i nang du zhugs nas/ bdag gi ched du gdugs re zhing dus gsum du sangs rgyas de'i mtshan dang / mdo sde 'di'i mtshan nas brjod par sems bskyed de/ de bzhin gshegs pa bai DUR+Ya dang / gser gyi ri bo chen po me tog snang ba dpal gyi ri yon tan rgya mtsho la phyag 'tshal lo zhes brjod nas me </font><hr>152a<br><font size=+1>


@#/ /tog dang / spos rnams thogs te zhal zas bda' ba sna tshogs sems rtse gcig tu dbul bar bgyi'o/ /gzhan yang / spos dang / me tog dang / bza' ba dang / btung ba rnams kyis bdag gi gzugs brnyan la mchod par bgyi'o/ /gzhan yang / bza' ba dang / btung ba dag thogs te phyogs gzhan du gtor nas 'dre srin rnams la stsal bar bgyi'o/ /yang dag pa'i bden pa'i bden tshig gis dpal gyi lha mo chen mo la gsol ba btab nas ci dang / ci gnyer ba'i smon lam gdab par bgyi'o/ /gal te ji skad smras pa bzhin du brdzun pa ma lags na gsol ba btab pa don dang ldan par mdzad du gsol zhes brjod par bgyi'o/ /de'i tshe dpal gyi lha mos dngos po de rig nas brtse ba'i bsam pa skye bar 'gyur bas/ de'i khyim du nor dang / 'bru rnams rab tu 'phel bar bgyid do/ /de nas sngags bzlas nas bdag g.yar drang bar bgyis te/ sngar sangs rgyas kyi mtshan dang / byang chub sems dpa'i ming nas brjod de 
 rtse gcig tu gus pas phyag bgyi'o/ /phyogs bcu dus gsum gyi sangs rgyas thams cad la phyag 'tshal lo/ /sangs rgyas rin chen gtsug phud can la phyag </font><hr>152b<br><font size=+1>


'tshal lo/ /sangs rgyas dri ma med pa'i 'od zer rin po che'i tog la phyag 'tshal lo/ /sangs rgyas gser tog 'od la phyag 'tshal lo/ /sangs rgyas gser brgya'i 'od kyi snying po la phyag 'tshal lo/ /sangs rgyas gser gdugs rin po che brtsegs pa la phyag 'tshal lo/ /sangs rgyas gser gyi me tog 'od zer rgyal mtshan la phyag 'tshal lo/ /sangs rgyas sgron ma chen po'i 'od la phyag 'tshal lo/ /sangs rgyas rin po che chen po'i tog la phyag 'tshal lo/ /shar phyogs kyi sangs rgyas mi 'khrugs pa la phyag 'tshal lo/ /lho phyogs kyi sangs rgyas rin chen tog la phyag 'tshal lo/ /nub phyogs kyi sangs rgyas tshe dpag med la phyag 'tshal lo/ / byang phyogs kyi sangs rgyas lha'i rnga sgra la phyag 'tshal lo/ /byang chub sems dpa' mdzes pa'i tog la phyag 'tshal lo/ /byang chub sems dpa' gser 'od la phyag 'tshal lo/ /byang chub sems dpa' gser mdzod la phyag 'tshal lo/ /byang chub sems dpa' rtag tu bshums la phyag 'tshal lo/ /byang chub sems dpa' chos 'phags la phyag 'tshal lo/ /byang chub sems dpa' shin tu bde bar gnas pa la phyag 'tshal lo/ /de ltar sangs rgyas dang / byang chub sems dpa' 
 </font><hr>153a<br><font size=+1>


@#/ /la gus pas phyag bgyis nas de'i rjes la sngags bzlas te dpal gyi lha mo chen mo bdag g.yar 'dren par bgyid na/ sngags 'di'i mthus yongs su gnyer ba'i dngos po rnams thams cad mngon par 'grub par 'gyur ro/ /dpal gyi lha mo chen mo la phyag 'tshal lo/ /sngags ni 'di lta ste/ sAd+ya the dan/ pra ti pur+Na tsa re/ sa man+ta daR+sha Ne/ mahA bi hA ra ga ti/ sa man+te/ pi mA na ga ti/ mahA kAR+Ya pra ti prA ba Ne/ satwA ar+tha sa ma tA nu pra pU re/ a yA na/ d+harma tA/ mahA b+ho gi ni/ mahA mai tri/ u pa saM hi te/ hi tai Shi/ sa gr-i hI te/ sa mAr+tha a nu pA li ne swAhA/ bcom ldan 'das/ gang la la zhig gzungs 
 'di 'don cing yongs su bzung nas bdag g.yar 'dren par bgyid na/ bdag gis g.yar 'dren pa thos nas de'i thad du mchis te smon pa rnams 'grub par bgyid do/ /bcom ldan 'das/ 'di ni dbang bskur ba'i cho ga'i tshig ting nge 'dzin mngon par 'grub pa'i tshig /yang dag pa'i tshig slu ba ma mchis pa'i tshig /yang dag pa'i spyod pa/ sems can rnams kyi yang dag pa'i dge ba'i rtsa ba lags pas/ gang la la zhig sngags 'di yang dag par 'dzin cing klog pa dang / 'don pa </font><hr>153b<br><font size=+1>


des gdugs mtshan \?\ 'dun \?\ gyi bar du yan lag brgyad dang ldan pa'i sdom pa yang dag par blangs nas snga dro'i dus kyi tsha sngar so shing bcas te dag par bkrus nas slad snga dro'i dus kyi \?\ tshe sngos \?\ dang / me tog dag gis sangs rgyas thams cad la mchod pa bgyis te bdag nyid kyi dngos sdig bshags nas bdag dang / sems can rnams smon pa myur du 'grub par bgyi ba'i slad du yongs su bsngo zhing smon lam gdab par bya'o/ /khang pa gcig gtsang mar bgyis pa'am/ yang na dben pa'i gnas sam/ dgon pa'i gnas kyang rung ste/ ba lang gi lci bas dkyil 'khor bgyis nas tsan+dan bsregs te mchod par bgyi'o/ /stan mchog gcig bting ste ba dan dang / gdugs kyi brgyan pa bgyi'o/ /me tog dam pa rnams kyis dkyil 'khor gyi nang bkram ste sems rtse gcig tu sngags snga ma bzlas nas bdag der mchi bar re bar bgyi'o/ /bdag de'i tshe de la rjes su sems shing lta bar bgyid pas de'i khang par zhugs te stan la mchis nas de'i mchod pa len par bgyid do/ / de slan chad mi des g.yar lam na bdag mthong bar 'gyur bas ci dang / ci smon pa'i dngos po rnams yang dag pa'i tshig gi sgo nas go bar bgyid do/ /grong ngam/ </font><hr>154a<br><font size=+1>


@#/ /grong khyer ram/ 'brog dgon pa'am/ dge 'dun gyi gtsug lag khang yang rung ste ci dang / ci smon pa thams cad yongs su rdzogs par bgyid pas gser dang / dngul dang / nor dang / rin po che dang / ba glang dang / lug dang / 'bru rnams dang / bza' ba dang / btung ba dang / gos rnams yid bzhin du 'thob par 'gyur zhing / bde ba'i longs spyod mchog la yongs su longs spyod par 'gyur lags so/ /de ltar 'bras bu rnam par smin pa mchog dam pa thob nas kyang skal ba mchog gang lags pa des dkon mchog gsum la mchod cing bdag la'ang stsal bar bgyi'o/ /chos kyi 'dus pa rgya cher bshams nas bza' ba dang / btung ba rnams sbyar te spos dang / me tog gcal du bkram nas mchod par bgyi'o/ /mchod par bgyis nas mchod par bgyis pa'i zas lhag ma ci mchis pa btsongs te rin blangs nas yang mchod par bgyis na bdag nam 'tsho'i bar du rtag tu der gnas nas gang zag de la bsrung zhing bskyab pa dang / phongs shing brel ba ma mchis pa dang / smon pa rnams yid bzhin du 'grub par bgyid do/ /dus dus su dbul phongs pa </font><hr>154b<br><font size=+1>


rnams la'ang stsal bar bgyi zhing bdag gcig pu'i ched du ser snas phangs par mi bgyi'o/ /rtag par mdo sde 'di bklags nas rgyun chad pa ma mchis par mchod par bgyi ste/ bsod nams ci mchis pa de'ang thams cad la yang gtong zhing byang chub tu yongs su bsngos nas 'khor ba la nges par 'byung zhing myur du rnam par grol ba 'thob par 'gyur bar smon par bgyi'o/ /de nas bcom ldan 'das kyis dpal gyi lha mo khyod kyis de ltar mdo sde 'di rgya cher spel nas bdag dang / gzhan gnyis ka la phan pa bsam gyis mi khyab pa byas pa legs so/ /legs so zhes bsngags pa brjod par gyur to/ /gser 'od dam pa mchog tu rnam par rgyal ba mdo sde'i rgyal po las/ dpal gyi lha mos nor 'phel bar byed pa'i le'u ste bcu bdun pa'o// //de nas sa'i lha mo brtan ma 'khor mang po'i nang nas stan las langs te gus pas thal mo sbyar nas bcom ldan 'das la 'di skad ces gsol to/ /bcom ldan 'das/ gser 'od dam pa mchog tu rnam par rgyal ba mdo sde'i rgyal po 'di da ltar ram/ slad ma'i dus kyi tshe gal te grong ngam/ grong khyer ram/ grong rdal lam/ rgyal po'i pho brang ngam/ dgon </font><hr>155a<br><font size=+1>


@#/ /pa'i gnas sam/ ri'am/ phug gam/ nags tshal dag na'ang rung ste mdo sde'i rgyal po 'di spel bar bgyid na/ bcom ldan 'das/ bdag der mchis nas mchod pa dang / bkur sti dang / yongs su bsrung ba dang / yongs su bskyab par bgyis te rgya cher spel bar bgyid do/ /sa phyogs gang yang rung ba dag tu chos smra ba'i mkhan po'i ched du khri mthon po btsugs te mdo sde 'di 'chad par byed na bdag rdzu 'phrul gyi mthus lus mi 'da' bar bgyis nas der mchis te de'i rkang pa nas spyi bos 'degs par bgyid do/ /bdag chos thos par gyur nas kyang shin tu dang ba'i bsam pas rab tu dga' bar bgyid do/ /chos kyi ro thob pa'i dbang gis gzi byin 'phel bar 'gyur bas mgu ba tshad ma mchis pa thob par 'gyur te/ bdag de lta bu'i phan yon thob pa nyid kyis sa chen po 'di'ang dpag tshad brgya phrag brgyad cu rdo rje'i dkyil 'khor la thug pa tshun chad sa'i bcud thams cad rab tu 'phel bar bgyid do/ / rgya mtsho bzhi tshun chad kyi sa chen po ji snyed pa de dag sa'i bcud rgyas shing rab tu gshin pas sngon bas kyang lhag pa dang / ched khyad par du 'phags par </font><hr>155b<br><font size=+1>


bgyid do/ /'dzam bu'i gling 'di na chu bo dang / rdzing dang / rdzing bu dang / ljon shing dang / sman dang / nags tshal dang / me tog dang / 'bras bu dang / rtsa ba dang / sdong bu dang / yal ga dang / lo ma dang / 'bru rnam pa sna tshogs ci mchis pa de dag kyang dbyibs mdzes shing yid du mchi ba dang / mang po kun gyis blta bar mos pa dang / kha dog dang / dri phun sum tshogs pa dang / longs spyod du rung bar bgyid de/ sems can gang gis bza' ba dang / btung ba mchog de lta bu de dag la longs spyod pa rnams kyang tshe ring zhing kha dog dang / stobs dang ldan pa dang / dbang po rnams bde zhing gzi byin 'phel ba dang / bro nad rnams mchis pa dang / sems kyi shes rab dpa' zhing rtsol rngo thogs par 'gyur lags so/ /gzhan yang / sa chen po 'di las ji tsam du yongs su spyad par bgyi ba'i dngos po brgya stong ji snyed pa thams cad kyang phun sum tshogs par bgyid lags so/ /bcom ldan 'das/ rgyu dang / rkyen des na 'dzam bu'i gling rnams rab tu bde zhing lo legs pa dang / mi rnams dar zhing rgyas pa dang / gnod pa rnams ma mchis pas sems can ji snyed mchis pa de dag thams cad bde ba myong bar 'gyur lags so/ /de ltar lus </font><hr>156a<br><font size=+1>


@#/ /dang / sems kyi bde ba myong bar gyur nas kyang mdo sde'i rgyal po 'di la shin tu gus pa bskyed nas gang du gnas kyang rung ste/ thams cad kyis yongs su bzung ba dang / mchod pa dang / bkur sti dang / bla mar bgyi zhing bsngags pa brjod par smon par bgyi'o/ /gzhan yang / chos 'chad pa'i mkhan po chen po de dag gang du chos 'chad pa'i gnas der yang mchis te/ sems can rnams kyi ched du mdo sde'i rgyal po dam pa 'di 'chad par gsol ba gdab par bgyid do/ /de ci'i slad du zhe na/ bcom ldan 'das/ mdo sde 'di bshad pa'i dbang gis bdag cag 'khor dang bcas pa thams cad la sman par 'gyur zhing 'od dang / kha dog dang / mthu stobs dang / dpa' zhing gzi byin dang ldan pa dang / byad bzhin shin tu sdug cing sngon bas ches khyad par du 'phags par 'gyur bas so/ /bcom ldan 'das/ bdag sa'i lha mo brtan ma'ang chos kyi ros tshim par gyur pa'i dbung gis 'dzam bu'i gling dpag tshad bdun stong tshun chad sa thams cad bcud dang ldan pa dang / snga ma bzhin du sems can ji snyed pa thams cad bde ba myong bar bgyid lags so/ /de lta bas </font><hr>156b<br><font size=+1>


na/ bcom ldan 'das/ de'i tshe sems can de dag gis kyang bdag gi drin gsab pa'i slad du bdag cag gdon mi za bar mdo sde 'di mnyan nas bkur sti dang / rim gro dang / mchod pa dang / bla mar bgyis nas bsngags pa brjod par bgyi'o snyam du bsam par bgyi'o/ /de ltar bsams nas kyang gnas nas byung ste grong dang / grong khyer dang / grong rdal dang / khang khyim dang / dgon pa'i gnas gang du chos bshad pa'i 'dus pa der mchis te chos bshad pa'i mkhan po la spyi bos btud de phyag bgyis nas mdo sde 'di mnyan par bgyi'o/ /mdo sde 'di mnyan nas kyang so so nas rang gi gnas su mchis te rab tu dga' ba'i sems bskyed de/ 'di skad du/ bdag cag deng shin tu brab \?\ cing bla na ma mchis pa'i chos gya nom pa thos pas 'di ni bsod nams kyi phung po bsam gyis mi khyab pa snyed yongs su bsdus par gyur to/ /mdo sde'i mthu stobs kyi dbang gis bdag cag sangs rgyas bye ba khrag khrig brgya stong tshad ma mchis shing mtha' ma mchis pa snyed la mchod cing rim gro bgyis pas ngan song gsum gyi sdug bsngal mi bzad pa dang bral bar gyur to/ /ma 'ongs pa'i cho rabs brgya stong gi </font><hr>157a<br><font size=+1>


@#/ /bar du'ang rtag par mtho ris dang / mi'i nang du skyes nas bde ba mchog myong bar 'gyur ro zhes brjod par 'gyur ro/ /de'i chos \?\ po de dag so so nas slar rang gi gnas su mchis nas skye bo mang po rnams la mdo sde'i rgyal po 'di las gsungs pa'i dpe gcig tsam mam/ le'u gcig tsam mam/ sngon gyi gtam rgyud gcig tsam mam/ de bzhin gshegs pa gcig gi mtshan tsam mam/ byang chub sems dpa' gcig gi ming tsam mam/ tshig bzhi pa'i tshigs su bcad pa gcig tsam mam/ yang na tshig gcig tsam zhig sems can rnams la yang dag par ston par bgyid dam/ tha na mdo sde 'di'i mtshan tsam zhig brjod par bgyid na/ bcom ldan 'das/ sems can de dag gang na gnas pa'i sa phyogs de dag thams cad bcud dang ldan zhing gzhan pas lhag par 'gyur ba dang / sa chen po las skye bar 'gyur ba'i dngos po thams cad kyang rgya cher rab tu 'phel zhing rab tu rgyas par 'gyur bas sems can rnams shin tu bde ba'i longs spyod myong bar 'gyur ro/ /rin po che dang / nor mang bar 'gyur/ sbyin pa legs par gtong bar 'gyur/ rtag par sems brtan zhing dkon mchog gsum </font><hr>157b<br><font size=+1>


la shin tu mngon par yid ches par 'gyur lags so/ /de skad ces gsol pa dang / de nas bcom ldan 'das kyis lha mo brtan ma la 'di skad ces bka' stsal to/ /
 can gang la la zhig gser 'od dam pa mchog tu rnam par rgyal ba mdo sde'i rgyal po 'di las tha na tshig gcig tsam zhig thos par gyur na'ang tshe 'phos pa'i 'og tu sum cu rtsa gsum dang / lha'i gnas gzhan dag tu skye bar 'gyur ro/ /sems can gang la la zhig mdo sde'i rgyal po 'di mchod par 'dod pa'i phyir khang khyim dag rab tu brgyan nas bla re gcig bre bar byed dam/ pa dan rim gcig tsam sbyor bar byed na rgyu de dang / rkyen des lha'i ris drug po dag tu ji ltar bsams pa bzhin du skye bar 'gyur bas rin po che sna bdun gyi gzhal med khang mchog dam pa dag la yid bzhin du longs spyod par 'gyur/ so so nas lha'i bu mo bdun stong dang phan tshun lhan cig rtse zhing nyin mtshan rtag par khyad par du 'phags pa'i bde ba bsam gyis mi khyab pa dag la longs spyod par 'gyur ro/ /de skad ces bka' stsal pa dang / de nas bcom ldan 'das la sa'i lha mo brtan mas 'di skad ces gsol to/ /bcom ldan 'das/ rgyu dang / rkyen des na 'khor bzhi po las gang la la </font><hr>158a<br><font size=+1>


@#/ /zhig chos kyi stan la mchis nas chos 'di yang dag par ston pa na/ bdag gdugs mtshan du gang zag de la yongs su srung zhing skyob par bgyid na/ rang gi lus mi gda' bar bgyis nas chos kyi stan gyi drung du mchis te de'i rkang pa la 'degs par bgyid lags so/ /bcom ldan 'das/ mdo sde 'di lta bu 'di ni sems can de dag gis sangs rgyas brgya stong du ma las dge ba'i rtsa ba bskrun pas na 'dzam bu'i gling 'dir rgya cher 'phel zhing nub par mi 'gyur ba lags so/ /sems can gang gis mdo sde 'di mnyan par bgyid pa de dag ni slad ma'i dus kyi tshe bskal pa bye ba khrag khrig brgya stong tshad ma mchis pa snyed kyi bar du lha dang / mi'i nang du rtag par bde ba mchog la longs spyod par 'gyur/ sangs rgyas mang po dang mjal nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ ngan song gsum dang / 'khor ba'i sdug bsngal myong bar mi 'gyur lags so/ /de nas bcom 'das la sa'i lha mo brtan mas 'di skad ces gsol to/ /bcom ldan 'das/ bdag la sngags kyi snying po lha dang / mi rnams la phan 'dogs shing 
 </font><hr>158b<br><font size=+1>


cad la bde par bgyid pa mchis te/ skyes pa dang / bud med dang / 'khor bzhi po dag las gang la la zhig bdag gis lus yang dag par mngon sum du mthong bar 'tshal ba des sems rtse gcig tu gzungs 'di yongs su 'dzin par byed na/ ji ltar smon pa thams cad yid bzhin du 'grub par bgyid do/ /'di lta ste/ nor dang / rin po che'i gter dang / mngon par shes pa dang / tshe ring ba'i sman dam pa gnyer ba dang / sems can gyi nad mang po gso ba dang / phyir rgol ba'i dgra pha ma par bgyi ba dang / tha dad par smra ba rnams tshar gcod par 'tshal na khang pa gtsang mar bgyis te dkyil 'khor bgyi'o/ /lus bkrus te gos sar pa gtsang ma bgos nas rtsA bting ba'i steng du mchis te ring bsrel dang / sku gzugs kyi spyan sngar ram/ yang na ring bsrel dang bcas pa'i mchod rten gyi drung du bdug pa bsregs te me tog gtor nas bza' ba dang / btung ba dag gis mchod pa bgyis te/ zla ba yar gyi ngo tshes brgyad la skar ma rgyal rdzogs pa na g.yar 'dren pa'i sngags 'di bzla bar bgyi'o/ /tad+ya thA/ tsi li tsi li/ tsu ru tsu ru/ ku ru ku ru/ ku Tu ku Tu/ to Tu to Tu/ ba ha ba ha/ ba ri sha ba ri sha swA hA/ bcom ldan 'das/ rigs 
 </font><hr>159a<br><font size=+1>


@#/ /'di 'khor bzhi po las gang la la zhig gis lan brgya rtsa brgyad bzlas nas bdag g.yar 'dren par bgyis na bdag gis de'i ched du g.yar 'dren pa der mchi bar 'gyur lags so/ /gzhan yang / bcom ldan 'das/ sems can gang la la zhig bdag dngos po mngon sum du mngon par mthong zhing lhan cig gtam bgyi bar 'tshal na'ang snga ma bzhin du cho ga bshams nas gzungs 'di bzlas par bgyi'o/ /tad+ya thA/ any+tsa ni/ kya li kaSha mi/ shi shi d+ha ni/ ha ha hi hi/ ku ru ba re swA hA/ bcom ldan 'das/ gang la la zhig sngags 'di 'don pa na lan brgya rtsa brgyad bzlas nas sngags snga ma'ang 'don par bgyid na/ bdag gdon mi 'tshal bar lus mngon du bstan nas des ji ltar smon pa thams cad yongs su rdzogs par bgyid pas nam yang chab 'tshal bar mi bgyid do/ /gal te sngags 'di 'don par 'tshal na sngar lus bsrung ba'i sngags 'di gdon par bgyi'o/ /tad+ya thA/ shi ri shi ri/ pA sha ka ti/ ta ti ku kuT+Ti pU ta/ pU de ri/ pU de ri/ Ti Te pa Ti/ ku ku Ti/ ka ba tsi li swAhA/ bcom ldan 'das/ sngags 'di 'don pa'i tshe tshon sna lnga'i skud pa blangs nas sngags la ni nyi shu rtsa gcig bzlas te dpung pa g.yon pa la 
 </font><hr>159b<br><font size=+1>


pa \?\ slan \?\ chad lus bsrung bar bgyis pas 'jigs pa ma mchis par 'gyur ro/ /gang la la zhig sems rtse gcig tu sngags 'di zlos par byed na bsams pa rnams yid bzhin du 'grub par 'gyur te/ bdag sho be mi mchi ste bdag gi dpang du sangs rgyas dang / chos dang / dge 'dun dkon mchog gsum bzhugs pas med pa nyid du rab tu mkhyen par 'gyur lags so/ /de nas bcom ldan 'das kyis sa'i lha mo la bka' stsal pa/ khyod yang dag pa'i bden chig \?\ gi sngags kyis mdo sde'i rgyal po 'di dang / chos smra ba dag la yongs su bsrung bar byas pa legs so/ /legs so/ /rgyu dang / rkyen 'dis khyed bsod nams kyi rnam par smin pa tshad med pa snyed thob par 'gyur ro/ /gser 'od dam pa mchog tu rnam par rgyal ba mdo sde'i rgyal po las/ sa'i lha mo brtan ma'i le'u ste bco brgyad pa'o// //de nas gnod sbyin gyi sde dpon chen po yang dag shes zhes bya ba gnod sbyin gyi sde dpon nyi shu rtsa brgyad dang lhan cig tu 'khor mang po'i nang nas stan las langs te bla gos phrag pa gcig la gzar nas pus mo g.yas pa'i lha ngas la btsugs te/ bcom ldan 'das ga la ba de logs su/ </font><hr>160a<br><font size=+1>


@#/ /thal mo sbyar nas bcom ldan 'das la 'di skad ces gsol to/ /bcom ldan 'das/ gser 'od dam pa mchog tu rnam par rgyal ba mdo sde'i rgyal po 'di da ltar ram/ slad ma'i dus kyi tshe grong ngam/ grong khyer ram/ grong rdal lam/ ljongs sam/ ri'am/ dgon pa'am/ nags tshal \?\ lam/ rgyal po'i pho brang ngam/ /dge 'dun gnas pa'i gnas dag tu'ang rung ste yang dag par bstan nas rgya cher spel bar bgyid na/ bcom ldan 'das/ bdag gnod sbyin gyi sde dpon chen po yang dag shes gnod sbyin gyi sde dpon nyi shu rtsa brgyad dang lhan cig tu der mchis nas so so nas rang gi lus mi gda' bar bgyis te ci rigs par chos smra ba'i mkhan po de dang / chos nyan pa'i 'khor de dag la yongs su bsrungs nas gnod pa rnams spangs te rtag par bde ma myong bar bgyid do/ /skyes pa'am/ bud med dam/ khye'u 'am/ bu mo gang la la zhig mdo sde 'di las tha na tshig bzhi pa'i tshigs su bcad pa gcig tsam yang dag par 'dzin par bgyid dam/ tshig gcig tsam yang dag par 'dzin par bgyid dam/ mdo sde'i rgyal po 'di'i mtshan tsam smos par bgyid </font><hr>160b<br><font size=+1>


dam/ mdo sde 'di las gsungs pa'i de bzhin gshegs pa gcig gi mtshan tsam mam/ byang chub sems dpa' gcig gi ming tsam brjod par sems bskyed nas gus par rim gro dang / mchod par bgyid na bdag gis yongs su bsrung zhing byin gyis brlabs nas gnod pa ma mchis par bgyis ste sdug bsngal spangs nas bde ba thob par 'gyur ro/ /bcom ldan 'das/ ci'i slad du bdag gi ming yang dag shes zhes bgyi ba'i rgyu dang / rkyen gang lags pa de ni bcom ldan 'das nyid kyis mngon sum du mkhyen pa lags te bdag gis chos rnams rig pa dang / bdag gis chos thams cad kyi ji snyed pa dang / chos thams cad kyi ji lta ba dang / chos thams cad kyi rnam pa dang / ngo bo nyid dang / bye brag ji snyed pa thams cad gsal bar rtogs pa lags te/ bcom ldan 'das/ 'di ltar chos rnams bdag dpag par dka' ba'i ye shes kyi snang ba dang ldan pa dang / bdag dpag par dka' ba'i ye shes kyi sgron ma dang ldan pa dang / bdag dpag par dka' ba'i ye shes kyi spyod pa dang ldan pa dang / bdag dpag par dka' ba'i ye shes kyi phung po dang ldan pa dang / bdag dpag par dka' ba'i ye shes spyod yul </font><hr>161a<br><font size=+1>


@#/ /rnams mngon par rtogs par gyur pa lags so/ /bcom ldan 'das/ bdag gis 'di ltar chos thams cad yang dag par rig /yang dag par gsal bar rtogs/ yang dag par khong du chud/ yang dag par so sor rtogs par bgyid pas/ bcom ldan 'das/ rgyu dang / rkyen de'i slad du gnod sbyin gyi sde dpon chen po yang dag shes zhes bgyi ba lags te don de'i slad du bdag gis chos smra ba'i mkhan po de'i tshig gi spobs pa gsal zhing rgyan dang ldan pa dang / gzi byin dang / mdangs ba spu'i bu ga kun nas 'jug pa dang / lus kyi mthu stobs dang ldan pa dang / gzi byin dang ldan zhing dpa' ba dang / dpag par dka' ba'i ye shes kyi snang ba thams cad phun sum tshogs pa dang / yang dag par dran pa thob nas spa gong ba ma mchis pa dang / de'i lus la phan 'dogs shing nyams pa ma mchis pa dang / dbang po rnams bde zhing rtag par dga' ba bskyed par bgyi'o/ /rgyu dang / rkyen de'i slad du sems can gang dag sangs rgyas brgya stong du ma las dge ba'i rtsa ba bskyed nas bsod nams kyi las mngon par </font><hr>161b<br><font size=+1>


sgrub pa dag gi ched du 'dzam bu'i gling dag tu rgya cher spel nas myur du nub par mi 'gyur bar bgyid pas sems can de dag gis mdo sde 'di thos nas bsam gyis mi khyab pa'i ye shes kyi snang ba chen po dang / bsod nams kyi phung po tshad ma mchis pa thob par 'gyur zhing slad ma'i dus kyi tshe'ang bskal pa bye ba khrag khrig tshad ma mchis pa'i bar du bsam gyi mi khyab pa'i lha dang / mi'i bde ba myong ba dang / rtag par sangs rgyas mang po dang mjal nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bas gshin rje'i 'jig rten dang / ngan song gsum gyi sdug bsngal shin tu mi bzad pa dag kyang myong bar mi 'gyur lags so/ /de nas bcom ldan 'das la gnod sbyin gyi sde dpon chen po yang dag shes kyis 'di skad ces gsol to/ / bcom ldan 'das/ bdag la gzungs mchis te sems can rnams la sman par bgyi zhing brtse ba'i slad du deng bcom ldan 'das kyi spyan sngar bdag nyid kyis bshad par bgyi'o/ /de nas sngags smras pa/ na mo bud+d+ha ya/ na mo d+harmA ya/ na maHsaM g+hA ya/ na mo brah+mA ya/ na ma in+d+ra ya/ na ma sh+tsa turmahA rA dzA nAM/ tad+ya thA/ hi li </font><hr>162a<br><font size=+1>


@#/ /hi li/ mi li mi li/ gau ri mahA gau ri/ gan+d+ha ri/ mahA gan+d+ha ri/ dri mi Di/ mahA dri mi Di/ daN+Da khu khun+ti/ ha ha ha ha ha/ hi hi hi hi hi/ ho ho ho ho ho/ ha lo d+ha me/ gu d+ha me/ tsa tsa tsa tsa/ tsi tsi tsi tsi/ tsu tsu tsu tsu/ daN+De shwa ra/ shi kha ra shi kha ra/ utiSh+ThA he/ b+ha ga bA na/ saM bid dz+nyA ya swAhA/ gang la la zhig rig sngags 'di 'dzin par bgyid na bdag gis 'tsho ba'i yo byad sman dang / bza' ba dang / btung ba dang / gos dang / me tog dang / 'bras bu dang / rin po che ngo mtshar ba dag gi rim gro bgyid do/ /gal te skyes pa dang / bud med dang / khye'u dang / bu mo dang / gser dang / dngul dang / rin po che dang / rgyan phreng gi rnam pa rnams yongs su gnyer bar bgyid na'ang bdag gi thams cad sbyar nas ji ltar smon pa bzhin du rgud cing phongs pa ma mchis par bgyid do/ /rig 
 'di mthu chen po dang ldan pas sngags 'don pa'i tshe/ bdag myur du de'i thad du mchis nas thogs pa ma mchis par yid bzhin du 'grub par bgyid do| |sngags 'di 'don pa'i tshe cho ga ci rigs par bgyis nas thog ma kho nar gnod sbyin yang dag shes kyi gzugs 'phang du chag bzhi lnga tsam mchis </font><hr>162b<br><font size=+1>


pa| sug par dgra sta thogs pa ri mor bri bar bya'o/ /gzugs brnyan de'i mdun du dkyil 'khor gru bzhi pa bgyis nas bum pa bzhi sbrang rtsi'i chab bam/ bu ram gyi chab kyis bkang ste bzhag nas byug spos dang / phye ma dang / bdug spos dang / me tog dang / phreng ba rnams kyang bkram par bgyi'o/ /gzhan yang / dkyil 'khor gyi mdun du thab gcig bgyis te de'i nang du sol ba'i zhugs stsal nas mar dang / yungs kar bsregs te snga ma'i sngags de lan brgya rtsa brgyad bzlas nas sngags lan re zhing lan gcig bsregs na bdag gnod sbyin gyi sde dpon chen po rang nyid drung du mchis nas lus mngon du bstan te sngags 'don pa'i mi de la khyod ci dang / ci dgos pa dang / yid la ci 'dod pa'i dngos po gang yin pa de smros shig ces 'dri bar bgyid do/ /bdag gis ji skad mchi ba bzhin yongs su gnyer ba'i dngos po rnam pa thams cad phun sum tshogs par bgyid do/ /gal te gser dang / dngul dang / gter 'tshal bar gyur tam/ yang na lha'i drang srong du gyur nas nam mkha' la mchi bar 'tshal lam/ lha'i mig gis mngon par shes pa dang / gzhan gyi sems 'tshal ba dang / sems can thams cad </font><hr>163a<br><font size=+1>


@#/ /la yid bzhin du rang dbang thob nas nyon mongs pa bcad de myur du rnam par grol ba thob pa la dgod par 'tshal na'ang thams cad phun sum tshogs par bgyid do/ /de nas bcom ldan 'das kyis gnod sbyin gyi sde dpon chen po yang dag shes la bka' stsal pa/ khyod kyis 'di ltar sems can thams cad la phan gdags pa'i phyir rig sngags 'di bshad de/ yang dag pa'i chos yongs su bsrungs nas bsod nams kyis mtha' yas pa rnams la phan btags pa legs so/ /legs so/ /gser 'od dam pa mchog tu rnam par rgyal ba mdo sde'i rgyal po las/ gnod sbyin gyi sde dpon chen po yang dag shes kyi le'u ste bcu dgu pa'o// //de nas sa'i lha mo brtan ma zhes bya ba 'khor mang po'i nang nas stan las langs te bcom ldan 'das kyi zhabs la mgo bos phyag byas nas gus pas thal mo sbyar te bcom ldan 'das la 'di skad ces gsol to/ /bcom ldan 'das/ yul rnams su mi'i rgyal po bgyid pa la gal te yang dag pa'i chos ma mchis par gyur na yul skyong zhing skye bo mang po rnams kyang gso ba'i rngo mi thogs la/ bdag </font><hr>163b<br><font size=+1>


nyid kyang yun ring du khyad par du 'phags pa'i rgyal thabs la gnas par mi 'gyur na/ bcom ldan 'das/ byams pa dang / thugs rjes thugs brtse bar dgongs te bdag la rgyal bas chos yang dag pa'i bstan bcos yul skyong bar bgyid pa'i don gang lags pa bkas bshad du gsol/ de nas mi'i rgyal po rnams chos 'di thos pa'i dbang gis ji skad bstan pa bzhin du mngon par sgrub cing yang dag par 'jig rten 'dul ba dang / khyad par 'phags pa'i rgyal thabs gtan du bde zhing zhi ba dang / yul na gnas pa'i skye bo thams cad la'ang sman par 'gyur lags so/ /de nas bcom ldan 'das kyis 'khor mang po'i nang du sa'i lha mo brtan ma la bka' stsal pa/ khyod legs par nyon cig /sngon 'das pa'i dus kyi tshe rgyal po stobs kyi gtso bo'i tog ces bya ba byung ngo / /rgyal po de la bu mdzes pa'i tog ces bya ba zhig yod de/ spyi bo nas dbang bskur nas ring po ma lon par de nas rgyal po yab kyis mdzes pa'i tog la 'di skad ces smras so| |rgyal po'i chos lugs yang dag pa'i bstan bcos lha'i bdag po'i man ngag ces bya ba yod de/ nga sngon spyi bo nas dbang bskur nas yul gyi bdag po byas </font><hr>164a<br><font size=+1>


@#/ /pa'i tshe nga'i yab shes pa'i stobs kyi gtso bo'i tog ces bya bas nga la rgyal po'i chos lugs yang dag pa'i bstan bcos 'di bstan pas ngas bstan bcos 'di la brten nas lo nyi khri'i bar du yul legs par bskyangs te ngas skad cig gcig tsam gyi bar du'ang chos ma yin pa spyad par bya'o snyam pa'i bsam pa byung ma myong ngo / /deng khyod kyang de bzhin du chos ma yin pas yul skyong bar ma byed cig /ci'i phyir rgyal po'i chos lugs yang dag pa'i bstan bcos zhes bya zhe na/ khyod deng legs par nyon cig dang khyod la deng legs par bstan par bya'o/ /de nas de'i tshe rgyal po stobs kyi gtso bo'i tog gis rgyal bu de la tshigs su bcad pa gya nom pa dag gis yang dag pa'i bstan bcos mngon par bstan pa/ ngas ni sems can bde bya dang / /'jig rten the tshom bcad pa dang / /nyes dmigs mang po bsal ba'i phyir/ /rgyal khrims bstan bcos bshad par bya/ /lha yi bdag po thams cad dang / /mi yi rgyal po gang yin pa/ /dga' ba'i sems ni rab bskyed la/ /thal mo sbyar nas ngas bshad nyon/ /sngon byung lha 'khor mang po rnams/ /rdo rje'i ri la 'dus pa na/ /rgyal bzhi </font><hr>164b<br><font size=+1>


stan las langs nas ni/ /tshangs chen la ni 'di skad zhus/ /tshangs bdag mchog tu gtsor gyur cing / /lha yi nang na dbang phyug che/ /bdag cag la ni brtser dgongs nas/ /the tshom rnams ni gcad du gsol/ /ji ltar mi yi 'jig rten skyes/ /rgyal po zhes ni bgyi bar 'gyur/ /gzhan yang rgyu rkyen gang gi slad/ /lha yi bu zhes bgyi bar gyur/ /ji ltar mir ni skyes pa la/ /gcig pu mi yi bdag po 'thob/ /ji ltar mtho ris gnas dag tu/ /lha yi rgyal po bgyid par 'gyur// de ltar 'jig rten skyong dag gis/ /tshangs rgyal de la zhus pa dang / /de tshe tshangs pa'i bdag po yis/ /de dag la ni 'di skad smras/ /'jig rten skyong khyod shes par byos/ /sems can la ni phan bya'i phyir/ /nga la yul skyong chos dris bas/ /ngas bshad khyod kyis legs par nyon/ /sngon gyi las kyi mthu yis ni/ /lhar skyes rgyal por gyur pa yin/ /gal te mi nang gnas gyur nas/ /dbang sdud mi yi bdag po byed/ /lha rnams lhan cig byin rlabs nas/ /de 'og ma yi mngal du 'jug /ma yi mngal na gnas pa na/ /lha rnams kyis ni srung bar byed/ /mi yi 'jig rten skyes gyur kyang / /gtso mchog gyur phyir lha zhes bya/ /lha rnams </font><hr>165a<br><font size=+1>


@#/ /kyis ni bsrungs pas na/ /lha yi bu zhes brjod pa yin/ /sum cu rtsa gsum bdag po yis/ /stobs bgos mi'i rgyal gtong bar byed/ / lha ni mang po thams cad kyis/ /rang dbang stobs ni rab bstangs nas/ /chos min kun ni rab bsal te/ /sdig pa'i las ni skyed mi byed/ /sems can dge ba sgrub bskul nas/ /mtho ris gnas su skye bar byed/ /mi dang lha min 'khor dag dang / /dri za dang ni srin po dang / /gdol pa la sogs thams cad kyis/ / stobs kyi phyed ni gtong bar byed/ /pha mas stobs phyed bstangs nas ni/ /sdig spong dge ba sgrub la 'dzud/ /lha rnams lhan cig rab bsrungs nas/ /dge sdig rnam smin ston par byed/ /dge sdig las ni byas gyur na/ /de ltar tshe 'di nyid la ni/ /lha rnams lhan cig rab bsrungs nas/ /dge sdig rnam smin ston par byed/ /yul mis sdig pa'i las byas la/ /rgyal spangs nan tur mi byed na/ /'di ni yang dag rigs pa min/ /chos bzhin chad pas gcad par bya/ /gal te nyes mthong mi 'gog na/ /chos min rab tu 'phel 'gyur bas/ /rgyal po de yi yul khams su/ /g.yo sgyu mang du 'phel bar 'gyur/ /rgyal pos nyes byed </font><hr>165b<br><font size=+1>


mthong gyur la/ /gal te zlog par mi byed na/ /sum cu rtsa gsum lha 'khor rnams/ /thams cad khong khro'i sems skye 'gyur/ /rgyu nges rgyal khrims nyams 'gyur zhing // g.yo sgyu 'jig rten 'phel 'gyur bas/ /pha rol dgra 'khor dag gis ni/ /yul de bcom nas 'jig par byed/ /gnas pa'i khyim dang yo byad dang / /nor bsags thams cad stor bar 'gyur/ /g.yo sgyu sna tshogs skyes pa na/ /phan tshun gcig la gcig kyang 'phrog /yang dag chos kyis rgyal thob kyang / /chos bzhin du ni mi spyod pas/ /yul mi thams cad 'thor 'gyur te/ /glang pos pad+ma'i rdzing brdzis 'dra/ /rlung drag ldang la dus kyang med/ /mi 'phrod char ni dus min 'bab/ /rgyu skar ltas ngan mang po ston/ /nyi zla gcan zin 'od kyang med/ /rgyal pos yang dag chos spangs pas/ /'bru rnams me tog 'bras bu dang / /lo thog thams cad mi smin cing / / yul na mu ge 'byung bar 'gyur/ /rgyal pos yang dag chos spangs nas/ /sdig chos mi ni ston byed na/ /gzhal med khang gnas lha rnams kyis/ /mthong nas mya ngan skye bar 'gyur/ /lha rgyal 'khor bcas de dag gis/ /'di skad du ni smra bar 'gyur/ /rgyal 'dis chos min rab spyad nas/ /sdig pa'i grogs po bsten pas na/ /rgyal </font><hr>166a<br><font size=+1>


@#/ /srid yun ring brtan mi 'gyur/ /lha rnams thams cad rab mi dga'/ /de dag khros par gyur pa'i phyir/ /yul de 'jig par 'gyur zhe \?\ zer/ /chos min mi ni rab brten pas/ /'thab rtsod g.yo sgyu mang por 'gyur/ /rims nad sdug bsngal mang po skye/ /lha yi bdag po srung mi byed/ /lha gzhan \?\ thams cad spong bar byed/ /de yi yul ni rang zhig nas/ /rgyal po sdug bsngal myong bar 'gyur/ /pha ma chung ma bu rnams dang / phu nu dang ni sring mo rnams/\?\ cig car sdug dang bral 'gyur zhing / /tha mar bdag kyang 'chi bar 'gyur/ /ltas ngan skar mda' dag kyang ltung / /nyi ma gnyis ni cig car 'char/ /pha rol dgra ni nyer 'ongs pas/ /yul mi 'chi dang 'khrug phrad 'gyur/ /yul bkur blon po chen po rnams/ /nyes med glo bur 'chi bar 'gyur/ /glang po rta sogs gces pa rnams/ /thams cad 'thor zhing stongs par 'gyur/ /yul yul kun tu dgra yod pas/ /mi ni phal cher dus min 'chi/ /'dre srin ma rungs yul zhugs pas/ /rims nad kun tu 'phel bar 'gyur/ /yul gyi blon po chen po dang / /nye phan mang po thams cad kun/ /sems ni g.yo rgyu bcas pas na// </font><hr>166b<br><font size=+1>


thams cad chos min spyod par 'gyur/ /chos min spyod pa mthong gyur na/ /snying du sdug cing bkur bar byed/ /dge chos spyod pa'i mi dag la/ /sdug bsngal nyon mongs chad pas gcod/ /ma rungs byams shing bkur ba dang / /dge ba chad pas bcad pa'i phyir/ /gza' skar rlung dang char pa rnams/ /thams cad dus su rgyu mi 'gyur/ / nyas dmigs rnam gsum skye 'gyur bas/ /yang dag ches ni nub 'gyur zhing / /sems can kha dog 'od mi ldan/ /sa yi bcud ni thur du 'bab/ /sdig bkur dge la brnyas pas na/ /gzhan yang nyes dmigs rnam gsum 'byung / /dus min sad dang ser ba 'bab/ /mu ge'i sdug bsngal kun tu khyab/ /lo thog 'bras bu mang po rnams/ /thams cad ro zhim nyams par 'gyur/ /de dag gi ni yul khams na/ /sems can phal cher na bar 'gyur/ /de yi yul na ljon shing rnams/ /sngon chad 'bras bu zhim chags pa/ /de yi dbang gis nyams 'gyur bas/ /kha rtsub ro mchog med par 'gyur/ /sngon gyi kun dga' nags tshal mchog /snying du sdug cing rtse ba'i gnas/ /thams cad bskams shing rnyings 'gyur bas/ /mthong ba kun gyis mya ngan skye/ /sA lu nas dang lo tog rnams/ /ro zhim khad kyis med 'gyur </font><hr>167a<br><font size=+1>


@#/ /bas/ /bza' tshe sems kyang mi dga' na/ /'byung chen 'phel byed ga la nus/ /sems can kha dog 'od nyams shing / /mthu stobs zad cing nyams par 'gyur/ /kha zas mang du zos kyang ni/ /'grangs pa nyid du yong mi 'gyur/ /yul khams de na yod pa yi/ /sems can rnam pa ji snyed pa/ /stobs chung dpa' bshor med pas na/ /bya ba dag ni byed mi nus/ /yul mi phal cher nad thebs pas/ /sdug bsngal sna tshogs lus gzir 'gyur/ /'dre srin kun tu khyab bas na/ /thams cad kun tu srin por skye/ /rgyal pos chos min rab spyad pas/ /mi dge'i grogs po bsten pas na/ /'jig rten rnam pa gsum po kun/ /des na gnod pa sna tshogs myong / /de 'dra'i nyes dmigs mtha' med pas/ /yul nas 'byung bar 'gyur ba yang / /sdig can mi ni mthong gyur kyang / /yal bor ma bskrad pa las gyur/ /lha rnams kun gyis byin brlabs nas/ /yul gyi rgyal po byas gyur kyang / /yang dag dam pa'i chos dag gis/ /yul khams yongs su srung mi byed/ /gang zhig dge spyod 'grub byed na/ /rtag tu mtho ris gnas su skye/ /gal te sdig pa'i las byas pa/ /tshe 'phos nges par ngan 'gror ltung / /gal te rgyal pos yul mi rnams/ /thal rangs nyes pa byed </font><hr>167b<br><font size=+1>


'jug na/ /sum cu rtsa gsum lha tshogs rnams/ /thams cad rab gdungs sems skye 'gyur/ /lha rnams dang ni pha ma yi/ /bstan dag bzhin du mi byed pa/ /'di ni chos min mi yin pas/ /rgyal po sri zhu'i bu ma yin/ /gal te rang gi yul khams su/ /chos min spyod pa mthong ba'i tshe/ /chos bzhin chad pas gcod byed cing / /yal dor 
 ni mi bskyed na/ /de phyir lha tshogs mang po kun/ /rgyal po de la skyob par byed/ /byang chub spyod pa bsgrub pa'i phyir/ /sdig pa'i chos rnams zhi byed na/ /rgyal po tshe 'di nyid la ni/ /mthong ba'i rnam smin nges par myong / /dge dang mi dge'i las dag la/ /spyod spong sems can bskul nas ni/ /dge sdig rnam smin bstan pas na/ /de phyir mi rgyal thob nas kyang / /lha rnams lhan cig byin brlabs nas/ /thams cad yi rang 'gyur ba yin/ /bdag dang gzhan la phan gdags phyir/ /yang dag chos kyis yul bskyang bya| |g.yo sgyu byed pa mthong gyur na/ /chos bzhin chad pas gcad par bya/ /gal te rgyal thabs gtor ba dang / /srog 'bab rkyen zhig byung na yang / /nam yang sdig spyod mi spyod cing // sdig pa mthong na spang bar bya/ /gnod pa'i nang na mchog lci bas/ /rgyal srid gtor las lhag pa med/ /'di kun g.yo sgyu mi las byung / /des na chad pa gcad par bya/ /g.yo </font><hr>168a<br><font size=+1>


@#/ /sgyu byed pa yod gyur na/ /rgyal srid dag kyang gtor 'gyur zhing / /rgyal srid dag kyang nyams 'gyur bas/ /glang chen me tog tshal zhugs 'dra/ /de yis mi rgyal byas kyang ni/ /chos kyi sa yul ni ma bskyangs pas/ /lha dbang thams cad mi dga' zhing / /lha ma yin yang de bzhin no/ /de lta bas na chos bzhin du/ /sdig pa byed pa chad pas gcad/ /dge bas sems can gdul bya zhing / /chos min rjes su 'brang mi bya/ /lus dang srog ni spang sla yi/ /mi dge grogs rjes 'brang mi bya/ /nye ba dang ni nye min pa/ /thams cad mnyam pa nyid du blta/ /yang dag chos kyis rgyal byed na/ /yul mi mi drang med pa'i phyir/ /chos rgyal grags dang ldan 'gyur bas/ /khams gsum kun tu grags par 'gyur/ /sum cu rtsa gsum lha tshogs rnams/ /dga' nas 'di skad smra bar 'gyur/ /'dzam gling chos rgyal gang yin pa/ /de ni bdag gi bu yin te/ /dge bas sems can 'dul byed cing / /yang dag chos kyis yul bskyangs na/ /yang dag chos spyod bskul bas na/ /bdag cag gnas su skye 'gyur zer/ /lha dang mi yi bu rnams dang / /lha ma yin gyi 'khor rnams kyang / /rgyal po yang dag chos 'dul </font><hr>168b<br><font size=+1>


rgyus/ /rtag tu sems ni dga' bar 'gyur/ /lha tshogs thams cad rab dga' nas/ /mi rgyal de la srung bar byed/ /gza' skar rang gi lam rgyu zhing / /nyi zla tshad las 'da' mi byed/ /rlung ni rtag par dus bzhin ldang / /bdud rtsi'i char ni dus bzhin 'bab/ /lo tog thams cad smin legs pas/ /mi rnams mu ge med par 'gyur/ /lha tshogs mang po thams cad kun/ /rang gi pho brang gang 'gyur bas/ /de phyir mi rje khyod kyis ni/ /lus spangs yang dag chos sbel byos/ /rin chen chos la bkur byed na| |des na thams cad bde 'gyur bas/ /rtag par yang dag chos bsten nas/ /yon tan bdag nyid brgyan par bya/ /'khor rnams rtag par rab dga' zhing / /sdig pa rnams ni spong bar byed/ /chos kyis sems can 'dul byed pas/ /rgyun du bde ba 'thob par 'gyur/ /mi rnams de dag thams cad kun/ /dge ba bcu ni spyod byed na/ /yul khams rtag par lo legs shing / /yul ni zhi ba nyid du gyur/ /rgyal po chos kyis mi 'dul zhing / /dge bas sdig spyod 'dul byed na/ /snyan pa'i grags pa thob 'gyur zhing / /sems can rnams ni bde bar byed/ /de nas de'i tshe sa chen po la gnas pa'i mi'i rgyal po thams cad dang / 'khor mang po 
 </font><hr>169a<br><font size=+1>


@#/ /bcom ldan 'das kyis sngon gyi rgyal pos yul bskyangs pa'i chos kyis don bkas bshad pa thos pa dang / thams cad ngo mtshar rmad du gyur pa dang / rab tu dga' ba thob par gyur pas shin tu dang ba'i mngon par yid ches pa dag gis bka' yang dag par blangs te spyod par gyur to/ /gser 'od dam pa mchog tu rnam par rgyal ba mdo sde'i rgyal po las/ rgyal po'i chos lugs yang dag pa'i bstan bcos bstan pa'i le'u ste nyi shu pa'o// //gser 'od dam pa mchog tu rnam par rgyal ba mdo sde'i rgyal po/ bam po dgu pa/ de nas bcom ldan 'das kyis 'khor mang po rnams la rgyal po'i chos lugs yang dag pa'i bstan bcos bkas bshad nas yang 'khor mang po rnams la bka' stsal pa/ khyod la sogs pa legs par nyon cig dang / ngas deng khyod la sngon chos yang dag par spyod pa'i rgyu dang / rkyen bshad par bya'o/ /de nas de'i tshe tshigs su bcad de bka' stsal pa/ ngas sngon 'khor los bsgyur rgyal byas pa na/ /sa chen 'di dang rgya mtshor bcas pa dang / /gling bzhi rin chen gyis ni rab bkang ba/ /thams cad de bzhin gshegs pa rnams la mchod/ /ngas sngon bskal pa dag ni tshad </font><hr>169b<br><font size=+1>


med snyed/ /rnam dag yang dag chos sku gnyer ba'i phyir/ /phongs pa'i nor dang rang gi lus srog kyang / /ser sna med pa'i sems kyis yongs su btang / /gzhan yang 'das pa'i bskal pa bsam dka' na/ /yang dag mkhyen pa rin chen gtsug phud byung / /de bzhin gshegs pa mya ngan 'das pa'i 'og /rgyal po legs skyes zhes bya 'jig rten byung / /'khor los bsgyur rgyal byas nas gling bzhi btul/ /rgya mtsho mthar thug tshun chad skyabs su dong / /grong khyer ming ni gya nom sgra zhes bya/ /de tshe 'khor los bsgyur rgyal de na gnas/ /rmi lam sangs rgyas bsod nams ye shes thos/ /chos smra rin chen brtsegs pa zhes bya ba/ /nyi ma'i dkyil 'khor ltar mdzes stan 'dug nas/ /gser 'od dam pa'i mdo sde 'chad pa'ang mthong / /de'i tshe rgyal po rmi lam sad pa dang / /rab tu dga' ba skyes nas lus kun khyab// nam langs rgyal po'i pho brang phyir byung nas/ /dge slong dge 'dun rnams kyi thad du song / /'phags pa'i tshogs la gus pas rab mchod nas/ /tshogs chen mang po de la 'di skad dris/ /chos smra rin chen brtsegs pa zhes bgyi ba/ /yon tan phun tshogs gzi brjid rab 'bar zhing / /gser 'od dam pa'i mdo sde 'chad pa'ang </font><hr>170a<br><font size=+1>


@#/ /mthong / /de'i tshe chos smra chen po rin chen brtsegs/ /gnas khang gcig pur yang dag gnas nas ni/ /dran pa nyer gzhag mdo sde 'di bton pas/ /drang 'dug mi g.yo lus dang sems kyang bde/ /de tshe dge slong zhig gis rgyal khrid nas/ /rin chen brtsegs pa de yi gnas su phyin/ /gnas khang nang du lus ni drang bsrang ste/ /'od dang mtshan mchog lus kun khyab pa mthong / /rgyal po de la 'di ni rin chen brtsegs/ /mdo sde'i rgyal po mchog gyur 'di lta ste/ / gser 'od dam pa shin tu gya nom mchog /sangs rgyas spyod yul zab mo 'dzin ces smras/ /rgyal pos rin chen brtsegs la phyag byas nas/ /gus pas thal mo sbyar nas 'di skad smras/ /zla ba nya ltar zhal mdog mdzes gyur pa/ /gser 'od dam pa'i chos 'di bshad du gsol/ /rin chen brtsegs kyis rgyal po'i tshig mnyan nas/ /gser 'od dam pa 'di ni bshad gnang bas/ /stong gsum 'jig rten khams ni kun khyab pa'i/ /lha mi thams cad rab tu dga' bar gyur// rgyal po sa phyogs yangs shing gtsang ma'i gnas/ /rin chen gya nom mchog gis rab brgyan te/ /spos chu dam pa dag gis chag chag btab/ /me tog sna </font><hr>170b<br><font size=+1>


tshogs mchog ni gcal du bkram/ /gnas mchog der ni stan mtho rab bting ste/ /ba dan bla re bres nas mdzes par byas/ /phye ma byug spos rnam pa sna tshogs kyis/ /bdug pa dag gis kun tu khyab par byas/ /lha klu lha ma yin dang mi 'am ci/ /lto 'phye chen po dang ni gnod sbyin dang / /lha rnams man dA ra ba'i char phab nas/ /
 cad nyer 'ongs ston mchog de la mchod/ /gzhan yang lha ni 'bum phrag brgya stong rnams/ /dam chos nyan mos thams cad de na 'dus/ /chos smra dang po stan las langs pa'i tshe/ /thams cad lha yi me tog dag gis mchod/ /de tshe chos smra chen po rin chen brtsegs/ /shin tu lus bkrus gos gtsang rab bgos te/ /tshogs chen chos stan de drung song nas ni/ /thal sbyar rtse gcig sems kyis gus phyag byas/ /lha dbang lha tshogs lha yi bu mo rnams/ /thams cad me tog man dA ra yang gtor/ /lha yi rol mo brgya stong bsam mi khyab/ /mkha' la gnas nas sgra dbyangs snyan pa phyung / /de tshe chos smra chen po rin chen brtsegs/ /stan la 'dug ste skyil mo krung bcas nas/ /phyogs bcu'i zhing na bzhugs pa'i byams chen gtso/ /bye ba brgya stong de dag yid la bsams/ /sdug bsngal sems can thams cad </font><hr>171a<br><font size=+1>


@#/ /ji snyed pa/ /thams cad byams sems mnyam pa nyer gzhag nas/ /gsol 'debs bdag po rgyal po legs skyes phyir/ /gser 'od dam pa'i mdo sde rab tu bshad/ /rgyal pos de 'dra'i chos ni thos gyur nas/ /thal sbyar rtse gcig rjes su yi rang smras/ /ya mtshan chos thos mchi ma blags te dus/ /lus dang sems ni dga' chen kun khyab gyur/ /de tshe yul bdag rgyal po legs skyes gyis/ /mdo sde 'di ni mchod par 'dod pa'i phyir/ /lag na yid bzhin nor bu thogs nas ni/ /sems can kun phyir smon lam 'di skad btab/ /'dzam gling 'di ni kun tu khyab par yang / /rin chen rgyan phreng dag gi char phab nas/ /nor dang yo byad rgud phongs ji snyed pa/ /thams cad yid bzhin bde la myong bar shog /de nas rin chen sna bdun char phab nas/ /gling bzhi kun tu chog cing tshim byas pas/ /lus kyi rgyan phreng gos dang zas skom dang / /ci dang ci 'dod phongs pa med par gyur/ /de tshe yul bdag rgyal po legs skyes kyis/ /gling bzhi rin chen char phab mthong ba dang / /sems can sangs rgyas rin chen gtsug phud kyi/ /bstan la zhugs pa'i dge slong dge 'dun </font><hr>171b<br><font size=+1>


mchod/ /'das pa'i rgyal po legs skyes gang yin pa/ /shAkya thub pa nga yin shes par byos/ /sngon yang sa chen mang po rab btang ste/ /rin chen dag gis gling bzhi yongs su bkang / /sngon tshe chos mkhan chen po rin chen brtsegs/ /legs skyes de la gya nom chos bshad de/ /mdo sde'i rgyal po rnam phye bshad pa'i phyir/ /shar phyogs sangs rgyas mi 'khrugs grub pa yin/ /ngas ni mdo sde'i rgyal po 'di mnyan nas/ /thal sbyar rtse gcig yi rang brjod pa dang / /rin chen sna bdun btang ba'i bsod nams kyis/ /rdo rje sku mchog 'di ni brnyes pa yin/ /gser 'od bsod nams brgya yi mtshan brgyan pas/ /mthong ba thams cad kun ni rab dga' zhing / /sems can thams cad kun gyi snying du sdug /lha tshogs mang po bye ba kun de bzhin/ /'das tshe bskal pa bye ba dgu bcu dgu/ /'khor los bsgyur ba'i rgyal po dag kyang byas/ /yul khams chung ngur mi yi rgyal po byas/ /gzhan yang bskal pa brgya stong tshad med snyed/ /brgya byin lha yi dbang po dag kyang byas/ /tshangs pa'i rgyal po chen po dag byas te/ /phyogs bcu'i byams chen gtso la mchod pa yi/ /de yi grangs tshad shin tu mtha' thug dka'/ /ngas sngon mdo </font><hr>172a<br><font size=+1>


@#/ /thos rjes su yi rang dge /bsod nams phung po ci yod tshad shes dka'/ /bsod nams de dbang byang chub mngon rtogs nas/ /chos sku yang dag ye shes dam pa brnyes/ /de nas 'khor mang po rnams de skad ces bka' stsal pa thos pa dang / ngo mtshar rmad du gyur nas thams cad kyis mdo sde gser 'od dam pa spel zhing rgyun mi 'chad par spyad par mos par gyur to/ /gser 'od dam pa mchog tu rnam par rgyal ba mdo sde'i rgyal po las/ rgyal po legs skyes kyi le'u ste nyi shu gcig pa'o// //de nas bcom ldan 'das kyis dpal gyi lha mo chen mo la 'di skad ces bka' stsal to/ /shin tu dang ba'i dad pa dang ldan pa'i rigs kyi bu'am/ rigs kyi bu mo gang la la zhig gis 'das pa dang / ma byon pa dang / da ltar bzhugs pa'i sangs rgyas rnams la mchod pa'i yo byad bsam gyis mi khyab pa dang / yangs shing rgya che ba dag gis mchod par byed par 'dod pa dang / dus gsum gyi sangs rgyas kyi spyod yul zab mo shes shing rtogs par 'dod pa gang yin pa des gdon mi za bar sems rtse gcig tu mdo sde'i rgyal po 'di grong khyer ram/ grong rdal lam/ ri'am/ nags tshal gang yang rung ste gnas de dang / de </font><hr>172b<br><font size=+1>


dag tu sems can rnams la rgya cher yang dag par bstan nas yongs su spel bar bya'o/ /chos nyan pa gang yin pa de'ang rnam par g.yeng ba'i 'du shes spangs nas rna ba 
 te sems rtse gcig tu gzhag par bya'o/ /de nas bcom ldan 'das kyis lha mo de dang / 'khor mang po rnams la tshigs su bcad de bka' stsal pa/ gang zhig sangs rgyas mang po la/ /bsam gyis mi khyab mchod pa dang / /de bzhin gshegs pa thams cad kyi/ /spyod yul zab mo shes 'dod na/ /gal te gser 'od dam pa 'di/ /yang dag phye bshad mthong gyur na/ /de yi phyogs su nyer song nas/ /de yi drung du 'gro bar bya/ /mdo 'di bsam gyis mi khyab pas/ /yon tan mang po skyed byed cing / /sdug bsngal rgya mtsho mtha' med las/ /sems can rnams ni thar bar byed/ /nga yi mdo 'di rnam bltas na/ /thog ma bar dang tha mar dge /shin tu zab pas dpag par dka'/ /dpe dag gis ni zla byar med/ /gang+gA'i bye ma sa chen rdul/ /rgya mtsho chu dang nam mkha' dang / /ri brag thams cad gang gis kyang / /cha shas tsam yang dpe byar med/ / chos 
 zab mor 'jug 'dod na/ /mdo sde sngar ni mnyan par bya/ /chos nyid mchod rten gang na bar/ /zab mo shin tu bde bar gnas/ /mchod rten 'di yi nang </font><hr>173a<br><font size=+1>


@#/ /dag tu/ /shAkya thub pa nga yis ni/ /yid 'ong sgra dbyangs dam ba yis/ /mdo sde bshad pa mthong bar 'gyur/ /de nas grangs tshad bsam dka' ba'i/ /bskal pa bye ba snyed du ni/ /lha dang mi yi nang skyes nas/ /rtag tu bde pa mchog myong 'gyur/ /mdo sde 'di ni nyan pa yis/ /bdag ni bsam gyis mi khyab pa'i// bsod nams phung po 'thob 'gyur zhes/ /de snyam du ni bsam par bya/ /gal te me chen phung po dag /dpag tshad brgya ni gang gyur kyang / /mdo sde rgyal po 'di nyan phyir/ /dka' ba med par 'gro bar bya/ /de yi gnas su phyin nas ni/ /'di 'dra'i mdo 'di thos gyur na/ /sdig pa'i las rnams 'byang 'gyur zhing / /rmi lam ngan pa sel bar 'gyur/ /gza' skar ma rungs ltas ngan dang / /byad stems log pa'i gdon la sogs/ /mdo sde 'di ni thos pa'i tshe/ /sdig pa mang po spong bar byed/ /stan mtho mchog ni rab brgyan nas/ /rab gtsang pad+ma 'dra ba la/ /chos smra steng du phyin nas ni/ /klu chen lta bur 'dug par bya/ /de la bde bar 'dug nas ni/ /zab mo'i mdo 'di bshad par bya/ /yi ger bris nas klog 'dzin dang / /de yi don ni bshad par bya/ /chos smra stan ni spangs nas ni/ /phyogs gzhan dag tu song gyur kyang / /khri stan </font><hr>173b<br><font size=+1>


mthon po de las ni/ /cho 'phrul mtshan ma mang byung ba/ /res 'ga' chos smra mkhan po'i gzugs/ /stan mtho'i steng na 'dug par mthong / /res 'ga' sangs rgyas bcom ldan 'das/ /byang chub sems dpa' rnams kyang mthong / /res 'ga' kun tu bzang po'i gzugs/ /res 'ga' 'jam dpal lta bu dang / /res 'ga' byams pa gtso po'i gzugs/ /stan mtho'i steng na 'dug par mthong / /res 'ga' ya mtshan mtshan ma dang / /lha ni mang po rnams kyi gzugs/ /yud tsam du ni mthong gyur kyang / /de ma thag tu mi snang 'gyur/ /bkra shis mang po rdzogs byed pas/ /byas pa thams cad yid bzhin 'grub/ /yon tan rnams ni yongs rdzogs par/ /bcom ldan 'das kyis de skad gsungs/ /mchog tu rnam rgyal grags ldan dang / /nyon mongs mang po zhi bar byed/ /pha rol dgra rnams rab tu sel/ /g.yul 'gyed tshe na rtag par rgyal/ /rmi lam ngan pa thams cad med/ /dug dang gnod pa mang po zhig /lan gsum sdig pa ci byas pas/ mdo sde'i mthu yis byang bar byed/ /'dzam bu'i gling ni 'di dag tu/ /
 pa kun tu rgyas par 'gyur/ /'khon 'dzin dgra ni ji snyed pa/ /phan tshun 'khor ni gtong bar 'gyur/ /gal te dgra ni phyin gyur kyang / /ming thos tsam gyis ldog 'gyur </font><hr>174a<br><font size=+1>


@#/ /bas/ /mtshon cha g.yo bar mi ltos par/ /dgra nyid dga' bskye bar 'gyur/ /tshangs rgyal dang ni brgya byin dbang / /'jig rten skyong dang rgyal po bzhi/ /lag na rdo rje gnod sbyin dang / /sde dpon chen po yang dag shes/ /klu yi rgyal po ma dros dang / /klu yi rgyal po rgya mtsho dang / /mi 'am ci dang rol mo'i lha/ / lha ma yin dang gser 'dab bdag /lha mo spobs pa chen mo dang / /dpal gyi lha mo chen mo dang / /'di la sogs pa lha yi gtso/ /so sor lha tshogs khrid nas ni/ / sangs rgyas rnams la mchod par byed/ /dkon mchog chos ni bsam mi khyab/ /rtag par dga' ba'i sems kyis ni/ /mdo sde la ni bkur sti byed/ /'di la sogs ba'i lha mang po/ /thams cad lhan cig 'grogs nas ni/ /bsod nams sgrub pa rnams bltas nas/ /lhan cig 'di skad smra bar byed/ /sems can 'di dag rab tu ltos/ /bsod nams yon tan che ldan zhing / /dge rtsa brtson 'grus stobs kyis ni/ /bdag cag lha gnas skye 'gyur zhes/ /mdo sde zab mo mnyan pa'i phyir/ /gus pa'i sems kyis der 'ongs nas/ /yang dag chos ni bkur ba'i phyir/ /chos kyi mchod rten mchod par byed/ /sems can kun la snying </font><hr>174b<br><font size=+1>


brtse bas/ /phan pa chen po byed pas na/ /mdo sde zab mo 'di dag gi /chos kyi rin chen snod kyang byed/ /chos kyi sgo 'dir gang \?\ bzhugs pa/ /chos nyid la ni 'jug 'gyur bas// mdo sde gser 'od dam pa 'di/ /rtse gcig sems kyis mnyan par bya/ /sangs rgyas brgya stong tshad med la/ /gang zag de dag mchod pas na/ /dge ba'i rtsa ba de dbang gis/ / mdo sde 'di ni thos pa yin/ /'di ltar lha yi bdag po dang / /lha mo spobs pa chen po dang / /dpal gyi lha mo de dang ni/ /rgyal chen ris bzhi'i lha rnams dang / /gnod sbyin 'khor ni grangs med pa/ /dpa' zhing rdzu 'phrul ldan pa rnams/ /so sor phyogs bzhi dag nas ni/ /rtag tu 'ongs nas skyob par byed/ /nyi zla brgya byin lha dbang dang / /rlung dang chu dang me yi lha/ /khyab 'jug dang ni phrag chen dang / /gshin rje spobs pa lha mo dang / /'jig rten mgon po la sogs pa/ /rab dpal gzi ldan thams cad kun/ /mdo sde 'dzin pa srung byed pas/ /nyin mtshan rtag par yong mi 'bral/ /gnod sbyin rgyal po stobs po che/ /mthu chen dang ni dbang phyug dang / /gtso bo yang dag shes la sogs/ /gnod sbyin nyi shu rtsa brgyad dang / /gzhan yang gnod sbyin brgya stong rnams/ /rdzu 'phrul stobs dang ldan pa dag /rtag par 'jigs pa'i gnas rnams </font><hr>175a<br><font size=+1>


@#/ /su| |nyer 'ongs gang zag de srung byed/ /lag na rdo rje gnod sbyin rgyal/ /'khor ni lnga brgya bcas pa dang / /byang chub sems dpa' chen po'i tshogs// rtag par nyer 'ongs de srung byed/ /rin chen rgyal po gnod sbyin dbang / /de bzhin rdzogs sangs rgyal po dang / /'brog dgon dang ni ku be ra/ /zas sbyin kha dog ser po dang / /'di la sogs pa'i gnod sbyin dang / /so sor g.yog 'khor lnga brgya bcas/ /thams cad nyer 'ongs srung bar byed/ /sna tshogs sde dang dri za dang / /'dam bu rgyal po rtag tu rgyal/ /nor bu gtsug dang ne gan dang / /char pa'i dbang po de dag dang / /mchog tu rgyal ba nag po che/ /su brta dang ke sha dang / /pany+ca ka dang ra rkang dang / /de bzhin skal ba chen po dang / /pra ma le chung chos skyong dang / /spre'u rnams kyi ni rgyal po dang / /khab spu dang ni nyi ma'i gnyen/ /rin chen gtsug phud srung bar byed/ /pra na li chen na ku la/ /bdun pa dang ni 'dod mchog dang / /mthu bo che dang gangs ri dang / /bde ba'i ri yang de bzhin te/ /thams cad rdzu 'phrul che ldan zhing / /rab dba' mthu stobs ldan pa yang / /mdo sde 'di 'dzin mthong 'gyur na/ /thams cad 'ongs nas srung bar byed/ /ma dros klu yi rgyal po dang / /klu yi rgyal po </font><hr>175b<br><font size=+1>


rgya mtsho dang / /btang bzung dang ni e la'i 'dab/ /dga' bo dang ni nye dga' bo/ /klu ni brgya stong mang po'i nang / /rdzu 'phrul dang ni gzi byin ldan/ /mdo sde 'dzin pa srung byed pas// nyin mtshan rtag par yong mi 'bral/ /ba lang dang ni sgra gcan dang / /thag bzangs ris dang sdom pa pa/ /bong bu dpung dang phrag chen dang / /de bzhin du ni rab dga' dang / /lha min mang po gzhan rnams dang / /lha yi tshogs ni grangs med pa/ /stobs chen rab tu dpa' ba rnams/ /thams cad 'ongs nas de srung byed/ /'phrog ma 'byung po rnams kyi ma/ /gnod sbyin 'khor ni lnga brgya rnams/ /mi de gnyid log sad kyang rung / /rtag par 'ongs nas srung bar byed/ /ma rungs pa dang gdug pa dang / / gnod sbyin lag na dbyug thogs dang / /dung chen dang ni so brtsegs ma/ /sems can kun gyi mdangs 'phrog pa/ /de 'dra'i lha tshogs mang po rnams/ /mthu chen rdzu 'phrul ldan pa kun/ /mdo sde 'dzin pa rtag bsrungs pas/ /nyin mtshan rtag par yong mi 'bral/ /lha mo spobs pa chen mo dang / /lha yi bu mo tshad med dang / /dpal gyi lha mo gtso mo dang / /de yi 'khor ni mang po dang / /sa chen 'di yi lha mo dang / /lo tog kun dga' nags tshal lha/ /shing gi lha dang rlung lha dang / /mchod rten lha la sogs </font><hr>176a<br><font size=+1>


@#/ /pa dang / /de la sogs pa'i lha mang po/ /dga' chen sems ni rab bskyed nas/ /mdo sde 'di ni 'dzin pa la/ /thams cad 'ongs nas srung bar byed/ /mdo sde 'dzin pa mthong gyur na/ /tshe dang kha dog stobs 'phel byed/ /gzi byin dang ni yon tan dang / /mtshan mchog gis ni brgyan par gyur/ /gza' skar ltas ngan ston pa dang / /de la nyam thag byur byung dang / /rmi lam ltas ngan mthong ba yang / /thams cad rab tu zhi bar byed/ /sa chen 'di yi lha mo yang / /rab brtan gzi byin mthu stobs ldan/ /mdo sde 'di yi mthu yis ni/ /chos kyi ro yis rtag tshim pa/ /sa bcud thur du song ba yang / /dpag tshad brgya ni yan chad du/ /sa bcud gyen du 'phags byas nas/ /sa chen 'di ni snum par byed/ /sa yi rngams su dpag tshad ni/ /'bum phrag drug cu rtsa brgyad nas/ /rdo rje'i gzhi la thug pa'i bar/ /sa bcud thams cad gyen du 'phags/ /mdo sde rgyal po 'di thos dbang / /bsod nams phung po che thob pas/ /lha yi 'khor ni mang po rnams/ / thams cad phan yon thob par 'gyur/ /gzhan yang lha tshogs mang po rnams/ /mthu stobs 'od dang ldan 'gyur zhing / /rab dga' rtag tu bde byed pas/ /nyams pa'i mtshan </font><hr>176b<br><font size=+1>


ma spong bar 'gyur/ /'dzam bu'i gling ni 'di nang gi /nags tshal 'bras bu lo tog lha/ /mdo sde 'di yi byin brlabs kyis/ /sems ni rtag tu dga' thob pas/ /lo tog thams cad legs 'gyur zhing / /kun tu me tog dam pa dang / /'bru rnams thams cad 'phel 'gyur bas/ /sa chen kun tu rgyas par 'gyur/ /'bras bu'i ljon shing mang po dang // kun dga' nags tshal mang po kun/ /thams cad lo tog mchog skyes nas/ /dri zhim rtag par kun tu 'thul/ /rtswa mang ljon shing rnams las kyang / /me tog dam pa skye 'gyur zhing / /'bras bu zhim po skye 'gyur bas/ /thams cad kun tu gang bar 'gyur/ /'dzam bu'i gling ni 'di dag tu/ /klu yi bu mo tshad med snyed/ /rab tu dga' ba'i sems bskyed nas/ /thams cad kun tu zhugs nas ni/ /me tog rnam pa du ma dang / /de bzhin pad+ma dkar po dang / /pad+ma sngon po dmar po gnyis/ /skyes nas rdzing kun gang bar 'gyur/ /mdo sde 'di yi byin rlabs kyis/ /nam mkha' gang zhig sgrib ba med/ /sprin dang khug rna yongs su sel/ /mun nag thams cad snang bar 'gyur/ /nyi ma'i 'od zer stong 'gyed pas// dri med 'od ni rnam par dag /mdo sde'i rgyal po 'dri yi mthus/ /gling bzhi yongs bskor gsal bar byed/ /mdo sde 'di yi byin brlabs kyis/ /lha yi bu rnams bstangs pas </font><hr>177a<br><font size=+1>


@#/ /na| |thams cad 'dzam bu'i gser dag gis/ /gzhal med khang ni byed par 'gyur/ /nyi zla dang po 'char ba'i che/ /gling 'di mthong na rab dga' bas// rtag par snang ba chen po yis/ /thams cad kun tu gsal bar byed/ /sa chen 'di la yod pa yi/ /pad+ma'i rdzing ni ji snyed pa/ /nyi mas dus bzhin gsal byed pas/ /kha ni mi 'byed gang yang med/ /'dzam bu'i gling ni 'di dag tu/ /me tog 'bras bu sman rnams kun/ /thams cad legs shing smin 'gyur bas/ /sa chen kun tu gang bar 'gyur/ / mdo sde 'di yi byin brlabs kyis/ /nyi zla snang bar byed pa'i gnas/ /rgyu skar tshad las mi 'da' zhing / /rlung char dus bzhin ldang 'bab pas/ /'dzam gling 'di dag kun tu yang / /yul rnams lo legs skyid par 'gyur/ /gang na mde sde 'di bzhugs pa/ /phyogs gzhan dag las khyad par 'phags/ /gser 'od dam pa'i mdo sde 'di/ / gang du spel zhing 'don pa dang / /rnam phye 'chad par byed pa'i gnas/ /bsod nams gong du thob par 'gyur/ /de nas dpal gyi lha mo chen mo dang / lha la sogs pa mang po de dag bcom ldan 'das kyis de skad ces bka' stsal pa thos pa dang / thams cad rab tu dga' bas mdo sde'i rgyal po 'di dag yongs su 'dzin par byed pa </font><hr>177b<br><font size=+1>


de dag la sems rtse gcig tu yongs su bsrungs nas mya ngan gyi gnod pa med cing rtag tu bde ba 'thob par 'gyur bas mos par 'gyur/ gser 'od dam pa mchog tu rnam par rgyal ba mdo sde'i rgyal po las/ lha dang / gnod sbyin rnams kyis yongs su bsrung zhing 'dzin par byed pa'i le'u ste nyi shu gnyis pa'o// //de nas de bzhin gshegs pas 'khor mang po'i nang du rgya cher yang dag par bshad nas byang chub sems dpa' mdzes pa'i tog dang / de yi bu gnyis po dngul gyi tog dang / dngul gyi 'od ces bya ba gnyis po bla na med pa yang dag par rdzogs pa'i byang chub tu lung bstan par bzhed par gyur pa dang / de'i tshe lha'i bu stong phrag bcu mchog tu rgyal ba'i 'od ces bya ba gtso bor gyur pa dang lhan cig tu sum cu rtsa gsum lha'i gnas nas babs te bcom ldan 'das kyi spyan sngar lhags nas bcom ldan 'das kyi zhabs la mgo bos phyag byas te phyogs gcig tu 'khod nas bcom ldan 'das kyi bkas chos bshad pa nyan par gyur to/ /de nas bcom ldan 'das kyis byang chub sems dpa' mdzes pa'i tog la 'di skad ces bka' stsal to/ /khyod ma 'ongs pa'i dus bskal pa bye ba khrag khrig 'bum phrag brgya stong tshad med grangs med pa snyed </font><hr>178a<br><font size=+1>


@#/ /'das pa na gser 'od ces bya ba'i 'jig rten gyi khams su bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bas de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa dang / bla na med pa'i skyes bu kha lo sgyur ba/ lha dang / mi rnams kyi ston pa/ sangs rgyas bcom ldan 'das gser dang / rin po che'i ri bo'i rgyal po zhes bya bar gyur nas 'jig rten du 'byung bar 'gyur ro/ /de bzhin gshegs pa de yongs su mya ngan las 'das pa'i 'og tu bstan pa'i chos rnams nub par gyur pa dang / de'i tshe 'di'i bu chen po dngul gyi tog ces bya ba 'jig rten gyi khams de nyid du de bzhin gshegs pa'i rgyal tshab tu gyur te de'i tshe de'i ming bsgyur nas rnam dag tog ces bya bar 'gyur zhing mngon par rdzogs par 'tshang rgya bar 'gyur bas de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu kha lo sgyur ba/ lha dang / mi rnams kyi ston pa/ sangs rgyas bcom ldan 'das </font><hr>178b<br><font size=+1>


gser tog 'od ces bya bar 'gyur ro/ /de'i tshe de bzhin gshegs pa de yongs su mya ngan las 'das pa'i 'og tu bstan pa'i chos rnams nub par gyur pa dang / 'di'i bu chung du dngul gyi 'od de bzhin gshegs pa'i rgyal tshab tu 'gyur bas 'jig rten gyi khams da nyid du mngon par rdzogs par 'tshang rgya bar 'gyur te/ de bzhin gshegs pa| dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu kha lo sgyur ba/ lha dang / mi rnams kyi ston pa/ sangs rgyas bcom ldan 'das gser 'od ces bya bar 'gyur ro zhes lung bstan to/ /de nas de'i tshe lha'i bu stong phrag bcu po de dag gis skyes bu chen po gsum po de dag las lung bstan pa'ang thos/ 'di ltar mdo sde'i rgyal po mchog dam pa 'di'ang thos pas sems rab tu dga' ba skyes nas rnam par dag cing dri ma med par gyur pas/ dper na/ nam mkha' lta bur gyur to/ /de nas de bzhin gshegs pas lha'i bu stong phrag bcu po de dag dge ba'i rtsa ba de dag yongs su smin pa thugs kyi mkhyen pas byang chub chen por lung bstan nas/ 'di skad du/ lha'i bu khyed cag ma 'ongs pa'i bskal pa bye ba khrag khrig </font><hr>179a<br><font size=+1>


@#/ /'bum phrag brgya stong tshad med grangs med pa snyed 'das pa na 'jig rten gyi khams dbang po'i tog mngon par 'phags pa zhes bya bar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rus rigs kyang mthun/ ming mthun par 'gyur bas thams cad zhal dang / spyan rnam par dag cing / ut+pa la'i dri'i ri mo zhes bya ba/ mtshan rnam pa bcu phun sum tshogs par 'gyur te 'di ltar rim bzhin du sangs rgyas stong phrag bcu 'jig rten du 'byung bar 'gyur ro zhes lung bstan to/ /de nas bcom ldan 'das la byang chub kyi shing gi lha mos 'di skad ces gsol to/ /bcom ldan 'das/ lha'i bu stong phrag bcu po 'di dag ni sum cu rtsa gsum lha'i gnas nas chos nyan pa'i slad du bcom ldan 'das kyi spyan sngar mchis pa lags na ci'i slad du de bzhin gshegs pas mngon par 'tshang rgya bar 'gyur ro zhes lung bstan par mdzad lags/ bdag gis ni lha'i bu 'di dag pha rol tu phyin pa drug phun sum tshogs par bsgoms nas dka' ba spyad de lag pa dang / rkang pa dang / mgo dang / mig dang / rkang dang / klad rgyas dang / g.yog 'khor dang / bu dang / </font><hr>179b<br><font size=+1>


mchis brang dang / glang po che dang / rta dang / shing rta dang / bran po dang / bran mo dang / mngag gzhug bgyid pa dang / khang khyim dang / kun dga' rab dang / nags tshal dang / gser dang / dngul dang / bai DUR+Ya dang / spug dang / rdo'i snying po dang / byu ru dang / man shel dang / dung dang / bza' ba dang / btung ba dang / gos dang / mal cha dang / gsos sman dag sbyin pa yongs su gtong ba'ang ma thos te byang chub sems dpa' brgya stong tshad ma mchis \?\ pa gzhan dag ni mchod pa'i yo byad mang pos 'das pa'i sangs rgyas 'bum phrag khrag khrig brgya stong grangs ma mchis pa snyed la mchod pa bgyis nas 'di ltar byang chub sems dpa' de dag so so nas bskal pa tshad ma mchis shing mtha' ma mchis pa snyed lon nas gdod de'i rjes la byang chub tu lung bstan pa 'thob par 'gyur lags na/ bcom ldan 'das/ lha'i bu 'di dag rgyu rkyen ni gang spyod pa mchog ni ji lta bu zhig mngon par bsgrubs/ dge ba'i rtsa ba ni ji lta bu zhig bskrun na/ lha'i gnas de nas 'dir mchis te yud tsam zhig chos thos pa nyid kyis lung bstan pa thob par 'gyur ba lags/ bcom ldan 'das kyis bdag la bkas bshad de the tshom gyi dra ba bcad du gsol/ bcom ldan 'das kyis shing gi lha mo la bka' stsal pa/ rigs </font><hr>180a<br><font size=+1>


@#/ /kyi lha mo/ khyod kyis ji skad smras pa bzhin te 'di dag thams cad ni dge ba'i rtsa ba mchog dam pa'i rgyu dang / rkyen dang / nan tan brtson 'grus kyi dka' ba bsgrubs nas gdod lung bstan pa thob pa yin pas lha'i bu mang po 'di dag lha'i gzhal med khang mchog dam pa nas 'dod pa lnga'i bde ba spangs te ched du gser 'od dam pa'i mdo sde 'di mnyan du 'ongs pa yin pas chos thos par gyur nas kyang mdo sde 'di la sems kyis gus pa bskyed de bai DUR+Ya yongs su dag pa ltar skyon gyi dri ma med par gyur pa dang / gzhan yang / byang chub sems dpa' sems dpa' chen po gsum po 'di dag la lung bstan pa'i dngos po'ang thos pa dang / gzhan yang / 'das pa'i dus kyi tshe yun ring por yang dag pa spyod pa bsgrubs nas yi dam chen po blangs pa'i rgyu dang / rkyen de'i phyir ngas ma 'ongs pa'i dus na bla na med pa yang dag par rdzogs pa'i byang chub mngon par rdzogs pa 'tshang rgya bar 'gyur ro zhes lung bstan pa yin no/ /de nas shing gi lha mo des bcom ldan 'das kyis de skad ces bka' stsal pa thos pa dang / rab tu dga' bas mngon bar yid ches par gyur to/ /gser 'od dam pa mchog tu rnam par rgyal ba mdo sde'i rgyal po las/ </font><hr>180b<br><font size=+1>


lung bstan pa'i le'u ste nyi shu gsum pa'o// //bcom ldan 'das kyis byang chub kyi shing gi lha mo la bka' stsal pa/ rigs kyi lha mo/ legs par nyon la shin tu yid la zungs shig dang / lha'i bu stong phrag bcu po 'di dag gi sngon gyi smon lam gyi rgyu dang / rkyen gang yin pa deng khyod la bshad par bya'o/ /rigs kyi lha mo/ sngon byung ba 'das pa'i dus kyi bskal pa grangs med pa tshad med cing bsam gyis mi khyab pa de'i tshe de'i dus na de bzhin gshegs pa/ dgra bcom pa/ yang dag par rdzogs pa'i sangs rgyas| rig pa dang / zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu kha lo sgyur ba/ lha dang / mi rnams kyi ston pa/ sangs rgyas bcom ldan 'das rin chen gtsug phud ces bya ba 'jig rten du byung ste/ rigs kyi lha mo/ de'i tshe bcom ldan 'das de yongs su mya ngan las 'das pa'i 'og tu yang dag pa'i chos nub par gyur nas gzugs brnyan gyi chos kyi tshe rgyal po lha'i dbang phyug 'od ces bya ba zhig yod de/ rtag par yang dag pa'i chos kyis pha ma bzhin du mi rnams la rjes su 'dzin par byed do/ /rgyal po de'i yul na tshong dpon chu 'dzin ces bya ba sman gyi rigs la shin tu mkhas pa shes pa'i yan lag brgyad legs par khong du chud pa sems </font><hr>181a<br><font size=+1>


@#/ /can gyi nad kyi sdug bsngal 'byung ba chen po bzhi mi mthun pa las gyur pa thams cad yongs su skyob cing gso bar byed pa zhig yod do/ rigs kyi lha mo/ de'i tshe tshong dpon chu 'dzin de la bu chu 'bebs shes bya ba byad bzhin sdug cing mdzes pa/ mang po kun gyis mos par blta bar mos pa/ rang bzhin gyi sems myur ba| gtsug lag rnams legs par rtogs pa/ yi ge dang / ri mo dang / rtsis dang / grangs rnams mngon par mi rtogs pa gang yang med pa zhig yod par gyur to/ /de'i tshe rgyal po de'i yul khams na sems can brgya stong tshad med pa snyed nad kyi sdug bsngal sna tshogs kyis rab tu gzir bar gyur pas tha na dga' ba'i sems cung zad tsam yang med par gyur to/ /de nas tshong dpon gyi bu chu 'bebs sems can brgya stong tshad med pa de dag nad kyi sdug bsngal myong bar gyur pa mthong ba dang / snying rje chen po'i sems bskyed nas 'di snyam du sems can tshad med pa 'di snyed sdug bsngal mi bzad pas nyon mongs par gyur te bdag gi pha tshong dpon sman dpyad la shin tu mkhas shing shes pa'i yan lag brgyad legs par khong du chud de/ 'byung ba chen po bzhi 'phel zhing 'grib pa las byung ba'i nad sna tshogs gso bar nus kyang / rgas 'a \?\ </font><hr>181b<br><font size=+1>


pas lus kyi nyam chung zhing rmya ba dang / 'khar ba la brten nas gdod 'gro bas grong dang / grong khyer dang / grong rdal rnams su song nas nad kyi sdug bsngal rnams yongs su skyob par byed mi nus la/ deng sems can brgya stong tshad med pa snyed ni nad tshabs chen pos thebs pas yongs su skyob par nus pa med na deng bdag pa sman pa chen po'i drung du song la nad gso ba'i sman dpyad gsang ba dris te gal te shes par gyur na grong dang / grong khyer dang / grong rdal dag tu song la sems can rnams kyi nad rnam pa sna tshogs gsos te yun ring por bde ba myong bar bya'o snyam mo/ /de nas tshong dpon gyi bus de snyam du bsam nas pha'i thad du song ste rkang pa la mgo bos gtugs nas phyag byas te gus pas thal mo sbyar nas phyogs gcig tu 'khod de tshigs su bcad pa dag gis pha la 'di skad ces dris so/ /bdag ni sems can bskyab pa'i slad/ /sman dpyad rnams ni zhu lags na/ /byams pa'i yab kyis brtser dgongs te/ /bdag la bkas ni bshad du gsol/ /ji ltar lus ni 'jig pa na/ /'byung chen rnams ni 'phel 'grib 'gyur/ /gzhan yang dus ni gang gi tshe/ /nad mang rnams ni skye 'gyur lags/ /ji ltar zas skom 'tshal 'gyur na/ /bde ba dag ni mang 'gyur zhing / /lus kyi nang na me yi mthu/ / </font><hr>182a<br><font size=+1>


@#/ /nyams shing gnod par mi 'gyur lags/ /sems can nad ni bzhi mchis te/ /rlung dang mkhris pa bad kan dang / /kun 'dus pa yi nad lags na/ /de dag ji ltar gso bar bgyi/ /gang gi tshe ni rlung nad ldang / /gang gi tshe ni mkhris nad slong / /gang gi tshe ni bad kan g.yo/ /gang gi tshe ni kun 'dus skye/ /de nas tshong dpon gyi bus gsol ba btab pa thos pa dang / tshigs su bcad de smras pa/ ngas de drang srong snying po yi/ /nad gso dpyad la brten nas ni/ /rim bzhin khyod la rab bstan gyi/ / legs par nyon la sems can skyobs/ /zla ba gsum ni dpyid kyi dus/ /zla ba gsum ni dbyar zhes bya/ /zla ba gsum ni ston gyi phyogs/ /zla ba gsum ni dgun zhes bya// 'di ni lo gcig las brtsams pas/ /gsum gsum so sor bshad par bya/ /gnyis gnyis dus tshigs gcig byas nas/ /lo gcig dus ni drug tu 'gyur/ /dang po gnyis ni me tog dus/ /gsum dang bzhi ni tsha ba'i dus/ /lnga dang drug pa char pa'i dus/ /bdun dang brgyad pa ston gyi dus/ /dgu dang bcu pa grang ba'i dus/ /phyi ma gnyis ni kha ba'i dus// de ltar bye brag shes gyur na/ /'gal ba med par sman gtang bya/ /dus ni 'di dag rjes mthun par/ /zas skom legs par sbyor byed na/ /ltor ni myur du 'ju 'gyur bas/ /nad mang </font><hr>182b<br><font size=+1>


dag ni skye mi 'gyur/ /dus tshigs gal te log 'gyur zhing / /'byung chen bzhi ni 'phos gyur la/ /de tshe gsos sman med gyur na/ /nges par nad kyi sdug bsngal skye/ /sman pas dus bzhi shes bya zhing / /dus tshigs dag kyang shes par bya/ /lus kyi khams bdun rig byas nas/ /'gal ba med par zas sman gtong / /ro yi khams dang khrag dang sha/ rus dang rkang dang klad rgyas su/ /nad ni 'di dag zhugs pa'i ste/ /gsor rung mi rung shes par bya/ /nad ni tha dad rnam bzhi yod/ /rlung dang mkhris pa bad kan dang / /kun 'dus pa yi nad yin te/ /g.yo ba'i dus ni shes par bya/ /dpyid ka'i dus ni bad kan g.yo/ /dbyar ni rlung nad skye bar 'gyur/ /ston gyi dus su mkhris pa rgyas/ /dgun ni gsum po cig car ldang / /dpyid ni tsha rtsub dro ba bza'/ /dbyar ni snum dro lan tshwa skyur/ /ston ni grang dang mngar dang snum/ /dgun ni rtsub skyur snum dang mngar/ /dus ni bzhi po 'di dag tu/ /sman dang zas skom gang bza' ba/ /gal te de bzhin za byed na/ /nad mang dag ni skye mi 'gyur/ /zos 'og na ba bad kan dang / /zhu tshe na ba mkhris las gyur/ /zhu 'og ldang ba rlung gi dbang / /dus dang sbyar la nad shes bya/ /nad kyi rtsa ba shes gyur nas/ /nad ni ji bzhin sman gtang bya/ /nad dbyibs bye brag tha dad kyang / /sngar ni </font><hr>183a<br><font size=+1>


@#/ /rtsa ba shes par bya/ /rlung nad dag la snum bag btang / /mkhris pa'i nad ni 'khru na bzang / /bad kan nad ni skyug par bya/ /kun 'dus la ni sman gsum dgos/ /rlung mkhris bad kan gsum ldan pa/ /de ni kun 'dus par shes bya/ /nad ldang dus ni shes gyur kyang / /rang bzhin dag ni shes par bya/ /de ltar brtags te shes gyur nas/ /dus bzhin du ni sman dpyad bya/ /zas skom sman ni 'gal med pa/ /de ni sman pa mkhas zhes bya/ /shes pa'i yan lag brgyad rig nas// sman dpyad rnams ni kun bsdud pa/ /'di dag la ni gsal byas nas/ /sems can nad ni gso bar bya/ /gtar ba dang ni rmas snad dang / /lus kyi nad dang 'dre gdon dang / /ma rungs dug dang byis pa dang / /tshe bsring dang ni mthu skyed yin/ /sngar ni de yi kha dog dang / /smra tshig rang bzhin rab brtags nas/ /de 'og rmi lam dris gyur na/ /rlung mkhris bad kan bye brag shes/ /skem rid mgo yi skra ngan cing / /sems kyi rang bzhin mi brtan pa/ /tshig mang rmi lam 'phur mthong na| /de ni rlung gi rang bzhin can/ /gzhon nur skra dkar skye ba dang / /rngul che gsher ba mang ba dang / /yid gzhungs rmi lam me mthong ba/ /de ni mkhris pa'i rang </font><hr>183b<br><font size=+1>


bzhin can/ /sems brtan lus ni mnyam la drang / /zhib rtog mgo dag snum zhing rlan/ /rmi lam chu dang rdzas dkar mthong / /bad kan rang bzhin shes par bya/ / kun 'dus rang bzhin kun ldan pas/ /kha cig gnyis dang gsum ldan pas/ /phyogs gcig lhag par gang mang ba/ /de yi rang bzhin shes par byos/ /rang bzhin rig par gyur nas ni/ /nad bzhin sman ni gtang bar bya/ /'chi ba'i mtshan ma med gyur na/ /mi de gsor rung ba zhes bya/ /dbang pos log pa la 'dzin cing / /bla ma sman pa dag la brnyas/ /nye du dag la khong khro na/ /'chi ba'i mtshan mar shes par bya/ /mig yon kha dog dkar 'gyur zhing / /lce gnag sna zur yo ba dang / /rna ba'i 'khor lo sngo las gyur/ /ma mchu thur 'phyang chi ba'i mtshan/ /a ru ra ni rnam gcig la/ /ro yi rnam pa drug ldan te/ /nad ni thams cad sel byed pas/ /nyes med sman rnams kun gyis rgyal/ /'bras bu gsum dang tsha ba gsum/ /sman rnams nang na rnyed par sla/ /bu ram sbrang rtsi 'o ma mar/ /'di dag nad mang gso bar nus/ /de las gzhan pa'i sman rnams ni/ /nad dang sbyar te bskyed par bya/ /sngar ni brtse ba'i sems bskyed nas/ /nor dang khe la blta mi bya/ /ngas ni </font><hr>184a<br><font size=+1>


@#/ /khyod la nad gso ba'i/ /gces pa'i don ni bstan pa yin/ /'di yis sems can gso byas na/ /mtha' med 'bras bu thob par gyur// rigs kyi lha mo/ de nas tshong dpon gyi bu chu 'bebs pha las mngon sum du shes pa'i yan lag brgyad kyi don shes pa dang / 'byung ba chen po bzhi 'phel zhing 'grib pa dang / dus tshigs mi mthun pa dang / sman dpyad kyi cho ga thos pas legs par khong du chud par gyur nas bdag nyid nad mang po gso nus par rig par gyur pas grong dang / grong khyer dang / grong rdal kun tu khyab par de dang de dag tu song ste/ nad kyi sdug bsngal dang ldan pa'i sems can 'bum phrag stong du ma de'i thad du lhags pa rnams la legs pa'i tshig gis spro ba bskyed nas/ 'di skad du/ bdag ni sman pa'o/ /bdag ni sman pa ste/ sman dpyad la shin tu mkhas pas deng khyed cag gi nad mang po gsos nas thams cad sos par bya'o zhes smras so/ /rigs kyi lha mo| de'i tshe mi mang po rnams tshong dpon gyi bus legs pa'i tshig gis spro ba bskyed nas nad gso bar gnang ba thos pa dang / de nas sems can nang </font><hr>184b<br><font size=+1>


tshabs chen pos btab pa brgya stong tshad med pa snyed cig tshig de skad smras pa thos nas lus dang / sems dga' mgu ra ngas shing ngo mtshar rmad du byung ba thos par gyur pas rgyu dang / rkyen des nad kyi sdug bsngal ji snyed pa thams cad sos shing zhi bar gyur pas nyams stobs rtas te snga mkho bzhin du sos par gyur to/ /rigs kyi lha mo/ de'i tshe/ gzhan yang / nad kyi sdug bsngal shin tu lci zhing gso bar dka' ba'i sems can brgya stong tshad med pa rnams kyang lhan cig tshong dpon gyi bu de'i thad du lhags nas yang nad \?\gso bar gsol ba btab pa dang / de'i tshe tshong dpon gyi bus sman gyi nom pa dag btang nas thams cad sos par gyur te/ rigs kyi lha mo/ de'i tshe tshong dpon gyi bu des yul khams de kun gyi nad kyi sdug bsngal gyis nyen pa'i sems can bye ba khrag khrig brgya stong du ma sos par byas so/ /gser 'od dam pa mchog tu rnam par rgyal ba mdo sde'i rgyal po las/ nad rab tu zhi bar byas pa'i le'u ste nyi shu bzhi pa'o// // de nas bcom ldan 'das kyis byang chub kyi shing gi lha mo la 'di skad ces bka' stsal to/ /rigs kyi lha mo/ de'i tshe tshong dpon gyi bu chu 'bebs kyis sngon gyi rgyal </font><hr>185a<br><font size=+1>


@#/ /po lha'i dbang phyug 'od kyi yul khams su sems can gyi nad kyi sdug bsngal ji snyed yod pa dag gsos nas snga mkho bzhin du rtas te bde ba myong bar gyur pa dang / de'i tshe sems can mang po de dag nad sos par gyur pa'i phyir bsod nams kyi las mang du bsags nas sbyin pa rgya cher btang ba la bdag nyid longs spyod par gyur pas thams cad lhan cig tshong dpon gyi bu'i thad du dong ste thams cad gus pa bskyed nas/ 'di skad du/ tshong dpon chen po'i bu/ bsod nams kyi dngos po shin tu legs par bskyed de bdag cag la phan btags nas bde bar 'tsho bar byas pa legs so/ /legs so| |khyod ni yang dag pa'i mthu chen po dang ldan pa'i sman pa'i rgyal po byams pa dang / snying rje dang ldan pa'i byang chub sems dpa' yin te sman dpyad la shin tu mkhas pas sems can gyi nad kyi sdug bsngal tshad med pa dag legs par gsos so zhes grong khyer kun tu khyab par de ltar bsngags pa brjod par gyur to/ /rigs kyi lha mo/ de'i tshe tshong dpon gyi bu de'i chung ba chu'i pad+ma'i mdzod ces bya ba la bu gnyis yod de/ de gcig gi ming ni chu </font><hr>185b<br><font size=+1>


rgyas zhes bya'o/ /gcig gi ming ni chu'i mdzod ces bya'o/ /de nas chu 'bebs kyis bu gnyis khrid nas mthar gyis grong dang / grong khyer dang / grong rdal rgyu zhing dong ba las dgon pa'i gnas shin tu nyam nga ba zhig 'das pa dang / de na 'phar ba dang / spyang ki dang / wa dang / spra chen dang / bya rgod la sogs pa gcan gzan gyi rnam pa sha khrag za zhing 'thung ba mang po phyogs gcig tu rgyug cing 'phur te dong ba mthong ngo / /de nas tshong dpon gyi bu de 'di snyam du gcan gzan 'di dag rgyu dang / rkyen gang gi phyir phyogs gcig tu 'phur zhing rgyug par gyur/ bdag gis skad cig phyi bzhin du brtag go snyam du bsams nas phyi bzhin du song ba las rdzing chen po dgon pa skyes zhes bya ba de ni chu zad la thug pas rdzing de'i nang na nya mang po yod pa mthong bar gyur to/ /chu 'bebs kyis mthong nas kyang snying rje chen po'i sems skyes pa dang / de'i tshe shing gi lha zhig lus phyed tsam bstan nas/ 'di skad du legs so/ /legs so/ /rigs kyi bu/ khyod ni yang dag pa'i don dang ldan pa'i phyir chu 'bebs zhes bya bas nya 'di dag la snying brtsebs chu sbyin pa'i rigs so/ /rgyu dang / rkyen rnam pa gnyis dang ldan pa'i phyir chu 'bebs zhes bya ste/ chu 'bab par byed pa dang / chu sbyin par byed pa'o/ / </font><hr>186a<br><font size=+1>


@#/ /der khyod kyis ming ji lta ba bzhin du byos shig /de nas chu 'bebs kyis shing gi lha mo la smras pa/ nya 'di dag gi grangs ji tsam zhig yod/ shing gi lha mos smras pa/ grangs ni stong phrag bcu tshang ba snyed yod do/ /rigs kyi lha mo/ de nas tshong dpon gyi bus grangs de snyed yod par thos pa dang / lhag par snying rje'i bsam pa skyes par gyur to/ /de'i tshe rdzing chen po de yang nyi mas gdungs nas chu'i lhag ma cung zad cig lus par gyur pas nya stong phrag bcu po de dag kyang 'chi ba'i sgor zhugs te lus kyis 'gre ldog byas pa na tshong dpon de mthong ba dang / sems la re ba dang bcas mig mi 'dzums par rjes su 'brang zhing blta bar gyur to/ / de nas tshong dpon gyi bus dngos po de mthong nas phyogs bzhir rgyugs te chu btsal bar 'dod kyang rnyed par ma gyur pas yang phyogs gcig tu rnam par bltas pa las ljon shing chen po zhig mthong ba dang / steng du 'dzegs nas yal ga dang / lo ma bcad de bsil grib byas so/ /gzhan yang / rdzing 'di'i chu gang nas 'ongs zhes 
 su btsal ba las chu bo chen po chu skyes zhes bya ba zhig mthong ngo / /de'i tshe chu bo de'i 'gram na nya pa mang po yod pas nya blang ba'i phyir chu bo de'i gong du g.yang sa chen po </font><hr>186b<br><font size=+1>


yod pa'i gnas su chu bo nas 'bab tu mi ster bas chu dral ba'i gnas de yang shin tu bcos dka' bar gyur pas 'di snyam du gad pa 'di ni shin tu zab cing g.yang sa che bas mi brgya stong gis zla ba gsum gyi bar du'ang gcod par mi nus na/ bdag gcig pus mi nus pa lta smos kyang ci dgos snyam mo/ /de nas tshong dpon gyi bu myur du rang gi grong khyer du song ste rgyal po chen po'i drung du phyin nas/ mgo bos rkang pa la phyag byas te phyogs gcig tu 'khod nas gus pas thal mo sbyar te/ 'di skad du/ bdag gis rgyal po chen po'i mnga' ris na 'bangs la bro nad sna tshogs ci mchis pa gsos nas thams cad bde bar bgyis te/ mthar gyi ljongs rgyur mchis pa las 'brog dgon pa zhig tu mchis pa dang / rdzing dgon pa chu skyes zhes bgyi ba de'i chab bas su nye bas de na nya stong phrag bcu mchis pa yang gdugs kyis bskams pas rings po mi thogs par 'gum par 'gyur ba dag mthong lags na/ rgyal po chen po/ byams pa dang / thugs rjes thugs brtse bar dgongs te glang po che nyi shu zhig chab dgal bar skad cig stsal du gsol/ ji ltar bdag gis nad pa mang po la srog stsal pa de bzhin du nya de dag gi srog gi skyabs bgyid pa lags so zhes gsol </font><hr>187a<br><font size=+1>


@#/ /to| |de nas rgyal po chen pos kyang blon po chen po la sman pa'i rgyal po 'di la glang po che byin cig ces bsgo'o/ /de'i tshe blon po chen pos kyang rgyal po'i bka' khyer nas tshong dpon gyi bu la 'di skad ces smras so/ /kye skyes bu chen po/ legs so/ /khyod bdag nyid glang po che'i lhas su song ste yid la ji ltar 'dod pa bzhin du glang po che nyi shu zhig 'dams te khyer la sems can la phan btags nas bde ba thob par gyis shig /de nas chu 'bebs bu gnyis dang lhan cig tu glang po che nyi shu khrid de tshong pa'i khyim nas rgyal ba mang po g.yar te/ chu dral ba'i gnas su phyin nas rkyal pa chus bkang ste glang po che la bkal nas rdzing gi drung du phyin te/ rdzing gi nang du blugs pa dang / snga mkho bzhin du gang zhing rgyas par gyur to/ /rigs kyi lha mo/ de'i tshe tshong dpon gyi bus rdzing gi ngos bzhir 'khor bar bltas pa dang| de nas nya mang po de dag kyang phyi bzhin du 'brang nas 'gram du rgyu bar gyur to/ /de nas tshong dpon gyi bu yang 'di snyam du nya mang po 'di dag ci'i phyir bdag gi phyi bzhin 'brang / gdon mi za bar bkres pa'i mes gdungs nas bdag la zas slong ba yin pas bdag gis sbyin par bya'o snyam du bsams nas/ tshong dpon gyi bu </font><hr>187b<br><font size=+1>


chu 'bebs kyis bu la 'di skad smras so/ khyod kyis glang po che mchog tu stobs dang ldan pa zhig blangs te myur du khyim du deng la yab tshong dpon la gsol te khyim na bzar rung ba'i dngos po ci yod pa dang / pha ma za ba'i skal ba dang / bu dang / chung ma dang / bran mo dang / bran pho'i skal ba ci yod pa thams cad kyang bsdus te khyer la shog cig /de nas bu gnyis pas bstan pa mnyan nas glang po che mchog la zhon te rings par khyim du song nas/ mes po'i drung du phyin pa dang / dngos po gong ma rgyas par smras nas/ khyim na bzar rung ba'i dngos po ci yod pa blangs te glang po che la bkal nas/ myur zhing rings par pha 'dug pa'i rdzing drung du phyin pa dang / de nas chu 'bebs bu 'ongs pa mthong nas lus dang / sems dga' mgu rangs par gyur te zas rnams blangs nas rdzing kun tu khyab par gtor ba dang / nya rnams zas thob pas thams cad 'grangs shing tshim par gyur to/ /yang 'di snyam du deng bdag gis zas yongs su btang nas nya rnams srog thob par gyur pas ma 'ongs pa'i dus kyi tshe'ang chos kyi zas yongs su btang nas sems can mtha' yas pa rnams tshim par byed par gyur cig snyam mo/ /gzhan yang / 'di snyam du bdag gis </font><hr>188a<br><font size=+1>


@#/ /sngon dgon pa'i nags tshal na dge slong zhig theg pa chen po'i mdo sde klog pa las/ rten cing 'brel par 'byung ba yan lag bcu gnyis pa'i chos zab mo'i don gces pa ston pa yang mthong zhing thos/ gzhan yang / mdo sde las sems can gang la la zhig 'chi ka'i dus kyi tshe de bzhin gshegs pa rin chen gtsug phud kyi mtshan thos par gyur na mtho ris su skye bar 'gyur ro zhes gsungs pas/ deng bdag gis nya stong phrag bcu po de dag la rten cing 'brel par 'byung ba yan lag bcu gnyis pa'i chos zab mo yang bstan la de bzhin gshegs pa rin chen gtsug phud kyi mtshan yang brjod par bya'o/ /'dzam bu'i gling 'di na sems can rnam pa gnyis yod de/ theg pa chen po la shin tu mngon par yid ches pa dang / yid mi ches shing smod par byed pa ste/ de dag kyang mngon par yid ches pa'i sems 'phel bar bya'o snyam mo/ /de'i tshe tshong dpon gyi bu 'di snyam du bdag rdzing gi nang du zhugs te nya mang po de dag la chos zab mo shin tu gya nom pa bshad par bya'o snyam du bsams nas chu'i nang du zhugs te/ 'di skad ces/ 'das pa'i de bzhin gshegs pa/ dgra bcom </font><hr>188b<br><font size=+1>


pa| yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu kha lo sgyur ba/ lha dang| mi rnams kyi ston pa/ sangs rgyas bcom ldan 'das rin chen gtsug phud la phyag 'tshal lo/ /de bzhin gshegs pa 'di sngon byang chub sems dpa'i spyad pa spyod pa na 'di ltar thugs dam bzhes te/ phyogs bcu'i 'jig rten gyi khams na sems can ji snyed pa gang dag 'chi ka'i dus kyi tshe/ nga'i ming thos par gyur na shi 'phos pa'i 'og tu sum cu rtsa gsum gyi lhar skye bar 'gyur ro zhes bka' stsal to zhes bsgrags so/ /de nas chu 'bebs kyis rdzing gi nya de dag la chos zab mo gya nom pa yang / 'di skad du/ 'di yod pa'i phyir de yod/ 'di skyes pa'i phyir de skye bar 'gyur ba/ 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / </font><hr>189a<br><font size=+1>


@#/ /mya ngan dang / smre sngags 'don pa dang / sdug bsngal ba dang / 'khrug pa 'byung ste/ sdug bsngal gyi phung po chen po 'di 'ang zhig 'byung bar 'gyur ro/ /'di 'gags pa'i phyir de 'gag par 'gyur pa/ 'di lta ste/ ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas/ ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi 'gag /rga shi 'gags pas mya ngan dang / smre sngags 'don pa dang / sdug bsngal ba dang / 'khrug pa rnams 'gag par 'gyur te/ 'di ltar sdug bsngal gyi phung po 'di 'ba' zhig 'gag par 'gyur ro zhes bshad do/ /chos 'di dag bshad nas/ gzhan yang / rten cing 'brel par 'byung ba'i yan lag bcu gnyis dang mtshungs par ldan pa'i gzungs 'di </font><hr>189b<br><font size=+1>


bstan to/ /tad+ya thA/ bi tsa ni/ bi tsa ni/ bi tsa ni/ saM sh+tsa ni/ saM sh+tsa ni/ saM sh+tsa ni/ b+hi shi ni/ b+hi shi ni/ b+hi shi ni swA hA/ tad+ya thA/ na mi ni/ na mi ni/ na mi ni/ sha d+hi ni/ sha d+hi ni/ sha d+hi ni/ sra pra shi ni/ sra pra shi ni/ sra pra shi ni swA hA/ tad+ya thA/ be tra ni/ be tra ni/ be tra ni/ tri shi ni ni/ tri shi ni ni/ tri shi ni ni/ u pa d+hi ni/ u pa d+hi ni/ u pa d+hi ni swA hA/ tad+ya thA/ b+ha bi ni/ b+ha bi ni/ b+ha bi ni/ sha ti ni/ sha ti ni/ sha ti ni/ sha ma ni ni/ sha ma ni ni/ sha ma ni ni swA hA/ /de'i tshe bcom ldan 'das kyis 'khor mang po rnams la tshong dpon gyi bu'i sngon gyi rgyu 'di bstan pa na lha dang / mi'i 'khor rnams shin tu ngo mtshar che'o zhes bsngags pa brjod par gyur to/ /de nas rgyal po chen po bzhi po dag so so nas gnas de nyid du mgrin gcig tu 'di skad ces smras so/ /legs so shAkya thub pa'i gtso/ /yan lag bcu gnyis mtshungs ldan pa/ /dam chos rig sngags bkas bshad nas/ /sdig bsal bsod nams 'phel bar mdzad/ /bdag cag kyang ni sngags brjod pa/ /dam pa'i chos ni srung bar bgyid/ /gang zhig 'gal bar bgyis nas ni/ /legs par rjes su mi 'brang na/ /ardza ka yi yal ga bzhin/ /mgo ni tshal pa bdun du 'gas/ /bdag cag bcom ldan spyan sngar ni/ /rig 
 </font><hr>190a<br><font size=+1>


@#/ /lan cig brjod par bgyid/ /tad+ya thA/ hi ri mi gA te/ gan d+ha ri/ tsan d+ha ri/ d+ha ri dze b+ha re/ shi hi b+ha re/ pu re pu re/ gu gu ma ti/ kha ra ma ti/ da d+hi mu khi/ lau ru b+ha/ mu ru b+hi/ ku tsa mu ru gan+te/ tu ru tu ru tu ru bId+ye/ a d+hi sid+d+hi da ba bye/ d+ha da ba bye/ u ste/ u ste bad d+he/ a na le bad d+he/ ba du bad d+he/ a su ma bad d+he swA hA/ /bcom ldan 'das kyis bka' stsal pa/ rigs kyi lha mo/ de'i tshe tshong dpon gyi bu chu 'bebs dang / bu gnyis kyis rdzing de'i nya ngag la chu dang| zas byin nas \?\ chos bshad de slar rang gi khyim du dong ngo / /tshong dpon gyi bu chu 'bebs de dus gzhan zhig na ston mo la 'dus te ston mo sna tshogs byas nas chang gis ra ro ste nyal ba dang / de'i tshe nya stong phrag bcu po de dag dus gcig tu tshe 'das nas sum cu rtsa gsum gyi lhar skyes pas de dag 'di snyam du bdag cag gi dge ba'i las kyi rgyu dang / rkyen gang gis lha'i gnas 'dir skyes par gyur ces bsams nas phan tshun gcig la gcig /'di skad du/ bdag cag ni sngon 'dzam bu'i gling du dud 'gro'i skye gnas su lhung nas nya'i lus blangs pa las/ tshong dpon gyi bu chu 'bebs kyis bdag cag la chu dang / zas byin nas/ </font><hr>190b<br><font size=+1>


gzhan yang / bdag cag la rten cing 'brel par 'byung ba yan lag bcu gnyis pa'i chos zab mo dang / gzungs kyang bshad/ de bzhin gshegs pa rin chen gtsug phud kyi mtshan nas kyang brjod pa'i rgyu dang / rkyen des bdag cag lha'i gnas 'dir skyes pa yin pas/ de'i phyir bdag cag thams cad tshong dpon gyi bu de'i thad du dong la drin bsab pa'i phyir mchod pa bya ba'i rigs so zhes smras so/ /de nas lha'i bu stong phrag bcu po de dag lha'i gnas de nas mi snang bar gyur te 'dzam bu'i gling du sman pa'i rgyal po chen po'i thad du lhags so/ /de'i tshe tshong dpon gyi bu de yang thog mthon po'i steng du bde bar gnyid log pa las lha'i bu stong phrag bcu po de dag gis mu tig gi phreng ba stong phrag bcu ni mgo drung du bzhag /yang stong phrag bcu ni rkang pa'i drung du bzhag /yang stong phrag bcu ni g.yas logs su bzhag /yang stong phrag bcu ni g.yon logs su bzhag ste/ me tog man dA ra ba dang / man dA ra ba chen po'i char pa pus nub tsam du phab nas 'od kyis kun snang bar byas te/ lha'i rol mo rnam pa sna tshogs las sgra dbyangs snyan pa dag byung bas 'dzam bu'i gling du gnyid log pa thams cad sad par byas so/ /tshong </font><hr>191a<br><font size=+1>


@#/ /dpon gyi bu chu 'babs kyang gnyid log pa las sad par gyur pa dang / de nas lha'i bu stong phrag bcu po de dag gis mchod pa byas nas nam mkha' la 'phur te dong ngo / /rgyal po lha'i dbang phyug gi 'od kyi yul khams su'ang gnas de dang / de dag thams cad du lha'i me tog pad+ma dam pa'i char mngon par phab bo/ /lha'i bu mang po de dag sngon gyi gnas dgon pa'i rdzing drung du dong nas lha'i me tog sna tshogs kyi char mngon par phab ste/ de nas mi snang bar gyur nas slar lha'i gnas su song ste/ yid bzhin du ci dga' bar 'dod pa lnga'i bde ba dag la longs spyod par gyur to/ /rgyal po lha'i dbang phyug gi 'od kyang nam langs pa dang / blon po chen po de dag la/ mdang sum rgyu dang / rkyen gang gi phyir ya mtshan gyi mtshan ma de lta bu dag snang zhing 'od zer chen po dag kyang bkye bar gyur ces smras so| |blon po chen pos spras pa/ rgyal po chen po/ mkhyen par mdzod cig /lha'i tshogs mang po rnams kyis tshong dpon gyi bu chu 'bebs kyi sdum par mu tig gi phreng ba 'bum phrag bcu dang / me tog man dA ra ba'i char mngon par phab pa pus nub tsam du bgyis lags so/ /rgyal pos blon po la bsgo pa/ tshong dpon gyi </font><hr>191b<br><font size=+1>


khyim du song la de'i bu bos shig /blon po chen pos bka' mnyan nas de'i khyim du song ste/ rgyal po'i bka' bzlas nas/ tshong dpon gyi bul gug \?\ go /de nas tshong dpon gyi bu rgyal po'i drung du phyin pa dang / mdang gsum rgyu dang / rkyen gang gi phyir ya mtshan che ba'i mtshan ma de lta bu byung bar gyur ces dris so/ /tshong dpon gyis bus smras pa| bdag gis dpyad pa ltar na/ gdon mi 'tshal bar rdzing de'i nang gi nya mang po de dag mdo sde las gsungs pa bzhin du tshe 'das nas sum cu rtsa gsum gyi lhar skyes pas de dag drin lan glan pa'i slad du ya mtshan che ba'i mtshan ma de lta bu bstan snyam bgyid lags so/ /rgyal pos smras pa/ ji ltar shes/ chu 'bebs kyis smras pa| lhas pho nya 'ga' zhig dang / bdag gi bu gnyis rdzing chen po'i drung du btang ste/ nya stong phrag bcu po de dag gum mam/ 'tsho ba brtags na mad dam/ mi mad mkhyen par 'gyur lags so/ /rgyal pos de skad smras pa thos nas/ pho nya dang / de'i bu gnyis rdzing de'i drung du btang ba las rdzing de'i nang na me tog man dA ra ba mang po phung po chen pos gang bar gyur pa dang / nya mang po thams cad dus las 'das par mthong ngo / /mthong nas kyang slar myur du log ste rgyas par rgyal po la gsol ba dang / </font><hr>192a<br><font size=+1>


@#/ /rgyal po'ang de ltar gyur pa thos pas rab tu dga' bar gyur nas sngon de lta bu ma byung ngo zhes bsngags pa brjod par gyur to/ /de nas bcom ldan 'das kyis byang chub kyi shing gi lha mo la 'di skad ces bka' stsal to/ /rigs kyi lha mo/ khyod kyis 'di ltar shes par bya ste/ sngon byung ba tshong dpon gyi bu chu 'bebs zhes bya ba de ni nga nyid yin no/ /tshong dpon gyi bu chu 'dzin zhes bya ba de ni mdzes pa'i tog yin no/ /de'i bu gnyis las bu chen po chu rgyas zhes bya ba de ni dngul gyi tog ces bya ba 'di nyid yin no/ /de'i bu chung ngu chu'i mdzod ces bya ba de ni dngul gyi 'od ces bya ba 'di nyid yin no/ /rgyal po lha'i dbang phyug gi 'od ces bya ba de byang chub kyi shing gi lha mo khyod nyid yin no/ /nya stong phrag bcu po de dag ni lha'i bu stong phrag bcu po 'di dag nyid yin no/ /ngas sngon nya de dag la chu dang / zas byin te tshim par byas nas rten cing 'brel par 'byung ba yan lag bcu gnyis pa'i chos zab mo dang ldan pa'i gzungs 'di bshad pa'i rgyu de dang / gzhan yang / de bzhin gshegs pa rin chen gtsug phud de'i mtshan nas brjod de bstan pa'i dge ba'i rtsa ba de'i rgyus mtho ris su skyes par gyur pas/ deng nga'i thad du 'ongs nas rab tu dga' bas chos mnyan </font><hr>192b<br><font size=+1>


bas ngas bla na med pa yang dag par rdzogs pa'i byang chub tu lung bstan nas de dag gi ming bstan pa yin no/ /rigs kyi lha mo/ ji ltar ngas sngon srid pa rnams su 'khor ba na 'khor ba'i tshe sems can tshad med pa snyed la rgya cher phan btags nas thams cad rim gyis bla na med pa yang dag par rdzogs pa'i byang chub tu lung bstan pa de bzhin du khyod cag thams cad kyis kyang nan tan brtson 'grus kyis nges par 'byung ba yongs su gnyer nas bag med par mi bya'o/ /de nas 'khor mang po rnams de skad ces bka' stsal pa thos pa dang / thams cad kyis byams pa dang / snying rje chen pos thams cad yongs su skyo ba dang / nan tan brtson 'grus kyi dka' ba spyad nas gdong bla na med pa'i byang chub rtogs shing mngon du byed par 'gyur bar khong du chud par gyur pas shin tu dang ba'i sems kyis mngon par yid ches shing rab tu dga' bar gyur to/ /gser 'od dam pa mchog tu rnam par rgyal ba mdo sde'i rgyal pos las/ tshong dpon gyi bu chu 'bebs kyi le'u ste nyi shu lnga pa'o// //gser 'od dam pa mchog tu rnam par rgyal ba mdo sde'i rgyal po bam po bcu pa ste tha ma/ de nas bcom ldan 'das kyis 'khor mang po rnams la lha'i bu stong phrag bcu </font><hr>193a<br><font size=+1>


@#/ /po de dag gi sngon gyi rgyu dang / rkyen bkas bshad nas/ yang byang chub kyi shing gi lha mo dang / 'khor mang po rnams la bka' stsal pa/ ngas 'das pa'i dus kyi tshe byang chub sems dpa' pa'i lam spyod pa na chu dang / zas sbyin pa btang nas nya de dag gi srog la phan btags pa 'ba' zhig byas pa ma yin gyi| shin tu phangs pa'i lus kyang yongs su btang ste/ de'i rgyu dang / rkyen gang yin pa lhan cig blta bar bya'o/ /de nas de bzhin gshegs pa dgra bcom pa yang dag par rdzogs pa'i sangs rgyas lha'i gnas kyi steng dang / lha'i gnas kyi 'og thams cad na mchog tu rnam par rgyal zhing mchog tu btsun pa/ 'od zer brgya stong du mas phyogs bcu'i 'jig rten gyi khams gsal bar mdzad pa/ mkhyen pa thams cad phun sum tshogs par gyur pa/ yon tan yongs su rdzogs par gyur pa des dge slong rnams dang / 'khor mang po rnams dang thabs gcig tu pany+tsa la'i ljongs su byon nas/ nags tshal sa gzhi shin tu mnyam la tsher ma rnams med pa/ me tog mchog dam pa dang / rtswa 'jam po dag gis kun tu khyab par bkram par gshegs te/ bcom ldan 'das kyis tshe dang ldan </font><hr>193b<br><font size=+1>


pa kun dga' bo la bka' stsal pa/ khyod kyis shing 'di'i drung du nga'i ched du stan things shig /de nas tshe dang ldan pa kun dga' bos bka' mnyan nas gdan bting ngo \?\/ /bting zin nas bcom ldan 'das la 'di skad ces gsol to/ /bcom ldan 'das/ gdan bshams lags na/ 'phags pas dus mkhyen par mdzad du gsol/ /de nas bcom ldan 'das gdan gyi steng du skyil mo krung bcas te sku drang por bsrang nas/ yang dag pa'i dran pa nye bar gzhag ste bzhugs nas dge slong rnams la bka' stsal pa/ khyed cag sngon dka' ba spyad pa'i byang chub sems dpa'i sngon gyi lus kyi ring bsrel blta bar 'dod dam/ dge slong rnams kyis gsol pa/ bdag cag mthong bar mos lags so| |de nas bcom ldan 'das bsod nams brgyas rab tu brgyan pa/ mtshan dang / dpe byad dang ldan pa'i phyag gis sa la bsnun pa dang / de'i tshe sa chen po rnam pa drug tu rab tu g.yos par gyur pas sa gas shing bye bar gyur pa dang / rin po che sna bdun gyi mchod rten rin po che sna tshogs kyi dra bas rab tu brgyan pa zhig mngon par 'phags te byung ba 'khor mang po kun gyis mthong nas ngo mtshar che ba'i bsam pa skyes par gyur to/ /de nas bcom ldan 'das gdan las bzhengs te/ phyag mdzad nas g.yas 
 </font><hr>194a<br><font size=+1>


@#/ /su bskor ba mdzad de slar gdan la bzhugs nas tshe dang ldan pa kun dga' bo la bka' stsal pa/ khyod kyis mchod rten 'di'i sgo phye zhig /de nas tshe dang ldan pa kun dga' bos sgo phye ste/ rin po che sna bdun las byas pa'i sgrom bu rin po che mchog dam pas brgyan pa zhig mthong ba dang / bcom ldan 'das la 'di skad ces gsol to/ /bcom ldan 'das/ rin po che sna bdun las bgyis pa'i sgrom bu rin po che rnam pa sna tshogs kyis rab tu brgyan pa zhig gda' lags so| |bcom ldan 'das kyis bka' stsal pa/ khyod kyis sgrom \?\ phye zhig /de nas tshe dang ldan pa kun dga' bos bka' mnyan nas phye ba dang ring bsrel kha dog dung dang| me tog ku mu da 'dra ba zhig mthong nas bcom ldan 'das la gsol pa/ sgrom gyi nang na ring bsrel kha dog dam pa gzhan las khyad par du 'phags pa zhig gda' lags so/ /bcom ldan 'das kyis bka' stsal pa/ kun dga' bo/ khyod kyis skyes bu chen po'i rus pa 'dir khyer te shog cig /de nas tshe dang ldan pa kun dga' bos ring bsrel de blangs nas/ bcom ldan 'das la phul lo/ /bcom ldan 'das kyis bzhes nas dge slong rnams la khyed kyis dka' ba </font><hr>194b<br><font size=+1>


spyad pa'i byang chub sems dpa'i lus kyi ring bsrel bzhag pa la ltos shig ces bka' stsal nas tshigs su bcad de bka' stsal pa/ byang chub sems dpa' yon tan mchog ldan blo/ /rab dpa' brtson pas pha rol phyin drug rdzogs/ /rtag sgom byang chub phyir ni rgyun chad med/ /btang snyoms che brtan sems la ngal ba med/ /dge slong dag |khyed cag thams cad kyis byang chub sems dpa'i sngon gyi lus la gus pas phyag byos shig /ring bsrel 'di ni tshul khrims dang / ting nge 'dzin dang / shes rab kyi dri tshad med pa dag gis yongs su bdugs pa/ bsod nams kyi zhing mchog dam pa yin pas shin tu phrad par dka'o/ /de nas dge slong rnams dang / 'khor mang po rnams kyis sems rtse gcig tu gus pas thal mo sbyar te/ mgo bos ring bsrel la phyag byas nas sngon chad nam yang de lta bu ma byung ngo zhes bsngags pa brjod par gyur to/ /de nas tshe dang ldan pa kun dga' bo mdun du 'phags te/ bcom ldan 'das kyi zhabs la phyag byas nas bcom ldan 'das la 'di skad ces gsol to| |bcom ldan 'das/ de bzhin gshegs pa ston pa chen po ni thams cad las mngon par 'phags pa lags pas sems can kun gyis bsnyen bkur bgyi </font><hr>195a<br><font size=+1>


@#/ /ba lags na/ rgyu dang / rkyen gang gi slad du lus kyi rus pa 'di la phyag mdzad lags/ bcom ldan 'das kyis tshe dang ldan pa kun dga' bo la bka' stsal pa/ kun dga' bo/ nga ni rus pa 'di'i rgyus bla na med pa yang dag par rdzogs pa'i byang chub mngon par rdzogs par sangs rgyas par gyur pas sngon gyi drin bsab pa'i phyir deng ngas phyag byas pa yin no/ /yang tshe dang ldan pa kun dga' bo la bka' stsal pa/ ngas deng khyod dang / 'khor mang po'i the tshom dang / som nyi gcod pa'i phyir ring bsrel 'di'i sngon gyi rgyu dang / rkyen gang yin pa yang dag par bshad kyi/ khyed cag legs par yid la byos la sems rtse gcig tu nyon cig |tshe dang ldan pa kun dga' bos gsol pa/ bdag cag shin tu thos par mos lags na rnam par phye ste bkas bshad du gsol/ kun dga' bo/ sngon byung ba 'das pa'i dus kyi tshe/ yul cig gi rgyal po shing rta chen po zhes bya ba shin tu phyug cing nor mang ba/ bang mdzod rgyas pa/ dmag gi dpung rab tu dpa' ba/ mang po kun gyis bkur zhing ngag nyan pa/ rtag par yang dag pa'i chos kyis skye bo 'dul ba/ mi rnams ngar zhing rgyas pa/ phyir rgol ba'i dgra med pa zhig </font><hr>195b<br><font size=+1>


yod de btsun mo dam pa byad bzhin shin tu sdug cing mdzes pa/ mang po kun gyis blta bar mos pa'i bu gsum yod do/ /bu chen po'i ming ni sgra chen po zhes bya'o/ /bu 'bring po'i ming ni lha chen po zhes bya'o/ /bu tha chung gi ming ni sems can chen po zhes bya'o/ /de'i tshe rgyal po chen po de rtse zhing ltad mo blta ba'i phyir ri dang / nags tshal kun tu blta bar chas pa dang / bu gsum po de'ang phyi bzhin du dong ngo / /me tog dang / 'bras bu btsal ba'i phyir pha spangs te kun tu 'khyam pa las 'od ma'i tshal chen po zhig tu phyin te ngal bsos so/ /de na rgyal bu chen pos/ 'di skad du/ deng bdag ni sems skrag cing 'jigs par gyur na/ nags tshal 'dir gcan gzan ma rungs pa dag gis bdag cag gsod par mi 'gyur ram zhes smras so/ /rgyal bu 'bring pos yang / 'di skad du/ bdag ni rang gi lus la dang po nas phangs pa med na snying du sdug pa 'di dang 'bral ba'i sdug bsngal zhig 'byung du dogs so zhes smras so/ /rgyal bu tha chung gis phu bo gnyis la smras pa/ 'di ni lha dang drang srong 'du ba'i gnas/ /bdag la 'jigs dngangs 'bral ba'i mya ngan med/ /lus sems kun khyab dga' ba skyes pa na/ /khyad par 'phags pa'i yon tan 'thob </font><hr>196a<br><font size=+1>


@#/ /par 'gyur/ /de'i che rgyal bu rnams so so nas rang gi sems la ci bsams pa'i dngos po dag smras nas mthar gyis mdun du song ba las stag mo zhig bu bdun btsas nas zhag bdun lon pa bu rnams kyis bskor ba/ bkres pa dang / skom pa dag gis rab tu gzir ba/ lus rid cing nyam chung ba ring por mi thogs par 'chi bar 'gyur ba zhig mthong ba dang / rgyal bu chen bos/ 'di skad du/ kye ma stag mo 'di ni bu btsas nas zhag bdun lon te/ bu bdun gyis yongs su bskor bas zas btsal ba yang mi khom ste/ bkres pa dang / skom pa dag gis rab tu gzir bas gdon mi za bar bu rnams za bar 'gyur ro zhes smras so| |rgyal bu sems can chen pos smras pa/ stag 'di dag rtag par zas ji lta bu zhig za/ rgyal bu chen pos smras pa/ stag dang seng+ga 'phar spyad rnams/ /sha khrag dron mo 'ba' zhig za/ /de bas gzhan pa'i zas skom gyis/ /'di ni nyam chung sel mi nus/ /rgyal bu 'breng pos de skad smras pa thos pa dang 'di skad ces smras so| |stag mo 'di ni rid cing nyam chung la bkres skom gyis nyon mongs pas srog gi lhag ma cung zad tsam zhig lus na/ bdag cag gis ji ltar rnyed par </font><hr>196b<br><font size=+1>


dka' ba'i zas dang / skom btsal \?\ bar nus/ su zhig ni 'di dag gi ched du rang gi lus dang / srog spangs nas bkres pa dang / skom pa'i sdug bsngal sel bar byed/ rgyal bu chen pos smras pa/ spang bar dka' ba thams cad kyi nang na bdag gi lus las lhag pa gang yang med do/ /rgyal bu sems can chen pos smras pa/ deng bdag cag ni so so nas rang gi lus la sred cing mngon par zhen pa dang / shes rab med pas gzhan rnams la phan 'dogs mi nus kyi/ skyes bu dam pa dag ni snying rje chen po'i sems dang ldan pas rtag par gzhan la phan gdags pa'i phyir rang gi lus khyad du bsad nas sems can rnams la phan 'dogs par byed do/ / gzhan yang / 'di snyam du bdag gi lus 'di ni tshe rabs brgya stong du ma'i bar du don med par rul zhing myags te bor bas phan pa ci'ang byas pa med na/ ci'i phyir deng mchil snabs bzhin du yongs su spangs nas/ bkres pa dag gis nyen pa'i sdug bsngal sel bar mi byed snyam mo/ /de'i tshe rgyal bu de dag tshig de lta bu dag smras nas so so nas byams shing brtse ba'i sems bskyed de/ stag mo nyam chung ba de la mig mi g.yeng bar bltas nas ring zhig tu bskor te cig char spangs nas </font><hr>197a<br><font size=+1>


@#/ /dong ngo / /de nas rgyal bu sems can chen po 'di snyam du/ bdag gis lus srog btang ba'i dus ni dang yin te/ di ci'i phyir zhe na/ bdag gis yun ring lus 'di rab bzung yang / /mi gtsang ma nam la rnag 'dzag yid mi 'ong / /yo byad gos zas shing rta glang po rta/ /nor dang rin chen rim gro byas kyang ni| |'gyur zhing 'jig chos ngo bo nyid mi rtag /rtag tshol dgang \?\ dka' bsrung bar rab tu dka'/ /rtag tu mchod cing rim gro byas kyang ni/ /nams kyang bdag 'dor byas ba'i drin mi shes/ /gzhan yang / lus 'di ni mi brtan pas bdag la phan pa med pa/ 'jigs su rung bas dgra dang 'dra ba/ mi gtsang bas lud dang mtshungs pa yin pas/ deng bdag gi lus 'dis yangs shing rgya che ba'i las mngon par bsgrubs nas skye shi'i rgya mtshor gru gzings chen po byas te/ 'khor ba yongs su spangs nas nges par 'byung ba thob par bya'o snyam mo/ /gzhan yang / 'di snyam du/ gal te lus 'di spangs par gyur na 'di nyid 'bras dang / nad ma rungs pa tshad med pa dang / 'jigs shing skrag pa brgya stong du ma spangs pa yin no/ /lus 'di ni bshang gci 'ba' zhig dang ldan pa/ chu bur lta bur mi brtan </font><hr>197b<br><font size=+1>


pa| |srin bu mang po 'dus pa/ rtsa rgyus dang rus pa phan tshun 'brel pa/ shin tu yongs su skyo bar bya ba'i nyes dmigs dang bcas pa yin pas/ de'i phyir deng bdag gis lus yongs su spangs nas/ bla na med pa mthar phyin pa mya ngan las 'das pa yongs su btsal te/ mya ngan gyi nyes pa dang / mi rtag pa'i sdug bsngal dang / 'khrug pha gtan du spangs nas 'khor ba rgyun bcad de/ nyes pa rnams spangs nas ting nge 'dzin dang / shes rab kyi stobs kyis phun sum tshogs par bsgoms nas bsod nams brgya stong mang pos brgyan pa/ thams cad mkhyen par gyur pa/ sangs rgyas mang pos rab tu bsngags pa'i chos kyi sku shin tu gya nom pa thob par bya'o/ /thob par gyur nas kyang sems can rnams la chos kyi sman tshad med pa gtang bar bya'o snyam mo/ /de'i tshe rgyal bu de shin tu brtul ba'i dpa' sran dang / smon lam chen po btab nas snying rje chen po'i bsam pas sems rtas shing 'phel bar gyur kyang phu bo gnyis skrag cing dngangs pas bar chad kyi bgegs byas nas smon pa mi 'grub par dwogs pas/ phu bo gnyis la gcen gnyis sngar gshegs shig /bdag re zhig slar mchi 'o zhes smras so/ /de nas rgyal bu sems can chen po slar </font><hr>198a<br><font size=+1>


@#/ /tshal gyi nang du zhugs nas stag mo'i drung du phyin te/ gos phud nas 'od ma'i steng du bzhag ste smon lam 'di skad btab bo/ /bdag ni chos mkhas sems can kun gyi phyir/ /bla med byang chub gnas ni gnyer bas na/ /snying rje chen po'i sems bskyed g.yo ba med/ /skye bos phangs pa'i lus ni gtong bar byed| |byang chub nad med gdung ba med pas na/ /blo dang ldan pa kun gyis rab tu mos/ /khams gsum sdug bsngal rgya mtsho'i sems can kun/ /deng bdag drangs nas bde la 'god par shog /de nas rgyal bus tshig de skad smras nas stag mo ltogs pa'i mdun du lus bor te nyal ba dang byang chub sems dpa' de'i byams pa dang / snying rje'i gzi byin gyi mthus stag mos ci yang byed ma nus so/ /byang chub sems dpa' de lta bu mthong pa dang ri mthon po'i steng du 'dzogs te lus bor nas yang 'di snyam du stag mo 'di ni nyam chung zhing rmya bas bdag la bza' bar mi nus so snyam du bsams nas langs te/ mtshon btsal yang ma rnyed pas 'od ma skam po'i tshal bas lkog mar khrag phyung ste mthar gyis stag mo'i drung du nye bar bsnyen pa dang / de'i tshe ji ltar rlung gis chu bo bskyod pa bzhin du sa chen po yang rnam pa drug tu rab tu </font><hr>198b<br><font size=+1>


g.yos par gyur/ nyi ma'ang sgra gcan gyis bsgribs pa bzhin du 'od dang mi ldan pas phyogs bcu kun tu mun nag tu gyur nas lha rnams kyis kyang me tog dam pa dang / spos mchog dam pa'i char yang mngon par phabs pas tshal gyi nang du kun tu khyab cing gang bar gyur to/ /de'i tshe bar snang la gnas pa'i lha tshogs mang po rnams kyis dngos po de lta bu mthong ba dang / rjes su yi rang ba'i sems bskyed nas sngon chad nam yang 'di lta bu ma byung ngo zhes bsdags pa brjod de thams cad kyis skyes bu chen po legs so/ / legs so zhes bsngags pa brjod nas tshigs su bcad de smras pa/ skyes bu chen po/ yongs su skyob pa snying rje'i sems bskyed nas/ /bu gcig bzhin du sems can mnyam par lta/ /rab dpa' dga' chen sems la 'jungs med pas/ /lus spang phongs skyob bsod nams dpag par dka'/ /nges par rtag bde gya nom gnas phyin nas| |'khor ba'i 'ching ba mang po gtan du spong / /ring po mi thogs byang chub 'bras thob nas/ /nyer zhi bde ba skye med mngon rtogs 'gyur/ /de'i tshe stag mo ltogs pa des byang chub sems dpa'i lkog ma nas khrag zag pa mthong ba dang / khrag bldags te sha ma lus bzos pas rus pa 'ba' zhig lus par byas so/ /de nas rgyal </font><hr>199a<br><font size=+1>


@#/ /bu chen pos sa g.yos pa mthong ba dang / nub la smras pa/ sa chen ri klung kun kyang rab tu g.yos/ /phyogs kun mun nag nyi ma'i 'od ma ldan/ lha yi me tog lhung bas mkha' khyab pas/ /'di ni nu bos res par lus wang+sa \?\ rtags/ /rgyal bu 'brir pos phu bos de skad smras pa thos pa dang / tshigs su bcad de smras pa| stag mo lus ltogs shin tu nyam chung ba/ /bkres gzir bu phrug bza' dwogs mthor nas ni/ /sems can chen po smre ba bdag thos nas/ /nu bos lus btang deng bdag the tshom 'chal \?\/ /de nas rgyal bu gnyis mya ngan dang / sdug bsngal chen po skyes pas smre sngags bton te dus nas gnyis ka lhan cig tu slar stag mo'i drung du phyin te/ nu bo'i gos ni 'od ma'i yal ga la bkal/ rus pa dang / skra ni kun tu 'thor/ /khrag babs bas ni rdzab tu gyur nas sa gzhi kun tu khyab par gyur pa mthong ba dang / brgyal nas rang gi lus kyang gzung ma nus pas rus pa'i drung du lus brdabs te ring zhig lon nas dran pa slar thob pa dang / langs nas lag pa bteg ste rab tu dus nas smre sngags bton pa/ bdag cag nu bo byad sdug mdzes/ /pha ma gnyis ka lhag par byams/ /ci phyir lhan cig phyir byung nas/ /lus </font><hr>199b<br><font size=+1>


spangs slar ni ldog ma gyur/ /gal te pha mas dris gyur na/ /bdag cag lan ni ji skad gdab/ /lhan cig srog ni btang sla na/ /rang gi lus ni ci phyir bzhag /de nas rgyal bu gnyis smre sngags bton te dus nas yid la gcags bzhin du mthar gyis spangs te dong ngo / /de'i tshe rgyal bu tha chung gis khrid pa'i g.yog 'khor rnams phan tshun gcig la gcig 'di skad du/ rgyal bu gang na yod pa lhan cig btsal ba'i rigs so zhes smras par gyur to/ /de'i tshe rgyal bu'i btsun mo dam pa'ang yang thog mthon po'i steng du nyal ba'i rmi lam na ltas ngan pa'i mtshan ma mthong ba/ 'di lta ste/ nu ma gnyis gzhan gyis bcad pa dang / so lhung ba dang / phug ron gyi phru gu gsum thob pa las gcig ni khras khyer/ gnyis ni dngangs shing skrag par gyur pa dag mthong bar gyur to/ /sa g.yos pa'i tshe btsun mo sad de/ sems la mya ngan chen po skyes nas 'di skad du smras so/ /ci phyir deng ni sa chen rab tu g.yos/ /chu klung nags tshal ljon shing kun kyang 'gul/ /nyi ma 'od med g.yos shing bsgribs pa 'dra/ /mig 'gul nu g.yo sngon chad yong mi 'dra/ /snying la mdas phog bzhin du sdug bsngal gzir/ /lus kun rab g.yo bde ba ci yang med/ /bdag gis rmi lam ltas </font><hr>200a<br><font size=+1>


@#/ /ngan mthong bas na/ /nges par sngon med ltas ngan dngos po yod/ /btsun mo'i nu ma gnyis las nu zho zags pa dang 'di snyam du 'di ni gdon mi za bar ltas ngan gyi dngos po ston pa yin no snyam mo/ /de'i tshe nang 'khor ma zhig phyi rol gyi mi rnams rgyal bu btsal ba las da dung ma rnyed do zhes zer ba thos pa dang| sems la shin tu skrag cing 'jigs pa skyes nas pho brang gi nang du song ste btsun mo la 'di skad ces smras so/ /lha mo/ mkhyen lags sam/ slad rol gyi mi rnams las kun tu so sor rgyal bu btsal ba las da dung ma rnyed ces mchi ba thos lags so/ /de nas btsun mo des tshig de skad smras pa thos pa dang / mya ngan chen po skyes pas smre sngags bton te mig mchi mas gang bzhin du rgyal po'i drung du phyin nas rgyal po la 'di skad ces gsol to/ /lha chen po/ bdag gis slad rol gyi mi rnams las/ 'di skad du/ bdag gis bu sdug tha chung stor ces mchi ba thos lags so/ /rgyal pos tshig de thos pa dang / shin tu skrag par gyur pas brnangs bzhin du smre tshig 'di skad du/ kyi hud sdug bsngal lo/ /deng nga'i bu yid du 'ong ba stor bar gyur to zhes smras nas mchi ma phyis te btsun mo la spro </font><hr>200b<br><font size=+1>


ba bskyed nas/ 'di skad du/ bzhin bzang ma/ khyod mya ngan ma byed cig /nged deng lhan cig phyir byung ste bu sdug btsal par bya'o zhes smras nas/ rgyal po btsun mo dang / skye bo'i tshogs mang po dang lhan cig tu grong khyer nas phyir byung ste so sor gyis te phyogs kun tu btsal ba las ring po ma lon par blon po chen po zhig nya bar mdun du 'ongs te/ rgyal po la 'di skad ces gsol to/ /lha/ rgyal bu mi bzhugs zhes thos pas thugs ngan mi mdzad du gsol/ rgyal bu tha chung ni da dung mi gda' lags so/ /rgyal pos tshig de thos pa dang / smre sngags bton nas/ 'di skad du/ kyi hud/ nga'i bu yid du 'ong ba stor bar gyur to zhes smras par gyur to/ /dang po bu yod pa na dga' ba chung / /phyis ni bu stor tshe na sdug bsngal che/ /gal te nga'i bus srog ni slar thob na/ /nga'i lus shi yang sdug bsngal ci yang med/ /btsun mos de skad thos pa dang / dper na/ mdas phog pa bzhin du mya ngan gyis kun tu dkris par gyur pas smre tshig 'di skad ces smras so/ /bdag gi bu gsum 'khor dang bcas par ni/ /nags tshal dong ste lhan cig rtse ba las/ /bu sdug tha chung gcig pu ma 'ongs pas/ /nges par 'bral ba'i ltas ngan dngos yod 'gyur/ /de'i 'og </font><hr>201a<br><font size=+1>


@#/ /tu yang blon po 'bring po rgyal po'i drung du nye bar 'ongs pa las rgyal pos blon po de la bu sdug gang na 'dug ces pa smros pa las/ blon po 'bring pos de yid la bcags te dus pas lkog ma dang / lce yang bskams nas tshig 'byin cing lan 'debs kyang ma nus pa dang btsun mos 'di skad ces dris so/ /bu chung da ltar gang na myur du smros/ /bdag gi lus gdung kun tu bsregs par gyur/ /myos 'khrugs rmongs pas nang gi sems nyid stor/ /bdag gi brang ni de ring gis \?\ snyam byed/ /de nas blon po 'bring pos rgyal bus lus yongs su btang ba'i dngos po de dag zhib tu rgyal po la gsol te shes par byas pa dang rgyal po dang / btsun mos gtam de thos nas smre zhing mchi mas brnab sa bzhin du lus yongs su btang ba'i sa phyogs su myur zhing rings par dong ste/ 'od ma'i tshal byang chub sems dpa' lus yongs su btang ba'i gnas su phyin nas rus pa rnams kun tu 'thor ba mthong ba dang cig car sa la 'gyel te shi ba dang 'dra bar brgyal bar gyur pas/ dper na/ rlung drag pos ljon shing chen po bsgyel ba bzhin du sems rmongs shing dran pa stor bas shes pa ci yang med par gyur </font><hr>201b<br><font size=+1>


to| |de nas blon po chen po la sogs pas chus kun tu gtor ba dang rgyal po dang / btsun mo ring zhig lon nas gdod dran pa thob par gyur to/ /de nas lag pa bteg ste 'dug nas smre tshig smras pa/ kye hud/ bu sdug tha chung mdzes pa'i mtshan ldan pa/ /ci'i phyir 'chi ba'i sdug bsngal sngar 'ongs gtses/ /gal te khyod kyi mdun du bdag shi na/ /'di 'dra'i sdug bsngal mthong bar ga la 'gyur/ /de nas btsun mo myos shing brgyal ba khad kyis zhi bar gyur nas kyang skra long long por gyur te lag pa gnyis kyis brang brdungs nas nya skams la 'gre ba bzhin du sa la 'gres te pha bu stor ba bzhin du ngus nas smre tshig smras pa/ bdag gi bu ni sus gtubs na/ / rus pa lhag ma sa la gtor/ /bdag gi bu sdug stor bas na/ /mya ngan smre ba rang mi theg /kye hud bu ni sus bsad na/ /mya ngan dngos po 'di 'dra mthong / /bdag snying rdo ni ma yin nam/ /ci yi phyir na gas ma gyur/ /bdag gi rmi lam nu ma gnyis/ /gzhan dag gis ni bcad pa dang / /so rnams lhung bar mthong bas na/ /deng ni sdug bsngal chen po myong / /phug ron phrug gu gsum las ni/ /gcig ni khras khyer mthong bas na/ /deng ni bu sdug stor gyur pas/ /ltas ngan ston la mi bden </font><hr>202a<br><font size=+1>


@#/ /med| |de nas rgyal po chen po de btsun mo dang / bu gnyis dang bcas par brtse bar btugs te ngus nas rgyan thams cad bkrol te skye bo'i tshogs mang po dang lhan cig tu byang chub sems dpa' bzhag pa'i lus kyi ring bsrel bsdus te mchod pa bya ba'i phyir mchod rten gyi nang du bzhag go /kun dga' bo/ khyod kyis 'di nyid ni byang chub sems dpa' de'i ring bsrel yin par rig par bya'o/ /yang tshe dang ldan pa kun dga' bo la bka' stsal pa/ nga sngon 'dod chags dang / zhe sdang dang / gti mug la sogs pa'i nyon mongs pa dang ldan pa'i tshe na'ang sems can dmyal ba dang / yi dwags dang / dud 'gro'i skye gnas la sogs pa'i 'gro ba lnga po dag tu'ang rkyen ji lta ba bzhin du yongs su bskyabs nas phan btags te nges par 'byung ba thob par byas na/ da ltar nyon mongs pa thams cad zad nas bag chags kyi lhag ma med de/ lha dang / mi yi ston par gyur nas thams cad mkhyen pa dang ldan pas sems can re re'i phyir yang bskal pa mang po'i bar du sems can dmyal ba dang / gnas gzhan dag tu gnas te sdug bsngal sna tshogs dang du blangs nas skye shi dang / nyon </font><hr>202b<br><font size=+1>


mongs pa'i 'khor ba las nges par 'byung ba 'thob par byed pa lta smos kyang ci dgos te/ de nas bcom ldan 'das kyis don de nyid yang bstan pa'i phyir tshigs su bcang de bka' stsal pa/ nga sngon 'das pa'i dus kyi tshe/ /bskal pa grangs med tshad med snyed/ /res 'ga' yul gyi rgyal po byas/ /rtag par sbyin pa che ba btang / /shin tu phangs ba'i lus btang nas/ /'khor ba las ni nges byung ste/ /byang chub dam pa phyin par smon/ /sngon byung yul chen zhig tu ni/ /yul bdag shing rta che zhes bya/ /rgyal bu dpa' bo zhes bya ba/ /rtag par sbyin gtong ser sna med/ /de la phu bo gnyis yod de/ /sgra chen lha chen zhes bya ba/ /gsum po lhan cig phyir byung ste/ /mthar gyis ri dang nags tshal phyin/ /stag mo bkres pas nyen mthong nas/ /'di 'dra'i sems ni skyes par gyur/ /stag mo bkres mes rab bsregs kyang / /gzhan bzar rung ba ci yang med| |skyes chen 'di 'dra mthong nas ni/ /de yis bu ni zos dogs phyir/ /chags med lus ni rab btang nas/ /bu skyabs rmas pa med par byas/ /sa chen dang ni ri rnams kyang / /dus gcig thams cad rab tu g.yos/ /chu klung rgya mtsho shin tu 'khrugs/ /rlabs drag chu ni gyen du 'bab/ /gnam sa 'od ni stor bas na/ /mun nag ci yang mthong ba </font><hr>203a<br><font size=+1>


@#/ /med/ /nags tshal dgon pa'i gcan gzan rnams/ /'phur rgyug rnams ni yongs su spangs/ /bu gnyis ci'i phyir ma log ces/ /mya ngan brtse ba'i sdug bsngal skyes/ /g.yog 'khor mang po rnams dang ni/ /nags tshal kun tu yongs su btsal/ /spun gnyis lhan cig rab 'grogs te/ /ri gzar nags su phyin nas ni// phyogs bzhir bltas kyang ci ma mthong / /stag mo mthong ba'i nags stong du/ /ma dang bu bdun bcas par ni/ /thams cad khrag gis kha bskus dang / /rus pa lhag ma skra rnams ni/ /sa la kun tu 'thor ba mthong / /gzhan yang khrag gi zags pa rnams/ /'od ma'i tshal kun sbags pa dag /phu bo gnyis kyis mthong nas ni/ /sems la 
 skrag chen po skyes/ /gnyis ka brgyal nas sa la 'gyel/ /'khrugs myos ci yang mi dran pas/ /sa rdul dag gis lus kun gos/ /rnam shes drug ni dran pa nyams/ /rgyal bu g.yog ni mang po rnams/ /de tshe sems la mya ngan skyes/ /chu gtor dran pa thob nas kyang / /lag bteg skad cher phyung ste dus/ /byang chub sems dpa'i lus btang tshe/ / byams pa'i ma ni pho brang na/ /bud med lnga brgya rnams dang ni/ /lhan cig longs spyod myong ba las/ /btsun mo dam pa'i nu ma gnyis/ /rang gi nu zho zags gyur pas/ / </font><hr>203b<br><font size=+1>


lus kun khab kyis phug pa bzhin/ /shin tu sdug bsngal rab tu byed/ /bu stor 'du shes skyes pas na/ /mya ngan zug rdu \?\sems la zug /rgyal po chen po zhes byas nas/ / sdug bsngal dngos po de dag bshad/ /cho nges smra ba mi bzod pas/ /brtse ba'i skad kyis rgyal po la/ /rgyal po chen po mkhyen par mdzod/ /deng bdag sdug bsngal chen po skyes| |nu bo gnyis ni rang byung bas/ /bkag kyang bsam pa bzhin ma grub/ /khab kyis lus kun phug pa bzhin/ /mya ngan brang ni gas la thug /bdag ni g.yar lam snga ltas ngan/ /nges par bu sdug stor bar gyur/ /lhas ni bdag gi srog skyobs la/ /du ni gum gson mkhyen par mdzod/ /g.yar lam phug ron gsum mthong ba/ /chung ngu de ni bu sdug lags/ /khras ni phrogs te 'tshal bas ni/ /mya ngan rdzogs par gsol bar dka'/ /deng bdag mya ngan mtshor bying bas/ /'chi bar 'gyur ba ring mi thogs/ /bu srog mi gson blo ba chung / /myur ba nyid du btsal bar gsol/ /gzhan yang slad rol mi rnams las/ /bu chung ma rnyed thos pas na/ /deng bdag sems ni rab mi bde/ /lhas ni bdag la brtse bar mdzod/ /btsun mos de skad smras nas ni/ /lus btegs sa la rab tu brdabs/ /rab tu brtse bas sems brgyal </font><hr>204a<br><font size=+1>


@#/ /myos| |rab rmongs shes pa ci yang med/ /nang 'khor bud med btsun mo de/ /brgyal te sa la 'gyel mthong nas/ /skad cher phyung ste rab tu dus// mya ngan sngangs skrag gnas kyang stor/ /rgyal pos tshig de thos pas na/ /mya ngan rang nyid gzung ma nus/ /blon po thams cad bkug nas ni/ /bu sdug tshol ba yongs su bkye/ /thams cad grong khyer phyir byung ste/ /de dag de dag kun tu btsal/ /ngus nas mi ni mang po la/ /rgyal bu gang na yod ces smras/ /da ltar gson nam 'on te shi |gang du song ba su yis shes/ /ji ltar byas na mthong gyur nas/ /bdag cag mya ngan bsal bar 'gyur/ /skye bo mang po thams cad kun/ /rgyal bu de ni shi zer bas| |thos pa thams cad rab tu gdung / /smre sngags sdug bsngal brjod par dka'/ /de tshe rgyal po shing rta che/ /cho nges smras nas stan las langs/ /btsun mo'i drung du nyer song ste/ /de yi lus la chus kyang gtor/ /btsun mo chus ni gtor bas na/ /ring zhig lon nas dran pa thob/ /rab smras rgyal po la zhus pa/ /bdag bu de ltar gang na mchis/ /rgyal pos btsun mo la bsgo ba/ /ngas ni pho nya mang bkye ste/ /phyogs bzhir rgyal bu tshol bcug na/ /da dung gtam skyel yong ma 'ongs/ /rgyal </font><hr>204b<br><font size=+1>


pos btsun mo yang bsgo ba/ /khyod ni mya ngan ma byed par/ /re zhig rang nyid bde bar byos/ /lhan cig phyir byung btsal bar bya/ /de nas rgyal po btsun mo bcas/ /bzhon pa zhon nas mdun du chas/ /smre ba'i skad kyis cho nges btab/ /gdung sems me ni 'bar ba 'dra/ /ya rabs ma rabs brgya stong rnams/ /rgyal po'i rjes su grong khyer byung / / brtse ba'i ngu sgra mi chad par/ /so sor rgyal bu yongs su btsal/ /rgyal pos bu sdug btsal ba'i phyir/ /mig gis phyogs bzhir bltas pa las/ /skra bshig khrag gis lus bskul te/ /lus kun rdul gyis gos pa dang / /dus nas mdun bcad 'ong ba yi/ /mi zhig kyang ni mthong bar gyur/ /rgyal pos ltas ngan de mthong nas/ /lhag par mya ngan skyes par gyur/ /rgyal pos lag pa gnyis bteg nas/ /brtse bas dus te bkag ma nus/ /thog mar blon po chen po zhig /rings brtabs rgyal po drung 'ongs nas| |rgyal po de la 'di skad smras/ /lha ni thugs ngan mi mdzad gsol/ /lha yi thugs brtse sras bu de/ /da dung rnyed par ma gyur kyang / /ring por mi thogs phyin par mchi| |lha ni thugs ngan mi mdzad gsol/ /rgyal po yang ni song ba las/ /blon po 'bring po 'ongs pa mthong / /blon po rgyal po drung 'ongs nas/ /dus te rgyal la 'di skad </font><hr>205a<br><font size=+1>


@#/ /smras| |rgyal bu gnyis ni bzhugs pa yang / /mya ngan zhugs kyis yongs su gdungs/ /rgyal bu tha chung gang lags pa/ /de ni mi rtag pa yis med| |bu btsas stag mo ltogs pa zhig /bu 'tshal snyam pa gzigs nas ni/ /rgyal bu sems can chen po yis/ /thugs rje chen po'i sems bskyed de/ /bla med lam ni gnyer ba dang / /mang po thams cad bzla ba'i slad/ /byang chub mchog la 'du shes bcings/ /shin tu zab yangs rgya mtsho bzhin/ /ri mtho rtse la 'dzegs nas ni| |stag mo ltogs mdun sku yang bor/ /nyam chung 'tshal rngo ma thogs nas/ /'od mas mgur du khrag phyung bas/ /rgyal bu'i sku ni 'tshal bas nas/ /sku gdung lhag ma tsam zhig lus/ /de tshe rgyal po btsun mor bcas/ /de skad thos nas brgyal bar gyur/ /sems ni mya ngan mtshor bying ste/ /nyon mongs me yis rab tu 
/ blon pos tsan+dan chu dag gis/ /rgyal po btsun mo gtor bas na/ /cig car langs nas rab tu dus/ /lag bteg brang dag la yang brdungs/ /blon po chung ngu 'ongs nas ni| |rgyal po de la 'di skad smras/ /bdag gis rgyal bu gnyis po ni/ /tshal na brgyal bar gyur pa mthong / /bdag gis chab grang gtor bas na/ /dran pa </font><hr>205b<br><font size=+1>


cung zad thob par gyur/ /phyogs bzhi dag tu gzigs pa ni/ /rab tu 'bar me kun khyab 'dra/ /skad cig bzhengs kyang slar yang 'gyel/ /cho nges bdag nyid 'dzin mi spyod/ / phyag bteg brtse ba'i tshig dag gis/ /gcung gi ya mtshan bsngags par mdzad/ /rgyal pos de skad thos nas kyang / /mya ngan me yi lhag par btsos/ /btsun mos rab tu dus nas ni| |skad cher phyung ste 'di skad smras/ /bdag gi bu sdug lhag par byams pa de/ /mi rtag srin po dag gis med par gyur/ /da ltar bu gnyis lus par gyur pa yang / /mya ngan me yis rab bsregs nyon yang mongs/ /bdag deng ri drung dag tu myur song la/ /spro bskyed srog gi lhag ma bsrung bar bya/ /de nas bzhon zhon lam du myur zhugs nas/ /rtse gcig sems kyis lus spangs brag drung song / /bu gnyis yid bcags brang brdungs spyod tshul nyams/ /'gro bzhin ngu ba dag dang lam du phrad/ /pha mas pang blangs mya ngan smre sngags bton/ /cig car lus btang ri dang nags su dong / /byang chub sems dpas lus spangs nags phyin nas/ /lhan cig 'dus nas rab ngus sdug bsngal che| |rgyan phreng bkrol te snying tshims dus nas ni/ /byang chub sems dpa'i rus bu lhag ma bsdus/ /skye bo mang pos lhan cig mchod pa byas/ /rin chen sna bdun mchod </font><hr>206a<br><font size=+1>


@#/ /rten brtsigs nas ni/ /ring bsrel de ni sgrom gyi nang du bzhag /mya ngan bcas bzhin slar ni grong khyer dong / /kun dga' la ni bka' stsal pa| |sngon byung sems can chen po ni/ /shAkya thub pa nga yin pas/ /gzhan yin snyam du bsam mi bya/ /rgyal po zas gtsang yab yin te/ /btsun mo nga yum sgyu 'phrul yin| |rgyal bu chen po byams pa yin/ /rgyal bu 'bring po 'jam dpal yin/ /stag mo skye dgu'i bdag mo yin/ /bu lnga dge slong lnga po yin/ /gcig ni maud gal chen po'i bu/ /gcig ni shA ri'i bu yin no/ /ngas ni khyed cag thams cad la/ /sngon gzhan phan btags pa yi gtam/ /byang chub sems dpa'i spyod pa bshad/ /sangs rgyas 'grub rgyu 'di slob byos/ /byang chub sems dpas lus btang tshe/ /smon lam rgya chen 'di skad btab/ /bdag lus rus pa lhag ma yis/ /ma 'ongs sems can phan 'dogs shog /'di ni lus btang gnas yin te/ /rin chen sna bdun mchod rten de/ /lo ni tshad med bar du gnas/ /de nas sa 'og bying bar 'gyur/ /sngon gyi smon lam mthu stobs kyis/ /rkyen ni ji bzhin sems can zlos/ /lha mi kun la phan gdags phyir/ /sa las 'phags te byung ba yin/ /de'i tshe bcom ldan 'das </font><hr>206b<br><font size=+1>


kyis sngon gyi rgyud 'di bstan pa na lha dang / mi'i skye bo'i tshogs tshad med grangs med pa snyed yongs su gdung ba dang / dga' ba chen po skyes te/ sngon chad nam yang 'di lta bu ma byung ngo zhes bsngags pa brjod nas thams cad bla na med pa yang dag par rdzogs pa'i byang chub tu sems bskyed par gyur to/ /byang chub kyi shing gi lha mo la yang bka' stsal pa/ ngas ni drin lan glan pa'i phyir gus pas phyag byas pa yin no/ /bcom ldan 'das kyis rdzu 'phrul gyi mthu mngon par bsdus pa dang / mchod rten de yang slar sa'i 'og tu bying bar gyur to/ /gser 'od dam pa mchog tu rnam par rgyal ba mdo sde'i rgyal po las/ lus yongs su btang ba'i le'u ste nyi shu drug pa'o// // de'i tshe de bzhin gshegs pa shAkya thub pas chos kyi rnam grangs 'di bka' stsal pa na/ phyogs bcu'i 'jig rten gyi khams nas byang chub sems dpa'i tshogs bye ba khrag khrig brgya stong tshad med pa snyed so so nas rang gi zhing khams nas bya rgod phung po'i ri la phyin te/ bcom ldan 'das kyi spyan sngar lhags nas yan lag lnga sa la gtugs te bcom ldan 'das la phyag byas nas sems rtse gcig tu thal mo sbyar te mgrin gcig tu tshigs su bcad pa dag gis mngon par bstod pa/ bcom </font><hr>207a<br><font size=+1>


@#/ /ldan sku mchog gser gyi kha dog ldan/ /'od zer kun gsal gser gyi ri bo \?\ 'dra/ /rnam dag rab mnyen pad+ma dag dang mtshungs/ /mtshan mchog dam pa tshad med kun tu bkod/ /mtshan ni sum cu rtsa gnyis rab brgyan te/ /dpe byad bzang po brgyad cu yongs su rdzogs/ /'od zer rab gsal dpe zla yong ma mchis/ /dri bral dper na rnam dag zla nya 'dra/ /gsung dbyangs rab dang shin tu gya nom pas/ /seng+ge bzhin du 'brug sgra sgrogs par mdzad/ /dam pa rnam brgyad dbang po mthun mdzad pas/ /ka la ping ka'i sgra sgrogs kun las 'phags/ /bsod nams brgya yi mtshan mchog sku brgyan pas/ /'od zer phun tshogs dri ma yongs mi mnga'/ /mkhyen blo rab gsal dper na rgya mtsho 'dra/ /yon tan rgya chen nam mkha' dag dang mtshungs/ /yongs rdzogs 'od zer phyogs bcu'i 'jig rten bkang // rkyen ni ji bzhin sems can sgrol bar mdzad/ /nyon mongs sred pa'i bag chags kun bsal bas/ /chos kyi sgron ma rtag par rgyun mi 'chad/ /thugs brtses sems can dag la phan 'dogs pas/ /da ltar slad ma'i dus kyi bde ba stsol/ /rtag par don mchog dam pa rab bshad nas/ /yang dag rab dben mya ngan </font><hr>207b<br><font size=+1>


'das la 'god/ /bcom ldan bdud rtsi'i chos mchog rab bstan nas/ /bdud rtsi'i gya nom don ni stsol mdzad pas/ /bdud rtsi'i grong khyer dag tu rab drangs nas/ /bdud rtsi'i 'dus ma byas kyi bde la 'god/ /rtag par 'khor pa'i rgya mtsho chen po dang / /sdug bsngal sems can thams cad thar bar mdzod/ /de dag bde ba shul du rab btsud de/ /yid bzhin bde ba bsam gyis mi khyab stsol/ /bcom ldan yon tan rgya mtsho zab la yangs/ /dpe ni mang po dag gis rig mi 'gyur/ /rtag par kun la thugs rje cher gzigs pas/ /thabs mkhyen brtson 'grus dag ni rgyun mi 'chad/ /bcom ldan yon tan rgya mtsho mtha' ma mchis/ /bskal pa bye ba brgya stong bar du ni| |lha mi thams cad lhan cig dpag bsam kyang / /cha shas tsam yang rig par yang mi 'gyur/ /bdag cag sangs rgyas yon tan rgya mtsho las/ /thigs pa 'ga' zhig bsngags pa brjod pa yi/ /bsod nams de dag skye dgu yongs bsgos nas/ /thams cad byang chub 'bras bu myur thob smon/ /de nas bcom ldan 'das kyis byang chub sems dpa' mang po de dag la bka' stsal pa/ legs so/ /legs so/ /khyod kyis 'di ltar de bzhin gshegs pa'i yon tan gyi bsngags pa brjod pa nyid kyis 
 </font><hr>208a<br><font size=+1>


@#/ /can la phan 'dogs shing sangs rgyas kyi mdzad pa rgya cher byed par 'gyur bas sdig pa rnams yongs su byang nas bsod nams tshad med pa snyed skye bar 'gyur ro/ /gser 'od dam pa mchog tu rnam par rgyal ba mdo sde'i rgyal po las/ phyogs bcu'i byang chub sems dpa' rnams kyis bsngags pa brjod pa'i le'u ste nyi shu bdun pa'o// //de nas byang chub sems dpa' mdzes pa'i tog stan las langs te bla gos phrag pa gcig tu gzar nas/ /pus mo g.yas pa'i lha nga sa la btsugs te bcom ldan 'das gal ba de logs su thal mo sbyar nas/ tshigs su bcad pa 'di dag gis mngon par bstod pa/ thub pa bsod nams brgya yi mtshan rdzogs shing / /yon tan tshad ma mchis pas sku rab brgyan/ /rnam dag rgya chen sems can lta mos pas/ /nyi ma stong bzhin 'od kyis snang bar mdzad/ /kha dog mtha' yas 'od ni rab tu rgyas/ /rin chen pad+ma'i phung bzhin mtshan rnams mdzes/ /dper na gdugs shar nam mkha' snang bzhin bgyid/ /kha dog dkar gsal gser gyi mdog kyang gnon/ /gser gyi ri bzhin 'od kyis gsal mdzad pas/ /zhing ni brgya stong mang po kun tu khyab/ / </font><hr>208b<br><font size=+1>


sems can sdug bsngal tshad med zhi mdzad nas/ /bde ba dam pa mtha' yas stsal bar mdzad/ /mtshan rnams phun tshogs rnam dag rab mdzes pas/ /sems can lta mos skyo ba yongs ma mchis/ /dbu skra rab mnyen kha dog me tog bsdus pa 'dra/ /dgyes dang btang snyoms chen po dag pas brgyan/ /byams dang thugs rje dag ni phun sum tshogs/ /mtshan dang dpe byad dam pa rab mdzes pa/ /byang chub yan lag chos las grub pa lags/ /bcom ldan bsod nams phan yon mang btang bas/ /de dag rtag tu bde ba chen po 'thob/ /yon tan dam pa sna tshogs rab rgyal bas/ /'od kyis zhing ni brgya stong snang bar mdzad/ /bcom ldan 'od zer shin tu rdzogs pas na/ /dper na gdugs kyis nam mkha' kun khyab 'dra/ /bcom ldan ri rab bzhin du yon tan ldan/ /phyogs bcu kun tu khyab par ston par mdzad| |bcom ldan gser zhal dam pa rab tu mdzes/ /tshems dkar gtams pa dung gi kha dog 'dra/ /bcom ldan zhal mdzes dpe zla yong ma mchis/ /smin mtshams ba spu rtag par g.yas su 'khyil/ /'od mnyen dkar gsal chu shel dag dang mtshungs/ /dper na zla nya nam mkha'i khams gnas 'dra/ /bcom </font><hr>209a<br><font size=+1>


@#/ /ldan 'das kyis byang chub sems dpa' mdzes pa'i tog la bka' stsal pa/ khyod kyis 'di ltar de bzhin gshegs pa'i yon tan gyi bsngags pa brjod pa ni bsam gyi mi khyab pa yin pas/ thams cad la phan gdogs par 'gyur zhing / gang dag khong du ma chud pa de dag kyang rjes su mthun par rnal 'byor sgom pa la slob par 'gyur ro/ /gser 'od dam pa mchog tu rnam par rgyal ba mdo sde'i rgyal po las/ byang chub sems dpa' mdzes pa'i tog gis bsngags pa brjod pa'i le'u ste nyi shu brgyad pa'o// //de nas byang chub kyi shing gi lha mos kyang tshigs su bcad pa dag gis bcom ldan 'das la mngon par bstod pa/ bcom ldan rnam dag blo la gus phyag 'tshal/ /rnam dag chos gnyer blo la gus phyag 'tshal/ /chos min spong ba'i blo la gus phyag 'tshal/ /kye ma ngo mtshar bcom ldan mtha' yas spyod/ /kye ma mthong dka' u dum bA ra 'dra/ /kye ma ngo mtshar rgya mtsho'i ri rgyal 'dra/ /kye ma ngo mtshar bde gshegs 'od tshad med/ /kye ma ngo mtshar kha bsgyur smon lam che/ /kye ma ngo mtshar shAka rigs nyi ma 'dis/ /'di 'dra'i mdo sde dkon mchog bkas </font><hr>209b<br><font size=+1>


bshad nas/ /brtse bas skye dgu rnams la phan 'dogs mdzad/ /thub pa rab dben dbang po mnyam 'jog pas/ /rab zhi mya ngan 'das pa'i grong khyer gshegs/ / rab dben gzungs kyi sgo la rab zhugs pas/ /rab dben spyod yul zab mo dag kyang mkhyen/ /rkang gnyis gtso bo rab dben bzhugs pas na/ /nyan thos slob ma lus kyang de bzhin stong / /chas rnams thams cad ngo bo ma mchis pas/ /sems can thams cad kyang ni stong zhing dben/ /bdag ni rtag tu bcom ldan dran par bgyid/ /bdag ni rtag tu bcom ldan mthong bar mos/ /bdag ni rtag tu gus sems bskyed pas na/ /rtag par de bzhin gshegs pa'i gdugs dang mjal/ /bdag ni rtag tu bcom ldan phyag bgyis nas| |rtag par zhal lta sems kyis mi spong smon/ /rab tu gdung sems bar chad ma mchis par/ /rtag par rim gro bgyid kyang skyo mi bgyid/ /bcom ldan thugs rje'i 
 ni rab bskyed nas/ /mdangs ldan zhal ni bdag gis rtag mthong mdzod/ /bcom ldan nyan thos dge 'dun rnam dag pas/ /rtag par lha mi dag ni bsgral bar smon/ /sku ni rang bzhin rnam dag nam mkha' 'dra/ /sgyu ma smig rgyu chab kyi zla ba mtshungs/ /bdud rtsi mya ngan 'das pa'i chos bshad nas/ /yon tan phung po thams cad skyed par </font><hr>210a<br><font size=+1>


@#/ /smon| |bcom ldan rnam dag spyod yul byams pa dang / /bcom ldan rnam dag spyod yul ngas ma mi lus/ /nyan thos rang rgyal gzhal bar mi 'gyur zhing / /drang srong byang chub sems dpa'i dpog mi 'gyur/ /de bzhin gshegs pas bdag la thugs brtse nas/ /thugs rje chen po'i sku ni rtag mthong smon| |las gsum ngal med byams gtso mchod nas ni/ /myur du nges 'byung yang dag mtha' phyogs smon/ /de nas bcom ldan 'das kyis de skad ces bsngags pa brjod nas/ tshangs pa'i dbyangs kyis shing gi lha mo la bka' stsal pa/ rigs kyi lha mo/ khyod kyis nga'i yang dag pa'i mi brdzun pa'i chos kyi sku rnam par dag pa'i bsngags pa brjod nas/ bdag dang / gzhan la phan gdags pa'i phyir/ mtshan mchog gya nom pa yang dag par bsgrags pa legs so/ /legs so/ /bsod nams 'dis khyod myur du bla na med pa yang dag par rdzogs pa'i byang chub mngon par 'tshang rgya bar 'gyur zhing / sems can thams cad mtshungs par rnal 'byor bsgom par 'gyur la gang gis thos pa de dag thams cad kyang bla na med pa'i bdud rtsi'i chos kyi sgor 'jug par 'gyur ro/ /gser 'od dam pa mchog tu rnam par </font><hr>210b<br><font size=+1>


rgyal ba mdo sde'i rgyal po las/ byang chub kyi shing gi lha mos bsngags pa brjod pa'i le'u ste nyi shu dgu pa'o// //de nas lha mo spobs pa chen po stan las langs te gus pas thal mo sbyar nas yang dag pa'i tshig gis bcom ldan 'das la mngon par bstod pa/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa sku yang dag par gser gyi kha dog dang ldan pa/ mgur dung gi dbyibs dang / zhal zla ba nya ba lta bu/ spyan pad+ma sngon po dang mtshungs pa/ sgros dmar zhing bzang ba/ chu shel gyi kha dog dang 'dra ba/ /shangs kyi dbyibs mtho zhing drang bas gser gyi gar bu bcad pa lta bur gyur pa/ tshems dkar zhing thags bzang bas me tog ku mu da dang mtshungs/ 'od kyis kun tu snang bar mdzad pas nyi ma brgya stong lta bur gyur pa/ 'od kyi kha dog kun tu khyab pas 'dzam bu'i gser dang 'dra ba/ tshig gsung ba la nor zhing 'khrul pa mi mnga' ba/ rnam par thar pa'i sgo gsum yang dag par bstan nas byang chub rnam pa gsum gyi lam yang dag par 'byed pa/ thugs rtag tu rnam par dag cing thugs kyi mos pa'ang de bzhin du gyur pa/ bcom ldan 'das bzhugs pa'i gnas dang / spyod yul rnams rtag par rnam par dag </font><hr>211a<br><font size=+1>


@#/ /par gyur pa/ spyod lam ma lags pa spangs pas gshegs shing bzhugs pa dag la 'khrul ba mi mnga' ba/ lo drug dka' ba mdzad nas chos kyi 'khor lo lan gsum du bskor ba/ sdug bsngal ba'i sems can yongs su bzlas nas pha rol gyi 'gram du phyin par mdzad pa/ sku'i mtshan yongs su rdzogs pa n+ya gro d+ha'i ljon shing lta bur gyur pa/ pha rol tu phyin pa drug yongs su bsgoms pas phrin las rnam pa gsum la skyon mi mnga' ba/ thams cad mkhyen pa dang ldan pas bdag dang / gzhan gyi don phun sum tshogs par mdzad pa/ gang ci gsung yang rung ste rtag par sems can gyi don du 'gyur bar mdzad pas don ma mchis par mi gsung ba/ shAkya'i rigs kyi nang nas seng ge chen por gyur pas rab tu brtan cing dpa' pa/ rnam par thar pa brgyad phun sum tshogs par gyur pa la phyag 'tshal lo/ /deng bdag gi nyams kyis ci tsam lcogs pa'i rjes su de bzhin gshegs pa'i yon tan gyi phyogs las cung zad tsam zhig bsngags pa brjod pa ni/ 'di lta ste/ dper na sbrang bus rgya mtsho chen po'i chab 'tshal ba dang 'dra yang bsod nams de'i dbang gis sems can thams cad 'khor ba gtan </font><hr>211b<br><font size=+1>


du spangs nas bla na med pa'i lam mngon par grub par smon no/ /de nas bcom ldan 'das kyis lha mo spobs pa chen mo la bka' stsal pa/ khyod kyis yun ring po nas bsgoms pa las spobs pa chen po dang ldan par gyur nas/ ded nga'i yon tan rgya cher bsngags pa brjod pa legs so/ /legs so/ /'di'i dbang gis khyod myur du bla na med pa'i chos kyi sgo mo mngon par rtogs nas mtshan dang / dpe byad bzang po phun sum tshogs par gyur te thams cad la rgya cher phan 'dogs par gyur to/ /gser 'od dam pa mchog tu rnam par rgyal ba mdo sde'i rgyal po las/ lha mo spobs pa chen mos bsngags pa brjod pa'i le'u ste sum cu pa'o// //de nas bcom ldan 'das kyis byang chub sems dpa' tshad med pa snyed rnams dang / lha dang / mi rnams dang / 'khor mang po rnams la bka' stsal pa/ khyod kyis 'di ltar rig par bya ste/ ngas bskal ba chen po tshad med grangs med pa nas nan tan brtson 'grus kyis dka' ba spyad de thob pa'i chos shin tu zab pa/ byang chub kyi rgyu yang dag pa gang yin pa de ni/ byed la yang dag par bstan zin na/ khyed cag las su zhig rab tu brtul ba'i sems bskyed nas nga yongs su mya ngan las 'das pa'i 'og tu chos kyi rnam grangs </font><hr>212a<br><font size=+1>


@#/ /'di gus pas yongs su bsrungs nas rgya cher yang dag par spel te/ yang dag pa'i chos 'jig rten na yun ring du gnas par byed/ de nas 'khor mang po'i nang nas byang chub sems dpa' chen po bye ba phrag drug cu dang / lha'i 'khor phal mang po bye ba phrag drug cu mgrin gcig tu/ 'di skad ces/ bcom ldan 'das/ bdag cag thams cad la'ang mos ba'i sems mchis pas/ bcom ldan 'das kyis bskal pa tshad ma mchis pa nas nan tan brtson 'grus kyis dka' ba mdzad de brnyes pa'i chos shin tu zab pa'i byang chub kyi rgyu yang dag par gang lags pa de la gus pas yongs su bsrungs nas/ bcom ldan 'das yongs su mya ngan las 'das pa'i slad na'ang lus dang / srog la phangs pa ma mchis par chos kyi rnam grangs 'di rgya cher spel te/ yang dag pa'i chos 'jig rten na yun ring du gnas par bgyid do zhes gsol to/ /de nas byang chub sems dpa' mang po de dag gis bcom ldan 'das kyi spyan sngar tshigs su bcad de gsol pa| bcom ldan yang dag bden tshig gsung / /yang dag chos la rab tu zhugs/ /yang dag bden pa de dbang gis/ /mdo sde 'di ni srung 'dzin bgyid/ /thugs </font><hr>212b<br><font size=+1>


rje chen po'i go man bas nas/ /thugs rje che la rab tu bzhugs/ /da dung thugs rje de stobs kyis/ /mdo sde 'di ni srung 'dzin bgyid/ /bsod nams tshogs ni yongs rdzogs nas/ /ye shes tshogs ni rab tu bskyed/ /tshogs rnams yongs su rdzogs pa'i slad/ /mdo sde 'di ni srung 'dzin bgyid/ /bdud rnams thams cad rab brtul te/ / log smra thams cad rnam par bshig /ngan lta thams cad bsal ba'i slad/ /mdo sde 'di ni srung 'dzin bgyid/ /'jig rten skyong dang brgya byin dang / /tshangs pa dang ni lha ma yin| |klu dang gnod sbyin la sogs pas/ /mdo sde 'di ni srung 'dzin bgyi'o/ /sa yi steng dang mkha' gnas pa/ /yun ring 'dir ni gnas pa rnams/ /bcom ldan bstan pa 'dzin bgyid pas/ /mdo sde 'di ni srung 'dzin bgyid/ /tshangs pa'i gnas bzhi mtshungs ldan zhing / /'phags bden bzhi yis rab brgyan nas/ /bdud rnams dag ni pham mdzad slad/ /mdo sde 'di ni srung 'dzin bgyid/ /nam mkha' thogs bcas 'gyur yang srid/ /thogs bcas nam mkhar 'gyur srid kyi/ /sangs rgyas rnams kyis srung bzung ba/ /sus kyang bsgul zhing bskyod mi 'gyur/ /de nas rgyal po chen po bzhi bcom ldan 'das kyis dam pa'i chos 'di bsrung ba bkas bshad pa thos pa dang / </font><hr>213a<br><font size=+1>


@#/ /so so nas rjes su yi rang ba'i sems bskyed nas yang dag pa'i chos yongs su bsrung ba'i sems kyis cig char mgrin gcig tu tshigs su bcad de gsol pa/ /bdag cag mdo sde 'di la ni/ /bu dang bu mo 'khor dang bcas/ /thams cad rtse gcig rab bsrungs nas/ /rgya cher yang dag spel bar bgyid/ / gang zhig mdo 'di rab bzung nas/ /byang chub rgyu ni sgrub bgyid na/ /bdag cag rtag par phyogs bzhi nas/ /srung skyob rim gro dag kyang bgyid/ /de nas brgya byin lha'i dbang pos gus pas thal mo sbyar nas tshigs su bcad de gsol ba/ sangs rgyas chos ni thugs chud nas/ /drin ni bsab par bzhed pa dang / /byang chub sems dpa' phan gdags slar/ /'jig rten 'das kyang mdo sde gsungs/ /bdag kyang sangs rgyas de dag la/ /drin bsab slad du rtag mchod nas/ /'di 'dra'i mdo sde 'di dang ni/ /mdo sde 'di la srung bar bgyid/ /de nas dga' ldan pa'i lha'i bu rnams gus pas thal mo sbyar nas tshigs su bcad de gsol pa/ bcom ldan gsungs pa'i mdo sde 'di/ /gang zhig 'dzin par bgyid pa ni/ /byang chub gnas skabs gnas pas na/ /dga' ldan lhar ni skye bar 'gyur/ /bcom ldan </font><hr>213b<br><font size=+1>


bdag cag rab dga' nas/ /lha yi rnam smin mchog spangs te/ /'dzam gling dag tu gnas nas ni/ /mdo sde 'di ni sgrogs par bgyid/ /de nas mi mjed kyi 'jig rten gyi khams kyi bdag po tshangs pa lha'i rgyal pos gus pas thal mo sbyar nas tshigs su bcad de gsol pa/ bsam gtan rnams dang theg rnams dang / /rnam thar tshad med thams cad kyang / /mdo sde 'di las byung bas na/ /de slad mdo 'di rab tu gsungs/ /mdo sde 'di ni ston pa'i gnas/ /tshangs pa'i bde ba bdag spangs nas/ /mdo sde 'di ni mnyan pa'i slad/ /rtag par yongs su srung skyob bgyid/ /de nas bdud kyi rgyal po'i bu tshong dpon zhes bya bas kyang gus pas thal mo sbyar nas tshigs su bcad de gsol pa/ yang dag don dang ldan pa'i mdo/ /bdud spyod rjes su mi 'brang zhing / /bdud kyi las ngan sbyong bgyid ba/ /'di ni gang zhig 'dzin bgyid na/ /bdag cag mdo sde 'di la ni/ /brtson pa dag gis rab bsrungs nas/ /brtson 'grus chen po'i sems bskyed de/ /kun tu rgya cher spel bar bgyid/ /de nas bdud kyi rgyal pos gus pas thal mo sbyar nas tshigs su bcad de gsol pa/ gang zhig mdo sde 'di bzung nas/ /nyon mongs rnams ni pham bgyid pa/ /de 'dra'i sems can de dag la/ /srung </font><hr>214a<br><font size=+1>


@#/ /skyob bde la 'god par bgyid/ /mdo sde 'di ni gang 'chad pa/ /bdud rnams kyis ni glags mi rnyed/ /bcom ldan byin gyis brlabs kyi mthus/ / bdag gis de la srung bar bgyid/ /de nas lha'i bu bkra shis dam pas bcom ldan 'das kyi spyan sngar tshigs su bcad de gsol pa/ sangs rgyas rnams kyi byang chub mchog / mdo sde 'di las ston pas na/ /gang zhig mdo sde 'dzin bgyid pa/ /de bzhin gshegs la mchod par 'gyur/ /bdag gis mdo sde 'di bzung nas/ /bye ba'i lha la rab bshad nas/ /gus par nyan par bgyid pa dag /byang chub gnas su bskul bar bgyid/ /de nas byang chub sems dpa' byams pas gus par thal mo sbyar nas 
 su bcad de gsol pa/ byang chub la ni rab gnas nas/ /gsol ba ma btab grogs mthong na/ lus \?\ srog dag kyang rab spangs nas/ /mdo sde'i rgyal po 'di srung bgyid/ /'di 'dra'i chos ni bdag thos nas/ /dga' ldan lha gnas mchis nas kyang / /bcom ldan byin brlabs dbang gis ni/ /lha mi rgya chen ston par bgyid/ /de nas gnas brtan 'od srung chen pos gus pas thal mo sbyar nas tshigs su bcad de gsol pa/ bcom ldan nyan thos theg par ni/ /bdag ni shes rab chung bar </font><hr>214b<br><font size=+1>


gsungs/ /deng bdag rang gi stobs kyis mthus/ /mdo sde 'di ni srung 'dzin bgyid/ /gang zhig mdo 'di 'dzin bgyid na/ /bdag gi de ni rang bsrungs ste/ /tshig dang spobs pa'i mthu stsal nas/ /rjes 'brang rtag par legs zhes brjod/ /de nas tshe dang ldan pa kun dga' bos thal mo sbyar nas tshigs su bcad de gsol pa/ bdag gis bcom ldan mngon sum du/ /mdo sde tshad med thos gyur kyang / /chos mchog rgyal po 'di 'dra ba/ /nam yang thos par yong ma gyur/ /deng bdag mdo 'di bcom ldan las/ /mngon thos yongs su bzung bas na/ /gang dag byang chub mos pa la/ /rgya chen rab tu spel bar bgyid/ /de nas bcom ldan 'das kyis byang chub sems dpa' rnams dang / lha dang / mi'i 'khor mang po de dag so so nas mdo sde rgya cher spel zhing rgyas pa dang / yongs su bskyab pa dang / yongs su bsrung bar sems bskyed nas byang chub sems dpa' rnams la yang dag par bskul te/ sems can la rgya cher phan 'dogs par gzigs pa dang legs so/ /legs so zhes bsngags pa brjod nas| khyod kyis 'di ltar mdo sde'i rgyal po mchog dam pa 'di sems rtse gcig tu rgya cher spel nas/ nga yongs su mya ngan las 'das pa'i 'og tu yang 'thor zhing nub </font><hr>215a<br><font size=+1>


@#/ /par mi 'gyur bar byed pa de ni bla na med pa'i byang chub kyi rgyu yang dag pa yin pas bsod nams ji snyed cig 'thob par 'gyur ba ni bskal pa gang gA'i klung gi bye ma snyed du brjod kyang mthar thug par mi 'gyur ro/ /dge slong ngam/ dge slong ma'am/ dge bsnyen nam/ dge bsnyen ma'am/ gzhan yang / rigs kyi bu'am/ rigs kyi bu mo la sogs pa gang la la zhig mchod pa dang / bkur bsti byas nas yi ger bris te rgya cher spel ba dang / gzhan dag la yang dag par ston par byed pas thob pa'i bsod nams gang yin pa de yang de bzhin no/ /de lta bas na khyod kyis kyang yang dag pa'i brtson pas rnal 'byor bsgom par bya'o zhes bka' stsal to/ /de nas tshad med mtha' med pa'i gang gA'i klung gi bye ma dang mnyam pa'i 'khor mang po rnams bcom ldan 'das kyis de skad ces bka' stsal pa thos pas thams cad rab tu dga' bar gyur pas/ shin tu dang ba'i dad pas yang dag par blangs nas bka' bzhin du spyod par gyur to/ /gser 'od dam pa mchog tu rnam par rgyal ba mdo sde'i rgyal po las/ yongs su gtad pa'i le'u ste sum cu gcig pa'o// //'phags pa gser 'od dam pa </font><hr>215b<br><font size=+1>


mchog tu rnam par rgyal ba mdo sde'i rgyal po zhes bya ba theg pa chen po'i mdo rdzogs so// //zhus chen gyi mkhan po dang / lo tsA ba bcom ldan 'das kyi ring lugs ba ne chos grub kyis rgya'i dpe las bsgyur cing zhus te gtan la phab pa// </font><hr>

</table>