rKTs


H518

(e-text produced by ACIP)

see text in Tibetan script
52a
/rgya gar skad du/ AR+Ya mahA pra ti sa ra bid+yA rI dz+nyI/ bod skad du| 'phags pa rig pa'i rgyal mo so sor 'brang ba chen mo/ /sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus
52b
gcig na/ bcom ldan 'das rdo rje'i lhun po chen po'i zom na khang pa brtsegs pa rdo rje chen po'i ting nge 'dzin gyi sa'i gnas/ rdo rje chen po'i dpag bsam gyi shing ljon pas legs par brgyan pa/ rdo rje chen po'i rdzing gi rin po che dang pad+ma'i 'od kyis snang bar byas pa/ sa phyogs rdo rje chen po'i bye ma bdal ba/ rdo rje chen por byin gyis brlabs pa/ 'khor gyi khyams rdo rje chen po las byas pa/ lha'i dbang po brgya byin gyi rdo rje'i seng+ge'i khri chen po bye ba khrag khrig brgya stong gis rnam par mdzes pa/ chos bstan pa dang / cho 'phrul can sangs rgyas thams cad kyi byin gyi rlabs kyis byin gyis brlabs pa/ chos thams cad kyi mnyam pa nyid la 'jug pa thams cad mkhyen pa nyid kyis nges par 'byung ba na byang chub sems dpa' bye ba khrag khrig 'bum phrag brgyad cu rtsa bzhi thams cad kyang skye ba gcig gis thogs pa/ bla na med pa yang dag par rdzogs pa'i byang chub las phyir mi ldog pa/ mthu chen po thob pa/ rdo rje chen po'i rnam par thar pa dang / ting nge 'dzin gyi sangs rgyas kyi zhing du mar rnam par 'phrul pa dang / cho 'phrul chen po kun tu ston pa/ sems kyi skad cig/ thang gcig /yud tsam gcig la sems can thams cad kyi sems dang / spyod pa'i rjes su 'jug pa'i chos ston pa sna tshogs snyan cing rgya che la zab cing yangs pa dang /
53a
@#/ /spebs pa dang / cho 'phrul dang ldan pa/ sangs rgyas kyi zhi'i du mar de bzhin gshegs pa la mchod pa chen po'i sprin gyis mchod pa dang / rnam par thar pa'i sgo dang / gzungs dang / ting nge 'dzin dang / dbang po dang / mngon par shes pa dang / ma 'dres pa dang / byang chub kyi yan lag dang / lam dang / sa dang / pha rol tu phyin pa dang / thabs la mkhas pa dang / bsdu ba'i dngos po dang / byams pa dang / snying rje dang / dga' ba dang / btang snyoms dang / byams pa'i stobs dang / bden pa dang / yongs su byang ba'i sems kyi rgyun dang ldan pa sha stag la 'di lta ste/ byang chub sems dpa' sems dpa' chen po rdo rje'i snying po dang / rdo rje'i lus dang / rdo rje'i blo gros dang / lag na rdo rje dang / rdo rje 'dus pa dang / rdo rje mthu bo che dang / rdo rje rnam par 'phrul pa dang / rdo rje brtsegs pa dang / rdo rje phung po dang / rdo rje bzang po dang / byang chub sems dpa' sems dpa' chen po rdo rje'i tog dang / de dag la sogs pa byang chub sems dpa' bye ba khrag khrig 'bum phrag brgyad cu rtsa bzhi dang / nyan thos chen po rab tu mang po thams cad kyang dgra bcom pa/ zag pa zad pa/ srid par kun tu sbyor ba yongs su chad pa/ yang dag pa'i shes pas sems shin tu rnam par grol
53b
ba| rdzu 'phrul gyi stobs dang / cho 'phrul bsam gyis mi khyab pas rnam par 'phrul pa'i mthu chen po thob pa/ lta ba chags pa med pa/ thams cad kyang dri ma dang bral ba thob pa/ kun nas nyon mongs pa'i bag chags kyi sa bon nges par bsregs pa sha stag la 'di lta ste/ tshe dang ldan pa shA ri'i bu dang / tshe dang ldan pa byams ma'i bu gang po dang / tshe dang ldan pa ka pi na dang / tshe dang ldan pa rab 'byor dang / tshe dang ldan pa mau dgal gyi bu chen po dang / tshe dang ldan pa skul byed dang / tshe dang ldan pa dga' byed dang / tshe dang ldan pa 'od srung dang / tshe dang ldan pa 'od srung chen po dang / tshe dang ldan pa lteng rgyas 'od srung dang / de dag la sogs pa nyan thos chen po rab tu mang po dang / lha'i bu dbang phyug chen po la sogs pa gnas gtsang ma'i ris kyi lha'i bu grangs med dpag tu med pa/ brjod du med pa'i yang brjod du med pa dag dang / mi mjed kyi bdag po tshangs pa la sogs pa tshangs ris kyi lha'i bu rnams dang / lha'i bu rab 'thab bral g.yog 'thab bral gyi ris kyi lha'i bu dang bcas pa dang / yongs su dga' ldan dang / 'phrul dga' dang / gzhan 'phrul dbang byed dang / lha'i dbang po brgya byin lha'i bu thams cad kyi 'khor can dang / lha ma yin gyi dbang po thags bzang ris dang / stobs can dang / rab sim dang / sgra gcan
54a
@#/ /dang / rnam par snang byed dang / de dag la sogs pa lha ma yin gyi dbang po tshad med grangs med dpag tu med pa rnams dang / klu'i rgyal po rgya mtsho dang / 'jog po dang / nor rgyas kyi bu dang / dung skyong dang / stobs kyi rgyu dang / pad+ma dang / pad+ma chen po dang / de dag la sogs pa klu'i rgyal po tshad med grangs med dpag tu med pa rnams dang / mi'am ci'i rgyal po ljon pa mi 'am ci'i rgyal po g.yog du ma can dang / dri za'i rgyal po zur phud lnga pa dri za'i rgyal po g.yog du ma can dang / rig sngags 'chang gi rgyal po don thams cad grub pa rig sngags 'chang gi rgyal po g.yog du ma can dang / nam mkha' lding gi rgyal po gser mig nam mkha' lding gi rgyal po g.yog du ma can dang / gnod sbyin gyi rgyal po rnam thos kyi bu dang / nor bu bzang dang / gang ba bzang dang / lngas rtsen gnod sbyin gyi rgyal po g.yog du ma can dang / 'phrog ma bu lnga brgya'i g.yog du ma can dang / 'jig rten gyi ma bdun dang / srin mo chen mo bdun dang / drang srong gi mchog chen po bdun dang / bar snang la rgyu ba'i rgyu skar dang / gza' thams cad kyi lha rnams dang / phyogs kyi lha rnams dang / phyogs mtshams kyi lha rnams dang / sa'i lha dang / dbyangs can dang / 'byung po rnams dang /
54b
bgegs rnams dang / log 'dren rnams dang / yi dwags rnams dang / 'byung po rdzu 'phrul chen po rnams dang / ri'i rgyal po thams cad dang / 'jig rten skyong ba chu lha g.yog rgya mtsho'i lha thams cad dang bcas pa dang / 'phags skyes po dang / mig mi bzang dang / lag na be con dang / bden bral dang / me'i lha dang / rlung gi lha chen po bdun dang / dbang bdag chung ma dang bcas pa g.yog bye ba khrag khrig 'bum phrag du ma can dang / sred med kyi bu g.yog dang bcas pa dang / byin pa po dang / phrang ba can dang / zla ba can dang / lcags can dang / tshogs kyi bdag po chen po dang / sprin ta la la dang / log 'dren gyi dbang po bgegs log 'dren gyi dbang po g.yog du ma can dang / shing gseb kyi lha drug cu dang / sring mo bzhi ming po dang bcas pa dang / rdo rje'i lu gu rgyud dang / rdo rje'i pho nya mo drug cu rtsa bzhi dang / rdo rje'i sde dang / lag bzang dang / gtsug gis 'gro rdo rje'i ris kyi 'khor du ma dang bcas pa dang / de las gzhan pa sangs rgyas dang / chos dang / dge 'dun la mngon par dad pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / 'byung po dang / yi dwags dang / sha za dang / grib gnon dang / smyo byed dang / brjed byed dang /
55a
@#/ /skem byed dang / sgrub pa dang / sbrul 'dzin bcas pa dang / gnon po tshad med grangs med dpag tu med pa dag dang / lha'i bu nyi ma dang / lha'i bu zla ba dang / nub ka'i lha dang / nang par gyi lha dang / dus kyi lha thams cad dang / sa'i lha dang thabs cig tu bzhugs te/ bcom ldan 'das de chos kyi 'khor lo ni shin tu bskor/ sangs rgyas kyi mdzad pa ni/ shin tu yongs su mthar phyin/ bsod nams dang ye shes kyi tshogs ni/ shin tu yongs su rdzogs/ thams cad mkhyen pa ni shin tu yongs su bzung / byang chub chen po'i phyir pha rol tu phyin pa dang sa ni brnyes/ skyes bu chen po'i mtshan sum cu rtsa gnyis kyis brgyan pa'i sku ni rab tu 'bar/ yan lag dang nying lag thams cad ni dpe byad bzang po brgyad cus rnam par spras/ dbu'i gtsug ni sems can thams cad kyis bltar mi mthong / bdud kyi las thams cad la ni mkhas/ sems can thams cad kyi sems dang spyod pa ni shes/ spyan rnam pa lnga ni mnga'/ rnam pa thams cad kyi mchog dang ni ldan/ thams cad mkhyen pa'i ye shes dang ni ldan/ sangs rgyas kyi chos thams cad dang ni ldan/ bdud dang phas kyi rgol ba'i tshogs thams cad ni bcom/ grags pa dang / sgra
55b
dang / tshigs su bcad pas ni 'phags/ khyu mchog dang seng+ge'i sgra ni sgrog /ma rig pa'i mun pa ni kun tu bsal/ bskal pa bye ba khrag khrig 'bum phrag grangs med dpag tu med par sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / stobs dang / smon lam dang / ye shes kyi pha rol tu phyin pa dang / bya dka' ba'i spyod pa las ni phyir ma log /sku ni skyes bu chen po'i mtshan sum cu rtsa gnyis dang dpe byad bzang po brgyad cus brgyan te rab tu mdzes shing rdo rje rin po che'i pad+ma'i snying po'i seng+ge'i khri chen po rdo rje rin po che dang / mu tig dang / dril bu g.yer ka'i dra ba du ma sgra 'byung ba/ rtsa ba'i drung na rdo rje rin po che'i stegs bu du ma shin tu brtan par gnas pa/ rdo rje'i rin po che'i chu srin du ma'i kha nas byung ba'i mu tig dmar po'i phreng ba bres pa'i phang bshams pa/ rin po che du ma pad+ma'i snying po la chags pa/ rin po che ke ke ru dang / ke ke ru chen po dang / and rnyil dang / and rnyil chen po dang / dun las kyi 'od zer chen po 'tsher bas snang bar byas te kun nas mdzes pa| gdugs rtsa ba dang bcas pa/ rdo rje rin po che'i shar bu du mas rnam par brgyan pa/ skye ba khrag khrig 'bum phrag du mas rnam par brgyan pa/ bye ba khrag khrig 'bum phra
56a
@#/ /du mas kun nas bskyabs pa/ dpag bsam gyi shing du mas rgyas par mdzes par byas pa/ rdo rje rin po che'i khri ri rab tsam la bzhugs te gser gyi ri bo'i rgyal po ltar dpal ni/ rab tu 'bar/ sa phyogs ni/ nyi ma stong bas lhag pa'i 'od kyi dkyil 'khor gyis rnam par brgyan/ zla ba nya ba ltar 'jig rten thams cad la sdug par ni| snang / dpag bsam gyi shing ljon pa chen po ltar sangs rgyas kyi chos rnams ni/ shin tu rgyas shing chos ston te/ tshangs par spyod pa/ thog mar dge ba/ bar du dge ba| tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba yang dag par rab tu ston to/ /de nas bcom ldan 'das kyi smin mtshams kyi mdzod spu nas 'od zer gyi dra ba sangs rgyas thams cad kyi zhing kun tu ston pa zhes bya ba bkye ste/ 'od zer gyi dra ba des stong gsum gyi stong chen po'i 'jig rten gyi khams 'di snang bas khyab par gyur to/ /sangs rgyas kyi zhing gang dag na sangs rgyas bcom ldan 'das seng+ge'i khri bkod pa du ma'i khang pa brtsegs pa'i gzhal med khang na nyan thos dang / byang chub sems dpa' sems dpa' chen po dang / dge slong dang / dge slong ma dang / dge bsnyen dang / dge bsnyen
56b
ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po thams cad dang thabs cig tu chos ston pa'i sangs rgyas kyi zhing gang+gA'i klung gi bye ma snyed dang mnyam pa de dag thams cad kyang snang ba des khyab par gyur to/ /de nas bcom ldan 'das kyis 'khor phal po che la bka' stsal pa| sems can kun la snying brtse'i phyir/ /nyes par byas dang gnod pa kun/ /rab 'joms so sor 'brang ba yi/ /gzungs 'di rab tu bshad par bya/ /'di ni thos pa tsam gyis kyang / /sdig pa kun ni zad par 'gyur/ /sems can kun la bde ba sbyin/ /nad do cog las grol bar byed/ /sems can kun la snying brtse bas/ /lus can ngan 'gror 'gro ba dang / /de dag thams cad bskyab pa'i phyir/ /'jig rten dag gi mgon pos gsungs/ /'di yis srung ba byas na ni/ /lha ma yin gyi gnas su 'jug /de bzhin lcang lo can dang ni/ /srin po'i gnas kyi sar yang 'gro/ /'byung po klu dang sha za rnams/ /mi bzad 'jigs pa'i g.yul 'gyed par/ /'byung po'i tshogs rnams thams cad dang / /dgra bo cog gis mi tshugs so/ /ming tsam bzung ste brjod byas kyang / /skem byed brjed byed smyo byed dang / /mkha' 'gro ma dang sha za dang / /gdon rnams
57a
@#/ /rab tu brlag par 'gyur/ /so sor 'brang ba'i gzi brjid kyis/ /gzi chen mdangs rnams za ba dang / /mi yi skye rgu rnams 'tshe ba/ /de dag thams cad rengs byed 'gyur/ /byad stems mi bzad gang yin dang / /pha rol dmag tshogs phung bar byed/ /sngags kyi las kyis gnod mi 'gyur/ /rtsa ba'i las las rnam par grol/ /dug dang dug sbyar mes mi tshugs/ /mtshon dang chus kyang tshugs mi 'gyur/ /lce 'bab glog gis mi tshugs te/ /dus kyi rlung gis gnod mi 'gyur/ / rig pa'i rgyal mo'i gzi brjid kyis/ /dgra kun rab tu 'joms par 'gyur/ /de yi don rnams thams cad 'grub/ /rtag tu rgyal ba thob par 'gyur/ /gang gis rtag tu mgul pa'am/ /lag par rig pa btags na ni/ /de yi dgos pa yod do cog /'grub 'gyur 'di la the tshom med/ /byang chub sems dpa' chen po dang / / sangs rgyas rnams dang rang 'dren dang / /de bzhin klu yi rgyal po dang / /lha dbang rnams ni rtag tu srung / /so sor 'brang ba'i gzungs 'dzin la/ /nyan thos sangs rgyas thams cad dang / /rig pa'i lha mo rdzu 'phrul che/ /rtag tu srung ba byed par 'gyur/ /lag na rdo rje gnod sbyin dbang / /de bzhin rgyal po bzhi rnams dang / /de
57b
la nyin dang mtshan rnams su/ /srung bar byed de the tshom med/ /brgya byin lha dang bcas pa dang / /tshangs pa khyab 'jug dbang chen dang / /dga' ba'i dbang po nag po che/ / smin drug bu dang tshogs kyi dbang / /ma mo'i tshogs rnams thams cad dang / /de bzhin bdud ris gzhan rnams dang / /drang srong gzi brjid che rnams dang / /rdzu 'phrul chen po'i lha rnams dang / /de kun so sor 'brang ba yi/ /gzungs 'dzin de la srung bar byed/ /sangs rgyas bdag nyid che rnams dang / /rig pa'i lha mo stobs chen dang / /bdag gi ma dang khro gnyer dang / /lha mo sgrol ma lcags kyu dang / /rdo rje lu gu rgyud dang dkar/ /de bzhin dkar mo chen mo dang / /nag mo che dang pho nya dang / /de bzhin rdo rje pho nya dang / zhags pa bzang dang rdo rje zhags/ /lag na rdo rje stobs po che/ /rig pa lha mo rdo rje phreng / /bdud rtsi thab sbyor byed pa dang / /gzhan gyis mi thub lha mo che/ /rna ba nag mo stobs chen mo/ /dpal yon ldan pa skal chen dang / /rna cha gdub kor pad+ma 'dra/ /me tog so can nor bu gtsug /skra mdog mdzes dang khyab pa mo/ /lha mo gzi brjid chen mo dang / /dpal yon ldan pa glog phreng can/ /srin po ral pa gcig pa dang / /sangs rgyas srung zhes bya ba dang / /skal ba chen po mi thod can/ /lang+ka'i bdag po
58a
@#/ /dpal yon can/ /gzhan yang lha mo mang po rnams/ /sems can rjes su 'dzin byed dag /rig pa gang gi lag na gnas/ /de la srung ba byed par 'gyur/ / 'phrog ma dang ni lngas rtsen dang / /dung can dang ni so brtsegs ma/ /dpal gyi lha mo dbyangs can yang / /de yi rjes 'gro rtag tu srung / /so sor 'brang ba chen mo 'di/ / bud med gang zhig rtag 'chang na/ /de yi thams cad 'grub par 'gyur/ /rtag par mngal na bu pho chags/ /mngal rnams na yang bde bar skye/ /sbrum ma dag kyang bde bar 'gyur/ /nad dang sdig pa thams cad kyang / /'jig par 'gyur te the tshom med/ /bsod nams ldan zhing stobs dang ldan/ /nor dang 'bru yang rtag tu 'phel/ /tshig kyang gzung du 'os pa dang / /mchod pa'i 'os su 'gyur ba nyid/ /bud med dang ni skyes pa'ang rung / /gtsang ma gang zhig 'chang bsrel na/ /de ni sems can thams cad dag /thar par bya phyir brtson par 'gyur/ /rtag tu bde bar 'gyur ba yin/ /nad do cog kyang rnam par spangs/ /slas dang skye bo mang bcas pa'i/ / rgyal po'ang de yi dbang du 'gyur/ /phun sum tshogs pa rtag tu 'bar/ /bsod nams phung po rnam par 'phel/ /de yi bsam pa thams cad 'grub/ /dkyil 'khor
58b
kun tu zhugs pa yin/ /rgyal ba rnams kyi bka' bzhin du/ /de ni kun tu dam tshig shes/ /rmi lam ngan pa rmi mi 'gyur/ /sdig pa thams cad 'phrog pa'i mchog / sdig pa rnams dang de bzhin du/ /dgra yang rab tu phung bar byed/ /gza' kun rnam par gzhig pa'i phyir/ /ye shes dbang phyug chen pos gsungs/ /'dod pa thams cad sbyin par byed/ /de phyir rtag tu bcang bar bya/ /'byung po'i tshogs rnams nga la nyon/ /nga ni rab tu 'di brjod do/ /de bzhin gshegs pa thams cad la phyag 'tshal lo| |sangs rgyas dang / byang chub sems dpa' thams cad dang / sangs rgyas dang / chos dang / dge 'dun la phyag 'tshal lo/ /oM bi pu la gar+b+he/ bi pu la bi ma le/ bi mal gar+b+he/ bi ma le/ dza ya gar+b+he/ badz+ra dz+wa la gar+b+he/ ga ti ga ha ni/ ga ga na bi sho d+ha ne/ sar+b+ba pA pa bi sho d+ha ne/ oM gu na ba ti/ ga ga na/ pi tsA ri Ni ga ga ri Ni gi ri gi ri| gi ri Ni gi ri Ni/ ga ma ri ga ma ri/ ga ha ga ha/ gargA ri gargA ri/ ga ga ri ga ga ri/ gaM b+ha ri/ gaM b+ha ri/ ga b+hi ga b+hi/ ga hi ga hi/ ga ma ni ga ma ni/ ga ri ga ri/ gu b+ha gu b+ha/ gu ha gu ha/ gu ru gu Ni/ tsa le gu ha ni/ gu ha ni/ gu ru Ni/ tsu lu tsu lu/ tsa le tsa le/ mu tsi le mu tsu le/ dza ye bi dza ye/ sar+b+ba b+ha ya bi ga te/ sar+b+ba saM
59a
@#/ /ra k+Sha Ni| si ri si ri/ b+hi ri b+hi ri/ mi ri mi ri/ mi ri mi ri/ gi ri gi ri/ g+hi ri g+hi ri/ sa man+ta baR+Sha Ni/ bcom ldan 'das ma sems can 'dren ma/ kun nas 'dren ma/ dgra thams cad 'joms par mdzad ma/ bdag 'jigs pa thams cad dang / gnod pa thams cad dang / nad 'go ba thams cad dang / nad thams cad las srung du gsol/ srung du gsol/ tsi ri tsi ri/ bi ri bi ri/ d+hi ri d+hi ri/ bi ga ta/ A ba ra Ne/ bi sho d+ha ni/ bi bi d+ha/ A pa ra Ni/ bi nA sha ni/ mu ri mu ri/ mu tsi mu tsi/ mu li mu li/ tsi li tsi li/ ki li ki li/ mi le mi le/ ka ma le/ bi ma le/ dza ye bi dza ye/ bi dza yA/ ba he dza ya ba ti/ ba she Sha ba ti/ bcom ldan 'das ma rin po che'i cod pan dang / phreng ba mnga' ba/ cha byad rnam pa sna tshogs mnga' ba/ bcom ldan 'das ma rig pa'i lha mo chen mo/ sdig pa thams cad rnam par sbyong ba| bdag la thams cad du kun nas srung du gsol/ srung du gsol/ hu ru hu ru/ mu ru mu ru/ rak+Sha rak+Sha ma ma/ mgon ma mchis pa/ skyabs ma mchis pa/ dpung gnyen ma mchis pa bdag la srung du gsol/ srung du gsol/ bdag sdug bsngal thams cad las thar bar mdzad du gsol/ tsaN+De tsaN+De/ tsaN+Di ni tsaN+Di ni/
59b
bo ga ba ti/ sar+b+ba duSh+Ta ni bA ra Ni/ bi dza ya/ bA hi ni/ hu ru hu ru/ mu ru mu ru/ tsu ru tsu ru/ tu ru tu ru/ A yu bA li ni/ su ra ba ra pra ma tha ni/ sar+b+ba de ba ga Na pU dzi te/ tsi ri tsi ri| d+hi ri d+hi ri/ sa man+ta a ba lo ki te/ pra b+he pra b+he/ su pra b+he/ su pra b+ha bi shud+d+he sar+b+ba pA paM bi shud+d+he/ sar+b+ba pA paM bi sho d+ha ne/ d+hu ru d+hu ru/ d+ha ra ni/ d+ha re/ d+ha ra d+ha ra/ su mu su mu/ mu su mu su/ ru ru tsa le/ tsa la ya/ dpal gyi sku mnga' ba/ bdag la gnod par sems pa las bskyab tu gsol/ bdag gi bsam pa rdzogs par mdzad du gsol/ dza ya ka ma le/ k+Shi ni k+Shi ni/ ba ra da/ aM ku she/ oM pad+ma bi shud+he/ sho d+ha ya sho d+ha ya/ shud+d+he shud+d+he/ b+ha ra b+ha ra/ b+hi ri b+hi ri/ b+hu ru b+hu ru/ mang+ga la bi shud+he/ ba bi tra mu khi/ khaD+gi ni khaD+gan/ kha ra kha ra/ dz+wa la ti shi kha re/ sa man+ta a ba lo ki ta bra b+he su pra b+ha bi shud+d+he/ sa man+ta pra sA ra ti a ba b+hA si ta shud+d+he/ dz+wa la dz+wa la/ sar+b+ba de ba ga Na/ gra ha na k+Sha tra| sa ma A kaR+Sha ni/ sat+ya pra te/ oM hri tra ta ra ta ra/ ta rA ya ta rA ya/ glang po che'i lta stangs kyis gzigs ma/ bdag mi'i gnod pa las bsgral du gsol/ la hu la hu| hu lu hu lu/ hu du hu du/ tu ru tu ru/ ki ni ki ni/ k+Shi Ni k+Shi Ni/ hu Ni hu Ni/ sar+b+ba gra ha b+hak+Shi ni/ piM ga le biM ga le/ mu tsu mu tsu/ su mu su mu/ su bi tsa le/ ta ra ta
60a
@#/ /ra| bcom ldan 'das ma glang po che'i lta stangs kyis gzigs ma/ thams cad du kun nas phyogs thams cad bcing ba dang / rdo rje'i ra ba dang / rdo rje'i zhags pa'i bcing bas bdag 'jigs pa chen po brgyad las bsgral du gsol/ badz+ra dz+wa la bi shud+d+he/ b+hu ri b+hu ri/ d+ha ra d+ha ra/ ti ri ti ri/ tu ru tu ru/ b+ha ga ba ti/ gar+b+ha bi shud+d+he| gar+b+ha bi sho d+ha ni/ kuk+Shi sam+pu ra Ni dz+wa la dz+wa la/ tsa la tsa la/ dz+wA li ni/ lha'i chus kun tu char dbab tu gsol/ a mr-i ta baR+Sha Ni de ba ta/ a ba tA ba ra Ni/ bde bar gshegs pa'i gsung rab bdud rtsi mchog gi sku dang ldan pa bdag la dbang bskur du gsol/ 'thab pa dang / 'thab mo dang / rtsod pa dang / 'gyed pa dang / /rmi lam ngan pa dang / ltas ngan pa dang / bkra mi shis pa dang / sdig pa thams cad rnam par sbyong ba gnod sbyin dang / srin po dang / klu thams cad 'joms pa/ gnod pas 'jigs skrag pa bdag 'jigs pa thams cad dang / gnod pa thams cad dang / nad 'go ba thams cad dang / nad thams cad las thams cad du rtag par srung du gsol/ srung du gsol/ ba la ba la/ ba la ba ti/ dza ya dza ya/ bi dza ya bi dza ya/ thams cad du dus kun tu bdag rgyal bar mdzad du gsol/ bdag la
60b
rig pa chen mo 'di grub par mdzad du gsol/ dkyil 'khor chen po sgrub tu gsol/ gsang sngags rnams grub tu gsol/ bgegs rnams gzhom du gsol/ dza ya dza ya| sid+d+hi sid+d+hi/ sid+d+h+ya sid+d+h+ya/ bud+d+h+ya bud+d+h+ya/ pU ra ya pU ra ya/ saM pU ra Ni pU ra Ni/ bdag gi bsam pa rdzogs par mdzad du gsol/ rig pa thams cad las byung ba'i sku can/ rgyal ba lhag par rgyal ba can/ de bzhin gshegs pa'i snying po rnam par dag pa bcom ldan 'das ma bzhugs su gsol/ bzhugs su gsol/ dam tshig bskyang du gsol/ 'jigs pa mi bzad pa chen po brgyad las bdag la gzigs su gsol/ sa ra sa ra/ pra sa ra pra sa ra/ sar+b+ba A ba ra Na bi sho d+ha ni/ sa man+ta a kA ra maN+Da la bi shud+d+he/ bi ga te/ bi ga ta ma le/ sar+b+ba ma la bi sho d+ha ni/ k+shi ni k+shi ni/ sar+b+ba pA paM bi shud+d+he/ ma la bi ga te/ dza ya ba ti/ te dzo te dzo ba ti/ badz+ra badz+ra ba ti swAhA/ 'jig rten gsum du byin gyis brlabs pa la swAhA/ de bzhin gshegs pa thams cad kyi spyi bo nas dbang bskur ba la swAhA/ byang chub sems dpa' thams cad kyis dbang bskur ba la swAhA/ lha thams cad kyis dbang bskur ba la swAhA/ lha thams cad kyis bdang bskur ba la swAhA de bzhin gshegs pa thams cad kyi snying pos byin gyis brlabs pa la swAhA/ de bzhin gshegs
61a
@#/ /pa thams cad kyis dam tshig grub pa la swAhA/ dbang po dang ldan pa dbang pos rnam par bltas pa la swAhA/ tshangs pa dang tshangs pa la gnas pa la swAhA/ khyab 'jug gis phyag byas pa la swAhA/ dbang phyug chen pos phyag 'tshal zhing mchod pa la swAhA/ rdo rje 'dzin lag na rdo rje'i stobs dang brtson 'grus kyis byin gyis brlabs pa la swAhA/ yul 'khor srung la swAhA/ 'phags skyes po la swAhA/ mig mi bzang la swAhA/ rnam thos kyi bu la swAhA/ rgyal po chen po bzhis phyag 'tshal ba la swAhA/ gshin rje la swAhA/ gshin rjes mchod cing phyag 'tshal ba la swAhA/ chu'i lha la swAhA/ rlung lha la swAhA/ rlung lha chen po la swAhA/ me lha la swAhA| klus rnam par bltas pa la swAhA/ lha'i tshogs rnams la swAhA/ klu'i tshogs rnams la swAhA/ gnod sbyin gyi tshogs rnams la swAhA/ srin po'i tshogs rnams la swAhA| dri za'i tshogs rnams la swAhA/ lha ma yin gyi tshogs rnams la swAhA/ nam mkha' lding gi tshogs rnams la swAhA/ mi 'am ci'i tshogs rnams la swAhA/ lto 'phye chen po'i tshogs rnams la swAhA/ mi rnams la swAhA/ mi ma yin pa rnams la swAhA/ gdon rnams la swA hA/ 'byung po thams cad la swAhA/ yi dwags la swAhA/
61b
sha za la swAhA/ brjed byed la swAhA/ gnon po la swAhA/ grul bum la swAhA/ oM d+hu ru d+hu ru swAhA/ tu ru tu ru swAhA/ mu ru mu ru swAhA/ ha na ha na/ sar+b+ba sha trUM swAhA/ da ha da ha sar+b+ba duSh+TA nAM swAhA/ gang dag bdag la mi phan par 'dod pa de dag thams cad kyis lus dz+wA la ya sar+b+ba duSh+Ta tsi trA nA swAhA/ 'bar ba la swAhA/ rab tu 'bar ba la swAhA/ rdo rje 'bar ba la swAhA/ ma lce 'bar ba la swAhA/ kun tu 'bar ba la swAhA/ nor bu bzang la swAhA/ gang ba bzang po la swAhA/ nag po chen po la swAhA/ ma mo'i tshogs la swAhA/ gnod sbyin mo rnams la swAhA/ srin mo rnams la swAhA/ nam mkha'i ma mo rnams la swAhA/ rgya mtsho na gnas pa rnams la swAhA/ mtshan mo rgyu ba rnams la swAhA/ nyin mo rgyu ba rnams la swAhA| dus gsum du rgyu ba rnams la swAhA/ dus su rgyu ba rnams la swAhA/ dus ma yin par rgyu ba rnams la swAhA/ zas su mngal za ba rnams la swAhA/ mngal 'dzin pa la swAhA| hu lu hu lu swAhA/ oM swAhA/ swaH swAhA/ b+huH swAhA/ b+hu baH swAhA/ b+hur+b+hu baH swAhA/ tsi Ti tsi Ti swAhA/ bi Ti bi Ti swAhA/ d+ha ra Ni swAhA/ d+hA ra Ni swAhA/ ag+ni swAhA/ te dzo ba yu swAhA| tsi li tsi li swAhA/ mi li mi li swAhA/ si li si li swAhA/ bud+d+h+ya bud+d+h+ya swAhA/ sid+d+h+ya sid+d+h+ya swAhA/ maN+Da la ban+d+he swAhA/ sI mA ban+d+he swAhA/ d+ha ra Ni ban+d+he swAhA/ sar+b+ba sha trU b+hany+dza ya
62a
@#/ /swAhA| dzaM b+ha ya dzaM b+ha ya swAhA/ staM b+ha ya staM b+ha ya swAhA/ tshind tshind swAhA/ b+hin+da b+hin+da swAhA/ b+hany+dza b+hany+dza swAhA/ ban+dA ban+dA swAhA/ mo ha ya mo ha ya swAhA/ ma Ni bi shud+d+he swAhA/ sUR+Ye swAhA/ sUR+Ye bi shud+d+he swAhA/ sho d+ha ni bi sho d+ha ni swAhA/ tsan+d+re tsan+d+re pa ri pU r+Na tsan+de gra he b+h+yaH swAhA/ nak+Sha tre b+h+yaH swAhA/ shi be b+h+yaH swAhA/ shAn+ti b+h+yaH swAhA/ puSh+Ti b+h+yaH swAhA/ swa s+t+ye ya na b+h+yaH swAhA/ gar+b+ha d+ha re swAhA/ shi baM ka ri swAhA/ shi ka ri swAhA/ shAn+ti ka ri swAhA/ puSh+TiM ka ri swAhA/ be la bar+d+ha ni swAhA/ ba la bar+d+ha ni ka ri swAhA| shrI ka ri swAhA/ shrI bar+d+ha ni swAhA/ shrI dz+wA la na swAhA/ mu tsi swAhA/ na mu tsi swAhA/ ma ru tsi swAhA/ be ga ba ti swAhA/ oM bcom ldan 'das ma de bzhin gshegs pa thams cad kyi sku mchog dri ma dang brel ba/ bdag gi sdig pa thams cad zhi bar mdzad du gsol/ bdag bde legs su gyur cig /oM mu ne mu ne/ bi mu ni bi mu ni| d+ha ri tsa la tsa la ne/ b+ha ga ba ti/ b+ha ya bi ga te/ b+ha ya ha ri ni/ bo d+hi bo d+hi/ bo d+ha ya bo d+ha ya/ bud+d+hi li bud+d+hi li/ tsum+bu li tsum+bu li swAhA/ sar+b+ba ta thA ga ta hri da ya dzu She swAhA| oM mu ni mu ni mu ni ba re/ de bzhin gshegs pa thams cad kyi rig pa'i dbang bskur ba/ rdo rje'i go cha chen po'i phyag rgyas btab pa thams cad kyis bdag
62b
la dbang bskur du gsol/ sar+b+ba ta thA ga ta hri da ya/ a d+hiSh+Tha na a d+hiSh+Thi te badz+re swAhA/ bram ze chen po'i rig pa'i rgyal mo so sor 'brang ba chen po/ kun nas me lce'i phreng ba rnam par dag pas rgyas pa/ yid bzhin gyi nor bu'i phyag rgya dang / snying po gzhan gyis mi thub pa'i gzungs 'di rigs kyi bu'am/ rigs kyi bu mos thos ma thag tu sdig pa thams cad las rnam par grol bar 'gyur ro/ /bram ze chen po/ rig pa 'di gang gi snying la gnas par gyur pa de'i lus rdo rjer rig par bya'o/ /de'i lus la mes mi tshugs so/ /ci mngon zhe na| gang gi tshe grong khyer chen po ser skya'i gnas na gzhon nu sgra gcan zin bzang po mngal du zhugs pa de'i tshe shAkya'i bu mo sa 'tsho ma bdag nyid me'i nang du mchongs pa dang / der pad+ma dag byung ste de'i tshe gzhon nu sgra gcan zin bzang po mngal na gnas bzhin du rig pa 'di yid la byas so/ /rig pa 'di rjes su dran pa tsam gyis me de skad cig de nyid la bsil bar gyur to/ /de nas shAkya'i bu mo sa 'tsho ma'i lus la mes ma reg go /de ci'i phyir zhe na/ rig pa 'di ni/ de bzhin gshegs pa thams cad kyi byin gyis brlabs pa'o/ /bram ze chen po/ rgyu des na mes mi 'tshig go /dug gis kyang srog dang 'bral bar mi nus so/ /de ci lta zhe na/ bram ze chen po/ gang gi
63a
@#/ /tshe grong khyer chen po bde bar pha rol tu 'gro ba zhes bya ba na tshong dpon mdzod stobs can gyi bu rig pa smra bar gyur to/ /de'i rig pa'i stobs des klu'i rgyal po 'jog po bkug go /bkug nas kyang bag med pa'i dbang gis ma bcibs pas des khros nas de la bzung ba dang / de tshor ba mi bzad pa myong nas ji ltar yang bdag ni/ srog dang bral lo snyam du shes so/ /da nas smra ba can mang po bos kyang 'ga' tsam gyis kyang dug las gso bar ma nus so/ /de nas grong khyer chen po bde bar pha rol tu 'gro ba na dge bsnyen ma dri ma med par dag pa zhes bya ba snying rje chen po dang ldan pa zhig gnas pa des rig pa'i rgyal mo chen mo 'di kha ton du shes so| |de de'i gnas su song ste phyin pa dang / rig pa chen po 'di brjod do/ /des de la lan gcig brjod pa tsam gyis de dug med par byas shing de dran pa rnyed par byas te sdug bsngal chen po de las yongs su thar par byas nas rig pa chen mo'i snying po 'di cho ga ji ltar bka' stsal pa bzhin du tshong dpon gyi bu de'i snying la gnas par byas so/ /bram ze chen po/ gzhan yang ji ltar yongs su shes she na/ rgyal po tshangs pas byin zhes bya ba'i grangs su chud pa zhig grong khyer chen po
63b
wA ra NA si na sngon yongs su rgyu ba'i tshe de'i shar phyogs kyi mtshams kyi stobs kyi 'khor los bsgyur ba'i rgyal po des dpung gi tshogs yan lag bzhi pa go bskon te grong khyer chen po wA ra NA si kun nas bskor nas gzhom par bshams so/ /de nas rgyal po tshangs pas byin de la blon po rnams kyis smras pa/ lha/ pha rol gyi dmag tshogs kyis grong khyer 'phrog la thug na/ thabs gang gis pha rol gyi dmag tshogs gzhom par bgyi bka' stsal du gsol zhes byas pa dang / rgyal pos khyed 'tsher 'grib chung dur gyis shig /rig pa'i rgyal mo so sor 'brang ba chen mo zhes bya ba yod de/ ngas des dpung gi tshogs yan lag bzhi pa 'di pham par bya'o/ /thal ba bzhin du bya'o| |zhes bsgo ba dang / blon po rnams kyi mgo btud de rgyal po chen po/ sngon bdag gis nam yang ma thos pa 'di ci zhig lags zhes smras pa dang / rgyal pos ngas de mngon sum du bya'o/ /zhes bsgo'o/ /de nas rgyal po tshangs pas byin spos chu sna tshogs kyis mgo bkrus te gos gtsang ma bgos nas rig pa'i rgyal mo 'di cho ga bzhin du bris te mgo'i gtsug gi skra'i nang du bzhag nas rig pa'i rgyal mo chen mo 'di nyid kyis go cha byas te g.yul gyi nang du zhugs pa dang / gcig pus
64a
@#/ /dpung gi tshogs yan lag bzhi pa thams cad pham par byas te ji srid skyabs su dong ba de srid du 'dis tshar bcad nas stobs kyi 'khor los bsgyur ba'i rgyal po de gcig pu btang ngo / /bram ze chen po/ de ltar na rig pa'i rgyal po chen mo de bzhin gshegs pa thams cad kyi snying po dang phyag rgyas byin gyis brlabs pa mthu chen po 'di mngon sum du gyur pa yin te/ mngon sum du gyur to/ /snyam du gzung bar bya'o/ /de bzhin gshegs pa thams cad dang mtshungs pa nyid du blta bar bya'o/ /phyi ma'i tshe phyi ma'i dus na sems can tshe thung ba rnams dang / bsod nams chung ba rnams dang / longs spyod chung ba rnams la phan par 'gyur bar blta'o/ /bram ze chen po/ gang la la zhig rig pa'i rgyal mo so sor 'brang ba chen mo 'di cho ga bzhin du bris te lag pa'am/ mgul du btags na/ de de bzhin gshegs pa thams cad kyi byin gyis brlabs par rig par bya'o/ /de de bzhin gshegs pa thams cad kyi skur rig par bya'o/ /rdo rje'i lus yin par rig par bya'o/ /de de bzhin gshegs pa thams cad kyi ring bsrel gyi snying po can yin par rig par bya'o/ /de de bzhin gshegs pa thams cad kyi spyan yin par rig par
64b
bya'o| |de rdo rje chen po'i lus su rig par bya'o/ /de 'bar ba 'od 'phro ba'i lus dang ldan par rig par bya'o/ /de mi shigs pa'i go cha can du rig par bya'o/ /de dgra thams cad rab tu 'joms par rig par bya'o/ /de sgrib pa dang sdig pa thams cad 'joms par rig par bya'o/ /de sems can dmyal ba'i 'gro ba rnams sbyong bar rig par bya'o/ / de ci'i phyir zhe na/ sngon yongs su shes pa yin te/ bram ze chen po/ phyogs gzhan zhig na dge slong ma dad pa/ de bzhin gshegs pa'i rigs la bslab pa 'dral ba/ ma byin par len pa/ bza' ba 'du ba'i sgo 'phrog pa/ dge 'dun gyi dang / phyogs bzhi dang / tshogs rdzas su gyur pa de thams cad gang zag gir byin gyis brlabs te za ba zhig dus gzhan zhig na nad tshabs chen pos btab pa dang / sdug bsngal chen po'i tshor ba myong ngo / /nyon mongs te skyabs med dpung gnyen med nas ku co'i sgra chen po 'byin to| |bram ze chen po/ de nas phyogs de na dge bsnyen zhig gnas pa des sgra de thos so/ /thos nas kyang dge slong de ga la ba der song ste phyin nas rig pa'i rgyal mo so sor 'brang ba chen mo 'di bris te dge slong de'i mgul du btags so/ /rig pa'i rgyal mo so sor 'brang ba chen mo dge slong de'i mgul du btags ma thag tu tshor ba thams
65a
@#/ /cad ni| rab tu zhi/ nad thams cad las ni/ yongs su thar te sos par gyur nas de'i mtshan mo zad pa dang / dran pa shin tu nye bar bzhag ste 'chi ba'i dus byas so/ /lus de bor ba dang sems can dmyal ba chen po mnar med par skyes so/ /de'i ro de yang dge slong dag gis sgang bu zhig la bzhag go /rig pa chen mo so sor 'brang ba chen mo de yang de'i mgul du btags pa bzhin du gnas so/ /dge slong de mnar med par der skyes ma thag tu sems can dmyal ba'i sems can de dag gi sdug bsngal gyi tshor ba thams cad rab tu zhi nas sems can dmyal ba'i sems can de dag thams cad bde ba thams cad kyis tshim par gyur to/ /mtshams med pa'i me'i phung po gang yin pa de dag thams cad kyang yongs su zhi bar gyur to/ /de nas gshin rje'i mi de dag thams cad ngo mtshar skyes nas chos kyi rgyal po gshin rje la nges pa'i tshig 'di dag rgyas par brjod do/ /sems can las las skyes pa yi/ /sdug bsngal mi bzad rab tu zhi/ / shin tu ngo mtshar 'di ni lha/ /sems dmyal nyam nga rnams na 'da'/ /sems can lus la rtag gnas pa'i/ /me ma mur de rab tu zhi/ /sog le rnams kyis gsheg
65b
ma mchis/ /spu gri'i sos kyang gcod mi bgyid/ /lcags sdong shal ma ri yang chag /lcags zangs thams cad rab tu zhi/ /ral gri lo ma can nags na/ /las skyes lo ma gnod mi 'gyur/ /chos kyi rgyal po gshin rje khyod/ /mi rnams la ni chos kyis ston/ /rgyu 'di mi chung bdag cag la/ /khyod kyis brjod par mdzad pa'i rigs/ /de nas chos kyi bdag nyid can/ /chos nges chos kyi rgyal po des/ /snying rje'i bsam pa nyams rnams kyi/ /'di 'dra'i tshig de thos gyur nas/ /myur du 'di ni ci yin smras/ /'di ni ci 'dra yang smros shig /de nas mi bzad gshin rje'i mi/ /gnod pa'i rgyun can de dag gis/ /chos kyi rgyal po gshin rje la/ /'di skad kyi ni tshig smras so/ /mnar med rab tu nyam nga bar/ /sems can chen po 'di skyes lha/ /gang gi ming ni mnar med pa/ /des na de ni nyam ngar brjod/ /gang gis sems can bde bgyis pa/ /rnam pa sna tshogs las la gzigs/ /'di ni kun tu bde gyur nas/ /slar yang lha yi gnas su mchi/ /chos kyi rgyal po gshin rjes kyang / /mthong nas ngo mtshar smras pa ni/ /'di ni rdzu 'phrul che ba ste| |'di ni tshe rabs lnga lus tshe/ /ji ltar sku gdung brgya mang pos/ /ston pa'i mchod rten mdzes pa ltar/ /so sor 'brang ba mgul btags pas/ /de yi lus ni de
66a
@#/ /bzhin mdzes/ /de nas sems can dmyal ba'i srung ma de dag gis chos kyi rgyal po gshin rje la 'di skad ces smras so/ /lha/ ji ltar na 'di so sor 'brang ba zhes bgyi/ chos kyi rgyal pos smras pa/ gang gis tshig rnams so sor dran/ /de ni ngan 'gror 'gro mi 'gyur/ /so sor 'brang ba sgom pa yi/ /shes rab can de bde 'gror 'gro /sems can dmyal ba'i srung ma khyod/ /rab tu rgyas dang ldan par dong / /der ni sgang bu mthon po la/ /lha rnams kyis ni bskor ba ltos/ /de mthong sems can thams cad la/ /byams pa'i sems su 'gyur bar gyis/ /de nas gshin rje'i mi de dag de nyid kyi nub mo rgyas pa dang ldan par dong ngo / /de tshe der ni de dag gis/ /rgyal po'i pho brang nye ba na/ /sgang bu de yi khor yug na/ /'bar ba gcig gis gang bar mthong / /mi ro zhig gi mgul ba na/ /so sor 'brang ba btags pa'ang mthong / /lha dang klu dang dri za dang / /gnod sbyin srin po mi 'am cis/ /kun nas 'khor bar bskor nas ni/ /bla na med pa'i mchod pa byed/ /de la gnod sbyin de dag gis/ /so sor 'brang ba'i sgang zhes btags/ /de nas gnod sbyin de dag gis chos kyi rgyal po gshin rje'i nges pa de rtogs te slar log
66b
nas lha| khyod kyis bka' stsal pa bzhin no/ /zhes rgyas par brjod do/ /de skad ces smras ma thag tu chig de smras pa'i tha ma la sems can chen po de sems can dmyal ba'i lus de bor nas sum cu rtsa gsum pa'i lha rnams kyi nang du skyes so/ /rgyu des na sngon so sor 'brang ba'i lha'i bu zhes bya'o/ /bram ze chen po/ des na sngon chad yongs su shes so/ /de'i phyir so sor 'brang ba chen mo 'di gdon mi za bar gzung bar bya'o/ /yi ger bri bar bya/ bklag par bya'o/ /cho ga bzhin du rtag tu lus la btags nas bcad bar bya ste/ de rtag tu sdug bsngal zhing nyam thag pa thams cad las yongs su thar par 'gyur/ ngan 'gro'i 'jigs skrag pa thams cad las rgal bar 'gyur ro/ /glog gis 'gyel bar byed mi nus so/ /glog gis ji ltar mi nus she na/ bram ze chen po/ sngon yongs su shes te/ grong khyer chen po'i mchog shing kun rdzi ba na tshong dpon chen po dri med dung zhes bya ba/ nor mang ba/ gser shin tu 'byor ba/ mdzod dang bang ba kun tu gang zhing phun sum tshogs pa zhig gnas te/ ded dpon zhes bya bar grags so/ /de nas ded dpon chen po des gru bo che de rnyed nas rgya mtsho chen por zhugs pa dang / nya mid rnams kyis de'i gru de bzung nas rnam par
67a
@#/ /gzhig par 'dod pa'i klu rnams kyang 'khrugs te 'brug sgra chen po sgrog go /glog dang skar mda' yang gtong ngo / /rdo rje'i lce 'bebs par yang bshams so/ /de nas tshong pa de dag sdug bsngal chen pos sems non to/ /klu 'khrugs pa chen po de dang / glog dang / skar mda' dang / rdo rje'i lce 'bebs pa dang / nya mid de dag gis kyang gru bo che bzung bar mthong nas ku co'i sgra chen po bton to/ /de dag lha khyad par can rnams la gsol ba btab kyang 'ga' tsam yang de dag gi dpung gnyen du ma gyur to/ /de nas de dag tshong dpon sems rab tu brtan pa'i gan du song nas de dag gis snying rje rje skad du tshig 'di skad smras so/ /sems can chen po khyod kyis bdag cag bskyab cing 'jigs pa chen po las thar par mdzad du gsol/ de nas ded dpon chen po sems brtan pa blo gros chen po des tshong pa 'khrugs par gyur pa rnams la tshig 'di skad smras so/ /ma 'jigs ma 'jigs tshong ba rnams/ /khyed cag brtan par dengs shig dang / /khyed rnams sdug bsngal chen po yi/ /rgya mtsho che las ngas bsgral lo/ /de nas yid ni brtan gyur nas/ /tshong pa rnams kyis tshig 'di smras/ /sems can chen po 'di ci lags/ /bgegs
67b
bral myur du bka' stsol cig /blo gros chen po khyod kyi mthus/ /bdag cag ji srid 'tsho ba'i tshe/ /ye shes che ba'i bdag nyid gsungs/ /slad na khyod kyis ci zhig bgyi/ /de nas mgron mang bdag po yis/ /de dag la ni tshig 'di brjod/ /de la so sor 'brang ba yi/ /rig pa chen mor grags pa yod/ /gnod byed thams cad sel bar byed/ /stobs chen pha rol gnon byed pa/ /des ni rab tu sdug bsngal ba'i/ /'jigs pa che las ngas bsgral lo/ /de nas ded dpon chen pos de'i tshe rig pa'i rgyal mo 'di bris nas rgyal mtshan gyi rtse mo la btags pa dang / rig pa'i rgyal mo chen mo so sor 'brang ba chen mo rgyal mtshan gyi rtse mo la btags ma thag tu nya mid de dag thams cad kyis gru bo che de me lce gcig tu gyur pa mthong ngo / /de nas klu de dag byams pa'i yid kyis de dag gi drung du lhags nas mchod pa bya bar bshams so/ /nya mid de dag kyang rig pa'i rgyal po so sor 'brang ba chen mo 'di nyid kyi mthus tshig nas byer te zhi bar gyur to/ /mgron po phal po che de dag kyang klu chen po de dag gis rin po che'i gling chen por phyin par byas so| |de ltar na ye shes dang ldan pa rig pa chen mo so sor 'brang ba chen mo ni/ de bzhin gshegs pa thams cad kyis byin gyis brlabs pa ste/ bram ze chen po/
68a
@#/ /rgyu des na 'di rig pa chen mo zhes grags so/ /'di ni/ nges par rgyal mtshan gyi rtse mo la btags te bcad bar bya'o/ /rlung dang / grang ba dang / dus ma yin pa'i sprin dang / glog dang / lce 'bab pa thams cad rab tu zhi bar byed de/ lha dang / mi dang / lha ma yin gyi 'thab pa dang / rtsod pa las yongs su thar par byed do/ /sbrang bu mchu ring dang / sha sbrang dang / byi ba dang / srog chags kyi rigs gzugs rnam pa sna tshogs lo tog ma rung bar byed pa thams cad mthu med cing rab tu zhi bar 'gyur ro/ /ri dwags dang / bya dang / gcan gzan gnod par sems pa thams cad rnam par 'jigs par 'gyur ro/ /me tog dang / 'bras bu dang / lo ma dang / nags tshal dang / sman dang / lo tog la sogs pa thams cad 'phel bar 'gyur te/ rab tu bro zhing zhim pa dang / 'jam par 'gyur ro| |legs par yongs su smin par 'gyur ro/ /ha cang char che ba dang / char dkon pa'i nyes pa rnams yongs su mi 'byung ngo / /char dus su 'bab cing / dus ma yin par mi 'bab par 'gyur ro/ /yul de'i klu chen po gang yin pa de dag kyang dus dus su char gyi rgyun legs par 'bebs so/ /yul gang na rig pa'i
68b
rgyal mo so sor 'brang ma chen mo zhes bya ba 'di spyod pa'i yul der sems can de dag gis shes par bya ste/ spos sna tshogs dang / bdug pa sna tshogs dang / me tog sna tshogs kyis mchod cing bsti stang byas la/ tshon sna tshogs kyis dkris te rgyal mtshan gyi rtse mo la btags nas glu dbyangs dang / rol mo sil snyan byas te/ bskor ba byas nas lha rnams dang / brgya byin dang / tshangs pa la sogs pa'i sems can chen po de dag gis bsam pa ji lta ba bzhin du re ba yongs su rdzogs par byed par 'gyur ro/ /cho ga ji lta ba bzhin du de lta de lta bur 'grub ste/ bu pho 'dod na'ang khye'ur 'grub/ /mngal na 'dzin pa dam par 'gyur/ /mngal na bde bar skye ba dang / / mngal nas bde bar btsa' bar 'gyur/ /mngal na dus bzhin skye ba dang / /dus bzhin rab tu btsa' bar 'gyur/ /cis mngon zhe na/ bram ze chen po/ snga ma bzhin du de nyon cig /yul ma ga d+ha 'di nyid na rgyal po lag brkyang zhes bya ba de bu med par gyur to/ /ci'i phyir lag brkyang zhes bya zhes na/ rgyal po de btsas ma thag tu lag pa brkyangs nas ma'i nu zho la bzung ste/ nu zho ngoms ngoms su 'thungs so/ /nu ma de gnyis la reg ma thag tu gser gyi kha dog tu gyur te/ dus kun tu nu zho 'phel bar gyur
69a
@#/ /to| |rgyu des na rgyal po lag brkyang zhes bya bar btags par gyur to/ /gzhan yang gang gi tshe rgyal po'i gan du skye bo slong mo ba 'ongs pa de'i tshe/ rgyal po de lag ba g.yas pa bar snang la brkyang ba dang / rgyal po byang chub sems dpa' de rgyu des sangs rgyas la mngon par dad pa'i lha rnams kyis lha'i rin po che khyad par du 'phags pa gser dang / nor bu rnams kyis lag pa gang bar byed do/ /rgyal po des kyang skye bo slong mo pa lhags pa rnams la rab tu byin no/ /bsam pa tsam gyis slong mo pa thams cad la 'dod pa bzhin du bde ba phun sum tshogs pa thams cad byin to/ /bu pho 'dod pa'i phyir lha rnams la mchod pa dang / bsti stang cher byas kyang bu pho ma rnyed nas de sngon gyi de bzhin gshegs pa dag gi mchod rten rnams kyi mdun du bsti stang bya bar brtsams te/ mchod pa dang / bsti stang chen po byas so/ /sbyin pa chen po byin to/ /bsnyen gnas la yang nye bar gnas so/ /bsod nams chen po byas so/ /sbyin pa chen po de dag kyang mi zad par byin to| |de ci'i phyir zhe na/ bram ze chen po/ sngon byung ba yul ma ga d+ha 'di nyid na gyad yul zhes bya ba'i grong khyer ku sha'i tshong dus chen po'i mchog na bcom
69b
ldan 'das rin chen mang gi bstan pa la zhugs pa/ tshong dpon chos kyi blo gros zhes bya ba chos sems pa'i sems can chen po zhig gnas pa de sems can thams cad la snying rje chen po'i sems nye bar bzhag nas rig pa chen mo so sor 'brang ma 'di nyid las brtsams te chos ston to/ /de nas mi dbul po zhig gis chos de thos nas tshong dpon chen po de la tshig 'di skad ces bdag jo bo'i khab tu gla bgyi'o/ /chos kyang nyan no/ /gang gi tshe bdag gis cung zad rnyed par gyur pa de'i tshe bdag chos la mchod pa bgyid do zhes smras nas de'i khyim na las byed cing chos kyang nyan to/ /dus gzhan zhig na de la tshong dpon des di na ra gcig byin pa dang / des sems can thams cad yongs su bskyab pa'i phyir byang chub kyi sems bskyed nas sems can thams cad dang thun mong du byas nas rin po che snyim pas so sor 'brang ma chen mo la phul nas sbyin pa'i 'bras bu chen po 'dis bdag dang sems can thams cad kyi dbul ba kun tu gcod par gyur cig ces smon lam de skad kyang btab bo/ /rgyu des na sbyin pa de yongs su mi zad par gyur to/ /de ltar bsod nams mngon par 'du bya ba rnam pa mang po rnam pa du ma byas te lha rnams kyang mchod pa nas sangs
70a
@#/ /rgyas bcom ldan 'das kyi bar du mchod pa dang / de'i tshe gnas gtsang ma'i ris kyi lha rnams kyis rmi ltas su bstan te 'di skad du kye rgyal po chen po/ so sor 'brang ma chen mo zhes bya ba kun nas me lce'i phreng ba rnam par dag pas rgyas pa yid bzhin gyi nor bu'i phyag rgya dang / snying po gzhan gyis mi thub pa'i gzungs chen mo rig pa'i rgyal mo cho ga las ji skad 'byung ba bzhin du bris la/ btsun mo dam pa smyung ba byas la cho ga bzhin du lus la btags na khyod bu pho yod par 'gyur ro zhes bsgo'o| |de nas rgyal po sad de mtshan mo zad nas rtsis dang / yi ge'i 'bru dang / rgyu skar dang / gza' rnam par 'byed pa'i bram ze rnams bsags nas cho ga las 'byung ba bzhin du rgyu skar gyi rgyal po rgyal gyi nyin par btsun mo dam pa lus shin tu legs par bkrus te smyung ba byas nas rig pa'i rgyal mo chen mo 'di yang cho ga bzhin du bris te btsun mo dam pa'i mgul du btags so/ /sangs rgyas kyi mchod rten rnams la mchod pa chen po byas so/ /rin po che khyad par can du ma yang sems can rnams la sbyin pa byin no/ /de nas zla ba dgu lon pa dang / bu pho gzugs bzang ba/ mdzes pa/ blta na sdug pa/ kha dog bzang pe/ rgyas pa
70b
mchog dang ldan pa zhig btsas so/ /bram ze chen po/ de ltar shes nas rig pa'i rgyal mo chen mo de bzhin gshegs pa thams cad kyis mchod pa/ 'dod pa thams cad du 'gro ba gzhan gyis mi thub pa so sor 'brang ma chen mo dkon mchog ces grags so/ /'di ni/ rtag tu brgya byin gyi gtsug gi nor bu yin no/ /gang gi tshe lha'i dbang po brgya byin lha ma yin rnams dang / g.yul chen po 'gyed par 'dod pa de'i tshe 'di nyid kyis go cha byas nas spyi gtsug tu btags te lha ma yin thams cad pham par byas| pha rol pham par byas nas dge ba dang bde bas bde bar lha'i grong khyer du 'jug ste/ lha ma yin thams cad kyis mi tshugs pa yin no/ /bram ze chen po/ de ltar na sems dang po bskyed pa nas bzung ste rig pa'i rgyal mo so sor 'brang ma chen mo 'di 'chang pa'i byang chub sems dpa' la bdud thams cad kyis mi tshugs so/ /'di gang gis lus la btags sam/ mgul du btags pa de de bzhin gshegs pa thams cad kyis byin gyis brlabs par 'gyur ro/ /de la byang chub sems dpa' thams cad yang dag par srung bar 'gyur ro/ /lha dang / mi dang / rgyal po dang / rgyal po'i blon po dang / bram ze dang / khyim bdag thams cad kyis kyang rtag par rgyun du phyag
71a
@#/ /bya zhing mchod pa dang / rim gro byed par 'gyur ro/ /lha dang / lha ma yin dang / nam mkha' lding dang / mi 'am ci dang / lto 'phye chen pos rjed cing mchod par 'gyur ro| |bcom ldan 'das bdud kyi dpung rab tu 'joms pas kyang de la sems can chen po zhes gsungs so/ /nad thams cad dang bral bar 'gyur ro/ /de la yams kyi nad dang / gnod pa thams cad dang / nad 'go ba thams cad rab tu zhi bar 'gyur ro/ /sems can chen po de mya ngan thams cad dang bral bar 'gyur ro/ /de la lha thams cad kyang rtag par rgyun tu srung ba dang / skyob pa dang / sped par byed par 'gyur ro/ /des gzhan gyis mi thub pa'i gsang sngags chen po'i snying po 'di dag bris te rtag par rgyun du lus la gdags shing bcang bar bya/ rtag par rgyun du yid la bya'o/ /kha ton du bya'o/ /bsam pa thag pa nas bsgom par bya'o/ /sdug bsngal ba dang / rmi lam ngan pa dang / ltas ngan pa dang / bkra mi shis pa'i dngos po thams cad rnam par 'joms par 'gyur ro/ /bde ba phun sum tshogs pa thams cad 'byung bar 'gyur ro/ /'di ni/ gsang sngags gyi gzhi las thams cad byed pa dge ba rnams grub pa'o/ /tad+ya thA/ oM a mr-i te a mr-i ta ba re/ ba ra ba re/
71b
pra b+ha re bi shud+d+he hUM hUM phaT phaT swAhA/ oM a mr-i ta bi lo ki ni gar+b+ha sa ma rak+Sha Ni/ A kaR+Sha Ni hUM hUM phaT phaT swAhA/ gzhan gyis mi thub pa'i snying po'o/ /oM bi ma le bi bu le dza ya ba re/ dza ya bA hi ni/ a mr-i te/ bi ra dze hUM hUM phaT swAhA/ oM b+ha ra b+ha ra saM d+ha ra saM b+ha ra/ in+d+ri ya ba la bi sho d+ha ni/ ru ru tsa le hUM hUM phaT phaT swAhA/ nye ba'i snying po'i rig pa'o/ /oM ma Ni d+ha ri/ badz+ri Ni ma hA pra ti sa re hUM hUM phaT phaT swAhA/ rab tu gsang ba'i snying po'o/ /sangs rgyas dang byang chub sems dpa' ma lus pa thams cad thabs cig tu 'dus nas sgra dbyangs gcig tu gzungs kyi gsang sngags kyi gzhi 'di dag gsungs so/ /gsang sngags 'di dag ni/ rig pa'i rgyal mo chen mo so sor 'brang ma chen mo'i snying po dang go cha'o/ /de bzhin gshegs pa thams cad kyis phyag rgyas btab pa'o/ /'di thos par yang rab tu dka' na/ yi ger bri ba dang / tshig tu 'don pa dang / klog pa dang / 'chang ba dang / gzhan la yang ston pa lta ci smos te/ de ni/ sangs rgyas la bya ba byas par rig par bya'o/ /'di ni/ de bzhin gshegs pa thams cad kyis rab tu bsngags so/ /rjes su yi rang ngo / /lung bstan to/ /so sor 'brang ma chen mo gzhan gyis mi thub pa'i gzungs 'di mchog tu dkon pa'o/ /so
72a
@#/ /sor 'brang ma chen mo 'di'i ming thos par yang shin tu dka' ste/ gzungs chen mo 'di ni/ sdig pa thams cad byang bar byed pa/ stobs che ba/ pha rol gnon pa| gzi brjid che ba/ 'od che ba/ yon tan brjod par che ba/ mthu che ba/ bdud kyi ris kyi lha thams cad rnam par 'joms par byed pa/ bag chags kyi mtshams sbyor ba'i bdud kyi zhags pa gcod pa/ pha rol gyi sngags dang / phyag rgya dang / dug dang / byad dang / g.yeng byed kyi sbyor ba dang / gnod par bya ba dag drag shul du spyod pa dang / gnod pa'i sems dang ldan pa rnams rnam par sbyong bar byed pa/ sangs rgyas dang / byang chub sems dpa' dang / 'phags pa'i tshogs thams cad la mchod pa dam pa byed par mngon par dga' ba rnams la yongs su skyong bar byed pa/ theg pa chen po 'dzin pa dang / yi ger 'bri ba dang / klog pa dang / tshig tu 'don pa dang / kha ton byed pa dang / nyan pa dang 'chang bar mngon par brtson pa rnams la yongs su skyong ba'o/ /bram ze chen po/ so sor 'brang ma chen mo rig pa'i rgyal mo 'di ni/ sangs rgyas kyi byang chub kyi bar du yongs su rdzogs par byed pa ste/ gang du'ang thogs pa med do/ /ston pa dgra las rgyal ba ji lta ba bzhin du thams cad du yang mchod
72b
pa chen po thob par 'gyur ro/ /ci mngon zhe na/ rig pa chen mo bgegs dang log 'dren thams cad rnam par 'joms par byed pa 'di ni/ sngon yongs su shes te/ gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya cher rab tu bzhad pa'i zhal nor bu dang gser dang rin po che 'bar ba'i 'od zer snang ba mngon par 'phags pa'i rgyal po dang po mngon par sangs rgyas nas byang chub kyi snying po ga la ba der gshegs te/ sangs rgyas thams cad kyis bsngags pa'i chos kyi 'khor lo rab tu bskor bar bzhed pa de'i tshe bcom ldan 'das de la bdud g.yog dang bcas pa bdud bye ba khrag khrig brgya stong du mas bskor ba/ gzugs sna tshogs/ mi sdug pa/ 'jigs 'jigs ltar 'dug pa/ sgra mi snyan pa/ bdud kyi yul rnam pa sna tshogs rnam par 'phrul par byin gyis rlob pa mtshon cha rnam pa sna tshogs kyi char 'bebs pa mngon par sprul nas lhags te phyogs bzhi nas bskor te bar chad bya bar brtsams pa dang / de nas bcom ldan 'das rgya cher rab tu bzhad pa'i zhal nor bu dang gser dang rin po che 'bar ba'i 'od zer snang ba mngon par 'phags pa'i rgyal po yud tsam zhig cang mi gsung par bzhugs
73a
@#/ /nas rig pa'i rgyal mo so sor 'brang ma chen mo 'di yid kyis lan bdun brjod do/ /rig pa'i rgyal mo chen mo so sor 'brang ma chen po 'di brjod ma thag tu skad cig de nyid la bdud sdig can de dag thams cad kyis bcom ldan 'das kyi ba spu'i bu ga re re nas skyes bu go cha gyon pa bye ba khrag khrig brgya stong du ma ral gri dang / dgra sta dang / zhags pa dang / tho ba dang / rtse gsum 'bar ba lag na thogs pa sha stag tshig 'di skad du/ gang dag bcom ldan 'das la gnod par byed pa bdud gnod sems can rnams zungs shig zungs shig /chings shig chings shig /gnod par sems pa thams cad rab tu choms shig / gnod sems can dang / gza' dang / bgegs dang / log 'dren thams cad kyi srog phye mar gyis shig ces 'dzer cing thon pa mthong ngo / /de nas bdud de dag thams cad byams pa'i ral gris mngon par btul nas la las ni/ bslab pa'i gzhi rnams bzung ba nas la la ni/ bla na med pa yang dag par rdzogs pa'i byang chub tu lung bstan pa'i bar du'o/ /de la mthu che ba gzhan dag ni/ de bzhin gshegs pa'i ba spu'i bu ga nas thon pa'i skyes bu chen po de dag mthong
73b
nas grong khyer de nyid du spa bkong bar gyur/ rdzu 'phrul yongs su nyams/ spobs pa dang / stobs dang / rtsal med par gyur cing / mda' gzhu dag kyang chag nas byer ro/ / de nas bcom ldan 'das kyis bgegs dang / log 'dren dang / bdud sdig can thams cad rab tu bcom nas sangs rgyas gzhan dag ji lta ba bzhin du chos kyi 'khor lo rab tu bskor to/ /brgal to/ /pha rol tu rab tu gshegs so/ /bram ze chen po/ de ltar na rig pa'i rgyal mo so sor 'brang ma chen mo stobs kyi drag shul che ba/ rdzu 'phrul gyi pha rol tu phyin pa 'di dran pa tsam gyis sems can bsam pa yongs su dag pa rnams dang / gzhan gnod sems can rnams kyang sdug bsngal ba dang / 'jigs skrag pa thams cad las yongs su thar par byed do/ /bram ze chen po/ de lta bas na rtag par rjes su dran pa'i yid la byed pas yid la bya'o/ /yi ger bris te rtag tu lus la gdags shing bcang bar bya'o/ /ci mngon zhe na/ snga ma bzhin du nyon cig /rgyal po tshangs pas byin gyi yul na grong khyer chen po 'phags rgyal du mi zhig la nyes pa byung nas rgyal po tshangs pas byin gyis gshed ma'i mi rnams la khyod kyis mi 'di sod cig ces bsgo'o/ /de nas gshed ma'i mi de dag gis rgyal pos bsgo ba
74a
@#/ /bzhin du mi de khrid de ri sul zhig tu phyin nas ral gri shubs nas phyung ste gsad par bshams pa dang / de'i tshe mi des rig pa'i rgyal mo so sor 'brang ba chen mo 'di yid la dran no/ /yi ger bris nas lag pa g.yas pa la btags shing 'dug go /sems can chen po de'i rig pa 'di'i mthus ral gri me lce gcig tu gyur nas rdul gtor ba bzhin du dum bu dum bur gyur to/ /de nas gshed ma'i mi dag gis nges pa 'di rgyal po la zhib tu bsnyad do/ /de nas rgyal po de rab tu 'khrugs nas kye mi 'di dag sa phyogs shig na gnod sbyin gyi phug yod de/ de na gnod sbyin brgya stong mang po sha rje na za ba gnas kyi/ der khrid de 'or cig ces bsgo'o| |de nas mi de gshed ma'i mi de dag gis gnod sbyin gyi phug der bor ro/ /gnod sbyin gyi phug der bor ma thag tu de nas gnod sbyin de dag thams cad yid dga' ste mi sha bza'o snyam du brgyugs pa dang / de dag gis so sor 'brang ba 'di'i mthus mi de la me lce gcig tu gyur pa'i 'od 'phro ba rab tu 'bar bar mthong ngo / / mthong nas kyang thams cad sdangs nas rang rang gi lus tshig par mthong ngo / /de nas gnod sbyin de dag ngo mtshar skyes nas mi de khrid de sgo'i phyi rol tu bzhag
74b
nas bskor ba bya bar brtsams pa nas gshed ma'i mi de dag gis rgyal po la zhib tu bsnyad pa'i bar du snga ma bzhin no/ /de nas rgyal po cher 'khrugs te sdangs nas gal te de ltar na khyed cag dengs la mi 'di chings te chur bor cig ces bsgo ba dang / gshed ma'i mi de dag gis khrid de chur bor ro/ /mi de chur bor ma thag tu mi de ji ltar thang la 'dug pa bzhin du chu med par gyur to/ /chings pa de dag kyang dum bur chad do/ /rgyal pos de skad thos pa dang / de nas rgyal po ngo mtshar du gyur nas mig tshugs su bltas te/ kye ma'o mi 'di ngo mtshar to/ /'di la rgyu ci zhig yod snyam du rnam par rtog par gyur to/ /zhes smras so/ /de nas rgyal po des mi de bkug ste/ kye mi khyod ci zhig shes zhes de skad smras so/ /mi des smras pa/ rgyal po chen po/ rig pa chen mo so sor 'brang ba chen mo 'chang ba las/ gzhan ni/ ci yang ma 'tshal te| lha/ de ni/ de'i mthu lags so/ /rgyal pos smras pa/ ngo mtshar che'o/ /rig pa chen mo dge bar gsungs/ /'chi bdag nan tur rmongs byed pa/ /sangs rgyas kun gyis byin gyis brlabs/ /sems can thams cad rab tu sgrol/ /nad dang sdug bsngal thar par byed/ /rig pa chen mo gzi brjid che/ /dus min 'chi las rab tu sgrol/ /
75a
@#/ /nad chen rnams ni zlog byed pa/ /mgon po thugs rje can gyis gsungs/ /de nas rgyal po rab tu dga' ba'i yid kyis rig pa'i rgyal mo chen mo so sor 'brang ba chen mo la mchod nas mngon par bstod do/ /mi de yang blon thabs byin te rang gi gnyen gyi mdun du grong khyer gyi gtso bor dbang bskur to/ /bram ze chen po| de ltar na rig pa'i rgyal mo so sor 'brang ba chen mo 'dis thams cad du yang mchod pa chen po rnyed do/ /sems can gnod sems can thams cad kyis kyang 'gal bar mi bya'o/ /de ltar na/ rig pa'i rgyal mo chen mo 'di yongs su shes te gang du yang thogs pa med do/ /de lta bas na gdon mi za bar rtag tu lus la gdags shing bcang bar bya'o/ /bram ze chen po/ /skar ma bzang po la cho ga legs par byas te rig pa'i rgyal mo 'di bri bar bya'o/ /de nas bram ze chen po de yid rab tu dga' nas bcom ldan 'das la yan lag ldas phyag 'tshal te zhus pa/ btsun pa bcom ldan 'das/ rig pa'i rgyal mo 'di'i cho ga ji ltar bgyis te bri bar bgyi/ bcom ldan 'das kyis bka' stsal pa/ bram ze chen po/ /khyod nyon cig /sems can kun la snying brtse'i phyir/ /ngas ni khyod la bshad par bya/ /gang gis sems can bde byed cing / /nyam nga ba yi
75b
las las 'grol/ /nad rnams las kyang thar bya dang / /bud med sbrum mar 'gyur ba dang / /sems can rnams kyi dbul ba yi/ /rma rnams gso bar bya phyir ro/ /bsnyen gnas dag la gnas gyur nas/ /rgyu skar rgyal du shes pa la/ /sangs rgyas mchod la brtson byas te/ /byang chub phyir ni sems kyang bskyed/ /snying rjes kun tu brlan sems dang / /byams pa dang yang ldan gyur nas/ /rtag tu sems can thams cad la/ /phan pa bskyed pa brtson par bya/ /tsan+dan dang ni gur gum dang / /gla rtsir bsres pa'i chus bkrus te/ /bdug pa rnams kyis bdugs pa yi| |gos gtsang rnams kyis bgo bar bya/ /sa dang lci ba bsres pa yi/ /de yi 'og tu dkyil 'khor bya/ /bum pa gang ba bzhi bzhag ste/ /lnga pa dkyil 'khor dbus su gzhag / de la rin thang chen po yi/ /me tog bdug pa spos rnams gsol/ /tsan+dan spri ka de bzhin du/ /a ga ru dang du ru ka/ sha kha ra dang lnga sbyar ba'i/ /bdug pa cho ga bzhin du dbul// cho ga ji bzhin dus bzhin bya/ /lo tog rnam pa sna tshogs rnams/ /me tog 'bras bu sa bon dang / /spos rnams kun gyis legs par brgyan/ /mar dang sbrang rtsi 'o ma dang / / nas thug 'o thug la sogs pas/ /gtor ma'i bum pa dgang bar bya/ /mtshan ma shin tu bkra shis pa/ /phyogs bzhi rnams su gzhag par bya/ /lnga pa dkyil 'khor dbus
76a
@#/ /su gzhag/ spos kyis bkang ba'i phur bu rnams/ /gra bzhi dag tu gzhag par bya/ /dkyil 'khor gyi ni 'gram logs su/ /seng ldeng phur bu bzhi btsugs la/ /tshon skud kha dog sna lnga yis/ /'khor bar dam du dkri bar bya/ /gal te bdag 'grub 'dod na ni/ /bram ze de ltar byas nas bri/ /kha zas dkar po zos nas su/ /phan par 'dod pas bri bar bya/ /dar ram ras sam gro ga 'am/ /ci yang rung ba gzhan la bri/ /bud med dag la bu 'dod na/ /gi wang gis ni legs par bri/ /dbus su khye'u zhig bris nas ni| |rgyan rnams kun gyis rnam par brgyan/ /de bzhin rin chen gang ba'i snod/ /lag pa g.yon na thogs par bya/ /pad+ma rab tu rgyas gyur cing / /brgyan pa la ni de 'dug bya/ /nor bu do shal gser dag dang / /rin chen sna tshogs rnams kyis brgyan/ /gdul bar shin tu dka' ba bri/ /gra bzhi dag tu ri bo bri/ /gal te bde bar 'tsho 'dod na/ /rab tu bsgrims te de ltar bri/ /bye brag tu ni skyes pa rnams/ /gur gum gyis ni bri bar bya/ /de yi dgos pa 'dod pa rnams/ /'grub 'gyur 'di la the tshom med/ /pad+ma gnyis sam yang na gsum| |bzhi 'am yang na lnga bris te/ /pad+ma la ni phyag rgya'i mtshan/ /rnam pa sna tshogs gzugs su bri/ /de bzhin du ni pad+ma rnams/ /ze bas kun tu 'khor bar bri/ /pad+ma 'dab
76b
ma rab rgyas la/ /sdong bu dar gyis bcings par bri/ /pad+ma la ni rtse gsum pa/ /zur brgyad la ni dar dbyangs bri/ /de bzhin pad+ma dgra star bcas/ /'dab ma brgyad dang ldan par bri/ / pad+mar bcas pa'i ral gri bri/ /pad+ma de ni dkar por bya/ /pad+ma'i steng du dung yang bri/ /thams cad du yang rgyas par bya/ /kun tu cho ga'i mtshan ma rnams/ /mkhas pa dag gis bri bar bya/ / gang la gnod pa'i sems 'byung ba/ /byis pa'i gzugs rnams mi bri'o/ /sna tshogs rgyan gyis brgyan pa yi/ /lha yi gzugs ni bri bar bya/ /dge slong phyir ni rdo rje 'chang / /gnod sbyin bsdigs par brtson par bri/ /rgyal po chen po bzhi rnams kyang / /ngos bzhi rnams su bri bar bya/ /bram ze'i phyir ni dbang ldan no/ /rgyal rigs la ni dbang phyug che/ /dmangs rigs phyir ni rtag zhi ba/ /khyab 'jug legs par bri bar bya/ /rje'u rigs phyir ni rnam thos bu/ /lha yi dbang phyug dbang po bri/ /khye'u yi phyir ni skye rgu'i bdag /blo gros chen po bri bar bya| |sngo bsangs mdog ni gang yin pa/ /de yi ched du khros pa bri/ /dkar mo'i phyir ni grags ldan pa/ /phun sum tshogs pa'i gzugs su bri/ /sbom ma'i phyir ni nor bu bzang / /rab tu bsgrims te bri bar bya/ /skem mo'i phyir ni gang ba bzang / /rang byung nga yis bstan par bri/ /sbrum ma'i phyir ni nag po che/ /tshangs lha rnams kyang bri bar bya/ /gzhan yang ji ltar
77a
@#/ /cho ga las/ /gong du bshad pa bzhin du bri/ /las kyi cho ga mthong nas ni/ /rab tu bsgrims te de bzhin bri/ /rtag tu mgul du btags na ni/ /de ni bde bar 'gyur ba yin/ /rgyal mtshan rtse mo'i pad+ma la/ /yid bzhin nor bu 'bar ba bri/ /pad+ma'i snying por zhags pa dang / /de bzhin 'khor lo'ang bri bar bya/ /pad+ma'i steng du rdo rje dang / /pad+ma'i snying por tho ba bri/ /cho ga las ni 'byung ba bzhin/ /pad+ma'i steng du mdung thung bri/ /cho ga las ni brjod pa bzhin/ /nor bu thams cad rtse mo 'bar/ /'od zer 'phro bas rgyas pa dang / /dar gyis bcings pa bri bar bya/ /klu mgo gdengs ka dgu yod la/ /nor bu rab tu 'bar ba dang / /de dag kun gyi snying gar yang / /rdo rje gnas par bsgrims te bri/ /rgyal po rnams phyir stobs can dang / /ded dpon mkhas pas rtag tu bri/ /rig pa 'dzin pa thams cad bri/ /rig pa'i lha mo rnams kyang bri/ /zla ba nyi ma rgyu skar bcas/ /sgra gcan mjug ring gza' brgyad bri/ /cho ga bzhin du nges bris la/ /blo gros ldan pa'i mis sel na/ /za ma rnams ni ma ning yang / /bu pho rnyed par 'gyur ba yin/ /'dis ni thams cad 'grub par byed/ /shis shing sdig pa zhi bar byed/ /rang byung gi ni bka' bzhin du/ /gnas kyi dam pa thob par 'gyur/ /
77b
'jig rten 'di na'ang mchog tu bde/ /'jig rten pha rol shin tu bde/ /sum cu rtsa gsum gnas la sogs/ /lha gnas de yi gnas su 'gyur/ /'dzam gling bzang zhing nyams dga' bar| |khyad par can rigs grags pa dang / /rgyal rigs khyad par 'phags pa dang / /bram ze khyad par 'phags rnams su/ /bdag nyid chen po de skyes te/ /rtag tu rig dang bde bar 'gyur/ /so sor 'brang ma 'chang ba'i mis/ /bsod nams thob pa gang yin pa/ /sangs rgyas dag ni thams cad kyis/ /bsod nams phung po brjod mi nus/ /sems can dmyal ba'i sgo rnams bcad/ /mtho ris sgo rnams rab tu phye/ /bde ba phun sum tshogs pa dang / /blo gros chen por 'gyur ba yin/ /sangs rgyas byang chub sems dpas kyang / /rtag tu dbugs ni 'byin par 'gyur/ /lus kyi bde ba phun sum tshogs/ /stobs kyang che bar 'gyur ba yin/ /rgyal bas ji skad gsungs pa ltar/ /'khor los bsgyur bar 'gyur ba yin| |mi dang lha rnams dbugs 'byin te/ /gnod par sems pa skrag par byed/ /gang phyir rig pa legs bshad pa/ /de ni ring po mi thogs so/ /de ni mtshon gyis mi tshugs te| |dug dang mes kyang tshugs mi 'gyur/ /dus min 'chi ba'i sdig ba yang / /de las thag ni ring du 'gro/ /rnam pa kun tu nyan pa 'am/ /mthong ba dang ni reg pa'ang rung / /'byung
78a
@#/ /po gdon dang rtsod pa dang / /chu dang me yis 'jigs pa dang / /gcan gzan sbrul dang seng+ge dang / /klu dang nad ni mi bzad rnams/ /gang la rig pa legs bshad pa/ /de la de dag kun mi 'byung / /de dag sems can kun mchog 'gyur/ /bdud rnams kun gyis thams cad du/ /mchod par 'gyur ba'i 'os yin te/ /yang dag bshad kyis mnyan par byos/ /rig pa'i rgyal mo so sor 'brang ba chen mo'i cho ga rdzogs so// //de nas sems can thams cad la snying brtse ba'i phyir rig sngags 'chang srung ba'i tshul gyi cho ga bshad par bya'o/ /srung ba'i cho ga gang zhig gis/ /dngos grub chen po 'grub 'gyur ba/ /gang dang gang du bsrungs byas nas/ /don yod 'gyur te the tshom med/ /'jigs med rims kyis mi 'debs te/ /gza' rnams thams cad zlog par byed/ /rgyu skar rnams kyang mthun par 'gyur/ /las kyi lu gu rgyud kyang gcod/ /bza' nyes pa dang sgom nyes dang / /dgra tshogs kun gyis byas pa dang / /gnod par bltas dang bri nyes dang / /byad dang gang yang mi bzad dang / /phye ma sngags kyis btab pa dang / /dug 'thungs pa dang sbyor ba'i dug /gang zhig srung ba 'chang de la/ /de dag thams cad zhi bar 'gyur/ /gang zhig rig las 'gal byed pa/ /yan lag
78b
rnams la rnam par smin/ /so sor 'brang ba'i dmod bsdigs na/ /pha rol 'khor ni mi bzad dang / /'jigs pa chen po dgra yi rnams/ /de dag thams cad rab tu 'bros/ /sangs rgyas thams cad mkhyen pa dang / /byang chub sems dpa' des pas srung / /nyan thos dka' thub chen po dang / /rang sangs rgyas kyis srung bar 'gyur/ /gzhan yang rnam pa mang po yi/ /lha klu rdzu 'phrul chen po rnams/ /'di la rtag tu brtson byed pa/ /de la srung ba byed par 'gyur/ /rig pa yi ni rgyal mo 'di/ /thos pa tsam gyis mi mchog rnams/ /kun tu 'jigs pa med 'gyur zhes/ /thub pa yis ni de skad gsungs/ /rmi lam ngan dang ngan byas dang / /gang yang nad 'go mi bzad dang / /nad kyis btab dang nad chen gyis/ /gang dag zin cing khrag skyug dang / /gzhan yang rnam pa mang po'i nad/ /'bras dang shu ba skam po dang / /gang yang gnod pa mi bzad pas/ /mi yi skye rgu zin pa dang / /mi rnams ma rungs bya ba'i phyir// mchog tu mi bzad gnod byed rnams/ /srung ba stobs chen ga la bar/ /de dag thams cad mi 'byung ngo / /'di las srung ba byas na ni/ /bcings pa ngag kyang grol bar 'gyur/ / so sor 'brang ba bris pas kyang / /gal te dus kyi zhags pa yis/ /bzung nas gshin rje'i gnas khrid pa/ /de yi tshe ni rnam par 'phel/ /gang zhig tshe ni zad gyur tam/ /zhag bdun
79a
@#/ /na ni 'chi 'gyur ba/ /yi ge bris pa'i bar tsam gyis/ /'tsho bar gyur te the tshom med/ /cho ga bzhin du srung ba byas/ /yang na thos pa tsam gyis kyang / /kun tu dge ba thob par 'gyur/ /'dod pa bzhin du bde bar 'tsho/ /gang dag sum cu rtsa gsum lha/ /stong phrag drug cu rtsa brgyad dang / /bye ba khrag khrig phrag brgya dang / /brgya byin mdun nas 'gro ba kun/ /sems can de la bsrung ba'i phyir/ /phyi bzhin 'brang zhing gnas par byed/ /'jig rten skyong ba bzhi po dang / /lag na rdo rje stobs chen yang / /rig pa'i rigs ni brgya dag dang / /lhan cig rtag tu srung bar byed/ /zla ba yid bzang nyi ma dang / /tshangs pa khyab 'jug dbang phyug che/ /nor bu bzang dang gshin rje dang / /stobs kyi lha ni stobs chen dang / /gang ba bzang po dpal chen dang / /'phrog ma bu dang bcas pa dang / /lnga 'dzin pa dang lngas rtsen dang / /smin drug bu dang tshogs dbang dang / /lha mo chen mo dpal can dang / /rnam thos bu dang dbyangs can dang / /dung can dang ni me tog so/ /de bzhin ral pa gcig pa dang / /gnod sbyin chen mo dpal yon can/ / rtag tu srung ba byed par 'gyur/ /za ma rnams kyi bu yang skyed/ /mngal na gnas pa bde bar byed/ /de ni ji srid 'tsho ba'i bar/ /'di ni srung ba chen por 'gyur/ /'jigs
79b
med 'thab mo g.yul 'gyed par/ /dpa' bo rnams la rtag rgyal sbyin/ /chos la nges pa'i lha rnams la/ /'dis ni gnang ba sbyin par byed/ /sdig pa rnam par gzhig pa'i phyir// gus par byas te bris na ni/ /de bzhin gshegs dang de bzhin du/ /byang chub sems dpa'ang lta bar 'gyur/ /de yi grags pa rnam par 'phel/ /bsod nams dang ni tshe yang 'phel// nor rnams dang ni 'bru dag kyang / /'byor par 'gyur te the tshom med/ /bde bar gnyid kyis log pa dang / /bde bar rab tu sad par 'gyur/ /'byung po'i tshogs rnams thams cad dang / /dgra kun gyis kyang mi rdzi'o/ /g.yul 'gyed pa yi tshe na yang / /rig pa sgrub pa byas na ni/ /srung ba bla na med pa 'dis/ /rtag tu rgyal bar 'gyur bar byed/ /bde bar rig pa sgrub byed cing / /de la bgegs ni 'byung mi 'gyur/ /de yis bsam pa thams cad 'grub/ /dkyil 'khor kun tu zhugs pa yin/ /skye ba dag ni thams cad du/ /de ni myur du dam tshig shes/ /rgyal ba'i yon tan 'dzin pa'i phyir/ /de ni yid brtan 'os yin no/ /bkra shis thams cad rab tu rdzogs/ /bsam pa thams cad grub par byed// 'di ni bris pa tsam gyis kyang / /bde ba thams cad 'byor par 'gyur/ /bde bar 'chi ba'i dus byas nas/ /mtho ris su ni 'gro bar 'gyur/ /'thab pa dang ni rtsod pa dang / /
80a
@#/ /'byed pa mchog tu mi bzad par/ /'jigs pa kun las grol 'gyur te/ /rgyal bas ji skad gsungs bzhin no/ /skye ba rnams su skye ba ni/ /rtag tu skye dran the tshom med/ /rgyal po btsun mo 'khor bcas pa/ /'di yi dbang du 'gyur ba yin/ /'jig rten dge bar grags pa yin/ /rtag tu thun mong 'gyur ba yin/ /de ni kun la sdug par 'gyur/ /lha dang mi ni gang yang rung / /nyin dang mtshan rnams rtag par yang / /de la srung ba bde bar 'gyur/ /yang dag rdzogs pa'i sangs rgyas gsungs/ /sngags tshig 'di dag 'dir 'grub bo/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thugs rje chen po dang ldan pa shAkya thub pa la phyag 'tshal lo/ /yang dag par rdzogs pa'i sangs rgyas thams cad la phyag 'tshal lo/ /sangs rgyas bstan pa 'phel bya'i phyir/ /de la gus pas phyag 'tshal nas/ /sems can kun la snying brtse'i phyir/ /da ni nga yis brjod par bya| |rig pa gzi brjid chen mo 'di/ /stobs chen pha rol gnon pa ste/ /rdo rje gdan la thug pa yis/ /'di ni gsungs ma thag tu yang / /bdud dang bdud kyi rigs
80b
rnams dang / /gza' dang log par 'dren pa dang / /bgegs rnams ji snyed gang yod pa/ /thams cad de yi mod la 'byer/ /tad+ya thA/ oM gi ri gi ri/ gi ri Ni gi ri Ni/ gi ri ba ti/ gu Na ba ti/ A kA sha ba ti/ A kA sha bi shud+d+he/ sar+b+ba pA paM bi ga te/ A kA sha ga ga na ta le/ A kA sha bi tsa ri Ni/ dz+wA li ta shi kha re/ ma Ni mau ga ti/ kha tsi ta mau li d+ha re/ su ke she /su bak+te| su ne tre/ su bar+N+Ne/ su bar+Na gau re/ a tI te/ a nA ga te/ pra t+yud pan+ne na ma/ na maHsar+b+be ShAM/ bud+d+hA nAn dz+wa la ti/ te dza sAM/ bud+d+he/ su bud+d+he/ b+ha ga ba ti/ su ruk+Sha Ni/ suk+Sha me/ su pra phe/ su da me| su dAn+te/ ba re ba re te/ b+ha ga ba te/ b+ha dra ba ti/ b+ha dre su b+ha dre /bi ma le/ dza ya b+ha dre/ tsaN+Di tsaN+Di/ pra tsaN+De/ pra tsaN+De/ badz+ra tsaN+De/ mahA tsaN+De/ gau ri/ gAM d+hA ri/ gau ri/ tsau ri/ tsaN+Da li| mA taM gi /brtsa si/ puk+ka si/ su ma ti/ shA ba ri/ shA ba ri/ shaM ka ri/ dra mi Di/ drA mi Di/ rau dri Ni/ sarba gra ha bi dA ri Ni/ sar+b+ba ar+tha sA d+hA ni/ /pa ra mAr+tha sA d+hA ni/ ha na ha na /sar+b+ba sha trUM| da ha da ha/ sar+b+ba duSh+TAM/ pre ta bi sha tsa DA ki nI NI/ ma nuM ShA/ a ma nu Sh+ya nAny+tsa/ pa tsa pa tsa/ hr-i da yan/ gdon ma rungs pa rnams kyi srog gzhom du gsol/ bcom ldan 'das ma/ bdag gi sdig pa thams cad gzhig tu gsol/ gzhig tu gsol/ thams cad du 'jigs pa dang / gnod pa thams cad las bdag la srung du gsol/ srung du
81a
@#/ /gsol| ma rungs pa thams cad bcing du gsol/ sar+b+ba ki wi Sha nA sha ni/ mArtaN+Da/ mr-i t+yu daN+Da ni bA ra Ni mA na ni/ daN+Da mA na ni/ ma hA mA na ni/ ma Ni d+ha ri Ni/ mArta da ne ma ni ni marta ni mr-ita daN+De/ tsa le tsa le bi ma le/ tsi Ti tsi Ti/ bi Ti bi Ti/ ni Ti ni Ti/ ti Ti ti Ti/ na tu Ti/ g+ha ri ni g+ha ri ni/ ni mi Ni/ pI ri NI/ bIR+Yi ni pra ba re/ pra ba ra sa ma re/ tsaN+Da li/ mA taM gi/ run+d+ha si/ ka ra si/ sa ri/ brtsa si/ su ma ti/ buk+ka si/ sha ba ri/ shA ba ri/ shaM ka ri/ dra mi Di/ dra mi Di/ da ha Ni/ pa tsa Ni/ ma tha Ni/ mard ni/ sa ra li| sa ra le/ sa ra laM b+he/ hI na ma d+h+yod kriSh+Ta/ bi d+hA ra Ni/ bi d+hA ri Ni/ ma hi le/ ma hi le/ ma hA ma hi le/ ni ga Da/ ni ga Da/ b+hany+dza/ mat+ti/ mat+te/ mat+ti ni/ dAn+ti/ tsakre/ tsakra bA ki ni/ dz+wa le dz+wa le/ dz+wA le dz+wA le/ dz+wA la ni/ sha ba ri sha ba ri/ shA ba ri shA ba ri/ sar+b+ba byA d+hi ha ra ni/ mu ni mu ni/ tsU Di tsU Di/ tsU Da ni tsU Da ni/ ma hA tsu Di ni/ ni mi ni mi| ni min+d+ha ri/ trai lo ka/ da ha ni/ trai lo ka A lo ka ka ri/ trai d+hA tu ka byA ba lo ki ni/ badz+re/ ba ra shu/ pA sha/ mung+ga ra/ gang+ga/ shaM kha/ tsakra/ tri shU la/ tsin+tA ma Ni/ ma hA bid+yA d+ha ra Ni/ bdag thams cad du gnas thams cad na gnas pa na ma rungs pa thams cad dang / mi dang mi ma yin pa'i 'jigs pa thams cad dang /
81b
nad thams cad dang / 'jigs pa thams cad las srung du gsol/ srung du gsol/ badz+re badz+re badz+ra pa ti/ badz+ra pA Ni d+ha re/ hi li hi li/ mi li mi li/ ki li ki li/ tsi li tsi la bi li bi li/ si li si li/ ba ra ba ra/ ba ra de/ sar+b+ba tra/ dza ya lab+d+he swAhA/ sar+b+ba bA paM/ bi dA ri Ni swAhA/ sar+b+ba tra/ sar+b+ba byA d+hi ha ra Na swAhA/ sar+b+ba tra/ sar+b+ba sha trUM b+ha ya har Ni swAhA/ sar+b+ba b+ha ra Ni swAhA/ swasti r+b+ha pa tu mAM swAhA/ shAn+tiM ka ri swAhA/ puSh+TiM ka ri swAhA/ ba la bar+d+ha ri Ni swAhA/ dza ya tu/ dza ye dza ye/ dza ya ba ti/ ka ma le/ bi ma le/ bi pu le swAhA| sar+b+ba ta thA ga ta mUrte swAhA/ oM b+hu ri ma hA shAn+ti swAhA/ oM b+hu ri b+hu ri/ badz+ra pa hi/ sar+b+ba ta thA ga ta hr-i da ya/ pU ra Ni/ A yuHsan+d+ha ra ni/ ba la ba la/ ba la ba ti/ dza ya bi dz+ye/ hUM hUM phaT phaT swAhA/ bram ze chen po/ gang la la zhig gis de bzhin gshegs pa'i sku rig pa'i gsang sngags kyi gzhi gzungs 'dis yongs su srung ba byas shing yongs su bskyab pa dang / yongs su gzung ba dang / yongs su bskyang ba dang / zhi ba dang bde legs su 'gyur ba dang / dbyug pa spang ba dang / mtshon cha spang ba byas na/ de tshe yongs su zad pa las kyang rnam par 'phel te ring du bde bar 'tsho bar 'gyur ro/ /dran pa phun sum tshogs par 'gyur ro/ /bskrad pa tsam dang / rdo rjes byabs
82a
@#/ /pa tsam gyis dus ma yin par 'chi ba dang / nad chen po las yongs su thar par 'gyur ro/ /de'i nad thams cad kyang rab tu zhi bar 'gyur ro| |rgyun ring du na ba la yang byabs pa tsam gyis rab tu zhi bar 'gyur ro/ /nyin gcig bzhin du kha ton du bton na/ shes rab chen por 'gyur ro/ /gzi brjid dang| stobs dang / brtson 'grus dang / spobs pa phun sum tshogs par 'gyur ro/ /de'i sdig pa dang las kyi sgrib pa gdon mi za bar myong bar 'gyur ba thams cad kyang ma lus par yongs su zad par 'gyur ro/ /sangs rgyas dang / byang chub sems dpa' dang / lha dang / klu dang / gnod sbyin la sogs pa thams cad kyang de'i lus la gzi brjid dang / stobs dang / brtson 'grus snon par 'gyur ro/ /dga' ba chen po mang bar 'gyur ro/ /bram ze chen po/ tha na rig pa chen mo'i gsang sngags kyi gzhi 'di dud 'gro'i skye gnas su song ba ri dwags dang / bya'i rna lam du thos na yang de dag thams cad bla na med pa yang dag par rdzogs pa'i byang chub las phyir mi ldog par 'gyur na/ so sor 'brang ba chen mo'i gzungs 'di la dad pa'i rigs kyi bu'am/ rigs kyi bu mo'am/ dge slong ngam/ dge slong ma'am/ dge
82b
bsnyen nam/ dge bsnyen ma'am/ rgyal po'am/ rgyal po'i blon po'am/ bram ze'am/ rgyal rigs sam/ de las gzhan pa 'ga' zhig gis lan gcig thos te/ thos nas kyang dad pa chen po dang / gus pa dang / lhag pa'i bsam pas yi ger 'bri'am/ yi ger 'brir 'jug gam/ 'chang ngam/ klog gam/ yid drag pos sgom mam/ gzhan la rgya cher yang dag par rab tu ston pa lta ci smos te/ bram ze chen po/ de la dus ma yin par 'chi ba brgyad rnam pa thams cad du 'byung du ma dogs shig /de'i lus la nad chen po rnams 'byung bar mi 'gyur ro/ /de'i lus la mes mi tshugs/ dug gis ma yin/ mtshon gyis ma yin/ dug sbyar mas ma yin/ byad kyis ma yin/ g.yeng byed kyis ma yin/ sngags kyi las kyis ma yin/ phye ma'i sbyor bas ma yin/ yan lag na bar mi 'gyur/ rims kyis btab par mi 'gyur/ klad pa na ba dang / nyin gcig pa dang / nyin gnyis pa dang / nyin gsum pa dang / nyin bzhi pa dang / nyin bdun pa'i rims rnams de'i lus la 'byung bar mi 'gyur ro/ /dran bzhin du bde bar gnyid log cing dran bzhin du bde bar sad par 'gyur ro/ /yongs su mya ngan las 'das pa chen po yang 'thob par 'gyur ro/ /lan gcig gis chos dang ldan pa'i dbang
83a
@#/ /phyug chen po thob par 'gyur ro/ /de gang dang gang du skye ba'i skye ba de dang der skye ba dran par 'gyur ro/ /sems can thams cad kyang byams par 'gyur| phyag bya ba'i gnas su 'gyur/ /sems can dmyal ba dang / dud 'gro'i skye gnas kyi 'gro ba thibs po kun dang / yi dwags su skye ba rnams las yongs su thar par 'gyur ro/ /ji ltar nyi ma'i dkyil 'khor sems can thams cad la snang bar byed pa de bzhin du 'od zer gyis snang ba byed par 'gyur ro/ /ji ltar zla ba'i dkyil 'khor bdud rtsi'i mthus sems can thams cad kyi lus sim par byed pa de bzhin du chos kyi bdud rtsis sems can thams cad kyi rgyud tshim par byed par 'gyur ro// rig pa'i rgyal mo chen mo so sor 'brad ba chen mo'i mthus de la gnod sbyin dang / srin po dang / 'byung po dang / yi dwags dang / sha za dang / skem byed dang / brjed byed dang / mkha' 'gro ma dang / gdon ma rungs pa thams cad dang / bgegs dang / log 'dren la sogs pa thams cad kyis gtse bar mi nus so/ /de dag 'ongs na yang rig pa'i rgyal mo chen mo 'di dran par bya'o/ /'on kyang 'di lta ste/ rig pa'i rgyal mo chen mo so sor 'brang ba chen mo 'di nyid kyi mthus ma rungs pa de dag thams cad rig pa 'dzin pa'i
83b
dbang du 'gyur te/ bsgo ba bzhin du ngag nyan par 'gyur ro/ /de la dga'i 'jigs pa mi 'byung ngo / /dgra'i tshogs thams cad dang / rgyal po dang / rgyal po'i blon po dang / bram ze dang / khyim bdag rnams kyang 'gal bar byed par mi 'gyur ro/ /tha na gsad par 'os pa zhig la gshed ma'i mi rnams kyis mtshon gdab par gzas na yang mtshon rnams rdul bzhin du dum bu dum bur chag par 'gyur ro/ /de nyid kyi dus na de la chos thams cad mngon sum du 'gyur ro/ /de'i dran pa'i stobs kyang char 'gyur ro/ /'di ni srin po 'joms pa'i mchog/ gtsang zhing sdig pa 'jig par byed/ /dpal du byed cing blo yang byed/ /yon tan thams cad rnam par 'phel/ /'di ni bkra shis thams cad byed/ /bkra shis ma yin rnam par 'jig / rmi lam bzang po rmi bar byed/ /rmi lam ngan pa rnam par 'jig/ rig pa mthu stobs chen mo 'di/ /skyes pa bud med srung ba'i mchog /'brog dgon dang ni mya ngan las/ /rtag tu de yi mod la thar/ /rdzogs pa'i sangs rgyas bka' bzhin du/ /'dod pa dag ni kun kyang rnyed/ /lam las lam gol zhugs na yang / /rig pa 'di ni rjes dran na/ /myur du lam dang bza' ba dang / /btung ba mchog kyang rnyed par 'gyur/ /lus dang ngag dang yid rnams kyis/ /mi dge mang po gang yang rung / /tshe rabs snga mar ci byas pa/ /
84a
@#/ /de dag thams cad byang bar 'gyur/ /dran pa dang ni 'chang ba dang / /'dzin dang yi ger 'bri ba dang / /tshig tu 'don nam klog pa dang / /bzlas brjod byed dam gzhan ston na/ /de ni ring por mi thogs par/ /chos kun rtogs par khong du chud/ /de ltar chos kyi ro rnyed na/ /sdig pa rnams ni zad par 'gyur/ /yid kyis ci dang ci 'dod pa/ / dgos pa thams cad 'grub par byed/ /'chi ba'i 'jigs pa thams cad dang / /rgyal po dang ni me dang chu/ /glog dang de bzhin kun 'joms las/ /'di ni de las skyob par 'gyur/ /rig pa 'bum du bzlas na ni/ /g.yul 'gyed pa dang rtsod pa dang / /gang yang gcan gzan ma rungs pa/ /de dag thams cad 'bros par 'gyur/ /sangs rgyas kun gyis gsungs pa yi/ /dngos grub mchog gi rig pa 'di/ /brjod na sgyid lug mi 'gyur bar/ /byang chub tshogs rnams rdzogs par byed/ /bdag dang gzhan gyi don sgrub phyir/ /gnas kyi rnam pa thams cad du/ /rig pa 'di la sbyor na ni/ /'dod pa'i las rnams gang yin pa/ /sgrim mi dgos par rig 'di las/ /'grub 'gyur 'di la the tshom med/ /nad pa rnams ni gso bya ba/ /da ni rab tu bshad par bya/ /sa dang lci ba bsres pa yis/ /dkyil 'khor gru bzhi lham par bya/ /tshon gyi phye ma sna lnga yis/ /
84b
dkyil 'khor sdug gur bri bar bya/ /mkhas pa rnams kyis cho ga bzhin/ /bum pa gang ba bzhi yang gzhag /de la me tog sil mas gtor/ /bdug pa mchog gis bdug par bya| |sems can chen po gdul ba'i phyir/ /gtor ma yis ni las kyang bya/ /snga ma bzhin du me tog spos/ /cho ga bzhin du 'di la mchod/ /dar gyis bcings pa'i mda' bzhi yang / /dkyil 'khor gra bzhir gzugs par bya/ /de yi 'og tu nad pa yang / /dri zhim spos kyis lus bskus te/ /gtsang ma'i gos rnams bskon nas ni/ /dkyil 'khor dbus su gzhag par bya/ /de nas shar phyogs kha bstan te/ /rig pa 'di ni brjod par bya/ /lan bdun bzlas brjod byas nas su/ /mkhas pas de la bsrung bar bya/ /de nas nad pa'i don gyi phyir/ /lan grangs nyi shu rtsa gcig tu/ /rig pa 'di ni brjod byas nas/ /de ni nad kun zhi bar 'gyur/ /de nas gtor ma'i bum pa la/ /lan bdun legs par sngags kyis gdab/ /de nas bshos kyang bshos gdab ste/ /gtor ma me tog cho ga bzhin/ /de ltar lho phyogs ngos su ni/ /lan bdun kho nar gtor bar bya/ /nub phyogs su yang bdun nyid de| |byang phyogs su yang de bzhin no/ /'og dang steng du'ang lan bdun te/ /srung ba byas par 'gyur ba yin/ /bram ze dam pa de lta bur/ /byas na sdug bsngal kun las
85a
@#/ /grol| |skyob pa shAkya seng+ge yis/ /srung ba 'di ni yang dag bshad/ /'di ma gtogs par khams gsum na/ /srung ba'i rig pa gzhan med do/ /de ni mi 'chi mi rgas te/ /nad kyis mi btab mi sdug min/ /sdug pa dang ni 'bral mi 'gyur/ /rig pa 'di ni bdag gi lus/ /shin tu bsgom pa byas na ni/ /de la 'chi bdag tshogs kyis mchod/ /chos kyi rgyal po dam pa gshin rje yang / /gus dang bcas pas de la mchod par 'gyur/ /skad cig nga yi sems dmyal 'di byos la/ /lha yi grong khyer song zhes smra bar 'gyur/ /de nas gzhal med khang pa rnam mang pos/ /rdzu 'phrul chen po lha gnas bzang por 'gro/ /de ltar der ni lha mi gnod sbyin dang / /srin po rnams kyis de la rtag mchod 'gyur/ /lag na rdo rje gnod sbyin dbang / /bde sogs bdag po dbang po dang / /'phrog ma dang ni lngas rtsen dang / /'jig rten skyong ba rdzu 'phrul che/ /zla ba nyi ma rgyu skar bcas/ /mchog tu mi bzad gza' rnams dang / /gang yang klu chen thams cad dang / /lha dang de bzhin drang srong dang / /lha min mkha' lding dri za dang / /mi'am ci dang lto 'phye che/ /srung phyir rtag tu 'brang bar byed/ /gang gis rig pa stobs chen mo/ /rdzu 'phrul chen mo bris nas ni/ /shes rab can gyi lag la gdags/ /mchod pa chen po
85b
'thob par 'gyur/ /rtag tu phun sum tshogs par 'ong / /'phags pa rig pa'i rgyal mo so sor 'brang ba chen mo rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lo tsA ba ban+d+he ye shes sdes zhus te skad gsar bcad kyis kyang bcos nas gtan la phab pa/ slar yang lotsA ba gzhon nu dpal gyis chos rje chag lo'i rgya dpe dang bstun nas zhus dag par bgyis so// //