rgya gar skad du/ AR+YA mA rI ts+ye nA ma d+hA ra Ni/ bod skad du/ 'phags ma 'od zer can zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon 113a @#/ /med zas sbyin gyi kun dga' ra ba na dge slong gi dge 'dun chen po brgya phrag phyed dang bcu gsum dang / byang chub sems dpa' sems dpa' chen po mang po dag dang thabs cig tu bzhugs te/ de nas bcom ldan 'das kyis dge slong rnams la bka' stsal pa/ dge slong dag /lha mo 'od zer can ma zhes bya ba zhig yod de/ de nyi ma dang zla ba'i mdun dang mdun nas 'gro ste/ de bltar med/ gzung du med/ bcing du med/ dgag tu med/ brgal du med/ rmongs par byar med/ chad pas gcad du med/ mgo 'breg tu med/ bzhur med/ tshig par byar med/ dgra'i dbang du mi 'gro'o/ /dge slong dag /gang gis lha mo 'od zer can ma de'i ming shes pa de yang bltar med/ gzung du med/ bcing du med/ dgag tu med/ brgal du med/ rmongs par byar med/ chad pas gcad du med/ mgo 'breg tu med/ bzhur med/ tshig par byar med/ de dgra'i dbang du 'gro bar mi 'gyur ro/ /de ltar bdag gis kyang lha mo 'od zer can ma'i ming shes kyi/ bdag kyang bltar med par gyur cig /gzung du med par gyur cig /bcing du med par gyur cig /dgag tu med par gyur cig /brgal du med par gyur cig /rmongs par byar med par gyur cig /chad pas gcad du med par 113b gyur cig /mgo 'breg tu med par gyur cig /bzhur med par gyur cig /tshig par byar med par gyur cig /dgra'i dbang du mi 'gro bar gyur cig /de la gsang sngags kyi tshig ni| 'di rnams yin no/ /tad+ya thA/ oM pa tA gra ma si/ pa rA kwa ma si/ u da ya ma si/ nai ra ma si/ ar+k+ka ma si/ mar+k+ka ma si/ u ra ma ma si/ ba nA ma si/ gu la ma ma si/ tsi ba ra ma si/ mahA tsi ba ra ma si/ an tar d+h+waM nA ma si swAhA/ oM lha mo 'od zer can bdag lam du skyobs shig /bdag lam log pa las skyobs shig /bdag skye bo'i 'jigs pa las skyobs shig /bdag rgyal po'i 'jigs pa las skyobs shig /bdag glang po'i 'jigs pa las skyobs shig /bdag chom rkun gyi 'jigs pa las skyobs shig /bdag klu'i 'jigs pa las skyobs shig /bdag seng+ge'i 'jigs pa las skyobs shig /bdag stag gi 'jigs pa las skyobs shig /bdag me'i 'jigs pa las skyobs shig /bdag chu'i 'jigs pa las skyobs shig /bdag sbrul gyi 'jigs pa las skyobs shig /bdag dug gi 'jigs pa las skyobs shig /bdag phyir rgol ba dang dgra thams cad las skyobs shig /'khrugs pa dang / ma 'khrugs pa dang / nyams pa dang / ma nyams pa thams cad du yang bdag seng+ge las srungs shig /bdag stag las srung shig /bdag klu las 114a @#/ /srungs shig /bdag sbrul las srungs shig /bdag 'jigs pa thams cad dang / gnod pa dang / nad 'go ba dang / 'khrug pa thams cad las srungs shig srungs shig /na mo rat+na tra yA ya/ tad+ya thA/ oM A lo/ tA lo/ kA lo/ sats+tsha lo/ saM b+ha mu ra d+ha Di rak+Sha rak+Sha maM/ bdag dang sems can thams cad la 'tshe ba dang / 'jigs pa dang / nad thams cad las srungs shig swAhA/ dkon mchog gsum la phyag 'tshal lo/ /lha mo 'od zer can ma la phyag 'tshal lo/ /lha mo 'od zer can ma'i snying po brjod par bya ste/ tad+ya thA/ oM bat+tA li/ ba dA li/ pa ra li/ ba rA ha mu khi/ sarba duSh+TA nAM/ pra duSh+TA nAM/ tsak+Shu ra mu khaM ban+d+ha ban+d+ha/ ban+d+ha/ mu khi/ dzam+b+ha ya/ staM b+hA ya/ mo hA ya swAhA/ oM ma ri ts+ye swAhA/ oM bat+tA li/ ba dA li/ pa ra li/ ba rA ha mu khi/ sarba duSh+TA nAM/ pra duSh+Ta nAM/ tsak+Shu ra mu khaM ban+d+ha ban+d+ha swAhA/ bcom ldan 'das kyis de skad ces bka' stsal nas dge slong de dag dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs te bcom ldan 'das kyis gsungs pa la mngon par bstod do/ /'phags ma 'od zer can zhes bya ba'i gzungs rdzogs so// //paN+Di ta a mo 114b g+ha badz+ra dang / lo tsA ba dge slong rin chen grags pas bsgyur ba'o// // |