H545

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H545</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H545&coll=lhasa">see text in Tibetan script</a></table>270a<br><font size=+1>


rgya gar skad du/ sa man+ta mu kha pra be sha ra shami bi ma loSh+NA Sha pra b+ha sarba ta thA ga ta hr-i da ya sa ma ya bi lo ki te nA ma d+hA ra Ni/ bod skad du/ kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dang dam tshig la rnam par lta ba zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /de nas bcom ldan 'das dga' ldan gyi lha'i gnas na byang chub sems dpa'i dge 'dun chen po dang / zham ring ba lha'i tshogs chen po dang / tshangs pa dang / khyab 'jug dang / dbang phyug chen po la sogs pa'i lha rnams dang thabs cig tu bzhugs te/ 'khor mang po tshogs pa la bcom ldan 'das pha rol tu phyin pa drug dang ldan pa'i chos ston par mdzad de/ 'di lta ste/ ji ltar sbyin pa'i 'bras bu bsod nams kyi tshogs chen po bsags pas 'khor los bsgyur ba'i dbang phyug gi 'bras bu rnam par smin pa dang / rin po che sna bdun gyi char 'bab pa dang / lhun gyis grub pa'i gter chen po bskyed par 'gyur ba'i sbyin pa'i pha rol tu phyin pa dang / ji ltar de bzhin gshegs pa'i bstan </font><hr>270b<br><font size=+1>


pa dang / mngon par shes pa lnga dang / tshul khrims dang ldan pa dang / tshangs pa dang / lhar skye ba'i 'bras bu rnam par smin par 'gyur ba'i tshul khrims kyi pha rol tu phyin pa dang / ji ltar lha'i gzugs yid du 'ong ba blta bas chog mi shes pa'i mtshan dang dpe byad bzang pos legs par brgyan pa'i 'bras bu rnam par smin par 'gyur pa'i bzod pa'i pha rol tu phyin pa dang / ji ltar brtson 'grus rtsom pa lta ba dang / bdud 'dul ba dang / rga shi dang / skye ba las grol ba dang / brdzus te skye ba'i sangs rgyas kyi zhing du 'gro ba'i 'bras bu rnam par smin par 'gyur ba'i brtson 'grus kyi pha rol tu phyin pa dang / ji ltar dpa' bar 'gro bar ting nge 'dzin la sogs pa'i ting nge 'dzin bye ba khrag khrig 'bum phrag du ma 'thob pa'i 'bras bu rnam par smin par 'gyur ba'i bsam gtan gyi pha rol tu phyin pa dang / ji ltar shes rab dang ye shes kyi tshogs chen po dang / thos pa rgya mtsho bsags pa dang / mang du thos pa'i 'bras bu rnam par smin par 'gyur ba'i shes rab kyi pha rol tu phyin pa'o/ /de nas lha'i bu de dag gis pha rol tu phyin pa drug gi chos kyi sgo 'di nyid nyin mtshan du rjes su sems shing rjes su spyad de dka' ba chen po'i phyir sgom par yang byed do/ /de nas lha'i 'khor de nyid kyi nang nas sum cu rtsa gsum gyi ris kyi lha'i bu nor bu'i snying po dri ma med pa zhes bya ba g.yog lha'i bu bya </font><hr>271a<br><font size=+1>


@#/ /ba phrag stong dang ldan pa/ lha'i bu mo khri brgyad stong gis bskor ba/ lha'i rnam par 'phrul pa'i gzhal med khang rin po che sna bdun dang ldan pa'i rtsig pa brtsigs pa'i khang bzang skyed mos tshal sna tshogs dang / lha'i me tog gis mdzes par byas pa'i rdzing gis legs par brgyan pa dang ldan pa zhig yod de/ lha'i bu nor bu'i snying po dri ma med pa de lha'i bu ma mchog gis me tog rgyas pa dang ldan pa zhes bya ba dang lhan cig dga' ba chen po dang ldan zhing lha'i bde ba la ni/ chags/ rin po che sna bdun las byas pa'i sgo bzhi dang ldan pa'i khang bzang gi nang na 'dod pa'i yon tan lnga 'byor zhing rgyags pa dang / nga rgyal gyis dregs te snyems shing nyal lo/ /de nas nam phyed tsam na lha'i bu de gnyid kyis log cing lha'i bu mo'i tshogs thams cad kyang sgra bskyungs te nyal bar gyur to/ /de nas gnas mchog de na lha'i gnod sbyin gyi gtso bo skar mda' gdong zhes bya ba zhig gnas pa des lha'i bu nor bu'i snying po dri ma med pa de la bskul ba/ kye nor bu'i snying po dri ma med pa longs longs/ khyod gnyid la dga' zhing chags pas ci zhig bya/ dga' ba la goms par byed cing chags par gnas pas ci zhig bya/ lha'i longs spyod dpag tu med pa la spyod pas ci zhig bya/ da ste zhag bdun 'chi ba'i dus byed par 'gyur te/ lha'i </font><hr>271b<br><font size=+1>


longs spyod dang bral zhing sdug bsngal gyi tshor ba chen po myong bar 'gyur na/ khyod kyi gnas gzhal med khang dam pa rin po che sna bdun las byas pa ci dgos/ khyod kyi srog ni yong med kyi/ / thabs ni myur du rnam par soms/ /zhes de skad ces smras nas lha'i gnod sbyin gyi gtso bo skar mda' gdong mi snang bar gyur to/ /de nas lha'i bu nor bu'i snying po dri ma med pas tshig mi snyan pa de thos nas brgyal te mal nas khas bub tu sa la lhung ngo / /de nas lha'i bu mo'i tshogs de dag kyang skra ni/ bshig /rgyan rnams ni/ lhung / gos ni/ bsnyil/ kha nas khrag dang gsher bag ni chad nas mchu dang / rkan dang / mid pa dang / lce ni/ bskams la/ smre sngags stong phrag du ma ni/ smre ste du zhing cho nges 'debs la kyi hud kyi hud ces 'dzer cing / lha'i rin po che'i snod nas spos chu dang / tsan+dan gyi chu grang mos 'thor zhing / kha cig ni/ mgul nas 'ju/ kha cig ni/ lag pa nas 'ju/ kha cig ni/ de'i skra la 'o byed/ kha cig ni| rkang pa nas 'ju/ kha cig ni/ mgo la 'ju/ kha cig ni/ brgyal te 'gyel/ kha cig ni/ sa'i steng na chu med pa'i nya bzhin du 'gre ldog /kha cig ni/ lus la mes tshig pa bzhin du 'gre ldog/ kha cig ni/ smre sngags du ma 'don cing kyi hud kyi hud ces zer cing du'o/ /de nas lha'i bu nor bu'i snying po dri ma med pa de brgyal ba sangs te dran pa thob nas kha </font><hr>272a<br><font size=+1>


@#/ /nas khrag skyug cing sdug bsngal chen po drag po nyams su myong nas shugs ring du phyung ste lus 'dar zhing / shing rlung gi shugs kyis btab pa bzhin du g.yo bar gyur la/ sgra bskyungs pa'i snying gis rings pa rings par lha'i dbang po brgya byin ga la bder song ste phyin nas lha'i dbang po brgya byin gyi rkang pa la gtugs te rkang pa gnyis la 'jus nas 'di skad ces smras so/ /bcom ldan 'das/ bdag la bskyab tu gsol/ bcom ldan 'das lha'i rgyal po che ba'i bdag nyid can bskyab tu gsol/ lha'i gnod sbyin gyi gtso bo skar mda' gdong gis bsgo ba thos nas bdag dgung bdun na 'gum pa'i dus bgyid do zhes mchi zhing / sems can dmyal ba'i tshor ba soms shig ces mchi na/ lha'i dbang po/ thabs gang gis bdag 'chi bdag gi dbang du mchi bar mi 'gyur ba dang / ngan 'gror mchi bar mi 'gyur bar 'jigs pa ma mchis pa'i gnyen po bka' stsal du gsol/ lha'i dbang po/ ci nas kyang bdag 'chi bdag gi sgo nas thar pa'i cho gas bdag la bskyab tu gsol/ de nas lha'i dbang po brgya byin gyis tshig de thos nas snying rab tu sdug bsngal bas lha'i bu nor bu'i snying po dri ma med pa la 'di skad ces smras so/ /lha'i bu/ ma 'jigs shig /gang gis 'chi bdag pham par 'gyur zhing / sems can dmyal ba'i </font><hr>272b<br><font size=+1>


sdug bsngal las thar par 'gyur ba sangs rgyas bcom ldan 'das 'jig rten na lha dang mi rnams kyi ston pa/ skye ba dang / rga ba dang / na pa dang / 'chi ba dang / mya ngan las rgal ba/ bla na med pa'i sman pa yod de/ de ni/ khyod kyi skyabs dang / rtsa lag bzang po dang / dpung gnyen dang / pha ma lta bur gyur pa yin no/ /de ni/ ngan 'gro thams cad 'jig par mdzad pa yin gyi| 'dren pa de gang na bzhugs pa der bdag cag myur du 'dong ngo / /de nas de'i tho rangs lha'i dbang po brgya byin dang / lha'i bu nor bu'i snying po dri ma med pa dang / lha'i bu dang lha'i bu mo stong phrag du ma dang lhan cig dga' ldan ga la ba der dong nas bcom ldan 'das ga la bder phyin pa dang / bcom ldan 'das kyi zhabs la mgo bos phyag btsal te lan gsum bskor ba byas nas bcom ldan 'das kyi spyan sngar 'khod do/ /de nas lha'i dbang po brgya byin gyis dman pa'i tshig gis bcom ldan 'das la 'di skad ces gsol to/ /bcom ldan 'das/ lha'i bu nor bu'i snying po dri ma med pa 'di la lha'i gnod sbyin gyi gtso bo skar mda'i gdong gis bskul te/ de dgung bdun gyi gdugs la nor bu'i snying po dri ma med pa 'di 'chi bdag gi sgo'i dbang du 'gyur ro zhes mchis na/ bcom ldan 'das/ de la ji ltar bsgrub par bgyi/ de nas bcom ldan 'das de bzhin gshegs pa shAkya thub pas lha'i dbang po brgya byin </font><hr>273a<br><font size=+1>


@#/ /gyi tshig gsan nas 'dzum pa mdzad de/ 'dzum pa bstan pa des zhal nas kha dog du ma dang ldan pa'i 'od zer byung ste/ 'od zer byung ba des stong gsum gyi stong chen po'i 'jig rten gyi khams snang bar byas te/ 'od zer gyi snang ba des lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / srin po dang / 'byung po thams cad kyi gnas rnams snang bar byas nas bskul te/ bskul nas kyang 'od zer de slar log ste bcom ldan 'das la lan gsum bskor ba byas nas bcom ldan 'das kyi zhal gyi sgor zhugs so/ /zhugs ma thag tu lha'i dbang po brgya byin la 'di skad ces bka' stsal to/ /lha'i dbang po lha'i bu nor bu'i snying po dri ma med pa 'di zhag bdun gyi nyin par 'chi bdag gi sgo'i 'jigs par 'gyur ba de nyon cig /'di gal te 'chi ba'i dus byas par gyur na/ sdug bsngal shin tu mi bzang pa chen po drag po'i tshor ba sems can dmyal ba'i tshor ba rnams myong bar 'gyur ro/ /thog mar ni/ grong khyer chen po wA ra NA sir smyig ma mkhan gyi phyis khung gi 'dam rdzab kyi nang du sha za mo phag mgo can du skye bar 'gyur te/ phyis khung de na bshad gci za'o/ /phyi sa khung de nyid kyi nang na srog chags bye ba brgya stong gnas </font><hr>273b<br><font size=+1>


te| de dag dus gsum du phag mo de'i sha za zhing keng rus 'ba' zhig lus par byed do/ /de nas yang las kyi dbang gis lus kun rdzogs par 'gyur te/ lo bdun 'tsho bar 'gyur ro/ /de nas 'chi ba'i dus byed par 'gyur te/ de nas dgon par rus sbal gyi skye gnas su skye la/ de na chu'i ming yang mi grag cing shing grib kyang med de/ nyi tshan gyi lus gdungs shing tshig la bye tshan za zhing bya rog dag gis lus btogs nas lus dum bur 'gyur ro/ /de nas yang las kyi dbang gis lus byung nas zhig par 'gyur te/ lo lnga tshang bar de ltar 'gyur ro/ /de nas 'chi ba'i dus byed par 'gyur te/ wA ra NA si de nyid du 'bab chu chen po'i nya chen por skye bar 'gyur ro/ /de nas yang las kyi dbang gis gang na chu med pa der 'phangs nas lus chen po de la sbrul gdug pa dang / bya rog dang / sre mo dang / khyi dang / gzig dang / dred dang / lce sbyang la sogs pas za'o/ /srog chags sna tshogs pa gzhan dag kyang za'o/ /de nas yang las kyi dbang gis lus byung zhing zad par 'gyur te/ lo gsum du de ltar 'gyur ro/ /de nas yang 'chi ba'i dus byas nas khyim bdun du skye zhing 'dzam bu'i gling gi sdug bsngal myong bar 'gyur te/ mdze can gyi khyim dang / dbul po'i khyim dang / g.yung po'i khyim dang / shan pa'i khyim dang / rigs ngan gyi khyim dang / gdol pa'i khyim dang / dmus long gi khyim </font><hr>274a<br><font size=+1>


@#/ /du skyes te lo drug cu'i bar du sdug bsngal myong bar 'gyur ro/ /sdug bsngal de dag myong nas de nas shi 'phos te sems can dmyal ba chen po bcu drug tu bskal pa brgyad cu rtsa bzhir sdug bsngal myong bar 'gyur ro/ /lha'i dbang po/ de lta bu'i sdug bsngal chen po nyams su myong bar 'gyur ro/ /ci ste brgya la mi'i lus thob na yang dbul ba dang / yan lag ma tshang ba dang / shes rab chung ba dang / yi ge mi shes pa dang / sangs rgyas dang / chos dang / dge 'dun dang bral ba dang / 'jig rten thams cad kyis smad pa dang / rtag tu skom pa dang / bkres pa sems pa dang / tshe thung zhing nad mang bar 'gyur ro/ /de nas lha'i dbang po brgya byin gyis lha'i bu nor bu'i snying po dri ma med pa'i gtam ngan thos nas bcom ldan 'das kyi spyan sngar shin tu 'jigs skrag ste yid mi dga' nas 'di skad ces gsol to/ /bcom ldan 'das/ bdag re ba ma mchis par gyur to/ /bdag la skyabs bgyid pa ma mchis so/ /bcom ldan 'das kyis bka' s+cal pa/ lha'i dbang po/ 'chi bdag gi chad pa chen po'i gnyan po yod kyi/ de bas na/ re ba med par ma byed cig /des phyi ma'i tshe phyi ma'i dus na sems can de dag 'chi ba'i dus kyi tshe bde bar 'chi ba'i dus byed par 'gyur ro/ /sems can dmyal ba dang / dud 'gro'i skye gnas thams cad las thar </font><hr>274b<br><font size=+1>


par 'gyur ro/ /dran pa tsam gyis sgrib pa thams cad byang bar 'gyur ro/ /tshe ring por 'gyur ro/ /shin tu yongs su dag pa'i lus thob par 'gyur ro/ /de nas lha'i dbang po brgya byin dang / rgyal po chen po bzhi dang / tshangs pa dang / khyab 'jug dang / dbang phyug chen pos bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ re ba 'phel bar mdzad du gsol/ bcom ldan 'das/ lha thams cad bskyab tu gsol/ bcom ldan 'das/ skya rgu'i 'jig rten thams cad bsgral du gsol/ bcom ldan 'das/ 'chi ba'i 'jigs pa zhi bar mdzad du gsol/ bcom ldan 'das/ sems can dmyal ba'i sdug bsngal mi bzad pa bsal du gsol/ bcom ldan 'das/ chos kyi rgyal po gshin rje dgug tu gsol/ bcom ldan 'das/ gling bzhi pa'i 'jig rten gyi khams kyi sems can rnams dbugs dbyung du gsol/ bcom ldan 'das/ sum cu rtsa gsum pa'i lha'i gnas la gzigs su gsol/ bcom ldan 'das/ phyogs bcu'i 'jig rten gyi khams na phyogs bcu kun gyi de bzhin gshegs pa'i ye shes kyi phyag rgya chen pos gdab tu gsol/ de bzhin gshegs pa'i byin gyi rlabs kyis byin gyis brlab tu gsol/ bcom ldan 'das/ bdag cag la thugs brtse ba'i slad du gnyen po ston pa chen po bshad du </font><hr>275a<br><font size=+1>


@#/ /gsol/ bde bar gshegs pa/ bshad du gsol/ de nas bcom ldan 'das de bzhin gshegs pa shAkya thub pas de skad ces gsol pa thugs su chud nas rnam pa kun tu rnam par gzigs pa zhes bya ba'i ting nge 'dzin la snyoms par zhugs so/ /ting nge 'dzin de la snyoms par zhugs ma thag tu rnam pa kun zhes bya ba'i 'od zer gtsug tor gyi dbus nas byung nas des phyogs kun tu snang bar byas te rin po che'i gdugs lta bur nam mkha' la 'dug pa dang / bcom ldan 'das kyis 'dzum pa mdzad de gzigs nas lha'i dbang po brgya byin la 'di skad ces bka' stsal to/ /lha'i dbang po/ kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dang dam tshig la rnam par lta ba zhes bya ba'i gzungs sngags zungs shig /phyag rgya 'di ni/ gang+gA'i klung bye ba khrag khrig 'bum phrag drug cu rtsa gnyis kyi bye ma snyed kyi de bzhin gshegs pa rnams kyis gsungs shing rjes su yi rang ba'o/ /gzungs sngags 'di mthong ba dang / thos pa tsam gyis sdig pa dang / sgrib pa dang / sems can dmyal ba dang / dud 'gro dang / ngan 'gro'i 'jigs pa thams cad las rnam par grol bar 'gyur ro/ /sngon gyi las kyi sgrib pa thams cad kyang rnam par 'jig par 'gyur zhing / sems can dmyal ba thams cad kyang </font><hr>275b<br><font size=+1>


'jig par 'gyur te/ dper na me yis rtsa bsregs pa/ /rlung gis thal ba myur du 'ded/ /de bzhin tshe rabs snga ma la/ /bsags pa'i sdig pa thams cad sreg /dper na char pa 'bab 'gyur te/ /ril 'bab chu babs pa yis/ /sa yi steng gi phyag dar dang / /nyal nyil thams cad 'ded par 'gyur/ /de bzhin gzungs 'di mthong ba dang / /thos pa tsam gyis sdig pa 'dag/ dper na me yis gser sbyangs pa/ /sos gcad rung bar snyi bar 'gyur/ /de bzhin bzlas brjod byas tsam gyis/ /lus sbyong 'gyur te the tshom med/ /dper na nyi ma shar gyur na/ /'od zer kun tu rab tu 'byung / /de bzhin su zig gzungs 'chang ba/ /de yi lus kyang rnam par mdzes/ /dper na skam por nya 'gro ldag /chu dang bral bas 'chi sgor 'gro /la las slar yang chur bor bas/ /de na gnas shing yang rtse'o/ /de bzhin dran pa tsam gyis kyang / /mi rnams tshe ni zlog par byed/ /lha'i dbang po/ gzungs sngags bstan gyi/ nyan cig /na maH sar+b+ba ta thA ga tA nAM/ oM ma hA tsin+tA ma Ni dz+wa la na/ sa ga ra gam+b+hI re/ A kaR+Sha ya/ A kaR+Sha ya/ A yu n+d+ha ra/ A yu n+d+ha ra/ san+d+ha ra/ san+d+ha ra/ k+Sha Na k+Sha Na/ k+Shi Ni k+Shi Ni/ k+Shu Nu k+Shu Nu/ sar+b+ba ta thA ga ta mahA sa ma ya/ tiSh+Tha tiSh+Tha/ ma hA b+hu ba na/ sA ga ra/ saM sho d+ha ya/ mAM sar+b+ba satwAM sh+tsa/ b+ha ga ba ti/ sar+b+ba pA paM bi ma la/ dza ya dza ya/ dza ya la b+d+he/ s+phu Ta/ spa Ta ya spo Ta ya/ </font><hr>276a<br><font size=+1>


@#/ /bi ga ta A ba ra Ni/ b+ha ya ha ra Ni/ hUM hUM hUM/ mr-i t+yu daN+Da d+ha re/ a b+ha ya pra de/ uSh+Ni Sha bya ba lo ke te/ sa man+ta mu khe/ sa man+ta bya ba lo ke te/ ma hA mA ye/ ma hA pA sha d+ha re/ a mo b+ha bi ma le/ A kaR+Sha ya/ A ka R+Sha ya/ A ka D+ha ya/ A kaD+D+ha ya/ b+ha ra b+ha ra/ saM b+har saM b+ha ra/ in+d+ri ya bi sho d+ha ni/ b+hu Shi ta b+hu dze/ ma hA mu drA bi lo ki te| dza ya dza ya/ sid+d+hi sid+d+hi/ bud+d+he bu d+d+he/ bo d+ha ni bo d+ha ni/ saM b+ho d+ha ni saM b+ho d+ha ni/ sho d+ha ni sho d+ha ni/ saM sho d+ha ni saM sho d+ha ni/ bi sho d+ha ni bi sho d+ha ni/ ha ra ha ra/ ma ma sar+b+ba pA paM/ sar+b+ba ta thA ga ta ku la b+hu dze/ sa ma ya ti Sh+The/ pra sa ra tu ma ma pu N+ye/ bi na sh+yan+tu pA paM/ sar+b+ba ki lbi Sha ha re/ ma Ni bi sha d+d+he/ sho d+ha ya bi ma le/ bi ka si ta pad+me/ ka pa tsi ta b+hu dze/ ShaT+pA ra mi tA pa ri pU ra Ni/ sar+b+ba ta thA ga to Sh+NI Sha bi lo ki te swAhA/ sar+b+ba ta thA ga ta gu h+yA d+hiSh+ThA nA d+hi Sh+Thi te swAhA/ A yu dad swA hA/ pu N+ya da de swAhA/ pu N+ya bi lo ki te swAhA/ pu N+ya a ba lo ki te swAhA/ mr-i t+yA daN+De swAhA/ ya ma daN+De swAhA/ ya mA dU te swAhA/ saM ha ra Ni swAhA/ saM b+ha ra Ni swAhA/ sa n+d+ha ra Ni swAhA/ pra ti sa ra Ni swAhA/ oM dzo ba ti swAhA/ te rdzo ba ti swAhA/ dza ya ba ti swAhA/ sarba ta thA ga ta mu drA d+hi Sh+ThA nA d+hi Sh+Thi te swAhA/ lha'i dbang po/ gzungs sngags 'di lha'i bu nor bu'i snying bo dri ma med pa la rjes su ston cig/ des ni/ khyod kyis lha'i bu de la </font><hr>276b<br><font size=+1>


yun ring por phan pa dang / bde bar 'gyur ro/ /kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dang po dam tshig la rnam par lta ba'i gzungs spags 'di bris la mchod rten gyi nang du gzhug go /mchod rten gsar pa'am/ rnying pa bcos pa yang rung ste de'i nang du gzhug go /spos dang / byug pa yang phul la gzungs kyi rig sngags brgya rtsa brgyad bsgom par bya'o/ /nyin zhag gcig la nyin lan gsum mtshan lan gsum dran par bya'o/ /de nas nyi ma shar ba dang shar phyogs su bltas te spos kyi dkyil 'khor byas la nyi ma logs su me tog gis gtor ro/ /a ga ru dang / du ru ka'i bdug pas bdugs te/ de bzhin gshegs pa thams cad la phyag byas la lan brgya rtsa brgyad bzlas brjod bya'o/ /mchod rten brgya rtsa brgyad btab pa la rig sngags kyi snying po 'di bris te mchod rten gyi nang du bcug nas dkyil 'khor gyi steng du bzhag na/ gang+ga'i klung bye ba khrag khrig 'bum phrag dgu bcu rtsa dgu'i bye ma snyed kyi de bzhin gshegs pa rnams kyi sku gdung dang ring bsrel mchod rten re re'i nang du bcug par 'gyur ro/ /ring bsrel gyi snying por yang 'gyur ro/ /snying po 'di bris la gzhug go/ oM na ma sti ya d+hi kA naM/ sar+b+ba ta thA ga ta hri da ya gar+b+he dz+wa la dz+wa la/ d+ha r+m+ma d+hA tu gar+b+he saM b+ha ra ma ma A yuH/ saM </font><hr>277a<br><font size=+1>


@#/ /sho d+ha ya/ saM sho d+ha ya/ ma ma sar+b+ba pA paM/ sarba ta thA ga ta sa man+to Sh+NI Sha bi ma le ba shud+d+he/ hUM hUM hUM/ aM baM saM dzaHswAhA/ kun nas sgor 'jug pa'i 'od zer gtsug tor dri ma med par snang ba zhes bya ba dus gsum gyi de bzhin gshegs pa thams cad kyi snying po 'di la gus par byas te mchod rten gyi las byas na/ tshe zad pa las slar nur te tshe ring por sbyong bar byed do/ /gal te shi 'phos na yang sbrul gyi pags pa brjes pa bzhin du lus bor nas skal pa mnyam pas 'jig rten gyi khams bde ba can du 'gro bar 'gyur ro/ /'chi ba'i sdug bsngal myong bar mi 'gyur ro/ /phyin chad nam yang 'chi ba'i tshor ba myong bar mi 'gyur ro/ /phyin chad sems can dmyal ba dang / dud 'gro dang / gshin rje'i 'jig rten dang / ngan 'gror 'gro zhing skye bar mi 'gyur ro/ /phyin chad sems can dmyal ba'i sgra rna lam du yang grags par mi 'gyur na/ 'bras bu rnam par smin par 'gyur ba lta ci smos te/ de ni/ gnas med do/ /de nas lha'i dbang po brgya byin gyis rig sngags 'di bcom ldan 'das las bzung nas lha'i bu nor bu'i snying po dri ma med pa dang lhan cig tu nam langs pa dang rang gi gnas su song ste/ de bzhin gshegs pas bka' stsal pa'i lung bzhin du cho ga </font><hr>277b<br><font size=+1>


go rim bzhin du mchod rten gyi las byas nas bzlas brjod kyi cho ga yang byas pa dang / byas ma thag tu lha'i bu nor bu'i snying po dri ma med pa sdug bsngal thams cad nye bar zhi nas sdig pa thams cad dang bral te lus rnam par dag nas pags pa'i mdog ni/ gser gyi kha dog lta bur gyur/ skra dang mig ni/ mthon mthing lta bur gyur/ de bzhin gshegs pa thams cad ni/ mngon du mthong / nam mkha'i dbyings nas de bzhin gshegs pas legs so legs so zhes bya ba'i gsung ni/ phyung ngo / /de nas lha'i bu de sgrib pa dang bral ba'i lus su gyur par mthong nas ya mtshan cher bzung ste rab tu dga' nas a la la sangs rgyas/ a la la rig sngags/ a la la chos/ a la la 'bras bu 'phral du ston pa bcom ldan 'das de bzhin gshegs pa shAkya thub pa thugs rje mchog tu che ba/ yid bzhin gyi nor bu lta bu de la phyag 'tshal lo phyag 'tshal lo zhes ched du brjod pa ched du brjod do/ /de nas lha'i bu de rang gi gnas su song nas lha'i me tog dang / bdug pa dang / spos dang / phreng ba dang / byug pa sna tshogs blangs te lha'i gos dang / spud pa dang / rgyan kyang blangs nas g.yog 'khor thams cad dang / lha'i bu mo dang / lha'i tshogs dang / lha'i dbang po brgya byin la sogs pa dang dga' ldan gyi gnas su dong ste bcom ldan </font><hr>278a<br><font size=+1>


@#/ /'das ga la ba der dong nas phyin pa dang / bcom ldan 'das la mchod pa chen po byas te lan brgya stong du bskor ba byas nas chos mnyan pa'i phyir de nyid du bcom ldan 'das kyi spyan sngar 'dug go /de nas rgyal po chen po bzhi dang / tshangs pa dang / khyab 'jug dang / dbang phyug chen po dang / gnod sbyin gyi sde dpon chen po lag na rdo rjes bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ sug las gang gis lha'i bu nor bu'i snying po dri ma med pa la mi zad cing shin tu tsha ba'i 'bras bu rnam par smin pa rnams 'byung bar 'gyur/ /bcom ldan 'das kyis bka' stsal pa/ skyes bu dam pa dag /legs so legs so/ /skyes bu dam pa dag /legs par dris so/ /de'i phyir nyon cig dang bshad par bya'o/ /lag na rdo rje/ sngon byung ba 'das pa'i dus na lho phyogs kyi rgyud na yangs pa 'khyil ba zhes bya ba'i grong khyer yod de/ de na bram ze dri ma med pa zhes bya ba mkhas pa/ byang ba/ gsal ba/ yid gzhungs pa/ gzugs bzang zhing mdzes pa/ blta na sdug pa/ mdog bzang po/ rgyas pa mchog dang ldan pa/ dad pa dang ldan pa/ dge ba'i bsam pa can rig pa smra ba zhig gnas te/ </font><hr>278b<br><font size=+1>


de rig sngags kyi rgyal mo 'di rjes su sems shing sgom la mang du byed/ sems can thams cad la phan par 'dod do/ /de nas grong khyer de nyid na khyim bdag rab snang zhes bya ba phyug pa/ nor che ba/ longs spyod che ba/ g.yog 'khor mang ba zhig gnas te/ khyim bdag de ni/ dad pa dang mi ldan zhing / gzhan mu stegs can la dang do/ /bram ze de ni| khyim bdag de la yang dang yang rig sngags kyi rgyal mo 'di snying po dang bcas pa sgrog kyang khyim bdag de ni/ de la dad pa'i sems mi skyed kyi/ de 'di snyam du sems te/ ngas bram ze 'di dum bu dum bur gtubs la nya dang / rul sbal sreg pa bzhin du bor te khar ngan skyug gis dgang ngo snyam mo/ /de nas 'di snyam du bsam ma thag tu khyim bdag de la sha bkra dang / mdze'i nad kyis btab bo/ /de nas 'chi ba'i dus byas nas 'chi gar sdug bsngal gyi tshor ba chen po myong ste shi nas sems can dmyal ba chen po mnar med par skyes te/ der bskal pa'i tshad du sdug bsngal gyi tshor ba myong ngo / /de nas shi 'phos nas nya dang / phag dang / rus sbal gyi nang du bskal par sdug bsngal myong ngo / /de nas 'chi ba'i dus byas nas sems can dmyal ba thig nag tu skyes te/ der yang bskal pa'i tshad du sdug bsngal chen po myong ngo / /de nas shi 'phos nas grong khyer </font><hr>279a<br><font size=+1>


@#/ /de nyid du dmus long gi khyim du skyes te/ dmus long du gyur nas phan tshun du slong mo la song ba dang / gtsug lag khang zhig tu phyin pa dang / de na dge slong snying rje la gnas pa zhig 'dug ste/ des de mthong nas byams pas rgyas par byas te zan byin no/ /rig sngags kyi rgyal mo 'di yang bsgrags so/ /dmus long des gzungs sngags 'di thos pa dang tshe rabs dran par gyur nas bram ze de yang dran te/ rjes su sems shing / kye ma'o/ /mi bzad pa'i las byas so/ /snyam nas ngo tsha dang khrel yod par gyur te 'chi ba'i dus byas pa dang / gzungs sngags 'di'i mthus sum cu rtsa gsum pa'i lha'i nang du skyes te gzhal med khang chen po'i nang na lha'i bu mo'i tshogs kyis bskor cing lha'i longs spyod chen po myong bar gyur to/ /de'i tshe de'i dus na khyim bdag dmus long du gyur pa de gzhan zhig yin snyam du khyod dogs shing the tshom za ba'am/ yid gnyis su gyur na/ de ltar mi blta ste/ lha'i bu nor bu'i snying po dri ma med pa 'di nyid do/ /lag na rdo rje/ de lta bas na/ sdom pa gsum gyis bsdam par bya'o/ /lag na rdo rje/ las des 'bras bu rnam par smin pa sdug bsngal gyi tshor ba 'di lta bu myong ngo / /lha'i bu 'dis byang chub kyi snying por mthar thug gi bar du </font><hr>279b<br><font size=+1>


las kyi 'bras bu tha ma 'di myong ngo / /lag na rdo rje/ de'i tshe de'i dus na bram ze dri ma med par gyur pa de gzhan zhig yin pa snyam du khyod dogs shing the tshom mam/ yid gnyis su gyur na/ de ltar mi lta ste/ lag na rdo rje/ khyod nyid do/ /dmus long la gzungs sngags 'di sgrog pa'i dge slong de ni/ 'jam dpal gzhon nur gyur pa 'di nyid yin te/ de'i tshe de'i dus na dge slong du gyur to/ /de nas lha'i 'khor mang po des sngon byung ba 'di thos nas rmad du byung bar gyur/ dga' ba thob par gyur te ca co dang ga zha'i sgra chen po byung nas a la la de bzhin gshegs pa'i dam tshig rig sngags 'di'i mthu ni/ yid bzhin gyi nor bu rin po che lta bu'o zhes ched du brjod pa ched du brjod do/ /de nas 'khor de las lha'i bu khri nyis stong ni/ phyir mi ldog par gyur to/ /lha'i bu mo bye ba phrag 'bum ni/ bud med kyi dbang po dang bral nas skyes pa'i dbang po byung ste phyir mi ldog pa nyid la gnas so/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /bcom ldan 'das/ gzungs kyi tshig rig sngags kyi rgyal mo 'di ni/ mthu che ba/ phan yon che ba lags so/ / bcom ldan 'das/ ji ltar slad ma'i tshe slad ma'i dus na sems can rnams la phan pa dang bde bar 'gyur zhing gang gis sems can dmyal ba dang / dud 'gro'i skye gnas nas yongs su </font><hr>280a<br><font size=+1>


@#/ /grol bar mdzad pa'i cho ga bshad du gsol/ bcom ldan 'das kyis bka' stsal pa/ lag na rdo rje/ gzungs sngags 'di'i phan yon dang / sgrub pa'i cho ga 'di nyon cig/ 'di ltar phyi ma'i tshe phyi ma'i dus na rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen mas rig sngags kyi rgyal mo 'di dus gcig tu dran par bya'o/ /ring bsrel gyi snying po'am/ de bzhin gshegs pa'i ring bsrel gyi snying po can gyi mchod rten la bskor bar bya'o/ /yid bzhin gyi nor bu rin po che 'di gnyis kyang dus gcig tu dran par bya'o/ /des ni/ gang+gA'i klung bye ba khrag khrig phrag 'bum gyi bye ma snyed kyi de bzhin gshegs pa rnams la dge ba'i rtsa ba bskyed par 'gyur ro/ /bsod nams chen po dang ldan par 'gyur ro/ /mtshams med pa lnga'i las kyi sgrib pa rnams kyang yongs su byang bar 'gyur ro/ /sems can dmyal ba dang / dud 'gro'i skye gnas dang / gshin rje'i 'jig rten gyi ngan song rnams las yongs su thar par 'gyur ro/ /tshe ring por 'gyur ro/ /sbrul gyi pags pa brjes pa bzhin du lus bor nas skal ba mnyam pa'i phyir 'jig rten gyi khams bde ba can du 'gro bar 'gyur ro/ /phyin chad mngal gyi gnas kyi dri mas mi gos par 'gyur ro/ /gang dang </font><hr>280b<br><font size=+1>


gang du skye ba de dang der rdzus te skye zhing pad+ma las skye bar 'gyur ro/ /tshe rabs thams cad du tshe rabs dran par 'gyur ro/ /rtag tu de bzhin gshegs pa thams cad la lta 'dod par 'gyur ro/ /bsam pa thams cad yid bzhin du yongs su rdzogs par 'gyur ro/ /gal te cho ga bya bar 'dod na/ des khrus byas la gos gsar pa bgos te spos kyi dkyil 'khor gru bzhi pa bya'o/ /snying po'i rig sngags gro ga la bri bar bya'o/ /mchod rten lnga gdab par bya'o/ /rig sngags 'di yang mchod rten gyi nang du gzhug par bya'o/ /mchod rten bzhi ni gra bzhir gzhag go /gcig ni/ dkyil 'khor gyi dbus su gzhag par bya'o/ /shing bu btsugs te ba ngan dmar po dbyang bar bya'o/ /me tog gis gtor ro/ /bum pa gang ba lnga gzhag go/ gra bzhin pog phor bzhi nas du ru ka dang / a ga ru dang / tsan+dan dang / gu gul gyi bdug pas bdug par bya'o/ /spos kyi mchod yon gyi snod bzhi gzhag par bya'o/ / yid bzhin gyi nor bu rin po che 'di gnyis kyang lan brgya rtsa brgyad bzlas brjod bya'o/ /snying po'i sngags brjod cing dkyil 'khor la bskor ba brgya rtsa brgyad bya'o/ /nad kyis btab pa dang / gnod pa dang / nad tshabs che ba dang / tshe zad pa dang / dus ma yin par 'chi ba'i 'jigs pa dang / rgyal po dang / pha rol gyi dmag tshogs kyis skrag pa dang / </font><hr>281a<br><font size=+1>


@#/ /bu 'dod pa dkyil 'khor la mngon par phyogs par gzhag go /rma bya'i sgro lngas bya ba par bya'o/ /mchod rten gyi dkyil 'khor mchod par bya'o/ /cho ga 'di lan gcig byas na/ bskal par bsags pa'i las kyi sgrib pa dang bral nas sgrib pa med par 'gyur ro/ /nad thams cad dang / nyon mongs pa thams cad dang / sems can dmyal ba dang / dud 'gro'i skye gnas dang / gshin rje'i 'jig rten gyi ngan song thams cad dang / 'jigs pa thams cad las yongs su thar par 'gyur ro/ /'jig rten pa dang / 'jig rten las 'das pa'i sdug bsngal dang / sgrib pa dang / sdig pa dang / gdug pa thams cad tshe rabs gcig nas gcig tu brgyud de byang chub kyi snying po'i mthar thug gi bar du rnam par 'jig par 'gyur ro/ /tshe zad pa yang phyir nur zhing tshe ring bar 'gyur ro/ /yun ring du nad kyis brnyongs te sha zad pa yang lus yongs su rdzogs par 'gyur ro/ /lus shin tu yongs su dag par 'gyur ro/ /bsam pa yang yid bzhin du yongs su rdzogs par 'gyur ro/ /phyin chad 'chi bdag gi sgo'i sdug bsngal mi mthong bar 'gyur ro/ /sbrul gyi pags pa brjes pa bzhin du lus bor nas skal pa mnyam pa'i phyir 'jig rten gyi khams bde ba can du 'gro bar 'gyur </font><hr>281b<br><font size=+1>


gang dang gang du skye ba de dang der pad+ma las rdzus te skye bar 'gyur ro/ /thams cad du rgyan thams cad kyis brgyan par 'gyur ro/ /skye ba thams cad du tshe rabs dran par 'gyur ro/ /'di'i bzlas brjod kyi cho ga bzhin du nyin gcig bzhin du dus gsum du lan nyi shu rtsa gcig bzlas brjod byas na/ de'i sdig pa'i sgrib pa dang / nyon mongs pa thams cad las rnam par grol bar 'gyur ro/ /bzlas brjod cho ga bzhin du lo gcig tshang bar byas na/ 'jigs pa med pa'i lta ba kun nas sgo'i 'od zer zhes bya ba'i ting nge 'dzin 'thob bo/ / phyogs bcu'i sangs rgyas kyi zhing thams cad du de bzhin gshegs pa thams cad mthong bar 'gyur ro/ /dri ma med pa rnam par dag pa 'bar ba'i gzi brjid ces bya ba'i lus yongs su dag pa thob par 'gyur ro/ /tshe rnam par dag pa thob par 'gyur ro/ /gang+gA'i klung bye ba khrag khrig 'bum phrag brgyad cu rtsa gnyis kyi bye ma snyed kyi de bzhin gshegs pa rnams la dge ba'i rtsa ba bskyed par 'gyur ro/ /tshe rabs gcig nas gcig tu brgyud pa rnams su yang shin tu yongs su dag par 'gyur ro/ /sangs rgyas kyi zhing gang dang gang du 'gro 'dod pa der 'gro bar 'gyur ro/ /sbrul gyi pags pa brjes pa bzhin du lus bor nas skal ba mnyam pa'i phyir 'jig rten gyi khams bde ba can du skye bar </font><hr>282a<br><font size=+1>


@#/ /'gyur ro/ /'chi bdag gi sgo mi mthong zhing rmi lam lta bur kun tu shes so/ /tshes brgyad dam/ bcu bzhi'am/ bco lnga la yid bzhin gyi nor bu rin po che'i gzungs sngags 'di gnyis lan brgya rtsa brgyad bzlas brjod byas shing ring bsrel dang bcas pa'i mchod rten la bskor ba byas na/ bzlas brjod byas pa tsam gyis 'phral du mchod rten la sgra 'byung ste/ lags so zhes bya ba sbyin par 'gyur ro/ /'phral du sdig pa'i sgrib pa dang / nyon mongs pa thams cad dang / 'dod chags dang / zhe sdang dang / gti mug gi dri ma dang / ser sna dang / phrag dog dang bral bar 'gyur ro/ /lus dri ma med cing yongs su dag par 'gyur ro/ /skyes pa'am/ bud med dam/ khye'u 'am/ bu mo gang dang gtam byas pa de dag thams cad kyang sdig pa rnams las grol bar 'gyur ro/ /dud 'gro'i skye gnas su song ba la smras na yang dud 'gre'i skye gnas su gtogs pa thams cad las yongs su thar par 'gyur ro/ /bya'i tshogs thams cad la smras na yang bya'i tshogs thams cad yongs su grol bar 'gyur ro/ /tha na khyi dang / rus sbal dang / sbrul dang / byi la dang / sre mo dang / srog chags sna tshogs la smras na yang thams cad yongs su grol bar 'gyur ro/ /bye ma la lan nyi shu rtsa gcig </font><hr>282b<br><font size=+1>


bzlas brjod byas te dur khrod du gtor na/ gang gi rus pa la phog pa de dag sems can dmyal ba gang dang gang du skyes pa de dang der yongs su thar te mtho ris su skye bar 'gyur ro// gang dag mtho ris su skyes pa de dag gi lus la me tog gi char 'bab par 'gyur ro/ /gcan gzan dang / bya sna tshogs gang dag dur khrod der 'gro ba de dag thams cad kyang bde 'gror 'gro bar 'gyur ro/ /ri la gtor na ri dwags dang / bya rgyu ba de dag thams cad bde 'gror 'gro bar 'gyur ro/ /kun nas sgor 'jug pa'i 'od zer gtsug tor dri ma med par snang ba dus gsum gyi de bzhin gshegs pa'i snying po lan brgya stong bzlas brjod byas na/ gal te mtshams med pa lnga byed pa dag mnar med par lhung nas gdung bas bsregs pa las 'phral du yongs su thar par 'gyur ro/ /lan 'bum bzlas brjod byas na/ gal te 'gul nas thag pa btags te khrid pa yang gshin rje'i gnas nas 'phral du ldog par 'gyur ro/ /de'i 'jigs pa chen po las yongs su grol bar 'gyur ro/ /sems can dmyal ba thams cad kyang rnam par 'jig par 'gyur te/ the chom med do/ /chos kyi rgyal po gshin rje yang bran bzhin du sems shing 'jug go /lus bsam gtan gyi lam bzhin nam/ sbrul gyi pags pa brjes pa bzhin du lus bor nas 'jig rten gyi khams bde ba can du mngon </font><hr>283a<br><font size=+1>


@#/ /par dga' zhing 'gro bar 'gyur ro/ /'chi bdag gi sdug bsngal mi mthong bar 'gyur ro/ /'bum bris te mchod rten gyi nang du bcug na/ 'bum tshang nas mchod rten thams cad 'bar bar 'gyur ro/ /bdag kyang 'bar bar 'gyur ro/ /nges par 'phral du phyir mi ldog par 'gyur ro/ /sa bcu la gnas par 'gyur ro/ /gang+gA'i klung bye ba khrag khrig 'bum phrag dgu bcu rtsa dgu'i bye ma snyed kyi bcom ldan 'das de bzhin gshegs pa rnams la dge ba'i rtsa ba bskyed cing lung bstan pa thob par 'gyur ro/ / de nas mchod rten chen po gcig gi nang du bcug ste shing bu bsgreng ba byas na/ dus gsum gyi de bzhin gshegs pa'i ring bsrel gyi snying po 'bum gyi mchod rten zhes bya'o// gang dag de las bya ba rnams byed pa de dag thams cad kyang phyir mi ldog par 'gyur ro/ /bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /tha na dud 'gro'i skye gnas su gtogs pa rnams dang / gzhan yang srog chags kyi rigs sna tshogs gang dag der 'dod pa de dag kyang phyir mi ldog par 'gyur ro/ /tha na grib mas phog na yang yongs su grol bar 'gyur na/ bya ba mang du byed pa lta smos kyang ci dgos te/ 'di'i yon tan dang phan yon ni/ brjod par mi nus so// </font><hr>283b<br><font size=+1>


de nas gnod sbyin gyi sde dpon chen po lag na rdo rje dang / rgyal po chen po bzhi dang / tshangs pa dang / khyab 'jug dang / dbang phyug chen po dang / dga' ldan gyi gnas na gnas pa'i lha'i bu de dag dang / brgya byin la sogs pa sum cu rtsa gsum gyi ris kyi lha'i bu rnams dang / lha'i bu nor bu'i snying po dri ma med pa dang / de dag thams cad bcom ldan 'das ga la ba der song ste phyin nas bcom ldan 'das la lan gsum bskor ba byas te bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das/ gzungs sngags mthu chen po 'di ni/ yid bzhin gyi nor bu rin po che lta bur mthong ba dang / thos par dka' ba lags te/ bcom ldan 'das/ bdag cag lhan cig tshogs nas slad ma'i che slad ma'i dus na yid bzhin gyi nor bu rin po che 'di gzung bar bgyi'o/ /rgyas par bgyi'o/ /sems can thams cad la bsgrag par bgyi'o/ /'di 'dzin pa'i sems can chen po de'i slad bzhin 'brang bar rtag tu rgyun mi 'chad par bsrung ba dang / bskyab pa dang / sba bar bgyi'o/ /bu bzhin du yongs su bskyang bar bgyi'o/ /bcom ldan 'das kyis bka' stsal pa/ grogs bo dag /legs so legs so/ khyed kyis de ltar gyis shig /rig sngags kyi rgyal po yid </font><hr>284a<br><font size=+1>


@#/ /bzhin gyi nor bu rin po che 'di ngas khyod la gtad do/ /'phags pa kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dang dam tshig la rnam par lta ba zhes bya ba'i gzungs rdzogs so// //rgya gar gyi mkhan po dzin mi tra dang / shI len+d+ra bo d+hi dang / zhu chen gyi lo ts+tsha ba ban+d+he ye shes sdes bsgyur cing zhus te gtan la phab pa/ </font><hr>

</table>