rgya gar skad du/ AR+Ya dz+war pra sha ma ni nA ma d+h+wa ra Ni/ bod skad du/ 'phags pa rims nad rab tu zhi bar byed pa ces bya ba'i gzungs/ sangs rgyas dang / byang chub sems dpa' thams cad la phyag 'tshal lo/ / 'od skad bdag gis thos pa dus gcig na/ bcom ldan 'das rgyal po'i khab dur khrod chen po bsil ba'i tshal na bzhugs so/ /de nas dge slong zhig bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ phyogs gcig tu 'dug nas dge slong des bcom ldan 'das la 'di skad ces gsol to/ /btsun pa bcom ldan 'das/ 'di na sems can rnams rims nad kyis gtses par mchis na/ bcom ldan 'das/ de dag srung du gsol/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ phyogs 'di na me lce'i phreng bzhes bya ba'i rims nad 285b 'dug ste/ sems can rnams la nyin gcig pa dang / nyin gnyis pa dang / nyin gsum pa dang / nyan bzhi pa la sogs pa la thugs rje dang ldan pas brtse bar byed pas de srung ba'i gsang sngags kyi gzhi rnams 'di dag yin no/ /tad+ya thA/ dz+wa la ni dz+wa la ni/ pra ti ba ni pra sha ma ni/ bdag gi rims nad song zhig /ma 'dug cig swAhA/ bden pa dang / bden pa'i tshig dang / 'jig rten na sangs rgyas dang / chos dang / dge 'dun gyi bden pa dang bden pa'i tshig gis bdag gi rims nad song zhig /ma 'dug cig swAhA/ sid+d+haM tu man+t+ra pa tA ba d+ha ra bid+ya na pra ma a nu mo do swAhA/ skud pa nag po la lan nyi shu rtsa gcig bzlas shing mdud pa nyi shu gcig bor ro/ /bcom ldan 'das kyis de skad ces bka' stsal nas dge slong de dag yi rang ste bcom ldan 'das kyis gsungs pa la mngon par bstod do/ /'phags pa rims nad rab tu zhi bar byed pa'i gzungs rdzogs so// // |