rgya gar skad du/ A ya o dza pra t+yaM ha ra Ni swAhA/ bod skad du/ 'phags pa mdangs phyir 'phrog pa zhes bya ba'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom 'das mnyan yod na bzhugs te/ de nas bcom ldan 'das gyis tshe dang ldan pa kun dga' bo la bka' stsal pa/ kun dga' bo/ khyod kyis mdangs phyir 'phrog pa'i rig sngags gzungs shig /chongs shig /lhogs shig /kun 420a @#/ /chub par gyis shig /kun dga' bo/ gang la la zhig mdangs phyir 'phrog pa'i rigs sngags 'chang dam/ ston tam/ klog gam/ kun chub par byed na/ de'i mdangs phyir mi 'phrog cing / 'phrog par mi 'gyur ro/ /'phrog na yang phyir yang dag par gnas par 'gyur ro/ /de nas bcom ldan 'das kyis de'i tshogs sngags kyi gzhi 'di dag bka' stsal to/ /tad+ya thA/ phi li phi li me/ phi lu meM ge/ phi lu ma ti/ bu lu gu mA ti/ sA ra ba ti/ kiSha ra ba ti/ ku ru mA ti/ u ta ba la ni/ gau ri/ g+n+d+ha ri/ tsau ri/ tsaN+Da li/ stu re/ stu ba re/ in+d+ra mA li nI/ dzA li ni/ so bka ke koSha Sha De/ sA ga re/ ma hA sA ga re/ pu ru tse/ pa ru tsu re/ sa ma ne/ de ba be/ da daM ba phe/ hu lu hu lu swAhA/ rig sngags 'di bka' stsal pa na stong gsum gyi stong chen po'i 'jig rten gyi khams 'di g.yos/ rab tu g.yos/ kun tu rab tu g.yos/ 'khrugs/ rab tu 'khrugs/ kun tu rab tu 'khrugs pa'i bar du gyur to/ /gnod sbyin rnams kyang kye ma'o sdug bsngal lo/ /kye ma'o nyam thag go/ zhes du zhing skad chen pos sgra chen po 'byin cing 'khod do/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa 420b ngas bden pa dang / bden pa'i tshig gang gis mdangs phyir 'phrog pa'i rigs sngags 'di gsungs pa'i bden pa dang bden pa'i tshig des ngas bsrung bar bya'o/ /bde legs su 'gyur ba'i bar du bya'o/ /de'i mdangs dprog par bya'o/ /phyir dbrog par bya'o/ /nye bar bsgrub par ba ya'o/ /gnod sbyin gyis zin tam/ mi dang mi ma yin pas zin na ni| dus de dang / tshod de dang / yud tsam de la mdangs 'phrog go/ phyir 'phrog go/ rnam par 'jug go/ gal te 'phrog cing phyir 'phrog par mi byed de/ gnas na 'dug bzhin du rnam par mi 'jig cing / yang 'joms par 'dod dam 'phrog par 'dod par gyur na/ des bcom ldan 'das de bzhin gshegs pa shAkya thub pa nyan thos kyi tshogs dang bcas te mi mnyes par byas par 'gyur ro/ /bcom ldan 'das kyis de skad ces bka' stsal nas tshe dang ldan pa kun dga' bo yi rang ste/ bcom ldan 'das kyis gsungs pa la mngon par bstod do/ /'phags pa mdangs phyir 'phrog pa zhes bya ba'i mdo rdzogs so// // |