rgya gar skad du/ AR+Ya ra ta na mA la nA ma a pa rA dzi ta/ bos skad du/ 'phrags pa gzhan gyis mi thub pa'i rin po che'i phreng ba zhes bya ba/ dkon mchog gsum la phyag 'tshal lo// 421a @#/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /yang dag par rdzogs pa'i sangs rgyas bye ba phag bdun nyan thos kyi dge 'dun dang bcas pa rnams la phyag 'tshal lo/ /byams pa la sogs pa byang chub sems dpa' thams cad la phyag 'tshal lo/ /yang dag par song ba rnams la phyag 'tshal lo/ /yang dag par zhugs pa rnams la phyag 'tshal lo/ /dgra bcom pa rnams la phyag 'tshal lo/ /phyir mi 'ong ba rnams la phyag 'tshal lo/ /lan gcig phyir 'ong ba rnams la phyag 'tshal lo/ /rgyun du zhugs pa rnams la phyag 'tshal lo/ /lha'i drang srong rnams la phyag 'tshal lo/ /brtul zhugs grub pa rnams la phyag 'tshal lo/ /lha rnams la phyag 'tshal lo/ /klu rnams la phyag 'tshal lo/ /gnod sbyin rnams la phyag 'tshal lo/ /dri za rnams la phyag 'tshal lo/ /lto 'phye chen po rnams la phyag 'tshal lo/ /mi 'am ci rnams la phyag 'tshal lo/ /srin po rnams la phyag 'tshal lo/ /sha za skra gyen du brdzes pa rnams la phyag 'tshal lo/ /rig pa'i bdag po rnams la phyag 'tshal lo/ /zla ba dang nyi ma rnams la phyag 'tshal lo/ /rgyu skar nyi shu rtsa brgyad la phyag 'tshal lo// 421b de nas gzhan gyis mi thub pa'i rin po che'i phreng pa'i snying po yang dag par rdzogs pa'i sangs rgyas kyis gsungs pa/ lha dang klu rnams kyis rjes su yi rang pa/ las thams cad byed pa gtsang ma brjod par bya ste/ dag cing de ni bkra shis pa/ /bsod nams byed gtsang dpal yon can/ /srin po 'joms pa'i lha rnams dang / /sems can kun gyis mi thub pa'o/ /sdig pa thams cad rab 'jigs pa/ /don kun grub pa dpal yon can/ /gdon kun rnam par 'jig byed pa/ /rig sngags 'di ni brjod par bya// 'di ni rtag tu rgyal byed pa/ /brgya byin gyis kyang mi thub 'di/ /dug dang gshed byed 'jig byed pa/ /me dgra rgyal po'i 'jigs pa dang / /gshed byed gdon dang ro langs dang / /rmi lam ngan dang lus srul dang / /lha dang lha min dri za dang / /gnod sbyin srin po klu rnams las/ /kun nas dpag tshad brgya tshun chad/ /rtag tu bdag la srung bar mdzod/ /nyin gcig pa yi rims nad dang / /nyin gnyis pa dang nyin gsum dang / /nyin bzhi pa yi rims nad dang / /ldang dub \?\ rims las 'di srung mdzod/ / dug dang dbyig dug zos pa yang / /kha zas bzhin du zhu bar 'gyur/ /gang gi mngal na mi chags dang / /gang gi bu po 'chi ba yang / /rin po che yi phreng ba yis/ /de 422a @#/ /dag myur du 'tsho bar 'gyur/ /nor 'dod pa ni nor rnams thob/ /dpal 'dod pa yang dpal thob 'gyur/ /'thab cing 'gyed dang g.yul dor yang / /myur du rgyal bar byed pa yin/ /sems can rnams la gnod gzigs nas/ /'jig rten mgon gyis rab gsungs pa/ /rin chen phreng zhes bya ba yi/ /rig sngags 'di ni brjod par bya/ /tad+ya thA/ oM da na ka ri/ pi pu la ka ri/ dza ya ka ri/ yaSh+Ta ka ri/ pr-i d+hi ka ri/ A yurdA de/ puN+ya da ri/ Ak+sh+ma pra sha ma ni/ d+ha na d+ha na/ bi brta ni| shrI ka ri/ sarba gra ha nak+Sha tra pA sha brti ni/ me dA dza na ni/ pu tra dza na ni/ pa ri ba rA ba brta ni/ A yurdA ni/ pra ti ki ra/ dzaM g+ha ni/ staM b+haM ni/ mo ha ni/ a mo g+ha sha ka ri/ kats+tsha na mA le/ gra ha sau ma ka ra Ni/ sarba kA li kA la ha/ bi gra ha bi byA d+ha/ pra sha ma ni/ pa ra tsakra ni ba ra Ni/ pa ra sai n+ya/ staM b+ha ni/ ts+tshin+da nir mA li ka ra NI/ sarba pA paM pra sha ma ni| sarba kA la biSh+Ta nA sha ni swAhA/ tsu ru tsu ru swAhA/ tu ru tu ru swAhA/ mu ru mu ru swAhA/ sarba de ba a nu dz+nyi te swAhA/ sarba nA ga saM rak+Shi te swAhA/ oM ni ri ni ri phaT/ ha na ha na phaT/ da ha da ha phaT/ pa tsa pa tsa phaT/ gang dag bdag la sdang par sems pa dang / gnod par sems pa dang / sbyin sreg byed pa dang / byad byed pa dang / byed 422b du 'jug pa dang / byed pa la rdzes su yi rang ba de dag thams cad phaT phaT swAhA/ angi staM b+ha ya mi bI ShaM sha trUM u da kaM tsau ra na/ sarba duSh+Ta na sarba pra t+y+r+thi ka/ pra t+ya ma tran/ staM b+ha yA mi/ dzaM b+ha ya mi/ mo ha ya mi/ phaT phaT swAhA/ gzhan gyis mi thub ces bya ba/ /rin chen phreng gis rab brgyan pa/ /las kun byed dang de bzhin du/ /rtag tu srung bar byed pa 'di/ /'gro'am yang na ci yang rung / /de dag 'ga' la \?\ te 'chang / /srin po 'joms pa bsod nams mchog /sdig pa'i rnyog pa 'jig par byed/ / g.yul 'gyed pa dang 'thab pa dang / /kun tu rgyal bar byed pa dge/ mi gang gtsang sbra byas nas su/ /rig sngags 'di bris bcang pa dang / /bklags dran shes rab can de la| |'jigs pa kun tu mi 'byung ngo / /cho ga bzhin du klog 'chang na/ /gsang ba po kun rtag tu srung / /yongs su skyong bar byed par 'gyur/ /rtag tu rgyal bar byed pa ste| |dper na rin chen phreng ba yis/ /mgo bo brgyan na mdzes pa ltar/ /de bzhin phun sum tshogs pas mdzes/ /gang dag rig sngags 'di 'chang na/ /de yi gdon rnams rnam par 'jig /nad kyis btab par mi 'gyur ro/ /bu dang tsha bo rnam par 'phel/ /de yi 'khor ni bzang por 'gyur/ /sems can kun la phan phyir dang // 423a @#/ /bye brag tu ni byas pa'i phyir/ /de bzhin gshegs pa thams cad kyis/ /rig sngags 'di ni byin gyis brlabs/ /lha mi rgyal po rnams dang ni// de bzhin byang chub sems dpa' srung / /de la phyogs bcu rnams kyi ni/ /de bzhin gshegs pa gzigs par mdzad/ /dge ba dang ni nor rnams 'phel/ /sdig pa rnams kyang byang bar 'gyur/ /rmi lam ngan dang nyis byas las/ /grol 'gyur 'di la the tshom med/ /tad+ya thA/ mu ni mu ni mu ni mu ni mu ni ri/ ma ti ma ti ma ti/ ma hA ma ti/ bdag 'jigs pa thams cad las bsrungs shig bsrungs shig /sangs rgyas thams cad la phyag 'tshal lo/ /yams kyi nad dang / gnod pa thams cad las bde legs su gyur cig swAhA/ 'phags pa gzhan gyis mi thub pa rin po che'i phreng ba zhes bya ba rdzogs so// //rgya gar gyi mkhan po su ren+d+ra bo d+hi dang / zhu chen gyi lots+tsha ba ban+d+he ye shes sdes bsgyur cing zhus te gtan la phab pa// // |