rgya gar skad du/ AR+Ya d+h+wa dza a gra ke yU ra nA ma d+hA ra Ni/ bod skad du| 'phags pa rgyal mtshan gyi rtse mo'i dpung rgyan zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag 437a @#/ /gis thos pa dus gcig na/ bcom ldan 'das sum cu rtsa gsum pa'i lha'i nang na l+wa ba dkar po lta bu'i rdo leb la bzhugs te/ de nas lha'i dbang po brgya byin lha ma yin las pham/ rab tu pham nas de rtab cing rings pa'i gzugs kyis bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te bcom ldan 'das la 'di skad ces gsol to/ /bcom ldan 'das/ bdag 'di ltar lha ma yin dang g.yul bkye ba las| lha ma yin gyi dbang po thags bzang ris las pham/ rab tu pham ste/ sum cu rtsa gsum pa'i lha rnams kyang pham rab tu pham na/ bcom ldan 'das/ bdag cag gis de la ji ltar bsgrub par bgyi/ bcom ldan 'das kyis bka' stsal pa/ lha'i dbang po/ khyod kyis rgyal mtshan gyi rtse mo'i dpung rgyan zhes bya ba gzhan gyis mi thub pa'i gzungs zungs shig/ ngas kyang sngon byang chub sems dpar gyur pa na de bzhin gshegs pa gzhan gyis mi thub pa'i rgyal mtshan las 'di mnos so/ /mnos nas kyang gzhan la rgya cher yang dag par bshad do/ /mngon par dran te/ de tshun chad 'jigs pa'am/ bag tsha ba'am/ spu zing zhes 437b byed pa'am/ tha na skad cig yud tsam yang lus la gnod pa byung ma myong ngo / /bcom ldan 'das/ rgyal mtshan gyi rtse mo'i dpung rgyan zhes bgyi ba gzhan gyis mi thub pa'i gzungs de gang lags/ bcom ldan 'das kyis bka' stsal pa/ tad+ya thA/ oM dza ya dza ya/ bi dza ya bi dza ya/ dza ya ba hi Ni/ shang+ka ri shang+ka ri/ pra b+hang+ka re/ bdag dang sems can thams cad kyi sarba sha trUM/ dzam+b+ha ya dzam+b+ha ya/ stam+b+ha ya stam+b+ha ya/ mo ha ya mo ha ya/ b+ha ga ba ti/ dza ya bA hi ni/ ma tha ma tha/ pra ma tha pra ma tha/ gra sa gra sa/ ha sa ha sa| hUM hUM/ la hUM la hUM/ lam+bo d+ha ri/ tre ne tre/ tsa tu ra b+ha ga tre/ tsa tur daMSh+Te/ tsa tur b+hu dze/ a si mu sa la/ tsakra tri shu la/ badz+ra ka pa tsa d+ha Ni/ bdag gnod pa thams cad las srungs shig /srungs shig /oM b+ha ga wa ti/ ha na ha na/ da ha da ha/ pa tsa pa tsa/ ma tha ma tha/ pra ma tha pra ma tha/ d+hu na d+hu na/ bi d+hu na bi d+hu na/ hUM hUM phaT phaT/ b+hany+dza b+hany+dza pa ra se n+yaM/ bi d+h+waM sa ya/ sarba sha trUM nA sha ya/ d+h+wa dza a gra ke yU re/ tri Ta tri Ta tri Ta/ b+h+ri Ta b+h+ri Ta/ u la kA mu khi/ u la kA d+hA ra Ni/ trai lokya ma thA nI/ bi d+h+waM sa ya pa ra se n+yaM/ bdag gnod pa thams cad las srungs shig/ \?\ srungs shig/ tsa la tsa la/ tsi li tsi li/ tsu lu tsu lu/ kaM pa kaM pa/ ka la ka la/ ki li ki li/ ku lu ku lu/ muny+dza muny+dza/ maT+Ta 438a @#/ /hA saM| bi d+h+waM sa ya pa ra sen+yaM/ bdag gnod pa thams cad las srungs shig /srungs shig /trA sa ya trA sa ya/ b+h+ra ma ya b+h+ra ma ya/ bud+d+ha sa t+ye na/ d+harma sa t+ye na| saM g+ha sa t+ye na/ sa t+ya ba ti nAM/ sa t+ye na bud+d+ha sa t+ye ma ti kra ma/ d+harma sa t+ye ma ti kra ma/ saM g+ha sa t+ye ma ti kra ma/ sa t+ya ba ti nAM/ sa t+ye ma ti kra ma/ lam+bo d+ha ri/ lam+bo d+ha ri| ku Ta ku Ta/ kuT+Ta kuT+Ta kuT+Ta/ kuT+Ta pa ya kuT+Ta pa ya/ ru dra ma nA ya/ biSh+Ni ma nA ya/ tsan+d+ra sUR+Ya brah+ma na ya/ trai lokya a d+hi pa ti ma nA ya/ sarba de ba a d+hi pa ma nA ya/ sarba yak+Sha rak+Sha sa gan+d+ha rba/ kum+b+ha n+De/ ma ho ra gA d+hi pa ti ma nA ya/ bi d+h+waM sa ya pa ra se n+yaM/ rang+ga rang+ga/ rang+ga pa ya rang+ga pa ya/ dz+wA la dz+wA la/ puSh+pa mA li ni/ run+d+ha run+d+ha/ ri ti ri ti| tsi ti tsi ti/ b+h+ri ti b+h+ri ti/ b+hr-i ku Ti mu kha pa ra se na ku lod sA d+ha ni ka ri/ ha la ha la/ hi li hi li/ hu lu hu lu/ he he/ ri Ni ri Ni/ ri ni ma ti/ dzam+b+ha d+h+wa dze/ sarba bud+d+ha A bA lo ki te/ bdag 'jigs pa thams cad las srungs shig/ srungs shig /sarba ta thA ga ta A ba lo ki te swAhA/ gu Na rA dza pra b+hA sod ta me swAhA/ sUR+Ya arka ba mi le swAhA| tsan+d+ra arka bi ma le swAhA/ sarba gra ha nak+Sha tra d+he mI ka ra Ne swAhA/ bdag 'jigs pa dang / gnod pa dang / nad 'go ba dang / 'khrug pa thams cad las 438b srungs shig /srungs shig swAhA/ lha'i rgyal po/ rgyal mtshan gyi rtse mo'i dpung rgyan zhes bya ba gzhan gyis mi thub pa'i gzungs 'dis khyod g.yul sprod pa'am/ 'thab pa'am| rtsod pa'am/ 'gyed pa'am/ gang du 'gro yang rung ste/ mi 'jigs shing thams cad du rgyal bar 'gyur ro/ /rgyal mtshan gyi rtse mo'am mgul du btags na/ mi'i rgyal po dang / skyes bu dpa' bo thams cad la srung bar byed do/ /bud med kyi gzugs lta bur bsgyur nas mdun du 'dug ste mi 'jigs pa sbyin zhing srung bar byed do/ /dpal skyed par byed/ pha rol gyi sde spa kong bar byed do/ /bkra shis pa dang / gtsang ba dang / grags pa dang / dpal dang / phun sum tshogs pa kun tu gnas par byed do/ /bcom ldan 'das kyis de skad ces bka' stsal nas lha'i dbang po brgya byin dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa rgyal mtshan gyi rtse mo'i dpung rgyan zhes bya ba'i gzungs rdzogs so// //rgya gar gyi mkhan po dza na mi tra dang / dA na shI la dang / zhu chen gyi lots+tsha ba ban+d+he ye shes sdes bsgyur cing zhus te skad gsar bcad kyis kyang bcos nas gtan la bab pa/ |