rgya gar skad du/ ka ru Na a gra nA ma d+hA ra NI/ bod skad du/ snying rje'i mchog ces bya ba'i gzungs/ thams cad mkhyen pa la phyag 'tshal lo/ /phyag na pad+ma bsnams pa/ sems can sdug bsngal rnam pa sna tshogs kyi tshang tshing du nub pa rnams yang dag par sgral ba'i phyir blo gros shar ba la phyag 'tshal lo/ /de bzhin gshegs pa'i gsang sngags kyi mchog /snying rje chen po'i rtse mo 'char ba| thogs pa med pa'i don yod pa'i las kyi dngos grub/ de bzhin gshegs pa'i zhal nas byung ba/ sems can gyi dkyil 'khor ma lus pa'i las kyi sgrib pa dang / 463b ngan song gi sdug bsngal rnam pa sna tshogs zhi bar byed pa/ phan pa ma yin pa dang / bkra mi shis pa dang / rmi lam ngan pa dang / ltas ngan pa thams cad dang / nad rnam pa du ma dang| dus ma yin par 'chi ba rnam pa sna tshogs rab tu zhi bar byed pa/ stong chen po rab tu 'joms par byed pa bshad par bya ste/ thog mar bcom ldan 'das bsod nams kyi tshogs du ma bye ba phrag 'bum gyis brgyan pa'i sku mnga' ba la phyag 'tshal nas brtsam par bya'o/ /na mo b+ha ga wa te/ bai ro tsa nA ya/ ta thA ga tA ya/ ar+ha te samyak+saM bud+d+ha ya/ sarba a dz+nyA na d+ha ka ra sha ma yi tre/ tad+ya thA/ sA d+ha ni sA d+ha ni/ sid+d+hi bid+d+ha ri/ b+ha ga ba ti pa raM pA ra/ kle sha d+ha ba ti/ a dz+nyA na sha ma ni sha mA ya/ sarba pA paM bi shud+d+ha d+harme ni rma la dz+nyA na go tsa ra/ a saM ga tsa ri ni pra shi ma murti su kha pra te sarba kle sha d+ha ba ti/ sarba pA paM bi sho d+ha ni/ bi d+ha ma ni/ bi na shA ni bi na shA ni/ bi na shA ya bi na shA ya/ b+ha ga ba ti su ra sa bi ma la bud+d+hi/ sa ra sa ra/ bi sa ra bi sa ra/ su ru su ru/ sU ra sU ra/ pra sa ra pra sa ra/ bi sa ra bi sa ra/ a dz+wa la na ma ko Ti sa ha sra saM tsi taM karma a pa ra Ni k+Sha pa ya/ k+She ma ba ti bud+d+ha bi ShA ya/ ba sha brti ni pA ra mi tA dz+nyA na go tsa re/ bi she Sha ba ti/ a she Sha ma li Ni/ ka ru Ni go tsa re/ mahA dz+nyA na a b+hi She ka pa ti/ su bi ni sh+tsi ta d+harme/ he he b+ha 464a @#/ /ga ba ti| ma hA ka ru Ni/ ku ru ku ru/ bi sho d+ha ya/ maM sarba satwash+tsa/ ma hA ka ru Nod se ke na sa na si tsI ya/ sa ma ba d+hA ya/ sa ma d+ha lA ya/ pra ro hA ya me/ ma hA ka ru Na bi dza na pa ri shud+d+hA ya/ a mo g+ha me ku ru dzi bi ta na rak+Sha rak+Sha maM/ b+ha ga ba ti ma ma hA bo d+hi tsi taM saM mU h+yed ma san+tu shud pi ti ma ka ru Ni/ bud+d+ha bo d+hi pra te/ na ra ka pre ti taR+Ya ga ti duHkhe na mU la ni/ d+he ba ma nu Sh+ya ga ti saM ba ha na bi ga to ba kle she/ sarba bud+d+ha d+harma pa ri pU ra Ni swAhA/ bcom ldan 'das kyi snying rje chen po'i mchog ces bya ba'i gzungs bcom ldan 'das kyi gtsug tor nas byung ba 'di ni/ gzungs grangs med pa phrog stong gi 'khor dang ldan pa'o/ /sdig pa dang / las dang / nyon mongs pa thams cad 'joms pa'o/ /bkra mi shis pa dang / rmi lam ngan pa dang / ltas ngan pa dang / dus ma yin par 'chi ba thams cad zhi bar byed pa'o/ /tshe dang / bsod nams dang / gzugs dang / stobs dang / bde ba dang / spobs pa dang / nad med par byed pa'o/ /'byung po dang / brjed byed dang / gnod sbyin dang / srin po dang / nam mkha' lding dang / lha ma yin dang / mi'am ci'i gdon thams cad nges par 'joms pa'o/ /gzungs 'di'i ming bzung ba dang / thos pa dang / brjod pa tsam 464b gyis kyang tshe rabs bye ba phrag 'bum gyi bar du bsags pa'i las kyi sgrib pa yang 'byang bar 'gyur ro/ /nyon mongs pa thams cad bsra bas par 'gyur ro/ /de'i ngan song gi 'gro ba thams cad kyang rgyun chad par 'gyur ro/ /sangs rgyas dang / byang chub sems dpa' thams cad kyis kyang yongs su bzung bar 'gyur ro/ /byang chub sems dpa'i dge ba dang yang ldan par 'gyur ro/ /yongs su mi nyams pa'i chos can du yang 'gyur ro/ /snying rje las kyang nyams par mi 'gyur ro/ /sems can thams cad kyis kyang mngon par dga' bar bya bar 'gyur ro/ /nyin dus gsum mtshan dus gsum du lan bdun bdun brjod na/ sdig pa thams cad las rnam par thar par 'gyur la/ byang chub sems dpa'i yon tan stong phrag dpag tu med grangs med pa dag kyang thob par 'gyur ro/ /nam langs pa'i dus su skyil mo krung bcas te bde bar 'dug la lag pa gru gsum gyi phyag rgya byas nas sangs rgyas dang / byang chub sems dpa' sa thams cad la dmigs te/ de bzhin gshegs pa yon tan bdag nyid chen po mngon du bsams nas de bzhin gshegs pa la phyag 'tshal lo/ /zhes smras te yid kyis phyag 'tshal nas lan nyi shu rtsa gcig brjod na/ de la yid la ji ltar 'dod pa'i bsam pa 465a @#/ /thams cad yongs su rdzogs par 'gyur te/ don ji lta ba bzhin du 'grub pa thob par 'gyur ro/ /tshes brgyad dang / bcu bzhi dang / bco lnga la bcom ldan 'das la mchod pa byas la bsnyen gnas blangs te gos dkar po bgos te sbyin pa byas la byang chub kyi sems chen po blangs nas mi sdug pa med par lag pa brkyang ba des rang gi lag gis dkyil 'khor byugs la me tog kha dog sna gsum gyis mchod nas tsan+dan dkar pos bdugs la/ 'jig rten gyi khams stong phrag mtha' yas pa dag na mchod pa dang bkur sti chen po rnam pa sna tshogs yod pa/ de bzhin gshegs pa rnams la 'os pa rnams yid la bsams te sangs rgyas dang / byang chub sems dpa' thams cad la phul nas de bzhin gshegs pa'i snying po stong chen po 'bar ba 'di nam dga' ba chen po skyes pa'i bar du brjod na/ bdag nyid de bzhin gshegs pa rnams kyi drung du 'dug par shes shing / de bzhin gshegs pa rnams kyi zang zing med pa'i chos kyi longs spyod chen po'i dga' ba thob par 'gyur te/ de phyin chad de bzhin gshegs pa'i rigs su phyir mi ldog par skyes pa yin no/ /tshe rabs gzhan du song na yang byang chub sems dpa'i sa chen po thob par 'gyur ro/ /rig sngags 465b 'chang chen po'i 'khor los bsgyur ba yang thob par 'gyur ro/ /gzungs kyang thob par 'gyur ro/ /de bzhin gshegs pa rnams kyang mnyes par byed do/ /mngon par shes pa mi nyams pa yang thob par 'gyur ro/ /tshe 'di la yang sems can thams cad dga' bar 'gyur ro/ /lha thams cad kyis kyang srung bar 'gyur ro/ /klu dang / lha ma yin dang / nam mkha' lding dang / mi'am ci dang / gnod sbyin dang / srin po thams cad kyis kyang srung bar 'gyur te/ gang la smras pa de'i bya ba sgrub par 'gyur ro/ /des ci bsam pa dang / byed du bcug pa rnams kyang lha la sogs pa rnams byed par 'gyur ro/ /de'i 'dod pa thams cad kyang yongs su rdzogs par 'gyur ro/ /sus kyang ngag mi gcog par yang 'gyur ro| |lha rnams kyis kyang de'i stobs dang / gzugs dang / bsod nams k+dang / lang tsho dang / nad med pa dang / rgyas pa 'phel bar byed do/ /bgegs thams cad kyis kyang mi tshugs par 'gyur ro/ /mdor na de bzhin gshegs pa'i grong khyer du 'jug par 'dod pa rnams dang / de bzhin gshegs pa'i sangs rgyas kyi sku chen po mthong bar 'dod pa rnams dang / yon tan phun sum tshogs pa thams cad thob bar 'dod pa rnams dang / gzhan yang byang chub sems dpa' chen po'i bslab pa'i gar thabs byed pa la 466a @#/ /'jug par 'dod pa rnams dang / byang chub sems dpa' chen po'i chos nyid kyi dam tshig thob par 'dod pa rnams dang / rtag par rgyun mi 'chad pa dang / bar chad med par rgyud chen po'i de kho na rtogs par 'dod pa rnams dang / de bzhin gshegs pa'i yon tan gyi rgyan gyis bdag nyid brgyan par 'dod pa rnams kyis yon tan gyi tshogs chen po bsags pa'i phyir de bzhin gshegs pa rnams kyis bstod cing / byang chub sems dpa' sems dpa' chen po rnams kyis yang dag par bstan pa 'di thog mar sgrim pa chen pos de bzhin gshegs pa thams cad bsam pa'i cho ga ji skad bstan pa bzhin du blang bar bya'o/ /snying rje'i mchog ces bya ba'i gzungs rdzogs so// // |