rgya gar skad du/ A TA nA TI ya su traM nA ma ma hA sU traM/ bod skad du/ mdo chen po kun tu rgyu ba dang / kun tu rgyu ba ma yin pa dang mthun pa'i mdo zhes bya ba/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba bzhugs so/ /de nas rgyal po chen po rnam thos kyi bu kha dog 'phags pa/ g.yog 'khor gnod sbyin du ma dang / g.yog 'khor gnod sbyin brgya phrag du ma dang / 102a @#/ /g.yog 'khor gnod sbyin stong phrag du ma dang / g.yog 'khor gnod sbyin 'bum phrag du ma dang ldan pa nam sros pa dang bcom ldan 'das ga la bder song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /de'i tshe rgyal po chen po rnam thos kyi bu'i kha dog gi mthus rgyal bu rgyal byed kyi tshal thams cad snang ba chen pos gsal bar gyur to/ /rgyal po chen po rnam thos kyi bu phyogs gcig tu 'dug nas de'i tshe tshigs su bcad pa 'di dag gsol to/ /rkang gnyis dam pa rdzogs sangs rgyas/ /blo ldan khyod kyis gang mkhyen pa/ /lha rnams kyis ni de ma 'tshal/ /dpa' chen khyod la phyag 'tshal lo/ /sangs rgyas gang dag 'das pa dang / /da ltar byung dang ma byon pa/ /thams cad la ni bdag phyag 'tshal/ /khyod la'ang bdag ni skyabs su mchi/ /btsun pa/ bcom ldan 'das kyi nyan thos kyi dge slong dang / dge slong ma dang / dge bsnyen dang / dge bsnyen ma gang dag gnas mal dgon pa dag dang / nags 'dab dag dang / bas mtha' dag na gnas pa dag kyang mchis la/ de na gnod sbyin dang / mi ma lags pa gdug pa gnyug mar gnas pa 102b gang dag bcom ldan 'das kyi gsung rab la mngon par dad pa dag dang / mngon par ma dad pa dag kyang mchis te/ /gnod sbyin dang / mi ma lags pa gdug pa gnyug mar gnas pa gang dag bcom ldan 'das kyi gsung rab la mngon par dad pa de dag ni/ shin tu nyung la/ gnod sbyin dang / mi ma lags pa gdug pa gnyug mar gnas pa gang dag bcom ldan 'das kyi gsung rab la mngon par ma dad pa de dag ni/ ches mang lags te/ btsun pa bcom ldan 'das kyi nyan thos kyi dge slong rnams dang / dge slong ma rnams dang / dge bsnyen rnams dang / dge bsnyen ma rnams 'di ltar bdag nyid srung ba dang / bskyab pa dang / bde ba la reg par gnas par bgyi ba dang / gnod sbyin dang / mi ma lags pa gdug pa gnyug mar gnas pa mngon par ma dad pa dag mngon par dad par bgyi ba dang / mngon par dad pa rnams kyang slar zhing 'phel bar bgyi ba'i slad du kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang ba la phyag 'tshal bar 'gyur ba 'di nyid rgya cher 'dzin cing kun chub par bgyid na legs so legs so zhes gsol ba dang / bcom ldan 'das kyis rgyal po chen po rnam thos kyi bu la cang mi gsung bar gnang bar mdzad do/ /de nas rgyal po chen po rnam thos kyi bus bcom ldan 'das kyis cang mi gsung bas gnang 103a @#/ /bar rig nas bcom ldan 'das kyi zhabs la mgo bos phyag 'tshal te de'i tshe bcom ldan 'das kyi spyan sngar kun tu rgyu ba dang / ku tu rgyu ba ma yin pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya chen gsol to/ /skye bo gang dag gtong phod cing / phra ma mchis ser sna bral/ /gang dag sangs rgyas skyabs mchis pa/ /mi de rnams kyis rnyed pa legs/ /gang gi char la brten nas ni| |de na nyi mor brjod pa yi/ /nyi ma chen po dkyil 'khor can/ /nyi gdugs gang nas 'char 'gyur ba'i/ /phyogs de mngon par skyong bgyid pa/ /rgyal chen gegs dang ldan pa ni/ /dri za'i bdag po rgyal po ste/ /ming ni yul 'khor srung zhes bgyi/ /de ni nye du lhan cig tu/ /glu dang gar gyis rtag tu rtse/ /dri za rnams kyis yongs bskor cing / /dri za rnams kyis mdun gyis bltas/ /de la bu ni mang mchis te/ /brgyad cu dang ni bcu dang gcig /de dag ming mthun grags pa ni/ /dbang po zhes bgyi stobs po che/ /lha dang lha min g.yul 'gyed pa/ /kun tu gzhan gyis mi thub lags/ /de dag rnams kyis rdzogs sangs rgyas/ /sangs 103b rgyas nyi ma gnyen mthong nas/ /skyes bu cang shes khyod la 'dud/ /skyes mchog khyod la phyag 'tshal zhes/ /mi yis phyag bgyis khyod la ni/ /rgyang ring gnas shing phyag 'tshal lags/ /bdag la dge bas gzigs su gsol/ /khyod la mi min phyag 'tshal ba/ /de skad yang dang yang du thos/ /de slad bdag ni 'di skad ces/ /'dren pa rgyal la phyag 'tshol cig /gau tam rgyal la phyag 'tshal cig /sangs rgyas rig dang zhabs ldan pa/ /mya ngan 'das la phyag 'tshol mchi// de ltar shar gyi phyogs de ni/ /bzang pa lags zhes skye bo mchi/ /phyogs de mngon par skyong bgyid pa/ /rgyal chen grags dang ldang pa lags/ /gang na yi dwags zhes bgyi ba/ /rgyab kyi sha 'tshal phra ma can/ /srog gcod bgyid pa ma rungs pa/ /'jungs shing mi snyan smra bgyid pa'i/ /phyogs de mngon par skyong bgyid pa/ /rgyal chen grags dang ldan pa ni/ /grul bum bdag po rgyal po ste/ /ming ni 'phags skyes po zhes bgyi/ /de ni nye du lhan cig tu/ /glu dang gar gyis rtag tu rtse/ /grul bum rnams kyis yongs bskor cing / /grul bum rnams kyis mdun gyis bltas/ /de la bu ni mang mchis te/ /brgyad cu dang ni bcu dang gcig /de dag ming mthun grags pa 104a @#/ /ni| |dbang po zhes bgyi stobs po che/ /lha dang lha min g.yul 'gyed pa/ /kun tu gzhan gyis mi thub lags/ /de dag rnams kyis rdzogs sangs rgyas/ /sangs rgyas nyi ma'i gnyen mthong nas/ /skyes bu cang shes khyod la 'dud/ /skyed mchog khyod la phyag 'tshal zhes/ /mi yis phyag bgyis khyod la ni/ /rgyang ring gnas shing phyag 'tshal lags/ /bdag la dge bas gzigs su gsol/ /khyod la mi min phyag 'tshal ba/ /de skad yang dang yang du thos/ /de slad bdag ni 'di skad ces/ /'dren pa rgyal la phyag 'tshol cig /gau tam rgyal la phyag 'tshol cig /sangs rgyas rig dang zhabs ldan pa| |mya ngan 'das la phyag 'tshal mchi/ /de ltar lho yi phyogs de ni/ /bzang ba lags zhes skye bo mchi/ /phyogs de mngon par skyong bgyid pa/ / rgyal chen grags dang ldan pa lags/ /gang zhig nub pa kho na las/ /des na mtshan mor brjod pa yi/ /nyi ma chen po dkyil 'khor can/ /nyi gdugs gang du nub 'gyur ba/ /de na mtsho chen zab mo ni/ /shin tu 'da' bar dka' ba ste/ /de ni chu sngon rgya mtsho zhes/ /skye bos rtogs pa mchis pa yi/ /phyogs de 104b mngon par skyong bgyid pa/ /rgyal chen grags dang ldan pa ni/ /klu yi bdag po rgyal po ste/ /ming ni mig mi bzang zhes bgyi/ /de ni nye du lhan cig tu/ /klu dang gar gyis rtag tu rtse/ /klu rnams kyis ni yongs bskor cing / /klu rnams kyis ni mdun gyis bltas/ /de la bu ni mang mchis te/ /brgyad cu dang ni bcu dang gcig /de dag ming mthun grags pa ni/ /dbang po zhes bgyi stobs po che/ /lha dang lha min g.yul 'gyed pa/ /kun tu gzhan gyis mi thub lags/ /de dag rnams kyis rdzogs sangs rgyas/ /sangs rgyas nyi ma'i gnyen mthong nas/ /skyes bu cang shes khyod la 'dud/ /skyes mchog khyod la phyag 'tshal zhes/ /mi yis phyag bgyis khyod la ni/ /rgyang ring gnas shing phyag 'tshal lags/ /bdag la dge bas gzigs su gsol/ /khyod la mi min phyag 'tshal ba/ /de skad yang dang yang du thos| |de skad bdag ni 'di skad ces/ /'dren pa rgyal la phyag 'tshol cig /gau tam rgyal la phyag 'tshol cig /sangs rgyas rig dang zhabs ldan pa/ /mya ngan 'das la phyag 'tshol mchi/ /de ltar nub kyi phyogs de ni/ /bzang ba lags zhes skye bo mchi/ /phyogs de mngon par skyong bgyid pa/ /rgyal chen grags dang ldan pa 105a @#/ /lags| |gang na byang gi sgra mi snyan/ /dga' zhing lhun chen blta mdzes dang / /gang na mi rnams tshe lo ni/ /brgya phrag bcu pa skye 'gyur zhig// de dag mi rmo mi 'debs la/ /gshol yang 'cha' bar mi bgyid cing / /tshe ring mdog dang ldan pa dang / /nges par yongs su spyod bgyid cing / /zas su sA lu kha dog dang / /dri dang ro dang ldan pa dang / /dri bda' me tog tshogs 'dra zhing / /lha yi bdud rtsi 'dra ba 'tshal/ /na li ke ra bskol bgyis nas/ /tshod mar de 'tshal sran tshod min/ /gang na me lce'i rtse 'dra ba'i/ /sman dag 'khrungs par 'gyur ba yin/ /phyogs de mngon par skyong bgyid pa/ /rgyal chen grags dang ldan pa ni/ /gnod sbyin bdag po rgyal po ste/ /ming ni lus ngan bo zhes bgyi/ /de ni nye du lhan cig tu/ /glu dang gar gyis rtag tu rtse/ /gnod sbyin rnams kyis yongs bskor cing / / gnod sbyin rnams kyis mdun gyis bltas/ /de la bu ni mang mchis te/ /brgyad cu dang ni bcu dang gcig /de dag ming mthun grags pa ni/ /dbang po zhes bgyi stobs po che/ /lha dang lha min g.yul 'gyed pa/ /kun tu gzhan gyis mi thub lags/ /de dag rnams kyis rdzogs sangs rgyas/ /sangs rgyas nyi ma'i gnyen mthong 105b nas| |skyes bu cang shes khyod la 'dud/ /skyes mchog khyod la phyag 'tshal zhes/ /mi yis phyag bgyis khyod la ni/ /rgyang ring gnas shing phyag 'tshal lags/ / bdag la dge bas gzigs su gsol/ /khyod la ming mthun phyag 'tshal ba/ /de skad yang dang yang du thos/ /de slad bdag ni 'di skad ces/ /'dren pa rgyal la phyag 'tshol cig /gau tam khyod la phyag 'tshol cig /sangs rgyas rig dang zhabs ldan pa/ /mya ngan 'das la phyag 'tshol mchi/ /de ltar byang gi phyogs de ni/ / bzang ba lags zhes skye bo mchi/ /phyogs de mngon par skyong bgyid pa/ /rgyal chen grags dang ldan pa lags/ /shar phyogs na ni yul 'khor srung / /lho phyogs na ni 'phags skyes po/ /nub phyogs na ni mig mi bzang / /byang phyogs na ni lus ngan po/ /rgyal po chen po sde bzhi dag /'jig rten skyong ba grags dang ldan/ /rdzu 'phrul chen po stobs po che/ /phyogs bzhi dag ni skyong bar bgyid/ /rgyal po dag gi mngag gzhug pa/ /gnod sbyin 'dod rgur mchi ba rnams/ /de dag glang po che 'tshal zhing / /phyogs phyogs dag tu rnam par rgyu/ /de dag ni/ chibs rta dang / rnga mo dang / khyu mchog dang / ma he dang / ra dang / lug dang / sbrul dang / bya dang / 106a @#/ /skyes pa dang / bud med dang / gzhon nu dang / gzhon nu ma la 'tshal zhing phyogs phyogs dag tu yang mchi lags so/ /glang po che gcig gis shing rta drangs shing phyogs phyogs dag tu yang mchi lags so/ /chibs rta dang / rnga mo dang / khyu mchog dang / ma he dang / ra dang / lug dang / sprul dang / bya dang / skyes pa dang / bud med dang / gzhon nu dang / gzhon nu ma gcig gis shing rta drangs shing phyogs phyogs dag tu yang mchi lags so/ /rdzu 'phrul chen po stobs po che'i/ /gnod sbyin 'dod rgur mchi ba rnams/ /bzhon pa de dag 'tshal nas ni/ /phyogs bzhi dag ni skyong bar bgyid/ /rgyal po dag gi grong khyer dag /sna tshogs mkha' la rgyu ba mchis/ /'di lta ste/ kun tu rgyu ba dang / kun tu rgyu ba ma lags pa dang / sa la kun tu rgyu ba ma lags pa dang / gar bcas sa steng kun tu rgyu ba dang / sbubs can dang / grong khyer sbubs can zhes bgyi ba dag lags so/ /byang phyogs na mtsho ka bi pang+ka zhes bgyi ba yang mchis lags so| |nub phyogs na grong khyer gsar pa gser ldan dang / gos can dang / gos mchog can dang / pad+ma can dang / pad+ma bzang po can dang / sa gzhi can zhes bgyi 106b bdag kyang mchis so/ /chab rgyun mang po'i gnas gyur pa/ /'dzin pa zhes bgyi'o mtsho mchis te/ /chab rgyun tha dad de las 'byung / /de las dgung char 'bab par 'gyur btsun pa/ /grong khyer u shi ri'i sbubs kyi pha rol na/ lus gnas dang ni gnas yangs dang / /de bas gnas yangs rgyun lugs can/ /rgyun lugs mang dang de bas mang / /bar snang mkha' la bya ltar gda'/ /btsun pa/ grong khyer sbubs can gyi pha rol byang gi phyogs cha na 'dun sa bya gar can zhes bgyi bde mchis te/ der ni/ gnod sbyin rnams 'du zhing gnas lags so/ /rkang mi sdug la mchu 'phyang dang / /'jigs rung lto spu can dag mchis/ /de na ljon shing 'bras bu rtag /rma bya khrung khrung sgra snyan cing / /khu byug sgra skad chen po dang / /shang shug te'u dag sgra 'byin cing / /rma bya rnams kyi sgra dag dang / /kau kum+b+ha dang chun lag dang / /bya rnams sna tshogs skad 'byin cing / /me tog sbrang rtsi'i ro la dga'/ /lus ngan pa de glu gar gyis/ /pad+ma can dang lhan cig rtse/ /btsun pa/ grong khyer lcang lo can gyi pha rol na rgyal po dpa' bo zhes bgyi ba yul 'khor mu khyud na mchis lags so/ /bdag gang na mchis pa'i mdun sa de ni/ khyu mchog can zhes bgyi ste/ bdag gi ming ni/ rnam thos kyi bu zhes bgyi lags 107a @#/ /so| |de la gsang sngags kyi tshig ni/ 'di dag lags so/ /ta pya thA/ i li mi li/ i li mi li/ ki Ti mU le/ hi li ki Ti mU le/ hu du me| hu dur du me/ gau ri/ gan+d+ha ri/ go do ha ni/ o ke mo ke swAhA/ btsun pa/ bcom ldan 'das kyi spyan sngar bdag gis dri za rnams dang / dri za chen po rnams dang / dri za'i sde dpon rnams dang / dmag dpon rnams kyi ming brjod par bgyi lags so/ /'di lta ste/ 'dod myos dga' bas myos pa dang / glu yis myos pa spun dang ni/ /phreng bas myos dang sprang rtsis myos/ /me tog myos pa s+phun rnams dang / /rtag tu myos dang dpal gyis myos/ /nor gyis myos dang dga' byed dang| |ut+pal pad+ma zla ba dang / /rnga 'dzin dang ni khu byug sgra/ tum+bu ru dang gtsug lnga dang / /gser spyod bu mo gser can dang / /pa ba sangs dang phur bu dag 'brog gnas ji snyed rgyal po lags/ /de dag ni/ bdag gi spun lags te/ de dag la bdag dri za 'di ni/ bdag la 'tshe'o/ /dri za 'di ni/ bdag mi gtong ngo| |zhes mchi zhing / de dag la go bar bgyid lags so/ /bdag la 'tshe ba'i dri za dang / /bdag mi gtong ba'i dri za yis/ /legs par smras pa 'di thos nas/ / 107b ardza ka yi dog pa bzhin/ /de mgo tshal pa bdun du 'gas/ /de la gsang sngags kyi tshig ni/ 'di dag lags so/ /tad+ya thA/ kun+tu le/ kun+tu le/ kun+tu le/ kun+tu le| a hi e hi/ sA d+ha ma ti ke /sA d+ha b+haN+Di ni ke/ tiSh+Tha duSh+Tha ba to si swAhA/ btsun pa/ bcom ldan 'das kyi nyan thos dge slong ngam/ dge slong ma'am/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / srug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te dri za'am/ dri za mo'am/ dri za rgan po'am/ dri za rgan mo'am/ dri za'i bu pho'am/ dri za'i bu mo'am/ dri za'i 'khor pho'am/ dri za'i 'khor mo 'am/ dri za'i mngag gzhug pa'am/ dri za'i mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing nye bar 'greng ngam/ nye bar mchis par gyur na/ glags mi rnyed cing gnas mi rnyed la/ dri za rnams kyi dri za 'du ba'i nang du mchir mi chud cing rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ /btsun 108a @#/ /pa| bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang| kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te sha za'am/ sha za mo'am/ sha za rgan po'am/ sha za rgan mo'am/ sha za'i bu pho'am/ sha za'i bu mo'am/ sha za'i 'khor pho'am/ sha za'i 'khor mo'am/ sha za'i mngag gzhug pa'am/ sha za'i mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing nye bar 'greng ngam/ nye bar mchis par gyur na/ glags mi rnyed cing gnas mi rnyed la sha za rnams kyi sha za 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ /de la gsang sngags kyi tshig ni/ 'di dag lags/ /tad+ya thA/ hu me hu me/ hu me li/ hu mi lA ba tI ye swAhA/ btsun pa/ bcom ldan 'das kyi spyan sngar bdag gis 108b grul bum rnams dang / grul bum chen mo rnams dang / grul bum gyi sde dpon rnams dang / dmag dpon gyi ming brjod par bgyi lags so/ /'di lta ste/ byin dang nye byin kri mi sha /rtsibs logs che dang gsus po che/ /lag bcu dang ni sa la rgyu/ /g.yon phyogs nag po dmar po dang / /sprin mdog dang ni dri med dang / /rna ba ring dang 'brug sgra sgrog /ral pa can dang stobs bcu dang / /srid sgrub dang ni 'dod rgur mchi/ /'jog po dang ni bya ba sbed/ /la ba bzang ldan gsum po dang / /tshon kun dang ni mig bkra bo| |'gro gnas ji snyed mchis pa lags/ /de dag ni/ bdag gi spun lags te/ de dag la bdag grul bum 'di ni/ bdag la 'tshe'o/ /grul bum 'di ni| bdag mi gtong ngo / /zhes mchi zhing / de dag la go bar bgyid lags so/ /bdag la 'tshe ba'i grul bum dang / /bdag mi gtong ba'i grul bum gyis/ /legs bar smras pa 'di thos na/ /a rdza ka yi dog pa bzhin/ /de yi mgo tshal bdun du 'gas/ /de la gsang sngags kyi tshig ni/ 'di dag lags so/ /tapya thA/ si re bi si re| si ri bi si re/ si ri bi si re/ si ri bi si re/ kriSh+Na tsha ga le/ ka rA Di/ biM ga le swAhA/ btsun pa/ bcom ldan 'das kyi nyan thos dge slong ngam/ dge slong 109a @#/ /ma'am| dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don bar bgyid pa de la gal te grul bum mam/ grul bum mo'am/ grul bum rgan po'am/ grul bum rgan mo'am/ grul bum gyi bu pho'am/ grul bum gyi bu mo'am/ grul bum gyi 'khor pho'am/ grul bum gyi 'khor mo'am/ grul bum gyi mngag gzhug pa dang / grul bum gyi mngag gzhug ma 'tshe bar byed pa/ glags lta zhing glags tshol ba la la zhig nye bar mchi zhing / nye bar 'grang ngam/ nye bar mchis par gyur na/ glags mi rnyed cing gnas mi rnyed la grul bum rnams kyi grul bum 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin tshal pa bdun du 'gas lags so/ /btsun pa bcom ldan 'das kyi nyan thos kyi dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa 109b dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te yi dwags sam/ yi dwags mo'am/ yi dwags rgan pho'am/ yi dwags rgan mo'am/ yi dwags bu pho'am/ yi dwags kyi bu mo'am/ yi dwags kyi 'khor pho'am/ yi dwags kyi 'khor mo'am/ yi dwags kyi mngag gzhug pa'am/ yi dwags kyi mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing / nye bar 'greng ngam nye bar mchis par gyur na/ glags mi rnyed cing gnas mi rnyed la yi dwags rnams kyi yi dwags 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo a rdza ka'i dog pa bzhin tshal pa bdun du 'gas lags so/ /de la gsang sngags kyi tshig ni/ 'di dag lags so/ /tad+ya thA/ yu mi yu mi/ yu mi le/ yu mi la bA ti ye swAhA/ btsun pa/ bcom ldan 'das kyi spyan sngar bdag gis klu rnams dang / klu chen po rnams dang / klu'i sde dpon rnams dang / dmag dpon rnams kyi ming brjod par bgyi lags so/ /'di lta ste/ dga' dang nye 110a @#/ /dga' kun dga' dang / /nor rgyas dang ni 'dzam bu bzang / /ser po dang ni zho rna dang / /dbang po'i lag dang bkra shis dang / /mya ngan med dang mya ngan bral/ /rab grol dang ni rgyal ba'i bdag /ngos yangs po dang ngos bkra dang / /yangs pa can dang bkra bdud rgyal/ /gdengs ka chen dang skar dga' dang / /nag po che dang lag 'gro dang / /ra skyong dang ni 'jog po dang / /g.yon phyogs de bzhin nag po dang / /sngo bsangs dkar dang 'grogs pa ni/ /'gro gnas ji snyed mchis pa lags/ /de dag ni/ bdag gi spun lags te/ de dag la bdag klu 'di ni/ bdag la 'tshe'o/ /klu 'di ni/ bdag mi gtong ngo zhes mchi zhing / de dag la go bar bgyid lags so/ /bdag la 'tshe ba'i klu dag dang / /bdag mi gtong ba'i klu rnams kyis/ /legs par smras pa 'di thos na/ /ardza ka yi dog pa bzhin// de yi mgo tshal bdun du 'gas/ /de la gsang sngags kyi tshig ni/ 'di dag lags so/ /tad+ya thA/ tsi le bi tsi le/ tsi li bi tsi li/ gau ri/ gan+d+ha ri/ ma taM gi gaN+Da li swAhA/ btsun pa/ bcom ldan 'das kyi nyan thos kyis dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba ma 110b lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par 'gyid pa de la gal te klu'am/ klu mo'am/ klu rgan po'am/ klu rgan mo'am/ klu'i bu pho'am/ klu'i bu mo'am/ klu'i 'khor pho'am/ klu'i 'khor mo'am/ klu'i mngag gzhug pa'am/ klu'i mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing nye bar 'greng ngam/ nye bar mchis par gyur na/ glags mi rnyed cing gnas mi rnyed la/ klu rnams kyi klu 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste| de'i mgo ardza ka'i dog pa bzhin tshal pa bdun du 'gas lags so/ /btsun pa/ bcom ldan 'das kyi nyan thos kyi dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te las srul bo'am/ lus srul mo'am/ lus srul rgan po'am/ 111a @#/ /lus srul rgan mo'am/ lus srul po'i bu pho'am/ lus srul po'i bu mo'am/ lus srul po'i 'khor pho'am/ lus srul po'i 'khor mo'am/ lus srul po'i mngag gzhug pa'am/ lus srul po'i mngag gzhug ma'am/ 'tshe bar bgyid pa glags lta zhing glags tshol ba la la zhig nye bar mchi zhing / nye bar 'greng ngam nye bar mchis par gyur na/ glags mi rnyed cing gnas mi rnyed la lus srul po rnams kyi lus srul po 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ /de la gsang sngags kyi tshig ni| 'di dag lags so/ /tad+ya thA/ A pe ne ba ha ni/ ma hA na ba tI ya swA hA/ btsun pa/ bcom ldan 'das kyi spyan sngar bdag gis gnod sbyin rnams dang / gnod sbyin chen po rnams dang / gnod sbyin gyi sde dpon rnams dang / dmag dpon rnams kyi ming brjod par bgyi lags so/ /'di lta ste/ dbang po zla ba chu lha dang / /b+ha ra d+h+wa dza skye rgu'i bdag /dbang ldan tsan+dan 'dod gtso dang / /mgrin ngan dang ni mgul nges dang / /stobs ldan nor bu nor spyod dang / /sgra rab dang ni nye lnga dang / /ri mnyam gser 111b can gang po dang / /seng ldeng ma dang g.yon can dang / /gnod sbyin ba skyong 'brog gnas dang / /rgyal ba khyu mchog mi rgyal po/ /dri za sna tshogs sde dang ni/ /lcags mdung ring dang ma ldan dang / /tshig lnga ser po yid dga' dang / /gnod sbyin ring po 'khor dang bcas/ /'bras bu gsum dang mgul gsum pa/ /'gro gnas ji snyed mchis pa lags// de dag ni| bdag gi spun lags te/ de dag la bdag gnod sbyin 'di ni/ bdag la 'tshe'o/ /gnod sbyin 'di ni/ bdag mi gtong ngo zhes mchi zhing / de dag la go bar bgyid lags so/ /bdag la 'tshe ba'i gnod sbyin dang / /bdag mi gtong ba'i gnod sbyin gyis/ /legs par smras pa 'di thos na/ /ardza ka yi dog pa bzhin/ /de'i mgo tshal pa bdun du 'gas/ /de la gsang sngags kyi tshig ni/ 'di dag lags so/ /tad+ya thA/ hi li mi li/ hi li mi le/ kIrti mU le/ hi li kIrti mU le/ oM tum+be tum+be/ oM tum+be tum+be/ oM g+he mo g+he/ go de hi/ b+h+riM ga re/ ri Shi sat+ta me swA hA/ btsun pa/ bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / /srung ba dang / sug pa rkang pa la phyag 'tshal bar 'gyur pa 'di nyid rgya 112a @#/ /cher lung mnos shing 'don par bgyid pa de la gal te gnod sbyin nam/ gnod sbyin mo'am/ gnod sbyin rgan po'am/ gnod sbyin rgan mo'am/ gnod sbyin gyi bu pho'am/ gnod sbyin gyi bu mo'am/ gnod sbyin gyi 'khor pho'am/ gnod sbyin gyi 'khor mo'am/ gnod sbyin gyi mngag gzhug pa'am/ gnod sbyin gyi mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing nye bar 'greng dam/ nye bar mchis par gyur na| glags mi rnyed cing gnas mi rnyed la/ gnod sbyin rnams kyi gnod sbyin 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin tshal pa bdun du 'gas lags so/ /btsun pa/ bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung pa dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te srin po'am/ srin mo'am/ srin po rgan po'am/ srin po rgan mo'am/ srin 112b po'i bu pho'am/ srin po'i bu mo'am/ srin po'i 'khor pho'am/ srin po'i 'khor mo'am/ srin po'i mngag gzhug pa'am/ srin po'i mngag gzhug ma'am/ 'tshe bar bgyid pa glags lta zhing glags tshol ba la la zhig nye bar mchi zhing nye bar 'greng ngam/ nye bar mchis par gyur na/ glags mi rnyed cing gnas mi rnyed la srin po rnams kyi srin po 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so| |de la gsang sngags kyi tshig ni/ 'di dag lags so/ /tad+ya thA/ hi li hi li/ hU lu hU lu/ yu me yu me la/ yu mI la ba trI ye swA hA/ de nas rgyal po rnam thos kyi bus bcom ldan 'das kyi spyan sngar kun tu rgyu ba dang / kun tu rgyu ba ma yin pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher brjod nas bcom ldan 'das kyi zhabs la mgo bos phyag 'tshal te de nyid du mi snang bar gyur to/ /de nas bcom ldan 'das de nyid kyi mtshan mo 'das pa dang / dge slong gi dge 'dun gyi gtso la gdan bshams pa de nyid la bzhugs so/ /bzhugs nas kyang bcom ldan 'das kyis dge slong rnams la bka' stsal 113a @#/ /pa| dge slong dag /mdang rgyal po chen po rnam thos kyi bu kha dog 'phags pa/ g.yog 'khor gnod sbyin du ma dang / /g.yog 'khor gnod sbyin brgya phrag du ma dang / g.yog 'khor gnod sbyin stong phrag du ma dang / g.yog 'khor gnod sbyin 'bum phrag du ma dang ldan pa nam sros pa dang / nga ga la ba der 'ongs te phyin nas nga'i zhabs la mgo bos phyag 'tshal te phyogs gcig tu 'dug go /de'i tshe rgyal po chen po rnam thos kyi bu'i kha dog gi mthus rgyal byed kyi tshal thams cad snang ba chen pos gsal bar gyur to/ /rgyal po chen po rnam thos kyi bu phyogs gcig tu 'dug nas de'i tshe tshigs su bcad pa 'di dag gsol to/ /rkang gnyis dam pa rdzogs sangs rgyas/ /blo ldan khyod kyis gang mkhyen pa/ /lha rnams kyis ni de ma 'tshal/ /dpa' chen khyod la phyag 'tshal lo/ / sangs rgyas gang dag 'das pa dang / /da ltar byung dang ma byon pa/ /thams cad la ni bdag phyag 'tshal/ /khyod la bdag ni skyabs su mchi/ /btsun pa/ bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang dag gnas mal dgon pa dang / nags 'dabs dag dang / bas 113b mtha' dag na gnas pa dag kyang mchis la/ de na gnod sbyin dang / mi ma lags pa gdug pa gnyug mar gnas pa gang dag bcom ldan 'das kyi gsung rab la mngon par dad pa dag dang / mngon par ma dad pa dag kyang mchis te/ gnod sbyin dang / mi ma lags pa gdug pa gnyug mar gnas pa gang dag bcom ldan 'das kyi gsung rab la mngon par dad pa de dag ni/ shin tu nyung la/ gnod sbyin dang / mi ma lags pa gdug pa gnyug mar gnas pa gang dag bcom ldan 'das kyi gsung rab la mngon par ma dad pa de dag ni/ ches mang lags te/ btsun pa/ bcom ldan 'das kyi nyan thos kyi dge slong rnams dang / dge slong ma rnams dang / dge bsnyen rnams dang / dge bsnyen ma rnams 'di ltar bdag nyid bsrung ba dang / bskyab pa dang / bde ba la reg par gnas par bgyi ba dang / gnod sbyin dang / mi ma lags pa gdug pa gnyug mar gnas pa mngon par ma dad pa dad par bgyi ba dang / mngon par dad pa rnams kyang slar zhing 'phel bar bgyi ba'i slad du kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher 'dzin cing 114a @#/ /kun chub par bgyid na legs so legs so zhes gsol pa dang / dge slong dang /ngas rgyal po chen po rnam thos kyi bu la cang mi gsung bas gnang bar mdzad do/ /de nas rgyal po chen po rnam thos kyi bus ngas cang mi gsung bas gnang bar rig nas nga'i zhabs la mgo bos phyag 'tshal te nga'i spyan sngar kun tu rgyu ba dang / kun tu rgyu ba ma yin pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher gsol te/ skye bo gang dag gtong phod cing / /phra ma mchis ser sna bral/ /gang dag sangs rgyas skyabs mchis pa/ /mi de rnams kyis rnyed pa lags| |gang gi 'char la brten nas ni/ /des na nyin mor brjod pa yi/ /nyi ma chen po'i dkyil 'khor can/ /nyi gdugs gang nas 'char 'gyur ba'i/ /phyogs de mngon par skyong bgyid pa/ /rgyal chen grags dang ldan pa ni/ /dri za'i bdag po rgyal po ste/ /ming ni yul 'khor srung zhes bgyi/ /de ni nye du lhan cig tu/ /glu dang gar gyis rtag tu rtse/ /dri za rnams kyis yongs bskor cing / /dri za rnams kyis mdun gyis bltas/ /de la bu ni mang mchis te/ /brgyad cu dang ni bcu dang gcig/ 114b de dag ming mthun grags pa ni/ /dbang po zhes bgyi stobs po che/ /lha dang lha min g.yul 'gyed pa/ /kun tu gzhan gyis mi thub lags/ /de dag rnams kyis rdzogs sangs rgyas/ /sangs rgyas nyi ma'i gnyen mthong nas/ /skyes bu cang shes khyod la 'dud/ /skyes mchog khyod la phyag 'tshal zhes/ /mi yis phyag bgyis khyod la ni/ / rgyang ring gnas shing phyag 'tshal lags/ /bdag la dge bas gzigs su gsol/ /khyod la mi min phyag 'tshal ba/ /de skad yang dang yang du thos/ /de slad bdag ni 'di skad ces/ /'dren pa rgyal ni phyag 'tshol cig /gau tam rgyal la phyag 'tshol cig /sangs rgyas rig dang zhabs ldan pa/ /mya ngan 'das la phyag 'tshol mchi| |de ltar shar gyi phyogs de ni/ /bzang ba lags zhes skye bo mchi/ /phyogs de mngon par skyong bgyid pa/ /rgyal chen grags dang ldan pa lags/ /gang na yi dwags zhes bgyi ba/ /rgyab kyi sha 'tshal phra ma can/ /srog gcod bgyid pa ma rungs pa/ /'jungs shing mi snyan smra bgyid pa'i/ /phyogs de mngon par skyong bgyid pa/ / rgyal chen grags dang ldan pa ni/ /grul bum bdag po rgyal po ste/ /ming ni 'phags skyes bo zhes bgyi/ /de ni nye du lhan cig tu/ /glu dang gar gyis rtag tu rtse/ /grul bum 115a @#/ /rnams kyis yongs bskor cing / /grul bum rnams kyis mdun gyis bltas/ /de la bu ni mang mchis te/ /brgyad cu dang ni bcu dang gcig de dag ming mthun grags pa ni/ /dbang po zhes bgyi stobs po che/ /lha dang lha min g.yul 'gyed pa/ /kun tu gzhan gyis mi thub lags/ /de dag rnams kyis rdzogs sangs rgyas/ /sangs rgyas nyi ma'i gnyen mthong nas/ /skyes bu cang shes khyod la 'dud/ /skyes mchog khyod la phyag 'tshal zhes/ /mi yis phyag bgyis khyod la ni/ /rgyang ring gnas shing phyag 'tshal lags/ /bdag la dge bas gzigs su gsol/ /khyod la mi min phyag 'tshal ba/ /de skad yang dang yang du thos/ /de slad bdag ni 'di skad ces/ /'dren pa rgyal la phyag 'tshol cig /gau tam rgyal la phyag 'tshol cig /sangs rgyas rig dang zhabs ldan pa/ /mya ngan 'das la phyag 'tshol mchi/ /de ltar lho yi phyogs de ni/ /bzang ba lags zhes skye bo mchi/ /phyogs de mngon par skyong bgyid pa/ /rgyal chen grags dang ldan pa lags/ /gang zhig nub pa kho na las/ /des na mtshan mor brjod pa yi/ /nyi ma chen po dkyil 'khor can/ /nyi gdugs gang du nub 'gyur ba/ /des na mtsho chen 115b zab mo ni/ /shin tu 'da' bar dka' ba ste/ /de ni chu sngon rgya mtsho zhes/ /skye bo rtogs pa mchis pa yi/ /phyogs de mngon par skyong bgyid pa/ /rgyal chen grags dang ldan pa ni| |klu yi bdag po rgyal po ste/ /ming ni mig mi bzang zhes bgyi/ /de ni nye du lhan cig tu/ /glu dang gar gyis rtag tu rtse/ /klu rnams kyis ni yongs bskor cing / /klu rnams kyis ni mdun gyis bltas/ /de la bu ni mang mchis te/ /brgyad cu dang ni bcu dang gcig /de dag ming mthun grags pa ni/ /dbang po zhes bgyi stobs po che/ / lha dang lha min g.yul 'gyed pa/ /kun tu gzhan gyis mi thub lags/ /de dag rnams kyis rdzogs sangs rgyas/ /sangs rgyas nyi ma'i gnyen mthong nas/ /skyes bu cang shes khyod la 'dud/ /skyes mchog khyod la phyag 'tshal zhes/ /mi yis phyag bgyis khyod la ni/ /rgyang ring gnas shing phyag 'tshal lags/ /bdag la dge bas gzigs su gsol/ / khyod la mi min phyag 'tshal ba/ /de skad yang dang yang du thos/ /de slad bdag ni 'di skad ces/ /'dren pa rgyal la phyag 'tshol cig /gau tam rgyal la phyag 'tshol cig /sangs rgyas rig dang zhabs ldan pa/ /mya ngan 'das la phyag 'tshol mchi/ /de ltar nub kyi phyogs de ni/ /bzang ba lags zhes skye bo mchi/ /phyogs de mngon 116a @#/ /par skyong bgyid pa/ /rgyal chen grags dang ldan pa lags/ /gang na byang gi sgra mi snyan/ /dga' zhing lhun chen blta mdzes pa/ /gang na mi rnams tshe lo ni/ /brgya phrag bcu pa skye 'gyur zhing / /de dag mo rmo mi 'debs la/ /gshol yang 'chang bar mi bgyid cing / /tshe ring mdog dang ldan pa dang| |nges par yongs su spyod bgyid cing / /zas su sA lu kha dog dang / /dri dang ro dang ldan pa dang / /dri dang me tog tshogs 'dra zhing / /lha yi bdud rtsi 'dra ba 'tshal| |na li ke ra bskol bgyis nas/ /tshod mar de 'tshal sran tshod min/ /gang na me lce'i rtse 'dra ba'i/ /sman dag 'khrungs par 'gyur ba yi/ /phyogs de mngon par skyong bgyid pa/ /rgyal chen grags dang ldan pa ni/ /gnod sbyin bdag po rgyal po ste/ /ming ni lus ngan po zhes bgyi/ /de ni nye du lhan cig tu/ glu dang gar gyis rtag tu rtse/ /gnod sbyin rnams kyi yongs bskor cing / /gnod sbyin rnams kyis mdun gyis bltas/ /de la bu ni mang mchis te/ /brgyad cu dang ni bcu dang gcig /de dag ming mthun grags pa ni/ /dbang po zhes bgyi stobs po che/ /lha dang lha min g.yul 'gyed pa/ /kun tu gzhan gyis mi thub lags/ /de 116b dag rnams kyis rdzogs sangs rgyas/ /sangs rgyas nyi ma'i gnyen mthong nas/ /skyes bu cang shes khyod la 'dud/ /skye mchog khyod la phyag 'tshal zhes/ /mi yis phyag bgyis khyod la ni/ /rgyang ring gnas shing phyag 'tshal lags/ /bdag la dge bas gzigs su gsol/ /khyod la mi min phyag 'tshol ba/ /de skad yang dang yang du thos/ /de slad bdag ni 'di skad ces/ /'dren pa rgyal la phyag 'tshol cig /gau tam rgyal la phyag 'tshol cig /sangs rgyas rig dang zhabs ldan pa| |mya ngan 'das la phyag 'tshal mchi/ /de ltar byang gi phyogs de ni/ /bzang ba lags zhes skye bo mchi/ /phyogs de mngon par skyong bgyid pa/ /rgyal chen grags dang ldan pa lags/ /shar phyogs na ni yul 'khor srung / /lho phyogs na ni 'phags skyes po/ /nub phyogs na ni mig mi bzang / /byang phyogs na ni lus ngan po/ / rgyal po chen po de bzhi dag /'jig rten skyong ba grags dang ldan/ /rdzu 'phrul chen po stobs po che/ /phyogs bzhi dag ni skyong bar bgyid/ /rgyal po dag gi mngag gzhug pa| |gnod sbyin 'dod rgur mchi ba rnams/ /de dag glang po che 'tshal zhing / /phyogs phyogs dag tu rnam par rgyu/ /de dag ni/ chibs rta dang / rnga mo dang / khyu mchog dang / 117a @#/ /ma he dang / ra dang / lug dang / sbrul dang / bya ba dang / skyes pa dang / bud med dang / gzhon nu dang / gzhon nu ma la che gcig gis shing rta drangs shing phyogs phyogs dag tu yang che gcig gis shing rta drangs shing phyogs phyogs dag tu yang mchi lags so/ /chibs rta dang| rnga mo dang / khyu mchog dang / ma he dang / ra dang / lug dang / sbrul dang / bya dang / skyes pa dang / bud med dang / gzhon nu dang / gzhon nu ma gcig gis shing rta drangs shing phyogs phyogs dag tu yang mchi lags so/ /rdzu 'phrul chen po stobs po che/ /gnod sbyin 'dod rgur mchi ba rnams/ /bzhon pa de dag 'tshal nas ni/ /phyogs bzhi dag ni skyong bar bgyid/ /rgyal po dag ni grong khyer dag /sna tshogs mkha' la rgyu ba mchis/ /'di lta ste/ kun tu rgyu ba dang / kun tu rgyu ba ma lags pa dang / sa la kun tu rgyu ba ma lags pa dang / gar bcas sa steng kun tu rgyu ba dang / sbubs can dang / grong khyer sbubs can zhes bgyi ba dag lags so/ /byang phyogs na mtsho ka bi bang+ka zhes bgyi ba yang mchis lags so/ /nub phyogs na grong khyer gsar pa gser ldan dang / gos can dang / 117b gos mchog can dang / pad+ma can dang / pad+ma bzang po can dang / sa gzhi can zhes bgyi ba dag kyang mchis lags so/ /chab rgyun mang po'i gnas rgyur pa/ /'dzin pa zhes bgyi'i mtsho mchis te/ /chab rgyun tha dad de las 'byung / /de las dgung char 'bab par 'gyur/ /btsun pa/ grong khyer u shi ra'i sbubs kyi pha rol na/ lus gnas dang ni gnas yangs dang / de bas gnas yangs rgyun lugs can/ /rgyun lugs mang dang de bas mang / /bar snang mkha' la bya ltar gda'/ /btsun pa| grong khyer sbubs can gyi pha rol byang phyogs na 'dun sa bya gar can zhes bgyi ba de mchis te/ der ni/ gnod sbyin rnams 'du zhing gnas lags so/ / rkang mi sdug la mchu 'phyang dang / /'jigs rung lto sbu can dag mchis/ /de na ljon shing 'bras bu rtag /rma bya khrung khrung sgra snyan dang / /khu byug sgra skad chen po dang| |shang shang te'u dag sgra 'byin cing / /rma bya rnams kyi sgra dag dang / /kau kum+b+ha dang tshun lag dang / /bya rnams sna tshogs skad 'byin cing / /me tog sbrang rtsi'i ro la dga'| |lus ngan po de glu gar gyis/ /pad+ma can dang lhan cig rtse/ /btsun pa/ /grong khyer lcang lo can gyi pha rol na rgyal po dpa' bo zhes bgyi ba yul 'khor mu khyud 118a @#/ /na mchis lags so/ /bdag gang na mchis pa'i 'dun sa de ni/ khyu mchog can zhes bgyi ste/ bdag gi ming ni/ rnam thos kyi bu zhes bgyi lags sa/ /de la gsang sngags kyi tshig ni/ 'di dag lags so/ /tad+ya thA/ i li mi li/ i le mi le/ ki Ti mU le/ hi li ki Ti mU le/ hi li ki Ti mU le/ hu du me/ hu dur du me/ gau ri/ gan+d+ha ri/ gau do ha ni/ o ke mo ke swA hA/ btsun pa/ bcom ldan 'das kyi spyan sngar bdag gis dri za rnams dang / dri za chen po rnams dang| dri za'i sde dpon rnams dang / dmag dpon rnams kyi ming brjod par bgyi lags so/ /'di lta ste/ 'dod myos dga' bas myos pa dang / /glu yis myos pa spun rnams dang / /phreng bas myos dang sbrang rtsis myos/ /me tog myos pa spun rnams dang / /rtag tu myos dang dpal gyis myos/ /nor gyis myos dang dga' byed dang / /ut+pa la pad+ma zla ba dang / /rnga 'dzin dang ni khu byug sgra/ /tum+bu ru dang gtsug lnga dang / /gser spyod bu mo gser can dang / /pa ba sangs dang phur bu dag /'gro gnas ji snyed rgyal po lags/ /de dag ni/ bdag gi spun lags te/ de dag la bdag dri za 'di ni/ bdag la 'tshe'o/ /dri za 'di ni/ /bdag ni 118b gtong ngo zhes mchi zhing / /de dag la go bar bgyid lags so/ /bdag la 'tshe ba'i dri za dang / /bdag mi gtong ba'i dri za yis/ /legs par smras pa 'di thos nas| |ardza ka yi dog pa bzhin/ /de'i mgo tshal pa bdun du 'gas/ /de la gsang sngags kyi tshig ni/ 'di dag lags so/ /tad+ya thA/ kun tu le/ kun+tu le/ kun+tu le| kun+tu le/ e hi e hi/ sA d+ha ma ti ke/ sA d+ha b+haN+Di ni ke /tiSh+Tha duSh+Sha b+ha to si swA hA/ btsun pa/ bcom ldan 'das kyi nyan thos dge slong ngam/ dge slong ma'am| dge ba snyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te dri za'am/ dri za mo'am/ dri za rgan po'am/ dri za rgan mo'am/ dri za'i bu pho'am/ dri za'i bu mo'am/ dri za'i 'khor pho'am/ dri za'i 'khor mo'am/ dri za'i mngag gzhug pa'am/ dri za'i mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing nye bar 'greng ngam/ nye bar mchis par gyur na/ glags mi rnyed cing gnas mi rnyed la/ dri za rnams kyi dri 119a @#/ /za 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ /btsun pa/ bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur 'di nyid rgya cher lung mnos shing 'don par bgyid pa de la gal te sha za'am/ sha za mo'am/ sha za rgan po'am/ sha za rgan mo'am/ sha za'i bu pho'am/ sha za'i bu mo'am/ sha za'i 'khor pho'am/ sha za'i 'khor mo'am/ sha za'i mngag gzhug pa'am/ sha za'i mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing / nye bar 'greng ngam nye bar mchis par gyur na/ glags mi rnyed cing gnas mi rnyed la sha za rnams kyi sha za 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ /de 119b la gsang sngags kyi tshig ni/ 'di dag lags so/ /tad+ya thA/ hU me hU me/ hU mi le/ hU mi le/ bA tI ye swA hA/ btsun pa/ bcom ldan 'das kyi spyan sngar bdag gis grul bum rnams dang / grul bum chen po rnams dang / grul bum gyi sde dpon rnams dang / dmag dpon rnams kyi ming brjod par bgyi lags so| |'di lta ste/ byin dang nye byin kri mi sha /rtsibs logs che dang gsus po che/ /lag bcu dang ni sa la rgyu/ /g.yon phyogs nag po dmar po dang / sprin mdog dang ni dri med dang / /rna ba ring dang 'brug sgra sgrog /ral pa can dang stobs bcu dang / /srid sgrub dang ni 'dod rgur mchi/ /'jog po dang ni bya ba sbed/ /la ba bzang ldan gsum po dang / /tshon kun dang ni mig bkra po/ /'gro gnas ji snyed mchis pa lags/ /de dag ni/ bdag gi spun lags te/ de dag la bdag grul bum 'di ni| bdag la 'tshe'o/ /grul bum 'di ni/ bdag mi gtong ngo zhes mchi zhing / de dag la go bar bgyid lags so/ /bdag la 'tshe ba'i grul bum dang / /bdag gi gtong ba'i grul bum gyis/ /legs par smras pa 'di thos na/ ardza ka yi dog pa bzhin/ /de'i mgo tshal pa bdun du 'gas/ /de la gsang sngags kyi tshig 120a @#/ /ni 'di dag lags so/ /tad+ya thA/ si re pi si re/ si re bi si re/ si re bi sa re/ klaSh+Na cha ka le/ ka ra Di/ pi ga le swA hA/ btsun pa/ bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te grul bum mam/ grul bum mo'am/ grul bum rgan po'am/ grul bum rgan mo'am/ grul bum gyi bu pho'am/ grul bum gyi bu mo'am/ grul bum gyi 'khor pho'am/ grul bum gyi 'khor mo'am/ grul bum gyi mngag gzhug pa'am/ grul bum gyi mngag gzhug ma 'tsho bar bgyid pa glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la| grul bum rnams kyi grul bum 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog 120b pa bzhin du tshal ba bdun du 'gas lags so/ /btsun pa/ bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te yi dwags sam/ yi dwags mo'am/ yi dwags rgan po'am/ yi dwags rgan mo'am/ yi dwags kyi bu pho'am/ yi dwags kyi bu mo'am/ yi dwags kyi 'khor pho'am/ yi dwags kyi 'khor mo'am/ yi dwags kyi mngag gzhug pa'am/ yi dwags kyi mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la yi dwags rnams kyi yi dwags 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ /de la gsang sngags kyi tshig ni 'di dag lags so/ /tad+ya thA/ yu me yu me/ yu mi li/ yu mi lA ba trI ye swA hA/ btsun pa/ bcom ldan 121a @#/ /'das kyi spyan sngar bdag gis klu rnams dang / klu chen po rnams dang / klu'i sde dpon rnams dang / dmag dpon rnams kyi ming brjod par bgyid lags so/ /'di lta ste/ dga' dang nye dga' kun dga' dang / /nor rgyas dang ni 'dzam bu bzang / /ser po dang ni zho rna dang / dbang po lag dang bkra shis dang / /mya ngan med dang mya ngan bral/ /rab grol dang ni rgyal po'i bdag /ngos yangs po dang ngos bkra dang / /yangs pa can dang bkra bdun rgyal| |gdengs ka che dang skar dga' dang / /nag po che dang lag 'gro dang / /ra skyong dang ni 'jog po dang / /g.yon phyogs de bzhin nag po dang / /sngo bsangs dkar dang 'grogs pa ni/ /'gro gnas ji snyed mchis pa lags/ /de dag ni/ bdag gi spun lags te/ de dag la bdag klu 'di ni/ bdag la 'tshe'o/ / klu 'di ni/ bdag mi gtor ngo zhes mchi zhing / de dag la go bar bgyid lags so/ /bdag la 'tshe ba'i klu dag dang / /bdag mi gtong ba'i klu rnams kyis/ /legs par smras pa 'di thos na/ /ardza ka yi dog pa bzhin/ /de'i mgo tshal ba bdun du 'gas/ /de la gsang sngags kyi tshig ni/ 'di dag lags so/ / 121b tad+ya thA| ci le bi tse le/ gau ri/ gan+d+ha ri/ ma taM gi/ tsan+Da li swA hA/ btsun pa/ bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te klu'am/ klu mo'am/ klu rgan po'am/ klu rgan mo'am/ klu'i bu pho'am/ /klu'i bu mo'am| klu'i 'khor pho'am/ klu'i 'khor mo'am/ klu'i mngag gzhug pa'am/ /klu'i mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing nye bar 'greng ngam nye bar mchis par gyur na/ glags mi rnyed cing gnas mi rnyed la/ klu rnams kyi klu 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin du tshal ba bdun du 'gas lags so/ /btsun pa/ bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun 122a @#/ /pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te lus srul po'am/ lus srul mo'am/ lus srul bo rgan po'am/ /lus srul po rgan mo'am/ lus srul po'i bu pho'am/ lus srul po'i bu mo'am/ lus srul po'i 'khor pho'am/ lus srul po'i 'khor mo'am/ lus srul po'i mngag gzhug pa'am/ lus srul po'i mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing / nye bar 'greng dam/ nye bar mchis par gyur na/ glags mi rnyed cing gnas mi rnyed la lus srul po rnams kyi lus srul po 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ / de'i mgo ardza ka'i dog pa bzhin du tshal pa bdun du 'gas lags so/ /de la gsang sngags kyi tshig ni/ /'di dag lags so/ /tad+ya thA/ a be ba ha na ba ha na ba tI ye swAhA/ btsun pa/ bcom ldan 'das kyi spyan sngar bdag gis gnod sbyin rnams dang / gnod sbyin chen po rnams dang / gnod sbyin gyi sde dpon rnams 122b dang / dmag dpon rnams kyi ming brjod par bgyi lags so/ /'di lta ste/ dbang po zla ba chu lha dang / b+ha ra d+h+wa dza skye rgu'i bdag /dbang ldan tsan+dan 'dod gtso dang / / mgrin ngan dang ni mgul nges dang / /stobs ldan nor bu nor spyod dang / sgra rab dang ni nye lnga dang / /ri mnyam gser can gang po dang / /seng ldeng ba dang g.yon can dang / /gnod sbyin ba skyong 'brog gnas dang / /rgyal ba khyu mchog mi rgyal po/ /dri za sna tshogs sde dang ni/ /lcags mdung ring dang ma ldan dang / /tshig lnga ser po yid dga' dang / /gnod sbyin ring po 'khor dang bcas/ /'bras bu gsum dang mgul gsum pa/ /'gro gnas ji snyed mchis pa lags/ /de dag ni/ bdag gi spun lags te/ de dag la bdag gnod sbyin 'di ni/ bdag la tshe'o/ /gnod sbyin 'di ni/ bdag mi gtong ngo zhes mchi zhing / de dag la go bar bgyid lags so/ /bdag la 'tshe ba'i gnod sbyin dang / /bdag mi gtong ba'i gnod sbyin gyis/ /legs par smras pa 'di thos na/ /ardza ka yi dog pa bzhin/ /de'i mgo tshal ba bdun du 'gas/ /de la gsang sngags kyi tshig ni/ 'di dag lags so/ /tad+ya thA/ hi le mi le/ hi le mi le/ kI rti mU le/ hi le kI rti mU le/ oM tum+be 123a @#/ /tum+be| oM tum+be tum+be/ oM g+he mo g+he/ go de hi/ b+hing+ga re/ r-i Shi sad t+ta me swAhA/ btsun pa/ bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la gal te gnod sbyin nam/ gnod sbyin mo'am/ gnod sbyin rgan po'am/ gnod sbyin rgan mo'am/ gnod sbyin gyi bu pho'am/ gnod sbyin gyi bu mo'am/ gnod sbyin gyi 'khor pho'am/ gnod sbyin gyi 'khor mo'am/ gnod sbyin gyi mngag gzhug pa'am/ gnod sbyin gyi mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la gnod sbyin rnams kyi gnod sbyin 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ /btsun pa/ 123b bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung nod cing 'don par bgyid pa de la gal te srin po'am/ srin mo'am/ srin mo rgan po'am/ srin mo rgan mo'am/ srin po'i bu pho'am/ srin po'i bu mo'am/ srin po'i 'khor pho'am/ srin po'i 'khor mo'am/ srin po'i mngag gzhug pa'am/ srin po'i mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing / nye bar 'greng ngam nye bar mchis par gyur na/ glags mi rnyed cing gnas mi rnyed la/ srin po rnams kyi srin po 'du ba'i nang du mchir mi chud cing / rgyal po'i pho brang lcang lo can du yang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ /de la gsang sngags kyi tshig ni/ 'di dag lags so/ /tad+ya thA/ hi le hi le/ hu lu hu lu/ yu me yu me le/ yu mi lA bi hI ye swA hA zhes rgya cher smras nas nga'i rkang pa la mgo bos phyag 'tshal te de 124a @#/ /nyid du mi snang bar gyur to/ /dge slong dag /khyed kyis 'di ltar bdag nyid bsrung ba dang / bskyab pa dang / bde ba la reg par gnas par bya ba dang / gnod sbyin dang / mi ma yin pa gdug pa gnyug mar gnas pa mngon par ma dad pa dag mngon par dad par bya ba dang / mngon par dad pa rnams kyang phyir zhing 'phel bar bya ba'i phyir kun tu rgyu ba dang / kun tu rgyu ba ma yin pa dang mthun pa'i mdo rig sngags dang / srung ba dang / sug pa rkang pa la phyag 'tshal bar 'gyur ba 'di nyid longs shig /zungs shig /chongs shig /lhogs shig /bcom ldan 'das kyis de skad ces bka' stsal nas dge slong de dag yi rang ste bcom ldan 'das kyis gsungs pa la mngon par bstod do/ /par sdom ni/ i/ ku/ hu/ si/ yu/ ci/ A/ hi| hi/ gsang sngags kyi tshig rnam pa dgu smos pa dang go rim bzhin du sbyar ro/ /mdo chen po kun tu rgyu ba dang / kun tu rgyu ba ma yin pa dang mthun pa'i mdo zhes bya ba rdzogs so// //rgya gar gyi mkhan po dzi na mi tra dang / pra dz+nyA wa rma dang / zhu chen gyi lo ts+tsha ba ban+d+he ye shes sde la sogs pas bsgyur cing 124b zhus te gtan la phab pa/ |