@#/ /rgya gar skad du/ gra ha mA tri ka nA ma d+ha ra NI/ bod skad du/ gza' rnams kyi yum zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das 'brog gnas kyi grong khyer chen po na lha dang / klu dang / gnod sbyin dang / srin po dang / dri za dang / lha ma yin dang / nam mkha' lding d+na/ mi 'am ci dang / lto 'phye chen po dang / bdud dan/ nyi dang / zla ba dang / mig dmar dang / pa ba sangs dang / phur bu dang / gza' lhag pa dang / spen pa dang / sgra gcan 'dzin dang / mjug ring rnams dang / rgyu skar nyi shu rtsa brgyad la sogs pa mang po rnams kyis bstod pa/ rdo rje chen po'i dam tshig gi byin gyi rlabs kyis rdo rje'i khri la bzhugs so/ /byang chub sems dpa' du ma dang yang thabs cig ste/ 'di ltar byang chub sems dpa' sems dpa' chen po phyag na rdo rje dang / byang chub sems dpa' sems dpa' chen 169a @#/ /po rdo rje gtum po dang / byang chub sems dpa' sems dpa' chen po rdo rje sde dang / byang chub sems dpa' sems dpa' chen po phyag na rdo rje gzhu can dang / byang chub sems dpa' sems dpa' chen po rdo rje'i bdag po dang / byang chub sems dpa' sems dpa' chen po rdo rje'i rgyan dang / byang chub sems dpa' sems dpa' chen po rdo rje'i 'od dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po kun tu gzigs dang / byang chub sems dpa' sems dpa' chen po 'jig rten dpal dang / byang chub sems dpa' sems dpa' chen po pad+ma'i tog dang / byang chub sems dpa' sems dpa' chen po zhal ras rgyas pa dang / byang chub sems dpa' sems dpa' chen po pad+ma'i snying po dang / byang chub sems dpa' sems dpa' chen po pad+ma'i spyan dang / byang chub sems dpa' sems dpa' chen po 'jam dpal gzhon nu dang / byang chub sems dpa' sems dpa' chen po byams pa la sogs pa 169b byang chub sems dpa'i dge 'dun rnams kyis bskor cing mdun gyis bltas pa la chos ston to/ /bkod pa chen po'i rgyan gyi nor bu zhes bya ba thog mar dge ba dang / bar du dge ba dang / tha mar dge ba dang / don bzang po/ tshig 'bru bzang po/ ma 'dres pa/ yongs su dag pa/ yongs su byang ba'i chos ston to/ /de nas phyag na rdo rjes 'khor de dag la bltas te langs nas rang gi rdzu 'phrul gyi byin gyi rlabs kyis bcom ldan 'das la lan brgya stong du mar bskor ba byas te phyag 'tshal nas spyan sngar 'dug ste snyems pa dang bcas pas skyil mo krung legs par bcas nas 'khor de dag la 'gying bag tu bltas te rdo rje'i thal mo rang gi snying gar bzhag nas bcom ldan 'das la 'di skad ces gsol to/ /bcom ldan 'das/ gza' mi bzad pa/ mi bzad pa'i gzugs can/ drag shul can gyi sems dang ldan pa/ khro ba khro ba'i gzugs can dag /sems can thams cad la 'tshe bar bgyid pa/ mtho 'tsham par bgyid pa/ mdangs kyang 'phrog par bgyid cing / kha cig nor zas 'phrog par bgyid/ kha cig srog 'phrog par bgyid/ sems can tshe ring 170a @#/ /ba kha cig ni/ thung ngur bgyid do/ /de ltar sems can thams cad la gnod cing 'tshe bar bgyid pa de rnams kyi slad du bcom ldan 'das kyis chos kyi rnam grangs gang gis sems can thams cad la srung bar 'gyur ba bshad du gsol/ bcom ldan 'das kyis bka' stsal pa/ gang yang khyod kyis snying rje bskyed pas sems can thams cad la phan par bya ba'i phyir gsang chen bas kyang ches gsang ba de bzhin gshegs pa la zhu bar byed pa ni/ legs so legs so/ /de'i phyir legs par rab tu nyon la yid la zungs shig dang / gza' mi bzad pa'i gzugs can shin tu khro ba dang / shin tu 'jigs par byed pa rnams kyi mchod pa dang / mchod yon dang / bzlas brjod bzang po gsang ba bas kyang ches gsang ba ngas bshad do/ /de dag mchod pas mchod gyur cing / /gnod pa byas na gnod byed pa/ /gza' de kun gyi kha dog dang / /ji lta bur ni 'gyur ba dang / /lha rnams dang ni lha min dang / /mi 'am ci dang klu dag dang / /gnod sbyin rnams dang srin po dang / /mi rnams dang ni 170b mi ma yin/ /drag po gzi brjid chen po dang / /khros pa zhi bar byed pa de'i/ /gsang sngags rnams dang mchod pa dag /rim pa bzhin du bshad par bya/ /de nas bcom ldan 'das de bzhin gshegs pa shAkya thub pa nyid kyi thugs ka nas snying rje rnam par rol pa zhes bya ba'i 'od zer bkye ste ga' rnams kyi spyi bor zhugs so| |de nas de'i mod la nyi ma la sogs pa'i gza' thams cad langs te bcom ldan 'das de bzhin gshegs pa shAkya thub pa la lha rdzas kyi mchod pa byas te phyag 'tshal nas pus mo btsugs nas thal mo sbyar bar byas te bcom ldan 'das la 'di skad ces gsol to/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas kyis bdag cag la sman yon btags par gyur to/ /bcom ldan 'das kyis chos kyi rnam grangs gang gis bdag cag rnams la sogs pas chos smra ba rnams la srung bar 'gyur ba dang / yongs su bskyab pa dang / zhi ba dang / bde legs su 'gyur ba dang / mtshon cha spang ba dang / chad pa spang ba dang / dug gzhil ba dang / dug gsad pa dang / mtshams gcad pa dang / sa bcing ba rnams bgyid par 'gyur 171a @#/ /bshad du gsol/ de nas bcom ldan 'das de bzhin gshegs pa shAkya thub pas gza' rnams mchod pa dang / gsang sngags bka' stsal to/ /oM me g+holkA ya swAhA/ oM shI taM sha be swA hA/ oM rak+ta aM ga ku mA rA ya swA hA/ oM bud+d+ha ya swA hA/ oM br-i hasba ta ye swA hA/ oM a su rot+ta mA ya swAhA/ oM kr-iSh+Na bar+NA ya swAhA/ oM a mr-i ta pri yA ya swAhA/ oM dz+yo ti Sh+ke ta bai swAhA/ lag na rdo rje/ 'di dag ni/ gza' dgu'i gsang sngags kyi snying po bklags pas 'grub pa yin te/ kha dog dang mthun par spos kyi dkyil 'khor sor bcu gnyis pa byas pa'i dbus su mchod par bya'o| |kham pa'am/ zangs la sogs pa'am/ gser dang / dngul gyi snod du mchod yon phul nas re re la yang bzlas brjod brgya rtsa brgyad bya'o| |lag na rdo rje/ de'i 'og tu gza' rnams kyi yum zhes bya ba'i gzungs kyi gsang sngags kyi tshig lan bdun brjod par bya'o/ /de nas gza' rnams thams cad srung bar byed par 'gyur ro/ /dbul po'i gdan las thar par 'gyur ro/ /tshe zad pa las tshe ring por byed par 'gyur ro/ /lag na rdo 171b dge slong dang / dge slong ma'am/ dge bsnyen dang / dge bsnyen ma dang / gzhan yang sems kyi rigs gang yin pa dang / gang dag gi rna lam du grags pa de dag kyang dus ma yin par 'chi ba'i dus byed par mi 'gyur ro/ /phyag na rdo rje/ gza' rnams kyi dkyil 'khor gyi dbus su mchod par bya ste/ nyin gcig bzhin du klog par byed pa'i chos smra ba gang yin pa de la gza' thams cad bdag nyid kun gyis bsam pa thams cad yongs su rdzogs par byed par 'gyur ro/ /de dang rigs gcig pa rnams kyi dbul ba yang sel bar byed do/ /de nas bcom ldan 'das de bzhin gshegs pa shAkya thub pas gza' rnams kyi yum zhes bya ba bka' stsal pa/ sangs rgyas la phyag 'tshal lo/ /rdo rje 'chang la phyag 'tshal lo/ /pad+ma 'chang la phyag 'tshal lo/ /bsam pa thams cad yongs su rdzogs par byed pa'i gza' rnams la phyag 'tshal lo/ /rgyu skar rnams la phyag 'tshal lo/ /gza' khyim bcu gnyis po rnams la phyag 'tshal lo/ /tad+ya thA/ oM bud+d+he bud+d+he/ badz+re badz+re/ pad+me pad+me/ sa ra sa ra/ pra sa ra pra sa ra/ sma ra sma ra swAhA/ na maH pad+ma d+ha rA ya/ na maH sarba gra 172a @#/ /hA NAM| sarbA sha pa ri pu ra kA NAM na mo rak+Shat+tA NA na mo dwA da sha ra shI nAM/ tad+ya thA/ oM bu d+d+he bud+d+he/ badz+re badz+re/ pad+me pad+me/ sa ra sa ra| pra sa ra pra sa ra/ sma ra sma ra/ bi kr-i Da bi kr-i Ta/ mA ra ya ma ra ya/ mard ya mard ya/ g+hA ta ya g+hA ta ya/ sarba big+hA na/ ku ru ku ru/ ts+tshin+da ts+tshin+da| b+hin+da b+hin+da/ k+ShA pa ya k+ShA pa ya/ shAn+te shAn+te/ dAn+te dAn+te/ dA pa ya dA pa ya/ bcom ldan 'das ma bdag nyid myur du bstan du gsol/ bdag 'khor dang bcas pa dang / sems can thams cad la srung du gsol/ /srung du gsol/ gza' thams cad dang / sgyu skar rnams kyi gnod pa zlog tu gsol| |bcom ldan 'das ma rdzu 'phrul chen po mnga' ba sdang ba'i sems can rnams bsal du gsol/ bdag gi sdig pa rnams skam du gsol/ tsiN+Di tsiN+Da/ tu ru tu ru/ tsiN+Di tsiN+Di/ mu su mu su/ mu tsu mu tsu/ b+ha ba b+ha be/ u gre u gra rU pe/ pU ra ya/ ma ma sarba satwA nAny+tsa ma no ra tha/ sarba ta thA ga ta a d+hi Sh+Thi te sa ma ye swAhA| oM swAhA/ hUMH swAhA/ hrIH swAhAH/ d+hUMH swAhA/ b+h+rUMH swA hA/ pad+ma d+ha rA ya swA hA/ A di t+yA ya swA hA/ sau mA ya swA hA/ d+ha ri NA su tA ya swA hA/ 172b bud+d+hA ya swAhA/ pr-i ha spa ta ye swA hA/ shu krA ya swA hA/ sha ni sh+tsa rA ya swA hA/ rA ha be swA hA/ ke ta be swA hA/ bud+d+hA ya swA hA/ badz+ra d+ha rA ya swA hA/ pad+ma d+ha rA ya swAhA| ku mA rA ya swAhA/ sarba gra he b+h+yaH swAhA/ sarba nak+Sha tre b+h+yaH/ swA hA/ sarba dwA da sha rA shi ni b+h+yaH swA hA/ sarba u pa dra be b+h+yaH swA hA/ oM sarba bid+yA hUM hUM phaT phaT swAhA/ phyag na rdo rje/ 'di ni/ gza' rnams kyi yum zhes bya ba'i gzungs kyi gsang sngags kyi tshig dngos sgrub thams cad kyi gzhi yin no/ /phyag na rdo rje| gang yang gza' rnams kyi gzungs kyi gsang sngags kyi tshig 'di dag ston zla tha chung yar gyi ngo'i tshes bdun nas brtsams te gso sbyong dang ldan par byas nas tshes bcu bzhi'i bar du gza' rnams la mchod par byas te gzungs kyi gsang sngags kyi tshig 'di dag gzung bar bya'o/ /de nas zla ba nya'i nyin mtshan thog thag bklags na/ de dag la lo dgu'i bar du 'chi ba'i 'jigs pa mi 'byung ngo / /gza'i 'jigs pa dang / skar mda' lhung ba dang / rgyu skar gyi gnod pas 'jigs par mi 'gyur ro/ /tshe rabs dran par 'gyur ro/ /gza' thams cad la mchod pa byas par 'gyur ro/ /gza' thams cad kyis ci 'dod 173a @#/ /pa sbyin par byed do/ /de nas bcom ldan 'das la gza' rnams kyis phyag 'tshal te legs so legs so/ /zhes gsol te mi snang bar gyur to/ /gza' rnams kyi yum zhes bya ba'i gzungs rdzogs so// // |