rgya gar skad du/ gra ha mA tri ka nA ma d+ha ra NI/ bod skad du| gza' rnams kyi yum zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das 'brog gnas kyi grong khyer na lha dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / bdud dang / nyi ma dang / zla ba dang / mig dmar dang / pa ba sangs dang / phur bu dang / gza' lhag pa dang / spen pa dang / sgra gcan dang / mjug ring dang / rgyu skar nyi shu rtsa brgyad la sogs te mang po rnams kyis bstod cing / rdo rje chen po'i dam tshig gi byin gyi rlabs kyis brgyan pa'i seng+ge'i khri la bzhugs so/ /byang chub sems dpa' du ma dang thabs cig 173b ste| 'di ltar byang chub sems dpa' sems dpa' chen po lag na rdo rje dang / byang chub sems dpa' sems chen po rdo rje gtum po dang / byang chub sems dpa' sems dpa' chen po rdo rje'i sde dang / byang chub sems dpa' sems dpa' chen po rdo rje gzhu can dang / byang chub sems dpa' sems dpa' chen po rdo rje'i bdag po dang / byang chub sems dpa' sems dpa' chen po rdo rje'i rgyan dang / byang chub sems dpa' sems dpa' chen po rdo rje'i 'od dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po kun tu gzigs dang / byang chub sems dpa' sems dpa' chen po 'jig rten dpal dang / byang chub sems dpa' sems dpa' chen po pad+ma'i tog dang / byang chub sems dpa' sems dpa' chen po zhal ras rgyas pa dang / byang chub sems dpa' sems dpa' chen po pad+ma'i snying po dang / byang chub sems dpa' sems dpa' chen po pad+ma'i spyan dang / byang chub sems dpa' sems dpa' chen po 'jam dpal gzhon nur gyur pa dang / byang chub sems dpa' sems 174a @#/ /dpa' chen po byams pa la sogs pa'i byang chub sems dpa'i dge 'dun rnams kyis bskor cing mdun du bltas pa la chos ston te| bkod pa chen po rgyan gyi yid bzhin gyi nor bu zhes bya ba/ thog mar dge ba/ bar du dge ba/ tha mar dge ba/ don bzang po/ tshig 'bru bzang po| ma 'dres pa/ yongs su dag pa/ yongs su byang ba'i chos ston to/ /de nas phyag na rdo rje 'khor de dag la bltas te langs nas bdag gi rdzu 'phrul gyi byin gyi rlabs kyis bcom ldan 'das la lan brgya stong du mar bskor ba byas te phyag 'tshal nas spyan sngar 'dug ste snyems pa dang bcas pa'i skyil mo krung legs par bcas nas 'khor de dag la 'gying bag tu bltas te rdo rje thal mo rang gi snying gar bzhag nas bcom ldan 'das la 'di skad ces gsol to/ /bcom ldan 'das/ gza' mi bzad pa'i gzugs can/ drag shul gyi sems dang ldan pa/ khro ba'i gzugs can dag sems can rnams la 'tshe bar bgyid/ mtho 'tsham par bgyid/ mdangs kyang 'phrog par bgyid/ kha cig ni/ nor rdzas 'phrog /kha cig ni/ srog 'phrog 174b par bgyid cing / sems can tshe ring po rnams ni/ tshe thung bar bgyid pa ste/ de ltar sems can thams cad la gnod pas 'tshe bar bgyid pa de'i slad du bcom ldan 'das kyis chos kyi rnam grangs gang gis sems can thams cad srung bar 'gyur ba bshad du gsol/ bcom ldan 'das kyis bka' stsal pa| gang yang khyod kyis snying rje bskyed nas sems can thams cad la phan pa dang / bde ba'i phyir gsang chen pas kyang ches gsang ba de bzhin gshegs pa la zhu bar byed pa de ni/ legs so legs so/ /de'i phyir legs par rab tu nyon la yid la zungs shig dang / gza' mi bzad pa'i gzugs can/ shin tu khro ba shin tu 'jigs par byed pa rnams kyi mchod pa dang / mchod yon dang / bzlas brjod bzang po gsang ba bas kyang ches gsang ba ngas bshad do/ /de dag mchod pas mchod 'gyur zhing / /gnod par byed pa gnod byed pas/ /gza' de kun gyi kha dog dang / /ji ltar dga' bar 'gyur ba dang / /lha rnams dang ni lha min dang / /mi 'am ci'am klu dag dang / /gnod sbyin rnams dang srin po dang / /mi rnams dang ni srul po dang / /drag po gzi brjid chen po dag /khros pa zhi 175a @#/ /bar byed pa de'i/ /gsang sngags dang ni mchod pa dag /rim pa bzhin du bshad par bya/ /de nas de bzhin gshegs pa shAkya thub pa nyid kyi thugs ka nas snying rje rnam par rol pa zhes bya ba'i 'od zer bkye ste gza' rnams kyi spyi bor zhugs so/ /de nas de'i mod de la nyi ma la sogs pa gza' thams cad langs te bcom ldan 'das de bzhin gshegs pa shAkya thub pa la lha rdzas kyi mchod pa rnams kyis mchod par byas te phyag 'tshal nas pus mo btsugs te thal mo sbyar ba byas nas bcom ldan 'das la 'di skad ces gsol to/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas kyis bdag cag la sman yon btags par gyur to/ /bcom ldan 'das kyis chos kyi rnam grangs gang gis bdag cag rnams la sogs pas chos smra ba rnams srung bar 'gyur ba dang / yongs su bskyang ba dang / bde legs su 'gyur ba dang / mtshon cha spang ba dang / dug gzhil ba dang / dug gsad pa dang / mtshams gcad pa dang / sa bcing pa rnams bgyid par 'gyur 175b ba bshad du gsol/ de nas bcom ldan 'das de bzhin gshegs pa shAkya thub pas gza' rnams mchod pa dang / gsang sngags bka' stsal pa/ oM me g+holkA ya swAhA/ oM shI tAM sha be swAhA/ oM rak+tAM ga ku mA rA ya swAhA/ oM bud+d+hA ya swAhA/ oM b+ho gA sba dA ya swAhA/ oM a su rot+ta mA ya swAhA/ oM kr-iSh+Na bar+Na ya swAhA/ oM a mr-i ta pra yA ya swAhA/ oM dz+yo te sh+ke be swAhA/ lag na rdo rje/ 'di dag ni/ gza' dgu'i gsang sngags kyi snying po bklags pas 'grub pa yin te/ kha dog dang mthun pa'i spos kyi dkyil 'khor sor bcu gnyis byas pa'i dbus su mchod par bya'o/ /kham pa'am/ zangs la sogs pa'am/ gser ram/ dngul gyi snod du mchod yon phul bas/ re re la yang bzlas brjod brgya rtsa brgyad do/ /lag na rdo rje/ de'i 'og tu gza' rnams kyi yum zhes bya ba'i gzungs kyi gsang sngags kyi tshig lan bdun brjod par bya'o/ /des ni/ gza' thams cad srung ba byed par 'gyur ro/ /dbul ba'i gdon thams cad las thar par 'gyur ro/ /tshe zad pa las tshe ring bar byed par 'gyur ro/ /lag na rdo rje/ dge slong dang / dge slong ma dang / dge bsnyen dang / dge bsnyen 176a @#/ /ma dang / gzhan yang sems can gyi rigs gang yin pa dang / gang dag gi rna lam du grags pa de dag kyang dus ma yin par 'chi ba'i dus byed par mi 'gyur ro/ /lag na rdo rje/ gza' rnams kyi dkyil 'khor gyi dbus su mchod pa byas te nyin gcig bzhin du krog par byed pa'i chos smra ba gang yin pa de la gza' thams cad bdag nyid kun gyis bsam pa thams cad yongs su rdzogs par 'gyur ro/ /de dang rigs gcig pa rnams kyi dbul ba yang sel bar byed do/ /de nas de bzhin gshegs pa shAkya thub pas gza' thams cad kyi yum zhes bya ba'i gzungs bka' stsal pa/ sangs rgyas la phyag 'tshal lo/ /rdo rje 'chang la phyag 'tshal lo/ /pad+ma 'chang la phyag 'tshal lo/ /bsam pa thams cad yongs su rdzogs pa'i gza' rnams la phyag 'tshal lo/ /rgyu skar rnams la phyag 'tshal lo/ /gza'i khyim bcu gnyis rnams la phyag 'tshal lo/ /tad+ya thA/ bud+d+he bud+d+he/ badz+re badz+re/ pad+me pad+me/ sa ra sa ra/ swa sa ra/ swa sa ra/ sma ra sma ra/ bi kri Ta/ bi kri Da/ mA ra/ mA ra/ mard mard/ g+hA ta ya/ g+hA ta 176b ya| sarba big+h+nAn/ ku ru ku ru/ ts+tshin+da ts+tshin+da/ b+hin+da b+hin+da/ kaShA pa ya k+ShA pa ya/ shAn+te/ dAn+te/ dA pa ye/ bcom ldan 'das ma/ bdag nyid myur du bstan du gsol/ bcom ldan 'das/ sgyu 'phrul chen po rnams 'dul du gsol/ bdag gi sdig pa rnams par skam du gsol/ tsaN+Di/ su mu su mu/ mu tsu mu tsu/ b+ha ba b+ha be/ u gre/ rU pe/ pU ra ya pU ra ya/ ma ma sarba satwanAny+tsa ma no ra thi/ sarba ta thA ga ta/ a d+hiSh+Thi ta sa ma ye swAhA/ oM swAhA/ bruMH swAhA| hrIH swAhAH d+hu swAhA/ d+hi swAhA/ pad+ma d+ha rA ya swAhA/ a di t+ya ya swAhA/ sau mA ya swAhA/ d+hA ra NI su tA ya swAhA/ bud+d+hA ya swAhA/ bri ha spa tA ya swAhA/ shu krA ya swAhA/ kr-iSh+NA bar+NA ya swAhA/ rA ha be swAhA/ ke ta be swAhA/ bud+d+hA ya swAhA/ badz+ra d+ha rA ya swAhA/ pad+ma d+ha rA ya swAhA/ ku mA rA ya swAhA/ nak+Sha tra NAn swAhA/ dwA da sha rA shI nA swAhA/ sarba u pa dra pA ni swAhA/ oM sarba bi d+h+ye hUM hUM phaT swAhA/ phyag na rdo rje/ 'di ni/ gza' rnams kyis yum zhes bya ba'i gzungs sngags kyi tshig 'di dag ston zla tha chung gi yar ngo tshes bdun nas brtsams te gso sbyong dang ldan par byas nas tshes bcu bzhi'i bar du gza' rnams la mchod pa byas te 177a @#/ /gzung bar bya'o/ /de nas zla ba nya ba'i nyin mtshan thog thag bklags na/ de la lo dgu'i bar du 'chi ba'i 'jigs pa med par 'gyur ro/ /gza'i 'jigs pa dang / skar mda'i ltung ba dang / zla ba dang / rgyu skar gyi gnod pas 'jigs par mi 'gyur ro/ /tshe rabs dran par 'gyur/ gza' thams cad la mchod pa byas par 'gyur/ gza' thams cad kyis ci 'dod pa sbyin par byed do/ /de nas bcom ldan 'das la gza' rnams kyis phyag 'tshal te legs so legs so/ /zhes gsol nas mi snang bar gyur to/ /gza' rnams kyi yum zhes bya ba'i gzungs rdzogs so// // |