rgya gar skad du/ AR+Ya shrI ma hA kA la nA ma d+hA ra nI/ bod skad du/ 'phags pa dpal mgon po nag po zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rdo rje'i gdan la bdud btul te mngon par rdzogs par sangs rgyas nas ring por ma lon pa zhig na byang chub kyi shing drung na bzhugs so/ /bcom ldan 'das ga la ba de logs su lha'i sde dpon chen po'i tshogs kyi bdag po ma hA kA la 'dod khams kyi dbang phyug la dbang bsgyur ba/ dpal mgon po nag po chen pos bcom ldan 'das kyi zhabs la mgo bos phyag 'tshal nas phyogs gcig tu 'dug ste 'di skad ces gsol to/ /bcom ldan 'das/ bdag gi rig pa 'bul gyi bzhes su gsol/ oM shrI ma hA kA la gA na gu ti swA hA/ na maH shrI ma hA kA la gA ne gu ti shA yA/ na mo yo gi na Ni na/ tad+ya thA/ oM hi le hi le/ ki te ki te ni/ tsi de tsi de ni swA hA/ nad thams cad dang / rims thams cad dang / gdon thams cad dang / mi ngas thams cad dang / 'byung po thams cad dang / nyes par bsgoms pa thams cad dang / nyes par bltas pa rnams steng du gzhan 'phrul dbang byed la thug pa 193a @#/ /man chad bcing ngo / /'og tu ni sems can dmyal ba la thug pa yan chad bcing ngo / /thad ka kho ra khor yug tu ni ri la thug pa tshun chad bcing ngo / / gzhan yang 'di bton pas gtsug lag khang dang / dkyil 'khor gyi srung ma/ dug gsum nad kyi sman pa/ rig 'dzin yongs kyi srog shing / rnal 'byor kun gyi dgra bla/ bdud 'dul rnams kyi dbang phyug /srin po lang+ka pu ri'i grong khyer gtan nas rlog pa/ gnod sbyin gyi bu mo nam mkha'i glog ma sprin rdul du rlog pa/ lha ma yin gyi bu mo nam mkha'i glog ma snying rdul du rlog pa/ dkon mchog gsum gyis bstan pa srung bar khas blangs shing dam bcas pa'o/ /'phags pa dpal mgon po nag po zhes bya ba'i gzungs rdzogs so// // |