H638

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H638</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H638&coll=lhasa">see text in Tibetan script</a></table>194a<br><font size=+1>


rgya gar gyi mkhan po pra dz+nyA warma dang / zhu chen gyi lo tsA ba ban+d+he ye shes sdes bsgyur cing zhus te gtan la phab pa/ rgya gar skad du/ shrI de bi kA la pra ma rA dza tan+t+ra kI lo/ bod skad du| dpal lha mo nag mo'i bstod pa rgyal po'i rgyud/ rigs sngags dang / gsang sngags kyi mnga' bdag dpal phyag na rdo rje la phyag 'tshal lo/ /'di skad bdag gis thos pa dus gcig na/ ri rab kyi rtse mo rtsub 'gyur gyi tshal chen po na bcom ldan 'das dpal drag po chen po phyag na rdo rje lus bskal pa'i me ltar </font><hr>194b<br><font size=+1>


'bar ba/ srid pa gsum las rnam par rgyal ba/ nyi ma stong gi gzi brjid dang ldan nas bzhugs so/ /'khor ni/ brgya byin dang / sha za dang / srin po dang / ma mo'i tshogs bye ba dung phyur gyis bskor te bzhugs so/ /de'i tshe na dpal phyag na rdo rje pad+ma'i gdan la bzhugs te bka' stsal pa/ nga'i 'khor du gtogs pa'i lha ma srin sde brgyad nyon cig /'dod pa'i khams 'di na bdud kyi ma gshin rje'i sring mo zhes bya ba rgyal tshab chen po sangs rgyas thams cad kyi bstan pa 'dzin pa zhig yod de/ khyed kyis de la mchod pa gyis shig /bstod pa gyis shig /ngas kyang khyed la byin gyis brlab bo zhes bka' stsal pa dang / 'khor gyi nang nas lha'i dbang po brgya byin stan las langs te dpal lha mo nag mo la dge ba bcu'i sgo nas bstod pa/ sngon 'das bskal pa dang po'i pha rol na/ /dge bcu'i las la sems rab cher sbyangs nas/ /lam gyi khyad par gong ma rab rdzogs kyang / /mtho ris skyes pa rnams la dge bcu yi/ /tshul gyis don mdzad phyi rol sgyur ba yi/ /dpal ldan lha mo khyod la phyag 'tshal bstod/ /'das pa'i dus na srog gcod rab spangs pas/ /sku tshe ring zhing gzugs byad phun sum tshogs/ /gzhan gyi lan chags gnod pa'i </font><hr>195a<br><font size=+1>


@#/ /rkyen dang ldan/ /'chi bdag 'joms mdzad khyod la phyag 'tshal bstod/ /ma byin len pa'i tshul la rab spangs pas/ /bsod nams tshogs kyis longs spyod phun sum tshogs/ /gter gyi longs spyod mi 'grib rab brtan brnyes/ /sbyin pa'i gter 'chang khyod la phyag 'tshal bstod/ /mi tshangs spyod pa'i bka' rnams srung ba dang / /mngal gyi grong khyer dman las rnam par 'phags/ /srid pa'i 'dod chags ring du spangs pa ste/ /dge sbyong chen mo khyod la phyag 'tshal bstod/ /nyon mongs rdzun tshig spangs pa'i rnam smin gyis/ /gsung gi dngos grub 'jig rten 'dul ba'i gtso/ /gsung mchog rnam dag brnyes pa'i rang bzhin te/ /bden par gsung ba khyod la phyag 'tshal bstod/ /phra ma'i skyon spangs mi phyed 'khor dang ldan/ /nyid la rnam par 'dul ba'i 'khor gyis bskor/ /lha dang lha min bden pas 'dul mdzad ma/ /dkar mo'i 'khor tshogs khyod la phyag 'tshal bstod/ /ngag 'khyal spangs pa'i yon tan sbyin pa yis/ /ting 'dzin rtse gcig mi g.yo bar chad spangs/ /dgos 'brel tshul gyis bstan pa skyong mdzad ma/ /byis pa 'dul mdzad khyod la phyag </font><hr>195b<br><font size=+1>


'tshal bstod/ /nga rgyal khengs sems spangs pa'i yon tan gyis/ /zhi ba'i tshig 'jam lha mo dbyangs snyan ma/ /tshig rtsub gshe ba'i gnyen po byed pa ste/ /ngag rtsub 'dul mdzad khyod la phyag 'tshal bstod/ /rang sems brnab sems spangs pa'i khyad par ni/ /'dzin pa'i rnam rtog rnam par spangs pa'i rtags/ /bdag med rtags su seng+ges rna ba brgyan/ /brnab sems spangs pa khyod la phyag 'tshal bstod/ /gzung ba'i yul la gnod sems rnam par spangs/ /phyi rol yul 'di gnyis med chos su gzigs/ /gang la gnod sems yang dag spangs pa'i rtags/ /sprul gyi sna rgyan can la phyag 'tshal bstod/ /log par lta ba'i chos phyogs rnams spangs te| |sangs rgyas chos las 'khrungs pa'i gzugs brnyan khyod/ /lta ba rnam par dag pa'i ngang tshul can/ /spros bral don dam ston la phyag 'tshal ba stod/ /'jig rten 'di na las gnyis dag ma dag /ma dag mi dge bcu las ngan song grub/ /dag pa'i dge ba bcu las mtho ris grub/ /las 'di dge ba dang por rab sbyangs pas| |gong nas gong ma'i sa la rab gnas kyang / /dge bcu'i rtags ni dman pa'i zhing 'dir bstan/ /gdug pa'i tshul can 'gro ba 'dren mdzad ma/ /bstod par 'os </font><hr>196a<br><font size=+1>


@#/ /pa khyod la phyag 'tshal bstod/ /de nas dpal lha mo nag mo chen mo la gnod sbyin gyi rgyal po rnam thos sras kyis lam rnam pa lnga'i tshul gyis bstod pa/ dam pa rnams kyis bgrod pa'i khyad par ni/ /tshogs kyis sbyangs pa'i don dam mthong ba yis/ /gnyen po ye shes rim par bsgom pa la/ /mthar phyin pa la gshegs pa'i don mchog lags/ /de bas lha mo khyod kyi mtshan nyid ni/ /'di ltar rab ldan khyod kyi khyad par te/ /dang po'i tshogs las yang dag rab bsags pas/ /dang po sa las sbyor ba'i ting 'dzin brnyes/ /rab tu dga' ba'i sa la don dam ni/ /rnam par mi rtog skye med tshul gyis gzigs/ /dpal ldan byang chub sems dpa'i khyad par ni/ /rang sems sa gnyis dag la rab brten nas/ /de bzhin sa gsum dag pa'i pha rol son/ /rang sems bzhi pa'i sa la cher bsgoms pas/ /lnga pa'i sa la bsam gtan pha rol son/ /rang sems drug pa'i sa la cher sbyangs pas/ /bdun pa la ni thabs kyi pha rol son/ /rang sems brgyad pa nyid la cher bsgoms pas/ /dpal ldan lha mo nag mo'i smon lam nyid/ /dgu pa la yang stobs kyi yon tan sgrub/ /de yi stobs kyi ye shes 'phen par 'grub// </font><hr>196b<br><font size=+1>


'di dag rnam par rdzogs par byas nas ni/ /sangs rgyas sa la smin pa'i smon lam can/ /sa brgyad non pas gzhon nu'i tshul 'chang ma/ /'gro ba 'dul phyir drag mo'i tshul ston cing / /gdug pa 'dul mdzad khyod la phyag 'tshal bstod/ /bdag kyang khyod kyi lam ltar myur 'grub shog /de nas mi 'am ci'i rgyal po ljon pa rta mgo can gyis dpal lha mo nag mo chen mo la gnyis su med pa'i sgo nas bstod pa/ dpal ldan lha mo gnyis su med pa ste/ /don dam spros bral chos nyid 'di las brtsal| |don dam kun rdzob gnyis su med pas bden/ /'khor ba mya ngan gnyis su med pas zab/ /sems can sangs rgyas gnyis su med pas 'phags/ /las dang rnam smin gnyis su med pas bstod/ /rgyu dang 'bras bu gnyis su med pas smin/ /yul dang yul can gnyis su med gcig gi dang / /spros dang spros med don dam dbyings kyis bsdus/ /bsod nams ye shes gnyis med tshogs chen te/ /mthong dang dam pa gnyis med dag pas bstod/ /bdag dang gzhan gyi chos ni ngang tshul gcig /gzung dang 'dzin pa gnyis med zab mo'i mthu/ /mtho ris ngan song gnyis bral dag pa'i zhing / /bzang ngan gnyis med rang bzhin gcig gis bstod/ /skye med </font><hr>197a<br><font size=+1>


@#/ /rdzogs pa gnyis med lhun grub mchog /sems dang phung po gnyis med sems nyid de/ /sgrub dang bsgrub bya gnyis med grub pa'i dang / /bdag gzhan gnyis med tshul mchog gcig gis bstod/ /yab dang yum mkha' gnyis med byang chub sems/ /thabs dang shes rab gnyis su med pa'i don/ /stong dang mi stong gnyis med zhi ba'i ngang / /gyur dang 'gyur med rtsol bral phyag 'tshal bstod/ /sgra tshig gnyis med brjod pa med pa'i ngang / /lus ngag gnyis med sems nyid gcig gi tshul/ /rtsol byed brtsal bya gnyis med don gcig pas/ /rnam par spros med don dam dbyings kyis bstod| |mu stegs sangs rgyas gnyis med tshul gcig pas/ /dbyings dang rig pa gnyis med don rtogs te/ /srid dang rnam grol yang dag don gcig pas/ / thams cad gnyis med sku la phyag 'tshal bstod/ /phyi dang nang med gnyis med gcig gi ngang / /sems ldan sems med rnam dag zhi ba'i tshul/ /snang dang mi snang gnyis med gcig gis mthong / /gnyis med don mchog khyod la phyag 'tshal bstod/ /'di dag rnams ni don dam zab mo'i tshul/ /spros pa med pa'i don dang </font><hr>197b<br><font size=+1>


'brel pa ste/ /'di rnams lha mo khyod kyi thugs la gsal/ /'di ltar bstod pas bdag kyang khyod ltar shog /de'i tshe de'i dus na dri za'i rgyal po zur phud lnga pas dpal lha mo la 'phrin las kyi sgo nas bstod pa/ sems nyid 'phrin las rnam bzhi'i khyad par ni/ /sems nyid gud na med cing sems kyang med/ /don dam spros bral kha dog gzugs kyang med/ /kun rdzob sgyu ma tsam du rang gi sems/ /mthun par bstan pa'i zhi ba dpal lha mo/ /zhi mdzad zhi 'gyur zhi ba'i ngang tshul can// zhi ba'i 'khor gyis bskor ba'i gtso mo ni/ /rtags kyi sku mdog dkar mo shin tu dwangs/ /kun tu zhi mdzad khyod la phyag 'tshal bstod/ /bdag gi dgra dang nad rnams zhi bar mdzod/ /mthun par bstan pa'i rgyas pa'i dpal lha mo/ /rgyas mdzad rgyas 'gyur rgyas pa'i ngang tshul can/ /rgyas pa'i 'khor gyis bskor ba'i gtso mo ni| |rtags kyi sku mdog ser mo shin tu brjid/ /kun tu rgyas mdzad ma la phyag 'tshal bstod/ /bdag gi bsod nams ye shes rgyas par mdzod/ /mthun par bstan pa'i dbang mo dpal lha mo/ /dbang mdzad dbang sgyur dbang gi ngang tshul can/ /dbang gi 'khor gyis bskor ba'i gtso mo ni/ /rtags kyi sku mdog dmar mo shin tu brjid/ / </font><hr>198a<br><font size=+1>


@#/ /kun tu dbang mdzad khyod la phyag 'tshal bstod/ /bdag gi nad dang dgra rnams dbang du mdzod/ /mthun par bstan pa'i drag po'i dpal lha mo/ /drag mdzad drag 'gyur drag mo'i ngang tshul can/ /drag mo'i 'khor gyis bskor ba'i gtso mo ni/ /rtags kyi sku mdog nag mo shin tu brjid/ /kun tu drag mdzad khyod la phyag 'tshal bstod/ /bdag gi nad dang dgra rnams drag pos sod/ /khyod kyi rang bzhin cir yang ma grub la/ /'di ltar mtshan nyid cir yang snang ba ni/ /'phrin las rnam bzhis 'gro don mdzad pa lags/ /bdag kyang las bzhi rang bzhin lhun grub nas/ /khyod ltar gzhan gyi don la brtson par shog/ de nas dpal lha mo nag mo la klu'i rgyal po dga' bos sku'i yon tan kyi sgo nas bstod pa/ gsang sngags rnal 'byor grub pa'i bdag nyid ma/ /yon tan rnams kyi sku mdog phyag mtshan ni/ /don du snang ba med kyang gdul bya'i phyir/ /rtags kyi phyag rgya 'di ltar bstan pa'o/ /khams gsum gdul phyir gdan du bong bu zhon/ /mya ngan mi 'da'i rtags su lcags sgrog mnga'/ /bdag don lhun grub glang chen ko bas brgyan/ /gzhan don phun sum tshogs phyir re ldes dkris/ /byang </font><hr>198b<br><font size=+1>


sems ldan spyi gtsug zla rgyas gsal/ /shes rab rtogs phyir lte ba nyi mas brgyan/ /dug gsum sdong po gcod pa'i ral gri dang / /bsod nams gter gyi phyag mtshan \?\ le bsnams/ /dbang drag rdzogs phyir ral ba kham nag sprug /nyon mongs 'dren phyir rno dbal mche ba gtsigs/ /'khor ba ljags la gter phyir rkan sgra 'debs/ / gdug pa zhe la gnon phyir sdang mig bgrad/ /thams cad dbang du sdud phyir spyan rtsa dmar/ /snyoms pa'i tshogs mchog mi 'gyur sku mdog nag /ma mo 'dul phyir dur khrod rgyan gyis brgyan/ /sku gsung thugs rtags phyag rgya kha T+wAM gsor/ /sku gsum rdzogs byed thod pa'i phreng bas brgyan/ /drag po myur mgyogs bstan phyir tshub mas brgyan/ /nyon mongs bsreg phyir me phung nang na bzhugs/ /'dod khams bskyang phyir yongs 'du'i shing la brten/ /lha min 'dul phyir rdzong gi dka' zlog ma| |dpa' brtan brtan phyir stag gi sham thabs mnabs/ /bstan pa bsrung phyir drag mo'i cha lugs rdzogs/ /nga rgyal dbang sdud bdag med sgra sgrog phyir/ / thabs kyi snyan cha g.yas pa seng+ges brgyan/ /zhe sdang dbang 'dul dug chen 'dul ba'i phyir/ /shes rab snyan cha g.yon pa sbrul gyi rgyan/ 'du byed mi rtag rtags su </font><hr>199a<br><font size=+1>


@#/ /dril bu sgrog /chags phyir thar \?\ mdzad pa'i klong 'thung / /dam tshig bsrung phyir zhing lpags rgyan du mdzad/ /tha dad las rnams 'dul phyir rma bya'i 'phru/ /nyon mongs sgrib pa'i tshogs rnams rab sbyangs nas/ /ye shes rig pa'i tshogs rnams shar ba'i phyir/ /rang bzhin gnas mchog byang shar mtshams na brtan/ /dbu ma'i sa la gnas phyir dre'u zhon/ /nyon mongs gdug pa 'dul phyir ma yi tshul/ /mkha' 'gro ma mo khyod la phyag 'tshal bstod/ /de nas grul bum gyi rgyal po sbrul mgo dgu pas dpal lha mo la sku gsung thugs kyi sgo nas bstod pa/ don dam gnyis med byang chub sems yin yang / /srid gsum gdul phyir rtags kyi phyag rgya ni/ /rang sems rnam dag drag po'i gzhal yas khang / /rak+ta khrag gi rgya mtsho 'khyil ba las| |keng rus thod phreng zhing gi rgyan dang ldan/ /sku mdog nag la rab 'jigs khro mo rgyal/ /sngon mo ral pa 'dzings pa'i sprul pa 'gyed/ /sku yi sprul pa dpal ldan re ma ti/ /gru gsum ser nag zhal gyi dbyings su bzhengs/ /yon tan rgyas mdzad ser mo mkha' la bzhad/ /'phrin las rgyas pa thams cad nye </font><hr>199b<br><font size=+1>


bar mdzod/ /gsung gi sprul pa dpal ldan re ma ti/ /gru gsum dmar nag zhal gyi dbyings nas bzhes/ /dmar mo chen mo dmar chen gtum rma ste/ /dpang gi 'phrin las thams cad grub par mdzod/ /sku gsung thugs ldan sprul pa rgya mtsho ma/ /drag po 'joms mdzad bdud dpung zil gyis gnon/ /'gro drug sgrol mdzad sems can kun gyi ma/ /bstan pa rgyas mdzad ma la phyag 'tshal bstod/ /bdag gi lus ngag yid gsum byin gyis rlobs/ /de nas dpal lha mo la lha ma yin gyi rgyal po thag bzang ris kyis don dam pa'i sgo nas bstod pa/ spros bral 'od gsal yang dag zhi ba'i ngang / /thugs kyi thugs mchog rnam dag bden pa'i yum/ /gdod gnas gnyis med nam mkha'i snying po ni/ /dpal ldan khyod kyi rang bzhin khyad par gsal/ /'di ltar rnam dag brjod med ngo bo la/ /byis pa rnams kyis bstod pa byed pa ltung / /blun po rnams kyis dngos por rab brtags nas/ /gzugs can tshul du gang zhig bstod pa'i tshig /rgyal ba'i don yang thugs chud khyod nyid la/ /tshig dang yi ge'i sgo nas bstod pa rnams/ /nam yang grol bar 'gyur ba'i chos nyid min/ /gdod nas gnyis med bde chen ma gtogs par/ /khyod kyi smon lam rtags kyi cho 'phrul </font><hr>200a<br><font size=+1>


@#/ /la| |don du bzung nas gang zhig bstod pa rnams/ /khyod la brten nas thams cad btub par 'gyur/ /gang zhig skye ba med par shes pa dang / /gdod nas gnyis med snying po sgom nus na/ /gang zag des ni khyod nyid bstod pa yin/ /khyod kyi gzugs dang kha dog 'dzin pa yis/ /bskal pa grangs med 'das par rab bltas kyang / /khyod kyi gzugs dang kha dog mthong mi nus/ /gang zhig gzugs su mi 'dzin rnams kyis mthong / /sgra dang tshig dang brjod pa thams cad kyis/ /khyod ni bos kyang bskal par mi thos te/ /'di dag spangs pa'i rnal 'byor de yis ni/ /khyod kyang bos la de yang khyod kyis thos/ /gang zhig lus ngag dge bas khyod sgrub pa'i/ /blun po de yis nam yang khyod nyid spangs/ /lus ngag spangs pa'i sems kyis khyod mchod nas/ /mchod na dngos grub de yis gter thob 'gyur/ /khyod ni rgyal ba mang po'i yon tan sdud/ /chos kyi dbyings na rgyal ba rnams dang mol/ /zab mo dbu ma'i rang bzhin ston pa'i phyir/ /mi mjed 'jig rten shin tu rtsub pa 'dir/ /phyir rol tshul gyis thams cad 'dren mdzad ma/ /khyod kyi sku ni 'di ltar rab brtags pa/ /sgrib pa mang po stong nyid ngang du gshegs/ </font><hr>200b<br><font size=+1>


stong nyid dam pa stong pa yang dag khyod/ /stong pa gnyis med shes pa rnams kyis bstod/ /'di ltar bstod na bstong par 'gyur grang bas/ /khyod ni bstod pa'i yul can ma yin yang / byis pa drang phyir don la 'di ltar bstod/ /de nas nam mkha' lding gi rgyal po rdo rje gser mig can gyis dpal lha mo la bstod pa/ dpal ldan lha mo dpag par dka' ba'i don| |thabs kyi cho 'phrul nam mkha'i mtha' la spyod/ /byang chub sems dpa'i sprul pa khyod nyid la/ /sgo gsum rdul snyed dbyangs kyis phyag 'tshal bstod/ /bdag gis khyod ni mchod bsam bsgribs kyang / /dpal ldan dngos grub dam pa thob bya'i phyir/ /'dod pa'i yon tan mkha' la char 'bab pas/ /mchod pa'i tshogs 'dis dbang po rgyal gyur cig /dpal ldan khyod ni dge sdig bdag po ste/ /bdag gi lus ngag yid kyi sdig pa'i tshogs/ /khyod kyi thad du 'gyod pas rab bshags na/ /thugs rje'i shugs kyis sgrib pa byang bar mdzod/ /khyod kyi khyad par yongs su 'phags pa ni/ /'gro ba'i don mdzad bdag don phun sum tshogs/ /dga' mthun phrag dog med pa'i spros pa ni/ /rjes su yi rang khyod kyi rgyud la 'bul/ /'di ltar yon tan ldan pa'i sku mchog ni/ /nag mo bzang mo 'jigs pa'i mthu stobs kyis/ /phyogs bcu dus gsum </font><hr>201a<br><font size=+1>


@#/ /kun tu 'gro don la/ sgyu 'phrul dra ba'i tshul gyis bskul bar spobs/ /yang dag khyed kyi yon tan sku mchog ni/ /gdug pa 'dul zhing bstan pa bsrung ba'i phyir/ /sems can zad par ma gyur bar du ni/ /mya ngan mi 'da' bzhugs par gsol ba gdab/ /'di ltar phyag 'tshal mchod nas bshags pa dang / /rjes su yi rang bskul zhing gsol btab nas/ /dge ba 'di yi ngan song stongs gyur te/ /thams cad tshogs rdzegs byang chub chen por bsngo/ /de nas dpal ldan lha mo la nam mkha'i lha bran rnams kyis bstod pa/ bskal ba me ltar 'bar ba'i klong dkyil na/ /rlung nag dgu pa'i klong dkyil pho brang nas/ /ma gcig 'dod pa'i khams kyi dbang phyug ma/ /bdud kyi yum la gshin rje'i lcam gcig ma/ /dpal ldan lha mo nag mo re ma ti/ /nag mo za byed rngam pa'i mche ba can/ /mthing nag gcer bu khrag gi ral pa can/ /khyod kyi sku mdog nag mor bzhugs pa ni/ /don dam dbyings kyi skyod pa med pa'i rtags/ /dbu skra g.yas nas g.yon du 'khyil ba ni/ /yum gyi mkha' la sprul pa 'gyed pa'i rtags/ / dbu gtsug ral pa gcig tu 'khyil ba ni/ /don dam dgongs spyod gcig tu mdzad pa'i rtags/ /ral ba'i gseb nas me stag 'phro ba ni/ /thugs kyi sprul pa phyogs </font><hr>201b<br><font size=+1>


bcur 'gyed pa'i rtags/ /dbu la grod \?\ rlon pheng ba bcings pa ni/ /thugs rje sprul skus 'gro don mdzad pa'i rtags/ /g.yas na seng+ge 'gying zhing mchong ba ni/ /sman mo thams cad zil gyis gnon pa'i rtags/ /g.yon na sbrul mgo'i gdengs ka 'phyar ba ni/ /zhe sdang ma spangs dbyings su dag pa'i rtags/ /snyan cha gser gyi dril bu 'khrol ba ni| |sangs rgyas kun la bsnyen sgrub byed pa'i rtags/ /spyan rtsa dmar la sdang mig bgrad pa ni/ /srid gsum rnal 'byor dam tshig gzigs pa'i rtags/ /zhal gyis drag po hom khung gdang pa ni/ /bstan pa 'jig pa'i ru tra sgrol ba'i rtags/ /rno gdug mche ba zur gsum gtsigs pa ni/ /bsgral ba'i zhing bcu sa la sgrol ba'i rtags/ / sku la zhing spags g.yang gzhi gsol ba ni/ /yang dag chos dang don dang ldan pa'i rtags/ /glang chen ko rlon snam phyed dkris pa ni/ /theg pa mchog gi don dang ldan pa'i rtags/ /re lde nag pos snam phyed dkris pa ni/ /'jig rten 'di na mche btsan ldan pa'i rtags/ /lte ba'i khung nas nyi ma 'char ba ni/ /sdug bsngal rgya mtsho bting nas skem pa'i rtags/ /spyi bo'i gtsug nas zla ba 'char ba ni/ /dug gsum ma rig mun pa sel ba'i rtags/ /zhabs la dbang gi lcags sgrog 'khril ba ni/ /thabs </font><hr>202a<br><font size=+1>


@#/ /dang shes rab zung du 'brel ba'i rtags/ /phyag g.yas shang lang nag po bsnams pa ni/ /sdug bsngal skye shi rtsad nas gcod pa'i rtags/ /phyag g.yon thod rlon dmar chen 'thung ba ni/ /'khor ba'i sdug bsngal khrag ltar 'thung ba'i rtags/ /bong bu ga pa byin phyogs zhon pa ni/ /log par lta ba'i sems can sgrol ba'i rtags/ /srin po'i og mas snga ru byas pa ni/ /srin yul lang+ga pu rangs 'dul ba'i rtags/ /sbrul nag chun pos gong rmed byas pa ni/ /zhe sdang dbang gi bgegs rigs 'joms pa'i rtags/ /rus sbal nag po'i phob tu btang ba ni/ /klu bdud nag po dam la btags pa'i rtags/ /snga sha g.yas pa bdud kyi khram bam ni/ /dam tshig nyams pa khram pa 'debs pa'i rtags/ /phyi shar nad kyi rgyal pa btags pa ni/ /bstan pa 'di la gnod pa'i dgra bo la/ /nad ka 'bebs shing dal kha sgyur ba'i rtags/ /don dam bcud kyi rtags su zhag gi zor ris btad/ /thugs rje chags pa'i rtags su rak+ta'i thig las brgyan/ /'dul byed 'phrin las rtags su thal ba'i mtshan mas btab/ /ma mo 'bum phrag bran du khol ba ni/ /khams gsum khyab par 'phrin las mdzad pa'i rtags/ /ma gcig kha nas </font><hr>202b<br><font size=+1>


me 'bar rgya mtsho skam/ /rdo rje 'phyar bas ri rab tshogs por 'phen/ /bdag gis btsun par lha mo khyod la bstod/ /de nas yang ga \?\ rte nag pos dpal lha mo la che ba'i yon tan gyi sgo nas bstod pa/ lha mo dpal ldan mkha' 'gro nag mo khyod la ni/ /rgyun du til mar gyis byugs lan bu gcig ma ste/ /ro nye rna chas bsgyings shing cha lugs mang po 'chang byed ma/ /rgyun du rkang sgrog lcags la byas pa gcig gis rkang la mdzes par brgyan pa ste/ /mtshan mo bong bu zhon nas 'gro ba de ni nag mo khyod nyid yin par shes/ /ral pas bdag nyid mdzes par brgyan te khyod kyi spyod pa mtsho chen don dag su yis shes/ /'khor ba 'jig pa'i tshe na mi rus dag la khrag dang zhag 'dzag du ba 'thul ba na/ /nag mo mche ba mi bzad khyod kyi zhal du 'gro kun skad cig tsam du zhugs par 'gyur/ /lha mo lag na mi thod thogs pa khyod ni rnal 'byor grub pa'i rnal 'byor can du dur khrod dgyes/ /khyod ni g.yog bcas mya ngan med cing 'chi ba'i 'jigs pa med par dril bu'i sgra yang sgrog /khyod ni dpa' bo dag gi mgo bcad g.yul du mtshon gyis bsad pa yi/ /mgo phreng lag na thogs shing gar thabs bskor zhing lag pa brkyang bskum che/ /rkub tshos che la klu dbang gshibs pa'i ska rags bcings shing </font><hr>203a<br><font size=+1>


@#/ /lag na mdung dang ni/ /ba dan thogs shing khrag gi chang gis ra ros myos te mig rtsa dmar por byas/ /mtshan mo dur khrod rgyu ba'i lha mo khyod ni 'byung bo phal chen kun gyis mthong / /rkang ba'i gos ni ko rlon mtshan pas drangs pas snam gyi phyed ni re ldes dkris/ /mi yi rgyu ma gsar pas zhal gyi zla ba brgyan cing khrag zhag tshom bus thig ler brgyan/ /mi sha so sor chem chem za yin mi ro'i cod pan mgo la brgyan pa ste/ /bdag la skyob pa'i drang mo mi sha thos khyod snga nas ma mthong gzod mthong na/ /bdud dang srin mo ma mo rnams kyang mig rtsa rig rig sdang zhing khyod la 'dud/ /lha mo bzang mo lus mdog nag cing bzod par dka' ba khyod la ni/ /brgya byin sogs kyis bstod pa byed pa'i gshin rje'i rgyal po nyid kyang rtag tu 'dud/ /lha rnams dang ni 'gro ba ma lus pa rnams 'jug phyir rab rtul bas na rna ba ya gcig la/ brang gis 'gro ba sbrul mgo gdengs ka stong dang ldan zhing phud sgrog shig gis rgyan nas brgyan du byas/ /ya gcig la ni seng+ge mtshungs med thogs shing rgya mtsho bskor zhing sa gzhi gnon pa'i sa steng gi /phyogs nas rgyu ba'i nyi ma zla ba lha mo khyod kyi sked nas 'char zhing srid gsum zil gyis gnon/ / </font><hr>203b<br><font size=+1>


rgya mtsho klong nas me 'bar chu rnams skem par byed par nus pa'i bud med thams cad zhi mdzad ma/ /lha chen sku dang 'tsham par bzhugs pa'i dka' zlog nag mo mi nad phyugs nad kun la 'jigs pa med/ /ma gcig dpal ldan lha mo khyod nyid la ni bdag ni gus par phyag 'tshal mchod cing bstod par bgyi/ /de nas dpal lha mo nag mo la bram ze mchog sred kyis kun rdzob kyi bden pa brten par bstod pa/ ma gcig lha mo dpal lha mo/ /rdo rje lha mo nag mo che/ /mthu chen khyod la phyag 'tshal bstod/ /bdag gis btsun par khyod bstod kyi/ /bkra shis mchog grub sems gter gnas/ /yid myur gzugs chen kun tu grags/ /ma mor grags shing 'jig rten skyong / /dpa' rtul drag spyod brtson 'grus che/ /'thab mo g.yul las rtag tu rgyal/ /gshin rje'i sring mo yin par bstod/ /gos su dar gos sngon po gsol/ /sdug dang mi sdug cha lugs 'chang / /spyan mig mthong na mi sdug kun tu sdang / /dad cing tshogs pa'i mi rnams sdud/ /res 'ga' ri brag zab mor gnas/ /res 'ga' tshal dang shing la gnas/ /res 'ga' dur khrod dbus na gnas/ /lha mo'i gnas rten de ru 'cha'/ /gnas de ri dang tshal dgon du/ /rtag tu lha mo khyod bstod na/ /de yi dgongs pa skong bar byed/ /bdag gis </font><hr>204a<br><font size=+1>


@#/ /rtag tu bstod byas na/ /bdag gi bsam pa grub par mdzod/ /rma bya'i sgo la rgyal mtshan byas/ /gang zhig rtag bsten srung bar byed/ /gnag lug phyugs rnams 'phel bar byed/ /seng+ge stag dang spyang ki yis/ /rtag tu kun nas bskor nas kyang / /rdo rje dril chen snyan par sgrog /byin te dril chen snyan par sgrog / lan 'ga' lag na tri shUl thogs/ /lan 'ga' nyi zla'i ru mtshon 'phyar/ /mar gyi tshes dgu bcu gcig na/ /de yi dus su mchod byas na/ /lha mo khyod las lhag pa med/ / bdud 'dul lha min srin mor ston/ /dgra dang 'thab tshe rgyal bar byed/ /bud med nang na mchog yin te/ /tshig dbang 'jig rten mgon po 'dra/ /rgyal po'i khab na pad+ma 'dra/ / zhal bzang zla ba nya ba 'dra/ /chu la rgal na gru zam 'dra/ /phongs pa rnams kyi gnyen bshes 'dra/ /lha dang lha min g.yul 'gyed tshe/ /lha mo khyod kyi lte ba la/ /lha rnams kun gyi rdzong bcas nas/ /lha dmag dkar po rgyal bar byas/ /lha ma yin rnams pham par byed/ /lag na mdung dmar chems se chems/ /ru mtshon ba dan me ltar 'bar| |dag 'dul g.yul zlog khyed la bstod/ /de nas drang srong chen po kau di n+yas dpal lha mo la dpe byad kyi sgo nas bstod pa/ 'jig rten gtso la rtag tu gus phyag </font><hr>204b<br><font size=+1>


'tshal| |ma rnams nang na khyod ni rtag tu mchog yin te/ /'jig rten gsum po thams cad khyod la bstod/ /byad bzhin sdug mdzes kun gyis blta bar mos/ /yon tan rnam pa sna tshogs lus rab brgyan/ /mig yangs 'dam skyes sngon po'i 'dab ma 'dra/ /bsod nams ye shes snang ba grags pas brgyan/ /dper na rin thang med pa'i nor bu 'dra/ / deng bdag pad+mo khyod la bsngags pas kyang / /sems la bsam pa thams cad 'grub par 'gyur/ /yang dag ye shes gya nom bkra shis pa/ /pad+ma lta bur shin tu rnam par dag /lus mdog rab mdzes kun gyis blta bar mos/ /mtshan ma yon tan rnam pa sna tshogs brgyan/ /dri med ye shes kun nas rab mdzes pa/ /dran pa rnams kyi nang nas mchog tu gyur/ /ji ltar seng+ge gcan gzan mchog gyur bzhin/ /sngags bstod tshig ni 'di las 'byung ba yis/ /bsam pa'i dngos po thams cad 'grub par shog /ces bstod do/ /de nas dpal phyag na rdo rjes 'dus pa rnams la bka' stsal pa/ khyed kyis dpal lha mo la bstod pa legs so/ /da yang bstod pa 'di dag gi don sgoms shig /yid la rtag tu zlos shig /lha mo 'di la bstod pa ni/ nga la bstod pa yin no/ /snags rgyas thams cad la bstod pa yin no/ /lha mo des kyang </font><hr>205a<br><font size=+1>


@#/ /mi 'di srung bar byed do/ /skyob par byed do/ /ci 'dod pa'i dngos grub ster ro/ /zhes bka' stsal pa dang / 'khor de rnams rab tu dga' nas bcom ldan 'das phyag na rdo rje la rgyan gyi char chen po phab nas so so'i gnas su 'khod do/ /bstod pa'i rgyal po'i rgyud rdzogs so// // </font><hr>

</table>