rgya gar skad du/ tA ra de bI nA ma aSh+Ta sha ta kaM /bod skad du/ lha mo sgrol ma'i mtshan brgya rtsa brgyad pa/ /lha mo chen mo sgrol ma rnam par rgyal ba'i nor bu rnam pa sna tshogs kyi do shal dang / na bza' dang / sham thabs kyi ga shal kas 'jig rten gyi khams chen po'i bla re byas pa la phyag 'tshal lo/ /de nas lha mo sgrol mas de'i tshe sngon ma 79b mthong ma thos pa'i gzungs kyi mchog brjod pa/ oM tre lo kya bi dza ya/ a tsi t+ta dza ya/ a ni ra tsi dza tA ya/ su dza ya/ bi dza ya/ ma hA dza ya/ bi dza ya/ dza ya dza ya/ he he/ sma ra sma ra/ ba ra ba ra/ ba ra da/ ma hA de bi/ bi la sa/ be la sa/ bi la sa/ ba dza a mo ta ka ri bi dza ya de bi hI hI/ ki ni ki ni bi laM ba se/ sma ra sma ra/ ma hA pra dz+nyA a ni ba ta/ badz+ra ma hA kA ru Ni kA| b+ha gi ni hrUM hrUM/ spu Ta s+phu Ta/ s+pho Ta s+pho Ta/ a be sha ya/ a be sha ya/ d+hu na d+hu na/ bi d+hu na/ bi d+hu na/ kam+pa/ kam+pa/ kam+pa ya/ su ra bi gan+d+ha/ ti si ta/ mu khe ha la da ba la/ saM ga rA dzA na bi ma bi gi /bi na sha ya bi nA sha ya/ he b+ha ga ba ti/ san+t+ra sa ya/ bi ga nA na/ pa ri ba lA ya/ asma kaM asma kaM /mA da ni mA da ni/ sam bo d+ha ya saM bo d+ha ya/ ha ra ha ra/ hi ri hi ri/ hu ru hu ru/ bi ta ra ka ba ra dza/ haM haM/ tro tA ya haM haM/ san+t+ri tA ya/ san+t+ro ya/ man+ta man+ta/ mard mard/ tsa ra tsa ra/ saM tsa ra saM tsa ra/ be ga be ga be ga ba ti/ na mo na mo na maH swA hA/ de nas lha dang lha min tshogs/ /srin po gnod sbyin mi 'am/ ci/ /lto 'phye chen po'i tshogs rnams dang / /'byung po dri za log 'dren rnams/ /'jig rten gsum du grags pa'i mchog /gsang sngags chen po 'di thos nas/ /skrag cing mgo bo smad gyur te/ /lag pa chen po yongs bskyod nas/ /gang gis 'di nas sa gsum 'di/ / 80a @#/ /mtha' dag khyab par bya ba'i phyir/ /'dod pa'i lha yi ngag bzlog pa/ /sgrol ma spyan yangs phyag 'tshal lo/ /spyan ras gzigs kyi rigs smras pa/ /che ba nyid kyis grags pa'o/ /spyan yangs khyod ni sems can rnams/ /phan bzhed slad du 'byung ba lags/ /de nas dbang phyug la sogs pa/ /lha dang lha min 'dus kun dang / /rig sngags 'chang gi bdag po dang / /de bzhin rig sngags 'chang ba rnams/ /bla gos phrag pa gcig gzar te/ /bskor ba mchog ni byas nas kyang / pus mo'i lha nga sa steng du/ /btsugs nas tshig ni 'di skad smras/ /sgrol ma 'od 'bar de la ni/ /phyag 'tshal phyag 'tshal phyag 'tshal lo/ /ming brgya rtsa brgyad dam pa yis/ / dpe med ming ni brjod par bgyi/ /bkra shis rnam rgyal dpal bzang ba/ /skye rgu'i dbang phyug mngon shes myur/ /dbang phyug rab dga' 'jigs la drag /rgod bag med cing dregs pa med/ /pad+ma'i spyan dang pad+ma'i zhal/ /pad+ma'i lte ba rab gtsang sbyin/ /spyan bzang spyan ni yangs pa ste/ /sngo ba ut+pal sngon po'i 'od/ /skyob pa skyabs 'os bde ba sbyin| |de bzhin stobs sbyin gzugs sbyin pa/ /mgon po mgon mdzad drag mo ste/ /dkon mchog gsum po rgyal mdzad ma/ /sgros dmar so ni dmar ba ste/ /spyan rtsa dmar 80b pos gzigs par mdzad/ /dga' mdzad dga' stobs pad+ma lags/ /pad+ma'i mdog can pad mdog dgyes/ /'jig rten gsum 'dul zhi ba ste/ /'jigs pa'i cha lugs stobs mo che/ /'dul du 'jug ma 'dul mdzad ma/ /bstod ldan mi mchog dam pa lags/ /rab gsal 'dul ba rdo rje can/ /rnam par rgyal ba 'od gsal ba/ /byang chub rdul med dri ma med/ /zla ba lha mchog rnams kyi rje/ /sred bya dang ni sred bya'i bar/ /rgyu zhing gshegs la 'od zer mdzes/ /chu lha g.yul 'gyed 'gying bag can/ /skyes mchog rang bzhin yid 'phros rgyas/ /gtsug phud gsum po lto tshil gsum/ /spyan gsum dri ma gsum sel pa/ /srid pa sel mdzad khong dge ba/ /tshig ldan ma yang de bzhin grags/ / rgyal ba sbyin pa bsod nams sbyin/ /sdig pa 'joms ma 'jigs pa med/ /nor sbyin mdog sbyin zhi ba ma/ /gzugs bzang phyal bzang nu ma bzang / /sgyu 'phrul sgyu 'phrul ldan zhing 'dul/ /dul ba srung ba rdul sel ba/ /phreng ba thogs ma rgyags mdzad ma/ /rgyags pa sbyin ma dregs spong ma/ /drag mo lags te gzi skyed ma/ /dkar mo zhi mdzad bde ba mo/ /skye rgu'i bdag mo tshangs par ldan/ /tshangs sbyin dbang phyug dam pa lags/ /zla ba'i 'od can zla ba'i zhal/ /zla ba'i gzi ni 'phrog par mdzad/ /nyi ma'i gzi 'phrog 81a @#/ /dgyes pa mo/ /yid 'ong bzang zhing zhi ba mo/ /bde ba bde ldan mu dang stegs/ /bkra shis bgegs rnams sel mdzad ma/ /nor sbel bsod nams rnam par rgyal/ /dzam+bu'i chu bo'i gser dngul 'od/ /'jigs pa sel ba 'jigs med sbyin/ /sgrol ma lags te zla ba'i zhal/ /sems can kun la med mi 'gyur/ /mchod gnas phyag gnas dga' mdzad ma/ /cha lugs sngo ba cha lugs bzang / /rgyan dmar rgyan du thogs pa ste/ /na bza' gser mnabs gang+gA ma/ /dkar mo 'bar ba rnam par gzigs/ /gi 'u wa nga gi \?\ thig le spos/ /'khor ldan rdo rje chu lha nyid/ /dkyil 'khor mchog mnga' 'jigs mdzad ma/ /tshems dkar bzhad cing tshems dkar 'dzum/ / dpung rgyan snyan cha gdub kor thogs/ /do shal 'bar ba'i chun po can/ /'od dpag bzang ldan zhal bzang ma/ /grog ni nim pa'i lo ma thogs/ /nor bu'i cod pan nor bu 'chang / /nor bu'i rgyan rnams rgyan du thogs/ /nor bu'i 'od zer snang ba can/ /nor bu'i dkyil 'khor rgyan mnga' ba/ /'bar ba'i mdog mnga' rdo rje can/ /skyes pa bud med sad par mdzad/ /zhi ba dbyig thogs mche ba can/ /tshangs pa'i zhugs can rlung dang ldan/ /bud med lags te mkha' las gshegs/ /lha mo mchog gi 'od 'phro 81b ma| |'od dang ldan pa 'dod pas 'dul/ /'dod pa'i khro bo rab 'joms ma/ /drag po thor tshugs gtsug phud can/ /tshangs pa tshangs pa'i gsung ldan rgyal/ /ping+ka'i skad 'dra pheg bzang ma/ /'jig rten dbang phyug rigs mchog skyes/ /dbyig pa'i shing la rdo rje thogs/ /drag mo rin chen 'od kyis brgyan/ /gshegs na snyan cha dri med g.yo/ / gshin rje ba yi yid la 'jug /rig sngags 'chang ma gzugs 'chang ma/ /stobs lnga stobs dang ldan par mdzad/ /stobs dang stobs mang mnga' ba ste/ /shes rab mtshon gyis gcod par mdzad/ /sgyu rtsal lags te sgyu rtsal ldan/ /de bzhin brjod dang smra ba lags/ /steng nas khyams dang khyams bzang tshul/ /tsam pa ka yi chun pos gsal/ /ser mo can pa legs pa'i rten/ /drag mo phyag na chun po thogs/ /skal pa bzang mo gshal ka can/ /de bzhin shin tu shas cher dgyes/ /rigs mtshan shin tu stobs dang ldan/ / rdo rje khro bo dga' mdzad ma/ /bde ldan blo ldan rdo rje'i thogs/ /blo mdzad shes rab skyed par mdzad/ /lha mo la me cod pan can/ /lha rnams kun la tshul lhag ma/ /sred med bu mo sdig pa sel/ /bkra shis ngo tsha shes dang dgyes/ /rab tu dga' ba grogs na dga'/ /spyod tshul dga' la dga' dang ldan/ /dga' ma dga' bar mdzad pa ste/ /chos rnams 82a @#/ /kun gyi legs pa'i rten/ /sangs rgyas sprul pa sprul mdzad ma/ /nga rgyal sel bar mdzad pa ste/ /las dang nyon mongs rab 'joms shing / /'dod pa'i sde rnams rab 'joms ma/ /shes pa bcu mnga' sangs rgyas pa/ /pha rol phyin pa bcu la gnas/ /sa bcu dag la mnga' brnyes pa/ /stobs rnams bcu pos cher gsal ma/ /rdo rje cod pan rdo rje 'chang / /rdo rje phra mo lha min sel/ /dus kyi rdo rje rab tu rgyags/ /rdo rje lcags kyu bde ba dpal/ /rdo rje zhags pa zhags pa bzang / /sgeg mo rdo rje phyag na bsnams/ /yid 'ong yid la tshim par mdzad/ /pha rol bgegs rnams sel mdzad pa/ /tshim mdzad shas cher bde ba ste/ /rol cing gar thabs ston par mdzad| |chos can ha la ha la'i 'od/ /chos sbyin rnam par gzigs pa lags/ /khyod ni rdo rje 'phro ba dang / /bdud rtsi rdo rjer brjod pa ste/ /rdo rje 'bar ba stobs mo che/ / lha mo chen mo khyod phyag 'tshal/ /bdag cag rnams kyis bstod pa yis/ /mtshan brgya rtsa brgyad mchog 'di brjod/ /kye kye bcom ldan mchog nyid ni/ /smra ba rnams kyi mchog lags gsungs/ /de nas zla ba'i 'od 'dra zhing / /'bar la 'phro bar ldan pa yi/ /lha mo sgrol ma brjid bag can/ /'dzum bzhin du ni rab smras pa/ /dbang phyug 82b chen po la sogs kun/ /nga yi tshig ni mnyan par gyis/ /thams cad rtag tu mthun par ni/ /stobs bcu dag la brtson par gyis/ /de bzhin gshegs pa'i tshul chen yang / /dus kun du ni srung bar gyis/ /zhi ba'i lam la dmigs pas ni/ /'khor ba'i rgya mtsho mi bzad cing / /'jigs pa chen po'i gzhir gyur pa/ /rgal dga' khyed kyis rgal bar gyis/ mya ngan 'das pa'i grong khyer la/ /dmigs nas brtson te 'jug par gyis/ /de nas nyi 'od 'bar ba yi/ /phreng ba lta bu mdzes pa'i zhal/ /de bzhin gshegs pa'i 'brug gi sgra/ / 'dra ba'i tshig ni bka' stsal pa/ /kye ma rig sngags sgrol ma'i mchog /mun pa sel bar byed pa dang / /mthu stobs rgya chen skyed byed pa/ /sgrib pa thams cad gcod byed pa/ / tshogs rnams skyed pa'i gzi brjid kyis/ /dag par byas pa ma yin pas/ /shas cher dga' bar byed pa yi/ /gzungs 'di thos par mi 'gyur ro/ /sngon chad sangs rgyas brtson byas pa'i/ /brtan po gzi brjid dag rnams la/ /dam tshig chen po rig sngags kyi/ /dam tshig 'di ni 'byung bar 'gyur/ /nyon mongs mtha' dag rab 'joms shing / / sdig pa thams cad sel byed pa/ /sems can thams cad rab 'byed pa'i/ /gzungs sngags rdo rje mchog 'dzin pa/ /su zhig mnyam par bzhag pa yis/ /nyan tam 'chang 83a @#/ /ngam klog byed na/ /rang byung gis ni gsungs pa bzhin/ /de yi don kun 'grub par 'gyur/ /nyon mongs kun las rnam grol zhing / /sems can kun las lhag pa'i mchog /'jig rten dag tu chos shes la/ /'dzud pa'i de bzhin gshegs dang mtshungs/ /su zhig ming brgya rtsa brgyad 'di/ /'don cing sgrol ma zla ba'i zhal/ /de bzhin bstod byed de dag ni/ /sangs rgyas nyid kyang thob par 'gyur/ /de yi don kyang 'grub 'gyur zhing / /rgyal po rnams dang stobs chen mi/ /gzhan yang sems can bgrang ba gang / /thams cad de yi dbang du 'gyur/ /lha mo sgrol ma zhal bzang ba'i/ /ming brgya rtsa brgyad grags pa 'di/ /'jig rten dag na rgyags pa dang / /nyon mongs mi rigs kun sel ba'o/ /de nas bdud ris gyen du g.yos pa'i ri bo 'khrug byed pa/ /de bzhin gshegs pa'i ri bo mchog dang 'dra ba'i sku mnga' ba/ /'od gsal lha dang mi rnams legs par sad par mdzad pa po/ /rgyal sras thu bo rnams kyis khyad par stobs kyis bsten pa yis/ /gsung rab rtag tu tshogs chen brda sprod la| |don chen grags shing phan phyir zhugs pa gang / /rab des chos de dang ni sdud byed dang / /de bzhin khyad par sems pa'i rims sel bas/ /bzod med nyon mongs 83b sel ba dang / /zhi ba'i yid ni skyed pa'i tshig /rgyal ba mchog gis bka' stsal nas/ /gzhes par gyur te mi gsung bzhugs/ /de nas sgrol mchog lha mos gtser gyur dga' bar byed cing yid 'phrog la/ /dga' ba rgya chen skyed cing tshe dang bde sbyin bstan pa'i tshig thos pas/ /lha tshogs lha min tshogs bcas mtha' dag dga' ba rgyas shing rmad byung nas| |rab tu dga' zhing spyi bos thal mo sbyar te smra ba zhi bar 'gyur/ /sgrol ma'i mchog ces bya ba'i gzungs te/ lha mo sgrol ma'i mtshan brgya rtsa brgyad pa rdzogs so// // |