rKTs


H683

(e-text produced by ACIP)

see text in Tibetan script
101b
dpal lha mo sgra dbyangs la bstod pa/ lam gang gis na sangs rgyas 'byung ba dang / /rgyal ba sras bcas chos kyi bla mar gyur/ /mkhyen pa'i rim par sa rnams bkod pa yi/ /shes rab dkyil 'khor mang la skyabs su mchi/ /phyag 'tshal dpal ldan lha mo dbyangs can ma/ /'jig rten khams 'dir smra la dbang brnyes shing / /drang srong rig gsum rig pa'i pha rol gshegs/ /de ni spyod pa rgya
102a
@#/ /chen rnams las byung / /sems can don phyir 'phrin las chen po'i khur/ /spro bar dka' ba kun kyang khyod kyis mdzad/ /sa dang pha rol phyin pa bcu spyad pas/ /dge ba'i tshogs brtan yid bzhin las su bsgyur/ /zhal gyi dkyil 'khor zla ba dri med rgyas/ /thugs rje'i spyan gyis 'gro ba'i mig byed pa/ /dus ring 'jig rten kun la bde bar gzigs// de la dbang po tshangs sogs shin tu 'dud/ /byams shing bzod ldan snying rje bskyed pa'i ma/ /lha mo mchog de 'gro kun skyong bar dgyes/ /thor tshugs ri bo rtse 'dra spobs pa 'phags/ / shes rab zab cing shes pa'i rten byed kyang / /rig pa'i gnas la mnga' brnyes tshig gi bdag /'jig rten na yang lha yi lhar gyur la/ /sdug bsngal bsal bar rab brtson gnyen mchog pas/ /mu su rtog ge ba rnams kun kyang 'dud/ /yan lag rnam par 'byes shing gsung snyan pa/ /yon tan dri med bsod nams 'bar bar bsgyings/ /rig pa mchog gi dngos grub sbyin mdzad pa/ /blo myur tshig 'chang spobs pa'i mchog stsol cig /sems can kun la rtag tu phan sems pa/ /mi bslu mchog khyod rnam grol sa la bzhugs/ /thugs dam brtan bcas bskul ba rnams la yang / /dpal gyis dgongs shig don kun nye bar skongs/ /'di ltar 'jig rten dag na snang ba kun/ /sgra 'joms khyad par tshig gis don mtshon te/ /
102b
phan tshun shes shing yang dag brda sprod pa'ang / /dbyangs can khyod kyi mthu ste bsam mi khyab/ /gzungs dang chos kyi stobs la dbang brnyes pa/ dam tshig bden grub drang srong shes nyen can/ / lus sems ngag rnams byin gyis rlob pa dang / /yid 'ong sgras kyang 'jig rten tshim par byed/ /byang chub mchog gi spyod phyir su dag mos/ /bdag dang gzhan don phun sum tshogs 'gyur ba'i/ /lus dang ngag yid rnam dag mchog 'dod la/ /bcom ldan 'das mas rtag tu don mchog stsol/ /bdag ni dpa' zhing byang chub lam brtson dang / /lce yi dbang po dag cing tshig btsun la/ /rig pa'i gter ldan smra la thogs med dang / /bde gshegs spobs pa nye bar sgrub tu gsol/ /rig pa'i yum gyi rang bzhin rtog las bden/ /snyan pa'i rgyal mtshan dga' ba'i shugs kyis bskyod/ /mkha' la sna tshogs rnam par dri 'dod ltar/ /mtshan nyid rtogs dka' yon tan gting mtha' med/ /na mo b+ha ga wa te/ brah+ma Ne/ na maH swa ra swa t+yai de bi sid+d+h+ya n+tu man+t+ra pA da taM bra h+mA nu man+t+ra swA hA/ dpal lha mo sgra dbyangs la bstod pa rdzogs so// //