H694

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H694</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H694&coll=lhasa">see text in Tibetan script</a></table>287a<br><font size=+1>


rgya gar skad du/ A R+Ya ma hA badz+ra me ru shi kha ra kU Ta gA ra d+hA ra Ni/ bod skad du/ 'phags pa rdo rje'i ri rab chen po'i rtse mo'i khang pa brtsegs pa'i gzungs/ /sangs rgyas dang / byang chub sems dpa' thams cad la phyag 'tshal lo/ /dI skad bdag gis thos pa'i dus gcig na| bcom ldan 'das rdo rje'i lhun po chen po'i rtse mo'i khang pa brtsegs pa rdo rje chen po'i ting nge 'dzin gyi sa'i gnas rdo rje chen po'i dpag bsam gyi shing </font><hr>287b<br><font size=+1>


ljon pas legs par brgyan pa/ rdo rje chen po'i rdzing gi rin po che'i pad+ma'i 'od kyis snang bar byas pa/ sa phyogs rdo rje chen po'i bye ma bdal ba/ rdo rje chen por byin gyis brlabs pa/ 'khor gyi khyams rdo rje chen po las byas pa/ lha'i dbang po brgya byin gyis rdo rje chen po'i seng+ge'i khri bye ba khrag khrig 'bum phrag stong gis rnam par mdzes pa/ chos bstan pa dang / cho 'phrul can/ sangs rgyas thams cad kyi byin gyi rlabs kyis byin gyis brlabs pa/ chos thams cad kyi mnyam pa nyid la 'jug pa/ thams cad mkhyen pa nyid kyis nges par 'byung ba na byang chub sems dpa' bye ba khrag khrig 'bum phrag brgyad cu rtsa bzhi thams cad kyang skye ba gcig gis thogs pa/ bla na med pa yang dag par rdzogs pa'i byang chub las phyir mi ldog pa/ mthu chen po thob pa/ rdo rje chen po'i rnam par thar pa'i ting nge 'dzin gyis sangs rgyas kyi zhing rnam par 'phrul pa dang cho 'phrul chen po kun tu ston pa/ sems kyi skad cig thang gcig yungs tsam gcig la sems can thams cad kyi sems dang spyod pa'i rjes su 'jug pa'i chos bstan pa sna tshogs mnyam pa nyid snyan cing rgya che la zab pa dang / spobs pa dang / cho 'phrul dang ldan pa/ sangs rgyas kyi zhing du mar de bzhin gshegs pa la mchod pa rgya chen </font><hr>288a<br><font size=+1>


@#/ /po'i sprin gyis mchod pa dang / rnam par thar pa'i sgo dang / gzungs dang / ting nge 'dzin dang / dbang dang / mngon par shes pa dang / ma 'dres pa dang / byang chub kyi yan lag dang / lam dang / sa bcu dang / pha rol tu phyin pa dang / thabs la mkhas pa dang / bsdu ba'i dngos po dang / byams pa dang / snying rje dang / dga' ba dang / btang snyoms dang / byams pa'i stobs dang / dben pa dang / yongs su byang ba'i sems kyi rgyun dang ldan pa sha stag la 'di lta ste/ byang chub sems dpa' sems dpa' chen po rdo rje snying po zhes bya ba dang / rdo rje'i mig dang / rdo rje'i lus dang / rdo rje blo gros dang / lag na rdo rje dang / rdo rje 'dus pa dang / rdo rje mthu bo che dang / rdo rje rnam par 'phrul pa dang / rdo rje brtsegs pa dang / rdo rje phung po dang / rdo rje nga ro dang / rdo rje bzang po dang / byang chub sems dpa' dpa chen po rdo rje tog ces bya ba dang / de dag la sogs pa byang chub sems dpa' bye ba khrag khrig 'bum phrag brgyad cu rtsa bzhi dang / nyan thos chen po rab tu mang po thams cad kyang dgra bcom pa/ zag pa zad pa/ srid par kun tu sbyor ba zad pa/ yang dag pa'i shes pas sems shin tu rnam par grel ba/ rdzu 'phrul gyi stobs dang / cho 'phrul bsam gyis mi </font><hr>288b<br><font size=+1>


khyab pas rnam par 'phrul pa'i mthu chen po thob po/ /lta ba chags pa med pa/ thams cad kyang dri ma dang bral ba/ kun nas nyon mongs pa'i bag chags kyi sa bon nges par bsregs pa sha stag la 'di lta ste/ tshe dang ldan pa shA radwa ti'i bu dang / tsha dang ldan pa byams pa'i bu gang po dang / tshe dang ldan pa ka pi na dang / tshe dang ldan pa rab 'byor dang / tshe dang ldan pa mau dgal gyi bu chen po dang / tshe dang ldan pa skul byed dang / tshe dang ldan pa dga' byed dang / tshe dang ldan pa ga ya 'od srung dang / tshe dang ldan pa 'od srung chen po dang / tshe dang ldan pa lteng rgyas 'od srung dang / de dag la sogs pa nyan thos chen po rab tu mang po dang / lha'i bu dbang phyug chen po la sogs pa gnas gtsang ma'i ris kyi lha'i bu grangs med dpag tu med pa gzhal du med pa dag dang / mi mjed kyi bdag po tshangs pa dang / lha'i bu tshangs pa bzang po la sogs pa tshangs ris kyi lha'i bu rnams dang / lha'i bu rab 'thab bral g.yog 'thab bral gyi lha'i ris kyi lha'i bu dang bcas pa dang / yongs su dga' ldan dang / 'phrul dga' dang / gzhan 'phrul dbang byed dang / lha'i dbang po brgya byin lha'i bu thams cad kyi 'khor can dang / lha ma yin gyi dbang po thags bzang ris dang / stobs can dang </font><hr>289a<br><font size=+1>


@#/ /rab sim dang / sgra gcan dang / rnam par snang byed dang / de dag la sogs pa lha ma yin gyi dbang po tshad med grangs med dpag tu med pa rnams dang / klu'i rgyal po rgya mtsho dang / ma dros pa dang / 'jog po dang / nor rgyas kyi bu dang / dung skyong dang / stobs kyi rgyu dang / pad+ma dang / pad+ma chen po dang / mtha' yas dang / de dag la sogs pa klu'i rgyal po tshad med grangs med dpag tu med pa dag dang / mi'am ci'i rgyal po ljon pa mi'am ci'i rgyal po'i g.yog du ma can dang dri za'i rgyal po gtsug phud lnga pa dri za'i rgyal po'i g.yog du ma can dang / rig sngags 'chang gi rgyal po don thams cad grub pa rig snang 'chang gi rgyal po'i g.yog du ma can dang / nam mkha' lding gi rgyal po gser mig nam mkha' lding gi rgyal po'i g.yog du ma can dang / gnod sbyin gyi rgyal po chen po rnam thos kyi bu dang / nor bu bzang dang / gang ba bzang dang / gnod sbyin gyi rgyal po lngas rtsen gnod sbyin gyi rgyal po'i g.yog du ma can dang / 'phrog ma bu lnga brgya'i g.yog can dang / 'jig rten gyi ma bdun dang / sring mo chen mo bdun dang / drang stong chen po bdun dang / bar snang la rgyu ba'i rgyu skar dang / gza'i lha thams cad </font><hr>289b<br><font size=+1>


dang / phyogs kyi lha rnams dang / phyogs mtshams kyi lha rnams dang / sa'i lha dang / dbyangs can dang / 'byung po rnams dang / bgegs rnams dang / log 'dren rnams dang / yi dwags dang / 'byung po rdzu 'phrul chen po rnams dang / re'i rgyal po thams cad dang / 'jig rten skyong ba chu lha g.yog rgya mtsho'i lha thams cad dang bcas pa dang / 'phags skyes po dang / mig mi bzang dang / lag na be con dang / bden bral dang / me'i lha dang / rlung gi lha chen po bdun dang / dbang bdag chung ma dang bcas pa tshogs bye ba khrag khrig 'bum phrag du ma'i 'khor can dang / sred med kyi bu g.yog dang bcas pa dang / byin pa po dang / phreng ba can dang / lcags can dang / tshogs kyi bdag po chen po dang / sprin ta la dang / log 'dren dbang po bgegs log 'dren gyi g.yog du ma can dang / shing gseb kyi lha drug cu dang / sring mo bzhi ming po dang bcas pa dang / ma bdun dang / rdo rje lcags kyu dang / rdo rje lu gu rgyud dang / rdo rje pho nya mo drug cu rtsa bzhi dang / rdo rje'i sde dang / lag bzang dang / gtsug gis 'gro rdo rje'i rigs kyi 'khor du ma dang bcas pa dang / de ma yin pa gzhan yang sangs rgyas dang / chos dang / dge 'dun la mngon par dad pa'i lha dang / klu dang / gnod sbyin dang / dri za dang / lha </font><hr>290a<br><font size=+1>


@#/ /ma yin dang / nam mkha' lding dang / mi'am ci dang / lto 'phye chen po dang / 'byung po dang / yi dwags dang / sha za dang / smyo byed dang / brjed byed dang / sgrub pa dang / sbrul 'dzin bcas dang / gnon po tshad med dpag tu med grangs med pa rnams dang / lha'i bu nyi ma dang / lha'i bu zla ba dang / dus tshigs kyi lha dang / nub ka'i lha dang / dus kyi lha thams cad dang / gnam sa'i lha thams cad dang yang thabs cig go/ /de ltar yang bcom ldan 'das de chos kyi 'khor lo ni/ shin tu bskor| sangs rgyas kyi mdzad pa ni/ shin tu yongs su mthar phyin/ bsod nams dang / ye shes kyi tshogs ni/ shin tu yongs su rdzogs/ thams cad mkhyen pa nyid dang / byang chub chen po dang / pha rol tu phyin pa dang / sa brnyes pas ni/ shin tu yongs su bzung / skyes bu chen po'i mtshan 'bar ba sum cu rtsa gnyis kyis ni sku brgyan/ dpe byad bzang po brgyad cus ni/ yan lag dang / nying lag thams cad rnam par spras/ spyi gtsug ni/ sems can thams cad kyis bltar mi mthong / bdud kyi tsher ma thams cad ni/ dkrugs/ de kho na nyid mkhyen pa nyid ni/ rim par thugs su chud/ spyan rnam pa lnga ni/ mnga'/ rnam pa thams cad mkhyen pa'i mchog </font><hr>290b<br><font size=+1>


dang ni/ ldan/ thams cad mkhyen pa'i ye shes dang ni/ ldan/ sangs rgyas kyi chos thams cad ni/ ldan/ bdud dang phas kyi rgol ba dang / ngan pa'i tshogs can gyi tshogs thams cad ni| bcom/ brjod pa'i sgra dang tshigs su bcas pa ni/ 'phags/ khyu mchog dang / seng+ge'i sgra ni sgrog/ ma rig pa'i mun pa ni kun tu gsal/ bskal pa bye ba khrag khrig 'bum phrag grangs med dpag tu med par sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / stobs dang / smon lam dang / ye shes kyi pha rol tu phyin pa dang / dka' ba spyad pas mngon par grub pa'i skyes bu chen po'i mtshan sum cu rtsa gnyis dang / dpe byad bzang po brgyad cus sku brgyan pas ni/ mdzes shing / rin po che rdo rje'i pad+ma'i snying po'i seng+ge'i khri la ni/ bzhugs te/ gdan rin po che dang / rdo rje'i pad+ma'i seng+ge'i khri ri rab tsam rdo rje dang / rin po che dang / mu tig dang ldan pa'i dril bu g.yer ka'i dra ba du ma sil sil sgra 'byung ba/ rdo rje dag rin po che du ma'i stegs bu la rtsa pa legs par brten pa| rdo rje dang rin po che du ma'i chu srin gyi kha nas byung ba'i mu tig dmar po'i phreng ba dang ldan pa'i snam rten dang bcas pa/ rin po che du ma'i pad+ma'i snying po la chags </font><hr>291a<br><font size=+1>


@#/ /pa'i rin po che ke ke ru dang / ke ke ru chen po dang / and rnyil dang / mthon ka chen po dang / dun las du ma'i 'od zer 'bar bas snang bar gyur pas kun tu mdzes pa/ rin po che dang / rdo rje'i thur mas brgyan pa'i gdugs yu bas bstod pa bye ba khrag khrig 'bum phrag du mas grib mar bsgribs shing bskyabs pa/ dpag bsam gyi shing du mas mdzes par byas pa rgya che ba la bzhugs te gser gyi ri bo ltar dpal gyis 'bar ba/ nyi ma stong bas lhag pa'i 'od kyi dkyil 'khor 'byor pas sa phyogs mdzes par gyur ba/ zla ba nya ba ltar 'jig rten kun gyis mthong na dga' ba/ dpag bsam gyi shing ljon pa chen po ltar sangs rgyas kyi chos rnams kyis yang dag par rgyas par chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su dkar ba yang dag par ston to/ /de nas bcom ldan 'das kyi spyi gtsug gi mtshams kyi mdzod spu nas sangs rgyas kyi zhing thams cad kun tu ston pa zhes bya ba'i 'od zer gyi dra ba chen po byung ste/ 'od zer gyi dra ba des stong gsum gyi stong chen po'i 'jig rten gyi khams </font><hr>291b<br><font size=+1>


'di snang bas gsal bar byas par gyur to/ /gang+gA'i klung gi bye ma ji snyed pa dang mnyam pa'i sangs rgyas kyi zhing de dag thams cad kyang snang ba des gsal bar snang bar gyur to/ /sangs rgyas kyi zhing de dag na sangs rgyas bcom ldan 'das gang dag bzhugs pa de dag kyang seng+ge'i khri du ma bkod pa'i khang pa brtsegs pa'i gzhal med khang rnams na chos ston to/ /nyan thos chen po de dag dang / byang chub sems dpa' sems dpa' chen po dag dang thabs cig go /dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams dang yang thabs cig go /de dag thams cad kyang rdo rje'i lhun po chen po'i rtse mo'i khang pa brtsegs pa'i gzungs yang dag par rab tu ston to/ /de dag thams cad kyang kun tu snang ngo / / skad cig de la sems can de dag thams cad bde ba thams cad kyis tshim par gyur to/ /'on pa rnams ni/ sgra thos so/ /long ba rnams ni/ mig thob bo/ /smyon pa rnams ni| dran pa rnyed do/ /nad pa rnams ni/ sos par gyur to/ /sbrum ma rnams ni/ bde bar btsas so/ /sems can dmyal ba thams cad kyi sdug bsngal rnams ni/ med </font><hr>292a<br><font size=+1>


@#/ /par gyur to/ /yud tsam de la dud 'gro'i skye gnas dang / yi dwags kyi skye gnas dang / gshin rje'i 'jig rten rnams kyis ming yang mi grags par gyur to| |'jig rten gyi bar gang dag mun pa mun nag dang / mun pa mun nag chen por 'dug pa de dag thams cad gsal bar snang bar gyur to/ /der sems can gang dag skyes pa de dag thams cad dang / sems can gzhan 'dir skyes pa rnams kyang gcig gis gcig shes so/ /de nas sems can de dag thams cad kyis ngo mtshar rmad du byung ba'i chos kyi dga' ba thob ste mchog gis tshim par gyur nas kun tu bltas pa dang / de bzhin gshegs pa dgra bcom pa yang dag par rdzogs pa'i sangs rgyas mthong ste de dag gis gser gyi mchod sdong ltar dpal gyis 'bar zhing rang gi gzi brjid kyis mngon par 'phags pa de mthong nas de nyid la skyabs su dong ngo / /skyabs su dong ma thag tu de dag thams cad de bzhin gshegs pa'i 'khor gyi dkyil 'khor de nyid du bdag son pa snyam du shes so// snang ba des bdud kyi khyim thams cad kun tu 'bar/ /rab tu 'bar/ kun tu rab tu mched cing 'bar te me lce gcig tu gyur par kun tu snang ngo / /bdud kyi ris </font><hr>292b<br><font size=+1>


kyi lha de dag kyang skad cig de la nyam thag pa'i sgrar du zhing skrag nas byer ro/ /bdud sdig can yang bzhin bzang po rnyi rnyi por gyur cing lus rdul nas bdud kyi ris kyi lha'i bu thams cad la smras pa/ grogs po dag/ bdud kyi khyim thams cad kun tu 'bar/ rab tu 'bar/ kun tu rab tu mched cing 'bar te me lce gcig tu gyur pa dang / dge sbyong go'u ma ri rab kyi rtse mo'i khang pa brtsegs pa na chos bstan pa 'di la ltos/ des bdag cag phung ngo / /mtho brtsams so/ /phyogs gang na gnas su gtol med do/ /longs la dge sbyong go'u ta ma de'i gan du dong ste bdud kyi yul 'di thal bar byas par ma gyur gyi bar du gzhom mo/ /de skad ces smras pa dang / bdud kyi ris kyi lha'i bu de dag thams cad kyis rje bka' bzhin 'tshal zhes smras nas rang rang gi gnas su dong ste lag na mtshon cha sna tshogs can/ lus la go cha sna tshogs pa/ cha byad dang / rgyan sna tshogs can/ mche ba mi bzad par 'jigs su rung ba/ bzhin mi sdug par bsgyur ba/ mig dang / bzhin dang / skra kun tu 'bar zhing rab tu 'bar ba dag skad cig de nyid la gcig tu 'dus nas bdud sdig can ga la ba der dong ste phyin nas bdud sdig can la 'di skad ces smras so/ /bzhengs bzhengs thog mar bzhud </font><hr>293a<br><font size=+1>


@#/ /la ji tsam du dge sbyong go'u ta ma nyan thos dang / byang chub sems dpa'i dge 'dun dang bcas ba de ci nas kyang phyis bdag cag gi yul du gnod pa cung zad kyang mi bskyed pa dang / bdag cag gi yul gnod par mi 'gyur bar deng nyid du phye mar brlag go /rnam par gzhom mo/ /de nas bdud sdig can dga' zhing mgu ste shin tu dga' bas spu'i khung bu khyab nas skad cig de nyid la bdud kyi ris kyi lha'i bu thams cad dang lhan cig tu bdud kyi rnam par 'phrul pa chen po dang / bdud kyi sde chen pos bar snang dpag tshad stong phrag brgyad cu rtsa bzhir khyab par byas te dung dang / rnga dang / rdza rnga dang / khar rnga dang / rgyud gcig pa dang / lcags kyi sil snyan dkrol ba dang / rnga po che brdung zhing hu hu zhes bya ba dang / pi tsi zhes bya ba dang / zungs shig zungs shig /sod cig sod cig ces bya ba'i sgra 'byin cing gshol dang / gtun shing dang / gtun rked nyeg dang / phur bu dang / rdo rje rtse gcig pa dang / mda' bo che dang / mdung thung dang / rtse gsum pa dang / ral gri dang / 'khor lo dang / gzhu dang / mda' la sogs pa'i mtshon cha lag na thogs shing bcom ldan 'das ga la ba der song ste skad cig de nyid la a la la zhes bya ba'i sgra phyung </font><hr>293b<br><font size=+1>


nas bcom ldan 'das la mtshon cha thams cad kyi char phab pa dang / sangs rgyas kyi mthus mtshon cha de dag thams cad me tog gi gdugs kyi sprin chen po 'gyur par snang ngo / /bdud kyi sgra de dag thams cad kyang sangs rgyas kyi sgra dang / chos kyi sgra dang / dge 'dun gyi sgra dang / yang dag par 'gro ba'i sgra rnams su grag go /bdud sdig can ni/ zhags pa lnga'i bcing bas bdag nyid bcings par mthong ngo / /de nas bdud kyi ris kyi lha'i bu de dag thams cad kyis bcom ldan 'das kyi rdzu 'phrul gyi cho 'phrul ngo mtshar chen po de mthong nas ngo mtshar du gyur cing dga' ba thob ste bcom ldan 'das de nyid la skyabs su dong ngo / /bdud sdig can ni/ bdag nyid dgrol bar 'dod na 'grol ma nus te/ de bzhin gshegs pa'i 'khor gyi khyams su bcom ldan 'das kyi spyan sngar shing rtsa ba nas bcad pa bzhin du rdo rje'i 'khor gyi khyams chen por 'gyel to/ /de nas bcom ldan 'das kyis de'i tshe byams pa chen po'i thugs dang / thugs rje chen pos brlan pa'i spyan gyis de bzhin gshegs pa'i 'khor gyi khyams thams cad du gzigs nas gsang ba pa'i bdag po lag na rdo rje la 'di skad ces bka' stsal to/ /gsang ba pa'i bdag po lag na rdo rje/ bdud sdig can </font><hr>294a<br><font size=+1>


@#/ /'di 'khor gyi khyams 'di nas slong la stan la bzhag ste rdo rje'i rnam par thar pa'i sgo chen po'i ting nge 'dzin gyi rnam par 'phrul pa'i byin gyi rlabs bsam gyis mi khyab par bdud kyi dkyil 'khor thams cad 'joms par byed pa zhes bya ba gang gis bdud kyi ris kyi lha'i bu 'di dag dang / bdud sdig can 'di sangs rgyas la skyabs su 'dong ba dang / gzhan yang gang dag sdang ba bgegs dang / log 'dren dang / yi dwags dang / brjed byed dang / 'byung po dang / gdon dang / mkha' 'gro ma dang / sgrub pa dang / sbrul 'dzin bcas dang / gnon po dang / zas su btsas pa za ba la sogs pa sdang ba'i sems dang ldan pa/ rab tu sdang ba'i sems dang ldan pa/ de bzhin gshegs pa'i bstan pa la ma gus pa dang / de bzhin gshegs pa'i chos nyid khong du ma chud pa de dag thams cad gang gis 'dzud pa dang / dkon mchog gsum la skyabs su 'gro bar byed pa yang ston cig/ de ci'i phyir zhe na/ ngan 'gro'i log par ltung bar 'gro ba'i phyir ro/ /de skad ces bka' stsal pa dang / gsang ba pa'i bdag po lag na rdo rjes bcom ldan 'das kyi bka' mnyan nas rin po che'i pad+ma'i rdo rje'i stan las langs te bla gos phrag pa gcig tu </font><hr>294b<br><font size=+1>


gzar nas pus mo g.yas pa'i lha nga rin po che'i pad+ma'i snying po la btsugs te bcom ldan 'das ga la ba de logs su thal mo sbyar ba btud nas bcom ldan 'das la tshul dang 'dra ba'i tshigs su bcad pa 'di dag gis mngon par bstod do/ /sems can kun gyi nyon mongs pa/ /gzhig pa'i slad du 'dren par byung / /khyod ni bdud rnams kun las rgyal/ /'jig rten rtsa lag gcig pu khyod/ /thar ba'i grong khyer 'jug pa'i lam/ /ye shes ma lus khyod gcig pus/ /yang dag brnyes nas thugs rje yis/ /snyan pa'i gsung gis bstan pa mdzad/ /khyod sngon sbyin dang tshul khrims dang / /bzod dang brtson 'grus bsam gtan dang / /shes rab la sogs yon tan gyis/ /bdag mdzad slad kyis sems can btsud/ /khyod kyis chos rnams skye med par/ /bshad cing de bzhin rnam phye yang / /'bras bur dogs pa ma mchis pa/ /kye ma mgon po khyod kyis bshad 'khor lo yan lag bcu gnyis pa/ /khyod nyid mkhyen nas rab tu bskor/ /mu stegs can dang bdud btul te/ /chos kyi snang ba gsal bar mdzad/ /nyon mongs brag chen rnams kun tu/ /ye shes rdo rjes rab bcom nas/ /sus kyang thob par ma gyur pa'i/ /byang chub bla na med pa brnyes/ /gang gi mtshan yang rdzogs pa yi/ /byang chub </font><hr>295a<br><font size=+1>


@#/ /sa bon nyid 'gyur ba/ /khyod ni 'jig rten mchog gcig pa/ /dam pa rab sbyin bdag po lags/ /khyod ni mgon po khyod ni pha/ /khyod skyabs khyod ni dpung gnyen lags/ /thugs rje chen po ye shes nyid/ /mya ngan 'das nas gcig pu khyod/ /khyod nyid gshegs nas sems can rnams/ /sems can dmyal las rnam par dkrol/ /rang gi sku yang yongs btang nas/ /khyod kyis srog chags rnams kyang bsrungs/ /lus can kun gyis ma thob pa'i/ /ye shes khyod kyis brnyes gyur nas| |grol te 'jig rten rnams kyang grol/ /kye ma khyod ni rtsa lag bzang / /mgon po khyod kyi 'od zer gyi/ /dra bas 'jig rten khams khyab ste/ /mya ngan 'das las lhag pa bde/ /lus can kun gyis thob par mdzad/ /khyod kyi 'od kyi gzis bcom pas/ /gza' rnams kun dang dgung zla dang / /gdugs rnams dang ni zhugs rnams dang / /nor bu lam mer ma gyur to/ /de nas gsang ba pa'i bdag po lag na rdo rjes tshul dang 'dra ba'i tshigs su bcad pa 'di dag gis bcom ldan 'das la mngon par bstod nas yang rin po che'i pad+ma'i snying po la 'dug ste bcom ldan 'das/ legs so zhes gsol nas rdo rje'i rnam par thar pa'i sgo chen </font><hr>295b<br><font size=+1>


po'i ting nge 'dzin bdud kyi dkyil 'khor thams cad 'joms par byed pa zhes bya ba la snyoms par zhugs so/ /gsang ba pa'i bdag po lag na rdo rjes rdo rje'i rnam par thar pa'i sgo chen po'i ting nge 'dzin bdud kyi dkyil 'khor thams cad 'joms par byed pa zhes bya ba 'di la snyoms par zhugs ma thag tu de nas de'i tshe stong gsum gyi stong chen po'i 'jig rten gyi khams 'di rnam pa drug tu g.yos/ kun tu rab tu g.yos te/ shar phyogs mtho na nub phyogs dma'/ nub phyogs mthon shar phyogs dma'| lho phyogs mtho na byang phyogs dma'/ byang phyogs mtho na lho phyogs dma'/ steng mtho na 'og dma'/ 'og mtho na steng dma' bar gyur to/ /phyogs thams cad dang / phyogs mtshams thams cad kyang dga' ba dang / yid bde ba skyes par gyur nas lha ma me/ lhan ne/ lhang nge'o/ /gsang ba pa'i bdag po lag na rdo rje'i yan lag dang nying lag gi mtshams thams cad nas rdo rje kun tu 'bar ba/ rab tu 'bar ba/ kun tu rab tu mched cing 'bar ba me lce gcig tu gyur pa dag byung bar kun tu snang ngo / /rdo rje 'bar ba'i snang ba des phyogs bcu'i 'jig rten gyi khams tshad med grangs med dpag tu med pa ji snyed pa dag na sangs rgyas </font><hr>296a<br><font size=+1>


@#/ /bcom ldan 'das gang dag da ltar bzhugs te 'tsho zhing gzhes la chos kyang ston te tshangs par spyod pa/ thog mar dge ba/ bar du dge ba/ tha mar dge ba| don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ yang dag par ston pa/ nyan thos kyi dge 'dun dang bcas pa/ byang chub sems dpa'i dge 'dun dang bcas pa de dag gi 'khor gyi khyams rgya che zhing rgya che ba dag na kun tu snang ngo / /byang chub sems dpa' de dag thams cad de bzhin gshegs pa de dag gi spyan sngar rdo rje 'bar ba'i snang ba rgya chen po des snang bar gyur nas sangs rgyas bcom ldan 'das de dag la so sor zhus pa/ bcom ldan 'das/ snang ba rgya chen po kun tu gda' ba 'di su'i lags/ de nas sangs rgyas bcom ldan 'das de dag gis so so'i byang chub sems dpa' de dag la 'di skad ces bka' stsal to/ /rigs kyi bu dag /de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba mi mdzad kyi 'jig rten gyi khams na ri rab kyi steng na chos ston to/ bcom ldan 'das des bdud sdig can zhags pa'i bcing ba lngas bcings te bcom ldan </font><hr>296b<br><font size=+1>


'das kyi spyan sngar 'gyel pa migs nas byang chub sems dpa' sems dpa' chen po gsang ba pa'i bdag po lag na rdo rje zhes bya ba la 'di skad du gsang ba pa'i bdag po lag na rdo rje/ khyod kyis rang gi rdzu 'phrul gyi rnam par 'phrul pa'i cho 'phrul ston cig ces bka' stsal to/ /rigs kyi bu dag /'di ni/ rdo rje'i rnam par thar pa'i sgo chen po'i ting nge 'dzin la snyoms par zhugs te/ de'i rdo rje'i rnam par 'phrul pa chen po'i byin gyi rlabs so/ /de skad ces bka' stsal te/ de bzhin gshegs pa dgra bcom pa yang dag par rdzogs pa'i sangs rgyas de dag gis gnang nas rigs kyi bu de dag thams cad kyis de bzhin gshegs pa dgra bcom pa yang dag par rdzogs pa'i sangs rgyas de dag la phyag 'tshal te byang chub sems dpa' sems dpa' chen po'i rnam par 'phrul pa'i cho 'phrul bsam gyis mi khyab pas 'jig rten gyi khams mi mjed 'dir lhags nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / gsang ba pa'i bdag po lag na rdo rje la mchod pa'i sprin dang / gdugs kyi sprin dang / rgyan phreng gi sprin dang / dbu rgyan gyi sprin kyi sprin dang / me tog gi sprin dang / na bza'i sprin chen pos mchod pa chen po </font><hr>297a<br><font size=+1>


@#/ /byas nas nam mkha'i dkyil na 'khod bzhin du bcom ldan 'das shAkya thub pa la lan bdun bskor ba byas te pus mo g.yas pa'i lha nga rin po che'i pad+ma'i rdo rje'i stan la btsugs nas bcom ldan 'das logs su lta zhing bcom ldan 'das la phyag 'tshal ba dang / de bzhin gshegs pas gnang nas rang rang gi rin po che'i pad+ma'i rdo rje'i stan de dag la 'khod par gyur to/ /de'i tshe shar phyogs logs na 'jig rten gyi khams rdo rje tog ces bya ba de na de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'joms pa zhes bya ba da ltar bzhugs te 'tsho zhing bzhes te| 'di ltar rdo rje'i ri rab chen po'i rtse mo'i khang pa brtsegs pa'i gzungs 'di nyid las brtsams te chos kyang ston to/ /rdo rje 'bar ba'i snang ba des kyang 'jig rten gyi khams ji snyed pa de dag thams cad kun nas snang bar gyur to/ /de nas 'jig rten gyi khams de na byang chub sems dpa' sems dpa' chen po rdo rje'i snying po zhes bya ba de bzhin gshegs pa de'i 'khor gyi khyams su 'dus te 'dug par gyur pa des ngo mtshar de mthong nas de bzhin gshegs pa dgra bcom pa yang dag </font><hr>297b<br><font size=+1>


par rdzogs pa'i sangs rgyas rdo rje'i snying pos rab tu 'joms pa zhes bya ba de la zhus te/ bcom ldan 'das/ rdo rje 'bar ba'i snang ba 'di lta bu gang gis 'jig rten gyi khams 'di thams cad snang bar gyur te/ sems can thams cad kyi sdug bsngal thams cad rgyun chad cing sems can dmyal ba dang / dud 'gro'i skye gnas dang / yi dwags dang / gshin rje'i 'jig rten gyi sdug bsngal thams cad mi gda' bar gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang lto 'phye chen po la sogs pa 'jig rten na rdzu 'phrul che zhing dbang che bar grags pa thams cad kyang kun nas mchod pa'i sprin chen pos dga' ba dang / yid bde ba skyes te nub phyogs su mchi bar 'da' ba 'di su'i lags/ de nas de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'joms pas byang chub sems dpa' sems dpa' chen po rdo rje'i snying po de la 'di skad ces bka' stsal to/ /rigs kyi bu/ nub phyogs kyi logs na mi mjed kyi 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba rdo rje chen po'i ri rab kyi rtse mo'i khang pa brtsegs pa na rdo rje chen po'i ri </font><hr>298a<br><font size=+1>


@#/ /rab kyi rtse mo'i khang pa brtsegs pa'i gzungs zhes bya ba'i chos kyi rnam grangs ston to/ /bcom ldan 'das des spyi gtsug gi mtshams kyi mdzod spu nas 'od zer gyi dra ba chen po phyung ste 'od zer gyi dra ba chen po des 'jig rten gyi khams der bdud sdig can bskul ma thag tu kun tu khros nas lha'i bu thams cad dang / gzhan yang bdud kyi ris kyi lha'i bu rnams dang / dpung gi tshogs chen po dang lhan cig tu bcom ldan 'das de la gtse ba'i phyir lhags pa dang / de yang sangs rgyas kyi mthus de bzhin gshegs pa'i 'khor gyi khyams de nyid du zhags pa lnga'i bcing pas bcings nas bcom ldan 'das kyi spyan sngar 'gyel te/ de la thugs brtse ba'i phyir bcom ldan 'das des byang chub sems dpa' sems dpa' chen po gsang ba pa'i bdag po lag na rdo rje la ston cig par bka' lung byin nas gsang ba pa'i bdag po lag na rdo rje des rdo rje'i rnam par thar pa'i sgo chen po zhes bya ba'i ting nge 'dzin la snyoms par zhugs te yan lag dang nying lag gi mtshams thams cad nas rdo rje rnams bstan te/ 'di ni/ rdo rje de dag nyid rdo rje 'bar ba'i snang ba'o/ /rigs kyi bu/ rdo rje 'bar ba'i snang ba des kyang phyogs bcu'i </font><hr>298b<br><font size=+1>


'jig rten gyi khams tshad med grangs med dpag tu med pa rnams su 'jig rten gyi khams gang+gA'i klung gi bye ma dang mnyam pa ji snyed pa snang bar byas te 'jig rten gyi khams de dag na sangs rgyas bcom ldan 'das gang dag bzhugs pa de dag thams cad kyang bskul/ byang chub sems dpa' de dag gi 'khor gyi dkyil 'khor de dag kyang bskul bas ngo mtshar thob par gyur pa dag gis de bzhin gshegs pa dgra bcom pa yang dag par rdzogs pa'i sangs rgyas de dag la yang so sor zhus so| |rigs kyi bu/ de nyid kyi mthus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'i spyan snga na 'dug cing bsnyen bkur byed pa yang mthong ngo / /de skad ces bka' stsal pa dang / de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'joms pa de la byang chub sems dpa' sems dpa' chen po rdo rje'i snying pos 'di skad ces gsol to/ /bcom ldan 'das/ bdag 'jig rten gyi khams mi mjed der de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkung bgyi ba dang / gsang ba </font><hr>299a<br><font size=+1>


@#/ /pa'i bdag po lag na rdo rje de yang blta bar bgyi ba'i slad du mchi'o/ /de skad ces gsol pa dang / de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'joms pas byang chub sems dpa' sems dpa' chen po rdo rje'i snying po de la 'di skad ces bka' stsal to| |rigs kyi bu/ de'i dus la da bab par shes na song zhig /de nas byang chub sems dpa' sems dpa' chen po rdo rje'i snying po bcom ldan 'das des gnang nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'joms pa de la lan bdun bskor ba byas te 'jig rten gyi khams de nas mi snang bar gyur nas nam mkha'i dkyil gyi lam nas byang chub sems dpa' bye ba khrag khrig 'bum phrag dgu bcu rtsa dgu dang lhan cig tu byang chub sems dpa'i rnam par 'phrul pa chen po dang / byang chub sems dpa'i rdzu 'phrul chen pos 'jig rten gyi khams mi mjed 'di ga la ba der song ste phyin nas byang chub sems dpa' de dag thams cad dang lhan cig smra ba na/ bsod nams kyi tshogs chen po bsags pa las grub pas </font><hr>299b<br><font size=+1>


byin pa'i rin po che de dag las 'od zer 'di lta ste/ sngon po dang / ser po dang / dmar po dang / ljang sngon dang / ljang ser dang / btsod ka dang / shel dang / dngul dang / nor bu dang / mu tig dang / gser dang / pad+ma rA ga dang / /rdo'i snying po dang / ke ke ru dang / ke ke ru chen po dang / and rnyil dang / mthon ka chen po dang / dun las dang / go mu ta ra ga dang / mu tig dkar po'i kha dog lta bu rnams byung ste/ de dag gis thams cad dang ldan pa'i 'jig rten gyi khams la lan 'bum phrag du mar bskor ba byas te steng gi ngar snang khyab par byas nas lha'i snang bas snang bar byas te 'dus nas 'ja' lta bur gyur to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs mtshan thams cad phun sum tshogs pa/ 'jam pa/ mnyen pa/ rab tu gzhon pa/ sha rgyas pa/ snum pa/ long bu gnyis kyi rtsa mi mngon pa/ pad+ma gsar du kha phye ba lta bu/ dung dang / nya dang / rdo rje dang / rgyal mtshan dang / lcags kyu dang / pad+ma dang / chu srin ma ka ra'i mtshan dang ldan pa gnyis la lan 'bum phrag du mar bskor ba byas nas nub par gyur to/ /nam mkha'i dkyil na 'od zer re re'i rtse mo las pad+ma bye ba khrag khrig 'bum phrag brgyad cu </font><hr>300a<br><font size=+1>


@#/ /tshad shing ta'i 'phang lo tsam pa/ rin po che sna bdun gyi rgyu las byung ba 'di lta ste/ gser gyi rgyu las byung ba dang / and rnyil dang / dngul dang / byi ru dang / shel dang / ke ke ru dang / dun las kyi rgyu las byung ba dag mthon to/ /de la gser gyi rgyu las byung ba'i pad+ma rnams kyi 'dab ma ni/ and rnyil gyi rgyu las byung ba dag go /snying po ni/ dngul gyi rgyu las byung ba'o/ /ze ba ni/ byi ru'i rgyu las byung ba'o/ /chu ba ni/ shel gyi rgyu las byung ba'o/ /ze 'bru ni/ ke ke ru'i rgyu las byung ba'o| |and rnyil gyi rgyu las byung ba'i pad+ma rnams kyi 'dab ma ni/ dngul gyi rgyu las byung ba dag go /snying po ni/ byi ru'i rgyu las byung ba'o/ /ze ba ni/ shel gyi rgyu las byung ba'o/ /chu ba ni/ ke ke ru'i rgyu las byung ba'o/ /ze 'bru ni/ dun las kyi rgyu las byung ba'o/ /dngul gyi rgyu las byung ba'i pad+ma rnams kyi 'dab ma ni/ byi ru'i rgyu las byung ba dag go /snying po ni/ shel gyi rgyu las byung ba'o/ /ze ba ni/ ke ke ru'i rgyu las byung ba'o/ /chu ba ni/ dun las kyi rgyu las byung ba'o/ /ze 'bru ni/ gser gyi rgyu las byung ba'o/ /byi ru'i rgyu las byung ba'i pad+ma rnams kyi 'dab ma ni/ shel gyi rgyu las byung ba dag go/ sing po ni/ ke ke ru'i rgyu las byung ba'o/ / </font><hr>300b<br><font size=+1>


ze ba ni/ dun las kyi rgyu las byung ba'o/ /chu ba ni/ gser gyi rgyu las byung ba'o/ /ze 'bru ni/ and rnyil gyi rgyu las byung ba'o/ /shel gyi rgyu las byung ba'i pad+ma rnams kyi 'dab ma ni/ ke ke ru'i rgyu las byung ba dag go/ /snying po ni/ dun las kyi rgyu las byung ba'o/ /ze ba ni/ gser gyi rgyu las byung ba'o/ /chu ba ni/ and rnyil gyi rgyu las byung ba'o| |ze 'bru ni/ dngul gyi rgyu las byung ba'o/ /ke ke ru'i rgyu las byung ba'i pad+ma rnams kyi 'dab ma ni/ dun las kyi rgyu las byung ba dag go/ snying po ni/ gser gyi rgyu las byung ba'o/ /ze ba ni/ and rnyil gyi rgyu las byung ba'o/ /chu ba ni/ dngul gyi rgyu las byung ba'o/ /ze 'bru ni/ byi ru'i rgyu las byung ba'o/ /dun las kyi rgyu las byung ba'i pad+ma rnams kyi 'dab ma ni/ gser gyi rgyu las byung ba dag go /snying po ni/ and rnyil gyi rgyu las byung ba'o/ /ze ba ni/ dngul gyi rgyu las byung ba'o/ /chu ba ni/ byi ru'i rgyu las byung ba'o/ /ze 'bru ni/ shel gyi rgyu las byung ba'o/ /de bzhin du sbyar te de ltar rin po che rnam pa du ma'i rgyu las byung ba'i pad+ma dag go /rin po che'i pad+ma re re la yang sa bcu la rab tu gnas pa'i byang chub sems dpa' sems dpa' chen po kun tu mdzes pa'i spyod lam phun sum tshogs pa dag ting nge 'dzin la </font><hr>301a<br><font size=+1>


@#/ /snyoms par zhugs so/ /byang chub sems dpa' re re'i lte ba nas kyang 'od zer 'bum 'bum byung ngo / /'od zer gyi rtse mo re re las kyang rin po che thams cad kyi rgyu las byung ba'i khang pa brtsegs pa nor bu dang / rin po che rnam pa sna tshogs kyi stegs bus bskor ba/ shel gyi rgyu las byung ba'i zla bas spras pa'i khang phran gyi rtse mo la seng+ge'i rna ba'i steng na rin po che'i rgyal mtshan dang / ba dan dang / rnam par rgyal ba'i ba dan dpyangs pas nam mkha' kun tu khebs pa/ pad+ma rA ga dang / and rnyil dang / margad dang / bai DUR+Ya dang / rdo'i snying po dang / spug dang / ke ke ru las byas pa'i ka ba chen po'i klad la 'dzam bu chu bo'i gser gyi shing las gcod pa lta bu'i tshogs bkod pas rnam par spras te/ mdzes par byas pa/ dngul gyi las byas pa'i phug ron gyi phreng gi mtha' mu tig dmar po dang ldan pa'i dril bu g.yer ka'i dra ba sbyangs pa'i sgras sad par gyur nas rab tu dga' zhing dregs pa'i phug ron dang / bya bang dang / ne tso dang / ri skegs dang / rma bya'i nga ro dag gis nyams dga' ba/ khyams dang / 'dun khang chen po'i nyen kor stegs pus bskor bas mdzes par byas pa/ rin po che rnam pa sna tshogs las </font><hr>301b<br><font size=+1>


byas pa'i sgo khang can/ shel gyi rgyu las byas pa'i stegs bu dang ldan pa/ bkra shis kyi gser bum du ma nas chu dri zhim pos chag chag btab pa/ rdzing chen po 'gram gyi ne'u gsing m+r+gad kyi rgyu las byung ba ka tsi lin da'i gos ltar reg na bde bas mdzes pa'i phyogs na bde bar nyal ba'i ngang pa dang / khrung khrung dang /ngur pa dang / ka land ka'i khyu gnas pa/ gser gyi phye ma bdal ba'i gtos chen po rin po che sna bdun gyi them skas kyis phreng bas brgyan pa/ yan lag brgyad dang ldan pa'i chus yongs su gang ba grangs 'bum phrag du mas kun nas yongs su bskor ba dag byung ngo / /rdzing bu re re nas kyang rin po che'i pad+ma bye ba khrag khrig 'bum phrag dgu bcu rtsa dgu rtsa dgu byung ngo / /rin po che'i pad+ma re re'i snying po la yang sil snyan dang / pheg rdob pa dang / glu dbyangs rnams kyi sgra byung bas lha'i bu mo dag gla len gar byed cing yongs su spyod do/ /sil snyan dang / pheg rdob pa dang / glu dbyangs kyi sgra byung ba de dag las kyang tshigs su bcad pa 'di lta bu 'di dag byung ngo / /sbyin dang tshul khrims kyis ni gang zhig dpag med cing / /de bzhin bzod dang brtson 'grus dag gi stobs ldan la/ /bsam gtan gyis ni zhi zhing dbang gos kun 'byor </font><hr>302a<br><font size=+1>


@#/ /ba| |ye shes sgron ma de la skyabs su 'dong bar gyis/ /bsam gyis mi khyab stobs dang smon lam rnams dang ldan/ /thabs dang byang chub yan lag ting 'dzin rnams kyi bdag /rnam par grol ba'i lam dang stobs bcu ldan pa yi/ /thub pa gang yin de la mchod phyir 'dong bar gyis/ /'dam rdzab nas ni pad+ma rgyas pa ji bzhin du/ /gang zhig nyon mongs 'dam gyis rtag par mi gos pa/ /'chi dang skye ba'i sdug bsngal rnam par bsal ba yi/ /rgyal ba 'jig rten mgon po de la blta phyir deng / /gcig kyang mi ldan min par gyur pa gang zhig gis/ /skye rgu rnams kyi gti mug sgo glegs rnams bshig cing / /sku dang gsung dang thugs kyi spyod pa rab zhi ba/ /shAkya'i tog ldan de la skyabs su 'dong bar gyis/ /de ltar khang pa brtsegs pa dpag bsam gyi shing ljon pas legs par brgyan pa/ rnam pa sna tshogs bye ba khrag khrig 'bum phrag du ma nam mkha'i dkyil na kun tu snang ste/ kha cig tu ni/ rin po che'i sprin gyi char 'bab par kun tu snang ngo / /kha cig tu ni| me tog gi gdugs kyi sprin gyi char/ kha cig tu ni/ go shiR+Sha'i tsan+dan dang / spos dang / byug pa dang / phye ma'i sprin gyi char/ kha cig tu ni/ gos kyi phreng ba'i </font><hr>302b<br><font size=+1>


sprin gyi char/ kha cig tu ni/ ka shi ka'i ras dang / du ku la'i ras dang / za 'og gi sprin gyi char/ kha cig tu ni/ dpag bsam gyi shing ljon pa'i sprin gyi char/ kha cig tu ni| me tog pad+ma dang / ut+pa la dang / ku mu da dang / pad+ma dkar po dang / dri mchog dang / ati muk+ta ka dang / ka tsa lind dang / ma hA ka tsa li da dang / btang bzung dang / btang bzung chen po dang / many+dzu sha ka dang / many+dzu sha ka chen po dang / man+dA ra ba dang / man+dA ra ba chen po'i sprin gyi char mngon par bab bo/ /me tog gi char de dag las dri gang byung ba des sangs rgyas kyi zhing tshad med grangs med pa gang dag gang+gA'i klung gi bye ma'i rdul phra rab kyi rdul dang mnyam pa'i sangs rgyas kyi zhing rnams rgyas par khyab bo| |'jig rten gyi khams de dag na sems can gang dag 'gro ba drug tu skyes pa de dag thams cad dri des mchog tu bde bas tshim zhing sems dga' bar gyur te sdug bsngal thams cad dang bral nas phan tshun 'dri ba dang / 'jig rten gyi khams mi mjed de na byang chub sems dpa' rdo rje'i snying po byang chub sems dpa'i cho 'phrul sna tshogs ston pa rgyang ring po nas mthong ngo / /de dag gis de mthong nas kyang phyag 'tshal to/ /skyes bu dam pa de la phyag 'tshal ma thag tu sems can gang dag ngan 'gro </font><hr>303a<br><font size=+1>


@#/ /log par ltung bar dong ba de dag kyang mchog tu bde ba dang / dga' ba dang / rangs pa dang / dad pa thob nas skad cig de nyid la ngan 'gro log par ltung ba las grol te sum cu rtsa gsum gyi lha rnams kyi nang du skyes nas bar snang la 'khod do/ /de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / gsang ba pa'i bdag po lag na rdo rje dang / byang chub sems dpa' sems dpa' chen po rdo rje'i snying po la mchod pa'i sprin chen pos mchod nas lan 'bum phrag du ma mtha' yas mu med par bskor ba byas te/ de bzhin gshegs pa'i rdo rje 'khor gyi khyams chen po thams cad ldan pa la lan bdun bskor ba byas nas lha rnams bar snang las babs te bcom ldan 'das kyi spyan sngar rang rang gi rin po che'i gzhal med khang pa brtsegs pa dag na lha'i bu mo bye ba khrag khrig 'bum phrag du ma dang lhan cig tu sil snyan dang / pheg rdob pa dang / glu dbyangs kyi sgra 'byin cing / tshul dang 'dra pa'i tshigs su bcad pa 'di dag gis bcom ldan 'das la mngon par bstod do/ /gang slad ngan 'gro mchog tu sdug bsngal 'khrugs pa yi/ /ming yang bde gshegs </font><hr>303b<br><font size=+1>


stobs kyis deng du mi mjed dang / /bsod nams mi ldan sems can rnams la'ang rgyal ba mchog /byams par mdzad pa kye ma ngo mtshar rmad du byung / /bdag cag rnams kyi rmongs pa'i snying gis bsgrubs pa yi/ /sdig pa'i las gang shin tu bgyid dka' sna tshogs pa/ /de dag thub pa'i bya dgas de ring glo bur du/ /skad cig tu ni ji ltar rnam par zhig par 'gyur/ /ji ltar gdugs kyi mun pa mun nag kun bcom pa/ /ji ltar zhugs 'bar bas ni ras rnams sreg pa dang / /bser mas shing bal ltar yang sprin 'thor ji bzhin du/ /de ltar 'gro ba'i sdig pa bde bar gshegs kyis bcom/ /bde gshegs sras po mthong ngam thos sam dran gyur na/ /lhan cig skyes dbang 'od zer dra bas sdig 'phrog pa/ /'gro ba yongs kyi srid pa'i spros pa zhig pa yi/ /thugs dang rtag tu ldan zhing skyo bar 'gyur mi mnga'/ /mig dang mgo dang snying dang sha khrag tshil rnams dang / /srog dang sdug dang bu rnams rtswa ltar bor nas ni/ /mi mtshungs sems can don phyir thugs rjes thugs brlan pa/ /'jig rten mgon sras de dag rnams la phyag 'tshal lo/ /yi dwags ltogs la chu dang ro brgya'i zas rnams dang / /de bzhin skye bo nor 'dod snying dang ldan pa la/ /thugs rje spyod cing rnam pa sna </font><hr>304a<br><font size=+1>


@#/ /tshogs tshim mdzad pa/ /byang chub sems dpa' khyu mchog de la skyabs su mchi/ /gang dag mnar med pa yang rab tu bsil mdzad pas/ /mchog tu tsha ba'i sems can dmyal ba'ang bsil bar 'gyur/ /rang bde mi gzigs sams can brtson la thugs ldan pa/ /'jig rten mgon sras mnyam med de la phyag 'tshal lo| |gang dag srid par 'khor ba'i srid pa'i skyon las grol/ /stong pa gsung yang las kyi 'bras bu mi 'dor zhing / /ye shes me yis rnyog pa bsregs kyang thugs rjes brlan/ /spyod pa brtag med dbang ldan de la phyag 'tshal lo/ /kye ma dpal ldan rdo rje snying po bde gshegs sras/ /mtshan gyis mtshan btab sku las 'od stong mang byung ba'i/ /dri ba rnams dang sna tshogs glu yis bdag cag sim/ /skad cig gis ni dmyal las sum cu'i lha dbang gyur/ /bdag cag rnams kyis rgyal dang rgyal sras rnams dang ni/ /de dag rnams kyis gsungs pa mchog tu zhi chos la/ /gus bstod dge ba rgya chen de ring gang thob pa/ /des myur 'jig rten thams cad bde gshegs thob par shog /de ltar tshul dang 'dra ba'i tshigs su bcad pa rnams kyis bcom ldan 'das la bstod nas bcom ldan 'das kyis gnang ste/ de </font><hr>304b<br><font size=+1>


dag rang rang khri rin po che'i gzhal med khang gi khang ba brtsegs pa rnams su 'khod de chos nyan pa'i phyir phyogs gcig tu 'khod do/ /de nas byang chub sems dpa' sems dpa' chen po rdo rje'i snying pos byang chub sems dpa'i rdzu 'phrul gyi cho 'phrul chen po 'di lta bu 'di bstan nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / gsang ba pa'i bdag po lag na rdo rje dang / de bzhin gshegs pa'i rdo rje'i 'khor gyi khyams chen po dang ldan pa la mchod pa'i sprin chen po rnams kyis mchod nas ting nge 'dzin de las langs te bar snang las babs nas/ byang chub sems dpa' sems dpa' chen po de dag dang lhan cig tu lan 'bum phrag du ma mtha' yas mu med par bskor ba byas nas pus mo g.yas pa'i lha ngas rin po che'i pad+ma'i snying po la btsugs te bla gos phrag pa gcig tu gzar nas bcom ldan 'das la lta'o/ /rigs kyi bu de dag thams cad kyang dga' ba dang mgu ba skyes nas de bzhin du bcom ldan 'das la lta'o| |bltas nas kyang sgra skad kyi nga ro gcig tu bcom ldan 'das la tshul dang 'dra ba'i tshigs su bcad pa 'di dag gis mngon par bstod do/ /dran pa'i gzhus </font><hr>305a<br><font size=+1>


@#/ /'phangs pa yi shes rab mda' mang gis/ /ma 'phangs mthur ldan bdud bzhi pham mdzad cing / /'jig rten nyon mongs nyen pa'i mun pa gsal mdzad nas/ /bla ma sprin med zla ba bzhin du lhang nge 'o/ /dam chos 'od mang gti mug bcom pa'i dra ba yis/ /'dul ba'i pad+ma'i gnas rnams kha phye nas/ /ye shes nam mkha' che la dri med 'bar ba'i gzugs/ /nyi ma ji bzhin gdung bar bgyi ba'i bdud sde gdungs/ /mu stegs can gyi nga rgyal mtha' dag pham mdzad cing / /'gro ba'i 'dod chags rab gdung ma lus rab zhi mdzad/ /dge ba'i lo tog rtsi chen yang dag 'phel mdzad pa/ /dge ba'i char pa phab cing 'brug ltar bsgrag tu gsol/ / mgon po mu stegs can gyi wa brgya pham mdzad cing / /bdud rnams bcom ste byang chub dam pa rab brnyes nas/ /ma 'dres bsags pa'i bden pa'i stobs kyi mthu mnga' ba| |skye ba'i 'jigs lam rab grol seng+ge ji bzhin sgrog /spyod ba zab cing brtan la brtags pas mi dpog pa/ /sems can gnas gyur stobs dang ting 'dzin nor bu bkram/ /dri med chos lhun 'dul ba'i ri bo rnams 'dzin pa/ /ye shes rgya mtsho mchog khyod skye rgu mchog gtso bo/ /tshul khrims bzang po'i rtsa ba sbyin </font><hr>305b<br><font size=+1>


pa'i chus btab 'phel/ /byams dang bzod pa'i me tog yal ga 'khrungs pas mdzes/ /byang chub lam gyi yan lag 'bru chags 'dod byas bsten/ /bsod nams dpag bsam shing khyod de ring ga las byung / /sum cu rtsa gnyis 'bar ba'i mtshan gyis yan lag brgyan/ /dpe byad bzang mchog rin chen man shel gyis bskor cing / /sa dang dbang dang dam chos phur pa brtan btab pa/ /lhun po bzhin du mi g.yo khyod ni 'gro la mdzes/ /de nas byang chub sems dpa' sems dpa' chen po rdo rje'i snying pos byang chub sems dpa' sems dpa' chen po de dag dang lhan cig tu bcom ldan 'das la tshul dang 'dra ba'i tshigs su bcad pa 'di dag gis mngon par bstod nas bcom ldan 'das kyis gnang ste rin po che'i pad+ma'i snying po la phyogs gcig tu 'dug go/ rigs kyi bu de dag thams cad kyang chos nyan pa'i phyir de bzhin du rin po che'i pad+ma'i snying po dag la 'khod do/ /de bzhin du sbyar te de ltar lho phyogs na de bzhin gshegs pa dgra bcom pa yang dag par rdzogs pa'i sangs rgyas dpal gyi snying po brtsegs pa rnam par bsgrags pa'i rgyal po'i sangs rgyas kyi zhing 'jig rten gyi khams dpal byung ba nas byang chub sems dpa' sems dpa' chen po rdo rje'i tog </font><hr>306a<br><font size=+1>


@#/ /ces bya ba/ byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te bcom ldan 'das kyis gnang nas rigs kyi bu de dag dang lhan cig tu rin po che'i pad+ma'i snying po la phyogs gcig tu 'dug pa'i bar du'o/ /de bzhin du nub phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tshe dpag med kyi sangs rgyas kyi zhing 'jig rten gyi khams bde ba can zhes bya ba de nas byang chub sems dpa' sems dpa' chen po spyan ras gzigs dbang phyug ces bya ba dang / byang chub sems dpa' sems dpa' chen po mthu chen thob pa/ byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad+ma'i snying po la 'dug cing / rigs kyi bu de dag thams cad kyang chos mnyan pa'i phyir/ de bzhin du rin po che'i pad+ma'i snying po dag la 'khod pa'i bar du'o/ /de bzhin du byang phyogs na bcom ldan 'das de bzhin gshegs pa dgra bcom pa yang dag par rdzogs </font><hr>306b<br><font size=+1>


pa'i sangs rgyas chos mchog rang bzhin gyis rnam par nges pa'i sangs rgyas kyi zhing 'jig rten gyi khams bde ba thams cad 'byung ba nas byang chub sems dpa' sems dpa' chen po rin po che'i rgyal mtshan zhes bya ba byang chub sems dpa' bye ba khrag khrig 'bum phrag du mas yongs su bskor te mdun du bdar nas 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad+ma'i snying po la 'dug cing / rigs kyi bu de dag thams cad kyang chos nyan pa'i phyir de bzhin du rin po che'i pad+ma'i snying po dag la 'khod pa'i par du'o/ /de bzhin du byang shar gyi phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan mtha' yas rab gsal dbang phyug rgyal po'i sangs rgyas kyi zhing 'jig rten gyi khams dpal brtsegs nas byang chub sems dpa' sems dpa' chen po blo gros brtan pa zhes bya ba/ byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad+ma'i snying po la 'dug cing / rigs kyi bu de dag thams cad kyang chos nyan pa'i phyir de </font><hr>307a<br><font size=+1>


@#/ /bzhin du rin po che'i pad+ma'i snying po dag la 'khod pa'i bar du'o/ /de bzhin du shar lho'i mtshams na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbang po'i tog gi rgyal mtshan gyi rgyal po'i sangs rgyas kyi zhing 'jig rten gyi khams the tshom dang bral ba nas byang chub sems dpa' sems dpa' chen po blo gros bzang po zhes bya ba/ byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad+ma'i snying po la 'dug cing rigs kyi bu de dag thams cad kyang chos nyan pa'i phyir de bzhin du rin po che'i pad+ma'i snying po dag la 'khod pa'i bar du'o/ /de bzhin du lho nub kyi phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen rtsal gyis rnam par gnon pa'i sangs rgyas kyi zhing 'jig rten gyi khams rin po che brtsegs pa nas byang chub sems dpa' sems dpa' chen po rin chen blo gros zhes bya ba byang chub sems dpa' bye ba khrag khrig 'bum phrag du mas </font><hr>307b<br><font size=+1>


yongs su bskor te mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas chos nyan pa'i phyir byang chub sems dpa' sems dpa' chen po de dag dang lhan cig tu rin po che'i pad+ma'i snying po la 'dug cing rigs kyi bu de dag thams cad kyang chos nyan pa'i phyir de bzhin du rin po che'i pad+ma'i snying po dag la 'khod pa'i bar du'o/ /de bzhin du nub byang gi mtshams na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te bcom ldan 'das kyis gnang nas chos mnyan pa'i phyir byang chub sems dpa' sems dpa' chen po de dag dang lhan cig tu rin po che'i pad+ma'i snying po la 'dug cing / rigs kyi bu de dag kyang chos mnyan pa'i phyir de bzhin du rin po che'i pad+ma'i snying po dag la 'khod pa'i bar du'o/ /de bzhin du 'og gi phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen pad+ma la rab tu gnas pa'i ri dbang gi rgyal po'i sangs rgyas kyi zhing 'jig rten gyi khams pad+ma bkod pa nas byang chub </font><hr>308a<br><font size=+1>


@#/ /sems dpa' sems dpa' chen po nam mkha'i blo gros zhes bya ba byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad+ma'i snying po la 'dug cing / rigs kyi bu de dag thams cad kyang chos nyan pa'i phyir de bzhin du rin po che'i pad+ma'i snying po dag la 'khod pa'i bar du'o/ /de bzhin du steng gi phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas g.yul las rnam par rgyal ba'i dpal gyi sangs rgyas kyi zhing 'jig rten gyi khams bdud kyi tsher ma dkrugs pa nas byang chub sems dpa' sems dpa' chen po bdud kyi sgrib pa las rnam par rgyal ba zhes bya ba byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad+ma'i snying po la 'dug cing / rigs kyi bu de dag thams cad kyang chos nyan pa'i phyir de bzhin du rin po che'i pad+ma'i snying po dag la 'khod pa'i bar du'o/ /de nas </font><hr>308b<br><font size=+1>


de'i tshe stong gsum gyi stong chen po'i 'jig rten gyi khams mi mjed 'dir byang chub sems dpa'i rdzu 'phrul gyi rnam par 'phrul pa du ma bstan pas gzhal med khang dang / me tog gi sprin dang / rin po che'i sprin dang / phye ma'i sprin dang / spos dang / gdugs dang / rgyal mtshan dang / ba dan dang / rnam par rgyal ba'i ba dan gyi sprin dang / rin po che'i spug dang / rdo'i snying po dang / bai DUR+Ya dang / and snyil dang / byi ru dang / margad dang / mu tig dmar po dang / 'dzam bu'i chu bo'i gser gyi sprin dang / dpag bsam gyi shing ljon pa dang / rin po che'i pad+ma du mas khebs pa'i gling gis legs par brgyan par gyur to/ /'jig rten gyi khams 'di ji lta ba de bzhin du phyogs bcu'i 'jig rten gyi khams tshad med grangs med bsam gyis mi khyab cing dpag tu med pa gzhal du med cing brjod du med par gtogs pa gang+gA'i klung gi bye ma snyed las shin tu 'das pa'i 'jig rten gyi khams dag na gsang ba pa'i bdag po lag na rdo rje'i rnam par thar pa'i sgo chen po'i ting nge 'dzin rnam par 'phrul pa'i byin gyi rlabs kyis de bzhin du legs par brgyan par kun tu snang ngo / /'jig rten gyi khams de dag na de bzhin gshegs pa dgra bcom pa yang dag par rdzogs pa'i </font><hr>309a<br><font size=+1>


@#/ /sangs rgyas gang dag bzhugs te 'tsho zhing gzhes pa de dag thams cad de na bzhugs bzhin du phyag g.yas pa gser gyi kha dog lta bu brkyang ste 'jam zhing mnyen la rab tu gzhom zhing pad+ma dang / yal ga gzhon sha chags shing 'jam pa'i sor mo'i ngos can gdugs dang / rgyal mtshan dang / lcags kyu dang / bum pa dang / nya dang / sgo khang dang / gzhal med khang dang / dung dang / rdo rje dang / pad+ma dang / dpal be'u dang / 'khor lo'i mtshan gyis brgyan pa/ tshe rabs bye ba khrag khrig 'bum phrag du ma nas sbyin pa'i pha rol tu phyin pa yongs su rdzogs par mdzad pa'i rgyu mthun pas mngon par grub pa'i dpe byad bzang pos rnam par spras pa| sen mo zangs 'dra zhing rgyas la snum zhing srab pa'i nor bu'i mdongs kyi me tog gi 'od zer gyis mkhrig ma mdzes par gyur pa/ sems can thams cad la mi 'jigs pa sbyin pa dang / yang dag par mthun pa'i phyag rnams kyis gsang ba pa'i bdag po lag na rdo rje la yang dag par gzengs bstod pa dang / yang dag par dga' bar bya ba'i phyir spyi bo las byugs nas dus gcig tu sgra skad kyi nga ro gcig gis 'jig rten gyi khams thams cad go bar mdzad cing 'di skad ces </font><hr>309b<br><font size=+1>


kye rigs kyi bu gang gi phyir bdud sdig can dang / gzhan yang de bzhin gshegs pa'i bstan pa la ma dad cing sdang ba'i bgegs dang log 'dren drag shul can drag shul gyi sems dang ldan pa/ sems can thams cad kyi dge ba'i rtsa ba gcod pa'i phyir zhugs pa thams cad tshar gcad pa dang / rnam par gzhig pa dang / de bzhin du byang chub sems dpa' sems dpa' chen po sems dang po bskyed pa sems zhum pa brtson 'grus brtan po ma yin pa'i go cha bgos pa rnams kyang yang dag par gzengs bstod pa dang / rab tu dga' bar bya ba nas khams gsum par gtogs pa'i sems can thams cad kyi bar dag kyang mya ngan las 'das pa thob par bya ba dang / sangs rgyas dang / chos dang / dge 'dun gyi rigs mi gcod pa'i phyir khyod rdo rje'i rnam par thar pa'i sgo chen po'i ting nge 'dzin bsod nams dang / ye shes kyi tshogs bsam gyis mi khyab pa bsags pa yongs su rdzogs pas grub pa'i mtshan dang dpe byad bzang pos spras pa/ ting nge 'dzin dang / dbang dang / gzungs dang / stobs dang / byang chub kyi yan lag dang / 'phags pa'i lam yan lag brgyad pa'i mthu grub pa/ sems can thams cad kyi sdug bsngal dang / nyon mongs pa'i sgrib pa nye bar zhi ba/ </font><hr>310a<br><font size=+1>


@#/ /sems can dmyal ba dang / dud 'gro'i skye gnas dang / yi dwags dang / gshin rje'i 'jig rten du ltung ba'i 'jigs pa'i dus kyi tsher ma ma lus par 'don pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / dge slong dang / dge slong ma dang / dge bsnyen dang / dge bsnyen ma la sogs pa'i 'khor mngon par dga' ba can dag la ngo mtshar rmad du byung ba'i dga' ba du ma kun tu skyed pa la snyoms par zhugs pa ni/ legs so legs so zhes bka' stsal to/ /de ltar sangs rgyas bcom ldan 'das de dag gis gsang ba pa'i bdag po lag na rdo rje gzengs bstod de rab tu dga' bar mdzad nas rang rang gis phyag bskum ste rang rang gi byang chub sems dpa' sems dpa' chen po rnams chos nyan du gzung ba'i phyir 'jig rten gyi khams mi mjed 'dir bkye'o/ /de dag gis gnang bas byang chub sems dpa' sems dpa' chen po de dag thams cad kyis kyang de bzhin gshegs pa dgra bcom pa yang dag par rdzogs pa'i sangs rgyas de dag la phyag 'tshal nas byang chub sems dpa'i rnam par 'phrul pa'i byin gyi rlabs chen po dang / byang chub </font><hr>310b<br><font size=+1>


sems dpa'i rnam par 'phrul pa chen pos ji tsam du skyes bu stobs dang ldan pas lag pa bskum pa las brkyang ba dang / brkyang ba las bskum pa tsam gyi skad cig thang gcig yud tsam de la 'jig rten gyi khams mi mjed der phyin nas bcom ldan 'das kyis gnang ste rin po che'i pad+ma'i snying po dag la phyogs gcig tu 'khod pa'i bar du'o/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas de'i tshe gsang ba pa'i bdag po lag na rdo rje la 'di skad ces bka' stsal to/ /gsang ba pa'i bdag po lag na rdo rje/ bdud sdig can 'di rdo rje'i zhags pas bcings pa 'di las khrol la ci nas kyang sangs rgyas la skyabs su 'gro bar 'gyur ba dang / chos la skyabs su 'gro bar 'gyur ba dang / dge 'dun la skyabs su 'gro bar 'gyur ba dang / gzhan yang gang dag lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin gang dag ji tsam du de bzhin gshegs pa'i bstan pa la gnas par 'gyur ba dang / de bzhin gshegs pa'i bstan pa la zhugs nas kyang ci nas khong du chud par 'gyur ba de ltar gyis shig /de skad ces bka' stsal pa dang / gsang </font><hr>311a<br><font size=+1>


@#/ /ba pa'i bdag po lag na rdo rjes bcom ldan 'das kyi ltar mnyan nas bcom ldan 'das la legs so legs so/ /zhes gsol te/ bcom ldan 'das kyi zhabs la mgo bos phyag 'tshal nas yang rdo rje'i rnam par thar pa'i sgo chen po'i ting nge 'dzin bdud kyi dkyil 'khor thams cad 'joms par byed pa zhes bya ba la snyoms par zhugs so/ /gsang ba pa'i bdag po lag na rdo rjes rdo rje'i rnam par thar pa'i sgo chen po'i ting nge 'dzin bdud kyi dkyil 'khor thams cad 'joms par byed pa zhes bya ba la snyoms par zhugs ma thag tu de nas de'i tshe stong gsum gyi stong chen po'i 'jig rten gyi khams 'di rnam pa drug tu rab tu g.yos te/ 'gul/ rab tu 'gul/ kun tu rab tu 'gul to/ /chem chem/ rab tu chem chem/ kun tu rab tu chem chem mo/ /gsang ba pa'i bdag po lag na rdo rje yang me lce 'bar ba gcig tu gyur te/ 'bar/ rab tu 'bar/ kun tu rab tu mched cing 'bar te/ 'jigs su rung ba'i mche ba rnon po drag po gzengs can 'jigs pa chen po skyed pa gtsigs te mche ba mnan nas me lce chen po ltar sma ra ser zhing 'jigs 'jigs ltar 'dug ste/ mi bzad pa rna ba las 'phyang ba'i sbrul dug 'thor ba dang / </font><hr>311b<br><font size=+1>


ba lang sna lta bu dang / gzar bu lta bu dang / sbrul chen po kha gdangs pa'i kha nas byung ba'i mche ba'i rtse mo nas dug drag po 'bar ba 'byung ba'i tshogs kyi phreng ba bzhin du me 'bar ba/ lag pa stong phrag du ma la rdo rje dang / zhags pa dang / gtun shing dang / gtun shing rked nyag dang / ral gri dang / 'khor lo dang / lcags sgrog la sogs pa thogs pa'i mtshon cha'i rtse mo la me stag rab tu 'phro ba'i snang bas stong gsum gyi stong chen po'i 'jig rten gyi khams kyi khongs su gtogs pa'i gnod sbyin dang / srin po dang / yi dwags dang / sha za dang / ma mo dang / 'byung po'i gdon dang / bgegs dang / log 'dren la sogs pa sdang ba rab tu sdang ba rab tu sdang ba'i sems can skrag par byed pa ri dwags kyi dbang po'i pags pa khrag dang bcas pa sham thabs su bgos pa/ sbrul chen po'i lus kyis rgya gram du dam du bcings pa/ 'jigs pa bas kyang 'jigs par byed pa/ 'chi bdag kyang skrag par byed pa/ khams gsum pa thams cad kyis bsdus pa lta bu'i lus dang ldan pa'i khro bor gyur nas lus kyi tshigs thams cad las kyang khro bo kha dog du ma 'di lta ste/ kha dog sngon po dang / ser po dang / dmar po dang / dkar po dang / nag po ste thams cad kyang rdo rje'i rang </font><hr>312a<br><font size=+1>


@#/ /bzhin can khro gnyer mi mnyam pas rnam par spras pa'i gnyer ma'i khrem gnyer can gyi dpral ba'i dbyes nas me stag lta bu'i rdul gyi thigs pa rtsub po 'dzag pa las/ dug 'chang rnam pa sna tshogs kun tu byung bas yan lag dang / nying lag kun tu dkris pa'i mngon rtags can du gyur cing rdo rje drag shul can du snang ste/ mche bas mi bzad par 'dug pa'i kha gdangs pa las ha ha zhes gad mo rta gad 'byung zhing / 'jigs pa'i dus kyi rlung gis char pa dang bcas pa'i sprin dkrugs pa las char gyi rgyun rags pa 'bab pas yongs su gang bas rgya mtsho dkrugs nas rlabs chen po g.yo ba dang rta rgod ma'i kha nas me byung ba lta bu'i hUM zhes bya ba zab cing brtan pas rgyu ba'i 'byung po'i tshogs 'jigs skrag ste 'byer zhing 'thor nas sdangs te skyabs 'dong zhing 'dud pas/ nyi ma stong bas 'bar ba'i lus rnams mthong ba na sna sgar sgur can zhom pa lta bu bu ga zab mo'i sbubs kyi nang nas sbrul sna tshogs 'khyil ba'i gtsug gi nor bu'i 'od kyis 'gram pa rnam par mdzes pa/ glog stong 'dus pa ltar ser zhing dmar ba'i mig gi 'bras bu'i 'od zer gyis skra'i tshogs rtsub shing gshor la gyen du 'greng ba'i rtse mo brgyan cing </font><hr>312b<br><font size=+1>


'dres te gsal bar gyur pa/ sbrul gyi gdengs ka stong gis gdugs byas shing / sbrul rnam pa sna tshogs kyi do shal dang / ska rags dang / dpung rgyan dang / gdu bu dang / rna chas lus brgyan pa/ rdo rje 'bar ba dri ma med cing drag shul can/ mi bzad pa lag na thogs pa/ mdzub mo rnams las hUM zhes bya ba'i seng+ge'i sgra chen po dag gis bgegs dang / log 'dren thams cad kun tu bsdigs pa dag thon te/ gang de dag gi mig dang / kha rnams nas gnam grum pa lta bu'i sgra chen po'i tshogs las me lce chen po 'bar ba'i tshogs kyi snang ba byung ste/ des sdang ba'i bgegs dang / log 'dren la sogs pa drag shul can drag shul gyi sems dang ldan pa/ sdig ba can sdig pa'i sems dang ldan pa/ sdang ba can sdang ba'i sems dang ldan pa rnams tshig par byed do/ /rmongs par byed do/ /'tshog par byed de/ mi zad pa drag pa rtsub pa sdug bsngal ba yid du mi 'ong ba'i tshor ba myong bar byed do/ /de dag tshor bas nyen pas dkon mchog gsum la skyabs su dong ngo / /de'i tshe bdud sdig can gyis bgegs dang / log 'dren de dag tshor ba chen pos nyen te dkon mchog gsum la skyabs su dong ba mthong nas 'jigs sdangs skrag ste skyabs ma rnyed nas rlung drag pos bskyod pa'i shing bzhin du 'dar/ </font><hr>313a<br><font size=+1>


@#/ /rab tu 'dar te/ du bar 'dod na yang du ma nus nas ri mo bzhin du lus thams cad g.yo ba med par gyur to/ /de nas gsang ba ba'i bdag po lag na rdo rje sangs rgyas kyi mthus bdud sdig can 'dul bar byed de sdang ba gdon dang / bgegs dang / log 'dren thams cad dang / bdud kyi dkyil 'khor thams cad 'joms par byed pa/ rdo rje'i rnam par thar pa'i sgo chen po'i ting nge 'dzin la snyoms par zhugs te/ de lta bu'i gzugs su 'dug pa'i rkang pa gnyis las khro bo 'bar zhing 'jigs 'jigs ltar 'dug pa/ drag shul gyi gzugs can/ seng+ge'i sgra chen po hUM zhes bya ba 'di gnyis phyung ste/ de gnyis skar mda' bzhin du nam mkha'i dkyil du rgyang ring du 'phur te nam mkha' la gnas pa'i shugs kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la lan 'bum phrag du ma mtha' yas mu med par bskor ba byas te gsang ba pa'i bdag po lag na rdo rje la 'di skad ces smras so/ /rigs kyi bu ci bgyi bka' stsol cig /de nas gsang ba pa'i bdag po lag na rdo rje cang mi smra bar 'dug ste/ yang dpral ba'i dkyil nas rdo rje khro bo 'jigs pa chen po'i gzugs </font><hr>313b<br><font size=+1>


mche ba mi bzad pa drag pas 'jigs su rungs pa'i kha gdangs te mchu ma rungs par bsgyur ba'i kha nas dus kyi tha ma 'jig pa'i tshe rnam par 'thor ba'i rlung drag po'i shugs kyis rab tu bskyod pa'i sprin nag po'i tshogs rab tu sgrog pas rnam par dkrugs pa'i rgya mtsho chen po'i sgra drag po lta bu'i hUM zhes bya ba'i seng+ge'i sgras gang ba/ bgegs dang log 'dren thams cad 'jigs nas 'bros shing sgyid lug nas phyogs bslad par byed pa/ lag pa dang / rkang pa dang / sen mo dang / mig dang / ag tshom dang / skra thams cad rdo rje 'bar bar snang bas stong gsum gyi stong chen po'i 'jig rten gyi khams thams cad rgyas par 'gengs pa gzi brjid thams cad kyi gzi brjid rnams rang gi gzi brjid kyis zil tu brlag par byed cing / rgyang ring du byed pa'i rdo rje 'bar ba'i snang ba des rgyu skar dang / gza' dang / skar ma dang / nor bu rnams kyi 'od lham mer ma yin/ lhan ner ma yin/ lhang nger ma yin par byed pa/ gang nyi ma dang / zla ba rdzu 'phrul che ba/ dbang che bar grags pa mthu che ba yang lham mer ma yin/ lhan ner ma yin par byed pa/ de bzhin gshegs pa'i 'od dang / byang chub sems dpa' sems dpa' chen po sa bcu la rab tu gnas pa rnams kyi 'od ma gtogs </font><hr>314a<br><font size=+1>


@#/ /par 'od gzhan thams cad 'od mog mog por byed pa gzhan byung ngo / /de nas rdo rje khro bo des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la lan 'bum phrag du ma mtha' yas mu med par bskor ba byas te bcom ldan 'das kyis gnang nas gsang ba pa'i bdag po lag na rdo rje la 'di skad ces smras so/ /rigs kyi bu/ ci bgyi bka' stsol cig /de nas gsang ba pa'i bdag po lag na rdo rjes khro bo chen po rdo rje khro bo de dag la 'di skad ces smras so/ /skyes bu dam pa dag /deng la bdud sdig can dkon mchog gsum la skyabs su 'dzin du chug cig/ 'di dam tshig la gnas par gyis shig/ gzhan yang gang dag sdang ba gdon dang / bgegs dang / log 'dren la sogs pa drag shul drag shul gyi sems dang ldan pa| sdig pa can sdig pa'i sems dang ldan pa/ sdang ba can sdang ba'i sems dang ldan pa dag dang / de bzhin gshegs pa'i bstan pa la mi 'jug pa dang / mi rtogs pa dang / yid mi ches pa thams cad de bzhin gshegs pa'i bstan pa la gnas par gyis shig dang / des sems can thams cad kyi yun ring po'i </font><hr>314b<br><font size=+1>


don dang / phan pa dang / bde bar 'gyur ro/ /de skad ces smras pa dang / khro bo chen po rdo rje khro bo de dag gis gsang ba pa'i bdag po lag na rdo rje'i tshig mnyan nas de bzhin gshegs pa'i bstan pa yang bzung ste dus gcig tu sgra skad kyi nga ro gcig tu seng+ge'i sgra chen po hUM zhes bya bas stong gsum gyi stong chen bo'i 'jig rten gyi khams rgyas par 'gengs shing / gsang sngags kyi gzhi 'di dag smras so/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /yang dag par rdzogs pa'i sangs rgyas nyan thos dang / rang sangs rgyas dang / byang chub sems dpa'i dge 'dun dang bcas pa bdun po dag la phyag 'tshal lo/ /gnod sbyin gyi sde dpon chen po lag na rdo rje drag po la phyag 'tshal lo/ /rig sngags kyi rgyal mo chen po rdo rje'i lcags kyu la phyag 'tshal lo/ /rdo rje'i lu gu rgyud la phyag 'tshal lo/ / rdo rje'i gnam lcags la phyag 'tshal lo/ /rdo rje'i shugs la phyag 'tshal lo/ /rdo rje be con la phyag 'tshal lo/ /rdo rje yan lag dmar la phyag 'tshal lo/ /stobs po che la phyag 'tshal lo/ /rdo rjes rnam par 'joms pa la phyag 'tshal lo/ /'gro lding ba la phyag 'tshal lo/ /rdo rje pho nya mo drug cu rtsa bzhi la phyag 'tshal lo/ /rdo </font><hr>315a<br><font size=+1>


@#/ /rje'i khro bo rnams la phyag 'tshal lo/ /tad+ya thA/ oM tra Ta tra Ta/ tro Ta ya tro Ta ya/ s+phu Ta s+phu Ta/ s+pho Ta ya s+pho Ta ya/ mo Ta mo Ta/ mo Ta ya mo Ta ya/ g+hUr+N+Na g+hUr+N+Na/ g+hUr+N+Na pa ya g+hUr+N+Na pa ya/ sarba satwA ni/ tra sa tra sa/ trA sa ya trA sa ya/ b+h+ra ma b+h+ra ma/ saM b+h+ra ma ya saM b+h+ra ma ya/ sarba b+hU ta ni/ kuT+Ta ya kuT+Ta ya/ saM kuT+Ta ya saM kuT+Ta ya| sarba sha trun/ g+haT+Ta g+haT+Ta/ saM g+haT+Ta ya saM g+haT+Ta ya/ sarba bid+ya badz+ra badz+ra/ s+pho Ta ya badz+ra badz+ra/ ka Ta ya badz+ra badz+ra/ ma Ta ya badz+ra badz+ra/ uts+tsha Ta ya badz+ra badz+ra/ ha na badz+ra badz+ra/ da ha badz+ra badz+ra/ pa tsa badz+ra badz+ra/ ma tha badz+ra badz+ra/ u sA da ya ma hA badz+ra badz+ra/ d+hA ra badz+ra pA Ni pri ye/ ka ha ka ta/ ha sa ha sa/ ma hA TAT+Ta hA sa/ kha cig tu rgya mtsho'i rlabs 'khrugs pa lta bur zab cing 'jigs su rung ba'i hUM zhes bya ba'i seng+ge'i sgra sdang ba rab tu sdang ba \?\ 
 dang log 'dren kun tu skrag par byed pa dang / sdang ba thams cad gzhom du gsol/ 'joms su stsal du gsol/ hUM hUM phaT/ badz+ra ba ra pra da s+pho Ta/ bsgrub par bya ba lha dang / lha ma yin dang / lto 'phye chen po dang / gnod sbyin dang / srin po dang / yi dwags dang / sha za dang / ma mo dang / 'byung po dang / gdon gyi tshogs mthar phyin pa/ 'byer bar mdzad pa hUM hUM </font><hr>315b<br><font size=+1>


phaT| he he phaT/ a me g+ha phaT/ rgyal chen bzhi'i ris kyi lha khang khyim dang bcas pa/ bu dang / chung ma dang / phyugs dang / rtsa lag dang bcas par g.yo bar bgyid du stsal du gsol/ hUM hUM phaT/ 'byer bar bgyid du stsal du gsol/ hUM hUM phaT/ sum cu rtsa gsum gyi lha khang khyim dang bcas pa/ bu dang / chung ma dang / phyugs dang / rtsa lag dang bcas pa g.yo bar bgyid du stsal du gsol/ hUM hUM phaT/ 'byer bar bgyid du stsal du gsol/ hUM hUM phaT/ lha'i dbang po brgya byin khang khyim dang bcas pa/ bu dang / chung ma dang / phyugs dang / rtsa lag dang bcas par g.yo bar bgyid du stsal du gsol/ hUM hUM phaT/ 'thab bral gyi lha khang khyim dang bcas pa/ bu dang / chung ma dang / phyugs dang / rtsa lag dang bcas pa g.yo bar bgyid du stsal du gsol/ hUM hUM phaT/ dga' ldan gyi lha khang khyim dang bcas pa/ bu dang / chung ma dang / phyugs dang / rtsa lag dang bcas pa g.yo bar bgyid du stsal du gsol/ hUM hUM phaT/ 'phrul dga'i lha khang khyim dang bcas pa/ bu dang / chung ma dang / phyugs dang / rtsa lag dang bcas pa g.yo bar bgyid du stsal du gsol/ hUM hUM phaT/ gzhan 'phrul dbang byed kyi lha khang khyim dang bcas pa bu dang / chung ma dang / phyugs dang / rtsa lag dang bcas pa g.yo bar bgyid du </font><hr>316a<br><font size=+1>


@#/ /stsal du gsol/ hUM hUM phaT/ de bzhin du 'od gsal dang / tshangs ris nas gnas gtsang ma'i 'og min gyi bar gyi lha khang khyim dang bcas pa bu dang / chung ma dang / phyugs dang / rtsa lag dang bcas pa g.yo bar bgyid du gsol/ hUM hUM phaT/ 'byer bar bgyid du stsal du gsol/ rig sngags 'chang grub pa rnams rengs par mdzad du gsol/ rmugs par mdzad du gsol/ rmongs par mdzad du gsol/ gcu par gsol/ gcad du gsol/ gzhig tu gsol/ rnam par gzhig tu gsol| mnan du gsol/ hUM hUM phaT/ oM khro bo khro bo chen po rnam par bkra ba/ ser skya bo/ nag po/ dmar po/ ser po/ mi pham pa/ rtag tu 'bar ba'i khro bo/ su ru su ru su ru/ mu ru mu ru mu ru/ tu ru tu ru tu ru/ g+hu ru g+hu ru g+hu ru/ d+hu ru d+hu ru d+hu ru/ tha ra tha ra tha ra/ b+ha ra b+ha ra b+ha ra/ ha ra ha ra ha ra/ ya ra ya ra/ ma ra ma ra/ ku hu ku hu| tsi li tsi li/ mi li mi li/ lu Tu lu Tu/ sar+b+ba TA lA ma mA hUM/ pu lu pu lu/ len+tAM lo hi sa len+tAM/ mu lu laM khA se/ tsu lu tsu len+taM/ ma lu pu len+taM/ ma lu ru bi/ ku pi pur+b+ba| le N+yu spur g+ha N+yu/ spu bi ri tsu/ su ru su ru/ mu ru mu ru/ su mu su mu ru a ka Te/ bi ga Te/ ni ka Te/ ka Ta bi ka Te/ ni ka Te/ ka TaM ka Te/ dza ye bi dza ye/ dza yan+ti/ </font><hr>316b<br><font size=+1>


pi dza yan+ti/ ti ming+gi si/ ma hA ti ming+gi si/ g+hu tang+ga me b+hu ta/ ba ra ya Ne/ sdang ba rnams la rjes su 'doms pa/ ma dul ba rnams dul ba/ drag shul can rnams 'byer bar mdzad pa| dpa' bo rnams kyi nang na dpa' ba/ des pa rnams kyi nang na des pa/ ma grub pa rnams grub par mdzad pa/ grub pa rnams chud mi za bar mdzad pa/ sems can thams cad la phan pa mdzad pa/ de bzhin gshegs pa thams cad kyis gnas bsngags pa/ sangs rgyas thams cad la bsnyen bkur mdzad pa/ rdo rje'i rigs kyi rig sngags thams cad kyis byin gyis brlabs pa tshur gshegs tshur gshegs/ rdo rje rigs kyi rtse mo'i khang pa brtsegs pa na bcom ldan 'das kyi spyan sngar lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po la sogs pa thams cad kyi mdun du dam tshig gang bcas pa de rjes su bskyang du gsol/ rjes su bskyang du gsol/ gshegs su gsol/ myur du gshegs su gsol/ bdag gi las rnams myur ba myur bar sgrub tu gsol/ skrag par byed pa| rdo rje 'dzin pa lag na rdo rje la phyag 'tshal lo/ /hu ru hu ru/ grub pa drag po lag na rdo rje bka' stsol cig swAhA/ shin tu grub par byed pa la swAhA/ rdo rje chen po </font><hr>317a<br><font size=+1>


@#/ /la swAhA| rdo rje phur pa la swAhA/ rdo rje 'byung po la swAhA/ rdo rje byin gyis brlabs pa la swAhA/ rdo rje ki li ki li la swAhA/ drag po ki li ki li la swAhA/ dmar po ki li ki li la swAhA/ byis pa ki li ki li la swAhA/ sangs rgyas thams cad kyis byin gyis brlabs pa la swAhA/ bdag gi gnod pa dang / nad 'go pa thams cad dang / rims thams cad med par mdzod cig swAhA/ de nas rdo rje khro bo chen pos 'di skad smras pa dang / stong gsum gyi stong chen po'i 'jig rten gyi khams 'di rnam pa drug tu g.yos te phyogs dang / phyogs mtshams thams cad dang / de bzhin du bar snang la rdo rje'i skar mda' chen po'i be con 'bab par snang ngo / /gnam grum pa'i sgra chen po yang grag go /kun nas sa chen po 'di grum par kun tu snang ngo / /sa chen po'i ser ka de dag nas yan lag brgyad dang ldan pa'i chu'i rgyun gyen du byung ngo / /chu'i rgyun de dag gis rnam par 'jigs pa'i dus kyi chu bzhin du sa chen po thams cad kun tu gang bar snang ngo / /gang dag sa'i 'og na gnas pa'i klu chen po dang / lha chen po dang / lha ma yin chen po dang / de dag thams cad kyang sa'i 'og nas thon cing ri rab kyi drung du thon te gyen du byung </font><hr>317b<br><font size=+1>


nas bcom ldan 'das la skyabs su dong ngo / /de nas drag shul can drag shul gyi sems dang ldan pa/ sdang ba sdang ba'i sems dang ldan pa'i 'byung po dang / bgegs dang / log 'dren gang dag 'khod pa de dag kyang kun tu 'bar/ rab tu 'bar zhing kun tu rab tu 'bar te me lce gcig tu gyur pa dag gis rang rang gi lus kun tu rnam par 'joms par shes te/ de dag sdug bsngal mi bzad cing drag la rtsu ba pas nyen nas ha ha zhes bya ba'i du skad bton te tshig 'di skad ces smras so/ /gsang ba pa'i bdag po/ bdag cag skad cig gis srog kyang ma mchis par 'gyur du bgyid na/ 'jigs pa chen por lhung ba 'di las yongs su bskyab tu gsol/ bgegs dang / log 'dren rnams ji lta ba de bzhin du gzhan 'jig rten gyi khams gzhan thams cad na gnas pa dang / ri dang / chu bo dang / lteng ka dang / rdzing dang / dur khrod dang / shing dang / thibs po dang / khron pa rnying pa dang / btung ba dang / lam gyi bzhi mdo dang / sum mdo dang / gtsug lag khang zhig pa dang / gnas dang / lha khang na gnas pa dag thams cad kyis kyang gsang ba pa'i bdag po lag na rdo rje 'jigs pa chen po ltung ba 'di las yongs su bskyab tu gsol/ yongs su bskyab tu </font><hr>318a<br><font size=+1>


@#/ /gsol zhes ched du brjod pa ched du brjod do/ /de bzhin du lha'i khang pa thams cad g.yos/ rab tu g.yos/ kun tu rab tu g.yos te mog mog por gyur cing 'od med par kun tu snang ngo / /bdud kyi khyim thams cad kyang kun tu 'bar zhing / kun tu rab tu mched cing 'bar te me lce gcig tu gyur par snang ngo // gang bdud kyi ris kyi lha'i bu de dag thams cad kyang rdo rje khro bo chen pos sngangs skrag te rang rang gi mgo rdo rje rnams kyis rnam par 'joms pa mthong nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / gsang ba'i bdag po lag na rdo rje la skyabs su dong ngo / / bdud sdig can yang shin tu sdug bsngal ba'i tshor bas nyam thag cing skrag la zhum ste gnod pas sdangs nas sangs rgyas la skyabs su song / chos la skyabs su song / dge 'dun la skyabs su song ngo / /gsang ba pa'i bdag po lag na rdo rje la phyag 'tshal te/ khro bo chen po rdo rje khro bo de dag la 'di skad ces smras so/ /rigs kyi bu dag yongs su skyobs shig/ yongs su skyobs shig /bdag nam byang chub kyi snying po la 'dug gi bar du sangs rgyas la skyabs su 'gro'o/ /chos la skyabs </font><hr>318b<br><font size=+1>


su 'gro'o/ /dge 'dun la skyabs su 'gro'o/ /sems can thams cad kyi don gyi phyir pha lta bu dang / ma lta bu dang / spun lta bu dang / gnyen lta bu dang / snag gi gnyen mtshams lta bur 'gyur bar byang chub tu sems bskyed do/ /bdag deng phyin chad sems can thams cad kyi pha dang / ma dang / spun dang / gnyen dang / snag gi gnyen mtshams su 'gyur bar bya'o/ /lus dang / ngag dang / yid kyi las cung zad gang ci byed pa de sems can thams cad bla na med pa'i ye shes thob par bya ba'i phyir yongs su bsngo'o/ /bdag dbugs phyung nas gzhan yang dbugs dbyung ngo / /bdag grol nas gzhan yang dgrol lo/ /bdag mya ngan las 'das nas gzhan yang mya ngan las bzla'o/ /rus pa dang / rkang dang / khrag dang / sha dang / nyams mthu dang / srog gis kyang sems can thams cad la rim gror bya'o/ /mchod par bya'o/ /brjed par bya'o/ /sangs rgyas dang / byang chub sems dpa' dang / 'phags pa nyan thos dang / rang sangs rgyas dang / slob dpon dang / bla ma'i gnas thams cad la yang bsnyen bkur bya'o/ /bsti stang du bya'o/ /rim gror bya'o/ /mchod par bya'o/ /de nas bdud sdig can gyis dkon mchog gsum la skyabs su 'gro ba bzung ste byang </font><hr>319a<br><font size=+1>


@#/ /chub kyi sems rin po che bskyed pa dang / thams cad dang ldan pa'i 'khor de ngo mtshar du gyur te dga' ba thob nas sgra skad kyi nga ro gcig tu 'di skad ces smras so/ /gang gi phyir na bdud khyod kyis/ /sems can kun la bde ba'i phyir/ /bla med byang chub sems bskyed pa/ /bdag cag rjes su yi rang ngo // rin chen sems 'dis mi ring bar/ /rnam 'dren sangs rgyas gyur nas ni/ /sems can shin tu sdug bsngal kun/ /mya ngan las ni bzla bar gyis/ /rgyal ba'i mchog 'di ji bzhin du/ /skye rgu thams cad gdul bar byos/ /stobs po che dang ldan pa yis/ /bdud bzhi po dag gdul bar gyis/ /de skad ces smras pa dang / thams cad dang ldan pa'i 'khor chen po de sangs rgyas kyi mthus rang rang gi lag gi snyim pa nas me tog gi phur ma thogs pa shes te/ me tog gi phur ma de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / gsang ba pa'i bdag po lag na rdo rje dang / khro bo chen po rdo rje'i khro bo de dag dang / byang chub sems dpa' sems dpa' chen po rdo rje'i snying po dang / phyogs bcu'i 'jig rten gyi khams nas 'dus pa'i byang chub sems </font><hr>319b<br><font size=+1>


dpa' sems dpa' chen po de dag la gtor ba dang / de yang sangs rgyas kyi mthus me tog gi gzhal med khang chen por gyur to/ /bdud sdig can ni/ mchog tu bde bas tshim par gyur nas sangs rgyas rjes su dran bsgom zhing rang gi bsod nams kyi rnam par smin pa'i rdzu 'phrul gyi mthu dang / de bzhin gshegs pa rjes su sems pas mdun du rin po che'i gzhal med khang chen po dpag bsam gyi shing du mas mig mang ris brgyad du bres pa/ rin po che dang / nor bu dang / mu tig dang / dung dang / man shel dang / byi ru dang / margad dang / bai DUR+Ya dang / and rnyil dang / mthon ka chen po dang / ke ke ru dang / ke ke ru chen po dang / rdo rje dang / rdo rje chen po dang / dun las dang / dun las chen po dang / 'dzam bu'i chu bo'i gser gyi dra bas rnam par spras pa/ gdugs dang / rgyal mtshan dang / ba dan dang / rnam par rgyal ba'i ba dan bsgrengs pas legs par brgyan pa/ me tog phreng bas klubs pa/ pog snod du ma nas bdug pa dri zhim po'i ngad kyis dri zhim par byas pa/ phye ma dri zhim po'i bsgo bas bsgos pa/ lha'i bu mo 'bum phrag du ma sil snyan dang / pheg rdob pa dang / glu len cing gar byed pa/ rdzing bu yan lag brgya dang ldan pa'i chu can </font><hr>320a<br><font size=+1>


@#/ /'bum phrag du ma'i dbus nas rin po che sna tshogs pad+ma dang / ku mu da dang / pad+ma dkar po dang / ut+pa la dang / dri mchog byung bas mdzes par byas pa'i phyogs dang ldan pa byung nas de mchog tu dga' ba dang / rangs pa dang / yid bde ba skyes pa de gus pa thams cad kyis de blangs nas bdud kyi mthu chen po dang / bdud kyi rnam par 'phrul ba chen po dang / bdud kyi rdzu 'phrul chen pos lag pa gnyi gas spyi bo la blangs te dge ba'i bshes gnyen gsang ba pa'i bdag po lag na rdo rje la dga' ba dang / mchod pa'i phyir phul te/ tshul dang 'dra ba'i tshigs su bcad pa 'di dag gis mngon par bstod do/ /'jig rten dag la dbang byed dbang gis 'byor gyur pa| |stobs bcu'i sras rab mchog ldan khyod la brten nas su/ /byang chub phyir ni chags bral dri med byang chub sems/ /sems can bde sgrub gter dang 'dra ba bdag gis thob/ /bdag mig gti mug mun pas dri can dri med gyur/ /srid pa'i 'dod chags rab tu zhi zhing spros dang bral/ /mya ngan 'das pa'i drang po'i lam ni bdag la bstan/ /sems dmyal mi bzad thams cad rab tu zhi bar 'gyur/ /sdig bral 'jig rten mgon la skyabs su ma song ba/ /kye ma dman pa yun ring ji lta bslus </font><hr>320b<br><font size=+1>


shig gu /de ring thub dbang sras po rnams la bsod nams dang / /dad dang snying rje ting 'dzin thob nas ngo mtshar gyur/ /sa mdog gcig pur sangs rgyas myur du grub par shog /gcig pus 'gro ba ma lus mya ngan bzla bar bya/ /srid pa gzhan na kun tu rgyu tshe bdag gi yid/ /rang phan 'jug dang dge bshes bral bar ma gyur cig/ de nas bdud sdig can gyis tshul dang 'dra ba'i tshigs su bcad pa 'di dag gis gsang ba pa'i bdag po lag na rdo rje la mngon par bstod nas cang mi smra bar gyur to| |de nas gsang ba pa'i bdag po lag na rdo rjes khro bo chen po rdo rje khro bo de dag la 'di skad ces smras so/ /rigs kyi bu dag /sdang ba dang / gdon dang / bgegs dang / log 'dren de dag thams cad gang gis sems can thams cad la rnam par rtsom pa rnam par mi 'tshe ba dang / bgegs mi byed pa dang / dkon mchog gsum la skyabs su 'gro bar 'gyur bar de bzhin gshegs pa'i dam tshig 'dzin du chug cig /rigs kyi bu dag/ 'di dag la mi 'jigs pa yang byin cig /des sems can thams cad kyi don dang / phan pa dang / bde ba dang / mya ngan las 'das pa bla na med pa yang mthong bar 'gyur ro/ /de skad ces smras pa dang / khro bo chen po rdo rje </font><hr>321a<br><font size=+1>


@#/ /khro bo de dag gis gsang ba pa'i bdag po lag na rdo rje la legs so zhes te tshig la mngon par dga' nas yang lha dang / klu dang / gnod sbyin dang / \?\ dri za dang / lha ma yin dang / nam mkha' lding dang / mi 'am ci dang / lto 'phye chen po la sogs pa de dag thams cad dang / sdang ba bgegs dang / log 'dren dang / ma mo dang / yi dwags dang / sha za dang / 'byung po dang / gdon dang / brjed byed dang / srul po dang / lus srul po dang / ro langs dang / mkha' 'gro dang / sgrub pa dang / sbrul 'dzin bcas pa la sogs pa de dag thams cad dang / gdon gyi tshogs de dag thams cad kyis rdo rje chen po mang po 'bab pas dkrugs pa'i mtsho chen po zab mo klong 'khyil ba/ 'ur 'ur sgra phyung ba lta bur drag cing rgyun ring ba'i skad gsang mthon pos 'di skad ces smras so/ /sdang ba 'byung po dang / gdon dang / bgegs dang / log 'dren la sogs pa drag shul can drag shul gyi sems dang ldan pa/ sdig pa can sdig pa'i sems dang ldan pa/ sdang ba can sdang ba'i sems dang ldan pa khyed thams cad nyon cig /khyed kyis dang phan chad sems can gang dag de bzhin gshegs pa'i bstan par zhugs pa dag dang / de la </font><hr>321b<br><font size=+1>


sogs pa gang dag gsang sngags sgrub bam/ klog pa de dag la bgegs 'byung bar mi bya zhing 'che bar mi bya ste/ sgrub pa dang rjes su mthun par stobs sbyin par bya'o| |sems can gang dag dam tshig la ma zhugs pa de dag la bsrung bar bya/ zhi ba dang / bde legs su 'gyur ba dang / chad pa spang ba dang / dug gzhil ba dang / dug bsad pa dang / rig sngags 'grub par sbyin par bya'o/ /sbrang rtsi dang / tshigs ma dang / sgog pa dang / ke'u dang / gtor ma dang / 'byung po dang / mi bgrungs pa rnams kyi sha dang zas zos kyang skyon du \?\ mi gzung zhing nyes par mi brtsi'o/ /de nas sdang ba 'byung po dang / bgegs dang / log 'dren la sogs pa thams cad ces bya ba nas sgra skad kyi nga ro gcig gis 'di skad ces smras so zhes bya ba'i bar du sbyar ro/ /rigs kyi bu dag/ bka' lung ci stsal ba de bzhin du sbyar bar bgyi'o/ /deng slan chad sangs rgyas bcom ldan 'das dang / chos dang / dge 'dun la skyabs su mchi'o/ /sems can thams cad kyi don du bla na med pa yang dag par rdzogs pa'i byang chub tu sems bskyed do/ /de nas gsang ba pa'i bdag po lag na rdo rjes khro bo chen po rdo rje khro bo chen po dag dang / sdang ba bgegs dang / log 'dren dang / 'byung po </font><hr>322a<br><font size=+1>


@#/ /dang / gdon gyi tshogs de dag thams cad la legs so zhes bya ba byin te/ rig sngags kyi las dang / dam tshig dang / phyag rgya thams cad 'dzin du bcu go /gsang ba pa'i bdag po lag na rdo rje yang rdo rje'i rnam par thar pa'i sgo chen po'i ting nge 'dzin de las langs so/ /de nas tshe dang ldan pa sha radwA ti'i bus gsang ba pa'i bdag po lag na rdo rje la 'di skad ces smras so/ /rigs kyi bu/ gang la gnas nas khyed kyis rdzu 'phrul gyi cho 'phrul 'di lta bu 'di bstan paM dang / bdud sdig can yang byang chub tu sems bskyed pa dang / gzhan yang sdang ba gdon dang / 'byung po dang / bgegs dang / log 'dren thams cad dam tshig la bkod cing byang chub kyi sems 'dzin du bcug pa'i ting nge 'dzin 'di'i ming ci zhes bya/ de skad ces smras pa dang / gsang ba pa'i bdag po lag na rdo rjes tshe dang ldan pa shA radwa ti'i bu la 'di skad ces smras so/ /btsun pa shA radwa ti'i bu/ ting nge 'dzin 'di ni/ ming dang / yi ge dang / sgra skad kyis rtogs par bya ba ma yin no/ /de ci'i phyir zhe na/ gang ming ngam/ gzugs sam/ dbyibs sam/ gnas sam/ mnyam par gzhag pa'am/ g.yeng ba yang rung ste/ ting nge 'dzin ces bya ba'i chos de gang yang med do/ / </font><hr>322b<br><font size=+1>


gang la ming med pa dang / gzugs med pa dang / dbyibs med pa dang / gnas med pa dang / mnyam par gzhag pa med pa dang / g.yeng ba med pa 'di btsun pa shA radwa ti'i bu ting nge 'dzin 'di'i ming ci zhes bya zhes de la ji snyam du sems/ yang btsun pa shA radwa ti'i bu/ gsal bar byed pa 'di ni/ bdag la gsal par byed pa ma yin/ gzhan la gsal bar byed pa ma yin/ gnyi ga la gsal bar byed pa ma yin no/ /'on kyang gsal bar byed par btags pa yod do/ /de la gsal bar byed pa ni/ gsal bar byed pa'i bdag nyid kyis stong / bdag ni/ bdag gis stong / gzhan yang gzhan gyi bdag nyid kyis stong / gnyi ga yang gnyi ga'i bdag nyid kyis stong ste/ yang dag pa ma yin pa kun tu btags pa'i phyir ro/ /'di ci zhes bya ba'i yi ge gnyis kyi tshig kyang tshig gis bdag nyid kyis stong ste/ yi ge yang yi ge ma yin no/ /de ltar na rten cing 'brel par 'byung ba'i don rtogs par byed pa yin no/ /don de brjod pa na yang gang nas kyang mi 'ong / gang du yang mi 'gro mod kyi/ gzhan gyi dbang la brten pa'i phyir yi ger btags pa yang yod do/ /yongs su btags pa yin pa'i phyir btags pa yang stong pa'o/ /rten cing 'brel bar 'byung ba'i phyir gzhan gyi </font><hr>323a<br><font size=+1>


@#/ /dbang nyid stong pa'o/ /rgyu dang rkyen las byung ba'i phyir rten cing 'brel bar 'byung ba yang stong pa'o/ /glo bur du rgyu dang rkyen gyis bskyed pa'i phyir 'byung ba'i bdag nyid kyis stong ngo / /de la rten cing 'brel par 'byung ba ni/ rang gi mtshan nyid kyis stong ngo / /rang gi mtshan nyid stong pa gang yin pa de mtshan nyid med pa'o/ /mtshan nyid med pa gang yin pa de de bzhin nyid do/ /de bzhin nyid gang yin pa de ma nor ba de bzhin nyid do/ /ma nor ba de bzhin nyid gang yin pa de gzhan ma yin pa de gzhin nyid do/ /gzhan ma yin pa de bzhin nyid gang yin pa de ting nge 'dzin to/ /ting nge 'dzin gang yin pa de rtogs pa'o/ /rtogs pa gang yin pa de stong pa nyid do/ /stong pa nyid gang yin pa de lhag mthong ngo / /lhag mthong gang yin pa de zhi gnas so/ /zhi gnas gang yin pa de rnam par thar pa'o/ /rnam par thar pa gang yin pa de dbu ma'i lam yin no/ /dbu ma'i lam gang yin pa de la mtha' gcig med/ mtha' gnyis med/ gzung ba med/ 'dzin pa po med/ 'dzin pa med/ chad pa med/ rtag pa med/ skye ba med/ 'gag pa med/ rtog pa med/ rnam par rtog pa med/ rang dbang med/ gzhan gyi dbang med/ 'gro ba med/ 'ong ba med/ kun </font><hr>323b<br><font size=+1>


nas nyon mongs pa med/ rnam par byang ba med/ 'du ba med/ 'bral ba med do/ /de ni/ lhag mthong yin no/ /lhag mthong gang yin ba de la phung po med/ khams rnams med| dbang po rnams med/ skye mched rnams med/ yul rnams med/ yul du gdags pa med/ las med/ las kyi 'bras bu med do/ /gang la las med cing las kyi 'bras bu med pa de bla na med pa yang dag par rdzogs pa'i byang chub bo/ /bla na med pa yang dag par rdzogs pa'i byang chub gang yin pa de bla na med pa yang dag par rdzogs pa'i sangs rgyas so/ /bla na med pa yang dag par rdzogs pa'i sangs rgyas gang yin pa de chos so/ /chos gang yin pa de mi skye mi 'chi'o/ /mi skye mi 'chi ba gang yin pa de nam mkha' dang mnyam pa nyid du khong du chud par bya'o/ /btsun pa sha radwA ti'i bus smras pa/ rigs kyi bu/ khyod kyis ting nge 'dzin bstan pa 'di ni/ shin tu zab ste/ 'di la nyan thos dang / rang sangs rgyas thams cad kyi 'gro ba yang med na/ 'jig rten pa'i mu stegs can dang / phas kyi rgol ba thams cad lta smos kyang ci dgos/ chos kyi rnam grangs 'di ni/ dge ba'i rtsa ba ma bskyed pa dang / mos pa chung ba thams cad kyis shes par dka' ba ste/ gzhan du na 'di de bzhin gshegs pa'i spyan gyi yul du </font><hr>324a<br><font size=+1>


@#/ /gyur pa ni/ ma gtogs so/ /de la de bzhin gshegs pa'i spyan ni/ dmigs pa med pa/ gnas pa med pa'o/ /de skad ces smras pa dang / gsang ba pa'i bdag po lag na rdo rjes tshe dang ldan pa sha radwA ti'i bu la 'di skad ces smras so/ /btsun pa sha radwA ti'i bu/ de bzhin gshegs pa zhes bya de ni/ de bzhin nyid kyi mtshan nyid do/ /stong pa nyid gang yin pa de la de bzhin gshegs pa med do/ /de bzhin gshegs pa'i mtshan nyid med do/ /sha radwA ti'i bus smras pa/ rigs kyi bu| gal te de bzhin gshegs pa mtshan nyid med pa yin na/ de la ji ltar skyes bu chen po'i mtshan sum cu rtsa gnyis dang ldan zhing de bzhin gshegs pa zhes bstan cing dpe byad bzang po brgyad cus sku legs par brgyan/ ji ltar de bzhin gshegs pa'i sku gsum rnam par gzhag par lta/ ji ltar de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas/ gsang ba pa'i bdag po lag na rdo rjes smras pa/ btsun pa sha ra dwA ti'i bu/ skyes bu chen po'i mtshan sum cu rtsa gnyis zhes bya ba de ni/ kun rdzob kyi brda'i tshig go /brgyan ces bya ba ni/ spros pa'i yi ge dang / sgra'o/ /dpe byad bzang po zhes bya ba de ni/ sgyu </font><hr>324b<br><font size=+1>


ma dang / rmi lam gyi ngo bo nyid mtshan nyid do/ /yang dag par rdzogs pa'i byang chub ces bya ba de ni/ nam mkha'i ngo bo nyid kyi mtshan nyid do/ /sku gsum rnam par gzhag pa zhes bya ba ni/ tshogs gnyis kyis sprul pa'i mtshan nyid do/ /btsun pa shA radwA ti'i bu/ yang 'di ni/ de bzhin gshegs pa'i sku'i gsang ba'i yul te/ de la sku gsang ba zhes bya ba de ni/ bsod nams chen po'i rgyu mthun pa'i mtshan nyid do/ /bsod nams kyi rgyu mthun pa gang yin pa de de bzhin gshegs pa'i rdzogs par longs spyod pa'i sku ste/ 'di yang de bzhin gshegs pa'i sku'i 'phrin las dang / sku'i gsang ba pa'o/ /btsun pa shA radwA ti'i bu/ gsung zhes bya ba de ni/ kun rdzob dang / don dam pa gnyis kyi mtshan nyid do/ /kun rdzob dang / don dam pa gnyis kyi mtshan nyid gang yin pa de de bzhin gshegs pa'i sprul pa'i sku'o/ /rten cing 'brel par 'byung ba chad pa med pa dang / rtag pa med par 'jug pa thugs su chud pa/ yid kyi rnam par shes pa'i lam gyis 'jug pa/ bsam gtan goms par byas pas shes bar bya ba ste/ dmigs pa med pa kun nas nyon mongs pa dang / rnam par byang bas stong pa/ lus kyi yul ma yin pa/ ngag gi spyod yul ma yin/ yid kyi rang gi ngo </font><hr>325a<br><font size=+1>


@#/ /bo'i yul ma yin pa gang yin pa de ni/ de bzhin gshegs pa'i chos kyi sku nam mkha'i khams su yang dag par 'du ba'o/ /de bzhin gshegs pa'i sku gsum rnam par gzhag pa de ltar blta bar bya'o/ /btsun pa shA radwA ti'i bu/ gzhan yang de bzhin gshegs pa'i sku'i gsang ba gang yin pa de ni/ chos kyi sku'o// chos kyi sku gang yin pa de ni/ chos rnams kyi dbu ma'i lam du blta'o/ /dbu ma'i lam gang yin pa de ni/ mi skye mi 'chi ba ste/ de bzhin gshegs pa rnams byung yang rung / ma byung yang rung / chos kyi sku 'di ni/ gnas pa nyid do/ /btsun pa shA radwa ti'i bu/ bsod nams kyi rgyu mthun pa zhes bya ba de ni/ pha rol tu phyin pa dag gi rnam grangs su gtogs pa'o/ /de la pha rol tu phyin pa zhes bya ba de yang bsod nams kyi rgyu mthun pa nyid du blta'o/ /de ci'i phyir zhe na/ btsun pa shA radwa ti'i bu/ sbyin pa'i pha rol tu phyin pa zhes bya ba de ni/ phyi nang gi dngos po rnam pa gnyis yongs su gtang bar bya ba'o/ /de la phyi zhes bya ba de ni/ kun rdzob kyi tshig go/ nang zhes bya ba de ni/ don dam pa'i tshig go /de la phyi zhes bya ba de ni/ gang zas 'dod pa rnams la zas dang / skom 'dod pa rnams dang / de bzhin bran pho dang / </font><hr>325b<br><font size=+1>


bran mo dang / las byed pa dang / zho shas 'tsho ba dang / glang po che dang / rta dang / shing rta dang / sa dang / mgo dang / lag pa dang / rkang pa dang / mig dang / sha dang / khrag dang / rkang dang / tshil dang / rus pa'i bar du sbyin pa ste/ de yang thabs kyi pha rol tu phyin pas yongs su zin pas yongs su bsngos pa rnam par smin pa la mi re ba dang / gya nom pa dang / rgyan pa dang / rang gi bsti stang du byas te rnam pa thams cad sems can thams cad la sbyin pa 'di ni/ phyi'i 'o/ /nang gi chos sbyin pa'o/ /de yang rnam pa gnyis te/ rten cir 'brel bar 'byung ba la 'jug par yang dag par gzhol ba dang / sbyin pa'i gtam dang / tshul khrims kyi gtam dang / bzod pa'i gtam dang / brtson 'grus dang / bsam gtan dang / shes rab dang / thabs dang / stobs dang / smon lam dang / ye shes kyi gtam dang / snying rjes yongs su zin pa thabs kyi pha rol tu phyin par yang dag par 'du ba'o/ /gzhan yang nang gi sbyin pa ni/ gang 'di mthar 'dzin pa dang / skye ba dang / 'gag par yongs su rtogs pa dang / rnam par rtog pa dang / shes pa dang / shes bya rnam par spong bar dga' bas yongs su zin pa'i stobs kyi pha rol tu phyin par yang dag par 'du ba ste/ 'di ni/ chos kyi sbyin pa'o/ /gang 'di nyid la </font><hr>326a<br><font size=+1>


@#/ /lus dang / ngag dang / yid rgod pa med pa dang / khengs pa med pa dang / lus rnam par g.yeng ba med pa dang / ngag rnam par g.yeng ba med pa dang / yid rnam par g.yeng ba med par shes rab kyi pha rol tu phyin pas yongs su zin pa/ gcig tu nyon mongs pa med par gnas/ btang snyoms kyis yongs su zin pa| thabs kyi pha rol tu phyin par yang dag par 'du ba 'di ni/ tshul khrims kyi pha rol tu phyin pa'o/ /gang 'di nyid la rang gi lus dang srog la mi lta bar bsod nams dang / bsod nams ma yin pa dang / chos dang / chos ma yin pa dang / bden pa dang / bden pa ma yin pa dang / g.yo ba dang / mi g.yo ba'i dngos po rnam par spong zhing byams pas yongs su zin pa shes rab kyi pha rol tu phyin par yang dag par 'du ba 'di ni/ 'dir bzod pa'i pha rol tu phyin pa'o/ /gang sbyin pa dang / tshul khrims dang / bzod pa dang / ting nge 'dzin thob par bya ba'i phyir sems spro zhing rtsom pa dang / yongs su mi skyo bar rtag tu gnas pa med pa dang / de dmigs pa med pa dang / byams pas yongs su zin pa ye shes kyi pha rol tu phyin par yang dag par 'du ba 'di ni/ 'dir brtson 'grus kyi pha rol tu phyin pa'o/ /btsun pa </font><hr>326b<br><font size=+1>


shA r+'+d+wa ti'i bu/ 'di ni/ bsod nams kyi tshogs te/ de bzhin gshegs pa'i rdzogs par longs spyod pa'i sku'i gsang ba grub par byed pa'o/ /btsun pa shA r+d+wa ti'i bu/ gzhan yang ye shes kyi tshogs ni/ gang pha rol tu phyin pa bzhi po 'di dag nyid rdzogs pa ste/ pha rol tu phyin pa rnams 'byed pa dang / 'grel ba dang / gsal bar byed pa dang / de la gzhol zhing mi rtag pa dang / bdag med pa dang / stong pa dang / gsob dang / gsog dang / dngos po med pa dang / dngos po thams cad dngos med par yang dag par ston to/ /mdor bsdu ba na 'dod chags dang / zhe sdang dang / gti mug dang / nyon mongs pa dang / nye ba'i nyon mongs pa sel cing chos kyi dbyings nam mkha' mtha' yas skye mched dang mnyam par yang dag par ston to/ /dmigs pa dang bral ba 'di ni/ 'dir bsam gtan gyi pha rol tu phyin pa'o/ /de bzhin nyid dang / stong pa nyid dang / mtha' las 'das pa stong pa nyid dang / phyi ma'i mtha' stong pa nyid dang / chos kyi dbyings kyi rang gi ngo bo nyid gang yin pa 'di ni/ 'dir shes rab kyi pha rol tu phyin pa'o/ /btsun pa sha r+d+wA ti'i bu/ 'di ni/ ye shes kyi tshogs so/ /bsod nams kyi tshogs dang / ye shes kyi tshogs dang / tshogs 'di gnyis ni/ byang chub kyi phyogs </font><hr>327a<br><font size=+1>


@#/ /kyi chos dang / shes pa dang / shes bya mtha' dag dang / bla na med pa yang dag par rdzogs pa'i byang chub yang dag par rtogs par byed pa ste/ btsun pa shA r+d+wa ti'i bu/ 'di ni/ de bzhin gshegs pa'i sku'i gsang ba dag gis mdor bsdus te bstan pa'o/ /rgya cher rnam par dbye ba ni/ gsal te de bzhin gshegs pa nyid kyis sku tshe'i tshad bskal par bzhugs te bstan cing bshad kyang mthar phyin par mi 'gyur ro/ /sku'i gsang ba ji lta ba bzhin du gsung gi gsang ba yang de bzhin no/ /thugs kyi gsang ba ni/ de bzhin gshegs pas rnam pa dang / so so'i rnam pa dang / kha dog dang / rtags dang / dbyibs dang / ngag gi rnam par rtog pa'i spyod yul dang / bya ba tha dad pa'i sbyor ba rnams kyis kyang bstan par mi spyod mod kyi/ 'on kyang de bzhin gshegs pa'i so so rang gis rig pa'i thugs kyi gsang ba yin par shes par bya'o/ /btsun pa shA r+d+wa ti'i bu/ de ni/ de'i phyir rnam grangs 'dis de ltar rig par bya ste/ bdag cag lta bu byang chub mngon par rdzogs par sangs rgyas pa rnams kyis bstan pa lta smos kyang ci dgos/ 'on kyang de bzhin gshegs pa'i byin gyi rlabs kyis sems can gyi khams mtha' yas mu med </font><hr>327b<br><font size=+1>


pa'i bsam pa dang / lhag pa'i bsam pa dang / mos pa dang / blo gros dang / blo dang / rtogs pa dang / mngon par 'dod pa mtha' yas mu med pa dang / sems kyi rgyun rnam pa tha dad pa sna tshogs kyi rjes su 'gro ba'i spyod yul dang / skye gnas sna tshogs dang / lhan cig skyes pa'i las sna tshogs dang / mi shes pa dang / ma rig pa'i mun pa dang / mi snang ba dang / mun nag dang / 'gro ba lnga dang / 'gro ba drug dang / khams gsum pa thog ma dang / dbus dang / 'jig par gnas pa/ sngon gyi mtha' dang / phyi ma'i mtha' yongs su ma chad par gnas par dus gsum dang / phyogs la mgo rmongs pa/ skye ba dang / rga ba la sogs pa na ba dang / nad dang / mya ngan pa dang / smre sngags 'don pa dang / sdug bsngal ba dang / yid mi bde ba dang / 'khrug pa la sogs pas nyin gcig bzhin du bcom pa'i sems can rnams kyi sems can gyi khams ma rgal ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / yongs su mya ngan las 'das pa yongs su mya ngan las bzla ba dang / chos kyi rnam grangs 'di la gzud pa dang / gnas pa thams cad gyur ba'i lam la dgod pa dang / mya ngan las 'das pa shin tu de ba/ don dam pa/ zhi ba/ 'khrugs pa med pa/ dge ba/ nad med pa </font><hr>328a<br><font size=+1>


@#/ /dang / sangs rgyas bcom ldan 'das rnams kyi so so rang gi rig pa'i ye shes kyi dbyings mnyam pa nyid kyis mi mnyam pa dang mnyam pa/ rnam pa thams cad kyi mchog dang ldan pa'i thams cad mkhyen pa'i ye shes la sbyor ba dang / yang dag par 'dzin du 'jug pa dang / yang dag par gzengs bstod pa dang / yang dag par rab tu dga' bar bya ba dang / dga' ba dang / dang ba dang / mgu ba'i sa la yang dag par gzud pa dang / chos rtogs pa'i khyad par brjod pa dang / rgya mtsho chen po ltar 'dul ba'i sems can yongs su smin par bya ba'i dus dang / tshod las mi 'da' bar bya ba dang / de dag la rgyu de'i dbang du byas te skye bo'i tshogs chen po'i don dang phan pa dang / bde ba dang / lha dang / mi rnams kyi don dang / theg pa chen po bla na med pa'i chos kyi tshul gcig nas gcig tu brgyud de gnas par bya ba dang / gcig nas gcig tu lung byin pas thos pa dang / bsam pa dang / bsgoms pa las byung ba'i shes rab dang / ye shes goms pa rnal 'byor du gyur pa'i rgyud kyi rgyun mi bcad pa dang / skal pa yod la yongs su ma smin pa yongs su smin par bya ba'i 'os su gyur pa'i don gyi phyir phyogs tsam gyi sgo gcig mdun du byas te </font><hr>328b<br><font size=+1>


'jug par byed pa cung zad cig bshad par bya'o/ /de skad ces smras pa dang / tshe dang ldan pa shA r+d+wa ti'i bu/ mchog tu ngo mtshar du gyur cing rmad du byung bar gyur te dga' ba thob nas gsang ba pa'i bdag po lag na rdo rje la 'di skad ces smros so/ /rigs kyi bu/ legs so legs so/ gang gi phyir kho bo cag lta bu'i nyi tshe ba'i shes pa dang ldan pa gzhan gyis sgra bsgrags pa'i rjes su 'gro ba'i nyan thos rnams la chos zab mo'i tshig gi don 'di lta bu gsal bar byas pa ni/ rigs kyi bu/ khyod yang legs so/ /lag na rdo rjes smras pa/ btsun pa shA r+d+wa ti'i bu/ de de bzhin te/ ji skad smras pa de bzhin no/ /btsun pa shA r+d+wa ti'i bu/ ting nge 'dzin 'di'i ming ci zhes de skad zer ba ni/ ting nge 'dzin 'di ming rdo rje'i rnam par thar pa'i sgo chen po zhes bya'o/ /de nas bcom ldan 'das kyis phyag g.yas pa gser gyi kha dog brkyang ste phyag g.yas pa 'jam zhing mnyen la shin tu gzhon sha chags pa gsang ba pa'i bdag po lag na rdo rje'i mgo la bzhag ste ched du bka' stsal pa 'di dag kyang ched du bka' stsal to/ /gsang ba pa'i bdag po lag na rdo rje/ khyod kyis gang mdo sde zab mo 'di lta bu 'di gsang ba pa'i tshig gi don bzhin du sems can thams cad la lung bstan cing bshad de dkrol </font><hr>329a<br><font size=+1>


@#/ /zhing rnam par phye ba legs so legs so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas lag na rdo rje la ji ltar legs so zhes bya ba byin pa de bzhin du phyogs bcu'i 'jig rten gyi khams su gtogs pa'i de bzhin gshegs pa thams cad kyis kyang gsang ba pa'i bdag po lag na rdo rje'i mgo la phyag bzhag ste ched du bka' stsal pa 'di dag kyang ched du bka' stsal cing legs so zhes bya ba byin te/ rigs kyi bu/ chos kyi rnam grangs 'jig rten gyi khams mang po dag na ming 'dzin pa yang dkon na/ rab tu gsal bar byed pa lta ci smos/ gsang ba pa'i bdag po lag na rdo rjes chos kyi rnam grangs 'di bshad pa na lha'i bu gang+gA'i klung tshad med grangs med dpag tu med pa'i bye ma'i rdul phra rab kyi rdul las shin tu 'das pa snyed chos rnams la chos kyi mig rdul med cing dri ma dang bral ba skyes so/ /dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rab tu mang po dag ni /mi skye </font><hr>329b<br><font size=+1>


ba'i chos la bzod pa thob par gyur to/ /de bas kyang ches mang ba'i sems can rnams ni/ phyir mi ldog pa nyid du bya ba'i phyir bla na med pa yang dag par rdzogs pa'i byang chub tu sems skyes so/ /stong gsum gyi stong chen po'i 'jig rten gyi khams 'di dang / de ma yin pa sangs rgyas kyi zhing gzhan dpag tu med cing grangs med la brjod du med pa'i yang brjod du med pa dag kyang rnam pa drug tu g.yos so/ /gsang ba pa'i bdag po lag na rdo rje la yang chos kyi dgab pa dang / mchod pa'i phyir nam mkha'i dkyil na rnga rnams ma brdungs par kun nas sgra byung ngo / /byang chub sems dpa'i rdzu 'phrul gyi gzhal med khang gi khang pa brtsegs pa rnams su kun nas sil snyan dang / pheg rdob pa dang / glu dbyangs blangs pas lha'i bu mo rnams gar byed do/ /spos dang / byug pa dang / bdug pa dang / phye ma dang / gos dang / gdugs dang / rgyal mtshan dang / ba dan dang / dpag bsam gyi shing ljon pa dang / rin po che dang / mu tig gi rgyan phreng dang / me tog pad+ma dang / ku mu da dang / ut+pa la dang / dri mchog dang / sna ma'i me tog dang / pa ri sha ka dang / pa ri sha ka chen po dang / btang bzung dang / btang bzung chen po dang / man+dA ra ba dang / man+dA ra ba chen po dang / many+dzu sha ka dang / many+dzu sha ka chen </font><hr>330a<br><font size=+1>


@#/ /po dang / kun nas skyes dang / kun nas skyes chen po'i me tog gi char gyi sprin kun nas mngon par bab bo/ /spos chu'i char gyi sprin yang mngon par bab bo| |de nas tshangs pa dang / khyab 'jug dang / dbang phyug chen po dang / brgya byin dang / 'jig rten skyong ba dang / gnod sbyin dang / nam mkha' lding dang / mi 'am ci dang / lto 'phye chen po dang / ma mo'i gdon gyi tshogs dang / 'byung po dang / brjed byed dang / skem byed dang / sgrub pa dang / sbrul 'dzin bcas dang / gnon po dang / ma mo dang / yi dwags dang / sha za dang / bram ze'i srin po dang / mkha' 'gro ma dang / phyogs dang / phyogs mtshams dang / mkhar dang / ri dang / sa'i lha la sogs pa sdang ba gdon bgegs dang / log 'dren thams cad dang / de ma yin pa gzhan yang lha dang / mi dang / mi ma yin pa dag bla gos rnams phrag pa gcig tu gzar te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to| |bcom ldan 'das/ gang gis bdag cag gzir cing nye bar gzir bas rig sngags 'chang thams cad la dngos grub stsol ba dang / dam tshig thams cad </font><hr>330b<br><font size=+1>


'dzin du 'jug pa la yang dag par gnang bar bgyid par 'gyur ba rang gi snying po 'di bdag cag la bstan du gsol/ de nas bcom ldan 'das kyis tshangs pa la sogs pa lha'i tshogs de dag la legs so zhes bya ba byin te/ grogs po dag /gang gi phyir khyed cag 'di ltar sems can thams cad la phan pa'i phyir zhugs pa ni/ legs so legs so/ /de'i phyir legs par rab tu nyon la yid la zungs shig dang / ngas khyed rang rang gi snying po bstan par bya'o/ /de dag gis kyang bcom ldan 'das la legs so legs so/ /zhes gsol to/ /bcom ldan 'das kyis lha'i rnga bo che dang / rgya mtsho dang / sprin chen po'i sgra lta bu'i gsung tshangs pa chen po'i sgra bas lhag pa sna tshogs pa snyan cing rgya che la zab pa/ thog ma dang / bar dang / tha mar dge ba/ sems can thams cad kyi snying du 'thad pa/ gsal ba/ 'jebs pa/ dag pa/ mnyen pa/ snyan pa/ brjod pa'i tshig khams gsum pa thams cad la go bar byed pa/ de bzhin gshegs pa'i seng+ge'i sgra bla na med pa des grub pa'i gsang sngags kyi gzhi 'di dag gsungs so/ / de bzhin gshegs pa dgra bcom pa yang dag par rdzogs pa'i sangs rgyas thams cad la phyag 'tshal lo/ /tad+ya thA/ dza ya dza ya/ dza yA ba hA/ tsi li tsi li/ mi li mi li/ </font><hr>331a<br><font size=+1>


@#/ /lu Tu lu Tu/ dza ye bi dza ye/ dza yan+ti/ bi dza yan+ti/ a dzi te/ a pa rA dzi te/ tad+ya te/ sarba duSh+Ta stam+b+ha ni/ dzam+b+ha ni/ mo ha ni/ shwe te ka rA le/ ke yU re/ sarba bud+d+ha a d+hi Sh+Thi te/ pAN+Da rA ba si ni/ par+Na sha ba ri/ shri ye ma hA shri ye sarba ad b+hu ta ya shri ye/ pad+ma ba he/ pad+ma mA li ni badz+ra ang+ku shi/ badz+ra mA te/ badz+ra pA tA li/ shU li ni badz+ra d+ha re| hi hi hi hi/ badz+ra pA Ni/ he he he he/ badz+ra pA Ni/ badz+ra shu li ni/ tsakra d+ha re /hi hi /badz+ra pA Ni/ he he badz+ra pA Ni/ hi hi hi hi/ he he he he/ badz+ra pA Ni/ ka la ka la/ ba la ba la| ra la ra la/ d+ha ma d+ha ma/ sa ra sa ra/ hA hA hA hA hA/ tsi li mi li/ tshi le di le/ di di la/ di mi le/ dz+wa le/ ma hA dz+wa le/ dz+wa li ti/ pra dz+wa li ti/ Tha ra tha ga ge tha re/ mu ku ti| k+Sha me/ k+Sha ma me/ grub pa'i tshogs kyis phyag byas ma/ lha thams cad kyi snying kun tu 'jug par byed ma/ sems can thams cad kyi snying 'bigs ma/ sdang ba rab tu sdang ba thams cad kyi snying 'joms ma/ de bzhin gshegs pa thams cad kyi snying po rjes su skyong ma/ byang chub sems dpa' thams cad kyi snying po la 'jug mtshur shog /dam tshig rjes su skyongs shig/ sems can thams cad kyi snying rnams khug la dam tshig la khod cig/ thams cad mkhyen pa la phyag 'tshal </font><hr>331b<br><font size=+1>


lo swAhA| 'jig rten mkhyen pa thams cad la phyag 'tshal lo swAhA/ tra Ta tra Ta/ s+pho Ta ya swAhA/ gyen du lta la swAhA/ rnam par lta la swAhA/ chu srin la swAhA/ me la swAhA/ tshangs pa la swAhA| khyab 'jug la swAhA/ drag po rnams la swAhA/ brgya byin la swAhA/ 'jig rten skyong ba rnams la swAhA/ thams cad la swAhA/ lha rnams la swAhA/ nor rnams la swAhA/ ma mo rnams la swAhA/ mtshun rnams la swAhA/ bgegs dang log 'dren thams cad la swAhA/ sa la swAhA/ dbyangs can la swAhA/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po thams cad dang / srin po la sogs pa khams gsum thams cad du gtogs pa'i sems can thams cad la swAhA/ tshur shog tshur shog /dam tshig rjes su skyongs shig /ku ru ku ru/ sa ra sa ra/ tiSh+Tha tiSh+Tha/ ha na ha na/ da ha da ha/ pa tsa pa tsa/ hUM yUM hUM/ tsaN+DA li/ ma tang+gi /Dom+b+hi ni/ puk+ka si/ de bzhin gshegs pa thams cad la phyag 'tshal lo/ /bdag la gsang sngags kyi gzhi rnams grub par gyur cig swAhA/ de bzhin gshegs pas rang gi snying po dang / lha thams cad kyi snying po 'di gsungs pa na thams cad dang ldan pa'i 'khor de 'jigs sngangs skrag par gyur nas chu shing gi tshal rlung drag </font><hr>332a<br><font size=+1>


@#/ /po chen pos bskyod de rtsa ba bcad pa bzhin du g.yo zhing 'gul la snying tshig ste rdo rje'i phur bus btab pa bzhin du zugs shing zhigs la 'gre zhing skyabs btsal ba'i phyir 'du shes tsam gyis sangs rgyas bcom ldan 'das la 'bod pa dang / bcom ldan 'das kyis gsang ba pa'i bdag po lag na rdo rje la 'di skad ces bka' stsal to/ /rigs kyi bu/ lha'i 'khor 'di slongs shig /ngas dam tshig 'di yongs su 'dzin du gzhug go/ rig sngags grub 'byor bar byed pa'i snying po la gzhol ba bsgrags so/ /de skad ces bka' stsal pa dang / gsang ba pa'i bdag po lag na rdo rjes gsang ba pa'i snying po 'dis lha'i 'khor de dag thams cad bslang ngo / /dkon mchog gsum la phyag 'tshal lo/ /gnod sbyin gyi sde dpon chen po lag na rdo rje drag po la phyag 'tshal lo/ /oM kI li kI la/ badz+ra kI li kI la ya swAhA/ bcom ldan 'das/ 'di ni/ bdag gi snying po mchog tu gsang ba lags te/ rig sngags thams cad 'grub par bgyid pa lags so/ /des ni/ bdag kyang drangs nas gzhan gyis ma btang bar mchi'o/ /dbang du mchi'o/ /dngos grub stsal bar bgyi'o/ /lung bzhin bgyi'o/ /bsrung bar bgyi'o/ /dpal bskyed par bgyi'o/ / </font><hr>332b<br><font size=+1>


bgegs dang log 'dren thams cad rnam par bshig go/ sems can thams cad gdul bar bgyi'o/ /'byung po thams cad rnam par bshig par bgyi'o/ /nad thams cad bsal bar bgyi'o/ /sngon gyi las kyi rnam par smin pa ni/ ma gtogs so/ /bcom ldan 'das/ bdag gi snying po mchog tu gsang ba 'di nas bskal pa grangs ma mchis pa gsum du dka' ba spyod pa chen po bgyid pa na gnod pa bgyid pa bgegs dang log 'dren thams cad kyis rnam par gtses pa'i tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'dzin me ltar blos rnam par bsgyings shing rnam par rol pa mngon shes dri zhim snang dpal gyis bdag la bsrung ba'i slad du stsal to/ /gsang ba pa'i bdag po lag na rdo rjes snying po mchog tu gsang ba 'di smras ma thag tu 'khor de thams cad bsam gtan gyi dga' ba dang / bde bas tshim par gyur te/ gsang ba pa'i bdag po lag na rdo rje'i dam tshig gi bstan pa la gnas so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis chos kyi rnam grangs 'di zungs shig /chongs shig /lhogs shig/ 'dzin du chug cig /kun chub par gyis shig / </font><hr>333a<br><font size=+1>


@#/ /gzhan dag la yang rgya cher yang dag par rab tu ston cig dang / des sems can mang po la yun ring por phan pa dang / bde ba dang / tha mar de bzhin gshegs pa'i ye shes bla na med pa/ chags pa med pa/ sgrib pa med pa thob cing rtogs par 'gyur ro/ /su chos kyi rnam grangs 'di 'chang ba dang / klog pa dang / 'dzin du 'jug pa dang / kun chub par byed pa dang / gzhan dag la yang rgya cher yang dag par rab tu ston pa dang / mchod pa dang / yi ger 'bri ba dang / yi ger 'brir 'jug pa dang / kha ton byed pa dang / nyan pa dang / sems pa de ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /'di nas nam byang chub kyi snying po la 'dug gi bar du ngan 'gro log par ltung bar mi 'gyur ro/ /rigs dma' ba rnams su skye bar mi 'gyur/ dbul po'i rigs rnams su skye bar mi 'gyur te/ shes rab med pa yang ma yin/ ma dul bar ma yin /tshe thung bar ma yin zhing tshe rabs tshe rabs su tshe rabs dran par 'gyur ro/ /byang chub kyi sems brjed par mi 'gyur ro/ /thos pa 'dzin par 'gyur ro/ /rab tu dben pa la mngon par dga' bar 'gyur ro/ /'khor ngan pa can ma yin par 'gyur ro/ /tshig </font><hr>333b<br><font size=+1>


gzung bar 'os shing snyan par 'gyur ro/ /skal pa bzang zhing gzugs bzang bar 'gyur ro/ /shes rab chen po dang spobs pa chen po dang dbang dang ldan par 'gyur ro/ /de bzhin gshegs pa thams cad mnyes par bya ba la mkhas par 'gyur ro/ /dge ba'i bshes gnyen gyis yongs su zin par 'gyur ro/ /sdig pa'i grogs po yongs su spong bar 'gyur ro/ /pha rol tu phyin pa yongs su rdzogs par bya ba la mkhas par 'gyur ro/ /sems can thams cad yongs su rdzogs par bya ba la mkhas par 'gyur ro/ /sangs rgyas kyi zhing che zhing mtha' yas pa la rdzu 'phrul dang ldan par 'gyur ro/ /nam byang chub kyi snying po la 'dug gi bar du de byang chub kyi sems mi brjed par 'gyur ro/ /tshe 'di nyid la bgegs dang / log 'dren dang / rigs sngags 'chang grub pa dang / 'byung po dag dang / gdon gyi tshogs dang / ma mo dang / yi dwags dang / sha za dang / lha dang / klu dang /gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po la sogs pa thams cad kyis mi thul bar 'gyur ro/ /de'i las kyi sgrib pa thams cad byang bar 'gyur ro/ /nad thams cad dang bral bar 'gyur ro/ /sngon gyi las kyi rnam par smin pa ma gtogs par 'chi ba'i dus byed par mi 'gyur ro/ /de la rig sngags </font><hr>334a<br><font size=+1>


@#/ /thams cad kyang 'grub par 'gyur ro/ /de la lha thams cad kyang srung zhing sbed pa dang / yongs su skyob par 'gyur ro/ /de'i rtsom pa thams cad kyang sla bar 'gyur ro| |'jig rten pa dang / 'jig rten las 'das pa dang / dkyil 'khor thams cad kyi dam tshig la zhugs par 'gyur ro/ /de nas bcom ldan 'das la tshe dang ldan pa kun dga' pos 'di skad ces gsol to/ /bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir khyod kyis chos kyi rnam grangs 'di byang chub sems dpa' thams cad kyi mchod pa'i sprin du bstan pa zhes bya bar zungs shig /de bzhin gshegs pa thams cad kyi chos kyi 'khor lo sgrib pa med pa bskor ba zhes bya bar yang zungs shig /de bzhin gshegs pa'i chos kyi dbyings la mkhas pa zhes bya bar yang zungs shig / bdud kyi dkyil 'khor thams cad 'joms par byed pa zhes bya bar yang zungs shig /bdud kyi phyogs 'dul ba zhes bya bar yang zungs shig /rten cing 'brel par 'byung ba la 'jug pa rab tu rtogs pa zhes bya bar yang zungs shig /dam pa'i chos kyi phyag rgya'i mtshan nyid ces bya bar yang zungs shig /rig sngags dang / dkyil 'khor </font><hr>334b<br><font size=+1>


dang / phyag rgya dang / dam tshig thams cad la rab tu 'jog pa zhes bya bar yang zungs shig /lag na rdo rje'i rnam par thar pa'i ting nge 'dzin gyi cho 'phrul zhes bya bar yang zungs shig /rdo rje'i ri rab chen po'i rtse mo'i khang pa brtsegs pa'i gzungs zhes bya bar yang zungs shig /de nas tshe dang ldan pa kun dga' bos bcom ldan 'das kyis gsungs pa la legs so/ /zhes gsol te mngon par dga' nas cang mi smra bar gyur to/ /de nas byams pa la sogs pa bskal pa bzang po'i byang chub sems dpa' sems dpa' chen po thams cad dang / byang chub sems dpa' sems dpa' chen po rdo rje'i snying po la sogs pa phyogs bcu'i 'jig rten gyi khams nas 'dus pa de dag thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang /mi ma yin pa de dag thams cad dang / thams cad dang ldan pa'i 'khor de bcom ldan 'das lag na rdo rjes gsungs pa la mngon par bstod do/ /'phags pa rdo rje'i ri rab chen po'i rtse mo'i khang pa brtsegs pa'i gzungs rdzogs so// //rgya gar gyi mkhan po shI len+d+ra bo d+hi dang / dz+nyA na sid+d+hi dang / zhu chen gyi lots+tsha ba ban+d+he ye shes sdes bsgyur </font><hr>335a<br><font size=+1>


@#/ /zhing zhus te skad gsar bcad kyis kyang bcos nas gtan la phab pa/ </font><hr>

</table>