rgya gar skad du/ AR+Ya lo ha duN+De nA ma d+hA ra NI/ bod skad du/ 'phags pa lcags kyi mchu zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das 382b yul ma ga d+ha nas rgyu zhing a mra'i tshal du gshegs te byon nas a mra'i tshal du lus 'phags ri'i dbang po'i brag phug na bzhugs so/ /de nas lha'i dbang po brgya byin gyis bcom ldan 'das ga la ba der song ste phyin nas bcom ldan 'das la mgo bos phyag 'tshal te phyogs gcig tu 'dug nas lha'i dbang po brgya byin gyis bcom ldan 'das la 'di skad ces gsol to/ /bcom ldan 'das/ lha ma yin rnams ni/ rab tu lha rnams kyi yun ring bo'i dgra lags na/ de la bcom ldan 'das kyis dran pa'i chos bstan du gsol/ 'dzam bu'i gling pa'i 'jig rten shAkya thub pa'i zhing khams na mir gyur pa'i sems can rnams kyi 'khor na dge slong pha dang / dge slong ma dang / dge tshul pha dang / dge tshul ma dang / dge bsnyen pha dang / dge bsnyen ma dang / dam pa'i chos 'jig pa la srung ba'i thabs bstan du gsol/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /lha'i dbang po/ khyod kyis lcags kyi mchu'i gzungs/ thams cad skrag par byed pa/ lha ma yin la thog smad lnga 'bebs pa/ 'jig rten gyi rims nad zhi bar byed pa| 'jig rten thams cad du zhi bar byed pa/ dug thams cad 'jil ba/ mtshon thams cad rengs par byed pa/ rkang med pa dang / rkang gnyis pa dang / rkang bzhi thams cad rengs 383a @#/ /par byed pa/ dgra thams cad phung bar byed pa/ lha ma yin dang / nam mkha' lding dang / sbyin byed ma'i bu dang / sha za dang / brjed byed dang / smyo byed dang / 'gro ba drag shul du spyod pa rab tu 'jig par byed pa/ 'thab pa dang / rtsod pa dang / 'gyed pa dang / mtshang 'dru ba thams cad rab tu zhi bar byed pa'i 'phags pa lcags mchu 'di zungs shig /thams cad mi 'jigs pa'i lcags kyi mchu'i gzungs kyi sngags brjod par bya'o/ /tad+ya thA/ ba ga tsa ni/ shu ti shu ma li/ ga sha sha sha ta ta bI ra ti/ hu yu hu yu ri ti swAhA/ rgya mtsho la 'bar li ti gtor ro/ /ji ltar 'dod pa 'bab bo/ /klu'i gnas su phur bu sa ya bye ba grangs med pa bzlas la klu'i gnas su btab na/ ser ba dang / thog ji ltar 'dod pa bzhin du 'bab bo/ /sarba nA gA nAM a pa bIR+YA phob/ nA ga shar shar phob/ nA ga rak+Sha phob/ ri tsa sri badz+ra hUM phaT/ drag po yul khams kyi dgrar gyur pa zlog pa/ mes gtor ba'i thog smad lnga 'bebs pa/ lha'i dbang po thams cad zil gyis mnan pa'i lcags kyi mchu'i gzungs 'a di lha ma yin rmongs su 'jug pa/ 'khor rnam bzhi srung ba/ theg pa chen po'i chos dgra srung ba'o/ /bcom ldan 'das kyis de skad ces bka' stsal nas lha'i dbang po brgya byin yi rang ste/ bcom ldan 'das kyis gsungs pa la mngon par bstod do/ /'phags 383b pa lcags mchu'i gzungs rdzogs so// // |