rgya gar 118a @#/ /skad du/ AR+Ya mai kha lA nA ma d+hA ra Ni/ bod skad du/ 'phags pa me kha la zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das shAkya'i yul ser skya'i gnas na shid n+ya gro d+ha'i kun dga' rab na bzhugs te| de'i tshe gzhon nu sgra gcan zin mal na nyal ba las srin po zhig gis sdangs par byas par gyur to/ /de nas gzhon nu sgra gcan zin de nyid kyi mtshan mo 'das nas gzhon nu mang po rnams kyis mdun du bdar cing yongs su bskor te ser skya'i gnas nas byung nas bcom ldan 'das gal ba der song ste phyin nas bcom ldan 'das kyi zhabs la mgo bos phyag btsal te spyan sngar 'dug nas dus so/ /de nas bcom ldan 'das kyis tshe dang ldan pa kun dga' bo la bka' stsal pa| kun dga' bo/ gzhon nu sgra gcan zin srung ba'i phyir me kha la zhes bya ba'i rig sngags bshad kyi khyod kyis zungs shig lha'i tshogs dang / klu'i tshogs dang / gnod sbyin gyi tshogs dang / srin po'i tshogs dang / lha ma yin gyi tshogs dang /nam mkha' lding gi tshogs dang / mi'am ci'i tshogs dang /lto 118b 'phye chen po'i tshogs dang / sha za'i tshogs dang / yi dwags kyi tshogs dang / grul bum gyi tshogs dang / srul po'i tshogs dang / gza'i tshogs dang / rgyu skar gyi tshogs dang / gnod sbyin gyi sde dpon nyi shu rtsa brgyad dang / rgyal po chen po bzhi dang / drang srong 'dod chags dang bral ba rnams dang / gangs la gnas pa dang / phyogs bcu na 'byung po gang dag 'khod pa dang / srin mo'i tshogs dang / bA li dang / kA Ta li di dang / po da ri dang / grong rna dang / yid bzang dang / 'phrog ma chen mo dang / ma mo'i tshogs rnams nga la nyon cig /rgya mtsho'i 'khor gyi srung ma shar phyogs kyi phyogs cha na srin mo 'phrog ma zhes bya ba dang / lho phyogs kyi phyogs chan srin mo glang sna ma zhes bya ba dang / nub phyogs kyi phyogs cha na srin mo ral pa can zhes bya ba dang / byang phyogs kyi phyogs chan srin mo sa'i gtsug ces bya ste srin mo drag mo de dag re re'ang 'khor bye ba drug cus bskor ba me kha la'i rig sngags las brjod pa de dag thams cad kyis srung bar gyis shig /tad+ya thA/ g+ha ne g+ha ne/ g+ha ne g+ha ne/ g+ha ne g+ha ne/ g+ha ne g+ha ne pa ti/ g+hu me g+hu me/ g+hu me g+hu me/ g+hu me g+hu me/ g+hu me g+hu me pa ti/ g+ha re g+ha re/ g+ha re g+ha re/ g+ha re g+ha re/ g+ha re g+ha re/ g+hi ri ri ni/ g+ha ra pa ti swa ra ba ti/ d+ha na ba ti/ su ra ba ti/ a hi 119a @#/ /me ba ti/ ma ti/ a pa ti/ su pa ti/ ba hu ba ti/ ha la ha la/ ha la ha la/ ha la ha la/ ha la ha la/ hi li hi li/ hi li hi li/ hi li hi li/ hi li hi li/ hu lu hu lu/ hu lu hu lu/ hu lu hu lu/ hu lu hu lu/ ti li ti li/ ti li ti li/ ti li ti li/ ti li ti li/ hi li hi li/ mi li mi li/ pe ta ya ba/ a ma Ne ma bi sa re/ ha ha/ hi hi/ sa man+ta sa re/ a sa man+ta sa re/ pa ri kha sa me/ a brte sa man+ta brte/ g+ha ne/ me kha le/ kun dga' bo/ me kha la zhes bya ba stobs mo che rdzu 'phrul dang ldan ma/ brtson 'grus che ma/ 'di ni rig sngags 'chang rnams dang / 'byung po rnams dang / ro langs rnams las gang du'ang bkag pa med de kun tu thogs pa med par 'gro'o/ /kun dga' bo/ me kha la zhes bya ba'i rig sngags 'di ni sems can rnams la phan pa'i phyir dang / bde ba'i phyir dang / bsrung zhing sba ba'i bar du bya ba'i phyir 'das pa'i sangs rgyas bcom ldan 'das kyis gsungs so/ /drang srong chen po gzhan dag gis kyang smras te/ kun dga' bo/ me kha la \?\ rig sngags ni sems can rnams la phan par byed do/ /gang su dag sdig pa'i las dang ldan pa gzi byin 'phrog pa sa la gnas pa de dag thams cad me kha la 119b rig sngags thos nas shin tu skrag ste phyogs dang / phyogs mtshams rnams su 'gro'o/ /kun dga' bo/ me kha la'i rig sngags legs par gzung ba byas pa la kun nas dpag tshad bcu gnyis su bsrung bar gyis shig /yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur ba gyis shig /sangs rgyas la phyag 'tshal lo/ /chad pa spang bar gyis shig /mtshon cha spang ba dang / dug gzhil bar gyis shig /mi mdza' ba bzlog par gyis shig /mtshams bcad par gyis shig /skud pas bcing bar gyis shig /sdang ba thams cad bzlog par gyis shig /mi dang / mi ma yin pa sdig par byed pa rnams 'tsher ma gzhug cig /sangs rgyas la phyag 'tshal lo/ /gsang s+ng+ag+sa kyi gzhi rnams grub par gyur cig swAhA/ de la cho ga ni de bzhin gshegs pa la phyag btsal te me tog dang / bdug pa dag gsol nas skud pas bcing bar bya'o/ /byab pa dang / mnye ba dang / legs par khrus bya'o/ /cho ga 'dis gdon thams cad bzlog pa dang / nad thams cad rab tu zhi bar bya'o/ /tad+ya thA/ ti le/ pe le/ bi ma le/ ta ma le/ hi le/ ni ri/ si ri/ ma sa ra/ rig sngags 'di ni thos nas su/ /sa rnams thams cad g.yos par gyur// 120a @#/ /'byung po'i tshogs rnams rab tu g.yos/ /lha tshogs rnams kyang lhags par gyur/ /klu yi rgyal po rnams kyang lhags/ /'byung po'i rgyal po rnams kyang lhags/ /bcom ldan byams pa'ang der phyin to/ /tshangs pa dang ni dbang po'ang lhags/ /dbang phyug che dang gzhon nu yang / /gnyis ka der ni lhags par gyur/ /me kha la las gang su dag /brjod pa'i 'byung po rnams kyang lhags/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das/ bdag shis kyang 'di la bsrung ba dang / yongs su bskyab pa dang / yongs su gzung ba dang / zhi ba dang / bde legs su 'gyur ba dang / chad pa spang ba dang / mtshon cha spang ba dang / dug gzhil ba dang / mi mdza' ba bzlog pa dang / mtshams dgum pa dang / me kha las yongs su bzlog pa stsal bar bgyi'o/ tad+ya thA/ a baT+Ta ni/ baT+Ta ni/ i bi baT+Ta ni/ tsu lu tsi li/ /bur+d+hA dan+te/ sa m+n+ta dAn+te/ nir muN+De/ ni ma mu ni/ zhi ba dang / bde legs su 'gyur bar bgyi'o swAhA/ sangs rgyas la phyag 'tshal lo/ /bde blegs su gyur cig /de nas de'i tshe mi mjed kyi bdag \?\ po tshangs pas me kha la'i rig sngags kun nas bzod 120b pa 'di'i 'khor gyi tshig 'di phul lo/ /s+yad ya the dan/ ad+gu re/ a du re/ du du re/ shi khi shi khi/ shi khi shi khi/ ba re/ da ra da ra pa ti/ mu tsa mu tsa/ bi mu tsa/ zhi ba dang / bde legs su 'gyur bar bgyi'o swAhA/ de nas de'i tshe lha'i bu rab 'thab bral gyis me kha la'i rig sngags kyi 'khor phul ba/ s+yA ya the dan/ pra duSh+Te/ ru d+hi ra kar+Ne/ gam b+hI re/ dur da she na mu tse mu tse/ shAkya rA dze/ bde legs su 'gyur bar bgyi'o swAhA/ de nas de'i tshe lha'i dbang po brgya byin gyis me kha la'i rig sngags kyi 'khor phul ba/ s+yA ya the dan/ sod De/ b+he de De/ b+he da Da me/ dan ti li/ ti li mi li/ bsrung bar gyis shig /bde legs su 'gyur bar bgyi'o/ /mtshams dgum pa'i bar du bgyi'o swAhA/ de nas de'i tshe rgyal po lus ngan gyis me kha la'i rig sngags kyi 'khor phul ba/ s+yAd ya the dan/ g+hu me g+hu me/ g+hu me g+hu me g+hu me/ u ke /mu ke /dz+wa le/ da le/ ma ti pha le/ swA re/ sa ra a d+hi pa ti/ zhi ba dang / bde legs su 'gyur bar bgyi'o/ /mtshams dgum pa'i bar du bgyi'o swAhA/ de nas de'i tshe rgyal po chen po yul 'khor srung gis me kha la'i rig sngags kyi 'khor phul ba/ s+yAd ya the dan/ d+ha d+ha re/ d+ha d+ha re/ d+hA ra NI/ d+hA ra Ni/ d+hA re/ Ni/ d+hA re/ a tsu te/ mu tse/ mu ru mu ru/ zhi ba dang / bde legs su 121a @#/ /'gyur bar bgyi'o swAhA/ mtshams dgum pa'i bar du rgya cher bgyi'o swAhA/ de nas de'i tshe rgyal po chen po 'phags skyes pos me kha la'i rig sngags kyi 'khor phul ba/ s+yad ya the dan/ aN+Ta re/ paN+Ta re/ ka ra Te/ pa ra pa tre/ ka ra ru he/ ka ri d+ha re/ ka na ka pa tre/ ru ru me/ k+Shu k+Shu/ ak+Shi ma/ bak+Shi/ zhi ba dang / bde legs su 'gyur bar bgyi'o swAhA/ mtshams dgum pa'i bar du bgyi'o/ /swAhA/ de nas rgyal po mig mi bzang gis me kha la'i rig sngags kyi 'khor phul ba/ s+yAd ya the dan/ dzam la dzam la/ d+hi ri d+hi ri/ b+hi ri b+hi ri b+hi ri/ sa man+ta b+hi ri/ zhi ba dang / bde legs su 'gyur bar bgyi'o/ /mtshams dgum pa'i bar du bgyi'o swAhA/ de nas de'i tshe lha'i bu zla bas me kha la'i rig sngags kyi 'khor phul ba/ s+yAd ya the dan/ a la he/ te la b+he/ ma Te/ bi ma Ti/ d+ha ke /d+ha ra ke/ sa ki ni/ ba ki ni/ zhi ba dang / bde legs su 'gyur bar bgyi'o/ /mtshams dgum pa'i bar du bgyi'o swAhA/ de nas de'i tshe lha'i bu nyi mas me kha la'i rig sngags kyi 'khor phul ba| s+yAd ya the dan/ oM bA de/ bi ma le pra b+hA swa re/ sha ha rasme/ ha sa ha sra rasma/ a ta swa ra si/ zhi ba dang / bde legs su 'gyur bar bgyi'o/ /mtshams dgum 121b pa'i bar du bgyi'o swAhA/ de nas de'i tshe lha'i tshogs rnams kyis me kha la'i rig sngags kyi 'khor phul ba/ s+yA ya the dan/ ku ru ku ru/ su ru su ru/ mu ru mu ru/ zhi ba dang / bde legs su 'gyur bar bgyi'o/ /mtshams dgum pa'i bar du bgyi'o swAhA/ de nas de'i tshe rgyu skar gyi tshogs rnams kyis me kha la'i rig sngags kyi 'khor phul ba/ s+yAd ya the dan/ ta ma la ta le/ a he/ da he/ A kA shA bi ma le/ zhi ba dang / bde legs su 'gyur ba'i bar du bgyi'o/ /mtshams dgum pa'i bar du bgyi'o swAhA/ de nas de'i tshe klu'i tshogs rnams kyis me kha la'i rig sngags kyi 'khor phul ba/ s+yAd ya the dan/ e le/ me le/ a tsa le/ pa d+he A shu ba d+he/ mo k+She/ zhi ba dang / bde legs su 'gyur bar bgyi'o/ /mtshams dgum pa'i bar du bgyi'o swAhA/ de nas de'i tshe lha ma yin gyi tshogs rnams kyis me kha la'i rig sngags kyi 'khor phul ba/ s+yAd ya tha dan/ a d+ha d+ha re/ bi bu te/ saM pu te/ dan ti/ zhi ba dang bde legs su 'gyur bar bgyi'o/ /mtshams dgum pa'i bar du bgyi'o swAhA/ de nas de'i tshe gnod sbyin gyi sde dpon nyi shu rtsa brgyad kyis me kha la'i rig sngags kyi 'khor phul ba/ s+yAd ya the dan/ tsha tsha pa ti/ tsha tsha ba ti/ ru ru drA rA/ u b+hi ra b+ha rA/ zhi ba dang / bde legs su 'gyur bar bgyi'o/ /mtshams 122a @#/ /dgum pa'i bar du bgyi'o swAhA/ de nas de'i tshe yi dwags dang / sha za dang / grul bum kyi tshogs kyis me kha la'i rig sngags kyi 'khor phul ba/ s+yAd ya the dan/ b+hu ti bi b+hu ti/ a ti b+hu ti/ sa brtan b+hu ti/ zhi ba dang / bde legs su 'gyur bar bgyi'o/ /mtshams dgum pa'i bar du bgyi'o swAhA/ de nas de'i tshe srul po dang / lus srul po'i tshogs kyis me kha la'i rig sngags kyi 'khor phul ba/ s+yAd ya the dan/ pha du me/ kA rA Te/ a d+hi te/ tsu te/ sa mi ra Ni/ tshu tshu ba ti/ zhi ba dang / bde legs su 'gyur bar bgyi'o/ /mtshams dgum pa'i bar du bgyi'o swAhA/ de nas de'i tshe ma mo'i tshogs thams cad kyis me kha la'i rig sngags kyi 'khor phul ba/ s+yAd ya the dan/ ke le ma ke le/ Ta ma/ ke le pa ra Ta re/ Ta ma re/ Da Da re/ zhi ba dang / bde legs su 'gyur bar bgyi'o/ /mtshams dgum pa'i bar du bgyi'o swAhA/ de nas de'i tshe phyogs bzhi'i srin mo bzhi po de dag gis me kha la'i rig sngags kyi 'khor phul ba/ s+yAd ya the dan/ A na pa ne/ kha dze kha ba dze/ khu khu/ ri ri/ mi ri/ hi ri/ zhi ba dang / bde legs su 'gyur ba dang / mtshams dgum pa'i bar du bgyi'o swAhA/ de nas de'i tshe sring mo chen mo 'gro lding 122b bas me kha la'i rig sngags kyi 'khor phul ba/ s+yAd ya the dan/ da ra da re/ da ra da re/ ha ha/ hi hi/ hu hu hu hu/ shi ki/ kli ba kli ba/ ma khu ma khu/ dzu kha khi/ Ta ba Ta bi/ aT+yur T+yu T+yu ra/ kla ma/ ku dzu ku dzu/ dri dri dri/ du du du/ tshi mi li/ mi li/ a Ta/ kwa kwa/ kwaka si/ du du/ ti thi ti thi/ ti mi li/ mi ti/ shi ti/ mi ti li/ ba ti/ pre tri pre tri Ne/ du hi ni/ a hA ni/ la he/ ha le/ ba he/ tha Ta pai tha pe/ btsun pa/ 'di ni 'gro lding ba'i rig sngags te me kha la'i gzungs sngags kyi 'khor du phul ba lags so/ /bsrung ba dang / yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur ba dang / chad pa spang ba dang / mtshon cha spang ba dang / dug gzhil ba dang / mi mdza' ba bzlog pa dang / dpag tshad bcu gnyis su mtshams dgum pa dang / yongs su bskyang bar bgyi'o/ /lha'am/ klu'am/ gnod sbyin nam/ srin po'am/ grul bum mam/ sha za'am/ dri za'am/ yi dwags sam/ srul po'am/ lus srul po'am/ lha ma yin nam/ nam mkha' lding ngam/ mi'am ci'am/ lto 'phye chen po'am/ skem byed dam/ brjed byed dam/ smyo byed dam/ gshed byed dam/ byad stems sam/ ro langs sam/ nyin gcig pa'am/ nyin gnyis pa'am/ nyin gsum 123a @#/ /pa'am/ nyin bzhi pa'am/ mi'am/ mi ma yin pa gang gis gnod par bgyid par ma gyur cig /co 'dri ba'am/ rnam par 'tshe ba'am/ glags lta ba'am/ glags tshol bas glags rnyed par 'gyur ba de ni gnas ma mchis te sngon gyi las kyi rnam par smin pa ni ma gtogs so/ /'jigs pa thams cad dang / mi ma yin pa thams cad las rtag tu bde legs su gyur cig swAhA/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis me kha la'i rig sngags 'khor dang bcas pa zungs shig /kun dga' bo/ me kha la'i rig sngags 'di ni sprin 'ching ba/ rlung gnon pa/ tshar gcod pa/ bdag srung ba/ gzhan srung ba/ grong dang / grong khyer srung ba/ mtshams gcod pa ste lha'am/ klu'am/ gnod sbyin nam/ srin po'am/ yi dwags sam/ grul bum mam/ sha za'am/ lus srul po'am/ dge sbyong ngam/ bram ze'am/ spyod pa ba'am/ kun tu rgyu'am/ gcer bu pa'am/ 'tsho ba pa'am/ mi thod can nam/ lus skya'am/ mi'am/ mi ma yin pas 'da' bar bya ba ma yin pa'o/ /kun dga' bo/ me kha la'i rig sngags 'di ni 123b gshed byed dang / byad stem dang / ro langs thams cad 'jig par byed pa'o/ /gdon thams cad bzlog pa'o/ /bkra mi shis pa thams cad 'jig par byed pa'o/ / kun dga' bo/ me kha la'i rig sngags 'di ni dge sbyong gis byas pa gcod par byed pa'o/ /bram zes byas pa dang / spyod pa pa dang / kun tu rgyu dang / 'tsho ba pas byas pa'i rig sngags gcod par byed pa'o/ /dbang phyug chen pos byas pa'i rig sngags gcod par byed pa'o/ /tshangs pas byas pa dang / brgya byin gyis byas pa dang / lha'i dbang pos byas pa dang / rgyal po chen pos byas pa dang / khyab 'jug gis byas pa dang / 'dod pa'i dbang phyug gis byas pa'i rig sngags gcod par byed pa'o/ /rgyal po chen pos byas pa dang / gnod sbyin gyi sde dpon gyis byas pa dang / zla ba dang / nyi ma dang / rgyu skar dang / gzas byas pa'i rig sngags gcod par byed pa'o/ /lha dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi'am ci dang / lto 'phye chen pos byas pa'i rig sngags gcod par byed pa'o/ /rdzu 'phrul dang ldan pas byas pa'i rig sngags gcod par byed pa'o/ /lha khang pas byas pa'i rig 124a @#/ /sngags gcod par byed pa'o/ /dur khrod pas byas pa'i rig sngags gcod par byed pa'o/ /shing drung pas byas pa dang / ri drung pas byas pa dang / ri rtse bas byas pa dang / sa pas byas pa dang / nam mkha' pas byas pa dang / gnas thams cad pas byas pa dang / mis byas pa dang / mi ma yin pas byas pa'i rig sngags gcod par byed pa'o/ /me kha la'i rig sngags 'di ni gcod pa'o/ /phyir gcod pa'o/ /phyis gcod pa'o/ /kun dga' bo/ gang gis me kha la'i rig sngags 'dis bsrung ba dang / yongs su bskyed pa dang / yongs su gzung ba dang / yongs su bskyang ba dang / zhi ba dang / bde legs su 'gyur ba dang / chad pa spang ba dang / mtshon cha spang ba dang / dug gzhil ba dang / mi mdza' ba bzlog pa dang / dpag tshad dam/ dpag tshad gnyis sam/ dpag tshad bcu gnyis kyi bar du mtshams bcad par byas nas gang me kha la'i rig sngags 'di las 'da' bar byed pa ni lha dang bcas pa dang / bdud dang bcas pa dang / tshangs pa dang bcas pa dang / dge sbyong dang / bram ze ra bcas pa'i skye dgu'i 'jig rten dang / lha dang / mi dang / lha ma yin du bcas pa'i 'jig rten na ngas 124b ma mthong ste de ni gnas med do/ /kun dga' bo/ sangs rgyas thams cad kyi bden pa dang / chos kyi bden pa dang / dge 'dun gyi bden pa dang / bden par smra ba thams cad kyi bden pa dang / drang srong thams cad kyi bden pa 'di las sems can gyi tshogs 'gal bar ma byed cig /kun dga' bo/ dus las 'da' bar mi bya ba lda ni 'di yin te/ sangs rgyas kyi bden pa las 'da' bar mi bya ba dang / chos kyi bden pa las 'da' bar mi bya ba dang / dge 'dun gyi bden pa las 'da' bar mi bya ba dang / bden par smra ba rnams kyi bden pa las 'da' bar mi bya ba dang / drang srong gi bden pa las 'da' bar mi bya ste/ 'byung po thams cad dang / nad thams cad dang / mi thams cad dang / mi ma yin pa thams cad kyis 'da' bar bya ba ma yin no/ /nad thams cad dang / 'byung po thams cad dang / sdang ba thams cad dang / mi mdza' ba thams cad las bde legs su gyur cig /gang yang rnam par tho 'tsham par ma byed cig /tshe bar ma byed cig /gang yang rdeg par ma byed cig swAhA/ me kha la'i rig sngags kyi cho ga bshad par bya'o/ /sangs rgyas la me tog gis mchod pa dang / bdug pa dang / spos dang / lha bshos dag phul nas phyis bsrung ba bya'o/ /gtsang mas gos gtsang ma bgos te ba lang gi lci bas dkyil 'khor byugs nas me tog 125a @#/ /bkram ste ci 'byor pa'i gtor ma'am/ phye'am/ pad+ma dang / bza' ba dang / btung ba dang / me tog bsres pas bum pa bkang ba'am/ snod bkang ba'i dbus su 'dug nas spos kyis rgyun mi 'chad par bdug par bya'o/ /rtswa ku shas thams cad la byab par bya'o/ /bdag bsrung ba dang / gzhan bsrung bar bya ba ni skud pas so/ /sprin bcing ba ni me tog sna ma'i shing dang / sna ma'i mar gyis sbyin sreg bya'o/ /rlung dang / char pa bzlog pa ni rtswa muny+dza'i lhas ma la lan gsum bzlas brjod byas te rtsa ba'i rig sngags kyis lan bdun btab nas mdud pa bdun dor bar bya'o/ /lam grub ba dang / bde bar bya na chos gos kyi grwar lan gsum bzlas brjod byas te mdud pa gsum dor bar bya'o/ /zas dkar gsum zos la nyin zhag gsum smyung ba byas nas pad+ma dang / yungs kar dkar po la lan nyi shu rtsa gcig bzlas brjod byas te grong ngam/ grong khyer mtshams bcad par bya'o/ /rig sngags thams cad gcod par 'dod pas sna tshogs pa'i mtshon cha la lan bdun bzlas brjod byas te chu la bcad par bya'o/ /snod gsar par chu blug nas lan bdun bzlas brjod byas te khrus byas na log 'dren 125b thams cad bcing ba byas par 'gyur ro/ /me tog dkar po dag la bzlas brjod byas te bsnan na dug med par 'gyur ro/ /nang thams cad la shing ka ra bI ra'i lcug mas byab par bya ste bdag bsrung ba byas na gang du gdon gyi phyir yang las thams cad bya'o/ /'thab mo dang / rtsod pa dang / 'gyed pa dang / rgyal po'i pho brang 'khor du sna ma'i me tog gi 'bru mar gyi nang du a ti mu ta ka smyugs pa'i yam sreg shing la 'gro lding ba'i rig sngags kyis btab ste lan bcu bzhir sbyin sreg bya'o/ / 'byung po dbab par 'dod pas ra'i 'o ma dang / ra'i mar dang / shing a pa m+r+ga'i yam sreg shing dag la 'gro lding ba'i rig sngags btab ste lan lngar sbyin sreg bya'o/ /'gro ba thams cad kyi ched du sbyin sreg bya bar 'dod pas 'bras thug po che dang / ba'i 'o ma dang / ru rta dang / rgyam tsha dang / shing ka ra bI ra dkar po'i yam sreg shing la lan nyi shu rtsa gcig bzlas brjod byas te sbyin sreg byas na sems can thams cad kyi ched du sbyin sreg byas par 'gyur ro/ /rnyed par bya ba'i don du ru rta dang / 'bru mar las 'gro lding ba'i rig sngags kyis lan bdun bzlas brjod byas te gdong bkrus nas smras na gang bslangs pa de thob par 'gyur ro/ /thams 126a @#/ /cad du'ang de bzhin gshegs pa'am/ de bzhin gshegs pa'i mchod rten la spos dang / phreng ba dang / byug pa dang / me tog dang / bdug pa dang / phye ma dang / byug pa rnams kyis mchod cing ci nus kyis lha bshos kyang dbul bar bya ste bsrung ba dang bcas cho ga dang bcas pas mi mjed kyi sems can thams cad bsrungs par gyur cig swAhA/ 'di ni dngos grub po/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / gzhon nu sgra gcan zin dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa me kha la zhes bya ba'i gzungs rdzogs so// //rgya gar gyi mkhan po pradz+nyA war ma dang / zhus chen gyi lots+tsha ba ban+de ye shes snge la sogs pas bsgyur cing zhus te gtan la phab pa// // |