rKTs


H763

(e-text produced by ACIP)

see text in Tibetan script
220a
rgya gar skad du/ d+h+yA not+ta ra ba Ta la kra ma/ bod skad du/
220b
bsam gtan gyi phyi ma rim par phye ba/ dpal rdo rje rnon po la phyag 'tshal lo/ /gsang sngags rgyud kyi phyogs la yang / /gang gi blo ni mi zhen pa/ /de yang smra bar spro ba ni/ /ma smras na ni mi 'tsho'am ci/ /gsang sngags rgya mtsho chen po 'di/ /dpe dang tshad ma gtan tshigs sam/ /rjes su dpag pa'am shes rab kyis/ /rtogs par nus pa ma yin no/ /lung dang man ngag don med par/ /gang zhig lam gzhan 'jug pa de/ /bskal pa dag ni brgya ru yang / /sngags las dngos grub mi thob bo/ /lung dang man ngag ma lus pa/ /gang gi yongs su spangs pa dag /grub pa myong ba la la zhig /yod dam de ni med pa smros/ /de nas gsang sngags bdag nyid che/ /dngos grub rlabs ni 'khrigs pa can/ /bsam yas gting ni dpag dka' ba/ /rtogs par nus pa smra ba'i mchog /gal te de ltar mi shes na/ /tshangs pa ji ltar shes pa smros/ /yang dag smra ba mi spro na/ /nga yis bshad kyis nga la nyon| |byang chub sems dang de nyid gsum/ /gal te shes na dngos grub snod/ /de dag legs par mi shes na/ /khyod kyis dngos grub ci zhig thob/ /rig sngags las ni grub pa po| |gzhan nam gzhan min ci zhig nyes/ /gal te gzhan na 'grub mi 'gyur/ /'on te gzhan min grub pa nyid/ /gal te gzhan min khyod 'grub pas/ /mkha' la sogs pa
221a
@#/ /da song zhig /de ste min na brdzun tshig pas/ /ba lang rdzi dang lhan cig smes/ /mi 'chi tshangs chen pha mchod kyis/ /yongs su bsams nas tshig smras pa/ / mi mjed bdag pos gang smras pa/ /gzhan pas bdag la dngos grub med/ /rigs las grub pa gzhan min na/ /dngos grub bdag la yod dam ci/ /de ltar gyur na ci zhig nyes/ / 'on tang 'gal ba ci zhig yod/ /e ma'o tshangs pa khyod kyi blo/ /shin tu dri ma med pa dang / /shes rab gsal bar ngas bsams na/ /tshig re la ni rnyogs pa bzhin/ /gzhan pas khyod la dngos grub med/ /gzhan min pa ni yongs grub rgyu/ /gzhan min pa las grub 'dod na/ /smyon pa nyid ni yin par 'gyur/ /'gro ba'i bdag po ji ltar na/ /dngos grub yod par khas 'che ba/ /ye shes sgron mar gyur pa khyod/ /ji ltar phan pa bshad du gsol/ /bdag gis rnam par dpyad na ni/ /rig las gzhan pa'am mi gzhan min/ /gzhan min mi gzhan ma yin pas/ /bdag ni goms las dngos grub 'thob/ /shes bya bla med gang yin pas/ /ye shes de yang goms 'thob na/ /las kyi cho ga 'di dag gis/ / dngos grub yod pa ci zhig smos/ /bzlas brjod lha yi de nyid dang / /bdag gi de nyid ji lta ba/ /gnas rten gzhan la med par ni/ /mtshungs pa med par bdag gis rtogs/ /tshig
221b
las tshig tu 'phros pa las/ /tshangs chen mi 'chi zhes bya ba/ /dngos grub 'dod pa skal chen po/ /gtsug tor rgyud ni nyan par byed/ /de nas tshangs pa chen po de/ /rdo rje gtsug tor nyan pa la/ /sa yi me tog 'char byed pas/ /bsam gtan gyis ni brgyan par bshad/ /de nas ye shes kun rdzogs pa/ /rig sngags gsang sngags thabs chen de/ /phra ba de bzhin gshegs pas gsungs/ /bsam gtan gyis kyang shin tu brgyan/ /rnal 'byor thabs ni kun bstan pa/ /sdug bsngal sdig pa sel ba ste/ /phyag na rdo rjes zhal nas gsungs/ /skye dang 'chi ba sdig byed pa/ /kun tu mi tshugs brtan pa ste/ /'di dang pha rol byed par gnas/ /dkyil 'khor chen po la sogs 'byung / /'dod pa'i don ni rjes su sgrub/ /cho ga gang dang gang dag gis/ /bsam gtan las la gang gnas pa/ /de bzhin gshegs la phyag btsal nas/ /de dag ma lus bshad par bya/ /gsang sngags bsam gtan zhes bya ba| |mchog tu gsang ba yang dag gsungs/ /drang srong dka' thub chen po yang / /de dag med na mi 'grub bo/ /gsang sngags rnal 'byor can rnams kyis/ /gsang sngags bzlas brjod mer 'bar ba/ /skye dang 'chib 'jig byed pa/ /rdo rje can gyis sngon gsungs so/ /de bas de 'dir gsang sngags kyi/ /bsam gtan tshim bya me dag la/ /dngos grub 'dod
222a
@#/ /pa dag gis ni/ /rtag par rgyun tu sbyor bar bya/ /lha yi sku yi gnas de la/ /dang po kho nar mchod nas ni/ /rnal 'byor gnas bcas shes rab can/ / bde gshegs mdun du bsams nas ni/ /phyi nas yan lag rnam grol ba'i/ /mi 'byed 'byed pa'i rnam par spangs/ /phra mo mi g.yo gsal ba ste/ /blo yi spyod pa mdun na gnas/ / bdag nyid 'di 'drir gzhag nas ni/ /sngags kyi rnam par shes pas bsgom/ /bsdams nas ting nge 'dzin la gnas/ /srog dang rtsol ba rab tu bsdams/ /sgra dang sems dang gzhi la gzhol/ /gsang sngags mi 'gyur gzhi la gnas/ /yan lag nyams gsang sngags bzlas/ /ngal na bdag la ngal sos shig /mi 'gyur ba ni yi ger ldan/ /bzhi las gzhir 'gyur de bzhin te/ /rang sngags phyir ni gang brtags pa/ /yid kyi dag pa bsam par bya/ /slar sdud pa yis bkug nas ni/ /srog dang rtsol ba bsdams pa'i yid/ / gsang sngags rig pas sngags la sbyar/ /yid kyi bzlas brjod brtsam par bya/ /'di nyid kyi ni cho ga yis/ /yang na shub bur bya yang rung / /sngags rig dngos grub 'dod pa yis// bzlas brjod gzhan du mi bya 'o/ /rig sngags de nyid ma lus dang / /bdag gi de nyid cho ga dang / /bzlas brjod de nyid mchog shes dang / /mis ni dngos grub thob par
222b
'gyur/ /dben pa'i skyed mos tshal dang ngogs/ /phug dang ri bo nags tshal du/ /brtul zhugs gnas sam sdom pa yis/ /sngags pa bsam gtan byed cing gnas/ /gsang sngags me gnas dngos grub ste/ /sgra gnas rnal 'byor ster bar dran/ /sgra mthar thar pa ster ba nyid/ /'di dag de nyid gsum po yin/ /mi 'byed las byung dngos po rnams/ /blo can gyis ni bdag la bsdam/ /sngags pa yan lag 'das la gnas/ /zhen pa med par bsam par bya/ /sgra zhen bya ba phreng bar sbyar/ /yi ge brgyus la mi 'gyur rnams/ /dril bu'i sgra bzhin ma chad par/ /yid la zhen par sems pa na/ /me yi nang nas zhi ba ste/ /tshig rnams dag pa yan lag ldan/ /srog dang rtsol ba'ang bkag pa'i bdag /gnyid spangs nas ni rnam par bsam/ /snying gar gnas pa'i phra ba ni/ /dri med zla ba'i dkyil 'khor te/ /de nas rab tu zhi ba yi/ /me lce rab tu 'od bzang ba/ /mi 'gyur gzhi ni der bzhag nas/ /bde bar 'dug nas sgra bsam mam/ /mi 'gyur ba la yi ge gzhag /sgra nyid 'ba' zhig bsam par bya/ /sgra la dmigs pa'i bsam gtan ni/ /'ba' zhig byas pa nyid kyis kyang / / dngos po kun rnams dam pa'i dpal/ /sgrub pa'i skyes bus thob par 'gyur/ /ltos bcas yan lag gyur par snang / /skra zhes bya dang yid kyi dang / /tshig rnams dag pa rig
223a
@#/ /sngags dbang / /yan lag spang ba rgyal bas mkhyen/ /slar sdud dka' thub bsam gtan dang / /srog rtsol cho ga'i bya ba dang / /rnam par shes pa sna tshogs pa'i/ /sngags pa re zhig ltos bcas pa'o/ /dka' thub chen po dang ldan par/ /chos bskyed brtul zhugs mchog ldan pa/ /ltos bcas pa ni yul las grol/ / yan lag snang ba nan tan bya/ /de yang brtul zhugs byas nas ni/ /dogs pa'i 'jig rten smad pa yi/ /bsam gtan gcig pu rab bsdams nas/ /blo gros zhi ba brtan pa spyad| |khu ba bshang gci dag dang ni/ /'phags pa dag ni rgyu ba la'ang / /dogs pa yi ni gzugs kyis kyang / /dben par gtsang sbra brtsam par bya/ /srang dang khron pa lu ma dang| |grong dang gnag lhas dag la yang / /ngag lus yid kyis spang ba ni/ /sems can gnod pa kun mi spyad/ /bsam gtan dang ni bzlas brjod dang / /gsang sngags grub par bya ba dang / /sbyin sreg dbang bskur thams cad dang / /yul gyi bya ba rnams la yang / /brtul zhugs gsungs pa gang yin pa/ /de yi gnas dang tshad rnams dang / / sngon ni bdag nyid 'ba' zhig la/ /mthu chen rdo rje 'dzin gyi lhas/ /rab tu gsang ba gsungs pa yin/ /nyer 'gyur mngon du phyogs pa dang / /gsang sngags ster bar
223b
'gyur ba dang / /gzhan du phyogs pa gang yin pa/ /de kun tshangs pa khyod la bshad/ /gsang sngags la sogs dang ldan pa'i/ /rig sngags khro bo mang po kun/ /rgyal ba'i sku la mngon phyogs par/ /bsam gtan ngoms phyir rtag tu gnas/ /dus gsum du ni phra mo 'di/ /gsang sngags sgrub la brtun pa yis/ /tshangs pa rtag tu rig bya ba/ /yan lag bcu yi cho ga las/ /ma dad pa dang snyom pa dang / /bkres skom zil gnon de bzhin te/ /rgod dang yid kyi gdung ba dang / /las la the tshom za ba dang / /bzlas brjod bsam gtan mi zhen dang / /bsngam pa dag ni bshig pa dang / /cal col gtam la rab tu dad/ /mi bya ba la 'jug pa dang / /log 'dren gyis ni brlabs pa dang / /rmi lam ngan pa rnams kyang mthong / /sems can thams cad la gnod byed dang / /lha rnams la ni smod pa dang / /sgrub pa po yi cho ga la/ /gang tshe 'di dag byed pa na/ /rtag tu 'tshe ba 'byung bar 'gyur/ /gsang sngags de las gzhan du phyogs/ /gang zhig zhi bar 'dug pa dang / /sgra yi ngo bor gyur pa na/ /de tshe sngags pa gsang sngags la/ /nye bar gyur te mngon du phyogs/ /lha dang lha min sems can ni/ /dbang phyug ye shes 'jug pa rnams/ /mthong na zhi ba skye 'gyur ba/ /de ni mngon du gyur pa ste/ /rgyal po dang ni phyug po dang / /skye bo bud med dge ba rnams//
224a
@#/ /dbang du gyur cing mngon du phyogs/ /pus mo 'dzugs shing spyi bos 'dud/ /de la shes pa'ang skye bar 'gyur/ /ma thos pa yang shes par 'gyur/ /skad cig dag la lus las ni/ /bar bar me bzhin 'bar bar 'gyur/ /glu dang sil snyan sgra rnams dang / /lha rnams kyis ni smra bar yang / /lha mngon phyogs pa'i sngags pa yis// de dag rtag tu thob par 'gyur/ /gsang sngags lha ni mngon phyogs pa'i/ /sgrub pa po ni mthu chen po/ /blo can dka' thub 'grub pa yis/ /kun tu zhen par rtag tu bya/ /mngon du phyogs pa'i gnas thob na/ /nam mkha' rgyu ba mngon pa'i gnas/ /dbang phyug mang po rtag gyur kyang / /gang zhig ma mos de sngags rig /gsang sngags 'bras bu ma lus pa| |ye shes dbang phyug brgyan pa yang / /de myos gnas ni mchog tu 'gro/ /rang gi mthu yi shes pas gsal/ /rdo rje can gyi gsang ba'i mchog /tshangs pa skyon med gang yin pa/ /gang zhig thob nas bder 'gyur ba/ /yongs su rdzogs pa rgyal ba bzhin/ /spro zhing stobs dang ldan pa ni/ /bzlas brjod bsam gtan dka' thub mis/ / gsang sngags rang bzhin me yis ni/ /sdig pa thams cad bsreg par bya/ /gnas dang zas dang grang ba dang / /char dang rlung dang tsha ba la/ /ci mi snyam par nam 'gyur
224b
ni| |de tshe las kyi 'bras bu nges/ /sgra 'am yang na gzugs la yang / /gang brtson pa ni mi rmongs pa/ /nye bar gyur bar de shes bya/ /dka' thub can gyis gnod pa spangs/ /gang zhig mthong ba tsam gyis ni/ /sems can thams cad byams 'gyur ba/ /de ni dngos grub nye bar 'gyur/ /bgegs rnams thams cad rnam par spangs/ /bde ba dang ni sdug bsngal mtha'/ /'dod dang khro dang 'jigs pa dang / /nad dang 'chi dang gnod dag gi/ /rgyu ni sngags pa rnams la yid/ /nam zhig nye bar gyur pa ni/ /dus dang lus dang bya dang las/ / chos dang chos min 'bras bu la/ /de tshe sngags la mi ltos so/ /rig sngags nye gyur 'dod pa dang / /grub pa dang ni de bzhin mchog /nyes pa stong dag byas pa yang / /bzod par 'gyur ba dogs pa med/ /rigs byung rdzas byung dngos grub dang / /sman gyi yang ni lus can la/ /nye bar gyur dang sngags grub pa/ /dbang du gyur pa rtag par ro/ /bsam gtan gyi phyi ma rim par phye ba rdzogs so// //