rKTs


H764

(e-text produced by ACIP)

see text in Tibetan script
224b
spyir sh+lau ka lnga bcu rtsa gsum yod skad/ /rgya gar skad du/ su sid+d+hi ka ra ma tA tan+t+ra sA d+ha nau bA yi ka pa Ta la/ /bod skad du| lags par grub par byed pa'i rgyud chen po las sgrub pa'i thabs rim par phye ba/ dpal phyag na rdo rje la phyag 'tshal lo/ /bcom ldan 'das 'jam pa'i dbyangs ye shes
225a
@#/ /kyi sku can la phyag 'tshal lo/ /de nas rdo rje 'chang la yang / /stobs chen khro bo chen po yis/ /zhabs la spyi bos phyag btsal te/ /thal mo sbyar nas 'di skad zhus/ /bcom ldan 'das la bdag gis ni/ /rig pa'i rgyal po'i dkyil 'khor dang / /mthu dang pha rol gnon pa dang / /'khor gyi tshogs 'di thos lags na/ / bcom ldan ji ltar zlos rnams la/ /gsang sngags du mar rnam brtags pa'i/ /dngos grub mang po bye ba dag /de dag myur du 'grub par 'gyur/ /gsang sngags mtshan nyid ji 'dra la/ /slob dpon mtshan nyid ji lta bu/ /sgrub pa po ni ci 'dra dang / /de bzhin du ni sngags g.yog gsungs/ /yul ni ji lta bu dag bzhed/ /gnas ni gang dag lags pa gsungs/ /gsang sngags zlos pa'i 'dul pa dang / /bsngam pa dag kyang ji lta bu/ /me tog gang dag shis pa dang / dri ni gang dag rab tu bsgrags/ /gtor ma'i las kyi cho ga gang / /bdug pa mar me ji lta bu/ /zhi dang rgyas dang drag spyod pa'i/ /las kyi dbye ba ci 'dra lags/ /dngos grub rab dang 'bring dang ni/ /tha ma yang ni ji lta bu/ / spyan drang ba yi cho ga dang / /mchod pa yang ni nges pa dang / /bsrung ba'i las la sbyar ba dang / /bzlas brjod bgyi ba rgya cher gsungs/ /tshim par bya dang dbang bskur
225b
dang| |gsang sngags sta gon gnas pa dang / /yongs su bzung dang bskang ba dang / /gzi byin bskyed pa ji lta bu/ /sbyin sreg las kyi cho ga dang / /sgrub pa'i yan lag nges pa dang / / rdzas kyi mtshan nyid rgyas pa dang / /de bzhin rdzas kyang gzung ba dang / /sbyang bar bgyi ba'i cho ga dang / /de bzhin tshad ni nges pa dang / /de dag sgrub pa'i cho ga rnams/ /ma lus par ni bsgrags pa gang / /bdag dang zlos la thugs brtse'i phyir/ /de kun bcom ldan 'das kyis gsungs/ /dngos grub rdzas kyi srung ba dang / /ji lta bur yang bsgo ba dang / /spyad par bgyi ba'i cho ga yi/ /nges par gtso bos bdag la gsungs/ /phrogs pa slar yang dgug pa dang / /bsrung zhing phyir yang bzlog pa dang / /bgegs rnams kyis ni snga ltas dag /rgya cher bdag la bka' stsol cig /dngos grub las la dbang bskur dang / /dkyil 'khor gang dag bsgrub pa dang / /gzhan yang gsang chen ma lus pa/ /de dag rgya cher bka' stsol cig /bya ba'i cho ga 'dir 'tshal ba'i/ /phyag rgya gang lags gsang sngags dang / /dngos grub sgrub pa'i mtshan ma dang / /zlos pa'i rmi lam gang lags pa/ /sems can kun la thugs brtse'i phyir/ /de dag myur du bdag la gsungs/ /de nas dpal ldan rdo rje 'chang / /rig sngags 'chang kun gyis bstod pa/ /brtson chen khro bo chen po la/ /gzi
226a
@#/ /chen gyis ni bka' stsal pa/ /gang phyir nga la 'di dris pa/ /khro bo chen po legs so legs/ /de phyir rtse gcig yid kyis ni/ /bzang po cho ga mchog kun nyon/ /rig pa'i rgyal po brtson 'grus che/ /drag la cis kyang mi rdzi ba/ /legs par grub byed ces bya ba/ /gsang sngags las ni thams cad pa/ /sngags rgyud 'di ni ma lus pa/ /sgrub cing de bzhin ston par byed/ /'di dang ldan par gsang sngags rnams/ /bsnyen na myur du 'grub par 'gyur/ /'di ni rigs rnams thams cad kyi/ /rig pa'i rgyal po mthu chen yin/ /bsrung dang phyir bzlog la sogs dang / /mchod dang tshim par bya ba yi/ /las kun la ni 'di sbyor byed/ /'di ni ston cing gzhan bskul 'debs/ / gsang sngags thams cad 'grub par byed/ /yang na de yi snying po ni/ /hUM gsum dang ni ldan pa yis/ /rgyud las gsungs pa'i cho ga bzhin/ /mkhas pas bsrung la sogs la sbyar/ /sgrub pa po yis dngos grub kyang / /rgyud rnams mthong nas thog mar ni/ /dngos grub rab 'bring tha ma yi/ /gsang sngags bye brag rnam shes bya/ /gang phyir rigs ni gsum po yang / /dkyil 'khor 'dir ni kun tu 'dus/ /de bas der gsungs sngags rnams kyi/ /cho ga thams cad bshad par bya/ /bde bar gshegs pas zhi bar
226b
bya| |rgyas pa pad+ma'i rigs skyes kyis/ /rdo rje rigs skyes gsang sngags kyis/ /drag shul spyad pa las rnams bya/ /ro stod las byung mchog yin te/ /lte ba man chad tha ma yin/ /bar gyi lus las byung ba yi/ /dngos grub rab 'bring tha ma yang / /rnam par rtog pa'i mthu dag las/ /dngos grub rnams la gsum rnams su/ /gsang sngags cho ga mkhas pas bshad/ / mkhas pas rigs ni gsum char la'ang / /rab la sogs pa bstan pa dang / /zhi ba la sogs bye brag gis/ /las ni rnam pa gsum du bya/ /de la dngos grub rab la ni/ /rig sngags bdag po yin par bshad/ /mkhas pas shin tu tha ma la/ /mngag gzhug la sogs shes par bya/ /zhi ba dang ni rgyas pa dang / /gang yang drag shul spyod pa dag /rigs gsum la yang de dag kun/ /gsang sngags dbye bas shes par bya/ /rig sngags rgyal pos rgyas par bya/ /khro bo rnams kyis drag shul spyad/ /spyan la sogs pas zhi bar bya/ /rang bzhin gsum gyi cho ga yin/ /gsang sngags tshig dang yi ge yis/ /ma smos pa yang shes bya zhing / /las gang skul bar byed pa'i sngags/ /las de sgrub par shes par bya/ /zhi bas zhi ba'i las rnams bya/ /mthu dang ldan pas gsang sngags kyis/ /de bzhin rgyas pa'i las rnams spyad/ /drag pos drag shul spyad par bya/ /khyad par du ni zhi ba'i las/ /rgyal
227a
@#/ /bas gsungs pas zhi ba bya/ /dpal sdom rgyud las gsungs pa yi/ /rgyas pa'i las rnams bya bar shis/ /khro bo drag shul can dag gis/ /de la sogs pa bstan pa yis/ /las ni rnam pa gsum du bsgrags/ /gsang sngags mang po phal cher ni/ /bskul ba'i tshig dang ldan pas na/ /de dang de yi las rnams ni/ /de dag nyid kyis rab tu bya/ /rig sngags rgyal po bcom ldan 'das/ /legs par grub byed ces bya ba/ /de ni dpal ldan chen mo ste/ /khyad par du ni las kun byed/ /rig sngags 'chang kun gyis mchod pa/ /dpal ldan rdo rje 'chang de nyid/ /rig sngags rgyud rnams thams cad dag /ston cing de bzhin sgrub par byed/ /de yi pho nya che chung dang / /khro bo gsang sngags phyag brnyan bcas/ /'khor ni rnam pa sna tshogs kyang / /pha rol gnon pa rmad du grags/ /lha yi yang ni lha 'di yi/ /gsang sngags mang po gang gsungs pa/ / gzi brjid che zhing khyad par 'phags/ /de kun las rnams thams cad byed/ /rgyal dbang pad+ma'i rigs 'dir yang / /'di nyid rgyal por bskos pa'i phyir/ /dam pa yin par shes bya ste/ /'di dang mtshungs pa gzhan med do/ /gsang sngags yi ge nyung du dang / /gang dag swA hA oM ldan pa'ang / /zhi ba'i las rnams thams cad ni/ /de yis de
227b
dag myur du byed/ /hUM dang bcas shing phaT dang bcas/ /gang dag ra dang dkan chags mang / /gsang sngags de dag drag spyod la/ /mkhas pas kun tu sbyar bar bya/ /mkhas pas de las gzhan pa'i sngags/ /don dam tshig ni zhir ldan pas/ /rgyas pa'i las ni thams cad la/ /legs par rab tu sbyar bar bya/ /gdon sogs dbab pa'i las la ni/ / mkhas pas pho nya sogs pas bya/ /gsang sngags gang dag de'i las byed/ /de dag de dang der sbyar ro/ /las kun byed pa'i gsang sngags kyi/ /cho ga zhib mo rgyas gsungs par// thog mar las ni gang smos pa/ /de ni gtso bo yin par bstan/ /gleng gzhi dbang du mdzad nas ni/ /gsang sngags gang dag gsungs gyur pas/ /de nyid de la gtso bor bstan// lhag ma gzhan du shes par bya/ /rigs dang rang bzhin mthu rnams dang / /las kyang rnam par spyad nas ni/ /rang gi yid dang mthun pa yi/ /gsang sngags la ni bsnyen pa brtsam/ /gsang sngags kyi mtshan nyid rim par phye ba'o// //de nas gzhan yang gzhung dag las/ /cho ga'i rtsa bar 'dod pa yi/ /slob dpon gyi ni mtshan nyid dang / /ji skad bstan pa de bshad do/ /yan lag thams cad mtshan dang ldan/ /dpal ldan gtsug lag rnams la mkhas/ /chos la gcig tu dga' ba dang / /rang gi
228a
@#/ /bslab pa la yang gnas/ /des la 'grogs na bde ba dang / /snying rje'i bdag nyid brtse ba can/ /cho rigs btsun zhing nga rgyal med/ /blo ldan smra mkhas bzod pa che/ /theg pa don la zhugs pa dang / /zab mo'i don la lhag par mos/ /kha na ma tho chung ngu la yang / /'jigs par lta zhing legs bsdams pa/ /gzungs la sogs pa'i mdo sde rnams/ /klog pa la ni lhag par brtson/ /gsang sngags spyod la brtson pa dang / /gtsug lag man ngag legs par ston/ /las rnams 'grub cing bzlas brjod can| |dkyil 'khor rnams kyi las la mkhas/ /sdug cing legs par 'gyed pa dang / /chen por 'dod cing 'jungs dang bral/ /dkyil 'khor chen po dag tu ni/ /bla mas tshul bzhin dbang bskur zhing / /bla ma la ni lung thob pa/ /de ni slob dpon yin par bshad/ /de nyid kyis ni cho ga bzhin/ /dam tshig la sogs dkyil 'khor bri/ /gsang sngags rnams kyi cho ga gang / /de nyid kyis ni bstan par 'os/ /de yis bstan pa'i gsang sngags kun/ /the tshom med par 'grub par 'gyur/ /gzhan du na ni bsnyen byas kyang / / bzlas brjod thams cad 'bras bu med/ /ji ltar dkon mchog gsum dag dang / /rgyal ba'i sras la lta ba ltar/ /zlos pas bla ma mthu chen la/ /de ltar blta zhing bkur
228b
ste bya/ /de ni kun la skul bar byed/ /skyabs la sogs pa yongs su 'dzin/ /de ni dge ba'i phyogs rnams dang / /mngon par mtho ba kun gyi rgyu/ /slob dpon rten dang dngos grub ni/ / khyad par can yang myur du skye/ /byang chub 'bras bu'i bar du yang / /de nyid rgyu zhes rab tu gsungs/ /rim gro la sogs bsnyen pa yis/ /de ni nam zhig mgu gyur pa/ /de tshe gsang sngags rigs sngags rnams/ /the tshom med par 'grub par 'gyur/ /slob dpon gyi mtshan nyid rim par phye ba'o// //de nas gsang sngags zlos pa po/ /bya ba'i cho ga la brtson pa/ /ji lta bu yi myur 'grub pa'i/ /mtshan nyid gzhan yang bshad par bya/ /gtsang zhing dul la brtan par ldan/ /ma 'jungs blo ldan g.yer bag che/ /smra mkhas mi 'jigs bshes gnyen can/ /bzod ldan drang la g.yo sgyu med/ /nad med pa la bden bar smra/ /bzo zhing bshor la dar la bab/ /de bzhin yan lag tshang ba yi/ /blo ldan de ni 'grub par shis/ |dkon mchog gsum la gang dad cing / /theg pa chen po la yang bsgom/ /dge ba'i phyogs la brtson 'grus can/ /de la rig sngags myur du 'grub/ /gang zhig byang chub sems dpa' dang / /gsang sngags gus shing rim gro che/ /sems can kun la snying brtse can/ /des ni rig sngags 'bras bu thob/ /gcig pu dben par dga' ba dang //
229a
@#/ /bden par smra zhing gtsang sbra che/ /zhi ba yid ni mi g.yeng ba/ /rig sngags dngos grub thob par 'gyur/ /gang zhig rdo rje 'chang ba yis/ /mthu chen thos so cog na yang / /phyir zhing dga' byed de'i lag na/ /dngos grub thams cad myur bar gnas/ /zas dang stan dang mal cha la/ /bya ba nyung zhing 'dod chen chung / /brtson zhing ngal ni mi shes pa/ /des ni nges par 'grub par 'gyur/ /cho ga rgyas par klog pa na/ /gang zhig yid ni dga' 'gyur ba'am/ /yang na ba spu ldang 'gyur ba/ /de ni rig sngags 'bras bu'i snod/ /gang zhig de dang der bshad de'i/ /rang bzhin gyur cing chags spangs la/ /rmi lam na yang dngos grub mthong / /de la yang ni dngos grub yod/ / rig sngags dam tshig 'chang ba yi/ /bla ma la ni ston pa bzhin/ /gang zhig gus sems shes rab can/ /de yi lag na dngos grub gnas/ /brtsams te 'bras bu med gyur kyang / /gang zhig rig sngags mi gtong la/ /yid kyang skye bar mi 'gyur ba'i/ /blo ldan des ni dngos grub 'thob/ /sgrub pa po'i mtshan nyid rim par phye ba'o// // de nas gzhan yang sgrub pa po'i/ /bya ba'i cho ga dag la yang / /ji lta bu dag shis pa yi/ /sngags g.yon dag gi mtshan nyid bshad/ /rigs btsun chos spyod dad pa
229b
can| |sems stobs che la rtsol phod pa/ /bden par smra zhing gus pa che/ /yan lag ma nyams ma smad pa/ /ha cang mi ring mi sbom la/ /skem po ma yin mi'u thung min/ /ha cang kha dog gcig min pa'i/ /nad med sngags g.yog rab tu shis/ /sdug bsngal thams cad bzod cing brtan/ /las rnams kun la rab tu gzo/ /bzod dang ldan zhing dka' thub can| |rjes su mthun zhing dga' bar smra/ /blo ldan drang zhing nga rgyal med/ /phan tshun 'gran pa dag kyang spangs/ /mkhas shing byang la byams pa can/ /dran par ldan zhing gtong yang phod| |gsang sngags rig sngags dbye ba shes/ /gsang sngags bzlas shing shes rab rno/ /bsrung la sogs pa'i las rnams la/ /mkhas pas sngags kyi g.yog tu gzung / /legs par bsdams shing dam tshig shes/ /bstan pa la ni dga' ba dang / /bzlas brjod byed pa'i brda' shes pa/ /dad pa de ni grogs su 'dod /bsam pa bzang zhing mi skyo la/ /ma grub par du mi gtong zhing / /sems stobs che ba'i grogs bsten na/ /zlos pa po ni 'grub par 'gyur/ /longs spyod chen po dag la yang / /gang zhig chags pa med pa dang / /gus shing phan par spro ba can/ /de yi grogs por yongs su bsgrags/ /dngos grub kyi ni rdzas dag gis/ /gzhan gyis rab tu brid gyur kyang / /chu gang gis ni mi gtong ba/ /des ni grogs
230a
@#/ /po nus par shes/ /gang zhig grub pa'i bar du ni/ /dogs pa med par 'grub pa la/ /byams par yang ni byed 'gyur ba/ /des ni g.yog po nus pa yin| |yun ring du ni 'bral med dam/ /'tshe ba rnam pa sna tshogs kyis/ /gang zhig skyo bar mi 'gyur ba/ /de ni gcig pu g.yog yin no/ /sgrub pa'i grogs mchog yon tan yang| |de lta bur ni shes par bya/ /khyad par du ni rgyud rnams dang / /dkyil 'khor dag la de mkhas pa'o/ /blo ldan gang zhig sgrub pa bas/ /yon tan gang gis lhag gyur pa/ / sgrub pa las kyi lhag ma rnams/ /de ni gcig pus byed par nus/ /dbang bskur cho ga sbyin sreg dang / /dri la sogs pa bsad pa dang / /gang dag bsrung la sogs pa'i las| |de dag blo ldan des bya'o/ /des ni phyi nang thams cad kyi/ /spyad par bya ba gces pa yang / /rgyud las gsungs pa'i cho ga yis/ /legs par rdzogs pa nyid du bya/ / sgrub pa'i las ni nar ma la/ /nyams par gyur pa yod na yang / /de yi bya ba la dmigs nas/ /des ni de la 'jug par bya/ /rdzas kyi las rnams gzhan la yang / /ci nas bar chad mi 'byung bar/ /rang gi gzengs bstod bya ba'am/ /rdzas la bram zhing ci nas kyang / /zlos pa gtsang sbra can gyis ni/ /bzlas brjod btang pa'i dus na yang / /de
230b
yis de yi sngags bzlas pa/ /rtag par rab tu brtson par bya/ /grogs po yis ni sgom pa la/ /mi smra brtul zhugs mi spyod do/ /de yi bsngams pa de dag pas/ /de phyir rab tu 'jug par bya| |de yi kha zas gang yin pa/ /de yi rjes su slob pas bza'/ /slob dpon mtshan nyid sgrub pa dang / /sngags g.yog rnams kyi mtshan nyid ni/ /gang dag gsungs pa de dag nyid/ /sgrub pa'i grogs mchog yon tan de'o/ /sngags g.yog gi mtshan nyid rim par phye ba'o// //de nas gzhan yang sgrub pa pos/ /yul gang dag tu gnas nas ni/ /dngos grub myur thob 'gyur ba yi/ /gnas kyi mtshan nyid bshad par bya/ /gang du bdud bzhi brtul nas ni/ /bcom ldan mngon par sangs rgyas nas/ /rmad byung go 'phang brnyes 'gyur ba// dngos grub mang po kun gyi mchog /chu bo nairany+dza na'i 'gram/ /yid du 'ong zhing 'tshe med pa/ /de yi dngos grub zhing mchog tu/ /bcom ldan 'das ni nyid kyis gsungs/ /der ni bdud rnams mang pos kyang / /gnod par bya bar mi nus te/ /de bas der ni las rnams kun/ /sgrub pa pos ni brtsis te brtsam/ /gang du chos rnams bstan pa dang / /thub pa zhi bar gshegs pa dang / /sems can smin par bya ba'i phyir/ /gang du skye ba bstan pa yi/ /gnas der dngos grub rnam gsum du/ /yongs su bsgrags pa gang yin de/ /brtan zhing myur la bgegs
231a
@#/ /rnams ni/ /zhi bar yang ni 'gyur ba yin/ /sangs rgyas rnams dang de'i slob ma/ /skal pa chen po bzhugs bzhugs pa/ /bsod nams can gyi gnas gang yang / /der yang 'grub par yongs su bsgrags/ /chu mig sna tshogs dang ldan zhing / /ljon shing rnam pa mang pos brgyan/ /me tog 'bras bu mod pa'i ri/ /dngos grub phyir ni yongs su bsgrags/ /dgon pa dag gi phyogs gang na/ /me tog 'bras bu chu mang zhing / /yid kyi mngon par dga' 'gyur ba/ /de dag tu ni dngos grub bshad/ /rtswa gnas gang na ri dwags tshogs/ /bkra shis dga' mgur spyod pa dang / /gdug pa'i sprul rnams med pa yi/ /gnas de zlos pa rnams la phan/ /gang na lus can rnams la ni/ / lhags pa la sogs gnod med la/ /shin tu yang ni dga' 'gyur ba/ /gnas der dngos grub phyir bstan no/ /thal sdings zom dang ri rtse dang / /ri 'or g.yA chu sil ma can| |khyad par du ni ldan pa'i ri/ /lhag par dngos grub phyir bstan to/ /ne'u sing nyams dga' mang po dang / /me tog mang zhing yam sreg shing / /gnas gang dag na yod pa yi| |gnas de dngos grub phyir bsgrags so/ /ring bsrel can gyi mchod rten dang / /ri bo rnams dang mtsho 'gram dang / /ri bo rnam pa sna tshogs dang / /nags tshal rgyun
231b
lugs med pa dang / /du ba yod pa'i dur khrod dang / /'bab chu dag dang mtshe'u dag dang / /chu klung 'gram na nyams dga' bar/ /phyugs lhas gsing ma sngon po dang / /ljon shing kun nas zlum pa dang / /mtshan cig lam gyi bzhi mdo dang / /rdzing dang lu mar bcas pa dang / /dngos grub phyir ni yongs su bsgrags/ /yul ni gang dang gang dag tu/ /mi yi gtso bos kun spyad par/ /khyad par du ni 'grub gsungs phyir/ /der ni nges par 'grub par 'gyur/ /gang dang gang na sangs rgyas kyi/ /bstan pa rnams ni mchod pa yi/ /yul de dngos grub phyir gsungs te/ /gzhan dag yon tan chung zhes bya/ /gang dang gang na skye bo ni/ /dge zhing 'phags pa mang ba dag /de dang der ni 'grub 'dod pa'i/ /sgrub pa po des sa der gnas/ /ji ltar dkyil 'khor dag gi gnas/ /rigs kyi bye brag yon tan las/ /rnam par dbye ba rab bsgrubs pa/ /de bzhin dngos grub dag la'ang shis/ /dngos grub sgrub pa'i bdag nyid ni/ /gang du yid ni dga' 'gyur ba/ /de nyid du ni sbyang ba yi/ /rim pas las rnams brtsam par bya/ /gnas kyi mtshan nyid rim par phye ba'o// // de nas gzhan yang gang zhig gis/ /gnas nas zlos pa po rnams kyi/ /dngos grub myur du thob 'gyur ba'i/ /gsang sngags zlos pa'i 'dul ba bshad/ /sgrub pas gsang
232a
@#/ /sngags thams cad dang / /lha rnams dag ni thams cad dang / /zlos pa bdag nyid chen po la/ /mkhas pas gsang sngags cho ga dang / /gsang sngags rang bzo mi bya zhing / /rang bzhin ngan pa'i mi dag la/ /brnyas par yang ni mi bya'o/ /bla ma dkyil 'khor rtog pa dang / /spyod pa ngan par gyur na yang / /ngag gam yang na yid kyis su/ /nam yang smad par mi bya'o/ /mkhas pas rig sngags dag la ni/ /khros nas mnan dang bcing ba dang / /bcad pa dang ni tshar gcad dang / /drag spyod de dang de mi bya/ /gzhan gyis rjes su ma gnang bar/ /gsang sngags gzung bar mi bya ste/ /bsnyen bkur ma byas pa la yang / /cho ga shes pas sngags mi sbyin/ /rgyud shes mkhas pas gsang sngags dang / /phyag rgya cho ga zhib mo dang / /rgyud dang dkyil 'khor bshad pa dang / /dkyil 'khor ma zhugs la mi sbyin/ /mtshon cha 'dra ba thams cad dang| |de bzhin sems can 'dra ba dang / /phyag rgya sna tshogs 'dra ba dang / /bza' bar mi bya 'gom mi bya/ /sgrub pa po ni blo can gyis/ /dman rnams smad par mi bya ste/ / mi gtsang bas kyang reg mi bya/ /rkang pas kyang ni mi 'gom mo/ /theg pa chen po pa dag dang / /shes rab can gyis brtsad mi bya/ /byang chub sems dpa'i mthu chen dag /
232b
thos nas sun yang mi dbyung ngo / /sngags kyi sgrub pa po dag dang / /lhan cig nam yang 'gran mi bya/ /nyes pa chung du dag la ni/ /khros nas drag shul spyad mi bya/ /zlos pa cho ga la gnas pa/ /glu gar rtsed mo mi bya ste/ /mdzes par bya phyir phreng ba dang / /kha dog bcad bar mi bya'o/ /'gong ba dang ni mtshong \?\ ba dang / /rgyug pa dang na rtsib hral dang // lus las byung ba'i gnas ngan len/ /thams cad yongs su spang bar bya/ /bden pa'i chos la gnas pa yis/ /log par ltung dang 'gyur dang rtsub/ /dbyen gyi tshig kyang spang ba dang / /don med gtam yang mi bya'o/ /mu stegs can dang gnas pa dang / /rtsod pa dag kyang mi bya zhing / /gdol pa la sogs rigs dan dang / /gsang sngags zlos pa smra mi bya/ /blo can bzlas brjod byed pa na/ /sngags g.yog gcig pu ma gtogs par/ /gzhan dang lhan cig dgos med par/ /dga' dang yang ni smra mi bya/ /'bru mar dag gis lus mi bsku/ /til yang bza' bar mi bya'o/ /la phug sgog pa tshwa dag dang / /chang skyur rnam pa tha dad dang / /cung ped dang ni sran ril dang / /de bzhin ma sha'i sran ma dang / /til gyi cung peng la du dag/ dngos grub 'dod pas rnam par spang / /log 'dren dag gi zas kun dang / /gtor ma'i kha zas thams cad dang / /kri sa
233a
@#/ /ra dang 'o thug dang / /gsang sngags zlos pas rnam par spang / /shing rta la sogs bzhon pa dang / /pad+ma la sogs brdzi mi bya/ /kha zas lhag ma bor ba la/ /rkang pas kyang ni reg mi bya/ /sgeg pa'i cho ga thams cad dang / /lham dang gdugs dag 'chang ba dang / /lus kyi byi byad thams cad dag /gsang sngags zlos pas rnam par spang / /rkang pas rkang pa nyed pa dang / /lag pas lag pa mnye mi bya/ /bshang gci dag ni chur mi dor/ /de dang nye bar dor mi bya/ /snyim pa kho nar mi bza' ste// 'khar ba'i snod du bza' mi bya/ /lo ma'i rgyab tu'ang bza' mi bya/ /mkhas pas chags pa'i zas mi bza'/ /khri rnams dang ni khri'u dag la/ /sgrub po blo ldan mi gtsang ba/ / gzhan dang nyal bar mi bya ste/ /gan rgyal kha spub tu'ang min/ /yang dang yang du mi bza' ste/ /ha cang chung dang che mi bza'/ /mi bza' bar yang mi bya la/ /gang dag dogs pa'ang mi bza' 'o/ /ngo mtshar rnams la dga' mi bya/ /ltad mo kun la mi blta zhing / /bud med kun la 'jol nyog la/ /zhen pa'i sems kyis chags mi bya// sngags zlos cho ga la gnas pas/ /lus dang ngag dang yid kyis kyang / /zas dang de bzhin spong ba dang / /ma bsdams par ni yong mi bya/ /sngags zlos khyim pa mkhas
233b
pa yis/ /kha dog 'gyur ba'i gos mi bgo /de bzhin rnyings dang dri ma can/ /gos gcig par ni yong mi bya/ /bdag la smad par mi bya zhing / /rang la mi dgar mi bya ste/ /skyo bar yang ni ma gyur dang / /nan gyis 'god bar mi bya'o/ /bka' lan stsal pa ma gtogs pa/ /bdag gis gsang sngags gtang mi bya/ /gti mug blos ni mi smad cing / /sgrim pa lhod par mi bya'o/ /yid ni gzhan du ma gyur dang / /bsam pa mang po ma yin dang / /mi gtsang chags pa'i sems med par/ /zlos pa pos ni gsang sngags gdon/ /gdon gyi las rnams mi bya zhing / /bsrung dang slar bzlos mi bya'o/ /rang gi sngags sam gzhan gyis kyang / /zlos pas dug gi las mi bya/ /sgrub la dgos pa ma gtogs par/ /gsang sngags gzhan du spyad mi bya/ /'gran pa dang ni sad phyir yang / /bdag gis gsang sngags mi sbyar ro/ /blo ldan gyis ni dus gsum bzlas/ /dus gsum du ni khrus byas te/ /mtsho la sogs pa'i chu la ni/ /sngags kyis btab ste bkru bar bya/ /oM ha na badz+ri badz+re Na ha/ /sa la lan bdun bzlas pa ni/ /ro stod bsku la sogs pa dang / /lus kyi bya ba kun byas te/ /sgrub pa pos ni khrus bya'o/ /oM badz+ra tA ra hUM/ las rnams kun la blo ldan gyis/ /sngags 'di chu la btab pa yis/ /thog ma bsal bar byas nas su/ /de nas las rnams brtsam
234a
@#/ /par bya/ /na mo badz+rA ya/ hUM ha na d+hu na ma tha bi d+h+wa na sa na ya uta sar ya phaT/ de nas mkhas pas chu la ni/ /lag pas dkrug cing bzlas par bya| |yid la gtsang bar gyur bar du/ /gsang sngags 'di yang brjod par bya/ /na mo rat+na tra yA ya/ na ma sh+tsaN+Da badz+ra pa Na ye/ mahA yak+Sha se nA pa ta ye/ na mo badz+ra kro d+hA ya/ ma hA daMSh+ToT+ka Ta b+hai ra bA ya/ tad+ya thA/ oM a mr-i ta kuN+Da li/ kha kha khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ gardza gardza/ bi s+pho Ta ya bi s+pho Ta ya/ sarba big+h+na bi nA ya kaM/ ma hA ga Na pa ti dzI bi ta aM ta ka rA ya swAhA/ gsang sngags bzlas pa'i chu de yis/ /de nas khrus ni ci dgar bya/ /khrus byed tshe na sngags 'di ni/ /yid kyis yang dang yang du bzlas/ /oM a mr-i te hUM phaT/ khrus byas zin nas 'di nyid kyis/ /chu la phyir yang bzlas nas ni/ /spyi bor snyim pa gsum blugs shing / /khrus tshe sgrub pos mi smra bya/ /de nas gsang sngags 'di zlos shing / /spyi gtsug dag kyang bcing bar bya/ /oM su sid+d+hi ka ri swAhA/ /de nas nye reg yang byas nas/ /las kun byed pa'i gsang sngags kyis/ /nan tan du yang srung byas te/ /zlos shing rang gi rig sngags bkru/ /oM kI li kI la badz+ra hUM phaT/ /ji tsam 'dod par bzlas nas su/ /mkhas pas lha yi gnas su
234b
'gro| |de yi bar du mi khro zhing / /'dod chags can du mi bya'o/ /lha la gzhol ba'i yid kyis su/ /ma yengs par yang 'gro bar bya/ /sdom bdag ni gzung ba dang / /nan tan du ni dam tshig srung / /bzlas brjod cho ga mkhas pa yis/ /bzlas brjod bya la brtson pa dag /rtag tu dkyil 'khor bya ba dang / /glegs bam dag kyang rtag tu bklag /mkhas pas mchod rten rtag tu gdab/ /dge ba'i phyogs kyang rtag tu bya/ /sgrub pa po ni blo can gyis/ /dus gsum du yang skyabs su 'gro/ /dus gsum du ni sdig pa bshags/ /dus gsum byang chub sems kyang bskyed/ /rgyud mthong cho ga shes pa yis/ /dus gsum du yang smon lam gdab/ /cho gar spyad bde dang de/ /ji ltar 'dod par ci nus bya/ /rtag tu gtong la brtson pa dang| |'jungs bral snying rje ldan pa dang / /rtag tu bzod cing byams par ldan/ /rtag tu brtson 'grus ldan par bya/ /rjes su dran pa drug rnams kyang / /bsam pa des pas rtag tu bsgom/ /rnam pa sna tshogs chos mnyan nas/ /mos pa rnam par spyad par bya/ /gsang sngags cho ga zhib bklag cing / /sngags dang phyag rgya rnams kyang mchod/ /cho ga las ni 'byung ba bzhin/ /blo dang ldan pas dkyil 'khor bri/ /yang dag lta ba nges gyur cing / /byang chub sems ni brtan byas la/ /dge slong la sogs 'khor bzhi rnams/ /mkhas pas
235a
@#/ /rtag tu gzung bar bya/ /dam tshig phyag rgya bcings nas su/ /rang gi gsang sngags rgyud rnams bstan/ /mkhas pas gsang sngags lung gi rnams/ / thams cad yang dag rgyas par bya/ /sgrub pa pos ni tshes brgyad dang / /bcu bzhi dang ni bco lnga dang / /cho 'phrul gyi ni zla phyed la/ /khyad par du ni mchod par bya/ /bzlas brjod sbyin sreg mchod pa dang / /de bzhin sdom pa gzung ba dang / /khyad par du yang bsod nams la/ /gus shing mngon par brtson par bya/ /mkhas pas sngags ni 'di nyid kyis/ /brgya 'am yang na stong dag tu/ /mngon par sngags pa byas pa yis/ /las kyi rdo rje rtag tu bcang / /oM d+hu na badz+ra ha/ gnam lcags phog pa'i shing dag gam/ /nim pa'am dur khrod mgal dum mam/ /tsan+dan dag gam gzhan yang rung / /rdo rje rtse mo gsum pa bya/ /legs par grub byed ces bya ba/ /de ni blo ldan lag g.yon gyis/ /bzlas brjod sbyin sreg la sogs pa'i/ /las la des ni gzung bar bya/ /rdo rje de ni bcangs pa yis/ /bgegs dang log 'dren thams cad dang / /gang dag gnod pa byed pa rnams/ /shin tu skrag nas 'byer bar 'gyur/ /de yang gsang sngags de nyid kyis/ /mkhas pas rtag tu mchod par bya/ /tsan+dan dmar pos bskus nas ni/ /bzhag ste mngon par sngags
235b
kyis bzlas/ /las kyi rdo rje zhes bya ba/ /'di ni rmad kyi las kyang byed/ /'di ni sgrub pa po rnams la/ /gcig tu gces spras byed par bsgrags/ /sgrub pa zlas brjod byed pa na/ /rig sngags 'di ni brgyar bzlas pa'i/ /spos kyis byugs pa'i gdu bu dag /rtag tu lag la gdags par bya/ /oM ka lan d+h+wa rI ban+d+ha ban+d+ha hUM phaT/ /rig sngags phyag rgya chen po 'di/ /mA ma kI zhes bya bar grags/ /rig sngags thams cad sgrub pa dang / /de bzhin phyin skyed skyong bar byed/ /'dis ni srung ba la sogs pa'i/ /las rnams thams cad byar yang rung / /'di ni rig sngags thams cad dang / /rdo rje 'dzin pa'i yum yin no/ /phyag na rdo rje'i rigs las ni/ /ru drAk+Sha yi ga du bu bya/ /bgrang phreng la sogs dbye ba yis/ /rig sngags gzhan la'ang shes par bya/ /gtsug tor pad+ma'i rigs dag la/ /rig sngags chen po spyan dang ni/ /gos dkar can ni gang yin pa/ /de yis de yi mdun du bzlas/ /oM ru ru s+phu ru dz+wa la tiSh+Tha sid+d+ha lo tsa ne/ sarba ar+tha sA d+ha ni swAhA/ /dkon mchog gsum la phyag 'tshal lo/ /byang chub sems dpa' sems dpa' chen po spyan ras gzigs dbang phyug la phyag 'tshal lo/ /mthong ba dang ni thos pa dang / /reg pa dang ni dran pa'ang rus/ /bdag ni sems can thams cad kyi/ /nad rnams kun gyi gsos gyur cig /tad+ya thA/ ka Te/ bi ka Te/ ni
236a
@#/ /ka Te/ ka Te/ bi ka Ta/ ka Tang / ka Te b+ha ga ba ti bi dza ye swAhA/ 'di dag nyid kyis de la ni/ /bgegs kyis zil gyis non mi 'gyur/ /de dag brjod pas myur du ni/ /dngos grub thob cing gtsang bar 'gyur/ /rigs kyi snying po 'bru gsum pas/ /so so bzlas brjod byas pa yi/ /ku sha yi ni bsang byed kyang / /srin lag la ni gdags par bya/ /dzi na dzi ka /A ro li ka /badz+ra d+h+ri ka /mchod dang bzlas brjod sbyin sreg la/ /de ni rtag tu bcang bar bya/ /sgrub pa pos ni 'bad pa na/ /'di sa ni lag pa gtsang bar 'gyur/ /bu mos bkal pa'i skud pa ni/ /le brgan rtsi 'am gur gum du/ /btsos la bzlas brjod stong byas te/ /de ni mdud pa bdun bor nas/ /srod la rig sngags 'di yis ni/ /rang gi rked par bcing bar bya/ /'dis ni zlos pa po dag gi /khu chu rtag tu bkag par 'gyur/ /oM ha ra ha ra ban+d+ha ni shu kra d+ha ra NI sid+d+hAr+tha swAhA/ /bzlas brjod sbyin sreg cho ga la/ /rtag tu stod g.yogs bgo bar bya/ /nyal dang 'phres la nyes pa med/ /de yang mngon par bsngags par bya/ /phyi rol sar ni shing gi lham/ /rtag tu yang ni bgo bar bya/ /lha dang bla ma mchod gnas kyi/ /gnas dag tu ni rnam par spang / /gang dag rtag tu brtson pa yis/ /zlos pa dngos grub 'dod pa des/ /lus dang
236b
ngag yid 'jug pa yis/ /rtag tu mchod gnas mchod par bya/ /mchod rten mthong na phyag bya zhing / /dge slong mthong na'ang phyag bya'o/ /lha dag mthong na'ang rim gro bya/ /bla ma mthong na'ang mchod par bya/ /zab mo'i chos ni bshad pa dag /thos nas dad pa bskyed par bya/ /byang chub sems dpa' khyu mchog gi /mthu la rab tu dga' bar bya/ /sngags kyi las rnams sna tshogs pa/ /thos nas yid ni spro bar bya/ /sgrub po dngos grub 'dod pas ni/ /blo dang ldan pas brtson 'grus bskyed/ /'di bya'o 'di ni mi bya'o zhes/ /rig sngags 'dul las smos pa dang / /bslab pa'i sdom pa nyid la yang / /zlos pas rtag tu rnam par bsam/ /rang gi bde la chags pa dag /nyin mtshan du yang spang bar bya/ /'di dag byas nas 'di bya'o zhes/ /mi g.yel par ni gyur bar byas/ /nyin par bag med byas pa dag /mtshan mo so sor bshags par bya/ /nub mo byas na nang par bshags/ /legs par byas la mngon dga' bya/ /bzlas brjod sbyin sreg gtsang sbra bya/ /rig sngags mchog dang rang sdom dang / /rig sngags 'dul ba dag la yang / /sgrub pa pos ni nan tan gnas/ /rig sngags kyi 'dul ba rim par phye ba'o// // zhi ba dang ni rgyas pa dang / /drag shul spyad pa nyid gsungs pa/ /kun la bye brag med par ni/ /ngas ni rnam pa gsum du bsgrags/ /gsang sngags kha
237a
@#/ /cig 'phags pa ste/ /de la kha cig lha yi yin/ /kha cig sa bla'i yin par gsungs/ /thams cad rigs ni gsum du 'dus/ /de rnams me tog sna tshogs ni/ /thang las skyes dang chu las skyes/ /ji lta bye ba blo can gyis/ /mngon par sngags te dbul bar bya/ /gtsang zhing gtsang mar skyes pa yi/ /lha rdzas kyi ni me tog 'di/ / bdag gi dad pas dbul lags kyis/ /bzhes nas bdag la dgyes par mdzod/ /oM A ha ra A ha ra/ sarba bid+yA d+ha ra pu dzi ti swAhA/ /me tog dkar po dri zhim pa/ /sangs rgyas bcom ldan 'das la dbul/ /me tog dkar bo chu skyes rnams/ /'phags pa spyan ras gzigs la dbul/ /rab tu dri zhim sna tshogs pa/ /phyag na rdo rje nyid la dbul/ / ma smos pa ni gzhan rnams la/ /gang yang rung ba thams cad dbul/ /sna ma pad+ma pa ta la/ /nA ga ge sar tsam pa ka /ba kul ku mud sA lu dang / /ma li ku ya yu ti ka /ku ra ba ka she pa li/ /ka dam ma du pun ti ka /dri na shul yaM a sho ka /klu shing me tog pu na ga /na ba ma li da ma na/ /a mra'i dog pa ka tha ra/ /mu tsu kuN+Da kAny+tsa na/ /shing gi ut+pal sprin tri ka /ut+pal ta kar kuM Da dang / /gzhan yang ka ra bI ra sogs/ /grong dang dgon ba dag dang ni/ /chu skyes thang skyes mang po dang / /'di la sogs pa'i me tog dag /
237b
cho ga bzhin du shes bya ste/ /rigs dang las kyi dbye ba yis/ /lha rnams mchod la mkhas pas sbyar/ /sna ma ta kar kund dang / /de bzhin ma li yuk+ti ka /nA ga ge sar 'di dag rnams/ /de bzhin gshegs pa'i rigs la gsungs/ /ut+pal ku mud pad+ma dang / /sa la pr-it+ta she ba li/ /de bzhin ta kar pa bu nag /'di dag pad+ma'i rigs la shis/ /ni lot+pa la la sogs dang / /pri yang ku yi dog pa dang / /gang gzhan rung bar bsgrags pa ste/ /'di dag rdo rje'i rigs la gsungs/ /khyad par du ni dri zhim dang / /kha dog dkar sogs dbye ba yis| |zhi ba la sogs las rnams la/ /me tog thams cad sbyar bar bya/ /zhi ba la ni mngar ba mchog /drag shul spyod la kha ba ste/ /de las gzhan pa ro can dag /rgyas pa'i las la shes par bya/ /da tsha ge la pa sdong po dang / /de bzhin 'khri shing ldum bu dag /lhab lhub rnams dang shing lo dang / /me tog rnam pa sna tshogs dang / /sa bla pa la shis pa yin/ /sna ma de bzhin gshegs rigs la/ /pad+ma pad+ma'i rigs la shis/ /ut+pa la sngon po rdo rje yi/ /rigs la mchog tu bsgrags pa yin/ /dri dang kha dog mchog gi rnams/ /mchog gi las la shes par bya/ /dman cing shin tu dman pa dang / /lhag ma'i las la shes par bya/ /dog pa rnam pa sna tshogs dang / /'khri shing me tog gang yin pa/ /de la mo yi ming can
238a
@#/ /gyi/ /rig sngags gang yang rung ba dgyes/ /ka ra bi ra dmar po 'am/ /yang na dkar po khyad par du/ /khro bo rnams dang pho nya mo/ /gzi brjid can rnams thams cad dgyes/ /sa la ki la ku ta dza/ /ka r+Ni ka ra a san mchog /bil ba'i me tog ka tha ra na/ /las kun byed pa thams cad dang / /me tog phred rgyud mang po dag /thams cad las rnams kun la 'dod/ /sbyor ba 'di dag nyid kyis ni/ /sil ma bkram pa'ang shes par bya/ /me tog rigs nas ma smos dang / /tshe ram can dang dri dku dang / /kha dang tsha ba las byung dang / / kha dog ngan pa rnam par spang / /a ti muk+ta mad go la/ /ni ba la sogs smad pa dang / /dza ba dang ni ke Ta ka'i/ /me tog khyad par du yang spang / /sha ma me tog pri yang ku/ /'bras yos til dang le brgan rtsi/ /dUr ba la sogs thams cad ni/ /gsang sngags thams cad bzhed pa yin/ /gang du gzhan rnams ma rnyed na/ /'bras kyi 'bru ni rangs pa'ang rung / / gcig rkya thub pa 'di yis kyang / /mchod pa legs par bya bar bshad/ /gzhan gyi me tog gzhan dag la/ /bye'u rug dan ta me ru pa/ /ta mal kr-iSh+Na mA la ki /ma du lung ga a rdza ka /me tog la sogs lo ma'ang dbul/ /bal ka la sogs rtsa ba dang / /li shi la sogs 'bras bu dag /mchod pa'i phyir ni me tog tu/ /cho ga bzhin du rab tu dbul/ /
238b
gzhan gyi me tog gzhan dag la/ /gang tshe ma 'byor nas dbul ba/ /de tshe rang rig gsang sngags kyis/ /de la yang ni mngon par bsngags/ /blo ldan rgyud la mkhas pa yis/ /ma 'byor na ni mthong ba dang / /thos pa dang ni byas pa yin/ /mchod pa gang yang rung ba bya/ /mchod pa rgya cher 'byor na yang / /yid la gus pa bskyed nas ni/ /thal mo spyi bor legs sbyar te/ /mchod pa thams cad 'byung bar bya/ /the tshom med par blo can gyis/ /sems kyis rab tu bsgrims nas ni/ /rab tu bsgrims te gang byas pa/ /mchod pa de ni khyad par can| |me tog gi mtshan nyid rim par phye ba'o// //dri ni gang dag rung ba dang / /gsang sngags kun la shis pa dang / /zlos pa rnams la dgos pa yis/ /dri yi rdzas rnams bshad par bya/ /gla sgang ku tra na Ta dang / /ru rta ur shing ba li ka /a kar rgya spos sha ri bI/ /gur gum tsan+dan par+Na ka /bat+t+ra da ra sgron shing sbrig /shug pa ti la pa r+Ni ka /li shi shing tsha ka le ya/ /thang shing ardzu pri yang ku/ /sauran+da da la ba ka /shi la ba lu de ba dang / /gser phrong sha thi ka pi tha/ /ka Tu ka dang pha li ni/ /na li shi ba tsam pi dar/ /su bar+Na dang sha ka la/ /ma du lung ga shun par bcas/ /bal bu spang spos pu pri na/ /mkhan pa mu ra bu ru ba/ /ke shi ta mal bu nag /su ga smel bya khra na kha dang / /
239a
@#/ /'u su ba sbri la ba li/ /sha ta puSh+pa ha ro Nu/ /dza ti pha la ka ko la/ /ka tu ba la tsa rod ka /sau ne ya dang d+ha ma ka /tsan+dan du rus pra ta ra/ /thang chu dang ni ra sa dang / /ge sar la sogs bsdus pa las/ /dri sbyor ba yis rgyud shes pas/ /bdag nyid ji ltar 'dod bzhin sbyar/ /me tog 'bras bu thang chu bcas/ /rgyal ba'i rigs la sbyar bar bya/ /shun pa snying po la sogs can/ /sbyar pa pad+ma'i rigs la bstan/ /sdong bu rtsa ba la sogs las/ /sbyar ba rdo rje'i rigs la gsungs/ /bye brag tu ni ma phye ba/ /las kun byed pa thams cad la'o/ /de bzhin gshegs pa'i rigs la ni/ /a kar mchog ni gcig pu dbul/ /pad+ma can la blo can gyis/ /tsan+dan dkar pho gcig pu dbul/ /gur gum gcig pu khyad par du/ /phyag na rdo rje can la dbul/ /'di dag gcig rkya thub pa ste/ /ga pur gyis ni bsgo bar gsungs/ /rdo rje 'chang ba thams cad la/ /tsan+dan dmar po bzhed pa yin/ /pri yang ku la sogs pa'i dri/ /rig sngags mo yi ming can dgyes/ /spang spos sug smel 'bru sbyar ba/ /rig pa'i rgyal mo rnams la bsgrags/ /tsan+dan gur gum a ga ru/ /rig pa'i rgyal po thams cad la'o/ /shug pa dag la sbyar ba yi/ /mngag gzhug rnams la shis pa yin/ /
239b
gzhan rnams la ni phal gzhan gyis/ /byas nas lhag par dgyes par 'gyur/ /rigs gsum dag ni thams cad kyi/ /spyi yi las rnams thams cad la/ /a kar nag po gcig pu nyid/ /khyad par du ni rab tu shis/ /kha dog dkar po zhi bal \?\ / /rgyas pa las ni ser po 'phrod/ /drag shul spyod la bsung med dang / /kha dog dmar po rab tu shis/ /dngos grub chen po rnams la dri/ /thang chu 'bras bu dang sbyar ba'o/ /'bring la me tog snying po rnams/ /phal la phal pa rnams kyis bya/ /srog chags dang ni chang dag gam/ /tshwa dang rgya skyegs dag dang ni/ /dku ba dag gi dri 'di rnams/ /sbyar bar yang ni mi bya 'o/ /phye ma dang ni byug pa dag /de bzhin bsgo bar bya ba la/ /bstan pa 'di yi tshul gyis ni/ /kha dog rnams kyang shes par bya/ /gtsang zhing gtsang ma las byung ba'i/ /lha rdzas dam pa'i dri 'di dag /bdag gi dad pas 'bul lags kyis/ /bzhes nas bdag la dgyes par mdzod/ /A ha ra A ha ra/ sarba bid+ya d+ha ra pu dzi te swAhA/ /sgrub pa po dang sngags 'di dang / /rang gi sngags kyis yongs bzlas nas/ /bsangs pa'i dri ni lha rnams la/ /cho ga bzhin du dbul bar bya/ /gzhan gyi dri dang gzhan dag la/ /gang tshe ma 'byor nas dbul ba/ /de tshe rang rig gsang sngags kyis/ /de la yang ni mngon par bsngags/ /dri'i mtshan nyid rim par
240a
@#/ /phye ba'o// //rigs gsum rnams gyi spyir yang ni/ /tsan+dan a gar gur gum gyi/ /bdug spos thams cad rim bzhin du/ /re re dag la so sor dgyes/ /shi ri be sta sra rtsi pog /sa ra gu gul sA li ki /ga bur ce pog lha ma ka /sbrang rtsi gu ta gi ri tsan/ /bu ram gla sgang a ru ra/ /du rus a gar b+ha la ka / tsan+dan sgron shing thang shing dang / /ba ri pe la na la ki /kha ra spang spos u shi ra/ /'bras bu'i rigs su gtogs la sogs/ /sbyor ba rnam pa sna tshogs dag /gsang sngags bdug spos phyir gsungs so/ /de la shi ri b+he ta ka /lha dang bcas pa'i gsang sngags dgyes/ /gnod sbyin rnams ni gu gul 'dod/ /ce pog la ni rig sngags dgyes/ /gsang sngags phal pa thams cad ni/ /sra rtsi pog la lhag par dgyes/ /pho nya mo rnams sA li ki /mngag gzhug rnams la ra sa gsungs/ /thang chu bdun gyi bdug spos ni/ /don kun grub par shes par bya/ /zhi ba la sogs las rnams la/ /thams cad du yang sbyar bar bya/ /mchog la thang chu'i bdug pa ste/ /snying po rnams ni 'bring la gsungs/ / lhag ma rdzas kyi bdug spos ni/ /phran tshegs kyi ni las rnams la/ /ga bur du rus a ga ru/ /gsum ni dri zhim mchog ces bya/ /dri zhim lnga ni de rnams la/ /tsan+dan
240b
dang ni bu ram mo/ /ra sa dang ni zhos bsnan na/ /dri zhim rnam pa bdun zhes bya/ /bdug spos dam ba de gsum ni/ /las rnams kun la gtso bor gsungs/ /gsang sngags phran tshegs thams cad la/ /bu ram sbrang rtsi a ru ra'i/ /bdug spos de dag sbyar na ni/ /pad+ma rnams dang 'phrod par 'gyur/ /bu ram rdo rje a ru ra/ /kha ra sbrang rtsi pog dang lnga'i/ /bdug spos zhi pa la sogs pa'i| |cho ga kun la sbyar bar bya/ /'byor na gang yang rung ba yi/ /dri zhim gcig rkya thub pa dbul/ /yang na rdzas rnams ci 'byor las/ /bdug spos su ni sbyar bar bya/ /blo ldan gyis ni rnam pa 'dis/ /rigs dang mi rigs rnams dpyad de/ /dri zhim rdzas las sbyar ba yi/ /bdug spos cho ga bzhin du dbul/ /ril bu gong bu phye ma dang / /reng bu dang ni rnam pa bzhi/ / bdug spos rigs su shes byas nas/ /las rnams so sor sbyar bar bya/ /zhi ba la ni ril bu mchog /rgyas pa la ni gong bu mchog /drag shul spyod la phye ma yis/ /thams cad la ni reng bu shis/ /bu ram gyi ni ril bu bya/ /sbrang rtsi sogs pas gong bu bya/ /phye ma rnams ni thang chus bsre/ /reng bu mar dang ldan pa shis/ /blo ldan gyis ni ngan pa dang / /sen mo rgya skyegs thams cad dang / /dku ba dang ni chang sogs kyis/ /bdug spos sbyar bar mi bya'o/ /dri yi rgyas pa lha yi zas/ /nags tshal bcud ni yid 'ong 'di/ /bdag gi dad
241a
@#/ /pas 'bul lags kyi/ /bdug spos 'di ni bzhes su gsol/ /A ha ra A ha ra/ sarba bid+yA d+ha ra pu dzi te swAhA/ /sgrub pos dang po sngags 'di dang| |rang gi sngags kyis yongs bzlas nas/ /bsangs pa'i bdug spos lha rnams la/ /cho ga bzhin du dbul bar bya/ /gzhan gyi bdug spos gzhan dag la/ /gang tshe ma 'byor na dbul ba/ /de tshe rang rigs sngags kyis ni/ /de la yang ni mngon par bsngags/ /bdug spos kyi mtshan nyid rim par phye ba'o// //de nas gzhan yang gsang sngags kyi/ /lha ni ma lus pa dag la/ /ji ltar byas na mnyes 'gyur ba/ /mar me'i cho ga don bzhin bshad/ /gser ram dngul lam zangs ma 'am/ /lcags sam yang na kham pa las/ /mar me blugs pa'i snod byas na/ /gsang sngags yongs su mnyes par 'gyur/ /las rnams bshad pa'i bye brag gis/ /shing bal dang ni ras gsar dang| |du gu la dang gso ras dang / /de la sogs pas snying po bya/ /zhi ba la sogs bye brag gis/ /de yi mar ni dri zhim ba/ /'bru mar bsung can yid 'ong ngam/ /yang na dri zhim mar gyis bya/ /dri zhim shing las byung ba'i mar/ /zhi ba'i las la shes par bya/ /til mar gyis ni rgyas pa la/ /drag po la ni yungs mar shis/ /rig sngags
241b
kun la zar ma'i mar/ /'bras bu las byung gsang sngags la/ /kha ba'i shing las byung ba'i mar/ /phal pa rnams la yongs su bsgrags/ /sha za rnams la nya yi mar/ /gnod sbyin rnams la tshil bur bshad/ /shin tu dman pa gzhan rnams la/ /b+ha la ta ka la sogs mar/ /dur khrod pa ni thams cad dang / /ro langs la sogs dngos grub la/ /khyad par du ni tshil chen gyi/ /snum ni rjes su mthun pa yin/ /las rnams dag ni thams cad la/ /dmar ser ba mar mchog tu gsungs/ /yang na rgyud las gsungs pa bzhin/ /ba yi kha dog rnams la brtags/ /sman rnams las ni byung ba'i mar/ /de kun rgyas pa'i las la gsungs/ /dri zhim thams cad zhi ba la/ /drag spyod la ni dri nga rnams/ /cho ga 'di yi tshul gyis ni| |mthong ngam ma mthong tha dad pas/ /mkhas pas gsang sngags thams cad la/ /mar me'i phyir ni sbyar bar bya/ /gnod rnams 'joms shing bkra shis la/ /dge zhing mun pa rnams sel 'di/ /bdag gis dang pas 'bul lags kyi/ /mar me 'di ni bzhes su gsol/ /A lo ka ya A lo ka ya/ /sarba bid+yA d+ha ra pu dzi te swAhA/ sgrub pos dang par sngags 'di dang / /rang gi sngags kyis khongs bzlas nas/ /bsangs pa'i mar me lha rnams la/ /cho ga bzhin du dbul bar bya/ /gzhan gyi mar me gzhan dag la/ /gang tshe
242a
@#/ /ma 'byor nas dbul ba/ /de tshe rang rig gsang sngags kyis/ /de la yang ni mngon par bsngags/ /mar me'i mtshan nyid rim par phye ba'o// //ji lta bu dag lha rnams la/ /phul na dngos grub thob 'gyur ba'i/ /lha bshos las kyi cho ga kun/ /snga ma bzhin du bshad par bya/ /rtsa ba rdo gu 'bras bu bca'/ /cung peng la sogs bza' ba yin/ /tshod mar bcas pa'i kha zas dag /mdor na bza' ba yin par bshad/ /thug pa dang ni skom rnams ni/ /btung ba rnam pa sna tshogs te/ /de ltar rnam pa bzhi po kun/ /gtor ma las kyi cho ga bshad/ /bi dza pU ra gcig pu ni/ /gsang sngags kun la rab tu shis/ /de bzhin se 'u a mra dag /rigs gsum la yang shes par bya/ /zhi ba la ni mngar ba dbul/ /mngar skyur dag ni rgyas ba la/ /'bras bu sna tshogs ro gzhan can/ /drag shul spyod pa dag la dbul/ /na ri ke la ta ma lam/ /bil ba dang ni nim pa 'am/ /de bzhin smad par bya ba rnams/ /gsang sngags kun la dbul mi bya/ /dngos grub chen po dag la ni/ /mang la rin chen zhim pa bsgrags/ /'bring la zhim pa bar ma la| |tha ma dag ni tha ma la'o/ /'bras bu mo yi ming can la/ /rig sngags thams cad lhag par dgyes/ /nags kyi 'bras bu mi kha ba/ /rig pa'i rgyal po rnams la shis/ /khro
242b
bo rnams la bil ba ste/ /ba ta las byung gnod sbyin la/ /dpal mo kun la ka pi ta/ /bi ya la dza mngag gzhug la/ /lhag ma rnam pa sna tshogs pa/ /lhag ma bzhed pa rnams la sbyar/ / grong dang dgon pa'i rdo gu ni/ /zhim zhing ro dang ldan pa dang / /bi d+ha ri yi rdo gu rnams/ /de dag las rnams kun la bsngags/ /gang dag shin tu mngar ba dang / /mi rnams lhag par sred pa dang / /ri las skyes pa'i rdo gu ni/ /khyad par du ni mngar ba dang / /bi dang ri dang ka she dru/ /ba yang se dang ku ku Ti/ /mon pa'i do ba smin pa dag /rgyal ba'i rigs la dbul bar bya// chu las skyes pa'i rdo gu rnams/ /pad+ma'i rigs ni kun la shis/ /sman gyi rdo gu thams cad dang / /kha ba dang ni tsha ba dang / /do ba dag ni thams cad kyang / /lag na rdo rje nyid la dbul// yang na las kyi bye brag las/ /dri dang kha dog ror ldan pa'i/ /rdo gu rnams ni ci rigs par/ /zhi ba la sogs dbul bar bya/ /rab dang 'bring dang tha ma yi/ /dngos grub rnams ni so so la/ /yon tan rab 'bring tha ma yi/ /rdo gu rnams ni dbul bar bya/ /rdo gu bzhin du rtsa ba yang / /zhi la sogs pa'i las rnams dang / /rigs dang dngos grub dag la yang // ci rigs par ni dbul bar bya/ /sgog pa dang ni la phug dang / /kha ba dang ni bska ba dang / /ro med pa dang ngan pa dag /gsang sngags rnams la mi dbul lo/ /pu pa sa ti u lo
243a
@#/ /pi| |pa ta ki yi rigs rnams dang / /hang tshos rnams kyi rnam pa dang / /'bru yi chan ni sna tshogs dang / /tshag tshog rnam pa sna tshogs dang / /hwa gas dang bza' ba sna tshogs dang / /la du dang ni zhu'u te'u dang / /phin ta ko sha phe na ka /tshil la brta a sho ka /khur ba gu ta paN+Di ka /sha skul snum khur bur+Na dang / /ma sha pu pa pi dag d+ha// pur sha brta la ba ni/ /gar b+hod ka ri'i rigs rnams dang / /khyim bya ngang pa ra ma ka /sik+ta bre 'u 'ol pa'i dbyibs/ /shi ri pur+Na bi sta ka /pang gi zang gi zom shang dang / /bu ram pu pa khardzu ka /khu ba khra bo garta dang / /zur gsum bu ram par+pa ta/ /pin rtsi yi ni rigs rnams dang / /ngang rgyal bung ba'i gong bu dang / /mar gyi burna sardza ka /ka mo ti ke hon don dang / /be reg dang ni sha ta ba/ /ri dwags bya dang nya 'dra dang / /kar+Na pri ti sna tshogs dang / /gzig dang chu yi glang po'i dbyibs/ /de bzhin kar ka piN Da ka /phreng bu b+ha la g+ha rta dang / /shib ti ka dang glang rna dang / /bu ram 'bru mar las byas pa/ /'di la sogs pa bza' ba rnams/ /rigs dang las don dngos grub la/ /ci rigs par ni dbul bar bya/ /zhi la pi ta ka bsngags te/ /gro las byas pa rgyas pa la/ /ma sha ti sogs las byas pa/ /drag shul spyod pa rnams la bsngags/ /kha zas 'di dag thams
243b
cad dang / /bza' dang bca' ba'i khyad par rnams /rtogs nas gsang sngags thams cad la/ /thams cad dbul ba nyid du bya/ /shri pe ta ni pad+ma'i rigs/ /la du rdo rje can la ste/ gnod sbyin rnams la pu pa shis/ /bud med sred la rig sngags rnams/ /cho ga zhib mo'i rjes 'brangs te/ /gsang sngags dbye ba'ang shes byas nas/ /gang gzhan 'jig rten pa la sogs/ /cung zad tsam yang dbul bar bya/ /swa sti u lo pu pa rnams/ /rigs gsum la ni rim bzhin dbul/ /lhag ma'ang gzhan la ci rigs par/ /gzhi bting nas ni dbul bar bya/ /sA lu dang ni bcu drug pa/ /ju tse dang ni khre dag dang / /'o thug legs par btsos pa yis/ /chan dag der ni dbul bar bya/ /sran tshod la sogs sna tshogs pa/ /dri zhim yid du 'ong ba dang / /legs par yongs su byas pa yi/ /tshod ma dag kyang dbul bar bya/ /nas dang nas mngar 'bras chan dag /gtso bo la ni yongs su bsgrags/ /gang gzhan cung zad dman pa dang / /'bring la sA lu bcu drug pa/ /gtso bo zhi ba'i las yin te/ /'bring po dag ni rgyas pa 'o/ /dman pa drag shul gsungs pa la/ /lha bshos rim pa bzhin du sbyar// las ci 'dra bar rigs de shes/ /rigs ci 'dra bar dngos grub ste/ /gsang sngags dbye ba'i rim pa yis/ /'dir ni cho ga thams cad spyad/ /zhi ba la ni dang por bsngags/ /
244a
@#/ /rgyas pa la ni mngar skyur te/ /kha dang tshwa dang bska sogs kyi/ /tshod ma drag po'i las la 'o/ /zhi ba la ni 'o thug gsungs/ /kr-i si ra ni drag spyod la/ / zho dang 'bras thug la sogs pa/ /gzhan rnams thams cad rgyas la shis/ /bza' ba'i rigs ni sna tshogs pa/ /phal cher grong dang dgon pa yi/ /cung zad cig ni 'dir bshad de| |ma lus pa dang rgyas par ni/ /gzhan dag las kyang shes par bya/ /'jig rten dag na gang bzang dang / /bdag nyid sred pa gang yin pa/ /de dag thams cad sangs rgyas la// blo dang ldan pas thog mar dbul/ /gsang sngags rnams kyi bza' ba dang / /zas nyid gang dang gang gsungs pa/ /blo dang ldan pas de nyid dbul/ /gzhan du byas na grub mi thob| |gang dag 'gal dang ma smos dang / /gang dag cung zad ngan pa'i rnams/ /de dag thams cad drag spyod la/ /khyad par du ni dbul bar gsungs/ /dri dang bdug spos mar me dang / /me tog dang ni lha bshos dag /thams cad cho ga 'di nyid kyis/ /zhi ba la yang bshad pa yin/ /gsang sngags kyi ni rang bzhin dang / /mthu dang las don rig byas nas/ /de yi bshos dang kha zas rnams/ /ji ltar rig par dbul bar bya/ /swa sti ka dang u lo pa'i/ /bza' ba ci 'byor bu ram can/ /lag pan rtsa ba'i 'bras
244b
bu dang / /'o thug dag ni 'dod pa yin/ /thams cad 'dod ces bya ba yi/ /gtor ma don kun sgrub byed pa/ /gsang sngags kun la shes par bya/ /drag shul spyod lam yin no/ /de dag nyid las ci 'byor ba/ /kha dog sna tshogs pa zhes bya/ /gang gzhan cung zad kyis glags pa/ /gtor ma sna tshogs pa zhes bya/ /dang po de dag gnyis las ni/ /sna re las kyang ma byas pa/ /gzhan yang ji snyed pa bsnan pa/ /gtor ma rgya chen zhes su gsungs/ /'bras chan zho dang 'om mar/ /ming ni dkar gsum pa zhes gsungs/ /'bras chan 'o ma sbrang rtsi mar| |ldan pa'i gtor ma mngar gsum yin/ /sa ya li dang ling ka la/ /sran can til gyi bi sta ka /lag pan rtsa ba 'bras bu dang / /cung zad cung zad kyis bsnan nas/ /me tog 'bras yos chu dang bcas/ /'dab mar bcas pa'i gtor ma ni/ /gsang sngags kun gyi gtor ma ste/ /de ming 'byung po thams cad pa'o/ /'o thug 'bras yos swa sti ka /mar dang sbrang rtsi nas 'o thug/ bi dza pU ra de dag rnams/ /rtag par zhi ba'i lha bshos so/ /zho dang lag pan 'bras thug dang / /bu ram la du u lo gi/ /shri pi sta la sogs pa'i zas/ /rtag par rgyas pa'i lha bshos so/ /'bras mar chan dang ko tra pa/ /bza' ba til chan pu bar bcas/ /sran chan dang ni kri sa ra/ /de dag rtag par drag spyod la'o/ /'bras bu rtsa ba sA lu can//
245a
@#/ /btung ba mngar ba sbrang rtsi dang / /bza' ba mang po bur ma can/ /de dag gnod sbyin gtor ma la'o/ /tshod mar bcas pa'i zas rnams dang / /skom dang pu rna b+hr-i sta ka /'bras bu sna tshogs ldan pa yis/ /lha bshos rig sngags kun la shis/ /gang yang mang pos bsngags pa dang / /zhim zhing kun sred phal che ba/ /de dag bsgrub pa mchog dag dang| |dam pa rnams la dbul ba bya/ /don rnams mang po phye ba ni/ /cho ga bstan pa 'di dag las/ /rigs don dngos grub bye brag la/ /zlos pa ci rigs shes par bya/ /thog mar 'dab ma gtsang ma 'am/ /lo ma bkrus pa'i gzhi bting nas/ /cho ga'i bye brag shes pa yis/ /phyi nas lha bshos dbul bar bya/ /pad+ma'i lo ma'am pa la sha /'o ma can shing las skyes pa'am/ /yang na ras ni sar pa'ang rung / /zhi ba'i gding bar bsngags pa yin/ /chu skyes 'dab ma thams cad dang / /ljon shing lo ma gtsang ma'am/ /khur skya sa la bting ba dang / /chu shing lo ma rgyas pa la'o/ /arga b+ha la ta ka dang / /ljon shing kha bo'i lo ma 'am/ /mkhas pas gang yang rung ba dag /drag po'i don tu gding bar bya/ /lo 'dab mo yi ming can rnams/ /rig sngags rnams kyis gding bar bya/ /mngag gzhug rnams la rtswa dag dgram/ /'dab ma sngon po sa la dgram/ /slob pa pos kyang cho ga 'dis/ /rang dang
245b
'bring dang tha ma la/ /sa gzhi bskus shing bstan nas su/ /ci rigs su ni bya bar bshad/ /nye reg khyad par du byas nas/ /lha bshos las rnams brtsams par bya/ /lha bshos las la thog mar ni/ /swa sti ka dag brim par bya/ /rtsa ba rdo gu 'bras bu dang / /de yi 'og tu btung ba rnams/ /de nas bza' ba mang po ste/ /de 'og zas rnams dbul bar bsgrags/ /tha mar zho dang 'o ma ste/ /'di dag lha bshos cho gar bshad/ /cho ga 'dis ni ma smos pa'i/ /lhag ma'ang khong du chud par bya/ /dkyil 'khor dag dang sgrub pa la/ /lha bshos nan tan bskyed de bya/ /de ni mkhas pas lha bshos dag /mi ngan pa dang rgya cher bya/ /bsnyen pa'i dus na ci nus dang / /ji skad bstan dang ji rnyed pa'i/ /gtor ma'i las ni bya bar bstan/ /dus tshigs dag la bzang por bya/ /gang dag bsreg bya'i rdzas rnams dang / /bdag gi kha zas gang yin las/ /thog mar de yi phud dbul te/ /cho ga shes pas bzlas brjod bya/ /ji skad bstan pa'i lha bshos dang| |rdzas kyi rigs rnams ci 'byor pa/ /mkhas pa dag gis pul nas kyang / /nyin gcig bzhin du bzlas brjod bya/ /lha bshos dbul ba gsang sngags kyi/ /zhal zas yin par bshad pas na/ /des na rtag tu kha zas sbyin/ /de phyir zlos pa dag gis dbul/ /rtsa ba rdo gu 'bras bu dang / /lha bshos cung zad ci rnyed pa/ /dus gsum du yang gsang sngags la//
246a
@#/ /phul na dngos grub thob par 'gyur/ /gal te zlos pas gsang sngags la/ /mchod pa'i bshos rnams ma phul na/ /de tshe rtsub cing mdog ngan la/ / bkres pa dag gis gdungs par 'gyur/ /lha bshos med na de yi sems/ /rtog pa dag kyang mang por 'gyur/ /lha rnams 'grub par mi 'gyur zhing / /bgegs rnams kyis kyang zil gyis gnon/ /de bas nan tan cher bskyed de/ /gsang sngags 'khor dang bcas pa la/ /dus tshigs dag la ci 'byor pa'i/ /lha bshos legs par dbul bar bya/ / bsnyen pa'i dus na zlos pa pos/ /khang pa'i phyi rol khor yug tu/ /lha rnams kun la 'byung po yi/ /gtor ma gus par dbul bar bya/ /yang dag 'gal dang mi shis dang / /gang dag ngan cing smad pa dang / /gzhan dag mi gtsang gyur pa'i rdzas/ /lha bshos phyir ni thams cad spang / /thams cad dang ni las kun la/ /lag pas rgya chen dbul bar bya/ / lha rnams kun la dbul ba'i bshos/ /gsang sngags kyis ni mngon par bsngags/ /sman rnams bcud ni yi ger 'ong / /sngags kyi zas kyi bcud 'di dag /bdag gis dad pas dbul lags kyi/ /bzhes nas bdag la dgyes par mdzod/ /A ha ra A ha ra/ /sarba bid+yA d+ha ra pu dzi te swAhA/ /sgrub pos dang por sngags 'di dang / /rang gi sngags kyis
246b
yongs bzlas nas/ /bsangs pa'i lha bshos lha rnams la/ /cho ga bzhin du dbul bar bya/ /gzhan gyi lha bshos gzhan dag la/ /gang tshe ma 'byor nas dbul ba/ /de tshe rang rig gsang sngags kyis/ /de la yang ni mngon par bsngags/ /gtor ma'i cho ga rim par phye ba'o// //zhi ba dang ni rgyas pa dang / /de bzhin drag shul spyod pa ste/ /mdor na las ni rnam gsum du/ /gsang sngags kun la bsgrags pa yin/ /las ni rnam pa gsum char gyi/ /dngos grub gang gis myur ba dang / /nges par 'grub par 'gyur ba yi/ /cho ga de dag 'dir bshad do/ /byams pa'i dran pa nyer gzhag nas/ /dkon mchog gsum la gcig tu gzhol/ /zhi bar gyur pas zhi ba yi/ /bzlas pa'am yang na sbyin sreg bya/ /zla ba yar gyi tshes gcig nas| |las rnams rab tu brtsam par bya/ /bye brag tu ni srod la ste/ /de ni zhi ba'i las kyi dus/ /gnas gtsang ma yi lha rnams dag /de na kun tu gzigs pas na/ /las rnams myur du 'grub par 'gyur/ /de bas der ni kun brtsam mo/ /dkar po'i gos ni bgos nas su/ /ku sha'i khres kyi stan 'dug nas/ /byang phyogs kha bltas gtsang zhi bas/ /zhi ba'i cho ga bshad par bya| |pa yi lci ba ma lhung bas/ /dus gsum dag tu der bskus la/ /me tog dkar po sil ma dag /dkram pa byas na rab tu shis/ /nas dang 'o thug zho dag dang / /'bras yos dag gam
247a
@#/ /til dag gam/ /dur ba'am ku sha sngon po 'am/ /bri yang ku yi me tog gam/ /sA lu'i chan nam ge sar ram/ /yang na me tog dkar po 'am/ /sha ma'i yam sreg shing dag gam/ /yang na dri zhim thad chu'ang rung / /mchod sbyin dag gis ljon shing ngam/ /'o mar bcas shing lo ma can/ /yam shing rtse mo las skyes rlon/ /sbrang rtsi'am yang na mar yang rung / /rtog pa las gsungs cho ga ni/ /de dang de la sogs pa spyad/ /zhi ba'i las la blo can gyis/ /ljon shing 'o ma can gyi me/ /rgyun bzhag me la blangs nas su| |me ni cho ga bzhin byas te/ /zhi ba'i las la sreg byin na/ /dngos grub rab tu ster bar 'gyur/ /'o ma can gyi yam shing gi /me la yam shing mtho gang tsam/ /'o ma sbrang rtsi mar btags te/ /zhi ba'i las la sbyin sreg bya/ /dgon pa'i ba lang lci ba dang / /de bzhin sha ma'i bud shing bzang / /yang na ljon shing dri zhim pa'i/ /bud shing zhi ba'i las la shis// sa gzhi dkar la bkros pa yis/ /zhugs thab kun tu zlum po la/ /khru gang tsam gyi tshad du bya/ /zabs su sor ni bcu gnyis pa'o/ /de yi steng du kha ran ni/ /rab mnyam sor bzhi'i tshad tsam gdags/ /de yi zhabs su 'khor lo bzhag /de yang 'phang du sor gcig pa'o/ /pad ma'i skyil mo krung 'dug ste/ /blo yi bsgom pa byas nas su/ /mchod pa la
247b
sogs legs byas te/ /de nas zhi ba'i las bya 'o/ /dang por ston pa thub chen dang / /shes rab pha rol phyin pa dang / /nyan thos 'dod chags bral rnams dang / /byang chub sems dpa' rnams la mchod/ /byams ma de bzhin gshegs mdzod spu/ /rig sngags gzhan gyis mi thub ma/ /dga' bo zhes bya klu rgyal gnyis/ /gnas gtsang rigs kyi lha rnams dang / /'di dag las la dgod bya zhing / /zhi ba rtag tu mchod par bya/ /de nas me tog dri la sogs/ /legs par bzhag ste las rnams bya/ /dus min 'chi dang nad rnams dang / /yams kyi nad dang gnod pa dang / /de bzhin bgegs dang nad 'go rnams/ /zhi bar byed pas zhi zhes bya/ /rang gi sems ni mnyam gzhag ste/ /yid la dga' ba bskyed nas su/ /rgyas pa dag gis rgyas pa yi/ /bzlas pa'am yang na sbyin sreg bya/ /zla ba nya la kun brtsam ste/ /phyi ma'i nya yi bar du bya/ /rgyas pa'i cho ga bstan pa yis/ /de srid bar du las bya'o/ /rgyas pa dag ge las rnams la/ /bye brag tu ni snga dro shis/ /las te grub pa'i lha rnams ni/ /de ni byin gyis rlob par mdzad/ /lha rnams ma lus pa dag kyang / /de yi dus su rgyu bas na/ /las su bya ba thams cad ni/ /dus de kho nar rab tu shis/ /nang par dus na lha rnams ni/ /yid dgar gyur na mchog sbyin mdzad/ /de lta bas na mkhas pa yis/ /lhag por de tshe brtsam par bya/ /gos dkar
248a
@#/ /zung gcig bgos nas su/ /bkra shis skyil mo krung byas te/ /shar phyogs kha bltas dga' bzhin du/ /rgyas pa'i cho ga bsgrims te spyad/ /sa gzhi byug pa spos zhim bcas/ /dus gsum dag tu bsku bar bya/ /me tog sil ma sna tshogs kyis/ /der ni rab tu dgram par bshad/ /zas mchog dag gi gong bu ni/ /mngar gsum dag dang ldan pa 'am/ /sbrang rtsi mar dang zho sbyar ba'i/ /til nag dag gam mar dang zho/ /sha ta puSh+pa bil ba dang / /sA lu yi ni 'bras dag dang / /nA ga ge sar pad+ma dang / /kar+Ni ka ra mar dang bcas/ /lag pan dang ni 'bru kun dang / /de bzhin mchod sbyin yam sreg shing / /de dag la sogs rdzas rnams kyis/ /rgyas pa'i sbyin sreg tshul bzhin bya/ /rgyal rigs khyim nas blangs pa'i me'am/ /yang na rgyal po'i khyim nas blangs/ /dgon pa'i me'am me chen po/ /rgyas pa'i cho ga dag la shis/ /yam shing sboms su chag gang ba/ / srid du khru gang tsam gyi tshad/ /zho mar 'o ma las btags nas/ /rgyas pa'i cho ga dag la bsreg /yam sreg shing du gang bstan pa/ /de dag nyid las me bud do/ /yang na me tog 'bras bu shing / /bud shing phyir ni rab tu shis/ /zhugs thab sa gzhi dmar po la/ /rgyar ni khru do tsam gyi tshad/ /gru bzhi pa la kha ran can/ /zabs su khru gang tsam du bya/ /kha
248b
ran mtho gang tshad tsam la/ /kha dog dmar po'i sas kyang bsku/ /pad+ma'i phyag rgya mdzub gang pa/ /'phang du sor bzhi yod pa bya/ /dgos pa'i don ni gang yin pa/ /de nyid yid la lhur bsams te/ /cho ga thog mar bshad pa dag /byas nas rgyas pa'i las bya 'o/ /phyag na pad+ma'i mthu chen dang / /don grub pa yang mchod pa bya/ /rig sngags 'chang dang gnod sbyin dang / / dpal gyi lha mo thams cad dang / /tshangs dang byang chub sems dpa' dang / /rig pa'i bdag mo mthu chen dang / /'phrog ma rig sngags chen mo dag /rgyas pa'i las la mchod pa bya/ /de la sogs pa blo can gyis/ /cho ga bzhin du mchod nas kyang / /bdag nyid mngon par dbang bskur te/ /rgyas pa'i las rnams brtsam par bya/ /gang zhig tshe dang lang tsho dang / /byin dang mthu stobs 'phel byed dang / /yon tan dag dang 'dod don gang / /sgrub byed de ni rgyas zhes bya/ /mchog dang khro ba la gnas te/ /de nas 'dun pa brtan po yis/ /gsang sngags drag pos bzlas pa 'am/ /sbyin sreg bya bas dgra bo gzhom/ /tshes grangs dag dang rgyu skar dang / /smyung bar gnas par bya mi dgos/ /khros pa brtan par byas nas ni/ /mod la drag shul spyod pa brtsam/ /khyad par du ni mar ngo 'am/ /mar gyi dus tshigs dag gis ni/ /nyi ma'i gung ngam nam phyed na/ /drag shul spyod pa brtsam par bya/ /gang gi phyir ni yi dwags dang //
249a
@#/ /sha za 'byung po srin po'i tshogs/ /drag po rnams kyis byin rlob pa/ /de phyir des na las rnams 'grub/ /dus de na ni drag po'i las/ /'grub par 'gyur phyir rab tu shis/ /yang na gang tshe khros gyur pa/ /de tshe nyid na las brtsam mo/ /gang phyir gsang sngags drag po'i lhas/ /khros pa nyid na byin rlob pa/ /de phyir khro ba bskyed nas su/ / drag shul spyod pa'i las bya 'o/ /rab tu drag po'i las rnams la/ /dmar po'i gos ni bgo pa 'am/ /sngon po'am yang na chus brlan pa/ /khrag gis sbags pa dag kyang bshad/ /de ni mig bgrad khro gnyer bsnyer/ /so yang shin tu gtsigs nas ni/ /rkang pas rkang pa mnan nas su/ /lho phyogs kha bltas 'dug par bya/ /rang gi lus dang ngag dang ni/ /yid rnams kyis kyang sran btsugs te/ /gsang sngags mngon sum bzhin bsgoms nas/ /drag shul spyod pa'i las bya 'o/ /der ni dus gsum dag tu yang / /nag po'i sa yis bsku ba 'am/ /bong bu rnga mo la sogs pa'i/ /rtug pa'am dur khrod thal bas bsku/ /me tog dri nga'i sil ma 'am/ /yang na dri med pa dag dgram/ /me tog sngon po'am dmar po 'am| |'bru 'am yang na phub mas dgram/ /yungs kar 'bru tsam tsha ba 'am/ /rang gi khrag gam lan tsha 'am/ /ske tshe nim ba'i lo ma 'am/ /rkang rjes sa 'am thal ba'am/ /bong
249b
bu la sogs rtug pa 'am/ /skra gtubs pa 'am bya rtug gam/ /khra la sogs pa'i sgro 'am tshil/ /gcin nam yang na tsher ma 'am/ /gyo mo'i dum bu'am rus phye 'am/ /de bzhin sha chen la sogs pa'am/ /ka pid da ra'am nim pa 'am/ /yang na dur khrod mgal dum mam/ /tsher ma can gyi shing rnams dang / /seng ldeng gi ni yam srag shing / /cho ga bzhin du blo can gyis// drag shul spyad phyir sbyin sreg bya/ /dgra yi ming nas brjod nas ni/ /dug can kun dang lan tshwa kun/ /khrag dang ldan par sbyar byas te/ /drag shul spyod pa'i sbyin sreg bya/ /dur khrod dag na 'bar ba'i me'am/ /yang na gdol pa'i khyim nas blang / /rus pa'am rdo las byung ba dag /dag shul spyod pa'i las la shis/ /bdug pa bshags pa'i yam sreg shing / /rtse gnyis rnon por byas pa la/ /dug khrag yungs mar gyis bskus pa/ /sor bcu pa yi tshad du bya/ /bud shing kha dang tshwa ba dang / /dri zhim pa yi skam shing ngam/ /yang na drag po'i las rnams la| |dur khrod nas phyung ci yang rung / /kha dog nag po'i sa dag la/ /zhugs thab gru gsum phar bltas pa/ /sor ni nyi shu'i tshad du bya/ /zabs su khru phyed tshad du gsung / /kha ran sor ni gsum pa la/ /thal ba dag gis bsku bar bya/ /zhabs su rdo rje sor brgyad ba/ /'phang du sor gcig yod pa bzhag /thal ba sol ba phub ma sogs/ /yang na lan tshwa ske tshe sogs//
250a
@#/ /sbyin sreg dag gi rdzas rnams la/ /dgra bo dag gi gzugs byas la/ /gzugs der rang gi ming smos nas/ /gtub cing gtub cing sbyin sreg bya/ /yang na de yi snying ga ru/ /mnan nas sbyin sreg las rnams brtsam/ /sbyin sreg bzhin du bzlas brjod la'ang / /drag po'i gzugs brnyan mnan te bya/ /yang na rtog pa las gsungs pa'i/ /cho ga'i las bzhin sgrub par bshad/ /gang zhig yid la bsam pa'i don/ /de la bstan nas brtsam bya ste/ /thams cad cho ga'i rjes mthun par/ /cho ga byas nas drag shul spyad/ / phyag na rdo rje rab gtum dang / /khro bo rnams ni gang 'dod pa/ /g.yog 'khor dag ni thams cad kyang / /drag la gzi brjid 'phags pa dang / /rig pa'i rdo rje lcags kyu ma/ /khro bo rdo rje thog thog dang / /'chi med tshe dang mig brgya pa/ /klu dang grul bum srin po dang / /de la sogs pa blo can gyis/ /drag shul spyod pa'i las dag la/ /cho ga bzhin du sngar mchod de/ / bsrung ba byas nas brtsam par bya/ /las gang yan lag nyams byed dang / /gang yang bskrad par bya ba dang / /dbye bar bya ba gang yang rung / /nad kyis 'debs byed gang yin dang / /phung bar bya dang gdung bya dang / /mi dgar 'gyur ba gang yang rung / /yang na bsad pa'i las gang yin/ /de dag drag shul spyod par bshad/ /de ltar de'i las mkhas pa yis/ /bde
250b
bar gshegs pa'i bka' smod dang / /rang bzhin ngan dang sdang ba dang / /dkon mchog gsum la gnod byed dang / /log par lta dang sdig can dang / /tshul khrims 'chal dang rgol ba dang / / bla ma la 'khu de dag la/ /phan phyir khro ba bskyed de bya/ /rtog pa mang po las gsungs pa'i/ /lus dang ldan pa'i sbyor ba dang / /khro bo mngag gzhug pho nya mo/ /drag po'i tshogs kyis drag shul spyad| |sems can phongs la zhi ba bya/ /bde bar gnas la rgyas pa ste/ /gang dag drag shul spyod pa'i las/ /de dag dgra la spyad par bya/ /mkhas pas sa bla'i gsang sngags kyis/ /drag shul spyod pa spyad par bya/ /cho ga zhib mor brtsam bya ste/ /sdang dang g.yo sgyu can la spyad/ /nges par myong 'gyur las mang po/ /bdag gis dang du blang dgos zhes/ /de yis nyes pa byas pa kun/ /tshe 'di nyid la smin par bya/ /de ltar gsang sngags lha rnams kyang / /ngan spyod rnams la brtse ba'i phyir/ /de la sogs pa'i thabs rnams kyis/ /ngan song dag las 'byin par mdzad// dgra la gnod pa bya ba yang / /nyes dang 'tsham par bya dgos pas/ /nyes pa chung ngu byas pa la/ /'chi bar 'gyur bar mi brtsam mo/ /khros pa'i dbang gis byas pa yi/ /snying tshim nas ni mod la yang / /zhi bar bya phyir zhi ba yi/ /sngags kyis zhi ba'i cho ga bya/ /yang na de yi me nyid la/ /gsang sngags de nyid kho na yi/ /bskul tshig yongs su brjod nas su/ /'o mas zhi
251a
@#/ /ba'i sbyin sreg bya/ /mkhas pas bde gshegs chos nyid dang / /byang chub sems ni dran bya ste/ /gzu lums can dang sdig can la/ /de ma thag tu zhi ba bya/ / zhi ba mchod rten ring bsrel can/ /pad+ma'i rdzing bur rgyas pa ste/ /zlos pa pos ni khyad par du/ /dur khrod dag tu drag shul sbyad/ /zhi ba dang / rgyas pa dang / drag shul spyod pa'i cho ga rim par phye ba'o// //gang dag steng du 'gro ba'i las/ /de kun rab tu shes par bya/ /gang gzhan cung zad mi snang ba/ /de dag 'bring gi cho gar bshad/ /gang dag 'di nas sa pa'i las/ /de dag thams cad tha mar bshad/ /de bas rab 'bring tha ma yi/ /las rnams kyi ni bye brag dbye/ /rab dang 'bring dang tha ma yi/ /dngos grub las kyi dbye ba las/ /steng dang bar snang sa pa dag /gnas ni rnam pa gsum du bshad/ /rig sngags 'chang dang nam mkha' 'gro/ /sna tshogs gzugs kyi dngos grub dang / /de bzhin mngon shes mthong ba dang| |zhi ba'i blo dang ye shes thob/ /bstan bcos kun shes blo dag dang / /smra mkhas thos pa 'dzin pa dang / /ro langs grub dang mngon phyogs dang / /gnod sbyin mo la sogs grub dang| |sa stengs rgyal srid yid bzhin nor/ /gter chen dag ni gnyis pa ste/ /de dag la sogs bstan pa rnams/ /rig sngags dngos grub rab yin no/ /mi snang stobs dang
251b
brtson 'grus dang / /phug gi dngos grub bcud gyis len/ /mngag gzhug lha min dngos grub dang / /sha za sa la b+hany+dzi ka /mang du thos pa'i shes thob dang / /rkang mgyogs pa yi dngos grub dang| |de dag la sogs dngos grub rnams/ /'bring po'i nang nas rab tu bstan/ /'gro ba thams cad dga' bo dang / /'jig rten rnams dbang bskur dang / /drag shul spyod pa'i cho ga ni/ / bskrad pa la sogs thams cad dang / /gang gzhan cung zad phal gyi rnams/ /mkhas pas tha mar rig par bya/ /rdzas 'bar ba las rab tu 'gyur/ /du ba nyid las 'bring du 'gyur/ /drod las dngos grub rnam gsum po/ /'phags gsungs gsang sngags mthu chen gyis/ /dngos grub rab ni 'grub par grags/ /lha yi sngags kyis 'bring po grub/ /sa blas tha ma 'grub par gsungs// de bzhin gshegs pa'i rig pa yi/ /sngags kyi dngos grub chen po 'thob/ /pad+ma 'dzin pas gsang sngags kyis/ /dngos grub 'bring po thob par bshad/ /rdo rje 'dzin pas gsungs pa yis/ / dngos grub tha ma 'grub par bsgrags/ /rab kyi tha ma gang yin pa/ /de dang tha ma'i rab mi mnyam/ /dngos grub lhag ma gnyis pa yang / /cho ga'i rim pa de nyid do/ /'bras bu'i yon tan bstan pa yi/ /che ba'i bye brag rnam gsum las/ /rab dang 'bring dang tha ma yi/ /bye brag de dag rab tu bsgrags/ /sangs rgyas byang chub sems dpa' yis/ /gsungs pa'i gsang sngags
252a
@#/ /gang yin pa/ /de las dngos grub rab 'byung ba/ /tha ma dag la yod par 'gyur/ /rgyas par gsungs pa'i gsang sngags las/ /kha cig las gcig byed pa'ang yod/ /de dag gi ni las de yang / /rab dang 'bring dang tha mar bshad/ /kha cig de ltar rim med par/ /dngos grub rnams ni 'byung 'gyur te/ /'dam las pad+ma skye ba dang // tsan+dan shing las me 'byung bzhin/ /rab dang 'bring dang tha ma la/ /lus kyi dngos grub rab yin no/ /rdzas las grub pa 'bring yin te/ /longs spyod dngos grub tha ma'o/ /tha ma'i gsang sngags zlos pa ni/ /la las rab tu bsnyen byas na/ /dngos grub gzhan las blangs nas ni/ /mchog kyang rab tu ster bar 'gyur/ /rab la'ang la la zhig gis ni/ /ma bsgrims par yang bsnyen byas nas/ /sngags kyi dngos grub tha ma stsol/ /de bas bsnyen pa rab tu gces/ /lha rnams la yang dbul po yod/ /yi dwags la yang mthu chen yod/ /de bzhin dngos grub dag la yang / /rnam pa sna tshogs yod par 'gyur/ /rab 'bring tha ma re re la'ang / /dngos grub rnam pa gsum du dbye/ /gsang sngags rnams kyi mthu shes nas/ /bsnyen pa la ni dngos grub brtsam/ /dngos grub dbye ba'i mtshan nyid rim par phye ba'o// //khros pas dang po lha khang du/ /zhugs te mnyam par bzhag nas ni/ /lha la mngon du
252b
phyogs 'dug ste/ /thal mo sbyar la phyag btsal nas/ /rjes su mthun pa'i me tog dang / /spos kyi chu ni gtsang ma yis/ /mchod yon go rims bzhin bshams nas/ /bdug spos kyis kyang rab bdugs te/ /lan bdun bzlas la mchod yon des/ /lha rnams dag ni sbyan drang ngo / /gsang sngags spyan ni drangs nas kyang / /de yi 'og tu mchod pa bya/ /gser dang dngul dang zangs ma dang / /rdo ba dang ni shing gi'am/ /kham pa'am dung ngam nya phyis sam/ /de bzhin lo ma skyongs pa'ang rung / /zhi dang rgyas dang drag spyod dang / /rab dang 'bring dang tha ma yi/ /las dang dngos grub rnams la ni/ /rigs pa'i snod rnams sbyar bar bya/ /kha dog yon tan bshad pa las/ /gzhan dang gzhan yang ci rigs pa'i/ /snod rnams ci ltar 'dod pa ni/ /'dod yon phyir ni rab tu sbyar/ /zhi ba'i mchod yon nas dang bcas/ /til dang bcas pa rgyas pa la/ /thams cad dang ni 'gal ba'i phyir/ /ko tra bar bcas drag spyod la/ /zhi ba'i mchod yon 'o ma can/ /rgyas pa la ni zhi can no/ /ba yi gcin nam yang na khrag /drag shul spyod pa'i don du shis/ /rab dang 'bring dang tha ma yi/ /las rnams kun la 'bras yos shis/ /spos dang me tog ku sha til/ /chu rnams bye brag med par bzang / /mchod yon phyir ni zangs kyi snod/ /las rnams kun la rab tu shis/ /'di ma 'byor gyis bdag la ni/ /bzod mdzod ci
253a
@#/ /'byor bas kyang bya/ /sngags rgyud las gsung thams cad kyang / /rig pa'i rgyal pos rim bzhin du/ /spyan drang cho ga bya bar bshad/ /yang na gang rjes gang 'brang ba'i/ /sngags rgyud bdag po gang yin dang / /rig sngags rgyal mo gang yin pa/ /de gnyis kyis ni yongs bzlas na/ /de nas de yis mngon par bsngags/ /rigs gsum la yang de bzhin du/ /thams cad spyan ni drang bar bya/ /gang dag rang rgyud las gsungs pa/ /de dag la ni de nyid bshad/ /gzhud cig ces ni bdag po'i bka'/ /zlos pas rab tu bsgrags nas bzhud/ /spyan yang dngas ma thag tu ni/ /gsang sngags dgyes nas byon par 'gyur/ /la la'i cho ga gang yin las/ /spyan drangs slar gshegs bshad pa dag /de dag gsol ba'i las byas nas/ /rab tu dgyes nas de bzhin mdzad/ /rig sngags rgyal mos rig sngags rnams/ /spyan drang ba yi cho ga bya/ /rig sngags rgyal pos gsang sngags rnams/ /gzhan rnams las ni gnyis kas so/ /lan gcig bzlas sam lan gsum bzlas/ /yang na lan bdun mngon par sngags/ /gsang sngags bye brag rnams shes nas/ /nyi shu rtsa gcig tu yang bzlas/ /mchod yon cho ga bzhin bzlas nas/ /bdug spos dag gis rab tu bdug /gus pas bus mo gnyis btsugs nas/ /las byed bcas pa'i lag pas dbul/ /
253b
dad pa dang ni dam tshig gis/ /tshur gshegs tshur gshegs bcom ldan 'dir/ /bdag gis mchod yon de bzhin \?\ la \?\/ /mchod pas bdag la dgyes par mdzod/ /gsang sngags gang dag gcig pu la/ /drag cing gtum la pha rol gnon/ /de ni rang gi sngags nyid kyis/ /spyan drang ba yi cho ga bya/ /gang yang 'khor du gyur pa dag /de dag rang gi sngags nyid kyis/ / spyan drang cho ga bya bar bshad/ /rig sngags rgyal dang gsang sngags rnams/ /mdor na so so'i gsang sngags sam/ /thams cad la yang snying po yis/ /spyan drang ba ni mchog tu bshad/ / mdo na mkhas pas mchod yon dang / /spyi yi rigs kyi snying po yis/ /tshur gshegs zhes ni spyan drang ba/ /'di ni gsang bar rab tu bsgrags/ /rab tu dad pas phyag bya ste/ /gsol pa yang dang yang byas nas/ /gsang sngags rnams dang rig sngags dag /mkhas pas gus dang spyan drang ngo / /zlos pas mnyam gzhag lag pa gnyis/ /spyi bor bzhag pa'i mchod yon dag/ gsang sngags mchog la phul na ni/ /'on kyang spyan ni drang bar 'gyur/ /bar ma dag la brang kha nas/ /phal pa rnams la lte ba nas/ /mchod yon tshul bzhin bzlas dbul ba/ /spyan drang cho ga rig par bya/ /mchod yon sngags kyi bzlas pa yis/ /ri mo'am yang na gzugs dag la/ /gsang sngags gang dag 'greng snang ba/ /de la 'greng ste spyan drang ba/ /'dug pa
254a
@#/ /la ni 'dug nas so'i \?\ bzur pa la ni bzur nas so/ /spyan drang phyir ni mchod yod \?\ dang / cho ga bzhin du dbul bar bgyi/ /gsang sngags la la'i gnas dag ni/ /gang dang gang gi phyogs yin pa/ /phyogs der thog mar bltas nas ni/ /mchod yon bzlos te der phyogs la/ /las de phyogs su bltas nas ni/ /de nas mchod yon dbul bar bya/ /'di ni spyan drang cho ga gzhan/ /gsang ba'i dam pa bshad pa yin/ /thal sbyar mchod yon me tog dang / /yid kyis sam ni chus kyang rung / /mkhas bas spyan drang cho ga ni/ / gang du'ang rung bar mdun du bya/ /gsang sngags kun gyi cho ga 'dir/ /sngags dang phyag rgyar ldan pa yis/ /spyan drang cho gar gsungs pa dang / /'di ni kun gyi spyi yin no/ /sgrub pas sngon du bsnyen pa dang / /mchod pa la sogs las rnams dang / /las kyi cho ga byed pas na/ /spyan drang pa ni yid kyis bya/ /ji ltar mthun pa'i cho ga bzhin/ /spyan drang cho ga bshad pa ni/ /thams cad don byed phyir gsungs te/ /phran tshegs dag la phal gyis bya/ /zlos pas spyan ni drangs nas kyang / /cho ga bzhin du mnyes byas nas/ /gsang sngags kyi ni lha rnams dang / /phan 'dogs la sogs thams cad mdzad/ /spyan drang ba'i cho ga rim par phye ba'o// //sgrub pa pos ni las kun la/ /lha rnams spyan drangs byas
254b
nas ni/ /gsang sngags rim par phye ba bzhin/ /cho ga shes pas mchod pa brtsam/ /bde bar gshegs so bcom ldan 'das/ /tshur gshegs 'dir ni bzhugs su gsol/ /bdag gi mchod pa bzhes nas kyang / /thugs kyis thugs dpag mdzad du gsol/ /bdag ni gus dang ldan no zhes/ /lha la yang dang yang gsol nas/ /gsang sngags sgrub pas dus gsum du/ /cho ga 'dis ni mchod pa bya/ /sngon gyi sngags rgyud lung gis ni/ /thog mar dri rnams dbul bar bya/ /de nas me tog rjes mthun pa'o/ /de nas bdug spos rab tu bsgrags/ /de nas lha bshos rjes mthun pa'o/ /mar me tha mar rab tu sbyar/ /khro bo'i rgyal pos bsangs pa'i rdzas/ /gtsang zhing ngan pa ma yin pa/ /rjes su mthun zhing yon tan can/ /blo dang ldan pas gus pas dbul/ /so so yi ni gsang sngags kyis/ /re re la yang mngon bsngags nas/ /mchod pa'i yan lag ci dgar dbul/ /so so so sor mchod yon dbul/ /che ge mo 'di bzhes shig ces/ /rdzas kyi ming nas phyung ste dbul/ /ma 'byor na yang gzugs brnyan rnams/ /byas nas mchod yon dbul bar bya/ /gus dang mchod yon phul ba yis/ /cho ga thams cad rdzogs par 'gyur/ /thal sbyar mchod yon blos mchod dang / /cho ga'i yan lag nyid dang bzhi'o/ /mchod pa'i cho ga thams cad la/ /ji ltar rigs par sbyar bar bya/ /rnam pa kun la mkhas
255a
@#/ /pa ni| |rtag tu ci nus pas kyang rung / /chos kyi thog mar yid 'gro zhes/ /thub ba chen pos bka' stsal ba/ /yid kyi mchod pa khyad par can/ /legs pa nyid du brtsam par bya/ /mchod pa'i rim pa phye ba'o// //yid ni rab tu mnyam bzhag nas/ /cho ga lhag ma bya bar bshad/ /sgrub pa pos ni thog ma ru/ /khro bo'i rgyal pos bskrad par bya/ /yang na rig sngags so so yi/ /las kun byed pa'i rig sngags kyis/ /na mo rat+na tra yA ya/ na ma sh+tsaN+Da badz+ra pA Na ye/ mahA yak+Sha se nA pa ta ya/ na ma sh+tsaN+Da badz+ra kro d+ha ya/ oM hu lu hu lu/ tiSh+Tha tiSh+Tha/ ban+d+ha ban+d+ha/ ha na ha na/ a mr-i te hUM phaT swAhA/ oM traM ban+d+ha swAhA/ /na mo mahA shri ya/ oM sha me sa ma ye/ so me/ sid+d+hi sid+d+hi/ sA d+ha ya/ shi be shi paM ka ri/ a ba ha/ sarba ar+tha sA d+ha ni swAhA/ /rigs gsum gyi las thams cad byed pa'i gsang sngags so// //khro bo'i gsang sngags rgyar bcas pas// me tog la sogs rnam par bsang / /lag pa g.yon par bzhag pa'i chus/ /thog ma nyid du bsang gtor bya/ /bdag po'i sngags kyis bya ba'am/ /yang na rigs kyi snying pos bya| |mdor na gsang sngags thams cad kyang / /phyag rgyar bcas pas bsang bar bya/ /bdag nyid rnam par sbyar ba'i phyir/ /spos chus lag mthil blugs ba la/ /blta zhing
255b
de yi snying po bzlas/ /rang gi spyi bor bsang gtor bya/ /stan yang rnam par spyad ba'i phyir/ /las kun bye dpa'i gsang sngags sam/ /yang na khro bo 'i rgyal po yis/ /spos kyi chus ni bsang gtor bya/ /lan bdun bzlas brjod byas pa'i chus/ /sa phyogs kun tu bsang gtor bya/ /bsang pa dang ni sbyang ba dag /gsang sngags 'dis ni byas par 'gyur/ /oM kI li kI la/ badz+ri badz+ri/ b+hur ban+d+ha ban+d+ha hUM phaT/ de nas steng du blo can gyis/ /rig pa'i rgyal po 'di 'don cing / /bdug pas lha rnams bsang ba dang / /bcing ba dang ni sbyang bar bya/ /oM su sid+d+hi ka ra dz+wa la hi a nan+ta murta ma dz+wa la dz+wa la/ ban+d+ha ban+d+ha/ ha na ha na hUM phaT/ thams cad sbyi'i 'o/ /oM dz+ra la hUM/ de bzhin gshegs pa'i rigs la'o/ /oM pad+ma ni b+ha ga ba ti/ mo ha ya/ dza gang mo ha ni swAhA/ /pad+ma'i rigs la'o/ /de nas blo dang ldan pa yis/ /rigs kyi snying po yongs bzlas pa'i/ /spos chus kho ra khor yug tu/ /thams cad du ni phyogs bcing ba'o| |rig sngags rgyal po'i snying po'am/ /bdag gi rig sngags g+r+g+yal po'am/ /rang gi gsang sngags mngag gzhug pas/ /phyogs bcing ba ni gus par bya/ /b+h+ruM oM a mr-i tod b+ha ba hUM phaT/ na mo rat+na tra yA ya/ na mash+tsat+Da badz+ra pA Na ya/ mahA yak+Sha se nA pa ta ye/ oM suM b+ha ni suM b+ha hUM/ gr-ih+Na gr-ih+Na hUM/ gr-ih+Na pa ya gr-ih+Na pa ya hUM/ A na ya ho ha ga
256a
@#/ /ban bid+yA rA dza hUM phaT swAhA/ /rigs gsum gyi rig pa'i rgyal po'i sngags so/ /de dag nyid kyi snying po yis/ /rab rnams kyang rab tu sbyar/ /rigs kyi rig sngags rnams kyis ni/ /lha rnams yongs su bsrung bar bya/ /las rnams kun la thams cad du/ /bgegs la sogs pa bsal ba las/ /rnam par rtog pa'i cho ga yis/ /bdud rtsi thab sbyor rab tu sbyar/ /khang pa'i kho ra khor yug tu/ /dra ba ra ba phur bu dag /kI li kI la bdud rtsi zhes/ /khro bo gnyis ni rtag tu sbyar/ /bsrung ba'i gsang sngags tha dad pa/ / cho ga las bstan gang yin pa/ /de nyid 'dir ni sbyar bar bya/ /yang na gang la dad pa'ang rung / /bcom ldan spyan ni gang yin dang / /gos dkar can ma gang yin dang / /rig sngags ma ma kI yang yin/ /de dag thog mar yongs su bzlas/ /de ni bdag dang lha yang bsrung / /sdig pa thams cad byang bar 'gyur/ /bgegs rnams sma yang 'bebs pa dang| |bsams pa'i 'bras bu mngon du 'gyur/ /rig sngags mA ma kI gcig pu/ /rgyal dang pad+ma'i rigs la yang / /blo can bdag gi gzungs su 'dod/ /thams cad la yang rab tu sbyar/ /cho ga las bshad gsang sngags kyis/ /srung ba'i las rnams brtsam du'ang rung / /yang na dpa' bo gcig pu yis/ /thams cad cho ga bzhin du bya//
256b
de ltar gsang sngags thams cad ni/ /dkyil 'khor las bshad cho ga bzhin/ /bsnyen pa'i tshe yang zlos pa pos/ /ma lus pa las shes par bya/ /gang yang rigs bdag gsang sngags sam/ /rigs kyi snying po gang yin pa'am/ /gsang sngags kun gyi rgyal po'am/ /gang yang sngags rgyud rgyal po 'am/ /las kun byed pa'i gsang sngags ni/ /gsum ga la yang de dag gis/ /rang rigs las la bye brag tu/ /zlos pa pos ni bya bar rigs/ /bsrung dang spyan drang sbyang pa dang / /bcing dang phyir bzlag mnan pa dang / /dgang dang gzhil bar bya ba dang| |tshar gcad pa dang bskul ba dang / /de la sogs pa'i las rnams kun/ /rig gsum dag ni thams cad dang / /dngos grub dag la de dag gis/ /sgrub pa pos ni thams cad bya| |bdag gi gsang sngags bdag nyid kyang / /snying po de dag nyid kyis bsrung / /gtsug phud gos dang bsang byed la/ /mdud pa bor te bdun gsum bzlas/ /snying gar mthe bong rtse btsugs te/ /bdag nyid bsrung ba'i phyir bzlas so/ /yang na thal ba'am yungs kar chus/ /bdag nyid bsrung bar spyad par bya/ /drag po yi ni las rnams la/ /bdag po'i sngags kyis bsrung bar bya/ /sgrub pa pos ni zhi ba la'ang / /gsang sngags drag pos nan tan bya/ /lha rnams byin gyis rlob pa yang / /bdag gi sngags kyis mdzad par 'gyur/ /bdag gi sngags la
257a
@#/ /'jigs dogs na/ /bsrung ba bdag pos bya bar bshad/ /sgrub pa po ni blo can gyis/ /gnyis kar rtag par las rnams la/ /bdag nyid bsrung ba'i cho ga dag |gtsang mas lhag par legs par bya/ /lha yi khang pa'i phyi rol du/ /gcig pu ci dgar spyod pa na/ /lha rnams yongs su bsrung ba'i phyir/ /bdag nyid bzhin du kun tu spyad/ /phyi rol chags la sogs pa dang / /nam yang gang dag mi gtsang bar/ /khro bo 'chol ba'i gsang sngags kyis/ /de tshe bsrung bar bya bar bshad/ /na mo badz+rA ya/ oM badz+ra kro d+ha mahA ba la ha na da pa tsa bi d+h+wa na sa ya/ uts+tshash+makro d+ha hUM phaT/ /khrus byed tshe na bgegs kyis dgras/ /bsrung ba rtag tu bya bar bshad/ /zan za'i tshe na bdag pos bsrung / /nyal tshe rigs kyi rig sngags kyis/ /rigs gsum la yang rtag par ni/ /bgegs rnams kun gyis glags gyur la/ /rig sngags rgyal po zhes bya ba/ /des ni bsrung ba bya bar bshad/ /bsrung ba'i rim par phye ba'o// //oM e ka dz+wa la badz+ra pA Ni hUM/ sa ma ya ma nu sma ra hUM phaT swAhA/ de la sogs pa ma lus pa/ /de la bsrung ba byas pas ni/ /bdag gi yid ni mnyam gzhag ste/ /bzlas brjod bya ba kun tu brtsam/ /ku sha sngon po'i rtswa stan ni/ /'phang du sor bzhi yod pa la/ /mnyam zhing zheng du mtho gang ba/ /srid du sor ni bcu drug bya//
257b
sngon du bsnyen pa'i bzlas brjod tshe/ /de dag thams cad bya bar gsungs/ /de dag ma 'byor ku sha'i rtswa 'am/ /yang na 'jag ma sngon po'ang rung / /las kyi bye brag ji lta bar/ /shing las byas ba'i stan yang rung / /de yi tshad du legs bzhogs pa'i/ /shing gi khri'u'ang rab tu shis/ /'dab ma gtsang ma de dang de/ /khyad par du ni las kun la/ /man ngag bstan pa de yis ni/ / lo ma'i stan yang bshad pa yin/ /mchog la sogs pa'i bye brag gis/ /spyi yi las rnams thams cad dang / /skyil krung bkra shis bzang po ste/ /de dag 'dug thabs gsum yin no/ / mkhas pas der yang 'dug nas ni/ /mchod pa'i cho ga legs byas nas/ /blo yis gus pa rab bskyed de/ /bcom ldan de bzhin gshegs pa bstod/ /de nas chos dang dge 'dun la/ / de nas spyan ras gzigs dbang phyug /de nas rig pa'i rgyal po che/ /rdo rje 'chang ba bstod par bya/ /mgon po thugs rje che ldan pa/ /thams cad mkhyen pa ston pa po/ /bsod nams yon tan rgya mtsho zhing / /de bzhin gshegs la phyag 'tshal lo/ /dag pas 'dod chags bral bar 'gyur/ /dge bas ngan song las grol ba/ /gcig tu don dam mchog gyur pa/ /zhi gyar chos la phyag 'tshal lo/ /grol nas grol ba'i la ma thob pa/ /bslab pa dag la rab tu gnas/ /zhing gi dam pa yon tan ldan/ /dge 'dun la yang phyag 'tshal lo/ /sangs rgyas
258a
@#/ /kun gyis rab tu bsngags/ /yon tan dam pa kun bsags pa/ /spyan ras gzigs zhes mtshan gsol pa/ /rtag par brtse la phyag 'tshal lo/ /stobs po che la drag shul can/ /rig sngags rgyal po dge ba dag /gdul dka' ba dag 'dul ba po/ /rdo rje 'dzin la phyag 'tshal lo/ /de ltar gus par thal sbyar nas/ /rgyal sras gzhan yang bstod pa ni/ /byang chub sems dpa'i gzhung gis bstod/ /de nas sdig pa so sor bshags/ /'jig rten dag gis phyogs kun na/ /de bzhin gshegs pa gang bzhugs dang| |dgra bcom byang chub sems dpa' dag /de dag bdag la dgongs su gsol/ /tshe rabs gang yang rung ba na/ /bdag gis sdig pa ci bgyis dang / /sngon gyi tshe rabs gzhan dag dang / /tshe rabs 'di dang 'khor ba na/ /'dod chags dbang dang blun pa dang / /khro ba dag gis 'khrugs gyur te/ /sangs rgyas chos dang dge 'dun nam/ /bla ma dag dang pha ma dang| |dgra bcom byang chub sems dpa' dang / /sbyin gnas gang yang rung ba dang / /de las gzhan pa'i sems can dag /yon tan ldan dang mi ldan la/ /sdig pa'i las rnams gang bgyis dang / /gang yang bgyid du stsal pa dang / /gang yang cung zad yi rang ba/ /bag med pas ni phra mo yang / /lus ngag yid kyis bgyis pa rnams/ /de dag ma
258b
lus blos bsdus nas/ /rdzogs pa'i sangs rgyas sras bcas pa/ /bdag gis da ni mngon sum bzhin/ /rab tu gus pas phyag 'tshal lo/ /skyo ba'i yid du gyur pa yis/ /thal mo sbyar te nongs pa rnams/ /yang dang yang du so sor bshags/ /bdag gis mi dge bgyis pa rnams/ /rdzogs sangs rgyas kyis mkhyen pa bzhin/ /de ltar bdag gis so sor bshags/ /slan chad de ltar yong mi bgying / /srog chags sdug bsngal zhi bya'i phyir/ /bdag nyid ji srid 'tsho bar du/ /sangs rgyas chos dang dge 'dun la/ /gus par yang dag skyabs su mchi/ /de yi yon tan gus bsgrags te/ /sa la mgo bos gtugs nas ni/ /dkon mchog gsum la blo can gyis/ /de ltar gus pas skyabs su 'gro/ /de nas mchog gi sa bon gang / /thar pa bdud rtsi 'bras bu sbyin/ /shin tu bsgoms nas mchog gyur pa/ /dngos grub phyir ni de bskyed do/ /sems can khams ni mtha' yas pa'i/ /sdug bsngal nye bar zhi ba dang / /ngan 'gro rnams las bsgral ba dang / /nyon mongs rnams las dgrol ba'i phyir/ /srid pa mi bde dog pa na/ /sdug bsngal sna tshogs ci mchis pa/ /de ltar yongs su bskyab pa'i phyir/ /bdag gis byang chub sems bskyed do/ /sems can phongs pa thams cad kyi/ /skyabs su bdag nyid rtag tu shog /bdag ni mgon med rnams kyi mgon/ /rten med rnams kyi rten du bdag/
259a
@#/ /skyabs med rnams kyi skyabs 'gyur zhing / /sdug bsngal bde bar byed pa dang / /bdag ni sems can thams cad kyi/ /nyon mongs zhi bar byed par shog/ dge ba'i las rnams gang dang gang / /'di dang gzhan du bsags pa rnams/ /bsod nams ye shes zhes bya ba'i/ /tshogs ni rnam pa gnyis su shog /pha rol phyin pa drug sgo nas| |bdag gis brtson 'grus gang brtsams pa/ /de yang sems can ma lus pa/ /thams cad la ni phan par shog /tshe yi mtha' klas byed pa dang / /gang yang cung zad byed 'gyur ba/ /mdor na sems can thams cad kyi/ /nyon mongs thams cad zhi ba dang / /grol bar bya ba'i phyir 'bad cing / /byang chub rab tu dga' brtson no/ /de nas rdzogs pa'i byang chub sems/ /cho ga bzhin du kun tu bskyed/ /sems can kun la snying rje dang / /byams pa nye bar gnas par bya/ /sems ni legs par sbyang ba'i phyir/ /sna tshogs thabs kyi rjes dran drug /nang gi bdag nyid zhi ba yis/ /bsam pa gcig tu bsgom par bya/ /sngon gyi rgyal ba'i sras rnams kyi/ /smon lam ji ltar mdzad pa bzhin/ /bdag kyang dge ba'i sems kyis su/ /de bzhin du ni smon lam 'debs/ /chos kyi longs spyod sna tshogs la/ /mnyam par bzhag nas yi rang ngo / /sems can thams cad bde ba
259b
dang| |zhi zhing nad kyang med par shog /bdag ni bya ba kun nus shing / /yon tan dang yang ldan par shog /nor ldan gtong phod shes rab can/ /bzod ldan dge la dad pa dang / /sems can tshe rabs thams cad du/ /skye ba dran zhing brtser ldan shog /de nas thal mo mnyam sbyar te/ /bla ma la ni phyag btsal nas/ /rig sngags rgyal po dran byas te/ /mkhas pas cho ga 'di dag bya/ /sngags kyi nor bu blangs nas ni/ /lag pa'i snyim par bcug nas su/ /rig sngags rgyal po lan gcig bsam/ /de nas gsang sngags 'di bzlas so/ /na mo rat+na tra yA ya/ na mash+tsaN+Da badz+ra pA Na ye/ mahA yak+Sha se nA pa ta me/ oM ki ri ki ri/ rau dri ni swAhA/ rdo rje'i rigs la'o/ /na mo rat+na tra yA ya/ oM ad b+hu te bi dza ya sid+d+hi sid+ha ra te swAhA/ /de bzhin gshegs pa'i rigs la'o| |na mo rat+na tra yA ya/ /na ma A R+YA ba lo ki te shwa rA ya/ bo d+hi satwa ya/ oM a mr-i te ga me/ shri ye shri ya ni li swAhA/ /pad+ma'i rigs la'o/ /mthe bong dang ni srin lag gis/ /las rnams kun la nor bu dang / /mkhas pas drag po'i las rnams la/ /mdzub mos drang drang rab tu bsgrags/ /rgyal ba'i rigs la po de tse/ /sngags kyi nor bur rab tu bsgrags/ /pad+ma'i rigs la pad+ma'i snying / /rdo rje'i rigs la ru rag sha /rigs gsum dag ni thams cad la/ /nor bu de dag rab tu bsgrags/ /bzlas brjod byed pa'i las kun la/ /de dag dge
260a
@#/ /zhing mchog tu bshad/ /lung tang ta la'i 'bras bu dang / /dung dang kham pa las byung dang / /shel dang mu tig ba so dang / /de bzhin byu ru nor bu dang / / sa bon rnam pa sna tshogs dang / /lbu ma dag gi phreng ba'ang rung / /sngags kyi nor bu de dag rnams/ /cho ga 'di las rab tu bsgrags/ /rigs dang bye brag la sogs las/ /gces shing kha dog ci lta bar/ /mkhas pas 'di ltar rig par bya/ /drag shul spyod la khyad par du/ /rus pa sna tshogs shis pa yin/ /de nas gsang sngags gzhan gyis kyang / /dngos grub 'dod pas mngon par bsngags/ /gcig ni sbyang ba'i gsang sngags te/ /gnyis pa 'grub phyir shes par bya/ /na mo b+ha ga ba te/ sid+d+hi sA d+ha ya sA d+ha ya/ sid+d+h+yA r+tha swAhA/ de bzhin gshegs pa'i rigs la'o/ /oM ba su ma ti shri ye swAhA/ /pad+ma'i rigs la'o/ /oM badz+ra a tsi tany+dza ye swAhA/ rdo rje'i rigs la'o/ /sngags kyi nor bu'i rig sngags rnams so/ /phyag rgya sngags kyi nor bu dag /cho ga bzhin du blangs nas ni/ /nor bu snying gar bzung nas su/ /bzlas brjod rab tu brtsam par bya/ /gus pas dkon mchog gsum po dang / /byang chub sems dpa' rnams dang ni/ /rig sngags tshogs ni mtha' dag la/ /phyag byas de 'og bzlas brjod brtsam/ /yid kyis gsang sngags lha rnams ni/ /yang nas yang du mngon
260b
bsams te/ /rtog pa ngan pa rnam bsal nas/ /mkhas pas bzlas brjod brtsam par bya/ /zhi ba dang ni rgyas pa dang / /oM dang bcas shing phyag dang bcas/ /lhag par zhi ba'i sems kyis ni| |blo yis bzlas brjod dal bus byas/ /drag shul can gyi sems kyis ni/ /hUM dang bcas shing phaT dang bcas/ /bzlas brjod gzhan gyis thos bya ba/ /drag shul spyod pa rab tu shis/ / mkhas pas gsang sngags yi ge ni/ /bco lnga man chad grangs rnams la/ /spyir ni yi ge du yod pa/ /de snyed 'bum phrag bzlas brjod bya/ /yi ge sum cu rtsa gnyis la/ /bzlas brjod sum 'bum bya bar bshad/ /de bas yi ge mang po la/ /sngon du bsnyen pa khri bya'o/ /rigs dang las dang gsang sngags dag /mkhas pas legs par shes byas nas/ /rjes su mthun pa'i brtson pa yis/ /sngon du bsten pa brtsam par bya/ /shin tu mchog gi las rnams ni/ /bzlas brjod khyad par can gyis 'grub/ /sngon du bsnyen pa med par yang / /las rnams phal ni 'grub par 'gyur/ /gsang sngags dag ni thams cad kyi/ /dngos grub rnams ni thams cad la/ /thog mar bzlas brjod bcu cha bya/ /de nas de la sta gon gnas/ /de ltar sta gon gnas byas pas/ /lha yang sta gon mdzad gyur na/ /de tshe zlos pas cho ga bzhin/ /de yi 'og tu bzlas brjod brtsam/ /gang zhig mtshan ma'am tshig gis ni/ /bzlas brjod byed pa ma
261a
@#/ /bzhed na/ /bsnyen pa yang dang yang byas nas/ /lan gsum par du sta gon gnas/ /rig sngags bsnyen pas mnyes gyur na/ /zlos pa po la dgongs nas su/ /gang gis dang por bka' stsal pa/ /de dag myur du 'grub par 'gyur/ /zlos pa blo dang ldan pa yis/ /lan gsum sta gon gnas byas kyang / /gang dag dgongs pa mi 'dzin pa'i// lha de nam yang mi bzlas so/ /gtsang ma'i gnas su gtsang sbra can/ /mnyam par gzhag ste legs 'dug nas/ /ji srid yid ni mi skyo bar/ /de srid bar du bzlas brjod bya/ /cho ga bshad pa thams cad la/ /lus kyi gtsang sbra byas nas su/ /snga dro mel tshe thun gcig dang / /phyi dro mel tshe thun gcig bzlas/ /nyi ma'i gung la thun phyed dam/ /yang na thun gyi sum cha bzlas/ /yang na thun gyi bzhi cha 'am/ /yang na mkhas pas cung zad bzlas/ /mtshan mo srod dang tho rangs la/ /mel tshe thun ni phyed phyed du/ /gang zhig mkhas pas bzlas byas pa/ /de ni lhag par mchod par 'gyur/ /drag shul spyod pa'i las kun dang / /mi snang ba la sogs pa dang / /dur khrod dag gi las rnams la/ /rtag tu mtshan mo bzlas pa bzang / /nyin par bzlas brjod gang bshad pa/ /de dag sbyin sreg mtshan mo bya/ /mtshan mo bzlas brjod gang bshad pa/ /de dag sbyin sreg nyin par bya/ /gang zhig
261b
bzlas pa'i mjug tu ni/ /sbyin sreg byed pa de mchog go /gsang sngags kun la dang por ram/ /bsreg bya yod na gnyi gar bya/ /mkhas pas gang zhig nyin re zhing / /zas kyi phud la sreg byed pa/ /des ni tha ma'am bar dag tu/ /khyad par med par bya bar bshad/ /de ltar byas na rig sngags rnams/ /phal cher yongs su dgyes par 'gyur/ /cho ga 'di dag nyid kyis ni| |sbyin sreg byed pa'i bzlas brjod bshad/ /bzlas brjod byed pas khro mi bya/ /yul gyi bdag nyid dga' mi bya/ /zhum dang mi dga' 'jigs pa dang / /'jungs dang nga rgyal yongs su spang| |zlos tshe ci yang mi smra zhing / /yan lag 'gyur bar mi bya'o/ /kun rtog rlung gis bskyod nas ni/ /ci yang rung ba mi bsam mo/ /zlos po bzlas brjod byed pa'i tshe/ /rig sngags lha ni ma gtogs pa/ /bsgom pa mchog tu gyur pa dang / /rnam rtog bzung nas mi bsam mo/ /zlos pas bzlas brjod zin pa dang / /rigs kyi bdag po'i gsang sngags sam/ /rigs kyi lha mo gang yin pa/ /de dag bzlas te bsrung bar bya/ /bzlas brjod grangs bzhin byas pa 'am/ /yang na lhag par byas kyang rung / /gsol ba gdab pa'i tshul gyis su/ /de ni gus par dbul bar bya/ /mkhas pas rig sngags zlos pa'i tshe/ /sbrid pa lud pa la sogs byung / /nye reg byas te phyag btsal te/ /gzhi nas kun tu brtsam par bya/ /bzlas brjod kyi
262a
@#/ /ni bgegs rnams dang / /mkhas pas bzlas brjod skyon rnams la/ /slar yang grangs kyi thog ma nas/ /kun tu brtsam par bya bar bshad/ /sngags kyi nor bu'i thog ma dang / /tha mar rtag tu sgrub pa pos/ /gus par gsang sngags lha dag la/ /blo dang ldan pas phyag bya'o/ /sngags kyi nor bu rdzogs pa'i tshe/ /ri mo'i gzugs sam sku gzugs sam/ /mchod rten dag gam de'i gdan rnams/ /mig gis kun tu blta bar bya/ /bzlas pas ngal na yang dang yang / /bsam gtan lam gyi man ngag dang| |thabs kyi rnam pa tha dad pas/ /blo can sems ni spro ba bskyed/ /blo la skyon med byas nas ni/ /gsang sngags yi ge dag pa la/ /mnyam par bzhag ste rtse gcig tu/ / bzlas brjod dus gsum dag tu bya/ /mkhas pas dus gsum kho nar yang / /khrus byas nas ni bzlas brjod bya/ /mchod pa la sogs cho ga kun/ /dus gsum dag tu bya bar bshad/ /dus gsum dag tu sngags pa yis/ /gos ni rnam pa gsum po dag /bkru ba'am 'dug par bya ba'am/ /yang na bsang gtor dag kyang bya/ /nyal dang khrus byed ma gtogs par/ /sngags pas mthang gos mi spang zhing / /dkar la shin tu 'jam po de/ /nyin gcig bzhin du bkru bar bya/ /lha la dgos pa'i snod rnams kyang / /
262b
nyin re lan re bkru bar bya/ /me tog rnying pa dus gsum du/ /rtag par yang ni phyag par bya/ /shes rab pha rol phyin sogs kyi/ /glegs bam mjug tu bklag pa dang / /mchod rten dag dang dkyil 'khor yang / /dus gsum dag tu de bzhin bya/ /sngon du bsnyen pa'i bzlas brjod dag /dang por grangs bzhin tshang ba las/ /mi nus na ni dus gcig gam/ /dus gnyis su ni cho ga bsgom/ /gang yang bgegs kyis brlams pa dang / /nad rnams kyis ni gzir ba'am/ /lhod pa dang ni bag med pa'am/ /lus dang sems ni skyo ba 'am/ /cho ga ci skad bshad pa dag /bshad pa'i dus las 'das pa dang / /ma bsdams pa dang mi gtsang bas/ /gang dag bzlas brjod byed pa ni/ /bzlas pa'i grangs ni bshad pa la/ /mkhas pas de dag mi sbyar gyi| |cho ga bzhin du bzlas pa dang / /mnyam gzhag bzlas brjod de dang sbyar/ /sbyin sreg las kyi grangs rnams dang / /spyan drang ba yi cho ga la/ /sngags kyi nor bu ma rdzogs pa/ /bzlas brjod grangs su mi gzhug go /dkyil 'khor dag tu cho ga bzhin/ /gang gis gsang sngags stong bzlas dang / /nyi ma zla ba gzas zin tshe/ /bsnyen pa de ni the tshom med/ /gtsug tor can gyi gnas kun dang / /mchod rten chen po dag dang ni/ /cho 'phrul chen po'i zla phyed la/ /bzlas pa de ni mchog tu bshad/ /bla ma mgu bar gyur pa las/ /rig sngags
263a
@#/ /bzlas pa gang thob dang / /gang yang nyid kyis bka' stsal pa/ /de dag myur du 'grub par 'gyur/ /gang yang gnas yul yon tan can/ /mchod sogs khyad par can dag dang / /rang gi sems ni dang ba las/ /rig pa myur du bka' stsol te/ /myur du grub kyang mi thogs par/ /nges par nyams par 'gyur zhes gsungs/ /de bas bsnyen pa rdzogs byas nas/ /dngos grub phyir ni 'bad par bya/ /bsnyen pa'i tshe ni ci rigs par/ /dngos grub phyir ni lha rnams la/ /lha khang gi ni phyi rol tu/ /dus mtshams dag la mchod pa bya/ /dus mtshams dag la rig sngags rnams/ /bye brag tu ni mchod par bya/ /rtag tu dge ba'i phyogs rnams dang / /de bzhin du ni sdom pa gzung / /bum pa bkra shis ldan pa la/ /spos kyi chu la sogs pas bkang / /rdo rje khro bos mngon bsngags te/ /dbang bskur don du sbyar bar bya/ / de ma 'byor na mchod yon snod/ /me tog rnams dang chus bkang ste/ /bgegs rnams rnam par bsal ba'i phyir/ /dbang bskur de ni nye bar sbyar/ /bye brag tu ni lha bshos 'bul/ /bye brag tu yang sbyin sreg bya/ /mar me'i cho ga bye brag tu/ /sa yi byi dor de bzhin bya/ /gal te zlos tshe glo bur du/ /sna tshogs pa yi 'od byung na/ /de tshe dngos
263b
grub myur bar nges/ /bkres pas cung zhig nad las thar/ /shes pa khyad par can yang 'byung / /lhag par gzi mdangs che bstan pa/ /gsang sngags bzlas pa'i mtshan nyid yin/ /mtshan mo rmi lam dge ba dang / /bden pa rnams ni mthong ba dang / /bzlas brjod byed la dga' ba ni/ /gsang sngags bzlas pa'i mtshan nyid yin/ /ngal ba chung zhing dri zhim dang / /gtong phod yon tan lhur len cing / /lha la lhag par gus pa ni/ /gsang sngags bzlas pa'i mtshan nyid yin/ /gsang sngags bzlas pa'i rjes la yang / /bye brag tu ni mchod pa bya/ /lha rnams la ni ci rigs par/ /sbyin sreg dag kyang brtsam par bya/ /bsnyen pa tshul bzhin rdzogs byas nas/ /rig sngags bsgrub par bya ba'i phyir/ /mkhas pas ji ltar mthong ba bzhin/ /sta gon gnas pa rab tu bya/ /gnas gcig tu ni phyed bzlas nas/ /gang zhig gzhan la bzlas byas pa| |bzlas pa thams cad rdzogs gyur kyang / /de dag thams cad don med 'gyur/ /de lta'i glags la cho ga bzhin/ /chig 'bum lhag par bzlas brjod bya/ /bdag pos stong du bzlas bya 'am/ /yang na bsnyen pa slar brtsam mo/ /bag med pas ni lan 'ga' zhig /gsang sngags lha gzhan bzlas byas na/ /yid kyis gsol
264a
@#/ /ba gus byas nas/ /bzlas brjod slar yang brtsam par bya/ /mi gtsang cho ga mi ldan pas/ /rig sngags bag med bzlas gyur na/ /de la rig sngags bdag po'i sngags/ /lan bdun yongs su bzlas brjod bya/ /zlos pas zla ba phyed phyed cing / /nyin zhag gcig tu smyung byas nas/ /zla phyed mtshams su ba yi lnga/ /brgya rtsa brgyad du bzlas pa btung / /des ni gsang sngags zlos pa po/ /zla phyed dag tu dga' gyur zhing / /bza' ba min sogs gang zos pa/ /de dag thams cad rnam par spangs/ /na mo b+ha ga ba te uSh+ni Sha ya/ oM bi shud+d+he bi ra dze shi be shAn+ti ka ri swAhA/ /de bzhin gshegs pa'i rigs la'o/ /oM ya sho dze swAhA/ /pad+ma'i rigs la'o/ /na mo rat+na tra yA ya/ /na maSh+tsaN+Ta badz+ra pA Na ye/ ma hA yak+Sha se na pa ta ye/ oM shi khi shi khi ni rma le pra b+he/ pra b+ha sa re/ te rdzo te dzo ba ti swAhA/ /rdo rje'i rigs la'o/ /dmar ser ba yi 'o ma dang / /ba yi zho dang ba yi mar/ /ba gcin ba yi lci ba rnams/ /so sor mngon par sngags pa dang / /ku sha lan brgyar sngags pa yi/ /ku sha'i chun dang ldan byas te/ /shar ltas mi smra tsog tsog por/ /'dug nas 'bring la srang gsum tsam/ /pa la sha yi lo mar btung / /yang na mchod
264b
yon snod bshad pa/ /gang yang rung ba gcig tu bcang \?\/ /de ni de yi cho gar bstan/ /zlos tshe gal te glo bur du/ /cung zad bya ba'am mi bya'am/ /lha nyid kyis ni bka' stsal na| |blo dang ldan pas de dag brtag /bsrung pa byas te brtags nas su/ /bya ba min pa de mi bya/ /bka' lung rigs par gang stsal pa/ /de dag dngos grub 'dod pas bya| |zlos pa rmi lam ngan mthong na/ /rigs kyi bdag po brgyar bzlas so/ /de yi nyin par de ma bzlas/ /bzlas brjod grangs su mi gzhug go /grangs kyi bzlas brjod thams cad la/ /lhag par gyur la nyes pa med/ /der ni de yis mi 'grub la/ /grangs skongs pa la mi phan no/ /mdor na zlos pa po rnams kyis/ /bzlas brjod cho ga gang gsungs pa/ /cho ga de dag nyid kyis ni/ /rig sngags bsnyen nas 'grub par 'gyur/ /bzlas brjod kyi cho ga rim par phye ba'o// //de nas gzhan yang bzlos pa po'i/ /gsang sngags lha ni gang zhig gis/ /myur du mnyes par 'gyur ba yi/ /tshim par bya ba'i cho ga bshad/ /dus mtshams dag gam tshes gzhan la/ /khrus rdzing bzang pos khyad par du/ /mgo la sogs pa bkrus nas su/ /dang po mchod pa'i cho ga bya/ /yid la gsang sngags brjod nas su/ /sna
265a
@#/ /ma'i me tog brgya la ni/ /re re la yang mngon sngags te/ /blo dang ldan pas rigs gsum mchod/ /lan grangs nyi shu rtsa gcig gam/ / yang na lan bdun rim bzhin du/ /gsang sngags yi ge rjes mthun par/ /lha rnams la ni mngon par mchod/ /de nas dri la sogs pa dang / /dri zhim bgos pa'i bdug spos gsol/ /lha bshos ci skad bstan pa dbul/ /zho dang bu ram bye brag tu'o/ /tshul bzhin sbyin sreg las byas te/ /yam sreg shing gi me bus la/ /mchod sbyin gyis ni yam sreg shing / /mar la btags pa dang por brgya/ /de nas til dang zho dang mar/ /sbrang rtsi bsres pa brgya lhag dbul/ /de nas zho dar mar sbyar ba'i// sA lu'i 'bras chan sreg blugs brgya/ /ba yi 'o ma zas mchog dang / /mar bcas sreg blugs brgya phul te/ /mjug tu mchod yon bkang nas su/ /lan brgyar bzlas te dbul bar bya/ /cho ga de ltar nyin gcig gam/ /bdun nam nyi shu rtsa gcig gam/ /yang na nyin gsum dus gsum du/ /yang na nyi ma lngar byas nas/ / rig sngags bcad dam phral ba 'am/ /dgag pa'am phur bus btab pa'am/ /dri ba dang ni lhag pa'ang rung / /dgag pa'am phur bus btab pa 'am/ /gzir
265b
ba lhag par tshim par 'gyur/ /sbyin sreg yan lag de rnams las/ /gcig gis nyin mtshams sreg byin na/ /zhag gsum gyis ni tshim 'gyur te/ /lha rnams rab tu dgyes par 'gyur/ /spos la gzugs brnyan legs byas te/ /me tog ma ta li yis mchod/ /dus gsum bzlas brjod brgya byas te/ /mjug tu shing gi thang chus bdug/ pad+ma la sogs 'o ma la/ /bzhag ste mtshan mo rab mchod de/ /nang par mchod cing bzlas brjod nas/ /chu klung chen por bskur bar bya/ /cho ga 'di dag byas pa yis/ /lha rnams yongs su dgyes par 'gyur/ /dgyes par gyur nas dngos grub ni/ /chen po myur du stsol bar mdzod/ /lha tshim par bya ba'i cho ga rim par phye ba'o// // gser ram dngul lam zangs kyi 'am/ /kham pa'i bum pa sar pa la/ /me tog rin chen 'bras bu rtswa/ /'bru dang spos kyi chus bkang nas/ /mgul par ras ni sar pas bcing // ldum bu sar pas kha brgyan te/ /rang gi rig sngags bdag po'am/ /yang na rigs kyi rig sngags kyis/ /lan brgyar bzlas nas dang po des/ /lha nyid mngon par dbang bskur ro| |gser la sogs pa'i gzugs brnyan la/ /rgyan phreng na bza' legs brgyan te/ /rig sngags khri la bzhag nas su/ /dbang bskur phyir ni mchod pa bya/ /me tog
266a
@#/ /sogs pas mchod byas te/ /bzlas brjod sbyin sreg dag gis mchod/ /cho ga 'dis ni rig sngags dag /mthu ni rab tu che bar 'gyur/ /rig sngags mthu dang ldan gyur na/ /dngos grub chen po myur du stsol/ /dus mtshams dag la rig sngags rnams/ /spyan drangs mchod pa byas nas ni/ /mchod yon mngon par bsngags pa yis/ /dbang bskur ba yang bya bar bshad/ /nyin re khrus byed tshe na yang / /dbang bskur phyir ni gus pa ru/ /blo dang ldan pas snyim pa'i chu/ /bdun nam yang na gsum gyis bya/ /mar dang 'o ma la sogs pas/ /dbang bskur phyir ni legs bkrus nas/ /rig sngags gzir ba rgyas gyur cing / /'dis ni lhag par tshim par 'gyur/ /lha dbang bskur ba'i cho ga rim par phye ba'o// //dus mtshams dag la smyung byas nas/ /nub gcig gam ni nub gsum du/ /gtsang zhing gos dkar gsar bgos te/ /zlos pa sta gon gnas par bya/ /dus mtshams min yang dgos yod na/ /yar gyi ngo yi tshes bzang la/ /zhi ba'i mchog gi gsang sngags kyis| |sta gon gnas pa rab tu bya/ /skyu ru ra sogs khrus rtsi dang / /dri zhim spos chus khrus byas te/ /nye reg byas nas srod la ni/ /sangs rgyas spyan drang mchod pa bya/ /
266b
de nas lhag par mngon bsngags pa'i/ /mchod yon cho ga bzhin du dbul/ /de nas tsan+dan dkar po dang / /sna ma'i me tog kha 'bus dang / /ma la ta yi phreng ba la/ /bdug pas bdugs la mchod pa bya/ /gtor ma mang zhing bzang ba dang / /zho dang bcas pa dbul bar bya/ /de nas mar gyi sbyin sreg ni/ /tshul bzhin brgya rtsa brgyad byas te/ /gsang sngags las dang rjes mthun par/ /sa rdza ra sa'i sreg blugs dbul/ /bu mos bkal ba'i skud pa la/ /mdud pa bdun bor len bdun sngags/ /dpung pa g.yon pa la bcings la| |ku sha'i lo ma bting pa la/ /de nyid kyis ni glo phab ste/ /bka' lung gsol ba btab nas ni/ /rang gi lha yi tshul 'dra bar/ /sems kyis legs par bsam byas te/ / yid la gsang sngags 'don bzhin du/ /ku sha sar ba khres kyi sngags/ /me tog mang pos klubs pa la/ /ji ltar bde bar nyal bar bya/ /gal te gnyid log rmi lam na/ /bstan bar rtogs pa'i lha mthong ngam/ /so sor rig pa'i gzugs dag gam/ /yang na rig sngags bdag po'ang rung / /dkon mchog gsum las gcig tsam mam/ /de dag la ni mchod la sogs/ /rgyal sras rdzu 'phrul chen po 'am/ /'khor ni rnam pa bzhi rnams sam/ /bdag nyid cho ga spyod pa 'am/ /yang na gos kyi sbud pa dag /mthong na
267a
@#/ /dngos grub nyer 'gyur bar/ /sgrub pa pos ni shes par bya/ /ri dang glang po 'bab chu dang / /rgya mtsho dang ni 'bras bu shing / /ngang mo la sogs bya rnams dang / /seng+ge la sogs ri dwags sogs/ /khyu mchog bkra shis rta la sogs/ /bu mo bzang mo brgyan pa dang / /bum pa la sogs bkra shis pa/ /rnam pa sna tshogs g.yas na'o/ /nor dang gos rnams rnyed pa dang / /de la sogs pa rnam dag pa'i/ /rmi lam bzang po mthong na ni/ /blo can 'grub par shes par bya/ /zho dang 'o ma 'bras yos mar/ /me tog 'bras bu rtsa ba dang / /yang na grub pa'i rdzas kyang rung / /rmi lam dag na rnyed pa'am/ /de 'dra'i rnam pa mthong gyur na/ /rig sngags 'grub par gsungs pas na/ /de nas blo dang ldan pa yis/ /bsnyen pa'am sgrub pa'i las rnams brtsam/ /gal te sngags kyi nor bu'am/ /sgrub pa'i rdzas rnams thob na ni/ / de nas bsnyen pa'am sgrub pa yi/ /las rnams myur du brtsam par bya/ /gos dang khrus dang rgyan dag gis/ /bdag nyid brgyan pa mthong na ni/ /de tshe bsnyen pa'am sgrub pa yi/ /las rnams rab tu brtsam par bya/ /rang gi rig sngags tshul bzhin du/ /mchod pa byas nas rigs yum gyis/ /sna ma'i me tog brgya dag ngang / /ras zung
267b
dag gis mchod par bya/ /tsan+dan gyi ni bdug spos kyis/ /lan brgyad nyid du bdug nas ni/ /de nas lha nyid rmi lam du/ /ci rigs par ni bka' lan stsol/ /u shi ra yi gzugs brnyan ni/ /grogs mkhar sa yi snod du bzhag /mchod cing yongs su tshim byas nas/ /lan brgyad dag tu mngon par sngags/ /de ni 'o ma'i nang du yang / /yang na sbrang rtsi'i nang du gzhug /dus gsum dag tu legs mchod nas/ /srod la yang ni gsol ba gdab/ /rnam pa 'di dag nyid kyis kyang / /yongs su dgyes pa bskyed gyur nas/ /de ltar bya ba'am mi bya ba/ /lha nyid bka' lan gsol ba mdzad/ /smyung byas 'dod pa'i dus mtshams la/ /rig sngags cho ga bzhin mchod la/ /thang chu rnam pa bdun dag dang / /shing gi snying po rnam pa lngas/ /sbyin sreg brgya rtsa brgyad bya ba/ /yang na bzlas brjod grangs dag gis/ /byas na rig sngags sngags nyid ni/ /myur ba nyid du bka' stsol to/ /de ltar rig pa sta gon gnas/ /nges shing myur du 'grub par 'gyur/ /sta gon gnas pa'i tsho ga 'di/ /rgyas par rab tu bsgrags pa yin/ /sta gon gnas pa'i cho ga rab tu gsang ba'i rim par phye ba'o// //slob mas dkyil 'khor phyag byas nas/ /khyad par du ni yon phul te/ /bla ma'i kha nas mngon sum du/ /rig sngags yongs su
268a
@#/ /gzung bar bya/ /snyim pa me tog gis bkang nas/ /gus shing rim gro bskyed byas te/ /bla mas thog mar lan gsum bzlas/ /rang gis lan gsum bzlas te gdon/ /de nas yi ge mang po'i sngags/ /gi wang dag gis shog shog la/ /ji skad bstan bzhin mngon bris te/ /de nas ci bder kha ton bslab/ /bla ma yongs su mgu ba las/ /dus mtshams dag gam tshes gzhan la/ /rig sngags brtags nas byin pa dag /cho ga bzhin du gus par nod/ /slob mas legs par nod pa de/ /ring por mi thogs 'grub par 'gyur/ /ma bsnyen par yang de la de/ /rtag tu 'og zhing nye bar gnas/ /yang na gser la sogs pa yi/ /bum pa gsar zhing gtsang la bzang / /skyon kun rnam par spangs pa la/ /bkra shis ngo mtshar dag kyang byas/ /de la spos chu 'ba' zhig med/ /khyad par du ni bsham byas nas/ /gtsang mar byas te nub gcig gam/ /nub gsum du ni smyung byas nas/ /srod la rab tu brtsam byas nas/ /cho ga 'di dag spyad par bya/ /gsang sngags rig sngags gdams pa dag / gro ga la sogs shog shog la/ /gi wang dag gis mnyam bris te/ /shog shog rnams ni lhan cig gzhug /rig sngags rgyal po legs par ni/ /dri dang me tog
268b
bdug mchog dang / /de bzhin lha bshos mar me dang / /sbyin sreg las kyis mchod pa bya/ /de ni cho ga 'di dag gis/ /nub gsum sta gon gnas pa la/ /bden pa dang ni dam tshig gis/ /khyad par du ni gsol ba gdab/ /lan brgyar sngags nas yang dang yang / /bdug spos dag gis rab bdugs te/ /dri zhim khrus byas gtsang byas nas/ /phyag byas yid la bsams nas su/ /bsang byed bcas pa'i lag pa yis/ /de las gcig ni dbyung bar bya/ /de shes nas ni phyag 'tshal te/ /gus par spyi bo'i steng du bzhag /shes rab can gyis sngags de sgrub/ /de nyid de la myur du 'grub/ /shes rab can gyis gzhan mi sgrub/ /bsgrubs na yang ni 'chi bar 'gyur/ /gang zhig bsgrubs nas byin pa dag /cho ga bzhin du de mnos na/ /sgrub pa po yi lha yin te/ /de la de ni 'grub par shes/ /rig sngags yid kyis gsol btab nas/ /lan brgyar yongs su bzlas brjod bya/ /'di ni khyer cig khyer cig ces| |me tog dri zhim dag gis sbyin/ /bcom ldan 'di la bsnyen pa dang / /'di la rab tu dgongs par mdzod/ /bcom ldan bdag gis gzung lags kyis/ /bdag la 'og bar mdzod ces bya/ /slob dpon dang ni slob ma yis/ /rig sngags sbyin zhing yongs bzung ba'i/ /cho ga 'di ltar byas na ni/ /lha nyid rab tu 'grub par 'gyur/ /mkhas pas rig
269a
@#/ /sngags 'grub pa kun/ /grub pa nyid du shes par bya/ /rnam pa de ltar rdzas dag dang / /tshul bzhin thob pas bsnyen mi dgos/ /zlos pa sgrub pa po dag gis| |rig sngags tshul bzhin bzlas pa yis/ /bsnyen pa tshad byas gang byin pa/ /de yang ma bsnyen 'grub par 'gyur/ /dngos grub phyir ni gsang sngags yon/ /me tog 'bras bu rtsa ba dang / /gdu bu gos dang gser dang zho/ /'bru dang nor bu bu mo dang / /mal cha rnams dang lham dag dang / /rgyan gyi rnam pa thams cad dang / /sgrub pa'i yo byad rnams dang ni// glang po ba lang rta la sogs/ /bkur sti rnam pa du ma dang / /bdag gi bdog pa mtha' dag dbul/ /gus par phyag byas thal sbyar nas/ /bdag nyid kyang ni dbul bar bya/ /de ltar cho ga shes pa yis/ /rnam pa sna tshogs ci rigs par/ /bla ma la ni yon phul nas/ /de nas gsang sngags nod par bya/ /rig sngags yongs su gzung ba'i rim par phye ba'o// //sgrub pa pos ni cho ga 'dis/ /lhag dang chad pa shes byas nas/ /mthong dang ma mthong las dag gis/ /rig sngags yongs su bkang bar bya// gsang sngags yan lag lhag chad gang / /rmi lam dag tu mthong na ni/ /de dag bskang ba'i cho ga 'di/ /gsang sngags zlos pa dag gis bya/ /gal te 'dir yang la la zhig /
269b
yi ge lhag gam chad pa yi/ /dogs pa skyes na mkhas pa yi/ /gsang sngags bskang ba'i cho ga bya/ /shog shog dag la gi wang gis/ /gsang sngags yi ge tshang bar bri/ /cho ga bzhin du mchod byas te/ /rig sngags rgyal po mngon par bsngags/ /rig sngags rgyal por bcas pa yis/ /mchod sbyin yam sreg shing me la/ /sngags kyis mar gyi sreg blugs ni/ /gcig car lan brgyar bsreg par bya/ /rig sngags khri la bzhag nas su/ /gsol ba btab ste mngon par mchod/ /rig sngags kyi ni bdag po dang / /rig sngags yid dbang phyug ma dang / /bde gshegs sras bcas phyag byas te/ /bkang ba'i phyir ni gsol btab nas/ /rig sngags dran bzhin ku sha yi/ /stan la shar phyogs kha bltas nyal| /rig pa'i rgyal pos de nyid kyi/ /mtshan mo dag ni nges par yang / /yi ge gsal ba de dag dang / /smyu gu yang ni de nyid dang / /gi wang dag kyang de nyid kyis/ /shog shog kyang ni de nyid la/ /gsang sngags chad pa rab tu skong / /lhag pa dag kyang mnyam par mdzad/ /gsang sngags ma nyams mnyam pa dag /'ba' zhig 'dri bar mi mdzad la/ /gsang sngags rig sngags ma tshang ba/ /nges par 'di yis skong bar mdzad/ /yang na yig 'bru ma tshang ba/ /rmi lam dag tu ston par mdzad/ /gsang sngags zlos pa po dag
270a
@#/ /gis/ /bsrung ba'i cho ga byas te bya/ /rig sngags yongs su bkang ba'i rim par phye ba'o// //rig sngags dag ni thams cad kyang / /sbyin sreg las kyis gzi byin bskyed/ /sprang rtsi'o thug mar dag gam/ /yang na til dang mar bsres pa'am/ /mar btags me tog sbyin sreg gam/ /sardza ra sa'i sbyin sreg dang / /mar dang thang chu'i sbyin sreg gis/ /gsang sngags gzi byin che bar 'gyur/ /ba yi rnam lnga zos nas su/ /ri yi rtse mor ci rigs par/ /me tog 'bum dag dbul byas nas/ /des ni lha nyid gzi byin skye/ /nyin gsum du ni dus gsum du/ /dri zhim dri dang bdug spos dang / /me tog dag kyang phul na ni/ /gsang sngags gzi byin che bar 'gyur/ /shing gi snying po'i sgron ma dag/ sbar zhing zhag bdun dus gsum du/ /bzlas brjod byas na gsang sngags rnams/ /gzi byin chen po'i mchog tu 'gyur/ /de ltar bzlas dang sbyin sreg dang / /mchod pa dag dang lha bshos kyang / /'dod pa pos ni khyad par du/ /lha rnams thams cad gzi chen 'gyur/ /lha gzi byin bskyed pa'i cho ga rim par phye ba'o// // gang zhig gsang sngags zlos pa dag/ dngos grub chen po myur thob pa'i/ /sbyin sreg cho ga ma lus pa/ /de dag ji bzhin spyad par bya/ /lha yi gnas kyi phyi rol du/ /de yi mdun
270b
du mi ring bar/ /ji ltar rigs pas yongs brtags la/ /cho ga 'di dag kun tu spyad/ /dbus su me yi thab brko ba/ /gru bzhi lham pa kha khyer can/ /khru gang zabs su khru phyed pa/ /yang na thab khung zlum por bya/ /de nas yam shing la sogs pas/ /yo byad dgos pa thams cad dag/ g.yas phyogs su ni bzhag par bya/ /g.yon du chu yi snod bzhag go/ de nas las kun byed pa yi/ /sngags kyis de dag bsang gtor te/ /'dug nas mkhas pas gsang sngags rnams/ /yid la bsams te spyan yang drang / mchod yon yongs su bzlas pa yang // de dag rnams la phul nas su/ /me tog gcig gis rig sngags de/ /de nyid du ni bzhugs su gsol/ /de nas me ni bsang ba'i phyir/ /khro bo'i rgyal pos bsang gtor nas/ /cho ga las smos shing dag gis/ /thab bcug shes rab can gyis spar/ /me 'bar rig nas dang por ni/ /gsang sngags dag gis gnyer bar bya/ /tshur sbyon tshur spyon 'byung po che/ /lha yi drang srong bram ze'i mchog/ sreg blugs zhal zas bzhes nas kyang / /'di nyid du ni bzhugs su gsol/ /oM ag+na ye ha bya ka bya ba ha na ya swAhA/ /de ltar dang por me gnyer nas/ /sreg blugs gsum yang bsreg par bya/ /oM ag+ha ye ha bya ka bya/ /ba hA na yA da pI ya swAhA/ /de nas mkhas pas g.yas phyogs nas/ /bskor cing bsangs nas rang gi ni
271a
@#/ /sngags kyis mar la sogs pa las/ /sreg byags gsum yang bsreg par bya/ /sgrub pos sbyin sreg thams cad la/ /khro bo kI li kI li gang / de yi phyag rgyas sbyin sreg la/ /me la sogs pa bsang bar bya/ /oM kI li kI li badz+ra b+hI ma rau tri ba tri ta/ mahA kro d+ha bi dza ya ni kr-in+ta hUM phaT/ ban+d+ha ban+d+h+ra swAhA/ /de nas yam sreg shing dag bsreg / de nas yam shing me la mar/ /de nas til dang 'bras chan te/ /cho ga de dag mdor bsdus pa'o/ /pa la sha dang n+ya gro d+ha/ /blak+Sha seng ldang arga dang / /be'u kang+ka a mra dang / /karma ri dang sha mi dang / /a pa marga las byung dang / /u dum a shwad thar bcas pa/ /yam shing bcu gnyis dag tu bstan/ /sar pa dag las mdzub gang tsam/ /las rnams kun la bsreg bya ste/ /las rnams kun la thor to gnyis/ /brtags nas rtse mos bsreg par bya/ /bzang la drang zhing gsar pa la/ /spos chus bsang gtor byas pa la/ /zhi ba'i bsreg bya cung zad gang / /rgyas pa'ang gang dag yin pa dang / /bdag zas cung zad gang yin pa/ /de dag las rnams kun la bsreg/ nyin re'am yam sreg shing dag la/ /bdag gi zag kyang rtag tu bsreg /sngags dang ji ltar rjes mthun par/ /sbyin sreg byas nas khas zas bza'/ /bzlas brjod cho ga ji ltar gsungs/ /sbyin sreg la yang de ltar
271b
bsgrags/ /lag pas pus mo'i nang rol nas/ /sbyin sreg dag ni brtsam par bya/ /rig sngags thams cad gzi bskyed phyir/ /du rus 'bru mar sbyar ba la/ /btags pa'i a gar dum bu ni| |sor bzhi bsregs pas gsang ba bshad/ /yang na rtag tu gu gul ni/ /mar sbyar sbyin sreg rab tu shis/ /yang na gsang sngags bye brag la/ /sa la thang chu'i bye brag shis/ /sngags 'grub cho ga shes pa yis/ /sbyin sreg cho ga thams cad la/ /dang por bdag po bzhugs gsol nas/ /de yi 'og tu sbyin sreg brtsam/ /sngags 'grub cho ga shes pa yis/ /sbyin sreg cho ga thams cad la/ /dang por rigs kyi rig sngags kyis/ /bsrung ba byas te las rnams brtsam/ /sngags 'grub cho ga shes pa yis/ /sbyin sreg cho ga thams cad la/ /las mthar rigs kyi snying po yis/ /gzi byin bskyed pa brtsam par bya/ /sngags 'grub cho ga shes pa yis/ /sbyin sreg cho ga thams cad la/ /thog ma dang ni tha mar yang / /mar gyi dgang blugs rtag tu bsreg/ sngags 'grub cho ga shes pa yis/ /sbyin sreg cho ga thams cad la/ /rigs bdag rig sngags snying po bzlas/ /tha mar mchod yon dbul bar bya/ / dkyil 'khor dag la sbyin sreg go/ cho ga ma lus bsgrags pa yis/ /cho ga de yis 'dir yang ni/ /sbyin sreg las rnams bya bar bshad/ /lag mthil chu la bzlas pas
272a
@#/ /ni| |lan gsum du yang 'thor 'thung bya/ /sbyin sreg byas pa'i tha mar ni/ /rang gi rig sngags nyid kyis kyang / /bsang gtor lan gsum bya bar bshad// de 'og me la kun bsregs nas/ /spyan drang rig sngags de nyid kyis/ /bzhud cig bzhud cig ces byas te/ /de yi 'og tu slar btang ngo / /gsang sngags yi ge'i rjes mthun par/ /mjug tu bzlas brjod brtsam par bya/ /de ltar sbyin sreg thams cad kyi/ /cho gar mdor bsdus bshad pa yin/ /sbyin sreg gi cho ga rim par phye ba'o// // de nas gzhan yang gang dag gis/ /bsdus nas rig sngags thams cad kyi/ /gsang sngags cho ga rtsom 'gyur ba'i/ /cho ga yan lag bsdu ba bshad/ /dgos pa'i yo byad thams cad ni/ /thog ma nyid du kun bsdus te/ /de nas bsnyen pa'am sgrub pa dag/ blo dang ldan pas brtsam par bya/ /dri zhim de ni de dang de/ /de bzhin bdug spos rnam pa dang / /snying po thang chu rigs rnams dag/ khyad par du ni gsog par bya/ /yungs kar sa rdza ra sa dang / /dug dang lan tshwa ske tshe dang / /til dang 'bru mar ba mar dang / /bum pa dang ni zangs kyi snod/ /'bru dang rin chen sna lnga dang / /sman rnams dang ni sbrang rtsi dang / /de bzhin bu mos bkal ba yi/ /tshon sna lnga yi srad bu dang / /mar me'i don
272b
du kong bu dang / /shing bal mar me'i snying po dang / /kham phor dang ni tshon rtsi'i rdzas/ /de bzhin seng ldeng phur bu dang / /mchod sbyin gyi ni yam shing dang / /nim pa'i dgang gzar blugs gzar dang / /gi wang dang ni ur mo'i lcags/ /tsan+dan dmar po nyid dang ni/ /gos dang gsang srel srad bu dang / /ri dwags nag po'i pags pa gsar/ /nas dang 'bras yos bri yang ku/ /tsan+dan dkar dang shing gi lham/ /muny+dza ku sha sha ta pus/ /me tog snod ni shis pa dang / /mchod pa'i yo byad mchog dang ni/ /de bzhin bgrang phreng la sogs dang / /de dag la sogs blo can gyis/ /nor dang sgrub pa'i yan lag rnams/ /thams cad thog mar yongs bsdus nas/ /de yi 'og tu las rnams brtsam/ /sgrub pa'i yan lag gsog pa'i cho ga rim par phye ba'o// //de nas sgrub pa'i rdzas rnams kyi/ /mtshan nyid gang dag gsungs pa kun/ /sngags zlos pa yi dngos grub phyir/ /de dag mdor bsdus bshad par bya// yid bzhin nor bu bum pa bzang / /nor gyi char 'bab gser chen dang / /'khor lo ldong ros ral gri ste/ /'di dag dngos grub bdun yin no/ /phal cher spyi yin khyad par 'phags// che la mchog gi mchog yin te/ /de yi bsod nams phung chen dang / /rgyal srid dag kyang thob par 'gyur/ /gzhan yang dngos grub dam pa ni/ /gtsug tor pad+ma rdo rje gsum//
273a
@#/ /rigs dang rigs kyi bye brag las/ /phal cher yongs su bsgrags pa yin/ /gsang sngags gang yang rung ba yis/ /gang yang rung ba'i dngos grub kyang / /mngon par shes pa lhag rtog pa/ /gtso bo yin par yongs su bsgrags/ /gser dang dngul la sogs pa las/ /yu ba khru gang tsam byas la/ /de steng rin chen chen po ni| |gcig bu bzhag pa'am nor bu ni/ /pad+ma rA ga dag pa'am/ /yang na shel las byung ba'ang rung / /khri'u'i steng du legs bzhag nas/ /sgrub pa pos ni mtshan mo bsgrub// gsang sngags sta gon cho ga dang / /bdag nyid dbang bskur gang bshad pa/ /de yi rang bzhin cho ga des/ /bum pa bzang por sgrub par gsungs/ /gser dag dang ni dngul dag dang / /rin chen sna tshogs la sogs pa/ /dpag tshad lnga yi khor yug tu/ /nor ni char bzhin 'bab par gsungs/ /mi zad pa yi gser chen ni/ /gser la sogs pas gang ba ste/ /sbyin dang longs spyod la sogs par/ /spyad cing byung bar mi zad pa'o/ /ur mo'i lcags kyi 'khor lo ni/ /mdzub gang tsam la rtsibs drug pa/ /shin tu gzugs legs rno bdar ba/ /myur du 'grub cing chen por 'gyur/ /nyi ma 'char ka'i gzugs 'dra zhing / /gser ni btso ma'i mdog lta bu/ /ka ra bI ra'i mdog 'dra
273b
zhing / /ldong ros dag ni mchog tu bshad/ /ral gri mthe'u chung mtho do ba/ /'phan med zheng du sor bzhi tshad/ /bdar ba tsa sha'i 'dab ma 'dra/ /'grub phyi rab so'i dong can no/ /phyag rgya bri ba'i cho ga bzhin/ /gtsug tor phyag rgya gser las byas/ /yid bzhin nor bu'i yub byas/ /che la bzhag ste bsgrub par bya/ /pad+ma tsan+dan las byas pa'i/ /de bzhin gser sogs las byas pa/ /mtho gang ba las sdong bu dngul/ /'dab brgyad snying po mdzes par bya/ /rdo rje ur mo'i lcags byas pa'am/ /yang na tsan+dan dmar po'ang rung / /lcags gsum las byas sor bcu drug/ gnyis ka rtse mo gsum par bya/ /ba bla yon tan 'phags pa dag/ gser gyi gyi ma phag 'dra ba yi/ /sul gyis gang zhing ljid che ba/ /kha dog bzang po 'grub phyir mchog /ser skya dag las byung ba yi/ /gi wang kha dog ser po'o/ /btsag ni yug snam gser mdangs can/ /me tog ban+du'i mdog 'dra ba'o/ /grog mkhar brtsegs pa 'dra ba la/ /bcag na ut+pal sngon po'i mdog/ shin tu 'jam po 'di 'dra ba/ /chu rgyun las byung any+dza na'o/ /ras phran gtsang ma 'jam po ni/ /kho lag che la gur gum btsos// dgon ba'i phyugs kyi lci ba yi/ /thal ba ga bur gyis bgos pa'o/ /mchod phyir thogs kyi srad bu dkar/ /phra zhing sum sgril legs bkal ba'am/ /yang na gser gyi skud
274a
@#/ /pa ni/ /legs bsnyod sum bsgril yon tan can/ /sna ma'i me tog phreng ba ni/ /bu mos bskal skud las brgyus pa'o/ /shri pa Na yi shing gi lham/ / yam shing legs bzhogs mtheb rten can/ /rma bya'i gdugs ni smyug ma yi/ /yu ba ring po gser la btags/ /mdung thung rtse gsum dbyug to sogs/ /thams cad rang gi mtshan nyid ldan/ /bsgrubs na myur du 'grub pa'i phyir/ /mtshon cha rnams ni rab tu shis/ /'di ni cho ga las gsungs pa'i/ /bsgrub bya'i rdzas rigs gang yin pa/ /de dag mtshan nyid 'jig rten las/ /khyad par du ni nye bar brtag/ de bzhin dngos grub mang po yis/ /bsgrub bya'i rdzas ni sna tshogs pa/ /de bas de dag bdag blo dang / /gtsug lag blo yis yongs su brtags/ /nad med mdangs bzang lus ma nyams/ /gzugs bzang rma med dar la bab/ /bdag nyid shi bar gyur pa'i ro/ /ro langs dngos grub phyir ni mchog/ yang na las kyi bye brag las/ /rigs ngan dag kyang rab tu shis/ /ro langs bsgrub pa dag la ni/ /'jigs med mchog ste des nges so/ /rdzas kyi mtshan nyid kyi cho ga rim par bye ba'o// //yo byad kun dang ldan pa yis/ /ci rigs par ni mchod byas nas/ /sgrub pa'i rdzas rnams yongs gzung ba/ /dus mtshams dag la
274b
snga dro bya/ /gsang sngags nye bar gyur nas ni/ /gang tshe bka' lung gsal shes pa/ /de tshe bsgrub pa'i rdzas gzung ba/ /mkhas pa dag gis legs par bya/ /khrus byas gtsang zhing smyung byas te/ /bkra shis ngo mtshar dag byas nas/ /blo dang ldan pas bdag nyid kyis/ /sgrub pa'i rdzas rnams yongs su gzung / /'byung khung dag nas ci mthong ba/ /lan cig smra ba 'jig med pas/ /kha thabs bzhin du nyos pa yi/ /sgrub pa'i rdzas ni yongs su gzung / /gang tshe sgrub pa'i dus dag tu/ /gsang sngags nye bar gyur shes pa/ /de tshe blo dang ldan pa yis// bsgrub pa'i rdzas rnams yongs su bzung / /yang na mkhas pas rdzas dag ni/ /rnam mang gzugs dang ldan pa dag/ lung gis dag par rnams shes pa/ /de dag cho ga bzhin du gzung / / rdzas bzang gang yang rung ba dag /cho ga bzhin du yongs gzung nas/ /de ma thag tu rab bsgrims te/ /blo dang ldan pas sgrub pa brtsam/ /rdzas yongs su gzung ba'i cho ga rim par phye ba'o// //de nas sgrub pa'i rdzas rnams kun/ /ci rigs par ni rnam par sbyang / /btags par bya ba sra ba rnams/ /ba yi rnam lnga sbyang bar bsgrags/ /ba yi rnam lnga cha mnyam pas/ / ldong ros dag ni btag par bya/ /'o ma gtsang ma mang po yis/ /bab la legs par btags par bya/ /ba gcin mang pos li khri ste/ /mar mang rnams kyis gi wang ngo / /'o ma
275a
@#/ /kha dog ldan pa'i rdzas/ /any+dza na ni 'ba' zhig go/ ral gri 'khor lo la sogs rdzas/ /ba yi lci ba chu mang pas/ /shing dang sems can la sogs rdzas/ /thams cad ba yi gcin dang chus/ /ri dwags nag po'i pags la sogs/ /ba yi gcin dang bskabs bkru/ /de ltar rdzas rnams bkrus nas ni/ /spos chu dag gis bshal bar bya/ /ba yi gcin dang bcas pa yi/ /til gyi chu yis ma lus bshal/ /rdzas dang mthun pa'i sbyang ba ni/ /'jig rten na ni gang grags pa/ /de dag gis rdzas sbyang ba'am/ / yang na thams cad spos chus bya/ /las kun byed pa'i gsang sngags sam/ /rigs dang rigs kyi snying po yi/ /gsang sngags rdzas dang mthun pa yis/ /thams cad sbyang bar bya bar grags/ /thams cad rigs kyi rig sngags kyis/ /bsang gtor byas na dag par bshad/ /dang po ba yi rnam lngas byas/ /de yi rjes la til gyi chus/ /thams cad rab tu sbyang bar bya/ /rdzas sbyang ba'i cho ga rim par phye ba'o// //rgyan dang mtshon cha gos la sogs/ /rdzas kyi rigs su gtogs pa kun/ /phal cher 'jig rten grags pa yi/ /tshad kyang grags pa nyid du zad/ /ldong ros dag ni btags pa las/ /dngos grub phyir ni srang lnga 'o/ /'bring po la ni srang gsum ste/ /tha ma dag la srang gcig go /
275b
gi wang dag ni srang gcig tshad/ /ba bla dag ni srang gnyis so/ /any+dza na ni zho drug ste/ /ba mar la ni srang bdun no/ /thal bdag ni srang lnga ste/ /gur gum ldong ros dag dang mnyam/ /mi snang ba la bshad pa yi/ /ril bu sna tshogs yang byas te/ /bye brag tu ni grangs bdun nam/ /nyi shu gcig gi bar du shis/ /yang na dgos pa'i dbang gis su/ /rdzas rnams tshad las lhag gyur kyang / /blo dang ldan pas sgrub pa la/ /de yi tshad du rdzas rnams gzung / /sngags rgyud gzhan las ci gsungs dang / /rang gi cho ga las gsungs dang / /'jig rten dag na gang shis pa| |de dang de dag yongs su gzung / /sngon du bsnyen pa'i tshad dang ni/ /grogs po rnams kyi tshad dag dang / /rig sngags kyis ni snang ba las/ /rdzas kyi tshad kyang shes par bya/ /rab dang 'bring dang tha ma yi/ /dngos grub dag gi bye brag las/ /rab dang 'bring dang tha ma yi/ /rdzas kyi tshad kyang bshad pa yi/ /rdzas ni tshad kyi cho ga rim par phye ba'o// //de nas gzhan yang gang zhig gis/ /dngos grub myur du thob 'gyur ba'i/ /rdzas sgrub pa yi cho ga dag /gsang chen rgyas par bshad par bya/ /sgrub pa'i phyir ni dgos pa rnams/ /thog mar yid la legs bsams te/ /blo dang ldan pas yo byad ni/ /thams cad legs par gsog par bya/ /sbyin sreg las kyi cho ga yis/ /gsang sngags yongs su tshim byas te/ /dbang bskur
276a
@#/ /cho ga gsungs pa'ang bya/ /de nas bsgrub pa brtsam par bya/ /dang por dkyil 'khor bris nas su/ /cho ga bzhin du legs mchod de/ /der ni bdag nyid chul bzhin du/ /dbang bskur nas ni las rnams brtsam/ /de nas gzhan yang zlos pa dag/ dngos grub phyir ni dbang bskur ba'i/ /dkyil 'khor las rnams kun byed pa/ /gang dag rab tu bsgrags bshad pa/ /rig pa'i rgyal po'i dkyil 'khor gyi/ /cho ga gang dag sngar bstan par/ /des ni sa gzhi sbyang la sogs/ /thams cad de bzhin kho nar bya/ / khru lnga'am bdun nam brgyad pa la/ /gru bzhi pa la sgo bzhi pa/ /grwa bzhi ldan par rnam brtags pa/ /nub tu sgo gtod sgo khyud can/ /de yi tshad kyi phyed kyi chas/ /dkyil 'khor phyi rim bskor ba dag/ tshon rtsi sna lnga'i phye ma yis/ /dkyil 'khor legs par bri bar bya/ /mkhas pas de yi nub phyogs su/ /gru bzhi yis ni bar bcad nas/ /khru lnga'am bzhi'am gsum pa la/ /gru bzhi shar du sgo yang gdod/ /cho ga bzang po kun la yang / /sgrub pos mngon par dbang bskur phyir/ /rtsa ba'i dkyil 'khor tshad dag gi/ phyed kyi tshad du dkyil 'khor bya/ /sa gzhi shar du gzhol ba la/ /nub bam byang du sgo gdod do/ /kun kyang byang du gzhol na ni/ /nub tu sgo yang gdod par gsungs/ /
276b
kun tu thib ni btab nas kyang / /tshon sna gcig gis bri bya ste/ /phyi rol gyi ni grwa bzhi ru/ /rdo rje rtse mo gsungs pa bri/ /gsang sngags kun la thog mar ni/ /dbus su pad+ma'i snying por bcas/ /'dab ma brgyad pa bris nas kyang / /de nas bkra shis rnams kyis brgyan/ /sgo rnams kun tu rdo rje dang / /grwa rnams su ni bum pa dgod/ /phyi rol dkyil 'khor dag la yang / / cho ga de bzhin bya bar bshad/ /dbang bskur ba yi dkyil 'khor du/ /bum pa gang ba bzhi rnams ni/ /grwa yi ri mo nang rol tu/ /nges pa nyid du gzhag par bya/ /dbus su gsang sngags zlos pa po'i/ /rig sngags rgyal po gang yin pa/ /de yi phyag rgya bris nas su/ /de yi steng du bum pa gzhag/ ji ltar rigs la rnam bstan pa'i/ /phyag rgya gtsug tor pad+ma dang / /rdo rje 'di gsum rim bzhin du/ /rab tu gsang ba'i dam pa yin/ /phyag rgya rnams la ma goms na/ /las kun byed pa'i gsang sngags sam/ /yang na lha rnams kun gyi phyir/ /yungs kar steng du bum pa bzhag/ snam bu'i cha ni legs phye nas/ /shar du bcom ldan phyag rgya bzhag/ de yi g.yon du snying po'o/ /g.yas su rigs kyi yum bzhag go/ /de bzhin byang du cho ga bzhin/ /pad+ma 'chang ba gzhag par bya/ /lhor ni phyag na rdo rje ste/ /nub tu tshangs pa drag po'o/ /grwa gnyis kyi ni ngos dag tu/ /kun dga' bo
277a
@#/ /dang rab 'byor dang / /mdung thung dang ni mche ba dang / /rig sngags gsang sngags tshogs rnams dgod/ /grwa gnyis kyi ni ngos dag tu/ /don grub pa dang mthu chen dang / /dpal mo dang ni gos dkar can/ /rig sngags gsang sngags tshogs rnams dgod/ /grwa gnyis kyi ni ngos dag tu/ /rdo rje rdo rje'i dbyug pa dang / /rdo rje khu tshur gnam lcags ma/ /rig sngags gsang sngags tshogs rnams dgod/ /grwa gnyis kyi ni ngos dag tu/ /drag po'i glor ni drag mo dang / /tshangs pa'i glor ni dpal chen dang / /sna tshogs lha yi tshogs rnams bri/ /sngon bzhin phyi rol dkyil 'khor du/ /phyogs mtshams skyong ba'i lha la sogs/ /phyogs skyong go rim bzhin du dgod/ /lhag ma ma smos pa yang dgod/ /klu rgyal dga' bo bsnyen dga' bo/ /sgo yi ngos su gzhag par bya/ /mdzes dga' nye mdzes phyi rol sgor/ /mdun du bdud rtsi thab sbyor bzhag/ dkyil 'khor snga ma'i cho ga bzhin/ /mchod sogs cho ga gang yin pa/ /de dag byas nas sbyin sreg las/ /rnam gsum tshul bzhin legs par brtsam/ /bgegs rnams gzhom phyir drag shul spyod/ /rang gi 'byor phyir rgyas pa bya/ /zhi pa'i ched du zhi ba ste/ /ji ltar mthong bzhin bya bar gsungs/ /rig gsum dag gi spyi la yang / /las kun byed pa'i gsang
277b
sngags sam/ /yang na thab sbyor byed pa yi/ /bgegs rnams la ni drag shul spyad/ /snying po nyid kyis rgyas pa ste/ /zhi ba'i rigs kyi rig sngags kyis/ /yang na kun la las kun pa'am/ /so so yis ni cho gas bya/ /dkyil 'khor bshad pa'i cho ga bzhin/ /mkhas pas sgo yi g.yas rol du/ /mar sogs sbyin sreg rdzas dag las/ /sbyin sreg gi ni las bya'o// las rnams gsum po dag la yang / /mkhas pas gsang sngags rnam gsum gyis/ /rim pa bzhin du brgya brgya'am/ /yang na lhag par sbyin sreg bya/ /rig sngags bdag por bcas pa rnams/ /tshim par bya phyir sgrub pa pos/ /rigs dang rigs la sbyin sreg brgya'am/ /yang na so sor bdun bdun bya/ /sgrub pa'i rig sngags gang yin de/ /rang gi bdag po'i mdun du bzhag/ 'phrog ma dang ni ri mkhar ma/ /dung can ma dang lha mo drag/ ral pa gcig ma'am phyogs bzhin du/ /mchod par 'dod pas mchod pa bya/ /lha rnams thams cad legs mchod de/ /sbyin sreg ci dgar byas nas ni/ /sngar bkod pa yi bum pa la/ /rang gi sngags kyis mngon par bsngags/ /lha yi mdun na gang 'dug pa/ /gcig ni rang gi sngags kyis bzlas/ /dkyil 'khor dbus na gang 'dug pa/ /rig pa'i rgyal pos bzlas brjod bya/ /sgo yi drung na gang 'dug pa/ /rdo rje khro bos bzlas brjod bya/ /snying po'i
278a
@#/ /rigs kyi rig sngags kyis/ /shar gyi grwa gnyis bzlas brjod bya/ /las kun byed pa'i gsang sngags dang / /de bzhin gsang sngags gzhan kun gyis/ /nub kyi grwa gnyis 'dug pa yi/ /bum pa la ni tshul bzhin bzlas/ /dkyil 'khor gyi ni lha rnams kun/ /bzlas shing tshul bzhin sbyin sreg nas/ /ci nus par ni legs mchod de/ /de nas rab tu bskor bar bya/ /dbang bskur ched du cho ga gang / /dkyil 'khor dag tu kun bshad pa/ /bkra shis las sogs de dag ni/ /'dir yang nan tan bskyed de bya/ /bum pa bzang po rin chen bcas/ /'bru dang bcas shing sman dang bcas/ /me tog 'bras bu lo mar bcas/ /chur bcas mgul chings phreng ba can/ /de yi las rnams thams cad la/ /dang por dbang ni bskur bar gsungs/ /zlos pa po yi grogs po ni/ /smyung bar gnas pas dbang bskur ro/ /yang na rang gi bla ma ni/ /lung la lhag par mkhas pas bya/ /yon tan ldan zhing dka' thub can/ /mkhas pas las 'di byed du gzhug/ /dang po bgegs rnams bsal ba'i phyir/ /dbang bskur ba ni rab tu sbyar/ /bar du bar ma dag gis ni/ /mjug tu rang gis bzlas par bya/ /yungs kar bzlas brjod byas pa dang / /gi wang dri dang bdug spos sogs/ /srad bu gdu bu gos rnams kyang / /'dir ni
278b
kun tu bcang bar bya/ /dbang bskur zin nas bdag nyid kyis/ /zhi ba'i sbyin sreg las byas nas/ /dogs pa med par cho ga bzhin/ /slar yang gshegs su gsol bar bya/ /yang na sa phyogs mnyam bzang bar/ /stegs bu khru do khru bzhi la/ /tshon sna gcig gis rgyas pa dang / /chung dur legs par bri bar bya/ /phyogs rgya gsum po phyogs bzhin du/ /de bzhin nub tu mdung rtse gsum/ /de yi dbus kyi bum pa yis/ /dbang bskur phyir ni sngon bzhin bya/ /mdor bsdus cho ga 'di yis kyang / /bdag nyid dbang bskur byas par 'gyur/ /de ltar byas na bgegs med pa/ /'di ni zlos pa'i gsang chen yin/ /lha rnams byin gyis rlob pa dang / /bgegs rnams rab tu zhi bar 'gyur/ /tshe dang bsod nams mngon par 'phel/ / sdig pa rnam par byang bar 'gyur/ /de phyir zlos pa tshul shes pa/ /cho ga rgyas pa shes byas nas/ /sgrub pa'i phyir na dbang bskur ba/ /gsang ba 'di ni kun tu spyad/ /dbang bskur ba'i cho ga'i rim par phye ba'o// //de nas gzhan yang sngags sgrub pas/ /nyin re zhing yang dus gsum du/ /sngags dang rjes su mthun pa yi/ /sbyin sreg las ni gsungs pa brtsam/ /cho ga bzhin du til nag dang / /zho dang sbrang rtsi mar sbyar ram/ /lag pan gyi ni sbyin sreg bya/ /zhag grangs nyi shu rtsa gcig gam/ /zhag bdun yang na zla gcig tu//
279a
@#/ /gsang sngags dngos grub rjes mthun par/ /cho ga 'di ni bya bar bstan/ /de la bdug cing bsang gtor bya/ /yid la bzlas shing blta bar bya/ / bsang byed bcas pa'i lag pa yis/ /gsang sngags bzlas shing bri bar bya/ /gi wang bcu dang yungs kar gyis/ /bye brag tu yang bsang gtor bya/ /rdzas la dus tshigs dus tshigs su/ /ji ltar rigs par mchod par bya/ /yar gyi ngo la sgrub 'os pa/ /mkhas pas zla ba nya la bya/ /mar gyi ngo la sgrub 'os pa/ /mar gyi ngo yi bcu bzhi la/ /mkhas pas rigs kyi rig sngags kyis/ /rdzas rnams byin ni bskyed par bya/ /dri dang bdug spos phreng sogs kyis/ /khyad par du ni mchod pa bya/ /lag ngar gdu bu btags pa yis/ /lag mthil dri yis bskus pa yis/ /lag pas mtshan gcig thal byung du/ /nyi ma shar gyi bar du bzlas/ /de nyid kyi ni nub mo yang / /so so'i rigs kyi gsang sngags ni/ /rdzas rnams byin bskyed byed pa 'dis/ /dus gsum du ni brgya brgya bzlas/ /de ltar blo dang ldan pa yis/ /rdzas de yongs su bzung ba nas/ /ma grub par du dus gsum bzlas/ /de ltar byas na 'grub par 'gyur/ /oM te dza te dza sa ni sid+d+hi sA d+ha ya hUM phaT/ de bzhin gshegs pa'i rigs la'o/ /oM dI bya dI ba/ /dI pa ya a bi sha
279b
mahA shri ye swAhA/ /pad+ma'i rigs la'o/ /oM dz+wa la dz+wa la/ dz+wa la ya ban+d+hu ri hUM phaT/ rdo rje'i rigs la'o/ /ka ra bI ra da mar po'am/ /me tog ma la ti yang rung / /yang na yungs kar dag gis bya/ /rdzas la legs par 'phang bar bya/ /thog ma bar ram tha mar ram/ /mtshan ma byung ba'i tshe na yang / /sgrub pa rtsom pa'i bar bar du/ /'phangs na rdzas kyi byin bskyed 'gyur/ /dus de rnams su cho ga bzhin/ /spos chu bzlas brjod byas pa'am/ /mar la sogs pas ci rigs su/ /bsang gtor byas pas byin bskyed do/ /gal te rdzas rnams ma grub na/ /cho ga de nyid bya bar bshad/ /yang na dkyil 'khor 'di bris nas/ /cho ga shes pas byin bskyed do/ /tshon rtsi sna lnga'i phye ma yis/ /dkyil 'khor snga ma bzhin du bris/ /gru bzhi pa la sgo gcig pa/ /khru bzhi pa yi tshad du bya/ /dang por shar du 'khor lo dang / /ngos su chos gos lhung bzed bzhag/ de nas byang du pad+ma dang / /ril ba spyi blugs dbyug pa bzhag/ de bzhin lhor ni 'khor lo dang / /ngos su dbyug to bum pa bzhag/ phyag rgya thams cad stegs bu la/ /bzhag cing kha cig dkar por bya/ /rang gi phyag rgya bkod nas su/ /rdzas ni snod dang bcas pa bzhag/ de steng bzhag pa'i rdzas la ni/ /sngags kyis sngon bzhin byin bskyed do/ /de bzhin gshegs pa'i mdung thung
280a
@#/ /dang / /rig sngags 'grub pa'i spyan dang ni/ /gsang sngags dbang phyug gzi brjid gter/ /de bzhin gzhan gyis mi thub la/ /phyag drug pa dang rta mgrin dang / /sgrol ma lha mo zla ba dang / /rdo rje lcags kyu khu tshur dang / /ngos su ki li gnod mdzes dang / /rig sngags chen mo mA ma ki/ /gos dkar can ma gang yin dang / / rig sngags gzhan gyis mi thub ma/ /de dag nub kyi phyogs su dgod/ /bgegs rnams thams cad sel byed pa/ /bdud rtsi thab sbyor bzhag par bya/ /sgo yi phyogs su rang gi rgya/ /snga ma bzhin du cho gas mchod/ /phyogs cha'i dbye ba shes pa yis/ /go rim bzhin du grwa kun tu/ /las kun byed pa'i gsang sngags dang / /lus ngan po yang rim bzhin du/ /rdzas kyi khri yi shar phyogs su/ /bsgrub par bya ba'i lha nyid gzhag /rigs dang rigs kyi phyag rgya ni/ /sna tshogs ci 'dod pa yang bzhag /so so yi ni gsang sngags kyis/ /cho ga bzhin du spyan drangs nas/ /mchod pa'i cho ga thams cad ni/ /dkyil 'khor sngar bstan bzhin du bya/ /rig sngags so sor ji lta bar/ /gsang sngags gsungs pa'am rig sngags kyis/ /khyad par du ni sbyin sreg bya/ /de nas cho ga 'di dag bya/ /dang po sbyin sreg las dag gis/ /rdzas rnam legs par byin yang bskyed/ /
280b
kun la rigs kyi rig sngags kyis/ /sngags shing mjug tu bsang gtor bya/ /mA ma kI yi snying po dang / /rigs dbang yi ge bzhi bcas pa/ /de dag gis ni bye brag tu/ /byin bskyed cho ga bya bar bshad/ /na mo lo ka d+ha tra ye/ na maH shaM ka re/ shAn+ti ka re/ g+huT+Ta g+huT+Ta g+huT+Ti ni/ g+huT+Ti ye/ g+huT+Ti ni swAhA/ mA ma kI'i rig sngags so/ /oM ku lan+d+ha ri ban+d+ha ban+d+ha hUM phaT/ mA ma kI'i snying po'o/ /oM badz+ra hUM d+ha/ rig pa'i dbang po'i 'o/ /oM dz+wa la dz+wa lA ya/ rgyal ba rnams kyi'o/ /sid+d+hi sAd+ha ya/ bar ma rnams kyi'o/ /dI pya dI pa ya/ /gsang sngags bar ma rnams kyi yin te rdzas gzengs bstod pa'o/ /phaT ces bya ba ni thams cad la'o/ /gzi brjid ldan pas rdzas nang du/ /phyi bshol ma mdzad bzhugs nas su/ /kun gyi gzi brjid spel ba dang // byin rlabs can du mdzad du gsol/ /de la sogs pa'i tshig gi rnams/ /zlos bu dang ni ma 'dres dang / /bsnor ba yis kyang ci 'dod pa/ /mkhas pas rdzas kyi byin bskyed do/ / ka ra bI ri'i me tog ni/ /dmar po dag dang yungs kar dang / /de nas sna ma'i me tog gis/ /rim pa bzhin du rdzas byin bskyed/ /thog mar dri yis byug par bya/ /de nas me tog yungs kar gyis/ /bdug spos kyis kyang rnam par bdug/ spos chu yis kyang bsang gtor bya/ /dus gsum du ni spos kyi chus/ /rang sngags bdag po'i gsang sngags kyis/ /bsang gtor
281a
@#/ /bya zhing rang sngags kyis/ /skabs skabs su ni bzlas brjod bya/ /nyi ma shar gyi bar du ni/ /byin bskyed ba yi cho ga bya/ /cho ga 'dis ni rig sngags rnams zlos pa po la myur du 'grub/ /de ltar byin ni bskyed pa'i rdzas/ /brtan zhing myur du 'grub par 'gyur/ /sgrub pa'i rdzas ni nyung ngus kyang / /dngos grub chen po ster bar 'gyur/ / mngon par 'phel zhing gzi brjid dang / /rnam par dag pa mngon du 'gyur/ /cho ga 'di yis rdzas rnams la/ /rtag tu byin yang bskyed par bya/ /bsgrub par bya ba'i las rnams kun/ /cho ga gsang bar bstan pa 'dis/ /rdzas rnams kun gyi byin yang bskyed/ /rtag tu dus dang dus mtshams la/ /de lta bur ni byin bskyed de/ /de nas phyis ni mtshan gcig tu/ /bsgrub pa legs par brtsam par bya/ /rdzas byin bskyed pa'i cho ga rim par phye ba'o// //de nas gzhan yang ci mthong ba'i/ /dus bzang yon tan ldan pa la/ /bsgrub pa'i phyir ni mkhas pa yis/ /cho ga bzhin du brtsam par bya/ /dgun zla tha chung ston zla 'bring / /dpyid zla ra dang 'bring po dang / /dbyar zla ra ba nya dag la// sgrub pa chen po brtsam par bya/ /dbyar zla ra ba rtag tu 'bab/ /dpyid zla 'bring po rlung gi 'khor/ /dpyid zla ra ba sna tshogs bgegs/ /dgun zla ra ba bgegs med do//
281b
ston zla 'bring po glog 'gyur zhing / /sgra chen rnams kyang 'byung bar 'gyur/ /bgegs ni 'grub pa'i mtshan ma bas/ /de ltar de dag brtag par bya/ /zla ba lnga po de dag la/ /dngos grub rab ni 'grub par bya/ /zhi ba yi ni las rnams kyang / /de dag nyid la legs par brtsam/ /lnga po mar gyi zla phyed kyi/ /dus tshig rnams su gang bsgrags pa/ /de la 'bring dang tha ma yi/ /dngos grub sgrub par rab tu shis/ /zla ba gzas ni zin pa'i tshe/ /rdzas kyi dam pa bsgrub par bya/ /nyi ma gzas zin tshe na yang / /mkhas pas las rnams bsgrub par bya/ /tshes lnga dang ni tshes bdun dang / /tshes gcig dang ni tshes gsum dang / /tshes grangs bcu gsum dag la yang / /las rnams thams cad bya bar shis/ /tshes grangs skar ma dang ldan na| |mchog tu 'gyur bar shes par bya/ /phal dag la ni bye brag tu/ /skar ma rgyal ni kun la shis/ /gza' dang yud tsam byed pa dang / /drag po drag po'i las la'o/ /rang gi cho gas gsungs pa'am/ /lha rnams kyi ni bskul pa'ang rung / /cho 'phrul gyi ni zla phyed la/ /las rnams thams cad rab tu shis/ /bka' lung stsal pa'i tshes grangs sam/ /tshes grangs bcu gsum pa yang rung / /zhi ba phal cher ston ngo la/ /de bzhin rgyas pa dgun ngo la/ /dpyid smad drag shul cho ga bzhin/ /bsgrub pa dag ni rab tu shis/ /dpyid stod
282a
@#/ /las rnams thams cad bya/ /dbyar gyi ngo la las rnams bya/ /ston dang dgun dang dpyid smad ni/ /'bring dang rab dang tha ma'o/ /gsum du phye ba de la yang / /gsum gsum dag tu dbye bar bshad/ /dus gsum dag gi dngos grub kyang / /phal cher rnam pa gsum du bshad/ /dang po srod kyi dus la ste/ /'bring po nam gyi phyed na'o/ /rang kyi dus na nang par to/ / der ni dngos grub rim bzhin 'gyur/ /zhi dang drag shul rgyas pa yi/ /dus kyang de dag yin par bsgrags/ /tha ma 'bring dang rab rnams kyis/ /cho ga'i rim pa de dag nyid// rab dang 'bring dang tha ma yi/ /dngos grub rnams kyi mtshan ma la/ /rim pa ji ltar mthong ba bzhin/ /bye brag rnam gsum shes par bya/ /nyi ma zla ba gzas zin la/ /dus ni gang yang nges pa med/ /drag shul spyod pa khyad par du/ /gzas zin tshe ni bya bar bzang / /rab la sogs pa'i bye brag las/ /zhag gsum yang na zhag gnyis sam/ /yang na zhag gcig tu yang rung / /smyung bar bya ba rab tu bshad/ /sgrub pa'i dus rim par phye ba'o// //de nas gzhan yang rtog pa las/ /ji skad bstan pa'i cho ga bya/ / ngal bar thal ba'i skyon yod pas/ /smyung bar bya bar mi shis so/ /de yi bar du sgrub pa pos/ /bsnyen pa dang ni mchod pa dang / /sbyin sreg cho ga bstod pa dang / /dge ba dag
282b
la brtson bar bya/ /lan brgyar mngon par sngags pa yi/ /bu mos bkal ba'i skud pa ni/ /mang du bsgril cing spos bskus pa/ /mdud pa bdun ni \?\ pa la/ /sgrub pa pos ni gsang sngags 'dis/ /brgya rtsa brgyad du bzlas brjod nas/ /srod la rked par bcings na ni/ /khu chu dgag par byas par 'gyur/ /oM dza ya ku mA ri shu kra ban+d+ha ni swAhA/ /oM rak+Sha ku ru ku ruM gi na swAhA/ /oM ku lan+d+ha ri ban+d+ha ban+d+ha hUM phaT/ /bde gshegs sngags pa gzhon nu mas/ /pad+ma 'dzin la ku rung gis/ /rdo rje'i rig la mA ma kIs/ /cho ga bzhin du \?\ u chu dgag/ tshur spyon tshur spyon brtul zhugs bzang / /bdag gi lus la myur zhugs nas/ /rkang gi bar du'ang gnas nas su/ /'dir ni yun ring rgyu bar mdzod/ /rig sngags bshad pa 'di gsum ni/ /thams cad kyi ni spyir yin no/ /kha cig tu ni rtog pa las/ /gsungs pa'i sngags kyis cho ga bya/ /dkyil 'khor dag ni 'dri ba dang / /bsnyen pa dag dang dus tshigs dang / /byin bskyed la sogs cho ga yang / /nyi ma re re bcing bar bya/ /thog mar lan brgya sngags pa yi/ /smig sman gyis ni gnyid kyang bsal/ /sgrub pa'i tshe yang mig sman de/ /legs par bsku bar bya bar bsgrags/ /sug smel ga bur sro tan tsa/ /shing tsha ta gar pi pi ling / /kha ra ta yi kha tshar sbyar/ /gnyid dang snyoms dang 'jigs pa sel/ /'thor 'thung yang dang yang byas
283a
@#/ /te| |kha gdong bkrus nas mig bkru 'o/ /mig sman bskus pa'i mig des ni/ /sgrub pa'i tshe na bgegs kyang mthong / /oM dz+wa la lo tsa na swAhA/ /de bzhin gshegs pa'i rigs la'o/ /oM bi lo ki na swAhA/ pad+ma'i rigs la'o/ /oM ban+du ni ri d+hi ba te swAhA/ /rdo rje'i rigs la'o/ /rigs gsum gyi mig sman bsku ba'i rig sngags so// ngal dang rmya ba bsal ba'i phyir/ /spos kyi chu ni khyor gang tsam/ /dri zhim bdun bdun bzlas pa dag/ khyor ba nyid kyis btung bar bya/ /de nas nye reg byas nas ni/ /blo dang ldan pas mtshan ma brtag/ mtshan ma bzang po mthong nas ni/ /sgrub pa gus pas brtsam par bya/ /'khor lo dung dang lcags kyu nya/ /g.yung drung pad+ma rgyal mtshan dang / /bkra shis bum pa gang ba dang / /dpal be'u rdo rje phreng ba dang / /bu mo rgyan gyis brgyan pa dang / /sbrum ma'am yang na bu thogs dang / /na chung dga' zhing rgyags pa dag/ gang zhig de yis 'grub par ston/ /bram ze gos dkar gyon pa dang / /shing rta glang po rta dag dang / /rtswa rdog 'bras bu sna tshogs dang / /ngo mtshar che zhing mthong ba dag/ 'brug gi sgra ni grag pa dang / /rig byed dbyangs dang rgyal ba'i sgra/ /dung dang rnga dang rdza rnga yi/ /sgra rnams 'grub phyir rab tu shis/ /rma bya khrung khrung dang mo dang / /ne tso la sogs bya
283b
rnams kyi/ /sgra snyan rnams ni kun thos nas/ /dngos grub sbyin pa'i las brtsam mo/ /smon lam bkra shis thams cad dang / /bsod nams dga' dang bde legs tshim/ /yid du 'ong ba'i tshig gi rnams/ /thos nas 'grub par shes par bya/ /glog dang sprin dang char 'bab dang / /sur bu me tog char 'bab dang / /'ja' dang dri ni zhim bo ste/ /mtshan ma 'di dag lha yi yin/ /bar snang las byung mtshan ma ni/ /thams cad 'bring por shes par bya/ /sa las byung ba'i mtshan ma dag/ de dag sa pa'i yin par bshad/ /lha dag gis ni dngos grub rab/ /bar snang dag gis 'bring por 'gyur/ /sa pa dag gis dngos grub phal/ /gsum la'ang gsum gsum dag tu dbye/ /de dag la sogs mtshan ma rnams/ /dngos grub phyir ni rab tu bsgrags/ /mdor na gsang sngags thams cad la/ /de las bzlog pa mi 'grub bo/ /dang por mtshan ma bzung nas ni/ /sems kyang rab tu dga' byas te/ /yongs su mgu ba'i bsam pa yis/ /de nas sgrub pa brtsam par bya/ /sgrub pa'i mtshan ma rim par phye ba'o// //dkyil 'khor gyi ni rgyud kun dang / /yang na sgrub pa dag la'ang rung / / tshes grangs yud tsam byed pa dang / /mtshan ma'ang rgyas par shes byas nas/ /mi bzang ba la mar dag gis/ /rigs kyi rig pas sbyin sreg bya/ /de nas las rnams brtsam
284a
@#/ /byas nas/ /'on tang dngos grub thob par 'gyur/ /gnas gang dag tu rim pa bzhin/ /dkyil 'khor dag ni mngon bri zhing / /de nyid du ni sgrub pa yi/ /de yi rim pa bshad pa yin/ /ri la sogs pa'i gnas rnams su/ /dngos grub chen po thob par bsgrags/ /mtsho la sogs par 'bring rnams 'thob/ /gzhan dag tu ni phal rnams so| |sngags dang rjes su mthun nas su/ /bzlas brjod byed pas las rnams brtsam/ /gzhan du bsgrub par byas na ni/ /dngos grub myur du mi 'thob bo/ /ring bsrel can gyi mchod rten kun/ /bde bar gshegs pa'i gsang sngags 'grub/ /mchod rten chen po nyams dga' ba/ /byang chub chen po grub gnas dang / /de bzhin bltam la sogs pa brgyad/ / de na bgegs ni yod ma yin/ /las kyi cho ga thams cad dang / /mthun pa dag kyang de na yod/ /der ni bdud kyis bgegs bya bar/ /nam yang nus pa ma yin no/ /de bas gsang sngags thams cad kyang / /der ni nges par 'grub par gsungs/ /'dir ni drag shul spyod pa'i las/ /dur khrod dag tu bya bar shis/ /yang na shing gcig pa dag gam/ /khang stong mtshan ma gcig pa'ang rung / /'bab chu'i 'gram ni thams cad du/ /rig sngags bsgrubs na 'grub par gsungs/ /skyed mos tshal du gnod sbyin mo/ /klu yi bdag po
284b
mtsho rnams su/ /khang stong du ni longs spyod phyir/ /mngag gzhug grong srang la sogs par/ /phug gi gsang sngags phug rnams su/ /bsgrubs na myur du 'grub par 'gyur/ /sngags rnams myur du 'grub pa'i phyir/ /cho ga gsang ba 'di gsungs so/ /man ngag bstan pa 'di nyid kyis/ /gnas rnams gtan la dbab par bya/ /gang yang rung ba'i gnas gcig tu// dkyil 'khor cho ga gsungs pa'am/ /bzlas brjod sa yi cho ga yis/ /dang por sa ni sbyang bar bya/ /lha yi gnas ni rnam dag par/ /byin gyis rlob cing bzhugs 'gyur bas/ /sgrub pa la ni bye brag tu/ /cho ga gzhan yang 'di dag bshad/ /tsan+dan dmar pos bskus pa yi/ /seng ldeng phur bu mdzub gang ba/ /rnon por byas pa bzhi dag la/ /skud pa dmar po dag gis dkris/ / rdo rje phur bus lan grangs brgyar/ /mngon par bzlas brjod byas pa dag/ gnas sam khyim dag tu yang rung / /khu tshur gyis ni phyogs bzhir gdab/ /dang por las kun byed sngags sam/ /yang na bgegs kyis dgras kyang rung / /yungs kar dag la sogs pa yi/ /legs par kun tu bsal bar bya/ /ba dan dkar po gcig la ni/ /rig sngags rgyal pos mngon bsngags te/ /smyug ma ring po'i yu ba la/ /brtags te dang po shar du gzugs/ /rdo rje ra bas bsngags pa yi/ /lcags kyu'i phye mas ra ba bya/ /rdo rje dra ba'i gsang sngags kyis/ /lan
285a
@#/ /brgyar sngags pa'i phye ma yis/ /khor dag tu rdo rje phreng / /bris na rdo rje dra bar 'gyur/ /dkyil 'khor nang gi dang po yi/ /sgo kar bdud rtsi thab sbyor gyis/ / rdo rje'i phyag rgyas bsrung ba'am/ /yang na gzhan gyis mi thub pas/ /dkyil 'khor gnyis pa bsrung ba ni/ /'phrog ma sogs pas bya bar 'dod/ /rig gsum dag gi spyi la yang / /cho ga 'di ni rab tu bsgrags/ /cho ga gsum po 'di dag ni/ /thub dka' bar yang yongs su bsgrags/ /re re'am yang na kun gyis kyang / /bsgrub pa'i tshe na bgegs kun sel/ /rdzas sgrub pa na bsrung ba'i phyir/ /cho ga gsang ba 'di gsungs te/ /mdor bsdus pa la don yang che/ /rim pa bzhin du rab tu gces/ /mkhas pas rin chen la sogs pas/ /sa gzhi snying po can du bya/ /thab khung la yang ci rigs par/ /rdzas bzhag pa yi 'og tu'ang rung / /dri gtsang khang ngam khang bzangs su/ /bsang gtor byas pa dag gsungs pas/ /der ni sa brko mi dgos kyi/ /cho ga de ltar phyi rol du'o/ /bdag nyid kyis ni cho ga bzhin/ /brtags shing byas pa'i khang par ni/ /bye brag tu ni las brtsams na/ /der ni myur du 'grub par 'gyur/ /khung dag tu ni bsgrub pa min/ /sa phyogs dog par mi bya'o/ /khang rul du yang blo can gyis/ /bsgrub pa brtsam par mi
285b
bya'o/ /de nas dang ba'i yid kyis su/ /srod la gsang sngags lha yi rnams/ /mthong ba bzhin du gus byas te/ /sta gon gnas pa legs par bya/ /rig gsum gyi ni rig sngags lha// bdag por bcas pa gang bzhugs dang / /sngags rgyud 'di la lha rnams ni/ /gang dag yongs su bsgrags pa dang / /gsang sngags lha ni gang dag cig/ bdag nyid nyon mongs chen po yis/ /cho ga 'di bzhin bsnyen pa dang / /bzlas brjod sbyin sreg gis mnyes pa/ /zhag bdun na ni sgrub pa'i tshe/ /byin gyis rlob cing gshegs su gsol/ /'di na lha dang 'byung po dang / /'khor rnams dang ni bcas pa dag/ ci nus par ni mchod byas pas/ /mchod pa la ni phan 'dogs rnams/ /yongs su mnyes shing kun 'dus nas/ /bdag la dngos grub myur gnas mdzod/ /de ltar gus par nyin re zhing / /tshig gis kyang ni phyogs bzhir brjod/ /nyin re 'am zhag re bri byas pas/ /gsang sngags sta gon gnas par bya| |mchod yon dag dang me tog dang / /bdug pa dri zhim dag kyang dbul/ /sgrub pa pos ni cho ga 'dis/ /srod kyi dus su bya bar bshad/ /sgrub pa po yis cho ga 'dis/ /rdzas kyang sta gon gnas par bya/ /lag pas legs par brim pa dang / /bdug pa dag gis legs par bdug/ yang na gza' skar byed pa dag/ bzang po la ni smyung byas te/ /dkyil
286a
@#/ /'khor bris nas rdzas kyi rnams/ /sta gon gnas pa'i cho ga bya/ /sa ni sgrub par byed pa'am/ /gsang sngags sgrub pas zhag gsum na/ /yo lang chung ngu dag gis bya/ /bzlas brjod byed pas dkyil 'khor bri/ /phye ma sna tshogs gnyis kyis kyang / /dkyil 'khor sna tshogs zlum po la/ /phyi rol rim pa gnyis pas bskor/ /sgo gcig gtod pa bri bar bya/ /de yi dbus su khru do pa'i/ /pad+ma 'dab ma brgyad pa bri/ /dkyil 'khor lhag ma tshad dag ni/ /ji ltar dga' ba nyid du bya/ /der ni bdag po gsum dag dang // nub tu bdud rtsi thab sbyor bzhag/ dkyil 'khor gnyis pa'i nub phyogs su/ /dbang phyug chen po chung mar bcas/ /gcig tu gzi brjid phung po ste/ /gcig tu yang ni sgrub pa'i spyan/ /gcig tu dpa' mo chen mo ste/ /phyag drug ma yang gcig tu bri/ /gcig tu rig sngags mA ma kI/ /rig sngags rgyal snying gcig tu bri/ /khro bo kI li gcig tu ste/ /gcig tu rdo rje lcags kyu ma/ /de ltar bstan pa de dag kun/ /snying po'i dkyil 'khor dag tu dgod/ /las kun byed pa'i gsang sngags rnams/ /phyi rol phyogs su rim pa bzhin/ /de ltar bkod nas phyi rol sgor/ /gzhan gyis mi thub pa yang bri/ /de nas phyogs mtshams skyong ba dang / /'dod pa'i lha rnams bri bar bya/ /de nas so so'i gsang
286b
sngags kyis/ /rim pa bzhin du spyan yang drang / /bdag po rnams ni snying po yis/ /de yi 'og tu mchod par bya/ /pad+ma'i dbus su rang sngags kyis/ /rdzas ni legs par bzhag ste mchod/ bum pa gang ba de steng du/ /cho ga bzhin du rdzas bzhag go/ /yang na gab tshe'am kham phor dag/ me tog la sogs blugs pa bzhag /de nas lag pas brim bya zhing / /rang gi rig sngags yongs bzlas pa'i/ /me tog brgya'am stong dag gis/ /de yi 'og tu 'phang bar bya/ /de nas gu gul bdug spos ni/ /mar dang sbyar bas bdug par bya/ /spos chus bzlas brjod byas pa yis/ /de nas dal bus bsang gtor bya/ /de nas rang gi gsang sngags dang / /dkyil 'khor du bshad thams cad kyis/ /re res so sor bzlas pa dag/ sbyin sreg ji skad bstan pa'ang bya/ /sbyin sreg bya ba'i mar dag gam/ /yang na ba yi 'og mas bya/ /mar dang sbrang rtsi til sbyar dang / /lag pan gyis ni mjug tu bya/ /de nas gsang sngags thams cad kyis/ /mkhas pas rdzas la bsang gtor bya/ /dkyil 'khor legs par bri ba dang / /rjes su mthun par byin bskyed do/ /yid la yongs su zlos byed cing / /cho ga shes pas zlos bzhin du/ /rdzas la mig gis blta bar bya/ /de byas sta gon gnas byas 'gyur/ /sbyin sreg cho ga gtor ma'i rim/ /mchod sogs gang yin de dag kun/ /bzlas brjod byed pas rgyas par 'dir/ /rgyud
287a
@#/ /las bshad pa bzhin du bya/ /'di ni rdzas la sta gon du/ gnas pa'i cho ga yin par bsgrags/ /sta gon gnas pa'i rdzas de ni/ /myur du 'grub pa nyid du 'gyur/ /cho ga'i rim pa 'di yis ni/ /yongs su gzung ba dag kyang bya/ /rdzas kyi byin ni bskyed pa dang / /cho ga 'di dag nyid kyis kyang / /dkyil 'khor 'di yi dbus su ni/ /rdzas rnams sgrub pa dag kyang bya/ /dkyil 'khor dam pa 'di nyid du/ /bgegs kyang myur du zhi bar 'gyur/ /rdzas rnams sbyang bar bya ba dang / /dbang bskur ba yi cho ga yis/ /sgrub pa po rnams dbang bskur ba'ang / /dkyil 'khor 'dir ni rab tu bya/ /las kun byed pa'i dkyil 'khor 'di/ /gsang chen gsang ba'i bdag pos gsungs/ /dkyil 'khor 'di ni bri byas nas// dngos grub myur du thob par 'gyur/ /rdzas sta gon du gnas pa'i cho ga rim par phye ba'o// //rdzas ni yongs su gzung byas nas/ /sgrub pa pos ni dus gsum du// khrus dang mchod pa sbyin sreg dang / /lag pa yis kyang brim par bya/ /gos ni lan gsum brje ba dang / /dus mtshams dag la smyung byas te/ /mchod dang lha bshos cho ga dag/ khyad par du ni legs par bya/ /dus gsum dag tu sdig pa bshags/ /bsod nams rjes su yi rang dang / /dus gsum du yang smon lam gdab/ /glegs bam dus gsum
287b
lan gsum bklag/ /dkyil 'khor lan gsum dag tu bya/ /lan gsum du yang sdom pa gzung / /dus gsum du yang bsrung ba bya/ /de ltar byas na nges par 'grub/ /gang tshe bag med gyur pa yis/ /dus gsum dag gi las nyams na/ /de tshe rang gi rig sngags de/ /nyi shu rtsa gcig bzlas brjod bya/ /de ltar nyin re dus gsum du/ /mkhas pa dag gis rtag tu bya/ /de nyams na ni brlag 'gyur zhing / /dngos grub dag kyang nyams par 'gyur/ /las kyi klags la 'bum bzlas pa'am/ /yang na dkyil 'khor 'di bris pas/ /gsang ba'i cho ga de byas te/ /de nas las rnams brtsam par bya/ /sngon bzhin legs par thig btab nas/ /gru bzhi pa la sgo bzhi pa/ /phyi rol dkyil 'khor gyis bskor ba/ /cho ga bzhin du legs par bri/ /dbus su 'khor lo bris nas de'i/ /shar du 'khor los sgyur ba dang / /gzi brjid phung po gtsug tor dkar/ /rgyal dang rmad du byung ba dgod/ /mkhas pas ngos gnyis dag tu yang / /bde gshegs mdzod spu mdung thung dang / /sangs rgyas byams pa spyan du bcas/ /kun dga' bo dang rab 'byor dang / /de bzhin lhung bzed mkhar gsil dang / /sgo kar las kun byed pa dgod/ /rim bzhin sgor ni 'phrog ma dang / /gzhan gyis mi thub pa yang dgod/ /'khor lo'i dbus su rdzas rnams ni/ /yang na gsang sngags lha bzhag ste/ /de nas
288a
@#/ /mchod pa'i cho ga bya/ /sbyin sreg thams cad bya bar gsungs/ /dkyil 'khor 'di ni phyag rgya'am/ /gtan du dgod par rab tu bsgrags/ /so so'i chi gis spyan drangs ba'am/ /spyi yi snying pos byar yang rung / /der ni rang gi rig sngags kyis/ /snga ma bzhin du me sbar te/ /de nas mar dang sbrang rtsi las/ /sbyin sreg brgya ni rtsa brgyad bya// de nas zho dang 'bras chan dang / /til gyi sbyin sreg brgya brgya bya/ /mkhas pas mjug tu brgya bzlas pas/ /'di ni cho ga gsang chen yin/ /dri zhim me tog dri sogs kyis/ /'dir ni mchod pa bya bar gsungs/ /zho dang bu ram legs sbyar ba'i/ /gtor ma rgya chen dbul bar bya/ /cho ga 'di yis lha rnams ni/ /myur du legs par tshim par 'gyur/ /dgyes nas ring por mi thogs par/ /sgrub pa po la dngos grub stsol/ /zla ba re re'am zla phyed dam/ /nyi ma re re'am dus mtshams la/ /dbul pos kyang ni ci nus pas/ /dkyil 'khor 'di ni bri bar bya/ /cho ga de ltar bya ba kun/ /dkyil 'khor 'di la'ang shes par bya/ /ji ltar dga' ba'i tshad tsam du/ /kun tu zlum por rab tu bya/ /de dbus pad+ma bris nas su// rig sngags rgyal dang rta mgrin dang / /sna tshogs gzugs dang spyan gsum pa/ /phyag bzhi phyag drug bcu gnyis phyag/ de bzhin 'dod pa 'byor byed dang / /grags dang
288b
ldan pa dpal mo che/ /sgrol ma lha mo zla ba dgod/ /sgo yi phyogs su dkar mo dang / /gos dkar can ma bzhag bya zhing / /sgo kar las kun brgyad \?\ bzhag pa/ /'grub phyir pad+ma 'chang ba yi/ /dkyil 'khor cho ga 'di gsungs so/ /ji ltar 'dod pas dkyil 'khor ni/ /gru bzhi par yang legs bris te/ /sngon bzhin snying po'i dkyil 'khor du/ /rig sngags rgyal po gzhag par bya/ /rig pa chen mo mA ma kI/ khro bo bdud rtsi thab sbyor dang / /rig pa chen po lcags kyu ma/ /dbyug pa dang ni stobs po che/ /rdo rje khu tshur rig rgyal mo/ /gnod mdzes go rims bzhin du bzhag/ khro chen lha yi yan lag dang / /gom pa 'dor ba nyid dang ni/ /khro mo ma rnams ngos gnyis su/ /blo dang ldan pas gzhag par bya/ /sgo yi phyogs kyi nang rol du/ /rdo rje 'jigs byed mig dang ni/ /rdo rje gzhan gyis mi thub ma/ /sgo kar las kun byed pa bzhag/ dkyil 'khor gnyis pa mchod pa yang / /cho ga snga ma bzhin du bya/ /lha rnams dga' bar 'gyur ba ni/ /phyag na rdo rjes rab tu bshad/ /de nas nang par nam langs nas/ /rmi lam bzang po rnams dpyad de/ /gtsang zhing khrus byas gos dkar bgos/ / sbyin sreg las ni brtsam par bya/ /lha rnams cho ga bzhin mchod de/ /bkra shis ngo mtshar dag kyang bya/ /cho ga bzhin du me sbar nas/ /ji skad gsungs pa'i sbyin sreg bya//ba lang
289a
@#/ /lci bas byugs nas su/ /'bras yos ku sha sngon po dang / /me tog dkar po dri zhim pas/ /gnas de khyad par can du bsham/ /de yi g.yas kyi phyogs su ni/ /bud shing zho dang ku sha dang / /mar dang sbrang rtsi 'bras chan til/ /bsreg bya cung zad ci 'byor dgod/ /g.yon du legs par brtags pa yi/ /mchod yon snod ni gzhag par bya/ /dbus su dgang gzar blugs gzar dang / /legs par bzhus pa'i mar dag bzhag/ gzhag nas mkhas pas las kun pa'i/ /gsang sngags kyis ni bsang gtor bya| |sngon bzhin gsang sngags bdag po ni/ /mdun du bzhag ste mchod byas nas/ /de nas rang rigs spyan drang ste/ /mchod yon bzlas pas bzhugs su gsol/ /bdag gi mdun du mar gyi snod/ /dag par byas pa bzhag par bya/ /mar dang me yi bar dag tu/ /bsgrub par bya ba'i rdzas bzhag go/ bdag dang mar dang bsgrub bya'i rdzas/ /me dang gsang sngags bdag por bcas/ /lnga po 'di dag go rims bzhin/ /blo dang ldan pas legs par dgod/ /g.yon du rig sngags byin bskyed ma/ /g.yas su las kun byed pa ste/ /gnas der snga ma bzhin du yang / /bsrung ba thams cad rab tu sbyar/ /de nas ku sha sar pa yi/ /gding ba dag kyang bkram nas su/ /lha bshos 'bras yos bkra shis can/ /sA lu'i 'bras chan zhor bcas
289b
dbul/ /de nas bdug spos dri zhim pas/ /kun nas rab tu bdug par bya/ /de 'og ji ltar bstan pa yi/ /sbyin sreg las ni ci dgar bya/ /gser dang dngul zangs rdo ba'am/ /dung dang mu tig shing dag gam/ /grog mkhar sa las byas pa yi/ /snod du rdzas ni gzhag par bya/ /byang chub shing gi lo ma dag/ de yi gding bar shis pa yi/ /'o ma can gyi shing gi 'am/ /yang na arga'i lo ma'ang rung / /chu shing pad+ma'i 'dab ma 'am/ /yang na ras dkar 'jam po'am/ /dri zhim shing las skyes pa yis/ /gding ba lnga po 'dod pa yin/ /phye ma khu ba gos sogs dang //ci rigs par ni g.yogs nas kyang / /cho ga shes pas mnyam gzhag ste/ /rdzas la legs par bdug par bya/ /yid kyis rdzas kyi byin bskyed cing / /mar gyi sreg blugs rgyun tu bsreg /legs par blta zhing cho ga 'dis/ /mkhas pas rdzas la bdug par bya/ /rdzas las bzlas shin bsang gtor nas/ /blugs gzar chad pas bzung nas ni/ /dal bus mar gyis legs bkang ste/ /rdzas kyi steng du de bzlas nas/ /sreg blugs zlos pa me 'bar ba/ /swAhA zhes ni brjod bya zhing / /hA yi dbyangs kyi rgyun bsrings te/ /blugs gzar rtse mor de bdug cing / /stong ngam yang na lan grangs brgyar// rdzas rnams la ni bdug par bya/ /de ltar rdzas la yang dang yang / /cho ga 'di ni bya bar gsungs/ /gsang sngags kyi ni rang bzhin dang / /dngos grub che chung shes bya ste/ /lan grangs nyi shu rtsa
290a
@#/ /gcig kyang / /grangs kyi cho ga yin par bzhed/ /rdzas ni zad pa ma grub na/ /mkhas bas de la nyung zad cig/ rig sngags bzlas shing bsang gtor ste/ /gzhan nas mchod cing blta bar bya/ /rab la sogs pa'i dbye ba dang / /las kyi dbye ba bsgrags pa dag/ dkyil 'khor du gsungs cho ga bzhin/ /'bar na 'grub pa'i mtshan ma bzhin/ /shin tu chen po rdzas kyi rnams/ /de ni g.yas su bzhag pa'am/ /g.yon du 'os pa g.yon du bzhag/ der ni de la gtugs cing bya/ /sems can kun gyi mgo bo la/ /yang na rang gi mgo bo nyid/ /mod las sgrub rdzas ci yang rung / /mkhas pas bdug pa bsngos te bya/ /bdug pa'i cho ga 'di yis su/ /sngon bzhin phye la mar dag gis/ /la la'i phyir bsngo kha cig la/ /lta zhing sbyin sreg rab tu bya/ /gal te mar dag ma 'byor na/ /cho ga bzhin du 'o mas bya/ /yang na 'o ma mar dang ni/ /mkhas pas mngar gsum dag gis bya/ / zhi ba la sogs khyad par gyis/ /kha cig la ni zho yang rung / /yang na bsreg bya'i rdzas bsten pas/ /ci ltar rigs par bdug par bya/ /mtshon cha rnams la 'bru mar gyis/ /dri zhim thang chu aM dza na/ /du ru ka sogs 'bru mar gyis/ /bdug pa'i cho ga bya bar gsungs/ /rdzas la sogs pa'i bye brag las/ /rdzas ni rnam pa sna tshogs dang / /dri zhim las byung 'bras bu
290b
yis/ /bdug ba'i cho ga dag kyang bya/ /sha chen la sogs rdzas rnams la/ /tshil bu dag gis bya bar bsgrags/ /de yi gzugs brnyan byas nas kyang / /so so'i sha dang tshil gyis bya/ /cho ga bstan pa 'di yis sam/ /yang na sngar gsungs cho ga yis/ /dngos grub myur bar bya ba'i phyir/ /bdug pa'i cho ga rgyas par bstan/ /cho ga 'di yis rdzas dag la/ /bdugs nas de la dbang yang bskur/ /dbang bskur nas ni lha gnas su/ /bzhag ste legs par mchod par bya/ /de nas cho ga las gsungs pa/ /thob par bya phyir gtor ma bsog/ bdag nyid rgyas par khrus byas nas/ /cho ga 'di ni brtsam par bya/ /dri zhim rnams kyis dril byas nas/ /de bzhin khrus rtsi sku ru ras/ /khrus bya nyi ma phyed mtshams nas/ /mkhas pas rdzas la yongs su bzlas/ /skud pa gdu bu gos rnams dang / /thal ba yungs kar chu dag la/ /bsrung pa'i phyir ni rdzas 'di la/ gsang sngags bzlas pa brtsam par bya/ /de dag thog mar bzlas brjod de/ /cho ga 'di ni myur du bya/ /de phyir de tshe dgos pa kun/ /thog ma nyid du bsngags par bya/ /me tog la sogs ci 'byor pa/ /yongs su bsdu ba byas nas ni/ /ci rigs pa yi gnas bzhag ste/ /sgrub pa'i sar ni gnas par bya/ /dkyil 'khor las gsungs cho ga yis/ /mkhas pas dkyil 'khor bris nas ni/ /ci rigs par ni mchod byas te/ /rdzas rnams sgrub pa brtsam par bya/ /la
291a
@#/ /kun byed pa'i gsang sngags kyis/ /tshon sna lnga yi srad bu la/ /lan brgyar sngags nas dang por des/ /phur bu rnams la bre bar bya/ /mkhas pas thab sbyor bzlas pa yis/ /sgo drung gi ni bum pa la/ /srad bu lhod par btags nas su/ /de nas der ni gzhag par bya/ /thab sbyor bgegs rnams sel byed pa'i/ /khro bo yid la dran bzhin du/ /srad bu'i 'og nas 'byung ba dang / /'jug par bya ba 'di gsungs so/ /yang na mkhas pas khro bo des/ /srad bu la ni sngags pa'am/ /srung ba'i don du gang dga' ba'i/ /rig sngags gzhan gyis bzlas kyang rung / /bskrad pa la sogs cho ga dag/ sngar gsungs pa yang shes bya zhing / /dkyil 'khor gyis ni nye 'khor du/ /cho ga 'di dag bya bar gsungs/ /phyogs dang phyogs skyong ji snyed dang / /so so'i rigs kyi lha yi rnams/ /phyogs dang go rims ji lta bar/ /de kun \?\ phyi rol dag tu mchod/ /bum par rdo rje bzhag pa'am/ /yang na lo mas kha brgyan pa/ / de la srad bu btags nas su/ /sgo yi phyogs su bzhag par bya/ /rigs dang rigs rnams so so yi/ /rig pa'i rgyal po'i snying po'am/ /yang na ji ltar rigs pa yis/ /rdzas sgrub tshe na kun nas srung / /yang na rigs kyi rig sngags dang / /so so'i rigs kyi phyag rgya yis/ /bgegs rnams zhi bar bya ba'i phyir/ /sgrub tshe 'dir ni thams cad bsrung / /phur bu rdo
291b
rje rtse 'dra'am/ /yang na rtse gcig sbom po la/ /rdo rje phur bus lan brgya ru/ /mngon par sngags pa byas pa dag/ lha yi gnas kyi phyi rol du/ /grwa bzhi kun tu gdags par bya/ /yang na dkyil 'khor phyi rol du/ /btab nas las rnams rab tu bya/ /rdo rje phur bu'i cho ga 'di/ /las kun byed par shes par bya/ /sgrub tshe 'dir bgegs 'tshe med cing / /sgrub pa po yis dngos grub thob/ /dri zhim phye ma'am pir dag gis/ /sna tshogs tshon gyi lde gu yis/ /dkyil 'khor legs par bris nas su/ /de nas cho ga 'di dag dang / /so so'i phyogs kyi ri mo'i mthar/ /rdo rje rtse gsum bya bar gsungs/ /dbus kyi ngos rnams dag tu yang / /rdo rje bsgrengs pa'i phreng ba bya/ /rdo rjer ba'i gsang sngags kyis/ /cho ga de ni bya bar bstan/ /de yi dbus su bzhugs nas su/ /rdzas rnams rab tu bsgrub par bya/ /cho ga 'di yis phyi nang du/ /rdo rje'i lte ba'i dra ba bya/ /rdo rje dra ba'i gsang sngags kyis/ /shin tu thub par dka' bar 'gyur/ /sgo khyud dag ni thams cad dang / /sgo rnams kyi ni mdun dag tu/ /mkhas pas rdo rje bris nas su/ /de nas las rnams bya bar bsgrags/ /yo lang chung ngus thung bu la/ /dkyil 'khor legs par bris bar bya/ /mdor bsdus cho ga bris nas su/ /rdzas rnams bsgrub pa brtsam par bya/ /khru lnga'am bdun nam brgyad pa la/ /gru bzhi pa la sgo bzhi pa/ /gsang sngags dngos grub rjes
292a
@#/ /mthun par/ /yang na lhag par byas kyang rung / /sgo rnams kun tu rdo rje dang / /grwa rnams su ni bum pa dgod/ /las kun byed pa'i bum pa dag/ sgo drung du ni gzhag par bya/ /dbus su chos kyi 'khor lo dang / /thog ma rgyal po lnga rnams dgod/ /ngos su mche ba mdung thub dang / /spyan dang rgyal ba'i mdzod spu'o/ /bde gshegs phyag rgya thams cad dang / /sgor ni gzhan gyis mi thub ma'o/ /rab 'byor dang ni kun dga' bo/ /snying po'i dkyil 'khor lha rnams ni/ /phyogs cha bstan pa bzhin du dgod/ /phyi rol du ni ci dga' ba'i/ /lha rnams dgod pa bya bar gsungs/ /don grub pa dang mthu chen dang / /'jam dpal dang ni glang po che/ /dpal ldan tshangs pa mes po dang / /de bzhin du ni brgya byin dang / /bcom ldan mngag gzhug sangs rgyas pa'i/ /lha ni de dang de dag dang / /phyogs skyong rnam pa sna tshogs rnams/ /phyi rol dkyil 'khor dag tu bri/ /de nas dbus su gsang sngags sam/ /snying po'i dkyil 'khor rdzas bzhag ste/ /mchod pa'i cho ga thams cad dang / /sbyin sreg las ni bya bar bsgrags/ /mdor na srung ba'i las kyi rnams/ / dkyil 'khor dag tu gsungs pa bzhin/ /sgrub pa'i tshe na de dag kun/ /khyad par du ni sbyar byar bya/ /dkyil 'khor cho ga bstan pa 'di/ /de bzhin gshegs pa'i rigs kyis
292b
gsungs/ /'dis ni rdzas rnams bsgrub byas nas/ /zlos pa po la myur du 'grub/ /der ni zhugs pa tsam gyis kyang / /bgegs rnams med par gyur pa dang / /lha rnams khyad par dag tu yang byin gyis rlob pa mdzad par 'gyur/ /de bzhin gshegs pa'i rigs kyi rdzas sgrub pa'i dkyil 'khor gyi cho ga rim par phye ba'o// //tshon rtsi sna ni lnga pa yis/ /sngon bzhin dkyil 'khor thams cad bri/ /dbus su pad+ma bris nas kyang / /dang por shar gyi phyogs su ni/ /'dod pa sbyor byed dgod par bya/ /de nas gsang sngags rgyal po drug /de yi 'og tu gos dkar can/ /sgrol ma bdun dang dpa' mo bdun/ /rig pa'i rgyal mo grags ldan ma/ /sgo kar rig sngags ral pa gcig /rta mgrin yang ni dgod par bya/ /las kun byed pa'i bum pa yang / /sgo drung du ni gzhag par bya/ /sgo yi grwar ni rdo rje bri/ /phyi rol tshangs dang lha yi spyan/ /dbang phyug chen po lha yi bu/ /rgyal sras dri ma med pa dang / /'od zer phreng bas brgyan pa dang / /klu yi rgyal po mtha' yas dang / /stobs chen mdzes pa zhes dga' dang / /rig sngags 'chang gi rgyal po ni/ /brtson 'grus chen po dung can dang / /sngon bzhin phyogs mtshams skyong ba dang / /'dir yang rig pa'i lha rnams dgod/ /dkyil 'khor snga ma'i cho ga bzhin/ /'dir yang thams cad bya bar grags/ /bshad pa 'di la brten na ni/ /bgegs
293a
@#/ /rnams kun gyis thub par dka'/ /pad+ma rigs kyi rdzas sgrub pa'i dkyil 'khor gyi cho ga rim par phye ba'o// //gru bzhi bar ni thig btab nas/ dang por dkyil 'khor bri bar bya/ /dbus su rdo rje bris nas kyang / /shar du rig sngags rgyal po ni/ /legs par 'grub byed thog mar dgod/ /de nas de yis ngos gnyis su/ /rig sngags rgyal mo gnyis bris te/ /rin chen rdo rje gnam lcags dang / /g.yon du rdo rje khu tshur ro/ /bkod nas de yi ngos gnyis su/ /ki li dang ni gnod mdzes dgod/ /rdo rje rdo rje dbyug pa dang / /tho ba dang ni lu gu rgyud/ /rin chen rdo rje lcags kyu ma/ /mA ma kI yang yongs su dgod/ /rgyal po blon po pho nya mo/ /rdo rje blo gros la sogs dang / /dbang phyug chen mo chung mar bcas/ /nor bdag gnod sbyin lhan cig tu/ /las kun byed pa'i phyi rol du'o/ /phyi rol phyag na rdo rje'i rigs/ /'khrungs 'dod pa yi rig sngags dang / /'byung po srin po sha za dang / /grub pa gnod sbyin lto 'phye che/ /phyogs mtshams skyong ba'i lha rnams dag /thams cad go rim bzhin du dgod/ /de nas mchod pa'i cho ga dang / /gang yang bsrung ba la sogs kun/ /sbyin sreg bstan pa bzhin byas te/ /ji skad bstan pa'i las rnams bya/ /zlos pa pos ni dkyil 'khor du/ /spyan drangs pa la sogs pa'i las// rig pa'i
293b
rgyal po'i snying po'am/ /yang na rnam par phye ste bya/ /bum pa dgang ba thams cad ni/ /sgrub par gsung pa'i cho ga dang / /sgrub pa'i dkyil 'khor du bstan pa/ /cho ga 'dra bar gsungs pa yin dbang chen grags pa'i sems can kun/ /dam tshig las ni mi 'da' bas/ /bsrung bar bya ba ma byas kyang / /dkyil 'khor dag tu bsgrub par bya/ /rig sngags kyi ni lha yi rnams/ /dam tshig gis ni dkyil 'khor du/ /lhag par byin gyis rlob pa dag /khyad par du ni 'byung bar 'gyur/ /rtag tu gus pas mnyes bya ba'i/ /cho ga 'dis ni dgongs 'gyur zhing / /sgrub pa po dag 'dod pa yi/ /dngos grub thams cad stsol bar mdzad/ /'dir ni rigs kyi snying po dang / /rigs kyi yum dang rgyal po dang / /spyi yi srung ba'i gsang sngags kyang / /dngos grub myur du stsol bar mdzad/ /dkyil 'khor gsum po 'di dag ni/ /gsang chen yin par yongs su bsgrags/ /rdo rje rigs kyi pho nya rdzas sgrub pa'i dkyil 'khor gyi cho ga rim par phye ba'o// // de nas gzhan yang dkyil 'khor 'di/ /gsang chen snying por gyur pa ste/ /tshul bzhin rdo rjes mtshan pa yi/ /dkyil 'khor legs par bri bar bya/ /dbus su rigs kyi rgya bris nas/ / de la rig sngags gzhag par bya/ /yang na bum pa gang ba ni/ /bkra shis sngon bzhin bshad pa bzhag /de steng kham phor la sogs pa/ /kha sbyor nang du rdzas kyang bzhag/ shar du
294a
@#/ /sangs rgyas bcom ldan 'das/ /byang du spyan ras gzigs dbang phyug/ lhor ni bcom ldan rdo rje 'dzin/ /nub tu drag bo nor bdag go/ rig pa'i rgyal po'i tshul du ni/ /thams cad phyag rgya'i steng du dgod/ /rigs kyi rig sngags g.yas phyogs su/ /g.yon du las rnams kun byed pa'i/ /nub phyogs kyi ni ngos gnyis su dkar sham ma dang dpal mo bzhag/ lhung bzed dang ni chos gos kyang / /shar gyi grwa ni gnyis su bri/ /byang phyogs phyag na pad+ma yi/ /dbyug pa dang ni guN+Di bri/ /lho phyogs rdo rje 'dzin pa yi/ /rdo rje dang ni thob bri/ /nub phyogs kyi ni grwa gnyis su/ /rtse gsum nor gyi bum pa bri/ /sgo kar gzhan gyis mi thub ma/ /shar gyi phyogs su 'phrog ma gzhag/ lho yi phyogs su ri mkhar ma/ /byang du ral pa gcig ma bri/ /phyi rol lha rnams dgod pa ni/ /mdor na ci ltar 'dod pa bzhin/ /gsang sngags mchod pa'i cho ga kun/ /snga ma bzhin du yongs su bsgrags/ /dkyil 'khor rab tu gsang ba 'di/ /sgrub pa'i tshen bgegs med bshad/ /rdzas rnams kun dang las rnams ni/ /gsang sngags dag gis ci dgar 'grub/ /bcug nas 'byung ba nyid kyis kyang / /bgegs bya bar ni mi nus so/ /dri dang me tog bsung zhim dang / /bdug spos mar me gsal ba dang / /bshos kyang
294b
rnam pa sna tshogs kyis/ /de nas mchod pa legs par brtsam/ /bzlas brjod cho ga las gsungs dang / /dkyil 'khor dag tu ci bstan pa/ /de bzhin khang pa'am dkyil 'khor du/ /mchod pa yi ni cho ga bya/ /rig sngags rgyal la lha bshos ni/ /snying por gyur pa sna tshogs dang / /mchod pa sna tshogs gang yin pa/ /cho ga bzhin du bya bar gsungs/ /mar gyi mar me gsal ba dang / /snying po dag kyang gsal bar dbul/ /'go bar bya ba'i ched du ni/ /rang rig sngags la mchod yon dbul/ /de nas rig sngags rgyal po yis/ /yungs kar dag la sngags nas su/ /nad rims dang ni thams cad du/ /gsang ba'i bsrung ba rab tu bya/ /las kun byed pa'i rig sngags sam/ /yang na bsrung ba gzhan yang rung / /yungs kar yongs su bzlas pa dag /rdzas kyi drung du gzhag par bya/ /de yis kun tu gtor ba yis/ /bgegs rnams las ni bsrung bar 'gyur/ /g.yon du rang gi phyag rgya bzhag pa'am/ /ral gri mngon par sngags pa'ang rung / /phyogs skyong phyogs su bzhag byas te/ /de'i mod smyung zhing bsrung ba byas/ /sems stobs che zhing gtsang sbra can/ /gos kyang de yi kha dog ldan/ /lus dang stobs dang lang tsho dang / /gzugs dang ldan pa'i skyes bu zhig/ dpal la bzlas pa'i ral gri 'dzin/ /mgul na phreng ba'i do shal 'phyang / /yungs kar dag ni thu bar blugs/
295a
@#/ /bgegs rnams blta la mkhas pa ste/ /phreng ba dang ni yungs kar dag/ bgegs la rab tu 'phen par nus/ /bgegs rnams kun nas 'byung ba'am/ yang na 'jigs pa chen po la/ /'jigs pa med par ral gris bsdigs/ /gal te nye bar 'ongs nas 'debs/ /yungs kar dag dang phreng ba spos/ /bgegs rnams nye bar zhi bar 'gyur/ /yang na rang gi gnas dag na/ /legs par gnas pa'i ral gris bya/ /bskor ba'i gnas rnams bor na ni/ /skabs dang glags ni rnyed 'gyur zhing / /de la bgegs kyang 'jug par 'gyur/ /de bas nan tan bskyed de bsrung / /de dag sgrub pa'i cho ga las/ /bsrung ba'i las ni mdor bsdus pa'o/ /rgyud las gsungs pa'i yon tan can/ / phyogs skyong rnams ni ma rnyed na/ /lcags mda' ma yang na mda' can dag/ bzlas nas phyogs su gzugs par bya/ /gsang sngags bzlas shing dka' thub can/ /rgyud 'dzin shes par ldan pa zhig/ gsang sngags sgrub pa'i grogs mchog ste/ /bzlas brjod byed cing sgo kar bzhag/ des ni bgegs ni bzlog pa dang / /las rnams kun la 'jug par bya/ /rgyud rgyud dag las rang gis rgya/ /bsrung ba cis kyang mi tshugs gang / /de dag bzlas shing mchod byas nas/ /bdag nyid kyis ni bcing bar bya/ /bgegs
295b
chen drag po rnams la ni/ /de dag gis ni bzlas bya'am/ /yang na 'dod pa'i gsang sngags kyis/ /sngags pa'i yungs kar dag gis bya/ /lha yi dkyil 'khor phyi rol du/ /gtor ma'i cho ga ci rigs par/ /rab tu dang zhing bzang ba'am/ /yang na 'byung po kun la bya/ /bskrad pa dang ni 'og bcing dang / /steng yang bcing zhing khor yug tu/ /mtshams bcad phyogs kyang bcing bya zhing / /rdo rje dra ba ra ba bya/ /rgyud dang slob dpon lung ngag gis/ /rdzas dang bdag dang lha yang bsrung / /gsang sngags dag gis phyi nang du/ /bgegs rnams thams cad bzlog par bya/ /cho ga de dag thams cad ni/ /phyi dro'i dus su bya bar bshad/ /nyi ma nub par gyur nas ni/ /rdzas rnams sgrub pa brtsam par bya/ /blo dang ldan pa phyir byung nas/ /nye reg yang dang yang byas te/ /bdud rtsi thab sbyor bzlas byas pa'i/ /spos chu khyor gang btung bar bya/ /dkyil 'khor bdag po'i snying po yis/ /bzlas pa'i mar ni cung zad btung / / ngal dang snyom pa la sogs pa'i/ /gnod pa thams cad zhi bar y+'+g+yur/ /stang zil sbrang rtsi pi pi ling / /sangs rgyas spyan gyis bzlas pa'am/ /snga mas bskus na myur bar ni/ /bgegs las byung ba'i gnyid sel lo/ /bsdams shing shar du kha bstan 'dug/ lha rnams la yang phyag btsal nas/ /kun la yid kyis gsol btab ste/ /de nas sgrub la 'jug par
296a
@#/ /bya/ /mtshan ma bzang po rnam pa gsum/ /bzlas brjod byed pas bzung nas ni/ /rab tu dga' ba'i sems kyis ni/ /de nas sgrub la 'jug par bya/ /mtshan ma dag ni ci 'dra las/ /dngos grub dag kyang de 'drar gsungs/ /de nas zlos pa'i mtshan ma yis/ /dngos grub bstan pa 'dod par bya/ /legs par grub byed ces bya ba'i/ /rig pa'i rgyal po'i blo bsams nas/ /bum pa sgo kar bzhag pa la/ /bskor ba dag kyang gus par bya/ /lha yi gnas su zhugs nas ni/ /de yi 'og tu phyag byas nas/ /'go bar bya phyir thams cad la/ /mchod yon gyi ni bya ba bya/ /rig sngags rgyal po'am rgyal mo'am/ /yang na spyi yi snying po'am/ /rang rang sngags kyis ci rigs par/ /spyan drang pa yi cho ga bya| |dkyil 'khor dag tu bya ba bzhin/ /rang gi phyag rgya legs par bstan/ /de ltar byas na rig sngags dang / /gsang sngags mthu chen byin gyis rlob/ /rdzas ni kha cig rnam brtags pa/ /lag pa'i snyim pa'i nang du gzhug/ kha gcig mchod yon snod du gzhug/ kha cig bum pa'i steng du 'o/ /grog mkhar sa yi kham phor ram/ /yang na lo ma bting bar bzhag /bsgrub bya stegs bu la bzhag pa/ /gi wang bskus pa'i snod bcug ste/ /bzlas pa'i gnas su bzhag nas su/ /yungs kar dag gis mngon bsrung ste/ /blo can
296b
cho ga shes pa yis/ /me tog ta ma li yis mchod/ /bstan par bya dang bsrung ba dang / /byin bskyed pa ni gang bshad pa/ /ji ltar rigs par rdzas la 'o/ /ma stongs par ni bya ba'i rigs lha dang rdzas kyi bar dag tu/ /ci yang gzhag par mi bya'o/ /rdzas kyi g.yas g.yon gnyis su ni/ /srung ba'i rgyu dang yungs kar bzhag/ bdug spos mchod yon gtor ma dang / /zho dang mar me la sogs dang / /bsgrub bya'i rdzas ni bzhag nas kyang / /dkyil 'khor blta ba gzhag par bya/ /rdzas la mig gam lag pa yis/ /blta 'am yang na brim par bya/ /g.yo ba'i yid ni mnyam bzhag ste/ /blo dang ldan pas shub bur bzlas/ /'dir yang byin bskyed cho ga dang / /sngon zhing skabs skabs dag tu bya/ /de yi mtshan me thog thag ni/ /de bzhin rgyun mi 'chad par bzlas/ /mchod yon la sogs cho ga kun/ /dus gsum du yang bya bar bshad/ /'thor 'thung la sogs dgos pa la/ /de tshe rjes su bsgrub pa bzhag/ sgrub pa po ni bsgrub pa na/ / rtag tu nye bar gnas par bya/ /sgrub pa po bzhin cho ga yi/ /lhag ma sgrub grogs mchog gis bya/ /bgegs chen rnams ni zlos pa la/ /rjes su sgrub pa dag gis bya/ /des ma nus na bdag nyid kyis/ /yungs kar la sogs bzlas pas bya/ /shar phyogs nas ni char chen 'bab/ /'jigs su rung ba'i 'brug sgra sgrogs/ /me yi phyogs su glo bur du/ /mtshams
297a
@#/ /kyi snang ba nam langs bzhin/ /gshin rje'i phyogs su 'ong ba ni/ /'chi bdag gzugs can 'jigs 'jigs blta/ /ral gri thogs shing sgra chen 'byin/ /sna chad lo ma mi thod du/ /mi yi khrag ni 'thung bar byed/ /mgo skra gyen du brdzes shing 'bar/ /gcin rgyang char bzhin 'bab pa yi/ /bsrung ba'i las rnams 'jigs par byed/ /bden bral phyogs nas sems can mang / /'jigs pa'i gzugs can tha dad pa'o/ /chu lha'i phyogs nas lha yi bdag/ sprin dang bcas par 'brug sgra sgrogs/ /rlung gi phyogs nas tshub chen 'byung / /gnod sbyin pho mo byang phyogs nas/ /dbang ldan phyogs nas tshogs kyi gzugs/ /steng nas mthu chen lha rnams 'byung / /'og nas sa 'gas g.yo bar byed/ rdzas kyi dngos grub chen po la/ /de la sogs pa bgegs kyi rnams/ /nam gyi phyed na 'byung bar 'gyur/ /dngos grub chen po rnams la ni/ /bgegs kyang chen po nyid du 'gyur/ / phal la rjes su mthun pa yi/ /bgegs ni rnam pa sna tshogs 'byung / /dus gsum dag gi dngos grub ni/ /tha ma 'bring dang rab tu bshad/ /dus bzhin byung na rab tu shis/ /de la zlos pa mi shes so/ /dro dang dud 'thul 'bar ba dag/ 'grub pa'i mtshan mar bstan pa yin/ /'bar ba las ni gsum char bshad/ /du ba la ni rim bzhin gnyis/ /
297b
drod nas dngos grub gcig pu ste/ /de ni tha ma yin par bshad/ /kha cig gsang sngags mthun pa las/ /myur du 'bab par gyur pa'am/ /gal te bsgrub tshe thog mar ni/ /dngos grub kha cig 'od byung nas/ /de tshe rang rig rig sngags kyis/ /dngos grub mnan pa brtsams par bya/ /mis ni rig sngags rgyal ba yi/ /snying pos ba yi gi wang ngam/ /lag pas brim na dngos grub ni/ /mnan par 'gyur zhing brtan par 'gyur/ /mar ram yang na me tog gam/ /rdzas kyi rigs la bzlas kyang rung / /de ltar mnan na rdzas rnams ni/ /spyad na yon tan thob par 'gyur/ dang por grub par gyur na ni/ /thog mar gnas par byas nas su/ /de nas mtshan mo'i lhag ma la/ /blo can bzlas brjod ci 'dod bya/ /dngos grub 'bring po dag la yang / /cho ga de bzhin bya bar bshad/ /nam phyed dag na grub pa ni/ /spyad pa'ang de yi dus su bshad/ /dang po pa ni srod la ste/ /'bring po dag ni nam phyed na/ /dngos grub rab dag spyad pa ni/ / skya rengs 'char \?\ ka'i dus su 'o/ /dang po pa ni nang par te/ /lhag ma gnyis la nges pa med/ /'bring po mtshan mo spyad bya ba/ /nang par spyad par mi bya 'o/ /dngos grub tha mar gyur pa dag /nang par spyad par dgag pa med/ /dus las 'das pa'i nges pa'am/ /rim pa gzhan yang mi shes so/ /gang zhig nang par mi spyad la/ /gal te gnas pa'ang
298a
@#/ /ma byas na/ /de ni dman ma bzhin bor ba/ /spyad zin pa zhes bya bar 'gyur/ /bsgrub pas bskul ba'i rdzas dag la/ /gsang sngags gzi brjid kun zhugs pa/ / dus la 'das pa'i nyes pa yis/ /phal cher yongs su spong bar 'gyur/ /mnan pa dag ni phyi nas yang / /grub kyi bar du rung bar 'gyur/ /mnan te bzhag pa'i rdzas dag ni/ /ji ltar 'dod pa spyad par bya/ /gal te grub pa'i rdzas dag ni/ /nam yang spyad par ma byas na/ /de las gzhan pa'i dus mtshams la/ /bzlas pa yang byas spyad par bya/ /ma grub pa yi rdzas dag la/ /cho ga de nyid rab tu bsgrags/ /dus tshigs dus chigs dag la yang / /byin bskyed la sogs cho gas bsgrub/ /lo gsum gyis ni gang ma grub/ /de ni nams kyang mi 'grub bo/ /mchog tu gyur pa'i rdzas rnams la/ /cho ga 'di ni yongs su bsgrags/ /zla ba drug gis 'bring po rnams/ /dngos grub nye bar thob par 'gyur/ /chung ngu rnams la dus dag na/ /gang yang nges pa med par bshad/ /ri mo yi ni lha rnams la'ang / /cho ga 'di nyid bshad pa yin/ /yongs su gzung ba la sogs pa'i/ /cho ga'ang de las gzhan pa'ang bya/ /rdzas sgrub pa'i cho ga rim par phye ba'o// //sems can snang dang mi snang las/ /grub pa'i rdzas ma grub pa'i tshe/ /gal te phog \?\ par
298b
gyur nas ni/ /dkyil 'khor 'dir ni bri bar bya/ /tshes grangs mi dgos rgyu skar min/ /smyung bar bya ba'ang med par gsungs/ /mchog tu 'gro ba la gnas te/ /mod la dur khrod thal ba yis/ /gru gsum nub tu sgo gtod pa'i/ /dkyil 'khor 'di ni bri bar bya/ /de ltar bris nas phyi rol bskor/ /sgrub pa'i rig sngags bzhag par bya/ /de nas shar du bcom ldan 'das/ legs par grub byed ces bya ba/ /drag po gnod sbyin sde dpon ni/ /mthu chen rig sngags rgyal po dang / /rdo rje khro bo rdo rje dbyung / rdo rje khu tshur lcags kyu ma/ /rdo rje kI li 'jigs byed gzugs/ /ser skya dang ni thog thog gzugs/ /lug rgyud rnam rgyal nag po dang / /de bzhin sgor ni dga' byed dgod/ /rdo rje sde dang dpung bzang dang / /khro bo chen por grags pa rnams// de dag rim bzhin bkod nas su/ /mkhas pas mchod pa'i cho ga bzhin/ /me tog dmar la sogs pas mchod/ /gtor ma khrag dang bcas par gsungs/ /drag shul spyod pa'i cho ga 'di/ /sngon du bstan pa kun kyang bya/ /mkhas pas rang gi rig sngags lha/ /sgo kar mngon du phyogs bzhag la/ /dri zhim me tog dag gis kyang / /cho ga bzhin du mchod par bya/ / phyi rol dkyil 'khor ci dga' bar/ /de dang rjes su mthun bya ste/ /lha ni drag po gang 'dod pa/ /mchod pa dag la sogs pa bya/ /snying po'i dkyil 'khor dbus su ni/ /drag shul
299a
@#/ /spyod pa'i las kyi thab/ /gru gsum kha ran can byas te/ /sbyin sreg las ni brtsams par bya/ /me 'bar yam shing seng ldeng ngo / /nim pa'am dur khrod nas skyes pa/ /rang gi khrag las btags pa dang / /dur khrod thal ba sar pa'am/ /dug khrag yungs kar bsres pa dang / /de nas ske tshe sreg blugs dbul/ /rdzas 'phrog pa yi phyir bsngos te/ /gzugs brnyan steng du gnas pa'am/ /yang na gzugs brnyan btub btub cing / /mjug tu sbyin sreg dag kyang bya/ /khro bo'i cho ga shes pa yis/ /cho ga 'di ni bya bar gsungs/ /gsang sngags zlos pas skrag gyur nas/ /rdzas 'phrog pa ni rings par yang / /'phrogs pa'i rdzas ni khyer nas su/ /mngon du 'ongs te sbyin par byed/ /byed na de la mi 'jigs sbyin/ /zhi ba ci dgar rab tu bya/ /gal te zhi ba ma byas na/ /de tshe mod la 'chi bar 'gyur/ /yang na mi snang ba yi rnams/ /dkyil 'khor sgor ni rdzas kyang 'jog / yang na zlos par 'dod pa'i rnams/ /rdzas dag lhag par ster bar 'gyur/ /rdzas 'phrog pa'i mod la dgug pa'i cho ga rim par phye ba'o// //rdzas phrogs nas ni ring lon nas/ /dkyil 'khor 'dir ni bri bar bya/ /rigs gsum rnams kyi spyi yin te/ /dngos grub phyir ni las kun byed/ /thams cad du yang rig sngags rgyal/ /legs
299b
par grub byed ces bya ba/ /snying po'i dkyil 'khor dbus su ni/ /phyag rgya bris te dgod par bya/ /rdo rje khro bo khro chen dang / /mA ma ki dang lcags kyu ma/ /rdo rje khu tshur rdo rje'i tog/ rdo rje dbyug pa tho ba dang / /'jigs byed lug rgyud kI li dang / /rdo rje blo gros mi thub ma/ /gsang sngags khro bo pho nya mo/ /rmang byung pha rol gnon gang dang / /'dod pa 'byor byed rta mgrin dang / /phyag na zhal ras phal chen dang / /bcom ldan sna tshogs gzugs can dag /snying po'i dkyil 'khor dag tu dgod/ /grags ldan ma dang dpal mo che/ /dkar mo dang ni gos dkar can/ sgrol ma zla ba dpal mo gang / /rmad byung pha rol gnon rnams dang / /'khor los bsgyur sogs gtsug tor dang / /mdzod spu dang ni bde gshegs spyan/ /mche ba mdung thung byams ma che| |rmad byung pha rol gnon gang dang / /gzhan gyis mi thub la sogs pa/ /rigs kyi rig sngags bstan pa dang / /las kun byed pa'i gsang sngags dang / /phyag rgya chen por grags pa dang / /phyi rol srung ba'i sgo ba dang / /cho gar gtogs pa gang yin pa'i/ /so so'i rigs kyi mngag gzhug pa/ /brtson 'grus chen po dgod par bya/ /phyi rol 'jig rten skyong ba dang / tshangs pa mes po chen po dang / /dbang phyug chen po chung mar bcas/ /tshogs spyan tshogs dang lhan cig tu/ /ma mo rnams dang klu bdun dang / /de bzhin lha min bdag po dang / /bstan
300a
@#/ /pa la ni gang dga' ba/ /rmad byung pha rol gnon gang dang / /dkyil 'khor snga mar gsungs pa yi/ /lha ni gang dang gang yin dang / /gsang sngags cho gar gang bstan pa/ /de kun phyi rol mchod par gsungs/ /de nas de yi 'og tu ni/ /cho ga sngon bzhin me sbar te/ /rdzas 'phrog gzugs brnyan spra tshil las/ /byas te slob ma'i steng bzhag nas/ /sbyin sreg cho ga bya bar gsungs/ /der ni glor yang bzhag nas su/ /mtshon cha yis ni gtub gtub cing / /mjug tu tshul bzhin bsreg par bya/ /sngon bzhin mchod pa'i cho ga dang / /gtor ma yi ni las kyang bsgrags/ /phyag na rdo rje'i rigs de yi/ /cho ga kun gyi drag shul spyad/ /de bzhin rang gi rig sngags kyis/ /cho ga dral shul bya bar gsungs/ /nyi shu brgyad la ma thob na/ /rdzas phyir dgra la drag shul spyod/ /mar gyi ngo ni tshes lnga la/ /cho ga byas pa de mchog go/ lcug lcag gis ni dgra gzhu zhing // de bzhin mes kyang gdung bar bya/ /sna tshogs tshig gis brgyan pa dang / /mda' yi tsher ma rnon pos dbug /ske tshe lan tshwas byugs nas su/ /ci dga' bar ni yan lag gtub/ /dgra bo la ni cher khros pa/ /ci ltar 'dod pas chad pas bcad/ /dar ras dmar pos dkris nas su/ /skud pa dmar pos bcing bar bya/ /me tog dmar pos mchod
300b
bya zhing / /ji srid 'dug gi bar du ni/ /rdzas kyi phyir ni bskul bya zhing / /nyin gcig bzhin du bzhu bar bya/ /gal te des ni de byin no/ /de tshe chad pas gcad pa bshol/ /rdzas ni bstan pa 'di dag gis/ /nam gyi phyed na sbyin sreg bya/ /ko bi da ra'i yam sreg shing / /'bru mar btags pa me la bsreg/ rang gi khrag dang dug dang bcas/ /yungs kar lan tshar bcas pa dang / /ske tshe de la btags pa yi/ /sbyin sreg brgya ni rtsa brgyad bya/ /rdzas 'phrog pa yi ming dang ni/ /rang bzhin dag ni smos nas su/ /khrag dang sbyar ba'i lan tshwa yis/ /lhag par sbyin sreg bya bar gsungs/ /gal te rdzas ni ma ster na/ /bdag nyid ngan pa 'dir brtag cing / /de tshe 'chi bar gyur pa'i las/ /ma lus pas ni sbyin bsreg bya/ /gang tshe rdzas ni sbyin gyur tam/ /yang na sbyin pa gzhan yang rung / /sgrub pa po la 'chags byed na/ /de tshe mkhas pas zhi bar bya/ /gal te chud ni gsan pa'am/ /bag med pas ni spyad gyur na/ /de tshe skrag pa de la ni/ /sgrub pas myur du dad par gyis/ /'phags pa rdo rje rnam 'joms sam/ /myur du khro bo chen po'am/ /yang na mnol ba med pa yis/ /sbyin sreg las mthar myur du bskul/ /mkhas pas rigs gsum dag gis kyang / /'phrogs pa slar ni dgug pa'i phyir/ /dkyil 'khor dag ni cho ga bzhin/ /gsang sngags 'di ni sngon bzhin bya/ /na mo
301a
@#/ /rat+na tra yA ya/ na mash+tsaN+Da badz+ra pA Na ye/ mahA yak+Sha se nA ta ye/ oM ha ra ha ra badz+ra/ ma tha maM tha badz+ra/ d+hu na d+hu na badz+ra/ ha na ha na badz+ra/ da ha da ha badz+ra/ pa tsa pa tsa badz+ra/ d+ha ra d+ha ra badz+ra/ d+ha ra ya d+ha ra ya badz+ra/ dA ru Na dA ru Na badz+ra/ dA ra ya bi dA ra ya badz+ra/ ts+tshin+da ts+tshin+da badz+ra/ b+hin+da b+hin+da badz+ra phaT/ zlos pas gal te rdzas rnyed dam/ /yang na gzhan dag thub kyang rung / /de ni sngon bzhin dus mtshams la/ bsrung bar bya ste sbyar bar bya/ /gzhan yang dngos grub 'bring dag dang / /tha ma cung zad tsam la yang / /chog shes pas ci rigs par/ de yi mod la sbyar bar gsungs/ /bcom ldan 'das kyi sku skal du/ /rdzas kyi cha gcig thog mar dbul/ /blo dang ldan pas bla ma la/ /phyag byas nas ni gnyis pa dbul/ /gsum pa pa sngar grub pa rnams la/ /dkyil 'khor phyi rol dag tu dbul/ /bzhi pa grogs po rnams la sbyin/ /lnga pa bdag nyid spyad par bya/ /de la'ang skal ba phyed phyed du/ /bgos nas bdag gis phyed bskur ba/ /brtag par bya ba'i rdzas rnams la/ /cho ga 'di dag bshad pa yin/ /bcom ldan sku skal bdag nyid kyis/ /mchod yon phul nas bskul bar bya/ / sangs rgyas rnams la slu ba'i phyir/ /mchod pa'i cho ga la sogs bshad/ /bla ma'i skal ba bdag gis blangs/ /de la lhag par gus bya ba/ /de ni de yi slu ba yin/ /sgrub pa po yis
301b
phyi rol tu/ /mchod yon dbul zhing grub pa khyed/ /nyid kyi rdzas skal 'di bzhes zhes/ /tshig ni lan gsum bsgrag par bya/ /sngags grub pa rnams med na ni/ /de yi skal pas bsngags zlos pas/ /dogs pa med pa'i sems kyis ni/ /grogs po rnams la sbyin par bya/ /gsang sngags zlos pa'i grogs rnams ni/ /gus shing rtag par don du gnyer/ /dka' thub dag dang grogs byed pas/ /thog ma nyid nas grub pa yin/ /de bas de yis sbyin pa ni/ /rdzas ni blang bar 'os pas na/ /bdag cag sngon nas grub pa zhes/ /mthun par smra zhing blang bar bya/ /grub pa'i rdzas rnams de lta bur/ /bgo bar rab tu bsgrags pas na/ /bdag rang nyid kyis de rnams la/ /rdzas ni rnam par bgo bar bya/ sgrub pa'i rdzas rnams kha cig ni/ /ci ran tsam du bgos te dper/ /any+dza na ni thams cad dang / /gi wang la sogs bzhin du bshad/ /cho ga shes pas la la ni/ /yid kyi bgos pa byas te dper/ /ral gri la sogs mthong ba bzhin/ / de la phan gdags bsam par bya/ /grub pa'i rdzas rnams kha cig ni/ /gcig pus spyad par bya ste dper/ /ras la sogs pa mthong ba bzhin/ /de la phan gdags bsam par bya/ /grub pa'i rdzas kyi bye brag las/ /kha cig mnyam par bgo ste dper/ /ril bu la sogs mthong ba bzhin/ /de la phyed du bgo ba med/ /rdzas rnams la ni phal cher yang /
302a
@#/ /gcig pus mang du bskur bar gsungs/ /skal par nor ram man ngag bstan/ /rgyud las gsungs pas yid ches bya/ /'di dag gis byos shig ce'am/ / bdag gi nor 'di khyod kyi'o zhes/ /bzlas brjod byed pas grogs po la/ /bsgo ba dag ni de ltar bya/ /grub par gyur na cho ga bzhin/ /mkhas pa dag gis phan 'dogs pa/ / bdag nyid kyis ni ci rigs pas/ /gang yang rung bas rab tu bya/ /dngos grub rnam pa mang po dag/ grub pas rnam par bgo ba ni/ /bye brag tu ni bdag nyid kyis/ /dri med blo yis shes par bya/ /skal pa dbang ba mchog gnas su/ /zlos pas gsol ba gdab par bya/ /bka' lung grub par shes par bya/ /de yi 'og tu bgo bar gsungs/ /de ltar kun la ci rigs par/ /legs par bgo bar bya bar gsungs/ /dngos po dag ni phal la yang / /mdor na cho ga de bzhin bya/ /gus shing nor dang mchod pa bya/ /bka' bzhin byed par phan 'dogs pas/ /rdzas grub bla ma'i skal la sogs/ /slu ba dag ni de ltar bshad/ /rang gi mchod yon phul nas su/ /rdzas rnams lung bzhin legs par bgo/ rig sngags rgyal la phyag byas nas/ /rig rgyal mo la'ang gus byas te/ /blo yis gsang sngags lha rnams la/ /gus par bsams te spyad par bya/ /blo can grub
302b
nas nam mkha' la/ /ci bde bar ni 'gro bar bya/ /'on tam grub pa rnams dang ni/ /lhan cig 'dug kyang cis mi tshugs/ /rtag tu rang gi lha nyid ni/ /yid la yongs su bzlas pa dang / /bdag gi grub pa'i rdzas rnams la/ /rtag tu blta zhing dran byas na/ pha rol gnod pa byed pa ni/ /sdang pa rnams kyis yongs mi tshugs/ /mkhas pas rig sngags brgya bzlas na/ /grub pa rnams kyis mchod par 'gyur/ /rigs kyi rig sngags bzlas na ni/ /sgrub po 'jigs pa kun las thar/ /gcig la gcig ni mthong ba na/ /mkhas pas lags par smra bar bya/ /legs par 'ongs sam bde'am zhes/ /mthong nas dang por mngon par brjod/ /dam tshig rigs kyi phyag rgya dang / /grub pa'i rdzas kyang bstan par bya/ /gang nas 'ongs zhes zer na yang / /dris pa'i lan yang gdab par bya/ /lha yi gnas ni thams cad dang / /shing gcig lam gyi bzhi mdod dang / /dka' thub gnas dang byin can dang / /mchod sbyin pa dang bram ze'i gnas/ / mu stegs la sogs grub pa dang / /nam yang 'da' bar mi bya'o/ /nga rgyal gyis ni 'das gyur na/ /'khrugs nas mod la ltung bar 'gyur/ /bag med dam tshig nyam pa yis/ /ltung ngam ltung bar gyur kyang rung / /rig rgyal nyid kyis bzlas na ni/ /de nas mod la snad bar 'gyur/ /nam mkha' gzugs med pa la yang / /rab tu grub pa lta mig can/ /rang gi las
303a
@#/ /rnams rig 'gyur te/ /rnal 'byor can rnams 'gro ba bzhin/ /de bas sngon chad sprul pa yis/ /lam nas 'gro dang 'ong bar 'gyur/ /bsod nams dbang gis gnas kyi phyir/ /khyim yang ji ltar 'dod pa 'byung / /kun nas ljon shing mang pos brgyan/ /sna tshogs bya rnams 'phur zhing lding / /lha yi bu mo rgyu ba yi/ /rgyan gyi sgra ni sil khrol can/ /de yi glu gar sil snyan gyis/ /mngon par dga' ba'i yon tan gsal/ /me tog bzang po gsum gyis khyab/ /mar me'i 'od ni rab tu gsal/ /gang dang gang du kun brtags pa/ /der yang dpag bsam ljon shing che/ /'dod pa thams cad 'byor pa yi/ /rmad du byung ba'i mtshan nyid 'byung / /rin chen rdo leb ngal bso'i phyir/ /nor bu'i gzhi las 'bab chu can/ /sa gzhi ne'u gsing gis brgyan pa/ /thams cad du yang mngon par 'byung / /rgyan rnams dang ni gos rnams dang / /rtsed mo rnams kyi cha spyad dang / /bdud rtsil sogs 'bras ldan pa'i/ /dpal gyi shing yang de las 'byung / /de ltar grub par 'dod pa rnams/ /ji ltar 'dod pa thams cad 'grub/ /grub par gyur nas de nas ni/ /bsrung ba'i phyir ni 'bad par bya/ /dben pa'i skyed mos tshal dag gam/ /ri rnams kyi ni rtse mo'am/ /rgya mtsho yi ni gling dag gam/ /mtsho chen dag gi gling ma'ang rung / /rang 'phrul
303b
sprul pa las byung pa/ /grub par dga' phyir spyod par byed/ /grub pa gzhan dang lhan cig tu/ /sngon grub pa yi gnas su'ang rung / /de ltar grub pa byas na yang / /gal te 'grub par ma gyur na// rdzas des bsrungs te bzhag pa'am/ /cho ga bzhin du gnas par bya/ /sngon du bsnyen ba ci las gsungs/ /lhag par yang ni byas nas su/ /mkhas pas rdzas de sngam bzhin/ /slar yang bzlas te bsgrub par bya/ /'on kyang gal te rdzas de ni/ /brgya la grub par ma gyur na/ /brtson 'grus bstan par bskyed nas ni/ /der ni phyir yang bsgrub par bya/ /gal te lan bdun bar du rdzas/ /bsgrub ste 'on kyang ma grub na/ /gang gis cho ga 'di byas pa/ /de ni nges par 'grub par 'gyur/ /bsod snyoms zas la za zhing gnas/ /sgrub po bzlas brjod byed la brtson/ /sangs rgyas rnams la dad pa yis/ /mchod rten che la phyag bya 'o/ /gus pas shes rab pha rol phyin/ /bdun nam yang na lan brgyar bklag/ yang na yon ni khyad par can/ /dge 'dun rnams la dbul bar bya/ /rgya mtshor 'bab pa'i gling ma'am/ /yang na rgya mtsho'i gling ma la/ /mchod rten dag ni khru gang pa/ /mkhas pas gus pas brgya byas te/ /re re'i mdun nas 'dug nas ni/ /bzlas brjod dag kyang stong byas nas/ /mchod rten tham 'bar 'gyur pa/ mthong nas nges par 'grub par 'gyur/ /mtshams med lnga ni byas pas kyang / /stong dag legs par
304a
@#/ /byas nas ni/ /mchod rten nges par 'bar 'gyur zhing / /gdon mi za bar 'grub par 'gyur/ /kun la'ang bye bar bzlas na ni/ /nges par 'grub par rnam par bstan/ /nyes pa chen po byas pa yang / /lo bcu gnyis kyis 'grub par 'gyur/ /cho ga bzhin du ma bsnyen pas/ /rig sngags dngos grub mi ster na/ /tshim par bya phyir bshad pa yi| |sbyin sreg de ni brtsam par bya/ /yang na las dang don rnams kun/ /sgrub par byed pa'i dkyil 'khor 'di/ /bris nas de yi nang nyid du/ /sbyin sreg rnam pa bzhi bya 'o/ /ri yi rtse mo'am phyugs lhas sam/ /yang na gang+gA'i gling ma'am/ /yang nas gzhi mnyam byas par/ /dkyil 'khor bzang po sngon bzhin bya/ /'di ni blo dang ldan pa yis/ /khru ni brgya rtsa brgyad par bya/ /de dang mnyam pa'i bum pa yis/ /khor khor yug nye bar brgyan/ /rta babs bzang po bzhi dag kyang / /sgo sgo dag tu yongs su gzugs/ /khor yug rnam par rgyal pa yi/ /bdan sna tshogs rnams kyis brgyan/ /rta babs dag kyang rgyal mtshan dang / /lo ma sar pa dag gis brgyan/ /phreng ba brgyus pa gshibs pa dag/ blo dang ldan pas gcad par bya/ /phyi rol khor khor yug tu/ /mar gyi mar me gsal bya zhing / /bdug spos rigs ni sna tshogs pas/ /rgyun mi 'chad par bdug par bya/ /dkyil 'khor
304b
gnyis pa khor yug tu/ /khru bdun dag dang ldan pa yang / /gsum pa khru ni gsum pa ste/ /cho ga de ltar yongs su gzung / /mchod sogs cho ga gang yin dang / /dkyil 'khor cho ga sngon bzhin bya/ /gzhan yang cho ga lhag par ni/ /sbyin sreg dag kyang bya bar gsungs/ /dbus su rang gi rig sngags kyis/ /bum pa gang ba bzhag par bya/ /de yi phyogs bzhi dag tu yang / /sbyin sreg cho ga bzhin du bya/ /de bzhin gshegs pa'i rigs rnams kun/ /shar gyi phyogs su bri bar bya/ /byang phyogs su ni pad+ma'i rigs/ /cha dang / mthun par legs par bri| |mkhas pas lho yi phyogs su ni/ /rdo rje'i rigs kun bri bar bya/ /nub kyi phyogs su drag po dang / /gcig pu gnod sbyin rigs rnams bri/ /de yi lhag pa'i cha dag kyang / /nang rim bzhin du phyi rol bri/ /de yi phyi rol 'jig rten skyong / /gzhan dag kyang ni bya bar bsgrags/ /gsang sngags zos pas dang bor ni/ /bdag po lnga rnams dgod par bya/ /de nas rig sngags rgyal po dang / rig sngags rgyal mor bsgrags pa dang / /las kun byed pas gsang sngags dang / /dkyil 'khor dag tu gang bstan pa'i/ /pho nya che phra go rims bzhin/ /dkyil 'khor du ni dgod par bya/ /sgo kar bgegs kyi sde dpon dang / /khro bo bdud rtsi thab sbyor dang / /lha mo gzhan gyis mi thub bzhag/ lhag ma ci dgar bya bar
305a
@#/ /bshad/ /de ltar rgyud don mthong ba yis/ /dkyil 'khor dgod par byas nas kyang / /der ni snying po spyan drangs te/ /cho ga lhag ma bya bar gsungs/ /mkhas pas phyogs bzhi rigs re la/ /sbyin sreg cho ga bzhin byas nas/ /nub kyi bum pa'i drung du ni/ /rang gi rig sngags sbyin sreg bya/ /'dir ni sbyin sreg cho ga bzhin/ /byas nas thams cad tshim par 'gyur/ /der ni gtor ma rgya cher bya/ /des na lha rnams mgu bar 'gyur/ /dkyil 'khor 'di ni bris nas kyang / /bzlas brjod sbyin sreg ci dgar bya/ /rang rigs rig pas rig sngags la/ /mar gyi sbyin sreg dag kyang bya/ /'o thug mar dang sbyar ba'am/ /til dang mngar gsum sbyar ba yis/ /mtshan mo'i lhag ma rang rigs kyi/ /rig pas rig sngags sbyin sreg bya/ /las 'di dag gis nges par yang / /lha nyid myur du 'grub 'gyur zhing / /tshig par 'gyur zhing mnyes par 'gyur/ /rigs par yang ni skongs par 'gyur// dkyil 'khor 'di ni bris nas kyang / /gsang sngags rjes mthun sbyin sreg bya/ /lan bdun kho na bris nas kyang / /the tshom med par nges par 'grub/ /rig pa'i rgyal po'i rig sngags sam| |de bzhin rigs kyi rig sngags kyis/ /rig sngags dag la drag spyad pa/ /thams cad btud de bya bar gsungs/ /spra tshil las ni gzugs byas nas/ /de yang rig sngags
305b
kyis bzlas te/ /drag shul spyod pa'i sbyin sreg ni/ /las kyi cho ga thams cad bya/ /ske tshe yungs mar gyis blugs na/ /rims nad drag pos 'debs par 'gyur/ /kha sbub tu na bzhag byas na// lus la sdug bsngal tshor ba 'byung / /mi mthun pa yis brdeg pa dang / /me tog gis kyang bsnun par bya/ /de nyid la ni spyo bar gsungs/ /tho mtshams pa yang ci dgar bya/ /dkyil 'khor 'dir ni gsang sngags dag/ gnod bzhin du ni tshar bcad na/ /cho ga las ni bstan pa yi/ /dngos grub dag kyang stsol bar 'gyur/ /'dir ni lha nyid mngon gshegs nas/ /nyid kyis bsgrub pa nyid la ni/ /dngos grub myur du sbyin par 'gyur/ /byin nas zhi ba'i cho ga bya/ /gal te ci zhig ltar gyur na/ /dug khrag lan tshwa ske tshe dang / /yungs kar sbyar nas dkyil 'khor 'dir/ /mtshan mo lhag ma bsreg par byas/ /rang gi rig sngags lha nyid ni/ /sdug bsngal bzhin du myur gshegs nas/ /kye kye nga yis mchog sbyin zhes/ /sgrub pa po la gcugs par mdzad/ /gal te bag med ma byon na/ /sgrub pa pos ni zhag gsum du/ /'jigs pa med par rang gi sha/ sreg blugs gsum ni der bsregs na/ /de tshe nges par mngon gshegs nas/ /sgrub pa po la chags mdzad cing / /ci 'dod pa yi dngos grub stsol/ /nyes pa ma lus brjod par mdzad/ /mtshams med lnga ni byed pas kyang / /zhag dgur la
306a
@#/ /'di nges byas na/ /gdon mi za bar 'grub 'gyur bas/ /de phyir legs par brtsams par bya/ /las 'di don yod bya ba'i phyir/ /rig sngags dag la rgol ba'i tshe/ /zlos pa 'jigs pa med pa dang / /bsrung ba dag kyang byas te bya/ /'dir ni dngos grub legs byin nas/ /cho ga bzhin du zhi bar bya/ /las kyi nges pa ci yod pa/ /de dag rab tu bsgrims te gshegs/ /gsang sngags dngos grub thams cad la/ /dkyil 'khor 'di ni dam pa yin/ /sbyin sreg las la bstan pa yi/ /sbyin sreg rnam gsum bya bar gsungs/ /las rnams thams cad byas na ni/ /dngos grub rnam gsum thob par 'gyur/ /zlos pa rang gi rig sngags dag/ /gdon bzhin tshar gcad byed pa na/ /nyin cig bzhin du yo byad ni/ /shin tu gsar pa dag gis bya/ /mkhas pas bsrung ba byas ba dag/ bag yod pa la gtsang ba dang / /rgyud shes dka' thub ldan pa yis/ /rig sngags tshul bzhin drag shul spyad/ /gzhan du byas na nges par 'chi/ /legs par grub par byed pa'i rgyud chen po las/ sgrub pa'i thabs bsdus ba rdzogs so// //