rKTs


H767

(e-text produced by ACIP)

see text in Tibetan script
316a
rgya gar skad du/ AR+Ya mahA p+a ri NA ma rA dza sa man+taka/ bod skad du/ 'phags pa yongs su bsngo ba'i rgyal po chen po sngags dang bcas pa/ sangs rgyas dang / byang chub sems dpa' thams cad la phyag 'tshal lo/ /yon
316b
tan rgya mtsho dpag med pa/ /sangs rgyas dam chos 'phags pa yi/ /dge 'dun dus gsum bzhugs pa rnams/ /ma lus pa la skyabs su mchi/ /mi dge thams cad bshags par bgyi// 'gro ba'i dge la rjes yi rang / /chos kyi 'khor lo rab bskor bar/ /rdzogs sangs rgyas la bskul ma 'tshal/ /kun mkhyen spyan gyis gzigs pa yi/ /bdag dge chung yang gang mchis pa| |des ni gtan du bral ba dag/ thams cad nye bar zhi gyur cig/ rnam pa kun mchog ldan pa yi/ /stong pa shes pa'i ting nge 'dzin/ /byang chub bar gyi tshe rabs su/ /rtag tu bde dang ldan par shog/ rnam par mi rtog lhun gyis grub/ /rtag tu mnyam par bzhag gyur cig/ zla nyi nor bu rol mo ltar/ /sems can don la 'jug par shog/ ji ltar rgyal ba mkhas pa rnams/ /shes rab pha rol phyin thabs bsngo/ /de ltar bdag gi dkar po rnams/ /byang chub tu ni bsngo bar bgyi/ /dkon mchog gsum la dmigs pa yi/ /bdag gi lus ngag yid dge dang / /sbyin pa tshul khrims bzod brtson 'grus/ /bsam gtan shes rab las byung gang / /de dag kun gyis bdag nyid ni/ /tshangs par spyod pa ldan pa dang / /'jig rten mgon gyi bstan pa la/ /rang 'byung mngon dga' dbang ldan zhing / /sangs rgyas kun gyis gsung rab kyi/ /gzhung don tshig la mkhas gyur nas/ /dam chos yongs su 'dzin
317a
@#/ /pa dang / /lus dang srog la dga' med shog/ bdag ni 'gum pa'i dus bgyid tshe/ /phyin ci ma log yid kyis su/ /sangs rgyas tshe dpag med mthong nas// 'di nas bde ba can du mchi/ /bdud kyi spyod yul mngon gyur tshe/ /drang srong chen po tshe dpag med/ /rtag tu ston par mdzad gyur cing / /sa bcu 'thob nas de dag gi /rnam par dag pa'i rim pa yis/ /byang chub dam pa thob par shog /sangs rgyas kun tu bzang po nyid thob nas/ /bag chags bcas pa nyes bsags rtsa nas bton/ /ye shes sgrib med snying rjer ldan nas su/ /'gro ba rnams la sman dang bde ba bgyi/ /phyogs bcu mtha' yas pa na shes bya'i don ma lus par khyab pa'i blo mnga' ba phyogs bcu'i sangs rgyas bcom ldan 'das dang / byang chub sems dpa' rgya mtsho snyed la phyag 'tshal lo/ /sems kyi rnyog ma yid gnyis gsal nas dang por ni/ /shAkya'i rgyal po thub la spyi bos phyag 'tshal lo/ /bde ba can na bzhugs pa'i rgyal po 'od dpag med/ /bla ma la yang dga' dang gus pas gdung bar bgyi/ /gang zhig phyogs kun dag na da ltar byung ba yi/ / 'gro la byams pa'i sangs rgyas nges par bzhugs rnams dang / /'das dang phyis 'byung ba yi rgyal ba thams cad la/ /bdag ni dga' ba'i yid kyis yang dag mchod par
317b
bgyi/ /'di lta ste/ yang dag par rdzogs pa'i sangs rgyas nyi zla sgron ma dang / sku mchog gser 'od dang / bden pa'i dbyangs dang / lhun po chen po dang / lhun po bzang po dang / dbang po'i 'byung gnas dang / pad+ma'i dbyangs dang / phyag bzang dang / 'od kyi tog dang / mchog gi 'byung gnas dang / rin chen zla 'od dang / dpa' bo'i sde dang / kun nas snang ba dang / rnam dag zhal dang / rin chen tog dang / mdog bzang 'byung gnas dang / sA la'i rgyal po dang / rnam dag 'od dang / bde mdzad rgyal po dang / kun nas snang ba dang / lhun po bzang po gsal ba dang / 'od kyi dkyil 'khor dang / dkon mchog brtsegs dang / kun nas 'od dang / dpal brtsegs dang / bkod pa chen po dang / sbyangs gsal bai DUR+Ya dang / dbang po'i rgyal mtshan dang / thob pa'i sde dang / rab tu lhan ne dang / 'od mdzes dang / me tog tshems dang / spyan bzang dang / shin tu bzang po dang / 'od bzang sgron ma dang / dgongs pa rnam dag dang / chos kyi 'od zer dang / brtson 'grus che ldan dang / pad+ma'i snying po dang / lhag par dgongs pa brtan pa dang / rdo rje'i sde dang / legs par 'khrungs dang / tshul bzang dang / dbyangs snyan dang / yon tan dpal 'od dang / 'jig rten tog dang / mdog bzang gsal ba dang / rtag tu brtson dang / tsan+dan zla 'od dang / rgyas pa'i dpal dang / rgya mtsho dang / dbang po chen po dang / rgyal ba'i dbang po dang
318a
@#/ /'od bkod pa dang / brtson 'grus sbyangs pa dang / kun tu sgron ma dang / gsung ba chen po dang / rdo rje'i snying pos rab tu 'joms pa dang / drang srong lha dang / me'i 'od dang yid du 'ong ba dang / rnam 'joms dang / tog chen po dang / shin tu mthor gshegs dang / phan par bzhed dang / drang srong chen po dang / rnam par gzigs dang / gtsug tor can dang / thams cad skyo ba dang / 'od srung dang / gser mdog dang / gzi brjid mchog dang / mtho ba dang / bkra shis dang / rin chen grags pa dang / gzi brjid 'od dang / rnam par snang mdzad dang / don yod gzigs dang / dbang po'i tog dang / grags pa dang / snang mdzad dang / biSh+Nu blo gros dang / skar rgyal dang / skag dang / 'od 'bar dang / rin chen mchod sdong dang / 'bar ba'i tog dang / thugs gzhungs dang / rab zhi dbang po dang / spyan dag dang / blo mchog dang / bden pa'i lha dang / drang srong sbas pa dang / thub pa dang / tshangs pa'i dbyangs dang / kun tu zhal dang / ma smad pa dang / bdud 'dzoms dang / lha'i rgyal po dang / legs son dang / gzi brjid bzang po dang / tshogs kyi dbang po dang / shin tu rnam par gnon pas gshegs pa dang / bsam yas 'od dang / zla ba'i rgyal po dang bde ba che thob dang / snang bar gyur pa dang / rgya mtsho chen po dang / mi 'khrugs pa dang / dbang po'i mchog dag me tog dang / ded dpon chen po dang / rnam par rgyal byed dang / me tog
318b
bzang po dang / bshes gnyen bzang po dang / rgyu skar bzang po dang / nyi ma'i snying po dang / tshogs kyi dpal dang / nor gyi dpal dang / snang ba bzang po dang / 'od dpag med dang / dpal chen dang / stobs mchog dang / sgron ma ste de dag la sogs pa sngon byung ba dang / phyis 'byung ba'i rgyal ba gang dag yon tan gyi klung dpag tu med par gyur pa/ 'khor ba'i chu bo'i 'dam rdzab las yang dag par brgal ba| |gtong ba dang ldan zhing tshul khrims rnam par dag pa/ bzod pa chen po'i mchog dang ldan pa/ /brtson 'grus sbyangs shing snying po g.yo ba mi mnga' ba'i bsam gtan chen po dang ldan pa/ mkhyen rab rno ba thogs pa med pa dang ldan pa/ sems can la thugs rje dang / tshogs dang / rdzogs pa'i byang chub kyi thugs skye ba rab tu 'byung ba/ 'jig rten thams cad la thugs brtse ba/ don la mngon par brtson pa/ sems can gyi snying po/ skye dgu la byams pa/ g.yo mi mnga' ba/ dga' ba mi mnga' ba/ chags pa mi mnga' ba/ byams pa'i thugs kyi bdag nyid can/ lha'i 'ang lha dang / mi'i mchog gis rjed pa/ lha'i 'ang lha ste rgyal ba de rnams la bdag gi lus dang / ngag dang / sems gus pa rnam pa du mas phyag 'tshal lo/ /rgyal ba de rnams kyis bdag sdig pa las rnam pa thams cad du bskyab tu gsol/ /sdug bsngal du mas gdungs pa'i sems can thams cad kyang rab tu brtson pas drang du gsol/ thugs rje chen po dang ldan pas bdag kyang ngan 'gro dag las drang zhing de bzhin du rdzogs pa'i
319a
@#/ /byang chub la myur du bzhag tu gsol/ /drang srong chen po rnams kyi mtshan brjod pa'i/ /dge ba bdag gis bsgrubs pa gang lags pa/ /de yis bdag ni tshe rabs thams cad du/ /thub dbang de dang lhan cig 'grogs par shog/ chos dang zang zing mchod pas bde bar gshegs/ /de la nyon mongs med par bdag gis mchod/ /mchod pa bgyis shing lam gnyis la brten nas/ /'gro ba rdzogs pa'i sangs rgyas nyid gyur cig /de bzhin gshegs pa de dag gi mtshan thos pa dang / mos pa dang / 'dzin pa dang / 'chang ba dang / yongs su bsgrags pas sgrib pa thams cad zad par 'gyur/ ngan 'gro'i 'jigs pa thams cad las kyang thar par gyur/ bla na med pa thams cad mkhyen pa nyid du'ang nges par 'gyur ro/ /chos kyi dbyings kyis klas pa nam mkha'i khams kyi mthas gtugs pa'i phyogs thams cad na/ dus gsum lhag ma med cing lus pa med la ma lus pa'i sangs rgyas bcom ldan 'das de bzhin gshegs pa'i spyan lngas thugs su chud pa dang / byang chub sems dpa' thams cad la phyag 'tshal bas phyag 'tshal lo/ /sangs rgyas bcom ldan 'das dang / byang chub sems dpa' de dag thams cad bdag la dgongs su gsol/ bdag ming 'di zhes bgyi ba byang chub kyi snying po la mchis kyi bar du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa thugs rje dang ldan pa byams ba dang ldan pa/ phan par bzhed pa/ thugs brtse ba can/ skye ba
319b
med pa dang / 'gag pa med pa'i chos dang ldan pa de la lus thams cad kyis phyag 'tshal nas lhag pa'i bsam ba dang ldan pa'i bsam pa rus pa'i khong nas dga' ba dang / rkang gi khong nas dga' ba'i sems thams cad kyis skyabs su mchi'o/ /de bzhin du bcom ldan 'das mya ngan mi 'da' ba de dang / rtag tu mya ngan las 'das pa dang / sreg blugs gsol dang / de bzhin du mchog dga' dang / mchog gi 'byung gnas dang / dbang po'i 'byung gnas dang / mar me mdzad dang / seng+ge sgra dang / mdog bzang 'byung gnas dang / rin chen 'byung gnas dang / /rin chen bla ma dang / rin chen zla ba dang / rin chen 'byung dang / rin chen snang ba dang / rin chen tog dang / rin chen 'od gsal ba dang / rin chen rab gsal dang / rin chen mang dang / rin chen myu gu dang / rin chen pad+ma dang / rin chen pad+mas rnam par gnon dang / rin chen me dang / rin chen me'i 'khor dang / rin chen kun gyis sku rgyan ldan pa dang / dgra las rgyal ba dang / sa'i stobs kyi shugs mnga' ba dang / pad+ma'i mchog dang / sku mchog dang / zla mchog dang / chos mchog dang / bcom ldan 'das de bzhin gshegs pa brjod kyis mi lang ba dang / rnam par rtog med dang / dpag tu med pa dang / rin chen mtha' yas dang / rin chen mtha' yas dri ma med pa dang / phyag mtha' yas dang / grags pa mtha' yas dang / grags pa chen po dang / bde byed che thob dang / mthu chen brtson 'grus nges 'byung dang / yon tan cher bgrang dang / dpag med dbyangs dang / bden pa'i dbyangs dang / rnam par
320a
@#/ /rgyal ba'i dbyangs dang / zla ba'i dbyangs dang / pad+ma'i dbyangs dang / seng+ge'i dbyangs dang / seng+ge'i sgra sgrogs dang / rdo rje'i sgra sgrogs dang / rdo rje'i snying pos rab tu 'joms pa dang / zla 'od dang / nyi 'od dang / skar 'od dang / dag pa'i 'od dang / bdud rtsi'i 'od dang / sprul pa'i 'od dang / rin chen dpag med sbrul pa'i 'od dang / grol ba'i 'od dang / yongs su dag pa'i 'od dang / rnam par rtog med skar 'od dang / skar ma'i sgron ma dang / 'jig rten sgron ma dang / nam mkha' chos kyi sgron ma dang / zla nyi'i sgron ma dang / zla ba'i sgron ma dang / zla 'od dang / dri med bla ma dang / dri med gsal ba dang / gser mdog gsal ba dang / gser mdog snang ba dang / gser mdog rin chen gsal ba dang / dpag med spos snang dang / spos kyi zhal dang / kun nas spos dang / tshangs dbyangs rgyal po dang / klu'i dbang phyug rgyal po dang / dpal gyi snying po brtsegs pa sgra bsgrags rgyal po dang / klog gi sgron me tog gi rgyal po dang / dge ba rab gnas gter gyi rgyal po dang / bdud rtsi dam pa legs bral rgyal po dang / bzang po tog gi rgyal mtshan rgyal po dang / me tog kun gyi dri'i dbang phyug rgyal po dang / rnga sgra'i rgyal po dang / sA la'i rgyal po dang / de bzhin du bcom ldan 'das mi 'khrugs pa de dang / 'od chen dang / snying po zil gyis gnon dang / me tog zil gyis gnon dang / lhun po dang / lhun po chen po dang / shin tu lhun po dang /
320b
lhun po bzang po lta bu dang / lhun po bzang pos rnam par gnon pa dang / nam mkha' gsal ba dang / zla nyi gsal ba dang / me gsal ba dang / dpal gyi snying po nor bu gsal ba dang / bdud rtsi spro gsal ba dang / zla mchog dpal dang / mtha' yas dpal dang / rin po che'i 'dus pa'i dpal dang / rin po che'i phyir mi ldog pa'i mthu la gnas pa'i dpal dang / rin po che de dag la 'byung ba'i dpal dang / bai DUR+Ya'i snying po mchog gi dpal dang / khrel yod dpag med gser mdog bkod pa'i dpal dang / ta la'i rgyal po ltar 'phags pa'i dpal dang / ljon pa rnam par 'phel ba'i dpal dang / spyod pa grangs med pa las yang dag par 'das pa'i dpal dang / don yod dpal dang / don kun grub pa'i dpal dang / pad+ma mchog gi rnam par 'phrul pa'i dpal dang / ye shes gtsang sbras dpal dang / tshe dpag med dang / dbyangs dpag med dang / pad+ma'i dbyangs dang / pad+ma'i sde dang / dpa' sde dang / mtshon cha dpa' brtan pa'i sde dang / nyon mongs spong dang / shin tu yongs su dag rtog dang / shin tu dri med 'bar ba'i rtog dang thugs dam kun chub the tshom gcod pa dang / kun tu rnam par snang mdzad rnam dag brnyes pa dang / kun tu yon tan rnam gnon dang / kun tu yon tan 'byung ba dang / de bzhin du bcom ldan 'das rin po che snang ba rnam par gnon pa bsam gyis mi khyab pa dang / rin po che gsal ba dang / rin po che mang po dang / de la sogs pa skye ba med pa dang / 'gag pa med pa'i chos dang ldan pa/ 'das pa dang / ma 'ongs
321a
@#/ /pa dang / da ltar byung ba'i yang dag par rdzogs pa'i sangs rgyas rnams la sems can thams cad kyis byang chub kyi snying po la mchis kyi bar du skyabs su mchi/ de bzhin du bcom ldan 'das de dag gi chos spros pa med pa/ yi ge med pa/ 'phags pa rnams kyi so so rang rig bar bya ba/ sems can med pa dang / sems can gyi rdul dang bral ba/ bdag med pa/ 'dod chags kyi rdul dang bral ba/ srog med pa/ skye ba dang / 'chi ba dang bral ba/ gang zag med pa| sngon gyi mtha' dang / phyi ma'i mtha' nye bar zhi ba'i mtshan nyid dang ldan pa/ 'dod chags dang bral ba/ dmigs pa med pa'i tshul can/ yi ge ma yin pa/ dag thams cad chad pa/ brjod du med pa/ dpa' rlabs thams cad bral ba/ thams cad kyi rjes su 'gro ba/ nam mkha' dang 'dra ba/ kha dog med pa/ rtags dang dbyibs dang / rgyu ba thams cad dang bral ba/ bdag med pa/ bdag tu 'dzin pa dang bral ba/ rnam par rig pa med pa/ sems dang / yid dang / rnam par shes pa dang bral ba/ zla med pa'i phyir 'dra ba med pa/ rgyu'i mtshan nyid dang bral ba/ rkyen gyis sgro btags pa med pa/ /chos kyi dbyings dang mnyam pa/ chos thams
321b
mnyam par gzhag pa/ 'gro ba med pa'i tshul gyis de bzhin nyid kyi rjes su song ba/ shin tu g.yo ba med pa'i phyir yang dag pa'i mtha' la gnas pa/ yul drug la gnas pa med pa'i phyir ma g.yos pa/ gnas med pa'i phyir gar yang 'ong ba dang / 'gro ba med pa'i phyir stong pa nyid la mnyam par bzhag pa/ mtshan ma med pas rab tu phye ba/ smon pa med pa'i mtshan nyid can/ /rtog pa dang / sel ba dang bral ba/ bzhag pa dang / 'deg pa med pa/ skye ba dang / 'jig pa dang bral ba/ kun gzhi med pa/ mig dang / rna ba dang / sna dang / lce dang / lus dang / yid las yang dag par 'das pa/ mtho ba med cing dma' ba med pa/ g.yo ba med par gnas pa brnyes pa/ spyod pa thams cad dang bral ba/ mdor na/ yang dag par skyed pa med pa/ skyes pa med pa/ 'gags pa med pa/ 'gag pa med pa/ 'dus ma byas pa'i chos de la lus thams cad kyis phyag 'tshal nas bsam pa dang / lhag pa'i bsam pa rus pa'i khong nas dga' ba dang / rkang gi khong nas dga' ba'i sems can thams cad kyis byang chub kyi snying po la mchis kyi bar du skyabs su mchi'o/ /de bzhin du thogs pa med cing chad pa med pa'i spobs pa dang ldan pa bcom ldan 'das dri ma med par grags pa de la skyabs su
322a
@#/ /mchi'o/ /de bzhin du rdo rje'i lte ba dang / rdo rje'i sde dang / lha'i dbu rgyan ljon pa dang / spos kyi glang po dang / bden pa po dang / ye shes tog dang / chos kyi tog dang / zla ba'i tog dang / nyi ma'i tog dang / mtha' yas pa'i tog dang / tshig med pa dang / brjod du med pa dang / dmigs pa med pa dang / rtsom pa med pa dang / bud med 'gyur ba dang / skar ma'i rgyal mtshan dang / ri rab rgyal mtshan dang / me tog rgyal mtshan dang / chags med rgyal mtshan dang / de dag la sogs pa phyir mi ldog pa'i byang chub sems dpa'i tshogs kyi mchog la lus thams cad kyis phyag btsal nas bsam pa dang / lhag pa'i bsam pa rus pa'i khong nas dga' ba dang / rkang gi khong nas dga' ba'i sems kyis sems can thams cad kyis byang chub kyi snying po la mchis kyi bar du skyabs su mchi'o/ /de bzhin du thogs pa med cing chad pa med pa'i spobs pa dang ldan pa bcom ldan 'das dri ma med par grags pa de la skyabs su mchi'o/ /de bzhin du rdo rje'i lte ba dang / rdo rje'i sde dang / lha'i dbu rgyan ljon pa dang / spos kyi glang po dang / bden pa po dang / ye shes tog dang / chos kyi tog dang / zla ba'i tog dang /
322b
nyi ma'i tog dang / mtha' yas tog dang / tshig med pa dang / brjod du med pa dang / dmigs pa med pa dang / rtsom pa med pa dang / bud med 'gyur pa dang / skar ma'i rgyal mtshan dang / ri rab rgyal mtshan dang / me tog rgyal mtshan dang / chags med rgyal mtshan dang / de dag la sogs pa phyir mi ldog pa'i byang chub sems dpa'i tshogs kyi mchog la lus thams cad kyis phyag btsal nas bsam pa dang / lhag pa'i bsam pa rus pa'i khong nas dga' ba dang / rkang gi khong nas dga' ba'i sems thams cad kyis byang chub kyi snying po la mchis kyi bar du skyabs su mchi'o/ /de bzhin gshegs pa zhi ba'i rgyal po la phyag 'tshal lo/ /tad+ya thA/ shAn+te shAn+te/ rA ga k+Sha yA ya| shAn+te shAn+te/ dwe Sha k+Sha yA ya/ shAn+te shAn+te/ mo ha k+Sha yA ya/ de ltar lan gnyis lan gsum du'o/ /tad+ya thA/ mu ru lu/ mu ru lu/ A ba ha/ mu ru lu/ bi dza yA ya swAhA/ de ltar sangs rgyas dang / chos dang / dge 'dun la skyabs su mchis nas sems can thams cad la sman pa dang / bde ba dang / mgon ma mchis pa rnams kyi mgon dang / skyabs ma mchis pa rnams kyi skyabs dang / dpung gnyen ma mchis pa rnams kyi dpung gnyen dang / 'dod chags dang / zhe sdang dang / gti
323a
@#/ /mug gi mun par gyur pa rnams la snang bar bgyi ba dang / lam ngan pa la gnas pa rnams la lam bstan nas khams gsum gyi sems can gyi khams thar bar bgyi ba'i slad du bsam pa dang / lhag pa'i bsam pa'i sems can thams cad kyis snying rje chen po mngon du bgyis nas byang chub kyi sems bskyed par bgyi'o/ /ji ltar 'das pa dang / ma 'ongs pa dang / da ltar byung ba'i sangs rgyas bcom ldan 'das dang / byang chub sems dpa' rnams kyis bskyed pa dang| skyed par 'gyur ba dang / skyed pa de ltar bdag gis kyang bskyed par bgyi ste/ bsam pa dang / lhag pa'i bsam pa'i rgyud des de ltar bskyed par bgyi'o/ / gang 'gog pa ma mchis pa dang / bsags pa ma mchis pa dang / bsags pa ma lags pa bstan pa dang / bsgrub pa ma mchis pa dang / rtog pa ma mchis pa dang / rnam par rtog pa ma mchis pa de ltar bskyed par bgyi'o/ /gang na lus ma mchis pa dang / lus su gdags pa ma mchis pa dang / ngag ma mchis pa dang / ngag tu gdags pa ma mchis pa dang / sems ma mchis pa dang / yid kyi rnam par shes pa ma mchis pa dang / rnam par rig pa ma mchis pa dang / de bzhin nyid du ma lags/ chos kyi dbyings su ma
323b
lags/ yang dag pa'i mthar ma lags/ sangs rgyas su ma lags/ byang chub tu ma lags te gang du 'di dag tu mngon par zhen pa ma mchis pa de ltar bskyed par bgyi'o// kun rdzob la brten nas sdig pa thams cad bshags so/ /bsod nams thams cad la rjes su yi rang ngo / /de bzhin gshegs pa thams cad la bskul ma 'debs so| |sdig pa thams cad bshags/ bsod nams thams cad la rjes su yi rang / de bzhin gshegs pa thams cad la bskul ma btab nas gzungs sngags 'di dag brjod par bgyi'o/ /sangs rgyas dang / byang chub sems dpa' thams cad la phyag 'tshal lo/ /de bzhin gshegs pa tsan+dan bsung la phyag 'tshal lo/ /tad+ya thA/ tsi ra te/ ma rI tsi ke /durd me/ dur rA nu pra biSh+Te/ tsand nA gan+d+he/ bi shud+d+ha shI le/ tsa ri tra ba ti/ sarba ta thA ga ta a d+hi Sh+Thi te swAhA/ phyogs bcu'i 'jig rten gyi khams su 'dus pa yang dag par rdzogs pa'i sangs rgyas dang / byang chub sems dpa' de dag bdag la dgongs su gsol/ gang bdag mi shes pa'i rab rib kyis khebs te mun par gyur nas tshe 'di'am/ skye ba gzhan nas skye ba thog ma dang / tha ma ma mchis pa'i 'khor ba na 'khor ba'i bar du sangs rgyas dang / chos dang / dge 'dun dang /
324a
@#/ /pha ma dang / bla ma dang / yon gnas dang / mkhan po dang / slob dpon dab/ tshangs ba mtshungs par spyod pa rnams la lus dang / ngag dang| yid kyis nyes par spyad pa bgyis pa dang / bgyid du stsal ba dang / bgyid pa la rjes su yi rang bar gyur pa dang / sangs rgyas kyi'am/ chos kyi'am/ dge 'dun gyi 'am/ phyogs bzhi'i dge 'dun gyi 'du ba'i sgo chen po phrogs pa dang / 'phrog tu stsal ba dang / 'phrog pa la rjes su yi rang bar gyur pa dang / so so thar pa'i sdom pa'am/ byang chub sems dpa'i tshul khrims kyi sdom pa las ltung ba chung du dang / 'bring dang / chen po byung bar gyur pa bshags pa dang / bshags par 'os pa de dag phyogs bcu'i 'jig rten gyi khams su 'dus pas chen por chud pa/ ye shes chen po brnyes pa/ thugs rje dang ldan pa/ byams pa dang ldan pa| phan par bzhed pa/ thugs brtse ba can/ yang dag par rdzogs pa'i sangs rgyas shAkya thub pa la sogs pa dang / de bzhin du rnam par snang mdzad dang / rje mdzad dang / dngos nyid chos mchog dang / nges par dri med 'byung gnas dang / rin chen sgron ma 'od zer dang / zla bas brgyan pa dang / glog gi gzi brjid dang /
324b
dbyangs kyi dbang phyug rgyal po dang / me tog kun tu rgyas pa sA la'i rgyal po dang / me tog skar 'od dang / mngon par mkhyen pas rnam par rol pa dang / zla dkyil rnam dag dang / shin tu rab zhi mkhas pa dang / zla dbyangs dbang phyug rgyal po dang / brtson 'grus grangs med dang / yang dag rab gnas dpal dang / bdag nyid thams cad yongs gtong dang / thugs rje cher dgongs dang / phyag na rin chen phyag rgya dang / phyag na rin po che dang / thugs bskyed ma thag tu chos kyi 'khor lo bskor ba dang / thub dka' dang / chu lha dang / dri ma med pa dang / ngan song spong ba la sogs pa de rnams kyi spyan sngar nongs pa nongs par mthol lo/ /bshags so/ /rnam par gzhig go /rab tu gzhom mo/ /smad do/ /byis pa blun po lta ba log par zhugs pa/ 'khor bar bying pa'i nongs pa nongs par gzung du gsol/ /de bzhin gshegs pa bden pa'i blo gros tog gi rgyal po la phyag 'tshal lo| |byang chub sems dpa' sems dpa' chen po gser bsags stug po dge ba rgyas pa'i snying po'i rgyal po la phyag 'tshal lo/ /tad+ya thA/ sa t+ye sa t+ye/ sa t+ya bi shwo d+ha ni/ sat+ya aM bu dza/ bi lo tsa ni/ sarba A ba ra Na ni ba raN bi sho d+ha ni swAhA/ sangs rgyas bcom ldan 'das dang / byang chub sems dpa' de dag thugs rje chen po bskyed
325a
@#/ /nas bdag la dgongs su gsol/ gang bdag gis tshe 'di'am/ tshe brjes bde dang / de dag tu byang chub sems dpa' byang chub kyi sems bskyed pa rnams dang / byang chub kyi sems ma bskyed pa rnams dang / mngon par 'dod pa rnams dang / theg pa la gsar du zhugs pa rnams dang / sems dang po bskyed pa rnams dang| spyod pa dang 'brel pa rnams dang / mi skye ba'i chos la bzod pa thob pa rnams dang / phyir mi ldog pa rnams dang / skye ba gcig gis thogs pa rnams dang / sa bcur bzhugs pa rnams dang / dbang ma bskur ba rnams dang / dbang bskur ba thob pa rnams dang / dbang bskur ba rnams dang / dge ba'i phyogs la brtson pa rnams dang / stong pa nyid dang / mtshan ma med pa dang / smon pa med pa dang / de las gzhan pa'i byang chub kyi phyogs kyi chos la brtson pa de dag la lus dang / dag dang / yid kyis nyes par spyod pa'i bgyis pa dang / bgyid du stsal ba dang / bgyid pa la rjes su yi rang ba dang / de bzhin du 'phags pa rang rgyal ba rnams dang / de'i lam la rab tu gnas pa dang 'phags pa rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / phyi rol gyi mngon par shes pa lnga thob
325b
pa rnams dang / de las gzhan pa 'dod chags dang bral ba rnams dang / drang srong rnams dang / de las gzhan pa lam yang dag pa'am/ lam log pa la zhugs pa nas/ de bzhin gshegs pa'i snying po dang ldan pa'i bar rnams dang / chos kyi dbyings kyi khongs su gtogs pa de rnams la lus dang / ngag dang / yid rnam pa bcus nyes par spyad pa bgyis pa dang / bgyid du stsal ba dang / bgyid pa la rjes su yi rang bar gyur pa de dag phyogs bcu'i 'jig rten gyi khams su 'dus pa sa chen por chud pa/ ye shes chen po brnyes pa/ 'das pa dang / ma 'ongs pa dang / da ltar byung ba'i nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas dang bcas pa de rnams kyi spyan sngar nongs pa nongs par mthol lo/ /bshags so/ /rnam par gzhig go /rab tu gzhom mo/ /smad do/ /byis pa blun po lta ba log par zhugs pa/ 'khor bar bying ba'i nongs pa nongs par gzung du gsol/ /zla 'od gzhon nur gyur pa la phyag 'tshal lo/ /tad+ya thA/ pra b+he pra b+ha A ka re/ pra b+ha ba ti/ d+harma bi shud d+ha/ karma bi shud+d+hi r+b+ha ba tu me swAhA/ sangs rgyas dang / byang chub sems dpa' de dag bdag la dgongs su gsol/ gang bdag gis tshe 'di'am/ skye ba gzhan du skye ba brgya'am/ skye ba stong ngam/ skye ba khri'am/
326a
@#/ /skye ba thog ma dang / tha ma ma mchis pa'i 'khor ba na 'khor ba'i tshe sangs rgyas 'byung ba ma rung bar bgyis pa'am/ dam pa'i chos spangs pa'am/ mtshams ma ma mchis pa lnga bgyis pa dang / bgyid du stsal ba dang / bgyid pa la rjes su yi rang bar gyur pa dang / chos chos ma lags par bstan pa dang / chos ma lags pa chos su bstan pa dang / byang chub kyi sems btang ba dang / dge ba'i bshes gnyen ma rung bar bgyis pa nas dud 'gro'i skye gnas su gtogs pa'i bar gyi sems can gyi yid dang / thang cig tsam yang 'gal bar bgyis pa dang / bgyid du stsal ba dang / bgyid pa la rjes su yi rang bar gyur pa dang / sgrib pa gang gis bsgribs nas sa'i rgyu mi 'byung ba dang / ting nge 'dzin gyi rgyu dang / gzungs kyi rgyu dang / mngon par shes pa'i rgyu dang / so so yang dag par rig pa'i rgyu dang / rdzu 'phrul gyi rkang pa'i rgyu dang / dbang gi rgyu dang / pha rol tu phyin pa'i rgyu dang / de las gzhan pa byang chub kyi phyogs kyi chos nas snang ba'i bar gyi rgyu mi 'byung ba'i las kyi sgrib pa dang / rnam par smin pa'i sgrib pa dang / shes bya'i sgrib pa dang / nyon mongs pa'i sgrib pa de dag thams cad phyogs bcu'i 'jig rten gyi khams su 'dus pa/ sa chen por chud pa/ ye
326b
shes chen po brnyes pa/ thugs rje dang ldan pa/ byams pa dang ldan pa/ phan par bzhed pa/ thugs brtse ba can/ yang dag par rdzogs pa'i sangs rgyas bcom ldan 'das shAkya thub pa la sogs pa dang / de bzhin du dri med snang gsal dang / spobs pa'i rgyan dgongs pa dang / dri med zla ba dang / tog grags dang / me tog bkod pa dang / snang mdzad dang / gsal mdzad dang / rin chen mchog dang / 'jigs med gzigs dang / 'jigs pa dang / bag tsha ba dang / spu zing mi mnga' ba dang / seng+ge bsgyings pa'i stobs dang| yang dag par rdzogs pa'i sangs rgyas gser 'od gzi brjid rgyal po la sogs pa dang / de bzhin du byang chub sems dpa' 'phags pa kun nas 'od zer dang / dri med rnam gnon dang / sgra 'byin dang / chos kyi 'khor lo thogs pa med par bskor ba dang / sems bskyed ma thag tu chos kyi 'khor lo bskor ba dang / sgrib pa med par chos kyi 'khor lo bskor ba dang / dri med gtsang ma dang / mig yongs su sbyong ba dang / sems can kun la slu ba med pa'i blo dang / sgra snyan nges bsgrags dbyangs dang / rgyal ba'i blo gros dang / bzang po sngon 'byung dang / sprin sgra dang / mchog dga' rgyal po dang / dga' ston dang / rtag tu brtson dang / lhun po rtse 'dzin la sogs pa skye ba med
327a
@#/ /pa dang / 'gag pa med pa'i chos dang ldan pa/ 'das pa dang / ma 'ongs pa dang / da ltar byung ba de rnams kyi spyan sngar nongs pa nongs par mthol lo/ /bshags so/ /rnam par gzhig go /rab tu gzhom mo/ /smad do/ /byis pa blun po lta ba log par zhugs pa/ 'khor bar bying ba'i nongs pa nongs par gzung du gsol/ tad+ya thA/ sam yo ge /tsit+ta bi brte/ a khe ma khe/ ma da ne/ bi b+ha ga te/ sa man+ta gu Ni/ sat+ya ra me muk+te/ pra muk+te/ hi le/ a si le/ a tsa me tsa me/ a tsi Te/ ma tsi Te/ ra he/ mo tsa mA yo/ gra he/ he ma ba te/ tsod pa de/ d+harma tsit+te/ a bik+She be swAhA/ sangs rgyas bcom ldan 'das dang / byang chub sems dpa' de dag gis bdag khams gsum du bying ba las mngon par dbyung du gsol/ sangs rgyas bcom ldan 'das dang / byang chub sems dpa' de dag gis bdag g.yang sa chen por lhung ba las gdeg tu gsol/ sangs rgyas bcom ldan 'das dang / byang chub sems dpa' de dag gis bdag khron pa chen po thibs po na mchis pa las drang du gsol/ sangs rgyas bcom ldan 'das dang / byang chub sems dpa' de dag gis bdag 'brog dgon pa chen po'i nang du lhung pa las bskyab tu gsol/ sangs rgyas
327b
bcom ldan 'das dang / byang chub sems dpa' de dag gis bdag nyon mongs pa'i rgya mtsho chen po 'das pa nas bsgral du gsol/ sangs rgyas bcom ldan 'das dang / byang chub sems dpa' de dag gis bdag 'khor ba'i rgyas zin pa las dgrol du gsol/ sangs rgyas bcom ldan 'das dang / byang chub sems dpa' de dag gis bdag sras gcig dang 'dra bar thugs brtse bar dgongs su gsol/ sangs rgyas bcom ldan 'das dang / byang chub sems dpa' de dag gis/ bdag sras gcig dang 'dra bar bstan du gsol/ sangs rgyas bcom ldan 'das dang / byang chub sems dpa' de dag gis bdag slob ma sdug pa dang 'dra bar bslab tu gsol/ sangs rgyas bcom ldan 'das dang| byang chub sems dpa' de dag gis dka' ba brgya stong de dag mngon du mdzad nas/ bdag la thugs dgongs su gsol/ sangs rgyas bcom ldan 'das dang / byang chub sems dpa' de dag gis smon lam chen po bcu po khri phrag grangs med pa de dag mngon du mdzad nas bdag la grub par mdzad du gsol/ sangs rgyas bcom ldan 'das dang / byang chub sems dpa' de dag gis stong pa nyid dang / mtshan ma med pa dang / smon pa med pa'i ting nge 'dzin mngon du mdzad nas bdag la bskyed du
328a
@#/ /gsol/ sangs rgyas bcom ldan 'das dang / byang chub sems dpa' de dag gis bdag mchog tu zag pa med pa'i chos 'dul ba la gzhag tu gsol/ sangs rgyas bcom ldan 'das dang / byang chub sems dpa' de dag gis thugs rje chen po'i chab kyis bdag bkrur gsol/ sangs rgyas bcom ldan 'das dang / byang chub sems dpa' de dag gis stobs bcu po rnams kyis bdag la byug tu gsol/ sangs rgyas bcom ldan 'das dang / byang chub sems dpa' de dag gi ngo tsha mkhyen pa'i na bzas bdag la dgab tu gsol/ sangs rgyas bcom ldan 'das dang / byang chub sems dpa' de dag gi byang chub kyi yan lag me tog rnams kyis bdag la gtor du gsol/ sangs rgyas bcom ldan 'das dang / byang chub sems dpa' de dag gi rgyal tshab tu dbang bskur bas bdag la dbang bskur du gsol/ sangs rgyas bcom ldan 'das dang / byang chub sems dpa' de dag gi seng+ge'i sgra chen pos bdag lung bstan du gsol/ de bzhin gshegs pa zla mchog la phyag 'tshal lo/ /byang chub sems dpa' sems dpa' chen po 'jigs med 'byung gnas la phyag 'tshal lo/ /tad+ya thA/ d+ha re d+ha re/ d+ha ra Ni/ ni d+ha
328b
ne| a b+ha ya/ kalpe kalpe/ bik+Shi/ a mr-i tA kalpa/ hu ta sha ne/ a nan+ta mu khe/ a nan+ta tsak+ShuHung+ga te oM b+h+rUM swAhA/ sangs rgyas bcom ldan 'das yang dag par rdzogs pa'i sangs rgyas dang / byang chub sems dpa' de dag bdag la dgongs su gsol/ gang bdag gis tshe 'di'am/ skye ba gzhan rnams su skye ba'am/ skye ba stong ngam/ skye ba thog ma dang / tham ma mchis pa'i 'khor ba na 'khor ba'i tshe sangs rgyas dang / chos dang / dge 'dun dang / pha ma dang / bla ma dang / yon gnas dang / mkhan po dang / slob dpon dang / tshangs pa mtshungs par spyod pa dang / de las gzhan pa yang dag pa dang / log pa'i lam la zhugs pa nas de bzhin gshegs pa'i snying po dang ldan pa'i bar dang / chos kyi dbyings kyi khongs su gtogs pa rnams la zas kham cig tsam stsal ba'am/ byams pa bsgoms pa'am/ lus dang / ngag dang / yid kyis phyi dang / nang gi legs par spyad pa de dag thams cad bla na med pa yang dag par rdzogs pa'i byang chub tu yongs su bsngo bar bgyi ste ji ltar 'das pa dang / ma 'ongs pa dang / da ltar byung ba'i sangs rgyas bcom ldan 'das dang / byang chub sems dpa' de rnams kyis chos nyid de mngon du mdzad nas yongs su bsngos pa dang / yongs su bsngo bar 'gyur ba dang / yongs su bsngo ba de ltar bdag gis kyang
329a
@#/ /yongs su bsngo bar bgyi'o/ /ji ltar chos nyid de dang / ji ltar de bzhin nyid de dang / ji ltar yang dag pa'i mtha' de dang / ji ltar chos kyi dbyings de dang / ji ltar stong pa nyid de dang / ji ltar rnam pa thams cad mkhyen pa nyid dang ldan pa de ltar yongs su bsngo bar bgyi'o/ /de bzhin gshegs pa me tog man dA ra ba'i bsung la phyag 'tshal lo/ /tad+ya thA/ bi dzi ram+b+hi/ bi dzi ram+b+hi/ u ta pA da bya ya/ bi dzi ram+b+hi/ stam+b+ha ha ra/ stam+b+ha ha ra/ anU na/ ta thA ga tA b+hU ta ko Ti/ bi dzi ri ma b+ha swAhA/ 'das pa dang / ma 'ongs pa dang / da ltar byung ba'i yang dag par rdzogs pa'i sangs rgyas dang / byang chub sems dpa' gang lags pa de dag dang po bdag gis ji ltar sems can ma rgal ba rnams bsgral ba dang / ma grol ba rnams dgrol ba dang / dbugs ma phyin pa rnams dbugs dbyung ba dang / yongs su mya ngan las ma 'das pa rnams yongs su mya ngan las 'da'o snyam du thugs bskyed pa dang / de dag las gzhan pa shes rab kyi pha rol tu phyin pa la gnas pa dang / yang dag par ldan pa'i thugs bskyed pa de rnams la bdag mchog dang / gtso bo dang / dam pa dang / rab dang / phul dang / bla na ma mchis pa dang / gong na ma mchis pa dang| gong ma'i yang gong ma dang / mnyam pa ma mchis pa dang / mi mnyam pa dang mnyam pa dang / dmigs pa ma mchis pa dang / rnam par rtog pa ma mchis pa dang / mtshan ma ma mchis pa dang / spros
329b
pa ma mchis pa dang / yi ge ma mchis pa dang / nyon mongs pa ma mchis pa dang / chags pa ma mchis pa dang / nam mkha' ltar mnyam pa dang / lus dang / sems grol ba dang / rnam pa thams cad kyi mchog dang ldan pa'i stong pa nyid kyi rjes su yi rang bas rjes su yi rang ngo / /'das pa dang / ma 'ongs pa dang / da ltar byung ba'i yang dag par rdzogs pa'i sangs rgyas bcom ldan 'das shAkya thub pa/ blo gros mi bzad pa dang rin chen rgyal mtshan 'od dang / dri ma med pa'i snying po dang / chung 'bring chen po dang / mngon mkhyen rnam rol dang / rnam 'phrul dang ba dang / grags pa sprin sbas dang / seng+ge rnam par rol pa'i rgyal po dang| lhun po mngon 'phags rgyal po dang / dam chos kun srung tog gyur rgyal po la sogs pa gang lags pa de dag dang po byang chub tu thugs bskyed pa nas bzung ste ji tsam du dam pa'i chos gnas ba de'i bar du sbyin pa las byung ba'i bsod nams bya ba'i dngos po dang / tshul khrims las byung ba dang / bsgom pa las byung ba dang / smon lam chen po bcu po khri phrag grangs med pa bsgrubs pa gang lags pa dang / pha rol tu phyin pa drug bsgrub pa gang lags pa dang / stong pa nyid dang / mtshan ma med pa dang / smon pa ma med pa yang dag par blangs pa gang lags pa dang / bag chags dang / mtshams sbyor ba'i nyon mongs pa thams cad spangs pa gang lags pa dang / thams cad mkhyen pa'i ye shes bsags pa gang lags pa nas sku dang / gsung dang / thugs kyi phyi dang / nang gi
330a
@#/ /legs par spyad pa gang lags pa de dag thams cad mchog dang / gtso bo dang / dam pa dang / rab dang / phul dang / bla na ma mchis pa dang / gong na ma mchis pa dang / gong ma'i yang gong ma dang / mnyam pa ma mchis pa dang / mi mnyam pa dang mnyam pa dang / dmigs pa ma mchis pa dang / rnam par rtog pa ma mchis pa dang / mtshan ma ma mchis pa dang| spros pa ma mchis pa dang / yi ge ma mchis pa dang / nyon mongs pa ma mchis pa dang / chags pa ma mchis pa dang / nam mkha' ltar mnyam pa dang / lus dang / sems grol ba dang| rnam pa thams cad kyi mchog dang ldan pa'i stong pa nyid kyi rjes su yi rang bas rjes su yi rang ngo / /'das pa dang / ma 'ongs pa dang / da ltar byung ba'i byang chub sems dpa' 'phags pa seng+ge rnam par rol pa dang / seng+ge bsgyings pa dang / seng+ge tog dang / rin po che tog dang / seng+ge rnam 'phrul gtsug dang / pad+ma bkod pa dang / brtson pa mi gtong ba la sogs pa gang lags pa de dag dang po thugs bskyed pa nas bzung nas ji tsam du sa bcu'i bar der sbyin pa las byung ba'i bsod nams bya ba'i dngos po dang / tshul khrims las byung ba dang / bsgoms pa las byung ba dang / smon lam chen po bcu po khri phrag grangs med pa bsgrubs pa gang lags pa dang / pha rol tu phyin pa drug bsgrubs pa gang lags pa dang / stong pa nyid dang / mtshan ma med pa dang / smon pa med pa yang dag par
330b
blangs pa gang lags pa dang / byang chub chen po bsags pa gang lags pa nas lus dang / ngag dang / yid kyis phyi dang / nang gi legs par spyad pa gang lags pa de dag thams cad la mchog dang / gtso bo dang / dam pa dang / rab dang / phul dang / bla na ma mchis pa dang / gong na ma mchis pa dang / gong ma'i yang gong ma dang / mnyam pa ma mchis pa dang / mi mnyam pa dang mnyam pa dang / dmigs pa ma mchis pa dang / rnam par rtog pa ma mchis pa dang / mtshan ma ma mchis pa dang / spros pa ma mchis pa dang / yi ge ma mchis pa dang / nyon mongs pa ma mchis pa dang / chags pa ma mchis pa dang / nam mkha' ltar mnyam pa dang / lus dang / sems grol ba dang / rnam pa thams cad kyi mchog dang ldan pa'i stong pa nyid kyi rjes su yi rang bas yi rang ngo / /'das pa dang / ma 'ongs pa dang / da ltar byung ba'i 'phags pa rang rgyal ba nyon mongs 'dul ba dang / dge 'bebs dang / rgya spos gtsug dang / sa 'dzin la sogs pa gang lags pa de dag dang po sems bskyed pa nas bzung nas ji tsam du theg pa gcig gis phung po lhag ma med pa'i mya ngan las 'das pa'i bar der sbyin pa las byung ba'i bsod nams bya ba'i dngos po dang / tshul khrims las byung ba dang / bsgoms pa las byung ba dang / shes rab kyi pha rol tu phyin pa la gnas pa dang yang dag par ldan pa gang lags pa dang / stong pa nyid dang / mtshan ma med pa dang / smon pa med pa yang dag par blangs pa gang lags pa dang / rang byang chub bsags pa gang lags pa nas lus dang / ngag
331a
@#/ /dang| yid kyis phyi dang / nang gi legs par spyad pa gang lags pa de dag thams cad la mchog dang / gtso bo dang / dam pa dang / rab dang / phul dang / bla na ma mchis pa dang / gong na ma mchis pa dang / gong ma'i yang gong ma/ mnyam pa ma mchis pa dang / mi mnyam pa dang mnyam pa dang / dmigs pa ma mchis pa dang / rnam par rtog ba ma mchis pa dang / mtshan ma mchis pa dang / spros pa ma mchis pa dang / yi ge ma mchis pa dang / nyon mongs pa ma mchis pa dang / chags pa ma mchis pa dang / nam mkha' ltar mnyam pa dang / lus dang / sems grol ba dang / rnam pa thams cad kyi mchog dang ldan pa'i stong pa nyid kyi rjes su yi rang bas rjes su yi rang ngo / /'das pa dang / ma 'ongs pa dang / da ltar byung ba'i 'phags pa rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa 'phags pa shA ri'i bu dang / maung+gal gyi bu dang / ka t+ya'i bu dang| shes rab sgron ma dang / rab 'byor la sogs pa gang lags pa de dag dang po sems bskyed pa nas bzung nas ji tsam du theg pa gcig gis phung po lhag ma med pa'i mya ngan las 'das pa'i bar der sbyin pa las byung ba'i bsod nams bya ba'i dngos po dang / tshul khrims las byung ba dang / bsgom pa las byung ba dang / shes rab kyi pha rol tu phyin pa la gnas
331b
pa dang / yang dag par ldan pa gang lags pa dang / stong pa nyid dang / mtshan ma med pa dang / smon pa med pa yang dag par blangs pa gang lags pa dang / nyan thos kyi byang chub bsags pa gang lags pa nas lus dang / ngag dang / yid kyis phyi dang / nang gi legs par spyad pa'i bar gang lags pa de dag thams cad la mchog dang / gtso bo dang / dam pa dang / rab dang / phul dang / bla na ma mchis pa dang / gong na ma mchis pa dang / gong ma'i yang gong ma dang / mnyam pa ma mchis pa dang / mi mnyam pa dang mnyam pa dang / dmigs pa ma mchis pa dang| rnam par rtog pa ma mchis pa dang / mtshan ma ma mchis pa dang / spros pa ma mchis pa dang / yi ge ma mchis pa dang / nyon mongs pa ma mchis pa dang / chags pa ma mchis pa dang| nam mkha' ltar mnyam pa dang / lus dang / sems grol ba dang / rnam pa thams cad kyi mchog dang ldan pa stong pa nyid kyi rjes su yi rang ngo / /khams gsum du skyes pa'i sems can gyi khams gang lags pa'i sbyin pa las byung ba'i bsod nams bya ba'i dngos po dang / tshul khrims las byung ba dang / bsgoms pa las byung ba dang / dge ba bcu'i las kyi lam yang dag par blangs pa gang lags pa nas lus dang / ngag dang / yid kyis phyi dang / nang gi legs par spyad pa gang lags pa dang / ma 'ongs pa na shes rab kyi pha rol tu phyin pa la gnas pa dang / yang dag par
332a
@#/ /ldan pa gang lags pa de dag thams cad la mchog dang / gtso bo dang / dam pa dang / rab dang / phul dang / bla na ma mchis pa dang / gong na ma mchis pa dang / gong ma'i yang gong ma dang / mnyam pa ma mchis pa dang / mi mnyam pa dang mnyam pa dang / dmigs pa ma mchis pa dang / rnam par rtog pa ma mchis pa dang / mtshan ma ma mchis pa dang / spros pa ma mchis pa dang / yi ge ma mchis pa dang / nyon mongs pa ma mchis pa dang / chags pa ma mchis pa dang / nam mkha' ltar mnyam pa dang / lus dang / sems grol ba dang / rnam pa thams cad kyi mchog dang ldan pa'i stong pa nyid kyi rjes su yi rang bas rjes su yi rang ngo / /de bzhin gshegs pa gsung mchog zhal la phyag 'tshal lo/ /ta d+ya thA/ tsand ne/ tsand ne/ tsand na ang ge/ tsand na pra ba re/ tsand na a b+ha ye/ tsand na sid+d+he/ tsand na a ba lo ki te/ tsand na sha ung+ga te swAhA/ rjes su yi rang ba dang ldan pa dang / yongs su bsngo ba dang ldan pa'i dge ba'i rtsa ba de dag dang / skye ba thog ma dang / tha ma ma mchis pa'i 'khor ba na bsags pa gang lags pa dang / ma 'ongs pa mya ngan las 'das pa'i mtha' gang lags pa de dag thams cad yongs su bsdus nas bdag dge ba la brtson pa'i lha rtag tu 'brang ba gang lags pa de dag la dbul bar bgyi'o/ /dge ba'i rtsa ba des gzi byin dang ldan pa dang / stobs dang ldan pa dang / dbang
332b
che ba dang / thub par dka' bar gyur te myur du bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo rab tu bskor bar gyur cig /bdud bzhi tshar gcod par gyur cig /sems can yongs su smin par byed par gyur cig /bdag dang / dge ba'i phyogs la mngon par brtson pa'i snying rje chen po mngon du bgyis nas dran pa nye bar sgrub par gyur cig /le lo sel bar gyur cig /lam nye bar ston par gyur cig /mi dge ba'i las bzlog par gyur cig /dge ba la sbyor bar gyur cig /lus la gzi byin 'jug par gyur cig /mthu dang / stobs yang dag par bskyed par gyur cig /sgrib pa chen po stug por thur \?\ pa 'di las rnam par grol bar gyur cig /sems can gyi khams dang / las kyi khams dang / nyon mongs pa'i khams dang / nam mkha'i khams ji tsam pa de tsam du sems can la bde \?\ pa'i phyir gnas par gyur cig /dge ba'i rtsa ba de las dge ba'i rtsa ba byung ba gang lags pa'i dge ba'i rtsa ba des gtsug lag khang 'di na gnas pa'i lha 'phags pa rnam thos kyi bu dang / yul 'khor srung dang / 'phags skyes po dang / mig mi bzang dang / lnga rtsen dang / lnga len dang / nor bu bzang po dang / gang ba bzang po dang / lha mo chen mo dpal dang / ljang sngon du 'khor dang bcas pa la sogs pa dang / byang chub gos la sogs pa
333a
@#/ /gzhi pa rnams dang / dga' bo dang / nye dga' la sogs pa klu bdag po rnams dang / 'brog gnas la sogs pa'i gnod sbyin gyi bdag po rnams dang / gang gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa gang lags pa de dag la dge ba'i rtsa ba de dbul bar bgyi'o/ /dge ba'i rtsa ba des gzi byin dang ldan pa dang / stobs dang ldan pa dang / dbang che ba dang / thub par dka' bar gyur te myur du bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo rab tu bskor bar gyur cig /bdud bzhi tshar gcod par gyur cig /sems can yongs su smin par byed par gyur cig /bdag kyang dge ba la brtson pa'i snying rje chen po sngon du bgyis nas dran pa nye bar sgrub par gyur cig /le lo sel bar gyur cig /lam nye bar ston par gyur cig /mi dge ba las bzlog par gyur cig /dge ba la sbyor bar gyur cig /lus la gzi byin 'jug par gyur cig /mthu dang / stobs yang dag par skyed par gyur cig /sgrib pa chen po stug por gyur pa 'di las rnam par grol bar gyur cig /sems can gyi khams dang / las kyi khams dang / nyon mongs pa'i khams dang / nam mkha'i khams ji tsam pa
333b
de tsam du sems can la phan pa'i phyir gnas par gyur cig /dge ba'i rtsa ba de la dge ba'i rtsa ba byung ba gang las sa pa'i dge ba'i rtsa ba des sems can dmyal ba dang / dud 'gro dang| yi dwags dang / gshin rje'i 'jig rten du skyes pa'i sems can gang lags pa rnams dang / mi khom par skyes pa gang lags pa dang / sangs rgyas dang / chos dang / dge 'dun dang bral ba gang lags pa dang / bcom ldan 'das kyi bstan pa 'di las phyi rol pa dang / de las gzhan pa mu stegs rnams la gnas pa nas log pa nyid du nges pa'i bar gang lags pa de dag la dge ba'i rtsa pa de bsngo bar bgyi'o/ /dge ba'i rtsa ba des phung po 'di dag nyid kyis sangs rgyas kyi zhing yongs su dag pa rnams su skye ba 'dzin par 'gyur pa nas byang chub mngon par rdzogs par sangs rgyas pa'i bar du gyur te chos kyi 'khor lo rab tu bskor bar gyur cig /bdud bzhi tshar gcod par gyur cig /sems can yongs su smin par byed par gyur cig/ bdag kyang dge ba'i phyogs la mngon par brtson pa'i snying rje chen po mngon sum du bgyis nas dran pa nye bar sgrub par gyur cig /le lo sel bar gyur cig |lam nye bar ston par gyur cig /mi dge ba las zlog par gyur cig /dge ba la sbyor bar gyur cig /lus la gzi byin 'jug par gyur cig /mthu dang / stobs yang dag par bskyed
334a
@#/ /par gyur cig /sgrib pa chen po stug por gyur ba 'di las rnam par grol bar gyur cig /sems can gyi khams dang / las kyi khams dang / nyon mongs pa'i khams dang / nam mkha'i khams ji tsam pa de tsam du sems can la phan pa'i phyir gnas par gyur cig /dge ba'i rtsa ba de las dge ba'i rtsa ba byung ba gang lags pa'i dge ba'i rtsa ba des nyan thos kyi theg pa la mos shing nyan thos kyi theg pas nges par 'byung ba 'dod pa'i sems can gang lags pa de dag la dge ba'i rtsa ba de dbul bar bgyi'o// dge ba'i rtsa ba des lam bzhi la dmigs shing 'phags pa'i bden pa bzhi'i chos nyid dang / yang dag par ldan pa mngon du bgyis nas nyan thos kyi byang chub mngon par rdzogs par sangs rgyas shing mngon par rdzogs par sangs rgyas nas theg pa gcig gis phung po lhag ma med pa'i mya ngan las 'das pa'i dbyings kyi bar du yongs su mya ngan las 'da' bar gyur cig /dge ba'i rtsa ba de las dge ba'i rtsa ba byung ba gang lags pa'i dge ba'i rtsa ba des rang sangs rgyas kyi theg pa la mos shing rang sangs rgyas kyi theg pas nges par 'byung bar 'dod pa'i sems can gang lags pa de dag la dge ba'i rtsa ba de dbul bar bgyi'o/ /dge ba'i rtsa ba des rten cing 'brel bar 'byung ba'i
334b
chos nyid skye ba dang / 'jig pa mngon du bgyis nas rang byang chub mngon par rdzogs par sangs rgyas shing mngon par rdzogs par sangs rgyas ba nas theg pa gcig gis phung po lhag ma med pa'i mya ngan las 'das pa'i dbyings kyi bar du yongs su mya ngan las 'da' bar gyur cig /dge ba'i rtsa ba de las dge ba'i rtsa ba byung ba gang lags pa'i dge ba'i rtsa ba des sems can theg pa chen po la mos shing theg pa chen pos nges par 'byung bar 'dod la sems can thams cad sgrol bar 'dod pa gang lags pa de dag la dge ba'i rtsa ba de dbul bar bgyi'o/ /dge ba'i rtsa ba des tshogs shin tu bsags shing dge ba'i rtsa ba nye bar bsags pa/ skye ba med pa dang / 'gag pa med pa'i chos nyid mngon du bgyis nas byang chub chen por mngon par rdzogs par sangs rgyas par gyur cig /dge ba'i rtsa ba de las dge ba'i rtsa ba byung ba gang lags pa'i dge ba'i rtsa ba de khams gsum du skyes pa'i sems can gyi khams dbul bar bgyi'o/ /des khams gsum du skyes pa'i sems can thams cad byang chub chen por mngon par rdzogs par sangs rgyas nas chos kyi 'khor lo rab tu bskor bar gyur cig /bdud bzhi tshar gcod par gyur cig /sems can yongs su smin par byed par gyur cig /bdag kyang dge ba'i mchog
335a
@#/ /la brtson pa'i snying rje chen po mngon du bgyis nas dran pa nye bar sgrub par gyur cig/ le lo sel bar gyur cig/ lam nye bar ston par gyur cig /mi dge ba las zlog par gyur cig /dge ba sbyor bar gyur cig/ lus la gzi brjid 'jug par gyur cig /mthu dang / stobs yang dag par bskyed par gyur cig/ sgrib pa chen po stug por gyur pa 'di las rnam par grol bar gyur cig /sems can gyi khams dang / las kyi khams dang / nyon mongs pa'i khams dang / nam mkha'i khams ji tsam pa de tsam du sems can la phan pa'i phyir gnas par gyur cig /byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /tad+ya thA/ a ba lo ke/ lo ka/ bi lo ke/ lo ka/ pi li ki ni/ a ba lo ka ya hri me/ sarba karma A ba ra Na b+h+yaH swAhA/ gang dag phyogs bcu'i 'jig rten gyi khams na bzhugs pa'i sangs rgyas bcom ldan 'das thugs rjes thugs khyab pa/ sngon gyi smon lam gyi byin gyis brlabs kyis bzhugs shing 'tsho la gzhes pa| 'di lta ste/ bzang po dpal dang / tsan+dan dpal dang / tog gi dpal dang / mya ngan med pa'i dpal dang / tog dpal dang / me tog dpal dang / snang ba'i dpal dang /
335b
nor dpal dang / rgya mtsho dpal dang / rin chen mchod sdong kun nas snang ba dang / de la sogs pa la bdag gi bsam pa dang / lhag pa'i bsam pa rus pa'i khong nas dga' ba dang / rkang gi khong nas dga' ba'i sems can thams cad dang / lus thams cad btud nas phyag 'tshal lo/ /de dag yongs su mya ngan las 'das pa'i sku mchod rten dang / gzhal med khang dang / dri gtsang khang dang / chos nyid gang lags pa dang / chos nyid gang lags pa des sangs rgyas bcom ldan 'das de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gi bsam pa dang / lhag pa'i bsam pas sems can thams cad dang / lus thams cad btud nas phyag 'tshal lo/ /gang dag 'das pa'i yang dag par rdzogs pa'i sangs rgyas rnams dang / de dag gi yongs su mya ngan las 'das pa'i sku'i mchod rten dang / gzhal med khang dang / dri gtsang khang dang / chos nyid gang lags pa de dang / chos nyid gang lags pa des sangs rgyas bcom ldan 'das de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgom pa'i sku gdung gang lags pa de dag la bdag gi bsam pa dang / lhag pa'i bsam pas sems thams cad dang / lus thams cad btud na
336a
@#/ /phyag 'tshal lo/ /gang dag ma 'ongs pa'i yang dag par rdzogs pa'i sangs rgyas rnams dang / de dag yongs su mya ngan las 'das pa'i sku'i mchod rten dang / gzhal med khang dang / dri gtsang khang dang / chos nyid gang lags ba des sangs rgyas bcom ldan 'das de dag rab tu 'byed pa'i chos nyid dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gi bsam pa dang / lhag ba'i bsam pas sems thams cad dang / lus thams cad btud nas phyag 'tshal lo/ /phyogs bcu'i 'jig rten gyi khams na bzhugs pa'i byang chub sems dpa' rtag tu brtson pa dang / rab tu brtson pa dang / brtson pa mi 'dor ba rnams la/ 'di lta ste/ chu lha blo gros dang / snang ba'i blo gros dang / nam mkha'i blo gros dang / glog gi blo gros dang / don grub blo gros dang / rab tu zhi sbyod blo gros dang / so so yang dag rig thob dang / rtag tu brtson pa dang / rab tu brtson pa la sogs pa de dag la bdag gi bsam pa dang / lhag pa'i bsam pas sems thams cad dang / lus thams cad btud nas phyag 'tshal lo/ /de dag yongs su mya ngan las 'das pa'i sku'i mchod rten dang / gzhal med khang dang / dri gcang khang dang / chos nyid
336b
de gang lags ba de dang / chos nyid gang lags pa des byang chub sems dpa' de dag rab tu 'byed pa'i chos nyid de dang / de'ang shes rab kyi pha rol tu phyin pa rab tu bsgoms pa'i sku gdung gang lags pa de dag la bdag gi bsam pa dang / lhag pa'i bsam pas sems thams cad dang / lus thams cad btung nas phyag 'tshal lo/ /gang dag 'das pa'i byang chub sems dpa' rnams dang / de dag yongs su mya ngan las 'das pa'i sku'i mchod rten dang / gzhal med khang dang / dri gtsang khang dang / chos nyid gang lags pa de dang / chos nyid gang lags pa des byang chub sems dpa' de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gi bsam pa dang / lhag pa'i bsam pas sems thams cad dang / lus thams cad btud nas phyag 'tshal lo/ /gang dag ma 'ongs pa'i byang chub sems dpa' rnams dang / de dag yongs su mya ngan las 'das pa'i sku'i mchod rten dang / gzhal med khang dang / dri gtsang khang dang / chos nyid gang lags pa de dang / chos nyid gang lags pa des byang chub sems dpa' de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gi
337a
@#/ /bsam pa dang / lhag pa'i bsam pas sems thams cad dang / lus thams cad btud nas phyag 'tshal lo/ /byang chub sems dpa' 'dod chen pa// dga' ldan gyi gnas mngal du 'jug pa dang / gnas dang / sa ston pa dang / byang chub kyi snying por gshegs pa dang / byang chub mngon par rdzogs par byang chub pa dang / bdud 'dul ba dang / chos kyi 'khor lo bskor ba nas yongs su mya ngan las 'das pa chen po'i bar ston pa gang lags pa de dag la bdag gi bsam pa dang / lhag pa'i bsam pas bdag nyid thams cad kyi bsam pa thams cad dang / lus thams cad btung nas phyag 'tshal lo/ /de dag gi yongs su mya ngan las 'das pa'i sku'i mchod rten dang / gzhal med khang dang / dri gtsang khang dang / chos nyid de gang lags pa de dang / chos nyid gang lags pa des sangs rgyas bcom ldan 'das de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gi bsam pa dang / lhag pa'i bsam pas sems thams cad dang / lus thams cad btud nas phyag 'tshal lo/ /gang dag phyogs bcu'i 'jig rten gyi khams na bzhugs pa'i 'phags pa rang rgyal ba phung
337b
po dang / khams dang / skye mched la mkhas pa/ skye ba dang / 'jig ba rtogs pa rnams kyi mtshan la/ 'di lta ste/ bse ru ltar spyod pa dang / tshogs dang spyod pa gang lags pa de dag la bdag gi bsam pa dang / lhag pa'i bsam pas sems thams cad dang lus thams cad btud nas phyag 'tshal lo/ /de dag gi yongs su mya ngan las 'das pa'i sku'i mchod rten dang| gzhal med khang dang / dri gtsang khang dang / chos nyid gang lags pa de dang / chos nyid gang lags pa des rang rgyal ba de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gi bsam pa dang / lhag pa'i bsam pas sems thams cad dang / lus thams cad btud nas phyag 'tshal lo/ /gang dag 'das pa'i rang rgyal ba rnams dang / de dag yongs su mya ngan las 'das pa'i sku'i mchod rten dang / gzhal med khang dang / dri gtsang khang dang / chos nyid gang lags pa de dang / chos nyid gang lags pa des rang rgyal ba de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gi bsam pa dang / lhag pa'i bsam pas sems thams cad dang lus thams cad btud nas phyag 'tshal lo/ /gang dag ma
338a
@#/ /'ongs pa'i rang rgyal ba rnams dang / de dag yongs su mya ngan las 'das pa'i sku gdung gi mchod rten dang / gzhal med khang dang / dri gtsang khang dang / chos nyid gang lags pa de dang / chos nyid gang lags pa des rang rgyal ba de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gi bsam pa dang / lhag pa'i bsam pas sems thams cad dang / lus thams cad btud nas phyag 'tshal lo// gang dag phyogs bcu'i 'jig rten gyi khams na bzhugs pa'i 'phags pa rgyun tu zhugs pa rnams dang / lan gcig phyir 'ong ba rnams dang / phyir mi 'ong ba rnams dang / dgra bcom pa rnams dang / de dag la 'jug pa gang lags pa rnams dang / de dag yongs su mya ngan las 'das pa'i sku'i mchod rten dang / gzhal med khang dang / dri gtsang khang dang / chos nyid gang lags pa de dang / chos nyid gang lags pa des 'phags pa rgyun du zhugs pa rnams dang / lan gcig phyir 'ong ba rnams dang / phyir mi 'ong ba rnams dang / dgra bcom pa rnams dang / de dag la 'jug pa gang lags pa de dag la rab tu 'byed pa'i chos nyid gang lags pa de dang / de'ang shes rab kyi
338b
pha rol tu phyin pa yongs su bsgom pa'i sku gdung gang lags pa de dag la bdag gi bsam pa dang / lhag pa'i bsam pas sems thams cad dang lus thams cad btud nas phyag 'tshal lo/ /gang dag 'das pa'i 'phags pa nyan thos rnams dang / de dag yongs su mya ngan las 'das pa'i sku'i mchod rten dang / gzhal med khang dang / dri gtsang khang dang| chos nyid gang lags pa de dang / chos nyid gang lags pa des 'phags pa nyan thos de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gi bsam pa dang / lhag pa'i bsam pas sems thams cad dang lus thams cad btud nas phyag 'tshal lo/ /gang dag ma 'ongs pa'i 'phags pa nyan thos rnams dang / de dag yongs su mya ngan las 'das pa'i sku'i mchod rten dang / gzhal med khang dang / dri gtsang khang dang / chos nyid gang lags pa de dang / chos nyid gang lags pa des 'phags pa nyan thos de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gi bsam pa dang / lhag pa'i bsam pas sems thams cad dang / lus thams cad
339a
@#/ /btud nas phyag 'tshal lo/ /gang dag khams gsum 'di'i gling bzhi dag na/ 'phags pa nyan thos dang / rang sangs rgyas dang / byang chub sems dpa' dang / de bzhin gshegs pa'i sku mdor na 'jig rten gyi khams 'di'am/ 'jig rten gyi khams gzhan rnams na mngon par 'dus pa dang / mngon par 'du byed pa dang / mngon par 'du byed par 'gyur ba dang / mchod pa byas pa dang / mchod pa byed pa dang / mchod pa byed par 'gyur ba dang / 'phags pa nyan thos dang / rang sangs rgyas dang / byang chub sems dpa' dang / de bzhin gshegs pa'i sku gdung gi mchod rten dang / gzhal med khang dang / dri gtsang khang dang / chos nyid gang lags pa de dang / chos nyid gang lags pa des 'phags pa de dag rab tu 'byed pa'i chos nyid de dang / de'ang shes rab kyi pha rol tu phyin pa yongs su bsgoms pa'i sku gdung gang lags pa de dag la bdag gis bsam pa dang / lhag pa'i bsam pas sems thams cad dang lus thams cad btud nas phyag 'tshal lo/ / sangs rgyas dang / byang chub sems dpa' thams cad la phyag 'tshal lo/ /tad+ya thA/ tsan+d+ra pra b+he/ tsand na tsur+Na kai la sha ba ti/ sarba ta thA ga ta/ a d+hiSh+Thi ta a nu
339b
mo da ti swAhA/ ji ltar 'das pa dang / ma 'ongs pa dang / da ltar byung ba'i sangs rgyas bcom ldan 'das dang / byang chub sems dpa' de rnams kyi sa rgya chen po dang / zab mos pha rol tu phyin pa drug las nges par 'byung ba sna tshogs tshad med pa'i mchod pa dang / mngon par 'du mdzad pa bsgrubs pa dang / sgrub pa dang / sgrub par 'gyur ba de dag las bdag gi bskal bar 'gyur ba gang lags pa de dag thams cad kyang bdag gi lags so bar bzung nas bdag gi bsam pa dang / lhag pa'i bsam pas sems thams cad dang / lus thams cad btud nas phyogs bcu'i 'jig rten gyi khams kyi rdul phra mo snyed kyi nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas dang bcas pa de rnams la dbul bar bgyi'o/ /dge ba'i rtsa ba des sems can thams cad kyi pha rol tu phyin pa thams cad dang / sa thams cad dang / ting nge 'dzin thams cad dang / gzungs kyi sgo thams cad dang / byang chub kyi chos thams cad mngon du gyur cig/ de bzhin gshegs pa rnga sgra'i rgyal po la phyag 'tshal lo/ /tad+ya thA/ Ta ke Ta ke/ Ta ka Ta ke Ta ke swAhA/ gang dag srid pa gsum po 'di na lha dang / mi'i dri dang / bdug spos kyi rnam pa dang /
340a
@#/ /me tog dang / 'bras bu dang / ro bro ba dang / lo tog gi rnam pa dang / gser dang / dngul dang / nor bu dang / mu tig dang / baiDUR+Ya dang / rdo'i snying po la sogs pa bdag gi ba med cing yongs su bzung ba med pa gang lags pa de dag bdag dang / sems can thams cad thun mong du bgyis nas phyogs bcu'i 'jig rten gyi khams kyi rdul phra mo snyed kyi 'das pa dang / ma 'ongs pa dang / da ltar byung ba'i yang dag par rdzogs pa'i sangs rgyas dang / byang chub sems dpa' dang / nyan thos dang / rang rgyal ba dang bcas pa de rnams la dbul bar bgyi'o/ /dge ba'i rtsa ba des sems can thams cad la rnam pa thams cad kyi mchog dang ldan pa'i stong pa nyid mngon du gyur cig /bcom ldan 'das de bzhin gshegs pa blo yangs zab mo sgrogs pa'i rgyal po la phyag 'tshal lo/ /tad+ya thA/ bi pu la swa re/ bi pu la yo ni she/ a na la se/ a na la sa/ saM b+ha be/ a na la sa/ ga ting ga te swAhA/ bdag nyin mo dang / mtshan mo gnyid log pa dang / sad pa dang / 'ong ba dang / 'gro ba dang / 'dug pa dang / langs pa nas dbang po 'gag pa'i bar du'ang lung bstan pa dang / lung ma bstan pa dang / lus dang / ngag dang / yid kyis phyi dang / nang gi legs par spyad pa gang lags pa dang / skye ba thog ma dang / tha mam mchis pa'i 'khor bar bsags pa gang lags pa
340b
dang| byang chub kyi snying po la mchis kyi bar du dge ba'i rtsa ba gang lags pa de dag thams cad sems can thams cad dang / thun mong du bgyis nas gnyis su med pa'i tshul gyis bla na med pa yang dag par rdzogs pa'i byang chub tu yongs su bsngo bar bgyi ste ji ltar 'das pa dang / ma 'ongs pa dang / da ltar byung ba'i sangs rgyas bcom ldan 'das dang / byang chub sems dpa' de rnams kyis yongs su bsngos pa de bzhin du bdag gis kyang yongs su bsngo bar bgyi'o/ /yang dag par rdzogs pa'i sangs rgyas bdun po rnams la phyag 'tshal lo/ /rnam par gzigs kyi gzi brjid dang / /shAkya seng+ge'i brtson 'grus kyis/ /'dod chags zhe sdang gti mug dag /nam yang g.yo bar ma gyur cig /tad+ya thA/ dza yan+ti/ bi dza yan+ti/ a pa rA dzi te/ mA ra sain+ya pra m+r+da nI ye swAhA/ dge ba'i rtsa ba des sems can 'gro ba drug la brten pa gang lags pa de dag thams cad sbyin pa'i pha rol tu phyin pa la dgod bar bgyi'o/ /de bzhin du tshul khrims dang / bzod pa dang / brtson 'grus dang / bsam gtan dang / shes rab dang / thabs dang / smon lam dang / stobs dang / ye shes kyi pha rol tu phyin pa la dgod par bgyi'o/ /de bzhin du su rab tu dga' ba dang / de bzhin du dri ma med pa dang / 'od byed pa dang / 'od 'phro ba can dang / shin tu sbyang dka' ba dang / mngon du gyur pa dang / ring du song ba dang / mi g.yo ba dang /
341a
@#/ /legs pa'i blo gros dang / sa chos kyi sprin la dgod par bgyi'o/ /de bzhin du rdo rje lta bu'i ting nge 'dzin dang / de bzhin du brtan par gnas pa'i thabs la mngon par brtson pa dang / sngon du 'gro ba yongs su bsags pa'i ting nge 'dzin dang / nges par 'byung ba'i ting nge 'dzin dang / kun tu gsal ba'i ting nge 'dzin dang / kun tu snang pa'i ting nge 'dzin dang / rin chen tog gi ting nge 'dzin dang / rin chen zla ba'i ting nge 'dzin dang / rgyal mtshan rtse mo'i tog gi ting nge 'dzin dang / snying rje bsags pa'i ting nge 'dzin dang / thams cad kyi tshig tu dbye ba bstan pa shes pa la mkhas pa'i ting nge 'dzin la dgod par bgyi'o/ /de bzhin du rgya mtsho'i phyag rgya mi zad par sgrub pa'i gzungs dang / de bzhin du sems can kyi spyod pa la 'jug pa'i gzungs dang / nyi ma'i tog snang ba mtha' yas pa'i gzungs dang / zla ba dri ma med pa'i gzi brjid mngon par 'phags pa'i gzungs dang| kun nas dkris pa thams cad rnam par sel ba dang / rdo rje snying po bstan pas nyon mongs pa mtha' yas pa rnam par 'thor ba dang / brjod du med pa'i don ston pa don dam par yang dag par 'du ba dang / ldem po'i tshig tu smra ba'i sgra 'jug pa dang / nam mkha'i dkyil ltar dri ma med par sgrub pa dang / zad mi shes pa'i phyag rgyas btab pa dang / sangs
341b
rgyas kyi sku mtha' yas pa yongs su 'grub pa sgrub pa'i gzungs la dgod par bgyi'o/ /de bzhin du pha rol tu phyin pa bcu po de dag nas gzungs kyi sgo bcu'i bar dag la bkod nas de rnams dang lhan cig 'di nas 'gum pa'i 'og tu 'jig rten gyi khams bde ba can du skye bar 'gyur zhing gang na bcom ldan 'das de bzhin gshegs pa 'od dpag med de dang / bcom ldan 'das 'jig rten dbang phyug de dang / bcom ldan 'das mthu chen thob pa de dang / byang chub sems dpa' de dag dang / 'khor de rnams mnyes par byed par gyur cig /bcom ldan 'das 'khor dang bcas pa de dag mi mnyes par ma gyur cig /de bzhin gshegs pa 'od dpag med la phyag 'tshal lo/ /tad+ya thA/ pad+me pad+me ni/ pad+ma lo tsa ne/ pad+ma saM b+ha be swAhA/ de bzhin gshegs pa 'od dpag med la phyag 'tshal lo/ /tad+ya thA/ a mi tod b+ha ba/ a mi ta saM b+ha be/ a mi ta bi krAn+ti/ ga ga na kIrta ka ra/ sarba karma kle sha k+Sha yaM ka ri swAhA/ dge ba'i rtsa ba des 'phags pa byams pa mngon par rdzogs par sangs rgyas ma thag tu bdag mngon du lung ston pas lung bstan cing mngon sum du lung ston pa dang / yang dag pa'i lung ston pa dang / lkog ma yin par lung ston pa dang / de bzhin du lung ston pa dang / yang dag pa'i mthar lung ston pa dang / chos kyi dbyings su lung ston pa nas/ de kho na
342a
@#/ /nyid mthong ba'i bar gyi lung ston pas lung ston par gyur cig /lung bstan nas bcom ldan 'das de dang / byang chub sems dpa' dang / nyan thos kyi dge 'dun dang bcas pa mnyes par byed par gyur cig /na bza' dang / zhal zas dang / gzims cha dang / bsnyun pa'i gsos sman gyi rkyen yo byad rnams dang / de las gzhan pa de bzhin gshegs pa dag gi zag pa med pa'i mchod pa rnams kyis mchod nas de'i drung du bus pa'i rab tu 'byung ba thob cing gzhon nu'i rab tu 'byung ba dang / lkog ma yin par rab tu 'byung ba dang / de bzhin nyid du rab tu 'byung ba dang / yang dag pa'i mthar rab tu 'byung ba nas de kho na nyid mthong ba'i bar du rab tu 'byung ba thob par gyur cig /de'ang 'jig rten dang / 'jig rten las 'das pa'i khyad par du 'phags pa/ skyon med pa/ ma 'dres pa/ rnyog pa med pa/ lha dang / mi mngon par dga' ba/ sangs rgyas dang / byang chub sems dpas bsngags pa/ sems can la sman pa'i slad du bdag rab tu 'byung par gyur cig /de nas bskal pa bzang po'i yang dag par rdzogs pa'i sangs rgyas dang / byang chub sems dpa' dang / nyan thos kyi dge 'dun thams cad la byis pa nas na bza' dang / zhal zas dang / gzims cha dang /
342b
bsnyun pa'i gsos sman gyi rkyen yo byad rnams kyis mnyes par bgyis nas de dag gi drung du bus pa'i rab tu 'byung ba thob cing gzhon nu'i rab tu 'byung ba dang / mngon sum du rab tu 'byung ba dang / lkog ma yin par rab tu 'byung ba dang / de bzhin nyid du rab tu 'byung ba dang / yang dag pa'i mthar rab tu 'byung ba nas de bzhin nyid mthong ba'i bar du rab tu 'byung ba thob par gyur cig /de'ang 'jig rten dang / 'jig rten las 'das pa'i khyad par du 'phags pa/ skyon med pa/ ma 'dres pa/ rnyog pa med pa/ lha dang / mi dag mngon par dga' ba| sangs rgyas dang / byang chub sems dpas bsngags pa/ sems can la sman pa'i slad du bdag rab tu 'byung bar gyur cig /de nas phyogs bcu'i 'jig rten gyi khams na bzhugs pa'i yang dag pa'i sangs rgyas dang / byang chub sems dpa' dang / nyan thos kyi dge 'dun dang bcas pa gang lags pa de dag bdag gis mnyes par byed pa bgyid par gyur cig /de dag gi drung du skad cig ma gcig la ming dang / sangs rgyas kyi zhing lung bstan pa thob cing byis pa'i rab tu 'byung ba dang / gzhon nu'i rab tu 'byung ba dang / mngon sum du rab tu 'byung ba dang / lkog ma yin par rab tu 'byung ba dang / de bzhin nyid du rab tu 'byung ba dang / yang dag pa'i mthar rab tu 'byung ba na de kho na nyid mthong ba'i bar du rab tu 'byung ba thob par gyur cig /
343a
@#/ /de'ang 'jig rten dang / 'jig rten las 'das pa'i khyad par du 'phags pa/ skyon med pa/ ma 'dres pa/ rnyog pa med pa/ lha dang / mi dag mngon par dga' ba/ sangs rgyas dang / byang chub sems dpas bsngags pa/ sems can la sman pa'i slad du bdag rab tu 'byung bar gyur cig /byang chub sems dpa' sems dpa' chen po snying rje chen po dang ldan pa 'phags pa byams pa la phyag 'tshal lo/ /tad+ya thA/ mai tri mai tri/ mai tri/ sa ma tsit+te swAhA/ de nas pha rol tu phyin pa drug la mngon par brtson par gyur cig/ shes rab kyi pha rol tu phyin pa la gnas pa dang / stong pa nyid dang / mtshan ma med pa dang / smon pa med pa la gnas pa dang / nam mkha' mdzod dang / lag na rin po che dang / mngon par shes pa lnga dang / dbang thob pa/ so so yang dag par rig pa thob pa dang / nams kyang dbang po zhan cing dbang po dang bral bar mi 'gyur ba dang / lta ba ngan par ltung bar mi 'gyur ba dang / nams kyang yul 'khor ngan ba dang / skye bo ngan ba'i nang du skye bar ma gyur cig /nams kyang mi khoms par skye bar ma gyur cig /nams kyang sangs rgyas dang / chos dang / dge 'dun mthong ba dang / thos pa dang / mchod pa dang| rim gro bgyid pa dang 'bral bar ma gyur cig /nams kyang tshul khrims 'chal bar mi 'gyur ba nas rmi lam du'ang nyan thos dang / rang byang chub 'dod pa'i phyir nams kyang byang chub
343b
kyi sems dang 'bral bar ma gyur cig /nams kyang sems can yongs su smin par bgyid pa dang 'bral bar ma gyur cig /nams kyang dge ba'i bshes gnyen dang 'bral bar ma gyur cig |nams kyang skad cig tu'ang thabs dang / shes rab dang 'bral bar ma gyur cig /nams kyang rigs dman pa dang / brtson 'grus zhan pa dang / le lo can du ma gyur cig /bdag tshe rabs nas tshe rabs su sangs rgyas kyi chos rnams la brtson 'grus sbyangs par skye bar gyur cig /sems can la sman pa'i slad du bdag brdzus te skye bar gyur cig /ji ltar sangs rgyas bcom ldan 'das dang / byang chub sems dpa' de dag 'khrungs pa de ltar bdag sangs rgyas kyi rigs su skye bar gyur cig /de nas bstan bcos thams cad dang / bzo thams cad dang / ting nge 'dzin thams cad dang / gzungs kyi sgo thams cad dang / byang chub kyi phyogs kyi chos thams cad mngon du gyur cig /byang chub sems dpa' sems dpa' chen po 'phags pa dri ma med par grags pa la phyag 'tshal lo/ /tad+ya thA/ kIrti te/ sarba dzi ne b+hiH/ a ti kirta ta/ sarba dzi ni b+hiH/ badz+ra A ka re/ badz+ra sam+b+ha be/ badz+ra b+he da ka re swAhA/ sa dang| chu dang / me dang / rlung dang / nam mkhas nye bar 'tsho ba ltar dge ba bcu'i las kyi lam 'di dag gis yang dag par bsgrubs pa'i phung po lnga po gang lags pa de dag thams
344a
@#/ /cad sems can thams cad dang thun mong du bgyis nas sangs rgyas dang / chos dang / dge 'dun yongs su spyod pa dag la dbul bar bgyi'o/ /nam gum nas kyang bya rgod dang / spyang ki dang / khyi dang / wa dang / gcan gzan dang / bya rnams kyis pags pa dang / sha dang / rgyus pa dang / rus pa dang / rkang dang / khrag rnams yongs su za bar gyur cig /de dag thams cad kyang bla na med pa yang dag par rdzogs pa'i byang chub tu nges par gyur cig /de nas khams gsum na rdul phra mo ji snyed pa'i sems can de snyed sems kyi skad cig sems kyi skad cig la rnam par thar par bgyid par gyur cig /rnam par thar par bgyid nas phyir mi ldog pa'i sa dag la rab tu 'god par gyur cig /de nas mthong bas kyang sems can rnams yongs su smin par bgyid par gyur cig /thos pa dang / dran pas kyang sems can rnams yongs su smin par bgyid par gyur cig /byang chub sems dpa' sems dpa' chen po nam mkha'i snying po la phyag 'tshal lo/ /tad+ya thA/ gar+b+he gar+b+he/ gar+b+ha bi shod+ha ni swAhA/ phyogs bcu'i 'jig rten gyi khams na bzhugs pa'i sangs rgyas bcom ldan 'das yongs su mya ngan las 'da' bar bzhed pa gang lags pa de dag la bdag gi bsam pa dang / lhag pa'i bsam pa rus pa'i khang nas dga' ba dang / rkang gi khong nas
344b
dga' bas sems thams cad dang / lus thams cad btud nas sems can la sman ba'i slad du sems can gyi khams dang / lus kyi khams dang / nyon mongs pa'i khams dang / nam mkha'i khams ji tsam pa de tsam du mya ngan las mi 'da' zhing bzhugs par gsol ba 'tshal lo/ /de bzhin gshegs pa yon tan 'byung gnas la phyag 'tshal lo/ /tad+ya thA/ ga ga na A ka re/ ga ga na saM b+ha be/ ga ga na kIrti ka re swAhA/ phyogs bcu'i 'jig rten gyi khams na bzhugs pa'i byang chub sems dpa' tshogs shin tu bsags pa gang lags pa rnams dang / tshogs chung du gang lags pa rnams dang / byang chub tu sems bskyed pa gang lags pa rnams dang / byang chub tu sems ma bskyed pa gang lags pa de rnams la bdag bskul ma 'debs te de rnams la bdag gi lus dang / ngag dang / yid kyis legs par spyad pa de dbul bar bgyi'o/ /dge ba'i rtsa ba des tshogs rnams shin tu bsags shing dge ba'i rtsa ba rnams legs par bsags nas myur du bla na med pa yang dag par rdzogs pa'i byang chub tu mngon par rdzogs par sangs rgyas te chos kyi 'khor lo rab tu bskor bar gyur cig /bdud bzhi tshar gcod par gyur cig /sems can yongs su smin par bgyid par gyur cig /sems can sman pa'i slad du sems can gyi khams dang / las kyi khams dang / nyon mongs pa'i khams dang /nam
345a
@#/ /mkha'i khams ji tsam pa de tsam du bzhugs par gsol bar 'tshal lo/ /byang chub sems dpa' sems dpa' chen po 'phags pa blo gros mi zad pa la phyag 'tshal lo/ /tad+ya thA/ ak+Sha ye ak+Sha ye/ ak+Sha ye bi sho d+ha ni swAhA/ phyogs bcu'i 'jig rten gyi khams rdul phra mo snyed kyi 'das pa dang / ma 'ongs pa dang / da ltar byung ba'i yang dag par rdzogs pa'i sangs rgyas dang / byang chub sems dpa' de rnams kyi smon lam chen po bcu po khri phrag grangs med pa gang lags pa de dag mdzad pa rnams la lhun gyis grub par 'jug pa de bzhin du bdag tshe rabs su 'jug par gyur cig /de nas sangs rgyas kyi zhing yongs su dag par 'gyur ba ni ji ltar bcom ldan 'das de bzhin gshegs pa 'od dpag med de'i 'jig rten gyi khams bde ba can dang / ji ltar bcom ldan 'das de bzhin gshegs pa mi 'khrugs pa pad+ma'i spyan de'i 'jig rten gyi khams pad+ma can dang / ji ltar dga' ba dang / ji ltar bcom ldan 'das de bzhin gshegs pa pad+ma'i spyan de'i 'jig rten gyi khams pad+ma can dang / ji ltar bcom ldan 'das de bzhin gshegs pa kun tu bzang po de'i 'jig rten gyi khams mig mi 'dzums dang / ji ltar bcom ldan 'das de bzhin gshegs pa rin po che tog de'i 'jig rten gyi khams rin chen ldan pa dang / ji ltar bcom ldan
345b
'das de bzhin gshegs pa spos brtsegs de'i 'jig rten gyi khams dri bsung zhim pa dang / ji ltar bcom ldan 'das de bzhin gshegs pa rin po che bkod pa de'i 'jig rten gyi khams rin chen bkod pa dang / ji ltar ma 'ongs pa'i bcom ldan 'das de bzhin gshegs pa bden pa'i blo gros tog gi rgyal po de'i sangs rgyas kyi zhing dang / ji ltar bcom ldan 'das de bzhin gshegs pa gser gyi me tog de'i sangs rgyas kyi zhing dang / ji ltar bcom ldan 'das de bzhin gshegs pa rin chen sbyin pa de'i sangs rgyas kyi zhing dang / ji ltar bcom ldan 'das de bzhin gshegs pa dra ba can gyi 'od de'i sangs rgyas kyi zhing dang / ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas shes rab kyi pha rol phyin par byang chub sems dpa' rnams kyi sangs rgyas kyi zhing legs par bstan pa dang / ji ltar bcom ldan 'das kyis sangs rgyas thams cad kyi yul la 'jug pa ye shes snang ba rgyan gyi gleng gzhir sangs rgyas kyi zhing rin po che chen po'i pad+ma'i snying po byung ba mngon par bsgrubs pa de lta bu'i sangs rgyas kyi zhing der byang chub sems dpa' de rnams kyi mthus rab tu 'byung zhing der de dag bla na med pa yang dag par rdzogs pa'i byang chub mngon par rdzogs par sangs rgyas par gyur cig /ji ltar 'das pa dang / ma 'ongs pa dang / da ltar byung ba'i sangs rgyas bcom ldan
346a
@#/ /'das dang / byang chub sems dpa' de rnams kyis smon lam chen po shin tu yongs su dag pas bsgrubs pa rang gi bsod nams las nges par skyes pa/ shes rab kyi pha rol tu phyin par sangs rgyas kyi zhing bstan pa de dag yongs su bzung ba dang / yongs su 'dzin pa dang / yongs su 'dzin par 'gyur ba de lta bu bdag gi sangs rgyas kyi zhing gcig tu 'gyur zhing chu zheng dpag tu med pa dang / yon tan gyi rgyan dpag tu med pa'i ming dang / sangs rgyas thams cad kyi zhing khyad par 'phags pa mngon par mtho ba'i rgyan bkod par mthong ba dang / reg pa dang / thos pa dang / dran pas lhan cig mngon par rdzogs par byang chub par gyur cig /sangs rgyas kyi zhing der sems can gang dag sangs rgyas thams cad dang / byang chub sems dpa' thams cad kyis yongs su btang ba dang / mar mi 'dzin pa/ phar mi 'dzin pa/ dge sbyong du mi 'dzin pa/ bram zer mi 'dzin pa/ rigs kyi rgan rabs kyi rjes mi snyegs pa/ ngang tshul ngan pa/ sdig pa'i chos yang dag par spyod pa/ rgyud bsregs pa/ bsam pa bsregs pa/ sa bon bsregs pa/ dge ba'i rtsa ba chad pa/ ngan song la mngon par phyogs pa| mtshams med pa lnga dang ldan pa/ byang chub sems dpa' gtum po dam pa'i chos spong ba de rnams sangs rgyas kyi zhing der 'dus pa dang por 'byung bar 'gyur zhing bdag gis
346b
de dag thams cad zhi ba'i lam bla na med pa'i sangs rgyas nyid la dgod par gyur cig /de nas ji tsam du khams gsum du skyes pa'i sems can de rnams zhing der 'dus pa gnyis pa la 'byung bar 'gyur zhing bdag gis de dag thams cad bag chags dang / mtshams sbyor ba'i nyon mongs pa thams cad spangs pa thams cad mkhyen pa'i ye shes la dgod par gyur cig |de bzhin gshegs pa dung gi 'od kyi rgyal po la phyag 'tshal lo/ /tad+ya thA/ shad+khe/ sh+ng+khe/ sh+d+kha pAN+Da re swAhA/ phyogs bcu'i 'jig rten gyi khams su 'dus pa'i yang dag par rdzogs pa'i sangs rgyas dang / byang chub sems dpa' de rnams kyi sangs rgyas kyi mdzad pa dang / byang chub sems dpa'i mdzad pa gang lags pa de dag thams cad bdag gcig pu gnyis su ma mchis pas rim gyis sangs rgyas kyi chos rnams la 'phel bar bgyi bar spro bas sangs rgyas bcom ldan 'das dang / byang chub sems dpa' de dag stong pa nyid dang / mtshan ma med pa dang / smon pa med pa dang / skye ba med pa dang / 'gag pa med pa'i chos nyid mngon du mdzad cing / de las gzhan pa byang chub kyi phyogs kyi chos rnams kyang mngon du mdzad nas bde bar bzhugs pa tshegs chung ngus bzhugs su gsol/ de bzhin gshegs pa lhun po'i rtsi mo'i 'od kyi rgyal po la phyag 'tshal lo/ /tad+ya thA/ shi khe/ shi kha ban+d+he swAhA/
347a
@#/ /de'i 'og tu bdag tshogs shin tu bsags/ brang pa yongs su rdzogs/ bsam pa yongs su rdzogs/ sangs rgyas kyi bya ba yongs su rdzogs nas bla na med pa yang dag par rdzogs pa'i byang chub mngon par rdzogs par sangs rgyas par gyur cig /mngon par rdzogs par sangs rgyas nas chos kyi 'khor lo rab tu bskor bar bgyi bde bzhin nyid kyi 'khor lo dang / yang dag pa'i mtha'i 'khor lo dang / ji lta ba bzhin gyi 'khor lo dang / skye ba med pa dang / 'gag pa med pa'i 'khor lo dang / stong pa nyid dang / mtshan ma med pa dang / smon pa med pa'i 'khor lo dang / nges par 'byung ba'i 'khor lo dang / phung po dang / khams dang / skye mched mi dmigs pa'i 'khor lo dang / nam mkha' lta bu'i 'khor lo dang / chos kyi dbyings dbyer med pa'i 'khor lo dang / bag chags dang / mtshams sbyor ba'i nyon mongs pa thams cad spang pa'i 'khor lo dang / nga dang / bdag dang / rtag pa dang / chad pa dang / bdag dang / bdag gir 'dzin pa nas nyan thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas su mngon par zhen pa'i bar mi dmigs pa'i 'khor lo dang / mdor na gang na 'khor lo med pa bskor ba med pa de lta bu'i chos kyi 'khor lo rab tu bskor bar gyur cig /rab tu bskor nas sems can rnams su yongs
347b
su smin par gyur cig /yongs su smin par bgyis nas sems can la sman ba'i slad du sems can gyi khams dang / las kyi khams dang / nyon mongs pa'i khams dang / nam mkha'i khams ji tsam pa de tsam du gnas par gyur cig /'phags pa 'jam dpal gzhon nur gyur pa la phyag 'tshal lo/ /tad+ya thA/ mnye/ sarba ma n+ya pra hA Ne swAhA/ dge ba'i rtsa ba de dag dang / sangs rgyas kyi zhing gi yon tan yongs su spyod pa dang / de bzhin du sems can yongs su smin par bgyis pa'i dge ba'i rtsa ba dang / rab tu 'byung ba'i dge ba'i rtsa bdag/ de bzhin gshegs pa la mchod pa dang / rim gro dang / bsnyen bkur bgyis pa'i dge pa'i rtsa ba dang / pha ma dang / bla ma dang / yon gnas dang / mkhan po dang / slob dpon dang / dman pa dang / bkren pa dang / sdug phongs pa las bsgrubs pa'i dge ba'i rtsa ba dang / dam pa'i chos rnam par 'byed pa'i dge ba'i tsa ba dang / rjes su yi rang ba dang / mthol ba dang / bshags pa dang ldan pa dang| phyag 'tshal ba dang / mchod pa dang ldan pa dang / byis pa nas bzung nas da ltar ram/ skye ba thog ma dang / tha ma ma mchis ba'i 'khor ba nas 'khor ba'i skye ba gzhan dag tu bsags pa nas phung po lhag ma med pa'i mya ngan las 'das pa'i mtha'i bar gang lags pa de dag sems can thams cad dang thun mong du bgyis nas mchog dang / gtso bo dang / gya
348a
@#/ /nom pa dang / rab dang / phul dang / bla na ma mchis pa dang / gong na mchis pa dang / gong ma'i yang gong ma dang / mnyam pa ma mchis pa dang / mi mnyam pa dang| mnyam pa dang / dmigs pa ma mchis pa dang / rnam par rtog pa ma mchis pa dang / mtshan ma ma mchis pa dang / spros pa ma mchis pa dang / yi ge ma mchis pa dang / nyon mongs ma mchis pa dang / chags pa ma mchis pa dang / nam mkha' ltar mnyam pa dang / lus dang / sems grol ba dang / rnam pa thams cad kyi mchog dang ldan pa'i stong pa nyid kyi yongs su bsngo bas yongs su bsngo bar bgyi'o/ /ji ltar 'das pa dang / ma 'ongs pa dang / da ltar byung ba'i sangs rgyas bcom ldan 'das dang / byang chub sems dpa' de rnams kyis gnyis su med pa'i chos nyid mngon du mdzad nas yongs su bsngos pa dang / yongs su bsngo ba dang / yongs su bsngo bar 'gyur ba de ltar bdag gis kyang yongs su bsngo bar bgyi'o/ / ji ltar chos nyid de dang / ji ltar de bzhin nyid de dang / ji ltar yang dag pa'i mtha' de dang / ji ltar chos nyid kyi dbyings de dang / ji ltar stong pa nyid de dang / ji ltar rnam pa thams cad mkhyen pa nyid de nas ji ltar de kho na nyid mthong ba'i bar gang la gnyis med cing gnyis ma yin pa med pa de ltar yongs su bsngo bar bgyi'o/ /sangs rgyas dang /
348b
byang chub sems dpa' thams cad la phyag 'tshal lo/ /tad+ya thA/ bud+d+he/ bud+d+he/ sarba bud+d+ha bi Sha ya bi sho d+ha ni swAhA/ 'phags pa yongs su bsngo ba'i rgyal po sngags dang bcas pa ji snyed pa rdzogs so// //rgya gar gyi mkhan po bi d+yA ka ra pra b+ha dang / zhus chen gyi lots+tsha ba ban+de ye shes snying po dang / dpal brtsegs kyis zhus te gtan la phab pa// //