dkon mchog gsum la phyag 'tshal lo/ /gang la ser sna rnam chags pa/ / rnam bcom dri ma med mdzad cing / /thugs zhi gnod pa mi mnga' de/ /khyed la bde legs mdzad par 'gyur/ /'dren pa gang zhig 'gro ba rnams/ /thar pa'i lam du 'dzud mdzad cing / chos rnams thams cad ston pa de/ /khyed la bde legs mdzad par 'gyur/ /ston pa 'gro ba rnams kyi rten/ /sems can kun gyi don gyi phyir/ /gang gis bde ba mnga' mdzad de/ /khyed la bde legs mdzad par gyur/ /skyob pa gang zhig byams pa yi/ /thugs kyi 'gro ba 'di dag kun/ /bu gcig bzhin du rtag bskyangs te/ /khyed la bde legs mdzad par 'gyur/ /gang zhig 357a @#/ /'khor bar 'khor ba yis/ /sems can kun gyi rten gyur cing / /gling dang dpung gnyen gyur ba de/ /khyed la bde legs mdzad bar 'gyur/ /gang zhig chos kun mngon sum gyur| /gtsang zhing slu ba mi mnga' la/ /gsung gtsang gtsang mar mdzad pa de/ /khyed la bde legs mdzad par 'gyur/ /dpa' bo chen po gang skyes pas| |phun sum tshogs don 'byor gyur cing / /don grub tshogs kyang grub pa de/ /khyed la bde legs mdzad par 'gyur/ /gang zhig skyes pas sa rnams ni/ /nags tshal bcas par rab g.yos shing / /sems can thams cad rab dga' de/ /khyed la bde legs mdzad par 'gyur/ /byang chub snying por gang zhig gis/ /sa dag rnam drug g.yos gyur cing / /bdud yid mi bder gyur pa de/ /khyed la bde legs mdzad par 'gyur/ /chos kyi 'khor lo bskor ba na/ /'phags pa'i bden pa rnam gsung ba/ /thub pa'i snyan pa gang byung de/ /khyed la bde legs mdzad par 'gyur/ /yid 'phrog gang gis mu stegs byed/ /thams cad chos kyi pham mdzad cing / /tshogs kun dbang du mdzad pa de/ /khyed la bde legs mdzad par 'gyur/ /sangs rgyas khyed la bde legs mdzad/ /brgya byin lha bcas bde legs dang / /'byung po kun gyi bde legs ni/ /khyed la rtag tu 357b sbyin gyur cig /sangs rgyas bsod nams mthu dag dang / /lha rnams kyis ni bsam pa yi/ /khyed kyi don 'dod gang yin pa/ /don de de ring 'grub gyur cig /rkang gnyis khyod cag bde legs shog /rkang bzhi khyed cag bde legs gyur/ /khyed cag lam 'gro bde legs shog /phyir ldog dag kyang bde gyur cig /nyin mo bde legs mtshan bde legs// nyi ma'i gung la'ang bde legs shing / /khyed cag kun tu bde legs shog /khyed cag sdig par ma gyur cig /sangs rgyas lha rnams stong dag gis/ /yongs su bskor te gshegs mdzad kyi/ /sdang sems ldan pa rnams byer cig /snying rje'i bdag nyid can rnams 'khod/ /sangs rgyas rang sangs rgyas rnams dag /dgra bcom slob pa'i bden tshig gis/ / 'jig rten mi phan byed pa rnams/ /grong khyer 'dir ni gtong gyur cig /sems can kun dang srog chags kun/ /'byung po kun dang khyed cag kun/ /bde ba 'ba' zhig ldan gyur cig/ thams cad nad rnams med par shog /kun gyi bzang rnams mthong gyur cig /gang yang sdig par ma gyur cig/ 'byung po gang dag 'dir ni lhag gyur cing / /sa dang bar snang dag la gnas pa rnams/ /skye dgu rnams la rtag tu byams byed shog /nyin dang mtshan du chos kyang spyod gyur cig /'phags pa yangs pa'i grong khyer du 'jug pa'i mdo 358a @#/ /las 'byung ba'i bde legs kyi tshigs su bcad pa rdzogs so// // |